lsm-x-lugwe_reg/44-JHN.usfm

\id JHN
\ide UTF-8
\h Yokana
\toc1 Yokana
\toc2 Yokana
\toc3 jhn
\mt Yokana
\c 1
\p
\v 1 Olwa’mberi lwene aliwo emboosi, emboosi yaba nende Weere, ne emboosi yaba Weere.
\v 2 Oyo kaliwo khu lwa’mberi nende Weere.
\v 3 Ebiitu byoosi byakholewa khu lwoyo; ataasi ye siwakhakholekhire siitu ata sirala esyakholewa.
\v 4 Owulamu wa’mulimo, owulamu waba omubasu kwa’batu.
\v 5 Omubasu kwadukha mu siirema, ne esiirema sisyakutegeera.
\p
\v 6 Weechawo omutu Weere yi katuma; eriita lyaye nje Yokana.
\v 7 Oyo keecha ngomujjulisi okhujulira ebidiira khu wulafu owo, khosibe mbo okhumubitiramo sinyalikhe abatu okhufukiirira.
\v 8 Ye omwene sikali omubasu; keecha wusa ngo’wujjulisi khu mubasu.
\v 9 Owulafu owamasima owuweresa owulafu khu wuli mutu wali wiicha musyalo.
\p
\v 10 Kali musyalo, esyalo syakholewa nga sibitira mu’ye, ne esyalo si syamumanya.
\v 11 Keecha mu mako kaye, naye abali mu mako kaye sibamusangaalira.
\v 12 Naye boosi aba’musangaalira, nje abafukiirira eriita lyaye, Kabawa owunyala okhuba abaana ba Weere__.
\v 13 abaana abateewulwa namabaanga, ata okhudakha khwomubiri oba okhudakha khwo omusaacha, naye abewulwa Weere.
\p
\v 14 Emboosi yekhola omubiri khandi katwikhalamo. Khwawona oluyaali lwaye, oluyaali olwooyo owewulwa mulala yeηηene, owecha okhutula ewa Seefwe, nikechuuye esisa na masima.
\p
\v 15 Yokana kamulomalomakho. Kalomalomera amukulu nawoola ati, “Ono nje yinawoola nti keecha, ‘Oyo owiicha enyuma wange kankhira ese olwokhuba nje owali owamberi khwiise.’”
\v 16 Olwokhwiichula khwesisa syaye effwe feesi khwafuna esisa sirala olunyuma lwe esisa siindi.
\v 17 Olwokhuba amalako kayeresewa okhubitira mu Musa; esisa na’masima byecha okhubitira mu Yesu Kurisito.
\v 18 Si ali owali naweene khu Weere, naye Weere mulala, khandi oyo owikhaye mulubafu lwa Seefwe, akirire kamanyikha.
\s Yokana Omubatiisi Kekaana Ati Sinje Kurisito.
\p
\v 19 Wunaanu wuno nje owali owujulisi owa Yokana Abayudaaya aba e Yerusalemi nga nibamutumira ba khawona nende Abaleefi okhumuteeba baati kali naanu.
\v 20 Sikakhirwa khwekhalaka, kekhalaka alafu n'alafu ati, “Sinise Kurisito.”
\v 21 Bamuteeba baati, “Wunaanu niwe naanu? Niiwe Eriya?” Kakowolamo ati, “Siniise.” “Niiwe nabbi?” Kakowolamo ati, “bbe.”
\v 22 Lunyuma bawoola baati, “Niiwe naanu? Tuwe bikhunakowolemo abatutumire. Weranga naanu?”
\v 23 Yokana kakowoolamo mu mboosi cha nabbi Yisaaya ati, “Ese ndi kkono lyo’mutu olomalomera amukkulu mu sibbarara, ati, ‘Mukololosere omwami engira.’”
\p
\v 24 Wunaanu balala khu Bafalisaayo abali nibatumiirwe
\v 25 bamuteeba baati, “Khu lwasiina obatiisa nuba nga siniiwe Kurisito, oba Eriya, oba Nnabbi?”
\v 26 Yokana kabakowolamo nawoola ati, “Ese mbatiisa na’maachi, “Ne akati mwiinywe emire omutu yimutamanyire.
\v 27 Nje oyo otula enyuma wange, nga ssesi sinyala okhuwolola ensiya che biraato byaye.”
\p
\v 28 Ebyo byoosi byakholewa e Besaniya engerekha wa Yoludaani, Yokana yikabatiisiranga. Yesu Ekoondi Lya Weere.
\p
\v 29 Oludaalo lwalondakho Yokana kawona Yesu nikecha yali kawoola ati, “Wona, omwana we koondi owa Weere, otusawo ebibi bye syalo!
\v 30 Ono nje yinali ninomalomakho nimboola nti, ‘Enyuma wange yiicha omusaacha owunkhira olwokhuba nje owali owamberi khwiise.’
\v 31 Ssesi simweene sinali nimumanyire, naye esyakira niniicha nimbatisanga na’maachi syali mbo ye amanyikhe mu ba Yisirayiri.”
\p
\v 32 Awo Yokana kajjulira nawoola ati: “Nawona omwoyo natula mwikulu nga ewuusi kamusikalakho.
\v 33 Ssesi sinakhamumayire, naye owantuma okhubatiisa na’maachi nje owamboola ati, ‘Ewe oliwona omwoyo nikeecha namubakho oyo nje olibatiisa no’mwoyo omwolerefu.’
\v 34 Ssesi nawona najjulira nti, “Oyo nje omwana wa Weere.”
\s Abeeki Ba Yesu Aba’mberi
\p
\v 35 Oludaalo olwalondakho Yokana lundi kali awo nende abeeki baye babiri.
\v 36 Nikawona Yesu nabitawo, kawoola ati, “Wona, omwana we koondi owa Weere!”
\v 37 Abeeki abo babiri nibawulira nalomaloma atyo, balonda Yesu.
\v 38 Yesu kekhewukha, kabawona nibamulonda, khandi kabateeba ati, “Mudakha siina?” bakowolamo baati, “Rabbi” (esyekesa siiti omwekesa), “Wamenya yeena?”
\v 39 Kakowolamo ati, “Mwiche, Manu munawone.” Manu bacha bawona yikali nikamenya, bamala oludaalo olwo naye. Chali ambi esaawa ekhumi.
\p
\v 40 Andereya, mwanaaηηina Simoni Petero, kali mulala khu babiri owawulira Yokana bikali nalomalomire khandi owali nalondire Yesu.
\v 41 Esya’mberi Andereya sikakhola nje okhukoonya mwanaaηηina Simoni kamuwoolera ati, “Khuwukanire Messaya’’ (nje Kurisito).
\v 42 Manu kamala kamuyira eyiri Yesu. Yesu kamutingaala kawoola ati, “Niwe Simoni omusyani wa’Yokana. Onalangiweenge Keefa” (nusikalukhaniya, nje Petero).
\s Yesu Alanga Firipo Nende Nasanayiri.
\p
\v 43 Oludaalo olulondakho Yesu kakhengawo okhucha e Galiraaya. Ni kawukaana Firipo, kamuwoola ati, “Nonde.”
\v 44 Firipo, nasirala nende Andereya nende Petero, kali atula mu siko sye Besusaida.
\v 45 Firipo kawukaana Nasanairi kamuwoola ati, ``khuwukanire ola Musa yikawandiikakho mu malako, nende ba nnabbi bosi yibawandiikakho__ Yesu owe Nasaleesi, omusyani wa Yusufu.”
\v 46 “Nasaleesi! Aliwo esilayi esyakhatula eyo?’’ Nasanayiri kateeba. Firipo kawoola ati, “Yiicha owone.”
\v 47 Yesu nikawona Nasanayiri nikeecha, kamuwoola ati, “Omu'Yisirayiri mwene nguno, otaasikho akhamoko khoosi.”
\v 48 Nasanayiri kateeba ati, “Wumanyire otye?” Yesu kakowolamo ati, “Nakhuwona niwali nosiiri mu musaala kwo mutuli Firipo natakhulanga.”
\v 49 Manu Nasanayiri kalangirira ati, “Rabbi, niiwe omwana wa Weere; niiwe omwene’ngo wa’Yisirayiri.”
\v 50 Yesu kawoola ati, “Ofukiiriye olwokhuba nakhuwoola nti na khuwona assi wo’musaala kwo mutuli. Ocha okhuwona ebiitu bikali ebikhira awo.”
\v 51 Lundi kemeeda ati, “Nkhuwoolera amasima, oliwona ekkulu niriikukha, nende bamalayika ba Weere nibaniina khandi nibeekha khu mwaana wo’mutu.”
\c 2
\p
\v 1 Khu ludaalo lwo’khudatu oweeya waliwo mu Kaana esye Galiraaya. Nηηina Yesu kaliyo,
\v 2 ne Yesu nende abeeki baye boosi bali balangiiwe khu weeya.
\v 3 Efwinyo niyawa, nηηina Yesu kamuwoola ati, “Bawuma efwinyo yindi.”
\v 4 Yesu kakowolamo ati, “Aa omukhaye, lwasiina wunyingisamo?” “Ebikha byange bisiiri okhwoola.”
\v 5 Nηηina kawolera abakhosi ati, “Mukhole syoosi syabawoola.”
\v 6 Ambi awo aliwo entamu mukaaga echamaachi nichemire echabachiwa mumakina, echifwaana chiityo echakhosesewanga Abayudaaya khumisiro cho’khwoosa, wuli yitula nga yirimo amaachi akoola e galani okhutula khu makhumi kabiri okhwoola khu kadatu.
\v 7 Yesu kawoolera abakhosi ati, “Mwichuse entamu na’maachi;” manu bachiichusa okhwoola khuminwa.
\v 8 Namala abawoola ati, “Wunaanu mudayekho akandi muyirire omwemeresi wo’muyumo.” Bakhola baatyo,
\v 9 manu omwemeresi wo’muyumo kakhombakho khu maachi akali nikakalukhanisiiwe okhuba efwinyo. Byamukhasa okhumanya yiyitulire, asyakhaba mbo abakhosi abali nibadayire amaachi bamanya. Kamala kalanga wamwe yo’mweeya entulo.
\v 10 Kawoola ati, “Wuli mutu kekherera kakawula efwiinyo ye’ndikho kho kaleeta eya juule abakeni ni bekutire; nawe obiikhire endikho yikhenerekhe wunaanu.”
\v 11 Sino, nje esya’maya esya’mberi syo’wuwonero, Yesu sikakholera mu Kaana esye Galiraaya. Atyo nje ni kakisula oluyaali lwaye, abeeki baye bamufukiririramo lukali. Yesu Atereesa Enyumba Ya Weere.
\p
\v 12 Sino nisyawa kekhirira e Kaperenaumu nende nηηina nende bamwananηηina na abeeki baye. Eyo baliyo endaalo ntono.
\p
\v 13 Ebikha bya Pasaka ya Bayudaaya nibyali nibiri ambi okhwoola, Yesu kaniina kaacha e Yerusaalemi.
\v 14 Mu nyanyi che nyumba ya Weere kawukaanamo abasaacha nibakusa eηηoombe, amakoodi, nende nawuruuku, na’bandi nebekhaaye ambi na mameesa nibafunjisa erubbya.
\v 15 Kawukula ensiya kalukhamo omukoye kabanaalanaala kaberusya kabatusa erwanyi we nyumba ya Weere, byombi amakondi ne ηηombe; kasalaaniya erubbya chesangasa echa bafunjisi kafunikha emeesa chawe.
\v 16 Eyiri abali nibakusa nawuruku kawoola ati, “Bino mubituse ano! Munyala mutye okhukalukhaniya enyumba ya Bbabba okhuba akhatale!”
\v 17 Abeeki baye bechulisa baati syawandiikiwa siiti: “Okhudakha lukali enyumba yawo khuliindiya.”
\p
\v 18 Manu Abayudaaya bamudakhakho sino, “syamakana siina esyokhuwonerakho syunyala wekesa okhumanyisa owunyala wawo okhukhola bino byoosi?”
\v 19 Yesu kabakowolamo ati, “Mukwiise enyumba ya Weere yino, esse nayisiingise khandi mu ndaalo chidatu.”
\v 20 Manu Abayudaaya bakowolamo baati, “Situyiriiye emyaaka amahumi kane nende mukaaga okhwombakha enyumba ya Weere yino, nawe ocha okhuyisiingisira mundaalo chidatu?”
\v 21 Naye enyumba ya Weere yikali nalomalomirekho kwali mubiri kwaye.
\v 22 Nikamala okhusyukhisiwa okhutula mu’bafu, abeeki baye bakhewulira bikali nawooye. Manu bafukiirira ebyawandiikiwa nende emboosi Yesu chikali nalomalomire.
\p
\v 23 Ne nikali nali mu Yerusalemi khu muyumo kwa Pasaka, abatu bangi bawona ebyamakana byo’wuwonero bikali nakhola bafukiirira mu liita lyaye.
\v 24 Naye Yesu sikabewa okhumwesika, olwokhuba kaba abamanyire boosi.
\v 25 Sikadakha owujjulisi woosi owo mutu, olwokhuba kamanya esiri mu mutu.
\c 3
\p
\v 1 Wunaanu aliwo omusaacha mu Bafalisaayo eriita lyaye Nikodemu, omuna’sikanda mu lukhiikho lwa Bayudaaya olutuki.
\v 2 Keecha eyiri Yesu esiro kawoola ati, “Rabbi, khumanyire khuti oli omusomesa otula ewa Weere. Olwokhuba yiwuma onyala okhukhola ebyamakana byo’wuwonero byukhola Weere nataasi naye.”
\v 3 Mukhukowolamo Yesu kaatula ati, “Nkhuwolera amasima, yiwuma onyala okhuwona owene’ngo wa Weere okhutusakho nikewuuywe khandi.”
\v 4 Nikodemu kateeba ati, “Omutu anyala atye kewuulwa nimukhuluutu?” “Masima keene syanyala kengira ekhabi lyo’khubiri munda ya ηηina okhwiwulwa!”
\v 5 Yesu kakowolamo ati, “Nkhuwoolera amasima, yiwuma onyala okhwiingira mu wene’ngo wa Weere okhutusakho nikewuuywe na’maachi no’mwoyo.
\v 6 Omubiri kwiiwula omubiri, naye omwoyo kwewula omwoyo.
\v 7 Syo’khoya okhwesiindukha khu simboola, ‘oteekwa okhwiiwulwa wuyaakha.’
\v 8 Embuunga yiwuchira yiyidakhira. Owulira embukuma yayo, naye syo’nyala okhuwoola yiyitula oba yiyicha. Siityo nje siri eyiri wuli wiiwulwa omwoyo.”
\v 9 Nikodemu kateeba ati, “Sino sinyalikha siitye?”
\v 10 “Oli musomesa wa Yisirayiri”, Yesu kawoola ati, “Ne syumanyire ebitu bino?”
\v 11 Nkhuwoolera amasima, khuwoola bikhumanyire, khandi khuwa owujjulisi khu bikhuweene, naye ne’lusiba siityo batu enywe simufukirira owujjulisi wefwe.
\v 12 Nomalomire yuli khu’bitu bye syalo ne syufukiirira; wunaanu onafukiirire otye ni nomalomire ebitu byo’mwikkulu?
\v 13 Yiwuma mutu wachakho mwikkulu okhutusakho oyo owatula mwikkulu__ omwana wo mutu.
\v 14 Nga wusa Musa nikasingisa enjokha mu sibbarara, siityo omwana wo’mutu ateekwa okhusiingisiwa,
\v 15 kho nawuli omufukiriramo anyale okhufuna owulamu wutawawo.
\p
\v 16 “Atyo Weere nje lukadakha esyalo manu kawaayo omwana waye mulala yeηηene, kho nawuli omufukiiriramo akhaye okhukota naye abe no’wulamu owutaliwawo.
\v 17 Olwokhuba Weere sikatuma mwana waye mu syalo okhukhengera esyalo omusango, naye esyalo silokolewe okhubitira muye.
\v 18 Nawuli omufukiiriramo syakhengerwa musango, naye nawuli otamufukiiriramo asikala namalire okhukhengerwa olwokhuba syafukiriiye mu liita lyo’mwana wa Weere mulala yeηηene.
\v 19 Yino nje enkhenga yo’musaango: owulafu wiichire mu syalo, naye abatu badakha esiirema musifwo syo mubasu olwokhuba ebikholwa byawe byali ebibi.
\v 20 Nawuli okhola esibi syadakha owulafu, khandi syanyala keecha mu’wulafu olwokhutya ati ebikholwa byaye banabyanjuluse.
\v 21 Naye nawuli obawo mu masima keecha mu wulafu, kho siwonekhe lwatu siiti syakholire sikholikhire, nisibita mu Weere.”
\s Owujulisi Wa YokanaOmubatiisi Khu Yesu.
\p
\v 22 Sino nisiweye, Yesu nende abeeki baye batula baacha mu syalo sye’Buyudaaya, yikamala ebikha nabo, kabatiisa.
\p
\v 23 Wunaanu Yokana yesi kali abatiisa awutu alangiwa Ayenoni ambi nende Salimu, olwokhuba aliwo amaachi mangi, na batu bechaanga wuli sikha okhubabatiisa.
\v 24 (Sino syaliwo Yokana ni batamuyira mu jeera.)
\v 25 Okhuyiingana ’khwabalukhawo akati wa balala khu bekesa ba Yokana nende omuyudaaya wundi ebidiira khu musiro kwo’khweyosa.
\v 26 Beecha eyiri Yokana bamuwoola baati, “Rabbi omusaacha ola yiwali naye khu luwande lula olwa Yorudaani__ omusaacha yiwatusirakho owujjulisi__ sirayi, abatiisa, khandi wuli mutu ali okhucha yali.”
\v 27 Khu sino Yokana kakowolamo ati, “Omutu anyala wusa okhufuna esimuweresewe okhutula mwikkulu.
\v 28 Enywe abene munyala okhujulira muti nawoola nti, ‘siniise Kurisito naye natumiwa emutwe waye.’
\v 29 Omweeya aba wo’musaacha omudekhiisye. Omulobera okhola khu musaacha odekhiisye amulinda khandi kamutekeresera, khandi aba kechula esangaalo nawulira ekkono lyo musaacha odekhiisye, owusangaafu owo wange, ne khandi wichufu.
\v 30 Ateekwa okhuba amukkulu; esse nteekwa okhwiikha.
\p
\v 31 “Otula amukkulu ali amukkulu wa byoosi; otula khu syalo aba we syalo, khandi alomaloma ebyo mu syalo, otula mwikkulu ali amukkulu wa byoosi.
\v 32 Ajulira khu bya wene nende bya wuliiye, ne yiwuma ofukiirira owujulisi waye.
\v 33 Omutu osifukiriiye komisiise ati Weere mwesikwa.
\v 34 Olwokhuba oyo Weere yikatuma alomaloma emboosi cha Weere, olwokhuba Weere amuwa omwoyo ataasi esyakamo.
\v 35 Lataηηene adakha omwana khandi katta wuli siitu mu makhono kaye.
\v 36 Nawuli ofukiirira mu mwana ali no wulamu owutawawo, naye nawuli okhaya omwana syaliwona owulamu, olwokhuba ettima lya Weere limusikalakho.
