See in Reader
68 lines
6.6 KiB
Plaintext
68 lines
6.6 KiB
Plaintext
\id TIT
|
||
\ide UTF-8
|
||
\h TITO
|
||
\toc1 TITO
|
||
\toc2 TITO
|
||
\toc3 tit
|
||
\mt TITO
|
||
\c 1
|
||
\p
|
||
\v 1 Paulo, omukhosi wa Weere khandi omutume wa Yesu Kurisito khulwe nfukiirira yo’khwangala khwa Weere nende amakesi akamasima akatangirira owa Weere__
|
||
\v 2 enfukiirira nende amakesi akali khu khusuubira okhwowulamu owutakama, khu Weere, otabacha, kasuubisa enjaaka ye bikha niyisiiri,
|
||
\v 3 nende ebikha byaye ebidoole kaleeta emboosi yaye muwulafu okhubita mu khuwuulira okhwambeewa nesilagiro sya Weere omuwoniya wefwe.
|
||
\v 4 Eyiri Tito, omusyani wange owamasima mu nfukiirira yefwe eyifwaanana. Esisa nende emirembe okhutula eyiri Weere Bbaabba nende Kurisito Yesu omuwoniya wefwe. Omulimo kwa Tito mu Kuleete.
|
||
\v 5 Esyakira ninkhulekha mu Kuleete syali nti onyale okhukololosa ebyasikala nibitaweeye khandi wangale abemeresi mu wuli siko nga lunakhulagira.
|
||
\v 6 Omwemeresi ateekwa okhuba owumakho esyo’khumwolobya, olikho no'mukhasi mulala, omusaacha wa'baana abafukiirira khandi nga sibeduba mu myeero echo’wutawulira.
|
||
\v 7 Nga omulabirisi lu kesikiwa nende omulimo kwa Weere, ateekwa okhuba owumakho esyo’khumwolobya__ otaasi owo’khwetwakhirisa, otanyiiga khangu, otewaayo mu wumeesi, otaasi wemyero, otakoonya enfuni yo’wulyanga.
|
||
\v 8 Okhutusakho akhoyire okhuba osangalira abakeni, oyo odakha ebiitu ebirayi, owefuka omwene, omukololofu, omwolerefu khandi owe’nsambo.
|
||
\v 9 Ateekwa oba owediira lukali khu wubakha ow’amasima nga lu kasomesewa, kho anyale okhukumiya abandi mu njekesa ndayi eyikhoyera khandi no’khukayira abo abayinganiya ensomesa eyo.
|
||
\p
|
||
\v 10 Olwokhuba aliwo abaatu ba sikhayi bangi, abalomaloma wusa khandi ababacha, okhukhirira erala abo abomukaanda okwa bakhebewa.
|
||
\v 11 Bateekwa okhuwuleeresewa, olwokhuba banyaasa amadaala koosi ni basomesa ebiitu bi batakhooyera okhusomesa__ nge esyo basikhola olwo’khwefunira owuyiinda owutaasi ow’amasima.
|
||
\v 12 Ata mulala khu ba nabbi baawe kawoola ati, “Abe Kuleete ebikha byoosi babacha, kinamunyu, bakata khandi b’okuliira.”
|
||
\v 13 Owujjulisi wuno wamasima. Nolwesyo, mubawalabire lukali, kho banyale okhuba nende enfukiirira endayi
|
||
\v 14 bakhaye okhutekeresa olugaambo lwe’ngano echa ba Yudaaya oba ebiragiro byaabo abakhaya amasima.
|
||
\v 15 Eyiri abalungifu, ebiitu byoosi bilungifu, naye eyiri abo’mufuto khandi nga sibafukiirira, yiwuma esilungifu. Mu masima, ebibaaso byawe nende okhumanya khwawe byoosi byo’mufuto.
|
||
\v 16 Beranga okhuba nga nje abamanyire Weere, naye ebikholwa byawe bimwekaana. Sibanyalikha, sibawulira khandi sibakhoyera okhukhola esiitu syoosi esirayi.
|
||
\c 2
|
||
\p
|
||
\v 1 Muteekwa okhusomesa okhuchira khu nsomesa endayi.
|
||
\v 2 Musomese abasaacha abakhuluutu owutaba abameesi, abakhoyera oluyaali, abeefuka abeene khandi abalayi mu nfukirira, mu khudakha nende mu khwesimiirisa.
|
||
\v 3 Nasirala, musomese abakhasi abakhuluutu babe nga nisibakhoyera mu khumenya khwawe, abatayinga baatu bibatakholire oba abafukiwa namalwa mangi, naye okhusomesa ebitu ebirayi.
|
||
\v 4 Baatyo banyale okhusomesa abakhasi abayere okhudakha ba wamwaawe nende abaana baawe,
|
||
\v 5 okhuba abefuka abeene khandi abalungifu, okhukholanga emirimo mu daala, okhuba abesisa, khandi okhuwulira ba wamwaawe, kho akhaye okhubaawo yeesi onyeka emboosi ya Weere.
|
||
\v 6 Nasirala, mukhubbirise abasaacha abasiimbukha okhuba abefuka abeene.
