\id 2TI
\ide UTF-8
\h 2TEMISEWO
\toc1 2TEMISEWO
\toc2 2TEMISEWO
\toc3 2ti
\mt 2TEMISEWO
\c 1
\p
\v 1 Paulo, omutume wa Kurisito Yesu olwokhudakha khwa Weere, okhwema khu khusubisa okhwowulamu nga nje okhuli mu Kurisito Yesu,
\v 2 Eyiri Temisewo, omwana wange mudakhwa: Enkhabi, Esisa ne’mirembe okhutula eyiri Weere Bbaabba nende Kurisito Yesu Omwami wefwe.
\s Okhukumisiwa Okhuba OMwesikwa
\p
\v 3 Nebasa Weere, yimberesa, nga lubakuka yange lubakholaanga, ne’bibaso byange bikwalaafu, esiro nende esideete nkhwichulisa wuli sikha mu khusaba khwange.
\v 4 Ni nichulisa amasika kawo, nekomba okhukhuwona, nkhonyale okhwichusiwa ne’sangaalo.
\v 5 Banjichulisise enfukirira yawo ya masima, eyaliwo mu ndaalo cha ngukhwawo Lusi nende mamawo Ewuniike khandi, ndi mwomiifu nti, yiri mu ewe wesi.
\p
\v 6 Khu lwe’mbosi yino nkhwichulisa okhwewuchirisa mu syoosyo syo’muliro esiwanwa sya Weere, esikhulimo okhubita mu makhono kange kanakhutakho.
\v 7 Khuba Weere sikatuwa omwoyo kwo’wuti, naye omwoyo kwa’maani, okwo’khudakha nende okwo’khwefuka fwabeene ne’nsambo.
\p
\v 8 Sakira otaswala okhujuliraanga omwami weefwe, oba okhuswala khu lwange omuwoye waye. Naye ne’yambaniyekho mu nsando olwe’njiri, olwa’maani ka Weere,
\v 9 owatuwoniya efwe khandi katulanga mu wulamu wolerefu__ si khulwe’siitu syoosi sikhwakhola ne khulwo khudakha khwaye khandi ne’sisa. Esisa sino syatuweresewa mu Kurisito Yesu nebikha ebyo nibitola,
\v 10 ne wunanu syakhawikhuliwa okhubitira mu khuwonekha khwo’muwoniya weefwe, Kurisito Yesu, owasikhirisa okhufwa khandi kaleta owulamu manu awuma okhufwa eyiri owulafu okhubitira mu njiri.
\v 11 Khandi enjiri yino nadolewa okhuba omulangirisi wayo khandi omutume khandi omusomesa.
\v 12 Sino nje esikira nimbonawona nga lundi. Ata siityo sinswala, khulwokhuba manyire yinafukiriramo, khandi nsimanyire nti anyala okhuliinda esyo si namubikhisa okhwoola khu ludaalo olwo.
\p
\v 13 Biwawulira okhutula yindi, birinde nga enjekesa yesikikha mu nfukirira, khandi no’khudakha okhuli mu Kurisito Yesu.
\v 14 Linda omusingo mulayi kubakhubikhisa muwesikwa__ kulinde no’wuyeedi wo’mwoyo mwolerefu owatumenyamo.
\p
\v 15 Osimanyire oti wuli mutu oli mu situndu sya Asiya kantulakho, no’teeyekho Fugeero nende Kerumogene.
\v 16 Kha Omwami kekese esisa khu nyumba ya Onesifolo, khulwokhuba kansangasaanga nikambuluusa nga syadiirwa nsoni olwe’njegere chaange.
\v 17 Khuluwande lundi, nikali nali e Rooma, kakonya lukali yinali okhwola lukambukana.
\v 18 kha omwami anyale okhumuwa essisa okhutula khu ludaalo olwo! Omanyire wulayi wene mu ngira nyingi chikanjederamo ni khuli mu Efweeso.
\c 2
\p
\v 1 Ewe wunanu, mwana wange, ba mugumu mu sisa esiri mu Kurisito Yesu.
