See in Reader
155 lines
12 KiB
Plaintext
155 lines
12 KiB
Plaintext
\id JAS
|
|
\ide UTF-8
|
|
\h Yakobo
|
|
\toc1 Yakobo
|
|
\toc2 Yakobo
|
|
\toc3 jas
|
|
\mt Yakobo
|
|
\c 1
|
|
\cl Omwingira 1
|
|
\p
|
|
\v 1 Yakobo, omuhasi wa Nyasaye nende omwami Yesu oKristo, hu chinono lihumi nende chibiri echiasalana musiyalo silamba: mahesio.
|
|
\p
|
|
\v 2 Banabefu mubale huba obusangafu buosi nimukua mumatemo kakabuhane.
|
|
\v 3 Mumanye rino, mbu hutemwa hwerisubira rieng'u rihola hwesimirisia.
|
|
\v 4 Ne murehe hwesimirisia hube nende mirimo ekiuririre, ne mwosi mwahaba beokererefu handi abaradaha siosi siosi.
|
|
\p
|
|
\v 5 Niri mundu yosi yosi hweng'we narema makesi, murehe asabe Nyasaye, niye owanaga makesi hu bandu bosi, ne sakabulanga ata; handi yaberesibwe.
|
|
\v 6 Atakario asabe nende risubira, araba wohweteyateyana, hubera uria owo hweteyateyana ari nga rifwinda riomunyanja eri sindihwa no muyaka.
|
|
\v 7 Mundu ngoyo arapara mbu anyala onyola sindu siosi siosi hu Nyasaye.
|
|
\v 8 Omundu wa maparo kabiri ateyateyananga muchingira chiaye chiosi.
|
|
\p
|
|
\v 9 Reha muherua wobulamu bwaasi asangale mu hukingulwa hwaye.
|
|
\v 10 Uria mundu ori nende miandu, nikibua kiosi asangale hubera afuana nenda amaua kobunyasi anakorao.
|
|
\v 11 Kubasu ni kuduma, kubeha ne kusamba bunyasi, handi amaua nikakua asi, ineema yechifasoni ibwechanga. Haro endio niluo we miandu yosi yabwe muchingira chiaye chiosi.
|
|
\p
|
|
\v 12 Ari weihabi uria owesimirisia mumatemo hubera na temua anabukana isimbihira yobulamu eya Nyasaye yalaka baria abamuhera.
|
|
\p
|
|
\v 13 Omundu nakua mumatemo arabola mbu Nyasaye nomutema: Nyasaye sanyala otemua na sihieno, handi satemanga mundu yosi yosi.
|
|
\v 14 Atakario buri mundu atemuangua muhwekomba nende hubeyua no buekombi buaye muene,
|
|
\v 15 Obuekombi nibuahayera inda, nibuibula obwononi, obwononi ni buahangala ni buibula hufua.
|
|
\p
|
|
\v 16 Banabefu abandahera murabeywa.
|
|
\v 17 Buri esianwa silahi handi siorerefu sirula akulu handi sicha asi hurula hu Baba mwene bulafu niye sakaluhananga ata hubudohana musiniha.
|
|
\v 18 Huhuhera huaye mwene hwaruibula hurula humbosi yo obwadieri, hube biamo biaye bia mberi bwohubalua.
|
|
\p
|
|
\v 19 Hulwako banabefu baherua buri mundu abe mwangu owohuurira ne araba mwangu owo hulomaloma kata owohuba ne ririma.
|
|
\v 20 Hubera eririma rio mundu sirinyala ohubola miluha milai akia Nyasaye.
|
|
\p
|
|
\v 21 Niebikera hurehe obumari nende miluha mingi mibi kiebihaya, hubukule imbosi eya rakua mubudemberefu, inyala oresia mwoyo kiefu.
|
|
\v 22 Hube aba loli be imbosi, handi huraba abaurira sa imbosi ni huebeya.
|
|
\v 23 Omundu yosi yosi ourira sa imbosi ne saihola afuanana nende omundu we ringala bueni buaye mu gilasi.
|
|
\v 24 Yeringala na abua ni hanguhangu ye birira ifuani yaye.
|
|
\v 25 Uria oringala amalako okotirira ako burehule, nachiriramo, ne sa aba uria owibirira huurira, ne ni uria ohola mirimo, omundu oyo aba we chihabi mubihole bie biosi.
|
|
\p
|
|
\v 26 Omundu yosi yosi akari weng'u ne aloloha aba mulami, naye sanyala oboya olurimi luaye, aba yebeya muoyo kuaye amalamo komundu oyo nibihaya.
|
|
\v 27 Hulama hulafu handi huwaadieri imberi ya Nyasaye handi Baba niye huno, hukenia bana bakisa nende bahasi abafuirua muma nyahani kaabu, nende huerinda muchimbala chiyo musialo.
