See in Reader
154 lines
15 KiB
Plaintext
154 lines
15 KiB
Plaintext
\id 1PE
|
|
\ide UTF-8
|
|
\h 1 Petro
|
|
\toc1 1 Petro
|
|
\toc2 1 Petro
|
|
\toc3 1pe
|
|
\mt 1 Petro
|
|
\c 1
|
|
\cl Omwingira 1
|
|
\p
|
|
\v 1 Petro, omurumwa wa Yeso Kristo, hu balobole bomukabano, abamenya nabukeni musialo sia Ponto, nende Galatia, nende Kapadoki nende Asia nende Bithinia.
|
|
\v 2 Kori nga Nyasaye yarangira obamanya mu hulafuyia nende omwoyo mulafu, nimukanya huosibwa namachai ka Yeso Kristo, ineena nemirembe kiemede hweng'we.
|
|
\p
|
|
\v 3 Abebwe chihabi, Nyasaye womwami wefwe Yeso Kristo, ulwesise siaye singi, yarlwibula olwohubiri, hunyole ohwegena huhlamu lwaye hurula mu bafu.
|
|
\v 4 Hunyole obulamu buuma obuchafu, oburasamuha, obwarindwa muikulu hweng'we.
|
|
\v 5 Nang'u mwarrindwa namani ka Nyasaye hubirira mulisubira, munyole obuania obuyerire ofunulwa inyanga yesiakamo.
|
|
\v 6 Musangala muno mubiha ebio, humalaho mbwe ebiha bichebio, nibienyehana, munaba nesibera hulwamatemo kakabuhane.
|
|
\v 7 Ohutema risubira rieng'u eriri nobukusi bwakulu ohiraho imula einyala okora, humadaho mbwe ino itemwangwa nomuriro, haro huilolohe huba neifuma noluyali nesiribwa, muhuloloha hwa Yeso Kristo.
|
|
\v 8 Naye mwamuhera ata nimuramulola; ata ni muramulola siha sino, ne musubira hunie handi musangala muno, hubusangali buraloloha, oburi nobulafu.
|
|
\v 9 Muhwaakana esiokamo siohhusubira hweng'u alala nende obuonia bwemioyo kieng'u.
|
|
\p
|
|
\v 10 Huchimbosi chiobuonia obuo amanabii bakonya konya nohweunja unja nibalakula chimbosi chieinema eyahabolere.
|
|
\v 11 Bakonya mbwe nesiha sina, siengerosi siomwoyo kwa Kristo okwabalimo, okwakesia eminyahano ekia yabiiremo Kristo, alala noluyari lwabeo.
|
|
\v 12 Bafunulirwa mbwe sinohulwabu bene arali mbu ni hulwefwe nabandu abayala injili humwoyo mutakatifu owarumwa hurula mwikulu. Malaika bekomba oringala chimbosi chino.
|
|
\p
|
|
\v 13 Huako mweboye bibuno biamaparo keng'we musumuhe nimwegena inema ya mwarererwe Yeso Kristo nafunulwa.
|
|
\v 14 Kori nga abana barekerefu, murafwana nende ohwekomba hwamwari nahuo ohuobusiru.
|
|
\v 15 Kori nga owabalonga nga ari mutakatifu mwosi mube batakatifu mungira chieng'u chiosi.
|
|
\v 16 Hubera biandikwa mbwe mwahabe batakatifu hubera esie ndi mutakatifu.
|
|
\p
|
|
\v 17 Ne ni mulanga Baba, ohengeranga buri mundu musango hulondohana nebihole biaye, mube noburie mubiha bia muriano nga abakeni.
|
|
\v 18 Mumanye mbwe simwaonisibwa hulwebindu bibiya nga fedha nende dhahabu murule mumiluha kiang'u kirahoya, kiamanyole hurula hubalareng'u.
