lsm-x-lugwe_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\p
\v 1 Abatu bangi bamalire okhukesakho okhutekekha wulayi mu khuwandiika ebitu ebitukholekhiremo,
\v 2 wusa nga lu byesewa assi khwifwe nende abo abatusokha okhwewonera abene khandi nga bakhosi be’mboosi.
\v 3 Nolwesyo, esse sessi samwene nga nimalire wunanu okhwekhalirisa wulayi nawuli situ okhutula khunjaka, syawonekhana sirayi sessi yindi okhuwandiika emboosi mu wulungifu eyiri enywe, omwolerefu Teefiro,
\v 4 khuwemewo omanye amasima ke’bitu biwasomesewa.
\s Okhwiwulwa Khwa Yokana Omubatiisi khulakulwakho.
\p
\v 5 Mundaalo cha Kerode Omwene’ngo wa wuYudaaya aliwo khawona erita lyaye kali Sakaliya, owali owo mu Lulyo lwa bakhawona ba Abbiya; omukhasi waye Erisabeti yesi kali owo’lulyo lwa Alooni.
\v 6 Manu bombi bali balawota mu moni cha Weere, bakenderanga mu malako koosi nende ebidakhiwa byo’Mwami, nga bolerefu mu ngira chosi choosi.
\v 7 Ne sibalikho n’abaana, khulwokhuba Erisabeti kali mukumba; khandi bombi bali bayesise emyaka.
\p
\v 8 Awo olwola Sakaliya, nikali nakhola omulimo kw’owakhawona mu moni wa Weere,
\v 9 kangaliwa mu khalulu, okhulondana ne’nsambo cha ba khawona bakhulutu, okhucha mu nyumba yO’Mwami okhuniyokhesa owubbani.
\v 10 Ne mu bikha byo’khuniyokhesa owubbani nibyali byolire, abasabi abali ni bewusise boosi bali basabira erwanyi.
\v 11 Awo malayika wo’Mwami kamuwonekhera, nikemire oluwande lw’omukhono mulungi kwo khuwolutali eyiri owubbani.
\v 12 Ne Sakaliya nikamuwona, kesindukha khandi amatichasi kamudiira.
\v 13 Ne Malayika kamuwolera ati: “otatya, Sakaliya; khu lwokhuba okhusaba khwawo khuwuliiywe. Omukhasi wawo Elisabeeti anakhakhwiwulire omwana musyani, onakhamukulikhe erita Yokana.
\v 14 Aliba esangaalo no’khwekhoya yuli, ne bangi abalisangalira okhwiwulwa khwaye,
\v 15 khuba aliba omukali mu moni cho’Mwami. Ne syalinywa malwa oba esinywewa sibbakhe, khandi anakhechusiwe nende omwoyo mwolerefu okhutulira mu khwiwulwa khwaye.
\v 16 Bangi khu batu ba Yisirayiri balikowosa eyiri Omwami Weere wawe.
\v 17 Khandi alichanakana mu moni cho’Mwami, mu mwoyo no’wunyala w’Eriya, okhukalukhaniya emyoyo cha basaawe okhukowola khu baana baawe nende banantakerakwa okhukowoola khu ngira yamakesi kowolerefu__ acha okhukhola abatu babe nga betekekhera Omwami”
\p
\v 18 Ne Sakaliya kateeba malayika oyo ati, “Sino ese na khasimanye ntye? Ese ndi mukofu nomukhasi wange yeesi achiririye mumyaka.”
\p
\v 19 Ne malayika kamukowoolamo ati, “Nise Kawudyeri. Owemanga mu moni cha Weere khandi natumiwa okhulomaloma nawe n’okhukhuwolera emboosi ndayi chino.
\v 20 Wunanu wona ocha okhuwulera khandi sucha khunyala okhulomaloma okhwolera erala khu ludaalo lu bitu bino lubiryekhola, khulwokhuba syofukiriye emboosi change, echicha okhwolerera mundaalo chabyo.”
\p
\v 21 Ne abatu abali nibalindiriye Sakaliya erwanyi bawuka khu lwasi akhindire mu nyumba ya Weere.
\v 22 Ne nikatula erwanyi, sikanyala okhulomaloma nabo. Ne bamanya baati afunire okhuwonekherwa mu nyumba ya Weere, kasikala nakhosesa owuwonero yibali kasikala natanyala okhulomaloma.
\p
\v 23 Endaalo chaye echo’khuweresa nichawa, kakowolayo engo.
\p
\v 24 Bino nibiweye, omukhasi waye Erisabeesi kayera enda kamala embaka y’emyesi chitanu kamenya mu wekisi. Kawola ati,
\v 25 “Omwami kankholera sino,” “mu ndaalo chino kantusisekho ensoni mu moni cha’batu.”
\s Okhulakula Khw’okhwiwulwa Khwa Yesu.
\p
\v 26 Mu mwesi kwo mukaaga, Weere katuma Malayika Kawudyeri okhucha e Nasalesi mu siko sye Garilaaya,
\v 27 khu mukhaana otamanyire musaacha owali nafukirisanisye okhudekhera omusaacha yibalanga Yosefu, owo’musikha sya Dawudi. Erita ly’omukhaana otamanyire musaacha Malyamu.
\v 28 Malayika kacha yali kamuwoola ati, “Yokakho ewe eweywe enkhabi! Omwami ali nawe.”
\v 29 Malyamu kesindukha lukali khu lwe’mboosi chaye khandi kawuka okhukhesa okhwo sikhwekesa.
\v 30 Ne Malayika kamukowolamo ati, “Otatya Malyamu olwokhuba Weere akhuweye enkhabi.
\v 31 Manu wona ocha okhuwera enda wiwule omwana we sisyani, onakhamukulikhe erita oti Yesu.
\v 32 Oyo aliba mukali balimulanga baati omwana woyo oli amukulu lukali. Khandi Omwami Weere alimuwa esisala syo’wutuki esya simwana Dawudi.
\v 33 Khandi alifuka enyumba ya Yakobo endaalo choosi no’lwesyo owene’ngo waye siwuliwawo.”
\p
\v 34 Malyamu kateeba malayika ati, “Siriba siitye sino ng’ese otamanyire musaacha?”
\v 35 Ne malayika kakowolamo nawoola ati, ‘‘Omwoyo mulafu acha okhukhwikhakho khandi amaani koyo oli amukulu lukali kacha okhukhuwutawutira. Manu no’mwana yocha okhwiwula acha okhulangiwa omwolerefu, omwana wa Weere.
\v 36 Ata nende omukhaana wenywe Elisabeeti ali nenda y’omwana mu syani mu wukofu waye. Kuno nikwo omwesi kwaye kwo mukaaga, owalangiwanga omukumba.
\v 37 Khulwokhuba yiwuma esitanyalikha eyiri Weere.”
\p
\v 38 Malyamu kakowolamo ati, “wona ese ndi omukhosi Wo’mwami lekha simbekho nga lw’owoye.” Awo Malayika namala amulekha.
\s Malyamu Akeniya Erisabeti
\p
\v 39 Mu ndaalo echo malyamu kasingira kaacha mangu musyalo sy’engulu mu siko sya Yuda.
\v 40 Kengira mu mako ka Sakaliya kakheesa Erisabeti.
\v 41 Ne Erisabeti nikawulira enkheesa ya Malyamu, omwana kachaka okhutumakala munda, manu Erisabeti kechusiwa no’mwoyo mulafu.
\v 42 ‘khandi kalomalomera mu kono lya’mukulu ng’awoola ati: “Oweresewe enkhabi mu bakhasi boosi, khandi ayeresewe enkhabi omwana yocha okwiwula!
\v 43 Ne lwasina mberesewa enkhabi, Syaba mbo Nηηina yo’Mwami wange keecha yindi?
\v 44 Khangu awo okhukheesa khwawo nikhwingiye mu matwi kange, omwana oli munda yange atumakaaye olwesangaalo.
\v 45 Ali ne’nkhabi owafukiriye ati Omwami bikamuwoolera biryolerera!”
\s Olwembo Lwa Malyamu:
\p
\v 46 Ne Malyamu kakowolamo nawola ati: “Ebibaso byange bifumya Omwami
\q
\v 47 No’mwoyo kwange kusangalira mu Weere Omuwoniya wange,
\q
\v 48 Khulwokhuba kechulisise embeera yo’wulonga yo’mukhosi waye. Okhutula wunanu no’khwemeedayo ese nebikha byosi byoosi birinanga owe’nkhabi,
\q
\v 49 Khulwokhuba omwene wunyala kankholeye ebikhulutu__ omulungifu nje erita lyaye.
\q
\v 50 Ne’sisa syaye sicha syola khu abo abamutya, okhutula mu lusse okhucha khulundi.
\q
\v 51 Akholire ebyo’wunyala n’omukhono kwaye; asalanisye abo abepakha mu bibaaso byawe ebyomukati.
\q
\v 52 Kerusisye abatuki khu bisaala byawe, akhusise abalonga.
\q
\v 53 Abali nenjala abekusise ne’bitu birayi Ne abanyali aberusisye nibali makhono wusa.
\q
\v 54 Ayeedire omukhosi waye Yisirayiri, nikechulisa, okhuba owesisa
\v 55 Eyiri Yibulayimu nende esaaye lyaye endaalo choosi, nga Iukawolera ba seefwe.
\p
\v 56 Malyamu kamenya nende Erisabeti okhumala ambi emyesi Okhwiwulwa Khwa Yokana Omubatiisi.
\p
\v 57 Manu endaalo cha Erisabeti okhwiwula nichola, kewula omwana omusyani.
\v 58 Abamusiribanire alala nende abesikha syaye nibawulira baati Weere akwiriye Erisabeti esisa singi siityo, beecha basangalira alala naye.
\v 59 Ne oludaalo lwo munaana nilwola becha okhukheba omwana oyo, bali badakha okhumukulikha erita lya simwana baati Sakaliya,
\v 60 ne ŋina kakowoleramo amukulu ati, “khaba! Acha okhulangiwa Yokana.”
\v 61 Bamuwoolera baati, “Musikha syawo simuli mutu yibalanga erita eryo.”
\v 62 Bakholera simwana sidimbe nibadakha bamanye nga lukakhamulangire.
\v 63 Naye kabasaba ekina kawandikakho ati, “Erita lyaye nje Yokana.” Abatu baye bawuka.
\v 64 Manu awene awo omunwa kwa Sakaliya kwekukha olulumi niluwololokha, Kachaka okhulomaloma, nikebasa omulongi.
\v 65 Owuti wecha wadiira abamusibiranire, khandi abatu boosi musyalo sy’engulu che wu Yudaaya beecha balomaloma khu biitu bino.
\v 66 Manu abo boosi ababiwulira bawuka mu myoyo chawe nibawoola baati, “Naye omwana oyo kakhabe siina?” Khulwokhuba omukhono kw’OMwami kwali alala naye.
\s Olwembo lwa Sakaliya.
\v 67 Sakaliya simwana Yokana kechusiwa omwoyo mulafu, kachaka okhutumbula ebidiira khu mwana oyo nawola ati:
\q
\v 68 ‘Akinisiwe Omwami, Weere wa Yisirayiri, khulwokhuba asyaliye khandi anunuye abatu baye.”
\q
\v 69 Khandi atusingisiye olwika lwowuwoniya mu nyumba y’omukhosi waye Dawudi
\q
\v 70 (nga lukasilomalomera okhubitira mu banabbi baye abolerefu abaliwo mundaalo enkhale,”
\q
\v 71 okhuwonesewa mu basiku befwe nende mu mukhono kwabo boosi abatatudakha__
\q
\v 72 Okhwekesa esisa khu ba kuuka yefwe no’khukhewulira endakaano yaye enjolereefu,
\q
\v 73 Okhwoseresa esyechubo sikalayira eyiri kuuka yefwe Yibulayimu:
\q
\v 74 okhutuwoniya efwe okhutula mu mukhono kwa basiku befwe, nokhutunyalira khu mukholere nga awuma sikhutya
\q
\v 75 muwolerefu nende mu wulungifu mu moni chaye endaalo chefwe choosi.
\p
\v 76 Nawe, mwana wange, onalangiwe Nnabbi woyo oli amukulu lukali; khulwokhuba olitangira emutwe wo’Mwami okhumuteresera engira,
\q
\v 77 okhuweresa abatu baye amakesi ko’wuwoniya Okhubita mu khubalekheramo ebibi byawe,
\q
\v 78 Khu lwokhuba esisa syaye sirayi sya Weere wefwe, eryuba litutuliyeyo okhutula mwimukulu.
\q
\v 79 Okhwadukhira abatu abo abekhala mu sirema nende mu sinikha sy’okhufwa, okhulungikha amakulu kefwe mungira ye mirembe.”
\p
\v 80 Manu omwana kakhula khandi kemeeda okhuba omwomifu mu mwoyo; kamenya mu sibbarara okhwoola oludaalo lukekeserwa alafu mu Yisirayiri.
\c 2
\s Okhwiwulwa Khwa Yesu.
\p
\v 1 Mu ndaalo echo elako lyatula eyiri Kayisali Agusito ery’abatu boosi okhubaliwa muwutuki woosi owa ba Roma.
\v 2 (Khuno nje okhwali okhubala abatu okhwasookha okhubawo Kuleniyo ni kali nafuka Busuli.)
\v 3 Boosi bacha okhubaliwa nawuli mutu musiko sy’ewawe.
\v 4 Nende Yosefu yesi katula e Galiraaya musiko sye Nasalesi, kanina e Wuyudaaya, okhucha mu siko sya Daudi sibalanga baati Beserekemu, khulw’okhuba kali wo munyumba khandi nga wo musiikha sya Daudi.
\v 5 Kachaayo keyandikise nende Malyamu, yikali nasubisise naye okhudekhya, nali ne’nda.
\v 6 Nibali nibali eyo, endaalo chaye cho’khwiwula choola,
\v 7 kewula omwana waye owamberi, omusyani. Kamuwikha mu nguwo ech’abaana badoto kamukoniya mu sidwooli khu lwokhuba mu nyumba ya bakeni simwalimo sifwo.
\s Abaayi Nende Bamalayika.
\p
\v 8 Aliwo abaayi abekhalanga khu ttale ni balinda amakoondi kawe esiro mu wuleeka.
\v 9 Awo Malayika w’omwami kabawonekhera, no’luyaali lwO’mwami lwadukha lwabewodokhaniya, manu baatya.
\v 10 Ne Malayika kabawoola ati mutatya, ‘‘Khulwokhuba wona ndikhubaletera emboosi ndayi ech’esangalo eririba eyiri abatu boosi.
\v 11 Leero mu siko sya Dawudi kewuywe yimuli omuwoniya; nje Kurisito Omwami.
\v 12 Khano nje akhawonero yimuli: munawone omwana mudoto nibamuwoyire munguwo ch’abaana badoto niba mukonisye mu sidwooli.”
\p
\v 13 Ne amangu ako aliwo nende esinawungi sya ba Malayika abe eye lwo mukulu, nibakiniya Weere baati,
\q1
\v 14 “Oluyali lube eyiri Weere amukulu lukali, nende mu syalo emirembe chibe eyiri abatu basimiiwa.”
\p
\v 15 Awo olwola bamalayika batula yibali okhukowola mukulu, abaayi bawoolanira baati “manu khuche e’Beserekemu khuwone esitu sino esyekholekhire, Omwami syatuwoleye.”
\v 16 Nibasingira nibacha wangu nibawona Malyamu nende Yosefu, n’omwana mudoto, nibamukonisye musidwooli.
\v 17 Nibamala okhumuwona, bawunusa emboosi chibabawoolera khu mwana ono,
\v 18 boosi abawulira bawuka eby’abaayi bi babawoolera.
\v 19 Ne Malyamu kabiikha emboosi echo choosi nga achibasangakho mu mwoyo kwaye.
\v 20 Na’baayi bakowolayo ewawe, nibakiniya khandi nga baweresa Weere oluyaali khu lw’ebyo byoosi bibawona khandi nende bibawulira khu’lwokhuba byali wusa nga lu babawooleye.
\s Yesu Ayiriwa Mu Nyumba Ya Weere.
\p
\v 21 Ne oludaalo lwo’munana nilwola, nga nje ebikha ebyo’khumukheberamo, bamukulikha erita Yesu, lira malayika likali namuweeye nataba munda yanηina.
\p
\v 22 Ne’ndaalo nichola ech’okhulabisiwamo, babe abolerefu ng’amalako ka Musa lukali, Yosefu nende Malyamu batula awo bamwambusa e Yerusaalemi okhumwekesa eyiri Omwami
\v 23 (Nga lu syawandikiwa mu lako lyo’Mwami liiti wuli mwana musyani omwikulanda wa nηηina acha okhuwewangayo eyiri Omwami)”,
\v 24 nende okhuwayo okhwebasanga elako lyo Omwami nga lu liwoola liiti; “amawusi kabiri oba tu nawuruku tudoto tubiri.”
\p
\v 25 Wunanu mu Yerusaalemi mwalimo omusaacha nga bamulanga Simyoni, kali mulungifu khandi nga atya Weere. Ng’alindirira okhusangasiwa khwa Yisirayiri khandi omwoyo mulafu kamulikho.
\v 26 Oyo omwoyo mulafu kali kamwikulirawo ati ata khaba syalifwa natawona Kurisito wO’mwami.
\v 27 Manu nga kechuuye no’mwoyo mulafu, kengira mu nyumba ya Weere. Wunanu abewusi ba Yesu nibali khu bali okhumwingisa mu nyumba ya Weere baati bamukholere nga amalako ka Musa kawoola,
\v 28 Simyoni kawukula Yesu kamukinga mu makhoono, kebasa Weere, kawoola ati:
\q1
\v 29 “Omwami wo’luyaali, nga lu wasubisa, wunanu lekhula omukhosi wawo awewo mu mirembe.
\q1
\v 30 Olwo’khuba emoni change chimalire okhuwona owuwoniya wawo,
\q1
\v 31 wuwali wamwene watekekha mu moni cha batu boosi,
\q1
\v 32 owulafu w’okhuwikhulirwa eyiri abatende khandi owulayi eyiri abatu bawo Yisirayiri.”
\p
\v 33 Manu simwana nende nηηina bawuka lukali ebitu byali ni bimulomalomwakho.
\v 34 Khandi Simyoni kabasabira enkhabi manu kawolera Malyamu, nηηina ati: “Omwana ono ateywewo khu lwokhukwa n’okhusingira khw’abatu bangi mu Yisirayiri, nende okhuba akhawonero akhokhulomwalomwakho wubi,
\v 35 kho ebibaso bye myoyo mingi biwonekhe alafu. Khandi okukhande kucha okhufumita omwoyo kwawo kwosi.”
\p
\v 36 Khandi aliwo nabbi mukhasi, Ana, omukhaana wa Fanweri ow’omusikha sya Aseri. Kali mukofu lukali; Kaba nende wamwe emyaka musanfu okhutula adekhe,
\v 37 ne khandi kaba mufwire nga kakhamala emyaka kinaana munya. Sikatulanga mu nyumba ya Weere, naye kabanga wusa omwo nasaba khandi nawonga; alala nende okhwekalikhira Weere esiro n’esideete.
\v 38 Kolerawo ebiikha byene ebyo, kebasa Weere khandi kalomalomera abo boosi abali balindiriye okhuwonesewa khwa Yerusalemi ebidiira khu mwana oyo.
\p
\v 39 Ne Yosefu nende Malyamu nibamala okhwoseresa byosi byoosi nga amalako ko’Mwami lukalagira, bakowolayo mu Galiraaya mu siko syawe syene esy’e Nasalesi.
\v 40 Manu omwana oyo kakhula khandi kaba owamaani; nikechula amakesi, khandi enkhabi ya Weere ya mulikho.
\s Omusimbukha Yesu Mu Nyumba Ya Weere.
\p
\v 41 Nawuli mwaka abewusi baye bachanga e Yerusaalemi khu muyumo kwa Pasaka.
\v 42 Manu, Yesu nikosa emyaka ekhumi na chibiri e chowukhulutu, baniina bacha khu muyumo, nga lubakholanga.
\v 43 Ne omuyumo ni kwawa, nibali nibakowolayo engo, omusimbukha ono Yesu, kadonηηa enyuma mu Yerusalemu. Ne sino abewusi sibasimanya.
\v 44 Ni babaasa baati ali alala nabo, bakenda oludaalo olulamba nga sibamuwona. Manu bachaka okhumukonya mu balebe bawe nende mu becha.
\v 45 Nga lubatamwakaana, bakowolayo e Yerusalemi okhumumukonya.
\v 46 Endaalo chidatu nichabitawo bamwakaana nali mu nyumba ya Weere, nikekhaye akati mu bekesa, nga ali khubatekeresanga khandi nga’bateeba ebiteebo.
\v 47 Manu abo boosi abawulira bikali nawoola bawuka lukali amakesi kaye nende engeri yikali nga akowolamo ebiteebo.
\v 48 Naye abewusi baye nibamuwona, bawuka lukali. Manu nηηina kamuwolera ati, “Mwana wange, lwasina otubisisye oti? Ese nende latawo khu khukonyire nikhweralikhiriye.”
\v 49 Naye kabateeba ati; “Lwasina mubeye mungoonya?” “Mubeye simumanyire muti nkhoyera okhuba mu nyumba ya Bbabba?”
\v 50 Manu sibamanya sikali nabawoolera.
\v 51 Manu kasingira kekha e Nasalesi nabo khandi kaaba omuwulise yibali. Naye nηηina kabiikha ebitu bino byoosi mu mwoyo kwaye.
\p
\v 52 Yesu kemeeda okhukhula mu makesi nende mu mubiri nga adakhiwa nende Weere na’batu.
\c 3
\s Yokana Omubatiisi Atekekha Engira.
\p
\v 1 Kwali mwaka kw’ekhumi nende chitanu Tibberio Kayisaali nafuka __ Potio Pilato nje owali Gafana owe wuYudaaya, nga Kerode Taturachi owe Galiraaya, naye Firipo mwanaηηina nje owali owe Yitureya nende Turakoniita, Lusaniya Taturachi owali owe Abbilene__
\v 2 mu bikha bya Ana nende Kayaafa nje abali ba khawoona bakhulutu, embosi ya Weere yechera Yokana omwana wa Sakaliya nali mu sibarara.
\v 3 Kacha mu bitundu bya Yoludani byoosi, nga’wuliira okhubatisiwa khwo khweyolobya olwo’khutusiwakho ebibi.
\v 4 Nga lusyawandikiwa musitawo sya Nabbi Yisaaya: “Ekoono lyoyo olomalomera mu sibarara, ‘Muterese engira yo’mwaami, mukololose engira chaye.
\q1
\v 5 Wuli lukhookho lulichusiwa, Engulu chosi ne’bigingi biriisiwa. Engira chekodakoda chirikololwa, Ne echo echebisirikho chirikwalaasiwa.
\q1
\v 6 Khandi wuli mutu acha okhuwona owuwoniya wa Weere.’”
\p
\v 7 Yokana kawolera ebidiikha ebyali nibyetusiseyo okhubatisiwa naye ati, “Enywe abaana benjokha! Nanu owabalawula muwone etiima licha okhwicha?
\v 8 Mwame esyamo esikhoyera okhuliinda okhweyolobya. Khandi mutakesakho okhulomaloma mu myoyo chenywe muuti, ‘Khuli nende kukka yefwe Yibulaimu.’ Mbawolera nti, sinyalikha Weere okhukalukhaniya amakina kano kaaba baana ba Yibulaimu.
\v 9 Eyaywa yatereywe musisikha sye’misaala, nawuli musaala kutatakho ebyamo birayi kucha okhutemewa kusukuniwe mu muliro.”
\p
\v 10 Yokana kabakowolamo ati, “Oli namakanju kabiri awekho oyo owuma, oli nende ebyo’khulya, yesi akhole atyo,”
\p
\v 11 Omukhuηηano kwamuteeba kuuti, “Khukhole si?”
\p
\v 12 Abasolosi bemisolo becha bosi okhubatisiwa. Bawoola baati musomesa khukhole si?
\p
\v 13 Kabawoola ati, “Mutasolosanga okhukhisawo khusikero sibabawola.
\p
\v 14 Wunanu abasirikale bandi bamuteeba baati, “khunakhole si? Kabakowolamo ati, mutanyuulanga abatu erubya khandi mutayinganga abatu bibatakholire__ omusara kwenywe kubamalenge.”
\v 15 Abatu bali balindiriye nende essubi nibabasirisa mu myoyo chawe baati Yokana nje onyala kaaba Kurisito.
\v 16 Yokana kabakowolamo boosi ati, ndi khubabatisa namachi. Ne oyo owukhisakho amaani acha okhwicha, nebirato byaye sinkhoyera okhuwolola ensiya chabyo, nokhubatisa khwaye alibabatisa no’myoyo mwolerefu no’muliro.
\v 17 Oluderu lwaye luli mu makhono kaye okhukhonja no’khuserecha amadette no’mukhuchi nokhuwunga eŋaano musyaki, no’mukhuchi namadette alibisamba nomuliro kutasima.”
\p
\v 18 Ne mboosi chindi enyingi Yokana kabakhutira lukali khandi nabawulilira emboosi ndayi.
\v 19 Yokana nikakesakho okhwolobya Kerode owe’Ssasa olwa Kerodiya, mulamuηηene, ne ebibi bindi byoosi bikali nakholire,
\v 20 Kerode kabimedakho bino byoosi: kamudiira kamuta mu jeera.
\s Okhubatisiwa Nende Ensiwukho Ya Yesu.
