See in Reader
149 lines
12 KiB
Plaintext
149 lines
12 KiB
Plaintext
\id PHP
|
||
\ide UTF-8
|
||
\h Philipi'Ba
|
||
\toc1 Philipi'Ba
|
||
\toc2 Philipi'Ba
|
||
\toc3 php
|
||
\mt Philipi'Ba
|
||
\c 1
|
||
\cl Andati 1
|
||
\p
|
||
\v 1 Paul pi Timateo to, opi Christu Yesu di 'ba okole Rubanga di tuwadu Kristu Yesu ni aga Filipi ga ri ni, pi 'ba ekelezia ni di ndeka ri dikonia to.
|
||
\v 2 I'bwe tutu to engare Rubanga ni ama Ata di pi Opi Yesu Christo to ri kolu anyi to.
|
||
\p
|
||
\v 3 Manjo maa Rubanga ni saa tuwadu si de mera anyi.
|
||
\v 4 O'du tuwa elegi madi tuwadu maa elegile anyi tuwadu si ri niga, melegi anjo to
|
||
\v 5 anya remuka mato ofu okole rini aga, e'doru o'du atizo ri si esa ko diadu.
|
||
\v 6 Mani losodu nga 'disi, Andaa ni i'bu loso ri ni e'dore anyini aga ri kumu kenjaru ekoka na to kusa ko o'du Kristu Yesu di ni ga.
|
||
\v 7 Anda mani nga razo 'diani anyi tuwadu si a'dusiku anyi mani asi’di ni aga. Anyi tuwadu anyemuru mato kiza 'dini aga maa mabusi ni aga, pi maa edezo sadeni du ofu okole risi ri ni ga.
|
||
\v 8 Rubanga ni maa sadeni 'i, kende maa anyi lurazo kiza Yesu Christo di ni aga ri ani.
|
||
\p
|
||
\v 9 Malegi 'dini: dudu anya le kenjaru du idi idi nga nire ga ongu le; jo tuwadu ni ekwi erirega,
|
||
\v 10 dudu anya'i nga loso lagare pi ri, dudu anyolu du anda ungu enji ako kusa ko o'du Kristu di ni ga,
|
||
\v 11 anyiga du de o’a anda di engare Yesu Kristu di si ri si, akeku du pi akecu du Rubanga ni ru.
|
||
\p
|
||
\v 12 Diadu, madiinji, maa lele anyini rii, nga redere mani ri ederu ofu loso ri ni enjazo andaga.
|
||
\v 13 Ayosi, maa mgbirila Kristo ni aga ri lende pelere asikeria tuwadu opi di kali ga ri a lelega pi 'ba tuwadu ni.
|
||
\v 14 Adiinji amgbu esukii asi okpo opi ni aga maa mbirila si, pi esukii asi okpo le'jo ngezo ori ako.
|
||
\p
|
||
\v 15 Zi'baa pi gbadu kunge nga Kristu ni dige avi si, pi 'angala si, pi zi'ba saa asi loso ri si.
|
||
\v 16 A'i le'jo nge'ba asi loso si ri kede 'di le si, kuniekii a'jo a'ba ma 'dia ni ofu loso ri ni ngeka si.
|
||
\v 17 Ti a'i le'jo nge'ba avi si pi 'angala to ripi kungekii le'jo Kristu di a'ia le a'iangasi ri si, asi tuwadu ri si ku. Kuraakii a'i kenja mani asi lajwa maa mabusi ni ge.
|
||
\v 18 'Di ke'dete a'du? Rari leti tuwa si, de kesu kolu ra ego kusaa anda risi sa, Kristu ni ange nga ru na niga, ongu manjoru le'jo 'disi.
|
||
\p
|
||
\v 19 Gbadu, ongu mamu manjoru du idi. A'dusiku mani ra 'di kumu kalarima ra anya ilegi si, pi ikonyi Yesu Kristu a Endi di ri si.