|
|
\v 19 Mulonde machai kabukusi bwakulu nga bwomwana werikondi ouma rikondo kata bulema, yaani Kristo.
|
|
\v 20 Naye yamanyihana hurula hare sialo nisiralongwa; omalaho mbu yafunulwa munyanga chiohumaliriha hulweng'we.
|
|
\v 21 Hulwaye mumalire huba bandu basubira hu Nyasaye, owamulamusia hurula mubafu mani namuberesia oluyari, hu risubira, nende hwegena hweng'ire hube mu Nyasaye.
|
|
\p
|
|
\v 22 Nimumala hulefuyie mioyo kieng'we handi hukanya bwadieri, hula hubuheri hubasiengie oburari nende ohwekadia muteme oherana mumioyo.
|
|
\v 23 Hubera mwebulwe olwohubiri si hubumuo bunyala obiya, mani humbosi ya Nyasaye eyobulamu handi erimenya miaka kiosi.
|
|
\v 24 Biekesia mbwe, omubiri kwosi kuri nga obunyasi handi oluyari lwomundu luri kori nga eriua.
|
|
\q
|
|
\v 25 Ne imbosi yo mwami imenya miaka kiosi ne imbosi eyo nimbosi indayi yamwayalirwa.
|
|
\c 2
|
|
\cl Omwingira 2
|
|
\p
|
|
\v 1 Huako, mulehanene nende obubeyi. Muraba abohwekadia, imbaliha, amamonyo.
|
|
\v 2 Kori nga abana badoro bekombanga amabere kang'inabwe, mwekombe hweka bindu biadieri hurula hu Nyasaye bia nimumala hweka mube bandu bahongo muhukanyana naye. Paka muhole murio hula siha sia Nyasaye yabahole balehule hurula humabi kosi musialo sino.
|
|
\v 3 Handi paka muhole bino hubera mumalire omanya mbwe Nyasaye aholanga nesisa hweng'we.
|
|
\p
|
|
\v 4 Icha humwami Yesu. Ari nga rikina riohongo mumuse kweinyumba, lakini nomulamu, sari ngerikina eriuma bulamu. Abandu bangi bamuhaya, lakini Nyasaye yamuyiera handi amubukulanga kori sindu siobukusi bwakulu.
|
|
\v 5 Kori ngabandu bembahanga chinyumba. Nyasaye abambania alala ngeinyumba yomwoyo kwaye kwamenyamo. Aholanga bino hueng'we, ngabayali abaholanga misango hu altari husangasia Nyasaye hubera Yesu Kristo yafwa hulweng'we.
|
|
\v 6 Bie ibibilia ibola biekesia mbwe ino nadieri: "Ndara mundu mu Yerusalem ori ngerikina riobukusi bwakulu, erikina rilayi ohira kosi munyumba, nebosi abasubira muniye sibahalole murwe mufwimbu."
|
|
\p
|
|
\v 7 Huako, eng'we abasubira mu Yesu Nyasaye yababe luyari. Ne abahaya osubira, bafwana nende abembahi bamaandiko kalomalomangaho: "Erikina riabembahi bahaya rieholire rikina rieinguso yeinyumba."
|
|
\p
|
|
\v 8 Handi biandikwa mbwe: Yahabe ngerikina erikera bandu hwegumula handi ngolwanda lwabandu bakieraho." Kori ngabandu baumianga nibegumula, abandu barakanya imbosi ya Nyasaye baumianga. Sino niesia Nyasaye yasinga ari biahabeholeho.
|
|
\p
|
|
\v 9 Engwe nibandu ba Nyasaye yayiera babe baye. Muribandu bayara indulo bamulame kori nga abayali bamulamanga. Neng'we bandu ba Nyasaye, humurumbule ebindu biamakana bia amalire oholera bandu baye bosi. Yabalanga hurula mubulamu bwamwari mumenyiremo handi abarusisie musirima, mumenye mubulafu obwaha huburisindu siahuhola.