\v 21 Abatu boosi nibali nibabatisiwa, Yesu yesi kabatisiwa. Khandi nikali nasaba, ekulu lyekukhawo
\v 22 ne Omwoyo mulafu kamwikhakho mu sifananyi sy’omubiri ng’ewusi. N’ekoono lyatula mukuli niriwola liiti: “Niwe omwana wange omukoosi, yindakha; mwiwe nkhusangaalira lukali.”
\v 23 Ne Yesu mwene nikali ambi okhwosa emyaka asatu ech’owukhulutu nje akachakira owuweresa waye. Kali mwana, sakira syabasiiwa nga wa Yusufu, omwana wa Eri,
\v 24 Mwana wa Matati, Mwana wa Lefi, mwana wa Mereki, mwana wa Yanari, mwana wa Yusufu,
\v 25 mwana Matasiya, mwana wa Amos, omwana wa Nakumu, mwana wa Esuli, omwana wa Nagayi
\v 26 Omwana wa Maasi, omwana wa Matasia, omwana wa Semeyini, omwana wa Yoseki, omwana wa Yoda
\v 27 Omwana wa Yokanani, omwana wa Leesa, omwana wa Serubaaberi, omwana wa Seyalutiyeli, omwana wa Neeri
\v 28 Omwana wa Mereki, omwana wa Adi, omwana wa Kosamu, omwana wa Erumadamu, omwana wa Eri
\v 29 Omwana wa Yoswa, omwana wa Eliyesa, omwana wa Yolimi, omwana wa Mattati, omwana wa Leefi,
\v 30 Omwana wa Simon, omwana wa Yuda, omwana wa Yosefu, omwana wa Yonaanu, omwana wa Eliyakimu
\v 31 Omwana wa Meleya, Omwana wa Meena, omwana wa Matasa, omwana wa Nasani, omwana wa Dawudi,
\v 32 omwana wa Yese, omwana wa Obbeedi, omwana wa Bowasi, omwana wa Saalumoni, omwana wa Nakusoni,
\v 33 omwana wa Aminadabu, omwana wa Aluni. omwana wa Kesironi, omwana wa Peresi, omwana wa Yuda
\v 34 Omwana wa Yakobo, omwana wa Isaaka, omwana wa Yibulayimu, omwana wa Teera, omwana wa Nakoli
\v 35 omwana wa Serugi, omwana wa Lewu, omwana wa Peregi, omwana wa Ebbeli, omwana wa Seela
\v 36 Omwana wa Kayinani, omwana wa Alipakusadi, omwana wa Semu, omwana wa Nuuwa, omwana wa Lameki,
\v 37 omwana Misuseera, wa Enoki, omwana wa Jaredi, omwana wa Mahalaleeli, omwana wa Kayinani
\v 38 Omwana wa Enosi, omwana wa Seesi, omwana wa Adamu omwana wa Weere.
\c 4
\s Okhukhememwa Khwa Yesu.
\p
\v 1 Yesu, nikechuye n’omwoyo mulafu kakowola natula mu Yoludani ng’a tangiriywe n’omwoyo mulafu kacha mu sibarara,
\v 2 yikamala endaalo amakhumi kane nga akhemewa nende sitani, sikalya khu situ syosi mundaalo echo choosi, ne nichawa enjala yachaka okhumuluma.
\v 3 Sitani kamuwoola ati, “noba noli mwana wa Weere, kalukhaniya ekiina lino lifukhe omugatti.”
\p
\v 4 Yesu kamukowolamo ati, “syawandiikiwa siiti: ‘omutu syacha khubawo khu lw’omugatti kwo’ηηene.’”
\p
\v 5 Sitani kamuyira kamuniniya amukulu khandi kamwekesa owen’engo woosi owomu syalo.
\v 6 Sitani kamuwoola ati, “Ndakhuwe ewe owunyala wuno woosi no’wuyiinda wamwo, khubanga ese nawewa, era ngabirakho nawuli yindakha.
\v 7 Manu nonanyinamire, bino byoosi binaabe byawo.”
\p
\v 8 Yesu kakowolamo n’awoola ati, “syawandikiwa siiti: ‘Winamiranga Omwami Weere wawo khandi omukholerenge yeηηene.’”
\p
\v 9 Setani kamuyira e Yerusalemi kamuta khusirama sy’enyumba ya Weere, kamuwoola ati, “Nooba noli omwana wa Weere yema ano otuume okwe assi.”
\v 10 Khu lwokhuba syawandiikiwa siiti: “‘alikhutumira ba malayika baye bakhulindira erala;
\v 11 khandi ati, ‘bali khudiririra mu mikhono chawe okhaye okhwekumula khu kina.’”
\p
\v 12 Yesu kakowolamo, namuwoola ati, “Syalomalomwa siiti: ‘otakhemanga Weere Omulongi wawo.’”
\p
\v 13 Setani nikamala eby’okhumukhema byosi byoosi, kamulekhakho embaka okhwola ebikha byene lubiryola.
\s Yesu Bamukhaya E Nasaleesi.
\p
\v 14 Manu Yesu kakowolayo e Galiraaya nali mu maani ko'mwoyo, enfuma yaye yaswaniya mu ngoongo choosi echisibiranire esyalo esyo.
\v 15 Kasomesa mu sinaggogi chawe, wuli mutu kamukiniya.
\p
\v 16 Kakowola e Nasaleesi, yikakhulira, oludaalo olwa sabbiti keecha kengira mu Sinaggogi, nga lu yali enkhola yaye. Kasingira keema okhusoma.
\v 17 Beecha bamuwa esitawo sya Nabbi Yisaaya. Nikali nabambula, kawukaana awutu abawandika baati:
\q1
\v 18 “Omwoyo wa Weere kandiikho, khulwokhuba kanjukhakho amafuta okhuwuulira amawulire malayi eyiri abaati. Kantumire okhulangirira okhulekhuliwa khwa’bawaambe no’khulimbula khwa’bawofwu, nokhulekhulwa khwa bali muwunyiki,
\q1
\v 19 okhulangirira omwaaka kw’Omwami okwo’lukoosi.”
\p
\v 20 Kawikha khu sitawo kasikowoseera omukhosi wo mu nyumba ya Weere, kekhala assi. Emoni cha’batu bosi boosi abali mu Sinaggogi ba mukhadaasa,
\v 21 kachaka okhubawoola ati, “leero ebyawandiikiwa binno byolereye mu matwi kenywe.”
\p
\v 22 Bosi boosi bamulomalomakho wulayi khandi bawuka lukali khu lw’emboosi ndayi echali chitula mu munwa kwaye. Manu bateeba baati, “Ono sinje omusoliri wa Yosefu?”
\p
\v 23 Yesu kabakowolamo ati, “Masima mulingaadakho olukaado luno muti: ‘Omusawo, wewoniye wa mwene! Khola ano mu siko sye’wenywe bikhwawulira khuti wakhola mu Kaperanawunu.’”
\v 24 Kakowolamo nawoola ati, “mbawoolera amasima nti awumawo nabbi yesi ofukirirwanga mu siko sye wawe.
\v 25 Mbakhakhasa nti aliwo abafwire bangi mu Yisirayiri mu ndaalo cha Eriya, ekulu lyekaliwawo emyaaka chidatu ne’situndu enjala nyingi yakwa mu syalo syosi syoosi.
\v 26 Eriya khaba sikatumiwa eyiri boosi, okhumalakho omukhasi mufwire owe Sereefasi mu syalo sya Sidoni.
\v 27 Khandi aliwo bangi abe bigenge mu Yisirayiri mu ndaalo cha nabbi Erisa, ne si yali khaba mulala khwabo owawonesewa okhutusaakho__ Naamani omusuli.
\v 28 Nibawulira emboosi echo abatu boosi mu sinaggogi bechula ettima.
\v 29 Basiingira bamubirikisa erwanyi we siko bamuyira mu mbaka y’olugulu lubombakhakho esiko syawe nga badakha okhumusindikha akwe era assi.
\v 30 Ne kababita akati we’sidiikha kawawo.
\s Yesu Kerusya Omusambwa mubi.
\p
\v 31 Kekhirira e Kaperenawumu mu siko sye Galiraaya kabasomesanga khu ludaalo lwa sabbiti.
\v 32 Bawuka olw’okhwekesa khwaye, khulwokhuba emboosi yaye yaali nende owunyala.
\v 33 Mu sinaggogi mwalimo omusaacha owalikho omusimu kwo’musambwa mubi. Kalira nende ekono ekhongo.
\v 34 Ati, “wuwi otukonyakho si Yesu omu Nasaleesi? Wichire okhutudimya? Khumanyire nga lwoli__ omwolerefu wa Weere!”
\p
\v 35 Yesu kakhamukhira omusambwa mubi ati, “Wulera!” “Mutulekho!” Omusambwa kwa musukuna assi akati mu batu kwamutulakho nga si kumukholire khabi.
\p
\v 36 Okhuwuka khwa badiira boosi boosi batebana abene na beene baati, “Nsomesa siina yino? Khulwokhuba alagira n’owunyala na’maani emisambwa nichibatulakho!”
\v 37 Enfuma yaye yemeeda okhuswaniya wuli watu, mu syalo esyo nebitundu bisibiranire. Yesu Awoniya Bangi
\p
\v 38 Yesu kasingira katula mu sinaggogi kacha mu daala lya Simoni. Wunanu Masalaηηene Simoni kali mulwaye w’omusuja mungi, bekalikhira Yesu amuyeede,
\v 39 Keecha kenama ali omulwaye kalagira omusujja, kwamutulakho. Musiikha syene esyo obeye omulwaye kasingira kachaka okhubakholera.
\p
\v 40 Ne eryuba khulicha okhukwa, boosi boosi abali nabalwaye abendwaye chitasi na sirala, bamuletera kabataakho omakhono wuli syamulala, kabawoniya.
\v 41 Manu, emisambwa chatula mu baatu bangi nichirira chiiti, “Wuwi oli Mwana wa Weere!” Naye kachiyalabira ka khaya no’khuchifukirira okhulomaloma, khuba chali chimanyire chiiti nje Kurisito.
\p
\v 42 Owire niwakhya Yesu katulawo kaacha mu sifwo atali batu. Abatu bali ni bamukoonya ne nibeecha boola yikali, bakesakho okhumukaniya atabatulakho.
\v 43 Ne kabawoola ati, “Sinkhoyera okhuwulira enjiri yo’wene’ngo wa Weere mu biko bindi byosi, Khulwokhuba nje esyakira bantuma.”
\v 44 Ne kemeeda okhuwuulira mu sinaggogi che wu Yudaaya. 
\c 5
\s Okhulangiwa Khwa’beeki bamberi.
\p
\v 1 Oludaalo lundi Yesu kali nikemire khu nyanja eye Genesaleti, esidiikha ni simwewodokhanisye nibatekeresa emboosi ya Weere.
\v 2 Kawona amaato kabiri khu sigenya, akali nikalekhirwe nabanaabi abali nibosa enjero chawe.
\v 3 Kengira mu lyato lala khwako, eryali erya Simoni, kamuwoola okhulisudya khooyo wutono okhutula khu sigenya. Manu kekhala kasomesa esidiikha nali mu lyato.
\v 4 Nikali namalire okhulomaloma, kawoola Simoni ati, “Suda mulusiba, musukune enjero chenywe, munaabe.
\p
\v 5 Simoni kakakowolamo kawoola ati, “Omwami, khunyakhanire esiro syoosi ne yiwuma sikhudisisyekho. Ni khulwemboosi yawo, ndeese enjero.”
\v 6 Manu nibakhola baatyo, badiisya eηηeni nyingi chene, atono wene enjero chawe ambi chikudukhe.
\v 7 Basakula abasyawe mu lyato liindi beche babayeede, becha bechusa amaato kombi no’khwibira kadakha okhwibira.
\v 8 Ne Simoni Petero nikawona binno, kafumala khu makulu ka Yesu kawoola ati, “Tula ambi nange, Omwami wange; olwokhuba ndi omutu omukhosi webibi!”
\v 9 Olwokhuba ye nabasye bawuka khulwo wungi we’ηηeni chi bali badiiye,
\v 10 nasirala Yakobo nende Yokana nje lubali, abaana ba Sebedayo, abali ni bakholera alala nende Simoni. Yesu kawoola Simoni ati, “Sutya; okhutula olwalero no’khuchanakana, onanabeenge abatu.”
\v 11 Manu nibakobya amaato kawe khulukerekha, balekha byoosi baacha naye.
\s Omusaacha We’bikeenge.
\p
\v 12 Awo olwoola nikali mu siko sirala mwibyo, omusaacha kecha owali kechuuye ebikeenge. Ne nikawona Yesu, kakwa kafumala kamwekalikhira ati, “Mwami wange, noba nokanya, onyala okhundabya.”
\p
\v 13 Manu Yesu kakolola omukhono kwaye kamudiirakho nga awoola ati, “ndakha,” “laba!” Awene na’weene ebikeenge byamutulakho.
\v 14 Manu Yesu kamukhutira nawoola ati, “otawolerakho omutu yeesi, okhutusakho cha, weyekese eyiri khawona oweyo ebyokhwebasa ebyo’khulabisiwa khwawo nga Musa lukalagira, okhuba omujulisi yibali.”
\v 15 Naye emboosi chaye chemeeda wemeeda okhusasaana, ebikanda biingi byewuusa okhuwulira no’khubawoniya amalwaye kawe.
\v 16 Naye Yesu kabatulangamo naacha mu bifwo byo’wekisi okhwekalikhira.
\s Yesu Awoniya Owakokoomba.
\p
\v 17 Khu ludaalo lundi Yesu nikali nikekesa, Abafalisaayo nende abasomesa bamalako, abali nibatulire mu ngongo che Galiraaya nende wu Yudaaya nende Yerusalemi, bali bekhaaye
\v 18 Amaani ka Weere kali naye okhuwoniya owulwaaye. Wona abaatu baleeta omutu khu sitaanda owali nakokoombire, bakhenga amakesi okhumwingisa, no’khumuta mu moni chaye.
\v 19 Nibatawona awokhumwingisira olwo’wungi wa batu, baniina amukulu khusirama badomola bamwisira khusitaanda syaye bamwoosa assi akati we’sidiikha, mu moni cha Yesu. awo.
\v 20 Manu Yesu nikawona okhufukiirira khwawe, kawoola ati, “omwiicha, ebibi byawo bikhulekheywemo.”
\p
\v 21 AbaFalisaayo na’basomesa ba’malako bachaka okhuyingana abene nabeene nga bawoola baati, “Nje naanu ono olomaloma ebyo’khufwotokheresa? Nanu onyala okhulekheramo ebibi okhumalakho Weere yeηηene?”
\p
\v 22 Ne Yesu kamanya bi bali nibabasa kabateeba ati, “Lwasi mubasa bino mu myoyo chenywe?
\v 23 Esyangu nje esiri, okhuwoola oti, ‘Ebibi byawo bikhulekheywemo,’ oba okhuwoola oti, ‘Singira okende’?
\v 24 Ne kho mwemewo mumanye muti omwana wo’mutu ali no’wunyala khu syalo okhutusakho ebibi.” Kawoola omukongobafu ati, “nkhuwoola, singira, okiinge omukekka kwawo okowoleyo engo.”
\v 25 Awo nawo kasingira mumoni chawe, kakiinga esyo sikali nakonirekho kaacha ewaye nakiniya Weere.
\p
\v 26 Wuli mutu yeesi kawuka bamukiniya Weere. Beechula no’khutya khungi nibawoola baati, “khuweene esitabangawo olwaleero.”
\s Okhulangiwa Khwa Leefwi.
\p
\v 27 Manu bino nibyawa Yesu katula kawona omusolosi wo’musolo erita lyaye Leefwi; nikekhaaye mu nyumba yibasoloseramo omusolo, kamuwoola ati, “Noonde,”
\v 28 Leefwi kalekha byoosi kasingira kamuloonda.
\p
\v 29 Leefwi kakholera Yesu owukeni owukhongo mu nyumba yaye, esikaanda esikhongo esya’basolosa omusolo nende abandi bakali nalya nabo.
\v 30 Naye AbaFalisaayo n’abasomesa bamalako abefukiirira yawe khuwawe beηuluηunyira abeeki baye, nibawoola baati, “Siina esibaliisa no’khunywera alala nabasolosa omusolo, na’batu abali ne’bibi’?”
\p
\v 31 Yesu kakowolamo kabawoola ati, “Abalamu sinje abadakha omusawo, okhutusako abalwaaye.
\v 32 Ne esse sineecha okhulaanga abolerefu, naye abali ne’bibi okhweyolobya.”
\s Yesu Atebewa Khu Khusiiba.
\p
\v 33 Bamuwoola baati, “Abeeki ba Yokana basiiba amakhabi mangi, khandi nga bekalikhira Weere, nende abeeki Bafalisaayo baatyo, naye abawo bachanakana no’khulya no’khunywa.”
\p
\v 34 Yesu kabawoola ati, “Munyala okhuwongya abakeni bo’musaacha odekhisye enjala, nasiri nabo?
\v 35 Naye endaalo chiicha omusaacha odekhisye lwali batusiwakho; mu ndaalo echo nje lubaliwoonga.”
\p
\v 36 Kabawolera olukaado luno ati: “Awuma omutu otandula esiraka khu nguwo embyaakha kanabira khunguwo enkhale. Olwokhuba nakhola atyo, aba atandula esiyaakha, nende esiraka siyaakha sisichaana ne’sikhale.
\v 37 Awumawo omutu owukula omwenge omuyaakha kakuchukha museero lyo’mwenge omukhale. Nakhola atyo, omwenge omuyaakha kuba kunatandule eseero, no’mwenge kuba kunedikhe assi, ne’seero lya nyasikha.
\v 38 Khaba, omwenge muyaakha kuli no’khuchukhiwa mu maseero mayaakha.
\p
\v 39 Khandi yiwuma omutu yeesi nikakhamala okhunywa omwenge mukhale owakhadakha omuyaakha, kakhawoola ati, ‘omukhale kukhira.’” 
\c 6
\s Omwaami We Sabiiti
\p
\v 1 Awo olwoola khu ludaalo lwa ssabiiti nikali nabita mundalo che’ŋaano, abeeki baye bawukula ebikala by’eŋaano, nibabisiriitira mu byaaba byawe nibalya.
\v 2 Ne aba Falisaayo bandi bateeba baati, “Siina syeene esibakhosa esitali syamalako okhukhola khu sabbiiti?”
\p
\v 3 Yesu kabakowolamo nawoola ati, “Sino khaba simusisomangakho, Dawudi sikakhola na’basye nibali enjala?
\v 4 Nga kengira mu nyumba ya Weere, kawukula emigaati cho’wolerefu kachirya khandi kayeresakho nende abo bakali nabo; ne khandi emigaati echo chali cho’musiro abantu bandi okhuchirya okhutusakho ba khawona boηηene.”
\v 5 Khandi Yesu kabawolera ati, “omwana wo’mutu nje omwaami wa sabbiiti.”
\p
\v 6 Khu sabbiiti lundi, kengira mu sinaggogi mu batu kasomesa, omwo nje omwali omutu owali nikekakada omukhono kwaye omulungi.
\v 7 Awo aba Falisaayo nende abasomesa ba’malako bamukhadaasa emoni, nga badakha bawone na nawoniye omutu khu ssabbiiti, kho bemewo bamuteekho omusango.
\v 8 Ne Yesu kamanya ebibaaso byawe namala awoola oyo owali no’mukhono kwekakada ati, “Singira weeme emutwe wawe.” Kasingira kema.
\v 9 Awo Yesu kabawoola ati, “Mbateeba nti, esiri mu malako nje esiri khu lwa Sabbitti: okhukhola owulayi oba okhukhola owubi, Okhuwoniya owulamu nawo okhudimya?”
\v 10 Ne amala abatiingaala okhubewodokhaniya, na amala awola omulwaye ati, “Kolola omukhono kwawo.” Omulema yesi kakhola atyo, ne omukhono kwaye kwakowoola aweene.
\v 11 Naye beecha balaluwa bachaka okhweηηuluηηunya abeene na beene nibatebana nga lubanakhole Yesu.
\s Abatume Ekhumi Na’babiri.
\p
\v 12 Lulala khu ndaalo echo Yesu katulayo nacha khu ntulo wo’lugulu okhusaba, kayira owire woosi nasaba Weere.
\v 13 Awo owiire niwakhya, kalanga abeeki baye, mw’abo nadoolamo ekhumi na babiri, bano nikemawo nabakulikha ati nibo Abatume.
\v 14 Simooni (oyo yikakulikha Petero), mwananηηina Andereya, Yakobbo, Yokaana, Firipo, Battulumayo,
\v 15 Matayo, Tomasi, Yakobbo omusoliri wa Alufayo, Simoni owalangiwa Serote,
\v 16 Yuda omusoliri wa Yakobbo, nende Yuda Isikalioti owamulyamo olukhwe.
\s Enkhabi N’engisa
\p
\v 17 Kekhirira nabo, nikema mu sifwo sikwalaafu. Ne esidiikha sikali esya’beeki baye alala nende abatu bangi abatula ewu Yudaya, yosiyosi nende e Yerusaalemi, nende abatula khunsa yenyanja y’e Tuulo nende Sidoni,
\v 18 Abeecha okhumuwulirisa nende okhuwonesewa amalwaye kawe. Ne abo abali basandisiwa ne’myoyo mibi bawonesewa,
\v 19 ne abatu boosi bakesakho okhumudirakho khwoηηene, khulwokhuba amaani kamutulangamo nikabawoniyanga boosi.
\v 20 Yesu katiingala abeeki baye, kabawoola ati: “Muli nende enkhabi abaati, khulwokhuba owen’engo owa Weere wenywe.
\v 21 Muli nende enkhabi enywe enjala bayiluma ebikha bino khulwokhuba mwakhekute. Muli nende enkhabi enywe abalira mu sikha sino, khulwokhuba mwakhachekhe.
\p
\v 22 Muli nende enkhabi abantu ni banabasyulenge, ni banakhayenge okhusuda ambi nanywe khandi nibabanyeka ni bakhaya erita lyeywe baati bi, khu lwo’ mwana wo’ mutu.
\v 23 Musangalanga mu ludaalo olwo, mutuumanga amukulu olwesangaalo, khulwokhuba mumanye muuti omukawo kwenywe mungi mukulu. Khulwokhuba ba kuka yenywe nilwo lubakholanga ba nabbi baatyo.
\p
\v 24 Ne Engisa chibawukanire enywe abanyali, khu lwokhuba mumalire okhwakaana okhukumisiwa khwenywe.
\v 25 Engisa chibawukanire enywe abalisiwa wulayi wunanu, khu lwokhuba mulilumwa enjala. Endaalo chibawukanire enywe abachekha khulwa wunanu, khulwokhuba mu lirira khandi mwaba sirimooyi.
\v 26 Engisa chibawukanire enywe abatu boosi nibabalomalomakho wulayi khulwokhuba ba kuka yawe nje bakholanga ba nabbi bo’wubacha.
\s Okhudakha Abasiku
\p
\v 27 “Naye mbawoola enywe abambulirisa nti: Mudakhenge abasiku benywe, mubakholenge birayi abatabadakha,
\v 28 muweresenge enkhabi abo ababawaaba, musabirenge abo ababakhola owubi.
\v 29 Omutu yeesi okhupama oluyi khuttama, omukalukhanisiryanga ettama lindi lyosi. Omutu yeesi nakhutusangakho enguwo yawo, otamukananga no’khuyira ekanju lyawo.
\v 30 Wuli okhusabanga omuweresanga, okhuwukulangakho kwamani, otamusaba okhukhukowosera.
\v 31 Kholeranga abandi nga luwakhadakhire bakhukholere.
\p
\v 32 “Ne nimudakha abo ababadakha, mukawo siina kumulifuna enywe? Khulwokhuba nende abatu bali n’ebibi boosi badakha abo ababadakha.
\v 33 Khandi nimukhola wulayi ababakhola wulayi, mukawo siina kumufuna? Khulwokhuba abakhosi bebibi boosi nilwo lubakhola.
\v 34 Khandi nimwasikha abo bamusubira okhubasasula, mukawo sina kumufuna? Ata abakholi be’bibi boosi bawola abakholi be’bibi basyawe, ‘Nga basubira okhubasasula mu wichufu.
\v 35 Ne mudakhenge abasiku benywe, mubawolenge birayi, mubawolenge nga simusubira okhufuna esiitu syoosi. Awo omukawo kwenywe kuliba mungi, nanywe muliba baana boyo oli amukulu lukali, khulwokhuba ye we’sissa eyiri abatasiima nende ababi.
\v 36 Mube nende esisa, nga lata yenywe lwali ne’sisa. Okhukhengeranga Abandi emisango
\p
\v 37 “Khandi mutakhengerenga abatu emisango, kho mwesi mukhaye okhukhengerwa. Mutakhisanga abatu emisango, mwesi mutakhisiwa. Mulekherengemo, mwesi mulirekherwamo.
\v 38 Mukabenge, kho mwesi mulikabiwa. Omukero mulayi, omusiinyire, omusakase okuli alala nikwichuliriye khandi nikwidikha, kulichukhiwa khu mubiri kwawo. Olwokhuba omukero kumukereramo abandi, nje kumulikererwamo mwesi.”
\p
\v 39 Khandi kabakaadira olukaado ati: “Omuwofu kakhatangisa omuwofu wasye? Bombi sibaba nibanakwe mu liina?
\v 40 Omusomi syakhira omwekesa waye, ne omutu yeesi yibasomesise wulayi aliba ngo’musomesa waye.
\p
\v 41 Siina esikhutingasa esikokha esiri khu moni ya wandayo, naawe olekhire osiwaawa siri khu moni yawo omwene?
