mgq_reg/48-2CO.usfm

\id 2CO
\ide UTF-8
\h 2 Wakorintho
\toc1 2 Wakorintho
\toc2 2 Wakorintho
\toc3 2co
\mt 2 Wakorintho

\c 1
\cl sura ya 1
\p
\v 1 U Paulo, umusondelezya wa Kilisiti uYesu kwilongolela lya Mulungu, nu Timoti uholo witu, kushibanza sha Mulungu shishili ku Korintho, nakubhebhitishila bhondi bhebhali musi ya Akaya.
\v 2 Ulwiza bhubhe kukwinyu nululengano kufuma kwa Mulungu Utata witu nu mwene witu uYesu Kristi.

\v 3 Apalwaje Umulungu Utata umwene uYesu Killisti. Wuyo wu Tata uwawinza nu Mulungu uwakujinjizya kwondi.
\v 4 Umulungu akutujinjizya kumalabha gitu gondi, inga tubhapanje kujijizya bhala bhabhali mumayimba tuhubhajinjizya abhamwabho kwiha lilila lya Mulungu alibhombeye kutujinjizya.

\v 5 Pakuti imalelo amayimba iga Kilisiti ga kwonjela ku tunetwe, sheshinisho kujinjizya kwitu kukwonjera kushilila uKilisiti.
\v 6 Ingalelo tukulabhiwa, mmunemwe kujinjinza kwinyuna kuposhilwa kwinyu ingetukujinjizwa vwe mmunemwe kujijizya kwinyu. Kujinjizya kwinyu kukubhomba imbombo ihinza pemukwavwana mmalabha kwakujimbilila inzitwe vwe tukulabha.
\v 7 Na kugoma kwitu pamwanya yinu he hinzo. Tumanyili kuti inzashila shemukwavwana amayimba shishila mukwavwana kujinjizya.

\v 8 Pe kuti tutakwanza imwemubhe mwebhalema, nholo, kumanyimba getwali inago ukwo ku Aisa. Yoli twali nukulonga kwa kwabhufye pamwanhya yitu.
\v 9 Ililo iyo yaliyakubhomba intwe tutahabhishe isubhilo pamwanya yitu. Badala yakwe tubhishe isubhilo kwa Mulungu, wakuzyusha abhafwe.
\v 10 Atwokoye itwe kufuma kumaafa agakuti, tufwe na alitwokola habhili. Tubhishe kuyigomwa kwitu kubhe kwa wene pakuti alitwokola habhili.

\v 11 Alibhomba inshi imimwe iwinza vwe mukutwavwa kwakuputa kwinu. Insho abhinji bhalifumwa insalifwo kuniaba yitu na munemwe kulunganilo ulwa winza lwebhatupiye intwe kushilila ku mbuto inza bhinji.

\v 12 Tukuyila nili: kuyibhuzya kusibho yitu. Pekuti kwidala ilyiza nuwinza wa Mulungu kutitwabhalile tunetwe munsi. Tubhombile inshi ihani nimwe, na tekuwolowezyu uwabhamunsi, ililo badala yakwe kuwinza wa Mulungu.
\v 13 Tutakubhasimbila shoshondi shemtangawezya kushishoma nukumanya.
\v 14 Kuti kulimo mwinze mwamanya na inguyula pakuti isiku lyamwene uYesu tuhayibha twe sababu yinyu mumunemwe kumaluli ginyu, inza shila shemulibha kukwitu.

\v 15 Pe kuti nalinukunyula kulili, ihanzaga kumanya ku kwinyu insuti, ingakuti muwezye kuposhela kupata kujendelwa mara zibhili.
\v 16 Ihasibhaga kubhajendelela kuhabhalilo ahakubhala ku Makedonia. Iwinza ihanzaga kubhajendelela iwinza kuhabhalilo ihakugaluha kufuma ku Makedonia, na habhili imwe kusondelezya inne kuhabhalilo ahakubhalila ku Uyahudi.

\v 17 Pehasibhaga kulili, je, nalikuhajilizya? Je ingupanga amambo kubhalilana ni viwango vwabhandu, ingakuti indoje "Ina, ina" na "Hala, hala" kuhabhalilo heka?
\v 18 Ilelo inza shila Umulungu sheayilishile, tutakulonga vwondi "Ina" na "Hala."

\v 19 Pekuti umwana wa Mulungu, uYesu Kilisiti, we Silvano, Timoti na nunene twamwenyizye peka na mubhamu, te "Ena" na Hala." Badala yakwe ahabhalilo hondi "Ina."
\v 20 Pe kuti insubhilo zyonti izya Mulungu "Yoli" kumwene. Insho habhili kushilila umwene tukuti "Amina" kwakuwinza wa Mulungu.

\v 21 Insalizi ghu Mulungu akutusibilisya intwe peka nimwe kwa Kilisti, na atusondelezizye intwe.
\v 22 Abhishile ishimanyiho pamwanya yitu naatupiye Umpepu kumoyo gitu ngati hobhoshelo ya shila she angatupa shamandi.

\v 23 Badala yakwe, ingumulabha Umulungu kumbuzya ine kuti isababu yeyagombile indahize ku Kolintho kwekuti indahabhamwamile imwe.
\v 24 Ini tesababu tukulinga kwejera vwe kwitiha kwinya kulibha. Badala yakwe, tukubhomba peka nimwe mumunemwe kwisha kwinyu, inza vwemkwimilila kwa kwitiha kwinyu.

\c 2
\cl Sura ya 2
\p
\v 1 I namuye kusehemu yani nunene kuti halinda manyile habhili kukwinyu kwa kulemewa.
\v 2 Inge nabhasababisizye kubhabhilwa, ghunanuwe hali akwisha nine, pelelo ghughula weavwalazizwe peka nine?

\v 3 Nasimbile inzo vwe ingubhomba ingakuti ahabhalilo luingwiza kukwinyu indahavwalazwe na bhala bhehali bhahabhomba ninshi. Indi nu kuyula kubhandu bhondi kuti kwisha kwani kukula inza vwe mwishiye mubhandu mwendi.
\v 4 Inshi penabhasimbiye imwe kufumilana na mayimba amapiti, namalabha gamoyo na kumasonzi aminji. Indahanzaga kubhasababishizya imwe kubhabhilwa. Badala yakwe, ihanzaga mumanye ulugano ulwa maha lwe indinalwo kwajili yinyu.

\v 5 Inga alipo wowondi asababisizye kubhabhilwa, atasababisizye kukwani bhulo pekushipimilo shimo - bilkubhiha ubhuhali ihani - kukwinyu mwendi imwe.
\v 6 Ini kulongwa kwa mundu uyo kubhinji yikwanile.
\v 7 Kulilyo lelo kwa kulongwa, mukwaziwa kumuhobhoshela nukumjinjizya. Mubhombaje inshi ingekuti atahapotwe nukusangama kwekwanjeye.