\v 2 Ne biitu biwakhawulira ninomaloma mu moni cha bajulisi bangi wesike abaatu besikwa abanoole bosi baba abanyala okhusomesa abandi.
\p
\v 3 Gumira ebidinyu nafwe ngo’musirikale mulayi owa Kurisito Yesu.
\v 4 Awumawo omutu okhola ngo’musirikale oweeta khu mirimo cha baatu ba wuli ludaalo__ odakha okhusangasa omudumisi waye.
\v 5 Mu nfwani nasirala, omutu yeesi nakeraana mukhwirukha, syafuna engule yo’muutu okhirire okhutusakho nga yesi kerukhire okhwema khu malako.
\v 6 Omulimi okhola na’maani njo’khoyeera okhuba wamberi okhukabana omukawo kwe’birime.
\v 7 Baasa khu binomaloma, khuba omwami alikhuwa okhumanya niwusiri mu bino byoosi.
\v 8 Khewulira Yesu Kurisito, kasingisiwa okhutula mu bafu, kewulwa mu lulyo lwa Dawudi. Yino nj’enjiri yange,
\v 9 eyiri khukira nimbonawona okhwolera erala khu khuwoyewa enjegere ngo’mukholi we’bibi. Ne’mboosi ya Weere simbowe yenjegere.
\v 10 Nolwesyo nesimirisa wuli situla khulwabangale, kho sinyalikhe bosi banyale okhuwonesewa okhuli mu Kurisito Yesu, no’luyaali lutaliwawo.
\v 11 Ano aliwo emboosi yikhoyera okhwesikiwa niyiwoola yiiti: Nisiba mbo khwafwa ni naye, efwe fesi khwakhabe abalamu naye;
\q
\v 12 nikhwesimirisa, efwe fwesi khulifuka naye. Singa khumwekaana ye, Yesi acha okhutwekaana;
\q
\v 13 nikhutali abesikwa, alisikala nimwesikwa, khuba syanyala khwekaana omwene. Omukhosi Okhakhasiiwe Ni Weere.
\p
\v 14 Sikala no’bechulisa ebiitu bino. Balawule mu moni cha Weere okhunyekananga khu lwe’mboosi; siwuma mugaso, khandi sino syoηηene syonona abatekeresa.
\p
\v 15 Khola ngalusinyalikhana okhweyekesayo wamweene eyiri Weere nga mulala khubakhakhasiwa, omukhosi otadakha khuswasiwa khandi odiira birayi emboosi ya’masima.
\p
\v 16 Lekhana ne’mboosi ch’owusiru echitaasi chowa Weere, khulwokhuba abachibamo belyemeeda okhutamanya Weere.
\v 17 Ensomesa yawe yirichanakana nge’konjo lya nawakhwaku. Mwabo mulimo Kumenayo nende Fireeto,
\v 18 abaatu bakota baatula khu masima. Bawoola baati okhusyukhira khwamala okhubawo, khandi banyaasa enfukirira ya’bandi.
\v 19 Nende biba biityo, omusingi kwa Weere kusikala ni mugumu, ne’mboosi chino nga chomiisiwa: “Weere amanyire abo abaye,” khandi, “Wuli otumbula no’munwa kwaye eritta ly’Omwami atekwa okhukalukhana no’khulekha ebikholwa by’embi.”
\p
\v 20 Mu nyumba engali mubamo ebiitu sibira ebyakholewa ne Ffesa nende silifa byoηηene, naye ata ebye’mbawo n’ebyeroba; ebindi byemikholo mikhongo ne’bindi byaba bye’mikholo mitono.
\v 21 Omuutu yeesi nikenyirisa omweene okhutula mu ebyo, aba acha okhuba esibya syo’mukholo mukhongo, aba mwolerefu, owo’mugaso eyiri omukhuluutu waye khandi otekekheywe okhukhola omulimo kwoosi omulayi.
