lul_reg/46-ROM.usfm

\id ROM
\ide UTF-8
\h Roma 1
\toc1 Roma 1
\toc2 Roma 1
\toc3 rom
\mt Roma 1
\c 1
\cl D'ullâ 1
\p
\v 1 Paulo, Yesu Khristo ri nyaa ungwe anyi beya kolow ab'b'eh atharu, angwi abba kobwo anyi kobbeh arriri lo lokwe,
\v 2 oloro lago ri andda akana a thii awery mi a ri banny se orriri ari iwro kanaka booku naggwy nia ri kaki ra,
\v 3 lolokwe napa awery ngwago ri kiw se, dabide ri licho lele se esu ruw niri,
\v 4 ama kiru ipipija ri oggo esu orriri ngwago nini ambamba niah wo oyuru aggwy se ongase odda lele se, Yesu Khristo aary kawowo natha.
\v 5 A we se aah aka ig quii rebebu rina kale oho anyi beya akeazee regeny nakkah baki, kobwo lago ri ruri kiw se nyigoo ri agaga leebithi,
\v 6 api ri agaga angwi ammi aka, oduba ungwy anyi leya nolow Yesu Christho ni anyo wo.
\v 7 Orriri iyie kanaka roma niah ri eleki, ngwe anyi nolow aggwy se. Quii ammi ni angwi motho orri aary atha ra lelese azze kawowo natha Yesu Khristho.
\v 8 Aii, ma akwe pia mana orri ni anyo Yesu Khristho se kobwo a mmi ri kiw se leebithi kobwo regeny ammina ungwe milili pye d'ea'h d'ea'h.
\v 9 Orri koryi mani ne, ma manga eh'u ne aweni ma manga eb'u ne awe ni ma ri oyururo mob'b'eh lolokwe awery ngwago rina ni anyo wo, oddo ma meyyeri ammi ne ilyi d'ni wo,
\v 10 I ao leebithi mozye ma ri omomyi niah oddo a lokwa adad'o da'koy orri ri yeyese anyi beya ma messu ma ri leathy buleper anyi meaki ammi ra.
\v 11 Kobwo ma od'ad'a ro (mondu) ammi noddeh ne lanyi anddeh ammi, anyi aking'ara oyuru ri okwe a lookwa anyi beya nolow ambakaru,
\v 12 eleni, anyi ammi anyi ma molow e'ad'wese akutha ri ruwne alobe alobe regenyo, ammina angwi mana.
\v 13 Ma mondu ammi nodo olow d'wo d'iniku, adiimaa konya eb'u kapa kaki neka kaki ni anyowo. Acho daly ab'iru ge ma mab'a ad'ud'uwo anyi meaki ammira, meyeyeju ippaka ma to elenini, anyi beya ma ab'b'a o a alokwa ri lao ammi ri agaga, to dini, esu apiri olowzo nini nyigoo alokwa ri agaga.
\v 14 Ibaby otuw geregi b'a ni angwi b'any ad'ub'a geregikuka kaki ni angwi miilomba ni moorib'a motuw ma;
\v 15 kiru eleni awe molow d'ise b'uka anyo anyi beya movwi lolkwe napa angwi ammi roma niah.
\v 16 Kobwo oggo dinjia oruu maku lolkwe se, kobwo awe ambamba orri rinia banny nilokazo leebithi alobe alobe od'uba eawobaka eleki Jew ni athii azze kiru geregi ni.
\v 17 Kobwo awe niah na ob'b'eh thokithoki orri rina regeny elele se anyi kegenyi, esu awe niwrozo nini, alobe oloro thokitho ro regeny se eleni eleh andu kadady.
\v 18 Orri ri otha eb'u niah ob'beh ruthu ri lele se od'dub'a orri ikuka eleki ni kovuw thokithoki ne kale bule injiwi apika se.
\v 19 Kobwo nga od'ub'ba orri ri inne kana ke owy lob'a ra, kobwo re owy napa awe orri e owy lob'a ni anyo.
\v 20 Kobwo andda lao milili niffuzo nane ra, awery nga kapa ngiw enyeh kaki ri ambamba eassa ri nane pi oyuru ri riffu ro a chobo eri ri eri wo angwi nga awery ob'b'a kana ondondeh wo. Kenna ri oddo, lob'a amyiku;
\v 21 Kobwo ju lob'a onne orri oho oggo ge lob'a Ifufura lago esu orri ninkuangwi oggo ge okwe lago ni piaku. Kombo, lob'ba kolow apire bombo (mbemby) anyo wo yeye apika kaki se, angwi ud'ud'u apika iporongo ku-ka kakionee kale bwo tiet (onee tiet).
\v 22 Kiru kuse kiwi wa ri ruw ne anyi beya kolow miilombaaru wo, azze kombo Kufuri apiro bomboru anyo wo
\v 23 azze kirukiba ri orriri akku idulu kana nane nemod'i ri ouwi idulu kanakuna eleni nini wo eyabo arryi rika niki wo, eyabo anyokwa pasuu rika niki wo, eyabo ingerika anika niki wa.
\v 24 I lia wo kiru azze orri kokwe loba ni thoworo (aqui) apika enena kana asidi seka kaki ne anyo wo nga apika ruw rika dinja rika kaki.
\v 25 Loba iba orriri thokithoki lodo se azze korwe azze kosso anya ni bowa iffu kanaka eleki ni anyo wo opech riffu ri atheh toh, oloro idwe ni (iburuki) ni nyonyo. Amen.
\v 26 Ilia wo, kiru azze orri kokwe loba ne thobulika ninjwi ni kuzwa dise anyo wo. Iku apika kiru iba thobero riffu rika kale wo thobero oduba adi iffukuka eleki se,
\v 27 Kiru azze angwi esu agoo niki miilombaa koyee thobero iffu nina ne iku ra azze kiru kigwe ri ruw ne dule wo aqui se modi aona pi modi agona ro. Agoo kowe nga dinja rika ne agoo ra azze ka iy ri owowe ninjwi kapa ni woapiri bamu kapara anyi olii apini lokiko ninjwi.
\v 28 Kobwo anodda loba adi akkah orri nondde sku anyibeya api kodo onneku, kiru azze orri kokwe loba ni yeye ninjwi apika ududu rika kaki ne anyo wo anyi beya kodonga nintha noweku.
\v 29 Kiru oggo rigogolo ri rikaka dule dule agga thoo loba ni, injwi ro, rossu ro, athyiro kiru ogoga thothoo tho boronga dako (kaluluka) ro, ridda ro, rapee ro asidi nan a ro, azze lala nowi. Loba kagagu ri ari ne zo azze kumbumbu ri pathapatha ne azze thothyi orri ne asidi se.
\v 30 Loba onneko ududuka ongonya ku ruwka ochu akehku, akkah apiri injwiku azze Kufuri atheeh ni a byru anyo wo andeeh ro (aduta loba seeku).
\v 31 Loba iporongoku regrnka ke, asidika ongaku, adutaku.
\v 32 Ju loba konne orri ri kakoko kaki leebithi apiri onga kanaka kaki oddo nga kapa keazeeri odda ne, loba adi onga api anyoku ti ama azze angwi loba kakkah ri loba oduba.
\c 2
\cl D'ullâ 2
\p
\v 1 Ilia wo, meri azze keway, didi alobe ammi ra iliaoloro kolii lokiko ne. Kobwo lokiko napa ri ovwi oloro nolii alla ni eleni me nimwo meri ruwro kale oho, kobwo andda me napa, lokiko moliii iwe nga kapaeliki oho.
\v 2 Aah akone oddo orri kolii lokiko ne thoki loba oduba kowe nga apa eleki neka eleki ni.
\v 3 Me neyeyeri eyeye, me oloro nolii loba kapa oduba kunga ri ebuw kapa neka eleki ri lokiko ne olii azze bo nowowe meri ruw se, ya elenieleh andu me napapa orriri lokiko nolii ri se?
\v 4 Deh meneyeyeri lago ri thuarinya napa keadina, riring a na titiku angwi kingwi ri ruw ne bubu re?
\v 5 Meri riba banya se towe angwi asidiri anthearoku acho kiru me irwe me ni otha kale bwo inee othazo nane raangwi ruffu orriri lokiko noliizo thoki nane ra.
\v 6 Logo kiru eleh andu kingwi ri didi ni alobe alobe esu eabbu awery onga kanaka kaki niki:
\v 7 Lidy nyonyo api oduba kundu ri akku neka eleki ni eabu nintha re, angwi muruthu seku kiremo eabbu nintha anyo,
\v 8 Kiru otha pi agoh ro api oduba kiremo ri api ri ruw ne anyo koga thokithoki ne eambe azze ka kkah ri thokithoki ninjwi ne anyoka eleki ne anyo wo.
\v 9 Eayo, yongoyongo kaka rika riridi eleh andu keaki banny kapa nidii alobe alobe oduba injwi nowebaka eleki. Jewgo ni athii azze kiru Girigigo ni wo.
\v 10 Azze kiru eleh andu okku pi intharo, azzee motho kolow didi ni alobe alobe aduba owe intharuka eleki, Jewgo ni athii azze kiru Girigigo ni wo.
\v 11 Kobwo adi iyie orriku.
\v 12 Leebithi oduba ossurossu oho azze rossu napa kakoko niah na keway angwi ge eleh andu kijara dini wo kakoko napa se, angwi leebithi oduba assurossu kakoko napa niah na ge eleh andu olii lokiko nane esu kakoko napa rina nini o.
\v 13 Kobwo api oduba keri ri kakoko ne erika eleki kodo siye nokwa diniku oddo orri ondde api ri thokithoki napa oho, api oduba koddeh kakoko napa ne ondeh ka eleki eleh andu kolow apiro kalla wo.
\v 14 Kobwo eya nyigoo oduba kakoko ako konddeh kakoko iwro ogweh kanaka eleki ne riffu se, achobo loba api ri kakoko roju eyeye oddo api kakoko ako.
\v 15 Eleni loba kenna ri oddo kakoko ri eabbu kapa nee iwro apiri asidio kiru yeye apika ududu niah ri kaki angwi koryi api ne orgi angwi yeye apika riluludiba kaki kiluludi ri iluludi eyabo kipapapka ri api ne ipapaka kale
\v 16 inee oloro, ms ri lolokwe rina nane ra, orri eleh andu kolii nanny ri eabu ambambwe kanakakaki ri lokiko ne Yesu Khristho se.
\v 17 Elenini eya me nungwe ri me ri ruw ne Jewgo azze nola ri kakoko napa nidii wo azze kiru niwa ri ruw ne orriru wo
\v 18 azzee bo nanne nga lago ondu kana ne ome azze bo nakkah nga nintha towe adda ouwi kana meni kakoko ri lele se nane oho,
\v 19 azze kiru eya utha me oho oddo me natuu ri mu dudwo ne nayo azze angwi noffu api oduba ofo natheethery niah ri kaki ni wo
\v 20 anyi beyi beya me nolow mo nithotholonya natharu angwi teah riba ninne natharu, kobwo kakoko napa niah na rinne napa ri kaka me ra wa thokithoki ro?
\v 21 Kiru me oloro ninneri alla ne na eleni ya me nasee kale ninne meri ruwku? Me oloro novovwi, ri oguw ri kovwi nena eleni, ya me nogogu re?
\v 22 Me oloro nojo oddo nodo aquiku eyabo nodo thoworo noweku eyabo nodo mii nobaku na eleni, ya me nowe aqui ne owere? Me oloro noga wodia kapa eleki ne eambe na, ya menarra orri jo kapa eleki ne orra re?
\v 23 Me oloro niwa ri kakoko ne iwa na eleni ya me niboka orriku kakokok nogo se kalere?
