mhi-x-burolo_reg/67-REV.usfm

\id REV
\ide UTF-8
\h Revelation
\toc1 Revelation
\toc2 Revelation
\toc3 rev
\mt Revelation
\c 1
\cl Sura 1
\p
\v 1 'Di andaa ni nga Rubanga a e'detele Yesu Kristu ni ri 'i, dudu Andaa ke'dete Andaa 'ibu'ba ni nga mure redere ezeze andaga ri 'i. Andaa ezwe Andaa malaika Yoani Andaa 'ibure ni kungedu andaa ni kuni du.
\v 2 'Di a vu ga Yoani ni ecoru sadeni le'jo Rubanga a 'jole ri di 'i, pi sadeni le'jo anda Yesu Kristu a ngele ri di 'i, ongu nge le'jo nga tuwadu andaa ndele ri a dige.
\v 3 Mo'di le'jo curile buku 'di ni aga ri ni lare ri anda loso to, pi a'i 'ba le'jo 'di ni eri'ba ri saa anda loso to, pi a'i 'ba le'jo curile buku 'di ni aga ri saa anda loso to, a'dusiku saa diadu ire.
\p
\v 4 Yoani zwe lazi Kristu eklezia mgbingbi tuderi Asia ga ri ni: Kiza kolu anyito pi 'ibwe engare Andaa ni aa ri di, pi anda aa ri di, pi mureolure aa ri di, pi engare Endituderi olure Andaa komi keri di ni andaa ri di si,
\v 5 pi engare Yesu Kristu sadeni egerile wa ri di, 'bura kayo 'ba oda'ba ri a lelega, Opi amba amba vu dige ri ni zware tuwadu ri 'i. Yayi kolu mo'di amani lere ri ni, anda amani ayure pi iba enji amadi ni ga si Andaa eri si ri,
\v 6 ongu eco ama 'ba Andaa kuzwaa ni ri 'i, pi amecoru kohanaa Andaa Rubanga pi Andaa Ata di 'i, Yayi pi mori vu zwazo ri to kolu Andaa ni tadu tadu Amen.
\p
\v 7 Nde, Andaa kemu lofuto, 'ba tuwadu vo kunde Andaa ni ra a'ia misi, kesu 'ba anda Andaa ni sore ojusi ri saa vo kunde Andaa ni ra, suru tuwadu vu gige ri asi na oi vo kalajwa ra Andaa si, Kumu kenderu; di ani gbadu, Amen.
\v 8 'Ma le'jo ni ti e'dore pi ekore 'i, “Opi Rubanga nga tuwadu edere wa ri kn'jo; Andaa ni anda eze aa, pi diadu saa aa, pi mure olure aa r'i Andaa ni opko to tuwadu r'i.
\p
\v 9 Ma Yoani 'i anya adozi remure anyito icandi ga pi keri ga, pi asi epirega icandi ama esulu Yesu si ri ni ga. Esu a'ba ma cule lungwele Patimo 'i ri ni ga le'jo Rubanga di ni ngeka si, pi sadeni Opi Yesu a e'dele ri ni ngeka si.
\v 10 Itu Opi di si esu ma Endi aga pi meri u'duku asi kende buruji di ani maa oguge lele si
\v 11 Ku'jo mani, “Ma Alpa pi Omega, le'jo ni ti e'dore pi ekore 'i cwi buku aga nga tuwadu nyaa ndele ripi ongu zwe laka tuwadu Kristu ni a'i'ba ni, Efeso, Simuruna. Peri, Tiater Sardi, Eiladelfia pi Laodicea ga ri pi to.”
\v 12 Malofure u'duku lorojore maui ile ni ndere ga, maa lurufure ga mande lamba asidi edele mula si ri 'i, du na tuder'i;
\v 13 Du lamba asidi tuderi ile ni agaga mande mo'di kende ori mo'di ani. Mo'di ile su boagu jelebiya azo, ombe opi diga mula di si.
\v 14 Di'bi na ingwe kende bilo ingwe ri ni 'bi ani, ingwe swi an'i; pi ni na kende asi ni leda gwere ri ani.
\v 15 Pa na rito tuwakusu kende mula akale asisi adiswaa kususu ri ani, pi u'duku na keriru kendeiyi lure recurure ecuru ri ani.
\v 16 Andaa ko lelego tuderi Andaa di anda si, pi iligo belengu losi rile rile ri efu Andaa ti ge si, pi anda na kusu itu a onzo lu'ba langa si ri ani.
\v 17 De mande Andaa ni, ma'de vuru Andaa paga kende mo'di dare ra ri ani. Ti Andaa 'ba Anda maa ruge ku'jo, “Ori kuko nyi ku,
\v 18 ma mo'di otizoa r'u, pi mo'di le'jo ni ti ekore r'u, ma mo'di lidi, pi mamu molu lidi ta du. Ongusaa mufutaa da di pi 'budi di to aa madi.
\v 19 Diadu kulee anyicwi vuru nga nyaa ndele 'di pi, nga diadu aa ri pi nga mure emure andaa ni to.
\v 20 Kulee adi amange nyini le'jo ruzure di lelego tuderi nyaa ndele maa di anda ga ri, pi lamba mula di du tuderi ile to: lelego tuderi ile 'a'i malaika tuderi 'ba Kristu ni a'i'ba olu'ba kare tuderi mgbimbi ri ni ga r'u, pi lamba du tuderi ile a'i 'ba Kristu ni a'i'ba oluba kore tuderi mgbimgbi ri ni ga si ri pi 'i.
\c 2
\cl Sura 2
\p
\v 1 Malaika 'ba mani a'i'ba Efeso ga ri ni cwi 'di ni, “Di le'jo mo'di lelego tuderi kore Andaa di anda si, pilamure lamba asidi du tuderi edele mula sure su ri si ri ni lele ga si ri di'i.
\v 2 Mani nga tuwadu nyaa edele ri 'ja; mani ra nyede 'ibu opko si ongu nyebi le'jo karako. Mani ra nyepi asi kpe 'ba enji'ba ri a ru ge, ongu nyo'bi 'ba 'jo'ba enjo du a'i maju ri ra, pi nyesu a'ia enjo ra.
\v 3 Nyepi asi wa, nyesu icandi karako maa ru si ra, pi nyiga maa ru kuru.
\v 4 Ti nga ego maa esule nyaa ruge ri 'di 'i, diadu nye'be le nyidi mani anda nyaa mani lezo ri ani ri ra.
\v 5 Era ovi nyaa e'dezo kare oru anda nyi laka ri ni ga si ri, pi eco asi, e'do nga anda eze nyaa edele ri ni edeka ayo. De nyeco asi ku, mamu memu nyidi, ma'du nya asi kwe lamba di dilata ri pi andaa kare ni ga si.
\v 6 Ti nga maa esule anda nyi di ri 'di 'i; Nyiga imgbe nga Nikolaiti 'ba a edele ri 'i, maa gazo imgbe ri ani.
\v 7 De anyi bi to kulee anyeri nga Endi Ole a 'jole Kristu 'ba 'di pi ni ri! 'Mamu make mo'di zuare ri ni kunya kwe lidi di Rubanga di amvu aga ri a o'a ra.”
\p
\v 8 Cwi Anjeli ekelezia Simirnq ga ri ni: Le'jo anda ni 'ati zo rii pi vulega ri dii, anda ni esu dare ra ki engwire lidi idi ri “i: Mani nya ecandi pi nya nga ako to ra, ki nyi nga to/elonyi to.
\v 9 Mani edema 'ba 'jo'ba ai Judei ki ai Judei ku ri pi a lu'jole nyini ruge ri ra. 'Ai ekelezia Sitani di 'i.
\v 10 Akori ecandi nya emule esule ire ri si ku. Nde! Ire sitani kemu 'ba zi anyi ni lele ga 'bare mabusi aga anyi ni obi zo, pi anyevo anyecandiru odu mudi. Olu laru pi geni to to, ongu make nyini cupeo lidi di ra.
\v 11 Mo'di 'bi to ri keri le'jo endi a 'jole ekelezia mbgwi mbgwi ri pi ni ri. Da erizo ri emu lada mo'di 'o'ja zware ra ri ku.”
\p
\v 12 “Cwi anjeli ekelezia Pergamumi ga ri ni: Di le'jo andani iligo si eri losi ri to ri di 'i:
\v 13 Mani nyolu ingua ya ni ra, nyolu kare komi Sitani di a olure ga ri ni ga. Ki nyiko ma' a ru okwo. Mani ra nyiga nya 'ai ma'a ruge ri kuru, saa antipaas ni sadeni madi bwa bwa ri ni nga sa 'i, 'adi anda ni anyi ni lelega, na'a sitani a olure ga.
\v 14 Ki mani le'jo nyito ga'angwadu 'a'a. 'Ba zi anyini aga le'biki lini Balaam di ni ga okpwosi, leniki Balak ni oni regazo ri ni luvika bonji Izaraili di ni anda ga si ra dudu kulunyaki linya azile nga Rubanga ku ri pi ni ri pi dudu koluki lidi asa di ni lasere ga ayo.
\v 15 Alua ri ani, ba zipi anyini aga lini Nikolatia ko'ba okpwo na saa 'a'a.
\v 16 Ru nya enji ni, de dini ku, memu nyidi ezeze, ongu me'du madi 'oja 'aito iligo mani ti aga di si.
\v 17 Mo'di bi to ri keri nga Endi a 'jole ekelezia mbgwi mbgwi ri pi ni ri. Mo'di 'oja zware ra ri ni memu make mana zule di rira, pi make anda ni oni ingwe ru udi ri ni ru cwire ga ri ra, ru mo'di zi a nile ku ki te anda ni oni nani 'aire ri a nile te ni ri 'i”
\v 18 Cwi anjeli ekelezia Tiyatira di di ni: di le'jo Bura Rubanga di di 'i, 'mimna asikolo ani pi pa na aswa idoo mula ani.
\v 19 Mani nyede 'adu ya ni ra: nya le pi nya 'ai pi nya 'ibu pi nya le'jo ebika to. Mani ra nga nya edele 'udi 'udi ri zwa nga nya edele 'ati ri ra.
\v 20 Ki mani le'jo nyito 'a'a: Nyi'ba le'jo Jezebel ni anda ni lungwere porofeta zi ri di epe. Anda kulunjwa opigo madi lini anda di si asa/awu edere ga pi lonya azile nga Rubanga ku ri ni nyare ga.
\v 21 Make anda ni saa anda enji ni ruzo ra, ki le lidi anda di asa/awu di ni ebeka ku.
\v 22 Nde! Memu mavi anda ni lengari lomvezo ri ni aga 'ba asa ede'ba anda to ri pi to, ecandi ambgwugo ri ni aga, da kebeki aia enji ku na 'i.
\v 23 Ma'ludi anda bonji kpwo kpwo, pi ekelezia borodu ma mo'di 'ra pi asi ni a to lundure ri 'i. Make mo'di alu alu anyini aga ri ni dide 'ibu anda di ni cvuga si.
\v 24 Ki anyi azika Tiatira ga ri pi ni, mo'di alu alu lini di ni vu okore ku, pi lini 'ba zipi a 'jole nga ali/lini ali Sitani di ri pi ni ni'ba nika ku ri pi ni, ma'joo, “Ma'ba teri zi anyini dige ku.'
\v 25 Leti aa ri si/cidu si, anyede okpwo bwi mq'a esa nga.
