lsm-x-lugwe_reg/61-1PE.usfm

\id 1PE
\ide UTF-8
\h 1    PETERO
\toc1 1 PETERO
\toc2 1 PETERO
\toc3 1pe
\mt 1   PETERO
\c 1
\p
\v 1 Petero, omutume wa Yesu Kurisito. Eyiri omwangale wa Weere, abateende abasalanisiwa mu bitundu woosi musyalo sya Pontiya, Galasiya, Pantakiya, Asiya nende Abisiniya,
\v 2 abo abangaliwa nga bema khu khumanya khwa Weere seefwe, okhubitira mu khwosewa khwo’mwoyo mwolerefu, okhuba mulonga eyiri Yesu Kurisito khandi owawanyiwakho na mabanga kaye: Esisa ne’mirembe bibe byenywe mu wungi. Enfuma eyiri Weere olwe’nsuubi elamu
\p
\v 3 Enfuma yibe eyiri Weere khandi Bbaabba w’Omwami wefwe Yesu Kurisito! Mu sisa syaye sy’amaani singi syatuweye okhwiwulwa okhuyaakha mu suubi lamu okhubitira mu khusyukhira khwa Yesu Kurisito okhutula mu bafu,
\v 4 no’khwingira mu wusikhirano wutanyala khusikhirisiwa, okhwononokha oba okhujujukha__ ensikhirano yabikhiwa mukulu khu lwenywe,
\v 5 abo okhubita mu nfukirira bakhingakirwa amaani ka Weere okhwola okhwicha khwokhuwonesewa okhwedusiise okhukisuliwa mu bikha byakamayo.
\v 6 Mu bino byoosi mwekhoye lukali, nende sibe siiti wunanu khu lwebikha bitono munyala okhuba ni mwasaanda mu ngira nyingi.
\v 7 Bino bichire biityo kho olwenfukirira yenywe__ eyikhira esaabbu omuwendo, eyiwawo ata ayakhateresewa niyibitire mu muliro__ mu syakamo wasyo nfuma, no’luyaali olwa Yesu Kurisito nakisuywe.
\v 8 Nende mube mbo mutamuwona, mu mudakha; khandi asyakhaba mbo simumuwona wunanu, mu mufukiriramo khandi mwechusiwa oluyaali olutalomalomekha nende esangaalo ebitirifu,
\v 9 khulwokhuba enywe muli okhufuna enfukirira yenywe, okhuwonesewa khwe’myoyo chenywe.
\p
\v 10 Ebidiira khu khuwonesewa khuno, ba nabbi, abalomaloma khu sisa esyali syo’khwicha yimuli, bakonyeresa mu makesi no’khwegenderesa khukali,
\v 11 nga bakesakho okhukonyeresa ebikha nembera omwoyo wa Kurisito mubo yichali chiseseramo nikali nga alakula okhusandisiwa khwa Kurisito no’luyaali olwali lucha okhulondakho.
\v 12 Syawikhulirwa yibali siiti sibali nga beyeresa abeene naye enywe, nibali balomaloma khu biitu bino wunanu ebibawoleywe nabo ababawuulira enjiri okhubitira mu mwoyo mulafu owatumiwa okhutula mukulu. Nende ba malayika bekomba okhwewunja mu biitu bino.
\s Mube Bolerefu.
\p
\v 13 Nolwesyo, mutekekhe ebibaso byenywe bibe munkhola; khandi mwerinde abeene; mute enfukirira yenywe muwichufu khu sisa sicha okhubayeresewa Yesu Kurisito lwali kisuliwirwakho.
\v 14 Nga abaana bawulise, mutachira khu wekombi we’sibi wumwali nawo nimusiiri mu wutamanya.
\v 15 Nga oyo owabalanga ni mwolerefu mweesi mube abolerefu mu byoosi bimukhola;
\v 16 khuba syawandiikiwa siiti: “Ba mwolerefu, khulwokhuba ndi mwolerefu.”
\p
\v 17 Okhutula mulaanga Bbaabba oyo olamula wuli mulimo kwo’mutu atali okhwekhubbira, mumenye muwulamu wenywe ng’abateende ano mukhutya khwo’lerefu.
\v 18 Khubo ewe omanyire oti sibiri khu lwe’biitu biwaawo nga enusu oba esaabbu nti nje khu wawonesewa mu ngira chiwumamo echo’wulamu chimwaweresewa okhutula khu bewusi benywe,
\v 19 naye lwa mabaanga ko’wukusi wamukulu aka Kurisito, akhakoondi khawumakho ekoondo.
