mgq_reg/45-ACT.usfm

\id ACT
\ide UTF-8
\h Matendo ya Mitume
\toc1 Matendo ya Mitume
\toc2 Matendo ya Mitume
\toc3 act
\mt Matendo ya Mitume

\c 1
\cl Sura ya 1
\p
\v 1 Ishitaabu ishimaandi nandishile, Theofilo, nantili gondi u Yesu ayandile kubhomba na kumanyizya,
\v 2 mupaka isiku lye bhaposheleye wuyo weene kumwaanya. Ini yafumiye weafumwa ndijizyo kushilila umupepu mufinjile kubhasondelezyi bhabhachaguuye.
\v 3 Wayimba gakwe gashila, aloleshile kukwabho she mupuuma winza ivyanayoli vwinji vihalolaga, insiku arobaini asimishizizye kukwabho na alonjile kunti umwene wa Muluungu.

\v 4 Wahahomanaga peekanabho, abhamuye bhatasogolaje mu Yelusalemu, ilelo bhagulile kulusubhilo lwa taata, uweene alonjile, "Mwivuye kufuma kukwaani,
\v 5 kunti u Yohana ayozelilye yooli kuminzi, ilelo muntiyozilwe kuminzi insiku zyali zyezikufwata."

\v 6 Webhahomaana peeka bhahamubhu aziilizya, "Mwene, ishi iha hehabhalilo huhayibhaduzizya abha Israeli umweene?"
\v 7 Uwene ahabhabhuzya, "tehinza kukwiinyu kumanya ahabhalilo awe saala ya taata kwiniliye kuwamulo wakwe wuyo."
\v 8 Ilelo muhayiposhela amaha, ahabhalilo humupepu umufinjile wakwinza kwajili yinyu, namwe muyibha mwabhakeenti bhani kwondi ku Yerusalemu kuwayahudi yoondi na mu Samaria mupaaka mwisho winsi."

\v 9 Umwene u Yesu walonga igo, bhaha bha kwenya mumwanya, uwene ahapimbwa kumwanya ibhingo lihamundindo bhata mulolaje na miso gaabho.
\v 10 Webha kwenya kumwanya kwakusimishizya ahabhala, nalubhilo, abhanda bhabhili bhimiliye pahanti yabho bhakwantile ameenda azelu. Bhahalonga,
\v 11 "Imwe mubhandu mubhaku Galilaya, honi le mwiliiye iipa mukwenya kumwanya?" U Yesu nu azubhile kumwanya ahafiduga anza shishila she mu hamwenyaga wakuzubha kumwaanya.

\v 12 Pe bhahaduga ku Yerusalemu kufuma mwigamba ilya mizeituni, weweuli papiipi na mu Yerusalemu, munjendo izyisiku ilyi Sabato.
\v 13 We bhafiha bhahabhala kumwanya kunyumba kwebhahabhaanga, bhope ali Petro, u Yohana, u Yakobo, uanduleya, u Filipo, Thomaso, Batholomayo, Mathayo, Yakobo umwana wa Alfayo, Simoni Zelote nu Yuda umwana wa Yakobo.
\v 14 Bhondi bhahivyana unganti munduweeka, kumaha bhandelelaga ni puuto, peeka na bhanabho bhalipo na bhandaanda, u Mariamu unyina wa Yesu, nabhayilumbu bhakwe.

\v 15 Munsiku zizila u Petro ayimiliye mubhaholo, ungati bhandu 120, ahaloonga,
\v 16 Bhaholo, yali yalaazima kunti usimbe wukwile, we hali umupeepu umufinjile aalonjile kusabhunti ya Daudi kufwaatana nu Yuda, wabhalongoye bhala bhebha umulemeli u Yesu.

\v 17 Kwekunti awene twalipeeka nawo ahaposhela uwukabho wakwe uwapamwanya muhanti mu mbombo inii."
\v 18 (Ishi umundu unu akalile ieneebho kuhala haposheleeye kuwubhimbi waakwe alongolezizye itwe, umubhili wuhabazuha niapalwandi pondi pohabha pazi pahintiha.
\v 19 Bhondi bhebhahabhanga mu Yerusalemu bhivuyo ili, ishi ienebho ilyo bhalwita kundongo yabho, "Akeldama" isho shizi sha mabhaanda.")

\v 20 "Mushitaabu isha Zaburi yisimbilwe, 'Asunti ienebho lyakwe libhe litoongo antitishilwaje numo kwahala pala;' na, 'Yamula umudi uwunji ayeeje imbombo yaakwe iwuloongozi.'

\v 21 Iyo nyinza, iyo weka kubhasahala bhebhali peeka nitwe we umwene u Yeesu ufuma kwinjila muhanti yetu,
\v 22 kwandila muwozwi wa Yohana mupaka isiku lila lya bhalile kumwanya, laazia abhe mukeenti wa kuzwiha peeka nitwe.
\v 23 "Bhaha bhiha pilongolela asahalala bhabhili, u Yusufu webhahantiji wa Barnaba, wewinza bhantinji Yusto nu Mathia.

\v 24 Abhene bhalabhile bhahatishi iwe, "Mwene, umanyile amoyo gabhandi bhoondi, bhiha apazele ibha bhabhili wumuchaguuye,
\v 25 kwega inafasi muhanti musondelezya, mwu Yuda abhombi ahabhibhi na ahabhala amali apaakwe."
\v 26 Bhahahoma kula bhibho bhene, ikila yihamugwila Mathia wemubhazizye peeka nabhasontelezya bhala ishumi naweeka.

\c 2
\cl Sura ya 2
\p
\v 1 Walyafiha insiku ili Pentekoste, bhondi bhali peeka isehemu yeeka.
\v 2 Panaapo bhulo hahafuma ahantu heha kubhuna kufuma kumwaanya unganti peepu ihali, yihizuzya inyuumba yoondi mwebhihaye.
\v 3 Ipo zihafumila imili, unganti mili izya mwooto zisataanile, zihabha pamwenga yabho kila mundu.
\v 4 Abhene bhondi bhahingilwa nupepu umufinjile bhahanda kulonga indongo izinji, anza umupepu wabhapiye kilonga.

\v 5 Ishi bhalipo abhayahudi bhebhahihalaga mu Yerusalemu, bhaha muputaga uMulungu, kufuma kila insi pansi naku mwanya.
\v 6 Kuyinga uku wekwavwiha, ipuga iyabhandu lihiza peeka uku bhafuyile kwe kunti kila mundu abhivuye bhakulonga kila mundu indongo yakwe wuyo mweene.
\v 7 Bhahalungana nakuswiga, abhene bhahalonga, "Yooli, ibha bhani bhakulonga tebhaku Galilaya ha?

\v 8 Huni itwe hetukubhivya, kila mundu kundoongo zye twapiliwe nazyo?
\v 9 Abhaparthia na Abhamedi na Waelamu, nibho bhebhe hihalaga Mesopotamia, muwu Yahudi, nu mu Kapadokia, mu Ponto mu Asia,
\v 10 mula mu Frigia, Pamfilia, mu Misiri, na musehemu iya muLibya namu Kirene, na bhajeni kufuma ku Rumi,
\v 11 Abhayahudi na waongofu, Wakilete abhaalabu, tukubhivwa we bhakelonga mundongo zyitu kunongwa yamaha uwi mbombo ya Mulungu."

\v 12 Bhondi bhaha bhakuswiga nakubha zwunguzya; Bhalonga bhibho kubhibho, "Ini pekwe kuti bhuli?"
\v 13 Ilelo bhanu bhahasholonya bhahanti, ibha bhabhizuzizye umupwa."

\v 14 Ilelo u Petro ahimilila peka na bhala ishimu na weka, ahahoola kwizwi, ahabhabhuzya, "Abhandu ibha ku Yudea nimwe mwendi mwekudila mu Yerusalemu, ili limanyishe kukwinyu tejele vyaji kuwusungamu amazwi gaani.
\v 15 Abhandu ibha bhatahooliwe ha anza she mukukwina, ilelo ahabhalilo iha shilabhila musala zitatu.

\v 16 Ilelo ili lyalongiwe kufuma kwa mukuwi u Yoeli:
\v 17 Ihayibha insiku izya kumwisho; u Mulungu akuloonga, ahayita umupepu wani kubhandu bhondi, abhana bhinyu nabhalindu bhinyu bhayifumwa uwukuwi, abhana bhinyu abhatuunda bhahayiloonga izya mwilongilela bhope abhagoosi bhahayilootaga injozi.

\v 18 Shishila na bhambi bhani peeka nabhabhimbi ibhashaanda, ikinku izyo, ihayita umupepu wani, bhoope bhayilonga zyezihayinza.
\v 19 Ihayilolesya amayele kumwaanya kwibhingo ivilolesyo pansi munsiini, amabhanda, umwoto, nakutukuha kulyosi.

\v 20 Ni zubha lihayigaluhana kubha hisi nu mwezi kubha mabhaanda, ishe zishili kwinza insiku izya mayele ga mwene.
\v 21 Ihayibha ya kunti kila weka wakwintila itaawa lya mwene ahayisatulwa.'

\v 22 Abhandu ibha ku Israeli, tejele vwaji amazwi iga: U Yeesu uku Nazareti, umundu wasimishizizwe nu Mulungu kukwinyu kumbombo na maha agamayele, nivilolesyo ivya Mulungu kushilila awene na muhanti yinyu inza namwe munemwe she mukulola-
\v 23 kunongwa ya lusubhilo kufuma kuwandilo, nimbulani zya Mulungu afumilwe, nimwe, kunyobho zya bhandu abhamwamu, mwayivyize nakumugooga,
\v 24 wu Mulungu amubhusizye, ahefwa kunti patabhobhaje kuwufwe waakwe, kwekunti itaho ye kukwakwe, kutemwa nuyo.

\v 25 Ipo u Daudi ahalonga kunongwa yakwe, 'Namuloolile umwene yoli pilongolela pamiso gaani, aweene alikunyobhe yani iyakundilo ipo lelo tehabhasejelezye.
\v 26 Kwekuti umwoyo woni washiiye nulumili lwani bhalusesizye. Uwinza umubhili wani wuhadilaga kwakuyidaya.

\v 27 Tuhayileshe inafasi yani yibhale kwa shetani, iwinza tuhitishe kunti umufinjile kuwulola uwoli.
\v 28 Iwe usimishizizye kukwoni kubha lidala lya wumi; untimbishi inizule uluseshelo pilongolela pamiso gaho.'

\v 29 Bhaholo imbwezizye kulonga kukwinyu kumaha kunongwa ya yise witu u Daudi: awene afuuye nabhahamusyila, ni inpipa yakwe yilipeka nifwa hata musanyunu.
\v 30 Ilelo ali mukuwi amanyile kunti u Mulungu alipile ilapo kukwakwe, kunti ahayibhiha weka mupapo yakwe pashitengo isha wila.
\v 31 Alilolile ili nalubhilo, ahalonga isha zya kuzwaha u Klisiti, 'anahabhili bhatamuleshile kuwuzimu ha wope umubhili wakwe wutabholile ha.'

\v 32 U Yesu unu -Mulungu amwusizye, alelo itwe twendi twabhakeeti.
\v 33 Ilelo ahabha bhamubhusya munyobhe ya Mulungu iya kundilo, uku aposheleeye ulubhilo ulwa mupepu umufinjile kufuma kwa taata, awene ayitilo ulusubhilo ulu, we imwe mukulola na kwivwa.

\v 34 Ilelo uDaudi bhata mupiye kubhala kumwanya, ilelo haloonga,
\v 35 "Umweene alonjile kwa mweene uMulungu, yihala kunyobhe yani iya kundiilo, paka wenabhabhomba abhafwi bhaho litengo kuvinama vyaho.
\v 36 Ilelo inyumba yoondi iya kuisilaeli yimanye izwana yooli kunti u Mulungu amubhomba weene wu mweene uKlisiti, u Yesu unu we mwamutesile."

\v 37 Ishi webhivya igo, bhahalaswa mumoyo gabho, bhamubhu zya u Petro na bhasontelezya obhanji, "'Bhaholo, tulibhuli?"
\v 38 U Petro ahabhabhuzya, "Yitishi na mwozelwe, weka weka, mwitawa lya Yesu Klisiti kunoongwa yakubhatuyila imbibhi zyiinyi muhayi poshela uwinza uwa mupepu umufinjile.
\v 39 Kwe kunti kukwinyu lusubhilo kubhana bhinyu nakubhala bhondi bhebhali ukhutali, abhandu abhinji kulingana nu mwene uMulungu wetu shatibhabhishile."

\v 40 Kumazwi aminji abhapembuliye, nakubhasoha; ahalonga, "Yitihaji mwepe mupaapo ini imbibhi."
\v 41 Pebhahaposhela amazwi gaakwe nakwozelwa, ipo bhahonjila muhonti musiku izyo anganti nafaasi elfu zitaatu.
\v 42 Bhahendelela mumanyizo izya bhasotelezya umukaati na kuputa.

\v 43 Kutuuya kubha popondi, na mayole aminji ivilolesyo vihabhombe kushilila abhasotelezya.
\v 44 Bhondi bhebhintishile bhalipeekoo nivindu vwaabho vyondi peeka.
\v 45 Bhakazizye ivundu vwabho navwelemile wila na kubhana wondi kefwaatana na kila mundu shakwanza.

\v 46 Bhahabhomba isho isiku nisiku bhahabhomba shinisho bhali ninjele yeka mula mushibhanza bhahamenyaga umukati muhaya, bhaliye peeku ishekulya nuwutonsu nu mwoyo;
\v 47 Bhaha musalifwa uMulungu bhitishililwe na bhandu bhondi, umwene. Bhabhonjezya indabhi nindabhila bhala bhebhahitihaga.

\c 3
\cl Sura ya 3
\p
\v 1 Ishi uPetro nu Yohana bhamile bhakwendelela muhanti mushibhanza ahabhalilo aha puuto, musaa tisa.
\v 2 Umundu umo, udedeluha kufuma kupaapwa, ahapimbwaga insiku zyondi bhahamugonnaaga pamulyango uwashibhanza bhantinji mwinza, angawezye kulabha ifinjile kubhandu bhebhahabhaga mushibhanza.
\v 3 Wabhalola u Petro nu Yohana bhapalamila kwinjila mushibhanza, ahalabha ifinjile.

\v 4 U Petro, ahamudamulila amiso, peeka nu Yohana, ahalonga, "ahanti twenye itwe."
\v 5 Undendeluha ahabhenya ahanyelezyaga kuposhela ahanda hamu kufuma kukwabho.
\v 6 Ilelo u Petro ahalonga, "ihela nizahaabu ine talinazyo, ilelo hala hindi naho indifumwe kukwaaho, mwitawa lya Yesu Klisiti uwaku Nazarethi, jendaaga."

\v 7 U Petro ahamwega kunyobhe yakwe iyakundiilo, ahamubhusya kumwanya: panapo bhulo ivinama vya kwe muvizugamo mwondi muhabha na maha.
\v 8 Aluka kumwanya, umundu udendeluha ahimilila nakwanda kujenda; ahinjila mushibhanza peeka u Petro nu Yohana, akujenda, akuluka, na kupaala u Mulungu.

\v 9 Abhandu bhondi bhebhamuwenyi wakujenda akumupaala u Mulungu.
\v 10 Bhahamanya kunti ali mundu ula wahihalaga pamulyango akulabha ifinjile pamulyango umwinza uwashibhanza; bhahalemwa nahaswigo kuhala hehafumiye kukwakwe.

\v 11 Wuyo shabhalemeleeye u Petro nu Yohana, abhandu bhondi peeka bhahashimbilila munyumba yebhahantinji iya Sulemani, bhahaswigaa ahaani.
\v 12 U Petro walilola ili, awenene aha bhitishiha abhandu, "'Imwe mubhandu ibha Israeli, hooni hemukuswiga? Honi he mukwenya amisoginyu kukwitu, ungati pe mukuti twamubhomba unu kuti ajendaje kumaha gitu tuneetwe awe kumaha gitu?"

\v 13 U Mulungu uwa Ibrahimu, nuwa Yisaka, nu wa Yakobo, u Mulungu u wa yisie bhitu, amubhusa umubhombi waakwe u Yesu. Unu wewuyo imwe we mwapiye naku muhana pilongolela yamiso ga Pilato, ilelo aweene ayitishile kumuleha bhulo.
\v 14 Mwalemile upole uwana lyoli, panapo pe muhanti waagojili wemumuleshe bhulo.

\v 15 Imwe mwamugojile umwene uwa wimi, we u Mulungu amuzwusizye kubhafwe - Itwe twa bhakenti bhalilyo.
\v 16 Ishi, kulwitiho mwitawa lyakwe, umundu unu wemukumlola nakumumanya, ahabhombwa kubha na maha. Ulwitiho lwelukushilila kwa Yesu uwene umubhili unu watimiye, pilongolela yinyi imwe mwendi.

\v 17 Ishi, bhaholo, mwabhombile kunongwa ya wulema, awinza she bhabhombile alongozi bhinyu.
\v 18 Lakini gala ge u Mulungu abhabhuzizye zila kumalomu gabhakuwi bhondi, kunti u Klisiti unu ahayiyimba, ishi abhombile.

\v 19 Ilelo, yitishi galuhani, ingalelo imbibhi zyinyu zyondi zipate kwepa yoli, anga hize ahabhalilo aha kwimba kufumilana na kubha kwa mweene;
\v 20 anga wezye kumusontelezya u Klisiti we asabhuliliwe kunongwa finyu, u Yesu.

\v 21 Awene we wuyo yoli imwanya zimuposhele paka habhalilo aha kuduzya ivindu vyondi, vwe u Mulungu alonjile imaandihani kumalomu aga bhakuwi abhatonsu.
\v 22 Yoli u Musa alonjile, 'Umwene uMulungu ahayibhusya umukuwi anzine kufuma muhanti muholo bhinyu. Muyimutejele vwa kila handu hahayibhabhuzya imwe.
\v 23 Ihayibha kila mundu watakutejele vwa kufuma kwa mukuwi uyo ayi gogwa yoli ayepe mubhandu.'

\v 24 Ena, nabha kuwi bhondi kufumila kwa Samweli na bhala bhebhe landatile palusalo yakwe, bhalonjile nabhahalalasya insiku izi.
\v 25 Imwe mwebhana bhabha kuwi nulwivyano lwe u Mulungu abhombile peeka nabha maama, anza shalonjile kwa Abrahamu, 'Mumbeyu yaho ihaya zyondi izya munsi zihayimishilwe.'
\v 26 We u Mulungu amubhusya umubhombi wakwe, amusontelezizye kukwinyu sunti, inga abhasaye imwe kwe kunti muhagaluhana kufuma kumbibhi."

\c 4
\cl Sura ya 4
\p
\v 1 Ahabhaliilo u Petro nu Yohana webhahalongaga nabhandu, abhasongo upunti uwashibhanza bhabhabhaliye.
\v 2 Bhamili vitilye nifwa kunongwa Petro nu Yohana bhahabhabha kumanyizya abhandu, kumanya u Yesu na kulalasya kuzwuha kwakwe kufuma kubhafwe.
\v 3 Bhahabhalema nakubhabhiha, mwijeela paka ishilabhala yakwe yikufwaata, mana yali shalya bhela.
\v 4 Ilelo abhandu abhinji bhala bhebhivuye amazwi bhahitishile bhahabhakilaga kubha ielufu zisanu.

\v 5 We yafiha ishalabhila isiku lyelikufwaata, kunti asongo bhabho, abhagosi nabhe bha kusimba, peeka bhahomanile ku Yerusalemu.
\v 6 Anasi umuputi umusongo aliipo nu Kayafa, nu Yohana, nu Iskanda, n bhondi bhabhali bhaholo bha muputi umusongo.
\v 7 Webhabhabhiha u Petro nu Yohana mukasi yabho, bhabhabhuzilizya, "Kumaha gooni, awe kwitawa bhuli mwabhomba ili?"

\v 8 Anihabhili, u Petro, ahabha ayizuye umupepu umufinjile, ahabhabhuzya, imwe musongo bhabhandu, na mugosi,
\v 9 itwe ingisiku ilya musanyanu bha kutubhu zilizya kunongwa yimbo inyinza yeyambilwe kwa mundu unu umubhinu - kunamuna yoni umundu unu ahabhombwa kubha mwinza?
\v 10 Twenyi limanyishe ilyo kukwinyu nakubhandu bhondi mu Israeli, kunti mwitawa lya Yesu Klisiti uwaku Nazreti, we mwatesile, we uMulungu amuzwusizye kufuma kubhafwe, kukwidala lyakwe kunti umundu unu akwimilila ipa pilongolela yinyu kunongwa ye ali nu wumi.

\v 11 U Yesu Klisiti liwe lye imwe mubhazenji mwasholanyinye, lye bhahalibhiha kubha liwe impinti ilya pa mbali.
\v 12 Watalipo uwoposhi na wumo kushile kwa mundu uwunji, litalipo itawa ilyingi nalimo lye bhabhepiye pansi na kumwanya, mubhandu lye kulilyo tungawezya kubha nuwu poshi."

\v 13 Ishi webhalola amaha ga Petro nu Yohana, bhahamanya kunti abhandu ibha bhashinisho bhulo bhatabhazizye, bhaswiga, bhahama kunti u Petro nu Yohana bhali peeka nu Yesu.
\v 14 Kunongwa ye bhamuwenyi umundu ula wabha muponwa ayimiliye peka nabho, bhatali ni hakulonga kushila ili.

\v 15 Ilelo wabhali bhabhanula abhasundikwa bhepe pilongolela papuga iya wulonji, bhaholonga bhibho kubhibho.
\v 16 Bhahalongo, tutibhombe bhuli nabhandu ibha? Yooli kunti amazenga umbwa aga mayele wubhombeshile kushilila abhene wumanyishile na wowondi ula wakubha mu
\v 17 Yerusalemu; tutangawezya kuhaana ilyo. Ilelo, kunti iga kunti abhandu bhatahamanye, twenye tubhasoshe bhatahaloonje awinza kwa mundu wowondi kwitawa wili.
\v 18 Bhahabhabhilishila u Petro nu Yohana muhanti nakubhamula kunti bhahalonje awe kumanyizya kwitawa lya Yesu.

\v 19 Ilelo u Petro nu Yohana bhamula na kubhabhuzya, "Anga miza pamiso ga Mulungu tulonje munemwe.
\v 20 Ilelo itwe tutangawezya kuleha kulonga gala getugawenyi nakungivwa."

\v 21 We twabhasoha hani u Petro nu Yohana, bhahabhaleha bhabhale. Bhatahawezya kuyaaga inoongu yoyondi kubhalonga, kunongwa ya bhandu bhondi bhahenupaalaga u Mulungu kuhala heha bhombeshile.
\v 22 Umundu waposheleye ukuponnwa ihaholeheha kubha mundu uwamaha amashumi gani.

\v 23 Webhabhaleha bhulo, u Petro nu Yohana bhahinza kubhandu bhabho na kubhabhuzya goondi gee abhasongo abhanpiti na bhagosi zyebhabhabhuzizye.
\v 24 Webhivwa, bhahalola kwizwi impiti peeka kwa Mulungu nakulonga, "Mweene, iwe wewagombile insi nakumwanya ni sambi na handu muhanti yakwe,
\v 25 iwe we, kumupeepu umufinjile, kwilomu lya yise witu u Daudi, umubhombi waho, walonjile, "Hooni abhandu abhapanzi, abhandu bhakwina zyezitahondeye?

\v 26 Abha mwene abhamunsi bhabhambile peeka, nabhabhatabhalaye bhabhunganile peeka."

\v 27 Na yoli, bhondi u Herode nu Pontio Pilato, peeka na bhandu abhapanzi na bhandu ibha ku Israeli, bhabhunganile peeka muhaya ini kushila umubhombi waha umufinjile u Yesu, we wamupashile amafuta.
\v 28 Bhabhungaanile peeka kubhomba gondi giinyobhe yaho ulugaano lwaho galiluhusile kufuma kuwandilo shegashili kufumila.

\v 29 Ishi, mweene, yenya kwogofwa kwabho, ubhavwe abhabhombi bhaho kulonga amazwi gaho kumaha gondi inga.
\v 30 Kwee kunti anga wagolosya inyombe yaho yikuponwa, ivilolesyo na mayele viwezye kufumila kushilila kwa mubhombi waho umufinjile u Yesu."
\v 31 Webhamala kuupuuta, uwupande webhali wabhanganile peeka lihayizanywa, bhondi bhahizulwa numupeepu umufinjile, nabhalonga izwu lya Mulungu kumaha.