\v 26 Mo'di 'oja zware ra ri pi olure nga ma'a edele ri ni edere ga bwi nga ni ti a lokore ga ri make mori vu borodu ri ni dige/ lase zo.
\v 27 Anda kalase 'ai bele edele aya si ri si, anda kumbwa 'ai, kujoki fufu lukudo edele ludwi si ri a joka ri ani.
\v 28 Ma'a esozo Ma'ata di si ri ani, make anda ni lelego inini ri ayo.
\v 29 Mo'di 'bi to ri keri nga Endi a jole ekelezia mbgwi mbgwi ri pi ni ri.”
\c 3
\cl Sura 3
\p
\v 1 Cwi malaika ekelezia Sardisi di ni: 'Le'jo anda ni endi Rubanga di tuderi ri ni kore lelego tuderi to ri 'i. “Mani nyde adu ra ya ni ra. Nyiku, ama nyin lidi, ki nyi pkwo.
\v 2 Nga oru, emba nga lesire ire kuda ri, adusiku mesu 'ibu nyidi 'ca kuru Rubanga anda ga.
\v 3 ‘Disi duera nga le’jo nga kele nyini pi nyaa erile ri pi a ruge. Oko vu na pi onguru nyaa enji. Ti de nyenji o’du ge siku, mamu memu nyidi ogu ani, ongu nyimu nyini ku saa maa mule emuzo ‘jare go nyito ile i.
\v 4 Ti ‘ba ga aa sardisi aga bongo a’idi ni eni’ba kuru na’i, pi a’i vo kalawe mato, kulusukii bongo ingwe ri’i, a’dusiku o’birukii ra.
\v 5 Mo’di o’ja zwarera ri avo alusua bongo inwe ri si, ongu mamu mef andaa ru pi ku buku lidi di ni ga si, ongu mamu malungwe ru namataa andaga, andaa anjelito,
\v 6 Mo’di bi to di keri le’jo endi a’jole eklesia ni ri.
\p
\v 7 Cwi aanjeli eklesia phildelphia gari ni; “le’jo mo’di ole pi gba, andaa ni mufuta Daudi di ni kore, koti afure mo’di zi kulu’bua pke, andaa kala’bua mo’di zi kawiye pke ri di’i.
\v 8 “Mani nganyaa edele ri ra. Nde, ma’ba nyaa andaga koti mgbo mo’di zi kala’bua kpe rii. Mani ra nyaa mori ga, ti nyiru maa le’jo ra pi nyiga maar u imbge kuru.
\v 9 Nde, a’i zo ilegi satani di ni ga ‘jo’ba a’i yudei’ba enjo du ri pi enjo mamu me’be kevokii pi kuwokii vuru nyaa pa ga, ongu kuvo kuniekii male nyi ndo.
\p
\v 10 Ovi du nyaa cara madi le’jo mizo pi oluzo ’di ri ni kozo ri ani, mamu mamba nyaata lu’bilu’bi emure vu dige ndutu ri ni ga si ra, ‘ba vu dige ri ni o’bire rii.
\v 11 Memu eze ko nga aa nyito ileopko dudu mo’di zi ke pa nyaa tegia keri di ku.
\v 12 Mo’di o’ja zware rari mamu ma’baa ‘dirikwe ani zo elegi Rubanga madi di niga. Andaa mufure lakasi pi laangwe ku, pi mamu macwi andaa ru ge ru Rubanga madi di, ru tauni Rubanga madi di (yerusalemu ni u’di esire vuru ru’bu ge si engare Rubanga madi di ni ga si rii), pi maa ru u’di ri to.
\v 13 E’be mo’di bito le’jo erizo ri keri le’jo endi ole ri a ‘jole eklesia ni ri.”
\p
\v 14 Cwi anjeli eklesia Laodicea ga ri ni; “le’jo Amen, sadeni egenile wa pi gba ri di’i, nga Rubanga a bile tuwadu ri ni zwa re rii.
\v 15 “Mani nga nyaa edele ri ra, onyu nyi saa nyi I’bwe deku asiku. Male kani anyolu i'bwe deku asi!
\v 16 Nyaa oluka ‘bolo’bolo si, asiku ongui’bweku ma ire nyini e’bwere ga pi maa ti ge si.
\v 17 A’dusiku nyi’joo, “ma koronigo, maa nga karako, ngazi maa lele na iyo.” Ti nyini ku nyi mo’di icandi re, nga ako, mi ako pi bongo ako.
\v 18 Eri lara maa kele nyini ri; Ge madisi mula sure su vule asi sir ii dudu anyolu koroni go, pi bongo ingwe sure su rii anyulusuru cwi pi anyete’de nyaa dinja oluzo bongo ako ri ku, pi adu nyaa mi ni efuzo dudu anyinde nga.
\v 19 Meleni’ba tuwadu maa lele ri pi ovi a’i koludu ri si. ‘Disi, ta asi pi eco asi.
\v 20 Nde mede koti pi mapa koti. Mo’di maa u’duku ni erire pi koti awire, mamu memu andaa di zoga, pi mamu manya nga andaa to kare alu ga.
\v 21 Mo’di o’ja zware ra ri, mamu make andaa ni anda rizo andaa to maa komi keri di ni ga, kende mai saa maa o’ja zwazora ri ani pi mari matato komi andaa di keri di ri ni ga ri ani.
\v 22 Mo’di bito ri keri le’jo Endi ole a’jole eklesia ni ri.
\c 4
\cl Sura 4
\p
\v 1 Le’jo ‘di a vuga, mande koti rewire mgbo ri ru’bu ge. U’duku maa erile ati ra ri lo’joru mato kende buruji aniku’jo, “Etu oru ‘dia, pi mamu me’dete nyini nga mure redere nga ‘di pi a vuga ri ra.”
\v 2 Mgbesa ma endi aga, pi mande komi keri di a’ba ru’buge, mo’di zi ri diaru.
\v 3 Mo’di rire diaru ile andati na kelende oni suresu ika kusa wara lungwele jasipa pi karnelian ani.
\v 4 Gerigeri ke komi keri di ile a bara cwi. Gerigeri na kelende oni ini olure rubu ani ri ani. Lungwele emerald ri ani.
\v 5 Komi keri di ileni gasi iyi lovi lagu, pi fe. Lamba tuderi ku’ji vu komi keri di ile a andaga, lamba tuderi, lamba ile endi tuderi Rubanga di‘i.
\v 6 Komi keri si ile a andaga nga zi kelende meri mundara di ani, kelende pelere mundara ani. Komi keri di ile a agaga pi bara na niga situwadu aa anyukwa su mi na pi yayadu andaga pi oguge.
\v 7 Anyukwa ati ri kelende ibi ani, rizo ri kelende ti angwa ani, nazo ri andana kelende mo’di ni anda ani, pi suzori kelende ongofo fere opire keke si ri ani.
\v 8 Anyukwa su ile alualu aa opirekeke aziya to, ongu ru na pi gatuwa mi oru lele pi vuru lele saa. Ini pi itu diki ku’jorega “ole, ole, ole andaa ni opi Rubanga ni opko to tuwadu ri’i Andaa ni anda aa, ongu diadu saa aa, pi mure olure aa ri’i.”
\p
\v 9 De anyukwa lidi ile kuke yayi, laru pi anjo to Andaa ni rire komi yayi di ni dige, pi olure tadu ile ni,
\v 10 ‘Ba amba mudiri limbi sui le kuwoki vuru mo’di rire komi keri di ile adige ri ni kukeki laru Andaa ni olure lidi tadu ri ni. ‘Bakii a’i a tegia keri di ile a andaga, ku’joki,
\v 11 Nyatera, ama opi pi ama Rubanga, yayi esure ga laru to pi opkoto, a’dusiku nyibi nga tuwadu nyi le nyidisi a’i aa pi abi a’ira.
\c 5
\cl Sura 5
\p
\v 1 Ongu mande mo’di rire komi keri di ile adige ri a di anda niga eni buku du ri acwi nga laka ‘a na ni ga ogu nan i ga to, esi cwi gofulu tuderi si.
\v 2 Mande anjeli opko ojwa u’duku oru ri si, “a’di ate ni eni buku du ri ni awire ga pi gofulu nan i awire ga?
\v 3 Mo’di zi iyo ru’bu ge, kusa vu dige kusa iti vu agaa atere eni buku du ile ni awire ga kusa lare ga na’i.
\v 4 Mowa opko si a’dusiku mo’di zi iyo vu dige atere eni buku du ileni awire pi lare na’i.
\v 5 Ti mo’di amba alu’ba amba ile alelega’jo mani, “owuku, nde! Ibi moni suru yudadi ri, kwe ni zu Daudi di ri, zwa nga tuwadu ra. Andaa atera eni buku du ile ni awirega andaa gofulu tuderi ile pi to.”
\v 6 Mande bilo angwa ede kare komi yayi di ile ni ga pi anyukwa su lidi ile alelega pi amba ile alelega, andaa kelende kende a’di andaa ni ri ani. Andaa di o’jutuderi pi mi tuderi, a’i endi tuderi Rubanga di zwele vu dige tuwadu rii,
\v 7 Andaa mu pi ‘du eni buku du ile mo’di rire komi keri di ile a di anda ga si pi.
\v 8 De andaa ku’du eni buku du ile pi, anyukwa su lidi ile pi amba mudiri a limbi suu ile ro jokii vuru bilo angwa ile a andaga. Alu alu o’di to di ga pi ita mula sure su ri di iswe ngure viya ri ‘aru, ile ilegi’ba ole ri dii.
\v 9 Ngokii longo u’di; nyate ra enibuku du ileni ‘durega pi andaa gofuluni awirega, a’dusiku ali nyira, pi nyaa erisi nyige ba Rubanga ni suru tuwadu, ti tuwadu, ‘ba tuwadu pi vu tuwadu.
\q1
\v 10 Nyi’ba a’i keri ‘ba du pi ‘ba lazi azi’ba du i'bu edere ga ama Rubanga ni, pi a’i kuvo kuzwa vu di ni.
\p
\v 11 Ongu mande pi meri uluvi angeli karako kulupikii komi keri di ile pi anyukwa lidi pi amba ile abara, a’i a weli tuwadu ri alifu mudi alifu mudi dii pi alifu alifu di.
\v 12 ‘Jokii u’duku oru ri si, “bilo angwa lile ra ri esi ra mori limi, ciri opko, laru, yayi pi licu to esurega.”
\p
\v 13 Meri nga tuwadu bile bi ru’buge pi vu dige pi iti vu aga pi meri umbi jwa pke nga tuwadu a’ia agar i kujoolii, “andaa ni rire komi keridi ni ga ri ni pi bilo angwa ni kolu licu, laru, yayi, pi opko vu zwazo ri tadu tadu”
\v 14 Anyukwa su ri pi akikii, “Amen!” pi joki vuru kekii laru.
\c 6
\cl Sura 6
\p
\v 1 Mande de bilo angwa awi gofulu alu tuderi ile alelega, pi meri anyukwa lidi alu suile alelega ‘ja nga u’duku iyi lovi ani ri si, “Emu!”
\v 2 Mande husani ingwe. Mo’di diaru ri ko osu diga, ongu ake laka tegia keri di’i. Andaa etoru kende mo’di o’ja zwarera ri ani o’ja zware ga.
