mgq_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka

\c 1
\cl Omlyango 1
\p
\v 1 Abhinji bhalijile kubhiha kumpanjililo imbebu ku zyezi bhombeshile kukwitu,
\v 2 Anza shebhatupinye itwe, shetwamile kufuma kuwandilo twabhaketi ibha moso twabhabhombi ibha mazwi.
\v 3 Isho nane iwinza, iwinzawe nenya ku winza hehandule kukondi inga kufuma kuwandilo - nalola hinza kukwani iwinza kusimba kumasitali ingakwe - uwakunutinoha ihani Theofilo.
\v 4 Anza kuuti ikwezye kumanya ilyayoli kungimanyiye.

\v 5 Kusiku izya Herode, umwene uwa Yudea, pamile nu muputi umo bhatatiji Zekaria, uwa shiholo uwa Abiya. Mshi wakwe afumile kubhalindu ibha Haruni, nu tawa lyakwe amile Elizabeti.
\v 6 Bhondi bhamile bhayoli pilongolela pa Mulungu; bhahajedaga bila shibhune kundajizyona kuhalalila ukwa Mwene.
\v 7 Ilelo bhatamile nu mwana, ku kunti Elizabethi amile muluji iwinza kumasiku ingo bhondi bhabhili bhamile bhagoso ihani.

\v 8 Iha fumila kunti Zakaria amwile kumaha nga Mulungu, ahajendaga mudajizyo izya uputi kundajizyo izya kuposhelana kwakwe.
\v 9 Kufumila nu umwiho uwa kusebhakuti mpati alikwi watabhomba aha homewanga ikura kwinjila kushibhanza isha Mwene ahaputi wanga ilyosi.
\v 10 Abhabhugana abhandu bhahaputaga panzi webha putiwa ilyosi.

\v 11 Ishi uhabhizya uwa Mwene afumonye nu kumolila kumbali kundilo kushigema ukwa kuputila.
\v 12 Zakaria ahaganduha walola; uwonga wahamwinjila.
\v 13 Ilelo uhabhizya ahamubhwazya, "Utogopaje Zakaria, kukuti impunto yaho yivwishole. Umshiwaho Elizabeth atikupapile mwana. Itawa lyakwe atabhe Yohana.

\v 14 Utubhe nu hinza nu kusha, nubhinji tebha kuseshele kupapwa kwa wene.
\v 15 Kukunti atabhe msongo pilongolela pa miso inga Mwene. Atahamwele, ihobwa au ihakumwela ahalali, ahanyi zyuzwa umpepu umfijile kufuma mlyanda mwa nyinawakwe.

\v 16 Nu bhandu abhinji ibha Israeli bhahayi galulanywa ku Mwene Umulungu wabho.
\v 17 Ahayibhala pilongolela pa miso pa Mwene ku mpepu nu nihaa ilya Eliya. Ahayibhaba ishi anzakuduzya amoyo inga tata ku bhana anza kunti bhebha takutinihabhahayi bhala ku hutosu uwayoli. Ahayibhoba ishi ku Mwene bhandu bhebhabhoshiwe kwa wene."

\v 18 Zakaria ahamubhuza uhabhizya, "Iutiwezye kumanya ihaa? Kukunti ine na mgosi wope umshiwanio amahaa gakwe miji ihani."
\v 19 Uhabhizya ahaloga, "Ine na Gabrieli, wakwimilila polongolela pa Mulungu. Asondelela zizye kukubhuzya kukuletela imbebu iniiyiza.
\v 20 Ikwenya, utalonje, atapume, utuwezye kulonga mpaka isiku lye igatega fumile. Ili kukunti wa potiwe kwitiha. Amazwi gani genga fuminye kusiku zye zohondeye."

\v 21 Ishi abhandu bhaha mgalilanga u Zakaria. Bhahe swiga kunti ahabhombelaga isala inyingi mshibhaza.
\v 22 Ilelo wafuma pazi atahawezya, kulonga nabho. Bhalamanya kunti alotile wali mushibhanza. Ajendelenye kulolesya ishilolayo ahapuma ibhulo.
\v 23 Ihafumila kunti isiku izti mbobo yakwe wezyasila ahasongora kudunga kuhanya kukwakwe.

\v 24 Iwinza u Zakaria ahadunga kuhanya kwakwe kumbobo yakwe mshibhaza, umshi wakwe ahabha nulwanda. Wope atahafuma muunyumba yakwe kumasiku inga mezigasanu. Ahalonga,
\v 25 "Ili lye lwu umwene abhombile kukwani wanenya kulungano anza anyefwe isoni yani pilongolela pabhandu."

\v 26 Ishi, kunti umwezi uwasita uwa lwanda ulya Elizabeti, Umulungu ahamubhuzya uhabhizya Gabrieli kubhala kusi inya Galilaya webhati Nazareti,
\v 27 Kwa umwaminifu wamachumbiliwe numsahala witawa lyakwe amile Yusufu. Iwene amile uwashi holo isha Daudi, nitawa ilya mwaminifu uyo amile Mariamu.
\v 28 Ahinza kukwakwe na halonga, "Wabhomba, iwe wuposhelenye uwinza uwupiti! Umwene ahondeziwe niwe.
\v 29 Ilole amazwi inga habhizya gamchanganyiye nakumanya kunti honi uhabhizya alojile kulamula ukwa kuswiga.

\v 30 Uhabhizya ahamubhuzya, "Utongopaje, Mariamu, maana upatile uwila kufuma kwa Mulungu.
\v 31 Ikwenya, utupimbe ulwanda kulwanda lyaho utupape Umwana. Iwe utumwite itawa lyakwe 'Yesu.'
\v 32 Atabhe mpinti atabhe Umwana wali kumwanya ihani. Umwene Umulungu atampe itengo ilya wila ilya Daudi utaha wakwe.
\v 33 Atabhombe pamwanya pashiholo isha Yakobo wila na wupinti wakwe tebhubhe no mbelela.

\v 34 Mariamu ahamu bhuzya uhabhuzya ili lihanyifumila wulibhuli, ita lonjile na lumo kungona nu msahala numo?
\v 35 Uhabhizya ahalonga na kumubhuzya, "Umpepu umufinjile tewinze pamwanya paho. Noha ilya wali pamwanya ihani telwinze papaho. Kukunti umufinjile watapapwe atabhe msiwa Mulungu.

\v 36 Ikwenya, uholo waho Elizabeti amulwanda ulwa mwana kumaha igakwe igaungosi. Unu mweziwa sita kukwakwe, webhahatiji mluji.
\v 37 Kukunti nalimo lyelitakuwezeha na kwa Mulungu."
\v 38 Mariamu ahalonga, "Nenya, ine ne nu mputi umlindu uwa Mwene. Lahaa zibhe shinosho kukwani anza shinisho namazwi ngaho."Iwinza uhabhizya ahamuleha.

\v 39 Pe kunti isiku izyo Mariamu ahasongola na kuhalaganya ahabhala kusi iya vibhambala kumji kusi iya Yudea.
\v 40 Abhalile kuhanya kwa Zakaria na kumlamhaa Elizabeti.
\v 41 Ishi, ihalolesya kunti Elizabeti wanyivwa kulamula kwa Mariamu, umwana mulwanda mwakwe ahatomoha, nu Elizabeti ahizuzwa nu mpepu umufijile.

\v 42 Ahahola izwi lyakwe na kulonga kusanti imbinti, "Uhondenye iwe ihani mubha mwinyu abhandada, na umwana na wali ulwanda lwaho ahondenye.
\v 43 Na zyabhabhuli kukwani kunti umanyi uwa mwene wani yahonde uye anyize kukwani?
\v 44 Kukunti, tendela wonyo fwoha mumakutwe gani izwi ilyakwe lamula kwaho, umwana mlwanda mwani ahanza tomoha kwa kusha.
\v 45 Na aimishiwe umwandada ulawa nyitishile kunti ungafumila uwayoli kugaha ebhambhili zozye kufuma kwa mwene."

\v 46 Mariamu ahalonga, umbhili wani wukumpala Umwene,
\v 47 Umpepo wani wushonye kunti Umulungu wasebhile wani.

\v 48 Kukunti ayenyizye ihali yapasi iya kwitiha kwakwe umwandada. Tendela, kuwandilo iwinza ku pwapa kwondi tebhambishole ungane.
\v 49 Kukunti iwene wawezizye abhombile ama pinti kukwani, ni tawa lyakwe lwiza.

\v 50 Uwila wakwe wakundila kufuma kupapwa na kupapwa kubhala bhebha kumtiniha iwene.
\v 51 Alolesizye iha kunyobhe yakwe; abhasatanyinye bhala bhebha kunyibanda ku sobho.

\v 52 Abhisizye pasi abhana ibhabha pinti kufuma kumatengo gabho inga wila na kubha bhusya pa mwanya bhebhali ni hali iya pasi.
\v 53 Abhokuti ibhizala kuvindu ivwinza, yoli abhadumbwo abhabhijile iyobhe ibhulo.

\v 54 Afumizye uwila kwa Israeli umpati wakwe, anza kukumbuha kulolesya uwila.
\v 55 (Anza shamalojile kwa tata bhitu) kwa Abrahamu nu upapwa wakwe wila."

\v 56 Mariamu anyihaye nu Elizabeti yaloleha amezi gatatu ishipahaduga kuhanya kwakwe.
\v 57 Ishi isiku zyafishole kwa Elizabeti kupapa umwana wakwe na kupapa umwana umsahala.
\v 58 Ahapalamani bhakwe nabhaholo bhakwe bhalivwa shu umwene akuzizye ulugano kukwakwe na bhahasha peka nawo.

\v 59 Ishi ihafumila isiku ilya nane kunti bhizile kumwata umwana. Hani ya bhahondeye kumwita itawa lyakwe, "Zekaria, "Kufwata itawa ilya tata wakwe,
\v 60 Ilelo unyine wakwe ahitiha na kulonga, "Hala; atabhe Yohana."
\v 61 Bhahamubhuzya, numo atamshoholo shaho webha kunti itawa ili."

\v 62 Bhahambhombelo utata wakwe kulolesya iwene kunti atiji abhe itawa wunanu.
\v 63 Utata wakwe ahanza ishibao ishakusimba, na ahasimba, "Itawa lyakwe wu Yohani." Bhondi bhala swinga nili.

\v 64 Panapo ilomu lyakwe lihinguhanu ululini lyakwe luhabha huru. Ahalonga na kumpala Umulungu.
\v 65 Kutunya kuhamozila bhondi bhebhahandilanga papipi nawo. Ahapangwi iha halasata pasi yondu iya vibhamba ivya Yudea.
\v 66 Na bhondi bhebhi vunye bhahagabhiha mmoyo mwabho, bhahalonga, "Umwana unu aliwuli bhuti?" Kukunti inyobhe ya mwene ya mole peka inawo.

\v 67 Utata wakwe Zekaria ayizyuzizye numpepu umfijile na ahafumwa imbepu, ahati,
\v 68 Apalwe Umwene Umulungu uwa Israeli, kukunti ayavizye na abhombile kupinduha kubhadu bhakwe.

\v 69 Atubhusizizye ulupembe ulwa kupinduha kufuma mnyumba iya mputi wakwe Daudi, kufuma mubhamabho mushiholo isha mputi wakwe u Daudi,
\v 70 Anza shamalojile kumili izya abhaloli bhakwe bhebhalipo ku siku izyimandi.
\v 71 Atatufule kufuma kubhabhobhibhitu na kufuma mnyobhe mwu bhondi bhebho kutwilyama.

\v 72 Atabhombe ishi kulolesya uwila ku bhatata bhitu, na kukumbuha indajizyo inyiza,
\v 73 Indajizyo yamalojile kwa Abrahamu utata witu.
\v 74 Alapile kusimishizya kunti ya wezehine kumbhombela iwene bila woga, baada ya kupinduha kufuma munyobhe inzwa bhabhi bhintu.
\v 75 Ku kunti uwinza nu wayoli pilongolela pakwe isoku zyitu zyondi.

\v 76 Ena, niwe mwana, utubhe umloli wali pamwanya ihani kukunti utubhale pilongolelapa miso inga mwene anza kumgombela indala, kubhabhiha abhandu kunti wakwinza wene,
\v 77 Kubhamanyisya abhadu bhakwe kunti, tebhapindushe kwi dala ilya kutunyiwa imbibhizyawo.

\v 78 Ili lihayi fumila kuwila uwa Mulungu witu, ku kunti izubha kufuma kuma kumwanya lihayipuma,
\v 79 Kuhozya kwabho bhebha kwihalamuhisi na kuwufwe. Ahayibhomba ishi kuyilongo zya ivinama vwitu kwi ndala ilya uwila."

\v 80 Ishi, ula umwana ahakula na kubha wiha umpepu na ahihala mmalala mpaka isiku ilya kufumila kwa Israeli.

\c 2
\cl Udyango 2
\p
\v 1 Ishikunti isiku izyo, ihafumola kunti Kaisari Agusto afumizye idajizyo ahabhamzyanga kunti inyenjewe isensa iya bhadu bhondi bhebhali musi.
\v 2 Ine ya mile sensa iya kwanda yenya bhombishile uwakati Krenio amile msongo uwa Siria.
\v 3 Ihaziwa kila mundu abhale kumjini kukwakwe kusimbizya isensa.

\v 4 Wope uyusu asongonye kumji uwa Nazareti ukwo ku Galilaya na hajenda Yudea kumji uwa Bethelehemu, wewumanyishile kunti umji uwa Daudi, kukunti afumile kushiholo isha Daudi.
\v 5 Abhalile ukwo kuyisimbi zyapeka nu Mariamu, wama muchumbiye na hagulilanga umwana.

\v 6 Ishi ihafumila kunti webhali kula isiku zyakwe izya kupapa umwana zihafiha.
\v 7 Ahapapa umwana umsahala, umpapwa wakwe uwa kwanda, aha nu zwungulizya amendaumbhili kumundinda ni mbepu umwana. Pahambhila mwizinga ilya kuzabhilila ing'ombe, kukunti patalipo na pamu mnyumba inyabhajeni.

\v 8 Kukundi mwieneo ilyo, bhalipo abhandimi bhebhahabhaga mfwizi kugula ividima ifwi ngole zyabho uwusiku.
\v 9 Nalubhilo uhabhizya uwa mwene ahabhaumila, nu mfijile uwa mwene ahalamaa, kubhazyungula bhahabha ni lwoga ihani.

\v 10 Pe uhabhizya ahabhabhuzya, "Mtogopaje, kukunti ikubhaletela amazwi amazwi ngelete kusha ukupiti kubhadu bhondi.
\v 11 Umsayunu apapiwe kwajili yinyu mmji uwa Daudi! Iwene wewu Kristi Umwene!
\v 12 Ine sheshiholayo, yetembhilenayo, temumwaje umwana apinyiwe amenda na agonile mwizinga ilya kuzubhilila ing'ombe."

\v 13 Nalubhilo kuhabha na bhalungu abhapiti ibha kumwanya vihabhapeka nu habhizya huyo kumpala Umulungu, bhahanti,
\v 14 "Uwinza uwaMulungu wali kumwanya ihani nuhutosu wubhe pasi kubhondi bhebha kumhondezya wope."

\v 15 Zihabha kunti uhabhizya wapela kusongola kubhala kumwanya abhadimi bhahamzanya ibhene kubhene, "Sali ilelo kula ku Bethelehemu, tuhalole iha hahandu hehafuminye, humwene atubhuzizye."
\v 16 Bhahahalagaya kula, na bhahamwanga u Mariamu nu Yusufu, nakumlola umwana agonile mwizinga ilya ku zubhilila ivihamo.

\v 17 Nawebhalola ishi, bhahabhabhuzye abhandu hala hebhabhabhuzizye, kunti umwana.
\v 18 Bhondi bhebhu vunye imbepu ine bhaha swiga na hala hebhalojile abhandimi.
\v 19 Ilelo Mariamu ahendelela kukwina kuzyondi zyamazyifunye ahazibhiha mumwoyo wakwe.
\v 20 Abhadimi bhahaduga bhakumpala na kumsalifwa Umulungu kuhondi hebhifunye, na kulola, anza hezya longiwe kuwawo.

\v 21 Welyafiha isiku ilya nane na shamile shipindi isha kumwanta umwana bhahampa itawa UYesu, itawa lyebhampinye nu habhizya wu lwanda lushili kumela mkasi.

\v 22 Izyabho zyezya ziliwe izya kuputiwa wezyashila, kufumila nindajizyo iya Musa, Yusufu na Mariamu bhahamtwala mshibhanza kula ku Yerusalemu kumubhiha pilongolela pa Mwene.
\v 23 Anza shisimbiwe kundajizyo iya Mwene, "Kunti umsahala watalile mulwanda atabhe wafumezye uwinza kwa Mwene."
\v 24 Bhope shishila bhizile kufumwa isadaka kushilila hebhekulonga kundajizyo iya Mwene, "Zyeziholile ikunda ni nyama zibhili izyi kunda."

\v 25 Yenya, pamile nu mudu ku Yerusalemu webhahatiji itawa lyakwe amile wa Simeoni. Umundu uno amile wayoli na kumputa Mulungu. Iwene ahangulilanga kwa wa kumpaindilola uwa Israeli, nu mpepu umfijile amile pamwanya yakwe.
\v 26 Yangubuliwe kukwakwe kushilila umpepu umfijile kunti uwene atagafwa washili kumlola Kristi Umwene.

\v 27 Isiku lweka anyizile mkasi mshibhanza, alongo zizye nu mpepu umfijile. Pabhayise bhamuletile umwana, u Yesu, kumubhombela genga hondeye kundajizyo,
\v 28 Pu Simeoni ahamposhela myobhezyakwe, na kumpala Umulungu na kunti,
\v 29 "Ishi mlajizye umputi waho abhale ku winza uwa Mwene, kuholama na mazwigaho.

\v 30 Kukunti amiso gani galola ulwitiho lyaho,
\v 31 Weabhoneha kumiso gabhandu bhondi.
\v 32 Iwene shihozyo kuwungumbule uwabhapangani nu winza uwandu Israeli."

\v 33 Utata nunyina uwa Mwana bheha swiga kugala gengalogiwe kwa wene.
\v 34 Pu Simeoni ahabhazanya na kulonga kwa Mariamu nunyina wakwe, "Yivwa ahinza! Umwana unu atabhe kutega na kubhasobha abhandu abhinji ku Isrseli na teshibhe shiholanyo she abhandu abhinji tebhahane.
\v 35 Iwinza li panga lyelikulasani umbhili waho wunene inza kunti isibhoizyya moyo ga bhinji gabhoneshe".

\v 36 Umloli umwandada weshatiji Ana awinza alipo mshibhanza iwene amile mlindu u Fanueli kufuma kushiholo isha Asheri. Amile na maha amingi ihani wope andilinye. Numlume wakwe kumaha saba we bhegana,
\v 37 Pewinza ahabha mfwile kumahaa themanini nagani. Wope atepile na lumo mshibhanza peka na kufunga na kulabha, uwusiku na shamshanya.
\v 38 Na kusiku izyo, ahinza pala pebhali ahanda kumsalifwa Umulungu. Ahalonga kunti umwana uwakila mundu wahagulilanga kukombolawa ukwa Yerusalemu.

\v 39 Webhamala kila handu hebhahanzaga kubhomba ku shila indajizyo ya mwene, bhahadunga ku Galilaya, kumji wabho Nazareti.
\v 40 Umwana ahakula, ahabha nihaa ahojela ku njele, nuwinza uwa Mulungu wamile pamwanya pakwe.

\v 41 Abhanyise bhakwe kila mwahabhahabhalaga ku Yerusalemu kusikuku iyi Pasaka.
\v 42 Wafiha amaha kumi na gabhili, bhahabhala iwinza anza shikwa ziwa kusikuku.
\v 43 Iwinza kusyala isiku zyondi kwaajili yi sikuku, bhahanda kuduga kuhanya. Ilelo umsahala UYesu ahasyala kulusalo kula ku Yerusalemu na bhanyise bhakwe bhatamanyile ilyo.
\v 44 Bhakwimile kunti ali mwiganda lye bhahashulaga inalyo, pebhahashula isafali iyi siku. Pe bhahanda kumwanza mumaganda inga bhaholo na bhamayani ibhakwe.

\v 45 Webhapotwa kumwanga, bhahaduga ku Yerusalemu bhahada kumwanza umwo.
\v 46 Ihafumila kunti wezye shila isiku zitatu, bhahamwaga mshibhanza ayi hangepakasi pabham anyizyi akubhatejelevwa na kupembuzya amaswali.
\v 47 Bhondi bhebha mwivunye bhahaswiga na kumanya kwakwe na majibu ingakwe.

\v 48 Webhamulola, bhahaswiga. Unyina wakwe ahamubhuzya, "Mwanawani, honi hukutubhombela ishi? Tejelevwa, unyise waho nine twakwanzaga kukwinoipinti."
\v 49 Ahabhabhuzya, "Honi hemwana zaga? Munamanyile kunti ya zanga kunti imbe munyumba ya utata wani?
\v 50 Ilelo bhatahamanya kunti alojelanga amazwi ingo.

\v 51 Pe ahabhala peka nawo mpaka kuhanya ku Nazareti amamile nuluti niho kukwabho.
\v 52 Ilelo UYesu ajendelenye kukula ku njele nu mubhili, na hendelela kunganiwa nu Mulungu na bhandu.

\c 3
\cl Umdyango 3
\p
\v 1 Ilelo ku mwaha uwa kumi na tano uwa kutabhala uwa Kaisaria Tiberia, wu Pontio Pilato amile wugavana uwa Uyahudi, Herode amile mpiti uwinzi iya Galilaya, nu Filipo uholo wakwe amile mpiti uwa Iturea na Trakoniti, na Lisaia amole mpinti uwisi iya Abilene,
\v 2 Nishipindi isha mpati uwa Anasi nu Kayafa, izwi lya Mulungu lihamwanga u Yohana umwana uwa Zakaria, ungululu.

\v 3 Ahashula ku mkoa wondi kuzyungula ulyizi Yordani, ahalubililanga kwozewa ukwakutunyiwa imbibhi.

\v 4 Anza shisimbiwe mubhi tabu amazwi inga Isaya umloli, "Ilya mndu wali mwitamtanyingombaji, "Ilelo indala ilya mwene, ngombaji amandala genga ngoloshile.

\v 5 Kila lihombe telyizuzye, kila labhambala no shibhabha tevisate, ibarabara zyezi ngombanile te zingoloshe, namadala ngeguminye tegabhemolo.
\v 6 Abhandu bhodi te bhalole uhupitiwa Mulungu."

\v 7 Isho, u Yohana ahabhabhuzya bhebhamganile abhinji abhandu bhebhamfwatile bhawezye kwozewa inawo, "Umwe mpapiwe ishi njoha mwemli ni sumu, wenu wabhasoshile kushimbila umulaha wewu kwinza?

\v 8 Papi aminza genga kubhalilana nu winza, namtandaje kulonga mkasi yinyu, "Kunti Ibrahimu wewu tata wiyu; ku kunti ikubhabheuzya kunti, Umulungu angaweza kumbhusya Ibrahimu na bhana na kushilila amawe inga.

\v 9 Tayari indemu ibhishiwe kwizi ilyikwi. Ishi, kukunti ikwilye litakupapa aminza ihani likute magwa na kusumba mumwoto.

\v 10 Iwinza abhandu palubhugano bhahampembuzya ishi yukwaziwa kuhozya bhuli?"
\v 11 Ahalonga na kushabhuzya kunti anza umndu ali ni avalosi zibhili ikwaziwa afumwe yeka kwa wamwawo watali nayo zila, nawali ni vindu wopo abhombe shinisho."

\v 12 Iwinza kubhala bhebha kusoshezya uhushuru bhahizakwozewa, na bhaha mubhuzya, "Umumanyezyi, tukwa ziwatuhozye bhuli?
\v 13 Ahabhabhuzya, "Mtegaje ihela yenyita kwaziwa kwenga hala."

\v 14 Iwinza abhalungu wahampembuzya bhatati, "Natwe? Tukwanziwa kuhozya bhuli?" Ahabhabhuzya, "Mtegaje ihela kwa mundu wowondi kwiha na mtamwandulajae umndu wowondi ilenga. Muhobhahaje ni hera zye mkuzyanga kumbobo iyinyu."

\v 15 Ishi, kukunti abhandu bhamile nulusubhilo ulya kumgulile Kristi watayi zye kila weka ahakwinanga mmwoyo wakwe kunti u Yohana wewu Kristi.
\v 16 Yohana ahalonga kubhabhuzya bhondi, "Ine ikubha zya kuminzi, yoli kuli weka wakwinza alinihaa kushila ine nitakwaziwa kusatula ingusa izya vilyatu ivwakwe. Atabho zye imwe kumpepu umfijile na kumwoto.

