lsm-x-lugwe_reg/42-MRK.usfm

\id MRK
\ide UTF-8
\h MAAKO
\toc1 MAAKO
\toc2 MAAKO
\toc3 mrk
\mt MAAKO
\c 1
\p
\v 1 Okhuchaka khwenjiri ya Yesu Kurisito, omwana wa Were.
\v 2 Nga ni syawandiikiwa mu nnabbi Yisaaya siiti: “Wona, nja okhuntuma wamuwaanda wange mumoni chawo, olitereesa engira yawo;”
\q
\v 3 Ekono lyaye alomalomera amukulu mu sibbarara ati, “Mutereese engira y’Omwami, mukololose engira chaye.”
\p
\v 4 Yokanakeecha, nabatisiranga musibbarara nasomesa okhubatiisiwa khwokhweyolobya, olw’okhulekherwamo ebibi.
\v 5 Manu esyalo syoosi esye Wuyudaaya nende abe Yerusalemi boosi boosi batulayo beecha yaali. Kababatiisa mumwaalo kwa Yoludaani, nibatuumbula ebibi byaawe.
\v 6 Ne Yokanakambalanga enguwo chowooya we ‘nsukhiri, n’olukhoba olwesero musiwuno syaye, kalyaanga ensike nowuukhi wenjukhi cho’mulukaka.
\v 7 Kawuuliranga nawoola ati, “Owiicha enyuma wange nje owuunkhira amaani, ata sinkhoyera okhuguunama nafundukhulula olusiya lwebiraato byaye.”
\v 8 Ese mbabatiisa nende amaachi, naye oyo alibabatiisa nende Omwoyo Omwolerefu.
\s Okhubatiisa Nokhukhemewa Khwa Yesu
\p
\v 9 Awo mundaalo echo, Yesu katula e Nasaaleesi esye Ggaliraaya kaacha okhubatiisiwa nende Yokanamu Yoludaani.
\v 10 Nga Yesu nikali natula mu maachi, kawona ekulu nirikukhire n’omwoyo naali nga ewuusi namwiikhakho.
\v 11 Manu ekono lyaatula mukulu niriwoola liiti, “Niiwe omwana wange yindakha, yisangaalira lukali.”
\v 12 Wangu wene Omwoyo kamusindikha mu sibbarara,
\v 13 eyo mu sibbarara kamalayo endaalo amakhumi kane, nakhemewa sitaani. Kaaba alala nebisolo byo'mulukaka, nende bamalayika nibamukholera.
\s Okhulangiwa Khwa Abeeki Bamberi
\p
\v 14 Olunyuma nibamalire okhuta Yokanamu jera, Yesu keecha e Ggaliraaya, nawuulira emboosi ndayi echa Were.
\v 15 Nawoola ati, “Esikha syolire Owen’engo wa Were wusudire, mweyolobye mufukiirire enjiri!”
\p
\v 16 Yesu nikali nabita nkhutulo w’enyanja eye Ggaliraaya, kawona Simoni, nende Andereya mwanaaηηina wa Simoni nibasukuna enjero mu nyanja, olwokhuba bali ba’naabi.
\v 17 Yesu kabawoola ati, “Mwiiche, munonde, nja okhubakalukhaniya mube abanaabi ba batu.”
\v 18 Wangu wene balekha awo enjero chaawe bamulonda.
\v 19 Nikasudakho mumoni wutono, kaawona Yakobo omwana wa Sebbedaayo nende Yokanamwanaaηηina bombi bali mulyato, nibonga enjero.
\v 20 Wangu wene kabalaanga, balekha awo ssaawe Ssebbedaayo nali mulyato nende abo abakholera omusaara, baacha naye.
\s Yesu Keerusya Dayimoni Mubi
\p
\v 21 Yesu nende abeeki baye bengira e Kaperunawunu, ne khu ludaalo lwa sabiiti nilwola, Yesu kengira mu sinaggogi kachaka okhusomesa.
\v 22 Abatu bawuka olwokhusomesa khwaye, olwokhuba kabasomesa nga nje omwene wunyaala si nga abekesa bamalako.
\v 23 Awene awo mu Sinaggogi mwalimo omusacha owalikho dayimoni mubi, kakhumula,
\v 24 nawoola ati, “Otufaambya siina, Yesu owe Nasaaleesi? Wichire okhutusikhirisa? Nkhumanyire ewe, ewe oli mwolerefu wa Were!”
\p
\v 25 Yesu kamukhamukhira nawoola ati, “Yakamira awo, mutulekho.”
\v 26 Dayimooni kamumaanyakula kaalira mukono ekali kaamutulakho.
\p
\v 27 Bosiboosi baawuka khandi bateeba baati, “Siina sino? Okhusomesa khuyaakha! Alagira nende owunyala dayimooni nibamuwulira.”
\v 28 Wangu wene enfuma yaye niyiswaniya esyalo syosi esyetolooye Ggaliraaya.
\s Yesu Awoniya Bangi
\p
\v 29 Nibatula bati mu Sinagoogi, bacha nende Yakobbo nende Yokanamu nyuumba ya Simoni nende Andereya.
\v 30 Awene awo masalaaηηene Simoni kali muwuuliri nimulwaye wo’musujja, wangu wene bawoolera Yesu nga lwaali.
\v 31 Nolwesyo, kacha yali kamudiira khu mukhono kamusiingisa. Omusuujja kwamuwaakho kachaka okhubakholera.
\p
\v 32 Engolobe eyo, eryuba nirikwiye, baletera Yesu boosi abalwaye nende abo abalikho dayimooni.
\v 33 Esiko syoosi syewuusira khu mulyango,
\v 34 manu Yesu kawoniya bangi abali nendwaye chitali nasirala. Khandi kerusya dayimooni bangi, ne sikabakanya okhulomaloma olwokhuba bali bamumanyire. Yesu Asabira Mu sifwo Syo Wekisi
\p
\v 35 Ne echuli wene, akherema nikhasiirikho, Yesu kasiingira, katula mu nyumba kaacha mu sifwo syowekisi, kasabira eyo.
\v 36 Simoni nende abasye batula okhucha okhumumukonya,
\v 37 ne nibamuwukana, bawuka: bamuwoola baati, “Wuli otula akhukonya!”
\p
\v 38 Yesu kabawoola ati, “Khuche awutu wandi__ khulukongo olwawambi ano__ nkhonyale okhuwuulirirayo yosi. Nje esikirire necha ano.”
\v 39 Manu kakenda mu Ggaliraaya yosi yoosi, nawuulira mu Sinaggogi chawe nga kerusya ba dayimooni.
\s Omusaacha We’bikeenge
\p
\v 40 Omusaacha we’bikeenge kecha yaali kamusigamira namwekalikhira namuwoola ati, “Nokanya, onyala okhundabya.”
\p
\v 41 Nikechuuye okhusasira, Yesu kayira omukhono kwaye kamudiirakho kamuwoola ati, “Ndakha, laba.”
\v 42 Awo nawo ebikeenge byamuwaakho kalaba.
\v 43 Kamuchwichwisa lukali awo nawo kamutuma;
\v 44 kamuwoola ati, “Wona otawoolerakho omutu yeesi, naye cha weyekese eyiri khawona, oweyo ebyo’khuwona khwawo Musa bikalagira okhuba owujulirwa yibali.”
\v 45 Naye katulawo, nachaaka okhusilangirira lukali, no’khusasaaniya emboosi. Esyatulamo, Yesu kali syanyala okhwiingira khandi musiko alafu ne kabanga entulo mu bifwo bikalingimo yeηηene. Ne lwosi abatu bechanga yaali nibatula wosi woosi.
\c 2
\s Yesu Awoniya Omukongobafu
\p
\v 1 Endaalo ntono nichabitawo, Yesu khandi nikali nikengira mu Kaperunawumu, syawulirikhana siiti kali akowooye engo.
\v 2 Abatu bewuusa bangi aba ngawuma esifwo ata nende mumulyango, kabawoolera emboosi.
\v 3 Echawo abasaacha, nibakingire omulwaye owakongobala, nakingirwe nabatu bane.
\v 4 Okhuba mbo si ali sifwo okhumwosa eyiri Yesu olwesidiikha sya’batu, bawiikhula amukuklu khu nyumba Yesu akali, badomola eriina, beesera omulwaaye owakongobala khumukeeka khukali nakonire.
\v 5 Yesu nikawona okhufukiirira khwaawe, kawoola owakongobala ati, “Musyani, ebibi byawo bikhulekherwemo.”
\p
\v 6 Naye aliwo abasomesa bamalako bandi nibekhaye nibabaasa mu myooyo chaawe,
\v 7 baati, “Ono siina esimulomyalomya siityo? Afwotokheresa! Nanu onyala okhulekheramo esibi okhutusakho mulala nje Were yeηηene?”
\p
\v 8 Wangu wene Yesu nikamanya ebyaali mukati mu myoyo chaawe, kabawoola ati, “Siina esibabasisa ebyo?
\v 9 Esyangu nje esiri: okhuwoola okongobaaye, oti ebibi byawo bikhulekheywemo,’ nawo okhuwoola oti, Siingira, okiinge omukeka okende?”
\v 10 Naye mumanye muuti omwana wo mutu ali nowunyala khu syalo okhulekheramo ebiibi...” kawoola okongobaaye ati,
\v 11 “Nkhuwoola, siingira, okiinge omukeka kwawo okowoleyo engo.”
\p
\v 12 Kasingira, ketwiikha wangu wene omukeka kabatulakho bosi boosi nibawona. Sino syawukiya wuli mutu bawuka bakiniya Were, nibawoola baati, “Sikhuwonangakho esiitu nga sino!”
\s Okhulangiwa Khwa Leefi
\p
\v 13 Amangu ako Yesu katuli erwanyi kaacha khutulo wenyanjja, esidiikha sikhongo syecha yali, namala achaka okhubasomesa.
\v 14 Nikali naabita, kawona Leefi omwana wa Alufaayo nikekhaaye yibawoosera kamuwoola ati, “Noonde,” Leefi kasingira kamulonda.
\p
\v 15 Yesu nikali nikekhaaye munyuumba ya Leefi naalya, abawoosa bangi nende abakhosi “be’bibi” bali baliira alala nende abeeki, olwokhuba bali bangi abamulondakho.
\v 16 Abasomesa ba malako abali Abafalisaayo nibamuwona naalya alala nende abakhosi “be’bibi” nabawoosa, bateeba abeeki baye baati: “Lwaasi alya khandi anyweera alala nabawoosa khandi nende abali ‘ne’bibi’?”
\p
\v 17 Yesu nikawulira sino, kabawoola ati, “Abalamu sibadakha omusawo, okhutusakho, abalwaaye. Sineecha okhulanga abolerefu, okhutusakho abali ne’bibi.”
\s Yesu Ateebewa Khu’byokhusiiba
\p
\v 18 Awene awo abeeki ba Yokananende Abafalisaayo bali nibasiiba beecha bamuwoola baati, “Siina esisiibya abeeki ba Yokananende abeeki Babafalisaayo ne abawo sibasiiba?”
\p
\v 19 Yesu kakowolamo ati, “Abaana boweeya banyala batye okhusiiba odekhisye omweeya naali nabo? Sibanyala, khasita baba bali naye.
\v 20 Ne endaalo chakhoole odekhisye omweeya lwalibatusiwakho, kho basiibe khuludaalo olwo.
\p
\v 21 “Yiwuma omutu onaba esiraka syenguwo embyakha khusyambalo esikhale. Nisiba siityo, esiraka esiyakha syekhwesa, okhutula khusikhale, syakira awatandukha wemeeda.
\v 22 Khandi si ali mutu ochukha omwenge okuyiiye mu seero ekofu. Nisiba siityo, omwenge kutandula eseero, omwenge kunyaasikha neseero lyene. Khaba, achukha omwenge muyakha mu maseero mayakha.”
\s Omwami We Ssabbiiti
\p
\v 23 Awo olwola Yesu nikali nakeenda mundalo yeηηano, alala na abeeki baye olwa ssabbiiti, abeeki baye bacha nibakusuchula ebikala bye eηηano.
\v 24 Abafalisaayo bamuwoola baati, “Wona, siina esibakhosa sino okhukhalaka amalako khuludaalo lwa ssabbiiti?”
\p
\v 25 Kabawoola ati, “Simusomangakho Daudi sikakhola nikali njala nende abo bakali nabo?
\v 26 Nikengira mu nyumba ya Were, Abiyasaali nikali ninje khawona okhira owukhulutu, kaalya emigaati echali echa bakhawona kachiwa nende bakali nabo.”
\v 27 Kabawoola ati, “Olwe ssabbiiti luliwo khu lwo mutu, ne omutu syabawo khu lwa ssabbiiti.
\v 28 Siityo omwana wo’mutu nje Omwami wa ssabbiiti yosi.”
\c 3
\p
\v 1 Ekhabi lindi kacha mu sinaggogi, ne omusaacha w’omukhono okwafwa kali awo.
\v 2 Abandi khubo bali bakoonya esonga eyokhuwabira Yesu, manu bamutiingaala nibamwekhalirisa bawone nikaakhanyala okhumuwoniya khulwa Ssabbiiti.
\v 3 Yesu kawoola omusaacha w’omukhono kwafwa ati, “Siingira weeme mumoni cha wuli muutu.”
\v 4 Manu Yesu kabateeba ati, “Esiri mu malako nje esiri khu Ssabbiiti: okhukhola esirayi oba okhukhola esibi, okhuwoniya owulamu oba okhwiita?” Naye bawuleera wusa.
\v 5 Kabisya emoni kabatiingaala netiima khandi nga abanyigiiye olwe myoyo chaawe emiwangalafu, kawoola omusaacha ati, “Kololosa omukhono kwawo.” Kakukololosa, manu omukhono kwecha kwakowolera erala awene.
\v 6 Manu Abafalisaayo becha baatula erwaanyi baachaaka okhukheenga amakesi alala nende Abakeradiyaani nga lubaneete Yesu.
\s Ebidiikha Bilonda Yesu
\p
\v 7 Yesu katulawo nende abeeki baye baacha khunyaanja, manu esidiikha sikali okhutula e Ggaliraaya syalondakho.
\v 8 Nibawulira byosi bikali naakhola, abatu bangi beecha yaali okhutula e Uyudaaya, Yerusalemi, Yidumeya, nende ebitundu by'engerekha wa Yoludaani nende okhwewodokhaniya Tiiro nende Sidoni.
\v 9 Olw’esidiikha, kawoola abeeki baye bamufunire eryaato etono bamutekekhere esidiikha sitamufiinyirira.
\v 10 Olwokhuba kali awonisye bangi, manu abo abali nendwaaye bali basiindikhana okhucha emutwe okhumudiirakho.
\v 11 Wuli emyoyo emibi luchamuwonaanga, chakwaanga asi yaali nichirira chiiti, “Niiwe Omwana wa Were.”
\v 12 Naye kachwichwisaanga owutawoola baati nje ‘Rabbi.’