\v 20 Kangaliwa esyalo nisitalongewa, ne kakisuliwa mu ndaalo che’bikha bino khu lwenywe.
\v 21 Okhubita mu yee mufukirira mu Weere, owa musyukhisa okhutula mu bafu khandi kafumisiwa, manu sakira enfukirira yenywe ne’suubi biri mu Weere.
\p
\v 22 Nga siri nti wunanu mwelabya mwabene nga mu bita mu khufukiirira amasima khu munyale okhuba no’khudakhana khwokhwesikana eyiri mulala khu wundi, mudakhane abene nabeene mu khwoloberera, okhutula mu mwoyo.
\v 23 Khuba mwiwuywe khandi ekhabi lindi, si khulumwo lufwa, naye olutafwa, okhubitira mu mboosi namu khandi eyesimirisa eya Weere.
\v 24 Khuba, “Abaatu boosi bali nge’nyaasi, khandi oluyaali lwawe lwoosi luli nge’bimuli ebyo’mundalo; enyaasi lwe’wota ne’bimuli bikwa,
\q
\v 25 naye emboosi ey’Omwami yibawo endaalo choosi.” Ne khandi emboosi yino nje yibabawuulira.
\c 2
\p
\v 1 Nolwesyo, mwetusemo owutadakhisa abasyenywe, khandi no’wubacha, okhulichanamo enkhwe, enkhalikhali, no’wufwolwa wa wuli nsambo.
\v 2 Nga baana bakhewulwa, muchiririre n’amabeere ako’mwoyo, kho okhukabitiramo munyale okhukhula mu khuwonesewa khwenywe,
\v 3 wunanu nga lu mu mukhombirekho muuti Omwami mulayi. Ekina lamu n’abaatu bangale.
\p
\v 4 Nga lu mwicha yali, ekina lamu__ eryasyuliwa na’baatu ne bangaliwa nende Weere nga bo’wukusi wa’mukulu yali__
\v 5 enywe mwesi, nga’makina malamu, muli okhwombakhiwamo enyumba yo’mwoyo okhuba nga bakhawona bolerefu abawaayo ebiyanwa byo’mwoyo ebyombakhiwa nende Weere khu lwa Yesu Kurisito.
\v 6 khuba mu biwandiiko biwoola biiti: “Wona, nta ekina mu Sayuni, ekina lyangaliwa khandi eryo’wukusi wukali eryo’nkhunsonda, khandi oyo omwesika syalitewa mu nsoni.”
\p
\v 7 Wunanu eyiri enywe abafukirira, lino kina ly’ebbeyi yamukulu. Ne eyiri abo abatafukirira, “Ekina abombakhi libakhaya nje erifukhire eryo’mukoona,”
\p
\v 8 Khandi, “Ekina erikira abaatu bekumula khandi olwanda olukira baakwa.” Bekumula olwokhuba bajemera owubakha__ esyali Weere sikali nabatekekheye.
\p
\v 9 Ne muli baatu bangaliwa, owuweresa wo’wenengo, egwanga lyolerefu, abaatu ba Weere, khu sinyalikhe enywe okhulangirira okhumufumiya owabalanga okhutula mu sirema okhwingira mu wulafu wa makana.
\v 10 Mu khuchaka simwali baatu, naye wunanu muli baatu ba Weere; mu khuchaka simwali mwafuna esisa, ne wunanu mufunire esisa.
\p
\v 11 Becha bange abadakhwa, mbakhubirisa, nga bateende khandi nga abakeni mu syalo, okhwewala owekombi we’sibi, ebilwanisa emyoyo chenywe.
\v 12 Mu menye mu wulamu wulayi akati wa batafukiirira, nende babayiinga baati mukhola ebibi, khu banyale okhuwona ebikolwa byenywe birayi no’khuwa Weere oluyaali khu ludaalo lwalitukeniyiira. Okhutta oluyaali mu batuki nende abo’wunyala
\p
\v 13 Mweweyo mwabene khu lwa Weere eyiri wuli mutu wo’wunyala owatewawo khu lwa’baatu: oba eyiri omwene’ngo, nga’batangirisi bo wunyala wukhirawo,
\v 14 oba eyiri abamasasa, baba natumire naye okhuwoneresa abo abakhola owubi nende okhusiima abo abakhola owulayi.
\v 15 Khuba khuno khudakha khwa Weere olwokhuba mukhukhola owulayi okhoya okhusimiya enomaloma yo’wutamanya ya’baatu basiru.
