\id 2CO
\ide UTF-8
\h 2 Korinto
\toc1 2 Korinto
\toc2 2 Korinto
\toc3 2co
\mt 2 Korinto
\c 1
\cl Andati 1
\p
\v 1 Ofu di enga Paulo ni Rubanga a ovile olure re ga maju Yesu Kristo di ri di ama adozi Timateo to. Ziki ba Kristo di Rubanga di to Oluba Korinto ga ri pi ‘ I, pi Kristo ba borodu Rubanga di (Grigi) oluba Girigi ni vuga ri pi to.
\v 2 Rubango Ama Ata pi Opi Yezu Kristo to kuke anyini kiza asi ibwe to. Paulo kanjo Rubanga ni (Rubanga asi ibwe cidu di ‘i).
\p
\v 3 A akeki anjo Rubanga ni ata ama Opi Yezu Kristo di ni, anda ni Ata kiza ni ata ri ‘i!
\v 4 Anda ni mo’di amani (elokore) ekonyire candi amadi ni aga si rii, disi du (ama) ba i sa ake ekonyi (konyi)’ ba zipi candi esuba ri ni saw a, edaki kiza alu alua engare Rubanga di si ri ayo
\v 5 Kalande ama remuka candi (monigo) amgbu Kristo di ni aga ri ani, emuruki ekonyi anda di (nja) (amgbwugo (eyo) ri si ra.
\v 6 De ecandi ru sa, ile (ibri) kolu ekonyi ‘ba a esule ri si ongu di ama laraika (relokoka) i. De eko nyi ama, anyi sa ekonyi anyi ake amani (‘bani) okpo candi ‘di ni ebizo (mizo)
\v 7 Mata asi anyi si, adusiku mani ra ata anyi to candi alu alua ri ayo, anyi sa anye ro anysu konyi ama esule ri ra.
\p
\v 8 Ma adinji male anyera candi ama esule Asia aga ri zwa candi ama ebile (diadi) (duwadu) ri ra, ebe du amani kura amevo amo lu lidi ri ra ‘i.
\v 9 Amani sin a ali da amani liger a. Nga di ederu amani amani egenizo amanga si ku (ama ama niku), ki ra ‘ri amegeni te Kubanga ni ‘ba daka ra ri ni enjire ri ayo.
\v 10 Lari ama candi injwi da di ni aga sir a, kemu kalari ama ra, ama asi taka anda si si, kemu kalari ama idi.
\v 11 Anyisa anyakonyi ama elegy anyi di si ri ani. Rubanga keri elegi ‘ba yayadu (ubia anyabwu ri dir a, kuco tutu amani ruga ra. Ba amgbu (ubi yayadu) Kengaki aia uduku anjo kere ga Rubanga ni ama si. Paulo kulufu awe anda di (anda awe).
\p
\v 12 Nga ama oluzo anjo to rid ii, amani asi (aside) kedetee amani ‘ ibu rudige dia nda ndo le anyiri ekonyizo ri ‘i, amedee lejo anda asi okole ri di si Rubanga ni Andaga kiza anda kele ri si cirri vudi di si ku.
\v 13 Macwi anyini nga anya lale wa onguru anya ekwina ni erile wa ri ‘i. Megeni anyeri ekwina pelere ra.
\v 14 De anyini lejo ni ekwi ni adi ca ku sa, anyeni anyini e ra, ‘du ‘du O’du Opi Yezu Kristo di si anjo kemu kuko anyi amasi cwi (ra), ama ‘i sa amero amanjo anyi sir a.
\p
\v 15 Ma nga di nila ra si, maraa amemu anyidi kpa, ‘du ‘du anyevo anyesu du tutu vu eri.
\v 16 Edu si ku akoluki anyeto kpa, madi mu Macedonia ga, Onguru ma engwire ga Macedonia ga si ‘du ‘du amande anyi to kebee du anyike mani ekonyo mani kizo Yudea ga.
\v 17 Anyi raa mara ‘lejo di ni a ‘ca kuni ya? Anyi raa malura nga di manga si ya? Anyi raa gba gba du de malura nga di ni di pi na ra madi kolu ‘ba (Ekwi akoi) ri pi di ani, du du a majo ‘’Ooo, ooo’’ onguru ‘’ku ku ni saa alu alua ri si ya?
\v 18 Rubanga a oluka bwa bwadu ri ani, loku anda) ri ani, ‘lejo majole anyini ri nga a’ile ra ako ‘’Ooo’’ onguru ‘’kusa ‘’iyo ri ani ku.
\v 19 Adusiku Yezu Kristo ni Rubanga a Ngwa ni ama ‘lejo na ngele anyini sila pi to, Timateo pi to ni, anda ni mo’di nga aire (Lara ako, nyadu) ‘’Ooo’’ Kusa ‘’ku’’ (Iyo) ri ani ku’bwa bwa ri anda ni ‘’Ooo’’ Rubanga di’ i.
\v 20 Di ekwina ‘’Amen’’ si amajo oku Rubanga di ni ruge ru Yezu Kristo di si wa ri ‘i.
\v 21 Diadu Rubanga ni bwa ri kuke bani anyito mori edezo wa Kristu ni ga ri ni, anda lupe ama.
\v 22 Edu ba anda gura ama ni rige, ongu ke bani endi ole ri, i amani asige aga gura nga emure anda ga ri, i du.
\p
\v 23 Duna, malungwe Rubanga ni olure ga mani sadeni du, le, jo ni ekwi ma emuzo korinto ga kuru ri du du amekuka anyi la’da injwi ri ni aga si.
\v 24 Di ama majo anyini anyi’ba anya a’i ‘ibu ge ingoni ya, i ku. Duna, amale akedeki ‘ibu anyito alu du du anyini ‘a kuga anjo si de anya edezo okpwo anya ‘ai ni aga ri a ni.
\c 2
\cl Andati 2
\p
\v 1 Kule anucu ma de le’jo na kolu loso ku sa i. Ki mange nga ovi ma ndele redere mani Opi akele ri ni dipe.
\v 2 Lejo ni dini: Kristo bago zi ziru rubu oru ri nig e, kinya na lamvu diadi mudi a limbi isu ni ra. Maniku de ngadi ederu ra ya ‘i, nasi orobibi lubi anda ni ni, te Rubanga ni ni adute.
\v 3 Mangwaa idi, Maniku de nga di ederu ra ya iri ku nasi orobibi lubi anda ni ni-te Rubanga ni ni adute.
