\id JUD
\ide UTF-8
\h YUDA
\toc1 YUDA
\toc2 YUDA
\toc3 jud
\mt YUDA
\c 1
\p
\v 1 Yuda, omukhosi wa Yesu Kurisito khandi mwanaηηina Yakobo, Eyiri abo abalangiwa, abadakhiwa nende Weere Bbaabbaa khandi abalindiwa Yesu Kurisito:
\v 2 Esisa, emirembe nende okhudakha bibe byenywe mu wungi. Esibi Nende Engisa Eya Batamanyire Weere.
\p
\v 3 Abeecha abakoosi, anakhaba mbo nali nende amawofu makali okhubawandiikira ebidiira khu wuwoniya wukhukabana, nabaasa nti nakhabawandikiiye ni mbakhubirisa okhwomiirira khu masima akali akaboosi abeesikwa abolerefu.
\v 4 Khu baatu abandi ebikholimo bi byawandiikiwakho khale wene babengiiyemo babekhalamo mu wekisi. Abatatya Weere, abakalukhaniya esisa sya Weere wefwe okhuba owudaamba khandi bekaana Yesu Kurisito Omwami wefwe mulala yeηene.
\p
\v 5 Amwakhaba mbo mumanyire bino byosi byoosi, ndakha okhubechulisa nti Omwami katusa abaatu baye mu Misiri, ne lunyuma amala asikhirisa abo abatamufukiirira.
\v 6 Khandi ba malayika abataliinda ebifwo byawe ebyo’wunyala naye baalekha edaala lyawe lyene__ bano kabaliindira erwanyi musiirema, nibawoyirwe nende enjegere echitakama khu lwokhukhengerwa omusango khu ludaalo olukhongo.
\v 7 Mu mbya nasirala, Sodoma nende Gomola nende ebiko ebye’wodokhanisiye byewaayo ebyene eyiri ebikholwa ebyo’wudaamba nende esifwaabi. Bakhola nga esyo’khuwonerakho esyaabo abasanda esiwonereso esy’omuliro okutasima.
\v 8 Mu mbya nasirala yene, abalooti bano banyaasa emibiri chaawe chene, bekaana owunyala baba khu baatu ababi.
\p
\v 9 Atta nende malayika mukhuluutu Mikayiri, nikali nayingana nende setani khu lwo’mubiri kwa Musa, sikakesakho okhumutakho omusango okwo’wubacha, naye kawoola ati, “Omwami akhukhamukhire!”
\v 10 Atte nga abaatu bano balomaloma ebinyekya khwibyo bibatamanyire; ne khwibyo bibamanyire wulayi weene, nga ebisolo ebitateesa__ ebyene bino nje ebiitu ebibanyaasa.
\p
\v 11 Chibawukaanire abo! Bayirire engira ya Kayini; beyunire okhufuna amagoba mu mbya eche’ndaalo cha Bbalamu; Banyasiwa mu wujeemu wa Koola.
\v 12 Abaatu bano bamaliyisa khu miyumo chenywe chimudakha, balya nanywe awuma khwegenderesa syoosi__ abaayi aberiisa abeene. Bireesi bitasimo enfula, ebifutiwa nende embuunga; emisaala echetoocho, echiwumakho ebyamo nibachikhuula__ chifwiirawo.
\v 13 Bali nge’fiinda eyamaani eyibira munsoni chawe; eηiniηini echakoyaana, esirema sikhira owukali syababiikhirwa emireembe choosi.
\p
\v 14 Enoka, owo’musanfu okhutula khu Adamu, kalakula khu baatu bano atti: “Wona, Omwami kecha nende elifu ne’lifu echa’bolerefu baye
\v 15 okhukhengera nawuli syamulala, khandi okhuwaabira boosi abatadakha Weere khu biitu bitali byo’wa Weere bibakholire mu wutadakha Weere, nende emboosi enjoki chi batadakha Weere chi bamulomalomirekho.
\v 16 Abaatu bano beηuluηunya khandi bakonya ebisobyo; balondakirira owubi wawe weene; bepaakha abeene khandi babbaka abandi khulwo’wulayi wawe abene.
\s Omulaanga Mukhwesimiirisa.
\p
\v 17 Naye, abeecha abakoosi, mwichulise bi batume b’Omwami wefwe Yesu Kurisito bi bawoola khale.
\v 18 Babawoolera baati, “Mu bikha ebisembayo alibaawo abakhomoosi abalirondakirira okhudakha khwawe okhutaasi khwa Weere.”
\v 19 Bano nje abaatu ababakawukhaniya, abalondakirira eby’esyalo khandi abawuma omwooyo.
\p
\v 20 Naye enywe, abeecha abakoosi, mweyombakhe abeene mu nfukiirira eyowolerefu khandi mwekalikhire mu mwoyo omwolerefu.
\v 21 Mweriinde mu khudakha khwa Weere nga nimulindirira esisa syO’mwami wefwe Yesu Kurisito okhubaleeta muwulamu owutakama.
\p
\v 22 Mube ab’esisa eyiri abo abakanakana;
\v 23 musikhule abandi okhutula mu muliro mubawoniye; eyiri abandi mwekese esisa, esikhubbaniyemo n’owuti__ nga mukhaya lukali enguwo echirimo amabbondo ko’wulichaki. Emalirisa yo’khukumiya
\p
\v 24 Eyiri oyo onyala kabalinda owutakwa khandi kabata eyiri oluyaali lwaye owuma esisobyo nende omwekhoyo omukali__
\v 25 eyiri Weere yeηene omuwoniya weefwe abe no’luyaali, okhukiniya, amaani nende owunyala, okhubitira mu Yesu Kurisito Omwami weefwe, endaalo choosi, nichitabawo wunanu nende emirembe ne’mirembe! Amiina.