\id 1TI
\ide UTF-8
\h 1 Temisewo
\toc1 1 Temisewo
\toc2 1 Temisewo
\toc3 1ti
\mt 1 Temisewo
\c 1
\p
\v 1 Paulo, omutume wa Kurisito Yesu okhwema khu silagiro sya Weere omuwoniya wefwe khandi owa Kurisito Yesu esuubi lyefwe,
\v 2 Eyiri Temisewo omwana wange mutufu munfukirira: Esisa, okhusasira ne’mirembe okhutula eyiri Weere sefwe khandi Kurisito Yesu Omwami wefwe.
\s Okhulawula Khudiira Khu Basomesa Bamalako Bo’wubacha
\p
\v 3 Nga lu nabakhubbirisa ni njiye mu Makedoniya, mube eyo mu Effeso munyale okhulagira abaatu bandi okhutasomesa enjiri yo’wubacha ni bachiririra
\v 4 oba okhuta esinani khu somesa engano chitalimo no’khubala enjiwulo chitakama. Chino chimeeda okhukudaniya okhukhira okhukhola omulimo kwa Weere__ okukhoyera okhutangirirwa nende enfukirira.
\v 5 Esilubirirwa sy’esilagiro sino nje okhudakha, okhutula mu mwoyo mulayi ne’mbasa ndayi ne’nfukirira ya masima.
\v 6 Abandi bakota nibutula khu bino bachukhira mu nomaloma yitalimo.
\v 7 Badakha okhuba basomesa bamalako, ne simanyire sibalomalomakho oba esyo sibekhakhasa mbo nisyo.
\p
\v 8 Khumanyire khuuti elako layi nisiba mbo omutu alikhosesa wulayi.
\v 9 Khusimanye syosi khuuti elako likholewa si khu lwa’bolerefu naye khu lwa bakhalaka amalako nende abeddiima, abatamanyire Weere na’bakholi be’bibi, abatali bolerefu nabatali ne’ddini; eyiri abo abetta basaawe oba baηηinawe, by’abeeti,
\v 10 by’abadaamba nende abomufuto, abakusa abaatu basyawe nende ababacha nende abelayirira werere_ nabakhola ebiitu bikawukhana ne’njekesa ya masima.
\v 11 Esyo sikhakhasa enjiri eyo’luyaali eya Weere we mikisa yinaweresewa muwesikwa.
\s Esisa Sy’Omwami Khu Paulo
\p
\v 12 Nebasa Kurisito Yesu Omwami wefwe, owamberesise amaani, kambasakho okhuba omwesikwa, kanyagala mu wuweresa waye.
\v 13 Nende sibe mbo nali mufwoli khandi owoniyawoniya khandi omusaacha we’myero. Nekesewa esisa khu lwokhuba nakhola mu wutamanya no’wutafukirira.
\v 14 Esisa syo’mwami weefwe syanjukhiwakho mu wungi, alala nende enfukirira no’khudakha okhuli mu Kurisito Yesu.
\p
\v 15 Ano aliwo enomaloma yamasima khandi eyikhoyera okhufukirirwa mu wichufu: Kurisito Yesu kecha mu syalo okhuwoniya abakholi be’bibi__ mwabo nise okhiramo owubi.
\v 16 Ne khu lwe’mbosi yino nekesewa esisa khu sibe mbo mwise, omubi mu babi boosi, Kurisito Yesu anyale okhubakala okhugumikirisa khwaye khutakama nge’syokhuwonerakho eyiri abo abakhabeye ni banyala okhumufukiriramo bafuna owulamu wutawawo.
\p
\v 17 Wunanu eyiri omwen’engo wo’wulamu wutawawo, otafwa, otawonekha, nga nje Weere yeηηene, akinisiwe no’luyaali endaalo choosi. Amina.
\v 18 Temisewo, mwaana wange, nkhuweresa engeraka yino okhulinda owunabbi owalomwalomwamwa khwiwe khale, sibe nti nobironda ocha okhulwaana okhulwana khulayi,
\v 19 nga wediiye khu nfukirira no’khubasa khulayi. Abandi bakaana bino manu sakira beyinikha mu maachi ne’nfukirira yawe.
\v 20 Mwabo nibo Khamenesi nende Alekesanda, banawayo eyiri setani basomesewe owutafwotokheresa.