\c 4
\p
\v 1 Abafalisaayo bawulira baati Yesu kali afuna khandi abatiisa abeeki bangi okhukhira Yokana,
\v 2 asyakhaba mbo mu masima Yesu sinje owali abatiisa, naye abeeki baye.
\v 3 Omwami nikamanya sino, katula e Buyudaaya kakowolayo lundi e Galiraaya.
\v 4 Wunaanu kali ali no’khubitira mu Samaliya.
\v 5 Manu keecha musiko mu Samaliya esilangiwa Sukali, ambi nende endalo Yakobo yikali naweye omusyani waye Yosefu.
\v 6 Omwaalo Kwa Yakobo kwaliyo, ne Yesu, no’wujjoηηu wukali nawo mulukendo, kekhala assi amwaalo. Yali ambi esaawa yo’mukaaga.
\v 7 Omukhasi mu Samaliya ne keecha okhudaya amaachi, Yesu kamuwoola ati, “Wakhambakho esyo’khunywa?”
\v 8 (Abeeki baye bali bachiye mu siko okhukula ebyo’khulya.)
\v 9 Omukhasi mu Samaliya kamuwoola ati, “Oli Omuyudaaya nange ndi omukhasi omusamaliya. Onyala otye onkhunsaba esyo’khunywa?’’ (Olwokhuba Abayudaaya sibakholagana nende Abasamaliya.)
\v 10 Yesu kamukowolamo ati, “Oba niwamanya esiyanwa sya Weere nende oyo oli khu khusabaanga esyo’khunywa, wakhamusabire khandi kakhakhuweye amaachi akowulamu.”
\v 11 Omukhasi kawoola ati, “Omwami,” “Owuma siitu syo’khudayira khandi omwaalo muleeyi assi. Amaachi ko’wulamu kano onakatuse yena?
\v 12 Ewe okhirakho Seefwe Yakobo, owatuwa omwaalo khandi omweene kakunywamo, nende abasyani baye nende ebyaayo byaye na’mayicho kaye?”
\v 13 Yesu kakowolamo ati, “Nawuli onywa khu maachi kano aliba no’wuluwo khandi,
\v 14 naye nawuli onywa amaachi kaamuwa syaliwulira wuluwo khandi, mumasima, amaachi kamuwa kaliba ensulo mu’ye akakhulukusa okhwoola mu wulamu owutawawo.”
\v 15 Omukhasi kamuwoola ati, “Omwami, mberese amaachi kano nkhaye okhuba no’wuluwo khandi nakame okhwichaanga ano okhudaya amaachi.”
\p
\v 16 Kamuwoola ati, “Cha, olaange wamwo omale okowole.’’
\v 17 Omukhasi kakowolamo ati, “Mbuma wamwange.” Yesu kamuwoola ati, “Oli mutuufu nuwoola oti owuma wamwo.
\v 18 Esituufu siri siiti, wali kho nende bawamwo bataanu, no’musaacha yoli naye wunaanu wuno khaba siwawo. Siwakhalomaloma situufu syeene.”
\p
\v 19 Omukhasi kawoola ati, “Omwami,” “Ndi okhuwona nti oli Nnabbi.
\v 20 Ba sefwe bekalikhiriranga khu lugulu luno, naye enywe Abayudaaya muwoola muuti esifwo sikhuteekwa okhwekalikhiramo siri mu Yerusaalemi.”
\v 21 Yesu kaatukhirisa ati, “Fukiirira bimboola, mukhasi ewe, esikha siicha okhwoola lumutakhekalikhire senywe khulugulu luno oba Yerusalemi.
\v 22 Enywe aba Samaliya mwekalikhira bimutamanyire; efwe khwekalikhira bikhumanyire, olwokhuba okhuwonesewa khutula mu ba’Yudaaya.
\v 23 Naye esikha siicha okhwoola ni khandi syolire abekalikhira abatuufu lu balyekalikhira ssaawe mu mwoyo na masima, olwokhuba nje abekalikhira mungira saawe yakoonya.
\v 24 Weere mwoyo, na abamwekalikhira bateekwa okhumwekalikhira mu mwoyo nende mu masima.”
\v 25 Omukhasi kawoola ati, “Manyire nti Mesaaya” (olangiwa Kurisito) keecha. Ne nikeecha, kakhatuwoolere ebitu byoosi.”
\v 26 Manu Yesu kalangirira ati, “Ese olomaloma nawe yuli niise oyo.” Abeeki Bakowola Khu Yesu Khandi.
\p
\v 27 Awene na’weene abeeki bakowola manu bawuka okhumuwukana nalomaloma no’mukhasi. Naye yiwuma owateeba ati, “Odakha siina?” Oba “Lwasiina olomaloma naye?”
\p
\v 28 Manu, omukhasi kalekha awo ensoongo yaye, kakowolayo mu siko kawolera abatu ati,
\v 29 “Mwiiche, muwone omusaacha wumboleye ebiitu byoosi binakhakholakho. Ono anyala okhuba ninje Kurisito?”
\v 30 Batula erwanyi wesiko bachaaka olukeendo okhucha yaali.
\p
\v 31 Awene awo abeeki baye bamukhubbirisa baati, “Rabbi, lyakho esiitu.”
\v 32 Naye kabawoolera ati, “Ndi nende eby’okhulya binyala okhulya bi’mutamanyire.”
\v 33 Manu abeeki baye bemonya abene nabeene baati, “Anyala okhubaawo omuleteeye ebyo’khulya?”
\v 34 Yesu kawoola ati, “Ebyo’khulya byange,” “Nje okhukhola esyo owa’ntuma sikantuma nokhumalirisa omulimo kwaye.
\v 35 Simuwoola muuti, ‘Yisisikaaye emyeesi chine khwole khu kessa?’ Mbawolera, mwikule emoni chenywe muwone endaalo! Cholire echo’khukessa.
\v 36 Nende wunanu okessa afuna omusaara kwaye, nende wunanu okessa akessa esirime olwo’wulamu wutawawo, kho omutaaki nende okesa basangaalire alala.
\v 37 Olukaado luwoola luuti, ‘Owundi ataaka no’wundi akessa’ lutuufu.
\v 38 Nabatuma okhukessa bimutakholera. Abandi bakhola omulimo okwamaani, nanywe mwafuna mu maani kaawe.” Abasamaliya Bangi Bafukiirira.
\p
\v 39 Bangi khu ba Samaliya okhutula mu siko bamufukiriramo khulwo’wujjulisi wo’mukhasi, “Kamboolera ebiitu byoosi binali nakholakho.”
\v 40 Manu Abasamaliya nibeecha yaali, bamukhubbirisa amenye nabo, kamenya endaalo chibiri.
\v 41 Manu khu lwe’mboosi chaye bangi beene baba abafukiirira.
\v 42 Bawoolera omukhasi baati, “Sikhusifukiirira okhweema khu biwawoola; wunaanu khwe’wuliriye abene, manu khumanyire khuuti omusaacha ono masima nje omuwoniya we syalo.”
\s Yesu Awoniya Omusyani Wo’mukhongo
\p
\v 43 Endaalo chibiri echo nichabitawo kacha e Galiraaya.
\v 44 (Wunaanu Yesu omwene kali kekesiise ati Nabbi syaba no’luyaali musyalo syaye syene).
\v 45 Nikoola mu Galiraaya, aba Galiraaya bamusangaalira. Bali bawene bikali nakholire mu’Yerusalemi khu muyumo kwa Pasaka, olwokhuba boosi baliyo.
\v 46 Ekhabi lindi kakeniya khandi mu Kaana esye Galiraaya, yikali nakalukhaniisiye amaachi okhuba efwinyo. Manu yaliwo omukhongo wo mwene’ngo owali nende omwana mulwaye mu Kaperunaumu.
\v 47 Omusaacha ono nikawulira mbo Yesu kali kolire mu Galiraaya okhutula mu Buyudaaya, keecha yali kamusaba ache awoniye omusyani waye, owali ambi okhufwa.
\v 48 Yesu kamuwoola ati, “Okhutusakho nga batu enywe nga muwene owuwonero we bya mayiya ne’biwukya,” “Simu’lifukiirira bbe.”
\v 49 Omukhongo wo mwene’ngo kawola ati, “Omwami, yikhirira omwana wange na’tafwa.”
\v 50 Yesu kakowolamo ati, “Onyala okhucha. Omusyani wawo anaabe mulamu.” Omusaacha kayira emboosi ya Yesu kawawo.
\v 51 Nikali nasiiri khungira, abakhosi baye bamuwukanira namawulire baati omusyani waye kali mulamu.
\v 52 Nikateberesa okhumanya ebikha omusyani waye bikaberamo wulayi, bamuwoolera baati, “Omusujja kwamuweyekho ekulo khu saawa yo’musanfu.”
\v 53 Manu simwana kasimanya ati sino nje esikha syene Yesu sikali namuwoleye ati, “Omusyani wawo anaabe mulamu.” Manu ye nende abomudaala lyaye bafukiirira.
\p
\v 54 Sino nje esyali esyamayiya esyo’khubiri esya’khawonero Yesu sikakhola, nikakhatula e Buyudaaya okhucha e Galiraaya.
\c 5
\p
\v 1 Esikha nisyabitawo, Yesu kanina kazcha eYerusalemi khu muyumo kwa Bayudaaya.
\v 2 Wunaanu aliwo mu Yerusalemi ambi nende esiriwa sya makoondi esidiba sya’maachi, esilangiwa mulwe Bulaniya siiti Basesuda khandi esyewodokhanisiiwa na’matakoola kataanu akalikho ebirama.
\v 3 Ano abatu bangi abatenyala bakonaangawo__ Abawofwu, abalema, ababbaangalala, (abalindanga amaachi:
\v 4 Olwokhuba malayika wa Weere kekhanga ebikha bindi mu sidiba nabiiryuusa amaachi: nawuli wekhiriranga okhwingiramo, amaachi nikabiiryukhire, kawonesewanga owulwaye woosi wu’kalingi nawo.
\v 5 Mulala owali awo kali kakhalwalira emyaka amakhumi kadatu nende munana.
\v 6 Yesu nikamuwona nakonire awo khandi nga kasimanya ati kali mu mbera yino embaka endeeyi, kamuteeba ati, “Odakha okhuba wulayi?”
\v 7 Omulwaye kakowolamo ati, “Omwami”, “Mbuma mutu onanjeede okhucha mu’sidiba amaachi nikabiiryukhire, ningesakho okhwiingira omutu wundi kanekherera emutwe.”
\v 8 Manu Yesu kamuwoola ati, “Singira! Wukula omukeka kwawo okende.”
\v 9 Awene na’weene omusaacha kawona; kawukula omukeka kwaye kakenda. Oludalo sino lusya’berawo lwali lwe Ssabiiti,
\v 10 manu Abayudaaya bawoola omusaacha owawonesewa baati, “Lwa Ssabiiti; erako likhulobera okhukinga omukeka kwawo.”
\v 11 Naye kakowolamo ati, “Omusaacha wambonisye kambooye ati, ‘Wukula omukeka kwawo okende.’”
\v 12 Manu bamuteeba baati, “Nje naanu ono okhuwooye okuwukule manu okende?”
\v 13 Omusaacha wali nawonisiiwe bya’mukhaya okhumanya oba kali naanu olwokhuba Yesu kali amalire okhwingira mu sidiikha esyali awo.
\p
\v 14 Olunyuma Yesu kamuwukana khunyumba ya Weere kamuwoola ati, “Wona, oli mulamu khandi, yakama okhukholanga owubi kho esikhirawo owubi sikhaye okhukhwekholakho.”
\v 15 Omusaacha kacha kawawo, kacha kawoolera Abayudaaya ati kali Yesu owamuwoniya.
\s Owulamu Okhubitira Mu Mwana
\v 16 Manu, olwokhuba mbo Yesu kali akholera ebitu bino khulwa Ssabiiti, Abayudaaya ba musandya.
\v 17 Yesu kabawolera ati, “Bbabba kamenya khumulimo kwaye nokhwola olwalero luno, nende esse ssesi, ndi okhukhola.”
\v 18 Khulwasino Abayudaaya bameedamo amaani okhukesakho okhumwita; sikali okhukhalaka essabbiti yo’nηene, naye kali alanga Weere okhuba latanηηene mwene, nikekhola mbo kakana nende Weere.
\p
\v 19 Yesu kabakowolamo ati, “Mbawolera amasima, Omwana awuma syanyala okhukhola omwene, anyala okhukhola esyo’syonηηene syawona simwana nakhola, olwokhuba nawuli simwana syakhola no’mwana yesi asikhola.
\v 20 Olwokhuba simwana adakha omwana khandi amwekesa byoosi byakhola. Eee, okhubawukya alimwekesa ata ebitu bikhongo ebikhira bino.
\v 21 Olwokhuba nga simwana nasingiisa abafwiye kabawa owulamu, siityo no’mwana awa owulamu eyiri oyo yasangaliiye.
\v 22 Simwana nga natakhengera yeesi omusango, naye kesika omwana mukhukhenga emisango choosi,
\v 23 Manu boosi bate oluyaali mumwana nga nibata mu simwana. Otata oluyaali mu mwana syata oluyaali mu simwana, owamutuma.
\v 24 “Mbawolera amasima, nawuli owulira emboosi yange khandi kafukirira mu wantuma ali nende owulamu owutawawo khandi salikhengerwa omusango okhumukhira; atumirewo okhutula mukhufwa kaacha mu wulamu.
\p
\v 25 Mbawolera amasima, esikha siicha khandi simalire okhwoola abafu lubaliwulira ekkono lyo mwana wa Weere ne abo abawulira baliba balamu.
\v 26 Olwokhuba nga simwana lwali no’wulamu mu ye omwene, siityo ateeye mu mwana owulamu okhumubaamo omwene.
\v 27 Khandi omwene owunyala okhukhenga emisango olwokhuba nje omwana wo mutu.
\v 28 Mutesiindukha khu sinno, olwokhuba esikha siicha abali mubirindwa byawe lubaliwulira ekono lyaye
\v 29 batula erwanyi – abo abakholaanga ebirayi balisyukhirira owulamu, ne abo abakholanga owubi balisyukhirira omusango.
\v 30 Khulwange omwene yiwuma sinyala okhukhola; nkhenga omusango wusa nga nimbulira, nokhukhenga khwange khwamasima, olwokhuba sindakha okhwesangasa omwene okhutusakho oyo owantuma. Owujjulisi Owudiira Khu Yesu.
\p
\v 31 “Ninekholakho owujjulisi esse omwene, owujjulisi wange wuwuma amakhuluutu.
\v 32 Yiriyo owundi ojjulira nikangwira, khandi nga manyire nti owujjulisi waye khwiise wulimo amakhuluutu.
\v 33 “Mwalakiirisa Yokana manu atusiise owujulisi owutufu.
\v 34 Okhulekha mbo nfukirira owujjulisi wo wutu; naye esse nsitumbuula kho mube nga muwonesewa.
\v 35 Yokana kali taara lyadukha khandi erimulikha, manu mwakhengawo olwe’sikha sitono okhusangaalira owulafu waye.
\v 36 Esse ndi nende owujjulisi owusito owukhirakho owa Yokana. Olwokhuba emirimo chene chi Bbabba kamba okhumalirisa, khandi chiindi okhukholanga, chekesa chiiti Bbabba kantuma.
\v 37 Ne Bbabba owantuma omwene awa owujjulisi khubindiirakho. Simuwulirangakho ekkono lyaye oba nga lwafana,
\v 38 ata ne’mboosi yaye siyikhalangakho mwinywe, olwo’khuba simufukiirira oyo yikatuma.
\v 39 Musoma ebyawandiikiwa no’khwegenderesa khungi ni mubasa muuti mu’byo mufuna owulamu owutawawo. Bino nje ebyawandiikiwa ebijjulira khwiise,
\v 40 ne mukhaya okhwicha yiindi okhufuna owulamu.
\p
\v 41 Sinfukirira batu okhunginiya,
\v 42 naye mbamanyire. Manyire nti muwuma khudakha khwa Weere, mu myoyo chenywe.
\v 43 Niichire muliita lya Bbabba, ne simunfukirira; naye owundi yesi nikecha muliita lyaye, omwene mwakhamufukirire.
\v 44 Munyala mutye okhufukirira okhukinisiwa okhutula khu bene na’beene, ne si mutayo omwoyo okhufuna okhukinisiwa okhwo okhutula eyiri Weere oli mulala ye’nηηene?
\p
\v 45 “Naye mutabaasa muuti, nja okhubawabira eyiri Bbabba. Omuwabi wenywe nje Musa, yi mwatakho esubira chenywe.
\v 46 Muba nimwafukirira Musa, mwankhanfukiriye Ssesi, olwokhuba kambaandikakho.
\v 47 Ni nga nimutafukirira bikawandiika, munanyale mutye okhufukirira bimboola?” Yokana
\c 6
\p
\v 1 Esikha sitono nisibitire, Yesu kambukha kaacha engerekha we nyanja ye Galiraaya (eyo nje nyanja ya Tiberiya),
\v 2 manu okudiikha kwa’batu kwa’mulondakho olwokhuba bawona owuwonero wa mayiiya wukali nakholire khu balwaaye.
\v 3 Manu Yesu kaniina khu luwande lwo’lugulu kekhala assi nende abeeki baye
\v 4 Omuyumo kwa Bayudaaya okwa Pasaka kwali ambi okhwoola.
\v 5 Yesu nikasingisa emoni kawona okudiikha nikwiicha yali, kawoola Firipo ati, “Khunakule yena emigaati okhuliisa abatu bano?”
\v 6 Kateeba sino okhumuleba wusa olwokhuba mu mwoyo kwaye kali omwene amanyire sikali naacha okhukhola.
\v 7 Firipo kamukowolamo ati, “Ata omusaara kwe myeesi munaana sikunyala khumala okhukula emigaati nawuli mutu kanyala okhulumakho!”
\v 8 Owundi khu beeki baye, Andereya, mwanaηηina Simoni Petero, kalomalomera amukulu ati,
\v 9 “Aliwo ano omusyani oli nende otugaati tutaanu nende otuηηeeni tubiri otutono naye tunatwoose yeena khu wungi wa’batu wuno?
\v 10 Yesu kawoola ati, “Mwikhase abatu assi.” Musifwo esyo aliwo owunyaasi wungi, manu abasaacha bekhala assi, aboola ambi elifu chitaanu.
\v 11 Manu Yesu kawukula emigaati, kebassa kachikabaniyamo abo abali nibekhaaye balya nga nibali nibadakha. Kakhola atyo nasirala nende eηηeeni.
\v 12 Manu bosi boosi nibali nibaliye nibekutire, kawoola abeeki baye ati, “Muwuuse ebikhalichikhire¬. ebisikaaye atabaawo esinyaasikha.
\v 13 Manu bawuusa bechusa ebidubi ekhumi na’bibiri ebikhalichikhire bye migaati chitaanu ebisikaaye khu bibali nibaliiye.
\p
\v 14 Abatu nibamala okhuwona owuwonero we bya’mayiiya Yesu bikakhola, bachaaka okhuwoola baati, “Masima ono nje nabbi ocha okhwiicha mu syalo.”
