See in Reader
199 lines
18 KiB
Plaintext
199 lines
18 KiB
Plaintext
\id GAL
|
|
\ide UTF-8
|
|
\h Galatia'Ba
|
|
\toc1 Galatia'Ba
|
|
\toc2 Galatia'Ba
|
|
\toc3 gal
|
|
\mt Galatia'Ba
|
|
\c 1
|
|
\cl Andati 1
|
|
\p
|
|
\v 1 Paulo ni majugo - le 'ba di si ku kesu 'ba a ovile ni rii saa ku, ti le Yesu Kristo pi Rubanga Ata Yesu ni enjire pi da aga si ri di si -
|
|
\v 2 pi adiinji aa mato kare aluga ripito, macwi waraga 'di ekelezia mgbimgbi Galatia ga ri ni.
|
|
\v 3 Kiza kolu nyini pi i'bwe to engare Rubanga ni ama Ata 'i ri di si pi Opi Yesu Kristo di si rii,
|
|
\v 4 Andaa azi Andaa lidi ama enji si dudu Andaa kalari ama vu injwi 'di niga si, le ama Rubanga pi ama Ata di si,
|
|
\v 5 Andaa ni kolu eku tadu tadu.
|
|
\p
|
|
\v 6 Ma'u cwi de ameri a'jo anyulufuru pi ezeze 'dini na'i Andaa ni anyini lungwere kiza Kristo di si ri di si. Ma'u cwi de anyulufuru ofu loso zi mgbi na di na'i,
|
|
\v 7 ti gba rii ofu loso zina iyo, rari 'ba zi vo anyini ecandirega pi Ofu Loso Kristo di 'di ni ecorega letzi mgbi nasi.
|
|
\v 8 Ti de ama'i, deku malaika engare ru'buge si na'i kunge anyini ofu loso zi mgbi ama ngele anyini ri to, kulee akalu ra.
|
|
\v 9 Ama 'jozo ra atisi ri ani, diadu saa ma'joo idi, “De mo'di zi kunge anyini ofu loso zi mgbi anya esule ra ri to, kulee akalu mo'di ile ra.”
|
|
\v 10 'Di ke'detee a'jo diadu male 'ba kecu ma'i? Iyo, rari maa lele ri Rubanga kecu ma ni. Mandu anjo anjo keka 'bani ayo ya? De adi mandu anjo keka 'bani ayo, ku'joru ma Kristo a opigo 'i ku.
|
|
\p
|
|
\v 11 A'dusiku male anyini, maa adiinji, a'jo Ofu Lofo maa ngele anyini ri enga 'baga si ku.
|
|
\v 12 Mo'di zi ke mani ofu 'di ni ku, pi saa mo'di zi leni ma du ni ku. Rari mesu Yesu Kristo a re'deteka mani si.
|
|
\p
|
|
\v 13 Anyeri ra lidi madi a ovi anda maa oluzo dini Yudei 'ba di niga rii, esu mecandi ekelezia Rubanga di ambamba pi esu mo'bi enjile ra,
|
|
\v 14 moko cara dini ama a'bi di ni vu tuwa pi 'ba dini Yudei di niga ripi ni lelega malaga ati ma'i. 'Di ovi maa asi tazo okposi ama a'bi a leti ni vu okorega rii.
|
|
\v 15 Ti de Rubanga mani lupere mende a 'aga si, pi mani lungwere Andaa kiza si ri a'ira
|
|
\v 16 dudu Andaa ke'dete Andaa Ngwa ni mani, e'bedu amange le'jo Andaa di 'ba juru ri ni lelega, malari lara esuka 'ba di si kurukuru du kuru.
|
|
\v 17 Mamu saa Yerusaleme ga kuru 'ba alungwe a'i maju du mani ati ripi di. Rari mamu ati Arabia, pi 'di a vuga mangwi Damasiko.
|
|
\v 18 Ongu kinya na a vuga mamu Yerusalemu ga Petero ni zirega, pi molu andaa to o'du mudilimbi tou.
|
|
\v 19 Ti mande maju zi'ba ripi kuru, rari Yakobo ni Opi adozi 'i.
|
|
\v 20 Nga maa cwile anyini 'diniga, ma'joo anyini gbadu, ma'jo enjo ku.
|
|
\v 21 'Di a vuga mamu kare Siria pi di Kilikia to ri niga.
