\id 2PE
\ide UTF-8
\h 2 PETERO
\toc1 2 PETERO
\toc2 2 PETERO
\toc3 2pe
\mt 2 PETERO
\c 1
\p
\v 1 Simooni Petero, omukhosi khandi omutume wa Yesu Kurisito. Eyiri abo okhubitira mu wulungifu wa Weere wefwe nende omuwoniya Yesu Kurisito abafunire enfukiirira ey’ebbeyi ngali ng’eyefwe:
\v 2 Esisa nende emirembe bibe byenywe mu wungi okhubitira mu makesi ka Weere nende aka Yesu Omwami weefwe. Okhukhola Okhulangiwa No’khudoola khw’aweene
\p
\v 3 Amaani kaye amalayi katuweeye byosi byoosi bikhudakha khu lwo’wulamu nende owa Weere okhubitira mu makesi kefwe kakatulangiramo mu luyaali lwaye lweene nende owulayi.
\v 4 Okhubitira mu sino atuweeye ebisuubiso byaye ebya’maani khandi ebye’bbeyi engali, kho sibe mbo okhubibitiramo munyale okhukhola mu wulayi kho muwone owubi mu syalo owuletewa nende owekombi wubi.
\p
\v 5 Olwemboosi yino yeene, mukhole lukali lweene okhumeeda khunfukiirira yenywe owulayi; khandi khu wulayi; amakesi;
\v 6 khandi khu makesi, okhwefuka abeene, khandi khu khwefuka abeene, okhwesimiirisa; khandi khu khwesimiirisa, owa Weere;
\v 7 khandi khu wa Weere, esisa esyowulala; khandi khu sisa esyowulala, okhudakha.
\v 8 Olwokhuba nimuba nende ebiitu bino ebikhoyera mu wuungi, bicha okhubaliinda okhutula khu wutoseresa khandi owutakhulakhulaniya mu khumanya khwenywe khu mwami Yesu Kurisito.
\v 9 Naye omutu yeesi nabiwuma, aba awona ayembikiti khandi omuwofu, khandi aba kebiriiye ati amalire okhulafuyisiwa okhutula mu bibi byaye ebyabita.
\v 10 Nolwesyo, baana beefwe, mube mweesi abetekefu okhukhola okhulangiwa khwenywe nende okhudolewa khw’aweeene okhungi. Olwokhuba nimukhola ebiitu bino, simulikwa ata,
\v 11 khandi mulifuna okhusangalirwa okhukali mu wene’ngo owutakama owo’mwami wefwe khandi omuwoniya Yesu Kurisito. Owu nabbi khu lw’ebyawandiikiwa
\p
\v 12 Manu nja okhubakhewulisaanga nawuli wukhya khu biitu bino, amwakhaba nimubimanyire khandi nga mwabyomiiriramo mu masima kamuli nako wunanu.
\v 13 Mbaasa sirayi okhukowosa okhukhewulisa khwenywe ni nsiriwo mu weema ey’omubiri kuno,
\v 14 olwokhuba manyire nti ndatere nasita awuleka, nga omwami wefwe Yesu Kurisito lwansinjekesiise mu wakhaafu.
\v 15 Khandi ndaakesekho nga lusinyalikha okhuwona nti nimalire okhuwaawo munanyaleenge okhwichulisa ebiitu bino.
\p
\v 16 Sikhwalonda nende amakesi engano echakholewa nga nikhwabawoolera ebidiira khu maani nende okhwiicha khwo’mwami Yesu Kurisito, naye khwali abajjulisi abawona ne’moni cheefwe khu luyaali lwaye.
\v 17 Olwokhuba kafuna oluyaali nende okhukinisiwa okhutula eyiri Weere Bbaabbaa ekono niryatula mu maani ko’luyaali, liiti, “Ono nje omwana wange, yindakha; yinsangaalira wulayi weene.”
\v 18 Efwe abeene khwawulira ekono lino eryatula mwikulu nikhwali naye khu lugulu olwolerefu.
\v 19 Khandi khwawulira emboosi eyabanabbi ni yemeeda okhukhakhasiwa, khandi mulikhola wulayi ni muliyitakho omwooyo, nga owulafu niwadukha mu siirema, okhwoosa lu wanuukha echuli ensulwe yakheenga mu myooyo chenywe.
\v 20 Amukulu wa byoosi, mutekwa okhumanya muuti yiwuma owunabbi khu lw’ebyawandiikiwa okhwechawo wusa nende okhutafuta okhw’omunabbi omwene.
\v 21 Olwokhuba owu nabbi siwubangakho nende ensiwukho mu khudakha okhwo’mutu, naye abaatu balomalomanga okhutula eyiri Weere nga bekhirwekho amaani nende omwoyo mwolerefu.