\v 42 Wakhawoola otye wandayo oti, ‘Mwana wefwe, lekha nkhutusekho esikokha mu moni yawo,’ ne nga ewe omwene sikhukhasise okhuwona okuwawa mu moni yawo? Mubacha ewe, tangira atuse okuwawa mu moni yawo, kho wemewo onyale okhuwona wulayi otusemo esiri mu moni ya wandayo.
\s Omusaala Ne’ Byamo Byakwo.
\p
\v 43 “Awuma omusaala mulayi okwaama ebyaamo bibi, ata omusala mubi, okwaama ebyaamo birayi.
\v 44 Wuli musaala kumanyikha olw’ebyaamo byakwo. Abaatu sibanoka entuli khu mukokwe, ata emusabbibbu khu musabakwa.
\v 45 Omuutu mulayi esirayi asitusa mu sanduku erayi eryo’mwoyo kwaye, no’mubi esibi asitusa mu sanduku ebi eryo mwoyo kwaye. Mwebyo ebichuye mu mwoyo kwaye nibyo omunwa bikulomaloma. Omwombakhi mukesi no’musiru
\p
\v 46 Munangirasi ‘Omwami, Omwami’, ne’ nga simukhola embosi chi mbawoola?
\v 47 Ndabekese nga lwafwana oyo mutu owicha yindi manu kawulira emboosi change khandi kachita mukhola.
\v 48 Afwanana nga omutu owombakha enyumba, owayaba omusingi okhwola assi khu lwanda. Olwo enfula niyiicha, amaachi kakwa kakhubba enyumba eyo, sikanyala khuyidengaaniya khulwokhuba yombakhiwa wulayi.
\v 49 Ne oyo owulira emboosi change na’khaya okhukhola nga lundakha aba nga omwombakhi owombakha natayabire omusingi kumala. Manu ebikha omukhula okwamaani nikwecha kwakhubba enyumba eyo, kwayikwiisa yawerawo erala. 
\c 7
\s Enfukirira Yo Mu Sirikale Wa Batu Emya
\p
\v 1 Yesu nikali amalire okhulomalomera abatu ebitu bino byosi, kasingira kengira e Kaperenawunu.
\v 2 Eyo omukhosi wo’musirikale wa batu emya, yikali nayeresa oluyaali lukali, kali mulwaye nali ambi okhufwa.
\v 3 Omusirikale wa batu emya ono nikawulira enfuma ya Yesu katuma abakhulutu bandi aba Bayudaya basabe Yesu, keche awoniye omukhosi waye ono.
\v 4 Nibacha eyiri Yesu, bamwekalikhira nibawoola baati, “Omutu ono akhoyera okhumukholera sino,
\v 5 khulwokhuba adakha esyaalo syefwe khandi sinaggogi yefwe njo’watwombakhira.”
\p
\v 6 Manu Yesu kacha nabo. Ne nikali kho kolerera ango wo’musirikale kamutumira abeecha baye nawoola ati, “Omwami, otenyakhaniya okhwicha ewe omwene, olwokhuba ese sikhoyera ewe okhwingira mu nyumba yange.
\v 7 Sakira ese sinyalire okhutungukhirira okhwicha yoli. Ne lomaloma wulomaloma embosi, omukhosi wange anawone.
\v 8 Olwokhuba ese omwene ndi mutu owo’wunyala ne nga ndi na’basirikale bambira. Nimbola mulala nti, “Cha’, nacha; nimbola owundi nti, ‘Yicha’, nikecha. “Nimbola omukhosi wange nti, ‘khola sino’, nakhola wusa.”
\p
\v 9 Yesu nikawulira ebyo, kamuwuka, kakalukhanira esidiikha esyali nisimulonda kawoola ati, “Mbawolera nti, simbonangakho omutu owenfukirira nga yino nende mu Yisirayiri mwosi.”
\v 10 Abatu babali nibatumire bakowolayo engo bawukaana omukhosi nawonire.
\s Yesu Asyukhisa Omusyani Wo’mufiire
\p
\v 11 Ebikha ni’byali byakhabitawo bitono, Yesu kacha mu siko sibalanga Neyini, abeeki baye ne’sidiikha syacha naye.
\v 12 Nikali kolerera omulyango kwe’siko esyo, kawukanana no’mulambo kwo’mutu nibakutusa erwanyi__ nga kwo’mwana muderwa owo’mukhasi, khandi kali omufwire. Esidiikha esikhongo okhutula mu siko syali naye.
\v 13 Ne omwami nikamuwona, omwoyo kwaye, kwacha khu mufwire kamuwoola ati, “otalira.”
\v 14 Wunanu kanina kacha kadiira khu sanduku, ne abali bakingire bema bawulera. Yesu kawoola ati, “Musyani mbola nti singira!”
\v 15 Omutu owali nafwiye kasingira kekhala kachaka okhulomaloma, Yesu kamukowoosera nηina.
\p
\v 16 Boosi bechula no’khutya bafumiya Weere nga bawoola baati, “Nabbi mukhongo atwichiremo,” khandi bawoola baati, “Weere kechire okhuyeda abatu baye.”
\v 17 Amawuliire kano akadiira khu Yesu kasalaana mu Wuyudaaya mwoosi ne’byaalo biriranire.
\s Yesu Nende YokanaOmubatiisi
\p
\v 18 Abeeki ba Yokanabamuwolera byosi ebyali byekholekhana.
\v 19 Awo Yokanakalangaa abeeki baye babiri kabatuma bache bamuteebe baati, “Niwe ola owicha nawo khulindirire owundi?”
\p
\v 20 Ne abacha niboola eyiri Yesu bamuwoola baati, “Yokanaomubatiisi atutumire yoli okhukhuteeba khuuti, ‘Niwe ola owali owokhwicha, nawo khusubire owundi?’”
\p
\v 21 Mubikha byene ebyo Yesu kawoniya bangi abali ne’ndwaye, olumbe, ne myoyo mibi, khandi kawa bangi abali bawofu okhuwona.
\v 22 Wunanu kabakoowolamo ati, “Muche muwolere Yokanaebyo bimuwene nende bimuwuliye: Abawofu bawona, abalema bakenda, abebikenge bawonesewa, abadimbe bawulira, abaffu basyukhira, abaati bawulirwa enjiri.
\v 23 Ali nenkhabi oyo otesindukha khulwange.”
\p
\v 24 Bawamuwanda ba Yokananibamala okhuwawo, Yesu kachaka okhulomaloma ne’sidiikha ebidiira khu Yokanaati: “Siina syene simwachirira okhuwona mu sibarara? Ekada lidenganisiwa ne’mbewo?
\v 25 Nisitali siityo, ne siina simwachirira okhuwona? Omutu wambaye enguwo chiηηenaηηena? Khaba, wona abo abambala enguwo enyonjo echebbeyi, nende abo abakendera mukhwesangaasa baba mu nyanyi cha ben’engo.
\v 26 Ne siina simwachirira okhuwona? Nabbi? Yee, mbawoolera, ono ntumaakhiririsakho erala nabbi.
\v 27 Ono nje yibawandiikakho baati, ‘Wona wamuwaanda emutwe, oliteresa engira yawo.’
\p
\v 28 Mbawolera nti, abo boosi abewulwa no’bakhasi si aliba olikhira Yokaana; ne omuwere mu wen’engo wa Weere nje owo’luyaali okhira oyo.
\p
\v 29 (Ne abatu boosi, ata nende abawoosa, nibawulira emboosi cha Yesu bemawo bafukirira baati engira ya Weere nje endayi, olwokhuba bali babatisiwire nende Yokaana.
\v 30 Ni abafalisayo nabasomesa bamalako bakaana engira cha Weere olwukhuba sibabatisiwa nende Yokaana.)
\p
\v 31 “Wunanu, abatu bendalo chino ndabakeraniye khusi? Khandi bali nga si?
\v 32 Balinga abaana bekhala mukhatale nibalangana baati: ‘Khubakhubbiye amalere, khandi mwakhaya okhuhina; khwabembera oluwungu mwakhaya okhulira amasiika.’
\v 33 Yokanaomubatiisi kecha nga syalya mere khandi nga syanywa mwenge, mwawoola muuti, ‘Alikho omusimu.’
\v 34 Omwana wo’mutu kecha nalya khandi nanywa, mwawoola muuti, ‘Ono wo’kuliiras khandi mumesi, omwicha wa bawosa nende “abakholi be’bibi.’
\v 35 Naye amakesi kakhakhasiwa amasima na baana bako boosi.”
\s Yesu Achukhiwakho Amafuta No’mukhasi We’bibi
\p
\v 36 Awo omu Falisaayo mulala kalanga Yesu okhulya naye esye’ngolobe, kengira mu nyumba eyo mu Falisaayo oyo kekhala okhulya.
\v 37 Wona omukhasi mulala mu siko esyo owali omukholi we’bibi nikamanya nga Yesu kekhaye khu mere mu nyumba yo mu Falisayo kaleta e jagi ya’mafuta aka‘khawowo,
\v 38 nga lukema emukongo wa amakulu kaye nalira, kachaka okhudosya amakulu ka Yesu na’masika. Namala keya amasika ne’ffwiri lyaye, kamukwa khu makulu namala akachukhakho amafuuta.
\v 39 Ni omufalisayo owali na’mulangire nikawona bino, kalomaloma mu mwoyo kwaye nawoola ati, “Omutu ono nikakhabeye nabbi, kakhamanyire omukhasi omudirakho ngalwafwana__ nga lwali ne bibi.”
\p
\v 40 Yesu kakowoolamo ati, “Simoni, ndi nende sindakha okhukhuwolera.” Kawoola ati, “Musomesa, mbolere.”
\v 41 “Aliwo abaatu babiri abali ne’kobi erwo’muwoli we’rubya. Mulala kali amubanja e dinali bitaanu no’wundi ataanu.
\v 42 Khu bombi awumawo owali ne’rubya cho’khumukowosera. Kabalekheramo bombi. Wunanu khu bombi olikhira okhumudakha nje nanu?
\p
\v 43 Simoni kakowoolamo kawola ati, “Mbasa nti oyo yikakhira okhulekheramo owali ne’kobi lingi. Namuwoola ati, okhengire wulayi.”
\v 44 Nakalukhana natingala omukhasi oyo, nateeba Simooni ati, “Owona omukhasi ono? Nengiye mu nyumba yawo. Waloba okhumba amaachi kokhweyosa amakulu, ne ono adosisye amakulu na’masika kaye kakasimuula n’efwiri lyaye.
\v 45 Ni ewe siwangwakho mu sirifu, ne omukhasi ono okhutula ningire mu nyumba muno syalekheranga okhukwa khu makulu kange.
\v 46 Siwumbakhire mafuta mumutwe kwange, naye ono kanjukhire amafuta khu makulu kange.
\v 47 Nje sikira, khuwoola nti, ono asasiywe ebibi byaye bingi__ olwokhudakha khwaye khungi. Naye osasirwa khatono okhudakha khwaye khutono.”
\v 48 Awo Yesu kawoola omukhasi ati, “osasiywe ebibi byawo.”
\p
\v 49 Ni abali nibekhaye nibalya naye, bachaka okhulomaloma abene nabene baati, ono nje nanu ata olekheramo ebibi?
\p
\v 50 Yesu kawoola omukhasi ati, “okhufukirira khwawo khu khuwonisye; cha mirembe.”
\c 8
\s Olukaado Lw’omuwaanyi
\p
\v 1 Bino ni byawa, Yesu kakenda kenda mu biko nende mu ngongo kawunusa enjiri y’owutuki wowe’nengo wa Weere. Ekhumi nababiri bali naye,
\v 2 nende abakhasi bandi bosi abawonesewa emyoyo mibi ne’ndwaaye: Malyamu (owalangiwanga Mangudalena) owali nikatulakho dayimoni musanfu;
\v 3 Yowaana mukha Kusa, omulindi w’ebitu byo’munyumba ya Kerode; Susana; nabandi bangi. Abakhasi bano babayedanga mungeri yibali nibanyaliramo abeene.
\p
\v 4 Awo esidiikha sikhongo nisyali syewuusa alala nende abo abatulaanga mu wuli siko, nibeecha ali, na kaada olukaado luno ati:
\v 5 “Omulimi katula okhuwaanya emwo yaye. Ne ni kali nawanya emwo, eyindi yakwa khu ntulo wengira; bayisenakirira, eyindi amayoni ko mu bbanga kayirya.
\v 6 Eyindi yakwa khu lwanda, niyamala okhumera, yemawo ya niyala khulwokhuba siyafuna wunyifu.
\v 7 Emwo yindi yakwa akati mu mawa, amawa kamerera alala nayo, kayimira.
\v 8 Eyindi yakwa mwiroba layi. Yamera wulayi, yaama, wuli lumwo lwewula emoni emya ndala.” Nikamala okhulomaloma emboosi echo, n’alomalomera amukulu ati, “Oli n’amatwi kokhuwulira, awulire.”
\p
\v 9 Abeeki baye bamuteeba olukaado luno si lwekesa.
\v 10 Kabakowoolamo ati, “Enywe muli nende enkhabi okhumanya ebyaama ebyo’wene’ngo wa Weere, ne abandi nomaloma mu ngaado, sibe mbo, ‘Nende batingala, bakhaye okhuwona; nende bawulira, banyale owutategeera.’
\p
\v 11 “Amakhulutu ko’lukaado niko kano: owumwo nje emboosi ya Weere.
\v 12 Abo abokhuntulo we’ngira nibo abawulira, ne setani kecha abakhuula emboosi mu myoyo chawe bakhaye okhufukirira nende okhwonesewa.
\v 13 Ne abokhulwanda nje abawukula emboosi ne’sangaalo bayifukiriramo nibayiwuliiye ne nga bawuma emisi. Bafukirira wutono ne mu mubikha byo’khukhemewa bamala bakwa.
\v 14 Ne emwo chakwa mu mawa, abo nje abawulira, ne nibacha mungira yawe bamikiwa no’khweralikhirira khwowulamu, nende owuyiinda na masangaalo ko’wulamu wuno sibakhula bawangala.
\v 15 Ne emwo eyo khuloba erayi abo nje abawulira emboosi mu mwoyo mukololofu, omulayi bayomiisa ni baama ebyaamo no’khwesimirisa. 
\s Etara eriri khu Sisindi.
\p
\v 16 “Si ali owambya etara naliifunikhira mu simwero oba mu lwalo w’esitanda. Ne okhoyire ayite khu sisindi, kho niwo abengira bawonne owulaffu.
\v 17 Khulwokhuba awuma emboosi eyakisiwa eyitalikisuliwa, ata esyabikhiwa esitalimanyiwa syawonekha alafu.
\v 18 Nolwesyo mwerinde no’wegenderefu nga lumutekeresa. Khulwokhuba, wuli oli nasyo aliwewa, ne wuli owuma nasyo nende esyo syabaasa ati ali nasyo sirimutusiwakho.”
\s Nηηina Yesu nende Bamwanaηηina
\p
\v 19 Awo nηηina nende bawandaaye ba Yesu nibeecha yaali, sibanyala okhumwolakho khu lwesidiikha.
\v 20 Omutu kamwekesa ati, “Mamawo nende bawandaayo bemire erwanyi, badakha okhukhuwona.”
\p
\v 21 Ne kabakowolamo ati, “Mama nende bamwanaama nje abo abawulira emboosi ya Weere bayikholerakho.” 
\s Yesu Awunjeesa Enfwinda.
\p
\v 22 Awo olwola, lulala khu ndaalo echo nikengira eryato nende abeeki baye. Kabawoola ati, “Khwambukhe enyanja khuche engerekha.” Ne bamala bacha.
\v 23 Awo nibali nibakherengeta, endoolo chamuyira. Embunga yamaani yecha, eryato lyaba nga erinebire, baaba mu khabi kha maani.
\p
\v 24 Abeeki baye becha ali bamusisimusa: “ni baacha baati, omwani, omwami, khwibira!” Kasingira kakhamukhira enfwinda owire wakwalala.
\p
\v 25 “Ne abawoola ati: okhufukiirira khwenywe khuli ena?” Batya bawuka lukali bawolana abeene n’abeene baati, “Ono nje nanu? Ata okhamukhira embunga na‘maachi byamuwulira.”
\s Okhuwoniya Khw’omusaacha Owalikho Dayimoni.
\p
\v 26 Bakobya eryato khulukerekha lwa Bageresene, esiri engerekha we Nyanja okhutula Galiraaya.
\v 27 Ne Yesu nikatula mu lyato, nikola khulukerekha kakaana omutu owalikho dayimoni ngatula mu siko. Omuutu ono endaalo nyingi kali sikambala nguwo ata no’khukona mu nyumba, naye endaalo choosi nga amenya mu birindwa.
\p
\v 28 Ne nikawona Yesu, kalomeralomera amukulu kasigama emutwe waye, kalomaloma nende ekono kali ati, “Wufunana si Yesu, omwana wa Weere, oli amukulu lukali? Khwekalikhiye otamboneresa!”
\v 29 Olwokhuba Yesu kali alagiiye emyoyo mibi okhutula mu mutu oyo. Amakhabi mangi dayimoni chali chimudiiye, kaba nga owoyirwe amakhono namakulu, khandi nga alindiwa, kakhalakanga enjegere nayiriwa nende dayimoni naba ayenηene.
\p
\v 30 Yesu kamuteeba ati, “Eriita lyawo niwe nanu?” Namukowolamo ati, “Lejioni,” khulwokhuba dayimoni bangi bali bamwingiramo!
\v 31 Bamwekalikhira amakhabi mangi akhaye okhubalagira okhumutulakho okhucha mu liina litakama.
\v 32 Awo aliwo eyicho ekhongo erye’mbiichi, eryali lyayiira mu ngulu. Dayimoni chekalikhira Yesu achirekhe chingire mu mbiichi echo, Yesu kafukirira.
\v 33 Awo ba dayimoni nibatula mu mutu bengira mu mbichi, eyicho lyatuuma lyekhirira lyakwa mu Nyanja lyamirikha.
\p
\v 34 Olwo abaayi be’mbiichi nibawona ebyaliwo, berukha bayira emboosi echo mu siko syali ambi awo, nende mu byaalo,
\v 35 nabatu batulayo okhuwona ebibeyewo, beecha eyiri Yesu bawona omutu oyo, owatulamo dayimoni, nikekhaye mu makulu ka Yesu nga kambaye enguwo, nga amakesi kaye nikamukowoyemo, batya.
\v 36 N’abo abasiwona, balomaloma ebyo ebyali khu musaacha__ owatusiwakho dayimoni kawona.
\v 37 Ne abaatu boosi ab’esyaalo sya Abageresene ambi awo, bamwekalikhira Yesu atule mu syalo syawe, khulwokhuba owuti wungi wali wubadiiye. Awo kaniina mulyato kawawo.
\v 38 No’muutu owatulamo dayimoni kamwekalikhira abe naye. Ni Yesu kamusiwula nawoola ati:
\v 39 “Kowolayo engo, wekese abatu emboosi nga luchiri Weere chakhukholeye.” Kakenda nikekesa abaatu mu siko syoosi Yesu bikali namukholeeye.
\s Omukhana Mufu n’Omukhasi Mulwaye
\p
\v 40 Awo Yesu nikakowoola, esidiikha syamusangalira, khulwokhuba bosi boosi bali bamulindiriye.
\v 41 No’mutuki erita lyaye Yayiro omukhulutu we’sinagogi, kecha kakwa mu makulu ka Yesu, namwekalikhira kengire mu nyumba yaye.
\v 42 Khulwokhuba kali n’omwana waye omukhana omudeerwa, owe’myaka ambi ekhuumi nachibiri kali nga afwa. Ne Yesu nikali kho acha, no’bidiikha byali atono okhumuminiangula.
\v 43 N’omukhasi wali nalwaliye emyaka ekhumu nachibiri okhwidikhirira, ne nga awuma omuwoniya.
\v 44 Oyo kamutulira e mukongo, nadiira khu kemo lyenguwo yaye, mangu mangu okhwidihirira khwaye khwakama.
\v 45 Yesu kateeba ati, “nje nanu owundiyekho?” Boosi bekaana, Petero kawoola Yesu ati, “Omwaami, esidiikha sya bantu sikali nje esiri okhukhufwinyirira.”
\p
\v 46 Ne Yesu kabawoola ati, “Aliwo owunediyekho; amaani kantuliremo.”
\v 47 Awo omukhasi, nikawona nga syanyala kawawo natamanyikhana, katulayo natengerekha, kakwa mu makulu kaye. Katumbula mu moni cha batu boosi esikirire kamwediirakho, khandi nga lwawoneyewo.
\v 48 Kamuwola ati, “Mukhana, enfukirira yawo yikhuwonisye. Cha ne mirembe.”
\p
\v 49 Ni Yesu nikali asilomaloma, omutu kecha natula mu nyumba ya Yayiro, omutuki we sinaggogi, namwekesa ati, “Omukhana wawo afwiye.” “Otateganiya omusomesa khandi.”
\p
\v 50 Yesu nikawulira bino, kawoolera Yayiro ati, “Otatya; fukiirira syoηηene, omukhaana wawo anawone.”
\v 51 Awo Yesu nikoola khu nyumba ya Yayiro, natakanya mutu wundi okhwingira naye, okhumalakho Petero, Yokana, nende Yakobo, nende simwana nende nηηina mukhana.
\v 52 Awo abali nibalira, nibakhumula, Yesu nabawoola ati, “Mutalira,” “khulwokhuba omukhaana syafwiye naye akona.”
\v 53 Bamuchekheerera, khulwokhuba bali bamanyire baati omukhaana afwiye.
\v 54 Ne Yesu kadiira omukhaana khu mukhono, nalomalomera amukulu ati, “Mwana wange, singira!”
\v 55 Omwoyo kwo’mukhaana nikukowolamo owulamu, ne amala asingira kema. Esikha syene esyo kalagira bamuwe esyo’khulya.
\v 56 Abewusi bo’mukhaana bawuka esiwuko, ne Yesu nabawoola musyama ati mutawoolerakho omutu yesi yeesi ebyekholekhanire.
\c 9
\s Yesu Atuma Ekhumi Nababiri
\p
\v 1 Yesu nikamala okhulanga abeeki baye alala ekhuumi na babiri, kabayeresa owunyala na’maani okhwirusiya dayimoni nende okhuwoniya amalwaye,
\v 2 kabatuma okhucha okhuwuulira owene’ngo wa Weere, nende okhuwoniya abalwaye.
\v 3 Kabawoola ati: mutakinganga esitu syosi syoosi__ ata endawukhi, awuma ensawo, awuma ebyokhulya, ata efwesa, khandi mutabanga nende ekanju chibiri.
\v 4 Ne wuli nyumba mu munengirenge, mubenge omwo, era omwo nje mumuba mutulenge nimutula mu siko esyo.
\v 5 Abatu abatabasangalirenge, nimunabenge nimutula mu siko esyo, mukhukhumulenge olufu lwo mu makulu kenywe, sibe nga owujulisi owubalumirisa.”
\v 6 Manu baacha bewodokhaniya ebiko byosi byoosi, nibawuulira enjiri, nibawoniya abatu, na wuli awutu.
\p
\v 7 Awo omwene’ngo Teturachi, kawulira byosi byoosi ebyakholewa. Kakanakana lukali, khulwokhuba abandi bali bawoola baati Yokana asyuukhiye mu bafu,
\v 8 abandi baati Eriya kali awonekhire, ne abandi baati, ba nabbi bakhale, mulala khwabo asyukhiye.
\v 9 Naye Kerode kawoola ati, “Natema khu Yokana omutwe. Ne oyo nje nanu omwene mboosi chakira awo chimbulira?” Manu kakesakho okhumuwona.
\s Yesu Aliisa Elifu Chitaanu
\p
\v 10 Awo abatume nibakowola, bamwekesa byosi byoosi bibali nibakholire. Ne abayiira entulo, muwekisi mu siko esilangiwa Besusayida.
\v 11 Ne ebidiikha nibyamanya, byamulondakho. Kabasangalira, kalomaloma nabo emboosi ch’Owene’ngo wa Weere, nende abo abali nowetaafu wo’khuwonesewa kabawoniya.
\p
\v 12 Awo eryuuba lyali likoloobya, abo ekhuumi na babiiri beecha yaali, bamuwoola baati, “sewula abatu bache mu biko nende mu byalo ebyewodokhanisye, bakonye ebyo’khulya nende awokhukona, khulwokhuba ano khuli mu syalo lukkali.
\p
\v 13 Kabakowolamo ati, “Mu bayerese esiitu balye.” Nibamwekesa baati, efwe khuwuma siitu okhutusakho emigaati chitaanu n ‘enηηeni chibiiri__ fwana khuche mukhatale khukule ebyo’khulya binamale esidiikha sino.”
\p
\v 14 (Abasaacha baliwo nga elifu chitaanu). Nawoola abatume baye ati mubeekhase, mu bikanda bya abatu amakhumi kataanu kataanu.”
\v 15 Abeeki bakhola baatyo.” Nibabeekhasa bosi boosi.
\v 16 Ne awukula emigaati chitaanu nende enηηeni chibiri, nasingisa emoni chaye mukulu, nikeebasa, nabikhalakakhalaka, nayeresa abatume baye okhukawula abatu.
\v 17 Balya, bekuta bosi boosi, abatume badoola ebyali nibikhukhumukhire bechusa ebimwero ekhumi na bibiri.
\s Petero Kaatula Yesu Kurisito
\p
\v 18 Awo olwola, Yesu kali nga’saba ayenηηene, abeeki baye bali alala naye. Nabateeba ati, “mubasa ebidiikha bino binaanga nanu?”