\v 4 Naa eri nga nga ba amgele yakwe ri ‘i, nga lele bani leda ku’jo kpe ri i.
\p
\v 5 Mecuma m’odi di si waki mangasi mecu maku mecuma tete nga mani edete okpo ako ri si.
\v 6 De amale mani ecaaka ra sa moludu mamali ku, adusiku medete nga bwabwa ri ayo ki male amecu ru ku, adusiku male mo’dizi kenja ra anda mani ecuzo rii, nga anda ndele ma a edele pi nga anda erile ma’ jole ri si ku.
\v 7 Ki amecu du ma nga amgbwago ma ndele ri si ku, ebe du nga soma agaga, ‘ba majugo ku (adute adute ku).
\p
\v 8 Lejo di si melegi opi di vu ina kudu nga di mani dige si pi.
\v 9 Anda ai ni: ‘’Ekonyi madi ate nyini ra; okpo madi nja rere de nyolu okpo ako, i. ‘’Malanjo amba mba ma ecuka ma mori ako si si, dudu amesu du okpo Kristo di mari mara lute zo.
\v 10 Malanjo ma oluka mori ako si, mani ludaka si, ecandi esuka si, ecandi keka amani si, pi ma ecandi mbwimbwi esuka ru Yesu Kristo di si si.
\v 11 De ma mori ako, karasuke (ambi ma) ma okpo rere. Mede nga kalande mo’di mamali ri anyi’i. Anyinge mani dimba wa ri anyi ‘i. De amolu mo’di ekwi ako rii sa maju anyidi zwa ma ku.
\p
\v 12 Ovi idetezo du anya andaga ma maju ri ederu anya lelega lejo ebika nja ri to; laka nga edeteru ra (lete), nga anzo rii pi nyuma to saa a’a.
\v 13 Ngazi anya esule ga kalande Kristo’ba zipi a sule ri ani ri a’di? Rari ma anyini ecandika mani ta mbaka ku si ‘i. Kiza si anye’be mani ma anyini ecandika ni ra.
\v 14 Di diadi vu inazo ma emuzo anyini ndire ga ri’i, ki ma’ba asi nga zi a’izo anyidi ku. Mal lele ri anyi ‘i, anya rubia ‘i ku. Anyini ra bonji mba aia ata nit a niku, ki ata kumba aia bonyi nita ni.
\v 15 Memu molu anjo to nga madi ni enjika pi mani keka ayini leka ndo si ya?
\v 16 Anyimba ma ta karu ni anya ie ra. Ki ba zipi kevo ku’joo ma modi luna re rii malunjwa anyi enjo si.
\v 17 A’dusi? Ma ’ba zweka anyidi si malunjwa anyi enjo sir a ya?
\c 3
\cl Andati 3
\p
\v 1 Di kedetee amecuru amangasai ya? Ba zipa a lezo ri ani, amale ofu nya ni dimba nyere anyini ruge ri ku, kusa ofu engare anyi di ri ku.
\v 2 A’dusi anyi gbwa anya ngasi ofu ru ewire amani asi aga ba borodu a ndele onguru aia lale awa ri i.
\v 3 Edeteru pelere (‘ca) anyi ofu engare Kristo di ama ngole rigi; acwi ingi si ku ki cwiru Endi Rubanga olure lidi ri si, cwi onu nga cwizo ri ni dige ku, ki cwi anya asi lidri ri ni aga.
\p
\v 4 Ama nga di ni jo zo rii, amageni Rubanga ni Yesu Kristo si.
\v 5 Amede nga di ama okpo si ni ama ni aside ge iyo ki okpo ama edezo ri enga Rubanga di.
\v 6 Anda ni modi amani okpo kere oluzo ibuba cara u’di di di ri ‘i. Cara di ac wi nukuta si ku, ki acwi endi si. Ofu cwile nukuta si ri kezi ‘da, ki endi le kezi lidi.
\p
\v 7 Cara da ezire ri acwi nukuta si ori dige sa ekezo ri si, edete oku Rubanga di ri ra. Esu (saa) muze ami sure oku Rubanga di sis u ri, ‘ba Israeli maki ndekana kpe ozi oku di olu bobo du ku.
\v 8 De cara da ezire ri kemu oku to dini na, ‘ibu endi okole ri di a oku a amburu (retu?) ni ingoni pi?
\v 9 De ibu ‘bani da lalizo ri a oku kolu dini na, ibu ba ni enji ebezo ri ni oku kolu ingoni pi ya?
\v 10 Bwabwa du, oku diadi ri a oluka ambwugo du rere si, ebe oku andari eze ambwugo ri e iyo.
\v 11 De nga bobodu ri ni oku kolu nja dini na, nga olure tadu ri a oku kolu nja rere.
\p
\v 12 Ama nga dini egeni ka si, Amange lejo asi okpo to.
\v 13 Kalande muze diani anda anda ti labure bongu si cwi, du du ‘ba Israeli di kunde du anda mi sure ri a legweka ni ku ri ani ku.
\v 14 Bwabwadu asini pi kura nga kpe; bwi dia du, cara oku ri lazo ri ni nga bongu alua ri olu diadi sa na ‘a. Bongu di duru eze sa kuru, rari te Kristo kuduo wa ri ni.
\v 15 Bwi diadi, de ala cara muze di ai sa, bongu na tozo (kemu) kzu aini aside di.
\v 16 Kalande Buku okole ri a ‘jozo ri ani: Bongu na ‘duru ku, bwi kufuki Opi ni a’i kpa.
\v 17 Diadi Opi ‘di Endi; kare Endi di a lure ga ri ni ga dimbwo a’a.
\v 18 Ama borudu amande oku opi di andati labaku ako. ‘Di oku alua rii engare Opi di rii (ogo) anda isa enderi, amani ovi ecore anda ani, oku nja emure lesire ku ri ni agar ii.
\c 4
\cl Andati 4
\p
\v 1 Ake amani ‘ibu dini edele kiza Rubanga di si; disidu amalande laku ku.
\v 2 Amaga nga edele dinja du onguru ogu ogu ni ri imbwe; amide nga onjo du, kusa lamu zo le’jo Rubanga di si enjoduku. Ingwe bwa bwa ri si amolu Rubanga anda ga onjuru amobie le’jo lalile amani di ge modi alu alu a ra loso ri si.
\v 3 Ofu loso ama ngole ri de kuzura bazi pi ni di, ile zuru te ba legweka di ri pi ni.
