\id 3JN
\ide UTF-8
\h 3 Yoane
\toc1 3 Yoane
\toc2 3 Yoane
\toc3 3jn
\mt 3 Yoane
\c 1
\cl Andati  1
\p
\v 1 Waraga ‘di enga Amba di, acwi marozi Gayo ni maa lele gba aga ri ni.
\v 2 Ma’i Rubanga ni ku’ba anyolu loso nga tuwadu aga, ongu kuke nyini ru ‘i’bwe nyaa oluzo loso endi ga ri ani.
\v 3 Molu anjo to de adiinji ziba evo ‘dia, ngekii le’jo gba ri ayo nyaa anda ni ga kende nyaa lawezo gba aga ri ani.
\v 4 Nga zi mani asi i’bwe kere ambamba ‘di ni zware na iyo, a’jo ‘bonji madi kokokii le’jo gba ni vu ayo.
\v 5 Maa rozi ni ma lele ndo ri, nyi mo’di egenile rii i’bu nya edele ama adiinji si ri ni ga, lagare pi ri omu nya nile ku ri ni saa.
\v 6 Ngeki le’jo le nyidi di laki ‘ba Kristu ni a’i ‘ba ri a andaga. Kulee anyede loso, ekonyi a’i ovi loso ri si a’ia awe niga i’bu Rubanga di ni ga.
\p
\v 7 A'dusiku e’doki awe a’idi Kristu a ru si, a’ikii nga zi kuru ‘ba Rubanga a’iba ku ri disi.
\v 8 Ayosi, kulee akelokokii ‘ba ovi ileni ile, e’bedu amemuru a’ito a’ia ibu niga le’jo gba ri ni ngere ga.
\p
\v 9 Macwi nga zi laki Kristu ni a’i 'ba ri ni ra, ti Diotrepe ni ru’bsre andaa ngasi a’ia di’i du ri a’i ama ku
\v 10 E’bedu de mamu memu ra, me 'dete nga andaa kedee ri ra, le’jo injwi karako ri ni lutaka ama ruge.' Di’i papala ku, ongu andaa ga imgbe ama ad’unji ni a’ika, pi luga ‘ba leka a’ini a’iba ri saa cwi, ongu do a’i pi laki ‘ba Kristu ni a’iba ri ni aga si.
\p
\v 11 Maa rozi maa lele ri, oko nga injwi ri a vu ku, oko nga loso ri a vu ayo. Mo’di nga loso ri edere ayo ri mo’di Rubanga di’i, ti mo’di nga injwi ri ni edere ayo ri adi nde Rubanga kuru.
\p
\v 12 ‘Ba tuwadu nge le’jo loso Demetrio a ruge, ongu gba si saa. Amasa amake amadi andaa ani, nyisa nyini ra sadeni ama ngele ‘di anda.
\p
\v 13 Mani le’jo karako aa cwile nyini, ti male amacwi galam si vino to ku.
\v 14 Mani igeni aa nyini ndezo ire, ‘ba kudi loro’jo gbogbo. I’bwe kolu nyito. Ama rozi zi nyi laka.
\v 15 Zi ama rozi ile'dia ri laka saa, zi mo’di alu alu andaa ru si.