\v 24 Kobwo esu awe niwrozo nini, kobwo ammi se orri ri ru imeana kale oyigoo kapa ri agaga.
\v 25 Rigwetu, kolow dukireu, needidiko ri ididiko eya me nonddeh kakoko ne onddeh na ama eya nigokakoko kale rigwetu napa mena eleni kufuri modo adi igwetuku.
\v 26 Angwi, eya modi agona oloro adi igwetuku kiruruka ri kakoko napa ri rutha kapa ne iruruka, ya lago olow modo igwetu ohukure?
\v 27 Elenira wo api oduba ke owy angwy aggo adiigwetuku ka eleki ama azze kozee kakoko napa neangwry wo eleh andu kozee lokiko nolii ne ammi ra wo kiru, kakoko ammi iwro kana azze kiruigweori ammi newo eleni se, kobwo ingo kakoko napa kale.
\v 28 Jewgo alobe ke awy ri ari ne ne angwehku. Rigwetu thokithoki rina ke owy riari ne ne angwehku, ruw niah.
\v 29 Oggo Jewgo alobe ari niah ne azze kiru rigwetu aggo asidiniah, oyuru se, ibaby seku, lago ri kafufura modi ra lele seku ama orri ra lele se.
\c 3
\cl D'ullâ 3
\p
\v 1 Kuru da adunga inthana ne ilia anyi nolow Jew niah? Eyabo rigwetu napa ri ridi diko adwe da?
\v 2 Thumongona towe arow kapa dule dule ofo athiirina nane ra, loba oba duki apina arriri ruffu se.
\v 3 Ya kiruadadu koyi eya alokwa akona? Ya eleh andu eya api adi ewo akaku kiru kassuri orriri regeny ne ossure?
\v 4 Acho elehku. Orri oggo kolow thoki, keyeye ri agoo dehdeh injwika, esu awe niwrozo nini, "Anyi beya onddeh thokithoki mena me ri eabu kapa se, azze kiru nesesi wo eya olii meri lokiko oho na."
\v 5 Ama eya aary injwi napa kokwe akkah ri orri ri thokithoki ne anyo wo, ya kiru andu aah akojo ado ne anyo da? Kiru orri thokithoki ako, banny konga oddo, anyi keazee awery otha anyo re?
\v 6 Acho elehku! Kobwo kiru andu orri kolii milili kapa ri lokiko ne adadoo da?
\v 7 Ama eya orri ri thokithoki napa eazee awery akku napa ma lodo se, ya kiru adi ge olii ma ri lokiki esu rossu ri modi ninin adoh da?
\v 8 Azze kiru ojo kado da esu relizo nini aah ni angwi esu alokwa ri rovwizo nini kojo aah ni oddo anyi beya andu aah akwe injwi anyi beya intha keaki awe ra lele se anyo? Loba ri lokiko olii nga ninjwi apika kaki se. Milili Ruthuri ororou rika, Ruthu ro, bou rika rika ro, bou ri bubu rika ro kolow rossu se
\v 9 Osuna, ya kiru, inthaka towe opopeh toh? Leebithiku, kobwo aah akeazee karinga Jewba ra Girigiba ro loboa leebithi omia ri rossuwa,
\v 10 esu riwrozo nini: oggo modi alla alobe keway oloro thoki, alobe keway,
\v 11 Modi alla alobe keway oloro kikokoro ri ikokoro, modi alla alobe keway oloro konddu orri ne.
\v 12 Leebithi oggo ovvo apiro kale wo, leebithi eabuka keway oggo. Modi alla alobe keway oloro konya eabu nintha ne, koway.
\v 13 Loba ri olileah konjinji esu budi niki, loba ri leada kapa kunga ri arari ninjwi ne. Inye bongoroko ini ri bio loba ri thy ri botho,
\v 14 Loba thy kapa kiru ogoga thoo agow nagga se.
\v 15 "Loba ri pa kochu eryi ne titi,
\v 16 muwo pi a mudwe roleathy api kaki ra wo,
\v 17 azzee kiru lobaonne motho ri leah guwa."
\v 18 "Loba ri mii orow ngaku."
\v 19 Elenini wo aah akonone oddo nga kapa kakoko ri ojo kanaka eleki enna ri enna banny oduba adi onne kakokokuka eleki ni anyi beya tho kapa eleki dehdeeh oggo kabu middi anyo wo azze kiru milili pye dehdeh keddeh ambaru orri ra ra anyo wo
\v 20 Eloni kobwo modi adi onddeh lago ri thokithokithokiku nonddeh jeku, kobworossu onne kakoko se.
\v 21 Ama eleni wo kiru ach orri ri thokithoki napa enna kopeh kakoko ne wo, eyeye akka se mia ri banny ro,
\v 22 thokithoki orri rina regeny se Yesu Khristho ra banny leebithi oduba ewobaka eleki ni. Kobwo duleki,
\v 23 Banny leebithi assurossu oho angwi assee akku orri rina ri lele se kale.
\v 24 Achobo ithethena loba kalla kale bwo lago ri quii se Yesu Khristho ri loka se
\v 25 Orri kiru eabbu lago anyi beya kujwe banny ri rossossu kapa kale, erryi aweka regenyzo kaki se, anyi beya kenna lago ri thokithoki napa kobwo andda athii na lago adi oyee rossossu kapa ni imbeku,
\v 26 auwo orri rina se anyi beya kakkah lago ri thokithoki napa lao ini ra, anyi beya andu lago kolow thoki azze angwi kokwe thokithoki ne modi oloro kegeng ri Yesu ne egeny na eleni ni anyo wo.
\v 27 Ujuma ingore na ne da anyi kiwa rouruilia? Achobo oleh angwy wo, kakoko ingone se, re eaba napa nane? Keway yo, eya kakoko regeny ri na angeh.
\v 28 Kobwo acho aahakeyeyeju oddo modi kithethena ri regeny se ithethena ri kakoko ri eabu kapa se dule anyoku.
\v 29 Ya orri napa kolow Jew ri banny ni anyo dule re? Ya lago olow nyigoo eleki niku re kiru? Eyo, achobo angwi kolow nyi goo kapa eleki ni wo.
\v 30 Kobwo orri alobe azze lago eleh andu kokwe thokithoki ne banny igwetu kanaka eleki wo regeny ri kiw se oduba adi igwetukuka eleki ro regeny se.
\v 31 Ya aah akoga kakoko ne oga eambe regeny napa eleni se? Acho keway! Acho dega, aah akithehpe ri kakoko napa ne anyo wo.
\c 4
\cl D'ullâ 4
\p
\v 1 Ya kiru andu aah akojo ado ne koy oddo aburamo eassu, aary abei esu ruw nini?
\v 2 Kobwo eya aburamo ri thokieabu kapa aweka kaki ri kiw se, lajo kojo riwa ne ojo; ama orri konddeh eyeni inthanaku.
\v 3 Kobwo ari orrri rina iwro kana booku niah nane kajo adonga ne da? "Aburamo eawo orrira azze olwa lago thokithi ri modiru wo."
\v 4 Modi oloro konga eabu nerigwi se olwa okweku, ama kede esu nga nini dini.
\v 5 Ama eya modi oloro onga eabuku na, ama azze keawo modi oloro thokithoki awena orri rikura anyo, regency awena thokiku.
\v 6 Kiru eleni ra angwi Dabide enna eadwe modi oloro orri oloro thokithoki aka eabu ako.
\v 7 Eadwe kolow "oduba oyee api nimbe oho rajwi ri lele se angwi rossosu apika ummmo kale oho.
\v 8 Eadwe modi oloro awena rimba natha adi iwroku"
\v 9 Ya kiru eadwe napa tee ojo igwetu kana ni anyo dutere, Eyabo oloro adi igwetuku ni anyo dute intharu? Elenini wo aah akojo oddo "Regency napa olwa aburamo ni esu thokithoki napa nini owo."
\v 10 Kiru rigwetunapaolwa awe adunga se anyo da? Ya lago igwetu oho redeh keway? Lago adi igwetuku, ama oggo. Ri gwetu ako wo.
\v 11 Azze ka iyri rigwetu napa ri quetechi ne wo ingweh thokithoki rina a iya kana regeny napa sese nane nini lao oloro andda kuse adi igwetu lagoku nane ra. Kiru eleni ra wo lago andu kolowoduba eawoba azze bo adi igwetukuka eleki ri abeiru anyowo leebithi, Kiru eleni se wo oggo olwa api thokianyo wo,
\v 12 Kiru oggo eleni ra wo kolow igwetu kanaka eleki ri abeiru wo rigwetu se duleku ama bo angwi kovwi regeny napa ri leathy ne anyo wo lao oloro andda aary abei napa Aburumo kaway kuse adi igwetukuna nane ra.
\v 13 Regeny napa andda adi eaki kakoko se oloro andda orri ungwe Aburamo romia awery lichoo kapa ro oddo lago ri kaka andu kofwe mililiru wo, thokithoki napa keaki regeny ra lele se.
\v 14 Kobwo eya oduba api rikaki kolow kakoko sena andu kofofwe, eya regeny keway angwi romia nungwe ke.
\v 15 Kobwo kakoko keaze ri otha ne, ama eya kakoko ilia kena, ringwiilia keway.
\v 16 Kobwo ari eleni awe kolow regeny sene anyi beya awe kolow okweru ne anyo wo, azze romia nungwe napa kirukigagaralo nyonyo wo lichoo aweka ni, api oduba kolow kakoko seka eleki ni anyo duleku ama oduba kovwi Aburamo ri regeny napa ri bu neka eleki piro oloro aary abei leebithi.
\v 17 Esu riwrozo nini " oddo ma aba me anyi beya nolow nyigoo nabi kapa eleki ri abeiru wo. Lago aary abei orri ri andanda wo, lagoeawo awe ra anyo wo, oloro okwe eanjiodda lele se anyi kadu azze kiru nungweri nga oduba kewayka eleki ne wo.
\v 18 Lago eawo asidi ningwia asidi ningwise wo" oddo andu awe kolow nyigoo nabi eleki ri abeiru ne wo, esu nga andada ojo kana nane, "oddo meri licho kapa eleki andu kolow wo.
\v 19 Kiru lago ri regeny napa adi olow yembegembequwo lao ana awery row neye yezo jeru oddo kude awe odda kale bwo nane ra (kobwo lago rikii kososa mudi mudury alobe wo angwi bo Sarah ri loki uddaa kale bwo aha na.
\v 20 Lagu kiru adiluludi orri r romia napa ungwe kana naneku angwi adi oyee regeny napaku, kirukombo, lago ozyi regeny napase anyo wo azze kokwe akku ne orri ni
\v 21 azze kiru utha regenyo oga thoo regeny se wo oddo nga napa lago ri akkah kana romia anddaungwe kana nane ra nane angwi oggo awe kuwowe.
\v 22 Kiru nane se wo "awe olwa olwa lago ni thokithoki anyo wo."
\v 23 Ama regeny napa aweni duleku. Regeny napa nane iwro oddo "oggo regeny napa olwa lago ni";
\v 24 Angwi ge regeny napa aah ni, eleh andu regeny napa olwa api oduba eawo oloro alobe oloro inji Yesu aah niwowonatha odda ri lele se nane ra,
\v 25 oloro okwe aary rossosu ri kiwse azze kiru keanji arry thokithoki ri kiwse.
\c 5
\cl D'ullâ 5
\p
\v 1 Ilia wo, kobwo andda ithethena aahni regeny se, aarry motho orrira aary kawowo natha Yesu Khristho se,
\v 2 oloro aah akidee oquizo quii napa eleni ra oloro aah akeddeh aka eleni, azze kiru lonyi aahnaasisi ningwi akku orri rina niah.
