\id 1CO
\ide UTF-8
\h 1 ABAKKOLINSO
\toc1 1 ABAKKOLINSO
\toc2 1 ABAKKOLINSO
\toc3 1co
\mt 1 ABAKKOLINSO
\c 1
\p
\v 1 Paulo, owalangiwa okhuba omutume wa Kurisito Yesu olwo’khudakha khwa Weere, nende nomwanawefwe Sosenesi,
\v 2 eyiri ekkanisa ya Weere mu Kkolinso, eyiri abalabisiwa mu Kurisito Yesu abalangiwa okhuba abolerefu, alala nabo abali wuli atu woosi abalaanga eriita ly’Omwami wefwe Yesu Kurisito__ Omwami wawe khandi wefwe:
\p
\v 3 Essisa ne’mirembe okhutula eyiri Weere sefwe necho’Mwami Yesu Kurisito bibe nanywe. Okhwebasa
\p
\v 4 Nebasanga Weere khu lwenywe khu lwe’ssisa syabawa mu Kurisito Yesu.
\v 5 Khuba okhubitira mu yee mwayiindira mungira choosi__ munomaloma yenywe yoosi nende mumakesi kenywe koosi_
\v 6 khulwokhuba owujjulisi wefwe owudiira khu Kurisito wakhakhasiwa mwinywe.
\v 7 No’lwesyo awuma simutali nasyo okhubitira mu sirawo syo’Mwoyo nga lumuli okhulindiriranga na’mawoofu Omwami wefwe Yesu Kurisito okhukisuliwa.
\v 8 Alibatamo amaani okhwola khu njakamo, kho munyale owutolobisiwa khu ludaalo lwo Mwami wefwe Yesu Kurisito.
\v 9 Weere, owabalanga okhuba sirala mu musyani Yesu Kurisito Omwami wefwe, mwesikwa.
\s Okhukawukhana mu Kkanisa
\p
\v 10 Mbekalikhira, baana befwe, mu liita lyo’mwami wefwe Yesu Kurisito, nti mufukirisaniyenge enywe abene nabeene sinyalikhe okhutabawo okhwawukhanamo mwinywe khandi mu’benge sitole mu bibaaso nende mu myoyo.
\v 11 Baana befwe, abandi okhutula mu nyumba ya Kulooye banjekesa baati aliwo emyeero mwinywe.
\v 12 Sintegesa nje siino: mulala khwinywe awoola ati, “Esse noonda Paulo,” owundi ati, “Esse noonda Appolo,” khandi owundi ati, “Esse noonda Kefwa,” kho no’wundi ati, “Noonda Kurisito.”
\v 13 Kurisito kakawukhanamo? Paulo kakhomererwa khu lwenywe? Mwabatiisiwa mu liita lya Paulo?
\v 14 Nebasa nti esse sinabatisa ata mulala khwinywe okhutusakho Kurisipa nende Gayasi,
\v 15 wunaanu awuma onyala kawoola ati khwabatiisiwa mu liita lyange.
\v 16 (Yee, ssesi nabatiisa enyumba ya Sutefwano; okhutuuma awo, sinichulisa ni nabatiisakho omutu wundi.)
\v 17 Khuba Kurisito sikantuma okhubatiisa, ne okhuwuuliira enjiri__ sinkhosesa emboosi cha makesi ko’wutu, sitakira omusalabba kwa Kurisito okhumaliwamo amaani kaakwo. Kurisito amakesi khandi amaani ka Weere.
\p
\v 18 Olwokhuba owubakha wo’musalabba wo'wusirusiru eyiri abo abaddima, ne khwifwe abali okhuwonessewa nje amaani ka Weere.
\v 19 Khuba syawandiikiwa siti: “Nja okhusikhirisa amakesi ka’bakesi; Okhumanya khwa’bakesi nja okhukhufufuyasa.”
\p
\v 20 Omukesi ali yeena? Omusomi ali yeena? Omuyingani we’ndaalo chinno ali yeena? Khuba sinje Weere owakhola owusiru waba makesi kesyalo?
\v 21 Khuba okhutula mu makesi ka Weere esyalo okhubita mu makesi kasyo si syamumanya, Weere kasangaala okhubitira muwusirusiru wubawuuliriramo okhuwoniya abo abafukiirira.
\v 22 Abayudaaya babanja owuwonero we’byamagero nabo Abayonaani bakonya amakesi,
\v 23 Naye efwe khuwuulira Kurisito wakhomererwa: esyekumusa Abayudaaya no’wusirusiru eyiri abateende.
\v 24 Ne eyiri abo Weere balangire, bombi Abayudaaya na Bayonaani, Kurisito maani ka Weere khandi amakesi ka Weere.
\v 25 Khuba owusirusiru wa Weere wukesi okhukhirakho amakesi ko’mutu, khandi owukata wa Weere wukhira amaani ko’mutu.
\p
\v 26 Baana befwe, mubasekho simwali nimulangiwa. Bangi khwinywe simwali bakesi okhwema khu mukero kwe’syalo; simwali abalomaloma abandi babatekeresa; nga khandi simutula khu lwiwulo lwa’maddala ko’luyaali lukali.
\v 27 Ne Weere kangala ebitu bisirusiru mu syalo okhuswasa abakesi; Weere kangala ebitu bitali na’maani mu syalo okhuswasa abamaani.
\v 28 Kangala abitu bya assi mu syalo muno nende abyabisiwamo emoni__ nende abitu ebitali_ okhutusawo ebitu abyakhabeye,
\v 29 kho sibe mbo awumewo onyala kamwepakhirakho.
\v 30 Siri mbo syali khulwaye kho mube mu Kurisito Yesu, owekholire amakesi kefwe okhutula eyiri Weere__ oyo nje, owulungifu wefwe, okhwolerera khwefwe nende okhununuliwa khwefwe.
\v 31 No’lwesyo, nga lusyawandiikiwa siiti, “Mulekhe oyo owepakha, kepakhire mu Mwami.”
\c 2
\p
\v 1 Esse nga luneecha yimuli, baana befwe, sineecha ninyala okhulomaloma birayi oba na’makesi kakhirakho nga lu nawuulira yimuli owujjulisi khu Weere.
\v 2 Nakhengawo okhutamanya esitu syosi syoosi nimenyire nanywe okhutusakho Yesu Kurisito khandi oyo owakhomererwa.
\v 3 Neecha yimuli mu wukata no’khutya, khandi nintengerekha lukali.
\v 4 Owubakha wange nende okhuwuulira khwange sikhwali namakesi khandi no’lulimi luli nemboosi chikhobya, ne chali nebikholwa bya maani ko’Mwoyo,
\v 5 kho enfukiirira yenywe yinyale okhutesiira khu makesi ko’wutu, naye khu maani ka Weere.
\s Amakesi katula khu Mwoyo.
