242 lines
17 KiB
Plaintext
242 lines
17 KiB
Plaintext
\id EPH
|
|
\ide UTF-8
|
|
\h Abhaefeso
|
|
\toc1 Abhaefeso
|
|
\toc2 Abhaefeso
|
|
\toc3 eph
|
|
\mt Abhaefeso
|
|
|
|
\c 1
|
|
\cl Sura ya 1
|
|
\p
|
|
\v 1 U Paulo, umusotelezwa uwa Krisiti Yesu uwa mwitu uMulungu, bhabhasabhuye imwe Mulungu bhebhali Kuefeso bhebhali bhasunde kwa Yesu Krisiti.
|
|
\v 2 Uwila wubhe kukwinyu winza we wukufuma kwa Mulungu tata witu numwene uYesu Krisiti.
|
|
|
|
\v 3 Mulungu tata mwene Yesu Krisiti bhamu uwinza. We wula watuputiye kwe kuti mwemuli pamwanya pa Krisiti.
|
|
\v 4 We bhashili kugomba insi, UMulungu atusebhile itwe twetishile mwa Yesu Krisiti, Atusibhile itwe enge tubhetwa bhinza bhebhatakutubhuna pilongolela yakwe.
|
|
|
|
\v 5 Kulugano lwa Mulungu ahatuchagula kuwandilo kutwega anza bhana bhakwe kwidala ilwa Yesu Krisiti. Ahabhomba imbombo hamaha ganile.
|
|
\v 6 Kufumila kwake uMulungu akupwalwa kuwinza wakwe iha hamatupiye pabhulo kundala ilwa lugano uwabho
|
|
|
|
\v 7 Kwe kuti ulugano ulwake, tupindushile kushilila amabhada gakwa kutuyila kumbibhi tulinalwa kwe kuti udumbwe nu winza wakwe.
|
|
\v 8 Ahabhomba uwunza kubha nyinji kukwitu itwe.
|
|
|
|
\v 9 UMulungu ahabhomba angama nyishe kukwitu nayoli agafisile igakubhomba kufuma na hamu gamanyishile mukasi mwa Krisiti.
|
|
\v 10 Kwe kuti insiku zifishile kukwila kukwake, uMulungu bha hamukwatizya ahandu kufuma kumwanya munsi mukasi mwa Krisiti.
|
|
|
|
\v 11 Mwa Krisiti twebhatuchaguye na kusubhila ku wakati. Kwe kuti ikufumilana mpango ishe mukubhomba ivindu vyondi kukwino zyake.
|
|
\v 12 UMulungu ahabhomba ishi kuti tubhape uwinza witu. Twali twa bhinza ugomu mkasi mwa Krisiti.
|
|
|
|
\v 13 Twali kwidala Krisiti kuti mwivyizwe amazwi iganalwoli, uzuwinza winyi mwidala iya Krisiti kwe kuti imwe mwamanyishile kumwitila umupepu umufinjile ku winza we bhabhalajizizye.
|
|
\v 14 Umupepu wakupwanila kukwitu ulupaho kupwanila pepaloleha. Kupala kuwinza wakwe.
|
|
|
|
\v 15 Kwe kuti kufuma imandi uwinza winyu mukasi mwa mwene uYesu lwinyu kubhala bhondi bhebhayibaguye kukwakwe.
|
|
\v 16 Italeshile kumulabha uMulungu kufuma kukwaho na kubhateha kufuma kulama kukwani.
|
|
|
|
\v 17 Ingulabha kuti uMulungu umwene witu uwa Yesu Krisiti, utata nu winza, ikubhapa umupepu ya wutonsu kugubula injele yakwe.
|
|
\v 18 Ingululabha kuti amiso ginyu bhabishe uluhozya kwe kuti utakumanya kwa gopa we bhakubhabhilishila kukinyu. Ingulabha kuti mumanye udubwe nu mwinza hapwa nila mumwo kubhala bhebha bha tenjile kwa ajili yakwe.
|
|
|
|
\v 19 Ingulabha kuti umanye uwupiti na maha igakwe iga mukasi iyitu we tukwitiha unu wupiti kufuma na kubhamba imbombo mumaha gakwe.