\v 3 Eleni se duleku ama ju ge aah nichachandi se ge aah lonyiro, akonony oddo chandire kapa kofwe azze ebyri lao azoru
\v 4 azze reby napa lao azoru eleni, kipaka ri olow ri kaka ne azze kipaka ri olowri kaka ne, asidi ningwizo,
\v 5 azze kiru asidi ri eangwi napa idehu aah guwo kobwo orri ri riyie ochu aahry asidio kale oho oyuru naggwy andda okwe kana aah ni nane se.
\v 6 Kobwo Khristho, kuse anddaa adi ge ingara aahku, kiru oggo odda lao oloro andda banny onne orriku nane ra.
\v 7 Kiru eabu nintha towe napa nane se wo, oggo te ambamba se modi alobe kododa modi alobe ri thokithoki ri kiwse, ju modi alobe oggo keyeyeju eyeyeju anyi kessu kakoko angi kodda modi nintha ri kiwse.
\v 8 Ama orri acho akkah awery riyie napa aah ni kuse andda adi aah rosssosu ri banny kiru Khristho oggo odda aary kiwse wo.
\v 9 Abiru towe adado koyi kiru, bo andda ibulo aah earyi aweka kaki se oho na, eleh andu kiru iloka ri aah ne awese lodo ri lele se.
\v 10 Kiru eabu kapa ra, eya kuse andda adi aah earroo ithobolo aah andda orri ni wo kiru awery ngwago ri odda se, abiru towe adado konyi rithobolo napa daly alobe, eleh andu iruruka ri aah ne lidy awena se wo.
\v 11 Eleni se duleku te ama angwi aary lonyi orri ni aary kawowo natha Yesu Khristho se awe se wo achobo elenini aah aka iy rithobolo napa kale oho.
\v 12 Kiru ilia wo, oggo esu rossu napa ri eaquizo nini milili niah wa modi alobe se, azze kiru rossu napa se wo, odda iwo azze kiru odda napa eleni keaki banny ra wo leebithi, esu banny ri rossu kapa nossuzo kiki leebithi.
\v 13 Kobwo tokojo lao kakoko rina ra, rossu napa andda aka milili niah wa, rossu nolwa eyeyeku eya kakoko keway na.
\v 14 Ama odda napa ri opopi Adamu ra lele se tokojo mose, ju api oduba andda adi ossurossuku Adamu ri bubuwage kede esu rossu napa osso eleni nini wo, oloro kede esualobe na andu keakeah nane nini.
\v 15 Ama okwe napa achobo ede esu rossu napa niniku. Kobwo eya modi nalobe napa naneri rossu napa abika kudda dise wo, ya kiru orri quii napa abiru adadu koy da api modi alobe Yesu Khristho ri quii kapa ro kogu ri abika ni wo.
\v 16 Azze kiru okwe napa ede esu modi alobe ri rossu nennazo niniku. Kobwo rossu alobe ri bubuwa lokiko nadii aka oloro keazee ri muwo ne; ama kiru okwe napa, rossosu nabi kapa ri bubuwa wo, eazee adi ngalla quwo.
\v 17 Kobwoeya rossu modi alobe rinase, kiru odda napa ri opopi eaki alobe napa nane se, ya kiru abika towe elleh andu oduba api kaiy ri quii ri mii longwe neka eleki adadu koy okwe thokithoki rina eaki ri lidu niah ri nanero modi alobe Yesu Khristho se.
\v 18 Okona wo, kiru esu alobe napa nane ri rossu se muwo napa eassa bany nidii kale oho leebithi, kiru alobe napa naneri thokithoki se wo adi anga ngalla quwo azze lidy keassa banny ni leebithi wo.
\v 19 Kobw oggo ju modi alobe napa ri rossu se abika kiru oggo rossosu ri banny wo, elenira wo alobe ri rossu se wo abika eleh andu kolow thoki wo.
\v 20 Kakoko eaqui ithi anyi bwya aggo rossu napa kideeri idee ama, eya rossu napa kideeri idee na, oggo kiru quii napa kogu ri abiru wo.
\v 21 Anyi beya, esu rossu napa ri opopi nini odda niah, kiru angwi oggo quii napa ri opopi thothoki se wo lidya nyonyo aary kawowo natha Yesu Khristho se.
\c 6
\cl D'ullâ 6
\p
\v 1 Ya kiru eleh andu aah akojo adu ne koy? Ya eleh andu aah akolow rossu se munyierure anyi beya quii napa koleh ri kale? Acho ilehku!
\v 2 Ya kiru bo aah oduba akadda rossu napa seka eleki kiru akolow rossu napa ra adadu?
\v 3 Eyabo adi ammi innekure oddo aah oduba onna aah ni ru iyi se Khristho Yesu niah woka eleki oggo bo kiru omma aah ni ru kapa lago ri odda napa niah wo kure?
\v 4 Achobo issee aah lago roru nona iyi odda napa niah wo, anyi beya, oggo esu Khristho ri eanjizo nini odda ri lelese akku atha rina se, achobo oggo kiru aah akololow olow nonwe lidi rina niah wo.
\v 5 Kobwo eya aah akomba lago ro romia napa niah odda se awena nini wo, angwi ge eleh andu aah akomia omia lago ro onga napa niah wo.
\v 6 NAah akonone oddo aary ruw nandi andda apaka lago ro, eleni anyi beya aary ruw kapa rossuba oggo imuwo ro kale wo, anyi beya aggo aah akodo olow rossu napa ri nyaaru quwo.
\v 7 Kobwo odda ri modi napa koleh wo rossu napa ri lele se.
\v 8 Eya, kiru, aah akudda Khristho ro oho, aah akeawewo oddo angwi ge eleh andu aah akadadi lago ro.
\v 9 Achobo aah akonone oddo Khristho, eanji odda ri lelese oho, angwi odda oggo quwo towe quaki odda napa ri omba kiyowo itilla lago doquwo.
\v 10 Esu awery oddazo nini lago odda ros napa se daly alobe anzze kobwo bany ni leebithi, esu awery aduzo nini, lago ady kobwo orri.
\v 11 Kiru theathu napa eleni ra wo, oggo eyeyeta ammi ri ruw kapa esu ri uddazo niki rossuse azze nady orri ni Khristho Yesu niah wo.
\v 12 Kiru eleni ra wo, anyi beya rossu napa ri opopi kodo ammi ri ruw kapa uddaba eleki nitellaku anyi beya nakkah odia apika anyo wo.
\v 13 Angwi nodo ammi ri ruu kapa ri ofo alokwa nozee rossu napa ri andandaku esu kototo niki riranyazo, ama izeeta ammi ri ruw kapa orri ri andanda anyo esu rinjizo nini odda ri lele se lidya angwi ofo kapa ammi ri ruw rika eleki ri alokwa orri ni esu kototo niki kobwo thokithoki ri kiwse.
\v 14 Kobwo anyi beya rossu napa ri ambamba alla kodo ammi nitellaku, kobwo ammi kakoko ri bubu quwo ama quii ri bubu anyo wo.
\v 15 Adunga kiru koy? Ya aah akossu ri ossu kobwo aah kakoko ri bubu ama acho quii ri anyo? Achobo keway!
\v 16 Adi ammi innekure oddo eya ammi neazee ammi ri ruw modi allari andanda kede esu ngaa niki a'iyle, ammi nyaa odi napa ammi ri a'iy kana eleni ri wo, eyabo rossu rina, oloro okeleh odda anyo, eyabo ka iy ri, angi koleh thokithokiyo anyo dia koy?
\v 17 Ama pia orrini anyo anyi, beyaju ammi rossu napa ri nyaa daly alobe ammi nolow ra iy ribaru kalle ohoasidi ri lelese rinneri auw oloro ammi ri okwe kana eleni ra.
\v 18 Kalla rossu napa ri lelese wo, ammi nufuri thokithoki ri nyaaru kale oho.
\v 19 Ma monga arari modi rika kobwo amudwe ammi ri rina eleni se. Kobwo esu andda ammi ri ruw kapa ri ofo alokw neazeezo niki nyaaru thoworose angwi kakoko nako eazee ammi kakoko nako ri banny ri banny ri wo, Kiru elenini eazee api thokithoki ri banny ri andanda nyaaru wo kobwo athu.
\v 20 Kobwo eya ammi rossu napa ri nyaa, ammi kalla dini thokithoki ri lelese.
\v 21 Ama mii longwe napa adunga ammi nessu anyo da kiru koy nga kapa oduba dinja koruu ammi ne aka ri lele seka eleki ra? Kobwo nga kapa eleki ri asseele na wo odda iwo.
\v 22 Ama elenini wo achobo ammi kalla dini wo rossu napa ra lele se angwi ammi nolow orri ri nyaaru wo, mii longwe napa ammina eleni kololeh ne thokithokio anyo wo, azze awe kassee ne lidya anyo wo nyonyo.
\v 23 Kobwo eabu nintha rossu rika api odda ne yo ama okwe orri rina awe lidy aka ne nyonyo wo aary kawowo natha Khristho Yesu ra.
\c 7
\cl D'ullâ 7
\p
\v 1 Adi ammi inne-ku re adiimaa (kobwo ma mong’a ari ne b’anny od’ub’a konne kakoko ne onneka eleki ni anyo), anyi beya kakoko napa kiruruka mod’i iruruka anyo anyi beya mod’i kololow lao azoru?
\v 2 Mod’i izina napa aly kana eleni kosso anya ne bouwa kakoko ‘se awery ago napa ni oloro api kolow ato wo eleni, ama eya nena napa ri ago napa adda oho, kuse eleh oyee awe kale oho kakoko napa ralele ‘se awery ago napa orow kana eleni ra.
\v 3 Kiru ilia wo, eya kuse adi awery ago napa lidy eya aqui mod’i agona alla ro oho kiru eleh andu ungwy ri awe ne wororu wo. Ama eya andda awery ago napa ododa na acho awe kalla kakoko napa nane ra lele ‘se wo, azze kiru awe woroku yo eya awe aqui mod’i agona alla ro oho na.
\v 4 Kiru leathy napa eleni ra, adiimaa, ob’a ammi ne odda wo kakoko khritho ri ruw rina ‘se, anyi beya oggo ammi nolow alla ni wo, alobe oloro eanji odda ri lele ‘se nane ni anyi beya aah oggo akob’a o a orri ni anyo wo.
\v 5 Kobwo eya aah ruwo na, akozwa rosso napa niah wo, onga kakoko ‘se, kiru konga eab’u ne aary buluka napa ni wo anyi kob’a o a odda napa ni anyo.
\v 6 Ama achobo elenini oyee aah kale oho kakoko napa ri lele’se, odda napa oloro koru aah nane ra, anyi beya oggo aah akonga eab’u oyuru nonwe rina anyo wo angwi ibaby andda andina nane ri bubuku.
\v 7 Ya kiru eleh aah aku’jo ad’u ne da? Ya kakoko napa rossu re? Acho keway! Acho ma adi anne rossu napaku eya kakoko ‘se na anyie, angwi ma adi anneku eya ad’unga igloo ri anyo na eya nguna kakoko ri o’jo kana nane na anyie, “sona me nodo rigoloku bo.”
\v 8 Ama rossu napa, kiru acho keasuri woring’e napa ne kayuyuko nia, kiru okwe rubella kapa ri kaka ofwe mani d’ule d’ule wo. Eya kakoko keway rossu napa kododa.
\v 9 Ma andda daly alobe molow angweh kakoko napa ra lele ‘se, ama kiru kuse kayuyuko napa eassa kale bwo, azze rossu napa kady wo,
\v 10 Ilia wo azze ma modda, azze kayuyuko napa oloro andda aduyzo nane offuri anyi kodda kale wo ma ni.