\v 4 A’iki ku ni a’dusi Rubanga enjo vudige dia ri labu asi napi cwi. Ebedu ndeki ingwe vu zire ai di ku, ingwe engore ofu loso ri ni aga si eku Kristo ni gbwa Rubanga gbwa ri ani ri di ngere ri ‘i.
\v 5 Disidu amange nga amani dile ga ku, ti amangee Yesu Kristo ni opi ri adile ga, amale a madi lejo Yesu di anyini ayo?
\v 6 Rubanga ni jore, ‘’Ingwe kungwe vu mudi aga ri, anda ni Rubanga alu alua bare ingwe anda di Kugwe amani asi aga du du ba borodu kunde lini Rubanga oku di a sule ‘Kristo a andati ge ri.
\p
\v 7 Ama Aluka limi andi di to si, amalande ku’ do bile ludwi si ri ani idete zo okpo ndedi a lagare pi rere ri Rubanga di i, amadi, I ku.
\v 8 Ecandi ama odu adu si, ki alada amakpo ni kuru; zipi si amani di kukiru, ki amani asi (di) lumvuru ku.
\v 9 Ama o’ja ‘bazi ya yadu (mundara) ki rozi amadi loko ku; zipi si alada ama injwi sa, diki ama ku.
\v 10 Amale mu odu cidu si amani ruge yazu a dato, du du anda lidi sa kalande ama ruge wa ra
\v 11 Ama lomure ga lejo Yesu Kristo di si amani lidi candid a dini aga du du anda lidi kunderu ama ru dare wa ri ni aga.
\v 12 Da kede ibu amani asi aga, lidi kede ibu anyini asi aga.
\p
\v 13 Buku okole ri kiyo: ‘’Ma jozo ri adusiki ma ‘I ra.” Disidu endu aidi alu alua ri si amaisa ama jozo rii ama a ‘i ra.
\v 14 Amani ra (ja) Rubanga ni opi Yesu Kristo ni engare lidi rii kenga amaisi Yesu pito lidi, kuzi ‘ba anyito kare (ole) alu ga anda ni anda ga.
\v 15 Nga di borudu (ederu) anya lejo si, kiza asi ibwe Rubanga di kaca bani cidu kebeedu kelegiki okpo si anjo kezo oku Rubanga di ni.
\p
\v 16 Lejo disi amebe ra amadi ku. De amani ru gba ri kevo kada ra sa, ki rusa lidi ama endi di kuzi renja si odu cidi si.
\v 17 Candi angwa ama esule ‘di kuke amani oku nza lokore ku ri ra, kuzwa candi ama esule ri okpo si ra.
\v 18 Amaba amani asi nga ndele wa ri ni ga ku. Ki nga ama ndele ku ri ni ga. Nga ndele wa ri kelegwe saa ga si (ezeze), nga ndele ku ri kolu tadu.
\c 5
\cl Andati 5
\p
\v 1 Amani ra (ja) zo sile rudige dia ri- adusiku amalayi ru vudige dia ri ra, zo Rubanga a sile amani rubuge ri a ‘a; ba di Rubanga ni andangasi edeni onguru kolu tadu.
\v 2 Diadi amani asa kalajwa adusiku ama vico bongu amadi edele baba rubuge ri ni suzo ri nja rere;
\v 3 Ama oluka vico di to si, evo esu ama assa ku.
\p
\v 4 Ouka zo vudige dia ri ni aga si esu candi asi lajwa to; di kajoru amaga ama ru vudige dia ri imbwe ku, ki amale amesu amani ru ‘rubuge” ri i, du du ru mware wa di lidi kuru du co.
\v 5 Di lejo toma Rubanga amanibizo rii onguru ke amani endi anda di gura du.
\p
\v 6 Amani asi odu cidi si okpo. Amani ra de amolu bar u di dini aga ama ba opi di ni agasi langwe
\v 7 Lidi amadiai, anda ni nga ndele mi si rii ku.
\v 8 Amani asi okpo amale loso si amebe ba ru di ra, amaro olure ba Opi di ni aga.
\v 9 Ki amale anjo keka andani kuzwa nga borudu ra, ba amadi di maga kusa nale ri ni aga.
\v 10 Kole ba borudu akuvoki Kristo a anda ga; kemu lejo amadi ni lalire. Du du modi alu alu kesu du lamgba nosi nga anda edele lidisi injwi kusa loso ri ni vuga si.
\p
\v 11 Amani leti Opi ni ruzo ri ra (ja) disi du ameta ba. Rubanga ni ama loso du; moganie anyisi anyini ma anya asi aga loso du.
\v 12 Amobi ama ovi ni edeteka anyini idu ku, ki ra rii amedete anyini lejo gbwa anyini recuzo amasi ri; dudu anya ‘i ‘ba rucuba ba zipi a ovi si ri wa ki aia lidi si ku.
\v 13 Ama gbwa gbwa du mamali ya? Ki de ama mamali, ama mamali ri Rubanga si. Ama ‘baciri to rii ya? De ama cirri ri anyasi.
\v 14 Le Kristo di a mani laseka ni si, diadi amani ra modi alu da’ba borudu si ekwina ‘ba borudu emeru da anda di ni ya alu.
\v 15 Da ba borudu si du du ‘ba lidiri kolu du aiangasi ku, ki koluki du du andani gbwa dare onguru ngare (enjire) lidi aia lejo si ri si (ni).
\p
\v 16 Ngazo diadi bwi anda ga akalali ba zini le’jo ciri‘ba di si ku. De kesu andani abalali Kristo a lejo ciri ‘badi sis a ederu diadi ku.
\v 17 De modi pi kemuru ki Kristo to alu diadi anda ni mo’di udi rii, nga oku ri diadi laga pi, lidi ri esa woni.
\v 18 Nga di borudu Rubanga ede ni. Amba oluka anda o’ja bazi ‘i si Kristo si eco ama anda rozi i. Onguru be amani ibu bi zipini ecozo enda ni rozidu rii.
\v 19 Nga ama ngele ri dii, Rubanga eco ‘ba vudige ri borodu rozi du Kristo si. Rubanga ‘ba bi aia enji nig a ku, onguru ke amani le’jo anda ai ni ecozo rozi du rini (ngele ayo).
\v 20 Ama diadi ‘ba Yesu Kristo ati ediba rii, kalande Rubanga a ‘ba aizo (aika) leti amadi si ri ani: Yesu ni tige ama ai anyi, kulee Rubanga keco anyi anda o’ja’bazi rii anda ni rozi du!
