\id 1TH
\ide UTF-8
\h 1 ABASESSALONIIKA
\toc1 1 ABASESSALONIIKA
\toc2 1 ABASESSALONIIKA
\toc3 1th
\mt 1 ABASESSALONIIKA
\c 1
\p
\v 1 Paulo, Siira nende Temisewo, Eyiri Ekanisa mu ba Sessaloniika mu Weere sefwe khandi Omwami Yesu Kurisito: Emirembe ne’sisa sibe nanywe.
\s Okhwebasa Khwe’Nfukirira ya Basesolonika.
\p
\v 2 Khwebasanga Weere wuli wukhya khu lwenywe mweesi, nikhubatumbula mu khusaba khwefwe.
\v 3 Khwichulisanga emirimo chenywe mu moni cha Weere khandi Bbaabba chimukhola munfukirira, okhudidikhana khwenywe nikhutangiriywe okhudakha, no’khwesimirisa khwenywe okhutangiriywe ne’suubi mu mwami wefwe Yesu Kurisito.
\v 4 Khuba efwe khumanyire, baana befwe abadakhiwa nende Weere, khuuti kabangala,
\v 5 khulwokhuba enjiri yeffwe yecha yimuli simuwangu khu lwe mboosi, ne khulwa’maani, no’mwoyo mwolerefu khandi no’womifu wo’khukhakhasa. Mumanyire engeri yikhwamenyamo nanywe khulwenywe.
\v 6 Mwecha mwatwekeraniyakho efwe nende khu’Mwami; nende aliyo okhusanda khukali, mwasangalira owuweresa musangalo limwaweresewa no’mwoyo mwolerefu.
\v 7 Sakira mwaba esyo’khuwonerakho eyiri abafukirira boosi mu Makedoniya nende mu Akayiya.
\v 8 Owubakha wo’mwami wa khubba eside syawulirikhana erwaanyi ni wubatulamo si mu Makedoniya nende Akayiya byoηηene_ efukirira yenywe mu Weere yimalire yamanyikhana wuli awutu woosi. Nolwesyo sikhukhoyire khulomalome esitu syoosi khu sinno,
\v 9 khuba bo abeene bekesa okhusangalirwa khwoosi khu baba nibatuwa efwe. Bawoola nga lumwakalukhanira Weere okhutula khubilongalongwe okhuweresa Weere mulamu khandi owa masima,
\v 10 khandi no’khuliinda omusyaani waye okhutula mukulu, oyo yikasingisa mu bafu__ Yesu, oyo otuwoniya efwe ettima lya Weere eriri okhwicha.
\c 2
\p
\v 1 Mumanyire, baana befwe, muuti okhukeniya khwefwe yimuli sikhwali khwa wusa.
\v 2 Mukhusokha khwasanda khandi khwanyekewa mu Filipi, nga lumusimanyire, ne olwowuyeedi wa Weere wefwe khwenyiira khwabawoolera ebidiira khunjiri yaye nende syali mbo aliwo okhuyinganisiwa okhwa’maani.
\v 3 Khuba okhwekweeda khukhukhola sikhutula munsobi oba mu bibaaso bibi, oba sikhuli khukesakho okhubatekera.
\v 4 Khulubeka lundi, khulomaloma nga baatu Weere bakamala okhukhakhasa mu wuweresa we’njiri. Sikhuli okhukesangakho okhusangasa abaatu naye Weere, okera emyoyo chefwe.
\v 5 Enywe mu manyire muuti sikhwakhosesa owunyoomi, oba khwambala ebiryembuli okhukisa omuluulu__ Weere nje omujulisi.
\v 6 Sikhwali nikhukonya okhufumisiwa okhutula mu baatu, ata okhutula mwinywe oba omutu wundi yeesi. Nga batume ba Kurisito khwakhabeye omukuku yimuli,
\v 7 ne efwe khwali balonga mwinywe, nga maama lukakhalinda abaana baye badoto.
\v 8 Khwabadakha lukali lwene nesangaalo khwaloba okhukabana nanywe si khunjiri ya Weere yoηηene no’wulamu wefwe wosi, khulwokhuba mwali mufukhire abadakhwa yikhuli.
