See in Reader
161 lines
14 KiB
Plaintext
161 lines
14 KiB
Plaintext
\id 1TI
|
||
\ide UTF-8
|
||
\h 1Timoteyo
|
||
\toc1 1Timoteyo
|
||
\toc2 1Timoteyo
|
||
\toc3 1ti
|
||
\mt 1Timoteyo
|
||
\c 1
|
||
\cl Andat 1
|
||
\p
|
||
\v 1 Ofu 'dii enga Paulo ni recore maju Kristo Yesu di du cara Rubanga Andaa ni amani larire pi Kristo Yesu ni ama egini 'i ri di to,
|
||
\v 2 ma cwi ofu 'di tema Timoteyo ni 'bura madi loso a'i si ri ni. Rabunga ama Ata pi Opi amadi Yesu Kristo ni kuke anyini tutu, kiza, i'bwe to tuwa.
|
||
\p
|
||
\v 3 Ma nyini ecaraka o'du maa muzo Macedonia ga ri ani, kulee olu Efeso ga dudu anyi'ba 'ba zipi lini enzo di ni leni'ba ri ke'bekii ra.
|
||
\v 4 'Jo a'i'ni kulee ke'bekii o'do a'bi di a'ia vuna okole para ile ra. Le'jo ile kezi kipele 'ba lelega ni, ke'be edekii l'ejo Rubanga di 'ba lenire a'i si rii ku.
|
||
\v 5 Le'jo tema cara ni ti a lokozo ri andaa ni le engare asi pelere ri ni ga, pi lara loso ri ni ga si, pi a'i anda ri ni ga si.
|
||
\v 6 'Ba azi'ba e'be leti anda ri ra, ngwiki leti lo'jo'jo mamali di ni ga.
|
||
\v 7 Lekii olule luponyia cara Rubanga di di 'i, ti nikii ku le'jo a'ia lu'jole rii, kusa nga a'ia lu'jole asi tuwadu si ri sa nikii ku.
|
||
\p
|
||
\v 8 Ti ama ni ra cara Rubanga diandaa ni loso de mo'di koko vuna cara a lezo ri ani na'i. Niki cara ni loso ra, de amba cara aleka ri anii.
|
||
\v 9 Amani ra a'jo cara ni a'ba 'ba anda ri si ku, rari 'ba 'ba inzwi cara ni di lamvuka ri’ni, 'ba Rubanga ebeka ra rini, 'ba enzi to rini, 'ba lini leka ku kusa l’ejo endi di ni leka ku rini, 'ba a'ia ata pi a'ia ende ni lu'dika ri pi ni, 'ba 'ba lu'dika rii ni,
|
||
\v 10 'ba bate ri ni, 'ba asa ede'ba rini, 'ba ’ba oguka rini, 'ba enzo lu'joka rini, 'ba le'jo ngeka enzo du rini, pi 'ba nga lele ku ri ni edeka lini anda ri a ruge rini.
|
||
\v 11 Lini 'di enga ofu loso kele mani ngele ri ni ga. Ofu loso 'dii engo Rubanga ni eku to pi ecule ri di kudi kee maa diga.
|
||
\p
|
||
\v 12 Make anjo ama Opi Yesu Kristo ni okpo keree mani i'bu Andaa di ni ga ri ni, a'dusiku Andaa egeni ma wa pi Andaa 'ba ma Andaa i'bu ni ge.
|
||
\v 13 Kesu molu andani mo'di Rubanga lu'dare rii, pi make ecandi 'ba zi'ba ni, pi maluko zi'ba mabusu ge ra sa'i. Ti Rubanga ede mani kiza ra a'dusiku esu nga maa edele ri mani ku.
|
||
\v 14 Ti kiza ama Opi di e'be maa asi ga a'i si, pi le Kristo Yesu di si.
|
||
\p
|
||
\v 15 Ofu ngele 'di andaa ni gba pi ate a'ile 'ba tuwadu ni, a'jo Kristo Yesu ni emu vu dige 'diya 'ba enzi'ba ri ni larire, a'ia lelega enzi si zuare ra ri ma’i.
