See in Reader
435 lines
41 KiB
Plaintext
435 lines
41 KiB
Plaintext
\id HEB
|
|
\ide UTF-8
|
|
\h Eberei'Ba
|
|
\toc1 Eberei'Ba
|
|
\toc2 Eberei'Ba
|
|
\toc3 heb
|
|
\mt Eberei'Ba
|
|
\c 1
|
|
\cl Andati 1
|
|
\p
|
|
\v 1 Anda ezesi Rubanga lo'joru ama a'bito profeta si leti mgbimgbi karako ri niga pi saa mgbimgbi karako ri si.
|
|
\v 2 Ti diadu saa vu ni ti a lokozo 'dipi niga Andaa lo'joru amani Ngwa alu Andaa ovile nga tuwadu ri ni esurega ri si. Andaa si saa Rubanga bi vu 'di ra.
|
|
\v 3 Andaa ni ingwe eku Rubanga di dii, Andaa ni gba Rubanga ani. Andaa ni gba ri saa koko nga tuwadu kare aluga ni le'jo Andaa okpo di si. De Andaa ku'du 'ba vu dige ri a enji tuwadu pi, Andaa ri vuru Rubanga ni nga tuwadu zware ni ri a di anda ni ga.
|
|
\p
|
|
\v 4 Andaa zwa malaikaa ra loso si, ovidu Andaa ru ni esuzo zwa a'idi ra ri ani.
|
|
\v 5 Rubanga 'jo malaika ingo ni, “Nyi maa 'bura 'i, pi andu nyecoru Maa 'bura 'i rii?” Kusa Rubanga 'jo malaika ingo ni a'jo,” Mamu molu andaa Ata 'i pi anda kumu kolu Maa ngwa 'i rii?”
|
|
\p
|
|
\v 6 Ongu saa Rubanga a 'bura kayo ri ni ezire esu adi nga tuwadu iyo ri Andaa ku'jo, “Kulee malaikaa Rubanga di tuwadu kurukii Andaa ni.”
|
|
\p
|
|
\v 7 Malaikaa dige Andaa ku'jo,” Andaa keco Andaa malaikaa endi du, pi Andaa opigo asi ni leda du.”
|
|
\p
|
|
\v 8 Ti Ngwa ni Andaa ku'jo, “Rubanga, nyaa keri kolu tadu.” Pi Andaa ku'jo kare zi na niga,” Nyalase nyaa keri leti anda di si.
|
|
\q
|
|
\v 9 Nyile anda ayo, nyiga cara nguka imgbe. Ayosi Rubanga, Rubanga nyidi efu nyi odu si, odu asi i'bwe di si zwa nyaa rezi zi'ba ripi ra.”
|
|
\p
|
|
\v 10 Kare zi niga Andaa ku'jo, “Vu a re'donga, Opi, nyi'bi vu ni pa. Ru'bu andaa ni i'bu Nyaa di dii. A'i vo kolokora bongu a lokozo ri ani.
|
|
\q
|
|
\v 11 Nyimu nyli a'i bongu lizo ri ani, pi avo alufu a'i bongu lufuzo ri ani. Ti nyidi nyile nyolu ileni, pi Nyaa kinya saa loko ku.”
|
|
\p
|
|
\v 13 Ti malaika ingoni Rubanga 'jo saa zisi a'jo, “Ri Maa di anda ga 'dia kusa ko Maa nyaa avi'ba ni ecorega komi du nyaa pa ni?”
|
|
\p
|
|
\v 14 Malaikaa tuwadu a'i endi i'bu ede'ba ripi 'i ku, pi aluzwe a'i 'ba tozo vo'ba lari esu'ba ripi ni ekukare ga ku?”
|
|
\c 2
|
|
\cl Andati 2
|
|
\p
|
|
\v 1 'Disidu kulee akutakii asi le'jo 'ba a erile ra ri niga, dudu adikukii pi laka si ku.
|
|
\v 2 A'dusiku de ofu malaikaa a 'jole ni ri le'jo na olu anda pi okpo ileni, pi 'ba dina ni atu'ba ri ake a'ini lamgba anda ri ra na,
|
|
\v 3 amavo amapi ingoni de amatu lari amgbugo 'di ni di ra na 'i? Lari 'di ati Opi yu le'jo na ra pi 'ba le'jo ileni eri'ba pi edire amani ri saa 'jokii amani ra.
|
|
\v 4 Ongu Rubanga nge sadeni runa niga nyuma e'deteka si pi nga 'bani a'uzo mgbiimgbi ri ni edeka to si, pi ke mgbimgbi Endi Okole di Andaa kele Andaa lezo ri ani ri si.
|
|
\p
|
|
\v 5 Rubanga ke mori kuru malaikaa ni vu tozo mure emure diadu ama nga lu'jore di na niga 'di ni zwazo.
|
|
\v 6 Ti mo'di zi 'jo ra kare zi na niga a'jo, “Mo'di andaa ni a'du, nyini nga razo andaa dile ga rii? Deku saa, mo'di ni 'bura andaa ni a'du nyini rale?
|
|
\q
|
|
\v 7 Nyibi mo'di vuru malaika zwa andaa ni ra, Nyulusu andaani eku si pi yayi to.
|
|
\q
|
|
\v 8 Nyi'ba nga tuwadu andaa paga.” A'dusiku Rubanga 'ba nga tuwadu vuru mo'di paga. Andaa e'be nga zi kuru mo'di ni zwale ni ku na'i. Ti diadu adi amande mo'di ni nga tuwadu zwazo ra ni kuru.
|
|
\v 9 Ti amande Yesu ni 'bale vuru gaangwadu malaikaa ni saa gaangwadu ri ni aga ri, ake Andaa ni eku laru to Andaa recandika pi daka si, dudu kiza Rubanga di si Andaa ku'bi da 'ba tuwadu si.
|
|
\p
|
|
\v 10 A'dusiku o'biru ra Rubanga ni, nga tuwadu a oluzo 'aa Andaa ni ri ani pi Andaa si ri ani, dudu Andaa kezi 'bonji karako eku ge. Leru ra Andaa ni Mo'di a'ia lari ni e'dore ile ni 'bazo du katera ni Andaa icandi ndeka si
|
|
\v 11 A'dusiku mo'di nga lembere ri pi a'i lembele ri to boro engakii kare aluga. 'Disidu dinja ko Andaa ni ku a'ini lungwezo Andaa adiinji pi'i du.
|
|
\v 12 He Andaa ku'joo, “Rubanga, mamumange Nyaa ru Maa adiinji ni ra, mamu mango longo Nyini ra 'ba rutaka 'di ni aga si.”
|
|
\p
|
|
\v 13 Pi kare zi na niga ku'j, “Mamu megeni Andaa 'i.” Ongu ku'jo idi, “Nde, ma 'dii, ma pi 'boronji Rubanga a ekele mani rito.”
|
|
\p
|
|
\v 14 Ayosi, kende 'boronji a oluzo ru to pi eri to ri ani, Andaa saa emuru nga ile pito leti alua ri ani, dudu daka si Andaa kenji mori andaa ni okpo da di to ridi ra, andaa ni sitani 'i.
|
|
\v 15 'Di ederu dudu Andaa kayu a'i da orika si olu'ba a'ia lidi ni ga tuwadu ombele cwi opigo du ripi.
|
|
\v 16 A'dusiku gbadu Andaa ekonyi malaikaa ayo ku, rari 'bonji Iburaimu dii.
|
|
\v 17 Ayosi Andaa saa duba kolu adiinji ani nga tuwadu ga, dudu Andaa kate du oluka mo'di nga azire Rubanga ni amba kizare pi egenile wa rii ovi Rubanga di niga, pi dudu Andaa kuda enji 'ba di si.
|
|
\v 18 A'dusiku Yesu ni Andaa nga si ri a recandika pi asi na ni o'bika si, Andaa kate 'ba lu'bilu'bi a o'bile ri ni ekonyika wa.
|
|
\c 3
|
|
\cl Andati 3
|
|
\p
|
|
\v 1 'Disidu, maa adiinji ni okole ripi, anyemuru kare aluga lungwelungwe ru'bu di ni aga. Anyira nga Yesu a ruge, Mo'di ezwele pi Nga Azire Amba Rubanga ni ama sadeni di rii.
|
|
\v 2 Andaa egeni Rubanga ni ra, Mo'di Andaa ni lupere rii, kende Musa a oluzo mo'di egenile wa zo Rubanga di niga tuwadu ri ani.