\v 21 Ama lejo si, ba Kristo ni enji ako ri ecoru (engwi) enji to, du du Yesu si akalande (akalamiki) anda (nga loso) Rubanga di wo drini.
\c 6
\cl Andati 6
\p
\v 1 Ama oluka ibuba Rubanga di ‘i si, ama ai anyi, kulee akukuka kiza Rubanga di anya a esule rii ibu ederu ga ku.
\v 2 Anyori le’jo Rubanga a jole ri. “Mori anyi sa nasi kiza edezu ra, mokonyi anyi o’du na si anyini lari zo.” Anyori” di saa kiza Rubanga di ni esuzo ri’i, di endu odu lararizo ri’i.
\p
\v 3 Ama amangasi le amuluba leti ku dudu ibu amadi kudi oku injwi ri ni esu ku.
\v 4 Nga borodu ama odele di kedetee ama ba lejo Rubanga di ni ngoba ri ‘I le’jo ebika luzuka ako, candi, nga ako, asi lajwa
\v 5 Lamgba to, mabusi to, o’ja to, landeka to, o’du koka ako to abiri to;
\v 6 Le’jo bwabwa ri to, lini to, le’jo mika (ebika) to, kiza to, Endi Okole ri to le bwa bwa (dranga) du ri to,
\v 7 Lejo anda ri to, okpo Rubanga di to, ago ni kwe anda di o’ja dizo ri ni koka di anda si onguru di legi si.
\v 8 Ama oku to sa ba olu amani edere; ba amani edere ga sis a ba kecu ama, amajo nga anda (bwabwa) ri sa, aba ama ba enjo ri ‘i du.
\v 9 Amalande b anile ku ri ari sa, ’ba borodu ni ama ra; kalnde amada ra ani, ki anya ndezo ra ri ani amolu lidi. Ake amani lamgbwa ra sa, diki amaku;
\v 10 Amalande ba asi lajwa to ri ani, ki amolu anjo to odu cidu si; ama landa nga ako, ki ama ba ba yayadu engwi limu to; kalande ama ba nga ako ri anis a, amadi nga borodu aa.
\p
\v 11 Anyi ma rozi ma lelendo Kristo ni aga ri! Majo le’jo di anyini asi si, ametede le’jo amani asi aga ri anyini pelere.
\v 12 Amalukwi le’jo amani asi aga ri anyini ku, ki anyulukwi nga anyini asi aga ri amani anyi i.
\v 13 Ma’jo nga di anyini kalande ma bonji i ani. Anyedete amani ovi alu alua ama edetele anyini ri’i. Anyadete le’jo anyini asi aga rii amani pelere nga lukwika ako.
\p
\v 14 Akemuru ‘ba a’i ako ri to alusaku, adusiku anyi ‘ba mgbimgbi ri’ i. Nga loso ripi kesiruki nga injwi ri to ingoni ya? Ingwe pi kolu ini to kare alu ga ingoni?
\v 15 Kristo pi kalamiki lejo sitani to wa ya? Nga ‘ba a’i to ripidi ‘ba a’I ako ri to ri ingo ‘i?
\v 16 Emuzo Rubanga di ori injwi ba a edele ni ri to kare (ole) alu ga wa ya? Ama zo Rubanga lidi ri di ‘i! Rubanga ni gbwa ri a joka: “Maba ba ma’di ba madi to, Medu molu ai ni aga, Molu Rubanga ai di I onguru koluki ba madi ri ani.
\p
\v 17 Disidu! “Anye ‘be ai, anyalanjuru ai to ra, Akelo nga andi ri ku. Mako ma’I anyi ra,
\v 18 Molu anya ata’i, anyolu ma bongi i ongu ma injonji’i. Opi okpo to ri jo nga di ni.
\c 7
\cl Andati 7
\p
\v 1 M’adinji, le’jo di ecaranu ama borodu (cidi) ni. Disidu (ayodu) enge ama nga borodu injwi ama ruge nosi ama endi ni ecore injwi ri ni aga si pi, ongu akoboki olule (ole) okole, akoriki Rubanga lidi amadi ni aga si.
\p
\v 2 Amajo nga di le’jo lalizo anyini dige ku, ki ma ‘jozo andani anyini ra ri ani, anyi amani loso;
\v 3 olu anyito alu ga, de akolu lidi de oduki ra sa ‘i.
\v 4 Mani le’jo anyidi ca; mecura anyi si. Candi ama esule ri ni aga sa, amani asi olu okpo, amani aga anzo sir ere de.
\p
\v 5 Ama esaka Macedonia ga ri a vuga sa, amani lovuka olu alusa iyo. Candi olu a‘a kare cidu ge, ojoja bazi to (sa olu aa), ongu ori sa olu amani asi ge aa.
\v 6 Ki Rubangani bani asi embare ri emba ama asi Tito a esaka si ra.
\v 7 Kite anda emuka si ku, ki anya anda asi embaka si. Etede amani le anya lezo mani ndezo rii, asi lajwa anya esule rii anya oluka baba ma o’ja bazi igagare ga ri’I aduzo ri, disidu manjo du okpo si (ebe du anjo monijo ri koma cwi).
\p
\v 8 De ofu Andani ma cwile ri eseka anyini asi lajwa ra sa, mani asi lajwa ma ofu name cwika ra si ku. Esu kulee asi lajwa kukoma du ra mandeka ofu na ke anyni asi lajwa ra si,
\v 9 Ki mani asi diadi ibwe, ma asi lajwa keka anyini siku, ki anya asi lajwa a baka anya lidi anydi ni ecoka rasi. Asi lajwa ile Rubanga eke ni, disidu make anyini cardi kura.
\v 10 Asi lajwa Rubanga a kele ri keco bani asi ‘ba zizo lala rire ga. Ngasi gale laka na iyo! Ki asi lajwa vu vudige ri kezi da.
\v 11 Anyinde nga Rubanga a edele asi lajwa anyidi si ri, ba anyoba ‘ba’ba anya lidi ni eduzo, bwabwa nga dipi ni aga: angala, ori, vico nja rii, le ibu loso ri ni edezo rii pi lamgba orika! Le’jo yaya du di mi asi, anyedete anyi enyi ako (anyedete anyi enji ako.