|
||
\v 16 Nga Rubanga a kiza edezo mani ri 'di 'i, kesu enzi edeka si malaga ma sa'i, dudu Yesu Kristo ke'dete Andaa asi epika enzi'ba ruge ri. Andaa ede 'di dudu 'ba evo'ba Andaa ni a'ire lidi lokore ku ri ni esuzo ri kundekii.
|
||
\p
|
||
\v 17 Diadu kulee Opi olure tadu, dare kpe, ndele ku, Rubanga ni alu a'dite ri ni kolu laru, eku to tad tadu, Amen.
|
||
\v 18 Timoteo, mangwa, 'di nga maa lele meeleni nyini ri ‘i, kulee nyeera le'jo eze profetaa a 'jole nyi si rii, ekuka a'i asi si o’ja loso ri ni 'jazo askari loso ri ani.
|
||
\v 19 Ko a'i okpo pi ra loso ri to. 'Ba zi pi 'ba bi le'jo 'dini ga ku ayosi enjikii a'ia a'i ra.
|
||
\v 20 Kende Imenio pi Alesandro to, a'ini lenizo me’be a'i Satani a di ga dudu akeleni a'i kulu'dakii du Rubanga ni ku.
|
||
\c 2
|
||
\cl Andat 2
|
||
\p
|
||
\v 1 Ayosi, atizo rii, ma'joo nyini, kulee nga a'ika, elegi, nga zika pi anzo keka Rubanga ni to akede 'ba tuwadu si,
|
||
\v 2 Ndondo na opi ni pi amba zipi laka tuadu ri to, dudu amolu lidi i'bwe di si Rubanga ni ruzo pi lidi loso ri to.
|
||
\v 3 Nga 'di edeka 'dini ri loso, pi a'iru ra Rubanga ni amani larire ri ni andaga.
|
||
\v 4 Andaa kulee 'ba 'borodu kalariru pi kunikii le'jo gba ri.
|
||
\v 5 Rubanga ni alu, mo'di 'ba emure Rubanga to ri saa alu, Yesu Kristo 'i,
|
||
\v 6 Adaa ni mo'di razire Adaa ngasi 'ba tuwadu si, olure ga sadeni du nga 'di dii saa loso ri si.
|
||
\v 7 'Di andaa ni le'jo mani lupezo maju du nga ngere 'ba ni rii, mange nga anda enzo laka iyo ri' i. Ma lu'jo enzo ku, pi ma laponyi juru dii a'i ni lenire ga le'jo a' di si, pi le'jo gba du ri di si rii.
|
||
\p
|
||
\v 8 'Disidu, male ago kare tuwadu ri niga si ri kelegikii, kungikii di okole ri oru anga ako ongu kipele ako.
|
||
\v 9 Kulee uku saa kulusurukii loso, bongu ovi loso ri si lendere loso 'ba andaga rii, pi ru ekuka to, te di lucwakaa ayo mula sure su ri miyo lage oru ri ni lusuka ayo to ku, kusa bongu weli okpo ri ni ovika ayo ku,
|
||
\v 10 Rari kulusurukii loso 'ba andaga ovi uku anda eze Rubanga ni ori'ba pi i'bu loso ri ni edeka to ri a edezo ri ani.
|
||
\v 11 Lini ge uku kulee kolu cirri, pi laru to.
|
||
\v 12 Ma'i ku ukuni 'ba lenizo kusa oluzo amba du ago ni dige, rari kulee kolukii 'di.
|
||
\v 13 A'dusiku, Adamu ni abi ati ayo, adi Eva ni bi,
|
||
\v 14 ku Adamu ni saa alunzwa ati ayo ku, ti alunzwa izi ayo pi 'de enzi aga.
|
||
\v 15 Ti rusaa kalarirukii ra a'ia 'boronzi tire ga, de kolukii a'i to, pi lesi, pi laru to ru ekuka to na'i.