|
|
\v 3 A'dusiku Yesu ni a'ba eku na amgbu zwa Musa di ra, a'dusiku mo'di zo sire ri andaa eku zwa zo di ra.
|
|
\v 4 A'dusiku zo alu alu ri mo'di kusie ni, ti Andaa ni nga tuwadu bire ni ri Rubanga 'i.
|
|
\v 5 Musa ni olu mo'di egenile wa rii Rubanga di zoga tuwadu, kunge sadeni nga tuwadu vole ngele vulega ri a dilega.
|
|
\v 6 Ti Kristu ni Mo'di egenile wa kende Ngwa zo Rubanga di ni di zware rii. Ama zo Andaa dii de amako okpo ama asi epika pi igeni ama recuzo rii.
|
|
\p
|
|
\v 7 'Disidu, kende Endi Okole ri a 'jozo ri ani, Andu de anyeri Andaa u'duku ra, anyemba anya asidi okpo ku kende anda anya embazo anya oluzo avoro du ri ani, saa lu'bilu'bi di kwesi kwesi agasi ri ani.
|
|
\v 9 'Di esu saa anya a'bi a maa le'jo ni gazo imgbe ri ani a'ia mani 'a o'bizo ri ani, ndekii maa i'bu pa du
|
|
\v 10 kinya mudisu. Ayosi manga 'ba ileni ra. Ma'jo a'ini, “saa tuwadu si kukii pi a'ia asige. Nikii maa leti kuru.”
|
|
\p
|
|
\v 11 Kende maa raluzo maa angasi ri ani: Vo torukii ku maa lovuka ni aga.”
|
|
\p
|
|
\v 12 Anyekukaru, maa adiinji, dudu mo'di zi anya lelega kolu asi injwi a'i ako ro to ku, asi lurufure pi Rubanga lidi ridi si rii.
|
|
\v 13 Ti anyemba anya asi o'du tuwadu si, de adi alungwe o'du 'di “andu” na 'i',” dudu mo'di alu zi anya lelega asi na komba okpo ku lu'bilu'bi enji di si.
|
|
\v 14 A'dusiku amemuru alu i'bu'ba du Kristo ni aga de amako okpo ama asi okpo Andaa ni aga a'da re'dorega sa ko a'da lokorega na'i.
|
|
\v 15 Buku Okole ri ku'jo, “Andu, de anyeri Andaa u'duku, anyi'ba anya asi okpo ku, kende anda anya ogu lufuzo mani ri ani.”
|
|
\p
|
|
\v 16 A'i 'ba ingo pi'i le'jo Rubanga di ni eri'ba pi lufukii ogu Andaa ni ripi? A'i tuwadu oyi'ba Misiri gasi ripi 'i ku Musa a diga si rii?
|
|
\v 17 Andaa anga kinya mudisu ri a'dipi ni? A'i enji ede'ba ru a'idi oda lu'de kwesi kwesi aga ripi 'i ku?
|
|
\v 18 Andaa aluru a'dipi ni a'jo vo turukii ku Andaa lovuka niga rii, de a'i cara Andaa di ripi ni ongu'ba ripi ni ku na'i?
|
|
\v 19 Amande a'jo torukii kuru Andaa lovuka niga a'ia aika ni ako si.
|
|
\c 4
|
|
\cl Andati 4
|
|
\p
|
|
\v 1 'Disidu, kende recaraka rutozo Andaa lovuka ni aga ri adi olu andaa kare niga ri ani, kulee ori kuko ama, e'bedu mo'di zi alu anya lelega 'dere pi lakasi na kolu iyo.
|
|
\v 2 A'dusiku ange amani Ofu Loso 'di gba kende ngezo a'ini ri ani. Ti le'jo ngele ile
|
|
\v 3 Ama a'iba ra ri amatoru lovuka ile ni aga, kende Andaa; jozo ri ani, a'jo, Maa raluzo ra maa anga si ri ani, Vo torukii ku maa lovuka ni aga.” Ileani, Andaa i'bu loko furu vu a re'donga.
|
|
\v 4 A'dusiku Andaa 'jo ra kare zi niga nga o'du tuuderizo ri a ruge. “Pi Rubanga lovu Andaa i'bu tuwadu nipi niga si o'du tuuderizo ri si.”
|
|
\p
|
|
\v 5 Pi nga cwile alualua 'diniga Andaa ku'jo,” Vo torukii ku maa lovuka ni aga.”
|
|
\p
|
|
\v 6 'Disidu, adi leti olu gbo ba zipi ri ni rutozo lovuka ileni aga, pi a'i 'ba anda ange a'ini Ofu Loso ri ra ripi torukii laka kuru a'ia a'ikana kuru si.
|
|
\v 7 'Disi ongu Rubanga 'ba o'du zi idi lungwe o'du ile “Andu,” lele Andaa loro'jozo Daudi a tige si ri niga vule rere le'jo ama'jozo ra atisi ri ani a'jo, “Andu de nyeri Andaa u'duku, emba nyaa asi okpo ku.”
|
|
\p
|
|
\v 8 Kesu tebe Joshua kuke a'ini lovuka ra, tebe 'dii Rubanga 'jo nga zi o'du zi ni dige ku.
|
|
\v 9 'Disi o'du lovuzo Sabatu di ri adi lesi ra 'ba Rubanga di ni.
|
|
\v 10 A'dusiku andani kwire Opi a lovuka ni aga ra ri lovu ra andaa i'bu niga si, kende Rubanga a lovuzo Andaa di niga si ri ani.
|
|
\p
|
|
\v 11 'Disi kulee akembarukii rutozo lovuka ileni aga, dudu mo'di zi ku'de ku lu'bilu'bi asi le'jo erizo ku ri ni aga ku a'ia edezo ri ani.
|
|
\v 12 A; dusiku le; jo Rubanga di lidi pi kede i'bu pi losi zwa iligo belengu losi rilerile ri ra. Kuso nga lu kusa ko kalapi endi pi ni lele asidi to, kalanju kwa ni lele kusa ko kwa ni 'a aga, andaa kate 'ba ni lara asige ri ni nika 'ja.
|
|
\v 13 Nga zi bilebi na iyo ruzure di Rubanga ni andaga si na'i, ti nga tuwadu laangwe pi mgbo Mo'di tozo amavo amange le'jo amadi Andaa ni andaga ri ni mige.
|
|
\p
|
|
\v 14 'Disidu kende ama oluzo Mo'di nga azire Rubanga ni amgbugodu fure pi ru'bu agasi, Yesu ni Rubanga ni 'Bura 'i rii, kulee akutakii asi a'i amadi pi sadeni amadi niga.
|
|
\v 15 Mo'di Amba amadi nga azire Rubanga ni ri ni ama awiako ra, a'dusiku Andaa ni gba ri saa lu'bilu'bi o'bi Andaa ni ra a'daa amani lu'bizo riani, ti Andaa ni olu enji ako.
|
|
\v 16 'Disidu akuvokii andaga asidi ni okpo to komi kiza di ni andaga, dudu akesukii 'ai'bwe kiza to amani ekonyirega saa rulere ri ni aga.
|
|
\c 5
|
|
\cl Andati 5
|
|
\p
|
|
\v 1 A'dusiku Mo'di Amba 'ba nga azi'ba Rubanga ni ri alu alu alupee 'ba lelega si, adi'baa i'bu Rubanga di ni ederega 'basi, dudu andaa kazi lazi ki'dorige enji e'bezo.
|
|
\v 2 Andaa ni gba ri a oluka mo'di ama 'ba awi ako ri ani ri si, andaa kate kiza edeka wa 'ba nga ni'ba ku pi 'ba lunjwale ra ripi ni.
|
|
\v 3 Ayosi andaa saa ale kazi lazi andaa enji si, kende andaa azizo 'ba zi a enji si ri ani.
|
|
\v 4 Mo'di luperu andaa nga si a'dule ku oluzo mo'di amba 'ba nga azi'ba Rubanga ni ri dii. Rari Rubanga kulupee ni, kende Aroni ni lupezo ri ani.
|
|
\v 5 Ovi alua ri ani, Kristo 'i saa 'du eku 'di Andaa ni Andaa ngasi ku, ru'bazo mo'di amba 'ba nga azi'ba Rubanga ni rii du. Rari, Mo'di 'jore Andaa ni, a'jo, “Nyi maa “Bura 'i, andu mecoru nyataa 'i ", ri ede ni.
|
|
\p
|
|
\v 6 Kare azika ri niga saa ku'jo, “Nyi mo'di nga azire Rubanga ni 'bo'bo du rii, viruvi ovi Malekisadeki di to.”