\v 12 De amajwi ofu ile anyini ra sa, edeteru macwi modi nga edere injwi ri si ku, kusa modi nga a redere runaniga injwi ra si ku. Ki macwi ofu ile anyini anyini edezo Rubanga anda ga ‘di anya le amani ruge ri ingoni pi ya ni edetezo.
\v 13 Dii bwadu amesu leti ama asi ni embazo rii. Te amani asi embazo ku, ki ovi Tito amani asi igbwe kezo leti anya anjozo ai to ri si.
\v 14 Mecu ama anyi si anda ni anda gar a onguru anyike mani asi lajwa kuru. Nga ama, jole anyini ri tesa lejo bwabwa rii. Disidi ama recuka Tito ni andaga ri esura nga anda rii.
\v 15 Anda le anyini lezo ri enjaru ambwu (eyo), Anyi borodu a anda ni ti Erika ra si ongu anya anda ni aika laru to pi ori to ni eraka si.
\v 16 Ma anyini egenika wa si, mani asi (enjwi) imbwe!
\c 8
\cl Andati 8
\p
\v 1 M’adinji, male amedete anyini nga Rubanga a edele Kristo’ba Macedonia ga ri aruge rii.
\v 2 Obi aini asi ecandi aia mi Zwale wa ri si, anjo aidi njagodu ri pi nga ako aidi zwa nga aia kele nga lou ako ri ra.
\v 3 Kule amera anyi keki nga nja aia ateka wa ri ni pi, ongu zwa di sa ra.
\v 4 Ziki ama dudu aisa ai kuke nga ‘ba Rubanga di yudea ga ri ni. Edeki nga di ra aidi si.
\v 5 Esu nga di ederu zwa ama rale ri ra! Ki ati asiki ai aiangasi opi ni; dini vuga le Rubanga di si aziki ai amani.
\v 6 Disidu amazi Tito ni ibu dini edore rii kalamu to du anda ga, kekonyi anyi asi cidu si ibu tema le di si.
\v 7 Anyi borodu limi to: a’i ge, nga’jore ga pi ciri ga, anya le oluzo baba ‘ba ekonyire ga ri ni ga, pi le anyidi amani ruge ri si. ‘Disidu amale anyisa anyede ibu le di ‘di ani.
\p
\v 8 Amaba anyini cara alusa ku. Ki medete anyini bazi a oluka baba aia rozipi (ba baazi)? Ekonyi ga ri ayo; male amesu di anya le tema ri ingoni ya ni.
\v 9 Anyini le ama opi Yesu Kristo dir a; anda ni limi to sa, ecoru nga ako anyi si, du du anda nga ako si anyolu du limi to.
\v 10 Ra madi le’jo di nig a ri di ’i; kulee loso rii anyeko nga anya edole kinya lagare ri si ri ra anyi ‘ba atizo ri ‘i nit e nga (ibu) edeka si adute ku ki kule anyisa anyile nga (ibu) edeka.
\v 11 Disidu anyeko anya ibu ni! Anyolu ekore na nig a baba! Anya vico kolu ekore na nig a kalande andani anya edozo ri di ani. Anyede nga di nga anyidi aa ri si.
\v 12 De anyi baba nga kere ga, Rubanga kai nga anya kelerib kalande anya olure ga baba kere na ni ga ri ani, ng anydi iyo ri si ku.
\v 13 Mobi ‘ba zi abeka amaba dud uteri te anya dige si ku; ki nga aoluka anyadiga nja si,
\v 14 anyobi ‘ba zipi ekonyi leka ra ri pi ni ekonyile. Dudu de anyisa anyile ekonyi, ongu de esu aidi nga a’a, kekonyi ki anyi ra. ‘Disidu ai eri tuwa kekonyi ruki ki kuvi ru vi.
\v 15 Buku ole (Okole) ri a’jozo ri ani: ‘’Modi nga tare nja ri di nga olu nza rere ku; modi nga tare ga ri di nga olu gar ere ku’’ ri ani.
\p
\v 16 Anjo kolu Rubanga ni anda Tito a asi ‘baka amadi ani anda anyini ekonyika si.
\v 17 Ede nga ama andani zizo ri ra; bwa bwadu anda ni diadu baba zwa andoni ri ra. Kemu anyidi anyini ndere tema anda leka si.
\v 18 Mazwe andani ama adozi alu ‘ba cidu (borodu) a rule okpo si Kristo ‘ba nga ibu anda a edele ofu loso ri ni ngeka si ri si.
\v 19 Kuvu adi ile ra, Kristo ‘ba lupo (ovi) anda ni lamure ga amato de amavo ibu le di ni edesi opi a ekusi si ‘i; onguru edetezo amale ekonyi kele ra ‘i.
\p
\v 20 Amegeni amageni ama nga anda ri ni edeka ayo si luruzuka kolu iba nja dini edere ga iyo;
\v 21 ‘disidu male nga loso ri ni edeka te Rubanga a andaga ku, ki ’ba andaga sa to.
\v 22 Ai ni awebazi du amazwe adozirezi na zo ri to; amobi asi na vu yaya du, ki rusa emsu anda ni baba ekonyi kere ga. Diadu sa anda egoni anyini nge aa, anda ni baba asarega ekonyi kere ga ai.
\v 23 Ki Tito le andani ma’ adozi ni ama ibu edere rezi anyi ni ekonyi re ga ri ‘i. Adinji eri aia vobazi ilepi edeki Kristo ‘ba karega ongu kuzika oku Kristo ni.
\v 24 Anyodete anya le ni anda ni; di kebee Kristo bazi kunie ama recuka anyi si ni nga bwadu (bwabwa) ri ni ra (‘ja).
\c 9
\cl Andati 9
\p
\v 1 Lejo mani ofu cwizo anyini ekonyi zwele ‘ba Rubanga di Yudea aga ri ni a dile ga iyo.
\v 2 Mani ra anyile ekonyi kele ra ‘I, ‘disidu maba lejo anyidi nja ‘ba Mcedonia aga ri pi ni. Dini adinji Girigi aga ripi obaruki baba ekonyi kere ga bwi kinya agini ri si. Anya le enja aia mori ibu loso ri ni edere ga ra.
\v 3 Amazwe adinyi (ilepi) (dipi) du du ama recuka anyisi ri akede du ku; ki ma ‘jozo ra ri ani dudu anyolu konyi anyidi to baba
\v 4 Kusa de ba Macedonia ga evoba mato ri kesu anyi baba ku dinja amani kore ri kolu ingoni pi? Dinya anyidi le joruka adusika amani ra anyi baba i.