\v 32 Uwinji uwabhandu bhaala bhe bhintishile mwoyo weka ni umupeepu weka: atalipo numo weka walonjile kunti hohondi haliho hakwe wuyo; ilele bhali ni vindu vyondi peeka.
\v 33 Kumaha amampinti abhasundikwa bahhalola shanga impembu zyabho kumanyishe kuzwuha kwa mwenee wintu u Yesu, nu winza uwumpiti wali pamwayabho bhondi.

\v 34 Patali nu mundu angaweeka pebhali wapungushiliwe na hakwanza, kwe kunti abhandu bhondi bhebhali nivilolesyo ivya viyanza awe inyumba, bhakazizye nakuleta ihela iyavindu vwebhakazizye,
\v 35 na kubhiha pasi pavinaama vwabhasundukwa. Na kumupa wowondi wayintishile, kufwaatana na kila mundu sha kwanza.

\v 36 U Yusufu, mulawi, umundu kufuma Kiplo, bhamupiye itaawa ilya Barnabasi nu musundikwe (iyo bhayigalulanya, kunti mwaana wa kutoosya).
\v 37 Ali nishizi, ahakazya ahaleta ihela, ahabhiha pavinama pansi ivwabhasundikwa.

\c 5
\cl Sura ya 5
\p
\v 1 Ipo, umundu weka bhahantinji u anania, nu Safira umushi wakwe, bhakazizye pambali pawukabho wao,
\v 2 afisa zimo ihela zyebhakazizye (mushi wakwe wope amanyile ilyo), ahaleta zila zyezyasyala ahabhiha pavinama vyabhasondelezya.

\v 3 Ilelo u Petro ahalonga, "Anania, hooni husetani ayizuzizye umwoyo waho kuloonga amalenga kwa mupepu umufinjile nakufisa imbali yimo iya shizi?
\v 4 We ushili kukazya, wutali wukabho waho? Peewe wakazya, litali pasi pawamulo waho? yihabha bhulibhuli kubho isho mumwoyo waho? Utabhahopeye bhandu, yoli umuhopeye u Mulungu."
\v 5 Wayivwa amazwi igo, u Anania ahagwa pasi ahafwa. Ilyoga ipinti lihabhaga bhondi bhebhivuye ili.
\v 6 Abhatunda bhahinza pilongolela nakumugwihanya ikibha, kumufwala panzi na kumusyila.

\v 7 Wegashila amasala gaotatubhulo, umushi wakwe ahinjila muhanti, atamanyile kunti honi hehabhombeshile.
\v 8 U Petro ahamuzya, "nambuzye, anga mwakazizye ishizi kubeyi iyo." Ahaloongo, "Ee, kubeyi yiniyo."

\v 9 Awinza u Petro ahamubhuzya, "Zibhulibhuli mupaka mukwivyana kumulinga peeka umupepu wa mweene? Yenyu ivinama vwa bhala bhebha musyilaaga umulume waho yili pamulyango, na bhantikupimbe nakutwala panzi."
\v 10 Panapo ahagwa muvina vwa Petro, ahafwa, abhatunda bhala bhanjila muhanti bhahagaafuuye bhamupimba kumutwala kunzi, nakumusyila paapipi nu mulume.
\v 11 Ilyoga inpi lihiza pamwanya pashibhanza shondi, na bhondi bhebhivuye ganago.

\v 12 Ivilolesyo ivwinji namayele vihabha vikufumila muhanti mubhandu kushilila inyobhe zyabhasotelezya, bhali peeku munyumba ya Sulemani.
\v 13 Ileelo, numo umundu uwamwaabho uwunji bhulo wamali na maha agakundatana nabho; ingalelo, bhabhapiye umwamu uwapaamwaanya na bhandu.

\v 14 Na winza, bhebhintishile abhinji bhahonjelaga kwa mwene, inpuga impinti kubhasahala na bhandanda,
\v 15 kuloleha kunti bhahabha mpiga abhabhimu mwidala, nakubhagonwa muvitala na mumatengo, anga kunti wu Petro akushila, ahazyunguli hakwe habhe hakukushila pamwanya yaabho.
\v 16 Ipo winza, uwinji uwabhandu bhinzi kufuma mutuhaya zye ziyunguluye i Yerusalemu bhakubhaleta abhabhinu bhondi bhebhalemiwe ni pepu ibhibhi bhondi bhahaponwa.

\v 17 Ilelo usongo umupinti ahayibhuna, na bhondi bhebhali peeka nawo (bhebhali bhamushibhanza masadukayo); bhahizulwa numwone,
\v 18 bhagolosya inyombe zyabho kubhalema abhasundikwa kubhabhiha mwijeela ilya bhondi.

\v 19 Muhabhalilo aha sha wusiku uhabhizya wa mweene ahigula amalyango aga mwigeleza nakubhaloongola paanzi na kulonga,
\v 20 "Bhalaji mwimiilile mushibhanza kubhabhuzya abhandu amazwi gondi igawumi unu."
\v 21 Webhivya ili, bhahinjila mushibhanza we kukusha bhanda kumanyizya. Ilelo umwene musongo ahinza na bhondi bhebhali peeka na wene, nakubhilishila ipani shoondi peeke nabhogoosi bhondi abhabhandu ibha ku Israeli, na kubhasontelezya mwijeela anga bhabhalete abhasundikwa.

\v 22 Ilelo abhabhombi bhahabhala, bhatahabhaga mwijela, bhahaduga na kufumwa ipembu,
\v 23 "Twaga ijeela lyigalile ahinza haani, abhakolokoloni bhimiliye pashilyango, aleelo wetu kwigula, muhanti, tuta halola umundu muhanti."

\v 24 Ishi ahabhaliilo jemedali uwa shibhanza numupunti ununpiti we bhivya amazwiigo, bhahalemwa nilyega ipinti kunongwa yabho bhakukwina kunti lintibhie bhuli lini ili.
\v 25 Weka ahinza kubhabhuzya, "Abhandu bhemwabhabhishile mwijeela abhandu bhimiliye mushibhanza bhakumanyizya abhandu."

\v 26 Ipo ujemedali ahabhala peeka na bhambi pebhahabhaleta, ileelo sita kubhomba kwuyanzi, kunongwa yebhabhogopile abhandu hani bhabhahomile na maawe.
\v 27 Webhabha leeta, bhahabhabhiha piloongolela pawulonji, umulonji umupinti aha bhabhuzilizya
\v 28 ahalonga, "Twabhamuye kunti mutamanyizya kwitawa ili, pee mwizuzya i Yerusalemu kumanyizyo zyinyu, nakusunguha kuleeta ibhanda lya mundu nu pamwanya yitu."

\v 29 Ilelo u Petro nabhasundikwa bhagalusya, "Yoli tumushindishe u Mulungu tebhandu.
\v 30 U Mulungu wa taata bhitu amazwusizye u Yesu, we mwaamugojile, nakumuhobheha pamwanya piikwi.
\v 31 U Mulungu amwishiye kufuma kunyobhe yakwe iya kundiilo, kumubhiha kubha mumpinti na muponyi, kufumwa ishilapo kuu Israeli, nakuyila imbibhi.
\v 32 Itwe twabhakeenti bhaganaago, nu mupepu umufinjile, wa Mulungu afumiizye kubhala bhebha kumwintiha."

\v 33 Asongo abhawulonji webhivwa kutishi, bhahalemwa nu mulaha bhahanzaga kubhagooga abhasundikwa.
\v 34 Ilelo falisayo webhahantinji ugamalieli, umwimilili uwindajizyo, wantinishililwe na bhandu bhondi ayimiliiye nakubhamula abhasundikwa bhabheje panzi kuhabhalilo ahafupi.

\v 35 Awinza ahabhabhuzya, "Abhasaahala abha ku Israeli, mubhe amiso nifwa nahala he mukwina kubhabhola abhandu ibha.
\v 36 Kunoongwa, izyimaandi zyezya shilile, u Theuda ayimiliye ahayidaya kubha we mundu umupinti, nu winji wabhandu kufiha imwaa zini bhamufwa, ahagoogwa, bhoondo bhebhaha mwintihaga bhahasaata nakuteega.
\v 37 Shashili umundu unu, u Yuda mgalilaya, ahimilila insiku zizi zye bhahazyaga isensa, ahakweesa abhandu abhinji kulusalo yaakwe, wope winza ahateega na bhondi bhebha muintihaga wahasataana.

\v 38 Ishi bhakubhabhuzya, yepi kubhandu ibho bhaleshe bhene, kwekunti anga ikwina izi ni mbombo ini anga yabhandu tuntitaaje.
\v 39 Ilelo anga ya Mulungu, temuwezye kubhadinda; muwezizye mwaje pamu mukulwa nu Muluungu." Ipo, bhahintiha na mazwi gaakwe.

\v 40 Awinza, bhahabhabhilishila abhasundikwa muhanti nakusyanda nakubhamula bhatalongaje kwitawa lya Yesu, pe bhaha bhaleha bhabhale izyabhoo.
\v 41 Bhasogola mpilongoolela pawulonji bhahasha kunongwa bhabhabhazya kunti bhakwanzilwa kuyiimba na kubhazalabhula kunongwa yitawa ilyo.
\v 42 Ilelo, isiku zyondi, muhanti mushibhaanza na kufuma munyumba muupaka munyumba bhahendelelaga kumanyizya na kulumbilila kunti u Yesu wu Masihi.

\c 6
\cl Sura ya 6
\p
\v 1 Ishi isikizi ubha landanti bhakwonjela, kudweega Abhayahudi Abhakiyunani lihanda kunongwa ya Bhaebrania, kwekunti abhafwile bhabho bhahanda kubhiwa webhakugabhanya ishakulya insiku zwondi.

\v 2 Abhasundiku ishumi na bhabhili bhahabhabhilishila infuga yondi iyabhalandanti na kulonga, "Tehinza kukwitu kulileha izwi lya Mulungu na kubhombela pameza.
\v 3 Ilelo, bhaholo, chaaguli, asahoala saba, kufuma mukasi yinyu abhandu abhinza, bhebhizaye umupepu nulu tiniho, bhe tugabhaleshela imbombo ini.
\v 4 Nitwe, tuliyendelele kupuuta mwitawa lya neno."

\v 5 Uluhajilo lwabho luhabhahondela ulubhungaano lwondi, ipo, bhaha muchagula u Stefano, umundu wa Yizuye ulwitiho nu mupepu ufinjile, nu Filipo, Prokoro, Nikanori, Timoni, Parmena, nu Nikolao, umupindusu kufuma ku Antiokia.
\v 6 Bhebhishile bhahabhaleta abhandu ibha pilongola pabhasundikwa, bhahalabhabha pamaandi bhahabhabhishila inyoobhe.

\v 7 Ipo, izwi lya Mulungu lihasaata, nu winji ubha landanti wuhanda kwonjela ku Yerusalemu ukwo; uwinji umumpinti uwabha mweene bhahintiha ulwitiho.

\v 8 Wope Stefano, wayizuyu uwizana maha, ahabhanga akubhomba amayele ni vilolesyo ivimpiti mubhandu bhala.
\v 9 Ilelo ipo bhahimilila bhamu alandanti abha musishibhanza shebhahantinji shibhanza sha bhalumi, na Bhakilene nilya bha Waeskandelia, na bhamu kufuma ku Kilikia na ku Asia. Abhandu ibha bhaha bhuzilizanyaaga nu Stefano.

\v 10 Ilelo, bhatahawezya kulwa na kumanya nu pepu we u Stefano abhawumbelaga wa kulonga.
\v 11 Iwinza bhahabhasonganya bhamu abhandu kukwilu kulonga, "'Twivuuye u Stefano akulonga amazwi aga kujeha u Musa kuzya Mulungu."

\v 12 Bhabhayivwizye abhandu, abhasongo, nabhebhaha simbaga, nakumubhalila u Stefano, bhahamulema, na kuleta pilongolela paluulonji.
\v 13 Bhabhaleentile abhakenti abhileenga, bhahalonga, "Umundu nu atakuleha kulonga amazwi amabhibhi ipa petuli apafinjile ni ndajizyo.
\v 14 Mbona twamuizwa wa kuntishi u Yesu unu uwaku Nazareti antinanganye ipa nakugalulanya amiho gebhetupiiye nu Musa."
\v 15 Kila weka wamali pawulonji, ahenya amiso gaakwe goondi kumwenya u Stefano, bhope bhahayilola imiso yakwe amali anaganti miso yahawizya.

\c 7
\cl Sura ya 7
\p
\v 1 Umupunti unusongo ahalonga, "Inongwa izi zyanayooli"?
\v 2 U Stefano ahalonga, "Muhalo nimwe mumayise gaani, natejelevyeiine: uMulungu uwa winza amulolesheye uyise wituu Abrahamu ahabhalilo hamali kumesopotamia, shashili kudiila ku Harani,'
\v 3 ahamubhuzya,' Yeepa munsi yaho namubhamwinyu ubhale kunsi yintikulanje'.

\v 4 Ilelo ahasogola munsi uya Ukaladayo ahabha Harani, kufumaipo, wee uyise wakwe afwa, u Mulungu aha muleta munbi ini, yibha kubha ishi.
\v 5 Atamuye agaheka he kunti apwanile weene kubha hakwe, patalipo naapamu poope pe ugabhiha ishinama. Ilelo u Abrahamu bhamusubhizizye shashili kuupa umwana kunti yeyibhe yakwe mu puapo yakwe.

\v 6 U Mulungu alonjile nawo kunti, kweekunti abhapaapwe bhaakwe hani bhandiiliye kunsi iya wujeni, na abhahaya abhakukwo bhantibhabhishe kubha bhamayimba abhene nakubhabhomba ahabhibhi kuhabhalilo aha maha imwaazini.
\v 7 Nu Mulungu ahalonga, ihalililonga itaifa lyelihayibhabhiha mwabhamayimba, iwinza paanapo bhahayifuma nakupuuda kumbali iini.'
\v 8 Ahamupa u Abrahamu ulwivwano ulwa kwata, ipo uAbrahamu ahabhawiyise wa Isaka aha mwaata isiku ilya nane; u Isaka ahabha wiyise wa Yakobo, nu Yakobo ahabha wa yise waabhamaama bhintu ishumi na bhabhili.

\v 9 Abhamaana bhintu bhaha muloola umwoone u Yusufu bhahamukazya kunsi iya ku Misri, nu Mulungu alipeeka nawo,
\v 10 pe aha mwefwa mumayimba gaakwe, ahamupa uwuwezyo ninjele pilongolela pa mwene uwa Kumisili. Farao ahamubhiha kubha wamwena mumili ninyumba yakwe yoondi.

\v 11 Pe kuhabha inzala impinti na mayimba aminji munsi iya mumuli na mu Kanani, nabhayise bhintu bhataha nishakulya.
\v 12 Ilelo Yakobo wayivwa kunti kuliivwa kulya ku Misri, ahabhasonteleezya ayise bhitu ihakwaanda.
\v 13 Kwisiku ilya wubhili u Yusufu ahayilolesya kubhaholo bhakwe, abhomwabho Yusufu bhahamanyiha kwa Farao.

\v 14 U Yusufu ahabhasonteleza abhaholo bhakwe kubhala kumubhuzya u Yakobo uyinsi wabho abhale Kumisili, peeka nabhanyani bhakwe, peeka bhondi bhahabha amashumi saba na zisanu.
\v 15 Ipo u Yakobo ahiha Kumisili; ahahondela awene peeka na bhayise bhitu.
\v 16 Bhahabhega naku Shekemu bhahabhasyila mumbiipa lye u Abrahamu akalile kwa vipande vya fedha kutoka kwa wana wa Hamori huko Shekemu.

\v 17 Ahabhalilo ahalusubhilo ulwimbantiho ye u Mulungu amubhantishiye u Abrahamu wapalamila, abhandu we bhonjela Kumisili,
\v 18 ahabhalilo iho alimiliye umwene uwunji pamwanya mu Misri, umweene wa manyile inongwa zya Yusufu.
\v 19 Uyo umweene ahabhahopela abhandu bhitu nakubhabhomba imbibhi abhayise bhitu, na kutaaga abhana bhaabho abhela inge bhatahabhe.

\v 20 Insiku zila uMusa ahapaapwa; ali mwinza pilongolela pa Mulungu bhaha musuungwa amezi gaatatu munyumba yayise wakwe.
\v 21 Webhamutaaga, umulindu wa Farao amwejile ahamusuunga anganti waakwe.

\v 22 U Musa bhamumanyizizye imanyizyo zyondi izya Kumisili; ali namaha mumazwi na mu mboombo.
\v 23 Ilelo wafisya amaaha amashemi gani, ahamwinzila mumwoyo wakwe kumujendela uholo wakwe abhana abha Israeli.
\v 24 Wealola Mwisraeli akubhombelwa ahambimbi, u Musa ahamwimila nakubhuzya kwawula waha muhomaga umu Misili:
\v 25 Aha kwina kunti abhaholo bhakwe bhantimumanye kunti uMulungu akubhefwa kunyobhe yakwe, ilelo bhatamanyile.

\v 26 Isiku lyelikufwaata ahabhala kubha israeli bhamu bhebhahalwanga; ahalinjizya kubhakundanya; ahalonga,' Mbo mukupatana munemwe munemwe,?
\v 27 Ilelo atulile kua mupalamani wakwe ahamubushilila ukutali, na kulonga, 'Wenu wakubhishile kubha wa mwene wamulonji wintu?
\v 28 Iwe ukwanza kungoga, anzashe wamugojile Umumisili manzubha?"

\v 29 U Musa ahashimbila wayivwa izyo; ahabha mujeni munsi iya mu Midiani, ahabha wayise wa bhana bhabhili.
\v 30 Wamaha amashumi gani gashila, uhabhizya ahamuloleshela mwigamba ilya ku Sinayi, muluozyo ulwa mwooto pahanti pilaala.

\v 31 Wa Musa awulola umwooto, ahasukumila na kuswinga, kuhela hahalolile wakulinjizya kusejelela anga yeenye, uzwi lya taata liha mwinzila lihalonga,
\v 32 'Ine na Mulungu wabhaise bhaho, uMulungu uwa Abrahamu, nu wa Isaka, nu wa Yakobo'. U Musa ahayinga nakulinjizya kweenya.

\v 33 Utaata ahamubhuzya, 'Zula ivilyatu vyaho, ipo puyimiliya bhakunti apa finjile.
\v 34 Nalola amayimba agabhandu bani bhebhali Kumisili; Nivwa kubhina kwabho, nine niha angimbefwe; ishi nzaaga, indikusondelezye iwe Kumisili.'

\v 35 U Musa nu webhanuhanile, ahabhalilo hebhanjole, 'Wunanu wabhombile kubha wumweene na uve mwamulo witu?'- ali we wu Mulungu amusontelezizye kunyombe yahabhizya wamulolesheye uMusa pilala.
\v 36 U Musa abhalongoye kufuma Kumisili we abhomba amayele ni vilolesyo Mumisili namusumbi iya ku Shamu, na mumwanya mumgamba ahabhalilo ahamaha amashumi gaani.
\v 37 Wu Musa wabhabhuzizya abhandu abhaku Israeli kunti, 'U Mulungu antibhishe abhakuwi kufumilana na muholo bhinyu, umukumi anzine'.

\v 38 Unu we mundu wamali nulubhungaano mumagaamba nuhabhizya we alonjile wope mwiga ilya Kusinai. Unu we mundu wamali nabha yise bhitu unu we mundu waposheleye izwi ipuuma nakutupa itwe.
\v 39 Unu we mundu wayise bhintu bhanile kumushindika; bhamu bushiliye ukutali, mumoyo gabho wenyizye Kumisili.
\v 40 Ahabhalilo iho bhaha mubhuzya u Haruni. 'Tugombele, abhalungu bhebhanti twimilile uMusa unu. Wama twimiliiye kufuma Kumisili, tutamanyile heha mwajile.'

\v 41 Ipo bhahagoomba ingwaata kunsiku izyo bhahafumwa ifinjile kuyiniyo ishiholanyo pee bhahasha kunongwa yinyobhe zyabho.
\v 42 Ilelo u Mulungu ahabhagalulanya nakwanda kupuuta izuta izya kumwaanya, izasha zyasimbilwe muwusimbe uwa mukuwi, 'Ileele? Mufumizizye ine ifinjile ivihano vye mwagojile mumagaamba kuhabhalilo ahamaha amashumi gaani, munyumba ya Israeli?

\v 43 Mwintiha inyumba iyeikuhomanile iya Moleki nu luzuta lwa Mulungu lefani, na picha yemwagombile nakubha puuta bhene: indibhafwaale ukutali haani ni Babeli.'

\v 44 Abhayise bhitu bhali ni nyumba iyakuhomanila ifimpeembu mwilala, anza shu Mulungu ayamuye wakulonga nu Musa, kunti hanagombile kushiholanyo shila shahashilolaga.
\v 45 Ili liyumba lya bhayise bhitu, kuhabhalilo habho, bhabhalenti munsi iya Joshua. Ini yafumiye abhalilo aha kupwaanila insi ye uMulungu abhabhinjile sebhitu bhashili. Ini yali shinisho paaka insiku izya Daudi,
\v 46 webha mwitishizye pamiso ga Mulungu, ahalabha kwanza uwihalo kwa Mulungu wa Yakobo.

\v 47 Ilelo u Selemani amuzenjeye inyumba ya Mulungu.
\v 48 Poope nishi wali pamwanya atakudila munyumba zyebhazenjeye inyobhe; ini yili aza shu mukuwi alongile,
\v 49 Imwanya litengo lyani ilya wila, insi papahiwazi pingubhiha ivinama vyani inyumba yilibhulibhuli ye muhayi nzenjela? Akulonga Taata: awe paposhi ine pihayituzya?
\v 50 Te nyobhe yaani yeyabhombilo zyondi zinizyo?'

\v 51 Imwe mubhandu mubhisingo igomu mwemuta kwoozya amooyo namakutwe, pondi bhulo mukumudinda umupeepu umufinjile,' mukubhomba anza shabhayise bhinyu shebhabhombile.
\v 52 Mukuwi bhuli muhanti mubhakuwi we abhayise bhintu bhatamutesile? Bhagojile abhakuwi bhondi bhebhafumiye washili kwinza weka uwa na lyoli, pope shi mwabha mwemukuhaana nabhagoji bhakwe winza,
\v 53 imwe mubhandu mwaposheleye indajizyo yila ye bhalajizizye nabhahabhizya ilelo mutalemile."

\v 54 Wabhalonji abhinongwa we bhivwa gango, bhalaswa mumoyo gabho, bhaha musyela mino u Stefano.
\v 55 Ilelo wene, ayizuye umupepu umufinjile, ahenya kwa simishizya ahawulola uwinza wa Mulungu,' amulola u Yesu ayimiliye kunyobhe indilo iya Mulungu.
\v 56 U Stefano ahalonga, "Yeenyi naloola kumwanya kwigushile, numwa wa Adamu ayimiliye kunyobhe indilo iya Mulungu."

\v 57 Ilelo abhalonji abhi abhakulonganya bhahahoma shoongo kumazi agapamwaanya, bhahadinda amakufwe gabho, bhaha mushimbilila peeka,
\v 58 bhaha musumba kunzi nihaya bhaha muhoma na mawe: abhakeenti bhahazula ameenda gaabho aga munzi bhahabhiha pansi paapiipi nu mutunda waebhantinji wa Sauli.

\v 59 Webhaha muhomaga amawe u Stefano, alisha kumulishila Utaata nakulonga, "Taata Yesu, poshela umwoyo waani,".
\v 60 Asugamila na kubhilishila kwizi mpinti, "Taata, utahabhabhazizye imbibhi ni." Walonga isho, ahadumula umwoyo.

\c 8
\cl Sura ya 8
\p
\v 1 U Sauli ali mulwintihano ulwa kufwa kwaakwe. Isiku ilyo pahanda kubhayivwa ishinguunga isha shibhanza sheshali ku Yerusalemu; na bhebhintishile bhondi bhasatana munsi iya Yudea niya Samaria yoli abhasundikwa.
\v 2 Abhandu bhebhahamupuuta uMulungu bhaha musyila u Stefano nakuzinda apaapinti haani kunongwa yakwe.
\v 3 Ilelo u Sauli alibhombile ahabhibhi hani nishibhanza, abhalile inyumba ni nyumba kubha fumwa kwizi abhandanda nabhasahala, nakubhataaga mwijeela.

\v 4 Bhala bhebhifishile webhasataana bhendeleye kulumbilila izwi.
\v 5 U Filipo ahiha muhanti Musamaliya ahamulalasya u Klisiti ukwo.

