\id 2TI
\ide UTF-8
\h 2 Timoteyo
\toc1 2 Timoteyo
\toc2 2 Timoteyo
\toc3 2ti
\mt 2 Timoteyo
\c 1
\cl Andati  1
\p
\v 1 Paulo ni maju Kkristo Kristo di le Rubanga di si rii, kende nga ecarale lidi Kristo Yezu ni aga ri si, 
\v 2 Timateo ni, 'bura lele ndo rii; Kiza, 'a i'bwe, pi i'bwe engare Rubanga Ata di piKristo Yesu ni ama Opi di to.
\p
\v 3 Manjo Rubanga ni ‘ibu na maa edele engazo ama a’bi disi, asi okole si rii, de mera nyi liri elegi madi niga ini pi itu to na'i. 
\v 4 De mera nyaa minda, malee okposi amande nyi dudu mani asi kuga de anjo si. 
\v 5 'Di era ma a'i nyidi anda gba ri si, a'i ati olure nya ada Loisi pi nyende Yunisi to ni aga rii, ongu megenie okpwosi andaa 'i saa kolu nyini aga.
\p
\v 6 'Di le’jo ni ekwi ma nyini erazo rii, vu le nga Rubanga a kele nyini olure nyaa 'aga ile'i maa di ‘baka nyini dige si rii. 
\v 7 A'dusiku Rubanga ke amani sai ori di’iku, ti mori di’i, le di’i ongu oluzo amani ekukazo wa ri di'i.
\p
\v 8 'Disidu dinja kuko nyi ku sadeni ama Opi di si, pi, ma Paulo ni Andaa mabusigo ri di si ku. Duna, lami ecandi ofu loso ri di mori Rubanga di ni vuga si. 
\v 9 Lari ama ni ongu lungwe ama lungwelungwe okole ri si. Ede 'di ama i'bu ni vuga si ku, ti nga Andaa a ti o'bale ra ri a vugasi pi kiza si. Anda ke nga dipi amani Kristo Yesu ni aga vu’edo kuru kuru du. 
\v 10 Ti diadu lararika Rubanga di ‘edete ru mo’di amani larire Kristo Yesu a efuka si. Kristo la'bu da ni ti ni ongu ezi lidi lokore ku ri ingwe aga leti ofu loso ri di si. 
\v 11 'Disidu e'du alupe ma le’jo ngerega maju du ongu 'ba lenire ga.
\v 12 Mecandiru maisa nga 'di pi si. Ti dinja ko ma du ku, a'dusiku ma ni ra ma'i a'di ’i ya ‘i. Megeni ma'i rere ra Andaa kekuka nga maa ‘bale Andaa ni diga ri wa kusa ko o'du naniga 
\v 13 Mba ofu egeni le wa nyaa erile madi si ri ni ta, a'i pi le Kristo Yesu ni aga ri si. 
\v 14 Mba nga loso Rubanga a kele nyini ri ni ta, mori Endi Okole olure amani 'aga ri di si.
\p
\v 15 Nyini ra ‘ba olu'ba Asia ga ri pi e'beki ma ra. A'ini aga Pigelu pi Hermogene to. 
\v 16 Rubanga kede kiza Onesiforo a ‘ba zuga ri ni, a'dusiku andaa ekonyi ma ra ongu dinja ko andaa ni maa nyori si kuru. 
\v 17 Duna, saa anda oluzo Roma ga ri ‘i, nduma okposi ongu esu ma ra. 
\v 18 Rubanga kede andaa ni kiza o'du na si. Nyini leti andaa mani ekonyizo Efeso ga si ri losodu.
\c 2
\cl Andati  2
\p
\v 1 'Disidu, maa ‘bura, esu okpwo kiza Kristo Yesu ni aga ri si. 
\v 2 Nga nyaa erile madi si sadenia amgbu anda ga ri, e'du leni a'i ke a'i ‘ba egenile wa ongu ‘bazi leni’ba wa ri pi ni.
