See in Reader
87 lines
8.7 KiB
Plaintext
87 lines
8.7 KiB
Plaintext
\id 2PE
|
||
\ide UTF-8
|
||
\h 2 Peturu
|
||
\toc1 2 Peturu
|
||
\toc2 2 Peturu
|
||
\toc3 2pe
|
||
\mt 2 Peturu
|
||
\c 1
|
||
\cl Andati 1
|
||
\p
|
||
\v 1 Ofu ‘dii enga Simone Peturu ni opigo pi maju Yesu Kristu dii ridi, acwi ‘ba a'i ambugo alu alua ri ni esu'ba amato kare aluga ri ni, a'i andaanda ama Rubanga pi amani Larire Yesu Kristu di ni aga.
|
||
\v 2 Kulee kiza i'bwe to kenjaru Rubanga ni nizo pi ama Opi Yesu Kristu ni nizo saa.
|
||
\p
|
||
\v 3 Okpo Rubanga di okole ri ke ama ni nga tuwadu ama lele lidi ni pi oluzo ‘ba Rubanga di ani ri, pi Andaa ni anda amani lungwere Andaa eku pi loso lagare pi risi ri ni nizo.
|
||
\v 4 Lejo 'dipi si Andaa ecara ama ni nga ambugodu pi loso rere rii, cara 'di a le'jo si anyesu du ovi Andaa di okole ri, anya efeka pi lara injwi vu enjire ri ni ga si.
|
||
\p
|
||
\v 5 'Disidu, anyenjaru loso enjaka to anya a'i ni ga, pi loso dige anyenja ciri,
|
||
\v 6 Anya ciri ni dige anyenja ru ekuka kaa, ru ekuka kaa dige anyenja nga mika, nga mika dige anyenja Rubanga ruka,
|
||
\v 7 Rubanga ruka ni dige anyenja adiinji lekaa, andiinji lekaa ni dige anyenja le ‘ba tuwadu ni.
|
||
\v 8 De nga 'di kolu anya asige pi kumba anya 'aga ku'baa anyede i'bu anyolu o'a ako ku lani ama Opi Yesu Kristu di ni ga.
|
||
\v 9 Ti mo'di nga 'dipi ako ri kunde nga ire, kusa mi ako, nga na saru di a'jo anda ajwe andaa ni andaa enji oku ni aga si pi.
|
||
\v 10 'Disi du, ma adiinji, anyembaru okpo dudu Rubanga a anyini lungweka pi anyini lupeka koludu gba, a'dusiku de anyede nga dipi'i, anyivo anyi'de pi ku.
|
||
\v 11 Le'jo 'disi avo ake anyini okpo njari kwizo opi Opi amadi Yesu Kristu di olure tadu ri ni ga ra.
|
||
\p
|
||
\v 12 'Disidu o'du tuadu si saa mera anyi nga 'dipi si, kesu de anyini a'i ra ongu kesu anyi okpo gba diadu aa anyito ri ni aga saa 'i.
|
||
\v 13 Mara kolu ma ni loso ma olure adi lidi rii de emera anyi le'jo 'dipi si.
|
||
\v 14 Mani ra kema 'di ire avo ataa pi, a'dusiku ama Opi Yesu Kristu e'dete nga 'di mani ra.
|
||
\v 15 Memu mo'bie okposi dudu de maa olunga iyo saa anyate nga 'dipi ni erakaa wa saa tuwadu si.
|
||
\p
|
||
\v 16 A'dusiku amoko nga 'ba a lurale a'ia ciri si kusa o'do 'ba di ni vu ayo ku de amange anyini okpo pi emuka Opi amadi Yesu Kristu di dii na'i, ti ama sadenia Andaa eku dii, amande ama misi.
|
||
\v 17 A'dusiku Andaa esu laru pi eku Rubanga Ata disi de u'duku kenga Eku Amgbugo disi ru'buge si ku'jo, “'Di andaani 'bura madi maa lele ndo rii, mani asi i'bwe Andaa si.”
|
||
\v 18 Ameri amangasi u'duku engere ru"bu ge 'di ra, ama olure Andaa to 'be okole ri a di ge rii.
|
||
\v 19 A'dusiku amani le'jo profeta a 'jole ri ani ri ecoru anda, kulee anyita asi laka kende lamba vu 'jire vu ini aga ri ani kusa ko vu a owire ga pi lelego kirijobi a efurega anya asidi niga.
|
||
\v 20 Lagare pi rii, kulee anyini a'jo le'jo profeta di cwile buku ge ri enga mo'di ni lara ga ku.
|
||
\v 21 A'dusiku lejo profeta a ngole ri emu le mo'di di si ku, rari ngeki lejo engare Rubanga di si rii okpo Endi Okole ri di si.