\p
\v 6 Ata nibiba biityo, effwe khukhola, khwalomaloma owubakha owa makesi mu bakhuluutu, ne si mumakesi kabatu be ndaalo chinno, oba abatukki be ndaalo chinno, abeecha okhuwumayo.
\v 7 Khaba, khulomaloma khu makesi ka Weere ake’syaama, amakesi ako akakisiwa khandi Weere mwene ka katawo ngakatekekhera oluyaali lwefwe esyalo nisitabaawo.
\v 8 Awumawo khubatukki bo luse lunno abalumanya, khuba baba basimanya, sibakhakhomereye Omwami wo’luyaali.
\v 9 Ata biityo, nga lusyawandiikiwa siiti: “Awuma emoni yiwene, awuma okhutwi khuwuliiye, awuma ebibaaso ebingisa Weere byatekekheye abo abamudakha.” __
\p
\v 10 Ne Weere kamala okhusituwikhulirakho okhubitira mu Mwoyo. Omwoyo kwene kukonyeresa wuli situla, ata nende ebitategerekhekha bya Weere.
\v 11 Ni naanu mu batu omanyire ebibaaso byo’mutu okhutusakho syoηηene Omwoyo kwo’mutu oyo okumulimo? Mu ngira nasirala awumawo omutu yeesi omanyire ebibaaso bya Weere okhutusakho omwoyo wa Weere.
\v 12 Si khwafuna Omwoyo we’syalo ne Mwoyo otula eyiri Weere, khukhunyale okhutegeera sira Weere syatuweye wussa.
\v 13 Sinno nje si khulomaloma, si mu mboosi chikhwa’somesewa namakesi ko’wutu mu’mboosi chi khwasomesewa no’Mwoyo, nikwekesa owutuufu wo’Mwoyo mu mboosi cho’Mwoyo,
\v 14 omutu owuma Omwoyo syafukiiriranga bitu bitula mu Mwoyo wa Weere, khuba bya wusirusiru yaali, khandi syanyala kabitegeera, olwokhuba biwikhuliwa no’Mwoyo kwoηηene.
\v 15 Omutu wo’Mwoyo ali namakesi kakhengawo mu bitu byoosi, ne yee omwene syanyala kakerakirwa no’mutu yeesi:
\v 16 “Olwokhuba naanu omanyire ebibaaso byo’Mwami khwanyale okhumukerakira?” Ne’fwe khuli nende ebibaaso bya Kurisito.
\c 3
\p
\v 1 Baana befwe, sinanyala okhubalomalomera nga obo’mwoyo naye nga abe’syalo__nga abaana baddoto mu Kurisito.
\v 2 Nabawa amabeere, okhulekha ebyokhulya bigumu, khuba mwali mutoola okhubirya. Masima, musiiri ata no’khwola.
\v 3 Musiiri wusa abe’syalo. Khulwokhuba nisiba mbo asiriwo omutoolyo no’khunyekana akati wenywe, si musiiri abe’syalo? Simuli khwebisya nga abatu wusa?
\v 4 Khuba omutu nawoola ati, “Esse noonda Paulo,” no’wundi awoola ati, Esse noonda Apollo,” simuba nimuli batu wutu?
\p
\v 5 Ne wunaanu, Apollo nje nanu, ne Paulo nje nanu? Bano boosi bakhosi wukhosi, bamwabitiramo mwamala mwafukirira__ ngo’mwami lu kabatekekhera wuli otula no’mulimo kwaye.
\v 6 Esse nataaka olumwo, Apollo kaluchukhirira amaachi, ne Weere kalukhola lwakhula.
\v 7 Manu oyo owataka oba oyo owachukhirira si situ syoosi, naye Weere yeŋene, okhola ebitu byakhula.
\v 8 Omutu ottaka nende oyo ochukhirira, baba nesigendererwa sirala, khandi wuli otula aliweresewa omukawo okhwema khu mulimo ku kakhola.
\v 9 Khuba khuli bakhosi abakholera alala nende Weere; enywe muli ndalo ya Weere, enyumba ya Weere.
\p
\v 10 Olwe’ssisa sya Weere si kamba, natawo omusingi mugumu nga omwombakhi mulyepulyepu, khandi omutu wundi ali okhukwombakhirakho. Ne nawuli mutu ali no’khuba omwegenderefu engeri yi kombakhirakho.
\v 11 Khuba awuma owundi onyala okhutawo omusingi okhutusakho kula okwatewawo, nje Yesu Kurisito.
\v 12 Niwabawo omutu owombakha khukuno musingi nga akhosesa effessa, ebichuma, amakina kebeeyi, embawo, owunyasi, amakada,
\v 13 omulimo kwaye kwicha okhweyekesa sina sikuli, khu lwokhuba Oludaalo lulikuleeta mu wulafu. Sinakisuliwe no’muliro, no’muliro kulipiima owulayi wo’mulimo kwa wuli mutu.
\v 14 Nisiba mbo bikombakhire biwona, alifuna omusaara kwaye.
\v 15 Ne nibiya byawawo, kecha okhufirwa omusaara kwaye; yee omwene kecha okhuwona, ne ngo’omutu lu kefubatula owoki wo’muliro.
\p
\v 16 Si musimanyire muuti enywe mwabeene muli nyumba ya Weere ni khandi muuti Omwoyo wa Weere abamenyamo?
\v 17 Omutu yeesi nikononanga enyumba ya Weere, Weere ali mwonona; khuba enyumba ya Weere njolerefu, ninywe enyumba eyo.
\p
\v 18 Mutebachanga mwabene. Nisiba mbo mulala khwinywe abaasa ati mukesi khu luse luno, akhoyire kekhole okhuba “Omusiru” khwanyale okhuba omukesi.
\v 19 Khuba amakesi ake’syalo sinno wusiru mu moni cha Weere. Nga lu syawandikiwa siiti: “Adiira abakesi mu wukesikesi wawe.”
\v 20 Ni khandi, “Omwami asimanyire ati ebibaso byo’mutu mukesikesi wusirusiru werere.
\p
\v 21 Manu sakira, awumewo okhwepakha khulwa’batu! Ebitu byosi byoosi byenywe,
\v 22 akakhaba Paulo oba Apollo oba Kefwa, oba esyalo oba owulamu oba okhufwa oba ebya wunanu oba obye’ndaalo chiicha__ byoosi byenywe,
\v 23 nanywe muli ba Kurisito, naye Kurisito wa Weere.
\c 4
\p
\v 1 Nolwesyo, abatu bakhoyire okhutuyira nga’bakhosi ba Kurisito khandi nga ababiikhi be byama bya Weere.
\v 2 Wunanu sikhoyera abo abayeresewa okhuba ababiikhi baba abesikwa.
\v 3 Naye ese khu lwange nsiwona nga situ sitono ni nkhengerwa nanywe oba ni nkhengerwa ne koti cha’batu; ata ese omwene, sinyala khwekhengera ese omwene.