|
|
\v 22 Esu adi ekelezia Yudaya ga Kristo ni aga ri nikii ma ku.
|
|
\v 23 Erikii eri papala a'jo, “Mo'di anda amani ecandire ri diadu ku'joo, a'i anda andaa lele enjile ra 'di andisi ofu loso rii.”
|
|
\v 24 'Disidu kekii eku Rubanga ni masi.
|
|
\c 2
|
|
\cl Andati 2
|
|
\p
|
|
\v 1 Kinya mudi alimbi su a vuga mangwi idi Yerusalmu ga kare aluga Barnaba to, mazi tito ni to.
|
|
\v 2 Mamu naa lete si pi me'dete a'ini Ofu Loso maa ngele juru ni rii. Molo'joru vuruvuruni 'ba alu alu ripito - dudu madi olu mo'di lafere isa kusa anda lafere isa rii ku
|
|
\v 3 Ti Tito ni Girigi go olure mato rii saa ari mori si kuru dudu akuli andaa ni ra.
|
|
\v 4 A'i adiinji lunjwalunjwa di ile etorukii vuruvuru ni amani aga umiya du dudu a'i kuni ama di mgbo Opi Yesu Kristo ni aga ri. Lekii amani 'bale opigo du,
|
|
\v 5 ti amale le'jo a'idi ni erika ku kwa, dudu gba Ofu Loso di kolu anyito.
|
|
\v 6 Ti 'ba ru'ba'ba 'ba amba du ile (de a'i a'du'ba ya ni le'jo madii ku, a'dusiku Rubanga lapi 'ba ni lele ku)- a'i 'jo'ba a'i amba ilepi, ma'joo 'dini, enjakii ngazi mgbi na mani kuru.
|
|
\v 7 Rari dusi, ndekii a'jo ake mani Ofu Loso ri ngele 'ba olile kuru ri ni, kende ake Petero ni Ofu Loso ri ni ngezo 'ba olile ra ri ni ani.
|
|
\v 8 A'dusiku Rubanga ni i'bu edere Petero to maju du 'ba olile ra ripi ni ri, saa ede i'bu mato juru ni.
|
|
\v 9 De Yako'bo pi Kefa to Yoani ni laka, a'i anda nile amba du olu'ba pelopelo ani ekelezia ga ripi, kunikii kiza kele mani ri, a'ikii ama Barnabo to di riri ri si remurega alu a'ito. A'ikii ra a'jo amavo juru ge pi a'i kuvo 'ba olile ra pi di.
|
|
\v 10 Zikii ama ku'jokii rarii kulee amera 'ba nga ako rpi, nga 'di gba maa lele ndo edele rii.
|
|
\p
|
|
\v 11 Ti de Kefa kemu Antioko ga, me'ja andaa ni gbo du a'dusiku andaa ede injwi.
|
|
\v 12 Esu adi 'ba zi evo Yako'bo pidi si kuru du, Kefa ri nga nyare 'ba juru ri to kare aluga. Ti de 'ba ile ku'jo a'i kesa, andaa e'be nga nyaka juru to ri ra pi vuru mgbi a'ini aga si. Andaa ori ra 'ba rolika le'ba ayo ilepi si.
|
|
\v 13 Yudei 'ba zi ripi saa emurukii andaa to lunjwalunjwa 'di niga. Kesu Barnaba 'i saa 'i aku pi a'ito a'ia lunjwalunjwa ni aga.
|
|
\v 14 Ti de amande nga a'ia edele 'di viru gba Ofu Loso di to kuru, ma'jo Kefa ni a'i tuwadu ile ni andaga, “De nyi Yudei 'ba go, pi nyolu ovi juru di ani Yudei 'ba di ani ku, nyiri juru mori si ingoni olurega Yudei 'ba ani?”
|
|
\v 15 Ama amanga si oti ama Yudei 'ba pi ama juru enji'ba ripi 'i ku,
|
|
\v 16 kesu ileni saa amani ra a'jo mo'di zi iyo 'bale anda na'i i'bu cara ni vu okozo risi ti a'i Yesu Kristo ni aga risi. Ayosi ama saa ama'i Yesu Kristo ni ra dudu aku'ba ama 'ba anda rii Kristo ni a'ika si, i'bu cara di si ku. A'dusiku i'bu cara di si avo a'ba mo'd zii anda du ni ku.