\v 8 Insi ingubhapa umoyo kuzibitisya ulugano lwinyu pauzelu naghuyo.
\v 9 Ini yesababu nasimbile ingebhawezye kubhalingakumanya kuti bhakunyisha kubhandu bhondi.

\v 10 Inge mwamuhobhoshela wowondi, inani ingumuhobhoshila umundu uyo. Shila sheishihobhosheye - inge ishihobhosheyo shoshondi-shihobhoshelilwe kwa kupa kwinu kwakubha kwa Kilisti.
\v 11 Inga kuti usetani atahatubhombela kuhopezwa. Pekuti intwetentwe bhalema kumapangwi gakwe.

\v 12 Umulyango huhiguliwa kukwani numwene penizile musi iya Troa kulumbilila amazwi ga Kilisti pala.
\v 13 Pelelo, indalinulutengano ulwa mwoyo, peindamwajile uholo wani papala pa Tito. Inshi nabhaleshile nu kugaluha ku Makedonia.

\v 14 Ilelo apatwaje Umulungu, ghula we uKilisti insiku zyondi akutulongozya itwe kwa kutola. Kushilila itwe akushizya umusi umwinza uwanjele yakwe popondi pala.
\v 15 Pe itwe Mulungu, twe munusi umwinza uwa Kilisti, bhondi na bhala bhebhataposhililwe.

\v 16 Kubhandu bhebhataposhililwe, wemunusi kufuma kubhufwe na kubhufwe. Kubhalabhaposhililwe munusi umwinza kuwumi na kuwumi. Ghunanu weakwaziwa ivindu ivwo?
\v 17 Pekuti itwe tutoliinza abhandu abhinji bhebhakukazya inzwi lya Mulungu kwa kuwina, Badala yakwe, kuwinza widala, tukulonga kufuma kwa Kilisti, inza vwetukusondelezwa kufuma kwa Mulungu, kwilongolela kwa Mulungu.

\c 3
\cl Sura ya 3
\p
\v 1 Je, twandile kujipala tunitwe iwinza tutakwa ikalata agalwavwo lwinyu awekufuma kufuma kukwinyu, inga baadhi ya bhandu, je tukwanza?
\v 2 Imwe murumwe mwe makalata gitu aga lwavwo gegasimbilwe mumoyo gitu, gegamanyishile na kubhazwa na bhandu bhondi.
\v 3 Na mukulolesha kuti imwe mwemakalata kufuma kwa Kilisti, gegafumile kulitwe. Gasimbilwe te kuwino yoli kwa mpepu wa Mulungu we mwuni. Gatasimbililwe pamwanya pavibao ivwa mawe. Yoli pamwa pavibao ivwa moyo ga bhanadamu.

\v 4 Niga gemaha gulinago kwa Mulungu kushilila kwa Kilisti.
\v 5 Tukayitiha tunetwe kwa kudai shoshondi inza kuma kukwitu. Badala yakwe, kuyiha kwitu kufuma kwa Mulungu.
\v 6 Wu Mulungu we atubhombile tuwezye kubha bhabhombi ibha agano ipwa. Ili agano telyamakalata lya Mpepu. Pekuti amakalata gakugoga ingale Umpepu yikwefwa uwuni.

\v 7 Inshi imbombo iya bhufwe yabhiziwe kuhelufi pamwanya ya mawe yizi kunamna iya winza kuti abhandu abhaku Iziraeli bhatenyizye yeka kwa yeka pamiso pa Mose. Ini kwa sababu ya winza wa pa miso pakwe, uwiza we wuhafwifwilaga.
\v 8 Je, imbombo iya Mpepu yitali nu winza ihani?

\v 9 Pe kubhaingeihuduma iya bhulonji yali nu winza, ni mara zilinga inhaniihuduma iya yoli yikwonjela hani kuwinza!
\v 10 Ye yoli kuti, shila sheshigombilwe uwinza insuti shitali nuwinza habhili kulutiniho ulu, kwa sababu ya lutiniho twelwonjeye.
\v 11 Pe kuti shila sheshihashilaga kwali nu winza, ku kiasi shoni ihani shila mandi shilibhanu winza!

\v 12 Pe kuti tukuyitiha insho tukuyigomwa inhani.
\v 13 Tutali inza uMose, we abhishili iuwa pamwanya pamiso gakwe, inga kuti abhandu bhaku Iziraeli bhatahawezye kwenya moja kwa moja kubhusilila wa winza uwo wewuhepaga.

\v 14 Ilelo kumanya kwabho zyali zyigaliwe. Mpaka isalizi kwaziwa kukura wulishewukusyala pamwanya iya lubhazyo ulwa agano ilya mandi. Yitabhishilwe pauzelu, kwasababu kukwa Kilisiti imwene yikwefwelwa kubhutali.
\v 15 Pe ni lelo, ahabhalilo hohondi uMose vwakusomwa, kwanza kukwiha pamwanya ya moyo gabho.
\v 16 Pe umundu akugaluhana kwa mwene kwanza kukwepelwa.

\v 17 Insalizi Utata Mpepu. Pepali nu Mpepu uwa Tata, kuli nubhusatushe.
\v 18 Insalizi itwe twendi, na pamiso pepatabhishilwe iuwa, kulola uwinza kwa Tata. Tukubadiliswa mkasi ya kulolehana kukula ukwa winza kufuma shahada yeka iya winza kubhala kuyamwabho, inza vwe yili kufuma kwa Tata, wewu Mupepu.

\c 4
\cl Sura ya 4
\p
\v 1 Pe lelo, ni mbombo ini, na ima sha tuyiposheleye inyinza tutakulita haa.
\v 2 Badala yakwe, tuhanile amadala gondi igisoni na gegubhile. Tutakudili kubhubhibhi, natutakulibhombola habhibhi inzwi lya Mulungu. Kwa kufisya yeyoli, tukuyilolesya tunetwe kugetulinago kila mundu mwilongolela mwa Mulungu.

\v 3 Ilelo inga indumbililo yitu yifisilwe, yifisilwe ku bhala bhulo bhebhataposhile.
\v 4 Kubhachaguzi wabho, umulungu uwa munsi umuabhagojile kumanya kwabho kwekutakwitiha. Amatokeo gakwe, bhatangalola uluhozyo ulwa indumbilili iya wiza uwa Kilisiti, we shilinganyo sha Mulungu.

\v 5 Pekuti tutakuyitangazya yunetwe, yoli uKilisiti uYesu inza umwene, nitwe tunetwe inga twebhaputi bhinyu kwajili ya uYesu.
\v 6 Pe kuti Umulungu we alonjile, "Uluhozyo lilihozya kufuma kuhisi." Atuhozizye mumoyo gitu, kufuma uluhozyo ulwinjele iya winza wa Mulungu kwa kubha kwa Yesu uKilisiti.

