44 lines
2.5 KiB
Plaintext
44 lines
2.5 KiB
Plaintext
\id PHM
|
||
\ide UTF-8
|
||
\h Pilimona
|
||
\toc1 Pilimona
|
||
\toc2 Pilimona
|
||
\toc3 phm
|
||
\mt Pilimona
|
||
\c 1
|
||
\cl Andati 1
|
||
\p
|
||
\v 1 Paulo ni, mabusigo Kristu Yesu dii a’I adozii ni Timateo to, Pilimona ni, ama i'bu rezi pi ama rozi ama lele ndo rii,
|
||
\v 2 Ungu Apphia ama ambazi ni, ongu Arkipus ni ama askeri rezi ni, ongu eklezia remuka nyidi 'boru ri ni.
|
||
\v 3 Kiza, i'bwe to engare Rubanga ni ama Ata di pi ama Opi Yesu Kristu to ri kolu anyito.
|
||
\p
|
||
\v 4 Malongwi anjo Rubanga ni o'du tuwadu si de malungwe anya ru maa elegi ni ga na'i.
|
||
\v 5 Meri nga nyaa le, ungu a'i nyidi Opi Yesu ni aga rini dilega ra, ungu a’I 'ba 'borodu rini ri to.
|
||
\v 6 Melegi ausi du anya a'i ni lamika kolu du okpo; dudu anyini nga loso ama esule Kristu ni 'aga rii.
|
||
\v 7 Mari olure anjo to pi asi okpo to nyaa le si, a'dusiku 'ba Rubanga di okole ri ni asi evo okpo nyi si, maa adozi.
|
||
\p
|
||
\v 8 Disi du, de mani okpo Kristu ni aga kolu aa cara kezo anyi ni nga lele anyede ri ni edezo saa.
|
||
\v 9 Ki lesi, ma i anyi dubasi- ma, Paulo ni Jaligo, ungu mabusi go Kristu Yesu di.
|
||
\v 10 Ma'inyi maa ngwaa Onesimo ni maa ezile Yesu di maa olure mabusige rii.
|
||
\v 11 Anda ri olure konyi ako nyi ni, ki diadu andaa ni konyi to nyini ungu mani saa to.
|
||
\p
|
||
\v 12 Mazwe andaa ni nyidid vule, andaa ni maa asidi gba ri i.
|
||
\v 13 Esu kani male ama mda andaa ta mato, ausi kede du ibu mani nya’a kare ga, saa ma nyori aga ofu ole rini le'jo si.
|
||
\v 14 Ki male amede ngazi nyi ni nika ako ni ku. Male ibu loso nyidid rii kenga nyini epikaa si ku, ki nyaa le asiga ri si.
|
||
\v 15 Nosi anyalanjuru andaa to zi saa ra, ausi andaa ni kungwi du nyidi 'bo'bodu.
|
||
\v 16 Andaa ni mu olure opigo du idi ku, ki zwa opigoo ra ecoru, adozi lele ndo rii. Andaa ni lele ndo rii, gba na ndolee mani, ungu nza- go-du ri nyini, rugei ungu Opi ni aga.
|
||
\p
|
||
\v 17 'Disi du de ma nyaa rezi’i, a'i andaa ni maa ani.
|
||
\v 18 De kesu ede nyini nga inzwi ra, kusaa mori nyidi andaa di a’a saa, la kwici mani dige.
|
||
\v 19 Ma Paulo si macwii nga 'di maa disi. Ma maa ngasi, malokwe’e nyini vule- jo ka ako, maa mori nyidi ri, nyi 'i nyaa nga si.
|
||
\p
|
||
\v 20 Oo, maa adozii, ede mani kiza Opi ni aga, E'bwe mani asi Kristu ni aga.
|
||
\p
|
||
\v 21 Maa asi okpo nyaa lejo erikaa si, ma cwi nga di nyi ni. Mani 'ja, nyedee loso kuzwa maa a'i le nyidid si ri ra.
|
||
\p
|
||
\v 22 Saa alu-alua ri si, ede mani omu ni zo baba, a'dusiku megenia nya’a ilegi si alongwi ma vule nyidi idi.
|
||
\p
|
||
\v 23 Maa mabusi rezi Kristu Yesu niaga, Epaphras zi nyi laka.
|
||
\v 24 Maa i'bu ede'baazi, Mariko i, Aristakus i, Demas i, ungu Luka pi saa zi kii nyi laka.
|
||
\v 25 Kiza ama Opi Yesu Kristu di kolu nyaa endi to. Amen.
|