\c 2
\p
\v 1 Ese nkhubirisa, olwo, mukhusokha, ni mboola nti, mukhwekwedda, okhusaba, no’khwebasa bikholewenge khu lwa wuli muutu__
\v 2 khu lw’abene’ngo nende abo boosi abali muwunyala, khunyale okhumenya mu mirembe khandi nga khumenya mu mbera cho wa Weere khandi no’wolerefu.
\v 3 Sino siba sirayi, khandi sisangasa Weere omuwoniya weefwe,
\v 4 odakha abaatu boosi bawonesewe khandi okhwicha eyiri ekesi erya masima.
\v 5 Khuba aliwo Weere mulala nende okhubbaniya mulala akati wa Weere na baatu, omutu Kuristo Yesu,
\v 6 ewewayo omwene nge’sirawo siwewayo olwa baatu boosi__ owujulisi waweresewa mu bikha byawo bitufu.
\v 7 Khandi khu lwa sino nadolewa okhuba omuwaanyi khandi ngo’mutume__ Ndi khuwoola amasima, sindi khubacha__ khandi omusomesa owe’nfukirira ntufu eyiri abateende.
\p
\v 8 Ndakha abaatu wuli awutu wosi woosi okhusingisa amakhono kawe molerefu mu khusaba, atali ttima oba okhuyingana.
\v 9 Khandi ndakha abakhasi bambalenge enguwo chikhoyera, echibachirakho, atali khusuka amafiri oba effessa nende enguwo eche’beyi oba echitanyalikha mu wukusi,
\v 10 ne babe nebikholwa birayi, ebikhoyera ng’abakhasi abasaba Weere.
\v 11 Omukhasi akhoyire okhuba oweka mu wuwulerefu khandi omulonga nga mwesikwa.
\v 12 Sinfukirira omukhasi okhusomesa oba okhuba no’wunyala wuba amukulu wo’musaacha; atekwa okhuba omuwulerefu.
\v 13 Khuba Adamu nje owasokha okhulongewa khu kaawa kalongewa yesi.
\v 14 Adamu sinje owabachirisiwa; nje omukhasi owabachirisiwa khandi kaba omukholi we’sibi.
\v 15 Ne abakhasi baliwonesewa okhubitira mukhwiwula abaana__ nibaba mbo bachanakanira mu nfukirira, okhudakha no’wolerefu nokhwebisya wulayi.
\c 3
\p
\v 1 Sino siba esyo’wesikwa esiwoola siiti: Ni abawo omuutu yeesi ota omwoyo kwaye okhuba omulabirisi, aba kekombire omulimo mulayi.
\v 2 Wunanu omulabirisi atekwa okhuwuma esyo’khwolobesewa, omusaacha olikho no omukhasi mulala, omwegenderesa onyala okhwerinda omwene, yi batamo oluyaali, osangalira abakeni, onyala okhusomesa,
\v 3 otewayo mu wumeesi, otali ne’myero, nga mulonga otali munyekani, otali mwekombi werubiya.
\v 4 Atekwa okhufuka edaala lyaye birayi khandi nga siba nti abaana baye bamuwa oluyaali mu ngira choosi.
\v 5 (Nisiba mbo omutu yeesi syanyala okhufuka edaala lyaye lyene, anyala atye okhulabirira ekanisa ya Weere?)
\v 6 Syakhoyire khuba omutu owakhakalukhana wusa munfukirira, khu akhaye okhwekhudumbasa ni kefumiya manu kamala kakwa mu musango kwa setani.
\v 7 Atekwa khandi okhuba ne’nsambo ndayi naberwanyi, sinyalikhe okhutakwa mu khukeranisiwa khu batali ne’sisa khandi kakwisiwa mu mutego kwa setani.
\p
\v 8 Abaddikoni, nasirala, bakhoyire okhuba abaatu ba masima babe abaatu abesikwa, abamasima, nga sibeyingisa mu by’amalwa mangi, ng’abatakoonyeresera mu nfuni yitalimo owesikwa.
\v 9 Batekwa okhwomirira mu nfukirira ya masima yi bekesewa nibali nebibaaso birayi.
\v 10 Batekwa okhukesewakho mberi; ni awuma sibanyala bateberesewakho, bafukirirwe okhukhola owuddikoni.
\v 11 Mu ngira nasirala, abakhasi baawe babe bakhasi abakhoyerwa oluyaali, si balomilomi bo’wumoonyi ni abalonga khandi abesikwa mu wuli situla.
\v 12 Omu Ddikoni atekwa okhubakho owo’mukhasi mulala khandi atekwa okhulinda abaana baye ne’daala lyaye lyoosi wulayi.
