mgq_reg/41-MAT.usfm

\id MAT
\ide UTF-8
\h Matayi
\toc1 Matayi
\toc2 Matayi
\toc3 mat
\mt Matayi

\c 1
\cl Umulyango ugwa 1
\p
\v 1 Amakalata iga shiholo sha Yesu Kristi umwana wa Daudi, umwana wa Abrahamu.
\v 2 Abrahamu apapile uIsaka, uIsaka umwana wakwe eu Yakobo, uYakobo umwana wake uYuda na bhamwabho.
\v 3 U Yuda ali yise wa Pelesi nu Sera kwa Tamari, uPalesi ahapapa uHezroni, uHezroni akha papa Ramu.

\v 4 U Ramu ahaupapa Aminadabu, Aminadabu yise wa Nashoni, we ahampapa uSalimoni.
\v 5 U Salimoni ahampapa uBoazi kwa Rahabu, uBoazi uyise wa Obedi kwa Ruti, Obeti ahampapa uYese,
\v 6 uYese ali yise wa mwene uDaudi uyise wa Selemani kwa mshi wakwe u Uria.

\v 7 U Selemani ahampapa uRehoboamu, uRehoboamu uyise wa Abiya, Abiya ahampapa uAsa.
\v 8 U Asa akhampapa uYehoshafati ahapapa uYoramu, nu Yoramu ahapapa u Uzia.

\v 9 U Uzia ahampapa uYotamu, uYotamu yise wa Ahazi uyise wa Hezekia.
\v 10 Hezekia ali yise wa Manasi, uManasi yise wa Amoni uAmoni yise wa Yosiaya.
\v 11 U Yosia ali yise wa Yekonia nabhakulu bhakwe webhapimbwa kubhala ku Babeli.

\v 12 Nawebhaha pimbwa kubhala ku Babeli, uYekonia akhampapa uShatieli, ali wumama wa Zeruababeli.
\v 13 U Zerubabeli ahampapa uAbiudi, u Abiudi uyise wa Eliakimu, nu Eliakimu uyise wa Azori.
\v 14 Azori ali yise wa Zadoki, Zadoki uyise wa Akimu uyise wa Eliudi.

\v 15 U Eliudi ali yise wa Elieza, uElieza uyise wa Matani uyise wa Yakobo.
\v 16 U Yakobo ahampapa uYosefu umulume wa Mariamu, we ahampapa uYesu we wu Kristi.
\v 17 Impapo zyondi kufuma kwa Abrahamu paka kwa Daudi vihabha vipafu(impapo) ishumi na vini, kufuma uDaudi kubhala ku Babeli vipafi ishumi na vini, kufuma uDaudi kubhala ku Babeli vipafu ishini na vini.

\v 18 Kupapwa kwa Yesu Kristi kwali ishi. Unyina wakwe, uMariamu, akhazinjilwa nu Yosefu, ilelo webhata homanile, bhashili kwegana ahabhe pawumwamu kumaha ga Mpepu Umfinjile.
\v 19 Umulume wakwe uYosefu, ali mntu uwana lyoli atakanza kumsupizya pawazulukha. Akhhosibha kuti amleshe kukwilu.

\v 20 Wakusibha zinizyo kuganago uhabhizya wa mwene aha mloleshela kundoto, ahati," Yosefu mwana wakwe uDaudi, utahogope kumwega uMariamu kubhamshi wakho, uwumwamu wali nawo kukumahaga Mpepo Umfinjile.
\v 21 Khabhili atipape umwa umsahala utumwite itawa lyakwe kuti wu Yesu, kuti wekubhapoha abhantu bhondi ni mbibhi zyabho."

\v 22 Gonti iga gahafumilana kulolesya gegalongiwe mu mwene kwidala lya bhakuwi kuti,
\v 23 "Yenya, umulindu atibhe pa wumwamu na kupapa umana umsahala."

\v 24 UYosefu ahadamha kufuma mtulo ahabhomba anzavwe uhabhizya wa mwene amubhuzizye pe ahamwega kubha mushi.
\v 25 Popeshinisho atahogona inawo kha paka peahapapa umwana umsakhala ahamwita itawa lyakwe wu Yesu.

\c 2
\cl Umlyango 2
\p
\v 1 U Yesu akhapapa Mbetelehemu mhaya iya Bhayahudi muhabhalilo kha mwene uHelode, abhantu abhamanyi kufuma kuwutukulo ukutali bhahafiha mu Yerusalemu kuti,
\v 2 "Alikwi wapapiwe Umwene wa Bhayahudi? Twawenyi inzota yakwe kuwatukulo twinzile kumputa."
\v 3 Pahabhalilo ikho Umwene uhelodi wayivwa ahasungama, peke ni haya yonti iya Yerusalemu.

\v 4 U Herodi ahabhabhunganya abhasongo na bhaputi bhonti na bhasimbaji bhebha kusimba abhantu, ahabhuzilizya, "U Yesu atipapwe kwoshi?"
\v 5 Bhahamubhuzya, "Bhahati ku Betelehemu iya Uyahudi, inzavwegasimbiwe nu mkuwi,
\v 6 Iwe Betelehemu, mnsi iya Yuda, tewa mnsi paka na bhapiti uwakudima abhantu bhani abha Israeli."

\v 7 U Helodi ahabhabhilishila abhabhazye kukwilu na kubhabhuzilizya kutililino ikhani pinzota yaloleshile.
\v 8 Akhabhasondelezya ku Betelehemu, ahati, "Mbhalaje ni njele na kwenya mmwanze umwana wa apapiwe kuti aliposhi. Anga mwamulola mwinez mmbuzye anga nani imbale kumputa."

\v 9 Webha mwivwa alonga umwene, bhahajendelela nu wulendo wabho, ni nzota yilaye bhayiwenyikuwatukulo yalongoleye paka pa mwana paapapiwe yilumilila pamwanya pali.
\v 10 Webhayilola inzota, bhahaseshela bhahasha inhani.

\v 11 Bhakhinjila mnyumba nakumwanya umwana wa apapiwe nu Maliamu unyina wakwe. Bhaha msugamilila na kumputa, bhahagubula ivwola(imbuguru) bhahega ivwinza impayo zyabho ivwakupahala vwe vikununshila akhinza ivwinza vwonti ivwa bhana abhela.
\v 12 Umulungu ahabhasona kunjozi kuti bhatahagulushe kwa Helodi, kumpanjila, atahinze amgoje yoli bhagalushe kukhaya zyabho kushilila idala ilinji.

\v 13 Pewebha sogola, ukhabhizya wa Mwene ahamuloleshela uYosefu kundoto kuti, "Bhuka mweje umwana nu nyina wakwe mshimbilile ku Misri. Mwihale kunukwo paka pikhayibhabhuzya, kunongwa uHerodi akumwanza umwana kuti amgoje.
\v 14 Pawusiku wunuwo uYosefu ahadamuka naku mwege umwana peke nu nyina nakushimbilila ku Misri.
\v 15 Akhadilaga kukwo paka uHerodi ahinza akhafwa. Iga gegakhafishila gu Umwene alonjile kubha kuwi, "Kufuma ku Misri imbhilishiye umwana wani."

\v 16 Pe uHerodi, walola kuti abhabhazye bhamzalabhula peka na bhantu bhondi ahilamwa nifwa(ikhani). Akalajizya kuti bhabhagoje abhana bhondi abhasakhala bhebhali mu Betelehemu mwondi peka na mkhaya zyondi zyezyapalamine abhamakha gabhili na kwikha kufumilana na ahabhalilo hebhalonjeye nakusimishizya abhabhazye.(abhasimbi)

\v 17 Pelika kwilaga izwi lyelyalongiwe kwilomu lya umkuwi u Yeremia,
\v 18 "Izwilikha vwikha Ramah, kulila na kuzonda ukupiti, uRaheli akulili abhana bhakwe, bhahampumiliza ahakhana kupuma, kunongwa abhana bhakwe na bhamu habhili."

\v 19 U Helodi wafwa, yenya uhabhizya wa Mwene ahamloleshela uYosefu ku ndoto wali ku Misri kuti,
\v 20 "Bhukha mweje umwana peka munyina wakwe, mbhalaje mnsi iya mu Israeli ikuti bhafuye bhebhanzaga uwupuma wa mwana bhafuye."
\v 21 U Yosefu ahadamukha, akhamwege umwana peka nu nyina wakwe, bhahagalukha mnsi iya Israeli.

\v 22 Wayivwa kuti Arikelau akutabhala inYuda mwuyise wakwe atabhalaye uHelodi, ahogopa kubhala kula. Wu Umulungu amsokha mndoto, akhasogola kubhala ikhaya iya Mgalilaya
\v 23 akabhala kwikala mkhaya iya mu Nazareti ili lyelikhakwanisya iga gegalongiwe na bhakuwi kuti akhayibha wu Mnazareti.

\c 3
\cl Umlyango 3
\p
\v 1 Mnsiku zila uYohani umwozyi akhinza aku umbilila mshilozu isha mu Yuda akuti,
\v 2 "Pindukhagi uwu mwene uwa kumwanya wupalamiye."
\v 3 Unu we umkuwi uYisaya ahamtekhagha, "izwi lya mundu akukhola mshilozi; 'linganyaji idala la Mwene, golosyaji umwakushila.'"

\v 4 U Yohani akha kwata amagala gingamila nilambi ilyi kwembe mmsana mmwake. Ishakulya shahalyanga intafunu woshi uwa mwilala.
\v 5 Mwondi mu Yerusalemu, Myudea, na mmbali mwondi mwemzyunguluye ulwizi ulwa Yolodani bhahabhala kukwakwe.
\v 6 Bhahozelwaga bhonti nu Yohani umwozyi mlwizi uYolodani na kupindukikha imbibhi zyabho.

\v 7 Ilelo wabhola abhinji bha bhamanya kalata na bhamanya ndajizyo (yoli bhatakubhomba) webhakwinza kukwakwe kwoziwa akhabhabhuzya, "Umwe shiholo shinjokha wunanu abhasoshile kushimbila amayimba gegakhayinza?
\v 8 Papaji insanga izya lupindakho.
\v 9 Mtasibhaje nakupanga wemli peka kuti tuli nu Abrahamu wewu yise witu.' Inkubhabhuzya inkuti Umulungu awezizye kumletela Abrahamu abhana kufumilana na mawe iga.

\v 10 Ishi intemu ibhishiwe pizi lyikwi. Kuti ikwi lyolyondi lyelita kupapa kukhoma insanga inyinza likudumulwa na kusumba mmwoto.
\v 11 Inkubhozya kuminzi kunongwa kupinduha. Yoli iwene watiyinze mpiti kunshila ine inzakhondeye kha kuti ingapimba ivilyatu vwakwe. Iwene atibhozye kwa Mpepu Umfinjile nu mwoto.
\v 12 Ishipementelo shili mnyobhe zyake kwozya mshizi shakwe na kubhunganya ingano yakwe mshanga. Ilelo akhayipemba amakhomelwi nu mwoto wewutakuzima.

\v 13 U Yesu akhinza kufuma Galilaya paka kulizi ulwa Yolodani kwozewa nu Yohani.
\v 14 Ilelo uYohani anzaga kumdinda kuti, "Ine inkwanza kwozewa niwe habhili niwe ukwinza ku kwani?"
\v 15 U Yesu akhagalusya akhati, "Yitikha kuti vwe zibhe shinishi, vwikwanziwa kuti zibhe kubhomba uwanalyoli wonti." Pe uYohani akhitikha.

\v 16 Wayozewa uYesu akhafuma mminzi, kwenya kumwanya kukhigukha akha mlola Umpepu wa Mulungu akwikha ngati nkunda na kwimilila papakwe.
\v 17 Izwi likhafuma kumwanya likhati, "Unu mwana wani unkundwa winku seshela nawo."

\c 4
\cl Umlyango 4
\p
\v 1 U Yesu akha longolwa ni Mpepu kubhalaa mnsi iyalwuma(inyumu) kulingwa nu syetani.
\v 2 Ayimile kulya insiku amshumi gani (40) samsanya na pansiku inzala ikha mluma.
\v 3 Wakumlinga akhati, "Angiwe wa Mwana wa Mulungu, galulanya amawe iga gabhe makati."
\v 4 U Yesu akhambhuzya akhati, "Isimbiwe kuti, 'Umntu atakudila kunongwa ya makati imene khaa, yoli mwizwi lyelikufuma mwilomu lya Mulungu."'

\v 5 Iwinza ushetani akhamtwala mkhaya infinjile nakumbhikha pamwanya khani pepa zengiwe inyumba iya kuputila (ikanisa),
\v 6 na kumbhuzya," kuti anga wa Mwana wa Mulungu, yisumbe pasi, isimbiwe kuti, 'Atilajizye abhakhabhizya bhinze bhakutone,' khabili, 'bhakubhushe mnyobhezyabho, anga utakhakundile ishi nama shakho mwiwe."

\v 7 U Yesu akhambhuzya, "Akhati, iwinza isimbiwe kuti utamlingaji Umwene Umulungu wakho."'
\v 8 Iwinza ushetani akha mwega nakumtwala apa mwabho uwa mnsi umu nu winza wakwe wonti.
\v 9 Akhati indikupe ivindu ivi inga wasugamila na kumputa."

\v 10 Pe uYesu akhamubhuzya, "Akhati yepipa, Shetani! Isimbiwe, 'Kumputa umwe Umulungu wakho, na kumbhombela wuyo mwene."'
\v 11 Ushetani akhasogola akhamleka, abhakhabhizya bhakhwiza kumbhombela.

\v 12 Pe uYesu wayivwa kuti uYohani bhamlemile, akhabhala paka ku Galilaya.
\v 13 Akhasogola ku Nazareti akhabhala kwikala ku Kapelenaumu, yeyili mmbali musumbi iya Galilaya mmpakho iya mikoa iya Zabuloni na Naftali.

\v 14 Zikha inzashishila vwe zikha longwa nu mkuwi uIsaya,
\v 15 "Mkhaya iya Zabuloni ni ikhaya iya Naftali, kubhalila kusumbi kwisyila lya ku Yolodani, ku Galilaya iya bhapagani!(bhete bhayahudi)!
\v 16 Abhandu bhebhakwikala mkhisi bhalola ulukhozyo ulupiti nabhebhu khaye mkhanzundila ikhawufwe kufufuma kumwanya ulukhozyo lwabhakhozya."

\v 17 Kufuma akhabhalilo ikho uYesu akhanda kulumbilila nakuti, "Pindukhaji uwu mwene wa mulungu wupalamiye."

\v 18 Wakujenda mmbali Msumbi iya Galilaya, akhabhalola abhana mntu bhabhili, uSimoni wahitwagwa wu Peteli, nu Andrea umkulu wakwe, bhakhategaga inkusa msumbi, kunongwa bhali bhasikula inswi.
\v 19 U Yesu akhati, "Nzaji mfwataje temwande kusiku la abhantu."
\v 20 Lyeka bhulo bhahalilekha ituli nuyise wabho bhakha mlandata.

\v 21 U Yesu wakujenda kufuma ipo akhabhalola abha mwabho bhabhili abhanamuntu, uYakobo umwana wa Zebedayo, nu Yohani usongo wakwe. Bhali mshituli peka myise wabho uZebedayo kutabha inkusa zyobho. Akabhabhilishila,
\v 22 lyeka bhulo bhakhalekha umtuli wabho nu yise wabho ibhene bhakha mlandata uYesu.

\v 23 U Yesu akhabhala mGalilaya mwondi, kumanyizya Mmakanisa gabho, akulumbilila indumbilili izya wu mwene na kuponia uwutolwe nu wubhinu mbhantu.
\v 24 Intumi zyakwe zikhavwikha mSiliya mwonti, abhandu bhakhabhaleta abhabhinu bhebakha bhinaga, uwubhiu shakha na mavune.
\v 25 Impuga ipiti abhantu bhekumlandata kufuma ku Galilaya, naku Dekapoli, na ku Yerusalemu na kuwu Yahudi na kufuma kwi Syila lya ku Yordani.

\c 5
\cl Umlyango 5
\p
\v 1 U Yesu wayilola mpugu, akhasogola kubhala Mwigamba. Akhikhala pasi, abhalandati bhakwe bhakhinzakukwakwe.
\v 2 Akhanda kubhamanyizya kuti,
\v 3 "Bhasayiwe bhebha pina mmoyo uwumwene uwakumwanya wabho.
\v 4 Bhasayiwe bhebha syumiliye, umulungu alibhajinjizya.

\v 5 Bhasayiwe abha tonsu, bhali pwanila insi.
\v 6 Bhasayiwe ibha bhebhali ni nzala ni shumi wa ishanalyoli, bhakha yikuta.
\v 7 Bhasayiwe bhe bhali nu wila umulungu alibhalolela uwila.
\v 8 Bhasayiwe bhebhali bu mwoyo umzelu bhakhayimlola Umlungu.

\v 9 Bhasayiwe bhebha kukundanya bhahayiti bhana bha Mulungu.
\v 10 Bhasayiwe bhebhakuyimba mzyanalyoli, uwa mwene uwa kumwanya wabho.

\v 11 Bhasayiwe ibha bhe abhandu bhakubha liga na kubhayinvwa iwinza nakubhalonga uwubhibhi uwilenga kukwinyu kunongwa yani.
\v 12 Seshelaji nakusha, mliposhela kumwanya kwa Mulungu. Inza shinishi vwe bhakabhatesaga abhakuwi bhebha lipo imandi.

\v 13 Imwe mweli bheya lya mnsi. Ilelo inga ibhe ya lyasupa, lingabha iwinza? Nalumo litangabhalyinza kukhantu hokhonti iwinza, yoli kukutaga panzi abhandu bhakhanyanyaje ni vinama.
\v 14 Imwe mwe lukhozyo lwa munsi. Ikhaya yeyizengiwe pamwanya pigamba itakwubha.

\v 15 Abhantu bhatakukhozya ulukhozyo na kubhikha pasi kwizyungukha, yoli pamwanya pandunjila anga lukhozyaje na kalama bhondi bhebhali munyumba.
\v 16 Ishi ulukhozyo lwinyu lukhozyaje mwilongolela bhantu bhonti angakuti bhalolaje uluje lwinyu ulwinza anga bhampalage Utata witu uwakumwanya.

\v 17 Mtasibhaje kuti ininzile kunanganya indajizyo ewe abhakuwi intinzile kunanganya kha yoli kulinganya(kugomba).
\v 18 Yoli inkubhabhuzya kuti kumwanya na pasi vingashila indajizyo zyonti akha madi ningakheka khatanga tega paka gonti gagombwe galingane.

\v 19 Kwe kuti wakunanganya akudumula indajizyo inyinsi yeyili mndajizyo izi nakumnyizya abhanji kubhomba shinisho akhayibha mnsi mu wumwene uwakumwanya. Yoli wakuzilema na kumanyizya akhayibha msongo kushi na mwene kumwanya.
\v 20 Inkubhabhuzya inkuti ulitikho lwinyu anga litanga lutola ulwitikho lwa bhasimbi na bhamanya kalata, temkhinjile kushina mwene kumwanya kha.

\v 21 Mwivuye kuti zyalongiwe imandi kuti, "utibhaje" 'bhondi bhebha kugoga bali mwidala lya wufwe.'
\v 22 Pope wonti wakumwilamwa uwamwabho ali mwidala ilakulongwa nawakumubhuzya uwa mwabho kuti. Iwe utakhondeye alikuwulonji kwibalaza khabhili wakumbhuzya iwa mwabho akuti, 'Iwe wa mlema!' akhayinjila mmwoto wewutakuzima nalumo.

\v 23 Anga ukufumwa ifinjile yakho kushigemo ukukumbukha ukholo wakho alininongwa niwe,
\v 24 yileshe ifinjile pilongolelo pashigemo, yoli bhalaga khivwani isuti nu wamwinyu, panga uyinze ufumwe infunjile yakho.

\v 25 Mwivwane nawakukusitaka nalubhilo, we mlipeko nawo mwidala wemkubhala kwikoloti umanye kuti angakulekha mnyobhe zya bhalungu(abalonji), angakusumba mwijela.
\v 26 Yitikhaji inkubhabhuzya, nalumo nansiku atangakusatula paka ufumwe akhakobheli ngakusatula paka ufumwe akhakobheli ikha kumwisho kumpiya zyukudayiwa.

\v 27 Mwivuye kuti, 'Utabhembukhaje.'
\v 28 Yoli inkubhabhuzya kuti wonti waku mwenya umwantanda kwakusungukha abhembushile inawo mmwoyo wakwe.

\v 29 Anga ilyiso lakho ilyakundilo likukupuvwa kuti unanganye uyipe na kutaga ukutali niwe. Kwashi kubha ni lyiso leka tekubha nagondi umbhili wondi wuhapwanje kumwoto.
\v 30 Anga inyobhe yakho iyakundilo yakukupuvwa udumule utaje ukutali niwe kwashi ubhe ni nyobhe yeka kuliko kusumbwa umubhili wonti mmwetu.

\v 31 Izwi lilonjile kuti waku mtabhula umshi wakwe ampe italaka.'
\v 32 Ine inkubhabhuzya inkuti unu weakumuleka umshi wakwe yoli kunongwa ya lubhembu akumbikha mbhembu. Umntu wowonti wakumwega webhampiye italaka akubhomba uwumalaya.

\v 33 Uwinza, mwivwizye kuibhi mandi, kutu mtafingaje izyilenga, yoli kulapa kwinyu mtwale kwa Mwene.'
\v 34 Inkubhabhuzya inkuti mtalapaje napansi, ewe kumwanya, kumonga mwanya ya Mulungu;
\v 35 utakhalape mnsi umu pabhishile itengo ilya kukhanya inyayozya vwakwe pamu ku Yerusalemu, yope khaya ya mwene umpiti.

\v 36 Utakhalape kwitwe lyakho, utanga wezya kugalulanya ulusisi lwakho uluzelu kuti lubhe lwilu.
\v 37 Yoli amazwi ginu gabhe, 'Ena, ena, Ndali, ndali.' Kukuti gegakwonjela gakufuma kwa mnanzi.(umubhibhi)

\v 38 Mwivwizye galongiwe kuti, Kyiso ku lyiso, na ilyino kulyino.'
\v 39 Ine inkubhabhuzya inkuti, Mtadalihanaje nu mntu umbibhi; yoli anga umntu akukhoma kuwudili uwakundilo galuhana akhome nukwa mwabho.

\v 40 Khabhili anga umntu akukwanza kukusitaka kuti afwule inshati yakho, mleshele ni koti.
\v 41 Khabhili inga umuntu akukubilija kujenda imayili yeka jenda nawo imayili zibhili.
\v 42 Wonti wakukulabha umpanje, nawakwanza kupabha kukwakho umpanje.

\v 43 Mwivwizye galongiwe kuti, 'Umgane umpalamani wakho, umvitiwe umwufi wakho.'
\v 44 Ilelo ine inkubhabhuzya kuti mbhaganaje abhalugu bhinyu habhili mbhaputilaje bhebha kubhavisya,
\v 45 angambhe mwabhana bha tata winyu uwa kumwanya, Wakubhalamizya izubha abhinza na abha bhibhi na kubha tonyezya invula abha bhibhi na bhinza.