\v 16 Mumenye nga balekhule, ne mutakhosesa owulekhule wenywe nge’syokhuwikha khu sibi; mubewo nga bakhosi ba Weere.
\v 17 Mwekese wuli mutu oluyaali lwawene, okhudakha eyiri bossi abafukirira, mutye Weere, muwe omwen’engo oluyaali.
\p
\v 18 Abaambe, mweweyo abeene eyiri abowutuki benywe nokhutya khwosi khwoosi siyiri abalayi nabafwayo boηene, naye nende eyiri abo abawalaba.
\v 19 Khuba sifukirirwa omutu kesimirisa awuma musango khulwokhuba ebibaaso byaye biri eyiri Weere.
\v 20 Ne siba sitye no’simiwa no’funa okhukhubbwa nokholire esisobyo ne wasigumira? Naye nisiba mbo osanda olwokhukhola esirayi ne wasigumira, sino sisimiwa mu moni cha Weere.
\v 21 Eyiri sino walangiwa, khulwokhuba Kurisito kasanda khulwawo, kakhulekhera esyo’khuwonerakho, sibe mbo otekwa okhulonda mu makulu kaye.
\v 22 “Sikakhola sibi syoosi, no’wubacha siwakaniwa mu munwa kwaye.”
\q1
\v 23 Ne nibamulakirisira amanyeko kawe, sikesasusa; ni kasanda, sikabatisyatisya. Okhutusakho, kesika omwene yali mu khwewayo khuyo okhenga emisango mu khwakaniya.
\q1
\v 24 Yee omwene kagumira ebibi byefwe mu mubiri kwaye khu musaala, kho khunyale okhufwa khu bibi khu khubewo abalamu olwo’wulungifu; okhubitira mu mawa kaye ewe onyalire okhuwonesewa.”
\v 25 Khuba mwali ng’amakondi akakota, ne wunanu ewe okowoye eyiri omwayi nende omulabirisi w’emyoyo chenywe.
\c 3
\p
\v 1 Abakhasi, mu mbya nasirala mweweyo mwabeene eyiri ba wamwenywe kho sinyalikhe, mbo niwabawo khubo otafukirira emboosi, banyale okhuba nti bakalukhanisiwa nga babitire mu khwebisya khwa’bakhasi bawe,
\v 2 ne nibawona owulamu wolerefu no’luyaali lwenywe eyiri Weere.
\v 3 Owulayi wenywe siwukhoyire okhwema khu khweteresa khwenywe okhwo’khumukulu, nga endukha y’efwiri no’khwambala otunyolo tw’efwesa nende enguwo endayi.
\v 4 Esikhirakho, syakhakhoyire owulayi wawo owukhutulamo, owo’mukati, owulayi wutachuchukha owukwalafu no’mwoyo munyifu, okukhoyera khandi okw’ebbeyi engali mu moni cha Weere.
\v 5 Khuba yino nje mbya abakhasi bolerefu abakhale abatanga esuubi mu Weere nga lu beyonjanga. Bewangayo eyiri bawamwawe beene,
\v 6 nga Saala, owawulira Yibbulayimu kamulanga omukhongo waye. Enywe muli bakhaana baye nimukhola ebirayi nga simutya.
\p
\v 7 Abasaacha, mu mbya nasirala mube abafwayo nga lu mumenya nabakhasi benywe, nimubawa oluyaali nga musimanya nti bo bakata khandi nga basikha nanywe ng’esirawo sy’esisa mu wulamu, kho awumewo esibakayira mu khwekalikhira khwenywe.
\s Okhusanda Olwo’khukhola Owulayi
\p
\v 8 Munjakamo, mwesi mweesi, mube abasasirana, nga mudakhana, mulala sya mulala; nga mulekhanira muwuloonga.
\v 9 Mutasasulananga esibi olw’esibi, enyeko khunyeko, mukhukeraniya, sasula esibi ne’nkhabi, khulwokhuba khu sino mwalangiwa sibe mbo mukerama enkhabi.
\v 10 Khuba, “Oyo yeesi owakhadakhire owulamu khandi awone endaalo ndayi atekwa okhulinda olulimi lwaye okhutakwa mu sibi neminwa chaawe okhutaba nenomaloma yo’wubacha.
\q
\v 11 Atekwa okhukalukhana katula khu sibi khandi kakhola owulayi; atekwa okhukonya emirembe no’khuchiloonda.
\q
\v 12 Khuba emoni ch’Omwami chiri khu bolerefu ne amatwi kaye katekeresa okhwekalikhira khwawe; naye oweeni w’Omwami siwudakhisa abakhola esibi.”