\v 7 Ilelo luti nulubhiho ulu kuvililo ivya lusuto, inga kuti yimanyishe kuti maha amapiti insalizi ga Mulungu nante gitu.
\v 8 Tukulabhiwa kukila hali, ilelo tutakutingwa. Tukulola iwasiwasi ilelo tutakwonjela kulito.
\v 9 Tukuyimba ilelo bhatatuleshile. Tukutagwa pansi ilelo tukuposhilwa.
\v 10 Isiku zyondu tukupimba kumubhili witu ubhufwe wa Yesu, inga kuti uwumi wa Yesu bhulole hane namumabhili gitu.

\v 11 Itwe tubhumi isiku zyondi twokoliwe kubhufwe na wu Yesu, inga kuti uwumi wa Yesu bhulohane kumabhili gitu agashibhandu.
\v 12 Kwa sababu ini, ubhufwe bhukubhomba imbombo mkansi mu mwitu, yoli uwumi bhukubhomba imbombo mkansi mumwitu.

\v 13 Ilelo tuli nu mpepu wuwula uwa kwitiha kubhalilana na shila sheshisimbilwe: "Nitishile, nisho shuhalonga." Itwe yoli tukwitiha, nisho yoli shetukulonga.
\v 14 Tumanyile kuti wula weamuzyusyizye umwene uYesu yoli alituzyusya intwe peka nawo. Tumanyile kuti alituleta intwe peka nimwekwakubha kwakwe.
\v 15 Kila shindu kumumunemwe ingakuti, inza uwinza vwe bhukusanta kubhandu abhinji, kupara kubhanje kwinji kuwinza wa Mulungu.

\v 16 Insho tutakulita. Pekwakunzi kukula, kwa mukuka tukugombwa bhupwa isiku ni siku.
\v 17 Kushipindi inshi ishifupi, amayimba iga amapupunsu gatugula intwe kwajili ya uwinza wa hali ubhupiti uwawinza wewukwonjela kuvipimilo vwondi.
\v 18 Kuti tutakwenya kuvinda uwevikuloleha, yoli kuvindu vwevitakuloleho. Ivindu vwetungavilo vwamda ibhulo, yoli ivindu vwevita kuloleha vwevwa wila.

\c 5
\cl Sura ya 5
\p
\v 1 Tumanyile pakuti ihayo ya munsi yatukudira umu yikunaha tuli ni nyumba kufuma kwa Mulungu. Ye nyumba yeyitakugombwa kunyobha zya bhandu, yoli ye nyumba ya wila kwa kumwanya.
\v 2 Pekuti kusaha ini tukubhina, kwa kusangaha ku kwatwa kuhaya yitu kumwanya.
\v 3 Tukwiga kwajili yili kusababu ya kuyikwata tutahaloleshe kutilulishitali.

\v 4 Kuyoli kuhabhalili hetuli mkasi msaha ini, tukubhina ingetwamwamiwa. Tutakwanza kuzulwa. Badala yakwe, tukwanza kukwatizwa, inga kuti shila sheshifuye shiwezye kubhundwa nu wumi.
\v 5 Wula weatuandaile intwe kushindu inshi sha Mulungu, we atupiye intwe Umpepu inza vwe alonjile kishila sheshiliyinza.

\v 6 Ilelo mubhe nukuyigomba isiku zyondi. Mubhe minso kuti ahabhalilo hetuli kuhaya kumubhili, tuliku bhutali nu Mwene.
\v 7 Ilelo tukujenda kwa kwitiha, tekwakulola. Pe tu kuyigomwa.
\v 8 Hehinza tubhe kubhutali kufuma kumubhili na muhaya peka nu Mwene.

\v 9 Ilelo tukuyibhomba pakubha mwenyelezyo witu, inga twabha kuhaya au kuwatali, tumubhajizaje wuyo.
\v 10 Ilelo lazima bhondu tuloleshe mwilongolela mwalitendo ilya kulongwa ilya Kilisiti, inga kuti kila weka awezye kuposhela shila sheshikwanziwa kumambo gegagombilwe kumubhili, inga kuwinza au kuwubhibhi.

\v 11 Ilelo, kwa kubhumanya uwoga wa Mwene, tukubhahopelezya abhandu. Inza shituli yikulolehana wanzi nu Mulungu. Umwenyelezyo kuti yikwelebheha iwinza kusibho zyinyu.
\v 12 Tutakulinga kubhahopelezya imwe iwinza kululolo intwe bhayoli. Badala yakwe, tukabhapa imwe isababu iya kuyila natunetwe, inga kuti muwezye kubha jawabu kubhalabhe bhakuyilila kuhusu kulolehana ilelo nu kushila sheshili mnkasi mu mwoyo.

\v 13 Peinga kuti zitomoshile injela, vwe wuwunuyo Umulungu. Inga tulimunjele zyitu zye zikubhomba, vwemumunemwe.
\v 14 Peinga ulugano ulwa Kilisiti wakutuhalaganya ku sababu tuliniyoli nili: kubha mundu weka afuye kwa munumwe, ilelo bhondi bhafuye.
\v 15 Nu Kilisiti afuye kubhandu, inga kuti bhala bhebhakudila bhatadilaje iwinza kwajili yabho bhubho. Badala yakwe, lazima bhadile kwa wuyo we afuye na ahazyushwa.

\v 16 Kusababu ini, kwandila insalizi nukwendelela tutakumulonganya umundu kuholanya ivipimilo vwa bhandu, ilelo iposuti twamwenyizye uKilisiti kunamna ini. Ilelo isalizi tutakumulonga wowondi kunamna ini iwinza.
\v 17 Pe lelo, inga umundu wowondi ali mukasi mwa Kilisiti, umwene we shiumbe ishipwa. Amambo gimandi gashilile. Yenya gabha mapwa.

\v 18 Ivindu vwondi ivi vikufuma kwa Mmulungu. Atwivwanyinye intwe kukwakwe wuyo kushilila uKilisiti, na atupiye imbombo iya twivwano.
\v 19 Insho kukulonga, kwa Kilisiti, Umulungu akwivwanya insi kukwakwe wuyo, tekubhazya amabhibhi gabho kwonjera kwabho. Akusengulizya kukwitu inzwi ilya lwivwano.

\v 20 Ilelo tuchaguliwe inza abhasondelezya bha Kilisiti, pakuti Umulungu alikumbomba irufaa yakwe kushilila intwe. Tukubhalabha imwe kwajili ya Kilisiti: "Mpatanishwe kwa Mungu!"
\v 21 Alimfanya Kristo kuwa sadaka kwa ajili ya dhambi zetu. Yeye ndiye ambaye hakutenda dhambi. Alifanya hivi ili tuweze kufanyika haki ya Mungu katika yeye.