\v 46 Anga mkubhagana bhebhabhaganile imwe, mkupata winza woni? Abhasongola nsokho bhatakubhomba shinisho?
\v 47 Habhili anga mkubhalamkha abhakholo bhinyu ibhene pemkupata akhoni kubha shila bhene? Bhuli! Abhapagani bhatakubhomba shinisho?
\v 48 Ishi mubhe mwabhagolosu, anzashutata winyu uwakumwanya she mgolosu.

\c 6
\cl Umlyango 6
\p
\v 1 Mubhe amiso mtabhombaje uwinza winyu pa bhantu anga bhabhalole, shinisho temuhapate na khamukufuma kwa Tata wali kumwanya.
\v 2 Ishilelo anga ukufumwa utayi vwinsyaje kuyibada wunewe mtayitutumlaje inzavwe bhakukhonzya abhantu bhabha pale. Yoli inkubhabhuzya, kuti bhaposheleye amalipo gabho.

\v 3 Yoli iwe wukufumwa, inyobhe iya kumongo itakhamanye vukufumwa kunyobhe iya kundilo,
\v 4 khukufumwa akhinza ufumwaje kukwinu. Pe Utata waho wakulola kukwilu alikupa amalipilo gakho.

\v 5 Khabhili we mkuputa, mutayi pimbili khage ilenga, kuyigana kwimilila na kuputa mmakanisa na mnzyangulila msogela, anga bhati abhantu bhabhenyaje. Lyoli inkubhabhuzya kuti bhaposheleye amalipo gabho.
\v 6 Yoli iwe, anga ukuputa, yinjila kukasi. Galila umlyango, upute kwa Tata wali kukwilu. Pelelo uTata wakho wali kukwilu akukupa amalipilo.
\v 7 Anga ukuputa utagalushilaje galushilage zyeka zizyo anzashebhaku bhomba anzashebhata nulwitikho kwa mulungu bhakusibha kuti umulungu atibhivwe kumazyi gabho aminji.

\v 8 Mtabhanje inzabhene, kunongwa ye Utata winyu amanyile vwe mbhuliliwe pope we mshili kumlabha.
\v 9 Imwe mputaje mtinji: Tata witu wuli kumwanya, itawa lyaho lyimishilwaje.
\v 10 Uwumwene wakho winze, ishigane shakho shibhombekhaje munsi umu anzashe zikubhombekaha kumwanya.

\v 11 Utupe umsanyunu ishakulya shitu.
\v 12 utukhobhoshelaje imbibhi zyitu, anzashe nitwe tukubha tuyila bhebhakutu bhombela imbibhi.
\v 13 Utakhatubhishe mndingo, yoli utufwule kwa mbhibhi(usetani).'

\v 14 Anga mwabha tuyila abhantu imbibhi zyabho, uTata witu wali kumwanya pakubhatuyila nimwe.
\v 15 Anga mtanga bhatujila imbibhi zyabho, uTata witu atangatutuyila imbibhi zyitukha.

\v 16 Kuganago gonti, wuyimile kulya, utalolesyaje kuti uswimiliye pamiso inshe abhasita lwitikho bhakubhomba, bhakukintana pamiso anga abhantu bhamanyaje kuti bhayimile. Lyoli inkulonga, kuti bhaposheleye amlipilo gabho.
\v 17 Ilelo iwe wuyimile kulya upahale amafuta kwitwe lyakho ugeze kumiso.
\v 18 Shinisho pe yitangalolesya kubhantu kuti uyimile, yoli kwa Tata wakho wali kukwilu. Habhili uTata wakulola kukwilu akukupa amalipo gakho.

\v 19 Mtayi bhishilaje ishuma shakho wewe mnsi umu, mwemli nu luswa nu musimu vikunanganya, na bhibha bakubongola na kwibha.
\v 20 Yoli, msengulaje ishuma shinyu kumwanya, kwe nuluswa nu msimu vitanga nanganya na bhibha bhatanga wezya kubongola na kwibha.
\v 21 Ikuti pishuma shakho shili, pewope umwoyo wakho wuhayibha.

\v 22 Ilyiso lukhozyo lwa mbhili. Ishilelo, anga ilyiso lakho anga lyinza umbhili wonti wuku zelupa.
\v 23 Yoli anga ilyiso lyakho libhibhi, umbhili wonti wukubha khisi akhapiti. Ishi, anga ulukhozyo lumkasi yakho wuzeru anga mlahisi khisi akapiti!
\v 24 Numo umbhombi wangabhabhombela abhapiti bhabhili(abhasongo) angana kumvitirwa weka nakumgana uwunji, ewe akuyifumwa kwa weka na kumzalabhula umo. Mtanga mbhombela Umlungu na kubhombela imali.

\v 25 Yoli inkukubhuzya, utatuyaje kha muwikhalo wakho, kuti utule akhoni ewe utumwele akhoni, ewe umbhili kukwata. Pe! Kudila te kwinza na umbhili te mwinza kushila kukwata amenda?
\v 26 Yenya inyonyi zyezili mmwanya. Zitakuwala na zitakuvana iwinza zitakubhunganya na kusengula mvwanga, ilelo Umwene winyu uwakumwanya akuzilisya. Pe imwe mtakhonde ikhani kushila inyonyi?

\v 27 Wunanu mkasi yinyu wanga bukha na kudaga ayonjeeyze ishipimo sheka kuwupuma wakwe uwa kwihala?
\v 28 Pekhoni pemkubha ni lyoga kunongwa ya kukwata? Msibhaje kuti anza amawuwa wegali mshinzi. Vwe gakubha. Gatakubhomba imbombo nima gatangayikwatizya.
\v 29 Indishinkubhabhuzya, wope uSelemani mu wufinjile wakwe wonti bhata mkwatizizye anza ganago.

\v 30 Anga Umulungu akukwatizya amalela mvwizi, gega kwikhala isiku lyeka indabhi gakusumbwa ku mwoto, ikuti kuvilinga vwanga bhalisha imwe, mbha lwitikho ulunsi?
\v 31 Mtogopajekha nakulonga kuti, 'Petelulye ashi? 'Ewe tetu mwele akhoni?' "Emwe tetu kwatemenda goni?"

\v 32 Abha mnsi bhakwanza khani iza ganaga, nimwe uYise winyu uwakumwanya amaninyile kuti mkwanziwa kuti mbhe nago anzigo.
\v 33 Yoli isuti yanzi uwu mwene wakwe nu wanalyoli wakwe nigo gonti atikupe gakho.
\v 34 Ishilelo utogopaje, utatuyaje kunongwa yindabhi indabhi yikhuyibhombela yiyo. Lyonti lyelisiku linamayimba gakwe.

\c 7
\cl Umlyango gwa 7
\p
\v 1 Utalongaje ukhayilongwa.
\v 2 Uwulonji wukulonga, niwe ukhayilonjiwa ishipimo shukupima nawe ukhayipimilwa shinisho.

\v 3 Khoni khukwenya akhagola khikwi mlyiso lya wamwinyu, utakumanya ibabazula ilyaluzinga lyelili mlyiso lyakho?
\v 4 Punga mbhuzya bhuli bhuli uwamwinyu, kuti inkwefwe ikoko mlyiso lyakho, wenawe ibabazula lili mlyiso lyakho?
\v 5 Iwe uli nu wila uwilenga; isuti yefwa ikoko mlisyo lakho, punga wezya kumwefwa uwamwinyu ikoko lyeeliti mlyiso lyakwe.

\v 6 Utakhazipe imbwa ivifinjile, utahazi sumbile ingulubhe ivintu ivwinza ivwa shuma pilongolela yabho. Wangana nganya na kukhanyanya nivinama, nabhatakhinze bagaluhane kukwakho na kukudebulanya ivibina ni vibina.

\v 7 Labhaji, mliposhela. Bhonti bhebhakwanza bhakuvwaga anga mkwinguzya mkwiguliwa.
\v 8 Wonti wakulabha akuposhela wonti wakwanza, akuvwaga.
\v 9 Na umntu wonti wakwiguzya, akwiguliwa. Bhuli wunanu mkasiyinyu wenga umwana wakwe akumlabha ikati angampa iwe?
\v 10 Ewe angakulabha inswi, angampa injokha?

\v 11 Anga mbhabhomba mbibhi mmanyile kubhapa abhana bhinyu ivwinza, ilelo! Anga vwetukubhomba patajinile uTata witu uwakumwanya kubhapa ivintu ivwinza bhebha kulabha kukwakwe?
\v 12 Kunongwa iyo, zyemyiganile kuti abhanji bhabhabhombelaje, zye mbhabhombelage abhanji zinizyo. Izyo ndajizyo na bhakuwi.

\v 13 Yinjilaji kushilila pa mlyango umnyela. Ishi lyango shi zevu nidala lizebhile lyelikulongo kuwubhibhi, kuli abhantu abhinji bhebha kujenda kwidala ilyo.
\v 14 Umlyango mnyela, idala linyela lyelikubhala kuwupuma bhansi bhebhangalilola.

\v 15 Nabhe amiso na bhakuwi ibhilenga, bhakwinza bakwatile, ikwembe wingolee, fwani mbila inkhali.
\v 16 Kusanga zyabho mkhayibhamanya. Ishi abhantu bhangatungula insanga mmimvwa, ewe insanga izyikwi insugwa unga tungula mwipana?
\v 17 Kushinisho ikwi ilyinza likupapa insanga inyinza, ikwi ibhibhi likupapa insanga imbibhi.

\v 18 Ikwi ilyinza litangafumwa insanga imbibhi khalyope ikwi ibhibhi litaga papa insanga inyiza kha.
\v 19 Ikwi lyonti lyelitakupapa insanga inyinz likudumlwa nakutaga mmwoto.
\v 20 Pe shinisho, mtibhamanye mnsanga zyabho.

\v 21 Te mntu wonti wakuti, 'Mwene, Mwene,' anginjila kushi na mwene shakumwanya.
\v 22 Abhantu abhinji bhakhayimbozya isiku ilyo kuti, 'Mwene, Mwene, tutakhafumwaga uwu kuwi kwitawa lyakho, tutakhabhinganga na kwefwa impepu mwitawa lyakho, nakwitawa lyakho twabhombile imbombo impitii?'
\v 23 Pi ankayibhabhuzya kuti, 'intabhamanyile imwe! Yepi kukwani, imwe mwebhabhomba mbibhi!'

\v 24 Pe wonti wakwivwa amazwi gani na kuyisya akukholana nu muntu uwinjela wakha zenga inyumba yakwe pamwanya pamwala ilyalawe.
\v 25 Invula ikha aminzi gakhizula, impepu ibhavugula ikha yinzanya inyumba, ilelo inyumba ita khagwakha, kunongwa ikhabha izengiwe pamwala.

\v 26 Inkuti umuntu woti wakwivwa amazwi gani atakulema, akubha anza umuntu umpambavu umlema wazenjile inyumba yakwe pamwanya pa mselesenga.
\v 27 Imvula yikha tonya, aminzi gakhizula, impepu impiti yikhamgula na kuyi bhushila inyumba yila. Yikhagwa kulushindo umpiti."

\v 28 Wu Yesu amala kulonga amazwi ganago, impuga ya bhantu yikhaswiga nhani ni manyizyo yakwe,
\v 29 kunongwa akha manyizya ngati muntu umwamli tengati bhasimbandajizyo kha.

\c 8
\cl Umlyango 8
\p
\v 1 Akhabhalilo wu Yesu akhikha pasi kufuma mwigamba, ishilundilo ishipiti shikha mlandata.
\v 2 Yenya, uwa maketa akhinza kumsugamilila pilongolela papakwe, akhati, "Mwene, anga uyiganile, unga zerufwa".
\v 3 U Yesu akhagolosya inyobhe yakwena kumpalamansya, akhati, "Initishile. Uzelupe." Panapo akhazelupa akhapona amaketa gwakwe.

\v 4 U Yesu akhambhuzya umuntu anga weka lema idala lyakho, "Ubhalanje umuputi." Iwinza ufumwe ivintu inza she umusa alajizizye, kunongwa ya lusimishizyo kukwabho.

\v 7 Akhabhalilo wu Yesu afikha Mkapelenaumu, Umlugu akhinza kukwakwa akha mbhuzilizya
\v 6 akhati, "Mwene, umbhombi wakho agonile kukhaya iwinza akhataye afuye kundwimo ali na mavune gakwogofwa."
\v 5 U Yesu akhalonga akhati, "Intiyinze kumponya".

\v 8 Umlugu akha mwitishila nakumbhuzya kuti, "Mwene, inete namlunjisu kuti uyinze uyinjile mwigulu mmwani khalonga bhulo umbhombi wani atipone.
\v 9 Kunongwa nine ne mtu na mpiti, indi na bhalugu bhebhali pasi yani. Anga nalonga kwunu, "Nati bhalaga' akubhala, nu wamwabho nzaga akwinza mlandataga, umbhombi wani anganati, 'Bhomba ishi,' akubhomba wope shinisho"
\v 10 U Yesu wagivwa igo, akhaswiga nakubhabhuzya bhebhakhamlandataga, "Yoli inkubhabhuzya, Kuti inta mlolile umntu wali nu lwitiko inza umwizilaeli inzunu.

\v 11 Inkubhabhuzya, abhingi bhakayinza kufuma kuwutukulo na kuwuswelo, bhakhayikhala pameza peka nu Abrahamu, Isaka, nu Yakobo, kushina mwene kumwanya.
\v 12 Ilelo abhana bha wumwene uwa pasi bhakhayisumbwa mkhisi kunzi, kwe kulibha na kulila nakusya amino."
\v 13 U Yesu akhambhuzya Umlugu, "Umskali! Kuti bhalaga anza vwuyitishile gabhombeshe shinisho kukwakho". Umbhombi wakwe akhapona akhabhalilo hakhala.

\v 14 U Yesu we afike mnyumba ya Petro, akhamlola umayi vwala wakwe uPetro agonile mbhinu inzegema.
\v 15 U Yesu akhampala masyaninyobhe yakwe, inzegema yikhepa. Pa akhadamukha akhanda kumbhombela.

\v 16 Naweyafikha akhalebhela, abhantu bhamletela uYesu abhingi ibhi mpepu. Akhazibhinga impepu na bhahinu bhakhapona.
\v 17 Kushinishi gakhafushila gegalongiwe nu Yisaya umkuwi, "'Iwene wuyo ayejile amabhinu gitu akhapimba amayimba gitu"

\v 18 U Yesu wayilola impuga yimzunguluye, akhalonga kuti akwanza kubhala kundyimo kumo Kusumbi iya Galilaya.
\v 19 Pe umsimbi akhinza kukwakwe kumbhuzya, "Kuti Mmanyizi, intikufwate ponti punga bhala."
\v 20 U Yesu akhambhuzya akhati, "Imbila zili na mina iwinza inyonyi zili ni vwanswi, ilelo umwana wa Adamu atali ni pakugonya itwe lyakwe."

\v 21 Umlandata uwamwabho akhati, "Mwene, nefwe isuti imbale imsyile uyise wani."
\v 22 Ilelo uYesu akhambhuzya akhati, "Iwe ndandate, bhaleshe abhafwe bhabhasyile abhafwe bhabho."

\v 23 U Yesu akhingila mshituli, abhalandati bhakwe bhakhamlandata.
\v 24 Nalubhilo ishinvulungwa ishipiti nhani mwasumbi ishituli shinha gubishiwa na mabhilingwa. Ilelo uYesu agonile.
\v 25 Abhalandati bhakwe bhakhabhala bhanha mdamsya bhanhati, "Mwene, tuposhe, tukwanza kufwa!"

\v 26 U Yesu anhabhabhuzya, "kuti khoni khe mkwogopa, imwe mbhalwitinho ulunsi?" Pe akhadamukha na kushemela impepu(ishi vulungwa) nu sumbi, peku kukhapuma kunhabha zwii,
\v 27 abhasakhala bhakhaswiga bhahati, "Umntu unu alibhulibhuli, impepu ni sumbi vikumtinikha wene?"

\v 28 We uYesu afumila usumbi akhafikha mnsi iya bha Magadala, kukhaaba abhasanhala bhabhili ibha mapepu bhahakhomana inawo. Bhakhafumila kumpipa bhakha letaga akhalanga nifya, kubhantu bhebhakushila idala lila.
\v 29 Pe bhakha khola bhakha dandizya kuti, twinakhoni kukwakho, mwana wa Mlungu? Uyinzile kututesa we akha bhalilo khashili kufikha?"

\v 30 Kwali impuga impiti iyi ngulubhe zikha dimwaga, patamile patali nha na pebhamile,
\v 31 amapepu gegendeleye kukhola kuyibhunanzya kwa Yesu na kutonga. Anga ungatufumwa, tutwale mpuga mngurubhe."
\v 32 U Yesu akhazibhuzya, "Kuti bhalaji!" Amapepu gakhafuma kubhala kwinjila mngurubhe. Kwenya, impuga lonti likhinha kufuma mwigamba kwikha msumbi lonti likhafila mminzi.

\v 33 Abhasanhala bhebhakhadimaga ingumbhe bhakha shimbila. We bhabhala mnhaya akhapanga vwezyamile zyondi, na peka nabhasakhala bhala bhebhali na mapepu.
\v 34 Abhantu bhonti kufuma munhaya bhakhagola kunhomana nu Yesu. Webhamlola bhakhamlaba kuti ayepe mnhaya yobho.

\c 9
\cl Umlyango 9
\p
\v 1 U Yesu akhinjila mshituli anhafumila nakufikha kunhaya ya akhadilaga.
\v 2 Yenya bhakha mletela umntu umkhatazu kundwimo bhamugonizye pigodoro. Walola ulwitikho lwobho, uYesu akhamubhuzya umntu we afuye kundwimo kuti, "Mwanawani, ubhe nuluseshelo, Utuyiwiwe imbibhi zyakho"

\v 3 Pe bhamu abha manyizyi bhi ndajizyo bhakhalonga bhene bhene, "Kuti umntu unu mnanzi wa mulungu"
\v 4 U Yesu azimanye insibhu zyabho akhalonga kuti, "Khoni she mkusibha imbibhi mmoyo ginyu?
\v 5 Ipuposu lilikwi kuti imbibhibhi zyakho ukhobhosheliwe' ewe kuti, 'Yimilila jendaga?'
\v 6 Ilelo mmanye kuti Umwana wa Adamu ali na mamlo(amakha) iga kunhobhoshela imbibhi..." alonjile ganaga kunongwa ya mbhinu wafuye kundwimo, "Kuti yimilila yega igodoro lyakho, ubhalaje ku kwakho"

\v 7 Pe umntu ula anhimilila nakusogola kubhala kunyumba yakwe.
\v 8 Ulubhungano ulupiti webhalola ganago, bhakhaswiga nakumwimikha Umulungu, wabhapiye amakha inzigo abhantu.
\v 9 U Yesu wakushila kufuma ipo, anka mlola umutu umo itawa lyakwe bhakuti wu Matayi, we akhinhalaga mwe bhakusonsyezya insonho. Wope akhambhuzya, "Kuti ndandataje ine" Pe anhimilila na kumlandata.

\v 10 U Yesu we ayikhala kuti alye ishakulya mnyumba, bhanhinza bhebha kusonsezya insonho abhingi peka na bhimbibhi bhakha sangana peka nu Yesu na bhalandati bhakwe.
\v 11 We Abhamanyakalata bhazilola zinizyo, bhakhabhabhuzilizya winyu akula ishakula peka na bhansezya nsonho na bhantu ibhi mbibhi?"

\v 12 U Yesu wayivwa ganago, wope akhalonga " Ahati abhantu bhebhata bhinile bhatakwanza unganganha, yoli abhabhinu.
\v 13 Ikuti mbhale mmanyile kuti we nhoni shinishi we kukuti bhuli, "Inkuyigana uwila te vintu kha" Yolo ni nzilete kubhana lyoli kuti bhapindushe, yoli kubhi mbibhi.

\v 14 Pe abhalandati bha Yohani bhahabhala kwa Yesu kuti, "Khoni itwe na bhamanya kalata tukuputa na kuyima, ilelo abhene abhalandati bhakho bhatakuyima?"
\v 15 U Yesu akabhabhuzya, "Akhati abhalolelezibha weeji bhanga sungama we Umwene wehi alipo pupo? Ilelo isikuzikwinza we Umwene aweji asongola kufuma kukwabho, pebhakhayanda kuyima.

\v 16 Numu umntu wa kupatinha ishilaka ishipwa mmwenda umkuru, shiwezizya kudebula umwenda uwudebusu uwupiti inhani.

\v 17 Kutali abhantu bhebha nga bhikha idivayi impwa mntembe inkulu, anga bhangabhomba shinisho, ikwembe linga debukha, yingitikhana ni kwembe kunanjikha. Yoli, bhakubhikha idivai impwa mwikwembe ipwa pevwonti vikubha anhinza.

\v 18 Akha bhalilo khe uYesu akhabha bhuzyaga zinizyo yenya, umlongozi umo akhinza anhasugamila pilongolela yakwe, Wope anhati, "Umwana wani umlindu afuye shinishi, ilelo nzaga ubhushe inyobhe pamwanya papakwe wope atizyushe abhanje iwinza.
\v 19 Pe uYesu ankumilila akhafwatana na bhalandati bhakwe.

\v 20 Yenya, umwantanda unu we akhafumaga amabhanda kumanha ishumi na gabhili, akhapalamila pa Yesu na kumpalamansya muwupintilwi wamwenda wakwe.
\v 21 Akhayilonga akhati, "'Inginga palamansya umwenda wakwe, indipate kupona."
\v 22 U Yesu akhagalunhana akhenya akhati. "WeMwali wani, yipe umwoyo, ulwitinho lwakho lwakupokha wapona," Panapo umwantanda akhapona anhabhalilo khakhala.

\v 23 U Yesu we afinha mnyumba ya mulongozi ula akhabhaga abhantu abhanji bhabhiunganile bhakulila impungo bhamu bhakha khomaga ifiwilimbo.
\v 24 U Yesu akhabhabhuzya akhati, "Yepi ipa, umlindu unu atafuye kha yoli asupiliye bhulo abhantu bhakha msekha na kumsufwa.

\v 25 Abhantu bhala we bhabha fumwa panzi, wope anhinjila kukasi akhamlema inyobhe umlindu ula akhadamukha.
\v 26 Intumi izi zikhavwikha mnsi yila yonti.

\v 27 U Yesu wasogola pala, abha mbubhila bhabhili abha sakhala bhakha mfwata. Bhakhabhilishilaga kudandizya bhahatingi, "Tukulabha tulolele uwila, we Mwana wa Daudi."
\v 28 Pe uYesu we afinha mnyumba, abha mpubhila bhanhinza kukwakwe. U Yesu akhati, "Mkwuitinha kuti inga bhomba?" Bhahati "Ena, Mwene"

\v 29 Pe uYesu akhapalamansya amiso gobho akhati "Zibhe shinisho ulwitinho lwinyu anza vwe lulibhubhulo"
\v 30 Amiso gabho gakhadamula. U Yesu akhabhasokha kuti "Mtakhashele kumbhuzya umntu numo zinizi."
\v 31 Ilelo abhantu bhanabha bhabhili bhakhabhala bhakhatangazya inongwa izyo mnsi yonti.