\p
\v 19 Bamukowolamo baati, abandi bakhulanga Yokana omubatiisi; ne abandi baati Eriya, ne abandi baati ba nabbi bakhale mulala khu abo alamukhire.
\p
\v 20 Nabawola ati: nanywe munaanga nanu? Petero nakowolamo namuwoola ati niwe Kurisito wa Weere.
\p
\v 21 Yesu kabachwichwisa nabawolera ati, mutawolerakho omutu yeesi emboosi eyo.
\v 22 Nawoola ati sikhoyera omwana wo’mutu okhuwonawonesewa lukali nende okhwekaniwa nende abakofu nabawandiiki nabasomesa bamalako, ne khandi atekwa okhwitiwa, ne khuludaalo lwo’khudatu asyukhisiwe abe omulamu khandi.”
\p
\v 23 Nabawoolera bosi boosi ati: “Omutu yeesi nadakha okhunondakho, kerekherese khu lwaye, akiinge omusalabba kwaye nawuli wukhya, kanoonde.
\v 24 Khulwokhuba wuli odakha okhuwoniya owulamu waye aliwukosiya, naye olikosiya owulamu waye khulwange aliwuwoniya.
\v 25 Sirayi sina esirigasa omutu okhulya esyalo syoosi, ne nga amalire okhuwukosiya, oba okhweyita omwene?
\v 26 Khulwokhuba nawuli owundirirwa ensoni nende emboosi change, oyo nende omwana wo’mutu alimudirirwa ensoni, lwalichira mu luyaali lyaye, nende olwa simwana nende mu lwa ba malayika abolerefu.
\v 27 Ne mbawolera amasima nti aliwo abemire ano, abatalikhomba khu khufwa okhwola lubaliwona owen’engo wa Weere.”
\s Okhukalukhanisiwa
\p
\v 28 Awo olwoola, olunyuma lwe’ndaalo munaana, kayira Petero, Yokana nende Yakobo, kaniina khu lugulu okhusaba.
\v 29 Awo lukaali n’asaba, efwani ye’moni chaye yakalukhana, enguwo chaye chakalukhana chaaba endafu lukali ngo’lumesiya lwe’nkhubba.
\v 30 Abatu babiiri, Musa nende Eriya,
\v 31 bawonekha nibali mu'luyaali lubitiriye nibalomaloma nende Yesu. Khu khuwawo khwaye okhwali khucha okhwolerera mu Yerusalemi.
\v 32 Petero nende bakali nabo bali bakunukha ne nibamokera erala, bawona oluyaali lwaye nende abatu babiri nibemire naye.
\v 33 Nga abasaacha nibali nibalekha Yesu, Petero kamuwola ati, “Omwami wange, silayi efwe okhuba ano. Khwombakhe ebikaali bidatu__ silala syawo, esindi sya Musa, esindi sya Eriya.” (Bino kabiwoola natamanyire byalomaloma.)
\v 34 Nikali asilomaloma, esireesi syecha syabawiikha, baba no’khutya nga lubali nibakotera mu sireesi!
\p
\v 35 Ekono lyatula mu sireesi, niriwola liiti, “Ono nje omwana wange, yinadoola; mumuwulire.”
\v 36 Ekono eryo nirilomalomire, beyakana nga Yesu ali yenηηene. Abeeki bakisa sinno bakhaya okhuwolerakho omutu ebyo bi bali ni baweene. Okhuwona Khwo’musyani Owalikho Omwoyo Mub
\p
\v 37 Oludaalo lulondakho, nibekha okhutula khu lugulu, esidiikha sikhoongo syamwakanira.
\v 38 Omusaacha mulala khubali mu sidiikha kalomalomera amukulu kawola ati, “Omwekesa khwekalikhiye wewunje khu musyani wange khulwokhuba namwiwula omuderwa.
\v 39 Manu wona omwoyo mubi kumudiira, nikaayula; natachanatachana natusa efwobe mukhwanwa. Syamutulakho khangu khandi amalawo owulamu waye.
\v 40 Ne nekalikhira abeeki bawo okhukwirusiya ne sibanyala.
\p
\v 41 Yesu namukowolamo ati, “Oo, enywe abemirembe chitafukirira khandi echakota, ndyakama liina okhuba nan’ywe nende okhubagumikirisa? Leeta ano omusyani wawo.”
\v 42 Ata omusyani nikali khwa’sicha, omwoyo mubi kwamudiira kwamusukuna assi natachanatachana lukali lwene. Ne Yesu kawalabira omwoyo mubi, kawoniya omusyani, kamukowosera simwana.
\v 43 Boosi bawuka lukali olw’amaani ka Weere. Nibali basiwuka byoosi Yesu bikali nakholire, kawoola abeeki baye ati,
\v 44 “Muwulirise wulayi emboosi chino chiindi okhubawolera: omwana w’omutu acha okhuwewayo mu mikhono cha batu.”
\v 45 Ne khaba sibategeera sino si syekesa. Emboosi echo chakisiwa khubo, bakhaya okhuchitegeera, ne batya okhumuteeba amakhulutu ke’mboosi echo.
\s Nanu Oliba Omukhongo Okhiririsa
\p
\v 46 Okhuyingana khwachaka mu beeki nga bakoonya okhumanya nanu oliba omutangirisi wawe.
\v 47 Ne Yesu ngalukamanya ebyali mu bibaso byawe, kawukula omwana muwere, na musudiya ambi naye.
\v 48 Kabawoola ati, “wuli onasangalirenge omwana muwere ono mulita lyange anabenge kansangaliye ese; ne oyo onasangalirenge ese, anabenge asangaliye oyo owantuma; khulwokhuba okhira okhuba omutono mwinywe mweesi__ nje okhira owukhongo.”
\p
\v 49 Yokana kawoola ati; “Mwami wefwe khwawona omutu nikerusiya dayimoni mu litta lyawo khwakesakho okhumukaniya, olwokhuba simulala khwifwe.”
\p
\v 50 Ne Yesu kamuwoola ati, “Mutamukaana,” “Khulwokhuba otaali musiku wenywe, ali khu luwande lwenywe.”
\s Okhuyingana Mu Samaliya
\p
\v 51 Endaalo chaye nichali nichiri ambi okhwoola okhuyiriwa mwikulu, Yesu kamalirira okhucha mu Yerusalemi.
\v 52 Manu katuma ba wamuwanda okhumutangirira, abacha mu lukoongo lwa Samaliya okhumutekekhera ebitu.
\v 53 Ne abatu sibabasangalira khulwokhuba kali acha e Yerusalemi.
\v 54 Abeeki baye Yakobo nende Yokana nibawona bino, bateeba baati, “Omwami, odakha khulange omuliro kwikhe okhutula mukulu kubasikhirise?”
\v 55 Ne Yesu kakalukhana, kabawalabira,
\v 56 batulawo baacha mu lukoongo lundi.
\s Ebidakhiwa Khwolonde Yesu
\p
\v 57 Awo nibali bakenda khu ngira, omusaacha kamuwoola ati, “Ndakhulondengekho wosi woosi wonabenge nocha.”
\p
\v 58 Yesu kamukowolamo ati, “Amabbwe kali nende owiina, n'amayoni kali ne’biswi, naye omwana w’omutu awuma ata atta omutwe kwaye.”
\v 59 Nawoola omusaacha wundi ati; “Nonde.” Ne omusaacha kamukowolamo ati, “Omwami, lekha male okhucha okhusiikha bbabba.”
\p
\v 60 Ne Yesu kamukowolamo ati; “Lekha abafu basiikhe abafu basyaawe, ne ewe cha owuulire owene’ngo wa Weere.”
\p
\v 61 Ne owundi kamuwoola ati, “Ese ndakhulonde. Ne lekha mberi male okhucha okhusiiwula abo’munyumba yange.”
\p
\v 62 Ne Yesu kamukowolamo ati, “Awuma mutu odiira esyuma sirima khandi katingaala emukongo, syaba nakhoyera muwene’ngo wa Weere.”
\c 10
\s Yesu Atuma Nsanfu
\p
\v 1 Awo olunyuma lwebyo Omwami wefwe nadoola abeeki bandi amakhumi musanfu,                nabatuma syababiri babiri okhumwetangirira okhucha mu nawuli siko omwene yikali natekekhire okhucha.
\v 2 Nabawoola ati, ekessa lingi, ne abakesi nje abatono. Manu mwekalihire Weere wa’bakesi atume abatu bayera bakhole omulimo kwaye mundalo yaye yo’khukesamo.
\v 3 Muche! Mbatuma enywe ngo’tukoondi tudotto akati mu manani.
\v 4 Mutacha ne’sawo, oba olukhoba, oba ebiraato, khandi mutakheesa omutu yeesi khungira.
\v 5 Na wuli nyumba yimwingiramo, mutangirenge okhuwoola muuti, ‘enkhabi chibe mu nyumba muno.’
\v 6 Nimunabeengemo omasaacha we’nkhabi, enkhabi che’nywe chinamubengekho; ne nisitabeenge siityo, chinabakowolerenge.
\v 7 Mu nabeenge mu nyumba eyo, nga mulya, nga munywa khu bya’beene nyumba, khulwokhuba omukhosi wo’mulimo, akhoyera omusaara, mutatulanga mu nyumba ndala okhwingira mu yiindi.
\v 8 Na wuli siko simwolangamo, manu nibabasangalira, mulyanga syosi syoosi sibanabenge nibabatereye mu moni chenywe.
\v 9 Muwoniyenge abalwaaye abali omwo, mubawolenge muuti. ‘Owene’ngo wa Weere wubasudirekho ambi.’
\v 10 Ne nawuli siko simwolangamo bakhaya okhubasangalira, mutulanga mu makira ke siko esyo nimuwoola muuti,
\v 11 ‘Ata nolufu lwo musiko syenywe, olweddiye khumakulu keffe khulubekhukhumulirakho Ne mumanye sino muuti: Owene’ngo wa Weere wusudire ambi.’
\v 12 Mbawoola enywe nti Sodoma yiriba no’khuwonawonesewa okhutono okhukhirakho esiko esyo.
\p
\v 13 “Endaalo chikhwakanire ewe, Kolusini! Chikhwakanire ewe, Besusayida! Khulwokhuba, ebya’maani byakholewa ewenywe, khamakha biba byakholewa e Tuulo, nende Sidoni, bano baba beyolobya khale, nibekhaye mu bicheere nekokhe.
\v 14 Ne, Tuulo nende Sidoni biriba no'khuwonawona okhulibakho kayikayi khuludaalo lwo musaango okhukhira enywe.
\v 15 Ne ewe, Kaperunaumu, olisingisiwa okhwola mu bireesi? Bbe, oliisiwa okhwoola e makombe.
\p
\v 16 “Obawulira enywe, aba awulira esse, olekeresa enywe, aba alekeresa n’ange; ne oyo olekeresa esse aba alekeresa owantuma.
\p
\v 17 Abo Nsanfu, bakowola nesangaalo, ni bawoola baati, “Omwami, nende ba dayimoni batuwulira mu litta lyawo.”
\v 18 Kabakowoolamo ati: “Nawona sitaani okhutula mukulu nakwa assi nga olumesiya.
\v 19 Muwone, mbaweye owunyala owokhusenaanga khu miyokha nende otwere echo'wusiba nende amaani koosi akomusuku khandi siwanabengewo esibakhola owubi khaba nawutono.
\v 20 Ne mutasangalira esyokhuba siiti ba dayimoni babawulira, ne musangaale okhuba ametta kenywe kawandikiwa mwikulu.”
\p
\v 21 Awo musikha esyo Yesu, nikechuuye esangaalo mu mwoyo mulafu, kawoola ati; “Nhwebasa ewe, Bbabba, Weere w’ekulu nesyalo, khulwokhuba bino wabikisa abakesi nende abasoma, ne wabiwikhulira abaana bayere. Eee, Bbabba, olwokhuba nje lusyadakhiwa siityo mu moni chawo.
\v 22 “Byoosi Babba nje owabiimba, awuma omutu omanyire omwana nga lwali okhutusakho simwana, nende okhumanya lata yefwe nga lwali, okhutusakho omwana, nende oyo, omwana yadakha okhumuwikhulira.”
\p
\v 23 Namala akalukhanira eyiri abeeki baye nabawolera mu wekisi ati, “chiri n’omukisa emoni chiwona enywe bimuwona.
\v 24 Khulwokhuba mbawoola nti, ba nabbi bangi nende abene’ngo badakhanga okhuwona enywe bimuwona, ne sibasiwona badakha okhuwulira enywe bimuwulira ne khaba sibabiwulira.”
\s Olukaado Lwo’Musamaliya Mulayi.
\p
\v 25 Khuludaalo lundi, omulyepulyepu mu malako nikeema nga ateeba Yesu ati, “Omusomesa,” nkhoole si okhusikhira owulamu wutaliwaawo?”
\p
\v 26 Namukowolamo ati, “syawandikiiwa siitye mu malako?” Osisoma otye?”
\p
\v 27 Kakowolamo ati: “Dakhanga omwami Weere wawo no’mwoyo kwawo kwoosi nende ebibaaso byawo byoosi na maani kawo koosi na’makesi kawo koosi’ dakha no’khusibiranire nga luwedakha omwene.”
\p
\v 28 Yesu kamukowolamo ati, “Okowoyemo wulayi.” Kholanga otyo, onabenge no’wulamu.”
\p
\v 29 Naye olwokhutadakha okhukhirwa, sakira kateeba Yesu ati, “Owunsibiranire nje nanu?”
\p
\v 30 Mukhumukowolamo Yesu kamuwoola ati: “Aliwo omutu owali atula e Yerusalemi nikekhirira e Yeriko, nikemawo akwa mu basiku. Bamwambula bamukhubba, ni bawaawo, bamulekha nga’wumakho khatono okhufwa.
\v 31 Khawona kali kekhirira khungira yene eyo, ne nikawona omusaacha oyo yibakhubbire, kakhededya, kamulekha awo.
\v 32 No’mu Leefwi yesi atyo, nikamuwona mu sifwo esyo kakhededya.
\v 33 Naye Omusamaliya, nikali nakenda, kabita omusaacha akali: ne nikamuwona, kamudirira esisa.
\v 34 Kasuda ali, kamuwowa ebinyuwu byaye, kamuchukhakho amafuta no’mwenge namuta khunsunkhiri yaye, namuleeta mu sifwo syabakeni abakona, kamulabirira.
\v 35 Oludaalo lulondakho kawukula erubya chibiri ensangasa kachiwa omwene nyumba, kamuwoola ati, ‘Mulere, esitu syosi syoliba nokhosesise okhukhisawo ningowooye ndikhukowoserawo.’
\v 36 Nanu khu badatu bano yobaasa oti nje osibirana no’musaacha wakwa mu makhono kabasiku?”
\p
\v 37 Omulyepulyepu mu malako kamuwola ati, “Oyo owamukwira esisa.” Yesu kamukowolamo ati, “Weesi cha okhole otyo.”
\s Mudaala lyawe Malisa Nende Malyamu
\p
\v 38 Nga Yesu nende abeeki baye nibali khungira nibawaawo, boola khu lukoongo, yi omukhasi olangiwa Malisa kasangalira Yesu mu daala lyaye.
\v 39 Ne omukhasi oyo kali nende mwanaηηina olangiwa Malyamu, owekhalanga mu makulu ko’mwami wefwe, natekeresa emboosi chaye.
\v 40 Ne Malisa kalingi ne’mirimo mingi echokhukhola, ni keecha ali, namuwoola ati; “Omwami, syofwayo olwa mwanaama okhundekha okhuba nindidikhana senηηene? Manu muwoole kanjeedekho!”
\p
\v 41 Ne Omwami wefwe kamukowolamo ati, Malisa, Malisa weralikhirira olwokhuba oli ne’bitu bingi,
\v 42 ne esidakhiwa siri sirala syonηene olwokhuba Malyamu adooyewo omukawo omulayi, okutalimutusiwakho.
\c 11
\s Okshusomesa Khwa Yesu Khu Khwekalikhira
\p
\v 1 Oludaalo lundi Yesu kali nga kekalikhira mu sifwo sindi. Nikamala, mulala khu beeki baye namuwoola ati, “Omwami, tusomese okhwekalikhira, nga Yokana lukasomesa abeeki baye.”
\p
\v 2 Kabawoola ati, “Nimwekalikhira, muwoolenge muuti: ‘Bbaabba, eritta lyawo lifumisiwe,  Owen’engo wawo wiiche.
\v 3 Tuwerese olwalero ebyo’khulya byefwe ebya wuli ludaalo.
\v 4 Tulekheremo ebibi byefwe, Nga fwesi lukhulekheramo abatukhola owubi. Otatuyira mukhukhemewa okhutusakho otuwoniye eyiri Omusuku.’”
\p
\v 5 Namala abawoola ati, “nanu khwiinywe oli nende omwicha, olicha ewaye musiro akati na muwoola ati, mwicha wange, mbole emigaati chidatu,
\v 6 khulwohuba ‘omwicha wange kechire atula mu lukendo, ne sindikho nende sinakhamuwa kaalya.’
\p
\v 7 “N'ola oli mu nyumba, na’kowolamo ati, ‘otankhedya. Ata nolwiiki lwiikale, esse na’baana bange, khumalire okhukona. Siinyala nasingira okhukhuwa esitu syoosi.’
\v 8 Mbawolera nti, nende akakhaba natanyala khusingira kamuwa esyo’khulya khulwokhuba mwicha waye, ne olwowutatya wo’musaacha ono asingira kamuwa mu wungi byoosi byadakha.
\v 9 “Sakira mbawoola nti: musabe khandi muliyeresewa; mukoonye muluwukaana; mukhubbe koodi mulikulirwawo.
\v 10 Khulwokhuba wuli mutu yeesi osaba ayiwewa; nende okoonya, kakaana; nokhubba koodi alikulirwawo.
\v 11 “Khandi, naanu khwiinywe abewusi basaacha, omwana wawo musyani na’khusaba eηηeni, namuwa enjokha?
\v 12 Oba namusaba ekki namuwa otwere?
\v 13 Nisiba enywe, ababi, mumanyire okhuweresa abaana benywe ebiyanwa birayi, senywe oli mukulu syalikhira lukali lwene okhuweresa omwoyo mwolelerefu abo abamusaba!”
\s Yesu nende Beerusebuli
\p
\v 14 Yesu kali nga kerusya dayimoni eyali ni yitalomaloma. Awo dayimoni nikamutulakho, omudiimbe kalomaloma, esidiikha syawuka lukali.
\v 15 Ni abatu bandi bawoola baati, “Okhubitira mu Beerusabuli omusyani wo’wene’ngo wa dayimoni, sakira kerusya dayimoni.”
\v 16 Ne abandi nga bamukhema nibadakha abekese akhawonero akhatula mukulu.
\p
\v 17 Ne Yesu omwene nikamanya ebibaaso byaawe, kabawoolera ati: “Wuli Owene’ngo woosi niwukawukhanamo wusikhirira ne nyumba niyikawukhanamo enyumba eyo yikwa.
\v 18 Ne setaani nikawukhanamo omwene, owene’ngo waye wulyemawo wutye? Mboola bino khulwokhuba enywe muwola muuti nirusya dayimoni khulwa amaani ka Beerusabuli.
\v 19 Wunanu nisiba mbo nirusya dayimoni hulwa amaani ka Beerusabuli, ne ababalonda nabo berusya dayimoni khulwa maani kananu? Sakira abeene abo balibakhengera emisango.
\v 20 Naye nimba nirusya dayimoni khulwa Weere, syekesa siiti owene’ngo wa Weere wubecheeye.
\p
\v 21 Omutu wa’maani oli ne’birwaniso naliinda olwanyi lwaye, ebitu byaye biba birayi.
\v 22 Naye okhira oyo amaani namuseeta, amunyuula ebyokhulwanisa byaye bikeesika nasalaniya ebitu byaye.
\v 23 Oyo yeesi otali nange nje omusiku wange, khandi oteecha alala nange asalaniya.
\p
\v 24 “Omwoyo mubi n’atula mu mutu, abita mu bifwo bitalimo maachi nakoonya awokhuwulukhira, nakhaywa. Nawoola ati, ‘khangowoleyo mu nyumba yinatulamo.’
\v 25 Nikoola, kakaana enyumba ni njeye wulayi nibayitimbire.
\v 26 Wunanu acha kaleeta emyoyo mibi chindi musanfu ababi okhukhira oyo omwene, wunanu bengira baaba omwo. Manu ebyo’lunyuma byo’mutu oyo, biba bibi okhukhira ebyatangira.”
\p
\v 27 Awo olwoola nikali nalomaloma ebyo omukhasi wo musidiikha natusayo ekono lyaye nalomeralomera amukulu nawoola ati, “Ali ne’nkhabi mama wakhwiwula khandi kakhukhusa.”
\v 28 Kakowolamo ati, “Okhukhirira erala bali ne’nkhabi abo abawulira emboosi ya Weere manu bayikholerakho.”
\s Akhawonero Kha Yona
\p
\v 29 Nga ebidiikha ni byemeeda, Yesu kawoola ati, oluse luno lubi. Lukoonya akhawonero khe’byamayiya, ne si luliwewa akhawonero okhutusakho akhawonero kha Yona.
\v 30 Khulwokhuba nga Yona lukali akhawonero eyiri abatu ba Ninefe, nasilala omwana wo’mutu nje lwaliba akhawonero eyiri oluse luno.
\v 31 Omwen’engo mukhasi owe mwalo we syalo, alyeema mu musango alala nende abatu bo’luse luno, kabakhisa omusango. Khulwokhuba, katula esyalo yisyaakama okhutekeresa amakesi ka Sulemani, ne wona, okhira Sulemani ali ano.
\v 32 Abatu abe Ninefe balyeema mu musango alala n’oluse luno bakhira omusango, khulwokhuba beyolobya olwokhuwuulira khwa Yona, ne wonakho okhira Yona ali ano.
\s Etaara Lyo’mubiri
\p
\v 33 Si ali owambya etaara kaalita mu wina, oba mukkati we’sidubi, ne alita khu sisindi kho niwo abatu bawone nga lulyaadukha.
\v 34 Emoni yawo nje Etaara y’omubiri kwawo, emoni chawo nichiba endayi, omubiri kwawo kwoosi kuba kwichuye owulafu. Naye nichiba embi omubiri kwawo kwosi kuba kwichuye esirema.
\v 35 Wona oti, manu, owulafu wuli mwiwe wukhaye okhuba esiirema.
\v 36 Nolwesyo omubiri kwawo kwoosi nikwichula owulafu, nga simuli esitundu sindi esyesiirema, kwosi kulichula owulafu nge’taara luyikhumulikhira nende owulafu waayo. Ebyengisa mukaaga.
\p
\v 37 Yesu nikali namalire okhulomaloma, omu Falisaayo kamulanga okhulya naye, manu kengira kekhala okhulya naye.
\v 38 Omufalisaayo nikawona kawuka khulwokhuba Yesu sikesaaba kho kemawo kaalya.
\v 39 Manu Omwami kamuwoola ati, “Enywe aba Falisaayo mwosa khumukulu wesikombe, nende khu wesikaye, ne mukkati mwinywe, muchuye omutolyo nende owubi.
\v 40 Enywe abatu basiru! Oyo owakhola ebyo’khumukulu si nje mulala oyo owakhola ebyo mukkati?
\v 41 Ne muwe abaati ebiri mukkati wo’lukaye, kho ebisikaye bibe ebirayi yimuli.
\p
\v 42 Ne endaalo chibawukanire enywe aba Falisaayo, khulwokhuba musasula Weere silala sye’khumi esyo wuyiinda wenywe nebyo’mundalo ne’ryani lyoosi, amasima no khudakha Weere mubibita
\v 43 Mwakhakholire ebye’mutwe nimutalekhireyo ebye’nyuma nibitakholekhirwe. Endaalo chibakanire eywe aba Falisaayo, khulwokhuba mudakha ebisaala byo mu moni mu masinaggogi, na’batu okhubakheesera mu wutale.
\v 44 Endaalo chibakanire khulwokhuba mufwana nge’birindwa ebitalikho khawonero, abatu khubakendera nga sibamanyire.” khuntulo.
\p
\v 45 Mulala khubasomesa ba malako omulyepulyepu, kakowolamo namuwoola ati, “Omwekesa, nolomaloma ebitu bino otyo fwesi oba otunyeka.”
\p
\v 46 Yesu kabakowolamo ati, “Mwesi abalyepulyepu ba malako, chibawukanire enywe khulwokhuba mutwiikha abatu emikukku chibatanyala. Enywe abeene chimutanyala khugenηηakho no’lwaala lwenywe okhubayeeda.
\v 47 Endaalo chibawukaanire, khulwokhuba mwombakha ebirindwa bya ba nabbi, ne nga ba kuuka yenywe nje ababeeta.
\v 48 Nolwesyo muli bajulisi, khandi musiima ebikholwa bya ba kuukka yenywe khulwokhuba nje abeeta ba Nabbi nanywe mwombakha ebirindwa byaawe.
\v 49 Amakesi ka Weere sakira kawola kaati, ‘Ndi batumira ba Nabbi nende abatume abandi khwabo balibeeta, ne abandi balibataakho enkhiinda.’
\v 50 Nolwesyo oluse luno amabanga ka ba nabbi boosi akedikha okhutula khukhulongwa khwe syalo,
\v 51 kutewe khu bo’luse luno okhutula khu mabanga ka Abbiri okhwola khu mabanga ka Zakaliya, owetewa akati wo’lutaari nende enyumba ya Weere. Yee, mbawoolera, abo’luse luno baliba no’musango khu lwe’bitu bino byosi byoosi.
