mgq_reg/44-JHN.usfm

\id JHN
\ide UTF-8
\h U Yohani
\toc1 U Yohani
\toc2 U Yohani
\toc3 jhn
\mt U Yohani

\c 1
\cl Isura iya kwanda
\p
\v 1 Kuwandilo lyalipo Izwi, ni Izwi lyilipeka nu Mulungu, ni Izwi aliwu Mulungu.
\v 2 Izwi, Ili, Kuwandilo alipeka nu Mulungu.
\v 3 Ivindu vwondi vwabhombeshile kushilila uwene, na angatalipo uwene nahanu ahindu ningaheka hehobhombeshile.

\v 4 Mkasi yakwe mwlai nu wupuma, nuwupuma uwo lwali luhozyo lwabhandu bhondi.
\v 5 Uluhozyo lukuhozya muhisi, ahisi hataludindile.

\v 6 Palipo nu mundu wasondelezizwe kufuma kwa Mulungu, weitawa lyakwe aliwi Yohani.
\v 7 Ayinzile mgati mteteli kulonga kufumilani nuluhozyo lula, ingakuti bhondi bhawezye kwitiha kushilila awene.
\v 8 U Yohani atalilweluhozyo lule, yoli ayinzile kwenya kufumilana nuluhozyo lula

\v 9 Uyo wamali luhozyo lyanalyoli yeyinzile munsi yo peyikumpa uluhozyo kila wekaweka

\v 10 Alipo munsi, ninsi yaumbilwe kushilila awene, ninsi yitamumanyile.
\v 11 Ayinzile kuvindu vyakwe, nabhandu bhakwe bhatamopsheleye

\v 12 Yoli kubha abhinji bhebhamosheleye, bhebhalyitishile itawa lyakwe, kubhibho abhopiye iyoli iyakubha bhana bha Mulungu,
\v 13 Bhala bhebhapapiwe, tekwibhanda, walatekulogano ulwa mubhili, wala tekulugano ulwa mundu, yoli kwa Mulungu wuyo.

\v 14 U Neno abhombishile mubhili na adiliye mhati mu mwitu, tuwulolile utinishe wakwe, uwutinishe inza uwa mundu wene wishakwe waminzile kufuma kwa Tata, ayizuye inema iya nayoli.
\v 15 U Yohani alonjile watana na wene, na ahavwisyali sauti ahati, "Unu wewuyo wenalonjile ihabari zyakwe kuti, "Yule wahayinza weine uwene msongo kuliko ine, kwa sababu alipo wishili ine."

\v 16 Inga lelo kufuma kufiha kwakwe, twendiitwe tuposheleye awulo ishikunjilwa nishikunjilwa.
\v 17 Ingalelo indajizyo yaletilwe kufuma kwa Mose. Ineema ni yoli vwinzile kufumilani nu Yesu Kilisiti.
\v 18 Numo umwanadamu we amuwenyi Umulungu ahabhalilo hohondi. Umundu wuyo wewi Mulungu, walipashifubha sha Tata, amubhombile wene amanyishe.

\v 19 Nunu we wushuda wa Yohani ahabhalilo abhadimi na bhalawi bhebhabhasondelezizye kukwakwe na Bhayahudi kumubhuzilizya, "Iwewe nanu?"
\v 20 Tekwa kuhanaha natahanile, Yoli ahajibu, "Inetene Kilisiti."
\v 21 Awinza bhahamuzilizya, "Ilelo iwe we nanu lelo?" Uve we Eliya? Ahati, "Ine tenene." Bhahati iwe we mloli? Ahati," Hala."

\v 22 Inga bhahamubhuzya, "Iwe we nanu, inga tubhape amajibu bhebhatusondelezizye"? Uilishuhudila bhulibhuli iwe wunewe?"
\v 23 Ahati, "Ine ne sauti yakwe wakulila kunyikani: 'Mlinyosye idala lya Mwene,' inza uYisaya vwalonjile."

\v 24 Ilelo bhalipo abhandu bhabhosondile pala kufuma kubha Falisayo. Bhahamubhuzilizya ihuti,
\v 25 "Honi wukwozya ingalelo iwe tewe Kilisiti tewe Eliya awinza tewe mloli?"

\v 26 U Yohani ahabhajibu ahati, "Ingwozya kuminzi. Ingalelo, mhati mu mwinyu akwimilila umundu we mutammanyile.
\v 27 Unu wakwinza badala yine. Ine indakwanziwa kuzegevwa ingusa izya muvilyatu vwakwe."
\v 28 Imbombo izi zyobhombeshile ukwe ku Besania, kwisyila ku Yorodani, pale pu Yohani ahozyaga.

\v 29 Isiku lye lihafwata uYohani amuwenyi uYesu akwinza ahati, "Yenyaji ingole ya Mulungu wa kuyega imbibhi iya munsi!
\v 30 unu we nalonjile imbombo zyakwe natili, "Uwene wakwinza kulusalo lwani msongo kuliko ine kubha lelo alipo wishili ine.'
\v 31 Indamumanyile uwene, ilelo yabhombeshile isho ingakuti agubuliwe ku Izilaeli, kuti ninzile ihozyaga kuminzi."

\v 32 U Yohani ashuhudiye, "Nalolile Umpepu akwiha kufuma kumwanya ishifwani sha huwa, na yasyalile pamwanya yakwe.
\v 33 Ine indammanyile ileuwene asondelezizye inga inozye kumizi ambuzizye, ulewe atilolo Umpepu akwiha na kwihala pamwanya yakwe, Uyo we akwozya ku Mpepu Umufinjile.'
\v 34 Indoleli na ishuhudiye kuti unu Mwana wa Mulungu."

\v 35 Awinza isiku lyelikulandata uYohani ayimiliye peka nabhamanyili bhakwe bhabhili,
\v 36 bhahamulola uYesu akiyenda nu Yohani ahati, "Yenyi, Ingole ya Mulungu!"

\v 37 Abhamanyili bhabhili bhamwivuye uYohani akuti bhahamlandata uYesu.
\v 38 Iwinza uYesu ahagaluhana na kubhalola abhamanyili bhale bhakumulandata, na ahabhabhuzya, "Mkwanza ivwoni?" Bhahajibu, "U Rabbi, (imana yakwe 'mmanyizyi,' ukwihala kwii?"
\v 39 Ahabhabhuzya, "Nzaji mwenye."Inga bhahabhala kupalola paahihalaga peka nawo isiku ilyo, ingalelo yali ngati saa kumi ishi.

\v 40 Weka wabhala bhabhili bhebhamwinvuye uYohani akulonga na kumlandala uYesu ali wu Andrea, uholo wa Simoni Peteli.
\v 41 Ahamulola uholo wakwe uSimoni ahamubhuzya, "Tumwajile Umasihi" (we wu Kilisiti).
\v 42 Ahantwala kwa Yesu. U Yesu ahamwenya ahati, "Iwe we Simoni umwana wa Yohani" utibhewe Kefa," (imaana yakwe 'Peteri').

\v 43 Isiku lyelikulandata ahabhalilo hu Yesu wakwanza kusogola kubhala ku Galilaya, ahamwaga uFilipo ahamubhuzya, "Kuti ndandate ine."
\v 44 U Filipo alimhaya wa mu Betisaida, inhaya ya Andrea nu Peteri.
\v 45 U Filipo ahamwaga u Nathanaeli na kumubhuzya, Kuti lwamwaga ulawe uMose ayandishile imbombo zyakwe kundajizyo izya Bhaloli. U Yesu umwana wa Yusufu, kufuma ku Nazareti.

\v 46 U Nathanaeli ahumubhuzya, "Je ahandu ahinzaha wezizye kufuma ku Nazareti?" U Filipo ahamubjhuzya, Nzaga uyenye."
\v 47 U Yesu ahamulola u Nasanaeli akwinza kuwakwe na akuti, "Yenya, Umuislaeli yoliyoli watali ni lenga mkasi yakwe!"
\v 48 U Nathanaeli ahamubhuzya, "Wamanyanashi ine?" U Yesu ahajibu na ahambuzya, "Kabla uFilipo atakwitile wewamilepasi pikwi, nakuwenyi."

\v 49 U Nathanaeli ahajibu, "Rabi iwe we Mwana wa Mulungu! Iwe we Msongo uwa ku Izilaeli"!
\v 50 U Yesu ahamjibu ahati, Kwa sababu nakubhuzizye, Kuti nakuwenyi pasi pikwi' je ukwitiha? utilole imbombo impuni kuliko izi."
\v 51 U Yesu, "Yitishiyitishi ingubhabhuzya mhayizilola imwanya zikugubuha, na kubhalola abhahabhizya wakuzubha na kwiha pamwanya pa Mwana wa Adamu."

\c 2
\cl Isura iya wubhili
\p
\v 1 Baada yinsiku zitatu, kuli ni arusi ukwa ku Kana iya mu Galilaya nu mayi wakwe uYesu alikukwo.
\v 2 U Yesu na bhamanyili wakwe bhabhishililwe ku arusi.

\v 3 Pihabhalilo tuebhasililwa ni divai, unyina wa Yesu ahamubhuzya, "Utalini divai."
\v 4 U Yesu ahajibu, "Umwandanda uyo akuhusu ahoni ine? ahabhalilo hani atafishile ha."
\v 5 Unyina wakwe ahabhabhuzya abhabhombi, "Hohondi hakubhabhuzya mubhombaje."

\v 6 Ilelo zyalipo insondo sita izya mawe pala zyazibhishilwe kwaajili ya kusukusulila pasikuku ya Bhayahudi, kila lyekalyalini uwizule uwa mwamu uwa zibhili zitatu.
\v 7 U Yesu ahabhabhuzya, "Yizuzyi aminzi mnsonda izya mawe." Bhahizuzya mbaka pamwanya.
\v 8 Awinza ahobhabhuzya abhabhombi, "Yagi kiasi salizi mtwale kwa mubhombi umsongo uwa meza." Bhahabhomba inza vwebhabhalajizizye.

\v 9 Umuhudumu umusango ahalinga aminzi gala gabadalishile na kubha divai ile atamanyile kwegafumile(ile abhabhombi watapile bhamanyile kwegafumile). Ilelo ahamubhilishila u bwana arusi
\v 10 ahamubhuzya, "Kuti kila wekaweka akwanda kubhahudumila abhandu idivai inyinza na angabhaholwa akubhapa idivai yetenyinzya. Ila iwe unyibhishile divai inyinza hadi shi"

\v 11 Umuijiza unu uwa ku Kana iya ku Galilaya, walikwe kuwandilo ukwa ishala izya miujiza zagamabhombile uYesu, wakugubula ulutiniho wakwe, isho abhamanyili bhakwe bhahamwitiha.

\v 12 Baada yiga, uYesu, unyina wakwe, abhaholo bhakwe na bhamanyili bhakwe bhabhalile kumji uwa Kapernaumu bhahihala ukwo kunsiku inyinsi.

\v 13 Ilelo iPasaka iya Bhayahudi ile yapalamiye, isha uYesu ahabhala ku Yelusalemu.
\v 14 Ahabhaga abhakazyi bhing'ombe, ingole, ni kunda mkasi Mshibhanza. Awinza bhebhakutana ihela bhihaye mkasi mshibhanza.

\v 15 U Yesu ahagomba umjeledi uwa vihomanya ahabhafumwa bhondi bhebhalipo mshibhanza, ingewasanganya ing'ombe ningole. Ahita ihela izyabhagalulanya hela kuzisuliha imeza zyabho.
\v 16 Abhakazyi awingunda ahabhabhuzya, "Mwefwe ivindu ivi apatali nipa, reshi inyumba ta Tata wani kubha papamunalo."

\v 17 Abhamanyili bhakwe bhahakumbuhua kuti yasimbililwe, "Uwivu uwa nyumba yaho utilye."
\v 18 Abhasongo Abhayahudi bhahajibu bhahati, ishara yoni yutuloleshe iya kuti ukubhomba imbombo izi?"
\v 19 U Yesu ahabhajibu, mubomole ishibhanza ishi nine indizenje baada yi nsiku zitatu."

\v 20 Awinza abhasongo Abhayahudi bhahati, "Yagalimile amaha lubaini na sita kuzenga ishibhanza ishi iwe ukuti utizenje kunsiku zitatu?"
\v 21 Ilelo, uwene ahalonga ishibhanza wakumanisya umubhili wakwe.
\v 22 Isho lula baada ya kuzyuha kwakwe kufuma ku bhafwe, abhamanyili bhakwe bhahakumbuha kuti alonjile shinisho, bhahitiha insimbo ni ndongo iyo yu Yesu apelile alonjile.

\v 23 Ile wali ku Yelusalemu ahabhalilo ihi Pasaka, ahabhalilo ishi sikuku abhandu awinji bhitishile itawa lyakwe, webhalola iishara ya miujiza gavgombile.
\v 24 Ilelo uYesu atalu nu lwitiho nabho kwa sababu abhamanyile abhanadamu bhondi.
\v 25 Atahanzaga umundu wowondi kumubhuzya kuti vwebhali abhanadamu kwa sababu amanyile sheshili po mukasi yabho.

\c 3
\cl Isura iya wutatu
\p
\v 1 Awinza alipo uMfalisayo we itawa lyakwe wu Nikodemu, weka wabhajumbe bhi baraza ilya Bhayahudi.
\v 2 Umundu unu ahamubhalila Umwene uYesu uwusiku na kumubhuzya, "Kuti Rabi, tumanyile kuti we mmanyizyi kufuma kwa Mulungu, kwa maana umundu wangawezya kubhomba iishara izi zyondi Umulungu atalipeka nawo."

\v 3 U Yesu ahajibu, "Yitishi, yitishi, umundu atangawezya kwinjila kushi na mwene sha Mulungu watapapiwe imara iya wubhili."
\v 4 U Nikodemu ahati," Umundu angawezyabhilibhili kupapwa wabha mgosi? Atangawezya kwinjila mlwanda mwa nyina wakwe imara iya wubhili na kupapiwa, je angawezya?"

\v 5 U Yesu ahajibu, "Mwitishe, mwitishe umundu atapapiwa kuminzi na ku Mpepu, ahangawezya kwinjila kushi na mwene sha Mulungu.
\v 6 She shipapiwe kumubhili mubhili, na sheshipapiwe ku Mupepu mpepu.

\v 7 Utaswigaje haa ile nakubhuzizye, 'lazima kupapwa imara iya wubhili.'
\v 8 Imbepu yikuvugula popondi peyikubhala ni sauti yakwe mkuyivwa, ila mtakumanya kweyikufuma na kwajikubhala. Vweyili ihali ya wondi wapapiwe nu mpepu.

\v 9 U Nikodemo ahajibu, kwa kuti, "Imbombo izi zikuwezehana wuliwuli?"
\v 10 U Yesu ahajibu, "Iwe we mmanyizyi uwa ku Izilaeli, wala utagamanyile amambo iga?
\v 11 Mwitishe, mwitishe, ingukubhuzya, hala heluhamanyile tukushishuhudila kuhala hetwahawenyi. Ilelo mtakuposhela uwushuda witu.

\v 12 Ingaimbabhuzizye amambo iga pana pansi mtakwitisha, temwitishe anganabhabhuzya amambo aga kumwanya?
\v 13 Ingalelo numo wazubhile pamwanya kufuma kumwanya yoliuwene wa mishile, Umwana wa Adamu.

\v 14 Inza shile shu Mose ayibhusye injoha kujangwano, sheshinisho Umwana wa Adamu azuvwiwe,
\v 15 ingakuli bhondi bhebhakumwitiha bhapate uwupuma uwa wila.

\v 16 Kwa maana Umulungu awuganile uwulimwengu, ahamfumwa umwana wakwe wuwuyo inga kuti umundu wowondi wakwitha atahateje yoli abhe nuwupuma uwawila.
\v 17 Kwa sababu Umulungu atamsondelezyizye umwana wakwe munsi, kuti awulonje uwulimwengu, yoli kuti uwulimwengu wugomboshe kwa wene.
\v 18 Wakumwitiha Wene tahayilongwa. Uwene watakumwitiha tayali alongiwe kwa sababu atalyitishile itawa lya Mwana weka uwa Mulungu.

\v 19 Ini yesababu iya wulogwi, iya kuti uluhozyo lwinzile uwulimwengu, ilelo abhanadamu wahagana ahisi kushila uluhozyo kwa sababu imbombo zyabho zyali mbimbi.
\v 20 wowondi wakubhomba amabhibhi akuhalalila ulohozyo wala atakwinza kulohozyo inga imbombo zyakwe tatahabhishwe pawuzelu.
\v 21 Ingalelo wakubhomba iyoli akwinza kuluhozyo inga imbombo zyakwe kuti zibhombeshile kuwutiniho lwa Mulungu.

\v 22 Bada yigo, uYesu peka nabhaminyili bhabhalile mnsi iya ku Yudea. Ukwo bhabhombeye amasala peka nabho na ahozyaga.
\v 23 Iwinza u Yohani wope ahozyaga kunukwo ku Ainea kupipi naku Salim maana kwali na minzi aminji pala. Abhandu wahabhalaga kukwakwe na kwoziwa,
\v 24 kwe kuti uYohani atatagwilwe mwijela.

\v 25 Awinza gahatokela amadalihano kati yabho manyili abha Yohani na Bhayahudi kuhusu isikuku izya kuyozya.
\v 26 Bhahabhala kwa Yohani bhahamubhuzya, "Bhahati Rabi, umwene wewamile nawo kwisyila iya Lwizi uru Yorodani, uwene wushuhudiye imbombo zyakwe, yenya akwozya winza bhondi bhakubhala bhakumlandata."

\v 27 U Yohani ahajibu umundu atangawezya kuposhela atandu hohondi yoli hapewilwe kufuma kumwanya.
\v 28 Imwe munemwe mkushuhudila kutinalonjile kuti, 'ine tene Kilisti', badala yakwe nalonjile, 'kuti ansondelezyizye palongolela yakwe.'

\v 29 Uwene wali nu bibi arusi wubwana arusi. Sasa umpatena wa bwana arusi, wakwimilila na kutejelezya kushahani kwa sababu yisauti iya mwene harusi. Ini lelo yeluseshelo lwani lweluyilanile.
\v 30 Akwanziwa kuvonjela nineikwanziwa kupunguha.

\v 31 Uwene wakufuma kumwanya, alikumwanya kugondi. Uwene wakufuma kumwanya alikumwanya kugondi. Uwene wewapansi akufuma pansi awinza akulonga amambo iga pansi. Uwene wakufuma kumwanya alipamwanya pa gondi.
\v 32 Uwene akushuhudila gala gakugalola nakugivwa ilelo numawakuposhela uwushuda wakwe.
\v 33 Uwene waposheleye uwushuda wakwe ahakikishizye kuti Umulungu. Wana lyoli.

\v 34 Kwa sababu uwene wu Mulungu amusondelezizye akulonga amazwi ga Mulungu. Kukuti atakumpa Umpepu ishipimo.
\v 35 Utata akumugana Umwana na akumpa ivindu vwondi munyobhe zyakwe.
\v 36 Uwene wakumwitiha Umwana anuwupuma uwa wila, ilelo uwene watahumutiniha Umwana awulole uwupuma, ile umulaha wa Mulungu wukulemana pamwanya yakwe.