\v 4 Mu khumanya khwange nkhwekhakhasa, ne sino si sikira nakhaya okhuba nomusango. Omwami nje owunkhengera.
\v 5 Nolwesyo mutakhenganga syoosi ebikha ni bitoola; mulinde okhwola omwami lwalichira. Alita alafu ebyo ebyali nibyekisa musirema khandi alibakala ebigendererwa bye’myoyo chenywe. Ebikha ebyo nibiryoola wuli mulala alifuna omukawo kwaye okhutula eyiri Weere.
\p
\v 6 Wunanu, baana befwe, ngeranisye bino bitu khu samwene nende Apollo olwo wulayi wenywe, khu sinyalikhe enywe mwekere khwifwe amakhulutu kemboosi chino, “Mutatuma ebyawandikiwa” Kho awumewo mwinywe omutu yeesi owicha okhukwira mulala ngakekesa okhukhiririsa owundi.
\v 7 Khuba nanu obakhola okhuba abenjawulo okhutula khu mutu yeesi? Sina syooli nasyo syotayeresewa? Ni noba ni wasifuna, oba wayeresewa lwasi wepakha okhuba nga otayeresewa?
\p
\v 8 Mbawo mwamala okhufuna, wuli simudakha! Mbawo mwamala okhuyiindiyala! Mufukhire bene’ngo__ khandi muli esyo efwe yikhutaali! Nakhekombire mube abene’ngo kho fweesi khu khunyale okhuba abene’ngo ni nanywe!
\v 9 Khuba simbonekhera yindi siiti Weere kamala okhutukhola abatume khu mudaara mu makhenerekha, nga abatu bakhengerwa okwo’khufwa mu musse. Khwatewawo nge’syokhwelolera mu syalo syoosi, eyiri ba malayika nende eyiri abatu.
\v 10 Efwe khuli basiru khu lwa Kurisito, naye enywe muli bakesi mu Kurisito! Efwe khuli abanafu, naye enywe muli bamaani! Muyeresewa oluyaali, ne efwe khulekeresewa!
\v 11 Okhwola khu bikha bikhulomalomeramo binno efwe khuwoonga enjala no’wuluwo, khuli mu bicheere, khubisiwa wubi no’khutochwa, khuwuma namadaala.
\v 12 Khukhola echo’luuya namakhono kefwe kano. Nikhulaamiwa, efwe khubasabira enkhabi; nibatubisya wubi, efwe khwesimirisa;
\v 13 ni khuwayirisiwa, efwe khukowolamo no’wuloonga. Okhwola nebikha binno khwolire okhuba nge’bikokha ebye’syalo, nge ebitu ebyasyuliwa khu syalo.
\p
\v 14 Sindi huwandika binno okhubaswasa, naye mbalawula, nga abaana bange bankhira okhudakha.
\v 15 Nende amwakhaba mbo muli nende abakeraki emitwaalo ekhumi mu Kurisito, simuli nende basenywe bangi, khu lwokhuba mu Kurisito Yesu nafuukha senywe okhubita mu njiri.
\v 16 Sakira mbakhubirisa okhunekeraniyakho.
\v 17 Khulwe mbosi yino ntuma Temisewo yimuli, omusyani wange yindakha lukali, omwesikwa lukali mu mwami. Kecha okhubakhewulisa ebidiira khu wulamu wange mu Kurisito Yesu, eyifukirisaniya nende binsomesa wuli atu mu wuli Kanisa.
\p
\v 18 Abandi khwinywe mufukhire besikhanyaali, oti fana simbeye ninja okhwicha yimuli.
\v 19 Ne nja okhwicha yimuli khangu, Omwami na nabe nakanyire, khu male niche ngonyerese si syoηηene esikira abatu banno nibalomaloma ne sikhanyaali, no’khuwona maani sina kabali nako.
\v 20 Khulwo khuba Owene’ngo wa Weere si wuli mu khulomaloma wusa naye mu maani.
\v 21 Siina simukhira okhudaha? Mudakha niche yimuli ne’ndawukhi oba mu khudakha nende omwoyo muloonga? 1
\c 5
\p
\v 1 Mu masima siwolewa siiti aliwo owudaamba mwiinywe, ata no’wutakanikha mu batu batamanyire Weere: Omutu aba no’mukhasi wa simwana.
\v 2 Khandi nomala weniniya! Si mwakhabeye no’khwesindukhakho mwaba no’wuchuuni mwawukula omutu ngo’yo mwamutusa mu wulala wenywe?
\v 3 Nende sindi nanywe awo mu mubiri, ni ndi nanywe mu mwoyo. Ne khandi malire no’khukhenga omusango khu owakhola sino, oti fana mbeyewo omwene.
\v 4 Nimuba nimwewusise alala mu liita lyo’mwami wefwe Yesu ni ndi nanywe mu mwoyo, khandi mu maani ko’mwami wefwe Yesu aba aliwo,
\v 5 Mu muweyo omutu ngono eyiri Setani, kho esikholwa sye’sibi syo’mubiri sinyale okhusikhirisiwa khandi omwoyo kunyale okhuwonesewa khu ludaalo lwo’mwami.
\p
\v 6 Okhwepakha khwenywe sikhulayi. Simumanyire muuti otumera tutono tubita mu muwuumbo kwo’wusye wubakhe muntamu yoosi?
\v 7 Mwetusekho amamera makhale mube owusye wukande wuyakha owuwumakho emmera__ amasima nga enywe lumuli. Olwokhuba Kurisito, ekhakondi khefe akhokhubitakho, khamala okhuwewayo.
\v 8 Nolwesyo mulekhe khulinde omuyumo, nikhutali ne’mmera khale, emmera lye’tiima no’wubi, naye nende omuggati okutalimo amamera, omuggati kwo’khwesikana na’masima.
\p
\v 9 Mbawandiikiye mu baruwa yange okhutakholera alala nende abatu abadaamba na’besifaabi__.
\v 10 No’khukhirisisa abatu bo’mufuto abe’syalo abadaamba, obo’muluulu, abanyaka, abe’misambwa. Mungira chifana chityo syakhabakholeye okhutula mu syalo sino.
\v 11 Naye wunanu mbawandikira mukhaye okhukholagana no’mutu yeesi oweranga mwana wenywe ne akhola owudaamba oba wo’mulalukho, owemisambwa, munyaka, oba omumeesi. Omutu ngoyo mutalyanga ata naye.
\v 12 Syamagoba sinna yiindi ninkhengera abali erwanyi we’kanisa? Simukhengera abo abali mukati?
\v 13 Weere alikhengera abo abali erwanyi. “Mwirusye omutu wembi yeesi ngoyo akati wenye.”
\c 6
\p
\v 1 Ni abangawo mulala khwinywe oli no’wutawulirisaniya no’wasye, ni abangawo emboosi syakhoyire kachiyira eyiri abolerefu mu sikha syokhuchiyirira abesyaalo?