\v 9 Mu masima mwichulisa, baana befwe, okhudidikhana khweffwe nebidinyu bikhwabitamo; khwakhola esiro ne’siddete olwokhutadakha khube omukuku eyiri omutu yesi yeesi nikhwali khuwuulira enjiri ya Weere yimuli.
\v 10 Muli bajulisi, khandi Weere yesi, nga lu khwali bolerefu, abalungifu khandi abatolobisiwa nikhwali nanywe enywe abafukirira.
\v 11 Khuba enywe mumanyire muuti khwakholagana nende nawuli mulala khwinywe nga Bbaabba lwakholagana nabaana baye beene,
\v 12 nga khubakumyanga, nga khubakhubbirisa no’khubasaba okhuba no’wulamu owukhoyera mu Weere, obalanga okhucha mu wene’ngo waye khandi no’luyaali.
\p
\v 13 Khandi khwebasa Weere owutalekhera khulwokhuba, nimwali nimufuna emboosi ya Weere, yimwawulira okhutula yikhuli, mwayifukirira si nge’mboosi ya’baatu, ne nga lu yiri mu wutufu nga yiri, emboosi ya Weere, eyiri khu mulimo mwinywe abafukirira.
\v 14 Khuba enywe, baana befwe, mwaba abekeraniya khu makanisa ka Weere mu wu’Yudaaya, akali mu Kurisito Yesu: mwawonawona okhutula khu baatu be’syalo syenywe beene ebiitu nasirala amakanisa ako bikawonawona okhutula eyiri aba Yudaaya,
\v 15 abetta Omwami Yesu khandi Nabbi khandi batwirusiya khwatula erwanyi. Sibasangasa Weere khandi bawalaba eyiri abaatu boosi
\v 16 nibakhola amaani okhutukayira okhulomaloma eyiri abateende abakhanyalire okhuwonesewa. Mu ngira yinno bemeeda ni bakuchikha ebibi byawe okhwoola esikera. Ettima lya Weere libasingiriyekho munjakamo.
\s Okhwekomba Khwa Paulo Okhuwona Aba Sessaloniika.
\p
\v 17 Naye, baana befwe, nikhwakhalakiwamo okhubatulakho mu bikha bitono (muwutu, si mu bibaaso), okhwema khu khwekomba khukali khwakhola esinyalikha khubawone.
\v 18 Khuba khwadakha khwiche yimuli__ okhukhiririsa ese Paulo, nasikhola, ningowocholamo__ naye setani katukayira.
\v 19 Esyakhabeye esuubi lyefwe, esangaalo, oba engule sikhwakhabeye khucha okhufumiya mu moni chO’mwami Yesu nikecha? Si ninywe?
\v 20 Mu masima, ninywe okhwefumiya khwefwe khandi ne’sangaalo.
\c 3
\p
\v 1 Sakira nisyola efwe okhutasigumira, khwasiwona fwabeene okhwedoηηera mu Ateeni.
\v 2 Khwatuma Temisewo, omusyani wefwe khandi omukhosi wasyeffwe mu Weere olwokhuwaanya nokhulomaloma enjiri ya Kurisito, okhubawa amaani khandi no’okhubakumiya mu nfukirira yenywe,
\v 3 kho sibe mbo mutaba nokhudengana mu khukesewakho khuno khwoosi. Musimanyire wulayi muuti khwali khwatewawo khulwawe.
\v 4 Mu masima, nikhwali nanywe, khwabawoleranga khuuti khucha okhusandisiwa. Sino syakholekhana nga lukhwasilomalomanga, nga lumusimanyire.
\v 5 Khulwa sino, ninawona nti sinsinyala okhwemeeda okhusigumira, natuma ndakhe okhumanya ebifwa khunfukirira yenywe. Natya nimbasa nti mu ngira nasirala omukhemi anyala okhubakhema khandi na’maani kefwe kachira werere. Owubakha wa Temisewo owukumiya.
\p
\v 6 Ne Temisewo khu kakhecha yikhuli natula yimuli khandi naye aletire amawulire malayi akadira khu nfukirira no’khudakha khwenywe. Atuwoleye ati enywe mwadoηηa mu bibaso byenywe nimwichulisa, ne khandi mwekomba okhutuwona, nga fwesi lukhwekomba okhubawona.
\v 7 Nolwesyo, baana befwe, mukhwewunamira khweffwe khandi no’khusandisiwa khwakumisiwa khulwenywe khulwe’nfukirira yenywe.