\v 3 De bilo angwa afu gofulu rizo rii, meri anyukwa lidi rizo ri ku’jo, “Emu!”
\v 4 Di a vuga husani zi efu laagwe – ika ndili. Mo’di andaani ture ri ni ake mori I’bwe ‘dwzo pi vu dige si, dudu’ba vu dige ri ku’dirukii a’i a’ini. Mo’di husani ‘di ni dige ri ake laka iligo belengu azo godu.
\v 5 De bilo angwa kawi gofulu nazo ri, meri anyukwa lidi nazo ri ku’jo, “Emu!” mande husani ini, pi mo’di rire diaru ri ko mizani andaa di ga.
\v 6 Meri nga u’duku ani anyukwa lidi suri alelega ku’jo, “Evo kekelenye na anya igi di alezie denari alu. Rari akenji odu vinoto ku.
\v 7 De bilo angwa awi gofulu suzo ri, meri u’duku anyukwa lidi suzo ri di ku’jo, “Emu!”
\v 8 ‘Di a vuga mande husani foro rii. Ture di a ruri alungwe da, pi gehena, kusaa kare’ba da’ba ri di koko vu na’i. Ake a’ini mori alu su aga vu dii tuwa, dudu ku’dikii iligo belengu si, pi abiri gumberegumbere si juwe to, pi anyukwa nyaraga vu dige ri si.
\p
\v 9 De bilo angwa afu gofulu touzo ri, mande ki’dori opi di ni paga endi’ba anda lu’dile le’jo Rubanga di si pi a’ia sadeni a’ia kole opko ri si.
\v 10 Owukii u’duku oru ri si, “ko a’dungani, nga tuwadu zware, ole pi gba, nyimu nyilidu le’jo’ba olu’ba vu dige ri a ruge pi ama eri ni lokwezo?”
\v 11 ‘Di a vu ga alu alua’ini ake bongo azo ingwe rii ongu a’jo a’ini kulee kutekii nga gaangwadu dudu weli a’ia I’bu’baazi pi adiinji pi avunji vole ‘dile ra a’i ani ri katedu.
\p
\v 12 De bilo angwa awi gofulu aziazo ri, vu oyoru opkosi. Itu ecoru ini tiri bongo ini enyi ri ani, (bongo ‘di anda eze alungwee tiriga) ongu imba ingwe ri saa ecoru ika eri ani.
\v 13 Lelega oru ru’buge ri pi ejo vuru, kende awa aru ri a jozo oli sir i ani.
\v 14 Ru’bu saa legwe di waraga lizo ri ani. ‘Be mgbimgbi pi cula mgbimgbi meri aga ripi edi pi a’ia kare ni ga si.
\v 15 Ongu opi vu dige ri pi’ba Ambato, pi mundare ni di, pi koroni, pi’ba opkoto, pi’ba tuwadu, opi opi ku ri to, zurukii ugi asi pi oni’be lelega ri pi ni asi.
\v 16 ‘Jokii be ilepini pi oni ilepini, “anyi’de ama dige! Anyizu ama di mo’di rire komi keri di nan i andaga si pi bilo angwa na anga ni ga si.
\v 17 A’dusiku o’du amgbu a’ia angala di esa ra. A’di kate edeka wa ni?
\c 7
\cl Sura 7
\p
\v 1 Di a vuga mande anjeli sue de rukun su vudi ni ga, kokii opko pi kulugakii oli su vu dige ri dudu oli aluza kulwe vu dige ku, pi meri umbi jwa pke dige ku, kusa koyo kwe zi alu saa ku.
\v 2 Mande anjeli zi enga itu a efure ga si, kitimu Rubanga lidi ri di aa andaadi. Andaa jwa uduku asi ri si anjeli su ake a’ini mori vu enjizo meri to ilepi ni ku’jo!
\v 3 “Adi anyenji ru meri to, kusa kwe ku, kusa ko de amadi kitimu opi Rubanga di ni andaga pa.”
\v 4 Ri weli’ba adi kitimu a’ia andaga ile; elifu 144,000 enga’ba suru Israeli di ni gas i rii papala.
\v 5 Elifu 12,000 yuda di suru ge si, elifu 12,000 suru ruben di ni ga si, elifu mdia limbi ri suru gadi di ni ga si.
\v 6 Elifu mudi a limbi ri suru asheri di ni ga si, elifuu mudi a limbi ri suru naftali di ni ga si, elifu mudi a limbi ri suru Manasseh di ni ga si,
\v 7 Elifu mudi a limbi ri suru simeoni di ni ga si, elifu mudi a limbi ri suru levi di ni ga si, elifu mudi a limbi ri suru issakar di ni ga si,
\v 8 Elifu mudi a limbi ri suru azbuluni di ni ga si, elifu mudi a limbi ri suru yozefu di ni ga si, pi elifu mudi a limbi ri suru Benjamin di ni ga si adi kitimu a’i a andaga ra ri ‘i.
\p
\v 9 ‘Di a vuga mande, pi laki ‘ba di yayadu mo’di lare wan a iyo – engakii vu tuwadu ga si, suru tuuwadu ga si, ‘ba ni ovi tuwadu pi ti mgbimgbi tuwadu ga si-edekii komi keri di ri a andaga pi bilo angwa andaga. Lusukii bongo azo ingwe pi okokii ici du a’ia diga,
\v 10 Pi kojwakii u’duku oru ri si; “Lari kolu Rubanga amadi rire komi keri di ni dige ri ni pi bilo angwa ni!”
\v 11 Anjeli tuwadu edekii kekii komi keri di ile pi amba pi anyukwa lidi sui le a bara cwi, pi jokii vuru komi keri di ile a andaga. Keki laru Rubanga rii,
\v 12 Ku’jokii, “Amen! Ecu, yayi, ciri, anjokeka, eku, opko, pi morikolu ama Rubanga ni tadu! Amen!”
\p
\v 13 ‘Di a vu ga amba alu zi ma ku’jo, “Di a’du’ba, lurusu’ba bongo azo ingwe ri si ‘dii, ongu engakii inguwa?”
\v 14 Ma’jo andaa ni, “Amba, nyini nyi”, pi andaa’jo mani, “a’i'di‘ba enga’ba kandi amgbugodu ri ni aga si ri pi. Jwekii a’i a bongo azo ri pelere pi ingwe bilo angwa ni eri si.”
\v 15 ‘Disi, e’be a’i ede koni keri di Rubanga di ni andaga, pi kurukii andaa ni itu pi ini andaa zo elegi di ni ga. Andaa ni rire komi keri di ile ni dige ri kumu kelere andaa musema a’i adige.
\v 16 Abiri mu ko a’i idi ku, ongu iyibi mu ko a’i idi ku, itu mu so a’i ku, ongu ituka asi ri sa mudu a’i ku.
\v 17 A’dusiku bilo angwa komi keri di ile agagari kumu kolu a’ia leyi’i, pi andaa kumu kuse a’i adi idi iyi lidi di ni ga, pi Rubanga kumu kefu minda tuwadu pi a’i ami ge si.
\c 8
\cl Sura 8
\p
\v 1 De bilo angwa kawi gofulu tuderi zo ri, vu di ciri ru’bu ge kate nusu saa.
\v 2 Di a vuga mande anjeli tuderi edeka Rubanga andaga ri pi, ongu ake a’i ni buruji tuderi.
\v 3 Anjeli zi emu, ko diga ita mula di iswe ngure viya ri ni luduzo rii, ede kidori iswe ngure viya ri ni luduzo ri a bara ga. Ake andaa ni iswe ngure viya ri nja dudu andaa kazi kare alu ga elegi’ba ole tuwadu ri di to terebeza komi keri di ile a andaga ri adige.
\v 4 Asika iswe ngure viya ile di kare alu ga elegi’ba ole ri di to tu oru Rubanga andaga anjeli ile adiga si.
\v 5 Anjeli ile ‘du ita mula di iswe ngure viya ri ni duzo ile ega de asikolo kidori ge ile si. Di a vuga kudi waa vu dige, pi iyi lovi e’do laguka pi lufeka pi vu kuluzu gburu gburu pi vu oyoru ambamba.
\p
\v 6 Anjeli tuderi ture tuderi to diga ikpi ederuku baba ture vuzo.
\v 7 Anjeli atizo ri vu andaa ture. Swipi asi remure erito ri lande ra. Nga ‘dipi awa vu dige e’be alu na aga vudi adu pi, alu naa aga kwe di adu pi, pi ayise ebi ri tuwadu adu pi.
\v 8 Anjeli erizo ri vu andaa ture, pi nga zi kelende ‘be ekore asi sir i ani awa meri umbi jwa pke aga. Alu na aga meri umbi jwa di ecoru eri,
\v 9 Na alu aga nga lidi meri umbi jwa pke agar i ada ra, pi alu na aga I’bo di enji ra.
\v 10 Anjeli nazo ri vu andaa ture, pi lelego amgbugodu gwere asi ani ri e’de vuru ru’bu ge si alu alu na aga golo di pi idi iyi di tuwadu ri to cwi.
\v 11 Lelego ile a ru alungwee dikeritimelo ani, pi ‘ba karako oda ra iyi anga ile si.
\v 12 Anjeli suzo ri vu andaa ture pi alu na aga itu di amgba ra, kare aluga alu na aga imba di lelego di to. Ayo si alu na aga a’idi tuwadu ecoru ini, alu na aga vu ingwe di vu inidi to ecoru ingwe ako.
\p
\v 13 Mande nga pi meri meru ngare oru ru’buge opirekeke sir i kojwa uduku si ku’joo, “ululu, ululu, ululu, anyi ‘ba olu’ba vu dige ri ni, u’duku ture di anjeli na lesire vule ile a vole vule ire ri si.
\c 9
\cl Sura 9
\p
\v 1 Di a vuga, anjeli touzo ri vu andaa twe. Mande lelego alu e’dere ru’buge si ri. Lelego ile ake laka mufuta ‘bu alit i loko re ku ri dii.
\v 2 Andaa awi ‘bu aliti loko re ku ile, pi asika enga laka si tu oru kende ongo a gwezo ri ani. Itu oli to ecoru ini asika oyire ‘ba ile ni aga ri si.
\v 3 Asika ileni aga si umbi oyi vu dige, ake a’ini mori kende itoni di ani vu dige.
\v 4 A’jo a’ini kejikii oyise vu dige ri ku, deku nga lidi ngare nga vudige ri pi kwe to, rari ‘ba adi kitimu Rubanga di a’ia a adaga kuru ri pi ‘i.
\v 5 Ake a’ini apko kuru ‘ba ileni ‘dizo, rari kecandikii a’i imba tou. Kandi a’ia kele ri kalajwa lajwa itoni di ani.
\v 6 O’du ile si ‘ba kuvo kundu da, ti vo esukii ku. Vo kulekii daka asi tuwa si, ti dakufe pi a’idi si.
\v 7 Umbi na ile kelende kusani edele baba o’ja ni ri ani. A’ia di ni ga nga zi kelende tegia keri di mula ri ani, pi a’ia anda kelende ‘ba ni anda ani.
\v 8 Di’bi na pi kelende uku ni di’bi ani, pi si na pi kelende ibi ni si ani.
\v 9 Sukii cwi a’ia agaga nga lendere aya ani na’i, ongu a’i a pirekeke ni u’duku keriru kende u’duku ga’diga’di o’ja di karako kusani a kule ni ri ani.
