lsm-x-lugwe_reg/45-ACT.usfm

\id ACT
\ide UTF-8
\h EBIKHOLWA
\toc1 EBIKHOLWA
\toc2 EBIKHOLWA
\toc3 act
\mt EBIKHOLWA
\c 1
\p
\v 1 Musitawo syange esyasookha, Teefwiro, nawandiika khu’byoosi Yesu bikatangira okhukhola n'okhusomesa
\v 2 okhwoosa khuludaalo lukayiriwa mwikkulu, namalire okhuwa ebiragiro okhubita mumwoyo mwolerefu eyiri abatume bakali nikangaaye.
\v 3 Okhuwonawona khwaye nikhuweeye, keyekesa omwene eyiri abatu banno kabawa bingi ebyomiisa biiti kali mulamu. Kawonekha yibali olwembaka eyikhira endaalo amakhumi kanne lundi kalomaloma khu wene’ngo wa Weere.
\p
\v 4 Ekhabi liindi, nikali naalya nabo, kabawa esiragiro sinno: “Mutatula mu Yerusaalemi, ne mulinde esirawo Bbaabba sikasuubisa, simuwuliiye esse ninomalomakho.
\v 5 Olwokhuba Yokana kabatiisa nende amaachi, naye mu ndaalo chitaasi cheyale mucha okhubatiisiwa no’mwoyo omwolerefu.”
\p
\v 6 Ne wunaanu nibawukanana, bamuteeba baati, “Omwami, mu sikha sinno ocha okhukowosawo owene’ngo wa Yisirayiri?”
\v 7 Kabawoola ati: “Sisyenywe okhumanya ebikha oba endaalo Bbaabba chikatawo no’wunyala waye omwene.
\v 8 Naye mulifuna amaani omwoyo mwolerefu nabechirekho; khandi muliba bajjulisi bange mu Yerusaalemi, nende mu wu'Yudaaya nende Samaliya nende khu njakamo ye syalo.”
\v 9 Nikamala okhulomaloma sinno, kayiriwa amukulu nibawona ne’moni chawe chene, ne esireesi simukisa akhaya okhuwonekha yibali.
\p
\v 10 Nibali nibasikhadasise emoni mu bbanga nga nikali naacha, wangu wene abasaacha babiri nibambaye ebirafu beema ambi nabo.
\v 11 Bawoola baati, “Basaacha be Galiraaya, “Lwasiina mwemire anno nimutingaala mu bbanga? Yesu mwene onno, obatusiiwekho kacha mwikkulu, alikowola mungeri nasirala yi’mwamuwoneramo nacha mwikkulu.”
\s Matiya Adoolewa Okhukowola Mu Sifwo Sya Yuda
\p
\v 12 Abatume beecha baakowola mu Yerusalemi nibatula khu luggulu lulangiwa olwa Seyituuni, olukendo lwe Ssabbiiti enaamba okhutula mu sikko.
\v 13 Niboola, bacha amukulu mu sisenge yibamenyanga. Abaliwo nje banno, Petero, Yokana, Yakobo nende Andereya; Firipo nende Tomasi, Batulomaayo nende Matayo; Yakobo omusyani wa Alufaayo nende Simoni Zerote, nende Yuda omusyani wa Yakobo.
\v 14 Boosi bewusira alala mu khusaba, nende abakhasi nende malyamu ηηina Yesu, nende bambochooηηene.
\p
\v 15 Mundaalo echo Petero keema mu bafukiirisi (esidiikha esyola ambi emya nende amakhumi kabiri)
\v 16 kawoola ati, “Baana befwe, ebyawandiikiwa byali no’khwoseresewa omwoyo omwolerefu bikalomaloma khale nabitira mu munwa kwa Daudi okhudiirana khu Yuda, owakhola nga omutangirisi wabo abadiira Yesu__
\v 17 Khandi kali mulala khwiifwe khandi kakabana alala naafwe muwuweeresa wunno.”
\p
\v 18 (Esiwanwa sikafuna olwesikholwa syaye sibi, Yuda kakula endalo; eyo kakwiira omutwe, omubiri kwaye kwadikha manu amala kaye kayombookha erwanyi.
\v 19 Wuli mutu mu Yerusalemi kawulira sinno, manu endalo eyo bayilanga mu lulimi lwawe baati, “Akerudama, amakhuluutu mbo, Endalo ya mabaanga.)
\p
\v 20 Petero kawoola ati, “Olwokhuba, syawandiikiwa mu sitawo sya sabbuli siiti, “’Esifwo syaye sirekhewa nga ekuunda; akhaye khubawo yeesi omenyamo,’ khandi, “’abewo owundi oyira esifwo syaye esyo’wemeresi.’
\p
\v 21 N'olwesyo sikhoyera okhudoola mu basaacha ababeeye nafwe ebikha byoosi Omwami Yesu bikengira no’khutula mwiifwe,
\v 22 Okhuchaakira khu khubatiisa khwa Yokana okhwoola khu bikha Yesu bikatutusiwakho naacha amukkulu. Olwokhuba mulala khubano ateekwa okhuba omujjulisi alala nafwe khu khusyuukhira khwaye.”
\p
\v 23 Manu babaasa khu batu babiri: Yosefu olangiwa Balusaba (khandi nga alangiwa Yusito) nende Matiya.
\v 24 Manu basaba baati, “Omwami omanyire omwoyo kwawuli mutu. Twekese naanu khu babiri banno yudooye.
\v 25 Okhuyira owuweeresa wowutume Yuda wukalekha okhucha yakhoyera.”
\v 26 Manu beecha bakhubba owululu, akhalulu khakwa khu Matiya; manu kabalirwa khubatume ekhumi na’mulala. EBIKHOLWA
\c 2
\p
\v 1 Oludaalo lwa pentekoote nilwoola, boosi bali alala nibewusiise mu sifwo sirala.
\v 2 Wangu wene ekkono lyaduma nga embunga ya’maani nga yitula mukulu yechula enyumba yibali bekhaayemo.
\v 3 Bawona ebyali nibifwana ng’enimi cho’muliro echakawukhana chamala chakwa khuwuli otula.
\v 4 Bosi boosi bechusiwa nende omwoyo omwolerefu bachaaka okhulomaloma mu nnimi chiindi nga omwoyo oyo lukabanyalira.
\p
\v 5 Wunaanu mu Yerusalemi mwalimo Abayudaaya abatyanga Weere okhutula mu wuli syalo assi we kkulu.
\v 6 Nibawulira ekkono linno, esidiikha syeecha alala nisiwukka, olwokhuba nawuli syamulala babawulira nibalomaloma nawuli otula mu lulimi lwaye.
\v 7 Besindukha bawuka lukali, bateeba baati: “Manu abasaacha balomaloma banno boosi si Bagaliraaya?
\v 8 Ne wunaanu lwaasi nawuli otula khwiifwe abawulira bibalomaloma mu lulimi lwawe lwene?
\v 9 Abapaazi, Abameedi nende Aberamiti; abekhali bo mu Mesopotamiya, wu'Yudaaya nende Kapadokiya, Ponto nende Asiya,
\v 10 Fulugiya nende Panfuliya, Misiri nende ebitundu bya Libya ambi nende Kuleeno; abakeni okhutula e Romma
\v 11 (Bombi Abayudaaya nende abachusiwa mu Wuyudaaya); Abakulete nende Abarabbu__ khuwulira nibalangirira ebyamakana bya Weere mu nnimi chefwe chene!”
\v 12 Bawuka khandi bateηηeηηala, batebana abene nabeene baati, “sinno syekesa ssi?”
\v 13 Abandi, bafwotekheresa nibawoola baati, “Abo banyweye omwenge mungi.”
\s Petero Alomaloma Eyiri Esidiikhar
\p
\v 14 Manu Petero keecha keema nende ekhumi namulala, kasiingisa ekkono lyaye kalomalomera esidiikha ati: “Bayudaaya basyange nende enywe mweesi abamenya mu Yerusalemi, khambanyonyole sinno; mutekeerese wulayi bimboola.
\v 15 Abasaacha banno sibameeye, nga lumubasa. Chiri wusa esaawa chidatu eche chuli!
\v 16 Bbe, sinno nje esyalomwalomwa nende nnabbi Yoweeri nawoola ati:
\p
\v 17 “’Mundaalo echisembayo, Weere awoola ati, Nja okhuchukha Omwoyo wange khu batu boosi. Abasyani benywe nende abakhana balilakula, abasyani benywe abasimbukha bacha okhuwonekherwa. Abasaacha bakhuluutu benywe baliroota ebirooto.
\v 18 Ata nende abakhosi bange wussa, abasaacha nabakhasi, nja okhuchukha omwoyo wange mundaalo echo, manu balilakula.
\v 19 Ndyekesa obiwukya mwikkulu amukulu nende owuwonero khu’syalo assi, amabaanga no’muliro no’khuniyookha khwo’mwoosi.
\v 20 Eryuuba lyakhakaluukhane esiirema no’mwesi kwaba amabaanga oludaalo lwo’Mwami olwoluyaali nilutoola.
\v 21 Ne nawuli olaanga eriita lyo mwami aliwonesewa4.
\p
\v 22 “Basaacha ba Yisirayiri, mutekerese sinno; Yesu owe Nasaleesi kali musaacha owatumiwa ni Weere yimuli nende ebyamangalima, ebiwukya nende owuwonero, Weere bikakhola akaati mwiinywe namubitiramo, nga enywe abene lumumanyire.
\v 23 Omusaacha ono kabayeresewa nende entekekha ya Weere ne’sichiiririrwa no’khumanya; nanywe, nimuyeedewa nende abatu babi, mwamwiita ni mumukhomerera khu musalabba.
\v 24 Naye Weere kamusiingisa okhutula mubaffu, kaamuwolola muwuchuuni wokhufwa, olwokhuba sisyali sinyalikha okhufwa okhumufwinyirira.
\p
\v 25 Daudi kamulomalomakho ati: “’Nawonanga Omwami wuli sikha naali yiindi. Olwokhuba ali khumukhono kwange omulungi, sindidengaanisiwa.
\v 26 N'olwesyo omwoyo kwange musangaafu khandi olulimi lwange lwekhoya; no’mubiri kwange kwoosi kulimenya mu khusuubira.
\v 27 Olwokhuba syolindekha okhucha emakoombe, khandi syolirekha omwolerefu wawo kaawona okhuwola.
\v 28 Wumanyisiise otukira two’wulamu; olinjichusa esangaalo yuuli.”
\p
\v 29 “Baana befwe, nyala okhubawoolera nintatya nti, kuuka yefwe Daudi kafwa khandi bamusiikha nende enηηani yaye yiri ano nokhwola wunaanu.
\v 30 Naye kali nabbi khandi kamanya ati Weere kali amusubisiise esirayiro ati aliikhasa mulala khu bechukhulu baye khusisaala syaye syo’wutukki.
\v 31 Nikawona ebyali emutwe, kalomaloma khukhusyuukhira khwa Kurisito, ati khaba sikalekhewa emakoombe, ata no’mubiri kwaye sikuliwona okhuwola.
\p
\v 32 Weere asingissise Yesu Onno kamuta mu wulamu, khandi khuli bajjulisi bamasima.
\v 33 Kekhasiiwe khumukhono mulungi kwa Weere, afunire omwoyo mwolerefu okhutula eyiri Bbabba kukasuubisa khandi achukhire erwanyi bimuwona wunaanu khandi bimuwulira.
\v 34 Olwokhuba Daudi sikaniina mwikulu, asyakhaba mbo kawoola ati, “’Omwami kawoolera omwami wange ati: “yiikhala khumukhono kwange omulungi
\v 35 Okhwosa lundikhola abasikku bawo okhuba esiteeni syokhutakho amakulu kawo.’”
\p
\v 36 “Nolwesyo Yisirayiri yoosi khayoomiise sinno: Weere akholire Yesu Onno, yimwakhomerera, okhuba Omwami khandi Kurisito.”
\p
\v 37 Abatu nibawulira sinno, bachuunwa omwoyo bawoola Petero nende abatume bandi baati, “Baana befwe khunakhole ssi?”
\p
\v 38 Petero kakowolamo ati, “Mweyolobye manu mubatiisiwe, wuli mulala khwiinywe, mu liita lya Yesu Kurisito khulwokhulekherwamo ebibi byenywe. Khandi mulifuna esiwaanwa esyo’mwoyo omwolerefu.
\v 39 Esisubiso sye’nywe nende abaana benywe nende boosi abali aleeyi weene __ olwokhuba boosi omwami Weere wefwe baliraanga.”
\v 40 Ne’mboosi chiindi nyiingi kabalawula; lundi kabekalikhira nawoola ati, “Mwewoniye abene okhutula mu lusse luno olwanyasikha!”
\p
\v 41 Abo abafukiirira owubakha waye babatiisiwa, khandi ambi elifu chidatu bemeeda khu wungi wawe khuludaalo olwo.
\v 42 Bomiirira khunjekesa ya batume nende okhukholera alala, okhukhalakaanga omugaati nende okhusaba.
\s Okhukholera Alala Khwa Bafukiirira
\p
\v 43 Wuli otula keechula owuti, khandi ebiwukisya nende owuwonero wa mayiya byakholewa nende abatume.
\v 44 Abafukiirira boosi bali alala khandi nga nawuli sibakhola sifwanana.
\v 45 Bakusaanga bibaliingi nabyo ne’biitu, bawanga nawuli otula nga owetaffu waye niwaliingi.
\v 46 Wuli ludaalo bachanakanaanga okhuwukananira alala mu nyumba ya Weere. Bakhenganga emigaati mu madaala kawe khandi bachiraanga alala no’wusangaafu ne’myoyo mirala,
\v 47 nibakiniyaanga Weere no’khusangaalira okhudakha khwa batu. Manu Omwami kameedanga khuwungi wa bafukiiriraanga wuli ludaalo. EBIKHOLWA
\c 3
\p
\v 1 Oludaalo lundi Petero nende Yokana bali bacha mu nyumba ya Weere mubikha byokhusaba esaawa mwenda eche'ngoloobe.
\v 2 Wunaanu omusaacha mulema okhutula nikeewulwa kakingiwaanga okhuyiriwa khu mulyango kwe nyumba ya Weere okulangiwa kuuti Omulayi, yibamutaanga wuli ludaalo okhusabirisa okhutula khwaabo abengiraanga mu nyumba ya Weere.
\p
\v 3 Nikawona Petero nende Yokana nibali ambi okhwiingira, kabasaba bamuwe erubbya.
\v 4 Petero kamukhadaasa emoni, Yokana yeesi atyo. Ne Petero amala awoola ati, “Tutingaale!”
\v 5 Manu omusaacha kabatekeeresa, nga asuubira okhubafunakho esiitu.
\v 6 Ne Petero amala awoola ati, “Efeesa oba e Saabbu mbuma, naye khankhuwe siindi nasyo. Muliita lya Yesu kurisito owe Nasaleesi, keenda.”
\v 7 Kamusiingisa namudiiye omukhono kwaye omulungi, kamuyeeda asiingire. Wangu wene amakulu ko’musaacha nende ebidyengedye byafuna amaani.
\v 8 Katuuma khumakulu kaye kachaaka okhukeenda. Namala acha nabo mu nyumba ya Weere, nakeenda khandi natuumattuma, khandi nakiniya Weere.
\p
\v 9 Abatu boosi nibamuwona nakeenda khandi nakiniya Weere,
\v 10 bamumanyirisa nga nj’e omusaacha omwene ola owekhelaanga amulyango kwe’nyumba ya Weere na’sabirisa okulangiwa Omulayi, manu bechusiwa okhuwuka no’khutya olwe syali nisimwekholekhirekho.
\s Petero Alomalomera Abatiingaasi
\v 11 Omusabirisi nikali nasikhayiye khu Petero nende Yokana, abatu boosi bawuka khandi beecha nibeerukha nibacha yibali mu sifwo esilangiwa esya Sulemaani.
\p
\v 12 Petero nikawona sinno, kabawoolera ati: “Basaacha ba Yisirayiri, lwasi sinno sibawukya? Lwasi mutwekhalirisa khwaba oti fwana khulwamaani kefwe oba owa were wefwe nje owakira omusaacha ono kakeenda?
\v 13 Weere wa Yibbulaimu, Yisaaka nende Yakobo, Weere wa bakuuka yefwe, nje oweresise omukhosi waye Yesu oluyaali. Mwamuwayo okhwiitiwa, mwamwekaana mu’moni cha Pirato, ate nga kali akhengirewo okhumulekhuula.
\v 14 Mwekaana omwolerefu khandi omulungifu mwene manu mwasaba omwiiti okhulekhuliwa.
\v 15 Mweeta omuchakirisi wo’wulamu, naye Weere kamusingisa okhutula mubafu. khuli bajjulisi basinno.
\v 16 Nende enfukiirira mu liita lya Yasu, omulema ono yimuwona khandi yimumanyire kayeresewa amaani. Khandi enfukiirira yaye mu Yesu nje’yikholire omusaacha ono yimuwona kaaba omulamu mwene nga mwesi lumuwona.
\p
\v 17 Wunaanu, baana befwe, manyire nti mwakholera muwutamanya, nasirala nga abemeresi benywe.
\v 18 Naye siityo nje Weere lukoseresa bikali nalomalomeeye mu ba nnabbi boosi nawoola ati, Kurisito waye kakhasaande.
\v 19 Mweyolobye, manu, khandi mukowole eyiri Weere, kho ebibi byenywe binyala okhusanguliwawo, kho ebikha byokhukowola wuyaakha binyale okhutula ewa Weere,
\v 20 khandi khwanyale okhutuma Kurisito, owangaliwa khu lwenywe__ ata Yesu.
\v 21 Atekwa okhusikala mwikkulu okhwoola ebikha lubyakhoole nga Weere nikasuubisa khalekhale nabitira mu ba nnabbi baye abolerefu.
\v 22 Olwokhuba Musa kawoola ati, “Omwami Weere wenywe alibasingisira amukulu nnabbi nga esse okhutula mu batu benywe bene; muteekwa okhutekeresa byoosi byabawoola.
\v 23 Oyo yeesi otamuekeeresa alikawulirwa erala okhutula khu batu baye.’
\v 24 “Masima keene, ba nnabbi boosi okhutula khu Samwiiri na’bandi, nga abangi lubabilomaloma, balakula khu'ndaalo chinno.”
\v 25 Khandi muli basikha ba nnabbi khandi abe ndakano ya Weere eyakholewa nende bakuuka yenywe. Kawoolera Yibbulayimu ati, ‘Okhubitira mu lwiwulo lwawo abatu boosi mu syalo baliwewa enkhabi.’
\v 26 Weere lukasiingisa omukhosi waye, kasookha kamutuma yimuli abawe enkhabi nga’bakalukhaniya syamulala khwinywe okhubatusa mu’ngira chenywe embi.” EBIKHOLWA
\c 4
\p
\v 1 Bakhawona nende omukhuluutu owaliindanga enyumba ya Weere nende Abasadukaayo beecha eyiri Petero nende Yokana nibali nibalomaloma na’batu.
\v 2 Badiirwa ettima lukali olwokhuba abatume bali basomesa abatu ebyo’khusyuukhira khwa Yesu mu baffu.
\v 3 Badiira Petero nende Yokana, ne olwokhuba yali engoloo9be, babata mu jeera okhwola oludaalo olwalondakho.
\v 4 Naye bangi abawulira owubakha bafukiirira manu owungi wawe wemeeda okhwola ambi elifu chitaanu.
\p
\v 5 Oludaalo olwa’londakho abatukki, abakhuluutu nende abasomesa bamalako bawukanana mu Yerusaalemi.
\v 6 Anna khawona okhira owukhuluutu kaliyo, kho nende Kayaafa, Yokana, Alikisaanda nende abasaacha bandi abomudaala lya khawona okhira owukhuluutu.
\v 7 Babaletera Petero nende Yokana bachaaka okhubateeba baati: “Maani siina oba liita siina limwakhosesa mu khukhola sinno?”
\p
\v 8 Manu Petero, nikechuuye omwooyo mwolerefu, kabawoolera ati: “Abatukki nende abemeeresi ba’batu!
\v 9 Nisiri mbo khuli okhulangiwa khuwoole olwaleero olwesikholwa sye’sisa esyekesewa omulema khandi nikhutebewa engeri yikawoneramo,
\v 10 manu mumanye sinno, enywe nende abatu boosi aba Yisirayiri: siri mu liita lya Yesu Kurisito owe Nasaleesi, yimwakhomerera naye Weere kamusiingisa okhutula mu baffu, nje omusaacha ono owemire yimuli owawona.
\p
\v 11 Ono nje “’ekina enywe abombakhi limwakhaya, erifuukhire ekhuluutu eryomunsoonda.’
\v 12 Owuwoniya siwakaniwa mu wundi yeesi, olwokhuba yiwuma liita liindi lyoosi assi wekkulu eryawewa abatu likhutekwa okhuwoneramo.”
\p
\v 13 Nga lubawona owumaliirifu wa Petero nende Yokana khandi bamanya baati sibasoma, abasaacha ba wuli ludaalo, becha bawuka bamanya baati abasaacha bano bali nende Yesu.
\v 14 Naye nga nibecha bawona omusaacha wali nawonire nikemire awo nabo, yali yiwuma sibalomaloma.
\p
\v 15 Beecha babalagira okhutula eyiri abolukhiikho, manu bewuusira alala.
\v 16 Beteeba baati, “siina sikhunakholere abasaacha bano?” Nawuli mutu owamenya mu Yerusaalemi amanyire ati bakhola esyamayiya esiwonekha lukali khandi sikhunyala khusiyiinganiya.
\v 17 Naye okhukayira esiitu sinno okhwemeeda lukali mu batu, khutekwa okhulawula abasaacha bano bakhaye okhulomaloma lundi eyiri omutu yeesi mu liita linno.”
\v 18 Manu becha babalanga khandi bengira babalagira owutalomaloma oba okhusomesakho mu liita lya Yesu.
\p
\v 19 Naye Petero nende Yokana bakowolamo baati, “Mukhengewo abene nisiba sirayi mu moni cha Weere okhuwulira enywe okhukhira Weere.
\v 20 Olwokhuba sikhunyala okhukhaya okhulomaloma khu bikhwawona khandi bikhwawulira.”
\p
\v 21 Nibamala okhubatiisyatiisya khandi babalekha bawawo. Sibanyala okhukhengawo nga nibanabawonerese, olwokhuba abatu boosi bali bakiniya Weere olwe’byali nibikholekhire.
\v 22 Olwokhuba omusaacha wali nawonire mungeri yamangalima kali akhisa emyaaka amakhumi kane echo’wukhuluutu.
\s Okhusaba Khwa’Bafukiirisi
\p
\v 23 Nibalekhuuywe, Petero nende Yokanabakowolayo eyiri abatu bawe bene babawoolera ebiitu byoosi bakhawona bakhuluutu nende abakhuluutu bebikha bibabawolera.
\v 24 Nibawulira sinno, basiingisa amakkono kawe alala mu khwekalikhira Weere baati, “Omwami wo’wunyala woosi.” “Walonga ekulu nende esyalo ne‘nyanja nende wuli siitu sibirimo.
\v 25 Walomaloma no’mwooyo omwolerefu nga obitira mu munwa kwo’mukhosi wawo, kuuka yefwe Daudi ati: ‘Lwasi ebyalo biwalaba khandi abatu batekekha ebitaasimo?’
\q
\v 26 Abene’ngo be’syalo betekekhire nende abatukki bawe bewuusa alala okhuyiinganiya omwami nende owachukhiwakho amafuta waye.’
\p
\v 27 Masima keene Kerode nende Pontio Pirato bawukanana alala nende abateende na’batu ba Yisirayiri musikko sikali okhujeemera omukhosi wawo omwolerefu Yesu, yiwachukhakho amafuta.
\v 28 Bakhola amaani kawo no’khudakha bikhwali nikhutekekhire biiti bibewo.
\p
\v 29 Wunaanu, omwami, baasa khu khutiisyatiisya khwawe manu onyalise abakhosi bawo okhulomaloma emboosi yawo na’maani makali.
\v 30 Kolola omukhono kwawo kuwoniye khandi kukhole owuwonero we’byamayiya nende ebiwukya okhubitira muliita lyo’mwolerefu omukhosi wawo Yesu.”
\p
\v 31 Nibamalire okhusaba, esifwo sibawukananiramo syadenganisiwa. Manu boosi bechusiwa nende omwoyo mwolerefu khandi balomaloma emboosi ya Weere no’wuggumu.
