See in Reader
151 lines
14 KiB
Plaintext
151 lines
14 KiB
Plaintext
\id 1PE
|
|
\ide UTF-8
|
|
\h 1 Petero
|
|
\toc1 1 Petero
|
|
\toc2 1 Petero
|
|
\toc3 1pe
|
|
\mt 1 Petero
|
|
\c 1
|
|
\cl Andati 1
|
|
\p
|
|
\v 1 Ofu 'di enga opigo Petero in majugo Yesu Kristo di ri di si, cwi 'ba Rubanga a lupele acaka vu dige juru asi oluka vu Ponto di ni ga Galatia to, Kapodokia, Asia bi Bitinia niga rii ni
|
|
\v 2 Alupe anyi Rubanga Ata a lani ati ri si Andaa Endi Okele i'bu Andaa di 'ba lufuzo okole ri si, Yesu Kristo ni orizo pi anyi ni jwezo pelere Andaa eri si. Tutu kolu anyini pi i'bwe kenjaru anyini
|
|
\v 3 Kule akuke anjo Rubanga pi Ata Opi amadi Yesu Kristo di ni! Andaa kiza nzagodu ri si, ke amani oti u'di rii igeni lidi ri si Yesu Kristo a enjika pi da asi ri si.
|
|
\v 4 'Di andaa ni nga 'bani vole esule andaga renjire ku rii, nyala kore ku rii pi mure legwere ku rii. Ekuka oru ru'buge anyini.
|
|
\v 5 Rubanga kekuka anyi Andaa mori si a'i aga lari olure baba mule e'detele o'du vule ri si ri ni.
|
|
\v 6 Le'jo 'disi anyolu anjo to ambamba, kesu diadu saa gaangwadu ri ni aga anyi icandi pi lu'bilu'bi mgbimgbi ri to saa 'i.
|
|
\v 7 'Di ke'dete anya a'i 'i, a'i mula sure su ri ni zware ra rii, mula sure su ile kenjiru ra de kesu ako'bi asi si sa'i. Nga 'di kederu anyini dudu akuvo akesu anya a'i ni kolu du ecu, eku pi laru to o'du Yesu Kristo a lendezo ri ni ga.
|
|
\v 8 Anyi nde Andaa ni kuru, ti anyile Anda in ra, anyinde Andaa ni diadu ku, ti anya'i Andaa ni ra pi anya anjoanjo o'bie kpe pi ga eku si.
|
|
\v 9 Diadu anyesuo anyini anyangasi nga anya a'i ezile rii, andaa ni lari anya endi dii.
|
|
\p
|
|
\v 10 Protetaa le'jo nge'ba kiza mure emure anyini lari 'disi ri a ruge ri riki nduo okposi pi sese dudu a'i kesu.
|
|
\v 11 Riki nduo mo'di ingo'i kusa saa ingosi Endi Kristo di olure a'ia aga ri a e'detele lele Andaa nge le'jo atisi icandi Kristo di a ruge pi Andaa eku mure vu na ni ekore ri to.
|
|
\v 12 E'dete a'ini a'jo a'i kede i'bu a'ini ku, ti anyini, lele a'ia le'jo 'jore nga diadu 'jole anyini ra 'ba ofu loso ngere anyini Endi Okole ezwele ru'buge si ri si rii -nga anjeli kulee okposi ndele rii.
|
|
\p
|
|
\v 13 'Disidu anyekuka anya lara, anyita asi. Anyegeni gbagbadu kiza avo ezia anyini o'du Yesu Kristo a lendenga rii.
|
|
\v 14 Kende 'bonji le'jo eri'ba ri ani, anyoko fuco injwi anda ezesi anya vuna okole ayo ri ku, a'dusiku anda anyedee esu adi anyini nga ku.
|
|
\v 15 Kende Andaa ni anyini lungwere ri okole ri ani kulee anyisa anyolu okole anya lidi ni oviga.
