See in Reader
70 lines
5.7 KiB
Plaintext
70 lines
5.7 KiB
Plaintext
\id TIT
|
|
\ide UTF-8
|
|
\h Tito
|
|
\toc1 Tito
|
|
\toc2 Tito
|
|
\toc3 tit
|
|
\mt Tito
|
|
\c 1
|
|
\cl Andati 1
|
|
\p
|
|
\v 1 Paulo ni opigo Rubanga di 'i maju Yesu Christo di 'i a'i 'ba Rubanga a ovile ridi si pi lani gbadi ro'bire nga Rubanga a lele rito.
|
|
\v 2 Pi igeni lidi lokore ku Rubanga ni Anda ni enjo laka iyo ri a'jole rii, nga kumu kederu ra kinya andaga ri niga rii.
|
|
\v 3 Saa andari niga Andaa e'dete Andaa le'jo, le'jo ngeka Andaa kele mani cara Rubanga ni amani Larire ri di ani.
|
|
\v 4 Tito ni, anda ni 'bura gba rii ama a'i ni aga. Kiza pi i'bwe to Rubanga ama Atadi si, pi Yesu Kristu ni amani Larire ri di si.
|
|
\v 5 Le'jo 'disi me'be nyi Kreti ga, dudu anyede le'jo zi'ba lokore kuru ri du pi anyi'ba amba tauni tuwaga si maa ecarazo nyini ri ani.
|
|
\v 6 Amba kolu enji ako, kulee kolu izi alu to, pi andaa 'bonji ni lidi kolu injwi ku kusa laru ako ku.
|
|
\v 7 Mo'di amba zo Rubanga di ni di ndere rii kule kolu enji ako. Kulee kecuru ku pi angala a kole eze rii ku, pi mo'di emerire uwa si rii ku kolu o'ja'ja dii saa ku, pi mo'di a mgbo rii ku.
|
|
\v 8 Andaani kolu modi omu ekukare rii, nga loso lere ayo rii, mo'di lara na anda rii, mo'di anda rii, lidi okole ri to pi mo'di andaa ru ni ekukare wa rii.
|
|
\v 9 Kulee anda kuko opko le'jo gba lenile rii, dudu andaa kate 'bazi ni asi embaka lini gba ri si pi kedu 'ba epele'ba andaa to ri.
|
|
\p
|
|
\v 10 A'dusi 'ba amgbu erikii le'jo ku, kulu'jokii le'jo ekwi ako rii pi kulunjwakii 'ba, ambamba ri 'ba ru oli'ba ri pi 'i.
|
|
\v 11 Kulee anyuluga a'i cwi. A'dusiku kelenikii 'ba nga esule konyi ako ri si nga a'ini lenile ku rii.
|
|
\v 12 Profeta a'idi aluzo na ku'jo, “Kreti'ba o'du tuwa kulu'jokii enjo, anyukwa injwi rii, pi a'i ovu a mgbo rii.”
|
|
\v 13 Le'jo 'jole a'ia ruge 'di gba. 'Disidu edu a'i opkosi, dudu kolukii 'ba gba dii a'i aga,
|
|
\v 14 Dudu ku'bakii bi o'do oku Yudei'ba di ni ga ku, kusaa cara 'ba nga'ba pi gba gasi ri di ni ga ku.
|
|
\v 15 A'i 'ba pelere ri ni nga tuwadu pelere. Ti a'i renji'ba ra pi a'i a'i ako ri to, nga pelre na iyo, ti a'ia lara pi a'ia asi to enjiru ra.
|
|
\v 16 'Bakii a'i 'ba Rubanga ni'ba ra rii, ti kugakii Rubanga ni a'ia i'busi. A'i 'ba evule ra rii, cara eri'ba ku rii, pi 'ba konyi ako nga loso ri ni ederega rii.
|
|
\c 2
|
|
\cl Andati 2
|
|
\p
|
|
\v 1 Ti nyi'i, lu'jo le'jo atere lini gba to rii.
|
|
\v 2 Leni ago amba ni kumbakii a'ia ru loso, kolukii laru to, kulurakii nga anda rii, pi kolukii a'i anda ri to, le to, pi kumikii nga.
|
|
\v 3 Ileani saa, leni uku amba ri kolukii laru to a'ia ovi ni ga, kolukii 'ba 'ba ni ru lu'jo'ba rii ku pi kolukii opi uwa dii ku, ti luponyia nga loso ri dii,
|
|
\v 4 Dudu kelenikii uku ciri ri kulekii a'ia ago pi a'ia 'bonji to ndo,
|
|
\v 5 Dudu kolu kii lara anda ri to, pelere, 'ba zo a'idi ni ekukare loso rii, pi kurukii a'ia ago, dudu le'jo Rubanga di 'ba kulu'da ku.
|
|
\v 6 Ileni saa kulee anyemba yayi ni asi kolukii lara loso ri to.