\s Okhwangala Khw’abatume Ekhumi Nende Babiri
\p
\v 13 Yesu kacha amukulu khuntulotulo wolugulu kalaanga abo bakadakha, manu beecha yaali.
\v 14 Kangala ekhumi nababiri__ babeenge naye abatume__ kho babeenge naye kho anyale okhubatumaanga erwaanyi okhuwuulira.
\v 15 Khandi babe n'owunyala owiirusya dayimooni.
\v 16 Bano nje ekhumi nababiri bakangala: Simoni (Yikataakho eriita ati Petero);
\v 17 Yakobo omusyani wa Sebbedaayo nende mwanaaηηina Yokana (abo kabawa eriita lya Bowanarege, amakhulutu mbo Abana bokhwaduulukha),
\v 18 Andereya, Firipo, Bbatolomaayo, Matayo, Tomasi, Yakobo omusyani wa Alufaayo nende Sadaayo, Simoni omukananaayo
\v 19 Nende Yuda Yusukalyoti, owamulyamo olukhwe.
\s Yesu Nende Beresebbuli
\p
\v 20 Manu Yesu keecha kengira mu nyumba, lundi esidiikha syewuussa, syamukayira nende abeeki baye ata nokhulya.
\v 21 Abewaye nibawulira sino, bacha okhumulinda, olwokhuba bawoola baati, “Akosisye ebibaaso byaye.”
\p
\v 22 Nende abasomesa b’amalako abekhirira okhutula e Yerusalemi bawoola baati, “Alikho omusambwa kwa Beresebbuli! Akhosesa omusambwa kwo’wen'engo we’misambwa okhwiirusya emisambwa.”
\p
\v 23 Manu Yesu kabalaanga kalomaloma nabo mu ngaado ati: “Sitaani anyala keerusya atye sitaani?
\v 24 wene’ngo niwukawukhanamo owene noweene, owen’engo owo siwunyala okhwemawo.
\v 25 Niyiba mbo enyumba yikawukhaniremo eyene neyeene enyumba eyo siyinyala khwemawo.
\v 26 Khandi sitaani nikeyiinganiya omwene nomweene khandi kakawukhanamo, syanyala khwemawo; enjakamo yaye yiiba yoolire.
\v 27 Masima keene, yiwuma owingira mu nyumba yo’musaacha wamaani kawukula ebiitu byaye okhutusakho nga asookha kawoya omusaacha w’amaani oyo, kho kachaaka okhwiba enyumba yaye.
\v 28 Mbawolera amasima ebibi byosi nende okhufwotokheresa khwabaatu biribalekherwamo.
\v 29 Naye ofwotokheresa Omwoyo Mwolerefu syalilekherwamo; aba aniyeye omusango okutaliwaawo.”
\p
\v 30 Kawoola sino olwokhuba bali bawoola baati, “Alikho omusambwa mubi.”
\s ŋηina Yesu Nende ba Mwanaηηina
\p
\v 31 Manu ηηina Yesu nende ba mwanaηηina beecha boola. Beema erwanyi, batuma omutu yaali okhumulaanga.
\v 32 Esidiikha syali siikhaaye nisimwewodookhaniisye, bamuwoola baati, “Maamawo nende bamwanaamawo bali erwanyi bakhukoonya.”
\p
\v 33 Kabateeba ati, “Maama nende bamwanaama nje abali?”
\v 34 Manu katingaala hwaabo abali bekhaaye nibamwewodohaniisye kawoola ati, “Bano nje ba maama nende bamwanaama!
\v 35 Wuli okhola Were byadakha nje mwanaama nje mboocho yange nje maama.”
\c 4
\s Olukaado Lw’omutaaki
\p
\v 1 Khandi Yesu kachaaka okhusomesa khuntulo we’nyanja. Esidiikha esikali syene syeewuusira yali, nokhwingira keengira mulyato kalikhalamo erwanyi wenyanja, abatu boosi bali khuntulo wenyanja.
\v 2 Kabasomesa bingi mungaado, kabawoola mukhusomesa khwaye ati,
\v 3 “Mutekerese! Omulimi katula kaacha okhuwanya emwo.
\v 4 Ngalukali nawanya emwo eyiindi yakwa khungira amayoni keecha kayirya.
\v 5 Emwo yiindi yakwa khulwanda okhutali eroba lingi. Emwo eyo yamera wangu, olwokhuba eroba lyali eyeraanu.
\v 6 Omubasu nikwaduha, emwo eyo yewootta olwokhuba siyali ne’miisi.
\v 7 Emwo yiindi yakwa ali amawa, akakhula kamira ebirime, byaakhaya okhwaama ebyaamo.
\v 8 Ne khandi emwo yiindi yakwa khwiroba erayi yamera, yakhula yewula ebyaamo okhwoosa amakhabi amakhumi kadatu, nkaaga, nende okhuhirawo amakhabi emya ndala.”
\v 9 Yesu kawoola ati, “Oli nende amatwi kokhuwulira awulire.”
\p
\v 10 Nikali yeηηene, abeeki baye ekhumi nababiri kho nende abo abali nibamwewodookhaniisye baamuteeba khubidira khungaado echo.
\v 11 Kabawoola ati, “Enywe mwaweewa esyama esyo’wene’ngo wa Were. Ne eyiri abo abali erwanyi wuli situ sibalomalomerwa mungaado
\q
\v 12 kho sibe nti, ‘endaalo choosi bawoneenge wusa neenga sibeengisa, khandi bawulireenge wusa nambula khutegeera; na lundi banyala okhweyolobya balekherwamo!’”
\p
\v 13 Awene awo Yesu kabateeba ati, “Simutegeera olukaado luno? Lukaado si lumulitegeera?
\v 14 Omulimi ataaka emboosi.
\v 15 Abaatu bandi bali nga emwo yokhuungira, emboosi khuyitaakiwa. Manu nibawulira wangu wene nibakhayiwulira, sitaani keecha kabatusamo emboosi eyabataakiwamo.
\v 16 Abandi, bali nga emwo eyataakiwa khwiroba lyo’khulwanda, bawulira emboosi bayifukiirira nesangaalo.
\v 17 Khuba bawuma emiisi babawo esikha sitono. Ne niwabawo owudinyu oba okhuyirimbanisiwa olwe’mboosi, bakwa wangu.
\v 18 Na’bandi nje bala abali nga emwo eyataakiwa ali amawa, abo, nibawulira emboosi;
\v 19 ne ebidinyu byesyalo nowubacha w’owuyiinda nokhwekoomba okhwebiindi byoosi, bimika emboosi, yaakhaya okhwaama.
\v 20 Abandi, bali nga emwo echataakiwa khwiroba erayi, bawulira emboosi, bayifukiiriramo, baama ebyaamo amakhumi kadatu, nkaaga olundi okhukhirawo nende emya ndala.”
\s Etaara Khu sisindi
\p
\v 21 Kabawoola ati, “Wakhaleeta etaara walita mu bbakuli oba mulwalo wesitaanda? Siwakhalita khusisiindi syaalyo?
\v 22 Olwokhuba nawuli sikisiwa sicha okhukisuliwa, ne nawuli syawikhiwa sikhoyire okhuteewa awalafu.
\v 23 Oli nende amatwi kokhwulira awulire.”
\p
\v 24 Kemeeda ati, “Baasa wulayi khubyowulira,” esikero syokereramo nje sibali khukereramo__ nokhukhirawo.
\v 25 Oli nasyo balimuwa esikhirawo; ne otali nasyo, ne sitono syali nasyo sirimutusiwakho.”
\s Olukaado Lwolumwo Olukhula
\p
\v 26 Yesu kabawoola ati, “Owene’ngo wa Were wufwana wuuti, omuutu awaanya emwo muuwuka.
\v 27 Esiro ne'sideete, oba akona oba asisimukha emwo yimera yakhula, nende naba nataamanyire nga yimerire yakhula.
\v 28 Eroba lyene nje erimesa emwo__ yekheerera nesisiikha, yalosakho esikala, kho yalosakho owumwo musikala.
\v 29 Emwo niyilaba, omulimi atulaniramo ne'ngeso kaacha okhukesa, olwokhuba ekesa liba lyolire.”
\s Olukaado Lwo Lumwo Lwo Muyofu
\p
\v 30 Yesu kateeba ati, “Khunaakeraanye khusiina Owene’ngo wa Were? Nawo khunaakhosese lukaado siina okhuwukeraniyaho?
\v 31 Wufwana nga akhamwo khomuyofu, akho nje akhamwo nikhataakiwa mwiroba, akhaakhaba mbo nje akhakhira owutono mumwo chosi choosi echokhusyalo.
\v 32 Ne nikhataakiwa, khakhula khaaba khakali, kwaaba kusaala kwene okukhira emisaala choosi, kwaaba namasaga amakhoongo amayoni mukeyikama.
\p
\v 33 Yesu kabasomesa mu ngaado nyingi nge'cho nga lubanyala okhutegeera.
\v 34 Sikalomaloma nabo ataasi lukaado: ne nikabanga yeηηene na beeki baye kabatumbuliraanga byosi byoosi.
\s Yesu Kakamya Enfwinda
\p
\v 35 Manu khuludaalo olwo engolobe niyoola, kawoola abeeki baye ati, “Khwaambuke khuche khulukoongo era.”
\v 36 Balekha esidiikha enyuma, baacha naye, yeηηene, mulyato. Aliwo amaato kandi akacha naye.
\v 37 Manu embunga nyiigi yeecha, amafwiinda mangi kedikha mulyato, lyaba aw'ambi okhwibira.
\v 38 Yesu mwene kali akonire enyuma we’lyato, nateye omutwe kwaye khumuto. Abeeki baye bamusisimusa nibawoola baati, “Omwekesa, sufaayo nikhwiibira?”
\p
\v 39 Kasisimukha, kakhamukhira omuyaka kawoola embunga ati, “Wuleera! Kwalala!” embuuga yakama, enyaanja yakwalala wulayi.
\v 40 Kawoola abeeki baye ati, “Siina esikira nimutya mutyo? Musiiri okhuba nende okhufukiirira?”
\p
\v 41 Batya okhutya khweene okhwamaani, batebana abene nabeene baati, “Manu ono nje naanu? Khulwokhuba embuunga n'omuyaka bimuwulira!”
\c 5
\s Okhuwoniya Khwo ‘Musaacha Owalikho Dayimooni.
\p
\v 1 Beecha boola engerekha we nyaanja musitudu esy’Abegeresene.
\v 2 Yesu nikatula mu’lyato, wangu wene omutu owalikho dayimooni owatula muηηani bawukaanana.
\v 3 Omusaacha ono kamenyanga muηηani, nga yiwuma muutu onyala khandi kamuwowa ata khu lujegere.
\v 4 Olwokhuba amakhabi mangi kawoywaanga amakhono na'makulu ne enjegere, ne kakudulaanga enjegere khu'makhono nakhalaka ne mitalimbwa khu'makulu. Akhaya okhubaawo omuutu owamaani yeesi omunyala.
\v 5 Esiro nende esideete kaliriraanga muηηani nende khungulu nikekheenga nende amakina.
\v 6 Ne nikawonera Yesu aleeyi, kerukha kakwa khumakhumbo kaye kamusigamira mu moni chaye.
\v 7 Kakhuumula nende ekono ekhoongo nawoola ati, “wundakhakho si, Yesu, omwana wa Were, oli amukula lukali? Nechubire eyiri Were oti syoocha khunsandya!”
\v 8 Olwokhuba Yesu kali amuwooye ati, “Tula khu musaacha ono, ewe omwoyo mubi!”
\p
\v 9 Kamuteeba ati, “Eriita lyawo niiwe naanu?” Kamukowolamo ati, “Eriita lyaange niise Legioni,” “Olwokhuba khuli bangi.”
\v 10 Kekalikhira Yesu amakhabi namakhabi akhaye okhubeerusya mu situndu esyo.
\v 11 Ambi awo khu lugulu waliwo eyicho khoongo elye mbiichi niryaaya,
\v 12 dayimoni chasaba Yesu nichiwoola chiiti, “Tusiindikhe khwingire mu mbiichi;
\v 13 Kachiwa owunyala, dayimooni chamutulamo cheengira mu'mbiichi. Eyicho, eryoola ambi elifu chibiri, lyabbabulukha lyaakwa mu nyanja lyebira.
\p
\v 14 Manu abali ni bachaaya beerukha baawoolera abomu siko nende abomubyalo, beecha okhuwona ebibeeyewo nga nibiri.
\v 15 Niboola ali Yesu, bawona omusaacha owalikho dayimooni nikekhaaye nikambaaye; naalimo amakesi, oyo owalikho Legioni batya.
\v 16 Abo abasiwona esyo babakaniyayira ebibeye khumusaacha o'walikho dayimooni__ nende ebye mbiichi byosi.
\v 17 Abaatu bachaaka okhumwekaIikhira Yesu atule mu syalo syawe.
\p
\v 18 Ne Yesu nikali nikeengira mu lyato, oy'omusaacha owalikho dayimooni kamwekalikhira ache naye.
\p
\v 19 Yesu kakhaya, ne kamuwoola ati, “kowolayo engo eyiri abaatu bawo obawoolere nga nibiri ebikhuluutu omwami byakhukholeeye, khandi nga lwakhukwiriye esisa.”
\v 20 Manu omusaacha katulawo kawawo kachaaka okhuwoolera abaatu mu Dekapoli ebiitu byamaani Yesu bya'mukholeye, ne abatu boosi bawuka.
\s Omukhaana Mufu Nende Omukhasi’mulwaaye
\p
\v 21 Yesu lundi kambukhira mu lyato kola khulukerekha lwenyanja, esidiikha sikhoongo syewuusira ali naali wambi nenyanja.
\v 22 Mulala khubakhuluutu benyumba ya Were eriita lyaye Yayiro, kecha awo. Nikawona Yesu, kamukwa mu makulu
\v 23 kamwekalikhira lukali naawoola ati, “Omwana wange omukhaana omuyere ali okhufwa. Nkhwekalikhira wiiche omuteekho amakhono kawo akowolemo owulamu alamukhe.”
\v 24 Manu Yesu kaacha naye. Esidiikha sikali syamulonda nisimuyiindikaniya.
\p
\v 25 Musidiikha omwo mwalimo omukhasi owalwaala okhwidikhirira nikhumumalirekho emyaaka ekhumi nende chibiri.
\v 26 Nawonaawonire lukali mu basawo bangi nakhosesiise byoosi bikali nabyo, nga si ali esimuyeeda musifwo syokhubakho wulayi kemedaanga wemeeda okhuba wubi.
\v 27 Nikawulira enfuma ya Yesu, katulira emukongo mu sidiikha kaadiira khu nguwo ya Yesu,
\v 28 Olwokhuba kabaasa mumwoyo ati, ‘’Nindiira wudiira khunguwo chaye, mba ndawone.”
\v 29 Wangu wene okhwidikhirira khwakamirawo kawulira mu'mubiri kwaye ati awonire ensaando yaye.
