msh_reg/49-GAL.usfm

\id GAL
\ide UTF-8
\h Galatiana
\toc1 Galatiana
\toc2 Galatiana
\toc3 gal
\mt Galatiana
\c 1
\cl Toko 1
\p
\v 1 Paoly, apositoly, tsy apositoly bakamin'olo ndra bakamin'ny alalan'olo, fa bakamin'i Jesosy Kristy voho gny Andrianagnahary Baba, ze nampintsanga gnazy tamin'ny maty,
\v 2 voho reo rahalahy iaby misondry agnamiko, ho gnan'ireo fiangonan'ny Galatiana:
\v 3 Hasoava ho gnanareo voho fiandagna baka amin-Dranagnahary Babantsika voho Jesosy Kristy Tompo,
\v 4 ze nanolotsy gnainy ho gnan'ny fahotantsika mba hagnafahany antsika amizao andron'ny haratia zao, arakin'ny sitrapon'Andranagnaharintsika voho Babantsika,
\v 5 Ho Gnazy lahy gny voninahitsy mandrakizay doria. Amena.
\p
\v 6 Tseriky zaho hoe niala malaky tamin'ny azy nikaiky gnanareo tamin'ny hasoavan'i Kristy nareo. Tseriky zaho fa mitoliky amin'ny hafatsy hafa nareo.
\v 7 Tsy midika anefa zay fa misy hafatsy hafa, fa misy olo lako ze manday fikorontana ho gnanareo voho te hagnova gny hafatsin'i Kristy.
\v 8 Fa ndra zahay ndra anjely baka an-danitsy any aza ro hagnambara gny hafatsy hafa agnaminareo mitaha amin'ny hafatsy nambaranay tagnaminareo, la engaho i ho voahozo.
\v 9 Araky ze nivolaninay taloha, la henanizao zaho magnambara ndraiky hoe: “Laha misy olo magnambara agnaminareo hafatsy hafa noho ze nirambesinareo, la la engaho i ho voahozo.”
\v 10 Moa zaho henanizao va mila fankantoavan'olo sa fankantoavan-Ndranagnahary? Moa zaho va mila gny raha hamalifaly gn'olo? Laha mbo miezaky manohy hamalifaly gn'olo zaho, la tsy mpanompon'i Kristy.
\p
\v 11 Fa teako ho hainareo, ry rahalahiko, fa gny hafatsy ze nambarako la tsy hafatsin'olombelo.
\v 12 Tsy nandramby gnan'izay tamin'olo zaho, ndra nampianary gnahy zay. Fa koa, zay la fagnambaran'i Kristy Jesosy tagnamiko.
\p
\v 13 Fa nareo nahaja gny amin'ny fiagnako taloha tamin'ny fomba fivavaha Jiosy, voho gny fomba nagnenjehako gny fiangonan'Andriagnahary mandilatsy gny tokony ho izy gny fiezahako handrava gnanizay.
\v 14 Nandroso tamin'ny fivavahan'ny gny Jiosy zaho nandilatsy gny lako tagnamin'ireo nitovy tao tagnamiko, bakamin'ireo tana raiky agnamiko. Manahaky zay gny fomba nitanjahako mare gny fomban-drazako.
\v 15 Fe Ndranagnahary, ze nanoka gnahy bakan-tron-dreniko, voho nokaiky gnahy tamin'ny alalan'ny hasoany,
\v 16 lafa faly gny hagnatoro gny anakilahiny tagnamiko, mba hahafahako magnambara Gnazy any amin'ny Jentilisa, la tsy nila hevitsy bakamin'ny gny nofo voho gny ra zaho.
\v 17 Tsy niakatsy ta- Jerosalema tagny ho agny amin'ireo fa lasa Apostoly talohako zaho. Fa koa, nandeha tagny Arabia voho bakeo nimpoly tagny Damaskosy zaho.
\v 18 Ka telo tao tafara tato la niakatsy tany Jerosalema zaho mba hifankahay tamin'i Kefasy voho ninjano nisondry tagnaminy tagnatin'ny folo limy amby andro.
\v 19 Fa tsy nisy hitako reo Apostoly ankoatsin'i Jakoba, azy rahalahin'ny Tompo iny.
\v 20 Ka ao amin'ny ze nisoratako ho gnanareo, la magnome toky gnanareo agnatrehan-Dranagnahary zaho fa tsy mavandy.
