lsm-x-lugwe_reg/46-ROM.usfm

\id ROM
\ide UTF-8
\h Abaluumi
\toc1 Abaluumi
\toc2 Abaluumi
\toc3 rom
\mt Abaluumi
\cl ABA LUUMI
\c 1
\p
\v 1 Paulo, omukhosi wa Kurisito Yesu, owalangiwa okhuba omutume khandi kateewa entulo khu lwe njiri ya Weere__
\v 2 Enjiri yikasuubisa khalekhale niwusiiri nabitira mu ba nnabbi mu byawandiikiwa ebyolerefu.
\v 3 Ebidiira khu mwana waye, yi wiwulanwa waye owowutu kali omwichukhulu wa Daudi,
\v 4 khandi owali mu khubitira mu Mwoyo omwolerefu kalangiwa no’wunyala okhuba omwana wa Weere nga asyukhisiwa okhutula mu baffu: Yesu Kurisito Omwami wefwe.
\v 5 Okhumubitiramo nende khulweriita lyaye, khwafuna essisa nende owutume okhulanga abatu okhutula mu bateende okhuba nende owuwulise owutula mu nfukiirira.
\v 6 Khandi ewe weesi oli mu abo abalangiwa okhuba owa Yesu Kurisito.
\v 7 Eyiri boosi mu Rooma abadakhiwa nende Weere abalangiwa okhuba abolerefu: essisa nende emirembe bibe nanywe okhutula eyiri Weere Sefwe nende okhutula eyiri Omwami Yesu Kurisito.
\s Amawofu Ka Paulo Okhukeniya Rooma
\p
\v 8 Okhutangira, nebasa Weere wange okhubitira mu Yesu Kurisito khu lwenywe mweesi, olwokhuba enfukiirira yenywe yilomalomwakho mu syalo syoosi.
\v 9 Weere, oyo yinkholera no’mwoyo kwange kwoosi mu khuwuulira enjiri eyo mwana waye, mujjulisi wange nga nawuli sikha nimbeechulisa
\v 10 mu khwekalikhira khwange mubikha byoosi; khandi nsaba nti wunaanu khunjakamo khulwokhudakha khwa Weere engira yinyale okhunjikulirwawo niiche yimuli.
\v 11 Ndakha okhubawona lukali kho nyale okhubataamo esiyanwa esy'omwoyo mbatemo amaani__
\v 12 Okhwo, nje okhusangaaliranga alala nanywe mu nfukiirira ya wuli otula.
\v 13 Sindakha mukhaye okhumanya, baana befwe, muuti natekekha amakhabi mangi okhwiicha yimuli (naye mbeye ngayirwa okhukhola ntyo okhwoosa wunaanu) kho nyale okhufuna mwiinywe ebyamo, wusa nga lunafuna mu bateende.
\v 14 Ndi nende omulimo mukali eyiri aba Yonaani nende abataasi aba Yonaani, bombi eyiri abakesi nende abasiru.
\v 15 Sakira ndi nende amawofu okhuwuulira enjiri eyiri enywe mwesi abali mu Rooma.
\p
\v 16 Sisimambya ensoni khulwe njiri, olwokhuba maani ka Weere khu lw'oyo yeesi ofukiirira: okhuchakira khu ba Yudaaya, okhwoolera erala khu bateende.
\v 17 Olwokhuba mu njiri owolerefu okhutula ewa Weere weyekesa, owolerefu owenfukiirira okhutula khunjaka okhwola khu njakamo, nga nisyawandiikiwa wusa siiti: “Omwolerefu anabenge mulamu olwenfukiirira.”
\s Ettima Lya Weere Khu Mutu.
\p
\v 18 Ettima lya Weere liri okhwekesewa okhutula mwikkulu khu boosi olwowutatya Weere nende owukhosi we bibi owa’batu abafwinyirira amasima nende owubi waawe,
\p
\v 19 olwokhuba okhumanya ebidiira khu Weere byeta alafu yibali, olwokhuba Weere kasikhola muwulafu yibali.
\v 20 Olwokhuba okhutula esyalo silongewa ebirayi bitawonekha bya Weere __ owunyala waye owamaani owutakama no’wa Weere waye wo’wutu__ wonekheye erala, nga wutegerekhekha okhutula khwibyo ebyakholewa, kho abatu bakhaywe esyo’khwediisya.
\v 21 Olwokhuba nende ni bamanya Weere, si bamuwa oluyaali nga Weere ata nende okhumwebasa, naye embaasa yawe yawumamo owuyeedi nende emyoyo chawe emisiru chabamo esirema.
\v 22 Abakhaba niberanga abakesi, bafuukha abasiru
\v 23 khandi bachuusa oluyaali lwa Weere otafwa batawo ebifananyi ebyakholewa okhufwanana nga omutu ofwa nende amayoni nende ebisolo nende ebyekhwesa assi.
\p
\v 24 Nolwesyo Weere kabawayo mu khudakha khwawe okhwowubi okhwe myoyo chawe mu wudamba no’khunyasanga emibiri chawe abene na’beene.
\v 25 Beecha bofwanamo amasima ka Weere bafuna owubacha, khandi benamira khandi bakholera ebitu ebyalongewa okhukhira Omulongi__ okinisiwa endaalo choosi. Amiina.
\p
\v 26 Olwa sinno, Weere kabawayo eyiri owekoombi owensoni. Ata nende abakhasi baawe bachusa enkholagana yo’wuutu bakhola eyitaasi eyo’wutu.
\v 27 Mu ngeri nasirala abasaacha bosi balekha enkholagana yo’wutu nende abakhasi khandi basambiwa nende owekoombi owensoni abene na’beene. Abasaacha bakhola ebitacha nende abasaacha bandi, khandi bafuna mubene esiwonereso esibakhoyera khulwe mufuto kwawe.
\p
\v 28 Okhwemeedayo, nga nibatasibasa okhuba esirayi okhusikasa amakesi ka Weere, kabawayo eyiri ebibaaso ebibi, okhukhola ebyo ebitakhoyera okhukhola.
\v 29 Beecha bechusiiwa ne'nsambo mbi, owubi, omuluulu nende esifwabi. Bechuuye enkhiinda, owiiti, emyeero, owubacha nende okwoyo kubi. Bamoonyi,
\v 30 bawoolanira ebitacha, sibadakha Weere, banyekani, bepaakha khandi beniiniya; batawo amakira mangi akokhukhola owubi; sibawulira abewusi baawe;
\v 31 bawumamo ebibaaso birayi, bawuma enfukiirira, bawuma mwoyo mulayi, si bafwaayo khu basyaawe.
\v 32 Abakhaba nibamanyire elako lya Weere ekololofu baati abo abakhola ebitu nga ebyo bakhoyera okhufwa, sibakama khu khwemeeda okhukhola ebiitu byene binno naye khandi bafukiirisaniya nende abo ababikhola.
\c 2
\s Enkhengawo Enungifu Eya Weere
\p
\v 1 Ewe, nolwesyo, owuma syokhuwosa, ewe okhengera omusango owundi yesi, olwokhuba mu mbya yokhengeramo ola, oli okhweyiitta omwene, olwokhuba ewe okhenga omusango okhola ebitu nasirala.
\v 2 Wunaanu khumanyire khuuti enkhenga ya Weere eyiri abo abakhola ebitu ngebyo yiichira khu masima.
\v 3 Manu ewe, omutu wusa nubakhengera omusango ne khandi ebitu nasirala nje byokhola, obaasa oti olyebachula enkhenga ya Weere?
\v 4 Nawo wekesa owunyoomi olwowuyiinda wessisa syaye, okhudiira kaala nende okhwesimirisa, nga syotegeera oti essisa sya Weere sikhuyira eyiri okhweyolobya?
\v 5 Naye khulwowutawulira khwawo nende omwoyo kwawo okuteyolobya, oli okhwebikhira ensando omwene eyokhuludaalo lwe’ttima lya Weere, enkhenga yaye enungifu luyiryekesewa.
\p
\v 6 Weere “Acha okhuwa nawuli mutu okhwema khu sikakhola.”
\v 7 Eyiri abo abachanakana nende okhukhola owulayi bakoonya oluyaali, enfuma no’wutafwa, alibawa owulamu owutawaawo.
\v 8 Naye eyiri abo abekonyera ebyawe khuwawe khandi abakhaya amasima manu balonda owubi, yiribayo ensando nende ettima.
\v 9 Yiribayo owudinyu nende owuchuni eyiri nawuli okhola owubi: okhuchakira khu Bayudaaya, kho byole khu bateende;
\v 10 naye oluyaali, enfuma nende emirembe eyiri oyo yeesi okhola wulayi: okhuchakira khu Bayudaaya, khu byole khu bateende.
\v 11 Olwokhuba Weere sikekhubbira.
\p
\v 12 Boosi abakhola owubi okhukawukhana nende amalako, khandi boosi abakhola owubi mumalako balikhengerwa nende amalako.
\v 13 Olwokhuba abo abawuulira amalako sinje abolerefu mu moni cha Weere, naye nje abo abakhola amalako bikawoola abali langiwa okhuba bolerefu.
\v 14 (Masimakene, Abateende, abataasi namalako, nibakhola nge’bitu nibidakhiwa mu malako, abene mu beene lako niryo, ata nende abakhaba nibawuma amalako,
\v 15 khasita bekesa baati owolerefu wa’malako wawandiikiwa khu myoyo chawe, ebibaaso byawe byosi byekesa owujjulisi, nende ebibaaso byawe wunaanu bibolobya, wunaanu khandi bibakwira.)
\v 16 Sinno sicha okhubawo khu ludaalo Weere lwa’likhengera omusango ebyaama bya’batu okhubitira mu Yesu Kurisito, nga enjiri yange lu yilangirira. Abayudaaya Nende Amalako.
\p
\v 17 Wunaanu ewe, ni weranga omwene omu Yudaaya; nuli khu malako khandi nga wefumya olwiikho lwawo nende Weere;
\v 18 Numanyire oti okhudakha khwaye ndikhwoseresa ebikhirawo olwokhuba wasomesewa nende amalako;
\v 19 niwemanyire oti oli omwemeresi wa bawofwu, owulafu waabo abali mu siirema,
\v 20 omwekesa wa basiru, omusomesa wa baana bayere, olwokhuba mu malako mulimo amakesi namasima__
\v 21 Ewe, siityo, osomesa abandi, siwesomesa omwene? Ewe owuulira khu khwiba, wiiba?
