lsm-x-lugwe_reg/50-EPH.usfm

\id EPH
\ide UTF-8
\h AB’EFEESO
\toc1 AB’EFEESO
\toc2 AB’EFEESO
\toc3 eph
\mt AB’EFEESO
\c 1
\p
\v 1 Paulo, omutume wa Kurisito Yesu olwo khudakha khwa Weere, Eyiri abolerefu mu Efeeso, abesikiwa mu Kurisito Yesu:
\v 2 Esisa nende emirembe yimuli okhutula eyiri Weere Bbaabba khandi Omwami Yesu Kurisito.
\s Enkhabi Cho’mwoyo Mu Kurisito.
\p
\v 3 Okhwebasa khuchire Weere khandi Bbaabba w’Omwami weefwe Yesu Kurisito, owatuwa enkhabi mwikulu eyolereye mu mwoyo chikutuwa mu Kurisito.
\v 4 Khuba katudola muye esyalo nisitalongewa okhuba abolerefu khandi esitolobisiwa mu moni chaye. Mu khudakha
\v 5 khu lw’okhudakha kasitutekekhera khuwukuliwe okhuba baana baye okhubitira mu Kurisito Yesu, okhwema khuntekekha ne’sangaalo ne’siraamo__
\v 6 mu khumufumya khuluyaali lwaye olwe’sisa, lwatuweye khu werere mu oyo yadakha.
\p
\v 7 Mu yee khwakanamo okhukuliwa okhubitira mu mabanga kaye, okhulekherwamo ebibi, nga bibitira mu ntekekha yo’wuyiinda we’ssisa sya Weere
\v 8 sikatusindikhira namakesi kosi koosi, no’khutegera.
\v 9 Kamala kakhola khwamanya esyama sy’esiraamo syaye okhwema khu bichirirwa mu wulayi, wu katekekhera mu Kurisito,
\v 10 byoseresewe ebikha nibyolire okhwoseresewa__ okhuleta ebiitu mu kulu nende mu syalo alala assi wo’mutwe mulala, ata Kurisito.
\v 11 Mu ye feesi khwadolewa, nikhumalire okhutekekhewa nga lu syali sitekekhekhirwe naye otekekha emirimo choosi okhwoseresa esyagendererwa mu khudakha khwaye,
\v 12 sinyalikhe efwe, abali nibasokha okhuba ne suubi mu Kurisito, fana sibe olwo’khumufumya mu luyaali lwaye.
\v 13 Nende enywe mwesi mwekhubbaniya mu Kurisito nimwawulira emboosi ya’masima, enjiri yo’wuwoniya wenywe. Ni mwamala okhufukirira, babatakho akhawonero mu ye, akh’omwoyo Omwolerefu owasubisiwa,
\v 14 oyo nje esikhamba syomiisa ensikhirano yefwe okhwoola owuwoniya wabo aba Weere__ khulwo khufumiya oluyaali lwaye.
\s Okhwebasa No’khusaba
\p
\v 15 Khulwe mboosi yino, okhutula ninawulira khubidira khunfukirira yenywe mu mwami Yesu no’khudakha khwenywe eyiri abolerefu,
\v 16 sinakamangakho okhwebasa khu lwenywe, nga mbakhewulira mu khusaba khwange.
\v 17 Nsikala ninsaba nti Weere owo’mwami Yesu Kurisito, Bbaabba owo’luyaali, anyale okhubawa omwoyo wa’makesi no’khuwikhulirwa, sibe mbo munyala okhumumanya okhukhirakhowo.
