See in Reader
206 lines
18 KiB
Plaintext
206 lines
18 KiB
Plaintext
\id EPH
|
|
\ide UTF-8
|
|
\h Efeso'Ba
|
|
\toc1 Efeso'Ba
|
|
\toc2 Efeso'Ba
|
|
\toc3 eph
|
|
\mt Efeso'Ba
|
|
\c 1
|
|
\cl Andati 1
|
|
\p
|
|
\v 1 Paulo ni maju Kristo Yesu dii le Rubanga disi, cwi waraga 'di 'ba Rubanga di okole Efeso ga ri ni, a'i egenile wa Kristo Yesu ni aga.
|
|
\v 2 Kiza i'bwe to engare Rubanga ni ama Ata 'i pi Opi Yesu Kristo di si ri to kolu anyito.
|
|
\p
|
|
\v 3 Kulee Rubanga pi Ata ama Opi Yesu Kristo di akecu, Andaa ni tutu tuwadu endi di ni kere amani kare oru ripi nigasi Kristo ni 'aga rii.
|
|
\v 4 Rubanga lupe ama Andaa ni 'aga furu eze vu a re'donga, dudu amolu okole pi nga injwi ri ako Andaa andaga le aga.
|
|
\v 5 Rubanga lupe ama eze lufule 'bonji Andaa dii du Yesu Kristo ni 'aga, le Andaa di loso risi.
|
|
\v 6 Amani lufuka Andaa 'bonji du 'di ezi Andaa kiza yayi di 'di ni ecuka, kiza Andaa kele amani Andaa Ngwa ni Alu Andaa lele ndo ri ni aga rii.
|
|
\p
|
|
\v 7 Yesu Kristo ni aga amesu lari Andaa eri si pi ama enji ni e'beka to Andaa limi kiza di karako ri si.
|
|
\v 8 Andaa enyai kiza 'di amani pi enja amani ciri pi nga nika to.
|
|
\v 9 Rubanga e'dete amani nga ruzure di Andaa le di, kende nga Andaa ni asi i'bwe kere ri ani, pi nga Andaa e'detele Kristo ni aga rii.
|
|
\v 10 Dudu de saa loso ile mu esara, Rubanga kemu du nga vu dige 'dia ripi nga oru ru'buge ripito kare aluga Kristo ni kumu kolu a'ia di 'i.
|
|
\v 11 Nga tuwadu ederu ra Rubanga di si, pi le Andaa di si, pi Andaa le'jo ni ti o'bazo re ri ani Andaa lezo riani.
|
|
\v 12 Rubanga lupe ama 'ba limi Andaa di ni esu'ba rii du, dudu ama 'ba ati Yesu Kristo ni egeni'ba 'di kolu du Andaa yayi ni ecuzo.
|
|
\v 13 Anyi saa, Yesu ni aga, lele anya le'jo gba di ni erizo, ofu loso anya lari di, anya'i Andaa ni ra pi a'ba anya ruge alama, andaa ni Endi Okole anda ecarale ra rii,
|
|
\v 14 Andaa ni gura nga tozo amavo amesuo ra ri dii kusa ko saa nga ilepi ni esunga, yayi Andaa di ni esuzo
|
|
\v 15 Le'jo 'disi, e'doru o'du maa le'jo a'i anyidi Opi ni aga pi anya le 'ba Rubanga di okole tuwadu ri ni erizo ri niga,
|
|
\v 16 me'be anjo keka Rubanga ni anyisi kuru malungwe anya ru elegi madi niga.
|
|
\v 17 Melegi dudu Rubanga ama Opi Yesu Kristo di, Ata eku dii, kuke anyini endi ciri dii pi nga ruzure di ri ni a'detezo rii Andaa ni nizo.
|
|
\v 18 Melegi dudu anya asi ni mi kawiru, dudu anyini igeni Andaa anyini lungwerega ri pi limi Andaa nga mule esule yayi di ile 'ba Rubanga di okole tuwadu ri ni lelega.
|
|
\v 19 Maa elegi niga, mazie dudu anyini amgbu Andaa okpo di o'bile kpe ri ama 'ba a'i'ba ri ni, kende Andaa mori a i'bu edezo Andaa okpo si ri ani.