\v 5 Le’jo disi amara loso ri adinyi dipi kuziki vosi amani andaga, dudu amesu ekonyi anya lele kele ri kolu baba de amesa ni amesu du baba dudu kedete le anyidi, ki mori si ku.
\p
\v 6 Anyira lejo ma jole dini ekwi: De modi kuji ori ga, kulwa anya ga; modi ori yire nja ri kulwa anya nja.
\v 7 Mo’di alu alu kuke anda lezo ri ani, kukeru asilajwa ako onguru okpo si ku, adusiku Rubanga le mo’di nga kere asi ibwe si ri’i.
\v 8 Rubanga kemu kuke anyini nga nja ra, rodu ra, onguru kate ti anyini ibu loso bworudu anya lele anye dee ri ni.
\v 9 Kalande buku okole (ole) ri a’jo zo ri ani: ‘’ke nga yaya du ecandi ‘ba ni; asi ibwe anda di kolu tadu,’’ (loko ku).
\p
\v 10 Rubanga ori kere mo’di ori yire ri ni lenya nyale ri to rii sa kuke anyini ori bworudu anya lele ri ra onguru kumba ra, anyesu dudu nga (anya) lwale yayadu anya oluka nga lou ako asi. (avi?)
\v 11 Di kubaa onyolu odu twadu si limi to nga kezo nga lou ako, dudu ba amgbu kanzo Rubanga ni konyi anya ekele amadi si ri si.
\p
\v 12 Ibu loso anya edele ri ekonyi te ’ba Rubanga di adute ku, ki kuke anjo Rubanga ni sa okpowasi.
\v 13 Ibu anya edele ri kub aaba amgbu kuke du oku Rubanga ni anya nga ofu loso Kristo di anya a ile ri ni, ga ‘i, asi baka si pi anya oluka nga lou ako si si ku, anya nga lanyuka ai to ongu ba zipi to si.
\v 14 Kelegi ki Rubanga anyini, anya vico a ai koka asi ibwe to cwi si, adusiku Rubanga ke anyini asi ibwe le nja asarera ri di ra.
\v 15 Anyi Rubanga ni dide andadi gelekpe ri si.
\c 10
\cl Andati 10
\p
\v 1 Ma Paulo si, ma’I kiza anyidi asi ibwe si. Ma oluzo anyito rii ma’joo ma mo’di ibwe rii, ki de ma anyini lele ga iyo mecoru mo’di anya ri i. Ma’I anyi kiza pi, asi ibwe Kristo di si.
\v 2 De amemu ni sa, akumu ma angare ga anyi ni ruge ku. Mani mgbwe sa ra ‘ba joka amide nga vudi ayo ri ni amevo anga ‘i. (arja).
\v 3 De amolu vudige sa amani ovi viru ‘ba vudige ri di to ku kuru.
\v 4 Ajuke ama ojja dizo nga okpo rere ri a mi zwazo ri ojukwe ama ojja dizo nga okpo rere ri ami zwazo ri ajukwe vudiga ri ku, ki ajukwe Rubanga okpo to ri di i. Mazwa nga epele le, mamali du ri mi ayo si.
\v 5 Muzwa Lecuka ba ni cirri Rubanga di nizo ku ri borodu ra; onguru ameco lara ra? Borodu engwi opigo Kristo di ‘i, amebe koriki anda ni.
\v 6 De anyedete anya laru pelere ra, amevo amolu baba lamgba kere gab a laru ako ri pini.
\p
\v 7 Anyinde nga bwabwa ri ayo. Mo’di zi anyini lele ga jore anda ni Kristo di ‘i na aa ya? Kole kulura ana idi, adusiku ama ‘i sa ama Kristo di i anda a oluzo ri ani.
\v 8 Dinja ko ma okpo Opi a kele amani ri si alusa ku, de amecuma ayo si, sa ‘I, di kubaa anyitu oru, anyolongwiru vuru ku.
\v 9 Male amedeteru anyini andaga kalande mo’di emure ori kerega ofu ma avile, anyini ri si ni ku.
\v 10 Mo’dizi kujoo: ‘’Paulo a ofu okpo ambamba rere, ki de anda nib a aga anda ni okpo ku ongu lejo anda di sa nga yaya ri i.
\v 11 Kule modi di kura nga ama cwile ri nga ama evole edele anyini lelega ri to a mbwi mbwi ni aa ku.
\p
\v 12 Ki amo’bi (ro?) ama ‘ba zipi recuka aiangasi ndo ripi si ku. Anyinde mamali mi ambwu aidi! (Lali aidi ri ingiti!). Baki ai aiangasi oru rere liri aidi si onguru kuliki lejo aidi lerenika aidi ni vusi.
\v 13 Ki ama le, recuka amadi amangasi lamvu cara ni di ku rari recuka amadi kolu bwa i’bu Rubanga a kele ama edele anyini lele ga ri niga.
\v 14 Ama evozo ofu loso Kristo di ni ezizo anyini ri ni aga amalamvu ‘ibu kele amani ri ni di kuru.
\p
\v 15 Amecu ama ‘ba zipi a ibu edele ibu Rubanga a ekele amani ni di a di ni lamvu ka ra si ni ku. Rani amara a’I anyidi kenjaru ra, dudu amo’bi du ibu edele nja anyini lele ga, ki kulee teas kolu Rubanga a lezori ani.
\v 16 Onguru amange ofu loso ri vu zipi anyini mara ga ri ni aga si, ki ameceru ‘ibu bazi a edele bazi ni lele ga ri si ku
\v 17 Kalande buku ole (okole) ri a ‘jozo ri ani: ‘’Mo’di lere anda kecuru ri, kecu anda ni nga Opi a edele ri si’’
\v 18 Modi aile ri anda ni bare andaga sir ii ku, ki modi aile rii Opi a ‘bale ni ri ‘i.
\c 11
\cl Andati 11
\p
\v 1 Maraa anyai mawa de kolu ina mamali sa i. Kule anya’i!
\v 2 Avi koma anyisi cwi kalande anda Rubanga ni kozo ri ani. Anyalande zangwa ago nire ku ma ecarale ago alu Kristo ni ri ani
\v 3 Ori koma cwi, adusiku anyini di kemu kenjiru ra onguru kubaa anyebe le anyidi gogo Kristo aruge ri ra, bwa ovi alu alua ini lunjwa Eva ni cirri enjo di si.