|
|
\p
|
|
\v 7 Lele Yesu a oluzo vu dige 'dia mo'di du ri Kristo elegi Rubanga ni Andaa ni larire da aga si wa ri di u'duku si pi minda to, pi Rubanga eri Andaa ni ra Andaa lidi ni ovi te nga Rubanga a lele ayo ri ni edeka si.
|
|
\v 8 Kesu Andaa kolu 'Bura Rubanga dii saa'i, Andaa leni le'jo erika icandi Andaa esule ri niga si.
|
|
\v 9 Lini ile emba Andaa ni ra pi Andaa ecoru Mo'di lari lokore ku ri ni ezire 'ba tuwadu Andaa ni ru'ba ri ni.
|
|
\v 10 Rubanga 'ba Andaa ni amba 'ba nga azi'ba Rubanga ni ri dii ovi Malekisadeki di ani.
|
|
\p
|
|
\v 11 Amani nga 'jole Yesu a dilega karako, ti toto okpo ekwi na ni erika anyini, a'dusiku anyeri nga sese.
|
|
\v 12 Esu diadu saa 'disi anyate ra olurega luponyia du 'ba zipi ni, ti adi anyile mo'di zi keleni anyini le'jo a'i ni re'dozo rii. Anyile leyi ayo, linya lukwele anyu rii ku.
|
|
\v 13 Mo'di te leyi mvure ayo ri ni ofu andaanda di ku, a'dusiku andaa ni adi 'bura gaangwadu rii.
|
|
\v 14 Ti linya lukwele anyu ri 'ba amba dii. A'i ile 'ba omba'ba ra ripi 'i, a'ia lara leni nga loso ripi ni lele lapika nga injwi ri to ra.
|
|
\c 6
|
|
\cl Andati 6
|
|
\p
|
|
\v 1 'Disidu, kulee ake'bekii lini Kristo di a tini e'dozo ri ra akuvokii andaga dudu akolu 'ba omba'ba ra ripi 'i. Akolukii te lini Kristo di a re'dorega ku kende lidi ecoka i'bu 'ba ni da ezire ripi niga si pi Rubanga a'ika to,
|
|
\v 2 kusa re'doka lini batisimu di, di lutika 'ba dige pito, enjika pi da asi to, pi le'jo lalika olure tadu ri to.
|
|
\v 3 De Rubanga kule ra amavo amede nga 'dipi saa ra.
|
|
\v 4 A'dusiku andaa ni okpo ambamba 'ba anda ninga ra, esukii nga ekele ru'buge si ile ra, esukii saa Endi Okole ri ra,
|
|
\v 5 pi 'bikii Rubanga a le'jo loso ra pi mori saa emure andaga na di ra,
|
|
\v 6 ti ongu 'dekii pi ripi - andaa ni ateku a'ini longwizo idi asi lufurega. 'Di kende kepakii 'Bura Rubanga di idi a'ini kuruce dige, pi kukekii Andaa ni dinja 'ba andaga
|
|
\v 7 A'dusiku Rubanga kuco tutu inga iyi 'dire laka vu karako si ri ni mvure pi onya ekare 'ba losi so'ba laka ri ni dige.
|
|
\v 8 Ti de oki pi ngolingoli pito kulunga laka ni, inga ile kecoru ekwi ako pi ire lalu to. Avo adu vu ile asi si ra.
|
|
\p
|
|
\v 9 Ti amara nga loso ri anya ruge ayo, ama adiinji, kesu ama'jo nga 'di 'dini saa 'i, amara nga loso lari ezire ayo ripi 'i, kesu amolo'joru 'dini saa 'i.
|
|
\v 10 Rubanga ni ede nga ego ri ku. Andaa ta mu saru i'bu anyidi si pi le anyidi anya e'detele Andaa ru si ri si ku, a'dusiku anyede i'bu ile Andaa 'ba Okole ripi ni, pi adi saa anyenjaru andaga i'bu ile to.
|
|
\v 11 Amale okposi mo'di alu alu anya lelega ri kenjaru as tuwasi i'bu ile ni ederega kusa ko andaa lokorega, dudu ke'be anya igeni kolu gba.
|
|
\v 12 'Di dudu anyoludu ovu ku, ti anyo'bi a'i anda a'isi pi asi epika to esuki nga ecarale ile ra.
|
|
\p
|
|
\v 13 Saa Rubanga a nga ecarazo Iburaimu ni ri, Andaa alu ru Andaa si, a'dusiku mo'di zi amba Andaa ni zware ra na iyo Andaa ni raluzo du.
|
|
\v 14 Andaa ku'jo, “Maco tutu nyaa ruge ra gbadu pi mamu make nyini otilele karako”
|
|
\v 15 Ovi 'disi, Iburaimu epi asi sa ko andaa esu nga Rubanga a ecarale ile to
|
|
\v 16 'Ba kaluru 'modi amba a'ini zware ra na a rusi. Lalu ni keko nga a'ia larafuzo kipele si ri ni.
|
|
\v 17 De Rubanga le Andaa ke'dete pelere kare ingwe aga a'i 'ba nga ecarale ile ni esu'ba ri ni, a'jo, nga Andaa lele ri lufuru ku kwa, Andaa ega le'jo ile ni di idi lalu si.
|
|
\v 18 Andaa ede 'di dudu nga ri lurufure kpe ri si, laka Rubanga ku'jo enjo kpe ri si - ama 'ba fe'ba pi ruzu'ba Andaa ni 'aga ri, vo kesu asidi ni okpo igeni 'bale ama andaga ile ni kozo okpo.
|
|
\v 19 Igeni rutore kare iti ri ni ga bongu 'ile ri ni logu ge ri kuke amani kare edezo okpo ri royoka ako.
|
|
\v 20 Kare Yesu ni mure ati amani ri a rutorega laka amasi rii. Andaa ecoru Mo'di Amba 'ba nga azi'ba Rubanga ni ripi dii 'bo'bodu ovi Malekizadeki di ani.
|
|
\c 7
|
|
\cl Andati 7
|
|
\p
|
|
\v 1 Melikizadeki ni 'dii, opi Salemu dii, nga azire Rubanga ni Oru Lagare Pi ri ni rii, resure Iburaimu to letige lele andaa engwire o'jaga si opi karako to rii pi tutu core andaa ruge rii.
|
|
\v 2 Iburaimu ke mo'di 'dini nga alu mudi aga ri tuwadu. Atizori andaa ru ni ekwi ku'joo, “opi andanda dii", ongu saa andaa ni “opi Salemu dii", ku'joru “opi i'we dii.”
|
|
\v 3 Andaa ni ata ako pi ende ako a'bi na iyo, o'du na saa e'doru kuru pi lidi na loko ku. Pi andaa viruvi 'Bura Rubanga di to, andaa kolu mo'di nga azire Rubanga ni du tadu.
|
|
\p
|
|
\v 4 Anyinde adi, ago 'di a amba, e'be Iburaimu ke andaa ni nga alu mudi aga tuwadu andaa ezile o'ja ga si ri ra.
|
|
\v 5 'Bonji Levi di ake a'ini mori oluzo 'ba nga azi'ba Rubanga ni rii, caraga kutakii nga alu mudi aga 'ba tuwadu ga si ni, ku'joru a'ia adiinji ni diga si, kesu a'i saa kengaki suru Iburaimu di ni ga si saa'i.
|
|
\v 6 Ti Melikisadeki ni, suru na a'idi ku, esu nga alu mudi aga Iburaimu disi, pi andaa co tutu Iburaimu a ruge, andaa ni nga ecarale ri ni esure 'i.
|
|
\v 7 Ezesi saa'i, mo'di amba ri kuco tutu mo'di gaga ri ni ruge ni,
|
|
\v 8 ovi 'disi, 'ba nga alu mudi aga luta'ba 'ba ga si ri a'i 'ba oda'ba wa ripi 'i, ti ovi Melekizadeki disi du a'jo andaa ni kolu lidi tadu.
|
|
\v 9 Pi leti zi nga 'jozo ri ni ga, Levi ni nga alu mudi aga ri ni lutare ri saa lokwe nga alu mudi aga ri ra Iburaimu ni aga,
|
|
\v 10 a'dusiku esu Levi ni adi a'bii Iburaimu a gole ni ga lele Iburaimu a resure Melekizadeki to rii.
|
|
\p
|
|
\v 11 Diadu de 'ba kate oluka anda ni leti Levi 'ba di nga azizo Rubanga ni ri si wa na (a'dusiku 'ba esu cara leti ilesi), mo'di nga azire Rubanga ni zina leru ra emurega ovi Melekizadeki di si pi ovi Aroni disi ku na'i?