\v 32 Pe abhasanhala bhala bhahili webhakusogola, akhalolekha umntu umo wububu we amapepu gamulemile bhakhamleta kwa Yesu.
\v 33 Amapepu wegamwepa ububu ula anhandana kulonga. Impuga yikha swiga na kuti "Iga gataloleshile nalumo mu Izraeli.
\v 34 Abhamanya krata bhakhanda kutonga kuti kubhi pepu ipiti, akwefwa impepu"

\v 35 U Yesu akhabhala mnsi yonti na mvijiji. Akhajendelela kumanyizya mvipanga, kulumbilila indimbililo izya shina mwene, na kuponya impango zyonti nu uwubhinu woti.
\v 36 We alola impuga ya bhantu impiti, akabhalolela uwila, kunongwa bhakha yimbaga na kuvunzikha umwoyo. Bhali ngati ngole zyezitali nu mdimi.

\v 37 Akhabhabhuzya abhalandati bhakwe. "Iviyabho vwinji, yoli abhabhombi bhansi.
\v 38 Ishilelo mmlabhaje umwene uwa viyabho, angakuti atwale abhabhomba mbombo bha viyabho vwakwe."

\c 10
\cl Umlyango 10
\p
\v 1 U Yesu akhabhabhilishila abhalandati bhake peka na kubhapa amakha kumpepu imbibhi, kwumana na kubhinga nakusatula intamwo zyonti nu wubhinu wonti.

\v 2 Amatawa ga bhasundikwa ishumi na bhabhili gagiga ilyakwanda wu simoni (we wakuti uPeteli), uAndreya ukhambaku wa Yakobo abhana wa Zebedayo, nu Yohani umkulu wakwe:
\v 3 U Filipo, nu Bartelemayo, uTomasi nu Matayi umsonshezya nsonho, Yakobo umwana wa Alfayo, nu Tadeyo,
\v 4 U Simoni umukananayo, nu Yuda Iskariote, umwufi.

\v 5 Ibha ishumi na bhabhili uYesu akhabhasontelezya. Ahabhalajizya akhati "Mtakhabhale kwe bhakwinhala abhapanzi iwinza mtakhinjile mnhaya ya bhasamalia.
\v 6 Yoli, mubhale ku ngolee zye zitejile izya mnyumba iya Israeli.
\v 7 We mkubhala, rumbililaji na kuti, uwu mwene wa kumwanya wupalamiye.'

\v 8 Mbhaponyaje abha bhinu, zusyaji abhafwe, satulaji ibha maketa na kubhinga amapepu. Mpewiwe pabhulo, nimwe yefwaji pabhulo.
\v 9 Mtakheje impiwe, almasi ewe ishabha mnyambi zyinyu.
\v 10 Utakheje imbugulu we mkushula, ewe amenda aga mwabho, ivilyatu ewe indisa, ikwanziwa umbhomba mbombo abhe ni shakulya shakwe.

\v 11 Inhaya yoyonti ewe shijiji mwinjila, yanzaji pe panhondeye pategnanile mwinhale ipo paka pemlisogolaga.
\v 12 We mwinjila mu nyumba mbhalamnhaje abhakhaya,
\v 13 inga inyumba yinhondeye, yinhalaji umwo na kusaya yoli inga itanhondeye, uwinhalo winyu wubhalaje peka nimwe.

\v 14
\v 15 Na kubhala bhebhatakubhaposhela imwe na kubhatajelezya inongwa zyinyu, wemkusogola mnyumba zyabho ewe mnhaya izyo, kunyuntaji amasuto mnyayo zyinyu panapo. Yoli inkubhabhuzya, ingabha kwashi inhani mnhaya iya Sodomu na Mgomola isiku lya kulonga kuliko inhaya iyo.

\v 16 Yenyaji, inkubha sontelezya ngati ngolee ku mbwa ikhali ikuti mbhanje ni njele inzinjokha na mubhe mwabha tonsu inzi inkunda.
\v 17 Mubhe amiso na bhantu, bhakhayibhatwala mmabalaza, na kubhakhoma mmakanisa(mvibhanza).
\v 18 Nakubhaleta pilongolela pa bhasongo na bhamwene kunongwa yani, kuti vwezili kukwabho na kubhapagani.

\v 19 We bhakubhandila ilenga pawulonji mtanhatuye kuti mngalonga bhuli, igakulonga atibhape wuyo kukhabhalilo khanakho.
\v 20 Te mwemwe mwemngalonga, yoli Umpepu wa Tata winyu wangalonga mkasi mumwinyu.

\v 21 Abhana muntu ukulu nu mnang'ana bhanha yanda kulwa na kugogana khabhili uyise nu mwana wakwe.
\v 22 Abhana kulwa na bhayise abhapafi, na kubhagoga. Nimwe mkhayivitiwa na bhantu bhonti kunongwa yitawa lyani. Yoli wakhayijimbilila paka pamwisho umntu uyo akhayipona.
\v 23 Akhabhalilo ikha kubhaynivwa inhaya ini, mkhashimbililaje inhaya yikulandata, yoliyoli inkubhabhuzya, kuti temkhamale inhaya yonti iya Israeli we ashili umwana wa Adamu atagalushile.

\v 24 Umumanyili te mpiti kumshila ummanyizyi wakwe, khabhili umbhombi atanga mshila Umwene wakwe.
\v 25 Ikwanziwa ummanyili abhe ngati mmanyizyi wakwe, iwinza umbhombi ngati wu Mwene wakwe. Inga mkuti Umwene wi nyumba wu Belzabuli, pe zingabha bhuli inhani webhakuliga ibha mnyumba yakwe!

\v 26 Ishilelo mtabhatuyaje ibhene, ilelo imbombo zyonti zililolekha apazelu, zitalipo na zima zyezinga fisikha kuti zitaloleshe.
\v 27 Gala ginkubhabhuzya kunhisi, mlongaje pauzelu, iwinza gemkugivwa tii mmkutwi ginyu mdandizyaje mmwanya mnyumba zyinyu.

\v 28 Mtabhogopaje bhala bhebhakugoga umbhili yoli bhatakuwezya kugoga uwumi(umwoyo). Yoli mmwogopaje ula wanga wezya kugoga kutezya umbhili nu mwoyo kutwala kuwuifwe kwilongo.
\v 29 Ishi abhana msonkwi bhabhili bhatakukazya kutukobheli? Nisho vwezili numo wangatega pasi na kuti Utata witu amanye.
\v 30 Umanye kuti insisi zyitu zyope azibhazizye.
\v 31 Mtatuyaje, imwe mwabhishuma kushila abha na msonkwi abhinji.

\v 32 Umuntu wowonti wakunitikha pilongolela pabhantu, nine ikhayimwitikha pilongolela pa Tata wani wali kumwanya.
\v 33 Anga wakunhana pilongolela pa bhantu, nine inhayimkhana pilongolela pa Tata wani uwa kumwanya.

\v 34 Mtasibhaje kuti ininzile kuleta uwinhalo munsi. Intinzile kuleta ulwivwano, yoli insengo.
\v 35 Pe inhinza kumpa umntu amakha iga kulwa nu yise wakwe, imlindu nu nyina wakwe utayi vwala, nu mayi vwala wakwe.
\v 36 Umwufiwa wa muntu bhabhala ibha mnyumba mumwakwe.

\v 37 Unu wakumgana uyise ewe unyina kushila ine uyo atanhondeye. Nawe akugana umwana umsanhala awe umlindu kushila ine uyo atakhondeye khaala awe umlindu kushila ine uyo atakhondeye kha.
\v 38 Umuntu we atangapimba ishi nhobhenhanyo nakundandata atanhondeye kha.
\v 39 Wakwanza kwikha akutezya. Yoli iwene wakutezya uwinhalo kunongwa yani akhayiposhela.

\v 40 Unu we akubhaposhela amposheleye nene, wope we akumposhela ine amposheleye wansontelezizye ine.
\v 41 Umntu wangamposhela umkuwi wope wakumposhela uwanalyoli kunongwa ya muntu uwanalyoli anhayiposhela ishikunjilwa isha mntu uwanalyoli.

\v 42 Wowonti wangampa weka kubhansi ibha, pope ulupindi ulwa minzi igakumwela amakhatazu, kunongwa pe mlandati, yoli inkubhabhuzya, kuti uyo kwidala lyolyonti akuposhela ulusayo."

\c 11
\cl Umlyango 11
\p
\v 1 U Yesu amala kubhalinganizya abhalandati bhakwe ishumi na bhabhili akhepa ku plaekubhala kumanyizya na kulumbilila mnhaya zyabho,
\v 2 uYohani amile mwijela ikhivwa walipamwanya imbombo zya Kristi akhasontelezya intumi kushilila ku bhalandati bhakwe,
\v 3 bhakhambhuzilizya kuti, "Iwe wewewe weakhayinza, emwe alipo uwunji tumgulilaje?"

\v 4 U Yesu akhagalusya kulonga kubhibho kuti "Galushi mubhale mmubhuzye uYohani gala gemkukola na gala ge mkwiwa.
\v 5 Abhantu bhebhata kwenya bhakwenya, abhadendelukha bhakujenda, ibhamaketa bhakuzelupa, abhantu bhebhatakwivwa bhakwivwa, abhantu bhebhafuye bhakuzyukha bhakubha bhapuma, na bhantu bhebhasobheliwe abhapina bhakulumbiliw amazyi aminza.
\v 6 Asayiwe ula watakulola ilyogakukwani.

\v 7 Akhabhalilo wa bhantu ibho bhasogola, uYesu akhanda kubha bhuzya abhantu impuga akhati uYohani, "Nhoni inyeno khemwabhalile kwenya kushilozu__litete lyi mpepu yikhayinzanya?
\v 8 Ilelo nhoni khe mwabhalile kwenya__mntu wakwatile amenda amatelembu? Nalyoli, bhala bhebhakwatile amenda amatelemusu bhakwinhala inyumba ziya wu mwene.

\v 9 Pemwabhalaga kwenya akhoni? Mwabhalile kwenya umkuwi? Nalyoli uYohani mpiti kushila Umkuwi.
\v 10 Wununu wasimbiwe, yenya inkumsontelezya we akutwala intumi mwilongolela mmiso gakho, watilinganya idala lyakho mwiongolela mmiso gakho, watilinganye idala lyakho mwilongolela.

\v 11 Nalyoli inkubhabhuzya kuti kubhantu bhonti bhebhapapiwe nu mwantanda atafumiye numo we apapiwe kushila uYohani Umwozyi. Ilelo we mnsi kushina mwene kumwanya we mpiti kushila iwene.
\v 12 Kufuma insiku izya Yohani Umwozi kufikha ishi uwuna mwene wakumwanya wa makha, abhantu bhebhali na makha, bhakwega kumakha.

\v 13 Kwekuti abhakuwi bhonti ni ndajizyo, bhafumwizye uwukuwi kufishila mkhabhalilo akha Yohani.
\v 14 Anga mkwitikha unu wu Eliya, wakwinza.
\v 15 Pe walina mkutwi iga kwivwa ayivwaje.

\v 16 Inga kholanya nakho impapo iyinsikuzi? Bhakholine na bhana bhebha kwanga mmnalo, bhakwinhala na kubhilishila
\v 17 kuti anga, 'Twabha khomela ifwilimbo mtakwimba tukuzonda, mtakulila.'

\v 18 Iwene uYohani akhinza atakha lyanga iwinza atakha mwelaga, bhakhanda kuti, 'Ali ni mpepu.'
\v 19 Umwana wa Adamu akhniza akhalyanga na kumwala bhakhati 'Yenyi, mntu we mpafu iwinza wachakulwa, manyani wa bhasonhola nsonho na bhabhomba mbibhi!' Ilelo injele zikulolekha kumbombo yakwe."

\v 20 U Yesu akhanda kukhajila mnhaya zabho zimo zye imbombo amayele, gakwa amapiti gakhabhombekha kuongwa bhakha khana kupindukha,
\v 21 Akheele iwe, Kolazini, Ahelee iwe Betsaida anga amayele iga amapiti gabhombekhaga ku Tiro na ku Sidoni gegabhombeshile ipa, khani bhapindushile yimandi kukwata amafuku na kuyipakha amalota.
\v 22 Ilelo kukhayibha uwujimbilizu ku Tiro na Sidoni isiku ilya wulonji kulikimwe.

\v 23 Iwe, Kapelenaum, utukuti utuyimishiwe paka kumwanya? Kha utuyishe paka pasi pilongo. Anga ku Sodoma gakhabhombekhagaamapiti, anza ganaga khani yilipo paka umasanyunu.
\v 24 Ishi inkuti itibhe kwashi mnsi iya Sodoma kwimilila isiku ilya wulonji kulikiwe.

\v 25 Kukabhalilo khanakho uYesu akhalonga kuti, "Inkuku pala wewe, Tata, wa Kumwanya na Pasi, kunongwa wabhafisile ibhinjele ni nsibho, inongwa izi pe ukhabhalanga bhebhatali nuwubhazye ngati bhana abhansi.
\v 26 Tata gegakukhondeye shinisho pa miso gakho.
\v 27 Imbombo zyonti impewiwe ine kufuma kwa Tata. Numo wammanyile Umwana yoli Utata, yoli Umwana, habhili wowonti we Umwana ayigana akumlanga.

\v 28 Nzagaji kukwani, imwe mwenti mwe mkuyimba na kumwamiwa na mazigo amamwamu, ine inkubhatula.
\v 29 Mukwataje ijokha ikuti mmanyilaje kukwani ine na mtonsu wa mwoyo nimwe temtuzye mmoyo ginyu.
\v 30 Kunongwa ijokho lyani litelelezu ni zigo lyani lipupusu.

\c 12
\cl Umlyango 12
\p
\v 1 Akhabhalilo ikho uYesu akhabhala isiku ilya sabato akhashilila mvwizi. Abhalandati bhakwe inzala yibhaluma bhakhanda kutema amansali na kulya.
\v 2 Ilelo abhamanyakalata we bhalolo isho, bhakha mubhuzya uYesu "Yenya abhalandati bhakho bhakunanganya indajizyo bhakubhomba isiku lyelitakwanzuiwa isiku ilya Sabato"

\v 3 U Yesu akhabhabhuzya kuti, "Mtabhazizye uDauti vwa khabhomba, we inzala yamluma, peka na bhantu bhamile nabho?
\v 4 Vwe akhinjila mnyumba ya Mulungu nakulya amakati iga wufinjile, ge gali mwinho kulya wene peka na bhala bhe amile nabho, yoli Abhaputi?

\v 5 Mushili kubhazya mndajizyo, kuti pisiku ilya Sabato Abhaputi mkasi mwikanisa bhakwilufwa iSabato, ilelo bhatakubha bhananzi?
\v 6 Inkubhabhuzya imwe kuti umsongo uwa shibhanza alipo panapa.

\v 7 Anga mwamanyile kuti iga kwekuti bhuli amazwi iga ikwanza uwila te nfinjele; mtabhalongaje bhe bhatali ni nongwa nha,
\v 8 Kunongwa ye Umwana Muntu we Mwene wa Sabato."

\v 9 U Yesu akhasogola pala akhinjila mwikanisa lyabho.
\v 10 Mwikanisa mla alipo umntu we alemaye inyobhe. Abhamanya kalata bhakha mbhuzilizya uYesu, bhakhati. "Bhuli, khinza kuponya isiku ilya Sabato?" bhakhanzaga idala anga bhamsitake kuti abhombile kha bhibhi.

\v 11 U Yesu akhabhamula kuti, "Wunanu mkasi yinyu, we angabha ni ngole uyaje ingole nyene yalendela mlyina pisiku ilya sabato, anga atangabhala kuyifumwa kumakha kuyefwa mlyina?
\v 12 Ishi, Pe khoni akhashindamu, kushila ingolee! Khinza bhulo kubhomba aminza isiku ilaji Sabato."

\v 13 U Yesu akhambhuzya umntu ula," Golosya inyobhe yakho" Akhagolosya, yikhanyinza anzi ya mwabho.
\v 14 Ilelo Abhamanyakalata bhakafuma panzi bhakhakhivwana kuti vwe bhangamgoga bhakabha shingunga inawo. Bhakhanzaga kuti bhamgoje.

\v 15 U Yesu wamanya isho akhepa penepo. Abhantu abhinji bhakhamulandata, akhabhaponya bhonti.
\v 16 Akhabhalajizya kuti bhatakha vwinsye kubhanji,
\v 17 kukuti gafishe amazwi iganalyoli, gegalongiwe nu mkuwi uIsaya, akhati,

\v 18 Yenya, umbhombi wani we imsabhuye, unkundwa wani we umwoyo wani wukumseshela. Ikhayibhikha Mpepu wani mwumwakwe, kulumbilila uwulonji wa Bhapanzi.

\v 19 Kutalipo kwelela kutalipo kulila ku makha; kutalipo wowonti kuvwikha msogela.
\v 20 Te akhapwote ilanzi lyelilandile; paka pe akhayibhikha uwulonji kutola.
\v 21 Abha mnsi bhakhayibha na makha kwitawa lyakwe.

\v 22 Kwali umntu umo umpubhila nu shinunu, alina mapepu bhakhamleta pilongolela pa Yesu. Akhapona pekanakuti umuntu umpubhila ushinunu akhalonga na kulola.
\v 23 Ulubhungano bhonti bhakhaswiga nakuti,"Zingabha umuntu unu kuti mwana wa Daudi?"

\v 24 Akhabhalilo pe webhivw abhamanya klata amayele iga, bhakhalonga kuti, "Umuntu unu atakwefwa impepu kumakha gakwe yoli kumakha ga Belzebuli, umpiti wi mpepu.
\v 25 "Ilelo uYesu akhazimanya insibho zyabho akhabhabhuzya kuti, "Anga uwu mwene walegana wene wukunanjikha, iwinza inhaya pope inyumba anga yalekhan a nyene itangimililanka.

\v 26 Anga Ushetani, angamwefwa uSetani, pe weakujikhana wuyo.
\v 27 Pe uwu mwene wakwe wungimilila bhuli bhuli? Na kama natoa pepo kwa nguvu za Belizabuli, wafuasi wenu huwatatoa kwa njia ya nani? Kwa ajili hili watakuwa mahakimu wenu.

\v 28 Anga inkwefwa amapepu kumakha ga Mpepu wa Mulungu, pe uwu mwene wa Mulungu wubhafishiye imwe.
\v 29 Umuntu anginjila mnyumba ya muntu uwa makha kuti ayibhe, watampinjile uwa makha isuti? Yoli isho pangibha kufuma mkasi mnyumba.
\v 30 Unu watali peka nine alishingunga nine, unu watakubhunganya peka nine uyo akusasanya.

\v 31 Ishi inkulonga kukwinyu, imbibhi zyonti ni ndigo zya bhantu bhakhayi tuyiwa, yoli kusufanya Umpepu wa Mulungu nakumo kubhatuyila.
\v 32 Umuntu wowonti wakulonga izwi lyelili shingunga nu Mwana wa Adamu, ilyo akutuyiliwa. Ilelo wowonti we angalonga khabhibhi kwa Mpepu Ufinjele, uyo takhatuyiwe kha te munsi umu ninsi yeyikwinza

\v 33 Ikwi libhe lyanza ninsanga nzyakwe zibhe inyin nyinza, ewe ikwi inanjisu ninsanga zyakwe, ikwi likumanyikha kunsanga nzyakwe.
\v 34 Imwe shikholo shinjokha, imwe mwebhabhibhi, mngalonga bhulibhuli aminza? Gega kufuma mwilomu gegali mmwoyo.
\v 35 Umuntu umwinza kuminza gegali mumwoyo wakwe pe gakufuma aminza, umuntu umbibhi mkasi mabhibhi gegali mumwoyo wakwe, gakufuma amabhibhi.

\v 36 Inkubhabhuzya kuti isiku ilya wulonji abhantu bhakhayifumwa imbatinko zyonti peke ni nongwa izya wulema zyebhakha longaga.
\v 37 Kumazu gakho ukhayibhaziwa kui we mgolosu na kumazwi gakho ukhayilongwa."

\v 38 Pe abhamanya krata na bhasimbi bhaka mwamla uYesu kuti" Mmanyizyi tukuyigana amayele kufuma ku kwako."
\v 39 U Yesu akhabhamla akhati, "Ishipafi ishi mbibhi nu wubhembu shikwanza indolesyo. Nazimo indolesyo zyezinga lolekha kukwabho yoli ivwiga ivwindolesyo ya Yona umkuwi.
\v 40 Inza vwe uYona ayikhaye mulwandalwi nsamaki impiti insiku zitatu samsanya nu wusiku, hivyo ndivyo Mwana wa Adam atakavyo kuwa ndani ya moyo wa nchi kwa siku tatu mchana na usiku.

\v 41 Abhantu bha mNinawi bhakhayimilila piongolela pawulonji peka ni shinholo isha bhantu ibha kushilonga. Pe bhakhitikha kupindunka kundumbililo zya Yona, kwenya, umuntu umo umpiti kushila uYohani.

\v 42 Umwantanda uwakumbali akhayidamukha isiku ilya wulonji peka na bhantu ashinholo ishi na kushilonga. Anhinza kufuma kumpelela yinsi kwinza kwenya injele zya Sulemani, inkwenya, umuntu umo umpiti kushila uSelemani alipo.

\v 43 Akhabhalilo khe amapepu amabhibhi gakumwepa umuntu, gakushilila pepatali na minzi gakwanza ipakutuzya, ilelo atakupona
\v 44 Gakwanda kulonga kuti, 'ingalusha mnyumba yani mwena fumile.' Kugalukha yikwaga inyumba yila nyuse ilakhinza.
\v 45 Pe yikusogola kubhala kwega izyamwabho impepu imbibhi saba imbibhi kushila zila, zyonti zikwanda kwinhala mla. Pe umntu akubha mbhinu inhani kushila uwubhinu uwa kuwandilo. Shinishivwe zinhayibha kubhantu abhakha bhalilo inka akha bhibhi.

\v 46 U Yesu wakulonga ni mbuga yenya, unyina wakwe na bhanholo bhakwe bhimiliye panzi, kuti bhalonje nawo.
\v 47 Umuntu umo akhambhuzya kuti, "Yenya unyina wakho na bhamwinyu bhimiliye panzi, bhakwanza kulonga niwe".

\v 48 U Yesu akhagalusya kumbhuzya we bhamsontelezize kuti, "Unyina wani wunanu? Nabhamwitu bhe bhabhananu?"
\v 49 Anhagolosya(kusonta) inyobhe yakwe kubha landati akhalonga akhati, "Yenya ibha bha bhamayi iwinza bhebhana bhitu!
\v 50 Bhonti bhe bhakubhomba imbombo ya Tata wani wali kumwanya, umntu uyo yoli wawunholo wani, yilumbu wani na we wunyina wani".

\c 13
\cl Umlyango 13
\p
\v 1 Kwisiku lyeka ilyo uYesu akhasogolo kukhaya akhikhala pambali pa sumbi.
\v 2 Ishilundilo ishipiti shabhunganile shikha longaga nawo, pe akhinjila mshituli mkasi akhikhala. Ishilundilo bhakhimilila mumbili mwasumbi.

\v 3 U Yesu akhalonga amazwi aminji kuvikholanyo, Akhati, "Yenya, umuwali akhabhala kuwara.
\v 4 Pe we alikuwala imbeyu zimo zikha lendela mwidala inyonyi zikhinza zikhalya.
\v 5 Imbeyu izyamwabho zikhagwila pamwanya pa mwala pezita khalwaga ulusuto nalumo zikhamela na linali kunongwa patakhabha ulusuto ulwingi.
\v 6 Imbeyu zimo zikhalendela mmakwi iga minvwa amatata iga mimvwa amatali gakha gubishile.