\c 4
\cl Isura iya wuni
\p
\v 1 Ilelo uYesu wamaya kuti abha Falisayo bhivuyekuti uYesu alikuwa anafuasa na kuwabatiza zaidi ya Yohana,
\v 2 (nakuti uYesu wene atahazyaga yoli abhamanyili bhakwe),
\v 3 afumile ku Judea nakubhala ku Galilaya.

\v 4 Ishi yali ya muhimu kushilila ku Samaria.
\v 5 Naahafiha kumuji uwa Samaria, wewukwitwa uSikari, kupalamine ni eneo lyu uYakobo amupiye umwana wakwe uYusufu.

\v 6 Ni shisima isha Yakubo shali panapo. U Yesu alitile kwa ajili ya safyari na ahihala papipi nishisima. Yali masala aga shamusanya.
\v 7 Umwandanda u Msamalia ayinzile kutapa aminzi, nu Yesu ahamubhuzya, "Nambe aminzi imwele."
\v 8 Kwasababu abhamanyili bhakwe bhabhalile bhene kummjini kukala ishakulya.

\v 9 Ula umwandanda ahamubhuzya, "Kutiyikubha bhuli iwe wu Myaudi, kundabha ine uwandanda nu Msamalia, ahandu ahakumwela?" Kwa sababu Abhayahudi watakwivwana na Bhasamalia.
\v 10 U Yesu akajibu, "Inga wamanyaga ikarama ya Mulungu, nula wakukubhuzya 'Kuti nambe aminzi, 'haniwamu labhana haniakupa aminzi iga wupuma."

\v 11 Umwandanda ahajibu, "Mwene utali ni ndobho iya kutapila, ni shisima shikali. Utugaje kwoshi Aminsi iga Wumi?
\v 12 Je iwe wemsongo, kuliko utata witu uYakobo, we atupiye ishisima ishi, nu wene nabhana bhakwe pekani vwuma vwakwe bhakumwela iga shi sima ishi?"

\v 13 U Yesu ahajibu, "Wowondi wakumwela aminzi iga atipate ishumilwa awinza,
\v 14 ilelo uwene wa kwanza kumwela aminzi gindimpe ateapate ishimilwa awinza. Badala yakwe aminzi gindimpe gatibhe ludubhuha lwelukudubhuha wila na wila."

\v 15 Ula umwandanda ahamubhuzya, "Mwene, ingugalabha aminzi igo ili indapataje ishumilwa, na indelelaje kwinzaipa kutapa aminzi."
\v 16 U Yesu ahamubhuzya, "Ahati bhalaga hamubhilishile umulumiwo, ingauyinze."

\v 17 Umwandanda ahamubhuzya, "Indali nu mulume." U Yesu ahajibu, "Walonga hinza, 'Indali nu mulume;'
\v 18 kwa maana uli nabhasahala bhasanu naweka wuli nawo isalizi te mulume waho. Kulili walonga yoli!"

\v 19 Umwandanda ahamubhuzya, "Ahati Mwene ingulola kuti iwewe muloli.
\v 20 Abha Tata bhitu bhaputile pigamba. IIelo imwe mkulonga kuti ku Yelusalemu ye sehemu yaabhandu bhakwanziwa kuputa."

\v 21 U Yesu ahamjibu ahati, "Mwandanda, unamini, ahabhalilo hakwinza wetemhampute Utata mwigamba ili au ku Yerusalemu.
\v 22 Imwe mubhondu mkuputa hala mutakuhamanyile, ile loihwe tukuputa hetu hamanyile, kwa sababu uwuposhi wukufuma ku Bhayahudi."

\v 23 Ingalelo, ahabhalilo hakwinza, nishi ulipo panapa, ahabhalilo hebhebhakuputa iyoli bhatimupute Utata kwa mpepu nakunayoli, kwa sababu Utata akubhanza abhandu abhanamna inziyo kubha wandu bhakwe bhebhakumputa.
\v 24 Umulungu Mupepu, na bhala bhebhakumuputa bhakwanziwa kumuputa kumupepu na kuyoli."

\v 25 Umwandanda ahamubhuzya, "Imanyile kuti Umasihi akwinza, (wewu Kilisiti). Uyo ingayinza atitubhuzye zyondi."
\v 26 U Yesu ahamubhuzya, "Ine wunulonga nine wuyo."

\v 27 Ahabhalilo hihohiho abhamanyile bhakwe bhahagaluha. Bhope bhahaswiga kuti honi wakulonga nu mwandanda, ilelo numo wahalinga kumubhuzilizya, "Ukwanza honi?" au "Kutihoni wukulonga nawo?"

\v 28 Isho umwandanda ahayileha insonda yakwe nahasogole kumjini na kubhabhuzya abhandu,
\v 29 "Nzaji mwenye umundu wambuzizye mambo gani gondi gimbombile, je yingawezehana angabha we wu Kilisiti?"
\v 30 Bhahafuma kumjini bhahinza kukwakwe.

\v 31 Ahabhalilo ahashamusanya abhamanyili bhakwe bhahamlabha bhakuti, "We Rabi ilya ishakulya."
\v 32 ilelo uwene abhabhuzizye, "Ine indinishakulya she mtashimanyile imwe."
\v 33 Abhamanyili bhahabhuzizanya, numo wamuleteye abhandu hohondi alye," Je bhaletile?"

\v 34 U Yesu ahabhabhuzya, "Ishakulya shani kukubhomba amapenzi gakwe wene wasondelezizye nakutimizya imbombo yakwe.
\v 35 Je, mutakulonga, 'Kuti gashili amezi gasanu amavuno wegabha tayari?' Ninawambieni tazameni mashamba yalivyo tayari kwa mavuno!
\v 36 Uwene wakuvuna akuposhela umushahala nakubhunganya insanga kwaajili yiwupuma uwa wila, inga kuti wakuwala nula wakuvana bhashanje peka.

\v 37 Ingalelo indongo ini yanayoli, 'Weka akuwala na wamwabho akuvuna.'
\v 38 Nabhasondelezizye kuvuna hemtahahangahishiye, Bhamu bhabhombile imbombo nimwe mwinjiye musho iyi mbombo zyabho."

\v 39 Abhasamalia abhinji kumji ula bhamwitishile kwa sababu yitaalifa zya mwandanda wahashuhudilaga, "Wambuzizye imbombo zyondi zyinzibhombile."
\v 40 Isho Abhasamalia webhinza bhahamulabha ayihale peka nabho na ahihala kukwabho kunsiku zibhili.

\v 41 Nabhinji hanibhahamwitiha kwa sababu yizwi lyakwe.
\v 42 Bhahamubhuzya umwandanda ula, "Tukwitiha tebhulo kumazwi gaho ha, kunongwa ye itwe tunatwe twivwuye, ni salizi tumanyile kutinayoli wene we mposhiuwa ulimwengu."

\v 43 Baada yi nsiku izyo zibhili, ahasogola na kwelekela ku Galilaya.
\v 44 Kwasababu wuyo wene atangazizye kuti umuloli atakutiniwa munsi yakwe wene.
\v 45 Wayinza kufuma ku Galilaya, Abhagalilaya wahamkalibisya. Bhamili bhalolile imbombo zyondi zya bhombile ku Yerusalemu kunsiku kwa sababu nabhope bhulo bhahuzuliye kusikuu.

\v 46 Ayinzile awinza ku Kana iya ku Galilaya ukwo kwa badilisizye aminzi kubha divai. Alipo uofisa we umwana wakwe alimubhinu hukwo ku Kapernaumu.
\v 47 Wayivwa kuti uYesu ahafuma ku Judea na kubhala Galilaya, ahabhala kwa Yesu na kumlabha ayishe amponye umwana wakwe, wemepapipi na kufya.

\v 48 Pu Yesu ahamubhuzya, "Ahati imwe ingemtalola iishara na viswigo mtangawezya kwitiha.
\v 49 Umulongozi ahalonga ahati, "Mwene yihapasi kabla umwana awani atafuye."
\v 50 U Yesu ahamubhuzya, "Ahati bhalaga umwanaho mupuma." Umundu ula ahitiha izwi lyahalonga uYesu na ahabhala.

\v 51 Wahihaga, abhabhombi wakwe bhahamposhela na kumubhuzya umwanawakwe amile mupuma.
\v 52 Isho ahabhabhuzilizya muda wenzabha kwashi. Bhahajibu, "Mazubha amasala aga saa saba ihoma inzeyamuleshezya."

\v 53 Pe utata wakwe ahamanya kuti masala gagala gu Yesu alonjile, "Kuti umwana waho mupuma." Isho uwene nifamiliya yakwe bhahitiha.
\v 54 Ini yali ishara wubhili yayibhombile uYesu wafuma ku Yudea kubhala ku Galilaya.

\c 5
\cl Isura iya Wusanu
\p
\v 1 Bada yipo yalipo isikukuu iya Bhayahudi, nu Yesu azubhile kubhala ku Yelusalemu.
\v 2 Nakula ku Yelusalemu palinibirika pamulyango uwingole, lilihabhilishilwaga kundongo iya Shiebrania Bethzatha, lyope linamatao gasanu.
\v 3 Iidadi imbiti iya bhabhinu yalipo, abhambubhila, umudendeluha, au bhebhapoozile yalibhagonile mmatao igo. {Uzingatile: Amazwi iga msitali uwa tatu gatakuloleha munakala inyinza izyimandi. "Webhakugulila aminzi gatibuliwe.") Kuhakika ahabhalilo hamu uhabhizya ahihaga mkasi ya mwene na kuvulunganya aminzi.
\v 4 Kwahiyo, ula wabha wakwanda kunjila mkasiya baada ya maji kuvwalangana ahabhombwe mupuma kufumilana na hohondi hehamulomile kuhabhalilo iho.

\v 5 Nu mundu weka wamamile mubhinu kuhabhalilo ahamaha thalasini na nane alimukasi mu matao.
\v 6 U Yesu wamulola agonile mukasi mu matao na baada ya kumanya kuti agonile pala kumuda umtali uYesu ahamubhuzya, "Je kubha we mwumi?"

\v 7 Umubhinu ula ahamjibu, "Mwene indali nu mundi, uwa kumbiha mubilika ahabhalile amanzi wegakutibuliwa. Ahabhalilo hengulinga kunjila umundu uwinji akundangulila."
\v 8 U Yesu ahamubhuzya, "Bhuha uyeje igodolo lyako ubhale."

\v 9 Mara umundu ula ahaponywa, ahega ishitala shakwe ahasongola. Ni siku ilyo lyali lisiku ilyi Sabato.

\v 10 Isho Abhayahudi bhahamubhuzya umundu ula wa aponyilwe, "Umusanyunu lisiku ilya Sabato na utakuluhusiwa kupimba igodoro lyaho."
\v 11 Ahajibu, uwene waponyizye wuyo wambuzya, "Yega igodolo lyaho nu usogole."

\v 12 Bhahabhuzilizya, "Ulu nanu wakubhuzizye 'Yega igodolo lyaho usogole?"
\v 13 Yingabha, ula waponyilwe hakumujua, kunongwa ye uYesu ahasogola kwa siri. Kwa kuwa kwali nabhandu abhinji pa sehemu iyo.

\v 14 Baada yipo uYesu ahamwaga umundu ula mushibhanzi na akamwimbia, "Yenya, uponile! "Utahabhombe imbibhi awinza utahinze upatwe ni jambo ibhibhi ihani."
\v 15 Umundu ula ahabhala kubhabhuzya Abhayahudikuti uYesu wamupanyizye.

\v 16 Isho, kwa sababu yimbombo izyo Abhayahudi bhahamtesa uYesu, kwa sababu abhombile imbombo izyo isiku ilyi Sabato.
\v 17 U Yesu ahabhabhuzya, "Utata wani akubhomba imbombo pakasi nani ingubhomba imbomba."
\v 18 Kunongwa iyo Abhayahudi bhahazidi ingabhamugoje tekuti sababu iya kuvunza iSabatoha, yoli kwa kumubhilishila Umulungu Utata wakwe, akunyibhomba kubha sawa nu Mulungu.

\v 19 U Yesu ahabhajibu, "Yitishi, yitishi, Umwana atangawezya kubhomba ahandu hohondi yoli hala hakumulola Utata wakwe akuhabhomba kwe kuti hohondi Utata hakuhabhomba iho nu Mwana hatihabhombe.
\v 20 Inga kuti Utata amuganile Umwana, na akumulanga kila handu akuhabhomba na atimulanje amambo amapiti kuliko iga inga kuti mwonjezye kuswiga."

\v 21 Kubha inzashilashe Utata akubhazusya abhafye na kubhapa uwupuma, sheshinisho Umwana wope akumupa wowondi wamganile.
\v 22 Kubhalelo Utata atakumulonganya wowondi yoli amupiye Umwana uwulonji wondi
\v 23 ingakuti bhondi bhamutinishe Umwana inzashila Umwana vwakumutiniha Utata. Uwene watakumutihiniha Umwana akumutihina Utata wa musondelezizye.

\v 24 Yitishi, yitishi, uwene wakwivwa izwi lyani na kumwitiha uwene wasondelezizye anuwupuma uwa wila na tehalongwe. Badala yakwe, ashilile kufuma kuwufwe na kwinjila kuwumi.

\v 25 Yitishi, yitishi, ingubhabhuzya ahabhalilo hakwinza ni salizi wulipo we abhafwe bhahayivwa isauti ya Mwana wa Mulungu, na wondi bhebhahayivwa bhahayidila.

\v 26 Ingalelo inza shila she Utata ali nu wumi mkasi mumwakwe wuyo,
\v 27 sheshinisho amupiye Umwana kubha nuwupuma mkasi yakwe, nu Tata amupiye Umwana amamlaka inga kutialonje kuta kabha wu Mwana wa Adamu.

\v 28 Mutahaswijizwe nili inga lelo ahabhalilo hakwiza he abhafwe bhondi bhebhali mumbipabhahayivwa inzi lyakwe
\v 29 ibhope bhahayifuma kunzi: kubhebhabhombile amiza kubhuzyusho uwabhupuma, na bhebhabhombile amabhibhi kubhuzyusho uwa kulongwa.

\v 30 Indangawezya kubhomba ishindu shoshondi kufuma kukwani nununene. Inza vwe ingwivwa, ishosheingulonga nukulonga kwani kwiyoli pekuti indakwanza ulugano lwani, ilelo ulugano lwakwe weasondelezizye.
\v 31 Inganajishuhudila nunene, ubhushuhuda wani wutangabha wiyoli.
\v 32 Alipo uwamwabho wakushuhudila kuhusu ine naimanyile kuti yoli uwushuda wakushudila wana yoli.

\v 33 Msondelezizye kwa Yohani wope iyishudiye iyoli.
\v 34 Inzisho, wingiwuposhela wutakufuma kubhanadamu. Ingungalonga iga inga muwezye kuposhilwa.
\v 35 U Yohani yali yu tala yeyihahaga na kulama, na mweli tayali kuyisha nayo kuhabhalilo ahansi ulohozyo kwakwe.

\v 36 Uwushuda windi na wope mupiti kuliko ula uwa Yohani, kumbombo zye Utata ambiye kuzikamilisya, imbombo izyo zyinguzibhomba zikushudila kuti Utata ansondelezizye.
\v 37 Utata wansondelezizye uwene wuyo ashudiye kuhusu ine. Mutinvuye nalumo izi lyakwe wala kulilola iimbo lyakwe ahabhalilo hohondi.
\v 38 Nalimo izwi lyakwe ingalyihala mkasi yinyu ingakubha mtakumwitiha uwene umusondelezye.

\v 39 Mkugachunguzye amandishe wemukusibha kuti mukasi yakwe munuwupuma uwa wila, nizi insimbi zyo zikushudila imbombo zyani na
\v 40 mutakwanza kwinza kukwani ingampate uwupuma lwa wila.

\v 41 Indakuposhela impalo kufuma kubhandu,
\v 42 inga lelo imanyile kuti mutali nulugano ulwa Mulungu mukasi yinyu imwe munemwe.

\v 43 Inzile kwitawa lya Tata wani, mutawezizye kumboshela. Ingauwinji ayinza kwitawa lyakwe hani mwamuposheleye.
\v 44 Je mungawezyabhili kwitiha imwe mwemukuposhela impalo kufuma kwa weka winyu ilelo mutakwanza impalo yeyikufuma kwa Mulungu uwapekee?

\v 45 Mtahasibhe kuti ine ihayibhasitaka palongolela pa Tata. Wahayibhasitaka imwe wu Mose, we imwe mumubhishile insubhilo zyinyu ku kwakwe.
\v 46 Ingamwamile kuti mukumwitiha uMose, hanimunitishile ine kwa sababu asimbile kuhusu imbombo zyani.
\v 47 Ingemutakwitiha insimbizyo zyani, mungawezya bhili kwitiiha amazwi gani?

\c 6
\cl Isura iya sita
\p
\v 1 Bada ya mambo iga, uYesu abhalile kukona izya Munsumbiizya mu Galilaya, awinza yikubhilishilwa nsumbi iya Tiberia.
\v 2 Uluhumano ulupiti wuhamulandataga kwa sababu bhazilolile ishara zyamazibhombile kwabhebhamile bhabhinu.
\v 3 U Yesu azubhile kumwanya hati kuwupande uwa kumwanya uwamwigamba na ahihala kunukwo na bhamanyili bhakwe

\v 4 (Ni Pasaka, Isikuku iya Bhayahudi yapalamiye).
\v 5 U Yesu wabhusya amiso gakwe pamwanya nakulola uwufwe uwapiti wukwinza kukwakwe, amamubhu zya uFilipo, "Tutibhale kwoshi kukala amakati ingaibha bhawezye kulya"?
\v 6 (Lakini uYesu agalonjile iga kwa Filipo kwa kumulinga kubhalewene wuyo amanyile atihabhombe).

\v 7 U Filipo ahajibu, "Ilelo amakati iga thamani iya dinari mia mbili gamegatangayilana pope kilaweka kupata ishipande ishinsi."
\v 8 U Andrea, weka wabhamanyili bhakwe uholo wa Simoni uPeteri ahamubhuzya
\v 9 uYesu, "Kunumusahala ipa anamakati gasanu ni samaki zibhili, ilelo ini yikufaa ahoni kubhandu abhinji inamna ini?"

\v 10 U Yesu ahamubhuzya, "Bhihazye abhandu pasi" (kulina masoli aminji apandu pala). Isho abhasahala wali elfu zisanu bhahihala pasi.
\v 11 Ingale uYesu ahega amakati gala gasanu ahasarifya ahabhagabhila wala bhebhihaye. Isheshinisho ahabhagabhila isamaki inzashile shebhakwanza.
\v 12 Abhandu webhikuta, ahabhabhuzya abhamanyili bhakwe, "Vibhunganye ivwa mabaki, vwevisyalile inga kuti hatahateje hohondi."