|
||
\v 20 Maa ra tema mata asi du ri kulee ngazi kuke mani dinja ku, ti amolu asidi ni okpo to, diadu kende o'du tuwadu ri ani, Kristu ni akungi oru maa ruge, de lidi si kusa da si.
|
||
\p
|
||
\v 21 A'dusiku madisi oluka lidi ni Kristu 'i, daka ni lidi esuzo.
|
||
\v 22 Ti de amolu lidi ruge, ku'joru i'bu maa edele ri o’a to. Ti movi ingo'i ni maniku.
|
||
\v 23 'Ba du mani di kiru ra nga ri 'di si. Maa le ni amanga pi amamu olurega Kristu to, andaa ni loso ambamba,
|
||
\v 24 Ti oluka lidi ni loso kuzwaa ra anyisi.
|
||
\v 25 Mani losodu molu lidi, pi menjaru olurega anyito dudu anyenjaru pi anya asi kolu i'bwe a'i aga,
|
||
\v 26 dudu anyate recuka wa masi Kristu Yesu ni aga de amemu idi anyidi na'i.
|
||
\p
|
||
\v 27 Ra rii kulee anya lidi kolu loso kuviru ofu okole Kristu di ri to, dudu de kesu amemu anyi ndere ra, kusaa de amolu iyo saa, ameridu nga anyini dile ga, anya edeka okpo esi alu si, ra alu ri si geni ofu okole ri di si.
|
||
\v 28 'Ba epeleka anyito ri kukekii anyini ori alu saa ku. 'Di ke'dete a'ini a'ia legweka, ti anyini anya lararika engare Rubanga di si rii.
|
||
\v 29 A'dusiku ake anyini isa Kristu si Andaa ni a'ika ayo papala ku, ti icandi taka Andaa si saa,
|
||
\v 30 o'ja ruvire anda anya ndele maa ruge riani pi diadu anya erile maa ruge rii.
|
||
\c 2
|
||
\cl Andati 2
|
||
\p
|
||
\v 1 De lemba zi Kristu ni aga aa, de olu loso zi engare le ni aga si aa, de remukaa Endi di aa, de kiza gba ri aa.
|
||
\v 2 Kulee anyi'ba maa anjo-anjo kuga de rere anya ra emuka alu si, le ruvika vi ri si, remuka alu endi aga, ongu oluka lejo ekwi alu alua rito.
|
||
\v 3 Akede nga zi anya ra tema ri si kusaa bazi a ra ako ni ku. Danasi ovi rumu zo risi anyi ba zipi ri nyijo zwa kii anyi ra.
|
||
\v 4 Modi alu-alu anyni agar i kuta ani anda’a vico tema risi ku, lankini ba zipi a vico si saa to.
|
||
\p
|
||
\v 5 Anyolu ovi loso risi anya lele ga kelende Kristu Yesu ni aga ri ani.
|
||
\q
|
||
\v 6 Andaa ni kesu kolu Rubanga ani saa 'i, ra kuru Andaa kelebi Andaa jojo Rubanga to ri niga,
|
||
\v 7 rari Andaa azi Andaa ru, ecoru opigo du, pi ati Andaa ni mo'di ani. Pi de Andaa esuru mo'di du,
|
||
\v 8 Andaa longwi Andaa ni vuru pi oko cara ni vu sa ko da ga, da kuruce dige rii.
|
||
\q1
|
||
\v 9 'Disidu Rubanga ngi Andaa ni oru ambamba pi ke Andaa ni ru lagare pi rii,
|
||
\v 10 e'bedu ru Yesu di si a'ja tuwadu ru'buge pi vu dige pi vu 'a ga ripito kuwokii vuru,
|
||
\v 11 pi leda tuwadu ku'joo Yesu Kristu ni Opi, eku kezo Rubanga Ata ni.