\v 13 Abo abakholire emirimo chawe wulayi baweresewa erita no’wemero wulayi mu baatu bagumisiwa mu nfukirira mu Yesu Kuristo.
\p
\v 14 Anakhaba mbo nsubira okhwicha yimuli lwangu, ndi khubawandiikira amakerako kano sibe mbo,
\v 15 nimba ni khindire, mwicha okhumanya nga baatu lubakhoyire bebisye abeene mu nyumba ya Weere, yo nje nyumba ya Weere mulamu, etakoola, ensiiro khandi omusingi okwa’masima.
\v 16 Amukulu w’ebiteewo byosi byoosi, owa Weere wakisiwa wamakana: Yee kawonekhana mu mubiri, komisiwa no’mwoyo, ba Malayika bamuwona, kawuulirwakho nab’enjiri mu byaalo, kafukirirwamo mu syalo, kayiriwa mwikulu mu luyaali.
\c 4
\p
\v 1 Omwoyo awoola mu wakhaafu ati mu ndaalo chenkherekha abandi balirekha enfukirira balonda emyoyo mibacha ne’njekesa cha ma dayimoni.
\v 2 Ensomesa yifwana yiityo yitula mu baatu bekaadiya ababacha, abebibaso byalungiwa oti fwana basambiwakho ne’paasi yibalire.
\v 3 Bakaniya abaatu okhudekhya khandi babalagira okhutalya emere yindi, yi Weere kalonga yiriwe oba yiwukuliwe no’khwebasa naabo abafukirira khandi abamanyire amasima.
\v 4 Khuba wuli Weere sikalonga sirayi, khandi awumewo syoosi esikaniwa nisiba mbo sifunirwe no’khwebasa,
\v 5 khulwokhuba, syalabisiwa ne’mboosi ya Weere no’khusaba.
\v 6 Noba mbo wekesa emboosi yino eyiri abafukiirisi, wicha okhuba okholire owuweresa wulayi owa Kurisito Yesu, abakhusiwa mu masima ke’nfukirira khandi ne’njekesa ndayi yoba niwalondakirira.
\v 7 Otedisaniyangakho khu ngano chitali cho’wa Weere, n’engano chabakhasi bakofu; ne esikhira wenase okhutya Weere.
\v 8 Khwo okhunasa omubiri khuli no’mugaso, ne ebya Weere biri no’mugaso mungi mu biitu byoosi, nga wudiira khu silakano syo’wulamu wa wunanu no’wichayo.
\v 9 Yino nomaloma yo’wesikwa eyikhoyera okhufukirirwa khwoosi mu wichufu
\v 10 (khandi khu lwa sino khukhola mu khudidikhana), khuba khuteeye esuubi lyefwe mu Weere wefwe mulamu, omuwoniya wa baatu boosi, khandi okhukhiririsa abo abafukirira.
\v 11 Lagira khandi somesa bino biitu.
\p
\v 12 Otakanya omutu yeesi kakhulekeresa mbo khuba oli muyere, ne taawo esy’okhuwonerakho mu bafukirira mu nomaloma, mu wulamu, mu khudakha, mu nfukirira no’muwulungifu.
\v 13 Okhwola lundiicha, weweyo wamweene okhusomera enjiri abaatu mu lwichuye, mu khuwuulira enjiri no’khusomesa.
\v 14 Otalekhula esiwanwa syawo, siwayeresewa okhubita mu wubakha wo’wu nnabbi omukanda kwabakofu nikwali kukhwisakho amakhono.
\v 15 Ba owesinani mu biitu bino; wewengeyo wesi weesi khu byo, kho wuli mutu otula awonenge enkhulakhulana yawo.
\p
\v 16 Wewunje lukali owulamu wawo n’ensomesa yawo nokhwekhalirisa. Bigumiremo, khulwokhuba n’osikhola, oliwoniya byombi wamwene nende abakhuwulirisa.
\c 5
\p
\v 1 Otolobyanga omuutu mukofu n’etima, ne mukololenge nga luwakhawooleye latawo. Bisyanga abaatu bayere nga bamwanaamawo,
\v 2 abakhasi bakofu nga ba maamawo, nabakhasi bayere nga bambochowo, no’mwoyo mulungifu.
\p
\v 3 Muweresenge abakhasi bafwire oluyaali abadakha owuyeedi.
\v 4 Ne omufwire naba nabaana oba abechukhulu, bano bakhoyire mukhusokha beeke okhuta eddini yawe munkhola nga batangira okhulabirira amadaala kawe khandi n’okhusasulanga abewusi bawe nende bakukayawe, khuba sino sisangasa Weere.