\c 6
\cl Sura ya 6
\p
\v 1 Na pelelo, kubhomba imbombo peka, tukubhalabha imwe mtahaposhele uwinza wa Mulungu pepatali na majawabu.
\v 2 Pe akulonga, "Ahabhalilo hehitishile naliihinza kukwinyu, nisiku ilya kwokolewa na bhavwizye." Yenya, lelo habhalilo hehitishile. Yenya, lelo lisiku ilya kwokolewa.
\v 3 Tutakubhiha iwe ilya shidindizi mwilongolela mwa mundu wowondi, pe kuti tutakuyazila imbombo yinze kwa kusalifwa ukubhibhi.

\v 4 Inga wuyo tukuyenyelezya tunetwe kumambo gitu gondi, pakutintwe bhaputi bha Mulungu. Twe bhaputi bhakwe kuwinji uwa kujimbili la amalabha, amayimba, ubhugomu uwa kudila,
\v 5 kuhomwa, kupinywa, aharanga, kwa kubhomba imbombo kumaha, kukosa utulo, ubhusiku na kunzala,
\v 6 na kuwinza, injere, kujimbilila, uwinza na kwa Mpepu Umfinjile, nakulugano lwe lukuloleha.
\v 7 Twe bhaputi bhakwe kwinzwi ilyiyoli, kumaha ga Mulungu. Tuli ni silaha iya yoli tuturulwe kunyobhe ya bhuluto nushomi.

\v 8 Tukubhomba imbombo kwa kwiha nakutwisya, kwa kulonganya nukupara. Tukulongwa kuti twebhilenga na habhalilo twebhiyoli.
\v 9 Tukubhomba imbombo pakuti tutakumanyihana natushili kumanyihana ihinza. Tukubhomba imbombo ihinza abhafwe na - Yenya! - tushili tukudila. Tukubhomba imbombo inza bhebhekulongwa kugebhakubhomba nteiza bhala bhebhahabhalonga nukubhagoga.
\v 10 Tukubhomba imbombo inza bhebhakuswiga, pea masiku gondi tukwisha. Tukubhomba imbombo inzabhebhatali navwo, pelelo tukubhonjezya abhinji. Tukubhomba imbombo ngati tutalinaho nahamu pelelo inzavwe tulinavwo vwondi.

\v 11 Tulonjile iyoli yondi kukwinyu, Wakorintho, na moyo ginyu giguliwe kubhupiti.
\v 12 amoyo ginyu gatakudindilwa inintwe, ilelo nkudindilwa ni sibho zyinyu munemwe.
\v 13 Kwa kugalulanya kuyoli - ingulonga inza kubhana - yigulaji amoyo ginyu kubhupiti.

\v 14 Mtabhanjepeka na bhebhatakwitiha. Kwe kukuli nakwitihana kubhiyoli ne mbibhi? Kuli nu kwa vwana kwoni kubhuzelu na kuhisi?
\v 15 Kukwitihana kwoni uKilisiti angabha nakwo nu Beriali? Na ghula weayitishile angavwana bhuli peka nawakuhana?
\v 16 Nakuli nakwitihana kwoni kwe kulipo kushibhanza sha Mulungu we mwumi? Peintwetwe shibhanza sha Mulungu we mwumi, inza vwe Umulungu alonjile: "Indiyihala pakasi papabho. Indibha ne Mulungu wabho bhope bhalibha bhandu bhani."

\v 17 Pelelo, "Yepi pakasi yabho, na muyefwe nabho," alonga Utata. "Mtahaleme inshindu inshinyali, indibhakalibisya imwe.
\v 18 Indibha nemwene winyu inimwe mulibha mwebhana bhani abhashisahala na bhashandanda," aonga Umwene Mwenyezi.

\c 7
\cl Sura ya 7
\p
\v 1 Bhaganwa bhani, petuli ninsubhilo inzi na tuyigezyaje tunetwe kukilashindu sheshikutubhomba kubha bhanyali kumabhili gigu naku mpepu. Na tuwanze uwinza kuwoga wa Mulungu.

\v 2 Gombaji inafasi kwa tunetwe! Tutamkoseye umundu wowondi. Tutamunanginye umundu wowondi. Tutajipeye kwa kupata kwa mundu wowondi.
\v 3 Ingulonga ili nte kwakubhabhuna. Pekuti indonjile kuti muli mumoyo ginyu, kukwitu ilwe kufwa peka nakudila peka.
\v 4 Inguyigomwa kuwinji mkasi yinyu, na inguyila kwa munemwe. Nizulwe nukujinjizya. Nizulwa na kwisha ipope pakasi pamayimba gintu gondi.

\v 5 Twizile ku Makedonia, amabhili gitu gatali nu lutuzyo. Badala yakwe, twalabhile kunamna zyondi kwa kuhomwa uhulungu kubhupande uwa kunzi nu woga kubhupande uwa mnkasi.
\v 6 Ilelo Umulungu, weakujinjizya, bhebhalitile, atujinjizizye kuwinzilo uwa Tito.
\v 7 Yitali kuwinzilo wakwe bhulo kuti Umulungu atujinjizizye. Yali iwinza kujinja kula uTito kweaposheleye kufuma kukwinyu. Yeye alituambia upendo mkuu mlionao, huzuni yenu, na mlivyokuwa na wasiwasi kwa ajili yangu. Hivyo nimezidi kuwa na furaha zaidi.

\v 8 Inga lelo uwalaka wani wabhabhombile kuswiga, ine ndakulabha. ilelo ingulabha kuhabhalilo henalolili uwalaka uwo bhuhabhabhomba imwe kubha nishisa. ilelo mwali ni shinsa umuda umunsi.
\v 9 Insalizi nishiye, ntekuti mwali nukulabha, ilelo kulinilyo ishinsa shinyu shabhaletile kwa kwitiha. Shabhajile ishinsa isha kiungu, isho mwatesilwe nte kwa kusililwa kusababu yitu.
\v 10 Pekuti ishinsa isha kiungu shikuleta kwitiha yeyikukamilisya uwokovu bila kwakulabha. Ishinsa sha munsi, inza isho shikuluta ubhufwe.

\v 11 Yenyaji ishinza ishi ishakiungu shonjezizye azma yoni imbili mkasi yinyu. Inza bhuli azma yali mbili kusibitisya kuti mtali na makosa. Inza bhuli ku bhabhilwa kwinyu vwe kwali kupiti, uwoga winyu, kwigana kwinyu, kudaga kwinyu, na kwigana kwinyu kulolo kuti yoli yikwanziwa kubhombeha! Ku kila shindu msibitisizye munemwe kuli mtali na makosa.
\v 12 Ilelo nabhasimbiye imwe, indabhasimbiye kwa wakukosa, nante kwa mundu wakuteseha na mabhibhi isimbe inga kuti ubhuyoli wa moyo ginyu na tunetwe kabhombe kumanyihana kukwinyu kwilongolela kumiso ga Mulungu.