\v 8 Khuba wunanu khuliwo, muwukhakhafu khulwo womifu wenywe mu Mwami.
\v 9 Khunyala khwebasa Weere khutye esimala khulwenywe nikhumukowosera ngabasasula esangaalo likhuli nalyo mu moni cha Weere khu lwenywe?
\v 10 Esiro nesideete khusaba no’wulonga sinyalikhe effwe okhubawona khandi n’okhubawa simuwuma munfukirira yenywe.
\p
\v 11 Wunanu Weere wefwe khandi Bbaabba omwene khandi Omwami Yesu kekule engira khunyale okhwola yimuli.
\v 12 Sinyalikhe Omwami okhubameeda okhudakha khwenywe khwemeede nikhwidikha khu wuli mulala khwinywe khandi nabandi bosi, nga okhwefwe lukhuli yimuli.
\v 13 Sinyalikhe okhubomiisa mu myoyo chenywe khandi sibe mbo muwumakho esyo’khubolobya khandi no’wolerefu mu moni cha Weere khandi seefwe omwami Yesu nikecha nabolerefu baye.
\c 4
\p
\v 1 Mukhumalirikha, baana befwe, khwabekesa nga lu munyala okhukeenda khwo’khusangasa Weere, mu masima nga lumuli okhukeenda. Wunanu khubasaba khandi khubakhubirisa mu Mwami Yesu okhukhola sino khandi no’khukhirawo.
\v 2 Khuba enywe mumanyire okhukeraka khukhwabayeresa olwo’wunyala wo’mwami Yesu.
\p
\v 3 Lwo’khudakha khwa Weere nti enywe mukhoyera okhulabisiwa: siiti okhoyera okhwekaana owudamba;
\v 4 siiti wuli mulala khwinywe mukhoyire okhweka okhufuka emibiri chenywe mungira enjolerefu khandi eyiyeresa oluyaali,
\v 5 si muwutali owekombi we’byachachi nga abesyalo, abatamanyire Weere;
\v 6 khandi baati mungira nasirala awumewo okhola esibi khu mwanaηηina oba okhosesa enkhabi khu ye. Omwaami acha okhuwoneresa abaatu khulwe’bibi bifana biityo, nga lukhwamala nokhubawolera khandi khwabalawula.
\v 7 Khuba Weere sikatulanga okhuba abaatu abatali abolerefu naye okhukendera mu ngira cho’wulamu wolerefu.
\v 8 Nolwesyo, oyo okhaya ensomesa yino syaba nakhayire omutu ne aba akhayire Weere, obaweresa omwoyo kwaye mwolerefu.
\p
\v 9 Wunanu ebidiira khu khudakha khwa bafukiirira sibikhoyera khwa bibawandikira, khuba Weere kabasomesa enywe okhudakhana mwabeene nabeene.
\v 10 Khandi mu masima kene, muli okhudakhana abeene nabeene okhutulira erala mu Makedonia. Ne khusibakhubirisa, baana befwe, musikhole okhukhiririsakho awo.
\v 11 Mukhole sibe nge’sinani syenywe okhuba abawulerefu mu wulamu, okhukhola ebibadirakho khandi no’khukhola na’makhono kenywe, nga khwali khwabawolera,
\v 12 khu sibe mbo owulamu wenywe wa wuli ludaalo wuweresewe oluyaali na’berwanyi no’khutesikanga okhukholerwa no’mutu yeesi.
\s Okhwicha Khwo’Mwaami.
\p
\v 13 Baana befwe, sikhudakha mube nga batamanyire ebidiira khwabo abakona endoolo, oba mutaba abewunamira nga abaatu badoηηire, abawuma esuubi.
\v 14 Khufukirira khuuti Yesu kafwa khandi kasyukhira khulwesyo khufukirira khuuti Weere alireta Yesu na bafwa nibali mu ye.
\v 15 Okhwema khu mboosi yO’mwami omwene, khubawoolera khuuti efwe abasiri abalamu, abalekhewa okhwola khu ludaalo Omwami lwalikowolera okhutula mukulu, sikhulitangiramo mwabo abamala okhufwa.
\v 16 Khuba Omwami omwene aliikha okhutula mukulu, ne’siragiro sya’mukulu, ne’kono lya malayika mukhuluutu khandi neturumbete liranga Weere, ne abo abafwira mu Yesu nje abalisookha okhusyukha.