|
|
\v 20 'Di okpo alua Andaa e'bule Kristo ni enjizo pi da asi pi 'ba Andaa ri Andaa di anda niga oru ru'buge.
|
|
\v 21 Andaa 'ba Kristo ni ri oru zwa amba oru pi mori, keri pi okpo tuwadu ra pi Andaa ru zwa ru zi'ba tuwadu lungwele ripi ra. Kristo ni kumu kuzwa te vu 'dii ku, ti ko vu mure emure ri to saa.
|
|
\v 22 Rubanga 'ba nga tuwadu vuru Kristo ni paga pi ke Andaa ni oluzo di du eklezia ni pi nga tuwadu ri ni to.
|
|
\v 23 Eklezia ni Andaa ru 'i, ru 'di ga de Yesu Kristo ni nga tuwadu egare de ri si.
|
|
\c 2
|
|
\cl Andati 2
|
|
\p
|
|
\v 1 Ti anyi 'i, esu anda anyoda ra anya laru ako pi anya, enji ni aga.
|
|
\v 2 Anda anya lawerega rii, ovi vu 'di di ani. Anyadi lidi anyidi kende amba mori oru oli aga ri a lezo ri ani, andaa ni endi diadu i'bu edere 'bonji le'jo eri'ba ku ri a 'aga rii.
|
|
\v 3 Anda eze ama tuwadu amari olure 'ba ileni ilepi a lelega, amede nga injwiinjwi ama ru a lele ayo ripi 'i, pi amede abiri ru di pi lara di to ayo. Ama lidi ni oviga amecoru 'bonji anga Rubanga di dii, kende 'ba tuwadu ri a ovi ani.
|
|
\p
|
|
\v 4 Ti Rubanga ni kiza na amgbu ama 'ba ruge ovi Andaa amani lezo ri si.
|
|
\v 5 Lele ama olure 'ba oda'ba ra enji aga rii, Andaa enji ama lidi kare aluga Yesu Kristo to - kiza si alari anyi ra.
|
|
\v 6 Rubanga enga ama oru kare aluga Kristo to, pi Rubanga e'be amari kare aluga kare oru ru'buge ri niga Kristo Yesu ni aga,
|
|
\v 7 dudu saa mure emure andaga ri niga Andaa ke'dete amani limi o'bile kpe ambamba kiza Andaa di re'detere asi loso Andaa di amani Kristo Yesu ni aga rii.
|
|
\p
|
|
\v 8 A'dusiku alari any kiza si, nga zi anya edeleni na si ku, andaa ni ke Rubanga dii,
|
|
\v 9 i'bu mo'di a edele ri si ku, dudu mo'di zi kecuru du ku.
|
|
\v 10 A'dusiku ama 'ba Rubanga a bile ni rii, Andaa bi ama Kristo Yesu ni aga i'bu loso ri ni ederega ayo, i'bu anda Andaa ti nani lu'bale ezesi ra amani rii, dudu amede ayo rii.
|
|
\p
|
|
\v 11 'Disidu, kulee anyira a'jo, anyi anda 'ba juru rii anya ru niga. A'i 'ba “olile ra ruge" 'ba ni disi ri anda kulungwekii anyi “'ba olile kuru" ruge rii.
|
|
\v 12 A'dusiku saa nasi anyi lolu Kristo to, anyi juru 'ba Isaraeli di ni, 'ba mgbi rii ra'ika nga ecarale ri ni, 'ba geni ako rii pi 'ba Rubanga ako rii vu dige 'dia.
|
|
\v 13 Ti diadu Kristo Yesu ni aga anyi anda ezesi lolu Rubanga to ri ezwe anyi ititi Kristo a eri si.
|
|
\p
|
|
\v 14 Andaa ni gba rii ama i'bwe 'i, a'dusiku Andaa emu ama ewo ri 'di amecoru nga alu rii. Andaa ru si Andaa ngu ari revuzo amani lapire ile vuru.
|
|
\v 15 Andaa 'ba baraga cara pi leti Yudei'ba di rii dudu Andaa kemu suru ri mgbimgbi ile kemu alu Andaa ni aga, i'bwe ezizo.
|
|
\v 16 Kristo emu suru ri 'di ecoru ru alu Rubanga ni Andaa kuruce si, 'di revuka ile kpo.