\v 21 bakeo zaho la nandeha tagny amin'ny faritsin'i Asiria voho Kilikia.
\v 22 Mbo tsy nihain'ireo mpiagno tao Jodia zay ao amin'i Kristy Zaho.
\v 23 Janjin-drozy avao gny voavola hoee: “Gny johary ze ngnenjiky gnantsika taloha, henanizao la magnambara gny finoa ze niezahany nipotehiny taloha.”
\v 24 Noho zay rozy la nandrengy gnan'Andrianagnahary nohon'ny agnamiko.
\c 2
\cl Toko 2
\p
\v 1 Folo efatsy amby tao tafara tato la niakatsy tagny Jerosalema tagny ndraiko zaho nisondry tagnamin'i Barnabasy, la nanday gnan'i Titosy nisondry tagnamiko.
\v 2 Niakatsy tagny nohon'ny fagnambara raiky zaho voho nametraky tamin-drozy teo gny hafatsy soa ze nambarako tamin'ny Jentilisa. Nirehaky mitoka tamin'ireo ze neretseretiko ho manan-danja zaho, mba hahazoa antoky fa tsy nilailay na fa nilailay tsy misy dikany zaho.
\v 3 Fa ndra Titosy aza, zay nisondry tagnamiko voho sady Grika, la nitere hisavatsy.
\v 4 Nilitsy moranora reo rahalahy sandoky mba hitsikilo gny fahafaha anagnanay ao amin'i Krisy Jesosy. Nagniry gny hagnandevo gnanay rozy,
\v 5 fe tsy nety nagneky gnan-drozy rahay ndra fotoa kelikely avao, mba hifitaran'ny fahamarinan'ny hafatsy soa agnaminareo.
\v 6 Fa reo ze neretseretinay ho manan-danja (ndra ino ndra ino rozy la tsy mampagnino gnahy, Ndranagnahary la tsy magnavaky) volagniko, reo ze neretseretiko ho manan-danja la tsy nagnampy ndra ino ndra ino tagnamiko.
\v 7 Mifanohitsy agnamin'izay, hitan-drozy fa nanaky gny hafatsy soa ho gnan'ireo ze tsy nisavatsy zaho, manahaky gny nagnakina gnan'i Petera gny hafatsy soa ho gnan'ireo ze voafora.
\v 8 Fa Ndranagnahary ze niasa tao amin'i Petera ho amin'ny maha Apostoly ho gnan'ny ze voafora, la niasa tato agnamiko koa ho gnan'i Jentilisa.
\v 9 I Jakoba, Kefasy, voho Jaona, ze hay fa agnatin'ireo nognory gny tragnombe Ndranagnahary, lafa nahay gny hasoa ze namea gnazy, la nagnome gny tagna ankavanan'ny fiharoa ho gnahy voho Barabasy rozy. Nantaon-drozy zay mba hahazoanay magnagny amin'ny jentilisa, voho mba hahazoan-drozy magnagny amin'ny ze tsy nisavatsy.
\v 10 Nangataky avao rozy mba hahatiaro gny mijaly rahay, ze raha la vatany teako mare.
\p
\v 11 Fa lafa avy tagny Antioka i Kefasy, la nandietsy gnazy tamin'ny tavany zaho fotony diso ie.
\v 12 Talohan'ny niavian'ny reo johary sasany bakagny amin'i Jakoba, la teo am-pihinana nisondry amin'ireo Jentilisa i Kefasy. Fa lafa avy reo Johary reo, la nijano ie ka niala lavitsy gny Jentilisa. Natahotsy reo ze nitaky savatsy ie.
\v 13 Gny sisa tamin'ireo Jiosy koa la niray tetiky tamin'izay fiatsaram-belatsihy zay. Ndra i Barnabasy aza la voavily lalagna niaraky tamin-drozy tamin'ny fiantsaram-belatsin-drozy.
\v 14 Fa lafa jeriko fa tsy magnaraky gny fahamarinan'ny hafatsy soa gny fagnahin-drozy iaby la nivola tamin'i Kefasy tagnatrehan-drozy iaby teo zaho hoe: “Laha Jiosy iha kanefa miay manahaky gny Jentilisa fa tsy manahaky gny Jiosy, manao akory gny hahazoanao hanery gny Jentilisa hiay manahaky gny Jiosy?”