|
||
\p
|
||
\v 12 'Disidu, 'ba madi maa lele ndo ri, anya cara ni vu okozo o'du tuwadu ri ani, te maa anda ga si ku ti ndondo ri ma iyo du, anyede i'bu anya lari di anyanga si ori to pi ru a 'dika to.
|
||
\v 13 A'dusiku Rubanga ni kede i'bu anyini aga ni dudu anyile pi anyede nga Andaa lele ndo rii.
|
||
\p
|
||
\v 14 Anyede nga tuwadu luzuka ako pi kipele ako,
|
||
\v 15 dudu anyolu du okole pi nga zi injwi ako, bonji Rubanga di enji ako rii 'ba vu injwi pi ego 'di a 'ba ni lelega, laka anyi'ji vu ingwe du vu dige.
|
||
\v 16 Anyiko le'jo lidi di okpo dudu Kristu a emunga amecuru du maa feka isa kusa maa i'bu edeka isa ku si.
|
||
\p
|
||
\v 17 Ti de kesu acu ma vuru lazi azile Rubanga ni ri ani anya i'bu pi a'i si saa, mani asi i'bwe pi manjoru anyisi tuwadu,
|
||
\v 18 Ovi alua ri ani anya asi kolu i'bwe pi anyanjoru mato.
|
||
\p
|
||
\v 19 Ti megenie Opi Yesu kuzwe Timateo ni anyi di ire, dudu amesu du asi okpo de amani nga anyini di ge na’i.
|
||
\v 20 A'dusiku mani mo'di zi andaa ani na iyo, fuco to njagodu anyisi na’i.
|
||
\v 21 A'dusiku a'i tuwadu kundukii nga a'ia lele rii, nga Yesu Kristu dii ku.
|
||
\v 22 Ti anyini andaa loso ra, a'dusiku 'burangwa a i'bu edezo ata ni riani, andaa ede i'bu mato ofu loso rini aga.
|
||
\v 23 'Disidu male amazwe andaa ni eze de amande nga tuwadu loso mato na'i.
|
||
\v 24 Ti maa asidi okpo Opi ni aga ausi ma maanga si saa memu ire ra.
|
||
\p
|
||
\v 25 Ti maraa andaa ni loso Epafroditu ni zwezo vule anyidi. Andaa ni maa adozi 'i pi maa i'burezi 'i pi asikari rezi; anya letire 'i pi mani ekonyire nga ma lele ri ni ga rii.
|
||
\v 26 Asidi na lajwa ambamba a'dusiku andaa le okposi oluzo anyi tuwadu to, anya erizo andaa ru ri olure lo'u ri ani.
|
||
\v 27 Esu gbadu andaa ru ri olure lo'u ambamba ire da to. Ti Rubanga ede andaa ni kiza ra, te andaa ni papala ku, mani saa, dudu madi olu candi to digedige ku.
|
||
\v 28 'Disidu male andaa ni zwele vule, dudu de anyinde andaa ni idi anyanjoru du, ongu maa asi lajwa ku’e du ga.
|
||
\v 29 Any i andaa ni Opi ni aga anjo-anjo to. Anyike laru 'ba a i ani ripini.
|
||
\v 30 A'dusiku i'bu Kristu di si andaa lapa da. Andaa azi andaa lidi dudu andaa kezi mani nga anda anya ekele mani ekonyizo rii.
|
||
\c 3
|
||
\cl Andati 3
|
||
\p
|
||
\v 1 Nga ni ti ni lokozo, maa adiinji, anyini asi kolu i'bwe Opi ni aga. Malande nga maa cwile anyi ni ra ri ni angwakaa si ku, dudu kumba anyini ta loso.
|
||
\p
|
||
\v 2 Anyekukaru 'ba olu'ba oke ani ri si, ba enzi edeka risi, 'ba ru olika risi.
|
||
\v 3 A'dusiku ama 'di 'ba gba ru olika ra rii - ama 'ba laru kekaa Endi Rubanga di si rii, ama 'ba recukaa Kristo Yesu ni aga asi takaa ru si ku rii.