\v 11 Kobwo rossu napa, kiru otuw woring’e kayuyuko niah wo, iwowolo ma azze kiru awe ‘se azze kob’a ma ne odda wo.
\v 12 Ilia wo kakoko napa kiru kagagwy wo, angwi kayuyuku napa kagagwy thokithoki ro azze intha.
\v 13 Nowe mod’ri intha ru anyo, kiru, azze odda napa keaki ma ni anyo wo? Acho keway! Rossu napa, anyi beya oggo enna awi rossu anyo wo, onga odda napa ri eab’u ma niah intha ‘se, eleni anyi beya rossu napa oggo kolow rossuwa anyo wo ithema ri kofu toh kayu yuko niah ‘se.
\v 14 Aah akonone oddo kakoko oyoyuru, ama ma rinane ruw, iggeh ma thonyany niah wo rossu.
\v 15 Ma mowe nga ne, azze ma mikokoro d’ukinaku. Kobwo ma adi awe nga oloro ma mondonduku, ama ma mowe nga ne oloro ma mothyi asidio.
\v 16 Elenini eya ma awe nga oloro ma aleaku anyo, ma makkah ri oddo eleni inthana.
\v 17 Elenini ilia eleni kenna ri oddo adi ma awe nga napa eleni maku, ama rossu napa oloro ichaka ri ma ra ini owe ne.
\v 18 Ko’bwo ma monone oddo intha ichaka maraku, oloro ma ri ruwo. Od’ia napa achobo ma ri deya wo b’uka, ama anyi beya awe intha ru anyo keway.
\v 19 Ko’bwo ma awe nga ninthaku oloro ma mondondu, ama ma mowe injwi ne anyo oloro ma aleku.
\v 20 Elenini eya (ma) mowe nga oloro ma aleku ne anyo, eleni maku oloro nga napa nowe ri eleni, ama rossu napa ichaka ri ma ini owe ne.
\v 21 Ilia wo, kiru, ma meassu kakoko napa bwo oddo eya ma mondu mowe thoki, azze ge injwi napa ma ri deya.
\v 22 Ko’bwo ge ma mozee lonyi napa ne orri ri kakoko niah anyo, ma ruw ri niah na,
\v 23 Ama ma monddeh ge ofo ma ri ruw niah rikaki ra kakoko all age kod’i ajju ne kakoko ma ri ud’ud’u rina nane ro, kozee mane oruule kakoko rossu rina nane ra anyo oloro kichacha buluka ma ri ruw rika kaki ra.
\v 24 Waidio acho ma milulud’i ‘bwo oddo ini ma! Ad’i nguna andu kiloka ri ma ne ne ruw napa odda ri ini ra lele ‘se?
\v 25 Pia orri ni aary kawowo natha yesu khristho ‘se. Eleni ‘sewo kiru, ma ma ri ruw ‘se, ma ri ud’ud’u ro, monga eab’u ne orri ri kakoko ‘se ama, ma ri ruw rina, kakoko rossu rina.
\c 8
\cl D'ullâ 8
\p
\v 1 Ilia wo, eleni raw o ilenini ilia muwo keyowo b’anny od’ub’a khristho yesu raka eleki ni.
\v 2 Ko’bwo kakoko oyuru rina adyzo khristho yesu ra nane kiru oleh ammi kalla kale ‘bwo kakoko rossu rina ra lele ‘se odda rina ro.
\v 3 Ko’bwo nga oloro kakoko owe d’oku, ko’bwo owe amud’we na (earena) ruwo, eleni orri owe ne; lago eab’b’u awery nywago kede esu ruw kapa rossub’a eleki niki anyi beya kolow okweru rossu ri kiw ‘se, azze kiru lago imuwo rossu napa kale wo ruw niah na.
\v 4 Lago owe eleni oggo kiru ib’etha ib’etha anyi beya oggo nga kakoko ri ondu kanaka kaki koga aah ni thoo, aah od’ub’a akawaway esu ruw kapa nikikuka eleki, ama acho akawaway esu oyuru nini anyo.
\v 5 Ko’bwo api od’ub’a kolow esu ruw kapa nikika eleki kiremo ri nga ruw rika ne anyo, ama api od’ub’a kolow esu oyuru ri olowzo ninika eleki kiremo ri nga oyuru rika ne anyo.
\v 6 Ko’bwo eya niremo ri ruw ne anyo na nodda kale wo, ama eya niremo ri oyuru ne anyo na nadady nagwi nolow motho ‘se.
\v 7 Ko’bwo eya niremo ri ruw ne anyo na eleni orri ri erego i wo; ko’bwo ozze awe orri ni ikokole quwo, ko’bwo oddo awe owe intha d’ouwo.
\v 8 Api od’ub’a ruw rika eleki orri ri lonyi aka keway.
\v 9 Achobo, ammi rikoki ruwoku ama oyuru niah anyo wo, eya sona awe thoki orri ri oyuru napa nane kololow ammi niah anyo wo na. Ama eya oloro khristho ri oyuru awe ra keway na, kuse awe lago riku.
\v 10 Eya khristho ammi ra ana, kiru ju ruw napa kodda ko’bwo rossu napa ri kiw ‘se ama oyuru rina kadady ko’bwo thokithoki ri kiw ‘se.
\v 11 Eya lago oloro andda oyuru na inji yesu odda ri lele sena nane kololow ammi ra wo, lago oloro inji khristo odda ri lele ‘se nane angwi eleh andu kokwe ammi ri ruw kapa udd’ab’a eleki kadady lago ri oyuru ‘se, oloro kololow ammi ra eleni.
\v 12 O’suna i acho, adiimaa, aah ndekeh, ama ndekeh ruw rikaku anyi beya ruw kapa kolow esu ruw kapa ri olowzo niki,
\v 13 Ko’bwo eya ammi nolow esu ruw kapa niki na, acho kuse kiru andu nudda kale wo, ama eya oyuru ‘se na ammi nob’a eab’u ruw rika kaki ne odda kale anyo wo, azze kiru eleh andu nady wo.
\v 14 Ko’bwo esu ab’ika kaki niki esu orri ri oyuru ri olehzo nini, acho eleki orri ri erebi nagoo i wo.
\v 15 Ammi andda ady na iy oyuru nane anyi beya kokwe amii nolow nyaaruku, anyi beya angwi nolow arrow ‘se, ama achobo andda ammi na iy oyuru rakkah rina anyo wo, oloro andda aah akochu kuku d’ise nane, akuzwa oddo, “Baba ye, athema nazo!”
\v 16 Oyuru napa awery ruw’se koryi aary oyuru ne anyo wo oddo aah orri ri onyod’u.
\v 17 Eya kiru aah onyod’u I wo na, ku’se kiru angwi aah akangangwi wo, akongwi orri ne. Azze kiru aah akebeh ri angwia khristho ro, eya aah akamud’we eab’u ‘se lago ro oho acho anyi beya angwi ge ikku aah ikku lago ro.
\v 18 Ko’bwo ma meyeye ri oddo amud’we kapa lao elenini rika eleki eajo ilulud’i-le akku napa oloro eleh andu quetechina kolow aah n inane roku.
\v 19 Ko’bwo iffu kanaka eleki ri od’ia kondu kotheah orri ri erebi nagoo ri quetechi ne anyo wo.
\v 20 Ko’bwo kapa iffu kanaka eleki ob’a kolow nyokoru wo, yeye apina seku, ama ko’bwo lago ‘se oloro ob’a awe ne nane, aside ningwi alla ‘se wo.
\v 21 Oddo napa iffu kana awery ruw’se eleni eleh andu iloka ri iloka thunyanya ri lele ‘se walewale ‘se, azze kiru eleh andu eazee ri awe ne orri ri onyud’u ri akku ri kala niah wo.
\v 22 Ko’bwo acho elenini aah akonone wo oddo kapa iffu kanaka eleki pye kafud’a afud’a wo angwi keabeabi ri othee ri azza ne d’ehd’eh ju elenini.
\v 23 Eleni d’uleku, ama ju aah aary ruw ‘se achobo akafund’a aary agaga niah ilia, akotheah aah nakkah ne anyo, arry ruw nirurukazo.
\v 24 Ko’bwo asidi ningwi alla ini ‘se acho iruruka aah kale oho. Ko’bwo asidi ningwi onddeh kana nane asidi ningwiku. Ko’bwo oloro kingwi ri asidi ne na ko’bwo ad’u nga oloro awe kondondeh anyo da?
\v 25 Ama eyebo aah asidi ningwi alla ro nga oloro aah akonddeh d’oku nane ri kiw ‘se, aah akotheah awe anyo te d’eh d’ini.
\v 26 Leathy napa nane ra, oyuru napa angwi ge king’ara ri aah ne amud’we ‘se. Ko’bwo aah akonneku eya aah akomyiry adad’u na, ama oyuru napa awery ruw ‘se kuly ri aah ni ne ofud’a ako.
\v 27 Lago oloro kundu ri asidi kapa ne eleni onne oyuru napari ud’ud’u oho, ko’bwo lago kuly ri b’anny agagwy b’aki ri kiw’se esu yeye orri rina nini.
\v 28 Aah akonone oddo ko’bwo oloro kiyie ri orrine iyie na, lago konga nga kapa ri eab’u ne leebithi d’ehd’eh ko’bwo intha, ko’bwo esu api kapa od’ub’a ungwe nalugolu awena nane raka eleki niki.
\v 29 Ko’bwo eleki api od’ub’a andda athii na lago konone, angwi kiru lago ufu anyi beya ipinya ovwi awery ngwago rina aka anyo, oddo oggo anyi lago kolow ngwa othee kana athii rinaru anyo wo adii nab’i kapa eleki ri agaga niah ilia.
\v 30 Api od’ub’a lago ufu ohoka eleki, angwi lago lago ungwe oho. Angwi api od’ub’a lago ri ungwe kanaka eleki, kiru angwi lago ithethena lob’a teer wol thoki wo; kiru api od’ub’a lago ithethena lob’a thokika eleki, angwi lago ikku lob’a kale ‘bwo.
\v 31 Ya kiru eleh andu aah ako’jo ad’unga ne koy nga kapa eleki ri kiw ‘se? Eya kiru orri aah ni wo na, ya kiru adi kimang’a ri aah ne ne?
\v 32 Lago oloro adi od’iy awery ngwago ajju ‘sekuna nane ama kiru ifuthuki lago anyo wo aah ni leebithi aary kiw ‘se, ya kiru eleh andu awe pi lago ro okwe nga kapa aah ni kala leebithiku adad’u da koy?
\v 33 Ya kiru eleh andu adi ad’i keazee ri reali kapa ri alla nimang’a ne ne od’ub’a orri ri eapeh kanaka eleki ni? Orri alobe oloro uthuw (ithethena) api ne anyo wo teer.
\v 34 Ad’i alobe nguna oloro andu kimuwo ri api ne kale ne re ta? Khristho yesu alobe oloro ododa opeh eleni towe, lago eanji odda ri lele’se lago oriy orri ri de nintha, azze kiru angwi lago konga eab’u kapa ne aah ni wo.
\v 35 Ya kiru eleh andu adi ad’i kapee ri aah ne kale ne da riyie khristho rina ra lele ‘se? Ya nguna kakah pi Kathy kakah ro re deh tocheh, deh thoyembeyembe, deh yoyo (vi), deh tholundu, deh thuababi, deh balumeh (pala)?
\v 36 Kiru oggo esu awe niwrozo nini oddo, “ko’bwo me rim ii longwe napa ri kiw ‘se acho kiru idida ri amma ne ithuw leebithi wo (ithuwta wo). Ob’a amma billu ri kuthi nini anyo wo oliile kale.”