\v 15 Tsika la Jiosy Tamin'ny alalan'ny fiteraha fa tsy mpanota Jentilisa;
\v 16 haintsika fa tsy misy olo hamarin'ny asan'ny lalagna fa amin'ny alalan'ny finoa gnan'i Kristy Jesosy. Tsika avao koa la avy bakamin'ny finoan'i Jesosy Kristy mba hohamariny amin'ny finoa gnan'i Kristy fa tsy amin'ny asan'ny lalagna. Fa tsy hisy nofotsy ho hamariny amin'ny asan'ny lalagna.
\v 17 Fa laha ohatsy ka, mila ho hamariny ao amin'i Kristy tsika, tsika avao koa, la hita fa mpanota, nao mampirisiky gny fahota va i Kristy? La aha gny valiny!
\p
\v 18 Fa laha mananga nadraiky gny raha fa niravako taloha zaho, la magnamporofo gny vatako ho mpandika lalagna zaho.
\v 19 Fa tamin'ny lalagna ro nahafatesako amin'ny lalagna, mba ho velo ho gnan-Ndranagnahary zaho.
\v 20 Nohomboa nisondry tamin'i Kristy zaho. Tsy zaho sasy ro velo, fa i Kristy ro velo agnatiko ato. Gny fiaina iainako amin'ny gny nofo henanizao la iainako amin'ny finoa gny Anakin-Dranagnahary, ze tea gnahy ka nanolotsy gny vatany ho gnahy.
\v 21 Tsy magniliky gny hasoan-dRanagnahary zaho, fa laha azo amin'ny lalagna gny fahamarina, la tsy misy dikany gny nifatesan'i Kristy!
\c 3
\cl Toko 3
\p
\v 1 Ry Galatiana Adala! Ia ro nagnosavy gnanareo? Tamasonareo teo vatany ro nanehoa gnan'i Jesosy Kristy voahombo.
\v 2 Zao avao ro raha teako hagnanara gnanareo: Nandramby gny Fanahy tamin'ny asan'ny lalagna sa tamin'ny finoa ze jajinareo va nareo?
\v 3 Adala vatany va nareo? Namototsy tamin'ny Fanahy nareo, la hodomo amin'ny gny nofotsy va henanizao?
\v 4 Nao, niaritsy raha maro tamin'ny tsy misy fotony va nareo, fa laha vatany tsy misy dikany tikoa moa zay?
\v 5 Nao tse, i ze nagnome gny Fanahy gnanareo voho manao asa mahatseriky agnaminareo va la manao gnanizay amin'ny asan'ny lalagna, sa amin'ny finjajigna amin'ny finoa?
\p
\v 6 Manahaky gnan'i Abrahama “nino gnan-dRanagnahary ka la nisahy ho hatony zay,”
\v 7 la manahaky gnanizay, haizo, fa reo ze amin'ny finoa la anakin'i Abrahama.
\v 8 Gny Soratsy Masy, nahajery taloha fa Ndranagnahary hagnamary gny Jentilisa amin'ny gny finoa, la nitory gny hafatsy soa taloha tamin'i Abrahana, nisafa hoee: “Bakaminao ro hitahia gny tana iaby.”
\v 9 Ka, reo ze bakamin'ny finoa la voatahy misondry amin'i Abrahama, azy olon'ny finoa iny.
\v 10 Reo ze mianky amin'ny asan'ny lalagna la eo ambanin'ny hakeo; fa voasoratsy hoee: “Voahozo ze tsy maneky iaby gny raha voasoratsy iaby agnatin'ny bokin'ny lalagna, voho manao gnan'izay.”
\v 11 Henanizao la mazava fa tsy misy olo ze hamariny agnatrehan-dRanagnahary amin'ny alan'ny lalagna, fotony gny marina la ho velo amin'ny finoa.
\v 12 Fa gny lalagna la tsy magnaraky gny finoa, fa koa, “gnolo ze manao gnasan'ny lalana la tsy maintsy velo agnamin'ireo.”
\p
\v 13 Kritsy nagnavotsy gnantsika tamin'ny hakeony gny lalagna tamin'ny niaviany ho ozo ho gnantsika, fa voasoratsy hoee: “Voaozo ze mihanto amin'ny hazo,”
\v 14 mba ho avy amin'ny Jentilisa gny fitahian'i Abrahama ao amin'i Kristy Jesosy, mba ho amin'ny finoa ro hahazoantsika gny fampagnatena gny Fanahy.