\v 13 Basi bhahabhunganya na kwizuzya ivikapu kumina vibhili, ivipande ivya makati gasanu iga shayiri- ivipande vye visyalile na wala bhebhaliye.
\v 14 Weabhandu bhalola iishara hini yayibhomba bhahalonga, "Yoli unu wewuwula umukubhi wakwinza mnsi."
\v 15 U Yesu watambula kuti bhakwenza kumulema inga bhemubhombe kuti abhe wumwene wabho, ahajitenge, awinza ahabhala kwigamba uwene wuyo mwene.

\v 16 Weyabha halyabhela, abhamanyili bhakwe bhahiha kubhala kusumbi. Bhahazubha mwizinga nawebhamili kufumila lwelekela ku Kapernaumu.
\v 17 (Ahisi hahinjila nu Yesu ashili bhulo kwinza kukwabho).
\v 18 Ahabhalilo iho imbepu ihali yihavugulaga, ni nsumbi yihendelelaga kuchafuha.

\v 19 Awinza abhamanyili bhakwe wamile bhahomile amakasia shirini na gasanu au thalasini, bhahamulola uYesu akujenda pamwanya pansumbi kuyipalamila inzinga, na bhahogopa.
\v 20 Ilelo ahabhabhuzya, "Nene! mutogopaje."
\v 21 Hawili bhalitayali kumupimba mwizinga na awinza inzinga yafishile munsi yebhahabhalaga.

\v 22 Isiku lyelyalandata, ulihomano wimiliye ulubhazu ulya nsumbi bhalolile kuli nayimo inzinga inyamwabho yoli ula we uYesu nabhamanyili bhakwe bhatawuzubhile ilelo abhamanyili bhakwe bhasogoye izyabho bhene.
\v 23 (Nakuti, zyalipo baadhi yinzinga yeyafumile ku Tiberia papipi na pala pebhaliye amakati baada ya Mwene kufumwa insalifyo).

\v 24 Ahabhalilo heuluhamo bhatambula kutite wu Yesu wala abhamanyili bhakwe bhamile kula, bhibho bhene bhahazubha mkasi mwinzingi bhahabhala ku Kapernaumu bhahamwanzaga uYesu.
\v 25 Baada ya kumwaga ulubhazu ulwamwabho ulwa sumbi bhahamubhuzilizya, "Rabbi winzile lino uku?"

\v 26 U Yesu ahajibu, ahabhabhuzya, Yitishi, yitishi, mukunanza ine, te kuti nongwa mwazilolile iishara, yoli kwa sababu mwaliye amakati na kwikuta.
\v 27 Reshi kushibhombela imbombo ishakulya sheshikunanjiha, yoli mushibhombele imbombo ishakulya sheshikudumu wilashila he umwana wa Adamu atibhape. Inga kubhale Umulungu Utata abhishile umuhuri pamwanya yakwe."

\v 28 Awinza bhahamubhuzya, "Ahoni hukwanziwa kuhabhomba inga kuzibhomba imbombo zya Mulungu?"
\v 29 U Yesu ahajibu, "Ini yembombo ya Mulungu: kuti mumwitishe uwene wamusondelezizye."

\v 30 Basi bhahamubhuzya, "Ishara zyoni zyutubhombe, kutitungawezya kuzilola na kukwitiha? Utibhombe ahoni?
\v 31 Abhatata bhitu bhaliye ivifinjile mung'alang'azu, inzavweyisimbilwe, "Abhapiye amakati kufuma kumwanya inga bhalye."

\v 32 Inga uYesu ahabhajibu, "Yitishi, yitishi, te wu Mose wabhapiye umukati kufuma kumwanya, yoli Utata wani wakubhapa umukati uwa yoli kufuma kumwanya.
\v 33 Inga kubha umukati uwa Mulungu wuwula wewukwiha kufuma kumwanya na kuwupa uwumi uwulimwengu.
\v 34 Basi bhahamubhuzya, "Mwene utupa umukati uwuahabhalilo hondi."

\v 35 U Yesu ahabhabhuzya, "Ine ne mkati uwa wupuma, iwene wakwinza kukwani tahapate inzala na wope wakunitiha tahivwe ishumilwa nalumo."
\v 36 Ingale nabhabhuzizye kuti, mundolile, na mshilikwitiha.
\v 37 Bondi we Utata bhakumbabhatiyinze kukwani, na wowondi wakwinza kukwani indalimtaje pansi hala.

\v 38 Inga kubha inishile kufuma kumwanya tekukubhomba ulugano lwani, yoli ulugano lwakwe wasondelezizye.
\v 39 Inga gelugano lwakwe wansondelezizye, kuti indahamtezye ingaweka kubhala bhambiye, yoli indibhazusye isiku ilya kumbelela.
\v 40 Inga kubha inga gelugano ulwa Tata wani, kuti wowondi wakumwenya Umwana na kumwitiha ampate uwupuma uwa wila; ine indimzusye isiku ilya kumbelela.

\v 41 Ingale Abhayahudi bhahamulalamishila kuhusu uwene kwa sababu alonjile, "Ine ne mkati wewishile kufuma kumwanya."
\v 42 Bhahalonga, "Unute wu Yesu umwana wa Yusufu, we uyise wakwe nu nyina wakwe tubhamanyile? Ingabhabhili ishi akulonga, 'Inishile kufuma kumwanya`?"

\v 43 U Yesu ahajibu, ahabhabhuzya, "Mtanung'unishilanaje mumoyo ginyi munemwe.
\v 44 Numo umundu wakwinza kukwani watavutilwe nu Tata wani wansondelezizye, nineindimuzusye isiku ilya kumbelela.
\v 45 Pe yisimbilwe mubhaloli, 'Bhahayimanyizwa nu Mulungu.' Kila wayivuye nakumanyila kufuma kwa Tata akwinza kukwani.

\v 46 Tekuti kulinumundu wamulolile Utata, yoli ula wakufuma kwa Mulungu- amulolile Utata.
\v 47 Yitishi, yitishi uwene wakwitiha ali nuwupuma uwawila.

\v 48 Ine ne mkati uwa wupuma.
\v 49 abhatata bhinyu bhaliye ivifinjile mung'alang'anzu, na bhahafya.

\v 50 Unu we mkati wewishile kufuma kumwanya, ingakuti umundu awulye isehemu yakwe ingatahafye.
\v 51 Ine ne mkati wewukwihala wewishile kufuma kumwanya. Inga umundu wowondi ingalya isehemu iya mkati unu, atiyihale wila. Umukati windifumwe mubhili wani kwaajili yi wupuma uwa munsi."

\v 52 Abhayahudi bhahilamwa bhibho kwa bhibho na bhahanda kudalihana bhakuti, "Umundu unu angawezya bhuli kutupa umubhili wakwe tuwulye?"
\v 53 Awinza uYesu ahabhabhuzya, "Yitishi, yitishi, ingemutawulya umubhili uwa Mwana wa Adamu na kumwela ibhanda lyakwe, lemubhe nuwupuma mukasi yinyu.

\v 54 Wowondi wakuwulya umubhili wani na kuyimwela ibhanda lyani ali nuwupuma uwa wila, nineindimuzusye isiku ilya kumbelela.
\v 56 Kubhalelo umubhili wani sheshakulya isha nayoli ni bhanda lyani shimwele ishayoli.
\v 55 Uwene wakuwulya umubhili wani na kumwela ibhanda lyani akwihala kukasi yani, nine mukasi yakwe.

\v 57 Inzu Tata uli nu wupuma vwasondelezizye, ninza vyigwi hala kwa sababu ya Tata, nawene bhulo itiyihale kwasababu yani.
\v 58 Unu we mukati wewishile kufuma kumwanya, teshileshe abhatata bhahalya bhahafya. Uwene wakulya umkate unu atidile wila na wila.
\v 59 U Yesu agalonjile gondi mukasi mumasinagogi wahamanyizyaga ukwo ku Kapernaumu.

\v 60 Pe abhinji wabhamanyili bhakwe webhivwa iga, bhahati, "Ili limanyilo igomu wunanu wangawezya kwiposhela?"
\v 61 U Yesu kwa sababu amanyile kuti abhamanyili bhakwe bhahalinung'unishilaga ijambo ili, ahabhabhuzya je ijambo ili lyabhahalazya?

\v 62 Basi ihayibhabhuli ingemwanulola umwana wa Adamu wakwiha kufuma kweamili kabla?
\v 63 Umupepu wakufumwa uwupuma. Umubhili wuta kufaidi ahandu hohondi. Amazwi genagalonga kukwinyu wu mupepu na wupuma.

\v 64 Bado kuli abhandu muhati yinyu bhebhatakwitiha." kwa sababu uYesu amanyile kufuma kuwandilo ula wetangawezya kwitiha na wene weangamuhana.
\v 65 Ahabhabhuzya, ye sababu ini nabhabhunzizye kuti nawumo umundu wangawezya kwinza kukwani yolingape wilye nu Tata."

\v 66 Baada yiga abhamanyili bhakwe abhinji bhahaduga kulusalo na bhatahalandata nawo awinza.
\v 67 U Yesu ahabhabhuzya bhala kumi na bhabhili, "Je nimwe mukwanza kusogola?"
\v 68 U Simoni uwa Peteli ahamujibu, "Mwene tubhale kwananu kwani iwe unago amazwi iga wupuma uwawila,
\v 69 na twitishile na kumanya kuti iwe we Mufinjile wa Mulungu."

\v 70 U Yesu ahajibu, "Je ine indabhasebhile imwe, na weka winyu wu ibilisi?
\v 71 Ishi ahalongaga kuhusu uYuda, umwana wa Simoni Iskariote, kwe kubha wliwuyo weka wabhala kumi na bhabhili, ambaye weatimuhane uYesu.

\c 7
\cl Isura iya saba
\p
\v 1 Baada ya mambo iga uYesu ahasafili ishi ku Galilaya, kwa sababu atayiganile kubhala ku Wuyahudi kwa sababu abhayahudi bhali bhahabhambaga ahapango ahakumugoga.
\v 2 Ishi isikukuu iya Bhayahudi, sikukuu iya Vibanda, yali papipi.

\v 3 Pe abhaholo bhakwe webhamubhuzya, "Yepa ipa ubhale ku Wuyahudi, ingakuti abhamanyili bhaho shinisho bhagalole amatendo gukubhomba.
\v 4 Numo wakubhomba lyolyondi kuwufiso ingawene wuyoakwanza kumanyihana pawuzelu. Iinga ukubhomba amambo iga, uyilolesye wewe ku ulimwengu."

\v 5 Pope abhaholo bhakwe bhope bhatamwitishile.
\v 6 Pe uYesu ahabhabhuzya, "Ahabhalilo hanihashili kufiha, ilelo ahabhalilo hinyu kila muda hali tayari.
\v 7 Uwulimwengu wutangawezya kubhalalila imwe, yoli wukuti ine kwa sababu inguwushuhudila kuti amatendo gakwe mabhibhi.

\v 8 Zubhaji kubhala kusikuku; ine indakubhala kusikuku ini kwa sababu umuda wani wutakamilishile haa."
\v 9 Baada ya kulonga amambo igo kukwabho, asyalile ku Galilaya.

\v 10 Kulisho abhaholobhakwe webhabhala kusikuku, pewope ahabhala, tea pazelu ha yoli kuwufisu.
\v 11 Abhayahudi bhahamwanzage kusikuku na kuti, "Ali kwino?"

\v 12 Kwamile na majadilano amanji muhati muluhomano pamwanya yakwe. Bhamu bhahati, "Mundu mwinza." Bhamu bhahati, "Haa, akubhatezya abhaluhomano."
\v 13 Sheshinisho numo weamalonjile wazi pamwanya yakwe kwa kubhogopa Abhayahudi.

\v 14 Ahabhalilo ihisikuku weyafiha pakasi, uYesu ahazubha mushibhanza na kwanda kumanyizya.
\v 15 Abhayahudi bhahaswigaga nakuti, "Kunamna yoni umundu unu amanyile amambo aminji? Atamanyiye nalumo."
\v 16 U Yesu ahajibu nakubhuzya, "Imanyizyo zyani tezyani, yoli zyakwe wene wasondelezizye.

\v 17 Inga wowndi ingayigana kubhomba amapenzi gakwe wene, atimanye kuhusu imanyizyo izi, inga zikufuma kwa Mulungu, au ingeingulonga kufuma kukwani nene.
\v 18 Kila wakulonga gegakufuma kukwakwe wuyo akwanza ulupalo lwakwe, yoli kila wakwanza ulupalo lwakwe uwene wamusondelezizye, umundu uyo wa nayoli, na mukasi yakwe mutali kuto kubhombo iyoli.

\v 19 U Mose atabhapiye imwe isheria? Ilelo numo kati yinyu wakubhomba isheria. Honihe mkwanza kungoga?
\v 20 Uluhomano luhajibu, "Uni pepu. Weru lwakwanza ku kugoga?"

\v 21 U Yesu ahajibu ahabhahuzya, "Imbombile imbombo yeka, nimwe mwendi mwaswijizwa kwa sababu yakwe.
\v 22 U Mose ahabhapa itohara (tekuti yikufuma kwa Mose, yoli yila yikufuma kubhatata), na mu Sabato mukumtahili umundu.

\v 23 Inge umundu aposhela itohara musiku ilya Sabato inga kuti sheria ya Mose yitahadumushe, honi mukuhalalila ine kwa sababu imugombile umundu kubha mupuma kabisa mu Sabato?
\v 24 Mutahukumaje kulingana numuloleho, yoli muhukumuje kuyoli.

\v 25 Baadhi yabho kufuma ku Yerusalemu bhahati, "Tewuwunu webhakumwanza kumugoga?
\v 26 Ingwenya, akulonga pawigule, na bhatakulonga hohonzi pamwanya yakwe. Yitangawezya kubha kuti abhalongozi bhamanyile yoli kuti unu wu Kilisiti, ingawezya kubha?
\v 27 Tumanyile umundu unu akufuma kwino. U Killisiti wayinza, sheshinisho, numo watahamanye kuti akufuma kwoshi."

\v 28 U Yesu ahavwisyaga isauti yakwe mshibhanza, wakumanyizya na kuti, "Imwe mwendi mumanyile ine na mmanyile kwingufuma. Indinzile kunafsi yani, yoli awene wasondelezizye wayoli na mutamu manyile awene.
\v 29 Imumanyile awene kwa sababu ifumile kukwakwe asondelezizye."

\v 30 Bhali bhahalingaga kumulema, ile numo hata weka wabhusizye inyobhe yakwe pamwanya yakwe kwa sababu isala yakwe yashili kufiha.
\v 31 Sheshinisho, abhinji paluhomano bhamwitishile. Bhahati, "U Kilisiti wayinza, ahayibhomba iishara inyinji kuliko zyabhombile umundu unu?"
\v 32 Abhafarisayo bhahabhivwa uluhomano bhakunongonezanya amambo kuhusu uYesu, na bhasongo abha makuhani na Bhafarisayo bhahasondelezya abha afisa kuti bhamuleme.

\v 33 Pe uYesu ahati, "Ishili kunumuda wumo indibhe peka nimwe, na awinzo indibhale kwa wene wasondelezizye.
\v 34 Mutinanze wala temuhandole; kula kwingubhala, temuhawezye kwinza."

\v 35 Kwa hiyo Abhayahudi bhahalongago bhibho kwa bhibho, "Umundu akubhala kwino kuti tutahawezye kumulola? Atibhale kwa Bhebhasatanile kati ya Bhayunani na kubhamanyizya Abhayunani?
\v 36 Iizwi loni lyalilonjile; Mtinanze wala temuhandole; kula kwingubhala temuwezye kwinza'?"

\v 37 Ishi kwisiku ilya kumbelela, isiku ipiti ilyisikukuu, uYesu ahimilila ahavwisya isavuti, ahati, "Inge wowondi walinishimilwa, ayinze kukwani amwele.
\v 38 Uwene wakunitiha ine, inza insimilwa vwezilonjile, kufuma mukasi yakwe yitiyishe inyizi izya minzi iga wupuma."

\v 39 Ile agalonjile iga kuhusu Umupepo, we abhene bhebhakumwitiha bhatimuposhele; Umupepu ashili itafumilwe kwa sababu uYesu ashili kupalwa wulo.

\v 40 Baadhi yaluhomano, webhivwa amazwi iga, bhahati, "Yoli unu muloli."
\v 41 Bhamu bhahati, "Unu wu Kilisiti." Ile bhamu bhahati, "ahoni, uKilisiti angawezya kufuma ku Galilaya?
\v 42 Ansimbilo zitalonjile kuti uKilisiti atifume kushiholo isha Daudi na kufuma ku Bethlehemu, ishijiji shu Daudi ali?

\v 43 Ishi, pala uhabhuha umusatano pahati yaluhomano kwajili yakwe.
\v 44 Bhamu kati yabho hani bhamulema, ile numo waholosizya inyobhe yakwe pamwanya yakwe.

\v 45 Pe bhala abhaofisi bhahagaluha kubhasongo awamakuhani na Bhafarisayo, bhope bhahabhabhuzya, "Honi ne mutamuleta?"
\v 46 Abhaofisa bhahajibu, "Numo umundu wawayile kulongazunu kabla."

\v 47 Pe Bhafarisayo bhahajibu, "Nimwe bhulo mwarezwa?
\v 48 Kuwowondi kati ya bhatabhala wakumwitiha, au wowondi uwa Bhafalisayo?
\v 49 Yoli uluhomano ibha bhebhatamanyile isheria - bhagunilwe."

\v 50 U Nikiodemo ahabhabhuzya (awene wamamubhali ye uYesu imandi, angabha weka wa Bhafarisayo),
\v 51 "Je isheria yitu yikumuhukumu umundu yoli ateje levwizwe asiti na kumenya hakubhomba?"
\v 52 Bhahajibu nakumubhuzya, "Niwebhulo ukufuma ku Galilaya? Yanzana uyenye kuti numo umuloli wakufuma ku Galilaya."

\v 53 (Uzingatile: Baadhi ya mazwi iga Yohani 7: 53 - 8: 11 nagamo munakala inyinza izwi mondi). Pekila mundu ahabhala kuhaya yakwe.

\c 8
\cl Isura iya nane
\p
\v 1 (Zingatia: Angalia ufafanuzi wa Yohana 7: 53 - 8: 11 hapo juu).
\v 2 U Yesu ahabhala kwigamba ilya Mizeituni. Inza shilabhila ahinza awinza kushibhanza, abhandu bhondi bhahamubhalila ahihala na kubhamanyizya.
\v 3 Abhasimbizi na Bhafalisayo bhahamuleta umwandanda wealimilwe kulyeahabhombaga ilya weleganu. Bhamubhiho pakasi.

\v 4 (Zingatia: Angalia ufafanuzi wa Yohana 7: 53 - 8: 11 hapo juu). Pebhahamubhuzya uYesu, "Mumanyizi, umwandanda unu alemwa kuwelenganu, kumbibhi ihani.
\v 5 llelo, ku shelia, uMose atulajiye kubhabhoma na mawe abhandu inzibho, ukutitu muhozyeshi?
\v 6 Bhahalonga iga ingakututega ingakuti bhapate ijambo ilya kumusitaka, ilelo uYesu ahagulama pasi ahasimba insi kuhasamba hakwe.