\v 52 Endaalo chibawukanire enywe abasomesa balyepulyepu mu malako, khulwokhuba mwayira esisumuluso sya’makesi. Enywe abeene simwengira, ni khandi mwakayira abali nibengira.
\p
\v 53 Yesu nikatula awo, aba Falisaayo nabasomesa ba’malako nibachaaka okhumuyinganiya lukali lwene, no’khumukhemeresa emboosi nyingi
\v 54 nibamuteka emboosi eyinatule mu munwa kwaye.
\c 12
\s Okhulawula Nende okhukumiya
\p
\v 1 Ebyo nibisiri awo, esidiikha sya’batu bangi bola okhusenana, Yesu kachakira khu beeki baye nawoola ati: “Mwerindenge amamera ka Ba Falisaayo, nje owubacha.
\v 2 Ne awuma esyawikhiwa esitaliwikhulwa ata nende esyakisiwa esitalimanyiwa.
\v 3 Manu byosi byoosi bimwali nimulomalomeye mu siirema biriwulirwa mu mubasu, nende esyo simwali nimuweweteeye mukhutwi mu wekisi mu bisenge byo’mukkati siritumbukha amukulu khubisuli.
\p
\v 4 “Mbawolera enywe, beecha bange nti, mutatyanga omutu yeesi owiita omubiri, namalire awuma esiindi syanyala okhukhola esikhirawo.
\v 5 Ne nja okhubeekesa oyo yimuba mutyenge: Mutyenge oyo, naba namalire okhwita omubiri, ali no’wunyala okhukhusukuna mu Geyena. Yee, mbawolera, mu mutye oyo.
\v 6 Otusoomba firi tutaanu sibatukusa enkhela chibiri? Awuma ata khalala Weere khanyala kebirira.
\v 7 Masima kene, nende efwiri lyo’khumitwe chenywe lyabaliwa. Mutatyanga; khulwokhuba enywe mukhira lukali otusoombafwiri tungi.
\p
\v 8 Mbawoola nti, nawuli wuntumbulira mu moni cha’batu, omwana wo’mutu yesi alimutumbulira mu moni cha ba malayika ba Weere.
\v 9 Ne olinekanira mu moni cha batu yesi alimwekanira mu moni cha ba malayika ba Weere.
\v 10 Nawuli olomaloma emboosi hu mwana wo’mutu alisasirwa, naye oyo ofwotokheresa omwoyo mulafu khaba syalisasirwa.
\v 11 Khandi nibabaletanga mu masinaggogi, nende eyiri abatukki, na bo’wunyala, mutatyanga nga lumulyewosakho ata khandi nga lu muliwoola,
\v 12 khulwokhuba omwoyo mulafu alibasomesa musikha esyo, bimukhoya muwoole.
\s Olukado Lwo’muyiinda Musiru
\p
\v 13 Omutu mulala musidiikha kamuwoola ati, “Omwekesa, woola mwanaama akabane nange ebyowusikha.”
\p
\v 14 Yesu kakowoolamo ati, “Mutu ewe nanu owantaawo nga omukayi oba omukabi oba obakowosa alala we byowusikha wenywe?”
\v 15 Nabawoola ati, “Mube moni! Mwerindenge okhwekomba khwoosi khulwokhuba owulamu wo mutu sinje ebitu bingi byaaba nabyo.”
\p
\v 16 Kabakadira olukaado luno ati: “Aliwo omutu omuyiinda, endalo yaye yali yaama lukali.
\v 17 Nabaasa mu mwoyo kwaye ati, ‘Ndakhole ntye? Khulwokhuba sindi nende ebyaaki bindawuungemo ebirime byange.’
\v 18 Nawoola ati, sino nje sindakhole: nja okhukwisa ebyaaki byange bino, nkhubbe ebikhongo, omwo nje mu ndawuunge emere yange yoosi enyomu nende ebitu byange bindi.
\v 19 Ndiwoola omwoyo kwange nti, “Mwoyo kwange oli nende ebitu bingi ebirayi ebibikhirwe olwe myaaka mingi. Lya owulamu, lya, nywa khandi osangaale.
\p
\v 20 Ne Weere kamuwoola ati: ‘musiru ewe! Esiro syene sino owulamu wawo wunakhutusiwekho. Wunanu ebitu byotekekhire nanu olibiyira?’
\p
\v 21 “Manu atyo nje lwaba omutu yeesi owetekekhera owuyiinda khulwaye, ne khandi nga simuyiinda eyiri Weere.”
\s Otatya
\p
\v 22 Manu Yesu kawoola abeeki baye ati: “Nolwesyo mbawoola nti, muteralikhiriranga owulamu wenywe, simunalye, khaba nende emibiri chenywe, simunambale.
\v 23 Khulwokhuba owulamu wukhira ebyo’khulya n’omubiri kukhira ebyo’khwambala.
\v 24 Mubaase khu makhoofwa: khaba sikataaka khandi sikakesa, kawuma byaki ata nensawo; ate nga Weere akaliisa. Ne enywe simukhira amayoni amakhabi mangi!
\v 25 Nanu khu enywe mukhweralikhirira onyala kemeedakho ata esaawa ndala yonηene khu wulamu waye?
\v 26 Nimutanyala esikhira owutono, sina esiberalikhisa mu bindi?
\v 27 “Mutingale ebimuli byo’khutale nga bikhula. Khaba sibikhola mulimo oba no’khunaba. Ne mbawola nti, nende Sulemani mu luyaali lyaye lyoosi khaba sikaambalanga okhwakana nende esimuli silala khu nibyo.
\v 28 Ne nisiba mbo Weere kambasa atyo enyaasi lyo’mundalo, eririwo olwa leero, ne wukhya balisukuna mu muliro, syalikhira okhumbasa okhukhirakho awo, Oo enywe abenfukirira ntono!
\v 29 Khandi mutatanga emyoyo chenywe khu si munalye oba si munanywe; mutasyelalikhira.
\v 30 Khulwokhuba ebitu ebyo byoosi bikonyewa nende abatamanyire Weere wo mukulu, ne latayenywe amanyire ati mubidakha.
\v 31 Ne mukoonye owene’nengo waye, ne ebitu bino byosi binakhabongerwekho.
\p
\v 32 “Otatyanga, ewe akhayicho khatono; khulwokhuba latayenywe asiima okhubayeresa enywe owene’ngo.
\v 33 Mukuse bimuli nabyo, muwerese abaati. Mwetungirenge ensawo echitakofula, owuyiinda owutawaawo mukulu; omwiibi yatasuda, nende amasiriyi yikatonoonera.
\v 34 Khulwokhuba owuyiinda wenywe yiwuli, nende emyoyo chenywe chosi nje yichiba.
\s Okhuba Moni
\p
\v 35 “Mwambalirenge erala ni mwetekekha okhukhola, na’mataara kenywe kasikalenge ni kadukha.
\v 36 Nga basaacha abalindiriye Omwami wawe okhukoowola okhutula khu mbaga y’oweya, naliicha na kuuda khu lwiiki bamwikulirewo mangu mangu.
\v 37 Siriba esirayi eyiri abakhosi abo, omwami wawe balyakaana nibamoka. Masima mbawoolera nti alyambala kabekhasa khu mere keecha kabakawula.
\v 38 Siriba sirayi abakhosi omwami balyakaana nibetekekhire, akakheecha musisisimukho syo’khubiri oba esyo’khudatu.
\v 39 Ne mu manye sino: muuti omwene nyumba nabeye ngo’manyire omwiibi anerechere, kakhamokire, sikakhalekhire enyumba yaye okhukhalakiwa.
\v 40 Nenywe mweesi mwetekekhenge, khulwokhuba omwana wo’mutu kakhechere mu sikha simutamusubiriramo.”
\p
\v 41 Petero kateeba ati, “Omwami, olukaado luno olukaadiye efwe nawo abantu boosi?”
\p
\v 42 Omwami kamukowolamo ati, “Nanu oyo omubiikhi omwesikiwa, owamakesi, omwami waye yalilekhera abo mu nyumba yaye, okhubakaba emikawo chawe echemere mubikha byaayo?”
\v 43 Siriba esirayi omukhosi oyo omwami waye naliicha, kamwakaana nakhola atyo.
\v 44 Masima mbawoola nti, alimusigira byoosi byali nabyo.
\v 45 Ne omukhosi oyo, naliwoola mu mwoyo kwaye ati, ‘Omwami wange akhindire okhwicha,’ nachaaka okhukhubba abakhosi basaacha nabakhasi, nende okhulya, no’khunywa, namala ameera.
\v 46 Manu Omwami wo’mukhosi oyo, aliicha khu ludaalo lwatabaasiramo khandi mu bikha byatamanyire. Ali mutematema ebitundutundu, alimuwa omukawo kwaye alala nende abatafukirira.
\v 47 “Ne omukhosi oyo omanyire omwami waye syadakha, ne amala akhaya okhutekekha ngo mukhongo waye lwadakha alikhubwa ebifuusi bingi.
\v 48 Ne otamanya ne amala akhola ebyo ebimwoosa khu siwonereso okhukhubwa alikhubwa ebifuusi bitono. Ne nawuli awewa ebingi, balimukonyakho bingi; ne oyo yibabikhisa ebingi nje yibalikhira okhuteeba ebingi. Si mirembe Naye khwawukhana
\p
\v 49 “Neecha okhuleta omuliro khu syalo, ni nakhadakhire kube nikwachaaka okhwadukha khale!
\v 50 Ne ndi nende okhubatisiwa khundi no’khubitamo, nga ndi nende endaalo okhwoola lusilyolerera!
\v 51 Mubaasa muuti necha okhuleeta emirembe khu syalo? Bbe, mbawoolera, naye okhwawukhana.
\v 52 Okhutula nende wunanu wuno alibaawo abatu bataanu mu nyumba ndala ni bakawukhanire mulala sya mulala, badatu nende babiri, khandi babiri nende badatu.
\v 53 Balikawukhana, latanηηene n’omwana waye, nηηina nende omukhana waye, khandi omukhaana nende masalaηηene, khandi masaala nende mukhomwana, ne mukhomwana nende masalaηηene.” 
\s Okhutafuta Ebikha.
\p
\v 54 Kawoolera esidiikha ati: “Nimuwona esireesi nisisiingira okhutula ewukwalyuba, muwangu muwoola muuti, ‘enfula yinaakwe,’ khandi yiba yinakwe.
\v 55 Nimuwona omuyaka nikuwuucha nikuyira emwaaalo, muwoola muuti owiire wunaabe wo’luuya, khandi nje lusiba.
\v 56 Ababacha! Mumanyire okhukhebera enfwani ye’syalo nekkulu. Ne siina esibakayira okhutafuta owiire wuno?
\p
\v 57 “Khandi enywe abeene siina esibakayira okhwekhengera ebituufu?
\v 58 Khulwokhuba noba noocha nende okhuwabira ewo’mulamusi, kesakho lukali ni musiri khungira, okhuwulirisaniya nende okhuwabiiye ewo’mulamusi, ataasi awo okhuwabira anyala kakhuwayo ewo’mulamusi ne omulamusi anyala kakhuwayo ew’omukhongo we’jeera, no’mukhongo we’jeera kakhusindikha mu jeera.
\v 59 Nkhuwola nti, khaba syolitulamo, okhutusakho ngo’sasuye ekobi lyosi lyoosi.” 
\c 13
\s Mweyolobye oba Musikhirire.
\p
\v 1 Ebikha ebyo Yesu kaliwo na’batu abamuwolera ebyali nibyekholekhire e Galiraya nga Pirato lukali nadubanisye amabanga nende ebiwewayo byawe.
\v 2 Yesu kabakowolamo ati, “Mubaasa muti bino byekholekhire khu ba Galiraya bano khuba nje abakhirakho okhukhola ebibi mu ba Galiraya bandi boosi khulwokhuba basanda baatyo?”
\v 3 Mbawoola nti khaba sinje siri! Ne okhutusakho nga mukalukhanisye emyoyo chenywe, no’wulamu wene ata mwesi mucha okhusikhirira muutyo.
\v 4 Oba abo ekhumi namunaana abafwa esiduuti namatakoola ke Siloomu kabakwakho__ Mubaasa muuti bano nje abali abonooni okhukhirakho abali mu Yerusalemu?
\v 5 Mbawolera nti, khaba! Nimutakalukhaniya emyoyo no’wulamu wenywe, muli sikhirira ata mwesi.”
\p
\v 6 Kabawolera olukaado ati: “Omusaacha kali no’musaala kwaye omutuli, nga kutakirwe mundalo yaye, eye’misabbibbu, kacha okhuwona nikulikho esyamo, ne sikakaanakho syoosi.
\v 7 Sakira kawoola omukhosi owali nalabirira endalo kamuwoola ati, ‘emyaka chidatu wunanu mbeyeenge ni nicha okhwewunja esyamo khu musaala kuno nga sinakaanakho syoosi. Kuteme kukwe! Lwasi kwonona eroba werere?’
\p
\v 8 Ne omukhosi kamukowolamo ati, “Omwami, ‘Lekherakho omusaala kuno omwaaka kundi mulala, nja okhukwakira ngutekho ebikimusa.
\v 9 Nikulyama, wulayi okulekhawo, nikutalyama esyamo syoosi omwaaka kwicha, sirayi! Nikutaama, okutemawo.’”
\s Omukhasi mulema Awonesewa Olwe’Sabbiti.
\p
\v 10 Khuludaalo lwa sabbiti Yesu kali asomesa mu ndala khu masinaggogi,
\v 11 ne aliwo omukhasi omulema wekhwesa owali ni kalemasiwa na’maani ke myoyo che’bikhyeno emyaaka ekhumi na munaana. Kali kekoda nga syanyala kakangamukha atta.
\v 12 Yesu nikamuwona, kamulanga kamuwoola ati, “Mukhasi ewe, olekhuywe muwunafu wawo.”
\v 13 Kamutakho amakhono kaye, ebikha byene ebyo kanyala okhukangamukha kebasa nafumya Weere.
\p
\v 14 Khu lwe etima khu lwa Yesu okhuwoniya khu sabiiti Omukhulutu we sinaggogi kawolera abatu ati, “Aliwo endaalo mukaaga echokhukholeramo emirimo. Manu mwiche muwonesewe mu ndaalo echo, okhulekha olwa sabiiti.”
\p
\v 15 Omwami kamukowolamo ati, “Enywe ababachirisi! Nawuli mulala khwinywe syawololanga endaawo yaye oba ensunkhiri yaye khu ludaalo lwa sabiiti kayitusa mu sidwoli kayiyira okhuηηwa amaachi?”
\v 16 Wunanu si sikhoyera omukhasi ono, omukhana wa Yibbulayimu, setani yikali ni kawowa emyaaka emilamba ekhumi na munaana, kalekhulwa khu ludaalo lwe’sabiiti okhutula mu byali byamuwowa?”
\v 17 Nikawoola sino abali nibamuyinganiya baswala, naye abatu bosi boosi basangala olwe’bitu ebya’maani bikali nakhola.
\s Engaado Cho’lumwo Lw’Omuyofu Namamera.
\p
\v 18 Yesu kamala kateeba ati, “Owene’ngo wa Weere wufana wutye? Khandi nyala nawukeraniya khu si?
\v 19 Owene’ngo wa Weere wuli nga’khamwo kho’muyofu, omutu khakawukula kakhataaka mundalo yaye. Khakhula khafukha omusaala, amayoni ko’mubbanga mukeyikama mu masaga kakwo.”
\p
\v 20 Khandi kateeba ati, “Sina sinyala nakeraniya khu wene’ngo wa Weere?
\v 21 Siri nga’mamera omukhasi ka kawukula katawula mu ntamu ekhongo eyo’wusye wubbaakhe okhwola nikakalukhaniya entamu yoosi.”
\s Omulyango Munyiki.
\p
\v 22 Yesu kabita mu biko nende mu ngoongo, na’somesa nga lukali nabita okhucha e Yerusalemu.
\v 23 Mulala khu batu kateeba Yesu ati, “Omwami, abatu batono boηηene nje abaliwonesewa?”
\v 24 Kakowoolamo ati, “Mukesekho lukali khandi na’maani mwingirire mu mulyango munyiki, khuba bangi, mbawoolera, balikesakho okhwingira ne si balinyala.
\v 25 Omwene nyumba na’singira kekalawo omulyango, olyema eryanyi no khubba koodi ni wekweeda, nowoola oti, ‘Omwami, twikulirewo.’ Ne alikowolamo ati, “Ese simbamanyire khandi simayire yimutula.’
\p
\v 26 Awo nje lumuli mukowoola muuti, ‘Khwalya khandi khwanywa nawe, khandi wasomesa mu makira kefwe.’
\p
\v 27 Ni alibakowoolamo ati, ‘simbamanyire khandi simanyire yimutula. Mutule andi, enywe mweesi abakholi be’bibi!’
\v 28 Yiribayo okhulira eyo, no’khusya ameno, nimuliwona Yibulayimu, Isaka nende Yakobo na ba nabbi boosi mu we’nengo wa Weere, ne enywe mwabene ni musukunirwe erwanyi.
\v 29 Abatu balitula ewutula lyuba ne’wukwa lyuba emukulu nemwalo, baliwukula ebifwo byawe mu muyumo kwo’mu wene’ngo wa Weere.
\v 30 Masima kene alibawo abo abenyuma abaliba emutwe, khandi abe’mutwe abaliba abenyuma.” 
\s Esibeera Sya Yesu Khu lwa Yerusalemi.
\p
\v 31 Mu bikha ebyo balala khu ba Falisaayo beecha eyiri Yesu bawoola baati, “Tula mu sifwo sino oche awutu andi. Kerode adakha okhukhwita.”
\p
\v 32 Kabakowolamo ati, “Muche muwolere ebbwe eryo, ‘Nja okhwirusya ebikhyeno mboniye abatu olwa leero nende muchuli, no’ludaalo lwo’khudatu ndyoseresa emirimo change.’
\v 33 Mungira choosi, ntekwa okhuchanakana mu moni olwalero nende muchuli no’ludaalo lulondakho__ masima yiwuma nabbi yeesi onyala okhufwira erwanyi wa Yerusalemi!
\p
\v 34 “Oo Yerusalemi, Yerusalemi, Enywe abeeta ba nabbi khandi ni mu bakhubba amakina, abo abatumirwe yimuli, amakhabi mangi, nali ndakhire mboniye abatu benywe. Nga lunadakha okhuwuusa abaana benywe alala, nge’ngokho luyiwusa abayo mu mbaya chayo, ne simwafukirira!
\v 35 Wonna, enyumba yenywe yirekhirwe nge’kunda. Mbawolera, simulimbona khandi, okhutusakho okhwola ebikha ebyo bimulyola mwawoola muuti, ‘Ali ne nkhabi oyo owichira mu litta lyo’Mwami.’” 
\c 14
\s Yesu Mu nyumba Yo’mu Falisaayo.
\p
\v 1 Olwe sabbiiti, Yesu nikeengira okhulya mu nyumba yo’mu Falisaayo owamanyikhana, bali nga bamwekhalirisa lukali.
\v 2 Manu aliwo omutu mu moni chaye owali omulwaye nikasiimba amakulu nende amakhono.
\v 3 Yesu kateeba aba Falisaayo nende abalyepulyepu bamalako ati, “Sirayi okhuwoniya khu ludaalo lwa sabbiiti oba khaba?”
\v 4 Nabo bawuleera wusa sakira okhwema khwisyo, kamudiirakho kamuwoniya, kamuseewula.
\v 5 Kabateeba ati, nanu khwinywe oli nende omwana musoliri oba ensirusi yaye niyikwiiye mu nsulo olwe sabbiiti otanyala kayitusamo mangu khu lwe sabbiiti?”
\v 6 Khandi bawuma syoosi sibawola.
\p
\v 7 Ni keecha kekhalirisa nga abakeni balange lubekhalira mu bifwo bye’mbaga kabawolera olukaado ati:
\v 8 “Omutu nakhulanganga khu mbaga yo’weeya, otekhalaanga mu sifwo esyo’ luyaali, na lundi yinyala okhubaayo okhukhira oluyaali yibalanga.
\v 9 Nisiba siityo owabalaanga mwembi nalicha kakhuwoola ati, ‘Weresa omusaacha ono esisaala syawo.’ Awo olidiirwa ensoni okhukowola mu sifwo esyenyuma.
\v 10 Ne nibakhulanganga, ochanga wekhala mu sifwo esye’nyuma, ni okhulaangire nikecha yuli, alikhuwoola ati, ‘Omwiicha, singira osude eno emutwe.’ Awo oliba no’luyaali mu moni cha’batu boosi bawikhaaye nabo khu meesa ya’bakeni.
\v 11 Olwokhuba omutu yeesi oweniiniya amukulu omwene, kakhesewe assi nende oyo oweyisa assi omwene acha okhuniinisiwa amukulu.”
\p
\v 12 Yesu kawoola noyo owali namusyasise ati, no’kawulanga esye’sideete oba esye’ngoloobe, otalanganga abeecha bawo, ata bamwanamawo, ata abesikha syawo, ata abayiinda abakhusibiranire; no’khola otyo bosi balikhulaanga oliba osasuywe.
\v 13 Ne no’dekhaanga embaga, olanganga abawati nende abekakada nende abalema na’bawofwu.
\v 14 Manu oliweewa enkhabi. Nende aliwuma sibalikhutuunga, olitungiwa mu khusyukhira khwo’wolerefu.
\s Olukaado Ludiira Khu Mbaga Ekhoongo Lukali.
\p
\v 15 Ebikha ebyo mulala khu abo abali nibekhaaye nende Yesu khu mesa, nikawulira ebyo, kamuwola ati ali nende enkhabi oyo olirya khu muyumo kwo’wen'engo wa Weere.
\p
\v 16 Yesu kakowolamu ati: “Waliwo omutu owali natekekha embaga nkhoongo kalanga abakeni bangi.
\v 17 Ebikha bye mbaga nibyolire katuma omukhosi waye okhuwoola abalange ati, ‘Mwiiche, olwokhuba byosi bimalire okhutekekhewa.’
\p
\v 18 Ni boosi bachaka okhwerira werira. Owamberi kawoola ati, ‘Khu nakhakula endalo yange ndakha nje njiwone. Khwekalikhiiye ndekhereemo.’
\p
\v 19 Owundi kawoola ati, ‘Khu nakhakula amayeeyi kataanu, njo'khukeekesa okhulima. Nkhwekalikhiiye ndekhereemo.’
\p
\v 20 No’wundi ati ese kho nakhadeekhya omukhasi nje esikira niteeche.
\p
\v 21 Manu omukhosi oyo keecha kawoolera omukhongo waye ebyo. Manu omwene edaala kadiirwa etima kawoola amukhosi waye ati, ‘Tula wangu oche mu makira nende mu tukira twe’siko, oleete ano abawati, abekakada, abawofwu be’moni na’balema.’
\p
\v 22 Omukhosi kawoola ati, ‘Mukhongo wange, si wumbooye syekholire, ne khandi asiiriwo esifwo.’
\p
\v 23 Khandi omukhongo waye kamuwoola ati, ‘Tula oche mu makira nende mu tukira, obawoole beche, kho enyumba yange yiichule.’
\v 24 Olwokhuba mbawoola nti bala abalangiwa, yiwuma ata mulala olikhomba khu mbaga yange.
\s Esikhufuula Omweki Wa Yesu.
\p
\v 25 Ebidiikha bikhongo byali bichaana naye, Yesu kakaluukhana kabawoola ati:
\v 26 “Omutu nanechenge yindi kakhaya okhusyuula simwana nende nηηina, no’mukhasi waye na’baana baye, bamwananηηina nende bambochoηηene__ Yee ata no’wulamu waye__ syanyala okhuba omweki wange.
\v 27 Ne oyo yesi otakiingenge omusalabba kwaye omwene kanoonda sikakhaba mweki wange.
\v 28 Nisiba mbo mulala khwinywe adakha okhwombakha enyumba, otatangira kekhala kawona ebidakhiwa nibiriwo ebimala?
\v 29 Nisitaba siityo naba namalire okhuyaba omusiingi nga syanyala okhuyimala, boosi abawona bachaaka okhumuchekha.
\v 30 Nibawoola baati, ‘omutu ono kachaaka okhwombakha enyumba yino ne si kayimala.’
\p
\v 31 “Oba mwene’ngo siina ochaaka okhuseeta eye eryo’wene’ngo wundi. Otatangira kekhala asi kabaliirira naba nanyala okhulwaana nali nekkana lya’balwaani omutwalo mulala okhwakaanana nola owa emitwalo chibiri?
\v 32 Nisitaba siityo, ola naba nasiiri aleyi lukali atuma ba wamuwanda kasaba ebyo’khuwulirisaniya.
\v 33 Manu nasirala, nawuli mutu yeesi khwinywe otefirisenge byoosi byali nabyo, syananyalenge okhuba omweki wange.
\p
\v 34 Omunyu mulayi, ne nikuba nikuwamo echamu lyakwo, kukowosewamo kutye echamu lya’kwo lundi?
\v 35 Kuwuma mugaso nende mundalo sikukimusa loba; bakusukuna erwanyi. “Oli nende amatwi akokhuwulira, awulire.”
\c 15
\s Olukaado Lwe Koondi Eryakota.
\p
\v 1 Olwoola, abasolosi bo’musolo nende “abakholi be’bibi” bosi boosi bateranga okhwewusa alala okhumuwulirisa.
\v 2 Ne Abafalisaayo nende abasomesa ba’malako beηηuluηηunya nibawoola baati, “Omutu ono asudiya abali ne’bibi khandi alya nabo.”