\p
\v 3 Mi ecandi mato aludu kende asekere Kristo Yesu di loso ri a mizo ri ani. 
\v 4 Asekere go emu andaa ni le’jo 'ba lidi 'dia di ni aga ku, dudu andaa kuke asi i'bwe amba andaa di ni. 
\v 5 Pi saa, de mo’di kwi larafuka angu di ni ga, a'i andaa laga ra ni ku de ova cara ova di ni vuga si ku na ‘i.
\v 6 Kulee mo’di losi sore okpwosi ri kesu andaa ewo ati anya efure ati ri di ni ga si. 
\v 7 Ra le’jo maa ‘jole 'di ni 'a, a'dusiku Opi kuke nyini nga ni ekwi erika nga 'borodu aga ra
\v 8 Era Yesu Kristo ni, engare ori Davide di ni ga si, ongu enjile da asi pi ri. 'Di viru ofu loso madi maa ngele ri to. 
\v 9 Maa recandizo du ko ale akombe du ma nyori si mo’di cara ngure ra ri ani. Ti le’jo Rubanga di omberu ku. 
\v 10 'Disidu mebi nga boroduu ‘ba ovile ra ri pi si, dudu a'i saa kesuki lararika Kristo Yesu ni agar ri eku lokore ku ri to.
\v 11 'Di le’jo egeni le wa ri ‘i: “De adakii ra Andaa to, evo olukii lidi saa Andaa to, 
\v 12 de ebikii ra, evo olukii opi ga Andaa to. De agakii Andaa ni imgbe, Andaa saa kumu kuga ama imgbe. 
\q
\v 13 De akolukii ‘ba egenile kpe ri ‘i, Andaa le kolu tesa egenile wa, a'dusiku Andaa ate Andaa ni gare ga Andaa nga si ku.”
\p
\v 14 Olu liri a'ini erare ga nga 'di pi si. Ecara a'i Rubanga andaga kulu'jakii ku le'jo ni pakwi si, ile andaa ni konyi ako ongu kenji 'ba eri'ba ripi'i. 
\p
\v 15 Embaru re'detere ga Rubanga ni mo’di esire ra rii, i'bure dinja a kole kpe rii, ongu le’jo Rubanga di anda ri ni lenire leti anda ri si ri ‘i.
\p
\v 16 Adu lo'jo‘jo ekwi ako 'ba zire lolu Rubanga to ri ra. 
\v 17 A'ia lo'jo'jo kemu kaca juwe ‘ba sure su ri di ani. 'Ba ileni lele ga Himeneau pi Filetu to. 
\v 18 Le’jo anda ri ni e'be'ba ra ri pi ‘i Ku'jookii enjika pi da ga si ri ederu wo ra, ongu kenjikii ‘ba zi ni a'i.
\v 19 Kolu 'dini saa, le’jo ni pa Rubanga a 'bale ri kede anda kare ingwe ga. Nga cwile laka ri ku'joo, “Opi ni ‘ba Andaa di ra” ongu “Mo’di alu alu lurungwere Opi a ru si ri kule ke’be lidi injwi ri ra” 
\v 20 Zo koroni di ni aga okozo aa ri te edele mula sure su ri si rii papala ku, kesu edele aya ingwe ri si saa'i. Okozo zipi ede kwe si ongu zipi ede utu si. Zi ri pi i'bu laru to ri ni, zi pi i'bu laru ako ri ni. 
\v 21 De mo’di kujwe anda ni i'bu laru ako ri ni aga si ra, andaa kecoru okozo laru to ri ‘i. A'ba andaa ni bara ga e'bule Opi ni pi kolu baba i'bu loso ri ni edezo.
\v 22 Fe fuco yayi di ni ga si pi. Luvi anda anda ni vu ayo, a'i, le, ongu i'bwe 'ba Opi a ru ni lungwe ‘ba asi okole ri si ri pi to. 
\p
\v 23 Ti ga lazi lazi mamali di nga nika ku di to ra. Nyini ra kezikii kipele ayo.