|
||
\c 2
|
||
\cl Andati 2
|
||
\p
|
||
\v 1 Profetaa enjo rii eze si saa 'bani lelega aa, alu ri ani laponyia enjo ri sa kevo kolu anya lele ga aa, kevo kezikii vuruvuruni le'jo 'ba enzire pi lini anda ku ri to, kuko kugaki Opi a'i ni gere ri imgbe. A'iangasi kuko keziki ecandi a'iadige emi angwadu.
|
||
\v 2 'Ba amgbu rii kevo kokokii endi injwi ri avu ayo nga ai’a edele ri si, ayosi 'ba kuvo ku'jo nga injwi leti gba 'di a dige ra.
|
||
\v 3 Ai’a 'amgbo si, laponyia enjo 'dii kuvo kelenikii anyi le'jo enjo di si dudu a'i kesu nga anyidi si. Ti le'jo a'idii laliru baba, kemu sese, pi a'ia da ni ekalaru ku.
|
||
\p
|
||
\v 4 Ti de Rubanga e'be alusa malaika andani Andaa di ni atukara ri lamgba ako ni kuru, ti wa a'i asi aga, ombe a'ia di cwi nyori si vu ini tiri ri ni aga, kutekii o'du le'jo lalizo rii.
|
||
\v 5 Pi de Rubanga e'be 'ba andani vu eze ri ni ge ri lamgba ako kuru, rari lari Nua ni mo'di le'jo anda anda di ni ngere rii, 'ba zi tuderi to, e'be iyi elure nja ri 'di 'ba vu dige Andaa ni orika ku ri ra,
|
||
\v 6 pi de Rubanga ke lamgba 'ba Sodoma pi di Gomora to ri ni, du a'i asi si, pi enji a'i ra dudu ke'dete du nga mure redere 'ba Rubanga ori'ba ku ri ni rii,
|
||
\v 7 Ti lari Loto ni mo'di loso asi lajware 'ba cara ekukare ku ri a lidi injwi ri si ri ra.
|
||
\v 8 A'dusiku mo'di loso ile, olure a'ia lelega o'du tuwadu si ri a nga injwi a'ia edele ri ni ndeka pi erika si, asi na lajwara okposi.
|
||
\v 9 De Opi kede nga 'dipi 'dini, ku'joru Andaa ni 'ba Rubanga ru'ba ri ni larika lu'bilu'bi agasi ra, pi 'ba ego ri ni ekukare ga saa lamgba o'du le'jo lalizo ri di ni te zo.
|
||
\v 10 Ndondo na 'ba fuco ru di a vu ni okoka pi 'ba 'ba amba ruka ku ri pito. 'Ba di okpo pi asi okpo pi kecurukii, kekii laru alusa ku nga eku to ru'buge ri ni, rarii kulu'daakii ludaa.
|
||
\v 11 Anjeli okpo to zwa a'i ra ti esikiki a'i Opi ni anda ga la'da to ku.
|
||
\v 12 'Ba 'dipi kolu anyukwa nga raka kpe ri ani, oti a'i da ni. Nikii nga a'ia lu'dale ri ku. A'ia nga enjire ga avo enji a'i saa ra.
|
||
\v 13 Kevo kesukii icandi ayo, nga injwi a'ia edele ri si. Nga a'i kanjoru du itu asi ri te fuco ru di ni edeka. Anya remurega a'ito linya ga ri a'i laru ako, kedekii nga dinja kere ri ayo, saa tuwadu si kulu'jokii enjo ayo.
|
||
\v 14 Leki nga zi ku, rari kundekii nga uku bate ri di, fuco ru di ni edeka ate a'ini ku, ku'baki 'ba mori ako ri ku'de enji aga, pi taki asi 'amgbo ga. A'i 'bonji alule ra rii.
|
||
\v 15 Ai’a leti anda ri ni e'beka si, legweki a'ia leti ra pi kokii leti Balamu ori Beori ni rubia esure nga injwi edeka si ri ni leka ndo ri di 'i.
|
||
\v 16 Ti e'ja andaani enji andaa di si ra. Kaino ti ako ri 'jo nga u'duku 'ba di si, ede profeta ile a nga edele mamali du rii cwi.
|
||
\p
|
||
\v 17 'Ba ovi 'dii viru idi njure ra ri to, ongu lofu oli a ngile pi ri ani. Rubanga ede a'i ni kare vumudi ini rere ri ni aga.
|
||
\v 18 Kecurukii pi kulu'jokii nga mamali du. Ke'buki fuco injwi ru dii ovi asa di si, kulunjwaki 'ba le'ba a'i kunga pi lidi 'ba olu'ba enji aga ri di ni aga si ri dudu kungwikii vule.