\v 13 Nakulinili kuti tukujinjiha kwa kwonjezya kuyinja kwitu tunetwe, tukwisha iwinza, na ihani kusababu ya kwisha kwa Tito, ilelo umpepu wakwe wabuludisizwe nimwe mwendi.
\v 14 Inza vwenayilile kuwakwe ihani inimwe, indahogopaga. Ishisalo shakwe inza bhulo kila inzwilye twalonjile kukwinyu lyaliyoli, Kuyila kwitu kuti intwe kwa Tito gazibitisizye kubha yoli.

\v 15 Ulugano lwakwe kwa munemwe mpiti ihani, inza vwe mkukumbuha kwitiha kwinyu mwendi, inza vwe mwamukalibisizye wuyo kuwoga nukutetema.
\v 16 Ingwisha kusababu inguyigomwa kamili mkasi yinyu.

\c 8
\cl Sura ya 8
\p
\v 1 Tukubhanza imwe mmanye, kaka nu dada, kuti uwiza wa Mulungu vwe yifumwilwe kuvibhanza vwa ku Makedonia.
\v 2 Ahabhali ihijaribu ipiti ilya mayimba, uwinji wa kwisha na kwonjera kubhupina wao bhupapile uwadumbwe umupiti uwakukalibisya.

\v 3 Pe kuti ingulongo kuti bhafumwizye inza vwe bhawezizye, na ihani vwe bhawezizye.
\v 4 Nakwakwigana kwabho bhubho kutulabha ukwinji, bhatulabhili kwakwavwana kumbombo ini kubhebhitishile.
\v 5 Ini yitafumiye ima vwe tuhanzaga. Badala yakwe, isuti bhayifumwizye bhubho kwa mwene. Pe bhahayifumwa bhubho kukwitu kubhugane uwa Mulungu.

\v 6 Insho tuhamlabha uTito, wealitayari ayazisizye imbombo ini, kuleta kuwiyoli itendo ili ilya kukaribisya pamwanya yinyu.
\v 7 Ilelo imwe mli nuwinji kwa kila shindu - kulutengano, kwa kulonga, kunjere, kwa kugada, na kulugano lwinyu kutunetwe. Insho mhakiisyaje kuti imwe mkubha nu winji iwinza kutendo ili ilya kukalibisya.

\v 8 Ingulonga ili nte kuamuri. Badala yakwe, ingulonga ili inga kupima uwi yoli uwa lugano lwinyu kwa kulinganisya na kwigano kubhandu abhomwabho.
\v 9 Pe mumanyile uwinza wa mwene witu uYesu Kilisiti. Ipepo ingaali wudumbwe, kumunemwe ali mpina. Ingakuti kushilila ubhupina wakwe muwezye kubha bhadumbwe.

\v 10 Kulindi indibhapa ubhushauri we wuli bhavwa. Umwaha weka wewushilile, mtahanda iwulo kubhomba ilyo. Ilelo mwiganile kulibhomba.
\v 11 Isalizi likamilisye. Inza uwilo vwekwali nakwigana ni dala ilya kuligomba, iwinza, je, mngawezya iwinza kulileta kuwiyoli, inza vwe mkuwezya.
\v 12 Pe mulinulwigano ulwa kubhomba ili, lijambo ilyiza lyelikwitishilwa. Lazima lyimilile pamwanya ya shila she alinasho umundu, nte pamwanya yashe atali nasho umundu.

\v 13 Pe imbombo ini ntekwajili abhamwabho bhawezye kubha kwashi inimwe muwezye kumwamilwa. Badala yakwe, kubhe nukulingana.
\v 14 Uwinji winyu kuhabhalilo hisalizi bhuliyavwa kushila shebhakwanza. Ini vwe uwinza ingakuti uwinji wabho bhuwezye kwavwo hehakwaziwa kukwinyu na kuti kubhe na kulingana.
\v 15 Ini inza vwe yisimbilwe; "Wuyo weali ni vwinji atali ni shindu shoshondi sheshasyalile na wuyo alinivisi atali nukwanza kwo kwondi."

\v 16 Ilelo apalwaje Umulungu, weabhishile mkansi ya mwoyo uwa Tito umwoyo ghughula nu kudaga ukwakubhajali kweindinakwo kumunemwe.
\v 17 Ilelo ntekuti iwulo aposheleye imbuto zyitu, yoli iwinza kwalikudaga kubhalilana ni mbuto zyabho. Ayizili kukwinyu kwa kwigana kwakwe wuyo.

\v 18 Tumusondelezizye pekanawo uholo weakupalwa peka mvibhanza kwajili ya mbombo yakwe kwa kutangazya indumbililo.
\v 19 Nte inshi iwulo, ilelo iwinza asebhilwe nivibhaza kushula initwe kwa kulipimba isehemu indali itendo ili ilya kukalibisya. Ili kukuwiza uwa mwene wuyo na kwa kwigana kwitu kwakwavwa.

\v 20 Tukushebha uwezehano kuti wowondi akwanziwa kulongana kubhalilana inintwe inhani nubhukarimu ubhu wetukubhupimba.
\v 21 Tukwega uwenyelezyo kubhomba shesha kwiha, nte iwalo kwilongolela kwa mwene, ilelo iwinza kwilongolela kubhandu.

\v 22 Iwinza tukumsondelezya uholo uwa mwabho peka nabho. Tumupimile kuwingi, na tumuwenyi kuti akwigana for ajili ya imbombo inyinji. Ni salizi akudaga inhani kwa sababu yakuyigomwa ukupili kweali nakwo mkasi yinyu.
\v 23 Kuhapangwi iha Tito, wuyo mshilika wa mwitu mubhomba mbombo wa mwitu kwa jili yinyu. Inza kubhaholo bhitu, bhakusondelezwa ni vibhaza bhebha kwiha kwa Kilisiti.
\v 24 Inshi, bhaloleshaji ulugano lwinyu, na mulolesye kuvibhazya sababu ya kuyila kwa munemwe.

\c 9
\cl Sura ya 9
\p
\v 1 Kubhalilana ni mbombo kwajili ya bhaumini, he hinza inhani kukwani kubhasimbila.
\v 2 Imanyile pakuti kwigana kwinyu, genayiliye kubhandu abha ku Makedonia. Nabhabhizizye kuti Akaya yabha tayari kufuma umwaha wewashilile. Kwigana kwinyu kubhapiye umwoyo abhinji bhabho kubhomba.

\v 3 Iisalizi imbasondelezizye abhaholo ingakuti kuyila kwitu pakuti imwe gatahabhe gabhulo, na ingakuti mngabha tayari, inza vwebalanjile mungabha.
\v 4 Kuvwamwabho, inga umundu wowondi uwa ku Makedonia ingaayiza peka inine na kubhaga mtali tayali, halitulolile iga --- indakulonga shoshondi pakuti imwe kwa kuyigomwa inhani kunimwe.
\v 5 Insha nalolile yali muhimu kubhalabha bhaholo kwinza kwinyu na kumbomba imipango yanzila kwajili ya zawadi zye mwaahidile. Ini vweyili kuti zibhe tayari inza isayo, na nte inza ishindu sheshamuliwe.