\v 15 Yesu nikamanya ati badakha okhumufuula Omwene’ngo kwa’maani, katulawo lundi kaacha khu lugulu kaba eyo ayeηηene.
\s Yesu Akenda Khu Maachi.
\p
\v 16 Engolobe niyoola, abeeki baye bekhirira baacha khu nyaaja,
\v 17 yibengirira mu lyaato bambukha okhucha e Kaperenaumu. Ebikha ebyo syali siirema, ne Yesu kali asiiri okhubekhubbaniyamo.
\v 18 Embuunga ya’maani yali yiwuucha na’maachi ni kasiikhukhire.
\v 19 Nibali bakhafukakho mairo chidatu oba chidatu nesitundu, bawona Yesu nikeecha eyiri eryato mubali, nakendera khu maachi; manu batya lukali lwene.
\v 20 Naye kabawoola ati, “Niise; mutatya.”
\v 21 Awo bali bafukiriye okhumwiingisa mulyato ne eryato lyecha lyoola wangu khusikobero yibali nibacha.
\p
\v 22 Oludaalo lwalondakho esidiikha esyali nisiri khuluwande lundi olwenyanja beecha bamanya baati yaliyo eryato lala lyo’ηηene ne khandi Yesu sikali nalingiiyemo n’abeeki baye, ne bali baweyewo boηηene.
\v 23 Manu amaato kandi okhutula e Tiberiya kakoba ambi nende esifwo abatu yibali nibaliriiye emigaati Omwami chi kakawula namalire okhwebasa.
\v 24 Esidiikha nisyamanya siiti Yesu nende abeeki baye sibaliyo, bengira mu maato baacha e Kaperenaumu nibakoonya Yesu. Yesu Omugaati Kwo’wulamu.
\p
\v 25 Nibamuwukaana khu luwande lundi olwe’nyanja bamuteeba baati, “Rabbi ano wolirewo liina?”
\v 26 Yesu kabakowolamo ati, “Mbawoolera amasima; muli okhungoonya, si lwokhuba nti mwawona owuwonero wa mayiiya wunakhola naye olwokhuba mwalya emigaati mweekutta.
\v 27 Mutakholereranga ebyo’khulya ebinyasikha wusa, naye mukholererenge ebyo’khulya ebiyiindira okhwola khu wulamu owutawaawo, Omwana Wo’mutu walibayeresa, olwokhuba oyo Weere seefwe nje yikatakho akhawonero akhamwomiisa.
\p
\v 28 Beecha bamuteeba baati, “Khuteekwa okhukhola siina okhukhola Weere byadakha?”
\v 29 Yesu kakowolamo ati, “Omulimo kwa Weere nje kuno: okhufukiiririra mu oyo yikatuma.”
\v 30 Ne bamala bamuteeba baati, khawonero khamayiiya siina kholitusa khwawona kho khwakhufukiirira? Olikhola siina?
\v 31 Ba kuuka yefwe balya emmaanu musibbarara; nga nisyandiikiwa: ‘kaabawa omugaati okhutula mwikkulu okhulya.’’’
\p
\v 32 Yesu kabawoola ati, “Mbawolera amasima, siinje Musa obayeeye omugaati okhutula mwikkulu, naye nje Bbabba obaweresa omugaati okwa masima okhutula mwikkulu.
\v 33 Olwokhuba omugaati Kwa Weere nje oyo owiikha assi okhutula mwikkulu kawa esyaalo owulamu.”
\p
\v 34 Bawoola baati, “Omwami,” “Okhuchazka no’lwalerero tuwe omugaati kuno.”
\v 35 Manu Yesu kalangirira ati, “Niise omugaati kwo’wulamu. Oyo owiicha yiindi syalirumwa njala, nende oyo owunfukiiriramo syaliwulira owuluwo.
\v 36 Naye nga ni nabawoolera, mu mbweene ne khandi lwoosi simunfukiirira.
\v 37 Ebyo byoosi Bbabba bikaamba byakheche yiindi, nende nawuli wiicha yiindi sindimwiirusya.
\v 38 Olwokhuba neecha okhutula mwikkulu owutakhola byange khuwange naye okhukhola oyo owantuma byadakha.
\v 39 Ne sino nje owantuma syadakha, ati nkhaye okhukosyakho ata silala khu bikambeye naye mbasiingise amukulu khuludaalo lusembayo.
\v 40 Olwokhuba okhudakha khwa Bbabba khuli mbo nawuli otingaala khu mwana khandi kamufukiirira aliba no’wulamu owutawaawo, khandi ndibasiingisa amukulu khuludaalo lusembayo.”
\p
\v 41 Khu sino Abayudaaya bachaaka okhumweηηuluηηunyakho olwokhuba kawoola ati, “Niise omugaati kwecha okhutula mwikkulu.”
\v 42 Bawoola baati, “Ono sinje Yesu, omwana wa Yusufu, simwana nende ηηina bakhumanyire? Lwasiina wunaanu anyaala okhuwoola ati, “Neecha assi okhutula mwikkulu?”
\v 43 Yesu kakowolamo ati, “Mulekhe Okhweηηuluηηunya abene na’beene.”
\v 44 “Yiwuma onyala kecha yiindi okhutusakho nga Bbabba owantuma amusudya yiindi, ne khandi ndimusiingisa amukulu khu ludaalo lusembayo.
\v 45 Syawandiikiwa mu ba nnabbi siiti: “Balisomesewa boosi nende Weere.” Nawuli otekeresa Bbabba khandi kamwekerakho keecha yiindi.
\v 46 Yiwuma owawonakho Bbabba okhutusakho oyo owatula eyiri Weere yeηηene; oyo yenηηene nje owawona Bbabba.
\v 47 Mbawolera amasima, oyo ofukiirira ali no’wulamu owutawaawo.
\v 48 Niise omugaati kwo’wulamu.
\v 49 Ba kuuka yenηηwe balya emmaanu okhutula mu sibbarara, ne bafwa.
\v 50 Naye ano aliwo omugaati okutula mwikkulu, omutu kwanyala kalya kakhaya okhufwa.
\v 51 Niise omugaati mulamu okweekha assi okhutula mwikulu. Yeesi olya khu mugaati kuno, alibawo endaalo ne’ndaalo. Omugaati kuno nje omubiri kwange, kundiwayo khulwe’syalo.”
\p
\v 52 Manu Abayudaaya ni bachaaka okhuyiingana lukali abene na’beene, nibawoola baati, “Omusaacha ono anyala atye okhutuwa omubiri kwaye okhulya?”
\v 53 Yesu kabawoola ati, “Mbawolera amasima, okhutusakho nga mulya omubiri kwo mwana W’omutu khandi mwanywa amabanga kaye, muwuma owulamu mwinywe.
\v 54 Nawuli olya omubiri kwange khandi kanywa amabanga kange ali no’wulamu wutawaawo, khandi ndimusiingisa amukulu khu ludaalo lusembayo.
\v 55 Olwokhuba omubiri kwange nje ebyo’khulya byene ne amabanga kange nje esyo’khunywa syene.
\v 56 Nawuli olya omubiri kwange khandi kanywa amabanga kange asikala mwiise, khandi ssesi mu ye.
\v 57 Manu nga Bbabba mulamu nikantuma khandi ndiwo khu lwa Bbabba, ne siityo owundyaakho kakhabewo khu lwange.
\v 58 Kuno nje omugaati okwekha okhutula mwikkulu. Ba kuuka yenywe balya emmaanu bafwa, naye oyo olya khu mugaati kuno kakhabewo endaalo choosi.”
\v 59 Kalomaloma sino nikali nasomesa mu nyumba ya Weere mu Kaperenaumu.
\s Abeeki Bangi Bekhenga Khu Yesu
\p
\v 60 Nibawulira sino, bangi khu beeki baye bawoola baati, “Khuno khusomesa khudinyu. Naanu onyala okhusifukiirira?”
\v 61 Nikamanya ati abeeki baye bali okhweηηuluηηunya khu sino, Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale!
\v 62 Yesu kabawoola ati, “Sino sibayira wubi? Ne nimuliwona omwana w’Omutu naniina okhucha yikalingi khale!
\v 63 Omwoyo kukaba owulamu; omubiri yiwuma sikukhola. ‘Emboosi chimbalomalomeye chino nicho omwoyo khandi nicho owulamu.
\v 64 Ate nga aliwo abandi khwinywe abatafukiirira.” Olwo’khuba Yesu kali amanyire okhutula khale ba naanu khu abo abali nibatafukiirira khandi nende oyo owali wo’khumulyaamo olukhwe.
\p
\v 65 Kemeeda okhuwoola ati, “Sino nje esyakira ni mbawolera nti yiwuma onyala okhwiicha yiindi okhutusakho nga Bbabba amunyaliiye.”
\p
\v 66 Okhuchaaka esikha sino bangi khu beeki baye bakowola enyuma nga sibasimulonda.
\v 67 Yesu kateeba ekhumi na’babiri ati, “Mwesi mudakha okhundekha?”
\v 68 Simoni Petero kamukowolamo ati, “Omwami, khunache eyiri naanu? Oli nende emboosi cho wulamu owutawaawo.
\v 69 Khufukiirira khandi khumanyire khuuti niiwe omwolerefu mwene wa Weere.”
\v 70 Manu Yesu kakowolamo ati, “Esse khaba sinabangala, ekhumi nababiri? Ate nga mulala khwinywe, setani!”
\v 71 (Kali awoola Yuda, omusyani wa Simoni Isikaraoti, ata, nikali mulala khu ekhumi na’babiri, lunyuma kali wo’khumulyaamo olukhwe.]
\c 7
\p
\v 1 Ebyo nibiweeye, Yesu kewodookhaniya mu Galiraaya, nga esichiririrwa adakha abe ale nende Buyudaaya olwokhuba Abayudaaya eyo bali baliindire okhumalawo owulamu waye.
\v 2 Naye omuyumo kwe si Yudaaya okwe bikaali nikwali nikunatere okhwoola,
\v 3 bamwanaηηina Yesu bamuwoola baati, “Okhoyire otule ano ache mu Buyudaaya, kho abeeki bawo banyale okhuwona ebya mayiiya byokhola.
\v 4 Yiwuma odakha okhufumwa lukali okhola ebiitu muwekisi. Nga nuli okhukhola ebiitu bino, weyekese eyiri esyalo syoosi.”
\v 5 Olwokhuba nende ata bamwanaηηina beene sibamufukiiriramo.
\v 6 Nolwesyo Yesu kabawoola ati, “Esikha syange esituufu sitoola; khu lwenywe esikha syosi syoosi situufu.
\v 7 Esyalo sisinyala khubakhaya, naye siinkhaya ese olwokhuba njulira nti esyalo bisikhola bibi.
\v 8 Enywe muche khu muyumo. Ese nsiiri okhwoola okhucha khu muyumo, olwokhuba khu lwange esikha sisiiri okhwoola.”
\v 9 Nikamala okhuwoola sino, kasikala mu Galiraaya.
\p
\v 10 Ne, bamwanaηηina nibamalire okhucha khu muyumo, yesi kacha, ne sikachiira alafu, kacha muwekisi.
\v 11 Wunaanu khu muyumo Abayudaaya bakhuluutu batingachala nibateeba baati, “Omusaacha oyo ali yena?”
\v 12 Mubidiikha aliwo okhuwewetana khukali khu ye. Abandi bawoola baati, “Musaacha mulayi.” Abandi bakowolamo baati, “Bbe, abacha abatu.”
\v 13 Naye yiwuma wamulomalamakho esiitu alafu nalafu olwokhutya Abayudaaya.
\s Yesu Asomesera Khu Muyumo
\p
\v 14 Omuyumo nikwali nikwolire akati, kho Yesu kacha mulwanyi lwe nyumba ya Weere kachaaka okhusomesa.
\v 15 Abayudaaya bawuka bateeba baati, “Omusaacha ono kafuna atye amakesi kaati ate nga sikasoma?”
\v 16 Yesu kakowolamo ati, “Okhusomesa khwange si khwange esse omwene. Khutula eyiri oyo owantuma.
\v 17 Oyo yeesi okhengawo okhukhola Weere byadakha, kakhafumbule oba okhusomesa khwange khutula eyiri Weere nawo nomaloma khulwange simweene.
\v 18 Oyo olomaloma omwene khulwaye akhola atyo okhwefunira oluyaali omwene khulwaye, naye oyo okhola khu lwo’luyaali lwo’yo owamutuma mutu wa masima; yiwuma sibi khu ye.
\v 19 Musa si kabawa amalako? Ate nga yiwuma mulala khwinywe oliinda amalako. Lwasiina mukesakho okhunjitta?”
\p
\v 20 Esidiikha syakowolamo siiti, “Olikho omusambwa.” “Nanu okesakho okhukhwiita?”
\v 21 Yesu kabawoola ati, “Nakhola esyamayiiya sirala, ne mwawuka.
\v 22 Ate nga, olwokhuba Musa kabawa okhukheba (asyakhaba mbo sisyatula eyiri Musa, naye eyiri ba kuuka yefwe), mukheba omwana khu lwa Ssabiiti.
\v 23 Wunaanu omwana nanyala kakhebewa khu lwa Ssabiiti kho amalako ka Musa kakhaye okhukhalakiwa, lwasiina muli ne’ttima nange olwokhuwoniya omutu mulamba khu lwa Ssabiiti?
\v 24 Mutakhenganga omisango okhwema khu mbonekha yoŋene, ne mukhengenge esituufu.”
\s Yesu Nje Kurisito?
\p
\v 25 Khulwe mboosi eyo abatu bandi khubo mu Yerusaalemi bachaaka okhuteeba baati, “Ono sinje omusaacha yibali nibakesakho okhwiitta?
\v 26 Nguno ali ano, alomaloma alafu n'alafu, naye nga yiwuma mboosi yibamuwoola. Abowunyala masima keene bamalirisiise baati nje Kurisito?
\v 27 Naye khumanyire omusaacha ono yatula; Kurisito naliicha, yiwuma olimanya yatula.”
\p
\v 28 Manu Yesu, nasisomesera mulwanyi lwe’nyumba ya Weere, kayula ati, “Eee, mu manyire, khandi mumanyire yintula. Sindi ano khulwange, naye oyo owantuma mutuufu. Simumumanyire,
\v 29 naye ese mumanyire olwo’khuba ntula yaali khandi kantuma.”
\p
\v 30 Khusino bakesakho okhumudiira, naye yiwuma owamutakho omukhono, olwokhuba ebikha byaye byali bisiiri okhwoola.
\v 31 Ne, bangi mu sidiikha ba’mutamo owesike. Bawoola baati, “Kurisito naye naliicha, alikhola owuwonero w’amayiiya wungi kakhira omusaacha ono?”
\v 32 Abafalisaayo bawulira esidiikha nisiweweetana ebiitu nga ebyo khu ye. Manu abemeresi bakhuluutu nende Abafalisaayo batuma abaliindi be’nyumba ya Weere okhumudiira.
\p
\v 33 Yesu kawoola ati, “Ndi nanywe olwesikha sitono syene, niimala nja eyiri oyo owantuma.
\v 34 Mulingonya, naye simuliimbona; ne khandi andi simunyala khwiichawo.
\v 35 Abayudaaya bawoolana abene na’beene baati, “Ena omusaacha ono yatekekha okhucha yikhutanyala khumuwona? Alicha abatu befwe yibasalanira mu Bayonaani, asomese Abayonaani?
\v 36 Siina sikekesa nawoola ati, “Mulingoonya ne simuliimbona; khandi simunyala khwiicha esse yindi?”
\p
\v 37 Khu ludaalo lusembayo khandi olukhongo olukhirira erala olwo’muyumo, Yesu kema manu kalomalomera mukono lya’mukulu ati, “Ni aliwo olumwa owuluwo, keche yiindi anywe.
\v 38 Nawuli wunfukiiriramo, nga esyawandiikiwa nisyakhawoola, ensulo cha’maachi kowulamu chiribisya nichimutulamo.”
\v 39 Okhuwoola sino kali kekesa Omwoyo, okwa bamufukiiriramo kubalifuna olunyuma. Okhwoola ebikha ebyo Omwoyo kali asiiri okhubaweewa, olwokhuba Yesu kali atawewa oluyaali.
\p
\v 40 Nibawulira emboosi chaye, abatu bandi bawoola baati, “Masima ono nje nabbi.”
\v 41 Abandi bawoola baati, “Nje Kurisito.” Ne abandi, beteeba baati, “Kurisito anyala atye katula mu Galiraaya?
\v 42 Esyawandiikiwa sisiwoola siiti Kurisito alitula mu lwiiwulo lwa Daudi khandi mu Beserekemu, esiko Daudi mukamenyanga?”
\v 43 Manu abatu bakawukhanamo khu lwa Yesu.
\v 44 Abandi badakha okhumudiira, naye yiwuma owamutakho omukhono. Owutafukirira Wa bemeresi Ba Bayudaaya
\p
\v 45 Esyakamayo abaliindi be nyumba ya Weere bakowolayo eyiri abemeresi bakhuluutu nende Abafalisaayo, ababateeba baati, “Lwasiina simumuleetire?”
\v 46 Abaliindi bakowolamo baati, “Yiwuma walomalomakho nga omusaacha ono lwalonaloma.”
\v 47 Abafalisaayo babakowolamo baati simwekesa siri nti mweesi ababachire?”
\v 48 Alikhowo omutukki yeesi mu Bafalisaayo owamufukiiriramo?
\v 49 Bbe! Naye esibbubbu sino esitamanyire malako balaame.
\p
\v 50 Nikodemu, owali nachiiye eyiri Yesu khale khandi owali owasyaawe, kateeba ati,
\v 51 “Amalako kefwe kakhengera omutu omusango nibatawulira siina syakhola?”
\v 52 Bakowolamo baati, “Wesi otula mu Galiraaya? Sitiingalemo, manu onawone oti nabbi syatula mu Galiraaya.”
\p
\v 53 Manu nawuli otula kacha ewaye.
\c 8
\p
\v 1 Naye Yesu kacha khulugulu lwe Seyituuni.
\v 2 Echuli mu mawiiwi kawonekha lundi mu lwanyi lwe’nyumba ya Weere, abekhuηηaniya bamwewodokhaniya, manu kekhala assi okhubasomesa.
\v 3 Abasomesa ba malako nende a Bafalisaayo bengisa omukhasi yibadiira nakhola owudaamba. Bamwemekha mu sidiikha.
\v 4 Bawoola Yesu baati, “Omwekesa, omukhasi ono kadiiriwa naali mu sikholwa syo wudaamba.
\v 5 Mumalako ka Musa katulagira okhukhubba amakina abakhasi nga bano. Wunaanu ewe owoola si?”
\v 6 Bali bakhosesa esiteebo sino nga okhumutekera, kho bakaane engira yo khu mufunaana. Naye Yesu kenama assi kachaaka okhuwandiika khu loba nolwaala lwaye.
\v 7 Nibachanakana nokhumuteeba, kekolola amukulu kabawoola ati, “Ni aliwo khwiinywe otaasi ne’sibi, nje oba kekherere okhumukhubba ekina.”
\v 8 Lundi kagunama kawandiika assi.