\s Abafukiirira bakabana Ebiitu Byaawe
\p
\v 32 Abafukiirira boosi bali sirala mu mwoyo nende mu bibaaso. Yawuma ata mulala owawoola ati, “esitu sikali nasyo syali syaye yeηηene, naye bakabanaanga wuli siitu sibalingi nasyo.
\v 33 Na’maani mangi abatume bemeedanga okhuwa owujjulisi khu khusyuukhira khwo’mwami Yesu, essisa siingi khandi syababangakho boosi.
\v 34 Echa awumawo omutu mubo owali nende sikekoomba. Olwokhuba wuli sikha abo abaliingi ne’roba oba amayumba babikusanga, ne baleeta erubbya chibakusiisemo.
\v 35 Bachita mumakulu kabatume, nichikabiwa wuli mutu okhwema khu wetafu waye.
\p
\v 36 Yusufu, Omuleefi okhutula e Kupulo, abatume yibatakho erya (amakhuluutu mbo omusyani okowosa mubasye amaani),
\v 37 Kakusa endalo yikali nayo manu kaleeta erubbya kaachita mu makulu kabatume. EBIKHOLWA
\c 5
\p
\v 1 Wunaanu omusaacha olangiwa Ananiya, alala nende omukhasi waye Safira, boosi beecha baakusa esitundu khu biitu byawe.
\v 2 No’mukhasi waye yesi nga manyire wulayi, keecha kesikasira amabbesa kandi, naye kaleeta akasikaaye kaakata mu makulu kabatume.
\p
\v 3 Manu Petero kateeba ati, “Ananiya, sitaani kechusiise atye omwoyo kwawo okhuwoola wabacha omwoyo mwolerefu khandi webiikhira erubbya chiindi khu chiwafuna mukhukusa eroba?
\v 4 Eroba eryo notaalikusa siryali lyawo? Khandi no’malire okhulikusa, erubbya sichali muwunyala wawo? Siina esyakira wabaasa esiitu nga esyo? Syobachire abatu okhutusakho obachire Weere.”
\v 5 Ananiya nikawulira sinno, kakwa assi kaffwa. Manu okhutya khungi khwadiira abo boosi abawulira ebyali nibyekholikhire.
\v 6 Manu abasyani abasiimbukha becha batulayo, bawowa omubiri kwaye, bamukiinga bamutusa erwanyi bamusiikha.
\p
\v 7 Ambi esaawa nga chidatu nichibitirewo omukhasi waye kecha, natamanyire esyali nisyekholekhire.
\v 8 Petero kamut0eeba ati, “Mboolere, chinno nje erubbya ewe nende Ananiya chimwafuna mwiroba?” kakowolamo ati, “Eee, owungi nje owo.”
\v 9 Petero kamuteeba ati, “Mwakeenda mutye mwafukiirira okhukhema omwoyo wO’mwami? Wona! Amakulu kabatu abasiikhire wamwo kali amulyango, khandi weesi banakhukiinge bakhutusa erwanyi.
\v 10 Awene naweene kakwa assi mu makulu kaye kaffwa. Manu abasyani basiimbukha beecha, bawukaana nafwiye, bamukiinga bamutusa erwanyi bamusiikha khuntulo awali wamwe.
\p
\v 11 Okhutya khukali khwadiira e Kanisa yoosi nende abo abawulira ebitu binno. Abatume Bawoniya Baangi
\p
\v 12 Abatume bakhola ebyamangalima owuwonero nende ebiwukiya mu batu. Abafukirisi boosi bakanananga alala musisenge sya Sulemani.
\v 13 Yiwuma mutu yeesi owechanga okhubekhubbaniyamo, asyakhaba mbo abatu babawaanga oluyaali lukali.
\v 14 Asyakhaba siityo, abasaacha bangi nende abakhasi bafukiiririra mu mwami manu bemeeda khu wungi wawe.
\v 15 Esyatulamo, abatu baletanga abalwaye khungira nibabakoniya khubitanda nende khu mikeeka baati fwana esiinikha sya Petero syakhabakwakho wusa khu’bandi nabita.
\v 16 Ebidiikha byewuusa byosi okhutula mu biko ebye wodokhaniisye Yerusaalemi, nibaleeta abalwaye bawe nende abo abali nibasandisiwa ne’myoyo mibi, ne boosi bawona. Abatume basaandisiwa
\p
\v 17 Manu khawona okhira owukhuluutu nende bakakholaganaanga nabo boosi, abali abomusikanda sya ba Sadukaayo, badiiriwa omutolyo.
\v 18 Badiira abatume babata mujeera ya wuli mutu yeesi.
\v 19 Naye esiro nisyoola Malayika wo’mwaami kekula enjiki che jeera kabatusa erwanyi.
\v 20 Kabawoola ati, “Muche, mweme mu nyumba ya Weere,” manu muwoolere abatu mu wichufu owubakha wunno owo’wulamu wuyakha.”
\v 21 Owiire niwakhya bengira mu nyumba ya Weere, nga nibabawoola, bachaaka okhusomesa abatu. Khawona mukhuluutu nende bakakholaganaanga nabo niboola, balanga olukhiikho__ abakhuluutu boosi muwichufu aba Yisirayiri__ babatuma mujeera baleete abatume.
\v 22 Naye niboola mu jeera, abakhongo khaba sibabawukaanayo. Manu bakowolayo bawoola nga nibawene,
\v 23 “Khuwukanire ejeera ninjikale wulayi wene, nende abaliindi nibemire khumiryango; naye nikhwikuyewo, yiwuma sikhuwukaniremo.”
\v 24 Nibawulira owubakha wuno, omukhongo oliinda enyumba ya Weere nende bakhawona bakhuluutu batya lukali, nibawuka siina esinatule mu biitu bino.
\p
\v 25 Manu omutu wundi kecha kawoola ati, “Muwone! Abasaacha bamwata mujeera mbala bemire mu nyumba ya Weere basomesa abatu.”
\v 26 Khwisyo, omukhongo kacha nende abasye baleeta abatume. Sibabaleta kwa’maani, olwokhuba batya baati abatu bannabakhubbe amakina.
\p
\v 27 Nibamalire okhuleeta abatume, babata mumoni cha bolukhiikho bawosesewe nende khawona mukhuluutu.
\v 28 Kabawoola ati, “Khwabawa ebiragiro bya’maani owutasomesera mu liita linno” “Ne mwichusiise Yerusalemi nende ensomesa yenywe khandi mumaliriiye okhutukhisa omusango khulwa’mabaanga ko musaacha onno.”
\v 29 Petero nende abatume bandi bakowolamo baati: “Khutekwa okhutya Weere okhukhira abatu!
\v 30 Weere wa bakuuka yefwe kasiingisa Yesu okhutula mu baffu __ yimwali nimwiitire nga mumuwanikha khumusaala.
\v 31 Weere kamukhusa kaamuta khumukhono kwaye omulungi nga omusyani munawaami khandi omuwoniya kho aleete okhweyolobya nende okhulekherwamo khwe bibi eyiri Yisirayiri.
\v 32 Khuli bajjulisi be biitu binno, nende omwoyo mwolerefu yesi atyo, Weere yi kawa abo abamufukiriramo.”
\v 33 Nibawulira sinno, basambikha khandi badakha okhubeeta.
\p
\v 34 Naye Omufalisaayo olangiwa Gamalyeri, omusomesa wa malako, owatewaangamo oluyaali na batu boosi, keema mu lukhiikho kalagira ati abasaacha abo bakhole nibabata erwanyi wutono.
\v 35 Kabalomalomera ati: “Enywe aba Yisirayiri, mubaase nakhwegenderesa simudakha okhukholera abasaacha banno.
\v 36 Enyuma eyo Syuda katulayo, keraanga omukhuluutu, nende abasaacha ambi emya chine baba emukoongo waye. Ketewa, abali nibamulonda boosi basalanisiwa, byoosi byaweera erala.
\v 37 Oyo naweyewo, echawo Yuda omu Galiraaya mundaalo echo’khubaliramo abatu kemerera esikanda sya’batu mukhujeema. Yesi ketewa, nende abalonderesi baye boosi basalanisiwa.
\v 38 Nolwesyo, mu sikha sino mbawa amakesi nti: Mulekhe abasaacha banno babe! Mulekhe bache! Olwokhuba esichiririrwa syawe oba sibakhola sya wutu wutu, sicha okhukwa.
\v 39 Ne nisiba mbo situla ewa Weere, simunanyale okhukaana abasaacha banno; mucha okhweyakaana mbo nga muli okhulwanisa Weere.”
\v 40 Enomaloma yaye yabakalukhaniya. Balanga abatume babakhubba endawukhi. Manu babalagira owutalomaloma mu liita lya Yesu, babalekhula bawawo.
\p
\v 41 Abatume batula mu lukhiikho, nibasangaye olwokhuba bali babaliiywe nga abakhoyera okhusandisiwa khu lwe liita.
\v 42 Nawuli wukhya, mu nyumba ya Weere nende khuwuli nyumba, sibalekhanga okhusomesa nende okhulangirira amawulire malayi baati Yesu nje Kurisito. EBIKHOLWA
\c 6
\p
\v 1 Mundaalo echo owungi wa beeki nga luwali niwemeeda, Abayudaaya be wuYonaani bekanyiirisa khu Abayudaaya be Bbulaniya olwokhuba abakhasi bawe abafwire sibabafangakho mu khukaba ebyokhulya bya wuli ludaalo.
\p
\v 2 Manu ekhumi na’babiiri bawusa abeeki boosi alala bawoola baati, “Sisyakhali sirayi efwe okhulekha owuweresa we’mboosi ya Weere khulwo’khuweresa khu mesa.
\v 3 Baana befwe, khudoole abasaacha musaanfu okhutula mwiinywe abechusiwa no’mwoyo na’makesi. Khunabadisye owufunanyisiwa wuno
\v 4 manu khwedeke mu khusaba nende owuweresa we’mboosi.
\p
\v 5 Esibaaso siino syasangaasa esikanda syoosi. Badoola Sitefano, omusaacha wechula enfukirira nende omwoyo omwolerefu; nende Firipo, Pulokolo, Nikanoli, Timooni, Pammena, nende Nikolaawo okhutula Antiyokiya, owakalukhanisiwa mu byo’wuYudaaya.
\v 6 Baleeta abatu bano eyiri abatume, ababasabira khandi babatakho amakhono kawe.
\p
\v 7 Manu emboosi ya Weere yaswana. Owungi wa beeki mu Yerusaalemi wemeeda lukali, nende owungi wa bakhawona wemeeda okhuta oluyaali munfukiirira. Sutefaano Adiiriwa
\p
\v 8 Wunaanu Sutefaano, omusaacha wechula essisa na’maani ka Weere, kakhola ebiwukisa biingi nende ebyamangalima byo’wuwonero mu batu.
\v 9 Okhuyingana khwachaka, nga khutula mu besikanda esyo mu Sinaggogi esya basaacha balekhule (nga ni syalangiwaanga) __ Aba’yudaaya be Kuleene nende Abalegesanderiya alala nende abe Kirukiya nende aba Asiya. Abatu banno bachaaka okhuyiingana nende Sutefano,
\v 10 naye sibanyala okhwekeraniya khu makesi omwoyo kukaba namuweye nga lukalomaloma.
\p
\v 11 Manu muweekisi bakhobya abasaacha bandi okhuwoola baati, “Khwawulira Sutefaano nalomaloma khumboosi echifwotokheresa Musa nende Weere.”
\v 12 Manu basangulusa abatu nende abemeresi na’basomesa bamalako. Badiira Sutefano bamuyira mu lukhiikho.
\v 13 Baleeta abajjulisi bo’wubacha, abawoola baati, “Omutu onno syalekheranga okhulomaloma wubi khu sifwo syolerefu sinno nende khu malako.
\v 14 Olwokhuba khwamuwulira nawoola ati Yesu ono owe Nasaleesi acha okhunyaasa esifwo sino khandi achuuse ensambo Musa chikatudiisya.
\p
\v 15 Boosi abali nibekhaye mu lukhiikho bakhadaasa Sutefaano emoni, manu bawona baati oweeni waye wali nga oweeni wa Malayika. EBIKHOLWA
\c 7
\p
\v 1 Manu khawona mukhuluutu kamuteeba ati, “Bibakhufunaniya bituufu?”
\p
\v 2 Khu sinno kakowolamo ati: “Baana befwe nende ba Bbabba, muntekerese! Weere wo’luyaali kawonekhera kuuka yefwe Yibbulayimu nikali nasiiri mu Mesopotamiya, nataamenya mu Kalani.
\v 3 Lekha esyalo syawo nende abatu bawo,’ Weere kawoola, oche mu syalo sindikhwekesa’
\p
\v 4 “Manu katula mu syalo sya ba'Kaludaaya kamenya mu Kalani. Simwana namalire okhufwa, Weere kamutuma mu syalo sinno wunaanu yimumenyire.
\v 5 Ano sikamuwa wusikha, ata okhukulu khulala okhwakhaloba. Naye Weere kamusuubisa ati ye nende olwiwulo lwaye balifuna eroba, asyakhaba mbo Yibbulayimu kali awuma omwana.
\v 6 Weere waye kalomaloma mungeri yino: ‘Olwiwulo lwawo luliba lukeni mu syalo sitaasi syawe, khandi baliba bawambe khandi basandisiwa emyaka emya chine.
\v 7 Naye nja okhuwoneresa esyalo sibakholeramo nga abawambe,’ ‘Weere kawoola, ‘khandi olunyuma balitula mu syalo esyo banyinamire mu sifwo sinno.’
\v 8 Manu kawa Yibbulayimu endakaano yo khukhebewa. Khandi Yibbulayimu keecha kaaba simwana Yisaka kamukheba endaalo munaana nichibitirewo nikewuywe. Olunyuma Yisaka keecha kaaba simwana wa Yakobo, khandi Yakobo keecha kaaba simwana wa bakuuka yeefwe bakhuluutu ekumi na babiri.
\p
\v 9 “Olwokhuba bakuuka yefwe abo batolyokhera Yusufu, bamukusamo nga omuwaambe mu Misiri. Naye Weere kali naye.
\v 10 manu kaamutusa mu wudinyu waye woosi. Kawa Yusufu amakesi khandi kamunyalisa okhudakhiwa Faraawo omwene’ngo wa Misiri; keecha kamuwa owa Gafana wa Misiri nende edookho lyaye lyoosi.
\p
\v 11 “Manu enjala yeecha yakwa mu Misiri nende mu Kanani, yaleeta ensaando ngali, khandi bakuuka yefwe bakhaywa okhufuna ebyo’khulya.
\v 12 Ne Yakobo nikawulira ati ebyo’khulya biri mu Misiri, katuma bakuuka yefwe ekhabi lisookha.
\v 13 Khu lukeendo lwawe lwe’nkhabi lyokhubiri, Yusufu kawoolera bamwanaaηηina sikali, manu Faraawo keecha kamanya abedaala lya Yusufu.
\v 14 Sinno nisiweye, Yusufu katumisa simwana Yakobo nende edaala lyaye lyoosi, abali owungi wabatu nsanfu mutaanu.
\v 15 Manu Yakobo kekhirira kaacha e Misiri, ye nende simwana yibafwira.
\v 16 Emibiri chawe chakowosewa e Sekemu chasiikhiwa mu nηηani Yibbulayimu yikali nikakula n’erubbya khu basyani ba Kamoli mu Sekemu.
\p
\v 17 “Nga esikha nisyali nisisuda ambi esya Weere okhwoseresa esisubiso syaye eyiri Yibbulaimu, owungi wa batu befwe mu Misiri wemeeda lukali.
\v 18 Manu omwene’ngo wundi, owali natamanyirekho syoosi esidiira khu Yusufu, kecha mu wutukki wa Misiri.
\v 19 Kasaandya abatu befwe khandi kafwinyirira bakuuka yefwe nga abayiinga okhusukuna abaana bawe beewo bafwe.
\p
\v 20 “Esikha esyo nje Musa sikewulirwamo, khandi sikali mwana wa’nawuli ludaalo. Kalindirwa mu nyumba ya simwana okhumala emyeesi chidatu.
\v 21 Nibamutusa erwanyi, omukhana wa Faraawo kamuwukula kamukhusa nga omusyani waye mwene.
\v 22 Musa kasomesewa mu makesi ka ba'Misiri khandi kaba wa’maani mukhulomaloma nende mu’bikholwa.
\p
\v 23 “Musa nikoosa emyaaka amakhumi kane echo’wukhuluutu, kakhengawo okhucha okhukeniyiira aba Yisirayiri basye.
\v 24 Kawona mulala khubo nasandisiwa no’muMisiri, manu kacha okhumuyeeda mu khwesasusa nga keetta omu'Misiri.
\v 25 Musa kabaasa ati abatu baye bene bakhamanyire baati Weere kali amukhosesa okhubanunula, naye khaba sibategeera.
\v 26 Oludaalo lwalondakho Musa kawukaana Abayisirayiri babiri abali nibalwaana. Kakesakho okhubakowosa alala nawoola ati, ‘Basaacha enywe, muli wandaayo khuwandaayo; lwasiina mudakha okhuwumisaniya?’
\v 27 ‘Naye omusaacha wali nasaandya owundi kasiindikha Musa entulo nawoola ati, ‘Naanu owakhuwa owutukki khandi omulamusi khwifwe?
\v 28 Odakha okhunjita nga niweetire omuMisiri ekulo?’
\v 29 Musa nikawulira sinno, kerukha kaacha e Midiani, yikamenya nga omukeni khandi kewulirayo abasyani babiri.
\p
\v 30 “Emyaka amakhumi kane nichabitawo, malayika kawonekhera Musa mu nimi cho’muliro kuya musichakha ambi nende olugulu Sinayi.
\v 31 Nikawona sinno, katya okhutiingalayo. Nga nikacha okhwekhaliirisa, kawulira ekkono lyo’Mwami:
\v 32 ‘Niise Weere wa bakukaawo, Weere wa Yibbulayimu, Yisaka nende Yakobo.’ Musa katengerekha no’wuti khandi nga sikanyala khutiingaalayo.
\v 33 Manu Omwaami keecha kamuwoolera ati, ‘Tusamo ebiraato byawo; esifwo siwemiremo esyo syolerefu nisyo.
\v 34 Mbweneye erala okhufiinyirirwa khwa batu bange mu Misiri. Mbuliiye okhwerira khwawe khandi nikhire assi akhubalekhula. Wunaanu yiicha, nja okhukhutuma okowoleyo eMisiri.’
\p
\v 35 “Ono nje Musa omwene ola yibekaana ne mboosi chino baati, ‘Naanu owakhuwa owutukki khandi owulamusi?’ Katumiwa okhuba omutukki khandi omuwoniya wawe nende Weere omwene, nga abitira mu malayika owamuwonekhera mu nyaasi.
\v 36 Kabemerera okhutula mu Misiri khandi kaakhola ebiwukisa nende owuwonero we byamangalima mu Misiri, khu Nyanja ya mabanga khandi olwe myaaka amakhumi kane mu sibbarara.
\v 37 “Ono nje Musa ola owawoola aba Yisirayiri ati, ‘Weere alibatumira nabbi oli ng’esse okhutula mu batu benywe beene.’
\v 38 Kali mu sikanda mu sibbarara, nende malayika owalomaloma naye khu Lugulu Sinayi, khandi nende bakuuka yeefwe; khandi kafuna emboosi enamu okhuchitwoosakho.
\p
\v 39 “Naye bakuuka yefwe bakhaya okhumuwulira. Musifwo syo’khumuwulira, bamwekaana bakowolayo eMisiri mu myoyo chaawe.
\v 40 Bawoola Aroni baati, ‘Tukholere ba Were abanatutangirire. Olwokhuba omutu onno Musa owatutaangirira okhutula mu Misiri__ sikhumanyire esimwolirekho!’
\v 41 Esyo nje esikha sibakholeramo esilongalongwe mu mufwaano kw’emoosi. Basireteraanga ebiwanwa khandi bakholanga omwekhoyo nibata oluyaali mu bi makhono kawe kali nikakholire.
\v 42 Naye Weere kabakalukhaniya kabatiingaasa okhwinamiraanga emibiri cho’mwikkulu. Sinno sifukiirisaniya nende esyawandiikiwa mu sitawo sya ba nnabbi siiti:    “’Mwandeterakho ebiwanwa nende ebikhengeewa emyaaka amakhumi kane mu sibbarara, Oo nyumba ya Yisirayiri?
\v 43 Musingisiise amukulu eweema ya malaki nende eηηiniηηini ya weere wenywe Lefani, ebilongaloongwe bimwakhola okhwinamiraanga. Nolwesyo nja okhubayira mu khwoolwa’ aleeyi okhutuuma Babbulooni.
\p
\v 44 “Bakuuka yefwe bali nende eweema eyo wujjulisi mu sibbarara. Yali yakholewa nga Weere nikali na laggiye Musa, okhuchaana nende omusono kukali naweene.
\v 45 Nibamalire okhuweresewa e weema, bakuuka yefwe nibali assi wa Yoswa yibecha nayo nibawukula eroba okhutula mu makunda Weere kakali nikerusisyemo enja chindi khulwawe. Yasikala mu syalo okhwoosa mu ndaalo cha Daudi,
\v 46 owasangaalira okhusiima khwa Weere khandi kaasaba anyale okhuweresewa esifwo esyokhumenyamo khwa Weere wa Yakobo.
\v 47 Ne kali Sulemaani owamwoombakhira enyumba.
\p
\v 48 “Asyakhaba siityo, oli amukulu lukali syamenya mu mayuumba akombakhiwa na’batu. Nga nnabbi lwawoola ati:
\q
\v 49 “‘Ekkulu nje esisaala syange, khandi esyalo nje esiteni syo’khukulu khwange. Nyumba yi’faana yiitye yolinyombakhira? Omwami aloomaloma__ Oba esifwo syange esyo’khujoηηolokheramo siriba yeena?
\v 50 Omukhono kwange sinje okwakhola binno byoosi?’
\p
\v 51 “Enywe abatu bamakosi amawangalafu, ne myoyo echitakhebewa namatwi! Muli wussa nga bakuuka yenywe: mwamenya nimuyinganiya omwoyo omwolerefu!
\v 52 Yalikhooyo nnabbi yi bakuuka yenywe batasandya? Boola no’khwiita abo abalakula okhwiicha khwo’mwolerefu. Khandi wunanu mumuliiyemo olukhwe khandi mu mumikire__
\v 53 enywe abafuna elako elyatewa mu nkhola okhubitira mu ba malayika naye mwakhaya okhulifukirira.”
\s Sutefwano Akhubbiwa Amakina.
\p
\v 54 Nibawulira sinno, badiriwa etiima lukali khandi besya ameeno ali.
\p
\v 55 Naye Sutefano, nikechuye omwoyo omwolerefu, kewunja amukulu mwikkulu kawona oluyaali lwa Weere, nende Yesu nikemire khumukhono mulungi okwa Weere.
\v 56 “Kawoola ati, “Wona,” “Mbona ekkulu liikukhire nende omwana wo’mutu keemire khu mukhono mulungi okwa Weere.”
\p
\v 57 Khu sinno basemba amatwi kawe, nibakhumulira mumakono kawe amukulu, bosi boosi bamwakukhira.
\v 58 Bamukhuruudya bamutusa erwanyi we’siko bachaaka okhumukhubba amakina. Ebyo nibisiiri awo, abajjulisi beecha bata enguwo chawe khumakulu ko musyani omusiimbukha olangiwa Saulo.
\v 59 Nibali nibasimukhubba amakina, Sutefwano kekalikhira ati, “Omwami Yesu, wukula omwoyo kwange.”
\p
\v 60 Namala akwa khumakhumbo kaye nalira ati, “Omwami, otababalirakho esibi sinno.” Nikamala okhulomaloma atyo, endoolo chamuyira.
\c 8
\p
\v 1 Khandi Saulo kaliyo, nakhakhasa okhufwa khwaye. Ekanisa Yisandisiwa Khandi Yisalaanisiwa Endaalo echo okhusandisiwa okhwa’maani khwabalukhawo mu Kanisa eYerusalemi, khandi boosi okhutusakho abatume basalaanira woosi mu wu'Yudaaya nende Samaliya.
\v 2 Abatu ba Weere beecha basiikha Sitefwano khandi bamulira lukali.
\v 3 Naye Saulo kachaaka okhusakuula e Kanisa. Naacha enyumba khu nyumba, kakhurudya abasaacha nende abakhasi nabata mujeera.
\s Firipo Mu Samaliya
\p
\v 4 Abo abali nibasalaanire bawuulira emboosi na’wuli yibachiiranga.
\v 5 Firipo keekhirira kaacha musiko sye Samaliya kalangirira Kurisito eyo.