\v 7 Imbeyu zimo zikhalendela mmakwi iga minvwa. Amatata mimvwa amatali gakhagubishile.
\v 8 Imbeyu izya mwabho zikhalendila palusuto ulwinza zikha papa imbeyu, zimo amashumi ishumi(100) nakwonjela, zimo amashumi sita nizya mwabho katatu
\v 9 We ali na makutwi atejelekwaje.

\v 10 Abhalandati bha khinza kumbhuzya uYesu kuti, "Khoni khukulonga nu lubhungano kuvikholanyo?"
\v 11 U Yesu akhati, "Mpewiwe kuzyaganya izya kukwilu ku shina mwene kumwanya, ibhene bhatapewiwe kha.
\v 12 Ilelo wonti we alinavyo, kukwakwe vikwonjela khani, habhili akupata apapiti. Yoli angawe atali navyo na mwalinavyo bhakufwula..

\v 13 Ishi inkulonga nabho kukholanyo kunongwa anga bhakwenya, bhatalolaje lyoli. Pope anga bhakwivwa bhati vwaje bhatazyanganyaje.
\v 14 Uwukuwi wa Yisaya wuloleshile kukwabho, wewukuti, "Angamkwivwa mwivwe, ilelo kwida lyolyonti temzyaganye kha, akhabhalilo khe mkulola, ilelo mtangazyaganya kha.

\v 15 Amoto gabhantu ibha gali na khisi, pagomu kwivwa bhasinziliye amiso gabho, anga bhatakhalole kumiso gabho, ewe kwivwa kumakutwi gabho ewa kumanya kumi yo gabho, nhani bhagarushiye anga imbaponye.'

\v 16 Amiso ginyu gasayiwe, pekakwenya, na makutwi ginyu pe gakwivwa.
\v 17 Zyanalyoli inkubhabuzya abhakuwi abhinji na bhantu abhanalyoli bhayiganile kugalola ganaga gemkugalola, bhakhapotwa kugalola. Bhayiganile kwivwa garagemkwivwa bhatakhagivwa.

\v 18 . Ishi tejelevwi ishikholanyo sha mpanzi(umpasa mbeyu).
\v 19 Akhabhali khe umuntu wowonti akwivwa amazyi ga mwene atakumanya pe umbhibhi akwinza na kugunya sheshiwaliwe mmwoyo wakwe. Ini mbeyu yeyikh walwa pidala pambali.

\v 20 Wa we akhawalwa pa mwala wuwula we akwivwa izyi nakuposhela nalinali na kuseshela.
\v 21 Ashili kubha na mazi mkasi yakwe, akujimbilila akhabhalilo akhafupi. Uwubhinu awe amayimba anga galolekha kunongwa yizyi lya mulungu akukuntila na kugwa nalubhilo.

\v 22 We awaliwe pamakwi iga minvwa, unu we akulyivwa izyi ilelo amayimba iga mnsi na kumkhopenhanya kuwu dumbiwe vikudinda izwi pelitakupapa ishanga kha.
\v 23 We awaliwe palusuto ulwinza, unu we wuwula wakwivwa izyi na kulimanya(kulyaganya). Unu wakupapa insanga na kujendelela kupapa yeka nakwonjela amashumi ishumi, zimo amashumi sita, lyamwabho amashumi gatatu."

\v 24 U Yesu akhabhapa ishikholanyo ishamwabho. Akhati, "Uwumwene wakumwanya wukholine nu muntu we akhawala imbeyu inyinza mshinzi shakwe
\v 25 We abhantu bhagona umlugu(umwufi) wakwe akhinza akha wala indezya(amkoko) mngano akahsogola.
\v 26 Ingano weyamela yafumwa insanga zyakwe, amakoko gope gakhalolekha.

\v 27 Abhabhombi bhakwe iwishizi bhakhabhala kwa mweneshizi kuti, mwene utawalile imbeyu inyinza kushizi shakho? Pezilibhuli lili na makoko?
\v 28 Akhati, Umbhibhi umwufi abhombile linili.' Abhabhombi bhakhati ukwanza tubhale twipe?"

\v 29 Uwashizi akhati, 'Kha mtakhipe we mkwipa amkoko mtakhipe peka ni ngano.
\v 30 Galeshe kakulaje peka paka mvuno. Akhabhalilo ikinvuno anga khafikha ikhayilonga nabhakuvuna, 'Kuti mwande na makoko kuvuna mpinyaje insuzu igada igada na kupemba, yoli bhunganyingano nakubhikha mshanga shani.'"

\v 31 U Yesu akhabhapanjila ishinholanyo isha mwabho. Akhati, "Mwene sha kumwanya wukhoine ni mbeyu ya haradali(wulezi) ye umntu akhega na kuwala mshizi shakwe.
\v 32 Imbeyu ini yoli nyisi kushila imbeyu zyonti. Ilelo angayamela ikubha mpiti kushi amalala gega melile mshizi, likubha likwi inyonyi zikwinza nakuzenga ivwanswi mpashwa zyakwe."

\v 33 Akhabhabhuzya ishikholanyo ishamwabho."Uwumwe wa kumwanya ngati wubandushizu wula we umwantanda akhega nakusanganya ivipimo vitatu uwusu wududushe.

\v 34 Igo gonti uYesu alonjile pambuga kukholanyo. Na stavimanyilo atakhalonga na limo ku kwabho.
\v 35 Ili lyamile kuti gala gegalongiwe kushilila kwa mkuwi gafishile, pala pe akhati, "Inti yasame ilomu lyani ku nholanyo. Intilonje galage galimafise kufuma pawandilo winsi".

\v 36 Pe uYesu akhalekha ulubhungano na kubhala kunhaya abhalandati bhakwe bhakhabhala nakuti, "Tumanyizye ishikholanyo ishamakoko iga mshizi."
\v 37 U Yesu abhamula akhati we akuwala imbeyu inyinza Mwana wa Adamu.
\v 38 Ishizi yensi yonti imbeyu inyinza, bhana bha shina mwene. Amakoko(indezya) bhana bha mbhimbi ula usetani, umlugu umwufi we akha wala we wusetani.
\v 39 Na invuno insi yonti kumpelela, ibhakuvuna bhabha malaika.

\v 40 Anza she amampunyuzu tukubhunganya nakupomba mmwoto, shinisho vwezi khayibha pisiku ilya kumwisho winsi yonti.
\v 41 Umwana wa Adamu akhayisontelezya abha malayika bhakwe, kubhunganya kufuma muwumwene wakwe gonti gala gegaletaga imbibhi na bhala bhebha bhombaga amabhibhi.
\v 42 Bhakhayibhasumba bhonti mwitamuli lyelikwanha umwoto, kwe kukhayibha na kulila na kusya amino.
\v 43 Pe abhantu ibhana lyoli bhakhayilama ngati lizubha kuWumwene uwa Yise wobho. Iwene wali na makutwi ayivwaje.

\v 44 Ishina mwene kumwanya ngati nsanduka iyi mpiya ye bhafisile mshizi. Umuntu akhayilola bhakufisa. Kuseshela kwakwe akhabhala kukazya vwonti vwe alinavwo, na kukala ishizi.
\v 45 Iwinza, uwunamwene kumwanya ngati muntu we akhabhomba uwuchululuzi wakwanza insanduka(ilulu) iya shuma.
\v 46 Pe weayolola insaduka, akhabhala kukazya vwonti vwamile navwo na kukala.

\v 47 Ishi na mwene shakumwanya ngati nkusa izyakusikulila insi wezili mkasi msumbi, yikubhunganya ivinhanu ivikho ni vikho.
\v 48 We zyizula inkusa bhakanyuntila kwisyila. Pe bhakhikha bhakha bhunganya vwe vwinza bhakhabhikha mvililo, vwetevwinza bhakhataga ukutali.

\v 49 Zikhayibha shinishi kunsi kumpelela abhakhabhizya bhakhayinza na kupagula abhantu abhabhibhi kufuma mkasi ya bhantu abhanalyoli.
\v 50 Nakubhasumba mkasi mwitanuri ilya moto, kwekulibha kukhola na kusya amino.

\v 51 Mmanyile gonti iga? Abhalandati bhakhati, "Ena."
\v 52 U Yesu akhabhuzya akhati, "Wonti umsimbi wamile mlandati wa wumwene akukholana nu mwene nyumba we akwefwa mshanga shakwe ivintu ivipwa ni vikulu."
\v 53 Pe wu Yesu amala inholanyo zyonti izyo, akhasogola kwenekwo.

\v 54 U Yesu akhafikha kunhaya(mkoa) kwe akhabha manyizya abhantu mkanisa. Kufumila isho bhakhaswiga nakuti, "Kukwii umntu unu kwe inza ayaga injele ini na mayele igaa?
\v 55 Umntu unu te mwana wa selemala? U Mariyamu tewu nyina? Abhamwabho abhansi bhakwe te wu Yakobu, uYusuph, uSimoni nu Yuda?
\v 56 Nabhayilumbu bhakwe tulinabho panapa papitu? Ishilelo umuntu unu agagakwoshi ganaga gonti?"

\v 57 Akhabhavisya. Ilelo uYesu akhabhuzya kuti, "Umkuwi atakupungukha kubha nulutinikho yoli kukwbho na mnsi yabho.
\v 58 Atakhabhomba amayele aminji kunongwa bhatali nu lwitiko inawo(bhatakha mwitikhaga kha).

\c 14
\cl Umlyango 14
\p
\v 1 Kukabhalilo ikho, uHelodi akhivwa impempu zya Yesu..
\v 2 Akhabhabhuzya abhabhombi bhakwe kuti, "Unu wu Yokhani Umwozyi azukha kufuma kubhafwe. Kwekuti amakha igo gali mmwakwe."

\v 3 U Helodi akhamlema uYohani akha mpinya na kumsumba mwijela kunongwa ya Herodia, umshi Filipo umkulu wakwe.
\v 4 Kunongwa uYohani akhambhuzya kuti, "Te nhinza kumwega kuti abhe mshi wakwe."
\v 5 U Helodi khani amgojile akhogopa abhantu kunongwa bhammanyile uYohani kuti mkuwi.

\v 6 Ilelo isiku we lyafikha ilya kupapwa uHelodi akhafikha umwali wa Herodia akhimba pakasi pa bhantu akhayigana uHerodi.
\v 7 Pe akhanda kwamla kugala ge akhafinga kuti atimpe vwonti vwe alabha.

\v 8 Unyina wakwe akhampanza, pe akhati, "Nambe ine ipa itwe lya Yohani Umwozyi."
\v 9 Umwene akhaswiga vwa labha umwali, ilelo kunongwa ya kufinga kwakwe, kunongwa ya bhonti bhebhali pashakulya pala peka na wuyo akamla kuti vwe zibhombeshe.

\v 10 Akha sontelezya kumleta uYohani kufuma kwijela
\v 11 anga bhamdumle itwe lyakwe bhakhaleta lilipamwanya pa mbakuli imbaba bhakhampa umlindu akhatwala kwa nyina wakwe.
\v 12 Pe abhalandati bhakwe bhanhinza bhakhega umbhili wula na kusyila, we zyaba bhubhulo bhakhabhala kumubhuzya uYesu.

\v 13 U Yesu we ayivwa shinisho, akhepa kufuma pe amile akha panda mshituli akabhala kumbali kumo kwe kuli kwene. Pakhabhalilo wishilundilo shamaya kwali bhakhabhakha mlandata ulwa vinama kufuma ku nhaya.
\v 14 U Yesu akhalolekha akwinza kwilongolela kukwabho akhalola impuga impiti. Akhabhalolela uwila na kubhefwa impungo zyabho.

\v 15 We kwafikha lyebhela abhalandati bhakhinza kukwkwe kuti, "Ipa papa lwuma, (shilozu) isiku lya shila. Bhalekhanye abhantu bhabhale kunhaya kukala ishakulya shabho.

\v 16 U Yesu akhabhabhuzya akhati, "Bhatanga sogolakha. Bhape ishakulya imwe"
\v 17 Bhahambhuzya kuti, "Ipatuli na makati ga sanu ni nswi zibhili ibhulo.""
\v 18 U Yesu akhati, "Leti kukwani."

\v 19 U Yesu akhati impuga yonti bhikhale pasi pamaso le akhega amakati gasanu ninswi zibhili. Akhenya kumwanya, akhasaya na kumensula kubhapa abhalandati. Abhalandati bhakha gabhanya kumpuga.
\v 20 Bhakhalya bhonti na kwikuta. Khabhili bhakha avibhunganya ivwakulya vwe vwatola vikhizula ivitundu ishumi na vibhili.
\v 21 Bhala bhebhaliye kwali abhasakhala elfu zisanu wutabhazizye abhantanda bhana.

\v 22 Lyeka bhulo akhabhuzya abhalandati kuti bhinjile mkasi mshituli, pakhabhalilo ikho iwene abhalagaga abhantu impuga bhabhalaje ku kwabho.
\v 23 We abhalaga impuga bhasogola, akhazubha mwigamba kuputa ali imwene. Weyafikha lyebhela alikukwo imwene.
\v 24 Ishilelo ishituli weshili pakasi pasumbi shikuyingana kunongwa ya mabhilingwa, impepu yali ya kuwushelo(kumasho).

\v 25 Uwusiku uwa khabhalilo ikha wuni uYesu akhabhapalamila, akhajendaga pamwanya pa minzi.
\v 26 Abhasundikwa bhakwe bhakhamulola akujenda pamwanya pa sumbi, bhakhatuya bhakhati, "Mzimu," bhakha khola we bhogopa.
\v 27 U Yesu akhalonga nali nali, akhati, "Jimbaji amoyo! nene mtogopaje."

\v 28 U Petro akhamwamla kuti, "Mwene, anga wewe, mbuzye iminze kukwakho pamwanya paminzi."
\v 29 U Yesu akhati, "Nzagaa." U Petro akhepa mshituli akanda kujenda pamwanya pa minzi kubhala kwa Yesu.
\v 30 Pe wu Petro alola amabhilingwa, akhogopa, kwanda kuswibha, pasi, akhabhilishila kumakha akhati, "Mwene, nfwule(ntule!")

\v 31 Nalubhilo uYesu akhagolosya inyobhe yakwe akhambhusya uPetro, (insitima) na kumbhuzya kuti, "Iwe ulinu lwitinho ulunsi, khoni khe watuyaga?"
\v 32 Pe uYesu nu Petro bhakhunjila mnsitama, impepu yikhalekha kuvugula.
\v 33 Abhalandati mshituri mula puta kwa Yesu bhakhambhuzya kuti, "Yoli iwe Mwana wa Mulungu."

\v 34 Pe webhafumila, bhakhafikha mnsi ya Genesaleti.
\v 35 Abhantu munsi yila we bhammanya uYesu, bhakhasontelezya intumi mmbali zyondi, kuleta abha bhinu.
\v 36 Bhakhalabha kuti bhapalamansye ipintilwi lya mwenda wakwe, abhinji we bhapalamansya bhaha pona.

\c 15
\cl Umlyango 15
\p
\v 1 Pe Abhamanyakrata na bhasimbi akhinza kwa Yesu kufuma ku Yerusalemu. Kulonga,
\v 2 "Khoni abhalandati khe bhakunanganya aminho gabhazekhe abhimandi? Pe bhatakugeza munyobhe zyabho we bhakulya ishakulya."
\v 3 U Yesu akhabhamula akhabhabhuzya kuti, "Wunanu__khoni khe mkunanganya indajizyo zya mwene kunongwa yinyinho zyinyu?

\v 4 Umulungu akhati, 'Umtinishe uyise wakho nu nyina wakho; unu weakulonga imbibhi kwa yise wakwe na kwanyina wakwe, ikuti lyoli akufwa.'
\v 5 Ilelo imwe mkuti, 'Wonti wakumbhuzya uyise wakwe nu nyina wakwe, '"Ivintu vwe ungapata kufuma ku kwani shinishi vikufuma kwa Mlungu,'"
\v 6 "Umuntu unu kutali inongwa kumshindikha uyise wakwe. Kushinisho mkunanganya izwi lya Mulungu kunongwa ya minho ginyu.

\v 7 Imwe mwabhilenga, khinza uYisaya pa khakuwa kulimwe akhati,
\v 8 'Abhantu ibha bhakuntinikha kumalomu gabho, ilelo amoyo gabho gali ukutali nine.
\v 9 Bhakumputa ilenga, kunongwa bhakumanyizya imanyizyo izyindajizyo zya bhantu.""

\v 10 Akhabhunganikha ulubhungano na kubhabhuzya," Tejelevwi na kumanya__
\v 11 Nashimo ishintu sheshikwinjila mwilomu lya muntu kumbhikha mtula nongwa. Yoli, sheshikufuma mwilomu, isho sheshikuti umuntu ananjishe."

\v 12 Abhalandati bhakha kwa Yesu kuti, "Ishi!, Umanyile Abhamanyaklata webhivwa izwi lila inze bhavitwaa?"
\v 13 U Yesu akhabhamula nakubhuzya kuti, "Ikwi lolonti lye uTata wani uwakumwanya atawalile likwipwa.
\v 14 Bhaleshe ibhene, bhalongozi abha mpubhila. Anga umntu wumpubhila angamlongozya umpubhila uwa mwabho, peka bhonti bhabhili bhakulendela mlyina."

\v 15 U Petro akhamla nakumbhuzya uYesu," Tumanyizye ishimanyilo ishi kulitwe,
\v 16 U Yesu akhamwamla kuti, "Nimwe mshili kumanya?
\v 17 Imwe mtakulola kuti sheshi kuliwa kwilomu shikushila mulwanda na kubhala kwisalani(choo)?

\v 18 Ilelo ivintu vwonti vwevikufuma mwilomu vikufuma mkasi mmwoyo. Vwevintu vikumnanganya umuntu.
\v 19 Pe mmwoyo zikufuma insibho imbibhi, uwugoji, uwubhembu, uwumalaya, uwibha, uwuketi uwilenga ni ndigo.
\v 20 Iga yoli gegakumbhinha uwubhibhi umntu. Ilelo kulya wutagezile mnyobhe umntu patangobha ni mbibhi kha."

\v 21 U Yesu akhasogola pala akhabhala kumbali iya kunhaya izya Tiro na Sidoni.
\v 22 Akhinza umwantanda Umkanani kufuma mnsi zinizyo. Akha dandizya kulonga akhati, "Ntuyile, Mwene, Mwana wa Daudi; umwana wani umlindu akuyimba nifwa ni mipepu."
\v 23 Ilelo uYesu atakhamwamula nalimo. Abhalandati bhakwe bhakhinza, bhakha mlabha, bhakhati, "Mwefwe ayepe, akutukhomela ishongo."

\v 24 U Yesu akhati, Intasonteleziwe kwa mntu ninga weka yoli kungole zyezitejile izyi nyumba ya Israeli."
\v 25 Pe akhinza akha gunzama pilongolela papakwe nakuti, "Mwene navwe."
\v 26 Aha mwamla kuti, "Tekhniza kwega ishakulya sha bhana nakuzipa imbwa,"

\v 27 Akhalonga akhati, "Lyoli, Mwene, nashinisho imbwa inyinsi zikulya sheshulenda pameza mwa Mwene wabho."
\v 28 U Yesu akhamwamla akhati "Mwantanda, ulwitinha lwakho lupiti. Zibhombeshe kukwanho anza kwanza." Umwana wakwe akhapona akhabhalilo kha nakho.

\v 29 U Yesu akhepa pala akhabhala kupipi nu sumbi uwa Galilaya. Iwinza pe akhabhala mwigamba akhikhala kunukwo.
\v 30 Impuga impiti yikhinza kukwakwe. Na kumletela abhadendelukha, abhampubhila, abhashinunu na bhebhalemaye abhinji bhonti, na bhebhali bhabhinu, bhabhabhishile pa vinama pa Yesu akhabhaponya.
\v 31 Impuga bhakhaswiga we bhalola abhashi nunu bhakulonga, na bhavilema bhakubha bhinza, abhadendeluka bhakujenda, nabhampubhila bhakwenya. Bhakhampala Umulungu uwa Israeli.

\v 32 U Yesu akhabhabhilishila abhalandati bhakwe nakubhabhuzya kuti, "Nabhalolela uwila impuga, kunongwa bhali peka nine kunsiku zitatu bhataliye na khamu. Te indagene nabho kuti bhasogole kukwabhu we bhataliye, bhatanhazilishe mwidala."
\v 33 Abhalandati bhakwe bhakhalonga bhakhati, "Kwoshi kwatunga gaga amakati gegangakwila pashilozu ipa ge bhikute impuga impiti ini?"
\v 34 U Yesu akhati, "Mli na makati galinga?" Bhakhati amakati, "Saba, niswi inyinsi zyatibhulo."
\v 35 U Yesu akhati impuga yikhale pasi.

\v 36 Akhega amakati gala saba niswi, wayega akhasalifwa, akhamensulanya nakubhapa abhalandati. Bhope abhalandati bhakhabhapa abhantu impuga.
\v 37 Abhantu bhonti bhakhalya na kukwilana bhakhabhunganya vwevwasyatola ivwakulya insenyenha nsenyenha vinhizula ivitundu saba.
\v 38 Bhala bhe bhaliye bhamile abha sakhala elfu zini bila bhana.
\v 39 Pe uYesu akhalaga impuga kuti bhasogolage anga akhinjila mnsitima kubhala ku Magadani.

\c 16
\cl Umlyango 16
\p
\v 1 Abhamanyakrata na Bhasadukayo bhakhabhala kumlinga uYesu abhalolesye indolesyo yikufuma kumwanya.
\v 2 Ilelo uYesu akhabhamla nakubhabhuzya kuti "Anga yabh shilyebhe mkuti kwashi kunzi kwinza, pe kumwanya ibhingo lishamamu.

\v 3 Anga kwaba shilabhila mkuti kunzi kushiye kha bhibhi pe ibhingo lishamamu iwinza amabhingo gagubishiye kumwanya kwonti.' Mmanyile kuzyaganya we mkwenya kumwanya, yoli ilelo mtangawezya kuzyaganya indolesyo izya khabhalilo.
\v 4 Impepiwa iya khabhalilo ikha ikha wubhembu bhakwanza indolesyo, zitalipo indolesyo nazimo zye bhangazilola yoli iya Yona. U Yesu akhabhalekha akhasogola.

\v 5 Abhalandati bhakhinza kufumila kumbali iya wubhili, ilelo bhahabha bhiwiwe kwega amkati.
\v 6 U Yesu akhabhabhuzya akhati "Mweyaje nakubha ni njele kumanyikhanya uwubhibhi wa Bhamanyaklata na Bhasadukayo."
\v 7 Abhalandati bhakha bhuzilizanya mkasi yabho kuti. "Kunongwa bhuli anzetutega amakati."
\v 8 U Yesu akhamanya linilyo akhati, "Imwe mubhalwitiho ulunsi, khoni mkusibha na kulonga mkasi yinyu kuti khoni khe mtegaga amakati?

\v 9 Emwe mshili kumanya na kukumbukha gala amakati gasanu kubhantu elfu tano, nivitundu vilinga mkhabhunganya?
\v 10 Ewe amakati saba kubhantu elfu zi zini, vitundu vilinga muhega?

\v 11 Zikubha bhuli pemtakuzyagaya kuti intalongaga nimwe izya makati? Myidimaje nakuyenya nuwubhibhi uwa Manya klata na Bhasadukayo."
\v 12 Pe bhakamanya kuti atalonjelaga amakati amabhibhi(amasafu), yoli atinji twenyaje imanyizyo izya Bhamanyaklata na Bhasadukayo.