|
|
\v 12 A'dusiku de alufu leti ovi 'ba a nga azizo Rubanga ni ri ra, cara saa kulee kulufuru ra.
|
|
\v 13 A'dusiku mo'di alu'jo le'jo 'dipi ruaru ri andaa ni suru zi nige si, suru ileni ga si mo'di zi gbu i'bu edere ki'dorige na iyo.
|
|
\v 14 Niru pelere a'jo Opi Yesu ni ati suru Yuda di ni ga, suru Musa 'jo nga dinaniga alu saa kuru leti oluzo 'ba nga azi'ba Rubanga ni ri a dile ga.
|
|
\v 15 Le'jo 'di wo e'deteru kare inge ga, de mo'di zi nga azire Rubanga ni Melekizadeki ani na e'deteru ra na'i.
|
|
\v 16 Andaa ni 'di ecoru mo'di nga azire Rubanga ni ri cara ru di rulere ri si ku, ti mori lidi olure tadu ri di si.
|
|
\v 17 Le'jo cwile Buku Okole ri ni ga ri kunge nga Andaa ruge a'jo, “Nyi mo'di nga azire Rubanga ni tadu leti Melekizadeki di ani ri si 'i.”
|
|
\p
|
|
\v 18 'Disidu cara oku ri diadu e'be ra a'dusiku andaa ecoru mori ako pi konyi ako -
|
|
\v 19 Cara Musa di kate 'ba 'baka anda du kpe, rari igeni loso ama 'ba ezire ire Rubanga to ri e'dete ra.
|
|
\p
|
|
\v 20 Pi nga 'di ederu lalu si, “Ba suru Levi di ni ga nga azi'ba Rubanga ni ri a'ba a'i lalu si ku,
|
|
\v 21 ti Andaa ni emu Mo'di nga azire Rubanga ni ni lalu si Mo'di 'jore Andaa ni a'jo, “Opi aluru ra pi Andaa mu lufu Andaa lara ku. Nyi Mo'di nga azire Rubanga ni olure tadu rii.”
|
|
\p
|
|
\v 22 Nga 'disi Yesu ni ecoru gura ra'ika loso lagare pi ri dii.
|
|
\p
|
|
\v 23 'Ba anda nga azi'ba Rubanga ni ripi a'ia weli karako, a'dusiku zi'ba kuvo odasi pi, olukii 'bo'bodu ku.
|
|
\v 24 Ti Yesu a oluka lidi tadu risi, Andaa i'bu nga azizo Rubanga ni ri loko ku.
|
|
\v 25 E'be 'disi Andaa kate 'ba larirega 'bo'bodu, a'i evo'ba Rubanga di Andaa ru si ripi 'i, a'dusiku Andaa ni lidi tadu kelegi a'isi.
|
|
\p
|
|
\v 26 Esu esi ra amani oluzo Mo'di Amba nga azire Rubanga ni Andaa ani rii, Andaa ni okole, ede nga injwi ri kuru, andi ako, mgbi enji'ba to, pi angi Andaa ni oru laga ni ru'bu aga.
|
|
\v 27 Leru ku Andaa ni nga azizo Rubanga ni o'du tuwa si, ati lazi andaa enji si, pi zina 'ba zi'ba ri a enji si. Yesu ede 'di vu alu papala 'ba tuwadu si saa Andaa ru azizo ri si.
|
|
\v 28 A'dusiku cara ga a'ba mo'di mori ako ovi ama 'ba di ani rii olurega mo'di amba 'ba nga azi'ba Rubanga ni ri dii. Ti le'jo lalu di, emure cara vu ga ri lupe Ngwa, 'bale atere tuwadu ra 'bo'bodu rii.
|
|
\c 8
|
|
\cl Andati 8
|
|
\p
|
|
\v 1 Le'jo gba ama'jole ri 'di'i: Ama Mo'di Amba nga azire Rubanga ni ri to, rire Rubanga a komi eku di ni di anda ga oru ru'buge rii.
|
|
\v 2 Andaa ni Mo'di i'bu edere kare okole ri niga rii, kare kema du Opi ni gba ri a epale ni rii, 'ba epani ku rii.
|
|
\p
|
|
\v 3 A'dusiku mo'di amba 'ba nga azi'ba Rubanga ni ri alu alu alupee nga 'ba a kele Rubanga ni ripi a'i lazi azile ki'dorige ri to azirega Rubanga ni. Ayosi kulee nga azile Rubanga ni ri dubasi le kolu 'aa.
|
|
\v 4 De kesu Yesu kolu vu dige 'dia ri ani, Andaa ateku olurega mo'di nga azire Rubanga ni du, a'dusiku 'ba nga azi'ba Rubanga ni ovi cara di ani ri 'aa.
|
|
\v 5 A'i kede i'bu a'idi eno kusa lindilindi nga 'aa Ru'buge ri dii, kende Musa a edezo ri ani. Musa a kema eparega Rubanga 'jo andaa ni, “Nde losodu, si kema ile ovi na kelende eno e'detele nyini 'be dige ri ani.”
|
|
\v 6 Ti diadu, Kristo ni esu i'bu loso nga azizo Rubanga ni lagare pi rii, kende Andaa oluzo Mo'di ra'ika loso lagare pi ri ni ezire ni ri ani, ra'ika emure nga ecarale loso lagare pi ri si rii.
|
|
\p
|
|
\v 7 A'dusiku de kesu ra'ika ati ri ego ako, tebe 'dii ra'ika zi idi u'di na leru ku.
|
|
\v 8 De anda Rubanga esu 'ba ile edekii enji ra, Rubanga 'jo nga a'ia dilega 'dini, “Nde, o'du emure andaga ri niga - Opi ku'jo - Mamu mede ra'ika u'di zo Isaraeli di to pi zo Yuda di to.
|
|
\q
|
|
\v 9 Ra'ika 'di kumu kolu mgbi ra'ika Maa edele a'ia a'bi to ri to, saa Maa a'ia di ni kozo pi a'ini ezizo pi vu Misiri di ni ga si rii; a'dusiku anda okokii Maa rerika a'ito ile ni vu kuru, e'be ayosi maluyi a'i saa ra, 'di le'jo Opi a 'jole rii.
|
|
\q
|
|
\v 10 'Di andaa ni ra'ika Maa mule edele 'ba koti Isaraele di niga ri to rii, de o'du ile kumu kesa ra na'i - Opi ku'jo 'dini. Mamu Ma'ba Maa cara a'ia lara niga, pi Mamu Macwia saa a'ia asidi niga. Mamu mulu a'ia Rubanga 'i, pi a'i vo kolu maa 'ba 'i.
|
|
\q
|
|
\v 11 Mo'di zi iyo a'ia lelega mure rezi ni lenire 'kusa adozi ni lenire 'jore 'Kulee anyini Opi ni na'i'. A'dusiku a'i tuwadu vo kunikii ma ra, ke'doru 'burangwa toro ridi kusa ko 'ba ambaga.
|
|
\q
|
|
\v 12 Mamu mede kiza a'ia i'bu injwi ri niga ra, pi a'ia enji mamu mara idi ku.”
|
|
\p
|
|
\v 13 De Andaa kulungwe ra'ika 'di 'u'di,' ku'joru Andaa edi rerika oku ile pi, pi nga edile pi ile ede i'bu ku pi ecoru oku pi kumu kelegwe pi ezeze.
|
|
\c 9
|
|
\cl Andati 9
|
|
\p
|
|
\v 1 Gbadu, ra'ika cara ati ri di saa leti Rubanga ni ruzo ri laka aa, pi Kare Okole Rubanga ni ruzo ri 'ba ede vu dige 'dia ni.
|
|
\v 2 A'dusiko kema Rubanga ni ruzo ri epa ra: kare andaa di ati ri a'ba laka asipa di lata tuderi asi di rii, terebeza mugati azile Rubanga ni rii, kare 'di alungwee Kare Okole rii.
|
|
\v 3 Bongu 'ile rizo ile a oguge lele ri alungwee Kare Okole Lagare Pi rii,
|
|
\v 4 laka a'ba ki'dori edele mula sure su ri si iswe ngure viya ri ni duzo rii, pi sanduku ra'izo runa awa tuwadu iti pi laangwe to mula suresu ri si rii pi a'ba 'ana ni 'aga ita mula suresu ri di 'aru mana, pi Aroni a bele ofu mgbare rii pi oni ra'izo ri to;
|
|
\v 5 pi dina ni ga lele malaika yayi di ni eno a'ba akukii sanduku kiza di ile a'ia opirekeke si. Nga 'dipi a dile ga diadu amange nga tuwadu kpe.