\v 7 (Zingatia: Angalia ufafanuzi wa Yohana 7: 53 - 8: 11 hapo juu). Vwebhendelela kumubhuzilizya, ahamilila na kubhabhuzya, "Weatali ni mbibhi mhati yinyu, abhawakwandia kumuhoma amawe."
\v 8 Ahinama awinza pasi, ahasimba pansi kulisamba lwakwe.

\v 9 Angalia ufafanuzi wa Yohana 7: 53 - 8: 11 hapo juu). Webhivwa bhahasogola weka baada ya wamwabho, kwandila wemgosi. Kumbelela uYesu ahasyala amwene, ulwakwe, peka numwandanda wamali mhati yabho.
\v 10 U Yesu ahimilila na kumubhuzya, "Mwandanda, bhebhakusitakile walikwino? Numo hata weka wakuhukumile?"
\v 11 Ahati, "Hata weka numo Mwene." U Yesu ahati, "Hata nine indakukuhukumu. Bhalaga nidala lyaho; kwandila isalizi na kwendelela utahabhombo imbibhi awinza."

\v 12 Awinza uYesu ahalonga na bhandu ahati, "Inene luhozyo ulwinsi; uwene wakundandata atajende mhisi yoli atibhe nuluhozyo ulya wupuma."
\v 13 Abhafarisayo bhahamubhuzya, "Ukuyishuhudila wewe; uwushuda waho te wa yoli."

\v 14 U Yesu ahajibu ahabhabhuzya, "Peinga natiyishuhudila nunene uwushuhuda wani wanayoli. Imanyile pifumile na kwingubhala, imwe mutamanyile kwifumile au kwingubhala.
\v 15 Imwe mukuhukumu kumubhili; ine indakumuhukumu wowondi.
\v 16 Ine popeinganahukumu, ihukumu yani ya yoli kwa sababu indali nu mwene, yoli indipeka nu Tata wasondelezizye.

\v 17 Ee, na mu shelia yitu yisimbilwe kuti uwushuhuda uwa bhandu bhabhili yayoli.
\v 18 Ine nikuyishudila, nu Tata wasondelezizye akushudila."

\v 19 Bhahamubhuzya, "Utata waho ali kwii?" U Yesu ahajibu, "ine mutamanyile wala Utata wani mtamumanyile; inge mwamanyile ine, hani mmumanyile Utata wani bhulo."
\v 20 Alonjile amazwi iga walipapipi ni hazina ye yalipa ahamanyizyaga mushibhanza, na numo hata weka wamulemile kwa sababu isala yakwe yashili kufiha.

\v 21 Basi ahabhabhuzya awinza, "Ingubhala izyani; mtinanze na mtifye mu mbibhi zyinyu. Kula kwingubhala mutangawezya kwinza."
\v 22 U Yesu bhahati, "Atiyigoje wuyo, wene atili kula kwingubhala, 'mtangawezya kwinza'?"

\v 23 U Yesu ahabhabhuzya, "Mukufuma pasi; ine ingufuma pamwanya. Imwe mwebha Pansi ipa; ine te wa pansi ipa.
\v 24 Kwa hiyo, abhabhuzizyi kuti mutifye mu mbibhi zyinyu. Ingashishisho mwitishe kuti INE WUYO, mtifye mu mbibhi zyinyu".

\v 25 Kwa hiyo bhahamubhuzya, "Iwe we nanu?" U Yesu ahabhabhuzya, Gala gimbabhuzizye kufuma kuwandilo.
\v 26 Indinago amambo aminji kulonga na kuhukumu pamwanya yinyu. Pope isho, uwene wasondelezizye wayoli; na mambo gingivwuye kufuma kukwakwe, amambo iga inguyalonga kubha Pansi."
\v 27 Bhatamwelebhilwe kuti ahalongaga nabho kuhusu Utata.

\v 28 U Yesu ahati, "Wemubhusya pamwanya Umwana wa Mundu, pe mutimanye kuti INE WUYO, na kuti andakubhomba lyolyondi kunafisi yani. Inzavye Utata vyamanyizizye, ingulonga amambo iga.
\v 29 Uwene wasondelezizye alipeka nine, na awene atandeshile nu mwene, kwani kila mara ingugabhomba gala gega kumuhondela."
\v 30 Ahabhalilo hu Yesu akulonga amambo iga, abhinji bhamwitishile.

\v 31 U Yesu ahalonga kubhala Abhayahudi bhebhamwitishile, "Ingamkwihala mwizwi lyani, pemutibhe mwebhamanyili bhani yoli,
\v 32 nimwe mutiyimanye iyoli, ni yoli yitibhabhishe uwusatushe." Bhahamujibu,
\v 33 "Itwe twe wupapwo uwa Ibrahimu awinza tutawayile kubha pasi ya umusonde wowndi; utulonjebhuli, "Tutibhe uwesatushe?"

\v 34 U Yesu ahabhajibu, "Yitishi, yitishi, ingubhabhuzya, kila wakubhomba imbibhi musonde wimbibhi.
\v 35 Umusonde atakwihala pahaya ahabhalilo hondi, Umwana akudumu insiku zyondi."
\v 36 Kwa hiyo, inga Umwana atibhishwe uwusatushe, natibhe nuwusatushe uwa yoli ihani."

\v 37 kuti imwe mwebhapwo ya Ibrahimu; mukwanza kungoga kunongwa lye izwi lyani litali ni nafasi mukasi yinyu.
\v 38 Ingulonga amambo gingalolile peka nu Tata wani, nimweshishila mukubhomba amambo gemwagivwuye kufuma kubha tata bhinyu."

\v 39 Bhahajibu na kumubhuzya, "Utata witu wu Abrahamu." U Yesu ahabhahuzya, Inga mwamile mwe bhana wa Ibrahimu, mwabhombaga imbombo izya Ibrahimu.
\v 40 Paka isalizi mukwanza kungoga, umundu wabhabhuzizye iyoli kuti nivwizye kufuma kwa Mulungu. U Abrahamu atabhombile ishi.
\v 41 Mukubhomba imboimbo izya Tata winyu." Bhamubhuzya, "Tutapapiwe mu wupopo, tulinu Tata weka, Umulungu."

\v 42 U Yesu ahabhabhuzya, "Inga Umulungu wu Tata winyu, hani mwangana ine, kwa maana ifyumile kwa Mulungu; wala indizile ku nafisi yani, yoli uwene asondelezizye.
\v 43 Kwa nini mutakugelewa amazwi gani? Kunongwa iyo mutangawezya kujimbilila kugivwa imazwi gani.
\v 44 Imwe mwebha Tata winyu, usyetani, na mukwanza kuzibhomba insungwo izya Tata winyu. Alimugoji kukuwandilo na atangawezya kwimilila kuyoli kwa sababu kweli haimo ndani yake. Anapoongea uongo, anaongea kutoka kwenye asili yake kwa sababu wilenga nu Tata uwilenga.

\v 45 Hata ishi, kunongwa ingulonga igayoli, mtakunitiha.
\v 46 Wunanu kati yinyu wakushudila kuti indi ni mbibhi? Yeingulonga anganayoli, honi hemutakunitiha?
\v 47 Awene wewa Mulungu atakugivwa amazwi ga Mulungu; imwe mutakugivwa kwa sababu imwe temwebha Mulungu."

\v 48 Abhayahudi bhahamjibu na kumubhuzya, tutalonjile yoli kuti iwewe Msamaria na uli ni pepo?"
\v 49 U Yesu ahajibu, indali ni pepo; ile ingumutiniha Utata wani, nimwe mutinishe.

\v 50
\v 51 Indakwanza imbalo izyani; alipoweka wa kwanza na kuhukumu. Yitishi, yitishi, ingubhabhuzya, inga wowondi atilileme izwi lyani taalole uwufwe nalumo.

\v 52 Abhayahudi bhahamubhuzya, "Ishi twamanya kuti uli ni pepo. U Abrahamu na bhaloli bhafuye; ilelo ukuti, 'Inga umundu atilileme izwi lyani tahalinje uwufye'.
\v 53 Iwe we songo kuliko utata witu uAbrahamu waafuye, teshishisho? Abhaloli bhope bhafuye. Iwe ukuyifanya kuti wananu?"

\v 54 U Yesu ahajibu, "Inga inguyipala nene, ulupalo lwanilwa bhulo; wu Tata wani wakumbala - ula we mukumulonga kuti wu Mulungu winyu.
\v 55 Imwe mtamu manyile awene, ilelo ine imumanyile wene. Ingeinditi, 'indamumanyile,' indibhe ngati mwemwe, ilenga. Sheshisho, imumanyile na mazwi gakwe ingalemile.
\v 56 Utata winyu uAbrahamu ashangiliye walilola isiku lyani; alilolile na ashiye."

\v 57 Abhayahudi bhahamubhuzya,"Utafisizye amaha amusi ushili, niwe umulolile uAbrahamu?"
\v 58 U Yesu ahabhabhuzya, "Yitishi, yitishi, ingubhabhuzya, kabla uAbrahamu atapapiwe, INE INDIPO."
\v 59 Pe bhahasebha amawe bhamuhome, ile uYesu ayiubhule na ahafuma panzi pa shi bhanza.

\c 9
\cl Isura iya tisa
\p
\v 1 Ahabhalilo, inge uYesu akushila, amulolile umundu umbubhila kufuma kupapwa kwakwe.
\v 2 Abhamanyili bhakwe bhahamubhuzilizya, "Rabi, wunanu weabhombile mbibhi, umundu unu au abhapapi bhakwe, mbaka apapiwe umbubhila?"

\v 3 U Yesu ahajibu ahajibu, "Nte unu umundu wala abhapapi bhakwe bhebha bhombile imbibhi, yoli imbombo zya Mulungu zipate kwigubuliwa kushilila kukwakwe.
\v 4 Tukwanziwa kubhomba imbombo zyakwe awene wasondelezizye ahabhalilo hashili shashamusanya uwusiku wukwinza ahabhalilo henumo watiwezye kubhomba imbombo.
\v 5 Ahabhalilo hindipo mnsi, inene luhozyo ulwa mnsi."

\v 6 Baada ya Yesu kulonga amazwi iga, ahaswila pansi, abhombile itope na mati, ahamupaha umundu ule mumiso ni tope lila.
\v 7 Ahamubhuzya, bhalaga hageze kushisima isha Siloam (Yeyi kutafasiliwa kuti 'umusondelezye')." Kwa hiyo umundu uyo ahabhala, ahanawa, na ahagaluha, akwenya.

\v 8 Abhapalamani wa mundu ula na bhala bhebhamuwenyi kuwandilo kuma mulabha bhahati, Je! tewuwuyo umundu wa wahihalaga na kulabha?" abhamwabho bhahati, "Wuyo."
\v 9 Na bhamwabho bhahati, "Hala, yoli aholine nawo." Ile ahaongaga kuti, "Nene."

\v 10 Bhahamubhuzya, "Ishi amiso gaho giguliwa bhuli?"
\v 11 Ahajibu, umundu wakubhilishilwa wu Yesu ahagomba itope na kupata amiso ganina kumbuzya, 'Bhalaga ku Siloam hanawe.' Kwa hiyo nabhalile, naihanawa, na ihapata kulola awinza."
\v 12 Bhahamubhuzya, "Ali kwino?" Ajibile, "Manyi."

\v 13 Bhahamutwala umundu ula umawayile kubha wumbubhila ku Bhafarisayo.
\v 14 Yope yalilisiku ilyi Sabato ahabhalilo hu Yesu wahagomba itope na kugafumbula amiso gakwe.
\v 15 Pewinza Abhafalisayo bhahamubhuzilizya apatilibhili kwenya. Ahabhabhuzya, "Abhishile itope mumiso goni, ihanawa nishi inguwezya kulola."

\v 16 Baadhi ya Bhafalisayo bhahati, "Umundu unu atafumile kwa Mulungu kwa sababu atakuyilema iSabato." Bhamu bhahati," Yikuwezehana bhuli umundu uwi mbibhi kubhomba iishara izizi?" Kwa hiyo kuhabha numu satana kati yabho.
\v 17 Pe bhahamubhuzilizya umbubhila ulawinza, "Utibhuli juu yakwe kwa sababu ajiguye amiso gaho?" Umbubhila ahati, "Muloli."
\v 18 Paka ahabhalilo iha Abhayahudi bhatamwitishile kuti ali wumbubhila wope apatile kwenye mbaka we bhabhita abhapafi bhakwe wene wapatile kwenya.

\v 19 Bhahabhabhuzilizya abhapofi, Je, unu mwana winyu we mukuti apapiwe wumbubhila? Awezizye bhuli ishi kwenya?"
\v 20 Isho abhapafi bhakwe bhahamujibu, "Tumanyile kuti unu mwana witu na kuti apapiwe wumbubhila.
\v 21 Honi he ishi akwenya, tutamanyile, nawe amufumbuye amiso gakwe, tutamumanyile. Mubhuzilizye wene. Mundu msongo. Awezizye kujelezya wuyo."

\v 22 Abhapafi bhakwe bhalonjile amambo iga, kwa sababui bhabhogopile Abhayahudi. Kwa vile Abhayahudi bhitihanile tayali kuti, ingawowondi atiyitishe kuti uYesu wu Kilisiti, atitengwe ni Sinagogi.
\v 23 Ku sababu ini, abhapafi bhakwe bhatili, "Mundu musongo, mubhuzilizyaje wuyo."

\v 24 Kwa hiyo ku mara iya wubhili, bhahamubhilishila umundu ula wamaliwumbubhili na kumubhuzya, "Mpe Umulungu uwupalo. Tumanyile kuti umundu unu wimbibhi."
\v 25 Pe umundu ula ahajibu, "Abhe wimbibhi ine indamanyile ahandu heka hihamanyile: amile ne mbubhila, ishi ingulola."

\v 26 Pe bhahamubhuzya, "Akubhombile ahoni? Agafumbuye bhuli amiso gaho?"
\v 27 Ahajibu, "Imbabhuzizye tayali, nimwe mutatejelezizye! Honi mukwanza kutejelezya winza? Nimwe muta kwanza kubha mwebhamanyili bhakwe bhulo, bhuli?
\v 28 Bhamuliga na kuti, "Iwe we mumanyili wakwe, ilelo itwe twebhamanyili bha Mose.
\v 29 Tumanyile kuti Umulungu alonjile nu Mose, ilelo kwa kwa mundu unu, tutamanyile kula kwa kufuma."

\v 30 Umundu ula ahajibu na kubhabhuzya, "Honi, ili lijambo ilya kuswijizya, kuti mutamanyile kwa kufuma na kuti afumbuye amiso gani.
\v 31 Tumanyile kuti Umulungu atakubhatejelezya abhimbibhi, ilelo inga mundu wowondi akumwimiha Umulungu na kubhomba amapenzi gakwe Umulungu akumtejelezya.

\v 32 Tangu kwanda kuwulimwengu yitawayile nalumo kuvwiha kuti wowondi agafumbuye amiso ga mundu wapapiwe wumbubhila.
\v 33 Inga umundu unu atafumile kwa Mulungu, hani atabhombile hohondi."
\v 34 Bhajibu na kumubhuzya, "Wapapiwe mumbibhi ahani, "Niwe utumanyizya itwe?" Pe bhahamubhinga kufuma ku sinagogi.

\v 35 U Yesu ayivuye kuti bhamwefizye ku sinagogi. Ahamwaga na kumubhuzya, "Ukumwitiha Umwana wa Mundu?"
\v 36 Ahajibu na kuti, "Wunanu, Mwene, inge nani imbate kumwitiha?"
\v 37 U Yesu ahamubhuzya, "Wamulola, wope wukulonga nawope wuyo."
\v 38 Umundu ula ahati, "Mwene, ingwitiha." Pe ahamwimiha.

\v 39 U Yesu ahati, "Kuwulonji ininzile munsi ini inga kuti bhala bhebhatakulola bhapate kulola na bhala bhebhakulola bhabhe bhabhambubhila."
\v 40 Baadhi ya Bhafarisayo bhebhali peka nawo bhahivwa amazwi iga na kumubhuzilizya, "Nitwe bhulo twebhambubhila?"
\v 41 U Yesu ahabhabhuzya, "Inga mwamile mwebhambubhila, "Hani mutali ni mbibhi. Sheshinisho, ishi mukuti, 'Tukulola,' imbibhi yinyu yikwihala."

\c 10
\cl Isura iya kumi
\p
\v 1 Yitishi, yitishi ingubhabhuzya, ula watakwinjila kushilila umulyango uwa shibhiji ishingole, ile akuzubha kwidala ilya mwabho, umundu uyo mwibha na mufyuli.
\v 2 Uwene wakwinjila pamulyango mudimi uwingole.

\v 3 Kukwakwe umulindi uwa mulyango akumwingulila. Ingole ingazyivwa izilyakwe akuzyita ingole zyakwe kumatawa gabho na kuzifumwa kunzi.
\v 4 Wazifumwa kunzi bhope bhebakwe, bhakutangulila, ningole zikumulandata, kunongwa ye bhalimanyile izilyakwe.

\v 5 Tebhamulandate umjeni ilelo badala yakwe tibhamwepushe kunongwa bhataga manyile amazi iga bhajeni."
\v 6 U Yesu alonjile ishiholanyo ishi kukwabho, ileo bhatagahagelewa amambo iga gahalongaga kukwabho.

\v 7 U Yesu ahalonga nabho winza, "Yitishi, yitishi, ingubhabhuzya, Ine ne mulyango uwingole.
\v 8 Bhondi bhebhandanguliye na bhafyuli, ilelo zitabhatejelezizye.

\v 9 Inene mulyango. Wowondi wakwinjila kushilila kukwani, ahayiposhilwa; atiyinjile na kufuma wope atiyipate umulyo.
\v 10 Umwibha atakwinza yoli, kugoga, na kwangamizya. Ininzile inga kuti bhapate uwupuma nabhabhe nawo uwinji.

\v 11 Ine ne mudimi umwinza. Umudimi umwinza akuwufumwa uwumi wakwe kwa ajili yingole.
\v 12 Umubhombi waajiliwiwe, nate mudimi, we ingole te mali yakwe, akuzilola imbwa izya mwilala zikwinza na akuzileha na kuzishimbila ingole.
\v 13 Ni mbwa izya mwilala zikuzilema na kuzisatanya. Akishimbila kwa sababu mubhombi wa ayajiliwe na naatakuzisajila ingole.

\v 14 Ine ne mudimi umwinza, na imbamanyile bhebhani, bhope bhebhani bhamanyile ine.
\v 15 Utata amanyile, nine imumanyile Utata, nine ingu wufumwa uwumi wani kwajili yingole. Indiningole izya mwabho zyete zyamshibhiji ishi.
\v 16 Zyope bhulo, ingwanziwa kubhaleta, bhope bhatiyitejelezye izi lyani inga kutipabhe ni kundi lyeka nu mudimi weka.