\v 10 Iava a’i di ni ga nga ‘ba sizo itoni di ani ri laka aa, iava a’idi de kusi mo’di ni kalajwa imba tou kudi e’bwe.
\v 11 Opi a’i di a’i ni zware ri anjeli’ba ti lokore ku ri dii. Andaa ru alungwee Ebere’ba ti si abaddou ‘i, pi girigi tisi alungwee apolliyon’i.
\p
\v 12 Icandi atizo ri loko ‘dia. Nde! ‘Di a vu ga lesi icandi ri kemu emu.
\p
\v 13 Anjeli nazori vu andaa ture, pi meri u’duku engare kidori mula di Rubanga andaga ri a o’ju ni ga si.
\v 14 U’duku ile ku’jo anjeli aziazo ture kore diga ileni, “Ayu anjeli su ombele cwi golo furata di ni ga ile ra.”
\v 15 Anjeli sue dele baba saa ileni, pi o’du ileni, pi imba ileni, pi kinya ileni ilepi aya a’i dudu ku’dikii pi ‘ba alu na agar ii.
\v 16 Weli asikeria kusani dige ri di milioni miya ri (200,000,000). Meri a’i weli ‘di ra.
\v 17 ‘Di ovi maa kusani nde zo ‘ba a’ia dige ri to ri ni e’detele mani rii; A’ia aya sule agaga ri ika asi ani, lo’bule pi lofara salfa ani. Kusani na pi ni di kelende ibi ni ani, pi asi, asika to, salfa to koyi a’i a ti ge si.
\v 18 ‘Ba alu na aga a’di a’i juwe na ‘di si; a’i asi, asika pi salfa engare kusani ile pi ni tige si rii.
\v 19 A’dusiku mori kusani ile pi di a’i a tige pi a’i a icwa ga-a’i a icwa kolu ini ani, di to, kugakii du ‘ba bibi.
\v 20 ‘Ba lesi’ba vu dige juwe ‘di’di a’i kuru ri, ecokii asi kuru nga a’i a edele injwi vu dige ‘dia ri ni ga si, ongu saa e’bekii laru keka ori injwi ri nikuru pi mula, aya ingwe, aya waka ri to pi oni kwe to edele di sir i pi - nga nde ku, eriku lawe ku ri pi.
\v 21 Ongu saa rukii enji a’i di ‘ba lu’dizo, ozo ozoule to, a’i asa i’bu ogu di to.
\c 10
\cl Sura 10
\p
\v 1 Ongu mande anjeli mori njo to ri kesi vuru ru’bu ge si. Andaa la’buru lofu si, ongu gerigeri lalaru oru andaa dige lele. Andaa anda kusu itu ani pi andaa pa kelende pelopelo asi di ani.
\v 2 Andaa ko kuku angwa diga, buku ‘di awi ra. Andaa ti andaa pa anda meri umbi jwa pke dige pi andaa pa legi vu auwi dige.
\v 3 Andaa jwa u’duku asi ri si kende ibi ni u’duku ani. De andaa kujwa ‘dini, iyi lovi tuderi e’dete a’ia u’duku.
\v 4 De iyi lovi tuderi ile ke’detekii a’ia u’duku, esu male amacwi nga ‘di vuru, ti meri u’duku ru’bu ge si ku’jo mani, “zu nga u’duku iyi lovi a’jole ri di. Akucwi vuru ku.”
\v 5 Anjeli maa ndele ati ti pa meri umbi jwa pke pi vu dige to ri ngi andaa di anda oru.
\v 6 Andaa aluru ru laka ri tuwadu, vu nga laka ri to tuwadu, pi meri nga laka ri to tuwadu, pi anjeli ile k’jo, “Diadu rekalaka iyo.
\v 7 Ti o’du anjeli tuderizo ria redezo ture vuzo ri ni nga, nga ruzure di Rubanga di kumu kelende ra, andaa e’detezo andaa opigo nebia ni ri ani.”
\p
\v 8 U’duku maa erile ru’buge si ati ile ku’jo mani, “mu, ‘du buku awile ra anjeli edere meri dige vu to ile a diga ri.”
\v 9 Manga mamu anjeli ile di pi ma’jo andaa ni keke buku gaangwadu ile madi. Andaa ‘jo mani, “Du buku ‘di pi nya. Kumu keco ngaa ‘a ku’e anga, ti kumu kolu limilimi langu ani nyaa ti ge.”
\v 10 Ma’du buku ile anjeli ile a diga sipi manya, limilimi maa tige kende langu ani, ti ecoru anga maa ‘a ga.
\v 11 Di a vu ga mo’di zi ‘jo mani, “Dubasi anyinge le’jo idi ‘ba karako, vu, ti, pi opi ruge.”
\c 11
\cl Sura 11
\p
\v 1 Ake maa diga tali nga o’bizo. A’jo mani, “nga oru o’bi zo Rubanga di pi ki’dori to, pi a’I elegi’ba laka ri to.
\v 2 Rari o’biforo zo iledi ku, a’dusiku ake pi juru ni. Vo kutukii’ba okole ile vuru imba mudi limbi ri.
\v 3 Mamu make mori maa sadeni ri ilepi ni le’jo ngezo o’du alifu alu miya ri mudi aziya, kulusukii tiriga ayo”
\v 4 Sadenia ri ile a’I kwe zeituni ri pi kwe lata lamba izo edere opi vudi ni andagrii.
\v 5 De mo’di le a’I ni edele injwi, asi kenga a’i a tige si kudu a’i pi. Mo’di lere a’i ni edere ga injwi avo a’di a’i ile ni.
\v 6 Sadeni ‘dipi a’i ni opko aa ru’ba la’buzo cwi dudu iyi ku’di ku lele a’i le’jo ngezo ri niga. A’I opko to iyi lufuzo kecoru du eri pi vu mgbazo juwe ovi mgbimgbi si a’i a lezo ri ani.
\v 7 De kuvo kekokii a’i a I’bu ra, anyukwa efure’bu ali lokore ku ri niga si ri kumu ku’ja a’i to pi kuzwa a’i ra pi ku’di a’i ra.
\v 8 A’i a ru avo e’bee kolu leti’ba amgbugo iledi ni ga (lungwele Sodoma pi Ejito’i rii) kare anda epa opi a’i di kuruee dige ri ni ga.
\v 9 O’du na nus to aga ‘ba zi’ba enga’ba kare mgbimgbi ga si, suru mgbimgbi gas i, ti mgbimgbi gas I, vu mgbimgbi gas i kuvo kundekii a’i a ru ile’i. ‘Ba vo kule a’i ni esika ku.
\v 10 A’i ‘ba olu’ba vu dige ri asi na pi vo kolu i'bwe pi kalanjorukii. Vo kukekii nga anjoanjodi a’i a lelega a’dusiku nebia ri ile ecandi ‘ba olu’ba vu dige ri opkosi.
\v 11 Ti o’du na nusu to a vuga oli lidi di engare Rubanga di ri kumu kukwi a’i a aga ongu kuvo kedekii a’i apa si. Ori amgbu kumu kuko’ba olu’ba vu dige ri cwi.
\v 12 Sadenia ri ile vo kerikii u’duku asi engare ru’buge ge si ri ku’joo a’i ni, “angevo oru ‘dia!” ‘di a vuga vo kutukii oru ru’bu ge lofu si, avi’ba a’idi kundee.
\v 13 Saa na si vu kumu koyoru opkosi, pi alu mudi aga ‘ba ambugo iledi kumu keledi pi. ‘Ba alifu tuderi vo kodara vu a royoka ileni aga, pi ‘ba lesi’ba lidi ri ori kumu kuko a’i opko si pi vo kurukii Rubanga ru’bu ge ri du opkosi.
\p
\v 14 Lamgba erizo ri lokora. Nde! Lamgba nazo ri kemu ezeze.
\p
\v 15 Anjeli tuderizo ri vu andaa ture, pi u’duku oru ri lo’joru ru’ba ge si ku’jo, “keri vu dige ri ecoru keri ama opi di’i pi andaa kristu di’i to. Andaa kumu kuzwa vu ‘bo’ba du.
\v 16 Ongu amba mudi ri a limbi su, ori’ba a’i a komi keri di ni dige Rubanga andaga ile, jokii vuru a’ia andasi kekii laru Rubanga ni.
\v 17 Ku’jokii, “Amake nyini anjo, opi Rubanga opkoto tuwadu ri’i, andani olure aa, ezesi saa aa, a’dusiku nyi’du nyaa mori amgbugodu ri ra pi nye’do vu zwaka ra.
\q1
\v 18 ‘Ba juru vu dige ri evokii anga ambamba, ti nyaa anga esa wo ra. Saa esa ro’ba oda’ba ri ni le’jo lalizo a’i a dige, ongu nyini nyaa opi nebia nyidi ni a’i ni a’i a dide kezo, a’i ‘ba a’i’ba, pi a’i nyaa run i ori’ba ri pi to, a’i'ba mori ako ri pi ‘ba mori to ri pito. Saa erara nyini ‘ba vu enji’ba ri ni enjizo.”
\p
\v 19 ‘Di a vuga zo Rubanga ni ru zo ru’bu ge ri awi ra pi sanduku Rubanga di andaa ra’izo’ba to ri andaa zo ileni aga. Iyi lovi kalagu, vu kofe pi ku’u, vu a royoka to pi swi a joka to.
\c 12
\cl Sura 12
\p
\v 1 Nyumanyuma amgbu lende ru’buge; izi lusuru itu si pi imba aa andaa pa ga, pi tegia keri di lelego mudi a limbi ri to ri dinaniga.
\v 2 Izi ile ko a ra, pi kou oti ni lajwa si.
\v 3 Ongu nyumanyuma zi lende ru’buge ra; nde! Ini monigo ika dina tuderi o’ju tuderi to, ongu tegia keri di tuderi di na niga.
\v 4 Icwa na eku na aga lelego ru’bu di yi a’i vuru vu dige. Ini ile ede izi tire ti ile a andaga, dudu de kuti ‘bura ra andaa kuvu du bura ile co.
\v 5 Izi ile ti bura ago mure vu zware bele aya di sir ii. ‘Bura ile pi Rubanga di ru’buge andaa komi keri di ni ga,
\v 6 Pi izi ile fe pi mondi aga, kare Rubanga a edele andaa ni ri niga, andaa ni ta ambaa laka o’du alifu olu miya ri mudi aziya.
\p
\v 7 O’ja esi ru’buge. Mikaeli ni andaa anjeli to ‘jokii ini monigo ile to; ini monigo ile andaa anjeli to saa enjarukii o’ja to.
\v 8 Ti ini monigo ile o’ja zwa ra. ‘Di si du kare ‘e iyo ru’buge andaa ni andaa anjeli to.
\v 9 Ini monigo ile ini anda eze lungwele sitani ni ‘ba vu dige tuwadu ri pi ni lunjware ri awa vuru vu dige andaa anjeli to.
\v 10 ‘Di a vuga meri u’duku oru ru’buge; diadu lari pi keri ama Rubanga di to, pi mori andaa kristu di to esara. A’dusiku mo’di ama adiinji ni esikire ri awa vuru pi, mo’di anda a’ini esikire ama Rubanga ni andaga itu pi ini.
\q1
\v 11 Zwaki andaani eri bilo angwa di si pi le’jo a’ia sadeni di si, a’dusiku lekii a’ia lidi ku sa ko da ga.