|
|
\c 2
|
|
\cl Omwingira 2
|
|
\p
|
|
\v 1 Banabefu, muraba nende risubira rio Omwami wefu Yesu Kristo, Omwami wefu woluyari, muhuria bandu.
|
|
\v 2 Omundu niyecha mumukanda kweng'u nende ingila eya dhahabu, muchingubo chindayi, handi omundu omumanani yosi yecha muchingubo chiebichere.
|
|
\v 3 Eng'we ni muberesia siribwa uria owefuarire chingubo chindayi nimuborere, ewe ihala alayi ano ni muborera uria Omumanani, yema ariya, kose ihala asi mumakulu ke sisala siange.
|
|
\v 4 Awo simuri no obukaluhaniye abahalaki ba maparo mabi?
|
|
\v 5 Mu urire, banabefu, baherua, Nyasaye siyalobola abamanani abohusialo babe bainda abe risubirira, handi babe bakerami obwoburuki obwayalaka bariya abamuhera.
|
|
\v 6 Eng'we mwareka abamanani, abandu bainda sinibabasandianga ni babaira imberi yebisala siohuylwa?
|
|
\v 7 Sini abo abalomalomanga bibi hulira eriye siriibwa eriya mualangwaho?
|
|
\v 8 Nimuusirisia amalako koluyari hulondohana nende maandiko, ewe ohera jirani wawo ngori we hera, oba ohola ebilayi.
|
|
\v 9 Engwe nimuberesia siribua abandu, muba muhola obwononi, muba mufikirira nende malako mbu mtiri abafunaka malako.
|
|
\p
|
|
\v 10 Hu uria orinda malako kosi, neyonona musindu silala aba ari mwononi mukoosi.
|
|
\v 11 Uria owa bola mbu ora hola obwirani niye niwabola orera, ne neoriirana nuwira, ewe oba omufunaki wa malako.
|
|
\p
|
|
\v 12 Ewe lomaloma, nende ohola endiyo, noluabecha oyalua na malako kohuba barehule.
|
|
\v 13 Huba anayala ohenga musango na auma sisa, baria abarekesia sisa; ne sisa sicha husangala akulu we sina.
|
|
\p
|
|
\v 14 Ni buhala sina, banabefu?
|
|
\v 15 Omusiani weng'u kata omuhana weng'u nari siekenye, handi auma esiaria,
|
|
\v 16 Ne mulala amuborera, muchiye ne murembe, mube nobudundumu handi mwikure; atakario somubere bindu bienyihana no mubiri, no buhala sina?
|
|
\v 17 Endiyo risubirira riyong'one niriuuma bihole, riafua.
|
|
\p
|
|
\v 18 Ee mundu anyala obola, ari nende risubira, ne esie ndi nende bihole jekesieho risubira riawo eriuma bihole, nasi nda huekesia risubira riange eriri ne bihole.
|
|
\v 19 Ewe ofukirira mbu aruwo Nyasaye; mulala ohola bilayi: ebihieno biosi bisubirira handi birengereha.
|
|
\v 20 Atakario omanye mbu ewe mundu ouma bunyala mbu risubirira erio eriuma bihole riafua?
|
|
\v 21 Sefu Abraham siyabalua oba obwadieri humirimo kiaye, niyarusia Isaka mwana waye hu maika komusango?
|
|
\v 22 Ringala mbu risubira nende mirimo kiaye kiahorera alala, kiakera risubira riaye riaba eriuririre.
|
|
\v 23 Amandiko kooririra ni kabola, Abraham yafukirira hu Nyasaye yabalwa oba omundu owobwadieri, mani nalangua omwicha wa Nyasaye.
|
|
\v 24 Ewe barira mbu humirimo kiomundu abalua wobwaderi, sini hurisubirira riong'one.
|
|
\v 25 Endiyo sinalwa Rahab uria mdamba obalua oba owabwadieri hu mirimo, niye owabengisia handi niye owabayinia rwanyi hungira iindi.
|
|
\p
|
|
\v 26 Ngolwa omubiri okuuma omoyo kuafa, endiyo nolwa risubira eriuma emirimo riosi riafua.
|
|
\c 3
|
|
\cl Omwingira 3
|
|
\p
|
|
\v 1 Banabefu muraba abaami bangi, nimumanyire mbu hunabukana sihalakiro sihongo muno.
|
|
\v 2 Huosi huchuanywa mumahwa mangi. Omundu yosi yosi orechuanya mu imbosi, omundu oyo yorere, handi anyala hwerinda omubiri kwaye kwosi.
|
|
\v 3 Barira, efwe hurechanga hachuma habidi muhanua weyi ifarasi, huniho yaharuba siriibwa handi hukaluhania mubiri kiabu kiosi.