|
|
\v 16 A'dusiku acwi ra, “Anyolu okole maa oluzo okole ri ani.”
|
|
\p
|
|
\v 17 De anyilungwe Andani “Ata", Andaa ni le'jo lalire 'ba dige mgbimgbi ako kuviru mo'di alu alu a i'bu to rii, anyolu ori to lidi anyidi ni ga saa anyolu du omu ani vu dige 'dia ri ni ga.
|
|
\v 18 Anyini ra a'jo age nyi pi lidi ni ovi ekwi ako anya esule anya a'bi di si ri ni gasi aya ingwe suresu kusa mula suresu renjire wa ri si ku,
|
|
\v 19 Ti eri weli amgbu Kristo di si, azi Andaa ru kende bilo enji ako ri ani.
|
|
\v 20 Yesu ni alupe eze esu adi a'ba vu kuru du, ti diadu e'dete Andaa ni anyini saa vule ri si.
|
|
\v 21 Andaa si anya'i Rubanga ra, Andaa ni enjire dagasi pi pi ke Andaa ni eku, dudu 'bani igeni a'i to kolu Rubanga ni aga.
|
|
\p
|
|
\v 22 Anyede anya endi emu okole le'jo gba ri ni erika si. 'Di dudu anyi le adiinji zipi ndo, ayosi kulee anyileru anyianyini asi pelere ri si.
|
|
\v 23 Ati anyi idi ori mware ri ni ga si ku, ti ori lidi mware ku ri si, andaa ni le'jo Rubanga di lidi olure tadu rii.
|
|
\v 24 A'dusiku “Ru tuwadu kolu ayise ani, yayi na kolu ayise ni ofu ani. Ayise kolonyu, pi ofu na kujo pi,
|
|
\v 25 ti Opi a le'jo kolu tadu.”
|
|
\c 2
|
|
\cl Andati 2
|
|
\p
|
|
\v 1 'Disidu kulee anye'be nga injwi injwi ri ra anya lidi ni ga si, lunjwa lunjwa, enjo, avi, 'ba edeka to.
|
|
\v 2 Kende 'bonji tile u'di ri ani, anyile leyi okole Endi dii, dudu anyimba lari aga,
|
|
\v 3 de anyi'bi ra a'jo Opi ni kiza re.
|
|
\p
|
|
\v 4 Anyevo Andaa ni oni lidi ri di anda 'ba a gale imgbe rii, ti Rubanga a ovile weli na amgbu Andaa andaga rii.
|
|
\v 5 Anyi saa anyi oni lidi ri ani evo abi endi ni zo du rii, oluzo 'ba nga azi'ba Rubanga ni okele rii lazi endi di Rubanga a lele Yesu Kristo ni aga rii ni azire rii.
|
|
\v 6 Buku Opi di 'jo 'dini nde ma'ba zioni ni ga oni gbungu ga rii alupe ra pi weli to. Mo'di Andaa ni a'ire rii dinja muko ku.
|
|
\p
|
|
\v 7 Loso na kolu anyini 'ba a'i to rii. Ti 'ba a'i'ba ku ri ni, “Oni 'ba zo lubi'ba ri a gale imgbe ri mu ecoru oni, gbungu ni di dii.”
|
|
\p
|
|
\v 8 Ongu, “Oni 'ba ni pa lusire rii pi lupa a'ini 'dezo rii.”
|
|
\p
|
|
\v 9 Ti anyi suru lupele ra rii, 'ba opi du nga azi'ba Opi ni rii, suru okole rii, 'ba Rubanga dii tema rii, dudu amange le'jo i'bu a'uzo Andaa ni amani ezire laangwe vu mudi asi Andaa ingwe a'uzo ri ni aga ri dii.
|
|
\v 10 Andani anyi 'ba ku, ti diadu anyi 'ba Rubanga dii. Andani anyesu kiza kuru, ti diadu anyesu kiza Rubanga di ra.