|
||
\v 4 Ma’I saa, ma maangasi esu mate le'jo ru di ni egenika wa, de mo'di zi kuraa andaa kate recuka le'jo ru di si wa na'i, mate recuka kuzwa andaa ni ra,
|
||
\v 5 ali ma o'du aro zo risi, ma mo'di Israele go, suru Benjamini di ni ga si, Eberei go gba rii, de le'jo cara ni vu okozo risi du ma Farizei go.
|
||
\v 6 Fuco i'bu disi, mecandi ekelezia ra, anda anda cara disi, esu ma enzi ako.
|
||
\p
|
||
\v 7 Ti nga eze si mani konyi to ri ecoru mani nga konyi ako rii Kristo si.
|
||
\v 8 Yesu Kristo si me'be nga 'borodu ra, mande a'i okoronyo ani, le'jo amgbugo Opi madi Yesu Kristu ni nizo risi. Andaa si me'be nga tuwadu ra- pi mande a'i okoronyo ani - amesu du Kristo ni.
|
||
\v 9 Ongu akesu du ma Andaa ni aga, ovi anda zi madi tema cara ni vu okoka si rii ku, rari anda anda esule a'i Yesu Kristu ni aga risi - anda anda engare Rubanga disi rii a'i si.
|
||
\v 10 'Disidu diadu male amani Andaa ni pi okpo Andaa enjizo pi da asi ri to, amecoru du Andaa ani Andaa da bi ga,
|
||
\v 11 dudu amamu amenji pi da asi.
|
||
\p
|
||
\v 12 Mesu nga 'dipi adi kuru, kusa mecoru pelere rere ni kuru. Male amenjaru, amesudu nga Yesu Kristo a mani kozo Andaa ni ri.
|
||
\v 13 Maa adiinji, maraa adi mesu nga 'dipi kuru. Ti nga alu medee rii, mani nga kusaru di nga lagare pi ri ni ga pi mata asi nga andaga ri ni ga.
|
||
\v 14 Membaru okposi dudu amesu nga Rubanga mule kele 'bani Andaa lungwe lungwe oru Yesu Kristo si ri.
|
||
\v 15 Ama 'borodu 'ba amba ri kulee akurakii nga 'diani, ti de anya lara mgbi nga zi ni ga, Rubanga isaa kete'dee anyini ra.
|
||
\v 16 Rari kulee akolukii nga amaesule ra ri niga.
|
||
\p
|
||
\v 17 Maa adiinji, anyeko ma vu ayo. Anyi'ba mi 'ba laweka ovi loso ama e'detele anyini ri a ruge.
|
||
\v 18 'Ba amgbu zipi kalawe - a'i anda ma'jo le'jo a'ia ruge anyini vu karako ra ripii, pi diadu saa ma'joo anyini idi minda to - a'i o'ja'baazi kruce Kristu di dii
|
||
\v 19 'Ba 'di kuvo kugwe asi si ra, a'dusiku a'ia rubanga ni a'ia ikwi 'i, kecurukii nga dinja di a'ia edele ri ni aga. Kulutakii asi nga vu dige ri ni ga.
|
||
\v 20 Ti ama'ile ama 'ba ru'buge, amulute mo'di amani larire ri lakasi, Opi Yesu Kristu 'i.
|
||
\v 21 Kemu Keco ru amadi mori ako ri kolu ru Andaa di eku to ri ani, Kede nga 'di okpo Andaa di si nga 'borodu emuzo Andaa di.
|
||
\c 4
|
||
\cl Andati 4
|
||
\p
|
||
\v 1 'Disidu, maa adiinji ni maa lele ndo ri pi maa lele ndele ri, maa asi i'bwe pi maa tegia 'i rii, kulee anyede okpo Opi ni aga, maa rozi maa lele ndo ri.
|
||
\p
|
||
\v 2 Malutati Eudia pi ni Sintike to, anyolu lara alu ri si Opi ni aga.