\v 17 Ishiselo shakwe shimyobhe zyakwe anza kunti anyozye ahinza uluselo ulyakwe ulyakupemendela ingamo mshanga shakwe. Ilelo ahayipemba amasyasya kumwoto wewuta kuzima.

\v 18 Kusoshe inyiji nyingi iwinza, alubilinye amazwi amiza kubhandu.
\v 19 Yohana amhalalinye iwinza Herodia, umpiti uwa uwa mkoa uwa kumlola Herodia umshi uwa holo wakwe na kumbibhi inyiji zyu Herode aha zibhohhbaga.
\v 20 Iwinza u Herode ahabhoba uwubhibhi uwapiti ihani ahamkunga u Yohana mlukapo.

\v 21 Iwinza ihafumila kunti, wenyafiha abhandu kwozewa nu Yohana, wope u Yesu ahozewa wope. Wenyafiha kuputa, imwanya zihingaha.
\v 22 Umpepu umfijile ahila pamwanya yakwe anza ishiholayo ishamubhili anza ikunda, Isala yiniyo yiniyo izwi lihiza kufuma kumwanya lihati, "Iwe wewa mwanawani umgane. Inguhondezwa ihani niwe."

\v 23 Ishi u Yesu wuyo wakwanda kumanyizya, amile na mahaa ngegata kupunguha thelasini. Amile msianza shebhahakwinaga kunti u Yusufu, umsi uwa Eli,
\v 24 Umsi uwa Mathali, umsi uwa Lawi, umsi uwa Melki, umsi uwa Yana, umsi uwa Yusufu,

\v 25 Umsi uwa Matathia, umsi uwa Amosi, umsi uwa Nahumu, umsi uwa Esli, umsi uwa Nagai,
\v 26 Umsi uwa Maati, umsi uwa Matathia, umsi uwa Semeini, umsi uwa Yusufu, umsi uwa Yuda,

\v 27 Umsi uwa Yoanani, umsi uwa Resa, umsi uwa Zerubabeli, umsi uwa Sheaitieli, umsi uwa Neri,
\v 28 Umsi uwa Melki, umsi uwa Adi, umsi uwa Kosamu, umsi uwa Elmadamu, umsi uwa Eri,
\v 29 Umsi uwa Yoshua, umsi uwa Eliezeri, umsi uwa Yorimu, umsi uwa Matathi, umsi uwa Lawi,

\v 30 Umsi uwa Simeoni, umsi uwa Yuda, umsi uwa Yusufu, umsi uwa Yonamu, umsi uwa Eliyakimu,
\v 31 Umsi uwa Melea, umsi uwa Mena, umsi uwa Matatha, umsi uwa Nathani, umsi uwa Daudi,
\v 32 Umsi uwa Yese, umsi uwa Obedi, umsi uwa Boazi, umsi uwa Salmoni, umsi uwa Nashoni,

\v 33 Umsi uwa Abinadabu, umsi uwa Aramu, umsi uwa Hesroni, umsi uwa Peresi, umsi uwa Yuda,
\v 34 Umsi uwa Yakobo, umsi uwa Isaka, umsi uwa Ibrahimu, umsi uwa Tera, umsi uwa Nahori,
\v 35 Umsi uwa Seruig, umsi uwa Ragau, umsi uwa Pelegi, umsi uwa Eberi, umsi uwa Sala,

\v 36 Umsi uwa Kenani, umsi uwa Arfaksadi, umsi uwa Shemu, umsi uwa Nuhu, umsi uwa Lameki,
\v 37 Umsi uwa Methusela, umsi uwa Henoko, umsi uwa Yeredi, umsi uwa Mahalalei, umsi uwa Kenani,
\v 38 Umsi uwa Enoshi, umsi uwa Sethi, umsi uwa Adamu, umsi uwa Mulungu.

\c 4
\cl Udyango 4
\p
\v 1 Pu, Yesu wanyizuzya umpepu umfijile, ahadunga kufuma kulwizi Jordani, alongolezizye nu umpepu umngululu.
\v 2 Kusiku arobaini, nukwo ahalinga kwa nu setano. Isala iyo atalinye ni vindu na vimo, nu kusaliyo ahayilolanga izalaa.

\v 3 Usyetani ahabhuzya, "Kunti iwe anza wa msi wa Mulungu, libhuzye iwe ili libhe limbumunda."
\v 4 U Yesu ahanti, "Yisimbiwe; 'Umundu atandile kwi bumunda halaa."

\v 5 Iwinza usetano ahalongolozya pamwanya ihani pa lubhambala ahamlanga iwinza wondi uwizsi kusala yiniyo.
\v 6 Usyotani ahambhuzya, "Intikupekila hohondi kubha vwaho. Nuwinza wondi ikuwezya kubhomba isho kukunti vwondi vibhishiwe kukwani. Kunti ivitole ni inguwezya kumpa wowondi wenati impe.
\v 7 Kukunti anza wangu zamila na kuputa, ivindu ivi vyondite vibhe vwaho."

\v 8 Ilelo uyeshu ahambhuzya nakulonga, "Isimbiwe, "Ikwanza kumputa Umwene Umulungu waho, ikwanza kubhombela iwene umwene yoli."

\v 9 Iwinza usyotani ahamlongolezya uYesu paka Yerusalemu nakumbhiha pamu pamwanya ahani pinyumba inya shibhanza na mubhuzya, "Kunti iwewe msu wa Mulungu, yilezye pasi kufuma ipa.
\v 10 Ku kunti isimbiwe, "Atabhalajizye abhahabhizya bhakwe bhakubhishe na kukundima,
\v 11 Te bhakubusye pamwanya mnyobhe zyabho anza kuti utaha viwalale ivinama vwaho pamwanya iwe."

\v 12 UYesu ahalonga na kunti, 'Isimbiwe, "Utalingaje Umwene Umulungu waho."
\v 13 Usyetani wamala kumlinga UYesu, ahamihala izyakwe na kumleha pakaa isala inyinji.

\v 14 Ku kunti u Yesu ahadunga Galilaya kumaha inga mpepu, ni imbepu zihenela na kusata namsi imbalamani zyondi.
\v 15 Amanyizi zye mma kanisa gawo, kila weka apalile.

\v 16 Isiku lyeka abhalile ku Nazareti, kunsi ya amasujiwe na kukulila. Anza shezili wone anyijiye mkanisa isiku ilya pa Mulungu ahimilila kubhazya ibhangili.
\v 17 Apeliwe ibhangili ilya umloli uyisaya, isho, ahangumbula ibhangili na kwanza pepasimbiwe,

\v 18 Umpepu uwa mwene wuli pamwanya pani, ku kunti apashile amafuta kulumbilila indajizyo inyizya kubhapina. Andajizizye kulonga, amazwi, kubhakwungwa. Nakubhabhiha bhebhata kulola kulola iwinza kubhabhiha irahabhala bhebha kubhafinila,
\v 19 Kuwulonga umwaha wu mwene atalolesye uwinza wakwe."

\v 20 Iwinza ahangumbishila ibhangili ahamduzizya umdimi uwi kanisa, ahihalapasi. Amiso inga bhandu bhondi bhebhamile mkanisa gamwe mjizye iwene.
\v 21 Ahandakulonga nabho kunti umsayunu, "Amazwi inga galoleha mumakutwe ginyu."
\v 22 Kila mundu pala azilolile zila zya alonga u Yesu, na abhinji mubha mwabhobhaswijizye na mazwi ingi njelle. Ngega hafumaga mwilomu lyakwe. Bhaha longaga, "Unu msahala ibhulo wa Yusufu, te shishi sho?"

\v 23 U Yesu ahabhabhuzye, "Yoli temlonje ishili kukwani, "Mganga, ayi langule wunyo. Hohondihetwivunye ukubhomba Kapernaumu, habhombe panapa na kushijiji kwaho."
\v 24 Iwinza ahalonga, "Yoli ikubhabhuzya imwe, numo umloli webhakumwiiha kukwabho wope."

\v 25 Ilelo ikubhabhuzya imwe yoli kunti kwamile na bhafwile abhinji ku Israeli kusiku izya Eliya, wimwanya yandindiwe kutabhe ivulaye kwamile izalaa imbiuti msiyondi.
\v 26 Ilelo Eliya atasondelezizyo kwanumo kubhene bhebha ponile yoli Naamani umunu uwa siria.
\v 27 Kwekunti pamile na bhakoma abhinji pa Israeli ku sala iya Elisha umloli, yoli kutamile numo wabho wamaponile yoli u Naamani umundu uwa Siria.

\v 28 Abhandu bhondi mkasi mukanisa bhahaganduha webhivwa izyo zyondi.
\v 29 Bhimiliye na kumtejelevwa panzi pamji, na kumlongozwa pakaa mmbali mlushabaha pu umji wabho wazengiwe pamwanya yakwe, anza bha wezye kumtanga pasi.
\v 30 Ilelo ashilile ahinza pakasi yabho ahabhala izyakwe.

\v 31 Iwinza ahishila Kapernaumu, kunsi iya ku Galilaya. Pa mulungu pamu ahamanyizyaga abhandu mkasi mkanisa.
\v 32 Bhaswijizyo ni manyizyo yakwe, ku kunti ahamanyizyaga ku amli.

\v 33 Ishi isiku ilyo mkasi mkanisa, kwa mile numundu wa mamile umpepu umbhibhi alilile kwinzwi ipinti, ilya pamwanya,
\v 34 "Tuli na honi niwe, Yesu uwa Nazareti? Unyizile kutungoga? Imanyile kunti iwe wananu! Iwe wa mwinza uwa Mulungu!"

\v 35 U Yesu ahamuhalalila pepo ahanti, "Puma ibhulo, nu umwepe umundu uno!" Umpepu ula ahamusumba umndu ula pasi pabhene abhamwepa umndu ula atahamu ivwalazya na hamu.
\v 36 Abhandu bhondi bhaha swigaa, bhahendelela kulonjela zizila kila mundu nu wa mwabho bhahalonga. Kunti mazwigoni inga akubhabhuzya abhapepu abhabhibhi ku amri na kwihaa na bhakulenda."
\v 37 Isho, imbepu pamwanya pa Yesu zihenela kwondi na kumaeneo ngega zwungulunye umkoa huyo.

\v 38 Iwinza u Yesu ahepa msi iyo na ahijila ku nyumba iya Simoni. Ishi, umanyivwala wake nu Simoni habhinanga izengema ihali, na bhahamubhuuzya badala yakwe.
\v 39 Pu, Yesu ahamsejelela, ahanyihalalila izengema ihamwe pa panapo. Ahimilila na kwanda kubhabhombela.

\v 40 Izubha welikusya, abhandu bhamuletenye u Yesu kila wamamola mubhinu uwimbungo yoyondi yila. Abhishile inyobhe yakwe pa mwanya pakila mubhinu na bhabhaponwa bhondi.
\v 41 Imbepu iwinza zyabhepile abhinji bhabho zihalila kwinzwi na kulonga, "Iwe wa mwene wa Mulungu!" UYesu ahanzi halalila imbepu na kuzibhuzya kulonga, ku kunti zya mayile kunti iwene amile wu Kristi.

\v 42 We kwasha, abhalile kumo kwekutali na bhandu ulubhungano ulya bhandu. Luhamwazanga na bhahiza pali bhahaliganga kumdida kunti atabhalaje apatali na bho.
\v 43 Ilelo ahabhabhuzya, "Ikumbujila kunti idumbilile amazwi amiza inga kumwanya kwa Mulungu kunsi inyinji, ni nyinji ku kunti sheshishishi isondeleziwe ipa."
\v 44 Iwinza ahendelela kulumbilila mkasi yi kanisa ku uyadu kwondi.

\c 5
\cl udyango 5
\p
\v 1 Lya fishilye isiku abhandu bha mzyungulunye u Yesu na kuntejelevwa izwi ilya Mulungu, bheayimilinye mumbali mushizibha isha Genesareti.
\v 2 Alolile ivituli vibholi vwemilinye. Mmbali mwasumbwi bhebha kusikula bhafumile na bhazozyaga indowano zyabho.
\v 3 U Yesu ahijila mshituli mwamamile u Simoni na kumlabha ayitwale mminzi ukutali ihasina mhanya inyumu. Iwinza ahihala na kumanyizya kufumila mshituli.

\v 4 Kulonga, ahamubhuzya u Simoni, "Yitwale ishituli shaho pakaa pamizi gizyunye na kwisya indiwano zyaho usikule iswi."
\v 5 U Simon ahitiha na kunti, Mwene, tubhombile imbobo, uwusiku wondi na tutalemile na hamu, ilelo kwizwi lyaho indinisye indowano.
\v 6 Webhabhomba isho bha zyolile ahandu ahapindi ihi swi nindowano zyabho zihadumuha.
\v 7 Isho bhaha bhabhuzya abhamwabho bhebhali mushituli ishamwabho bhizye kubhavwa. Bhainza bhahizyuzya ivintuli kukunti vihanda kuswibha.

\v 8 ilelo u Simoni Petro, walola isho, ahagwila pa visugamo pa Yesu ahanti, "Songola kukwani, kukunti ine namundu uwimbibhi Mwene."
\v 9 Kukunti ahazwijizwa, nabhondi bhebhamile peka nawo, kwakusiku la iswi, webhaubhombile.
\v 10 Ili lya bhabhazizye Yakobo nu Yohana abhana ibha Zebedayo, bhebhamile peka nu Simoni. Nu Yesu ahamubhuzya u Simoni, "Utogopaje, kukunti kwandila utu sikulaje abhandu."
\v 11 Webha za leta ivituli ivwawo kuhanya inyumu, bhaha vileha vyondi na kumlandantila iwene.

\v 12 Ihafumila kunti wali mhanya imbinti yeka, umndu wamamile nuwubhinu amile ukwo. Wamulola u Ywsu, anguye ahasulamiha amiso paka pasi na kulabha, kunti, "Umwene, anza akwanza ugawezya kumbonwa."
\v 13 Iwinza u Yesu ahangolosya iyobhe yakwe na kumkunda, ahanti, "ikwanza. Pona." Isala yiyila uwubhinu huhalela.

\v 14 Ahamlajizya atamubhuzyaje umundu numo, ilelo ahamubhuzya, "Bhalaga ikwaho, nuhanyilolesye kubha chungsji nu bhafumwe isadaka iya kupona kwaho, shishila shu Musa shamalojile ahapango kukwabho."

\v 15 Ilelo ahapangwi ihawene hahasata ukuntali ihani, nu uwiji uwabhandu wuhinza kumtejelevwa wakumanyizya na kubhaponwa uwubhinu wabho.
\v 16 Ilelo kusiku kusiku ahayepaga ahabhaga kwekushile ahaputanga.

\v 17 Ihafumila isiku lyeka kusiku zya hamanyizyaga, bhalipo Ufarisayo nu umumanyizyi uwingaji zyo bhihanye ipo bhafufuminye mhanya inyinji, kuhanya ipimbiti na Galilaya na Yudea, naiwinza kuhanya iya ku Yerusalemu. Iha lya mwene lyamilepeka kuponwa.

\v 18 Abhandu abhamwabho bhahinza, bha mupimbile mshilili umdu wa funye kumbali, nabhahanza indala ilya kumwijizya mkasi anzabhamgonelezyepasi pilongolela pa Yesu.
\v 19 Bhatahalyanga indala ilya kumwijizya mkasi kukunti abhadu bhiji, bhahazubha pashisonje ishinyumba na kumwisya umdu ula, pasi kushilila mulwilonga pamwanya pa shilili ishakwe pakasi pabhadu pilongolela pa Yesu.

\v 20 Ahenya kwitiha kwabho, u Yesu ahanti, "Manyani, imbibhi yao yatunyiwa."
\v 21 Ahasimbi na Mafarisayo bhahanda kupembuzya ilyo, bhahanti, "Unu wu nanu wakulonga izya kusufwa? Wunanu wakutunyila imbibhi yoli Umulungu umwene basi?"

\v 22 Ilelo u Yesu, amanyile hebha kusibha ahabhabhuzya na kunti, "Honi hemkunyipembuzya mmoyo nginyu?
\v 23 Lilikwi lyelyolo kulonga, 'Imbibhi zyaho zyatunyiwa, au kunti ' Yimilila ujendajee?'
\v 24 Ilelo mmanye kunti umwana wa Mulungu ali nuwuwezyo uwakutunyila imbibhi, ingu kubhuzya iwe, 'Damha, yengaa ishilili shaho ubhale kuhanya kukwaho.'"

\v 25 Isala yiniyo yiniyo ahandamuha na kwanga ishilili shakwe shamagoneye. Ilelo handunga kuhanya yakwe akumpala Umulungu.
\v 26 Wowondi ahaswinga na kumpala Umulungu. Bhatunya, bhahanti, "Twalola zyete zyakulola umsayumu."

\v 27 Kukunti we zyaloleha izyo, u Yesu ahafuma ukwo na kumlola wakusoshezya uwashuru we amamile itawa Lawi ayihanye pamu pebhakwejela uwushuru. Ahanti na, "Ndatile."
\v 28 Pu Lawi ahabhuha na kumfwata ahahaleha kila hohondi kulusalo.

\v 29 Iwinza u Lawi ahangopa undajiha kukwakwe imbiti kwamwwene u Yesu. Bhamile bhebhakusoshezya uwushuru abhiji na bhiji bhebhihanye pa meza bhahalya peka inawo.
\v 30 Ilelo abhafarisayo nabhakusimba abhabho bhahabha bhunaga ahabhamanyili, bhahanti, "Honi hemkulya na kumwela ni bhimbibhi peka nebhebha kusoshezya uwushuru?"
\v 31 U Yesu ahanti, "Abhandu bhebhatabhinile bhatakwanza amalembo hala yoli bhebhabhinile bhebha kwanza kumwela umlembo.
\v 32 Indizile kubhabhishila abhandu abhinza hala, kuyihana yoli ibhimbibhi bhayihane."

\v 33 Bhahamubhuzya kunti, "Abhamanyile ibha Yohana ahatali ibhene bhatakulya, na kuputa ibhope abhamanyili bhafarisayo bhope bhakubhomba shinisho. Ilelo abhamanyili bhahobha kulya na kumweha."
\v 34 U Yesu ahabhabhuzya, "Ahati ikuwezehana kunti umundu walajinye kunti abhabhuzye bhebhizile pandaji la iya Mwene kunti bhatalye wumwenesho alipo panapo?
\v 35 Ilelo isiku zihayiza wu mwene ahayepa kukwabho, pentebhahalye hala."

\v 36 Iwinza u Yesu ahalonga kubhene ishiholanyo. "Numo wakwefwa umwenda umpya na kubhiha mumwenda umkulu hala anza ahozya isho. atawuleshe umwenda umpya, shitanga hondela hala mwenda umkulu.

\v 37 Iwinza, numo wakubhiha ipele ipya mvisupa ivikula. Anza agahozya isho vogalusa ivililo, nipele lingitiha, ivisupa viga najiha.
\v 38 Ilelo ahandu ahinza hakwanza kubhiha mvisupa ivwinza.
\v 39 Numo umundu waganda kumwela ahadu ahinza ihimandi iwinza, angaza ipwa kunti iyimandi yeyinza.'"

\c 6
\cl Udyango 6
\p
\v 1 Ishi yafuminye kwisiku ilya pamulungu kunti u Yesu ahajendaga pakasi pashinzi isho ingano na bhamanyili bhakwe bhahayebhelaga ingano, bhaha pu kusula muyobhe zyabho bhahalya ingano.
\v 2 Ilelo bhamu abha Farisayo ha hanti, "Honi hemkubhomba hete hakubhomba kundajizyo kuzibhomba isiku ilya pamulungu"?

\v 3 UYesu, ahabhabhuzya, ahanti, "Mtalijile kubhazya shila u Daudi shamabhombile wamamole nu zalaa, iwene na bhasahala bhamamole peka inawo?
\v 4 Abhalile mnyumba iya Mulungu, ahenga amakate amapuntile na kuly ngamu, nakwenga gamu kubhapa abhadu bhamanile nabho kulya, pope hihazanga kunti abhachungaji kulya."
\v 5 Iwinza ahamubhuzya, "Umsi wa Adamu we mwene uwa pamulungu."

\v 6 Ihafumila iwinza pamulungu pamu kunti abhalile mkasi mkanisa na kubhamanyizya abhadu kunukwo. Pamile numudu winyobhe ya funyeiya kundilo.
\v 7 Bhebha hasimbaga Mafarisayo bhahamwenyaga kuwinza kunti bhenye shakumponwa umudu isiku ilya pamulungu, azabhambile habhibhi.
\v 8 Ilelo amanyile hebha kukwina nahalonga kwa mudu ula winyobho ya funye, "Ndamha, yimilila pakasi pa bhondi.'Isho umudu ula ahimilila pupo.

\v 9 UYesu ahalonga kubhene, "Ikubha pembuzya imwe, hinza ibhulo pa Mulungu kubhomba inyinza, au kubhomba amabhibhi, kuponwa au kunaganya?" Iwinza ahabhenya bhondi na kumbhuzya umudu ula,
\v 10 "Ngorosya iyome yaho." Ahabhomba isho, niyobhe yakwe ya ponile.
\v 11 Ilelo bhahama nu mlahaa bhalojele zanya ibhene kubhene kunti ahoni bhebhabhombe kwa Yesu.

\v 12 Yafuminye kunti isiku izyo abhalile mwigamba kupunta. Anyendelenye uwusiku wondi kumputa Umulungu.
\v 13 Weyabha shilabhila, ahabha bhishila abhamanyili bhakwe kukwakwe, na ahabhasebha kumi na bhabhili kufuma kubhene, kubhanabho ahanti "Ibhabhasondelezwa."

\v 14 Amatawa inga bhasondelezwa amile Simoni (iwinza wamamile wu Petro) nu Andrea uholo wakwe, Yakobo, Yohana, Filipo, Bartolomayo,
\v 15 Mathayo, Tomaso, nu Yakobo umwana uwa Alfayo, Simoni, webhahantiji Zelote,
\v 16 Yuda mwana Yakobo nu Yuda Iskariote, wamamile muzyunga mzyunga.

\v 17 Iwinza u Yesu ahila peka inabho kufuma kulubhambela na kwimilila pa handelema. Abhiji ihani abhamanyili bhakwe bhamile ukwo, nabhiji ihani kufuma ku Uyahudi na ukutali, na kufuma kupwani ya Tiro na Sidoni.
\v 18 Bhizile kumtejelevwa na kupona uwu bhinu wabho. Abhadu bhahanyimbaga ni mbepu imbibhi bhope bhahapona.
\v 19 Kila weka kumkutano uyo alijile kumpalamasya kukunti iha ilya kuponwa lihafumaga mkasi yakwe, nabhondi bhaponile.

\v 20 Iwinza ahabhenya abhamanyile bhakwe, na kunti, "Msanyiwe imwemwemwa bhalusye, kukunti uwinza uwa Mulungu winyu.
\v 21 Msanyiwe imwe mwemli ni nzalaa ishi, kukunti mhayikusya. Msanyiwe imwe mwemkulila ishi, kukunti mhayisehaa.

\v 22 Msanyiwe imwe mwe abhadu webha bhilamwa na kubha leha na kubhilamwa kunti imwemwa bhabhibhi, kwa ene umwana uwa Adamu.
\v 23 Shanji kwisiku ilyo na kudomadoma kukusha, kukunti yoli mhanyima nuwinza uwupinti kumwanya, kukunti abhatata bhabho bhabhabhombenye shinisho abhaloli.

\v 24 Ilelo isoshe imwe mwemwabhadumbwe! kukunti mwejile ahinyu.
\v 25 Isoshi imwe mwemikuntile ishi, kukunti mhayilola izalaa kwilongolela. Isoshi imwe mwem kuseha ishi! Kukunti mhanyiha kwilongolela.

\v 26 Isoshe imwe, anza bhabha pala na bhadu bhondi! kukunti abhatata bhabho bhabha bhombile abhaloli ibhilenga shinisho.

\v 27 Ilelo ikulonga kukwinyu imwe mwemkutejelevya, mbhagane abhabhibhi bhinyu na kubhomba aminza kubhebhakushilamwa.
\v 28 Mbhasanye bhala bhebha kubhati pa nambhaputile bhala bhebha kubhabhonela.

\v 29 Kwa wula wakukubhoma ulundili lweka, mgalulile ulya wubhili. Anza umudu akufwula umwenda waho umpe ni avulosi.
\v 30 Mpe wowondi wa kulabha. Anza umudu akufwala ahadu kulinaho utamlabhaje kunduzya hala.