\p
\v 30 Wangu wene Yesu kamanya ati amaani akawoniya kamutuliremo. Kakaluukhana musidiikha kateeba ati, “Naanu odiiye khunguwo change?”
\p
\v 31 Abeeki baye bamuwoola baati, “Waawona esidiikha nga lusikhweyiindikanisyekho, khandi wateeba oti, ‘naanu okhwediiyekho?’”
\v 32 Ne Yesu kemeeda okhutingaala awone oyo osikholire.
\p
\v 33 Naye omukhasi, olwokhumanya ebyali nibimwekholekhirekho, kaacha kamukwa mumakulu natengerekha no’wuti, kamuwolera amasima koosi.
\v 34 Kamuwoola ati, “Omukhaana, okhufukirira khwawo khukhuwoniisye. Weweerewo ne’mirembe owoneye erala ensaando yawo.”
\p
\v 35 Ne Yesu nikali nasilomaloma, abasaacha bandi abatula mu nyumba ya Yayiro, ewo mukhuluutu we nyumba ya Were. Becha nibawoola baati, “Omukhaana wawo afwiye, onyaasira siina khandi omwekesa?’’
\p
\v 36 Ne owutafaayo khu bibawoola, Yesu kawoola omukhulutu we nyumba ya Were ati, “Syotya; fukirira wufukiirira.”
\v 37 Sikafukiirira omuutu yeesi okhucha naye okhutusakho Petero, Yakobo nende Yokana mwanaaηηina Yakobo.
\v 38 Ne niboola mu nyumba yo’mukhuluutu we’nyumba ya Were, Yesu kawona okhuchokaana, nabalira, nende abakhubba wuuwi.
\v 39 Manu kengira kabateeba ati, “Siina esibachokaaniya nende esibalisya? omwana khaba syafwiye, okhutusakho akonire wukona.”
\v 40 Abaatu bamuchekha lukali. Ne nikabatusa boosi, kayira simwana wo'mwana nende ηηina nende abo abeeki baye bakali nabo, kengira omwana mukali.
\v 41 Kaadiira omukhono kwo'mwana kaamuwoola ati, “Talisa kumi!” (Amakhuluutu kaasyo mbo, “Mukhana muwere, Nkhuwoola nti siingira!”)
\v 42 Wangu wene omukhaana kasiingira kakenda kewodooniya (Kali ne'myaaka ekhumi nende chibiri.) Khulwasino abaatu bawuka okhuwuka okhwamaani.
\v 43 Kabachwichwisa lukali Omuutu yeesi akhaye okhusimanya esyo, kabawoola bamuwe esyo’khulya.
\c 6
\s Nabbi Otaasi No’luyaali.
\p
\v 1 Yesu katulayo kaacha mu siko sye wawe, nali alala nabeeki baye.
\v 2 Manu olwe ssabbiiti nilwoola, kachaaka okhusomesa mu nyumba ya Were, bangi abamuwulira bawuka. Nibawoola baati, “Omusaacha ono bino kabitusa yeena?” Khandi baati, “Makesi si kano kakaweewa ono ata khandi ebyamayiya ebyakiiye ano ebikholewa mumukhono kwaye!
\v 3 Si nje ono omubaachi? Si nje ono omwana wa Malyaamu mwanaaηηina Yakobo, Yusufu, Yuda nende Simoni? Ne bambochooηηene sikhuli nabo ano ewefwe?” Manu bamwekaana.
\p
\v 4 Yesu kabawoola ati, “Nabbi syakhaywa oluyaali okhutusakho mu syalo syaye nende musikha syaye nende mu nyumba yaye yeene.”
\p
\v 5 Manu sikanyala okhukholerayo ebyamayiya byoosi, okhutusakho kata amakhono khu balwaaye batono kabawoniya.
\v 6 Ne kawuka olwo’wutafukiirira khwawe. Yesu Atuma Ekhumi Nababiri. Manu Yesu kewodookhaniya mungoongo emaande choosi nasomesa.
\p
\v 7 Kalaanga ekhumi na babiri bache yaali, kachaaka okhubatuma babiri babiri kabawa owunyala khu dayimooni.
\v 8 Bino nje ebyali ebiragiro byaye: “mutakinga siitu syoosi khulukendo lwenywe okhutusakho endawukhi yoηηene__ mutakiinga ebyokhulya, ata eguniya ata ebbeesa mu nkhoba chenywe.
\v 9 Mwambale sapatu, khandi simukinganga enguwo yindi.
\v 10 Nawuli nyumba yoosi yimunengireengemo, mubeenge omwo okhwoola lumulitula mu siko esyo.
\v 11 Nawuli sifwo esitabasangaalirenge oba okhubatekeresa, mukhukhumulenge olufu mu makulu kenywe nimutulamo, okhuba owujulisi yibali.”
\v 12 Abeeki batula bawuulira okhweyolobya.
\v 13 Berusya dayimooni mungi babakha amafuta khu balwaaye bangi babawoniya.
\s Yokana Omubatiisi Atemewakho Omutwe.
\p
\v 14 Manu Kerode omwene’ngo kawulira bino, olwokhuba eriita lya Yesu lyacha enfuma. Abaatu bandi bawoola baati, “Yokana omubatiisi asyukhiiye mubafu, ebyamangaliima bino sakira bimukholeramo.”
\v 15 Ne abandi bawoola baati, “Nje Eriya.” Abandi bawoola baati, “Nnabbi, nga balala khuba Nabbi abendaalo nkhale.”
\p
\v 16 Naye Kerode nikawulira, kawoola ati, “Yokana, omuutu yinatemakho omutwe, nje osyukhiiye!”
\p
\v 17 Olwokhuba Kerode omweene kamuta mujeera, khulwa Kerodiya, omukhasi wa mwanaηηina Firipo olwokhuba kamudeekhya.
\v 18 Olwokhuba Yokana kawoola Kerode ati, “Sisiri mu malako ewe okhudekhya mukha mwanawamawo.”
\v 19 Ne Kerodiya kali kewoyera Yokana nadakha okhumwiita nibimukhayire.
\v 20 Olwokhuba Kerode kali atya Yokana khandi namukhingakira namanyire ati omusaacha ono mulungifu khandi mulaawota. Kerode ni kawulira Yokana, keecha kawunga; ne kadakhaanga lukali okhuwulira byalomaloma.
\p
\v 21 Manu oludaalo lulayi lwoola. Kerode lukadeekhera abakhoongo baye embaga eyo’khwichulisa ameewulwa kaye, nabakhuluutu babasirikale na’baami abe Ggaliraaya.
\v 22 Manu omukhaana wa Kerodiya mwene nikeecha kakhina, Kerode nende abo bakalinabo nibekhaaye nibalya bamusiima. Manu omwene’ngo kawoola omukhaana ati, “Nsabe syodakha syoosii ndasikhuwe.”
\v 23 Kamwechubira ati, “Syosi syoosi syonaansabe ndasikhuwe, nende sibe esitundu syo’weneengo wange.”
\p
\v 24 Omukhaana katula erwaanyi kateeba ηηina ati, “Ndasabe si?” ηηina kamuwoola ati, “Ssaba omutwe kwa Yokana omubatiisi.”
\p
\v 25 Wangu wene omukhaana kanguwa kaacha eyiri omwene’ngo, kamusaba nawoola ati, “Ndakha wumbeerese wunanu wuno omutwe kwa Yokana omubatiisi khu luderu.”
\v 26 Omwene’ngo keecha kelalikhirira lukali, naye olwokhwechuba khukali nakholire mumoni chabakeni baye nibekhaaye nibalya, kawona nga syanyala khumwiima.
\v 27 Wangu wene omwene’ngo katuma omusirikale waye omulinda kamulagira okhuleeta omutwe kwa Yokana. Manu omusirikaale kaacha mu jeera katema khu Yokana omutwe,
\v 28 kaleetera omutwe kwa Yokana khu luderu. Kakuwa omukhaana, omukhaana kakuwa ηηina.
\v 29 Manu abeeki ba Yokana nibawulira bino, becha bayira omulambo kwaye bakuta muηηani.
\s Yesu Aliisa Elifu Chitaanu
\p
\v 30 Abatume becha bewuusira ali Yesu, bamuwoolera emboosi choosi chibakhola, nende chibasomesa.
\v 31 Awo, khulwokhuba abaatu bali becha yali khandi nibawawo muwungi, nga sibaba ata nebikha byo’khulya, kaabawola ati, “Mwiiche yindi mweηηene munyale okhujoηηolokha.”
\v 32 Manu bachiira mulyato muwekisi mu sifwo eyitaasi baatu.
\v 33 Ne abaatu bangi abecha babawona nibawaawo babekhalirisa, berukha namakulu okhutula mu biko byoosi beecha babesookhayo.
\v 34 Ne Yesu nikatula wusa ati mulyato kawona ebidiikha bingi, kabakwira esisa, olwokhuba bali nga amakoondi akataasikho omwaayi. Kachaaka okhubasomesa ebitu ebiingi.
\p
\v 35 Manu owiire wali wiira na abeeki baye becha yali bamuwoola baati, “Esifwo sino sichiimi,” “ne wunanu owiire wiirire.
\v 36 Basiiwule bache mubyalo nende mu biko ebyo’khumaande choosi bekulire ebyo’khulya.
\p
\v 37 Naye Yesu kakowolamo kabawoola ati, “Enywe mubawe ebyo’khulya.” Bamuwoola baati, “sino syakhayira omusara kwo’muutu okwe’myesi munana! Khwakhacha khwakula emigaati ech’erubya echo choosi khubawe balye?”
\p
\v 38 Yesu kabateeba ati, “Muli nende emigaati chiinga?” “Muche muwone.” Nibamanya bawoola baati, “Chitaanu__ nende eηηeeni chibiri.”
\v 39 Yesu kabalagira bawoole abaatu bekhale boosi mubikanda khuwunyaasi wo’muwoka.
\v 40 Abaatu beecha bekhala mubikanda bya baatu emya emya, nende kataanu kataanu.
\v 41 Kawukula emigaati chitaanu nende eηηeeni chibiri katingaala amakulu, kebasa kakhalakamo emigaati. Kawa abeeki baye bachiwe abaatu. Khandi kawukula eηηeeni chibiri kachikabira boosi.
\v 42 Balya boosi bekuta,
\v 43 abeeki baye bawuusa ebikhukhumukhire byechusa ebideru ekhumi na bibiri eby’emigaati ne bye’ηηeeni.
\v 44 Abalya ebyo bali abasaacha elifu chitaanu.
\s Yesu Akenda Khu’maachi
\p
\v 45 Wangu wene Yesu kaawoola abeeki baye okhwiingira mu lyato bamwesookheyo engerekha we Besusayida, ye nasisiiwula ebidiikha bya baatu.
\v 46 Manu nikamala ohubasiiwula, kacha khu lugulu okhwekalikhiira Were.
\v 47 Manu owiire niwiirire, eryato lyali mu nyanja ewusiba, ne Yesu kaIi yeηηene khulukerekha.
\v 48 Kawona abeeki baye nibanyaakhana okhufuka eryato, olwokhuba embuunga yaIi yibatulire mumoni. Mubikha nga ebye’sawa chine echesiro katula kacha yibali nakeenda khu Nyanja. Nali ambi okhubabitakho,
\v 49 ne nibamuwona nakeenda khu Nyanja, babaasa baati sikhyeeno. Bakhubba wuuwi,
\v 50 olwokhuba boosi bamuwona baba no’khutya. Wangu wene kalomaloma nabo kawoola ati; ‘’Mugume! Niise. Mutatya.”
\v 51 Kengira mulyato mubali, manu embuunga yawa. Bawuka lukaIi mu myoyo chaawe,
\v 52 olwokhuba ebye migaati sibabitegeera; naye emyoyo chaawe chali emiwandakanyu.
\p
\v 53 Manu niboola khulukerekha, bola mu syalo asye Genesaleeti bawowa awo eryato batulamo.
\v 54 Manu nibatula mu lyato, abaatu wangu wene bategeera Yesu.
\v 55 Beeruha bewodoohaniya mu syalo esyo syoosi, nibakiingira abalwaaye khumikeeka okhubaleeta yibawuliraanga baati Yesu ali eyo.
\v 56 Nawuli Yesu yi kachaanga__ mungoongo, mu biko bikhuluutu oba mu byalo__ abaatu bataanga abalwaaye mu wutale. Bamwekalikhiranga abafukiirire ata badirekho wusa khu kemo lye nguwo yaye, ne nawuli wamudiiraangakho kawonaanga.
\c 7
\s Owuyonjo Nowutaasi Wuyonjo
\p
\v 1 Abafalisaayo nende abasomesa bamalako bandi abali nibatulire e Yerusalemi beecha bewuusira Yesu akali
\v 2 bawona abeeki ba Yesu bandi nibalya obyokhulya byawe nende amakhono “akataasi mayonjo,” Kabetesaabire.
\v 3 (Abafalisaayo nende Abayudaaya boosi sibalya nibatesaabire amakhono kaawe, olwokhuba badiira emisiro chabakhale.
\v 4 Nibatula mukhatale sibalya nibatesabire. Khandi bali nende emisiro chibalondakirira nga okhwosaanga esikoombe, esaani nende entamu eche bichuuma.)
\p
\v 5 Manu Abafalisaayo nende abasomesa bamalako bateeba Yesu baati, “Siina esikayira abeeki bawo okhukendera khumisiro chabakhale ninga bamala wusa balya ebyokhulya nende amakhono ‘akataasi mayonjo’?”
\p
\v 6-7 Manu Abafalisaayo nende abasomesa bamalako bateeba Yesu baati, “Siina esikayira abeeki bawo okhukendera khumisiro chabakhale ninga bamala wusa balya ebyokhulya nende amakhono ‘akataasi mayonjo’?”
\p
\v 8 Mulekha amalako ka Were mwadiira emisiro cha baatu.”
\v 9 Kabawoola ati: “Mukaanira erala birayi byene amalako ka Were ne mulonda emisiro chenywe!
\v 10 Olwokhuba Musa kawoola ati, ‘Otaanga mu lataawo nende maakowo oluyaali,’ lundi ati, ‘Omuutu yeesi owabaanga simwana oba ηηina bamwitaanga.’
\v 11 Naye enywe muwoola muti: ‘syoosi sinakhakhuweeye okhukhuyeeda nje kolubani’ (amakhuluutu nti, siwanwa sya Were),
\v 12 Simusimukanya okhukholera simwana oba ηηina esitu syoosi.
\v 13 Mulekha emboosi ya Were olwemisiro chaawe chimwesomesa khandi mukhola emboosi chiindi nyiigi nga echo.”
\p
\v 14 Yesu khandi kalaanga esidiikha kasiwoola ati, “Muntekerese, mweesi, mumanye sino.
\v 15 Siyali siitu esiri erwanyi wo’muutu esinyala ‘syamukhola owutaba muyonjo’ nisimwingiramo. Okhutusakho, esitula mu muutu nje ‘esimukhola kaakhaya okhuba omuyonjo.’”