\p
\v 15 Ry rahalahy, engao zaho hivola manahaky gny fataon'olo. Agnamin'ny fifagnaraha ataon'olo, tsy misy afaky mangalaky na manampy ze agnatiny ao, lafa tafapetraky gny lalagna zay.
\v 16 Ka reo fampagnatena reo la nivolagny tamin'i Abrahama voho tamin'ny havorohotany. Tsy midika zay hoe: “ho gnan'ny hasaveregna manondro olo lako, fa koa olo raiky avao, hop gnan'ny hasaveregnanao,” la i Kristy.
\v 17 Sady zao ro teako ho safagny: “Gny lalagna, ze niavy efa-jato amby telo-polo tao tafara tato, la tsy hahafaky gny fagnekea ze fa napetrakin-dRanagnahary taloha.
\v 18 Fa laha bakamin'ny lalagna gny lova, la tsy avy bakamin'ny fampagnatena sasy zay. Fa Ndranagnahary nagnome gnan'izay gnan'i Abrahama tamin'ny alalan'ny fampagnatena.
\p
\v 19 Ino moa gny tanjon'ny lalagna? Nasia zay nohon'ny gny fandikan-dalagna, la traky hiavian'ny havorohotan'i Abrahama amin'ny ze nagnanova gny fampagnatena. Gny lalagna la nataon'ny mpagnelagnela raiky ho manan-kery tamin'ny alalan'ny anjely.
\v 20 Fa gny mpagnelegnela la midika ho olo mandilatsy gny raiky, fe Ndragnahary la raiky avao.
\p
\v 21 Moa va gny lalagna mandietsy gny fampagnatena n-dRanagnahary? Sagnatria zay! Fa laha nisy lalagna namea ze afaky magnome fiaigna, la bakani'ny lalagna tokoa gny fahamarina.
\v 22 Fa gny Soratsy Masy nagnanadra gny raha iaby ambanin'ny gny fahota. Nanao gnan'izay Ndranagnahary mba hagnomeza gnan'ireo mino gny fampagnantena gny hagnavota gnantsika amin'ny alalan'ny finoa gnan'i Jesosy Kristy.
\v 23 Sady talohan'ny niavian'ny gny finoa, tsika la nitajahy ho babo tambanin'ny lalagna, nigadra la traky hisehoan'ny finoa.
\v 24 Ka bakamin'ny lalagna la manjary mpiamby gnantsika la traky hiavian'i Kristy, ho voamarina amin'ny finoa tsika.
\v 25 Fa zao la avy zay finoa zay, ka tsy ambanin'ny mpiamby sasy tsika.
\p
\v 26 Fa nareo iaby la anakin-dranagnahary amin'ny finoa gnan'i Kristy Jesosy.
\v 27 Fa maro aminareo ze natao batisa tao amin'i Kristy, ro nandramby gnan'i Kristy.
\v 28 Ka tsy misy sasy ndra Jiosy ndra grika ndra andevo ndra tsy andevo, ndra johary ndra sevaky, fa raiky avao nareo ao amin'i Kristy.
\v 29 Ka laha gnan'i Kristy nareo, la havorohotan'i Abrahama, voho mpandova magnaraky gny fampagnantena nareo.
\c 4
\cl Toko 4
\p
\v 1 Mivola zaho fa gny mpandova, laha mbo zaza ie, la tsy hafa amin'ny gnandevo, ndra la tompon'ny gny raha iaby aza ie.
\v 2 Fe ie la ambanin'ny baikon'ny mpiamby voho gny mpagnanjary gny raha sarotsy vilia la traky gny hiavian'ny gn'andro ze fa napetrakin'ny babany.
\v 3 Ka la manahaky gnan'izay koa, tamintsika mbo nizaza, la nandevozin'ny gny lily, fitsipikin'ny gny fianara gn'olo maro.
\v 4 Fa lafa niavy gny fahatrehan'ny gny fotoa, la nandefa gn'Anany Ndranagnahary, ze nateraky gny sevaky, nateraky tambanin'ny gny lily.
\v 5 Nanao gnan'izay Ie mba hagnavota reo ze ambanin'ny gny lily, mba hahazoantsika mandramby gny fanangana anaky.