|
|
\v 10 Ebia maandiko kabola hweng'we nebiadieri: "Hare simwari bandu ata bididi, ne bulano muri bandu ba Nyasaye. Siha sindi Nyasaye siyabaholera sisa ne bulano abaholere nesisa.
|
|
\p
|
|
\v 11 Hubera muri bandu bandahera, mbasaba mupare bino: Muri ngabakeni beridala rieng'u riene riri muikulu. Haro simuhoire muhole a bindu bibi biamwali mwanala ohola hubera nimubihola simwammenye bilayi nende Nyasaye.
|
|
\v 12 Muchiririre omenya mungira indayi mubandu baramanyire Nyasaye. Nimuhola murio banalola mbwe muhola bindu bilayi, handi biha bia Nyasaye yecha ohengera burimundu musango, banamuba siriibwa.
|
|
\p
|
|
\v 13 Hubera mwenya oberesia omwami Yesu siriibwa murie bosi abari muburuki. Narimo omwami hubera ari namani mangi muno.
|
|
\v 14 Abagavana bosi babemo hubera Nyasaye abaruma hukuma abahola mabi handi opaka abahola ebiri abwene.
|
|
\v 15 Nyasaye yenya ari ohole malayi. Nimuhola murio, munakera bandu basiru abaramanya Nyasaye bahirwe obola bari muholire bibi.
|
|
\v 16 Mube nga ababolole huhuria muhulundu yosiosi, nemurapara mbwe munyala ohola mabi huluako. Mube kori basumba ba Nyasaye bahoire babe.
|
|
\v 17 Mube noburie hubandu bosi. Hera basio bosi abasubira. Ria Nyasaye handi orie omwami.
|
|
\p
|
|
\v 18 Eng'we basumba basubira, murie bahulundu beng'we handi mubabe siriibwa. Muraria ababaholera bilayi bong'one lakini murie nende ababalabira.
|
|
\v 19 Muhole murio hubera Nyasaye asangala nende baria abamanyire biadaha handi abo hulwakano abakanya buchuni hubera muhulundu wabwe abaholere ebirari abwene.
|
|
\v 20 Nyssaye sanasangala nawe nohola sindu sirari abwene norulao ohuywa. Ne nohola bilayi nihandi oumia, pumice hulwohuhola akari malayi. Nosimirisia ako, Nyasaye anahupaka.
|
|
\v 21 Kristo ngayaumia hulwao, yakaluhana omufwano kwohoire olonde mumakulu kaye handi omenye kori ngayamenya.
|
|
\v 22 Para kori nga Yesu yamenya: "Siya yahola mabi, handi siyabolaho bubeyi."
|
|
\q1
|
|
\v 23 Abandu nibamunyeka, yosi siyabanyeka. Abandu nibamusandia siyabarunga. Yarehera Nyasaye, ohenganga musango nende adieri, biekesia mbu yauma rikosa.
|
|
\q1
|
|
\v 24 Mwene yasanda hulwamabi kefwe mumubiri kwaye yafwa humusalaba huefwe hurehe ohola mabi handi huchake omenya bilayi. Nyasaye ahuonisie hubera bamuba amakonjo.
|
|
\v 25 Adieri mwari ngamakondi kakorire ne bulano mumalire ofunya hu Yesu, obadeba kori nga omwayi adebanga makondi kaye.
|
|
\c 3
|
|
\cl Omwingira 3
|
|
\p
|
|
\v 1 Kata kario, eng'we abahasi muburire abasacha beng'we, mbwe nibaruo abarasubira imbosi, bahweswe humera yabahasi babwe kata nende ibulao imbosi, bosi nende imbosi niibulao ohirwa nende ohuloma loma hwa abahasi.
|
|
\v 2 Nibalingali imera/itabia yeng'we indayi, nende eyiukisia.