|
|
\v 17 Yesu ni emu nge anyini ofu loso i'bwe di ri anyini anyi anda 'ba lolu ripi pi i'bwe 'ba ire ripini.
|
|
\v 18 Yesu ni aga ama rito tuwa Endi alu risi amate evoka Ata di wa.
|
|
\p
|
|
\v 19 'Disidu, diadu anyi 'ba juru ri anyi 'ba mgbi rii ku. Rari anyecoru 'ba kare alu ri niga rii 'ba Rubanga di okolr ripito pi anyi 'ba Rubanga di zoga ripi 'i.
|
|
\v 20 Abi anyi zo nipa 'bale ra ri ni dige, zo ni pa 'di andaa ni maju Yesu di pi profetaa to, pi Yesu ni gba rii saa Andaa ni oni 'bale gbungu ga rii.
|
|
\v 21 Andaa ni aga zo tuwadu kelebi alu pi kumba kecoru zo Rubanga ni ruzo rii.
|
|
\v 22 Anyi saa Andaa ni aga abi anyi kare aluga dudu anyolu kare Rubanga ni oluzo Andaa Endi si.
|
|
\c 3
|
|
\cl Andat 3
|
|
\p
|
|
\v 1 Le'jo 'disi ma Paulo 'i, Yesu Kristo a mabusu go 'i anyi 'ba juru risi -
|
|
\v 2 maraa anyeri ra le'jo kiza Rubanga di Andaa i'bu 'di ni kezo mani edele anyini rii.
|
|
\v 3 Nga ruzure di ile e'dete mani e'dete, kende maa cwizo anyini gaangwadu atisi ra riani.
|
|
\v 4 De anyila nga maa cwile 'di anyivo anyini nga ruzure di e'detele mani Kristo a ruge ri ra.
|
|
\v 5 'Ba oku eze ripi ni nga ruzure di 'di e'dete kuru. Ti diadu Endi Okole ri e'dete nga 'dipi ra Andaa maju pi profetaa okole ripi ni.
|
|
\v 6 Le'jo gba ruzure di 'di andaa ni a'jo 'ba juru ri diadu a'i ecorkii 'ba ru alu ri dii, pi 'ba nga vole esule ri ni esu'ba ripi 'i, pi kalamikii nga ecarale Yesu Kristo ni aga rii ofu loso si.
|
|
\v 7 A'dusiku mecoru opigo ofu loso 'di dii kiza Rubanga a kele mani ri si Andaa mori si.
|
|
\p
|
|
\v 8 Kiza 'di ake mani - kesu amolu mo'di gaangwadu 'ba tuwadu Rubanga di okole ri ni lelega sa 'i, kiza 'di ake mani dudu amange le'jo 'ba juru ri ni limi Kristo di lokore ku ri a dilega,
|
|
\v 9 pi nga Rubanga a tina ni o'bale ra ri ni e'deterega pelere 'ba tuwadu ni, nga Rubanga ni nga tuwadu bire ni ri a zule di 'ba eze ri ni rii.
|
|
\v 10 Le'jo o'bale ra 'di e'dete ekelezia aga dudu amba pi malaika oru ru'buge ripito kevo kunikii du ciri Rubanga di Andaa leti mgbimgbi ripito.
|
|
\v 11 Nga 'di ederu kende nga ni ti Rubanga a o'bale olure 'bo'bodu ama Opi Yesu Kristo ni aga ri ani.
|
|
\v 12 A'dusiku Yesu Krist ni aga ama asidi ni okpo to evozo Rubanga ni andaga ama Andaa ni a'ika si.
|
|
\v 13 'Disidu, ma'i anyi dudu anya asi kulumvuru pi kakajwa ku maa recandika anyi si ri si, 'di andaa ni anya eku 'i.
|
|
\p
|
|
\v 14 Le'jo 'disi masu maa a'ja vuru Ata andaga,
|
|
\v 15 Andaa ni aga suru tuwadu ru'buge pi vu dige ri kulungweru.
|
|
\v 16 Melegi dudu Andaa kuke anyini okpo Andaa Endi si, Andaa ni olure anya 'aga ile'i, ko'biru Andaa limi yayi di ileto.
|
|
\v 17 Melegi dudu Kristo kolu anya 'aga a'isi, pi anyede du okpo Andaa le ni aga.