\v 6 Iwanzo ili: umundu weakuwala ivinsi aliyebhela ivinsi, na wowondi weakuwala kwilengo ilya lusayo awinza ahayiyebhela ulusayo.
\v 7 Kuyiye kila weka afumwe inza vwe apangile mumwoyo wakwe. Kuyiye iwope atahafumwe kushisa au kwa kumaha. Ingalilo Umulungu akumugana wula weakufumwa kwa kwisha.

\v 8 Nu Mulungu awezizye kwonjezya isayo zyondi kumunemwe, inga kuti, kuhabhalilo, kumambo gondi, muwezye kugaga gondi, gemukwanza ili lilibha ingamuwezye kwenjezya kila tendo ilyiza.
\v 9 Inza vwe yisimbilwe: "Ananginye ubhudumbwe wakwe na kubhufumwa kumupina. Iyoli yakwe yikwendelela kuwila."

\v 10 Iwope weakufumwa imbeyu kwa wakuwala nu mukati kwajili ya shakulya, iwulo alifumwa nu kwonjezya imbeyu yinyu kwajili ya kuwala. Wuyo aliyonjezya amavuno giyoli yinyu.
\v 11 Mulidumbwiga kwakila namna inga muwezye kubha bhakalimu. Ini yilileta isalifwo kwa Mulungu kushilila intwe.

\v 12 Kwa kubhomba imbombo ini nte iwulo yikupalamasya hehakwaziwa kubhaumini. Iwinza kwonjezya ku matendo aminji igisalifwo kwa Mulungu.
\v 13 Kulinilyo kwa kupimwa kwinyu na kusibitiswa kumbombo ini, iwinza myayimpala Umulungu kwa kwitiha kwinyu indumbilili ya Kilisiti. Iwinza mlimupala Umulungu kubhukalimu uwa ishikunjirwa shinyu kukwabho na kwa kila weka.
\v 14 Bhakubhasunguha, na bhakubhalabha mumunemwe. Wabhomba inshi kusababu iya winza ubhupiti uwa Mulungu wewuli pamwanya yinyu.
\v 15 Imbalizyo zibhe kwa Mulungu kushikunjirwa shakwe sheteshakwelezya!

\c 10
\cl Sura ya 10
\p
\v 1 Ne Paulo, nu nene ingubhalabha kwa kwiha nu bhupole uwa Kilisiti. Ne mupole ahabhalilo vweindi kwilongolela yinyu, Ilelo inguyigomwa kukwinu ahabhalilo ingenabha kubhutali inimwe.
\v 2 Ingubhalabha imwe kuti, ahabhalilo ingenabha peka nimwe, nteihanze kuyigomwa na kuyamini kwani nunene. Ilelo ingusibha ingwanza kuyigomwa ahabhalilo heingubhahana bhala bhebhakuti tukudila kujinsi ya mubhili.

\v 3 Ilelo ingapope tukujenda kumubhili, tutakulwa ubhulugu kujinsi ya mubhili.
\v 4 Ilelo isilaha zyetu kutumila kulwila nte zyashimubhili. Badala yakwe, zili na maha iga shiungu igakunangaya ingome. Zikwefwa ihanizyezikulongwa zyezikutezya.

\v 5 Iwinza, tukunanganya vyondi vwe vikwamula sheshikuyizuvwa kwonjera kunjere ya Mulungu. Twabhombile kulema kila sibho kwa kwitiha kwa Kilisiti.
\v 6 Na tukuyago ubhutayali uwa kulonga kugondi gegakubhomba getegakwitiha, iwinza iwulo kwitiha kwinyu pekukubha kamili.

\v 7 Yenya shila sheshiliwazi mwilongolela mwinyu inga wowondi akwitihana umwene wewa Kilisiti, awe ayikusye umwene wuyo kuti inza iwulo vweali wa Kilisiti, inshoshe intwe iwulo vwe tuli insho.
\v 8 Ilelo inga nayila hasi kwonjera pakuti kwa mula kwitu, ye umwene afumwizye kutunetwe kubhazenga imwe na nte kubhananganya, ntehogope.

\v 9 Indakwanza ili lilolehana kuti ingubhogofwa imwe kunyaraka zyani.
\v 10 Kushila bhamu abhadu bhakulonga, "Inyalaka zyakwe hali na zilina maha, ilelo kumubhili uwene mdeganu. Amazwi gakwe gatakwaziwa kutijelivwa."

\v 11 Awe abhandu inza ibho bhelewe kutishila shetulilonga kuwalaka ahambalilo ingelwabha kubhutali, inza shila vwe tulibhomba ahabhalilo ingetwabha pala.
\v 12 Tutakubhala kubhutali ihani inza kuyibhunganya tunetwe kuyilinganisya tunetwe na bhala bhabhakuyipala bhubho. Lakini wanapojipima wenyewe na kila mmoja wao, hawana akili.

\v 13 Intwe, inzisho tetuhayipale kushilila imbaho. Badala yakwe, hayimbomba isho iwulo mkasi mumbaho ye Umulungu atupimiye intwe, imbaho yeyikufiha uwutali inza uwinya vwebhuli.
\v 14 Ilelo tutayonjezizye tunetwe petwabhafishile imwe. Twali bhaku wandilo kufiha kuwutali inza uwinyu kwakwa Kilisiti.

\v 15 Tutayilile kushilila imbaho pakuti imbo ya bhamwabho. Badala yake, tukugulila inza ulwitiho lwinyu vwelukwonjera kuti ieneo lyitu ilya mbombo lilitanuliwa ihani nashili mkasi yimbaho imbwa.
\v 16 Tumanyile kulili, inga kuti tuwezye kulumbilila indumbilili na mu mikoa ihani yinyu. Tutayipale kumbombo yeyikubhombwa mumaeneo aga mwabho.

\v 17 "Ilelo wowondi weakuyila, ayile kwa Mwene."
\v 18 Ilelo inte wula weakuyizibitisya wuyo akusibitiswa. Wuwula we Umwene akumusibitisya.

\c 11
\cl Sura ya 11
\p
\v 1 Ingusibha kuti halimwajimbililanga inine kuhamu igawulema. Ilelo kuyoli mkujimbililana inine. Pekuti newamwone kuhusu imwe.
\v 2 Indi numwone uwa Mulungu kwa munemwe, kufuma penabhabhuzizye imwe kwakwega kwa msahala weka nalonjile kubholeta imwe kwa Kilisiti inza ubikira umwinza.

\v 3 Ilelo ingwogopa kuti kunamu yimo, inza injoha vweyamhopeye u Eva kwilenga lyakwe, isibho zyinu zingawezya kutezwa kubhutali kufuma kuluhohomano lwelulwo nu winza kwa Kilisiti.
\v 4 Pekuti kwa kuholana kuti umundu wumo ayinza nukutangazya uYesu uwa mwabho wetewuyo na wula wetwabhalumbiliye. Au kwa kuholana kuti wakuposhela umpepu uwamwabho wetewayo na wula wemwamposheleya. Au kwakuholanya kuti weakuposhela indumbilili iya mwabho yeteyiyo yemwa yiposheliye. Mhajimbilila amambo iga inhinza yikwanile!