|
|
\v 3 Hweng'we, hwaraba ohwefwala hwerwanyi, ngori ohusuka lifwiri, nende ohweraho ohwefwala ebindu bie idhahabu, nende hwefwala emiefwala.
|
|
\v 4 Abula bube obunabundu bwo mumwoyo oburalo lehana, nende muhwepambaohura biya, yaani omwoyo omurekefu handi omunyifu, okuli nende obukusi buhongo imberi wa Nyasaye.
|
|
\v 5 Ohubera endio nie ngori bepamba abehasi abatakatifu abahale, abasubirira Nyasaye nibaburira mubasacha babwe.
|
|
\v 6 Ngori Sara naburira mu Abrahamu, namulanga omwami: Nang'u muli abahana baye, nimuhola amalayi, kata simunarisibwaho nende oburi bwosi bwosi.
|
|
\p
|
|
\v 7 Eng'we mwosi abasacha mumenyanabo nende amakesi, nende ohuba omuhasi esiribwa, ngori esiombo eibula amani/esidehere, handi ngori abakerami alala nende inema eyo obulamu, mbwe amalamu keng'we karanyola ohwikalirwa.
|
|
\p
|
|
\v 8 Imbosi ya mwiso, niyio ino, mube nende lichomo lilala, nimuli nende esisa abene hubene, nimuherana nga abasiani/bamuganda, abohweralihira, abademberefu.
|
|
\v 9 Abararunga amabi hu mabi, ao ohulauma huhulauma: Abula mube ababarikia; Nimumanya mbwe ako niko akamwalangirwa, mbwe munyole chihabi.
|
|
\v 10 Ohubera onahera obulamu, nende hulola inyanga indai, aduduyie olulimi lwaye lwara lomaloma amabi, nende omuuwa, kwaye kwaralomaloma akarakwanirwa.
|
|
\q
|
|
\v 11 Na alahane nende amabi: Ahole amalayi: Alomalome omurembe, handi akulonde muno.
|
|
\q
|
|
\v 12 Ohubera chimoni chia Nyasaye chiringala abo bwadieri, ne amarwi kaye kaburira amalamo kabwe: Abula obweni bwo omwami nihubalia abahola amabi.
|
|
\p
|
|
\v 13 Ne ni wina onabanyaala eng'we, nimuba abafwasi aba ulia ori omulayi?
|
|
\v 14 Abula mbwe nimusandisibwa hu obwadieri, muli beihabi/musangale/handi muraria ohurisia hwabwe, kata murabeya beya.
|
|
\v 15 Abula mbwe mwosie/mutakasie omwami Nyasaye mumioyo kieng'we: Handi mube tayari buri nyanga ohuberesia elijibu elikalusio hubuli mundu obareba amahuwa kelisibira eliri mukari weng'we arali mbwehubwendemberefu nende huhuria.
|
|
\v 16 Nang'we mube nende amaparo amalayi, mbu mubuli imbosi yabababeyera, eyababaloma lomaho amabi, hweng'we ngori abaholi ba amabi, bambisibwe chimoni huluo abaloma lomaho amalayi keng'we mu Kristo.
|
|
\v 17 Ohubera nebilai, obuheri bwa Nyasaye nibuba bjrio, mbwe eng'we munyole ohusanda hulwe ebihole ebilayi ohira ebihole ebibi.
|
|
\v 18 Ohubera Kristo yosi yasandisibwa mara halala hulwa amabi hubobwadieri nende hubarali nende obwadieri, mbwe arulere efwe hu Nyasaye, niyerwa muhubiri kwaye, abula omwoyo kwaye nakingulwa.
|
|
\v 19 Owa huniye yabachira emioyo kiali nikihale musiboye nabayarira.
|
|
\v 20 Abali nende esireka muchinyanga chia hale, ohwesimirisia hwa Nyasaye ao hwali nihusilindire muchinyanga chia Nowa, Isafina niisihwanisibwa, abali mbwe abadidi, abo, abandu munane baonisibwa humachi.