|
|
\v 18 Dudu anyate 'ba Rubangi di okole tuwadu ri to, le Rubanga di ni ekpa, pi azo pi ali na ni nika ra,
|
|
\v 19 pi dudu anyini le Kristo di lara 'ba di ni zware ra ri, dudu anyiga de ovi loso Rubanga di si.
|
|
\p
|
|
\v 20 Diadu Andaa ni atere nga tuwadu ederega wa kuzwa nga amarale pi ama a'ile Andaa di si ri ni, kende Andaa mori a i'bu edezo ama 'aga ri ani,
|
|
\v 21 Andaa ni kolu eku ekelezia aga pi Yesu Kristo ni aga 'bo'bodu. Amen.
|
|
\c 4
|
|
\cl Andati 4
|
|
\p
|
|
\v 1 'Disi, ma'i, kende mo'di 'bale mabusuge Opi a le'jo si rii, ma'i anyi kulee anyadi lidi anyidi kuviru lungwelungwe anyini lungwezo ri to.
|
|
\v 2 Ma'i anyi kulee anyolu recuka ako pi 'ba i'bwe ripi 'i, pi 'ba ssi epi'ba ripi 'i, anyepi asi anya ruge anyianyini le si.
|
|
\v 3 Anyo'bi okposi alualu Endi di ni ekukakaai'bwe aga.
|
|
\v 4 'Aa ru alu pi Endi alu, kende anyini lungwezo geni alu anyini lungwerega ri ani.
|
|
\v 5 Pi Opi ni aa alu, a'i alu, batizimu alu.
|
|
\v 6 Pi Rubanga ni 'aa alu, pi Andaa kuzwa nga tuwadu ni, pi Andaa ni Ata 'ba tuwadu dii, kede i'bu 'ba tuwadu ni pi Andaa ni nga tuwadu aga.
|
|
\p
|
|
\v 7 Ama alu alu ni ake kiza atere nga Kristo a kele amani ri to.
|
|
\v 8 Kende Buku a 'jozo ri ani, “De Andaa kutu oru, Andaa zi 'ba okole cwi ripi to, pi Andaa lapi dide 'bani.”
|
|
\p
|
|
\v 9 Le'jo 'jole “Andaa tu oru" ri ni pakwi a'du, de Andaa ni kesu atisi kusi vuru vu vuru ri ni ge pa kuru na'i?
|
|
\v 10 Andaa ni esire vuru ile Andaa ni saa ture oru lamvu ru'bu ra rii, dudu Andaa kega nga tuwadu de.
|
|
\v 11 Kristo lupe 'ba zipi olurega maju du, zi'ba profetaa du, zi'ba 'ba Ofu Loso ripi ni lunge'ba du, zi'ba olurega indi leyi du pi luponyia du,
|
|
\v 12 'ba Rubanga di okole ri ni edezo baba i'bu ni, ru Kristo di ni sirega oru,
|
|
\v 13 kusa du ko ama tuwadu amasa alualu a'i di niga pi Rubanga a Ngwa ni nizo, e'bedu amolu 'ba omba'ba ra rii pi amasa du gaka de Yesu di niga.
|
|
\v 14 Kriato kemba ama dudu amolu 'bonji ani ku, lunjwale lini ovi mgbiimgbi ri si, kende iyi oli a egbalale ri ani, alungi ama pi lini ovi mgbiimgbi ri si, pi ciri 'ba di 'ba lunjwazo ri si.
|
|
\v 15 Rari, ama'jo gba ni ayo le aga, pi kule amamba leti tuwa si Andaa ni di du ri ni aga, Andaa ni ile Kristo 'i.
|
|
\v 16 Kristo kusi ru tuwadu, pi ru ile kemuru kare aluga isu mgbiimgbi ri kokoo ni, pi de ewo ru di alualu ri kede i'bu kemuru ewo zi'ba ri to, ile ke'be ru kumba pi kusi andaa ni andaa ngasi le aga.
|
|
\p
|
|
\v 17 'Disi, ma'joo pi menjaru laka Opi ni aga, dudu anyalawe idi 'ba juru ri a lawezo ri ani ku, a'ia lara andi ri ni aga.
|
|
\v 18 A'ia lara eniru ra, a'ba a'i lolu lidi Rubanga di niga si a'ia nga nika ku si, a'ia asidi ni okpo si.