|
|
\v 20 Iga gemaha gegabhombile imbombo mwa Yesu Krisiti nu Mulungu wakumuzyu swa kufuma kubhebhafuye na kubhihazya munyobhe mumwa umusahala na mahali pamwanya.
|
|
\v 21 Ahamwihanzwa uKrisiti kuumwanya ukutali ne bhebhimiliye, abhatabhazi ibhiha kumwa, nya, ni tawa lwelikulengwa. Ahamwihazya uYesu telili ku shishi ilelo ishi wikwinza basi.
|
|
|
|
\v 22 UMulungu avilishishe ivindu vyonti pasi pa vinama vya Yesu. Amubhishi iwene litwe pamwanya pavindu vyondi kuti shibhanza.
|
|
\v 23 Ni shibhanza kuti wemuli wakwe, wali kizuzya ivindu vyoti kumala yondi.
|
|
|
|
\c 2
|
|
\cl Sura ya 2
|
|
\p
|
|
\v 1 Anzashila she mwaafuye mwakoosile ni mbibhi zyinyu.
|
|
\v 2 Yamile kunti iga gabhe asuti mwabhalile kuholanya na habhalilo ahashishi. Muhabhalaga kwakulandata umupinti uwa mumwanya ineye npepu iya iya wulala wakubhomba imbombo muhanti mubhana bhimbibhi.
|
|
\v 3 Itwe twendi twali pekaanabho pawandilo mubhibha bhatitishile. Tuhabhombaga kunsunguho izya mabhili giitu. Tuhabhoombaga ulugano ulwa mubhili kunjeele zyitu. Twamile tweebhamuata abhigazabu anza bhamwabho.
|
|
|
|
\v 4 Ilelo uMulungu mwinji uwawila kweeku kenongwa yalugano lwakwe atuganile itwe.
|
|
\v 5 Ahabhalilo heetwali twa bhafwe mumakoosa gitu, atuleetile peeka muhalo uwupwa mwa Yesu Krisiti. Lugano bhulo kweekuti muuponile.
|
|
\v 6 UMulungu atuzwusizye peeke nakubhomba kwihala peeka pamu mwanya muhanti ya Krisiti Yesu.
|
|
\v 7 Abhombihe isho anga ahabhalilo heha kwiinza awezye kutulolesya uwudumbwe umupiti uwawinza wakwe, akutulanga itwe ishi idala ilya winza muhanti mwaa Krisiti uYesu.
|
|
|
|
\v 8 Kuwinza mwokoliiwe kwidala ilya lwitiho. Niniitafumile kukwinyu. Wupi wa Mulungu.
|
|
\v 9 Itakufumila ni mbombo. Angalelo, atahabhe weka winyu wakuyipaala.
|
|
\v 10 Kwe kunti itwe twa mbombo ya Mulungu tugombiwe mwa Krisiti uYesu kubhamba aminza mbombo izizye uMulungu apaanjile kufuma haali haani kunongwa yiitu anga tujeendaje mugaanago.
|
|
|
|
\v 11 Ilelo kumbuhaji paamandi ipo mwali mwa bhandu bha munsi kunookwa ya mubhili. Mukuwili shilwa mwemutitishile hala hebha kunti intohaala iya mumbili yikubhombwa muyobhe zyawandu.
|
|
\v 12 Kuhabhalilo iho bhabhabaguuye nu Krisiti mwali mwabhajeni kubhandu ubha ku Isiraeli. Mwali mwabhajeni lwizwano isubhilo mutali nuwana yoli mubhalilo heha.
|
|
|
|
\v 13 Ilele ishi mwa Krisiti uYesu imwe mwemutalipo muwandilo mwali kutali nu Mulungu bhabha leta paapipi nu Mulungu kuma bhanda ga Krisiti.
|
|
\v 14 Kwee kunti awene wewinza wintu, abhombile bhabhili kubha weeka, umubhili wakwe awunanganyinye ulubhumba lwalehanyinye wee watulehanyinye nuwubhibhi.
|
|
\v 15 Kwe kunti ahaziwezya indajizyo na miho angalabhe umundu weka umuupwa muhati yaakwe ahafanya uwihalo.