\v 17 Ini ye nongwa Utata anganile: Imbufumwa uwumi wani halafu imbulete winza.
\v 18 Numo wakuwega kufuma kukwani, ilelo ine inguwufumwa nunene. Indi na mulaka iga kuwufumwa, indina mamulaka iga kuwuleta bhulo. Imbolesheleye indajizyo ini kufuma kwa Tata."

\v 19 Umusatano awinza wuhafumila kati yabhayahudi kwa sababu iya mazwi iga.
\v 20 Abhinji bhabho bhahati, "Ani pepu na washipena. Honi hemukumutejelezya?"
\v 21 Bhamu bhahati, "Ingatemazwi gamundu wapenelwa ni pepu. Ipepu liwezizye kwingula amiso gambubhila?"

\v 22 Peyihinza ihambepu iya kubhiha uwakfu ku Yerusalemu.
\v 23 Hali habhalilo ihambepu, nu Yesu ahajendaga mushibhanza kuwukumbi uwa Selemani.
\v 24 Pe Abhayahudi webhamuzungula na kumubhuzya, "Mbaka lino utitubhishe mumashaka? ingiwe we Kilisiti, tubhuzye wazi.

\v 25 U Yesu ahajibu, "Imbelile imbabhuzizye ile mutakwitiha. Imbombo zingu zibhomba kwitawa lya Tata wani, izyo zikushudila juu yani.
\v 26 Sheshinisho mutakwitiha kwa sababu imwe temwengole zyani.

\v 27 Ingole zyani zikwivwa izi lyani; Inzimanyile, bhope bhakundandata ine.
\v 28 Imbapiye uwupuma uwa wila; tebhahateje nalumo, na numo hata weka watahabhabhusye kufuma munyobhe zyani.

\v 29 Utata wani, wambiye ibho mupiti kuliko abhanji bhondi, numo hata weka wali nu wuwezyo uwa kubhega kufuma munyobhe zya Tata.
\v 30 Ine nu Tata tuli peka."
\v 31 Bhahapimba amawe inga bhamuhome awinza.

\v 32 U Yesu ahajibu, "Imbalanjile imbombo inyingi inyinza kufuma kwa Tata. Ku mbombo zilikwi kati yizyo mukwanza kuhoma amawe?"
\v 33 Abhayahudi bhahamjibu,"Tutakukuhoma amawe kumbombo yoyondi yenyinza, ile kwa kukufuru, kwa sababu iwe, we mundu, ukuyifanya kuti we Mulungu."

\v 34 U Yesu ahajibu, "Yitasimbiwe mu sheria zyinyu, 'Natili, "Imwe mwe miungu"'?"
\v 35 Ingeawitile miungu, kubhala bhe izwi lya Mulungu lyabhinziye (na maandiho gatangawezya kuvunza),
\v 36 mukulonga juu ya wula we Utata amufumizye na kumusondelezya pansi, 'Ukukufuru,' kwa sababu nalonjile natili, 'une ne Mwana wa Mmulungu'?

\v 37 Inge inda kubhomba imboimbo izya Tata wani, mutanitihaje.
\v 38 Sheshisho inge inguzibhomba, inga pope mutakunitiha, zyitihaji imbombo inga kuti muwezye kumanya nakuti Utata alimkasi yani nine indi mukasi ya Tata."
\v 39 Bhahalinga winza kumulema uYesu, ile ahabhala izyakwe kufuma munyobhe zyabho.

\v 40 U Yesu ahabhala izyakwe awinza ishila ilya Yordani isehemu ye uYohani kuwandilo, na ahihala ukwo.
\v 41 Abhandu abhinji bhahinza kwa Yesu. Bhahendelea kuti, uYohani yoli atabhombile iishara yoyondi, ile amambo gondi gagalonjile uYohani juu ya mundu unu gana yoli."
\v 42 Abhandu abhinji bhahamwitiha uYesu ipo.

\c 11
\cl Isura iya kumi  na moja
\p
\v 1 Basi umundu weka itawa lyakwe wu Lazaro ali mubhinu. Afumiye ku Bethania, ishijiji isha Mariamu nu dada wakwe uMartha.
\v 2 Ali wu Mariamu wuwule wamuposhila Umwene Amarhamu na kumpupula ivinama vwakwe ku nsisi zyakwe, wuuholo wakwe uLazaro ali mubhinu.

\v 3 Pe wadada ibha bhahasondelezya uwujumbe kwa Yesu na kuti, "Mwene yenya wa wumuganile akubhina."
\v 4 U Yesu wayivwa atili, "Uwubhinu unu tewa wufwe, ile, badala yakwe kwajili ya lupalo wa Mulungu inga kuti Umwana wa Mulungu apate kupalwa kuwubhinu uwo."

\v 5 U Yesu amuganile uMartha nu dada wakwe nu Lazaro.
\v 6 Wayivwa kuti uLazaro mubhinu, uYesu ayihaye insiku zibhili zaidi ya peamili.
\v 7 Pe badala ahabhabuzya abhamanyili bhakwe, "Sali ku Uyahudi awinza."

\v 8 Abhamanyili bhahamubhuzya, "Rabi, Abhayahudi bhahalingaga kukohoma amawe, aniwe ukwanza kuduga kukwowinza?"
\v 9 U Yesu ahajibu, "Isalaziya samusanya tezya kumi na mbili? Umundu wakujenda samusanya atangapunushila, kwa sababu akulola kulohozyo ulya samusanya.

\v 10 Sheshisho, ingajenda uwusiku, atapunushile kwa sababu ulohozyo nalumu mukasi yakwe."
\v 11 U Yesu ahalonga amambo iga, na baada ya mambo iga, ahabhabhuzya, "Umanyani witu agonile, ile ingubhala inga kuti imudamusye kufuma kutolo."

\v 12 Pe abhamanyili bhahamubhuzya, "Mwene, inge agonile, atidamushe.
\v 13 Ahabhalilo iha uYesu ahalonjelaga ihabali izya wufwe wa Lazaro, ile bhene bhasibhile kuti akulonjela juu ya kugona utulo.
\v 14 Pe uYesu ahalonga nabho apazeru, "U Lazaro afuye.

\v 15 Ishiye kwajili yinyu, kuti indalipo kula inga kuti mpate kwitiha. Sali kukwakwe."
\v 16 Basi uTomaso, wakubhilishilwa Mapasa, ahabhabhuzya abhamanyili abhamwabho, "Natwe salibhulo tufwe peka nu Yesu."

\v 17 Ahabhalilo hu Yesu ayinza, ahaga kuti uLazaro tayari aperile alimwikaburi insikuzine.
\v 18 Yope i Bethania yali pa pipi ni Yerusalemu kama ikilometa alubaini na tano ishi.
\v 19 Abhinji kati ya Bhayahudi bhahinza kwa Martha nu Mariamu kubhajinjizya kwajili ya holo wabho.
\v 20 Pe uMartha wayiwa kuti uYesu akwinza, ahabhala kuhomana nawo, ilelo uMariamu ayendeleye kwihala pahaya.

\v 21 Pe uMartha ahamubhuzya uYesu, "Mwene, ingawalipo ipa, ukaka witu hanatafuye.
\v 22 Hata tishi, imanyile kuti lyolyondi lyutilabhe kufuma kwa Mulungu, atikupe."
\v 23 U Yesu ahamubhuzya, ukaka waho atizyushe winza."

\v 24 U Martha ahamubhuzya, imanyile kuti ahayizyuha kuwuzyusyo uwisiku ilya kumbelela."
\v 25 U Yesu ahamubhuzya, "Ine ne wuzyusyo nu uwupuma; uwene wakunitiha, ile atifwe, sheshisho atibhe akudila(akwihala);
\v 26 awene wakudila na kunitiha ine teafwe. Ukwitiha ili?"

\v 27 Ahamubhuzya, "Ena, Mwene ingwitiha kuti iwe we Kilisiti, Umwana wa Mulungu, awene wakwinza mnsi."
\v 28 Wamala kulonga ili, ahabhala na kumubhilishila udada wakwe uMariamu kuwufiso. Ahati, "Umumanyizyi alipo ipa na akukwita."
\v 29 U Mariamu wayii wa iga, ahabhuha lubhilo na kubhala kwa Yesu.

\v 30 Wope uYesu ashili kwinza mkasi mu shijiji, yoli alibhulo pehomanile uMartha.
\v 31 Pe Abhayahudi bhebhali nu Mariamu munyumba na bhala bhebhali kumujinjizya webhamulola akubhuha lubhilo n akufuma kunzi, bhahamulandata; bhahasibha kuti akubhara kumbipa ingalile kunukwo.
\v 32 Pe uMariamu, wafiha pale uYesu wamulola na ahagwa pasi pavinama vwakwe n akumubhuzya, "Mwene ingawalipo ipa, uholo wani hani atafuye."

\v 33 U Yesu wamulola kulila, na Abhayahudi bhebhinzile peka nawo bhahalilaga bhope bhulo, ahaombelezya mumupepu na ahazugumile;
\v 34 ahati, "Mumugonizye kwino? Bhahata Mwene nzaga uyenye."
\v 35 U Yesu ahalila.

\v 36 Pe Abhayahudi bhahati, "Yenya vwamuganile uLazaro!"
\v 37 Ile bhamu kati yabho bhahati, "Te wuyo, umundu wamufumbuye amiso gawula weamile wumbubhile, atawezizye kumubhomba umundu unu atafwe?"

\v 38 Pe uYesu, weakuyilumbuzya mnafisi yakwe awinza ahabhala kumbipa. Ishi lyabha lipango, niwe lyabhishilwe pamwanya yakwe.
\v 39 U Yesu ahati, "Lyefwe iwe." U Martha udada wakwe nu Lazaro, wene wafunye, ahamubhuzya uUYesu, "Mwene, kumdunu, umubhili hodeye wubholile, kwa sababu apelile mufwe kunsiku zini."
\v 40 U Yesu ahati, "Ine indobhabhuzizye kuti, inga witiha, utuwulola uwupiti wa Mulungu?"

\v 41 Kwa hiyo bhahefwa iwe. U Yesu ahabhuzya amiso gakwe kumwanya nakuti, "Tata, ingukusalifwa puukundejelezya.
\v 42 Nimanyile kuti ukundejelezya kuzyondi, ile kunoongwa yalubhungano lwelwiniliye kuzyungula kuti indonje iga, ingakuti bhapate kwitiha kuti iwe unsondelezizye."

\v 43 Baada ya kul; onga iga, ahaliga kwizi ipiti, "Lazaro, fuma kunzi!"
\v 44 Umufwe ahafuma kunzi apinyilwe inyobhe ni vinama kwigolole ilya kusyilila, na kumiso kwakwe kwa pinyilwe nishitambala." U Yesu ahabhabhuzya, "Msatuli mumulashezye abhalaje."

\v 45 Pe Abhayahudi abhinji bhebhinzile kwa Mariamu na kulola uYesu habhoma bhahamwitiha;
\v 46 iIelo baadhi yabho bhahabhala bha Bhafarisayo kubhabhuzya amambo gabhombile uYesu.

\v 47 Pe abhasongo abha Makuhani na Bhafarisayo bhahabhungana peka mwibaraza nakuti, "Tutibhombe ahoni? Umundu unu akubhomba iishara inyinji.
\v 48 Ingetumuleha shinishi amwene, bhondi bhatimwitishe; Abharumi bhatiyinze na kwega vwondi papitunitaifa lyitu."

\v 49 Sheshisho, umundu weka kati yabho, uKayafa, wamali wukuhani umusongo umwaha uyo, ahati, "Mtamanyile hohondi kabisa.
\v 50 Mtakukwina kuti yikwanziwa kwajili yinyu kuti umundu weka yikwanziwa kufwa kwajili ya bhandu kuliko itaifa kwangamila."

\v 51 Inga atagalonjile kunongwa yakwe awene, badala yakwe, kukuti aliwu kuhani musongo umwaha ula, alolile kuti uYesu ahayifwa kwajili yitaifa;
\v 52 nate kwitaifa lyene hala, yoli uYesu apate shishila kubhabhunganya abhana bha Mulungu bhebhasatanile mu sehemu mbali mbali.
\v 53 Kwa hiyo kwandila isiku ilyo na kwendelela bhahapanga inamna iya kumugoga uYesu.

\v 54 U Yesu atahajenda awinza apazeru mu Bhayahudi, yoli ahasogola ipo na kubhala insi yeyili papipi nijangwa munsi yeyikubhilishilwa Efraimu. Ipo ayihaye nabhamanyili.
\v 55 Pe iPasaka ya Bhayahudi yali papipi, na abhinji bhahazubha kubhala ku Yerusalemu panzi yinsi we iPasaka yishili ingabhapate kuyozya bhibho.

\v 56 Bhahamwanzaga uYesu na kulonga kila weka pebhimiliye pashibhanza, "Mukukwinanasi? Kuti tutinzile kusikukuu?"
\v 57 Ahabhalilo iha abhasongo abha bhakuhani na Bhafarisayo bhafumwizye iamri kuti inge weka amanya uYesu pali, akwanziwa kufumwa itarifainga kuti bhapate kumulema.

\c 12
\cl Isura iya kumi na wubhili
\p
\v 1 Insiku sita wi Pasaka yishili, uYesu ahabhala ku Bethania, kwa amile uLazaro, awene wamamuzusizye kufuma kubhafwe.
\v 2 Pe bhahamwandalila ishakulya ishahalyabhela kunukwo, na Martha ahamubhombele, ahabhalilo iho uLazaro alipeka wabhala bhebhihaye pashakulya peka nu Yesu.
\v 3 Awinza uMariamu ahega iratli iya manukato gegagombilwe ku nardo inyinza, gega ni thamani imbiti, ahamupaha uYesu muvinama, na kumufuta kunsisi zyakwe; inyumba yondi yizuyo umunushi uwa manukato.

\v 4 U Yuda Iskariote, weka wabhalaa abhamanyili bhakwe, we wuyo watimuhane uYesu, ahati,
\v 5 "Honi amanukato iga yatakazwaga ku dinari mia tatu na kubhapa abhapina?"
\v 6 Wope ahagalonga igo, te kukubharolela uwila abhapina, yoli kunongwa akimwibha: uwene wamalemile umfuku uwihela na ahegaga baadhi ya vwevibhishilwe umo kwajili yakwe wene.

\v 7 U Yesu ahati, "Muleshe abhishe halinaho kwajili yisiku ilya lusilyo lyani.
\v 8 Abhapina mumtibhe nabho insiku zyondi; ile temubhe ninne insiku zyondi."

\v 9 Pe ulubhungano ulupiti uwa Bhayahudi bhahamanya kuti uYesu ali ukwo, bhope bhahinza, te kwajili ya Yesu basi ha, bhamulole uLazaro we uYesu amuzusizye kufuma kubhafwe.
\v 10 Bhope abhasongo abha makuhani bhahabhomba umbuzilizayo kuti bhamugoje uLazaro;
\v 11 maana kwajili yakwe abhinji Abhayahudi bhahala na kumwitiha uYesu.

\v 12 N i siku ilya wubhili lyakwe ulubhungano ulupiti lunzile kusikuku. Webhivwa kuti uYesu akwinza ku Yerusalemu,
\v 13 bhaheja ipaswa izya makwi iga matende na kufuma kunzi kubhala kumutambila na bhahahoma ishongo, "Hosana! Asayilwe awene wa kwinza kwitawa lya Mwene, Umpiti uwa Izraeli."

\v 14 U Yesu ahayanga indogomi ahayizubha; inzashe yisimbilwe,
\v 15 "Utahagope, mulindu uwa Sayuni; yenya, Umupiti waho akwinza, apandile indogomi."

\v 16 Abhanyili bhakwe bhatahagelewa mazwi iga pamwandilo ipo; ile uYesu wapalwa, pe bhahakumbuha kuti amambo iga asimbilwe awene nakuti bhabhombile amambo iga kukwakwe.

\v 17 Pe ikundi lila ilya bhandu bhebhali peka nu Yesu ahabhalilo heahamubhilishila uLazaro kufuma mmbipa, bhahashudila kubhamwabho.
\v 18 Yali kunongwa ini winza kuti ikundi ilya bhandu bhabhalile kumwofwa kunongwa bhivwuye kuti ayibhombile iishara iyo.
\v 19 Abhafalisayo bhahabhuzizanya bhibho kwa bhibho, "Yenya, ishi mtangawezya kubhombo lyolyondi; yenya, uwulimwengu wabhala kukwakwe."

\v 20 Ishi Abhayunani bhamu bhalipo muhati mubhala bhebhabhalaga kuputa kusikukuu.
\v 21 Ibha bhamubhaliye uFilipo, weafumile ku Bethsaida iya Galilaya, bhahamulabha bhahati, "Mwene, itwe tukusungwa kumulola uYesu."
\v 22 U Filipo ahabhala ahamubhuzya uAndrea; Andrea nu Filipo bhahabhala na kumubhuzya uYesu.

\v 23 U Yesu ahabhajibu ahati, "Ishi yifishile kwa jili ya Mwana Adamu kupalwa.
\v 24 Yitishi, yitishi, ingubhabhuzya, ahasanga ahingano ingeyitagwa pansi yitafwa, yitiyihale ihali yinyo iyene; yoli ingeyafwa, yitipape insanga inyinji.

\v 25 Uwene weawuganile uwumi wakwe atiwutizye; yoli awene wakuwuwana uwumi wakwe kuwulimwengu unu itiwusalimisye paka uwupuma uwa wila.
\v 26 Umundu wowondi ingambombela ine, na andandate; nine pindi, pe numubhombi wani patibhe. Umundu wowndi ingamubhombela, Utata atimutinishe.

\v 27 Ishi umpepu wani azumiliye: nine indibhuli? 'Tata, uposhe ni sala ini'? Ile kwi kusudi ili ifishiye isala ini.
\v 28 Tata, ulipali itawa lyaho." Pe izi lihizya kufuma kumwanya na kuti, "Indipalile nine indipale awinza."
\v 29 Pe uluhomano wewimiliye papipi nawo bhahivwa, bhahalonga kuti kwabha numubhuno. Bhamu bhahati, "Uhabhizya alonjile nawo."

\v 30 U Yesu ahajibu ahati, "Izi ili litinzile kukwani, yoli ku winyu.
\v 31 Ishi uwulonji uwinsi ini wulipo: Ishi umusongo uwinsi ini ahitawe panzi.

\v 32 Nine ingenazuvwa pamwanya yinsi, ihayibhavuta bhondi kukwani."
\v 33 Agalonjile igo wakulolesya kuti wufwe woni watifwe.

\v 34 Uluhamano luhajibu, "Itwe twivwuye ku sheria kuti uKilisiti atibhe wilabhulo. Iwe ukutibhuli, 'Umwana Adamu lazima abhushilwe kumwanya'? Unu Umwana wa Mundu wu nanu?"
\v 35 Pe uYesu ahabhabhuzya, "Uluhozyo welulipo peka nimwe umundumundi. Bhalaji pemulinawo uluhozyo, inga kuti ahisi hatahinze habhawezye awene. Awene wakubhala kuhisi atakumanya kwa kubhala.
\v 36 We muli nawo uluhozyo, mulwitihaje ulwo ingampate kubha mwe bhana bhaluhozyo." U Yesu ahagalonga iga na awinza ahabhala kwubha bhatamulole.