|
|
\v 19 Ecorukii dinja ako pi azirukii asa ni, pi kedekii nga ovi andi ri fuco si.
|
|
\p
|
|
\v 20 Ti anyeleni le'jo Kristo di ovi ileni ile si ku.
|
|
\v 21 Maraa, anyeri le'jo Kristo a dile ga ra, pi eleni anyi Andaa le'jo niga ra Andaa le'jo, ovidu gba ni 'aa Yesu ni aga ri ani.
|
|
\v 22 Eleni anyi dudu anye'be lidi ni ovi anda eze si anyalawe laka ri ra, anye'be le'jo mo'di oku ile di ra. Mo'di oku ile enjiru ra andaa lunjwalunjwa leka si.
|
|
\v 23 Aleni anyi dudu anyecoru u'di anya lara niga,
|
|
\v 24 pi anyisu du mo'di u'di ile, bile eno Rubanga di ani rii - andaanda gba ri ni aga pi okole aga.
|
|
\p
|
|
\v 25 Ayosi, anye'be enjo ra, pi mo'di alu alu anya lelega ri ku'jo gba ayo rezi ni, a'dusiku ama tuwadu ru alu ri a ewo 'i.
|
|
\v 26 Anyanga, ti anyede enji ku. Anye'be itu ku'de anya anga ni dige ku.
|
|
\v 27 Anye'be kare ku sitani ni.
|
|
\v 28 Mo'di anda nga ogure ri kulee ke'be ogu ra. Rari kulee kede i'bu andaa di si, dudu andaa kate 'ba nga ako ri ni ekonyika wa.
|
|
\v 29 Anye'be lo'jo'jo injwi injwi ripi ni lu'jjoka. Anyulu'jo le'jo 'ba embare ri ayo, ke'bedu anya le'jo keriru du loso 'ba eri'ba rini.
|
|
\v 30 Anyike asi lajwa Endi Okole Rubanga di ni ku, a'dusiku Rubanga ke Andaa ni anyini gura du o'du lari di ni.
|
|
\v 31 Anyiwa 'angala tuwadu pi, 'ba evuruka, anga, o'ja'ja, pi la'dala'da to, pi anye'be ovi injwi tuwadu ra.
|
|
\v 32 Anyede kiza anyianyini, anyimi nga, anye'be nga injwi 'ba zi a edele anyini ripi ra, kende Rubanga a anya enji ni e'bezo ra Kristo si ri ani.
|
|
\c 5
|
|
\cl Andati 5
|
|
\p
|
|
\v 1 'Disidu, kende 'bonji lele ndo riani, anyo'binga Rubanga a lele ayo ri ni edeka.
|
|
\v 2 Pi anyolu 'ba le to rii, kende Kristo a amani lezo riani, pi Andaa azi Andaa ru amasi, lazi ngure viya rii Rubanga ni.
|
|
\v 3 Ti ovi asa di pi nga andi andi ripito pi 'amgbo to kulee keriru ku anya lelega, a'dusiku nga 'dipi ate 'ba okole Rubanga di ripi ni ku.
|
|
\v 4 Kulee lo'jo'jo andi andi, pi lo'jo'jo ekwi ako, pi ngali ego ripito kolu iyo anya lelega - nga 'dini'dipi 'boro leru ku anyini. Rari kulee anjo keka kolu ni anyini
|
|
\v 5 A'dusiku anyinira gbagbadu a'jo mo'di asa edere, mo'di andi, kusa mo'di 'amgbo -ile andaa ni mo'di eno edele disi ri ni rure rii - 'ba ovi ileni ile vo esu ngazi ku keri Kristo di Rubanga to ri niga.
|
|
\v 6 Mo'di zi kulnjwa anyi ku le'jo ekwi ako ri si, a'dusiku nga ovi 'dini'dipisi 'angala Rubanga di ku'de 'bonji le'jo Andaa di ni eri'ba ku ri ni dige.
|
|
\v 8 Anda eze si anyi vu ini aga, ti diadu anyi ingwe Opi di ni aga. Kulee anyalawe 'bonji ingwe di ani,
|
|
\v 9 (a'dusiku o'a ingwe di andaa ni loso tuwadu, andaanda, pi gba),
|
|
\v 10 kulee anyo'bi pi anyesu nga Opi ni asi i'bwe ezire ri.