|
|
\v 16 Abhombile isho abhabhaingaanye bhebhali inpuga nzibhili abhandu kubha mubhili weeka uwa Mulungu kushilila pashihobhehanyo. Kwiidala ilya shihobhehanyo aha wufisa uwubhibhi
|
|
|
|
\v 17 U Yesu ayinzile na kulalasya uwihalo kukuiinyu imwe mwali ukutaali nu wihalo kubhala bhebhai paapipi.
|
|
\v 18 Anahabhili mwidala lwa Yesu itwe twendi bhabhili tulinipakushila peeka kumupeepu weeka kwinjila kwaa taata.
|
|
|
|
\v 19 Ishi leelo, imwe mubhandu mubha mansi mwemukushula mubhajeni mubhajeni. Ilelo bhahaya peeka na bhala bhebha baaguye kunungwa ya Mulungu na bhajumbe munyumba ya Mulungu.
|
|
\v 20 Muzenjilye muwandalo mubhasotelezwa na bhakuwi. UYesu Krisiti wuyo lyali liwe lipinti ilya paambali.
|
|
\v 21 Peepali wuyo inyumba yondi bhalibhunganyinye peeka nakukula nganti shibhanza muhati mwa Mulungu.
|
|
\v 22 Mukasi yinyu nimwe mukuzengwa peeka ganti paapala apa kudili pa Mulungu Roho.
|
|
|
|
\c 3
|
|
\cl Sura ya 3
|
|
\p
|
|
\v 1 Kulili ine nu Paulo, ne mukujilwa wakwe u Yesu Krisiti, kulimwe mubha kunzi.
|
|
\v 2 Igwelewa kuti mwinvuye imbombo yindiinayo iya Mulungu ku wila wakwe kulimwe.
|
|
|
|
\v 3 Ingubhandishila kufumila na shihalola izi zyanalyoli zyezitubhile. Uwanalyoli unu we wutubhili we nasimbile kumakalata aganji.
|
|
\v 4 Igawabhazya iga utumanye she na mwinza, kuwinza unu we wubhile uwa Krisiti.
|
|
\v 5 Kumbapo izinji zyezihashila zita umanyile inza she abhalanjile abhasondeleze abhakwe abhinza na bhakubhi hali iha ku umpepu
|
|
|
|
\v 6 Ibhamnsi bhapwanila peka nitwe uwupwanila ibha mubhili weka bhinjendo zyeka nitwe. Bhashiliki lugano ulwa uYesu Krisiti kishila indumbilili.
|
|
\v 7 Indumbililo izi u Mulungu ahambiha kuti inzi bhombaje kushilila ishikunjiwa nu winza wa Mulungu yafumivye kukwani imbombo iyamaha igakwe.
|
|
|
|
\v 8 UMulungu ahafumwa uwinza unu kukwakwe, habhili inene mundu umunsi ku bhondi kubhala bhebhabhilishililwe nu Mulungu. Izawadi ini yikunanza indumbilile ibhamunsi indumbilo izya udubwe we wutakulonjeha uwa Krisiti.
|
|
\v 9 Yikwanziwa imbobhozye ibhamunsi bhondi kuti indumbililo iza wu Mulungu andajizizye uwi kukwilu. Unu mpango wawafisilwe kumaha aminji gegashilile nu Mulungu wa pelile ivindu vwandi.
|
|
|
|
\v 10 Ishi ilelo kwidala, ilyi ikanisa, uwinza wa Mulungu wewuli kila madala na bhamwene ni ndajizyo imnsi iya umupepu.
|
|
\v 11 Iga kabhombeshile kuwinza uwawila nu wila kushilila uYesu Krisiti umwene uwetu.
|
|
|
|
\v 12 Kulii turi na maha igakusejelela papakwe kwidala ilya kwitiha.
|
|
\v 13 Mwebheyi ingulabha mtaha vunzishe amoyo kuti natesilwe kwajili yinyu. Iga wewinza kukwinyu.
|
|
|
|
\v 14 Ishilelo ingusugamila kwa Tata.
|
|
\v 15 Iwene kwitawa lyakwe uwutata wondi uwa kumwanya na pasi kubhilishilwa.