|
|
\v 17 Ti de ama 'ba lari ndu'ba Yesu Kristo ni aga ripi, ama saa akesu ama enji aga juru ani, 'di ke'detee a'jo Kristo ni enji ni ata? Ile ani ku kwa!
|
|
\p
|
|
\v 18 A'dusiku de amasi idi nga anda maa arele pi ripi ke'detee ma mo'di injwi rii.
|
|
\v 19 A'dusiku cara aga mada ra cara ni, dudu amadi Rubanga ni. Epa ma kuruce digeKristo to,
|
|
\v 20 Diadu madi ma'i ku, ti Kristo ni kadi maa 'aga ni. Lidi diadu maa adile ruge 'di madi a'ika Rubanga a Ngwa ni aga risi, Andaa ni mani lere pi Andaa lidi ni kere masi rii.
|
|
\v 21 Ma'ba kiza Rubanga di bara ga ku, de 'ba kesu andaanda wa cara ni vu okoka si, ku'joru Kristo da isa.
|
|
\c 3
|
|
\cl Andati 3
|
|
\p
|
|
\v 1 Anyi Galatia 'ba anyi mamali. A'di ro anyi ni? E'dete Yesu Kristo ni anya andaga pelere a'jo epa Andaa ni Kuruce dige.
|
|
\v 2 Male amani nga alu 'dii papala anyidi si: Anyesu Endi Okole ri i'bu cara ni vu okozo ri si de le'jo a'i di ni erika si?
|
|
\v 3 Anyecoru mamali 'dini? Anye'do Endi Okole si, diadu avo eco anyi 'ba anda du le'jo ru di si?
|
|
\v 4 Anynde icandi nga karako aga 'dinipi godu isa - de gbadu kolu isa na'i?
|
|
\v 5 Andaa ni Endi Okole ri ni kere anyini pi nyuma edere anya lelega ri kede nga 'di i'bu cara ni vu okozo risi de le'jo a'i di ni erika si?
|
|
\p
|
|
\v 6 Kende Iburaimu a Rubanga ni a'izo pi eco andaa ni du mo'di anda rii ri ani,
|
|
\v 7 ovi alua ri ani saa, kulee anyini, a'jo a'i 'ba a'i to ripi 'boronji Iburaimu dipi 'i.
|
|
\v 8 Buku Okole ri nde nga andaga ra, a'jo Rubanga kumu keco 'ba juru ri 'ba okole du ra a'i si, nge Ofu Loso ri ra Iburaimu ni dogodogo du, ku'jo, “Nyini aga suru tuwadu vo kesu tutu ra.”
|
|
\v 9 'Disi, 'ba a'i di ni anda loso kare aluga Iburaimu ni mo'i a'i di ile to.
|
|
\v 10 'Ba tuwadu i'bu cara di ni egeni'ba ayo ripi alu a'i ra: kende cwizo ra Buku Okole ri niga riani, “Ba tuwadu nga cwile buku cara di niga ri ni ede'ba duwadu cwizo ri ani ku rii alu a'i ra.”
|
|
\v 11 'Di diadu e'dete pelere a'jo mo'di zi 'bale anda Rubanga andaga cara ni vu okoka ayo na si alusa iyo, a'dusiku acwira, “'ba anda ri kuvo kadi ra a'i si.”
|
|
\v 12 Ti cara ni nga a'i dii ku, rari, acwi a'jo, “Mo'di i'bu cara di ni edere ri kadi ayosi.”
|
|
\p
|
|
\v 13 Kristo lari ama lalu cara di ni aga si Andaa recoka lalu du amasi ri si - a'dusiku acwira, “'Ba tuwadu epale kwe dige ripi alu a'i ra”-
|
|
\v 14 e'bedu tutu Iburaimu di kemu juru ni Yesu Kristo ni 'aga, dudu a'i si amesu Endi Okole Rubanga a ecarale ri.
|
|
\p
|
|
\v 15 Maa adiinji, adi amolo'joru ovi 'ba a loro'jozo ri ani. De 'ba a'iru ra cara andaga, mo'di zi ra'ika ileni ngure na iyo kusa nga zi enjarega laka.