\v 4 Disidi mo’di emure udi ri kunge nga mbwi ri Yesu ni udi ri a dige ayo, viru anya esule ama ngele ri to ku. Nasi ofu u’di ri viru anya aile ra ri to ku, onguru anyaie asi cidu si.
\v 5 Amajo anyini bwabwa du: maju amba dipi di nga mani zware ran a iyo.
\v 6 Nasi ma mo’di le’jo joka nire ku rii, ki cirri ga lele ku. Amedete ngadi anyini pelere saa cidu si onguru nga mbwi mbwi redeka ripi ni aga si.
\p
\v 7 Mali nga olusa anyini dige ma ofu loso Rubanga di ni ngere ga anyini kuru. Amaba ama amba vuru anyini otuzo oru (anyini bazo laru to)? Disi ma ego ya?
\v 8 Mova Kristo bazipi adide (maiya/musara) ibu amadi ni edezo anyini lelega.
\v 9 Lele ma olure anyito rubia a mani zwazo ra rii, de male rubia mazi olusa anya ekonyi ku. Adinji enyaba Macedonia ga ripi eziki nga borodu ma lele ri ni. Molu anyni teri du ku, kalande andeni riani bwi andaga sa ‘i.
\v 10 Lejo anda Kristo dia oluka mani aside ge aa si megeni recuka di legwe mani vu borodu giriga aga ri ni aga ku.
\v 11 Ma’jo nga di adusi? Ma anyini leka ku si ya? Rubanga ni ra male anyi ra’i.
\p
\v 12 Nga ma edele diadi di medee bobodu, du du maju ziba pi kecuruki du ama aisa ai ede ibu viru (ondo) ama edeka ri di ani ni ku.
\v 13 Ba dipi ai maju bwabwa rii ku. Ai maju enjo ri pi ‘i, ai di ‘ba enjo lujaba ibu aidini dile ga ri pi ‘i onguru kecoki ai du du ai kalande du maju Kristo di bwabwa ri pi ‘i.
\v 14 Akau ko! Sitani sa keco andani kalande malaika ingwe di ani!
\v 15 Ki di lejo amgbwugo rii ku, de’ba ibu edeba anda ni ri kecoki ai kalandeki ba anda rii sa, vulega ngani ti a lokore ga, kevo kesuki bwa nga aia lele ri ra nga aia edele ri si.
\p
\v 16 Amangwa anyini (idi): Mo’di zi alu sa kura mamali riku. Ki de anyira andaani sa kule anyai ma kalande mo’di mamali ri ani, du du a mecura amba mba ku.
\v 17 Bwadu nga ma ‘jole diadi di nga Opi a lele amajo rii ku. Lejo recuzo ‘di si majo nga kalande mo’di mamali ri ani.
\v 18 Ki ‘ba amgbu a recuka le’jo ba di ekwi akorisi si, maisa mecura anda ani.
\v 19 Anyi anyangasi ciri, disidu anyai ‘ba mamali rii sa anjo to.
\v 20 Anyebi ‘ba anyini baka opigo du ripi a le’jo ‘ba anyini lutuka, ‘ba anyini osika rii, ‘ba anyini edeka rii, kusa ‘ba anyini elemvu ludiba ri to.
\v 21 Dinga koma cwi ma ‘joka ama okpo ako si. Ki de mo’di ku’jo anda kecuru nga zipi si –ma’jo nga kalande ma mamali ani- memu molu asi okpo du.
\v 22 Ai eberei’ba ya? Miasa ma ebere go. Ai Israeli ‘ba ya? Maisa ma Israeli go. Ai bonyi Abramo di i ya? Maisa ma bura Abaramu di’i.
\v 23 Ai ba ibu edeba Kristo ni rip ii ya? Mo’jwa kalande mo’di mamali ri ani ki ma modi ibu edere Yesu Kristo ni aini zware ra rii! Mede ibu okposi rere; asu ma mabusi aga vu yayadu; amba ma vu yayadu; ire dato vii yaya du.
\v 24 Judei ‘ba mbwa ma mudina limbi dicadu ni ate vu tou
\v 25 Roma’ba mbwa ma kurubai si vu ina; awa ma oni si vu alu omocu i ‘bo si ra ra ni vu ina; molu iyii aga saa mudiri alimbi isu ni vu alu,
\v 26 ma awe yayadu ri nig a mesu ecandi iyi elure ri si ra, onguru kuraka ba ga si, ma ecande ni ma Judei bazi kafiri ba to ba ni. Ecande mbwi mbwi de taumi a si, ecandi nyaraga diga si. Ecanda meri ekpwa ri ni asi, econdi rozi enjo ri pi di si.
\v 27 Mede ibu ecandi to, Malamu odukoka ako, abiri iibi to oko ma “dima” okpo si vu yaya du. Linya ate mami ku vu yayadu, ijbwe dige, kusa bongu ako.
\v 28 Onguru nga zipi ni edeteka ako, mani asi kolumvuru ma nga raka odu cidu Kristo’ba cidu a ruge si.
\v 29 De mo’di zi di okpo iyo, maisa molu okpo ako. De modizi kude enji aga asi lajwa kuko ma cwi.
\p
\v 30 De mecuru nga ma recuzu ri nga idetere ma okpo ako ri si.
\v 31 Rubanga pi ata Opi Yesu di- akecu runa tadu!- ni ma enjo ku ni ra.
\p
\v 32 Ma oluzo damasiko gar ii mo’di vu lasere Opi aretasi a di na ni ndele rii ri ba ‘ba tauma ni tumi ge mani kore ga.
\v 33 Ki aba ma (kongoro aga) (evo epkwa na ri ga) evo aga, esi ma ari di mbwo ri ni ga si vuru, mefe pi.
\c 12
\cl Andati 12
\p
\v 1 M’adinji, mani emure ri, medete ma mo’di nga ngere loso ongu cirito ri ni kura; ki memu le’jo Rubanga a kele ri edetere.
\v 2 Ma olure anyini aga rii, nga te ma nile ri Yesu ‘i, Andani Kristo ni epale kruce dige ri ‘i.
\v 3 Ma emure anyidi rii memu okpo ako, ori to, pi ru adika to.
\v 4 Nga ma ‘jole pi ma ngele ri, Mange cirri ‘ba di ‘ba etazo ri si ku, rarii me‘dete mori endi ole (okole) ri di ‘i.
\v 5 Ma aga dini edezo diani ri dudu anya ai kolu du ciri ‘ba di si ku, ki okpo di si.