\v 9 Nibawulira sino, bachaaka okhuwawo syamulala, okhuchakira khu bakhuluutu beene, okhwoola Yesu lukasikala yeηηene, nomukhasi nikemire awo.
\v 10 Yesu kekolola kamuteeba ati, “mukhasiiwe, bali yena? Awuma omutu yeesi okhukhengeye omusango?”
\v 11 Omukhasi kakowolamo ati, “Yiwuna ata mulala, Omwami.” Yesu kawoola ati, “Ata Ssesi mbuma musango kukhukhengera.” “Wawo, wunaanu olekhe owulamu wawo owe sibi.”
\s Owukhakhaffu Wo’wujjulisi Wa Yesu
\p
\v 12 Yesu lundi nikalomalomera abatu kawoola ati, “Niise owulafu we syalo. Nawuli wunonda syalikendera mu siirema, naye alifuna owulafu wo wulamu.”
\v 13 Abafalisaayo bamuyinganiya baati, aha weyekesiise nga omujjulisi wawo omwene; owujjulisi wawo siwukhola.”
\v 14 Yesu kakowolamo ati, “Anakhaba nindi okhwetusira owujjulisi omwene owujjulisi wange wukhakhaffu, olwokhuba manyire yinatula lundi manyire yiinja. Naye enywe muwuma simumanyirekho yintula nende yiinja.
\v 15 Mukhengawo khulwowutu; Yiwuma mutu yinkhengera omusango.
\v 16 Naye niimba ninkhenga, binkhenga biba bituufu, olwo’khuba siindi seηηene. Neema nende Bbabba, owantuma.
\v 17 Mumalako kenywe abene syawandiikiwa mbo owujjulisi wa batu babiri wuba wukhakhaffu.
\v 18 Ese niise owejjulirakho omwene; omujjulisi wange wundi nje Bbabba owantuma.”
\p
\v 19 Manu beecha bamuteeba baati, “Latawo ali yeena?” Yesu kakowolamo ati, “Simumanyire ata nende Bbabba.” “Muba nimumanyire, mwakhamanyire nende Bbabba yesi.”
\v 20 Kalomaloma emboosi chino nasomesa mu nyumba ya Weere ambi nende ebiwanwa abyatewaanga. Ne yiwuma ata mulala owamudiira, olwokhuba ebikha byaye byali bisiiri okhwoola.
\p
\v 21 Yesu khandi keecha kabawoola ati, Mbwawo, ne mwakhangoonye, ne mulifwira mu sibi syenywe. “Yiinja, simunyala okhwichayo.”
\v 22 Sino syakira Abayudaaya bateeba baati, “Acha okhweyitta? Sakira awoola ati yiinja simunyala khwichayo?”
\v 23 Ne kemeeda ati, “Mutula assi ese ntula amukulu. Enywe muli besyalo sino; Ese siindi owesyalo sino.
\v 24 Nabawoolera nti mulifwira mu bibi byenywe; Nimutafukiirira muuti niise esyo sineranga, masima mulifwira mu bibi byenywe.”
\p
\v 25 Bamuteeba baati, “Niiwe naanu?” Yesu kakowolamo ati, “Esyo wusa simbeeye nineraanga okhutula khale.”
\v 26 “Ndi nabiingi ebyokhubawoolera mukhubakheengera. Naye oyo owantuma kesikikha, khandi simbuliye okhutula yali mboolera esyalo.”
\p
\v 27 Sibategeera baati kali abawoolera ebidiira khu simwana.
\v 28 Manu Yesu kawoola ati, “Nimulisiingisa amukulu omwana wo’mutu, kho mumanye muuti ndi esyo sineraanga okhuba, khandi nga yiwuma sinkhola simwene okhutusakho nomaloma wusa Bbabba sikansomesiise.
\v 29 Owantuma ali nange; sikandekhire seηηene, olwokhuba wuli sikha nkhola ebimusangaasa.”
\v 30 Manu nga nikalomaloma, bangi bamutamo enfukiirira yawe.
\s Abaana Ba Yibbulayimu.
\p
\v 31 Eyiri Abayudaaya abali nibamufukiiriramo, Yesu kawoola ati, “Nimwomiirira khu nsomesa yange, muli beeki bange beene.
\v 32 Manu mulimanya amasima, namasima kalibafula abalekhule.”
\v 33 Bamukowolamo baati, “Efwe khuli bechukhulu ba Yibbulayimu khandi sikhubaangakho abawambe bo mutu yeesi. Onyala otye okhuwoola oti khulilekhulwa?”
\v 34 Yesu kakowolamo ati, “Mbawoolera amasima, nawuli okhola esibi muwambe khu sibi.
\v 35 Wunanu omuwambe awuma sifwo syolubeerera muddala, naye omwana aba nasyo endaalo choosi.
\v 36 Manu omwana nakhulekhuula, olibeera erala omulekhule.
\v 37 Manyire nti muli bechukhulu ba Yibbulayimu. Ate nga muli betekefu okhunjitta, olwokhuba muwuma sisenge syo khutamo emboosi yange.
\v 38 Mbawolera binawona ali Bbabba, nanywe mukhola bimwawulira okhutula eyiri senywe.”
\p
\v 39 Bakowalamo baati, “Yibbulayimu nje Sseefwe.” Yesu kawoola ati, “Nimuba nimuIi abaana ba Yibbulayimu,” “Manu mwakhakholire ebiitu Yibbulayimu bikakhola.
\v 40 Nga nisiri, mu maliriiye okhunjita, omutu obawoleeye amasima ati nawulira okhutula eyiri Weere. Yibbulayimu sikakhola biitu nga bino.
\v 41 Mukhola ebiitu senywe mwene byakhola.” Bayingana nibawoola baati, “Efwe sikhuli baana berwanyi,” “Bbabba yikhuli naye yeηηene nje Weere mwene.”
\s Abaana Ba Setani
\v 42 Yesu kabawoola ati, “Weere kaba ninje Senywe, mwakhandakhire, olwokhuba natula eyiri Weere ne wunaanu ndi ano. Khaba sinecha khulwange; naye kantuma.
\v 43 Lwasiina olulimi lwange silutegerekhekha yimuli? Olwokhuba simunyala okhuwulira bimboola.
\v 44 Muli ba senywe, Setani, khandi mudakha okhukhola Ssenywe byadakha. Kali mwiiti okhutula mu khuchaka, owutomiirira khu masima, olwo’khuba yiwuma amasima mu ye. Naba nabacha, alomaloma olulimi lwaye lwene, olwokhuba mubacha khandi simwana wo’wubacha.
\v 45 Ate nga olwokhuba nomaloma amasima, simunfukiirira!
\v 46 Yiriyo omutu khwiinywe okhakhasa ati ndi no’musango kwe’sibi? Ninomaloma amasima, lwasi simunfukiiriramo?
\v 47 Oyo owa Weere awulira Weere byawoola. Esikira nimutawulira siri nti simuli ba Weere.”
\s Okhwekhakhasa Khwa Yesu Omwene
\p
\v 48 Abayudaaya bamukowolamo baati, “Sikhuba batuufu nikhuwoola khuuti oli mu Samaliya khandi olikho emisimu?”
\v 49 Yesu kawoola ati, “Mbumakho emisimu,” “Naye ese nta mu Bbabba oluyaali nanywe simuntamo oluyaali.
\v 50 Khaba siindi okhwekoonyera enfuma omwene; naye yiriyo oyikonya, khandi nje omukhengi we’misango.
\v 51 Mbawolera amasima, omutu yeesi odiira emboosi yange, syaliwona khu khufwa nawutono.”
\p
\v 52 Khusinno Abayudaaya besindukha, “Wunaanu khumanyiiye erala khuti olikho emisimu! Yibbulayimu kafwa nende ba nabbi boosi baatyo, mbo nowoola oti amutu yeesi odiira emboosi yawo, syalikhomba khu khufwa.
\v 53 Oli mukali okhukhira Sseefwe Yibbulaimu? Kafwa, nende ba’nabbi boosi baatyo. Weranga naanu?”
\v 54 Yesu kakowolamo ati, “Nineyeresa oluyaali omwene, oluyaali lwange luwuma makhuluutu. Laata yange, yimuwoola muuti nje Weere wenywe nje owumba enfuma.
\v 55 Amwakhaba ni’mutamumanyire, ese mumanyire. Ninakhawooye nti simanyire, nakhali mubacha nga enywe, naye mumanyire khandi ndiira emboosi yaye.
\v 56 Senywe Yibbulayimu kasangaalira esibaaso esyo’khuwona oludaalo lwange; kaluwona kaaba musangaafu.”
\p
\v 57 Abayudaaya bamuwoola baati, “Osiiri okhwosa emyaaka amakhumi kataanu echo’wukhuluutu.” “Ni khandi wawona Yibbulayimu!”
\v 58 Yesu kakowolamo ati, “Mbawolera amasima, Yibbulayimu nikali natewulwa, naliwo!”
\v 59 Khu’sino, badoola amakina bamukhubbe, naye Yesu kekisa, kanyololokhera erwanyi we’nyumba ya Weere. Yokana
\c 9
\p
\v 1 Nikali naacha, kawona omusaacha owewulwa ni muwofwu.
\v 2 Abeeki baye bamuteeba baati, “Rabbi, naanu owakhola esibi, omusaacha ono nawo abewusi baye, kho kewulwe ni muwofwu?”
\v 3 Yesu kawoola ati, “Omusaacha ono oba abewusi baye sinje abakhola esibi.” “Naye sino syekhola kho omulimo kwa Weere kuwonekhere mu wulamu waye.
\v 4 Nga owiire luwusiiri wesideete, khuteekwa okhukhola omulimo kwooyo owantuma. Owiire wiicha, omutu yeesi yatanyala okhukhola omulimo.
\v 5 Nindi mu syalo, niise owulafu we’syalo.”
\p
\v 6 Nikamala okhuwoola sino, kafucha khuloba, kakholamo edosi na’mate, kalita khu moni cho’musaacha.
\v 7 Kamuwoola ati, “Cha,” “Weyose mu diba lye Siloamu” (emboosi yino yekesa yiiti katuma). Manu omusaacha kacha keyosa, kakowola engo nawona.
\v 8 Abamusibirana nende abamuwonanga enyuma era nasabirisa bateeba baati, “Ono siinje omusaacha wekhalanga nasabirisa?”
\v 9 Abandi bawoola baati niye. Abandi bawoola baati, “Bbe, afwana wusa naye.” Naye omwene kataamirira ati, “Niise omusaacha ola.”
\v 10 Bamuteeba baati, “Ne wunaanu emoni chawo chekukha chiitye?”
\v 11 Kakowolamo ati, “Omusaacha yibalanga Yesu katawula edosi kalita khu moni change. Kamboola okhucha mu Siloamu neyose. Manu nacha neyosa, ninamala nachaaka okhu’wona.”
\v 12 Bamuteeba baati, “Omusaacha ono ali yeena?” kabakowoolamo ati, “Simanyire.”
\s Abafalisaayo Bakonyeresa Ebidiira Khu Khuwoniya Okhwo
\p
\v 13 Baleeta eyiri Abafalisaayo omusaacha owabanga omuwofwu.
\v 14 Manu oludaalo lu Yesu kakholeramo edosi kalimbusa emoni cho’musaacha lwali lwa Ssabbiiti.
\v 15 Nolwesyo Abafalisaayo bosi bamuteeba engeri yikafuniramo okhuwona khwaye. Omusaacha kakowolamo ati, “Kata edosi khumoni change,” “Nesaaba, ni wunaanu mbona.”
\v 16 Balala khu Bafalisaayo bawoola baati, “Omusaacha ono syatula ewa Weere, olwokhuba syadiira e’ Ssabbiiti” Ne abandi bateeba baati, “Omukhosi we’bibi anyala atye okhukhola ebya mayiya byowuwonero nga bino?” Manu bakawukhanamo.
\v 17 Mukhwakamyayo bakowola lundi eyiri omusaacha muwofwu bamuteeba baati, “Omulomalomakho si? Emoni chawo nje chikaliimbusa.” Omusaacha kakowolamo ati, “Nabbi niye.”
\p
\v 18 Lwoosi Abayudaaya khaba sibafukiirira baati kali muwofwu khandi kafuna okhuwona okhwoola lubatumisa abewusi bo’musaacha. Bateeba baati,
\v 19 “Ono musyani wenywe?” “Ono nje yimuwoola muuti kewulwa ni muwofwu? Ne wunaanu lwasiina awona?”
\v 20 Abewusi bakowolamo baati, “Khumanyire khuuti musyani wefwe, khandi khumanyire khuuti kewulwa nimuwofwu.”
\v 21 Ninga lwanyala okhuwona wunaanu, oba owakira kalimbukha, sikhumanyire. Mu’muteebe. Omwene mu’khuluutu; omwene anelomalomere.”
\v 22 Abewusi bawoola sino olwokhuba batya Abayudaaya, olwokhuba Abayudaaya bali bamalire okhukhengawo baati oyo yeesi ofukiirira ati Yesu nje Kurisito bakhamute erwanyi we’nyumba ya Weere.
\v 23 Esyo nje esyakira abewusi nibawoola baati, “Mukhuluutu, mu muteebe.”
\p
\v 24 Ekhabi lyo khubiri balanga omusaacha owali omuwofwu. Bawoola baati, “Yeresa Weere enfuma,” “Khumanyire omusaacha ono mukhosi we’bibi.”
\v 25 Kakowolamo ati, “Oba mukhosi we’bibi oba khaba, simanyire. Esitu sirala simanyire, nali muwofwu ni wunaanu mbona!”
\v 26 Bamuteeba baati, “kakhukholakho siina? Kekulawo atye emoni chawo?”
\v 27 Kakowolamo ati, “Malire khale okhubawoolera ne mukhayire okhuntekeeresa. Lwasiina mudakha khandi okhuwulira?
\v 28 Mudakha okhuba abeeki baye, mwesi?” Manu bamunyeka baati, “Oli mweeki waye! Khuli beeki ba Musa!
\v 29 Khumanyire khuuti Weere kalomaloma nende Musa, naye khu musaacha ono, sikhumanyire ata yatula.”
\v 30 Omusaacha kakowolamo ati, “Wunaanu sino syamakana! Simumanyire yatula ate nga kanimbusa emoni change.
\v 31 Khumanyire khuuti Weere sya’wuliirisa abakholi be’bibi. Awuliirisa omutu otya Weere okhola byadakha.
\v 32 Yiwuma owulirangakho okhwikuliwa khwe’moni cho’mutu owewulwa nimuwofwu.
\v 33 Omusaacha ono aba natatula eyiri Weere, yiwuma sikakhakholire.”
\v 34 Khusino bakowolamo baati, “Ewe wasukuniwa musibi niwakhewulwa; onyala otye okhutusomesa!” bamala bamusukuna erwanyi.
\s Owuwofwu Wo’mwooyo.
\p
\v 35 Yesu kawulira ati bamusukunire erwanyi, ne nikamuwukaana, kawoola ati, “Ofukiririra mu mwana wo mutu?”
\v 36 Omusaacha kateeba ati, “Nje naanu sebo? Mboolere manu nakhamufukiiriramo.”
\v 37 Yesu kawoola ati; “Wunaanu wakhamuwona; mu masima, nje oyo olomaloma nawe.”
\v 38 Omusaacha kawoola ati, “Omwami, nfukiirira,” manu kamwinamira.
\p
\v 39 Yesu kawoola ati, “Olwokhukhenga emisango neecha mu syalo muno, kho abawofwu baliwona ne abo abawona baliwofula.”
\v 40 Abafalisaayo bandi abali naye bawulira sino bateeba baati, “Siina? Feesi khuli bawofwu?”
\v 41 Yesu kawoola ati, “Muba nimwali abawofwu, simwakhali no’musango kwe sibi, naye wunaanu nga nimuwoola muuti munyala okhuwona, omusango kwenywe kusikala nikuliwo.”
\c 10
\p
\v 1 “Mbawolera amasima, omutu otengirira mumulyango kwesidwoli, naninira awuleka, mwibi khandi munyaka.”
\v 2 Noyo owingirira musiriwa nje omwayi wa’makoondi kaye.
\v 3 Omuliindi we’siriwa amwikulirawo, na’makoondi kamuwulira ekono lyaye. Alanga amakoondi wuli litula erita lyalyo kakatangiramo nakatusa erwanyi.
\v 4 Nakatusa kosi koosi akaye natangiramo kamulondakho khulwokhuba kamanyire ekkono lyaye.
\v 5 Ne amakoondi sikanyala okhulonda omutende, muwutuufu, kamwirukha khuba sikamanyire ekkono lyaye.”
\p
\v 6 Yesu kakhosesa esifananyi sino munomaloma, ne sibamala bamanya syawoola.
\v 7 Nolwesyo Yesu kakowolamo khandi ati, “Mbawolera amasima, nise omulyango kwa’makoondi.
\v 8 Abo boosi abantangirira okhwicha bali bebi khandi abanyaka, ni amakoondi sikabatekeresa.
\v 9 Nise omulyango; oyo owunyingiriramo aliwonesewa. Alingira khandi kaatula, khandi kakaana olwayiro.
\v 10 Omwibi keecha wusa okhwiba khwonηηene no’khwita, no’khunyasa; Nichire banyale okhuba no’wulamu, khandi mu’wichufu.
\p
\v 11 “Nise omwayi mulayi. Omwayi mulayi awayo owulamu waye olwa’makoondi.
\v 12 Omwayi wo’musaara syaba mwene makoondi. Sakira nawona ennani niriicha, kerukha kalekhawo amakoondi. Awo ennani niringira mu’makoondi likasalaniya.
\v 13 Oyo musaacha kerukha olwokhuba aba mutu wo’musaara okhukhira okhufwa khu makoondi.
\v 14 “Nise omwayi mulayi; manyire amakoondi kange kosi kaamanyire __
\v 15 Nga Bbabba lukaamanyire nga ntyo seesi nje lu mumanyire__ khandi mbayo owulamu wange olwa makoondi.
\v 16 Ndi na’makoondi kandi akatali ke’sidwoli sino. Nkhoyire kosi ngaleete. Kosi kamanye ekkono lyange, kafukhe kesidwoli sirala no’mwayi mulala.
\v 17 Esikira Bbabba nikandakha nje olwokhuba mbayo owulamu wange __ syoηene okhuwekowosera khandi.
\v 18 Awumawo owuntusakho, ne samwene mbwe’tusakho, khandi naba no’wunyala wo’khu wekowosera. Esilagiro sino nasifuna okhutula khu Bbabba.”
\p
\v 19 Khu lwe’mboosi chino, Abayudaaya khandi beecha bakawukhanamo.
\v 20 Bangi khubo bawoola baati, “Omusambwa kumuninire khandi akwiyekho eralu. Lwaasi khu mutekeresa?”
\v 21 Ne abandi bawoola baati, “Chino simboosi cho’mutu olikho omusambwa. Omusambwa kunyala kwawoniya omuwofwu?”
\s Owutafukirira Wa Bayudaaya.
\p
\v 22 Syola esikha syo’muyumo kwo’khulabya e’Yerusalemu. Byali bikha byetoocho,
\v 23 Yesu kali akenda mu nyumba ya Weere mu sisenge sya Sulemaani.
