See in Reader
1133 lines
100 KiB
Plaintext
1133 lines
100 KiB
Plaintext
\id JHN
|
||
\ide UTF-8
|
||
\h Yowani
|
||
\toc1 Yowani
|
||
\toc2 Yowani
|
||
\toc3 jhn
|
||
\mt Yowani
|
||
\c 1
|
||
\cl Sura 1
|
||
\p
|
||
\v 1 Anda eze eze Le’jo ni aa, Le’jo ile aa Rubanga di, Andaa ni Rubanga.
|
||
\v 2 Andaa ni aa Rubanga to eze eze.
|
||
\v 3 Nga tuwadu ederu Andaa si, Andaa ni akodu nga ziederu kuru.
|
||
\v 4 Andaa ni aga lidi aa; lidi ‘dii ingwe ‘ba di ‘i.
|
||
\v 5 Ingwe ‘di ku’ji nga vu ini aga, ti vu ini ni andaa ni ku.
|
||
\p
|
||
\v 6 Andani Rubanga ezwe mo’di, runa Yowani ‘i.
|
||
\v 7 Andaa emu olurega sadeni du, le’jo ngerega ingwe ile a ruge, e’bedu ‘ba tuwadu ka’iki i andaasi.
|
||
\v 8 Andaa ni ingwe ile’i ku, ti ezwe andaa ni le’jo ngerega ingwe ile a ruge.
|
||
\v 9 Ile ingwe gbarii, ‘ba tuwadu evore vu dige ri ni ‘jire rii.
|
||
\p
|
||
\v 10 Andaa ni eze sa aa vu dige, Andaa bi vuni, ti vu ni Andaa ni ku.
|
||
\v 11 Andaa emu Andaa ‘badi, ti Andaa ‘ba a’i Andaa ni kuru.
|
||
\v 12 Ti ‘ba tuwadu Andaa ni a’i’ba ra ri ni Andaa ke a’ini opko oluzo ‘bonji Rubanga dii, a’i Andaa ru ni a’i’ba ra rii.
|
||
\v 13 Anda a’ini otile eri si ku, kolu ru ni lale si sa ku, kolu ‘ba ni lale si sa ku, ti Rubanga di si.
|
||
\p
|
||
\v 14 Ti Le’jo ile ecoru ru, olu amani lelega ra, amande eku na ra, eku na kende ‘bura alu tende tile engare Ata di ri ‘i gare kiza si pi anda to ri’i.
|
||
\p
|
||
\v 15 Yowani nge Andaa le’jo ‘i, ojwa ku’jo, ‘di mo’di andani maa anyini ‘jole rii, andaa ni emure maa vuga rii a’ba wo mani ati; a’dusia Andaa ni eze mani ati.”
|
||
\v 16 Andaa gaka kiza si de si, ama tuwadu amesu kiza kiza dige to.
|
||
\v 17 A’dusi cara ekeru Musa di si, ti kiza pi gba to Yesu Kristu ezini.
|
||
\v 18 Mo’di Rubanga ndere ra k kare zige na iyo, ‘Bura alu tende engare Ata di si rii e’dete Andaa ni ni.
|
||
\p
|
||
\v 19 ‘Di le’jo Yuwani a ngele rii, de Yudei’ba kuzwekii ‘ba nga azi’ba Rubanga ni ri pi ‘ba suru Levi dito engare Yerusalemu ga ri andaa ni zirega, Nyi a’di ‘i?
|
||
\v 20 Ti andaa lu, andaa ga ku ru ti ku’jo, Ma Kristu ‘i ku.
|
||
\v 21 Ongu zikii andaani ku’jokii, A’di ‘i ti? Nyi Elia ‘i? Andaa ku’jo, Iyo. Nyi nebi ile ‘i? Andaa longwi a’ini ku’jo, Iyo.
|
||
\v 22 Ongu zikii andaani ku’jokii, Nyi a’di ‘i wo? E’bedu amolongwi le’jo ‘ba amani ezwe’ba ri ni. Nyi le nyi’jo a’du nyaa dile ga?
|
||
\v 23 Andaa ku’jo, Ma mo’di ni u’duku ojware mondi aga ri, ‘i, Anyede Opi ni leti anda, kende anda nebi Isaya a ‘jozo ri ani.
|
||
\p
|
||
\v 24 “Ba anda ezwele ri a’i Farisei’ba
|
||
\v 25 Ongu zikii andaani ku’jokii, Nyike ‘bani batisimu a’dusi, de nyi Krist “i ku na ‘i, kolu Elia ‘i sa ku na’i, kusa nebi na’i ku na’i?
|
||
\v 26 Yowani aka a’ini ku’jo, Make ‘bani batisimu iyi si papala, ti mo’di zi ede anyini lelega, anyini Andaa ni ku.
|
||
\v 27 Andaa ni gba rii, emure maa vuga rii, a’ba wo mani ati, mateku Andaa mvuka ni iba ayure ga.
|
||
\p
|
||
\v 28 Le’jo ‘di ederu Betaniya ga, Yurudani a’do, kare anda Yuwani a ‘bani batisimu kere ga ri niga.
|
||
\p
|
||
\v 29 Lovurunasi, Yuwani nde Yesu kemu andaa di, andaa ku’jo, Anyinde Biloangwa Rubanga di enji vuduge ri ni ‘dure rii.
|
||
\v 30 “Di mo’di andani maa anyini ‘jole rii, Andaa ni emure maa vuga rii a’ba wo mani ati: a’dusia Andaa ni eze sa mani ati.
|
||
\v 31 Ma sa andani mani Andaa ni ku: Ki memu batisimu kerega ‘bani iyi si dudu Isarele’ba kunikii du Andaa ni ra.
|
||
\p
|
||
\v 32 Ongu Yuwani nge le’jo ku’jo, anda mande Endi kesi enga ru’buge si ri Andaa ni dige.
|
||
\v 33 Ma saa anda mani Andaa ni ku: ti mo; di mani ezwere batisimu kere ga iyi si ri ‘jo mani, Mo’di nyaa mule ndele Endi kesi dinani ga rii, olure dinani gar ii, Andaa ni gba ri kemu kuke ‘bani batisimu Endi ole ri si ni.
|
||
\v 34 Ongu mande pi mange le’jo ma’jo, “Di wo ‘Bura Rubanga di gba rii.
|
||
\p
|
||
\v 35 Lovurunasi, onguru Yowani ede ‘ba eri andaa lenile ri to.
|
||
\v 36 De andaa kunde Yesu kalaga, andaa ku’jo a’ini, anyinde Biloangwa Rubanga dii.
|
||
\v 37 De ‘ba andaa lenile ilepi kerikii le’jo dii, e’du kokii Yes a vu.
|
||
\v 38 Ongu Yesu lufuru, nde a’i keko Andaa ni vu, ku’jo a’ini, Anyndu a’du? A’ikii Andaa ni, Rabi (ku’joru Laponyi) nyolu inguwa? Andaa ‘jo a’ini, Anyevo anyinde.
|
||
\v 39 Evokii ndekii kare Andaa olurega rii, olukii Andaa di ini ilesi: esu saa mudi.
|
||
\p
|
||
\v 40 Mo’di alu ‘ba ileni aga le’jo Yowani di ni erire rii, vu na ni kore rii, andaa ni Andereya ‘i, Simoni Petero adozi ‘i.
|
||
\v 41 Andaa esu adozi Simoni ni ati, ‘jo andaa ni, Amesu Masiya ni ra, ekwi na Kristu ‘i.
|
||
\v 42 Ongu andaa ezi andaa ni Yesu di. De Yesu kunde andaa ni, Andaa ‘jo, Nyi Simone ori Yowani, avo alungwe nyi Kepa ‘i, le’jo ekwi na Oni ‘i.
|
||
\p
|
||
\v 43 Lovurunasi, Yesu le muka Glilaya ga, Andaa esu Filipo ‘i, ‘jo andaa ni, Eko maa vu.
|
||
\v 44 Filipo ni mo’di Betesaidaga rii, ganyi Andereya pi di Petero to rii.
|
||
\v 45 Filipo esu Nataniele ‘i, ‘jo andaa ni, Amesu Andaa ni ra, Mo’di anda Musa a cwile cara gar ii, profetaa a cwile rii saa, Yesu ni Najareta ga rii, ori Yozefu ‘i.
|
||
\v 46 Nataniele ‘jo andaa ni, Nga loso ri kenga Nazareti ga si wa? Filipo ‘jo andaa ni, Emu nde.
|
||
\v 47 Yesu nde Nataniele kemu Andaa di, ku’jo, Nde Israele’bago gba rii. Andaa ni aga enjo alu sa iyo.
|
||
\v 48 Nataniele ‘jo Andaa nni, Nyini ma inguwasi? Yesu a’i ‘jo andaa ni, Ati Filipo a nyini lungwezo kuru ri mande nyi ra eleu paga.
|
||
\v 49 Nataniele ‘jo Andaa ni, Laponyi, nyi Rubanga ni Ngwa, Nyi Opi Isaraeli di ‘i.
|
||
\v 50 Yesu a’i ‘jo andaa ni, A’dusia maa ‘joka nyini Mande nyi eleu paga ra si nya’i ayosi? Nyimu nyinde nga ‘di ni zware na ra.
|
||
\v 51 Ongu Andaa ‘jo andaa ni, Ma’joo nyini, gbadu, engazo andu, anyivo anyinde ru’bu kawiru, malaika Rubanga di kutukii pi kesikii Ori Mo’di a dige.
|
||
\c 2
|
||
\cl Sura 2
|
||
\p
|
||
\v 1 O’du nazorisi, anda ali aa Kana Galilaya ga ri nig a, esu Yesu ende ni nale.
|
||
\v 2 Alungwe Yesu ni ‘ba Andaa lenile ri to ali ile nig a.
|
||
\v 3 De vino kolokora, Yesu ende ‘jo Andaa ni, vino lokowora.
|
||
\v 4 Yesu ‘jo ende ni, Izi, alari nyito a’duya? Maa saa adi ate kuru.
|
||
\v 5 Ende ‘jo ‘ba i’bu ede’ba ile’dia ri pi ni, Le’jo tuwadu Andaa ‘jole anyini anyede.
|
||
\v 6 Esu luku’do azia iyi di aa naa, edele oni sir ii, a’ini aga alu alu acu safia ri deku na, kende Yudei’ba a iyi lurwezo ri ani.
|
||
\v 7 Yes ku’jo a’ini, Anyicu anyega luku’do ilepi iyi si. Ongu lucukii iyi laka lugakii dede.
|
||
\v 8 Ongu Andaa ‘jo a’ini, Anyibi diadu anyizi mo’di amba karama di di. E’du zikii ra.
|
||
\v 9 De mo’di amba karama a ri ku’bi iyi recore vino du rii, andaa ni kare iyi ile a engare ga ri ku (ti i’bu’ba iyi lubi’ba ri ni kii ra). Amba karama di lungwe alire,
|
||
\v 10 ku’jo andaani, ‘Ba tuwadu atisi kezikii vino loso rii, de ‘ba kuga de kezikii injwi rii, ti nyizu vino loso ri esa ko diadu.
|
||
\v 11 ‘Di nyuma ati Yesu a edele Kana Galilaya ga ri nig a rii, e’dete du Andaa eku du, ongu ‘ba Andaa lenile rii a’ikii du Andaa ni ra.
|
||
\p
|
||
\v 12 ‘Di a vuga, e’du sikii Kapernaumu ga, Andaa ‘i, pi ende to, pi Andaa adiinjito pi ‘ba Andaa lenile ripi to, olukii naa o’du u’bi ku.
|
||
\p
|
||
\v 13 De karama Yudei’ba di esa ire, Yesu mu oru Yerusalemu ga.
|
||
\v 14 Andaa esu Kenisa aga ‘ba ti moni luge’ba ri, bilo to, amamu to, rubia ofu’ba to orikii nale.
|
||
\v 15 De Andaa kucwa iba kurubaa du wo ra, Andaa do a’i tuwadu laangwe Kenisa asi, bilo pi moni to, Andaa cu rubia ofule ile vuru, ongu Andaa eco a’ia meja oli.
|
||
\v 16 Andaa ‘jo a’i ‘ba amamu luge’ba ileni, Anyizi nga ‘di pi, anyulufu Mataa zo dukani du ku.
|
||
\v 17 ‘Ba Andaa lenile ripi erakii nga anda cwile ra rii, Abiri Nyaa zo di kuko ma ra.
|
||
\p
|
||
\v 18 Ongu Yudei’ba a’ikii ‘jokii Andaa ni, Nye’dete amani nyuma ingo’i, nyaa nga ‘dini edezo rii?
|
||
\v 19 Yesu a’i ‘jo a’ini, Anyare Kenisa ‘di pi, o’du na aga masie idi.
|
||
\v 20 Yudei’ba ku’jokii Andaa ni, Zo Rubanga di ‘di asi kinya mudisu a limbi azia ‘dinipi, nyimu nyisie o’du na aga papala?
|
||
\v 21 Ti Andaa lo’joru zo Andaa ru ‘i ri ni dige.
|
||
\v 22 De Andaa kumu kenji pi ‘ba da’ba ra ri asi, ‘ba Andaa lenile ripi erakii le’jo anda Andaa ‘jole a’ini atisi ri ra, ongu a’ikii nga cwile ri niaga, le’jo Yesu a’jole ri to.
|
||
\p
|
||
\v 23 De Andaa ni anda karamaga Yerusalemuga ini karama di si, ‘ba karako a’ikii Andaa ru ra, de kundekii nyuma Andaa edele rii nai.
|
||
\v 24 Ti Yesu ‘ba Andaa ni a’ia dig a kuru, a’dusia Andaa ni ‘ba tuwadu.
|
||
\v 25 Andaa le mo’dizi ku Andaa ni ‘bani le’jo ‘jorega, a’dusia Andaa ni a’dule ni nga ‘ba aga ri ‘ja.
|
||
\c 3
|
||
\cl Sura 3
|
||
\p
|
||
\v 1 Anda mo’di zi aa Farisei’ba lelega, run a Nikodemu ‘i. Yudei’ba ni amba.
|
||
\v 2 Andaa emu Yesu di ini aga, ‘jo Andaa ni, Rabi (Laponyi), amanie nyi laponyi engare Rubanga di sir ii: a’dusia mo’dizi iyo atere nyuma edere kende nyaa edezo ri ani de Rubanga andaa to ku nai.
|
||
\v 3 Yesu a’i ‘jo andaa ni, Gbagbadu ma’jo nyini, De mo’di tile vuri kuri, andaa ate keri Rubanga di ni ndeka ku.
|
||
\v 4 Nikodemu ‘jo Andaani, Mo’di kate ingoni tile idi de wo andaa ni amba na ‘i? Andaa kate kwika idi ende ni aga ongu adi tiye?
|
||
\v 5 Yesu a’i ‘jo andaani, Gbagbadu ma’jo nyini, De mo’di tile iyisi ku, pi Endi si ku, andaa ate rutoka Rubanga ni keri ge ku.
|
||
\v 6 Tile ru si ri andaani ru, tile Endi si ri andaani endi.
|
||
\v 7 Luzu nyini ku maa ‘joka nyini akuti nyi vu eri ri si.
|
||
\v 8 Oli kulwe kare andaa lele ri niga, nyeri u’duku na ‘i, nyate kare andaa engarega ri ni nika ku, pi kare andaa murega ri to. Tuwadu otile endi si ri kolukii ileani.
|
||
\v 9 Nikodemu a’i ‘jo Andaani, le’jo ‘di kate redeka ingoni ya
|
||
\v 10 Yesu a’i ‘jo andaani, Nyi laponyi Israeli dii, nyini le’jo ‘di ku?
|
||
\v 11 Gbagbadu ma’jo nyini, amalu’jo amanile rii, amange amandele rii, anyi anya’iku le’jo amangele rii.
|
||
\v 12 De ma’jo anyini le’jo vu dige rii, anya’iku, anyivo anya’iye ingoni de ma’jo anyini le’jo ru’buge rii na’i?
|
||
\v 13 Mo’di zi iyo anda ture ru’buge rii, mo’I esire ru’bugesi rii papala, Andaa ni Mo’di ni ‘Bura olure ru’buge rii.
|
||
\v 14 Kende anda Musa a ini ngizo oru mondi aga riani, dubale Ori Mo’di ni saa akungi oru ileani.
|
||
\v 15 E’bedu ‘ba tuwadu Andaa ni a’I’ba ri kudakii ku, ti kolukii lidi lokoreku ri to.
|
||
\p
|
||
\v 16 A’dusia Rubanga le vu opkosi, Andaa ke Andaa “Bura tile alu tende ri, e’bedu ‘ba tuwadu Andaa ni a’i’ba ri kudakii ku, ti kolukii lidi lokore ku ri to.
|
||
\v 17 A’dusia Rubanga anda ezwe ngwaa ni vu dige le’jo lirega vu ni ku, ti e’bedu vu kalariru Andaa si.
|
||
\v 18 Mo’di Andaa ni a’irerii ali laka le’jo ku ti mo’di Andaa ni a’ire ku rii ali laka le’jo eze a’dusi andaa a’i ru Rubanga ni Ngwa alu papala tile ridi kuru.
|
||
\v 19 Di wo le’jo lika, ingwe anda emu vu dige, ti ‘ba le vu ini laga ingwe pi; a’dusia a’ia i’bu eze injwi’
|
||
\v 20 a’dusua ‘ba tuwadu nga injwi ede’barii lekii ingwe ku, evokii ingwega ku, a’dusia lekii a’ia i’bu injwirii akuni ku.
|
||
\v 21 Ti mo’di nga gba ri ni edere rii kemu ingwega e’bedu andaa i’bu kuniru, andaa edele Rubanga andaga rii.
|
||
\p
|
||
\v 22 Le’jo ‘di a vuga, Yesu pi ‘ba Andaa lenile ri to vokii Yudaya a vu ga; Andaa olu nale a’ito, ongu ke ‘bani batisimu.
|
||
\p
|
||
\v 23 Yuwani saa esu nale, kuke ‘bani batisimu ‘boru Ainon, ire Salim to, a’dusia nale esu iyi ambgu, ongu evokii andaa di pi ke a’ini batisimu
|
||
\v 24 A’dusia esu Yuwani ni adi a’ba mabusuge kuru.
|
||
\v 25 Ongu saa ilesi kipele enga ‘ba Yuwani a lenile ri a lelega Yudei’ba to le’jo pelere di si.
|
||
\v 26 Ongu evokii Yuwani di, ‘jokii andaani, Lapony, mo’di anda olure nyito Yurudani a’doga ri, anda nyaa le’jo na ni ngele rii, nde, Andaa kuke ‘bani batizimu, ‘ba tuwadu kevokii Andaa di.
|
||
\v 27 Yuwani a’i ku’jo, mo’di ateku nga esurega a’dule, de akeke andaani kenga ru’buge si ku nai.
|
||
\v 28 Any anyangasi anyolu sadenia madii, maa ‘jozo ma Kristu ‘i ku rii, ti ezwe ma Andaa ni andaga.
|
||
\v 29 Mo’di zangwa gererii andaani alire: ti rozi alire di andaani mo’di edere ire andaa mara ga rii keria ayo, asi na kolu i’bwe karako alire niu’duku si, asi i’bwe madi ‘dii saa o’birura.
|
||
\v 30 Dubale Andaa kenjaru, ti dubale amolongwiru vuru.
|
||
\p
|
||
\v 31 Mo’di engare oru rii Andaa ni di ‘ba tuwadu dii, mo’di engare vu dige ri andaa ni mo’di vu a rii, kulu’jo le’jo vu a rii; ti mo’di engare ru’buge rii Andaa ni ‘ba ni di tuwadu,
|
||
\v 32 ongu nga Andaa ndele rii, Andaa erile ri to Andaa kungee ayo, mo’di zi iyo le’jo Andaa ngele ri a’ire na’i.
|
||
\v 33 Mo’di Andaa le’jo ngele ri ni erire rii e’dete a’jo Rubanga ni gba.
|
||
\v 34 A’dusia Andaa ni Rubanga ezwele rii kulu’jo Rubanga ni le’jo: a’dusia Rubanga ke Andaa ni Endi o’bile o’bi ri ‘i ku.