\v 6 Fotony fa anaky nareo, la nirahin-Ndranagnahary ho am-pontsika ao gny Fangnahin'ny gn'Anany, ze mikaiky hoe: “Baba, Rako.”
\v 7 Noho zay la tsy andevo sasy iha, fa anaky, ka laha anaky, la mpandova amin'ny alalan'Andrianagnahary avao koa iha.
\p
\v 8 Fa tamin'izay fotoa zay, teny nareo mbo tsy nahay gnan-Dranagnahary, la natao ho andevon'ireo ze amin'ny hery voajanahary, la tsy ndranagnahary mihintsy.
\v 9 Fa henanizao nareo la nanjary nahay gnan-Dranagnahary, ndra koa hoe hain-Dranagnahary nareo, ka nagnino ro himpolianareo amin'ny gny abidim-pianara malemy ro sady tsy misy fotony? Ta handevozy draiky va nareo?
\v 10 Mandiniky gn'andro voho gny vola voho gny vanin'andro voho gny tao nareo!
\v 11 Matahotry gny agnaminareo zaho tsy noho tsy misy vokany gn'asako tagnaminareo teo.
\v 12 Misoloho gnanareo zaho, rahalahy, magnanova manahaky gnahy, fotony zaho avao koa la fa lasa manahaky gnanareo. Tsy nanao raty tagnamiko nareo.
\p
\v 13 Fe hainareo fa noho gny gn'aretiko ro nagnambarako gnanareo gny hafatsy soa tamin'ny vegnalohany.
\v 14 Ndra la nanday gnanareo tamin'ny fakam-panahy aza gny vatako, la tsy nanao gnahy ho tsy misy fotony nareo. Fa nirambesinareo manahaky gn'anjelin-Ndranagnahary avao zaho, la hoy rala zaho vatany Kristy Jesosy zao.
\v 15 Aia, noho zay, gny hasoanareo henanizao? Fa mijoro ho vavolombelo agnaminareo zaho fa, laha azonareo atao, la nalanareo gny fijerinareo voho nameanareo gnahy zay.
\v 16 Ka noho zay, fa lasa fahavalonareo va zaho fotony mivola gny to agnaminareo?
\v 17-18 Rozy la mazoto gny hitao gnanareo, fe tsy amin'ny gny soa. Ta hagnily gnanareo ambaliky agny rozy, hanagnanareo fahazotoa amin'ny tanjona soa, voho lafa tsy misondry agnaminareo avao zaho.
\v 19 Gnanako, mbo mijaly amin'ny fahararin'ny fiteraha ho gnanareo ndraiky zaho latraky hiforognan'i Kristy agnaminareo ao.
\v 20 Magniry zaho mba ho afaky misondry agnaminareo henanizao voho hagnova gny feoko, fotony sahiran-tsay nohon'ny gny agnaminareo zaho.
\p
\v 21 Volagno agnamiko, nareo ze magniry gny ho ambanin'ny gny lalagna, nao, tsy minjanjy gny lalagna va nareo?
\v 22 Fotony voasoratsy fa i Abrahama la nanagn'annaky roelahy, gny raiky bakamin'ny sevaky andevo voho gny raiky bakamin'ny sevaky vototsy.
\v 23 Fa gny raiky la naterakin'gny gn'andevo araky gny nofo, fa gny raiky hafa naterakin'ny sevaky tamin'ny fampagnantena.
\v 24 Reo raha reo la azo rambesy ho manahaky gny fagnohara, fotony reo sevaky reo la magnambara fagnekea roa. Gny raiky amin-drozy la bakamin'ny vohitsin'i Sinay ka niteraky zaza andevo ie. Ie la Hagara.
\v 25 Ka i Hagara la maneho gny vohitsin'i Sinay agny Arabia; voho maneho gnan'i Jerosalema amin'izao fotoa zao, fotony nandevozy nisondry tamin'ny reo anany ie.
\v 26 Fa i Jerosalema ze ambony agny la vototsy, voho ie ro renintsika.
\v 27 Fotony voasoratsy hoe: “Mifalea, iha ry kanda ze tsy miteraky. Mikaikaiha mare voho magnanova koiky fisinisinia, iha ze tsy mijaly amin'ny hararin'ny fiteraha. Fotony reo gn'anakin'ny sevaky ze nofoe la maro noho gny gnanireo sevaky manambaly.”