|
||
\c 3
|
||
\cl Andati 3
|
||
\p
|
||
\v 1 Le'jo 'di kegeniru wa. De mo'di le andaa kolu eklezia in di, andaa le i'bu loso rii.
|
||
\v 2 Mo'di eklezia ni di rii kulee kolu enji ako. Kulee kolu mo'di izi alu to rii, kolu mo'di i'bwe rii, mo'di nga rare anda rii, mo'di andaa ru ni ekukare wa rii pi keleni 'ba wa rii, pi kumba 'ba ni nga wa rii.
|
||
\v 3 Kule kolu mo'di emerire uwa si ku rii, kolu mo'di 'a mgbo rii ku, mo'di kegeniru wa rii, mo'di asi i'bwe rii, pi kule rubia ambamba ku.
|
||
\v 4 Kumba andaa 'bani ta loso, 'bonzi andaa di saa kolu laru to.
|
||
\v 5 De mo'di ni andaa zo ni nga mbaka ku, kumba eklezia Rubanga di ni nga ingoni?
|
||
\v 6 Kulee kolu mo'di u'di a'i aga rii ku, dudu recuka kudi andaa ni ko ku, kudi'de lo'bi aga adi le'jo li du andaa dige Satani di ani ku.
|
||
\v 7 Kolu mo'di ru loso 'ba langwe rii sa kurua rii, dudu ku'de voyi Satani di ni ga ku.
|
||
\p
|
||
\v 8 Dikonia saa kolu 'ba egenile wa laru to ri pi 'i, kolukii 'ba ti ri rii ku, kulumvukii uwa nza ku pi kolukii 'amgbo ako.
|
||
\v 9 Kumbakii a'i ni nga zi'ba ruzure di ile losodu lara anda pelere ri si.
|
||
\v 10 Kulee 'ba kulupe a'i pi ko'bi a'i pa adi a'ni'ba i'buge kesuo a'i nga inzwi ako.
|
||
\v 11 Uku a'idi saa ovi alu ri ani, kulee kolukii laru to, 'ba 'bani ru lu'joba rii ku, ti 'ba olu'ba 'di pi'ba ovi loso ri ni e'detere rii, pi egenile wa rii.
|
||
\v 12 Dikonia saa kulee kolukii uku a'idi alu alu, kumbaki a'ia zo a'ia 'bonzi to loso.
|
||
\v 13 A'dusiku 'ba i'bu a'idi ni ede'ba loso rii kesukii a'ini laru pi asidi ni okpo nza a'i Yesu Kristu ni aga ri ni ga. Mazwe anyini waraga 'di ti masa memu anyi di ire angwa du ra.
|
||
\p
|
||
\v 14 Macwi nga 'di anyini mani ra, megeni emuzo anyidi ire.
|
||
\v 15 Ti de mekalaru ra, macwi lwaraga 'di dudu anyini ovi i'bu edezozo Rubanga di ni aga, andaa ni eklezia Rubanga ni lidi ri dii, pelopelo le'jo gba ri ni edere rii.
|
||
\v 16 Amani ra nga Rubanga di ruzure di na amgbu: E'dete Andaa ni ru ge, Endinge le'jo loso ri ru na ni ga ra, Angeli sa nde ra, ange Andaa le'jo 'ba vu dige ri ni ra, 'ba vu dige ri a'i Andaa ni ra, pi angi Andaa ni oru pi eku to.
|
||
\c 4
|
||
\cl Andati 4
|
||
\p
|
||
\v 1 Diadu Endi ku'joo pelere 'dini, vulega 'ba zipi ke'be a'i a'idi ra, ku'bakii bi endi 'ba lunjware ri ni ga pi lini Sitani di to.
|
||
\v 2 Pi lini 'ba lunjwalunjwa 'ba di to, a'ia lara gba anda ri saa gwe ra. Ai uje kwece kuga nya endire rii si.
|
||
\v 3 Kulekii 'ba ku'du uku ku, pi kunyakii lonya zi pi Rubanga a bile 'bani nyale anzo si a'i 'ba a'ito pi gba ni'ba ra ri ni.