\p
\v 3 Manu Yesu keecha kabakaadira olukaado luno ati:
\v 4 “Nisiba mbo mulala khwinywe aba nende amakondi kaye emya ndala manu erala khwako lyamukotakho, syalekha kala kyenda mu mwenda mu lwayiro kaacha kakoonya lira erala eriba nirikotire okhwoola lwa liwona?
\v 5 Manu namala okhuliwukaana, alikiinga khumabeka kaye ne’sangaalo
\v 6 kacha engo. Alaanga abecha baye nende abasye abasibiranire naye kabawoola ati, ‘Musangalirekho alala nange; olwokhuba nakanire ekoondi lyange eryali niryakota.’
\v 7 Mbawoolera nti mu ngira nasirala alibawo esangaalo likhirawo mwikulu khu lwo’mukhosi we’bibi mulala okhweyolobya okhukhira abolerefu kyenda mu mwenda abatadakha khweyolobya.
\s Olukaado Lwe’rubbiya Chakota.
\p
\v 8 “Khandi nisiba mbo omukhasi aba nende amagome ke’sangasa ekhumi nakosyakho erala. Syawambya etaara, keya enyumba birayi kakoonya nowegenderefu okhwoola nalyakaana?
\v 9 Ne naliwukaana, alaanga abeecha baye nende abatu bamusibiranire alala kabawoola ati, ‘Musangaalirekho alala nange; khulwokhuba mbukanire egome lyange eryali niryakota.’
\v 10 Mbawolera nti mungira nasirala, liriba sangaalo mu moni cha ba malayika ba Weere olwo’mukhosi we’bibi mulala oweyolobya.”
\s Olukaado Lwo’musyani Wakota.
\p
\v 11 Yesu kemeeda: ngawoola abatu ati, “aliwo omutu owali nende abasyani baye babiri.
\v 12 Omuyere kawoola simwana ati, ‘Bbabba, mberese omukawo khu myandu chawo.’ Manu sawe kabakabaniya ebyo’wuyiinda waye.
\v 13 Olwoola olunyuma lwe’ndaalo echitasi nyiingi, omusyani muyere kawuusa ebyaye byoosi, kakenda kaacha mu syalo syeyale kachakachakiya ebitu byaye mu nsambo embi.
\v 14 Olwoola nikamala okhubirya byoosi, enjala nyiingi yecha yakwa musyalo omwo, kachaaka okhusaanda.
\v 15 Keecha kewaayo ewo’mutu we’syalo esyo, owamuwayo kamusiindikha okhumwayiranga embichi.
\v 16 Kola okhwekomba okhulya ebyola embiichi bichalyangakho, naye awuma omutu omuwa syoosi.
\v 17 “Ne nikeyolobya, kawoola ati, ‘abakhosi banga abomusaara aba bbabba abekuta ebyokhulya birayi byasikalawo, ne nga ese nfwira ano enjala!
\v 18 Nja okhusiingira nje eyiri bbabba muwole nti: bbabba, nyasiise eyiri ekkulu nende mu moni chawo.
\v 19 Sinsikhoyera okhulangiwa omwana wawo; mbire nga mulala khu bakhosi bawo abomusaara.’
\v 20 Kasiingira kaacha eyiri simwana. “Ne nikali nasiiri eyale, simwana kamuwona kamukwiira esisa; kerukha kamukwa mu sirifu, kamwekesa okhudakha khukali.
\v 21 Oyo mwana kawoolera simwana ati, ‘Bbabba, nyasiise eyiri ekkulu nende mu moni chawo. Sisinkhoyera okhulangiwa omwana wawo.’
\p
\v 22 Naye simwana kawoola abakhosi baye ati, ‘Wangu! Muleete enguwo endayi eyikhira choosi muyimwambase. Mukakikhe empetta khu lwala mu mwambase ebiraato mu makulu kaye.
\v 23 Muleete nende enηηombe ndaaga endayi khandi enulu mwiite. Khulye khusangaale.
\v 24 Olwokhuba omwana wange ono kali afwiye ne asyukhiye khandi; kali akotire ne wunanu awonekhire.’ Khulwesiyo bachaaka okhusangaala.
\p
\v 25 “Naye omwana waye omukhuluutu kali mundalo. Nikeecha nali ambi okhwola khu nyumba, kawulira enyembo na’makhina.
\v 26 Khulwesyo kalaanga mulala khu bakhosi basimwana kamuteeba sina esichanakana.
\v 27 Kamuwolera ati, ‘mwanamawo kechire.’ Lataawo amwitiiye enηηombe yamasinya olwokhuba awonekhire ni mulamu.
\p
\v 28 Naye omusyani mukhuluutu kadiirwa etima lukali, kakaana no’khwingira mudaala. simwana katula eryanyi kamwekalikhira.
\v 29 Ne kakowolamo kawoola simwana ati, ‘Wona! Emyaaka chino miingi nga nkhukholera ngo’muwambe yuli khandi sinkhutenguwangakho. Ata nawutono siwumbangakho ata akhameeme okhusangaala n’abeecha bange.
\v 30 Naye omusyani wawo ono, owalya emaali yawo alala nende ba malaaya nikeechire omwitiye enηηombe ndaaga enulu!’
\p
\v 31 “Simwana kamukowolamo ati, ‘Mwana wange, ewe wuli ludalo oba alala nange, khandi ebyange byosi byoosi byawo.
\v 32 Ne omwekhoyo nende okhusangaala bikhoyire bibewo, khulwokhuba mwanamaawo ono kali afwiye alamukhire khandi; kali akotire awonekhire.’”
\c 16
\s Olukaado Lwo’ Mubiikhi Mukesikesi.
\p
\v 1 Yesu kawoolera abeeki baye ati: “Aliwo omutu omuyiinda owali nende omubiikhi waye yibamuloopera baati konoona ebitu byaye.
\v 2 Kamulaanga kamuteeba ati, ‘siina sino simbulira khwiiwe? Mberese embaliirira yo’wubiikhi wawo, okhuba syocha okhwemeeda okhuba omubiikhi wange khandi.’
\p
\v 3 “Omubiikhi ono kawoola mu mwoyo kwaye ati, ‘Ndakhole ntye wunaanu? Olwokhuba omukhongo wange kantusiisekho omulimo kwange? Mbuma maani kalima, khandi ndi owe’nsoni okhusabirisa__.
\v 4 Manyire sinja okhukhola, nibananjirusye mu wubiikhi, abatu banambukaanire mu mayumba kawe.’
\v 5 “Manu kacha kalaanga wuli oli nende ekobi lyo’mukhongo waye. Kawoola owamberi ati, ‘Omukhongo wange akhubaanja chinga?’
\p
\v 6 “‘Kamuwoola ati, ebikero byamafuta emya munana. Omubiikhi kamuwoola ati, “Wukula ebaruwa yawo yibakhubanjirakho, wikhale wangu owandiike amakhumi kane.’
\p
\v 7 “Khandi kateeba owo’khubiri ati, ‘nawe obanjiwa si?’ Kamuwoola ati, “‘Ebidubi elifu ndala ebye’ŋaano.’ “Kamuwoola ati, ‘wukula ebaruwa yibakhubanjirakho owandiike emya munaana.’
\v 8 “Manu omukhongo waye oyo keecha kamupaakhya omubiikhi otaasi omwesikwa oyo olwokhuba okholire ebyamakesi. Olwokhuba abatu be’syalo sino bakesikesi mubikha byawe okhukhira abatu bo’mubasu.
\v 9 Sesi mbawoola nti, mweyambirenge owiicha muwuyiinda we’syalo owuwawo, niwuliwawo kho mwanirisiwe mu wuyiinda wekulu.
\v 10 Oba omwesikwa khusiitu esitono lukali, nende khusikhongo aba mwesikwa. Naye otasi mwesikwa khu siitu esitono lukali, syaliba mwesikwa ata khu sikali.
\v 11 Wunaanu ni munabenge abataasi besikwa khu wuyiinda we’syalo sino nanu olibabiikhisa (owuyiinda) owa’masima?
\v 12 Khandi nimutabenge abesikwa khu esyo esyabene, esyenywe nanu olisibawa?
\v 13 “Yiwumawo omukhosi anyala kakholera abakhongo babiri. Olwokhuba alirekhakho mulala kadakha owundi, oba alyomiirira khu mulala kalekeresa owundi. Simunyala okhukholera byombi Weere nende erubbya.”
\p
\v 14 Abafalisaayo, abadakhanga lukali erubbya, bawulira binno byoosi, bechusyula Yesu.
\v 15 Kabawoola ati, “Enywe abelanga abolerefu mu moni chabatu, ne Weere amanyire emyoyo chenywe. Esyo sibalanga mbo sye’bbeyi ngali mu moni cha’batu nje esitakhoyera mu moni cha Weere. Enjekesa Che meedakho.
\p
\v 16 “Amalako nowu Nabbi byalangirirwa okhwola khu Yokana. Okhutula awo, amawulire malayi ako’wen’engo wa Weere kali okhuwuulirwa, khandi wuli mutu kengiramo sirifu.
\v 17 Syangu ekulu nende esyalo okhutulawo okhukhira enukuta ndala entono eya’malako okhumekukhakho.
\p
\v 18 “Omutu yeesi onerusyeenge omukhasi waye, kadekhya owundi anabeenge akholire owudamba, ne omusaacha oyo onadekhyenge omukhasi yiberusya, anabeenge akholire owudamba.
\s Omusaacha muyiinda Nende Lasaro.
\p
\v 19 “Olwoola aliwo omutu omuyiinda owambalanga enguwo echo’luyaali nende ebichiirakho ebirayi ebye’bbeyi, nga asangaalanga wuli ludaalo mukhwedakha.
\v 20 Khumulyaango kwaye bakoniyangawo omusabirisi olangiwa Lasaro, owali natemukhire temukhire amakoonjo
\v 21 nga kekomba okhulya ebyalakakhanga okhutula khu meesa y’Omuyiinda. Khandi n’embwa chosi chechanga nichikhomberera amakonjo kaye.
\v 22 “Ebikha byola omusabirisi kafwa ba malayika bamukiinga bamuta mu lubafu lwa Yibbulayimu. No’muyiinda yesi kola kafwa kasikhiwa.
\v 23 Emakombe yi kali mu wuchuni, kasingisa emoni chaye kawonera Yibbulayimu aleyi, nende Lasaro nali mu lubafu lwaye.
\v 24 Kalomalomera amukulu kawoola ati, ‘Bbabba Yibbulayimu, ngwire esisa otume Lasaro kenikhe olwala lwaye mu maachi kanyisyekho olulimi lwange, olwokhuba ndi mu wuchuni wa’maani mu muliro kuno.’
\p
\v 25 “Ne Yibbulayimu kamukowolamo ati, ‘Musyaniηηene, yichulisa oti no’siiri omulamu wafuna ebitu byawo ebirayi, ne Lasaro kafuna ebitu bibi, ne wunanu nje osangasiwa eno, nawe oli mu wuchuni wukali.
\v 26 Notusisekho binno byoosi, akati wefwe nanywe aliwo olukhokho oluleeyi olwatewawo, abadakha okhwicha eno bakhayenge okhutwolakho, ata nende abadakha okhwicha eyo batabolakho.’
\p
\v 27 Kawoola ati, ‘Manu nkhwekalikhiiye, Bbabba tuma Lasaro engo wefwe,
\v 28 olwokhuba ndi nende bamwanama bataanu. Lekha ache abalawule bakhaye bosi okhwiicha mu sifwo esye’saando sino.’
\p
\v 29 “Yibbulayimu kawoola ati, ‘bali nende Musa nende ba Nabbi; ba bawulirenge abo.’
\p
\v 30 “Kamukowoolamo ati, ‘Khaba, bbaba Yibbulayimu, ‘Wichukhana mulala khu bafu katulamo kacha yibali, bakheyolobya.’
\p
\v 31 “Kamuwoola ati, ‘Ne nibatawulira Musa nende ba Nabbi, ata nende mulala khu baffu akakhasyukha syali bafukiirisa.’”
\c 17
\s Esibi, Enfukiirira, okhukhola.
\p
\v 1 Yesu kawoola abeeki baye ati: “Ebitu bikira abatu okhukhola ebibi biicha, ne chimwakaanire oyo yibiribitiramo.
\v 2 Syakhali silayi oyo awoywe olukina mukosi lyaye asukuniwe mu kuyanja, okhukhira okhukayirira mulala khwabo abeyere.
\v 3 “Mwerindenge. “Mwanamawo nikononaanga, omukerakiranga, nikeyolobyaanga, omulekherangamo.
\v 4 Ne nakhukholanga owubi amakhabi musanfu mu ludaalo lulala, khandi kakowola yoli amakhabi musanfu kawoola ati, ‘Neyolobisye,’ omulekherangamo.”
\p
\v 5 Abatume bawoola Omwaami baati twongerekho enfukiirira!”
\p
\v 6 Kabakowolamo ati, “Muba nimuli nende okhufukiirira nga akhamwo akho muyofu, mwakhawooye omukhuyu kuno muuti, ‘Wesyule wetake mu Kuyanja,’ manu kwakhabawuliiye.
\p
\v 7 “Nisiba nga mulala khwinywe ali nende omukhosi nga alimisa eŋombe oba nga kaya amakoondi. Si kakhamuwoola omukhosi waye naba natula mundalo ati, ‘Yicha wunaanu wikhale assi olye’?
\v 8 Oba si kakhawoola ati, ‘Tereesa esye’ngolobe ndye, wetereese wulayi wuninde nindya khandi ninywa; khu wesi omale olye khandi onywe’?
\v 9 Si kakhamwebasise omukhosi waye oyo olwokhukhola byamuwooye?
\v 10 Manu mutyo mwesi nimunamalenge okhukhola byosi bimwawolewa okhukhola, muwoolenge muuti, ‘khuli abakhosi abatakhoyera; ebikhoyera okhukhola nje bikhukholire.’”
\s Ekhumi bawonesewa ebikenge.
\p
\v 11 Wunaanu khu lukeendo lwaye naacha e Yerusalemu, Yesu kabita khu lwaakho akati wa Samaliya nende Galiraaya.
\v 12 Ne nikali nikakhengira mu lukoongo lundi, abatu ekhumi abakenge bawukanana naye. Bema khanayiro.
\v 13 Balomalomera amukulu bawoola baati, “Yesu mukhongo wefwe, tukwiire esisa!”
\p
\v 14 Nikabawona kabawoola ati, “Muche mweyekese eyiri bakhawona.” Nga lubali nibacha balabisiwa.
\v 15 Naye mulala khubo, nikawona nga owonire, kakowola enyuma, nga akiniya Weere n’ekono ekhoongo.
\v 16 Kakwa kafumala mu makulu ka Yesu nga amwebasa__ ni khandi oyo kali omu Samaliya.
\v 17 Yesu kateeba ati, “Abalabisiyiwe sibabeye ekhumi? Ne bala mwenda bali?
\v 18 Siwawonekhire ata mulala kakowola okhukiniya Weere okhutusakho omukeni onno?”
\v 19 Manu kamuwola ati, siingira oweewo; enfukiirira yawo yikhuwoniisye.
\s Okhwiicha Khw’owen’engo Wa Weere.
\p
\v 20 Olwola, nikali namalire okhuteebewa nende abaFalisaayo nga owen’engo wa Weere lu wulichiramo, Yesu kabakowolamo ati, “Owen’engo wa Weere si wiicha nende okhwetegeresa khwa makesi kenywe,
\v 21 ata abatu sibaliwoola baati, ‘Wona wuli ano’ ‘Oba baati wuli ala’ Olwokhuba Owene’ngo wa Weere wuli mwinywe.”
\p
\v 22 Kawoola abeeki baye ati, “Endaalo chicha okhwiicha lumulyekomba okhuwona lulala khu ndaalo cho’mwana wo’mutu, ne nga simuliluwona.
\v 23 Manu abatu balibawoola baati, ‘Ngula ali ala!’ ‘Oba nguno ano!’ Muterukhanga ni mubalondakho.
\v 24 Olwokhuba omwana wo’mutu mu ludaalo lwaye luliba ngo’khumyeesa, olumyesukha lwalafuya ekkulu okhutulira khuluwaande lulala okhucha khu lundi.
\v 25 Okhusokha atekwa okhusaanda lukali mu bitu bingi no’khwekaniwa naboluse luno.
\v 26 “Nga lubyali mu ndaalo cha Nuwa, biityo nje lubiriba nende mu ndaalo cho’mwana wo’mutu.
\v 27 Abatu bali ni balya, ni banywa, ni badeekha khandi nga badekhya, okhwoola khu ludaalo Nuwa lukengirira mu lyaato. Okhwoola nga enfula ya namadowa luyeecha yabasikhirisa boosi.
\v 28 “Nasirala nga lubyali mu ndaalo cha Luti. Abatu bali nga balya, banywa, bakula, bakusa, bataaka, khandi nga bombakha.
\v 29 Naye khu ludaalo lula Luti lukatula mu Sodomu, omuliro no’wunyotera lu byakwa okhutula mukulu byabasikhirisa bosi boosi.
\v 30 “Siityo nje lusiriba, khu ludaalo omwana wo’mutu lwaliwonekherakho.
\v 31 Khu ludaalo olwo awuma oliba khusirama amukulu khu nyumba yaye, ne’bitu byaye, nga biri mukati, atekhanga okhubitusamo. Mu ngeri nasirala no’yo oli mu ndalo atakowolanga engo okhwenda esitu syosi syoosi.
\v 32 Mwichulise omukhasi wa Luti!
\v 33 Wuli Wuli okoonya okhuwoniya owulamu waye aliwukosya, naye wuli okosya owulamu waye, aliwuwoniya.
\v 34 Mbawoola nti, musiro esyo babiri abaliba khu sitanda sirala; mulala kakhayiriwe, no’wundi alirekhewa.
\v 35 Abakhasi babiri baliba nibasyeera alala khungina chamakhono mulala kakhayiriwe no’wundi kakhalekhewe.
\v 36 Bateeba baati, “Ena, Omwaami?” Kabakowoolamo ati, “Awaba omulambo nje engosya achewuusira.”
\p
\v 37 Bateeba baati, “Ena, Omwaami?” Kabakowoolamo ati, “Awaba omulambo nje engosya achewuusira.”
\c 18
\p
\v 1 Khandi Yesu kakaadira abeeki baye olukaado nga lu sibakhoyera okhuta esinani mu khusaba owutajjoηηa.
\v 2 Kabawoola ati: “Aliwo omukayi we’misaango mu siko siindi otatya Weere khandi nga syafwa khu batu.
\v 3 Manu aliwo omufwire mu siko esyo owechaanga yali nawoola ati, ‘Ngayekho omusiku wange.’
\p
\v 4 Olwamberi kakhaya okhufukiirira. Naye oluyuma kabaasa mu mwoyo kwaye ati, ‘Anakhaba nintatya Weere khandi nga sinfwa khu batu,
\v 5 naye khu lwo’khutamirira khwo’mufwire ono, ndamukaye nga lwadakha, khu akhaye okhunjoηηya no khu nechembangakho!’”
\v 6 Naye Omwami kawoola ati, “Muwulire omukayi oyo otaasi omulungifu syawoola.
\v 7 Manu nende Weere syalikaya abadoole baye, abamulirira esideete ne’siro? Alichiririra nabetusakho?
\v 8 Mbawoola nti, alibakaya wangu, naye omwana wo’mutu nikakheeche, alyakaana okhufukiirira khu syalo?
\s Olukaado Lwo’mu Falisaayo Nende Omuwoosa.
\p
\v 9 Khu bandi abali ni bebaasa baati bolerefu nga balekeresa abasyawe bandi, Yesu kabakaadira olukaado luno ati:
\v 10 “Abatu babiri bacha mu nyumba ya Weere okhwekalikhira, mulala mu Falisaayo owundi nga muwoosa wo’musolo.
\v 11 OmuFalisaayo kasingira kekalikhira ebimudiirakho omwene ati: “Weere nkhwebasa olwokhuba sindi nga abatu bandi boosi__ ata nga abebi, abakholi be’bibi, abadamba__ ata nga ono omuwoosa we’misolo.
\v 12 Moonga enjala khabiri mu sabbiiti, ntaayo sirala sye’khumi khu byoosi binfuna.’
\p
\v 13 Ne omuwoosa wo’musolo kemera ale. Kakhaya no’khusiingisa emoni chaye mukulu, ke’khubba mu sirifu kawoola ati, Aa Weere wungwiire esisa ese omukhosi we’bibi.’
\v 14 “Mbawoola nti omutu oyo okhulekha owundi ola, kakowolayo engo waye nga’weresiwe owolerefu mu moni cha Weere. Olwokhuba wuli oweniniya aliisiwa asi, ne oweyisa assi alininisiwa.
\s Abaana Bayere Nende Yesu.
\p
\v 15 Abatu boosi bali baleeta abaana abayere eyiri Yesu okhubesakho amakhono kaye. Naye abeeki baye nibawona sino, babakhamukhira.
\v 16 Naye Yesu kalanga abaana abayere beeche yali nga awoola ati, “Mulekhe abaana bayere beeche yiindi, mutabakaana, olwokhuba abali nga abo Owene’ngo wa Weere wawe.
\v 17 Mbawoolera amasima nti, omutu yesi otalifuna Owene’ngo wa Weere nga omwana omuwere saliwingiramo ata nawutono.”
\s Omutuki Omuyiinda.
\p
\v 18 Omutuki wundi kamuteeba nga awoola ati, “Musomesa mulayi, nkhole si khonsikhire owulamu owutakama?”
\p
\v 19 Yesu kamuwoola ati wunangira si omulayi? Awumawo omulayi__ okhutusakho Weere yeηηene.
\p
\v 20 Amalako kano okamanyire: “Otakholanga owudamba, otetanga, otebaanga, otayinganga omutu syataakholire, otanga mu bbabbawo nende mamawo oluyaali.’”
\p
\v 21 Kakowolamo ati, “Ebyo byosi byoosi nabidiira okhutula mu wudoto wange.”
\p
\v 22 Yesu nikawulira sino, kamuwoola ati, “Olemukhirekho sirala. Kusa byooli nabyo byosi byoosi, obikabire abawati, awo kho obe no’wuyiinda mukulu. Nomala otyo, wiiche wunoonde.”
\v 23 Ne nikawulira sino kadiirwa ettima, olwokhuba kali no’wuyiinda wungi.
\v 24 Yesu kamwewunja kawoola ati, “Nga sidinyu abayiinda okhwingira mu wene’ngo wa Weere!
\v 25 Masima keene, syangu ensukhiri okhubita mu kheena khempiso okhukhira omuyiinda okhwingira mu wene’ngo wa Weere.
\p
\v 26 Abawulira sino bawoola baati, ne wunaanu naanu onyala okhuwona?”
\p
\v 27 Yesu kabakowoolamo ati, “Ebitanyalikha eyiri abatu binyalikha eyiri Weere.”
\p
\v 28 Petero kawoola ati, “Wona, efwe khwalekha byoosi bikhwali nabyo khwakhuloonda!”
\p
\v 29 Yesu kabawoola ati, “Masima mbawoola nti, “Awumawo omutu yeesi owalekha edaala lyaye oba omukhasi waye oba bamwanawaηηina oba abewusi oba abaana khulwo’wene’ngo wa Weere
\v 30 otacha khwakaana khandi amakhabi mangi mu ndaalo chino, nende mu ndaalo chiicha, owulamu owutaakama.”
\s Yesu Khandi Alakula Khu Khufwa Khwaye.
\p
\v 31 Yesu keecha kawukula ekhumi na babiri kabawoola ati, “Khuli okhunina okhucha e Yerusalemi, nende ebyo byoosi ebyawandiikiwa ba nabbi ebidiira khumwana wo’mutu bicha okhwolerera.
\v 32 Acha okhudiisiwa abateende. Balimukhomoola, bamuyire wubi, khandi bamufuucheho amatte, no’khumukhubba no’khumwiita.
\v 33 Khu ludaalo lwo’khudatu alisyuukhira khandi.”
\v 34 Abeeki khaba si bamanyirawo ata sirala khu ebyo. Amakhuluutu kabyo kabakisiwa bakhaya okhumanya bikawoola.
\s Omuwofwu Osabirisa Awona.
\p
\v 35 Nga Yesu lukali nikolerera Yeriko, omuwofwu we’moni kali kekhaye khungira nasabirisa.
\v 36 Nikawulira esidiikha nisibita ambi kateeba ati siina esyo.
\p
\v 37 Bamuwoolera baati “Yesu omu Nasalesi abita.”
\p
\v 38 Kalomalomera amukulu nga awoola ati, “Yesu, mwana wa Dawudi, ngwiire esisa!”
\v 39 Abo abali ni batangiiyemo bamukhamukhira bamuwoola awuleere, naye kemeeda okhulomalomera amukulu lukali ati, “Mwana wa Daudi, ngwiire esisa!”
\p
\v 40 Yesu keema kalagira omusaacha oyo bamuleete yali. Nikasuda ambi, Yesu kamuteeba ati,
\v 41 “Odakha nkhukholere siina?” Kamuwoola ati, “Omwami, ndakha okhuwona.”
\p
\v 42 Yesu kamuwoola ati, “Funa okhuwona; okhufukiirira khwawo khukhuwoniisye.”
\v 43 Awene naweene kafuna okhuwona, kamala kaloonda Yesu na’kiniya Weere. Ne abatu boosi ni bawona sino, boosi bakiniya Weere.
\c 19
\s Sakayo Omuwoosa.
\p
\v 1 Yesu kengira mu Yeriko nikali nabitamo.
\v 2 Omutu erita lyaye Sakayo; kalimukhuluutu wabasolosi bo'musolo khandi nga muyiinda.