\v 16 (Nawuli olin'amatwi akokhuwulira awulire.)
\p
\v 17 Nikamala okhulekha esidiikha sya baatu keecha kengira mu nyumba, abeeki baye bamuteeba amakhulutu kolukaado olwo.
\v 18 Yesu kabawoola ati, “mweesi muli balendaafu mutyo?” “Simumanyire muuti syoosi ensingira mu mutu okhutula erwanyi sisinyala syamukhola okhuba otaasi muyonjo?
\v 19 Olwokhuba sisingira mumwoyo kwaye wawula munda yaye, okhwoola nisitula mumubiri kwaye.” (Mukhuwoola sino, Yesu kalangirira ati ebyokhulya byoosi birayi.”)
\v 20 Kemeeda kawoola ati: “Esitula mu muutu nje ‘esimukhola kaakhaya okhuba omuyonjo.’
\v 21 Olwokhuba mukati mu myoyo cha baatu, mutulamo ebibaaso ebibi, owudaamba, Owiibi, owiiti, owukeendaani,
\v 22 omululu, olugaambo, okhwekoomba ebya beene, owubi, owubacha, emoni embi, owulekeresi, okhwewulisa, amalala n'owubbungaafu.
\v 23 Ebibi ebyo byoosi bitula mukati manu ‘byaletera omuutu okhutaba omuyonjo.’”
\s Enfukiirira yomukhasi Omusulofoyiniiki
\p
\v 24 Yesu kasiingira katula mu sifwo esyo kaacha mu syalo sye Ttuulo. Kengira mu nyumba nga syadakha omuutu amanye; ne byamukhaya okhwekisa.
\v 25 Masima kene, wangu wene omukhasi owali nende omukhaana waye owalikho dayimooni nikamuwulira, keecha kamusigamira mu makulu kaye.
\v 26 Omukhasi kali Omuyonaani, owewulwa mu Solofiniiki. Kamwekalikhira Yesu kerusye dayimooni khu mukhaana waye.
\v 27 Yesu kamuwoola ati, “Lekha abaana bayere balye byosi byoosi bibadakha,” “Olwokhuba sisirayi okhuwukula ebyo’khulya bya baana okhubisukunira embwa chaawe.”
\p
\v 28 Naye omukhasi kamukowolamo ati, “Eee, Mukhoongo wange, “Ata embwa chosi chirira assi wemeesa ebikhukhumukhire abaana nibalya.”
\p
\v 29 Yesu kamuwoola ati, “Khulwemboosi yawo, weweerewo; dayimooni atulire khumwana wawo.”
\v 30 Omukhasi kakowolayo ewaye kawukaana omwana waye nakonire khusitanda, ne dayimooni nichimuweeyekho.
\p
\v 31 Okhuwonesewa khwa diimbe otalomaloma Yesu nikatula e Ttuulo, kacha kabita mu Sidoni, kekhirira khu nyanja eye Ggaliraaya nende akati wa Dikapoli.
\v 32 Eyo bamuleetera omusaacha mudiimbe otalomaloma wulayi, bamwekalikhira amutekho omukhono kwaye.
\v 33 Yesu keecha kamuta embbodocho ale nesidiikha, kamutaamo enjala mumatwi kaye. Kafuucha amate kamudiira khu lulimi.
\v 34 Katiingaala amukulu mwikulu kesa omwoyo kamuwoola ati, “Efasa! (amahulutu nti, “Yikukha!”).
\v 35 Khu lwasino, amatwi kaye kamala kekukha, no’lulimi lwaye lwawololokha kachaaka okhulomaloma wulayi.
\p
\v 36 Yesu ka’bakhuutira bakhaye okhuwooleraho omuutu yeesi. Ne nga lukemeeda okhubakhuutira nje lubemeeda lukali lweene okhusilomalomakho.
\v 37 Abaatu beecha bawuka lukali lwene nibawoola baati, “Byoosi akholire wulayi,’’ “Ata kekula abadiimbe bamatwi khandi kalomalomya abatalomaloma.
\c 8
\s Yesu Aliisa Abaatu Elifu Chine
\p
\v 1 Olwoola mu ndaalo echo esidiikha siindi esikhongo syewuusa. Nga lubali nibawuma esyo’khulya, Yesu kalaanga abeeki baye kabawoola ati,
\v 2 ‘’Ndiirira esibeera abaatu bano; olwokhuba leero endaalo chiri chidatu nibali nange nibawuma esyo’khulya.
\v 3 Nimbaseewula okhukowolayo nibawoongire enjala, banasirikhire khungira, olwokhuba abandi batula eyale.”
\p
\v 4 Abeeki baye bamukowolamo baati, “Yeena mu sichimi muno Omuutu yanyala okhufuna emigaati chimala okhubaliisa?”
\p
\v 5 Yesu kabateeba ati, “Muli nende emigaati chiinga?” bamuwoolera baati “musanfu.”
\p
\v 6 Yesu kalagira ebidiikha okhwikhala assi khwiroba. Kawukula emigaati musanfu, kebasa kakhalakamo kawa abeeki baye bachiwe abaatu, abeeki baye baakhola baatyo.
\v 7 Abeeki bali nende owunηηeni wosi wutaanu; Yesu kawa owuηηeni enkhabi kawoola abeeki okhubakabira.
\v 8 Abaatu balya bekuta. Nibamala abeeki bawuusa ebikhaliichikhire ebyasikalawo ebimwero bichufu musanfu.
\v 9 Abaatu bali ambi elifu chine. Nikamala okhubasiiwula,
\v 10 kengira mu lyato nende abeeki baye baacha mu syalo sya Dalumanusa.
\p
\v 11 Manu Abafalisaayo batula becha bachaaka okhuteeba Yesu. Nibamukhema, bamuteeba akhawonero akhatula mukulu.
\v 12 Yesu kekhiisa omwoyo kwaye lukali, kawoola ati, “Lwasi abendaalo chino, bakoonya akhawonero khe byamayiya? Masima mbawoolera nti, “Yuwuma akhawonero, akhali bawewa.”
\v 13 Keecha kabalekha, kakowoola enyuma mulyato kambukha kaacha oluwande lundi.
\s Amamera Ka Bafalisaayo Nende Kerode
\v 14 Manu abeeki baye becha bebirira okhukiinga emigaati, okhutusakho omugaati mulala kubali nakwo mulyato.
\v 15 Yesu kabakhuutira nawoola ati, “Mube moni,” “mweriinde amamera ka’Bafalisaayo nende aka Kerode.’’
\p
\v 16 Bateesa abene na’beene bawoola baati, “Khulwokhuba khuwuma migaati.”
\p
\v 17 Yesu nikamanya bibateesa, kabateeba ati, “Siina esibalomyalomya muuti khuwuma migaati? Simuwona nawo simumanyire? Emyoyo chenywe miwandakanyu?
\v 18 Muli nende emoni ne mukhayire okhuwona, muli na’matwi ne mukhayire okhuwulira? Khandi simwichulisa?
\v 19 Oludaalo lunakhalakira emigaati chitaanu khu lwa’abaatu elifu chitaanu, ebimweero biinga ebye emigaati echakhaliichikha bimwawuusa?” Bamuwoola baati, “Ekhumi nabibiri.”
\p
\v 20 ‘’Ne ninakhalaka emigaati musanfu okhuliisa abaatu elifu chine, mwawuusa ebimweero ebichufu biinga ebye emigaati chakhaliichikha?” Baamuwoola baati, “Musanfu.”
\v 21 Yesu kabawoola ati, “Musiiri khandi okhutegeera?”
\s Okhuwoniya Khwomusaacha Muwofwu E'Besusaida
\p
\v 22 Beecha boola mu Besusayida, abaatu bandi baletera Yesu omuwofu wemoni bamwekalikhira okhumudiirakho.
\v 23 Kadiira omusaacha muwofwu khu mukhono kamutusa erwanyi wo lukoongo. Namalire okhumufuucha amate khumoni no’khumutaakho amakhono kaye, Yesu kamuteeba ati, “Owona esitu syosi?”
\p
\v 24 Katingaala amukulu, kawoola ati, “Mbona abaatu; bafaana nga emisaala bakeenda nibewodookhaniya.”
\v 25 Khandi Yesu katakho amakhono khumoni cho’muwofwu. Awo na’wo emoni chaye chalimbukha, okhuwona khwaye khwakowoolamo, kawona wuli situ syoosi wulayi.
\p
\v 26 Yesu kamuseewula namuwoola ati, “otacha mu syalo.”
\s Petero Katula Kurisito
\p
\v 27 Yesu nende abeeki baye beecha batula baacha mungoogo cha Kayisaliya esya Firipo. Nibali khungira, kabateeba ati, “Abaatu bananga baatye?”
\v 28 Abeeki baye bamuwoola baati, “Yokana Omubatiisi, abandi baati Eriya; ne abandi baati, mulala khu ba nabbi.”
\p
\v 29 Ne Yesu kabateeba ati, “Nanywe munaanga nanu?” Petero kaamukowolamo ati, “Niiwe Kurisito.”
\p
\v 30 Yesu kabakhuutira okhutawoolerakho omuutu yeesi emboosi chimudiirakho. Yesu Alakula Okhufwa Khwaye
\p
\v 31 Kachaaka okhubasomesa, simukhoyera omwana wo’muutu okhusandisiwa lukali nokhwekaaniwa abakhulutu be’bikha nende bakhawona bakhulutu, nabasomesa bamalako, no’khwitiiwa, ne niyabitawo endaalo chidatu asyuukhire khandi.
\v 32 Kalomaloma emboosi eyo alaafu na’lafu, Petero kamuyira entulo kachaaka okhumwoolobya.
\v 33 Naye Yesu kakalukhana kewunja abeeki baye, koolobya Petero nawoola ati, “Kowola enyuma wange sitaani!” “Olwokhuba syobaasa ebya Were, ne obaasa ebya baatu.”
\p
\v 34 Yesu kalaanga ebidiikha nende abeeki baye, kabawoola ati: “Omuutu nadakha okhunoonda, ali no’khwefwirisa omwene ketwiikhe omusalabba kwaye kanoondekho.
\v 35 Olwokhuba wuli odakha okhuwoniya owulamu waye aliwukosya, ne nawuli olikosya owulamu waye khulwange nende khulwenjiri aliwuwoniya.
\v 36 Sirayi si omuutu syaafuna okhulya esyalo syoosi, namala afwiirwa owulamu waye?
\v 37 Oba omuutu kakhofwanisye si okhuwoniya owulamu waye?
\v 38 Olwokhuba nawuli owundiirirwa ensoni ese nende emboosi change mu ndaalo chino echo wudaamba khandi embi, omwana wo’muutu yeesi alimudiirirwa ensoni oyo lwa’lichiira mu luyaali lwa Simwana nende bamalayika abolerefu.”
\c 9
\p
\v 1 Kawoola abeeki baye ati, “Masima mbawoola nti, khu bano abemire ano aliwo abandi abataliwona khu khufwa nawutono okhwoosa lu’baliwona owene’ngo wa Weere niwiicha na’maani.” Okhukaluukhanisiwa.
\p
\v 2 Manu endaalo mukaaga nichabitawo Yesu kayira Petero, Yakobo nende Yokana kacha nabo khu lugulu oluleeyi, yibali boosi boηηene muwekisi. Nibali eyo kakaluukhanisiwa ni bawona.
\v 3 Enguwo chaye chamekhamekhana chalafuwa lukali, okhukhirakho omutu yesi yeesi owo’khusyalo onyala okhuchilafuyisa atyo.
\v 4 Awene awo Eriya nende Musa babawonekhera, abali nibalomaloma nende Yesu.
\v 5 Petero kakowolamo kawoola Yesu ati, “Labbi, silayi efwe okhuba ano. Manu khwombakhe ebikaali bidatu__ sirala syawo, esindi sya Musa ne esiindi sya Eriya.”
\v 6 (Olwokhuba Petero kali syamanyire esyokhukowolamo, olwokhuba bali batiiye lukali.)
\p
\v 7 Manu esireesi syecha syabawiikha, ekono lyatula mu sireesi liiti: “Ono nje omwana wange, Omukoosi. Mumuwulire!”
\v 8 Awo nawo nibekhewukha, si bawona mutu yeesi nali nabo okhutusakho Yesu.
\p
\v 9 Manu nibali nibekhirira assi wo’lugulu, Yesu kabalagira bakhaye okhuwolerakho omutu bibali nibawene okhwoosa omwana wo mutu lwalisyukhira okhutula mu bafu.
\v 10 Bawulerera emboosi eyo nibatebana abene na’bene baati, “Okhusyukhira mu bafu syekesa si.”
\p
\v 11 Manu bamuteeba nibawoola baati, “Lwasina abasomesa ba malako bawoola baati Eriya nje oli no’khwekherera okhukowola?”
\p
\v 12 Yesu kabakowolamo ati, “Mu’wutufu wene Eriya nje otangira okhwiicha, kakonjoola ebiitu byosi byoosi. Lwasiina khandi syaandikiiwa siiti, “Omwana wo’mutu atekwa okhusaanda lukali no’khwekaaniwa?
\v 13 Ne mbawolera nti, “Eriya kamala okhwiicha, khandi bamukhola wuli sibadakha, nga nisyamuwandiikiwakho.”
\s Okhuwona Khwo’musyaani Owalikho Esikhyeeno
\p
\v 14 Manu nibakowola eyiri abeeki bandi, bawona esidiikha esikhoongo nisibewodokhaniisye nende abasomesa bamalako ni’babayinganiya.
\v 15 Wangu wene abatu bosi boosi ni bawona Yesu bawuka lukali berukha bacha yaali bamukheesa.
\v 16 Yesu kabateeba ati, “Mubayinganisiryasi?”
\p
\v 17 Omusacha mulala mu sidiikha kakowolamo ati, “Omwekesa, nkhuleteeye omwana wange musoliri alikho esikhyeeno esimukayira okhulomaloma.
\v 18 Nawuli lusimudiira simukhubba eminyikha katusa efwoobe, keluma ameeno kabbangalala. Nsabire abeeki bawo bamwiirusyekho esikhyeeno, byabakhaya.
\p
\v 19 Yesu kabakowolamo kawoola ati, “Enywe, abo’lusse lutafukiirira ndyakama li okhuba ni nanywe? Ndyosa yeena okhubeesimiirisa? Mu mundeetere omusoliri oyo.”
\v 20 Manu baleeta. Esikhyeeno ni syawoona Yesu, wangu wene syamu’bbangalasa. Kakwa assi kekalangasa, katusa efwoobe.
\v 21 Yesu kateeba simwana ati, “Amalire embaka si nali ati?” Kakowolamo ati, “Okhutula mu wudoto.”
\v 22 Amakhabi maangi esikhyeeno simusukuna mu muliro olundi mu maachi nisidakha okhumwiita. Ne noba nonyala okhukholawo syosi syoosi, tukwire esisa otuyeede.”