\p
\v 13 Nanu ocha okhubachuniya nimuba n’esinani esyokhukhola owulayi?
\v 14 Nende nisiba mbo mukhoyire okhusanda olw’esirayi, muli n’enkhabi. “Mutatya bi batya; mutatiisiwa.”
\v 15 Ne mu myoyo chenywe mwawule Kurisito ayenηene ng’Omwami. Mube abetekefu ebikha byoosi okhukowola mu oyo yeesi obateeeba esikira nimuba n’esuubi yimuli nayo. Ni naye mukholenge sino no’wuloonga no’luyaali,
\v 16 nga mulinda okhutegeera khwenywe okhutufu, manu sibe mbo abo abalomaloma wubi khuwulayi wenywe n’episa chenywe ndayi mu Kurisito banyale okhuswala olw’enomaloma yawe yitakhoya yimuli.
\v 17 Siba sirayi, nisiba mbo khudakha khwa Weere, okhusanda olwo’khukhola owulayi okhukhira okhukhola esibi.
\v 18 Khuba Kurisito kafwa lulala khu lwa boosi khu lwe’sibi, omulungifu khu lwa batali balungifu, okhubaleta khu Weere. Ketewa mu mubiri naye kakholewa omulamu mu mwoyo.
\v 19 Okhubita muye khandi kacha kawuulira emyoyo chiri mu jeera
\v 20 eyiri abali abajeemu khale Weere bakalindirira mukhwesimirisa mu ndaalo cha Nuwa ebikha ebyo eryaato nilyali liri okhwombakhiwa. Mu kati walyo abaatu batono, munana boosi alala, bawonesewa okhubitira mu maachi,
\v 21 ne amaachi kano khawonero kho’khubatisiwa wunanu akhabawoniya mwesi__ owutali wo’khubatusakho owuchafu wo’mubiri naye esisubiso sy’embaasa ndayi eyiri Weere. Sikhuwoniya ewe okhubitira mu khusyukhira khwa Yesu Kurisito,
\v 22 ochiye mukulu khandi ali khu mukhono mulungi okwa Weere__ nende ba malayika, owunyala na’maani abamuyeresa yali.
\c 4
\p
\v 1 Nolwesyo, khuba Kurisito kasanda mu mubiri kwaye, mwambale mwabene mwesi nembasa nasirala, khulwokhuba oyo owasanda mu mubiri kwaye kasikhola khulwe sibi.
\v 2 Esitulamo, syabawo mu wulamu wo’khusyalo olwe’sibi nga akendera khu wekombi wo’mubiri, naye khu lwo khudakha khwa Weere.
\v 3 Khulwokhuba omalire endaalo nyiingi echibitire no’khola abatamanyire Weere bibadolakho okhukhola__ nibabawo mu wiiti, owekombi, mu wumeesi, wo’kuliira, no’wumeesi wo’mumikholo, okhudokaana no’khwinamira emisambwa mibi.
\v 4 Babaasa baati sy’okhuwuka si mweduba alala nabo mu mukhula kwesifwaabi, khandi babakuchikhakho amanyeko.
\v 5 Naye baliteekwa okhuwa embalirira yaali oyo omwetekefu okhukhengera omusango abalamu na’bafu.
\v 6 Sakira yino nje ensonga yakira enjiri yawuulirwa nende eyiri abafu wunanu, kho sinyalikhe okhukhengerwa mu sigero syabaatu khu lwe’mbya cho’mubiri, ne ba omulamu okhwema khu Weere khu lwo’mwoyo.
\v 7 Enjakamo ye biitu byoosi yiri ambi. Nolwesyo mube moni khandi balengaala mu bibaaso kho munyale okhwekalikhira.
\v 8 Amukulu wa byoosi, mudakhane mulala khu mulala okhwoloberera, khulwokhuba okhudakha khuwiikha esibika sy’ebibi.
\v 9 Musangalanirenge eyiri wuli mulala khuwuundi atali khweηuluηunya.
\v 10 Wuli mulala khwiywe akhosese esiwanwa syoosi sikawewa okhuweresa abandi, nga abayeresa munfukirira ye sisa sya Weere mu ngira echitali nasirala.
\v 11 Nisiba nti omutu alomaloma, basikhole nga mulala olomaloma emboosi chene echa Weere. Nisiba nti omutu yeesi aweresa, basikhole n’amaani Weere kakabaweresa, kho sibe nti Weere afumwa mu byoosi okhubitira mu Yesu Kurisito. Oluyaali lube yaali na’maani endaalo choosi. Amiina.