\v 6 We abhalubhungano bhivwa nakulola ivilolesyo zyabhombile u Filipo; bhahabhiha ahinza kuzilu zyalonjile.
\v 7 Kufuma ipo kubhandu bhebhi vuye impepu imbibhi zihabhafuma abhandu uku bhakulila kumazi amapinti, nabhinji bhebhetaye adendeluha bhahaponwa.
\v 8 Na kwali nuluseshelo ulumpinti muhanti mumiji.

\v 9 Ileela pali numundu umo weka mukasi munsi yila itawa lyakwe u Simoni, we ahabhombaga uwulonzi; we awubhoye kubhazyaanya abhandu abhamunsi iya Samalia, ahabhalilo hahalonga kunti wene mundu wakwanzilwa.
\v 10 Asamaliya bhondi kufuma umunsi paaka umusoongo, bhahamutejelevwa; "Umundu unu gagala amaha ga Mulungu ge mampinti."
\v 11 Bhahamutejelevwa, kunongwa yabhaswijizya ahabhalilo ahetali nuwulozi waakwe.

\v 12 Ileelo ahabhalilo he bhintishiye kufwa u Filipo alumbiliye kubha uwumi wa Mulungu ni tawa lya Yesu uKlisiti, bhahozilwa, abhasahala na bhandanda.
\v 13 Nu Simoni bhuyo ayintishile: Pee wayozelwa, ahendelela kubha nu Filipo; walola ivilolesyo na mayele gegahabhombeha ga aswiga.

\v 14 Weabhasontelezya abhaku Yerusalemu webhivya ku Samaria yiposholeye amazwi ga Mulungu, bhahamusontelezya u Petro nu Yohana.
\v 15 Ahabhalilo webhakwiha bhahabhalabhila; kunti bhamuposhele umupeepu umufinjile.
\v 16 We ahabhalilo iho, umupepu mufinjile ashili kubhishila poope naweka bhulo bhamile bhulo bhozelilwe mwitawa lya mweene u Yesu.
\v 17 Pu Petro nu Yohana bhahabhabhishila inyobhe, bhope bhahaposhela umupepu umufinjile.

\v 18 Wu Simoni alola kunti umupepu umufinji afumila kushilila kubhishilwa inyobhe nabhasundikwa; ahazaga kubhapa ihela,
\v 19 Ahalonga, "Nambe amaha iga, inga we namubhishila iyobhe aposhelaje umupe umufinjile."

\v 20 Ileelo u Petro ahamubhuzya; ihela yaho peeka niwe utejele ukutali, kunongwa yakukwina kunti kunti ishikunjilwa sha Mulungu shikufumila kuhela.
\v 21 Utalinapamu kuliilyo, kunongwa yumwoyp waho te mugolosu pilongolela ya Mulungu.
\v 22 Ipo leelo zileshe imbibhi zyabho kumulabha u Mulungu bhanga aga twuyila ikwino zya mwoyo waho.
\v 23 Kwee kunti ingukulola uli musumu yeyikubhobha namuwupinye uwi mbibhi."

\v 24 U Simoni ahagalusya ahalonga, "Mulabhaje umwene kunongwa yani, kwekunti goondigo gemwalonjile gahabhe gandoleshela.

\v 25 Ahabhalilo uPetro nu Yohana webhali kupanjila na kulumbilila izwi lya Mweene, bhaduuga ku Yerusalemu idala lilila; bhalumbiliye amazwi muvijiji vwinji ivwa Musamaria.

\v 26 Pe uhabhizya wa Mulungu ahalonga nu Filipo ahanti, "'Hozya ubhale kusini idala lwe likubhala pansi mu Yerusalemu kupalamila ku Gaza." (Ida ili lili mwilala).
\v 27 Ahahozya ahabhala. Yeenya, kwali nu mundu uwa Ethiopia, towashi we ali huwamulo umupinti pansi ya kandese; uhabhizya uwa Ethiopia, we bhanubhishile pawusengulo wakwe wondi wope abhalile ku Yerusalemu kupuuta.
\v 28 Ahadugaga ayiheheye mwigoli lyakwe akusoma ishitaabu isha mukuwi u Isaya.

\v 29 Roho akasema na Filipo, "Sogea karibu na gari hili ukashikamane nalo.
\v 30 "Ipo u Filipo ahashiimbila, ahivwaakusoma ishitabu isha mukumi u Isaya ahalonga, ilelo uhamanyile huku bhaazya.
\v 31 Muefhiopia ahaloonga, "Indihole ungu umundu atangundongola?" Ahamuwuzya u Filipo oyinjile mwigaali bhihale peeka nawo.

\v 32 ahagada hahasomaaga u Muethiopia hahiha; Bhamulongolezizye anzingo ole yeyikubhala kushibholelo kubholwa; Unganti goole yibumumi zwi, atapanyile ilomu lyakwe:
\v 33 Kwa kusungama kwakwe uwulonji wakwe bhahefwa; wunaanu uva ntilonje impaapo yakwe? uwihalo wakwe wepile munsi."

\v 34 Ipo utowashi ahamubhuzilizya u Filipo, ahalonga, "'Ikukulabha, mukuwi bhuli we bhakupanga ahapango hakwe, kunti wene owe mundu wunji"?
\v 35 U Filipo ahanda kulonga, ayandile kuwusimbe unu wa Isaya kulumbilila impembu zya Yesu.

\v 36 Webhali mwidala, bhahafiha paminzi,' utowashi ahalonga, "Yeenya, pala minzi pa honi hakudinda indozelwe?,
\v 37 Amazwi igo, "Ipo mu Ethiopia ahagalusya "ingwintiha kunti u Yesu Klisiti mwana wa Mulungu," nagamu muwusimbe wakwe). Pu Muethiaopia ahamula igali lyimilile.
\v 38 Bhahabhala muhanti muminzi, peeka u Filipo nutowashi, u Filipo aha mwozya.

\v 39 Webhafuma muminzi, Umupepu wa Mwene ahamutwala u Filipo ataali; utowashi ahamulola, ahabhala idala ilyakwe akuseshela.
\v 40 Ilelo u Filipo ahafumila ku Azoto. Ashilile mu mkowa wula nakulumbilila amazwi muhati muhaya zyondi paka ahafiha Kaisaria.

\c 9
\cl Sura ya 9
\p
\v 1 Ilelo u Sauli, ahandelela kuloonga kwogofwa kufwa kubha landanti bha Mweene, abhalile kumupunti umusoongo
\v 2 kumulaabha akalata kunoongwa ya vibhanza ivya Dameski, inga kunti apaata umundu we ali mwidala lila, umusahala awe umwandanda, abhapinye nakubhaleeta ku Yerusalemu.

\v 3 Weali pakushula, ihafumila wapalamila kufiha ku Damesiki, panapo bhulo uluhozyo luhamuhozya kwondi kufuma kumwaanya,'
\v 4 wope ahagwa pasi ahivya izwi likubhilishila, "Sauli, Sauli, hooni hungunjivwa iinee?"

\v 5 U Sauli ahagalusya, We nanu iwe Mweene? Umweene ahalonga, "Ine nene Yesu nukuviisya;
\v 6 Ilelo yimilila uyinji mumujiini, niwe bhantikubhuzye zyezikwanzilwa kubhoomba.
\v 7 Abhandu bhala bhebhaha shuulaga nu Sauli ahapuma mye, bhakutejeelevwa izi, bhatakulola umundu.

\v 8 Sauli ahamilila munsi mula wadamula amiso gaakwe, atahalo umundu numo, bhamulema inyombe bhaha muleta paka Kudamesiki.
\v 9 Kunsiku ziitatu atakulola, atakulya, awe kumweela.

\v 10 Alelo pali numulandati Dameski itawa lyakwe ali wuananiya, umwene alonjile nawo munjozi, "Anania." Ahaloonga, "Yenyaaga, angini pa Mweene.
\v 11 "Umwene ahamuzya, "Yimila ubhale izyaho muhanti muhaya yebhakunti nyofu, na munyumba ya Yuda uhabhuzilizye umundu kufuma Tarso webhakunti u Sauli; iwene wakwendeleela kupuuta;
\v 12 Na hamulola munjozo umundu witawa lyakwe ali wu Anania akwinjila nakumubhishila inyobhe pamwanya kwe anga wezye kutala kulola.

\v 13 Ilelo u Anania ahagalusya, "Mweene, nifwa ahapaango ha mundu una kubhandu abhinji, kuwinjiwoni shabhambeye amabhibhi abhafile abhaku Yerusalemu;
\v 14 Ipa anuwamulo kufuma kwa mupuuti umusoongo kumulema umundu wowondi wa kulibhishila itawa lyaho.
\v 15 Ilelo Umwene ahamubhuzya, "Bhalaga, uwene shililo isabhulwa kukwaani, ayejile itawa lyani pilongolela pabhapanzi nabhasoongo namubhana aku Israeli.
\v 16 Kwe kunti indabhalaanje sheminji gegahayi mwaaga kuyimba kunongwa yitawa lyani".

\v 17 U Anania ahabhala, ahinjila munyumba mula ahamubhishila inyo ahaloonga, Wamwintu Sauli, Umweene Yesu, wakufumiye mwida we ukwinza, asontelezizye atale kulola awinza na uyilwe umupepu umufinjile.
\v 18 Panapo bhulo vihagwa pamiso yakwe ivundu vihabha unganti viduguli, ahata kulola, ahimilila, ahozelwa; ahalya ishakulya nakupata amaha.
\v 19 Ahihala na bhalandanti ku Dameski ka ukwo insiu inyinji.

\v 20 Ahabhalilo hanaho aha mulalasya u Yesu muvibhanza, ahantinji awene mwana wa Mulungu.
\v 21 Bhoni bhebhivuye bhahaswiga nakulonga, "Temundu nu wabhenanganyinye bhondi bhebhabhishiye itaawa ili Kuyerusalemu ukwo? Poopi pa ayinzile ahantinji abhakwunje nakubhatwaala kubha mweene."
\v 22 Ilelo u Sauli apewilwe amaha aga kulumbililila na kubhomba abhayahudi bhebhihaye Kudamesiki bhaholwe na kusimishizya kunti unu wewu Klisiti.

\v 23 Wezyashila insiku inyinji, Abhayahudi bhahabhomba ulwivwano peeka anga bhamugoje.
\v 24 Ilelo ikwino zyabho zihamanyiha nu Sauli. bhaha muziga pashilyango shamusanya nasha usiku anga bhamugoje.
\v 25 Ilelo abhalandanti bhakwe bhaha mwego shausiku bhahamwisya kushilila mulubhumba, ahamwisya pansi mushiliilo.

\v 26 Nu Sauli wafiha Muyerusalemu, ahalinji zyaga kubhungana na bhalandanti ileelo bhaha mwogopaga bhantintishe kunti weene mulandanti.
\v 27 Aleele u Barnaba ahamuega na kumutwala kubhasundikwa, ahabhabhuzyaaga shu Sauli amulolile Umwene mwidala nu mwene shalonjile nawo, nashu Sauli alumbiliye kumaha kwitawa lya Yesu ukwo Kudamesiki.

\v 28 Ahahomana nabho webhinjila na kufuma Kuyerusalemu. Ahalonga kumaha kwitawa lya Mweene u Yesu Klisiti.
\v 29 Ahabhuzilizanya na Bhayahudi abha Kiyunani ilelo bhahalinjizya hana kumugoga.
\v 30 Wa bhaholo bhanya inongwa izyo bhaha mweega mupaka Kaisaria, bhamutwale abhale Tarso.

\v 31 Ilelo ishibhanza shondi kuwu Yahudi, Kugalilaya na musamaria, lyali nuwihalo, peliha zengwa, na kujenda kulyoga Mwene na kuyazye iya mupepu umufinjile, ishibhanza shikula na kwonjela uwinji.
\v 32 Ipo ahafumila u Petro we akuzyungula zyungula imbali zyondi mukowa, ahabhishila bhebhi tishile bhebhali muhaya iya yebhahantinji Lida.

\v 33 Aha mulola ukwo umundu umo itawa lyakwe Ainea, umundu nu ali pashitala amaha naane; awene ahataye kumbali.
\v 34 U Petro ahamubhuzya, "Ainea, u Yesu Klisiti akuponye; Damuha uyale ishilala shaho," Ipo ahadaamuha.
\v 35 Na bhandu bhondi bhebhihaye ku Lida na mu shaloni webhamulola umundu yoo, bhahamugalushila Umweene.

\v 36 Alipo umumanyili ku Yafa ali wu Tabitha, lye bhagula lanyinye kubha "Dorcas" umwandaanda unu ayizuuye imbombo inyinza nahabhomba aminza niga wupole gabhombile kubhapiina.
\v 37 Ihafuma munsiku izyo ahabhina ahafwa; webhamwozya, bhahamuzuvwa kulupitu ulwa kumwaanya nakumugonya.

\v 38 Kunongwa yu Lida alipaapipi ni Yafa, abhalandanti bhahivwa kunti u Petro aliukwa bhahabhasontelezya abhandu bhabhili kukwaakwe, bhakumulamba, "Nzaga kukwitu sita kulenjela".
\v 39 U Petro ahadamuha ahasogola peeka nabho, weafiha, bhahamuleta, kulupitu ulwa kumwanya, nabhafwile bhondi bhimiliye paapipi nawo bhakulila, bhakumulanga ikooti namenda gu Dorcasi abhasoneye walipeeka nabho.

\v 40 U Petro ahabhafumwa bhondi panzi palupitu, ahasugamila aholabha pe ahawugalubanila umubhili, ahalonga, "Tabitha, damuha". Ahagabula amiso gaakwe we amulola u Petro ahihala paansi.
\v 41 Pu Petro ahamupa inyobhe yakwe ahamubhusya, wabhabhilishila bhebhitishile na bhafwiile, ahabhatwala kukwabho she mwumi.
\v 42 Jambili lihamanyiha i Yafa yoondi na bhandu abhinji bhaha mubhuzya Umweene.
\v 43 Ihabha uPetro ayihala insiku inyinji ku yafa peeka numundu webha kunti Simoni, mugomba maakwembe.

\c 10
\cl Sura ya 10
\p
\v 1 Kwali nu mundu umo muhaya iya iya ku Kaisaria, itawa lyakwe ali wu Kornelio, ali musongo uwa shipani isha kiitalia.
\v 2 Ali mundu wa mwitishile u Mulungu ahamupuuta isiku zyondi peeka ni nyumba yakwe; afumishe ihela inyinji kubha yahudi na halabhaga kwa Mulungu insiku zyondi.

\v 3 Ahabhalilo aha musaa tisa shamusanya, ahalola mukwino uhabhizya wa Mulungu akwinza kukwakwe. Uhabhizya ahamubhuzya,
\v 4 "Ukornelio! Kornelio ahamwenya uhabhizya amali nilyoga nifwa ahalonga "Ini yoni musongo?" Uhabhizya waho kubhapina vwazubha kumwaanya kubha lukumbusyo kubha kwa Mulungu".
\v 5 Ishi sontelezya abhandu kubhala Kuyafa kumuleta umundu weka webhakunti u Simoni we winza bhakunti u Petro.
\v 6 Akwihala nawakugoomba amakweembe webhakunti u Simoni winyumba yakwe yimumbali mwasumbi."

\v 7 Wuhabhizya wahalongage nawo kusogola, u kornelio ahabhabhilishila abhambi abha munyumba yakwe bhabhili, nukolo koloni waha muutaga u Mulungu muhanti mubha kulokolonibhebha mubhombelaga.
\v 8 U Kornelio abhabhuzizye zyoondi gegafumiye naahabhasondelezya ku Yafa.

\v 9 Isiku lyelihafwaata ahabhalilo aha musaa umutaanda webhali mwidala bhapalimila pahanti, uPetro ahazubha kumwanya kwigulu akupuuta.
\v 10 Awinza ali ninzala ahanzaga ahandu ihakulya, ilelo wabhandu bhakuteleha ishakulya, ahaloshelwa ninsibho,
\v 11 ahalola imwanya yigaha ishililo shikwiha na handu hamu unganti mwenda umumpinti wukwiha pansi mulusuuto mumbali zyakwe zyondi zini.
\v 12 Muhanti yakwe mwali niviholo vyaondi ivwa vihano ivwa vinama vini na vwe vikudendeluha pamwaya palusuto, ninyonyi izya kumwanya.

\v 13 Awinza izi lihalonga kukwakwe "Damuha, u Petro ugoje ulye".
\v 14 Ilelo u Petro ahanti "Teshishinisho, mweene intaliye nalumu ahandu hohondi ahabhibhi awe ahachafu.
\v 15 Ilelo izi lihinza kukwakwe ahawubhili "Haha puntiye Mulungu utandinji habhibhi awe achafu".
\v 16 Ili lyabhombishile hatatu, nishililo shila shihabha shegwa winza kumwanya.

\v 17 Nu Petro ali uku akuyuwa nazila zyazilolile kunti hehoni haaha yeenya, abhandu bhu Kornelio abhasondele zizye bhhimilila pilongolela pamulyango, bhakubhuzilizya idala ilya kubhala kunyumba.
\v 18 Pe bhahabhilishila nakubhuzilizya anga u Simoni we winza bhantiji u Petro anga hihalaga paala.

\v 19 Abhalilo iho u Petro wakukwina ganaago ahalola, Umepepu ahalonga nawo, "Yeenya abhandu bhataatu bhakukufwaata.
\v 20 Damuha uyishe pansi ubhale nabho, utogopaje kubhala nabho, kwekunti imbasondeleziizye."
\v 21 U Petro ahiha pansi kukwabho na kuloonga ine newuwula we mukumwanza hooni he mwinzile?"

\v 22 Bhalonga, "Uakida weka itawa lyakwe wu Kornelio, umundu uwanayoli aliganile kulabha u Mulungu, nabhandu bhakumulanga ahinza munsi yondi iya Kuwuyahudi, amubhuzizye wa Mulungu kukusondeleza ileelo angabhale kunyumba yakwe, anga yivwe indajizyo kufuma kukwaho."
\v 23 U Petro ahabhabhilishila kwinjila muhanti na kwihala peeka nawo, ishilabhila sheshiha fwaata ahadamuha ahabhala peeka nawo, nabhahalo bhantii kufuma Kuyafa bhahalongozanya nawo.

\v 24 Isiku lyekufwaata bhahinza nawo Kaisaria. Nu Kornelio ahabhagulilaga; nabhabhilishiye peeka abhaholo bhakwe nabhanyani bhakwe abhapapiipi.

\v 25 Wu Petro akwinjila muhanti, u Kornelio amutambila nakugunzama paka pansi muvinama vwakwe ku mushindiha.
\v 26 Wu Upetro ahamuilisya na kulonga "Yimilila; nani nunene na mundu."

\v 27 We u Petro akulonga nawo ahabhala muhanti ahago bhandu bhabhunganile peeka.
\v 28 Ahabhabhuzya, "Imwe munemwe kuti tewamulo uwayahudi kwavwana awe kuyantilana numundu wete winsi yo. Alelo u Mulungu andanjile ine kunti indakwazilya kumubhuzya umdu mubhibhi awe muchafu.
\v 29 Mwemumwo ninza sita kudaliha, we bhansondelezya honi he bhabhansondelezizye kunongwa fani."

\v 30 U Kornelio ahalonga, "Isiku zini zyezyashilile ahabhalilo anziha ibhanga ingupuuta ahabhalilo anziha ibhanga ingupuuta ahabhalilo aha musaatisa sha musanya muhanti munyumba yani; ihalola kwilongolela yaani umundu ayimiliiye alina menda azelu,
\v 31 Ahambuzya "Kornelio ipuuto zyaho zyavwiha kwa Mulungu nu wupi waho kubhapiina sheshikanu wupi waho kubhapiina sheshikambusyo kwa Mulungu.
\v 32 Ilelo sondelezya umundu weka Kuyafa amubhishile umundu weka webhakunti u SImoni ayinze kukwaho, wewinza bhakunti uPetro, wakudiila kwa mugoomba makwembe umo webhakunti u Simoni we inyumba yakwe yili mumbali mwasumbi.
\v 33 Zileme zyenalonga izi, "Woope angayinza ahayiloonga nimwe," wutalipo muwusimbe uwahali.

\v 34 Pe u Petro ahigula ilomu lyakwe na kulonga "Yoli, nintiha kundi Umulungu atagabha na kwimila.
\v 35 Afwani wene, bhobhondi munsi umundu waku mupuuta nakubhomba izyanayoli akwitishilwa kukwaakwe.

\v 36 Ugamanyile amazwi gafumizye kubhandu abhaku Israeli, waku lalasya itumi inyinza iya wihalo kushilila kwa Yesu Klisiti we mwene wa bhondi-
\v 37 imwe munemwe mumanyile zyezya bhombeshile lyelyafumiye Kuyudea yondi alyandiye Kugalilaya, we uwozilwa wa Yohana walalaswa.
\v 38 Inongwa yeyali kulongwa ya Yesu uKlisiti she Umulungu amufinjile na kumaha. Alile akubhomba aminza nakubhanwa bhondi bhebhaha yiimba usetani kunongwa ya Mulungu alipeka nawo.

\v 39 Itwe twabhaketi kugoondi ge gabhombile munsi iya kuwa Yahudi na Kuyerusalemu- unu wu Yesu webhagojile nakumuhobheha pikwi.
\v 40 Umundu unu Umulungu amuzwusizye isiku ilya wutatu nakumubhiha kumanyiha,
\v 41 itwe kubhandu bhondi, ilelo kubha keeti bhabhasebhile kuwandilo nu Mulungu. - itwe tuneetwe, twaliye nawo kumwela nawo washili kuzwuha kufuma kubha fwe.

\v 42 Atulajizizye kutumbilila kubhandu nakupembulila unu we wuwula wu Mulungu amuchaguye kubha mwaali wabha puuma nabhafwe.
\v 43 Kuwuyo wene abhakuwi bhondi bhamupanjile, inga kunti wowondi wakwitiha kwa wene bhantipate kumutayila imbibhi kushilila itawa lyakwe."

\v 44 Ahabhalilo u Petro wakuendelela kulonga iga, umupepu umufinjile ahizula kubhondi bhebhatejele vyaga indajizyo zyakwe.
\v 45 Abhandu bhala bhehakubha nibha bhebhitishile bhatilwe wondi bhala bhebhinzile nu Petro bhahasyu bhahaswijizya, kunongwa yashikanji lwa sha Mupepu umufinjile we bhitile kubhapanzi.

\v 46 Pebhivuye ibha abhapanzi bhakulonga kundongo izinji na kumupuuta Umulungu. Upetro ahagalusya,
\v 47 "Kuli nu mundu wowondi wagadinda aminzi kunti abhandu bhatozelwe, abhandu ibha bhaposheleeye Umupepu umufinjile anzitwe?"
\v 48 Pe ahabhaula bhozelwe mwitawa lya Yesu Klisiti. Panaapo bhahamulabha ayihale nabho kunsiku zishe.

\c 11
\cl Sura ya 11
\p
\v 1 Abhasundikwa nabhaholo bhala bhebhali Kuyudea ukwo bhahivwa kunti abhapandi bhaposhela amazwi ga Mulungu.
\v 2 U Petro wayinza Kuyerusalemu wula uwinji uwabhandu bhebhatile ahanda kujeeha, bhahantinji,
\v 3 "Ulipeeka nabhandu bhebhataatile nakulya nabho!"

\v 4 Ilelo u Petro ahanda kuloonga shezyali akusimishizya; akuloonga,
\v 5 "Ihalabhaga muhaya iyaku Yafa, naihalola indooto iya shiliilo shikwiha pansi unganti mweenda umu mpinti wukwiha kufuma kumuanya mumbali zyakwe zyondi zini shihiha kukwaani.
\v 6 Nahenyizye na kukwina kuhanaho. Ihavilola ivihano ivwa vinama vini vye vikwihala munsi, nivihano ivwa mwiseengo vihano vwevikwaa vula ninyonyi izyakumwaanya.

\v 7 Awinza ihivwa izi likulonga niine, "Damuha, Petro, goga ulye!"
\v 8 Ihalonga, "Teyiyiniyo, Mweene, mwilomu lyaani hatalipo nahamu hehinjiye shete shifinjile awe ishibhibhi"
\v 9 Ileele izi luhagalusya winza kufuma kumwaanya hala hu Mulungu ahalalasizye kunti hinza, utahanti, habhibhi,
\v 10 Ini yafumiye hatatu, na kila handu ahega kumwanya winza.