|
|
\v 21 Omufwano okwa amahuwa ako ni obubatisi, obubaonia eng'we mwosi muchinyanga chino( oburali ohugeng'a ale obumayanu obwo mubiri, abula amakalusio akamaparo malayi imberi wa Nyasaye huluo ohubuha hwa Yeso Kristo.
|
|
\v 22 Owanina mwikulu, handi ali omuhono musacha kwa. Nyasaye; Malaika nende obunyala nende amani nibimalire ohugeng' wa asi waye.
|
|
\c 4
|
|
\cl Omwingira 4
|
|
\p
|
|
\v 1 Basi ohubera Kristo yasandisibwa ohubera efwe humubiri kwaye, mwosi mwefwale esilaha murio, ohubera oyo owasandisibwa mumubiri yalehana nende chimbi/ebiohone.
|
|
\v 2 Mbwe ohuchaka sai murachirira ohumenya mumubiri nende obwekombi obwa abandu, abula hwenya a Nyasaye.
|
|
\v 3 Ohubera esiha sio obulamu bwefwe obwabira siyesire ohuhola amenya aka besialo, ohuchiririra mubufisadi, nende obwekombi, nende obumesi nende ebisahiro ebiohuria, nende ebikoyero nende ohwinamira ebifwanani ebira kwanirwa.
|
|
\v 4 Amahuwa akabalola mbwe nakaukisia aka eng'we mwaranyala ohuchiririra alala nabo mumera yo bufisali bulia bulia oburali nende ohwedudunyia, nibabanyeka/nibaloma loma amabi hweng'we.
|
|
\v 5 Nabo banainia isabu huulia oli tayari ohubahalakira esiboya abali abalamu nende abafwa.
|
|
\v 6 Ohubera ohulondohana nende ako Injili yayalwa yosi hubalia abafwa, mbwe banyoleohuhalakirwa ohulondana nende abandu abali mumubiri, abula bamenye ohulondohana nende Nyasaye mumwoyo.
|
|
\v 7 Abula mbwe olumalirihi olwe ebindu biosi luli ambi: Mani mube nende amakesi, nimuba meso ni mulama.
|
|
\v 8 Handi akulu we bindu biosi mube nende ohuherana abene hubene: Ohubera obuheri bunafuniha obungi bwe chimbi. Mukaribisanie eng'we hwe eng'we nimuralamika.
|
|
\v 9 Muberesie abakristo bakeni, abecha amuri ebiohuria nende abundu wohweyalisia handi muhole murio auma huririkana.
|
|
\v 10 Buli omundu ngori yanyola esianwa, musiehonyere nimuhalabanira buli mula hu wasie, ngori abemeresi balayi abali nende lwema eyikabuliane eyo Nyasaye.
|
|
\v 11 Omundu naloma loma, na abole ngori imbosi ya Nyasaye; Ne omundu narumiha, ne ahole nende amani aka anyalirwe nende Nyasaye: Mbwe Nyasaye mubindu biosi anyole hukingulwa ohubirira Yeso Kristo, huniye afumisibwe handi atawale emika kiosi nende chinyanga chiosi. Amin.
|
|
\v 12 Abaherwa, mwaralola ohuba nebiukisia hu omusiba / arali akari weng'we, akabanyolire mbwe kabateme, ngori esindu esikeni esibanyolire eng'we.
|
|
\v 13 Abula mbwe musangale, ngori munyola amtemo ka Kristo; mbwe esiha esio luyari lwaye sichia ohufunulwa, munyole husangala nende ohuba chingalakasia.
|
|
\v 14 Nimulaumibwa hulira ria Kristo nie ebilayi hweng'we; ohubera omoyo mulafu. okwo luyari nende Nyasaye kubuluha akulu weng'we: Olwande lwabwe bamulomalomaho amabi, abula olwande lweng'we abebwa oluyari.