|
||
\v 35 Ata le “Bura, ongu ke nga tuwadu Andaa di ga.
|
||
\v 36 Mo’di ‘Bura a’ire rii, kesu lidi olure tadu ri ra, ti mo’di “Bura a’ire ku rii andaa nde lidi ku, ti Rubanga ni anga kolu andaa ruge.
|
||
\c 4
|
||
\cl Sura 4
|
||
\p
|
||
\v 1 De Opi kuni a’jo Farise’ba erikii Yesu kuke ‘bani batizimu zwa Yuwani ni ra,
|
||
\v 2 (Ti Yesu ni gba ri ebatiza ‘ba kuru, ti ‘ba Andaa lenile ri pi ‘i),
|
||
\v 3 Andaa e’be Yudaya ni ra, ongu Andaa mu Galilaya ga idi.
|
||
\v 4 Dubale Andaa kalaga Samaria gasi.
|
||
\v 5 Ongu Andaa emu ‘ba Samaria di ru na Sukari’i ri nig a, ire amvu Yakobo a kele ngwa Yozefu ni ri niga.
|
||
\v 6 Esu Yakobo a idi naa. Esu Yesu lande awesi to. Andaa ri idi tige ire saa azia si.
|
||
\v 7 Izi Samaria ga ri emu iyi birega. Yesu ku’jo andaa ni, eke mani iyi mvule.
|
||
\v 8 A’dusia esu ‘ba Andaa lenile ripi vokii ‘boru pi onya gerega.
|
||
\v 9 Ongu izi Samaria a ri ‘jo Andaani, Nya’i ma ingoni, nyi Yude i’bago, nyini iyi kerega, azi ma izi Samaria dii na’i? A’dusia Yudei’ba emurukii ku Samaria ‘ba to
|
||
\v 10 Yesu a’i ku’jo andaa ni, Kolu nyiini ke Rubanga dir a, mo’di ‘jore nyini, eke mani iyi mvule ri to, tebe’dii nya’i Andaa ‘i, kuke nyini iyi lidi dii.
|
||
\v 11 Izi ‘jo Andaa ni, Opi, nga nyidi iyi ebizo iyo, saa idi ali, Nyesu iyi lidi a ri inguwa?
|
||
\v 12 Nyi amgbu nyizwa ama ata Yakobo ni ra, amani idi ‘dini kere rii, andaa mvu laka, andaa ‘bonji to, pi andaa akwa to?
|
||
\v 13 Yesu a’i ku’jo andaani, Mo’di iyi ‘dini mvure ri iyibi kumu kukoo idi,
|
||
\v 14 Ti ‘ba tuwadu iyi maa mule kele a’ini ri ni mvu’ba rii, iyibi mu ko a’iku ini tuwadu, ti iyi maa mule kele a’ini ri kumu kecoru a’ia aga idi etire lidi lokore ku rid ii.
|
||
\v 15 Izi ri ‘jo Andaa ni, Opi, ekemani iyi ileri, e’bedu iyibi kuko ma ku, dudu amemu ‘dia kare loluge iyi birega idi ku.
|
||
\p
|
||
\v 16 Yesu ‘jo andaani, Mu nyagoo ni lungwere, anyevo ‘dia.
|
||
\v 17 Izi ri a’i ku’jo, Ma ago ako. Yesu ‘jo andaani, Nyi’jo anda, ma ago ako.
|
||
\v 18 A’dusia anda nyi ago tou to, diadu mo’di nyoluto rii nyago ‘iku, ile nyi’jo gba.
|
||
\p
|
||
\v 19 Izi ‘jo Andaa ni, Opi, manie nyi profeta.
|
||
\v 20 Ama ata anda kuluwokii ‘be ‘diniga, ti anyi’joo Yerusalemu ga lee andaa ni kare ‘bani luworega rii.
|
||
\v 21 Yesu ‘jo andaa ni, Izi, a’i ma, saa kumu kemu ra, anyivo anyiwo Ata ni ‘be ‘dini ga ku, kolu Yerusalemu saa ‘i,
|
||
\v 22 Anyiru nga any anile ku rii. Amani nga amarule ri ra, a’dusia lararika aa Yudei’ba di.
|
||
\v 23 Ti saa kumu kemura, diad andaani esara, ‘ba luwo’ba gba rii kuvo kuluwokii Ata ni Endi gba risi a’dusia Ata kundu ‘ba ileni rii luworega Andaa ni.
|
||
\v 24 Rubanga ni Endi, ‘ba wore Andaa ni rii dubale kuwokii Andaa ni Endi aga pi gba aga.”
|
||
\v 25 Izi ku’jo Andaa ni, Mani ‘ja Masiya kumu kemu ra, lungwele Kristu ‘i rii de Andaa kumu kemura, Andaa kumu ku’jo amani le’jo tuwadu.
|
||
\v 26 Yesu ‘jo andaa ni, Ma loro’jore nyito ri Andaa ‘i
|
||
\v 27 Saa ilesi rere ‘ba Andaa lenile ripi esakii, ongu luzukii ra Andaa lro’joka izi ile to risi, ti mo’dizi iyo a’ia lelega ‘jore laka, Nyindu a’du, deku a’dusi nyolo’joru izi ile to?
|
||
\p
|
||
\v 28 Ongu izi ile e’be andaa luku’do, ngwi ‘boru pi ‘jo ‘bani,
|
||
\v 29 Anyevo, anyinde ago ‘dii, ‘jo mani nga tuwadu maa edele ri ra, ‘dii Kristu ‘i ku?
|
||
\v 30 Ongu engakii ‘borusi, evokii Andaa di.
|
||
\p
|
||
\v 31 Saa ilesi Andaa ‘ba lenile ri lutakii ti Andaa ni, ku’jokii, Laponyi, nya onya.
|
||
\v 32 Ti Andaa ‘jo a’ini, Onya madi aa any anile ku rii.
|
||
\v 33 Ongu ‘ba Andaa lenile ri lo’jorukii a’ia’ini, Diyo mo’di zi ezi Andaa ni onya ra?
|
||
\v 34 Yesu ‘jo a’ini, Onya madi andaa ni i’bu mo’di mani ezwere ri di ni edeka pi ekoka na to.
|
||
\v 35 Anyi’joo lesi imba su vuna niga onya kukara ku? Nde, ma’joo anyini, anyingi anya mi oru, anyinde nga amvu aga a’dusia diadu anya kara lwale.
|
||
\v 36 Ongu mo’di nga lware ri kesu dide, kuta anya ekwi kusa ko lidi lokore ku ri niga. Layire pi lalware to asina pi kolu i’bwe kare alu ga.
|
||
\v 37 Le’jo ileni aga le’jo ‘di gba, Mo’di alu kuyiayi, aluzori kulwalwa.
|
||
\v 38 Mazwe anyi nga lwarega nga anda anya edele kuru ri niga, ‘ba zi edeni, ti anyikwi a’ia i’bu niga.
|
||
\p
|
||
\v 39 ‘Ba karako Samaria’ba a ‘boru rii a’ikii Andaa ni ra le’jo izi ‘di a ‘jole risi, Andaa ‘jo mani nga tuwadu anda maa edele ri ra.
|
||
\v 40 De Samaria’ba kevokii Andaa di, lutakii ti Andaa ni dudu kolu a’ito. Andaa olu nale o’du ri.
|
||
\v 41 ‘Ba zi karako a’ikii Andaa ni a’dusia Andaa le’josi;
|
||
\v 42 ongu ku’jokii izi ileni, Diadu ama’i nyaa ‘joka amani si ku: ti a’dusia ameri Andaa ni amanga si, amanie ‘dii gbadu Kristu ‘i, vu larire ‘i.
|
||
\p
|
||
\v 43 O’du ri ile a vuga, Yesu mu nale Galilaya ga.
|
||
\v 44 A ‘dusia Yesu ni a’dule ngeni, a’jo, profeta ni eku ako a’idi vuga.
|
||
\v 45 Ongu de Yesu kemu Galilaya ga, ‘ba Galalaya di a’ikii Andaa ni ra, a’dusia ndekii nga tuwadu Andaa edele karama ga Yerusalemu ga ri ra: a’dusia esu a’i saa vokii karama gar a.
|
||
\v 46 Yesu ongu emu Kana Galilaya ga ri niga idi, kare anda Andaa iyi ecorega vini du ri niga. Nale ago zi amba rule ndo rii, bgwa ni runa injwi Kapernaumu ga.
|
||
\v 47 De andaa keri Yesu enga Yudaya emu Galilaya ga, andaa mu Andaa di lutati Andaa ni dubale kemu ngwaa ni adire a’dusia esu ‘bura ile ire darega.
|
||
\v 48 Ongu Yesu ku’jo andaa ni, De anyinde nyuma ku anya’i ku.
|
||
\v 49 Mo’di amba ile ‘jo andaa ni, Opi, emu ezeze adi maa ngwa da kuru du.
|
||
\v 50 Yesu ‘jo andaa ni, mu nyaanga, nyaa ngwa ni adira. Mo’di ile a’i le’jo Yesu a ‘jole andaa ni ri ra, pi mu andaa nga.
|
||
\v 51 De andaa kesi kemu, esurukii ‘ba i’bu ede’ba andaa ni ripito, pi ‘jokii andaa ni, Nyaa ‘bura adiwora.
|
||
\v 52 Ongu andaa zi a’ini saa ingosi ‘bura e’do oluka loso. Ku’jokii andaa ni, Agini saa tuderi si lajwa e’be andaa ni laka.
|
||
\v 53 ‘Bura ata ni saa ile Yesu ‘jodu andaa ni Nyaa ngwa adira rii, e’bedu andaa ni gba rii sa a’idu ra, andaa ni ‘ba tuwadu andaa di zoga ri to.
|
||
\p
|
||
\v 54 ‘Dii nyuma rizo rii Yesu a edele, de anda Andaa kenga Yudaya ga si kemu Galilaya ga na ‘i.
|
||
\c 5
|
||
\cl Sura 5
|
||
\p
|
||
\v 1 O’du ‘di a vuga, esu karama Yudaya’ba di aa Yesu mu nale Yerusalemu ga.
|
||
\v 2 Nale Yerusalemu ga ire kare bilo lezirega ri niga ka’bulu aa, lungwele Eburunia’ba tisi Betesaida ‘i rii, laka zo ciriciri tou aa.
|
||
\v 3 Nale lajwa’ba karako kulularukii laka, ‘ba mi ako rii, ‘ba avu’ba, ‘ba pa ako rii, ‘ba ru e’bweka ra rii,
|
||
\v 4 A’dusia saa zi si malaika kesi vuru ka’bulu aga iyi egbalarega, mo’di esare ati lele iyi a egbalare ri ni gar ii, kwire iyi aga rii, lajwa na ku’e ra.
|
||
\v 5 Esu ago zi nale aa, andaani lajwa to, lajwa na olu andaa ruge kinya mudina a limbi aro.
|
||
\v 6 De Yesu kunde andaa laru naa, Yesu ni ra andaa olu lajwa na to kinya karako, Yesu ‘jo andaani, Nyile nyaa ru ku’e ra?
|
||
\v 7 Lajware a’i Andaa ni, Opi, madi mo’di zi iyo mani zirega ka’bulu aga lele iyi a egbalare rii, ti de mamu emure, mesuo mo’di zi laga mani ati.
|
||
\v 8 Yesu ku’jo andaani, Nga oru, ngi nyaa gumbere mu.
|
||
\v 9 Mgbesa ago ile adi ra, ngi andaa gumbere pi mu andaa nga: o’du ‘dii saa esu o’du Sabiti dii.
|
||
\v 10 Yudaya’ba ‘jokii ago adire ileni, Andu ‘dii o’du Sabiti dii, cara ga nyini gumbere ngizo iyo.
|
||
\v 11 Andaa a’i a’ini ku’jo, Mo’di mania dire ri ‘jo mani ni, a’jo Ngi nyaa gumbere, mu.”
|
||
\v 12 Ongu zikii andaani, Mo’di ile a’di’i ‘jore nyini Ngi nyaa gumbere mu rii?
|
||
\v 13 Mo’di adile ri ni mo’di andaa ni adire ri ku, a’dusia esu Yesu mu Andaa nga pi, esu laki karako saa ilesi.
|
||
\p
|
||
\v 14 Vulega Yesu esu andaa ni kenisa aga, ‘jo andaa ni, Nde, nyadi wora: Enji nga idi ku, e’bedu nga injwi rii kemu du nyaa ruge ku.
|
||
\v 15 Ago ile nga mu ‘jo Yudaya’ba ni Yesu adi andaa ni ni.
|
||
\v 16 Le’jo ilesi Yudaya’ba kulurwekii Yesu ni lekii ‘dile, a’dusia Andaa adi ago ile o’du Sabiti di si.
|
||
\v 17 Ti Yesu a’i a’ini, Mata ede I’bu ile esa ko andu, mai saa medee.
|
||
\v 18 Le’jo ilesi Yudaya’ba ‘angala ko opkosi, lekii Andaa ni ‘dile, a’dusia Andaa Sabiti enjika si papala ku, ti ku’jo saa Rubanga ni Andaa Ataa ‘i, ko’biru Rubanga to.
|
||
\p
|
||
\v 19 Ongu Yesu a’i ku’jo a’ini, Gbagbadu ma’jo anyini, ‘Bura ate nga edeka a’dule ku, ti de Andaa kunde nga Ata a edele rii, a’dusia nga tuwadu Ata a edele ri ‘Bura saa kedee ayo.
|
||
\v 20 A’dusia Ata le ‘Bura ndo, e’dete laka nga tuwadu Andaa edele rii ongu kumu ke’dete laka I’bu nja rii kuzwa ‘di ra e’be anyuluzu du.
|
||
\v 21 A’dusia kende Ata a ‘ba da’ba ra ri ni enjizo ri ani, kuke a’ini lidi, ‘Bura saa ileani kumu kuke lidi ‘ba Andaa lele ripi ni.
|
||
\v 22 A’dusia Ata lali le’jo ‘bani ku, ti Andaa ke mori le’jo lalizori tuwadu Andaa ‘Bura ni.
|
||
\v 23 ‘Ba tuwadu dubale kurukii ‘Bura kende a’ia Ata ni ruzo riani, Mo’di ‘Bura rure ku, andaa saa ru Ata ni ku, Andaa ni ‘Bura ezwere rii.
|
||
\v 24 Gbagbadu ma’jo anyini, Mo’di maa le’jo ni erire rii, pi mo’di mani ezwere ri ni a’ire rii, esu lidi olure tadu ri ra, ali laka le’jo ku, ti andaa laga da asi pi, andaa sa lidi agar a.
|
||
\p
|
||
\v 25 Gbagbadu ma’jo anyini, saa kumu kemu ra, diadu esa wora, ‘ba da’ba ri kuvo keri Rubanga ni ngwa ni u’duku ra: a’i eri’ba rii kadikii ra.
|
||
\v 26 A’dusia kende Ata a oluzo lidi riani, Andaa ke ‘Bura ni saa oluzo lidi Andaa ngasi.
|
||
\v 27 Ke Andaa ni opko saa le’jo lizo, a’dusia Andaa ni Ata ni ‘Bura
|
||
\v 28 Anyuluzu anyini ku le’jo ‘disi, a’dusia saa kumu kemura, de ‘ba tuwadu ‘budi aga ri kuvo kerikii Andaa u’duku ra,
|
||
\v 29 ongu kuvo koyikii laangwe: ‘ba anda nga ede’ba loso rii, kenjikii lidi aga: ‘ba anda nga ede’ba injwi rii kenjikii le’jo lalire ga.
|
||
\v 30 Ma a’dule mate nga edeka ku: mali le’jo maa erizo riani, lali madi anda; a’dusia mandu nga maa lele ma rii ku, ti lale Ata mani ezwere rid ii.
|
||
\p
|
||
\v 31 De mange le’jo maa ruge ri a’dule, le’jo madii gba ku,
|
||
\v 32 Mo’di zi saa aa kunge le’jo maa ruge rii, mani ra le’jo andaa ‘jole maa ruge rii le’jo gba rii.
|
||
\v 33 Anyi anyizwe ‘ba Yuwani di, andaa nge le’jo gba rii.
|
||
\v 34 Ti le’jo andaa ngele maa ruge rii enga ‘baga ku: ti le’jo maa ‘jole dii e’bedu anya lariru du.
|
||
\v 35 Andaani anda lombo gwere vu ‘jire rii, anyile saa gaangwadu aga anyanjoru andaa ingwe aga.
|
||
\v 36 Ti maa sadeni zwa Yuwani dir a, a’dusia I’bu Ata a kele mani ri ni ekozo, I’bu maa edele ile kunge le’jo maa ruge ni, ke’detee Ata ezwe ma ni,
|
||
\v 37 ongu Ata mani ezwere rii Anda kunge le’jo maa ruge ni, Anyi anyeri Andaa u’duku kuru alu saa ‘i, ongu anyinde Andaa ni saa kuru.
|
||
\v 38 Ongu Andaa le’jo saa olu anya aga ku: a’dusia anya’i mo’di Andaa ezwele ri kuru.
|
||
\v 39 Anyndu Buku ni a a’dusi anyiraa a’ini aga anyi lidi lokore ku ri to: a’i kunge le’jo maa ruge ni.
|
||
\v 40 Anyile evoka madi ku anyini lidi esuzo.
|
||
\p
|
||
\v 41 Mesu eku madi ‘baga.
|
||
\v 42 Ti mani anyi ra, anyi Rubanga ni le ako anya aga.
|
||
\v 43 Memu Mata a rusi, anya’i ma kuru, de mo’di zi kumu kemu andaa ru si anyivo anya’ie ra.
|
||
\v 44 Anya’ie ingoni ya, de anyindu eku anya lele ga si na’i, anyile eku engare Rubanga di si a’dule ri ni nduka ayo ku na’i.
|
||
\p
|
||
\v 45 Anyira anya asige ku a’jo mamu mesiki anyi Ata ni ra, mo’di anyini esikire ri andaani Musa ‘i, anya egenile ra rii.
|
||
\v 46 A’dusia kolu anya’i Musa ni ra, tebe’di saa anya’i ma ra, a’dusia andaa cwi nga maa ruge.
|
||
\v 47 Ti de anya’i nga andaa cwile ri ku, anyivo anya’i le’jo madi ingoni?
|
||
\c 6
|
||
\cl Sura 6
|
||
\p
|
||
\v 1 Le’jo ‘di a vuga Yes jwa meri Galilaya di ni a’doga, lungwele meri Tiberia ‘i rii.
|
||
\v 2 Laki amgbu ko Andaa vu a’dusia anda ndekii nyuma Andaa edele lajwa’ba ni ra.
|
||
\v 3 Yesu tu oru ‘be dige pi olu laka ‘ba Andaa lenile ri to.
|
||
\v 4 Karama lagazo Yudei’ba di esu esa ire.
|
||
\v 5 De Yesu kungi mi oru Andaa nde laki amgbu kevokii Andaa di, Andaa ‘jo Filipo ni, Amavo amage onya inguwa ‘ba ‘di ni nyale?
|
||
\v 6 Andaa ‘jo le’jo ‘di Filipo ni o’bizo a’dusia Andaa ni gbarii ni nga Andaa lele edele ri ra.
|
||
\v 7 Filipo a’i Andaa ni, linya gine miya ri di saa ate a’i ku, kolu ku’dukii gaangwadu gaangwadu sa ‘i
|
||
\v 8 Mo’di alu Andaa maju ni lelega, Andereya, Simoni Petero adozi ‘i, ‘jo Andaa ni,
|
||
\v 9 “Bura zi ‘dia aa mugati tou to, e’bi ciriciri ri to, ti ‘di kate a’u ya ‘ba ‘dinipi go ‘dini?
|
||
\v 10 Yesu ku’jo Anyi’ba ‘ba ile kori vuru. Esu ayise amgbu aa kare nani ga. “Ba ori vuru ago ni weli kate alifu tou.
|
||
\v 11 Yesu ‘du mugati ile; pi ke anjo ayosi, pi ‘du ke Andaa maju di pi lanjukii ‘ba ori’ba vuru ileni, e’bi to kende a’ia lezo ri ani.