\v 22 Ewe owoola oti abatu batakholanga owudamba, okhola owudaamba? Ewe otadakha ebilongalongwe, onyaka ebyomu nyumba ya Weere?
\v 23 Ewe owepaakhira mu malako, ochalaasa Weere nokhalaka amalako?
\v 24 Nga nisyawandiikiwa siiti: “Eriita lya Weere li fwotokheresewa mu Bateende khu lwenywe.”
\p
\v 25 Okhukhebewa khulimo omugaso no’diira amalako bikadakha, ne no’khalaka amalako, oba oli nga oyo atakhebewa.
\v 26 Ni siba nga abo abatakhebewa badiira amalako nga lukadakhiwa, si baliyiriwa nga abo abakhebewa?
\v 27 Otakhebewa mu mubiri ni nga kosereesa amalako kakhakhengere omusango okhubakhira enywe amwakhaba mbo muli nende ebyo’wuwandiike nende okhukhebewa, muli bakhalaki ba malako.
\v 28 Omutu syaba mu’Yudaaya olwembonekha yokhumukulu yoηηene, oba okhukhebewa omubiri okhwe’rwanyi.
\v 29 Bbe, omutu mu’Yudaaya nali atyo mukkati; khandi okhukhebewa nje okhukhebewa khwo’mwoyo, no’mwoyo, si khulwe’lako wandiike. Okhukiniya khwo’mutu nga oyo sikhutula mu batu, naye khutula eyiri Weere.
\c 3
\s Owesikwa Wa Weere
\p
\v 1 Manu, wulayi siina, owuli mu khuba omu Yudaaya, oba mugaso si okuli mu khukhebewa?
\v 2 Biingi mungeri choosi! Mukhusookha khwa byoosi, beesikiwa nende emboosi chene echa Weere.
\v 3 Nisiba mbo abandi sibali ne’nfukiirira? Owutaba ne’nfukiirira khwawe khumalawo enfukiirira ya Weere?
\v 4 Khaba nawutono! Weere khaabe owamasima, ne wuli mutu abe omubacha. Nga nisyawandiikiwa siiti: “Kho onyale okhumanyikha nuli omulungifu mu nomaloma khandi okhire no’khenga.”
\p
\v 5 Naye owutaasi owolerefu wefwe niwuleeta owolerefu wa Weere weyekesa wulayi, khunawole khutye? Khuti Weere musobya okhutuleetakho ettima lyaye? (Ndi okhukhosesa embaasa yo’wutu.)
\v 6 Masima keene bbe! Nisyakhali siityo, Weere kakhakhengeye esyalo omusango atye?
\v 7 Omutu owundi kakhayinganire ati, “Nisiba mbo owusiru wange niwutawo amasima ka Weere manu oluyaali lwaye lwemeeda, lwasiina nsikhengerwa omusango nga omukhosi owe’bibi?”
\v 8 Lwasi sikhuwoola khuuti__ nga ni batuwayirisa baati nga abandi nibasiwoola baati khuwoola mbo__ “Khakhukhole owubi kho mutulemo owulayi?” okhukhengerwa omusango khwawe khukhoyera. Yiwuma Omulungifu Yeesi
\p
\v 9 Wunaanu khunamalirise khutye? Khukhirakho awo owulayi? Ata nawutono! Khumaliiye erala okhukhenga khuuti Abayudaaya boosi na’bateende nasirala bali mu sibi.
\v 10 Nga lusyawandikiwa siiti, “Yiwuma omutu yeesi omulungifu, yiwuma ata mulala;
\v 11 Yiwuma omutu yeesi otegeera, yiwuma yesi okoonya Weere.
\p
\v 12 Boosi bakalukhanire, boosi alala bawuma mugaso; yiwuma okhola esirayi, ata mulala.”
\q
\v 13 “Emimiro chawe biriindwa ebikukhire; ne’nimi chawe bakhola owubacha.” “Owusiba wamaradwaηηi wuli khu minwa chawe.”
\q
\v 14 “Eminwa chawe mwechula okhuwaaba nowuwalaba.”
\q
\v 15 “Amakulu kawe mangu okhwiidisa amabaanga;
\q
\v 16 Okhunyasa nende engisa bita akhawonero khungira chawe,
\q
\v 17 khandi engira eye mirembe sibayimanyire.”
\q
\v 18 “Yiwumayo okhutya Weere mu moni chawe.”
\p
\v 19 Wunaanu khumanyire khuuti nawuli si lako liwoola, lisiwoola eyiri abo abali assi wa malako, kho sibe mbo nawuli munwa kuwuleresewe nende esyalo syoosi sibekho omusango eyiri Weere.
\v 20 Nolwesyo yiwuma yeesi olilangiwa okhuba omwolerefu mu moni chaye olwokhudiira amalako; olwokhuba, okhubita mu malako nje mukhumanyira esibi.
\s Owolerefu Okhubita Mu Nfukiirira.
\p
\v 21 Naye wunaanu owolerefu okhutula eyiri Weere, nolekhire amalako, khukholikhire khwa manyikhana, khu malako nende ba nnabbi bajulira.
\v 22 Owolerefu wuno okhutula eyiri Weere wicha okhubita mu khufukiirira mu Yesu Kurisito eyiri boosi abafukiirira. Yiwuma enjawulo,
\v 23 olwokhuba boosi banyaasa khandi bakhaywa okhwoola mu luyaali lwa Weere,
\v 24 naye baweewa owolerefu wa wusa olwessisa syaye okhwecha okhubita okhuwonisiwa okhuli mu Kurisito Yesu.
\v 25 Weere kamuwayo nga esiwanwa esitusawo esibi, okhubitira mu nfukiirira mu mabanga kaye. Kakhola sino okhwekesa enkhenga yaye, khu lwokhwesimiirisa khwe’bibi ebyakholewanga khale ebitalekherwamo__
\v 26 Kasikhola okhwekesa enkhenga yaye ndayi khu ndaalo chinno, kho abe owa masima khandi nga awa owolerefu abo abali nende okhufukiirira mu Yesu.
\p
\v 27 Manu, yena, eyiri okhwefumya? Yiwumamo. Mungeri siina? Khwisyo esyo’khulinda amalako? Bbe, naye khwisyo esye’nfukiirira.
\v 28 Naye khwomiisa khuuti omutu aba omwolerefu okhubitira mu khufukiirira erwanyi w'okhulinda amalako.
\v 29 Weere nje Weere wa Bayudaaya boηηene? Sinje Weere owa’bateende bosi? Eee, owabateende bosi,
\v 30 nga ni aliwo Weere mulala yenηηene, oliwa abolerefu abakhebe olwenfukiirira khandi abatakhebewa okhubitira mu nfukiirira yene eyo.
\v 31 Manu, wunanu, amalako khukamalewo olwokhufukiirira khuno? Khaba ata nawutono! Okhumalakho, khwomise amalako.
\c 4
\s Yibbulayimu Abaliwa Omwolerefu khu Lwe’nfukiirira
\p
\v 1 Manu wunaanu khunawoole si khu Yibbulayimu, kuuka yefwe, sikafumbula mu mboosi yinno?
\v 2 Naaba, mu masima, mbo Yibbulayimu kali omulungifu olwebikholwa, kali nesiitu esyokhwefumya __ naye nga si mu moni cha Weere.
\v 3 Esyawandiikiwa siwoola siitye? “Yibbulayimu kafukiirira Weere, manu syamubalirwa nga omwolerefu.”
\v 4 Wunaanu omutu nakhola, omusaara kwaye sikumubalirwa nga esiyanwa, naye kuba ngo’muddunga.
\v 5 Ne, lu syakhaba siityo, eyiri omutu otakhola ninga kesika Weere olekheramo ababi, enfukiirira yaye yimubalirwa nga omwolerefu.
\v 6 Daudi alomaloma esitu nasirala nalomaloma khu nkhabi yo’mutu yi Weere kawa owolerefu nutusiisekho ebikholwa:
\q
\v 7 “Bali nende enkhabi abo ba bibi byawe byalekherwamo, ba bibi byawe biwikhiwakho.
\v 8 Ali nende enkhabi omutu yi mwami atalibalira esibi okhumubaakho.”
\p
\v 9 Enkhabi yinno ya bakhebewa boηηene, oba nabo bosi abatakhebewa? Khubeyenge khuwoola khuti enfukiirira ya Yibbulayimu yamuwewa nga owolerefu.
\v 10 Syakholewa mungeri si? Syali namalire okhukhebewa, nawo nasiiri? Sisyali namalire, naye nasiiri!
\v 11 Manu kafuna akhawonero akhokhukhebewa, omukhuru kwo khwomisa owolerefu kukafuna olwo khufukiirira nikali nasiiri okhukhebewa. Manu wunaanu, nje saawe wa boosi abafukiirira naye nga basiiri okhukhebewa, kho owolerefu wubabalirwekho.
\v 12 Khandi yesi nje Saawe wa bakhebewa khandi nga si wukhebe wonηηene naye boosi abakendera mu ngira che’nfukirira nga Sefwe Yibbulayimu lu kakenda natakhebewa.
\p
\v 13 Si syabitira mu malako mbo Yibbulayimu nende olwiwulo lwaye bafuna esisubiso mbo kakhabe omusikha we’syalo, naye okhubita mu wolerefu owicha ne’nfukiirira.
\v 14 Nisiba mbo abo ababayo khu lwamalako basikha, enfukiirira yiwuma mugaso nende okhusuubisa khuwuma owuyeedi,
\v 15 olwokhuba elako lireeta owudinyu. Naye eyiwuma lako yiwuma okhunyasa.
\v 16 Nolwesyo okhusuubisa khwiicha nende enfukiirira, khulwesisa yibe enkhabi khandi okhwoseresa eyiri olwiwulo lwa Yibbulayimu lwoosi__ si khu lwabo abo mu malako naye nende abo boosi abenfukiirira ya Yibbulayimu. Nje sefwe wa fwesi fweesi.
\v 17 Nga ni syawandiikiwa siiti: “Nkhukholire okhuba bbaabba owa’mawanga mangi.” Nje bbabba mu moni cha Weere, yi kafukiiriramo__ Weere okaba abafu owulamu kalanga ebitu ebitaasiwo byaba nga ebiriwo.
\v 18 Eyiwuma okhusuubira khwoosi, Yibbulayimu mu khusuubira atyo keecha kaaba bbaabba owa’mawanga mangi, wussa nga nisyawoolerwa siiti, “Olwiwulo lwawo lwakhabe lutyo.”