\v 2 Simumanyire muuti abolerefu nje abalikhengera esyalo? Nisiba mbo mukhengera esyalo, mubasa muuti simunyala khukhenga otusango tutonotono?
\v 3 Sumumanyire muuti nifwe abalikhengera ba malayika? Khulikhaywa khutye okhukhengera omusango khu bitu byo mu wulamu wendaalo chino!
\v 4 Nolwesyo, ni mubanga no’wutawulirisaniya mu mbosi ngecho mudole abakhengi bemisango ata abatu batali noluyaali mu kanisa!
\v 5 Mbola bino okhubaswasa. Sinyalikhana mbo mwinywe muwumamo omukesi onyala kakeraka owutawulirisaniya akati wabafukirira?
\v 6 Okhutusakho, mulala khu boluganda acha mu malako okhuwabira owasye__ khandi sino musikhola mu moni cha batafukirira!
\p
\v 7 Esyamasima siri mbo nga lumuli ne’misango mu makooti sino syekesa siiti bibakhayiye erala. Lwasina simufukirira mwasobesewa? Lwasi simufukirira khalukhi babatana?
\v 8 Okhukhira, enywe abeene okhulichana, khandi enywe abene ninywe abatana nimukhola owubi, ni khandi nga musikhola khu bafukirira basyenywe.
\p
\v 9 Khaba simusimanyire muuti abakholi be bibi si balisikhira owene’ngo wa Weere? Mutabachiwa: ata abadaamba oba abe misambwa abasaacha badaamba oba abasaacha khu basaacha oba abakhasi khu bakhasi,
\v 10 ata abebi, ata abo muluulu, oba abameesi, oba abachalasa abasyawe, nabanyaka okhusikhira owene’ngo wa Weere.
\v 11 Khandi sino abandi khwinywe nje lumwali. Ne mwosewa, mwamala mulabisiwa mu liita lyo’mwami Yesu Kurisito khandi no’mwoyo mwolerefu okwa Weere wefwe. Owudaamba
\p
\v 12 “Wuli situ sifukirirwa yindi”__ ne wuli situla si syo’mugaso yindi. “wuli situ sifukirirwa yindi”__ ne sinja khufukiwa ne situ syoosi.
\v 13 “Ebyokhulya biriwo olwe’nda khandi enda yiriwo olwo ebyakhulya”__ ne Weere alibisikhirisa byombi. Omubiri sikuliwo olwo’wudaamba, ne khu lwo’mwami, khandi omwami aliwo olwo’mubiriri.
\v 14 Olwa’maani kaye Weere kasingisa omwami mu bafu, khandi alitusingisa fwesi.
\p
\v 15 Simumanyire muuti emibiri chenywe mirala nende Kurisito omwene? Sinanyalikhe ese okhuyira ebitundu bya Kurisito khandi mbigaate alala no’mudaamba? Esitanyalikha!
\v 16 Simumanyire muuti oyo oweyimbaaniya alala no’mudaamba aba mulala naye mu mubiri? Khuba siwolewa siiti, “Babiri bafukha omubiri mulala.”
\v 17 Ne oyo oweyimbaaniya no’mwami aba sirala naye mu mwoyo.
\p
\v 18 Mutule mu wudaamba. Ebibi bindi omutu byakhola biri erwanyi wo’mubiri kwaye, noyo okhola owudaamba konoona eyiri omubiri kwaye omwene.
\v 19 Osimanyire oti omubiri kwawo nje enyumba yo mwoyo mwolerefu, okhulimo, yiwafuna okhutula eyiri Weere? Ewe syoli khulwawo;
\v 20 mwakuliwa khu beyi khongo no’lwesyo muwerese Weere oluyaali ne’mibiri chenywe.
\c 7
\p
\v 1 Wunanu khu bitu bimwawandikakho: sirayi omutu owutadekhya.
\v 2 Ne okhwema khu sikhemo syo’wudaamba, wuli musaacha okhoyire abe no’mukhasi waye, khandi wuli mukhasi okhuba no’musaacha waye.
\v 3 Omusaacha akhoyire koserese omulimo kwaye khu mukhasi waye, siityo nasirala no’mukhasi yesi eyiri omusaacha waye.
\v 4 Omubiri kwo’mukhasi sikwaye khu lwaye yeηηene ne kwo musaacha. Mu ngira nasirala, omubiri kwo’musaacha sikwaye khulwaye yeηηene ne khu lwo’mukhasi.
\v 5 Mutemananga abeene nabeene wuli otula eyiri owasye okhutusakho nimufukirisanisye khandi olwebikha, khu munyale okhwewaayo mu khusaba. Khandi mwiche alala kho setani akhaye okhubakhema khulwokhuterinda khwe’mibiri chenywe.
\p
\v 6 Mbola sino olwe’mbulirisaniya, si khu lwe’lako.
\v 7 Nakhekombire nti wuli mutu kakhabeye ngesse. Naye wuli musaacha ali ne’siwanwa syaye okhutula eyiri Weere; mulala ali no’mukawo kuno, owuundi ali na kula.
\p
\v 8 Wunanu eyiri abatadekhya nende abakhasi bafwire mbola sino: sirayi owutadekhya, ata nga ese lundi.
\v 9 Ne nibatanyala okhwerinda abene, bakhoyire badekhe, khuba sirayi okhudehya okhukhira okhuya no’wekombi.
\p
\v 10 Eyiri abadekhesaniya mbawa nge silagiro (sise, ne syO’mwami): omukhasi atekwa okhutaloba wamwe.
\v 11 Naye nasikhola atekwa okhusikala natadekhire oba esindi balekhanira bakowosaniya ni wamwe. Naye omusaacha syatekwa khwirusya omukhasi waye.
\p
\v 12 Eyiri abadoηηire mbawolera sino (ngese, si Omwami): Ni abawo omufukhilisi yeesi kaba no’mukhasi otafukirira nafukirira okhumenya naye atamwirusyanga.
\v 13 Ne ni abawo omukhasi nali no’musaacha otafukirira nomusaacha afukirira okhumenya naye atamulobanga.
\v 14 Eyiri omusaacha otafukirira alabisiwa olwo’mukhasi waye; nende omukhasi otafukirira alabisiwa olwo’musaacha waye. Atali awo abaana benywe sibakhabeye abosewa ni nga lusiri, bo bolerefu.
\p
\v 15 Ne otafukiirira nawangawo, mulekhe ache. Omusaacha wafukirira oba omukhasi sika muwoyewa mu mbya nga chino; Weere katulanga okhumenya mu mirembe.
\v 16 Osimanyire otye, omukhasi, no’liwoniya wamwo? Oba, osimanyire otye, omusaacha ewe noliwoniya omukhasi wawo?