|
||
\v 12 De kugakii de, Yesu ‘jo Andaa maju ni, Anyita limbi lesire ri, nga zi kelesi vuru ku,
|
||
\v 13 ‘Disi takii mugati tou ile a limbi lesire rig a evo mudi a limbi ri.
|
||
\p
|
||
\v 14 Ongu de ‘ba kunde nyuma Yesu a edele rii, ku’jokii, ‘Di gbadu Andaa ni profeta ile’i, emure vu dige rii.
|
||
\v 15 De Yesu kuni a’ile evole Andaa ni kole mori si, lufule Opi du, Andaa nga mu ‘be dige a’dule idi.
|
||
\p
|
||
\v 16 De kusa undwe, Andaa maju nga vokii meri tige.
|
||
\v 17 Torukii i’bo aga, perukii vozo Kapernaumu. Esu vu ni wora. Yesu ni adi esu esa a’idi kuru.
|
||
\v 18 Meri e’do ongaka oli a lweka opkosi ri si.
|
||
\v 19 De anda kuperukii kate maili na deku su, ndekii Yesu kemu meri dige si, kezweru I’bo ruge ire, ori ko a’i cwi
|
||
\v 20 Ti Andaa ‘jo a’ini, ‘Di ma’i, anyori ku,
|
||
\v 21 ongu a’i a’ikii Andaa ni I’bo aga: mgbesa I’bo sa logo kare a’ia vorega ri niga.
|
||
\p
|
||
\v 22 Lovuru nasi, ‘ba anda ede’ba meri a’doga rii de kundekii i’bo zi nale iyo, alu maju a vozo rii papala, ongu Yesu saa mu kuru Andaa maju to i’bo ileni aga, ti Andaa maju vo a’dule.
|
||
\v 23 (Ti i’bo zi evo enga Tiberia ire kare anda a’ia onya nyarega ri nig a, Opi a anjo kezo rii).
|
||
\v 24 De ‘ba kunde Yesu ni nale iyo, kesu Andaa maju ‘i saa iyo, a’i saa torukii i’bo aga evokii Kapernaumu ge, Yesu ni ndusi.
|
||
\p
|
||
\v 25 De kesukii Andaa ni meri a’do, ku’jokii Andaa ni Laponyi, nyemu ‘dia a’dungani?
|
||
\v 26 Yesu a’i a’ini Gbagbadu ma’joo anyini, anyindu ma anya nyuma lundeka si ku, ti anindu ma anya linya nyaka de si.
|
||
\v 27 Anyede i’bu onya lokore ri ni ku, ti onya lokore ku olure sare ko lidi lokore ku ri ni, Ori mo’di a mule kele anyini rii, a’dusia Rubanga Ata ke Andaa ni opko.
|
||
\p
|
||
\v 28 Ongu ku’jokii Andaa ni, Kulee amide a’du i’bu Rubanga di ni edezo?
|
||
\v 29 Yesu a’i ku’jo a’ni, Dii wo i’bu Rubanga dii, anya’i Andaa ni anda Andaa ezwele rii.
|
||
\v 30 Ongu ku’jokii Andaa ni, Nye’dete amani nyuma ingo’i, e’be amande, ama’i du Nyi? Nyede a’du?
|
||
\v 31 Anda ama ata lunya mana mondi aga; kende anda cwile Buku aga ri ani, Rubanga ke a’ni onya engare ru’bu ge rii nyale.
|
||
\p
|
||
\v 32 Ongu Yesu ku’jo a’ini, Gbagbadu ma’joo anyini, Musa anda ke anyini onya engare ru’bu ge si ri ni ku, ti Mata ke anyini onya gba engare ru’buge ri ni.
|
||
\v 33 A’dusia linya Rubanga dii Andaa ni engare ru’buge sir ii kuke lidi vu ni.
|
||
\p
|
||
\v 34 Ongu ku’jokii Andaa ni, Opi, eke amani linya ‘di o’du tuwadu si.
|
||
\v 35 Yesu ‘jo a’ini, Ma linya lidi dii, mo’di emure madi rii abiri ‘di andaa ni ku ongu mo’di mani a’ire rii iyibi ko andaani ku.
|
||
\v 36 Ti ma’joo anyini, anyi saa anyinde ma ra ti anya’i ma ku.
|
||
\v 37 “Ba tuwadu maa Ata a kele mani rii kevokii madi, mo’di emure madi rii mamu mado andaa ni pi ku,
|
||
\v 38 A’dusia menga ru’buge si mesi vuru, nga maa lele medee ri si ku, ti lale mo’di mani ezwere ri di si.
|
||
\v 39 ‘Dii andaa ni lale Ata anda mani ezwere rid ii, nga tuwadu anda Andaa ekele mani rii amelegwe ku, ti dubale amenji a’i ra o’du vu a lokozo ri nig a.
|
||
\v 40 Ongu ‘dii saa lale Andaa ni anda mani ezwere ri dii, ‘Ba tuwadu ‘Bura ndere, Andaa ni a’ire rii kolukii lidi lokore ku ri to, mamu menji a’i O’du vulega ri si.
|
||
\p
|
||
\v 41 Ongu Yudaya’ba e’do luzuka Andaa ni Andaa ‘joka, Ma linya engare ru’buge si ri si,
|
||
\v 42 ku’jokii, ‘Di Yesu ‘i ku, Yozefu a ngwaa ‘i ku, ataa pi ende to amanile ra rii ku? Diadu andaa ku’joo ingoni menga ru’buge si?
|
||
\v 43 Ongu Yesu a’i ‘jo a’ini, Anyuluzu anyini anya lelega ku,
|
||
\v 44 Mo’di zi iyo atere emure ga madi, de Ata Mani ezwere ri ku’bani ku nai: Ma saa mamu menji andaa ni tozo o’du vulega ri sir a.
|
||
\v 45 Anda profeta cwira, Rubanga kumu keleni a’i tuwadu, ongu, ‘ba tuwadu eri’ba rii, lenire Ata di si rii kevo madi.
|
||
\v 46 Mo’di zi iyo Ata ni ndere rii, alu mo’di engare Rubanga dir ii Andaa nde Ata ni ni.
|
||
\v 47 Gbagbadu ma’joo anyini, Mo’di mani a’ire rii andaa ni aa lidi lokore ku ri to.
|
||
\v 48 Ma linya lidi di ‘i.
|
||
\v 49 Anya ata anda lunyakii mana mondi aga, odakii ra.
|
||
\v 50 ‘Dii linya efure ru’bu ge sir ii, mo’di nyare rii da ku.
|
||
\v 51 Ma linya lidi dii, esire ru’bu ge sir ii, mo’di linya ‘di ni nyare rii kumu kolu tadu, ongu linya maa mule kele andaa ni rii andaa ni maa ru ‘i, maa mule kele lidi vu di ni rii.
|
||
\p
|
||
\v 52 Ongu Yudaya’ba epeleki a’ia’ini, ku’jokii, Ago ‘di kate andaa ru ni keka nyale ingoni?
|
||
\v 53 Ongu Yesu ‘jo a’ini, Gbagbadu ma’joo anyini, De anyinya Ori mo’di a ru ku, anyimvu Andaa eri ku, anyidi lidi iyo.
|
||
\v 54 Mo’di ma ru ni nyare, ma eri ni mvure, andaa ni lidi lokore ku ri to: Ma saa mamu menji andaa ni ra tozo o’du vulega ri si.
|
||
\v 55 A’dusia maa ru andaa ni onya gba rii, maa eri andaa ni lamvu gba rii.
|
||
\v 56 Mo’di maa ru ni nyare, maa eri ni mvure andaa kolu maa age, ma saa ma andaa aga.
|
||
\v 57 Kende Ata lidi mani ezwere rii, Molu Ata si, ongu mo’di maa ru ni nyare rii saa kolu masi.
|
||
\v 58 ‘Dii andaa ni mugati engare ru’bu ge sir ii, andaa ni mgbi mana anya ata a nyale ri to, odakii ra. Mo’di linya ‘di ni nyare rii andaa da ku ini tuwadu.
|
||
\v 59 Le’jo dii Andaa ‘jo ‘bani zo ‘ba a elegire ga ri nig a, esu anda Andaa keleni ‘ba Kapernaumu ga.
|
||
\p
|
||
\v 60 ‘Disidu Andaa maju karako de kerikii le’jo ‘dii, ku’jokii, ‘Di le’jo opko rii ‘do: a’di kate Erika na ni?
|
||
\v 61 De Yesu kuni Andaa maju kuluzukii le’jo ilesi, Andaa ‘jo a’ini, Le’jo ‘di eru anyi ra?
|
||
\v 62 Anyivo anyolu ingoni de anyinde Ori Mo’di ni kutu oru kare anda eze Andaa olurega ri nig a nai?
|
||
\v 63 Endi kuke lidi ni, ru ni ekonyi ako: le’jo maa ‘jole anyini rii, a’i endi ongu a’i lidi.
|
||
\v 64 Ti ‘ba zi anya lelega a’ikii ku, a’dusia Yesu ni anda eze ‘ba a’i’ba ku ile ra, ongu saa Mo’di mure Andaa ni esikire ri to.
|
||
\p
|
||
\v 65 Ongu Andaa ku’jo, Le’jo dii ma’joo anyini, mo’di zi iyo atere emurega madi, de Mata kuke andaa ni ni ku nai.
|
||
\p
|
||
\v 66 Enga saa ileni aga Andaa maju karako rii ngwikii vule; lawekii wo Andaa to ku.
|
||
\v 67 Ongu Yesu ‘jo mudi a limbi ri ri ni, Anyi saa anyile voka pi?
|
||
\v 68 Ongu Simoni Petero a’i Andaa ni, Opi, amavo a’didi ya? Nyi le’jo lidi lokore ku ri di to.
|
||
\v 69 Ama’i, amani gbadu nyi Kristu ‘i, ‘Bura Rubanga lidi rid ii.
|
||
\v 70 Yesu a’i a’ini, Malupe anyi mudi a limbi ri ma ku, ti mo’di alu anya lelega andaa ni satani?
|
||
\v 71 Andaa lo’joru Yuda Kariota ori Simoni a ruge: a’dusia andaa ni mure Andaa ni esikire ri ‘i, andaa ni mudi a limbi ri ri a lelega.
|
||
\c 7
|
||
\cl Sura 7
|
||
\p
|
||
\v 1 Le’jo ‘di a vuga, Yesu mu Galilaya ga a’dusia Andaa le lamuka Yudaya a si ku, a’dusia Yudaya ‘ba kundukii Andaa ni ‘dile.
|
||
\v 2 Karama morogo di Yudaya ‘ba di esa ire.
|
||
\v 3 Ongu Andaa adinji ‘jokii Andaa ni, Nga ‘diasi mu Yudaya ga, e’bedu nya maju kundekii nga nya edele rii.
|
||
\v 4 A’dusia mo’di zi iyo nga edere ni rii, esuo andaa ni gba rii le akuni andaa ni ra na’i. De nyede nga ‘dii, e’dete ru vu ni.
|
||
\v 5 A’dusia adinji saa anda a’ikii Andaa ni kuru.
|
||
\v 6 Ongu Yesu ku’jo a’ini, saa madi adi esa kuru: ti anya saa ni o’du cidu si baba
|
||
\v 7 ‘Ba vu dii ri evu anyi ku, ti evukii ma ra a’dusia ma enji a’idi ni e’dete kasi, a’dusia I’bu a’idi injwi.
|
||
\v 8 Anyivo karama ‘diniga: adi mamu karama ‘di niga ku, a’dusia saa madi adi esa kuru.
|
||
\v 9 De Andaa ku’jo le’jo ‘di a’ini ra, Andaa lesi Galilaya ga.
|
||
\p
|
||
\v 10 Ti de Andaa adinji anda kuvokii karama ga pi, Andaa saa mu karama gar a, kare ingwe ga ku, ti luzuru luzu.
|
||
\v 11 Ongu Yudaya’ba ndukii Andaa ni karama asi, ku’jokii, Andaani ingwa ya?
|
||
\v 12 Anda esu luzuka amgbu laki aga Andaa si; a’dusia ‘ba zi ku’jo, Andaa ni mo’di loso: ti ‘ba zi ku’jo, Iyo, a’dusia Andaa kulunjwa ‘ba.
|
||
\v 13 Ti mo’di zi iyo loro’jore kare okole ga Andaa si, a’dusia Yudaya’ba orikasi.
|
||
\p
|
||
\v 14 De kesa wo karama agaga Yesu mu kenisa aga, ‘ba lenire ga.
|
||
\v 15 Yudaya’ba a’u cwi, ku’jokii, Ago ‘di ni nga laka ingoni Andaa lenika ako na’i?
|
||
\v 16 Yesu a’i a’ini ku’jo; nga lenika madii ma’i ku, ti mo’di mani ezwere ri dii.
|
||
\v 17 De mo’di nga Andaa lele ri ni edere rii, anda kumu kuni nga lenika ‘di ra, de enga Rubanga di ya ‘i, de molo’joru manga si a’dule ya rii
|
||
\v 18 Mo’di loro’jore andaa nga si a’dule ri kundu andaa eku a’dule, ti mo’di eku mo’di andaa ni ezwere ri di ni ndure ayo rii andaa ni gba, nga injwi ri esu run a nig a ku.
|
||
\v 19 Musa anda ke anyini cara kuru, pi mo’di zi iyo anya lelega cara ile ni kore rii? A’dusi anyile mani ‘dika?
|
||
\p
|
||
\v 20 ‘Ba a’i ku’jokii, Nyi maa mali. A’di kule nyini ‘dika ni?
|
||
\v 21 Yesu a’i ku’jo a’ini, Mede nga alu, anyi tuwadu anya’u ayosi.
|
||
\v 22 Musa anda ke anyini lorolika (a’dusia esu enga Musa di ku, ti enga Ata di) anyi sabiti si saa anyoli ‘ba.
|
||
\v 23 De akuli mo’di sabiti si, dudu cara Musa di kunguru kun na, anyanga mani maa mo’di adika sabiti si ri si?
|
||
\v 24 Anyi li le’jo anya mi a ndeka isa si ku, ti anyili le’jo anda rii.
|
||
\p
|
||
\v 25 Ongu ‘ba zi engare Yerusalemu ga si ri ku’jokii, ‘Di Andaa ‘i ku, ‘ba a ndule ‘dilr rii
|
||
\v 26 Ti anyinde, Andaa kolo’joru kare ingwe aga, ‘jokii laka nga zi alu saa ku. ‘Ba amba ni gbadu ‘di Andaani Kristu ‘i?
|
||
\v 27 Amani kare ago ‘di a engare ga ri ‘ja, ti de Kristu kumu kemura, mo’di zi mu ni kare Andaa engare ga ri ku.
|
||
\p
|
||
\v 28 Ongu Yesu ojwa kenisa aga kare Andaa nga lenirega ri ni gasi ku’jo, Anyi tuwadu anyini ma ra, ongu anyini kare maa engare ga ri saa ra: memu maa ngasi a’dule ku, ti mo’di mani ezwere ri Andaa ni gba rii, anyini Andaa ni ku.
|
||
\v 29 Ti mani Andaa ni ra, a’dusia menga Andaa di, ongu Andaa ezwe ma ni.
|
||
\p
|
||
\v 30 Ongu a’i le Andaa ni kole: ti mo’di zi iyo di ‘bare Andaa ruge, a’dusia esu Andaa saa adi esa kuru.
|
||
\v 31 ‘Ba karako laki aga a’ikii Andaa ni ra, ku’jokii, De Kristu kumu kemura, Andaa kumu kede nyuma karako kuzwa ago ‘di a edele ri ra?
|
||
\v 32 Farusei’ba erikii laki kotakii le’jo Andaa ruge le’jo ‘disi; Farusei’ba amba ‘ba nga azi’ba Rubanga ni ri pito zwekii askeria Andaa ni ekore ga.
|
||
\p
|
||
\v 33 Ongu Yesu ku’jo a’ini, Adi maa saa lesi gaangwadu, mani oluzo anyito rii, ti mamu mangwi Mo’di mani ezwere ri di.
|
||
\v 34 Anyivo anyindu ma, ti anyivo anyesu ma ku: kare maa olurega ri, anyate saka laka ku.
|
||
\v 35 Ongu Yudaya’ba lo’jorukii a’ia’ini, Andaa kumu kumu inguwa, ama Andaa ni esuzo ku rii? Andaa kumu kumu ‘ba aca’ba juru aga ri ni ga, juru lenire ga?
|
||
\v 36 Le’jo ‘d ni ovi ingoni, Andaa ‘jole, Anyivo anyindu ma anyivo, anyivo anyesu ma ku: kare maa olure ga rii, anyate saka laka ku rii?
|
||
\p
|
||
\v 37 O’du karama a lokozo ri si, andaa ni ini amba karama dii, Yesu ede ‘jo nga u’duku si ku’jo, Mo’di iyibi a kole ri, e’be andaa kemu madi, kumvu.
|
||
\v 38 Mo’di mani a’ire rii, kende buku a‘jozo ri ani, golo iyi lidi a ri kumu kulu kenga andaa agasi.
|
||
\v 39 (Ti Andaa ‘jo le’jo di Endi a ruge, ‘ba Andaa ni a’I’ba rii kate esuka na: a’dusia esu Endi Okole rr adi ezwe kuru, kesu Yesu ‘i saa esu adi a’ba laka eku kuru.)
|
||
\p
|
||
\v 40 Ongu ‘ba karako de kerikii le’jo ‘dii, ku’jokii, Gbadu, ‘dii Anda ni profeta.
|
||
\v 41 ‘Ba zi ku’jo, ‘Dii Kristu ‘i. Ti ‘bazi ku’jo, Kristu kate engakaa Galilaya ga si wa?
|
||
\v 42 Buku ‘jo kuru, Kristu kumu kenga ori Daudi di niga, kenga ‘boru Betelehemu ga si, kare anda Daudi a olure gar ii?
|
||
\v 43 Anda ‘ba lapiru Andaa si ra.
|
||
\v 44 ‘Ba zi le Andaa ni kole, ti mo’di zi di ‘bare Andaa ruge na iyo.
|
||
\p
|
||
\v 45 Ongu askeri evo ‘ba amba nga azi’ba Rubanga ni ri di Farusei’ba to, ku’jokii asikeria ileni, Anyezi Andaa ni kuru a’dusi?
|
||
\v 46 Askeria a’i ku’jokii, Mo’di zi iyo loro’jore ago ‘di di ani nai.
|
||
\v 47 Ongu Farisei’ba a’i ku’jokii a’ini, Anyi saa alunjwa anyi ra?
|
||
\v 48 ‘Ba zi amba lelega, deku Farisei’ba lelga a’i Andaa ni ra?
|
||
\v 49 Ti ‘ba cara ni’ba ku ‘dii a’i ‘ba ceni a rii
|
||
\v 50 Nikodemu (andaa ni anda emure Yesu di ini agar ii, andaa ni mo’di alu a’ia lelega rii) ku’jo a’ini,
|
||
\v 51 Cara amadi kuli le’jo ‘bani esu adi eri le’jo andaa tige pa ku, kuni nga andaa edele ri pa ku?
|
||
\v 52 A’ikii ku’jokii andaa ni, Nyi saa nyenga Galilaya? Ndu, nyesuo profeta zi iyi engare Galilaya ga si na’i.
|
||
\p
|
||
\v 53 ‘Ba alu alu e’dokii acaka a’idi zoga si.
|
||
\c 8
|
||
\cl Sura 8
|
||
\p
|
||
\v 1 Yesu mu ‘be Oliveti di niga.
|
||
\v 2 Lovuru inini Andaa emu kenisa aga idi, ongu ‘ba ‘boro evokii Andaa di, Andaa ri vuru pi leni a’i.
|
||
\v 3 Ongu karania Farusei’ba to ezikii izi a’ia kole asa ga ri Andaa di, de ku’bakii andaa ni agaga.
|
||
\v 4 Ku’jokii Andaa ni, Laponyi, izi ‘di ako asa edere ga,
|
||
\v 5 Cara ga Musa anda ecara amani ku’jo, ‘ba nga ede’ba ‘diani rii dubale akuwa a’i onosi, ti nyidi nyi’jo a’du?