|
|
\v 16 Nga ecarale ile Rubanga ecara Iburaimu ni andaa ngwa to. Buku Okole ri 'jo kuru, “Nyaa 'bonji to,” ku'joru 'ba karako ni ku, ti mo'di alu ni,” pi nyaa 'bura ni,” ku'joru Andaa ni Kristo 'i.
|
|
\v 17 Diadu nga maa 'jole ri 'dii: Cara, kele 'bani kinya 430 a vuga ri, lufu ra'ika Rubanga a edele 'bato atisi ra ri ku, nga Rubanga a ecarale ra ri ni nguzo pi.
|
|
\v 18 De nga Rubanga a ecarale ra ri 'ba kesuo cara ni vu okoka si, ku'joru nga ile emu Rubanga a ecaraka ra si ku. Ti Rubanga ke nga ile isa Iburaimu ni Andaa 'joka Andaa kumu kukee Iburaimu ni ra ri si.
|
|
\p
|
|
\v 19 Diadu cara ni i'bu wo a'du? Enja cara 'bani enji 'ba di si dudu kusa ko saa Iburaimu a Ngwa a emunga, Andaa ni ake nga ecarale ri ayosi rii. Cara ni emu 'bani malaika di ga si, mo'di edere 'ba lelega ri ni diga si.
|
|
\v 20 Mo'di de kede 'ba lelega kesuo 'ba ile ni weli zwa alu ni ra. Ti Rubanga ni alu.
|
|
\p
|
|
\v 21 'Di ke'detee a'jo cara le nga Rubanga a ecarale ri ku? Ileni ku! De kesu cara lidi ezire 'bani wa na akuke ra, tebe 'dii anda anda kemu 'bani cara ni vu okoka si wa.
|
|
\v 22 Ti Buku Okole ri ombe 'ba tuwadu cwi enji aga dudu nga Rubanga a ecarale ra 'ba ni a'isi Yesu Kristo ni aga ile akuke a'i a'i'ba ri ni.
|
|
\v 23 Esu adi a'i iyo ri, ama 'borodu ombe ama cwi cara aga, ama mabusuge kusa du ko saa leti a'i di ni e'detere ga.
|
|
\v 24 'Disidu cara ni olu ama leyi 'i sa ko Kristo a emunga, dudu aku'ba ama 'ba anda rii a'isi.
|
|
\v 25 Ti diadu a'i a esaka ra si, ama leyi diga ku.
|
|
\p
|
|
\v 26 A'dusiku anyi tuwadu anyi 'bonji Rubanga di 'i Yesu Kristo ni a'ika si.
|
|
\v 27 A'dusiku anyi tuwadu ebatizale Kristo ni aga ri anyulusuru Kristo si.
|
|
\v 28 Mo'di zi Yudei 'ba go kusa Girigi go na diadu iyo, mo'di zi olure opigo du kusa dimgbo dii na iyo, mo'di zi olure ago du kusa izi du na iyo, a'dusiku anyi tuwadu nga alu rii Yesu Kristo ni aga.
|
|
\v 29 'Disidu de anyi Kristo a 'i, anyi 'bonji Iburaimu dii, pi 'ba nga Rubanga a ecarale ra ri ni esu'ba ripi 'i.
|
|
\c 4
|
|
\cl Andati 4
|
|
\p
|
|
\v 1 Ma'joo 'dini, mo'di mure ata a limi ni esure ni ri de adi andaa olu 'bura andaa mgbimgbi iyo opigo to, kesu andaa kolu 'ba ile ni ata 'i sa 'i.
|
|
\v 2 Ti leyi andaa di kuzwa andaa ni ni kusa ko saa ataa ovile andaa ni mori kezo nga tuwadu zwazo ni ri niga.
|
|
\v 3 Ile ani saa, adi ama oluzo 'bonji ciri du rii, amari olure opigo du ori injwi vu 'di ni lasere ni ri dii.
|
|
\v 4 Ti de saa kumu ko'biru ra, Rubanga ezwe Andaa Ngwa ni, izi ti ni, ati cara 'aga,
|
|
\v 5 dudu Andaa kate 'ba cara a ombele cwi ri ni larika wa, dudu akeco ama 'bonji du Rubanga ni.
|
|
\v 6 pi diadu anya oluka 'bonji Rubanga di 'i si, Rubanga ezwe Endi Okole Andaa Ngwa di ri ama asige, Andaa kojwa, “Ata, Mataa.”