|
|
\v 15 Abula mulala hweng'we arasandisibwa ngori omwiri, ao ngori omwibi, ao ngori amuholi wa amabi, ao ngori omundu ohusika nende amahuwa kabandu.
|
|
\v 16 Nikali mbwe omundu, asandisi bwa ngori omu Kristo aralola chisoni; obula afumie Nyasaye mulira lino.
|
|
\v 17 Ohubera sina swulire esio ohuhalakirwa ohuchakira munyumba ya Nyasaye; Handi niirangira ohuchaka, hwefwe, olumalirihi lwa. balia abarasubira mu injili ya Nyasaye luchia ofwana lurie?
|
|
\v 18 Ne owadieri naonisibwa husida, ulia oraria Nyasaye nende owe chimbi/ omwononi analolohana ena?
|
|
\p
|
|
\v 19 Mani abo abanyasibwa hubuheri bwa Nyasaye beinie nibalindire emioyo kiabwe huniye nibahola amalayi, ngori omulongi mwaminifu/omwesikwa.
|
|
\c 5
|
|
\cl Omwingira 5
|
|
\p
|
|
\v 1 Ibasaba abakofu abali mweng'we, esie. siosi ngandi omukofu, handi masaidi wa manyahano aka Kristo, handi siosi omulindi wo luyari oluchia ohufunulwa.
|
|
\v 2 Mulisie amakondi ka Nyasaye akali mweng'we, nende hukemerera, nimura lasimisibwa, abula mbu huhwenya hweng'we; sine humapato kechisoni, abula mbwe humwoyo mulayi.
|
|
\v 3 Kata huraba abami huluo obukerami bwa Nyasaye, arali mbwe hube esilolero hu makondi.
|
|
\v 4 Handi ngori, omuhulundu wa amakondi niyahecha, muchia hunyola itaji eyo luyali olurakofula haba.
|
|
\p
|
|
\v 5 Kata eng'we abaraga, mweinie eng'we abene hubahulundu. Yaah, eng'we mwosi mweinie hu buli mulala hweng'we, handi nimwefalire obudemberesi munyole ohuhalabanira: Ohubera Nyasaye sasangalira owe isunga, handi aberesia omulembe abadembefu.
|
|
\p
|
|
\v 6 Mwedemberesie abene asi wo muhono kwa maani kwa Nyasaye, mbwe anyole ohubakingula husiha siaye.
|
|
\v 7 Eno nimumudwiha emosigo kieng'we huniye; Ohubera niye alalabanira muno amahuwa keng'we.
|
|
\p
|
|
\v 8 Mube meso, mwedudu yo ei, ohubera omusitaki weng'we Saitani aola nga isimba, nakonya owa amora.
|
|
\v 9 Nang'u mumuhaye musubira, nimumanyire mbwe amatemo karia koririre mubasiani beng'we abali musialo.
|
|
\v 10 Ne Nyasaye wobuheri bwosi, owaba langa ohwingira muhuyali lwaye ohubirira hu Kristo Yeso, nimwahamala ohunyasibwa husiha sididi, niye omwene anabahwania, nabajingia, nende nababa amani, munyole ohwihala.
|
|
\v 11 Huniye hube oluyali nende ohureka chinyanga chiosi. Amin.
|
|
\p
|
|
\v 12 Hu silifwano omusiani we isubira hweng'we, mga mbara, mbandi kira mubwimbiri, nimbakania nende nimbasundiyia mbwe buno nobwadieri. bwe inema ya Nyasaye eyo eng'we mwemeremo.
|
|
\p
|
|
\v 13 Hu Kanisa eyiri babuloni, elirobole alala nang'u Baba hesia; nende Mariko omwana wange yosi.
|
|
\v 14 Muhesanie hu busu eyo buheri. Omulembe kube nende eng'we mwosi abali mu Kristo Yeso. Amin.
|