|
|
\v 16 Ingulabha mpate kukula umila nu wudubwe nu winza wakwe, abhabhishe bhamaha kishilila umpepu wakwe, wali mkasi mu mwinyu.
|
|
|
|
\v 17 Ingulabha kuti uKrisiti adilalaje mkasi mu mwinyu kushilila ulwitiho.
|
|
\v 18 Ingulabha kuti muyisinde mulwalo uwa lugano lwakwe. Mubhe kulugano lwakwe inga mumanyaje, peka na bhondi bhebhitishile bha wumanye, uwubaba nu wutali, kumwanya na pasi.
|
|
\v 19 Na kulumanya ulugano lwakwe uKristi wewushilile injele zyondi she wuli uwinji. Mubhombe gondi iga mpate kwimilila kwa Mulungu.
|
|
|
|
\v 20 Ishi ayemishilwaje wakuweza kubhomba amapiti hani, kuliko ge tukubhomba na ge tukukwina, iha she likubhomba imbombo mukasi mumwitu.
|
|
\v 21 Ee ayimishilwe mu shibhanza isha uYesu wila nu wila ni mbapo zyondi zya wila nu wila. Amina.
|
|
|
|
\c 4
|
|
\cl Sura ya 4
|
|
\p
|
|
\v 1 Ilelo unzumpinya kunongwaya mwene, ingubhabhuzya mjendaje unza kuyifumwa wu Mulungu abhabhilishiye.
|
|
\v 2 Mdilaje kuwupole umpiti nu wila na kuvumilila. Wemkwejelana kuwila.
|
|
\v 3 Bhombaji amaha kuwutunza upepu kufungwa iwawinza.
|
|
|
|
\v 4 Kuli numbhili weka na mpepu weka, inza she bhambhilishiye lyoli inando lyeka lya kuyifumwa kwinyu.
|
|
\v 5 Kuli nutata weka, ulwatiho lweka, uwozilwa weka,
|
|
\v 6 nu Mulungu weka nu Tata uwabhondi iwene ali pamwanya ipabhondi pa gondi na mkasi mgondi.
|
|
|
|
\v 7 Ishi weka iwitu bhampiye ishikunjilwa kufumila na nishipimo isha shikundilwa isha Krisiti.
|
|
\v 8 Inza shinsimbo zikulonga: "Pamwanya alongozizye mnsi imwa.
|
|
|
|
\v 9 Hehoni itawa lya, "Alipaa," yoli kuti ayishile uwupande uwinsi iyabhondi?
|
|
\v 10 Nulo wayishile wemndu wuwala wa zubhile leha kumwanya kwondi. Ahonzizye isho kubha kwakwe kubhe mvindu vyondi.
|
|
|
|
\v 11 UKrisiti afumizye amaha inzi: abhaputi, abhakubhi, abhalumbilili, abhadimi na bhamanyizyi.
|
|
\v 12 Abhombile isho kubhabhiha bhebhakumputa kumbo iya kumubhombela, kuti kumzenga uKrisiti.
|
|
\v 13 Akubhomba ishi engaitwe twendi twinze kubha peka na kubha nulwitiho ni njele iya mwana wa Mulungu. Akubhomba inzabhala bhebhafishile kuwenza unzu Krisiti.
|
|
|
|
\v 14 Ini yeyela kuti iwinza tutahabhe anzabhana, tutasumbwajesumbwaji ukwonukwo. Petutaganaje wondi wimbepo iya rumanyizyo, kuganji gegakubha ishinji na bhandu ibhilenga wewotejile.
|
|
\v 15 Kufwatananisho petutilonje inza nalyoli mlugano nakula ihani gondi na mkasi iyakwe lyelitawa ilwa Krisiti.
|
|
\v 16 UKrisiti ahomanyinye, peka, umbhili wondi wabhaputi, uhomanyinye peka na hondi hehabhili inge umbhili wondi wukulaje na kuzengwa wuyo kurugano.
|
|
|
|
\v 17 Pe ingulonga kuti, ingubhabhuzya kwatata: Mtajendaje iwinza inzabhandu ibha mnsi shebhakujenda inza shebhakubadilisha injele izyabho.