|
|
\v 7 'Disidu diadu nyi opi ku, ti 'bura, pi de nyi 'bura nyi mo'di tozo mure nga 'bani vole esule Rubanga di si ri ni esure 'i.
|
|
\p
|
|
\v 8 Ti saa nasi, anya Rubanga ni nizo kuru rii, anyolu opigo du nga mori a'idi si 'ba a lungwele rubanga du kesu a'i Rubanga ku ripi saa'i.
|
|
\v 9 Ti diadu anya Rubanga ni nika ra si, kusa diadu Rubanga anyini nika ra si, ongu anyingwi vule a'duga olurega opigo du nga mori ako pi ekwi ako pi endi andi vu lasere ni ri di? Anyile aku'ba anyi opigo du idi?
|
|
\v 10 Anyekuka o'du pi imba wilo pi saa ayi di meli to kinya aga!
|
|
\v 11 Ori kuko ma anyisi diyo nasi naa i'bu maa edele anya lelega ri mede isa.
|
|
\v 12 Ma'i anyi okposi, maa adiinji, anyolu maa ani, a'dusiku ma saa mecoru anyi ani. Anyede nga injwi mani kuru.
|
|
\p
|
|
\v 13 Ti anyini ra lele maa Ofu Loso ngezo anyini vu atizo ri si rii esu lajwa aa maa ruge,
|
|
\v 14 pi kesu maa ru ni ovi kelende anyini injwi lele nasi saa 'i, anyede ma kuru pi anyiga ma kuru. Rari dusi anya'i ma asi tuwadu si kende anya'i malaika Rubanga dii ani, kende ma Kristo Yesu ni gba ri 'i ani.
|
|
\v 15 Diadu anya anda loso ri wo inguwa? A'dusiku mange sadeni anya ruge wa, a'jo kesu kate wa rii, tebe'dii anyenge anya mi pi kele mani.
|
|
\v 16 Ti diadu mecoru anya o'ja'baazi 'i maa anyini gba 'joka ayo si?
|
|
\v 17 A'i 'ba azika ilepi takii asi okposi anyini kurega pi, ti ile konyi ako. Lekii a'i kalapi ama lele anyito ra dudu anyile a'i kuzwa ama ra.
|
|
\v 18 Andaa ni loso amani nga loso ri ni lezo kalaga pi, anyede nga 'di te maa mi ni orika ayo si ku.
|
|
\v 19 Maa 'bonji ciri ripi, ongu malajwa lajwa oti di anyisi idi kusa ko saa Kristo ni kelende anya 'aga to.
|
|
\v 20 Male esu amolu ire anyito diadu, dudu ameco maa u'duku ni ovi, a'dusiku maa di kiru ra anyisi.
|
|
\p
|
|
\v 21 Adi anyi'jo mani, anyi le'ba anyoko cara ni vu ayo ripi, anyeri nga cara a 'jole ri ku?
|
|
\v 22 A'dusiku acwi ra a'jo, Iburaimu ni 'bonji na ri, aluzo ri opizi ri ti ni pi azika ri izi andaa di gba ri ti ni.
|
|
\v 23 Aluzo ri opizi ri ti ni le ru disi, ti azika ri izii ni gba ri tini cara Rubanga di si.
|
|
\v 24 Nga 'dipi 'ba kate ayuka na leti le'jo 'bezo ri di si, a'dusiku uku ri 'dipi o'bie ra'ika ri ripi to. Alu a'ia lelega ri enga 'be Sinai di ni gasi pi andaa kuti 'bonji opi du. 'Di andaa ni Hagari 'i.
|
|
\v 25 Hagari ni viruvi 'be Sinai di to vu Arabia di niga rii, pi andaa viruvi Yerusaleme ni vu dige 'dia ri to, a'dusiku andaa ni andaa 'bonji to tuwadu opigo.
|
|
\v 26 Ti Yerusalemu ni oru ri di mgbo to, pi andaa ni ama ende 'i.
|
|
\v 27 A'dusiku acwi ra, “Kulee anyanjoru, nyi mo'di tire ku ri, ojwa anjo si nyi oti ni lajwa erire kuru ri, a'dusiku 'bonji izi tire kuru ri di yayadu zwa 'bonji izi ago to pi tire ri di ra.