\p
\v 23 Yesu kamuwoola ati, “‘Noba nonyala’? Byoosi binyalikha eyiri ofukiirira.”
\p
\v 24 Wangu wene simwana wo’musoliri kalomalomera amukulu kawoola ati, “Nfukiirira; njedde nsasire muwutafukiirira wange.”
\p
\v 25 Manu Yesu nikawona esidiikha nisiri khwewuusa mu sifwo mubali, kakhamukhira esikhyeeno. Kasiwoola ati, “Ewe esikhyeeno sidimbe ne siikafu sya’matwi,” esse, “Nkhulagira, mutuleekho sumukowoleraanga khandi nawutono.”
\p
\v 26 Esikhyeeno syalira sya’mubangalasa ne’tiima lingi ni simutulamo. Omusoliri kawonekhera erala ngo’mulambo bangi bawoola baati, “afwiye.”
\v 27 Ne Yesu kamudiira khumukhono kamusiingisa keema dungerere,
\p
\v 28 Naye Yesu nikengira mu nyumba, abeeki becha bamuteeba mu weekisi baati, “Lwasina efwe sikhunyalire khumwirusyakho esikhyeeno?
\p
\v 29 Yesu kabawoola ati, esye’mbya yino sinyalikha okhumutulakho okhubitira mukhusaba khwoηηene.”
\p
\v 30 Batulayo baabitira mu Galiraaya. Yesu sikadakha omutu yesi yeesi okhumanya yibali,
\v 31 Olwokhuba kali ali okhusomesa abeeki baye. Kabawoola ati, “Omwana wo’mutu acha okhuliwamo olukhwe awereseweyo mu makhono ka’batu. Balimwiita, naye olunyuma lwe’ndaalo chidatu alisyuukhira.”
\v 32 Ne sibamanya emboosi eyo siyekesa, manu batya no’khumuteeba. Nanu Okhiira Owukhunuufu?
\p
\v 33 Manu becha boola e Kaperunawumu. Ne Yesu nikali nali mu nyumba kabateeba ati, “Mubeeye muyingana si khungira?”
\v 34 Manu bawuleera olwokhuba bali bayiingana abene nabeene khungira baati, nanu okhiira owukhunuufu.
\v 35 Yesu kekhala assi, kalaanga ekhumi nababiri kabawoola ati, “Omutu nadakha okhuba owa’mberi, abenge nga nje omukhenerekha mu boosi khandi omukhosi wa boosi.”
\v 36 Kawukula omwana muwere kamwemekha akati wawe. Manu kamuwakata kabawoola ati,
\v 37 “Wuli onasangalirenge mulala khu’baana bawere abali nga bano muliita lyange anabenge kansangaliye; nende wuli mutu yeesi onansangalirenge sinise yanabenge asangaliye, anabenge asangaliye owantuma.” Yeesi Otatuyiinganiya Wefwe Niye.
\p
\v 38 Manu Yokana kamuwoola ati, “Omwekesa, khwawona omutu nikerusya ebikhyeeno muliita lyawo khwamukaana olwokhuba sikali mulala khwiifwe.”
\p
\v 39 Ne Yesu kawoola ati, “Mutamukaaniya.” “Olwokhuba si aliwo okhola ebya mayiya muliita lyange onyala musikha syene esyo kanomalomakho owubi,
\v 40 olwokhuba otaasi musiku wefwe aba wefwe.
\v 41 Mbowolera esyamasima, yeesi obayeresa esikombe sya’maachi khu’lwerita lyange olwokhuba wa Kurisito masima mbawola nti, sya’likhaywa amusaara kwaye nawutono.
\s Esireeta Okhukhola Esibi
\p
\v 42 “Nende wuli mutu onakirenge mulala kkhu bawere bano abanfukiiriramo okhukhola esibi, syakhali esirayi omutu oyo bamuwowa olukina lukhoongo mukosi kasukuniwa mu kuyanja.
\v 43 Omukhono kwawo nikukira wakwa mu sibi, okutemangakho. Khalukhi ewe wingire mu wulamu no’lemaye okhulira okhwingira mu geyeena noli nende amakhono kombi;
\v 44 eyo enyende yawe yiyitafwira nende omuliro yikutasima.
\v 45 Ne okhukulu khwawo nikhukira wakwa mu sibi, khutemeekho.
\v 46 Syakhabeye sirayi okhwingira muwulamu owutakama noli omulema okhukhira okhusukuniwa mumuliro okutasima nuli na’makulu kombi.
\v 47 Nende emoni yawo niyikira wakwa mu sibi, oyitusangamo. Khalukhi ewe okhwingira mu wene’ngo wa Weere nuli ne’moni ndala okhukhira okhusukuniwa mu geyeena nuli ne’moni chombi.
\v 48 “’Eyo enyende yiyitafwira, khandi nga omuliro yikutasima.’
\p
\v 49 Wuli mutu acha okhulungiwa mu muliro.
\v 50 “Omunyu mulayi, ne omunyu nikuwamo echamu, onyala okhukukowosamo otye echamu lundi? Mube no’munyu mukati wenywe, khandi mube mu mirembe nawuli otula eyiri owasye.”
\c 10
\s Okhulobana
\p
\v 1 Manu Yesu kasiingira katulayo kaacha mu syalo sye wuYudaaya nende ebitundu ebiri ewukwe wo mwaalo Yoludaani. Khandi ebidiikha bya’batu byecha ali, ne nga luyali esaambo yaye, kachaka okhubasomesa.
\v 2 Manu aBafalisaayo beecha yali bamuteeba baati, “Sifukirirwa omutu okhwirusya omukhasi waye?” nibamuleba.
\p
\v 3 Kabakowolamo ati, “Musa kabalagira atye?”
\p
\v 4 Bawoola baati, “Musa katufukiirira okhuwandiikanga ebbaruwa eyokhwiirusya kho kerusiweenge.”
\p
\v 5 Ne Yesu kabawoola ati, “Olwo’wusito we myooyo chenywe sakira Musa kabawandiikira elako lino.”
\v 6 “okhutula Weere nikalonga esyalo kalonga omusaacha no’mukhasi.
\v 7 Omutu sakira analekhenge simwana nende nηηina begaata no’mukhasi waye,
\v 8 ne babiri banabeenge omubiri mulala.’ Olwo wunanu nga sibasiiri babiri, ne mulala.
\v 9 Sakira esyo Weere sikaambaniya, omutu atasikawukhaniyanga.”
\p
\v 10 Manu khandi nibali mu nyumba, abeeki baye bamuteeba emboosi eyo.
\v 11 Yesu kabawoola ati, “Wuli mutu yeesi onerusyeenga omukhasi waye kadeekhya owundi anabeenge amukholirekho owudaamba.
\v 12 Ne omweene nanalobenge ewawamwe kadeekhera omusaacha wundi, anabeenge akholire owudaamba.”
\s Abaana Abayere Nende Yesu
\p
\v 13 Abatu bamuleteranga abaana bayere, okhubadiirakho, ne abeeki baye babawalabira.
\v 14 Ne Yesu nikawona, kabanyigira. Kabawoola ati, “Mulekhe abaana abayere beche yiindi, ne mutabakayira, olwokhuba abali nga bano owen’engo wa Weere nje owawe.
\v 15 Masima mbawoola nti, nawuli otafukirirenge owen’engo wa Weere nga omwana muwere sya’liwiingiramo ata nawutono.”
\v 16 Kabawukula abaana ka’bata musirifu, kabatakho amakhono kaye kabawa enkhabi.
\s Omuraaga Musyaani Omuyiinda
\p
\v 17 Yesu nikali nawawo khungira, omutu mulala kecha yali nikerukha kamusigamira kamuteeba ati, “omwekesa mulayi, Ndakhole ntye okhusikhira owulamu owutawawo?”
\p
\v 18 Yesu kamuwoola ati, “wunangira si omulayi? si ali mulayi___ _okhutusakho mulala, nje Weere yeηηene.
\v 19 Omanyire amalako: ‘Siwitanga, otakholanga owudaamba, otebanga, otayinganga omutu syatakholire, otakhayiranga khu siitu sibatakhuweye, otaanga oluyaali mu latawo nende mamawo.’”
\p
\v 20 Kamuwoola ati, “omwekesa ebyo byoosi nabidira okhutula mu wuwere wange.’’
\p
\v 21 Yesu kamwewunja kamudakha. Kamuwoola ati, “Owubanire emboosi ndala,” “cha, okuse byoosi byoli nabyo okabire abaati, kho wiiche wakhabe nowuyinda mukulu. Kho, omale wunonde.”
\v 22 Olwe’mboosi eyo omusaacha kakhookha. Kawawo nanyiggire, olwokhuba kali no’wuyinda wungi.
\v 23 Manu Yesu kabisyabisya emoni kawoola abeeki baye ati, “Nga sidinyu abayiinda okhwingira mu wene’ngo wa Weere!”
\v 24 Abeeki baye bawuka khulwe emboosi chaye. Naye Yesu kalondamo lundi kabawoola ati, “Abaana, nga sidinyu abo abesika owuyiinda okhwingira mu wene’ngo wa Weere!
\v 25 Syangu engamira okhubita mu lina lye mpiso okhukhira omunyiinda okhwiingira mu wene’ngo wa’Weere.”
\p
\v 26 Abeeki baye besindukha lukali, bemoonya abene nabeene baati, “Manu nanu onyala okhuwonesewa?”
\p
\v 27 Yesu kabatingaala kawoola ati, “Khu mutu sino si sinyalikha, naye eyiri Weere bbe; ebiitu byoosi binyalikha eyiri Weere.”
\p
\v 28 Petero kawoola Yesu ati, “Khwalekha byoosi khwakhuloonda!”
\p
\v 29 Yesu kakowolamo ati, “Mbawoolera amasima yiwuma ata mulala owalekha edaala lyaye oba bamwanaaηηina oba bamboocho oba maama oba bbabba oba abaana oba endalo hulwaange nende enjiri
\v 30 olikhaywa ohufuna amakhabi emya mu ndaalo chino (Amadaala, bamwanaηηina, bamboocho, bamaama, abaana nende endalo__ ni nabo, okhusaandisiwa) nende endaalo chiicha, owulamu owutakama.
\v 31 Ne bangi abamberi abaliba abenyuma, ne abenyuma baba bamberi.”
\s Yesu Khandi Alakula Okhufwa Khwaye.
\p
\v 32 Ni bali khungira nibaniina e Yerusalemi, Yesu natangisiisemo, abeeki bawuka, ne abo abali ni’babaloondakho baatya. Khandi Yesu kawukula ekhumi nende babiri kabata entulo kabawoolera ebicha okhumwekholekhakho.
\v 33 Kabawoola ati, “Khuli okhunina okhucha e Yerusalemi,” ne omwana wo’mutu kakhaliwemo olukhwe nende bakhawona bakulutu nende abasomesa bamalako. Balimukhengera okwokhufwa lundi balimuwayo eyiri abateende,
\v 34 abalimudyaawukhira no’khumufuchakho amate, balimukhubba bamwiita. Endaalo nichiribitawo chidatu alisyuukhira.”
\s Okhusaba Khwa Yakobo Nende Yokana
\p
\v 35 Wunanu Yakobo nende Yokana abaana ba Sebedaayo, becha eyiri Yesu bawoola baati, “Omwekesa,” Khudakha otukholere syoosi syosi si khunakhusabe.’’
\p
\v 36 Yesu kabateeba ati, “Mudakha mbakholere siina?”
\p
\v 37 Bamuwoola baati, “Tufukirire khwiikhale, mulala khumukhono kwawo omulungi, owundi khumukhono omukooda mu luyaali lwawo.’’
\p
\v 38 Ne Yesu kabawoola ati, “Simumanyire simusaba.’’ “Munyala okhunywa khusikombe ese sinywaakho oba embatiisa yo khubatiisiwa ese khunabatiisiwiramo?’’
\p
\v 39 Bamuwoola baati, “Khunyala” Yesu kabawoola ati, “Mulinywa khusikombe ese sinywerakho no’khubatiisiwa mu mbatiisa ese yinabatiisiwiramo,
\v 40 ne okhwiikhala khumukhono kwange omulungi oba omukooda siniise okhukaba. Okhutusakho ebifwo ebyo byabo abatekekherwa.’’
\p
\v 41 Manu ekhumi nibawulira bino, bachaka okhunyolerera Yakobo nende Yokana.
\v 42 Yesu kabalaanga kabaleeta alala kabawoola ati, “Mumanyire abo ababaasiwa okhufuka abateende babafukisa esirifu, nabakhongo bawe babayira kwa’maani.
\v 43 Naye mwinywe sisiri siityo. Naye wuli odakha okhuba omukhulutu mwinywe anabenge mukhosi wenywe,
\v 44 nawuli odakha okhuba owamberi mwinywe anabenge muwambe mu’boosi.
\v 45 Olwokhuba masima omwana wo’mutu sikecha okhumukholera, okhututusakho okhuhola, nokhuwayo owulamu waye okhuwoniya abangi.”
\s Muwofwu Batolomaayo Awona.
\p
\v 46 Manu becha boola e Yeriko. Nga Yesu lukatula mu Yeriko nende abeeki baye, ne‘sidiikha sikali, Batulumaayo Muwofwu we’moni, (Omwana wa Timaayo), kali kekhaaye khutulo we ngira nasabirisa.
\v 47 Ne nikawulira ati nje Yesu omunasaleesi owicha, kachaka okhulomalomera amukulu nawoola ati, “Yesu, Omwana wa Daudi, ngwiire esisa!”
\v 48 Bangi bamukhamukhira khandi bamuwoola awuleere, naye ye kemeeda lukali okhulomalomera amukulu ati, “Mwana wa Daudi, ngwiire esisa!”
\p
\v 49 Manu Yesu kema kawoola ati,” Mumulange.” Balanga Muwofwu we moni, bamuwoola baati, “Guma omwooyo! Siingira! akhulanga.”
\v 50 Kasukuna era enguwo yaye, katumatuma namakulu kasiingira kacha eyiri Yesu.
\p
\v 51 Yesu kamukowolamo kawoola ati, “Odakha nkhukholere si?” Muwofwu we moni kamuwoola ati, “Labbii, ndakha okhuwona.”
\p
\v 52 Manu Yesu kawoola ati, “Cha,” “okhufukiirira khwawo khukhuwoniisye.” Wangu wene kalimbula kalonda Yesu khungira.
\c 11
\s Okhwingira khwo Luyaali
\p
\v 1 Ne nibali ambi okhwoola e Yerusalemi boola e Besufage nende e Besaniya khu lugulu lwa Seyituni, Yesu katuma khu beeki baye babiri,
\v 2 kabawola ati, “Muche mulukoongo olubali mu moni, wangu wene nimwakhengira omwo, munawone omwana kwe nsukhiri okuwoyirwe, okutaniinwaangakho mutu nawutono. Mukuwoolole mukuleete ano.