\v 37 Ingale uYesu abhombile iishara inyinji inamna iyo palongolela yabho, pope bhatamwitishile
\v 38 ingelitimile izwi lya muloli uIsaya, lyalonjile: "Mwene, wunanu wazyitishile imbembe zyitu? Ni nyobhe ya mwene yigumbuliliwe wunanu?"

\v 40 Kwe kunungwa ye abhene bhatitishile, maana uIsaya alonjile iga,
\v 39 "Abhambubhizizye amiso, na agabhombile uwugomu amoyo gabho; batahinze bhalole kumiso gabho na kumanya kumoyo gabho, na bhahitiha nine ihabhaponya."

\v 41 U Isaya alonjile iga kubha awulolile uwupiti wa Yesu na ahalonga imbembu zyakwe.
\v 42 Ilelo, abhasongo abhinji bhahamwitiha uYesu; ile kunongwa ya Bhafarisayo, bhatahitiha inge bhatahatengwe na bhasinagogi.
\v 43 Bhayiganile imbalo izya bhanadamu kuliko imbala zyezikufuma kwa Mulungu.

\v 44 U Yesu ahavwisya izi na kuti, "Uwene wakunitiha ine, atakunitiha ine basi yoli na wene wasondelezizye ine,
\v 45 wope wakundola ine akumulola wene wasondelezizye.

\v 46
\v 47 Ine ininzile ngati luhozyo ulya mnsi inga kila mundu wakunitiha ine atihalaje muhisi. Inga umundu wowondi atitejelezye amazwi gani ile atagaleme, ine indakumulonga, maana indinzile kuti imbulonje uwulimwengu, yoli imbuposhe uwulimwengu.

\v 48 Awene wakuhana inena watakugitiha amazwi gani, alinabho wakumulonga: izwi ilyo lyenalilonga lyelinilyo lihayimulonga isiku ilya kumbelela.
\v 49 Maana ine indalonjile kunafsi yani bhulo. Yoli wu Tata wadwalile, awene wuyo andajizizye gihayigalonga na gindigalonje.
\v 50 Nine imanyile kuti indajizyo zyakwe ni uwupuma uwawila; pe igo gingulonga ine - inza vwe Utata vwambizizye, shingulonga kukwabho."

\c 13
\cl Isura iya kumi na tatu
\p
\v 1 Ishi weyishili isikuku iyi pasaka, kunongwa ye uYesu amanyile kuti isala yakwe yafiha ye atifume munsi ini kubhala kwa tata, inga abhaganile abhandu bhakwe bhebha li mnsi, abhaganie ihani.
\v 2 Nu ibilisi abhishilwe tayali mu mwoyo wa Yuda Iskariote, umwana wa simoni, kumugalulila uYesu.

\v 3 U Yesu amanyile kuti utata abhishile ivindu vwondi munyobhe zyakwe na kuti afumile kwa Mulungu na ahabhalaga awinza kwa Mulungu.
\v 4 Ahabhuha pashakulya na ahatenga pasi iva lyakwe la kunzi. Ahega itabhulo ahayipinya wuyo.
\v 5 Pe ahaponya aminzi mumbakuli na ahanda kubhozya ivinama abhinyili bhakwe na kubhusyumula nitabhulo lyeayipinyile wuyo.

\v 6 Ahinza kwa Simoni Peteri, nu Peteri ahamubhuzya, "Mwene, ukwanza kunozya ivinama uwani?"
\v 7 U Yesu ahajibu nakuhamubhuzya, "Likulibhomba utalimanyile ishi, ile utiyelewe sha mandi."
\v 8 U Petro utalinozye iviwana vwani nalumo. "U Yesu ahajibu, "Inga indakwozya, tubhe bi sehemu pekanine."
\v 9 U Simoni Peteri ahamubhuya, "Mwene, utahanozye ivinama vyani bhulo, yoli peka ni nyobhe nitwe lyani."

\v 10 U Yesu ahamubhuzya, "Wowondi wapelile agezile atakwanziwa kugeza yoli winoma vwakwena abhamzeru umubhili wakwe wondi; imwe mwebhinza, ilelo te mwendi."
\v 11 Pe kubha uYesu amanyile ula watimgaluhane; ine yenongwa atili, te mwendi mwebhinza."

\v 12 Ahabhalilo uYesu wabhozya ivinama vwabho na wakwega ivazi lyakwe ahihala winza, ahabhabhuzya, "Je Mukumanya hala himbabhombeye?
\v 13 Mukumbilishila ine "Mumanyizyi" na Mwene ini mukulonga yoli, maana shindishinisho.
\v 14 Inga ine ne Mwene ne mmanyizyi, imbozizye ivinama vwinyu, namwe yikubhanza kubhozya abha mwinyu.
\v 15 Kwe kuti imbapiye ishiholanya inga kuti nimwe bhulo mubhombe izine shenabhomba kukwinyu.

\v 16 Yitishi, Yitishi, ingubhabhuzya, umusondelezye te msongo kuliko umwene wakwe; pope ula webhamusondelezizye musongo kuliko ula wamusondelezizye.
\v 17 Inga umanyile amambo iga usayilwe ingewagabhomba.
\v 18 Indakulonga kuhusu imwe mwendi, kubha ambamanyile bhala bhimbachanguye - yoli ingulonga inga kuti insimbo ziwezye kubhombelwa: 'Awene wakulya umukate wani ambusizizye ishisogamo shakwe.'

\v 19 Ningubhabhuzya ili ishi welishili kufumila inga kuti welyafumila, muwezye kwitiha kuti ine WUYO.
\v 20 "Yitishi, yitishi, ingubhabhuzya, wakumboshela ine akumposhela weingumusondelezya, nula wakumboshela ine akumposhela wasondelezizye ine."

\v 21 Ahabhalilo uYesu alonga iga, ayimbile mumwoyo, ahashudila na kuti, "Yitishi, yitishi, ingubhabhuzya kuti we kawinyu atihane."
\v 22 Abhamanyili bhakwe bhahenyanya, bhahaswiga kwajili ya nanu alonga.

\v 23 Pehati paliimeza, weka wabhanyili bhakwe ayegamiye pashifubha pa Yesu ula wu Yesu amuganile.
\v 24 U Simoni Peteli ahamubhuzilizya umumanyili unu ahati, "Tubhuzye wunanu wekukwakwe akulonjela."
\v 25 Umumanyili wa wamegamiye pashifubha pa Yesu ahamubhuzya, "Mwene, wu nani?"

\v 26 "U Yesu ahajibu, "Kukwake ula windisanzile ishipande isha nkati na kumupa." Isho wasanzila umukati ahamupa uUYuda umwana wa Simoni Iskariote.
\v 27 Weamupa umukati, uSetani ahamwinjila, pe uYesu ahati, "Shala hukwanza kuhabhomba uhabhombe lubhilo."

\v 28 Ishi numo umundu pameza wehamanya inongwa ye uYesu alonga ijambo ili kukwakwe.
\v 29 Bhamu munumwo bhahasibha kuti, kunongwa ye uYuda alemile umukufu uwihela, uYesu ahamubhuzya, "Ukale ivindu vwetukuvwanza pasikukuu," awekuti akwanziwa kufumwa ahandu kubhapina.
\v 30 We uYuda aposhela umukati, akafuma kunzi lubhilo, na kwali wusiku.

\v 31 Ahabhalilo wu Yuda afuma, uYesu ahati, "Ishi umwana wa Adamu apalwa, nu Mulungu apalwa kwa wene.
\v 32 Umulungu atimupale kwa wene wuyo, atimpale lubhilo.
\v 33 Mubhana mubhansi, indipeka nimwe umuda umunsi. Mtinanze, inza vwenabhabhuzizye Abhayahudi, 'Kwingubhala, mtawezya kwinza.' ishi ingubhabhuzya imwe, bhulo.

\v 34 Ingubhapa iamri imbwa, kuti muganane; inza ine vwimbaganile imwe, sheshinisho nimwe bhula yikubhanza kuti muganane munemwe kwa munemwe.
\v 35 Kwajili yili abhandu bhatitambule kuti imwe mwe bhamanyili bhani, mulinulugano kwa kila weka nu wamwabho."

\v 36 U Simoni Peteli ahamubhuzya, "Mwene, ukubhala kwi?" U Yesu ahajibu, "Pingubhala kushi utagawezya kundandata, ile utindandate shamandi."
\v 37 U Peteli ahamubhuzya, "Mwene, honi shindakulandate shinishi? Ine indigafumwe amaisha gani kwajili yaho."
\v 38 U Yesu ahajibu, "Je utigafumwe amaisha gaho kwajili yani? Yitiha, yitiha ingukubhuzya, ihanda teyibhilishile shushili kuhana mara tatu."

\c 14
\cl Isura iya kumi na nne
\p
\v 1 Utaharuhusu umwoyo waho kubha mmahangaiko. Ukumwitiha Umulungu unitishinine bhulo.
\v 2 Munyumba ya Tata wani kulina makazi aminji agakwihala; inge yitali shinisho hani nabhabhuzizye, isi ingubhala kukwandalila kula kwajili yaho.
\v 3 Inge na bhala na kubhandalila kula, ihayinza winza kubhakalibisha ku kwani, ingepala pindi namwe mubhanje.

\v 4
\v 7 Mulimanyili indala kula kwingubhala."
\v 5 U Tomaso ahamubhuzya uYesu, "Mwene, tutamanyile kula kwukubhala; Je! Tungalimanya bhuli idala?
\v 6 U Yesu ahamubhuzya, "Ine nene lidala, yoli, nu wupuma; numo wangewezya kwinza kwa Tata yoli kushilila kukwani. Inga mwaamanyile ine, hani mwamumanyile nu Tata wani bhulo; kwandisalizi na kwendelela mumumanyile na mumulolile awene."

\v 8 U Philipo ahamubhuzya uYesu, "Mwene, tulanje Utata, nisho yitibhe yatuyilana."
\v 9 U Yesu ahamubhuzya, "Indabha nimwe umuda umutali nishi utamanyile ine, Philipo? Uwene wandolile ine amulolile Utata; Honi wukuti, 'Tulanje Utata'?

\v 10 Mutakwitiha kuti ine indi mkasi ya Tata, nu Tata ali mukasi yani? Amazwi gingulonga kukwinyu indakulonga kwikusudi lyani nu nene; yoli, wu Tata wakwihala mkasi yani akubhomba imbombo yakwe.
\v 11 Nitishe, ine kuti indimkasi ya Tata, nu Tata alimukasi yani; sheshisho nitishe ine kunongwa iya imbombo zyoni hani.

\v 12 Yitishi, yitishi, ingubhabhuzya, uwene wakunitiha, ine imbombo zila zikuzibhomba, atizibhombe imbo izi wope; na atibhombe ni mbombo imbiti kunongwa yingubhala kwa Tata.
\v 13 Hohondi ingeimwalabha kwitawa lyani, indibhombe inga kuti Utata apalwe kwa Mwana.
\v 14 Inga mwalabha ahandu hohondi kwitawa lyani, ilyo indibhombe.

\v 15 Inga mwangana, mtizilema iamri zyani.
\v 16 Namutimulabhe Utata, Wope atibhape umwavwi uwa mwabho inga kuti abhe peka nimwe wila,
\v 17 Umupepu wa yoli. Uwulimwengu wutangawezya kumuposhela wene kunongwa ye wutakumulola, pepo kumumwela wene. Sheshisho nimwe, mumanyile wene, kwani akwihala peka nimwe na atibhe mukasi yinyu.

\v 18 Indalibhaleshe mubhene; Indiduje kukwinyu.
\v 19 Kumudumunsi, uwulimwengu tewundole awinza, ilelo imwe mukundola. Kunongwa ingudila, namwe mutidile bhulo.
\v 20 Kwi siku ilyo mtimanye kuti ine indi mukasi ya Tata, na kuti imwe muli mukasi yani, na kuti ine indi mukasi yinyu.

\v 21 Wowondi wakuzilema iamri zyani na kuzibhomba, we weka wakungana ine; nula wakungana ine atiganwe nu Tata wani, indimugane na indiyilolesye ine nunene kukwakwe."
\v 22 U Yuda (te uIskariote) ahamubhuzya uYesu, "Mwene, Je! Honi tihafumile kuti utujilolesye wunewe kukwitu nate kuwulimwengu?

\v 23 U Yesu ahajibu ahabhabhuzya, "Inge wowondi wanganile, atilileme izwi lyani. Utata wani atimgane, na tutujinze kukwakwe na kubhomba uwihalo witu peka nawo.
\v 24 Wowondi watanganile ine, atakulema amazwi gani. Izwi lyemukulyivwa telyani yoli lya Tata we ansondelezizye.

\v 25 Nagalonga amambo iga ku kwinyu, ahabhalilo heishili ingwihala peka nimwe.
\v 26 Sheshinisho, Umjinjizyo wu Mupepu Umufinjile, we Utata atimusondelezya kwitawa lyani, atibhamanyizye amambo gondi nakubhabhomba mukumbushe gondi genagalonjile kukwinyu.
\v 27 Ulwihalo ingubhapa ulwihalo lyani imwe. Indakubhapa ini inza vweuwulimwengu wukufumwa. Mtahagabhombe amoyo ginyu kubhana uwelelo, nu woga.

\v 28 Mulitejelezye shila shimbabhuzizye, 'Ingubhala izyani, indiduje kukwinyu.' Inge mwanganile ine, hani mwame uweshe kunongwa ingubhala kwa Tata, kuti Utata mpiti kuliko ine.
\v 29 Ishi imbelile imbabhuzizye weyishili kufumila inga kuti, ahabhalilo ingeyafumila, muwezye kulitiha.
\v 30 Indilonje nimwe amazwi aminji, kukuti umusongo uwinsi ini akwinza. Awene atalina maha kukwani,
\v 31 ile inga kuti uwulimwengu wupate kumanya kuti imganile Utata, ingobhomba halahe Utata akudajizya ine, inza shila shambiye iamri. Bhushi, habhili tufume ipa.

\c 15
\cl Isura iya kumi na tano
\p
\v 1 Ine ne mzabibu uwa yoli, nu tata wani mulimi uwa mzabibu.
\v 2 Kila mbaswa mukasi yani lyeli takupapa amatunda ingulyefwa, ni mbaswa ye yikupapa amatunda ingulyozya ingelipape amatunda aminji.

\v 3 Imwe tayali mwebha zeru kunongwa ya ujumbe wimbelile imbabhuzizye.
\v 4 Mwihale mukasi yani, nine mukasi yinyu. Inze vweimbaswa yitangawezya kwihala yene lingelitabha mmuzabibu, sheshisho nimwe, ingemtihala mukasi yani.

\v 5 Ine ne mzabibu, imwe mwe mbaswa. Wakudila mkasi yani nine mukasi yakwe, umundu unu akupapa amatunda aminji, kubha indabha ine mutangawezya kubhomba ijambo lyolyondi.
\v 6 Inge umundu wowondi tasyale mukasi yoni, atitugwe ngati mbaswa na kwuma; abhandu bhakubhunganya imbaswa na kutaga mumwoto, na kupwa.
\v 7 Inge mwadila mukasi yani, ninga mazwi gani ingega dila mukasi yinyu, labhaji lyolyondi lyemukwanza, nimwe mutibhombelwe.

\v 8 Kulili Utata wani apalilwe, kuti mukupapa amatunda aminji n akuti mwebhanyili bhani.
\v 9 Inza utata wani vwanganile ine, nine bhulo imbaganile imwe; mudilaje mulugano lwakwe.

\v 10 Inga mwazilema iamri zyani, mutidile mulugano lwani inzashe nzilemile iamri zya Tata wani na kudila mulugano lwakwe.
\v 11 Nalonga amambo iga kukwinyu inga kuti kusha kwani kubhe mukasi yinyu na inga kuti kusha kwinyu kubhombeshe kubha kufishile.

\v 12 Ini yendajizyo yani, kuti muganane munemwe kwa munemwe inza weimbaganile imwe.
\v 13 Nawumo umundu weali nulugano ulupiti kuhila ulu, kuti agafumwe amaisha gakwe kwaji ya bhamanyani bhakwe.

\v 14 Imwe mwebhamanyani bhani inga mkubhomba gala geingubhalajizya.
\v 15 Indakubhita bhasondelezya, pekuti umusondelezya atakumanya shila sheakubhomba umwene wakwe. Ingubhita imwe bhamanyani, kunongwa imbabhuzizye amambo gondi genivwizye kufuma kwa Tata.

\v 16 Mutasebhile ine, yoli ine nabhasebhile imwe na kubhabhiha mubhale mupape amatunda, na itunda lyinyu lipate kwihala. Ili liliishi inga kuti shoshondi shemukulabha kwa Tata kwizwi lyani, atibhape.
\v 17 Amambo iga ingubhalajizya kuti mganane kila mundu nu wamwabho.

\v 18 Inga uwulimwengu wutibhilamwe, mumanye kuti wanilamwilwe ine wewushi kubhilamwa imwe.
\v 19 Inge mwamile mwebhamwulimwengu, uwulimwengu hani wubhaganile inza bhakukwabho; Ile kunongwa yetemwebhawulimwengu, na kunongwa ye nabhasebhile kufuma kuwulimwengu, kwajili yini uwulimwengu wukubhilamwa.

\v 20 Mukumbuhaje izwi lyenabhabhuzizye,;'Umusondelezye temupiti kuliko umwene wakwe.' Inge bhandesile ine, bhatibhatese nimwe bhulo; inga bhalemile izwi lyani, hanibhalilema nilyinyu bhulo.
\v 21 Bhatibhabhombele amambo iga gondi kwajili yi tawa lyani kunongwa ye bhatamumanyile ula wansondelezizye.
\v 22 Ingindizile na kubhabhuzya bhuzya, hani bhatabhombile imbibhi; ilelo ishi bhatali nuudhuru kwimbibhi yabho.

\v 23 Wakunilamwa ine akumwilamwa nu Tata bhulo.
\v 24 Ingeindabhombile imbombo muhati yabho bhenumo hata weka wayibhombile, hanibhatali ni mbibhi; ile ishi bhabhombile gondi gabhili bhalolile na bhnilamwilwe ine nu Tata wani.
\v 25 Ili likufumila inga kuti izwi lifishile lye lyisimbiwe mu sheria yabho: 'Bhakunilamwa bila nongwa.'

\v 26 Ahabhalilo umujinjizyi ayinza, windi msonde kwinyu kufuma kwa Tata, unu wewu, Wu Mupepu uwa yoli, weakufuma kwa Tata, atishudile.
\v 27 Imwe bhulo mukushudila kunongwa yemuli peka nine kukuwandilo.

\c 16
\cl Isura iya kumi na sita
\p
\v 1 Nabhabhuzya amambo iga inge mukwazishe.
\v 2 Bhatibhafumwe kunzi yibhasinagogi; yoli ishi isala yikwinza ye weabhagoga atikwine kuti akubhomba mbombo nyinza kwajili ya Mulungu.