|
|
\v 4 Handi barira mbu amaro mahongo, ata kabe mahongo kariye, nikerusibwa no muyaka kwamani, atakario kakonyoluangwa nende ingasi ididi nende omukoba.
|
|
\v 5 Endiyo olurimi ne sindu sididi ni siefumia hubindu bihongo. Barira nga muliro mudidi kunyala osamba ahongo.
|
|
\p
|
|
\v 6 Handi olurimi no omuliro, esialo esichule nende mahole mabii; haro muchifuonero chiefu, lurimi nulwo lunyasia mubiri kwosi, handi kuambia muriro hubulamu bwa bandu bosi; naluo lwahu muriro okurafwa.
|
|
\v 7 Hubera buri chisolo, nende amayoni, nende chinjuha, nende ebiri muyanja biarukwa, handi biarukwe nende bandu.
|
|
\v 8 Atakario olurimi luuma buruki hu mundu, ne siruki sia mabiiu, esiarumbamo burwaa bungi.
|
|
\v 9 Noluo hupakira Nyasaye Baba handi nolua hukuong'ira bandu; aba langwa mu ifuani ya Nyasaye,
|
|
\v 10 Hurula mumunua mulala sa oko murulamo chihabi nende chichubo. Banabefu ebo sibihoyere bibe biriyo.
|
|
\v 11 Isulo inyala orusia husiha silala amachi malayi nende amachi malulu?
|
|
\v 12 Omuhuyu banabefu kunyala ohwibula mzeituni? kose mzeituni kunyala hwibula omuhuyu? Endiyo nuluo Isula sinyala orusia machi akarimo munyu kata malai.
|
|
\p
|
|
\v 13 Ni wina uria mundu mukesi, owa bebwa ohumanya akariweng'u? reha yekesie humiluha milai mbu mirimo kiaye kiholwa hubudemberefu obwa makesi.
|
|
\v 14 Ne niri mioyo kieng'u kichule imbariha indulu nende hwepaka, murekingule, handi murebeya nimukisa bwadieri.
|
|
\v 15 Makesi kano sikarula akulu, ne nekesialo, nende kabandu ne sihieno.
|
|
\v 16 Hubera ari imbariha nohuyingana, ao niye ari hudaririhana nende buri mrimo mubii kwe bihieno.
|
|
\v 17 Atakario amakesi karula akulu oluamberi ni malafu, handi nakomurembe kari ne siriibwa handi karimerekerefu, karumba nende sisa, kari nende biamo bilayi, si kakabulanga handi si kehola holanga
|
|
\v 18 Handi lmwo yobwaderi irakwangwa mu murembe hubaria aba hwania omurembe.
|
|
\c 4
|
|
\cl Omwingira 4
|
|
\p
|
|
\v 1 Eriiye nende hulwana hurulaye akari huria ohulwana mumibirii kieng'u?
|
|
\v 2 Imbariha ibadira hu bindu ebiamuranyala hunyola: mwira handi mwekomba huba nabio, simunyala onyola: mulwana handi muhuyana, ne simwahanyola hubera simusabanga.
|
|
\v 3 Musaba handi simubukana hubera eng'we musabanga bibi, eng'we mwehonyera hubwekombi bweng'u.
|
|
\p
|
|
\v 4 Engwe abekombi abesisacha nende abesihasi, mukoribwe mbu ohola bwicha nende sialo no ohola bukusu nende Nyasaye? uria yosi yosi ohola bwicha nende sialo nimusuku wa Nyasaye.
|
|
\v 5 Opara mbu amaaandiko kabola bihaya, omuoyo okwarumenyamo kurwe komba mumbariha.
|
|
\v 6 Atakario abe chananga sisa muno. Haro abola mbu, Nyasaye ahaya abeyisunga, naye yananga sisa hubaria abademberefu.
|
|
\p
|
|
\v 7 Hwerusiye hu Nyasaye, hu haye sihieno ne sicha hurwiruha.
|
|
\v 8 Huside ambi nende Nyasaye naye anasuda abi nang'u mwosiye mihono kieng'u engwe abebiononi handi mulafuye mioyo kieng'u engwe ba maparo kabiri.
|
|
\v 9 Mube ne sibera ni mulira nende ohuba chimbungu, hucheha kweng'u, hukaluhana hulira, no obusangafu bweng'u bube sibera.
|
|
\v 10 Eng'we mweduduye mumoni chiyo mwami naye yecha obakingula akulu.
|
|
\p
|
|
\v 11 Mura lomaloma mabi hu mulala weng'u, banabefu. Uria olomaloma amabi hu omusiani wabu nende ohalakira sina omusiani wabu aba alomaloma bibi humalako handi aba ahalakira amalako: ewe no yala amalako; soba orio muhalaki wa malako.
|
|
\v 12 Huri nende mulala orusiangia amalako, nonyala huwonia nende hunyasiya; ewe ori wina huhalakira wasiyo sina.