\v 3 Omutu nabateeba ati, ‘Lwasiina mukhola sino?’ mu’muwoolera muuti, ‘Omukhongo wefwe nje okudakha ne acha okhukukowosa wangu wene.’”
\p
\v 4 Bamala bacha bakaana omwana kwe nsukhiri erwaanyi khungira, nikuwoyirwe khu mulyango. Nibali nibakuwolola,
\v 5 balala khwabo abali nibemire awo bateeba baati, “Mukhola si, okhuwoolola omwana kwe nsukhiri?”
\v 6 Babakowoolamo nga Yesu nikabawoola, abatu bala babalekha baacha.
\p
\v 7 Ne nibaleeta omwana kwe nsukhiri eyiri Yesu bakusukunakho enguwo chawe, Yesu kakuniinakho kakwikhalakho.
\v 8 Abatu bangi baala enguwo chawe khu ngira, abandi baala amasaga ka amasafu ke misaala kabatema mundalo.
\v 9 Abali nibatangisiisemo nende abali nibaloondakho emukoongo balomalomera amukulu baati, “Hosaana!” “Ayeresewe enkhabi owiicha mu liita lyo Omwami!”
\v 10 Wuwereseewe enkhabi owene’ngo wiicha owa kukka yefwe Daudi!” “Hosaana mwikulu lukali!”
\p
\v 11 Yesu koola e Yerusalemi kengira mu nyumba ya Weere. Nikamala okhuwodokhaniya emoni okhuwona byoosi, ne olwo’khuba owiire wali wumalire okhwiira, katula kaacha e Besaniya nende ekhumi na’babiri. Yesu Atereesa Enyumba Ya Weere
\p
\v 12 Oludaalo lwa’londakho nibali nibatula e Besaniya, Yesu enjala yamuluma.
\v 13 Kawona omusaala kwentuli akhanayiro nikwechulla amasaafu, kacha awone nikulikho esyamo. Manu nikakwolakho, sikawonakho siitu okhutusakho amasaafu, olwokhuba sibyali bikha byentuli okhwaama.
\v 14 Manu kawoola omusaala ati, “Omutu yesi yeesi atalyanga khu syamo syawo emyaka ne myaaka.” Abeeki baye bawulira bi’kalomaloma ebyo.
\p
\v 15 Manu ni boola e Yerusaalemi, Yesu kengira mu nyumba ya Weere katangira kerusya abali nibakusa nende abali ni’bakula. Kafuniikha emeesa chaba funjisa erubya nende ebisaala byaabo abali nibakusa nawuruku,
\v 16 sikakanya omutu okhubisya esyamakusi syosi syoosi mulwanyi we’nyumba ya Weere.
\v 17 Kasomesa nawoola ati, “Sisyaandiikiwa siiti: ‘Enyumba yange yi’nalangiwenge enyumba yo’khusabirangamo eyiri ebyalo byoosi?’ Ne enywe muyikalukhaniisye okhuba ‘eηηungu ya ba nyakka.’”
\v 18 Ba khawona bakhulutu nende abaandiisi ba malako nibasiwulira bakhenga amakesi nga lubanamwiite, olwokhuba bamutya, khulwokhuba ebikaanda byoosi byawuka olwokhusomesa khwaye.
\v 19 Manu engolobe niyoola, batula erwanyi we’siko.
\s Omutuli Kwe Wotta
\p
\v 20 Manu niwanukha echuli, nibali nibabita, bawona omutuli ni kwewottire okhutula khu’misi.
\v 21 Petero kakhewulira kawoola Yesu ati, “Rabbi, wona! Omutuli kuwawaaba kwe’wottire!”
\p
\v 22 Yesu kakowolamo ati, “Mube no’khufukiirira mu Weere.”
\v 23 “Masima mbawola nti, ni abaawo omutu yesi yeesi kawoola olugulu luno ati, ‘Ttulawo, wesukune mu nyaanja,’ natakanakana mu mwoyo kwaye ne nga afukiirira ati syalomaloma sirikholewa, siri’mukholerwa.
\v 24 Nolwesyo mbawoola nti, nawuli syosi syoosi simusaba mu saala, mufukiirire muuti musifunire, ne khandi siriba syenywe.
\v 25 Manu nimunemeenge mukhusaba, nimunabenge ne’mboosi khu’mutu yeesi, mu mulekherengemo, kho mberi senywe oli mwikulu abalekheremo ebibi byenywe.”
\v 26 (Ne nimutalekheramo, atta nende Bbaabba wenywe oli mukulu syali balekheramo ebibi byenywe.)
\s Owunyala Wa Yesu Wutebewakho
\p
\v 27 Khandi boola e Yerusalemi, manu Yesu nikali nakenda alwanyi we’nyumba ya Weere, ba khawona aba’khulutu, abekesa bamalako nende abakhulutu be’bikha becha akali.
\v 28 Bamuteeba baati, “Wunyala siina owukhukhosa bino?” “Ne nanu owakhuwa owunyala okhukhola bino?”
\p
\v 29 Manu Yesu kabakowoolamo ati, “Sseesi khambateebe esiteebo sirala. Mungowolemo, seesi khu’mbawoolere yintusa owunyala wunkhosa bino.
\v 30 Okhubatiisa khwa Yokana__ khwatula mwikulu nawo mu’batu? Mungowolemo!”
\p
\v 31 Batebana abene nabeene nibawoola baati, “nikhuwoola khuti khwatula mwikulu, anawoole ati, ne siina esyabakaniya okhu’mufukiirira?
\v 32 Ne nikhunaawole khuti, ‘khwatula mu batu’……” (Batya abatu, olwo’okhuba boosi bamanya baati Yokana kali Nnabbi.)
\v 33 Bakowola mu Yesu bamuwoola baati, “Sikhumanyire.” Yesu kabawola ati, “Siityo seesi sinda’bawoolere owunyala nga niwuli owunkhosa bino.”
\c 12
\s Olukaado Lwa Ba Paangisa
\p
\v 1 Awo kachaka okhulomaloma nabo mu ngaado: “Omutu kataaka endalo ye misabibu. Kayisitirakho olusito, kayabamo eriina eryo khu’khunyiramo enfinyo khandi kombakhamo esitu nga sifuumi esyo’muliindi okhwiikhalakho. Lunyuma Kapangisa endalo ye’misabibu eyo abalimi bandi kawaawo kaacha olukendo.
\v 2 Mu’ndaalo kye’kesa katuma omukhosi eyiri abapangisa bamuwe khu’byaamo bye misabibu.
\v 3 Abalimi bamudiira, bamukhubba kakowolayo makhono wusa.
\v 4 Khandi kabatumira omukhosi wundi; oyo bamwata olukuma bamwambula bamuswaasa.
\v 5 Kemeeda katuma owundi, oyo bamwiita. Khadi katuma abandi bangi; abandi babakhubba, abandi babeeta.
\v 6 “Kali asikasiise mulala okhutuma, omusyani waye, yadakha lukali. Mu lukhenerekha kamutuma, nawoola ati, ‘Omwana wange banamutemo oluyaali.’
\v 7 Ne abalimi bala bemonya abene nabeene baati, ‘Ono nje Omukerami. Manu mwiiche khumwiite, no’wusikha wakhabe wefwe.’
\v 8 Bamudiira, bamwiita, bamusukuna erwaanyi we’ndalo ye’misabibu.
\v 9 “Wunanu alibakhola atye omwene ndalo ye misabbibu? Kakheche kasikhirisa abalimi abo endalo ye misabbibu kayikabira abandi.
\v 10 Simusomangakho esyandiikiwa sino: “‘Ekina abombakhi libakaana lyafuliwa omutwe okwo’khunsoonda;
\v 11 Esyo syakholwa nende omwami, ne siba syamakana mumoni chefwe?”
\p
\v 12 Awo bakoonya amakesi okhumudiira olwokhuba bamanya baati alomalomire olukaado olu’badiirakho wubi. Ne olwo’khuba batya esidiikha, bamulekha bawawo.
\s Okhukhubbira Kayisaali Omusolo
\p
\v 13 Olunyuma batuma yali balala khu Bafalisaayo naba Kerodiyaani okhumuteka mu mboosi.
\v 14 Manu nibeecha bamuwola baati, “Omwekesa, khumanyire ewe nga oli wamasima. Suchiira khu mboosi cha’batu, olwo’khuba syulondakirira siina sibali; ne osomesa engira ya Weere mu masima. Wunanu sirayi okhu’khubbiranga Kayisaali omusolo nawo sinje siri?
\p
\v 15 Khukhubbenge nawo khulekhenge okhukhubba?” Ne Yesu kamanya owuteki wawe. Kateeba ati, “Lwasina mukesakho okhuntekera?” “Mundeetere edinaali eyo njiwone.”
\v 16 Bayireeta, kabateeba ati, “Esifananyi sino sya nanu? Nende owuwandiikekho wuno wa nanu?” Bamuwoola baati, “Bya Kayisaali.”
\p
\v 17 Yesu kabawola ati, “Ebya Kayisaali muwenge Kayisaali ne ebya Weere muwenge Weere.” Bamuwuka lukali.
\s Okhudekhesanya Mu Khusyukhira
\p
\v 18 Manu aba Sadukaayo, abawoola baati si ali okhusyukhira beecha ali bamuteeba.
\v 19 “Omwekesa,” Musa katuwandiikira ati omutu nafwanga, kalekha omukhasi waye natalekhire omwana, mwanaaηηina ayiraanga omukhasi waye kewulira omuffu abaana.
\v 20 Wunanu aliwo abasyani musanfu. Owamberi kadeekhya omukhasi kafwa, natalekhirewo olwiiwulo.
\v 21 Owokhubiri kamukerama, kafwa, yeesi natalekhirewo olwiiwulo. No’wokhudatu atyo.
\v 22 Masima, boosi musanfu nibatalekha baana. Khunjakamo boosi nibaweyeyo nomukhasi kafwa.
\v 23 Wunanu nibalisyukhira aliba omukhasi wa nanu, olwokhuba boosi musanfu bamudeekhya?”
\p
\v 24 Yesu kakowolamo ati, “Sinje esikira nimukota olwo’khutamanya ebyaandiikiwa oba amaani ka Weere?
\v 25 Abafu nibasyuukhira, sibalideekhya khandi sibalideekha; baliba nga ba malayika mukulu.
\v 26 Wunanu esyokhusyukhira khwa bafu__ simusomaangakho mu sitawo sya Musa, khulukano lwe’sichakha, Weere lukalomalomerakho nawoola ati, ‘Ese ndi Weere wa Yibbulayimu, Weere wa Isaaka, khandi Weere wa Yakobo?’
\v 27 Si Weere wa bafu, ne owa balamu. Mukota lukali!
\s Elako Likhira Mukoosi.
\p
\v 28 Mulala khu bekesa ba’malako keecha kawulira nibayingana. Nikamanya Yesu nabakowoyemo wulayi, kamuteeba ati, “Khu malako kosi koosi, eriri ena erikakhira?”
\p
\v 29 “Erikakhira nje lino,” Yesu kakowolamo ati, ‘Wulira Yisirayiri, omwami Weere wefwe, Omwami ali mulala.
\v 30 Dakha omwami Weere wawo no’mwooyo kwawo kwoosi, no’wulamu wawo woosi, na’makesi kawo koosi na’mani kawo koosi.’
\v 31 Eryo’khubiri nje lino liiti: ‘dakha okhusibiranire nga luwedakha omweene.’ Si ali lako liindi erikhira ako owukhulutu.”
\p
\v 32 Omuwandiisi kamuwoola ati, “Masima omwekesa (olomalomire wulayi) “nga Weere ali mulala, lundi si ali wundi okhutusakho ye.
\v 33 No’khumudakha no’mwoyo kwawo kwoosii, no’khumanya khwoosi na’makesi koosi, no’khudakha okhusibiranire nga luwedakha omwene khukhira ebiteewayo byoosi ebiraamba ebisaambiwa nende ebiwanwa.”
\p
\v 34 Manu Yesu nikawona ati amukowoyemo nga omukesi, kamuwoola ati, “syoli ale no’wene’ngo wa Weere.” Manu ni ataba mutu okesakho okhumuteeba khandi.
\s Kurisito Musyani Wananu?
\p
\v 35 Yesu nikali nasisomesa mu nyumba Weere, kateeba ati, khulwasiina abasomesa bamalako bawoola baati Kurisito mwana wa Daudi?
\v 36 Daudi mwene, kawoola mu’mwoyo mwolerefu ati: “’Omwami kawoola omwami wange ati: “Yiikhala khu mukhono kwange mulungi okhwoosa lundita abasuku bawo asi wa makulu kawo.”’
\v 37 Daudi mwene amulanga ‘Omwami.’ Aba omusyani waye atye?” Esidiikha sikali syatekeresa emboosi echo ne’sangaalo.
\p
\v 38 Manu mu’khusomesa khwaye, kabawoola ati, “Mweriinde abasomesa bamalako. Abadakha okhukeenda nibambaaye enguwo endeeyi no’khukhesewa muwutale,
\v 39 nende ebisaala bye’mutwe yibeewuusira mu bifwo byo’luyaali mu binyumo.
\v 40 Abanyaka amayumba kabafwire, khandi abe’kweedera mu mboosi ndeeyi mu wubachirisi, abo nje abaliwoneresewa okhukhirawo.”
\s Esiwanwa Syo’Mufwire
\p
\v 41 Yesu kekhala asi katingaala enasibiikhiro sye rubbya kawona ebikanda nga nibisukuna amabbesa mu sibiikhiro. Bangi abali abayiinda abasukunamo biingi.
\v 42 Ne omufwire mulala omuwati kecha kasukunamo owukhera wubiri,
\v 43 Yesu kalanga abeeki baye kabawoola ati, “Masima mbawoola nti, omufwire ono omuwati asukumiremo biingi okhukhira abandi.
\v 44 Olwokhuba boosi basukuniremo khu bi basikaliiye; naye oyo mu wuwati waye, asukuniremo byoosi byaali nabyo__ nje owulamu waye woosi.”
\c 13
\s Owuwonero Wenjakamo Yo’lusse.
\p
\v 1 Nga lukali natula mu nyumba ya Weere, mulala khu beeki baye kamuwoola ati, “Wona, omwekesa! Amakina kano nga makhongo! Ebyombakhe bino nga byamakana!”
\v 2 Yesu kamuwoola ati, “Muwona ebyombakhe bino ebyamakana?” “Si alirekhewa ano ekina eriri khukina liindi; wuli litula lirisukuniwa assi.”
\p
\v 3 Yesu nikali nikekhaaye khu lugulu olwa Seyituuni natingaaye enyumba ya Weere, Petero, Yakobo, Yokana nende Andereya becha bamuteeba mu syama baati,
\v 4 “Tuwoolere, ebitu bino byoosi biribawo liina? Khandi khawonero si akhebyo akhhalyekesa khatti byoosi biri ambi okhwoseresewa?”
\p
\v 5 Yesu kabawoola ati: “Mweriinde omutu yeesi syabakodyanga.