|
||
\v 4 A'dusiku nga tuwadu Rubanga a bile ri loso, pi nga nyale anjo keka to ri aga ku.
|
||
\v 5 A'dusiku andaa ni kecorupelere le'jo Rubanga di si pi elegi si.
|
||
\v 6 De nye'dete nga 'dipi adiinji ni andaga nyimu nyolu opigo Yesu Kristo di loso ri 'i. A'dusiku ega nyi lejo a'i di si pi lini okole nyaa vuna okele rii.
|
||
\v 7 Kulee anyiga imgbe o'do vu di uku amba ri a lele ndo ri pi ra. Rari leni nyi le'jo Opi di si.
|
||
\v 8 Leni ru di kekonyi gaangwadu, ti leni Rubanga di zwa nga tuwadu ra, a'dusiku kekonyi lidi diadu 'di ni aga pi lidi emure ri ni aga saa to.
|
||
\v 9 Ofu ile kegeni ru wa pi ate a'ile ra.
|
||
\v 10 Le'jo ile si e'be amede i'bu okposi. A'dusiku amegeni Rubanga ni lidi rii, Andaa ni 'ba tuwadu larire rii, lagare pi ri 'ba a'i'ba rii.
|
||
\v 11 Ayinge le'jo 'ba ni pi anyeleni nga 'dipi.
|
||
\p
|
||
\v 12 Mo'di zi kede nyaa yayi yayi ku, ti olu 'bani ovi du ndele 'ba Opi ni a'i 'ba ri ni, nyaa lo'jo'jo ga, nyaa lidi ovi loso ri ni ga, nyaa le ga, nyaa igeni ge, pi nyaa lidi okole ri ni ga.
|
||
\v 13 Kusa ko maa emunga, 'ba bi buku lare ga, 'ba e'jare ga le'jo Rubanga di si pi 'ba lenire ga.
|
||
\v 14 Nyaa nga kusaru ku nga kele nyini ri si, ake nyini le'jo profeta a 'jole ri si, pi 'ba amba eklezia di a di tika nyaa dige ri si.
|
||
\v 15 Mba nga ile ata. Olu a'ini aga, dudu nyaa mbaka le'jo Rubanga di ni ga ri 'ba tuwadu kunde.
|
||
\p
|
||
\v 16 'Ba bi nyaa ruge pi nga lenile ri ni ga. Enzaru nga 'dipi ni ga. A'dusiku de anyede 'dini nyimu nyalari nyi nyaa nga si pi 'ba nyini eri'ba ripi to.
|
||
\c 5
|
||
\cl Andat 5
|
||
\p
|
||
\v 1 Ake'ja mo'di amba ku. Rari leni andaa ni kende mo’di ata ani. Leni yayi kende adiinji ani.
|
||
\v 2 Leni uku amba ri kende ende ani, pi uku ciri ri kende avuunji ani ovi okole ri si.
|
||
\p
|
||
\v 3 Ke laru awizi ni, a’I awizi gbagba du ri pi ‘i.
|
||
\v 4 Ti de awizi zi aa ‘bonji to, kusa 'bonji ni 'bonji to, kulee ke’dokii laru e’deteka 'ba a’idi zo ga ri si. Kulee kolongwikii nga loso 'ba a’I ni ti’ba ri ni, a’dusika ‘di kuke anjo Rubanga ni.
|
||
\v 5 Ti andaa ni awizi gba rii, e’be a’dule rii, igeni andaa di ni 'bare tuwadu Rubanga ni ruge rii, pi renzare elegi ga ini pi itu rii,
|
||
\v 6 Ti izi olure te anjoanjo ru di si ri andaa ni kpo, kesu andaa ni lidi ruge sa’i.
|
||
\v 7 Ke a'ini lini ‘di saa, dudu kolukii le’jo ako ruge.
|
||
\v 8 Ti de mo’di kumba andaa o’di nita kpe, amba mba ri ’ba andaa di zoga rii, andaa ga a’i imgbe ongu andaa injwi zwa mo’di a’I ako rira.