|
|
\p
|
|
\v 11 Maa adiinji ni ma lele ndo rii, ma'i anyi kende omu olure vu dige 'dia ri ani, pi 'ba evo'ba evo ri ani, anye'be fuco ru di ra, 'jare anya endi to rii.
|
|
\v 12 Kulee anya ovi 'ba le'jo Rubanga di ni ni'ba ku ri ni lelega ri kolu loso; dudu de ku'jokii anyi 'ba injwi rii sa'i, e'bedu kundekii anya i'bu loso ri pi kukekii eku Rubanga ni o'du vule Andaa lendenga.
|
|
\p
|
|
\v 13 Anyike laru 'ba vu lase'ba ri ni Opi a le'jo si. Akuru opi amba ri saa.
|
|
\v 14 Pi akoriki 'ba amba 'bale 'ba ni di serega ripi, a'dusiku a'ba a'i 'ba nga injwi ede'ba ri ni mgbarega pi 'ba nga loso ripi ni ede'ba ri ni anjozo.
|
|
\v 15 A'dusiku 'di le Rubanga dii, dudu anya nga loso ri ni edeka si, anyuluga lo'jo'jo 'ba mamali nga ni'ba ku ri di cwi.
|
|
\v 16 Anyi 'ba di mgbo to rii, ti anye'bu anya di mgbo ile enji luzuzo ku, rari anyolu opigo Rubanga dii.
|
|
\v 17 Akuke laru 'ba tuwadu ni. Akule adiinji. Okori Rubanga. Akuru opi.
|
|
\p
|
|
\v 18 Anyi opi, anyalu laru to 'ba amba anyidi ni. Anyiru te a'i amba anyidi loso pi i'bwe ripi 'i ku ti a'i ovi injwi pi anga ri saa.
|
|
\v 19 Andaa ni loso de mo'di kunde icandi egodu andaa Rubanga ni nika si na'i.
|
|
\v 20 Loso na a'du de anyede injwi pi anyinde icandi ayosi na'i? Ti de anyede nga loso rii pi adi anyini ecandi ke ayosi, 'di Rubanga kecuo ayo.
|
|
\v 21 Rubanga lupe anyi nga 'disi, a'dosiko Yesu Kristo ni saa nde icandi anyisi. Andaa e'be 'di anyini ndele dudu anyoko Andaa vu.
|
|
\v 22 Andaa ede enji kuru, pi esu le'jo lunjwalunjwa di Andaa tige alusa kuru.
|
|
\q1
|
|
\v 23 De kulu'dakii Andaa ni, Andaa longwi la'da a'ini kuru. Lele Andaa icandi ndere rii, Andaa longwi a'ini la'jo 'angala di kuru, rari Andaa azi Andaa ru Rubanga ni le'jo lalire anda ri di.
|
|
\q1
|
|
\v 24 Kristo ngi ama enji ni Andaa ruge epa kruce dige, dudu ame'be enjii ra amadi lidi u'di anda anda di si. Anda bi ru ndwalu ndwalu ri to 'ba amesu ru i'bwe ra.
|
|
\v 25 Anyi tuwadu anyiri kure pi bilo legwere ra ri ani, ti diadu anyengwi Andaa di, Andaa ni anya endi ni leyire pi ekukare rii.
|
|
\c 3
|
|
\cl Andat 3
|
|
\p
|
|
\v 1 Ovi alua ri ani, anyi uku ru'duka ra ri kulee anyiru anya ago ni. Anyede 'di de kesu ago zi'ba a'i le'jo Rubanga di ku saa'i, kuvo kulufurukii Rubanga ni le'jo Rubanga di ni ngeka a'ini si ku, rari a'ia ovi loso a'ia uku di ni ndeka si,
|
|
\v 2 A'dusiku kesuo ndekii anya olu ni ovi laru di pi pelere di to.