\c 2
\p
\v 1 Naye aliwo ba nabbi ab’owubacha boosi mu baatu, lwosi wusa nga lu walibaawo abasomesa abowubacha mwinywe. Balingisa mu syaama eby’owubacha ebinyaasa, boola nokhukhaya Omwami ow’owunyala owabakula__ nibereetakho abeene okhunyaasa okhwawangu.
\v 2 Bangi baliloonda amakira kaawe akensoni khandi balinyekesa engira eyamasima.
\v 3 Mukuliira kwawe abasomesa bano balibakhosesa wereere nibabita mungano chibetereyewo abeene. Okhukhengerwa khwaawe khumalire embaka nikhubademberakho, khandi okhunyasikha khwaawe sikhubeeye mu ndoolo.
\p
\v 4 Olwokhuba nisiba mbo Weere sikalekheramo bamalayika nibanyaasa, naye kabatuma mu khufwa, nga’bata awanyiki mu dooma ry’esireema ngabalindirira okhukhengerwa omusaango;
\v 5 nga lwatalekheramo esyalo esyakhale nga lukaleeta enfula yanamadowa khu baatu baye abataali bo’wa Weere, naye kakhingakkira Nuwa, omuwuulisi ow’owulungifu, nende abandi musanfu;
\v 6 nisiba mbo kakhengera omusaango ebiko byawe ebikhuluutu ebya Sodoma nende Gomora nga’bisamba byakwa ekokhe, khandi kabakhola okhuba ebyo’khuwonerakho ebicha okhubaawo khu baatu bataali abo’wa Weere;
\v 7 nisiba mbo kawoniya Loti, omusaacha mwolerefu, owajoηesewa nende owulamu owuchafu owabaatu abatamanyire amalako.
\v 8 (Olwokhuba omusaacha oyo omulungifu, okhubamenyamo nawuli ludaalo, kasandisiwa mu wulungifu wo’mwoyo kwaye nende ebikholwa ebikhalaka amalako manu kawona khandi kawulira) __
\v 9 sino nisiba siityo, manu omwami amanyire nga nanyala okhukhingakira abaatu ba Weere okhutula khu bidinyu nende okhudiira abataasi abalungifu khu ludaalo olwo’khukhengerakho omusaango, nibasichanakana nende esiwonereso syawe.
\v 10 Sino syamasima syene khwabo abalonda abalichaki olwebikholwa ebibi nibalekeresa owunyala. Mukhutatya nende okhwepaakha, abaatu bano sibatya okhunyaasa abaatu abalayi;
\v 11 ata nga nende ba malayika, abakhaba mbo bamaani lukali, sibaleeta okhuwaba okhwowubacha khu baatu bano mu moni ch’Omwami.
\v 12 Naye abaatu bano bafwotokheresa mu biitu bibatategeera. Bali nga ebisolo ebiwalaba, ebironge ebimanyikhanire, ebyewulwa wusa okhudiiriwa nende okhunyasiwa, khandi wusa nga ebisolo boosi balimaliwawo.
\v 13 Balisasuliwa nende owuchuuni khu lwo’wubi wubakholire. Esichiririrwa syawe nje okhukhola eby’omufuto esideete alafu. Baliwusa awo baatyo mu wuchaafu, nga beduwulya mu by’esyalo nibalya nibasangaala nanywe.
\v 14 N’emoni echichuuye owudaamba, sibaakamiya okhukhola owubi; bakhobya abataasi abagumu; balyepulyepu mu kuliira__ abakholimirwa!
\v 15 Balekhire engira engololofu badamaana okhuloonda engira ya Bbalamu omusyaani wa Bbeyoli, owadakha omusaara okwo’wutaasi owolerefu.
\v 16 Naye kolobesewa khulwebikholwa byaye ebibi nende ensukhiri__ ensolo eyiwuma okhulomaloma__ eyalomaloma nende ekono ly’omuutu lyakayira eralu lya nabbi.
\p
\v 17 Abaatu bano nje ensulo echiwumamo amaachi nende enaηoηwe eriyiriwa nende embuunga. Esiirema esikali syene syeene syabiikhiwa khulwaawe.
\v 18 Olwokhuba batusa mukhanwa emboosi ech’okhwepaakha, nga bakholera khu khwekoomba okhw’owubi okhw’omubiri, basendekeresa abaatu abali okhwirukha wusa okhutula khwabo abamenya munsobi.
\v 19 Babasuubisa edembe, ate nga bo abeene bawambe abokhusikhirira__ olwokhuba omutu aba muwambe khu syoosi esiba nisimudiiye.
\v 20 Nibaba nibawonire omufuto okw’esyalo okhubita mu Mwami weefwe khandi omuwoniya Yesu Kurisito khandi lundi basyewoyakanisyemo bakhira, baba wubi weene okhukhira nga nibali mukhuchaaka.