\v 6 Bangi abaliicha muliita lyange, nibawoola baati, ‘Nise oyo,’ khandi balikosya bangi.
\v 7 Manu nimuwuliranga entalo nende enfuma ye ntalo, mutelaliikhiriranga. Ebitu ngebyo bitekwa aKhubaawo, naye nga enjakamo yiriba yisiiri.
\v 8 Esyalo siri seeta esyalo siindi, no’wene’ngo wuseete owene’ngo wundi. Alibawo oKhudengaana mu bifwo bingi, alibawo enjala. Ebyo nje ebiriba enjaaka yo’wuchuni wo’khulumwa.
\p
\v 9 “Naye mwerinde mwa’beene. Olwokhuba balibawayo mukhiikho mulikhubbiwa nende yibewusira. Khandi mulyeema mu moni cha bamasasa nende abene’ngo khulwange, okhuba owujulisi yibali.
\v 10 Enjiri yitekwa okhumala okhuwulirwa mu byalo byoosi.
\v 11 Naye nibabayiranga okhubawayo, mutatagiraanga okhwelaliikhirira simunawoole. Mukowoolengemo wusa sibaba nibabatebire ebikha ebyo, khuba sininywe ababa nimulomaloma, naye omwoyo omwolerefu.
\v 12 “Mwanaaηηina mutu anawengeyo wandaaye okhumwiita, nende simwana yo’mwana anawengeyo omwana wuwe. Abaana banajemerenge abeewusi, khandi banabeteseenge.
\v 13 Munasyuliwenge na’batu boosi khu lwange, naye owesimiirisa okhwoola khunjakamo nje oliwonesewa.
\p
\v 14 “Naye nimuliwona `esyomusiro esisikhirisa` nisyeemire asitakhoyera__ osoma amanye__ manu abali mu wuYudaaya berukhire khungulu.
\v 15 Oli amukulu khu nyumba sikekhanga khandi sikengiraanga okhutusamo esitu mu nyumba yaye.
\v 16 Nende oli mudaala syakowolaanga okhuwukula enguwo yaye.
\v 17 Naye chiribawukana abali ne’nda na’banuniya mu ndaalo echo!
\v 18 Mwekalikhire bikhaye okhwolera mu ndaalo che’toocho,
\v 19 olwokhuba endaalo echo chiriba cho’khuwoneramo engisa echitabangakhowo chiityo okhutula Weere alonge ebya longewa, okkhwola wunanu__ khandi si chiribawo chiityo.
\v 20 Naye Weere aba natakheengakho khundaalo echo, si akhabeye na’mulala owona. Naye khu lwabangale, bakasungulamo, kachikhengakho.
\v 21 Mundaalo echo omutu nabawoolanga ati, ‘wona, Kurisito ali ano!’ oba, ‘wona, ali ala!’ Mutafukiiriranga.
\v 22 Olwokhuba ba Kurisito bo’wubacha nende ba Nnabbi abo’wubacha balisiingira balikhola owuwonero nende ebiwukya okhukodya, abangale__ esyo nisiriba nisinyalikha.
\v 23 Naye mweriinde enywe; khasita mbawoleeye byoosi nibitabawo.
\p
\v 24 “Naye mundaalo echo, okhuwona engisa okhwo nikhuweeye, ‘Eryuba lyakhasimisiwe, n’omweesi sikulitusa wulafu wakwo;
\q1
\v 25 N’eηηiniηηini chiriba nichikwa okhutula khwikulu, Na’maani ako mukulu kaliddenganisiwa.’
\v 26 “Mu ndaalo echo abatu baliwona omwana wo’mutu nikechera mu bireesi na’maani mangi no’luyaali.
\v 27 Manu kho katuma bamalayika baye okhuwuusa abangale baye okhutula mumbewo chine, okhutula khu njakamo ye’syalo okhwoola khunjakamo ye’kulu.
\p
\v 28 “Wunanu mwekere khu musaala kwo mutuli olukaado lwakwo: esaga lyakwo nirikhomera namasaafu kakwo katununa, mumanya muti esiminyu siri ambi okhwoola.
\v 29 Manu mwesi mutyo, nimuwonanga ebyo nibyolire, mumanye muuti ali ambi, khu lwiiki.
\v 30 Masima mbawoola ati, olusse luno siluliwawo nawutono okhwoosa ebyo byoosi lubiryolerera.
\v 31 Ekkulu ne syalo biriwawo, naye emboosi change si’chiriwaawo nawutono. Oludaalo Ne’bikha Sibimanyikhanire
\v 32 “Naye ebyo’ludaalo olwo oba esikha esyo si ali omanyire, ata bamalayika abali mukulu, ata omwana, okhutusakho Bbabba.
\v 33 Mweriindenge! Mubenge moni! Olwokhuba siimumanyire ebikha abyakholere.
\v 34 Siri nga omutu owalekha enyumba yaye kaacha mu syalo siindi: naye kalekhera abakhosi baye owunyala, wuli mutu omulimo kwaye, kalagira omuliindii wo mulyango okhuba moni.
\v 35 “Manu mube moni olwokhuba simumanyire ‘omukhongo we’nyumba alikowolera oba engolobe, oba esiro akati, oba engokho niyikholyookha, oba niwukhya.
\v 36 Ne nabasindusa, atabawukana nimukona.
\v 37 Khandi simbawoola enywe, mbolera boosi nti, ‘Mube moni!’”
\c 14
\p
\v 1 Wunanu niyali nisisikaayeyo endaalo chibiri embaga ya Pasaka eye’migaati echitaasi emibbakhe yoole, bakhawona bakhulutu nabasomesa bamalako bakhenga amakesi kowusirusiru nga lubanadire Yesu mu lukhwe lwokhumwiita muwekisi.
\v 2 “Olwokhuba bawoola baati, Sisirayi khu ludaalo lwembaga,” Nga bawoola baati, “abatu banakwemo akheddimo.”
\p
\v 3 Manu nikali nali e Besaniya, mu nyumba ya Simon omukenge nikekhaye nalya, omukhasi kecha nechupa yamafuta akebbeyi nkhongo lukali, akakhawowo. Kaata echupa, amafuta kakachukha khu’mutwe Kwa Yesu.
\v 4 Naye aliwo mwabo abaddiriwa ettima bawoola baati, “Lwasina amafuta kakhawowo kanyasiwa kaatyo?
\v 5 Olwokhuba amafuta kano kakhanyalire okhusasula omusaara kwo mukhosi omwaka omulamba ne’rubya chayeresewa abaati.” Bamuwalabira ne’tima lya’maani.
\p
\v 6 Naye Yesu kawoola ati, “Mumulekhe,” Lwasina mumukhedya? Kankholeeye esikholwa esirayi.
\v 7 Olw’okhuba abaati nje bamucha okhuba nabo wuli sikha, munyala okhubayeeda ebikha byoosi bimudakhiramo. Naye esse ebikha byoosi simucha khuba nange.
\v 8 Akholire nga lwanyalire. Atangiiye okhuchukha amafuta khu mubiri kwange okhwetekekhera okhunsiikha khwange.
\v 9 Mbawoolera amasima, enjiri wuli yiyinawulirwenge mu syalo syosi, nende esyo omukhasi ono syakholire sinalomwalomwengekho, okhumukhewulira.”
\p
\v 10 Aweene awo Yuda Isukalyoti, owali mulala khu ekhumi na’babiri, kacha eyiri bakhawona bakhulutu okhulya mu Yesu olukhwe.
\v 11 Ne nibawulira, basangaala, bamulaka okhumuwa erubbya. Kakhenga amakesi nga lwanafune esikha okhumuwayo.
\s Esye’ngoloobe Esyo Mwami
\p
\v 12 Manu khu ludaalo lwamberi olwe mbaga ye’migaati chitaasi mibaakhe, lubeteraangakho amakoondi ka Pasaka, abeeki ba Yesu bamuteeba baati, “Odakha khuche yeena khutekekhe yonaalire Paasaka?”
\p
\v 13 Katuma babiri khu beeki baye kabawoola ati, “Muche musiko, munawukanane no’musaacha niketwiikhire esyongo ya’maachi. Mumulonde.
\v 14 Yosi yoosi yanengire omwene nyumba mu muwoole muuti, “Omweekesa ateeba ati: Esisenge syange siri yeena mundalire Pasaka nabeeki bange?”
\v 15 Anabekese omwene esisenge esikhongo esya’mukulu, esyale nisitekekhere erala. Mututekekhere omwo.”
\v 16 Manu abeeki baye, beecha baacha musiko, bawona bakaana ebitu nga Yesu nikabawola. Batekekhera omwo Pasaka.
\v 17 Manu niweera, Yesu keecha nende ekhumi na’babiri.
\p
\v 18 Nibali bekhaaye nibalya, Yesu kawoola ati, “Masima mbawoola nti, mulala khwinywe olya nange anandyeemo olukhwe oyo oli okhukhosa nange.
\p
\v 19 Bachaka okhwewunamira, no’khumuteeba mulala syamulala baati, “Masima siniise?”
\p
\v 20 Kabakowolamo ati, “Ali mulala khu ekhumi na’babiri, oyo okhosa ni nange.
\v 21 Omwana wo’mutu alicha nga nisyamuwandiikiwakho. Naye chirimuwukaana oyo olya mu omwana wo’mutu olukhwe! Syakhali sirayi eyiri oyo siinga sikeewulwa.”
\p
\v 22 Nibali nibalya, Yesu kawukula omugaati, manu nikamala okhwebasa, kakukhalachakamo, kabawa nawoola ati; “Muwukule, kuno nje omubiri kwange.”
\v 23 Kawukula esikombe, manu nikamala okhwebasa kabawa, basinywakho boosi.
\v 24 Kabawoola ati, “Kano nje amabanga kange akendakaano, akedikha olwa bangi.”
\v 25 “Masima mbawoola ati sindinywa lundi khu byaamo khu musabbibu okhwoosa khu ludaalo lula lundinywa omuyakha mu wene’ngo wa Weere.”
\v 26 Manu nibamala okhwemba olwembo, batula bacha khu lugulu olwa Seyituni. Yesu Alakula Khu Khwekaana Khwa Petero
\p
\v 27 Manu Yesu kabawoola ati, “’Mucha okhuntulakho mweesi,” Olwokhuba syawandiikiwa siiti: “’Ndikhubba omwayi, na’makoondi kalisalaana.’
\v 28 Naye nindimala okhusyukhisiwa, ndibatangiriramo okhucha mu Ggaliraaya.”
\p
\v 29 Naye Petero kalangirira ati, “Nende boosi banakhutulekho, esse bbe.”
\p
\v 30 Yesu kamuwoola ati, “Masima nkhuwoola ati, “Olwa leero__ Eee, esiro sino__ engokho yinabe yitaakholyookha amakhabi kabiri, ewe omwene onabe wunekanire amakhabi kadatu.”
\p
\v 31 Naye Petero kemeeda lukali okhwomiisa ati, “Asyakhaba okhufwa ni nawe, sindakhwekaane nawutono.” khandi abandi boosi bawoola baatyo.
\s Gedisemani.
\p
\v 32 Manu beecha baacha mu sifwo eriita lyasyo Gedisemani, Yesu kawoola abeeki baye ati, “Mwikhale ano ninja okhwekalikhira.”
\v 33 Kayira Petero, Yakobo nende Yokana alala naye, kachaka okhuba ne’ngisa nokhwelaliikhirira lukali.
\v 34 Kabawoola ati, “Omwoyo kwange kulikho engisa ngali, chicha okhunjita,” “Mube ano mube moni.”
\v 35 Kakendakho wutono, kafumala kekalikhira nisinyalikha esikha simubitekho.
\v 36 Kawoola ati, “Abba, Bbabba,” “Byoosi binyalikha yooli. Ntusekho esikombe sino. Naye si nga ese lundakha, okhutusakho nga ewe lwo’dakha.”
\v 37 Manu nikakowola eyiri abeeki baye kabawukaana nibakona. Kawoola Petero ati, “Simoni”, “Okona? Syobeeye na’maani akokhumoka ata esaawa ndala yiiti?
\v 38 Mube moni, mwekalikhire mukhaye okhwiingira mu khukhemewa. Omwoyo kudakha, naye omubiri munafu.”
\v 39 Lundi kakowolayo, kekalikhira, nalomaloma emboosi nasirala.
\v 40 Kakowola lundi, kabawukana nibakona, olwokhuba emoni chawe chali nsito, sibamanya esyokhumukowolamo.
\v 41 Kecha ekhabi eryo’khudatu, kabawoola ati, “Musikona nokhuwulukha? Simala! Esikha syolire. Wona, omwana wo’mutu awewayo mu makhono ka’babi.
\v 42 Musiingire! Khuche! Wona, onandyeemo olukhwe kolire!”
\s Yesu Adiiriwa.
\p
\v 43 Manu wangu wene, Yesu nikali asilomaloma, Yuda, mulala khu ekhumi na’babiri, keecha. Alala naye kali ne’sidiikha esyali ne’byooki ne’ndawukhi, nga batumirwe nende bakhawona abakhulutu nabawandiisi bamalako na abakhulutu bebiikha.
\v 44 Ne oyo owamulyaamo olukhwe kali abaweye akhawonero na’bawooleye ati: “Oyo yindakwe musirifu, anabe niye; mu’mudiire, mumuyire nimumwomiisiise.”
\v 45 Manu nikoola, wangu weene kacha eyiri Yesu. kawoola ati, “Rabbi!” kamukwa musirifu kekesa owiicha.
\v 46 Badiira Yesu bamwomiisa.
\v 47 Naye mulala khu abo abali nibemire ambi kachowola esyooki katema omukhosi wa khawona okhira owukhulutu, kamutemakho okhutwi.
\p
\v 48 Manu Yesu kakowolamo nawoola ati, “Munjichiriiye oti abechera omunyakka nebyooki nendawukhi okhundiira?
\v 49 Wuli ludaalo nabanga nanywe, ninsomesa mu nyumba ya Weere, nga si mwandiira. Naye sino sikholekhirwe, ebyawandiikiwa byolerere.”
\p
\v 50 Manu boosi bamwanjukha berukha.
\v 51 Khandi omusyani mulala kamuloonda owali kewikhiriiye enguwo khu mubiri, bamudiira.
\v 52 Ne kabechunulakho kabalekhera enguwo kerukha sichula.
\s Yesu mulukhiikho
\p
\v 53 Manu bayira Yesu eyiri khawona okhira, bamwewuusirakho bakhawona bakhulutu boosi, na’bemeresi bebikha nabawandiisi bamalako.
\v 54 Manu Petero kamulondakho nakendera aleyi, enyuma okhwoola mukati wo’lwaanyi lwa khawona okhira owukhulutu, kali kekhaaye nabakhosi baye nikoota omuliro.
\v 55 Manu bakhawona bakhulutu nende abali mu lukhiikho boosi bakonyeresa khu Yesu owujjulisi owakhakira bamwiita, ne bakhaywa okhuwuwona.