\v 24 Opigo Opi di kule kulu’ja ‘ba to ku. Rari andaa kolu i'bwe ‘ba 'borodu to, keleni ‘ba wa ongu kolu nga mire wa rii. 
\v 25 Andaa i'bwe ni aga si kulee keleni ‘ba andaa le’jo ni ga'ba imgbe ri. Nasi Rubanga kuke a'i ni enji ruka ra lini a'ia esule le’jo anda ri ni dige ri si. 
\v 26 Nasi kusoki liri idi ra ongu ke'beki iba sitani a osile a'ini kozo ile ra, ovidu andaa a'ini kozo atisi ra andaa lara ni ri ani.
\c 3
\cl Andati  3
\p
\v 1 Ti kulee anyini nga 'dii: O'du vulega ri si saa ecandi di kemu kolu ‘aa. 
\v 2 A'dusiku ‘ba kevo kule a'i a'ianga si, kuleki rubia ayo, kecuruki, di na pi kecoru okpo, kulu’joki nga Rubanga ruge laru ako, eriki ata ende to ku, keki anjo ku ongu kugaki lidi okole ri imgbe. 
\v 3 Koluki le gba gba ri ako, kugaki tolukoka o'ja’bazi to imgbe, kedeki’ba ede, kekukaki a'ia ru kpe, o'ja’ja ‘ba ongu kugaki nga loso ri imgbe. 
\v 4 Koluki ‘ba 'ba lezi ‘ba rii, lidi ni anda ako, 'ba recu’ba rii, fuco injwii ri ni leka ayo Rubanga leka ni kare ga rii.
\v 5 Ko’bikii Rubanga ni ovi ra, ti ke'du kugakii mori na imgbe ‘Ebe ‘ba ilepi ra. 
\v 6 Zipi a'i ni aga ago lukwi’ba zo asi uku mamali ri ni lunjwa’ba ri’i. A'i 'di uku olu’ba te enji aga ongu fuco mgbi mgbi ri a lazile ni ri’i. 
\v 7 Uku 'dipi kolukii te nga lenire ga, ti sa kii lini le’jo anda ri di ni ga ku.
\v 8 Ovidu Janne pi Jambre to ri a o'ja 'dizo Musa ni ruge ri ani, luponyia enjo 'dipi saa ku'dikii o'ja le’jo anda ri ni ruge. ‘Ba 'dipi a luge loso ku ongu a'i enjo. 
\v 9 Ti voki lolu ku a'dusiku mamali a'idi 'ba 'borodu kevo kunie ra ago azika na pidi ani.
\p
\v 10 Ti de nyi ‘i, nyoko maa lini ni vu 'i, maa lidi ni ovi oluzo rii, nga ma lele medee ri ni ekwi, a'i madi, le’jo mika, le madi to, 
\v 11 ecandi 'ba a kele mani, ecandi maa esule ri, nga redere mani Antioko, Ikoniumu ongu Listra ga ri ‘i. Me’bi ecandi ‘ba a kele mani ni ri ra. Ti Opi lari ma a'ini aga 'borodu ra. 
\v 12 ‘Ba 'borodu leka a'i kolu lidi Rubanga di ni vu si Kristo Yesu ni aga ri kesukii ecandi ‘ba ga si ra. 
\v 13 ‘Ba injwi ri kenjarukii injwi to anda ga, a'ini zire ga ‘bazi to leti ego ri ni ga
\v 14 De nyi ‘i, nyidi olu nga nyaa lenile ra ongu a'ile ra ri ni ga. Nyini ra nyeleni nga 'di a'di di si ya’i. 
\v 15 Nyinira nyeleni le’jo ‘Buku okole ri ni aga ri furu 'bonji nga. A'i 'di ku'ba nyecoru cirri lararika esule a'i Kristo Yesu ni aga ri si.
\v 16 Buku okole ri 'borodu cwiru uluvi Endi Okole ri di si. Anda ni loso lini ni, nga ni ekwi erizo, reduzo, ongu lerenizo lidi anda anda di ni ga. 