\q1
\v 12 ‘Disidu kulee anyanjoru anyi ru’bu tuwadu, pi a’i tuwadu olu’ba laka ri to! Ti icandi vu ni pi meri umbi jwa pke to, a’dusiku sitani ni si vuru anyidi! Andaa ni ana ga de angala si anga to a’dusiku andaa saa lesi ga angwadu.
\p
\v 13 De ini monigo ile kunde avi andaa ni pi vuru vu dige, andaa do izi ‘bura ago tire ile a vu.
\v 14 Ti izi ile ni ake opirekeke ri ongofo ambugodu dii dudu kufedu pi karee dele andaa ni mondi agar i ni ga. Kare ‘di avo amba andaa ta laka kinya na nusuto rii, lolu ini ile to.
\v 15 Ini amgbu ile wi iyi andaa tis i kende iyi lure golo di ani dudu kungi izi ri ni pi.
\v 16 Ti vu eloko izi ri ni ra. Vu awi andaa ti mvu iyi golo di ini amgbu godu ile a wile ri pi.
\v 17 Angala anga to ko ini monigo ile cwi izi ile a ruge pi andaa mu o’ja ‘jarega izi ile a otilele to, a’i cara Rubanga di ni vu oko’ba rii pi sadeni ngele yesu a ruge ri to.
\v 18 ‘Di a vu ga ini monigo ile mu ede cinyakwi meri fofoti ge ri adige.
\c 13
\cl Sura 13
\p
\v 1 ‘Di a vuga mande anyukwa enga meri aga si. Andaa o’jo mudi pi di na tueri. Andaa o’jo dige tegia keri di mudi aa, ongu andaa di alu alu ga si aa ru la’da dii.
\v 2 Anyukwa maa ndele ‘di kelende o’du ani. Andaa pakelende moyi kidikidi di ani, pi ti na kelende ibi di ani. Ini monigo ri ke andaa mori laka, pi andaa komi keri di, pi andaa mori amgbugodu ri vu zwa zo.
\v 3 Anyukwa ile a di alu kelende a’di pko ani, ti andaa bi amgbugodu ile zwa ra. Vu ndutu a’u cwi andaa vu ni okore ga.
\v 4 Ongu kekii laru ini monigo ileni, a’dusiku andaa ke andaa mori anyukwa ileni. Kekii laru saa anyukwa ileni, ongu’jokii, “A’di’i olwe anyukwa ‘di ani rii?” pi “A’di kate ‘jaka andaa to ni?”
\v 5 Ake anyukwa ileni ti lo’jo’jo recuzo ri ni lo’jore ayo rii. Ongu saa ake laka mori dudu kuzwa vu imba mudi sua limbi ri.
\v 6 Anyukwa ile afu andaa ti Rubanga ni u’dazo – kulu’da andaa ru pi kare andaa olure gar i to, pi a’i olu’ba ru’buge ri to.
\v 7 A’i anyukwa ile ni ‘jozo ‘ba ole ri to a’ini zwazo. Pi saa ake laka mori suru tuwa dige, ‘ba tuwa dige, ti tuwa dige, pi vu tuwa dige.
\v 8 ‘Ba tuwa olu’ba vu dige ri kuvo kuke laru andaa ni, ‘ba tuwadu re’dozo vu binga ru a’idi acwi buku lidi di ni ga kuru ri, a’i ‘ba bilo angwa di, anda lile ra rii.
\v 9 Mo’di bi to ri keri.
\v 10 Mo’di zile kole o’ja gar i akuzi, mo’di ‘dile belengu si ri belengu si avo a’dile ra belengu si. Di andaa ni lungwelungwe’ba okole ni oluzo ‘di asi epire ga a’i a a’i ni aga.
\p
\v 11 Ongu mande anyukwa zi efu vu aga si. O’jo na ri kende bilogo di ani, pi anda lo’joru kende ini monigo ani.
\v 12 Mori anyukwa atizo ri di tuwadu aa andaa di pi andaa e’bu mori ile anyukwa ati ile a andaga si, pi andaa e’be ba tuwadu vu dige rike laru anyukwa ati ileni – anyukwa bina zware ra ri ni.
\v 13 Andaa ede nyumanyuma opko karako. Andaa ‘ba asi e’de vuru vu dige ru’bu ge si ‘ba andaga.
\v 14 Nyumanyuma kele edele ilesi, andaa lunjwa du’ba vu dige rii. Andaa ‘jo a’i ni kedekii eno bile bi anyukwa bi zware ra ri ni ruzo.
\v 15 Ake anda ni mori di kezo eno anyukwa di ile ni loro’jozo pi ‘bazo aku’di ‘ba tuwadu anyukwa ile ni ru’ba ku ri ra.
\v 16 Andaa saa epi ‘ba tuwadu’ba isa ri pi ‘ba ambari to, ‘ba nga ako, ‘ba koroni ri to, ‘ba di mgbo’ba opi to, mori si dudu aku’ba alama a’i a dianda ga deku a’i a andaga.
\v 17 Mo’di ateku nga lezika kusa geka ile de andaa ni alama anyukwa iledi to, namba andaa ru di ile’i.
\v 18 Nga ‘di kule ciri. Mo’di nga ndere war i, kulee andaa kungo namba amyukwa iledi. Namba ile mo’di ni namba. Andaa namba ni 666.
\c 14
\cl Sura 14
\p
\v 1 Mande bilo angwa ede‘be sinoni di ni dige. Kare alu ga andaa to aa’ba alifu miya alu mudi su a limbi su (144,000) ru andaa di pi ru andaa ata di acwi a’ia andati ge.
\v 2 Meri u’duku ru’buge si ku’u kende iyi karako deku sa u’duku iyi lovi di. U’duku maa erile ile sa keriru kende’ba kupa o’di ani.
\v 3 ‘Ba ile ngokii longo u’di komi keri di ni andaga pi anyukwa sui le pi amba andaga. ‘Ba zi longo ile ni lenire wa na iyo, te’ba alifu miya alu mudi su a limbi su ezile vu dige si ile pii papala.
\v 4 A’i ‘dipi ‘ba a’i ni endi’ba uku si kuru ripi’i, a’dusiku fukii resusi uku to kuru. A’i ‘di koko bilo angwa ni vu kare tuwadu andaa murega ri ni ga. A’i ‘dipi age a’i pi’ba aga si dudu kolukii anya ni di kare ati ri pi’i Rubanga ni pi bilo angwa ni.
\v 5 Esu enjo alu saa ku a tige, a’i nga irywi zi ako.
\p
\v 6 Mande anjeli alu kufe oli asi, kuzi ofu loso ngele’ba vu dige ri ni-vu tuwa ni, suru tuwa ni, ti tuwa ni, pi ‘ba tuwa ni.
\v 7 Andaa jwa u’duku asi si, “Anyori Rubanga pi anyike andaa ni yayi. A’dusiku saa andaa le’jo lalizo ri esara. Anyiru andaa ni, ru’bu bire, vu to, meri umbi jwa pke to pi idi iyi di tuwadu ri to.”
\v 8 Anjeli zi-anjeli rizo na’i, eko vu na, ku’jo “Dera, Babiloni ni amgbugodi ri ‘dera, andaa ni anda vu tuwadu etare dudu kumvukii andaa asa ni vino rii.”
\v 9 Anjeli zi-anjeli nazorii-eko andaa vu, ku’jo u’duku oru ri si, “De mo’di kuru anyukwa ile ra andaa eno to, pi esu alama andaa andati ge deku andaa diga.
\v 10 Andaa kumu kumvu vino anga Rubanga di ra, vino ‘a ocwale iyi si kuru cule kubaya andaa anga di ni gar ii. Mo’di mvure ri avo ecandia asi si anjeli Rubanga di oleri ni andaa pi bilo angwa andaga.
\v 11 Asika a’i ni ecandizo ile kutu oru tadu, pi a’i lovu ku itu pi ini-a’i anyukwa ile ni ru’ba andaa enoto ripi, pi ‘ba tuwadu alama andaa ru di ni esu’ba ripi’i.
\v 12 Lungwe lungwe ‘di ‘ba ole ni asi epizo pi nga ebizo, a’i cara Rubanga di ni oko’ba pi a’i yesu di to.”
\v 13 Meri a’duku ru’buge si ku’jo, “cwi nga ‘di. A’i anda loso to oda’ba opi ni aga ripi. “Gbadu,” Endi ku’jo, “dudu kolovukii a’i i’bu recandizo ri ni ga si, pi i'bu a’idi kumu koko a’i a vu to.”
\p
\v 14 Mande lofu ingwe. Nga zi ri diaru kende mo’di ani. Andaa aku dige tegia keri di mula sure su ri dii pi ko seresere losi ri diga.
\v 15 Anjeli zina ekwi zo Rubanga di ni aga si pi lungwe nga u’duku asi ri si mo’di rire lofu dige ile ni. “Du nyaa seresere pi e’do nga lwaka. A’dusiku saa nga lwazo ri esara, lalwa vu di esa ra.”
\v 16 Mo’di rire lofu dige ile ewi andaa seresere vu dige pi alwa vu ra.
\v 17 Anjeli zi efu zo Rubanga ru’buge ri ni aga si; andaa sa ko seresere losi di ga.
\v 18 Ongu anjeli zi efu terebeza iswe agi ngure viya ri ni dure gar i ni gasi, ake andaa ni mori asi rug e. Andaa lungwe nga u’duku asi ri si mo’di seresere losi ri ni kore diga ri ni, “Du nyaa seresere losi ile pi re a’bala’banga ni o’a vu dige ri du, a’dusiku o’a na pi a’bi ra.”
\v 19 Anjeli ile ewi andaa seresere vu dige pi emu a’bala’banga ni o’a vudige ri kare alu ga. Andaa cu a’i’bu a’bala’banga ni o’a jwizo anga Rubanga ri ni aga.
\v 20 Ajwi a’bala’banga ni o’a ile ‘bu jwizo ‘ba loguge ri ni ga, pi eri elu laka si ali na kusa ko kusani embe ga, azo na ire kusa mitir ri ra.
\c 15
\cl Sura 15
\p
\v 1 Ongu mande ru’bu ge nyuma amgbu a’uzo rii. Amjeli tuderi juwe mgbimgbi tuderi to, a’i juwe nga ni ti koloko a’i si.
\p
\v 2 Mande nga zi kelende meri nja mundara emule asi to ri ani. ‘Ba anyukwa zware andaa eno to pi namba andaa ru di to ri edekii meri ile a bara ga. Okoki diga o’di Rubanga a kele a’i ni rii.
\v 3 Kungokii longo musa ni opigo Rubanga di ri dii, longo bilo andwa dii; “I’bu nyidi amgbu pi a’uzo, opi Rubanga, opko tuwadu to rii. Nyaa leti ‘boro anda, opi vu tuwadu dii.
\q1
\v 4 A’di’i mu ori nyi ku rii, opi, pi mu ke yayi nyaa run i ga ku rii? A’dusiku nyi a’dule papala okole ‘ba tuwadu vo kevo kuwo ngaa andaga a’dusiku ngaa I’bu anda ri e’deteru ra.”
\p
\v 5 ‘Di a vuga mande nga pi zo Rubanga di kema sadeni di to ri awi ra ru’buge.
\v 6 Anjeli tuderi juwe tuderi to ri efukii kare ole lagare pi ri ni ga. Sukii bongo ingwe luuwe sure su rii pi ‘ikii a’i a aga diga mula ani risi.