\v 31 Anza shemkwanza abhadu bhabhabhombele, namwe bhabhombele shinisho.
\v 32 Anza mwabhagama abhadu bhebha bhagamile imwe yoli, isho winza woni kukwinyu? Kukunti bhope ibhombibhibhakubhagamana bhala bhebhabhagamile.
\v 33 Anza mwabhabhombela amiza bhala bhebha kubhabhombe inyinza, isho wewinza woni kukwinyu? Kukunti bhope ibhimbibhi bhakubhomba shinisho.
\v 34 Anza mkubhalemezya abhadu ivundu mkusubhila, kunti tebhabhandujizye, isho winza woni kukwinyu? Kukunti bhope ibhimbibhibha kubhalemezya ibhimbibhi, bhaku subhila kwenga hahala iwinza.

\v 35 Ilelo bhagane abhabhibhi bhinyu mbhabhombele inyiza. Mbhalemezye mtatuyaje kubhagalishizya uwinza winyu wuhanyibha wupinti. Mhanyibha mwabhana ibhakumwanya, kukunti iwene wemwinza kubhadu bhebha takusalifwa na bhabhibhi.
\v 36 Mbhaje nu wila, anz a utata winyu hali nu wila.

\v 37 Mtabhunaje, namwe tebhabhabhune. Mtalapilaje, namwe tebhabhabhune. Mtunyile abhaji, nimwe mhanyi tunyiwa.

\v 38 Mbhapaje abhaji, namwe tebhabhape. Uwinza uwa wila -- shebhasindinye kwizula na kulenda, shihanyilenda mvisugamo vyinyu kukunti shila shemkupimila shebhahanyibhapimila shinisho shebha hayibhapimile."

\v 39 Iwinza ahabhabhuzya ishiholayo iwinza. "Kukunti upubhila aga mjezya umpubhila uwamwabho? Anza agahozya isho, iwinza bhondi bhagalendela mlyina, pe bhatagalendela?
\v 40 Ummanyili atakubha mpinti anza umumanyizyi wakwe, ilelo umudu anza amanizyo kuwinza atabhe anza kumumanyizyu wakwwe.

\v 41 Honi ilelo wukwenya ingalazi lyelili mkasi mulyiso lya holowaho, ingalazi ilya mkasi mlyisyo lyaho utakulyenya?
\v 42 Utuweze kunabhuzya uholo waho, "Wamwitu, ikulabha nefwe ingalazi lyelili mkasi mulyiso lyaho,' nawe utakwenya igalazi lyelili mkasi mulyiso lyaho wumwene? Wewilenga iwe! Isunti yefwa ingalazi mulyiso lyaho iwe, putulole ahinza kwefwa ikoko lyelili mulyiso lya holo waho.

\v 43 Kukunti nalimo ikwi ilyinza lye likupapa amafulisi amabhibhi, iwinza nalimo ikwi ibhibhi lye likupapa amafulisi aminza.
\v 44 Kukunti ikwi lyondilila likumanyiha kumatunda ingakwe. Kukunti abhadu bhatakunyebhela ifulisi mumivwa, iwinza hatakunyebhela izabibu kufuma kumivwa.

\v 45 Umudu umwinza habhishile ahinza kumwoyo wakwe hakufuma ahinza, nu mudu umbhibhi kwa bhishile kumwoyo wakwe akufumwa amabhibhi. Kukunti kulumili lyakwe akulonga gala ngega kuwizyuzya umwoyo wakwe.

\v 46 Honi hemkumbuzya, 'Mwene, Mwene, ' Nawinza mtakubhomba ingalagi kulonga?
\v 47 Kukunti umdu wodi wa kwinza kukwani na kwivwa, amazwigani nakugabhombela imbobo intibhalaje shali.
\v 48 Ataholane numudu wakuzenga inyumba yakwe, ula wa kubana pasi ihani nakuzenga umsingi uwinyumba pa mwenya piwe ilyinza. Welyizunye welukwinza, amabhiligwi ingaminzi gahomile inyumba, ilelyo gatawezizye, kuyizanya kukunti ya zengiwe ahinza.

\v 49 Ilelo wowondi wamalyifunye izwi lyani na atahitiha; ishiholayo shakwe mudu wamazejile inyumba pamwanya palusuto pepatali nu msingi, ulyizi welyiha kumaha, inyumba ila ya gunye apapiti.

\c 7
\cl Udyango 7
\p
\v 1 Wu Yesu amaha kila hadu hahalongaga kubhadu bhebhahamteje levwaga, ahabhala Kapernaumu.

\v 2 Umsondelezwa umo uwa akida, wamamile mwinza ihani kukwake, amile mbhinu ihani apalamanye kufwa.
\v 3 Ilelo wezyabha kunti anyivwa u Yesu, ula akida asyondelezizye umlongozi uwa kiyahudi, kumlabha ayize kumsebha umsondelezwa wakwe atahize afwe.
\v 4 Webhafiha apapipi nu Yesu, bhahamubhuzya kumaha nakunti, "Ikwaziwa kunti ubhombe ishi kwa wene,
\v 5 Kukunti anyigamile insi yetu, na wamazejile ikanisa kulitwe."

\v 6 UYesu ahendelela kushula peka inabho. Iwinza watabhalile apatali ni nyumba, umtendaji weka ahabha sondelezya abhamanyani bhakwe kulonga inawo. "Mwene, utayilisyaje wunewe kukunti ine intakwanziwa kunti iwe uzubhe kwingulu lyani.
\v 7 Kukunti kulili intakwinile nene nunene kunti ihondeye kwinza kukwaho, ilelo longaizwi ibhulo umsondelezwa wani antipone.
\v 8 Kukunti nanee na mudu nindile ni mbobo nindili nu msikali pasi papani. Ikulonga kwa wanu bhalanga, "Akubhala, nukwawamwabho 'Zanga wope, 'Akwinza, nakwambhomba imbobo wani bhomba ihani akubhomba."

\v 9 Uyesu wanyivwa igo ahaswiga, na kubhagalushila bhebhabhuganole bhebhahamlandatilaga ahanti."Ikubhabhuzya, kwope ku Israeli, intalolile numo umdu wali nulwitiho ulupiti anzunu.
\v 10 Ilelo bhala bhebhasondelezizye bhahadunga kuhanya na kwanga umsondeleza mpuma.

\v 11 Ihabha kunti, ihafumila kunti u Yesu ahashulaga kubhala kuhanyaye bhahantiji Naini. Abhamanyili bhakwe bhahabhala peka inawo bhahabha peka nuwiji uwabhadu.
\v 12 Wafiha papipi nu mlyango uwi hanya yenya, umdu wamafunye bhamupimbile, nu mwana ukalikene kwayina wakwe. Wamamile mfwile, nu uwiji bhebhabhosondelezizye kufuma kuhanya bhamilepeka inawo.
\v 13 Wamlola, umwene ahamsejelela kuwila uwupinti ihani pamwanya yakwe na kubhuzya, "Utalihaje."
\v 14 Iwinza ahasejelela pilongolela cha lipalamasya ipangali lyebhapimbinye umbhili, nabhope bhebhapimbile bhahimilila, "Ahanti mjana ikunti ndamhaa"
\v 15 Umfwe ahabhuha na kwihala pasi na kwanda kulonga. Iwinza u Yesu ahampa unyina wakwe.

\v 16 Iwinza ilyonga lihabhizula bhondi. Bhahajendelela kumpala Umulungu bhahanti "Umloliumpinti abhuswa kukwitu" Nu "Mulungu abhenya abhadu bhakwe"
\v 17 Izyo imbembu inyinza izya Yesu zihasanta Yudea yondi namsi ipinti ipalamani.

\v 18 Abhamanyili ibha Yohana bhamu bhuzizye izi zyondi.
\v 19 Pu Yohana ahabhabhishila bhabhili abhamanyili bhakwe na kubhasondelezya kwa mwene kulonga "Iwe wewuwula ula wakwinza, bhanga kuli numdu uwuji tumwenyelezye? Webhafiha apapipi nu Yesu ibhabha halonga,
\v 20 "Yohana umwozyewe atusondelezya kukwako kunti, 'Iwe wuwula wakwinza bhanga kuli numdu uwuji tumwenye lezyaje?"

\v 21 Kusaha iyo ahaponizye abhadu abhiji kufuma kumbungo namayimba, kufuma kumbepu imbibhi na kubhadu abhambubhila ahabhapa kuola.
\v 22 UYesu ahalonga na kunti kubhene. "Wemwabhala kwe mfumile tenimu bhuzye u Yohana heni uhalolile na kuvwa. Abhambubhila haposhela kwenya, na abhalema ibhavinama bhakujenda, ibhavilema bhakupona, abhambubu bhakwvwa, abhafwebha kuzyuhanakubhabhunza amazwi aminza.
\v 23 Numudu watalileshe kunitiha ine kujendo zyani atisenywe."

\v 24 Iwinza bhala bhebhasondelezizye nu Yohana kudunga bhaha fuma, u Yesu ahanda kulonga kulubhungano ulwa Yohana, "Mwabhalile pazi kwenya ahoni, ilanzi welikunyizanyo ni mbepu?
\v 25 Ilelo mwabhalile kwenya pazi ahoni, umdu wakwantile umwenda ahinza? Yenya abhadu bhala bhebhakukwata amenda ingabhalugu na kundila amaisha iga wushe bhalipo pamaisha iga bhapinti.
\v 26 Ilelo mkubhala pazi kwenya ahoni, Umloli? Ena, ingulonga kukwinyu ihani kuwinji kwawene umloli.

\v 27 Wununu we wuwula wezinizi zisimbiliwe mu musimbe, "Yenya ihayinusontelezya we akutwala inyumi mwilongolela lyaho, ahayilinganya idala lyaho ilya kwinzila,
\v 28 Ine inkubhabhuza kuti mubhantu, bhebhapapiwe numwandada atali po wempiti kushila u Yohana, pope shinisho umntu wemunsi uhani mwamwene wa Mulungu we mpiti kushila u Yohana."

\v 29 Bhamabho abhantu bhonti peka na bhasonshezya isonho webivwa, amazwi ganago aha Mulungu bhahintiha kuti insibho ya mulungu yamile nyinza. Bhanabho bhebhabhala bhebhozeliwe nu Yohana.
\v 30 Ilelo abha falisayo nabhamanyizyi abhi ndajizyo bhatililwe Yohani kunongwa ye bhahamile zye Umulungu ahabhasimbilaga.

\v 31 Pe ahalonga winza ahanti abhantu abha habhalilo iha imbaholanye na hooni? Bhali anza bhalibhu?
\v 32 Bhakuholana na bhana bhebhakimba pa munalo, bhakubhishila na kunti hooni he tubhahomenye ifwilimbo ilelo mtakwimba, "Tuyilumbuzizye ilelo mtakulila.'

\v 33 UYohana umwozyi ayinzile ataha lyanga amakati pope kumwela idivai, imwe muhati, "Alemeliwe ni pepu ibhibhi.
\v 34 Umwana uwa Mulungu ayinzile uwene ahalyanga na kumwela imwe muhanti, "Yenya mlyovi, habhili mumwezi mmanyani wabhasoshezya nsoho nabhabhomba mbiibhi!
\v 35 Pope shinisho injele ya Mulungu ikuloleha kuti yihondeye kuzye bhakubhomba abhalandati bhakwe."

\v 36 Umfalisayo umo amlanjiye u Yesu kuti ayinze kulya kukwakwe. Pu Yesu ahinjila kuhaya kwa Mfalisayo, ahapatamana pameza aza alye.
\v 37 Muhaya yiniyo mwamile umwantanda umo we amanyishile kuti akwihala mu njendo imbibhi. We ayivwa kuti u Yesu akulya kwa Farisayo, ahafiha mumwo na hasupa aha mafuta gega kunushilila.
\v 38 Ahimilila kulusalo papii ni vinama vwakwe ahanda kulila. Amansosi gakwe gahalendelaga muvinama vwakwe, ahamtambilaga tambilaga muvinama vwakwe na kuvipaha zya amafuta gega kunu ushilila.

\v 39 Umufarisayo we alola zinizyo ahasibha mumwoyo wakwe ahanti, umuntu unu inga abhaje mkuwi amanyanga kuti umwantanda unu we akumupalamasya, mundu we alubhuli bhuli amanyaga kuti uwene akwihala mu njendo imbibhi!"
\v 40 Yesu akajibu na kumwambia simoni nina kitu cha kukuambia. "Akasema" "Kiseme tu mwalimu!"

\v 41 Pu u Yesu ahati "Paamile na bhantu bhabhili bhahadayilwaga inhela numuntu we abhapabhiye weka mubhamano ahopile idinali imia zisanu uwamwabho akopile idinali amashuni gasanu. Bhanabho bhabhili bhahapotwa inhela izya kusomba amadeni gabho.
\v 42 Pe we abhapabhiye ahabhatuyila kuti bhahasombe alikwi we angamugana kushila uwamwabho?
\v 43 USimoni ahamwamula ahati, "Ikulola kuti wuwula we atuyoliweideni ipiti." U Yesu ahati, "wamula ahinza."

\v 44 U Yesu ahagalu uhana ahenya kwa mwantanda ula ahamubhuzya u Simoni ahati, "Ukumlola umwatanda unu ininji ye munyumba yaho. Iwe ilelo utaposheleye kwidla ilya kupa aminzi ilelo uwene avwanzya ivinama vwani na mansozi gakwe, na gugasyumula ni nsisi zyakwe.
\v 45 We ukundamula, utantambiye ilelo uwene, kufuma ahabhalilo he ininjiye umu atalitile kuntambila muvinama vwani.

\v 46 Utapaha zizye ivinama vwani amafuta, ilelo apahazizye ivinama vwani amafuta gega kunushilila.
\v 47 Peshinisho, inkukubhuzya ikuti ulugano ulwa kunongwa ye atuyi liwelwe imbibhi zyakwe inyinji ielo we atuyiliwe imbibhi inyinsi akubha nulugano ulunsi."

\v 48 Pa hamubhuzya umwantanda, "Ahati imbibhi zyaho zituyililwe"
\v 49 Bhala bhebhamile pameza peka inawo bhahanda kubhizilizanya kuti, "Wunanu wununu we akutuyila ni mbibhi?"
\v 50 Pe u Yesu ahamubhuzya umwantanda ula ahati, "Ulwitiho lwaho lwelwakuponwa. Sogolaga kuwutenganu"

\c 8
\cl Udyango ugwa 8
\p
\v 1 Pilongolela u Yesu ahashilaga muhaya ipiti ni nyinsi ahalumbililaga intumi inyinza izya umwene Umulungu peka na bhala ndati bhakwe ishumi na bhabhili,
\v 2 Habhili na bhautanda bhamu bheabhaponizye uwubhinu. Nabhe fwizye amapepu amabhibhi alipo nu Mariamu Magdalena amwefwizye amapepu saba.
\v 3 Yoana umushi wa Kuza mumihombi umpiti uwa Herode, Suzana, nabhantanda abhanji bhahafufumwaga, ivintu vwabho kubhene.

\v 4 Isiku limo abhantu bhaha bhugana peka kufuma mhaya inyinji ahabhabuzyu mshiholanyo.
\v 5 "Umpesa imbeyu abhalile kupesa imbeyu, wekusansa imbeyu zimo zihagwa mwidalazi hala nywa, inyonyi zihinza zihalya.
\v 6 Imbeyu iziyzmwabho zihagwa pi lyalawe we zyamela zyanda kukula zihuma kunongwa yepumila.

\v 7 Imbeyu zimo zihangwa pa mivwa, amivwawegakukula peka nimbeyu zila zye zyamele gahaziputa.
\v 8 Imbeyu zimo zihangwa palusuto uluvunzu zihamela na kukulazihela ahinza ahani zihela amatunda imia yekayeka. "UYesu wamala kulonga linilyo, ahadandi zya ahati, "Wowowndi ula we akwivwa asimishizyaje."

\v 9 Pilongolela abhala ndati bhakwe bhahamubhuzilizya shili bhuli ashiholanyo ishi,
\v 10 UYesu ahabhabhuzya ahati, '"Imwe Umulungu abhapinye kumanya izya kukwilu izyamwene wakwe ilelo bhamu inkubhabhuzya kushilolanyo, inga bhatimanyaje ilelo tebha zyaganyaje nazimo.'

\v 11 Ishiholanyo ishi kwekuti. Imbeyu lye lizwi lya Mulungu.
\v 12 Imbeyu zye zyaguye mwidala bhandu bhebhakwivwa izwi lya Mulungu, ilelo ahabha lilo hanaho usetani akwinza akwefwa izwililila mumoyo, gabho inga bhaleshe kwitiha anzabhatahinze bhapone.
\v 13 Zye zyaguye pi lyalawe bhandu bhebhakwivwa izwi bhakuposhela kuluseshela ilelo bhatakulibhila mumoyo bhakwitiha kuhabhalilo ilelo inga bhalingwa bha kuleha ulwitiho.

\v 14 Ni mbeyu zye zyaguye pa mivwa bhabhala bhebhakwivwa izwi lya Mulungu, ilelo pilongolela mu wihalo wabho insyosyi uwudumbwe likubhahiha kuti bhaleshe kwela amatunda.
\v 15 Ilelo imbeyu zye zyaguye pa lusuto uluvunzu shiholanyo sha bhantu bhebhakwivwa izwi na kulilema ku mwoyo uwa lutiniho bhanabho bhebhakwela amatunda kwidala ilya kujimbilila mumanyimba gonti.

\v 16 Atalipo umuntu we akuhozya uluhozyo na kugubishila ni sonta awe kubhila kwizungu kushitala. Lyoli akushiha pa shimbeje inga bhebhakwinjila bhalolaje uluhozyo lakwe.
\v 17 She zili zyonti zye zili kukwilu habhili ivintu vwonti vwe vifisilwe vihayisakulwa apazela.
\v 18 Ishi mtejelezye ahinza kunongwa we akulema imanyizyo zyani. Zitimwonjelezye, uwumanyi ilelo we atakulema nu wumanyi uwunsi walinawo wope wunuwo ahanyifwuliwa."

\v 19 Pe unyina na bhanholo bha Yesu bhahabhala kukwakwe bhahapotwa kusejelela papakwe kunongwa ye bhantu bhamile bhinji.
\v 20 Bhamu bhahamubhuzya, "UYesu bhahati unyina waho na bhaholo bhaho bhali panzi bhakukwanza.
\v 21 UYesu, ahabhamula ahati, "Abhantu bhebhakwivwa izwi lya Mulungu na kulilema bhebhanyina na bhebhanholo bhani."

\v 22 Isiku limo u Yesu na bhalandati bhakwe ahati, "Tufumile kwisyila ilya sumbi."Pe bhahinjila mushituli bhahanda kufumila.
\v 23 We bhafumila, u Yesu ahasupila utulo, impepu ipiti yihanda kuvugula na kubhiha amabhilingwa amapiti aminzi gahanda kwizula mushituli bhaha palamila kuswibha.

\v 24 Pe abhalandati bhakwe bhahabhela bhahamudamusya bhati, "We mupiti tukufwa! Ahadamuha ahayihayila impepu na mabhilingwa!" Vihapuma kuhama mye.
\v 25 Ahabhabhuzilizya, "Ahati ulwitiho lwinyu lulikwosho?" Bhahuswiga, na kwogopa, kumo bhahabhuzilinyaga bhahantiji, "Wunani wununu we, akuhajila ni mpepu, na mabhilingwa gakumutiniha?"

\v 26 Bhahafumila usumbi uwa Gerasini uwa kulusalo ku Galilaya.
\v 27 U Yesuweayiha umuntu umo uwa munsi yila ahinza kukwakwe umuntu uyo amile na mapepu amabhobhi insiku inyinji ahajendaga ishitali habhili atahihalaga. Munyumba lyoli ahihelaga ku mbipa.

\v 28 Wamlola u Yesu ahalila, kwizwi ipiti nahangwa pansi pilongolela yakwe. Kwizwi ipiti ahati, imbombile ahoni kukwaho, Yesu mwana wa Mulungu umpiti uwa kumwanya? Inkulabha, kuti utanji vwaje"
\v 29 U Yesu ahazibhuzya impepu imbibhi zimwepe umuntu ula, amapepu gamago gahamuyivwaga. Ahiji bhulo ahabhalilo hamu abhantu bhahampinyaga na manyololo ni pingwa inga bhamlindililaje ilelo ahinji ahagadumulanyaga na kutwalwa na mapepu gala mwilala.

\v 30 U Yesu ahamubhuzilizya ahati, "Itawa lyaho wenanu?" Ahamwamula ahati ne, "Lijeshi " Kunongwa ye amapepu gamile kukwakwe.
\v 31 Gahamlamba kuti atahagatwale kumwina.

\v 32 Pi gamba pamile impuga iyi ngulubhe, pe amapepu amabhibhi gahamlamba kuti agitishizye ginjile mungulubhe.
\v 33 Pe ahagitishizya. Gahepa mukasi mwa muntu ula gahinjilemungulubhe, pe ingulubhe zyonti zihila nulubhilo kulwiha lwelwa sulamile paka mwa sumbi zihazwima.

\v 34 Abhadimi abhingulubhe wa bhalola shinisho bhahashimbila, mu uhaya na muvwizi bhahalongaga zyonti.
\v 35 Abhantu bhebhivwizye bhahabhalaga kwenyazye zifumiye, webhafiha pa Yesu bhahamulola umutu we amapepu amabhibhi gamwepile. Ayihaye pavinama vwa Yesu akwatile ahinza habhili alininjele zyonti pebhahalemwa ni lyoga.

\v 36 Bhebhalolile zye zyabhombeshile bhahabhabhuzya abhanji she zyemile we akupona uwa mapepu.
\v 37 Pe abhantu bhonti abha munsi iya Wagerasi pe bhahamulamba u Yesu atasongole kukwabho. Ahinjila mushituli ahasongola.

\v 38 Umuntu ula amapepu amabhibhi gamwepile, ahamulamba u Yesu kuti bhabhale bhonti ilelo u Yesu ahamwitishizya ahati,
\v 39 "Galuha kuhaya kukwaho ubhale ubhazye zyondi zyu Mulungu akubhombeye"Pu muntu ula ahasogola pala ahabhala muhaya, kunukwo ahavwisyaga muhaya yonti zye u Yesu amubhombeye.

\v 40 U Yesu ahagaluha, ulubhungano luhamposhela, kukunti bhondi bhahamgulilaga.
\v 41 Pe umundu umo ahinza bhahatinji Yairo amamile weka mubhapiti abhi sinagogi. Yairo ahagwila pa vinama pa Yesu ahamlamba kuti abhala kukwakwe,
\v 42 Kunongwa ya mwali wakwe uwa maha ishumi na gabhili, we mamile iya weka mwene kwa yise wakwe abhinile iya kufwa. Pe ahanda kubhala we alimwidala abhandu abhinji bhahamubiganyaga.

\v 43 Umwantanda we amamile mubhinu uwa kuzwa amabhanda uwubhinu wunuwo wamuyivwi zye amanha ishumi na gabhili habhili amalile ivintu vwake vwonti kubhaganga, ilelo numo wamponizye,
\v 44 Ahabhala kulusalo kwa Yesu ahampalamansya, ipintilwi lya mwenda wakwe papala ahapona uwubhinu wakwe.

\v 45 U Yesu ahanti, "Wunanu wa palamasya?" Bhondi bhahahana, Petro ahamubhuzya ahati, we mpiti abhandu bhinji ihani bhakusyetile bhakukubiganya."
\v 46 Ilelo u Yesu ahanti, "Alipo umundu wa apalamasya, ikuyilola kuti amaha gamepa."

\v 47 Umwandanda we alole kuti u Yesu amumanya ahanda kuyinga ahasugamila pilongolela yakwe ahamubhuzya pilongolela pa bhandu bhondi zye zyamubhulishile ampalamasye habhili she aponile nalubhilo.
\v 48 Ahamubhuzya ahati, "Mwali, ulwitiho lwaho lwa kuponwa. Sogolaga kuwutenganu."

\v 49 Weaakulonga, umundu kufuma kuhanya inya mpiti uwisinagogi, ahati, "Laha kumuyivwa umumanyizyi umwali. waho afuye."
\v 50 Pu Yesu we ayivwa shinisho, ahati lanha, "Kwogopa. Lwoli, atipone."

\v 51 We afiha kuhaya ahabhahana na abhandu abhanji kwijila peka nawo lyoli Petro, Yohana nu Yakobo, uyise nu yina wa mulindu.
\v 52 Abhandu bhondi bhebhamile pala bhahalilaga na kuyilumbuzya kumazwigawene ahabhabhuzya ahati, "Lashi kulila, unuata funye, hala yoli agonile ibhulo."
\v 53 Bhahamseha kwa kusufwa, bhamanyile kuti afunye.