\v 18 Khandi nsaba sibe mbo emoni che’myoyo chenywe chekesewe muwulafu sibe mbo munyale okhumanya esuubi yikabalangiramo, owuyiinda wo’luyaali lwaye munsikhirano yabolerefu,
\v 19 khandi muwunyala waye wutakeranisiwa owamaani khu lweffe efwe abafukirira. Owunyala owo wuli ngo’khukhola khwaye khwamakana mu maani,
\v 20 owunyala owo wukata mu Kurisito nikamusyukhisa namutusa mubafu kamwikhasa khu mukhono kwaye mulungi mu wunyala wekulu,
\v 21 ale amukulu wenfuka khandi no’wulungifu, no’wunyala wutanyala khukalukhanisiwa, nende wuli daara erinyala okhuweresewa, si mu luse lwe’ndaalo chino choηηene naye nende mu ndaalo chiicha.
\v 22 Khandi Weere kata wuli siitu assi wa’makulu kaye khandi kamwangala okhuba omutwe kwa byoosi khulwe’kanisa,
\v 23 nje omubiri kwaye, oyo owichusa wuli siitu mu nawuli ngeri.
\c 2
\p
\v 1 Ne enywe, mwali mwafwa mubikholwa byenywe nende ebibi,
\v 2 mu mwali nimwamenyera nimulondanga engira che’syalo sino nende omutuki wowene’ngo we mbewo che’syalo, omwoyo oli okhukhola wunanu mwabo abatawulira.
\v 3 Efwe fesi feesi abali nibabamenyamo mu bikha bindi, nikhufumiya owekombi we’mibiri chefwe nende okhwekoomba khwakwo ne’bibaaso. Nga bandi badoηηire bala, khwali mu wiwulanwa nga ebilonge eby’etima.
\p
\v 4 Ne khu lwo’khudakha khwaye khukali yikhuli, Weere, omuyiinda mukhusasira,
\v 5 katukhola khube balamu nende Kurisito nende khwali khwafwa mu sibi__ khu lwe’sisa mwawonesewa.
\v 6 Khandi Weere katusyukhisa nende Kurisito katwikhasa naye mu wunyala w’ekulu mu Kurisito Yesu,
\v 7 sinyalikhe mbo mu luse lwicha anyale okhwekesa owuyiinda we’sisa sitakeranisiwa okhubitira mu sisa mwawonesewa, okhubita munfukirira
\p
\v 8 khandi sino sisyali khulwenywe abeene, siwanwa sya Weere
\v 9 sikhulwebikholwa, awumewo owepaakha
\v 10 Khulwokhuba khuli mulimo kwa makhono ka Weere, akalongewa mu Kurisito Yesu okhukhola emirimo mirayi, Weere chikali katekekha khale efwe khukhole.
\s Mulala mu Kurisito
\p
\v 11 Nolwesyo, mwichulise muuti khale enywe abali abateende mulwiwulo nga mulangiwa “abataali bakhebe” naabo abelanga abeene “abakhebe” (esyo esikholewa mu mubiri namakhono kabaatu) __
\v 12 Mwichulise muuti mubikha ebyo mwali mwakawukhana nende Kurisito, nga mwawukhanisiwa khu wiwulanwa mu Yisirayiri na’bateende eyiri endakano e'nsuubise, atali suubi khandi awawuma Weere mu syalo.
\v 13 Ne wunanu mu Kurisito Yesu enywe abali ale mwaleteewa ambi okhubitira mu mabanga ka Kurisito.
\p
\v 14 Khuba ye omwene nje emirembe chefwe, okholire babiri mulala khandi asakuuye olusito, esida esikawula; abemyero,
\v 15 namaliyewo erala mu mubiri kwaye elako nebiragiro. Esigendererwa syaye nga nje okhulongawo mu ye omutu muyakha okhutula mu babiri, nga nikhwo okhutawo emirembe,
\v 16 khandi mu mubiri mulala kuno kakanirise bombi khu Weere okhubitira khu musalabba, khu ketera amalala kawe.
\v 17 Kecha kawuulira emirembe yimuli abali ale nemirembe eyiri abali ambi.
\v 18 Khuba okhubitira mu ye fwembi khuli nengira yitwosa eyiri Bbaabba mu mwoyo mulala.