\v 5 Omufwire odakha owuyeedi wene khandi nga kalekhewa ayeηηene ne nga kata esuubi lyaye mu Weere khandi nga achiririra esideete ne’siro okhusaba khandi nikekweda Weere amuyeede.
\v 6 Ne omufwire obawo olwa’masangaalo mufu nende akakhaba mulamu.
\v 7 Muwerese abaatu engeraka yino, bosi kho awumewo owolobesewa.
\v 8 Ni abawo omuutu otayeeda abeekho baye, khandi okhukhirira erala eddala lyaye aba kekanire enfukirira khandi aba mubi okhukhirakho otafukirira.
\p
\v 9 Awuma mufwiire owandiikiwa mu sitawo sy’a bamufwire okhutusakho nga abisya emyaka cho’wukhulutu nkaaga, khandi kali mwesikwa khu musaacha waye,
\v 10 khandi nga kali kamanyikhana olwebikholwa birayi, ngo’khulinda abaana, ngayeeda abali no’wudakhano, nga asangalira abakeni, koosa abolerefu amakulu, nga ayeeda abali mu bidinyu, khandi nga wesinani mukhwoseresa ebirayi Weere byadakha.
\v 11 Ne eyiri abafwire basiri bayere, mutabawandiikanga khu lunyaali olwo. Khuba owekombi wawe nikhubatusa khu khwewayo khwawe eyiri Kuristo, bola badakha okhudeekha.
\v 12 Sakira bola beretakho okhukhengerwa omusango abeene, khulwokhuba baba bakhalakire osisubiso syawe syasookha.
\v 13 N’otusisekho esyo, beyingisa mu nsambo cho’khwikhala awuma sibakhola, khandi bola okhwingira mu nyumba yino bacha mu yindi. Khandi sikhuwuma sibakhola khwoηηene.
\v 14 Naye becha baba bamoonyi khandi abayerembukhana, nga bawoola ebiitu bibatakhawooye Sakira ngeraka abafwire bayere badeekhenge bafune abaana banyale okhuliinda amadaala kawe awumewo okhuwa omusuku okhulomaloma ebiwumawo.
\v 15 Mu masima kene abandi bamalire okhukalukhanira setani.
\p
\v 16 Ni abawo omukhasi yeesi owafukirira nali nabafwire mu daala lyaye, akhoyire abayeede okhukhira ekanisa lu yinasidowererwe khu lwabo, sinyalikhe ekanisa okhuyeeda abo abataali n’owuyeedi.
\p
\v 17 Eyiri abakofu oba abakhuluutu batangirira emboosi che’kanisa birayi bakhoyera okhumeedewakho oluyaali, okhukhirakho abo abakhola emirimo echo’khuwuulira nende okhusomesa.
\v 18 Khuba esyawandikiwa siwoola siiti, “Otawowanga omunwa kw’eηηombe ndaawo niyiba niyisiriita enηηano,” khandi “Omukhosi akhoyeera omusaara kwaye.”
\p
\v 19 Otakanyanga okhuwosesa omuutu mukhulutu yeesi okhutusakho nga kulikho abajulisi babiri oba badatu.
\v 20 Abo abakhola ebibi, bolobisiwenge mu lwichuye, kho abadoηηire banyale okhulawulwa.
\p
\v 21 Mbakhutira, mu moni cha Weere, khandi Kuristo Yesu nende ba Malayika bangale, okhwoseresa ensomesa yino atali khulekhayo, khandi nga mukhola awuma okhwekhubbira.
\p
\v 22 Mutanguyirisanga okhuta khu baatu amakhono khandi muteyingisanga mu bibi bya bandi. Werinde noli mwolerefu omwene.
\v 23 Lekhera awo okhunywa amaachi koηηene, ne khosesangakho amalwa matono khu’lwenda yawo khandi no’wulwaye wawo wa wuli sikha.
\v 24 Ebibi bya baatu bandi bya'lafu, byekherera okhwola mu bifwo bikhengerwamo emisango; ebibi bya bandi bibalonda emukongo.
\v 25 Mu ngira nasirala, ebikholwa birayi bya'lafu, khandi nende ebyo ebitali sibinyala khukisiwa.
\c 6
\p
\v 1 Abo boosi abali assi we’joggi yo’wuwaambe bakhoyire bamanye abakhunufu bawe bakhoyerwa oluyaali lwichufu, sinyalikhe siiti erita lwa Weere no’khusomesa khwefwe khukhaye okhuchalaasiwa.
