See in Reader
36 lines
4.9 KiB
Plaintext
36 lines
4.9 KiB
Plaintext
\id JUD
|
||
\ide UTF-8
|
||
\h Jubda
|
||
\toc1 Jubda
|
||
\toc2 Jubda
|
||
\toc3 jud
|
||
\mt Jubda
|
||
\c 1
|
||
\cl D'ullâ 1
|
||
\p
|
||
\v 1 Juda, Yesu khristho ri opeogo, angwi Jamese ri adina, oip oduba ungwe kana, orri atha ri iyie kanaka eleki, angwi bo iruru Yesu Khristho nika eleki;
|
||
\v 2 Kiru oggo aduta pi motho ro azze riyie kiru kofwe ammi ni wo koy.
|
||
\v 3 Ammi iyie kanaka eleki, lao oloro andda ma meabeh asidi pye anyi beya miwro ammi ni, karuruka napa aah na thuma, eleni ma miwro ri ammi ni anyi beya iwah ammi iwah anyi kiru igwe pehgo tho regeny napa oloro andda ifuthuki daly alobe te banny agawyba eleki ni anyo wo.
|
||
\v 4 Kobwo banny alokwa eleh ammi ri agaga niah ilia iranya ruw kale oho ngaly d’ini. Eleki banny odu uba oba eleka anyi, beya imuwo ro kale wo. Eleki banny od’ub’a orrika keway loba iwicha aary orri ri guii kate dinja niah anyo wo, azze kiru loba kapeh ri rinne natha alobe nane ne kale wo, aah nimba natha yesu khristho.
|
||
\v 5 Kiru elenini wo ma mondu meyeye ri ammi ni wo-oggo ju andda ammi inne nga napa oho daly alobe oddo achobo andda rimba natha iruruka banny ozee kale angweh Egypete ri lele se, ama kiru bubuna wo azze lago kimwo opi od’uba andda ole eawokuka kaki ro kale wo.
|
||
\v 6 Angwi anjiluji ud’uba andda adi iruruka api ni ofo kakoko rinakuka kaki pi ro, ama oduba andda oyee api ni ofo nintha ichakazo kale orri andu korwe loba ne ubby niah wo nyonyo, ofo ne namumu niah, anyi beya oli lokikoka kale inee ne thumogo nane ra.
|
||
\v 7 Oggo bang kede easu sodoma rina nini Gomorra ro azze e iy loba nakeba kaki, oduba angwi kiwewele ri ruw apika ne walewale thoworo rika eleki ra anyo azze kiru kiwawalengo ri od’ia oduba adi ififukuka eleki ri bu ne anyo wo. Kiru udo loba kale kede easu oduba kamudwe assi niah kamuda nyonnyo kaki niki.
|
||
\v 8 Ge adi leathu napa eleni ra, kapa orobi ri onga kanaka eleki angwi ge kimwa ri api ri ruw ne kale wo. Aeho loba koga kakoko ne eambe, azze loba kojo banny akkuba eleki ni nga kamonyo rika ne anyo.
|
||
\v 9 Ama ju mikaleh anjiluji ri ossi nane, kuse andda lago koja injwi natha nane ro azze kocha ri wo mose ri ruw ri kiw se, kiru adi oggo iwah ruwku anyi keazee lokiko nolii ri kamonyo lago ni. Kombo lago ojo oddo, Oggo rimba natha andu kiringa ri me ne ne!
|
||
\v 10 Ama kiru banny kapa eleki kimonyo ri nga oduba adi api ikokoroku ne anyo, azze kiru nga oduba api ri iokokokanaka elekinga oduba anyo kwa eajo bakuka eleki konone ithithi na eleki nga oduba kimuwo loba ro kale wo.
|
||
\v 11 Waidiongong loba ni! Kobwo loba ovvo leathy kaina rina nane ra anyo azze kegwe murunthu ba laama rika kaki niah wo miilongwe ri kiw se. Kiru iranya loba thuabi ri eabu andda korah rina nane ra.
|
||
\v 12 Eleki banny oduba kambambwe ri rimonyo ne me ri ujuma igie kana se eya loba keb ebi ri ujuma nemero dinja ako indileh od uba te keanya ri api ri ruw ne dule anyoka eleki. Loba koba lofu ne iyi ako, olee kilonga kiru dini. Loba kwy od’uba iboboju kale okaku kodda daly ree quelelaka keape ri kale.
|
||
\v 13 Loba lowiwindi kikakabanga ri bou ne mearyi niah, kipapaka ri api ri dinja kale. Loba abibi oduba kawaway dwodwo dini, ofo oloro onne tiet orwe loba ni anyo wo kiru nyonyo.
|
||
\v 14 Kiru enoka, licho ri ludieryzo ndam ra lele se, ofuri miaru loba ri kiwse, azze kojo oddo, inddehba! Acho rimba natha eleh keakeaki awery banny aggwyba ro mudi mudury mudury angwi mudi mudury mudury (1000).
|
||
\v 15 Lago keaki lokiko mamyi banny ra leebithi. Lago keaki banny oduba orri akoka eleki ning ongo leebithi eabu api ri owe kana orri ri leathy akoka eleki ra leebithi thy ninjwi ri arari oduba banny kapa rossasuba orri akoka eleki ri onga kana lago nika kaki ro.
|
||
\v 16 Loba kapa eleki pathapatha numbu riba, renena riba, oduba korwi ri api ri injwi napa ri od’ia kapa ri bu ne anyo loba thy ninjwi riba towe, kiru, intha ninw apina nane se, kiwowolo ri banny alokwa ne wo.
|
||
\v 17 Ama ammi iyie kanaka eleki eyeye ta arari andda anga kanaka bule aah nimba natha yesu khristho ri eab ebu kanaka kaki seka kaki anyo.
|
||
\v 18 Achobo loba andda ojo ammi ni oddo, lao bule rika kaki ra akka riba eleh andu aka oduba eleh andu korwi odia apika orri ako kaki ri bu ne anyo.
|
||
\v 19 Eleki api oduba keazee ri rapape ne wo, loba milili riba angwi loba oyuru ako.
|
||
\v 20 Ama ammi iyie kanaka eleki imbata ammi ri ruw ammi ri regeny naggwy no ouli napa eleni se azze omyita oyuru naggwy anyo wo.
|
||
\v 21 Iruruka ta ammi ruw orri ri riyie anyo, azze neatheh ri aah nimba natha yesu khristho ri aduta ne anyo oloro keazee ri ammi ne lidya nyonyo.
|
||
\v 22 Adutata oduba kaluludi riba eleki ni anyo.
|
||
\v 23 Irurukate banny alokwa eatuuta loba kale angweh asse niah lele se. Irowta banny alokwa orow oduta se ju meke ronjo ri anthee se ruwo eleni ithyta asidio.
|
||
\v 24 Elenini wo kiru modi oloro kiruruka ri ammi ni ruw ri olia lele se eleni ni angwi kokwe ammi nede awery akku ri andanda monyo ako angwi lonya ne thumogo se,
|
||
\v 25 Akku pi, romia nungwe ro, kakoko ro, azze ambamaba kolow aah nimuruka natha orri ni anyo alobe te aah nimba natha yesu khristho se, lao ri andanda leebithi (Lao se leebithi), elenini, angwi oggo nyonyo wo. Amen (Kolowle)
|