|
|
\v 11 Anyemuru ku i'bu ekwi ako vu ini di to, ti anye'dete a'i laangwe.
|
|
\v 12 A'dusiku nga a'ia edele vuru vuruni ri nga dinja di lu'jole ku rii.
|
|
\v 13 Ti de ingwe ni ke'dete nga zi laangwe, nga ile kelende ra.
|
|
\v 14 'Disidu nga tuwadu runa kelende ri andaa ni ingwe. Ayosi 'joru 'dini: “Modi o'du kore ri, enji pi o'duge si, pi enji pi da aga si, Kristo kumu ku'ji Andaa ingwe nyaa ruge.”
|
|
\p
|
|
\v 15 Anyinde losodu ovi anya lawezo rii - anyalawe 'ba ciri ako riani ku ti 'ba ciri ri ani.
|
|
\v 16 Anye'bu saa anyidi loso a'dusiku o'dipi diadu injwi.
|
|
\v 17 Ayosi anyolu 'ba mamali ri ani ku, ti anyini nga Opi a lele ri.
|
|
\p
|
|
\v 18 Anyemeri uwa si ku, a'dusiku ile kenji 'ba ni lidi: rarii, anyiga de Endi Okole risi,
|
|
\v 19 anyolo'joru anya lelega longo si pi longo longo endi di si, anyingo longo Opi ni ecuzo anya asi tuwadu risi.
|
|
\v 20 O'du tuwa si anyike anjo nga tuwa si, Rubanga Ata ni Opi amadi Yesu Kristo a ru si,
|
|
\v 21 anyolu laru to anya lelega laru kezo Kristo ni.
|
|
\p
|
|
\v 22 Anyi uku, anyiru anya ago, kende anya Opi ni ruzo riani.
|
|
\v 23 A'dusiku ago ni izi ni di kende Kristo ni saa ekelezia ni di ri ani, Andaa ni saa Mo'di ru larire 'i.
|
|
\v 24 Kende ekelezia a Kristo ni ruzo ri ani, kulee uku saa kurukii a'ia ago ni nga tuwadu aga.
|
|
\p
|
|
\v 25 Anyi ago, anyile anya uku, kende Kristo a ekelezia lezo riani pi Andaa ke Andaa ru ekelezia si,
|
|
\v 26 dudu Andaa kelembe koludu okole Andaa jwezo ra iyi si pi Andaa le'jo si ri ani, dudu Andaa ke'dete ekelezia ile Andaa ni yayi to, nga zi endire na ako pi ovi ni injwi ako, ti okole nga zi ego na laka iyo.
|
|
\v 28 Ovi alua ri ani kulee ago kule a'ia uku kende a'ia a'ini ru lezo ri ani. Mo'di andaa izi ni lere ri kule andaa ru 'i.
|
|
\v 29 A'dusiku mo'di zi andaa ru ni evure ra na iyo, ti kuke laka onya pi kekukaa loso, kende Kristo a ekelezia ekukazo loso ri ani.
|
|
\v 30 A'dusiku ama Andaa ru ni ewo 'i.
|
|
\v 31 “Le'jo 'disi mo'di ago kumu ke'be andaa ataa ni andaa ende to ra pi kumu kemuru alu andaa izi to, pi a'i ri 'di kumu kecoru ru alu rii.”
|
|
\p
|
|
\v 32 Nga gba ruzure di 'di andaa ni amgbu - ti ma'jo nga 'di mo'bi le'jo Kristo di ekelezia to.
|
|
\v 33 Kesu ileni saa'i, mo'di alu alu anya lelega kulee kule izii ni kende andaa andaa ru ni lezo ri ani, pi izi saa kulee kuru ago ni.
|
|
\c 6
|
|
\cl Andati 6
|
|
\p
|
|
\v 1 Anyi 'bonji, kulee anyeri 'ba anyini oti'ba ri Opi ni aga, a'dusiku 'di nga loso rii ambamba.
|
|
\v 2 “Anyike laru anya ata ni pi anya ende ni: ('di andaa ni cara ati rii, ake laka tutu to rii,)
|
|
\v 3 “dudu anyolu loso pi lidi anyidi kolu azo vu dige.”