\v 19 Nga syakhendeye munfukiirira yaye, kawona amasima ati omubiri kwaye kwali khatono okhufwana wusa ngo’muffu__ nga ni kali ambi emyaka emya echo’wukhuluutu ___ khandi nga enda ya Sala yoosi yali enfu.
\v 20 Asyaakhaba siityo sikakanaakana mu nfukiirira okhwema khubidiira khu khusuubisa khwa Weere, naye komisiwa mu nfukiirira yaye khandi kawa Weere oluyaali,
\v 21 kasikhakhasa ati Weere kali nende owunyala okhukhola sikali nasubisise.
\v 22 Sakira “Syamubalirwakho siiti mwolerefu.”
\p
\v 23 Emboosi chinno mbo “Syamubalirwakho” si chawandiikiwa khulwaye yeηηene,
\v 24 naye nende khu fweesi, ba Weere aliwa owolerefu__ eyiri efwe abamufukiiriramo owasingisa Yesu omwami wefwe okhutula mu baffu.
\v 25 Kawewayo eyiri okhufwa khu lwe’bibi byefwe khandi kasyukhisiwa mu wulamu khulwo’wukololofu wefwe.
\c 5
\s Omuleembe Nende Esangaalo.
\p
\v 1 Nolwesyo, nga nikhumalire okhukhakhasiwa okhubitira mu nfukiirira, khuli nende omuleembe nende Weere okhubitira mu mwami wefwe Yesu Kurisito,
\v 2 yikhwabitiramo khwoola okhufuna enfukiirira okhwingira mu ssisa syaye mu khwemire wunaanu. Khandi khwefumya mu khusubira khwo’luyaali lwa Weere.
\v 3 Si siityo syoηηene, naye efwe fwesi khwefumya mu nsando chefwe, olwokhuba khumanyire khuti okhusanda khwiwula okhwesimiirisa;
\v 4 okhwesimiirisa, khwiwula ensaambo; ensaambo, chewula ensuubira.
\v 5 Khandi ensuubira siyitumalamo amaani, olwokhuba Weere kachukha okhudakha khwaye mu myoyo chefwe nga akhosesa omwoyo omwolerefu, yikatuwa.
\p
\v 6 Muwona, mubikha ebituufu byene, nikhwali nikhuwuma amaani, Kurisito kafwa khu lwa bakholi abebibi.
\v 7 Si syangu omutu okhufwa nga afwira omutu mwolerefu, asyakhaba mbo omutu omulayi owundi anyala kewaayo okhufwa.
\v 8 Naye Weere kekesa okhudakha khwaye okhwene yikhuli mu ngeri yinno: ni khwali nikhusiiri abakholi abe’bibi, Kurisito katufirira.
\v 9 Ne wunaanu nga nikhutereseewe nende amabanga kaye, khucha okhuwonesewa khutye okhutula mu ttima lya Weere okhubitira mu ye!
\v 10 Olwokhuba nisiri mbo, nikhwali abasukku ba Weere, khwakowosewa yali okhubitira mu khufwa khwo musyaani waye, nikhumalire okhukowosewa, nga sya’maani, khuliwonesewa okhubitira mu wulamu waye!
\v 11 Sinno sisiri siityo syoηηene, naye lwosi khuli abasangaafu mu Weere okhubitira mu mwami wefwe Yesu Kurisito, yikhwabitiramo wunaanu okhufuna okhukowosewa alala.
\s Okhufwa Okhubitira Mu Adamu, Owulamu Okhubitira Mu Kurisito
\p
\v 12 Nolwesyo, wusa nga esibi nisyengira mu syalo okhubitira mu mutu mulala, khandi okhufwa okhubitira mu sibi, khandi mu ngeri yinno okhufwa khwecha eyiri abatu bosi boosi, olwokhuba bosi boosi banyasa__
\v 13 Olwokhuba amalako nikatayeresewa, esibi syali siri mu syalo. Naye esibi sisibaliwa ataasi amalako.
\v 14 Ne lusyakhaba siityo, okhufwa khwafuka okhutulira erala mu ndaalo cha Adamu okhwolera erala mu ndaalo cha Musa, ata nende khwabo abatakhola esibi ni bakhalaka ebiragiro, nga Adamu nikakhola, owali esifwananyi syooyo ocha okhwicha.
\v 15 Naye esiyanwa si siri siityo, olwokhuba bangi nibafwa olwesisobyo syo’mutu mulala, essisa sya Weere nende esiyanwa esyecha khulwe’sisa syo’mutu mulala, Yesu Kurisito, syamalaalira khu bangi!
\v 16 Khandi, esiyanwa sya Weere sisiri nga esitula mu sibi syo’mutu mulala: okhukhenga omusango khwalonda esibi sirala syaleeta okhukhengerwa, naye esiyanwa syalonda bangi abakhyama syaleeta owolerefu.
\v 17 Olwokhuba siba mu bo, okhukhyama khwa mulala, okhufwa khwafuka okhubitira mu mutu oyo mulala, okhukhirira erala abo boosi abawewa essisa sya Weere esibitiriye esyo’wolerefu balifukira mu wulamu okhubita mu mutu mulala oyo, Yesu Kurisito.
\p
\v 18 Esitulamo, okhuba nga omukhyamu mulala ni katulamo abatu bosi boosi okhukhengerwa, nasirala siityo esitula mu mwolerefu mulala syali esyokhuwa owulamu eyiri abatu boosi.
\v 19 Khandi nasirala okhubita mu wutawulira wo mutu mulala nga owutawulira wo’mutu mulala niwaleetera abangi okhuba abakholi be’bibi, siityo okhubita mu khuwuulira khwo’mutu mulala bangi bakholewa abolerefu.
\v 20 Elako lyameedewakho kho owukhyaamu wemeede. Naye esibi yisyemeedera, essisa syemeeda lukali okhukhirakhoowo,
\v 21 kho nga, esibi nisyafuka mu khufwa, kho essisa syoosi siityo sinyale okhufuka okhubitira mu wolerefu okhuleeta owulamu owutaliwawo okhubitira mu Yesu Kurisito omwami wefwe.
\c 6
\s Okhufwa Mu Sibi, Owulamu Mu Kurisito.
\p
\v 1 Khunawoole si, manu? Khuchanakane nende okhukhola owubi kho essisa syemeede?
\v 2 Yiwuma engeri! Khwafwa khulwe’sibi; khunyala khutye okhusimenyamo lundi?
\v 3 Oba simumanyire muuti efwe fwesi fwesi ababatiisiwa mu Kurisito Yesu khwabatiisiwa mu khufwa khwaye?
\v 4 Nolwesyo khwasiikhiwa alala naye okhubitira mu khubatiisiwa okhucha mu khufwa kho, wusa nga Kurisito ni kasingisiwa okhutula mu baffu okhubitira mu luyaali olwa simwana, fwesi khunyale okhubawo mu wulamu owuyakha.
\v 5 Nikhuba ni khwawambanisiwa naye khuuti mu khufwa khwaye, masima lwosi khuliyambanisiwa naye mu khusyukhira khwaye.
\v 6 Olwokhuba khumanyire khuuti owutu owukhale wefwe wakhomererwa alala naye kho omubiri kwesibi kumaliwewo, kho khukhaye okhuba khandi abaambe khu sibi__
\v 7 olwokhuba omutu yeesi owafwa kalekhuuliwa okhutula mu sibi.
\v 8 Wunaanu nikhuba nikhwafwira alala nende Kurisito, khufukiirira khuuti fwesi khulimenya naye.
\v 9 Olwokhuba khumanyire khuuti khasita Kurisito kasingisiwa okhutula mu bafu, syanyala okhufwa khandi; okhufwa si khusimulikho owunyala.
\v 10 Enfwa yikafwa, kafwa khu sibi ekhabi erala; naye owulamu wali nawo, ali nawo nende Weere.
\v 11 Mu ngeri nasirala, mwebale abeene nga abafwa mu sibi naye abalamu mu Weere Kurisito Yesu.
\v 12 Nolwesyo otakanya owutu we’sibi okhufuka mu mubiri kwawo okulifwa kho ofukiirire ebikholwa byakwo ebibi.
\v 13 Otawangayo ebitundu byo’mubiri kwawo eyiri esibi, nga ebyokhukhosesa mu wubi, naye mweweyo eyiri Weere, nga abo abatusiiwe mu khufwa okhucha mu wulamu; khandi muweyo ebitundu bye mibiri chenywe yaali nga ebyokhukhosesa mu wolerefu.
\v 14 Olwokhuba esibi sisicha okhubafuka, olwokhuba simuli mu wunyala owa malako, naye mu wunyala owessisa. Abawambe Khu Wolerefu.
\p
\v 15 Wunaanu siina? Khukhole esibi olwokhuba sikhuli mu malako naye khuli mu ssisa? Yiwuma engeri!
\v 16 Si mumanyire muuti ni mwewayo eyiri omutu yeesi okhumufukiirira nga abawambe, muli abawambe eyiri oyo yimufukiirira__ oba muli abawambe be sibi, esitulamo okhufwa, oba owuwulise, owutulamo owolerefu?
\v 17 Naye mwebase Weere mbo, amwakhaba ni mwaliingi abawambe mu sibi, mwafukiirira nende omwoyo mulala ensomesa yi babadisya.
\v 18 Mwalekhuliwa okhutula mu sibi manu mufukhire abawambe mu wolerefu.
\v 19 Nta sinno mu mbaasa yo wutu olwokhuba muli abanafu muwutu wenywe. Nasirala nga ni mwawangayo ebitundu bye mibiri chenywe mu wuwambe khu wudamba nende khu wukhosi owowubi owutakama, manu wunaanu mubiweyo mu wuwambe khu wolerefu okhucha khu wulungifu.
\v 20 Ni mwaliingi abawambe khu sibi, mwalingi abalekhule okhutula khu wolerefu.
\v 21 Wulayi siina wumwakesa mubikha ebyo okhutula mu bitu wunaanu ebibadisya ensoni? Ebitu ebyo bitulamo okhufwa!
\v 22 Naye wunaanu nga nimuli abalekhuule okhutula mu sibi khandi muli abawambe khu Weere, amagoba kamufuna kabayira khu wolerefu, khandi esitulamo nje owulamu owutawaawo.
\v 23 Olwokhuba omusaara kwe sibi nje okhufwa, naye esiyanwa sya Weere nje owulamu owutawawo mu Kurisito Yesu omwami wefwe.