\p
\v 17 Nende siri siityo, wuli otula adoŋenge mu sifwo mu wulamu Omwami sikamwakanamo mu ngeri Weere yikamulangiramo. Lino nje elako lyange lindakha libe mu makanisa koosi.
\v 18 Omutu kali mukhebe nalangiwa? Asikale ni mukhebe. Omutu kalangiwa natali omukhebe? Atakhebewa.
\v 19 Okhukheba si siitu nende okhutakhebewa si siitu. Okhulinda ebilagiro bya Weere nje sibaliwa.
\v 20 Wuli mutu akhoyire asikale mu mbera yi kalimo Weere namulanga.
\v 21 Wali muwambe no’langiwa? Sitakhuteganya__ noba nonyala lwana nisinyalikha olekhuliwe mu wuwambe.
\v 22 Olwokhuba ola owali mudire nikalangiwa no’mwami yesi mulekhule mu’mwami; nasirala, ola owali mulekhule nalangiwa mu Kurisito muwambe mu Kurisito.
\v 23 Enywe mwakuliwa ne beyi yamukulu; mutaba bawambe babatu.
\v 24 Baana befwe, wuli mutu, ngo’wufunanisiwa eyiri Weere, mukhoyire mudoŋe mu mbera Weere yikabalangiramo.
\p
\v 25 Wunanu ebidiira khubasisira: mbuma esilagiro esitula eyiri Omwami, ne mbawa enkhenga ngooyoo otusa esibaso syange omwene, nindi koti oyo owanyalirwa olwesisa syo’mwami okhuba omutu owesikikha.
\v 26 Olwe mbera chiriwo, nsibaasa nti sirayi omutu okhusikala nga lwali.
\v 27 Wadekha? Otakonya okhuloba. Siwadehya? Otakonya mukhasi.
\v 28 Ne nomala wadekha, suba nokholire esibi; no’musisira nadekha, syaba nasobisye. Naabo abaddekha bacha okhwakana ebidinyu bingi mu wulamu wuno, khandi nakhadakhire okhubawoniya mu sinno.
\p
\v 29 Sinekesa, baana befwe, siri nti ebikha bitono. Okhutula wunanu wuno khwabo abali nabakhasi bakhoyire bamenye nga’bawuma abakhasi;
\v 30 Abo abalira, nga’batalirangakho; abo abali ne’sangaalo, nga batalikho nalyo; abo abakula esiitu syosi, oti fana esitali syawe okhubiikha;
\v 31 Abo abakhosesa ebitu byo’mu syalo, bamenye oti fana sibakholeganangakho nabyo. Olwokhuba emera ye syalo sino yicha niyiwawo.
\p
\v 32 Nakhadakhire enywe mube abalekhule awuma okhwelarikhirira. Omutu otadekhya kelalikhirira ebitu bidiira khu mwami_ nga lwanyala kasangasa Omwami.
\v 33 Ne oyo owadekhya aba nebibaso besyalo sino nga lwanyala kasangasa omukhasi waye__.
\v 34 Manu ebigendererwa byaye biba ebyakawukhanamo. Omukhana otadekha oba omusisira yeesi abawo no’khwelalikhirira eyiri ebitu bidiira khu mwami byoηηene: nga esilubirirwa syaye khwewayo okhusangasa Omwami mumubiri nende mu mwoyo. Naye omukhasi owadekha aba nebibaaso bye syalo sino _ nga lwananyale okhusangasa wamwe.
\v 35 Ndi okhuwoola binno khu lwo wulayi wenywe, okhutadakha okhubakayirira, ne munyale okhubawo mu ngira enungifu mu khutakawukhanamo nokhwewayo eyiri omwami.
\p
\v 36 Ni nabawo omutu yeesi obaasa ati ali okhwebisya wubi khu luwande lwo’musisira yabeye nakhobisye, nachiririye atyo mu myaka nga kewulira ati ali no’khudekha asikholenge nga lwadakha. Syaba nakholire esibi. Badekhesaniye.
\v 37 No’musaacha oba namaliriye mu mwoyo kwaye, yibatayingire nanyala okhweriinda mu wekombi wo’mubiri kwaye, khandi kakhengawo okhutadekhya omusisira__ omusaacha ono yesi aba akholire esitufu.
\v 38 Wunanu awo, oyo odekhya omusisira yesi akhola esirayi, naye otamudekhya oba akholire no’wulayi okhukhirakho.
\p
\v 39 Omukhasi yeesi, aba asi wa wamwe ebikha byoosi omusaacha nasiri mulamu. Ne wamwe nafwa, aba mulekhule okhudekhera omusaacha wundi ya’simire, naye akhoyire okhusikala ni wO’mwami.
\v 40 Mu Khukhengawo khwange, kakhabeye ne’nsangalo ekali ni kakhadoηηire nga lwali__ khandi mbasa nti sesi ndi no’mwoyo wa Weere.
\c 8
\p
\v 1 Wunanu ebidiira khu mmere eyiwewayo khu misambwa: khumanyire khuuti fwesi khuli namakesi. Amakesi kakhudumbasa, naye okhudakha khwombakha.
\v 2 Omutu obasa ati amanyirekho esiitu syoosi asiri okhumanya syakhoyire okhumanya.
\v 3 Naye omutu odakha Weere amanyikhanire nende Weere.
\p
\v 4 Manu, sakira ebidiira khu mmere eyiwewayo khu misambwa: khumanyire khuuti emisambwa si siitu mu syalo khandi khuuti awumawo Weere wundi okhutusakho mulala.
\v 5 Olwokhuba nende aliwo babalanga ba “were”, mwikulu oba khu syalo nga amasima lusibasirisiwa baati aliwo ba “were” bangi nende “abaami” bangi,
\v 6 naye eyiri efwe aliwo Weere mulala yenηηene, Sefwe, yi bitu byoosi byatula khandi yi khuliwo khulwaye; nende omwami mulala, Yesu Kurisito, yi bitu byosi byoosi yi byabitamo yi khuliwo khulwaye.
\p
\v 7 Naye sisiri mbo wuli mutu sino asimanyire. Abatu bandi abasiri mu munalo kwe emisambwa siba nti ni balya emmere nga yinno babaasa baati bayiweyeyo eyiri emisambwa, ni khulwokhuba enfukirira yawe nafu, emmere yino bayiwona nge’yinyasikhire.
\v 8 Naye emmere siyitusudya ambi nende Weere; sikhuba nowubi woosi ni khutayiriye, ne ni yiwuma wulayi woosi nikhuyiriye.
\v 9 Mwerinde, nende siri siityo, ekhosesa yo’wulekhule wenywe khutakira abanafu boola okhwekumula.
\v 10 Khuba omutu yeesi owe’nfukirira ntono nawona ewe omanyire bino bitu no’liira mu khakaali khe’misambwa, syaba nanafune amaani yesi okhulya emmere eyiweyweyo khubawongeye misambwa?