\v 6 Ebidiikha nibyawulira Firipo khandi byaawona owuwonero we’byamayiya bikakhola, boosi bataayo omwoyo khu bikawoola.
\v 7 Okhukhalachana, emyoyo mibi chatula mu bangi, nende abakongobafu bangi nende abalema beecha bawonesewa.
\v 8 Manu aliwo omwekhoyo mukali mu siko esikhuluutu esyo.
\s Simooni Omulosi
\p
\v 9 Wunaanu okhumala esikha aliwo omusaacha yibalanga Simooni kaliingi alakula musikko khandi nga awukiya abatu boosi mu Samaliya. Kepakhanga ati kali wa’makana,
\v 10 khandi abatu boosi, aba’mukulu nende abaasi, bamutekeresanga nibawoola baati, “Omusaacha ono nje amaani ka Weere akamanyikhanire nga’maani makali.”
\v 11 Bamulondaanga alwokhuba kali abawukiisye embaka engali nende amayiya kaye.
\v 12 Naye nibafukiirira Firipo nga nikasomesa amawulire amalayi ako’wene’ngo wa Weere nende eriita lya Yesu Kurisito, beecha babatiisiwa, abasaacha nende abakhasi.
\v 13 Simooni omwene keecha kafukiirira khandi kabatiisiwa. Khandi kalondaanga Firipo nawuli awutu, katya olwo wuwonero wamaani nende ebyamayiya bikawona.
\p
\v 14 Abatume mu Yerusalemi nibawulira baati Samaliya syali sifukiriiye emboosi ya’Weere, babatumira Petero nende Yokana.
\v 15 Niboola, bekalikhira banyale okhufuna Omwoyo omwolerefu,
\v 16 Olwokhuba Omwoyo omwolerefu kali asiiri okhwiikhakho khu mutu yeesi khwabo; bali bamalire wusa okhubatiisiwa muliita lyo mwami Yesu.
\v 17 Manu Petero nende Yokana babatakho amakhono kaawe, beecha baafuna Omwoyo Omwolerefu.
\p
\v 18 Simooni nikawona ati Omwoyo kali akabiwa nende okhutewakho emikhono cha’batume, kabawa erubbya,
\v 19 nawoola ati, “Mumbekho ssesi owunyala wunno kho ssesi nawuli yindatengekho amakhono kange anyale okhufuna Omwoyo Omwolerefu.”
\p
\v 20 Petero kakowolamo ati: “Erubya chawo chisikhirire naawe, olwokhuba, wabaasa oti onyala okhukula esiwanwa sya Weere ne’rubbya!
\v 21 Owumakho esitundu oba omukawo muwuweresa wunno, olwokhuba omwoyo kwawo khaba simukololofu eyiri Weere.
\v 22 Weyolobye mubibi binmo manu wekalikhire eyiri Omwami. Fwana kakhakhusaasira khulwokhuba ne’sibaaso ng’esyo mu mwoyo kwawo.
\v 23 Olwokhuba mbona nti wichuye okutima khandi oli muwuwoye we’sibi.
\p
\v 24 Manu Simooni kakowolamo ati, “Nekalikhirekho eyiri Omwami akhaye okhubawo syoosi khubyowooye esinanekholekho.”
\p
\v 25 Nibamala okhujjulira nende okhulangirira emboosi yo’mwami, Petero nende Yokana bakowola eYerusalemi, nibawuulira enjiri mu ngoongo nyiingi echa Samaliya.
\s Firipo Nende Omwesiyopiya.
\p
\v 26 Wunaanu Malayika wO’Mwami kawoola Firipo ati, “Cha emwaalo khungira __ engira ye sibbarara__ eyikhirira okhutula Yerusalemi okhucha e Gasa.”
\v 27 Manu kachaaka olukendo, naali khungira kawukaana Omwesiyopiya omurade, omukhuluutu okhulira ebibiikhiro byoosi ebye’rubbya Kandake, nalulingiriiye owa Besiyopiya. Omusaacha onno kali achiiye e Yerusalemi okhwinamira Weere,
\v 28 ne nikali khungira naacha engo kali kekhaaye khu sigaali esikhwesewa nende ensukhiri nasoma esitawo sya nnabbi Yiszaya.
\p
\v 29 Omwoyo kawoolera Firipo ati, “Cha eyiri esigaali sira obe ambi nasyo.”
\p
\v 30 Manu Firipo kerukha kaniina kaacha khandi kawulira omusaacha nasoma nnabbi Yisaaya. Firipo kateeba ati, “Otegeera byoli okhusomanga?” kakowolamo ati,
\p
\v 31 “Nyala ntye,” “Okhutusakho omutu wundi nikanyonyoye?” Manu kalaanga Firipo atuleyo kekhale naye.
\p
\v 32 Omurade kali asoma olunyiriri luno mu byawadiikiwa sino ati: “Kayiriwa nga ekoondi ericha okhukhengewa, khandi nga omwana kwe koondi nikuba ni kuwuleeye eyiri omubekki, manu sikachimbula omunwa kwaye.
\q
\v 33 Mukhuswasiwa khwaye keemewa enkhenga ya’masima. Nanu onyala okhulomaloma khu lwiwulo lwaye? Olwokhuba owulamu waye watusiwa khusyalo.”
\p
\v 34 Omurade kateeba Firipo ati, “Mbolere, nkhusaba, naanu nnabbi byali okhulomalomakho, khu omwene oba omutu wundi?”
\v 35 Manu Firipo kachaaka nende olunyiriri lwene lula olwebya-andiikiwa kamuwoolera amawulire malayi akadiira khu Yesu.
\p
\v 36 Nga nibakenda khungira, boola ali amaachi manu omurade kawoola ati, “Wona, amaachi ngano. Lwasiina simbatiisiwa?”
\v 38 Manu kalagira okhwemekha esigaali. Bombi Firipo nende Omurade bekha baacha mu maachi manu Firipo kamubatiisa.
\v 39 Nibatula mu maachi, omwoyo wo’mwami wangu wene kayira Firipo, manu Omurade sikamuwonakho khandi, naye kadiira engira yaye kawawo nikekhoya.
\p
\v 40 Ne Firipo, kawonekha nali mu Azoto nakeenda, nawuulira enjiri mu bikko byoosi okhwosa lukoola e Kayisaliya.
\c 9
\p
\v 1 Ebyo nibisiiri awo, Saulo kali asitiisatiisa nende emboosi echokhwiita abatume bo’Mwami. Kacha eyiri khawona mukhuluutu.
\v 2 kamusaba amuwe amabbaruwa ache mu nyumba cha Weere mu Damasiko, nisiba mbo nikakhawukanireyo yesi omuloondi we’Ngira, oba musaacha oba mukhasi kakhali wo’khubayira nga abawoye mu Yerusalemi.
\p
\v 3 Nikali nali ambi nende Damasiko khu lukendo lwaye, wangu wene owulafu okhutula mwikulu wamyesukha okhumwewodokhaniya.
\v 4 Kakwa assi manu kawulira ekkono nirimuwoola liiti, “Saulo, Saulo, lwasiina wunsandya?”
\v 5 Saulo kateeba ati, “Niiwe naanu, Omwami?” kakowolamo ati, “Niise Yesu, yuuli okhusandya.”
\v 6 “Wunaanu siingira oche mu siko sikhoongo, manu ocha okhuwolerwa syotekwa okhukhola.”
\v 7 Abasaacha bali nibakenda nende Saulo beema awo ni badindibaaye; bawulira ekkono eryo naye yiwuma yibawona.
\v 8 Saulo kasiingira, ne nikaliimbula emoni yiwuma syoosi sikawona. Manu bamudiira khumukhono bamuyira mu Damasiko.
\v 9 Kamala endaalo chidatu ni muwofwu, khandi sikalya oba kanywa esiitu syoosi.
\p
\v 10 Mu Damasiko yaliyo omweeki olangiwa Ananiya. Omwami kamulangira mu khuwiikhulirwa ati, “Ananiya!” kakowolamo ati, “Ee, Omwami.”
\v 11 Omwami kamuwoola ati, “Cha mu nyumba ya Yuda khungira yilangiwa Engololofu bakhwekese omusaacha okhutula e Taluso olangiwa Saulo, olwokhuba ali okhwekalikhira.
\v 12 Mukhuwonekherwa awene kawona omusaacha olangiwa Ananiya ni keecha okhumutakho amakhono kaye kho aliimbule.”
\p
\v 13 Ananiya kakowolamo ati, “Omwami” “Mbuliiye ebiitu biingi khu musaacha onno nende owubi wukakhakhola khu bolerefu bawo mu Yerusalemi.
\v 14 Khandi keechire ano nende owunyala okhutula eyiri bakhawona bakhuluutu okhudiira abo boosi abawoola khu liita lyawo.”
\p
\v 15 Naye omwami kawoolera Ananiya ati, “Cha! Omusaacha onno nje esyokhukhosesa syange esyangale okhukiinga eriita lyange mu bateende nende abene’ngo baawe nende mu batu ba Yisirayiri.
\v 16 Ndimwekesa owungi wateekwa okhusaanda khu lweriita lyange.”
\p
\v 17 Manu Ananiya kacha khu nyumba kayingiramo. Nata amakhono kaye khu Saulo, kawoola ati, “Mwana weffwe Saulo, Omwami__ Yesu, owakhuwonekhera khungira nga niwali niwiicha ano_ kantumire ati khandi onyale okhuwona khandi wichusiwe nende Omwoyo Omwolerefu.”
\v 18 Wangu wene, esiitu nga amakamba syakwa okhutula khumoni cha Saulo, manu kamala kawona khandi. Kasiingira kabatiisiwa,
\v 19 manu nikakhamala okhulya khu’mere kakowolamo amaani kaye.
\p
\v 20 Katulaniramo kachaaka okhuwulira mu Sinaggogi ati Yesu nje omwana wa Weere.
\v 21 Boosi abamuwulira bawuka khandi bateeba baati, “Sinje omusaacha owasiingisa ebidinyu mu Yerusalemi mu abo abalanga eriita linno? Ne sikechire ano okhubayira nga abawoye eyiri bakhawona bakhuluutu?”
\v 22 Ebyo nibisiiri awo Saulo kemeeda lukali okhuba owa’maani khandi kadiisyanga ensoni Abayudaaya abamenya mu Damasiko ati Yesu nje Kurisito.
\p
\v 23 Endaalo nichabitawo nyingi, Abayudaaya bekhoba okhumwiita,
\v 24 naye Saulo kamanya olukhwe lwaawe. Esiro nende esideete bataanga emoni khu’miryango che sikko sikhoongo banyale okhumwiita.
\v 25 Ne abaloondi baye bamuyiranga esiro nibamwiisira mu sidubi okhubitira mu sidomo esyali mu sida.
\p
\v 26 Nikeecha mu Yerusalemi, kakesakho okhweyambaniya khu beeki, naye bosi boosi bali bamutya, nga sibomiisa baati kali mweeki wamasima.
\v 27 Naye kamuyira kamuleeta eyiri abatume. Kabawoolera nga Saulo khu lukeendo lwaye kali nawene Omwami khandi ati Omwami kali alomalomire naye, khandi nende nga mu Damasiko lukali nawuliiye ataasi okhutya muliita lya Yesu.
\v 28 Manu Saulo kamenya nabo khandi kakendanga nikeyaaka mu Yerusalemi, kalomalomanga na’maani muliita lyo’mwami.
\p
\v 29 Kalomalomanga khandi kayingananga nende Abayudaaya aba’Yonaani, naye bakesakho okhumwiita.
\v 30 Abasyaawe nibeecha basimanya, bamwiikhirisa bamuyira e Kayisaliya khandi bamwongula e Taluso.
\p
\v 31 Manu Ekanisa mu’Buyudaaya mwoosi, Ggaliraaya nende Samaliya bekhoyera mu bikha ebye’mirembe. Yomiisiwa; khandi nga yakhubbirisiwa nende Omwoyo Omwolerefu, yakhula muwungi, niyikhaye mu khutya khwo’Mwami.
\p
\v 32 Nga Petero nikali nabakeendamo mu syalo, kacha okhukeniyira abolerefu mu Luda.
\v 33 Eyo kawukanayo omusaacha olangiwa Ayineya, owali nikakongobala no’wulwaye we sitaanda okhumala emyaaka munaana.
\v 34 Petero kamuwoola ati, “Ayineya,” “Yesu Kurisito akhuwoniya. Siingira manu ofuumbe omukeeka kwawo.” Wangu wene Ayineya kasiingira.
\v 35 Abo boosi abamenya mu Luda nende Saloomi bamuwona manu bakowola eyiri Omwami.
\p
\v 36 Mu’Yopa yaliyo omweeki olangiwa Tabbisa (nisichusiiwiremo nje Dorika), owakholanga wulayi khandi nga ayeeda abawati.
\v 37 Ambi mundaalo echo keecha kalwala kafwa, omubiri kwaye bakwooka bakuta mu sisenge syamukulu khugoroofwa.
\p
\v 38 Luda syali ambi nende Yopa; manu abeeki nibawulira baati Petero kali mu Luda, bamutumira abasaacha babiri yali nibamusaba baati, “Khukhusaba wiichekho yikhuli eno mu’wangu!”
\v 39 Petero kacha nabo, ne nikoola bamuyira khugoroofwa amukulu mu siseenge. Abafwire boosi beema bamwewodookhaniya, nibalira khandi nibamwekesa amakanjuula nende enguwo echindi Dorika chikali nakholire nikali nasiri nabo.
\v 40 Petero kabatusa boosi erwanyi we’sisenge; namala asigama khu’makhumbo kaye kekalikhira. Kakalukhanira omulambo kwo’mukhasi yikwali kawoola ati, “Tabbiisa, siingira.” Kalimbula emoni chaye, nikawona Petero kasiingira kekhala.
\v 41 Petero kamudiira khu’mukhono kamuyeeda keema khu makulu kaye. Manu keecha kalaanga abafukiirisi nende abafwire kamubekesa nimulamu.
\v 42 Sinno syamanyikhana mu Yopa mwoosi, khandi abatu bangi bafukiririra mu mwami.
\v 43 Petero kamenya mu Yopa esikha esiyera nende omubambi wa’maseero olangiwa Simooni.
\c 10
\p
\v 1 Mu Kayisaliya yaliyo omusaacha olangiwa Koluneriyo, omukhongo mu maye akali ni kamanyikhanire nga eye lye’Siyitale.
\v 2 Ye nende abomudaala lyaye boosi bali abesinani mu’nfukiirira khandi abatya Weere; kakabanga no’mwoyo mulala eyiri abo abaliingi no’wetaafu khandi nga kekalikhira Weere wulisikha.
\p
\v 3 Oludaalo lundi ambi esaawa nga mwenda echesideete kafuna okhwekesewa. Keecha kawona wulayi wene malayika wa Weere, owecha yali kamuwoola ati, “Koluneriyo!”
\p
\v 4 Koluneriyo kamudangalirakho no’wuuti kateeba ati, “Siina syene, Omwami?” Malayika kakowolamo ati, “Okhwekalikhira khwawo nende ebiwanwa byoowa abawati byekesiseyo nge esichuliso eyiri Weere.
\v 5 Wunaanu tuma abasaacha mu’Yopa bakowose omusaacha olangiwa Simoni yibalanga Petero.
\v 6 Amenyire nende Simoni omubambi wa’maseero, omwene nyumba eyiri khuntulo wo’ kuyanja.”
\v 7 Malayika owalomaloma naye nikali namalire okhuwawo, Koluneriyo kalanga babiri khubakhosi baye nende omusikari owali omwesikwa munfukirira mulala khubamukholeranga.
\v 8 Kabawoolera wuli siitu esyali nisikholekhire khandi kabatuma okhucha mu’Yopa.
\s Okhuwonekherwa Khwa Petero.
\p
\v 9 Ambi mu sideete oludaalo oluloondakho nga nibali khungira yaawe nibali ambi okhwoola mu sikko sikhongo, Petero kaniina amukulu khu sirama okhwekalikhira.
\v 10 Kawulira enjala keecha kadakhakho esiitu okhulya, ne ebyo’khulya nibyali nibisitekekhewa, kecha kaaba ngo’loota.
\v 11 Kawona ekkulu nirikukhire nesiitu nga ensuuka ekhongo nisiisiwa assi khusyalo nende ensoonda chasyo chine.
\v 12 Syalimo enkholo ne’nkholo echebisolo, ebya makulu kane, alala nende ebyekhweesa assi ebyo’khusyalo nende amayoni akomubbanga.
\v 13 Manu ekkono lyamuwolera liiti, “Siingira, Petero. Yiita olye.”
\p
\v 14 Petero kakowolamo ati, “Masima keene bbe, Omwami!” Sindyanga esiitu syoosi esyo’musiro oba esibi.”
\p
\v 15 Ekkono lyamulomalomera enkhabi eryo’khubiri liiti, “Otalanga esiitu syoosi esyo’musiro Weere sikateresa.”
\v 16 Sinno syakholewa amakhabi kadatu, ne wangu wene ensuuka yakowosewayo mwikkulu.
\p
\v 17 Petero nikali nasikanaakana khu makhuluutu kokhuwonekherwa khuno, abasaacha abatumiwa nende Koluneriyo bafumbula enyumba ya Simoni yiyali manu beecha beema mu siriwa.
\v 18 Balanga, nibateeba Simoni owamanyikhana nga Petero naaba nikamenya awo.
\p
\v 19 Petero nikali nasibaasa khu khuwiikhulirwa, Omwoyo kamuwoolera ati, “Simoni, abasaacha badatu bali okhukhukoonya.
\v 20 Manu siingira wiikhe assi we’goroofwa. Otakanaakana okhucha nabo, olwo’khuba mbatumire.”
\p
\v 21 Petero keecha assi kabawoolera ati, “Niise oyo yimuli okhukoonya. Lwasiina mwiichire?”
\p
\v 22 Abasaacha bakowolamo baati, “Khutulire eyiri Koluneeriyo Omusirikale. Musaacha mulungifu khandi otya Weere, otewamo oluyaali nende abatu Abayudaaya boosi. Malayika omwolerefu kamuwoola akhuwoole wiiche ewaye kho anyale okhuwulira syowoola.”
\v 23 Manu Petero keecha kabasangaalira kabengisa mu nyumba abasaacha abo baaba abakeni baye. Petero Mu’nyumba Ya Koluneeriyo. Oludaalo lwalondakho Petero katula okhuchaana nabo, nende balala khu bafukiriisi okhutula e Yopa bachiirakho.
\p
\v 24 Oludaalo lwalondakho koola mu Kayisaliya. Koluneriyo kali abasubira okhwiicha khandi nawusiise alala abeekho baye nende abeecha baye abawambi.
\v 25 Nga Petero nikengira mu nyumba, Koluneriyo kamuwukanira manu kamukwa mumakulu no’khumwiinamira.
\v 26 Ne Petero kamusiingisa kamuwoola ati, “Esse omwene ndi wussa mutu wutu.”
\p
\v 27 Nasilomalomanga naye, Petero kengira mukkati manu kawukaana omukaanda kwa batu omukali nikwewusiise,
\v 28 kabawoola ati: “Mumanyiiye wussa erala muuti sikhalaka amalako kefwe Omuyudaaya okhukholagana nende omuteende oba okhumukeniya. Naye Weere kanjekesiise ati, sinkhoyire okhulanga omutu yeesi nti wamusiro oba otakhoyera.
\v 29 Manu nibanaanga, necha atasi okhuyinganiya khwosi. Sakira nteba nti munangiiye si?”
\p
\v 30 Koluneriyo kakowolamo ati: “Endaalo chine echibitire mbeye munyumba yange ninekalikhira khu saawa nga yinno, esaawa mwenda echesideete. Wangu wene omusaacha munguwo echimekhamekhana keema mumoni change.
\v 31 kawoola ati, Koluneriyo, Weere awuliiye okhwekalikhira khwawo khandi akhewuliiye ebiwanwa byawo eyiri abawati.
\v 32 Tuma e Yopa balange Simoni olangiwa Petero. Mukeni mu nyumba ya Simoni omubambi wamaseero, owamenya ambi nende okuyanja.’
\v 33 Sakira nkhutumiiye wiiche wangu, khandi sirayi wiichire. Wunaanu khuli ano feesi mumoni cha Weere okhutekeresa wuli syoosi Omwami syakhulagiiye okhutuwoolera.”
\p
\v 34 Manu Petero kachaka okhulomaloma ati: wunaanu ntegeera nga nisiri esituufu siiti Weere yiwuma yikekhubbira
\v 35 naye afukiirira abatu okhutula mu nawuli syalo abamutya khandi nga bakhola ebyolereeye.
\v 36 Mumanyire owubakha Weere wukatuma eyiri abatu ba Yisirayiri, nabawoolera amawulire amalayi akomulembe okhubitira mu Yesu Kurisito, oyo Omwami wa byoosi.
\v 37 Omanyire ebyakholekhana mu Buyudaaya mwoosi, okhuchakira mu Galiraaya olunyuma lwokhubatiisa Yokana khu kawuulira __.
\v 38 Nga Weere nikachukha amafuta khu Yesu owe Naseleesi nende Omwoyo Omwolerefu nende amaani, nende nga lukabitanga nakhola wulayi khandi nawoniyanga abo boosi abaliingi mu maani komusukku, olwokhuba Weere kali naye.
\p
\v 39 “Khuli bajjulisi aba nawuli siitu sikakhola mu syaalo sya Bayudaaya nende mu Yerusaalemi. Bamwiita nibamuwanikhire khu musaala,
\v 40 naye Weere kamusiingisa okhumutusa mu baffu khu ludaalo olwo’khudatu khandi kamukhola kawonekhana.
\v 41 Sikawonekhera abatu boosi, naye nende abajjulisi ba Weere kali namalire okhwangala__ nende efwe abalya khandi khwanywa naye namalire okhusyuukhira okhutula mu baffu.
\v 42 Katulagira okhuwuulira eyiri abatu nende okhujjulira khuti nje oyo Weere yikaangala nga omulamusi owa’balamu nende abafu.
\v 43 Ba nnabbi boosi bamujulirakho baati nawuli omufukiririramo afuna okhusasiirwa okhwe’bibi okhubitira muliita lyaye.”
\p
\v 44 Petero nikali nasilomaloma emboosi chinno, Omwoyo Omwolerefu keecha khu boosi abawulira owubakha.
\v 45 Abafukiirisi abakhebewa abali nibechire nende Petero bawuka okhuwona mbo esiwanwa esyo’mwoyo omwolerefu syali sichukhiiwe ata nende khu Bateende.
\v 46 Olwokhuba babawulira nibalomaloma mu nimi khandi nibakiniya Weere. Manu Petero kawoola ati,
\v 47 “Aliwo omutu yeesi onyala okhukayira abatu banno okhubatiisiwa na‘maachi? Bafunire Omwoyo Omwolerefu wusa nga efwe.”
\v 48 Manu kalagira ati babatiise mu liita lya Yesu Kurisito. Basaba Petero asikale nabo olwendaalo ntono. EBIKHOLWA
\c 11
\p
\v 1 Abatume nende ba wandaye mu wuYudaaya mwoosi bawulira baati nende abateende bosi bali bafukiriiye emboosi ya Weere.
\v 2 N'olwesyo Petero nikacha e Yerusalemi, abafukiirisi abakhebe bamwolobya
\v 3 nibawoola baati, “Mwacha mu nyumba cha bataasi bakhebe khandi mwalya nabo.”
\p
\v 4 Petero kachaaka khandi okhubanyonyola wuli situla muwimbikkiti ngalusyali sikholekhanire:
\v 5 “Nali mu sikko sya Yopa ninsaba, ngo’loota nawona okhuwikhulirwa. Nawona esitu nge'suuka nkhongo nga yisiwa okhutula mwikkulu mumakoona kayo kane, yesewa okhwola anali.
\v 6 Nayewunjamo nawona ebisolo bya makulu kane ebyo’khusyalo, amanani ko’munyasi, ne bye’khwesa assi, na’mayoni komu bbanga.
\v 7 Awenawo nawulira ekkono nirimbolera liiti, ‘Siingira, Petero. Yiita olye.’
\p
\v 8 “Nakowolamo nti, ‘Esitanyalikha, Omwami! Awuma esitalabisiwa oba esiitu syomusiro esyali syengirakho mumunwa kwange.’
\p
\v 9 “Ekkono lyalomaloma okhutula mwikkulu ekhabi lyo’khubiri, niriwoola liiti, ‘Otalaanga esiitu syoosi esyomusiro esya Weere sikoosa sikalabya.’