\c 7
\p Enjekesa okhutula Mu Khudekhesaniya
\v 1 Khaba simumanyire, baana befwe__ olwokhuba ndi okhulomaloma nende abatu abamanyire amalako__ nga amalako kali no’wunyala khu mutu naba nasiiri mulamu?
\v 2 Esyo’khuwonerakho, mu malako omukhasi owadeekha afukiwa nende wamwe khasita wamwe aba ni mulamu, naye wamwe nafwa, alekhuliwa okhutula mu malako akokhudekhesaniya.
\v 3 Manu no’lwesyo, nadeekhera omusaacha wundi wamwe nasiiri omulamu, alangiwa omudamba. Naye wamwe nafwa, alekhuliwa okhutula mwirako eryo nga wunanu simudamba, akakhadeekhera omusaacha wundi.
\v 4 Manu, baana befwe, mwesi mutyo mwafwa khu lako okhubitira mu mubiri kwa Kurisito, kho munyale okhuba abokundi, khu oyo owasingisiwa okhutula mu baffu, kho khunyale okhwamira Weere ebyaamo.
\v 5 Olwokhuba nikhwali nikhufukiwa nende owubi owomubiri, owekoombi owubi owusiingisiwa nende amalako wali khumulimo mu mibiri chefwe, kho khwewula ebyaamo ebyo’khufwa.
\v 6 Naye wunaanu, okhufwira khu esyo esyali ni syatuwowa, khulekhuliwe okhutula mu malako kho khukholere mu ngira embyaakha eyo’mwoyo, okhulekha mu ngira enkhale eyo’wuwandiike.
\s Okhulwanakana Nende Esibi
\p
\v 7 Khunawoole khutye, manu? Amalako sibi nisyo? Masima bbe! Masima keene sinakhamanyire esibi nga nisiri okhutusakho okhubitira mu lako. Olwokhuba sinakhamanyire owekoombi nga niwuli singa amalako sikawoola kaati, “Otekoombanga.”
\v 8 Naye esibi, okhwakamya enkhabi okhunyalisa esiragiro, syewula mwise engeri choosi echo’wekoombi. Olwokhuba ataasi amalako, esibi siba sifwiye.
\v 9 Nga lunali omulamu ataasi amalako; naye esiragiro nisyecha, esibi syasyukhirira owulamu manu nafwa.
\v 10 Nawukaana mbo esiragiro syeene esyo esyali masima esyokhuleeta owulamu wunaanu syaleeta okhufwa.
\v 11 Olwokhuba esibi, nisyawukula enkhabi eyayeresewa namalako, syambacha, khandi okhubitira mu siragiro syanta mu khufwa.
\v 12 Manu siityo, elako lyolerefu, khandi esiragiro syolerefu, silungifu khandi sirayi.
\p
\v 13 Esyo esyali esirayi, khandi, syecha syaba okhufwa yindi? Yiwuma engeri! Naye esibi kho simanyikhe nga esibi, syewula okhufwa mwise okhubitira mu wali owulayi, kho okhubitira mu siragiro esibi sibe esibi syeene alafu.
\p
\v 14 Khumanyire khuuti elako lyo’mwoyo; naye sindi owo’mwoyo, nakusiwa nga omuwambe khu sibi.
\v 15 Sintegeera binkhola. Olwokhuba bindakha okhukhola sinkhola, naye bintadakha okhukhola nje binkhola.
\v 16 Manu ninkhola bintadakha okhukhola nfukiirira nti amalako malayi.
\v 17 Nga nisiri, sinsiiri esse omwene osikhola, naye esibi esimenyiremo.
\v 18 Manyire nti yiwuma esirayi esyamenyamo, amakhuluutu mbo, mu wulamu wange nga omutu. Olwokhuba ndi nende okhudakha okhukhola esirayi, naye sinyala okhusikhola.
\v 19 Olwokhuba sinkhola sinje esirayi sindakha okhukhola; bbe, esibi sintadakha okhukhola__ sinno njanakana ninkhola.
\v 20 Wunaanu ninkhola sintadakha okhukhola, si nsiiri nisse osikhola, naye esibi esimenyiremo nje esisikhola.
\v 21 Manu mbukaana elako linno nirikhola: Nindakha okhukhola wulayi, esibi siri wusa awo nange.
\v 22 Mu wutu wange wo’mukati nsangalira amalako ka Weere;
\v 23 naye mbona elako lindi nirikhola mu bitundu byange ebyo’mubiri ebindi, nirilwanakana nende elako eryesibi syange nirindetera okhuba omuwoye owerako nirikholera mubitundu byange.
\v 24 Nga ndi omutu owe’bidinyu! Naanu anamoniye okhutula mu mubiri kuno okwo’khufwa?
\v 25 Weere kebasiwe__ okhubitra mu Kurisito omwami wefwe! Manu siityo, esse omwene mubibaaso byange ndi omuwambe mu malako ka Weere, ne mu wutu mbeera eye’sibi ndi omuwambe assi we’lako lye’sibi.
\c 8
\s Owulamu Okhubita Mu Mwooyo
\p
\v 1 Nolwesyo, yiwuma wunaanu omusango eyiri abo abali mu Kurisito Yesu,
\v 2 Olwokhuba okhubitira mu Kurisito Yesu elako eryo’mwoyo okwo’wulamu lyandekhula okhutula mwirako eryesibi nende okhufwa.
\v 3 Khuba erako biryali niritanyala khukhola khulwo’wunafu wo’wutu we’sibi, Weere kasikhola nga atuma omwana waye yeηηene munfwani eyo’mutu we’sibi okhuba esiyanwa sye’sibi. Khulwesyo kakhengera esibi mu mutu owesibi,
\v 4 kho ebidakhiwa ebyo’wolerefu owamalako wunyale okhutuwonekhamo mu wichufu, otabawo olwo’wubi owomubiri naye nga khulwomwoyo.
\v 5 Abo abaliwo khulwowubi womubiri emyoyo chawe chiba khwibyo bimubiri kwaawe kwekomba; naye abaliwo khulwo mwoyo baliwo okhwema khuwekombi omwoyo bikudakha.
\v 6 Ebibaaso ebyo’mutu mubi nje okhufwa, naye ebibaso ebifukiwa nende omwooyo nje owulamu nende emirembe;
\v 7 Esibaaso esibi syakhabi eyiri Weere. Si siwulira amalako ka Weere, khandi sisinyala okhukhola siityo.
\v 8 Abo abafukiwa nende owubi owomubiri sibanyala khusangaasa Weere.
\v 9 Enywe, manu, abatafukiwa nende owubi owomubiri naye nende omwoyo, omwoyo wa Weere naba nikabamenyamo. Omutu yeesi otali nende omwoyo wa Kurisito, si wa Kurisito.
\v 10 Naye Kurisito kaba nakhulimo, omubiri kwawo mufu khu lwe sibi, ate nga omwoyo kwawo mulamu khu lwo’wolerefu.
\v 11 Ne nisiba mbo Omwoyo kwo'yo owasyukhisa Yesu okhutula mu khufwa naaba nikamenya mwiinywe, oyo owasyukhisa Kurisito okhutula mu khufwa yesi alibawa owulamu mu mibiri chenywe echifwa okhubitira mu mwoyo kwaye, owamenya mwinywe.
\p
\v 12 Nolwesyo, baana befwe, khuli nende omulimo__ naye sikwemibiri chefwe echo’wubi, okhumenya nga nichidakha.
\v 13 Olwokhuba nimumenya nga emibiri chesibi nichidakha, mulifwa; naye ni mumenya mu mwoyo muta ebibi byo’mubiri mu khufwa, muliba abalamu.
\p
\v 14 Olwokhuba abo abatangirirwa nende omwoyo wa Weere baana ba Weere.
\v 15 Olwokhuba simwafuna omwoyo obakhola mwaba abawambe lundi eyiri okhutya, naye mwafuna omwoyo okwo’Mwana. Khandi khu lwaye khulira khuti, “Abba, Bbaabba.”
\v 16 Omwoyo omwene ajulira alala nende omwoyo kwefwe ati khuli baana ba Weere.
\v 17 Wunaanu nikhuli abaana, manu khuli abasikha__ abasikha ba Weere khandi abakholera alala nende Kurisito, nisiba mbo masima keene khukabana mu khusanda khwaye kho fweesi khube nga khukabanira alala mu luyaali lwaye. Oluyaali Olwicha
\p
\v 18 Mbaasa nti okhusanda okhwa wunaanu sikhufwana nende oluyaali olulyekesewa mwifwe.
\v 19 Ebyalongewa birinda nende amawofu nokhusuubira abaana ba Weere okhwekesewa.
\v 20 Olwokhuba ebilonge byali nende owuchuuni, ne silwokhudakha khwabyo, naye khulwokhudakha khwoyo owaleta owuchuuni, nasuubira ati
\v 21 esironge syene sinetuse mu wuwoye owokhuwola syaletewa mu luyaali olwokhulekhuliwa okhwabaana ba Weere.
\v 22 Khumanyire khuuti ebironge byosi bibeye byekaniya mu wuchuuni owokhwiwula okhwolera elala mubikha binno.
\v 23 Si bityo byoηηene, naye efwe abeene, abali nende ebyaamo ebyamberi ebyo’mwoyo, khuchunisiwa mukkati nga nikhulinda okhuwukuliwa nga abaana ne’suubi, okhuwukuliwa okhwemibiri chefwe.
\v 24 Olwokhuba mu khusuubira khuno khwawonesewa. Naye okhusuubira okhuwonekha sikhusuubira khwene bbe. Naanu osuubirira mwisyo sikamala okhufuna?
\v 25 Naye ni khusuubirira mwisyo sikhusiiri okhufuna, khusiriinda nende okhwesimiirisa.
\p
\v 26 Mu ngeri nasirala, omwoyo atuyeeda mu wunafu wefwe. Sikhumanyire sikhukhoyire okhwekalikhira khufune, naye Omwoyo omwene kengirawo khulwefwe mu wuchuuni we mboosi chitanyala okhutumbuliwa.
\v 27 Ne oyo okonyeresa mu myoyo chefwe amanyire ebibaaso ebyo’mwoyo, olwokhuba Omwoyo kengirawo eyiri abolerefu nga achiira khu bi Weere adakha. Okhukhirakho Abawangusi
\p
\v 28 Khandi nsikhakhasa nti mu bitu byoosi Weere akholera ebirayi abo abamudakha, abalangiwa olwesigendererwa syaye.