|
||
\v 19 Ku'jokii a'i kuke 'bani di mgbo, ti a'i gba ri opigo lidi injwi ri di 'i, a'dusiku de le'jo zwa mo'di ni mi ra, andaani opigo nga andaa ni zware ra ilei di 'i.
|
||
\v 20 De 'ba e'be lidi injwi vu di ge 'di ra ama Opi pi amani larire Yesu Kristo ni nika si, de 'deki lu'bi ga pi lu'bi kuzwa ai’a mori ra, 'ba 'diani ri kevo kolukiii ecandi injwi ri ni aga kuzwa andani ati ri ra.
|
||
\v 21 Kesu duba kunikii leti andaanda di ku, kuzwa a'ia nika ra pi kudikii nga pi cara okole a'ini larire ri ni ga si.
|
||
\v 22 Le'jo 'bele 'di viru a'ito, a'jo, “oke kungwi andaa o'bwe ni mbere, pi rabala jwele ra ri kungwi lu'dere ga otoko'du aga.”
|
||
\c 3
|
||
\cl Sura 3
|
||
\p
|
||
\v 1 Ma rozi malelendo ri! Di diadu ofu ma jwile anyini vu erizo ri’i. Ofu dipi critwadu mobi ra loso rii kele anyini, ma anyi eraka nga dipi a digesi.
|
||
\v 2 Male anyimaa lejo profetaa ole rii pi ajole eze rii eraka, cara ama opi pi aridipi a kele anyini leti anya maju di si rii to.
|
||
\p
|
||
\v 3 Ati joleri kule anya ra odu vule ri si ha zipi anyi engalika lindi injwi ri si kevo ketederu ra kevo ki kengali ki anyi ra.
|
||
\v 4 Kujo ki: Jooanda kemu na, emuraya? Anda ni inguwa? Ama abi pi odaki ra ki nga vu di ge ri tuadu kelende andani eze vu bizo ri ani.
|
||
\v 5 Legweki lejo anda di andidu, andani eze Rubanga jo lejo dii, bu pi biru vu to ra, vu enga iyi aa ga ongu biru iyi si.
|
||
\v 6 Ki vu atiri enjiru ra iyi elure ri si.
|
||
\v 7 Ki ba vu to olure diyadu di Rubanga baa ngana lejo alu ri si asi ni enjile. Baa ai nga ni tema adu evo zo ba asi injwi rii a lejo ni lalizo pi ai enzi zo ri ni.
|
||
\v 8 Ma vozi ma lele ndo rii, ekelegwe lejo di alu sa ku! Opi aa mgbimgbi ni iyo desa odu alu ri ni aga, nosi kinga alifu ubi ubi sai, anda ni eri tuwa viru ki ra.
|
||
\v 9 Kelende ba zipi a raka ri ani opi ekalaru nga andaa ecarale ri ni ga ku. Rarii kolu anyi to imbwe si, adusi andaa le alusa modi zi ni renji kara ni ku, ki rarii anda le ba cidu karu enji aidi ra.
|
||
\v 10 Ki odu opi di kemu kelende ogu ani. Oduna ninga bu kelegwe uduku ambugo ri to, nga bu agaa ri kevo kugwe ra.
|
||
\p
|
||
\v 11 De nga dipi kenjeru dini na, anyevo anyolu ba ingoniri’i. Kule anya lidi kolu ole pi kaziru Rubanga ni.
|
||
\v 12 Anya odu Rubanga dii lutekasi, anyi ba asi odu opi di bu aa emuzo gwere pi renji zo pi emuzo akare asi sir i kemu du eze.
|
||
\v 13 Ki ama tee bu udi pi vu udi lejo anda dii evo zo olu zo laka Rubanga a ecarale ri tere ga.
|
||
\p
|
||
\v 14 Disidu madinji ma lele ndo ri, any odu nani teka si, anyiba asi olure ga Rubanga ni anda ga imbwe si enji ako.
|
||
\v 15 Anyinde nga opi a lenile rii luzu kaa ako. Odu onda anyini kore rarizo ri kere ri kelende bwa ama adozi lelendo Paulo a jwile ciri Rubanga a kele anda ni ri si ri ani.
|
||
\v 16 Ofu Paulo acwi le ri niga anda kunge nga lejo dini dige kujoo dini. Nga zipi anda ofu ni agar ii opkwo, ba mamali ongu mori ako rii kunge kii ‘dimba na enjo du, kelende aia edeka ewo buku ole ri di zi pini gar i ani, kenjiru ki te sa aiangasi.
|
||
\v 17 Disidu marozi anyi ni nga di eze si ra. Anyolu baba ayosi du anya dii ni maraga ku, anyolu tee saa anya kare ni ga.
|
||
\v 18 Ki anyenja tutu pi ciri ama opi pi aridipi yesu kristo di ni. Eku kolu andani diaduu liti tadu Amen.
|