\v 24 Abayudaaya beecha ba’mwewodokhaniya, nibawoola baati, “Onatugumaase okhwoola liina? Noba niwe Kurisito, twekese alafu.”
\v 25 Yesu kabakowoolamo ati, “Nabawoolera, ne simufukirira. Ebya mayiya binkhola mu liita lya Bbabba binomalomera,
\v 26 naye simufukirira khuba simuli makoondi kange.
\v 27 Amakoondi kange kawulira ekkono lyange; ngamanyire, khandi kanoonda.
\v 28 Ngawa owulamu wutawawo, khandi sikalikota endaalo choosi; manu awumawo olinyala kakansikhulakho mu mukhono kwange.
\v 29 Bbabba, owakaamba, abakhira boosi; awuma yeesi onyala kakasikhula mu mukhono kwa Bbaaba.
\v 30 Ese nende Bbabba khuli sirala.”
\p
\v 31 Khandi aba Yudaaya bawukula amakina nibadakha okhumukhubba,
\v 32 naye Yesu kabawoola ati, “Mbekesise ebya magero bikhongo bingi okhutula eyiri Bbabba. Khu bino byoosi syamagero si esikira nimudakha onkhukhubba amakina?”
\v 33 Aba Yudaaya bakowolamo baati, “Sikhukhubba makina khulwebyo, naye khu lwo khufwotokheresa, Khulwokhuba ewe, omutu wutu, welanga okhuba Weere.”
\v 34 Yesu kabakowolamo ati, “Sisyawandiikiwa mu malako kenywe, ‘simulomalomanga muuti muli ba weere?
\v 35 Nikabalanga “ba Weere,’ emboosi ya Weere yiyatula__ ne emboosi yawandiikiwa yitanyala yakhalakiwa __
\v 36 Sibasitye eyiri oyo Weere (Bbabba) yikatekekha khulwaye kamutuma mu syalo? Lwasi munjolobya muuti neranga Weere khulwokhuba nawoola nti, ‘Ndi mwana wa Weere?’
\v 37 Mutafukirira bimbola okhutusakho nga nkholire Bbabba byakhola.
\v 38 Ne’ ninsikhola, nende mukaana okhunfukiriramo, mufukirire ebya magero, bimumanyire khandi bimutegeera muuti Bbabba kandimo, ni Ssesi mulimo.”
\p
\v 39 Khandi bakesakho okhumudiira, ni kabeyibakho.
\p
\v 40 Awo Yesu kakowolayo khulukerekha lwa Yoludani mu sifwo Yokana yikali abatisiranga mundaalo echatangira. Kabayo
\v 41 khandi abatu bangi beechanga ali. Nibawoola baati, “Nende Yokana sikakhola akhawonero khoosi akhamayiya, byoosi Yokana bikawoola khu musaacha ono byosi bituufu.”
\v 42 Ne khandi mu sifwo sino bangi bafukirira mu Yesu.
\c 11
\p
\v 1 Wunaanu omusaacha yibalanga Lazaaro kali mulwaye. Kali atula e Betani, khulukoongo Malyamu nende Malisa mwanaηηina mu’bali bamenya.
\v 2 Malyamu ono, mbochoηηene Lazaaro ebikha ebyo nga mulwaye khusitanda, nje owali kachukha amafuta kakhawowo khu makulu ko’mwami nakasimuuye ne’fwiri lyaye.
\v 3 Manu bambochoηηene bano bombi balakirisa emboosi eyiri Yesu baati, “Omwami, ola yoddakha mulwaye.”
\v 4 Ne Yesu nikawulira binno kawoola ati, “Owulwaye wuno siwunamutuliremo okhufwa. Khaba, khulwenfuma ya Weere, omwana wa Weere afumisiwe okhubitira mu’wulwaye owo.
\v 5 Yesu kadakha Malisa mwanaηηina Malyamu nende Lazaaro.
\v 6 Namawulire ko’khulwala khwa Lazaaro nikamwolakho, kasikala yikali endaalo chindi chibiri.
\p
\v 7 Namala awoolera abeeki baye ati, “Khukowoleyo ewu Yudaaya.”
\v 8 Ni bamuwoolera baati, “Rabbi,” “Embaka ntono yakhabitawo a Bayudaaya nibakesisekho okhukhukhubba amakina, khandi nje yukowola?”
\v 9 Yesu kabakowolamo ati, “Esaawa sichiri ekhumi na’chibiri eche’siddete? Omutu nakenda esideete sikekumula, khuba aba awona olwo’wulafu we syalo.
\v 10 Ne omutu nakenda esiro nje lu kekumula olwo’khuwuma owulafu.”
\p
\v 11 Nikamala okhubawolera bino, kemeeda okhubawolera ati, “Omwicha weffee Lazaaro akonire; ne njayo okhumusisimusa.”
\v 12 Abeeki baye bamukowolamo baati, “Omwami, naba nakona, keecha okhuba wulayi.”
\v 13 Yesu kalingi alomaloma khu khufwa khwaye, ne abeeki baye babaasa baati alomaloma khu khukona endolo cha nawuli ludaalo.
\v 14 Khu lwesyo kabawolera alafu ati, “Lazaaro afwiye,
\v 15 ne khulwo wulayi wenywe, bidekire byaba biityo nintaasiyo, kho munyale okhufukirira. Ni khuche yali.”
\v 16 Naye Tomasi (olangiwa Didimo) kawoolera abeeki basye ati, “Ffesi khuche, khufwire alala naye.”
\s Yesu Akumya Malyamu Nende Malisa
\p
\v 17 Yesu nikoola, kawukaana Lazaaro namalire endaalo chine munηηani.
\v 18 Bbesaniya syali ambi nende Yerusalemi mayiro echitoola chibiri,
\v 19 na Bayudaaya bangi bali bechire eyiri Malisa nende Malyamu okhuba’kumya olwo khufwirwa mbocho yawe.
\v 20 Malisa nikawulira ati Yesu keecha, kacha okhumwakanira, naye Malyamu kadonηa ango.
\v 21 Malisa kawolera Yesu ati, “Omwami,” “singa wali ano, mbocho yange sikakhafwiye.
\v 22 Ne manyire nti nende wunaanu Weere anakhuwe syosi syo’namusabe.”
\v 23 Yesu kamuwolera ati, “Mbochowo anasiingire khandi.”
\v 24 Malisa naye kamukowolamo ati, “Manyire keecha okhusiingira khu ludaalo lwo’khusyukhirirakho lula olwenjakamo.”
\v 25 Yesu kamuwoola ati, “Nise okhusyukhira khandi no’wulamu. Oyo offukiririra mwise keecha okhuba mulamu nende nafwa;
\v 26 Omulamu omufukiriramo sya’lifwa endaalo nendaalo, mufukirira bino?”
\v 27 Malisa kamukowolamo ati, “Eh, Omwami, nfukiirira niwe Yesu, omwana wa Weere, owali wo’khwicha mu syalo.”
\p
\v 28 Nikamala okhulomaloma chino, kakowolayo kalanga mwanawaηηina Malyamu khuntulo kawoola ati, “Omusomesa nguno ali ano,” ne khandi ali okhuteeba yoli.”
\v 29 Malyamu nikawulira bino, kasiingiraniramo kaacha yali.
\v 30 Awo, Yesu kali atola mu lukongo, kali asiri mu sifo Malisa yikamuwukaana.
\v 31 Aba’Yudaya abali nende Malyamu mu nyumba, nibamusasira, nibawona nasiingira mangu mangu natula erwanyi, bamuloonda, ni babasa mbo acha okhulirira khu ηηani.
\p
\v 32 Naye Malyamu nikola Yesu yaali namala amuwona, kakwa mu makulu kaye nawoola ati, “Omwami, nandi wali ano, mbocho yange sikakhafwiye.”
\v 33 Yesu nikawona okhulira khwa Malyamu, na ba'Yudaaya bali bamulondakho bosi nibalira, keecha kachunisiwa lukali mu mwoyo nesibeera singi.
\v 34 Yesu kateeba ati, “Yena yimumukonisye?” Bamukowoolamo baati, “Yicha owone Omwami.”
\v 35 Yesu kalira.
\v 36 Aba’Yudaaya bawoola baati, “wona nga lwabeye amudakha!”
\v 37 Na’bandi nabo bawoola baati, “Ono owekula omuwofwu wemoni sikakhamulobeye okhufwa?” 
\s Yesu Asingisa Lazaaro Mu bafu.
\p
\v 38 Yesu, nasiri mu sibeera singi, kasuda khusirindwa. Syali ηηungu nekina amulyango.
\v 39 Kabawoola ati, “Mutuseyo ekina,” Malisa mbochoηene muffu kamu’kowoolamo ati, “Ne omwami, esifundu sicha okhuba singi, khuba amalire muηηani endaalo chiine.”
\v 40 Yesu naye kawoola ati, “Sinabawoolera nti nimufukirira, mwakhawone enfuma ya Weere?”
\p
\v 41 Awenawo batusayo ekina, manu Yesu kewunja amukulu nawoola ati, “Bbabba nkhwebasa olwokhumbulira.
\v 42 Namanya niwumbulira wuli lunsaba, ni mboye sino khulwo wulayi wa batu bemire ano, banyale okhufukirira ni wantuma.”
\v 43 Nikamala okhuwoola emboosi chino, Yesu kamala kalanga mukkono khongo ati, “Lazaaro, ttula erwanyi!”
\v 44 Omusaacha muffu katula erwanyi, amakhono na’makulu nimawowe no’tukoye nenguwo muweni. Yesu kabawoola ati, “mu mutusemo enguwo chesirindwa mumulekhe awewo.”
\s Olukhwe Lwo’khwita Yesu
\p
\v 45 Manu Abayudaaya bangi abali nibechire okhusasira Malyamu, khandi bawona Yesu byakholire, bata enfukirira yawe khu ye.
\v 46 Ne abandi bacha eyiri Abafalisaayo babawolera ebitu Yesu bikali akholire.
\v 47 Manu bakhawona bakhuluutu naba Abafalisaayo balanga olukhikho. Batebana baati, “Sinna sikhuba khukhole? Mbano omusaacha akhola ebya mangalima bingi.
\v 48 Nikhulekha kachanakana ati, wuli mutu anamufukiriremo, nabo aba Rooma baneche bayira esifwo alala ne’syalo syefwe.”
\p
\v 49 Awo mulala khubo, yibalanga Kayafwa, owali nakhola nga’ khawona mukhuluutu omwaka okwo, kabawoolera ati, “Awuma si mu manyire ata sirala!
\v 50 Simusiwona muuti sirayi yimuli omutu mulala afwa khu lwabatu okhukhira esyalo syoosi okhumaliwawo.”
\v 51 Sikawoola sino khulwaye, ne nga khawona mukhuluutu omwaka okwo, kalakula ati Yesu acha okhufwirira olwe syalo sya Bayudaaya,
\v 52 khandi sikhulwe’syalo sino syo’ηηene naye khulwabaana ba Weere basalaana, okhubaleeta alala bekholemo mulala.
\v 53 Okhutula khulwo nokhucha emutwe bachaaka okhukonyeresa engira yo’khutusawo owulamu waye.
\p
\v 54 Nolwesyo Yesu kakama okhukenda mu lwichuye okhukhiririsa mu Bayudaaya. Okhumalakho kabatulamo kasuda mu sifo ambi ne’sibarara, mu lukoongo lulangiwa Efurayimu, yikaba nabeeki baye.
\p
\v 55 Ebikha nibyali ambi ne’ndaalo chokhubitakho, echa Bayudaaya, bangi batula mu byalo baacha e Yerusalemi khu mikholo cho’khwelabya, Pasaka niyitola.
\v 56 Bachanakana okhukonya Yesu, ninga lubali bemire ambi ne nyumba ya Weere, batebana abene nabeene baati, “Mubasa mutye? Syaneeche khu muyumo ata wutono?”
\v 57 Ne’ khawona mukhuluutu nabafalisaayo bali baweye ebiragiro baati niyabawo omutu onyala kamanya Yesu ali, abekesa banyala okhumudiira.
\c 12
\p
\v 1 Nichidoηηire endaalo mukaaga omuyumo kwa Pasaka kwole, Yesu kola, e’Bbetani, Lazaaro yikasyukhisa mu baffu yikali kamenya.
\v 2 Ano esyengolobe syatekekhewa khu lwoluyaali lwa Yesu. Malisa kakawula, ne Lazaaro kali mulala khu bali khusyengolobe khumeesa.
\v 3 Maliyamu keecha kawukula e painti ndala eyamafuta kebeyi akakhawowo; ka kachukha khu makulu ka Yesu khandi kasimuula amakulu nefwiri lyo’khumutwe kwaye. Enyumba yosi yeecha yechula akhawowo khamafuta ako.
\p
\v 4 Naye mulala khu beeki baye, Yuda Isikarioti, oyo owali nacha okhumulyamo olukhwe kakaana nawoola ati,
\v 5 “Lwasiina amafuta kano sibakakusiise ne erubya cha khatuliremo bachiwa abaati? Kali kolamo omusaara kwo’mukhosi okwo mwaka omulamba.”
\v 6 Sikalomaloma sino khulwokhuba kali afwa khu baati, ni lwokhuba kali mwibi; nga omubikhi wensawo ye’rubya, keyeedanga ne’biri munsawo yi babikhangamo.
\v 7 Yesu kamukoowolamo ati, “Lekha omukhasi abe,” syagendererwa, nti abiikhe amafuta kano, oludaalo olwo’khunsikhirakho.
\v 8 Enywe munabenge na’baati akati wenywe, ni simunabenge nange.”
\p
\v 9 Manu esidiikha sya Bayudaaya nisyola syamanya Yesu nali awo, beecha sikhulwa Yesu syoηηene no’khuwona Lazaaro, yikali nasyukhisise mu baffu.
\v 10 Bakhawona bakhuluutu bakhola entekekha yo’khwita Lazaaro yesi,
\v 11 khu lwokhuba ye nje owali akira Abayudaaya nibakalukhana baloonde Yesu khandi ba mufukiriremo.
\s Enyingira Yo’luyaali
\p
\v 12 Oludaalo lwalondakho esidiikha sikhongo esyali nisichire khu muyumo syawulira mbo Yesu kali keecha okhwingira e Yerusalemi.
\v 13 Bawukula ensassa namasaga kensassa baacha okhumuwukaanira ni bakhumula, “Hossanah!” “Ali ne’nkhabi oyo owiichira mu liita lyO’mwami!” “Ali ne’nkhabi oyo omwe’wene’ngo wa Yisirayiri!”
\v 14 Yesu kawukaana omwana kwe ensukhiri khandi kakwikhalakho, nga nisyawandiikiwa,
\q
\v 15 “Otatya, oh omukhana wa Sayuni; wona, omwene’ngo wawo keecha, nikekhaye khu mwana kwe’nsukhiri.”
\p
\v 16 Mukhusokha abeeki baye si bamanya bino byosi. Syonηηene Yesu namalire okhuweresewa oluyaali nje abolera beechulisa baati ebitu binno byali byamuwandiikiwakho khandi nga bali bamalire okhumukholakho ebiitu binno.
\p
\v 17 Olwo esidiikha esyali naye nalanga Lazaaro okhutula muηηani khandi ka musyukhisa mu baffu syacha mu moni no’khuwunusa emboosi.
\v 18 Abatu bangi, khulwokhuba bali bawuliye baati kali akholire akhawonero khamayiya, batula baacha okhumuwukaanira.
\v 19 Sinno syakira Abafalisaayo bawoolanira abene khu beene baati, “Muwone, sinno siwuma yisituyira. Mwekhalirise ng e’syalo syosi sikhungulikhire ni simuloonda!”
\s Yesu Alakula Khukhufwa Khwaye
\p
\v 20 Awenawo aliwo Abayonani mu batu bandi abali ni bechire okhusaba khu mukholo.
\v 21 Beecha eyiri Firipo, owali natula Ebetisayida mu Galiraaya, bali no’khusaba. “Ssebo,” ni bawoola baati, “khudahire okhuwona Yesu.”
\v 22 Firipo kacha okhuwolera Andereya; khandi Firipo nende Andereya bacha bawoolera Yesu.
\v 23 Yesu kakowoolamo ati, “Esaawa yolire eyo mwana wo’mutu okhuweresewa oluyaali.
\v 24 Mbawoolera amasima, okhutusakho ngo’lumwo lweηηano lukwa mu loba khandi lwafwa, ludooηηa awo lwonηηene. Ne ni lufwa, lwiwula emwo chiindi enyingi.
\v 25 Omutu odakha owulamu waye, ali nokhuwukosya, noyo osyula owulamu waye mu syalo muno, aliwubiikha endaalo ne’ndaalo.
\v 26 Oyo yesi owunkholera akhoyire kanoonde; ni khandi andi, omukhosi wange yesi nje aliba. Bbabba aliwa oluyaali oyo owunkholera.
\p
\v 27 “Wunaanu omwoyo kwange kusandisiwa, khandi ndawoole ssi? ‘Bbabba, mboniye mu sawa ya wunaanu?’ Khaba, syali khu lwe’mboosi yene yino nje sinjosa khu sawa yino.
\v 28 Bbabba, eresa eriita lyawo oluyaali!” Awenawo ekkono lyatula mwikkulu, “Ndiweye oluyaali, khandi nja okhuliwa oluyaali.”
\v 29 Esidiikha syali awo khandi syawulira bikawoola siiti yali nge’nkhubba; abandi baati, kali malayika owali namulomalomeyemo.
\v 30 Yesu kawoola ati, “Ekkono linno lichire khu lwowulayi wenywe, naye si khu lwange ese.
\v 31 Esikha sinno syo’khukhengera esyalo omusango; wunaanu Omusyani wo’mwene’ngo owe’syalo sinno acha okhwirusiwa.
\v 32 Ne ese, nindisingisiwa okhutula khu syalo, bangi bakheche andi.”
\v 33 Kawoola bino okhwekesa enfwa yikali naacha okhufwiramo.
\p
\v 34 Esidiikha syabatu syawoolera amukulu siiti, “Khuwuliye ebitula mu’malako biiti Kurisito acha okhubawo oluberera, wunaanu onyala okhuwoola otye okhuwoola oti, ‘Omwana wo’mutu kakhasingisiwe amukkulu?’ Naanu ono omwana wo’mutu?’”
\v 35 Awo Yesu kabawoolera ati, “Mucha okhubakho no’wulafu mu bikha bitono muwichayo. Kenda no’siiri no’wulafu, esireema nisitadiira emoni. Omutu okenda mu sireema syamanya yacha.
\v 36 Tta okhwesika khwawo mu wulafu no’siiri naawo, khu obe mwana wo’wulafu.” Nikamala okhulomaloma binno, Yesu kawawo kabekisakho. Abayudaaya Bachanakana Mu’wutafukirira Waawe:
\v 37 Nende Yesu nikali namalire okhukhola ebya’mangalima mumoni chaawe, basikala nibatafukirira muye.
\v 38 Sinno syali syokhwoseresa emboosi nabbi Yisaaya chikali alakuuye “Omwami, naanu owafukirira emboosi cheffe, khandi omukhono kwO’mwami kwekesewa naanu?”
