\id 2JN
\ide UTF-8
\h 2 Yoane
\toc1 2 Yoane
\toc2 2 Yoane
\toc3 2jn
\mt 2 Yoane
\c 1
\cl Andati  1
\p
\v 1 Waraga ‘di enga Amba di. Acwe izi amba ende ovile ile ni andaa ‘bonji maa lele gba aga ri to, te ma’I a’dule ku, ti ‘ba tuwadu gba nika ra ri to,
\v 2 le’jo gba olure ama asi ge ri si, ongu saa kumu kolu ama a’ga tadu.
\v 3 Kiza, asi loso pi ‘ibwe to engare Rubanga Ata di, pi Yesu Kristu ni Andaa Ngwa di to kumu kolu amato gba ‘aga pi le to.
\p
\v 4 Maa asi e’bwe karako esurega ‘bonji nyidi zi’ba kokoki le’jo gba ri a vu ayo ovi anda Rubanga Ata a amani ecarazo ri ani.
\p
\v 5 Diadu ma’i nyi izi, kende macwi nyini cara u’di oyo ku, rari andaa ni anda aa amato eze re’donga ile’i, a’jo amaleru ama amani.
\v 6 ‘Di ayo andaa ni le, a’jo amoko cara Rubanga di ni vu oyo; ‘di Andaa cara anda nyaa erile eze ri’i, a’jo kulee anyoko vu na'i.
\p
\v 7 A’dusi a’i ba lunjwa’ba ri karako aa acaki vu dige ndutu, a’i ‘ba a’i’ba ku a’jo Yesu Kristu ni emu ru ‘ba di si ku ri’i, mo’di ovi ileni ile kulunjwa ‘ba, ongu andaani avire Kristu di’i.
\v 8 Anyinde anyi anyini dudu anyelegwe nga anya i'bu edezo ayosi ra ile kelegwe anyidi si pi ku, dudu anyesu anya nga avo akee anyini anya i'busi ile tuwadu.
\v 9 Mo’di edere opko lini Kristu di ni ga ku, ti kalaga lakasi laga ri Rubanga ako; mo’di edere opko lini Kristu di ni ga ri, aa Ata to pi Ngwa to.
\v 10 De mo’di zi emu anyidi ezi lini ‘di ayo ku, anya’i andaa ni anyidi zoga ku, anyizi andaa ni lazi si saa ku;
\v 11 A’dusiku mo’di andaa ni zire ri kesuo emuru i’bu andaa di injwi ri to ra.
\p
\v 12 Kesu le’jo karako mani cwile anyini aa saa ‘i, maraa loso ri ame’bu waraga vino to ayo ku, ti megenie emuzo anyidi anyini ndere ga, ke’be mamu molo’joru anyito gbogbo e’bedu asi i’bwe amadi kugadu de.
\v 13 ‘Bonji nyaa ambazi ni ovile ri di zikii nyi laka.