|
||
\v 7 Mu biitu byoosi mubaterewo esyo’khuwonerakho nimukhola ebirayi. Mukhusomesa khwenywe mwekese ensambo endayi, owumalirifu
|
||
\v 8 nende enomaloma endayi yibatanyala okhukhaya, kho abo ababayiinganiya bawambikhe ensoni olwokhuba bawuma esitu esibi esyo’khutulomalomakho.
|
||
\v 9 Musomese abawambe okhuwulira abakhoongo bawe mu byoosi, bakesekho okhubasangaasa, so sikhubamoonya,
|
||
\v 10 khandi bakhaye okhubeeba, naye bekese baati banyala okhuba abesikwa beene mu wichufu, kho mu nawuli ngeri bakhole okhusomesa khu Weere omuwoniya wefwe khube okhusangaasa.
|
||
\p
|
||
\v 11 Olwokhuba esisa sya Weere esireeta okhuwonesewa siwonekhire eyiri abaatu boosi.
|
||
\v 12 Situsomesa okhuwoola khuti, “Bbe” eyiri owutaasi wa Weere nende okhudakha okhwesyalo, no’khumenya ni khwefuka abeene, abakololofu khandi mu wulamu wa Weere mu bikha bya wunanu.
|
||
\v 13 Ni khusiriinda okhusuubira okhwe’nkhabi__ okhuwonekha khwo’luyaali okhwa Weere wefwe owamaani khandi omuwoniya, Yesu Kurisito,
|
||
\v 14 owewaayo omwene khu lwefwe okhutwinulula fweesi okhutula mu wubi woosi khandi okhweteresera omwene owulungifu abaatu abaye beene okhukhola esyo esirayi.
|
||
\p
|
||
\v 15 Bino manu, nje ebiitu bimukhoya okhusomesa. Mukumiye khandi mwolobye nende owunyala wosi, woosi. Atabangawo yeesi okhulekeresa.
|
||
\c 3
|
||
\p
|
||
\v 1 Yichulisanga abaatu okhuwulira abatuki nende abo’wunyala, okhuba abawulise, okhuba abetekefu okhukhola syosi syoosi esirayi,
|
||
\v 2 owutanyekanga omutu yeesi, okhuba abedembe khandi abaloonga, nende okhwekesanga owuloonga owamasima eyiri abaatu boosi boosi.
|
||
\p
|
||
\v 3 Enyuma era fweesi khwali abasiru, abatawulira, nga khubachirisiwa khandi nga khwawambiwa nende emiyumo nende amasangaalo. Khwamenya mu ttima nende embalikha, nga khusyuuliwa khandi nga khwasyulana abeene nabeene.
|
||
\v 4 Naye esisa nende okhudakha khwa Weere omuwoniya wefwe nikawonekha,
|
||
\v 5 katuwoniya, si khulwe’biitu bilungifu bi khwali nikhukholire, naye khu lwesisa syaye. Katuwoniya okhubitira khu khwosewa khwo khwiwulwa khandi nende okhukalukhanisiwa wuyaakha nende omwoyo omwolerefu,
|
||
\v 6 yikatuchukhakho olwo’wuyiinda okhubitira mu Yesu Kurisito omuwoniya wefwe,
|
||
\v 7 kho, ni khumalire okhufuna owolerefu nende esisa syaye, khunyale okhuba abasikha nikhuli nende okhusuubira owulamu owutaakama.
|
||
\p
|
||
\v 8 Yino nje enomaloma eyo’wesikwa. Khandi ndakha mukhakhase ebitu bino, kho abo abesikira mu Weere babe abegenderesa okhwewaayo abeene okhukholanga ebyo ebirayi. Ebiitu bino birayi khandi byo’mugaso eyiri nawuli otula.
|
||
\v 9 Naye mwewale amakhaabi ko’wusiru nende ebitawo ebirimo endyo echokhwiwulwa nende amayingani nende emyeero ebidiira khu malako, olwokhuba bino biwuma nende omugaso khandi biri wusa awo biityo.
|
||
\v 10 Lawula okawukhaniya lulala, khandi omale omulawule ekhabi eryokhubiri. Nomala otyo, mulekhe abe.
|
||
\v 11 Onyala okhuba omwomiifu oti omutu nga oyo kakota khandi wesibi; khandi kekhengeeye omweene omusango.
|
||
\s Enomaloma Eyiseembayo.
|
||
\p
|
||
\v 12 Nintumaanga Atema oba Tukiko yuli, khola syunyala wiche yiindi e Nekapoli, olwokhuba nkhengirewo okhuba eyo mu bikha ebyetoocho.
|
||
\v 13 Khola syosi syoosi esinyalikha okhuyeeda Seena omu na’malako nende Apolo mu lukendo lwaawe owone oti bali nende byosi byoosi bibadakha.
|
||
\v 14 Abaatu befwe batekwa okhweka okhwewaayo okhukholanga ebyo ebirayi, kho banyale okhweyosakho ebyetaago bya nawuli ludaalo bakhaye okhuba mu wulamu owutaasikho siwiingisa.
|
||
\p
|
||
\v 15 Nawuli yindi naye akhutumira amakheeso. Kheesa abo abatudakha mu nfukiirira. Esisa sibenge nanywe mwesi mweesi.
|