\v 39 Olwekhola eyo sibafukirira, olwokhuba, nga Yisaaya lukawoolera awutu andi:
\v 40 “Abekaye emoni khandi keta emyoyo chawe, ni sibawona nemoni chawe, no’khumanya mu myoyo chawe, sibakalukhana__ ni nakhabawonisye.”
\p
\v 41 Yisaaya kawoola binno olwokhuba kawona oluyaali lwa Yesu khandi kamulomalomakho.
\p
\v 42 Nende byali bityo bangi nokhubatangirisi bafukirira mu’ye. Ni khulwa Bafalisayo nga sibanyala khutumbula enfukirira yawe mu lwichuye olwokhutya okhwirusiwa mu nyumba ya Weere;
\v 43 Khuba basangaliranga okhufumisiwa abatu okhukhira okhufumisiwa Weere.
\p
\v 44 Manu Yesu kalirira amukulu ati, “Omutu nikafukiriramo, syaba nikafukiriramo syoηηene, ne aba afukirira mu oyo owantuma.
\v 45 Naba ni kanewunja, aba awona oyo owantuma.
\v 46 Nichire mu syaalo ngo’wulafu, sibe mbo awumewo owufukiriramo oba mu sirema.
\p
\v 47 “Sibe eyiri omutu owulira embosi change nga syachibiikha, simukhengera musango. Khuba sinecha khukhengera esyaalo emisango, naye okhusiwoniya.
\v 48 Aliwo omulamusi eyiri oyo owundeka ni khandi syafukirira embosi change; embosi yene eyo yinalomaloma yirimukhengera khu ludaalo lwenjakamo.
\v 49 Khuba sinalomaloma khu lwange, ni khulwa Bbabba wantuma kandagira nsikhoyire okhulomaloma nende nga lumba silomalome.
\v 50 Simanyire nti esilagiro sino syaye simuyira mu wulamu wutaliwawo. Ne wuli simbola nsiwoola wusa nga Bbabba lukambola nsilomalome.”
\c 13
\p
\v 1 Syali esikha syolire esyo’muyumo kwo'khubitakho. Yesu kali kamanya ati ebikha byaye byali byolire ebyokhutula khu syalo ache eyiri Bbaaba. Nga lukali ni kadakhana na batu baye abali mu syalo, khulwo kabekesera erala okhudakha khwaye okhwamukulu.
\v 2 Esyengolobe ni syali sikawuliwa, ni awenawo setani kali amalire okhwingira mu Yuda Yisikarioti, omusyani wa Simoni, okhulya mu Yesu olukhwe.
\v 3 Yesu kasimanya ati Bbabba kali amalire okhuta ebitu byosi muwunyala waye, ni khandi nga atula eyiri Weere ni khandi nga akowoolayo yaali;
\v 4 No'lwasiino, kasiingira khu sideru, ketusakho enguwo yo khumukulu kewowa e tawulo musiwuno.
\v 5 Namalire, kachukha amaachi khu beseni kachaka okhwosa abeeki baye amakulu, na basimuula netawulo yikali nikewoyire.
\p
\v 6 Kola khu Simoni Petero, owamuwoola ati, “Omwami, ocha okhunjosa amakulu Ssesi?”
\v 7 Yesu kamukowolamo ati, “Osiiri okhusimanya wunaanu sindi okhukhola, ne yiwiicha wiicha okhusimanya.”
\v 8 Petero kawoola ati, “Khaba,” “Siwakhose amakulu kange.” Yesu kamukowoolamo ati, “Okhutusakho nga nkhwosa, oba owuma owulala nange.”
\v 9 “Ni nje lusiri Omwami,” Simoni Petero kemeeda, “Simakulu konηηene, namakhono kange no’mutwe kwosi!”
\v 10 Yesu kamukowolamo ati, “Omutu weyokire simudakhisa okhweyosa amakulu konηηene; omubiri kwosi muyonjo. Nawe oli muyonjo, ni sisiri siityo khwiywe mweesi.”
\v 11 Khulwokhuba kali amanyire owali naacha okhumulyamo olukhwe, nje esyakira awoole ati sisiri siityo khwinywe mweesi mbo muli bayonjo.
\p
\v 12 Nikali kakhamala okhuboosa amakulu, kambala enguwo chaye kakowoola mu sifo syaye. Kabateba ati, “Mu manyire amakhuluutu kesyo sinkholire khwiywe?”
\v 13 “Munaanga ‘Omusomesa’ khandi muuti “Omwami” khandi mu wulungifu, nje sindi.
\v 14 Wunaanu nisiri mbo esse, omwami wenywe khandi omusomesa, mbosiise amakulu, mwesi mwosaniyenge amakulu.
\v 15 Esse mbatereyewo esyokhuwonerakho musikholenge nga lumbakholeye.
\v 16 Mbawoolera amasima, awumawo omukhosi okhira omutangirisi waye, oba omutume okhira omutumire.
\v 17 Nga siri mbo wunanu mu manyire bino bitu, mwicha okhuweresewa enkhabi nimubikhola. Yesu Alakula Okhuliwamo Khwaye Olukhwe!
\v 18 “Simbajulisa mwesi; manyire abo bandoye. Ni sinno khwoseresa ebyawandiikiwa; “Oyo okabana nange omugati kwange asingisise ebisisiro byaye okhunwanisa.’
\p
\v 19 “Mbawoolera niwusiri nisitekholekha, nisiba mbo syolereye syakholekha mulifukirira muuti Nise oyo.”
\v 20 Mbawoolera amasima, oyo yesi offukirira omutu yesi yintuma afukirira esse; ni yesi owunfukirira afukirira oyo owantuma.”
\p
\v 21 Nikali namalire okhulomaloma binno, Yesu keecha kachunwa omwoyo lukali khandi katusa owujjulisi ati, “Mbawoolera amasima, mulala khwinywe acha okhundyamo olukhwe.”
\v 22 Abeeki baye bewunjanakho, nibakanakana oyo onasikhole.
\v 23 Mulala khubo, omweeki Yesu yikali nadakha lukali, nga njo'mwegeηηirekho mu lubaffu.
\v 24 Simoni Petero kasakula khu mweeki oyo nawoola ati, “Muteebe naanu mwene yawoola.”
\v 25 Nasyegeηηire khu Yesu, kamuteeba ati, “Omwami, nje naanu mwene?”
\v 26 Yesu kamukowolamo ati, “Nje oyo yindawe omugaati kumalire okhukhosa mu munyu” Namalire okhukhosa omugaati kakuwa Yuda Yisikarioti, omusyani wa Simoni.
\v 27 Nga Yuda lukamala okhuwukula omugaati, setani namwingiramo. Yesu kamuwoola ati, “Syoli ambi okhukhola, sikhole muwangu,”
\v 28 ne awuma ata mulala khubali khu sideru owamanya esyakira kamuwoola atyo.
\v 29 Khuba Yuda nje owali alinda esanduuku lye’rubbya, abandi babasa baati amuwoola okhucha akule khu byali bidakhiwa khu mukholo kuno oba awekho sitono eyiri abaati.
\v 30 Yuda nikamala wusa okhuwukula omugaati, natula awaawo. Khandi syali siro.
\s Yesu Alakula Okhwekaana Khwa Petero
\p
\v 31 Nikali naweyewo, Yesu kawoola ati, “Wunaanu nje ebikha omwana wo’mutu okhufumisiwa, khandi Weere afumisiwe mu’ye.
\v 32 Nisiba mbo Weere afumisiwa mu’ye, Weere acha okhufumya omwana mu’ye omwene, ni khandi alimufumya mu wangu wene.
\p
\v 33 “Baana bange, njo khuba ni nanywe mu bikha bitono. Mwicha okhungoonya, khandi nga lunawoolera aba Yudaaya, nje mwesi lumbawolera wunaanu wuno: Yinja, simunyala khwichayo.
\v 34 “Elako yaakha limbawa: Mudakhane. Nga lumbeye nimbadakha, mukhoyire mudakhane.
\v 35 Olwa sinno abatu boosi beecha okhumanya baati muli beeki bange, Nimuba mudakhana abene na’beene.”
\p
\v 36 Simoni Petero kamuteeba ati, “Omwami, ochaaye?” Yesu kamukowoolamo ati, “Ese yinja, syonyala wanondakho wunaanu wuno, ne olinondakho olunyuma.”
\v 37 Petero kateeba ati, “Omwami, siina esikira nakhaya okhukhulonda wunaanu wuno? Niicha okhuwayo owulamu wange khu lwawo.”
\v 38 Ne awenawo Yesu kakowoolamo ati, “Okhakhasa oti onaweyo owulamu wawo khu lwange? Khuwolera amasima, edaaywa niyitakholyokha, onabe wunekaanire amakhabi khadatu!”
\c 14
\p
\v 1 “Mutafukiriranga emyoyo chenywe okhwelalikhirira. Mwesike Weere; khandi munesike.
\v 2 Munyumba ya Bbabba mulimo ebisenge bingi; siba nisitakhabeye siityo, nakhabawoleye. Nja eyo okhubatekekhera esifo.
\v 3 Khandi ninja okhubatekekhera esifwo, nja okhukowola mbende khuche nanywe kho mwesi munyale okhuba andi.
\v 4 Mu manyire engira eyicha esse yinja.” Yesu Engira Yicha Ewa Bbaabba
\p
\v 5 Tomasi kamuwoola ati, “Omwami, sikhumanyire yocha, khunyala khutye okhumanya engira?”
\v 6 Yesu kakowoolamo ati, “Nise engira khandi amasima khandi no’wulamu. Awuma ocha ewa Bbaabba okhumalakho nga’bitiiye mwise.
\v 7 Nimuba mwamanya esse, mwakhamanyire Bbaabba wange yesi. Okhutula wunaanu, mu mumanyire khandi mwamuwona.”
\p
\v 8 Firipo kawoola ati, “Omwami, twekese Bbaabba esyo sinatumale.”
\v 9 Yesu kakowoolamo ati: “Si muumanyire, Firipo, nende nimalire okhuba namwe ebikha bireyi biiti? Oyo yeesi owumbwene awene Bbaabba. Onyala okhuwoola otye oti, Twekese Bbabba’?
\v 10 Simufukirira muuti ndi mu Bbaabba, khandi Bbabba ali mwise? Emboosi chimbawoolera si change esse omwene. Naye cha Bbabba, owumenyiremo, oli okhukhola omulimo kwaye.
\v 11 Munfukirire nimboola nti ndi mu Bbaabba khandi Bbaabba kandimo; oba nisitaasi siityo mufukirire okhwema khu wujjulisi owe byamagero byene.
\v 12 Mbawoolera amasima nti, oyo yeesi oli nenfukirira mwise acha okhukhola bi mbeye ninkholanga. Alikhola ne’bikhiira awo, khu lwokhuba nja eyiri Bbaabba.
\v 13 Khandi nja okhukhola wuli simusaba mu liita lyange, khusibe nti omwana anyale okhuleeta oluyaali eyiri Bbaabba.
\v 14 Munyala onkhusaba syoosi mu liita lyange, khandi ndisikhola.” Yesu Asubisa OMwoyo Omwolerefu
\p
\v 15 “Nimundakha, mulidiira bimbalagira.
\v 16 Khandi nja okhusaba Bbaabba, khandi acha okhubawa omukeraki wundi ocha okhuba nanywe endaalo choosi__
\v 17 Omwoyo wa masima. Esyalo sisinyala khu mufukirira, khuba sisimuwona ata sisimumanyire. Ne'nywe mu mumanyire khulwokhuba amenyire nanywe khandi anababengemo.
\v 18 Sinja khubalekha nga abafwire; nja okhwicha yimuli.
\v 19 Musikha sitono, esyalo sisicha khumbona khandi, nanywe mucha okhumbona. Khuba ndiwo omulamu, mwesi muliba balamu.
\v 20 Khu ludaalo olwo nje lumulimanyira muuti ndi mu Bbaabba, khandi mundimo, ni khandi ese mbalimo.
\v 21 Oyo oli namalako kange manu kakakholerakho, nje owundakha. Oyo owundakha alidakhiwa nende Bbaabba, ni khandi Ssesi ndimudakha khandi namuwonekhera.”
\p
\v 22 Awo Yuda (Otali Yuda Yisikarioti) kawoola ati, “Ne, Omwami, lwasiina ogenderera okhweyekesa yikhuli okhulekha okhweyekesera esyalo?”
\v 23 Yesu kakowoolamo ati, “Nisiba mbo omutu yesi kandakha, aba acha okhufukirira okhusomesa khwange. Bbaabba acha okhumudakha, khandi khulicha yali khandi khwakhola naye edaala.
\v 24 Ne oyo otandakha syadiira ensomesa yange. Emboosi chinno chimuwulira sichange; cha Bbaabba owantuma.
\v 25 “Binno byosi mbalomalomeeye ninsiri nanywe.
\v 26 Ne omukeraki, omwoyo mwolerefu, oyo Bbaabba yacha okhutuma mu liita lyange, acha okhubekesa ebitu byoosi khandi abechulise byoosi bimbawoleye.
\v 27 Emirembe mbalekhera; emirembe change mbawa. Simbayeresa emirembe nge syalo lusiwa. Mutalekha emwoyo chenywe chachunisiwa khandi mutaba no’khutya.
\p
\v 28 “Mumbuliye nimboola nti, ‘Mbwawo khandi ngowola yimuli.’ Nimwakhabeye mundakha, mwakhasangaaye khuba nja eyiri Bbaabba, khulwokhuba Bbaabba kankhira lukali.
\v 29 Mbawoleye wunaanu nibitakholekhana, sibe mbo nibikholekhana munyale okhufukirira.
\v 30 Sinja khulomaloma namwe, khuba omusyani munawaami we syalo sinno keecha. Syali no’wunyala yindi,
\v 31 Ne esyalo sikhoyire simanye siiti ndakha Bbaabba ni khandi nkholera erala Bbaabba wange sikandagiiye. “Mwiche wunaanu; khuwewo.”
\c 15
\p
\v 1 “Nise omutuli kwene, ni Bbaabba nje omulimi.
\v 2 Akhengakho wuli saga litaama mwise eritaamakho esyokhulya, ne na wuli saga lyamakho alikhalakira lyaama nalukali.
\v 3 Enywe mwamala okhulabisiwa khu lwe mbosi china’balomalomera.
\v 4 Mundoηηemo, Ssesi mbadoηηemo. Awuma esaga lyaama esyaamo alyo’nηηene; liteekwa okhudoŋŋa khumutuli kwene. Ata mwesi simunyala mwatakho ebyaamo nimutandoηηiremo.
\p
\v 5 “Nise omutuli kwene; ninywe amasaga. Omutu nikandoηηamo, Ssesi namubamo, kaama ebyaamo bingi; ambuma awuma simwakhakhola.
\v 6 Omutu nantandoηηamo, aba nge'saga lyasukuniwa lyaniyala; amasaga kafaana kaatyo kadoolewa, kasukuniwa mu muliro khandi kasambiwa.
\v 7 Ne nimundoηηamo ne mboosi change chabadoηηamo, musabe simudakha, sicha okhubaweresewa.
\v 8 Sinno nje esiweresa Bbaabba oluyaali okhuba mbo mwaama ebyaamo bingi, okhweyekesa mwabene okhuba abeeki bange.
\p
\v 9 “Nga Bbaabba lukandakha, Ssesi ntyo nje lumbadakhire. Wunaanu mudoηηe mukhudakha khwange.
\v 10 Nimudiira amalako kange, mucha okhudoηηa mu khudakha khwange, nga Ssesi lunadiira amalako aka Bbaabba khandi nadoηηa mu khudakha khwaye.
\v 11 Mbawoleye sino esangaalo lyange linyale okhubabaamo, khandi eryenywe libe erichufu.
\v 12 Esilagiro syange nje sino: Mudakhane ngalumbeye nimbadakha.
\v 13 Okhudakha khukhirawo khuno khuwuma no’mutu yeesi, onyala kawayo owulamu waye khulwabeecha baye.
\v 14 Muli beecha bange nimukhola sindagira.
\v 15 Sisibalanga abapakasi, khulwokhuba omupakasi syamanya omulimo kwo’mwene’ngo. Okhutusakho mbalangire abeecha, olwokhuba wuli sinasoma khu Bbaabba nsiibekesise.
\v 16 Simwandoola, ne niise owabadoola khandi nabatuma muche mwaame ebyaamo__ ebyaamo ebiriyiindira. Kho Bbaabba alibawa syoosi simusaba mu liita lyange.
\v 17 Sinno nje esilagiro syange: mudakhane abene na’beene. Esyalo Sisyuula Abeeki
\p
\v 18 “Esyalo ni sibasyuula, musimanye muuti syasokha okhunsyuula.
\v 19 Ni mwakhabeye bo khusyalo, syakhabadakhire nga beenesyo. Nga lusiri, simuli bo khusyalo, naye nabadoola okhutula mu syalo. Nje esikira esyalo ni sibasyuula.
\v 20 Mwichulise emboosi chinabawoola: ‘Awuma omukhosi okhira omukhongo waye.’ Nga nibansandya, mwesi bakhabasandye. Nibafukirira ensomesa yange, mwesi bakhafukirire echenywe.
\v 21 Bacha okhubakhola baatyo khu lwe liita lyange, olwokhuba sibamanyire owantuma.
\v 22 Mbasinecha nalomaloma nabo, sibakhabeye ne’sibi. Wunaanu, esyembi, bawuma esyokhuwosa olwe’sibi syawe.
\v 23 Oyo otandakha syadakha nende Bbaabba yeesi.
\v 24 Mba sinakhola owundi byatakhola mubo, si bakhabeye ne’sibi. Ni wunaanu bawene ebya magero bino, sisibakaniisye onkhusyuula esse nende Bbaabba.
\v 25 Ni sinno syo’khwoseresa ebyawandiikiwa mu malako kawe: ‘Bansyuula ataasi mboosi yoosi.’
\p
\v 26 “Omukeraki nikeecha, yindituma yimuli okhutula eyiri Bbaabba, omwoyo kwa masima otula mu Bbaabba, aliwa owujjulisi khwise.
\v 27 Mwesi mu khoyire mutuse owujjulisi, khulwokhuba mubeye nange okhutula munjaaka.
\c 16
\p
\v 1 “Binno byoosi mbibawoleeye munyale owutakota.
\v 2 Bacha okhubasukuna erwanyi we nyumba ya Weere; amasima keene, ebikha bicha okhwoola siwukaanikhe mbo oyo yeesi obeeta alibaasa ati ali okhuwa Weere Sadaaka.
\v 3 Beecha okhukhola ebiitu bifaana biityo khu lwokhuba sibamanyire Bbaabba oba esse.
\v 4 Mbawoleye sinno, kho musimanye muuti ebikha nibyoola mulichulisa muuti nabalawula. Sinabawoolera sinno mukhuchaaka khuba nali nanywe.   
\s Omulimo Kwo’mwoyo Mwolerefu
\p
\v 5 “Wunaanu nja yali oyo owantuma, ni awumawo khwinywe owunteeba ati, ‘Ocha yenna?’
\v 6 Khu lwokhuba mboye ebiitu binno, mwichuye no’khwelalikhirira.