\v 7 Anyukwa su ileni aga si alu na ke anjeli tuderi ile ni ita tuderi edele da’bu sir ii ‘boro luga dede anga Rubanga ni olure tadutadu ri di si.
\v 8 Zo Rubanga di ga de asika yayi Rubanga di disi pi andaa opko to. Mo’di zi iyo atere rutorega laka na ‘i kusa ko de anjeli tuderi ile eko juwe tuuderi ile ni cuka vu dig era.
\c 16
\cl Sura 16
\p
\v 1 Meri u’duku asi kulungwe nag zo Rubanga di ni aga si lu’joo anjeli tuderi ileni, “anyivo anyicu vu dige ita tuderi anga Rubanga di di ile.”
\v 2 Anjeli atizo ri mu cunga ita andaa di ni agar i; bi ovi lendere injwi pi lajwa na lo’u ri ‘de’ba alama anyukwa ile di to pi andaa eno ni ru’ba ri pi a ruge.
\v 3 Anjeli rizo ti cu nga andaa ita ni agar i meri umbi jwa pke aga. Ecoru eri, kende eri mo’dida re pko ri di ani, pi nga tuwadu lidi meri ileni aga ri pi oda ra.
\v 4 Anjeli nazo ri cu nga andaa ita ni agar i golo tuwadu aga pi idi iyi di ni aga, pi ecorukii eri.
\v 5 Meri anjeli iyi di ku’jo, “nyi anda-nyi aa, pi anda olure aa, mo’di ole rii-a’dusiku nyili le’jo nga ‘di pi ni dige ra.
\v 6 A’dusiku cukii eri ‘ba ole ri di pi nebia to, nyike a’ini eri mvule, ile atere a’ito rii.
\v 7 Meri ki’dori aka ku’jo, “anda, opi Rubanga opko to tuwadu rii, le’jo lalika nyidi gba pi anda.”
\v 8 Anjeli suzo ri cu nga andaa ita ni nga ri itu ge, e’be ake itu ni mori’ba lujwa zo asi si.
\v 9 Alujwa a’i vu asi si kolo ile si, pi lu’dakii Rubanga aru, andaa ni mori to juwe ‘di pi ni dige rii. Rukii a, i a enjikuru kusa kekii yayi andaa ni kuru.
\p
\v 10 Anjeli touzo ri cu nga andaa ita ni agar i komi keri di anyukwa ile di ni dige, pi vu ini aku andaa keri cwi. Lunyakii a’i a leda lajwa ile si.
\v 11 Lu’dakii Rubanga ni ru’buge ri a’i a lajwa ile si pi bi a’i a ruge ri si, pi adi akii imgbe enji a’idi ni ruka.
\v 12 Anjeli aziyazo ri cu nga andaa ita ni nga ri golo amgbugo lungwele furati ri ni aga. Enju iyi na to dudu kawi leti opi evo’ba itu a efure ga lele ri ni ga si ni.
\v 13 Mande endi andi na kelende udu ani ekwikii ini amgbugodu ri nit i ge si, pi anyukwa ti ge si pi nebi enjo ri a tige si.
\v 14 A’i ile endi ori injwi nyumanyuma ede’ba ri pi sii. Kuvokii opi cu dige tuwadu ri pidi dudu kemukii a’i a pa kare alu ga o’ja opi atere tuwadu ri a o’du amgbugodu ri ni.
\v 15 (Nde! Memu ogu ani! Mo’di olure baba ri anda loso to, bongu andaa di kolu andaa ru ge rii dudu kufu langwe bongo ako ku dinja kudi andaa ni ku.)
\v 16 Emu a’i kare lungwele yude’ba tis i amagedoni ri ni ga.
\p
\v 17 Anjeli tuderizo ri cu nga andaa ita ni nga ri oli nga. ‘Di a vu ga uduku enga zo rubanga di ni aga si pi komi keri di ni ga si ku’jo, “diadu loko wo ra!”
\v 18 Vu lagu, ‘u, pi iyi lovi ofe, pi vu oyoru opko si-zwa vu a royoka tuwadu ra e’doru ‘ba bizo vu di ge ri ni nga, vu a royoka ‘di amgbu pi opko ambamba.
\v 19 E’i ambugodu ile lacwi ewo na si, pi ‘ba juru tuwadu di ongu pi. ‘Di a vu ga Rubanga era babuloni ni ‘ba magbugo ri, pi andaa ke ‘ba ileni kubaya gare de andaa anga ni vino sir ii.
\v 20 Runga tuwadu legwe di, pi saa ‘be tuwadu ‘e iyo.
\v 21 Swi rongo kuse kilo mudi tour i ejo ‘ba dige ru’buge si. ‘Ba lu’dakii Rubanga ni lamgba swi di ilesi a’dusiku lamgba ile lamvu pi.
\c 17
\cl Sura 17
\p
\v 1 Anjeli aluzo anjeli tuderi ita tuderi ile ni oko’ba emu’jo mani, “emu adi, mamu me’dete nyini le’jo lalika awuzi amba rire iyi karako ri adige ri a ruge.
\v 2 Opi vu dige ri edeki asa andaa to. ‘Ba olu’ba vu dige ri pi emerikii ra andaa asa ni ira si.
\p
\v 3 ‘Di a vuga anjeli ile ngi ma pi endi aga mondi aga, pi naa mande izi ri anyukwa ika dige, anyukwa na runa tuwa gar u la’da injwi injwi Rubanga ni lu’dazo ri di si. Anyukwa ile di na tuderi o’jo na mudi.
\v 4 Izi ile su bongo lobule pi ika pi lusuru mula sure su ri di gare de nga andi andaa asa di si rii.
\v 5 Andaa andaga acwi ru pakwi na ruzure di rii; “babuloni ni amgbugodu rii, asa’ba tuwadu ni ende’i rii, pi nga bate di vu dige tuwadu ri to.”
\v 6 Mande izi ile emesi de eri’ba okole ri di si pi ‘ba ‘dile ra yesu sir i di si. De mande andaa ni ma’u mgbe cwi.
\p
\v 7 Ti anjeli ile ku’jo mani, “nya’u a’dusi? Mamu me’dete nyini le’jo ruzure di izi ‘di a ruge pi anyukwa andaa ni ngire ri a ru ge to ra, anyukwa di tuderi pi o’jo mudi ile’i.
\v 8 Anyukwa nyaa ndele ‘di esu lidi, ti diadu iyo, ti kumu kefu ‘ba tin a lokore ku ri ni a si. Kumu kuzi andaa ni ‘dile. A’i ‘ba olu’ba vu dige, a’i ru a; idi acwi kuru buku lidi di niga redozo vu binga-a’i vo ka’u cwi de kundekii anyukwa anda olure lidi, pi mu da ra pi mure emure lidi rii na’i.
\v 9 Nga ‘di kule uje ciri to rii. Di tuderi ile’be tuderi izi ile a rire ga rii.
\v 10 A’i saa opi tuderi. Opi tour i laga pi, alu na adi aa, zina ri adi esakuru, de kesa ra andaa kumu kolu ga isa.
\v 11 Anyukwa anda olure lidi, dare ra ri anda’i saa opi orazo rii, ti andaa ni opi tuderi ri a lele ga pi anda kumu dare ra.
\v 12 O’jo mudi nyaa ndele ile a’i opi mudi adi esukii keri kuru rii, ti vo kesukii mori oluzo opi du saa ni mi alu kare alu ga anyukwa ile to.
\v 13 A’i ‘idi ‘boro a’i lara alu, vo kazikii a’i a mori tuwadu anyukwa ile ni.
\v 14 Vo ku ku’jakii bilo angwa to. Ti bilo angwa kumu kuzwa a’i ra a’dusiku andaa ni opi opi di’i pi kabaka kabaka di’i-ongu ‘ba andaa lungwele pi ovile a’i'ba ri aa andaa to.
\v 15 Anjeli ile ‘jo mani, “iyi nyaa ndele ile, bate zi ile a rire ga ile, a’i ‘ba, laki, vu pi ti karako.
\v 16 O’jo mudi nyaa ndele ile-a’i pi anyukwa ile to vo kevukii bate zi ile ra. Vo le’bekii andaa ni konyi ako pi ndoloma, vo kunyakii andaa run i iza pi kudukii andaa ni pi asi si.
\v 17 A’dusiku Rubanga ‘ba a’ia asige duku kedekii nga andaa lele rii ka’ikii a’i a opko vu zwazo ri ni kezo anyukwa ileni kusadu ko saa le’jo Rubanga di a atenga.
\v 18 Izi nyaa ndele ile andaa ni ‘ba amgbugodu ile ‘i opi vu dige tuwadu ri ni zware ri’i.
\c 18
\cl Sura 18
\p
\v 1 ‘Di a vu mande anjeli zi kesi vuru ru’bu gesi. Andaa opko laga pi, pi vu’e ingwe andaa yayi si.
\v 2 Andaa u’duku asi ri si ku’jo, “de wo ra, ‘de wo ra, babuloni ni amgbugodu ri ‘de wo ra! Ecoru kare ori andi ri ni oluzo, kare luruzuzo endi andi ri pi ni pi ariinji lele ku andi ri pi ni.
\v 3 A’dusiku ‘ba tuwadu vu dige ri mvukii vino andaa vico asa di ri ra. Opi vu dige ri edekii asa andaa to ra. A’i ‘ba ede di vu dige ri pi ecorukii koroni mori andaa di oluzo lidi ovi asa di ani ri si.
\p
\v 4 Ongu meri u’duku zi ru’buge si ku’jo, “anyevo andaa ni aga si pi, anyi ‘ba madi, dudu anyemuru andaa enji to ku, anyidi juwe andaa di ni esu to ku.
\v 5 Andaa enji emuru sa ko oru kende ru’bu ani, pi Rubanga era anda ovi injwi ri ra.
\p
\v 6 Lokwe andaa ni ovidu andaa lokwezo’ba zi’ba ni ri ani, ongu lokwe andaa ni vu ri nga andaa edele ri si; kubaya andaa ocwale ri ni aga ocwa laka ko’biru vu ri.
\v 7 Ovidu andaa ocwa kezo andaa ni andaa nga sir i ani pi duzo lidi ovi oru ri sir i ani, ke laka icandi nja pi asi lazwa nja to. Adusiku andaa ku’joo andaa asige, “mari kerizi ani; ma awizi ku, pi mamu meri owu loro alu sa ku.
\v 8 Andaa juwe kumu kesa vu alu si; da, owu loro pi abiri gumbere gumbere to. Avo adu ni asi si, a’dusiku opi Rubanga ni opko, ongu andaa ni sa mo’di andaa le’jo ni lalire ‘i.
\p
\v 9 Opi vu dige anda asa ede’ba andaa to pi ernji’ba andaa to ra ri vo kowu andaa gwezo rii na ‘i.
\v 10 Vo kedekii liku, korikii andaa recondika si ku’jooki, “ululu ‘ba amgbugo ilesi, babiloni ni ‘ba amgbugo ile’i! A’dusiku saa alu aga papala nyaa lamgba esa ra.”