\v 3 Bhatibhabhombele amambo iga kunongwa ye bhatamumanyile Utata bhatamanyile ine.
\v 4 Nabhabhuzya amambo iga ingakuti ahabhalilo angafiha giga kufumila, mungawezya kukumbuha n ashila shimbabhuzizye umuwezye wabho. Indabhuzizye amambo iga kukuwandilo kunongwa yenalipeka nimwe.

\v 5 Kubhale, ishi ingulabha kwa wula wasondelezizye; ile numo muhati yinyu wakumbuzilizya, "Ukubhala kwi?"
\v 6 Kunongwa yindonjile amazwi iga kukwinyu, ulusungamo lwizuye mumoyo ginyu.
\v 7 Shinisho ingubhabhuzya iyoli: hinza kukwinyu inga nasogola; maana ingindasogola, umjinjizyi atayinze kukwinyu; ile ngenabhala indimusondelezye kuwkwinyu.

\v 8 Ingayinza, uyo umujinjizyi atiwuthibitishe uwulimwengu kuhusiana ni mbibhi, kuhusiana ni yoli na kuhusoana nuwulonji.
\v 9 Kuhusuiana ni mbibhi, kunongwa ye bhatanitishile ine,
\v 10 kuhusiana ni haki, kunongwa yeingubhala kwa tata, temhandole winza;
\v 11 na kuhusiana nu wulonji kunongwa ye umusongo uwa wulimwengu unu alongiwe.

\v 12 Indinago amanji agakubhabhuzya, ile temugelewe ishi ha.
\v 13 Ile wene, Umpepu uwa yoli, angayinza, atibhalongozye muyoli yondi; kukutitalonje kwajili yakwe wuyo; ile gogondi gatigatejelezye, atigalonje amambo iga na atigazihilishe kukwinyu amambo gegahayinza.
\v 14 Uwene atimbale ine, kunongwa yeatigeje amambo gani atigatangazye kuukwinyu.

\v 15 Ivindu vwondi uwalinavwo Utata vwani; isho indonjile kuti Umupepu atiyeje amambo gani na kugazilisha kuwkinyu.
\v 16 Wushili umudu mufupi, temuhandole winza, na bada yu mudu mufupi, mutindole."

\v 17 Baadhi ya bhamanyili bhakwe bhahabhozizanya, "Honi hakutubhuzya, "umudu umufupi, na temuhandole winza,' na, winza, umuda umfupi mutindole,' na, 'kunongwa ingubhala kwa Tata?"
\v 18 Kushisho bhahati, "Handu honi hakulonga, 'Wushili umdu mufupi'? Tutamanyile shakulonga."

\v 19 U Yesu ahalola kuti bhakusungwa kumubhuzilizya, wope ahabhabhuzya, "Mukuyibhuzilizya munemwe kuhusu ili, vwindonjile, 'Ulushili umuda umfupi, temuhandolewinza; na baada yu muda umufupi mutindole'?
\v 20 Yitishi, yitishi, ingubhabhuzya mtilile na kuombolezya, ile uwulimwengu wutishe, mutibhe nulusungano ilelo ulusungamo lwinyu luhayigaluhana kubha kukusha.
\v 21 Umwandanda akusungama ahabhalilo hali uwuchungu kunongwa ye ahabhalilo ahakuyisatula hafishile; ile wayisatula umwana, atakukumbuha winza amaumivu kunongwa iya kusha kwakwe kuti umwana atapiwe munsi.

\v 22 Nimwe bhulo muli nulusungamo ishi, ilelo ihayibhalola winza amoyo ginyu gahayisha numo wahayiwezya kwefwa uwusho winyu.
\v 23 Isiku ilyo temuhambuzilizye amaswali. Yitishi, Yitishi, ingubhabhuzya, ingebhalabha lyolyondi kwa Tata, atibhape kwitawa lyani.
\v 24 Paka ishi mutalabhile lyolyondi kwitawa lyani; labhaji namwe mutipewe inga kuti kusha kwinyu kukamilishe.

\v 25 Indonjile nimwe kundongo yeyitakwelebheha, ile ishi isala yikwinza yetindonje kundongo yeyitawelebheha ile badala yakwe indibhabhuzye waziwazi kuhusu Utata.

\v 26 Isiku ilyo muhayilabha kwitawa lyani, na indikubhabhuzya kuti indilabhe kwa Tata kwajili yinyu;
\v 27 Kubha Utata wuyo abhaganile kunongwa yemuganile ine na kunongwa ye munitishile kuti ifwumile kwa Tata.
\v 28 Nafumile kwa Tata na ininzile kuwulimwengu; awinza, ingusongola kuwulimwengu ingubhala kwa Tata."

\v 29 Abhanyili bhakwe bhahamubhuzya, "Walola ishi ukulonga waziwazi na utakutumila uwufiso.
\v 30 Ishi, tumanyile kuti umanyile amambo gondi, na utakwanza umundu wowndi, akubhuzilizye amaswali. Kunongwa ini tukwitiha kuti ukufuma kwa Mulungu.
\v 31 U Yesu ahajibu, "Ishi mwitiha?"

\v 32 Yenya, isala yikwinza, ena na yoli yifishile, ye mtisatane kila weka na bhakukwabho mutindishe nu mwene. Ile indali nu mwene kunongwa yu Tata ali nine.
\v 33 Ingubhabhuzya amambo iga inga kuti mukasi yani mubhe uwlihalo. Mnsi muli na matatizo, ilelo myipanje umwoyo, imbutolile uwulimwengu.

\c 17
\cl Isura iya kumi na saba
\p
\v 1 U Yesu ahalonga amambo iga; iwinza ahatunyula amiso gakwe kubhalila kumwana na ahalonga, "Ntata, isaa lyapalamila; mpale umwana wahoinga umwana iwope atupale iwe -
\v 2 inza shila vwewampiye ulwamulo pamwanya ya vwondii ivwamubhili inga abhape uwumi uwa wila bhala bhondi bhewampiye.

\v 3 Unu wewumi uwawila: kuti bhakumanye iwe, Mulungu wa yoli na wulishaho, na uyo wewa musondile, u Yesu Kilisiti.
\v 4 Ihakupala ipa pansi na kuyikamilisha imbombo ye wambiye iyibhombe.
\v 5 Isalizi, Tata, upalaje ine peka niwe wunenwe kuwinza bhula wenalinawo peka niwe vwe insiyishili kugombwa.

\v 6 Nagubuye itawa lyaho kubhandu bhewambiye ipa pansi. Bhuli bhandu bhaho; ilelo bhewamiye ine. ibhopo bhalilemile izwi lyaho.
\v 7 Isalazi bhamanyile kuti kila shindu shemwambiye ine shikufuma kukwaho,
\v 8 kumazwi gala gewambiye ine-- Ninzenabhapa imbo amazwi igo. Gebhaposheleye ni yoli bhahamanya kuti ine ifumile kukwaho, na bhahitiha pakuti wewewasondelezizye.

\v 9 Ingubhaputila bhubho. Indakuyiputila insi yoli bhala bhewambiye pekuti bhubho bhaho.
\v 10 Ivindu vwondi vwe vwoni vwaho, na vwe uli navwo iwe bwani, inine indikupala kuvivwo.
\v 11 Ine indalipo iwinza munsi, yoli abhene bhalipo munsi, inine isalizi ngwiza kukwaho. Tata Umwinza, bhasengule kwitawa lyaho lila lyewambiye ine inga bhope bhabhe peka, inza shila ine niwe vwetuli peka.

\v 12 Penalinabho, nabhagule kwitawa lye wambiye; nabhague nawumo weka wabho weatejile pelelo umwana uwakutega, inga kuti isimbizye zifishile.
\v 13 Isalizi ingwiza kukwaho; ilelo ingulonga iga insi ingakuti kwisha kwani yikamilishe mkasi yabho bhubho.
\v 14 Imbapiye izwi lyaho; insi yibhahalaye pakuti abhene ntebhamunsi, inza ine shila vwetene wa munsi.

\v 15 Inda kubhalabha kuti ubhefwe munsi yoli ubhalinde na wala umubhibhi.
\v 16 Abhene nte bhamunsi inza shila shetene wa munsi.
\v 17 Ubhabhishe ihinza waho wunewe kuyoli; izwi lyaho lye yoli.

\v 18 Wasondelezizye munsi, inine nabhasondelezya munsi.
\v 19 Kubhubho ine nunene inguyifumwa kukwaho inga kuti na bhope bhayifumwe kukwaho kuyila iyoli.

\v 20 Nte ibha iwulo bheingubhaputila, yoli na bhala bhebhaliyitiha kushilila izwi lyabho
\v 21 inga kuti abhene ibhope bhabhe peka, inza shila iwe nu Tata, vwulimkasi yani inine nkasi yaho. Ingubhaputile inga kuti ibhope bhawezye kubha mkasi yitu inga insi yiwezye kwitiha kuti iwe wewewasondelezizye.

\v 22
\v 23 Kupata kula kwewambiye ine - imbapiye abhane, inga kuti bhawezye kubha peka, ima shila intwe vwetuli peka - Ine mkasi yabho, iniwe mkasi yani, inga bhawezye kukamiliswa kubhapeka; inga yimanye kuti yoli iwe wasondelezizye, na kubhagana, inza shila iwe vwewanganile, ine.

\v 24 Tata, shila shewambiye ine - Ikwigana kuti ibhope ibhulo bhawezye kubha peka inine pala peindi inga bhawezye kulola uwinza wani, bhula wewambiye: pekuti iwe wanganile ine vwebhushili kugombwa uwandilo winsi.

\v 25 Baba mwenye haki, ulimwengu haukukujua wewe, lakini mii nakujua wewe; na wajua kwamba ulinituma.
\v 26 Nilifanya jina lako lijulikane kwao, na nitalifanya lijulikane ili kwamba lile pend ambalo kwalo ulinipenda mimi liweze kuwa ndani yao, na mimi niweze kuwa ndani yao."

\c 18
\cl Isura iya kumi na nane
\p
\v 1 Badala ya Yesu kulonga amazwi iga, ahasogola na bhamanyili bhakwe kwelekela kwibonde ilya Kidron, kwe kwali ni bustani, kwe uwene na bhamanyili bhakwe bhahinjila mkasi yakwe.
\v 2 Pe wula uYuda, weahazaga kumuleha, iwope amanyili ieneo ilyo, kwani Uyesu ahabhalaga ili ieneo mara inyinji ahabhanga na bhamanyili bhakwe.
\v 3 Iwope uYuda, baada ya kubha alyada ikundi ilya bhalizi na maofisa kufuma kubhasongo abhapiti, bhahiza vwebhali ni vihozyo, kulunzi ni silaha.

\v 4 Iwope uYesu, vweamanya kilashindu sheshihabhombehaga kuwuyo, ahayilolesya mwilongolela na ahabhabhuzizlizya, "Wunanu wemu kwanza?"
\v 5 Ibhope bhahamjibu, "U Yesu Umunazaleti." U Yesu ahabhabhuzya, "Ine nene" Iwope uYuda weamuleshile, ayimiliye peka na bhala abhalizi.

\v 6 Peahabhahuzya, "Ine nenene" bhahagaluha shingunga nukulenda pasi.
\v 7 Habhili ahabhahuzilizya iwinza, "Wu nanu we mukumwanza? Ibhope bhahajibu iwinza "uYesu umunazaleti."

\v 8 U Yesu ahabhajibu, "Imbabhuzizye kuti nene; peinga mkunaza ine, bhaleshe ibho abhamwabho bhasogole."
\v 9 Iga gali insho inga lila inzwi lifishe; pala pealonjile; "Kubhala bhawambiye, indahatezya na wumo."

\v 10 Pe uSimoni uPeteli, weali nu mupanga, ahawufuta nu kumudiba ikutwi lya kubhulilo umubhombi uwa Kuhani umupiti. Ni tawa lyakwe umubhombi wula ali wu Malko.
\v 11 U Yesu ahamuwuzya uPeteli, "Galusya umupango waho mwewukusenguliwa. Shoni indahashi mwelele ishikombe shila sheambiye Utata?"

\v 12 P e lila ikundi ilya bhalizi n ajemedali na bhabhombi abha Bhayahudi, bhahmlema uYesu nakumupinya.
\v 13 Ibhope bhahamlongozya mpaka kwa Anasi, kwani uwene ali mkolimwa wa Kayafa, wula weali wuKuhani umupiti kumwaha uwo.
\v 14 Ilelo uKayafa weabhapiye ubhushauli Abhayahudi kuti yihaziwaga umundu weka afwe kwaji ya bhandu.

\v 15 Simoni Peteli ahamufwata uYesu, shinisho nu mumanyili uwamwabho. Na wula umumanyili we ahamanyi haga kwa kuhani umupiti, iwope ahinjila peka nu Yesu kwibehewa ilya Kuhani umupiti;
\v 16 ilelo uPeteli aliayimiliye kuzi ya mlyango. Pe wula umumanyili weahamanyihaga kwa kuhani umupiti, ahafuma pazi ahabhala kulonga na wula umwandanda umubhombi weahalindaga umulyango na kumwinjizya uPeteli mukasi.

\v 17 Ilelo wula umwandanda weahalindaga umulyango, ahamubhuzya uPeteli, "Je iwe nte weka wabhebha kumufwata umundu unu?" Naye akasema, "Mimi siye."
\v 18 Na bhala abhabhombi na bhapiti bhahimililaga pala; bhapemba umwoto uwa maana, kwali ni mbepu nisho bhali bhahotiga umwoto inga kubha na mafuku. Iwope uPeteli ali nabho, ahotaga umwoti vweayimiliye.

\v 19 Ukuhani umupiti ahamubhuzilizya uYesu pamwanya ya bhamanyili bhokwe ni manyizya yakwe.
\v 20 U Yesu ahajibu, "Injibhuzizye waziwazi insi; Ine ihamanyizya mala kwa mala kuma sinagogi na mu na hekalu pala pe abhayahudi bhakubhungana. Inine indalonjile lyolyondi kwa kuhisi.
\v 21 Shoni pemukumbuzilizya? Bhabhuzilizyaji bhabhahandejelevwa pamwanya ya shila she nalonjile. Ibha abhandu bhamanyile gala gonalonjile.

\v 22 U Yesu vwe alonga igo, weka wabhasongo weayiliye ahamhoma uYesu kunyobha yakwe habhili ahalonga, "Je, sheyikwaziwa kumujibu ukuhani umupiti?"
\v 23 Iwope uYesu ahajibu, "Inga nalonga lyolyondi ibhibhi pe ubhe weshahidi kwaji ya bhubhibhi, na inga na mujibu ihinza honi mkuhoma?
\v 24 Pe u Anasi ahamuposhela uYesu kwa Kayafa ukuhani umupiti vwe apinyilwe.

\v 25 Ilelo uSimoni uPeteli aliayimiliye akuyiposha afuku wuyo. Na bhala abhandu bhahamuwuzya. "Je, iwe iwulo nte we weka wabhamanyili bhakwe?" Ahahana ahalonga "Ine hala."
\v 26 Weka wabhabhombi abhakuhani umupiti, weali nuholo wa wala umusahala we uPeteli amubholile ikutwi, ahalonga, "Je nte wunewe nakulolile nawo kula kubositani?"
\v 27 U Peteli ahahana iwima, na mara Ihanda yihaholela.

\v 28 Pe bhahamwega uYesu kufuma kwa Kayafa mpaka ku Praitorio. Yali shandabhi na mapema. Bhubho bhatinjiye myila Praitorio inga bhatahananjishe na kuyilya ipasaka.
\v 29 Pe uPilato ahabhabhalila ahalonga. "Lisitaka lyoni lyelikumuhusu umundi unu?"
\v 30 Bhahamujibu na kumuzya, "Inga umundu unu atamile mubhomba mbibhi hali tutamuletile kukwaho."

\v 31 Pilato ahabhabhuzya, "Mweje mwemwe munemwe, mhamulonje kubhalilana nu bhulonji winyu." Ibho Abhayahudi bhahamuwuzya, "Ubhulonji bhukutuluhusa intwe kumugoga umundu wowondi."
\v 32 Bhalonjile iga inga izwi lya Yesu litimilishe, izwi lye apele alonjile pamwanya ya aina bhufwe wakwe.

\v 33 Pe uPilato ahinjila iwinza Praitorio ahamubhili la uYesu; ahamuwuzya, "Je, iwe we mwene wa Bhayahudi?"
\v 34 U Yesu ahajibu, "Je, iwe wambuzilizya iswala ila kusababu ukwanza kumanya au kusababu abha mwabho bhakusondile inga umbuzilizye ine?"
\v 35 Iwope uPilato ahajibu, "Ine nte ne Muyahudi, au ntisho?" Insi yaho nu kuhani umupiti bhebhe bhakuletile ku kwani; iwe uhozizyeshi?

\v 36 U Yesu ahajibu; "Ubhumwene wani nte wa munsi huu, inga ubhumwene wani wabhanga ni sehemu mwa munsi ini abhasondelezya bhani hali bhahomaniye inga indahefwe ku bhayahudi. Kuyoli ubhumwene wani bhutakufuma ipa iwulo
\v 37 U Pilato ahamubhuzya, "Je, iwe ifwandi we mweni?" Yesu ahajibu, "iwe shukulonga kuti ine ne mwene, kusababu ini ine napapilwe na kusababu ini ine nizile munsi inga imbe ne muteteli wa yila yoli. Wowonde weali ni yoli iyo akutejelevwa izyi lyani.

\v 38 U Pilato ahamuwuzya, "Iyoli hohoni?" Iwope vwe alonga iga ahabhala ku Bhayahudi nakubhabhuzya "Indakulola lyolyo kwa mundu unu.
\v 39 Imwe muli na miho gegakubhomba imwigulile umupinywe weka wakati wa Pasaka. Je mkwanza imwiguli umwene wa Bhayahudi.
\v 40 Pe bhahahoma ishongo bhalonga, nte uyo, tufungulile uBaraba." Iwope uBaraba ali mufwuli.

\c 19
\cl Umlyango uwa kumi na tisa
\p
\v 1 U Pilato ahamwega uYesu nukusyanda.
\v 2 Bhala abhalizi bhahapilinga amivwa na kugombo iwuwa. Bhahayibhiha pamwanya yitwe lya Yesu nukunukwatizya umwenda wa rangi iya zambalau.
\v 3 Bhahamwizila nukulonga, "Iwe mwene wa Bhayahudi! na winza kumuhoma kunyobhi zyabho.

\v 4 Iwinza uPilato afumile kunzi nakubhabhuzya abhandu, "Yenya ingubhaletela umundu unu kukwinyu inga mumanya kuti ine indalolile ikosa lyolyondi mkasi yakwe."
\v 5 Pe uYesu ahafuma kunzi; ali akwatile iwuwa ilya mivwa numwenda uwa zambalau. Pe uPilato ahabhabhuzya, "Yenyaji umundu unu ipa!"
\v 6 Pe isho ahabhalilo ukuhani umupiti na bhapiti vwebhamulola uYesu, bhahahoma ishongo bhabhuzya, "Mweje mwemwe munemwe mhamusulubisye." Pekuti ine indukulo ikosa mkasi yakwe."