\v 56 Olwokhuba abamuyiinga ebyo’wubacha bali bangi, no’khuyiinga khwawe sikhwadisaniya.
\v 57 Manu abandi basiingira nibamuyiinga nibawoola baati:
\v 58 “Efwe khwamuwulira nawoola ati, ‘Ndikhalaka enyumba ya Weere yino eyakholewa namakhono, ne mu ndaalo chidatu ndyombakha eyindi, eyitalikholewa na’batu.’”
\v 59 Nende nibaleeta bino na’biira owujulisi wawe siwadisaniya.
\p
\v 60 Manu khawona okhira owukhulutu kema akati, kateeba Yesu nawoola ati, “Ewe syocha khukowoolamo? Siina syene sibakhuwoola bano?”
\v 61 Naye Yesu kawuleera wuwuleera kakhaya okhuchiimbula nawutono. Khandi khawona okhira owukhulutu kamuteeba ati, “Niiwe Kurisito, omwana wo’yo owaweresewa enkhabi?”
\p
\v 62 Yesu kawoola ati, “Niise ono” “Mweesi muliwona omwana wo’mutu nikekhaye khu mukhono mulungi okwo’mwami, nikeecha nebiresi bye kulu.”
\p
\v 63 Manu khawona okhira owukhuluutu katandula enguwo chaye. Kawoola ati, “Khudakhira sina owujulisi wundi?”
\v 64 “Muwuliiye owufwotokheresi. Mubaasa mutye?” Boosi bamukhengera baati okhoyera okhufwa.
\p
\v 65 Manu abandi nibachaaka okhumufuuchakho amatte; no’khumuwiikha mumoni nokhumukhubba ebiffusi, nokhumuwoola baati, “Lakula!” abaliindi bamuyira nibamukhubba.
\s Petero Kekaana Yesu.
\p
\v 66 Manu Petero nikali assi alwanyi, mulala khu bakhana bayere aba khawona okhira owukhulutu keecha.
\v 67 Ne nikawona Petero nikoota omuliiro, kamwekhaliirisa. Kawoola ati, “Ewe wesi wali nende Omunasaleesi, Yesu.”
\p
\v 68 Naye Petero kekaana nawoola ati, “Simanyire khandi sintegera byo’lomaloma.” Katulira mu mulyango okutula erwaanyi.
\p
\v 69 Omukhana nikamuwona mu mulyango, kawolera abo abali nibemire awo ati, “Ono nje mulala khwabo.”
\p
\v 70 Ne Petero kekaana. Ni abitirewo esikha sitono, abali nibemire erwaanyi bawoola Petero lundi baati, “Masima oli mulala khubo, olwokhuba oli Mugaliraaya.”
\p
\v 71 Naye Petero kachaaka okhwewaaba no’khwelayira ati, “Simanyire mutu ono yimulomalomakho.”
\p
\v 72 Wangu wene engokho yakholyookha ekhabi eryo’khubiri. Manu Petero kakhewulira emboosi Yesu yikali namuwooye ati; “Engokho yinaabe yitakholyookha amakhabi kabiri, onabe wunekaanire amakhabi kadatu.” Kawamo amaani katundukha okhulira.
\c 15
\s Yesu Mu moni Cha Piraato
\p
\v 1 Echuli mu mawiiwi, khawona bakhulutu, alala nende abatangirisi be bikha, abasomesa ba malako nende abolukhiikho boosi, boola okhufukirisaniya. Bemawo badiira Yesu, bamutangisa bamuyira eyiri Pirato.
\v 2 Pirato kateeba Yesu ati; “Ewe niiwe Omwen’engo wa Bayudaaya?” Naye Yesu kamukowolamo ati, “Nga luwooye, nje siri.”
\v 3 Manu ba khawona bakhulutu ba’mufunaana ebitu bingi.
\v 4 Khandi Pirato kateeba Yesu ati, “Ewe owumakho emboosi yoosi yukowolamo? Wonakho emisango nga luchiri mingi chibali okhukhutaakho.”
\v 5 Naye Yesu khaba sikakowolamo emboosi yoosi, manu Pirato kawuka lukali lweene.
\p
\v 6 Ni nga luyali enkhola khu ludaalo lwa Pasaka okhulekhula omuwowe abatu yibali nibadakhire.
\v 7 Omusaacha olangiwa Balaba kali mu jeera alala nende abajeemu abali khu musango kwo khwiita.
\v 8 Esidiikha syecha eyiri Pirato nibamusaba abakholere nga lukali nabakholeranga.
\v 9 Ne Pirato amala ateeba ati, “Mudakha mbalekhulire Omwen’engo wa Bayudaaya?”
\v 10 Khulwokhuba kali amanyire ati abakhulutu ba bakhawona bamudiisya Yesu nga bema khu khiinda.
\v 11 Naye bakhabona bakhulutu beecha basekeya abatu nga badakha Pirato abalekhulire Balaba mu sifwo sya Yesu.
\v 12 Pirato kemawo kabateeba ati, “Naye nkhole ntye, omusaacha ono yimulanga muuti Omwen’engo wa Bayudaaya?”
\p
\v 13 Naye abatu boosi bakhumulira amukulu baati, “Mukhomerere!”
\p
\v 14 Pirato kabateeba ati, “Lwasiina? Musango siina kwakholire?” Naye bacha mumoni no’khukhumulira amukulu wene baati, “Mukhomerere!”
\v 15 Ne olwokhudakha okhusangaasa esidiikha, Pirato kabalekhulira Balaba. Ne nibamala okhutoocha Yesu, kamubadiisya bache bamukhomerere.
\s Abasirikale Bakhomoola Yesu.
\p
\v 16 Abasirikale babirikisa Yesu bamuyira mu lubiri olwamanyiwa nga (praetorimu) ne bamala balaanga esikaanda sya basirikale bosi boosi.
\v 17 Bamwambasa enguwo yerangi nga esimuli sye fwafwa, khandi balukha esitwetwe sya mawa basimutwiikha nga engule.
\v 18 Ne bachaaka okhumukhoolocha yaali bati, “Wekhoye, Omwene’ngo wa Bayudaaya!”
\v 19 Nawuli sikha bali bakowocholamo ni bamukhubba khu mutwe ne’ndawukhi ni’bamufuchakho amate. Bamwinamira, nibamubbaaka.
\v 20 Nibamalire okhumukhomoola, bamutusamo enguwo yibali bamwambasise bamukoowosera echali chaye chene. Ne bamala bamutangisa okhumuyira okhumukhomerera. Okhuhomererwa
\p
\v 21 Omusaacha wundi owali natula e Sayirine, Simoni, simwana wa Alexanda nende Rufasi, kali nabitawo natula mu syalo, ono bamuyiinga okhukiinga omusalabba.
\v 22 Baleeta Yesu mu sifwo sibalanga Gologosa (esyeekesa esifwo sye siyanga).
\v 23 Manu bamuweresa omwenge kubali nibateyemo esyo’khunywa sibalanga baati mira, ne khaba sikakunywa.
\v 24 Ne bamukhomerera. Ne ni bamala bakhubba akhalulu okhuwona nanu anayire enguwo chaye.
\p
\v 25 Yali esawa yo’khudatu nibamukhomera.
\v 26 Esiwandiiko esyekesa omusango kwaye syasoma siiti: OMWENE’NGO WA BAYUDAAYA.
\v 27 Bakhomerera abanyakka babiri alala naye, mulala khu mukhono mu’lungi, owundi khu mukhono mukooda.
\v 28 Aawo esyawandiikiwa nisyolerera, esiwola siiti, “Nabaliwa allala nende abakholi bebibi.”
\v 29 Abaliingi nibabitawo bamukhomoolanga nibateenganiya emitwe chaawe nibawoola baati, “Kho! ewe ocha okhukwiisa enyumba ya’Weere omale oyombakhe mu ndaalo chidatu,
\v 30 manu yiikha okhutula khu musalabba wewoniye omwene!”
\p
\v 31 Nasirala abakhulutu ba bakhawona bakhulutu nende abasomesa ba malako bamukhomoola mu bene na beene. Nibawoola baati, “Kawoniyanga abandi, ne syanyala okhwewoniya omwene!
\v 32 Wunaanu Kurisito ono, Omwene’ngo wa Yisirayiri, yiikha okhutula khu musalabba, kho khuwone khu khufukirire.” Nende abo bakakhomererwa nabo bamukuchikhakho amanyeko.
\s Okhufwa Khwa Yesu.
\p
\v 33 Mu saawa yo’mukaaga esiirema syadiira esyalo syosi syoosi okhwolera elala esawa mwenda.
\v 34 Ne khusawa yo’mwenda Yesu kalira mukkono lya amukulu ati, “Eloi, Eloi, lama sabachthani?”_ esyekesa siiti, “Weere wange, Weere wange, lwa siina wunyanjukhire?”
\p
\v 35 Abandi khu bali nibemire ambi nibawulira, bawoola baati, “Wulira, ali okhulanga Eriya.”
\p
\v 36 Omusaacha mulala, kerukha, kenikha esyangu syechula omwenge kubalanga viniga, kakuta khu lusala kayeresa Yesu okhunywa. Ne omusaacha oyo awoola ati, “Wunaanu mumulekhe yenηηene. Manu khuwoone Eriya naneche kamwiisa assi.”
\v 37 Nalira mu kkono lya amukulu, Yesu kayeera omuya kwaye okwakamayo.
\v 38 Olutimbe lwa enyumba ya Weere lweyatamo khabiri okhutula amukulu okhwoola assi.
\p
\v 39 Ne omusirikale, wo’musikanda sye mya owali nikemire mu moni wa Yesu, nikawulira okhulira khwaye kawona nga lukafwa kawoola ati, “Mu masima omusaacha ono abeye mwana wa Weere!”
\v 40 Aliwo abakhasi abali nibawona bino, nibemire akhanaayiro. Mwabo nje omwali Malyamu Mangudaleni, Malyamu nηηina wa Yakobo omuwere nende owa Yosesi, nende Salome.
\v 41 Mu Galiraaya abakhasi bano bali bamulondangakho okhukhola khu byetaago byaye. Abakhasi bandi bangi abali nibechire naye e Yerusalemi boosi bali awo. 
\s Okhusiikhiwa Khwa Yesu.
\p
\v 42 Lwali ludaalo lwokhwetekekherakho (nilwo olwali oludaalo kho sabbiti yimale yoole) Ne engolobe niyoola,
\v 43 Yosefu ewe Erimaseya, mulala khubakhulutu bolukhiikho, owali omwene nalindirira okhwiicha khwo’Wene’ngo wa Weere, kacha nga syatya eyiri Pirato kasaba omulambo Kwa Yesu.
\v 44 Pirato kesiindukha okhuwulira ati kali amalire okhufwa. Kemawo kalanga omusirikale we’sikanda sye mya, kamuteeba Yesu nikali amalire okhufwa.
\v 45 Nikamala okhuwulira emboosi cho musirikale we bikaanda bye’mya, ati syali sityo, kayeresa Yosefu omulambo.
\v 46 Manu Yosefu kakula enguwo ya liiri, keesa assi omubiri, kakuwowa mu nguwo ya liiri, kakuta mu ηηani eyabaachiwa mu lwanda. Kamala kasiindikha ekina kalita khu mulyango okweηηani.
\v 47 Malyamu Mangudaleni nende Malyamu ηηina Yosesi bawona
\c 16
\s Okhusyukhira.
\p
\v 1 Olwa Sabbiiti niluweye, Malyamu Mangudaleni, Malyamu nηηina Yakobo nende Solome bakula amafuta akawunya wulayi akokhubakha omulambo kwa Yesu.
\v 2 Echuli wene khu ludaalo lutangira mu juma, eryuba kho lyakhatula, bali khu lukendo nibacha khu nηηani.
\v 3 Ne batebana baati, “Naanu onasindikhe ekina okhutula khu mulyango kwe nηηani?”
\v 4 Ne nibewunjayo, bawona nga ekina, eryali ekhongo lukali lwene, bali balisindikhire entulo.
\p
\v 5 Nibengira mu nηηani, bawona omusyani musimbukha nikambaaye enguwo e'ndafu nikekhaye khu mukhono mu'lungi, batya lukali.
\v 6 Kabawoola ati; “Mutatya.” “Muli okhukoonya Yesu omunasalesi, owakhomererwa. Asyukhiye! Khaba syaali ano. Muwone esifwo abali nibamukoniisye.
\v 7 Naye muche, mwekese abeeki baye nende Petero. ‘Abatangiriye acha mu Galiraaya. Munamuwone, eyo nga lukabawoolera.’”
\v 8 Nibatengerekha khandi nga bakwiiye eηaηηa, abakhasi berukha okhutula khu nηηani. Sibawoolerakho omutu yeesi, olwokhuba bali batiiye. 
\f + \ft Ebiwandiiko byesikikha ebyasookha no'wujjulisi wundi owukhale biwuma mu Maako 16:9-20 \f*
\p
\v 9 Yesu nikasyukhira mu nηηani khuludaalo lwa mberi olwe’juma, kasookha okhuwonekhera Malyamu Mangudalene, yikali nikerusyamo ba dayimoni musanfu.
\v 10 Kacha kawoolera abo abaliingi naye abali ni’balira nibamoosa amasika.
\v 11 Nibawulira baati Yesu mulamu khandi nga kali amuweene, khaba sibafukiirira.
\v 12 Olunyuma Yesu kabawonekhera nibali bombi nali mu nfani yiindi nibali nibakenda mu syalo. 
\v 13 Bano bakowola bekesa abasyawe; naye bosi khaba sibafukiirira.
\v 14 Olunyuma Yesu kawonekha eyiri ekhumi namulala nibali nibalya; kaboolobya lukali olwowutaba nenfukiirira alala nokhuba ne’myoyo myomeranu olwokhuba bali bakhayire okhufukiirira emboosi chabo abali nibamuweene namalire okhusyukhira.
\p
\v 15 Manu kabawoola ati, “Muche mu syalo syoosi mu wuulire emboosi ndayi eyiri ebilonge byoosi.
\v 16 Oyo ofukiirira, khandi kabatiisiwa acha okhuwonesewa, naye oyo otafukiirira omusango kulimukhira.
\v 17 Manu wuno nje owuwonero owucha okhuba nende abo abafukirira: mu liita lyange mucha okhwiirusyanga emisambwa; okhulomaloma enimi mbyakha;
\v 18 Bacha okhudiiranga enjokha nende amakhono kawe; khandi nende nibananywenge owusiba wa maani, siwucha okhubakhola wubi; bacha okhutanga amakhono kawe khubatu balwaaye, ni bawona.”
\p
\v 19 Ne Omwami Yesu nikamala okhulomaloma nabo, kayirwa mukulu manu kekhala khu mukhono mu'lungi okwa Weere.
\v 20 Manu abeeki baye bacha bawuulira emboosi ndayi wosi woosi ne Omwami kali nakholera alala nabo nga komiisa emboosi yaye nende owuwonero