\v 5 Pekuti ingusibha ine nte peka na bhala bhebhasililwe hubhibho bhetukubhita abhasondelezya-abhapiti.
\v 6 Ilelo inga ipope ine indamanyizizwe kwa kulonga, indali insho kunjere. Kwa kila namna na ku mambo gondi tulibhombile litakumanyihana ku kwinyu.

\v 7 Je, nabhombile imbibhi kwa kuyisya nunene inga imwe muwezye kwinuliwa? Pekuti nalumbiliye kulusatuho indumbili iya Mulungu kukwinyu.
\v 8 Nafwulile ivibanza ivwamwabho kwa kuposhela ulwavwo kufuma kukwabho inga kuti halina wezizye kubhabhombela imwe.
\v 9 Ahabhalilo henali inimwe nali kukwanza inda mumwamiye nawumo, ileoolo kukwaza kwani kuhayikwana na bhaholo bhebhizile kufuma ku Makedonia. Kukila shindu injidindile nunene pakuti inda habhamwalili, na indiyendelela kubhomba insho.

\v 10 Inza iyoli iya Kilisiti vweyili mkasi mumwani, uku kuyipala kwani, ntekuhapumilizwe kusehemu izya Akaya.
\v 11 Shoni? Kusababu indabhaganile? Umulungu amanyile imbaganile.

\v 12 Ilelo shila sheingubhomba, ihayibhomba iwinza. Indishibhomba ingakuti imbwezye kudinda inafasi ya bhala bhebhakusunguha inafasi iyakubha inza vwetuli kushishila shebhakuyilila.
\v 13 Ilelo abhandu bhala bhasondelezya bhilenga na bhabhomba mbombo bhamalenga. Bhakuyigalulanya bhubhongati bhasondelezya bha Kilisiti.

\v 14 Ni ili litakuswijisho, pe nusetani akuyigalulanya wuyo ngati bhahabhizya bha kuluhozyo.
\v 15 Ini yitali nukuswiga ukupiti inga abhaputi bhakwe ibhulo kuyigalulanya bhubho inza abhaputi ibhiyoli. Imbelelo yabho yihayibha inza gebhakubhomba bhubho vwegakwaziwa.

\v 16 Ingulonga iwinza: Yakwana na atabhanje umundu wowndi weakusibha ine nemulema. Ilelo ingemwabhomba, mboshelaji ine ngati ne mulema inga imbwezye kujipala hansi.
\v 17 Shila sheingulonga kuti uku kuyamini kwa kuyila kutakulongwa nu Mwene, ilelo ingulonga ngati ne mulema.
\v 18 Pe abhandu abhinji bhakuyila kwa njinsi iya mubhili, indiyila ibhulo.

\v 19 Pe mwejelanile kwa kwisha na bhalema, imwemunemwe muli nulutinisho!
\v 20 Pekuti mkwejela nu mundu inga akubhiha mu bhufungwa, inga akusababisya kulehana kati yinyu, inga abhabombela imwe kwa kupata kwakwe, inga ayibhiha kumwanya kumbepu au ingabhaboma kumiso.
\v 21 Indilonga kwa kwogopa kwitu kuti intwe ingetwa bha bhadeganu ihani kubhomba isho. Na tushiinga wowondi akuyila-- ingulonga inza umulema-- ine iwulo indiyila.

\v 22 Je, abhene Bhayahudi? Inine shishinisho. Je, abhene Bhaizilaeli? Inine shishinisho. Je, abhene bhupapo wa uAburahamu? Inine shishinisho.
\v 23 Je, abhene bhaputi abha Kilisiti? {Ingulonga ngati zyatomoshile injele zyani.} Ine nonjeye. Indi pope mumbo ingomu ihani, kubhutali ihani iya kubha mubhupinywe, kwakuhomwa kushilila ivipomo kwakubili ihatari inyinji izya bhufwe.

\v 24 Kufuma ku Bhayahudi imboshelile mara zisanu "amahomo arobaini kwefwa yeka."
\v 25 Mara zitatu ihahomwa ihahomwa kuviboko. Mara yeka ihahoma ku mawe. Mara zitatu ihanu suliha mumeli. Indumiye ubhusiku numsanya kusumbi inyazi.
\v 26 Indimusafali izya mara kwa mara, kuhatali izya nyinzi, kuhatali izya bhibha, kuhatali izya kufuma kubhandu bhani nunene, kuhatali kufuma ku bhandu ibha musi, kuhatali iya mumuji, kuhatali iyo mung'alang'azu kuhatali iya sumbi, kuhatali iya kufuma kubhaholo ibhilenga.

\v 27 Indi mumbombo ingomu na kudila ukugomu, kubhusiku umwinji uwakutokugona, kuzala nukwumilwa imara inyinji kwa kupinya, kwa ku mbepu nishitali.
\v 28 Kubhutali na kila shindu ishamwabho, kuli nu bhubushilo uwa kila lisiku pamwanya yani kwogopa kwani kwajili ya vibhaza.
\v 29 Unanu we mubhinu, inine nte ne mubhinu? Wu nanu asababisizye uwamwabho kugwa mumbimbi, inine indakupwa mkasi?

\v 30 Inga lazima kuyila, indiyila kuti shila she ingulolesya kubhina kwani.
\v 31 Umulungu nu Tata uwa Mwene uYesu, wuyo weakupalwa wila, amanyile kuti ine indakuhopezya.

\v 32 Kula ku Dameski, usongo wa mkoa pasi ya mwene Areta alikuwalinda umuji uwa Dameski inga kundema.
\v 33 Ilelo nabhishilwe mshikapa, kushilila mwidilisha kwa kulubhumba ihanusuliha kwepo munyobhe zyakwe.

\c 12
\cl Sura ya 12
\p
\v 1 Ni lazima injili ilelo nashimo sheshitakwola nilyo. Yoli indiyendelela kundolesyo nagegakwiguliwa kufuma kwa Mwene.
\v 2 Imumanyile umundu weka kwa Kilisti weamaha kumi na gani gegashilile ge---kubha kumubhili, au kuzi iya mubhili, ine indamanyile, Umulungu amanyile--- ahanyakuliwa pamwanya kumwanya iya bhutatu.

\v 3 Na imanyile kuti umundu uyo---ingayabha kumubhili au kuzi kuzi kumubhili, ine indamanyile, Umulungu amanyile--
\v 4 ahegwa kumwanya hadi ku paradiso na kwivwa amambo aminza ihani kwa mundu wowondi kugalonga.
\v 5 Badala ya mundu inza uyo indiyila. Ilelo kubadala yani nunene ntehayile. Lyoli kuti ubhubhinu wani.