\v 54 Ilelo iwene ahamlema inyobhe umufwe ula, ahamubhilishila kwizyi ahati, "Mwana, yimilila"
\v 55 Uwumi wakwe wahaluha, ahimilila panapopanapo. Ahabhabhuzya kuti bhampe ishakulya.
\v 56 Abhapafi bhakwe bhahaswiga ilelo ahabhabhuzya kuti bhatahamubhuzye umundu zye zifumiye.

\c 9
\cl Ulyango 9
\p
\v 1 Aha bhabhilishila abhalandati bhakwe, ishumi na bhabhili ahabhapa uwamulo na maha aga kubhinga amapepu na gakubhaponwe abhabhinu.
\v 2 Abhasontelezya kulumbilila intumi izya umwene mulungu na kubhaponwa abhabhinu.

\v 3 Abhabhuzya ahati, "Wemkushula mtaha pimbe ahantu nahamu indisa, imbugulu ishakulya, inhela awe amenda.
\v 4 Inyumba yoyonti ye mwinjila mhabhanje, munumwo paka pe mhayisogola muhaya yiniyo.

\v 5 Poponti pala pebhatabhaposhela, we mkusogola muha kunyuntaje ulusuto mvinama vwinyu kubhasoha kuti bhakumhana Umulungu."
\v 6 Bhahabhala mhaya bhahalumbililaga intami na kubhaponwa abhabhinu kwonti kwe bhaha bhalaga.

\v 7 Umwene u Herode, ahivwa, zyonti zye ahabhombaga zihamuzyuguhanya nhani kunongwa ye bhamu bhahalongaga bhahatinji u Yohana umwozyi azyushile kufuma kubhafwe,
\v 8 Bhamu bhahalonga bhahatinji umkuwi u Elia ayinzile winza, bhamu bhahalongaga bhahatinji umkuwi weka mubhakuwi abhimandi azyushile.
\v 9 U Herode ahati, "UYohana, na mdumuye itwe wunanu wakubhomba zinizi zye inkuzivwa? Pe u Herode ahanzaga indala ilya kumulola u Yesu.

\v 10 Abhasundikwa bhala bhahagalula, bhaha mubhuzya zyonti zyebhabhombile pe ahabhega peka inawo. Ahabhala imwene, muhaya yebhatinji Bethisaida.
\v 11 Ilelo abhinji webhamanya kwe abhalile bhaha mulandata, ahabhaposhela ahabhamanyizyaga intumi izya umwene Umulungu, habhili ahabhaponwanga abhabhinu.

\v 12 Wekwabha lyabhela abhalandati ishumi nabhabhili bhahabhala kukwakwe bhahati, "Ubhitishizye abhandu bhabhele mu uhaya izya mpipi na muvwizi inga bhalabhe ishakulya, na pakugona kunongwa ye ipa papilala."
\v 13 Ahabhabhuzye ahati, "Bhape munemie ishakulya."Bhahati "Tutali nahamu amakati gasanu niswi zibhili nyene bhaga tubhale tukale ihakulya ishamwabhoshe shingabhayana abhandu bhonti ibha."
\v 14 Abhandu bhebhapo pala abhachala bhanile ielufu zisanu pala. Ahabhabhuzya abhahandati bhakwe."Bhihazye pansi muvipuga ivwa abhandu mashumi gasamu gasamu.

\v 15 She bhahabhomba anza she abhabhu zizye abhandu bhonti bhahihala.
\v 16 Pe ahega amakati gala gasamu ni nswi zibhili ahenya kumwanya na kumlabha Umulungu, asaye ahamesulanya amakati ahabhpa abhalandati bhabhagabhile abhandu.
\v 17 Bhonti bhahalya bhahikuta, bhahabhunganya isenyenha zihizula ivitundu ishumi na vibhili.

\v 18 Isiku limo u Yesu nabhalandati bhakwe, bhamile peka kukwilu ahaputaga kwa Mulungu abhalandati bhakwe bhamile peka inawo ahati, "Abhandu bhakuti ine nanu?"
\v 19 Bhahamwamula bhahati, "Bhamu bhakuti, "Yohana umwozyi, mwamubhakuti Eliya, bhamu bhakuti iwe we weka mu bhakuwi abhimandi we azyushile."

\v 20 Ahabhabhuzilizya, "Imwe mukuti na nanu?" U Petro ahamwamula ahati, "Iwe we Kristi kufuma kwa Mulungu."
\v 21 U Yesu, ahabhahana kyti bhata hamubhuzye umundu numo inongwa zinizyo,
\v 22 Ahabhabhuzya ahati umwana wamundu ahondeye kuyimba kuhanwa na bhasongo na punti abhapiti na bhamanyizyi abhi ndajizyo bhatayimugoga isiku ilya wutatu ahayizyula.

\v 23 Ahabhabhuzya bhonti, "Umundu wowondi wakwanza kundandata, yikuti ayihane wuyon na kupimba ishihobhenhanyo shakwe isiku zyondi andandata.
\v 24 Wowondi wa kwanza kwokola uwumi wakwe atiwutezye, ilelo ula we akuwufumwa uwumi wakwe wuyo kukwani ahayi pona.
\v 25 Umundu akuhaga hantu honi inga abhiha insi yonti, yabha yakwe ilelo awutezye uwumi wakwe uwawila nawila?

\v 26 Wowonti we akundolela insoni ine ni manizyo zyani, wope umwana wa mundu we akwiha muwumwamu wakwe, nu watata nu wabhahamizya abhafijile ahayimulolela insoni.
\v 27 Nalyoli inkubhabhuzya, panapo bhalipo bhebhahayilola kwinza ku mwene wa Mulungu we bhashili kufwa."

\v 28 We zyashila insiku nane kufuma pe ahalongaga amazwi ganago u Yesu ahamwega u Petro, u Yohana nu Yakobo, ahazubha nabho mwigamba kuputa.
\v 29 We akuputa ahagaluhana, pamiso pakwe na menda gakwe gahabha mazelu gahalama inhani.

\v 30 Ahabhalilo, hanaho bhalipo abhesahala bhabhili bhahalongaga inawo! Bhamile wu Musa nu Elia,
\v 31 Bhahalongaga nawo she atimalilizye zye umulungu asibhiliye. Izya kufwa kwakwe mu Yerusalem.

\v 32 Ahabhalilo hamaho u Peteo na bhamwa bhobhagonile ilelo we bhakudamuha. Bhahalola uwumwamu, habhili bhimiliye peka nawo.
\v 33 Webhakulehana nu Yesu, u Petro ahamu bhuzya, "mpiti hinza kuti tuli panapa tuzenje ivwegwi vitatu. Shimo shibhe shauho shimo sha Musa, ni shamwabho sha Eliya." Atamanyile lye akulonga.

\v 34 We akulonga amazwi ganago, lihinza ibhingo lihabhagubishila; ipo pe bhahogopa inhani.
\v 35 Izi lihavwinha mwibhingo lihati, "Unuwe mwana wani weimusabhuye. Mumwivwaje wuyo." Izi we lyavwinha, u Yesu amile imwene.
\v 36 Bhahapuma mye, bhatahamubhuzya numo munsiku zinizyo zye bhazilolile.

\v 37 Indabhi yakwe, webhiha kufuma mwigamba bhahahomana nimpuga bhandu abhinji.
\v 38 Yenya, umsahala kufuma mpuga yila ahabhilishile ahati, "Wemumanyizyi inkulabha umwenye, umwana wani kunongwa ye indinawo wununu mwene.
\v 39 Ipepu ibhibhi likumubudaga pa napo akuholaga nhani, habhili ngati likumyinzanya na kumngwisya pasi akubha ngati washi zilisi kumo umtatafula wukufuma kwilomu. Ikumwepa kumanyimba ikumleshezya hashebhulo.
\v 40 Imbalambile abhalandati bhaho kuti bhalibhinje bhapotilwe."

\v 41 U Yesu ahati, "Imwe mubha habhalilo hehatali nu lwitiho, mwe bhabhombambibhi imbe nimwe habhalilo hehali bhuli? Mlete umwana waho kukwani."
\v 42 Umwana ula wakubhala, ipepu ila ihamugwisya pasi lihamuyinzanya kwimbando. Pu u Yesu ahalihajila ahamponwa umwana ula ahangulusya kwa Yise wakwe.

\v 43 Bhondi bhahaswiga nuwupinti wa Mulungu. Webhekuswiga ziyonti abhombile ahabhebhuzya abhalandati bhakwe ahati,
\v 44 "Tejelezyi ahinza umwana wa mundu atitwalwe munyobhe zya bhalugu."
\v 45 Ilelo bhataha zyaganyaga zyakulongaga, bhafisiwe inga bhata zyaganyaje habhili bhahogopaga kumubhuzilizya."

\v 46 Bhandakudalinhana kuti wunanu wempiti mushipuga shabho.
\v 47 U Yesu ahamanya isibho zyabho, pe ahamwega umwana umunsi, ahamubhiha papipi nawuyo,
\v 48 Ahabhabhuzya ahati, "We akumposhela umwana umunsi azumu mwitawa lyani, akumposhela nene, habhili we akumposhela ine pe atibhe amposheleye we ansondelezizye we munsi kukwinyu mwenti wunuyo we mpiti kushila bhonti"

\v 49 U Yohana ahamubhuzya ahati, "Wempiti, twamulolile umundu umo akubhinga amapepu kwitawa lyaho, tuhamuhana kunongwa yatali peka nitwe."
\v 50 U Yesu ahamwamula ahati, "Mtamuhanaje, kunongwa ye umundu we atakubhahana alipeka nimwe"

\v 51 Insiku zyakwe izya kuzubha kumwanya wezya palamila ahamula kubhala ku Yerusalemu.
\v 52 Pe ahabhasontelezya abhandu bhalongolele muhaya iya bhasamaliya inga bhamulingani zanye pamu.
\v 53 Ilelo abhandu bhahamuhana kumposhela, kunongwa ya ahambiye kubhala ku Yerusalemu.

\v 54 Abhalandati bhakwe u Yakobo nu Yohana webhalola linilyo, bhahati, "Wemwene ukwanza tulabhe umwoto wishe kufuma kumwanya wu bhapembe?"
\v 55 Ilelo ahagaluhana ahabhalalila.
\v 56 Bhahasongola bhahabhala muhaya ahanji.

\v 57 Bhebhakusongola mwindala lyabho, umundu umo ahamubhuzya ahati, "Intikulandate kwonti kukubhala."
\v 58 U Yesu ahamubhuzya, "Imbila ziliningwenya, inyonyi izya kumwanya zili ni vwanswi ilelo umwana wa mundu atali ni pa kwihala."

\v 59 Ahamubhuzya umundu umwabho ahati, "Ndandataje."Ilelo iwene ahati, "Mwene, nitishizye imbale suti imusyile u Yise wani,"
\v 60 Ahamubhuzya ahati, "Bhaleshe abhafwe bhabhasyilaje abhafwe bhabho, lyoli iwe umulungu kula kwondi."

\v 61 Wope uwamwabho ahamubhuzya ahati, "We mwene, intikulandate isuti imbale indaje kuhaya."
\v 62 Ilelo u Yesu ahamubhuzya ahati umundu, inga ayanda kulima kumo akugaluuhana kwenya kulusalo uyo atahondeye kubha mubhombi mwamwene mwa Mulungu."

\c 10
\cl Umlyango ugwa 10
\p
\v 1 Pilongolela, umwene ahasebha abhamwaho amashumi saba na bhabhili kuti abhasontelezye bhabhilibhabhili muuhaya na mumbali kwa hayibhalaga wuyo inga bhalongolele.
\v 2 Abhabhuzya ahati, "Iviyabho vwinji, ilelo ibhakusezya bhali bhashe. Pe mumulabhe umwene uwi shizi asondelezye abhandu ibha kusezya.

\v 3 Malaji mlaya ipinti. Mwenye, ikubhasondelezya anza ingole zye zyikujenda pakasi pambwa izya mwilala.
\v 4 Mtapayaje inhela, imbugulu awe ivilyatu habhili mtahamlamushe umundu ngaweka mwidala.

\v 5 We mwinjila mu nyumba yoyonti, mlamuhaje suuti mutinji uwutengamu wubhe munyumba ini.
\v 6 Inga uwa wutengamu alipo panapo, utengamuwiyutewa syale panapo, ilelo anza atalipo tewuhe kukwinyu.
\v 7 Mtasamangaje lyoli inyumba yebhabhaposhela, muhihalaje mumwo muhamwelaje na kulya. kunongwa ye umubhombi ahondeye kuti aposhelaje kufumilana ni mbombo yakwe.

\v 8 Inga mwinjila munhaya yimo anza bhabhaposhela mlyanje ishakulya shoshonti she bhakubhapa,
\v 9 Mubhaponiaje abhabhinu bhebhali munumwo. Mubhabhuzyaje, 'Kuti Uwumwene uwa Mulungu wu fishile ku kwinyu'

\v 10 Ilelo inga mwinjila munhaya yimo, bhatabhaposhela, muhasogolaje mwenemo wemkushila mumadala mutinji.
\v 11 "Pope amasuto agi nhaya yiniyo gegali muvinama vwitu tukukunyunta kutu wubhe wuketi! ilelo mumanye kuti umwene wa Mulungu wufishile.'
\v 12 Ikubhabhuzya kuti isiku ilya kulongwa yihayibha nu lufundo ulupiti kushila ulufundo ulwa abha Musodoma kushila ihaya iyo.

\v 13 Lwinyi imwe mubha Korazini, lwinyu imwe mubha Bethsaida! Ibhanje gabhombeje munhaya iya mu Tiro na mu Sidoni, nhani bhalatile, kulata kwabho kwidala ilya kukwata amafuku kuyipaha amalota.
\v 14 Ishi pisiku ilya kulomngwa ulufundo lwinyu lupiti kushila ulwa bhandu abha mu Tiro na Sidoni.
\v 15 Nimwe mubha Kapernaumu, kuyilola kuti mhayifiha kumwanya kwa Mulungu? Ndali muhayisumbwa pasi kuwuzimu.

\v 16 Ahanti we akubhivwa imwe akunivwa nene, habhili we akuhama kumposhela ine, atibhe akuhama kumposhela we amsondelezizye"

\v 17 Amashumi saba na bhabhili bhahagaluha bhashiye bhahati, "We mwene, gope amapepu gakututiniha kwitawa lyaho."
\v 18 U Yesu ahabhabhuzya ahati,
\v 19 "Imulolile usetani akwiha ngati shimwangu kufuma kumwanya. Yeeya, imbapiye amaha aga kumtola umulungu mu zyonti kumaha ganago mtihanyaje injoha ni inge nahamu ihakubhavwalazya.
\v 20 Ilelo anga mukusha kunongwa ye amapepu amabhibhi gakubhatinila, lyoli museshelaje kunongwa ye amatawa giyu gasimbilwe kumwanya."

\v 21 Ahabhalilo hanaho ahampa kuseshela uhani we tata, mwene uwa kumwanya na pasi inkusalifwa kunongwa ye amazwi iga ubhafisile abhinjele na bhahabhizye ilelo ubhapinye abhana abhansi ishi tata shinisho she uyiganile."

\v 22 Ampiye vwonti utata wani, atalipo we amumanyile umwana lyoli wu tata mwene, habhili atalipo we amumanyile utata, lyoli wu mwana, wowonti we umwana akwanza kumlanga."

\v 23 Ahagalunhana kubheya abhalandati ahelonga kukwilu kwashi imwe mwemuku galola iga.
\v 24 Inkubhabhuza kuti bhalipo abhakuwi abhinji nabhamwene bhebhakwanzaga kugalola ge mukugalola imwe ilelo bhatagalolile nakwivwa zye mukwivwa imwe ilelo bhati vwizye."

\v 25 Yeenya umumanyizyi weka uwi ndajizyo izya bhayandi ahimilila na kumlinga ahati, "We mumanyizyi, imbombe lyoli inza inhaposhele uwumi uwa wila?"
\v 26 U Yesu ahamubhuzya ahati, "Yisimbilwe yitili bhuli mu ndajizyo/ Ukuzyaganya bhulibhuli?"
\v 27 Ahati yisimbilwe kuti umugane, "Umwene umulungu waho kumwoyo waho wonti, na kumupepu waho wonti nakumaha gaho gonti na kunjelezyaho zyonti umugane uwamwinyu anzashe uyiganile wuneewe."
\v 28 U Yesu ahati, "Wamula ahinza. Ubhombe shinisho pe utubhe nu wumi."

\v 29 Ilelo umumanyizyi, ula ahanzaga kuyibhiha kuti we ahondeye ahamubhazilizya winza u Yesu, "Ahati ishi uwamwitu wu nanu?"
\v 30 U Yesu ahamwamula ahati, "Alipo umundu umo afumile mu Yerusalem ahabhalaga munhaya iya mu Yeriko. Ahalemwa nabhabuda, bhahafwula ni hela zyakwe, bhahmuhoma uhani bhahamuleha abhinile iya kufwa..

\v 31 Panapo umuputi umo ahajendaga mwidala lilila we amulola umundu ula, aahashila kumbali.
\v 32 Wope umulawi shinisho wafiha pala ahamu lola umundu ula ahashila kumbali.

\v 33 Pilongolela ahinza umusamaliya wekawe ahashulaga kushilila mwidala lilawe amulola umundu ula ahamu lolela ishisa.
\v 34 Ahasejelela ahamupinya amalondo gakwe ahamupaha amafuta ni divai pamwanya yakwe. Ahamu zuvwa pamwanya pashihano shakwe, ahamtwala munyumba iya bhajeni ahabha akumusunga.
\v 35 Wekwasha ahafumila idinali zibhili, ahamu pa uwinyumba yilila ahamubhuzya ahati, 'Umubhine umundu unu inga inhela izi zyasila wafumwa izyaho wenagaluha ihayikusomba.'

\v 36 Ishi mubhibha bhatatu, wunanu, wamamile mupalamani wawula wamagwilinye mubhabuda?"
\v 37 Ahamula ahati, "We amuloleye ishisa."Yesu ahamubhuzya ahati, "Niwe ubhale ubhombe shinisho"

\v 38 Ishi webha kushula, bhahinjila muhaya yimo, mwantanda weka webhahatinji u Martha ahamposhela munyumba yakwe.
\v 39 Amamile nu musongo wakwe webhahatinji u Mariamu, ayihaye pambali pa winama vwa mwene ahatejelezyaga imanyizyo zyakwe.

\v 40 Ilelo u Martha apilihine ni mbombo inyinji izya kugomba ishakulya. Pe ahamubhuzya u Yesu, ahati,
\v 41 "Wemwene, utakulola habhibhi we umunsi wani andesheye imbombo zyoti nu mwene? Ishimubhuzye anavwe." Umwene ahamwamula ahati, "Malita, Malita, honi he ukuyimba ni nyinji,
\v 42 Hakwanziwa ahatu heka hene ahinza hanaho he. u Maliya asabhuye, atangafwililwa."

\c 11
\cl Omlyango ugwa 11
\p
\v 1 Isiku limo u Yesu amile apantu pamu ahaputaga weka umulandati wakwe ahati, "Wemwene, utumanyizye kuputa anza Yohana she abhamanyizizye abhalandati bhakwe.'

\v 2 U Yesu ahabhabhuzya, ahati, wemkuputa mutinji ishi, "Wetata, iwe uli kumwanya. Itawa lyaho lipalwaje uwumwene waho winza.

\v 3 Utupanje ishakulya shitu insiku zyonti.
\v 4 Ututuyile imbibhi zyitu, kunongwa ye itwetu kubhatuyila bhonti bhe bhaku tubhombela ahabhibhi. utulongolaje kuti tutahinjile mu ndingo."

\v 5 U Yesu ahabhabhuzya, "Wenu kukwinyu wakubha nu manyani, akubhala kwa manyani wakwe shausiku akuti we manyani ikulabha unhopele amakati gatatu.
\v 6 Kunongwa ye umanyani wani ayinza kukwani akushula ilelo ine intali ni shakulya isha kumupa.
\v 7 Wope umanyani wunuyo ahamwamula ahati, laha kunjivwa, ineigaliye ulwiji habhili na bhana bhani tugonile pashitaha intagahola kudamuha inkupe amakati.
\v 8 Ikubhabhuzya, kuti atidamushe na kumpavwe abhuliliwe, te kunongwa ye mumanyani wakwe lyoli kunongwa ye ajendelela kumulabha.

\v 9 Ishi inkubhabhuzya, lashaji, nimwe mutiposhele; yamzaji, nimwe mutivwaje, yiguzyaji nimwe mutiyiguliwe.
\v 10 Kunongwa ye umundu wowonti we akulabha akuposhela, we akwanza akuvwaga wope wakwiguzya akwiguliwa.

\v 11 Wunanu kukwinyu, wumwana wakwe akulabha inswi akumpa injoha?
\v 12 Awe akulabha ijinza akumpa uinge?
\v 13 Inga imwe mubhabhomba mbibhi mmanyile kubhapa abhana bhinyu ivintu ivwinza, mubhe nulusimishizyo kuti utata wiyu uwa kumwanya atibhombe ahinza nhani bhekumlabha ahayibha pa umpepu umufinjile?"

\v 14 Isiku limo, u Yesu ahabhingaga ipepu, linilyo lihamubhihaga umundu uwushinunu. Welyafuma, umundu ula ahanda kulonga.
\v 15 Ilelo bhamu mukasi bhahati, akubhinga amapepu amabhibhi kumahaga Belizebul, umupiti uwamapepu.

\v 16 Bhamu bhahabha bhakumulinga kuti abhalanje ivilolesyovwe vikufuma kumwanya.
\v 17 Ilelo u Yesu ahamanya insibho zyabho ahati, "Abhandu abha wumwene weka inga bhakulwa na kuzilana uwumwene uwo wukungwa bhope abhandu ibhi nyumba yeka iyo ikunanjiha.

\v 18 Shezili inga usetani akulwa namasetani agamwabho, numwene wakwe wutapuline wungimilila inza bhulibhuli? Kunongwa ye mukuti ikubhinga amapepu kumahaga Belzebuli.
\v 19 Ishi inga ine inkubhinga amapepu kwa Belzebuli, abhalandati bhinyu bhebhakubhinga kumaha ga nani? Mulinilyo abhalandati bhinyu bhebhahayibhalonga.
\v 20 Ilelo ine, inga inkubhinga amapepu kulusamba lya Mulungu, ishi uwumwene wa Mulungu wubhafishiye.

\v 21 Umundu uwamaha inga alinishilwilo angalindilila inyumba yakwe, atalipo uwakwenga ivintu vwakwe tevibhe ahinza.
\v 22 Lyoli umundu uwa maha kumshila wene ingayinza, akumbuda na kumtola pe akufwula ivilwilo vwakwe na kwega ivintu vwakwe vwonti.
\v 23 Wowonti we atali imbali yani wunuyo mulugu wani habhili we atakubhunganya peka nine, atibhe akusatanya.

\v 24 Ipepu ibhibhi we lyafuma kwa muntu, likubhala mu shilozu umwumu kwanza apa kutuzya litakupalola. Panapo pe likuti, intigalushe kunyumba ye na fumile.
\v 25 We lyagaluha likuyilola nyuse habhili izelupile ahinza.
\v 26 Panapo pe likubhala kwega amapepu aganji amabhibhi kushila lyene. Panapo umubhili wa mundu wunuyo wukubha ahabhibhi nhani kushila kuwandilo."

\v 27 We akulonga linililyo, umwantanda weka mushipuga shila ahadandizya izi ahati "
\v 28 Kwashi wa kupapile na kukwosya" Ahalonga ahati, kwashi nha bhebhakwivwa na kulitiniha izwi lya Mulungu.

\v 29 Abhandu we bhakujendelela kubhungana, u Yesu ahati "Abha habhalilo iha bhimbibhi. Nhani bhakwanza indolesye, ivilolesyo ilelo intakubhapa ivilolesyo lyoli ishilolesyo sha Yona.
\v 30 Kunongwa ye anzu Yona she amamile shilolesyo nkubhandu abha mu nhaya iya mu Ninawi, shezili umwana wa mundu wope atibheshilolesyo kubhandu abhahabhalilo iha.

\v 31 Umalikia uwa Kusheba ahayimilila kubhalonga imwe mubhandu abhahabhalilo iha kuti imwe mwebhimbibhi uwene afumile munsi iyakutali ahinza kwivwa amazwi agi njelezya Selemani, ishi ipa alipo umupiti kushila u Selemani.

\v 32 Abhandu abha mu Ninawi bhope bha hayimilila kubhalonga imwe mubha habhalilo iha kuti mwe bhimbibhi, kunongwa ye u Yona, we alumbilila, izwi lya mulungu kukwabho bhahalata imbibhi zyabho ishi palipo umupiti kushila un Yona.