\v 10 Sinno syakholekhana amakhabi kadatu, ni khandi syakhwesewa nisikowola mwikkulu lundi.
\p
\v 11 “Manu esikha syene esyo abasaacha badatu abali nibatumiwe yindi okhutula e Kayisaliya baakama ali enyumba yinali nimenyiremo.
\v 12 Omwoyo kambola okhutaba no’khukanakana okhucha nabo. bawandaye'fwe banno mukaaga bosi bacha nange, khandi khwengira nabo munyumba yo’musaacha.
\v 13 Katuwolera nga lukawona malaika nawonekheye mu nyumba yaye khandi kawoola ati, ‘Tumisa mu Yupa Simoni olangiwa Petero.
\v 14 Anabaletere owubakha owucha okhuwoniya enywe ne’nyumba chenywe.’
\v 15 “Nga lunachaaka okhulomaloma, Omwoyo Omwolerefu kabekhakho nga lukali atwikhirekho munjaaka.
\v 16 Awenawo neecha nechulisa Omwami sikali nawooye ati: ‘Yokana kabatisa na’maachi, ne mulibatisiwa n'Omwoyo Omwolerefu.’
\v 17 Ne nisiba mbo Weere nikabawa esiwanwa sifanana nga lukatuwa, effwe abafukiirira mu mwami Yesu Kurisito, nisse naanu owakhabasise okhuyinganiya Weere?”
\p
\v 18 Nibawulira sinno, sibaba nesindi sibayinganiya khandi bafumiya Weere, nibawoola baati, “Sakira wunaanu, Weere aweye ata na'bateende okhusaba esirekhero esibawa owulamu.”
\s Ekanisa Mu Antyokiya
\p
\v 19 Wunaanu abali nibasalaanisiwa olwokhusandisiwa khwaba nikhulondana nende Sutefwano bali bongukha paka Foyiniki, e Kupulo nende mu Antyokiya, nga bawolerakho owubakha a Bayudaaya bonηηene.
\v 20 Abandi khubo, abali nibatula mu Kupulo nende Kureeni bacha mu Antyokiya bachaaka okhubilomalomera a Bayonani boosi, nga babekesa amawulire malayi akaddira khu mwami Yesu.
\v 21 Omukhono kwo’mwami kwali nabo, bangi bafukiirira bakalukhanira Omwami.
\p
\v 22 Amawulire kano kolera mu matwi ke’kanisa ya Yerusalemi, bamala batuma mu Antyokiya.
\v 23 Nikoola kawoona owujjulisi owesissa sya'Weere, kalimusangaafu khandi kabaggumya boosi badonηηe bamasima mu Mwami ne’myoyo chawe choosi.
\v 24 Kali musaacha mulayi, owechusiwa omwoyo Omwolerefu ne nfukiirira, abatu bangi baletewa eyiri Omwami.
\p
\v 25 Manu kacha e Tarusisi okhukonya Saulo,
\v 26 ne nikamuwukana, kamuleeta Antyokiya. N'olwesyo okhumala omwaka omulamba Bbalunabbanende Saulo baakanana ne’kanisa basomesa enamba ya’batu ngali. Abeeki nje olwali olusokha okhulangiwa abaKurisitaayo mu Antyokiya.
\p
\v 27 Mu bikha binno ba nabbi bandi bekha nibatula mu Yerusalemi nibacha mu Antyokiya.
\v 28 Mulala khubo, olangiwa Agabo, kasiingira okhubitira mu’Mwoyo kalakula okhwicha khwe’njala eya’maani eyali yiicha okhuswaniya esyalo sya Buruumi syoosi (sinno syaliwo mu wutuki wa Kulawudiyo)
\v 29 Abeeki, nga'maani ka wuli mulala lukali, bakesakho okhuyeeda bawandayawe abafukirisi abali bamenya mu bu’Yudaaya.
\v 30 Binno babikhola, nibalakirisa esiwanwa syawe eyiri abakofu nga basibisya mu nende Saulo. EBIKHOLWA
\c 12
\p
\v 1 Syali ambi esikha siiti si Omwene’ngo Kerode sikadiriramo balala khu batu abali bekanisa, nga achiririra okhubasandya.
\v 2 Ketta Yakobo, mwananηηina wa Yokana no’kukhande.
\v 3 Nikawona ati sinno syasangaasa a Bayudaaya, kacha emutwe okhudiira Petero yesi. Sinno syakholewa mu bikha byo’muyumo kwe’migaati echitaasi mibbakhe.
\v 4 Nibamalire okhumudiira, kamutta mujjera, kamuwayo eyiri ebikanda bine ebya basirikaale ebyalimo abasirikale bane bane mu wuli sikaanda. Kerode kagenderera okhumuta mu lwichuye omuyumo kwa pasaka nikuweye.
\p
\v 5 No’lwasino Petero kalindirwa mujjera, nayo ekanisa yatakho esinani mukhumusabira eyiri Weere.
\v 6 Esiro syokhwanuusa Kerode sikali natekekhire amuleete okhuwosesewa, Petero kali akonire akati wa basirikale babiri, ngawoyiirwe enjegere chibiri, na’balindi bo’khumulyango kwesiriwa bosi nibemire.
\v 7 Awenawo malaika wa Weere kawonekhana no’wulafu waamulikha mu mujjera. Kakuudda Petero mu lubaffu kaamusisimusa. Kawoola ati, “Mangu mangu siingira!” manu enjegere chawololokha okhutula khumakhono ka Petero chakwa.
\v 8 Malayika kamuwola ati, “Yambala enguwo ne’birato.” Petero kakhola atyo. “Wekache omukhoba kwawo omale wunoonde,” malayika kachanakana.
\v 9 Petero kamuloonda katula mujjera, binno kabikholanga nga syategera malaika bikali nakhoola byali nibyo ebikholewa; kakaala ati ali okhwolewesa.
\v 10 Babita khu baliindi basokha nabokhubiri bola khu mulyango kwesichuuma okwolerera esikko. Kweyikula okwene, bakubitamo. Nibali bakhakenda owuleyi wengira yo’musikko ndala khangu khangu malayika kamulekha.
\v 11 Awo nje Petero amakesi akakowooleramo khandi kawoola ati, “Wunaanu manyire atali khukanaakana nti Omwami atumire malaika waye khandi kantusise mu makhono ka Kerode nende mwibyo byosi aba’Bayudaaya babeye nibasubira.”
\p
\v 12 Binno nibyali byakhamuwakho, kamala kaacha mu nyumba ya Malyaamu nηηina wa Yokana, nga khandi alangiwa Maako, abatu bangi yibali bewuusiiye nibasaba.
\v 13 Petero kakhokhona khu mulyango kwerwanyi, omukhosi mukhasi yibalanga Roda nje owecha okhuwona okhokhona khulwiki.
\v 14 Nikamanyirisa ekkono lya Petero, kasangaala esibitiriye kerukha kakowolayo natekuyeewo kawoola ati, “Petero ali khumulyango!”
\v 15 Bamuwolera baati, “Ebibaaso byawo bikotire. Nikacha mumoni nakowochola mu byawoola ati nje lusiri, bamuwoola baati, “Sinyala okhuba nje Malaika waye.”
\v 16 Naye Petero kachanakana okhukhokhona, nibekulawo bamala bamuwona, bawukka.
\v 17 Petero kekessa no’mukhono kwaye nga abawoolera bawulere khandi engeri Omwami lwamutusise mujjera. Kabawoolera ati, “Mwekese Yakobo nende bamwanaηηina khu mboosi chinno,” namala acha ewuleka, mu sifwo sindi.
\p
\v 18 Echulichuli, aliwo akhatabangukho khataasi khatono mu basirikale khubyali biibeye khu Petero.
\v 19 Kerode nikamala okhukoonyeresa okhwamaani olwali nikhumukholeeywe khandi kakhirwa okhumwakaana, kakhemeresa na’baliindi kalagira betewe. Okhufwa Khwa Kerode Awenawo Kerode kacha e Serasiya natula e wu'Yudaaya kamenyayo wutono.
\p
\v 20 Kali nga’nyekana na batu ba Tiro nende Sidoni; beecha baba sirala bamusaba abafukiirire okhubawulirisa. Nibamalire okhusembewa nende Bbulasito, Kerode yikali nakhira okhwesika ng'omukhosi waye, basaba okhuba mirembe, khuba bali besika esyalo syo’mwene’ngo nga nje sibawa ebyokhulya.
\v 21 Khu ludaalo lwatekekhewa Kerode, nikambaye enguwo cho’wene’ngo, kekhala khu sisaala syo’wene’ngo waye khandi kalomaloma eyiri abatu.
\v 22 Bakhumulira amukulu baati, “Linno kkono lya were, siryo’mutu.”
\v 23 Awo nawo, khuba Kerode sikali nawa Weere oluyaali, malayika wa Weere kamukhubba assi kaliwa ne’nyende kaffwa.
\p
\v 24 Naye emboosi ya Weere yemeeda yawunukha.
\p
\v 25 Naye nende Saulo nibamalire emirimo chawe, bakowola nibatula e Yerusalemi, nga bakenda nende Yokana, nge’riita lindi alangiwa Maako. EBIKHOLWA
\c 13
\p
\v 1 Mukanisa ya Antiyokiya baliyo aba’nabbi nabasomesa: Simoni yibalanga Niga, Lukiyo owa Ssairene, Manayeni (Owali nikakhusiwa nende Kerode owali Gafana) nende Saulo.
\v 2 Nibali basiisaba Omwami khandi ngabasiiba, Omwoyo Omwolerefu kalomaloma ati, “Mungawulirekho nende Saulo khulwomulimo kunabalangira.”
\v 3 Nibamalire okhusiiba no’khusaba, babatakho amakhono kawe, babatuma bache. 
\s Mu Kupulo
\p
\v 4 Babiri khubo, nga lubatumiwa n'Omwoyo mulafu, bekha baacha e Selusiya bamala bambukha mu lyato boola e Kupulo.
\v 5 Niboola e Salamisi, bawunusa emboosi ya Weere mu sinaggogi cha Bayudaaya. Yokana kali nabo ngo’muyeedi waawe.
\p
\v 6 Bakenda khusisinga syosi syoosi paka luboola e Pafoosi. Eyo baakanayo omulakusi O'Muyudaaya ni khandi nga mu nabbi wo’wubacha yibalanga baati Balisa Yesu,
\v 7 Kali mwicha wa Gafana we sisinga esyo, yibali balanga Sarugiya Paulo, omusaacha omukesikesi, nga'tumirwe eyiri nende Saulo, olwokhuba kali adakhire okhuwulira emboosi ya Weere.
\v 8 Naye Elima omulakusi (eryo nje eriita lyaye siryekesa) kabayinganiya nga kesakho okhukalukhaniya enfukiirira ya Gafana.
\v 9 Naye Saulo, yibalikhandi nibalanga Paulo, nga kechusiwire no’Mwoyo Omwolerefu, kewunja nikekhalirisa Elimasi khandi kamuwoola ati,
\v 10 “Oli mwana wa setani omulabe wa wuli situla esilungifu! Wechula owubacha wa wuli ngeri no’tukodyo tubi, olyola ye mukhukodya engira engololofu echo Mwami?
\v 11 Wunaanu omukhono kwo’Mwami kukhwikhirakho. Ocha okhuba omuwofwu, otawona owulafu we’ryuba olwesikha. Awo nawo, enanηoηo ne’sirema byamudiira, kachaaka okhudamadama, nakonyeresa onamudiire khumukhono amuwerekese.
\v 12 Gafana nikawona ebyekholekhire, kafukiirirawo, syamukhubba enηaηa khunsomesa yaliwo khu Mwami.
\s Mu Pisidiya Antiyokiya.
\p
\v 13 khutula Pafwosi, Paulo nabasye bachiira khu lyato okhwola Periga mu Panfuliya, Yokana akabalekhera nakowoola e Yerusalemi.
\v 14 Okhutula Periga bacha Pisidiya Antiyokiya. Khulwesabiiti bengira mu sinaggogi bamala bekhala assi.
\v 15 Nibamala okhusoma okhutusa mu malako nende ba nabbi, abemeresi bo’musinaggogi batuma emboosi yibali nibawoola baati, “Baana befwe, ni muba nimulikho no’wubakha wo’khukumiya eyiri abatu, khubasaba mulomalome.”
\p
\v 16 Manu Paulo kasiingira nakhosesa amakhono kaye kawoola ati, “Abatu ba Isirayiri nende enywe Abateende basaba Weere, muntekerese!
\v 17 Weere wa batu ba Isirayiri kadoola baseefwe; kakhola bakhulakhulana mu bikha bibali mu Misiri, na’maani mangi kabatusa mu syalo esyo,
\v 18 kesimirisa ensambo chawe mumbaka ye myaka nga kane mu sibbarara,
\v 19 kakwisa owutukki we’byalo musanfu mu Kanani kawa eroba lyawe eyiri abatu baye nga owusikhirano.
\v 20 Binno byoosi byakholewa mu mbaka yemyaka nga emya chine nende kataanu. Bino nibiweye, “Weere kabawa Abalamusi okhwoola khu’ndaalo cha Samwiri omu nabbi.
\v 21 Nibamala abatu basaba Omwene’ngo, kabawa Saulo omusyani wa Kishi, owo’lwanyi lwa Benyamini, owatukka emyaka kane.
\v 22 Namalirewo Saulo, kakhola Daudi kaaba O'mwene’ngo wawe. Kawa owujjulisi owumudiirakho: kawoola ati, ‘Nakhakaana Daudi omusyani wa Yesse omusaacha omwoyo kwange yikudakha; acha okhukhola byoosi Esse bindakha akhole.’
\p
\v 23 Okhutula mulwiwulo lunno Weere asingisise kabatera Yisirayiri omuwoniya Yesu, nga lukasubisa.
\v 24 Yesu natecha, Yokana kawuulira okhweyolobya no’khubatisiwa eyiri abatu ba Isirayiri boosi.
\v 25 Nga Yokana lukali namalirisa omulimo kwaye, kawoola ati: ‘Mubasa nisse naanu? Sinise oyo. Khaba, ne owicha nintulirewo, nebirato byaye sinkhoyera okhuwolola.’
\p
\v 26 “Baana befwe, baana ba Yibbulaimu, khandi enywe abateende abatya Weere, siri yikhuli mbo emboosi yino eyo’wuwoniya nifwe bayitumiyiywe.”
\v 27 Abatu ba Yerusalemi na batukki baawe sibategeera Yesu, ne mukhumukhengera boseresa emboosi cha ba nabbi chisomewa wuli lwa Ssabbiti.
\v 28 Nende syakaaniwa nti ali awuma songa yikira kakhengerwa okwo’khufwa, basaba Pirato ketewe.
\v 29 Nibali bakhamalirisa byoosi ebyali byawandiikiwa khuye, bamutusa khu musalabba bamutta munηηani.
\v 30 Ne Weere kamusyukhisa mu bafu,
\v 31 okhumala endaalo nyingi kawonekhera abo abakendanga naye okhutula e Galiraya nibacha e Yerusalemi. Nibo wunaanu abajjulisi baye eyiri abatu befwe.
\v 32 “Khubawoolera emboosi ndayi: Weere sikasubisa ba seefwe,
\v 33 koseresise yikhuli, khu baana baawe, nasyukhisiise Yesu. Nga lusyawandiikiwa mu Zabbuli yo’khubiri siiti: “’Oli mwana wange omusyani; Olwaleero nfukhire Bbabbawo.
\p
\v 34 Esikhakhasa mbo Weere kamusyukhisa mu baffu, owutawola, endalo chosi choosi, silomalomewakho mu mboosi chinno: “Nja okhukhuwa owo’lerefu khandi enkhabi cholereye echasubisiwa Daudi.’
\v 35 Ni sinno silomalomwakho ewuleka: “’Sulirekha omwolerefu wawo okhuwona okhuwola.’
\v 36 “Daudi nikali kakhamala okhuwereesa ebigendererwa bya Weere mubikha mu bikha bya bye'mirembe kyaye, kamala kakkona; bamusiikha nende basimwana khandi omubiri kwaye kwawola.
\v 37 Ne oyo Weere yikasyukhisa mu baffu sikawona khu khuwola.
\p
\v 38 “Nolyesyo, baana befwe, ndakha mumanye muuti okhubitira mu Yesu okhulekherwamo ebibi byenywe khulangirirwa yimuli.
\v 39 Okhubitira mu’Ye nawuli ofukirira akhakhasiwa mu byoosi ebitakhanyalikhanire okhukhakhasiwa no’bitira mu malako ka Musa.
\v 40 Mwegenderese muuti ba nabbi bibawoola bitabekholekhanakho:
\q
\v 41 “‘Muwone, enywe abalekeresi, muwukke khandi musikhirire, khuba nj'okhukhola esiitu mu ndaalo chenywe simulitafukiirira, nende omutu akakhabawoolera.’”
\p
\v 42 Nga Paulo nende bali batula mu sinaggogi, abatu babalanga khu lwa Sabbiiti lulondakho bemeede okhulomaloma khu mboosi chinno.
\v 43 Ne esikanda nisyakhasewulwa, abangi khu ba’Yudaaya na bakalukhana okhucha mu ddiini e yo’buYudaaya balonda Paulo nende, abalomaloma nabo khandi babakhubbirisa okhuchanakana nibakendera musisa sya Weere.
\p
\v 44 Khu lwa sabbitti lulondakho ambi esikko syosi syoosi syewuusa okhuwulirisa emboosi yo’Mwami.
\v 45 Aba’Yudaaya nibawona ebidiikha, bechula omutolyo balomaloma emboosi chinyeka Paulo bikali nalomaloma.
\v 46 Nawene awo Paulo nende babakowoolamo awuma khutya baati: “Khuteekwa okhulomaloma emboosi ya Weere yimuli mberi. Khuba enywe muyingana khandi simwebaasakho enywe okhukhoyera owulamu wutaliwaawo, wunaanu khakhukalukhane khuche eyiri abateende.
\v 47 Khuba sino Weere nje sikatulagira: “’Mbakholire mube owulafu wa’bateende, Khomunyale okhuleeta owuwoniya khusyakamo sye’syalo.’”
\p
\v 48 Abateende nibawulira si no, basangaala bawa emboosi ya Weere oluyaali; khandi boosi abali nibadoolewa olwo’wulamu wutaliwaawo bafukiirira.
\v 49 Emboosi yo’Mwami yalaanda mungoongo choosi.
\p
\v 50 Ne aba’Yudaaya bachuuba abakhasi batya Weere ab'oluyaali na basaacha batangiirisi mu sikko. Basiingisa omwoyo kwo khusandya Paulo nende, khandi baberusya mu sifwo syawe.
\v 51 Syatulakho okhusisimula olufu lwo mu makulu kaawe, okhuyinganisiwa khwawe bacha e Yikoniyamu.
\v 52 Ne abeeki khandi bechusiwa ne’sangaalo no’Mwoyo mwolerefu.
\c 14
\p
\v 1 Mu Ikoniyo Paulo nende nga luchali nsambo chawe bacha mu Sinaggogi cha Bayudaaya. Eyo balomaloma wulayi na’maani no’khwoseresa aBayudaaya na’bateende bangi bafukiirira.
\v 2 Naye aBayudaaya abakaana okhufukiirira bengisa mu bateende omwoyo mubi bonoona embasa yawe eyiri abo’luganda.
\v 3 Manu Paulo nende BBbalunabbabayirakhooyo ebikha, nibalomaloma no’khutatya eyiri Omwami, owakhakhasa emboosi yaye eyesisa kabanyalisa okhukholanga owuwonero wamayiya ne’biwukiya.
\p
\v 4 Abatu be sikmo bawukhanamo; abandi baba khu’luwande lwa ba’Yudaaya, abandi baba khulwa Batume.
\v 5 Aliwo okhukhobana akati wa Bateende na’baYudaaya, alala nabemeresi bawe, okhubabisya wubi n'okhubakhubba amakina.
\v 6 Ne beecha basimanya manu berukha baacha e Likoniiya mubikko bya Lusitula ne Deribe no’mungoongo chiriranire awo,
\v 7 yibacha mumoni n'okhuwuulira emboosi endayi.
\s Mu Lusitura Nende Mu Deribe
\p
\v 8 Mu Lusitura yaliyo omusaacha omulema wamakulu kombi nga kekhwesa wusa, okhutula mukhwiwulwa khwaye nga syakenda.
\v 9 Katekeresanga Paulo na’wuulira. Paulo ka’mwekhalirisa, kawona nali nenfukirira eyokhuwonesewa
\v 10 khandi kalomaloma mukono lyamukulu ati, “Siingira weeme khumakulu kawo!” Mu bikha ebyo, omusaacha katuuma amukulu kachaaka okhukenda.
\p
\v 11 Esidiikha nisyawona Paulo byakholire, bakhumula mu lulimi lwa’Ikoniyo nibawoola baati, “Ba were bekhire mwifwe musifananyi sya’batu!”
\v 12 BBbalunabbabamulanga Sewusi, naye Paulo bamulanga Herume khuba nje owali omulomalomi omu’khuluutu.
\v 13 Khawona wa Sewusi, owali ne nyumba ya Weere erwanyi ambi nesikko, kaleeta amayeeyi ne’bimuli bikokhobe khusiriwa sye sikko khulwo’khuba ye nende esidiikha bali badakha boserese nga lubakhawa Weere esiwanwa.
\p
\v 14 Na’batume bano BBbalunabb anende Paulo nibawulira binno, batandula enguwo chawe berukha mangu bengira mu Sidiikha, nibalomalomera amukulu baati:
\v 15 “Batu enywe, lwasina mu khola sinno? Fwesi khuli wusa batu, nge’nywe. Khubaletera emboosi endayi, khubawoolera mulekhe ebitu bitakhoya mu kowolere Weere mulamu, owakhola ekkulu nesyalo nenyanja nende nawuli esiri mu syalo.
\v 16 Khale khale, kalekha wuli syalo syakhola bisidakha.
\v 17 Ne awuma lwatalekhawo esyokhulomalomakho: kekesiise esissa syaye nabawa enfula, okhutula mwikkulu nebirime byo’mwaka ne’birumbi; kabawa emmere mu wungi kechusa emyoyo chenywe ne’sangaalo.”
\v 18 Nende nibalomaloma emboosi chinno choosi, basikala no’wudinyu okhukayira esidiikha okhuleeta esiwanwa.
\p
\v 19 Ebikha ebyo aba’Yudaaya bandi beecha nibatula Antiyokiya nende Ikoniyo bayiira esidiikha sya’kwa khuluwande lwawe. Bakhubba Paulo amakina khandi bamukhwekhwesa bamutusa erwanyi we sikko, nibabaasa baati afwiye.
\v 20 Ne abeeki nibamala okhwewuusa olunyuma akali, kalamukha kakowoolayo mu sikko. Oludaalo lulondakho ye nende BBbalunabbabatulawo baacha e Deribe.
\s Okhukowoola Mu Antiyokiya Mu Siriya.
\v 21 Bawuulira emboosi ndayi mu sikko esyo khandi abeeki bangi ba’baloonda. Nibamala baacha mu Lisitura, Yikoniyamu nende Antiyokiya,
\v 22 nibomiisa abeeki khandi nibabakumya basikale mufukirira ya’masima. Bawoola baati, “Khutekwa okhubita mubidinyu okhwingira mu wene’ngo wa Weere.”
\v 23 Paulo nende BBbalunabbabadoola abakhuluutu mu wuli kanisa khandi, mukhusaba no’khusiiba, nga babawayo eyiri Omwami, yibali nibateyemo okhwesika khwawe.
\p
\v 24 Nibamalire okhubita mu Pisidiya boola mu Panfuliya,
\v 25 khandi nibali bamalire okhuwulira emboosi mu Periga bekhirira Attaliya.
\v 26 Okhutula Attaliya bakowolerayo mu lyato okhucha Antiyokiya, yibali basiimiwa lukali mu siisa sya Weere, khulwo mulimo kubali bakholireyo.
\v 27 Niboola, boola, bacha bawuusa eKanisa alala babekesa byoosi Weere bikali na’bakholeyemo khandi nga lukali kekuliye abateende omulyango kwe enfukirira.
\v 28 Eyo bekhalayo endaalo chasuda nibali na’beeki. EBIKHOLWA
\c 15
\p
\v 1 Abatu bandi batula ewu’Yudaaya baacha Antiyokiya ni bali basomesa aboluganda baati: “Okhutusakho nga wakhebewa, okhwema khu’nsaambo Musa nga lukasomesa, sunyala khuwonesewa.’’