\v 3 Kakhenga amakesi okhuwona Yesu nga lwali, olwokhuba kali mumbikkiti si kamuwona khu lwo’wungi wa batu.
\v 4 Kerukha katangiramo kaniina omusaala mukhuyu ambi nende engira khwamuwone khulwokhuba Yesu kali acha okhubita khungira eyo.
\v 5 Ne Yesu nikoola musifwo Sakayo akali, katingaala amukulu, kamuwoola ati, “Sakayo, yiikha wangu. Olwokhuba olwalero sikhoyera ese okhwikhala mu nyumba yawo.”
\v 6 Kekha mangu kamuwukanira ne’sangaalo.
\v 7 Abatu nibawona beηηuluηηunya boosi baati, “Kengiye okhuba omukeni wo’mutu oli nende ebibi.
\p
\v 8 Naye Sakayo Kasiingira keema kawoola Yesu ati, “Wona, Omwami! Esitundu sy’ebitu byange mbiwa abawati, nimba ni nakosobanyakho esitu syo’mutu yeesi mukowoserawo amakhabi kane.
\p
\v 9 Yesu kamuwoola ati, olwaleero okhuwonesewa khwichire mu nyumba muno, olwokhuba omutu ono yesi mwana wa Yibbulayimu.
\v 10 Olwokhuba omwana wo mutu kecha okhukoonya no’khuwoniya esyo esyali syakota.”
\s Olukaado Lwe Enhera Ekkhumi.
\p
\v 11 Abatu nibali basiwuliririsa ebyo, Yesu kacha mumoni kakaada olukaado, olwokhuba kali ambi nende Yerusalemi khandi olwokhuba bali babaasa baati Owen’engo wa Weere wucha okhwoola mangu.
\v 12 Sakira mbawoola nti: “Aliwo omutu wo’luyaali owacha mu syalo aleyi, okhuba omwen’engo khwamale akowole.
\v 13 Kalanga abakhosi baye ekhumi kabawa enkhera ekhumi, kabawoola ati, ‘Musuwulenge okhwola lundikowoola.’
\p
\v 14 Ne abasaacha baye bano boola bamusyuula, batuma bawamuwanda naweyeyo nga bawoola baati, ‘Sikhudakha oyo okhuba omwene’ngo.’
\v 15 “Olwoola nikakowola namalire okhuba omwen’engo, kalagira balange abatu abo bakawa erubya, khwamanye amagoba kabafuna mu khusuwula khwawe.
\p
\v 16 “Owamberi mwene keecha kawoola ati, Mukhongo wange, erubya yawo yewula echindi ekhumi.’
\p
\v 17 ‘“Kamuwoola ati, ‘Webale, omukhosi mulayi!’ Olwokhuba wali omwesikwa khu biitu bitono, manu ba no’wunyala khu biko ekhumi.’
\p
\v 18 “Owo’khubiri yesi keecha kamuwoola ati, ‘mukhongo wange erubya yawo yewula echiindi chitaanu.’
\p
\v 19 “Oyo yeesi kamuwoola ati, ‘bamukhongo we biko bitaanu.’
\p
\v 20 “Khandi owundi keecha kawoola ati, ‘Mukhongo wange, wona, erubya yawo njino; yinabiikha nga njiwoyire mu sitambaara.
\v 21 Olwokhuba nakhutya, oli omutu omudinyu lukali. Owukula syotabiikha, khandi waakessa byotataaka.’
\p
\v 22 “Omukhongo waye kamuwoola ati, ‘Nja okhukhukhengera omusaango olwe’mboosi cho’munwa kwawo wa'mwene, omukhosi mubi! Wamanya oti ese ndi mutu mudinyu, mbukula bintabiikha, naakessa bintataaka?
\v 23 Wunaanu sina syeene esyakhukayira okhuwa erubya yange abachurusi, sesi ninakhakowoye, si nakhayiwukuye niyirikho amagoba?’
\v 24 “Kawoola abatu abali nibemire ambi awo ati, ‘Mu mutusekho enkhera yaye muyiwe oyo oli nende enkhera ekhumi.’
\p
\v 25 “Bamuwoola baati mukhongo wefwe, ali ne’nkhera ekhumi!”
\p
\v 26 “Kabakowoolamo ati, ‘nawuli oli nabyo alyongerwakho, ne oyo owuma nabyo, ata nende esitono syaali ni nasyo sirimutusiwakho.
\v 27 Ne abo abasiku bange abatandakha ese okhubatukka__ mubaleete ano, mubeetere mu moni change.’”
\s Enyingira yo’luyaali.
\p
\v 28 Yesu nikamala okhulomaloma ebyo, katangiramo, kaacha amukulu e Yerusalemi.
\v 29 Awo olwoola nikali nali ambi okhwoola e Besufage nende e Besaniya khu lugulu lubalanga olwa Seyituni, katuma khu beeki baye babiri nga awoola ati,
\v 30 “Muche mulukoongo luli emutwe wenywe, ne nimuba nimwingira omwo munawone omwana kwe nsukhiri, nikuwoyirwe, omutu yeesi kwatekhalangakho, mukuwolole mu kuleete ano.
\v 31 Ne omutu nabateeba ati, ‘Mukuwololera si?’ Mu muwoole muuti, ‘Omwami wefwe nje okudakha.’”
\v 32 Manu abo abatumiwa bacha bawona nga lukali abawooye.
\p
\v 33 Manu nibali nibawoolola omwana kwensukhiri, abeenekwo babateeba baati, “Omwana kwe nsukhiri okwo muwolola kwaasi?”
\p
\v 34 Bakowoolamu baati, “Omwami wefwe nje okudakha.”
\v 35 Bakuleeta eyiri Yesu. Manu bakwalakho enguwo chawe, bekhasakho Yesu.
\v 36 Manu nikali nakeenda, abatu baala enguwo chawe khungira.
\p
\v 37 Manu nikali nali ambi okhwoola khusikhiriro syo’lugulu lwa Seyituni, esidiikha syosi esyabeeki bachaaka okhusangaala no’khufumya Weere ne’kkono ekhongo olwe’byamakana byoosi bi bawona:
\v 38 “Ali nende enkhabi omwen’engo owiicha n’ eriita lyomwami!” “Emirembe mukkulu, no’luyaali amukulu lukali!”
\p
\v 39 AbaFalisayo bandi abali mu sidiikha, bawoola Yesu baati, “Omwekesa walabira abeeki bawo!”
\p
\v 40 Kakowolamo kabawoola ati, “Mbawoola nti abo nibawuleera, amakina kanakhumulire amukulu.”
\p
\v 41 Yesu nikasuda ambi nende Yerusalemi kawoona esiko, kasiririra.
\v 42 nga awoola ati, ‘’oba omanyire olwaleero luno ewe emboosi echikhuletera emirembe__ ne wunaanu chakisiwa mu moni chawo.
\v 43 Olwokhuba endaalo chicha okhwola, abasikku bawo bacha okhwombakha emigiiggo, bali khwewodokhaniya, balikhukayira emaande choosi, bali khusukuna assi, na’baana bawo abali musidda syo’lusito lwawo.
\v 44 Sibalirekha ekina khu liindi, olwokhuba siwateegera ebikha byo’khwicha khwa Weere yuli.”
\s Yesu Mu nyumba Ya Weere.
\p
\v 45 Khandi kengira mu nyumba ya Weere.
\v 46 Kachaaka okhwirusamo abali nibakusa ebiitu kabawoola ati, “Syawandiikiwa siiti, ‘Enyumba yange yinabenge nyumba yo’khusabiramo: Naye enywe muyikalukhanisye okhuba enηηungu yabanyakka.’”
\p
\v 47 Wuli ludaalo kasomesanga mu nyumba ya Weere. Naye abakhuluutu mu nyumba ya Weere nende abasomesa ba’malako nende abatangirisi ba’batu baliingi bakhenga amakesi okhumwiita.
\v 48 Bakhaywa esyokhukhola; olwokhuba abatu boosi bali bomiriye khu mboosi chaye. 
\c 20
\s Owunyala Wa Yesu wutebewa
\p
\v 1 Oludaalo lundi Yesu nikali nali okhwekesanga abatu mu nyumba ya Weere khandi nga awuulira emboosi ndayi, bakhawona bakhuluutu na’basomesa ba’malako, alala nende abatangirisi ba batu, baniina baacha yali.
\v 2 Bamuteeba baati, “Tuwolere wunyala si wokholeramo ebitu bino.” “Oba nanu mweene owakhuwa owunyala wuno?”
\p
\v 3 Kabakowolamo ati, “Ese sesi nja okhubateba sino. Mu mbolerekho,
\v 4 okhubatiisa khwa Yokana__ khwali khutula mukulu, oba mu batu?”
\p
\v 5 Manu beecha betesamo abene nabeene ni bawoola baati, “Nikhuwoola khuti, ‘khwatula mukulu,’ aba anatuteebe ati ‘Lwasiina simwamufukiirira?’
\p
\v 6 Ne nikhuwoola khuti, ‘Khwatula mu batu,’ abatu bano boosi boosi baba bacha okhutukhubba amakina, khulwokhuba bafukirira baati Yokana kali nabbi.”
\v 7 Manu bakowoolamo baati, “Fwesi sikhumanyire yikhwatula.”
\p
\v 8 Manu Yesu kabawolera ati, “Sesi siniicha khubawoolera owunyala wunkholeramo ebitu bino yiwutula.”
\s Olukaado Lw’abapangisa Be ndalo.
\p
\v 9 Manu kacha mu moni no’khubakaadira olukaado luno ati: “Abaawo omusaacha wundi owalima endalo ye misabbibu, manu keecha kayirekhera abalimi. Kaacha mu syalo sindi, yikakhinda.
\v 10 Ne ebikha by’okhunoka ebyaamo nibyola keecha kaatuma mulala khu bakhosi baye eyiri abaliimi nga’dakha bamuweresekho khu byaamo byomundalo eyo. Naye abaliimi beecha bamukhubba bamwirusya makhono merere.
\v 11 Khandi keecha kaatuma omukhosi wundi, oyo yesi beecha bamukhubba, bamwambula bamuswasa lukali manu bamwirusya makhono mereere.
\v 12 Khandi keecha kaatuma owokhudatu, oyo yesi beecha bamufumita bamusukuna erwanyi.
\v 13 Omwene ndalo ye’misabbibbu keteeba ati, ‘Nnakhole ntye? Khantume omwana wange, omudakhwa; fwana bakhamutemo oluyaali.’
\p
\v 14 “Ne abaliimi ni bamuwona, beecha bemonyana abene n’abeene baati. ‘Ono nje omusikha,’ bawoola baati, ‘lekha khumwiite, owusikha wutusikalire.’
\v 15 Manu beecha bamusukuna erwanyi wendalo ye misabibu bamwiita. “Omwene ndalo y’emisabbibbu aba acha okhukholera sina abatu abo?
\v 16 Acha okhwicha manu asikhirise abakhosi abo manu endalo eyo ayikabe abatu bandi.” Manu nibawulira sino, bawoola baati, “Sitabakho siityo ata nawutono!”
\p
\v 17 Ne Yesu kabewunja lukali namala abateeba ati, “Esyawandiikiwa sino syekesa si: ‘“Ekina abombakhi libakhaya nje eryafuukha eggumu eryokhunsonda?
\p
\v 18 Nawuli mutu yesi owekumula khukina eryo acha okhusasakukha ebitundutundu, ne nirikwa khu mutu yesi licha okhumuminiyangula.”
\p
\v 19 Awo abasomesa ba’malako nende bakhawona bakhuluutu bakhenga amakesi okhumudiira awo nawo, khulwokhuba bali batya abatu. Okhusasula Omusolo kwa Kayisaali.
\v 20 Nga lubali ni bamwekhalirisa wulayi, bamala batuma abakhemekeresi, abefuula okhuba abolerefu. Basuubira okhudiira Yesu mu mboosi chaye, khu banyale okhudisya abowunyala nende owutukki wa Masasa. Abakhemeresi becha bateeba Yesu baati:
\v 21 “Omwekesa, efwe khumanyire khuuti olomaloma khandi biwekesa bya’masima, khandi khaba si wekhubbira naye osomesa engira cha Weere mu masima.
\v 22 Manu sifukirirwa efwe okhukhubbiranga Kayisaali omusolo oba khaba?”
\p
\v 23 Ne Yesu kamanya okhwefuula khwawe manu kabawolera ati,
\v 24 “Munjekesekho eddinaali. Esifananyi nende owuwandiike wulikho wa naanu?”
\p
\v 25 Bawoola baati, “Bya Kayisaali.” Kabakowolamo ati, “Manu muweresenge Kayisaali ebya Kayisaali, nende Weere ebya Weere.”
\v 26 Ne sibanyala bakaana emboosi yosi eyinyala okhudisa Yesu omusango okhutula mu mboosi chikalomaloma mu moni cha batu, bawuka bi kakowolamo ni bamala banyita chi. Okhusyukhira No’khudekhesaniya
\p
\v 27 Aba Sadukaayo bandi, abali nibawoola baati yiwuma okhusyukhira, beecha eyiri Yesu ne’siteewo.
\v 28 Nibawoola baati, “Omwekesa,” “Musa ka tuwandiikira ati, mwanaηηina mutu nafwa kalekhawo omukhasi natewula naye abaana, omusaacha oyo ateekhwa okhudehya omufwire manu kewulira mwanaηηina wafwa oyo abaana.
\v 29 Wunaanu aliwo abasyani benda ndala musaanfu. Owamberi kadekhya omukhasi manu kaafwa natalekhirewo omwana.
\v 30 Owukhubiri.
\v 31 khandi owo’khudatu yesi kamudekhya byaba biityo. Manu nasirara batyo boosi musaanfu baafwa, nibatalehirewo abaana.
\v 32 Olunyuma lwa’byo, omukhasi yeesi keecha kaafwa.
\v 33 Ne wunaanu mu khusyukhira khw’abafwa, omukhasi oyo aliiba wa naanu mweene?” Khubanga boosi musaanfu bamudehyakho?”
\p
\v 34 Ne Yesu kabakowolamo ati, “Abatu be’ndaalo chino badehya khandi badeekha.
\v 35 Naye abo abakhoyera okhuba mu wulamu wiicha nende mukhusyukhira khwa bafwa, khaba sibalidekhya khandi sibalidekha
\v 36 khulwokhuba sibaliba basiifwa; khandi khulwokhuba bali nga ba Malayika. Baana ba Weere, khulwokhuba baana bo’khusyukhira.
\v 37 Naye okhwema khubyaliwo munyasi, ata Musa yesi kekesa alafu ati abafu basyukhira, olwokhuba alaanga omwami ati ‘Weere wa Yibulayimu, khandi Weere wa Yisaka, khandi Weere wa Yakobo.’
\v 38 Khaba si Weere wa bafu, naye owa balamu, khulwokhuba mu ye abatu boosi balamu.”
\p
\v 39 Balala khu basomesa ba malako bandi becha bakowolamo baati, “Olomalomire birayi, omweekesa!”
\v 40 Okhutula awo yawumawo omutu yeesi owakesakho okhumuteeba ebiteewo bindi. Kurisito Musyani Wa Naanu?
\p
\v 41 Khandi Yesu kabawoola ati, “Bawoola batye nti Kurisito mwana wa Dawudi?
\v 42 Khulwokhuba Dawudi omwene alomaloma mu sitawo sya Sabbuli ati: “‘Omwami kawoola omwami wange ati: “Yikhaala khu mukhono kwange mulungi.
\q
\v 43 Okhwola lundikawukhaniya abaasikku bawo okhuba esisaala sya makulu kawo.”’
\p
\v 44 Dawudi amulaanga ati, ‘Omwami waye.’ ne mwana waye atye?”
\p
\v 45 Ne abatu boosi nibali nibamutekeresa, Yesu kawoleera abeeki baye ati,
\v 46 “Mwerindenge abasomesa ba’malako. Badakha okhukendera mu nguwo ndeyi badakha okhubakheesa nibali muwutale nende nibekhala mu bisaala by’emutwe mu sinaggogi nende ebifwo byo’luyaali khu mbaga.
\v 47 Banyakula amayumba ka bafwire ne mukhweyekesa baba nokhwekalikhira khuleeyi. Ne abatu nga abo balisaandisiwa lukali.”
\c 21
\s Esiyanwa Syo’ Mufwire.
\p
\v 1 Nikasingisa emoni amukulu, Yesu kawona abayiinda abali nibata ebiyanwa byawe mu siibbo sye’nyumba ya Weere.
\v 2 Khandi kawona omufwire mulala omuwati nga atamo owukhera wutono wubiri.
\v 3 Kawoola ati, masima mbawoola nti omufwire ono omuwati ateyemo biingi okhukhira boosi.
\v 4 Olwokhuba abatu abo boosi bataamo ebiwanwa byawe khu lwo’wuyiinda wawe; naye ono mu wumanani waye ateyemo byoosi byali nabyo muwulamu waye. 
\s Owuwonero We’ndaalo Chisembayo
\p
\v 5 Abandi khu beeki baye bali ni balomaloma khu nyumba ya Weere nga luyimekhamekhana na’makina amalayi nebiwewayo eyiri Weere. Naye Yesu kawoola ati,
\v 6 “Bino bimuwona ano, ebikha bicha okhwoola ekina likhaye okhulekhewa khukina liindi; eritalisukuniwa assi.”
\p
\v 7 Bamuteeba nibawoola baati, “Omusomesa,” “manu ebyo biribaawo liina? Khawonero si akhalibaawo ebyo nibyakhabe nibiri ambi okhubaawo?”
\p
\v 8 Kabawoola ati: “Mube moni bakhaye okhubakosya. Olwokhuba bangi abaliichira mu liita lyange, nibawoola baati, ‘mbano niise oyo,’ khandi baati ‘ebikha biri ambi okhwoola.’ mutabalondaanga.
\v 9 Naye nimuwuliranga ebiita nende embukuma, mutesiindukha. Olwokhuba bino bikhoyera okhutangira okhwiicha, naye enjakamo siyicha khwiicha muwangu.”
\p
\v 10 Khandi kabawoola ati: “Esyalo syakhaseete esyalo siindi, no’wen’engo wuliseeta owen’engo.
\v 11 Alibaawo embukuma ngali, mubituundu biindi, enjala nowulwaaye wamaani; alibaawo nende ebitiisya nende owuwonero wukali okhutula mukkulu.
\v 12 “Naye ebyo byoosi nibisiiri okhubawo, balibadiira, balibasaandya. Nga babayira mu sinaggogi nende mu majeera, nga babayira eyiri eben’engo nende abamasasa, ebyo byosi byoosi birikholewa khu lwe’riita lyange.
\v 13 Sino siritulamo enywe okhuba abajjulisi yibali.
\v 14 Manu musite mu myoyo chenywe, mukhayenge okhutya niwusiiri bimulikowolamo.
\v 15 Olwokhuba ndibawa emboosi na’makesi nga yiwuma abasuku benywe boosi bi balinyala okhuyinganiya ata okhukaana.
\v 16 Ne muli liriwamo olukhwe ata na’beewusi, nabaana benywe, abekho, na’beecha, ata balala khwinywe baliitiwa.
\v 17 Abatu boosi balibasyula khu lwange.
\v 18 Naye ata no’lufwiri lulala khu mitwe chenywe silulisikhirira.
\v 19 Mu khwesimirisa mulifuna owulamu wenywe.
\p
\v 20 Naye ni muliwona Yerusalemi nisyewodokhanisiiwe amaye, kho mumanye muuti okhusikhirira khwasyo khuli ambi okhwoola.
\v 21 Manu mulekhenge abo aba Yudaaya berukhire khu ngulu; nabali akati we’siko, batasitulangamo; na’bali mu byalo batengiranga musiko.
\v 22 Chino nje endaalo echo’khuwoneresewa olwo’khwoseresa ebyo byoosi ebyawandiikiwa.
\v 23 Nga siriba esyakhabi eyiri abakhasi bali n’enda nende abanuniya mu ndaalo echo! Olwokhuba engisa yiriba nyiingi khu syalo nende ettima eyiri abatu abo.
\v 24 Bacha okhwitiwa no’woki wa makhande, baliwambiwa bayiriwa mu byalo byoosi nga abawowe. Yerusalemi syakhasenakirirwe nabateende okhwoola endaalo chabateende luchiryolerera.
\p
\v 25 “Alibaawo owuwonero khu lyuuba, khu mweesi nende khunηηiniηηini. Nende khu syalo, ebyalo byakhabe nende engisa nga batya olwokhuwoola khwo’kuyanja ne’nfinda.
\v 26 Abatu balisirikhakho olwo wuti, ni balyelalikhirira khu lwe’biicha khu syalo, olwokhuba amaani akomwikulu kacha okhudenganisiwa.
\v 27 Khu bikha ebyo baliwona omwana wo’mutu ni kechera mu sireesi na’maani no’luyaali lukali.
\v 28 Naye ebitu bino ni bichaaka okhubaawo, mweme, musingisenge emitwe chenywe amukulu; olwokhuba okhuwonesewa khwenywe khuliba ambi okhwoola.”
\p
\v 29 Kabakaadira olukaado ati: “Mwewunje omutuli nende emisaala choosi.
\v 30 Nichisewukha, muwona ne mumanya abene muuti esirumbi siri ambi.
\v 31 Manu mweesi muutyo, ni muwonanga ebyo ni bibaawo, mumanyanga muuti Owen’engo wa Weere wuli ambi.
\v 32 “Masima mbawoola nti, oluse lunno siluliwaawo ata nawutono, okhwola ebyo byoosi lubiribaawo.
\v 33 Ekkulu nende esyalo biriwaawo, naye emboosi change sichiriwawo ata nawutono.
\p
\v 34 “Ne mwerindenge, emyoyo chenywe chikhaye okhusidowererwanga olwo’mulalukho, no’wumeesi no’khwelalikhiranga olwo wulamu wuno, oludaalo olwo lukhaye okhubolakho ngo’muteeggo nimutetekekhire.
\v 35 Olwokhuba oludaalo olwo lwakhoole khu batu boosi musyalo syoosi.
\v 36 Naye enywe mubenge moni, mwekalikhirenge munyale okhukhepa ebyo byoosi ebicha okhubaawo, khandi munyale nokhwema mu moni cho mwana wo’mutu.”
\p
\v 37 Manu wuli ludaalo Yesu kemeedanga okhusomesera mu nyumba ya Weere, niweraanga naacha akkona khu lugulu olulangiwa olwa Seyituuni,
\v 38 khandi abatu boosi bawunaanga echuli okhucha yali mu nyumba ya Weere okhumuwulirisa.
\c 22
\s Yuda afukirira okhulya Mu Yesu Olukhwe.
\p
\v 1 Awo embaga eyemigaati chitalikho amamera, eyilangiwa embaga yo’Khubitakho, ni yali ambi okhwola,
\v 2 ne bakhawona bakhuluutu nabasomesa ba’malako bali bayiiya amakesi akokhumalawo Yesu, nga batya abatu.
\p
\v 3 Awo setani kengira mu Yuda, yibalanga baati Isikarioti, mulala khu ekhumi nababiri.
\v 4 Kacha kateesa nende bakhawona bakhuluutu nabasirikale abalindanga enyumba ya Weere nga lwanaweyo Yesu.
\v 5 Basangaala lukali bafukirira okhumuwa erubya.
\v 6 Kafukirira kakonya ebikha ebikhoyera byanamuwereyo yibali ataali abatu.
\s Esyengolobe Sisembayo
\p
\v 7 Awo khu ludaalo lwe’migaati chitalimo amamera nilwola olwali lwo’khukhengerakho omwana kwe’koondi.
\v 8 Yesu katuma Petero nende Yokana, nawoola ati, “Muche mutekekhe akhunaliire embaga yo’Khubitakho.”
\p
\v 9 Bamuwoola baati, “Odakha khuyitekekhere yena?”
\p
\v 10 Kabawoola ati, “Ni munaabe nimucha okhwingira mu siko, mucha okhwakanana nende omusaacha onaabe ketwikhire esyongo ya’maachi. Mu mulonde okhwola mu nyumba mwanengire,
\v 11 muwoole omwene nyumba muuti, “Omusomesa ateeba: Enyumba ya’bakeni yiri yeena, mu ndaliire okhubitakho nabeeki bange?”
\v 12 Anabekese enyumba ekhongo eyamukulu, eyipangirwe wulayi. Mutekekhere omwo.”
\v 13 Ni bacha bakaana ebitu nibiri nga Yesu lwabawoleye. Bamala batekekha embaga yo’khubitakho.
\p
\v 14 Awo ebikha nibyola, Yesu na’batume baye bekhala okhulya khumeesa.
\v 15 Kabawoola ati, “Nekombire lukali okhulya alala nanywe okhubitakho khuno nintoola okhusandisiwa.
\v 16 Olwokhuba mbawolera nti, sindiirya ata nawutono okhwola ni siryolerera mu wene’go wa Weere.”
\v 17 Namalire okhuwukula esikombe, kasingisa amukulu kebasa kawoola ati, “Muwukule sinno mukabane mwabene.
\v 18 Olwokhuba mbawoolera nti okhutula olwaleero sindinywa khu byaamo byo mu sabbibu okhwola owene’ngo wa Weere niwuliicha.”
\v 19 Khandi kawukula omugaati, kebasa kakukhalakamo, kabawa, nawoola ati, “Kuno nje omubiri kwange okwawewayo khu lwenywe; mukholenge muuti khulwokhunjichulisa.”
\v 20 Mungeri nasirala, nibakhamala okhulya, kawukula esikombe, kawoola ati, “Esikombe sinno nje endakaano mbyakha mu mabanga kange, akedikha khu lwenywe.