\v 29 Olwokhuba abo Weere kamanya khale kabafwananiya nende Omwana waye, kho anyale okhuba owamberi akaati mu bamwanaηηina bangi.
\v 30 Nende abo bakangalamo, khandi kalanga; abo bakalanga khandi kabakhola abalungifu; abo bakakhola abalungifu, khandi kabawa oluyaali.
\p
\v 31 Siina, manu, sikhunawoole mu khukowoola mu sinno? Weere naba nali nafwe, nanu onyala katuyiinganiya?
\v 32 Oyo otalekha omwana waye mwene, naye kamuwayo khulwefwe fweesi__ khandi lwasi alala naye mussisa syalituwa ebitu byoosi?
\v 33 Naanu oliwabira omusango kwoosi abo Weere bakangala? Weere nje owa owolerefu.
\v 34 Naanu oyo okhenga omusango? Kurisito Yesu, owafwa__ okhukhira awo, owasiingisiwa mu wulamu__ ali khu mukhono omulungi okwa Weere khandi otukwiira eyiri Weere.
\v 35 Naanu olitukawukhaniya okhutula khu khudakha khwa Kurisito? Yiriba engisa oba owudinyu oba okhusandisiwa oba enjala oba okhuba sichula oba akhabi oba okukhande?
\v 36 Nga nisyawandiikiwa siiti: “Khululwo khuli bakhufwa wuli ludaalo; Khuli nga amakoondi kabacha okhwita.”
\v 37 Bbe, mubitu binno byoosi khukhirakho abawangusi okhubitira mu ye owatudakha.
\v 38 Olwokhuba nsikhakhasa nti oba okhufwa oba owulamu, sibamalayika simisimu, siwunanu siyiwichayo, simaani koosi,
\v 39 siwuleeyi oba okhwiikha assi, oba esitu syoosi muwulonge, esirinyala okhutukawukhaniya okhutula khu khudakha khwa Weere okhuli mu Kurisito Yesu omwami wefwe.
\c 9
\p Okhwangala Khwa Weere okhutasi okhwo’khwekhubbira
\v 1 Esse nomaloma amasima mu Kurisito__ khaba simbacha, ebibaaso byange bisyomiisa mu mwoyo omwolerefu__
\v 2 Ndi nende engisa engali nende owuchuuni owutaakama mu mwoyo kwange.
\v 3 Olwokhuba nakhadakhire ese omwene mbwawibwe khandi nkhengewekho khu Kurisito khu lwa’baana befwe, abo abolwiwulo lwange lwene,
\v 4 Abatu ba Yisirayiri. Esyawe nje okhuwukuliwa nga abaana abolwiwulo olwo; esyawe oluyaali lutali lwa nawuli ludaalo, elakano, okhuweresewa khwamalako, enyumba yo’khwekalikhiramo nende ebyasubisiwa.
\v 5 Esyawe nje bakuuka yawe, khandi okhubatulamo nje okhukonyeresa owutu wa Kurisito yikatula, nga nje Weere okhira boosi, okinisiwa endaalo choosi! Amina.
\p
\v 6 Sisiri siiti emboosi ya Weere yali yikhayire. Olwokhuba sisiri mbo boosi abatula mu Yisirayiri ba Yisirayiri.
\v 7 Sisiri mbo olwokhuba batula mu ye boosi baana ba Yibbulayimu. Sinje siri. “Siri mbo okhubitira mu Isaaka olwiwulo lwawo nje mu lunalangirwanga.”
\v 8 Mu ngeri eyindi, abaana abo’mubiri sisiri mbo nje abaana ba Weere, naye nje abaana abasuubisiwa ababaliwa nga abolwiwulo olwa Yibbulayimu.
\v 9 Olwokhuba khutyo okhusuubisa nje lukhwali mbo: “Mu bikha ebidoole nakhakowole, khandi Ssaala alifuna omwana omusyani.”
\v 10 Si esyo syoηηene, naye abaana ba Lebbeka bali nende mulala khandi saawe mulala, Ssefwe Yisaaka.
\v 11 Ate nga, amakhwana nikatewulwa oba kakhola esitu esirayi oba esibi__ kho esigendererwa sya Weere mu khwangala sibewo:
\v 12 silwa bikholwa naye khu lwoyo olanga__ bamuwolera baati, “Omukhuluutu alikholera omuyere.”
\v 13 Nga nisyawandiikiwa siiti: “Yakobo namudakha, naye Esau namusyuula.”
\p
\v 14 Manu wunaanu khunawole khutye? Weere kekhubbira? Khaba ata nawutono!
\v 15 Olwokhuba awolera Musa ati, “Ndiba nessisa khu oyo yindi nessisa, khandi ndisaasira oyo yinsaasira.”
\v 16 Manu sisiba siityo, nolwesyo, syema khukhudakha khwo’mutu oba amaani, naye okhusasira khwa Weere.
\v 17 Olwokhuba ebyawandiikiwa biwolera Falaawo biiti: “Nakhusiingisa amukulu khu lwe sigendererwa syene sinno, khonyale okhwekesa amaani kange mwiiwe khandi eriita lyange linyale okhuwuulirwa mu syalo syoosi.”
\v 18 Nolwesyo Weere ali nende essisa khu oyo yadakha okhufuna essisa, khandi awangalasa yadakha okhuwangalala.
\p
\v 19 Mulala khwinywe anambolere ati: “Ne wunaanu lwasi Weere asitwolobya? Olwokhuba naanu oyinganiya okhudakha khwaye?”
\v 20 Naye ewe niwe naanu, Oo, omutu wutu okhukowola mu Weere? “Esyakholewa sinyale okhuwoola owasikhola siiti, ‘Lwasi wankhola oti?’”
\v 21 Omulongi owentamu syali nende owunyala mwiroba lala eryo okhulongamo entamu eyemikholo emikhuluutu ne eyindi nga yakhukhosesa wuli ludaalo?
\v 22 Ne singa Weere, nakhengawo okhwekesa ettima lyaye kakhola owunyala waye okhumanyikha, khakira kesimirisira abo abamudiisa ettima__ abatekekhewa okhusikhirisiwa?
\v 23 Naba nikakhola sinno okhukhola owuyiinda owo’luyaali lwaye okhumanyikha eyiri ebitu bye ssisa syaye, bakali natekekheeye khale oluyaali__
\v 24 ata fwesi, bakalanga, sikhutula mu Buyudaaya mwoηηene naye okhutula nende mu Bateende?
\v 25 Nga nawoola mu Koseya ati: “Esse ndibalanga ‘abatu bange’ abataasi batu bange; khandi ndimulanga ‘omukoosi wange’ otaasi omukoosi wange,’
\p
\v 26 khandi, “Syakhekhole siityo mu sifwo syene mubawolerwa baati, ‘simuli batu bange,’ balilangiwa ‘abaana ba Weere mulamu.’”
\p
\v 27 Yisaaya alirira amukulu ebidiira khu Yisirayiri ati: “Asyakhaba mbo owungi wa Bayisirayiri wuli nga omusenye okwo’khunyanja, abadonηηa nje abaliwonesewa.
\v 28 Olwokhuba Weere acha okhukhenga omusango khu syalo muwangu namaliiriye.”
\p
\v 29 Siri wusa nga Yisaaya nikawoola khale ati: “Okhutusakho nga omwami owowunyala katulekha efwe olwiwulo lwaye, khwakhali khuba nga Sodoma, khandi khwakhali khufwana nende Ggomola.”
\s Owutafukiirira wa Yisirayiri
\p
\v 30 Manu khunawoole khutye? Khuuti Abateende, abatakonyakho owolerefu, bawufuna, owolerefu owenfukiirira;
\v 31 naye Yisirayiri, owaloonda elako eryo’wolerefu khaba syafunire.
\v 32 Lwasi? Olwokhuba basironda si khulwe’nfukiirira wusa naye byaba oti byali bya bikholwa. Bekumula “khukina erye kumulwakho.”
\v 33 Nga nisyawandiikiwa siiti: “Wona, nta ekina mu Sayuni erikira abatu bekumula khandi olwanda olubaletera okhukwa, khandi oyo omwesika syaliwambikha ensoni.”
\c 10
\p
\v 1 Baana befwe, okhudakha khwo’mwoyo kwange no’khusaba eyiri Weere khulwa ba’Yisirayiri siri mbo banyale okhuwonesewa.
\v 2 Khulwokhuba nyala nabajjulirakho nti bo bali nesinani khu bya Weere, ne’sinani syawe sisiri khulwa’makesi kawe, oba okhumanya.
\v 3 Khuba sibali nibamanyire owolerefu owiicha owutula eyiri Weere babasa batewo owawe, sibamala bewayo eyiri owolerefu wa Weere.
\v 4 Kurisito nje syakamo syelako khu sinyalikhe owolerefu wube khu wuli mutu ofukirira.
\p
\v 5 Musa kanjulusa owolerefu mu ngira yelako! “Omutu okhola ebitu binno alibawo khu lwa’byo.”
\v 6 Ne owolerefu owubitira munfukirira wuwoola wuti: “Otasiwoola mu mwoyo kwawo, ‘Naanu oliniina mwikkulu?’” (Siba nti, okhwisa Kurisito assi)
\v 7 “Oba ‘naanu oliikha okhucha assi?’” (Siba nti, okhusingisa kurisito mu baffu).
\v 8 Ne siwoola sitye? “Emboosi yiri ambi nawe! Yiri mu munwa kwawo nende mu mwoyo kwawo,” eyo nje, emboosi yenfukirira yikhulangirira:
\v 9 mbo nomala watumbula no’munwa kwawo oti, “Yesu nje Omwami,” khandi wafukirira mu mwoyo kwawo oti Weere kamusyukhisa mu bafu, oliwonesewa.
\v 10 Situla khu’mwoyo kwawo oba ngo’fukiirira okhu’funa owolerefu, khandi no’munwa kwawo obe nga weyolobya khandi wawonesewa.
\v 11 Nga ebyawandiikiwa lu biwoola, “Omutu yeesi omwesika syaliswasiwa.”
\v 12 Khuba awuma esikawukhaniya akati wo’mu Yudaaya no’muteende__ omwami mulala oyo mwami eyiri bosi boosi khandi awera erala enkhabi abo abacha yali,
\v 13 khuba, “wuli mutu olanga eritta eryo’mwami aliwonesewa.”
\p
\v 14 Sinyalikha sitye, olwo, okhulanga eritta eryo oyo yibatafukiriramo? Khandi banyala batye bafukiirira mu oyo yibabatawuliye? Khandi banyala bawulira batye awuma omutu obawuuliriiye?