|
||
\v 6 ‘Jokii ‘di Andaa ni o’bizo, e’bedu a’i kesu le’jo Andaa ni esikizo. Ti Yesu wo vuru, cwi nga vuru Andaa disi, kende Andaa eri a’ia le’jo ile kuru ani.
|
||
\v 7 Ti de kuzikii Andaa ni idi, Andaa nga oru, ku’jo a’ini, Mo’di anyini lelega nire a’jo andaa ni enji ako rii, ke’do andaa ni waka oni si ati ni.
|
||
\v 8 Ongu Andaa wo vuru idi nga cwire ga.
|
||
\v 9 De kerikii ‘dii a’ia asige a’ia’ini a’jo a’i enji’ba, vokii laangwe alu alu, e’doru amba gas a ko cirri ri nig a. Yesu lesi a’dule pi izi ile ede agaga.
|
||
\v 10 De Yesu kunga oru, nde ‘ba kuru ti izi ile a’dule, ku’jo andaa ni, Izi, a’i inguwa nyini esiki’ba rii? Mo’di zi iyo le’jo lire nyaa ruge nai?
|
||
\v 11 Andaa ku’jo, Mo’di zi iyo Opi. Ongu Yesu ku’jo andaa ni, Ma saa mali le’jo nyaa ruge ku, Mu, tie de enji idi ku.
|
||
\p
|
||
\v 12 Ongu Yesu lo’joru a’ini idi, ku’jo, Ma ingwe vu dii, mo’di maa vu ni okore rii andaa mu lawe vu ini a si ku, ti kumu kolu ingwe lidi di to
|
||
\v 13 Farisei’ba ‘jokii Andaa ni, Nyi nyinge le’jo nyaa ruge a’dule, le’jo nyaa ngele ri gba ku.
|
||
\v 14 Yesu a’i ku’jo a’ini, Kolu maange le’jo maa ruge a’dule saa le’jo maa ngele ri andaa ni gba, a’dusia mani kare maa engare ga ri ‘ja, pi kare maa murega ri to, ti anyi anyate kare maa engarega ri ni ‘joka ku, pi kare maa mure ga ri saa.
|
||
\v 15 Anyi anyoli le’jo ru si, ti mali le’jo mo’di zi ni ku.
|
||
\v 16 De mali le’jo, le’jo madii gbadu, a’dusia ma a’dule ku, ti ama Ata mani ezwere ri to.
|
||
\v 17 Ongu acwi anya cara ni ga saa, a’jo, le’jo ‘ba ri ri a ngele rii anda ni gbadu.
|
||
\v 18 Mange le’jo maa ruge a’dule, pi Ata anda mani ezwere rii Andaa saa kunge le’jo maa.”
|
||
\p
|
||
\v 19 Ongu ku’jokii Andaa ni, Nyata ni inguwa? Yesu aka ku’jo, Anyini Ma ku, kolu maa Ata’i saa ‘i: kolu tebe anyini ma ra, tebe ‘dii anyini Mata ni saa ra.
|
||
\v 20 Le’jo ‘di Yesu ‘jo limi ni zoga, esu Andaa keleni ‘ba kenisa aga: mo’di zi iyo di ‘bare Andaa ruge nai; a’dusia esu Andaa saa adi esa kuru.
|
||
\p
|
||
\v 21 Ongu Yesu ‘jo a’ini idi, Mamu Maanga, anyivo anyindu ma, ti anyivo anyoda anya enji ni aga: kare maa murega rii anyate saka laka ku.
|
||
\v 22 Ongu Yudaya’ba ku’jo, Andaa kumu ku’di ru ra? A’dusia Andaa ku’jo, Kare maa murega ri anyate saka laka ku.
|
||
\v 23 Andaa ku’jo a’ini, Anyi anyenga vuru, Ma’i menga oru, Anyi ‘ba vu ‘di dii, Ma mo’di vu ‘di dii ku.
|
||
\v 24 ‘Disi ma’jo anyini, anyivo anyoda anya enji ni aga: a’dusia de anya’i a’jo Ma Andaa ‘i ku nai, anyivo anyoda anya enji ni aga.
|
||
\p
|
||
\v 25 Ongu ku’jokii Andaa ni, Nyi a’di’i? Yesu ku’jo a’ini, nga anda maa ‘jole anyini eze ri adi olu andaa karega.
|
||
\v 26 Le’jo karako aa mani ‘jole anyini pi le’jo lika anyini to: ti Mo’di mani ezwere rii Andaa ni gba, molo’joru vu ni le’jo maa erile Andaa di sir ii.
|
||
\p
|
||
\v 27 Nikii ku a’jo Andaa lo’joru a’ini Ata ruge.
|
||
\v 28 Ongu Yesu ku’jo a’ini, De anyivo anyingi Ori Mo’di ni oru ra, anyivo anyinie Ma wo Andaa ‘i, pi nga maa edele rii madii ku, ti kende Ata mani lenire rii, malu’jo le’jo ‘di ayosi.
|
||
\v 29 Mo’di anda mani ezwere ri aa mato; Ata e’be ma a’dule kuru, a’dusia mede nga tuwadu anjo kere Andaa ni rii.
|
||
\v 30 De Andaa ku’jo le’jo ‘dii, ‘ba karako a’i Andaa ni ra.
|
||
\p
|
||
\v 31 Ongu Yesu ku’jo Yudaya’ba Andaa ni a’i’ba ileni, De anyenjaru le’jo madi nig a, anyi maju madii gbagbadu.
|
||
\v 32 Anyivo anyini gba ni ra, gba kumu kayu anyi ra.
|
||
\v 33 Akakii Andaa ni ku’jokii, Ama ‘bonji Iburaimu dii, eze saa ama opi mo’di zi dii ku, a’dusi ny’joo, Avo ayu anyi ra?
|
||
\v 34 Yesu aka a’ini ku’jo, Gbagbadu ma’joo anyini, ‘Ba tuwadu enji ede’ba rii a’i opi enji dii.
|
||
\v 35 Opigo olu zoga ini tuwadu ku, ti ‘Bura kolu ini tuwadu.
|
||
\v 36 Ayosi de ‘Bura ayu anyi ra, gbadu ayu anyi ra.
|
||
\v 37 Manira anyi ‘bonji Iburaimu dii, ti anyile mani ‘dika, a’dusia le’jo madii anya aga iyo.
|
||
\v 38 Malu’jo nga maa ndele Ata di si ri a ruge: anyi saa anyede nga anya ndele anya ata di rii.
|
||
\p
|
||
\v 39 Akakii, ku’jokii Andaa ni, Iburaimu ni ama ata ‘i. Yesu ku’jo a’ini, de anyi Iburaimu a ‘bonji ‘i, tebe ‘dii anyede I’bu Iburaimu dii.
|
||
\v 40 Ti diadu anyile mani ‘dika, mo’di le’jo gba ri ni ‘jore anyini rii, maa erile Rubanga di sir ii: Iburaimu anda ede ileni kuru. Anyi anyede nga anya ataa dii.
|
||
\v 41 Ongu ku’jokii Andaa ni, oti ama asa aga ku; ama Ataa ni alu, Andaa ni Rubanga ‘i.
|
||
\v 42 Yesu ku’jo a’ini, De Rubanga ni anya Ata a ‘i, tebe ‘dii anyile ma ra: a’dusia menga Rubanga di madi emu, memu maa nga a’dule ku, ti Andaa ezwe ma ni.
|
||
\v 43 A’dusi anyini le’jo maa ‘jole ri ku? A’dusia anyeri le’jo madi ku.
|
||
\v 44 Anyi anya ataa ni satani ‘i, anyedee anya ata a lezo ri ani. Andaa ni mo’di lo’di dii anda eze eze, olu gba aga ku, a’dusia gba andaa ni aga iyo. De kulu’jo enjo kulu’jo andaa le’jo ‘i: a’dusia andaa ni enjo, pi enjo ni ata.
|
||
\v 45 A’dusia malu’jo le’jo gba rii anyi anya’i ma ku.
|
||
\v 46 Mo’di anya lele ga a’di’i le’jo lire ga maa ruge a’jo ma enjire rii? Ongu de ma’jo le’jo gba rii, a’dusi anya’i ma ku?
|
||
\v 47 Mo’di Rubanga dii keri le’jo Rubanga dii: anyeri ku a’dusia anyi ‘ba Rubanga dii ku.
|
||
\p
|
||
\v 48 Ongu Yudaya’ba a’ikii ku’jokii Andaa ni, Ama’jo anda ku nyi Samaria’ba go, pi nyi ori injwi to?
|
||
\v 49 Yesu a’i ku’jo, Ma ori injwi ako; ti maru Mata ni; anyi anyiru ma ku.
|
||
\v 50 Mandu maa eku a’dule ku, mo’di zi aa ndure rii pi le’jo lire ri to.
|
||
\v 51 Gbagbadu ma’jo anyini, mo’di maa le’jo nit a mbare rii mu nde da ku.
|
||
\p
|
||
\v 52 Ongu Yudaya’ba ‘jokii Andaa ni, Diadu ama ni ra nyi ori injwi to: Iburaimu da wo ra, profetaa to, ti nyi nyi’joo mo’di maa le’jo nita mbare ri andaa mu ‘bi da ku?
|
||
\v 53 Nyi amba nyizwa ama ata Iburaimu ni ra, dare ra rii? Profeta saa oda ra ‘do: nyidi nyi a’di’i?
|
||
\v 54 Yesu a’i ku’jo, De ma’ba laru maa rugge a’dule, laru madi ile isa: Mata ku’ba laru maa ruge ni; Andaa ni anya’jole anya Rubanga ‘i rii,
|
||
\v 55 Anyini Andaa ni ku, ti mani Andaa ni ra: de ma’jo mani
|
||
\v 56 Andaa ni ku mamu mecoru enjo anyiani: ti mani Andaa ni ra mamba Andaa le’jo ni nga’i.
|
||
\p
|
||
\v 57 Ongu Yudaya’ba ‘jokii Andaa ni, Nyi adi nyate kinya muditou kuru, anda nyinde Iburaimu ni ra?
|
||
\v 58 Yesu ku’jo a’ini, Gbagbadu ma’joo anyini, adi esu Iburaimu ni tizo kuru rii, Ma aa.
|
||
\v 59 Ongu ‘dukii oni Andaa ni wazo: ti Yesu zu ru di, fu kenisa asi pi, laga a’ia lelega si, mu Andaa nga pi.
|
||
\c 9
|
||
\cl Sura 9
|
||
\p
|
||
\v 1 Yesu a lagarega, Andaa nde mo’di tile mi ako rii.
|
||
\v 2 Andaa maju zikii Andaa ni, ku’jokii, Laponyi, a’di enji ni, ago ‘dii de ‘ba andaa ni ti’ba rii, andaa ni tizo du mi ako rii?
|
||
\v 3 Yesu a’i, ku’jo, Ago ‘dii enji kuru, kolu ‘ba andaa ni ti’ba rii saa ‘i: ti dudu i’bu Rubanga di akunde andaa ruge.
|
||
\v 4 Dubale amide i’bu mo’di mani ezwere ri di itu itu, a’dusia vu ini kumu kemura, mo’di zi iyo atere I’bu edere na’i
|
||
\v 5 De adi ma vu dige, Ma ingwe vu dii.
|
||
\p
|
||
\v 6 De Andaa kolo’joru ‘dini, Andaa wi tuze vuru, ocwa inga tuze to pi ‘ba mo’d miako ri ri a mige,
|
||
\v 7 Ku’jo andaa ni, Mu jwe ka’bulu Siloam di niga (le’jo ekwi na andaa ni zwele ra rii), andaa mu, jwe, engwi naa si kunde nga.
|
||
\v 8 “Ba a’idi ‘boru rii pi a’i andani andaa ni ndere esu andaa oluzo mi ako rii, ku’jokii, Di ‘Di andaa ni anda olure nga a’ire rii ku?
|
||
\v 9 “Ba zi ku’jo, Andaa ‘i, zi ku’jo, Kende andaa’i: ti andaa ku’jo, Ma andaa’i.
|
||
\v 10 Ongu ku’jokii andaa ni, Nyaa mi mi awiru ingoni?
|
||
\v 11 Andaa a’i ku’jo Mo’di lungwele Yesu’i rii ocwa inga, kudi ‘baa ma mige, ku’jo mani, Mu ka’bulu Siloam di niga, mu jwe: Mamu majwe wo madi nga nde.
|
||
\v 12 Ongu ku’jokii andaa ni, Andaa ni inguwa? Andaa ku’jo, Mani ku.
|
||
\p
|
||
\v 13 Ezikii andaa ni anda mi ako ri Fa risei’ba.
|
||
\v 14 O’du anda Yesu a inga ocwazo, Andaa mi awizo rii esu o’du Sabiti dii.
|
||
\v 15 Ongu Farisei ‘ba saa zikii andaa ni idi ovi andaa nga ndezo risi. Andaa ku’jo a’ini, Andaa ‘ba inga maa mige, madi jwee, madi nga nde.
|
||
\v 16 Farisei’ba zikii, ku’jokii, Mo’di ‘di enga Rubanga di ku, a’dusia anda ru Sabiti ku. ‘Bazi ku’jo, Mo’di enjire rii kate nyuma ‘dinipi Ri ni edeka ingoni? Ayosi, lapirukii a’ia’ini ra
|
||
\v 17 Ongu ku’jokii mo’di mi ako ri ni idi Nyidi nyi’jo a’du Andaa ruge, a’dusia Andaa awi nyaa mi’i? Andaa aka ku’jo, Andaa ni Profeta.
|
||
\p
|
||
\v 18 Ti Yudaya’ba a’ikii kuru a’jo andaa ni anda mi ako, awi mina awi, ongu lungwekii mo’di mi rewire ra ri ata pi ende to.
|
||
\v 19 Zikii a’i, ku’jokii, ‘Dii ‘bura anyidii, anya’jole ati mi ako rii? Diadu andaa kunde nga ingoni?
|
||
\v 20 Ataa pi ende to a’ikii, ku’jokii, Amani ra ‘dii ‘bura amadii, anda ati miako,
|
||
\v 21 Ti ovi andaa nga ndezo diadu rii, amani ku, pi mo’di andaa mi ni awire rii saa amani ku, andaa ni amba, anizi andaa’i: andaa ku’jo andaa nga ni.
|
||
\v 22 ‘Ba andaa ni ti’ba ri ‘jokii la’jo ‘di a’dusia orikii Yudaya’ ‘ba: A’dusia Yudaya’ba anda ecarakii a’jo mo’di ‘jore Andaa ni Kristu ‘i rii a’i kudoo zo Rubanga di ni agasi pi.
|
||
\v 23 E’be le’jo ‘disi, ‘ba andaa ni ti’ba ri ku’jokii Andaa ni amba, anyizi andaa ‘i.
|
||
\p
|
||
\v 24 Ongu lungwekii mo’di anda miako ri idi, ku’jokii andaa ni, Ke eku Ruba nga ni, amanie mo’di ‘di enjire.
|
||
\v 25 Andaa a’i ku’jo, De Andaa ni enjire, de enjire ku, mani ku, mani nga alu a’jo anda ma mi ako ti diadu mande nga.
|
||
\v 26 Ongu ku’jokii andaa ni idi, Andaa ede nyini a’du, Andaa awi nyaa mi ingoni?
|
||
\v 27 Andaa a’i a’ini, Ma’jo anyini wo ra, anyer kuru: a’dusi anyile Erika na idi? Anyi saa anyile olule andaa maju ‘i?
|
||
\v 28 Ongu ‘dakii andaa ni, ku’jokii, Nyi Andaa maju ‘i, ti ama Musa a maju ‘i,
|
||
\v 29 Amani anda Rubanga lo’joru Musa ni: ti ago ‘dii amani ku kare Andaa engare gar ii.
|
||
\v 30 Mo’di ile a’i ku’jo a’ini, ‘Dii le’jo opko rii, a’dusia anyini ku kare Andaa engare gar ii, ti Andaa awi maa mi ni.
|
||
\v 31 Amani Rubanga eri enji’ba ku, ti de mo’di kuru Rubanga pi kede nga Rubanga a lele rii, Rubanga keri andaa ni.
|
||
\v 32 E’do anda eze eze ‘ba eri kuru ado mo’di zi awi mo’di zi tile mi ako ri ni mi ra.
|
||
\v 33 De mo’di ‘di enga Rubanga di ku, Andaa ate nga zi edeka ku.
|
||
\v 34 A’ikii ku’jokii andaa ni, Nyi gbari anda ati nyi enji aga, nyeleni ama nyi? Ongu dokii andaa ni pi.
|
||
\p
|
||
\v 35 Yesu eri ado andaa ni pi, ti de kumu kesu andaa ni idi, ku’jo andaa ni, Nya’i ‘Bura Rubanga dir a?
|
||
\v 36 Andaa a’i ku’jo, Andaa ni a’di’i ya, Opi, e’bedu ama’i Andaa ni?
|
||
\v 37 Yesu ku’jo andaa ni, Nyinde Andaa ni ra, Ongu saa Andaa ni ‘dii, loro’jore nyito rii.
|
||
\v 38 Ongu andaa ku’jo, Opi, ma’i ra. Ongu andaa wo Andaa ni andaga.
|
||
\p
|
||
\v 39 Yesu ku’jo, Memu vu dige ‘dia le’jo lalire, e’bedu a’i nga nde’ba ku rii kundekii; a’i nga nde’ba rii kecorudu mi ako.
|
||
\v 40 Ongu Farisei’ba zi anda olure Andaa to ri, erikii le’jo ‘dii, ku’jokii Andaa ni, Ama saa ama mi ako?
|
||
\v 41 Yesu ku’jo a’ini, Kesu anyi mi ako, tebe’dii anyi enji ako: ti diadu anyi’joo, Amande nga, ayosi anya enji kolu ru.
|
||
\c 10
|
||
\cl Sura 10
|
||
\p
|
||
\v 1 Yesu ku’jo a’ini, gbagbadu ma’jo anyini, mo’di kwire goro aga kotisi ku rii, ti kutu leti zisi, andaa ni ogu pi kuraka re.
|
||
\v 2 Ti mo’di kwire kotisi rii andaa ni indilei.
|
||
\v 3 Koti lu’bure kawi koti andaa ni; bilo keri andaa u’duku ‘i: andaa kulungwe andaa bilo rusi pi andaa keyi a’i laangwe.
|
||
\v 4 De andaa keyi andaa bilo tuwadu laangwe, andaa kalaga a’ini ati, pi bilo kuko andaa vu ‘i: a’dusia a’i ni andaa u’duku ra.
|
||
\v 5 A’i oko mo’dizii ni vu ku, ti kufekii andaa disi pi; a’dusia nikii mo’di ile a u’duku ku.
|
||
\p
|
||
\v 6 Yesu ‘jo o’do ‘dii a’ini, ti erikii le’jo ni ekwi Andaa ‘jole a’ini ri kuru.
|
||
\v 7 Ongu Yesu ‘jo a’ini idi, Gbagbadu ma’jo anyini, Ma koti bilo dii.
|
||
\v 8 ‘Ba tuwadu anda evo’ba mani ati rii, a’i ogu pi kuraka’ba: bilo eri a’i kuru.
|
||
\v 9 Ma koti: mo’di kwire madisi rii, andaa kumu kala-riru ra, pi kumu kutoru pi kekwi pi kekwi, kesu onya loso rii.
|
||
\v 10 Ogu kemu nga zisi ku, ti nga ogurega pi ‘direga, pi enjirega: Memu e’bedu kolukii lidi, pi e’bedu a’ia lidi kolu loso ambamba.
|
||
\p
|
||
\v 11 Ma indilei loso rii: indilei loso ri kuke andaa lidi andaa bilo si.
|
||
\v 12 Ti mo’di i’bu edere rubiasi rii, indilei gba ku rii, bilo andaa dii gba rii ku rii, de kunde o’du kemu, ke’be bilo, kufe pi, o’du kuko a’i kare a’i pi.