|
|
\p
|
|
\v 6 Nga 'dipi de ako'ba tuwadu ra 'dini, a'i 'ba nga azi'ba Rubanga ni ri te kedekii i'bu ewo atizo kema 'di di ni ga.
|
|
\v 7 Ti ewo rizo kema ile di ni ga mo'di amba 'ba nga azi'ba Rubanga ni ri kukwi laka ni, vu alu papala kinya alu aga, andaa kwi isa ku ti kuzi eri anyukwa di to pi kazi eri 'dii Rubanga andaga andaa enji si pi enji Israele 'ba di a'ia edele nikii ku du ri si.
|
|
\v 8 Endi Okole ri e'dete 'bani a'jo saa nasi adi leti awiru kuru 'bani rutozo Kare Okole Lagare Pi ri ni ga kema epale na adi aa du.
|
|
\v 9 Nga 'di ke'detee 'bani ovi diadu ama laka 'di a ruge a'jo nga azile tuwadu lufu mo'di nga ilepi ni azire ri a asi pelere ku.
|
|
\v 10 Takii asi te nga nyale pi mvule ri ni ga, pi ru lujweka to pi cara zi'ba ru di to kute saa nga ni lurufuzo u'di rii.
|
|
\p
|
|
\v 11 Ti Kristo emu Mo'di Amba 'ba nga azi'ba Rubanga ni ri ni di 'i, nga loso mure emure andaga ri dii, kema Rubanga ni ruzo loso lagare pi edele di si ku pi bilebi ku ri dii.
|
|
\v 12 Toru kema 'di ni ga indi ni eri kusa ti kaju ni eri si ku, ti Andaa ni gba ri a eri si. Andaa toru Kare Okole Lagare Pi ri niga vu alu papala esu Andaa ezi 'bani lari lokore ku ri ra du.
|
|
\v 13 A'dusiku de eri ti moni di pi indi di pi ufudo ti kaju dule ra ripi di 'ba andi ripi ni luyizo ri kate 'ba lemberega wa na,
|
|
\v 14 eri Kristo di, Andaa ni Endi Okole ri si azi Andaa ru enji ako Rubanga ni ri okpo na kumu kolu ingonipi anya lara ni lemberega i'bu dare kpo ri niga si dudu anyede i'bu Rubanga lidi ri ni?
|
|
\p
|
|
\v 15 Le'jo 'disi Andaa ecoru Mo'di 'ba emure ra'ika u'di ri ni aga, leti da disi, 'ba larirega enji edele ra'ika ati ri ni aga si, dudu 'ba lungwele ra ripi kesukii nga Rubanga a ecarale ra lokore ku ile.
|
|
\v 16 A'dusiku kare recaraka laka aa ri niga, dubasi mo'di recaraka ile ni edere ri kuda.
|
|
\v 17 A'dusiku recaraka ni kede i'bu wa ni kesuo 'ba nga ecara'ba ile oda pa, andaa ni ede i'bu ku de adi mo'di nga ecarare ni olu lidi.
|
|
\v 18 Ayosi ra'ika ati rii saa ede eri ako ku.
|
|
\v 19 A'dusiku de Musa Keko cara tuwadu ri ni keka 'bani ra, andaa 'du eri ti 'bonji di indi di to ocwa iyi to bilo 'bi ika ri to kudi buku cara di ile ni luyi du 'ba tuwadu to kwe lungwele hisope ri si.
|
|
\v 20 Kuzi 'joosi, “' 'Di andaa ni eri ra'ika di Rubanga a ecarale anyini rii.”
|
|
\v 21 Ovi alua ri ani andaa luyi kema epale Rubanga ni ruzo ile okozo 'ananiga i'bu edezo ripi to tuwadu eri si.
|
|
\v 22 Pi cara a 'jozo ri ani ire nga tuwadu kelembe eri si, pi eri a ocuka ako enji e'beka iyo.
|
|
\p
|
|
\v 23 'Disidu dubasi nga ru'buge ripi a eno kelembe du anyukwa azile 'dipi si, ti nga gba ru'buge ripi kelembe nga azile Rubanga ni loso lagare pi 'dipi ni zware ra ri si.
|
|
\v 24 A'dusiku Kristo ni toru Kare Okole edele disi ripi niga ku, a'i ile eno nga gba ripi dii, ti Andaa toru ru'bu gba ri niga, pi Andaa ke'deteru Rubanga ni andaga amasi.
|
|
\v 25 “Di dudu Andaa kazi Andaa ru idi idi 'i ku kende mo'di amba 'ba nga azi'ba Rubanga ni ri ni di a edezo vu karako ri ani, andaa ni rutozo Kare Okole Lagare Pi ri niga kinya tuwadu si nga zi ni eri si ri ani. 'Di ke'be dubasi andaa kuda vu karako re'dozo vu binga ri ni nga; ti diadu, vu alu papala, vu ni ti a lokonga Andss lende enji ekorega Andaa razika Andaa ngasi ri si.
|
|
\v 27 Pi kende a'irura 'ba tuwadu ni dazo vu alu papala, pi 'di a vuga le'jo lalika ri ani,
|
|
\v 28 andaa ani saa, Kristo ni azi vu alu papala enji 'ba tuwadu di si: a'i Andaa ni te'ba as tuwadu si ripi ni, Andaa kumu ke'deteru vu rizo ri si enji ako a'ini larirega.
|
|
\c 10
|
|
\cl Andati 10
|
|
\p
|
|
\v 1 A'dusiku cara ni eno nga loso mure emure andaga ri dii, andaa ni nga gba ile'i ku, ateku nga azile Rubanga ni saa tuwadu si kinya kinya ilesi 'ba nga ilepi ni azi'ba ripi ni edeka okole.
|
|
\v 2 A'dusiku tebe'dii e'bekii nga ilepi ni azika kuru? A'i evo'ba Rubanga ni rure ile, de kesu akelembe a'ira vu atizo risi, tebe 'dii lara zi enji di iyo a'idi.
|
|
\v 3 Ti a'ia lazi ileni azirega kinya tuwadu si ri kera a'ini a'ia enji.
|
|
\v 4 A'dusiku eri ti moni di pi indi di to ate enji 'dure ga pi ku.
|
|
\p
|
|
\v 5 'Disidu de Kristo kemu vu dige, Andaa ku'jo, “Nyile nga azile ripi kuru, ti nyede mani ru ayo,
|
|
\v 6 nga dule asi si ripi nga zipi azile enji si ripi to Nyaa asi i'bwe laka ku.
|
|
\q
|
|
\v 7 Pi ma'jo,” Nde, ma 'di - kende nga cwile maa ruge buku aga ri ani - memu ra nga nyaa lele ri ni ederega, A, Opi Rubanga.”
|
|
\p
|
|
\v 8 Atisi Andaa ku'jo, “Nga azile pi kele, nga azile adua asi si ripi nga azile enji si ri nyile kuru, pi nyaa asi i'bwe laka ku (nga 'dipi azia cara a 'jozo ri ani).
|
|
\v 9 Ongu Andaa ku'jo, “Nde, memu ra nga Nyaa lele ri ni ederega, A< Rubanga.” Andaa ku'du aluzo ri pi dudu Andaa ku'ba rizo rii.
|
|
\v 10 Nga Andaa lele ilesi alembe ama ra Yesu Kristo a ru ni azika vu alu papala 'ba tuwadu si ri si,
|
|
\v 11 Pi mo'di nga azire Rubanga ni ri kede pasi o'du tuwa nga azile Rubanga ni ri ni azirega vu karako si, ti nga azile ile ate enji 'durega pi ku.
|
|
\v 12 TI Mo'di 'dii, de Andaa kazi nga azile enji si ri vu alu papala ate ra 'bo'bo du rii, Andaa ri vuru di anda Rubanga di niga,
|
|
\v 13 e'doru saa nasi Andaa kute Andaa avi'ba ni 'baka vuru Andaa paga.
|
|
\v 14 A'dusiku lazi alu ri si Andaa atera 'bo'bodu 'ba tuwadu ri ni edeka anda, a'i ovile ra olurega 'ba andadu ripi 'i.
|
|
\v 15 Ti Endi Okole ri saa kungee amani; a'dusi de Andaa ku'jo atisi ra,
|
|
\v 16 'di andaani ra'ika ma mule edele a'ito o'u 'dipi a vuga rii, Opi ku'jo: Mamu ma'ba Maa cara a'ia 'aga, pi mamu macwi a'i a'ia lara niga.”