\p
\v 2 Abo abali nababayira abafukirira batabalekeresanga olwokhuba bafukiirisi basyawe. Atali esyo, bali no’khubaweresa ata no’khukhirakhowo, khuba babafunamo ngabo babayeresa mu mirimo chawe bo bafukirira, khandi bamakhulutu yi bali. Bino nje biitu bimukhoyire musomese khandi mubakhubirise bakhole.
\s Okhudakha Erubbya
\p
\v 3 Nisiba mbo aliwo omutu yeesi osomesa ensomesa yo’wubacha nga siyifukirisaniya ne’ngeraka ey’Omwami wefwe Yesu Kurisito khandi khu nsomesa yo wa Weere,
\v 4 aba kebacha omwene khandi otamanyire syosi syoosi. Ali no’wekombi we’syalo no’khuyingana no’khunyekana khu lwe’mboosi chitulamo echiri ne’mbalikha, okhulwanakana, enomaloma yinyasa ametta, ebibaaso bibi
\v 5 nende okhuyirimbana khutawa akati wa baatu bali bengusi nebibaaso ebyatawukha, abebewakho amasima khandi babasa baati ebya weere nje engira yo’khufuna owuyiinda.
\p
\v 6 Ne owa Weere nokhwikuta wuyiinda wukali.
\v 7 Khuba awuma sikhwaleta mu syalo, khandi awumawo sikhunyala khwatusamo.
\v 8 Ne nikhuba mbo khuli ne syo’khulya nesyo’khwambala, khukhoyire khwikusiwe n’ebyo.
\v 9 Abaatu badakha okhuba bayiinda bakwa mu bikhemo nende mumitego khandi no’mubiitu bingi ebyo’wusiru nende muwekombi wunyasa wenikha abaatu mu wudinyu khandi no’khusikhirira.
\v 10 Khuba okhudakha erubya nje engira ye’bibi byoosi ebitasi nasirala. Abaatu bandi, abekomba lukali erubya, bakota batula khu nfukirira khandi befumita abeene no’khwelalikhirira khungi.
\s Paulo Akhutira Temisewo
\p
\v 11 Naye ewe, omuutu wa Weere, yirukhanga olekhane ne biitu bino byosi byoosi, olondakirire owulungifu, owa Weere, enfukirira, okhudakha, okhwesimirisa nende owulonga.
\v 12 Lwana okhulwana khulayi okhwe’nfukirira. Wediire khu wulamu wutakama wuwalangirwa niwali otumbula enfukirira yawo ndayi mu lwichuye lwa’bajulisi bangi.
\p
\v 13 Mu moni cha Weere, owa owulamu mu wuli situla, nende owa Kurisito Yesu, owali khwatumbula mu moni cha Ponsio Piraato katumbula wulayi ati,
\v 14 khukhutira okhulinda elako lino atali bbondo oba okhwolobisiwa okhwola Omwami wefwe Yesu Kurisito,
\v 15 Weere yalireeta mu bikha byaye__ Weere, ow’enkhabi khandi omutuki yenηene, omwen’engo wa Ben’engo khandi Omwami wa baami,
\v 16 oyo yeηηene otafwa khandi oli mu wulafu wutanyala khusudiwaakho, oyo omutu yeesi yatawonakho khandi yatanyala okhuwona. Oluyaali lwoosi lube naye na’maani no’wutuki endaalo choosi. Amina.
\p
\v 17 Lagira abayiinda abali mu syalo sye bikha bino okhutaba namalala khandi batata esuubi lyawe muyinda, wutali womiifu, ne bate ensuubi lyawe mu Weere, otubbibira wuli sikhudakha khandi sikhwesangasiramo.
\v 18 Balagire bakhole owulayi, okhuba abayiinda mu bikholwa birayi, nende okhuba abakabi khandi nga bafukiirira mu khukabana.
\v 19 Mu ngira yino becha okhuba nga beyaliye owuyiinda abeene owutaliwa ngo’musingi mugumu olwe’bikha bichayo, kho banyale okhudiira no’khukumiya owulamu weene owa masima.
\p
\v 20 Temisewo, liinda ebyo bibakhuwa okhulinda. Lekhana n’embakha chitali cha Weere ne’bibaso byamayingani abaatu bi balanga okhuba makesi,
\v 21 ako abandi kabaatula ne mu khukhola baatyo batula mu nfukirira. Esisa sibe ni nawe.