\v 11 Ede’ba vu dige ri kowukii andaa si, an’dusiku mo’di okozo andaa lezile ri ni gere na iyo
\v 12 Okozo mula sure su ri di, pi aya ingwe, oni weli opko, miyo sure miri miri, bongo dabaloni, bongu lo’bule, bongu nailon, bongu ika, kwe tuwadu agi ngure viya ri, okozo tuwadu edele laa si si ri, okozo tuwadu edele kwe weli oru ri si ri, edele mulaika risi ri, edele aya sir i, pi oni sure su ri si ri,
\v 13 Erua tubi ‘dizo mgbimgbi, ‘be iswe, odu ngure viya ri to, vino, odu, irafu gamia di, bilo, kusani andaa gadigadi to, opigo ‘ba di mgbo ri to tuwadu’e iyo, ongu mu esuru ku!
\v 14 Kwe o’a anda nyaa ndule nyaa opko tuwadu si ri’e iyo, pi esuru idi ku. Nyaa lidi ovi oru ri nyaa yayi to tuwa’e iyo.
\v 15 Ede’ba reco’ba koroni okozo andaa dipi ni lezi’ba ri siri vo kedekii lolu andaa di si ori andaa recandizo ri di si, kowukii pi kungokii owuloro u’duku oru ri si.
\v 16 Vo ku’jooki, “wululu, wululu ‘ba amgbugo anda lurusure bongu dabalani ingwe si ri ni, pi bongu lo’bule si, pi bongu ika ri si, pi mula sure si ri ni o’ire, oni sure su ri to rii!
\v 17 Saa alu aga papala limi dipi tuwadu enjiru ra. “Amba tuwa i’bo rongo ri ni lazi’ba, pi ‘ba piye meri di to pi’ba i’bo lazi’ba to, a’i lidi a; idi tuwadu atiru meri ruge ri to, edekii lolu.
\v 18 Ojwakii u’duku si de ndekii asika andaa gwezo rii na’i. Ku’jokii, ‘ba ingo’i o’bile’ba amgbugo ‘di to rii?”
\v 19 Tukii futu a’i a dige kudikii owu owu loro si, “wululu, wululu’ba amgbugo ileni a’dusiku a’i tuwadu andaa a’ia i'bo laka meri agar i ecorukii koroni andaa limi si. A’dusiku saa alu aga enji andaa ni ra.
\p
\v 20 “Anyanjori andaa si, anyi ru’bu, anyi’ba a’i'ba, maju nebia to, a’dusiku Rubanga lokwe le’jo lalika anyidi andaa di ge!”
\p
\v 21 Anjeli oni kende oni anya ‘izo ri ni pi kudi waa meri umbi jwe pke aga kudi’joo, “ovi ‘di ani, babiloni ni’ba amgbugo ile avo awaa vuru mori si, pi avo ande andaa ni idi ku.
\v 22 U’duku longolongo o’di pa’ba di, longo lungo’ba di to, pi nyamulere luva’ba ture to ri avo eri nyaa aga idi ku. Vodo ovi mgbimgbi vo esuru nyini aga idi ku.
\v 23 Ingwe lamba di mu ‘jivu nyini aga idi ku. U’duk mo’di izi gere ri di pi zangwa gele ridi to avo eri nyini aga idi ku, adusiku ede’ba nyidi a’i opi vu dige ripi ni’bonji ‘i, ongu nyaa ule si alunjwa ‘ba vu
\v 24 dige ripi ra, pi eri ‘da tuwadu ‘dile vu dige ri di to.
\c 19
\cl Sura 19
\p
\v 1 Nga ‘dipi a vuga meri u’duku ‘ba amgbu di ani ru’buge ku’joo, “Haleluya. Lari, yayi opko to kolu ama Rubanga ni.
\q1
\v 2 Andaa le’jo lalika anda pi gba, a’dusiku andaa li le’jo batezi amgbugo ile a dige ra, andaa ni anda’ba vu dige ri ni enjire andaa asa sir ii. Andaa lokwe andaa’ba ole ri a eri anda izi ile a cule ri ni ti ra.
\v 3 ‘Jokii ongu idi, “Haleluya! Asika kunga andaa dige tadu.”
\q1
\v 4 Amba mudi ri a limbi su pi anyukwa lidi suri to jokii vuru rukii Rubanga rire komi keri di ileni dige ri. Ku’jookii, “Amen. Ida dini, Haleluya!”
\v 5 Ongu u’duku eriru komi keri di ni gas i ku’joo, “Angecu ama Rubanga ni, anyi andaa opi, anyi andaa run i ori’ba ri, ‘ba amba ku pi ‘ba mori to rito.”
\v 6 Ongu meri u’duku keriu kende’ba karako ni u’duku, kende iyi fula ni u’duku ani, pi kende iyi lovi a’uzo ri ani, ku’joo, “Haleluya! A’dusiku opi kuzwa vu ni, opi nga tuwadu zware ni rii.
\q1
\v 7 Kulee akanjorukii pi akolukii asi i'bwe to, pi akukekii andaa ni yayi a’dusiku karama ali bilo angwa di andaa lomuruzi to ri esa ra, pi andaa lomuruzi o’baru baba.
\q1
\v 8 A’i andaa ni lurusuzo bongu ingwe sure su ri si” (a’dusiku bongu ingwe suresu ile andani i'bu anda ‘ba okole ri di’i).
\p
\v 9 Anjeli ile’jo mani, “cwi nga ‘di vuru; “a’i anda loso to’ba lungwele ra karama ali di bilo angwa di ni gar ii.” Ongu andaa saa ‘jo mani, “le’jo ‘dipi a’i le’jo gba Rubanga dii.”
\v 10 Ma’de vuru andaa paga laru kerega andaa nit i andaa ku’jo mani, “Ede nga ‘di ku! Ma nyaa opigo rezi ‘i pi nyaa adiinji lelega sadeni yesu di a vu ni oko’ba rii. Ke laru Rubanga ni, a’dusiku sadeni yesu a ruge ri endi le’jo ne’bia angele ri dii.”
\p
\v 11 ‘Di a vuuga mande ru’bu awiru mgbo, pi mande laka kusani ingwe. Mo’di rire andaa dige ri ru na alungwee mo’di egeni wa pi gba’i. Andaa kalali le’jo anda si pi ku’di o’ja saa anda si.
\v 12 Andaa mi ni ekwi kelende asi ni leda ani, pi andaa dige tegia keri di karako. Andaa ru acwi andaa ruge mo’di zi nire na iyo, te andaa’i papala.
\v 13 Andaa kusu bongu azo sule eri aga ra rii, pi andaa ru alungwee le’jo Rubanga dii.
\v 14 Mundara ru’bu di ko andaa vu orikii kusani ingwe ripi ni dige, lusukii bongu ingwe sure su pi okole rii.
\v 15 Iligo belengu losi efu tin a nigasi kugandu’ba vu tuwaduu di du vuru, pi andaa kumu kuzwa a’i bele aya di si. Andaa kumu kujwi vino ni iyi’bu vino ni iyi jwirega ri ni ga angala Rubanga di amgbugodu ri si.
\v 16 Acwi andaa ru andaa bongu azo ile ni ga pi andaa meli ni ga; “kabaka kabakaa di pi opi di”
\v 17 Mande anjeli ede itu aga. Andaa lungwe nga u’duku oru ri si ariinji lafe’ba oru si ri pi ni, “anyevo, anyemuru kare alu ga lonya karama amgbugodu Rubanga di ni ga.
\v 18 Anyevo anyinya opi ni iza, mundara di se’ba ni iza, iza’ba opko ri dii, iza kusani di’ba a’i ni tu’ba ri pi di to, pi’ba tuwadu ni iza, a’i di mgbo’ba pi ‘ba opi ri to, ‘ba mori ako ri pi di’ba mori to ri pidi ro.
\v 19 Mande anyukwa ile opi vu dige ri pito a’i a mundara to. Kemurukii ‘jarega mo’di kusani ture ri ni ruge andaa mundara to.
\v 20 Ako anyukwa ile cwi kare alu ga nebi enjogo ile to, nyuma nyuma edere andaa andaga ile’i. Nyuma nyuma ‘disi andaa lunjwa a’i alama anykwa di ile ni esu’ba ri du pi a’i andaa eno ni ru’ba ri to. A’i rito tuwa awa a’i lidi du meri aside gwere ile ni aga.
\v 21 A’i zi’ba ri pi alu’di iligo belengu engare mo’di kusani ture ri ni tige si ri si. Ariinji tuwadu ri nya a’i a iza ru oda’ba ra ri dii.
\c 20
\cl Sura 20
\p
\v 1 Ongu mande anjeli alu kemu ru’buge si. Andaa ni muftaa ‘ba ali lokore ku ri di to, pi andaa ko nyori amgbugodu andaa diga.
\v 2 Andaa ko ini monigo ile, ini oku ile’i, andaa ni lungwele sitani’i rii, ombe andaa ni cwi kinya alifu alu.
\v 3 Andaa wa andaa ni pi’bu ali lokore ku ri ni aga. Andaa la’bu tin a cwi pi ombe cwi. ‘Dii dudu andaa kate du idi ku’da vudige ri ni lungwazo kusa ko kinya alifu alu koloko pa. Ile a vuga, avo ayu andaa ni ra saa gaangwadu aga.
\p
\v 4 Ongu mande komi keri di karako. ‘Ba ori’ba di na pi ni ga ri ake a’ini opko le’jo lalizo. Ongu sa mande’ba andaa oli a’i adi ra sadeni yesu di si pi le’jo Rubanga di si ri pi endi. Rukii anyukwa ile kuru kesu andaa eno’i sa’i, pi gakii imgbe alama ‘baka a’i a andaga kusa a’i a diga. Enjikii lidi, pi zwakii vu kare aluga yesu to kinya alifu alu.
\v 5 ‘Ba zi’ba ra ri adi enji da asiku kusa ko kinya alifu alukate pa. ‘Di enjika da a si atizo rii.
\v 6 A’i anda loso pi ole enji’ba enjika atizo ri ni aga rii! A’i ‘dipini ru ge da vu erizo ri mori ako a’i a ruge. Vo kolukii’ba nga azi’ba Rubanga ni ri pi’i pi yesu ni ri pi’i ongu vo kuzwakii vu yesu to kare aluga kinya alifu alu.
\p
\v 7 De kinya alifu alu kolokora, avo ayu satani ni pi mabusu ge si.
\v 8 Andaa kumu kumu ‘ba olu’ba vu ni gbungu su vu digeri pi ni lunjware ga-gogo pi magogo to-kezi du a’i o’ja amgbugodu ileni ga. ‘Ba ile vo kolukii yayadu cinyakwi meri tiger i ani.
\v 9 Vokii vu je’be vudige ri ni ga si pekii kare ‘ba ole ri a rutarega ri cwi. Ti asi enga ru’buge si pi du a’i tuwadu pi.
\v 10 Sitani ni a’i ni lunjware ri, awa meri asi di gwere kibiriti si ri ni aga, kare awa laka anyukwa, nebi enjo ri to rii. Avo ecandi a’i laka tadu ini pi itu to.
\p
\v 11 ‘Di a vuga mande komi keri di amgbu godu ingwe, pi mo’di rire diaru ri to. Vu ru’bu to fe pi andaa andaga sit i kare’e iyo a’i ni vozo laka.
\v 12 Mande ‘ba oda’ba ri, ‘ba amba ba amba ku ri to-edekii komi keri di ile a andaga, pi awi buku ra. Ongu awi buku zi-buku awile ‘dii buku lidi dii. ‘Ba oda’ba ile alali le’jo a’i a dige viru vi nga cwile buku ilepi ni aga ri to, viru vi a’i a i'bu to.