\v 37 Kiru nga kapa eleki ra leebithi amma oggo mitella ri itella ne kopopeh ne toh awe alobe oloro amma niyie ri nane ‘se.
\v 38 Ko’bwo achobo utha ma oddo odda ku, lidyku, anjiluji ku opopiku nga elenini anda ilia ka elekiku nga eavvob’a kakiku ambamba ku.
\v 39 Owiku, alinaku, nga iffu kana ri allaku, oloro eleh andu kapee ri amma ne kale orri ri riyie lele ‘se, oloro khristho yesu arry kawowo natha ra. (Oloro arry kawowo natha khristho yesu ra)
\c 9
\cl D'ullâ 9
\p
\v 1 Ma menna ri d’uki ne khristho ninah (ra), ma amwaku, azze kiru yeye (ud’ud’u) ma na kolow karariy ma ro oyuru naggwy ninah wo,
\v 2 Eya ma oggo ma rina ne medubo towe wo azza ro ma ri asidio ead’we d’oku.
\v 3 Ko’bwo ma acho andu meyeye ri ddo ma ma ri ruw ‘se eleh andu ogow ma ne ogow azze oleh ma ne kale khristho ra lele ‘se wo ko’bwo addiimaa ri kiw ‘se, eleki ma ri kakah kede esu ruw manane nini.
\v 4 Lob’a Israele ri b’anny. Akkah lob’a ‘bwo, kakaku wo, rethothob’olo ro, okwe kakoko rinaru (kokwe kakoko ne okwe), kidilo idilo bouwa orri ni (kosa anya ne oso bouwa orri ni), angwi kakkah ri akkah.
\v 5 Khristho keaki lichoo apika kaki ra lele ‘se arow roruw nil ago awe orri leebith rina. Oggo ib’uruki ri lago ne nyonyo wo. Amen.
\v 6 Ama achobo easu awe neyeyezo nini orri ri rakkah napa oggo assee d’okwo. Ko’bwo aka Israele niah na b’anny d’ehd’eh alobe alobe Israele rikaku d’o thoki.
\v 7 Lichoo aburamu rika leebithi awery erebiku d’o thoki, “ama, awe achobo kiru lichoo meka eleh andu ungweri ungwe Isaako ‘se wo.”
\v 8 Oddo eleki, erebi ruw rikaku eleki orri ri erebi. Ama acho erebi kapa akkah kanaka eleki kiru olwa lichoo niki wo.
\v 9 Ko’bwo ari napa akkah kana ne awe ileh; “lao napa eleni ra kiru eleh andu ma meakeaki wo, azze kiru eleh andu okwe sarah ni ngwango ni anyo wo.”
\v 10 Eleni d’uleku tee, ama bubuna wo azze angwi rebekah kokoh aha ne wo ago alobe ‘se, aary atha Isaako ra
\v 11 Ko’bwo andda ogona erebi kapa adi otheeku angwi adi owe nga nintha allaku eyebo nga ninjwi allaku, eleni anyi beya kathothoro orri rina easu reapehzo nini oggo keddeh tho wo, ko’bwo eab’u kapa ‘seku, ama ko’bwo awe oloro ongwe ri ini ‘se
\v 12 Awe kiru o’jo nena napa ni anyo oddo, “ngwa nagwi eleh andu konga eab’b’u ne ningwa ne ni anyo.”
\v 13 Easu oggo andda awe niwerozo nini: “oggo ma miyie yakobo anyo ama ma mothy Esau ne asidi.”
\v 14 Ya kiru eleh andu aah ako’jo ad’u anyo koy? Ya nguna thokithoki orri ra keway? Awe kodo olow ilehku anyo!
\v 15 Ko’bwo ko’jo mo’se ni oddo, “ma eleh andu mad’uta ad’uta od’ub’a ma eleh andu mad’uta ad’uta api ‘seka eleki ni anyo, angwi ma eleh andu me’ba ri i'ba od’ub’a eleh andu me’ba ri i'ba api nika eleki ni.”
\v 16 Eleni kiru, ko’bwo awe lago ‘seku oloro reyeye ri eleni, angwi ko’bwo awe oloro ommu kale nane ‘seku, ama ko’bwo orri rina ‘se, oloro ad’uta nenena r inane.
\v 17 Ko’bwo ari napa iwru kana booku niah r inane ko’jo faroh ni oddo, “ko’bwo kathothoro no ouh napa ini ‘se ma menga me orou, anyi beya oggo ma menna ma ri ambamba napa me ‘se, angwi eleni anyi beya oggo ma ri ru ob’b’eh bou pye d’ehd’eh.”
\v 18 Eleni ra raw o kiru, orri kad’uta ad’uta lago oloro awe kekeye ri eyeye eleni (nane) ra wo, angwi oloro lago ri eyeye kana nanelge keyeye ri eyeye eleni, lagokokwe kozozyi.
\v 19 Ammi kiru eleh andu ge no’jo ma ni oddo, “anyi kiru gel ago adi keassu ri apapab’a kaki ne ad’u da? Adi nguna andu kocheh awery yeye napa nane ne nereta?”
\v 20 Mod’i agona, eab’u rina ne, anyi me ad’i da koy oloro kinyopa ri orri ne na ini? Ya nga od’we kana ko’jo o’jo oloro awe nod’we ri ini ne oddo, “me nod’we ma ne wi ad’u da?
\v 21 Ya kiru eaja ri aregi ri d’uki ludia keway re anyi beya kowe ubee alobe nga nobazo azze kiru ubee alla alobe nga nob’azo inee leebithi?
\v 22 Anyi kiru eya orri, oloro kondu kenna ri awery otha ne wo angwi anyi kob’a awery ambamba napa onneleh wo, eabee rebebee adaly ab’iru towe ngaly d’ini otha ri ubee kapa kaki niah ib’ehb’ehtha iranyaleh?
\v 23 Ya kiru eleni ad’unga eya lago owe anyo ib’etha ib’atha anyi beya lago oggo kob’a awery akku napa ri arinya kapa ad’uta ri ubbyi kapa nidi anyo, oloro lago andda ib’etha akku napa ni anyo athii da?
\v 24 Anyi ad’unga da koy eya lago awe eleni aah ni oho na, ad’ub’a angwi gel ago ri ungwe kanaka kaki ni, Jew ri agaga niah d’uleku tee, ama angwi ge mawawe (nyigoo) kapa eleki ri agaga niah?
\v 25 Esu lago ri o’jozo nini angwi hosea niah na: “oddo, b’anny od’ub’a ma riku kiru eleh andu ma mungwe ma ri b’anny i wo, azze kiru nena napa oloro iyiekuna eleni acho kiru eleh andu ma mungwe ri iyie manaru anyo wo.
\v 26 Kiru eleni eleh andu awe kolow ofo oloro o’jo api ni aka oddo, ammi ma ri b’annyku, kiru ofo napa ra na wo eleh andu ungwe ri api ne orri lidy ri erebi nagoo i wo.”
\v 27 Azze Isaiah kobbu putheh ne wo kiru Israele ri kiw’se oddo, “ju eyeye oddo Israele ri erebi kapa ri laked’eh kede esu mearyi ri ching’e niki, achobo eleh andu awe nimbe kassa ne tee wo anyi beya andu iruruka,
\v 28 Ko’bwo eleh andu kawowo natha keagu ri awery ari ninyopa ne bouwa anyo wo, anyi koko kale angwi oggo ilulud’iku.”
\v 29 Esu Isaiah ri ozozo nini andda athii oddo, “eya andda adi kawowo natha ogutha nulii rina (rulii rina) oyee aah ni liechoo kapaku, acho so aah esu sodomo niki wo, azze kiru aah akolow esu Gomorro niki wo.”
\v 30 Ya kiru eleh andu aah ako’jo ad’unga ne koy? Bo mawaway kapa, od’ub’a ole thokithoki nowe kuka kaki, a iy thokithoki napa kale ‘bwo na, achobo a iy thokithoki napa nane regeny ‘se,
\v 31 Ama Iraelego, oloro kowe kakoko thokithoki rina ne anyo nane, acho adi eassa kakoko napa raku.
\v 32 Anyi ad’u reta? Acho ko’bwo adi lob’a owe kakoko napa regeny seku, ama owe eab’u ‘se anyo. Lob’a iremo ony andda iremo kana nane anyo,
\v 33 Esu andda riwrozo nini oddo; “inddeh, ma ala ony ziona niah ony napa reremozo azze kiru lapa od’ehzo, lago oloro eawo aka awera anyo eleh andu dinja oruuku.”
\c 10
\cl D'ullâ 10
\p
\v 1 Adiimaa, od’ia ma ri asidio angwi ma mozi orri ne ko’bwo lob’a ni, ko’bwo api nirurukazo.
\v 2 Ko’bwo acho okka ma lob’a ri kiw’se oddo achobo lob’a ri od’ia orri ra, ama deya ronnezoku.
\v 3 Ko’bwo adi lob’a onne orri ri thokithoki napaku, azze kiru lob’a kondu thokithoki apina nipipila ne anyo d’ule wo. Kiru lob’a adi eazee thokithoki orri rina ra anyo quwo.
\v 4 Ko’bwo khristho kiko ri kakoko thokithoki rina ne ne b’anny ni alobe alobe od’ub’a keawewoka eleki. Ko’bwo mo’se iwuwuro thokithoki napa nane ri kiw oho oddo keaki kakoko ri lele’se: “mod’i agona oloro owe kakoko ri thokithoki anyone eleh andu kadady thokithoki napa eleni ‘se.”
\v 5 Not there.
\v 6 Ama thokithoki napa oloro keaki regeny ri lele ‘sena eleni ‘jo awe onyo, “nodo o’jo me ri asidioku oddo, anyi eleh andu ad’I eazwer ri ruthu ri lele ‘se anyo reta? (Nane, anyi beya keazee khristho bouwa re ta),
\v 7 Angwi nodo o’jo ku oddo, ‘anyi eleh andu ad’i ozwe anyo bou ri bubu na reta?’ (nane, anyi beya keazee khristho orou adda ri lele’se).
\v 8 Ama anyi awe ko’jo ad’u ne re ta? “Achobo ari napa me ri agah ileh, me ri thyeo angwi me ri asidio.” Nane regeny ri ari, oloro arry ob’b’eh kana nane.
\v 9 Ko’bwo eya me nenna ri me ri thye’se oddo, yesu kawowo natha, angwi bo me ri asidi niah na neawo oddo, orri inji lago odda ri lele’se oho, acho kiru eleh andu iruruka me kale ‘bwo yo.
\v 10 Ko’bwo mod’i agona keawo thokithoki asidi ‘se, angwi lago kenna ri thye’se anyi beya iruruka iruruka.
\v 11 Ko’bwo booku ko’jo oddo, “leebithi d’id’i alobe oloro keawewo lago ra eleh andu dinja oruuku.”
\v 12 Ko’bwo Jew pi Geregi ro d’ule d’uleku. Ko’bwo kakwowo natha eleni kawowo natha leebithi rina, angwi lago arinya od’ub’a awe nungweb’aka eleki ni leebithi.
\v 13 Ko’bwo leebithi d’id’i alobe oloro kungwe ri kawowo natha ri ru ne eleh andu iruruka ri iruruka wo.
\v 14 Ya kiru lob’a kungwe ri lago ne adad’u da koy bo lob’a adi eawo lago rakuna? Ya lob’a kiru keawo lago ra adad’u koy bo lob’a adi eri lagokuna? Ya kiru lob’a keri ri adad’u koy bo ravwi natha keway na?
\v 15 Kiru lob’a kovwi ri adad’u koy, eya adi eab’b’u lob’akuna? Esu ri wrozo nini, “api od’ub’a nga nintha kapa kaki ri lonyi kapa ri lolokwe nob’b’ehba kaki ri pa kapa kaggwy adad’u!”