\v 22 Yirukha muwekombi wubi owa’baraga, ni mulwanirire owolerefu, enfukirira, okhudakha ne’mirembe, alala nabo abadakha abalaanga Omwami no’mwoyo mulayi.
\p
\v 23 Mutabaanga ne’situ syoosi esyo’wusiru no’khuyingana okhutaasimo amakesi, olwokhuba bino bereta okhunyekana.
\v 24 Khandi omukhosi wo’mwami syatekwa khunyekana; okhutusakho, atekwa okhuba ne’sisa eyiri abaatu boosi, onyala okhusomesa, omuutu otakhakalukhana wusa wunaanu.
\v 25 Abo abamuyinganiya atekwa okhubakeraka kaala, mu suubi ati Weere acha okhubawa okhusaba esirekhero esibata khu ngira yokhumanya ebya’masima,
\v 26 khandi ati banyala okhukowolamo ebibaaso, banyale okhwefubatula mu muteego kwa setani, owabayira okhuba abawoye kho bakhole byadakha.
\c 3
\p
\v 1 Naye manya sino: alibaawo ebidinyu mu ndaalo echikhenerekha.
\v 2 Abaatu becha okhuba abedakha abeene nabeene, abadakha erubbya, abepaakha, abewulira, abanyekani, abatawulira bewusi bawe, abatebasa bi bawaweye, abataasi bolerefu,
\v 3 abawuma okhudakha, abatasaasira, abatefuka abeene, abawalaba, abatadakha sirayi,
\v 4 abenkhwe, abayuyukhana, abefwakho abeene, abadakha ebyamasangalo okhukhira okhudakha Weere__
\v 5 badakha okhwekholakhola nga bamanyire ebya Weere nibekaana amaani kamwo. Mutabanga nende syosisyosi nabo.
\v 6 Bali nga abo abanyererekha bengira mu madaala manu bafumaalira abakhasi bakata khandi abadaamba, abasidoyererwa ne’bibi nibayiriwa nende wuli wekombi ne bibi byoosi ebitaasi nasirala,
\v 7 abo ebikha byoosi beeka, ne sibanyala okhufukiirira amasima.
\v 8 Nasirala nga Janesi nende Yambere abayiinganiya Musa, manu siityo abasaacha bano bosi bayiinganiya amasima__ abasaacha be bibaaso ebyakota abo, okhwema khu nfukirira nga luyiri, bakhayiwa.
\v 9 Ne sibalicha ale khulwokhuba, nga lusiri mu basaacha abo, owusirusiru wawe wulimanyikha eyiri wuli muutu.
\s Paulo Akhuutira Temisewo.
\p
\v 10 Ewe, nende siri siityo, manya ebyo byoosi ebitula mu khusomesa khwange, embeera cho’wulamu wange, esigendererwa syange, enfukirira, okhugumikirisa, okhudakha, okhwesimirisa,
\v 11 okhusandisiwa, engisa__ ebiitu ebyanawulingeri ebyanekholekhanakho nindi mu Antiyokiya, Yikoniyamu nende Lisitura, okhuwonawona okhwa’maani khunesimirisa, Naye Omwami kamboniya mu ebyo byoosi.
\v 12 Masima keene, wuli odakha okhuba mu bya Weere mu Kurisito Yesu alisandisiwa.
\v 13 Naye abaatu babi abakhubbakhubbaniya balicha mu wubi owukhukhirakho awo, nibabacha khandi boosi nibabachiwa.
\v 14 Ni naawe, muchanakane nende bimwekire khandi mu malire okhufukirisiwa, khulwokhuba mu manyire khu lwabo bamwekerekho,
\v 15 khandi muutyo okhutula muwudoto mwamanya ebyawandiikiwa ebyolerefu, ebikira nimuba abakesi olwo khuwonesewa okhubita mu Kurisito Yesu.
\v 16 Ebyawandiikiwa byoosi muuya kwa Weere khandi byo’mugaso mukhusomesa, no’khwolobya, mukhukololosa nende okhwekesa emeenya mu ngira engololofu,
\v 17 kho sibe nti omuutu wa Weere abe omwetekefu mwene mu wichufu okhukhola khu lwa nawuli mulimo mulayi.