\v 21 Syakhababereye sirayi nibatakhamanyire engira enungifu, okhukhira okhuyimanya nibamala bayikhubba omukongo, esirayi esyabekesewa.
\v 22 Khubo engaado cha masima echiwoola chiiti: “Embwa yikowolera amalusire kaayo,” khandi, “embiichi yibookire yikowolayo okhwefulafusa mu madosi.”
\c 3
\p
\v 1 Abeecha abakoosi, yino nje ebbaruwa yange ey’okhubiri yimuli. Mbandiikire chombi nga echibechulisa nga mbakhubbirisa mu khubaasa okhwichufu.
\v 2 Ndakha mwichulise emboosi echalomalomewa enyuma era nende banabbi bolerefu n’ebilagiro ebyayeresewa nende omwami wefwe khandi omuwoniya okhubita mu batume benywe.
\p
\v 3 Okhusokhera erala, mutekwa okhutegeera muuti mu ndaalo echisembayo abachekheeresi baliicha, nibachekheerera khandi nibalonda ebyawe bibi bibadakha.
\v 4 Baliwoola baati, “Khuli yeena ‘okhwiicha’ khukasuubisa? Ala naala okhutula bakuuka yefwe nibafwa, ebiitu byoosi bichiiye wusa nga byaliingi okhutula khukhulongewa okhw’esyalo.”
\v 5 Naye bakhengawo wusa okhwibirira baati khale khu lw’emboosi ya Weere ekulu lyaliwo nende esyalo syakholewa okhutula mu maachi khandi nende amaachi.
\v 6 Nende emiichi chino choosi esyalo esyendaalo echo chakholewa khandi chanyasiwa.
\v 7 Nende emboosi yeene ekulu lya wunanu nende esyalo bi bikhiiywe omuliro, nga bibiikhirwa oludaalo olwo’khukhenga omusaango nende okhunyaasa abaatu abataasi ba Weere.
\v 8 Naye mutebirira esiitu sirala sino, abeecha abakoosi: eyiri Omwami oludaalo luli nga emyaaka elifu, khandi emyaaka elifu chiri nga oludaalo.
\v 9 Omwami syacha kaala mu khwoseresa esisuubiso syaye, nga abandi mu khutegeera okhwakaala. Abesimirisira, nga syadakha ata mulala okhufwa, naye nawuli syamulala okhwiicha eyiri okhweyolobya.
\v 10 Naye oludaalo olw’Omwami lwakheche nga omwiibi. Ekulu lirikhamyukhawo nende okhwaduulakha; ebiitu birinyasiwa nende omuliro, khandi esyalo nende nawuli bisirimo birirekhewa wusa.
\p
\v 11 Nga ebiitu byoosi byoosi lubirinyasiwa mu sambo yino, baatu ba mbya si bamuteekwa mube? Mukhoyire okhuba abalungifu khandi mu wulamu owowu Weere
\v 12 nga nimutingaala emutwe khu ludaalo lwa Weere khandi nowangu wokhwicha khwalwo. Oludaalo olwo lulireetawo okhunyaasa okhwekulu nende omuliro, naye owusambukhakho wulisambuukhira mu wubafu.
\v 13 Naye okhweriindira mu sisuubiso khutingaala emutwe khwikulu eyaakha nende esyalo esiyaakha, edaala eryo’wolerefu.
\p
\v 14 Manu siityo, abeecha abakoosi, nga nimutingaala emutwe khu sino, mukhole syoosi esinyalikha okhuba abawumakho ekoondo, abawumakho esyokhwolobesewa nende emirembe naye.
\v 15 Musimanye mu mwoyo muuti okhwesimiirisa okhw’Omwami weefwe khwekesa owuwoniya, wusa nga omwana wefwe omukoosi Paulo nikabawandiikira nende amakesi Weere kakamuwa.
\v 16 Awandiika nasirala mu mabbaruwa kaye koosi, nalomalomera mu bitu bino byoosi. Amabbaruwa kaye kalimo ebitu ebidinyu ebyokhutegeera, bi baatu abatamanyire nende abaatu abataasi balawufu na batamanyire bibasakuula, nga nibakhola ebyawandiikiwa ebindi, khu khunyaasa khwawe khweene.
\v 17 Nolwesyo, abeecha abakoosi, khasita mu manyire sino, mube moni mukhaye okhuyiriwa no’khukota khw’abaatu abatamanyire amalako mumale mukwe okhutula mu bifwo byenywe ebyomiifu.
\v 18 Naye mukhulire mu sisa nende amakesi ako’mwami khandi omuwoniya Yesu Kurisito. Yali yibe oluyaali wunanu nende endaalo choosi! Amiina.