\v 6 Ki rusa amani ciri kele ba zoka amba ri ni aa, kolu dini sa cirri di vudige rii ku, kusa cirri ‘ba vu laseka di i sa ku, adusiku cirri aidi koloko loko.
\v 7 Ciri Rubanga di rugure di ama lenile lejo anda ekwi nile ku ri dii ri ‘I, anda ni ciri Rubanga a edele eze olure ga oku amadi ‘I vu a edozo kuru ri i.
\v 8 Ba vu ‘di laseba ri ni aga mo’di alusa cirri dini nire ‘ja na iyo. Kesu kuniki ra, tamidi epaki Opi oku di kruce dige ku.
\v 9 Nga ama le nile ri buku ole (okole) ri a jole: ‘’Nga mi a ndele ku, kusa bi a erile ku ri ‘i, nga bani ciri zware ra ri ‘i; nga di borodu Rubanga ede ‘ba andani leka ri ni.’’
\v 10 Di bwa nga Rubanga a edele ama ni endi ole di si ri i, Adusika ende kesu nga dini ri bworodu de kesu ngana kolu Rubanga di ruzure di ri ‘i sa kesu ra.
\p
\v 11 Nga mo’di di ruzure di ri kedeteru bwa anda endi si, mo’dizi a endi si ku; Alu alua ri ani nga Rubanga di ole (okole ri si) ri si.
\v 12 Ciri vudige ri ni ole ga, amesu endi ole engare Rubanga di ri keleri dudu ama dudu amani du kwe Rubanga a kele amani ri ‘i.
\v 13 Disidu amelini nga leti ‘ba ciri ri a nga lemizo ri si ku, ki amele ni leti ‘ba cirri ri a nga lenizo ri si ku, ki amele nice leti endi okole ri a le nile amani ri si. Ameleni nga endi okole ri dib a Endi Okole to ri ni.
\p
\v 14 Ki mo’di endi ako ri ‘i nga engare Rubanga di di ri alusa ku. Anda ni nga dipi ekwi ako; Zwa ciri anda dir a, a ‘dusiku kumiru wa ni leti endi ole ri di si.
\v 15 Ra rii mo’di endi ole ri to ri kumi loso nga cidu di wa ri ni, ki loso na mo’di zi kume kpwe.
\p
\v 16 Kalande buku ole ri a joka ri ani: ‘’a’di kumi Opi ra ni ja ri ni?
\v 17 A’di kele ni anda ni wa ri ni?’’ ki ama ‘ba ra Yesu Kristo di to ri ‘i.
\v 18 Mai Tito Kamuni ra, onguru mazwe Kristo’ba aia vore rezi ri sa ma ‘i. Disidu anyijoo Tito Lunjwa anyi to ya? Amani ibu idere anda to alu onguru asi alu ri si to ku ya?
\p
\v 19 Nasi anyi raa te amange nga ama ngele ri amani epazo anyini anda ga ija? Ku (iyo) Rubanga ni anda ga amajo nga Kristo a lele ri ayo. Ma adinyi, nga borodu ama edele ri amdee anyini ekanyi zo.
\v 20 Ori kuko ma muka anyidi si ko, adusiku maraa mesu anyi ma leka razo ri ani ku. Mesuo oja’ja, avi, Anga nga lou, ‘ba ludaka, ‘ba otaka, recuka pi di sika to kolu a’a.
\v 21 Ma orizo muka iledia si ri ma Rubanga kemu kuke mani dinja anyini andaga ra, memu mowu ‘ba yaya du enji ogboro (ambwugo) edeka eze, ki rukaa ku ri di, aia enyi asa dipi ra injwi ri di edeka si ra.
\c 13
\cl Andati 13
\p
\v 1 Di diadu vu na zo rii mani emuzo anyi ndere ga. Buku okole ri a ‘jazo ri ani: Sikia kaloliru loso ri nga sadenia eri kusa na ri a ‘jole ri si.
\v 2 Male ametede anyini adipi ede enji andani ati ni ya pi ‘ba ziba to tuwadu. Majo andani anyini awe madi erizo ri si nga di ra, ti diadi de amolu anyini aga iyo sa majoo idi. Odu ma ekizo rini nga modi alusa pire lamgba ga si pi na kolu iyo.
\v 3 Anyile Kristo Ku’jo nga masi (matisi) iledi, anyero anyinie ra. De anda ni anyini aga anda ni okpo ako ku, ti ra ri kedete okpo amada di anyini aga.
\v 4 De maniniga okpo ako andadi si adi anda ni kruce dige kpwo sa okpwo Rubanga di si olu lidri. Ama remuka anda to alu si ama sa ama mori ako; ki ruleka badi anjilo ri si, evo oluki anda to okpo Rubanga di si.
\p
\v 5 Anyama anyi anyanga si onguru anyalali any a le’joni, ni zo a du bwabwadu, di anyi a’i to ya i. Bwabwadu anyini ra Yesu Kristo ni anyini asi aya aa ya? De dini kule, mgbesi anyiga ru imbwe.
\v 6 Maraa anyini ra ama ‘ba, dekara ri ‘i ku i.
\v 7 Ama Rubanga a ni elegi dudu anyide du? Nga enji injwi ri ni aga ku edete zo ama ‘ba asa deka ra ri ku, ki du du anyede nga loso ri ayo de alandeki ba deka ra rii i sai.
\v 8 Amede nga ego ri anda loso Rubanga di ruge kpe, ki kuke amide nga ri ayo.
\v 9 Amani asi ibwe de ama okpo ako nai, ki anyile anyi okpo. Du, disidi ama isa amelegi du du anyengwi loso amba mba rere
\v 10 Di nga tema ma ofu cwizo anyini ma olure anyini aga iyo ri I, du du de amesa ni angala kuko du ma anya ruge okpo Opi a kele mani ri ‘bare anyi ni dige ku. Okpo di anyini etuzo andaga anyini longwizo vuru ku.
\p
\v 11 Diadi ma adinji, anyolu asi ibwe si anyo’bi zoka loso, anyekonyi ru anyi ni. (anya lofo ga). Anyemuru alu, anyolu ibwe si (oja ako)? Vu na nig a Rubanga le dri ibwe to rii kolu anyi to.
\v 12 Anyizi anyi anyi ni anjo si.
\v 13 Kristo ba borodu zi anyi laka. Tutu opi Yesu Kristo di, le Rubanga di,
\v 14 lemu endi okole ri to kolu anyi borodu to.