|
||
\p
|
||
\v 9 Kulee awizi ru cwile vuru ri kinya na kalaga mudi aziya ni ra, esu olu ezesi izi ago alu di’i.
|
||
\v 10 Kulee ezesi akuni andaa ni ra i’bu loso ri ni edeka si, ‘di andaa mba ‘bonji ni ta ra ya, kusa mba omu ni ta ra ya, deku saa 'di jwe ‘ba okole ri a pa ra ya, diyo eloko candi’ba ra ya, deku azi ru tema i’ibu loso tuwadu ri ni ederega ra ya.
|
||
\v 11 Ti awizi ciri ri, kulee anyicwi a’i a ru vuru waraga ga ku. A’dusiku de kuvo kerikii abiri ru di 'jare Kristo to ri ra, kulekii ru’duka.
|
||
\v 12 Ovi ‘di si ku’ba ku’dekii enji aga ke'bekii a'ia razika ati ri ra.
|
||
\v 13 Ongu saa kelenikii ovi ovudi pi kalaweki zotisi. A’i olu te ovu ku, ti a’i saa kulu’jo le’jo konyi ako ri pi ongu lulusurukii ‘bazi ni le’jo ga, kulu’joki nga ateku a’ini ‘jole ri pi 'i.
|
||
\v 14 ‘Di si male uku ciri ri ku'duru, kutikii ‘bonji, kumbakii zo ni nga, ongu kukekii kare ku avi’ba ni ‘ba ede zo.
|
||
\v 15 A’dusiku ‘ba zi’ba ku pi Satani a vuga
|
||
\v 16 De izi a’ire ra di awizi aa, kulee andaa keloko a’i, dudu teri kolu nja eklezia dige ku, dudu akekonyi awizi gbagba ri ayo.
|
||
\p
|
||
\v 17 Anye’be amba i’bu ede'ba loso ri akuke a’ini laru vu ri, ambamba ri a’i ‘ba le’jo nge’ba pi ‘ba leni’ba ri to.
|
||
\v 18 A’dusiku buku ku’jo, ‘’Anyombe ti anya ture ri ni ti ku’’ ongu “i’bu edere ri ni nga kele kolu aa.’’
|
||
\p
|
||
\v 19 Kulee anyeri sikia amba zi ruge ri ku, de sadenia ri kusa na iyo laka na ‘i.
|
||
\v 20 Edu enji’ba ‘ba tuwa andaga si dudu ori kuko ‘ba zi’ba ri ra.
|
||
\p
|
||
\v 21 Mecara nyi okposi Rubanga ni andaga pi Yesu Kristo ni andaga pi angeli ovile ri a andaga, mba cara ‘di a nga mgbimgbi ako ’ba lelega, pi ede nga zi ku ‘ba zi evuka si.
|
||
\p
|
||
\v 22 Ti di ezeze ku mo’di zi dige. Emuru enji mo’di zi di ni ga ku. Olu okole.
|
||
\v 23 Mvu iyi ayo papala ku. Ti mvo vino ga angwadu nyaa ikwi nyini ecandire ri ni pi lajwa lajwa zi’ba nyini ecandi’ba ri ni.
|
||
\v 24 Enji ‘ba zi’ba di kelende ‘ba tuwa du andaga pi kalaga a’ia andaga le’jo lalirega. Ti enji ziba kevo kelende vule.
|
||
\v 25 Ovi alu ri ani, i’ibu loso zi’ba kelende ‘ba andaga, ti kesu zi’ba ri pi sa zuru ku.
|
||
\c 6
|
||
\cl Andati 6
|
||
\p
|
||
\v 1 Kulee ’ba tuwadu ombele cwi opi du ri kundekii a’i a opi ni laru to. Kedekii ‘di dudu ru Rubanga di pi lini ’di akulu’da ku.
|
||
\p
|
||
\v 2 Opi opi a’idi 'ba a’i'ba rii kulee kedekii a’i ku a’ia oluka adiinji si. Rari kedekii i'bu a’ini kalaga pi. A’dusiku opi a’ia elokole a’ia i'bu si ile a’i a’i'ba lele ndo rii. Leni pi nge nga ‘dipi.