\v 11 Yenya, ahabhalilo iho abhandu watatu bhali bhiliye pilongole panyumba ila mwatwali, bhabhasontelezizye kufu ku Kaisaria kwinza kuukwaani.
\v 12 Umupepu ahambuza bhalaga nabho. Ibha abhasahala umutaanda bhahabha la peeka nine tuhabhala panyumba yamundu weka.
\v 13 Ahatubhazya shila shamuwenyi uhabhizya ayimiliye muhanti munyumba yakwe akuloonga, "Nansontelezye Kuyafa imulete u Simoni witawa lyakwe ilya mwaabho wu Petro.
\v 14 Atilonjo amazwi kukwaho kuwunuyo untiyitishe iwe ni nyumba yaho yondi."

\v 15 Wenatala kulonga nabho, Umupepu umufinjile wuhiza kukwabho anza she winzile kukwitu kuwaandilo.
\v 16 Ikumbushile amazwi ga Mweene, shalonjile, "UYohana ayozizye kuminzi; ilelo uhayozelwa nupepu umufinjile."

\v 17 Anga Umulungu afumwa uwila anzashatupiiye itwe wetwitiha kwa mweene u Yesu Klisiti, ine na nanuu, kunti ingawezya kumudinda Umulungu?
\v 18 Webhivwa gaanago, bhatahaduzya yoli bhaha musalifwa Umulungu nakulonga, "Umulungu afumizye ulwintiho kubhapanzi winza"

\v 19 Ipo bhebhintishile bha mayimba gaondii ye kufwa kwa Stefano bhabhasataana kufuma Kuyerusalemu- bhebhintishile ibha bhahabhala ukutali bhahabhaha paaka Foinike, Kipro na Antiokia. Bhahabhabhuzya amazwi aga Yesu wuyo mweene kubhayahudi te kwa wunji wowondi ula.
\v 20 Ileelo bhamu mumwo bhandu kufuma Kipro ni Krene, bhinzile ku Antiokia na kulonga nabhayunani nakumulumbilila Umweene u Yesu.
\v 21 Iyobhe ya Mweene yali peeka nabho, nabhandu abhinji bhahintiha nakumudujila Umwene.

\v 22 Impembu zyaabho zihafiha mumekutwe mushibhanza isha Kuyerusalemu: pebhaha musontelezye Ubaranaba afishe kula Kuantiokia.
\v 23 Wayinza alola ishi kunjilwa sha Mulungu asha; ahabhapa umwooyo kunti syalaji nu Mulungu mumoyo agaabho.
\v 24 Kunongwa yamali mundu mupole we ayizuye umupepu umifinjile nu lwitiho nabhandu abhinji ahanjela mwa Mweene.

\v 25 Wepahabha u Barnaba ahabhala Tarso kumuloola u Sauli.
\v 26 Wamwaaga, ahamuleeta Kuantiaokia. wuhabha mwaha wondi bhahabhungana peeka mushibhanza nakubhanyizya abhandu abhinji bhope abhalandati bhanti bha Klisiti ilya kuwandi ukwo Kuantiokia.

\v 27 Nisalizi abhakuwi bhakwiha kufuma Kuyerusalemu paaka Kuantiokia.
\v 28 Weka umo agabo lyelitawa lyakwe, ahimilila akuloleshelwa nu Mupepu kunti inzala ihali yihayifumila munsi yondi. Ini yafumiye ahabhalilo musiku izya Klaudio.

\v 29 Ileelo, abhalandanti, kilamundu sha kabhile, bhamula kutwaala kuwila wabho kubhaholo bhebhali Kuwuyahudi.
\v 30 Bhabhombile isho; bhasondelezizye ihela kunyobhe ya Barnaba nu Sauli.

\c 12
\cl Sura ya 12
\p
\v 1 Ahabhalilo iho umwene u Herode ahagolosya inyobhe yakwe kubhamu bhala bhebha kufuma kuumpuga inga bhabhayivwe.
\v 2 Ahamugoga Uyakobo uholo wa Yohana ni paanga.

\v 3 Wehabhalola kunti yahondela abhahudi ahamulema u Petro awinza ili lyali ahabhali he wimikanti yebhatapanyizye uwusafu.
\v 4 Wamulema, ahamubhiha mwijeela ahabhiha ivipani vini ivwa bhakolokoloni inga kumwililiha, ahakwinililaga kumuhuola kubhandu Wishikulukulu shashila.

\v 5 U Petro bhaha mubhiha mwijeela, ileelo ipuuto yabhombeshile kumaha ni mpuga kuongwa yakwe kwa Mulungu.
\v 6 Isiku wu Herode ashili kubhala kumwefwa, uwusiku wunuyo uPetro agonile pahanti pabha kolokoloni bhabhaili, ali apinyilwe ni minyololo yibhili, nabha kolokoloni pilongolela pa mulyaango bhakulinda igeleeza.

\v 7 Yenya, uhabhizya wa Mwene ahafumila panapo bhulo nuluhozyo luhalama muhanti, ahamuhoma u Petro kulubhazu nakumuda musya akulonga, "Damuha nalubhilo." Pi minyololo yebhamupinyi yihasatuha kufuma munyobhe zyaakwe.
\v 8 Uhabhizya ahamubhuzya, "'Kwaata amenda gaho ni vilyatu vwaho." Upetro ahabhomba isho. Uhabhizya ahamubhuzya, "Kwata ilwenda laho nafwataje."

\v 9 Ipo u Petro ahamufwata uhabhizya ahafuma panzi, atahitihaga hehabhombeshile nuhabhizya kunti zyanayoli ahantinji akuloota.
\v 10 We bhashila umulyango uwa kwanda uwa uvubhili, bhahafiha kushimbangu isha majela ilya kwinjilila kubhala mumjini, lihiguha lyene bhulo kunongwa yabho, bhafuma kunzi bhahiha mutuhaya, panapo uhabhizya ahamuleha.

\v 11 UPetro wayimanya, ahalonga, "Ishi nitiha kunti Umulungu amusondelezizye ahabhizya wakwe inga nefwe munyobhe zya Herode, nakukwina kwa bhandu bhondi ibha kuwuyahudi."
\v 12 Wamanya isho ahinza kuyumba Mariamu unyina wakwe u Yohana we wu Marko; abha Klisiti abhinji bhabhunganile bhakupuuta.

\v 13 Wahoma ihode mumulyango we bhadindile, umubhombi weka umuliindu webhakunti uRoda ahiza kwuigula.
\v 14 Wamanya kunti izi lya Petro, kuluseshelo ahapotwa kwigula umulyango; panapo ashimbilila munyumba; nakubhamanyisya kunti u Petro ayimiliye mpilongolela pa mulyango.
\v 15 Ipo bhalonga kukwakwe, "Ileelo ahadaga ahanti yooli wuuyo, bhahalonga "Unu wuhabhizya wakwee."

\v 16 Ileelo Upetro ayendele kwiguzya, we bhigula umulyango, bhahamulola bhahasha haani, u Petro ahabhamilisya ishinununu ni nyobhe bhapume nmwe ahabhabhu shu Mulungu amwefwize kufuma mwijeela, ahaloonga,
\v 17 "Mubhabhuzye ganaago uyakabo na bhaholo bhakwe." Pe ahasogola ahabhala kwinji bhuulo.

\v 18 Wekwabha shamusanya, kuhabha nuwusungamu umumpinti abhakolokoloni, kuzyezibhombeshile nu Petro.
\v 19 Pe wu Herode amwaanza atahamulola ahabhabhuzilizya abhakolokoloni ahamula bhago gwe, ahabhala kufuma kuwuyahudi muka ku Kaisaria kwihala ukwo.

\v 20 U Herode ali numula nabhandu ibha Tiro na Sidoni. Bhahabhala peeka kukwaakwe, bhahabha nuwumanyani nu bulasito umunsi wa mwene, anga bhaavwe, pebhahalabha uwihalo, kunongwa yinsi yabho yaposheleye ishakulya kufuma kunsi iya mweene.
\v 21 Isiku lye bhakwiniliye uHerode ahakwata amendaaga wumweene na kwihala pintengo lyakwe ilya wumwene, nakubhabhuzya.

\v 22 Abhandu bhahahoma ishongo, "Ili lizi lya Mulungu awe te lizi mundu!"
\v 23 Ihabha panapo bhulo uhabhizya ahamuhoma, kunongwa atamapiye Umulungu uwinza; yihamulya ichengo ahafwa.

\v 24 Ileelo izwu lua Muluungu lihakula nakusaata.
\v 25 Wu Barnaba nu Sauli kukwilizya imbombo yaabho bhahepa palabhahaduga Kuyerusalemu, bhaha mweega nu Yohana we itawa ilya kupaapwa wa Marko.

\c 13
\cl Sura ya 13
\p
\v 1 Ishi kushibhanza isha Kuantiokia, pali nabhakuwi bhamu na bhamanyizyi. Bhali Ubarnaba, Simoni (wamali Nigeri). Lukio wa Kirene, Manaeni (uholo watali nibhanda nu Herode umwilili uwa mukowa), nu Sauli.
\v 2 Webhakumulabha Umulungu bhaleshile nakulya, Umupepu umufinjile ahalonga, "'Nambishile pambali u Barnaba nu Sauli, bhabhombe imbombo yenabhabhishiliye."
\v 3 We abhashibhanza kulya na kumulabha Umulungu, nakubhiha inyobhe kunongwa ya bhandu ibha, bhahabhaleha bhabhale.

\v 4 Ilelo Ubarnaba nu Sauli bhaha mwitiha Umupepu umufinjile bhahiha kubhala Seleukia; Kufu ukwo wajeendi mwasambi kubha isha Kipro.
\v 5 Webhali muhaya iya ku Salami, bhalalasizye izwi lya Mulungu mu vibhanzi ivwa Yahudi. Awinza bhali peeka nu Yohana u Marko anza umwavilizwi wabho.

\v 6 Webhabhala asehu hamu hondi paaka Pafo, bhahaga umundu umo umolozi, Muyahudi umukuwi uwi leenga, webhahantinji wu Bar Yesu.
\v 7 Umulozi unu bhahabhombaga peeka numusongo Sergio Paulus, ali musoongo uwinjile, umundu unu abhalanjiye Usauli nu Barnaba, kwekunti ahanza kutejelevwa amazwi ga Mulungu.
\v 8 Ilelo Elima "Ula umulozi" (Isho she tawa lyakwe she wagalunyinye) abhadindile; ahalingaga kumugalulanya ula umusongo ayepe kulwi atiho.

\v 9 Ilelo u Sauli wahantinji uPaulo, amili ayizuye umupepu umufinjile ahamudamula amiso
\v 10 pe ahalonga, "Iwe wumwana wa Setani, uyizuye uwubhibhi wondi kuhopela uwubhinu iwe wa mufi kuhala hondi hehanayoli tuhaleshe kugalulanya amadala ga mweene, zyezigooloshile, alelo untihole?

\v 11 Ishi yeenya, inyobhe Mweene yili pamwanya yaho, untibhe wa mbubhila. Tulilole izubha kuhabhalilo" panapo bhulo imbeesu nahinsi vihagwa pamwanya iya Elimas; ahanda kuzwangula pala akulabha abhandu bhamulongole bhamuleme inyobhe.
\v 12 Wu musoongo alola heha fumila, ahintiha, kwekunti aswijile kumanyizyo kunongwa ya Mweene.

\v 13 Ishi Upaulo nabhamanyani waokwe bhashuulile muminzi kufuma Pafo pe bhahafiha Perge paku Pamfilia. Ileelo u Yohana ahabhaleha nakuduuga Kuyerusalemu.
\v 14 U Paulo nabhamanyani waakwe bhashulile kufuma Perge na bhahafiha Antiokia iya Pisidia. Ukwo bhabhali mushibhanza isiku ilyi kupuuta nabhahila pansi.
\v 15 We bhabhazya indajizyo na bhakwi, abhalongozi ashibhanza bhaha bhasondeleshezya, amazwi aga kubhapa abhandibha umwoyo ipa longaji"

\v 16 Ileele u Paulo himilila nakubhalamu ninyobhe; ahalonga, "Musahaala mubha Israeli imwe mwe mumwitishile Umulungu, tejelevwi.
\v 17 Mulungu wabhandu ibha abha Israeli abhasebhile abhayise bhitu na kubhabhiha bhandu abhinji pebhihaye munsi iya Mumisili, na kunyobhe yakwe kwimilila ahabhalongola panzi.
\v 18 Kumaha amashami gani ajimbiliye mulugwa.

\v 19 Wananganya iviholo saha muhanti munsi iya Kukanaani, ahabhapa abhandu bhintu insi yabho kupwa unila.
\v 20 Amaambo igo gondi galoleshile we amaha imwa zini na mashumi gasanu. We ivundu ivwo vwondi, Umulungu ahabhapa uwamulo mupaka Samweli Mukuwi.

\v 21 Pee we igo, abhandu bhahalabha umweene, ipo Umulungu ahabhapa usabhuli umwana wa Kishi, umundu uwa shiholo ishe Benjamini, kubha wu mweena amaha amashumi gaani.
\v 22 Ipo wu Mulungu amwefwa muwu mweene, amwilisya u Daudi kubha wu mwene wabho, yali kunti uDaudi kunti Umulungu alonjile, 'Namuaagu uDaudi umwana wa Yese kubha mundu wumwoyo wani wahondela wantibhombe hohondi hihaganile.'

\v 23 Kufuma kushililo sha mundu unu Umulungu ayileteye Israeli umwokoli, u Yesu, inza shantili ahayibhomba.
\v 24 Ili lyandile kufumila, shu Yesu ashili kwinza, u Yohana suti walalasizye uwozwi uwa kuitiha kubhandu wondi ibha ku Israeli.
\v 25 Wope u Yohana wakumalilizya imbombo yakwe, ahalonga, 'Mukukwinilila ine kunti na nanu? ine nete wuwula, ilelo tejele vwi wakwinza kulusalo yani, itakwazilwa kuzegevwa ivilya muvina vwakwe.'

\v 26 Abhaholo, abhana ibha shiholo sha Abrahamu, na bhale bhe bhamu bhaku mupuuta Umulungu, kunongwa yitu kunti amazwi iga ulwitiho lwinzile.
\v 27 Kubhala bhebhakwiha Kuyerusalemu, nabhasongo bhaabho, bhatamumayile kunti wana yoli, awe bhatamayile amazwi iga bhakuwi, wewu kubhazwi iga bhakuwi kwa kumulonga kufwa kwe Yesu.

\v 28 Poope shebhazyajile zya tulile inyinza muhanti mufwe wakwe, bhaha mulabha u Pilato amugooje.
\v 29 Webhamala amaambo gondi gega simbilwe kukwakwe wene. bhaha mwisya kufuma mwikwi bhaha mugooneleza mumbiipa.

\v 30 Ilelo Umulungu ahamuzwusya kufuma kubhafwe.
\v 31 Aloleshile kunsiku inyiinji kubhala bhebhalile peeka nawo kufuma Kugalilaya kubhala Kuyerusalemu. Abhandu ibha ishi bhaketi bhabhandu.

\v 32 Ipo tukubhaleetela ahapangwi ahinza itamili ulusubhilo lwe bhabhapiye abhamaama bhintu.
\v 33 Umulungu abhishile ulusubhilo ulu kukwitu, abhana bhabho, kulilyo amuzwusizye u Yesu nakumuduzya mwinza kubha mwumili winza lya simbilwe mwa Zaburi iya wubhili: 'Iwe wo mwana weeni umusanya nabha nayise waho'
\v 34 Iwinza hamili yoli kunti amuzwusizye kufuma kubhafwe anga kunti umubhili wakwe wutanjihaje, alonjile ishi: 'Indikupe uwopole utinyimishilwe izwana yoli izya Daudi'

\v 35 Ini yenongwa ahalongaawinza kuzaburi iyamwabho tuhitishizye umutosu waho kuwulola uwubholi.'
\v 36 Kunongwa ye uDaudi ahabhombaga zyezya Mulungu muhanti mupaapo yakwe, agonile, bhamugonizye peeka nabhayise bhakwe, ahawulo uwuna ajisu,
\v 37 ileelo wazwusilwe nu Mulungu atawuloli uwunanjisu.

\v 38 Ipo yimanyishe kukwinyu, muhalo, kushilila kwa mundu unu, ulutuyilo ulwimbiwi lulumbilililwe.
\v 39 Kwawene wondi wa yitishile akumubhazizya yoli na gondi ge ndajizyo ya Musa hani yitabhajile yoli.

\v 40 Ipo leelo mwenyaje kunti ahandu hebhalonje ya abhakuwi hatahafumile kukwinyu:
\v 41 'Yenyi, imwe mwemukushoolanya, namuhaswije namuhafwe; kwekunti ikubhomba imbombo munsi zyinyu imbombo yemutangawezya kwintiha poope she umundu angabhabhuzya."

\v 42 Wu Paulo nu Barnaba bhasogola, abhanu bhahabhalabha bhalonje amazwiiga isiku ilyakuupa lyelikwinza.
\v 43 Wu lubhungano ulwa shibhanza lwasila abhayahudi abhinji nabhe pindushile yoli bhahafwaata u Paulo nu Barnaba, bhebhanjile nabho nakusimishizya bhendelele kubha muwila wa Mulungu.

\v 44 Isiku ilya kupuuta lyeli kufwata, ihalolehe ihaaya nyondi yihabhungana kutejelevwa izwu lya Mulugu.
\v 45 Abhayahudi we bhalola impuga bhazilwa numwone nakulonga azwi gegahadindaga ivindu vwe vwalongiwe nu Paulo na kumuliga.

\v 46 Ilelo Upaulo nu Barnaba bhalonga kumaha nakulonga, "Yali hinza kunti amazwi ga Mulungu lilongwe suti kukwinyu kwekunti mukubushilila ukutali kufuma kukwinyu mukulola mutakwanzilwa uwimi uwa wila, yenyaji tuginza kugaluhana kubhapanzi.
\v 47 Anza shu Mweene atwanuye, akulonga, 'Imbabhishile imwe unganti luhozyo kubhandu abhapanzi kunti mulete uwoposhi imbali zyondi izyinsi."

\v 48 Abhapanzi webhivwa ili, bhashiye nakulipaala izwila Mulungu. Abhinji bhebhasebhile kuwumi uwa wila bhantiha.
\v 49 Izi lya Mweene lihasaata insi yoondi.

\v 50 Ileelo abhayahudi bhahabhasimishizya bhebhayefwizye na bhandanda bhebhakwanzilwa, alelo nabhimilili abhihaya, iga gasonjele zya amayimba kwa Paulo nu Barnaba bhahabhasumba mumbali munyoli ihaya.
\v 51 Ilelo u Paulo nu Barnaba bhaha kunyunda amauto muvinama vwabho, pe bhahabhala muhaya iya Ikonia.
\v 52 Pa landanti bhizuye uluseshelo peeka nu mupepu mufinjile.

\c 14
\cl Sura ya 14
\p
\v 1 Ihabha muhanti mu Ikonio kunti u Paulo nu Barnaba bhinjiye peeka muhanti mushibhanza isha Bhayahudi nakulonga she impuga imbinti iya bhandu abhayunani na Bhayahudi bhantiha.
\v 2 Ileelo abhayahudi bhebhatakwivwa bhahabhasonjelezy injele abhapanzi nakubhabhomba kubha bhabhibhi kubhahalo.

\v 3 Ileelo bhabhihaye ukwo insiku inyinji, bhalongaga kwakusimishizya kumaha ga Mweene, uku akufumwa izya nayooli amazwi uwila wakwe, namayele vibhombwe kunyobhe a Paulo nu Barnaba.
\v 4 Ileelo ineo impiti ilyihaya lihagabhuhana, bhamu abhandu bhahima na Bhayahudi, abhamwabho nabhasundikwa.

\v 5 Wa bhapanzi na Bhayahudi we bhakulinga kubhasonjelezya abhimilili bhabho kubhabhomba ahabhibhi nakubhahoma namawe u Paulo nu Barnaba,
\v 6 bhahamanya ilyo nakushimbila munsi iya ku Likaonia, Listra na Derbe, na mbali yamwabho gega zwunguluye paala,
\v 7 nu kwo bhalumbiliye amazwi.

\v 8 Nukwo Listra alipo umundu weeka wayihaye, atali namaha muvinama vwakwe, washilema kufuma mulwanda mwanyina waakwe, atajendile nalumo.
\v 9 Umundu unu ahamwivwa Upaulo akulonga, Upaulo mudamulila amiso ahalola kunti ali nulwitwiho ulwa kupoona.
\v 10 Ipo ahalonga kukwakwe kusaunti impinti, "Yimilila kuvihama vwaho" nu mundu ula ahaluka kumwanya nakwanda kujenda.

\v 11 Impuga weyalola habhomba Upaulo, bhaha bhusya amazi gabho, bhahelonga kundongo iya Kilikaonio, "Ivinama vwatwishila unganti mundu."
\v 12 Bhahamubhuza u Paulo "Herme", na Barnaba "Zeu' kunonga yamali we mulonji umumpinti.
\v 13 Mupunti wa Zeu, we ishibhanza shakwe shali kunzi na muhaya, ahaleta ihambaku ilying'ombe na soonda iya mawuwa paaka kwilyango ilyi haya, uwene nimpuga bhahanzaga kufumwa ifinjile.

\v 14 Ileelo abhasundikwa, Ubarnaba nu Paulo, webhivwa ili, bhahadebulanya amenda gabho kwaku halaganya bhahabhala panzi kwimpuga imbinti bhakulila
\v 15 na kulonga, "Emwe mubhandu, honi he mukubhomba ganaago? nitwe winza twabhandu tulini kwino azimwe. Tukubhaletela intumi inyinza, kunti mugaluhane kufuma kuvindu ivi vwe vitakwanzilwa nakumubhalila Umulungu umupuuma, wagombile imwanya, insi na usumbi na hohondi hehalipo.
\v 16 Kuhabhalilo hehashilile, ahabhintishizya abhapanzi kujeenda mumadala gabho bhibho.

\v 17 Ileelo ashili, atasogoye papatali uwukeeti, kulilyo abhombile ahinza ahabhapa ivula kufuma kumwanya ahabhalilo avindu, ahabhizuzya amoyo ginyu muvwakulya nakusha"
\v 18 Poope kumazwi igo, u Paulo nu Barnaba ku mayiimba bhadindile impuga kubhafumwiza ifinjile.

\v 19 Ileelo bhamu Abhayahudi kufuma Antiokia na Ikonia bhinzile kubhasonjelezya impuga bhahamuhoma u Paulo na mawe na kumu gwengwelula paaka kunzi nihaya bhahantiji afuuye.
\v 20 Panapo abhalandanti bhamili bhimiliye paapipi nawo, ahadamuha, bhahinji muhaya isiku ilya wubhili abhalile Derbe nu Barnaba.

\v 21 Wamanyizya amazwi muhaya yila nakubhabhihe bhalandanti abhinji, bhahaduga listra, paaka Ikoniamu, na mupaka Antiokia.
\v 22 Bhahendelela kubhiha ahinza isehemu iyabhalandanti na kubhapa umwoyo kwendelela kubha mulwitiho, ahalonga, "Yalazima twinjile kuwuposhi wa Mulungu kushilila amayimba aminji."

\v 23 Webhabhasebha kunongwa ya bhazehe uwa kila lubhungano ulwa bhebhitishile.
\v 24 Ileelo bhahashila pahanti Pisidia, bhahafiha Pamfilia.
\v 25 We bhakulonga amazwi pa Perga, bhahiha kubhala Atalia.
\v 26 Kufuma ukwo bhahanjila mumbokoso mupaka Antiokia kwe bhali bhayifumizye kuwila wa Mulungu kunongwa yimbombo ye ishi bhali bhamalile.

\v 27 Webhafiha ukwo Antiokia, na kwabhunganile ulubhunga ulwa peeka bhafumwa imbantiho ganago ge u Mulungu abhombile kukwabho, nashabhiguliye umulyango uwa lwintiho kubhandu abhapanzi.
\v 28 Bhahaye kuhabhalilo ahatali na bhalandanti.

\c 15
\cl Sura ya 15
\p
\v 1 Abhandu bhamu bhishile kuwuyahudi kubhanyizya abhaholo, bhatishi, "Angamutakwata anza miho ga Musa, mutangawezya kwokoha."
\v 2 Ahabhalilo hu Paulo nu Barnaba webhali kuwilizinya kulonga nabho, abhaholo bhahamula kunti u Paulo, Barnaba, na bhamwabho bhamu bhabhale Kuyerusalemu kubhasontelezyi abhabha zehe kunongwa yibhuzilizyo ini.