|
|
\p
|
|
\v 17 Ongu Andaa enjaru ku'jo, “A'ia enji pi a'ia i'bu cara nguzo ra ripi mamu mera idi ku.”
|
|
\p
|
|
\v 18 Kare nga 'dipi ni e'berega ra ri ni ga nga zi idi azile enji e'bezo na iyo.
|
|
\p
|
|
\v 19 'Disidu, maa adiinji, ama asidi ni okpo to rutorega Kare Okole ri niga eri Yesu di si,
|
|
\v 20 leti lidi pi u'di Andaa edele amani rii, fure bongu 'ile ile ni agasi rii, andaa ni Andaa ru 'i rii,
|
|
\v 21 pi ama oluka Mo'di Amba 'ba nga azi'ba Rubanga ni ri ni di'i ri to si,
|
|
\v 22 kulee ametoru ire asi gba risi pi igeni tuwadu a'i aga ri ni aga dudu akuluyi ama asi lara andi ri niga si ra pi ama ru saa akujwe ra iyi pelere ri si.
|
|
\v 23 Akukokii okpo sadeni ama geni di royoka ako, a'dusiku Mo'di nga 'di ni ecarare ri Andaa ni kegeniru wa.
|
|
\v 24 Pi kulee akeraki amadi amamani dudu akenjaruki le aga pi i'bu loso ri ni edeka to,
|
|
\v 25 ake'beki remuka kare aluga elegi ga ni ku, kende 'ba zipi a edezo ri ani, ti akelenirukii ama amani a'dusiku anya ndezo ri ani, o'du Opi a engwizo ri wo ititi.
|
|
\p
|
|
\v 26 A'dusiku de amede enji akaka du ama nga gba ri ni nika vuga nga zi lesire azile Rubanga ni enji ile ni e'bezo na iyo,
|
|
\v 27 ti rari ru a 'dika ori si le'jo lalika si rii, pi anga asi mure 'ba Rubanga ni ori'ba ku ri ni dure ri ni teka to.
|
|
\v 28 Mo'di Musa a cara ni di ature ra ri kuda kiza ako le'jo sadenia ri kusaa na di si.
|
|
\v 29 Aniraa lamgba ni injwi na kumu kolu ingonipi 'bale mo'di eri Rubanga a Ngwa di ni ture vuru andaa paga pi lufu eri ra'izo anda ajwe andaa ni du pelere ri ecoru nga isa rii, pi lu'da Endi kiza di ri a ruge rii?
|
|
\v 30 A'dusiku amani Andaa ni ra, 'jore, “Nga ni ti lokweka ni Madi'i, Malokwe nga ni ti Ma'i,” Opi ku'jo. Pi ongu, “Opi kuli le'jo Andaa 'ba di ni.”
|
|
\v 31 'Deka Opi Rubanga ni lidi ri a diga andaa ni nga orile rii.
|
|
\p
|
|
\v 32 Ti anyera o'du lagare pi vule ri, anda de anyini nga ra pa du, anyepi asi icandi karako aga,
|
|
\v 33 ake anyini icandi pi ede anyi, te 'ba karako ri a andaga papala ku, rari anyemuru alu 'ba zi'ba icandi nde'ba anya ani ripito.
|
|
\v 34 Anyecandiru mato kare aluga maa mabusi niga, pi anyazi anya limi asi i'bwe si masi, anyita asi anya limi loso lagare pi, pi olure tadu ru'buge ri a ruge ayo.
|
|
\v 35 'Disidu anyiwa anya igeni mure nga loso ri ni ezire anyini ri pi ku.
|
|
\v 36 A'dusiku asi epika leru anyini ra, dudu de anyede nga Rubanga a lele ri ra, anyesu du nga ecarale ra ile.
|
|
\v 37 A'dusiku lesi ga, pi Andaa ni mure emure ile kemu ra, ekalaru ku.
|
|
\q
|
|
\v 38 Diadu a'i 'ba anda ri kuvo kadikii a'i si, ti de mo'di kungwi vule, mani asi olu i'bwe andaa ni ku.”
|
|
\p
|
|
\v 39 Ti ama 'ba ngwi'ba vule legwerega rii ku, rari 'ba a'i'ba endi larizo ripi 'i.
|
|
\c 11
|
|
\cl Andati 11
|
|
\p
|
|
\v 1 Diadu a'i ni nga asi 'barega ri ni egenika pi nga ndele mi si ku ri ni egenika ayo.
|
|
\v 2 A'i si Rubanga anjo a'bi amadi eze ri ra.
|
|
\v 3 A'i si amani a'jo Rubanga bi vu 'di Andaa cara si, e'bedu nga ndele misi ripi abi nga ndele misi ripi si ku.
|
|
\p
|
|
\v 4 A'i si Abele azi lazi Rubanga ni zwa Kaino di ra, lazi ilesi a'ba andaa ni mo'di anda rii, pi Rubanga 'jo nga loso ri andaa dile ga ra andaa lazi ilesi, pi a'i si Abele ni adi kolo'joru, kesu andaa kuda ra saa 'i.
|
|
\p
|
|
\v 5 A'i si azi Enoka ni oru ru'buge lidi du nde da kuru. “Esu andaa ni kuru a'dusiku Rubanga zi andaa ni pi.” Esu adi azi andaa ni oru pi kuru du ange le'jo andaa ruge a'jo andaa ede nga Rubanga ni anjo kere ayo rii.
|
|
\v 6 A'i ni ako du mo'di kuke anjoanjo Rubanga ni kpe. A'dusiku mo'di emure Rubanga di ri kulee ka'i a'jo Rubanga ni 'aa pi Andaa kuke nga loso ri 'ba Andaa ni ndu'ba ri ni
|
|
\v 7 A'i si, de Nua ni ake laka ofu engare Rubanga di si nga adi lendere ku ri a ruge ri ra, laru Rubanga di si ede i'bo andaa 'ba zoga ri ni larizo. Andaa nga 'di ni edeka si andaa li le'jo vu ruge pi andaa esu andaanda esule a'i si ri ra
|
|
\v 8 A'i si Iburaimu ni de alungwe ile'dii andaa a'ira pi mu kare 'jole avo akee kolu andaa ni ri niga ra. Andaa mu ni ku du andaa kumu inguwa ya 'i.
|
|
\v 9 Andaa olu vu kele andaa ni ileniga a'i si kende mo'di vu zi di ani. Andaa olu kema aga Isaka pito Yako'bo pito, a'i'ba nga ecarale ra alualua ile ri ni esu'ba ripi 'i.
|
|
\v 10 A'dusiku esu andaa kunde nga andaga 'ba bile andaa pa to, aragi na pi bire na Rubanga 'i ri ni ga.
|
|
\v 11 Andaa ni a'i si, kesu anda Sara ni mo'di tire ku rii saa 'i, andaa esu mori 'a kozo ra. 'Di ederu ra kesu andaa ni idazi saa 'i, a'dusiku andaa a'i a'jo mo'di le'jo ileni 'jore ri kegeniru wa.
|
|
\v 12 'Disidu, mo'di alu ile a ruge si, kesu andaa ni ire kolu mo'di dare ra ri ani saa 'i, otilele karako oyi kende lelego ani pi kularu kpe kende cinyakwi meri tige ri ani.
|
|
\p
|
|
\v 13 'Ba 'dipi tuwadu odaki pi a'i aga esuki nga ecarale ile kuru. Rari ndeki a'i lolu pi a'iki a'i ra, pi niki a'jo a'i 'ba omu rii vu dige 'dia.
|
|
\v 14 A'dusiku 'ba nga 'dini 'dipi ni lo'jo'ba ri ke'detee gbadu a'jo a'i 'ba vu zi oluzo ri ni ndu'ba ripi 'i.
|
|
\v 15 De kesu kurakii nga vu a'ia engarega si ri a ruge, tebe 'dii esukii a'ini kare ngwizo vule laka ra.
|
|
\v 16 Rari 'bakii a'ia asi vu loso lagare pi ru'buge ri niga. Ayosi dinja ko Rubanga ni ku a'ini Andaa ni lungwerega a'ia Rubanga 'i du, a'dusiku Andaa ede a'ini 'ba ra oluzo.
|
|
\p
|
|
\v 17 A'i si Iburaimu ni lele andaa ni 'a o'bizo ri niga, azi andaa ngwa Isaka ni ra, andaa 'burangwa alu papala rii, Iburaimu ni mo'di Rubanga ke Andaa cara laka rii.