\v 16 Ama acho lob’a leebithi deya adi eri lolokwe napaku. Ko’bwo Isaiah ko’jo oddo, “kawowo natha, adi nguna eawo aary reab’b’uwo anyo oho ne?”
\v 17 Achobo regeny keaki reari ri lele’se, azze reari keaki khristho ri ari ‘se.
\v 18 Ama achobo ma mo’jo oddo, “andda adi lob’a eari ku re? Eyo, achobo ab’ika slokwa eari oho. “Acho api ri oli angwy ‘bwo bouwa leebithi, angwi api ri arari ossa milili ri asaeele na oho”
\v 19 Angwi mo’jo, kopopeh ne toh, “ya israele andda adi onne kure?” andda athii mo’se ko’jo oddo, ma eleh andu mokwe ammi nothotha nga oloro nyigokuna eleni ‘se. Oddo nyigo oloro kakokoro ako, ma eleh andu mokwe notha d’i ‘se wo.
\v 20 Kiru ilia wo Isaiah ifufura towe wok use lago ke’je’jo, “oddo, acho od’ub’a andda api oleh ma nondu ku ka iki easu ma kale ‘bwo. Kiru ma mefu api od’ub’a andda oleh ma nozikuka iki ni kale oho.”
\v 21 Ama azze kiru lago ko’jo israele ni oddo, “ithuu nazo eleki leebithi ma mid’anya ma ri de iki angwy agagab’a embeka eleki ni b’anny ngayaka ri olow rika eleki ro.
\c 11
\cl D'ullâ 11
\p
\v 1 Ma kiru mojo oddo, ya andda orri oga awery bany kappa embeh oho re? Acho keaway. Kobwo angwi ma Israele go, Aburamu ri licho, Beajeaminio ri kakah.
\v 2 Achobo orri andda adi oga awery banny embeku, oduba andda lago kononeka kaki adi ammi inne nga booku ri ojokanaka Eliya ri kiw sena nan eku re, lago ojo orri ni adau da Israele ri kiw se?
\v 3 Oddo, kawowo natha, achobo oba idida me ri mia ri banny kappa kale bwo, loba ongongo thaka meka ramomyizo kaki bouwa kale bwo. Oyee kiru ma anyo alobe dule wo azze kiru loba kondu lidy ma na ne ni anyo wo” ya kir orri inyopa lago ojo adadu?
\v 4 “Oddo, acho ma ma ri rom se aba ma ni nalu golu agoo mudi mudury mudury twodiery (7,000) aduba adi osso anya bou-wa baala niku
\v 5 Ju kiru kede ileh wo, lao napa ini ra angwi ge acho assa oho kobwo quii ri reapeh se.
\v 6 Ama eya awe quii se anyo, acho kobwo adi eapeh awe eabu kappa seku. Kobwo quii napa andu olow quiiku.
\v 7 Ya kiru adunga da koy? Nga napa Israele ri andda ondu kana nane, achobo andda adi awe eassuku, ama achobo andda eapeh kanaka kaki eassu nga napa oho, azze kiru alokwa kaki ri kaki ozyi ambagogokaru.
\v 8 Oggo kede easu riwrozo nini: oddo, orri okwe loba ni oyuru onnu nokozo muwon, angwi okwe loba ni mii oduba anddehku anyo anyi beya kodo anddehku, angwi okwe loba ni be oduba eari nga doku anyo anyi beya kodo nga neariku, inee no ouh ini rat owe.”
\v 9 Azze kiru Dabide kojo oddo, “kwe thy thaka apika kufuri kuthuru anyo angwi rimbaru anyo, itecha ludy olee kana azze ingwi ri apee ri loba ni anyo.
\v 10 Kwe lobar i mii konee kale anyi beya kodo nga nonddehku, angwi anyi beya api kufu ogu munyieru anyo wo”
\v 11 Kiru ma mojo oddo, “ya kiru itecha loba anyi beya kod-deh kale wo re?” oggo bo awe kodo olow ilehku anyo. Achobo kiru, oddeh apina nane se, loka eaki maw awe kappa ni kale oho, anyi beya kokwe loba koba ngu anyo.
\v 12 Elenini eya api ri oddeh napa kolo milili ri arinyaru anyo wo, angwi eya api ri eagwe napa kolow mawawe kappa ri anyaru anyo wo, ya eleh andu api ri riko napa thumogoru kopoeh ne toh adadu?
\v 13 Ama elenini ma mong a ari ne ammi mawawe eleki ni, azze ma mawawe kappa ri eab ebu kana wo mololow lao azoru, achobo kiru ma mozee akku napa ne ma ri theeree niah wo.
\v 14 Anyi beya ma ele andu akwe api kappa oduba ma ri kakahka eleki koba ngu anyo wo. Anyi beya eleh andu aah akirusuka api ri alokwa iruruka.
\v 15 Kobwo eya api noga embe nane kenna ri oddo eleni milili ri rou nithobolozo, ya kiru eleh andu akkah api ne adado am abo lidy napa adda ri lele sena?
\v 16 Eya kiru okah kappa athii rika kaki nalugolu na, kololow ir akasa ri idiru. Eya quelela nalugolu, kiru apeykapa kololow.
\v 17 Ama eya apey kappa ri alokwa ongo kale, eya ammi kujoto ri olive napana ya naba apey ne oba ya angi aka apiri agaga niah, azze eya ammi ningara olive ri queh ri quelela namba napa lobar oho na,
\v 18 Nodo rou niwa quelela kappa seku. Ama eya niwa ri rou ne dise, acho ammi nitheapy ri quelela napa ammiku, ama quelela napa awe kitheapy ri ammi ne ne.
\v 19 Kiru eleh andu ammi nojo oddo, quelela kapa ongo kale anyi beya andu ongi ma aka anyo wo.
\v 20 20. Eleni thoki kobwo adi api eawoku kiru ongo loba kale wo, ama eddeh ta tho irow nga arrow kobwo regeny ammina se.
\v 21 Nodo ammi ri rou neyeye anyo towe ambaruku, ama irow nga orow.
\v 22 Inddeh ta aka anyo wo, kiru, modi ri kakah ri eabu kappa orri ri eabu no ouh ro: eabu no ouh eaki jewba oduba oddehba eleki se, ama achobo orri ri kakah eaki ammi ra kale oho, eya sona ammi nolow munieru kakah awena ra. Acho kuse eleh andu angwi agar i ammi ne kale wo.
\v 23 Angwi ju loba, eya api ge ole eawoku api kolow munieru owowe ninjwi eleki ra anyo, eleh andu azze kiru angi aka anyo wo. Kobwo orri oggo kongi loba ne ongi aka yo angwi.
\v 24 Kobwo eya oga ammi kale angweh nga oloro iffu kana ra lele se oloro kujoto ri olive ri queh (kwy), azze bo idedenya ri riffu napa ra oloro ongi olive ri queh nintha napa niah, ya kiru eleh andu jew ri banaka eleki aduba da, oduba ongi bule api ri olive ri queh napa nane raka kaki?
\v 25 Kobwo ma ale anyi odo enna ammi nikuku yo, adiimaa, rambwe napa eleni, eleni anyi beya ammi eleh andu nodo olow miilombaku ye ammina eleni ra: Rambwe napa eleni addo namba oloro onagri aka Israele na, tokojo mawawe ri eavvole azze kiru koga thoo akana.
\v 26 Azee kiru eleh andu Israele iloka ri leebithi wo, esu riworozo andda: “oddo, eleh andu loka natha keakeaki angweh zion ra lele se. Lago elech andu konnu owowe ninjwi orri nogizo embeh kaki ne onnu yakobo ra lele se,
\v 27 Azze kiru eleni eleh andu kolow rakkah manaru wo lobar o, lao oloro eleh andu ma monna api ri rossosu ne kale nan era”
\v 28 Kiru andda esu lolokwe neyeyezo nini loba earoo ammi ri kiw se ama kiru andda esu rotwe napa neyeyezo nini, azze iyie ri loba ne wo kobwo atheeh apika andda athii rika kaki ri kiwse.
\v 29 Kobwo okwe kappa angwi orri ri ongwe napa iwicha ri doku.
\v 30 Kobwo achobo andda athiina ammi iga orri embe, ama kiru elenini wo ammi na iy aduta kale oho kobwo andda api aga ne embe.
\v 31 Kiru angwi leathy napa ra elenini wo angwi Jewba kappa eleki ogoga ne embe wo. Eleni kiru enna oddo aduta napa enna kana ammi nina nane se achobo elenini angwi ge lob aka iy ri aduta napa ne iy wo.
\v 32 Kobwo orri iloka loka leebithi ogaba embe eleki niah wo, anyi beya oggo lago kenna aduta napa nane anyo wo banny ni leebith.
\v 33 Ah, alikithy napa arinya rika miilomba rina ro azze orri ri rinne! Lago ri lokiko kappa ondu adadu da angwi lago ri leathy kappa eassu ri adau da!
\v 34 Kobwo ya eleh nguna adi konne kawowo natha ri ududu ne onne ne da deh adi nguna andu kolow awery kakoko natharu ne da?
\v 35 Deh adi nyuna okwe orri ni nga alla oho ne athii da, anyi beya orri andu kingwi awe ni?
\v 36 Kobwo lago ra lele se angwi awe se angwi nga leebithi awe ni. Akku kolow lago ni wo nyonyo. Amen. (Kolowle)
\c 12
\cl D'ullâ 12
\p
\v 1 Ma mondu ammi ra ilia athii titi, adiimaa, akaku orri rika se, anyi beya ikwe ruw ammika eleki lidya arowru, kaggwy, anyi beya orri kakah. Eleni eabu ammina anya nossozo bouwa
\v 2 Nodo milili ini nidid iko anyoku ama iwicha ruw kalen ammi ri udu du ningeah se anyo unowekaru. Iweta eleni anyo anyi beya inone oddo adunga inthana ne, akkah ri akkah anyo, korory yeye orri rina ra.
\v 3 Kobwo ma mojo oddo, kobwo quii oloro andda okwe kana ma n inane se, oddo didi alobe oloro ammi ri agaga niah ilia eleh andu kodo ruw apika neyeye loweku oddo api onne yeye towe opoeh toh. Kolu sona, loba keyeye ri miilomba ri leathy ne anyo, easu orri ri regeny ri lok edeh alla nokwezo nini didi ni alobe alobe.
\v 4 Kobwo aary ruw napa nalobe eleni bulukaka aka abiru, ama buluka kappa eleki anga eabu napa nalobe eleni anyoku.
\v 5 Kiru leathy nalobe napa eleni ra, aah nabi eleki aary ruw alobe khristho ra, azze kiru didi ri ruw ri buluka aka dule dule.
\v 6 Kiru okwe kappa okwe kanaka aah nika eleki okwe dule dule thomia, ikweta owe anyo easu awery regeny napa ri onduzo nini.
\v 7 Kiru eya okwe napa alobe eabu nonga na, ikwe lago konga eabu napa koy anyi kiru eya alobe ni okwe rinne rina aka anyone, kwe lago kinne rinne koy.
\v 8 Anyi kiru eya alobe ni okwe okwe rutha rina anyone, kwe lago kutha ruth koy. Anyi kiru eya alobe ni okokwe na, kwe lago kowe odia awe se koy anyi kiru eya alobe ni okwe dii notuu na, kwe kowe awe konddeh nga tho (kwe kotuu dii napa konddeh nga tho). Anyi kiru eya alobe ni okwe okwe oloro kenna ri aduta anyone, kwe kowe awe lonya se anyo wo.
\v 9 Kwe riyie kolow muruthu ako. Ga nga ninjwi embe (thyi ngo ninjwi asidio); run nga oloro inthana anyo.