|
|
\p
|
|
\v 13 Haro mu ulure, eng'we ababola mbu, rero kata muchuri hunachiya mulukongo luriya, handi hwihaleyo humuaka ni hukula nende hukusiya hunyole obubala.
|
|
\v 14 Sonyala amanya esinaba muchuri. Obulamu bwao nisi? ne sing'ong'o, esiloloha husiha sididi, handi nisihamao.
|
|
\v 15 Hulwako ohoye obole, mbu omwami na kanya, huna menya, huhole sino kata siria.
|
|
\v 16 Haro ewe osangariranga hwefumiya hwao; husangala ngoho hwosi ni hwa mabii.
|
|
\p
|
|
\v 17 Hu uria omanyire ohuhola malayi ni sa hola hu niye na mabi.
|
|
\c 5
|
|
\cl Omwingira 5
|
|
\p
|
|
\v 1 Haro eng'we abainda murire handi muhube chinduru hulwa manyahani akanecha akulu weng'u.
|
|
\v 2 Miendu keng'u kinyasihe handi chingubo cheng'u chimbukuru chirire.
|
|
\v 3 Idahahu nende ifedha yeng'u ibolere, handi bubolu bwayo ichoba obuloli hung'we, handi lnariya mibiri kieng'u ngo muriro. Mubusisie miandu kweng'u alala hu chinyanga chiyo lumaririhi.
|
|
\v 4 Barira mbu abahosi ba mwaandika ohukesa chindalo cheng'u, aba muhaya orunga, barira: Mariro kabu kamarire hula mumarwi akomwami wa Sabato.
|
|
\v 5 Eng'we mwihale bilayi husialo nimwesangasia muhudaha hweng'u ni murisia mioyo keng'u, hu inyanga yohubakua.
|
|
\v 6 Eng'we muhalakire sina handi mwirire baria abauma amabi handi aba siri bahaya.
|
|
\p
|
|
\v 7 Hulwako Mwesimirisiye baherua, hulo hwicha huo? mwami. Barira nga murimi arindanga biamo bilayi biye riloba, handi yesimirisiangia muno, hula aduhire ifula yo humwaka nende ye sirumbi.
|
|
\v 8 Eng'we mwosi mwesimirisiye, ni mujing'iya mioyo kieng'u hwicha hwomwami husuda ambi.
|
|
\v 9 Murang'ung'urira abasieng'u, baherua murecha mwa hengeruwa sina; barira mbu Omuhengi we sina yemere a muriangiro.
|
|
\v 10 Hufuane, banabefu nende Abakari ba Nyasaye, abalomaloma murira rio mwami, hu ifuani yo husandisibwa mumaniyahani, nende muhwesimirisia.
|
|
\v 11 Babaluwa abasangafu baria abesimirisia. Eng'we mumarire ohurira hwesimirisiya ohwa Ayubu, handi mu marire olola siakamo siomwami, mbu Omwami ari ne sisa handi niwesisa.
|
|
\p
|
|
\v 12 Akulu webindu biosi, banabefu murelaya, mumwikulu, nende husialo kata husiapo siosi siosi; reha 'e' yawo ibe 'e' ne haba ibe haba orecha wakua wa hirwa nende sina.
|
|
\p
|
|
\v 13 Aruwo hweng'we ori na manyahano? Ne alame. Aruwo osangarire? Yembe chinyimbo chia Saburi.
|
|
\v 14 Aruwo olwala akari weng'u? Alange aba hulundu abo Mukanda kwa ba Kristo bamulamire, niba mubaha mafura murira rio Omwami.
|
|
\v 15 Ne amalamo kerisubira ni kaonia omulwaye ne mwami anemukingula akulu; nikari mbu ahorere mabii anamurehera. oniya omu lwaye naye Omwami anamukingula Akulu: nikali mbu aholere mabi anamurehera.
|
|
\v 16 Mwekanire mabi keng'u mulala nende wasie handi mulamirane eng'we hu eng'we mubukane owonisibwa. Amalamo kamani nende akesinani komundu Owo bwadieri kaholanga mahogo.
|
|
\v 17-18 Eliya yari Mundu owari asi wa maparo ngori efwe, handi yalama nesinani ifula Irakwa mani ifula siyakua hu miaka kidaru nende miesi kisasaba. Yalama handi, mani rikulu niri inia ifula mani sialo nisirusia ebiamo biayo.
|
|
\p
|
|
\v 19 Banabefu na ruo hweng'we oholanga amabii orulanga hubwadieri; aundi mundu mulala oyo anyala hukaluhania wasiye.
|
|
\v 20 Omanye mbu okaluhania uria owa mabi hurula hu chingira chiaye chimbi anyala oresia Omuoyo hurula muhufwa, handi abwiha obungi obwa amabii kaye.
|