\v 33 Atalipo umundu numo, we akuholelezya uluhozyo, nakubhiha pepubhile awe kugubishila ni shitundu, lyoli akubhiha pa shimbeje inga abhandu we bhakwinjila bhalolaje uluhozyo lwakwe.
\v 34 Amiso gaho luhozyo lwa mubhili. Amiso haho anga gakulola ahinza umbhili waho wonti wa kubha nuluhozyo. Ilelo anza amiso gafuye umubhili waho wonti wukubha hisi.
\v 35 Pe ubhe amiso uluhozyo lweluli mkasi yaho, lutahabhe hisi.
\v 36 Ishi inga umubhili waho wonti wabha nuluhozyo, sitakubha na hisi nga peka pe umubhili wonti wutushe muzelu anza luhozyo shelukukulamila."

\v 37 We amala kulonga, umuFarisayo umo ahamu lanjila abhale kulya kukwakwe, pe u Yesu ahabhala ahinjila mkasi ahabha peka inawo.
\v 38 UFarisayo bhahaswiga webhalola akulya bila kugeza wa kulya ishakulya.

\v 39 Pu mwene ahabhabhuzya ahati, "Imwe mubhafarisayo mukuyibhiha mwabhagolosu wemukwozya minzi ivikopa ni msahani, ilelo mukasi mwizuye uwufwuli nu wubhibhi.
\v 40 Mubhalema imwe, we apelile munzi te wuyo we apelile na mkasi?
\v 41 Mubhape abhapina kumoyo, pe vwonti vitibhe vizelupile kukwinyu.

\v 42 Musheleye imwe Bhafalisayo, kunongwa ye mukumufumizya umulungu ishigada sheka. Muvigada ishumi ivwa vilunjililo ivwa shiholo ni shiholo ilelo nitakusanjila kubhabhombela abhanji inyinza.

\v 43 Musheleye imwe Bhafarisayo, kunongwa ye mkwanza kwihala muvitengo ivwa pilongolela mwisinagogi iwinza mkwanza abhandu kubhala muhamumanalo.
\v 44 Musheleye imwe, muholine ni mbipa zye zitali ni dunzu abhandu bha kujenda pamwanya zita kumanya."

\v 45 Umumanyizyi weka uwi ndajizyo ahamubhuzya ahati, "Mumanyizyi, we ukulonga ganago ukutulonga habhibhi."
\v 46 U Yesu ahamubhuzya ahati, "Nimwe, mubhamanyizyi bhi ndajizyo! Musheleye kunongwa ye mukubhatwinha amazigo amamwamuge gatakupimbiha, mtakubhavwa kupimba pope kulinjizya na hasamba.

\v 47 Musheleye kukwinyu, kunongwa ye mukuzenga imbipa izyabhakuwi bhe abhamania bhinyu bhabhagojile.
\v 48 Panapo mukushela kuti mukwitinha na zye abhamama bhinyu bhabhombile, kunongwa ye abhene bhagojile nime mukuzenga imbipa zinizyo.

\v 49 Yenongwa, Umulungu kunjela alonjile atili inhayibhasondelezya abhakuwi, bhahayibhayivwa bhamu bhahayibhagoga.
\v 50 Abhandu abhahabhalilo bhahayi fundwa kunongwa ya bhakuwi bhonti bhe bhabhagojile kufuma kuwandilo uwinsi,
\v 51 Kufuma kufwa kwa Abeli paka kufwa kwa Zakaria, we bhamungojile pakasi pa shigemo na mafinjile. Nalyoli inkubhabhuzya kuti abha habhalilo iha bhahayi fundwa.

\v 52 Musheleye imwe mubhamanyizyi abhindajizyo kunongwa ye mudindile idala ilya kumwanya; nimwe mtamumanyile, habhili mubadindile bhebhakwanza kwinjila."

\v 53 U Yesu we amala kulonga, abhafarisayo na bhamanyizyi abhi ndajizyo bhahabha bhahali pe bha habha bhakumubhuzilizya inyinji.
\v 54 Iga bhamuteje pamu atilonje zimo.

\c 12
\cl Omlyango ugwa 12
\p
\v 1 Muhabhalilo hanaho, abhandu ielufu ni elufu bhahabhungana, pope bhahahanyanaga pe ahalonga suti kubhalandati bhakwe ahati, mubhe amiso na malenga aga bhafarisayo kunongwa ye gakusata ngati wusafu"

\v 2 Ahabhalilo hakwinza he gonti gali kukwilugahayibha apazelu habhili gonti ge gafisishile gahayinyiha.
\v 3 Pe shinishogonti gemukulonga kuhisi ga hayivwinha apazelu. Habhili gonti ge mukusenha kukwilu bhehayiga vwisya pilongolela pabhandu abhinji.

\v 4 Inkubhabhuzya bhamanyani, bhani mutabhogopaje bhebhakugoga umubhili wene hatali po ahanji he bhangahola kubomba,
\v 5 Lyoli imbabhuzye we muhondeye kumwogopa. Umwene ali nu wamulo uwa kubhasumba, kumwolo. Nalyoli, inkubhabhuzya wunuyowemumwogopaje.

\v 6 Bhuli inyonyi zisanu bhatakukazya kunhelanyishe bhulo? Pope shinisho Umulungu atakuyiwa ngayeka.
\v 7 Ishi imwe muhondeye pamiso ga Mulungu kushila inyonyi inyinji. Pope insisi zyonti zyezili mumatwe ginyu azimanyile uwinji wakwe mutogopaje.

\v 8 Inkubhabhuzya kuti, wowonti we akundandata ine pa bhandu nine nu mwana wa mundu, inhayimubhuzya umulungu na bhahabhizya bhakwe kuti wunuyo mulandati wani.
\v 9 Wowonti we akwogopa kubhabhuzya abhandu kuti mulandati wani nawe ihayimuhana pa bhahabhuzya bha Mulungu.
\v 10 Wowonti we akulonga amazwi amabhibhi kuzya mwana wa mundu, ahayihobhoshelwa, ilelo we akumsholanya umupepu umufinjile wumuyo te ahahobhoshelwe.

\v 11 We bhabhatwala mu masinagogo, pamwene napabhapiti, mutahatuyaje kuti muhayilonga lyoni awe kulamba,
\v 12 Ahabhalilo hanaho umupepu umufinjile aha yibhamanyizya zye muhondeye kulonga."

\v 13 Umundu weka mupuga yila ahamubhuzya, "Umumanyizyi, mubhuzye uhambaku wani kuti angabhile ivintu ivwa wagali wakwe."
\v 14 U Yesu ahamwamula ahati, wunanu we ambishile ine kubha ne mwamuli winyu?
\v 15 Pe ahabhabhuzya, mubhe amiso, kubha mwabhavigane bha vintu ivwinji kunongwa iya wumi uwamundu wuta kufuma kuwinji wa vintu vwe ali navyo."

\v 16 U Yesu ahabhabhuzya ishilolayo, ahati, alipo, utumbwe umo mushizi shakwe iviyabho vweleye nhani,
\v 17 Ahasibha mumwoyo wakwe, ahati, iviyabho vwani ivi patalipo apa kubhiha?
\v 18 Pe ahati, intibhombeintiti. Intipongolanye ivwanga vwani ivinsi na kuzenga ivinji ivipinti hani, intisengule iviyabho vwani vwonti ni vintu vwani ivinji.
\v 19 Panapo pe inhayiti, "Mwoyo, wani ni vintu ivwinji. ivwakukavwa, ishi, tuzya lyanga mwelaga na kuseshela."

\v 20 Ilelo Umulungu ahamubhuzya ahati, we mwema uwusiku uwa musanyunu utifwe ivintu vwonti vwe uyibhishiye vitibhe viwananu?
\v 21 Shinisho she zili kwa mundu wa kubhunganiha ivintu mu vigane ivwa munsi umusita kubhombela uwdumbwe wakwe mumbombo ya Mulungu.

\v 22 U Yesu ahabhabhuzya abhalandati bhakwe, ishi muleshe kwelela kuzyu wumi winyu-- kuti mulilye ahoni au kuzya mabhili giyu -- kuti mtikwate ahoni.
\v 23 Kunongwa ye uwumi we winza nhani kushila ishakulya, wope umubhili shinisho we mwinza nhani kushila amenda.

\v 24 Yenya amakungulu, gatakuwala pope kusezya. Gatali nishanga ngapeka pe gasengunye iviyabho, ilelo Umulungu akugalisya ishi imwe muhondeye nhani pamiso ga mulungu kushila amavwanga!
\v 25 Wunani mukasi yinyu we kwelela kukwakwe kungojezya uwumi wakwe pope ahabhalilo hashe?
\v 26 Ishi anga akupotwa kubhomba ahantu hati anza hamaho honi hemukwelela na ganji?

\v 27 Yenya amapambo - she gakukula. Gatakubhomba imbombo awe kusona amenda. Pope, u Selemani mwitoga lakwe atalinjizizye kukwata amenda anza pambo limo,
\v 28 Umulungu akukwatizya amapambo aga mwilala anza shinisho muhabhalilo, indabhi gakwumana kupembwa. Bhulite abhabhombele kushila imwe? Mwemuli nu lwitiho ulunsi!

\v 29 Nimwe muleshe kwelela kuti mutilye ahoni awe mutimwele ahoni habhili muleshe kubha ni lyoga.
\v 30 Abhandu bhebhatamumanyile umulungu bhakwelela nhani ni vintu. Ilelo imwe utata winyu amanyile kuti mukuvwanza.

\v 31 Ishi ya nzaji uwumwene, pe vinivyo vwonti bhatibhonjelezye,
\v 32 Muleshe, kutuya imwe mwemuli ishipuga, ishinsi, utata winyu abhaganile kubhapa uwumwene wakwe.

\v 33 Kazyaji ivintu vwinyu, mubhape abhapina kuhozya shinisho kwekukusengula mushanga ishakumwanya sheshitakwunda, atalipo umwibha we akusejelela pope uwumese kunanganya.
\v 34 Pala pe ubhishile ivintu vwaho, nu mwoyo waho pe wuhayibha.

\v 35 Isiku lyolyonti mushe muyilinganyinye kubhomba, imbombo zyope inhozyo zyinyu zyahaje,
\v 36 Ngati abhatumwa bhe bhakumugulila umupiti wabho akugaluha kufuma kuweji ahabhalilo he atiyinze nakwigazya pa lwiji bhaha mwigulile na lubhilo.

\v 37 Kwashi abhatumwa bhe umupiti wabho inga yinza ahayibhaga bhali amiso. Ahayilinganya kuti abhabhombele ahayibhabhilishila kwihala pameza ahayibhapa ishakulya.
\v 38 Kwashi abhatumwa ibho bhe umupiti wabho inga yinza shawusiku pakasi ahayibhaga bhali amiso.

\v 39 Mumanye kuti uwinyumba abhanje amanyanje ahabhalilo he umwibha akwinza, angihala amiso amudinde atahadobhole inyumba yakwe.
\v 40 Ishi niwme mubhe amiso kukunti mutamanyile umwana uwa mundu kugaluha iwinza.

\v 41 Pe u Petro ahamubhuzilizya ahati, "Mwene, ishi holanyo ishi ukutubhuzya itwe tubhene awe ukubhabhuzya abhandu bhonti?
\v 42 Umwene ahabhamula ahati, "Umutumwa umwinza uwinjele alikwi wunuyo we umupitiwakwe ahayimubhiha abhe mwimilili kubha mwabho na kushapa ishakulya ahabhalilo hehahondeye?
\v 43 Kwashi umutumwa wunuyo, anga umupitiwakwe we akugaluha akumwaga akubhomba shinisho.
\v 44 Nalyoli inkubhabhuzya kuti atabhe mwimilili uwa vintu vwakwe.

\v 45 Ilelo umutumwa wunuyo anga yisibha kuti umupiti wani akuhabha kugaluha; pe akwanda kubhahoma abhatumwa abhasahala na nabhantanda, akulya na kumwela nakuholwa,
\v 46 Umupiti wakwe ahayigaluha isiku nahabhalilo he atasubhiye, ahayimudumulanya ivipisi peka na bhe bhatakwitiha'

\v 47 Umutumwa, we amanyile zyeakwanza umupiti wakwe, ilelo akuleha kuyilinganya na kubhomba she akwamza ahayihomwanhani.
\v 48 Ilelo umutumwa we atamanyile zye akwanza umupiti wakwe, angabhomba habhibhi wanuyo ahayihomwa hati, wowonti we bhamupiye ivwinji, uyo ahayidayiwa ivwinji inhani.

\v 49 Ininzile munsi kwasya umwoto kwashianga wu bhanje wandile kwaha,
\v 50 Nine indi nu lwozyo ulwa manyimba lwei nhondeye!

\v 51 Mukusibhakuti ininzile kulete uwutenganu munsi? Ndali, inkubhabhuzya, kuti inzile kuleta umuyubhano.
\v 52 Kufuma ishi munyumva mwebhali amandu bhasamu bhatibhe bhakusatana bhatatu bhati yepaje kubhabhili, bhope bhabhili bhanabho bhatiyepe kubhatatu.
\v 53 Utata ahayizilanaga nu mwana, numwana ahayizilaga nu tata wakwe, unyina ahayizilanaga nu mwali wakwe, nu mwaliahayizilanaga nu umwahamwana wope umwahamwana ahayizilanaga nu yavwala wakwe.

\v 54 UYesu ahabhabhuzya abhimpuga yila, "Wemukulola amabhingo mukuti imvula yikwanza kutonya; Nalyoli yikutonya,
\v 55 Habhili we mukulola impepu ikufuma, imbali iya kumalintende, na lyoli she kukubha.
\v 56 Imwe mulinishisa, ishi lenga mumanyile kumanya ahabhalilo ishi honi he mukutolwa kumanya zye zikubhombeha insiku izi?

\v 57 Honi mutakusabhula kubhombazye zihondeye?
\v 58 We uli mwidala we akusitakile akukutwala kwi balaza, kwashi kumulamba kuti mwivwane sita kubhomba linilyo, atikutwale kwibalaza, kunukwo uhayitwalya mwijila.
\v 59 Inkukubhuzya kuti mukasi umwo uhayi fuma paka we wamala kusomba vwonti.

\c 13
\cl Omlyango ugwa 13
\p
\v 1 Ahabhalilo hanabho, abhandu abhinji bhahamubhuzya kuti u Pilato abhagojile abhagalilaya we bhafumwa impumba zyabho.
\v 2 U Yesu ahabhamula ahati, "Bhili mukuti abhagalilaya bhanabho bhabhombeliwe shinisho kunongwa ye bhamile bhabhomba mbibhi kushila abhagalilaya abhaji bhonti?
\v 3 Teshinisho, hala, ilelo nimwe bhahayi bhayazya mwenti inga mtakulata imbibhi.

\v 4 Bhope abhaji ishumi na nane kusiloamu bhe ulubhumba ulutali lwabhagwiliye bhalafwa, mukuti bhene bhamile bhabhomba mbibhi kushila abhandu bhondi mu Yerusalemu?
\v 5 Teshinisho, hala ilelo nimwe bhahayibhazya mwenti, inga mtakulata imbibhi.

\v 6 U Yesu ahabhabhuzyaishiholanyo ahati, "Alipo umuntu umo we awalile ikwi mushizi shakwe ahabhala kutungula amatunda atahalilola ingalyeka.
\v 7 Pe ahamubhuzya umubhombi wakwe uwishizi, 'Yenya, kumanha gatatu inkwinza kutungula amatunda mwikwi ili ilelo intakuhalola nahamu ishi utulile lyenelyo likunanganya ishizi bhulo?

\v 8 Umubhombi ahamula na kuti, 'lileshe umwaha unu indifukutile na kubhiha imbolela.
\v 9 Ingalyela amatunda umwaha wewu kwinza, yihayibha hinza; ilelo inga litela pu lilaje!'"

\v 10 Isiku limo ilyi sabato u Yesu ahamanyizyaga abhantu mumasinagogi.
\v 11 Mumula alipo umwantanda umo wamamile nipepu amanha ishumi na nane, agombanile ahapotwaga kwimilila.

\v 12 U Yesu wamulola, ahamubhishila ahati, "Manyi, wapona uwubhino waho ishi wa satulwa."
\v 13 Ahabhiha inyobhe pamwanya yakwe, panapo ahagoloha ahanda kumpala Umulungu.
\v 14 Ilelo umupiti uwisinagogi ahavitwa kunongwa ye u Yesu amuponizye isi ilyi sabato. Pe ahabhabhuzya abhandu ahati, "Wuli ni nsiku umutanda izya kubhomba imbombo. Mukwanziwa kwinza mu nsiku zinizyo kuti mupone impungo. '

\v 15 Umwene ahamula ahati, "Imwe! Muli nishisa ishi lenga mwenti mukubhomba imbombo pisiku ilyi sabato mutakusatulila mushibhiji shing'ombe awe ni ndogomi zyinyu na kuzitwala kumwela aminzi isiku ilyi sabato?
\v 16 Ishi bhuli umwana uwa shiholo isha ibulahimu we akanha ishumi nanawe akungilwe nu setani atahondeye kutipi siku ilyi sabato?"

\v 17 Weakulonga ganago abhalugu bhonti bhahalola insoni ilelo abhanji bhashiye nhani kunongwa yi mbombo inyinza zya abhombile.

\v 18 U Yesu abhabhabhuzya, "Umwene wa Mulungu wukuholanywa nahoni, inholanye nanhoni?
\v 19 Wukuholana ni mbeyu iyi haladali ye umundu awalile mushizi shakwe, imbeyu yihamela lihamiha likwi inyonyi zihatenjela ivwanswi mu mpaswa zyakwe.

\v 20 Iwinza ahati, "Uwumwene wa Mulungu inholanye na honi?
\v 21 Wukoholala nu mwantanda umo we ayejile uwusafu ahawuhandulanya nuwusuuwinji nhani wuhadudula uwusi."

\v 22 U Yesu ahabhalaga ku Yerusalemu ahashilaga munhaya impi ni nyisi kumo akulumbilila.
\v 23 Umundu umo ahabhuzilizya, "Mwene, bhandu bhasi bhole bhe bhahayokoha,
\v 24 "Muyikungalaje nhani kwinjila kushila umlyango umunyela, kukunti abhinji bhuhayilinga kwinjila bhahayipotwa.

\v 25 Ahabhalilo hakwinza he umwanesho uwi uyumba ahayimilila nakwigalila umlyango, pemuhayimilila panzi muhayiguzyaga muhayitinji we mwene, twigulile ahayi bhamula ahayitiintabhamanyile kwe mfumile.'
\v 26 Nimwe muhayiti, Tuhamwelaga pilongolela yaho nawe uhatumanyizyaga muhaya mwitu."
\v 27 Umwene ahayiti, intabhamanyile kwemfumile, yepi kukwani imwe mwenti mubhabhomba mbibhi!'

\v 28 Muhayibhalola u Abrahamu, u Isaka, u Yakobo na bhakuwi bhonti bhali mu wumwene wa Mulungu, lyoli imwe muhayibha mwa sumbwa panzi.
\v 29 Kufuma imbali zyonti izyinsi bhahayinza bhahayibha bhakulya peka nu mwene wa Mulungu.
\v 30 Mutejelezye bhebha kuwumalilishilo, kuhabhalilo aha shishi bhahayibhabha kuwandilo, na bhebha kuwandilo bhahayibha bhamwisho."

\v 31 Ahabhalilo hanaho Abhafarisayo bhamu bhahabhala na kubhubhuzya bhahati, "Sogola ipa kunongwa ye u Herode akwanza kukugoga."
\v 32 U Yesu ahamula ahati, "Bhalaji mumubhuzye umbila wunuyo muti, yeya umusayunu ni ndabhi inkubhinga amapepu na kubhaponwa isiku ilya watatu inhayikwanisya imbombo yani.
\v 33 Pope shinisho, yikwanziwa kuti injendelele kushula kubhala ku Yerusalemu indabhi, na kulinda indabhi.

\v 34 We Yerusalemu, Yerusalemu, ukubhagoga abhakuwi habhili bhebhasondelezizye kukwaho. Ukubhahoma halinga nanzaga kubhabhunganiha abhana bhinyu anza ikukushikubhatila utwana twakwe.
\v 35 Yenya akubhataga imwe ninhaya yinyu. kubhabhuzya nalyoli te muhandole winza kushila ahabhalilo hemuhayiti asayilwe we akwinza mwitawa lya mwene.'"

\c 14
\cl Omlyango ugwa 14
\p
\v 1 Isiku limo ilyi sabato, ahabhala kulya isha kulya kuhaya kwa mlongozi uwa bha Farisayo bhahamtejelaga papipi.
\v 2 Pilongolela, alipo umundu umo wali nuwubhinu uwa kwizula.
\v 3 Pe u Yesu ahabhabhuzilizya abhafarisayo, "Nabhamanyizyi abhi ndajizyo ahati hinza bhulo kuponnwa isiku ilyi sabato, bhaga hala?"

\v 4 Abhene bhahapumamye u Yesu ahamupalamasya, ahamuponia ahamwitishizya kusogola.
\v 5 Ahabhabhuzya, "Wunanu kukwinyu we umwana wakwe awe ing'ombe yakwe yalendela mushindinkwi isiku ilyi sabato atangamwefwa nalubhilo?"
\v 6 Bhatahabha ni lya kwamula kulinilyo.

\v 7 U Yesu ahenyaga abhajeni bhebhalanjiliwe bhahasebhaga amatengo aga bhapiti, ahabhabhuzya ishiholanyo ahati,
\v 8 "Inga umuntu akulanjiye ku weji utahatale kwihala apa bhapiti kunongwa ye lumo alanjililwe umupiti uwuji kushila iwe.
\v 9 Inga ayinza we abhalanjiye imwe mwenti bhabhili ati kubhuzye iwe atiti musegushile unu pe uyihaye, utulole insoni nhani, "Wukubhala kulusalo.

\v 10 Lyoli anga walanjilwa uyihalaje palusalo anga yinza we akulanyiye, akubhuzye kuti, weye manyani wani nzaga pilongolela, ipo pe wutilileshe uwupiti waho.
\v 11 Kwekuti we akuyi zuvwa ahayimwisya, wope wakuyisya ahayimuzuvwa.'

\v 12 Pe u Yesu ahamubhuzya we amulanjiye wu kufumwa ishakulya isha kulya isha shamusanya au ishalyabhela, utahabhabhili shile abhaholo bhaho awe abhapalamani bhaho bhebhandumbwe kuti bhopo bhatahakulanjile kunongwa iyakutabhulizya.

\v 13 Lyoli we kulinganya ishikulukulu, bhalanjile, abhapina, abha shilema, na bhapubhila,
\v 14 Niwe putibhe nulusayo kunongwa yebhatali nihakukusomba. We ahayikusomba ahabhalilo he ahayibhazuzya abhagolosu."

\v 15 Umulanjilwa umo we ayivwa amazwiga Yesu ahamubhuzya ahati, "Alikwashi we ahayilya ishikulukulu mumwene wa Mulungu!"
\v 16 U Yesu ahamwamula mushiholayo, alipo umuntu umo we alinganyinye ishikulukulu ishipiti, ahabhalanjila abhandu abhinji.
\v 17 Ahabhalilo ishikulukulu we hafiha, ahamusondeleza umutumwa wakwe kubhabhuzya bhebhalanjiye kuti, "Nzagaji, ivintuvilinganye.'

\v 18 Bhonti, bhahati te bhabhale. Uwakwanda ahati ikalile ishizi, inkubhala kwenya untuyile.'
\v 19 Uwamwabho ahati, 'Inkalile ing'ombe ishumi, inkubhala kuzilinyizya. Untuyile.'
\v 20 Wope uwa watatu ahati, 'Inejile umushi, na ntuyile intakwinza.'

\v 21 Umutumwa ahagaluha ahamupanjila zyonti umwene wakwe. Pe umwene ula ahavitwa ahamubhuzya umutumwa wake, 'Bhalaga na lubhilo mumbalambala na mutugala utwa munhaya ini ubhale te abhapina, abhashilema na bhebhatakulola."
\v 22 Umutumwa ahati, "Mwene, zyewandajizizye nabhomba ilelo ipa kwihala pasyalile.'

\v 23 Umwene ahamubhuzya umutwa ahati, 'Bhalaga kunzi iyi uhaya mumbulambala na mumadala ge gakubhala mutunhaya na muvwizi, ubhambijile abhandu bhinze munyumba yani iyizile.
\v 24 Inkubhabhuzya kuti, bhanabho bhena bhalanjiye kuwandilo atalipo numo we ahayilya ishikulukulu shani. '

\v 25 Pe impuga impiti yihabhalaga peka inawo, ahagaluhana ahabhabhuzya,
\v 26 "Umundu wowonti we akwinza kungana ine akumugana uYise wakwe, uyina wakwe, umushi wakwe, abhana bhakwe, abhaholo bhakwe, na bhayilumbu bhakwe habhili akwinza kungana ine kushile she akuyigana wuyo.
\v 27 Umuntu wowonti watakupimba ishihobhe hayo shakwe na kuntandata ine na kuyimba pope yibhe iyakufwa.