|
|
\p
|
|
\v 28 Ti anyi 'i, maa adiinji, kende Isaka ani, anyi 'bonji nga ecarale ra ripi dii.
|
|
\v 29 Saa nasi, andaa ni tile le ru di si ri ecandi andaa ni tile Endi si ri ra. Diadu saa viruvi andaa to.
|
|
\v 30 Ti Buku ku'jo a'du? “Do izi opizi ile pi andaa 'bura to. A'dusiku 'bura opizi ile di mu lapi limi mule esule ri 'bura izi gba 'di di to ku.
|
|
\v 31 'Disidu, maa adiinji, ama 'bonji izi opizi ri dii ku, rari 'bonji izi gba ri dii.
|
|
\c 5
|
|
\cl Andati 5
|
|
\p
|
|
\v 1 Di mgbo si, Kristo ke amani di mgbo ra. Ayosi, anyede okpo anya di mgbo ni aga, anya'i idi ku olurega opigo du.
|
|
\v 2 Anyinde, ma Paulo si, ma'joo anyini 'dini, de anya'i rolika ra, anyivo anyesu nga zi loso na alu saa ku Krist ni aga.
|
|
\v 3 Make sadeni 'di mo'di alualu lere akuli andaa ni ra ri ni, caraga, kulee andaa koko cara tuwadu ri a le'jo 'i.
|
|
\v 4 Ali anyi pi Yesu Kristo di si, anyi le'ba aku'ba anyi 'ba anda du cara ni vu okoka ayo si ripi, diadu anyesu kiza wo ku.
|
|
\v 5 A'dusiku Endi Okole ri si pi a'i si amate geni anda anda di asi si.
|
|
\v 6 Yesu Kristo ni aga ru olika pi ru olika ku to 'boro nga ekwi ako ripi 'i, ti a'i i'bu edere le si rii.
|
|
\p
|
|
\v 7 Esu anyife loso. A'di luga anyini nga gba ri ni erirega?
|
|
\v 8 Nga anyini asidi vure ile enga Opi ni anyini lungwere ri di ku.
|
|
\v 9 Akukwe gaangwadu ri kenga irafu ngile ri ni.
|
|
\v 10 Anya asidi kolu okpo Opi ni aga dudu anyulura nga zi mgbi na ri ku. Mo'di anyini lunjware ile kumu kesu lamgba ra.
|
|
\v 11 Maa adiinji, de adi mange le'jo loso ru olika di a dige na, 'ba kuke icandi mani a'dusi? 'Dia ku'joru kuruce 'ba ni pa lusire kwedili du ile a'ba baraga!
|
|
\v 12 A'i anyini ecandi'ba ile malee kolikii a'i ru tu tu!
|
|
\p
|
|
\v 13 Maa adiinji, alungwe anyi dimgbo aga. Ti anye'bu anya dimgbo ile fuco ru di ni edezo ayo ku, rari le si, anyekonyiru anyianyini.
|
|
\v 14 A'dusiku cara ndutu ni ederu ra nga alu 'di ni aga, a'jo, “Kulee anyile nyaa rezi ni nyaa ru ni lezo riani.”
|
|
\v 15 Ti de anyosiru sisi pi anyogwiru anyukwa ani, kulee anyekukaru dudu anyidi reko anyianyini ku.
|
|
\p
|
|
\v 16 Ti majoo 'dini, anyalawe Endi Okole ri ni aga pi anyivo anyede fuco ru di a i'bu ku.
|
|
\v 17 A'dusiku fuco ru di ku'di o'ja Endi Okole to, pi fuco Endi Okole di ku'di o'ja fuco ri di to. A'i ri 'di o'ja'baazi, 'disi anyate ku nga anya lele ayo ri ni ederega.
|
|
\v 18 Ti de Endi Okole ri kuse anya di ni, okpo cara di anya ruge iyo.
|
|
\p
|
|
\v 19 I"bu ru di kelende pelere, a'i, asa, nga andi ripi, mi mgbaka,
|
|
\v 20 ori injwi ri ni ruka, ule, o'ja'ja, revuka, avi, anga injwi kanya ri, larafuka, larapika,
|
|
\v 21 avi, mera, pi remuka lamvu di pi mera di to, pi nga zi'ba ovi 'dini 'dipito, ma'joo anyini, 'ba nga ovi 'dini 'dipi ni ede'ba rii vo esukii keri Rubanga di ku.