\v 3 Ileelo, kwakubhasotelezya kwabho nishibhanza, bhahashilila ku Foinike na Kusamaliya bhakulalasya uluseshelo ulupinti kubhaholo bhondi.
\v 4 Webhinza Kuyerusalumu, bhaha bhintishizya nishibhanza abhasotelazya nabhasehe, nabhaleta imbantiho ya gondi ge u Mulungu abhombile peka nabho.

\v 5 Ileelo abhandu bhamu bhebhintishile bhebhali mumpuga iya Mafalisayo, bhahimilila na kulonga, "Hinza kubhaata nakubhamula bhaleme indajizyo zya Musa."
\v 6 Ipo abhasundikwa peeka nabhazehe bhahimilila peeka kukwimiliha inongwa izi.

\v 7 We bhabhuzilizanya ahatali, u Petro ahimilila nakulonga kukwabho, "Bhaholo mumanyile kunti ahabhalilo ahinza hehashilile u Mulungu abhombile kusebha wani kunti abhapanzi wivyaje izwi ilya uwoposhi nakwintiha.
\v 8 U Mulungu, wamanyile amoyo, akupanjila kukwabho, akubhapa umupepu umufinjile, anza shabhombile kukwintu;
\v 9 Na kugoomba ishiinji itwe nabheene, ahabhiha amoyo gabho aminza kulwintiho.

\v 10 Ileelo, hooni he mukumulinga Umulungu kunti mubhishile peeka mumwanya munsingo zya bhalandanti zye pope abhayise bhitu awe itwe tutawezizye kujimbilila?
\v 11 Ileelo twitishile kunti tutiyokolewe ku wiha wa Mweene u Yesu, anza shebhali."

\v 12 Impuga yondi yapumile wikumutejelevya u Barnaba nu Paulo webha kufumwa impembu ivilolesyo namayele ge Umulungu abhombile peka nabho peeka nabhapanzi.

\v 13 Webhaleha kulonga, u Yakobo ahagalusya ahalonga, "Bhaholo natejelevwe.
\v 14 U Simoni alonjela kunti abhaji kufuma kukwabho abhandu kunongwa yitawa lyakwe.

\v 15 Amazwi abhakuwi gakwintihana nili anza she lyasimbilwe.
\v 16 'Peleelo ganagp ihayiduga na kuzeenga awinza inyumba ya Daudi, yeyaguye pasi, ihaibhusya nakudaamusya uwunanjisu wakwe,
\v 17 inga kunti abhandu bhebhasyalile bhamwa umweene, peeka nabhandu abhapanzi bhebhilishililwe nitawa lyaani.'
\v 18 Ishi sha kulonga Umweene wabhombile amambo iga kunti gamayihaje kufuma imaandi.

\v 19 Ishi leelo, ulupanzyo lwani, tutabhapanje amayimba abhandu abhanzi bhamudujile u Mulungu;
\v 20 Ilelo tusiimbe kukwabho kunti bhepaje ukutali nuwunanjisu uwa shiholanyo, kusungaha uwubhembu na vye nwoonjile, na mabhaanda.
\v 21 Kufuma kupaapwa kubhazehe kuli nabhandu kwondi bhebhakulumbilila na kumubhazya u Musa muvibhanza pa Sabato."

\v 22 Ileelo ihaloleha yabhahondela abhasundikwa na bhazehe, peeka nishibhanza shoondi, kumusebha u Yuda we bhahantinji wu Barsaba, na Silasi, bhebhali bhalongozi bhashibhanza, nakubhasontelezya ku Antiokia peeka u Paulo nu Barnaba.
\v 23 Bhasimbile ishi, "Abhasundikwa, azehe nabhaholo, kubhaholo bhabhapanzi bhebhali ku Antiokia, Shamu ni Kilikia, kulamuha.

\v 24 Tuhivya kunti abhandu bhamu bhe tutabhapiye indajizyo iyo, bhahafuma kukwitu nabhahabhayivwa kumanyizyo zyezikuleta amayimba muhanti yinyu.
\v 25 Ileelo yaloleha ahinza kukwitu twendi kusebha abhandu nakubhasondelezya kukwinyu peeka nabheganwe bhitu u Barnaba nu Paulo,
\v 26 abhandu bhebhazizye uwihelo wabho kunongwa ya Mweene wetu u Yesu Klisiti.

\v 27 Ileelo tumusondelezizye u Yuda nu Sila, bhantibhabhuzye inongwa ziniizyo.
\v 28 Kwekunti yaloleshile hinza kwa mupeepu umufinjile na kukwiitu, mudahabhiha ishililo ishimwanu pamwanya yinyu kushila amambo iga gegalazima.
\v 29 Kunti mugaluhana kufuma kuvindu vwevikufuma kushiholanyo, ibhaanda, ivindu ivwakunyoonga, nu wubhembu, anga mwayibhiha ukatali navinivyo, hantibhe hinza kukwinyu pe nasogola."

\v 30 Ipo leelo, shabhahasatana, bhahiha ku Antiokia, we bhabhungana ulubhungano peeka, bhatwala uwusimbe.
\v 31 Webhayisoma, bhahasha kwekunti bhahabhapa umwooyo.
\v 32 U Yuda nu Sila, na bhakuwi, bhahabhapa umwooyo abhalo kumazwi aminji nakubhapa amaha.

\v 33 Webhalya ahabhali amu ukwo, bhahasatana kuwinza kufuma kubhaholo kubhala bhebhabhasondelezizye.
\v 34 [Ileelo yaloleshile ahinza u Sila kusyala ukwo]
\v 35 Ileelo u Paulo nabhamwabho bhihaye Antioki peeka na bhamwabho abhinji, anga bhamanyizyaga na kulumbilila izwu lya Mweene.

\v 36 Pee wisiku zimo zyashila u Paulo ahalonga kwa Barnaba, "Tu dujele ele kubhajendela abhaholo kila haaya mwa Twa lumbiliye izwu lya Mulungu nakubhalola shebhali.
\v 37 U Barnaba ahanzaga awinza kumweega peeka nu Yohana webhahantinji Maliko.
\v 38 Ileelo u Paulo akwiniliya yitali hinza kumweega u Maliko, wabhaleshile ukwo kupamufilia atahajendelela nabho kubhomba imbombo.

\v 39 Ipo gahabha amadali amampiti pebhahalehana, u Barnaba ahamwega Maliko na kushula nawo mumbokoso bhahabhala ku Kipro,
\v 40 Ileelo u Paulo ahamweega u Sila nakusogola nawo, wabhaholo bhamupa kuwila wa Mweene.
\v 41 Ahabhala kushilila Shamu na Kilikia, akubhiha ahinza ivibhanza.

\c 16
\cl Sura ya 16
\p
\v 1 U Paulo winza wayinzile Derbe na Lystra; yeenya, pala pali numulandati bhahantinji u Timotheo, umutunda wapapilwe nu nyina uwa kubhayahudi wa apindushile nu yise wakwe ni Mgiliki.
\v 2 Abhandu abha Listra na Ikonia bhamupanjiye ahinza.
\v 3 U Paulo ahamwanzaga anga shule nawo, ipo ahamwega nakumwata kunongwa ya Bhayahudi bhebhali kunukwo kwekuti bhondi bhamumanyile kunti uyise wakwe Mugiriki.

\v 4 Webhakubhala bhashilile muhaya na kufumwa indajizyo kuvibhanza abhazyitishe indajizyo iga gasimbilwe nabhazehe nabhasundikwa Kuyerusalemu ukwo.
\v 5 Ipo ivibhanza bhahaviha ahinza kulwitiho nabhebhintishile bhahonjelaga uwinji kila lisiku.

\v 6 U Paulo nuwamwabho bhahabhala Firigia na Galatia, kunti umupeepu uwa Mulungu abhanile kulumbilila izwi ukwo kwijimbo ilya Asia.
\v 7 Webhapalamila Misia, bhahalingaga kubhala Bithinia, ileelo Umupepu wa Yesu ahabhahana.
\v 8 Ileelo webhashila Misia bhahinza mupaka muhaya iya Troa.

\v 9 Injonzi zihamufumila u Paulo uwusiku, kwamile numudu Kumakedonia alimiliye, amubhishila na kukuloonga, zaaji mutwaavwe Kumakedonia uku".
\v 10 U Paulo walola injozi, pe tuyibhihaga ahinza anga tubhale Kumakedonia, amanyile kunti u Mulungu atubhilishiye kubhala Kumakedonia kulumbilila intumi.

\v 11 Petuhasogola kubhala ku Troa, tuhabha yiniiyo Samothrake, isiku lyelikufwaata tuhafiha muhaya iya Neapoli.
\v 12 Kufuma ipo tuhabhala ku Filipi kuweka iyihaya iya Makedoniya, ihaya iya lusubhilo mu wilaya nuwulongozi uwa Kirumi pe tuhihala insi zimo.
\v 13 Isiku ilyakupuuta, twabhalile panzi kwidala ilya mwoto, imbali ye tuhantinji tuntipaje apa kupuutila ipuuto. Twihaye pansi nakulonga nabhandanda bhebhinzi peeka.

\v 14 Umwandanda weka wamali wu Lidia, umukazya meenda, kufuma muhanti mu muji uwa Tiatira, we hamupuutaga u Muluungu, atutejelevwizye. Umweene ahigula umwoyo wakwe na kubhiha ahinza amazwi gegalongiwe nu Paulo.
\v 15 We ayozelwa, aweene ni nyumba yaakwe yondi, ahatubhuzya hanti, anga mwalola ine na mutosu kwa Mweene, ilelo ikubhabhuzya mwinjile na kwihala kukwaani". Ahatubhuzya nifwa.

\v 16 Ihabha kunti, wetukubhala pala apakupuuta, umulindu weka wamadi nipepu ilya kumanya ahahomana nitwe. Amuleteye Umweene wakwe uwukabhi uwinji wakukisila.
\v 17 Umwandanda unu ahamulandatila u Paulo peeka nitwe, akuhoma ishoongo na kulonga, "Abhasahaala ibha bhabhombi bha Mulungu umpinti we bhakubha lalasizya imwe impembu izya wuposhi".
\v 18 Abhombile isho kunsiku inyinji, ileelo u Paulo avitilwe kulilyo, ahagaluhana kulusalo nakumubhuzya wali pepu, "Nakwamula mwitawa lya Yesu mwepe muhanti yakwe." Wope ahepa nakumule panapo.

\v 19 Aga mwene gaakwe webhalola kunti ulusubhilo ulwa uwukabhi wabho lyasogola, bhahabhalema u Paulo nu Sila na kubhahushila kumanaalo pilongolela iya bhebhali nuwamulo.
\v 20 Webhabhafisya kubhasongo bhalonga, "Ibha asahala Bhayahudi bhakuleta uwuyanzi uwumpinti muhaya yitu.
\v 21 Bhakumanyizya gete hinza itwe kugaposheela awe kugalandata itwe twa Bhalumi."

\v 22 Impuga yihabhimililila ishingunga u Paulo nu Sila, abhalonji bhahazula amenda gabho nakubhazula nakwamula bhahomwe indisa.
\v 23 We bhabhahomu indisa inyinji, bhahabhasumba mwijela nakubhamula abhakolokoloni kubhadima ahinza.
\v 24 We bhaposhela uwamu uyo, ukolokoloni uwijela ahabha sumba pahanti pahapitu ahi jeela nakubhapinya ivihama vwabho kuhapintu habhabhishile.

\v 25 Pahabhalilo pawusiku pakaasi, Paulo nu Sila bhahabha bhakuputa nakwimba izya kumupaala u Mulungu uku abhapinywe abhamwabho bhakubha tejelevwa.
\v 26 Panapo bhulo shiha fumila ishiyingayinga ishipiti uwalo wondi uwi gelela wuhayizwa, amalyango agi jeela gahiguha, nimbingwa izya bhapinywe bhondi zihazegemba.

\v 27 Ukolokoloni awa pijeela ahadamuha kufuma mutulo nahalola amalyango goondi igijeela migule; ipo ahega ipanga lyakwe ilelo ahanzaga ayigoje kwekunti ahantinji abhapinywe bhondi bhasogooye.
\v 28 Ilelo, u Paulo ahahoma ishoongo kwizi impinti, akutishi "Utahayininganye kwekunti twendi tulipo panaapa".

\v 29 Ukolokoloni ahalabha ivihozyo vwinze pe ahinjila muhanti mwijeela nalubhilo, akuyinga na kutuuya, ahabhagwila u Paulo nu Sila,
\v 30 na kubhafumwa panzi pi jeela nakulonga, "Bhasongo, imbombe lyoohi ingipate kwokoha?"
\v 31 Bhope bhahamubhuzya, "Mwintishye Umweene u Yesu na utiyokoshe peeka ni nyumba yaho."

\v 32 Bhahalo izwu lya Mulungu kukwakwe, peeka na bhandu bhondu ibha munyumba yaakwe.
\v 33 Ukolokoloni uwi jeela ahabhega uwusiku wula nakubhageezya mula mwebhavwalaye, uwene peeka na bhandu ibha munyumba yakwe bhahozelwa panapo.
\v 34 Ahabhaleta u Paulo nu Sila munyumba yakwe nakubhapa ishakulya. Wope ahabha nulusesholo ulumpinti peeka na bhandu abha munyumba yakwe kwekunti bhahamwintiha u Mulungu.

\v 35 Weyabha shamusanya, abhalonji bhahasondelezya amazwi kwa kolokoloni uwi jeela bhaholonga, "Bhaleshe abhandu bhala bhabhale".
\v 36 Ukolokoloni uwijeela ahamumanyisya u Paulo kunongwa ya mazwi kunti, "Abhalonji musogole: Ileelo fumi panzi mubhale kuwihalo."

\v 37 Ileelo u Paulo ahabhabhuzya, "Bhatuhomile pawelu, abhandu bhebhalumi sita kutuloonga ahamula kutusumba mwijeela, ishilele bha kwanza kutwefwa kukwilu? Ndali, teyibheshinisho, bhibho bhene bhinzi kutwefwa ipa".
\v 38 Abha kolokoloni bhahabhamanyisya abhalonji kunongwa ya mazwi igo, abhalonji bhahogopa ahaani pala pe bhahamanya kunti u Paulo nu Sila bhalumi.
\v 39 Alonji bhahinza nakubhabhuzya bhasogole, webhabhafumwa pazi pijeela, bhahabhalabha u Paulo nu Sila bhafume unzi ni haya yabho.

\v 40 Pe u Paulo nu Sila bhahafuma panzi pijeela bhahinza kuhaya kwa Lidia. Paulo nu Sila webhabalola abhaholo, wahabhapa umwoyo pebhahasogola ihaya iyo.

\c 17
\cl Sura ya 17
\p
\v 1 We bhashila muhaa ya Amfipoli na Apolonia, bhahinza muhaaya iya Sesalonike mwembali ishibhanza isha Bhayahudi.
\v 2 Inza she yili imwata ya Paulo, ahabhala kukwabho, kuhabhalilo ahinsiku zitaatu izya kupuuta ahabhuzilizanya nabho kunongwa yawusimbe.

\v 3 Ahabhagubulilaga uwusimbe nakubhabhuzya kunti, yamuhonde u Klisiti kuyimba na winza kuzwuha kufuma kubhafwe, abhabhuzizye, u Yesu unu wingubhabhuzya inongwa zyakwe wewu Klisiti"
\v 4 Bhamu Abhayahudi bhahintiha na kubha peeka nu Paulo nu Sila, peeka nabha Giliki bhaha kumupuuta u Mulungu, abhandanda abhinji bhebhapindushile nimpuga impinti iyabhandu.

\v 5 Ileelo bhamu Abhayahudi bhehatitishile, bhahizulwa numwone, bhahabhala kumunaalo nakubhega bhamu abhandu abhabhibhi, bhaha bhunganya impuga iyabhandu peeka, na kwaazya uwuyanzi pamujini, pe bhaha vwamila inyumba ya Jasoni, bhakwa kubhalema u Paulo nu Sila inga bhabhaleete pilongolela ya bhandu.
\v 6 Ileelo webhatabhaaga, bhamulema u Yasoni naholo bhamu nakubhatwala pilongolela ya palongozi abhihaya, bhakohoma shoongo, "Ibha bhaahala bhebha galulanyinye insi bhafiha uku winza.
\v 7 Abhasahaala ibha bhu Yasoni abhaleteli bhakunanganya indajizyo zya Kaisari, bhakunti kulu mweene uwunji webhakunti u Yesu"

\v 8 Impuga na bhalongozi abhihaya webhizwa amambo igo, bhahinjilwa nilyooga.
\v 9 Weleelo bhejile ihela iyawinji ya kuziga kufuma kwa Yasoni na bhamwabho, bhahabhaleha bhabhale.

\v 10 Uwusiku wuwu abhaholo bhahamusondelezya u Paulo nu Sila ku Beloya. Webhafiha kula bhahabhala mushibhanza isha Bhayahudi.
\v 11 Abhandu bhala bhali bhebha kuzyaganya haani kushila abhandu abhaku Thesalonike, kwekunti bhitishile kuposhela amazwi kunjele zyabho nakwinanji zya uwusimbe wila bhulo inga bhalole kunti amazwi gegalongiwe gegigo.
\v 12 Aleelo abhinjibhabha bhantiha, bhalipo na bhandanda ibha kudeba paapiti abha Kigiriki nabhasahala abhinji.

\v 13 Ileelo Abhayahudi na bha sesalonike webhamanya kunti Paulo akulalasya izwi lya Mulungu kuleya ukwo, bhahabhala ukwo kusonjelezya na kwanda uwuyanzi kubhandu.
\v 14 Nalubhilo, abhaholo bhaha mufwala u Paulo idala ilya sumbi, ileelo Sila nu Timotheo bhahasyala pala.
\v 15 Bha bhaholo bhebha mutwali u Paulo bhabhalinawo mupa Athene, webhamuleha u Paulo ukwo, bhahaposhela indajizyo kufuma kukwakwe kwekuti, Sila nu Timotheo bhabha kukwaakwe nalubhilo shikwanzilwa.

\v 16 Pe wakubhagulila ukwo Athene, umwoyo wakwe wuhavitilwa muhanti yakwe yaani shawulolile umuji wula she wizuye iviholanyo ivwinji.
\v 17 Ipo bhahapangana na Bhayahudi mushibhanza bhala bhebhaha mupuutaga u Mulungu nabhalo bhondi bhahahomanaga nabho kumunaalo.

\v 18 Ileelo bhamu abhindajizyo abha Waepikuleo nabha Wastoiko bhaha mubijila. Na bhamu bhahalonga, "Hooni hakuloonga unu akulonga munsi? Bhamu bhaloonga, "Yikuloleha akulumbilila intumu ya Mulungu mujeni," Kunongu ya kulumbilila intumi iya Yesu kuzwuha.

\v 19 Bhaha mwega u Paulo na kumuleta Aleopago, bhakulonga, "Tungamanya kumanya iga ge mukumanyizya amapwa gukuloonga?
\v 20 Kwekunti ukuleta inongwa ipwa muma kutwe giitu. Ileelo tukwanza kumanya iga gukubhomba wukunti bhuli?"
\v 21 (Na bhandu bhondi abha Athene peeka na bhamwabho bhebhali kukwabho, bhakubhela ahabhali habho awe na kuloonga kutejeelevwa zyakuloonga injeni.)

\v 22 Pe u Paulo ahimilila pahanti ya bhandu ibha Aleopago ahalonga, "Imwe mubhandu mubha Athene, ingulola kunti imwe mwabhandu amwemupindushiye kulyolyondi.
\v 23 Kwekunti kushila kwani nakwenya ivindu vwinyu vwe mukuupuuta, nalola uwusimbe we wusimbilwe kusheka ishigemo shinyu, shikutishi, "KWA MULUNGU WATAKUMANYIHA". Ipo leelo, uyo we mukumupuuta mutamumanyile wikubhabhuzya iimwe.

\v 24 U Mulungu wagombile insi na hohondi hehali muhanti, kwekunti wumweene uwimwanya na pansi, atangawezya kwiha muvibhanza vwe vingilwe ninyoobhe.
\v 25 Na winza atakubhombelwa ninyoobhe zyabhandu unga kunti pakwanza ahandu kukwabho, ileelo awe wuyo akubha bhandu uwumi umwoyo ni vindu ivwamwabho vwondi.

\v 26 Kushilila umundu weka, abhombile abhandu bhondi amunsi bhebhakwihala pamwanya pansi, pe ahabhabhishila ahabhalilo ni nyoli muhaya mwebhakubha.
\v 27 Ileelo, bhakwanzilwa kumwanza u Mulungu, nayikwanzilwa bhamufishile nakumwaaga, nizyanayoli atali ukutali na kila weka witu.

\v 28 Kukwakwe tubha, tukujenda nakubha nuwumi witu, unganti shishila she mutunzi winyu weka uwa shayili wahalonga 'twe bhapopwe bhakwe.'
\v 29 Ileelo, ingitwe twabhapapwe bha Mulungu, tutakwanzilwa kukwina kunti uwu Mulungu unganti zahabu, awe shaba, awe mawe, awe ishiholanyo she bhabhinzile kuwumanyi na kukwina kwa mundu.

\v 30 Ileelo, u Mulungu ampumiye ahabhalilo hala ahawulema, ileelo ishi ayamuye abhandu bhondi pebhali bhintishe.
\v 31 Ili kunongwa yabhishile isiku lya hifumu uwulonji insi uwanayoli kwa mundu we amusebhile, u Mulungu afumizye izyanayoli kwa mundu unu kwa wowondi umundu pala pa muzwusizye kufuma kubhafwe.

\v 32 Nabhandu ibha Athene webhivwa imbembu izya kuzyuha kubhafwe, bhabho bhaha muzwunga u Paulo, ileelo bhamu bhahalonga "Tutikutejelevye awinza kumbembu iya jambo ili"
\v 33 Peepu naapo, u Paulo ahabhaleha.
\v 34 Ileelo bhamu abhandu bhahabha peeka nawo bhahintiha, aliipo Dionisio Mwaleopago, nu mwandanda bho peeka nabho.

\c 18
\cl Sura ya 18
\p
\v 1 Pe panepo, u Paulo asogoye ku Athene kubhala Korintho.
\v 2 Ukwo ahamwaga Umuyahudi webhahantinji Akwila umundu uwashiholo sha Ponto, aweene numushi wakwe we bhahantinji wu Prisila bhinzile kufuma ku Italia, kwekunti uKlaudia ayamuye abhayahudi bhondi bhasogole ku Roma;
\v 3 Paulo ahihala nakubhomba imbombo nabho kwekunti awena akubhomba imbombo yiholine ni yabho. Abhene bhali bhagomba amahema.

\v 4 U Paulo ahalonga nabho mushibhanza wula bhulo webhakupuuta. Abhasonganyinye abhayahudi peeka na bha Giliki.
\v 5 Ileelo Sila nu Timotheo webhinza kufuma Kumakedoniya, Paulo abushiliwe numupepu umufinjile kubhapanjila Abhayahudi kunti u Yesu wu Klisiti.
\v 6 Wa Bhayahudi webhamuhoma na kumusupizya, ipo u Paulo ahakunyunda umwenda wakwe pilingolela yabho, nakubhabhuzya, "Amabhanda ginyu gabhe pamwanya pamatwe giinyu munemwe, ine itali ninongwa, kufuma ishi nakwendelela, nabhabhali laabhapanzi".

\v 7 Ipo ahasogola kufuma pala ahabhala kunyumba ya Tito Yusto, umundu wakuputa u Mulungu. Inyumba yakwe yilipapipi nishibhanza.
\v 8 Krispo, umulongozi uwa shibhanza peeka na bhandu ibha munyumba yaakwe bhaha mwintiha Umweene, abhandu abhinji abha Mukorintho bhaha mwivwa u Paulo akulonga bhahintiha na kwozilwa.

\v 9 Umweene ahamubhuzya u Paulo uwusiku kwidala ilya kuloota, "Utahogope, ileele longa utahapume.
\v 10 Honi ine hindi peeka niwe, atalipo wantilinjizye, kukuhoma, alelo indi nabhandu abhinji muhaya ini".
\v 11 U Paulo aihala ukwo ahabhalilo aha mwaha weka namezi umutanda akumanyizya izwi lya Mulungu mukasi yabho.

\v 12 Ileelo Galio wabhombwa mwimili uwa Akaya, Abhayahudi bhahimili peeka ishingunga nu Paulo nakumutwaala pilongole pitengo ilya wulonji,
\v 13 bhahalonga, "Umundu unu akusonganya abhandu kunti bhamupuutaje u Mulungu ishingunga nu wamulo".