\v 7 Ne mbawolera amasima: Sirayi yimuli nti mbwawo. Okhutusakho nga mbweyewo, omukeraki sikakheche yimuli; ne ninja, ndimutuma yimuli.
\v 8 Nikeecha, alita khu syalo omusango okudiira khu sibi, n’owolerefu no’khukhengerwa:
\v 9 Mungira ye sibi, olwokhuba abatu sibanfukiriramo;
\v 10 Mungira yo’wolerefu, khuba nja eyiri Bbaabba, yimutanyala mwambona khandi;
\v 11 Khandi mungira yo khukhengerwa emisango, olwo’khuba omusyani wo’wene’ngo we syalo sinno wunaanu kakhengerwa.
\p
\v 12 “Ndi nende bingi ebyo’khubawoolera, bimutanyala mwesimirisa.
\v 13 Ne yee, omwoyo wa masima, naliicha, alibalagirira mu masima kosi koosi. Syalilomaloma khu lwaye; alilomaloma khwibyo byawulira byoηηene, khandi keecha okhubawoleranga wuli sinabenge sicha okhubawo.
\v 14 Keecha okhuleeta oluyaali yindi nawukuye khubyange nakesakho bimanyikhe yimuli.
\v 15 Ebyo byoosi ebya Bbaabba byange. Nje sikira nimboola nti Omwoyo aliwukula khu byange khandi alikhola bimanyikhe yimuli.
\p
\v 16 “Mubikha bitono simucha khumbona, awene awo mubikha bitono nimumbona khandi.”
\s Ekhwe’wunamira khwa Abeeki Khulifuukha Esangaalo
\v 17 Balala khu beeki baye bawoolanira ebene na’beene baati, “Siina sikekesa nawoola ati, ‘Mubikha bitono simucha okhumbona, ni abitawo ebikha bitono mwicha okhumbona khandi,’ ‘olwokhuba Ndi khucha eyiri Bbaabba?”
\v 18 Bemeeda nibateeba baati, “Siina sikekesa nawoola ati, ‘Mubikha bitono’? Sikhutegeera byaba nawoola.”
\p
\v 19 Yesu kawona ati badakha okhumuteeba khu biitu binno, kho kabawoola ati, “Muli okhutebana abene na’beene sinekesa nimboola nti, ‘mubikha bitono simucha khumbona, khandi awene awo mubikha bitono mulimbona’?
\v 20 Mbawoolera amasima, mulye’wunamira khandi mulirira ne esyalo nasyo sisangaala. Mulye’wunamira, ne okhwewunamira khwenywe khulikalukhana khwaba esangaalo.
\v 21 Omukhasi owiwula omwana ali nowuchuuni olwokhuba ebikha byaye nibyolire; ne omwana waye naba ni kewuywe kebirira ensasakisi khu lwesangaalo lyaye nti omwana aba kewuywe mu syalo.
\v 22 Wunaanu nanywe mwesi: Ebikha byenywe byo'khwewunamira byolire, ne ndibawona khandi mwasangaala, khandi aliwumawo olibatusakho esangaalo lyenywe.
\v 23 Khu ludaalo olwo muliwuma esyo’nkhuteeba syoosi. Mbawoolera amasima, Bbaabba alibawa naawuli simuliba musabire mu liita lyange.
\v 24 Okhwola wunaanu mutaasaba esiitu syosi syoosi mu liita lyange. Musabe munawewe, khandi esangaalo lyenywe liriba lichuffu.
\p
\v 25 “Nende mbeye no’malomeranga mu ngaado, ebikha biicha antalomalomerenge mu lulimi lwe’ngeri yinno ne ndabawoolerenge mu wukwalaafu ebidiira khu Bbaabba.
\v 26 Mu ludaalo olwo munaasabenge mu liita lyange. Sindi khuwoola ati ndaasabe Bbaabba khu lwenywe.
\v 27 Khaba, Bbaabba omwene abadakha olwokhuba mundakha khandi mwafukirira muuti natula eyiri Weere.
\v 28 Natula eyiri Bbaabba nengira mu syalo; wunaanu ndikhutula mu syalo khandi ngowolayo eyiri Bbaabba.”
\p
\v 29 Awo abeeki ba Yesu bawoola baati, “Wunaanu oli khulomaloma bikhutegeera wulayi ni awuma okhubita mungaado.
\v 30 Wunaanu khunyala okhuwona khuuti omanyire wuli siitu khandi sisidakhisa mutu yeesi okhukhuteeba ebiteewo. Sinno sikira khwafukirira khuuti otula eyiri Weere.”
\p
\v 31 Yesu kabakowoolamo ati, “Mufukirira khunjakamo!”
\v 32 “Ne ebikha biri okhwicha, khandi byolire, lumulisalanisiwa, wuli otula kaacha engo waye. Mulindekha senηηene. Ne khandi sindi senηηene, khuba Bbaabba ali nange.
\v 33 “Mbawoleye ebiitu binno, sibe nti mwise munyale okhuba ne mirembe. Mu syalo sinno mucha okhuba ne’bidinyu. Ne mube bagumu be myoyo! Esse namala okhuyiingira esyalo.”
\c 17
\p
\v 1 Yesu nikali kakhamala okhulomaloma sinno, kewunja amukulu khandi kasaba ati: “Bbaabba, ebikha byakhoola. Weresa Omusyani wawo oluyaali, kho Omusyani wawo Yesi akhuwe oluyaali.
\v 2 Khuba wamuwa owunyala okhukhira abatu bosi boosi sinyalikhe okhubawa owulamu wutawaawo eyiri abo bawamuwa.
\v 3 Wunaanu wuno wulamu wutawaawo: banyale okhukhumanya, Weere mutuufu yenηηene nende Yesu Kurisito, oyo yiwatuma.
\v 4 Nkhuleteeye oluyaali khu syalo olwo’khumalirisa omulimo kuwamba okhukhola.
\v 5 Ni wunaanu, Bbaabba, mberese oluyaali noliwo no’luyaali lunali nalwo niindi nawe esyalo nisitachaaka. Yesu Asabira Abeeki Baye.
\p
\v 6 Nkhutumbuye eyiri abo bawamba okhutula mu syalo. Bali bawo; wabamba khandi baafukirira emboosi yawo.
\v 7 Wunaznu bamanyire baati wuli siwumbeeye situla yooli.
\v 8 Khuba nabawa emboosi chiwamba khandi baachifukirira. Basimanya no’wukhakhaffu baati natula yuuli, khandi baafukirira baati wantuma.
\v 9 Mbasabira. Sindi khusabira esyalo, ne nsabira abo bawamba, khuba bawo.
\v 10 Bindi nabyo byoosi byawo, nikhandi byosi byoosi byoli nabyo byange. Oluyaali lwosilwosi lunjolirekho nilubita mwabo.
\v 11 Sinja khudoηηa mu syalo khandi, ne'bbo basiiri mu syalo, ne esse ndi okhwicha yuuli. Bbaabba mwolerefu, bakhingakire olwo’wunyala weriita lyawo__ eritta liwamba__ banyale okhuba sirala nga lukhuli ni nawe.
\v 12 Ninali niindi nabo, nabakhingakiranga khandi nabaliinda wulayi okhubitira mu liita liwamba. Awuma owakotakho okhutusakho oyo owa’kholimirwa okhuddima ebyandiiko binyale okhwolerera.
\p
\v 13 “Ndi okhwicha yuuli wunaanu, ne nomaloma ebiitu binno ninsiiri mu syalo, kho beeche banyale okhuba ne’sangaalo lichuffu eryange mukkati mubo.
\v 14 Mbaweye emboosi yawo khandi ne’syalo sibasyuuye, khulwokhuba sibasiiri besyalo nonkhukhirakho esse obeye we’syalo.
\v 15 Okhusaba khwange sikhuli mbo obatuse mu syalo naye khuuti obakhingakirire eyiri omusukku.
\v 16 Bo sibe’syalo, nga Ssesi luntaasi wasyo.
\v 17 Boose no’wamasima; emboosi yawo masima.
\v 18 Nga luwantuma mu syalo, mbatumire mu syalo.
\v 19 Khulwaawe nelabya samwene, kho bosi banyale okhulabisiwa mu’masima.
\s Yesu Asabira Abafukiirisi Boosi
\p
\v 20 “Okhusaba khwange si khwawe bonηηene. Nsabira naabo abalifukiirira okhubitira muwubakha wawe,
\v 21 sibe mbo boosi babe sirala, Bbaabba, nga luuli wussa mwise ni Ssesi ndi mwiwe. Sinyalikhe bosi babe mwifwe kho esyalo sinyale okhufukiirira siiti wantuma.
\v 22 Mbaweye oluyaali luwamba, banyale okhuba sirala nga lukhuli sirala:
\v 23 Esse mubo newe mwise. Sinyalikhe okhubaleeta alala elalira siretere esyalo okhumanya nti wantuma khandi wabadakha nga ni wandakha.
\p
\v 24 “Bbaabba, ndakha abo bawumberesise okhuba ni nange yiindi, khandi nokhuwona oluyaali lwange, oluyaali luwumberesise khulwokhundakha wandakha ne syalo ni sitalongewa.
\p
\v 25 “Bbaabba mwolerefu, asyakhaba mbo esyalo sisikhumanyire, esse nkhumanyire, ni khandi basimanyire baati wantuma.
\v 26 Nsikholire wamanyikhana yibali, ni khandi ndachiririre okhusikhola omanyikhane kho sibe mbo okhudakha khuwandakha khubabemo ni khandi sibe mbo esse simwene sinyalikhe mbabemo.”
\c 18
\p
\v 1 Nikali namalire okhwekalikhira, Yesu katulawo nende abeeki baye bakhalakaniya edooma lye Kidulooni. Khuluwande lula yaliyo endalo eyo’musayituni, ye nende abeeki baye yibacha bengiramo.
\p
\v 2 Wunaanu Yuda, owamulyamo olukhwe, kamanya esifwo, khulwokhuba Yesu kawukananiraangayo na’beeki baye amakhabi mangi.
\v 3 Manu Yuda keecha mundalo, nalagiirira omukaanda kwa basirikale abamaye nende abakhuluutu abandi okhutula eyiri abakhuluutu babakhawona nende Aba'Falisaayo. Bali bakiingire emimuli, amataara nende ebyooki.
\v 4 Yesu, olwokhumanya byoosi ebyali nibicha okhumwekholekhakho, katulayo kabateeba ati, “Nje naanu yimudakha?”
\v 5 Bakowolamo baati, “Yesu owe Nasaleesi.” Yesu kawoola ati, “Niise oyo,” (naye Yuda owamulyamo olukhwe kali keemire awo nabo.)
\v 6 Yesu nikawoola ati, “Niise oyo,” bakowolerayo emukoongo bakwa khwiroba.
\v 7 Kabateeba lundi ati, “Naanu yimudakha?” Khandi bawoola baati, “Yesu owe Nasaleesi.”
\v 8 Yesu kakowolamo ati, “Mbawoleeye nti niise oyo, nimuba ni mungoonya, manu mulekhe abatu bano bawewo.”
\v 9 Sinno syakholewa kho emboosi chikali nalomalomire choseresewe chiiti, “Khaba sinakosya mulala khwaabo bawamba.”
\p
\v 10 Manu Simoni Petero, owali nende okukhande, kakusoolayo kaatema omukhosi wa khawona omukhuluutu, kamutemakho okhutwi kwaye okhwomukhono omulungi. (Omukhosi oyo eriita lyaye kali Maluko.)
\v 11 Yesu kalagira Petero ati, “Kowosayo okukhande kwawo! Khaba sinaanywe esikoombe Bbaabba sikambeye?”
\s Yesu Ayiriwa Eyiri Ana.
\p
\v 12 Manu esikaanda esya’bamaye nende omuduumisi waasyo nende abakhongo aba Bayudaaya badiira Yesu. Bamuwoya
\v 13 manu okhusookha bamuyira eyiri Ana, owali mukhweηηene Kayaafa, Khawona omukhuluutu omwaka okwo.
\v 14 Kayaafa nje owali nakerakiiye Abayudaaya ati syakhali sirayi omutu mulala okhufwira abatu.
\s Okhwekaana Khwa Petero Okhwa’mberi
\p
\v 15 Simoni Petero nende omweeki owundi bali baloonda khu Yesu. Olwokhuba omweeki onno kali kamanyikha eyiri Khawona omukhuluutu, kengira nende Yesu mu lwanyi olwa Khawona,
\v 16 naye Petero kali no’khuliindira erwanyi amulyango. Omweeki wundi ola, owali namanyikhire eyiri Khawona omukhuluutu, kakowola, kalomaloma nende omukhana owali khu mirimo awo kengisa Petero.
\v 17 Omukhana owali khu mulyango kateeba Petero ati, “Ewe syuli mulala khubeeki baye?” Petero kakowolamo ati, “Bbe siindi.”
\v 18 Embewo enyifu yalikho, manu abakhosi nende abakhongo beema bewodookhaniya omuliro kubali nibateyewo okhubalakala bafune embugumu. Petero yesi kali kemire nabo, ni kewukumya.
\s Khawona Omukhuluutu Ateeba Yesu
\p
\v 19 Ebyo nibisiiri awo, Khawona omukhuluutu kateeba Yesu ebidiira khu beeki baye nende ensomesa yaye.
\v 20 Yesu kakowolamo ati, “Nalomalomera alafu eyiri esyalo,” Embaka nyingi “Nasomeseranga mu sinaggogi oba mu nyumba ya Weere, yi Bayudaaya boosi bewusiraanga. Yiwuma sinawoola mu wekissi.
\v 21 Wunteeba si? Teeba abo abambulira. Masima bamanyire binawoola.”
\v 22 Yesu nikawoola sinno, mulala khu bakhongo owali ambi kamupaama oluyi mu weeni, kawoola ati, “Yino nje engeri yukowolamo mu Khawona mukhuluutu?”
\v 23 Yesu kakowolamo ati, “Nimbooye esiitu esibi, tusa owujjulisi owe’sibi esyo. Ne ninomalomire amasima, wumpamiiye ssi?”
\v 24 Manu Ana kamusindikha, ewa Kayaafa Khawona omukhuluutu, nibasiimuwoyire.
\s Okhwekaana Khwa Petero Okhwo’khubiri Nende Okhwokhudatu.
\p
\v 25 Nga Simoni Petero lukali nikemire ni kewukumya, bamuteeba baati, “Ewe syoli mulala khu beeki baye?” Kasyekaana, nawoola ati, “Khaba siindi.”
\v 26 Mulala khu bakhosi aba Khawona omukhuluutu, omwikho owo’musaacha yi Petero kali natemirekho okhutwi kamuteeba ati, “Sinakhuwona nuli naye mundalo yi misabbibbu?”
\v 27 Khandi Petero kasyekaana, ne mu’sikha esyo edaywa yachaaka okhukholyookha.
\s Yesu Mu moni Cha Pirato
\p
\v 28 Manu aba Yudaaya bataangisa Yesu okhumutusa ewa Kayaafa bamuyira mudookho lya Gafana owa’Baruumi. Esikha esyo yali echuli lukali, okhutadakha okhukhalaka omusiro kwawe aba Yudaaya khaba sibengira mwidookho; badakha banyale okhulya Paasaka.
\v 29 Manu Pirato katula keecha yibali kabateeba ati, “Musango ssi kwene kumufunana omusaacha onno?”
\v 30 Bakowolamo baati, “Aba nataasi omukhosi we’bibi,” “sikhwakhamukhuleteeye.”
\v 31 Pirato kawoola ati, “Mu muyire enywe abene mu mukheengere omusango mu malako kenywe.” Abayudaaya bayingana baati, “Naye efwe khuwuma owunyala owiita omutu yeesi,”
\v 32 Sinno syekhola kho emboosi Yesu chikali nalomalomire okhwekesa engeri yenfwa yikali naacha okhufwa yoseresewe.
\p
\v 33 Pirato kakowolayo mukkati mwidookho, katumisa Yesu kamuteeba ati, “Niiwe omwene’ngo owa Bayudaaya?”
\v 34 Yesu kateeba ati, “Esyo sibaaso syawo omwene,” “nawo abatu bandi nje abakhuwoleeye ebindiirakho?”
\v 35 Pirato kakowolamo ati, “Ese ndi omu'Yudaaya?” “Babeye abatu bawo nende ba Khawona abakhuluutu abakhundeteeye. Siina syene syukholire?”
\v 36 Yesu kawoola ati, “Owene’ngo wange siwe’syalo sinno. Wuba niwubeeye wuutyo, abakhosi bange bakhalwaanire okhukayira Abayudaaya okhundiira. Naye wunaanu Owene’ngo wange wutula mu sifwo siindi.
\v 37 Pirato kawoola ati, “Oli Omwene’ngo, wunaanu!” Yesu kakowolamo ati, “Oli omutuufu mu khuwoola oti ndi Omwene’ngo. Mu masima, olwasinno sakira newulwa, khandi olwasinno necha mu syalo, okhuwa owujjulisi khu masima. Nawuli syamulala oli khu luwande olwa masima kantekeeresa.”
\v 38 Pirato kateeba ati, “Amasima nje ssi?” Nasi no katula lundi erwanyi eyiri Abayudaaya kawoola ati, “Simona sinemakho okhumufunaana omusango.
\v 39 Naye nsambo yenywe esse okhubalekhulira omuwoye mulala musikha esya Pasaka. Mudakha ndekhule Omwene’ngo owa Bayudaaya?”
\v 40 Bayokerera amukulu nibakowoolamo baati, “Bbe, onno musaacha bbe! Tuwe Balaba!” Wunaanu Balaba kali omukhongo owa’khediimo.
\c 19
\p
\v 1 Pirato kalagira batusewo Yesu nibamukhubba.
\v 2 Abasirikale balukha engule yamawa bayiita khumutwe kwaye. bamwambasa enguwo chifaana ewookha
\v 3 khandi balumirirakho okhucha yaali nibawoola baati, “Oluyaali lube naawe, Omwene’ngo wa Bayudaaya!” Bamala bamukhubba mumoni.
\p
\v 4 Pirato katula erwanyi khandi kabawoolera ati, “Muwone, nja okhumubatusira erwanyi mumanye muuti mbuma naye omusango kumuwenekho.”
\v 5 Yesu nikatula erwanyi nikambaye engule ya’mawa nende enguwo yo’luyaali eyifaana nga ewookha, Pirato kabawoola ati, “Omusaacha nje onno!”
\p
\v 6 Muwangu ba’khawona na’bakhuluutu bawe balomalomera amukulu baati, “Mu mukhomerere! Mu mukhomerere!” Ne Pirato kabakowoolamo ati, “Mumuyire mu’mukhomerere. Ne esse, mbuma sinemakho okhumutaakho omusango.”
\v 7 Abayudaaya batamirira baati, “Effe khuli nende elako, khandi okhwema khu lako eryo ateekwa okhufwa, khulwokhuba kelaanga okhuba omwana wa Weere.”
\p
\v 8 Pirato nikawulira sinno, kemeeda no’khutya khandi kakowoolayo mu Ddookho.