\v 15 Khandi banyala batye okhuwuulira okhutusakho nibatumirwe? Nga lusyawandikiwa siiti, “Nga syesimisa eyiri amakulu kabo abaleta amawulire malayi!”
\v 16 Ne abaYisirayiri boosi sibafukiirira emboosi ndayi. Khuba Yisaaya awoola ati, “Omwami, nanu owafukirira owubakha wefwe?”
\v 17 Esyo’khwekhalirisa, enfukiirira yitula khu khuwuulira owubakha, khandi owubakha wawuliirwa okhubitta mu mboosi ya Kurisito.
\p
\v 18 Ne nteba nti: Sibawulira? Sikhakhasiwa bawulira: “Amakono kawe kawulirikha mu syalo syosi syoosi, Ekkono lyawe lyolire esyalo yisyakama.”
\p
\v 19 Khandi nteeba nti: Yisirayiri sikategeera? Esisokha, Musa awoola ati, “nja okhuba owe’mbalikha khwabo abataali esyalo; Ndibakhola mube ne’ttima khu’syalo esitali no’khutegeera.”
\p
\v 20 Ne Yisaaya mukhutatya awoola ati, “Naakaniwa nabo abatali nibangoonya; Nekisula samwene eyiri abo abatali nibanteeba.”
\p
\v 21 Ni naye ebidiira khu Yisirayiri awoola ati, “Oludaalo olulamba mbakaye amakhono kange eyiri omujjemu neyiri abatu abesibboli.”
\c 11
\p Aba Yisirayiri Abadonηηa
\v 1 Nteeba khandi nti: Weere kakhaya abatu baye? awuma situ syoosi! Esse omwene ndi mu Yisirayiri, olwiwulo lwa Yibbulayimu, okhutula munyumba ya Benyamini.
\v 2 Weere sikakhaya abatu baye, bakamanya okhutula khale. Syomanyire ebyawandiikiwa bibiwoola musiwandiko khu Erisa__ nga lukajjulira eyiri Weere khulwa baYisirayiri:
\v 3 “Omwami, betire ba nnabbi bawo khandi batandula alutari yawo; nisse seηηene odoηηire, khandi bali okhukesakho okhunjita?”
\v 4 Naye Weere kamukowolamo atye? “Nerekheyekhowo elifu musanfu abo abatenamira Bbaali.”
\v 5 Ni khandi, mu bikha binno yiriwo abadonηηawo abadolewa khulwe’ssisa.
\v 6 Khandi nisiba olwe’ssisa, sisiba nisibawo olwebikholwa; nisyakhabeye siityo, essisa sisyakhasikaye nissisa.
\p
\v 7 Siina wunaanu? Yisirayiri sikakonya ne’sinani syatafuna, naye abadoolemo bafuna. Abandi bali abawangalafu,
\v 8 nga lu syawandiikiwa siiti: “Weere kabaawa omwoyo kwo’wubbungaafu, emoni batanyala okhuwona khandi namatwi batanyala okhuwulira, okhwola no’lwa leero.”
\v 9 Nende Daudi awoola ati: “Sinyalikhe emmessa yaawe okhuba olukirikiri khandi omubaso, ebireeta okhwekumula khandi esikholimo yibali.”
\q
\v 10 Sinyalikhe emmoni chawe okhuba musirema bakhaye okhuwona, ne’mikongo chawe chikongobale emyaka ne’myaka. Amasagga Akataasi Mawambaniye.
\p
\v 11 Khandi nteeba nti: “Bekumula bakwa boola no’wutasiingira? Khaba nawutono! Ne, olwo’khwonoona khwawe, okhuwonesewa khwichiye abateende okhukhola aba Yisirayiri okhutuunya nembalikha.
\v 12 Ne nikhuba okhwonona khwawe amakhuluutu kakhwo wuyiinda we’syalo, okhukota khwawe khwekesa owuyiinda w’abateende, owolerefu wo’wuyiinda wuno siwukhirawo!
\p
\v 13 Ndikhulomaloma eyiri enywe abateende. Nende siri nti ndi mutume eyiri abateende ngesakho ngalusinyalikhana mu wuweeresa wange
\v 14 nindi nesuubi mbo ngesakho okhusiingisa abatu bange bene okhutuunya khandi mboniyekho abandi khubo.
\v 15 Nisiba nti okhulekhewa khwawe njokhukowosaniya ne syalo, nokhufukirirwa khwawe khuliba khutye okhutusakho owulamu okhubitira mu khufwa?
\v 16 Nisiba siiti esiyaku sye’syamo siwewayo syamberi syosi syoosi siba syolerefu engota yosi yiba njolerefu; no’musi nikuba mwolerefu, siba siityo na’masagga kosi.
\p
\v 17 Nisiba siiti amasagga kandi kakhalakirwekho, khandi ewe, nende oli omutwe kwa omunaasi kwo munyasi, bakhakhuyiimbakho esagga mu kandi, ni muyeedana khandi wunanu muyeedana okhulisiiwa amasanda katula khu misi cho mu naasi,
\v 18 mutekhoya olwa masagga ako. Nimusikhola, mubaase khu sinno: Simusiira mussi, ne missi nje echibasiira.
\v 19 Mwicha okhuwoola muuti, “Amasagga kakhalakiwakho khu sinyalikhe esse nyimbanisiwekho.
\v 20 Asyakhaba siityo. Ne kakhalakiwakho olwowutafukirira, naye mweema khu nfuukirira. Ne otaba owewona, naye ba muti.
\v 21 Nisiba mbo Weere sikalekheramo amasagga malonge, sikecha khu khulekheramo wesi.
\p
\v 22 Webaasekho nolwesyo essisa nende owuwalaba wa Weere: owuwalaba eyiri abo abakhaywa, ne esisa yimuli, syaweresewa munyale okhuchanakana nesisa syaye. Atali esyo, mwesi mucha okhukhengewakho.
\v 23 Khandi nibatalumirira mu wutafukiirira, becha okhubayimbaniyakho, ne olwokhuba Weere anyala okhubayimbaniya khandi.
\v 24 Ni lwosi, nisiba mbo wakhengwakho okhutula khu munaasi kwo’munyaasi khulwe’mbeera, khandi kwakawuliwakho khulwe’mbeera kwawambanisiwakho khu munaasi mutaake, siriba syebbeyi siina khulwe’mbeera, amasagga kwawambanisiwakho khu musaala kwo’munaasi kwakwo!
\s Yisirayiri Yoosi Yiriwonesewa
\p
\v 25 Sindakha mube no’wutamanya khulwe’byakisiwa, baana befwe, bibe mbo mube nende owutabachiwa: Yisirayiri yibitire mu khukesewa khungi okhwomeranu mu bitundu okhwola enamba enjuchuffu eyabateende bengiramo.
\v 26 Nolwesyo aba Yisirayiri boosi baliwoneswa, nga lusyawandiikiwa siiti: “Omuwoniya olitula khu Sayuni; alikalukhaniya owutali wa Weere okhutula mu Yakobo.
\p
\v 27 Ni yino nje endakano yange nabo Nindiba ni mbatusakho ebibi byawe.”
\p
\v 28 Ebidiira khu njiri, abasukku bangi khu luwande lwawe; nebidiira khu byo’khwangalamo, badakhiwa okhubita mu ba kuuka yawe,
\v 29 khuba ebiyanwa bya Weere no’khulangiwa khwaye sisinyala khukalukhanisiwa.
\v 30 Nga lusyali emukoongo eyo mwali abatawulira bibakeraka, eyiri Weere mwakanire essisa olwakhakisa khabo okhuba bajjemu,
\v 31 siri mbo bosi bajjemire sibe mbo boosi banyale okhwakana essisa sya Weere yimuli.
\v 32 Khuba Weere kawowa wuli mutu yeesi mu wujjemu kho anyale okhuba nesissa khu boosi. Esyo’khuwuka esikali
\p
\v 33 Oo, okhwoloberera khwo wuyinda wa makesi no’khumanya khwa Weere! Nga sidinyu okhukonyeresa enkhenga yaye ye’misango, no’tukira twaye otutanyalikhana okhukonyeresa yitwakama!
\v 34 “Naanu omanyire ebibaaso byo’mwami? Oba naanu obangakho mukeraki waye?”
\v 35 Naanu owangaakho Weere, kho sibe mbo Weere anyala kamusasula?”
\p
\v 36 Siri mbo bitula mumwene khandi okhubita mumwene khandi khumwene nje ebitu byoosi. Oluyaali lukowole yali emirembe choosi! Amina.
\c 12
\p Sadaaka Enamu
\v 1 Nolwesyo, mbasaba enywe, baanabefwe, mukhumanya okhwe’ssisa sya Weere, okhuwangayo emibiri chenywe nga sadaaka enamu, enjolerefu khandi eyisangasa Weere__ sino nje esikholwa syenywe esyo’khusaba okhwo’mwoyo.
\v 2 Mutafwananisiwa ne’khola yo’luse luno, ne mukalukhanisiwe nga mwosewa wuyakha mubibaaso byenywe. Kho mwiche munyale okhukesakho okhwoseresa no’khukhakhasa okhudakha khwa Weere lukhuli__ owulayi waye, owusangasa khandi owolerefu mu khudakha.
\p
\v 3 Khuba okhubita mu khussasira khwaye khukamba mboola eyiri wuli mulala khwinywe: otebasangakho omwene okhukhiririsakho nga lwokhoyire okhuba, ne webasengekho no’khwekhengerawo khulengaala, ne’sipiimo syenfukirira Weere ya’khuweye.
\v 4 Nga lusiri mbo wuli mulala khwifwe ali no’mubiri mulala okuli nebitundu bingi, ne ebitundu binno wuli situla sisikhola nasirala wuli situla nomulimo kwasyo,
\v 5 nolwesyo mu Kurisito efwe abali ebitundu ebingi khukhola omubiri mulala, nawuli otula kekhola okhuba mulala khu bandi boosi.
\v 6 Khuli nebirawo bikawukhanire, olwe ssisa syaye sikatuwa. Esirawo syo’mutu nisiba owunabbi, asikhosese okhwakaniyakaniya no’mukawo kwaye kwenfukirira.