\v 13 U Yesu we afikha ku Kasalia iya ku Filipo, akhabhuzilizya abhalandati bhakwe, akhati, "Abhantu bhakuti Umwana Muntu wunanu?"
\v 14 Bhakhati," Bhamu bhakuti wa Yohani Umwozyi; bhamu, wa Eliya; bhamu, wa Yelemia, ewe kubhamu abha kuwi.
\v 15 Akhati, imwe mkuti ine ne nanu?
\v 16 Kubhonti uSimoni uPetro akhamwamla, "Iwe we Kristo Umwana wa Mulungu we mpuma"

\v 17 U Yesu akhamwamla na kumbhuzya kuti, "Usayiwe wewe, Simoni Bar Yona, ibhanda ni nyama vitakupanjile linili, yoli uTata wani uwa kumwanya.
\v 18 Ishi nani inkuku bhuzya kuti wewe wa Petro, napamwanya pilyalawe ili intizenje ikanisa lyani(ishibhanza). Amalyo iga kuwuzimu lyete gakhalitole nha.

\v 19 Intikupe iwe ifungulu izya wu mwene uwa kumwanya. Gonti ge ungapinya mnsi umu weshipinyilwe na kumwanya, na chochote utakachokifungua duniani kitafunguliwa na mbinguni."
\v 20 U Yesu akhabhabhuzya abhalandati kuti bhata mbhuzyaje umntu anga weka kuti iwene we wu Kristi.

\v 21 Kufuma akhabhalilo inho uYesu akhanda kubhabhuzya abhalandati kuti ikwanziwa kuti imbale ku Yerusalemu, kuyimba kuminji, kunyobhe zya bhasongo nabhapiti bha bhaputi na bhasimbi, kungoga na kuzunha isiku ilya wutatu.
\v 22 U Petro akhamwega uYesu pambali na kumkhalalila, kuti, "Inongwa izi zibhe ukutali niwe, Mwene, ili litakhafumile kukwanho.
\v 23 U Yesu akhagalunhana na kumbhuzya uPetro kuti, "Galukha kulusalo kukwani setani! Iwe lipinjinho kukwani, kunongwa utakusajili imbombo ya Mulungu, yoli imbhombo zyabhandu."

\v 24 Pe uYesu akhabhabhuzya abhalandati bhakwe, "Kuti anga umutu wowonti akwanza kundandata ine, ikuti ayikhane wuyo mwene, apimbe ishinhobhe nhanyo shakwe andandate.
\v 25 Kwe kuti wakwanza kutangana uwinhao wakwe akitezya, wakutezya kunongwa yani akutengana.
\v 26 Eya! Khoni akhinza khe umntu angapata angabha nivintu vwonti mnsi umu ilelo atezye upuma uwinhalo wakwe? Pe! Khantu bhuli umuntu angafumwa kutananya nu wupuma wakwe?

\v 27 Umwana wa Adamu akhayinza nu wusisya wa Tata wakwe nabhakhabhuzya bhakwe. Akhayimposhelezya kila muntu kulingaana kujelana ni mbombo yakwe.
\v 28 Yoli inkubhabhuzya kuti kubhamu mwe mwimiliye ipa bhetebhanhalinje uwufwe paka pe bhakhamlole Umwana wa Adamu we akwinza uwumwene wakwe.

\c 17
\cl Umlyango 17
\p
\v 1 Insiku sita wezyashila uYesu akhabhega peka uPeteli, nu Yakobu nu Yokhani ukhambaku wakwe, bhakhabhala pamwanya mwigamba itali bhibho ibhene.
\v 2 Akhachija pilongolela she bhakumwenya. Kumiso akhalama kubhingamila ngati lizubha, amendagakwe gakhaba mazelu ngati rukhozyo.

\v 3 Kwenya, pala bhakafumila uMusa nu Eliya bhakulonga inawo.
\v 4 U Peteli akhambhuzya uYesu kuti, "Mwene, nhinza kuti nitwe tubhe panapa. Anga wayigana, intizenje ivwegwi vitatu isha Musa nisha Eliya."

\v 5 Pe wakulonga, likhalolekha ibhingo izeru likhaleta akhanzundila, pe likhafuma izwi kufuma mwibhingo, likhati, "Unu Mwanawani unkundwa we anhondeye mmwivwaje iwene."
\v 6 Abhalandati we bhivwa shinisho, bhakhagha hakukupama bhakhogopa khani.
\v 7 U Yesu akhniza akhabha palamasya akhati, "Bhushi mtogopaje khani."
\v 8 Bhope we bhadamkha bhatakhamlola umntu yoli uYesu imwene.

\v 9 Pe we bhakwinha mwigamba, uYesu akhabhalajizya, kuti, "Mtakhafumwe impembu kuzyezya bhaloleshela paka pe Umwana Mntu alizyukha kufuma kubhafwe."
\v 10 Abhalandati bhakwe bhakha mbhuzilizya, bhakhati, "Khoni abhasimbi bhakuti uEliya ikutu ayinze isuti?

\v 11 U Yesu akhabhamla kuti, "uEliya atiyinze yoli atigarusye imbombo yonti.
\v 12 Ilelo inkubhabhuzya imwe, kuti uEliya akhinza, ilelo bhatakha mmanya. Pe bhakhambhombela zyebhayigana ibhene. Nashinisho vwezili Umwana Mntu vwete bhamyinvwe mnyobhe zyebho."
\v 13 Abhalandati pe bhakhazyaganya kuti alonjelaga mpembuzya Yohani Umwozyi.

\v 14 We bhafikha pambuga ya bhantu, umntu weka akhambhalila, akhasugamila pilongole nakumbhuzya kuti,
\v 15 "Mwene, umutuyile umwana wani, ali ni shizilisi khabhili akuyimba inhani pamu akugwa akhinji mmwoto na mminzi.
\v 16 Namletile kubhalandati bhakho, bhakhapotwa kumponya.

\v 17 U Yesu akhaloga akhati, "Imwe mpapo ini ye yita nu lwitinho inanjisu, inyibhe nimwe paka lino? Inti jimbilile nimwe paka lino? Mlete ipa papani."
\v 18 U Yesu akhakhalalila, ipepu linhepa. Ukijana akhapoona papala.

\v 19 Abhalandati bhakha mwinzila uYesu ku kwilu kumbhuzya kuti, "Khoni khe twapotiwe kwefwa?"
\v 20 U Yesu akhati, "Kunongwa ya lwitinho lwinyu lunsi. Lyoli inkubhahuzya, kuti anga mwabhanga pope nu lwitinha ulunsi inza akhasanga khimbeyu ya wulezi, mngalibhuzya igamba ili, sama kufuma ipa ubhale kula lyope linga sama patasyale na khamu inhakudalinhana kukwinyu.
\v 21 (Rema: Amazwi iga mstali 21 "Ilelo ishikholo ishi mapepu ikusitinhana kwepa, yoli imputo na kuyima" gatakulolesya anhinza kha kufuma kuwusimbe uwinza uwa kuwandilo).

\v 22 Akhabhalilo we bhashili bhali ku Galilaya, uYesu akhabhabhuzya Abhalandati bhakwe kuti, "Umwana wa Adamu atilemwe mnyobhe zya bhantu.
\v 23 Te bhamgoje, isiku ilya wu tatu atazyushe." Abhalandati bhaka syumilila nifwa.

\v 24 Bhope we bhafikha ku Kapelenaumu, abhantu bhe bhakubhunganya insonho inusu lupiya bhakha bhala kwa Peteli kuti, "Ishi ummanyizyi winyu akufumwa insonho inusu rupiya?"
\v 25 Akhati, "Ena" Ilelo uPeteli wayinjila mkasi mnyumba, uYesu akhalonga nu Peteli kwanda kuti, "Ukusibhilila nhoni Simoni? Abhamwene bha mnsi, bhakuposhela insonho ewe uwushulu kufuma kwa nanu? Kubhala bhebhakubhalongozya amwe kubhajeni?

\v 26 Pe wu Peteli alonga ati, "Kufuma kubhajeni" uYesu akhambhuzya kuti, isho ikuti bhebhakutabhaliwa bhepe kubhe bhakufumwa.
\v 27 Ilelo tutakhabhombe shinisho abha soshezya nsonho bhatakhabhombe imbibhi, bhalaga kusumbi, usumbe ulu sikulo, uyeje inswi yila iya kwanda. Wewagubula ilomu lyakwe, utuyajemla inhela yeka uyeje ubhape bhebhakusonshezya insokho iyani ni yakho.

\c 18
\cl Umlyango 18
\p
\v 1 Akhabhalilo khana khanakho abhalandati bhakhinza kwa Yesu kulonga kuti, "Wunanu we msongo kushina mwene kumwanya?"
\v 2 U Yesu akhamwega umwana umnsi akhamubhikha pakasi yabho,
\v 3 akhati, "Lyoli inkubhabhuzya, anga mtakupindukha kubha anza umwana umunsi, mtanginjila kuwumwene kumwanya.

\v 4 Yoli wakuyisya anza umwana umunsi, umuntu anzayo mpiti kushina mwene kumwanya.
\v 5 Umuntu wonti wakumposhela umwana kwitawa lyani akumposhela nene.
\v 6 Umuntu wonti we akumtezya weka kubhansi ibhabhebha kunitikha kunanjikha, ingabha akhinza umuntu anzuyo iwe ipiti ilya kusyela bhamkunje mnsingo mmwakwe, nakumdwimvwa pasi musumbi.

\v 7 Ahere munsi kunongwa ya khabhalilo ikha kuvisya! akhabhalilo ikho ikuti yinze, ilelo aheree kwa mntu ula we akhabhalilo ikho khakwinza kunongwa yakwe!
\v 8 anga inyobhe yakho ewe ishinama shakho shikukupuvwa ukwilamwa, udumle nakutaga ukutali niwee. Pe khinza inkani kukwakho kwinjila kuwupuma bila nyobhe ewe nishilema, nakuti bhakusumbe ku mwoto uwa wila na wila wuli ni nyobhe zyonti ewe ni vinama vwonti.

\v 9 Anga ilyiso lyakho likukupuvwa, ulyipe na kutaga ukutali. Pe yikubha khinza kukwakha iwe kwinjila ni lyiso lyeka kuwupuma, nakuti usumbwe mmwoto uw wila na wila wu uli na miso gonti.

\v 10 Mwenyaje mtakha msufwe weka kubhansi ibha yoli inkuhabhuzya kuti kumwanya kuli abhakha bhizya ibhene insiku zyonti bhakwenya pa miso pa Tata wani wali kumwanya.
\v 11 (Linganizya: Amazwi gegakulolekha ngati ga mstari uwa 11, "Kunongwa Umwana wa Adamu ayinzile kupokha shila she shitejile" gatakhalolea mmakalata aminza ngi mandi).

\v 12 Wilenga? Anga umuntu aliningole imiya yeka, anga yeka yatega, pe atangazilekha tisini na tisa mwigamba nakubhala kuyifwata yeka yeyitejile?
\v 13 Anga ayaga, lyoli inkubhabhuzya, kuti akusha kushi zila tisini na tisa zyezitatejile.
\v 14 Anza shinisho, teshingane sha Tata winyu uwa kumwanya kuti weka iwa bhansi ibha kuti afwe.

\v 15 Anga unholo wakho akumanjila, bhalaga, ubhale umbhuzye vwakunajiye iwe nu wene imwene anga anga akutejelevwa, we mwivwana nu nunholo wakho.
\v 16 Anga atakutejelevwa, mweje unholo wakho weka pope bhabhili na kwonjela peka niwe, ikuti amalomu iga bhantu bhabhi ewe bhatatu amazwi gonti gakumanyikha.

\v 17 Anga asufwa(kusholanya) kubhivwa libhuzye ikanisa(ishibhanza) inongwa iyo, anga pope atabhivwa abhashi bhanza, umuntu uyo abhe ngati ngati mpagani we msonshezya nsonho.

\v 18 Yoli inkubha bhuzya, lyolyonti lye mngapinya mnsi na kumwanya lipinyilwe iwinza anga mnga satula lyolyonti munsi nakumwanya likusatulwa.
\v 19 Habhili inkubhabhuzya kuti anga abhantu bhabhili mkasiyinyu angabhivwana lyolyonti pansi ya pasi lyebhakulabha, ilyo uTata wani uwakumwanya akubhomba.
\v 20 Anga bhabhili ewe bhatatu bhabhunganile peka kwitawa lyani, Ine indi pakasi yabho.

\v 21 Iwinza uPeteli akhinza akhambhuzya uYesu akhati, "Mwene, khalinga anga unholo wani ananjiye ine imutuyile? Pope zibhe saba?"
\v 22 U Yesu akhati, "Intakukubhuzya kuti yibhe saba, yoli yibhe amashumi saba iwinza saba.

\v 23 Kunongwa iyo ishi na mwene kumwanya ngati wu mwene umo we akhanza kuti abhazye ishuma kubhabhombi bhakwe.
\v 24 We ayanda kubhazya anga amanyinknanye, umbhombi weka bhakhamleta kukwakwe akha daiyiwaga inhela(ishuma) amashumi ishumi.
\v 25 Pe atamile ni dala ilya kusomba(kulipa), umwene wakwe akhalajizya kuti bhamkazye, umushi wakwe peka na bhana bhakwe ni vintu vwonti vwali navwo, anga asombe.

\v 26 Umbhombi ula akhagwa pasi, akhasugamila pilongolela papakwe, akhati, 'Mwene, ungulilile peka nine, intikusombe kila khantu.'
\v 27 Pe umwene wa mbhombi ula, akhamlolela uwila, akamleshezya nakumtuyila ideni(vwakhopile)

\v 28 Umubhombi ula akhasogola akhamwaga umubhombi uwa mwabho, wepe bhakhamdayaga ishuma idinali ishumi. Ahamlema, akhampita kunsingo, akhati nambe vila vwinkukudaya.'
\v 29 Pe shinisho umbhombi uwa mwabho wula akhikha akhamlamba ninfwa, akhati, 'Ngulilile nani, intikusombe intitabhule.'

\v 30 Umubhombi uwakwanda wuwula akhakhana. Yoli pe akhabhala akhamsumba mwijela, paka pe akhasombe vwakumdaya.
\v 31 We bhalola abhabhombi abhamwabho lila lyelyalolekha. Bhakhaswiga nhani. Bhakhinza kumbhuzya lyelyalolekha.

\v 32 Pe umwene uwa mbhombi ula akhambhilishila, nakumbhuzya kuti, 'Ewe we mbhombi umbhibhi, inze na kutuyila iwe ideni lyani lyonti kunongwa yukhandabha inhani.
\v 33 Ishi! Pe khoni kuti ubhe nu wila kwa mbhombi uwa mwinyu, anza she nakutuyiye iwe?

\v 34 Umwene wakwe akhilamwa akhabhuzya abhalugu kuti bhamyinvwe nhani paka alipe zyonti zye adayiwaga.
\v 35 Isho vwezili uYise wani uwakumwanya vwalibhabhomba, anga weka mkasi yinyu atanga mtuyila uwa mwabho wakwe kufuma mmwoyo winyu."

\c 19
\cl Umlyango 19
\p
\v 1 Khukhafumila akhabhalilo uYesu we amala kulonga igo, akhasogola ku Galilaya, iwinza akhabhala kumpakho mu Yudea kwilongolela kulwizi ulwa Yordani.
\v 2 Ishilundilo ishipiti bhakha mfwata, akhabhaponya kukwo.

\v 3 Abhamanya klata bhakha bhala kumlinga, bhakhati, "Ishi khinza kumlekha umntu umshi wakwe kunongwa yoyonti?"
\v 4 U Yesu akhabhamla akhati, "Mtakhabhazya, kuti uwene wabhapelile kuwando apelile umsakhala nu mwantanda?

\v 5 Pe akhati, 'Kunongwa iyo umsanhala akhayimlekha uyise wakwe nu nyina wakwe na kupatinha kukhomana nu mushi wakwe, bhonti bhabhili kubha umbhili weka?'
\v 6 Pe bhatakubha bhabhilinka, yoli umbhili weka. Pe khala khe akhomanya Umlungu, umntu numo atakha lekhanye."

\v 7 Bhakhambhuzya bhakhati, "Ishinhoni uMusa khaati tufumwaje italakja na kumlekha?"
\v 8 Akabhabhuzya akhati, "Kuwugomu wa moyo ginyu uUMusa akhabhigulila kuti mbhalekhage abhoshi bhinyu, ilelo kufuma kuwandilo vwezitamile shinisho.
\v 9 Inkubhabhuzya kuti umuntu wonti we angamlekha umshi wakwe, yoli kunongwa ya wubhembu. Na kwega uwunji abhembukha wope umsakhala wayega umshi we bhamleshe abhembukha."

\v 10 Abhalandati bhakha mbhuzya uYesu, "Anga vwezili kwa msakhala na kwa mshi, petenhinza kwega."
\v 11 Pe uYesu akhabhabhuzya kuti, "Te bhantu bhonti bhangaposhela imanyizyo izi, yoli kukubhala bhebhitishiliwe kuposhela.
\v 12 Kunongwa bhalipo bhebhapeliwe kuti bhategaje kufuma pebhakha papwa mnyanda zya bhanyina bhabho. Nashinisho bhalipo abhatowashi bhakha gombwa na bhantu. Bhalipo abhatowashi bhebhakhayigana bhibho kunongwa ya shinamwene sha kumwanya. We angaposhela imanyizyo izi aposhele."

\v 13 Bhakhamletela abhana abhansi kuti abhabhishe inyobhe pitwe na kubhasanya, abhalandati bhakwe bhakha bhadindaga na kubha khalalila.
\v 14 Pe uYesu akhati, "Bhaleshe abhana abhansi, mtabha khanaje kwinza kukwani, ikuti ishina mwene isha kumwanya inyobhe anzibho.
\v 15 Akhabhabhikha inyobhe akhabhasaya akhepapala.

\v 16 Yenya umntu weka akhinza kwa Yesu akhati, "Mmanyizyi, khantu bhuli akhinza khe ingabhomba anga impate uwumi uwa wila na wila?"
\v 17 U Yesu akhati, "Nhoni khe ukumbuzilizya kuti khantu nhoni akhinza? Alipo umwinza weka mwene wa mwinza, ilelo anga ukwanza kuwaga uwumi, uleme indajizyo zya Mulungu."

\v 18 Umuntu ula akhambhuzilizya akhati, "Indajizyo zilikwi?" U Yesu akhati, "Utagogaje, utabhembukhaje, utibhaje utabhanje wamketi uwilenga,
\v 19 ushindikhaje uyise wakho nu nyina wakho, iwinza umgane upalamani wakho anza uwuntu wakho."

\v 20 Umntu ula akhati, "Ganago inga manyile na kugalema. Pe khasyalile akhoni?
\v 21 "U Yesu akhati, "Anga ukwanza kubha wa wanalyoli, bhalaga khakazye vwuli navwo, ubhape abhapina pe utubhe ni shanga kumwanya. Anga pe uyinze undandataje."
\v 22 Ukijana umtunta ula we ayivwa gala ge uYesu alonga, akhasogola, kumo asungamile, kunongwa ali ni shuma ishipiti.

\v 23 U Yesu akhabhabhuzya abhalandati bhakwe kuti, "Lyoli inkubhabhuzya, papala kwa mntu udumbwe kwinjila kushina mwene kumwanya.
\v 24 Habhili inkubhabhuzya, kuti kwashi ingamila kwinjila pilyazi lya lusindani, te wudumbwe nkha kwinjila ku wu mwene kumwanya."

\v 25 Abhalandati we bhivwa shinisho, bhakhaswiga ninfya bhakhati, "Wu nanu we angapona?"
\v 26 U Yesu akhabhenya na kulonga kuti, "Kubhantu ilo litakumanyinhana, ilelo kw Mulungu gonti gakubhombekha."
\v 27 Pe uPeteli akhamwamula na kumbhuzya kuti, "Yenya, tuvileshile vwonti na kukulandata iwe. Hantu khoni khoni khetulipata?"

\v 28 U Yesu akhati, "Zyanalyoli inkubhabhuzya, iwene wakundandata ine, mnsi ipwa Umwana Mntu we ayikhala pitengo ilya wu mwamu nu wu finjile wakwe, nimwe namwe amatengo ishumi na gabhili ivwa wupiti, kulonga ivinholo ishumi na vibhili ivwa Israeli.

\v 29 Wonti imwe wayileshile inyumba, ukhambaku uwamwabho, uyilumbu, uyisye, unyina, abhana ewe ishizi kunongwa yitawa lyani, atiposhele amashumi kumi na kupwanila uwupuma uwa wila na wila.
\v 30 Ilelo abhingi bhebhaku wandilo ishi, bhakhayibha bhkumwisho, bhebhali kumwisho bhalibha bha kwandailo.

\c 20
\cl Umlyango 20
\p
\v 1 Ishinu mwene ishakumwanya shikholine nu muntu uwishizi, we akhadamkha akhilabhila mpwili kukubhikha abhabhomba mbombo kushizi shakwe isha mizabibu.
\v 2 Pe wayitikhana na bhimbombo idinari yeka kwi siku, akha akhabhatwala kushizi shakwe isha mizabibu.

\v 3 Akhabhala iwinza wekhashila akhabhalilo isala zitatu akhabhalola abhabhombi abhamwabho bhimiliye bila mbombo pamunalo.
\v 4 Akhati, 'Nimwe, bhalaji kushizi isha mizabibu, vwonti vwe vikwanziwa intibhape.' Pe bhakhabhala kubhomba imbombo.

\v 5 Akhabhala iwinza wepashila amasala sita iwinza isal tisa, akhabhomba shinisho.
\v 6 Akhabhalilo iwinza ikha isala ishumi na kheka akhabhala akhabhaga abhamwabho bhimiliye sita mbombo. Akhati, 'khoni khe mwimiliye ipi sita mbombo nayimo isiku lonti?
\v 7 Bhakhati, kunongwa numo umntu angaweka watubhishile pa mbombo. Akhabhuzya, 'Kuti namwe bhalaji kushizi isha mizabibu.'

\v 8 Akhabhalilo ikhilebhela wekhafikha, umwene shamba ilya mizabibu akhambhuzya umwimilili wakwe, 'Bhabhilishile abhabhombi ubhaposhelezye idinari, kwandila uwakumwisho paka uwakwanda.'
\v 9 Pe webhinza bhala bhebhandile isal ya ishumi na yake, 'Kila weka wabho aposhela idinari.'
\v 10 Webhinza abhabhombi ibhakwanda, bhakhasibha kuti tebhaposhele inyinji, ilelo bhakhaposhela kila mntu yeka.

\v 11 Pe webhaposhela idinari zyabho, bhakhanda kumbhuna uwishizi.
\v 12 Bhakhanda kuti, 'Ibha abhabhomba mbombo abha kumalilo bhabhomba isala lyeka imbombo, ilelo bhabhalinganya nitwe, nitwe twapimba amazigo msanya wonti na kupwa na khasanya.'

\v 13 Pe uwishizi ula akhambhuzya umo wabho akhati, 'Manyani, intabhombile ibhibhi nalimo. Ishi! tukhitinhananine ku dinari yeka?
\v 14 Poshelaga sheshanho kuwugolosu sogolaga. Shigane shani kubhapa ibha abhabhomba mbombo bhe bhandile ku kumwisho(kumalilishilo) kuti bhaposhele inziwe.