\p
\v 19 Mu ngira nge’cho, simusiri bateende khandi abekholagana wusa, ne muli ba’ango nende abaatu ba Weere mu nyumba ndala eya Weere,
\v 20 eyombakhiwa khu musingi kwa batume nende ba nabbi, nende Kurisito Yesu omwene nge’kina ekhulutu lyo’khunsonda.
\v 21 Mu ye enyumba yoosi yawambanisiwa alala khandi yisingira okhuba enyumba enjolerefu mu mwami.
\v 22 Khandi mu ye enywe mwesi nje mumuli okhwombakhiwa alala okhuba owumenyo mu Weere mwamenya okhubitira mu mwoyo kwaye.
\c 3
\p
\v 1 Olwe mboosi yino ese, Paulo, omusibe wa Kurisito Yesu khulwenywe enywe abateende__
\v 2 Masima muwuliiye khu nfuka eyamberesewa mu sisa sya Weere khu lwenywe,
\v 3 sibe siiti, esyaama syamanyikhana mwise okhubita mu khuwikhulirwa, nga lunamala okhuwandiika muwimbikiti.
\v 4 Mu khusoma bino, wunanu, mwicha okhunyala okhutegeera okhumanya khwange khwo mukati mubyakisiwa bya Kurisito,
\v 5 ebitamanyisiwa wusa eyiri abaatu mu mase kandi nga lusibikhuliiywe wunanu wuno okhubitira khu mwoyo okhwola mu batume bolerefu ba Weere nende ba nabbi.
\v 6 Esyakisiwa sino siri mbo okhubita mu njiri abateende nja’basikha alala na Bayisirayiri, bekhole omubiri mulala, abakabani baalala mu khusubisa mu Kurisito Yesu.
\v 7 Nafuukha mukhosi mu njiri yino mu khubitira musiwanwa sye’sisa sya Weere esya mberesewa mu okhubitira mu khukholanga khwa’maani kaye.
\p
\v 8 Nende sibe ni ntakana nende abakamayo owutono mu baatu boosi aba Weere, esisa sino syamberesewa: okhuwuulira eyiri abateende owuyiinda wa Kurisito owutakhakonyeresewa,
\v 9 khandi okhusyekesa muwukwalafu eyiri wuli mulala enfuka ye’byakisiwa bino, okhutula khale nakhandi ebyali byakisiwa mu Weere, owalonga nawuli siitu.
\v 10 Esigendererwa syaye syali siiti wunanu, okhubitira mu kanisa, amakesi ka Weere akatakama kanamanyikhe eyiri abatuki nabowunyala mu wubambali we kulu lyoosi,
\v 11 okhwema khu khudakha khwo’wulamu wutawawo nga nje sikagenderera okhumalirisira mu Kurisito Yesu omwami weefwe.
\v 12 Muye khandi okhubitira mu nfukirira muye kho khunyale okhwolerera Weere mu ddembe nende owukhakhafu.
\v 13 Mbateeba enywe, nolwesyo, mutafwa emyoyo khulwokhuba olwensando yange khu lwenywe, nje oluyaali yimuli.
\s Okhusabira Abe’ffesso.
\p
\v 14 Khulwe mboosi yino nsigama mu moni cha Bbaabba,
\v 15 eyitula enyumba yaye yoosi mukulu nende khu syalo yibitusa eritta lyabyo.
\v 16 Nsaba nti okhubitira mu wuyiinda wo’luyaali lwaye anyale okhubakumya namaani no’wunyala okhubitira mu mwoyo kwaye mu wulamu owo’mukati wo’wulamu wenywe,
\v 17 kho sinyalikhe Kurisito okhumenya mu myoyo chenywe okhubitira munfukirira. Khandi nsaba nti enywe, mwomisiwe khandi mutakiwe mukhudakha,
\v 18 munyale okhuba namaani, alala nabolerefu boosi, okhumanya owubambali no’wuleeyi nokhucha amukulu, naasi mukhwoloberera okhudakha khwa Kurisito nga khwaka,
\v 19 khandi no’khumanya okhudakha khuno okhukhiririsakho amakesi__ munyale okhwichusiwa mu sigero syo’wichufu wa Weere.