|
|
\v 3 Nga 'di kederu ru laangwe ri ni egirika si ku; ovi si du di'bi cwaka, mula suresu ri ni lusuka, kusaaa bangu anya lusule rii.
|
|
\v 4 Rari kulee anya lurusuka kolu mo'di iti asidige ri dii pelere lokore ku oluzo endi i'bwe pi olure 'di ri to, weli na amgbu Rubanga ni andaga.
|
|
\v 5 A'dusiku 'di ovi uku okole naninga eze Rubanga ni egenika ra ri a ovi oluzo rii, a'ia agoo ni ruka si.
|
|
\v 6 Ovi 'disi Sara ke laru Abramo ni ra, ongu lungwe Abramo ni andaa amba' i. De anyede nga loso rii, ongu de anyori icandi si ku, anyi diadu Sarah a 'bonji 'i.
|
|
\p
|
|
\v 7 Leti alua riani, anyi ago kulee anyolu anya uku to ovi rerika di si, a'dusiku izi ni viru okozo mori oko ri to vi. Anyike a'i ni laru kende 'ba kiza lidi di ni esu'ba a'ito kare aluga ri ani. Anyede nga di, dudu ilegi anyidi kuki di ku.
|
|
\p
|
|
\v 8 Nga ni ti ni lokozo, anyolu ra alu risi, anyede kiza anyini anyanga si, le adinji di to, ongu asi loso si rumuka to.
|
|
\v 9 Akolokwe nga injwi ri ati injwi si ku kusaa lada ni ti lada si ku. Rarii, anyi vo anda ga tutu keka to 'i, a'dusi 'di ra anyini lungwezo rii, ayosi anyolu du 'ba tutu esu'ba rii.
|
|
\v 10 Mo'di lidi lere ra ongu lere andaa kunde o'du loso rii, kulee kekuka andaa leda nga injwi ri ni ga si ongu ke'be enjo lu'joka.
|
|
\q
|
|
\v 11 Kecoru pi nga injwi rini ga si, ongu kede nga loso rii. Kulee kundu i'bwe ongu koko vuna 'i.
|
|
\q
|
|
\v 12 Opi a mi kunde 'ba anda rii, ongu Andaa bi keri a'ia elegi. Ti Opi keco anda 'ba enzi edeka ri di si pi.”
|
|
\p
|
|
\v 13 De anyede nga loso ri ayo na, a'di kate anyi ni edeka injwi ni?
|
|
\v 14 Ti de anyecandiru nga anda ri ni edeka si, anya anda loso. Anyori a'ia anyini evuruka ri ku. Anya asi kalajwa ku.
|
|
\v 15 Rari anya' i Opi Christo ni anya asidi ge okole. Tesaa anyolu baba le'jo longwire ga de mo'di zi kuzi anyi igeni anyidi si na'i -
|
|
\v 16 kulee anyede 'di laru si pi leti loso ri si. Anyolu lara loso ri to dudu dinja kuko 'ba anyi ni lu'daka pi anya ru ni lu'jo'ba injwi anya olu ni loso Kristo niaga si ri cwi.
|
|
\v 17 Andaa ni duba si loso, de Rubanga a le si na'i, anyecandiru nga loso ri ni edeka si, zwa nga injwi ri ni edeka si ra.
|
|
\v 18 Kristo 'i saa ecandiru vu alu enzi si. Andaa ni mo'di anda ri ecandi ru ama enjii'ba ri si, dudu Andaa kezi ama Rubanga di. A'di Andaa ni kpo ru si, ti endi si enji lidi.
|
|
\v 19 Endi si, Andaa mu nge ofu endi zi'ba diadu mabusi aga ripi ni ra.
|
|
\v 20 Lekii le'jo erika ku lele Rubanga a nga mika ri nga lutere Nuwa ni nga, saa i'bo edezo ri ni nga, ongu Rubanga lari 'ba ni weli ga angwadu papala - 'ba aro - iyi ile ni aga si.