\v 7 Nikhuba khukawula abatu, akhoyire ayerese; nikhuba khusomesa, akhoyire asomese;
\v 8 nikhuba khukumiya, akhoyire akumye; nikhuba okhuyeeda abawuma nabyo, abawenge nga syasosola; nikhuba khutangirira, abafuke no’wegenderefu; nikhuba okhwekesa essisa, asikholenge no’wusangafu. Okhudakha
\p
\v 9 Okhudakha khutekwa khwaba okhwamasima. Musyuule esirangiwa essibi; mwewambaniye khwisyo esirayi.
\v 10 Mwewengeyo khu lwa basenywe embeka ne’mbeka mu khudakhana nga bawandayo. Muweresaniyenge oluyaali okhukhirakho mwabeene.
\v 11 Mutakhaywanga esinani, Naye mube abasangafu mu mwoyo okhuweresa omwami.
\v 12 Musangalirenge mu suubi, obakumikirisi mu khuwonawona, abafukiirisi mu khusaba.
\v 13 Mukabanenge na’batu ba Weere abali muwetaafu. Musangalirenge abakeni.
\v 14 Muwenge enkhabi abo ababasandya; muwenge enkhabi ne mutawaaba.
\v 15 Musangaalenge nabo abasangaala; mulirenge nabo abalira.
\v 16 Mumenyenge mu wulayi enywe abene nabeene. Mutabanga no’khweniniya, ne banga omutu okholagana nabo abaasi. Otabanga owe wona weηηene.
\v 17 Otasasusanga eyiri oyo okhukholire essibi olwe’sibi wegenderesenge okhukhola esirayi mumoni chawuli mutu.
\v 18 Nisiba mbo sinyalikha, okhwema khukhuwona khwawo, omenyanga mirembe nende nawuli mutu.
\p
\v 19 Otesasusanga olwe’sibi, becha bange, ne olekhangawo embaka olwe’ttima lya Weere, khuba syawandiikiwa siiti: “Siri yindi okhusasula; Niicha okhumusasula.” nje Owoola omwami.
\v 20 Noluwande lundi: “Nisiba mbo omulabe wawo ali njala, muliise; naba no’wuluuwo, muwe esyokhunywa. Mukhukhola siino, onabe owungikha amanda ko’muliro khumutwe kwaye.”
\v 21 Otakhirwanga no’wubi, naye okhiranga owubi ne’birayi.
\c 13
\p Okhuwa Oluyaali Abo’wunyala.
\v 1 Wuli mulala khwinywe ateekwa okhwewaayo khu bo’wunyala, khuba yiwuma owunyala owutatewawo ni Weere. Owunyala woosi owuliwo watewawo nende Weere.
\v 2 Okhumalakho, oyo yesi yeesi ojjemera abo’wunyala aba ajjemera Weere sikatawo, ne abo boosi abasikhola balireeta okhwekhengera omusango abeene.
\v 3 Abatukki sibadiira byokki khulwabakhola ebituufu, naye khulwabo abakhola owubi. Odakha okuba mulekhule eyiri abali muwunyala? Manu khola esituufu anakhusangaalire.
\v 4 Khulwokhuba ye mukhosi wa Weere okhoyire okhukhufuka wulayi. Ne nokhola esibi ba muti, khuba syadiira syoki khu werere. Ye mukhosi wa Weere, owoseresa ettima okhuwa esiwonereso khulwabo abakhola owubi.
\v 5 Nolwesyo, sikhoyeera okhugondera abali muwunyala, silwo khutya khwe’siwonereso naye khandi olwa’makesi ko’wiwulanwa.
\v 6 Sinno syosi nje esikira khwasasula emisolo, khuba obo’wunyala bakhosi ba Weere, abawayo ebikha byawe muwichufu okhufuka.
\v 7 Weresa wuli okhubanja syakhubanja: noba no’banjjiwa emisolo, ssasula emisolo; ni yiba enyingisa ye’syalo, sasula okhwema khunyingisa yawo; ni luba luyaali, bawe. Dakha, Khuba Oludaalo Luli Ambi.
\p
\v 8 Awumewo ekobi eridonηηa, okhutusakho eryadonηηa okhudakhana mulala khu mulala, khuba odakha owasye aba koseresise elako.
\v 9 Amalako, “Otabanga mudamba,” “Oteeta,” “Otebanga,” “Otekombanga,” Namalako kandi koosi akanyala kabawo, kembikitanisiwa mulako erala lino: “Dakha omuliranwa wawo nga luwedakha wamwene.”
\v 10 Okhudakha khuwumakho esichuniya muliranwa. Nolwesyo okhudakha nje okhwoseresa elako.
\p
\v 11 Khandi khola sinno, nomanyire ebikha byawunaanu. Ebikha byolire yoli okhusiingira mundoolo chawo, khu lwokhuba okhuwonesewa khwefwe khuli ambi wunaanu okhukhirakho nga lukhwasokha okhufukiirira.
\v 12 Wunatere okhukhya; oludaalo lwolereye anno. Manu khute abikholwa byesireema khuntulo khwambale ebyambalo byo’wulafu.
\v 13 Khwebisye wulayi, nga bebikha bye’sideete, okhulekha mukhulirakana no’wumeesi, si mu wudamba, no’khwitana, no’khuba mukhukawukhanamo no’mutolyo.
\v 14 Nisinyalikha, mwambale omwami Yesu Kurisito, mukhaye okhubaasa nga lu munakiniye okhwekoomba khwesibi syo’mubiri.
\c 14
\p Abanafu Na’bamaani
\v 1 Mu mufukiirire oyo owefukiirira ennafu, atali okhukhengera emisango ali emboosi cho’khuyingana.
\v 2 Enfukiirira yo’mutu yimufukiirira okhulya wuli situ, no wundi, oli nenfukiirira nafu, alya eryani lyo’ηηene.
\v 3 Omutu yeesi olya byoosi atewunjanga wubi eyiri ola otalya, khandi eyiri oyo olya atolobyanga oyo otalya, khuba Weere kamufukiirira.
\v 4 Niwe naanu okhengera omukhosi wo’wundi omusango? Eyiri omukhosesa kemawo oba akwa. Khandi acha okhwema, khu lwokhuba O’mwami anyala okhumukhola kema.
\p
\v 5 Omutu mulala ayira oludaalo lulala okhuba lukhuluutu okhukhira olundi; owundi naye ayira endaalo choosi nasirala. Wuli otula akhoyire muwichufu kekhakhasa mu bibaaso byaye.
\v 6 Oyo oyira oludaalo lulala okhuba lukhuluutu, asikhola khu lwO’mwami. Oyo olya enyama, alya olwo’mwami, khuba kebasa Weere; khandi oyo otalya asikhola khu lwo Mwami khandi kebasa Weere.
\v 7 Yiwuma mutu yeesi khefwe obawo khulwaye yeŋŋene khandi yiwuma mutu yeesi khwefwe ofwa khulwaye yeηηene.
\v 8 Nikhuba abalamu, khuba abalamu khu lwo’mwami; khandi nikhufwa, khufwa khu lwo’Mwami. Oba khuba abalamu oba khufwa, khuli bo’Mwami.
\v 9 Olwe’songa yinno, Kurisito kafwa khandi kakowola muwulamu khosinyalikhe yee abe Omwami wa bombi abafu khandi nabalamu.
\p
\v 10 Ewe, wunaanu, khulwasi okhengera wandayo omusango? Oba lwasi wewunja wandayo ne’sirekeresi? Khuba fesi feesi khulyema khu sissala sya Weere esyo’khukhengerwakho emisango.
\v 11 Syawandiikiwa siiti: ‘“Mukhumanyira erala nga lundi omulamu,” alomaloma Omwami, ‘wuli khumbo lirinsigamira; wuli lulimi lulyatula eyiri Weere.’”
\p
\v 12 Manu wunaanu, wuli mulala khwifwe aliwa ebimufwakho omwene eyiri Weere.
\p
\v 13 Nolwesyo khulekhere awo okhukhengeranira emisango abene nabeene. Okhutusakho, mwebaasemo okhutata esitu syosi esitekera oba omukhingakiro okukayira mwanamawo khungira.
\v 14 Nga mulala oli mu Mwami Yesu, nfukiirira muwichufu nti awuma emmere mbi mu yene. Ne naba omutu yesi oyira esitu syoosi okhuba sibi oba sichafu, olwo khuye siba sichafu.
\v 15 Singa mwamamawo nanyigga khu lwesyo syolya, syuba no’syebisya mungeri yo’khudakha. Otabitira mu khulya wonoona mwanamawo oyo Kurisito yikafiirira.
\v 16 Otafukiirira syoyira syobasa oti sirayi okhulomwalomwakho nge’sibi.
\v 17 Khuba owene’ngo wa Weere si situ nge syokhulya khandi no’khunηηwa, ne syowolerefu, emirembe ne’sangaalo mu mwoyo mwolerefu,
\v 18 khulwo khuba omutu yesi yeesi oweresa Kurisito mungira yinno aba asangaasa Weere khandi nga akhakhasiwa na’batu.
\p
\v 19 No’lwesyo khukhole esinyalikha na’maani okhukhola esituyira mu mirembe khandi nenfukiirisaniya no’khwombakhana efwe abene nabeene.
\v 20 Otonoona emirimo cha Weere olwe’mmere. Ebyokhulya byosi byoosi biyonjo, si syakhaba sirayi omutu yeesi okhulya esitu syoosi esikira owundi okhwekumula.
\v 21 Siba sirayi owutalya nyama oba okhutanywa omwenge oba okhukhola esitu syosi syoosi esinyala okhuleetera wandayo okhukwa.
\v 22 Manu wuli syo’fukiirira ebidiira khu bitu binno bikhole akaati wawo nende Weere. Wenkhabi mutu oyo oteyolobya omwene khu byakhakhasa.
\v 23 Naye omutu otekhakhasa aba akhengeywe naba nalya, khu’lwokhuba okhulya khwaye sikhwenfukiirira; khandi wuli situ esitatula khunfukiirira siba sibi.
\c 15
\p
\v 1 Efwe aba’maani khukhoyire khwesimirise okhukwa khwa’banafu owutessangasa fwabene.
\v 2 Wuli mulala khwifwe akhoyire asangaase omuliranwa waye olwo wulayi waye, okhumwombakha.
\v 3 Ata Kurisito yesi sikesangasa omwene, ne nga lusyawandikiwa siiti: “Okhunyeka khwabo abakhunyeka khungwiyekho.”
\v 4 Khuba wuli situla esyawandiikiwa mu ndaalo chabitta syawandiikiwa okhutusomesa, kho sibe mbo okhubita mukhwesimirisa nende okhukumisaniya nende ebyawandiikiwa khunyale okhuba nende esuubi.