\v 11 Sakira, mwanaamawo munaffu ono, Kurisito yi kafiririra, kola kasikhirisiwa olwa makesi kawo kano.
\v 12 Ni wonoona mu moni cha ba mwaanaamawo mu ngeri yino manu wayeresa ammaawa enfukirira yawe ntono, oba okholire esibi eyiri Kurisito.
\v 13 Nolwesyo, nisiba mbo sindya sikira mwanaama kakwa mu sibi, sindirya enyama lundi, kho nkhaye okhumuletera okhukwa.
\c 9
\p
\v 1 Sindi mulekhule? Sindi mutume? Sinawonakho Yesu Omwami weffwe? Enywe simuli ebitula mu mulimo kwange mu mwami?
\v 2 Nende nintaba omutume eyiri abandi, mumasima ndi omutume enywe yimuli! Olwokhuba ninywe sitampu yekesa owutume wange mu mwami.
\p
\v 3 Khuno nje okhwewosakho khwange eyiri abo abanjikhalira onkhunkhengera omusango.
\v 4 Sikhuli no’wunyala khu mmere ne byo’khunywa?
\v 5 Sikhuli no’wunyala okhwewukulira omukhasi wafukirira, nga abatume nende bamwanaηηina mwami nende Keefa nga lubakhola?
\v 6 Oba nise senηηene nende Bbalunaba abakhoyera okhukholanga emirimo kho khunyale okhwakana esyo’khulya?
\v 7 Mutu sinna onyala okhukhola ngo’musirikale khu lwaye omwene kamala kekabaniya omusara? Mutu sinna otaaka endalo ye’misabbibbu manu kakhaya okhulyakho ebyaamo byakwo? Nanu owaaya ebyaayo byaye kakhaya okhuηηwakhomo amabeere kabyo?
\p
\v 8 Mubaasa muuti binno mala kabilomaloma olwowunyala wange ngo’mutu wusa? Amalako sikawoola esitu nasirala?
\v 9 Khuba syawandikiwa mu lako lya Musa siiti: “Otawowanga omunwa kwe’ηηombe endaawo kho yiri okhusiriita enηηano alwanyi.” Mukaala muuti Weere eŋŋombe endaawo nje chabaasakho?
\v 10 Masima awoola binno khulwefwe, si nje lusiri? Eeh, bino byatuwandikiwakho khulwokhuba olimya enηηombe nalima, nende omukhubbaki nakhubbaka, bakhoyire bakhole batyo nibali ne’suubi lyo’khukabanakho bibaba nibakesise.
\v 11 Nikhuba nikhuwanyire emwo yo’mwoyo mwinywe, sikhukhoyera okhubakesamo ebituyeeda mu wulamu wo’mubiri?
\v 12 Nisiba mbo abandi baba nowunyala wo’khubafunamo owuyeedi niwubatulamo, sikhunyala khwa bafunamo ata okhukhirakho abo? Naye sikhwakhosesa owunyala wuno. Khu luwande lundi, khugumira wuli sicha khukhaye no’khwikalira engira ye’mboosi endayi eya Kurisito.
\v 13 Si musimanyire muuti abo abakhola mu nyumba ya Weere bafuna ebyo’khulya byawe mu nyumba ya Weere, nende abo abaweresa khu alutari bakabana khu biwewayo khu alutari?
\v 14 Mungira nasirala, Weere kalagira ati abo abawuulira enjiri bakhoyera okhufuna owuyeedi wawe okhubita mu njiri.
\p
\v 15 Naye esse si nakhosesa khu wunyala wuno ata. Khandi sindi khuwandiika bino ninsuubira nti munabinkholere. Khalukhi esse omwene nfwa okhukhira omutu onkhutusakho okhwewulira khwange.
\v 16 Ne lwoosi anakhawuulira enjiri, sinno syoηηene sisikira nepaakha, khulwokhuba ntekwa okhuwulira. chimbukanire nintawuulira enjiri!
\v 17 Nimba nimbuulira mukhwewayo khwange omweene, ndi nesiwanwa; atali okhwewayo, ndi khukukhola wusa omulimo kwamberesewa.
\v 18 Nolwesyo esiwanwa syange siri yeena? Sinno syoηηene: nti mu khuwuulira enjiri sinyalikhe noserese mukhudakha khwange omweene khuwerere, khandi nga sinkhosesise owunyala wange mu khuwuulira.
\p
\v 19 Nende ndi mulekhule khandi nga sindi wo’mutu yeesi, nekhola samwene omudire eyiri nawuli otula, khu nyale okhuleeta bangi nga lu sinyalikha.
\v 20 Eyiri aba Yudaaya neyira okhuba ngo’mu Yudaaya, khunyale okhuleeta aba Yudaaya. Eyiri abatukiwa namalako neyira okhuba ngo’wamalako, khunyale okhutusayo abali assi wa malako (nende ese omwene sindi asi wamalako).
\v 21 Eyiri abo abatali namalako, nefula naba ngo’tali nako (nende ese omwene sindi mulekhule mu malako ka Weere naye ndi assi wa malako ka Kurisito), khunyale okhuyira abatali na’malako.
\v 22 Eyiri abanaffu nafukha munafu, okhutusayo abanafu. Nefusise okhuba ebitu byoosi eyiri abatu boosi khu sinyalikhe mungira choosi echinyalikhana nyale okhuwoniyakho abandi.
\v 23 Nkhola binno byoosi, khu lwe’njiri, kho nyale okhukabanakho enkhabi chayo.
\p
\v 24 Simusimanyire muuti mu mbiro chokhukerana, aberukhi boosi berukha, naye mulala njofuna esiwanwa? Yirukha mu ngeri nge’yo kho ofune esiwanwa.
\v 25 Wuli mutu yeesi okeraana mu misanyo abita mu meeko momu. Basikhola okhufuna engule eyitakhinda; naye khusikhola khufune engule yoluberera.
\v 26 Nolwesyo, sinirukha nga mutu wirukha natali nende syagenderera; sinwana ngo’mutu oli okhukhubba embewo.
\v 27 Khaba, nkhubba omubiri kwange khandi nakukhola okhuba omuwambe wange kho sinyalikhe nti nimaliire okhuwuulira eyiri abandi, ese samweene ntatusiwa mu bafuna esiwanwa.
\c 10
\p
\v 1 Khuba si nakhadakhire enywe mube nga abatamanyire amasima, baana befwe, khuuti bakuka yefwe boosi bali assi wesiresi khandi boosi babitta mu kuyanja.
\v 2 Boosi babatisiwa mu Musa musiresi nende mu kuyanja.
\v 3 Boosi balya emmere yo’mwoyo
\v 4 khandi banywa esinywewa nasirala esyo’mwoyo; khuba banywa okhutula mu lwanda lwo’mwoyo olwacha nabo, ne olwanda olwo kali Kurisito.