|
|
\v 7 Pi nga tuwadu ga e'dete nyi i'bu ovi loso ri ni ga, nyaa leni niga, e'dete ovi loso ri ayo, laru to.
|
|
\v 8 Pi le'jo ngele gba mo'di ku'ba kipele laka kpe rii, dudu mo'di epelere nyito ri dinja kuko a'dusiku esukii nga injwi ri ku 'jole amaruge.
|
|
\v 9 Leni opigo kurukii a'ia amba ni nga tuwadu ga kukekii a; ini anjo pi kepelekii a'ito ku,
|
|
\v 10 Kogukii nga a'idi ku, rari ke'detekii a'i loso rii, dudu leti tuwadu risi kezikii nga loso ri ayo lini Rubanga amani larire ri ni.
|
|
\p
|
|
\v 11 A'dusiku kiza Rubanga di e'deteru ra 'ba tuwadu larizo.
|
|
\v 12 Keleni amani Rubanga nika ku ni gaka imgbe pi fuco vu di to, pi amolu lidi rekukazo ri, anda, pi Rubanga ni laru to rii saa 'disi,
|
|
\v 13 amande nga andaga igeni amadi amgbugo o'duni Rubanga amadi amgbugo ri pi Yesu Kristu ni amani larire ri pi a lendenga yayi to ri ni ga.
|
|
\v 14 Yesu ke anda ru amasi dudu kalari ama cara ni di aturega si pi kededu Andaa ni 'ba pelere mgbi rii le'ba i'bu loso ri ni ede'ba rii.
|
|
\p
|
|
\v 15 Lu'jo le'jo 'dipi, emba 'ba ni asi dudu kedekii, pi e'dete a'ini leti anda ri opko tuwadu si. Mo'di zi katu nyaa di ku.
|
|
\c 3
|
|
\cl Andati 3
|
|
\p
|
|
\v 1 Era a'i dudu kurukii 'ba amba vu lase'ba ri, pi kerikii a'i, koluki baba i'bu loso ri ni,
|
|
\v 2 Kulu'dakii mo'di zi alu saa ku, kolukii emi o'jaga ku, kolukii 'ba i'bwe rii, rari kete'dekii olu ni i'bwe 'ba tuwadu ni.
|
|
\p
|
|
\v 3 A'dusiku anda amasa amara nga ku pi ameringa ku. Azi ama lolu pi amecoru 'ba mabusi ga rii ani fuco mgbimgbi pi lara injwi vuaga ri si. Amolu enji aga pi avi aga. Amolu nga 'ba a lele ku ri ani pi amevuru ama amani.
|
|
\v 4 Ti de kiza Rubanga ni amani larire ri di pi Andaa le 'ba tuwadu ni ri to kelede ra,
|
|
\v 5 andaa ni i'bu oluzo pelere ama edele ri si ku, ti Andaa lari ama kiza si lajwe oti vu rizo ri di si pi lorongwika u'di Endi Okole ri di si.
|
|
\v 6 Rubanga ecu Andaa Endi Okole ri de amani Yesu Kristu ni amani larire ri si,
|
|
\v 7 ayosi Andaa kiza si Andaa eco ama pelere, dudu amesu geni lidi olure tadu ri di.
|
|
\p
|
|
\v 8 Ofu 'dii kegeniru wa, male anyita asi laka, dudu 'ba Rubanga a'i'ba ri kedekii i'bu loso ri ayo. Nga 'dipi losoi pi kekonyi 'ba tuwadu.
|
|
\v 9 Kulee anye'be ra kipele mamali di pi letileti a'bi di ni vu okoka to pi larafuka cara ni le'josi'. Nga 'dipi i'bu ako pi ekonyi 'ba alu sa ku.
|
|
\v 10 Anyiga imgbe 'ba le'jo laranjuzo ri ni ezi'ba anya lelega rii, de anyuluga a'i kpe vu alu si kusa vu ri si na'i,
|
|
\v 11 anyini mo'di ileani ri e'be leti anda ri ra pi andaa kede enji pi kuli le'jo andaa ruge andaa nga si ni.
|
|
\p
|
|
\v 12 De mazwe nyidi Artema kusa Tikikus ni ra, kulee anyemu madi ezeze Nikopolis ga, kare maa lele amolu laka saa meli di si rii.
|
|
\v 13 O'bi nga nyaa amale nyedee wa ri ni edeka dudu anyizwe Zena ni mo'di cara di ripi a'i Apollo to a'ia awe ni ga dudu nga awe di kolu a'ini aa.
|
|
\v 14 Ba amadi kulee kelenikii i'bu loso ri ni edeka dudu kolukii du nga a'ia lele a'ini ekonyizo ri to, kolukii nga ako ku.
|
|
\p
|
|
\v 15 'Ba tuwadu ma to rii ke anyini lazi. Anyizi a'i amani le'ba a'i aga ri tuwadu. Kiza kolu anit tuwadu.
|