\v 15 Ishi! Te shigene shani kubhomba vwenayigana ni mali zyani? Iwe ilyiso lakho libhibhi kunongwa ine pe indi nu wila?
\v 16 Isho kukuti uwakwanda akhayibha wa kumwisho"

\v 17 U Yesu wakhazubhaga kubhala ku Yerusalemu, akhega abhalandati bhakwe ishumi na bhabhili pambali, mwidala akhabhabhuzya akhati,
\v 18 "Yenyi tukubhala ku Yerusalemu, Umwana wa Adamu atile mwe mnyobhe zya bhasongo bha bhabhaputi na bhasimbi. Tebhamlonje kufwa
\v 19 tebhamfumwe kubhapagani kumzalabhula, kumkhoma kumgwegwalula kumnhomela. Ilelo ishiku ilya wutatu akhayizyukha."

\v 20 Unyina wa bhana bha Zebedayo akhniza kwa Yesu nabhana bhakwe. Akhasugamilapilongolela papakwe nakulabha akhatu kufuma kwa Yesu.
\v 21 U Yesu akhati, "Ukwanza akhoni?" Akhambhuzya akhati, "Bhape abhana bhani bhabhili bhikhale, wekakunyobhe yakhoindilo weka kunyobhe yanho imongo muwu mwene wakho."

\v 22 U Yesu akhamwamula akhati, "Utakhamanyile khala khukulabha. Kumwelela mlupindi lwinti mwelele?" Bhakhati, "Tunga mwelela."
\v 23 Abhabhuzya akhati yoli mngamwelela. Ilelo kwinhala kunyobhe yani indilo na kunyobha yani imongo tenene ingabhapa, yoli bhabhala bhebhakha sebha nu Tata wani."
\v 24 Abhalandatiabhamwabho ishumi we bhivwa isho, bhakhasukumila ninfwa na bhamwabho bhala bhabhili.

\v 25 Ilelo uYesu akhabhabhilishila wuyo nakubhabhuzya, akhati, "Mumanye kuti bhebha kutabhala mnsi bhakubhogofwa, abhapiti bhabho bhakufwata indajizyo ku kwabho.
\v 26 Pe zitakhabho shinisho kukwinyu. Yoli, wonti wakwa kuti abhe mpitilumsongo mkasi yinyu ikuti abhe mbhombi winyu.
\v 27 Anga we akwanza abhe wa kjwanda mkasi yinyu ikuti abhe mbhombo winyu.
\v 28 Anza vwe zili Umwana wa Adamu atinzile kubhombelwa, yoli kubhomba, na kufumwa uwupuma wakwe kubha wuponelo wa bhinji."

\v 29 We bhafuma ku Yeliko, impuga impiti yikha mlandata.
\v 30 Bhakha bhalola abhampubhila bhabhili bhighaye pambo ali pidala ipiti(imbalabala). We bhivwa kuti uYesu akushila, bhakhadandizya izwi bhakati, "Mwene Mwana wa Dauti, tutuyile(utufwile uwila)."
\v 31 Impuga yonti bhakhabha khalalila, akhati ishongo pumi. Pope ibhulo, bhope bhakha dandizya inhani bhahati, "Mwene, Mwana wa Daudi, ututuyile."

\v 32 Pe uYesu akhimilila na kubhabhilishila na kubhabhuzilizya, "Kuti mkwanza imbabhombele akhomi?"
\v 33 Bhakhambhuzya kuti, amiso gitu gadamule."
\v 34 U Yesu akhlolela uwila, akha palamasya amiso gabho, panapo bhakhaposhela bhakhalola na kumlandata.

\c 21
\cl Umlyango 21
\p
\v 1 U Yesu na bhalandati bhakwe bhakhafikha pepa palamiye naku Yerusalemu iwinza bhakhabhala paka ku Bethfage, kwigamba ilya mizeituni, pe uYesu akhasontelezya abhalandati bhabhili,
\v 2 akhati, "Mubhale inhaya yeyikufwata pilongolela, lyekabhulo mkhati indogomi nkuje pala, ni nyana yindo gomi yope. mzisatulile na kuzileta kukwani.
\v 3 Anga umntu wonti akubhabhuzya limo ku linilo, mkhambhuzye mkhati, `Umwene akuzyanza, ` umntu uyo lyeka bhulo akubhala kubhapa mwinze peka nazyo"

\v 4 Iga ge gakulolea gegagala gegalongiwe kushilila kwa mkuwi ikuti galoleshe. Akhabhabhuzya,
\v 5 Bhabhuzye abhalindu abha Sayuni, yenya, umwene wakho akwinza kukwinyu, umtonsu apandile indogomi, ni nyana yi ndogomi insakhala, indogomi inyisi.

\v 6 Pe abhalandati bhakha sogola bhakha bhomba anza uYesu vwabhalajizizye.
\v 7 Bhakha yilete indogomi ni nyana yindogomi, bhakhabhikha amenda gabho pamwanya yabho, uYesu akhikhala pupo.
\v 8 Abhinji palunhomano bhakhala amenda gabho mwidala, bhamu bhaka pwota amakwe impaswa bhakhala mwidela ipiti.

\v 9 Impuga yimo yalongo leye kwa Yesu bhala bhebhamfwataga bhakha dandizya kunholela kwizwi ipiti bhakhati,"Hosana kwa mwana wa Daudi! Msayiwa we akwinza kwitawa lya Mwene. Hosana pamwanya khani!"
\v 10 U Yesu we afikha mu Yerusalemu, inhaya yonti ikha gandukha bhakhati, "Unu wu nanu?
\v 11 "Impuga yonti bhakhalonga bhakhati, "Unu wu Yesu Umkuwi, kufuma ku Nazareti iya ku Galilaya."

\v 12 U Yesu akhinjila mshibhanza isha Mulungu. Akhabhabhinga bhonti panzi bhebhakha kalaga na kukazya mkanisa. Iwinza akhabemulanya ineza ivitalati vwe bhakha vunzilaga impiya na matengo iga bhebhakhazyaga inkunda.
\v 13 Akhabhabhuzya akhati, "Isimbiwe, `'Inyumba yani iti tenhwaje kuti nyumba yimputo, `ilelo imwe mubhishile matongo amagwila iga bhibha."
\v 14 Abhampubhila na bhavilema bhakhinza mkanisa, mulawope akhabhaponya.

\v 15 Ilelo akhabhalilo abhapiti bha bhaputi na bhasimbi we bhalola amayele gegabhombekha, we bhivwa abhana bhakukhoma ishongo mwikanisa wakuti, "Hosana kwa Mwana wa Daudi," bhakhilamwa.
\v 16 Bhakhati, "Wivwazye zikulongwa na bhantu ibha?" U Yesu akhati, "Ena! Ilelo mtakha sambila kubhazya, 'Kufuma kwiloma kubhana na bhana abhansi bhebha kwonha mli impalo izyana lyoli?"
\v 17 U Yesu akhasogola akhabhala ukunji na kunzi ni nhaya yila akabhala ku Betania akhagona kukwo.

\v 18 Ikhilabhila wakugalukha mkhaya yila, akhalola inzala.
\v 19 Akhalilola mmbali mwidala mumbalabala. Akhabhala, ilelo atakha pata na khamu mumwanya akhaga matundu mene. Akhalibhuzya ikwi, "Kuti kutakhabhe insanga wila khabhili." Panapo ikwi lila likhuma.

\v 20 Abhalandati we bhalola, bhakhaswiga na kuti, "Zabha bhuli ikwi lyuma lyeka ibhulo?'
\v 21 U Yesu akhagalusya na kubhabhuzya kuti, "Lyoli inkubhabhuzya, kuti mulimu lwitinho mtakutuya, mungabhomba gegabhombeleshile kwikwi ilyo ibhulo, pope mngalibhuzya igamba ili, ` ukumpule na kusumba musumbi, `zinga bhombekha.
\v 22 Lyolonti lye mngalabha kuyiputa, na kwitikha mkuposhela."

\v 23 U Yesu we afikha mkanisa, abha piti bha bhaputi na bhazekhe abhasongo bha bhantu bhakhinza kukhabhalilo khakumanyizya na kumbhuzilizya kuti, "Kwidala lya nanu ukubhomba ganaga? Wunanu wakupiye amakha ganaga?"
\v 24 U Yesu akhabhamula na kuti, "Nani imbabhuzilizye iswali lyeka. anga mwambuzya, nine pe intibhabhuzye kuti kumakha goni inkubhomba iga.

\v 25 Ulwozyo lwa Yohani- lukhafuma kwii, kumwanya ewe kubhantu?" Bhakhayinong'ona ibhene, anga bhati, tuti, wakhafuma kumwanya, `atitilibhuzye kuti khoni khe mtakhamwitinhaga? `
\v 26 Anga twati, `wafumile ku bhantu, `tukubhogopa abhalukhomano, kunongwa bhonti bhakumlola uYohani ngati mkuwi."
\v 27 Bhakha mwamla uYesu bhakhati, "Tutamanyile" Akhabhabhuzya akhatipe, "Nani te imbabhuzye kumakha inkubhomba ganaga.

\v 28 Ilelo mkukwina akhoni? Umntu uwa bhana bhabhili. Akhabhala kwa weka kuti, `Mwana wai, bhalaga khabhombe imbombo kushizi isha mizabibu
\v 29 leo.`Umwana akhati, `intakubhala, ' Ilelo wepakhabha akhayisibha akhabhala.
\v 30 Umuntu ula akhabhala kwa mwa uwa wubhili akhalonga shishila. Umwana uyo akhitikha akhati, `intibhale, mwene', ilelo atakhabhala kha.

\v 31 Alikwi kubhana bhabhili wakha bhomba izya yise wakwe? Bhakhati, "Umwana uwa kwanda." U Yesu akhabhabhuzya kuti, "Zyanalyoli bhebhakusonshezya insonho na bhamalaya bhakhayinjila kushina mwene kumwanya we mshili imwe kwinjila.
\v 32 U Yohani ayinzile kukwinyu kwidala igolosu, ilelo mtakha mwitikha, ibhene abhasonshezya nsonho malaya(abhabhembu) bhakha mwitikha. Nimwe, mwemwalola ilyo likubhombekha, mtakha pindukha anga pilongolela wimwitishe.

\v 33 Tejelevwi ishikholanyo ishamwabho. Kwali umntu, umntu wali ni shibhanje ishipiti. Ishapiti ishakulima akhawala imizabibu, akhasita ulubhaga, akhagomba ishililo isha kufinyila ivwa kumwela, akhazenga pamwanya abha kolokoloni, akhabhapanjizya bhebha kulimilila imizabibu. Akhashula kunsi izya kutali ukunji.
\v 34 Akhabhalilo ikhinjebhelo iyi zabibu wekhafikha, akhasontelezya abhabhombi bhakwe bhamu kubhebhakulima imizabibu kwega izabibu zyakwe.

\v 35 Abhantu bhala bhebhakulima bhakha bhalema umbhombi wakwe, bhakhamkhoma weka, bhakhamgoga uwa mwabho bhakhamkhoma na mawe.
\v 36 Iwinza khabhili, Uwishizi akhabha sonteleza abha bhombi abhamwabho, abhinji kushila abhakuwandilo, pope bhebhakulima ishizi shila isha mizabibu bhakhabhabhomba sishila.
\v 37 Wezyabha shinisho umwene ula akhamsontelezya umwana wakwe, akhati, `'Tebhamti mtinishe umwana wani.'`

\v 38 Bhala bhe bhakuli ishizi isha mizabibu webhamlola umjana umsakhala bhakha bhuzyanya, `'Kuti unu we wakupwanini, Nzaji, tumgoje angatu tabhale nakupwanila'.
\v 39 `Pe bhakhamlema, bhakha msumba kunzi kushizi isha mizabibu na kumgoga.

\v 40 Ishi anga uwishizi shila isha mizabibu anga ayinza, pe akhayibhomba bhuli kubhabhala bhebhakulima ishizi isha mizabibu?"
\v 41 Bhakhati, "Alibhananganya abhantu ibho abhabhibhi kuwinhali inhani, na kupanjiza ibha mizabibu, abhantu bhebhanga fuma izabibu we zela."

\v 42 U Yesu akhabhabhuzya kuti, "Mtakhabhazya amasimbo, ' Iwe lyebhakhanile abhazenji liwe lipiti lyapawandilo. Ili lyafumile kwa Mwene, likuswijizya pamiso gitu?'

\v 43 Ishi inkubhabhuzya kuti, Uwu mwene uwa Mulungu te mwikhalile mwemwe kufuma kukwinyu na kupata insi abhantu bhebha kusajila insanga(imbombo).
\v 44 Wowonti we angagwila piwe pamwanya akupwote nhana kudumunhana ivituli tuli. Nawe lyamgwila, likumsya."

\v 45 Abhapiti bha bhaputi na manyaklata we bhivwa ivikholanyo vwakwe, bhakhalola kuti aku akubhalonga bhibho.
\v 46 Pe webhakwanza kubhusya inyobhe kunongwa yakwe, bhakhogopa ulubhungano, kunongwa bhalolaga kuti mkuwi.

\c 22
\cl Umlyango 22
\p
\v 1 U Yesu akhalonga nabho kuvinholanyo akhati,
\v 2 "Ishina mwene isha kumwanya shikholine nu mwene we akhalinganya isiku limo ivwakulya ivwa weji uwa mwana wakwe.
\v 3 Akhabha sontelezya abhabhombi bhakwe kubhilishila abhantu kubhilishila bhe amalanjiye kwinza kuseshela uweji, ilelo bhatakhinza kha.

\v 4 Umwene akhasonteleza abhabhombi abhamwabho, ahati. "Bhabhuzye bhonti abhalanjilwa, Yenyi, inteleshile ivwakulya. Imbolile ing'ombe yani inhambaku impambali yeyinyanyatile inomile, vipiye ivwakulya vwonti, Nzagaji kuseshela na kushima pa weji."

\v 5 Abhantu bhala bhatakha sajila we umwene ula abhalanjiye bhanu bhakhayagata muvwizi vwabho, bhamu bhakhabhala muwuchuruluzi.
\v 6 Bhamu bhakhabhalema kubha supizya abhabhombi bha mwene bhakabhakhoma na kubhagoga.
\v 7 Pe umwene akhavitwa. Akhasontelezya abharugu bhakwe, abhagoga bhala bhe bhagojile abha bhombi bhakwe na kupemba inhaya zyabho nu mwoto.

\v 8 Iwinza akha akhabhabhuzya abhabhombi bhakwe kuti, "Uweji wufishile bhenalanjiye bhakhamile.
\v 9 Ishi bhalaji mmadala amalenhana amapiti, mbalete abhantu abhinji bhonti bhe mwabhaga bhinzaje ku weji."
\v 10 Abhabhombi bhakhabhala mwidala ipiti kubhalanjila abhantu bhonti bhe bhabhalola, abhinza na bhabhibhi. Inyumba yila iya weji bhakhizula abhajeni.

\v 11 Pe we umwene ayinjila kwenya abhajeni, akhamlola umuntu weka watakwatile umwenda uwapa weji!
\v 12 Umwene akhambhuzilizya kuti, 'Manyani, uyinzile bhulibhuli na kwinjila wutali nu mwenda uwa weji?' Umntu uyo atakhalonga nalimo.

\v 13 Pe umwene akhabhabhuzya abhabhombi bhakwe, "Akhati mpinye umuntuyo mnyobhe ni vinama mmtaje kukhisi, kwe kulibha kulila na kusya amino.
\v 14 Abhantu abhinji bhabhilishilwa ilelo bhebhitishililwe bhansi."

\v 15 Pe abhananyaklata bhakha sogola kupangana vwe bhangamlema uYesu kumazyi gakwe wuyo.
\v 16 Pe bhakhasontelezya abhamanyili bhabho peka na bha Maherode. Bhakhambhuzya uYesu bhakhati, "Mumanyizi, tumanyile kuti iwe wa muntu uwanalyoli, na kuti ukumanyinza izya Mulungu nalyoli. Utakusajila injele zya bhantu abhanji uta kwenya pamiso umuntu.
\v 17 Ishi tubhuzye, ukusibha akhoni? Ishi khinza kufumwa insonho indajizyo kwa Kaisali ewe kha?"

\v 18 U Yesu akhamanya uwubhibhi wabho akhati, "Khoni khe mhundinga mbhilenga imwe?
\v 19 Ndanje inhela iyo yemkufumwaa insonho." Bhakhamletela idinari.

\v 20 U Yesu akhabhabhuzilizya akhati, "Ishifwani ishi nitawa vwananu?"
\v 21 Bhakhamwamula bhakhati, "Vwa Kaisari." U Yesu akhabhabhuzya kuti, "Mmpanje uKaisari ivintu vwe vwakwe ivwa Mulungu mpanje Umlungu."
\v 22 We bhivwa shinisho bhakhaswiga. Bhakhasogola bhakapala.

\v 23 Isiku ilyo bhamu aha Sadukayo bhakhinza kwa Yesu, bhala bhebhakuti kuzukha na kumo bhebhafuye. Bhakhambhuzilizya,
\v 24 bhakhati, "Mmanyizyi, uMusa akhati, Anga umntu we atapapile umwana, unholo wakwe ampwanilaje umshi anga ampe umwana kunongwa ya wamwabho wa khafwa.

\v 25 Kwamile abhamwabho saba. Uwakwanda wayega akhafwa we atapapile umwana. Akhamleshela uwa mwabho.
\v 26 Uwa mwabho uwa wubhili wope akhafwa wope akhabhomba shinisho, wope ula uwa utatu shinisho paka kufikha uwa saba.
\v 27 Wezyabha shinisho bhonti, wope umwantanda ula akhafwa.
\v 28 Isiku ilya mwisho we bhazukha umwanda ula alibha mshiwa nanu kubhana muntu bhala saba? Kunongwa bhonti bhampwaniye."

\v 29 Ilelo uYesu akhabhamla nakubhabhuzya kuti,"Mkupubha, kunongwa mtamanyile amasimbo ewe abhakha ga Mulungu.
\v 30 Kubhebha zushile, kutali po kwega awe kwejewa. Yoli abhantu bhakubha ngati bha bhakhabhizya kumwanya.

\v 31 Ilelo akhapango akhakuzukha abhafwa, mtabhazizye nalumo gala ge Umulungu alonjile kukwinyu, kuti,
\v 32 Ine na Mulungu uwa Abrahamu, Umulungu uwa Isaka, nuwa Yyakobo? Umulungu te wabhafe, yoli wu Mulungu uwabha puma."
\v 33 Palubhungano we bhivwa bhakhaswiga imanyizyo zyakwe.

\v 34 Ibhene Abhamanyaklata we bhivwa kuti uYesu abhakhanile abha Sadukayo, bhakhabhungana bhibho ibhene peka.
\v 35 Weka mkasi yabho, uwi ndajizyo, akhambhuzilizya kwa kumliga.
\v 36 "Akhati, mumanyizyi, ndajizyo yilikwi ye mpiti kushila zyonti indajizyo?"

\v 37 U Yesu akhati, "Ikwanziwa umugane Umlungu kumwoyo wakho wonti, uwupuma wakho wonti, na kunjele zyakho zyonti.
\v 38 Ini ye ndajizyo mpiti iwinza ya kwanda.

\v 39 Yope iya wubhili yinholine na yiniyo- Ikwanziwa kumgana umupalamani wakho inza vwukuyigana wunewe.
\v 40 Indajizyo zyonti nabhakuwi bhakwenya indajizyo zinizi zibhili."

\v 41 Abhamanyaklata we bhabhungamile peka, uYesu akhabhabhuzilizya imbuzilizyo.
\v 42 Akhata, "Mkukwina akhoni kunongwa ya Kristi? Iwene Mwana wa nanu?" Bhakhati, "Mwana wa Daudi."

\v 43 U Yesu akhabhamula akhati, "Pe honi zilibhulibhuli uDaudi mwa Mpepu akuti Mwene, akuti,
\v 44 'Umwene akhambhuzya Umwene wani, "Uyikhe kunyobhe yani iya kundilo, pakla pe inhayibhabhunha abhalugu bhakho bhabhe pasi pavinama vwakho."'?"

\v 45 Anga uDaudi akumbhilishila uKristi akuti "Mwene," zikubha bhuli bhuli akubha mwana wakwe?"
\v 46 Numo atakhalinga kumwamla izwi angalyeka winza, ningawekawe akhambhuzilizya imbuzilizyo kufuma isiku ilya na kujendelela.

\c 23
\cl Umlyango 23
\p
\v 1 Pilongolela akhalonga ni mpuga ya bhantu peka nabhalandati bhakwe. Akhati,
\v 2 "Abhakusimba na Bhamanyaklata bhakwinhala itengo lya Musa.
\v 3 Ikuti kugunti gebhakuti bhombaji gabhombaje na kubhenyelezya. Mtakhinze mwejele imbombo zyabho, kunongwa ibhene bhakulonga imbombo zye bhatanga bhomba.

\v 4 Yoli, ibhene bhakupinya amazigo amamwamu gemagomi kupimba nakubhapimbizya ibhene bhatakulinga anga kusejelezya. Pope anga nsamba kuti bhapimbe.
\v 5 Imbombo zyobho zyonti, bhakubhomba anga abhantu bhabhenyaje. Kunongwa bhene bhakubabazya insanduka na kwonjezya uwupindiwi wamenda gabho.

\v 6 Ibhene bhakuyigana kwinhala apinza mwe bhakulya na kumwela na kuyeshela na mmatengo igidogo mkasi mmakanisa,
\v 7 iwinza kubhalamnha kuwutonsu mmanaro na kubhabhilishila kuti "Mmanyizyi" na watu.

\v 8 Imwe itakwanziwa kuti bhabhabhilishilaje bhatinji "Bhamanyizyi," Kwe kuti mli nu mmanyizyi weka, nimwe mwenti mwabhana mntu.
\v 9 Mtambhuzyeje umntu wonti mnsi umu kuti yise witu, kunongwa alipo uTata weka bhulo, wope alikumwanya.
\v 10 Iwinza bhata khabhabhilishe kuti 'bhamanyizyi,' kunongwa mli nu Mmanyizyi weka bhulo, uKristi.

\v 11 Pe wemsongo mkasi yinyu atibhe mbhombi winyu.
\v 12 Wonti wakuyi zuvwa akwinha.. Na wope wakuyisya akumzuvwa.

\v 13 Ilelo akele mubhasimbi na Bhamyakalata, mbhilenga! Mkubhadindila abhandu kushina mwene kumwanya. Nimwe temkhinjile, mtakubhaleshela bhebhakwinjila kuti bhinjile.
\v 14 (Linganizya: Umstari wa 14 wutakulolekha mmasimbo igakwanda aminza. Amasimbo gamu gakwonjezya ulubhambo ulu yoli nhani iwa 12. Ulubhambo ulwa 14 "Ahelee bhasimbi na Bhamanyaklata mbhilenga! Kunongwa mkubha mila abhafwile").
\v 15 Ahelee Bhasimbi na Bhamanyaklata abhilenga! Mkufumila kwisyila kusumbi nakufikha kumwaga umuntu weka anga ayitishe gemkummanyizya, na anapokuwa kama ninyi, mnamfanya mara mbili mwana wa jehanamu anzavwe muli.