\v 17 Dudu mo’di Rubanga di kolu mo’di i'bu edere wa rii onguru ro'bare baba i'bu 'borodu loso ri ni edere wa ri ‘i.
\c 4
\cl Andati  4
\p
\v 1 Make cara okpo 'di Rubanga pi Kristo Yesu a anda ga, anda ni le’jo ‘ba lidi ri pi ni le’jo lalire ‘ba daka ra ri to ri ‘i, onguru Andaa landeka pi Andaa opi to si. 
\v 2 Nge le’jo; olu baba saa loso ri si pi saa injwi ri si. E'ja ‘ba, ejojo ‘ba le’jo mika si ongu nga lenika si.
\v 3 Saa ’ba a lini anda ri ni lezo ku ri kemu kesa ra. Ti, kevo kulundukii luponyia a"ia lele ri pi ni ovi ’i, kevo kulu; jokii nga a'ini bi la’are ri a lele erile rii ‘i. 
\v 4 Ke'bekii leti anda ri ra, ke'du kulekii o'do anda ku ri ayo. 
\v 5 Ti nyi, olu luge ra anda ri di si nga tuwadu aga. Ecandiru, ede i'bu le’jo Rubanga di ni lungezo ayo ri, eko nyaa ‘ibu.
\p
\v 6 Ma'i le diadu acu ma wo cu pi. Saa madi muzo pi ri esa ra. 
\v 7 Ma'ja o'ja loso ri ra. Meko angu madi ra; mamba a'i ni ta ra. 
\v 8 Tegiya opi di le'jo anda anda di ekuka mani baba, Opi ni le’jo lalire anda ri a emule kele mani o'du ilesi rii, te mani a'dule ku, ti ‘ba tuwa Andaa emuka ni leka ra ri pi ni sa to.
\v 9 O'bi emule madi ezeze. 
\v 10 A'dusi ku Dema e'be ma ra. Andaale le vu 'di ayo ongu mu Tesalonika ga pi, Kresenii mu Galatia, ongu Tito mu Dalmatia.
\v 11 Luka lesi mato tete ni. Ezi Marko ni to a'dusiku kekonyi ma i'bu ge. 
\v 12 Mazwe Tikiko ni Efeso 
\v 13 Ezi bongu madi maa e'bele Karpu di Troa ga buku madi to, ndo ndo le buku eni di ri pi to.
\p
\v 14 Alisanduru ni eremugo ri ede nga injwi injwi mani yayadu. Opi kemu kolokwe andaa ni i'bu andaa di ni vuga si ra. 
\v 15 Kulee nyisa anyimba nyini ru nita andaa si, a'dusiku andaa le le’jo 'badi ku kwa rere. 
\p
\v 16 Maa amani dimba ngezo ati lokiko andaga ri ni nga, mo'di alu saa ede mato kuru. Dunasi, mo’di alu alu e'be ma ra. Kulee ku'baru mani a'ini ruge le'jo du ku.
\v 17 Ti Opi ede mato ongu emba ma okposi, dudu ofu ni kungeru madi si loso loso, pi dudu 'ba Rubanga ni'baku ri pi saa kerikii; ongu enge du ma ibi tige si pi dudu juru saa keri ofu 'di. 
\v 18 Opi kumu kalari ma i'bu injwi ri ni asi 'borodu ongu kumu kekuka ma opi Andaa di ru'buge ri ni. Eku kolu Andaa ri tadu. Amen.
\p
\v 19 Zi Prisila pi Akwila to, pi ‘ba Onesiforo di 'boru ri to laka. 
\v 20 Erastu lesi Korinto, ti me'be Torofimo ni Miletu ga ru na injwi. 
\v 21 O'bi emule meli kusa esare kuku. Ibolo zi anyi laka, Pudeni pi, Lino pi, Kalaudia adiinji zi ri pi to zikii nyi laka. 
\v 22 Opi kolu nya endi to. Kiza Opi di kolu nyito.