\p
\v 28 Fa nareo, rahalahy, manahaky gnan'Isaka, la anaky gny fampagnantena.
\v 29 Tamin'izay fotoa zay gn'olo ze teraky araky gny nofo la nagnejiky ze teraky araky gny Fagnahy. Manahaky gnan'izay avao henanizao.
\v 30 Fe ino ro volagnin'ny soratsy masy? “Alefaso agny gny andevo vavy voho gn'anakilahiny. Fa gn'anakilahin'ny gn'andevo vavy la tsy hizaa lova misondry amin'ny anakilahin'ny sevaky vototsy.”
\v 31 Noho zay, rahalahy, tsy anakin'ny gn; andevovavy tsika, fa anakin'ny gn'ampela avototsy.
\c 5
\cl Toko 5
\p
\v 1 Ho amin 'ny havotora ro nagnafahan'i Kristy gnantsika. Mivahara soa, noho zay, ka mety ho ambanin'ny entamavesatsin'ny fagnandevoza ndraiky.
\v 2 Ingo, zaho, paoly, mivola agnaminareo fa laha magneky gny vatanareo hosavary nareo, la tsy hahasoa gnanareo amin'ny fomba iaby Kristy.
\v 3 Mijoro vavolombelo amin'ny gnolo kiraikiraiky ze magnenga gny vatany ho savary ndraiky zaho fa voatery hagnaraky gny lalagna iaby ie.
\v 4 Tafasaraky tamin'i Kristy nareo, ze ta ho hamariny amin'ny lalagna; ka tsy miay amin'ny hasoava sasy nareo.
\v 5 Fa amin'ny alalan'ny Fanahy, amin'ny finoa, ro handinignasantsika fatratsy gny fampanantena gny fahamarina.
\v 6 Ao amin'ny Kristy Jesosy la tsy midika ndra ino ndra ino gny voasavatsy voho gny tsy voasavatsy, fa gny finoa miasa amin'ny fitiava avao.
\p
\v 7 Fa nilailay soa nareo. Ia ro nisaka gnanreo amin'ny fankatoava gny to?
\v 8 Zay fandresean-dahatsy zay la tsy bakamin'ny azy nikaiky gnanareo iny.
\v 9 Lalivay kelikely ro mampitombo gny koba iaby.
\v 10 Fa matoky gny Tompo zaho fa tsy handramby fomba fagnety hafa nareo. Fa gny raiky ze mampikorontaky gnanareo ro handoa gny saziny, ndra ia ndra ia.
\v 11 Rahalahy, laha mbo mitory gny amin'ny savatsy zaho, nagnino zaho ro mbo enjehy? amin'iazy la ho afaky tokoa gny fahatafitohinana'ny gny hazo fiajalia.
\v 12 Fa ho gnan'ireo ze manakorontaky gnanareo, enga lahy ka hanapaky gny vatany rozy!
\p
\v 13 Fa nikaihy ho amin'ny fahafaha nareo, rahalahy. Fe ka ampiasa ho amin'ny filan'ny gny nofotsy gny fahafahanareo: fa koa, amin'ny alaln'ny fitiava la mifanompoa.
\v 14 Fa gny lalagna iaby la tanteraky amin'ny lily raiky; amin'ny hoe: “Tsy maintsy mitea gny namanao manahaky gny vatanao.”
\v 15 Fa laha mifagnehitsy voho mifampihina nareo, la mitandrema tsy hifandrava.
\p
\v 16 Fo hoy zaho, mandena araky gny Fanahy la tsy hahatanteraky ze filan'ny nofo nareo.
\v 17 Fa manohitsy gny Fanahy gny filan'ny nofo, voho manohitsy gny filan'ny nofo gny fagnirian'ny Fanahy. Fa mifanohitsy reo, mba tsy hahazoanareo manao ze raha teanareo.
\v 18 Fa laha tarihin'ny Fanahy nareo la tsy ho ambanin'ny lalagna.
\p
\v 19 Henanizao la miharihary gny asan'ny nofo: la fijanganjangana, fahalotoa, jejojejoa,
\v 20 fanompoan-tsampy, fagnosavia, fagnaboka, fialia, farahy, fahasiaha, fandrafesa, fisaraham-baza, fizarazara,
\v 21 fialogna, hamamoa, fagnorontagna, voho gny raha mitovy amin'izay. Mametsy gnanareo zaho manahaky gny fa nameperako gnanareo taloha, fa tsy handova gny fanjakan-Ndranagnahary, reo ze tsy mampiegny reo raha reo.