|
||
\v 3 Gbadu, mazi nyi maa i'bu rezi gba rii, ekonyi uku recandi'ba mato ofu loso acarega ile, a'i Klemente pito pi i'bu'bazi madi zi'ba ri pito, ru a'idi 'aa buku lidi di ni aga.
|
||
\p
|
||
\v 4 Anyanjoru Opi ni aga o'du tuwadu. Ma'joo anyini idi, anyanjoru.
|
||
\v 5 Anye'dete anya i'bwe 'ba tuwadu ni. Opi ni ire.
|
||
\v 6 Anya asi kulumvuru le'jo zi si alu saa ku. Rari nga tuwadu aga elegi si pi ti lutaka to pi anjo keka to anye'dete nga anya lele ri Rubanga ni,
|
||
\v 7 pi asi i'be Rubanga di 'ba ni lara zware ra ri kute anya asi pi anya lara Kristu Yesu ni aga.
|
||
\p
|
||
\v 8 Le'jo ni ti a lokozo, ma adinji, nga tuwadu gba rii, nga tuwadu laru dii, nga tuwadu anda rii, nga tuwadu okole rii, nga tuwadu lele ndo rii, nga tuwadu ofu na loso rii, de nga zi aa loso lagare pi nai, de nga zi aa ecule nai, lura nga le'jo nga 'dioi a dige.
|
||
\v 9 Nga nyaa lenile pi nyaa esule pi srile pi ndele madi si ri, ede nga 'dipi, pi Rubanga i'bwe di kumu kolu nyito.
|
||
\p
|
||
\v 10 Manjoru ambamba Opi ni aga a'dusiku diadu anyenjaru idi anya mani rare ga. Atisi gbadu anyira ma ra, ti anyesu saa kuru mani ekonyizo.
|
||
\v 11 Ma'jo nga 'di maa ikonyi leka si ku, A'dusiku meleni ra olurega asi i'bwe to lidi ni ovi tuwadu aga.
|
||
\v 12 Mani oluka nga ako aga ra, pi mani oluka nga to aga ra. Leti tuwadu si pi nga tuwadu aga meleni oluka 'a de to ra, kusa oluka abiri to ra, pi oluka nga karako to pi nga ako to ra.
|
||
\v 13 Mate nga tuwadu edeka wa Andaa ni mani okpo kere ri ni aga.
|
||
\v 14 Rari anyede loso nga lamire ga mato maa icandi ni aga
|
||
\v 15 Anyi Filipi 'ba, anyini ra ofu loso ri a re'dorega, maa Macedonia ni e'bere rii, eklezia zi iyo remure mato le'jo nga kezo pi esuzo ri niga te anyi'i papala.
|
||
\v 16 Lele maa olure Tesalonika ga ri saa, anyezwe ikonyi mani kusa vu ri ra.
|
||
\v 17 “Di majoo ma ikonyi leka si ku. Rari mandu o'a renjare anyini rii.
|
||
\p
|
||
\v 18 Mesu nga tuwadu andaa kare ni ga, pi dina enjaru laka to. Diadu mesu nga tuwadu maa lele ri ra anya ezwele Epafrodito a diga rii. A'i nga agi viya rii, lazi Rubanga ka'iye anjo to rii.
|
||
\v 19 Maa Rubanga kuke anyini nga anya lele ri tuwadu kuviru Andaa limi eku Yesu Kristu ni aga rito.
|
||
\v 20 Diadu ama Rubanga pi ama Ata ni kolu eku tadutadu. Amen
|
||
\v 21 Zi 'ba okole Rubanga di Yesu Kristu ni aga. Adiinji aa mato ri zi anyi laka.
|
||
\v 22 'Ba okole Rubanga di 'dia ripi zi anyi laka, lagare pi ri a'i Sizari di zoga rii.
|
||
\p
|
||
\v 23 Kiza Opi Yesu Kristu di kolu anya endi to.
|