\v 5 Nende syali siityo, Weere sikali musangafu nabakhira owungi khubo; emibiri chawe chasalanisiwa woosi khusibarara.
\p
\v 6 Wunanu ebitu binno byakholekhana nga ebyokhuwonerakho bitekekhe emyoyo chefwe okhutaba mu bitu bibi nga bo lu bakholanga.
\v 7 Mutaba abenamira emisambwa, nga bandi khubo lubali; nga lu syawandikiiwa siiti: “Abatu bekhala assi okhulya no’khuηηwa khandi basingira bekhola abatu batamanyire Weere bibakhola.”
\v 8 Sikhukhoyire khukhole owudaamba, nga bandi lubakholanga__ khandi mu ludaalo lulala abatu emitwalo chibiri nelifu chidatu bafwa.
\v 9 Sikhukhoyire khute omwami musikhemo, nga abandi lu basikholanga__ bamala betewa nenjokha.
\v 10 Mutemulugunya, nga abandi lubakholanga__ bamala betewa nende malayika osikhirisa.
\p
\v 11 Bino bitu byabekholekhakho nge’byokhuwonerakho khandi byawandikiiwa assi nga ebyokhutulawula, khwifwe okhwoseresa omulembe kuno bakwoleyekho.
\v 12 Khuba, nisiba mbo mubaasa muuti muli bagumu, mwerinde mutakwa!
\v 13 Awuma esikhemo esibadiira okhutusakho ebikhemo ebyo’mutu ebyawuli wukhya. Naye Weere wa masima; sya’libalekha mwakhemewa okhukhira amaani kenywe akakama. Naye nimuba mukhemeewe, kecha okhutawo engira yo’khutula mu bikhemo ebyo no’khwesimiriisa.”
\s Emiyumo che’bilongalongwe Ne’syengolobe Syo’Mwami.
\p
\v 14 Nolwesyo, becha bange, mwewale ebilongalongwe.
\v 15 Nomalomera abatu bakesi; mwekhengere mwabeene khu bimboola.
\v 16 Sisiri mbo esikombe syo’khwebasa esikiranga khwebasa esikholwa sikhwoseresanga mu mabanga ka Kurisito? Nende omuggati kukhukhalakanga kwosi khukukhalaka nikhwoseresa mu mubiri kwa Kurisito?
\v 17 Khulwo khuba aliwo omuggati mulala, effwe, abali abangi, khuli mubiri mulala, khuba fwesi khulya omuggati mulala okwo.
\p
\v 18 Mubaase khu batu ba Yisirayiri: sinje abo wusa abalya ebiwewayo abakhola khu alutari?
\v 19 Ni wunanu nekesa mbo emmere yiweresewa ebilongalongwe oba esilongalonge, siba situ syoosi oba esilongalonge situ?
\v 20 Khaba, ne ebiwewayo bya bakafwiri bayeresa emisambwa, ne si Weere, khaba sindakha mukholere alala ne’misambwa.
\v 21 Simunyala khuηηwa khu sikombe syO’mwami nende esye’misambwa syosi; sunyala khulya mesa chombi eyO’mwami nende khu ye’misambwa.
\v 22 Okesakho okusingisa embalikha yo’mwami? Efwe khumukhira amaani? “Edembe eryo’wafukirira.
\p
\v 23 “Wuli situ sifukirirwa”__ ni siwuli situla siba syo’mugaso. “Wuli situ sifukirirwa”__ ni siwuli situla syombakha.
\v 24 Awumewo omutu owekonyera ebirayi khulwaye, ne ebirayi akonyerenge abandi.
\v 25 Lya syoosi esikusiwa mu bbucha atali khukanakana mu myoyo chenywe,
\v 26 Okhuba, ‘‘Esyalo syo’mwami, nende wuli si sirimo.”
\v 27 Ni abawo balala khubataffukirira babalanga ewawe, “khu sideru ni mwadakha okhucha, lya wuli sibaba nibakhuweye atali okhwetebaniya mu mwoyo kwawo.
\v 28 Ne ni abawo omutu yeesi okhuwoola ati, “Bino babeye babiyeye emisambwa,” awene awo otalya, khu lwe’mboosi chibiri olwo’oyo olomalomire esyo no’lwo wulayi we’myoyo chenywe__.
\v 29 olwo’wulayi wo’mwoyo kwola, sinekesa, olwo kwenywe khulwokhuba, lwasina edembe lyange li khengerwa no’mutu wundi kakeraka khu khumanya khwange?
\v 30 Nimba mulala khubalya nokhwebasa, lwasi nangirirwa khu lwo’khwebasa Weere khu lwesyo sindiiye?
\p
\v 31 Nolwesyo, oba olya oba onywa oba syosi syoosi syukhola, sikhole syoosi khulwo’luyaali lwa Weere.
\v 32 Otaletera omutu yeesi okhwekumula babe aba’Yudaaya, oba aba’Yonaani oba abe’nyumba ya Weere__.
\v 33 Ata nende lungesakho okhusangasa wuli otula mu ngeri choosi. Khuba sindi khukonya ebirayi khu lwange ne’olwo wulayi wa abangi, khu banyale okhuwonesewa.
\c 11
\p
\v 1 Mulondakirire enkhola yange, nga lu noonda enkhola ya Kurisito. Esikhoyera MuKhusaba
\p
\v 2 Mbafumya olwo’khunjichulisa muwuli situla no’khwediira khunsomesa, nga lu nachibosakho.
\v 3 Wunanu ndakha mu simanye muuti omutwe kwa nawuli musaacha nje Kurisito, khandi omutwe kwo mukhasi nje omusaacha, nende omutwe kwa Kurisito nje Weere.
\v 4 Wuli musaacha osaba oba kalakula nawikhire khu mutwe kwaye esitambara akuswasa.
\v 5 Naye wuli mukhasi osaba oba kalakula no’mutwe kutali muwikhe aswasa omutwe kwaye__ siba wusa nasirala oti fana omutwe kwaye mubeke.
\v 6 Omukhasi natewowa esitambara khumutwe, akhoyera kabekakho efwiri; nisiba siswasa omukhasi okhukhengewakho efwiri oba okhubekewakho, akhoyire awiikhe esitambara khu mutwe kwaye.
\v 7 Omusaacha syakhoyire okhuwiikha omutwe kwaye, khuba nje esifanani nende oluyaali lwa Weere; ne omukhasi yee luyaali lwo’musaacha.
\v 8 Khuba omusaacha sikatula mu mukhasi, Naye omukhasi nje owatula mu musaacha;
\v 9 sisiri mbo omusaacha kalongewa olwo mukhasi, ne omukhasi khulwo’musaacha.
\v 10 Olwe’mboosi yino, nende olwa’bamalayika, omukhasi akhoyire okhuba nakhawonero akhowunyala khu mutwe kwaye.