\v 10 Eyeyeta riyie adadi rina eyeye, ingata eabu oyo nalobe nonga alla rina ne azze angwi nonga alla rina ne. Eyeyeta thobuluku eyeye, alla korow alla angwi alla korow alla.
\v 11 Eyeyeta thubate eyeye, nodo eabu ronjonjo rika nowe anyoku, eyeyeta oyuru eyeye, olowta odia ro. Eyeyeta kawowo natha eyeye, ingata eabu lago ni anyo.
\v 12 Inyonyorta lonya aside ningwi rina se anyo, olowta aside ri ead’w se anyo amud we napa eleni ra olowta regeny se anyo romio.
\v 13 Ingarata nga oduba aggwy ribanny kondonduka eleki ingara. Indu ta leathy kappa anyo anyi beya nenna athu ri ofo.
\v 14 Iburukita oduba kichachandi ri ammi neka eleki, iburuki ta azze nodo loba noguku.
\v 15 Inyonyorita oduba kinyonyori inyonyorika eleki se, ichuta kuku oduba kuku nochuba eleki ro.
\v 16 Olowta ududu alobe se did inane kede ileh angwi didi nani ra kede ileh. Nodo ruw niwa ri leathy neyeyeku, ama a iy banny oduba yembeyembe eleki a iy. Nodo olow milomba yeye ammika rina seku.
\v 17 Nodo injwi alobe rina ningwi injwi seku. Weh nga nintha azze banny leebithi kondondeh.
\v 18 Eya sona korory, easu ammi onduzo nini, olowta motho se banny ro leebithi.
\v 19 Ammi iyie kanaka eleki, eya modi alla ossurossu ammi ni oho nodo ingwi akaku, ama ikwele leathy anyo orri ri otha ni. Kobwo iwro awe oddo, “Ringwi ma ri eleh andu mingwi ri ma, eleki kawowo natha kojo ne.”
\v 20 Ama eya me ri erego vi row o, kiru eanya lago. Eya lago iyi vi ro, kwe lago ni kombombu. Kobwo eya me iwe ileh oho, kuse eleh andu me nutow ri assi ri nyomo ne lago ri diio wo.”
\v 21 Nodo okwe injwi kodo ammi nitellaka, ama itellata inijwi anyo intha se.
\c 13
\cl D'ullâ 13
\p
\v 1 Kwe itindi leebithi kakah oppi agwika toweka eleki ri kakoko akkah, kobwo kakoko ilia keway eya nguna kakoko napa keaki orri ra lele sena anyie. Oppi oduba isindiaba kakokoka eleki orri oba ne kiru oduba ole kakokoka eleki orri oba ne.
\v 2 Kiru oduba ole kakokokuka eleki kocheh orri ri kayuyuko ne kale, azze kiru kappa oduba kayuyuko nocheh baka eleki eleh andu loba ka iy ri api ni lokiko nolii ne wo.
\v 3 Kobwo oppi oggo orow ngaku eabu nintha kappa eleki nongale. Me ri odia ole ossi kakoko natha norowku re? Weh nga nintha anyo, azze kiru eleh andu me neassu ri lago ri rakkah ne wo.
\v 4 Kobwo lago orri ri opiogo me ni kobwo kokwe intha nianyo wo me ni. Ama eya me nowe nga ninjwi ne anyo, azze norow nga ne wo; kobwo lago adi onnu balumeh diniku. Kobwo lago orri ri opiogo, ringwi natha kobwo kingwi ri otha ni modi oloro kowe injwi ne eleni nidi anyo.
\v 5 Ilia wo aggo kiru ammi akkahta rakah anyo wo fo, kobwo otha se duleku, ama angwi kobwo yeye meka aside ri kaki se.
\v 6 Kobwo eleni ra angwi ge nokwe bochoro ne okwe. Kobwo oppi kappa kakoko rika eleki orri ri oppee, oduba andanda wo nga no ouh napa eleni ra munyieru.
\v 7 Kiru okwe ta loba ni nga kappa apika a iy kanaka kaki leebithi alobe alobe. Bochoro okwe api oduba kozyi bochoro neka eleki ni, ikozo ri bochoro okwe api oduba kozyi ikozo kappa ri bochoro neka eleki ni; arrow okwe api oduba ororowka eleki ni, thobuluka okwe api oduba buluka eleki ni.
\v 8 Nodh modi alla ringa na iyku, te iyieta ruw anyo. Kobwo lago oloro kiyie ri awery balaga ri modi ne iyie kiru iko kakoko kale oho.
\v 9 Kayuyuko kappa ko; nodo aqui nowe ku (wodo tho woro noweku), nodo ridda noweku, nodo oguw noweku, nodo lokoloko nombu tocheh seku, angwi eya ge kayuyuka kappa ri alla a, omia ri awe rie ari ini niah anyo wo: oddo iyie me ri balaga ri ruw nini.”
\v 10 Riyie iranya balaga ri modiku; eleni ra, riyie kigga ri kakoko ni thoo dudu.
\v 11 Kobwo eleni se, achobo ammi none lao napa ne onne wp, oddo eleni lao oloro ammi ri eanizo kale onuw lele se jearu dini. Kobwo elenini karuruka aana ethethe wo kopeh andda aary eawozo nane ne wo.
\v 12 Ineego owei kale bwo, azze kiru ithu ethethe keasesa wo. Ilia wo ikweta aah akoba eaba kappa ofo naneethery rika eleki bidio wo, azze kiru ikwet aah akatho ta kototo offo rina anyo.
\v 13 Ikweta aah akaway thod unga se easu ithu rina nini, rebebi tocheh rika seku, eya imera rika seku; angwi aah akodo awaway thoworo ri walewale ninjwi niahku eyabo ruw niruruka akoku asbal se, angwi akodo rapapeeku eyabo akodo ruw nothy asidioku.
\v 14 Ama akathoh rimba natha yesu khristho anyo wo, nodo ruw nitheathealeku ruwoku, anyi beya nodo ibulieya awery odia seku.
\c 14
\cl D'ullâ 14
\p
\v 1 A iyta modi oloro amud wena regenyo eleni nodo lokikona nolii oja seku.
\v 2 Modi alobe kegeny ri oddo nga leebithi onyonya, azze kiru alla oloro amud wena eleni konya te oka ne anyo ebaby ro.
\v 3 Modi alobena oloro kanya nga ne onya leebithina eleni oggo kodo modi alobena oloro anyaku eleni nimenaku; angwi modi alobena oloro anya nga leebithikuna eleni oggo kodo modi alobena oloro konyonya eleni ni lokiko noliiku. Kobwo orri a iy (akkah) awe oho.
\v 4 Ya kiru me adi da, me oloro nolii lokiki modi alla ri opeogo rina ne na eleni? Lokiko eleni awery rinne natha ri andanda wo eyab lago keddeldeh eyabo kododeh. Ama achobo eleh andu kowe lago keddedeh.
\v 5 Modi alobe ouswa oddo acho deya abobe kopeh inee alla ne opeh. Kiru angwi rouswa alla kojo oddo inee leebithi acho iurapa (ser). Ikweta didi kutha ududu awena.
\v 6 Oloro kimeh ri inee ne imeh na, acho kiru kimeh ri inee napa ne rimba natha ni wo, anywi kiru oloro konyonya ne, acho konyonya ne rimba natha napa ni wo, kobwo lago kukwe ri piapia ne orri ni.
\v 7 Konwo aah ra ilia aary alla olow olow awery ri ruw rina seku.
\v 8 Kobwo eya aah akolow, aah akolow rimba natha ni wo, angwi eya aah akududa wo, aah akudda rimba natha napa ni wo. Kiru eya aah akududa wo, aah akududa wo, acho deya aah rimba natha napa wo.
\v 9 Kobwo achobo ari napa eleni khristho odda dise azze angwi keanji odda ri oduba lidyka eleki pi ro leebithi.
\v 10 Ama me, rina ne, ya kiru me nolii adiki ri lokiko ne aduda? Anyi angwi me napa ini, me nimena ri adiki napa aduda? Kobwo achobo eleh andu aah leebithi akeddeh lokiko napa orri ri ithethena kana nane ri anda wo.
\v 11 Kobwo easu andda riwrozo nini oddo, “Easu ma ri adyzo nini,” eleni rimba natha kojo ne oddo, “achobo eleh andu anya kappa eleki leebithi oso ma ni anyo bouwa, angwi leada kappa eleki leebithi eleh andu kifufura ri orri ne anyo wo.”
\v 12 Kiru eleni raw o, aah eleki leebithi eleh andu didi kokwe awery ruw ne orri ni olwale wo. Modi oloro yeyena amudwena enna aka anyi beya kodo odehku
\v 13 Kiru eleni raw o, nado okwe aah akodo lokiki nolii aary ni guwo, ama kombo akiluludi ta eleni oddo, modi kodo okwe adding a kodo oliaku eyabo kodo iragaku.
\v 14 Achobo ma anne kale oho, oddo nga alla adi onjo awery ruwku. Tel ago oloro keyeye ri oddo nga leebithi kolow ronjo sena eleni, kobwo lago rana oddo nga onjo ri oho.
\v 15 Eya kiru lofodeh koru adiki ne onya me ri onya kana eleni se wo, ya acho deya me nawaway riyie niahku. Kiru nodo imwo modi, eleni ro me ri onya napa eleni seku kobwo khristho odda awery kiwse.
\v 16 Elni ra nga nintha ammiri eyeye kana eleni nodo akka odo onga easu injwi niniku.
\v 17 Kobwo opopi orri rina nane onya ri kiw seku angwi ombu ri kiw seku, ama thokithoki ri kiw se anyo, moth ro azee lonya oyuru naggwy niah r inane.
\v 18 Kobwo modi oloro konga eabu ne khristho ni leathy napa eleni ra orri kaiy ri aiy anywi banny akkah oho.
\v 19 Kiru ilia wo, ikweta akimeh nga motho rika ri buanyo anyi beyo kodwe aah ofo nalobe.
\v 20 Nodah imwo orri ri eabu ro kobwo onya ri kiw se. Nga leebithi eaba niah kagagawy, ama nga kappa injwika modi oloro konya azze kokw lago kiroga toh eleni ni.
\v 21 Eya inya izzaku inthana, angwi nodo iwa nombuku, eyabo nga alla oloro netho ri adiki dise anyi kiroga nodo okweku. Regeny me raw o,
\v 22 Rwe me ri agaga orri ro. Modi oloro adi imwo awery ruw roku nga awery akkah kana nane se acho iburuki kale oho.
\v 23 Oloro kiluludi ri ilulud ina eleni kiru imwo lago ro kale bwo eya lago onya ohona, kobwo eleni regeny ri lele seku. Azze kiru nga oduba regeny ri lele sekuka eleki rossu.
\c 15
\cl D'ullâ 15
\p
\v 1 Kiru elenini aah oduba ozyibaka eleki akingara amudwe amudwe baka eleki rika, azze akodo aary ruw ningara anyo lonya seku.
\v 2 Aah eleki ra alobe alobe didi kokwe awery balaga ri modi ni lonya nga oloro inthana se, anyi beya kimba lago oron wo.
\v 3 Kobwo ju khristho andda adi inyonyori awery ruw seku. Kombo kede easu andda oggo riwrozo nini, oddo, “thodung a api ka oduba ithothodunga andda me raka iki ead eh ma nidi kale oho.”
\v 4 Kobwo nga kappa oduba andda iwro kana athii rika kaki achobo iwro aah ni kovwi-kovwi, anyi beya ngare se, kathotholunya booku kappa rika ro achobo kiru eleh andu aah aking wi ri aside alla ne anyo wo.