\v 2 Sinno syaleetawo okhuyingana no’khukawukhana khukhongo mumbaasa akkati wa BBbalunabba nende Paulo na’basaacha batula Antiyokiya. Manu syaleeta Paulo nende Bbalunabba badoleewa, nabafukiirira bandi, bache e Yerusalemi okhuwona abatume nabakoffu olwembakha yinno.
\p
\v 3 Ekkanisa yabatuma nibacha, khandi nga bakendire babitta Fewonisiya nende e Samalia, babawolera nga abateende bali bakalukhanire. Kano mawuliire kasangaasa aboluganda.
\v 4 Niboola e Yerusalemi, basangaalirwa mukkanisa nabatume nabakoffu, baboosera amawuliire ka byoosi Weere kakali abakholeyemo.
\p
\v 5 Ne abafukiirira bandi abomukanda kwa ba'Falisaayo basingira bawoola baati, “Abeteende batekwa okhukhebewa khandi bakhoyire bachire khumaloko ka Musa.”
\p
\v 6 Abatume na’bakoffu bekhala okhwewunja mu mboosi echo.
\v 7 Nibamalire okhunyonyola lukali, Petero kasiingira kabawoola ati: “Baana befwe, musimanyire muuti mubikha bibitirekho Weere kakhengawo ati Abateende bosi banyale okhuwulira owubakha waye bamala bafukiirira okhubitira mumunwa kwange.
\v 8 Weere, omanyire omwoyo, kekeesa mbo kabafukirira olwokhubawa kabawa omwoyo mwolerefu, nga fwesi lukatuwa efwe.
\v 9 Sikakawukhaniyamo effwe nabo, kalabya emyoyo chawe ngasibisya munfukirira.
\v 10 Ne Wunaanu, lwasina mukhema Weere nimuta khumakosi ka beeki ejjogi eyitali yefwe ata eya bakuuka yefwe yibali nibatanyala besimirisa?
\v 11 Khaba! Khufukiirira okhubita musissa syo’Mwami wefwe Yesu nti khwawonesewa, bosi nga lubali.”
\p
\v 12 Olukhunηηana lwoosi lwa’wulera nga lubatekeresa Bbalunabba nende Paulo nibabawoolera ebyo’wuwonero wamayiya ne’byokhuwukiya Weere bikali akholire mu bateende nga wubabitiramo.
\p
\v 13 Nibamala, Yakobo kalomalomera amukulu ati: “Baana befwe, muntekerese.
\v 14 Simoni atunyonyoye nga Weere mukhusokha katwekesa okhufwayo khwaye nga’wukula mubateende abo abatu bakekowoseye.
\v 15 Emboosi cha ba nabbi chifukirisaniya na sinno, nga lusyawandiikiwa siiti:
\q
\v 16 “’Nimalire binno niicha okhukowola   nombakhe ewema ya Daudi yakwa. “Ebyanyasikha ndibyombakha, Khandi ndibikowosawo,
\v 17 khu batu badoηηirewo banyale okhukonya Omwami, khandi abateende baliba niriita lyange, omwami nje olomaloma, okhola ebitu binno’
\v 18 ebibeye nibimanyikhanire emyaka chemukoongo.
\p
\v 19 “Khukhengawo khwange, no’lwesyo, khutasikhola syaba sidinyu eyiri abateende abali okhukalukhanira Weere.
\v 20 Okhumalakho khubawandiikire, nikhubawolera okhutalya ebyo’khulya ebinyasiwe nebilongalongwe, nga bitula mu wuddamba, enyama chebisolo bimikirwe nende mu mabanga.
\v 21 Khuba Musa bamuwuuliyekho mu wuli siko okhutula mu bikha byemukongo babisomanga mu sinaggogi khu wuli lwa Ssabbiiti.”
\s Ebbaruwa Yolukhikho Eyiri Abateende ABafukiirira.
\p
\v 22 Manu abatume nabakoffu, ne Kkanisa yoosi, bakhengawo okhudoolamo abatu bawe begaate khu Paulo nende Bbalunabba bache Antiyokiya. Badoola Yuda (Olangiwa Bbarisaba) nende Siira, abasaacha babiri abali batangiirisi mu boluganda.
\v 23 Ninabo batuma ebaruwa Yinno: Abatume nabakoffu, abasyeenywe, Eyiri Abatende Bafukiirira Mu Antiyokiya, Siriya nende Kirukiya Amakheeso.
\v 24 Khwawulira khuuti abasyefwe bandi batutulakho ataasi efwe okhubafukirira khandi khwabakhedya, khwatawula ebibaaso byenywe okhwema khubibalomaloma.
\v 25 Fwesi fweesi khufukirisanisye okhudoola khubatu bandi khwabatuma yimuli nabeecha befwe abadakhwa Bbalunabba nende Paulo __
\v 26 abasaacha abewaayo owulamu wawe khu lwerita lyo’mwami Yesu Kurisito.
\v 27 Nolwesyo khuli khubatumira Yuda nende Siira okhukhakhasa ne’mboosi yo’munwa bikhubawandiikira.
\v 28 Syawonekha okhuba sirayi eyiri Omwoyo Omwolerefu nende yikhuli okhutabasidowera mu wuli siitu syoosi okhubitira khubyetaggo binno:
\q1
\v 29 Mukhoyiire mutadiira khu byo’khulya ebiwereseweyo e'byemisambwa, amabaanga nenyama yebisolo bimikirwe nende owudamba. Munyale okhukhola wulayi nimulekhire binno bitu. Mweraba
\p
\v 30 Abasaacha batumiwa beecha bekha baacha Antiyokiya, yiboola bawuusa ekkanisa alala bamala babawa ebbaruwa yibayirire.
\v 31 Abatu bayisoma basangaala olwemboosi yo’khubakumiya.
\v 32 Yuda nende Siira, abali khandi ba nabbi, bawoola bingi okhukumiya nokhwomisa abasyaawe.
\p
\v 33 Nibamalirekho embaka nibaliyo, basewulwa nenkhabi ye mirembe okhukowoolayo eyiri ababatuma.
\v 35 Naye Paulo nende Bbalunabba badoηηa mu Antiyokiya, yibasomesa khandi bangi no khuwuuliira emboosi yo’Mwami.
\s Owutafukirisaniya Akkati Wa Paulo Nende Bbalunabba
\p
\v 36 Olunyuma lwendaalo ntono Paulo kawoola Bbalunabba ati, “Khukowooleyo emukoongo khukeniye abasyefwe mu bikko byoosi yikhwawuulirakho emboosi yo’Mwami khuwone nga lubachanakana.”
\v 37 Bbalunabba kadakha ayire Yokana, yesi yibalanga Maako, ache nabo,
\v 38 naye Paulo sikasibaasamo okhuba esya makesi okhumuyira, okhuba ye kali abekawuyekho nibali Panfuliya khandi sikali nachanakanire nabo mumirimo.
\v 39 Bali netafukirisaniya eyamaani akkati wawe eyatulamo balekhana. Bbalunabba kayira Maako bachira e Kupulo mu lyato,
\v 40 ne Paulo kadoola Siira bawawo, abasyaawe basemba babasewula khu Sissa syo’Mwami.
\v 41 Kabita mu Busuli nende mu Kurukiya, nata mu makkanisa amaani. EBIKHOLWA
\c 16
\p
\v 1 Keecha koola e Deruba khandi nende Lusitula, eyali omweeki olangiwa Timosewo yikamenya, yinηηina owali Omuyudaaya khandi omufukiirisi, naye nga simwana kali omu Yonaani.
\v 2 Abafukiirisi mu Lusitula nende Ikoniyo bamulomalomakho wulayi.
\v 3 Paulo kadakha ache naye khu lukendo, manu kamukheba khulwa Bayudaaya abali nibamenya mu sifwo esyo, olwokhuba boosi bamanya baati simwana kali Omu Yonaani.
\p
\v 4 Nga nibali nibakenda okhutula mu sikko okhucha musiindi, batusanga ebyaliingi nibikhengirwewo nende abatume nende abakhuluutu mu Yerusalemi alwa batu okhukholerakho.
\p
\v 5 Manu amakkanisa komiisiwa munfukiirira khandi kemeeda wuli ludaalo muwungi.
\s Okhuwonekherwa Khwa Paulo Khwo’Musaacha Owe Makedoni
\p
\v 6 Paulo nende abasye bakenda mu syaalo esye Fulugiya nende Galatiya syoosi, nibamalire okhukaniwa nende Omwoyo Omwolerefu okhuwuulira emboosi mu syalo esya Asiya.
\v 7 Niboola khu nsalo ya Musiya, bakesakho okhwingira mu Bisuniya, naye Omwoyo wa Yesu sikabafukiirira okhwingira.
\v 8 Manu babitira mu Musiya bekhirira baacha mu Tulowa.
\v 9 Musiro Paulo kafuna okhuwonekherwa okhwo’musaacha owe Makedoni nikemire namwekweeda ati, “Yiicha eno e Makedoni otuyeede.”
\v 10 Manu Paulo nikali namalire okhuwona okhuwonekherwa, khwetekekha wangu wene okhucha e Makedoni, nikhumaliirisa khuti Weere kali atulangire okhuwuulira enjiri yibali.
\s Okhukalukhanisiwa Khwa Ludiya Mu Firipi
\p
\v 11 Nikhwatula e Tulowa khwengira mu’lyato khwacha muwukololofu e Samoserakiya, khandi oludaalo olulondakho khwacha e Neyapoli.
\v 12 Nikhwatula eyo khwakenda khwacha e Firipi, esitundu sya Rooma esikko esyemerera mu Disiturikiti eya Makedoni. Manu khwaba eyo endaalo echiyerakho.
\p
\v 13 Olwa Ssabbiiti khwatula erwanyi wo mulyango okwe sikko khwaacha khu mwaalo, yikhwasubira okhuwukaana esifwo esyo’khwekalikhiramo. Khwekhala assi khwachaaka okhulomaloma nende abakhasi abali ni bewusise awo.
\v 14 Mulala khwabo abatekeeresa kali mukhasi olangiwa Ludiya, owakusanga enguwo eche bbeyi okhutula mu sikko sikhuluutu esyo Suwatira, owali omwinamiri wa Weere. Omwami kekula omwoyo kwaye okhukowola mu wubakha wa Paulo.
\v 15 Ye nende abatu abo’mudaala lyaye babatiisiwa, katulanga engo waye. Kawoola ati, “Nimuwona muuti ndi omufukiirisi mu mwami, mwiche mumenye munyumba yange.” Kecha katwegayirira.
\s Paulo Nende Siira Mujeera.
\p
\v 16 Olundi nikhwali nikhucha mu sifwo e syo’khwekalikhiriramo, khwawukanana nende omukhana omuwambe owalikho omusambwa kukakhosesanga okhulakula ebiicha okhubawo. Kafunisa abeneye erubbya nyingi chene olwokhubalakula.
\v 17 Omukhana ono kalonda Paulo alala nende fweesi, nakhumuula ati, “Abasaacha banno bakhosi ba Weere oli amukulu lukali, ababawoolera engira eyo’khuwonesewa.”
\p
\v 18 Sinno kasikhola endaalo nyingi lukali. Mukhwakamyayo Paulo kawona nga simuchuuna lukali manu kakalukhana kawoola omusambwa ati, “Muliita lya Yesu Kurisito nkhulagira omutulemo!” Esikha syene esyo omusambwa kwamulekha.
\v 19 Ne abene mukhaana omuwambe nibawona baati esuubi lyo’khufuna erubbya liweeye, badiira Paulo nende Siira babakhuruudya babayira mu khatale eyiri abowunyala.
\v 20 Babayira eyiri abalamusi bawoola baati, “Abasaacha banno Bayudaaya, khandi bata esikko syefwe esikhuluutu mu khediimo
\v 21 bali okhwekesanga ensambo embi echitafukiirirwa efwe aba Rooma okhufukiirira oba okhukhola.”
\v 22 Esidiikha syeyambaniya mu khukhubba Paulo nende Siira, manu abalamusi balagira babatusemo enguwo bakhubbwe.
\v 23 Nibamala okhubanalanaala lukali, babasukuna mujjera, balagira omulindi we jjera okhubalinda namakesi mangi.
\v 24 Olwokhuwulira ebilagiro nga ebyo, kabata mujjera eyomukkati weene manu kabawowa amakulu kawe khu mayiingo.
\p
\v 25 Ambi musiro akaati Paulo nende Siira bekalikhiraanga khandi nibemba enyembo cha Weere, ne abawowe bandi babatekeresanga.
\v 26 Awene awo echa abawo okhudenganisiwa khwe’roba okhwa’maani lukali okhwecha khwadenganiya emisiingi che’jjera. Ekhabi lala emiryango che jjera choosi chekukha, nende enjegere chiri khunawuli mutu chanyikukha.
\v 27 Omuliindi we jjera kasisimukha, manu nikawona enjjikki che’jeera nichikukhire, kachowolayo okukhande kwaye atono wene keyite olwokhuba kabasa ati abawoye bali beyibire.
\v 28 Naye Paulo kaalacha nawoola ati, “Oteyiita omweene! Fweesi khuli ano!”
\v 29 Omuliindi we’jjera kalangisa omuliro, kengira wangu natengerekha kakwa ali Paulo nende Siira.
\v 30 Keecha kabatusa erwanyi kabateeba ati, “Abakhongo, siina sinteekwa okhukhola kho mbonisiwe?”
\v 31 Bakowolamo baati, “Fukiirira mu Mwami Yesu, ocha okhuwonesewa__ ewe nende abomudaala lyawo.”
\p
\v 32 Manu beecha balomaloma emboosi yo’Mwami yaali nende boosi mu nyumba yaye.
\v 33 Mu saawa eyesiro eyo omuliindi we jeera kabayira kaboosa amawa kaawe; manu wangu wene ye nende abomudaala lyaye boosi babatiisiwa.
\v 34 Omuliindi we jjera kabaleeta munyumba yaye kabateerawo ebyokhulya; kechula esangaalo olwokhuba kali afukiriiye mu Weere__ ye nende abomudaala lyaye boosi.
\p
\v 35 Naye niwanuukha, abalamusi batuma abasirikale mujjera eyiri omuliindi we’jjera nende esiragiro baati: “Muwoolole abasaacha abo.”
\p
\v 36 Omuliindi we’jjera kawoola Paulo ati, “Abalamusi balagiiye baati ewe nende Siira muwololwe. Wunaanu munyala okhuwaawo. Muche ne mireembe.”
\p
\v 37 Naye Paulo kaawolera abasirikale ati, “Batukhubba mu batu akaati nibataatuwosesiise, nende khuli ba Rooma khandi baatusukuna mujjera. Khandi wunaanu badakha okhutumalawo muwekisi? Bbe! Abeene beeche batutuse batuwerekese erwanyi.”
\v 38 Abasirikale beecha bawoolera abalamusi, manu nibawulira mbo Paulo nende Siira bali batu ba Rooma, beecha besindukha.
\v 39 Beecha okhubasangasa manu babayerekesa okhutula mujeera, nibabasaba batule mu sikko sikhongo.
\v 40 Paulo nende Siira nibamalire okhutula mujjera, bacha mu nyumba ya Ludiya, yibawukaana abafukiirisi babakumya. Manu bamala bawawo. EBIKHOLWA
\c 17
\p
\v 1 Nibali nibamalire okhubita Anfwipoli nende mu Apoloniya, beecha boola mu Sessaloniika, eyali esinaggogi sya Bayudaaya.
\v 2 Nga ensambo yaye luyali, Paulo kengira musinaggogi, mundaalo che Sabbiiti chidatu kayingana nabo mu byawandiikiwa,
\v 3 nanyonyoola khandi nakhakhasa ati Kurisito syamukhoyera okhusandisiwa nokhusyuukhira mu baffu. Kawoola ati, “Yesu ono yindi okhubawulirirakho nje Kurisito.”
\v 4 Balala khu Bayudaaya bola bafukiirira beyimbaniya khu Paulo nende Siira, alala ne’sikaanda esya Bayonaani abatya Weere kho na’bakhasi aba’maani abataasi batono.
\p
\v 5 Naye Abayudaaya beecha baba nende embalikha; manu bawukula abatu babi okhutula mu khatale, bawuusa esidiikha bachaaka okhwesasaakula mu sikko sikhongo. Bacha wangu khu nyumba ya Yasooni nibakoonya Paulo nende Siira mbo babatuse erwanyi eyiri esidiikha.
\v 6 Naye nibatabawukaana, bakhuruudya Yasooni nende abafukiirisi bandi babayira eyiri abowunyala mu sikko esikhongo, nibakhumula baati: “Abasaacha banno abaletire akhediimo mu syalo syoosi wunaanu bechire ano,
\v 7 khandi Yasooni kabasangaalira kabengisa munyumba yaye. Boosi bali okhuyiinganiya amalako ka Kayisali, bawoola baati mbo aliwo omwene’ngo wundi, olangiwa Yesu.”
\v 8 Nibawulira sinno, esidiikha nende abo’wunyala be sikko esikhongo syoosi basambikha.
\v 9 Beecha beyimirira Yasooni nende abandi bamala babalekhuula.
\s Mu Beroya
\p
\v 10 Esiro nisyola siiti, abafukiirisi batuma Paulo nende Siira okhucha e Beroya. Nibola eyo, bacha musinaggogi sya Bayudaaya.
\v 11 Aba Beroya bali balayi okhukhira abe Ssesalonika. Olwo’khuba bafuna owubakha n'okhudakha lukali khandi bewunjaanga ebyawandiikiwa wuli ludaalo okhuwona Paulo bikawoola nibituufu.
\v 12 Bangi khuba Yudaaya bafukiirira, nasirala nga bangi khu bakhasi a Bayonaani abemeeresi nende abasaacha a Bayonaani bangi lubali.
\p
\v 13 Manu Abayudaaya mu Ssesalonika nibasimanya baati Paulo kali awuulira emboosi ya Weere mu Beroya, bachayo yosi, basalaniya ebidiikha nende okhubachuuba.
\v 14 Abafukiirisi wangu wene batuma Paulo khu Nyanja, naye Siira nende Timoseewo badonηηa e Beroya.
\v 15 Abasaacha abayerekesa Paulo bamuyira mu Asene bamulekha nende ebiragiro mbo Siira nende Timoseewo bamwegatekho wangu nga lusinyalikha. Mu Asene.
\p
\v 16 Paulo nikali nasibaliinda mu Asene, Omwoyo kwamuchuuna lukali okhuwona ati esikko sikhongo syali sichuuye ebifananyi ebilongalongwe.
\v 17 Manu kayingana nende aba Yudaaya musinaggogi nende aba’Yonaani abatya Weere, alala nende mu khatale wuli ludaalo nende abo ababangayo.
\p
\v 18 Omukanda kwa aba Epikulyo nende aba Firosoofwo bachaaka okhuyiingana naye. Balala khu bo bateeba baati, “Omunanaakisi ono akesakho okhuwoola ssi?” Abandi bawoola baati, “Ali nga okholerera emisambwa emikeni wussa.” Bawoola sinno olwokhuba Paulo kali awuulira emboosi endayi khu Yesu nende okhusyuukhira.
\p
\v 19 Manu beecha bamuwukula bamuyira mu lukhiikho lwa Aleyopago, yibamuwolera baati, “Khunyala okhumanyakho okhuwuulira okhuyakha khuno nga nikhuli khwooli okhutaawo?”
\v 20 Okhuleeta ebiitu ebiyaakha mu matwi kefwe, manu khudakha khumanye amakhuluutu kabyo.”
\v 21 (Aba’Asene boosi nende abateende abamenyayo bamala ebikha byawe nga bawuma sibakhola okhutusakho okhulomaloma nende okhutekeeresa emboosi njaakha.)
\p
\v 22 Manu Paulo keecha keema akaati mu lukhiikho olwa Aleyopago kawoola ati: “Basaacha ba Asene! Mbona nti mungeri choosi muli abanadiini lukali.
\v 23 Olwokhuba nga ninakenda okhwewodokhaniya natingaala wulayi ebiitu byenywe bimwinamira, nokhuwona nawona worutaari niyirikho owuwandiike wunno mbo: EYIRI WEERE OTAMANYIKHANIRE. Wunaanu yimwinamira nga esiitu simutamanyire nja okhulangirira yimuli.
\p
\v 24 “Weere owaloonga esyalo nende wuli esirimo nje Omwami owekkulu nende esyalo khandi syamenya mu byombakhe ebyombakhiwa nende amakhono ka’batu.
\v 25 Khandi syayeresewa nende amakhono ka’batu, nga odakha esiitu syoosi, olwokhuba ye omweene awa abatu owulamu nende okhuyera nende nawuli siitu syoosi.
\p
\v 26 Okhutula mu mutu mulala kakhola wuli syalo esya’batu, ati banyale okhwichusa esyalo syoosi; khandi kakhengawo ebikha byawe nende ebifwo byeene yibakhoyire okhumenya.
\v 27 Weere kakhola sinno abatu kho bamwolekho nalundi bache bamukoonye, akakhaba mbo syali ale okhutula khunawuli mulala khwifwe.
\v 28 ‘Olwokhuba mu ye khuliwo khandi khukenda khandi khwabaawo.’ Nga wusa abayiiya enyembo benywe nibawoola baati, ‘Khuli baana abolwiwulo lwaye.’
\p
\v 29 “Nolwesyo nga nikhuli abaana ba Weere, sikhukhoya okhubaasa khuuti afwana nende esabbu oba efwessa oba ekina___ ebikholewa nende amakesi no’khumanya khwo’mutu.
\v 30 Khale Weere sikafwangayo khu wutamanya nga owo, naye wunaanu alagira abatu boosi woosi okhweyolobya.
\v 31 Olwokhuba katawo oludaalo lwalikhengera esyalo omusango mu wulungifu nabitira mu mutu yikatawo kekeesa owukhakhafu eyiri abatu boosi nikamusiingisa okhumutusa mu baffu.”
\p
\v 32 Nibawulira ebyokhusyuukhira okhutula mu baffu, abandi bamukhomoola, naye abandi bawoola baati, “Khudakha khandi okhukhuwulira khu mboosi yinno.”
\v 33 Khwesyo, Paulo katula mu lukhiikho.
\v 34 Abasaacha batono baloonda Paulo khandi bafukiirira. Mubo mwalimo Diyonusiyo, omunasikaanda esya Oleyopago, nende omukhasi alangiwa Damali, nende abandi alala nabo. EBIKHOLWA
\c 18
\p
\v 1 Bino nibiweye, Paulo katula mu Asene kacha mu Kkoliinso.
\v 2 Eyo kawukaana Omuyudaaya olangiwa Akula, omwiwulanwa owo mu Ponto, owali nikakhecha okhutula mu Yitale nende omukhasi waye Pulisikira, olwokhuba Kulawudiyo kali alagiiye Abayudaaya boosi okhutula mu Rooma. Paulo kacha okhubawona,
\v 3 khandi olwokhuba kali omukhosi owa maweema nga nibali, kamenya khandi kakholera alala nabo.
\v 4 Wuli lwa Ssabbiiti kayingananga mu Sinaggogi, nga akesakho okhukhobya Abayudaaya nende Abayonaani bamuloonde.
\p
\v 5 Manu Siira nende Timoseewo nibeecha okhutula e Makedoni, Paulo kewaayo omweene yesi okhuwuulira nga ajjulira eyiri Abayudaaya ati Yesu nje Kurisito.
\v 6 Naye Abayudaaya nibayiinganiya Paulo bachaka okhunyeka, kasisimula enguwo chaye mu’khubayiinganiya nabawoola ati, “Amabanga kenywe kabe khumitwe cheywe chene! Nomiisa binomaloma. Okhutula wunaanu nende okhwemeedayo nja okhucha mu Bateende.”
\v 7 Manu Paulo keecha katula mu Sinaggogi kaacha khu mulyango okulondakho mu nyumba ya Tito Yusito, omwikalikhiri wa Weere.
\v 8 Kulisupo, omutukki wa Sinaggogi, nende abomudaala lyaye boosi bafukiiririra mu’Mwami; khandi nende Abakkoliinso bangi abamuwulira bafukirira khandi babatiisiwa.
\p
\v 9 Oludaalo lundi esiro Omwami kalomaloma nende Paulo mukhuwonekherwa ati: “Otatya; chanakana nende okhulomaloma, otawulera.
\v 10 Olwokhuba ndi nawe, khandi yiwuma mutu ocha okhukhuseeta khandi akhuwumise, olwokhuba ndi nende abatu bangi mu sikko sikhongo sinno.”
\v 11 Manu Paulo kamenya omwaka nende esitundu, nga abasomesa emboosi ya’Weere.