\v 17 Esyo nisyakhawa, efwe abasiri balamu khandi nga khwalekhewa khulidiirwa alala nabo mu bireesi khwakanana nende omwami mu bbanga. Manu khuutyo khuliba nende Omwami endaalo echitaliwawo.
\v 18 Nolwesyo mukumisyaniye ne’mboosi chino.
\c 5
\p
\v 1 Wunanu, baana befwe, ebye’bikha nende endaalo sikhukhoyire no’khubawandikira enywe,
\v 2 khuba mumanyire wulayi wene muuti khu ludaalo lwo’Mwami aliicha ngo’mwibi mu siro.
\v 3 Abaatu nibasiwoola baati, “Edembe no’wuwunjefu,” okhusikhirisiwa khulibolakho okhwa wangu wangu, nga owuchuuni wo’khulumwa ngo’mukhasi oli neenda, khandi sibalyefubatula.
\v 4 Ne enywe, baana befwe, simuli musirema nti oludaalo olwo lubasindusise ngo’mwibi.
\v 5 Enywe mwesi mweesi muli baana bo’wulafu, khandi abaana besideete. Sikhuli baana besiro oba abesirema.
\v 6 Sakira, khutaba nga’bandi abafwa oba abakona, ne khube moni khandi abefuka abeene.
\v 7 Eyiri abo abakona, bakona esiro, nende abo abameera, bameera esiro.
\v 8 Ne khuba efwe khuli be sideete, khube aberinda abeene, khwambale enfukirira no’khudakha nga esibya esyo’khusirifu, khandi ne’suubi yo’khuwonesewa nga esibya syo’khumutwe.
\p
\v 9 Khuba Weere sikatudoola okhusanda ettima lyaye naye okhufuna okhuwonesewa okhubitira mu mwami weefwe Yesu Kurisito.
\v 10 Katufwiririra sinyalikhe efwe asyakhaba mbo khumoka oba khukona, khunyale okhuba alala naye.
\v 11 Nolwesyo mukumisaniye khandi mwombakhane, nga wusa mu masima lumuli okhukhola.
\s Endagirira Eyakamayo
\p
\v 12 Wunanu khubasaba, baana befwe, okhuweresa oluyaali abo abakhola na’maani mwinywe, abali amukulu wenywe mu mwami khandi abo ababakeraka mu byenfukirira.
\v 13 Mubadirenge birayi no’luyaali lwamukulu mukhudakha khulwo mulimo kwawe. Mumenyenge nemirembe nabasyenywe.
\p
\v 14 Khandi khubakhubbirisa, baana befwe, mulawule abo abatakhola, mu kumye abanafu muyeede abatali na’maani, mugumikirise eyiri wuli otula.
\v 15 Syolererenge mbo awume osasula owasye olwo’khumukhola wubi, ne mukesengekho okhuba abesisa eyiri syamulala.
\p
\v 16 Mubenge basangafu ebikha byosi byoosi;
\v 17 musabenge owutalekhera;
\v 18 mwebasenge mu wuli mbeera, khuba khuno njokhudakha khwa Weere yimuli okhubita mu Kurisito Yesu.
\p
\v 19 Mutasimiya omuliro kwo’mwoyo;
\v 20 mutalekeresanga banabbi.
\v 21 Mukesengekho wuli situla. Mwedirenge khu sirayi.
\v 22 Mulekhenge wuli sibi esye’ngeri choosi.
\p
\v 23 Weere mwene, Weere we’mirembe, abalabyenge wosi woosi. Omwoyo wenywe yeesi, omwoyo no’mubiri kulindiwe nikuwumakho esyo’kwolobesiwa mu bikha byo’mwaami weefwe Yesu Kurisito bikechera.
\v 24 Oyo owabalanga ye wa masima khandi n’okhukhola alisikhola.
\p
\v 25 Baana befwe, mutusabirekho.
\v 26 Mukhese abaana beefwe boosi nende okhubakwa mu birifu khwolerefu.
\v 27 Mbawa omuduunga mu liita ly’Omwami okhuba ne’bbaruwa yinno muyisomere abaana befwe boosi.
\v 28 Esisa syo mwomi wefwe Yesu Kurisito sibe ni nanywe.