\v 14 Wu Paulo akwanza kunti alonje, u Galio ahabhabhuzya Abhayahudi, "Imwe Bhayahudi, inga wamili wupibhi awe wunanjisu, ahani yabha hinza kubhabhombela.
\v 15 Ileelo kwekunti mwe mbuzilizyo, gega kwanza amazwi namataawa, nindajizyo zyinyu, ishi lonji imwe muneemwe, ine indakusunguha kubha na mulonji kunongwa yaganaago."

\v 16 Galio ahabhamula bhasogole pilongole pitengo ilya wulonji.
\v 17 Ipo bhaha mulema u Sosthene, umwimilili uwa shibhanza, bhaha muhana pilongolela pitengo ilya wulonji, ileelo u Galio atasajiye shebhabhombile.

\v 18 U Paulo, we ayihala pala kuhabhalilo ahatali, ahabhaleha abhaholo na kubhala ni mbokoso Siria peeka nu Prisila nu Akwila. Webhashili kusogola ahakata insinsi zyakwe kwekunti amile alapile kunti wene.
\v 19 Webhafiha ku Efeso, Paulo ahamuleha Prisila nu Akwila paala, ileelo wuyo wene ahinjila mushibhanza nakupanga nabho Abhayahudi.

\v 20 Webhamubhuza u Paulo kunti ayihale nabho kuhabhali ahatali, uwene ahahana.
\v 21 Ileelo ahasogo kukwabho, ahabhabhuzya, "Ihayiduga awinza kukwinyu, inga lugano lwa Mulungu". Pe panapo, ahasogo nimbokoso kufuma ku efeso.

\v 22 U Paulo wafiha Kaisaria, ahazubha kubhala kulamuha ishibhanza isha Kuyerusalemu, awinza ahiha kushibhanza isha Antiokia.
\v 23 Wayihala kuhabhalilo pala, u Paulo asogolo kushilila imbali iya Galatia na Frigia nakubhapa umwo abhalandanti bhondi.

\v 24 Umuyahudi weka webhahantinji Apolo, wapapilwe ukwo Alexandria, amile ku Efeso. Amile nu ahinza kwa kulonga lwamanyi nuwusimbe.
\v 25 Apolo bhamile bhamulanjile muhanti mumanyizyo ya Mweene. Aza shemali na maha muhanti umupepu, alonjile nakumanyizwa kuwinza amambo gega kwanzilwa kwa Yesu, ileela amanyile yoli uwozwi wa Yohana.
\v 26 Apolo ahanda kulonga kumaha muhanti mushibhanza. Ileelo Prisila na Akwila wabhamwivwa, bhahabhomba uwumanyani nawo pebhamubhuzya kunongwa yamalala ga Mulungu kuhinza.

\v 27 Wasunguha kusogola kubhala Akaya, abhaholo bhahamupa umwoyo nakumusimbila ikalata abhalandati bhebhali Akaya anga bhabhe bhakuposhela, wafiha kuwila ahabhavwa nifwa bhala bhebhintishile.
\v 28 Kumaha gaakwe ni njele, Apolo abhashilile Abhayahudi pawinji akulolesya kushilila uwusimbe kwekunti u Yesu wewu Klisiti.

\c 19
\cl Sura ya 19
\p
\v 1 Ihabha kunti u Apolo wali Kukorintho, Upaulo ahashila uwukanda uwa kumwanya nakufiha muhaya iya ku Efeso, ahabhaga abhalandati bhamu kunukwo.
\v 2 U Paulo ahabhabhuzya, "Ilelo mwaposheleye umupeepu umifinjile kwa kwintiha?" Bhahamubhuzya, hala, tutawezizye pope kwivwa kunti umupepu umifinjile."

\v 3 U Paulo ahalonga, "Ishi imwe mwozelilwe bhulibhuli?" Bhahalonga, "Kuwu wozwi wa Yohana.
\v 4 Ipo u Paulo ahagalusya, "U Yohani abhozizye ku wozwi uwa lwitiho. Ahabhabhuzya abhandu bhala kunti mukwanzilwa kwitiha ula we pilongolela yakwe, webhakunti, u Yesu."

\v 5 Abhandu webhivwa inpembu iyo, bhahozelwa kwitawa lya Mweene u Yesu.
\v 6 Pe yihabha wu Paulo abhiha inyobho pamwanya yabho, umupepu umufinjile ahinza pamwanya yabho pe bhaha kulonga kundongo na kutabiri.
\v 7 Uwinji wabho bhamile abhasahala bhafihaga ishumi na bhabhili.

\v 8 U Paulo ahabhala mushibhanza ahalonga kumaha kuhabhalilo ahamezi gatatu. Amile akulongoza webhakupangana na kubha kwesa abhandu kunongu yazizyo zye zikulonga uwumi wa Mulungu.
\v 9 Ileelo Abhayahudi bhamu bhali ni dali na bhayahintihaga, yitawa lya Klisiti pilongola pampuga, pu pahubhulo ahalehana nabho ahabhabhiha ukutali bhetishile nabho. Wope ahanda kulonga wila bhulo muhanti muwukumbi uwa Tirano.
\v 10 Ini yihendeleela amaha gabhili, kwe kunti bhondi, bhehabhanga bhakwihala ku Asia wivuye izwu lya Mweene, bhoondi Abhayahudi na Bhayunani.

\v 11 U Mulungu ahabhombaga amambo amampinti kushilila inyobhe ya Paulo,
\v 12 kwe kunti nabhabhinu waponilwe, ni mapepu amabhibhi gabhafumile, we bhega ututambala namenda gegafumili mumbi mwa Paulo.

\v 13 Ilele kwamila nabhayahudi bhebhaha ipepu bhahashulahaga kushilila imbali yiniyo. Bhaha bhombelaga itawa lya Yesu kunongwa yimbombo zyabho bhibho. Bhukubhabhuzya bhala bhebhali nu mupepu umubhibhi, bhakulonga, "Ikubhamula mufume mwitawa lya Yesu we u Paulo akumulumbilila."
\v 14 Bhebhabhombile ganago bhamile abhana saba abha muputi umumpinti uwa kuwuyahudi, Skewa.

\v 15 Amapepu amabhibhi gahagalusya, "U yesu imumanyile, nu Paulo imumanyile; ileelo imwe mwabha naanu?"
\v 16 Ula upepe umubhibhi ahabhaluchula bhala bhebhaha pungaga impepu na habhatola amaha na kubhahoma, peshimbila kufuma munyumba yila bhali ishitali hakuvwalaala.
\v 17 Ijambo ili lihamanyiha kubhondi, Abhayahudi na Bhayunani, bhebhabhanga ku Efeso ukwo. Bhabha nilyoga nifwa, nitawa lya Mweene lihabha likushindihwa.

\v 18 Awinza, abhinji abhabha yunaani bhahinza na kwintiha na kulolesya amabhibhi gebhahabhombaga amabhibhi.
\v 19 Abhinji bhahabhombaga uwuganga bhaha bhunganya amakalata gabho, bhahapeemba mpilongolele ya iya kila mundu, we bhene bhakubhazya ivwibeye, iya vindu vwabho yamile vipande, amashumi gasanu agi hela.
\v 20 Ipo izwu lya Mulungu lihasaata kuwu mpinti hani kumaha,

\v 21 ga Paulo kukwilizya imbombo yakwe ku Efeso kula, umupepu ahamulongola kubhala Kuyerusalemu kushilila kumakedonia na Akaya; Ahalonga, "We alikunukwo, yikwanzilwa injilole Rumi awinza."
\v 22 U Paulo ahabhasondelezya abhalandati bhakwe bhabhili, Timothei nu Erasto, bhebha mwavwizye. Ileelo awene wuyo ahasyala Asia ku habhalilo.

\v 23 Ahabhali iho kuhafumi uwuyanzi uwunpinti ku Efeso ukwo kunongwa yidala lila.
\v 24 Sonara weka itawa lyakwe Demetrio, we agombile iviholanyo ivwi hela vwa mulungu Diana, aletile ikazyo impinti hani kubhafundi.
\v 25 Ipo ahabhunganina abha fundi bhondi abhi mbombo iya na kulonga, "Bhasindishe, mumanyile kunti uwukabhi unu itwe tukwinjizya ihela inyinji.

\v 26 Mukulola na kwivwa kunti, mbona ipa Efeso, yoli palamila asiya yondi, unu u Paulo abhasonjelezya akubhagalunya abhandu abhinji. Akulonga kunti yitalipo imiluungu yeyimbilwe kunyobhe.
\v 27 Na twe bhulo ukokwo siyikwogofwa kunti ulukabho lwitu itakubha ikwazilwa awinza, ileelo awinza ni shibhanza sha mulungu umushi we musongo u Diana awezizye kwegwa kunti atali ni maana awezizye kutezya uwusongo wakwe, awene wei Asia ninsi yikumupuuta."

\v 28 Webhivwa iga, bhalemwa numulaha pebhahoma ishoongo, bhahalonga, "Diana uwabha Efeso musongo."
\v 29 Ihaya yondi ihizula ifujo, nabhandu bhahashimbila peeka muhanti muwu kumbi uwa kwimba. Bhahabhalema bhebhakushula abhamwabho nu paulo, u Gayo nu Aristariko, bhebhafumile Kumakedonia.

\v 30 U Paulo ahanzaga kwinjila pa mpuga ya bhandu, leelo abhaladanti bhahamudinda.
\v 31 Awinza bhamu abhaafisa abha mukowa uwa Asia bhebhali bhamanyani bhakwe bhaha mutwaalila aneeno kumaha kumulabha atahinji muwukumbi wa kwimba.
\v 32 Bhamu abhandu bhali bakulonga ahandu iha abhamwabho ijambo lila, kwekunti ipuga yabhandu yamile yiyetilwe, abhinji bhabho bhataha wezya poope kumanya hooni he bhinzile peeka.

\v 33 Abhayahudi bhamuleta Iskanda paanzi pa mpuga iya bhandu nakumubhiha pamwanya pa mpuuga Isikanda ahalolesya ivilolesyo kunyobhe yakwe kulonga she zikwanzilwa kubhandu.
\v 34 Ileelo webhamanya kunti awene Muyahudi, bhondi bhaha homa ishoongo kwizi lyeka kuhabhalilo aha masala gabhili, "U Diana we musongo wa Bhaefeso."

\v 35 We umusimbi uwihaya ahawumpumilizya impuga, ahalonga, imwe mubhasahala mubha Kuefeso, wenu watamanyile kunti ihaya ini iya Efeso yikusunga ishibhanza sha Diana umusongo ni picha yila yeyalendile kufuma kumwanya?
\v 36 Kulola kunti amambo igo tegawe zehane, tukwanzilwa tupume na natahabhombe hohondi nalubhilo.
\v 37 Kwe kunti mubhabhilishiye abhandu ibha ipa wuwulonji wete bhibha bhashibhanza wetebhibho bhebha mulijile u Mulungu wintu umwandanda.

\v 38 Ileelo, anga Demetrio na bhafundi bhebhali peeka nawo bhali nulwulonji nu mundu wowondi muwulonji mwazi na bhaliwali bhalipo na mubhate pilongolela pa tubhabhuzye.
\v 39 Ileelo iwe angukwanza hohondi kumambo aganji bhulo, gatibhombelwe pashikabho ishana yoli.
\v 40 Na yoli tuli muhatali iyakulemwa kunti uwuyanzi isiku lila, kutali ni nisababu iya kuvwalangana iga natetubhe nuwu wezyo vwa kugalonga.
\v 41 We alonga ganaago, ahabhatanya bhebhanganile.

\c 20
\cl Sura ya 20
\p
\v 1 Wu wuyanzi wasila, u Paulo ahabhabhishila abhalandanti. nakubhapa umwoyo, awinza nakubhalaga ahasogola kubhala Kumakedoania.
\v 2 Wope washila mumikoa iyo ahabhapanga umwoyo abhakisiti, ahinjila Kuyunani.
\v 3 We uwene wuyo amali pala kuhabhalilo ahamezi gatatu, uwutudu kunongwa yakwe na Bhayahudi we kuyimba kushula kwida ilya sumbi kubhala kushamu, ipo yihabha kuduga kushilila Makedonia.

\v 4 Bhalongo zanyinye nawo mupa Asia bhamile Sopatro, umwana wa Pirho kufuma Belea; Aristariko na Sekundo, bhondi kufuma kubhaklisiti ibha Kusesalonike; Gayo uwa Derbe; Timotheo; Tikiko ni Trofimo kufuma Kuasia.
\v 5 Ileelo abhandu ibha bhalongoleeye na bhatugulilaga kula ku Troa.
\v 6 Kwidala ilya sumbi kufuma Filipi we isiku izya makaati gegatapanyilwa uwusafu, na munsiku zisaanu tuhabhabhali ukwo Troa. Twihaye ukwo insiku saba.

\v 7 Isiku ilya kwanda ilya Mulungu, watwamili tubhunganile peeka anga tumenye umukati, u Paulo alonjile nabhaklisiti, amile akupaanga kusogola indabhi yakwe ipo ahabhala kulonga mupaka uwusiku uwa manane.
\v 8 Kwamile nivihozyo ivwinji kulupitu ulwa kumwanya pe twali tubhunganile peeka.

\v 9 Pidilisha ali ayihaye ukijana weka itawa lwakwe Utiko, we alemiwe nutulo utwinji. We wope u Paulo akulonga kuhabhalilo ahatali, ukijana unu, amile asupiliye, ahalenda pasi kuma kumwanya kulupitu ulwa pasi kuma kumwanya kulupitu ulwa wutatu bhamusebhile ahabha afuye.
\v 10 Ileelo u Paulo ahiha pasi, ahayigolosya wuyo wene pamwanya yaakwe ahamukumbantila. Kisha akasema, "Msikate tamaa, kwa kuwa yu hai."

\v 11 Ipo ahazubha awinza kwigolofwa pe amenya umukati, ahalya. We alonga nabho kuhabhali ahatali paka kuhasha, ahasogola.
\v 12 Bhahamuleta ukina ula mwumi bhajinjizanya nifwa.

\v 13 Itwe tuneetwe twalongoleye kwilongolela yabho u Paulo kumbokoso tuhabhala Aso, we itwe twapangine kumweega u Paulo ukwo. Iha he wuyo ahanzaga kubhomba kwekunti apanjile kubhala kujenda kunsi nyumu.
\v 14 Watuloleha ukwo Aso, tuhamupandizya mumbokoso tuhabhala Mitilene.

\v 15 Awinza nitwe tuhafiha kukwo nisiku ilya wubhili tuhabhala imbali iya wubhili uwahalizi aha Kio. Isiku lyelihafwaata, tuhabha kushisi cha Samo, indabhi yakwe tuhafiha muhaya iya Mileto.
\v 16 Kwekunti u Paulo ayamuye kushuula kushilila Kuefeso, inge kunti atahabhomba ahabhali hohondi nula Muasia; kwekunti ahalambine kufiha Kuyerusalemu kunongwa iyi sikukuu iyi Pendekositi, anyayawehine awene kubhombasho.

\v 17 Kufuma Mileto ahasondelezya abhandu paka Kuefeso na ahabhabhilishila azehe abha vibhanza.
\v 18 Webhafiha kukwakwe, ahabhabhuzya, imwe munemwe mumanyile kufuma isiku ilya kuwandilo wenahanyi ipa Asia, anza shenali kukwinyu ahabhalilo hondi.
\v 19 Imubhombeye Umweene kuwu poole wondi na kumansozi, namayimba geganajile ine kumwone Wabhayahudi.
\v 20 Mumanyi she napotilwe kuyidinda kulalasya kukwinyu, nawinza ine she nabhamanyizizye, abhulobhulo awinza kubhala inyumba ni nyumba.
\v 21 Mumanyile ine winza shenelele eye kubhasoha Abhayahudi nabhayunani kunongwa ya lwitiho lwa Mulungu nulusubhilo lwa Mweene witu u Yesu.

\v 22 Nishi, yenyaji, ine anga nabha ingu mwintiha umupepu umufinjile kubhali Kuyerusalemu, intamanyaje amambo gegagafumila ine ukwo,
\v 23 ileelo kwekunti umupepu umufinjile akumbuzya ene mwondi muhaya pe akulonga kunti iminyololo iyamayimba vinivyo vwe vikuguliila.
\v 24 Ileelo ine atakwiniliye kunti uwihalo wani widala lwolwondi ilibeyi kukwani, ingi mbwezye kumala injendo zyani nimbombo yenaposheleye kwa Mweene u Yesu, kupanjila amazwu aga wila wa Mulungu.

\v 25 Nishi, yeenya, imanyile kunti bhondi, muhanti mubhala mwenabhalile kubha lumbilila uwumwene, te muhandole kumiso awinza.
\v 26 Ileelo ingubhanjila umusanyunu kunti indali nikoosa kwa mundu wowondi.
\v 27 Kwekunti indayididile kubhalalasizya uwinza wondi uwa Mulungu.

\v 28 Ileelo mubhanje amiso imwe munemwe na kubhamwabho abhinji bhobhondi bhe umupepu umufinjile abhabhishile imwe kubha mwabhenyelezyi mubhanje amiso kusunga impuga ya Mweene, ye akalile kwibhanda lyakwe wuyo.
\v 29 Imanyile kunti wenasogola ine, imbwa iyamwi lala ihali zitiyinji kukwinyu, natabhahalituyi impuga.
\v 30 Imanyile kunti nimwe mukasiyinyu munemwe bhamu abhandu bhahayinza nakulonga gega kuteezya, inga bhabhakwese alandanti bhabhafwate bheene.

\v 31 Ileelo mubhe amiso, kumbuhaji kunti amaha gatatu antawezizye kuleha kubhamanyizya kila weka winyu kumansozi uwusiku na shamusanya.
\v 32 Ishi ine inkubhabhiha kwa Mulungu, nakwuzwu ilya wila wakwe, lyelinga wezya kubhazenga, nakubhapa kugala peeka na bhondi bhebhabhishile kubhaposhela kwa Mulungu.

\v 33 Indasungushile ihela izahabu, awe ameenda.
\v 34 Mumanyile imwe munemwe kunti inyombe izi zimbiye vwingwanza ivwani nuneene navwingwanza ivwabhala bhebhali peeka nine.
\v 35 Ila kugondi nabhapiye ishiholanyo azishi shikwanzilwa kubhavwa abhasungamu kubhomba imbombo, nashe yikwanzilwa kukumbuha amazwu ga Mweene Uyesu, amazwu ge wuyo wene alonjile: "Kwashi kupa tekunti bhakupanje."

\v 36 We alonga shinisho, ahasugamila ivisugamo ahapuuta peeka nabho.
\v 37 Bhondi bhahalila ahani nakumugwila u Paulo munsingo nakutambila.
\v 38 Bhasungamile hani kugondi kunongwa yahala halonjile, kunti nalumo tebhahamule kumiso yakwe awinza. Pebhaha muloleela musitima.

\c 21
\cl Sura ya 21
\p
\v 1 Ahabhalilo hetwanili twalehana nabho, pe tukushula mwansumbi, tuhafiha yiho kuhaya iya kosi, indabhi yakwe muhaya iya Rodo, nakufuma ukwo tuhafiha muhaya iya Patara.
\v 2 Wetwapaanda mumbokoso yihafumilaga kubhala ku Foinike, tuhapanda tuhabhala.

\v 3 Wetwafiha pilongolela iya shiwa ishe Kipro, tuhayileha kumbali iyikamomgo, tuhashula paka ku Siria, tuhatuzya muhanti ukwo kwi mbokoso ihaziwaga i Tiro, kwe kunti ukwo kwi mbokoso ihaziwaga itule ivindu vwakwe.
\v 4 We twabhalola abhalondati, tuhihala ukwo insku saba. Abhalandanti ibha bhahamubhuzya u Paulo kushilila kwa mupeepu kunti wene atahanyaje Kuyerusalemu.

\v 5 Poope winsiku zila zya kwila itwe, tuhasogola tuhabhala izyitu bhulo, bhondi peeka, nabhashi bhabho nabhana bhabho, bhatuloleleye mumadala giitu paaka wetwauma kunzi muhaya. Pe tuhasugamile pilala, tuhapuuta, tuhalaga na kila mundu.
\v 6 Tuhapanda imbokoso, uku abhene bhaduga kuhaya kukwabho awinza.

\v 7 Poope we twaama kushula kwitu kufuma Tiro, tuhafiha Tolemai. Pala tuhalamuha abhaholo, petuhihala nabho isiku lyeka.
\v 8 Indabhi yakwe tuhasogola tuhabha ku Kaisaria. Itwe tuhinjila munyumba mwa Filipo, umulumbilili uwutumi, wamali weeka kubhala saba, nitwe tuhahala peeka nawo.
\v 9 Umundu unu ali nabhalindu bhani bhe bhatabhanyile abhasahala bhe bhatabiliye.

\v 10 We bhihala ukwo insiku zimo, ahiha kufuma Kuwuyahudi umukuwi weeka webhantinji wu Agabo.
\v 11 Awene ayinzile kukwitu ahega umukanda wa Paulo. wunoyo ahayipinya ivina ni nyombe zwakwe wayo na kulonga, "Umupepu umufinji ahalonga ishi," "Abhayahudi ibha Kuyerusalemu bhayimukunga umundu we alinumukanda unu, bhope bhahayimupa munyobhe mubhapaanzi."

\v 12
\v 14 We twivwa amaambo igo, itwe nabhandu bhebhahihalaga pala twamubhuzizye u Paulo atahazubhe kubhala Kuyerusalemu.
\v 13 Pu Paulo ahagalusya, "Mukubhomba hooni, mukulila nakuvuza umwoyo wani? Kwekunti ine initishile, tekukunga basi, ileele nakufwila ukwo Kuyerusalemu kunongwa yitawa lya Mweene u Yesu," Kwe kunti u Paulo atahazaga kusonga nyula tuhaleha nakulonga, "Pemulugano lwa Mulungu nalubhombeshe."

\v 15 We insi izi, tuhega amafuku gitu auhazubha Kuyerusalemu.
\v 16 Bhamu abhalandati kufuma Kaisaria awinza bhahatufwaataga itwe. Bhamuleta umundu weeka bhahatinji Mnasoni, umundu uwa Kipro, umulandati uwimaandi, we twihaye nawo.

\v 17 Wetwafiha Kuyerusalemu, abhaholo bhatubhilishila kuluseshelo.
\v 18 Indabhi yakwe Upaulo ahabhala peeka nitwe kwa Yakobo, nabhazehe bhondi bhalipo.
\v 19 We twabhalamuha, ahabhapa imbantiho, weka weka, amambo ge uMulungu gabhombile mukasi yabho abhapanzi kushilila imbombo yakwe.

\v 20 Ahabhalilo webhivwa igo, bhahamusalifwa u Mulungu, pebhahamubhuzya, "Ukulola wa mwitu, kuli ielufu zilinga bhebhitishile muhati Muyahudi. Bhibho bhondi bhakwa kulema indajizyo.
\v 21 Bhabhabhuzizye kunongwa yaho, kunti ukumanyizya Abhayahudi bhebha kwihala muhanti mubhapanzi kulehana nu Musa, nakunti ukubhabhuzya kuti bhataataje abhana bhabho, nafatafwataje amiho agimaandi.

\v 22 Tukwanzilwa tubhombe ilyooni? Anahabhili bhantiyivwe kunti iwe uyinzile.
\v 23 Ipo bhomba hala itwe tukukulabha ishi: Tuli nabhandu bhani bhebhabhishile ifingo.
\v 24 Bheje abhandu ibha uyoze wewe peeka nabho, na ulipile ihela zyabho, anga bhawezye kukaata amatwe gabho. Ipo kila mundu apaate awinza ufwataje indajizyo. Watajifunza kwamba wewe pia unafuata sheria.

\v 25 Ileelo kumpembu izyabhapanzi bhe bhebha bhakilisiti, twandishile na kufumwa indajizyo kunti bhakwanzilwa kuyefwa ni vindu vwe bhafunizye kuvifwani, ni bhanda, kufumilana nahala he bhanyonjile nabhayefwe nuwubhembu."
\v 26 Pe, Upaulo ahabhatwala abhasahala, ni siku ilya wubhili ahayozya wuyo peeka nabho, ahinjila mushibhanza, kulalasya isiku izya kuyozya, paka ifinjile yifume kunangwa ya wekaweka wabho.

\v 27 Insiku izyo saba wezyapalamila kusila, bhamu Abhayahudi kufuma Kuasia bhaha mulola u Paulo Mushibhanza, ni mpuga bhaha vitwa bhaha bhaha mugolosheza inyobhe.
\v 28 Bhali bhakuhoma ishongo, "Abhandu ibha Kuisraeli, twavwe, unu we mundu wakumanyizya abhandu popondi pala amabo ge shingunga nabhandu, indajizyo, panapa. Awinza abhaletile abha Yunani pahati pashibhanza ukupananganya ipa apafinjile."
\v 29 Kwe kunti kuwandili bhamili bha muwenyi Trofimo Muefeso alipeka na wo muhaya, bhope bhahantinji u Paulo amuletile mushibhanza.