|
|
\p
|
|
\v 4 Anyi ata ende to, anyecandi 'bonji anyidi ku 'angala kudi a'ini ko ku, rari anyezo a'i pi anyeleni a'i lini Opi di si.
|
|
\p
|
|
\v 5 Anyi opi, anyiru anya amba vu dige 'dia ripi anyike a'ini laru ambamba ori to, asi tuwadu ri si. Anyeri a'i kende anyeri Kristo 'i ani.
|
|
\v 6 Anyeri a'i a'ia oluka ire si ku a'ini asi i'bwe kezo. Rari anyeri a'i kende anya oluzo opi Kristo dii ripi 'i ani, 'ba le Rubanga di ni ede'ba ayo asi si ripi 'i.
|
|
\v 7 Anyede i'bu anya asi tuwa si, kende anyede i'bu anya Opi ni, 'ba ni ku,
|
|
\v 8 a'dusiku amani ra a'jo i'bu loso mo'di alu alu ri a edele ri si andaa kumu kesu dide ra Opi disi, de mo'di ile opigo deku mo'di di mgbo to rii.
|
|
\p
|
|
\v 9 Anyi amba opi to ri, anyede i'bu anya opi to leti loso ri si. Anyevuru a'i ku. Anyini ra Andaa ni a'ia Amba 'i pi anya Amba 'i ri aa oru ru'buge, pi Andaa andaga 'ba ni mgbimgbi iyo.
|
|
\p
|
|
\v 10 Le'jo ni ti a lokozo, anyede okpo Opi ni aga pi okpo Andaa mori di ni aga.
|
|
\v 11 Anyulusu lasu tuwadu o'ja di Rubanga di ri, dudu anyate edeka wa 'jarega lu'bilu'bi pi ciri sitani di to.
|
|
\v 12 A'dusiku ama o'ja ni ru eridi 'di to ku, ti ori andi oru pi mori a'idi to, pi a'ia amba vu 'dini zwa'ba leti andi ri si ripito, pi endi mori nga injwi injwi ripi di oru ru'buge ripi to.
|
|
\v 13 'Disidu anyulusu nga o'jadi Rubanga di ri tuwadu dudu anyate edeka wa o'du injwi ri niga, pi de anyede nga tuwadu 'dipi ra, anyede du okpo.
|
|
\p
|
|
\v 14 Anyede wo okpo, anyi'i anya opige gba ayo gobi du, pi anyisu andaanda ayo anya agaga kende nga edele ayasi o'jadi sule aga ga riani,
|
|
\v 15 pi anyisu mvukadu oluka baba Ofu Loso i'bwe di ri ni ngezo rii.
|
|
\v 16 Saa tuwadu si anyiko 'buku a'i di, andaa si anyivo anyimgba 'e'e asi ni leda du sitani di ri pi.
|
|
\v 17 Pi anyaku tegia lari di anya dige pi anyiko iligo belengu Endi Okole di, andaa ni le'jo Rubanga dii.
|
|
\v 18 Anyelegi saa tuwadu risi Endi Okole ri ni aga, elegi pi nga a'ika to. Anyolu baba laka ori ako pi anyenjaru laka anya elegire ga 'ba Rubanga di okole tuwadu risi.
|
|
\v 19 Pi anyelegi masi, dudu Rubanga kuke mani ofu ngele de mafu maa ti le'jo ngere ga na'i. Anyelegi dudu Rubanga kuke mani asidi ni okpo nga gba ruzure di Ofu Loso di ri ni e'detere ga pelere.
|
|
\v 20 De kesu molu mabusu ge Ofu Loso ri ni ngeka si saa'i, ma adi maju, dudu amange ofu ile ori ako lele mani riani.
|
|
\p
|
|
\v 21 Tikiko ni ama adozi lele ndo ri pi opigo Opi dii ri kumu kunge anyini nga tuwadu pelere ra, dudu anyini nga maa dile ga ra.
|
|
\v 22 Mazwe andaa ni anyidi le'jo 'disi, dudu anyini nga ama dile ga ra pi dudu andaa kemba anya asi.
|
|
\p
|
|
\v 23 I'bwe kolu adiinji ni, pi le a'i to engare Rubanga Ata di pi Opi Yesu Kristo to.
|
|
\v 24 Kiza kolu 'ba ama Opi Yesu Kristo ni le'ba le gba ri si ri ni.
|