\v 16 Ahelee umwe mubhalongozi abha mpubhila, mwe mkuti, We akufinga kukanisa, tenongwa. Yoli wakufinga kumpiwe iyikanisa, (ishibhanza) apanyiwe nakufinga kwakwe.
\v 17 Imwe bhampubhila abhalema, halikwi khekhapiti kushila akhanji, impiwe ewe ikanisa lyelibhishiwe libhe mpiwe kwa Mulungu?

\v 18 Anga, we akufinga kumpiwe, te nongwa. Yoli wakufinga kunfinjile yeyili pamwanya yawe, apinyilwe nakufinga kwakwe.
\v 19 Imwe mwebhantu abhampubhila, khalikwi akhapiti kushila akhanji, ifinjile ewe ishigemo she bhakubhikha infunjile zye bha kufumwa kwa Mulungu?

\v 20 Ishi, iwene wakufinga ku shigemo akufinga kuyiyo na kuvintu vwonti vwe vilipamwanya yakwe.
\v 21 Naye aapaye kwa hekalu, huapa kwa hilo na kwa yeye akaaye ndani yake.
\v 22 Wope wakufinga kumwanya akufinga kwitengo ilya wupiti wa Mulungu na kwa wene we ayinhaye pamwanya yakwe.

\v 23 Ahelee imwe, bhasimbi na Bhamanyaklata, ibhilenga! Pe mkufumwa pishumi ibhinzali, igagara ni nzembwa, ilelo mkugalekha amamwamu igi ndajizyo- uwanalyoli, uwila, nu lwitinho. Ikuti iga mbhanje mbhombile, te kugalekha gamu sta kugejendelezya.
\v 24 Imwe mbhalongozi abhampubhila, imwe mwemkusuya imbalisi inyinsi mkulima inzovu!

\v 25 Ahelee imwe, bhambi na Bhamanyaklata, ibhilenga! Pe mkwozya ishikopa(ulupindi) mnzi na mnsakhani mnzi, mkasimli intavu mtali kwashi nayimo.
\v 26 Imwe bhamanyaklata mubhampubhila mwemtakulola, mwezye isuti mshikopa mkasi mnsanhani, anga penamunzi mwope mbhe mwinza.

\v 27 Ahelee imwe, bhasimbi na Bhamanyaklata, mbhilenga! Pemkholine ni mpipa ye bhaposhile uwulongo uwuzeru, mnzi ikulolekha nzelu, ilelo mkasi iyizuye amafupa igabhafwe ni vintu vwonti vwe viku selufwa ivibhibhi.
\v 28 Nimwe shinisho kunzi mkulolekha ngati mwabhinza pilongolela pa bhantu, ilelomkasi mwizuye ilenga nu wibha.

\v 29 Ahelee imwe, bhasimbi na Bhamanyaklata, ibhilenga! Pe mkuzenga impipa zya bhakuwi na kukhondezya impipi zya bhana lyoli.
\v 30 Imwe mkuti, anga twalipo insiku izya bhayise bhitu, hani tutali peka kwita amabhanda ga bhakuwi.
\v 31 Ishipe nkuyimanya mwemwe kuti imwe mwabhana bhabho bhebha gojile abhakwi.

\v 32 Iwinza imwe mwe mku kwanizya pepasyalile kuti bhabhombe imbibhi abhayise bhinyu.
\v 33 Imwe mwenjonha, abhana bha mayonha bhulibhuli mngapona kulonga ku mwoto?

\v 34 Ishi, yenya, inkubhasontelezya kukwinyu abhakuwi abhantu ibhinjele, na bhasimbi. Mkasi yabho bhamu te bhabhagoje na kubhayi mvwa. Bhamu na kubhakhoma mkasi mmakanisa(mshibhanza) ginyu na kubhabhinga kufuma inhaya yeka kubhala ni yamwabho.
\v 35 Kufumilana gonti igo kukuti gafume amabhanda gonti iga bhanalyoli gega khitikha munsi, kwandila amabhanda iga Zakalia umwana wa Barakia, we mwamugojile pa wufinjile pashigeno.
\v 36 Lyoli, inkubhabhuzya, iga gonti tegayaje impapiwa ini.

\v 37 Yerusalemu, Yerusalemu, iwe ukugoga abhakuwi na kubhakhoma na mawe bhala bhe bhakubha sontelezya kukwakho! khalinga imbunganyinge abhana bhakho peka inzinkuku wikubhunganya inyana zyekwe mkasi mvwapa vwakwe, ilelo utakwitikha!
\v 38 Yenya, inyumba yakho isyalie mpina.
\v 39 Nine inkuku bhuzya kuti, Kwandila ishi na kujendelela, tukhandole, pe uliti asayiwe iwene wakwinza kwitawa lya Mwen."'

\c 24
\cl Umlyango 24
\p
\v 1 U Yesu akhafuma mkanisa na kusogola. Abhalandati bhakwe bhakha mbhalila na kumulanga inyumba uwuzenje wi kanisa.
\v 2 Akhabhabhuzya akhati, "Ishi, pe mtakuzilola imbombo izi zyonti? Kweli nawaambia, hakuna jiwe litalobaki juu ya lingine bila kubomolewa."

\v 3 We ayinhaye Pigamba ilya Mizeituni, abhalandati bhakwe bhakhambhalila kukwilu na kuti, "Tubhuzye genaga gakhayifumila lino? Khatu khoni khalilolesya kwinza kwakho na kumpelela ya mnsi?"
\v 4 U Yesu akhabhabhuzya akhati, "Mubhanje ninjele atakhize umuntu abhatezye.
\v 5 Yikhayibha abhinji bhakhayinza kwitawa lyani. Bhakhayiti, 'Ine nena Kristi', na kubhatezya abhinji.

\v 6 Muhayivwa uwulugu ni mpembu izya wulugu. Mwenyaje mtakhinze mbhe ni lyoga, kunongwa ikuti ganago galoleshe; ilelo kumwisho we kushili.
\v 7 Insi yimo yikha yidamukha kulwa ninsi iya mwabho, uwumwene nu wu mwene. Kukhayibha inzala ni viyinga yinga ivwinsi pala na pala.
\v 8 Iga gonti kukuwandilo wa mayimba iga kuyisatula.

\v 9 Bhalibhafumwa kunongwa ya mayimb na kubhagoga. Bhakhayibhilamwa insi zyonti kunongwa yitawa lyani.
\v 10 Pe abhi bhakhayilamwa na kuvitana na kuvitama na kuvisanya bhibho kwa bhibho.
\v 11 Abhakuwi abhinji abhilenga bhakhayifumila nakubha khopela abhinji.

\v 12 Uwubhibhi wukha yonjela, ulugano lwa bhinji luhayikhatala.
\v 13 Ilelo we ajimbilila kufikha ku mwisho we akhayifulwa.
\v 14 Indumbililo ini iya wu mwene itilumbiriwe mnsi yonti kubha wuketi mnsi yonti. Na pe akhabhalilo akhakumpelela khalifikha.

\v 15 Kuti, anga mwalola ilakha ilya wunanjisu, lyelyalongiwe nu mkuwi uDanieli limilila aoafunjile [we akubhazya amanyaje],
\v 16 pe bhebhali ku Yuda bhashimbililaje mmagamba.
\v 17 Nawope wali kwiguru ilyi nyumba atangikha pasi kwega vwe vili mkasi mnyumba yakwe,
\v 18 wope we alikuvwizi te akhinushe kwega umwenda wake,

\v 19 Ilelo ahelee bhebhalil nu mwanna na bhebha kwonsya kunsiku izyo!
\v 20 Labhaji anga kushimbila kwinyu kutakhabhe khabhalilo khimpepu, iwinza litakhabhe li siku lya sabato.
\v 21 Kulifumila amyimba amapiti, gegata fumiye na lumo kufuma kupelwa insi kufikha ishi, iwinza te gakhafumile iwinza kha.
\v 22 Anga insiku izyo zitakha fupilaga, numo we amile anga pona. Ilelo kunongwa ya bhasewa, insiku izyo te zifupile.

\v 23 Anga umntu wonti angabhabhuzya kuti 'Yenya, uKristi alipo ipa! awe, 'Ukristi alipo kula' mtitikhaje inongwa zyabho.
\v 24 Kulibha Akristo igilenga na makwi igilenga bhakhayinza kulorosya indoresyo impiti na mayele, kunongwa ya kutezy, pe anga yabhanga pope nabhasewa.
\v 25 Yenyi, inkubhasokha wegashili igo kufumila.

\v 26 Angabhanga bhabhuzya kuti, "U Kristi ali mulwuma,' mtakhabhalaje ukwo kulwuma. Ewe, 'Yenyi, alimksi mnyumba,' mtakhitikhaje inongwa izyo.
\v 27 Anza she intalala vwe yikukhamba kufuma kuwutukulopaka kulamwa kuwuswelo, vwe zikhayibha kwinza kwa Mwana Mntu.
\v 28 Poponti pe vifuye(vibholile), pe amkunguru gakukhomaana(kubhungana).

\v 29 Ilelo wegashila amayimba igo amapiti iginsikuzila, izubha lilibha khisi, umwezi te wukhafumwe ulukhozyo lwakwe, inzota zililenda kufuma kumwanya, na makha iga kumwanya gakhayiyingana.

\v 30 Pe indolesyo ya Mwana wa Adamu ililolekha mmabhingo, ivikholo vwonti ivwa mnsi bhakhayilila. Bhakhayimlola Umwana wa Adamu akwinza mmabhingo iga kumwanya kumakha na kuwufinjile uwupiti.
\v 31 Akhayibhasontelezya abhakhabhizya bhakwe kuzwi ipiti ilyi kakavu, pe bhakhayibha bhunganya peka abhasewa bhakwe kufuma kumbali zini mnsi, kufuma kumbali ini ni mbali iya mwabho.

\v 32 Manyilaji imanyizyo kufumilana ni kwilya maonsongwa(umtini). Ikwi welikulemba nakufumwa amtundu, aganji.
\v 33 Shiniso we mwalola gonti igo, mmanyaje kuti ishisanya shafikha.

\v 34 Lyoli inkubhabhuzya, impapo ini teyishile, gonti iga we gefishile.
\v 35 Kumwanya na pasi zikhayishila, ilelo amazyi gani tegakhashile nalumo.

\v 36 Ilelo isiku lila nakhabhalilo khala numo umntu wa manyile, tebhakha bhizya ibhakumwanya wope Umwana, yoli uYise mwene.

\v 37 Anza vwezyamile kunsiku zya Nuhu, vwezikhayibha kwinza kwa Mwana wa Adamu.
\v 38 Pe kwamile kusiku izyo weyishi insi kulongwa kuminzi abhantu bhakha lyanga na kumwela, bhakhagaga na kwejewa paka pisiku lye uNuhu akhinjilaga mmbogoso,
\v 39 bhatakha manyaga na shimo inkula pikhatinji na kwinza na kubhasezya bhonti - vwezikhayibha kwiza Umwana Muntu.

\v 40 Pe abhantu bhabhili bhakhayibha kushizi- umo akusogola umo akusyala mlusalo.
\v 41 Abhantanda bhabhili bhakhayisyanga peka - weka akusogola, weka akusyala.
\v 42 Pe mbhanje, amiso kunongwa mtamanyile isiku lya kwinza Umwene winyu.

\v 43 Ilelo mmanye kuti, anga umwene nyumba amanyile kuti khabhalilo khoni umwibha angiza, anga gonele shalindiliye atanga lekha kuti bhananganye inyumba.
\v 44 Kwe kuti myilinga nyaje, Umwana wa Adamu akwinza akhabhalilo khe mtakha manyile.

\v 45 Ishi pe wunanu we mgolosu, umbhombi uwi njele, we umwene wakwe ampiye kubhalongozya bhebhali mnyumba yakwe, anga abhapanje ishakulya akhabhalilo khe khakwanziwa?
\v 46 Asayiwe umbhombi uyo, we umwene wakwe akhayaga akubhomba shinisho wakwinza.
\v 47 Yoli inkubhabhuzya kuti umwene akhayimbhikha pamwanya pa vintu vwe vwakwe vwonti.

\v 48 Ilelo umbhombi umbibhi akulonga mmwoyo wakwe, 'Umwene wakwe akhabha,'
\v 49 na kwanda kubhakhoma abhabhombi bhakwe na kwanda kulya na kumwela kukholwa,
\v 50 Umwene wa mubhombi uyo akwinza isiku latalimanyile, ni sala akhabhalilo yatamanyile.
\v 51 Umwene wakwe angamdumulanja pabhili na kumbhikha peka nabha malenga, kwe kulila na kusya amino.

\c 25
\cl Umlyango 25
\p
\v 1 Uwu mwene wakumwanya ungakholanya na bhalindu ishumi bhebhakhega inyale talazyabho na kwepa kubhala kumposhela umwene weji.
\v 2 Bhasanu mkasi yabho bhali bhalema na bhasamu abhamwabho bhali ni njele.
\v 3 Abhantanda abhalema we bhega amatala gabho, bhatakhega na mafuta ninga geka.
\v 4 Abhinjele bhakhega ivililo vwevili na mafuta peka na matala gabho.

\v 5 Pe wu mwene weji akhabha kwinza, bhonti bhakhalemwa nutulo bhakhasupila.
\v 6 We khafikha akhabhalilo pawusiku isala nane pakasi kukhabha ni shongo, 'Yenyi, umwe weji! Fumaji kumposhela.'

\v 7 Pe abhantanda ibho bhakhati damukha bhonti na kukhozya amatala gabho.
\v 8 Abhalema bhala bhakha bhabhuzya ibhinje kuti mtupe gamu amafuta ginyu kunongwa itala zyitu zikuzima.'
\v 9 Ilelo bhala ibhinjele bhakhabhamula bhakhati, 'Gantanga tukwila itwe nimwe, ikuti mbhalaje kubhebha kukazya mkale gegabhayanile imwe.'

\v 10 Pe we bhabhala kukala ukwo, Umwene weji akhafikha, bhonti bhebhayilinganyinye bhakhabhala nawo kulaja nakuseshea uweji nu mlyango wukha galiwa.
\v 11 Wepakhabha bhope bhala bhakhafikha na kuti, 'Mwene mwene, twigulile.'
\v 12 Ilelo akhabhabhuzya akhati, 'Ine intabha manyile.'
\v 13 Ishi mwenyaje kuti mtalimanyile isiku na khabhalilo(saa).

\v 14 Kukholine nu muntu we akhanzaga kushula kubhala insi iyinji. Akhabhabhilishila abha bhombi bhakwe akhabhalemekha uwudumbwe wakwe.
\v 15 Umo weka akhampa itaranta zisanu, umo akhampa zibhili uwa mwabho akhampa italanta yeka. Uyo akhaposhela kuyanana navwangabhombela, umntu ula akhashula akhabhala ukwo.
\v 16 Nalubhilo ula we aposheleye italanta zisanu akhodela ivintu, na kupapizya izya mwabho zisanu.

\v 17 Shinisho wope we aposheleye zibhili, akhapapizya izya mwabho zibhili.
\v 18 Ilelo umbhombi we aposhele ye italanta yeka, akha akhabhala akha bana ilyina pasi, na kufisa impiya ya mwene wakwe.

\v 19 We padila inhani umwene wa bhabhombi bhala akhinukha na kubhazanya nabho imbazyo izyi mpiya.
\v 20 Umbhombi ula we aposheleye italanta zisanu akhinza na kuleta italanta izya mwabho zisanu, akhati, 'Mwene, wampiye italanta zisanu. Yenya, napata izya mwabho zisanu.'
\v 21 Umwe wakwe akhati, 'Wasalipa, we mbhombi umwinza nu wusunji! Wamsunji kuvintu ivinsi. Intikupe kwimililila kusunjilila ivwinji. Yinjila kuseshela nu mwene wakho.'

\v 22 Umbhombi waposheleye italanta zibhili akhinza na kuti, 'Mwene, wampiye italanta zibhili. Yenya, napata izya mwabho zibhili,'
\v 23 Umwene wakwe akhati, 'Wasalipa, mbhombi umwinza na wa msunji ukusunga ivintu ivinsi. Intikupe kutabhala pamwanya ivintu ivwinji. Yinjila kuseshela nu mwene wakho.'

\v 24 Pilongolela umbhombi waposheleye italanta yeka akhinza akhati, 'Mwene, imanyile kuti iwe we muntu umkhali. Ukuyebhela naputa walile, na ukuyebhela pe utapesaliye.
\v 25 Ine inzilenogopa, pe inza nafisa italanta yakho mulusuto. Yenya, ulinayo ipa yila ye yakho.'

\v 26 Umwene wakwe akhamubhuzya akhati, 'Iwe wa mbhombi umubhibhi khabhili wamkhata, wamanyile kuti inkuyebhela pinta walile inkuyebhela pe inta pesile(kusansa).
\v 27 Yanziwaga kubhinha inhela yani kubhantu ibhi benki abhachululuzi, anga winkwinza anga impate yila ye yani na yeyonjeye.

\v 28 Ishi mfwule italanta iyo mmupe umbhombi ula wali ni talanta ishumi.
\v 29 Umuntu wonti we alinavwo, akupewa ivinji inhni. Ilelo kwa wowonti watali na vwope, na khali akufulwa.
\v 30 Mtaje kunzi panhisi uyo umubhombi watakhondeye kwetekubhe kulila na kusya amino.'

\v 31 Akhabhali we Umwana wa Adamu akwinza nu wufinjile wakwe, na bhakha bhizya peka nabho, pe aliyikhala pamwanya pitengo lyakwe ilya wufinjile.
\v 32 Insi zyonti zilibhungana pilongolela yakwe, wope alibha pagula abhantu, anza umdimi vwe akupagula ingole ni mbuzi.
\v 33 Akhayizi bhikha ingole inyobhe yakwe iya kundilo, yoli imbuzi akhayizi bhikha kunyobhe yakwe iya kumongo.

\v 34 Pe umwe akhayibhazya bhala bhebhali kunyobhe yakwe iyakundilo, 'Nzaji, mwemsayiwe nu Tata wani, mpwanile uwumwene we wubhishiwe imwe kufuma pawandilo winsi.
\v 35 Wenamile ni nzala mkhampa ishakulya; Namile na mjeni, mkhamposhela;
\v 36 Namile ishitali, mkhakwatizya amenda; Namile na mbhinu mkhambinya; Nali mwijela mkhinza kumenya.'

\v 37 Pe bhala abha nalyoli bhakhayimbhuzya kuti, 'Mwene, lino petwakuwenyi kuti uli ni nzala, tukhakulisya? Ewe uli ni shumi wa tukhakupa aminzi?
\v 38 Iwinza lino tukhakulola wamjeni, tukhakuposhela? Ewe wuli ishitali tukha kukwatizya amenda?
\v 39 Lino petukhakulola wa mubhinu, ewe mwijela tukha kwenya?
\v 40 Umwene ali bhamula kuti, 'Yoli gemwabhombile ipa kwa wek kubha mwitu abhansi, mwambombeye nene.'

\v 41 Pe akhayibhabhuzya bhala bhebhali kunyobhe yakwe imongo, 'Yepi kukwani, mwe mguniwe, bhalaji ku mwoto uwa wila we wabhishiwe kunongwa ya setani na bhakhabhizya bhakwe,
\v 42 kunongwa nali ni nzala mtkhamba ishakulya; Namile ni shumiwa ilelo mtakhampa aminzi;
\v 43 Namile na mjeni ilelo mtakhamposhela; namile iishitali ilelo mtakha nkwatizya amenda; nabha na mbhinu na windi mwijela mtakha nsunga(kunenya).'

\v 44 Pe bhope bhakha mwamla bhakhati, 'Mwene, lino pe tukhakulola kuti uli ni nzala, ewe ni shumiwa, ewe wamjeni, ewe wuli ishitali, ewe we wamubhinu, ewe wungiwe, tutakhakwenya na kukusunga?
\v 45 Pe akhayibhabhuzya kuti, 'Lyoli inkubhabhuzya, khala khe mtakha bhomba kwa weka wa bhansi ibha, mtakha mbombela nene.'
\v 46 Ibha bhakhayibhala kumayimba iga wila yoli abhana lyoli kuwupuma uwa wila."

\c 26
\cl Umlyango 26
\p
\v 1 U Yesu we amala kuonge gonti ganago, akhabhabhuzya abhalandati bhakwe,
\v 2 "Mmanyile kuti anga zya shila insiku zibhili tukubhe isiku ipiti ilyi pasaka(kufwa), umwana wa Adamu tebhamufumwe anhga bhamtese."

\v 3 Pilongolela bhakhikhala abhapiti bha bhaputi na bhasongo bhabhantu peka kunyumba ya mpiti we bhatinji uKayafa.
\v 5 Peka bhakhivwana kumlema uYesu kukwilu na kumugoga.
\v 4 Pe bhakhati, "Litakhabhombeshe, pisiku ipiti, kutakha fumile ishongo mkasi ya bhantu."

\v 6 U Yesu we amile ku Bethania mnyumba ya Simoni mkoma,
\v 7 we akuyigolola pameza, umwantanda umo akhinza kukwakwe apimbile akhatembe akha alabasta ye yali na mafuta igi mpiya impiti, akhaga pungulila pitwe pamwanya.
\v 8 Ilelo abhalandati bhakwe webhalilola linilyo, bhakhilamwa nakuti, "Yashi iluzi pitwe pamwanya?
\v 9 Iga khani twagazya apapiti na kubhagabhila abhapina."

\v 10 Ilelo uYesu, akhapela alimanyile ilyo, akhati, "Khe mkumyinvwa umwantanda unu? Pe abhomba akhatu anhinza kukwani.
\v 11 Abhapina mlinabho insiku zyonti, ilelo temubhe nine wila.

\v 12 Kunongwa pe apakhaamafuta iga mmubhili wani, abhombile shinisho kunongwa ya kunsyila kwani.
\v 13 Lyoli inkubhabhuzya, poponti indumbililo ini itinumbiliwe mnsi yonti, izi zyabhomba umwantanda unu, khabhi tegalongwaje kuti bhakumbukhaje."

\v 14 Pe weka jkubhala Ishumi na bhabhili, we bhakhatinji uYuda Iskarioti, akhabhala kubhapiti bha bhaputi
\v 15 nakuti, "Tempe akhoni anga na mkhana?" Bhambhazizya ivibina amashumi gatatu gi nhela.(ivipande salasini ivi nhela).
\v 16 Kufuma akhabhalilo ikho anda kwanza amadala iga kumgoga.

\v 17 Pisiku ilya kwanda ilya makati gebhataponyizye ivwa kuti gatakhasape, abhalandati bhakhamubhuzya uYesu kuti, "Kwoshi kwukwanza tukuteleshele ule ishakulya ishi Pasaka?"
\v 18 Akhati bhalaji munhaye kwa muntu umo mmbhuzye kuti, Umumanyizyi akuti, "Akhabhalilo khani hapalamila. Inti malile iPasaka yani peka na bhalandati bhani mnyumba yakho.""
\v 19 Abhalandati bhakha bhomba anza vwu Yesu abhalajizizye, bhakhalinganya ishakulya shi Pasaka.

\v 20 Weyabha khileyeghela, akhikhala kulya ishakulya peka na bhalandati Ishumi na Bhabhili.
\v 21 Pewebhakula ishakulya, akhati, "Yoli inkubha bhuzya kuti alipo umo mkasi yiu(atinhanena kuti bhangoje)."
\v 22 Bhakhatuya nifwa kila mntu akhanda kumubhuzilizya, "Kuti, zyanaloli te nene, Mwene?"