\p
\v 20 Wunanu eyiri oyo onyala okhukhola ebitapimikha okhukhirakho byoosi bikhusaba oba bikhusibasirisa, okhwema khu maani kaye akali munkhola mwifwe,
\v 21 oluyaali lumuchire mu kanisa nende mu Kurisito Yesu mu luse lwoosi endaalo choosi! Amiina.
\c 4
\p
\v 1 Ngo’musibe wo’mwami, olwo, mbakhubbirisa okhuba n’owulamu owukhoyera okhulangiwa khumwafuna.
\v 2 Mubere erala abewombeekha khandi abaloonga; mube abesimirisa, nga wuli otula kesimirisa eyiri owundi mu khudakha.
\v 3 Mukholenge esinani syoosi okhusikala mu wulala owo’mwooyo okhubitira mu sifundikho sye’mirembe.
\v 4 Aliwo omubiri mulala nende omwoyo mulala__ nga wusa lumwalangiwa eyiri esuubi lala nimwalangiwa__
\v 5 Omwami mulala, enfukirira ndala, embatiisa ndala;
\v 6 Weere mulala khandi Bbaabba wa boosi, oli amukulu wa byoosi okhubitira mu byoosi khandi mu boosi.
\p
\v 7 Naye eyiri wuli otula khwifwe esisa syatuweresewa nga Kurisito lukasikabaniya.
\v 8 Sino nje sikira nisiwolewa siti: “Nikanina amukulu, katangisamo abadiire baye mu lunyaali khandi kawa abaatu ebiyanwa.”
\p
\v 9 Emboosi (“kanina mwikulu” syekesa si okhutusakho mbo yeesi kekha assi, mu bifwo bye syalo?
\v 10 Oyo owekha nje mulala oyo owanina amukulu okhukhirakho ekulu lyoosi, khusinyalikhe okhwichusa esyalo nebbanga lyoosi)
\v 11 Syali mbo nje owaweresa abandi okhuba abatume, abandi okhuba ba nnabbi, abandi okhuba abawuulisi, abandi okhuba abaayi n’abasomesa,
\v 12 okhutekekha abaatu ba Weere okhuba bakhosi, kho sinyalikhe omubiri kwa Kurisito okhwombakhiwa
\v 13 okhwosa efwe feesi lukhulyosa owulala munfukirira nende mu makesi ko’mwaana wa Weere kho khumale khube abawangafu, okhwolera erala khu sikero esyo’wichufu wa Kurisito.
\v 14 Olwo efwe sikhuliba bayere khandi, nikhuwubiwa ni khuyiriwa emukongo ne’mutwe nenfinda, nikhufuutiwa ano na ala nende wuli mbewo choosi eche’nsomesa n’okhutanyalikha no’lukesikesi lw’abaatu mu mbya chawe mumakira k’owubacha.
\v 15 Okhutusakho, okhulomaloma amasima mu khudakha, khwicha mu biitu byoosi okhumukhuliramo ye omutwe, nje oyo, Kurisito.
\v 16 Okhutulira mu ye omubiri kwoosi, kweyambaniya khandi kwadirana nende nawuli musiya okuwanirira okwasye, kukhula akwoηηene mukhudakha, nga luwuli situndu lusikhola omulimo kwasyo.
\s Okhumenya Nga Abaana Bo’wulafu.
\p
\v 17 Sakira mbawoolera sino, ninsyomisa mu mwami nti, simukhoyire mube nga’bateende lubakhola, mu bibaaso byawe ebyo’wutalimo.
\v 18 Berimisiwa mu khutegeera khwawe bakawuliwa okhutula khu wulamu wa Weere khulwo’wutamanya wo’wugumu we’myoyo chawe.