|
||
\v 13 Andaa kufe pi a’dusia andaa ni mo’di i’bu edere rubiasi rii, andaa ra nga bilo dige ku.
|
||
\v 14 Ma indilei loso rii, mani maa bilo ‘ja, a’i saa nikii ma ‘ja.
|
||
\v 15 Kende Ata a mani nizo riani, ma saa mani Ata ni ra: pi make maa lidi bilosi.
|
||
\v 16 Ma bilo zito saa, a’i goro ‘di dii ku: dubale amezi a’i pi a’i kuvo keri maa u’duku ra: pi kumu kolu goro alu pi indilei alu.
|
||
\v 17 Le’jo ‘disi maa Ata le ma ra, a’dusia make maa lidi, ongu mate ‘dukana idi.
|
||
\v 18 Mo’dizi ate ‘dukana madisi ku, ti makee maanga a’dule. Ma opko to kerega, ongu ma opko to ‘durega idi. Cara ‘dii mesu Mata disi.
|
||
\p
|
||
\v 19 Yudaya’ba lapirukii le’jo ‘disi ra.
|
||
\v 20 ‘Ba karako ku’jo, Andaa ni endi injwi ri to, pi maamali, a’dusi anyeri andaa ni?
|
||
\v 21 Zi ku’jo, Le’jo dii mo’di endi injwi ri to rid ii ku. Endi injwi ri kate mo’di mi ako ri ni mi awika?
|
||
\p
|
||
\v 22 Anda karama kenisa azizo ri aa Yerusalemu ga, esu vu ayi.
|
||
\v 23 Yesu lawe kenisa aga baranda Silimani di nigasi.
|
||
\v 24 Ongu Yudaya’ba evokii tarukii Andaa bara ga ku’jokii Andaa ni, Nyi’jo le’jo gba ri amani a’dungani? De nyi Kristu ‘i ‘jo amani pelere.
|
||
\v 25 Yesu a’i a’ini ku’jo, anda ma’jo anyini ra, ti anya’i kuru, i’bu maa edele Mata a rusu rii, kunge le’jo maa ruge ni.
|
||
\v 26 Ti anya’i ku a’dusia anyi maa bilo ‘i ku, kende anda maa’jozo anyini ri ani.
|
||
\v 27 Maa bilo keri maa u’duku ‘i, pi mani a’ira, ongu a’i koko maa vu ‘i.
|
||
\v 28 Make a’ni lidi lokore ku rii, vo dakii ku pi mo’di zi iyo mure a’ini eparega maa diga si.
|
||
\v 29 Mata ni anda a’ini ekere mani rii, Andaa ni amba zwa ‘ba tuwadu, pi mo’di zi atere a’ini eparega Mata a diga sin a iyo.
|
||
\v 30 Ama Mata to ama alu.
|
||
\p
|
||
\v 31 Ongu Yudaya’ba ‘dukii oni idi Andaa ni wazo.
|
||
\v 32 Yesu a’i a’ini, Me’dete anyini i’bu karako loso engare Mata dir ii, i’bu ingosi anyile mani waka onisi rii?
|
||
\v 33 Yudaya’ba a’ikii Andaa ni ku’jokii, i’bu loso risi amawa nyi onisi ku, ti la’dasi, a’dusia nyi mo’di isa rii, nyile nyini’bale Rubanga du.
|
||
\v 34 Yesu a’i a’ini, Acwi anyidi caraga kuru, Ma’jo anyi rubanga?
|
||
\v 35 De Andaa kulungwe a’i rubanga a’i anda le’jo Rubanga di emu a’ini ripi (pi Buku ate renj-ika du ku);
|
||
\v 36 Anyi’joo malu’da nga, ma gba mo’di Ata a ‘bale mgbi, ongu ezwele vu dige rii, maa ‘joka ma ‘Bura Rubanga dii si?
|
||
\v 37 De mede i’bu Mata a dii ku, anya’i ma ku, ti de medee, kolu anya’i ma ku saa, anya’i i’bu ayo, e’bedu anyate nika pi a’ika,
|
||
\v 38 Ata ni mani aga pi ma Andaa ni aga.
|
||
\p
|
||
\v 39 Ayosi lekii Andaa ni koka idi: ti Andaa naru pi a’ia digasi,
|
||
\v 40 ongu Andaa mu Yurudani a’doga idi, kare anda ati Yuwani a ‘ba ni batisimu kerega ri niga rii, pi Andaa olu laka nale.
|
||
\v 41 ‘Ba karako evokii Andaa di, ku’jokii, Yuwani anda ede nyuma kuru, ti le’jo tuwa andaa ‘jole mo’di ‘di a ruge rii anda gba.
|
||
\v 42 ‘Ba amgbu naa rii erikii le’jo Andaa ‘jole ri ra.
|
||
\c 11
|
||
\cl Sura 11
|
||
\p
|
||
\v 1 Ti anda mo’dizi lajwa to, runa Lazero ‘i, Betania gar ii, ‘boru Maria pi di Marta to.
|
||
\v 2 (Maria ‘dii andaa ni anda Opi ni tire odu sir ii, Andaa pa ni lire andaa di’bi sir rii, adozi Lazero ni run a injwi ni).
|
||
\v 3 Ayosi andaa avunji zwe ofu Andaa di, ku’jokii, Opi, nde, andaa ni nyaa lele ndo ri run a injwi.
|
||
\v 4 De Yesu keri ileni, ku’jo, Lajwa ‘dii ate andaa ni ‘dika ku, ti Rubanga ni eku esuzo, e’bedu Rubanga ni ‘Bura kesu eku ayosi.
|
||
\v 5 Esu Yesu le Marta pi ambazi to, Lazero nil aka.
|
||
\v 6 De Andaa keri a’jo andaa ru injwi, Andaa olu kare Andaa olure ga ri niga o’du ri.
|
||
\p
|
||
\v 7 Ongu ‘di a vuga Andaa ku’jo Andaa maju ni, Avokii Yudaya ga idi.
|
||
\v 8 Andaa maju ku’jo Andaa ni, Laponyi, Yudaya’ba le nyini wale onisi iniri ‘dii, ongu nyimu nale idi?
|
||
\v 9 Yesu a’i, saa mudi a limbi ri ku o’du alu aga? De mo’di kalawe itu, andaa reru ku, a’dusia andaa kunde ingwe vu dige ‘dii.
|
||
\v 10 Ti de mo’di kalawe ini, andaa kureru ra, a’dusia ingwe andaa to iyo.
|
||
\p
|
||
\v 11 Andaa lu’jo Lu’jo le’jo ‘dii, ‘di a vuga Andaa ku’jo a’ini, Ama rozi Lazero ni ko’duli, ti mamu andaa ni enjire o’duge si.
|
||
\v 12 Ongu Andaa maju ku’jo, Opi, de andaa kuko’duli, kenjira.
|
||
\v 13 Yesu ‘jo le’jo andaa dazo rii; ti a’ira Andaa ‘jo le’jo lovuzo o’dusi rii.
|
||
\v 14 Ongu Yesu ‘jo a’ini pelere, Lazero dara.
|
||
\v 15 Ongu maa asi i’bwe anyisi a’dusia ma nale ku, e’bedu anya’i; ti avokii andaa di
|
||
\v 16 Ongu Tomasi ni lungwele Didumo ‘i rii, ku’jo andaa rozi maju ‘baazi ni, Ama saa avokii, e’bedu amoda Andaa to.
|
||
\p
|
||
\v 17 De Yesu kemu, esu andaa olu ‘budi aga ini su.
|
||
\v 18 Betaniya ni ititi Yerusalemu to ate maili ri ku.
|
||
\v 19 Yudaya’ba karako evokii Marta pi di Maria to a’ia asi ni e’bwere ga a’ia adozi si.
|
||
\v 20 Ongu Marta de keri a’jo Yesu kemu, andaa mu dina ni loswire: ti Maria le olu zoga.
|
||
\v 21 Ongu Marta ‘jo Yesu ni, Opi, de anda kolu nyi ‘dia, tebe’di maa adozi da kuru.
|
||
\v 22 Ti diadu saa manira, nga tuadu nyaa mule a’ile Rubanga dir ii, Rubanga kumu kukee nyini ra.
|
||
\v 23 Yesu ku’jo andaa ni, Nyaa adozi kumu kenji idi.
|
||
\v 24 Marta ku’jo Andaa ni, Manira, andaa kumuk kenji idi tozo o’du ‘baa enjinga vu a lokozo ri nig a.
|
||
\v 25 Yesu ku’jo andaa ni, Ma enjika pi lidi to: mo’di mani a’ire rii, de kolu kuda ra saa, andaa kumu kolu lidi.
|
||
\v 26 Ongu ‘ba tuwadu lidi mani a’i’ba rii vo dakii ku ini tuwadu. Nya’i ‘di ra?
|
||
\v 27 Andaa ku’jo Andaa ni, Eyoo, Opi: Ma’ira nyi Kristu ‘i, Rubanga ni ngwa emure vu dige rii.
|
||
\p
|
||
\v 28 De ku’jo ileni, andaa mu lungwe ambazi Maria ni maraga, ku’jo laka Laponyi emura, kulungwe nyi.
|
||
\v 29 De andaa keri ileni, andaa nga oru ezeze emu Andaa di.
|
||
\v 30 Esu Yesu adi esa ‘boru kuru, ti Andaa olu kare Marta Andaa ni esure ga riniga.
|
||
\v 31 Ongu Yudaya’ba anda olu’ba andaa to zoga, andaa ni asi e’bwerega rii, de kundekii Maria nga oru eze fu laangwe, kokii andaa vu, kuraakii, andaa kumu ‘budige owurega nale.
|
||
\p
|
||
\v 32 Ongu de Maria kemu kare Yesu a edere ga ri niga, nde Andaa ni pi ‘de vuru Andaa paga, ku’jo Andaa ni, Opi, de anda kolu nyi ‘dia, tebe’dii maa adozi da kuru.
|
||
\v 33 De Yesu kunde andaa ouka, Yudaya’ba evore andaa to rii saa koukii, Andaa asi ngu mgbu.
|
||
\v 34 Ku’jo a’ini, Anyi’ba andaa ni inguwa? Ku’jokii Andaani, Opi, emu ndee.
|
||
\v 35 Yesu ‘de ousi.
|
||
\v 36 Ongu Yudaya’ba ku’jokii, Anyinde Andaa le andaa ni ingoni.
|
||
\v 37 ‘Bazi ku’jo, Mo’di ‘di awi mo’di mi ako ri ni mi ra, Andaa ateku mo’di ‘di ni lugarega dare ga si ku?
|
||
\p
|
||
\v 38 Ongu Yesu ni asi lajwa idi emu ‘budi ge. Esu ‘budi na ugi, aku tina oni si.
|
||
\v 39 Yesu ku’jo, Any’du oni ‘di pi. Marta, mo’di dare ri ambazi ku’jo Andaa ni, Opi, diadu agi na kungu injwi a’dusia olu o’du su da aga.
|
||
\v 40 Yesu ku’jo andaa ni, Ma’jo nyini kuru, de nya’ira nyimu nyinde eku Rubanga dir a?
|
||
\p
|
||
\v 41 Ongu ‘dukii oni pi ‘bu tigesi. Yesu ngi mi oru, ku’jo, Ata, manjo nyi a’dusia nyeri ma ra.
|
||
\v 42 Manira nyeri ma ini tuwadu: ti a’dusia ‘ba ede’ba ‘d si ma’joo ayosi, e’bedu ka’ikii a’jo nyezwe ma nyi.
|
||
\v 43 De Andaa ‘jo ‘dini, Andaa jwa u’duku okposi, Lazero, efu laangwe.
|
||
\v 44 Andaa ni dare ra ri efu laangwe, ombe pana pi dina to bongu ‘ba sezo risi: andana ombe mondilisi. Yesu ku’jo a’ini, Anyayu ra, anye’be kumu.
|
||
\p
|
||
\v 45 De Andaa ‘jo ‘dini, Andaa jwa u’duku okposi, Lazero, efu laangwe.
|
||
\v 46 Andaa ni dare ra ri efu laangwe, ombe pana pi dina to bongu ‘ba sezo risi: andana ombe mondilisi. Yesu ku’jo a’ini, Anyayu ra, anye’be kumu.
|
||
\v 47 Ongu ‘ba nga azi’ba Rubanga ni ri pi Farisei’ba to emurukii lokiko ga, ku’jokii, Amede a’du? A’dusia mo’di ‘dii kede nyuma karako.
|
||
\v 48 De ame’be Andaa ni ‘dini, ‘ba tuwadu kuvo ka’i Andaa ‘i: Roma’ba kuvo ku’du ama kare ama suru to pi.
|
||
\p
|
||
\v 49 Mo’di alu a’idii, runa Kayafa ‘i, esu andaa ni mo’di amba nga azire Rubanga ni kinya nasi rii, ku’jo a’ini, Anyini nga alu saa ku.
|
||
\v 50 Kolu lara saa anyira ku, Duba amani mo’di alu kuda ni ‘basi, e’bedu suru tuwadu kuda du ku.
|
||
\v 51 Andaa ‘jo le’jo ‘di andaa ngasi a’dule ku: ti esu andaa ni mo’di amba nga azire Rubanga ni kinya nasi rii, andaa e’dete a’jo Yesu kumu kuda suru ‘disi.
|
||
\v 52 Suru ‘disi a’dule ku, ti saa e’be Andaa kumu kemu ‘bonji Rubanga di aca’ba kare zigesi ri kare alu ga.
|
||
\v 53 E’doru o’du nasi kulundukii leti Andaa ni ‘dizo.
|
||
\p
|
||
\v 54 Ayosi Yesu lawe wok u kare okolega Yudaya’ba lelega si; li nga mu kare ire mondi ti ri nig a, ‘ba a lungwele Efuraimu ri niga, olu laka Andaa maju to.
|
||
\p
|
||
\v 55 Esu karama lagazo Yudaya’ba di ire; ‘ba amgbu engakii a’idi ‘boru si vokii Yerusalemu ga a’ini ro’bazo itu ogboro ni.
|
||
\v 56 Ongu ndukii Yesu ni, lo’jorukii a’ia’ini, lele a’ia edere kenisa agar ii, Anyira a’du, Andaa emu karama ga ku?
|
||
\v 57 ‘Ba amba nga azika Rubanga ni ri Farisei’ba to keki cara a’jo de mo’di kuni kare Andaa olurega rira, andaa ke’dete a’ini, e’bedu a’i kate Andaa ni koka.
|
||
\c 12
|
||
\cl Sura 12
|
||
\p
|
||
\v 1 Esu lesi o’du azia katedu karama lagazo rii, Yesu emu Betaniya ga, kare anda Lazero a olurega rii, andaa ni anda dare Yesu a enjile daga sir ii.
|
||
\v 2 Edekii Andaa ni onya undwe rii naa, Marta luke onya ni: ti Lazero ni anda alu a’ia lelega ori’ba onyaga kare alu ga Andaa to rii.
|
||
\v 3 Ongu Maria e’du odu lage opko ngure viya rii, efu Yesu a pa du, kudi lia andaa di’bi si: pi zo ni a elili odu ile ni agisi ambamba.
|
||
\p
|
||
\v 4 Ongu mo’di alu Andaa maju ni lelega, runa Yuda Kariota ‘i, andaa ni mure Yesu ni esikire rii, ku’jo,
|
||
\v 5 Esu odu ‘dii elezi gine miya na si, pi ake candi ‘ba ni ku a’dusi?
|
||
\v 6 Andaa ‘jo ‘dii candi ‘ba raka si ku, ti a’dusia andaa ni ogu, kubegu kolu andaa di pi andaa ku’du nga andaa ni agasi andaa leka si.
|
||
\v 7 Yesu ku’jo, E’be andaa kolu, anye’be kede nga evole edele maa ruge o’du mani esizo ri niga rii.
|
||
\v 8 A’dusia anyolu candi’ba to o’du tuwadu; ti ma anyito o’du tuwadu ku.
|
||
\p
|
||
\v 9 Yudaya’ba karako nikii a’jo Andaa ni aa nale: evokii Yesu ni ndere a’dute ku: ti lekii Lazero ni ndele saa, mo’di anda Andaa enjile da asi rii.
|
||
\v 10 Ti amba kenisa di amakii le’jo Lazero ni ‘dizo saa to.
|
||
\v 11 A’dusia andaa si Yudaya’ba karako a’ikii Yesu ni ra.
|
||
\p
|
||
\v 12 Lovurunasi, laki evore karama gar ii, de kerikii a’jo Yesu kemu Yerusalemu ga,
|
||
\v 13 ‘dukii ici ni du vokii Andaa ni di loswire, ojwakii, Ozana, Opi Israeli dii anda na loso, emure Opi a rusi rii.
|
||
\v 14 De Yesu kesu kaino ni ngwa ra, ri dina niga. Kende cwizo ra ri ani,
|
||
\v 15 Akori ku, injonji Sioni di, nde, anya Opi kemu, ri kaino angwa dige.
|
||
\p
|
||
\v 16 Le’jo ‘dii maju ni ekwina ku, ti de kenji eku to iledii, erakii le’jo ‘di a’jo anda acwi Andaa ruge ni ra, pi edekii le’jo ‘di Andaa ni.
|
||
\p
|
||
\v 17 ‘Ba anda olu’ba Andaa to lele Andaa Lazero ni lungwezo ‘budi asi, kudi enjia daasi rii a’i sadenia.
|
||
\v 18 Le’jo ‘disi saa laki vo Andaa di ni loswire, a’dusia erikii nyuma Andaa edele ri ra.
|
||
\v 19 Ongu Farisei ‘ba lo’jorukii a’ia’ini, Anyinde, anyate nga zi edeka wok u? Nde, ‘ba tuwadu kuko Andaa vu ‘i.
|
||
\p
|
||
\v 20 Esu Girigi’ba aa a’ia lelega evore Rubanga rure ga karama gar ii.
|
||
\v 21 Evokii Filipo di, andaa ni anda Betesaida Galilaya ga ri nig a rii, zikii andaani, ku’jokii, Amba, amale Yesu ni ndele.
|
||
\v 22 Filipo emu ‘jo Anderiya ni. Andereya pi Filipo to vo ‘jokii Yesu ni.
|
||
\v 23 Yesu a’i a’ini ku’jo, Saa esawora Ori Mo’di kesudu Andaa eku.
|
||
\v 24 Gba gbadu, ma’joo anyini, de anya ni ekwi ku’de vuru ku, kuda ku, andaa kolu a’dule: ti de kudara ku’ba ekwi karrako.
|
||
\v 25 Mo’di andaa lidini lererii kumu kelegweera; mo’di andaa lidi nig are vu dige ‘diari, kumu kesu lidi lokoreku rira.
|
||
\v 26 De mo’di kede i’bu madii, e’be andaa koko maa vu ‘i, karemaa olurega rii, mo’di madii saa kolu laka: de mo’di kede i’bu madii, Mata kuke andaa ni laru ra.
|
||
\p
|
||
\v 27 Diadu maa asi kalajwa; mamu ma’jo a’du? Ata lari ma saa ‘disi: ti le’jo ‘disi memu ‘dia saa ‘disi.
|
||
\v 28 Ata, ke eku nyaa runi. Ongu u’duku emu ru’bugesi, ku’jo, Nake ekuu ni ra, ongu mamu makee eku laka idi.
|
||
\v 29 ‘Ba anda ede’ba Andaa to ititi rii erikii, ku’jokii, vu kuluzu, ‘bazi ku’jo, Malaika kolo’joru Andaa to ni.
|
||
\v 30 Yesu ai ku’jo, u’duku ‘dii emu masi ku, ti emu anyisi.
|
||
\v 31 Diadu le’jo lika vuni aa: diadu avo ado opi vu ‘didi pi.
|
||
\v 32 Ma saa de avo akungi ma oru vurusi, mamu meku; ba tuwadu madi.
|
||
\v 33 Andaa ‘jo ‘dii e’dete Andaa da ni ovi Andaa muzo dazo ri du.
|
||
\p
|
||
\v 34 ‘Ba a’i Andaa ni, Ameri caraga a’jo Kristu ni kolu ‘bo’bodu: a’dusi nyi’joo Ori Mo’di ni duba akungi oru? Ori Mo’di ni ‘di a’di’i ya?