\c 4
\p
\v 1 Mu moni cha Weere nende echa Kurisito Yesu, olikhengera abalamu nende abafu, khandi okhwema khukhuwonekha khwaye nende owene’ngo waye, nkhukhutira nti:
\v 2 Wuulira emboosi; ba omwetekefu mubikha nende ebikha nibiweye; kololosa, yolobya khandi okumiye__ no’khugumikirisa khukali no’khukeraka khwo’khwegenderesa.
\v 3 Khuba ebikha bicha okhwola abaatu balobe okhutekeresa ensomesa entufu. Okhutusakho, eyicha no’muyiito kwo’khudakha khwawe, bacha okhwewusakho abasomesa bangi ababawoolera bi matwi kaawe kasiiya bikadakha kawulire.
\v 4 Becha okhukalukhaniya amatwi kawe katule khu masima kakowole khu ngano.
\v 5 Ne ewe, singisa omutwe kwawo mu mbeera choosi, wesimirisire owudinyu, okhole okwo’wuwuulisi, khola emirimo choosi mu sitongole syawo.
\p
\v 6 Khuba ndi khuchukhiwa nge’syokhunywa siwewaayo, ni khandi ebikha byolire ebyange byo khuwawo.
\v 7 Nwanire okhulwana khulayi, malire embiro chaange, nindire enfukirira.
\v 8 Wunanu musyaki mulimo esyange engule yo’wulungifu, yi mwami, omulamusi Omwolerefu, yacha onkhuntwikha khu ludaalo olwo__ ne si khulwange seηηene, naye khulwabo boosi abekomba olwo’khuwonekhana khwaye. Engeraka ngo’mutu
\v 9 Khola ngalusinyalikha wiche yindi khangu,
\v 10 Eyiri Deema, khulwokhuba kali adakha esyalo sino, kanyanjukha khandi kacha e Sesolonika, Kureseni achiye e Galatiya, naye Titto kacha e Dalamatiya.
\v 11 Luka yeηηene njoli nange. Wukula Maako manu wiche naye, khulwokhuba wowuyeedi mu wuweresa wange.
\v 12 Natuma Tikiku okhucha mu Efweeso.
\v 13 Noba wicha, ndetere ekooti linali ndekhire nende Kappo, mu Tulowa, nende ebitawo, okhukhirira erala amaseero.
\p
\v 14 Alekisanda omwitanyi webyuma kankhola wubi lukali. Weere kecha okhumusasula khu bikankholire.
\v 15 Wesi okhoyire omwerinde khu sino, khuba kayinganiya lukali owubakha wefwe.
\p
\v 16 Mu khwewosakho khwange khutangira awuma owangwira, nawuli muutu kantulakho. Sino sitabaliwa khu mutwe kwawe.
\v 17 Ne Weere kema khuluwande lwange khandi kamba amaani, manu okhumbitiramo emboosi yinyale okhusalanisiwa khandi abateende boosi banyale okhuyiwulira. Awo nanyala okhuwonesewa okhutula mu munwa kwe’dalaηηi.
\v 18 Omwami alimboniya okhutula mu wuli khabi khoosi akhanjicha emutwe khandi alingowosa mirembe mu wene’ngo waye owo’mukulu. Oluyaali lube naye endaalo choosi. Amina.
\s Amakheeso Akakamayo
\p
\v 19 Kheesa Purisilla nende Akwilla ne’daala lya Onesifolo.
\v 20 Erasito kadoηηa Ekoliinso, naye nalekha Turofiimo e Milleto olwokhuba kali omulwaaye.
\v 21 Kesakho nga lunyala wole ano etoocho ni ritola. Yubbulu, Pudeni, Lino nende Kilawudiya babakhesa khandi nende abafukiirisi boosi.
\v 22 Omwami abe no mwoyo kwawo. Esisa sibe nawe.