\v 19 Nibamala bakosya okhutegeera khwawe, bewayo mu bibatikidiya khubakhola ebyo byoosi ebitakhoya, no’wudamba wuchiririra nokhudakha khwo wekombi khukhiririsa.
\p
\v 20 Enywe, nende siri siityo, simwecha okhumanya Kurisito mu ngira eyo.
\v 21 Masima keene mwawulira khandi mwasomesewa mu ye mu khulondakirira ebitufu biri mu Yesu.
\v 22 Mwasomesewa, nibalondakirira owulamu wumwalimo, nibadakha okhumalawo embya chenywe nkhale, echiri okhwononewa no’wekombi wubachirisiwa;
\v 23 wukholewa owuyakha mu nkhola ye’bibaaso byenywe;
\v 24 no’khwambala owuyakha wayo, owekholire okhuba nga Weere mu masima molerefu.
\p
\v 25 N’olwesyo wuli otula khwinywe mutekwa okhweyambula owubacha khandi mulomalome mu wakhaafu eyiri okhusibiranire, khuba khuli baatu bo’mubiri mulala fwesi.
\v 26 “Mutima lyenywe mutakhola esibi:” Mutafukiriranga eryuba okhukwa nimusiri nettima,
\v 27 khandi mutawa setani okhuba nende akedira komisirawo okhukulu.
\v 28 Oyo obeye nikeeba akhoyire owuteeba khandi, ne atekwa akhole, ngakhola esirimo omugaso, namakhono kaye omwene, kho sinyalikhe okhufuna syanyala okhukabanakho naabo abali mu wetaafu.
\v 29 Mutafukiriranga enomaloma yitolerera okhutula mu minwa chenywe, nesyo syoηηene esibagasa mukhwombakha abandi okhwema khu byetago byawe, sinyale okhugasa abawulira.
\v 30 Khandi mutelalikhirisanga omwoyo mwolerefu owa Weere, yimwatewakho naye akhawonero akhabosa khu ludaalo lwo’khuwonesewa.
\v 31 Wemalekho etima, owuwalaba, no’wulalu, okhuyingana, no’khunyekana ne’bindi biri ngo’khutakwira abasyo.
\v 32 Mube abesisa nende okhuyedana abeene nabeene, nimulekhanira, nga lusiri mu Kurisito Weere kabalekhera enywe.
\c 5
\p
\v 1 Mube abekeraniya khu Weere, nolwesyo, nga baana badakhwa
\v 2 khandi nga mwamenya muwulamu wo’khudakha, nga wusa Kurisito lukatudakha khandi kewayo omweene khu lweffwe nga sadaka eya khawowo eyiwewayo eyiri Weere.
\v 3 Naye mwinywe si atekwa khubawo ata okhutumbula emboosi yo’wudaamba, oba ebyo’mufuto oba omululu, olwokhuba bino sibirayi eyiri abaatu ba Weere abolerefu.
\v 4 Oba ebiitu by’ensoni, enomaloma yo’wusirusiru oba eby’okhwewemula mu ngacho, ebiwumawo, ne mu sifwo syebyo okhwebasanga.
\v 5 Khuba khu sino onyala okhumanyira erala oti: Awuma omudamba, owo’mufuto oba owomululu__ omuutu wembya chino aba kenamira ebifwananyi__ oba omutu ngoyo syaaba no’wusikha mu wene’ngo wa Kurisito nende owa Weere.
\v 6 Awumewo obabacha nemboosi wusa, khuba olwebiitu ngebyo ettima lya Weere licha khwabo abamujjemera.
\p
\v 7 Khulwa sino mutabanga sirala nabo.
\v 8 Khuba mwali khale mu sirema, ne wunanu muli mu wulafu mu Mwami. Mubewo nga abaana bo’wulafu
\v 9 (khuba esyamo syo’wulafu siba mu birayi byoosi, owulungifu, na’masima)
\v 10 khandi konyeresa ebyo ebisangasa Omwami.