|
||
\v 35 Ongu Yesu ku’jo a’ini, Adi lesi ga ingwe aa anyito. Anyalawe lele ingwe a oluzo anyito aa ri ani, vu ke’be nika anyini: a’dusia mo’di lawere vu ini asir rii ni kare andaa murega ri ku.
|
||
\v 36 De ingwe aa anyito, anya’i ingwe ile ‘i, e’bedu anyolu ‘bonji ingwedii. Le’jo ‘dii Yesu ‘jo pi mu zuru a’ini di.
|
||
\v 37 Ti kolu Andaa kede nyuma karako a’ini ileni saa a’i a’i Andaa ni kuru.
|
||
\v 38 E’bedu le’jo profeta Izaiya a ‘jole rii kederu du, andaa ‘jozo, A’di a’i ama le’jo ni? A’di nde Opi a dini?
|
||
\v 39 Ayosi atekii a’ikana ku, a’dusia Izaiya ongu ku’jo idi,
|
||
\v 40 Andaa lu’bu a’ia mi cwi, Andaa emba a’ia asi opko; dudu kundekii a’ia misi ku, kunikii du a’ia asisi ku, kecorukii du, pi madi a’ini adi.
|
||
\p
|
||
\v 41 Le’jo ‘dii Izaiya ‘jo a’dusiya andaa nde Andaa eku’i, ongu ‘jo le’jo Andaa si.
|
||
\p
|
||
\v 42 TI opi amba ri a lelega karako a’ikii Andaa ni ra; ti a’dusia Farisei’basi, a’ile Andaa le’jo ni ‘joka ku, adi a’ini do zo elegi di niga si pi ku.
|
||
\v 43 A’dusia a’ile recuka ‘badii zwa recuka Rubanga dir a.
|
||
\p
|
||
\v 44 Yesu ojwa ku’jo, Mo’di mani a’irerii a’i mai ku, ti a’i mo’di mani ezwere rii.
|
||
\v 45 Ongu mo’di mani ndere rii, nde mo’di mani ezwere ri ra.
|
||
\v 46 Memu vu dige olurega ingwe du, e’bedu ‘ba tuwadu mani a’I’ba rii kolukii vu ini aga ku.
|
||
\p
|
||
\v 47 De mo’di keri maa le’jo ‘i, ka’iku, mali laka le’jo ku, a’dusia memu le’jo lirega vu ni ku, ti vu larirega.
|
||
\v 48 Mo’di mani gare, maa le’jo ni kore ku rii, andaa le’jo ni lire aa: le’jo maa ‘jole rii, ile kumu kuli laka le’jo vu a lokonga
|
||
\v 49 A’dusia molo’joru masi a’dule ku; ti Ata mani ezwere rii, Andaa eke mani mori nile’jo mani ‘jole pi mani ngele ri to.
|
||
\v 50 Mani a’jo cara Andaa di andaa ni lidi olure tadu rii: ayosi le’jo tuwadu maa ‘jole, ma’joo kende Ata a ‘jozo mani riani.
|
||
\c 13
|
||
\cl Sura 13
|
||
\p
|
||
\v 1 De adi karama lagazori esa kuru, Yesu ni a’jo saa Andaa di esara Andaa ni ngazo vu dige si muzo Atadi, esu Andaa le ‘ba Andaa di vu dige rii; le a’i sa ko lokorega (tadu).
|
||
\v 2 Lele a’ia nga nyare rii, esu Sitani ‘ba Yuda Kariota ori Sumoni ni asige Yesu ni lezizo’.
|
||
\v 3 Yesu nira a’jo Ata eke nga tuwadu Andaa diga, pi Andaa enga Rubanga di ongu Andaa kumu Rubanga di,
|
||
\v 4 nga onya tigesi twi Andaa bongu ‘ba maraga; Andaa ‘du futa ‘i Andaa opige,
|
||
\v 5 ongu Andaa cu iyi lo’we aga, e’do maju ni pa jweka pi lika to futa Andaa ‘ile opige risi.
|
||
\p
|
||
\v 6 DE Andaa kesa Simoni Pettero di, Petero ku’jo Andaa ni, Opi, Nyijwe maa pa nyi?
|
||
\v 7 Yesu ku’jo andaa ni, Nga maa edele ‘dii nyini diadu ku: ti nyimu nyinie o’du vule ra.
|
||
\v 8 Petero ku’jo Andaa ni, nyimu nyijwe maa pa alu saa ku. Yesu a’i andaa ni, de majwe nyi ku nyi mo’di madii ku.
|
||
\v 9 Simoni Petero ku; jo Andaa ni, Opi, maa pa ‘i papala ku, ti maa di pi maa di to saa.
|
||
\v 10 Yesu ku’jo andaa ni, Mo’d ru jwere ra rii le ru jweka idi ku, ti pa na’i papala, a’dusia andaa ru tuwadu okole, anyi okole ti anyi tuwadu ku.
|
||
\v 11 A’dusia Andaa ni mo’di Andaa ni lezire ri ra, ayosi Andaa ku’jo anyi tuwadu okole ku.
|
||
\p
|
||
\v 12 De Andaa kujwe a’ia pa ra, Andaa ‘du Andaa bongu, ri vuru idi, ku’jo a’ini, Anyini nga maa edele anyini ri ra?
|
||
\v 13 Anyulungwe ma Laponyi pi Opi, anyi’joo loso a’dusia ma andaani,
|
||
\v 14 De ma anya Opi’i, pi Laponyi’i, majwe anya pa ra, anyi saa duba anyilujwe anya pa anyi anyini.
|
||
\v 15 A’dusia mede ‘dii me’dete anyini leti, anyi saa anyede kende maa edezo anyini riani.
|
||
\v 16 Gba gbadu ma’jo anyini, Opigo olu amba zwa andaa opi ku, ongu mo’di ezwele rii olu amba zwa mo’di andaa ni ezwere ri ku.
|
||
\v 17 De anyini le’jo ‘di ratutu kolu anyito de anyedee ayo na’i.
|
||
\v 18 Ma’jo anyini tuwadu ku, ti mani: Mani a’i maa ‘dule rii ra, ti e’bedu Buku kederudu andaa kareniga, Andaa ni nga nyare mat rii ecoru maa o’ja rezi.
|
||
\p
|
||
\v 19 Diadu ma’jo anyini esu adi esa kuru du, e’be de kumu kesa ra, anyivo anya’ie a’jo ma andaa’i.
|
||
\v 20 Gba gbadu ma’jo anyini, Mo’di maazwele ri ni a’ire rii a’i ma’i, ongu mo’di mani a’ire rii andaa a’i mo’di mani ezwere rii.
|
||
\p
|
||
\v 21 De Yesu ku’jo le’jo dii, Andaa asi lajwa, ku’jo, Gba gbadu ma’joo anyini, mo’di alu anya lelega kumu kelezi ma ra.
|
||
\v 22 Maju lunderu mige mige, rakii Andaa ku’jo le’jo dii a’disi.
|
||
\v 23 Maju alu, andaa ni anda Yesu a lele ndo rii, atiru Yesu agaga.
|
||
\v 24 Simoni Petero epe andaa ni disi, dudu Andaa ku’jo mo’di Andaa bele rii.
|
||
\v 25 Ongu andaa atiru Yesu agaga ku’jo, Opi, a’di’i?
|
||
\v 26 Yesu a’i, Andaa ni mo’di maa mule linya dule itu aga rini kerega rii. De Andaa kudu linya itu agar a, Andaa ke Yuda ori Sumoni Kariota ni.
|
||
\v 27 De andaa ka’i linya ile ra, Sitani kwi wo andaa asige, ongu Yesu ku’jo andaa ni, Nga nyaa mule edele rii ede ezeze.
|
||
\v 28 Ti mo’di zi iyo mejaga zire a’dusi Andaa ‘jo le’jo andaa ni ileni.
|
||
\v 29 ‘Bazi rakii a’dusi Yuda ni kubegu to, a’jo naa Yesu ku’jo andaa ni, Ge nga amalele karama ni rii; deku, a’jo andaa kuke nga candi’ba ni.
|
||
\v 30 De andaa ka’i linya ilera, andaa fu laangwe rere, esu vu ini.
|
||
\p
|
||
\v 31 De andaa kufu laangwe pi, Yesu ku’jo, Diadu Ori Mo’di ni kesu Andaa eku, ongu Rubanga saa kesu eku Andaa si.
|
||
\v 32 De Rubanga kesu eku Andaa si, Rubanga saa kumu ku’ba eku Andaa ni Andaa si, rere Andaa kumu ku’ba eku Andaa ni.
|
||
\p
|
||
\v 33 ‘Bonjii, Adi lesi ga molu anyito. Anyivo anyindu ma kende anda maa ‘jozo Yudaya’ba ni riani, Kare maa murega rii anyivo laka kpe; diadu ma’jo anyini ileni.
|
||
\v 34 Make anyini cara u’di rii, Anyileru ndo; kende maa anyini lezo riani, anyi saa anyileru ndo.
|
||
\v 35 ‘Disi ‘ba tuwadu kuvo kunie a’jo anyi maa maju’i de anyileru ndo na’i.
|
||
\p
|
||
\v 36 Simoni Petero ku’jo Andaa ni, Opi, nyimu inguwa? Yesu a’i andaa ni, Kare maa murega rii, nyate ma vu ni koka laka diadu ku, ti nyimu nyiko maa vu vulega.
|
||
\v 37 Petero ku’jo Andaa ni, Opi, a’dusi mate nyaa vu ni kokaa diadu ku? Mamu make maa lidi nyisi.
|
||
\v 38 Yesu a’i andaa ni, Nyimu nyike nyaa lidi masi? Gba gbadu, majoo nyini, Adi a’ulogo sa sira sorega kuru du, esuo nyiga ma vu na.
|
||
\c 14
|
||
\cl Sura 14
|
||
\p
|
||
\v 1 Anyaa asi kalajwaku. Anya'i Rubanga, anya'i ma saa ma.
|
||
\v 2 Mata'di zoga kare oluzori aa karako: De kolu ileni ku, tebee'dii majo anyini, Mamu anyini kare edere.
|
||
\v 3 De mamu mede anyini kare edere'e ga ra, mamu mengwi idi, anyi a'ire madi, ebedu kare maa olure ga rii, anyi saa anyolu laka.
|
||
\v 4 Kare maa murega rii anyini ra, leti saa anyini ra.
|
||
\p
|
||
\v 5 Tomasi ku’jo Andaa ni, Opi, amani kare nyaa murega ri ku, leti na amanie ingo ngoni?
|
||
\v 6 Yesu ku’jo andaa ni, Ma leti, pi gba, pi lidi; mo’dizi iyo murega Matadi, de masi ku na’i.
|
||
\v 7 De kolu anda anyini ma ra, tebe ‘dii anyini Mata ni saa ra: enga diadu anyini Andaa ni ra, pi anyinde Andaa ni ra.
|
||
\p
|
||
\v 8 Filipo ku’jo Andaa ni, Opi, E’dete amani Ata, kate ama ra.
|
||
\v 9 Yesu ku’jo andaa ni, molu anyito ‘dinipi godu, adi nyini ma ku Filipo? Mo’di mani ndere ri nde Ata ra, ongu nyi’joo ingoni, E’dete amani Ata?
|
||
\v 10 Nya’i ku a’jo ma Ata aga, pi Ata ma aga? Le’jo maa ‘jole anini rii ma’joo maanga masi a’dule ku ti Ata olure maa agar ii, Andaa kede I’bu ni.
|
||
\v 11 Anya’i ma a’jo ma Ata aga, pi Ata maa aga: de ileni ku, anya’i I’bu maa edele rii.
|
||
\v 12 Gba gbadu ma’jo anyini, Mo’di mani a’ire rii I’bu maa edele rii andaa saa kumu kedee ra; ongu kedee kuzwa ‘di ra: a’dusia mamu Mataadi.
|
||
\v 13 Ongu nga tuwadu anya vole a’ile maa rusi rii, mamu medee ra, e’bedu Ata kesu eku Ngwa si.
|
||
\v 14 De anya’i nga zi maa rusi, mamu medeera.
|
||
\p
|
||
\v 15 De anyile mara, anyiko maa cara ‘i.
|
||
\v 16 Ongu mamu ma’i Ata, Andaa kumu kezwe anyini Asie’bwere, mo’di anyini ekonyire ri ra, e’bedu Andaa kolu anyito tadu.
|
||
\v 17 Andaa ni Endi Gba di ‘i vu a’i Andaa ni ku, a’dusia vu nde Andaa ni ku, ni saa Andaa ni ku: ti anyini Andaa ni ra: a’dusia Andaa kolu anyito, ongu kumu kolu anya aga.
|
||
\v 18 Mamu me’be anyi isa emvo du ku, mamu memu anyidi ra.
|
||
\v 19 E’beru ga vu nde ma ku, ti anyi anyinde ma ra, a’dusia ma lidi, anyi saa anyivo anyolu lidi.
|
||
\v 20 O’du nasi anyivo anyinie a’jo ma Mata ni aga, pi anyi maa aga, pi ma anya aga.
|
||
\v 21 Mo’di maa cara to pi vuna ni kore rii. Andaa ni ayo mo’di mani lere rii: andaa ni mani lere rii Mata kumu kule andaa ni ra, ma saa mamu male andaa ni ra, mamu me’deteru andaa ni.
|
||
\p
|
||
\v 22 Yuda (Kariota ‘i ku) ku’jo Andaa ni, Opi, nyimu nye’deteru amani ingoni, vu ni ku na’i?
|
||
\v 23 Yesu aka ku’jo andaa ni, Mo’di mani lere rii, andaa kumu kuko le’jo madii: pi Mata kumu kule andaa ni ra, pi amavo amevo andaa di, pi amavo amolu andaa to.
|
||
\v 24 Mo’di mani lere ku ri mba maa le’jo ni ta ku, le’jo anya erile rii madii ku, ti Ata mani ezwere ridi’i.
|
||
\v 25 Le’jo di ma’joo anyini, esu adi ma aa anyito du.
|
||
\v 26 Mo’di anyini ekonyire Andaa ni Endi Okole rii, Ata a mule ezwele maa rusi rii, Andaa kumu keleni anyi le’jo tuwa aga, ongu kumu keloko anyi le’jo tuwa anda maa ‘jole anyini ri ni erare ga.
|
||
\v 27 Me’be anyini I’bwe ayo, I’bwe madi makee anyini, makee anyini kende vu a kezo riani ku. Anya asi kalajwa ku, ongu saa anyori ku.
|
||
\p
|
||
\v 28 Anyeri wora kende maa ‘jozo anyini riani, Mamu pi, ongu mamu mengwi anyidi idi. Kolu anyile mara tebe’dii anya asi kolu I’bwe, a’dusia ma’jo mamu Ata di: a’dusia Ata ni amba zwa mara.
|
||
\v 29 Diadu ma’jo ‘di anyini esu adi esa kuru du, e’bedu de kumu kesa ra, anya’i du.
|
||
\v 30 Mamu ma’jo le’jo zi karako anyini ku: a’dusia opi vu ‘didi kemu; ongu andaa le’jo mad iyo.
|
||
\v 31 E’bedu vu kuni a’jo male Ata ra, kende Ata a cara kezo mani riani, medee ileani. Anyinga avokii.
|
||
\c 15
|
||
\cl Sura 15
|
||
\p
|
||
\v 1 Ma vino ni kwe gba rii, Mata ni amvu ni ata.
|
||
\v 2 Du tuwadu maa aga ‘are ku rii Andaa kugaa pi, du tuwadu ‘are rii Andaa kedee, e’bedu ku’a karako.
|
||
\v 3 Diadu anyi okole, le’jo maa; jole anyini risi.
|
||
\v 4 Anyolu maa aga, masa ma anya aga, kende du a aka kpe andaa nga si riani de kolu vini ni kwe ruge ku na’i; anyi saa anyate ku de anyolu ma aga ku na’i,
|
||
\v 5 Ma vino ni kwe, anyi du na’i, Mo’di olure maa aga pi ma andaa aga, andaa ku’ba o’a karako, a’dusia ma ako anyede ngazi kpe.
|
||
\v 6 De mo’di kolu maa aga ku, awa andaa ni pi, kende du ani, ko’wi, ata a’i, awa a’i asi aga, kugwekii ra.
|
||
\v 7 De anyolu maa aga, pi le’jo madi kolu anya aga, anyivo anya’i nga tuwadu anyalele rii, avo edee anyini ra.
|
||
\v 8 Le’jo ‘disi Mata kesu eku, de anyi’a karako na’i, ‘dini anyivo anyolu maa maju ‘i.
|
||
\p
|
||
\v 9 Kende Ata a mani lezo riani, masa male anyi ra, anyolu maa lale ni aga.
|
||
\v 10 De anyiko cara madii, anyivo anyolu maa le ni aga; kende mako cara Mata dii, molu Andaa le ni aga.
|
||
\v 11 Le’jo ‘dii ma’joo anyini e’bedu maa asi ni I’bwe kolu anya aga, pi e’bedu anya asi ni I’bwe kugadu de.
|
||
\v 12 ‘Dii cara madii, Anyileru anyi anyini, kende maa anyini lezo riani.
|
||
\v 13 Lale ‘di ni zware na mo’di zi di iyo, mo’dini andaa lidi ni kezo andaa rozi si.
|
||
\v 14 Anyi maa rozi ‘i, de anyiko cara maa kele anyini rii na’i
|
||
\v 15 Idisa malungwe anyi opigo du ku; a’dusia opigo ni nga andaa opi a edele ri ku: Ti malungwe anyi rozi; a’dusia nga tuwadu maa erile Mata disi rii ma’jo anyini ra.
|
||
\v 16 Anyulupe ma anyi ku, ti malupe anyi ma’i. Pi ma’ba ani e’bedu anyivo anyi’a ekwi, dudu anya ekwi kolu aa, e’bedu nga tuwadu anya a’ile Ata di maa rusi rii, Andaa kuke anyini.
|
||
\v 17 Le’jo ‘dii mecara anyini, e’bedu anyileru anyi anyini.
|
||
\p
|
||
\v 18 De vu evu anyi ra, anyini a’jo andaa evu ma ati, esu adi andaa evu anyi kuru du.
|
||
\v 19 De kolu anda anyi vu dii, tebe’dii vu kule andaa di lele rira, ti a’dusia anyi vu dii ku, ti malupe anyi vu ‘dini agasi, ayosi vu evu anyi ra.
|
||
\v 20 Anyira le’jo anda maa ‘jole anyini rii, Opigo olu amba zwa andaa opi ku. De kukekii mani icandi ra, kuvo kukekii anyini icandi saa ra: de kumbakii maa le’jo ni nita ra: kuvo kumbakii anya le’jo nita saa ra.
|
||
\v 21 Ti le’jo ‘di tuwadu kuvo kedeekii anya rug era maa rusi, a’dusia nikii mo’di mani ezwere ri ku.
|
||
\v 22 De anda kesu amemu ama’jo a’ini ku, tebe’di a’i enji ako: ti diadu kunarukii kpe a’ia enji nigasi.
|
||
\v 23 Mo’di manigare rii evu Mata ni saa ra.
|
||
\v 24 De anda amede a’ia lelega i’bu mo’di zi a edele kpe ri kuru, tebe’dii a’i enji ako: ti diadu ndekii, evukii ma Mata to ra.
|
||
\v 25 Ti le’jo ‘dii o’biru cwile a’idi caraga riani, A’i evuma isa.
|
||
\p
|
||
\v 26 Ti de Mo’di anyini ekonyire ri kemura, maa mule ezwele anyini rii, engare Ata disi rii, Andaa ni Endi gba di’i, engare Ata dirii, Andaa kumu kunge le’jo maa ruge ni.
|
||
\v 27 Anyi saa anyivo anyingee ra, a’dusia anye’do oluka mato eze.
|
||
\c 16
|
||
\cl Sura 16
|
||
\p
|
||
\v 1 Le’jo ‘dii ma’jo anyini ra dudu anyi’de a’iga si ku.