|
|
\v 18 Rubanga 'jo andaa ni a'jo, “Avo alungwe nyaa 'boronji Isaka a ru si.”
|
|
\v 19 Iburaimu egeni a'jo Rubanga kate wa Isaka ni enjirega pi daga si, ku'joru kende Iburaimu ni esu Isaka ni idi da aga si ani.
|
|
\p
|
|
\v 20 A'i si saa e'be Isaka co tutu Yako'bo pi a ruge Esau to le'jo mure emure a'ini tozo andaga ri niga.
|
|
\p
|
|
\v 21 Ongu a'i si saa lele Yako'bo kudada ri co tutu 'bura alu alu Yozefu di ni ruge pa. Yako'bo wo atiru andaa bele lamuzo ri si kudi elegi Rubanga ni.
|
|
\v 22 A'isi, Yozefu ni, de saa andaa di dazo ri esa ititi, andaa 'jo le'jo 'bonji Isaraele di ni ngazo pi vu Misiri di ni ga si ri a dile ga ra pi ecara a'i andaa kwa ni zizo pi vu ileni ga si.
|
|
\p
|
|
\v 23 A'isi, de akuti Musa ni, ende pi ata to luzu andaa ni imba na, adusiku ndekii andaa ni 'bura tile pelere rii. Orikii cara opi ile di si kuru.
|
|
\v 24 A'isi, Musa ni de kumbara, ga imgbe akulungwe andaa ni Farao a zwa a ngwa 'i du.
|
|
\v 25 Andaa ovi icandi ndeka kare aluga 'ba Rubanga di to ri zwa asi i'bwe enji di saa gaangwadu ri niga ri ra.
|
|
\v 26 Andaa ra icandi esuka dinja to Kristo a rusi ri losa zwa limi tuwadu Misiri ge ri ra, a'dusiku esu andaa kunde nga andaga nga Rubanga a mule kele andaa ni ri niga.
|
|
\v 27 A'isi, Musa ni e'be vu Misiri di ra. Ori anga opi Misiri di ri kuru, a'dusiku andaa epi asi kende andaa kunde Rubanga ni ndele misi ku ri ani.
|
|
\v 28 A'isi, andaa oko cara Lalizo pi (Paska) ri ni vu pi luyi eri bilo di koti ge si, e'bedu malaika da di ri ku 'di 'bonji otile kayo Isaraeli 'ba di ku.
|
|
\p
|
|
\v 29 A'isi, 'bonji Isaraeli di jwakii meri ika ni kende 'ba a lawezo inga 'a'ui dige si ri ani. De Misiri 'ba o'biki jwaka a'idi ani, meri ile emvu a'i ra.
|
|
\p
|
|
\v 30 A'isi, meri Yeriko di jo vuru pi, de lupikii bara na vu tuderi na 'i.
|
|
\p
|
|
\v 31 A'isi, Rahabu ni izi bate ile da kuru kare alu ga 'ba le'jo eri'ba ku ilepito, a'dusiku andaa a'i 'ba umiya ile i'bwe si.
|
|
\p
|
|
\v 32 Menjaru andaga le'jo ingopi ni 'joka to? A'dusiku saa kumu kolu mani iyo le'jo 'jore ga pelere Gidioni pi a ruge Baraki to, Samsoni pi a ruge Yafeta to, Daudi pi a ruge Samwele to pi profetaa azika ripito.
|
|
\v 33 A'isi zwakii opi mgbimgbi karako ri ra, edekii andaanda ayo, pi esukii nga ecarale ri ra. La'bukii ibi ni ti cwi,
|
|
\v 34 ezikii asi ni mori ra, pikii pi iligo sige si, ake a'ini mori saa a'i awiako ri niga, ecorukii 'ba mori to o'jaga ripi 'i, pi zwakii mundara juru di ra.
|
|
\v 35 Uku esukii 'ba a'idi oda'ba ri ra a'ia enjika pi da ga si ri si. 'Ba zi'ba ecandi a'i okposi, gakii a'ini ayuka imgbe dudu a'i kesu enjika pi daga si lagare pi ri ra.
|
|
\v 36 Zi'ba ripi alu'da a'i okposi pi alumgba a'i ra, pi ombe a'i mgbirila si mabusu ge.
|
|
\v 37 Aluvi a'i oni si. Alali a'i tu seresere si. A'di a'i iligo belengu si. Lawekii kulusukii indi ni eni pi bilo ni eni ayo. Ecorukii 'ba konyi ako ripi 'i, pi ecandi a'i ra.
|
|
\v 38 Vu 'dii lende a'ini loso ku. Saa tuwadu si kalawekii kwesikwesi asi pi 'be dige si, pi ugi asi pi 'bu inga aga ri ni asi.
|
|
\p
|
|
\v 39 De kesu 'ba 'dipi tuwadu Rubanga le a'ira a'ia a'i si saa 'i, ti esukii nga Rubanga ecarale a'ini ri kuru.
|
|
\v 40 Rubanga lu'ba nga zi loso lagare pi ri ra amani, dudu ama ako du a'ba a'i kesi ca du ni kpe.
|
|
\c 12
|
|
\cl Andati 12
|
|
\p
|
|
\v 1 'Disidu, kende sadenia 'ba a'i'ba ri di a amani kezo gbi 'di ani, kulee akuwakii pi teri angi ri pi enji amani pa ani'ba ripito. Akufekii asidi epika to angu 'bale ama andaga 'di niga.
|
|
\v 2 Akutakii asi Yesu ni ruge, Andaa ni mo'di a'i amadi 'di ni e'dore pi ekore rii. Asi i'bwe 'bale Andaa andaga risi, Andaa ebi lajwaka kruce dige ri, ede dinja ra, pi Andaa ri di anda komi keri di Rubanga di niga.
|
|
\p
|
|
\v 3 'Disi anyira nga Andaa dilega, Andaa ni esu kipele karako 'ba enji'ba ridi si Andaa ruge ra, dudu anya asi le'jo ile niga ku.
|
|
\v 4 Adi anyi'ja enji to sa ko eri a ocurega kuru,
|
|
\v 5 pi anya ta saru di le'jo anyini embazo kende 'bonji du ri niga: 'jore, “Ma ngwa, ede lamgba Opi di ku, pi lande ku de Andaa kedu nyi na 'i.
|
|
\q
|
|
\v 6 A'dusiku Opi kumgba 'ba Andaa lele ripi 'i, pi 'ba tuwadu Andaa a'ile ra 'bonji du rii Andaa kumgbaa pere si.”
|
|
\p
|
|
\v 7 Anyebi icandi kende lamgba. Rubanga kede i'bu anyito kende 'ba a i'bu edezo 'bonji a'idi to riani. A'dusiku 'bura ingo'i ata a mgbale ku rii?
|
|
\v 8 Ti de amgba anyi ku, ku'joru anyi 'bonji ezile laangwe si ripi 'i, 'bonji Andaa ni gba ri dii ku.
|
|
\v 9 Ongu saa, ama ata ri amani lumgbare pi amake a'ini laru ra. Kulee amake laru kalaga pi Ata endi tuwadu ri ni pi amolu du lidi!
|
|
\v 10 Ama ata lumgba ama saa gaangwadu ri ni aga a'ia lezo ri ani. Ti Rubanga kumgba ama ama loso ni, dudu amate remuka wa Andaa okole ni aga.
|
|
\v 11 Saa lamgba di niga asi i'bwe iyo, rari asi lajwa. Ti lamgba kezi o'a i'bwe di pi andaanda to 'ba lenile lamgba si ilepi ni.
|
|
\p
|
|
\v 12 Kulee anyemba anya di e'bwere ti ile pi anya a'ja mori ako ile to.
|
|
\v 13 Anyedu leti anda anya pa ni dudu mo'di pa e'bwere ti ri ni pa kungu laka ku, rari pana kederu du laka ra.
|
|
\v 14 Anyoko i'bwe ni vu ayo 'ba tuwadu to, pi oluka okole ri to, a'dusi okole ako mo'di zi iyo Opi ni ndere na 'i.
|
|
\v 15 Anyekukaru dudu kiza Rubanga di kolu iyo anyini ku, pi dudu ijwa anga di kumba ku icandi ezirega, 'ba karako ri ni endirega ayosi,
|
|
\v 16 Kulee mo; di zi asa edere na kolu iyo anya lelega, kusa mo'di nga andi ri ni edere na 'i, ovidu Esau ani na 'i, ita onya di alu risi andaa lezi andaa anda loso rutizo ati ri pi.