|
||
\p
|
||
\v 3 De mo’di zi keleni nga mgbi ra’ire ku lini anda ama opi Yesu Kristu di pi lini Rubanga ditto,
|
||
\v 4 andaa ni di opko pi ni nga zi alu sa ku. Andaa leru kipele injwi lo’j’jo dige ‘ba zire avi ga, o’ja’ja ga, la’da la’da ga, lura lura injwi ga,
|
||
\v 5 pi o’ja’ja lokore ku ‘ba luge andi a lelega. Legwekii gba ni ra, kurakii Rubanga ni vu okoka ni leti limi esuzo rii.
|
||
\p
|
||
\v 6 Rubanga ni vu okoka nga Andaa kele nyini ri a nyini ateka to, andaani anda loso nja rii,
|
||
\v 7 A’dusiku amezi nga zi kuru vu dige ‘dia. Ongu sa amateku nga zi ni zika pi laka si.
|
||
\v 8 Rari kulee lonya la’buto kate amara.
|
||
\v 9 ‘Disidu ’ba le’ba a’i kolu koroni ri ku’dekii lunjwalunjwa aga, pi teki aga.
|
||
\v 10 A’dusiku le limi di andaani re’doka enji tuwadu di ‘i. ‘Ba zi’ba a asi taka laka ri aku a’i leti a’idi niga si pi ongu sorukii a’ia nga si lu icandi karako to.
|
||
\p
|
||
\v 11 Ti nyile, mo’di Rubanga di, fe pi nga ‘dini ‘di pi ni ga si. Oko anda anda ni vu ayo, olu mo’di Rubanga dii, olu mo’di egenile wa rii, le to rii, le’jo ebire wa rii pi olure ‘di rii.
|
||
\v 12 ‘Ja o’ja loso a’i di ‘i, Ko okpo lidi lokore ku anda alungwe nyi laka rii, pi andaa si nyike sadeni loso ri sadenia karako andaga.
|
||
\p
|
||
\v 13 Make nyini cara ‘di Rubanga andaga, Andaa ni lidi kere nga tutwadu ni ri ‘i, pi Yesu Kristu ni andaga, Anaa ‘jo nga anda pi anda Pontio Pilato ni;
|
||
\v 14 mba cara ‘di nita enji ako akuwadu nyi ku kusa ko ama Opi Yesu Kristu a lendenga.
|
||
\v 15 Rubaanga kumu ke’dete Kristu a lendeka saa anda ri si - Rubanga ni ecule pi Opi alu papala rii, Opi vu zware piAamba vu zware rii.
|
||
\v 16 Andaa ni papala e'do ku ongu kolu ingwe ate saka laka ku ri ni ga rii. Mo’di zi iyo Andaa ni zware na’i. Andaa ni kolu eku pi opko olure tadu ri to. Amen.
|
||
\p
|
||
\v 17 'Jo a’i ‘ba koroni vu dige ‘dia ri pi ni kecukii ru ku, pi kutakii asi ku limi ruge, a’dusiku limi olu tadu ku. Rari kegenikii Rubanga ni ayo. Andaa kuke amani tuwadu limi gba rii amani e’bule.
|
||
\v 18 ‘Jo a’i ni kedekii nga loso rii, kugakii de i'bu loso si, nga na pi kolu lo’u ku, ti kukekii nga ‘ba ni.
|
||
\v 19 ‘Di ani, kuvo kutakii a’ini oru nga ni pa loso rii nga emure andaga ri ni, ku’ba dudu kukokii okpo lidi gba ri ‘i
|
||
\v 20 Timateo, ekuka nga kele nyini rii, naru pi le’jo mamali di pi lara mgbimgbi lungwele enjodu nga nika ri pi ni ga si.
|
||
\v 21 ‘Ba zi’ba kulu’jo nga’di pi, pi e’bekii a’i ra. Tutu kolu nyito.
|