|
|
\v 18 Bhabha bhishile ahisi mnsibho izyabho. Bhabhashimbizizye kufuma kuwupuma uwa Mulungu kuwulema uwa mkasi mwobho kumoyo amagom kwao.
|
|
\v 19 Bhatakuyivya kusupila. Bhayitwalile bhibho kumbibhi kumbo imbibhi injafu, zyoni izya mwoni.
|
|
|
|
\v 20 Ilelo, ishi shemtamanyiye kumwanza uKrisiti.
|
|
\v 21 Imanyile kushilila kukwakwe. Imanyile mhamanyizyoga kushilila kwa wuyo, inge twabhana lyoli sheuli mkasi mwa Yesu.
|
|
\v 22 Ile mzule inongwa zyondi zyezikubhalilana ni njendo izyi zyinyu izyimandi, uwundu uwa uwimandi. Wundu iwimandi wewuku bhola kumbo iyakusunguha kwa kuhopela.
|
|
|
|
\v 23 Zuli inongwa izyinyu izyimandi ingele mgombwe uwupwa uwuputi kunjele izyinyu.
|
|
\v 24 Bhombaji isho inge mkwate mbhili upwa wewokubhalila nu Mulungu. Upapilwe ikwanalyoli nahabhili nu winza uwanayoli.
|
|
|
|
\v 25 Pe ishi, bhiha ukutali kuhopela. "Longaji izyanalwoli, kila weka nu mhaya iwakwe," itwe twahandu heka kubhamwao.
|
|
\v 26 Mbhanje nu mlaha, ilelo izubha litahaswe shuyilamilwe.
|
|
\v 27 Mtahamsejelezye usitani pemli.
|
|
|
|
\v 28 Wowondi wakwabha ikwanzilwa atahibhe iwinza. Pe ikwanzilwa yoli abhombaje imbombo. Abhombaje imbombo yeyili ninyinza kunyobhi izyakwe, angawenzekumwavwa umndu wali nilya kubhomba.
|
|
\v 29 Indo imbibhi itafumaje mwilomu mmwinyu. Pe ishi, inokwa zikwazilwa zifume mwilom mwinyu gakwanzilwa zukwanza, kubhapa bhala bhebhakutejelevya.
|
|
\v 30 Mtamsungamiswaje hala upepu uwanayoli uwa Mulungu. Kukukwakwe kuti mbhishiliwe ishimanyiswo kwisiku ilya uponwe.
|
|
|
|
\v 31 Ikwanzilwa mbhishe apatali amayimba mwendi, ama mayimba mwendi, amayimba umlaha, ibho, ni ndigo, peka na zyondi zye mbibhi. Mbhanje mwabhinza mnemwe kwa mnemwe.
|
|
\v 32 Mbhanje nu wila. Mtuyilanaje mnemwe kwa mnemwe, izya shu Mulungu kushi Krisiti shabhatuyiye imwe.
|
|
|
|
\c 5
|
|
\cl Sura ya 5
|
|
\p
|
|
\v 1 Ishi mbhe mwabhandu ibha kumulandatila uMulungu, aiza abhana bhebhaganile.
|
|
\v 2 Mjendaje mlugano anza shu Krisiti atuganile itwe, ayifumizye wene kukwitu itwe. Iwene yamile sadaka ni dhabihu, kubha kunushilila ahiza kwa Mulungu.
|
|
|
|
\v 3 Uwumalaya awinza nu wubhibhi wowondi nu kusuguha ukubhibhi kutalongwaje kukwinyu, azashikwaziwa kubhaputi.
|
|
\v 4 Wope umlaha wutalongweje, kulonga ukwa ulema, nu wutani uwakusupizya, vwetevivyo, yoli kubhaje kusalifya.
|
|
|
|
\v 5 Mgasimishizya kuti kuli nu wumalya, uwubhibhi, iwinza wa uyo wakuputa abha zimuata kuwezya kupwanila kumwanya ukwa Yesu nu Mulungu.
|
|
\v 6 Umundu wowondi atadanganyihaje kumaneno amene, kuginga umlahaa wa Mulungu wu kwinza pamwanya panabhebha takwitiha.
|
|
\v 7 Ishi utivwanaje peka inabho.