\v 30 Ihaya yondi yamile nishango, na bhandu bhahashimbila peeka nakumulema u Paulo. Bhaha mufumwa panzi pashibhanza, imilango panapo yihayigolila.
\v 31 Webhakulinjizya kumugoga, impembu ziha mufishila umusongo uwi jeshi ilya bhakolokoloni kunti i Yerusalemu yondi yizuye uwuyanzi.

\v 32 Panapo bhulo ahabhega abha kolokoloni na bhajemedali ahayishimbilila impuga ahabhalilo abhandu webhamulola umusongo uwijeshi nu kolokoloni, bhahaleha kumuhoma u Paulo.
\v 33 Ipo umusongo uwi jeshi ahamusejelela na kumulema u Paulo, ahamula apinywe ni minyololo yibhili. Aha mubhuzilizya iwe wananu ubhombile ilyoni.

\v 34 Bhamu abhandu pambuga bhamile bhakudwegana ilinili na bhamwabho, ilya mbuabho. Kwe kunti jemedali atahawezya kubhabhuzya lyolyo kunangwa yishongo, ahanula u Paulo bhamule muhanti mungome.
\v 35 Pe wafiha pizubhilo ukolokoloni ahamwega kunongwa yawuyanzi wa uwimpuga.
\v 36 Kwe kunti impuga iyabhandu bhahamufwata kumo bhakuhoma ishoongo, "Mweefwe unu!"

\v 37 U Paulo webhakumuleta muhanti munyumba, ahamubhuzya umusongo uwi jeshi, "Ibwezizye kukubhuza ahandu?" Ula umusongo uwi jeshi ahalonga, "'Ileelo, ukulonga Shiyunani?
\v 38 Ileelo, iwe tewa mumisi ula we kuwandilo ayejile amabuda amabhibhi nakugalogola bheheli elfu zini muilala?"

\v 39 U Paulo ahalonga, "Ine na Muyahudi, kufuma muhaya iya Tarso iya Kilikia. Ine na muhaya muhaya yeyivwishile, ikubhalaabha, munintishizye indonje nabhaandu."
\v 40 We umusongo amuintishizya, u Paulo ahimilila pamwanya ahafumwa ishilolesyo kubhandu kunyobhe yaakwe, wekwali kupumile nywe ahani ahalonga nabho kushi Ebraniya. Ahalonga,

\c 22
\cl Sura ya 22
\p
\v 1 "Bhaholo na muyise bhani, tejelevwu kubhalambila kwani gihayibhabhombela ishi."
\v 2 Impuga we yivwa Upaulo akulonga nabho kusheebulaniya, bhahapuma. Ahalonga,

\v 3 Ine na myahudi, ipapilwe muhaya iya Tarso kumbali iya ku Kilikia, alelo nabhazizye isukulu muhaya yinini muvinama vwa Gamalieli. Bhamanyizizye kufwatana nida ilyiza ni dajizyo izya bhayise bhitu ie namaha aga Mulungu, anzimwe mwendi shemu umusanyunu.
\v 4 Nabhayivwizye kwidala ili paka kufwa; ihabhapinya abhasahala na bhandanda nakubhataga mwijeela.
\v 5 Pope umuputi nabhazehe bhondi bha wezizye kufumwa uwuketi, kunti naposheleye ikalata kufuma kukwabho kunongwa ya bhaholo bhebhali ku Dameski, kukwani ine kushula kubhala ukwo, yamili yakunti imbalete abhandu Kuyerusalemu abhidala lila inga bhapinywe na kuteswa.

\v 6 Ihabha kunti pala penali ungushula napalamila Kudamesiki, ahabhali ahashamusanya panapo bhulo uluhozyo ulupinti luhafumila kumwanya luhanda kuhozya.
\v 7 Ihagwa pasi ihizwa izi likumbilishila, 'Sauli, Sauli hooni hukuvisya?'
\v 8 Ihagalusya, 'Iwe wanaanu, 'Mweene?' Umweene ahambuzya, 'Yimilila nauyinjile Mnazareti, ukwo bhantikubhuzye kilahandu hukwanzilwa kubhomba.'

\v 9 Nabhali bhali peeka nine bhaha lulola uluhozyo, ileelo bhativuye izi lya wula walonjile nine.
\v 10 Ihalonga, 'Ihozye bhuli, Mweene?' Umweene ahambuzya, yimilila nauyinjile ku Dameski; Ukwo bhantikubhuzye kila handu hukwanzalwa kubhomba.'
\v 11 Itawezya kulola kunongwa ye umuanga wiluhozyo, pihabha ku Dameski kwa kulongozwa ninyobhe zabhala bhebha nine.

\v 12 Ukwo ihahomama nundu webhakunti u Anania, alimundu walemile uwamulo weha mushindihaga pilongolela ya Bhayahudi bhondi bhebhahihala ukwo.
\v 13 Ahinza kukwani, ahimilila pilongole yani, pe ahalonga, 'Holo wani Sauli, utale kulola.' Kuhabhalilo hahala ihalola.

\v 14 Ahalonga, 'Umulungu uwabhayise bhitu akusebhile iwe umanye kumanya uwinza wakwe, kumulola ula uwanayoli, nakwivwa izi lyelikufuma mwilomu lyakwe.
\v 15 Kwe kunti uhayibha wa mukeeti wakwe kubhandu bhondi kugala ge wagawenyi na kwivwa.
\v 16 Ishi leelo hooni hukugwelila? Damuha, uyozelwe, huyozye imbibhi zyaho, ulitehaje itawa lyakwe.'

\v 17 Weaduga Kuyerusalemu, pe windi pakupuuta muhanti mushibhanza, ihafumila kunti ihapewa kulola.
\v 18 Ihamulola akumbuzya, 'Hima fuma lubhile Kuyerusalemu ukwo, kwekunti tebhahitishe impanjilo zyaho kuline.'

\v 19 Ihalonga, 'Mweene, bhibho bhene bhanyile nabhakunjile mwijeela nakubhama bhala bhehakwintishile kila shibhanza.
\v 20 Ni bhanda lya Stefano umukeeti waho webhaha mwita, Nine namile inimiliye papipi na kwintiha nali inimililiye amenda agabhala bhebha muzulile.'
\v 21 Ileelo ahambuzya, 'Pebhalaga, kwekunti ine ihayikusondelezya ubhale ukutali kubhandu abhapanzi."

\v 22 Abhandu bhahamwintishizya alonjo kunongwa yizwi ili. Ileelo panaapo bhaha dandizya amazi nakulonga, "'Mwefwe umundu unu munsi: kwe kunti temwinza ayihale."
\v 23 Webhali pe bhakulola amazi na kutaga amenda gabho nakusumba ulusulo ku mwaanya,
\v 24 jemedali umusongo ahamula bhamulete u Paulo muhanti, ahamula bhamubhuzilizye uku akuhomwa indisa inga wuyo wene amanye kunti honi bhakumuhomela ishongo anza shishila.

\v 25 Pe webhamupinya ningusa, u Paulo ahamubhuzya uajida wayimiliye papipi nawo, "Aleele! Yoli imwe kumuhoma umundu we Mrumi nawashili kulongwa?"
\v 26 U Akida ula wayivwa amazwi igo, ahabhala kwa jemedali usongo kumubhuzya, ahalonga, "Ukwanza kuhozya honi? Kwe kunti umundu unu Mlumi."

\v 27 U jemedali ahinza nakumubhuzya, "Nambuzye, iwe wa muhaya wa Rumi?" UPaulo ahalonga, "Ee."
\v 28 Ujemedali ahamugalusya, "Kufwatana ihela inyinji pihapata uwuhaya." Ileelo u Paulo ahamubhuzya, "Ine na Mulumi wakupaapwa."
\v 29 Ileelo bhala bhali bhintishile kubhala kumubhuzilizya bhahasogola nakumuleha ahabhalilo hanaho. Ujemedali wope ahogopa, wamanya kunti u Paulo Mulumi kunongwa ye amukunjile.

\v 30 Isiku lyelihafwaata, ujemedali umusongo ahanzaga kumanya izyanayoli kunti uwulonji wa Bhayahudi kwa Paulo. Ipo ahamusatula uwupinye wakwe ahamula abhasogo abha puunti ni balaza lwondi bhahomane, ahamuleta u Paulo pasi nakumubhiha pakasi yabho.

\c 23
\cl Sura ya 23
\p
\v 1 U Paulo ahabhenya nzila bhulo abhandu abha mwibalaza nakulonga, "Bhaholo bhani, inihaye pilongoleela ya Mulungu kukwino inyinza paka ishi musanyunu."
\v 2 Umupuuti umusongo u Anania ahabhamula bhala bhebhimiliye papipi nawo bhamu dinde kwilomu lyakwe.
\v 3 Pu Paulo ahamubhuzya, "'UMulungu ahayikuhoma iwe, ulubhumba lwe bhapashi le uwolongo, wihaye wukundonga kuwamulo niwe pu kubhamula ihomwe ishingunga nindajizyo?"

\v 4 Bhala bhebhimiliye papipi nawo bhahalonga, "Ishi shu kumuliga umuputi umusongo uwa Mulungu?"
\v 5 U Paulo ahalonga, "Bhaholo bhani, ine itamanyile kunti unu we mupuuti usongo. Kwe kunti yisimbilwe, tuhalonje ahabhimbi pamwanya pa mwilili ubhandu bhaho."

\v 6 U Paulo walola kunti imbali yeka iyi balaza bhabha Sadukayo pe bhamu Bhafalisayo, ahahola izi nakulonga, bhaholo bhani, ine na Mfalisayo, umwana wa Mfalisayo. Kwe kunti ingusubhila kuma kuzuha kubhafwe bhe ikulongwa nabho."
\v 7 We alonga igo, kudalihana ukumpiti kuhabha abha falisayo nabha Sadukayo, nubhungano luhasataana.
\v 8 Kwekunti abhasadukayo bhakulonga kutalipo kuzwuha, abhahabhizya bhope nabhamu umupepu, ibhene Afalisayo bhakulonga gondigo galiipo.

\v 9 Uwuyanzi uwupinti wuhafumila na bhamu abhasimbi bhebhali imbali ya Bhafalisayo bhamilila na kubhuzilizanya bhahalonga, "Tutalola nahamu ahabhibhi kwa mundu unu. Bhuli anga umupepu awe uhabhizya alonjile na weene?"
\v 10 We kuhabha imbuzilizyo imbiti umusongo uwabha masinjala ahogopa kunti u Paulo hani bhamdebulanyinye ivibeza vibeza na bhene ipo ahabhamula amasinjala bhishe pasi nakumwega kumaha kufuma bhonji abhi balaza nakumuleta muhanti.

\v 11 Uwusiku wewahafwaata Umweene ahimilila papipi nawo nakulonga, "Utogopaje, kwe kundi umpanjile mu Yerusalemu, ipo uhayifumwa uwukeeti awinza na ku Roma."

\v 12 Wekwaasha, bhamu Abhayahudi bhahabhomba ulwivwano nabhilishila umuhosi kwajili yabho bhibho, bhahatishi te tulye awe kumweela hohondi paka pe bhahayimugoga u Paulo.
\v 13 Kwamile nabhandu bhebhashilile amashumi gani bhebhabhombile ijama ini.

\v 14 Bhahabhala kubhasongo ibhabha puuti nabhazehe na kulonga, "Tuyibhishile tuneetwe kushigune ishi mpiti tutalyanje angaheeka paka tuhamulole u Paulo.
\v 15 Ipo ishi ibalaza limubhuzye jemedali umusongo amulete kukwinyu, unganti muhayi mugoga indabhi ahinza. Kukwitu itwe twitishile kumugoga poope shashili kwinza ipa.'

\v 16 Ileelo umwana wayilumbu wakwe Upaulo ahivwa kunti kulinjama, ahabhala ahinji muhanti iyi ngome nakumubhuzya u Paulo.
\v 17 U Paulo ahamubhilishila Uakida weka na kulonga, "Mweje umutunda unu kwa jemedali; Alelo ali nizwu ilyakumubhuzya."

\v 18 Pe uakida ahamwega umutundu ula ahamutwala kwa jemedali umusongo ahalonga, "Paulo ula umupinywe ambilishiye ahanzaga ikuletele umutunda unu kukwaho. Ali nizwu ilwa kukubhuzya."
\v 19 Ujemedali umusongo ula ahamulema inyobhe ahayibagula nawo pambali pe ahamubhuzilizya, "Handu honi hu kwaanza kumbuuzya?"

\v 20 Umutundu ula ahalonga, "Abhayahudi bhivwana kunti umulete u Paulo indaabhi kwi balaza kwe kunti bhakwanza kumanya imbembu zyakwe kuwana yoli ahani.
\v 21 Ishi iwe utitihaje kwe kuti abhndu bhebha shilile amashumi gani bhakuzijila bhayi pinyila nishigunwe, bhatalyanje awe bhatamwelaje paka pe bhahamulole, poope ishi bhitishile, bhaguliye uwamulo kufuma kukwaho."

\v 22 Pe ujemedali umusongo ula ahamuleha utunda abhale zyakwe, we amulajizya "Utamubhuzyaji umundu angaweka kunti umbuzizye iga."
\v 23 Ahabhabhilishila maakida bhabhili ahalonga bhabhishe ahinza masinjala imwa zibhili kubhala Kaisaria nabhamasinjala bhebha kupanda ifalasi amashumi saba, yeyili ni mipalala imwa zibhili, mutisogole izamu iyawutatu shawusiku.
\v 24 Ahabhabhuzya kubhiha ivihano tayali vwe Upaulo atibhombele na kwega ahinza kwa Feliki Gavana.

\v 25 Ahandiha ikalata azishi,
\v 26 Klaudio Lisia kwa Liwali umwinza Feliki, nakulamuha.
\v 27 Umundu unu alemiwe nabhayahudi bhahabha bhapalamila kumugoga, pihabha peeka nabha masinjala ihamutula, wenamanya kunti muhaya uwa kulumi.

\v 28 Ihazaga kumanya kunti hooni he bha musitakile, ipo iha mutwaala kwi balaza.
\v 29 Ihalola kunti amili bhamusitakile kunongwa yimbuzilizyo iyi ndajizyo yabho, pe bhatamusitakile nizi nalimo lyelihazilwaga kumugoga awe kukungwa.
\v 30 Ileelo yihamanyiha kuwani kunti kuli ni njama kwa weene, ipo kuhalaganya kuku musondezya kukwaho, nakubhalajiza bhebhakumusitaaka awinza bhalete zyebhakuwusitaaka awe pilongolela yaho bhahalagana.

\v 31 Pe bhala abhamasinjala bhahitiha indajizo: Bhaha mwega u Paulo bhamutwaala na Antipatri sha wusiku.
\v 32 Isiku lyeliha fwaata, abhamasinjala abhinji bhahabhaleha bhala abhapa falasi bhabhale peeka nawo, bhope bhahaduga ulwabho muhanti.
\v 33 Pe abhandu falasi webhafiha Kaisaria, nakumupa uliwali ikalata lila, bhaha mubhiha u Paulo pilongolela yakwe.

\v 34 Wope uliwali wayimilila paapipi, alimuuliza Paulo wafumiye ijimbo lilikwi, wamanya kunti mundu wa ku Kilikia,
\v 35 ahalonga, "Ihayi kwivwa iwe we bhinza bhala bhebha kusitakile," ahamula bhamubhishe muhanti muikulu iya Herode.

\c 24
\cl Sura ya 24
\p
\v 1 We zyashila insiku zisanu, Anania umuputi usongo, abhazehe bhamu nu nakulonga weka amile Tertulo, bhahala pala. Abhandu ibha bhaletile inongwa iya Paulo kwe Gavana.
\v 2 U Paulo we ayimilila pilongolela ya gavana, tertulo ahanda kumusitaka na kulonga kwa gavana kunongwa yaho tuwihalo uwupiti; na kumaono gaho galetile ulwanduho ulwinza munsi yitu;
\v 3 Ishi kulusamalizyo lwondi tukuposhela hohondi hukubhomba, kuwinza mushindishe u Feliki.

\v 4 Ileelo indakulisyaje haani, ikukubhuzya natejelevwe amazwi gatibhulo uwupi waho.
\v 5 Kwe kunti twamwaliga umundu unu muyanzi, we akubhazya Abhayahudi bhondi kubhomba imbibhi, munsumu anihabhili mulongozi uwa makanisa iga Wanazorayo. galeme, imbali iya mazwi iga mulwoli 24:6
\v 6 Awinza ahalinjizyaga kulibhiha uwubhibhi shibhanza ipo tuhamulema, atalipo mumakalatasi amiza agimaandi wuleme ilwoli nu.

\v 7 Lisiasi, umulongozi ayinzile nahamwega kumaha munyobhe zyitu, utalipo muwusimbe uwinza uwimandi)
\v 8 Anga wamubhuzilizya Upaulo kuganago, tanza zimanye kunti handuhoni he tumusitakile."
\v 9 Abhayahudi bhope bhahamusitaka u Paulo, bhahalonga kutishi ganago gamile ganayooli.

\v 10 Uliwali wamuloleshezya inyobhe anga u Paulo alonje, Paulo ahagalusya, "Imanyile kunti kumaha aminji namili na mwaamuli uwa wandu ibha, pe ndi nuluseshelo kulonga nuneene kukwaho.
\v 11 Uwezizye usimishizye kunti zitashilile insiku kushila ishumi na zibhili kufuma penazubhile kubhala kuputa Kuyerusalemu.
\v 12 Pe wenaga mushibhanza, indadalihine numundu numo, pope indabhombilea uwuyanzi pampuga, awe muvibhanza awe muhanti muhaya;
\v 13 Poope bharangawezya kusimishizya kukwaho inongwa zye bhakusitakila kushila ine.

\v 14 Ileelo inkulaamba kukwaho, kunti idala lila lye bhakunti izehebu, kwidala linilyo ikumubhombela uMulungu uwa bhayise bhitu, ine namundu bholo kugondi gegali, muwamulo na musimbe uwa bhakuwi.
\v 15 Indi namaha gagala kwa Mulungu we nabhula bhakugulila kwinza kwakuzwuha kuwufwe, kubhondi abhanali babhete bhanayoli;
\v 16 Pe kulili, ingubhomba imbombo inga imbe nizyakubhomba yeyitali nu bhibhi pilongolela ya Mulungu napilongolela ya bhandu kushilila amambo gondi.

\v 17 Ishi leelo we amaha minyi inizile kuleeta insamalizyo kuhaya yani nifalifwo iyi hela.
\v 18 Wenabhomba ishi, Abhayahudi bhamu abhabhibhi bhahanaga muhanti mushelehe iya uwozwi muhanti mushibhanza pepatali impuga iya bhandu awe ifuujo.
\v 19 Abhandu ibha bhebhakwanzilwa kubha pilongolela yaho isaalizi nabhalonje hala hebhali naho kukwani anangabhali ni zwu lye bhagalonga lwolwondi.

\v 20 Awe abhandu ibha bhibho nabhalonje wubhibhi woni webhawuwenyi kukwaniwe nimiliye piloongolela pi balaza ilwa Bhayahudi;
\v 21 Yoli kwamile nahandu heka henalonjile kwinzi impiti wenimiliye pahanti yabho, 'kukunongwa ya kuzwuha kubhafwe imwe mukundoonga."

\v 22 Feliki bhamile bhamubhuzizye ahinza kunoongwa yidala, pe aha wulehanya ulubhungano. Ahalonga, "Lisia jemedali wayinza pansi kufuma Kuyerusalemu ihayifumwa uwamulo kushila gala ge mwamusitakile imwe."
\v 23 Pahamwamu uakida amule u Paulo, ileelo abhe ninafasi poope atahabhe umudu uwakubhahana abhamanyani awe kumuyatila.

\v 24 Wisiku zimo zyashila, u Feliki ahaduga nu Drusila umushi wamali Myahudi, ahabhasondelezya kumubhilishila u Paulo pe ahatejelevwa impanjilo kufuma kukwakwe izya lwitiho muhanti mwa Klisiti Yesu.
\v 25 Ileelo u Paulo wali akubhuzilizanya nabho kungwa izyanayoli, kubha nuwatii nuwulonji wewukwinza, u Feliki ahogopa ahalonga, "Bhalaga ukutali ishi, ileelo anganapa ahabhalilo winza ihayinza."

\v 26 Ahabhalio hanao, asubhiye kunti u Paulo antimupe ihela ilele ahamubhilishilaga ahinjibhulo kulonga nawo.
\v 27 Ileelo wa amaha gabhili gashila, Porkio Festo ahabha mulonji kupwanila pa Feliki, ileelo u Feliki ahanzaga kuyilolesya Kubhayahudi, ipo ahamuleha Upaulo bhakumwenyelezya.

\c 25
\cl Sura ya 25
\p
\v 1 Pu Festo ahinjila mwijimbo ilwo wezyashila insiku zitaatu ahabhala kufuma Kaisaria paka Kuyerusalemu.
\v 2 Umuputi umusongo uwabhayahudi wamanyishile bhahaleta uwuyanzi wu Paulo abhombile u Festo, nabhanjoli kumaha kwa Festo.
\v 3 Pe bhamulabhile Festo amwavwe kushila imbembu zya Paulo awezye kumubhilishila Kuyerusalemu inga bhalwezye kumugoga mwidala.

\v 4 Ileelo u Festo ahagalusya ahanti u Paulo akungilwe ku Kaisaria, na kuti wuyo mwene ahayiduga ukwa nalubhilo.
\v 5 Ahalonga, "Kwe kunti bhala bhebha kuwezya bhawezizye kubhala ukwo nitwe. Anga kuli ahandu ahabhibhi kwa mundu unu, mukwanzilwa kumusitaka."

\v 6 We ayihala insiku naane awe ishumi nakushila, ahaduga ku Kaisaria. Pe isiku lwe lihafwaata ahihala mwitengo ilya wulonji nakwamula kunti bhamulete u Paulo kukwakwe.
\v 7 Weafiha, Abhayahudi kufuma Kuyerusalemu bhahimilila paapipi, bhahafumwa amanoongwa aminji amamwamu ge bhatawe zizye kugamanya.
\v 8 U Paulo ahalamba ahanti,'Te kuti Bhayahudi dihaa, awe ishibhanza, neteku Kaisaria, imbombile imbibhi.'

\v 9 Ileelo u Festo ahantinji ayilolesye Kubhayahudi, panapo amugalusya u Paulo na kulonga, 'Awe ukwanza kubhala Kuyerusalemu na kulongwa nine kumambo azagana ukwo?'
\v 10 Paulo ahalonga, ikwimilila pilongolela pitengo ilya wulonji ilya Kaisari ipo ikwanzilwa indongwe, itabhakoseye Abhayahudi, anziwe shu manyile ahinza.

\v 11 Ingi kosile nangi mbombile lyeli kwanzilwa kufwa, Itakuhana kufwa. Ileelo anga kulongana kwabho tehandu, numo umundu watanga mbiha kukwabho ingumulabha u Kaisari.'
\v 12 We u Festo kulonga ni balaza ahagalusya, "Kumulabha u Kaisari; utibhale kwa Kaisari."

\v 13 Winsiku zimo zyashila, umweene Agripa nu Bernike bhahafiha ku Kaisaria kubhomba kuyata yoli kwa Festo.
\v 14 We ayihala ipo insiku inyinji, u Festo ahatwala inongwa ya Paulo kwa mweene; Ahalonga, 'Umundu weka asyalile ipa nu Feliki anganti mufungwe.
\v 15 Wenali Kuyerusalemu abhapiti na zehe abhabhayahudi bhaletile amanongwa iga mundu unu ku kwaani bhope bhehabhuzilizya ulonji wakwe.
\v 16 Kulili ine ihabhagalusha kuntile mwata yabhaloma kumufumwa umundu kwa kwenya wetewuyo watulile akuanzilwa kubha ni nafaasi kubhalema bhebha musitakile kulama kuzye atulile izyo.