\s Okhusanda Olwokhuba OmuKurisitaayo
\v 12 Beecha bange badakhwa, mutesindukha khu lwokhukhemewa khwo wuchuuni wumuli okhubitamo oti faana esitu sikeni esibekholekhirekho.
\v 13 Ne musangaale muuti musaandira alala mu Kurisito, kho munyale okhwichula ensangaalo oluyaali lwaye ni lulyeyekesa.
\v 14 Nisiba mbo munyekewa khulw’erita lya Kurisito, muli ne’nkhabi, khulwo’luyaali lwo mwoyo nende Weere awumulira khwinywe.
\v 15 Ni musaanda, si siri nga omwiti oba omwibi oba nga omukholi we sibi oba oweyingisise mu mirimo chabandi.
\v 16 Nende siri siityo, no’saanda nga omu Kurisitaayo, otaba no’khuswala, naye fumiya Weere khulwokhuba wafuna erita eryo.
\v 17 Khuba nje’sikha esyokhukhengerwa nga bachakira khu nyumba ya Weere; ne nisiba mbo sisokha nafwe, biriba bitye eyiri abo abatafukirira enjiri ya Weere?
\v 18 Khandi, “nisiba mbo syomeranu eyiri abalungifu okhuwonesewa, siriba siitye eyiri abatamanyire Weere nende abakholi b’ebibi?”
\p
\v 19 Manu olwo, abasaanda olwokhudakha khwa Weere bakhoyire beweyo abeene eyiri omulongi wawe omwesikwa khandi bachiririre mu moni okhukhola ebirayi. 1
\c 5
\p
\v 1 Eyiri abakhulutu mwinywe, mbasaba nga mulala khubakhulutu basyenywe, ngo’mujulisi owe’saando cha Kurisito khandi yesi olikabana mu luyaali lucha okhukisuliwa:
\v 2 Mube baayi be byayo bya Weere ebiri assi wo’khulabirira khwenywe, okhukhola nga abalabirisi__ sikhulwokhuba mutekwa, ne khulwokhuba mu fukirira mukhudakha, nga Weere lwabadakha mube; si khu lw’olussa lwe’erubya, naye olwo’khudakha okhuweresa;
\v 3 owutata owusito khwabo ba mwayeresewa, naye mube ebyo’khuwonerakho eyiri ebyayo.
\v 4 Khandi omwayi mukhuluutu nikoola, mulifuna engule y’oluyaali eyitalichuchukha ata nawutono.
\p
\v 5 Mu mbya nasirala, enywe abasyaani basimbukha muwulirenge abakhuluutu benywe. Enywe mwesi mweesi, mwabene mwambale owuloonga akati wenywe, okhuba nti, “Weere ayinganiya abeniniya ne kayeresa esisa abaloonga.”
\p
\v 6 Nolwesyo, mube baloonga abeene, assi w’omukhono kwa’maani kwa Weere, khwabe nga abasingisa amukkulu mu sikha syaye sikhoyere.
\v 7 Mu musukunekho okhweralikhirira khwenywe khulwokhuba abafwakho.
\p
\v 8 Mwerinde abeene khandi mube moni. Omusuku wenywe setani kabaabira ng’empologama yikonya omutu w’okhukusuchula.
\v 9 Mu muyinganiye, mweme nimuli abomiifu mu nfukirira, khulwokhuba mu manyire muuti abasyenywe mu syalo syoosi bali okhubitaanga mu mbeera yo’khusaanda nasirala.
\v 10 Khandi Weere we sisa syoosi, owabalanga mu luyaali lutawawo mu Kurisito, nimumalire okhusandakho wutono, acha omwene okhubakowosa, abakhole mube ba maani, bomifu khandi atali khukwa.
\v 11 Eyiri omwene yibe amaani endaalo ne’ndaalo. Amiina. Amakheeso kakamayo.
\p
\v 12 No’wuyeedi wa Silla, yimbira nga mwanawama mwesikwa, mbawadiikiye mu wimbikiti, nimbakumiya nga mbawa owujulisi nti sino nje esisa sya masima ka Weere mwene. Musyomiriremo.
\p
\v 13 Owesikhaye oli mu Bbabbilooni, owadolewa alala nanywe, abatumira amakheeso nende omusyaani wange Maako.
\v 14 Mukhesaniye nimukwichana mubirifu no’khudakha. Emirembe chibe nanywe abali mu Kurisito.