\v 6 Inge nanza kuyila, ingakuti umulema, pekuti hali nali ingulonga iyoli. Ilelo indileshe kuyila, ingekuti atabhanje wowondi wealisibhilila ihani ya gigo kuliko sheshikuloleha mkasi mumwani au kuvwi kufuma kukwani.
\v 7 Indayilile iwulo kusababu yigo amigu lwo agianaiya ajabu. Isho, she indalatilwe na maluli, umwivwa wabhishilwe mkasi mumubhili wani, izwi lya setani kushambulila ine inge indahagaluhane kubha inza weakuyila.

\v 8 Mara zitatu ihamulabha Umwene kulili, inga uwene kuwefu kufuma kuhwani.
\v 9 Iwope ahambuzya, "Uwinza wani bhukwanile kuwanewe, pekuti amaha gakubhombwa ihinza kubhudeganu. Isho haliniganile ihani kuyila ihani kubhude ganu wani, inga kuti kuwezya kwa Kilisiti bhuwezye kwihala pamwanya yani.
\v 10 Ilelo yikwanile kwajili ya Kilisiti, kubhudeganu, kundigo, kushida, kumayimba, kwa kuswiga. Ilelo ahabhalilo ingenabha mdeganu, iwinza indinamaha.

\v 11 Ine nabha nemulema! imwe muhalazimiswa kulili pekuti inganafulililwe inimwe, ililo indasiliwe ihani kubhibho bhetukubhita bhasondelezya-- abhiza, inga pope ine nte shindi.
\v 12 Ivilosyo viyoli ivwabhasondelezya zihabhombe pakasi yinyu kwa kujimbilila, ishilolesyo na gegakwogofwa gegakubhombwa amapiti.
\v 13 Kunamna yoni mwalibhakwaziwa bhapasi kushila ivibhaza vwevisyalile, isipokuwa kuti inda bhamwamiye? Mhobhoshele kukosa ili!

\v 14 Yenya! ine indi tayari kwinza kukwinyu kumara iya bhutatu. Ntehabhamwamila, pekuti indakwanza ishindu sheshinyu. Ingubhaza imwe. Pekuti abhana bhatakwaziwa kubhiha akiba kwaji ya abhazazi. Badala yakwe, abhazazi bhakwaziwa kubhiha akiba kwajili ya bhana.
\v 15 Indiyisha ihani kubhombela na kubhombilwa kwajili ya nafasi zyinya inga imbaganile ihani ingwaziwa kuganwa hunsi?

\v 16 Ilelo inga vweyili, indabhamwamiye imwe. Ilelo pekuti ine ingumanya ihani, ine ne ghula weabhalemile imwe nizenabha ghula weahabhaga kumalenga.
\v 17 Je, nejili kwakuyibhombela kupata kuwowo ndiwe namusondelezizye kukwinyu?
\v 18 Ihamulabha uTito kwinza kukwinu, naihamusondelezya uholo uwamwabho peka nawo. Je, uTito abhabhombeye kupaka imwe? Je, tutajendile kwidala lilila? Je, tujendile kunyayo zizila?

\v 19 Mkusibha kumuda unu wondi tulikuyititila intwe turutwe kukwinyu? Mwilongolela mwa Mulungu, na kwa kwa Kilisiti, tulikulonga kila handu kwa kubhagomwa imwe.

\v 20 Pe indi nu woga kuti ingeninza imbezizye indahabhaje imwe inza vwe ingusunguha. Ingwopela kuti kungawezya kubha nagakulonga, umwone, kwaha kumalaha kuyigana iwene, amaholo, amaluli nu bhuyazi.
\v 21 Ingwogopa kuti ingenagaluha iwinza, Umulungu wani angawezya kunisya mwilongolela yinyu. Ingwogopa kuti ningawezya kuswijiswa na bhinji bhebhabhile imbibhi kabla ya salizi, na bhebhatakwitiha ubhunyali, nukulungana na mambo gakugana gebhakugabhomba.

\c 13
\cl Sura ya 13
\p
\v 1 Ini mara ya bhutatu kuti ikwinza kukwinyu. "Kila kulonjela lazima kuzengwe nubhusibitisyo wa bhandu bhabhili au bhatatu."
\v 2 Indonjile kubhibho bhebhabhombile imbibhi yazila nakubhamu bhondi kuhabhalilo penali ukwo kumala iya bhubhili, na ingulonga iwinza: Inganabhaniza awinza, ntehabhajimbilile.

\v 3 Ingubhabhuzya imwe ili kunongwa ye mkwanza ubhushahidi kuti uKilisiti akulonga kushilila ine. Uuwenenta mdeganu kukwinyu, badala yakwe, uwene wa maha mkasi yinyu.
\v 4 Pekuti asulubiwe kubhudeganu ilelo mwumi kumaha ga Mulungu. Pekuti intwe iwulo ntwe bhadeganu mkasi yakwe, ilelo tulidila nawo kumaha ga Mulungu mumoyo ginyu.

\v 5 Myilinjizyaje murumwe mulole inga mli kulwitiho. Yipimaje munemwe. Mtakumanya kuti uYesu Kilisiti ali mkasi yinyu? Uwene alipo, bhangainga mtayenyizye.
\v 6 Na inguyigoniwa kuti imwe mulimanya kuti intwe tutahanilwe.

\v 7 Ilelo tukulabha kwa Mulungu kuti mutahawezye kubhomba shoshondi ishibhibhi. Indakulabha kuti intwe tuwezye kulolehana tupotile indingo.
\v 8 Pekuti intwe tutangawezya kubhomba lyolyondi lyelitakubhalilana ni yoli, ilelo kwajili ya yoli iwulo.

\v 9 Pekuti tukwisha kuhabhalilo hetukubha bhadeganu inimwe ingemwabha na maha. Tukulabha iwulo kuti muwezye kugombwa bhiyoli.
\v 10 Ingugasimba amambo iga ahabhalilo ngenabha kubhutali nimwe, inga kuti inga nabha peka nimwe indakwanza kubhalolesya ubhuhaliimwe. Indakwanza kutumila kwa mula umwene kwe ambiye ine imbazenje na nte kubhananganya pasi.

\v 11 Kumwisho, bhaholo bhashisahala na bhashandanda, mwishaje! mubhombaje imbombo kwajili ya lugalusyo, mubhihwe umwoyo, mwivwanaje munemwe kwa munemwe, mudile kulutengano. Na Umulungu uwa lugano nulutengano atibhe peka nimwe.
\v 12 Lamuhanaji kila weka kwa kufipana ukwinza.

\v 13 Bhebhitishile bhondi bhakubhalamuha.
\v 14 Uwiza wa mwene uYesu Kilisiti, ulugano lwa Mulungu, nubhushilika uwa Mpepu Umfinjile bhubhe peka nimwe mwendi.