\p
\v 12 Naye Galiyo nikali ni nje owesasa lye Akaya, Abayudaaya bakholera alala baseeta Paulo bamuleeta mu moni cholukhiikho.
\v 13 Bamuwabira baati, “Omusaacha onno,” ali okhukhobya abatu, “Mbo benamire Weere mu ngira echikhalaka amalako.”
\p
\v 14 Nga Paulo lukali nali ambi okhulomaloma, Galiyo kawoola Abayudaaya ati, “Nisiba mbo enywe Abayudaaya mwali mwekanyiisa khu siitu esitacha wulayi oba omusango okwamaani, syakhalimo amakhuluutu ese okhubatekeresa.
\v 15 Naye nga nisidiira khubiteebo ebidiira khu mboosi nende ameeta nende amalako kenywe keene__ abeene mubimaliirise. Esse sindaabe omulamusi khu biitu nga binno.”
\v 16 Manu kecha kaberusya okhutula mu lukhiikho.
\v 17 Manu boosi bakalukhanira Sossene omukhuluutu owa Sinaggogi bamukhubbira mu moni cho’lukhiikho. Naye Galiyo sikafwayo bbe.
\s Pulisikira, Akula Nende Apolo
\p
\v 18 Paulo badonηηa mu Kkoliinso olwesikha esiyera. Manu keecha kalekha abafukiirisi kawanikha amatanga kaacha e Busuuli, nali alala nende Pulisikira nende Akula. Natasiimbukha, kacha bamubekakho efwiiri lyaye e Kenkereya olwo’khwechuba khukali nakholire.
\v 19 Boola mu Efweso, yi Paulo kalekha Pulisikira nende Akula. Ye omwene kengira mu Sinaggogi kayingana nende Abayudaaya.
\v 20 Nibamusaba abeekho nabo embaka ntono, kakaana.
\v 21 Ni nga nikawawo, kasuubisa ati, “Nakhakowole nikhuba okhudaha khwa Weere.” Ne awanikha amatanga okhutula mu Efweso.
\p
\v 22 Nikakoba mu Kayisaliya, kaniina kaacha okhukheesa ekkanisa khandi kekhirira kaacha Antiyokiya.
\p
\v 23 Nikamalakho endaalo echiyera mu Antiyokiya, Paulo kasiimbukhayo kakenda mu situndu sinno syosi syoosi nasiiri mu syalo sya Galatiya nende Fulugiya, nikomiisa abeeki boosi.
\p
\v 24 Ebyo nibisiiri awo omuYudaaya olangiwa Apolo, owiwulwa mu Alegezandereya, keecha mu Efweso. Kali omusaacha owasoma, nga amanyire lukali ebyawandiikiwa.
\v 25 Kali kekesewa wulayi engira yo’mwami, khandi kalomalomanga nende okhudakha lukali khandi kasomesanga khu Yesu mu wulungifu, nende kali amanyirekho okhubatiisa khwa Yokana khwoηηene.
\v 26 Kachaka okhulomaloma nga syatya mu Sinaggogi. Manu Pulisikira nende Akula nibamuwulira, bamulanga abakeniye engo waawe bamunyonyoola engira ya Weere mu wichuffu okhukhirawo.
\p
\v 27 Apolo nikadakha okhucha mu Akaya, abafukiirisi bamukhubbirisa khandi bawandiikira abeeki beeyo bamusangaalire. Mukhwoola, kali owowuyeedi wukali eyiri abo olwesisa abali nibafukiriiye.
\v 28 Olwokhuba kayinganiyanga lukali lwene Abayudaaya akaati mu batu, nga akhakhasa okhutula mu byawandiikiwa ati Yesu kali nje Kurisito.
\c 19
\p
\v 1 Manu Apolo nikali naali mu Kkoliinso, Paulo kadiira engira kabitira mu katikati manu koola mu Efweso. Eyo kawukanayo abeeki band
\v 2 kabateeba ati, “Mwafuna Omwoyo mwolerefu nga nimwafukiirira?” Bakowolamo baati, “Bbe, khandi sikhuwulirangakho khuuti aliwo omwoyo mwolerefu.”
\p
\v 3 Manu Paulo kabateeba ati, “Ne wunaanu khubatiisiwa siina khumwafuna?” Bakowolamo baati, “Okhubatiisiwa khwa Yokana.”
\p
\v 4 Paulo kawoola ati, “Okhubatiisiwa khwa Yokana khwali khubatisiwa okhwokhweyolobya. Kawoolera abatu okhufukiiririra mu oyo owiicha enyuma waye, nje, mu Yesu.”
\v 5 Nibawulira sinno, beecha babatiisiwa okhwingira mu liita lyo’Mwami Yesu.
\v 6 Paulo nikabesakho amakhono kaye, omwoyo mwolerefu kabechakho, beemawo balomaloma mu nimi khandi bawoola ebicha okhubaawo.
\v 7 Bali ambi abasaacha ekhumi nende babiri boosi alala.
\p
\v 8 Paulo kengira mu Sinaggogi kalomalomera eyo namaani okhumala emyesi chidatu nga syatya, nayinganiya khandi nabakhobya ebiddira khu wene’ngo wa Weere.
\v 9 Naye abandi bakhaya; bakhayirira okhufukiirira khandi nga banyasa engira eya Weere alafu. Manu Paulo kabalekha. Kacha nende abeeki katesaanga nabo wuli ludaalo mu nyumba eyo’khwekeraamo mu Tulano.
\v 10 Sinno syachanakana siityo okhumala emyaka chibiri, manu Abayudaaya boosi nende Abayonaani abamenya mu syalo esya Asiya baawulira emboosi yo’Mwaami.
\p
\v 11 Weere kakhola ebyamayiya ebitabangawo nga abitira mu Paulo,
\v 12 khandi nende ebitambaara n'enguwo chaye ebyamwegeηηangakho nibabiyiriranga abalwaye baawe, endwaaye chawe chawonaanga khandi nende emisambwa emibi chabatulaangamo.
\p
\v 13 Abayudaaya bandi ababitaanga niberusya emisambwa mibi bakesakho okhukhosesa eriita lyo mwami Yesu okhutula khwabo abaliingi nibalikho emisambwa mibi. Bawolanga baati, “Muliita lya Yesu, Paulo lyawuulira, mbalagira mutule.’’
\v 14 Abasyaani musanfu aba Sekewa omu Yudaaya omukhongo wabakhawona, bali bakholaanga sinno.
\p
\v 15 Oludaalo lulala omusambwa mubi kwabakowolamo kuuti, “Yesu mumanyire, khandi manyire ebidiira khu Paulo, nanywe niinywe banaanu?”
\v 16 Manu omusaacha owalikho omusambwa mubi kabatuumirakho kabakhira boosi amaani. Kabakhubba enkhubba yeene eyabeerusya batula erwanyi wenyumba sichula khandi nibadaacha.
\v 17 Sinno nisyecha syamanyikha eyiri Abayudaaya nende Abayonaani abamenya mu Efweso, boosi badiiriwa owuti, khandi eriita lyo’mwami Yesu lyasingisiiwa mu luyaali olwa’mukulu.
\p
\v 18 Bangi khwabo abafukiirira wunaanu beecha mulwaatu okhweyolobya ebibi byawe.
\v 19 Bangi khwabo abakholaanga ebyeroko baletanga ebittawo byaawe alala nibabisaamba alafu. Nibabala ebbeeyi yabyo, byosi byoosi Efwessa elifu amakhumi kataanu.
\p
\v 20 Mumbeera yinno emboosi yo’mwaami yasasaana lukali khandi yemeedamo amaani.
\p
\v 21 Bino byoosi nibiweeye, Paulo kakhengawo okhucha e Yerusalemi, nabitira mu Makedoni nende Akiya. Kawoola ati, “Nimalire okhubaayo,” “ntekwa okhukeniyakho e Rooma yosi.”
\v 22 Katuma babiri khu bayeedi baye, Timoseewo nende Erasuto, okhucha e Makedoniya, ne omwene kadonηηa mu syalo sibalanga Asiya embaka eyiyerakho. 
\s Emyeero Mu Efweso
\p
\v 23 Ambi mubikha ebyo akwawo okhutawukha olwengira.
\v 24 Omwitanyi olangiwa Demeteriyo, owakholanga owuyumba wamasawo kefwessa owa Atemi kaleteranga abetaanyi basye erubya echitali ntono.
\p
\v 25 Kabalanga boosi alala, na’betaanyi bandi bakali nafwananiya nabo emirimo, kabawoola ati; “Basaacha enywe, mumanyire muuti khufuna enyingisa endayi okhutula mu byasara binno.
\v 26 Khandi muwona khandi muwulira nga omutu onno Paulo nasendaseendire khandi kakosya abatu bangi ano mu Efweso nende esyalo syoosi esya Asiya. Awoola ati ba were abakholewa na’batu khaba siba Weere ata nawutono.
\v 27 Esidinyu siriwo siiti enfumwa ye’byasara byefwe sinje yoηene eyinakwe, naye nende enyumba ya were omukhongo Atemi yinemewe oluyaali, nende were mukhasi omwene, owinamirwa musitundu sya Asiya nende e syalo syoosi, acha okhunyakiwakho oluyaali lwaye olwo’wene’ngo.”
\p
\v 28 Nibawulira sinno, badiriwa ettima lukali bachaaka okhukhumula baati: “Atemi owa Efweso nje omukhongo okhira!”
\v 29 Wangu wene esikko esikhongo syoosi syatawukha. Abatu badiira Gayo nende Alisitaluuko, abakendanga nende Paulo okhutula e Makedoni, baacha nga omutu mulala okhwingira mu nyumba eye misanyo.
\v 30 Paulo kadakha okhuwonekha eyiri esidiikha, naye abeeki sibamukanya.
\v 31 Ata nende abandi khu bakhongo besitundu, abeecha ba Paulo, bamutumira owubakha nibamwekweeda atakesakho okhucha kengira munyumba eye misanyo eyo.
\p
\v 32 Olukhuηaano lwali mu wutawulirisaniya: Abatu bandi bali bakhumula esiitu sirala, ne abandi esiindi. Abatu bakhira owungi sibamanya ata lwasiina bali eyo.
\v 33 Abayudaaya basiindikha Alekezanda emutwe, khandi abandi mu sidiikha bakhubba okukhero okwebiragiro yali. Kabawola bawuleere kho kewosekho eyiri abatu.
\v 34 Naye beecha bamanya baati kali Omuyudaaya, boosi bakhubbira alala okukhero okhumala ambi esawa chibiri baati: “Atemi owa ba Efweso nje omukhongo lukali!”
\p
\v 35 Omukaraani owe sikko esikhongo kawuleesa esidiikha nawoola ati: “Enywe abatu ba Efweso, Esyalo syoosi sisimanyire siiti esikko sikhongo esya ba’Efweso nje esyaliinda enyumba ya were eya Atemi omukhoongo nende esifananyi syaye esyakwa okhutula mwikkulu?
\v 36 N'olwesyo, khasita ebituufu binno sibinyala byekaaniwa, muteekwa okhuwuleera khandi mutatulaniramo okhukhola esiitu syoosi esibi.
\v 37 Muletire abasaacha banno ano, abakhaba mbo sibanyaka enyumba cha Weere oba bafwotokheresa were wefwe omukhasi.
\v 38 Manu, nisiri mbo, Demeteriyo nende abetaanyi basye balikho no’khwekanyiisa khu mutu yeesi, enkhiikho njikule khandi abakhengi bemisango baliyo. Banyala okhuyira emisango.
\v 39 Ni aliwo esiitu syoosi esyemeedakho simudakha okhuleeta, siteekwa okhuwulirwa mulukhuηano lwa’malako.
\v 40 Nga ni siri, khuli mu wudinyu ow'okhukhengerwa omusango olwokhusasamasa olwebiitu ebikholirwe olwaleero. Mwisyo sibanyala okhusemba embeera embi yinno, nga lumuwuma esikira.” Nikamala okhulomaloma sin o, kasiiwula olukhuηηaano.
\c 20
\p
\v 1 Okukhero nikwawa, Paulo katumisa abeeki khandi, nikamala okhubakumya, kabasiiwula kawawo kaacha e Makedoni.
\v 2 Kakeenda nabita mu situndu esyo, nalomaloma emboosi nyingi echikumya eyiri abatu, kho khalekhale koola mu wuYonaani,
\v 3 yikamenya emyeesi chidatu. Olwokhuba Abayudaaya bamukholera olukhwe nga nikali nali ambi akhwambukha okhucha e Busuli, kakhengawo okhukowolayo nabitira e Makedoni.
\v 4 Kacha nende Sopateri omusyani wa Paulo okhutula e Bereya, Alisutaluko nende Sekundo okhutula e Ssesaloniika, Gayasi okhutula e Derube, Timoseewo yesi, nende Turofwiimu okhutula mu situndu sya Asiya.
\v 5 Abasaacha bano bacha emutwe batulindira e Tulowa.
\v 6 Naye khwecha khwambukha okhutula e Filipi olunyuma lwe’mbaga ye migaati echitaasi mibbakhe, ne endaalo chitaanu nichibitirewo khweyimbaniya khu bandi mu Tulowa yikhwamala endaalo musanfu.
\s Yutuko Asyukhisiwa Mu Bafu Etorowa
\p
\v 7 Khu ludaalo olwamberi mu Ssabbiiti khwecha alala okhukhalaka emigaati. Paulo kalomalomera abatu ne, olwokhuba kadakha awewo oludaalo oluloondakho, kachanakana nende okhulomaloma okhwolera erala musiro akaati.
\v 8 Yaliyo amataara mangi keene amukulu mu bisenge bye goroofwa yikhwawukananira.
\v 9 Mu dinisa mwalimo omusyani omusiimbukha olaangiwa Yutuko, owali nakunukha endoolo lukali nga Paulo lukali nachanakana n'okhulomaloma. Manu endoolo nichamuyiingira, kakwa assi okhutula khu goroofwa eyokhudatu manu bamutusawo nafwiye.
\v 10 Paulo kekha assi, kekhubba khu musyani omusiimbukha kamuwodookhaniya amakhono kaye. Kawoola ati, “Mutesiindukha, mulamu niye!”
\v 11 Kamala kaniina khu goroofwa khandi manu kamekula omugaati kaalya. Nikamala okhulomaloma pakka owiire wanuukha, kawawo.
\v 12 Abatu bayira omusyani omusiimbukha engo nimulamu manu bakwa emyoyo lukali. Okhusewula Khwa Paulo Eyiri Abakhuluutu ba Efweso
\p
\v 13 Khwacha emutwe eyiri emeeri khwambukha khwacha Aso, yikhwali nikhucha okhubitira Paulo. Kali okholire entekekha yinno olwokhuba kali wokhuchayo namakulu.
\v 14 Nikatuwukaana Aso, khwamwiingisa mu meeri khwacha khwoola Emitulene.
\v 15 Oludaalo olwalondakho khwefuka okhutula eyo manu khwoola khwakobera khu Kiyo. Khandi oludaalo lwalondakho khwambukha khwacha Samo, ne oludaalo oluloondakho khwoola mu Mireeto.
\v 16 Paulo kali akhengirewo okhwambukha nabitira mu Efweso kho akhaye okhunyasa ebikha mu syalo sya Asiya, olwokhuba kali mu wangu okhwoola mu Yerusalemi, nisinyalikha, khu ludaalo olwa Pentekoti.
\p
\v 17 Okhutula e Mireeto, Paulo katumisa mu Efweso baleete abakhuluutu be kkanisa.
\p
\v 18 Niboola, kabawoola ati: “Enywe mumanyiire erala endaalo choosi chinamenya nanywe, okhutula khuludaalo olwamberi lunoolera mu syalo sya Asiya.
\v 19 Nakholera Omwami nende omwoyo mulonga mulala nende amasika, anakhaba ninakhemewa lukali nende enkhwe echa Bayudaaya.
\v 20 Mumanyire muuti singanakanangakho okhuwulira esiitu syoosi esiri nowuyeedi yimuli naye nsomesiise lwatu khandi enyumba khu nyumba.
\v 21 Nalangirira eyiri Abayudaaya nende Abayonaani nti batekwa okhukalukhanira Weere mu khweyolobya khandi babe nende enfukiirira mu Mwami Yesu.
\p
\v 22 “Ne wunaanu, nyiingiwa nende Omwoyo, ndi okhucha e Yerusalemi, nga simanyire esinanekholekho eyo.
\v 23 Manyire nti mu wuli sikko esikhongo omwoyo omwolerefu kandawula ati ejjeera nende okhusandisiwa bintingaaye.
\v 24 Nelubiba biityo, mbona nga owulamu wange sisitu yiindi, nisiba mbo nyala okhumala olukendo namalirisa omulimo Omwami Yesu kukamba__ omulimo okwokhuwa owujjulisi owe’njiri ye’sissa sya Weere.
\v 25 “Wunaanu manyire nti yiwuma khwinywe bambitiremo nimbuulira Owene’ngo olimbonakho khandi.
\v 26 Nolwesyo, nangirira yimuli olwaleero nti mbuma musango khumabanga ka batu boosi.
\v 27 Olwokhuba singanakanire okhubatumbulira okhudakha khwa Weere khwoosi.
\v 28 Mweriinde enywe abene nebyayo byoosi omwoyo Omwolerefu yikabakhola okhuba abakhebesi. Mube baayi abe kkanisa ya Weere, yikakula nende amabaanga kaye keene.
\v 29 Manyire nti ni nakhamala okhutulawo, ebinamiindi ebyalaba byakhabengiremo khandi yiwuma byayo bibirirekhawo.
\v 30 Ata nende okhutula mwinywe abene abatu balisiingira okhusakuula amasima kho basalaniye abeeki enyuma waawe.
\v 31 Manu mwerinde! Mwichulise muuti mu mbaka ye myaaka chidatu sinakamanga okhubalawula sya mulala esiro ne esideete mu masika.
\p
\v 32 “Wunaanu mbawayo eyiri Weere nende eyiri emboosi yaye eye’sissa, eyinyala yabombakha khandi yabawa owusikha mu abo boosi abalabisiwa.
\p
\v 33 Sinekomba Efwessa oba Esaabbu yo’mutu yeesi oba enguwo.
\v 34 Enywe abene mumanyire muuti amakhono kange kano kamberesiise ebiitu bindakha byoosi alala nende bangenda nabo.
\v 35 Mubiitu byoosi binakhola, nabekesa nti okhukhola na maani nga khuno khutekwa okhuyeeda abanaffu, nikhwichulisa emboosi Omwami Yesu omwene chikawoola ati: ‘Okhukaba khwa nkhabi okhukhira okhufuna.’”
\p
\v 36 Nikamala okhulomaloma binno, kasigama assi nabo boosi kekalikhira.
\v 37 Boosi balira lukali nibamwewoyamo khandi nibamukwa mu sirifu.
\v 38 Esyabadisya engisa lukali nje sikabawoola ati sibaliwona weni waye khandi. Manu bamala bamuwerekesa bacha naye khu meeri.
\c 21
\p
\v 1 Nikhwamala okhukawukhana nabo, khwatulayo khwengira eryato munyanja lyewunja esikobero sye Koosi, oludaalo lulondakho khwacha e Rodo nikhutulawo khwacha e Patara.
\v 2 Khwakaana emeeri niyambukha niyicha e Foyiniki yikhwaninakho yadiira olukendo.
\v 3 Nikhwali khucha okhwewunja Kupulo ngababita emukulu wayo, emeeri yatwosa mu Busuuli. Khwakoba e Ttuulo, emeeri yefwe yiyali niyicha okhutwikhula emikuku chayo.
\p
\v 4 Yikhwakaana abeeki eyo, khwadonηηa nabo ejjuma enamba. Okhubitira mu Mwoyo basaba Paulo owutacha e Yerusalemi.
\v 5 Naye ebikha byefwe nibiweye, khwasiingira khwawawo khulukendo lwefwe. Abeeki boosi nabakhasi bawe na’baana batuwerekesa khwatula mu sikko, khandi batwoosa khu sikobo yikhwasigama okhusaba.
\v 6 Nikhumalire okhusewulana, khwaniina khu meeri, nabo bakowoolayo engo.
\p
\v 7 Khwachanakana nolukendo okhutula e Ttuulo, khwakoba e Putolemaayi, yikhwakhesaniya nabasyefwe, yikhwadoηηa nabo okhumala oludaalo.
\v 8 Nikhuwawo oludaalo lulondakho, khwola e Kayisaliya khandi khwaba mu nyumba ya Firipo omuwuulisi we’njiri, mulala khu bo’musanfu.
\v 9 Kali nabakhana banne abali nibatadeekha abalakula.
\p
\v 10 Nikhwali khwakhamalayo endaalo, nabbi olangiwa Agabasi katula assi e Buyudaaya.
\v 11 Kelungikha keecha yikhuli, kawukula olukhoba lwa Paulo, kawowa amakhono kaye namakulu nalwo, nawoola ati, “Omwoyo mwolerefu awoola ati, ‘Mungira yinno nje a Bayudaaya ba Bayerusalemi yibacha okhuwowa omwene no’lukhoba lunno khandi bamuweeyo eyiri abateende.'”
\p
\v 12 Nikhwawulira binno, effwe na’batu abali awo khwekwedda Paulo owutacha e Yerusalemi.
\p
\v 13 Naye Paulo kakowolamo ati, “Lwasi mumoosa amasika ni mukhalaka omwoyo kwange? Ndi mwetekefu olwo’khutawoyewa khwonηηene, naye ata no’khufwira mu Yerusalemi khu lweriita lwo’Mwami Yesu.”
\p
\v 14 Nattanyala okhufukiirira, khwabiwaakho khandi khwawoola khuuti, “Okhudakha khwo’Mwami khukholewe.”
\p
\v 15 Sinno nisyawa, khwetekekhera khandi khwaniina khwacha e Yerusalemi.
\v 16 Abeeki bandi abatula e Kayisaliya bosi batweyimbakho khandi batuyira mu ddala lya Manasoni, yikhwali nokhuba. Kali musaacha otula mu Kupulo khandi nga mulala khu beeki batangira. Okhwola Khwa Paulo e’Yerusalemi.
\p
\v 17 Nikhwola e’Yerusalemi, abasyefwe batusangaalira lukali.
\v 18 Khuludaalo lulondakho Paulo nende efwe abadoηηire khwacha okhuwona Yakobo, nabakhuluutu boosi baliiwo.
\v 19 Paulo kabakhesa, kabakaniyayira lukali lwene Weere bikali nakholire mu Bateende okhubitira mu wuweresa waye.
\v 20 Nibawulira sinno, bakiniya Weere. Nibamala nibawoolera Paulo baati: “Woona, mwaana wefwe, maliffu kanga aka’Bayudaya abanyalire okhufukiirira, ni khandi nga bafwira khulako.
\v 21 Bawoolerwa baati osomesa a Bayudaaya boosi abamenya alala na’bateende bakalukhane okhutula khu Musa, nibabawolera okhutakheba abaana bawe oba okhumenya niboseresa emiduunga che si‘Yudaya.
\v 22 Khunakhole khutye? Paka banawulire baati wichire,
\v 23 nolwesyo khola nga lu khukhuwoola. Aliwo abatu banne abali ninafwe abamalire okhulayira.
\v 24 Yira banno batu, munyale okhwelabya khandi osasule amakobi, khu banyale okhubekewa emitwe chawe. Awo wuli otula amanye niyawuma amasima mubibakhulomalomakho, ne mbo ewe wamwene siwalekha owulilira mu malako.
\v 25 Ne eyiri abafukiirira Bateende, khubawandiikiye nikhubekesa esibaaso syefwe khuuti bakhoyire okhulekhana nemere ye’misambwa, okhutula khu mabanga okhutalya enyama yebyayo bimike nende esifwaabi syo’wudamba.”
\v 26 Oludaalo lulondakho Paulo kawukula abatu kacha okhwelobya nabo. Namala acha mu nyumba ya Weere okhuwa endaalo echokhulabisiwa chiriwa khandi esiwewayo sinyale okhutusiwa khulwa wuli mulala khubo.
\s Paulo Adiiriwa
\p
\v 27 Endaalo musanfu nichali chiri ambi okhuwa, balala khu Bayudaaya bandi okhutula mu Asiya bawona Paulo mu nyumba ya Weere. Basangulusa esidiikha sya batu, bamala bamudiira.
\v 28 Nibakhumula baati, “Basaacha ba Yisirayiri, mutuyeede! Onno nje omusaacha osomesa abatu boosi wuli awutu nabakawulakawula namalako kefwe mu sifwo sinno. Notusakho esyo, aletire a Bayoonani ambi ne nyumba ya Weere anyasise ne’sifwo syolerefu sinno.”