|
|
\v 22 Ti o'a Endi Okole di andaa ni, le, anjoanjo, i'bwe, asi epika, ovi ni loso, kiza, a'i,
|
|
\v 23 oluka 'di, pi ru ekukaka, nga 'dini 'dipi niga cara zi iyo.
|
|
\v 24 A'i Yesu Kristo di ripi epakii a'ia ru fuco tuwadu ru di to kuruce dige.
|
|
\p
|
|
\v 25 De amadi Endi Okole ri si, anyi'ba akalawe Endi si.
|
|
\v 26 Anyi'ba akecurukii ku, 'ba zipi ni asi enjizo, pi amani oluzo avi to ama lelega.
|
|
\c 6
|
|
\cl Andati 6
|
|
\p
|
|
\v 1 Maa adiinji, de mo'di zi ku'de enji zi ni aga ra, any 'ba oluba ovi Endi di si ri kulee anyedu andaa ni asi i'bwe ri si. Anyera anyi toto, dudu anyi saa lu'bilu'bi kudi emu anyini ku.
|
|
\v 2 Anyingi anya teri anyianyini, dudu anyede cara Kristo di.
|
|
\v 3 A'dusiku de mo'di zi kuraa a'jo andaa ni mo'di oru rii, azi esu andaa ni mo'di oru rii ku, anda ni kulunjwa andaa ru 'i.
|
|
\v 4 Mo'di alualu kulee kunde andaa i'bu 'i, de loso, kudi recu du, kecuru mo'di zi a i'bu si ku.
|
|
\v 5 A'dusiku mo'di alualu ri kumu kungi andaa teri 'i.
|
|
\p
|
|
\v 6 Mo'di lenile le'jo Rubanga di si ri kulee kalami nga loso tuwadu kende lonya ani kusa bongu diyo limi saa andaa di ri mo'di andaa ni lenire ri to.
|
|
\v 7 Akulunjwa anyi ku. Rubanga ni engalia kusa alunjwaa kpe, a'dusiku nga mo'di a yile amvu aga ri andaa kumu kulwaa ayo.
|
|
\v 8 Mo'di ori fuco andaa ru di ni yire ayo ri kumu kulwa da ayo. Mo'di nga Endi Okole ri a lele ayo ri ni yire ri kumu kulwa lidi lokore ku rii.
|
|
\v 9 Akalandekii ku nga loso ri ni edeka si, a'dusiku saa mure esare ri niga amavo amalwa lalwa loso ri ra, de amalande kuru na 'i.
|
|
\v 10 'Disi, de saa kukeru amani ra, kulee amede nga ovi liso rii 'ba tuwadu ni, lagare pi ri a'i 'ba zo a'i di ni aga ripi ni.
|
|
\p
|
|
\v 11 Anyinde le'jo maa cwile anyini maa disi nukuta rongo ri si ri.
|
|
\v 12 A'i le'ba recuka le'jo ru di si ile kuleekii a'i kuri anyi mori si dudu akoli anyi ra. Kedekii nga 'di dudu 'ba kecandi a'i ku kuruce Kristo di si.
|
|
\v 13 Kesu a'i 'ba a'ia ru ni oli'ba ra ilepi saa okokii cara ni vu ku, ti kuleekii anyoliru ra dudu a'i kecuru anya ru si.
|
|
\v 14 Ti dubasi le kulee amecuru nga zi si ku, rari te kuruce ama Opi Yesu Kristo di si, andaa si epa vu 'di mani kuruce dige, pi ma saa epa ma kuruce dige vu ni.
|
|
\v 15 A'dusiku ru olika ede nga zi ku pi ru olika ku saa ede nga zi ku, rari nga rulere ri mo'di keco andaa lidi u'di.
|
|
\v 16 'Ba le'jo 'di ni vu oko'ba ayo ri i'bwe pi kiza to kolu a'ito, pi kolu Isaraeli ni Rubanga dii ri ni dige.
|
|
\p
|
|
\v 17 E'doru diadu mu ko andaga kulee mo'di zi kecandi ma ku, a'dusiku mangi maa ruge elwe Yesu dii.
|
|
\p
|
|
\v 18 Kiza Opi amadi Yesu Kristo di kolu anya endi to, maa adiinji: Amen.
|