\v 28 Wunanu kukwinyu, wa kwanza kuzenga inyumba intali akutala kusibhasuti ivintu vwonti vwe vikwanziwa kusenjela ivwa kumala kuzenjela?
\v 29 Sita kubhomba shinisho, angahola kuzenga ulwaho lwene, angapotwa kumalilizya kuzenga, bhanganda kumuseha,
\v 30 Bhakutinji, umuntu unu ayandile kuzenga ilelo apotwa kumalilizya.'

\v 31 Awe abhamwene bhabhili bha kuyilinganya kulwa, uwakwanda ali na bhasikali ielufu ishumi bhulo, uwa wubhili alinabho ielufu amashumi gabhili uwakwanda atakwikala suti kusibha she angahola kulwa na kumutola we alina bhasikali ielufu amashumi gabhili?
\v 32 Angalola kuti atolwa angasontelezya abhavwi bhakwe bhabhale kwa mwene wabho she ali ukutali kulamba kuti bhivwane.
\v 33 She zili na kukwinyu, atalipo kukwinyu we ahondeye kubha mulandata wani, anga atavileshile vwonti vwe ali na vwo atagabha mulandata wani.

\v 34 Ibheya hantu hinza, ilelo anga lyanajiha, litangabha nuwunonu uwi bheya winza?
\v 35 Litali ni mbombo kulusuto, pope kubhahanti iha kuvunzya. Lyoli kutagwa ukutali ula wa kwivwa asimishizyaje nhani zye akuzyivwa."

\c 15
\cl Omlyango ugwa 15
\p
\v 1 Abhasonshezya nsonho na bhabhomba mbibhi abhanji abhinji bhahabhunganaga kwa Yesu kumutejelezya.
\v 2 Pe abhafarisayo na bhamanyizyi abhi ndajizyo bhahayibhunazyaga bhahatinji honi umuntu unu akusangana na bhabhomba mbibhi bhabhili akulya nabho."

\v 3 U Yesu ahabhabhuzya ishilolanyo ishi ahati.
\v 4 "Wenu kukwinyu, wali ni ngole imia anga tezya yeka atangazileha izinji zila amashumi tisa ni zyamwabho tisa na kubhela kwanza ye yitejile paka ayaje?
\v 5 We ayilola akuyibhegala pa shipungo kuluseshelo.

\v 6 Nakugaluha inayo kuhaya pe akubhabhilishili abhamanyani na bhapalamani nakubhabhuzya kuti seshelaji peka nine kunongwa ye ingole yani ye yetejile nayaga.'
\v 7 Inkubhabhuzya kuti shinisho she yitibhe luseshelo lupiti kumwanya, we umubhomba mbibhi weka we akulata imbibhi kushila kubhantu amashumi tisa na bhamwabho tisa bhebhatakwanza kuti bhangalata.

\v 8 Tuli umwantanda umo ali ni nhela, insabhazya ishumi, inga lelo inhela yeka ya tejile, akuhozya uluhozyo na kwusa inyumba akwanza paka ayaje?
\v 9 Weayaya akubhabhilishila abhamanyani na bhapalamani seshelaji peka nine kunongwa ye inhela yani yeyatejile na yaga.
\v 10 Inkubhabhuzya kuti shinisho she abhahabhizya bha Mulungu bhakuseshela we uwimbibhi weka wa alata imbibhi."

\v 11 u Yesu ahabhabhuzya, "Umuntu umo amamile na bhanabhabhili.
\v 12 Umwana umunsi ahabhala kwa Yise we tata inkulabha umpe uwugali wani pu yise wakwe ahabhagabhili uwugali wabho.

\v 13 We zyashila insiku nyishe umunsi ula ahabhunganya ivintu vwakwe vwonti ahabhala kunsi iya kutali ahanda kubhombela ahabhibhi ishuma shakwe paka ahamala shonti.
\v 14 We amala shonti inzala yihagwa munsiyila ahanda kwelela.

\v 15 Pe ahabhala kwa muntu umo uwa munsi yila ahalabha ishibaluwa, ahamtwala kushizi kuzubhila ingulubhe.
\v 16 Amamile ni nzala ahasuhaga kulya amagola ge zihalyanga ingulubhe ilelo atalipo numo umuntu watamupiye ahakulya.

\v 17 We itwe lyakwe lyiguha ahati abhabhomba mbombo bhonti abha Yise wani bhakulya vikutola inkufwa ipa ninzala!
\v 18 Ishi intigalushe kwa, 'Tata na kumubhuzya kuti we tata imuntulije Umulungu inkutuliye na wunewe.
\v 19 Ishi intahondeye kubha ne mwana waho umbishe imbe weka wa bhabhomba mbombo bhalo."

\v 20 Pe ahasogola ahagaluha kwa Yise wakwe. We apalamila kuhaya uyise wakwe ahamu lola ukutali ahamulolela ishisa ahabhala akushimbila ahamu kumbatila na kumutambila.
\v 21 Umwana ula ahamubhuzya uyise wakwe ahati, 'Tata imutuliye umulungu niwe ishi intahondeye kubha na mwana waho.'

\v 22 Ilelo Yise wakwe ahabhabhuzya abhatumwa bhakwe,
\v 23 'Letena lubhilo amenda aminza mu kwatizye mukwatizye nulusahala muhasamba ni vilyatu muvinama.
\v 24 Mwenye ing'ombe yila iyinza mubhole. Tubhishe ishikulukulu.

\v 25 Abhalilo hamaho. Umwana wakwe umusongo amile kushizi we akugaluha apalamila papipi ni nyumba ahivwa bhakwimba na kushimwa.
\v 26 Ahamubhilishila umubhombi umo ahamu bhuzilizya kuli honi?
\v 27 Ahamubhuzya ahati umunsi waho ayinzile uYise waho amugojeye ing'ombe inyinza kunongwa ye mwumi bhulo.'

\v 28 Umwana umusongo ahavitwa atahanzaga kwinjila munyumba uYise ahafuma panzi kumulambilizya.
\v 29 Ilelo ahamwamula uYise wakwe ahati, 'Yenya ine amaha gonti iga nabhomba imbombo, ipa habhili intalinjile kukusholanya nalumo, ilelo utampiye nalumo pope ahabhuzi kuti inseshele peka nabhamanyani bhani.
\v 30 Lyoli we ayinza umwana waho unu we abhombeye ahabhibhi ishuma shaho peka na bhabhembu umugojeye ing'ombe inyinza.

\v 31 UYise wakwe ahamubhuzya ahati, 'Mwana wani, iwe ulunine insiku zyonti vwonti vwe indi navwo vwaho.
\v 32 Ishi tukwanziwa kuseshela na kubhiha ishikulukulu, kunongwa ye umunsi waho atejile ishi alolela."

\c 16
\cl Omlyango ugwa 16 
\p
\v 1 U Yesu ahabhabhuzya abhalandati bhakwe ahati, "Alipo udumbwe umo we amile nu mwimilili uwishuma shakwe, undumbwe ula ihivwa kuti akunanganya ishuma shakwe.
\v 2 Pe udumbwe ahamubhilishila ahamubhuzya kuti, "Zyonizinizi zye inimvwizye kukwaho lolesya lubhatiho sheubhombeye? kunongwa ye utahondeye winza kubhawa mwimilili.'

\v 3 Umwumilili ula ahayibhuzilizya ahati, 'Ihozye bhuli umupiti wani akunefwa mumbombo yani iya uwimilili? kulima intamanyile, kulabha inkulola insoni.
\v 4 Imanyile she intibhombe kuti webhane fwa mumbombo abhantu bhahamposhele muhaya zyabho.

\v 5 Pe umwimilili ula ahabhabhishila bhonti bhebhahadayi lwaga, nu mupiti wakwe ahamubhuzya uwakwanda ahati umupiti wani akukudaya zilinga?'
\v 6 Ahamwamula ahati ivipimilo imia ivwamafuta ahamubhuzya ahati yega ikalatasi simbanalubhilo ivipimo amashumi gasanu.'
\v 7 Ahamubhuzya uwamwabho iwe ukudayiwa zilinga?' Ahamubhuzya 'ahati ivimilo imia ivwi ngano.' Ahati yega ikalatasi simba amashumi nane.'

\v 8 Pe udumbwe ula ahamupala umwimilili ulashe abhombile kunjele. Kunongwa ye abhantu bhe bhata kumwitiha Umulungu bha kubhomba imbombo zyabho izya munsi kunjele kushila bhebha kumwitiha umulungu.
\v 9 Ishi ine inkubhazya kuti mubhavwaje abhamwinyu kushuma shinyu isha munsi, kuti we shasila bhahabhaposhele muwihalo uwa wilanawila.

\v 10 Wowonti we akusengula ahinza ivintu ivinsi wunuyo angahola kusengula ahinza ni vintu ivwingi. Shinisho she umuntu wowonti we te mwimilili umwinza uwa vindu ivinsi akubha te mwimilili mwinza kuvintu vwinji.
\v 11 Anga te imwe bhimilili abhinza abhishumu isha munsi umu wu nanu we angabhapa ishuma isha nalyoli?
\v 12 Habhili angate mwe bhimilili abhinza abhishuma ishinyu munemwe?

\v 13 Atalipo umutumwa we angahola kubha mubhombi wabhamwene bhabhili, kunongwa ye agamugana weka, ilelo akumupata na kumusholanya uwamwabho uwa wubhili, mutanga hola kumubhombela Umulungu ni shumu."

\v 14 Abhafarisayo, we bhivwa amazwi ganago bhahanda kumusupizya kunongwa ye bhaziganile nhani inhela.
\v 15 Ahabhabhuzya, "Imwe mukuyibhiha muhondeye pamiso ga bhantu ilelo umulungu amanyile zye zili mumoyo ginyu. Zye abhantu bha ziganile umulungu azipatile.

\v 16 Indajizyo zya bhakuwi wabhalongoye kushila ahabhalilo aha Yohana. kufuma ahabhalilo hanaho, intumi inyizya iya mwene wa Mulungu yikulumbililwa, abhinji bhakuyifumwa nhani kwinjila muwumwene wunuwo.
\v 17 Papupusu nhani kumwanya na pasi kushila ilelo italipo ihelufi yeka iyi ndajizyo ya mulungu ye yihayi shila.

\v 18 Wowonti we akumuleha umushi wakwe na kwega uwunji, mubhembu nawe akwega umwantanda we aleshilwe nu mulume akubhomba uwubhembu.

\v 19 Alipo udumbwe umo we ahakwataga amenda aminza agi nhela impiti insiku zyonti ahalyanga ishakulya ishi nhela impiti.
\v 20 Umupina umo we bhahatinji u Lazalo bhaha mubhihaga pamulyango amamile na malonda.
\v 21 Pe ahasunguhaga kulya insenyenha zyezi halendaga kufuma pa meza ya udumbwe ni mbwa zihamumwa utaga amalonda gakwe.

\v 22 Pilongolela umupina ahafwa ahabhiwa papipi nu Ibrahimu. Wope udumbwe ahafwa bhahamusyila.
\v 23 Pe udumbwe ula we akuyimba inhani kwilongo ahamulola uablahamu ukutali ali nu Lazalo.

\v 24 Ahamuholela ahati, 'Wetata Ablahamu, ndolele ishisa umusontelezye uLazalo aduvishe ahasamba muminzi, kuti antolishizye mulumili lwani inga luhatalile inkuyimba mumwoto.

\v 25 U Ablahamu ahamwamula ahati, 'Mwana wani ukumbushe kuti ahabhalilo hewamile we mwumi wamile ni vintu ivwinza vwe uhavwanzaga, ilelo u Lazalo amile mumanyimba. Ishi wene atenganile ipa iwe ukuyimba.
\v 26 Peka nalinilyo, pakasi yitu, nimwe pala ilyina ipiti linilyo libhishi lwe kuti abha kukubhebhakwanza kwinza kukwinyu bhapotwaje kufumila na bhakukwitu bhapotwaje kwinza kukwitu.'

\v 27 Udumbe ula ahati, 'Ikukulabha tata umusontelezye u Iblahimu, abhale kuhaya kwa tata wani.
\v 28 Kunukwo indi na bhaholo bhani bha sanu, abhale abhasoshe kuti bhatahinze uku kumanyimba.'

\v 29 U Ablahamu ahamwamula ahati, 'Bhali nu Musa na bhakubhi bhabhatejelezyaje bhanabho.
\v 30 Udumbwe ula ahati, 'Hala tata Iblahimu ilelo umuntu inga afuma kubhafwe abhala kukwabho pe bhatilate.'
\v 31 U Iblahimu ahabhamula ahati, 'Inga bhataku mutejelezya u Musa na bhakuwi pope umuntu azyushe kufuma kubhafwe bhatangi tiha.

\c 17
\cl Omlyango ugwa 17
\p
\v 1 U Yesu ahabhuzya abhalandati bhakwe, "Indingo zye zyikwanza abhantu kubhomba imbibhi zilipo insiku zyonti ilelo asheleye umuntu wa kuleta indingo!
\v 2 Yamile kwashi kwa muntu wunuyo kukunjilwa iwe ilya kusyela mu nsigo na kumusumba mwa sumbi, na kuti ayazye weka mu bhansi ibha abhombe imbibhi.

\v 3 Mubheamiso uwamwinyu inga kubhombela imbi bhi, musoshe, inga alata mutuyile.
\v 4 Pope anga akubhombela ahabhibhihabhili kwi siku lyeka, na kugaluha kukwaho habhili habhili akutu, 'Ntuyile, 'Iwe mutuyile!"

\v 5 Pe abhasundikwa bhala bhahamubhuzya umwene bhahati,
\v 6 "Twonjezye ulwitiho." Umwene ahabhamula ahati, "Anga mwamile nu lwitiho ulunsinza mbeyu iyi haladali, mungahola kulibhuzya ikwi ikuyu, 'Kumpuha uyisumbe mwa sumbi lyope linga bhitiha.

\v 7 Weka mukasi yinyu ali numutumwa wakwe we akulima awe akudima ingole, aga mubhuzya kuti, 'Nzaga ishi yihala ulye ishakulya?
\v 8 Lyoli angati, 'Nndinganizye ishakulya, habhili umbombele paka we namala kulya nakumwela. We namala pe niwe ulye na kumwela?

\v 9 Bhuli angamusalifwa umubhombi kunongwa ye abhombile she umulajizizye?
\v 10 Shezili na kukwinyu we mwamala kubhomba zyonti 'Pe mutinji. Itwe bhatumwa twe tuta hondeye tubhombile bhulo zye tukwanziwa bhomba.'

\v 11 We akubhala ku Yerusalemu, ahashilila pakasi pa samaliya ni Galilaya.
\v 12 We akwinjila muhahaya hamu ahahoma na nabhantu ishumi abha maketa. Bhahimilila apatili na wene.
\v 13 Bhahamubhilishila kwizi bhahati, "We Yesu, we mupiti utulolele ishisa."

\v 14 We abhalola ahabhabhuzya ahati, "Bhalaji mu Yilolesye ku bhaputili webhakubhala, bhaha satuha." Weka mubhala we alola kuti apona, ahagaluha.
\v 15 Kumo akumupala Umulungu kwizi ilyakudandizya.
\v 16 Ahagwa shikupama pilongolela pa vinamavwa Yesu kumusalifwa. Amile musamaliya.

\v 17 U Yesu ahabhabhuzilizya ahati, "Bhatasatushile bhonti ishumu? Bhamu tisa bhali kwoshi?
\v 18 Atalipo we agaluha kumupala Umulungu, lyoli umujeni unu?"
\v 19 Ahabhabhuzya, "Yimilila sogolaga ulwitiho lwaho lwakuponwa."

\v 20 Abhafarisayo bhahamubhuzilizya, "Bhahati uwumwene wa mulungu wuhayinza lino u Yesu ahabhamula ahati umwene wa Mulungu wuta kwinza kwa kuloleha kumiso.
\v 21 Abhantu te bhahati, 'Yeya ipa! Awe, 'Wuli!' Pala uwumwene wa Mulungu wuli mukasi yinyu."

\v 22 U Yesu ahabhabhuzya abhalandati bhakwe, "Zihayinza insiku zye muhayi sunguha kubhanu, mwana wa Mulungu pope te muhalole.
\v 23 Bhahayibhabhuzyaga bhahayitinji, 'Yeya, kula!' Yeya, ipa!' Mutahashele kwenya pope kubhalandata,
\v 24 Ngati mvula ye yikumwanguha na lubhilo na kulozya imbali zyonti. Hezi hayibha wa kwinza umwana wa muntu.

\v 25 We ganago gashila kufumila kushigane intiyimbe kuminji na kuhanwa na bhatu abhaha bhalilo iha.
\v 26 Anza she ya mila insiku izya Nowa, she yihayibha ahabhalilo ahamwana wa muntu.
\v 27 Bhahalyanga na kumwela, bhahegaga na kwejelwa paka insiku lila lye u Nowa ahinjila musafina imvula ihatonya na kubhayazya bhonyi.

\v 28 Shinisho she yamile insiku izya Lutu, bhahalyanga, na kumwela, bhahakalaga, na kukazya bhahawalaga na kuzenga.
\v 29 Ilelo insiku lila ulutu we ayepa Musodoma, umwoto ni shibiliti kufuma kumwanya wuhiha gati mvula wu habhasya bhonti.

\v 30 She yihabha insiku lila lye umwana wa muntu wa kwinza.
\v 31 Isiku linilyo, wali kwigulu atahishe kuti ayeje ivintu vwakwe mukasi munyumba. Wope wali kushizi atahagalushe kuhaya.

\v 32 Mukumbushe zye zyamwanjile umushi wa Lutu.
\v 33 Wowonti wa kwanza kuponia uwumi wakwe ahayiwuyuzya, ilelo wakuyazya we ahayiwa ponia.

\v 34 Inkubhabhuzya kuti, insiku linilyo abhantu bhabhili bhahayibha bhagonile ishitala sheka.
\v 35 Umo ahayegwa umoahayisyala. Abhantanda bhabhili bhahayibha bhakusya peka umo ahayegwa umo ahayisyala."
\v 37 (Wakamwuliza, "Wapi, Mungu?" Akawaambia, "Pale ulipo mzoga, ndipo tai hukusanyika kwa pamoja."

\c 18
\cl Omlyango ugwa 18
\p
\v 1 Ahabhabhuzya ishiholanyo kuti bhamulabhaje insiku zyonti bhatahatambaje.
\v 2 Ahabhabhuzya ahati, "Alipo uhakimu munhaya yimo, watahamwogopaga Umulungu habhili atahasajilaga abhantu.

\v 3 Munhaya yiniyo alipo umwantanda umufwile, 'Ahabhalaga ahinji, kulabha kuti amwavwa, ahatiji ufumwe uwamulo umulungu wanu aleshe kunjivwa.'
\v 4 Insiku inyinji zihashila ahajendelela kuhana kumwavwa pe kuwumalilishilo ahayisibha mu moyo wakwe, 'Shepope intakumwogopa Umulungu awe kusajila abhandu,
\v 5 Ilelo kunongwa ye umufwile unu akunjivwa nhani ishi intifumwe uwamulo kumwavwa, inga aleshe kunjivwa winza."

\v 6 Pe umwene ahati, 'Tejelevwa she abhombile uhakimu ula.
\v 7 Ishi Umulungu atangahola kumubhombela ahinza abhasabhulwa bhakwe bhebhakumulabha shamusanya na shawunsiku? Anga, habha kubhavwa?
\v 8 Inkubhabhuzya kuti atibhabhombele na lubhilo. Ishi umwana wa muntu we akugaluha munsi ahayibhalola abhantu bhebhamwitishile?'

\v 9 Pe ahabhabhuzya kushilolanyo abhantu bhebhakulolaga kuti bhahondeye na kubhasholanya abhantu abhanji,
\v 10 "Abhantu bhabhili bhabhalile kuputa mwilinga: umo amile Mufarisayo uwamwabho msonshizya nsonho.

\v 11 Umufarisayo ahaputa ishinunu ahati, 'Mulungu, inkusalifwa kunongwa ye ine intali anza bhantu abhanji, anzu umusonshezya nsonho unu. Ine inkuyima kulya habhili kumalungu.
\v 12 Inkufumwa imfinjile muvintu vwani vwonti. '

\v 13 Ilelo umusonshezya nsonho, ayimile ukutali asuhamiye pasi atahalinjizya pope kwenya kumwanya, ahayihoma pa shifubha shakwe ahati, 'We Mulungu, undolele ishisa ine ne wimbibhi.'
\v 14 Inkubhabhuzya kuti ahagaluha kuhaya atuyiliwe imbibhizyakwe uwa mwabho ula atahatuyiwa hala, kunongwa ye umuntu wowonti we akuyizuvwa ahayimwisya, wakuyisya ahayimuzuvwa. '

\v 15 Abhantu bhahamletela bha abhansi kuti abhasaye, abhalandati bhakwe webhalola shinisho, bhahabhalongana.
\v 16 Pe u Yesu ahabhabhilishila kukwakwe bhaleshe, "Abhana abhansi bhinze kukwani lashi mtabhadindaje nhala. Uwumwene wa Mulungu wakwanza abhantu bhebhali inza bhana abhansi.
\v 17 Nalyoli inkubhabhuzya, umuntu wowonti watakumwitiha Umulungu anza umwana umunsi atangahola kwinjila nga heka mu wumwene wa Mulungu. '

\v 18 Umupiti umo ahamubhuzya, ahati, "Wemumanyizyi, 'Umwinza, imbombe ilyoni kuti inhaposhele uwumi uwa wila?'
\v 19 U Yesu ahamwamula ati, 'Honi he ukumbuzya kuti ne mwinza? Atalipo we mwinza, lyoli Umulungu mwene.
\v 20 Uzimanyile indajizyo zye zikuti, utahabhembushe, utahagoje, utahibhe, utahafumwe uwuketi uwilenga, umushindishe, u Yise waho nunyina waho.
\v 21 Uwene ahati, "Indajizyo zinizyo zyonti nzilemile kufuma kuwana wani. '

\v 22 U Yesu we ayivwa ganago, '"Ahamubhuzya ahati. Ubhulililwe na hantu heka bhalaga ukazye vwonti vwe ulunavyo uhabhagabhile abhapina pe utibhe na vwe usenguye kumwanya inga pe uyinze undandata.'
\v 23 Udumbwe wayivwa ganago, ahasungma nhani, kunongwa ye amile ni shuma ishinji.

\v 24 U Yesu, we amulola kuti asungama ahati, "Abhadumbwe inhayibha pagomu kwinjila kushina mwene sha Mulungu!
\v 25 Amayimba gi ngamila kushila mu haziaha insindanu, mansi kushila udumbwe kwinjila mushina mwene sha Mulungu.'

\v 26 Bhe bhivwizye ganago bhahati, 'Wunanu we, angatulwa?'
\v 27 U Yesu ahabhabhuzya ahati, 'Zye abhantu bhakupotwa kwa Mulungu zi kubhombeha."

\v 28 Pe u Petro ahamubhuzya, 'Itwe tuvileshile vwonti tukulandatile iwe. '
\v 29 U Yesu ahati, 'Inkubhabhuzya, kuti umuntu wowonti we aileshile inyumba, yakwe awe umushi wakwe, kunongwa ya wumwene, wa Mulungu,
\v 30 Wuuyo we akuposhele ivwinji kushila vwe, habhili ahayiposhela uwumi uwawila na wila. '

\v 31 Ahabhega ishumi na bhabhili, ahabhabhuzya ahati, "Yenya, tukubhala ku Yerusalemu, zyonti zye abhakuwi bhasimbile ku zya mwana wa muntu zilibhombeshe.
\v 32 Ahayitwalwa kubhantu ipo bhahayimusholanya na kumuliga na kumuswila amati.
\v 33 Habhili bhahayi muhoma ni sambogo na kumugoga isiku ilya watatu ahayizyula. '

\v 34 Bhatahazyaganya angazyeka zye ahabhabhuzyaga, bhafisiwe amazwi ganago bhatahamanyile hakulonga.

\v 35 U Yesu we apalamila ku Yeliko, umuntu umo we atahalolaga amiso ayi haye pambali pidala ahalabha kuti bhamwavwe,
\v 36 We ayivwa abhantu abhinji bha kushila ahabhuzilizya kuti nhoni hafumila.
\v 37 Bhahamubhuzya kuti u Yesu uwa kunazareti akushila.