|
|
|
|
\v 8 Kuti imwe kulusalo mwalimwa hisi, ilelo mwabha mwabha zelu kwa Mwene. Ishi jendaji anza abhana ibha shamusanya.
|
|
\v 9 Kukuti amiza iga shamsanya gakulolyesya uwinza wondi lyelilwovwlyiza.
|
|
\v 10 Mwanzaje heha kumpala umwene.
|
|
\v 11 Mwutabhonehaje mukwa vwana ni mbombo izya kuhisi zyete, zya minza yoli zibhe apa zelu.
|
|
\v 12 Kukuti amambo gebhakubhomba wope kuhisi zyi soni ihani na kulonga.
|
|
|
|
\v 13 Imbombo zyondi aza zya gubuliwa zikubha apa zelu,
|
|
\v 14 Kukuti ahandu hehagumbuliwa hakubha apa zelu ishi bhagulonga bhakuti iwo, "Wugonile, bhuha kufuma kubhafwe nu Krisiti alalame pa mwanya paho."
|
|
|
|
\v 15 Ilelo mubhaje amiso wekujenda, mutabhaje anza bhebha takumanya yoli bhebha kumanya.
|
|
\v 16 Mbhombaje ahiza kukuti isiku izi zya wubhibhi.
|
|
\v 17 Mtabhaje mwabhalema, yoli ilelo, mmanyaje uwinza uwatata.
|
|
|
|
\v 18 Mtamwelaje na kuholwa, yikutwala kuwubhibhi, yoli mposhele umpepu umfijile.
|
|
\v 19 Mlongaje nu wamwinyu ku zaburi, na kupara, nu nyimbo izya mmyo. Mwimbaje na kupara kumwoyo nutata.
|
|
\v 20 Yoli musalifwaje amambo gondi kwitawa ilya Krisiti uYesu utata witu uMulungu utata.
|
|
\v 21 Munyifumwaje munemwe umundu wondi kwa wuji kulugano ulwa Krisiti.
|
|
|
|
\v 22 Mubhashi, yifumwaje kubha lume bhinyi, aza utata.
|
|
\v 23 Kukuti umulume litwe lya mushe, aza uYesu shelitwe kukanisa. Wakutwokola kumbhili.
|
|
\v 24 Ilelo anza ikanisa helili pasi pa Yesu, ikwanza abhandada bhabhombaje kubhalume bhabho hohondi.
|
|
|
|
\v 25 Mbhasahala, mbhagane abhashi bhinyu anza uYesu shali ganile ikanisa ahanyifumwa wunyo kukwakwe.
|
|
\v 26 Abhombile isho azalibhe lwinza. Alizelufizye na kuligezya na minzi kumazwi.
|
|
\v 27 Abhombile ishi anza awezye kulilolesya ikanisa, nu winza pepali uwubhibhi nu hakuholana niga, yoli lwinza lyelitali na makosa.
|
|
|
|
\v 28 Kwindala lilila, abhasahala bhakwanza bhabhaganaje Abhashi bhabho anza amabhili gao. Ula wa kumgana umshi wakwe akunyigana wope.
|
|
\v 29 Atalipo numo wakuwupata umubhili wakwe. Yoli akuwulisya, akuwugana anza shu Yesu aliganile ikanisa.
|
|
\v 30 Kwe kuti itwe tuli mumubhili uwakwe.
|
|
|
|
\v 31 "Kulili umsahala atamuleshe ubaba wakwe nu yina wakwe na atahomane numshe wakwe, ibha bhabhili tebhe umbhili weka".
|
|
\v 32 Ili lya fisishile. Ilelo ikulonga kuti uYesu ni kanisa.
|
|
\v 33 Ikwanza kuuti umundu kukwinyu amgane umushi wakwe, wope umushi amgane umlume.
|
|
|
|
\c 6
|
|
\cl Sura ya 6
|
|
\p
|
|
\v 1 Imwe mbhana mbhatinihaje abha pafi bhinyu mwa Mulungu, kwe kuti izi zyana lyoli.
|
|
\v 2 "Umtinishe uyise waho" (Ini ndajizyo ya kwanda iya lusubhilo),
|
|
\v 3 "Angayibhe kwashi kukwinyu anaa nibhanje na kudila na kwihala ukwinji mnsi umu."