\v 17 Ileelo, webhinza peeka ipa, intaha wezya kugulila, ileelo isiku lyelihafwaata nihaye mushitengo isha wulonji nakumu umundu uyo bhamule muhanti.
\v 18 We abhasitaki webhimilila na nakusitaka, kunti kutali nakumusitaka apapiti ge bhalitile kushila awene.
\v 19 Peepanapo bhali nikazyo zimo peeka nawo kunongwa yikanisa yabho na kunongwa ya Yesu we amali afuye, ileelo u Paulo aweene akunti mwinzabhuulo.
\v 20 Namile bhasulishile kufwatalila ili, pe hamubhuzilizya anga bhalaga Kuyerusalemu kuloongwa ku mambo iga,

\v 21 Ileelo u Paulo we bhamubhilishila bhamubhishe pansi alindwaji kunongwa ya wamulo wa mweene, amuye bhamubhishe papa pihamutwale kwa Kaisari.'
\v 22 U Agripa alonjile nu Festo, "Nayigani awinza kumutejeelevwa umundu unu." " UFesto, ahalonga, "Indabhi uhayimutejeelevwa."

\v 23 Ipo indabhi yakwe, Agripa nu Bernike bhafishile na kusha ukwinji; Bhafishile muwukumbi nabhasongo abha masinjala, na bhandu bhebhamanyile pahaya, pe wu Festo afumwa uwamulo u Paulo bhamuleta kukwobho.
\v 24 U Festo ahalonga, "Mweene Agripa, na bhandu bhondi bhebhali ipa peeka nitwe, mukumulola umundu unu imbali yondi na Bhayahudi bhondi ukwo Kuyerusalemu nipa awinza bhakwanza imbapazye, na bhope bhaha homa ishongo kukwani kunti atadilaje.

\v 25 Pihalola kunti atabhombile ingalyeeka lye likwanzilwa afwe; ileele kwe kuti pa mubhishila umweene, ihamula kumutwala kukwaakwe.
\v 26 Ileelo indali nahandu ahakulosya hindi simbe kwa mweene, kwe kunti ili, imuletile kukwaho, alelo kukwaho iwe, umwene u Agripa, ingi naje imbe nahandu iha kusimba kulolesya inongwa.
\v 27 Kwe kunti nalola itali ni maana kumutwala umukungwe we utalolesizye insitako zyezimulemile.

\c 26
\cl Sura ya 26
\p
\v 1 Ipo, Agripa ahamubhuzya u Paulo, `Ukwanzilwa kulamba. 'Pu Paulo ahagolosya inyombe yakwe ahalamba ahanti.
\v 2 "Inkuyilola ishiye, umweene u Agripa, kunti ubhombe inangwa yani pilongola yaho umusanyunu inongwa zya Bhayahudi zyondi zye bhasitakile.
\v 3 Pe, kunti iwe wamumanyi wa miho ga Bhayahudi ni mbuzilizyo, ipo ukukulaabha utejeelwe kuwujimbilizu.

\v 4 Yoli, Abhayahudi bhondi bhamanyile shi kwihala kufuma kuwutunda wani muhanti munsi yaani Kuyerusalemu ukwo.
\v 5 Bhamanyile kufuma kuwandilo bhakwanzilwa kwitiha kunti nihaye anza Bhafalisayo, ikanise ilwa wimilili umuhali mwikanisa lyabho.

\v 6 Ishi inimiliye ipa indongwe kwe kunti ine nenyizye ulusubhilo lye u Mulungu abhombile na bhayise bhitu.
\v 7 Ulu lusubhilo lwe iviholo vwitu ishumi na vibhili vikugulila kuposheela anga bha mupuuta u Mulungu kumaha usiku nashamusanya kunongwa ya lusubhilo ulu, umweene u Agripa, kunti abhayahudi bhakunsitaaka.
\v 8 Honi wowondi muhanti yinyu akukwina kuti mayele uMulungu kuzwusya abhafwe?

\v 9 Ahabhaliho heka nakwiniliye nunene kunti hani nabhombile amabo aminjibhulo kushila itawa lya Yesu uwa Kunazareti.
\v 10 Nabhombile iga Muyerusalemu; Nabhakunjile abhaKlisiti abhinji mwinjeela pe nali nuwamulo kufuma kubhasongo, abhabha puti kubhomba isho, pe ahabhalio abhalahala nahomile ikula kushila abhene.
\v 11 Ahinjibhulo na tesile muvibhanza vwabho vyondi ihabhalinji zyaga kubhabhomba bhahane uluntiho lwabho. Nali numulaha hani kukwabho nanabhabhilile poope muhaya izya wujeni.

\v 12 Ahabhalilo wingubhomba iga, nabhalile Kudamesiki, nali nuwamulo nindajizyo kufuma kubhaputi abhasongo;
\v 13 Windi mwidala ahabhalilo ahashamusanya, umweene, ihalola uluhozyo kufuma kumwaanya lwe lwali luhali kushila izubha wuhala kutuzwungula ine nabhandu bhebhali bhakushula paka niine.
\v 14 Itwe twendi wetwagwa pasi, ihivwa izi likulonga nine likulonga kundongo iya Bhaebraniya: `Sauli, Sauli! Hooni hukumbilishila? Pakukwaho kupana nishinama mchokoo.

\v 15 Pihalonga, 'Iwe wanaanu, Mweene?' Umweene uwamayele, 'Ina na Yesu nukuteesa.
\v 16 Ishi yimilila uyimilile kuvinama vwaho; kwe kunti kulili ine naloleha kukwaho, nakusebha kubha wa ugamanyili ku kwani ishi nagamwabho gindikulanje pilongolela;
\v 17 na indi kutule kufuma kubhandu bhabhandu abhapanzi bhikukusotelezya,
\v 18 kubula amiso gabho nakubhefwa muhisi kubhala ukuzelu nakufuma mumaha ga setani bhamugalushile Umulungu; Inga bhapate kuposhela kufuma kwa Mulungu ulutuyilo ulwi mbibhi nkupwani wi mbapiye bhala bhenabhatejile nulwiho lweluli kukwaani

\v 19 Ipo, umweene u Agripa, itawezizye kunanganya isibho iya kumwaanya,
\v 20 ileelo, kubhala bhebha Kudamesiki asunti na winza Kuyerusalemu, ninsi yondi iya Kuyudea, awinza nakubhandu abhinsi zyinji, nahumbile kunti bhintishe na kumugalushila u Mulungu bhabhombe imbombo zyezikwazilwa kwitiho.
\v 21 Kunongwa iyo Abhayahudi bhandema mushibhanza, bhahalinjizya kungoga.

\v 22 Umulungu anavwizye pakishi ipo ikwimilila nakupanjila kubhandu abhashinisho nabhasongo kushilila ganago ge abhakuwi nu Musa bhalonjile gayifumila awe teshishinisho;
\v 23 Kunti u Klisiti lazima ahayiyimba na ahayibha wakuwandilo kuzwuha kufuma nakulalasya ulohozyo ulwa Bhayahudi nabhandu abhapanzi.

\v 24 U Paulo wamula kulaamba, u Festo ahalonga kwizwi impinti, 'Paulo, iwe kuyuwa kubhazya! kwaho gakubhiha ubhe ngati kuyuwa.
\v 25 Ileelo u Paulo ahalonga, Mimi si mwendawazimu, umushindishe u Festo; kumaha ikulonga izyanayo basi.
\v 26 Kunongwa yu mwene azimanyile zinizyo peipo, ikulonga kushigane kukwakwe kwe kunti imanyi kunti nahamu hahatafisilwe kukwakwe kwekunti ili litabhombishile kumbali.

\v 27 Aleelo, kwintiha ipuuto, mweene Agripa? Imanyile kunti ukwintiha.'
\v 28 U Agripa ahamubhuzya u Paulo, 'Kuhabhalilo ahafupi uwezizye kusonganya ine kumbiha na muklisiti?
\v 29 U Paulo ahalonga, "Ikumulabha u Mulungu kunti, kuhabhalilo ahafupi awe ahatali, tewewe basi, yoli kubhondi bhebhakutejelevwa umusanyunu, bhabhe anzine, ileelo angashishinisho, iminyololo iya mwijeela."

\v 30 Pe umweene ahimilila, nu liwali, nu Bernike awinza nabhala bhebhali bhihaye peeka nawo,
\v 31 webhasogola muwukumbi bhahahonjelezanya bhibho kubhibho nakulonga, 'Umundu unu atakwanzilwa kufwa awe kukungwa.'
\v 32 U Agripa ahamubhuzya u Festo, "Umundu unu hani amile ahinza bhulo atabhanje apilulaje kwa Kaisari."

\c 27
\cl Sura ya 27
\p
\v 1 Weyamuliwa kunti kwanzilwa kushula kuminzi kubha Kuitalia, bhamupa u Paulo nabhapinywe abhamwabho kwa musongo weka uwabha masinjala ilwa Kiloma wamali wu Julio, uwashipani isha Agutani.
\v 2 Tuhinjila mumbokoso kufuma Adlamitamu, ye yihatinji ijende mumbalimbali iya pwani ya Asia. Ipo tuhinjila mwasumbi. Aristaka kufuma Thesalonike iya Makedonia ahabhala peka nitwe.

\v 3 Isiku lye lihafwaata tuhafiha muhanti ya Sidoni, pe Ujulio amubhombeye uPaulo kuwupole na ahamuleha abhale kubhamanyini bhakwe kuposhela uwupole wabho.
\v 4 Kufuma ipo tuhabhala kwasumbi tuhashula kuzwangula ahahaya iha Kipro she shali shilemeleye kumbali kwe kunti upepo kwamile kutulemeleye.
\v 5 Wetwabha tushulile muminzi gegali papipi na ku Kilikia ni Pamfilia, tuhinza kumili ilaya iya Lisia.
\v 6 Pala ula ukiyongozi uwabhamasinjala abha Kiroma, ahayaga imbokoso kufuma Alexandria ye yamile kunti yishule kubhala Kuitaliya. Ahatupandizya muhanti yakwe.

\v 7 Wetwabha tushulile papala kunsiku inyinji pepala tuhabha twafiha kumayimba na Kinidas, ipeepu yitaha tuleshela anahabhili kubhala idala linilwo, ipo tuhashula mumbali mushi zundila isha Kukrete tukudunda ipeepu, mkabalani Salmone.
\v 8 Tuhashula mumbalimbi iya sumbi ni vinama mupaka tuhafiha pala pebhantinji Fari Haveni yeyihi papipi namuhaya iya Lasi.

\v 9 Twamile twejile ahabhalilo ahinji nifwa, nahabhalilo aha kuleha kulya Abhayahudi wuhashila, nishi yihanda kwogofwa kushula. Ipo Upaulo ahatusoha,
\v 10 na ahalonga, "Bhasahala, ingulola kushula kwe tukwanza kwanda itibhe nu wubhibhi nakuinjili lwa ukupinti tekunti ivilole nusumbi, ileelo nuwihalo witu."
\v 11 Ileelo umusongo uwabha masinjila ibha Kiloma ahamutejelevwa haani umweene wakwe na wamalemile imbokoso, kushila gala ge galongiwe nu Paulo.

\v 12 Kwe kunti ipepu patali pa kwihela ahabhali ahi pepu, bhebha kwojelela abhinji bhatupazya tushule kufuma paala inga kunamuna yoyondi tugawezya kufishila muhaya iya Foinike, twihale pala ahabhalilo ahipeepu. Foinike iyo pawufumililo ukwo Klete, pe yikwenya kukaskazini mashaliki na kusini mashaliki.
\v 13 Ipepu iya kusini we yanda kuvugula hansi hansi, bhebha kwojelele bhahalola kunti bhapaata hala hebhahahazaga. Bhakunya inanga nakushula mumbalimbali mu Klete mupipi ni pwani.

\v 14 Ileele we ahabhali ahafupi ipeepu ihali hani, yebhatinji iya kaskazini mashaliki yihanda kutuhoma kufuma kwisyila iya muhaaya.
\v 15 Wimbokoso ya yalemelwa na kupootwa kuvumilila ipepu, tuhitihana ni hali iyo tuhozwa nabho.
\v 16 Tuhashimbila kushila imbali yila, yihadindaga ipepu iya kuhahaya hebhakunti Kauda; na kumayimba haani twawezizye kwefwa ivituli.

\v 17 We bhabha bhayikwesanga, bhabhoye ulukusa kupinya imbokoso, bhahogopa kunti tungawezya kubhala ku mbali iya muchanga umwinji iya Syiti, ipo bhahisya inanga bhahabhapelega mumbalimbali.
\v 18 Twahomilwe kumaha hani ni zuluba ipo isiku lyelihafwaata bhebhakwojelela bhahanda kweefu ivindu kufuma mu mbokoso.

\v 19 Isiku ilya wutatu, bhebha kujelela bhanda kuefwa aminzi kunyobhe zyabho bhibho.
\v 20 Ahabaliho we izubha ni nyota zita tuhoziziye kunsiku inyinji, poope ipepuimbiti yatuhomile, nalusubhilo ulwa kuti bhatitwokole lwepile.

\v 21 We bhabha bhabhala ahabhalilo ahatali bhataliye ishakulya ipo u Paulo ahimilila pahanti pabhejeeleli ahalonga, "Ibhasahala, muhazilwaga kutejelevwa, nahani tutakunyile nanga kufuma Klete, inga tupate iga amabhibhi ni hasala.
\v 22 Pe ishi itubhajijizya muyipe umwoyo, kwe kuti tekuhabhe muteega uwihalo ka yinyu, ileelo ihasala mbokoso basi.

\v 23 Kwe kuti uwusiku we washilile uhabhizya wa Mulungu, we wuyo u Mulungu nine nawakwe, nawe ikumupuuta winza - uhabhizya wakwe ayimiliye mu mbali mumwaani,
\v 24 pe ahalonga, "Utogopaje Paulo. Yalazima uyimilile pilongolela ya Kaisari, pe yeenya, Umulungu kuwupole wakwe akupiiye ibha bhondi bhebha ni nafasi peeka niwe.
\v 25 Ipo, mubhasahala yipanje umwoyo, kwe kunti ikumwitiha Umulungu, kunti yihayibha azashemambuzizye.
\v 26 Ileelo lazima tuvwalale kwaku homwa muvisiwa vimo.

\v 27 Wewafiha uwusiku uwa ishumi na zini, wetwamile tukupelwa ukwo nukwo ku sumbi iya Adratik, ungati wusiku uwa saanaane ishi bhebha kwojelela bhaha fiha kunti bhapalanila insi inyumu.
\v 28 Bhahabhombelaga imililo kupima uwutali uwapasi pamizi bhapata imita salasini na sita, we ahabhalilo ahafupi bhahapima awinza bhahapata imita shilini na saba.
\v 29 Bhahagapa suti tuwezizye kuhomwa namivwa, ipo bhahisya inanga zini kufuma mu mumbali iya kubhishila inanga pebhalabha kunti ishilabhila hani shinza nalubhilo.

\v 30 Bhala bhebhakwejelela bhamili bhakwanza she bhagayileha ila mbokoso nabhahisya muminzi ivitua ivinsi vinsi ivwa kuponela uwihale pe bhaha yibhiha ungati bhakusumba inanga pilongolela iyi shituli.
\v 31 Ileelo u Paulo ula umasinjala uwi jeshi ilya Kuloma nabhala abhamasinjala, "Bhatanga wezya kusebha ileelo abhandu ibha bhakusyala mumbokoso".
\v 32 Pe bhala abhamasinjala bhaha dadula ingusa izyi boti yila pe bhahayileha iyegwe naminzi.

\v 33 We uluhozyo ulwa shilabhila weli lukufumila, u Paulo ahabhabhuzya bhondi ani mwalyanga ahansi bhulo. Ahalonga, "Ili lisiku ishumi na zini mukugulila she mutaliye na hamu.
\v 34 Ishi ikubhabhuza mweje ishakulwa ishinsi bhulo, kwe kunti ili kunangwa ya wihalo wingu; Hatalipo poope asisi mutwe kinyu lwe lintiteeje.
\v 35 We alonga shinisho, ahega ikati ahamusalifwa Umulungu pilongolela ya miso gakila mundu. Pe ahamesula ikaati ahandu kulya.

\v 36 Pe bhendi bhabha nu mwoyo bhaheya ishakulya.
\v 37 Twali abhandu 276 muhanti mumbokoso.
\v 38 Webhalya vwakwila, bhayibhihi imbokosu pupusu bhataga ingano muhanti mwasumbi.

\v 39 Weyabha shamusanya, bhatahayimanya insi nyumu, ileelo bhalola imbali iyinsi nyumu yiyinjiye muminzi yili nuselesenga umwinji bhahabhuzilizanya she bhagapela imbokoso kufiha pala.
\v 40 Ipo bhaha zegevwa inanga bhahazileha. Mwasumbi kuhabhalilo hanaho bhahazegevwa ingusa izyi tanga pebhayibhusya imbali iya kwilongolela kubhalila kupeepu, ipo bhahabhala imbali yiyila numuselesenga.
\v 41 Ileelo bhahinza imbali pe amajenje gahomanile gabhili aga minzi pisumbi ihabhala pamuselesenga nila imbali iya kwilongolela ya imbokoso ihafwama pala peyitahawezya kweepa, ileelo imbali iya kwilongolela iyi mbokoso ihanda kupwoteha kunangwa ya mabhili gwa amahali.

\v 42 Ipanzanyo izya bha masinjila bhala zyali zakubhagogwa abhafungwa, ili kunti numo we agasabha nakubhelenguha.
\v 43 Ileelo umasinjala ula uwi jeshi ilya Kiloma ahanzaga kumulefwa u Paulo, ipo ahimilisya ipanzanyo zyaho; pe ahabhamula bhala bhebha wezya kusabha, bhaluche kufuma mumbokoso ansuti bhabhale pansi inyumu.
\v 44 Pe abhasahala abhamwabho bhantilandate, abhabho muvibeza ivwi babho bhamu muvindu ivwamwabho. Kufuma mumbokoso kwidala ili yihabha kunti twendi tutifishe ahinza kunsi nyumu.

\c 28
\cl Sura ya 28
\p
\v 1 Wetwafiha ahinzabhulo, tuhamanya kunti ahasiwa iha bhakuti Malita.
\v 2 Abhandu abhahaya abhapala tekunti bhatuposheleye ishihaya, bhahapemba umwoto nakutubhishila twendi kunongu yi vula ni mpepu yeyali ikwendelela.

\v 3 Ileelo u Paulo wabhunganya izigo ilyingu nakubhiha mumwoto, injohha inyisi yeyili nisumu ihafuma mukwi zila kunongwa yamafuku pe ahayizwungulizya munyobhe yakwe.
\v 4 Abhandu abhahaya abhapala webhaloola ishihano shikwembela kufuma kunyobhe yakwe, bhahalonga bhibho kwabhibho, "Umundu unu yoli mugoji we abhelengushile kwasumbi, ileelo yoli itakwanzilwa abhe."

\v 5 Ileelo awene ahamusumbila unu ishihano mu mwoto ahapa uwubhibhi ngaweka.
\v 6 Abhene bhaguliye ayizule nizegema awe agwe panapo bhulo afwe. Ileelo we bha mwenya kuhabhalilo ahatali nakulola kunti hatalipo nahamu hehata kwanzilwa kukwakwe, bhahagalulanya ikwino zyabho nakulonga ali wu Mulungu.

\v 7 Ishi pala paapipi pali ni ninsi yeyamili ya musongo uwa hahaya, umundu wamali wu Pablio. Atubhilisheye nakuntulisya insiku zitatu.
\v 8 Ihaloleha kunti uyise wa Pablio alemwa nizegema nuwubhinu uwa kupeela. Pu Paulo wa bhala ahapuuta, ahabhiha inyombe pamwanya yakwe pe ahamuponwa.
\v 9 We ilyo lya loleha abhandu abhamwabho pahahaya hala bhebhali bhabhinu bhope bhahala bhahaponwa.
\v 10 Abhandu bhahatushindiha kuhashindiho ahinji, wetukuyipanganya kushula, bhahatupa vila vwe tuhanzaga.

\v 11 We gashila ameezi gatatu, tuhashula muhanti mumbokoso iya Iskanda yeyamile yihomilwe ni pepu pahahaya ipo, pabhalongozi bhakwe bhamile bhaholo bhabhili amapasa.
\v 12 Panapo wetwafiha muhanti muhaya iya Silakusa, twihaye paala insiku zitatu.

\v 13 Kufumila ipo tuhashula tuhafiha muhanti muhaya iya Regio. Welyashila isiku lye ka impepu iya kusini ihinza panapo bhulo wezyashila insiku zibhili tuhafiha muhaya iya Putoli.
\v 14 Ukwo tubhaga bhamu abhaholo pebhatubhilishila twihale nabho insiku saba. Kwidala ili tuhinza Kulumi.
\v 15 Kufuma ukwo abhaholo bhala, panapo we bhivwa impembu zyitu, bhinzile kutuposhela ukwo kumunalo uwa Apias ni Hoteli zitatu. U Paulo wabhalola bhala abhaholo ahamusalifwa u Mulungu ahayipa amaha.

\v 16 Wetwinjila Kuloma, u Paulo ahazilwa kwihala amweene bhulo peeka nu masinjala wamali akumwimililila.
\v 17 Ishi peeyihabha wezyashila insiku zitaatu u Paulo ahabhabhilishila peeka bhala abhasahala bhebhali bhalongozi muhanti mubhayahudi. Webhinza peeka, ahalonga nabho, "Bhaholo, peeka nakunti indubhombile ibhibhi angalyeka kubhandu ibha awekubho ishingunga nashebhanzaga abhayise bhitu bhebhalongoleye, afumizye unganti na mufungwe kufuma Kuyerusalemu paaka kunyobhe iya Warumi.
\v 18 We bhambuzilizya, bhahasunguha kundeha bhulo, kwekunti kutali nahamu kukwaani ine yiyikwanzilwa amayimba aga wufwe.

\v 19 Ileelo Abhayahudi webhalonga ishingunga isha shingane shabho, ihanzilwa kupilula shipwa kwa Kaisaria, alelo sheyitali kunti ikuleta isitako kushila itayifa lyani.
\v 20 Kunongwa yakupilukwani, ipo, ihalabha kubhalola nakulonga nimwe pe kwekunti yahala he Israeli ilinamaha kuhanaho, ipinyile nuwupinwe unu.

\v 21 Ipo bhahamubhuzya, "Tutaposheleya nalumo ikalata kufuma Yudea lyelikukulonga iwe, awatalipo uholo we ayinzile kufuwa impembu awe kulonga izwu lyolyondi ibhibhi kukulonga iwe.
\v 22 Ilelo tukwanza kwivwa kufuma kukwaho ukukwina ahooni kulili impuga iya bhandu ibha kwekunti yimanyishile kukwitu kunti likulona ishingunga popondipala."

\v 23 Webhabhiha isiku kunongwa yakwe, abhandu abhinji hani bhahamwinzila pala pahabhanga. Ahalonga lila lyelali kukwabho nakupanjila kunongwa yashinamwena isha Mulungu. Ahalinjizya kubhasonganya kunongwa ya Yesu, kumadala goondi gabhili kufuma mundajizyo zya Musa nakuma mubha kuwi, kwandila ishilabhila paka shalyabhela.
\v 24 Bhanu bhabho bhahasonjelezwa nagala ge galongiwe, weabhinji bhatitishile.

\v 25 Webhapotwa kubhomba bhibho kubhibho, bhasogolo wu Paulo alonga ijambo lyeka, "Umupepu umufinjile alonjile ahinza kushilila Isaya umukuwe kubhayise bhinyu.
\v 26 Alonjile, 'Bhalaga kubhandu ibha ulonje, "Kumakutwe mutiyivwe, ileelo temumanyaje na kumisogiinyu mutilolaje ileelo temulolaje.

\v 27 Kunongwa ya moyo gabhandu ibha gegabha mabhinu, akutwe gaabho givwa kumayimba, bhasiziliye amisogabho ingalelo bhatahamanye kumiso gabho na kwivwa kumakutwe gaabho, nakumanya kumoyo gaabho, nakugaluhana awinza, na hani nabhaponizye."

\v 28 Ipo, mukwanzilwa kwinza kukwaani kunti unu uwoposhi wa Mulungu wutwaliwe kubhandu abhapanzi, nabhatitejelevwe." (Lema: Ilwoli ili
\v 29 "Ahabhalilo wakulonga amambo igo, abhayahudi bhahasogola, bhahabha nuluwilizanyo ulumpinti bhibho." Wutalipo muwusimbe uwinza uwimandi).

\v 30 U Paulo ayihaye muhanti munyumba yakwe ya alemile kuhabhalilo aha maha gabhili, pe ahabhabhilishila bhondi bhebhinzile kukwakwe.
\v 31 Ali akulumbilila ishana mwene isha Mulungu pe amili akumanyizya amambo iga Mweene u Yesu Klisiti kumaha gondi. Numo atamudindile.