|
|
\v 17 A'dusiku anyini ra de vulega andaa le anda loso ile ni esule, aga andaa ni imgbe, a'dusiku saa olu iyo andaa ni asi lufuzo, kesu andaa kowu du minda si saa 'i.
|
|
\p
|
|
\v 18 A'dusiku anyevo 'be runa lole disi wa ri niga ku, 'be gwere asi si rii, vu ini to, vu foro to, pi lutulutu to rii.
|
|
\v 19 Anyevo u'duku buruji di niga ku, pi u'duku loro'jore le'jo 'ba eri'ba ri oridu ra pi lekii ku u'duku ile kolo'joru a'ini idi rii.
|
|
\v 20 A'dusiku makii kpe nga ecarale a'ini ile ni erika: a'jo, “De kolu anyukwa saa, esare ire 'be ile to rii, akuvi oni si kpo.”
|
|
\v 21 Nga ile esu kuke 'ba ni ori e'bedu Musa ni gba ri saa ku'jo, “Ori ko ma cwi pi maa ru koyoru oyo.”
|
|
\v 22 Rari anyevo “be Zioni di niga pi 'ba Rubanga ni lidi ri di niga, Yerusaleme ni oru ru'buge ri niga, pi malaika alifu karako remure kare aluga anjo to ri di.
|
|
\v 23 Anyevo lemu 'bura tile kayo ri di niga, runapi acwi ru'buge rii. Anyevo Rubanga di, Mo'di le'jo lalire 'ba tuwadu ni rii, pi anyevo endi 'ba anda ri di, a'i eco a'i okole ri di.
|
|
\v 24 Pi anyevo Yesu di, Mo; di ra'ika u'di ri ni lamire rii, pi anyevo eri luyile ra loro'jore kuzwa Abele a eri ra ridi.
|
|
\p
|
|
\v 25 Anyekukaru losodu dudu anyidi Yesu ni le'jo 'dini 'jore anyini ri ni ga imgbe ku. A'dusiku de 'ba anda le'jo Rubanga a 'jole Musa a tige si vu dige 'dia ri ni ga'ba imgbe ripi pikii kuru na, amavo amapi ingoni de amaga imgbe mo'di loro'jore amato rubuge si ri a le'jo 'i na 'i?
|
|
\v 26 Andani ezesi, Rubanga ni u'duku oyo vu ra. Ti diadu Andaa ecara a'jo, “Vu alu lesire 'di niga mamu moyo vu ayo papala ku moyo ru'bu to.”
|
|
\v 27 Le'jo 'jore “Vu alu idi,” 'di ni ekwi ku'joru nga oyole wa nga Rubanga a bile ri ni gasi ripi oyoo ra dudu nga oyole kpe ripi kelesi ni.
|
|
\v 28 'Disidu, ama oluka keri oyole kpe ri to si, kulee amolu anjo to Rubanga ni laru kerega pi Andaa ni elegi re ga ori to.
|
|
\v 29 A'dusiku ama Rubanga ni asi nga dure tuwadu ra rii.
|
|
\c 13
|
|
\cl Andati 13
|
|
\p
|
|
\v 1 Anye'be lale adinji di kenjaru.
|
|
\v 2 Anyini ta kusaru ku omu ekukarega. A'dusiku nga 'dini 'dipi ni edeka si 'ba zi'a ekuka malaika ra nikii ku du.
|
|
\v 3 Anya di kusaru ku 'ba mabusu ga risi kende anyi saa mabusuge a'ito ani. Anyira 'ba ecandi a'i ripi kende anyi saa anyi a'iani ruge.
|
|
\p
|
|
\v 4 Kulee 'ba tuwadu kunde nga la'du dilega laru si, pi kulee akekuka lengeri la'du di kolu pelere, a'dusiku Rubanga kumu kalali le'jo 'ba mi mgba'ba pi 'ba asa ede'ba ri ni dige ra.
|
|
\v 5 Kulee anya lidi niga any'ba anya asi limi ruge ayo ku. Nga aa anyidi ri kulee kate anyini ra, a'dusiku Rubanga ni Andaa ngasi ku'jo, “Mamu me'be anyi ku pi mamu maluyi anyi pi ku.”
|
|
\p
|
|
\v 6 Kulee nga kate ama ra dudu amolu asidi ni okpo to 'jozo,” Opi ni mo'di mani elokore ri 'i,' mamu molu ori ako. Mo'di isa ri kumu kede mani a'du?”
|
|
\p
|
|
\v 7 Adi anyinde 'ba amba anyidi, a'i le'jo Rubanga di ni nge'ba anyini ripi, pi anyinde ovi a'ia i'bu a lokozo ri, anyoko a'ia a'i ni vu ayo.
|
|
\v 8 Yesu Kristo ni lufu ovi ku e'doru agini, esa ko andu pi kumu kolu ileni 'bo'bodu.
|
|
\v 9 Anye'be lini mgbimgbi pi u'di ri kuku anyi pi ku. A'dusiku andaa ni loso kulee 'bani asidi kolu okpo kiza si, lonya si ku, a'dusi lonya ekonyi 'ba i'bu ede'ba lonya si papala ri ku.
|
|
\p
|
|
\v 10 Ama ki'dori to, ki'dori 'dii olu ki'dori Isaraeli 'ba di ani ku, a'ia nga azirega Rubanga ni kema ileni aga rii, a'dusi ki'dori amadi 'di niga 'ba i'bu ede'ba kema aga ri a'ini anda iyo nga nyazo.
|
|
\v 11 A'dusiku eri anyukwa olile enji 'ba di si ri mo'di amba 'ba nga azi'ba Rubanga ni ri kuzia kare okole ri niga, kesuo iza anyukwa ile pidi adua asi si ganyi logu.
|
|
\v 12 Yesu 'i saa ecandiru laangwe kotumi 'ba ile di niga, dudu Andaa kelembe 'ba Andaa eri si.
|
|
\p
|
|
\v 13 Anye'be avokii laangwe Andaa di ganyi aga si, akungikii dinja Andaa ebile ri.
|
|
\v 14 A'dusiku amani 'ba oluzo 'bo'bodu 'dia na iyo. Rari amandu 'ba mure emure rii.
|
|
\p
|
|
\v 15 'Disi, Andaa si, kulee o'du tuwa si akazikii lazi Rubanga ni ecuzo rii, amecu Andaa ru ni ama ti si.
|
|
\p
|
|
\v 16 Amani nga kusaru ku nga loso ripi ni ederega pi nga lamirega 'ba zi pito, a'dusiku Rubanga ni asi i'bwe ambamba lazi ovi 'dini 'dipi si.
|
|
\p
|
|
\v 17 Anyiru amba anyidi pi anyoko a'ia cara ni vu ayo, a'dusiku a'i kekuka anyi ni endi ni kende 'ba tozo vo'ba ofu anyidi ni ke'ba Rubanga andaga ri ani. Anyeri a'ia le, jo 'i dudu kedekii i'bu a'idi asi i'bwe to, luzuka ako, a'dusi de kedekii i'bu luzu to, 'di ku'ba mu olu loso anyini ku.
|
|
\p
|
|
\v 18 Anyelegi amasi, a'dusiku amani losodu ama lara anda pi amale olule anda nga tuwaduga.
|
|
\v 19 Memba anya asi dudu anyede kalaga 'di pi e'bedu akolongwi ma anyidi eze.
|
|
\p
|
|
\v 20 'Diadu kulee Rubanga i'bwe di bilo leyi amgbugodu ri ni enjire pi da aga si rii, Andaa ni ama Opi Yesu 'i rii, eri ra'ika 'bo'bodu ri di si rii, ko'ba anyi baba nga tuwadu loso ri ni aga, dudu anyede nga Andaa lale 'i, kedee ama 'aga dudu amede nga Andaa lele loso rii, Yesu Kristo si, Andaa ni kolu eku tadutadu, Amen.
|
|
\p
|
|
\v 22 'Disidu memba anya asi, maa adiinji, anyepi asi le'jo asi embazo maa cwile anyini gaangwadu 'di niga.
|
|
\p
|
|
\v 23 Kulee anyini a'jo ama adozi Timoteo ni ayu ra, mamu mamde anyi ra andaa to kare aluga de andaa kesa eze na'i.
|
|
\p
|
|
\v 24 Anyizi anya amba tuwadu laka, pi 'ba Rubanga di okole ripito. 'Ba Italiya ga 'dia ripi saa zi anyi laka.
|
|
\p
|
|
\v 25 Kiza kolu anyito
|