|
|
\v 21 'Di viruvi diadu batisimu a anyini larizo ri ani - andaa ni andi ruge ri ni jweka pi 'i ku, ti ke'dete lara loso ri Rubanga andaga - Yesu Kristo a enjika pi daga si.
|
|
\v 22 Kristo ni di anda Rubanga di ni ga. Andaa toru ru'buge. Anjeli, okpo, ongu mori 'boro dubasi kurukii Andaa ni.
|
|
\c 4
|
|
\cl Andati 4
|
|
\p
|
|
\v 1 'Disi du, Kristu nde icandi ru ge, anyisa anyo'ba ru baba lara'di ani ri si. A'dusiku mo'di icandi ndere andaa ruge ra ri e'be enji ra.
|
|
\v 2 'Di a vuga, mo'di ovi ileni ile diadu adi lidi andaa di ovi ru disi ku, olu lidi andaa di niga fuco injwi “ba di ri ani ku, ti kadi le Rubanga di ni.
|
|
\v 3 Anyenji saa karako nga juru a lele edele ri ni ederega, oluka mi mgba aga, fuco injwi rii, emerika uwa si, anjoanjo emerizo uwa si rii, lemu injwi o'ja'ja dii, pi nga injwi ri pi ni edeka ovidu eno ruka ani,
|
|
\v 4 Diadu kurakii 'di nga a'uzo a'u rii de anyemuru a'ito ku ovi injwi ileni ri pi ni ga, ayosi kulu'jokii anya ru injwi.
|
|
\v 5 Ti vo kukekii le'jo Andaa ni olure baba le'jo lalire ga 'ba lidi pi 'ba kpo rito ri a ruge ri ni andaga.
|
|
\v 6 Le'jo 'disi e'be ange ofu loso ri 'ba odaka ra rini saa. Dudu, kesu alali le'jo a'i a ru ge ra kende 'ba ani sa, kadikii du endi ge ra ovi Rubanga a oluzo ri ani.
|
|
\v 7 Nga tuwadu a lokoka esa ire 'Disi kulee anyolu lara anda ri to pi anyolu baba anya lara ni ga elegi si,
|
|
\v 8 Lagare pi rii, anyolu le to ambamba anya lelega, a'dusiku le kaku enji karako.
|
|
\v 9 Anya'i 'ba omu rii anya lelega luzuka ako.
|
|
\v 10 Ovi du de mo'di alu anya lelega esu nga keleke andaa ni ri ra, kulee ke'bu 'ba zi'ba ekonyi zo, ke'bu asi igeni di si kende 'ba kiza Rubanga di ewo mgbimgbi si ri ni ekuka'ba ri ani.
|
|
\v 11 De mo'di alu alu kolo'joru, kulee kolu le'jo Rubanga di ni aga. De mo'di alu alu kede i'bu 'ba zini, kulee kede mori Rubanga a kele ri si. Anyede nga 'dipi duku leti mgbimgbi ge si akuke yayi Rubanga ni Yesu Kristu si. Yesu Kristu ni kolu yayi pi okpo to tadu tadu. Amen.
|
|
\v 12 'Ba maa lele ndo ri, anya'u ku lu'bilu'bi asi emure anya ruge risi, kende nga zi mgbi ri kederu anyini ni,
|
|
\v 13 Rari, de kesu anyesu icandi karako Yesu si saa, anyanjoru, dudu anyolu anjo to pi asi i'bweto Andaa yayi a lende nga.
|
|
\v 14 De alu'da anyi Kristu a ru si, anyi anda loso to, a'dusiku Endi yayi di pi Endi Rubanga di kolu anyi to.
|
|
\v 15 Ti kulee mo'di alu sa anya lelega kunde icandi ku 'ba 'dika si kusa ogusi, ovi ni injwi si, deku lurusuka 'ba zi ni le'jo ga si.