\v 9 Nakowolayo, kateeba Yesu ati, “Otula yeena wene?” Naye Yesu sikamukiwolamo. Pirato kamuwoola ati,
\v 10 “Syudakha khulomaloma nange?” “Syumanyire oti ndi no’wunyala owo’khukhulekhula, oba owo'khukhukhomerera?”
\q
\v 11 Yesu kakowoolamo ati, “Siwakhabeeye no’wunyala khwise no’ba notakhabeeye niwawuweresewa okhutula amakkulu. Nolwesyo oyo owumbayo yuuli ali n’omusango okwe’sibi sikhirakho.”
\p
\v 12 Okhutula awo, Pirato kakesakho okhulekhula Yesu, ne aba Yudaaya bachanakana nokukhero baati, “Nimulekha omusaacha ono kawawo, simuba beecha ba Kayisaali. Yesi yeesi owelanga okhuba Omwen’engo aba ayinganiya Kayisaali.”
\p
\v 13 Pirato nikawulira sinno katusa Yesu erwanyi kekhala khu sisaala syo’wulamusi musifwo simanyikhire nga ekiina lyo khu sigiigo, (mu bebulaaniya Gabasa)
\p
\v 14 Lwali oludaalo lwo’khutekekherakho ejjuma ye'mbaga yo'khubitakho, ambi we saawa yo’mukaaga. Pirato kawoola aBayudaaya ati, “Omwene’ngo wenywe nguno.”
\p
\v 15 Ne bayokerera amukkulu baati, “Mutuseewo! Mutuseewo! Mukhomerere!” Ne Pirato kateeba ati, “Ndakhomerere Omwene’ngo wenywe?” Ba Khawona bakhuluutu bakowolamo baati, “Khuwuuma Omwene’ngo okhutusakho Kayisaali.”
\p
\v 16 Olunyuma lwa byoosi Pirato kamuwaayo yibali akhomererwe. Okhukhomererwa Manu abasirikale badoηηa nibalindire Yesu.
\p
\v 17 Nikekiingiye omusalabba kwaye omwene, katula erwanyi kaacha musifwo sye’biwayanga (mu lulimi lwa Arameyiki esilangiwa Gologosa).
\v 18 Ano nje abamukhomerera, ne alala naye abandi babiri__ mulala khu wuli luwande ne Yesu akaati wawe.
\p
\v 19 Pirato kawandiika esilangiriro syateewa khu musalabba. Syasoma siiti: YESU OWE NAZALEESI, OMWENE’NGO WA BAYUDAAYA.
\v 20 Bangi khu Bayudaaya basoma esiwandiiko sinno, khu lwokhuba esifwo Yesu akakhomererwa syali ambi nende esiko sikhongo, ne esiwandiiko syali mu Arameyika, Latini nende Oluyonani.
\p
\v 21 Ba Khabona bakhuluutu bemulugunya eyiri Pirato, baati, “Otawandiika oti, ‘Omwene’ngo wa ba'Yudaaya, ne oti, omusaacha onno ketaakho ati, ‘Niise Omwene’ngo wa ba Yudaaya.”
\p
\v 22 Pirato kakowolamo ati, “Simbandiikire, Mbandiikire.”
\p
\v 23 Abasirikale nibali bamalire okhukhomerera Yesu, bawukula enguwo chaye, bachikabaniyamo amakhabi kanne, wuli mulala abe nomukero kwaye, enguwo yo mukkati yasikala. Enguwo yinno siyalikho ekemo, ni yatungiwa mu suuka ndala okhutula amukulu okhwoola assi wayo. Bafukirisaniya abene na’beene baati khutayitandulamo, ne khu bite mu khalulu kho khuwone naanu onayiyire.
\v 24 Sinno syakholekhana ebyawandiikiwa byolerere ebiwoola biiti, “Bakabana enguwo change abene khubeene bakhubba nakhalulu khu lwe’byambalo byange.” Sinno nje abasirikale sibakhola.
\p
\v 25 Nηηina Yesu keema ambi no’musalabba kwa Yesu, omukhana wawe ηηina, Malyamu omukhaaye wa Kuloopa, nende Malyamu Mangadalena.
\v 26 Yesu nikawona ηηina awo, nende omweeki yikali nadakha lukali nibemire ambi, kawolera ηηina ati, “Mukhasi mudakhwa, omwana wawo ngunno,”
\q
\v 27 khandi eyiri omweeki ati, “ηηinenywe nguyo.” Okhutula ebikha ebyo, omweeki ono kamuyira engo waye.
\s Okhufwa Khwa Yesu
\p
\v 28 Olunyuma, okhumanya mbo wunaanu byoosi byali biweye, khandi mukhumanya mbo abyawandiikiwa binyale okhwolerera, Yesu kawoola ati, “Ndi no’wuluwo.”
\v 29 Ebbuka lyo mwenge mululu lyzli liteywe awo, bawukula esyangu basiinikhamo, baata esyangu khumudaya bamuta khu munwa.
\v 30 Nibamala okhumunywesa, Yesu kawoola ati, “Syakhawa.” Necho mboosi, kenamya omutwe kwaye nakhookhire ekkosi, kawayo omwoyo kwaye.
\p
\v 31 Awo lwali oludaalo lwokhutekekha, oludaalo lulondakho lwali lwa Ssabiitti lwenjawulo. Olwokhuba Abayudaaya sibadakhanga emibiri okhulekhewanga khu musalabba olwa Ssabiitti, basaba Pirato bakhalake amakulu emibiri bachiise assi.
\v 32 Abasirikale khulwesyo beecha khandi bakhalaka amakulu ko’musaacha wa’mberi owali nakhomereywe nende Yesu, naka’bandi abali nibadoηηire.
\v 33 Ne niboola khu Yesu bakaana mbo amalire okhufwa, sibakhalaka amakulu kaye.
\v 34 Okhumalakho, mulala khubasirikale kachoma Yesu enfumo mu lubafu, amangu akko, wangu weene amabanga kafudumukha alala na’maachi.
\v 35 Omusaacha wa’wonna kawa owujjulisi, no’wujjulisi wutuufu. Amanyire ati awa owujjulisi wamasima, khandi asilomaloma wesi onyale okhufukirira.
\p
\v 36 Binno byakholekhana ebyawadiikiwa binyale okhwolerera: “Si yali kumba lyaye elirikhalakiwa,”
\v 37 khandi, ne siwandiiko siindi esiwoola siiti, “balyewunja khu oyo yibafumita.”
\s Okhusikhiwa Khwa Yesu
\p
\v 38 Olunyuma, Yusufu owa’limasaaya kasaba omubiri kwa Yesu. Wunaanu Yusufu kali omweeki wa Yesu, naye muwekisi olwokhuba kali atya aBayudaaya. Olwokhufukirirwa nende Pirato, keecha khandi kayira omulambo.
\v 39 Kayerekesewakho Nikodemu, omusaacha owali nakeniyirekho Yesu essiro. Nikodemu kaleeta amafuta kakhawowo akeyera owusiito wako pawundi nsafu mutaanu.
\v 40 Nibawukuye omubiiri kwa Yesu, banno babiri bakuwowa birayi mu nguwo chebeyi, nibakuteyekho amafuta kakhawowo. Sinno nje syakholewanga na Bayudaaya nge'nsambo chawe nibasiikha.
\v 41 Musifwo Yesu sikakhomererwamo, aliwo endalo, munno mwalimo enηηani mbyakha, omutu yeesi mwatasikhiwamo.
\v 42 Kulwokhuba lwali ludaalo lwa Bayudaaya lwo’khwetekekherakho ni khandi nge'nηηani yiri ambi, bayikoniyamo omulambo kwa Yesu.
\c 20
\p
\v 1 Echuli chuli khu ludaalo lwa mberi olwejjuma, esiirema nisisiirikho, Malyamu Mangadalena kacha khu nηηani kakaana ekkina nibalitusiise khu mulyango kwe nηηani.
\v 2 Ne amala kerukha okhucha eyiri Simoni Petero nende omweeki wundi, Yesu yikadakhanga lukali, kawoola ati; “Omwami bamutusiise mu nηηani, khandi sikhumanyire yibamuteeye!”
\p
\v 3 Manu Petero nende omweeki wundibatulaniramo okhucha khu nηηani.
\v 4 Bombi bacha niberukha, ne omweeki wundi kerukha kasookha Petero khu nηηani.
\v 5 Kaguunama kawona enguwo cha liiri nichiri assi ne khaba sikengira mu nηηani.
\p
\v 6 Simoni Petero, owali naloondakho, nikoola kamala kengira mu nηηani. Kawona enguwo cha liiri nibachaalire awo,
\v 7 nende enguwo yi’bamusiikhamo eyali khu mutwe kwa Yesu. Enguwo yali yefumbiremo eyene, okhutulakhu ya liiri.
\v 8 Mukhumalirikha omweeki wundi, owali nasookhire okhwoola khu ηηani, yesi kamala kengira mukkati. Kawona kafukiirira.
\v 9 (Okhwola khu sikha esyo bali basiiri okhutegeera okhutula mu byawandiikiwa baati Yesu kali wo’khusyuukha okhutula mu baffu.)
\p
\v 10 Abeeki bamala bakowolayo mu mako kawe,
\s Yesu Awonekhera Malyamu Mangadalena
\v 11 musikha esyo, Malyamu kasikala erwanyi we’nηηani naalira. Na siirira, kaguunama kewunja mu nηηani
\v 12 ne awona ba Malaika babiri, munguwo ndafu, ni bekhaye awo omubiri kwa Yesu akwali, mulala emutwe ne owundi emakulu.
\p
\v 13 Bamuteeba baati, “Mukhasi ewe, lwasi olira?” kabakowolamo ati, “Bayirire omwami wange, khandi siimanyire yibamuteeye.”
\v 14 Nga lukalomaloma atyo, kakalukhana ne awona Yesu nikemire awo, ne khaba sikamumanya.
\q
\v 15 Yesu kamuwoola ati, “Mukhasi ewe lwasiina olira? Okoonya naanu?” Nabasirisa ati ono kali mulindi wendalo, kamuwoola ati, “Mukhongo wange, noba no’mutusisewo, mboolere yumuteeye, ndache namuwukaana.”
\p
\v 16 Yesu kamuwoola ati, “Malyamu.” Kakalukhana kamwewunja, kamuwoola mu lwa'Aramayiki ati, “Rabboni!” (Amakhuluutu mbo Omusomesa.)
\q
\v 17 Yesu kawoola ati, “Otanediirakho khulwokhuba nsiiri okhukowola eyiri Bbaabba. Ne cha wakanane ba mwanaama obawolere oti, ‘Ndi okhukowolayo eyiri Bbaabba wange khandi senywe, Weere wange khandi Weere wenywe.”’
\q
\v 18 Malyamu Mangadalena kacha eyiri Abeeki nende amawulire akawoola kaati: “Mbwene Omwami!” kabawolera nga lukali nawoleywe ebiitu binno.
\s Yesu Awonekhera Abeeki Baye
\p
\v 19 Engoloobe y’oludaalo lwene olwo, olwamberi mujjuma abeeki bali alala, emiryango ni miikale olwokhutya Abayudaaya, Yesu keecha kaabemamo kawoola ati, “Emirembe chibe nanywe!”
\v 20 Nikamala okhuwoola sinno, kekesa amakhono kaye nende mu mbaffu. Abeeki basangaala olubitiriiye nibawona Omwami.
\p
\v 21 Khandi Yesu kakowolamo ati, “Emirembe chibe nanywe! Nga Bbaabba lukantumire, Ssesi mbatuma.”
\v 22 Namalire okhubawoola bi no kabayererakho omuuya nawoola ati, “Mufune omwoyo mulafu.
\v 23 “Ni mulekherangamo omutu yeesi ebibi byaye, ebibi ebyo aba alekheywemo; Nimuba nimutabalekheeyemo, sibiba nibalekheywemo.”
\s Yesu Awonekhera Tomasi
\p
\v 24 Wunaanu Tomasi (Olangiwa Didumo), owali mulala khu ekhumi na babiri, khaba sikali nabo Yesu nikeecha.
\v 25 Abeeki bandi bamuwoolera baati, “Khuwene Omwami!” Ne kabakowolamo ati, “Okhutusakho nimbwene embala che’misumaali mu makhono kaye khandi naata olwala lwange mu misumaali achali, khandi naata omukhono kwange mulubaffu lyaye, khaba sinakhasifukiirira.”
\p
\v 26 Ejjuma niyakhabitawo abeeki nibali mu nyumba khandi, nende Tomasi nali nabo. Nende enjikki chali chikaaywe, Yesu keecha kabemamo, kawoola ati, “Emirembe chibe mwinywe!”
\q
\v 27 Ne kamala kawoola Tomasi ati, “Tta anno olwala lwawo; wona amakhono kange. Kolola omukhono kwawo wundiire mu mbaffu. Otakanakana khandi ofukiirire.”
\q
\v 28 Tomasi kakowolamo ati, “Omwami wange khandi Weere wange!”
\q
\v 29 Yesu kamukowolamo ati, “Ofukiirira olwokhumbona, ne bali nenkhabi abafukiirira nibatawene khandi bafukiirira.”
\p
\v 30 Yesu kakhola owuwonero wa mayiya wungi mu moni cha beeki baye, ebitawandiikiwa mu sitawo sinno.
\v 31 Ne binno byawandiikiwa kho'munyale okhufukiirira muuti, Yesu nje Kurisito, Omwana wa Weere, khandi nimufukiirira munyale okhuba no’wulamu mu liita lyaye. Yokana
\c 21
\p
\v 1 Oluunyuma khandi Yesu keyekesa eyiri abeeki baye, khu Nyanja ya Tiberio. Syaliwo mu mera yinno:
\v 2 Simoni Petero, Tomasi (olangiwa Didumo), Nasanayiri okhutula e Kaana mu Galiraya, abaana ba Zebedayo, nende abandi babiri khu beeki bali alala.
\v 3 Simoni Petero kabawoolera ati, “Esse nja okhunaaba,” bakowolamo baati, “Khunache nawe.” Manu bacha bengira mu lyaato, ne essiro esyo awuma sibadiira.
\p
\v 4 Echulichuli niwukhyeye, Yesu keema kulukerekha lwe Nyanja, ne abeeki sibamanya baati nje Yesu.
\q
\v 5 Kabalanga ati, “Abeecha, simudiiye khunŋŋeeni?” Ne bakowolamo baati, “Khaba.”
\q
\v 6 Kawoola ati, “Mufuube olutimba khuluwande lwo’mukhono mulungi okwe’ryaato manu munadiise khooyo esiitu.” Ne nibamala bafuuba olutiimba khu luwande olwo, manu badiisya enηηeeni nyingi olutimba lwabasidowera okhukhweesa.
\v 7 Omweeki Yesu yikali nadakha kawoola Petero ati, “Nje Omwami!” Wangu wene Simoni Petero nikawulira emboosi echo nichelomaloma, “Nje Omwami,” kewoya esuuka (owali natewoyire enguwo khu mubiri kwaye) katuuma kakwa mu maachi.
\v 8 Abeeki bandi bengira mu lyaato, bakhweesa olutimba nende enηηeni chalimo, bo khaba sibali aleeyi no'lukerekha lwe Nyanja, bali eyaadi nga emya ndala okhutula khu lukerekha.
\v 9 Wangu nibakhatula mu Nyanja, bakaana ni aliwo esiggiri sirikho omuliro nende enηηeeni nichirikho, ne emigaati.
\p
\v 10 Yesu kabawoola ati, “Muleete khu nηηeeni chimwakhadiirakho.”
\v 11 Simoni Petero kengira mu lyaato kakhweesa olutiimba okhululeeta khu lukerekha. Lwali nilwichuuye enηηeeni khongo, echoola emya ndala na makhumi kataanu na chidatu, ata enηηeeni nichali nyingi chiityo olutimba khaba silwatandukha.
\p
\v 12 Yesu kabawoola ati, “Mwiche khulye emere y’echuli.” Ne awuma khaba mulala khu beeki owateeba ati, “Nawe niwe naanu?” Bali bamanyire birayi byene baati kali nje Omwami.
\v 13 Yesu katulayo, kawukula emigaati kabakaba, khandi kakhola nasirala nende enηηeeni.
\v 14 Lino nje eryali ekhabi lyo’khudatu Yesu okhweyekesa eyiri abeeki baye olunyuma lwo’khusiingisiwa okhutula mu baffu.
\s Yesu Achwichwiisa Petero
\p
\v 15 Nibamalire okhulya, Yesu kawoola Simoni Petero ati, “Simoni mwana wa Yokana, masima keene wundakha okhukhira banno?” kakowoolamo ati, “Yee, Omwami,” “Omanyire oti nkhudakha.” Yesu kakowolamo ati, “Liisa amakoondi kange.”
\p
\v 16 Khandi Yesu kawoola ati, “Simoni mwana wa Yokana, mu masima keene wundakha?” Kamukowolamo ati, “Yee, Omwami, omanyire oti esse nkhudakha.” Yesu kamukowolamo ati, “Liinda amakoondi kange.”
\p
\v 17 Khandi kamuteeba ekhabi lyo’khudatu ati, “Simoni mwana wa Yokana, wundakha?” Petero syamuchuna olwokhuba Yesu kamuteeba ekhabi lyo’khudatu ati, “Wundakha?” Kamukowolamo ati, “Mwami wange, omanyire byoosi; omanyire oti nkhudakha.” Yesu kamukowolamo ati, “Liisa amakoondi kange.
\p
\v 18 Khuwolera amasima, niwali muwere omwene wambalanga khandi wachanga wosi woosi wodakha; ne nolikofula olibambula amakhono kawo, ne omutu wundi akhwambasa na’mala akhuyira yotadakhire okhucha.”
\v 19 Yesu kawoola emboosi chinno okhwekesa Petero enfwa eyokhukinisiryamo Weere. Olunyuma lwe’syo kamuwoola ati, “Noonde!”
\p
\v 20 Petero kakalukhana kawona ati omweeki Yesu yikali nadakha lukali ali okhubaloonda. (Oyo nje owali nikesiiye khu mukoongo kwa Yesu mu’bikha byokhulya esyengoloobe owawoola ati, “Omwami, naanu ocha okhukhulyamo olukhwe?”)
\v 21 Petero namalire okhumuwona, kateeba ati, “Omwami, ne ono naye?”
\p
\v 22 Yesu kamukowolamo ati, “Nindakha adonηηe ni mulamu okhwoola lundikowola, esyo siri siitye yuuli? Ewe oteekwa okhunoonda.”
\v 23 Khu lwasin o, olugambo lwafuma mu bamwanaηηina luuti omweeki onno syalifwa. Naye Yesu sikawoola ati syalifwa; kawoola syonηηene ati, “Nindakha asikale ni mulamu okhwoola lundikowola, esyo siri siitye yuuli?”
\p
\v 24 Omweki onno nje otusa owujjulisi khu biitu binno khandi nje owabiyandiika. Khumanyire khuuti owujjulisi waye wa’masima.
\p
\v 25 Yesu kakhola ebitu bindi bingi. Nisiba mbo wuli sirala khu’byo byawandiikiwa assi, mbaasa nti esyalo syoosi sisyakhabeeye ne’sifwo esibikhiwamo ebitawo ebyo nibyakhabeeye mbo byawandiikiwa.