\v 22 Fa gny vokatrin'ny Fanahy koa la fitiava, hafalea, fahareta, hasoafagnahy, fagnanova soa, finoa,
\v 23 halemeam-panahy, voho fahafehezan-tena; tsy misy lalagna manohitsy gnan'izay.
\v 24 Reo ze gnan'i Kristy Jesosy la fa nagnary gny toetrany feno fahota miaraky amin'ny fahafinaretany voho gny filany.
\p
\v 25 Laha miay amin'ny Fanahy tsika, aoky handeha amin'ny Fanahy avao koa.
\v 26 Aoky tsika tsy ho lasa mpibohaboha, mifandrangitsy, voho mifampialo.
\c 6
\cl Toko 6
\p
\v 1 Ry rahalahy, laha misy olo azon'ny gn'ota, nareo ze aaraky gny fagnahy ro tokony hagnampoly gnazy ndraiky amin'ny halemeam-pagnahy. Mandiniha gny vatanao, mba tsy ho tsapa-fagnahy koa iha.
\v 2 Mifagnandesa ze mavesatsy, sady amin'izay la tanteraho gny lalan'i Kristy.
\v 3 Fa laha misy olo mieritseritsy gny vatany ho mahavita raha, kanefa ie tsy mahavita ndra ino ndra ino, la mamitaky gny vatany ie.
\v 4 Tokony hametsivetsy gn'asany iaby gn'olo iaby, mba ho agnamin'ny vatany avao ro hibohabohany fa tsy amin'olo hafa.
\v 5 Fa samby handay gny entany iaby gn'olo kiraikiraiky.
\p
\v 6 Gn'olo ze nampianary gny safa la tsy maintsy mizara gny raha soa iaby amin'ny ze mampianatsy.
\v 7 Ka magneky ho fitahy, Ndranagnahary tsy azo vazivazy, fa ze raha iaby ambolen'olo la mbo hojijainy avao. Ho gnan'izay ze mamboly tabiry amin'ny toetriny feno fahota, la bakamin'izay ro hinjijany faharava.
\v 8 Ze mamboly tabiry amin'ny Fanahy, amin'ny Fanahy avao koa ro hinjijany gny fiaina mandrakizay.
\v 9 Ao tsika tsy ho reraky amin'ny fagnanova soa, fa hinjija gny vokany tsika amin'ny fotoa maha mety azy, laha tsy milavo lefo tsika.
\v 10 Ka noho zay, fotony mana fahafaha tsika, la ao hanao soa amin'ny gn'olo iaby, indrindra fa amin'ny hasaveregnan'ny finoa.
\p
\v 11 Jereo gny habevatan'ny gny soratsy ze nisoratan'ny tagnako ho gnanareo.
\v 12 Reo ze ta hiseho ho soa amin'ny gny nofo ro miezaky manery gnanareo mba hosavary. Manao gnan'izay rozy mba hiala amin'ny fagnenjeha nohon'ny amin'ny hazofijalian'i Kritsy.
\v 13 Ndra reo ze tsy voasavatsy aza la tsy magnaraky gny lalagna, fe tean-drozy hosavary nareo mba hibohabohan-drozy amin'ny gny nofonareo.
\v 14 fe tsy hibohaboha ndra ombibia afa-tsy agnamin'ny hazofijalian'i Kristy Tompontsika zaho, ze nanomboha gnan'izao tontolo izao tagnamiko eto, voho zaho koa tagnamin'izao tontolo zao.
\v 15 Fa ndra gny fisavara dra gny tsy fisavara la samby tsy misy dikany, fa gny fiainam-baovao ro misy fotony.
\v 16 Ho gnan'ireo iaby ze miay magnaraky gnan'izay fomba zay, la ho agnamin-drozy lahy gny fiadana voho gny famindram-po, ndra amin'ny Israelin'i Ndranagnahary aza.
\p
\v 17 Mamototsy amin'izao la ao tsy hisy hagnadala gnahy, fa manday gny marikin'i Jesosy amin'ny gny vatako zaho.
\p
\v 18 Ho amin'ny gny fagnahinareo lahy gny hasoavan'i Jesosy Kristy Tompontsika, ry rahalahy, Amena.