\v 21 Ni wona omukhono kwoyo ocha okhundyamo olukhwe kuli alala no’kwange khumeesa.
\v 22 Omwana w’omutu alicha nga lusyalagirwa, ne chimuwukanire oyo omulyamo olukhwe.”
\p
\v 23 Bachaaka nibateebana abene na’beene khubo onyala kakhola esyo.
\p
\v 24 Akwawo okhuyingana mubene na’beene obasirisiwa okhuba omukhongo wawe.
\p
\v 25 Yesu kabawolera ati, “Abene’ngo babateende babafuka; nabo abali no’wunyala babalanga abakhola owulayi.
\v 26 Ne enywe simuli muutyo. Olwokhuba, omukhongo mwinywe akhoyera okhuba omuwere, ne omutuki abenge ngo’mukhosi.
\v 27 Omukhongo nje naanu, oyo owikhala khumeesa oba oweresa? Sinje oyo owikhala khumeesa? Ne esse ndi akati wenywe ndi ng’omuweresa.
\p
\v 28 Naye enywe ninywe abesimirisanga alala nange mu khukhemewa khwange.
\v 29 Esse mbadisya owen’engo, nasirala nga bbabba lukawundisya,
\v 30 khumulye khandi khu munywere khumeesa yo’wene’ngo wange, mulikkhala khu bisaala byo’luyaali, ni mukhengera emisango ebiikha ekhumi na babiri ebya Yisirayiri.
\p
\v 31 Simoni, Simoni, Setani asabire okhubasereecha ng’engaano.
\v 32 Ni nkhusabiye Simoni enfukirira yawo yitakowoola enyuma. Ne noliba nokowoye enyuma, osiiranga ba wandayo.
\p
\v 33 Naye kamukowoolamo ati, “Omwami, netekekhire okhucha nawe mu jjera ata nende mu khufwa.
\p
\v 34 Ne Yesu kakowoolamo ati, “Nkhuwolera ewe Petero, edaywa leero siyicha khukholyokha, no’tanekaana amakhabi kadatu oti nsikhumanyire.”
\p
\v 35 Yesu kabateeba ati, “Nga lunabatuma nimuwuma olukhoba, ensawo, ata n’ebiratto, aliwo simwakhaywa?” Bakowoolamo baati, khaba.
\p
\v 36 Kabawoola ati, “Ne wunaanu oli no’lukhoba awukule, ata nende ne’nsawo; naye otasi ne’syoki, kusa enguwo yawo okule.
\v 37 Syawandiikiwa siiti: ‘kabaliwa alala nabakholi be’mbi’; ‘Khandi mbawoolera nti sinno siri nokhwolerera mwise. Yee, esyambandiikiwakho siri khwola khu khwolerera khwasyo.”
\p
\v 38 Abeeki baye bawoola baati, “Wona, Omwami, khuli ano ne’byoki bibiri.” kabakowoolamo ati, “esyo simala.”
\s Yesu Kekalikhira Khu lugulu lwa Seyituuni
\p
\v 39 Yesu katula nga lwa’tulanga kaacha khu lugulu lwa Seyituuni, abeeki baye bosi bamulondakho.
\v 40 Manu nikoola mu sifwo esyo, kabawoola ati, “Mwekalikhire mukhaye okhukwa mu khukhemewa.”
\v 41 Keecha kabatulakho wutono akhabbanga khonyala wasukuna ekina, kasigama kekalikhira.
\v 42 “Ngawoola ati, “Bbabba, nudakha ntusekho esikombe sinno; ne siise nga lundakha okhutusakho syudakha ewe sikholewe.”
\v 43 Malayika kamuwonekhera nga atula mukkulu namukumya.
\v 44 Mu wuchuuni wungi, kemeeda okhwekalikhira no’wumalirifu, oluuya lwaye lwaba nga amatoondo ka’mabanga ni katoonya assi khu loba.
\v 45 Nikasiingira mukhwekalikhira keecha eyiri abeeki baye, kabawukaana nibakkona, nibaweyemo olwengisa.
\v 46 “Kabawoola ati, “esibakoniisye nisi?” “Musiingire mwekalikhire mukhaye okhwingira mukhukhemewa.”
\s Yesu Adiiriwa
\p
\v 47 Nikali nasilomaloma esidiikha syecha, nende oyo alangiwa Yuda, mulala khu abo ekhumi na’babiri, nga abatangiriiye. Kasuda ambi nende Yesu okhumukwa mu sirifu,
\v 48 ne Yesu kamuteeba ati, “Yuda, olya mu mwana wo’mutu olukhwe no’mukwa mu sirifu?”
\p
\v 49 Manu abalonderesi ba Yesu ni bawona esicha okhubawo, bawoola baati, “Omwami, khuteme nakakhande kefwe?”
\v 50 Manu mulala khwabo katema omukhosi wa khawona okhira owukhuluutu kamutemakho okhutwi okhwo’mukhono mulungi.
\p
\v 51 Ne Yesu kakowolamo kawoola ati, “Yakama khwisyo syoηηene!” Kadiira okhutwi kakowosa khu yibali nibatemirekho kamuwoniya.
\v 52 Yesu kawoola bakhawona bakhuluutu, nende abakhongo be nyumba ya Weere, na’bemeresi abali nibamwichiriye ati, “Munjichiriiye nga omwemeresi wa bajjemu khu munjichire ne’byooki, ne’ndawukhi?
\v 53 Wuli ludaalo ni nabaanga nanywe mu nyumba ya Weere, simwantakho omukhono kwenywe. Naye wunaanu bino nje ebikha byenywe__ esirema nje esifuka.”
\s Petero Kekaana Yesu
\p
\v 54 Bamukwakho bamuyira, bamwiingisa mu nyumba ya khawona okhira owukhuluutu. Ne Petero kalondakho nga kemera ale.
\v 55 Manu nibali nibamalire okhuwaana omuliro akati wo’lwanyi Petero kekhala assi nabo.
\v 56 Manu omukhaana mukhosi mulala kamuwona nikekhaaye muwulafu wo’muliro, kamwekhalirisa, kawoola ati, “Omusaacha ono yeesi abeye naye.”
\p
\v 57 Kekaana na’woola ati, “Mukhasi ewe, simumanyire.”
\p
\v 58 Esikha nisyabitawo, owundi kamuwona kawoola ati; “Wesi oli mulala khwabo.” Naye Petero kawoola ati “Musaacha ewe, siniise!”
\p
\v 59 Nge esaawa enaamba ni yibitire, owundi kamukhadaasa kawoola ati, “Masima ono yeesi kabeeye alala naye olwokhuba mu Galiraaya.”
\p
\v 60 Naye Petero kawoola ati, “Musaacha ewe, simanyire syoli okhulomalomakho!” Aweene awo nikali nasilomalomanga, edaywa yakholyokha.
\p
\v 61 Manu Omwami kakalukhana katingaala Petero. Petero kakhewulira emboosi yo’mwami yikamuwoola ati, “Leero edaywa ni yinaabe ni yitakholyokha, onanekaane amakhabi kadatu.”
\v 62 Katula erwanyi kaalira lukali amasika.
\s Abalindi bakhomoola Yesu
\p
\v 63 Abasaacha abali nibalindire Yesu bachaaka okhumukhomoola nende okhumukhubba.
\v 64 Bamuwiikha mu moni, bamuteeba nibawoola baati, “Lakula naanu okhukhubbire?”
\v 65 Nebindi biingi bamulomalomakho nibamunyeka.
\s Yesu Mu moni Cha Pilato Nende Kerode
\p
\v 66 Owiire nuwukhya, abakhuluutu ba’batu, bewuusa alala bombi bakhawona nabasomesa bamalako bakaanana, manu Yesu katangisiwamo okhucha yibali.
\v 67 Bamuwoola baati, “Noba ni niiwe Kurisito,” “Tuwolere.” Yesu kabakowoolamo ati, “Nende nimbawoolera, si munafukirire nawutono,
\v 68 nende lumbateeba si munakowolemo nawutono.
\v 69 Naye okhutula wunaanu, “Omwana wo’mutu acha okhwikhala khu mukhono mulungi okwa’maani ka Weere.”
\p
\v 70 Boosi bamuteeba baati, “Nolwesyo oli omwana wa Weere?” kabakowoolamo ati, “Nga lu mulomalomire, muli batufu okhuwoola muuti niise oyo.”
\v 71 Bawoola baati, “Wunaanu owujjulisi khudakha waasi? Khulwokhuba khwewuliriye efwe abeene okhutula mu munwa kwaye.”
\c 23
\p
\v 1 Ne esidiikha syoosi esya’batu syasiingira syamutangisa okhucha eyiri Pilato.
\v 2 Bachaaka okhumuwabira, nibawoola baati, “Khwawukana omusaacha ono nakesakho okhukalukhaniya esyalo sye’fwe. Ayinganiya okhusasula khwo’musolo kwa Kayisaali khandi keranga Kurisito, Omwene’ngo.”
\p
\v 3 Pilato kateeba Yesu ati, “Niwe Omwene’ngo Wa Ba Yudaaya?” Yesu kakowoolamo ati, “Yee, siri nga lwowoola.”
\p
\v 4 Pilato kawolera abatangirisi bakhuluutu nesidiikha ati, “Sinakanire esitu syoosi esibi no’musaacha ono esyakhakira na mufunaana.”
\p
\v 5 Bemeeda nibawoola baati, “Kaleeta ebidinyu mu batu boosi abe wu'Yudaaya munsomesa yaye. Kachaakira mu Galiraaya ne achanakanire okhwoola ano.”
\p
\v 6 Ni kawulirisa bino, Pilato kateeba omutu ono naba mu Galiraaya.
\v 7 Ni keecha kaamanya ati Yesu kali muwunyala wa Kerode, kamutuma eyiri Kerode, owali mu Yerusalemi mu ndaalo echo.
\v 8 Kerode nikawona Yesu, kali musangaafu, khulwokhuba mu ndaalo nyingi kabanga adakha okhumuwona. Okhwema khu bikali namuwuliyekho, kasubira okhumuwona nakhola ebyamayiya.
\v 9 Kamuteeba ebiteebo bingi naye Yesu si kakhamukowoolamo.
\v 10 Bakhawona bakhuluutu na basomesa bamalako bali bemire awo, ngabakhuba olukhero lwokhuwayirisa Yesu.
\v 11 Awenawo Kerode nabasirikale baye bamulekeresa bamukhomoola. Bamwambasa enguwo eyimekhamekhana, bamukowosayo eyiri Pilato.
\v 12 Khu ludaalo olwo Kerode nende Pilato beecha baba beecha__ enyuma era bali sibadakhana.
\p
\v 13 Pilato kalanga bakhawona bakhuluutu, abatukki na’batu,
\v 14 kabawoola ati, “Muletire omusaacha ono yindi nga omutu osasamasa abatu nabakosya. Ne mukhemeresise mu moni chenywe mwesi mweesi mbukanire nga awuma akhabi khakholire. Syalikho ambi nende bi mu muteyekho.
\v 15 Nende Kerode yesi atyo, kamutukowosera; nga lumuwona, yiwuma syasobisye esikhoyera okhufwa.
\v 16 Khu lwesyo, ndamuwe esiwonereso sitono nimala mulekhula.”
\v 17 (Era syamukhoyeranga okhubalekhulilanga omuwowe mulala khuludaalo olwomuyumo.)
\p
\v 18 Ne’kkono erala mu kukhero, bawoola baati, “Tutuseekho omusaacha ono! Otulekhulire Balaba!”
\v 19 (Balaba kali mu jeera olwokhuleeta mu siko akhasasamalo no’khwita.)
\v 20 Pilato kadakha okhulekhula Yesu kalondamo ati, analekhule Yesu.
\p
\v 21 Ne abatu bemeeda nokhukhumulira amukulu nibawola baati, “Mukhomerere! Mukhomerere!”
\v 22 Ekhabi lyo’khudatu kalomaloma yibali ati: “Khu lwasi? Akholire sibi si? Siyali situ syoosi simuwenekho esyo’mukhengera omusaango kwo’khufwa. Khulwesyo nja okhumuwa esiwonereso sitono nimala mulekhula.”
\v 23 Ne’abatu bacha mu moni no’kukhero nga bawoola baati, bamukhomerere: okukhero kwawe kwemeeda okhucha amukulu.
\v 24 Manu Pilato koola okhubawa sibali badakha.
\v 25 Kalekhula omusaacha owali nateeywe mu jeere olwo’khusasamasa no’khwita, oyo yibali ni basabire, kawayo Yesu khu lwokhudakha khwawe.
\s Okhukhomerera.
\p
\v 26 Nga ni bamutangisamo, badiira Simoni owe Kulene owali khu lukendo lwaye naacha mu syalo, bamutwikha omusalabba bamuwoola akukinge naloonda Yesu.
\v 27 Abatu bangi mu wungi bamulonda, alala nabakhasi bandi abali nibalira nibelalikhirifu.
\v 28 Yesu kabakalukhanira kabawoola ati, “Bakhana ba Yerusalemi, mutalira khu lwange; mulire khulwenywe no’lwabaana benywe.
\v 29 Ebikha bicha okhwola lumuliwoolera muuti, ‘Bali nesangaalo abo abakuumba, enda chitewulakho ne’mbeere chitanuniyakho!’
\v 30 Ne ‘Baliwoola engulu baati, “Tukweekho!” nende khu tugulu baati, “tufunikhe!’”
\v 31 Nisiba nga abatu nibakhola bino omusaala ni kusiiri omubiisi, ne siriba siitye khu musaala mwomu?”
\p
\v 32 Abasaacha bandi babiri, abakholi be’mbi, boosi bayiriwa alala naye okhucha okhwitiwa.
\v 33 Ne ni beecha boola mu situndu sibalanga baati Esiyanga, eyo nje yi beecha bamukhomerera, alala nende abakholi be’bibi__ mulala khu mukhono kwaye mulungi, owundi khu mukooda.
\v 34 Yesu kawoola ati, “Bbabba, basasire, olwokhuba si bamanyire bi bakhola.” Bakabana enguwo chaye ni bakhubba owululu.
\v 35 Abatu bema awo bewunja, ata abatukki bachaaka okhumudyawukhira. Nibawoola baati, “Kawoniyanga abandi; kewoniyekho omwene naaba ni nje Kurisito omwana wa Weere omwangale.”
\p
\v 36 Nabasirikale bosi batulayo bamuchekherera. Bamuweresa okhunywa omwenge ku balanga baati Finiga.
\v 37 khandi bamuwoola baati, “Noba omwen’engo wa ba Yudaaya, wewoniye omwene.”
\v 38 Emutwe wo’musalabba bawandiikawo emboosi echisoma chiiti: ONO NJE OMWEN’ENGO WA BA YUDAAYA.
\p
\v 39 Mulala khu beebi kachaaka okhulomalomera amukulu nasesise Yesu omunwa ati: “Si niwe Kurisito? wewoniye wamwene nafwe!”
\p
\v 40 Naye omwibi wundi kamwolobya. kamuwoola ati, “Sutya Weere,” ni wesi oli khu musaango nasirala?
\v 41 Efwe batukhengeye mu wutufu, olwokhuba khuli okhufuna ebitukhoyera olwe’bibi bi khwakhola; naye ono musaacha awuma sikakhola esibi.”
\v 42 Awene awo kakalukhanira Yesu kawoola ati, “Yesu, wunjichulisanga no’liba niwicha mu wene’ngo wawo.”
\p
\v 43 Ne Yesu kamukowolamo ati, “nkhuwoolera amasima, nti olwalero onabe nange mu ndalo ya Weere.”
\s Okhufwa Khwa Yesu.
\p
\v 44 Wunanu nichali nga chakhoola mu saawa nga mukaaga, esyalo syadira esirema okhwola mu saawa mwenda eche ngolobe,
\v 45 olwokhuba omubasu kwakama okhwadukha. Olutiimbe lwo’munyumba ya Weere lwatandukhamo khabiri.
\v 46 Yesu kaalachira mukkono lya’mukulu ati, “Bbabba, owulamu wange mbuta mu makhono kawo” nikamala otyo, kayeera omuya kwaye okusembayo.
\p
\v 47 Omukhuluutu wa basirikale emya, ni kawona ebyali byekholekhire, kakiniya Weere nawoola ati, “Amasima ono abeye omusaacha mwolerefu.”
\v 48 Abatu bangi abali nibechire okkhwewonerakho bino, ne nibawona ebyekholekhire, bekhubba mu birifu ni bamala bawawo.
\v 49 Ne abali ni bamumanyire, alala na’bakhasi bosi abali ni bamulondire okhutula e Galiraaya, bemera aleyi, bewonerakho ebitu bino.
\s Okhusikhwa Khwa Yesu
\p
\v 50 Wunanu abawo omusaacha yibalanga Yusufu, mulala khu bali bo’lukhikho, omulayi khandi omwolerefu,
\v 51 owali natafukirisanisye nende bibali bakholire. Kali atula mu siko sye wuYudaaya esye e Rimasaaya owali nalindiriye Owene’ngo wa Weere.
\v 52 Kacha ewa Pilato, kasaba omulambo kwa Yesu.
\v 53 Kakuwanula, kakuwowa mu nguwo eyebeyi, kakuta mu nηηani eyabachiwa mukiina, eyali ni yitasikhiwakhomo omutu.
\v 54 Lwali oludaalo lwo’khwetekekherakho, e sabbiti niyiri ambi okhuchaka.
\v 55 Abakhasi abali nibechire nende Yesu okhutula e Galiraaya balonda Yusufu bawona enηηani no’mubiri nga lubakukoniyamo.
\v 56 Bamala bakowolayo engo batekekha amafuta kakhawowo ne’bichirakho. Ne bawumula olwa sabbiti nga batamo oluyaali olwokhoseresa esilagiro.
\c 24
\s Okhusyukhira.
\p
\v 1 Oludaalo lusokha mu juma, echulichuli, obakhasi bayira amafuta kabali nibatekekhire khunηηani.
\v 2 Bakaana ekiina nirikhiringisiswe okhutula khu nηηani,
\v 3 ne ni bengira mukkati, sibakaana omubiri kwO’mwami Yesu.
\v 4 Nibali basitangalaye khu sibawene, awenawo bawona abasaacha babiri munguwo echiηηenaηηena nga olumesya nibemire ambi nabo.
\v 5 Mu wuti abakhasi benama assi no’weni wawe khuloba, ne abasaacha ba bawoola baati, “Lwasiina mukoonyera omulamu mu bafu?
\v 6 Syali ano; kasyukhiye! Mwichulise nga lukabawoola, nikali nasiri ni nanywe e Galiraaya:
\v 7 ‘Omwana wo’mutu akhoyerwa awereseweyo mu mikhono cha’bakholi be’bibi, akhomererwe ni khu ludaalo lwo’khudatu asyukhisiwe khandi.’”
\v 8 Awene awo bakhewulira embosi chaye.
\v 9 Nibakowoolayo nibatulire khu nηηani, bawoolera emboosi chino choosi, abeeki baye ekhumi namulala nende abandi bosi boosi.
\v 10 Kali Maliyamu Magdalena, Yowana, nende Maliyamu nηηina Yakobo, na’bandi babali nabo abekesa bino eyiri abatume.
\v 11 Ne sibakhakhasa abakhasi bibali nibabawoolera, khulwokhuba emboosi chawe bachiwona nge chiwumamo amakhuluutu.
\v 12 Ne Petero, kasiingira kerukha kaacha khu nηηani. Ne nikenama, kawona ensibiro chen’guwo nichiri awo cho’ηηene, keecha kawaawo, nikewuunya omwene ebyali ni byekholikhire. Khu ngira okhucha Emawo.
\p
\v 13 Khu ludaalo nasirala, babiri khu bo, bali bacha mu siko sibalanga Emawo, chali nge mayiro musanfu okhwola e Yerusalemi.
\v 14 Bali balomaloma abene nabeene khu bitu ebyali nibikholekhanire.
\v 15 Nibali khubalomaloma mukhukaniyaya khu bitu bino abene nabeene Yesu mwene kabasudakho ambi kakenda nabo;
\v 16 ne si bafukirirwa okhumumanya.
\v 17 Awene awo kabateeba ati, “Bitu sina byene bino bimukaniyayakho nimukenda?” Beecha bema nibadindibaye, baba abelalikhirifu.
\p
\v 18 Mulala khu bo, olangiwa Kulyoppa, kamuteeba ati, “Ewe oli mukeni muYerusalemi muno otamanyire ebikholekhanire mu ndaalo chino?”
\p
\v 19 Kabateeba ati, “Bitu sina?” Bamukowoolamo baati, “Yesu owe Nasareti.” “Kali Nabbi, owamaani mu mboosi nende mu bikholwa eyiri Weere nende eyiri abatu boosi.
\v 20 Ne bakhawona bakhuluutu na’batukki befwe bamuwayo okhukhengerwa, no’khwitiwa, ne bamukhomerera khu musalabba;
\v 21 khwali khubasise khuuti, nje ocha okhuwoniya Yisirayiri. khandi khu bino byosi okhwekhola, akhabitawo endaalo chidatu okhutula ebitu bino bibewo.
\v 22 No’khwongerakho, balala khu bakhasi befwe batuwukisye. Echulichuli yo lwaleero bachiye khu nηηani.
\v 23 naye si bakanireyo omubiri kwaye. Bakowoye batuwolera baati bawene okhwekesewa khwa bamalayika, abawoye baati mulamu.
\v 24 Ata nende balala khu mukanda kwefwe bacha bosi khu nηηani ne bakaana nasirala nga bakhasi lubawoola, no’mwene si bamuwona.”
\p
\v 25 Kabawoola ati, “Muli basiru muutye khandi emyoyo chenywe nga chikhinda okhufukirira ba Nabbi bibaba ni balomalomire!
\v 26 Si syali sikhoyera Kurisito okhusandisiwa khwamale kengire mu luyaali lwaye?”
\v 27 Kachaakira khu Musa, nende ba nabbi boosi, nga abekesa ebyalomalomwa mu byawandiikiwa byoosi khu bimudiirakho.
\p
\v 28 Ne nibali bolerera olukoongo lubali bachamo, Yesu kakhola ngo’bita okhwemedayo.
\v 29 Ne bamwekweda na’maani baati, “Doηηa nafwe, khuba owire wirire; esirema sinatere okhudira.” Kafukirira kadoηηa nabo.
\v 30 Nikali khumesa alala nabo, kawukula omugaati, keebasa, kakhalakamo kachaaka okhubayeresa.
\v 31 Awo emoni chawe chekukha bamumanya, namala abakotakho.
\v 32 Betebana abene nabeene baati, “Emyoyo chefwe mukkati wefwe sichibeye nichiya nga lwabeye nalomaloma nafwe khu ngira nga atuwikhulira ebyawandiikiwa?”
\v 33 Basiingira khangu bakowoolayo e Yerusalemi. Eyo bakaanayo ekhumi namulala, na’bandi nebewusise alala.
\p
\v 34 Khandi nga bawoola baati, “situfu! Omwami asyukhiye khandi kawonekhera Simoni.”
\v 35 Awene awo bano babiri bekesa abadoηηire ebyekholekhire khu ngira, nende engeri Yesu yi bamanyirisiramo nabaweye omugaati.
\s Yesu Awonekhera Abeeki Baye.
\p
\v 36 Nibali nibasilomaloma khwibyo, Yesu omwene kema akkati wawe, kawoola ati, “Emirembe chibe ni nanywe.”
\v 37 Bakwa eηηaηηa khandi baatya, ni babaasa baati bawene esikhyeno.
\v 38 Kabawolera ati, “Lwasina muteganisiwa, no’khutekhakhasa khusingisiwa mu bibaso byenywe?
\v 39 Muwone amakhono na’makulu kange. Nise samwene! Mundirekho khandi muwone; esikhyeno sisiba no’mubiri na’makumba, nga lu muwona ndi nabyo.”
\v 40 Nikamala okhulomaloma bino, kabeekesa amakhono kaye na’makulu.
\v 41 Ne nga nibali batakhakhasa khu lwe’sangaalo no’khutangalala, kabateeba ati, “Mulikho ano nende esyo’khulya syoosi?”
\v 42 Bamuwa enηηeni nsambe,
\v 43 kayiwukula, kaalya ni bawona.
\p
\v 44 Kabawoola ati, “Bino nje bi nabawoolera nisiri nanywe: wuli siitu sikhoyire syolerere esyali nisyawandiikiwa khwise mu malako ka Musa, ba Nabbi nende mu Sabbuli.”
\v 45 Kamala keekula ebibaaso byawe kho banyale okhumanya ebyawandiikiwa.
\v 46 Kabawoolera ati, “Bino nje byawandiikiwa: Kurisito alisanda khandi kasyukhira emakombe khu ludaalo lwo’khudatu,
\v 47 no’khwenenya no’khulekherwa khwe’bibi biriwulirwa mu litta lyaye mu byalo byoosi, okhuchakira e Yerusalemi.
\v 48 Muli bajulisi be bitu bino.
\v 49 Nja okhubatumira oyo bbabba yi kasubisa; naye mube mu siko okhwola lu mulyambasiwa amaani okhutula amukkulu.”
\s Okhucha Mwikulu.
\p
\v 50 Nikali kakhamala okhubatangiriramo okhutula mu sifwo esye Batane, kasiingisa amakhono kaye amukulu kabawa enkhabi.
\v 51 Ne nikali nali okhubawanga enkhabi, kabalekha kayiriwa mukulu.
\v 52 Bamwinamira bamala bakowoola e Yerusalemi ne’sangaalo eringi.
\v 53 Basikala mu nyumba ya Weere, nibafumiya Weere.