\v 38 Pe ahabhilishila ahati, We, 'Yesu, mwana wa Daudi, undolele ishisa.'
\v 39 Bhalabhebhahajendaga bhala muhajila kuti apume ilelo uwene ahonjezya kumubhilishila nhani ahati. We mwana wa Daudi, undolele ishisa.

\v 40 U Yesu ahimilila ahalajizya kuti bhamulete kukwakwe. Umufwe amiso ula, u Yesu ahamubhuzilizya ahati,
\v 41 Ukwanza inkubhombele lyoli?' Ahati, 'Wemwene, ikwanza kulola.'

\v 42 U Yesu ahamubhuzya ahati, 'Uyande kulola. Ulwitiho lwaho lwe lwakuponia. '
\v 43 Ahabhalilo hanaho, 'Ahanda kulola, ahamulandata u Yesu kumo akumupala Umulungu. Abhantu webhazilola zinizyo bhope bhahamupala Umulungu.

\c 19
\cl Omlyango ugwa 19
\p
\v 1 U Yesu ahinjila munhaya iya mu Yeriko.
\v 2 Panapo pamile nu muntu webhahatinji u Zakayo. Amile mupiti wa bhasoshezya nsonho habhili amile wudumbwe.

\v 3 Ahanzaga kumulola u Yesu kuti ali bhuli bhuli, ilelo ahapotwa kumulola kunongwa ye amile mufupi.
\v 4 Pe, ahabhala kwilongolela kumpuga ya bhantu, ahazubha mwikuyu, inga amulole u Yesu we akushila pala.

\v 5 U Yesu we afiha paala, ahenya kumwanya ahamubhuzya ahati, 'Zakayo, yiha nalubhilo kunongwa ye umusanyunu ikwanzi wa imbe munyumba yaho.'
\v 6 Ahiha na lubhilo, ahamulanjila kuluseshelo.
\v 7 Abhantu bhonti we bhalola, bhanda kuyibhuna, bhahati, 'Honi abhala kwa muntu umubhomba mbibhi.'

\v 8 Uzakayo ahimilila ahamubhuzya umwene, we mwene ishi, ivintu vwani, intigabhala nye pakasi, vimo intibhape abhapina, wope umuntu wimwibhiye ahantu hakwe intimugalu shizye hani. '
\v 9 U Yesu ahamubhuzya ahati, 'Umusanyunu, uwuposhi winza munyumba ini, kunongwa ye umuntu unu wope wa shiholo sha Ablahamu.
\v 10 Kwekuti umwana wa muntu ayinzile kwanza na kupoha abhantu bhahatejile. '

\v 11 We bhivwe izyo, pe ahabhabhuzya kushiholanyo, kunongwa ye apalamiye kufiha ku Yerusalemu, bhahasibhaga kuti umwene wa Mulungu wupalamiye.
\v 12 Ahati alipo mushiholo, 'Isha mwene we ashulile kubhala insi iya kutali kuti aposhele uwupiti inga agalushe.

\v 13 Ahabhabhili shila abhatumwa bhakwe ishumi, weka weka ahabhapa inhela inyinji, "Ahati chululuzwaji ihagaje zyonjeye.'
\v 14 Ilelo abhantu abhi nsi yakwe bhamupatile, 'Pe bhahasontelezya abhantu bhamulandate kunsi yila iya kutali bhabhale bhalonje bhati. Tutakwanza umuntu unu abhe wumwe witu.'
\v 15 Pope she bhalonjile linilyo ashitiwa kubha wumwene witu we agaluha ahabhili shila abha tumwa bhala bhamabhapinye inhela kuti amanye kwa weka weka ayonjezizye zilinga.

\v 16 Uwa kwanda ahinza ahati, We, "Mwene, inonjezizye izyamwabho ivi lundo ishumi. '
\v 17 Umwene ula ahamubhuzya ahati, ahinza, iwe, we mutumwa umwinza. Kunongwa ye wamile we mushindamu muntu ivinsi nhani, intikupe kutabhala inhaya ishumi.'

\v 18 Uwa wubhili ahinza, ahati, 'Mwene, inonjezizye izyamwabho, ivilundo visanu. '
\v 19 Umwene ula, ahati, 'Niwe inkukupa kutabhala inhaya zisanu.'

\v 20 Uwamwabho ahinza ahati, 'Wemwene Yega inhela zyaho zye wandesheye izi ipa, na zisenguye ahinza mushitambala,
\v 21 Nakwogopile, kunongwa ye iwe wemuntu umuhali. Ukwega vwe utabhishile ukuyebhela vwe utawalile. '

\v 22 Umwene ula ahati, 'Iwe we mutumwa umubhomba mbibhi, ishi inkukupa ulufundo kumazwigaho ge walonga. Wamanyile kuti ine ne muntu umuhali nhani, ikwega vwe intalimile, habhili inkubhuganya vintu bhishile.
\v 23 Ishi, honi utabhishile inhela zyani kubhe bhakwonjezya, kuti ineje peka nizya pamwanya zye zyonjeye?

\v 24 Pe ahabhabhuzya abhantu bhe bhimiliye pala, 'Unumweje inhela zyakwe mumupe we ayonjezizye izyamwabho ishumi.'
\v 25 Bhahamubhuzya bhahati, 'Wemwene, ali nizyamwabho ishumi. '

\v 26 "Ahati, inkubhabhuzya kuti, umuntu we akubhombela ahinza he ali naho, bhahayimwonjezya ivwamwabho
\v 27 ilelo we atakusajilaga she alinasho shope shinisho ahayifwulilwa. Peka na zinizyo, bhalete abhalugu bhani bhala bhebhatanzaga ine imbe ne mwene wabho, mubhagpje pilongolela yani."

\v 28 We alonga ganago, ahajendelela kubhala ku Yerusalemu.

\v 29 Wapalamila pa Bethfage na Bethania, mwigamba ilya Mizeituni, ahabhasontelezya abhalandati bhakwe bhabhili,
\v 30 Mubhale: muhaya he hala papipi yinyu. Wemukwinjila mula mutiyilole inyama yindogomi, nkunjile ye numo atalinjile kuyipanda, muyisatule, muyilete kukwani.
\v 31 Anga umuntu akubhabhuzilizya kuti, 'Honi mukuyisatula? 'Muti, "Umwene akuyanza."

\v 32 Bhahabhala bhahahozya zyonti she u Yesu abhabhuzye.
\v 33 Webhakuyisatula inyana yila iyi ndogomi, "Abhanesho bhahabhabhuzya bhahati honi he mukuyisatula inyana yindogomi?'
\v 34 Bhahabhabhuzya bhahati, "Umwene akuyanza. '
\v 35 Pe, bhahamutwalila u Yesu, bhahala amenda gabho pa mwanya pa ndogomi bhahamu zuvwa u Yesu.
\v 36 Wakubhala abhantu bhahalaga amenda gabho mu mbalabala.

\v 37 We alipapi kwiha igamba ilya Mizeituni, ishipuga shonti ishabhalandati bhakwe bhahaseshela, bhahandakumupala Umulungu kunongwa iya vilolesyo, Bhahatinji,
\v 38 'Ayimishilwaje umwene we akwinza kwitawa lya Mwene! Uwutenganu kumwanya nuwumwamu kumwanya!'

\v 39 Mupuga yila bhalipo abhaAbhafalisayo bhanji bhahamubhuzya, Mumanyizyi, bhalongane abhalandati bhalo. '
\v 40 U Yesu ahati, inkubhabhuzya kuti, 'Inga ibhabhapuma amawe igo gatilonje inhani. '

\v 41 U Yesu wapalamila inhaya ahalila,
\v 42 Ahati, hani wamanya umusanyunu zye zi kwanziwa kubhomba kuti ubhe nuwutengamu! Ishi zifisilwe pamiso gaho.

\v 43 Munsiku zye zyikwinza abhalugu bhaho bhahayizega ulubhaga kuzyungulizya inhaya yaho yonti. Bhahayikugwisya pasi iwe na bhanabhaho.
\v 44 Tebhahakuleshele ni we lye lihayisyala pamwanya pa lyamwabho kunongwa ye utanzaga kumanya ahabhatilo huMulungu akukuletela uwuposhi.'

\v 45 U Yesu ahinjila mwilinga, ilyi nyumba imfinjile ahabhabhinga bhebhakukazya,
\v 46 Ahabhabhuzya, "Yisimbilwe, "Inyumba yani yihayibha nyumba ya kuputila, 'Ilelo imwe muyigalulanyinye kubhangwenya ya bhabuda."

\v 47 Pu, Yesu ahabha akumanyizya insiku zyonti munyumba ifinjile. Abhapiti abhayahudi bhahabha bhakwanza idala ilya kumugoga,
\v 48 Ilelo bhahapotwa, kunongwa ye abhantu bhonti, bhahalemaga ahinza amazwi.

\c 20
\cl Omlyango ugwa 20
\p
\v 1 Isiku limo, u Yesu ahamanyizyaga abhantu mu nyumba imfinjile, na kubhalumbilila izya Ntumi nyinza abhaputi abhapiti abhamanyizyi abhindajizyo bhahamu bhalila.
\v 2 Bhahamubhuzya bhahati, 'Tubhuzye ukubhomba zinizi ku maha goni? Wunanu we akupiye amaha ganago?"

\v 3 Ahabhabhuzya, ahati, 'Nine inkubhabhuzilizya kuti. Mumbuzye.
\v 4 Amaha ga Yohana. Aga, kwozya abhantu wunanu wa mupiye wu mulungu amupiye awe bhantu bhamupiye? '

\v 5 Pe bhahabhuzilizanya bhibho bhahati, inga, 'Twati, 'Wu Mulingu amupiye, 'Atata, honi hemutahamwihaga?'
\v 6 Ilelo inga twati; bhantu bhamupiye bhonti ibhabhatituhome namawe kunongwa ye bhitishile kuti u Yohana amile mukuwi.' '

\v 7 Pe bhahamwamula bhahati tutamanyile kwe gafumile.
\v 8 U Yesu ahabhabhuzya ahati, '"Nine intakubhabhuzya kuti wunanu ampiye amaha aga kubhomba zinizi."

\v 9 Ahabhabhuzya abhantu ishihola nyo ishi, "Alipo umuntu umo we awalile amazabibu, mushizi shakwe ahabhabhiha abhalimi, wene ahashula ahabhala munsi iya kutali kunukwo ahihala amaha aminji.
\v 10 Ahabhalilo aha kutungula we hafiha ahamusontelezya umutumwa wakwe kubhalimi bhala kuti bhamupe izabibu, zimo zyebhatunguye mushizi shakwe ilelo waafiha abhantu bhala bhaha muhoma na kumubhinga ahagalula inyobhe - nyene.

\v 11 Ahamu sontelezya uwamwabho wope bhaha muhoma na kumubhombela zyezitahondeye ahagaluha inyobhe bhulo.
\v 12 Ahamusondelezya uwa wutatu wunuyo wope bhahamuvwalazya bhahamusumba kunzi.

\v 13 Umwanesho uwishizi ahati, 'Intibhombe lyoni? Intimusontelezye umwana wani umuganwa. Pamu webhatimu shindishe.'
\v 14 Ilelo abhalimi bhala we bhamulola, bhahabhuzanya, bhahati, 'Wunanu we atipwanile ishizi ishi. Ishitumugoje, kuti uwugali wakwe wubhe witu. '

\v 15 Bhahamu kwesela kunzi kushizi. Bhahamu goga ishi umwanesho uwashizi ahayibhabhomba ilyoni?
\v 16 Ahayiza kubhanyazya ishizi shinisho ahayibhapa abhaji ".'webhivwa amazwi ganago bhahati, 'Ganago gatafumile nga heka.

\v 17 U Yesu ahabhenya, ahabhabhuzilizya ahati, "Ishi uwusimbe uwu kwekuti bhuli? ' Iwe lye bhalisitile abhazenji, linilyo lyelyabha liwe lya pambali'?
\v 18 Umuntu wowonti i nga agwila pi we linilyo, ahiyipwote nhana habhili we lya mulendela, lihayimutinzanya wonti. '

\v 19 Pe abhamanyizyi abhi ndajizyo na bhaputi abhapiti pe bhahanzaga kumulema papala ilelo bhahogopaga impuga iya bhantu.
\v 20 Bhahamwenya ahinza, bhahasontelezya abhantu bhe bhahayibhiha ngati bhana lyoli kuti bhinanjizye, kuti bhamutwele kwa mwene.

\v 21 Pe bhahamubhuzilizya, bhahati, "Mumanyizyi, yumanyile kuti ukulonga na kumanyizya izya nalyoli, kuti bhalandataje zye Umulungu akwanza.
\v 22 Bhuli, indajizyo zyamusa zikwitishizya awe zikuhana kufumwa insonho kwa mwene ukaisari,?"

\v 23 ilelo u Yesu ahamanya kuti bhamutejeye bhabhuzya ahati,
\v 24 "Mundanje inhela iyi dinali. Ipicha ini nitawa ili vwa nanu?" Bhahati, "Vwa kalisali."

\v 25 Ahabhabhuzya ahati, 'Ishi, ivwa kalisali, mumupanje ukalisali, ni vwa Mulungu mupanje Umulungu.'
\v 26 Bhahaswiga nhani uwa mulo wakwe bhahapuma mye bhahapotwa apa kwandila kumusitaka kunongwa ya mazwi ge ahalonga pilongolela pa bhantu.

\v 27 Abhasadukayo bhahamubhalila, bhala bhebhakuti abhafwe te bhahazyushe,
\v 28 Bhahanubhuzilizya, "Mumanyizyi, u Musa atusimbiye indajizyo kuti inga umuntu umusahala afuye amuleshile umushi wakwe atali nu mwana yihondeye kuti umugalaje umufwile ula inga umupapile abhana.

\v 29 Ishi bhalipo abhantu saba bhe bhamile bhana bhayise wakwe, uwakwanda ahafwa sita kuleha abhana,
\v 30 Uwa wubhili shinisho.
\v 31 Uwa wutatu ahamugala wope ahafwa.
\v 32 Wope atahaleha umwana numo.
\v 33 Ishi inga kulipo kuzyuha kubhafwe ahayibha mushi wananu? Kubhasahala bhala saba.'

\v 34 U Yesu ahabhabhuzya ahati, "Abhantu bhamu habhalilo iha bhakwega na kwegwa.
\v 35 Abhantu bhe Umulungu akulola bhahondeye kuti abhazyusye kufuma kubhafwe bhanabho te bhahegaje awe kwejelwa winza.
\v 36 Peka na linilyo te bhahafwe abhahabhizya bhakubha bhana bha Mulungu kunongwa ye bhazyushile kufuma ku bhafwe.

\v 37 Wope u Musa alonjile kuti abhafwe bhahayizyuha, alonjile linilyo muwusimbe umfinjile mushisyeta she shihahaga umwoto.
\v 38 Umulungu atakubhabhilishila abhafwe kumpata, wene yoli bhe bhumi, kwe kuti kukwakwe abhantu bhonti bhumi."

\v 39 Pe abhamanyuzyi na bhindajizyo bhahati, 'Walonga, zinizyo.'
\v 40 Kwandila panapo bhahabha bhakwogopa kumubhuzilizya.

\v 41 Pe uYesu ahabhabhuzilizya ahati, "Bhulibhali abhantu bhakuti ukristi mwana wa Daudi?
\v 42 U Daudiwuyo asimbile mushitabu isha Zabuli: Umwene ahamubhuzya umwene wani:
\v 43 Ati yihala kulubhazu ulwi nyobhe indilo, Kufishila pe inti kwavwe ubhatole abhalugu bhaho na kubhatabhala.
\v 44 'U Daudi amuteshile Ukristi kuti, 'Wumwene, wakwe angabha mwana wakwe bhulibhuli?"

\v 45 Abhantu bhonti bhebhahamutejelezya bhahabhabhuzya abhalandati bhakwe,
\v 46 Mubhe amiso na bhanyizyi, bhebhakujenda ku mabado we bhakwatile inkanzu, kuti abhandu bhabhalamuhaje kulushindiho mumadala, bhali mwisinsgogi, bhakwanza kwihala mumatengo aga pilongolela.
\v 47 Bhope bhakufwula kuwushevu ivintiu vwa bhafwile, abhene bhakuputa imputo intali bhahayibha ulufundo ulupiti. '

\c 21
\cl Omlyango ugwa 21
\p
\v 1 U Yesu ahabhalola abhadumbwe bhahafumwaga ifinjile zyabho mushililo isha kufumwizya imfinjile.
\v 2 Ahamulola umufwile umo umupina ahabhiha utukobheli tubhili.
\v 3 Nalyoli inkubhabhuzya, "Umfwile unu umupina, we afumizye apapiti kushila abhanji ibho bhonti.
\v 4 Ibha bhafumizye muvintu vwaho ivwinji. Ilelo umufwile unu muwupina, wakwe, afumizye vwonti vwamile vwa kumwavwa muwihalo wakwe."

\v 5 Bhahalongaga izyu nyumba imfinjile she yazenjilwe na mawe aminza, peka nivintu vwe vikusungusya vwe bhafumizye, ahati,
\v 6 "Ganago gonti ge mukugalola ishi zihzyinza insiku zye te lihaloleshe iwe nalimo pamwanya pa lyamwabho gonti gahayipongolwa."

\v 7 Bhahamubhuzilizya, bhahati, "Mumanyizyi, ganago gahayifumula lino? Habhili shilolesyo shoni she shihayitusimishizya kuti zili papipi kubhombeha?"
\v 8 U Yesu ahabhabhuzya, "Mubhe amiso kuti mutahinze muhopelwe. Kunongwa ye abhinji bhahayinza kutawa lyani weka weka ahayitinji, ine na kristi ahabhalilo halipapipi mutahabhalandata.
\v 9 we mwivwa intumi izyibho nu wunanganyi mutahogopaji, pope ganago gahayilolehasuti ahabhalilo nyene aha kumpelela hahayibha hashili."

\v 10 Ahendelela kuti, "Insi zihayilwanga ni zyamwabho, uwumwene wahayilwanga nuwamwabho.
\v 11 Imbali zimo kuhayibha iviyingayinga, iviwanya ivwa kwambushila ni inzala kuhayibha ivintu ivwa kwogofya ni vilolesyo kufuma kumwanya.

\v 12 Zinizyo we zishili kufuma bhahayibhalema, na kubhayimvwa bhahayibhatwala mumasinagogi na kubhakunga kwijela, bhayibhatwala kubhamwene na kubhantu na kuti mulongwe kunongwa yita wa lyakwe.
\v 13 Ilelo hamaho he hahayibha he habhalilo kufumizya uketi.

\v 14 Ishi muleshe kutuya kuti muhayilongo lyoni,
\v 15 Kunongwa ye ine intibhape injele na mazwige muhayilonga, pakaabhalugu bhinyu bhahayipotwa kubhahana na kubhadinda.

\v 16 Habhili muhayilonjelelwa na bhapafi bhinyu na bhamwinyu, na bhaholo bhinyu na bhamanyani bhinyu, bhahayibhagoga.
\v 17 Bhahayibhavwitilwaga kunongwa ye mukundandata ine.
\v 18 Te luhateje pope ulusisi lweka mumatwe ginyu.
\v 19 Anga mwajimbilila ipo pe muhayiposhela uwumi winyu.

\v 20 Inhaya iya Yerusalemu ya bijilwa na bhebhakulwa, pe muhayimanyaga kuti kulongwa kulipapipi.
\v 21 Pe bhebhali mu Yudeya bhahashimbililaje mumagamba, bhebhali munhaya ipiti bhatahasogole bhebhali munhaya iya muvwizi bhatahagalushe.
\v 22 Kunongwa ye insiku zinizyo zihayibha zya manyimba inga mazwi gonti ge gasimbiwe gahabhombeshe.

\v 23 Bhesheleye bhebhahayibha pa wumwamu! Na bhebhakwonsya, kunongwa yebhahayiyimba abhantu ibhahabhalilo inha.
\v 24 Bhahayibhagoga ni panga bhamu bhahayibhatwala, mu wutumwa munsi inyinji inhaya iya Yerusalemu kufishila pe insiku zyabho izya kutabhala pe zihayibha zya sila.

\v 25 Vihayiloleha ivilotesyo kwizubha, kumwezi na ku nzota. Na munumu munsi, abhasumbi bhahayibha na mabhilingwa amapiti kuhayibhobhiha, amanyimba ni lyogo.
\v 26 Ganago gonti, we gakwinza munsi abhantu bhahayihatamba mumwoyo kunongwa ya kwogopa nhani ivintu ivwa kumwanya vihayiyinga.

\v 27 Pe bhahayimulole umwana wa muntu akwinza mumabhingo kumaha nu wumwanu.
\v 28 We gakwanda kubhombaha, muhabhaje nu lusubhilo kunongwa ye ganago gahayilolesya kuti Umulungu ali apapipi."

\v 29 U Yesu ahabhabhuzya ishiholayo ahati, "Yenya ikwi, ilyamutiti na aganji.
\v 30 Weganda kutefuha, mukumanya kuti ishi sanya shilipapipi.
\v 31 Sheshinisho wemukuzilola zinizyo mumanye kuti uwumwene wa Mulungu wali papipi.

\v 32 Nalyoli, inkubhabhuzya kuti, ahabhalilo inhate bhfwe paka zinizyo zyonti zitibhe zya bhombeha.
\v 33 Kumwanya na pasi vitishile, ilelo zye zyalongwa mumazwi gani tesihashile.

\v 34 Mubhe amiso, kuti mutahalemewe, nuwumwezi namanyimba aga munsi umu insiku ilyakumpelela lihayizya kwangugandusya.
\v 35 Anza ishitego. Kunongwa ye isiku linilyo lihayibhizila abhantu bhonti, munsi zyonti.

\v 36 Ishi mubhe amiso, ahabhalilo honti, mumulabhaje kuti abhapanje amaha kushila muzyonti, kuti muhondele kwimilila pilongolela, pamwana wa muntu."

\v 37 Shamusanya ahamanyizyaga, mwilinga ilyinyumba imfinjile, sha usiku ahabhalaga kugona mwigamba ilya Mizeituni.
\v 38 Abhantu bhonti bhahizaga shilabhila na kubha munyumba imfinjile kumutejele vwa.

\c 22
\cl Olyango ugwa 22
\p
\v 1 Ahabhalilo aha shikulukulu isha makati gegatabhishilwe uwusafu shamile papipi, shinisho bhahatinji ipasaka.
\v 2 Abhapiti bhabhaaputi peka na bhamanyizyi bhahazaga idala ilya kumugojela u Yesu, bhahabhogopaga abhantu.

\v 3 Pe usetani ahamwinjila u Yuda Iskariote, weka mubhalandati ishumi na bhabhili.
\v 4 UYuda ahabhala kubhapiti na kubhapiti abhabhaputi ahalonga nabho she atibhavwe kumulema u Yesu.

\v 5 Lihabhahondezya, nhani pe bhani ntihana kumupa inhela.
\v 6 Iwe ahasha, ahanda kwamza ahabhalilohe impuga iya bhantu kuti amulenjelele u Yesu.

\v 7 Isiku ilya makati ge gatabhishilwe uwusafu, lihafiha yihanziwanga ingole zye zyi pasaka.
\v 8 U Yesu ahamusontelezya u Petro nu Yohana, ahati, "Bhalanji mutulinganishizye ishakulya ishi pasaka."
\v 9 Bhahamubhuzilizya, "Bhahati ukwanza tulinganye kwoshi?"

\v 10 Ahabhabhuzya ahati, "Bhalaji mwinjile, munhaya, mutihomane nu musahala umo ayitwishile insonta iya minzi muhamulandataje. Muhinjile munyumba ya atayinjile.
\v 11 Pe muhamubhuzye umwanesho uwinyumba, muhati, "Umumanyizyi akubhuzilizya akuti, "Ulwabhajeni luli poshi, akwanza kulya ishikulukulu ishi pasaka peka na bhalandati bhani?"

\v 12 Atibhalanje ulupitu ulwa kumwanya munyumba injelenhanye. Munumwo mwe mutilinganye."
\v 13 Bhahafiha, bhahaga zyonti zili shishila she abhabhuzizye pe bhahalinganya. ishakulya ishi shikulukulu ishi Pasaka.

\v 14 Ahabhalilo we hafiha, ahihala kulya peka na nabhasundikwa bhakwe.
\v 15 Ahabhabhuzya ahati, "Naseshela nhani kulya ishikulukulu ishi ishi Pasaka peka nimwe, wishili kubha mumanyimba.
\v 16 Inkubhabhuzya kuti te inhalye winza, paka Umulungu abhatula mu wumwene wa Mulungu."