\v 29 (Bali bawene Turofilimu omu’Efweso nali naye mu siko esyo nali nende Paulo oludaalo lwali khu’wukhye nibasibasise baati Paulo amuletire mu sifwo syo’lerefu.)
\v 30 Esikko syoosi syadumbukha na’batu batula mu wuli luwande niberukha. Baddira Paulo, bamubirikisa nibamutusa mu nyumba ya Weere, ebikha byene ebyo emiryango chebiriwa chekalwa.)
\p
\v 31 Nibali bakesakho okhumwitta, emboosi cholera omukhulutu wabasirikale chiiti esikko sya Yerusalemi sitawukhire.
\v 32 Kanguyirawo okhuwukula balala khu basirikale na’bamaye bekhirira eyali okudiikha kwali kukhubba Paulo, manu okudiikha kwa batu bali bamukhubba nibawona abasirikale na’bakhongo bawe nibecha balekherawo okhukhubba Paulo.
\p
\v 33 Omukhulutu wa basirikale kola nadiira Paulo kalagira bamuwowe nenjegere chibiri. Namala ateeba ati ono kali nje naanu ni khandi kali akholire si.
\v 34 Abandi mu kudiikha bakhumulanga esiitu sirala na’bandi esindi ne omukhongo nga lukali natengisa bibawolanga mukukhero nga syadisya masima okhwema khukukhero, kalagira ati Paulo bamuyire mu daala lyaye oba (Husiriwa sya Barakisi)
\v 35 Ne Paulo nikola khu madara kaniina amukulu, abasirikale bamukinga olwesidiikha okhwemeeda mukhutawukha no’wululu.
\v 36 Okunawungi kwa batu okwalondangakho kwemeeda okhukhumula kuuti, “Mu’mumalewo!”
\s Paulo Alomaloma Eyiri Esidiikha
\p
\v 37 Abasirikale nibali ambi okhumwingisa mu barakisi, kasaba omukhuluutu wa basirikale ati, “Mwankhafukiirira nalomalomakho esiitu syoosi yoli?” Omukhongo kamuteeba ati, “Olomaloma oluyonani?” Naye kabakowolamo ati.
\v 38 “Siniwe Omumisiri owaleeta akhediimo watangirira ambi ano abeeti eliffu chine wabayira musichimi?”
\p
\v 39 Paulo kabakowolamo ati, “Ese ndi mu Yudaaya, otula mu Tarusisi mu Silisia omwiwulwa we’sikko sikhuluutu. Nkhusaba nomalomekho eyiri abatu.”
\v 40 Namalire okhufukirirwa nende omukhuluutu wabasirikale owo’wunyala, Paulo keema khumadara kakhosesa owuwonero okhuwunjeesa abatu. Nibawuleye bosi boosi, kabawolera mu lwi’Bbulaniya:
\c 22
\p
\v 1 “Baana befwe nende ba Bbabba, mutekerese khu khwewosakho khwange.”
\v 2 Nibawulira nalomaloma mu lulimi lwe’Bbulaniya, boosi bawulera chi. Awo Paulo kawoola ati:
\v 3 “Ndi mu Yudaaya, owewulwa mu Ttaaluso esyo mu Kirukiya nakhulira musikko sinno. Assi wa Gamalyeri, owasomesewa wulayi mu malako kaba kuka yefwe, naye nali omulwani wa Weere nga mwesi lumuli lero.
\v 4 Nasandyanga abaloondi be ngira yinno nimboosa khukhufwa, nadiiranga abasaacha nabakhasi nimbasukuna mu ma jjeera,
\v 5 nga bosi omulamusi mukhuluutu nenkhikho chaliwo chinyala okhujjulira. Ni khandi nafunaanga ebaruwa nichibatulamo nichichira bamwanaηηina mu Damasiko, khandi nachanga okhubenda nga bawowe nimbayira e Yerusalemi okhuwoneresewa mu jjeera.
\p
\v 6 “Ambi we’saawa mukaaga chesidete nga lunali nolerera Damasiko, wangu wene owulafu wamaani okhutula mukkulu wambonekhera wanewodokhaniya.
\v 7 Nakwa assi, nawulira ekkono nirimboola liiti, ‘Saulo! Saulo! Lwasi wumboniyawoniya?
\p
\v 8 Nateeba nti, “’Niwe naanu, Omwami?’ “’Nise Yesu owe’Nazalesi, yoli okhusandiya,’ kakowoolamo.
\p
\v 9 Abali bamberekesa bawona owulaffu, ne sibategeera ekono lyoyo owali nalomaloma nange.
\v 10 Namuteeba nti, “’Nkhole ssi, Omwami?’ Omwami kakowolamo ati, “’Siingira weeme,’ oche mu Damasiko. Eyo banakhuwolere byoosi byolagiywe okhukhola.’
\v 11 Abali bamberekesa bantangisamo nibandiye khu’mukhono banjosa e Damasiko, olwokhuba owulafu nga luwali owubitirira wanjofusa emmoni.
\v 12 “Omusaacha yibalanganga Ananiya keecha okhumbona. Kali omusaacha odakha lukali Weere khandi nga alonda amalako khandi nga atewamo oluyaali lungi nende aba Bayudaaya abali bamenya eyo.
\v 13 Kema khuntulo anali kawoola ati, ‘Mwana wefwe Saulo, limbula!’ Awenawo nanyala okhumuwona.
\v 14 “Manu kawoola ati: “Weere wa ba’Bbabba akhudooye ewe okhumanya esilaamo syaye nokhuwona amakira kaye makololofu nokhuwulira emboosi chitula mumunwa kwaye.
\v 15 Wicha okhuwa omujjulisi eyiri abatu khu byowene nende byowuliye.
\v 16 Ni wunaanu sina syolindire? Singira weme, bakhubatise khandi weyoke ebibi bikhuwekho,” no’langa erita lyaye.
\p
\v 17 “Ninakowolayo eYerusalem ninali ninsaba mu nyumba ya Weere, nali ngo’lota
\v 18 ne nawoona omwami nalomaloma ati, ‘Mangu! Tuula e Yerusalemi khangu khangu, khulwokhuba sibacha okhufukiirira owujjulisi wawo Namukowoolamo nti,
\v 19 “Omwami, banno basaacha bamanyire baati natula mu khunηηano linno nacha mu lira okhuwowa khandi nokhukhubba abo abakhufukiriramo.
\v 20 Na’mabanga koyo awakhufwirira Sitefw99ano keddikha, nemawo ninkhakhasa nininda enguwo chabo abali nibamwitta.’
\v 21 Awenawo Weere kambola ati, ‘Cha; Niicha okhukhutuma ale eyiri abateende.’”
\s Paulo Omwiwulanwa we’Rooma.
\p
\v 22 Okubbubbu kwa batu kwatekeresa Paulo koola kalomaloma binno. Wunaanu khubasiingisa amakkono kawe nibakhumula baati, ‘‘Mumumale khu syalo sinno omutu ofwana ati! Syakhoyera okhudonηηa nimulamu!”
\p
\v 23 Nga lubali nibakhumula khandi nga basukuna enguwo chawe no’khuwanya oluffu amukulu,
\v 24 omukhongo weeye kalagira Paulo okhuyiriwa mu bbarakisi. Kabalagira bamukhubbe khandi bamuteebe lwasi abatu bali bamukhumusa baatyo.
\p
\v 25 Nibali nibamukoniya khubamukhubbe, Paulo kateeba mulala khu’bakhuluutu bamaaye ati, “Siri mu malako enywe okhukhubba omwiwulanwa we’Rooma otakhengerwa musango?”
\p
\v 26 Omukhuluutu wabasirikale emya nikawulira sinno, kacha eyiri omudumisi kamulopayo ati, “Ocha okhukholawo ssi?” “Ono musaacha mu Rooma.”
\p
\v 27 Omukhongo weeye kacha eyiri Paulo khandi kamuteeba ati, “Mbolere oli mu Rooma?” Paulo kakowolamo ati, “Yee nje lusiri.”
\p
\v 28 Omukhongo weeye kamukowolamo ati, “Nasasula erubbya nyingi khulwokhuba mwiwulanwa we’Rooma.” Paulo kakowolamo ati, “Ese ndi lwiwulwo lwe’Rooma.”
\v 29 Abo abali nibadakha okhumuteeba bakowolerayo wangu wene. Omukhongo weeye mwene kesindukha nikoola okhusimanya ati kali ateeye Paulo, omu’Rooma khu njegere. Mu Lukhikho.
\p
\v 30 Naye khu ludaalo lwalondakho, khulwokhuba omukhongo weeye kali adakha amanye esyene lwasi Paulo awabirwa na Bayudaaya, kamulekhula kalagira bakhawona bakhuluutu na bakhengi be’misango okhwewuusa. Naleeta Paulo khandi amwemekha akaati wawe.
\c 23
\p
\v 1 Paulo kecha kakhadaasa abakhongo bolukhikho emoni kawoola ati, “Baana befwe, noseresise omulimo kwange eyiri Weere mu khutegeera khwange khulayi okhwola olwaleero.”
\v 2 Khu sinno omulamusi mukhuluutu Ananiya kalagira abali bemire ambi nende Paulo okhumupaama omunwa.
\p
\v 3 Awo Paulo kamuwoola ati, “Weere alikhukhubba, ewe esidda sibabakha erangi erafu! Wikhala awo okhunkhengera, ngo’bitira mulako, khandi omwene wessi okhalaka amalako no’lagira oti nkhubwe!”
\p
\v 4 Abo abali nibemire ambi nende Paulo bawoola baati, “Okenda otye wanyeka omusabisa wa Weere mukhuluutu?”
\p
\v 5 Paulo kabakowolamo ati, “Baana befwe, simbeye nintegeye nti nje omusabisa mukhuluutu; ne syawandiikiwa siiti: ‘Otalomalomanga sibi khu mutuki wa batu bawo.’”
\p
\v 6 Naye Paulo, namanyire ati abandi khubo bali ba’Sadukaayo na’bandi bali ba’Falisaayo, nga balange mu lukhikho kawoola ati, “Baana befwe, ndi Mufalisaayo, omusyani wo’mu’Falisaayo. Nemire mu khuwosesewa olwokhuba nfukiirira mu khusyukhira khwa bafu.”
\v 7 Nikawoola sinno, okhuyiingana khwakwawo akaati wa ba'Falisaayo na Basadukaayo, nolukhikho lwakawukhanamo.
\v 8 (Abasadukaayo bawoola baati awuma okhusyukhira, khandi awuma ba’Malayika oba Emyoyo, naye Abafaalisaayo bafukiirira byoosi.)
\p
\v 9 Abawo okhukuudana okhukhongo, khandi nabasomesa bandi abamalako obolulyo lwa Bafalisaayo boosi basiingira bayingana namaani baati, “Yiwuma siitu sibi syoosi sikhuwona khu musaacha onno.” “Nisiba mbo omwoyo oba malayika amulomalomeyemo?”
\v 10 Okhuyiingana no’khukuudana khwemeeda lukali syoola omukhuluutu weeye katya ati Paulo banyala bamutandulamo otutundutundu. Kalagira abasirikale bekhe assi bamutuse khubatu namaani khandi bamuyire mubarakisi.
\p
\v 11 Esiro sirondakho Omwami keema ambi nende Paulo kawoola ati, “Wekuumye! Nga lwoweeye owujjulisi khwise mu Yerusalemi, sakira otekwa osikhole otyo nende e Rooma.”
\s Olukhwe Lwo Khwiita Paulo
\p
\v 12 Echuli yilondakho Abayudaaya bekhoba khandi bekholamo esitole nga belayira okhutalya oba okhutaηηwa okhwola nga bettire Paulo.
\v 13 Abatu abakhira amakhumi kanne nje abali mulukhwe lunno.
\v 14 Bacha eyiri omukhuluutu wa bakhawona nende eyiri abakhuluutu bawoola baati, “Khumalire okhwelayira owutalya siitu syosi syoosi okhumalakho nga khwittire Paulo.
\v 15 Wunaanu olwo, ewe nakhakhiikho nimusaba omukhuluutu wa basirikale okhumukowosa mumoni chenywe nga simuchiririra nje okhukonyeresa owujjulisi wamawulire matuufu khuye. Efwe khuli betekefu okhumwitta natola anno.”
\p
\v 16 Naye omwana musyani w’omukhana waawe Paulo nikawulira ebyo’lukhwe, kacha mubbarakisi kawoolera Paulo.
\v 17 Paulo awenawo kalanga mulala khubakhongo kamuwoolera ati, “Yira omusyani muwere onno eyiri omukhongo weeye; omuwolere oti, ‘ali nende syadakha okhumwekesa.”
\v 18 Kamuyiira eyiri omokhongo weeye. Omukhongo weeye lye’mya kamuwoola ati, “Paulo, omuwoye, kantumiye omusyani kamala kansaba ndeete omusyani onno yoli olwokhuba ali nende syadakha okhukhwekesa.”
\v 19 Omukhongo weeye kadiira omusyani khumukhono, kamukowosa mulubaffu kamuteeba ati, “Siina syodakha okhumboolera?”
\v 20 Kamukowoolamo ati: “Abayudaaya bafukirisanisye okhwicha bakhusabe Paulo aletewe mu lukhikho muchuli nga bekadiya baati badakha amawulire akamudirikho akakhira ako kawawulira.
\v 21 Otafukiirira ebyawe, olwokhuba abatu abakhira amakhumi kanne bamukonereye khungira munyaasi. Bamalire okhulayira owutalya oba okhunywa okhwola nga bamwittire. Betekefu wunanu, balindire owunyala wawo okhufukiirira okhusaba khwawe.”
\v 22 Omukhongo weeye kasewula omusyani khandi kamulawula ati, “Otawoolerakho omutu yeesi oti wichire wambolera binno.” Paulo Achusiwa Okhucha E’kayisariya
\p
\v 23 Manu kamala nalanga abasirikale babiri nabalagira ati, muwukule omukanda kwa basirikale emya chibiri, nsafu nga bo’khufarasi nende abandi emya chibiri abali namafumo bache a Kayisariya mu saawa chidatu esiro syolwo.
\v 24 Mutekekhere Paulo ensukhiri chanachirekho ewa Gafana Felikisi mumirembe awatali sibi okhumwolakho.
\v 25 Kawandiika ebaruwa eyisoma yiiti;
\v 26 Kilaudyasi Lisia, Eyiri owo luyaali lukhongo, Gafana Felikisi: Nkhukhesakho.
\v 27 Omusaacha on o kadiiriwa na Bayudaaya khandi bali ambi okhumwiita, ne neecha nabasirikale bange namuwoniya, neecha nasimanya nti mwiwulanwa wa Rooma.
\v 28 Nadakha nsimanye sibamufunana, sakira namuleeta mu lukhikho lwawe.
\v 29 Neecha nasimanya mbo sibamufunana syali sidirana na’malako kaawe, ne kali awuma omusango kwosi kwafunaniwa bamukhengere okwo’khufwa oba okhuwoyewa.
\v 30 Ninekesewa olukhwe lubali batekekhire khu musaacha onno, namusindikha yooli muwangu. Nongera okhulagira abamufunana bekese ensonga chawe yooli.
\p
\v 31 Manu abasirikale, nga’boseresa ebilagiro, bayira Paulo musiro khandi bamwosera erala mu Antipatuli.
\v 32 Niwakhya balekha abakhubbi bensukhiri bayerekesa Paulo nabo bakowola ewawe mu bbarakisi.
\v 33 Abayerekesi niboola e Kayisariya, baweresayo ebaruwa eyiri Gafana bawayo nende Paulo.
\p
\v 34 Gafana kasoma ebaruwa kateeba esitundu sye’syalo sikali atulamo. Nikamanya ati atula mu Silisiya,
\p
\v 35 kawoola ati, “Niicha okhuwulira omusango kwawo abakhufunana nibolire anno.” Awo nalagira ati Paulo alindiwe nabasirikale mudookho lya Kerode. EBIKHOLWA
\c 24
\p
\v 1 Mu ndaalo chitaanu nichibitire khawona mukhuluutu Ananiya keecha kekha e Sirisiya nabakhuluutu bandi no’munamalako yibalanga Terutuulo, abeecha bawaayo emisango cha Paulo eyiri Gafana.
\v 2 Ne Paulo nikalangiwa, Terutuulo, kawayo omusango eyiri Felekisi ati: “Khubeye mu mirembe embaka endeyi nikhuli mu wutukki wawo, khandi okhuwona khwawo khwe’biri eyale khwaleeta enjukhachukha mu syalo sinno.
\v 3 Wuli awutu mu wuli ngira, omukhuluutu Filekesi, khu binno khwanirisa byosi nesangaalo erye mbya ya mukulu.
\v 4 Nolwo’khutakhujjoηηya ne’mboosi, nakhasabire otubeere essisa esikhunyalisa otuwulirisekho muwimbikiti.
\v 5 “Khwakaanire omusaacha onno mutu we’bidinyu, asiingisa engudana mu Bayudaaya mu syalo syoosi. Mutangirisi we’ddini lya ba Nasareti,
\v 6 kakesakho no’khwonoona enyumba ya
\v 8 Nomuteberesakho wamwene wiicha okhumanya amasima katula mumisango chikhumuteyekho.”
\v 9 Abayudaaya begattakho mu khulumirisa niboomisa baati chinno misango choosi mituufu.
\p
\v 10 Manu Gafana nikali kakhamala okhumuwa ebikha nakhawonero okhulomaloma, Paulo kamukowolamo ati, “Manyire nti obeye omulamusi okhumala emyaka echiyera mu syalo siino; nolwesyo njokhutaawo okhwewosakho khwange nesangaalo.
\v 11 Onyala mu wangu okhukhakhasa niyitabitawo endaalo ekhumi nachibiri nacha e Yerusalemi mukhusaba.
\v 12 Abambawabira sibambukaana ninyingana no’mutu yesi yeesi mu nyumba ya Weere, oba ninsangulusa abatu mu sinaggogi oba mu sifwo syosi syoosi mu siko.
\v 13 Khandi awuma onyala kakhakhasa mu moni chawo ebyo bibali okhuntaakho.
\v 14 Nende biribiityo, nfukiirira nti ninamira Weere wa ba sefwe ngo mulondakirisi w'engira, yibalanga eddini. Nfukiirira mu na wuli sittu esifukirisaniya na malako nende esyawandiikiwa mu ba nnabbi,
\v 15 Khandi ndi ne suubi mu Weere nga abatu banno, sitii alibawo okhusyukhira okhwa bombi abolerefu na’bakholi bembi.
\v 16 Nolwesyo nkhola lukali okhuwona mbo noseresa mu khu manya khwange namakesi kange okhwoseresa mu moni cha Weere na’batu.
\v 17 “Nimalire embaka endeyi nimbumawo, nakowoola e Yerusalemi okhuleteera abatu bange ebiyanwa bya baati no’khwoseresa ebiwewayo.
\v 18 Mubyowuwangwa nali mwose nibambukaana ninkhola binno munyumba ya Weere. Sibambukaanakho ne’sidiikha sya batu, oba ninegatire wosi woosi mukhunyasa.
\v 19 Naye aliwo a Bayudaaya bandi mu syalo sya Asiya, abakhoyera okhuba ano mumoni chawo khandi baleeta okhweŋulunηunya khwawe nibaba nibali ne’mboosi khwise.
\v 20 Oba banno abali anno bakhoyire beekese esibi sibambukaniremo nga lumbeye mumoni cho’lukhikho__
\v 21 Okhutusakho sibeye siiti sirala sinkhubbiyekho wuuwi ninsiingiye akaati wawe: ‘Sinno nisyo esidiira khukhusyukhira khwa baffu nje esiikira nibambabira munoni chawo olwaleero.’”
\p
\v 22 Awo Felikisi, owali mumanyirifu mu ngira yokhukaya, kasudya okhuwulirisa emboosi nawoola ati, “Lisiya omukhongo weeye lwalichira,” nje lundikhengera omusango kweηηwe.”
\v 23 Kalagira omukhongo weeye lyemya okhulinda Paulo naye bamulekhera keyaake nende okhufukiirira abeecha okhumulabirira nebyetaago byoosi.
\p
\v 24 Endaalo nichibitirekhowo Felikisi keecha no’mukhaye waye yibalanga Durusila owali omukhana muYudaaya. Kalangisa Paulo okhumutekeresa nalomaloma khu nfukiirira mu Kurisito Yesu.
\v 25 Ne Paulo nikali nalomaloma khu wulungifu, okhwefuka omwene, khandi nende okhukhengerwa omusango mundaalo chenjakamo, Felikisi keema katya khandi kawoola ati, “Chiwakhalomaloma chimala olwa wunaanu lekherawo! Onyala wawawo. Ne ni anabewo ebikha khandi nakhakhulange.”
\v 26 Mubikha byene ebyo kali ne’suubi ati Paulo anyala kamukula, sinno syakira kamulangalanga khulalakhulala nalomaloma naye.
\p
\v 27 Emyaka chibiri nichali chakhabita, Felikisi keecha kasikhirwa nende Porichisi Fesito, naye olwokhuba Felikisi kadakha okhusangaasa Abayudaaya, kalekha Paulo mujjeera.
\c 25
\p
\v 1 Endaalo chidatu Fesito nikolire mu syalo sinno, Fesito kaniina emukulu natula Kayisariya naacha e Yerusalemi,
\v 2 eyatula omukhuluutu wa bakhawona nabatangirisi aba'Yudaaya lubeecha mumoni cha Fesito bataawo emboosi echokhuwabira Paulo.
\v 3 Mukhubirikisya muwangu basaba Fesito, mukhudakha abakwire, Paulo akalukhanisiwe ayiriwe e Yerusalemi, khulwokhuba bali batekekha okhumwerinda khungira bamwitte.
\v 4 Fesito kabakowolamu ati, “Paulo kawoyeerwa e Kayisariya, ne khandi samwene ndi okhuchayo mundaalo cha ambi.
\v 5 Mulekhe balala khubatangirisi benywe beeche khuchane bomiise bibafambya omusaacha oyo naba nende syakholire esibi.”
\p
\v 6 Namalire endaalo munaana oba ekhumi nabo, kamala kawawo kekhirira e Kayisariya, khandi oludaalo lulondakho kekhasa olukhikho kalagira baleete Paulo mumoni chaye.
\v 7 Nibaleetire Paulo, Abayudaaya abali nibatulire e Yerusalemi bamwewodokhaniya, bamuyingakho emisango chibatanyala okhukhakhasa.
\p
\v 8 Awenawo Paulo kewosakho ati: “Awumawo sinkholire esibi esiddira khumalako ka baYudaaya oba akomu nyumba ya Weere oba eyiri Kayisali.”
\p
\v 9 Ne Fesito, olwokhudakha akwire Aba'Yudaaya, kawolera Paulo ati, “Ofukirira okhucha e Yerusalemi owosesewe mumoni change eyo khu bibakhuwabira binno?”
\p
\v 10 Ne Paulo kakowolamo ati: “Wunaanu wuno ndi mumoni cha Kayisali, yinkhoyire khengerwe. Awuma syosi syoosi sinsobisye khu Ba'Yudaaya, nga lusimanyire wulayi wamwene.
\v 11 Nisiba siiti aliwo sinsobisye esikhoyerwa nkhengerwe okhufwa, singaana khufwa. Naye nisiba siiti aliiwo emisango chinteywekho na baYudaaya bano nichiba nichitalimo, awuma oli no’wunyala okhumbayo yibali. Njulira eyiri Kayisali!”
\p
\v 12 Fesito namalire okhufukirisaniya no’lukhikho lwaye, kakhengawo ati, “Omalire wajjulira Kayisali. Wunaanu onache eyiri Kayisali!”
\s Fesito Keteeba Khu Mwene’ngo Aguripa.
\p
\v 13 Endaalo ntono nichibitirewo omwene’ngo Aguripa nende Bberinike boola e Kayisariya okhuyeresa Fesito oluyaali.
\v 14 Nga lubali nibacha okhumalayo endaalo nyingi, Fesito kalomaloma khu mboosi cha Paulo no’mwene’ngo. Kawoola ati: “Aliwo amusaacha anno Felikisi yikalekha ngo’muwowe.”
\v 15 Ninacha e Yerusalemi, bakhawona bakhuluutu nabakhuluutu ba Bayudaaya bamutakho emisango khandi basaba akhengerwe.
\v 16 “Nabawoolera ati sisiri mu nsambo cha ba Rooma okhuwaayo omutu nateema mumoni cha’bamuwabira ne khandi bamuwa enkhabi okhwewosakho omwene okhwema khu bibamuwabiye.