\v 13 Meri eke ‘ba ada’ba ra andaa agar i pi. Da saa pi kare ‘ba ada’ba ra ri kolu ri to ekekii’ba oda’ba ra olure a’i ni aga ri pi, pi’ba oda’ba ra ile alali le’jo a’i a dige viru vi nga a’i a edele ri to.
\v 14 Da pi kare ‘ba ada’ba ra ri a olurega ri to a’du awa a’i meri aside ileni aga. ‘Di andaa ni da rizo rii-meri asi dii.
\v 15 Mo’di ru esule acwi buku lidi di ni aga kuru ri awa meri asi di ile ni aga.
\c 21
\cl Sura 21
\p
\v 1 ‘Di a vuga mande ru’bu u’di vu u’di to, a’dusiku ru’bu ati ri vu ati lagakii pi, ongu meri saa’e iyo.
\v 2 Mande ‘bu u’di, yerusalem ni u’di, esire vuru ru’buge Rubanga di si rii, ede baba zangwa lomuruzi edele agoo ni o’du lage di sir i ani.
\v 3 Meri u’duku amgbu enga komi keri di ni gas i ku’jo, “nde! Kare Rubanga olurega ri diadu ‘ba to, pi andaa kumu kolu a’i to. Vokolukii andaa ‘ba’i, pi Rubanga ni gba ri kumu kolu a’i to, pi andaa kumu kolu pi a’i a Rubanga’i.
\v 4 Andaa kumu kefu minda pi a’i a mige si, pi da kumu kolu iyo, kusa asi lajwa, owuto, lajwa to kolu iyo. Nya tuwadu oku ri loko ra.
\p
\v 5 Mo’di rire komi keri di ile a dige ri ku’jo, “nde! Mede nga tuwadu u’di.” Andaa ku’jo, “cwi ‘di vuru a’dusiku le’jo ‘dipi egenile war i pi’i ongu gba saa.”
\v 6 Andaa enjaru ku’jo mani, “nga ‘dipi ederu ra! Ma nga tuwadu nit i e’dore pi ekore’i, e’dore pi ekore’i.
\v 7 Mo’di o’ja zware raa ri kumu kesu nga tuwadu ra, pi mamu molu andaa Rubanga ‘i, pi andaa kumu kolu maa ngwa ‘i.
\v 8 Ti a’i ‘ba ari ri, ‘ba a’i ako ripi, ‘ba injwi kanya, ‘ba balu’di’ba, ‘ba asa, ‘ba ule, ‘ba eno elegi’ba eno ni, pi ‘ba enjo tuwadu to, a’i a kare kumu kolu meri gwere asi kibiriti si ri ni aga. ‘Di andaa ni da vu rizo rii.”
\p
\v 9 Anjeli alu tuderi ri ni aga emu mo’di, andaa ni ita tuderi gare de juwe tuderi mure emure vule ga rito rii, kujo, “emu ‘dia. Mamu me’dete nyini lomuruzi, bilo angwa izi’i.”
\p
\v 10 Ongu andaa ngi ma pi endi aga ‘be amgbu godu azo ri ni dige e’dete mani ‘ba okole yerusalemu ni esire vuru ru’buge Rubanga di si rii.
\v 11 Yerusalem ni yayi Rubanga di to, pi andaa suka kende oni sure mirimiri ri ani, kende oni sure miyo miyo ri ani.
\v 12 Gangi na amgbu godu pi azo oru koti na muudi limbi ri, anjeli mudi limbi ri kutee ni. Koti ilepi ni ga si alucwi ‘bonji Israel di mudi limbi ri ri pi a ru’i.
\v 13 Itu a efurega lele si koti na, oru lele si koti na vuru lele si koti na pi itu a efurega lele si koti na.
\v 14 Ari ‘ba ile di pa na mudi limbi ri, acwi a’i a ruge ru ma’ju mudi limbi ri bilo angwa di ripi’i.
\p
\v 15 Mo’di loro’jore mato ile ko tali diga edele mula sure su ri si rii’ba ile ni o’bizo, andaa koti to, pi andaa ari na to.
\v 16 ‘Ba ile asi ewo na su tuwadu ri azo na viru andaa epka to vi. Andaa o’bi ‘ba ile tali ilesi azo na tali alifu mudi limbi ri (azo na, pi epka na to pi azo na tuzo oru ri tuwadu jojo).
\v 17 Ongu andaa o’bi ari na saa, epka aga na di pa mvu miya alu mudi su limbi su ovi ‘ba a nga o’bizo ri si (anjeli ile saa o’bi ovi alua ri ani).
\p
\v 18 Ari ile abi oni sure su wara lungwele jaspara ri si pi ‘ba ilea bi mula sure su ri si, miraya sure su ri ani.
\v 19 Ari na ni pa abi oni ovi mgbimgbi sure su weli na opko ri si. Oni atizo ri kolu curu ani, rizo ri kolu ru’bu ani, nazo ri kolu loteke, suzo ri sa kolu curu ani,
\v 20 Touzo ri lokiri, aziazo ri ika, tuderizo ri lofara ‘dengele ani, arozo ri kolu ayise ni bi ani, dicaluzo ri sa kolu wara dengele ani, mudizo ri kolu lunyume, mudi limbi aluzo ri kolu ini tiri’bu ni ‘a ani, mudi limbi rizo ri kolu ika ndili.
\v 21 Koti mudi limbi ri ile a’i tuwadu ede nga olure miyo sure su ri ani mudi limbi ri si, koti alu alu ede nga olure miyo sure su ani alu si. Leti tuwa’ba iledi ede mula sure su ri si, kende miraya ani.
\p
\v 22 Mandi ‘ba ileni aga zo Rubanga ni elegizo ri kuru, a’dusiku opi Rubanga niatere tuwadu ri bilo angwa to a’i zo Rubanga ni elegia laka ri’i.
\v 23 Itu pi imba to leru ku vu’jire ga ‘ba ile ni aga a’dusiku yayi Rubanga di ku’jivu laka ni, ong bilo angwa ni saa andaa ingwe’i.
\v 24 ‘Ba vu dige ri tuwadu vo kalawe ingwe ‘ba ile di si. Kabakaa vu dige ri tuwadu kuvo kezikii a’i a yayi laka.
\v 25 Koti ‘ba ile di avo alu’bu ku itu, pi ini kumu kolu laka iyo.
\v 26 Kuvo kezikii yayi pi laru’ba vudige ri di ‘aru.
\v 27 Ti nga injwi ri pi andi ri to vokwi ‘ba ile ni aga ku, ‘ba nga dinja di ni ede’ba, enjo lu’joba ri to vo torukii ‘ba ile ni aga ku. Te’ba ru cwile buku lidi di bilo angwa di ni agar i Kutorukii ni.
\c 22
\cl Sura 22
\p
\v 1 ‘Di a vuga anjeli ile ee’dete mani golo iyi lidi dii, iyi ni mi na pelere kususu mandara ani. Iyi ile kelu enga komi keri di Rubanga di pi Bilo angwa di to
\v 2 Kulu leti ‘ba ile di ni aga si. Golo ile ni baraga rilerile kwe lidi di aa, ku’a a’a mgbi mgbi mudi limbi ri imgba si. Kwe ile ni ibibi erua’ba suru vu dige ri ni zwazo lajwa lajwa aga si.
\v 3 Ceni kumu kolu iyo. Komi keri di Rubanga di pi Bilo angwa di to kumu kolu ‘ba ile ni aga, pi andaa opi vo kede i’bu andaa ni laka.
\v 4 Vo kundekii andaa anda ra, pi andaa ru kumu kolu a’ia andati ge.
\v 5 Vu ini kumu kolu iyo, ‘ba vo le vu ingwe lamba diku kusa itu dii a’dusiku opi Rubanga ni mu ku’ji vu a’i ni ni. Vo kuzwakii vu tadu.
\p
\v 6 Anjeli ile ‘jo mani, “le’jo ‘dipi egenile wa pa gba. Opi, andaa ni Rubanga endi nebia di di’i, ezwe Andaa anjeli dudu ke’dete Andaa opi ai nga mure redere ire ri ra.
\v 7 Nde! Memu ezeze! Mo’di le’jo nebi di buku ‘di ni agar i a vu ni erire pi okore ri anda losoto.”
\p
\v 8 Ma gba yoani ni maa nga si meri le’jo di pima pi meri nga ‘dipi ma. De meri pi mande nga ‘dipi, ma’de vuru anjeli mani nga ‘dipi ni e’detere ile a paga laru kerega andaa ni.
\v 9 Andaa ‘jo mani, “Ede ileni ku! Masa ma opigo nyaa rezi’i, kare aluga nyaa adiinjini nebia rito, pi a’i le’jo buku ‘di ni agar i eri’ba pi vu nan i oko’ba rito.
\v 10 Andaa jo mani, “Akalabu lejo buku nebi 'di ni agari ku, adusi sa'a esa wo ire
\v 11 Mo’di anda ku ri, kenjaru nga andaku ri ni edeka to. Mo’di lidi ni ovi na andi ri kenjaru ovi lidi ni andi di ile to. Mo’di anda ri, kenjaru nga anda ri ni edeka to. Mo’di ole ri kulee kenjaru oluka ole to.”
\p
\v 12 “Nde! Mamu eze ze. Dide madi aa mato, mo’di alu alu lokwere ga kuviru nga andaa edele ri to.
\v 13 Ma le’jo nit i a re’doka pi lokoka na to’i, mo’di ati rii pi vule gar ii, re’doka pi lokoka.
\v 14 A’i a’ia bongu ni jwe’ba ra anda loso to, duudu kuvo kolukii anda to kwe ni o’a lidi di ni nyare ga pi kwizo koti si ‘ba ileni aga.
\v 15 ‘Ba loguge laongwe ri oke, ule, bate, ‘ba ‘ba lu’di’ba, ‘ba eno luruka ayo rii, pi ‘ba enjo leba pi lu’jo’ba ayo ripi’i.
\p
\v 16 Ma gba yesu, mazwe maa anjeli le’jo ‘di ni ngere ga nyini pi eklezia ni. Makwe ni zu pi otilele Daudi di’i, lelego kirijobi’i.
\p
\v 17 Endi ole ri lomuruzi to ku’jokii, “Emu!” mo’di le’jo ‘di ni erire ri kulee ku’jo, “Emu!” mo’di iyibi akole ra ri kulee kemu, pi mo’di lere ri kulee kesu iyi lidi di.
\p
\v 18 Ma’joo mo’di le’jo nebi ‘di ni aga ri ni erire ri ni; “de mo’di kenja ke’jo zi laka, Rubanga kumu kenja diaru juwe cwile buku ‘di ni aga ri pi.
\v 19 De mo’di zi ku’du pi le’jo zi’ba nebia di cwile buku di ni aga ri pi, Rubanga saa kumu ku’du andaa ewo kwe lidi di ni ga ripi, pi andaa ewo’ba ole ile ni aga ri to, cwile buku ‘di ni aga rii.
\p
\v 20 Mo’di le’jo ngere nga ‘di pi ruge ku’jo, Eyoo! Memu ezeze.” Amen! Emu, opi yesu!”
\p
\v 21 Tutu ama opi yesu kristu di kolu ba tuwadu to! Amen.