\v 5 Elenin kiru oggo orri aside nola ri bouwa ri thotholunya ro ini kokwe ammi nigara ududu nalobe napa eleni se anyo wo didi rina kede ileh didi rina kede ileh easu khristho Yesu rina nini.
\v 6 Oggo lago kowe eleni anyi beya ududu nalobe napa eleni anyi beya oggo ammi nifufura orri dise anyo wo thye alobe se aary rimba natha Yesu khristho ri atheh ro.
\v 7 Ilia wo, a iyta ruw kiru didi ka iy alla didi ka iy alla oggo easu andda khristho ri ammi na iyzo nini angwi, anyi beya akifufura orri.
\v 8 Kobwo achobo ma mjo oddo khristho oba regweto ri opeogoru orri ri duki ri kiwse, anyi beya kididiko rakkah napa andda okwe kana abbii nena nane toh,
\v 9 Azze kiru kobwo mawaway rikaki anyi kikku orri anyo aduta awena nane se. Easu andda riwrozo nini oddo, kiru ilia wo acho eleh andu ma mokwe me ni kafufura ni wo mawaway kappa eleki ri agaga ilia azze nongongo ne nifufura ri me ri ru ne anyo wo”
\v 10 Azze anywi awe kojo oddo, “inyonyorita, ammi banny awek eleki ro,
\v 11 Anywi ge oddo, “ifufurata rimba natha, ammi leebithi mawaway eleki; ikweta banny leebithi kifufura lago anyo
\v 12 Angwi ge oddo, eleni Isaiah kojo ne, “ya achobo kiru eleh andu Jesse ri kwylela keakeaki wo, modi oloro keafu anyi beya koru mawaway kappa eleki anyo wo, kiru lago raw o acho eleh andu mawaway kappa king wi ri aside ne ingwi wo”
\v 13 Elenini wo kiru oggo orri aside ningwi rina ini kigga ammi thoo anyo wo lonya se motho ro anyi beya neawewo, eleni raw o anyi beya oyuru naggwy ri ambamba se eleh kiru andu ammi ningwi ri aside ne ingwi wo.
\v 14 Ma ma ruw se angwi ge utha ma oho ammi ri kiw se, adiimaa utha ma oddo ammi ammi ri ruw se nogoga thoothoo wo intha se, acho rinne kappa leebithi ogga ammi thoo kale oho. Acho utha ma oddo deya angwi ammi niie ri ammi ri ruw ne inne dule wo.
\v 15 Ama kiru ma miwro ammi ni kafufura no ouh opopeh toh nga alokwa ri kiwse anyi beya ammi neyeye eyeye angwi ge, kobowo quii andda orri ri okwe kana ma ni nani se.
\v 16 Okwe ini kede we oddo ma eleh andu molow khristho Yesu ri opeogoru eabebule mawaway kappa ra anyo wo, anyi beya okwe ease kawila natha nini lolokwe orri rina. Ma oggo andu mowe ini ne owe anyi beya oggo mawaway kappa okwe kappa a iy wo, kiru ijulo oyuru naggwy se.
\v 17 Khristho Yesu ra ma menna ri ma ri eabu nonga niwa ne anyo kobwo orri ni.
\v 18 Kobwo eleh andu anyi ma modo nga norow quwo ari nonqale nga kappa se leebithi am ate nga oduba andda khristho aba ma se kaki ang aku anyo nyigoo kappa kakkah. Nya kappa kaki andda ang a ari se eabu ro.
\v 19 Ambamba quetechi rina se ruw ri ake nuchuchu ro, azze oyru nagwy ri ambamba eleni anyi beya Jerusalem lele sena, azze kilukutu ri odge illyrikum na, oggo ma kiru mozee khristho ri lolokwe napa ne angweh kogga thoo.
\v 20 Kiru leathy napa eleni raw o, ma ri odia kolow anyi kobbeh lolokwe napa anyo wo, ama aobbe lolokw napa ne ofo oduba khristho ri ru adi onne akakuka kaki ra anyo, anyi beya ma oggo modo ire nobeh (nipipila) modi agona alla ri ire nidiku.
\v 21 Eleni kede easu anda riwrozo nini oddo: “Api oduba andda adi obbeh apini lolokwe nakakuka eleki andu keavevo lago noddeh,” angwi oduba andda adi earireakuka eleki eleh anddu keari ri eari (kikokoro ri ikokoro).”
\v 22 Eeni ra acho angwi ippaka ma kale daly abirn eakile ammi ra.
\v 23 Ama elenini wo, ma ri ofo alla kiyowo ofo iki raw a, ango acho oggo andda ma molow kii azorn eakile ammi ra.
\v 24 Ma ri aside eangwi ne onddeh ma ri oz wa se eya moki spain na, azze kiru ammi ningara ri ma ne ma ri okile tokojo akana, achobo andda ma meabeabi ammi ri akulogo lao kead iru.
\v 25 Ama elenini wo achobo ma moki Jerusalem wo, meazee ri eabu ring. Arazo ne banny eawoba eleki ni wo.
\v 26 Kobwo makedoniaba lonya nintha row o akhaiaba ro anyi kocha okwe alokwa mundoto banny agagwybaka kaki ri agaga niah Jerusalem ri kaki ni.
\v 27 Eayo, acho oggo awe lonya nintha apini, azze kiru, eebu niah wo, loba kappa api ri ndeakeah. Kobwo eya nyigoo ing ara oyuru ri nga kappa apika kaki oho, azze angwi loba kokwe okwe napa ne loba ni anyi beya konga eabu laba ni nga kototo rika kaki se anyo wo.
\v 28 Kiru ilia wo, eya kuse ma meko eabu napa ini kale oho azze anne oho thoki oddo laba a iy nga kappa (onnuu) kanaka kaki oho, azze kiru eleh andu ma moki spain wo azze kiru moki ammi ra theathy wo.
\v 29 Ma monone oddo kiru eya kiru ma meaki ammi kale bwo kiru eleh andu ma meaki riburuki khristho rina ne ro thoo.
\v 30 Elenini ma melioko ri ammi ni wo, adiimaa, aary rimba natha Yesu khristho se, angwe tho ma ro ammi ri orri nomomyi se ma ni.
\v 31 Omyi ri ta oddo acho oggo andu ilaka ri ma ne iloka agga riba oduba Judea rika kaki ra lele se, angwi anyi beya eabu napa ma ri anga kana Jerusaleem ban i nane oggo anyi banny kappa eawoba kaki kakkah anyo.
\v 32 Omyiry ta oddo oggo ma meaki ammi ra lonya ra orri ri yeye se, azze kiru oggo ma pi, ammi ro, akeassu ri ovu ne dehdeh.
\v 33 Oggo orri motho rina kolow ammi ro leebithi. Amen (kolowle)
\c 16
\cl D'ullâ 16
\p
\v 1 Ma mechara ri ammi ni aary ambunga phoebe ne oloro awe kachi ri opezinga ne kachi kenkhrea rina nan era,
\v 2 Anyi beya oggo ammi na iy nena napa rimba natha raw o. Iweta easu banny aggweba kaki ri owezoniki, angwi eaddehta tho nena napa ra anyo wo nga awery ondu kana ammi rana eleni se. Kobwe nena napa awery ruw se easu intha nena ri banny nabi kaki ningarazo nane niki, angwi easu intha awery ma ningazo nane nini.
\v 3 Imothota prisikilla pi Aquila ro,
\v 4 Oduba andda id anya lidy apika ma nidyzo. Ma mokwe pia ne api ni, anywi acho ma duleku, ama angwi to kachi papa nyigoo rika eleki ro leebithi.
\v 5 Angwi imotho kachi oduba apinga joka eleki. Imotho Epaenetus ma ri iyie kana nane toh, oka asia rina athii rina oloro khristho raw o eleni.
\v 6 Imothota maria toh, oloro andda onga ammi ni eabu namba nane.
\v 7 Imothota andronkus toh Juniaso ro, ma ri kaka nane, azze berro maka kang ango ri jo ri kaki. Achobo ifufura ri loba ne kiru banny kappa eabeabu kanaka kaki ri agaga niah wo, oduba angwi andda ge athii ma ni khristho ra.
\v 8 Imothota anpliatus, ma ri iyie kana rimba natha ra nane.
\v 9 Imothota urbanus toh, aary berrego oloro akonga eabu ne leebithi khristho ra nane, stakhys ro, ma ri iyie kana nane.
\v 10 Imothota apelles toh, akkah kana khristho ra nane. Imothota aristobulus rika oduba bah roka eleki.
\v 11 Imothota Herode rika kaki toh, kaka mana rika kaki. Imothota narcissus ri bah rika kaki toh, oduba rimba natha raka kaki.
\v 12 Imothota tryphaena pi Tryphosa ro, oduba onga eabu namba rimba natha ra. Imothota pesis iyie kana nane, oloro onga eabu towe rimba natha ra.
\v 13 Imothota rufus, eapeh kana rimba natha ra nane, lago ri ande ro azze ududu.
\v 14 Imthota asynkritus, phlegon, Hermes, patrobas, Hermas, adii oduba api ro kaki ro.
\v 15 Imothota philologus pi Julia rot oh, azze nereus pi ambunga ro, azze olympas, azze eawoba leebithi oduba api roka kaki.
\v 16 Imothota ruw lobiyo nonju naggwy se. Kachi khristho rika leebithi kimotho ri ammi ni.
\v 17 Elenini ma melioko ri ammi ne, adiimaa, anyi beya neyeye oduba keazee ri rapee ne angwi kegwe ri banny ne kaleka eleki anyo. Acho loba kovvo kale lobar a lele se.
\v 18 Kobwo banny oduba kede easu eleki, niki onga eabu aary rimba natha khristho niku, ama kiremo ri te ethee apika kaki ne anyo. Azze loba kiluluka ri bay oduba onne ngakuka eleki ne kovwi-kovwi namud we apika oloba kaki se.
\v 19 Kobwo ammi ri rakkah napa eleni ri wuw ossa banny ni leebithi kale bwo. Elrni raw o, ma kiru menyonyori, ammi se wo, ama ma mondu anyi beya ammi nolow miilomba ro easu nane nini oloro inthana nane, azze kiru oloro injwina eleni anyi konne ngaku.
\v 20 Azze orri motho rina ne kiru eleh andu kirukunya ri setan napa ne ammi ri pa ri bubu wo oggo kiru aary rimba natha Yesu khristho ri quii kolow ammi ro anyo wo.
\v 21 Timateyo, ma ri berrego monga eabu ne atu, kimotho ri ammi ne, lukius ro, Janson ro, azze sosipater, ma ri kaka eleki.
\v 22 Ma, Tartejo, mewro azwe eleni ma, memotho ri ammi ne rimba natha ra.
\v 23 Gaius kumo ri ma ne kachi ro pye, kimotho ri ammi ne. Erastho, earro ri atha e iy rina, kimotho ri ammi ne, aary adding a quarto ro.
\v 24 Oggo kiru aary rimba natha Yesu khristho ri quii kolow ammi ro anyo wo. Leebithi. Amen (kolowle)
\v 25 Elenini lago eleni oloro okwe anyi beya ammi neddeh easu ma ri lolokwe nini Yesu khristho ri kovwikovwi ro, kede easu rufu rambwezo nane nini oloro andda orwe kane dwo dini kii kappa kaki raka nane,
\v 26 Ama achobe elenini eafu kale oho angwi onne kale oho kawro mia ribanny ri iwro kanaka nyigoo kappa nika kaki se wo, orri eassa r inane iticha ne, anyi beya keazee kappa regeny nakkahba eleki ri kiw se.
\v 27 Akku, te orri miilomba ni anyoo wo, Yesu khristho se nyonyo. Amen (kolowle).