\v 17 Pe u Yesu ahega ishikopa, ahamusalifwa umulungu ahati yeji, "mumwele mwenti.
\v 18 Inkubhabhuzya kuti, te inhamwele winza idivai iya mazabibu, paka we umwene wa Mulungu wuhayinza.'"

\v 19 Pe ahegaikati ahamusalifwa, ahamensulanya, unu we mubhili wani inkufumwa kunongwa yinyu. Mubhombaje shinishi kunkumbuha ine."
\v 20 Ahega ishikopa ishi sha lufingo ulupwa, "Nimwe kwidala ilya kwitiha ibhanda lyani kunongwa yinyu.

\v 21 Ilelo mumanye kuti we akwanza kundojelela, tukulya peka nawo panapa.
\v 22 Kwekuti umwana wa muntu bhatibhale kumugoga. Anzashulu bhatiho bhabhishile ilelo asheleye umuntu wunuyo we akumulenjelela!"
\v 23 Bhahanda kubhuzilizanya bhibho na bhibho kuti wunanu mushipuga shabho we atibhombelinilyo.

\v 24 Bhahanda kudalinhana kuti wunanu mubhibho we mupiti.
\v 25 Ahabhabhuzya ahati, "Abhamwene abinsi bhakutabhala abhantu bhabho kumaha, ilelo umwene wabho bhakuyiteha kuti, bha shisa kubhantu.

\v 26 Ilelo imwe mutahashele kubhomba shinisho lyoli umuntu we mupiti kukwinyu. Wunuyo abhanje ngati munsi kubhonti, we akulongozya. Abhanje ngati muntu wa kubhombela abhanji.
\v 27 Ishi umupiti wunanu, we akwikala kulya isha kulya awe ula we akubhombela abhanji? Bhuli te wuwula we akwihala kulya isha kulya? Ilelo ine indi peka nimwe indi ngati muntu we akubhombela abhanji.

\v 28 Ahabhalilo honti ahi ndingo zyani imwe mwe mwamile nine.
\v 29 Ishi inkubhapa amaha aga wumwene wani anza she utata ampiye kutabhala,
\v 30 Pe muti lyanje na kumwela nine muwumwene wani. Habhili mwihale mumatengo aga shina mwene kubhalonga abhantu iviholo ishumi na bhibhili ivwa bhaisilaeli.

\v 31 Simoni, Simoni, umanye ahinza kuti, usetani amuhalabhile na kugulusya anza ngano.
\v 32 Ilelo inkukulabhila, kuti utahinze uleshe ulwitiho ilelo we wangalushila ine. Uhabhagomwe abhamwinyu."

\v 33 U Petro ahamwamula ahati, "Wemwene, ine injifumizye kukungwa mwinjele pope yibhe ya kufwa."
\v 34 U Yesu ahamwamula, "Ahati, Petro, inkukubhuzya kuti inhanda we yishili kubhilishila, uti bhe wahana hatatu kuti utamanyile."

\v 35 We nabhasontelezya sita nhela, awe imbugulu awe ivyakulya, mwabhuliliwe ahantu hohonti?" Bhahati "Hala."
\v 36 Ahabhabhuza ahati, "Ishi inga, umuntu alini mbugulu, ayeje. Wope watali ni panga, akazye ikoti lyakwe akale lyeka.

\v 37 Kunongwa ye yisimbilwe kuti, abhazililwe na bhabhomba mbibhi, 'Ishi inkubhabhuzya kuti ganago ga kwanziwa gabhombeshe." Bhahamubhuzya bhahanti, "Wemwene, yeya! galipo amapanga gabhili."
\v 38 Ahati mutajendelele kulonga inongwa izya kwila." Pe u Yesu

\v 39 Pe u Yesu ahasogola, ahabhala kwigamba ilya Mizeituni, anza she yamile mwata yakwe abhalandati bhakwe bhahamulandata.
\v 40 We bhafiha, ahabhabhuzya ahati, 'Muputaje kuti indingo zitahabhatole."

\v 41 Ahabhala pilongolela hashe, uwutali uwa kusumba iwe, ahasugamila ahaputa,
\v 42 We, "Tata, inga uyiganile, unefwezye ishikopo ishi. Ilelo zitabhombeshe anza she inkwanza ine, lyoli zibhombeshe anza she uyiganile wunewe."

\v 43 Pe uhabhizya kufuma kumwanya ahamwinzila ahamupa amaha.
\v 44 Ilelo ahonjezya kuputa, kunongwa yamile nu wiswimilizu uwupiti, weaputa amatwinsigegali anza bhanda gahalendaga pasi.

\v 45 We aputa ahimilila ahabhala kubhalandati bhakwe, ahaga bhagonile, kunongwa ye bhamile nuwuswimilizu,
\v 46 Ahabhabhuzya ahati, "Honi he mugonile? Damushi muputa, kuti indingo zitahabhatole."

\v 47 We akulonga zyonti zinizyo, lihinza ipuga isha bhantu bhe bhalongolilwe nu Yuda, ahamusejelela u Yesu anza amutambile,
\v 48 Ilelo u Yesu ahamubhuzya ahati, "Yuda, ukumulenjelela umwana wa muntu kwa kumutambila?"

\v 49 We bhalola ganago na kumanya zyezihayibhombeha, bhahamubhuzilizya bhahati, "Wemwene, tubhadibanye na mapanga?"
\v 50 Pe umo mubhanabho ahamuhoma umuntumwa wa mupiti ahamudiba ni panga ikutwe ilya kundilo.
\v 51 U Yesu ahati, "Laha linilyo. Ahampalamasya ikutwelila ahamuponia.

\v 52 U Yesu ahabhabhuzilizya abhapiti abhabhaputi abhapiti abha bhasikali, peka na bhasongo abhabhayandi, "honi hemwinzile namapanga ni ndugu, ngati mwinzile kumulema umubuda?
\v 53 Insiku zyonti twabhanga peka munyumba imfinjile, honi mutandemaga ilelo iha he habhalilo hinyu. He atabhalaye umwene uwa hisi."

\v 54 Bhahamulema, bhahabhala, nawo munyumba ya muputi umupiti. UPetro ahalandataga ukutali.
\v 55 Bhahapemba umwoto wope, u Petro ahasetejelela ahihala peka nabho.

\v 56 Ilelo we uluhozyo ulwa mwoto lwalama umubhombi umo umulindu, ahamulola u Petro ayihaye ahamwenya ahinza, "Ahati wope unu amile peka nawo."
\v 57 Ilelo u Petro ahati, wu mwantanda, iwe, uli na malenga ine intamumanyile."
\v 58 Pilongolela hashe, umuntu uwamwabho ahamulola ahati, "Niwe bhulo uli peka na bhala."U Petro ahamwamula ahati, "Wumuntu, iwe ine intali peka nabho."

\v 59 We yatuha isala yeka, umuntu uwamwabho ahazemeshezya ahati, "Nalyoli umuntu unu amile peka nawo, kunongwa ye wope Mugalilaya."
\v 60 Ilelo u Petro ahati, "wumuntu iwe."Zinizyo zye ukulonga ine intazimanya, papala we akulonga, inhanda yihabhilishila.

\v 61 Umwene, UYesu ahagalunhana, ahamwenya u Petro. Pe u Petro ahakumbuha amazwigalage u Yesu, amubhuzizye, "Kuti umusayunu we inhanda yishila kubhilishila, utibhe wa nhana hatatu."
\v 62 Ahafuma kunzi, ahalila amansozi gahiha nhani.

\v 63 Abhashala bhe bhahamulindililaga u Yesu, bhahamusupizyaga na kumuhoma.
\v 64 Bhahamupinya ni shitambala kumiso, bhahamubhuzilizya bhahatinji, "Tambula twenye! Wunanu akuhoma?"
\v 65 Bhahajendelela kumuliga indigo inyingi bhulo.

\v 66 We kwasha, abhasongo, bhahalajizya. Kuti bhamutwale pilongolela pi Balaza,
\v 67 Tubhuzye, "Iwe wewe Kristi, ahabhabhuzya ahati."pope inga na bhabhuzya, "Te mwitishengaheka,
\v 68 Habhili inga na bhabhuzilizya, te mwamule nalimo."

\v 69 Ilelo kufuma isala ini, umwana wa muntu atiyihale, kumbali iya kundilo kwa Mulungu uwamaha gonti."
\v 70 Bhonti bhahati, "Kwekuti iwe we mwana wa Mulungu?" U Yesu ahabhamula kuti, "Imwemwe mukuti ine ne nene."
\v 71 Pebhahati, "Tukwanza washiuwa keti? Kunongwa ye itwe tunetwe twivwa izwi ili kufuma mwilomu lyakwe wuyo."

\c 23
\cl Omlyango ugwa 23
\p
\v 1 Abhapiti bhonti bhahimilila, bhahamutwala u Yesu pilongolela kwa Pilato.
\v 2 Bhahanda kumusitaka bhahatinji, 'Twamulile umuntu unu akumanyizya zye zikubha songanya abhinsi yitu, bhatatinihaje isilikali, kufumwa insobho kwa kaisali, habhili akuti uwene wu kristi, umwene."

\v 3 U Pilato ahamubhuzya ahati, "Bhati iwe we wene wa bhayahudi?" U Yesu ahamwamula ahati, "Iwe we walonga linilyo."
\v 4 Pe U Pilato ahamubhuzya umupiti wa bhapiti mupuga ahati, "Intakulola uwubhibhi kwa muntu unu."
\v 5 Bhahazemezya bhati, "Imanyizyo zyakwe zikusongsnys abhantu asasizye imanyizyo insi ini yonti iya Yudeya, Kugalilaya ayinza afika uku."

\v 6 U Pilato we ayivwa ganago, ahabhabhuzilizya she umuntu wa ku Galilaya?
\v 7 We amanya kuti akufuma muwumwene uwa Herode, ahamutwala kwa Herode, u Yesu kunongwa ye amile panapo pa Yerusalemu.

\v 8 U Herode we amulole u Yesu, ahaseshela nhani kunongwa ye insiku inyinji ahanzaga kumulola. Ishi ahasubhilaga kuti ayilolele wuyo amayele ge angahola kubhomba.
\v 9 Pe u Herode ahamubhuzya u Yesu amazwi aminji, u Yesu atahamwamula nalimo.
\v 10 Abhapiti abha bhaputi na bhamanyizyi bhanda kumusitaka kuwuhali.

\v 11 U Herode na bhalugu bhakwe bhahanda kumusupizya, na kumwangalizya, bhahamukwatizya amenda agi togo, pe ahamugalusya u Yesu kwa Pilato.
\v 12 U Herode nu Pilato bhahabha bhamanyani kufuma insiku ilyo, she palusalo bhamile muwulugu.

\v 13 U Pilato ahabhabhunganiha, abhaputi nabhasongo peka ni mpuga ya bhantu,
\v 14 Ahabhabhuzya ahati, "Umuntu unu na mubhuzilizya pilongolela yinyu intalola uwubhibhi ngaweka kukwakwe.

\v 15 Wope, u Helode atalola litalipo nalimo lye abhombile lye linga hondezya kuti bhamugoje.
\v 16 Ishi ahomwe inti musatulile. Yamile mwata isiku ilyi shikulukulu ishi pasaka
\v 17 u Pilato kumwigulila umukungwa weka.

\v 18 Bhonti bhahazingula ishongo peka bhahati, "Tukwanza atusatulila U|baraba!"
\v 19 Ubaraba akungilwe mwijela kunongwa ye amabhombile ipiti munhaya na kugoga.

\v 20 Upilato ahanzaga kumusatulila u Yesu.
\v 21 Ilelo abhene bhahonjezya kuzingula, kuti, "Muhomele, muhomele."
\v 22 Ahalonga nabho winza aha wutatu, "Kuti ahomelwe kulyoni? Umuntu unu abhombile libhibhi lyoni. Ine intalilola nalimo lye lingahondela kumugoga ishiahomwe pe inti musatulile."

\v 23 Bhahonjelezya kuzingula nhani, bhahanzanga ahomelwe. Ishongo shabho shihitishilwa.
\v 24 Pe u Pilato ahamula kubhomba anza she bhakwanza.
\v 25 Ahamusantulila we bhahondelilwe nawo, wamakungiwe kungiwe kunongwa yibho na kugoga. Ilelo ahabhapa u Yesu kuti bhabhombe anzashe bhakwanza.

\v 26 Bhahahomana, nu muntu we bhahatinji u Simoni uwa mu Ukilene, afumile kuvwizi, bhaha mupimbizya ishihobhe nhanyo, ahashipimba ahamulantanda u Yesu kulusalo.

\v 27 Nimpuga iya bhantu, mukasi bhalipo abhantanda bhahamulandata, bhaha swimilila.
\v 28 Ahabhagalunhanila, u Yesu ahabhabhuzya, bhantanda abha mu Yerusalemu, muleshe kundilila lyoli, mulilaje kunongwa iyawihalo winyu na bhana bhinyu.

\v 29 Mumanye, ahinza kuti insiku zye zikwinza, "Bhayiti kwashi bhebhaluji, nabhebhatapapile na kwosya.
\v 30 Pe bhahayibhuzyaga amagamba kuti, "Mutugwile utugamba utunsi tunsi, 'Tugushile.'
\v 31 Kunongwa ye anga bhakubhomba shinishi, we ikwilibhisi, yitibhe bhulibhuli ikwi lyumu?"

\v 32 Abhasahala bhabhili, abhabhomba imbibhi, bhahatwalwa peka kubhahomela.

\v 33 Webhafiha pebhahatinji pi Fupa ilyitwe, pebhaha muhomela, peka nabhabhomba mbibhi bhabhili umo kumbali iy kundilo, uwamwabho kumbali iya kumwongo.
\v 34 U Yesu ahati, "Tata, ubhatuyile, zye bhakubhomba."Bhata zimanyile, bhahagama amenda gakwe, kwidala ilya kuhoma ikula.

\v 35 Abhantu bhahimilila pala bhahenyaga, abhapiti bhahanda kumwangalizya, "Bhahati atulaga abhanji, ishi inga wu kristo umusabhulwa wa Mulungu, ayitule wuyo."

\v 36 Abhasikali bhope bhahamwangalizya,
\v 37 bhahamu sejelela na kumupa idivai ye nsuye, Bhahatinji, "Anga we mwene wa bhayahudi yitule wunewe"
\v 38 Pamwanya yakwe pamile pe pasimbilwe amazwi ge gakuti "UNU WE MWENE WA BHAYAUDI."

\v 39 Weka mubhomba mbibhi bhala ahamuliga ahati, "Iwete we Kristi? Yiposhe wunewe nitwe"
\v 40 Ilelo uwa mwabho ula ahamuhajila ahati, "We utakumwogopa Umulungu, twenti tulongilwe shiholo sheka?
\v 41 Itwe tuhondeye kuposhela ulufundo ulu kunongwa iyimbibhi zye tubhombile, ilelo unu. atabhombile ibhibhi na nalilo."

\v 42 Pa hati, "We Yesu, ukumbushe weukwinjila mu wumwene waho."
\v 43 U Yesu ahamwamula, "Ahati, inkukubhuzya kuti, umusayunu utibhe peka nine kushinamwe."

\v 44 Kwandila isala iya mutanda, kufiha mu saa tisa ahisi hagubishiye insi yonti,
\v 45 Izubha litahalama. Igolole lihadebuha pabhili kufuma kumwanya kwiha pasi.

\v 46 Ahalila nhani ati, u Yesu ahati, "Tata nabhiha uwumi wani mu yobhe zyaho, "We alonga gangago ahafwa.
\v 47 Umupiti walola zye zyabhombeha ahamupala Umulungu ahati, "Nalyoli umuntu unu amile mugolosu."

\v 48 Abhantu bhonti bhebhabhunganile pala we bhazilola zye zya bhombeha, bhahagalula bhahayihoma ku vifubha vwabho.
\v 49 Habhili bhe bhamanyani bhakwe, peka na bhantanda bhe bhahamulandataga kufuma ku Galilaya, bhimiliye ukutali bhahenyaga zye zikubhombeha.

\v 50 Alipo, we bhahatinji wu Yusufu, amile weka mu bhapiti amile mugolosu nuwayoli,
\v 51 (Atitinhine na bhamwabho), kufuma Arimathaya, munhaya iya bhayaudi, ahasubhilaga uwumwene wa Mulungu.

\v 52 Umuntu unu ahamu palamila u Pilato, ahamulabha umubhili wa Yesu.
\v 53 Ahabhala kwisya, ahawisyempa nu mwenda ahamubhiha mu mbipa ye yabanilwe mumawe, bhatasyiliye umuntu nalumo.

\v 54 Isiku lyamile lisiku ilya kulinganya, isabato yamile papipi.
\v 55 Abhantanda, bhebhizile kufuma ku Galilaya, bhahamulandata, bhahayilolela imbipa na bhahalola pe bhamulambalishile.
\v 56 Bhahagaluha kuhaya bhahalinganya amafuta nu mulembo. pisiku ilyi sabato bhahatuzya anza shindajizyo zikulajizya.

\c 24
\cl Omlyango ugwa 24
\p
\v 1 Isiku ilya pa Mulungu wekwasha, bhahabhala kumbipa, bhamile na mafuta, we bhali nganyilye uwa kumupala.
\v 2 Bhahalola iwe libhungulusye lilipambali ni mbipa.
\v 3 Pe bhahinjila mukasi bhahaga umubhili wa mwene u Yesu na wumo.

\v 4 Webhakuswiga, bhahagandushilwa, bhabhili bhe bhakwatile amenda amazelu gega kumituha bhimiliye papipi nabho.
\v 5 Abhantanda bhahalemwa ni lyoga, bhahasulamiha amatwe gabho pasi, bhahabhuzya bhahati honi he mukumwanza we mwumi kubhafwe?

\v 6 Atalipo ipa, azyushile! Mukumbushe zye amalonjile nimwe weali ku Galilaya,
\v 7 Yikwanziwa umwana wamuntu atwalwemunyobhe zya bhabhomba imbibhi bhamugoje isiku ilya wutatu, azyushe."

\v 8 Abhantanda bhala bhaha kumbuha amazwi gakwe,
\v 9 Pe bhahafuma mumbipa bhahabhala kubhabhuzya bhala ishumi na weka na bhanji bhonti.
\v 10 Ishi Umaliya magedelena, u Yohana, nu Maliya unyina wa Yakobo, peka na bhantanda abhanji bhe bhamile peka nabho bhaha twala inongwa izi kubhabhomba imbombo.

\v 11 Abhasundikwa we bhivwa inongwa zinizyo bhahalola zyilenga, bhatahabhitiha.
\v 12 Ilelo u Petro ahimilila, ahabhala akushimbila kumbipipa, ahayunzama ahananjizya mumbipa, ahalola umwenda mwene, ahasogola ahabhala kunhaya yakwe akuswiga zye zifumiye.

\v 13 Bhabhili bhahabhalaga ku haya aha Emmau, ahahaya hanaho hamile apatali apa kujenda amasala gabhili kufuma ku Yerusalemu.
\v 14 Bhahalongaga inongwa zye zya fumiye.

\v 15 We bhashili bhakulonga, zinizyo u Yesu wuyo ahinza akujenda peka nabho.
\v 16 Ilelo amiso gabho gahagumbishiwa kumumanya iwene.

\v 17 U yesu ahabhabhuzya, "Ahati mukulonga nongwa zyoni kumo mukujenda.
\v 18 Weka mubhanabho, itawa lyakwe wu Cleopa, ahamwamula ahati, "Iwe we mujeni wumwene mu Yerusalemu we utamanyile zye zibhombishile kunukwo insiku izi?"

\v 19 U Yesu ahati, "Kuli nongwa zyoni?" Bhahamwamula bhati, "Zyebhamubhombeye u Yesu uwa Ku Nazareti, amile mkwi, amile namaha aminji mumbombo, mwa Mulungu na bhantu bhonti.
\v 20 Abhapiti abhapipiti bhitu bhahamufumwa kuti alongwe na kumugoga.

\v 21 Wuyo we twamusubhiaga kuti atitule itwe tubha Israeli. Ishi, lisiku ilya wutatu pe zinizi zyonti zya bhombeshile.

\v 22 Habhili, abhantanda mushipuga shitu bhatugandusizye kunongwa ye kukusha bhabhalile kumbipa.
\v 23 Ilelo bhajile umubhili na wumo, bhinzile kutubhuzya kuti bhaloleshelilwe na bhahabhizya bhebhabhabhuzizye kuti mupuma.
\v 24 Bhalipo abhasahala bhebhamile peka nitwe, bhabhalile kumbipa, bhajile zili shishila she abhantanda bhala bhalonjile ilelo, uwene bhatamulolile."

\v 25 U Yesu ahabhabhuzya ahati, "Imwe mwe bhalema, honi he amoyo ginyu magomu kwitiha zyonti zye zyalongilwe na bhakuwi!
\v 26 Bhatatili yihanziwaga kuti Ukristo ashilile mumanyimba gala gonti, pilongolela ayinjile mu wumwamu wakwe?"
\v 27 Pe ahabhabhuzya inongwa zyonti izya mu wusimbe uwufinjile zye zyasimbilwe kuzyawene kwandila ivitabu ivwa Musa nivwa bhakuwi.

\v 28 Webhapalamila muhaya, he bhahabhalaga u Yesu ahabha bagati akushizanya.
\v 29 Ilelo bhahamuamba, bhahati uyihale ipa pekanitwe, ishikukwila ahisi hapalamila pu Yesu ahitiha kwinjila munyumba.

\v 30 U Yesu ahega ikati ahamsalifwa umulungu ahamesula ahabhapa.
\v 31 Ahabhalilo bhahamanya kuti wu Yesu panapo ahategenya pilongolela yabho.
\v 32 Pe bhahabhuzilizanya bhahati, "Amoyo gitu gahalamuha nhani, watusomela uwusimbe?"

\v 33 Ahabhalilo hanaho bhahasogola, kugaluha ku Yerusalemu. Kunukwo bhahabhalola bhala ishumi na weka bhabhunganile peka na bhanji,
\v 34 Bhahamubhuzya, "Bhahati, "Umwene witu yoli azyushile amulolesheye u Simoni."
\v 35 Pe bhahabhapanjila zyonti zye zibhafumiye kwidala, na she anza bhamumanya u Yesu we akumesula ikati.

\v 36 Webhakujendelela kulonga ganago, u Yesu wuyo ahimilila pakasi yabho ahabhabhuzya ahati, "Umulungu abhape uwutenganu."
\v 37 Bhahaganduha bhahogopa, kunongwa ye bhahasibhaga kuti bhamulola muzimu.

\v 38 U Yesu ahabhabhuzya ahati, honi he mukwelela? Honi hemukusingana mumoyo ginyu?
\v 39 Yeyi inyobhe zyani, ni vinama vwani, pe mumanye kuti nene. Mupalamansye mulole. Kunongwa ye umuzimu atali nu mubhili ilelo ine anashe mukulola indi nu mubhili."
\v 40 We amala kubhabhuzya ganago, ahabhalanga inyobhe ni vinama vwakwe.

\v 41 Wekumo bhakuswiga bhahafishila kuti pamu te lyoli, u Yesu ahabhabhuzilizya ahati, "Mulini shakulya shimo ipa?"
\v 42 Bhahamupa ishibeza ishi nswi inyoshe.
\v 43 Yesu akakichukua, na kukila mbele yao.

\v 44 Ahabhabhuzya ahati, "Zinizi zye nabhabhuzizye, we namile peka nimwe kuti zyonti zyezisimbilwe kundajizyo zya Musa na kubhakuwi na mu Zaburi zikaziwa zibhombeshe."

\v 45 Pe ahabhamanyizya kwidala ilya kubha pa uwumanyi uwa kuwaganya uwusimbe wunuyo.
\v 46 Ahabhabhuza kuti, "Yisimbiwe kuti Ukristi ayimbe, isiku ilya wutatu azyushe kufuma kubhafwe.
\v 47 Habhili mwitawa lyakwe abhantu bhalumbililwe kuti bhalate, imbibhi zyabho kwandila ku Yerusalemu.

\v 48 Imwe wme bhakati kunzinizi.
\v 49 Ishi, mwihale munhaya ini. Kufishila pe muhayiposhela amaha kufuma kumwanya.

\v 50 U Yesu ahafuma nabho we bhapalamila aha ku Bethania. Ahabhusya inyobhe zyakwe kumwanya, ahabhasaya.
\v 51 Weakujendelela kubhasaya, ahapemuha, pe ahegwa kubhala kumwanya.

\v 52 Pe bhahamuputa, bhahagaluha ku Yerusalemu kumo bhashiye.
\v 53 Bhahihalaga mwilinga ilyi nyumba imfinjile, bhahamupalaga Umulungu.