|
||
\v 2 A’i kuvo kudo anyi zo elegi di ni agasi pi. Ti saa kumu kemura, ‘ba tuwadu anyi ni ‘di’ba rii kuvo kurakii a’jo a’i kede I’bu Rubanga dii.
|
||
\v 3 Le’jo ‘dii a’i kuvo kedee anyini ra a’dusia a’i ni Ata ni ku kolu ma’i saa ‘i.
|
||
\v 4 Ti le’jo ‘dii ma’jo anyini, e’bedu de saa kumu kemu ra, anyivo anyeraa andani ma’jo anyini ra. Ma’jo le’jo ‘di anyini eze kuru, a’dusia esu ma aa anyito.
|
||
\p
|
||
\v 5 Ti diadu mamu mo’di anda mani ezwere ri di: ti mo’di zi iyo anya lelega zire, Nyimu inguwa na’i?
|
||
\v 6 Ti maa anyini le’jo ‘d ni ‘joka si anyini as kalajwa.
|
||
\v 7 Ti ma’jo anyini gba, ‘Dii loso anyini de amamu pi na’i, a’dusia de amamu ku, Asie’bwere emu anyidi ku, ti de amamu ra, mamu mezwe Andaa ni anyini ra.
|
||
\v 8 De Andaa kumu kemura, Andaa kumu ke’dete ego vu dii, pi le’jo anda rii, pi le’jo lika to.
|
||
\v 9 A’a enji ni mani a’ika ku ‘i.
|
||
\v 10 Anda si, mangwi Mata di, ongu anyinde ma idi ku;
|
||
\v 11 Le’jo lika si, a’dusi opi vu ‘d di ali laka le’jo wo ra.
|
||
\p
|
||
\v 12 Adi ma le’jo karako to ‘jole anyini, ti anyima Erika na kpe diadu.
|
||
\v 13 Ti de Endi le’jo gba di kemu ni, Andaa kumu kalase anyini di le’jo gba tuwadu aga: a’dusi Andaa mu lo’joru Andaa ruge a’dule ku; ti Andaa kumu ku’jo le’jo tuwadu Andaa erile rii, pi Andaa kumu ke’dete anyini le’jo mure emure andaga rii.
|
||
\v 14 Andaa kumu kuke mani eku ra, a’dusia Andaa kumu ku’du le’jo madii, pi kumu ke’detee anyini.
|
||
\v 15 Nga tuwadu Mata di’i rii a’i madi’i, ‘disidu e’be ma’jo Andaa kumu ku’du le’jo madii, pi kumu ke’detee anyini.
|
||
\p
|
||
\v 16 Lesi ga anyivo anyinde ma ku: ongu lesi ga anyivo anyinde ma ra, a’dusia mamu Ata di.
|
||
\v 17 Ongu Andaa maju zi Andaa ni, lo’joru- kii a’ia’ini, Le’jo ‘di a’du Andaa ‘jole amani rii, Lesi ga anyivo anyinde ma ku: ongu lesi ga anyivo anyinde ma ra ri pi, adusia mamu Ata di?
|
||
\v 18 Ayosi ku’jokii, Le’jo ‘di a’du Andaa ‘jole rii, Lesi ga? Amani nga Andaa ‘jole ri ni dige ku.
|
||
\p
|
||
\v 19 Yesu ni ra a’ile Andaa ni zile Andaa ‘jo a’ni, Anyuluziru anyianyini le’jo maa ‘jole anyini ri si, Lesi ga anyivo anyinde ma ku: ongu lesi ga anyivo anyinde ma ra?
|
||
\v 20 Gba gbadu ma’joo anyini, Anyvo anyou pi anyivo alu candi to, ti ‘ba vu dige ri ni asi kumu kolu i’bwe: Anyivo anyolu candi to, ti candi anyidi kumu kecoru asi ni i’bwe
|
||
\v 21 Izi lajwa oti di to ri andaa ni candi to, a’dusi andaa saa esa wora: ti de kuti ‘bura wora, andaa era candi ile ku asi i’bwe si, ‘bura tika vudige ra si.
|
||
\v 22 Diadu saa anyi candi to: ti mamu mande anyi idi, anya asi kumu ke’bwe ra, anya asi i’bwe mo’di zi mu ‘du anyidi si pi ku.
|
||
\v 23 O’du nasi anyivo anyizi ma le’jo zi si ku. Gba gbadu ma’jo anyini, nga tuwadu anya-vole a’ile Ata di ma ru sir ii, Andaa kumu kukee anyini ra.
|
||
\v 24 Enga anda eze adi anya’i nga maa rusi kuru, anya’i. Avo akee anyini ra, anya si ni i’bwe kugadu de.
|
||
\p
|
||
\v 25 Le’jo ‘di tuwadu malu’joo anyini ma’bee le’jo ni pakwi si, ti saa kumu kemura, mamu mo’joru anyini leti le’jo ‘bezo ‘be ri si ku, ti mamu me’dete anyini Ata ni kare ingwe aga.
|
||
\v 26 O’du nasi anyivo anya’i nga maa rusi, ma’jo anyini ku a’jo mamu ma’i Ata anyisi.
|
||
\v 27 A’dusiku Ata ni gbarii le anyi ra anya mani leka si, pi anya a’ika menga Ata di si ri si.
|
||
\v 28 Menga Ata di madi emu vu dige, ongu me’be vu mamu Ata di.
|
||
\p
|
||
\v 29 Andaa maju ku’jo Andaa ni, Nde diadu nyolo’joru pelere, nyi’be le’jo ‘be ku,
|
||
\v 30 Diadu amani gbadu ajo nyini nga tuwadu ra, pi nyile mo’di zi ni nyinizika alu saa ku: le’jo ‘disi ama’ira a’jo nyenga Rubanga di.
|
||
\p
|
||
\v 31 Yesu a’i a’ini, Diadu ana’i wora?
|
||
\v 32 Nde, saa kumu kemura, diadu esa wora, anyivo anyaca tuwadu pi, mo’di alu alu andaa kare niga, pi anyivo anye’be ma a’dule: ti ma a’dule ku, a’dusia Ata ni aa mato.
|
||
\v 33 Ma’jo le’jo dii anyini, e’bedu anyolu asi I’we to mani aga. Vu dige anyi candi to, ti anyepi asi, mazwa vu wora.
|
||
\c 17
|
||
\cl Sura 17
|
||
\p
|
||
\v 1 De Yesu kulu’jo le’jo ‘di ra, ngi mi oru ru’buge, ku’jo, Ata, saa esa wora, ke eku Nyaa Ngwa ni, e’bed Nyaa Ngwa saa kuke eku nyini.
|
||
\v 2 Kende anda nyaa Andaa ni opko kezo ru tuwadu zwazo riani, e’bedu Andaa kuke lidi lokore ku rii a’i tuwadu nyaa kele Andaa ni ri ni.
|
||
\v 3 ‘Dii andaa ni lidi lokore ku rii, e’be kunikii nyi Rubanga alu gba rii, pi Yesu Kristu ni anda nyaa ezwele ri to.
|
||
\v 4 Make nyini eku vu dig era, a’dusia meko i’bu anda nyaa kele mani edele ri ra.
|
||
\v 5 Diadu, Ata, eke eku mani nyito aludu, eku anda ama oluzo nyito kare aluga eze esu vu adi iyo riani.
|
||
\p
|
||
\v 6 Me’dete nyaa ru ‘ba anda nyaa kele mani engare vu dige ‘diasi ri ni ra, A’i anda nyaa’i, Ongu nyeke a’i mani, ongu a’i ko nyaa le’jo ni vu ra.
|
||
\v 7 Diadu nikii a’jo nga tuwadu nyaa ekele mani rii enga nyidi.
|
||
\v 8 A’dusia make a’ini le’jo anda nyaa ekele mani ri ra, pi a’ikii ra, nikii gbadu a’jo menga nyidi si, pi nyezwe ma nyi.
|
||
\v 9 Ma’i nyi a’isi: ma’i nyi vu si ku, ti a’i anda nyaa ekele mani ri si; a’dusia a’i nyaa’i,
|
||
\v 10 Nga madi tuwadu rii nyidi’i, pi nyidi saa madi’i, mesu eku a’isi.
|
||
\v 11 Diadu molu vu dige ku, ti a’i kolu vu dige, pi mamu nyidi. Ata okole rii, ekuka a’i nyaa ru si, a’i anda nyaa ekele mani rii, e’bedu kolukii alu kende ama oluzo nyito alu riani.
|
||
\v 12 Anda maa oluzo a’ito vu dige rii, mekuka a’i nyaa rusu: a’i nyaa ekele mani rii, mekuka a’ira, mo’di alu a’ia lelega legwere na iyo, ti ‘bura Sitani dii, Yuda Kariota ‘i; e’bedu le’jo buku ole ri di kolu du anda.
|
||
\p
|
||
\v 13 Diadu mamu nyidi; le’jo ‘dii malu’joo vu dige, dudu asi i’bwe madi kuga a’ia aga de.
|
||
\v 14 Make a’ini le’jo nyidi ra pi vu evu a’ira, a’dusia a’i vu dii ku, kende ma saa ma vu dii ku riani.
|
||
\v 15 Ma’i nyi a’i ni ‘duka vu dige si pi ku, ti ekuka a’i mo’di injwi ri niga si.
|
||
\v 16 A’i vu dii ku, kende ma saa ma vu dii ku riani.
|
||
\v 17 Eco a’i okole gba nyidi si, le’jo nyidi andaa ni gba.
|
||
\v 18 Kende nyaa mani ezwezo vu dige riani, masa mazwe a’i vu dige.
|
||
\v 19 Make maa lidi oluzo ole a’isi, e’be a’isaa kolukii okole nyaa le’jo gba ri si.
|
||
\p
|
||
\v 20 Ma’i nyi te ‘ba ‘disi papala ku, ti a’i vo’ba mani a’ire a’ia le’jo si ri si saa.
|
||
\v 21 E’be a’i tuwadu kolukii alu, kende nyi, Ata, aa mani aga, pi ma nyaa aga riani, e’be a’i saa kolukii alu, ama aga e’bedu vu ka’I a’jo nyezwe ma nyi.
|
||
\v 22 Eku nyaa kele mani rii saa make a’ini ra; e’be kolukii du alu kende ‘baa oluka alu riani.
|
||
\v 23 Ma a’ia aga, pi nyi maa aga, e’be kolukii okole oluzo alu, pi e’bedu vu kuni a’jo nyezwe ma nyi, nyile a’i kende nyaa mani lezo riani.
|
||
\p
|
||
\v 24 Ata Male a’i nyaa ekele mani ri saa kolukii mato kare maa olurega ri niga; e’be kundekii du maa eku anda nyaa ekelemani rii, a’dusia nyile ma enga eze adi vu iyo.
|
||
\p
|
||
\v 25 Ayi, Ata Okole rii, anda vu ni nyi kuru: ti mani nyi ra, ‘ba ‘dii nikii nyezwe ma nyi.
|
||
\v 26 Me’dete a’ini nyaa ru ra, pi mamu me’detee idi, e’bedu le andani nyaa mani lezo rii kolu a’ini aga, pi ma saa amolu a’ini aga
|
||
\c 18
|
||
\cl Sura 18
|
||
\p
|
||
\v 1 De Yesu kulu’jo le’jo ‘di ra, Andaa mu Andaa maju to golo Kidironi ri a’do, esu amvu aa laka, torukii laka.
|
||
\p
|
||
\v 2 Yuda ni Andaa ni lezire rii saa esu ni kare ile ra: a’dusia Yesu ni anda kalamu nale vu karako si Andaa maju to.
|
||
\v 3 Ongu Yuda ni de esu asikaria ni laki ra, pi amba enga’ba zo Rubanga di niga ri to, pi Farisei’ba to, evokii ile’dia lombo to, galaka to. Pi okozo o’ja di to.
|
||
\v 4 Yesu ni esu ni nga emure Andaa ruge ri ra, mu a’idi, pi ku’jo a’ini, anyindu a’di’i?
|
||
\v 5 A’ikii Andaa ni, Yesu ni Nazareti go rii. Yesu ku’jo a’ini, Ma ‘dii. Yuda ni Andaa ni lezire rii saa esu ede a’ito.
|
||
\v 6 De Yesu ku’jo a’ini Ma ‘dii, a’i ngwi oguoguni ‘dekii vuru.
|
||
\v 7 Ongu Andaa zi a’i idi, Anyindu a’di’i? Ku’jokii Andaa ni, Yesu ni Nazareti go ri’i.
|
||
\v 8 Yesu a’i, Ma’jo anyini ra: Ma ‘dii, de anyindu ma’i anye’be ‘ba ‘dipi kuvokii.
|
||
\v 9 Le’jo Andaa ‘jole ri ederu ra, a’jo, ‘ba nyaa ekele mani rii melegwe alu saa a’ia lelega kuru.
|
||
\p
|
||
\v 10 Ongu Simoni Petero ni esu iligo belengu to, enge, gasi opigo mo’di amba zo Rubanga di ri di du, li bi andaa di di anda ga lele ri tu. Opigo na a ru Maliku ‘i.
|
||
\v 11 Yesu ku’jo Petero ni, longwi nyaa iligo coko’bo aga, kubaya Mata ekele mani rii, dubale maamvu ku?
|
||
\p
|
||
\v 12 Ongu laki asikeria di a’ia amba to, pi amba Yudei’ba di to kokii Yesu ni ombekii Andaa ni cwi.
|
||
\v 13 Zikii Andaa ni ati Anna di, a’dusia andaa ni Kayapa andi ‘i, esu andaa ni mo’di amba nga azire Rubanga ni rii kinya iles.
|
||
\v 14 Esu Kayapa ni mo’di anda lara kere Yudei’ba ni ile’i, ku’jo, Kolu loso mo’di alu kuda ‘basi ni,
|
||
\v 15 Ongu Simoni Petero pi maju zi to kokii Yes a vu, maju ile ‘ba amba nga azi’ba Rubanga ni rii ni andaa ni ra, torukii Yesu a vuga ko kudidi mo; di amba iledi niga.
|
||
\v 16 Ti Petero ede laange kotige. Ongu maju ‘ba amba nga azi’ba Rubanga ni ri a nil era ile fu laangwe, ‘jo zangwa koti tere ni kezi Petero ni aru lele.
|
||
\v 17 Ongu zanga koti tere ri ku’jo Petero ni, Nyi saa nyi mo’di na a maju ‘i? Andaa ku’jo, Ma’i ku.
|
||
\v 18 Esu opi pi amba to edekii naa, kekokii asi ani dii; a’dusia esu vu I’bwe; kuyukii asi: Petero saa ede a’ito asi yurega.
|
||
\p
|
||
\v 19 Ongu mo’di amba nga azire Rubanga ni ri zi Yesu ni Andaa maju dilega pi Andaa leni to.
|
||
\v 20 Yesu a’i ku’jo, Molo’joru ‘ba tuwaduni kare okole aga, meleni nga o’du tuwadu kare ‘ba a lurutarega rini ga, pi zo Rubanga di ni aga, pi kare Yudaya’ba a lurutare ga ri nig a to, ma’jo nga zi ogu oguni kuru.
|
||
\v 21 Nyizi ma a’dusi? Zi a’i mani eri’ba ri pi’i. Le’jo maa ‘jole a’ini rii. Nde, nikii le’jo maa ‘jole a’ini ri ra.
|
||
\v 22 De Andaa ku’jo ‘diani, mo’di alu amba lelega ede’ba naa rii di Yesu ni digbara si ku’jo, Nyaka mo’di amba nga azire Rubanga ni ri a ti ileni?
|
||
\v 23 Yesu a’i ku’jo andaani, De amolo’joru injwi nge nga le’jo injwi ile dii, ti de loso, nyidi ma a’dusi?
|
||
\v 24 Ongu Anna zwe Andaa ni Kayapa ni mo’di amba nga azire Rubanga ni ri di, esu ombe Andaa ni cwi.
|
||
\p
|
||
\v 25 Simonii Petero ede asi yurega. Ongu ‘jokii andaa ni, Nyisa nyi Andaa maju ‘i kuya? Andaa ku’jo, Iyo, ma’i ku.
|
||
\v 26 Opigo zi mo’di amba nga azire Rubanga ni ri di, adozi ni mo’di Petero a bi na ni gale tu rii, ku’jo, Mande nyi amvu aga kare aluga Andaa to kuru?
|
||
\v 27 Petero ku’jo, Iyo. Mgbesa a’ulogo kuni sira so.
|
||
\p
|
||
\v 28 Ongu ‘dukii Yesu ni Kayapa disi, zikii Andaa ni zo le’jo lirega ri nig a, esu adi lovuru inini, ti a’i gba rii torukii zo le’jo lirega ri niga kuru, dudu a’i kendiru ku, ti e’bedu a’i kunya onya karama lagazo ri di wa.
|
||
\v 29 Ongu Pilatu fu laangwe a’idi, ku’jo, Anyezi le’jo ingo’i mo’di ‘d a ruge?
|
||
\v 30 Akakii ku’jokii andaa ni, Kolu mo’di ‘di kede enji kuru, tebe’dii amezi Andaa ni nyidi ku.
|
||
\v 31 Ongu Pilatu ‘jo a’ini, Anyizi Andaa ni, anyili Andaa ni le’jo kende anya cara a ‘jozo ri ani. Yudaya’ba ‘jokii andaa ni, Cara amadi le amani da lika mo’di dige ku.
|
||
\v 32 E’bed Yesu a le’jo kolu du anda, dudu ke’dete Andaa da ni ovi du.
|
||
\p
|
||
\v 33 Ongu Pilatu toru idi zo le’jo lirega ri niga, lungwe Yesu ni, ‘jo Nyi opi Yudei’ba dii?
|
||
\v 34 Yesu a’i andaa ni, Nyi gbari nyi’jo nyi de ‘bazi ‘jo nyini le’jo madi ni?
|
||
\v 35 Pilatu a’i ku’jo, Nyiraa ma Yudei’ba go? ‘Ba anyidi gba rii, amba ‘ba nga azi’ba Rubanga ni ri to ezikii nyi madi ni: esu nyede a’du?
|
||
\v 36 Yesu a’i, Maa keri vu ‘di ni dige ku, kolu maa keri kolu vu dige ‘dia, tebe’dii ‘ba amadi ku’jakii masi ra, tebe’dii ake ma Yudaya’ba di ku: ti diadu maa keri enga ‘dia ku.
|
||
\v 37 Pilatu ‘jo Andaa ni, a’jo, Nyi wo Opi? Yesu a’i, Nyi’jo nyi ma Opi. Ati ma le’jo ‘disi, ongu memu vu dige le’jo ‘disi, dudu amolu sadeni du le’jo gba ri ni. ‘Ba tuwadu le’jo gba ri di kerikii maa u’duku ‘i.
|
||
\v 38 Ongu Pilatu ku’jo Andaa ni, Nga gba ri a’du? De andaa ku’jo ‘dini andaa fu laangwe idi Yudaya’ba di, ku’jo a’ini, Mesu nga injwi ri kuru
|
||
\v 39 Andaa ruge letige mani anyini mo’di alu twizo karama lagazo ileni ga: wo anyile amayu anyini Opi Yudaya’ba dii?
|
||
\v 40 Ongu a’I tuwadu idi, ku’jokii, Mo’di ‘dii ku, ti Baraba ‘i Esu Baraba ni mo’di kuraka re rii.
|
||
\c 19
|
||
\cl Sura 19
|
||
\p
|
||
\v 1 Ongu Pilau ko Yesu ni mgba Andaa ni kuruba si.
|
||
\v 2 Ongu asikaria pakii oki ititi du ‘bakii Andaa dige, pi lusukii Andaa ni bongu ika ri si.
|
||
\v 3 Evokii Andaa di, ku’jokii, Amazi nyi ra laru si, Opi Yudaya’ba dii, ongu dikii Andaa ni digbara si.
|
||
\p
|
||
\v 4 Pilatu mu laangwe idi, ku’jo a’ini, Nde, Mezi Andaa ni anyidi, anyini du mesu nga injwi Andaa di kuru.
|
||
\v 5 Ongu Yesu efu laangwe, su ititi oki dir ii, pi bongu ika rito. Pilatu ku’jo a’ini Anyinde Andaa ni ‘dii.