|
|
|
|
\v 4 Ni mwe mbha tata, mtabha visyage abhana kha kubha letela ulwisi, yoli, mbhasungaji mnsoshi na mndajizyo zya Mulungu.
|
|
|
|
\v 5 Imwe bhabhombi, myunduje kubhasongo bhinyu ibha mnsi mnumu kuyisyaa uku piti na kuyinga kuga mmoyo ginyu. Mbhe nu wu tonsu kukwabho anza vwe mlinu tihiho kwa Krisiti.
|
|
\v 6 Uwutonsu winyu wutahabhe pala pe abha songo bhinyu bhaku bhenya kubha khobhosya. Yoli ikuti mbhe mwabhatonsu ngati bhabhombi bha Krisiti. Bhombaji izya Mulungu kufuma mmoyo ginyu,
|
|
\v 7 bhabhombelaje kumoyo ginyu gonti pemkumbho mbela wumwene te bhandu, Ikuti mmanye kuti imbombo ye nyinza umindu ya kubhomba,
|
|
\v 8 aha yiposhela uwinza kufuma kwa mwene, anga mbhombi ewe umntu umsatushe.
|
|
|
|
\v 9 Ni mwe bha bhombewi bho mji shinisho kubha bhombi bhinyu. Mtabhogofwage mmane kuti usongo wa bhondi wuwula wali kumwanya. Mmanye kuatakusebhanya iwene.
|
|
|
|
\v 10 Iwinza, mbhe na maha mwa mwene na kudaga mmaha gakwe.
|
|
\v 11 Kwati ivi lwilo vyonti ivwa Mulungu anga mkwi milila shingunga ni ndingo zya syetani.
|
|
|
|
\v 12 Ibho lyitu te libhanda ni nyama, yoli inhani mumupiti na maha iga mipepu na bhebhihaliye insi kuwulugu iwimpepu imbibhi mnsi iyashi mpepu.
|
|
\v 13 Ishi, kwati ivilwo vwondi ivwa Mulungu, anga mbhe namaha kwimilila ahinza kuma bhibhi kuha bhalilo iha aha bhibhi we mwa mala gonti mwimilele inhani.
|
|
|
|
\v 14 Ishi yimilaji kumaha. Myipinye ilambi nu wanalyoli na vwezili mshifubha.
|
|
\v 15 Mbhombaje ishi we mkwatile uwanalyoli mvinama vwinyu uwa kutangazya indumbililo uwalute ngano.
|
|
\v 16 Mmadala gondi mwegaje inkwela lya lwitiho, yinga yana kuzimanya ipalala mbhiula.
|
|
|
|
\v 17 Kwataji inkofwela ya kuponela ni panga lya mpepu, lyelizwi lya Mulungu.
|
|
\v 18 Peka ni mputo ni ndabho. Putaji kwa mpepu ahabhalilo hondi. Mgonelelaga mgiga na kujina kubha putila abha sangalusu bhondi.
|
|
|
|
\v 19 Putaji kwajili yani, anga impewe izwi winkugubula ilomu lyani. Lawaji kuti imanyisye kumaha lyoli yeyi fisishile mndu mbilili.
|
|
\v 20 Kwa kulumbilila inena balozi ni nkungiwe ni nkusa izya majera anga kuti mkasi yabho indoje. Muwudanda mzu anza vwinjiganile kulonga.
|
|
|
|
\v 21 Ishi nimwe bhulo mmanye gindi nago navwi inkujendelela, uTikiko uwa mwitu unkundwa nu mbhombi umwinza kwa mwene, atibhabhuzye inongwa nzyondi.
|
|
\v 22 Imsondelezizye kukwinyu kunongwa ingomu anga yoli mmanye zyezilipo itwe, awezye kubhasubhizya amoyo ginyu.
|
|
|
|
\v 23 Ulutengano lubhe kwa nholo, nulugano peka nulwitiho kufuma kwa Mulungu utata nu mwene witu uYesu Krisiti.
|
|
\v 24 Uwila wubhe peka nabho bhebha kuganwa nu mwene uYesu Krisiti kulugano lula lwe luta kufwa.
|