\v 11 Ni awumewo esyo’khukhola nebikholwa byesirema ebitaama ebyamo, ne okhutusakho okhubibakala alafu.
\v 12 Khuba sy’ensoni ata okhutumbula abajjemu bibakhola mu ngiso.
\v 13 Ne wuli sibakalwa mu wulafu siwonekha,
\v 14 khuba owulafu nje owukira wuli situ syawonekha. Sino nje esikira bawoola baati: “Sisimukha, Oo ewe okona, singira otule mu bafu, khandi Kurisito alikhwadukhirakho.”
\p
\v 15 Ba mwegenderesa lukali, nga lwo’menya__ si nga abatali na’makesi naye nga abali na’makesi,
\v 16 ngo’khosesa wuli nkhabi, khulwokhuba endaalo che bibi.
\v 17 Nolwesyo otaba musiru, ne tegeera okhudakha khwa Weere nga lukhuli.
\p
\v 18 Otameera amalwa, akakhuyira muwiiti. Okhutusakho, yichusiwa no’mwoyo.
\v 19 Mukerakanirenge nabasyenywe mu sabbuli, ne nyembo, nebiyiiye byo’mwoyo. Mwembe khandi mukhole enyembo mumyoyo chenywe eyiri Omwami.
\v 20 Wuli sikha syoosi nawuli siitu mwebasenge Weere seffwe, mu litta lyo’mwami wefwe Yesu Kurisito.
\v 21 Wuli mulala khwinywe atyenge owasye okhwema khukhwisa mu Kurisito oluyaali.
\s Abakhasi Nende Abasaacha.
\p
\v 22 Abakhasi, mute mu basaacha benywe oluyaali nga lumuta mu Mwami.
\v 23 Khuba omusaacha nje omutwe kwo’mukhasi nga Kurisito lwali omutwe kwe kanisa, omubiri kwaye, khuba nje omuwoniya.
\v 24 Wunanu nge’kanisa luyita mu Kurisito oluyaali, sakira abakhasi bosi, bate mu basaacha bawe oluyaali mu wuli situla.
\p
\v 25 Abasaacha, mudakhenge abakhasi benywe, nga wusa Kurisito lukadakha ekanisa khandi kewayo omweene khu lwayo
\v 26 kayikhola yibe njolerefu, kayilabya nayosa na’maachi okhubitira mu mboosi,
\v 27 khandi keyekesayo yali omwene nge’kanisa eyimekhamekhana, eyitalikho koondo oba situlukunya oba ata owulema woosi, ne njolerefu khandi eyiwuma okhwolobisiwa.
\v 28 Mungira nasirala, abasaacha bakhoyire okhudakha abakhasi bawe nge’mibiri chawe. Oyo odakha omukhasi waye kedakha omwene.
\v 29 Ne khu syoosi, awumawo owali kasyulakho omubiri kwaye, naye akulisa khandi kakulabirira, nga wusa Kurisito lwakhola ekanisa__
\v 30 khuba khuli birala khu bitundu by’omubiri kwaye.
\v 31 “Ne khulwesyo omusaacha acho’khulekhanga Simwana nende nηηina keyimbaniya khu mukhasi waye, ne babiri banabeenge omubiri mulala.”
\p
\v 32 Sino nje esyamayiya esyekisa__ ne nomaloma khu Kurisito nende Ekanisa.
\v 33 Asyakhaba siityo, wuli mulala khwinywe yesi atekwa okhudakha omukhasi waye nga lukedakha omwene, khandi omukhasi atekwa okhuwa wamwe oluyaali.
\c 6
\p
\v 1 Abaana, muwulire abewusi mu Mwaami, khuba sino Situufu.
\v 2 “Yeresa Bbaabbawo nende maamawo oluyaali” __ lino nje elako lisokha nesisubiso __
\p
\v 3 “khubinyale okhukhubera birayi khandi khonyale okhufuna esangaalo no'khuyindira khusyalo.”