\v 23 Akhati, "Ula we atiyisye inyobhe yakwe peka nine mumbakuli wewuyo antingoje.
\v 24 Umwana wa Adamu atisongole anza vwe bhakhasimba. Ilelo ahelee umntu we atitupule kumgoga Umwana wa Adamu! Yamile nhinza kwa mntu uyo anga atakha papwaga."
\v 25 Wula we atimgoje akhati, "Ingabha nene Rabi?" U Yesu akhati, "Walonga linilo wewe wunewe."

\v 26 We bhakulya ishakulya, uYesu akhega ikati, akhasaya akhamensula. Akhabhapa abhalandata bhakwe akhati, "Yeji, mlye. Unu mubhili wani."

\v 27 Akhega infinga na kusalifwa, akhabhapa nakuti, "Mwelaji mwenti mshinishi.
\v 28 Linili libhanda lyani lya lwitinhano lwani, likwitikha(kufuma) kunongwa ya bhinji kutuyilwa(hobhoshelwa) imbibhi.
\v 29 Ilelo inkubhabhuzya kuti, intikha mwele winza insanga zya mizabibu(insongwa) ini, paka pala pe ikhayi mwela kushina mwene sha Tata wani."

\v 30 Webhamala kwimba ulwimbo, bhakhabhala Mwigamba ilya Mizeituni.
\v 31 U Yesu akhabhabhuzya kuti, "Uwusiku wununu imwe mwenti tempushile kunongwa yani ikuti isimbiwe, Kuti intimkhome umdimi ni ngole impuga kusatana.
\v 32 Ilelo kuzukha kwani, intibhalongolele kubhala ku Galilaya."

\v 33 U Peteli akhati, "Anga pope bhonti bhanga kukhana ku mayimba gete gakwaje, ine intanga kukhana."
\v 34 U Yesu akhamwamla akhati, "yoli inkukubhuzya kuti, uwusiku wununu we ikhanda yitabhilishiye, utunhane khatatu."
\v 35 U Peteli akhati, "pope anga yikwanziwa kufwa niwe, indanga kukhana." Na bhalandati abhamwabho bhakhalonga shinisho.

\v 36 Wekhashila akhabhalilo khashe uYesu akhabhala nabho pebhakhatinji Gethsemani akhabhabhuzya abhalandati bhakwe kuti, "Yinhali ipa winkubhala ukwo kuputa."
\v 37 Akhamwega uPeteli na bhana bha Zebedayo bhabhili akhanda kusungama na kuyibhunanzya.
\v 38 Pe akhabhuzya akhati, "Umwoyo wani wukuuya nifwa ingafwa bhulo. Shali ipa mgonelele peka nine."

\v 39 Akhabhala pilongolela khashe, akhagwa akha kupama, na kuputa(kulabha). Akhati, "Tata wani, anga ikwitinhana ulupindi ulu nepe. Itebhe anza vwinkwanza ine, yoli vwe ukwanza iwe."
\v 40 Akhabhala kubhalandati akhaga bhagonile utulo akhambhuzya uPeteri, "Kuti khoni khe mtagonelela peka nine abhalilo(isala yeka) pope khekha?
\v 41 Lindindililaji kuputa mtakhinez mwinjile mndingo. Umwoyo wu kwitikha umubhili wukusita

\v 42 Akhabhala ulwa wubhili kuputa(kulabha), akhati, "Tata wani, anga linili likusintinhana kwepa ikuti imwelele mlupindi ulu, zyoyiganile zibhombekaje."
\v 43 Akhagalukha khabhili akhaga bhagonile ututulo, amiso gabho gakha mamwamu.
\v 44 Akhabhalekha khabhili akha akhabhala. Akhalabha khatatu akhalonga gagala.

\v 45 U Yesu akhabhala we pakhabha akhati, Mlishe mgonilr bhulo na kutuzya? Yenyaji, akhabhalilo khafishile, Umwana wa Adamu akulemwa mnyobhe zya bhi mbibhi.
\v 46 Damshi, tusogole, ula wakundonjelela apalamila."

\v 47 We akujendelela kulonga, uYuda walipeka na bhala Ishumi na Bhabhili, akhafikha. Ishilundo ishipiti peka nawo bhafuma kubhapiti bhabhaputi na bhasongo abhabhantu. Bhakhinza na panga ni ndugu.
\v 48 Khabhili nu muntu wakwanza kumgoga uYesu abhapiye indolesyo, akhati, "Ula we inti mwofwe. Mhalemaje."

\v 49 Panapo akhinza kwa Yesu nakuti, Wagona, Mmanyizyi!" Akhamwofwa.
\v 50 U Yesu akhati, "Manyani, libhombe lila lyuyinziye." Pe bhakhinza, bhakhagolosya inyobhe uYesu, nakumlema.

\v 51 Kwali umuntu weka amile peka nu Yesu, akhagolosya inyobhe yakwe, akhakula ipanga lyakwe akhamkhoma umbhombi wa mputi umpiti nakumdiba ikutwi lyakwe.
\v 52 Yesu akhati, garusya ipanga puyejile kubhonti bhebha kubhombela ipanga bha kufwa kwipanga.
\v 53 Mkusibha kuti intanga mubhilishila uTata wani, kuti andetele abhalwi bha wulugu kushila ishumi na bhabhili abhakhabhizya?
\v 54 Ilelo zilibhulibhuli amanzyi gangafishila, shinishi ikutit vwegafushile?"

\v 55 Panapo uYesu akhabhabhuzya impuga, Pe! Mkwinza na mapanga ni ndugu kumdema ngati na mwibha? Wila nikhalaga mkanisa kumanyizya, mtandemaga!
\v 56 Ilelo gonti iga gakubhombekha anga gafishile Amasimbo gabha kuwi gafishile." Abhalandati bhakwe bhakhamlekha bhakha shimbila.

\v 57 We bhamlema uYesu bhakha mtwala kwa Kayafa, Umuputi Umpiti, pa ofesi pe abhasimbi na bhasongo bhakha bhunganaga peka.
\v 58 Ilelo uPeteli akha mfwataga mlusalo akhabhanga pampinga paka mnyumba ya Mpiti. Akhinjila mkasi akhaikhala peka na bhkolokoloni ayenye khe khakujendelela.

\v 59 Abha piti bhaputi na bhebhakulonganya inongwa bhakhanda kwanza uwuketi uwilenga kwa Yesu, anga bhalyaje idala ilya kumgoga.
\v 60 Pope bhakhafumila abhaketi abhinji, Ilelo bhatakhuyilolaga inongwa ninga yeka. We pakhabha bhakhafumila abhaketi bhabhili pilongolela
\v 61 nakuti, "Umntu unu atili, "Angabongola ikanisa lya Mulungu na kulizenga iwinza kunsiku zitatu."'

\v 62 Umputi Umpiti akhambhuzya akhati, "Utakwamula? Ibhabha bhakusimishizya akhoni kukwakho?"
\v 63 Ilelo uYesu akhapuma. Umputi Umpiti akhati, "Anza Umulungu vwa kwinhala ikuti tubhuzye, angiwe we Kristi, Umwana wa Mulungu."
\v 64 U Yesu akhagarusya akhati, "Wewe wunewe walonga zinizyo. Ilelo inkuti, kufuma umsanyunu na kujendelela utumlole Umwana wa Adamu ayikhaye kunyobhe indilo iya Makha, we akwinza kumwanya kumabhingo."

\v 65 Pe Umputi Umpiti akhadebulanya amenda gakwe akhati, "Anga azalabhula! Ishi, pe tukwanza uwuketi uwa mwabho washi? Yenyi, mwivwa mnemwe wakuliga.
\v 66 Pe! Mkusibha ashi? Bhakamla bhakhati, "Ikwanziwa afwe."

\v 67 Bhakhamswila amati kumiso na kumkhona ni ngumu, na makofi kunyobhe zyabho,
\v 68 nakuti, "Pe wamkuwi kuwa wa Kristi. Wu nanu akukhoma?"

\v 69 Akhabhalilo khanakho uPeteri ayikhaye panzi panyumba, umubhombi umwantanda akhambhalila akhati, "Niwe bhulo wamile peka nu Yesu uwa Galilaya."
\v 70 Ilelo akhakhana pilongolela pa bhantu bhonti, akhati, Intamanyile zyukulonga kha."

\v 71 Wabhala panzi pashilyango isha kunzi, umbhombi uwa mwabho uwa shantanda akhamlola akhabhuzya abhamwabho akhati, "Umntu unu amile oeka nu Yesu wa Nazareti."
\v 72 Akhakhana iwinza akhafinga akhati, "Ine inta mmanyile muntu unu."

\v 73 Akhabhalilo akhafupi pilongolela, bhaka bhebhimiliye papipi, bhakabhala kulonga nu Peteri, "Bhakhati, zyanalyoli iwe ulipeka nabho, pope indongo yakho yikholine."
\v 74 Akhanda kuguna na kufinga kuti, "Ine inta mmanyile umuntu unu," panapo unhanda yikha bhilishila.
\v 75 U Peteri akhakumbukha amzyi ge uYesu ambhuzizye kuti, "Winhanda ishili kubhilishila utikhene khatatu."

\c 27
\cl Umlyango 27
\p
\v 1 Wekwabha ishilabhila, abhapiti bhonti ibha bhaputi nabhasongo abha bhantu bhakhalya inhongo(rushwa) kuti bhamge uYesu.
\v 2 Bhakhampinya, bhakhamlongolezya, na kumfisya kwa Liwali Pilato.

\v 3 Pe uYuda, we akhamlonjelela, akhalola kuti uYesu alongwa, akhayisibha akhasungama nakuganisya insabhazya amashumi gatatu inhela kubhapiti wabhaputi na bhasongo,
\v 4 akhati, "Nabhomba imbibhi kwita ibhanda lyelitali na khami ilelo bhakha mwamla bhakhati, "Ikutwa vya ashi itwe? Yenyaga wewe wunewe."
\v 5 Akhataga pasi inhela insabhazy mkanisa, khsogola nakubhala kuyigoga wuyo.

\v 6 Umpiti wa bhaputi akhega inhela zila nakuti, "Te khinza kubhikha inhele izi mzya mwabho, kunongwa ye zyitile ibhanda."
\v 7 Bhakhakhivwana peka inhela zila ikhamba kukalila ishizi sha mfinyanzi ishakusyila abhajeni.
\v 8 Kunongwa ini ishi zisho bhakushitekha kuti, "Shizi shi bhanda paka umsanyunu.

\v 9 Izwi ilyo lyalongiwe nu mkuwi uYeremia likhafishila, kuti, "Bhakhega insabhazya amashumu gatatu inhela, ibeyi yeyapimiwe na bhantu abha Izraeli kunongwa yakwe,
\v 10 nabhakhabhombela kushizi sha mfinyanzi, anza vwe uwene andanga nizizye."

\v 11 Pe uYesu akhimilila pilongolela pa liwali, uliwali akhambhuzilizya, "Akhati! Iwe wa mwene wa Bhayahudi?" U Yesu akhati, "Wewe walonga shinisho."
\v 12 Ilelo pakhabhalilo webhamsitakile abhapiti bhabhaputi na bhasongo atamuye nalimo.
\v 13 U Pilato akhati, utivwa gebhakusitachile gonti ganago wunewe?"
\v 14 Ilelo atakalonga angalyeka pe uliwali akha ni shiswigo.

\v 15 Ishi pisiku ipiti yamile mwata ya liwali kuwmigulila umfinywa weka wakusebhwa ni mbuga ya bhatu.
\v 16 Akhabhali ikho kwamile numpinywa ukulu umtwamwe itawa lyakwe wu Baraba.

\v 17 Pe webhabha bhanganyinye peka, uPilato akhabhabhuzilizya kuti, "Wunani we mkwanza tumsatule kunongwa yinyu?" U Baraba ewe uYesu Kristi?"
\v 18 Kunongwa amanyele kuti bhamlemile kunongwa ya kumwilamwa.
\v 19 We akuti anyikhale pitengo lyakwe ilya wulonji, mshi wakwe akhasonteleza izyi kuti, "Utakhabhombe lyolyonti kwa muntu uyo watali ninongwa. Nayimba sana umsanyu nu kutulo kulota kunongwa yakwe(kwajili yakwe)."

\v 20 Abhapiti bha bhaputi nabhasongo bhakhabhasonganya ulubhungano lya bhatu bhamlabhe uBaraba, nu Yesu bhamgoje.
\v 21 Ilelo akhabhuzilizya akhati, "Ali kwi kubhabhabhi ibha we mkwana imuleshele kukwinyu?" Bhakhati, "Baraba."
\v 22 U Pilato akhati, "Imubhombe akhoni uYesu Kristi?" Bhonti bhakhati, "Msulubishe"

\v 23 Wope akhati, "Khoni atulile akhoni?" Ilelo bhakhajendelela kuzanzala, kudandizya inhani kuti, "Msulibisye mgoje."
\v 24 Pe wu Pilato alola kuti atangabhomba nalimu, wekwa ishongo shanda, akega aminzi akhagena mnyobhe, pilongolela pa mbuga, na kuti, "Ine intali ninongwa kwibhanda lya mundu unu we atananjile nakhamu. Yenyaji ganaga mnemwe."

\v 25 Abhantu bhonti bhakhati, "Ibhanda lyakwe libhe mnyobhe zyitu peka nabhana bhitu."
\v 26 Akhamsatulila uBaraba kubhene, ilelo akhamkhoma ni ndisa uYesu na kufumwa kukwabho kubhala kumkhoma na mayimba amapiti.

\v 27 Pe abhalugu bha liwali bhakha mwega uYesu paka ku Praitorio ni mbuga impiti iya bharugu bhonti bhakha mubhunganila.
\v 28 Bhakhamzula amenda gakwe nakumkwatizya igolole siha ishamamu.
\v 29 Pe bhakhagomba ishipambwi isha mivwa na kumkwatizya kwitwe, iwinza bhakha mbhishila ilanzi kunyobhe yakwe iya kundilo. Bhakhasugamila pilongolela yakwe na kumjebhula, kuti, "Wagona, Mwene wa Bhayahudi?"

\v 30 Bhakhamswila amati, bhakhega ilanzi na kumkhoma kwitwe.
\v 31 Pe we bhakumjebhula bhakha mzula igolole lila(inkanzu) na kumkwatizya amenda gakwe, nakumlongolezya kubhala kumukhomela.

\v 32 We bhafuma panzi, bhakhamlola umntu afuma ku Krene itawa lyakwe wu Simeoni, we bhamubijiye kubhala nabho anga apimbe ishinhobhenhanyo shakwe.
\v 33 We bhafikha pibhakuti pa Goligotha, kwe kuti, "Pi fupa Lyitwe."
\v 34 Bhakhampa uwupandushizu we wusanganile ni nyongo kuti amwele. Ilelo walinga atakhamwela.

\v 35 Pakha bhalilo webhamkhomela, bhakhagabhana amenda gakwe kwa kwimilisya inyobhe(ikura).
\v 36 We bhinhaye bhakumwenya.
\v 37 Pamwanya pitwe lyakwe bhabhishile amsitako iga wene gegakhabhaziwaga kuti, "Unu wu Yesu, umwene wa Bhayahudi."

\v 38 Abhibha bhabhili bhakabhakhomela peka nu Yesu, weka imbali ya kundilo uwa mwabho kumongo.
\v 39 Bhala bhe bhakha shilaga bhakhamligaga na kumsupizya nakuyinzana amatwe gabho
\v 40 na kuti, "Iwe iwe wanzaga kunanganya(kubongola) ikanisa na kuzenga kunsiku zitatu, yiposhe wewe! Anga wa Mwana wa Mulungu, yiha pasi kufuma pashinhobhenhanyo!"

\v 41 Shishi bhope abhapiti bha bhaputi bhakha ligaga, peka na bhasimbi na bhasongo bhakhatinji,
\v 42 "Abhavwizye abhanji wope ayavwe wuyo. Iwene wu Mwene wa Bhayahudi. Na ayishe pasi kufuma pashihobhe khanyo, petetu mwitishe.

\v 43 Amusubhiye Umulungu. Amwavwe ishi anga akwanza, kunongwa atili Mwana wa Mulungu."'
\v 44 Na bhala abhibha bhebha khomeliwe peka nawo bhope bhakhanda kumliga.

\v 45 Kufuma saa sita kukabha akhisi insi yonti paka saa tisa.
\v 46 We yafikha saa tisa, uYesu akhalila kwinzwi ipiti akhati, "Eloi, Eloi, lama thabakitani?"wakuti, "Mulungu wani, Mulungu wani, khokhe undeshile?"
\v 47 Akhabhalilo ikho bhalipo bhamu bhe bhimiliye pala bhakivwa, bhakhati, "Akumbhilishila uEliya."

\v 48 Panapo umo mkasi yabho akhashimbila kwega intembe na kwizuzya ishakumwela ishikhali, akha bhikha mwikwi na kumpa kuti amwele.
\v 49 Bhope bhebha salile bhakhati, "Mleshe imwene tulole anga uEliya atiyinze amtule."
\v 50 U Yesu akhalila iwinza kwizwi ipiti na kwefwa uwupuma wakwe.

\v 51 Yenya, Umwenda umpiti mkanisa wukha debhukha wukhabha pabhili kufum pamwanya peka pasi. Ninsi ikhayinga nilyawe likha bhazukha ukunuku.
\v 52 Impipa zikha gubhukha na mabhili gabhfinjile abhinji bhebhagonile utulo bhakhazyukha.
\v 53 Bhakha fuma mmpipa wazukha wene, bhakhinji munhaya ifinjile, na bhakhalolekha nabhanji.

\v 54 Pe uakida ula nabhala bhebhakha mwenyaga uYesu bhakhalola ishiyingayinga na gonti gegakhafumiye, bhakhabha ni lyoga inhani na kuti, "Yoli unu amile Mwana wa Mlungu."
\v 55 Abhantanda abhinji bhebhakhamlandataga uYesu kufuma ku Galilaya kuti bhamsunje bhanile pala bhakhenyaga kufuma apatali.
\v 56 Mkasi yabha kwali abha Mariamu Magedalena, unyina wa Yakobo nu Joseph, nu nyina wa bhana bha Zebedayo

\v 57 We kwafikha lyebhela, akhinza umntu udumbwe kufuma ku Arimathayo, we bhakhatinji uYusufu, we amile mulandati wa Yesu.
\v 58 Akhabhala kwa Pilato kulabha umubhili wa Yesu. U Pilato akhalajizya kuti bhampe.

\v 59 U Yusufu akhega umbhili akhawupinya nu mwenda uwa sufi inyinza,
\v 60 akha wulambalikha kugona mpipa ipwa lyakwe yamabanile palyalawe. Akhabhungulusya iwe ipiti likha gubishila pamlyango pa mpipa akhasogola.
\v 61 U Mariamu Magadalena nu Maliamu uw mwabho bhalipo pala, bhikhaye bhenyizye kumpipa.

\v 62 Isiku lye likhafwata lye lyamile lisiku we bhalingany, abhpiti bhabhaputi na Bhamanyaklata bhakhabhungana peka kwa Pilato.
\v 63 Bhakhambhuzya bhakhati, "Mwene, twakumbukha uwilenga ula we amile mpuma, atili, 'Wezyashila insi ku zitatu atizyushe khabhili.'
\v 64 Ishi, lajizya kuti impipa yidimwe paka isiku ilya wutatu. Anga zitabha shinisho, abhalandati bhakwe bhanginza kumwibha na kulonga kubhantu, kuti, 'Azyushile kufuma kubhafwe.' Ilenga ilya kumwisho telibhe libhibhi kushila ilya kuwandilo."

\v 65 U Pilato akhati, "Yeji abhakolokoloni. Bhalaji mbhombe pabhe akhinza anzashe mngabhomba."
\v 66 Pe bhakha bhala nakubhomba pampipa pabhe nu winza, iwe likhakhomwa umhuri na kubhikha abha kolokoloni.

\c 28
\cl Umlyango 28
\p
\v 1 Weyabha lyebhela isiku ilya Sabato, izubha welyaswa isiku ilya kwanda kumlungu, uMariamu magedelena, nu Maliyamu uwa mwabho bhakhabha kwenya impipa.
\v 2 Kufumila ishiyingayinga ishipiti, kunongwa ukhabhizya wa Mwene akhikha na kubhungulusya iwe lila, nakwinhalila.

\v 3 Kumisho ali ngati wumwene(umwoto umhali), amenda gakwe gamile mazeru ngati sementi inswagara.
\v 4 Abhalandati bhala bhakhatuya bhakhabha ngati bhafuye.

\v 5 Ukhabhizya ula akhabhaloleshela bhantanda bhala akhati, "mtogopaje imanyile kuti mkumwanza uYesu, we bhamgojile.
\v 6 Numo ipa, ilelo azyushile anza vwe amalonjile. Nzaji mwenye Umwene pamagonile.
\v 7 Bhalaji shinishi mbhabhuzye abhalandati bhakwe, 'Azyushile kufuma kubhafwe, yenya alongoleye ku Galilaya. Ukwo kwete mmulole.' Ine nabhabhuzya."

\v 8 Abhantanda bhala bhakasogola bhakhepa pala pampipa nalubhilo kumo bhatuyile kumo bhashiye nhani bhakhashimbila kubhabhuzya abhalandati bhakwe.
\v 9 U Yesu akhakhomana inabho, "Akhabhalamukha."abhantanda bhakhagwa mvinama na kulema lema ivinama bhakha vuluvumba bhakha mputa.
\v 10 Pe uYesu akhabhabhuzya akhati, "mtogopaje, bhalaji mbhabhuzye abhanholo bhalongolele ku Galilaya. Ukwo te bhandole.

\v 11 Pe wabhantanda bhala bhakubhala, kufumilana na bhakolokoloni bhala mkasi yabho bhakha bhala mkhaya yila mwonti mmanalobhakha abhapiti bha bhaputi gala gegaloleshile.
\v 12 Bhope abhaputi webhakhomana na bhasongo bhakha pangana peka nabho, bhakhafumwa impiya inyinji kubhapa abha kolokoloni bhala
\v 13 bhakhabhabhuzya kuti, "Mbhabhuzyaje na bhanji kuti, 'abhalandati bha Yesu inze bhinza uwusiku na kwibha umbhili wa Yesu itwe we tugonile tusupiliye.'

\v 14 Anga intumi ini inga yamfishila uliwali umpiti tetumsonganye abhatuyile mtatuyaje nha kugonti."
\v 15 Abha kolokolo ni bhala bhakhega ikhela zila na kubhomba anza shebhabha panganizizye. Intumi izyo zikhavwinha ku Bhayahudi zinhabha shinisho paka umsanyumu.

\v 16 Ilelo bhala abhasundikwa ishumi na weka bhakhabhala mu Galilaya, kwigamba lila lye abhalanganizizye.
\v 17 Bhope we bhamlola, bhakhamsuga. milila kumputa mkasi yabho bhambhakhabha nilyoga.

\v 18 U Yesu akhinza kukwabho akhati, "Impewiwe amakha mnsi umu na kumwanya.
\v 19 Mubhale mnsi yonti mbhombe bhonti bhabhe bhalandati bhani. Mbhozyaji mwitawa lya Tata, ni lya Mwana, ni lya Mpepu Umfinjile.

\v 20 Mubhamanyizye kulema gonti ge imba bhuzizye, inkwenya ine indi peka nimwe wila paka kumpelela winsi.