|
|
\v 16 Ti kulee mo'di kunde icandi andaa oluka Kristo a mo'di 'i si, dinja kuko andaa ni ku, rari kulee kuke yayi Rbanga ni ru ile si.
|
|
\v 17 A'dusiku saa esara le'jo lalika ni re'dozo Rubanga di zo ga. De ke'doru ama si na, 'ba ofu loso Rubanga di ni leka ku ri ni kumu kolu ingoni?
|
|
\v 18 Ongu de kolu okpo 'ba anda ri ni lararizo na kumu kolu ingoni 'ba Rubanga ako pi enji'ba ni?
|
|
\p
|
|
\v 19 'Disi du kulee a'i icandi nde'ba le Rubanga di si ri kazikii a'ia endi Andaa ni loso vu bire ri ni nga loso ri ni edeka to.
|
|
\c 5
|
|
\cl Andati 5
|
|
\p
|
|
\v 1 Ma'jo le'jo opko opko amba anya lelega ri pi ni, masa ma mo'di amba anyi ani pi sadeni icandi Kristu dii, ongu masa mamu memuru yayi mule e'detele ri ni aga.
|
|
\v 2 Anyeleyi bilo Rubanga di anya diga ri, anyinde a'i di-ari anyi laka ri ku, ti anya leka si, kende Rubanga a lezo anyede ri ana-limi dinja di si ku, ti le si.
|
|
\v 3 Anyolu 'ba dige kende opi duku 'ba anya diga ile ni. Rari anyolu ovi loso du bilo ni ndele.
|
|
\v 4 De indi leyi Amba ri kumu kelende ra, anyivo anyesu tegia opi di yayi di ri ra.
|
|
\p
|
|
\v 5 Ovi alu ri ani, anyi yayi, anyeri 'ba amba. Anyi tuwadu, anyulusuru olu ni i'bwe si pi anyede i'bu anyi ni anya lelega. A'dusiku Rubanga ku'ja 'ba recu'ba ri to, ti Andaa kuke kiza 'ba olu'ba 'di ri ni.
|
|
\p
|
|
\v 6 'Disidu anyolu 'di Rubanga a di opko ri ni ga dudu kenga anyi oru de saa na kumu kesa ra na'i.
|
|
\v 7 Anyiwa anya icandi tuwadu Andaa paga a'dusiku Andaa kura anyi.
|
|
\p
|
|
\v 8 Anyolu anya mi kolu mgbo, anyinde nga losodu. Anya avire, Satani ni kalamu ibi lu'dure ri ani kundu mo'di andaani vule cho.
|
|
\v 9 Anyede opko anyi'ja andaa to. Anyede opko anya a'i ni ga. Anyini ra a' i 'baazi vudige 'dia ripi saa kepikii asi icandi ovi ileni ri pi ni aga si.
|
|
\v 10 De anyecandi ru gaangwadu ra, Rubanga ni kiza tuwadu to pi anyini lungwere yayi Andaa di lokore ku Kristu ni aga ri kumuku'ba anyate ra ku'ba anyede okpo, pi kumu kemba anyi ra.
|
|
\v 11 Keri kolu Andaa ni tadu tadu. Amen.
|
|
\p
|
|
\v 12 Mande Silvano ni kende adozi egenile wa ri ani, ongu macwi anyini le'jo gaangwadu ra andaa di ga si. Make anyini le'jo opko rii ongu ma'joo anyini a'jo le'jo ma cwile anyini ile kiza gba Rubanga dii. Anyede okpo laka
|
|
\v 13 Izi Babuloni ga rii ovile anyito kare aluga rii, zi anyi laka. Ongu Marko ma ngwa 'i saa zi anyi laka.
|
|
\v 14 Anyiziru anyianyini elemvu njuka lale si ri si. I'bwe kolu anyi Kristu ni aga ri to tuwadu.
|