|
||
\p
|
||
\v 6 De amba ‘ba nga azi’ba Rubanga ni ri pi asikaria ni amba to ndekii Andaa ni ojwakii ku’jokii, Epa Andaa ni kuruce dige, Epa Andaa ni kuruce dige. Pilatu ku’jo a’ini, Anyizi Andaa ni, anyepa kuruce dige, a’dusia mesu nga injwi Andaa di kuru.
|
||
\v 7 Yudaya’ba a’ikii andaa ni, Cara amadi aa, pi cara amadi si, dubale Andaa kuda, a’dusia Andaa ku’jo Andaa ni Rubanga ni ‘Bura.
|
||
\p
|
||
\v 8 Ongu de Pilatu keri le’jo ile’i, andaa ori opkosi.
|
||
\v 9 Andaa toru idi zo le’jo lirega ri niga, ku’jo Yesu ni nyenga inguwa si? Ti Yesu a’i tina kuru.
|
||
\v 10 Ongu Pilatu ‘jo Andaa ni, Nya’i mani ti ku? Nyini kuru ma opko to nyini epazo kuruce dige, pi opko to nyini ayuzo?
|
||
\q
|
||
\v 11 Yesu a’i, Nyi opko ako maa ruge, kolu anda eke nyini ru’bugesi ku na’i: ‘disidu, mo’di mani kere nyidi rii andaa ni enji amgbu ri to.
|
||
\p
|
||
\v 12 Enga saa ilesi Pilatu ndu leti Andaa ni ayuzo, ti Yudei’ba ojwakii ku’jokii, De nyayu mo’di ‘di ra, nyi Cezari a rozi ‘i ku: mo’di ‘jore andaa ni opi rii kepele Cezari to.
|
||
\p
|
||
\v 13 De Pilatu keri le’jo ile’i, andaa ezi Yesu ni laangwe, ri vuru komi le’jo lizo ri niga kare lungwele Oni o’barega rii, ti Ebere’ba tisi Gabata.
|
||
\p
|
||
\v 14 Esu o’du ro’bazo karama lagazo ri dii, ire saa azia: andaa ‘jo Yudaya’ba ni, Nyinde anya Opi.
|
||
\p
|
||
\v 15 Ti ojwakii idi, Zi andaa ni pi, zi andaa ni pi, epa andaa ni kuruce dige. Pilatu ku’jo a’ini, Amepa Opi anyidi kuruce dige? ‘Ba amba nga azi’ba Rubanga ni ri a’ikii, Amadi opi zi iyo, te Cezari ‘i.
|
||
\p
|
||
\v 16 Ongu andaa ke Andaa ni a’idi epale kuruce dige’ Kokii Yesu ni zikii pi.
|
||
\p
|
||
\v 17 Pi Andaa ngi Andaa kwe, muto laangwe kare lungwele kare ‘ba ni di ni kwa dii ri niga, lungwele Ebere’ba tisi Gologota ‘i rii:
|
||
\v 18 Kare Andaa ni eparega ri niga, pi ‘ba ri zi to, mo’di alu mara anda alu ga, zna ri mara anda zina ri nig a, Yesu ni agaga.
|
||
\p
|
||
\v 19 Ongu Pilatu cwi nga saa, epa kwe dige. Le’jo andaa cwile ile ku’jo Yesu ni Nazereti gasi rii, Opi Yudei’ba dii.
|
||
\v 20 Le’jo ile Yudaya’ba karako lakii ra: a’dusia kare Yesu ni eparega rii ‘b to lolu ku: pi le’jo ile acwi Ebere’ba tisi, pi Girigi’ba tisi, Roma’ba tisi.
|
||
\p
|
||
\v 21 Ongu ‘ba amba nga azi’ba Rubanga ni ripi ‘jokii Pilatu ni, cwi ileni ku, Opi Yudaya’ba dii, ti Andaa ku’jo ma Opi Yudei’ba dii.
|
||
\p
|
||
\v 22 Pilatu a’i a’ini, Le’jo maa cwile ra ri macwira.
|
||
\p
|
||
\v 23 De asikeria kepakii Yesu ni kuruce dige; ‘dukii Andaa bongu lapikii ewo su si, asikeri alu alu ni ewo alu, Andaa koti to: koti na ‘dii anda o’bwe leti o’bwezori ako.
|
||
\v 24 Lo’jorukii a’ia lelega, e’be okocwi ku: ti aku’bekii coro si, dudu akunde a’di kuzia ni ya ‘i: e’bedu le’jo buku a ‘jole rr kolu du anda, ‘jore, Lapikii maa bongu a’ia lelega, pi maa koti ‘bekii coro si. Asikeria edekii ileani.
|
||
\p
|
||
\v 25 Ti Yesu a kuruce ni baraga ende ede laka, pi enderi to, Maria, pi Kelopa izi ‘i, pi Maria Magdalena to.
|
||
\v 26 De Yesu kunde ende’i, pi maju anda lele ndo rito edekii ititi, Andaa ‘jo ende ni, Izi, nde nyaa ngwa ni,
|
||
\v 27 Ongu Andaa ‘jo maju ileni, Nde nyende ni! Enga saa ilesi maju ile zi andaa ni andaa di ‘boru.
|
||
\p
|
||
\v 28 Le’jo ‘di a vuga, Yesu ni le’jo tuwadu diadu loko wo ra, le’jo buku di ederu wora, Andaa ku’jo, Mani iyibi.
|
||
\v 29 Esu luku’do aa nale gare vino upka ri sir ii: pi sukii amori vino upka ri ni aga, sukii lotirikwe ga, ‘bakii Yesu a tige.
|
||
\v 30 Ongu de Yesu ku’bi vino ukpa ile, Andaa ku’jo, Lokowora: pi Andaa elu Andaa di vuru pi azi Andaa endi Rubanga di pi.
|
||
\p
|
||
\v 31 Ongu Yudaya’ba, a’dusia esu o’du ile o’du redezo rii, dudu ‘ba ni ru kolu kwe ruge ku o’du Sabatu di si, (a’dusia o’du Sabatu di ile o’du amba rii) zikii Pilatu ni dudu okongu a’ia pa ra, pi aku’du du a’i pi.
|
||
\v 32 Ongu asikaria evo ngukii mo’di at ri a pa ra, pi mo’di zi epale a’ito ri di saa.
|
||
\v 33 Ti de kesakii Yesu di, ndekii Andaa da wora, ngukii Andaa pa kuru.
|
||
\v 34 Ti asikarigo alu aju to, so Andaa mara du, pi iyi pi eri to efu lakasi.
|
||
\v 35 Mo’di ndere ri nge le’jo, le’jo andaa ngele ri le’jo gba rii, andaa ku’jo le’jo gba rii dudu anya’i.
|
||
\p
|
||
\v 36 A’dusia e’bedu le’jo ‘disi e’bedu le’jo buku aga ri kolu du anda, ‘jore, Andaa kwa alu saa angu ku.
|
||
\v 37 Ongu buku zi ‘jo ‘dini, a’jo, A’i kuvo kunde mo’di a’ia luro na ni sole ri ra.
|
||
\p
|
||
\v 38 Le’jo ‘di a vuga, Yozefu ni Arimataya gar ii, andaa ni maju Yesu di oguma du rii ori Yudaya’ba di si, a’i Pilatu ni dudu andaa kuzi Yesu a ru: Pilatu a’i andaa ni kuzi ni ra. Andaa emu ‘du Yesu a ru.
|
||
\v 39 Nikodemu saa emura, mo’di anda emure Yesu di iniaga rii, ezi odu ngure viya rii to, angi na rotol miya alu.
|
||
\v 40 Ongu ‘dukii Yesu a ru ombekii bongu a’du risi kare aluga odu ngure viya ri to, kende ovi Yudaya a ‘ba esizo riani.
|
||
\v 41 Esu kare Andaa ni eparega rii amvu laka: amvu ileni aga ‘bu u’di ri laka, adi esi mo’di zi laka kuru rii.
|
||
\v 42 Esikii Yesu nil aka naa, a’dusia esu saa Yudaya’ba di redezo Sabatu ni ri esa ire, ongu ‘bu na a oluka ire si, e’du sekii Yesu nil aka.
|
||
\c 20
|
||
\cl Sura 20
|
||
\p
|
||
\v 1 O’du at Sabatu di si, Maria Magadelna emu ‘bu dig e lovuru inini, esu vu adi ini. Andaa nde ali oni ‘butige si pi.
|
||
\v 2 Andaa fe, esa Simoni Petero di pi maju zi Yesu a lele ndo ri to, ku’jo a’ini, ‘Dukii Opi ni ‘bu agasi pi; amani ku kare a’ia ‘barega rii.
|
||
\p
|
||
\v 3 Ayosi Petero mu naa, pi maju zi ile to, evokii ‘budige.
|
||
\v 4 Fekii kare aluga: ti maju zi ile lupe Petero ni angusi ra, andaa esa ‘budige ati ni.
|
||
\v 5 Andaa wo, nde nga ‘budi aga, andaa nde bongu ‘ba sezo ri naa, ti anda kwi ‘budi aga kuru.
|
||
\p
|
||
\v 6 Ongu Simoni Petero emu andaa vuga, toru ‘budi aga, nde bongu ‘ba sezo ri aa naa.
|
||
\v 7 Pi bongu ombe Andaa di du rii mgbi kare zige, kare aluga bongu ‘ba sezo ri to ku.
|
||
\v 8 Ongu maju esare ‘budige ati ile saa toru ‘budi aga, nfe nga ile, pi a’ira.
|
||
\v 9 A’dusia esu nikii le’jo buku a ‘jole ri ku, a’jo dubale Andaa kenji da agsi ra.
|
||
\p
|
||
\v 10 Ongu maju ilepi ngwikii vule a’idi ‘boru.
|
||
\v 11 Ti Maria ede laangwe ‘budige kou: de andaa kou, andaa wo vuru, nde nga ‘budi aga.
|
||
\v 12 Ongu andaa nde malaika ri lusukii bongu ingwe rii, aluzo ri ri dige lele, zina ri ri paga lele, kare anda Yesu a ru nil are ga ri niga.
|
||
\p
|
||
\v 13 ‘Jokii andaa ni, izi, nyou a’dusi? Andaa ku’jo a’ini, a’dusia ‘dukii maa Opi ni pi, maniku kare a’ia ‘barega rii.
|
||
\v 14 De andaa ku’jo ‘dini, andaa lufuru oguge lele, nde Yes ede naa, ti andaa ni ‘di Yesu ‘i ni ku.
|
||
\q
|
||
\v 15 Yesu ku’jo andaa ni, izi, nyou a’dusi? Nyindu a’di’i? Andaa ra ile mo’di amvu tere rii, ku’jo ku’jo andaa ni, Amba, de nyi’du Andaa ni nyi, e’dete mani kare nyaa ‘barega rii, e’bedu ama’du Andaa ni pi.
|
||
\p
|
||
\v 16 Yesu ku’jo andaa ni, Maria. Andaa lufuru, ku’jo Andaa ni, Raboni, le’jo na ku’joo Laponyi.
|
||
\q
|
||
\v 17 Yesu ku’jo andaa ni, Lo maa ru ku; a’dusia adi mamu oru Mata di kuru: ti mu maa rozi di, ‘jo a’ini, Mamu oru Mata di, pi anya Ata di saa, pi Rubanga madi di, pi Rubanga anyidii to.
|
||
\q
|
||
\v 18 Maria Magadalena emu ‘jo maju ni a’jo, Mande Opi ni ra, le’jo dii Andaa ‘jo andaa ni ni.
|
||
\p
|
||
\v 19 Ongu o’du ilesi undwe, o’du ati Sabatu di si, de esu akulu’bu koti cwi kare maju a rutarega ri nig a Yudaya’ba ni ori si, Yesu emu ede a’ia lelega, ’jo a’ini, I’bwe kolu anyito.
|
||
\v 20 De Andaa ku’jo ‘diani, e’dete a’ini Andaa di pi Andaa mara to. Ongu maju ni asi e’bwe ti a’ia Opi ni ndeka si.
|
||
\p
|
||
\v 21 Yesu ongu ‘jo a’ini idi, I’bwe kolu anyito: kende Mata a mani ezwezo ri ani, masa ma saa mazwe anyi.
|
||
\v 22 De Andaa ku’jo ‘dini, Andaa vu Andaa uluvi a’ia ruge, ku’jo, Anyesu Endi Okole ri.
|
||
\v 23 Enji mo’di di anya e’bele rii, e’bee andaa ni ra: enji mo’di di anya e’bele ku rii e’be laka ku.
|
||
\p
|
||
\v 24 Ti Tumasi ni mo’di mudwi a limbi ri agar ii, lungwele Didumo (Leju) ‘i rii, esu andaani iyo maju zi’ba ripito, lele Yesu a re’detezo a’ini rii.
|
||
\v 25 Ayosi maju zi ‘jo andaa ni, Amande Opi ni ra. Ti andaa ‘jo a’ini, De mande ilwe musumari di Andaa diga ku, ma’ba maa di Andaa mara ga ku, madi ma’i ku.
|
||
\p
|
||
\v 26 O’du aro a vuga maju ongu tarukii zoga idi, esu Tomasi saa aa a’ito: ongu Yesu emu, esu alu’bu koti cwi, ede a’ia lelega, ku’jo, I’bwe kolu anyito.
|
||
\q
|
||
\v 27 “Ongu Andaa ‘jo Tomasi ni, ‘Ba nyaa di ‘dia, nde maa di: ‘ba nyaa di maa maraga: E’be oluka a’ika ako, ti a’i to rii.”
|
||
\q
|
||
\v 28 Tomasi a’i, ku’jo Andaa ni, Maa Opi, pi maa Rubanga.
|
||
\q
|
||
\v 29 Yesu ku’jo andaa ni, Tomasi, nyaa mani ndekasi nya’i wora? A’ia anda loso, ‘ba mani a’i’ba ndekii ma kuru rii.
|
||
\p
|
||
\v 30 Yesu ede nyuma zi karako lundele rii Andaa maju ni andaga, cwile buku ‘di ni aga kuru rii.
|
||
\v 31 Ti ‘dii acwi e’bedu anya’i Yesu ni Andaa ni Kristo ‘i, Ori Rubanga ‘i, e’bedu anya’i, anyesu du lidi Andaa ru si.
|
||
\c 21
|
||
\cl Sura 21
|
||
\p
|
||
\v 1 Le’jo ‘dipi a vuga, Yesu e’dete ru idi Andaa maju ni meri Tiberia di niga. Andaa e’dete ru ‘diani.
|
||
\v 2 Esu a’i kare aluga, Simoni Petero, Tomasi ni lungwele Didumo ‘i, pi Nataniele mo’di Kana Galilaya gar ii, pi ‘bonji Jibidayo di ri ri to, pi Andaa maju ri zi to.
|
||
\v 3 Simoni Petero ku’jo a’ini, Mamu e’bi kore. ‘Jokii andaa ni, Ama saa amavo nyito. Vokii, kwikii i’bo aga ezeze; ini ilesi kokii nga zi kuru.
|
||
\p
|
||
\v 4 Ti de vu kowira, Yesu emu ede a’doga: ti maju nikii kun a Yesu ‘i ni ku.
|
||
\q
|
||
\v 5 Ongu Yesu ku’jo a’ini, ‘Bonji, anyidi onya aa? A’ikii, ku’jokii, iyo.
|
||
\q
|
||
\v 6 Ongu Andaa ku’jo a’ini, Anyi’be anya ibakwi i’bo ni di andaga lele; anyvo anyesuo ra. ‘Bekii, pi atekii ku ibakwi ekurega e’bi ni laki si.
|
||
\v 7 Ayosi, maju Yesu a lele ndo ri ku’jo Petero ni, ‘Di Opi ‘i. De Simoni Petero keri Andaa ni Opi ‘i, e’du su andaa bongu ruge, (a’dusia esu andaa ni isa), liru meri aga.
|
||
\v 8 Maju zi evokii i’bo gaangwadu ri si; (a’dusia esu a’i a’doga lolu ku, ti kende mitir miya alu mudiri). Ekukii ibakwi gare e’bisi ilei.
|
||
\v 9 De kesakii a’doga, ndekii asi ili di naa, pi e’bi mugati to asi dige.
|
||
\p
|
||
\v 10 Yesu ku’jo a’ini, Anyezi e’bi zi anya kole diadu ri.
|
||
\v 11 Simoni Petero mu eku ibakwi a’doga gare e’bi si ile, miya alu muditou alimbi na: kesu a’i karako ileni saa ‘i, ibakwi ile fu cwi si kuru.
|
||
\p
|
||
\v 12 Yesu ku’jo a’ini, Anyevo, anyinya nga. Maju alu zi asi epire Andaa ni zizo, Opi, nyi a’di ‘i na iyo, a’dusia nikii ra Andaa ni Opi ‘i.
|
||
\v 13 Ongu Yesu emu ‘du mugati e’bi to ke a’ini.
|
||
\v 14 ‘Di vu nazo rii Yesu a re’detezo Andaa maju ni Andaa enjizo da aga si pi ri a vuga.
|
||
\p
|
||
\v 15 De kunyakii nga ra, Yesu ku’jo Simoni Petero ni, Simoni, ori Yuwani, nyile ma zwa a’i zi’ba ‘di ra? Andaa ku’jo Andaa ni, Eyoo, Opi, nyini ra male nyi ra. Ku’jo andaa ni, Ke onya maa bilo ‘bonji ni.
|
||
\p
|
||
\v 16 Andaa ‘jo andaa ni idi vu rizo rii, Simoni, ori Yuwani, nyile ma ra? Andaa a’i Andaani, Eyoo, Opi, Nyini ra male nyi ra. Ku’jo andaa ni, Leyi maa bilo.
|
||
\p
|
||
\v 17 Andaa ‘jo andaa ni vu nazo rii, Simoni, ori Yuwani, nyile ma ra? Petero ni asi ngu mgbu, a’dusia Andaa ‘jo andaa ni vu na, Nyile ma ra ya? Ongu ku’jo andaa ni, Opi, nyini le’jo tuwadu; nyini ra male nyi ra. Yesu ku’jo andaa ni, Ke onya maa bilo ni.
|
||
\p
|
||
\v 18 Gba gbadu, ma’joo nyini, De adi nyi opko, nyulusu nyaa bongu nyi, pi nyalawe kare nyaa lele ri niga, ti de anyecoru jaligo, nyejo nyaa di mo’di zi kulusu nyaa bongu nyini ni, pi kuzi nyi kare nyaa lele ku ri niga.
|
||
\v 19 Andaa ‘jo le’jo ‘dii, e’dete da ni ovi ingo’i andaa ni eku kezo Rubanga ni rii. Ongu de Andaa ku’jo ‘dini, Andaa ku’jo andaa ni, Eko maa vu.
|
||
\p
|
||
\v 20 Ongu Petero lufuru, nde maju Yesu a lele ndo ile keko a’ia vu; andaa ni anda rulare Andaa agaga onyanga ile’i, ‘jore, Opi, mo’di ingo’i kelezi nyi ni rii.
|
||
\v 21 Petero nde andaa ni, ku’jo Yesu ni, Opi, mo’di ‘di lee kumu kede a’du?
|
||
\p
|
||
\v 22 Yesu ku’jo andaa ni, de amalera andaa kolu kusa ko maa engwinga, nyaa le’jo laka a’du? Eko nyidi maa vu ‘i.
|
||
\v 23 Ongu le’jo ‘di ku adiinji lelega si a’jo, maju ile mu da ku: ti Yesu ‘jo ileni kuru, a’jo andaa mu da ku, rari Andaa ku’jo, De amale andaa kolu kusa ko maa engwinga, nyile laka a’du?
|
||
\p
|
||
\v 24 “Dii, andaa ni maju le’jo ‘di ni ngere rii, pi le’jo ‘d ni cwire rii, ongu amani ra le’jo andaa Cwile rii gba.
|
||
\p
|
||
\v 25 Ongu le’jo zi karako Yesu a edele rii, de kesu ‘ba kucwi a’i tuwadu, maraa vudi gba ri saa ateku buku a’ia cwile ilepi ni ta mbaka.
|