\p
\v 5 Sinyalikhe Weere okaba okhwisimirisa nende okhukumisaniya abawe omwoyo wowulala mwinywe abene nga lumulonda Kurisito Yesu,
\v 6 sibe siiti no mwoyo mulala no munwa kwawo onyale okhuwa Weere oluyaali nende Bbabba owo’Mwami wefwe Yesu Kurisito.
\p
\v 7 Mufukiirisaniye, olwo, nga Kurisito lu kabafukiirira, khu sinyalikhe okhuleeta okhukiniya khu Weere.
\v 8 Kho mbawolera nti Kurisito afukhire omupakasi wa Bayudaaya, khu lwa masima ka Weere, okhukhakhasa ebisubiso bikakhola nende ba kuuka yefwe
\v 9 manu syolerere abateende banyale okhuweresa Weere oluyaali mu ssisa syaye nga lusyawandiikiwa siiti: “Olwesyo nja okhukhukiniya mu bateende; “Ndyemba enyembo khu litta lyawo.”
\v 10 Khandi, siwoola siiti, “Sangaala, oo abateende, nabatu baye.”
\v 11 Khandi lundi, “Akinisiwe Omwami, enywe mweesi abateende, Khandi mu mwembe okhukiniya yali, mweesi abatu.”
\v 12 Khandi lundi, Yisaaya awoola ati, “Emissi cha Yese chicha okhutula amukulu, oyo olisiingira okhufuka ebyalo; Abateende balimusubiriramo.”
\p
\v 13 Sinyalikhe Weere we’ssubi abechuse ne’sangaalo lyosi ne’mirembe nga lu mumwesika ye, sibe mbo mutumbirira ne suubi okhubitira mu maani ko’mwoyo mwolerefu.
\s Paulo Omuweresa Eyiri Abateende
\p
\v 14 Esse omwene nfukiirira, baana befwe, nti enywe abeene mwechula owulayi, mwechusiwa na’makesi nende owumanyirifu wo’khusomesaniya.
\v 15 Mbawandiikiye mu wumalirifu khu bitu bindi, nga ndi nga obechulisa khandi, olwessisa Weere sikamberesa,
\v 16 okhuba omuweeresa wa Kurisito Yesu eyiri abateende omulimo kwo mwayi ni kulangirira emboosi ya Weere, sibe mbo abateende banyalirwe okhuba esiyanwa sifukiirirwa eyiri Weere, nga byadolewa no’mwoyo mwolerefu.
\p
\v 17 Nolwesyo nfumisira mu Kurisito Yesu mu wuweresa wange eyiri Weere.
\v 18 Sinja khukesakho okhulomaloma ebitu bindi okhutusakho Kurisito bikoseresa mwise nikambitiramo mu khutangirira abeteende okhufukiirira Weere mwebyo bimbooye nende binkholire__
\v 19 Olwa’maani ko’wuwonero nende ebya’magero, okhubitira mu maani ko’Mwoyo. Manu okhutula e Yerusalemi engira eyo okhwewodakhaniya okhwola Iruliko. Malire okhwanjulusa mu wichufu enjiri ya Kurisito.
\v 20 Sibeyenge syokhulubirira khwange okhuwuulira enjiri okhwola Kurisito yikali natamanyikhanire, manu sibe mbo sinakhabeye nombakhira khumusingi kwo’mutu wundi.
\v 21 Nga lusyawandiikiwa siiti: “Abo abatawoolerwa khuyee baliwona, khandi eyiri abo abatawulira balitegeera.”
\p
\v 22 Sino nje esikira amakhabi kayera mbeye nitekatekanisiwa okhwicha yimuli. Entekekha ya Paulo Okhukeniya Rooma.
\v 23 Ne wunaanu awumawo awutu andi anyala nakhola omulimo mu bitundu binno, khandi okhutula khale mbeyenge emyaka mingi ni nekoomba okhubawona,
\v 24 ntekekha okhusikhola nindiba ninjiye e Sipeyini. Ndi ne suubi okhubakeniya nimbitamo ni khandi khube nanywe munjedde khu lukendo lwange era, nimalire okhuba alala nanywe ebikha bitono.
\v 25 Wunaanu, nende biri biityo, ndi khulukendo olucha e Yerusalemi mu khuweresa khwabolerefu eyo.
\v 26 Eyiri Makedoniya nende Akayiya bali abasangaafu okhutusa sibali nasyo okhuwa abaati khwabo abolerefu abali mu Yerusalemi.
\v 27 Bali basangaafu okhusikhola esyo, khandi nasirala syali sikhoyera nga kobi yibali. Nisiba mbo abateende nibakabanirekho omukawo na Bayudaaya enkhabi cho’Mwoyo, yibali khu Bayudaaya boosi okhuwona nti bakabanamo nabo enkhabi ye bye’syalo.
\v 28 Wunaanu nimalire kuno mudunga ni khandi nkhakhasise funire ebyamo binno, ndache e Sipeyini male mbakeniye ningowola.
\v 29 Manyire nti ni nicha yimuli, ndakowole muwichufu nekhabi ya Kurisito.
\p
\v 30 Mbakhubbirisa, baana befwe, okhubitira mu mwami wefwe Yesu Kurisito nende olwo’khudakha khwo Mwoyo mwolerefu okhunegatakho mu khukhalabana khwange ni munsabira eyiri Weere.
\v 31 Munsabire sinyalikhe okhuwona esibi olwa batafukiirira mu wu'Yudaaya nende emirimo change mu Yerusalemi chifukirirwe eyiri abolerefu eyo,
\v 32 manu sinyalikhe mu khudakha khwa Weere nyale okhwicha yimuli ne’sangaalo khandi nikhuli alala nanywe khunyale okhujonηηolokha.
\v 33 Weere we mirembe abe ni nanywe mweesi. Amina.
\c 16
\p Amakheso eyiri Nawuli Mulala
\v 1 Mbajjulira emwe eyiri mbocho yefwe Fayibe, omupakasi owe kkanisa mu Kenkereya.
\v 2 Mbasaba mu mwakananire mu litta lyo’Mwami nga batu ba Weere no’khumuwa owuyeedi woosi mu byadakha okhutula yimuli, khulwokhuba abeye wo’wuyeedi wamani eyiri abatu bangi, sesi nga nje khundi.
\p
\v 3 Munkhesera Purisiila nende Akwiila, abakhosi basyange mu Kurisito Yesu.
\v 4 Abawayo owulamu wawe khu lwange. Siise senηηene naye khulwa makkanisa kabateende koosi kabasangaalira.
\v 5 Munkhesere ata nende ekkanisa eya bafukiirira bewusiranga mu nyumba yawe. Munkherese omwicha wange Payineto, omu Kurisitaayo wasokha okhukalukhana mu sifwo sya Asiiya.
\v 6 Munkhesere Maliya, owakhola lukali khu lwenywe.
\v 7 Munkhesere Androniko nende Yuniya, abalebe bange ababeye mujjera nange. Bamanyikhanire lukali nga batume, khandi baba mu Kurisito esse ninsiiri.
\v 8 Munkherese Ampuliyaato, yindakha mu Mwami.
\v 9 Munkhesere Urubbano, omukhosi wasyefwe mu Kurisito, nende omwicha wange Sutaku yindakha.
\v 10 Munkhesere Apelle, owakesewakho kakhakhasiwa mu Kurisito. Munkhesere abo abo’mu nyumba ya Arisitobbulo.
\v 11 Munkherese Kerodiyoni, omulebe wange. Munkhesere abo mu nyumba ya Narikiso abali mu Mwami.
\v 12 Munkhesere Tolofayina nende Turufosa, abakhasi abo abakhola lukali mu mulimo kwo’Mwami bamaani. Munkhesere omwicha wange Perusi omukhasi wundi okholire lukali emirimo mu litta lyo’mwami.
\v 13 Munkhesere Turufusi, omwangale mu Mwami, nende nηηina obeye maama wange ssesi.
\v 14 Munkhesere Asikuriito, Fulegooni, Kerume, Paturooba, Kerume nende bamwanama babali nabo.
\v 15 Munkhesere Filologo, Juliya, Nerewo nende mbochoηηene, nende Olimupa nende abolerefu boosi babali nabo.
\v 16 Mukhesaniye abene nabeene ni mukwichana mu birifu. Eyiri amakanisa koosi aka Kurisito ba balakirisira amakheeso.
\p
\v 17 Mbakerakira, baana befwe, okhwerinda eyiri abo abaleeta okhukawukhanamo khandi nabonoona enfukiirira yabasyawe nibayinganiya bibekire munsomesa ntuufu. Mube ale nabo.
\v 18 Khuba abatu bembya nge’cho sibali okhuweresanga omwami wefwe Kurisito, balonda amalekhe kawe kene. Bakhosesa enomaloma yikhobya khandi nga nterere nokhwefumyafumya ni babachirisa abatu batalikho musango.
\v 19 Wuli otula awuliye owulonga wenywe, manu ndi mwichufu ne’sangaalo khu lwenywe; ne ndakha mube bakesi ambi khu wuli sirayi, khandi no’khutaba no’musango eyiri esibi.
\v 20 Weere we’mirembe keecha wangu okhusiriita setani mu makulu kenywe. Essisa swo’Mwami Yesu sibe ni nanywe.
\p
\v 21 Temisewo, omukhosi wasyange abakhesise, nende Lusia, Jasoni, nende Sosipateri, abeekho bange.
\v 22 Esse, Terutiyo, owa wandiika ebbaruwa yiino, nkhukhesa mu litta lyo’Mwami.
\v 23 Gayasi, owansangaalira ne’kkanisa yoosi anno yi sangaalira, akhuwa amakheeso kaye. Erasito, omutangirisi we’sikko sikhongo mu bye’mirimo nende mwanaama Kwaruto babakheesa.
\v 24
\p
\v 25 Wunaanu eyiri onyala okhubatawo nabitira khu njiri yange khandi no’khumanyisa Yesu Kurisito, okhwema khu khuwikhulirwa khwe’syama syakisiwa olwe’ndaalo nyingi echabitawo,
\v 26 ne wunaanu chakisuliwa khandi chamala chamanyikha nga chibitira mu biwandiiko bya ba nnabbi okhutula khu silagiiro sya Weere otalifwa khandi otalyakama, kho syolerere mbo ebyalo byoosi binyale okhufukiirira no’khumuwulira__
\v 27 Eyiri Weere mukesi yeηηene aweresewe oluyaali endaalo choosi okhubitira mu Yesu