\v 17 Nibeecha anno nange, sinakhindya musango, nekhasa olukhikho oludaalo lulondakho, nalagira baleeta omusaacha mu lukhikho.
\v 18 Naba muwabira nibasiingira okhulomaloma, sibamutakho emisango chinali nimbasirisa.
\v 19 Okhumalakho, balikho notuwosiwosi tubamufambya otukudaniya nga tudiira khu ddini yawe nende khu musaacha wafwa yibalanga Yesu oyo Paulo yikali nalomalomakho ati mulamu.
\v 20 Sinamanya ngeri yokhutebereseramo emboosi echo; namuteeba nanyala okhufukiirira okhucha e Yerusalemi nje yaba awoseserwe emisango chino.
\v 21 Ne Paulo nikajulira okhuwosesewa khube muwunyala wukhirawo, nalagira bakhole nibamwikalira okhwola lunakhanyalire okhumuyira eyiri Kayisali.”
\v 22 Awo Aguripa kawolera Fesito ati, “Ndakha okhumwewulirirakho omwene khu byo’musaacha onno.” Kamukowolamo ati, “Muchuli onamuwulire.” 
\s Paulo mumoni cha Aguripa.
\p
\v 23 Oludaalo lwalondakho Aguripa nende Bberiniike beecha no’luyaali lukali manu bengira abatekereesi mubekhala nabatangirisi be sikko sikhuluutu. Okhwema khu silagiro sya Fesito, Paulo kaletewa mubali.
\v 24 Fesito kawoola ati, “Omwene’ngo Aguripa, nende abali munno nafwe, muwona omusaacha anno! Abatu boosi abekhala e Wuyudaaya bawabiye omusaacha ono yindi mu Yerusalemi nende ano mu Silisiya, ni bakhubba olukhero baati syakhoyire khuba mulamu ata.
\v 25 Nakaana nti awumakho nesisobyo syosi syoosi esikira abe nga keteewa, ne khulwokhuba ajjuliye eyiri omutuki mukhuluutu nakhengawo okhumusindikha e Rooma.
\v 26 Ne mbuma esilungifu syoosi sinyala okhumuwandikakho. Nolwesyo muleetire mweesi yimuli, okhukhirira elala eyiri ewe owo’luyaali Omwene’ngo Aguripa, nisinyalikha nikhumalire okhumuteberesakho khunyale okhumuwandiikakho.
\v 27 Khuba esse mbaasa si’siba syamakesi okhumuta muwikalire nintakaana omusango kwo’khumutakho.”
\c 26
\p
\v 1 Awene awo Aguripa kawoola Paulo ati, “Ofukirirwa okhulomaloma ewe omwene.” sakira Paulo kakhosesa omukhono kwaye nachaaka okhwewosakho:
\v 2 “Omwene’ngo Aguripa, nsimbaasa samwene okhuba ne’nkhabi eyokhwema mumoni chawo olwaleero nga lunewosakho khubitu aba’Yudaaya bibateyekho,
\v 3 no’khukhiririsa ewe oli no’wumanyirifu wenkhola nemidunga chaba Yudaaya. Nolwesyo, mbasaba muntekerese nokhwesimirisa.
\p
\v 4 “Abayudaaya boosi bamanyire nga lunamenya okhutula mu wuwere wange, okhutula njaka owulamu wange mu syalo syange, nende ata mu Yerusalemi.
\v 5 Babeeye nibamanyire olwembaka ngali sinno banyala no’khuwa owujjulisi, nisiba mbo bafukiirira, baati okhwema okhutulira erala khu womu nende khusaga lyeddini yikhufukiriramo. Namenya ng’Omufalisaayo.
\p
\v 6 Nende wunaanu siri mbo khulwokhuba ndi nesuubi mu Weere bikalaka ba Bbaaba syaba nti ndi mukhukesewakho olwaleero.
\v 7 Khuno nje okhulakiwa khwebiikha ekhumi na’bibiri bikhulimo esuubi lyo’khuwona niryolerera nga lubadidikhana nibayeresa Weere esideete nesiro. Oo omwene’ngo, siri siityo khulwokhuba olwe’suubi linno nisyo esyemakho aba’Yudaaya bibanterakho omusango.
\v 8 Lwasi khwinywe musiyiira musibaso muuti sisinyalikha Weere okhusyukhisa abaffu?
\p
\v 9 “Ssesi samwene neecha nasimanya nti nkhoyire nkhole esinyalikha syoosi okhuyinganiya eriita lya Yesu owe Nasalesi.
\v 10 Nende nje lusyali sinakhola e Yerusalemi. Ne muwunyala wa ba Khawona bakhuluutu nata abolerefu bangi mujjera, ata nende okhwitiwa. Nakhubbirangakho akhalulu nga simbakwira.
\v 11 Makhabi mangi kanakendanga okhutula mu sinaggogi ndala okhucha muyiindi ningenderera babasandye, no’khukesakho okhubayinga no’khufwotokheresa. Mukhuwemukha khwange yibali, samwene nachanga nende mu bikko bya bateende okhubasandya.
\p
\v 12 “Mu ndala khu ngendo chinali ninja e Damasiko no’wunyala nokhutumiwa khwa ba Khawona bakhuluutu.
\v 13 Mu bikha nga sawa mukaaga chesideete, Oo Omwene’ngo, nga lunali nindi khungira, nawona owulafu okhutula mukkulu, ngawukhira oweryuba, nga wadukha okhunewodokhaniya nende abo bakhwali nabo.
\v 14 Fesi feesi khwakwa asi khuloba, nawulira ekkono nirimboola mu luliimi lwe Bbulaniya liiti, ‘Saulo, Saulo, lwasiina wunsandya? Sidinyu ewe okhutacha khu mayingo.”
\p
\v 15 Awo namala nateeba nti, ‘Niwe naanu, Omwami?’ Omwami kakowoolamo ati, “’Nise Yesu, yoli okhusandya.’
\v 16 Wunaanu siingira omale weme tiiri. Nkhuwonekheye okhukhudoola obe ngo’mukhosi khandi omujjulisi webyo biwumbwenemo nende ebyo binja okhukhwekesa.
\v 17 Niicha okhukhuwoniya eyiri abatu bawo bene nende eyiri abateende. Ndi okhukhutuma yibali
\v 18 okhubekula emoni chawe obakalukhaniye obatuse musirema abate muwulafu, nokhutula mu maani ka setani bakowolere Weere, khu sinyalikhe bo bafune okhulekherwamo okhwe’bibi no’khufuna esifwo mwabo abalabisiwa nenfukiirira mwise.’
\p
\v 19 “Nolwesyo wunanu, omwene’ngo Aguripa, sinali ojjemera okhwekesewa khutula mwikkulu.
\v 20 Esisokha eyiri abe Damasiko, nende eyiri abe Yerusalemi na bewu'Yudaaya boosi na’bateende bosi, nawuulira nti bakhoyire beyolobye bakalukhanire Weere bakhakhase okhweyolobya khwawe okhubitira mubikholwa byawe.
\p
\v 21 Nje esyakira aba Yudaaya bandiira mulwanyi lwe’nyumba ya Weere nga bakesakho okhunjitta.
\v 22 Ne mbeye no’wuyeedi wa Weere okhwoola khu lwa leero, manu neema ano ninjulira eyiri abatono nabakhongo nasirala. Awuma simeedakho okhutuuma banabbi nende Musa bikawoola ati biribaawo__
\v 23 ati Kurisito alisaanda nende, ng'owamberi okhusingisiwa mu baffu, kakhanjuluse owulafu eyiri abatu baye beene nende eyiri abateende.”
\p
\v 24 Nikolire awo Festo kamulya esiirimi mu khulomaloma khwa Paulo nikewosakho. “Okotire mu bibaaso byawo, Paulo!” Kakhamukha nekkono khongo ati, “Okhusoma khwawo khukali khuli okhukhuyira obe ngo’kwakho eralu mumutwe kwawo.”
\v 25 Paulo kamukowolamo ati, “Sindi mukwi welalu, Oo, omwolerefu Festo,” “Simbeye nimboola situfu khandi samwene.
\v 26 Omwene’ngo amanyire ebitu binno, manu nyala okhulomaloma nindi mulekhule yooli. Nichusiwa nti awumawo esimutumire ata sirala, khulwokhuba awuma esikholirwe mu ngodikodi.
\v 27 “Omwene’ngo Aguripa ofukiiririra mu ba nnabbi? Manyire nti osikhola.”
\v 28 Olwo Aguripa kawoola Paulo ati, “Obaasa oti musikha sitono esyo onyala onkhunfukiirisa naba omukurisitaayo?”
\p
\v 29 Paulo kamukowolamo ati, “Embaka tono oba ndeeyi__ Nsaba Weere okhutaba ssi ewe weηηene nende boosi abantekeresise olwa’leero banyale okhuba sindi, okhumalakho olwenjegere chinno.”
\v 30 Omwene’ngo kasiingira, alala nende Gafana Berinike nabali bekhaye nabo.
\v 31 Nibatula musisenge, bali balomaloma mulala syamulala nibamonyesaniya, ni’bawoolana baati, “Omusaacha onno syali khukhola esinyala syamwosa khu khwitiwa oba okhuwoyewa.”
\p
\v 32 Aguripa kawoola Festo ati, “Omusaacha onno aba kalekhuliwa khale nisiba mbo sikajjulira ewa Kayisali.”
\c 27
\p
\v 1 Nisyakhengewawo siiti khunyala khwacha khu lyaato mu’Yitale, Paulo nabasibe bandi badisiwa khu mukhuluutu wa basirikale emya olangiwa Yuliyo, owali mulala khu yee lyo’wami.
\v 2 Khwaniina mu Meeri eyitula Adulamutiyo eyali niyiwawo okhucha mubikobo khuntulo we Nyanja mu syalo sya Asiya, khwacha olukendo khunyanja. Alisutaluko, e Makedoni okhutula e Ssessalonika, kali nafwe.
\v 3 Oludaalo lulondakho khwakoba e Sidoni; nende Yuliyo, nesisa eyiri Paulo, kamufukiirira okhuchakho eyiri abeecha baye banyale okhumuwakho bikali nawuma.
\v 4 Okhutula awo khweta khu lukendo mu maachi khandi khwola mukhondo ya Kupulo khulwokhuba omuyaka kwali kutula yikhucha.
\v 5 Nikhwali khumalire okhubita mu Nyanja yebakaaye nikhukhalakanisye Kirukiya nende Pafuliya khusikobo, khwakoba Mula eyiri mu Lukiya.
\v 6 Awo omukhongo wa maye kakaana e meeri ya Alekesandareya eyali niyicha Yitaliiya batuta khu Meeri eyo.
\v 7 Khwacha kaala emutwe endaalo nyinji khwali n’ebidinyu bingi okhukoba Kunido. Embewo sichafukiirira okhuchira khungira nungifu, khwakoba khu sikobo sye’khondo eya Kulete, eyewunjire Salumone.
\v 8 Khwakendera khu ntulo wenyanja mu wudinyu khwola mu sifwo sirangiwa esikobero silayi ambi ne’sikko sya Lasaya.
\p
\v 9 Ebikha bingi bikhwakosya, no khuba khu maachi khwaba khwakhabi nga khutisya khuba ne’bikha ebyo byali bibitire ebyo’khusiiba. Sakira Paulo koola kabalawula ati,
\v 10 “Basaacha enywe, nsiwona olukendo lwefwe lwo’khwononokha lunaleete okhufirwa khungi enameeri ne’mikkuku, nende khuwulamu wefwe abene fesi.
\v 11 Ne omusirikale mukhuluutu wemya wolukendo esifwo syokhutekeresa Paulo bikali nalomaloma, ye kalonda khungeraka yo mufuki we meeri no’mwene meeri.
\v 12 Khuba emeeri achikoba si ali alayi lukali mu bikha bye’ttocho, abakhira owungi khwachanakana no’lukendo, nibagenderera okhwola Foyiniki nende embewo eyo. Sinno sifwo syali Kulete nga syewunja emakulu ambi ewukwa lyuba nende emukulu yewukwa lyuba. Enfwinda
\v 13 Embewo chitula emakulu nga chifuuta kaala, babaasa baati bakaanire sibali nibadakha; beesa enanga mumaachi nibakherengeta kala khu sikoobo sye Kulete.
\v 14 Ebikha sibyabitawo, embunga eya’maani, eyilangiwa yiiti “wuyanja” yeeyera assi nga yitula khu sisinga.
\v 15 Emeeri yadiriwa ne’mbunga yamaani nga si sisinyalikha okhubita mu mbunga eyo; manu khwayikulira yatuyoola yatuyira.
\v 16 Nga lukhwabita mu khondo ya khasinga khatono khabalanga Kawuda, nga sikhusinyala okhwingira mu lyaato lyo khutuwoniya owulamu.
\v 17 Nabasaacha nibakesakho okhukhesera khuntulo we meeri, nga babisya emikoye assi we meeri eyene yibe nga yidiriwa alala. Nga batya baati banakudiwe khu bichuma byali assi wa Suluti, besa ebitu assi ebyali amukulu wemeeri bacha ne’mbunga.
\v 18 Khwafuna okhukhubbiwa khwa’maani okhwe’nfwinda nti oludaalo lulondakho bachaaka okhusukuna emikkuku mu maachi.
\v 19 Khu ludaalo olwokhudatu, basukuna ebitu bye meeri mu maachi namakhono kawe abene.
\v 20 Ni awumawo omubasu ata eηηiniηηini echawonekhana endaalo chabitawo nyingi ne’mbunga yachanakana okhuwuucha, munjakamo khwawamo esuubi yo’khuwona.
\p
\v 21 Abasaacha olunyuma lwokhubawo nibawumakho esyokhulya olwe mbaka endeeyi, Paulo kasiingira khumakulu emutwe wawe kaamala kabawoolera ati: “Basaacha enywe, muba mwawulira okhukeraka khwange okhutachanakana nolukendo okhutula e Kulete; mwakhewonisye mwabeene okhwononokherwa no’khufwirwa.
\v 22 Ne wunaanu mbakhubirisa okhuba bagumu, olwokhuba awuma ata mulala khwinywe onakote, okhutusakho emeeri yicha okhwononewa.
\v 23 Esiro sibitire malayika wa Weere oli nange khandi yimberesa kema nange
\v 24 kawoola ati, ‘otatya, Paulo. Otekwa okhugumira okhukesewakho mumoni cha Kayisali; ne khu lwesisa singi Weere okhuweye owulamu wa batu bosi boosi bokendire nabo mu meeri.’
\v 25 Sakira musikale no’wugumu, basaacha enywe, khuba ndi nenfukiirira mu Weere nti sinakholekhane nga lukamboolera.
\v 26 Nende siri siityo, khutekwa okhwirukha khwole khulukongo lwa khasinga khandi.”
\s Okhukhalichikha Khwe Meeri
\p
\v 27 Esiro sye’khumi nabine khwali khu siyiriwa oluwande lundi olwenyanja ya Aduliya, ambi akati wesiro abali khu meeri bacha okhuwunyirisa nibolerera khu lukongo.
\v 28 Bawukula esiipimo bawukaana amaachi nga kali efuti 120 okhucha assi. Ebikha bitono nibibitirewo bawukula esiipimo khandi bakera bawukaana amaachi nga kali efuti 90 okhucha assi.
\v 29 Mukhutya khuti khunasukuniwe khu makina, basukuna enanga chinne assi we meeri khwasaba wukhye.
\v 30 Mukhukesakho khwirukhe mu meeri, abali khu meeri besa eryato lyo’wulamu mu maachi, nibefwanirisa nga abanese enanga okhutula mu numa.
\v 31 Awo, Paulo kawolera omusirikale wemya nabasirikale ati, “Okhutusakho nga basaacha basikala ne meeri, simunanyale okhuwona.”
\v 32 Sakira abasirikale bakhenga emikoye chali chidiye eryato balirekha lyakwayo.
\p
\v 33 Owire niwali wusa ambi okhukhya Paulo kabakhubbirisa boosi balyekho. “Khuba endaalo ekhumi na chinne chali chibitire, nabawolera ati,” “Mubeye mukhutenga nimwewanikhire emyoyo khandi nga simulya__ mutalyakho syosi syoosi.
\v 34 Wunanu mbakhubbirisa okhulyakho esitu. Sidakhiwa khu mu beewo. Si ali ata mulala khwinywe onafwirwe ata akhafwiri khumutwe kwaye.”
\v 35 Nikamala wusa okhulomaloma sinno, kawukula kho khumugaati kebasa Weere mumoni chawe boosi. Awo kakukhalaka kachaaka okhulya.
\v 36 Boosi bafuna amaani balyakho abeene.
\v 37 Nende nikhwali 276 feesi khu meeri.
\v 38 Nibali bakhamala okhulya wuli otula nga lukali nadakha, banguyisa emeeri nga basukuna emwo mu maachi.
\p
\v 39 Ne eryuba niryatula, sibamanyirisa olukongo, naye bawona eroba lyo’lusenye lyasondokherera mu Nyanja, bakesakho emeeri yikobe awene awo nisinyalikha.
\v 40 Becha bakhalaka enanga, chakwa munyanja mubikha byene ebyo, bakhalaka nemikoye echidiira emitalimbwa. Basingisa oluwande lwetanga olwe’mutwe, bacha khu sikobo esyo.
\v 41 Ne emeeri yatomera khu mugiggo kwo’musenye yadikhanamo. Engasi yawanda yaloba okhukalukhana, omutwe kwosi kwawukhanamo otutundutundu khulwamaani ke’nfwinda.
\p
\v 42 Abasirikale batekekha okhwitta abawowe okhubakayira okhwesoga beyibe.
\v 43 Ne omukhongo weeye emya kadakha okhuwoniya owulamu wa Paulo kecha kabakayira okhwoseresa entekekha yawe. Kalagira abali nibanyala okhusoga okhutuumira mu maachi mberi boole khu lukongo.
\v 44 Abadoηηire beddira khu bibajjo ne bitundu byembawo abyakhalikha khu meeri. Mu ngira yino wuli otula kola khulukongo awuma wudinyu.
\c 28
\p
\v 1 Nikhwamala okhwola khulukoongo, khwawukaana mbo esisinga syali sirangiwa Melita.
\v 2 Abewulanwa bo khusisinga beecha batwekesa essisa esitakaanikha. Batwakananira fweesi batuwambisirya omuliiro khulwokhuba enfula yali yikwa no’wunyifu nga wungi.
\v 3 Paulo kawuusa otukhwi tunyerere omukanda, nikali natuta khumuliro, enjokha enkhola nhima, eyerusiwa olwo wubafu, yemwewowa khu mukhono.
\v 4 Ne abokhusisinga nibawona enjokha niyirerecha khu mukhono kwaye, balomaloma wuli otula eyiri owasye baati, “Omusaacha onno atekwa okhuba omwiti; asyakhaba mbo awonire okhufwira mu Kuyanja, omusango sikwicha khumukanya abe omulamu.”
\v 5 Naye Paulo kakhukhumula omukhono enjokha yakwa mu muliro awumawo esyamwolakho esyakhabi.
\v 6 Abatu basuubira baati anasimbakane omubiri oba okhukwa awene awo afwe, ne nibalinda embaka endeeyi yabitawo nga awuma sibawona syoosi nisimwekholekhanirekho, bakalukhaniya ebibaaso byawe bawoola baati kali were.
\p
\v 7 Aliwo ebyo’mbakhe byo’mukhuluutu we’sisinga, esyo olangiwa Pubuliyo katuyira ewaye yikhwamala endaalo chidatu natuliisa natusangaasa.
\v 8 Simwana kali muwuliri nimulwaye, nali no’muyaka kwo’khunyalala. Paulo kengirayo okhuwona, namalire okhumusabira, kamutakho amakhono, khandi kamuwoniya.
\v 9 Sinno nisyakholekhana abadoηηire abali abalwaye khu sisinga beecha khandi bosi bawonesewa.
\v 10 Batuwa oluyaali mu ngira nyingi ne nikhwali khuli ambi okhusiingira khuwewo, batuwa ebyo byoosi bikhwali khudakha mu lukendo.
\s Okhwola e’Rooma
\p
\v 11 Emyesi nichakhabitawo chidatu khwachaaka olukendo khu Kuyanja mu meeri eyali niyeyikamire endaalo che’ttocho khusisinga. Emeeri yali ey’Alekesandereya, nimbandikekho yiiti were khwana Kasito nende Polikisi.
\v 12 Khwola mu Sulakusa yikhwamala endaalo chidatu.
\v 13 Nikhwatula awo khwola mu Regiyo. Oludaalo lulondakho embewo che’mwaalo chasiingira, oludaalo lulonda olwo khwola e Putiwoli.
\v 14 Awo khwakanawo abaana befwe abatulanga okhubakeniya khwamalawo ejjuma enaamba. Manu khutyo nje lukhwolera e Rooma.
\p
\v 15 Abaana befwe eyo bali bawuliye baati khwali khwicha, batulira erala mu mukhuηηano kwa Apiyo, nende Enyumba echo’khukonamo chidatu chabawo echokhwakananiramo nafwe. Mukhuwonana na’basaacha banno Paulo kebasa Weere khandi kakowosewamo amaani.
\v 16 Ne nikhwola mu Rooma, Paulo kafukiirirwa okhumenya ayeηηene, ngalindiwa no’musirikale. Paulo Awuulira e Rooma assi’wobuliindi
\p
\v 17 Endaalo chidatu nichibitrewo kalaanga abatangirisi babatu baba Yudaaya alala. Nibali bakhesolosa, Paulo kabawoolera ati: “Baana befwe, nende mbuma sinkholire eyiri abatu befwe oba khumidunga cha ba’kuuka yefwe. Nadiriwa mu Yerusalemi bandiisya aba Rooma.
\v 18 Nibangonyeresakho badakha bandekhule, khulwokhuba bawona nga mbuma musango okwali kunfambya okhwitiwa.
\v 19 Ne aba Yudaaya nibakaana, syanjulisa okhwola mumoni cha Kayisali__ si khuba mbo ndi no’musango okhuta khu batu bange.
\v 20 Sakira okhwema khu mboosi yinno nsabire okhubawona enywe nomalome ni nanywe. Siri sityo khulwe suubi eya Yisirairi okhuba mbo mboyirwe no’lujjegere luno.”
\p
\v 21 Bakowoolamo baati, “Khutafuna ebaruwa yoosi okhutula ewu'Yudaaya eyikhudiirakho, nende awuma baana beffwe abatulire eyo abatwekesise obikhufwakho oba bawoola syoosi esibi sikhudiirakho.
\v 22 Ne khudakha khuwulire ebibaaso byawo nga lubiri, khuba khusimanyire khuuti abatu wuli awutu balomaloma ngasibadakhisa omukaanda kunno ebirayi.”
\p
\v 23 Batekekha okhwakanana nende Paulo khuludaalo lundi, nende okhwicha beecha muwungi musitundu akali namenyire. Okhutula echuli okhwola engolobe kabanyonyola no’khulangirira yibali owene’ngo wa Weere khandi kakesakho no’khubakhobya khubidiira khu Yesu okhutula khu malako ka Musa nokhutula mu ba Nnabbi.
\v 24 Abandi beecha bekutta wulayi bikabawoolera, ne abandi bakhayirira okhufukiirira.
\v 25 Beecha bakaana okhufukirisaniya abene nabeene bachaaka okhuwawo Paulo namalire enomaloma yaye eyanjakamo ati: “Omwoyo mwolerefu kalomaloma amasima eyiri bakuuka yenywe nikawoola okhubitira mu nnabbi Yisaya ati:
\q
\v 26 “’Cha eyiri abatu bano omale owoole oti, “Munawurirenge ne nga awuma simutegeera; Munawonenge ne nga awuma simwingisa.”
\v 27 Khuba omwoyo kwa’batu banno kwamala okhwikalwa; sibakhira khuwulira na’matwi kaawe, ne balimbiriye emoni chawe. nalundi bakhanyalire okhuwona ne’moni chawe, nokhuwulira na’matwi kaawe, nokhutegera ne’myoyo chawe khandi bakalukhana, khandi noola okhubawoniya.’
\p
\v 28 “Nolwesyo ndakha enywe okhumanya muuti okhuwonesewa khuno khwa Weere khwatumiwa eyiri Abateende, bacha okhutekeresa!”
\p
\v 30 Emyaka chibiri emiramba Paulo kamenya eyo mu nyumba yaye yikapangisa khandi kasangaliranga bosi boosi abechanga okhumuwona.
\v 31 Atali khutya nga’wuma abamutekatekaniya kawuulira owen’engo wa Weere khandi kasomesa ebidiira khu Mwami Yesu Kurisito.