\p
\v 4 Ba Bbaabba, mutasandiyanga abaana benywe; okhutusakho, mubakhuse mukhwekesewa ensambo cho’Mwami.
\s Abawambe Nende Ababakhulira
\p
\v 5 Abawambe, muwulire ababakhulira khu syalo no’luyaali no’khutya, no’mwoyo kwa’masima, nga lumwakhawuliiye Kurisito.
\v 6 Mubawulirenge si lwo’khukonya olukoosi emoni chawe nichibalikho enywe, ne nga bawambe ba Kurisito, nga mukhola okhudakha khwa Weere nimwoseresa okhutula mu myoyo chenywe.
\v 7 Muweresenge no’mwoyo mulala, nga’bayeresa omwami, si nga abakholera abaatu wusa,
\v 8 khulwokhuba mumanyire muuti Weere alikaba akhasiimo wuli yesi okhola wulayi, niwakhaba musibe oba omulekhule.
\p
\v 9 Enywe abakhulira, mubisye abawambe benywe mungira nasirala. Mutabatisyatisya, nga lu musimanyire muuti oyo obakhulira bombi ni nanywe ali mukulu, khandi ye syasosola. Enkhumba Ya Weere
\p
\v 10 Okhukheneresa, ba wa’maani mu Weere nende mu maani kaye.
\v 11 Yambala enkhumba njichufu eya Weere khonyale okhwema okhulwanisa empaanga choosi echa setani.
\v 12 Khuba okhulwana khwefwe sikhwo mubiri namabanga, naye khulwanisa abatuki, na bowunyala, na’maani kesyalo syesirema na’maani ke myoyo mibi mu wuli bifwo byo’mukulu.
\v 13 Sakira mwambale enkhumba mu wichufu echa Weere, khu sibe mbo endaalo mbi nichoola, khu munyale okhwema mu womiifu alala, khandi nimumalire okhukhola wuli siitu, munyale okhwema.
\p
\v 14 Yema owutatengaana, no’lukhoba lwa’masima musiwuno, ne’saani yesichuma ya’masima mu sirifu mu wulungifu mu sifwo,
\v 15 khandi namakulu kawo kambasiwe owetekefu owutula mu njiri ye mirembe.
\v 16 Mukhwongerakho khu bino byosi byoosi, wukula engawo ye’nfukirira, kh’onyale okhusimiya owusaale woosi owo’musuku owadukha omuliro.
\v 17 Wukula ekofwira y’esibya eyo’wuwoniya nende okukhande kwo’mwoyo, nga nje emboosi ya Weere.
\v 18 Khandi musabe mu mwoyo mu mbeera choosi ne’nsaba ya nawuli ngeri no’khwekweda. Nabino mu bibaaso, ba moni khandi ochanakanenge no’khusabira abolerefu boosi.
\v 19 Munsabirengekho sesi, sibe mbo wuli lunasama omunwa kwange, emboosi chimberesewenge kho sinyalikhe ese ntekwenge okhuwunusa ebyakisiwa byo’munjiri atali khutya,
\v 20 eyikira nimba omubakha akati wenjegere. Musabe kho sinyalikhe ese okhuyilangirira atali khutya, nga lunkhoyire.
\s Amakheso Kakamayo
\p
\v 21 Tukiko, mwaanawama omudakhwa khandi omwesikwa mu suubi mu Mwaami, acha okhubawoolera wuli siitu, kho mwesi munyale okhumanya nga lundi nende sindi okhukhola.
\v 22 Ndi khumutuma yimuli khu mboosi nasirala, kho munyale okhumanya nga lukhuli, khandi anyale okhubakumiya.
\p
\v 23 Emirembe chichire abaana befwe, nende okhudakha alala ne’nfukirira okhutula eyiri Weere Bbaabba nende omwami Yesu Kurisito.
\v 24 Esisa sichiire eyiri abo boosi abadakha Omwami wefwe Yesu Kurisito no’khudakha khutafwa.