\v 7 Abhayahudi bhahamjibu uPilato, "Intwe tuli nu bhulonji uwu yikwanziwa afwe kusababu uwene ayifanyile mwana wa Mulungu."
\v 8 U Pilato vweayivwa amazwi iga ahongela kwogopa,
\v 9 ahinjila Praitorio iwinza na kumubhuzya uYesu, "Iwe ukufuma kwoshi? Pu Yesu atahamjibu.

\v 10 Pe uPilato ahamubhuzya, "Je, iwe utakulonga inine? Je, iwe utamanyile kuti ine indi nukwamula kukupinya nukwamula kukusulubisya?"
\v 11 U Yesu ahajibu, "Hali utoli na maho kwonjela kugani inga bhatahakupanga kufuma kumwanya. Pe kuti, umundu weanifwizye kukwaho ali ni mbibhi imbiti."

\v 12 Kufumilana ni jibu ili, uPilato ahazaga kumuleha msatushe ilelo Abhayahudi bhahahoma ishongo bhahatonga, "Inga wamuleha msatushe pe iwe nte we manyani wa Bhalizi: Kuwondi wakuyibhiho wumweni akulonga ishisalo sha bhalizi."
\v 13 U Pilato vwe ayivwa amazwi iga, ahamuleta uYesu kuzi iwinza ahihala pitengo ilya bhulonji pala pepakumanyihana ngati sakafu, ilelo ku Shiebrania, Gabatha.

\v 14 Isiku ilya maandalizi iga pasaka vweyafiha, panapo muda wa saa iya saa sita. U Pilato ahabhabhuzya Abhayahudi, "Yenyaji umwene winyu unu ipa!"
\v 15 Bhahahoma ishongo, "Mwefwe, mwefwe, msulubisye!" uPilato ahabhabhuzya, "Je, imusulubisye umwene winyu?" Iwope ukuhani umupiti ahajibu, "Intwe tutali nu mwene yoli uKaisari."
\v 16 Pe uPilato ahamwefwa uYesu kukwabho inga asulubiswe.

\v 17 Ibhope bhahamwega uYesu, iwope ahafuma, vwe apimbile ishihobhehanyo shakwe wuyo mpaka kwieneo lyelikwitwa lifupa lyitwe, ku Shiebulania bhakuti ku Goligotha.
\v 18 Pe bhahamusulubisya uYesu, peka nawo abhasahala bhabhili, weka ubhupande ubhu nu wa mwabho ubhupande ubhu, nu Yesu pakasi yabho.

\v 19 Iwinza uPilato ahandiha ishimanyiho na kushibhiha pamwanya ya shihobhehanyo. Ipo pasimbilwe: U YESU MNAZARETI, WUMWENE WA BHAYAHUDI.
\v 20 Abhinji bha Bhayahudi bhahasoma ialama iyo kwani pala peasulubilwe uYesu pali karibu nu muji. Ishimanyiho isho shihasimbwa ku Shieburania, kwo Kirumi na ku Shiyunani.

\v 21 Pe abhasongo abha makuhani abha Bhayahudi bhahamubhuzya uPilato, "Utahasimbe wumwene wa Bhayahudi; yoli uwene alonjile ine ne mwene uwa Bhayahudi."
\v 22 Iwope uPilato ahabhajibu, "Geisimbile vwe isimbile."

\v 23 Baada ya bhalizi kumusulubisya uYesu, bhahega amenda gakwe na kugagabha kuvimbeja vini kila mulizi ishi mbeja sheka, shinisho ni golole, Pe lila igolole litasonilwe yoli bhayifumile yondi kufuma kumwanya.
\v 24 Pe bhahabhuzilizanya bhubho kwa bhubho, "Tulibazule, yoli tuhome ikura inga kulolo ntiyibhe ya nanu." Ili lyafumiye inga lilo isimbwe lifishile, lila lyekulonga bhagabhinye amenda gani numwenda wani bhahawuhomela ikura."

\v 25 Abhalizi bhabhombile iga. Unyina wa Yesu, nu dada wa nyina wakwe, Mariamu umushi wa Kleopa nu Maliamu Magdalena - ahandanda bhali bhimiliye papipi nishihobhehanyo sha Yesu.
\v 26 U Yesu vweamulolo unyina wakwe peka na wula umumanyili weamuganile bhimiliye papipi, ahamuwuzya unyina wakwe, "Mwandanda, yinya umwana waho unu ipa!"
\v 27 Iwinza ahamuwuzya wula umumanyili, "Yenya, unu ipa unyina waho. "Kufuma isaa yila wula umumanyili ahamwego kubhala kuhaya kukwakwe.

\v 28 Baada yilyo, Vwu Yesu amanya kubha gondi gasi ila inga kutimizya gegasimbilwe, ahalonga, "Ingulola kwumilwa."
\v 29 Ishombo sheshizuye siki bhashibhishile pale, pe bhahabhiha sifongo yeyizuye isiki pamwanya ya ufito wa hisopo, bhahamubhishila mwitimu lyakwe.
\v 30 Iwope uYesu vwe ayibhonja iyo, ahalonga, "Yisila." Iwinza ahinamisya intwe lyakwe, ahawutwala umupepu wakwe.

\v 31 Pe kwali habhalilo hasimbizyi, peku sababu amabhili gatahaziwaga kusyala pamwanya ya vihobhehanyo kuhabhalilo ha Sabato (pekuti isabato lyali lisiku ilya muhimu), abhayahudi bhahamulabha uPilato kubha utunama twabho bhala bhebhasulubiwe tuvuzwe, na kuti imibhili yabho yishe.
\v 32 Pe abhalizi bhahiza bhahiza nu kuvunza utna utwa mundu wa kwanda nuu wabhubhili weasulubiwe peka nu Yesu.
\v 33 Vwebhamufishila uYesu, bhahaga tayali afuye, pe bhatamuvunza utunama twakwe.

\v 34 Kulilyo, weka wabhalizi ahamulasa uYesu mumbazu ni mbalala, gahafuma amizoi ni bhanda.
\v 35 Iwope wealolile ili afumwizye ubhushuhuda, nu bhushuhuda wakwe wi yoli. Uwene amanyile kuti shealonjile shayoli inga nimwe iwulo mwitishe.

\v 36 Amambo iga gali inga lila izwi lyelyalonjilwe lipate kufiha, "Nawumo hata uwakwe weka wewulivuzwa."
\v 37 Iwinza isimbizyo ilya mwabho likuti, "Bhamwenya wuyo webhamulasile"

\v 38 Badala ya mambo iga uYusufu uwa Arimataya, pe ali mumanyizyi wa Yesu, ilelo kuhisikwakubhogopa Abhayahudi, ahamulabha uPilato kuti aweje umubhili wa Yesu. Iwo pe uPilato ahamuluhusa. Pa uYusufu ahiza kuwefwa umubhili wa Yesu.
\v 39 Iwope uNicodemu we ipo pawandili ahamufwataga uYesu ubhusiku iwope ahiza. Uwene aletile umusanganyo u mane, mane na udiyafishile ubhumwamilo uwa ratili ishumi lyeka.

\v 40 Pe bhahawega umubhili wa Yesu bhawupinya musanda ya kitani peka na gala amanukato, inza vwe yali idestuli ya bhayahudi ahabhalilo hakusyila.
\v 41 Pala pu Yesu asulubiwe kwali ni bositani; mkasi muyila ibositani kwali ni lyina ipwa lye bhatamusyilile umundundu nawumo.
\v 42 Basi, pe kuti lyali lisiku lya maandalio ku Bhayahudi, na kushila lila ikabuli lyali papipi, basi bhamugony'a mkasi yakwe.

\c 20
\cl Umlyango wa ishirini
\p
\v 1 Yazila isiku ilya kuwandi lya juma, vwe kuli ahisi, Mariamu Magdalena ayizile kwikaburi; ahalilola lila iwe lyefilwe kwikaburi.
\v 2 Pe ahashimbila lubhilo kubhala kwa Simoni uPeteli na kwa wula umwanafunzi uwa mwabhowe uYesu amuganile, peahamuwuzya, "bhamwejile Utata mwikabuli, initwe tutamanyile kwebhamugoneshi."

\v 3 Pe uPeteli numumanyili uwa mwabho bhahafukubhala kwikabuli.
\v 4 Bhondi bhashimbiye kwa peka; wula umumanyili uwa mwabho ashimbiye kwa kwonjera ihani kumushila uPeteli na ahabha wawandilo kufiha kwi kabuli.
\v 5 Ahimilila na winza kwenya mwikaburi; ahayilola yila isanda iya kitani yigonile, ilelo atinjiye mkasi.

\v 6 Iwinza Simoni uPeteli ahafiha ahinjila mkasi mwikabuli. Ahayilola yila isanda iya kitani yigonile pala
\v 7 nayila ileso yeyali pitwe pakwe yitagonile peka na zila isanda izya kitani yoli yagonile pa lubhazu inzipo.

\v 8 Pe wula umumanyili uwa mwabho iwope vwa yinjila mkasi mwikabuli ahalola nukwitiha.
\v 9 Pe kuti hadi ahabhalilo iho bhali bhashili kugamanya gegasimbililwe kuti yihaziwaga uYesu azyushe iwinza kwa kubhafye.
\v 10 Iwinza abhamanyili bhahabhala iwinza kuhaya kukwabho.

\v 11 Pe isho, uMariamu ayimiliye pikaburi nukulila, vwe akwendelela kulila ahimilila iwinza ahenya mwikaburi.
\v 12 Ahalola abhahabhizya bhabhili abhasura izelu bhihayaye weka kitwe nu wamwabho kutunama pala pu Yesu agonile.
\v 13 Ibhope bhahamuwuzya, "Umwandanda, shoni ukulila?" Iwope, "Kusababu bhamwejile Utaat wani, inani indamanyile kwebhamubhishile."

\v 14 Vwe alonga igo, agaluhanile na kumulolo uYesu vweayimiliye. Ilelo antahiza amanya kuti uyo ali wu Yesu.
\v 15 Iwope uYesu ahamuwuza, 'Mamo, shoni ukulila? Ukumwanza unanu?" Iwope uku akuti jibha mtunza bositani ahamuwuzya, "Aise inga wewe umwejile, mbuzye kwumubhishile, inine indimweje."

\v 16 U Yesu ahamuwuza, "U Mariamu." Iwope ahagaluhana wuyo nakumubhuzya kwa Kiaramu, "Raboni," ini kwekuti, "Mwalimu."
\v 17 U Yesu ahamuwuzya, "Utahambalamasye kwani ishili kubuluha kubhala kwa tata; wani we iwinza ghutata Umulungu wani nu Mulungu winyu."
\v 18 U Mariamu Magidalena ahinza kubhabhuzya abhamanyili, "Na mulolo Utata," nakuti amubhuzizye amambo iga.

\v 19 Na weyafiha kyabhela, isiku iyo, isiku iyakuwandilo iya juma ni nyingi vwe zyigaliwe pala pe abhamanyili bhali kwakubhogopa Abhayahudi, uYesu ahinza nukwimilila pakasi yabho na kubhahuzya, "Ulutengano lubhe kukwinyu."
\v 20 Wealonga alongo iga ahabhalolesya inyobhe zyakwe na imbazu yakwe. Ibhope abhamanyili vwebhamulolo Utata bhahisha.

\v 21 Iwinza uYesu ahabhabhuzya habhili, "Ulutengano lubhe inimwe. Inza shila Utata vweasondelezizye ine, shinisho inine ingubhasondelezya imwe."
\v 22 U Yesu wealonga igo, ahabhapa ahabhabhuzya, Poshelaji Umupepu Umufinjile.
\v 23 Wowondi mumuhobhoshelaje imbibhi, bhahobhoshilwe; na bhala bheinga mwabhigalila bhaligalilwo."

\v 24 U Tomaso, weka wa bhala kumi na bhabhili we bhamwitile Didimasi, atali na bhamanyili abhamwabho uYesu vweayinza.
\v 25 Bhala abhamanyili abhamwabho bhahumubhuzya shamandi, "Tumulolile Utata." Iwope ahabhabhuzya, "Inga nteindole ivilolesyo ivwa misumali munyobhe zyakwe, nukubhiha isambo zyani muvilolesyo umwo, na iwinza kubhiho inyobhe yani kumbaza yakwe nteninitishe."

\v 26 Baada yisiku nane abhamanyili bhali kukasi iwinza, iwope uTomaso alipeka nabho. Ahabhalilo vweamalyango gigaliwa uYesu ayimiliye pakasi yabho. na ahati, "Ulwitiho lubhe inimwe."
\v 27 Iwinza ahamuwuzya uTomaso, lete isamba yaho na ulole inyobhe zyani; lete ipo inyobhe inzaho na ubhishe kumbazu yani; utahabhe inzoweatakwitiha yoli weakwitiha."

\v 28 Iwope uTomaso ahajibu n akumuwuzya, "Tata wani nu Mulungu wani."
\v 29 U Yesu ahamuwuzy, Pekuti wandola, witiha. Bhasayiwe abhene bhebhakwitiha, nakuti bhalole."

\v 30 Iwinza uYesu ahabhomba iishara inyinji mwilongolela lya bhamanyili, zyezitasimbilwe nalumo mushitabu ishi;
\v 31 yoli inzi zisimbilwe ingakuti muwezye kwitiha kuti uYesu we wu Kilisiti, umwana wa Mulungu, nakuti vwe mukwitiha mubhe nu wumi kwizwi lyakwe.

\c 21
\cl Umlyango uwa shina moja
\p
\v 1 Baada ya mambo igo uYesu ahayilolesya iwinza kubhamanyili kusumbi iya Tiberia; ishi vwe ahayilolesya wuyo:
\v 2 U Simoni uPeteli ali peka nu Tomaso we bhahati nji u Didimasi, uNathanaeli uwa Kana iya Galilaya, abhana bha Zebedayo na bhamanyili bhamwabho bhahili abha Yesu.
\v 3 U Simoni uPeteli ahamuwuzya, "Ine nabhala kusikula iswi." Ibhope bhahambhuzya, "Intwebhulo tukubhala iniwe." Bhahabhala bhahinjili mwizinga, ilelo ubusiku uwo wondi bhatashajile shoshondi.

\v 4 Na shandabhi vwe kwasho, uYesu ayimiliye mulubhazu, ibhope abhamanyili bhatahamanya kuti ali wu Yesu.
\v 5 Iwinza uYesu ahabhabhuzya, "Abhatunda, mli na shoshondi isha kulya?" Ibhope bhahajibu, "Hala."
\v 6 Ahabhabhuzya, "Yisyaji inyavu ulubhazu ulwa kubhulilo wizinga inimwe timupate inyisi." Pe hahisya inyavu ibhope bhatahawezya kulikwesa lwinza kusababu ya winji wiswi.

\v 7 Pe wula umuma we uYesu amuganile ahamuwuzya uPeteli, "Wu Tata," Iwope uSimoni uPeteli wayivwa kuti wu Tata, ahayipinya umwenda wakwe (pekuti atalikwatile ihinza), pe ahayisumba musumbi.
\v 8 Bhala abhamanyili abhamwabho bhahiza pa mashua (pe bhatali kubhutali ni pwani, inza imita imia yeka kufuma mulubhazu), ibhope bhahavutaga zila inyavu zyezyizuye isamaki.
\v 9 Webhafiha mulubhazu, bhawulolilo umwoti uwa mkaa pala na pamwanya na pamwanya yakwe pali niswi peka nu mukati.

\v 10 U Yesu ahabhawuzya, "Lete zimo iswi zye mwasiku la ishi."
\v 11 Basi Simoni Petro akapanda na kuukokota ule wavu uliokuwa umejaa samaki wakubwa, kiasi cha samaki 153; japo walikuwa wengi, ula wavu haukuchanika.

\v 12 U Yesu ahabhabhuzya, "Zaji mpate ishakuwandilo." Nawumo inga weka uwa bhamanyili weahalinga kumubhuzilizya, "Iwe we nanu?" Bhamanyile kuti ali wu Tata.
\v 13 U Yesu ahiza, ahega wula umukati, iwinza ahabhapa, ahabhomba shishila na kuzila iswi.
\v 14 Ini yali ya bhutatu kwa Yesu kuyilo lesha kubhamanyili bhakwe weazuha kufuma kubhufwe.

\v 15 Webhigula isha mwilomu, uYesu ahamuwuzya uSimoni uPeteli, "Simoni mwana wa Yohani je, unganile ine kushila ibha?" U Peteli ahajibu, "Ee, Tata; "Iwe wumanyile kuti ine inguganile?" U Yesu ahamuwuzya, "Lisya ingole zyani."
\v 16 Ahamuwuzya ilya bhubhili, "Simoni mwana wa Yohani, je, unganile?" uPeteli ahamuwuzya, "Ee, Tata; Iwe wu manyile kuti inguganile. "U Yesu ahamuwuzya, "Dima ingole zyani."

\v 17 Ahamuwuzya iwinza ilya bhutatu, "Simoni, mwana wa Yohani, Je unganile?" Iwope uPeteli ahaswimilila pebhamubhuzilizizye kulya bhutatu, "Je Iwe unganile?" Iwope ahamubhuzya, "Utata, umanyile gondi; umanyile kuti inguganile." U Yesu ahamuuzya, Lisya ingole zyani.
\v 18 Yitiha, yitiha, ingubhuzya, wewoli wekijana walubhiye kukwata amenda wunewe nukubhala kwokwondi kwewiganile; ilelo ingawagosipa, uligolosya inyobhe zyaho, nuwa mwabho alikukwatizya amenda na kukutwala kwutakwanza kubhala."

\v 19 U Yesu alonjile iga inga kulolesya bhufwe woni we uPeteli hali amupalile Umulungu. Wekuti alonga iga, ahamubhuzya uPeteli, "Ndandate."

\v 20 U Peteli ahagaluhana n akumulolo wula umumanyi we uYesu amuganile ahabhalandata- Unu wewe aliayegamiye pashifubha isha Yesu kuhabhalilo iha shakulya isha bhuswelo naku mubhuzilizyo, "Utata, wunanu wealikuleha?"
\v 21 U Peteli amulolile na winza ahamubhuzilizya uYesu, "Tata, Umundu unu alibhombashi?"

\v 22 U Yesu ahajibu, "Inga ingawaza asyale mpaka peindyiza, ilyo likuhusu ishoni?" Ndandate."
\v 23 Pe imbembu ini yihasata mubhala abhaholo, kuti umumanyili uyo tiahafwe. Ilelo uYesu ahamubhuzya uPeteli kuti, umumanyili uyo atakufwa, "Inga ikwaza uwene asyale mpaka peindiyiza yikukuhusu ishoni?"

\v 24 Unu we mumanyili weakufumwa ubhushuda wa mambo haya, ns ndiye aliye andika mambo haya, na tunjua ya kuwa ushuhuda wakwe wiyoli.
\v 25 Kuli nagamu aga mwabho aminji ge uYesu agabhombile. Inga kila lyeka lyasimbilwe, ingumanya kuti insi yiyo hali yitakwanile kuvibhiha ivitabu vwehali visimbilwe.