\p
\v 11 Nende biri biityo, mu mwami, omukhasi syabawo atali omusaacha, oba omusaacha okhubaawo atali omukhasi.
\v 12 Olwokhuba koti omukhasi katula mu musaacha, mumbya nasirala omusaacha yesi kewulwa no’mukhasi. Ne wuli situla syoosi sye wa Weere.
\v 13 Mwekhengerewo abeene: sya masima omukhasi okhwinamira Weere no’mutwe kwaye ni kutasi omuwikhekho?
\v 14 Sisiri mbo olwe ngeri ebitu lubyalongewa syatusomesa siiti omusaacha naba ne’fwiri ereeyi, simuswasa,
\v 15 Ne nisiba mbo omukhasi naba nefwiri ereeyi, luba luyaali lwaye? Olwokhuba kawewa efwiri leyi, nge esyo’khumuwikhakho.
\v 16 Ne ni aba naliwo odakha okhuyinganiya sino, khuwuma enkhola yindi__ nende amakanisa ka Weere koosi kaatyo.
\s Esye’Ngolobe Sy’omwami
\p
\v 17 Munjekesa chilondakho chino, khaba simbasiima, khuba enkhikho chenywe munyasa okhukhira okhukhola owulayi.
\v 18 Esisokha, mbulira nti wuli lu mwicha alala nge kanisa, abawo engawukhana mwinywe, khandi mu ngeri yindi nsifukirira.
\v 19 Atali khukanakana atekwa okhubawo engawukhanakawukhana chino, mwinywe okhwekesa nanu khwinywe okhakhasiwa Weere.
\v 20 Ni mwewusira alala, si siba sye’ngolobe syo’mwami simulya, ameera.
\v 21 khuba nimuba nimulya, wuli mulala khwinywe acha mu moni no’khulya atali khulindana. Mulala asikala nali njala, no’wundi.
\v 22 Simuli na maddala kamunyala mwaliramo khandi mwanyweramo? Oba mulekeresa enyumba ya Weere khandi muswasa abo abawuma syoosi? Ndabawoole si! Ndabakiniye olwa sino? Khaba sinje lusiri!
\p
\v 23 Khuba nafuna okhutula eyiri omwami seesi binabosakho: omwami Yesu, khu ludaalo olwesiro lukaliwiramo olukhwe, kawukula omugaati,
\v 24 ne nikali namalire okhwebasa, kakukhalakamo nawoola ati, “Kuno nje omubiri kwange, okuliwo khu lwenywe; mukholenge sino olwo’khunjichulisa.”
\v 25 Mu ngira nasirala, nibakhamala esye’ngolobe kawukula esikombe, nawoola ati, “Esikombe sino nje endakano mbyakha mu mabanga kange; musikholenge, wuli lumunakanywenge, mukhunjichulisa ese.”
\v 26 Khuba wuli lumunalyenge omugaati khandi mwanywa khu sikombe sino, munabenge mulangirira okhufwa khwo mwami okhwola
\p
\v 27 Nolwesyo, wuli olya khu mugaati oba kanywa khu sikombe syo’mwami mu ngeri yitakhoyera omusango kunamukhirenge okhunyasa omubiri nende amabanga ako’mwami.
\v 28 Omutu akhoyire okhwekhebera omwene na’talya omugaati nende okhunywa khu sikombe.
\v 29 Khulwokhuba oyo yeesi olya khandi kanywa na tateeye oluyaali mu mubiri kwo’mwami aba alya khandi anywa okhwekhengera omusango omwene.
\v 30 Sino nje esikira bangi mwinywe muli banaffu khandi abalwaaye, khandi abandi mwinywe mwakona. lwalikowola.
\v 31 Ne nikhuba mbo khwekhengera fwabene omusango, si khwakhakhengeywe musango.
\v 32 Ni khukhengerwa omusango no’mwami, khuba khukerakiwa no’mwami wefwe khukhaye okhukhegerwa omusango alala ne’syalo.
\p
\v 33 Manu olwo, baana befwe, ni mwichanga alala okhulya, mulindanenge.
\v 34 Ne ni abangawo omutu yeesi oli njala, alyenge ewaye, kho ni mwakanana si tatulangamo okhukhengerwa omusango. Nende ni ndiicha nakhameede okhubakolola.
\c 12
\p
\v 1 Wunanu ebidiira khu biyanwa ebyo’mwoyo, baana befwe, sindakha mube abatamanyire.
\v 2 Mumanyire muuti ni mwali abakafwiri, mungira ndala oba eyindi mwali mwakosewa ni mwayiriwa mu misambwa chitalomaloma.
\v 3 Nolwesyo mbawolera nti, awumawo olomalomera omwoyo wa Weere kawoola ati, “Yesu akholimirwe,” khandi awumawo onyala kawola ati, “Yesu mwami,” okhutusakho nga ali no’mwoyo mwolerefu.”
\p
\v 4 Ebiyanwa biriwo bingi ebikawukhanire, naye omwoyo kuli mulala.
\v 5 Aliwo owuweresa wungi owukhawukhanire, ne Weere nje mulala oyo.
\v 6 Aliwo enkhola nyingi, ne Weere wusa mulala oyo nje ochikhosesa mu batu boosi.
\p
\v 7 Wunanu wuli mutu kayeresewa owunyala wo’mwoyo okhumukholeramo khu lwo’wulayi wa batu boosi.
\v 8 Eyiri mulala aweresewa okhubitira mu mwoyo owubakha wa makesi, eyiri owundi kaweresewa owubakha wo’khumanya nabitira nasirala mu ngira yo’mwoyo,
\v 9 eyiri owundi enfukirira no’mwoyo nasirala,
\v 10 no wundi amaani kebya mangalima, eyiri owundi owunabbi, eyiri owundi okhukawukhaniya emyoyo, eyiri owundi okhulomalomera mu nimi, nende eyiri khandi owundi okhukalukhaniya enimi bichilomalomire.
\v 11 Bino byoosi nje ebikholewa mulala khandi no’mwoyo omwene oyo, khandi kabawa nawuli otula, nga lwaba nakhengirewo. Omubiri Mulala, ne’bitundu Bingi
\p
\v 12 Omubiri kuli mulala, nende kwakholewa mu bitundu bingi; nende siri mbo ebitundu byakwo bingi, bikhola omubiri mulala. Nje lusiri nende Kurisito.
\v 13 Khuba effwe feesi khwabatisiwa no’mwoyo mulala okhwingisiwa mu mubiri mulala__ sibe khu ba Yudaaya oba aba Yonaani, abawambe oba abalekhule__ ne’fwe feesi khwaweresewa omwoyo mulala oyo okhunywa.
\p
\v 14 Wunanu omubiri sikwakholewa esitundu sirala naye ebitundu bingi.
\v 15 Nisiba mbo okhukulu khunyala okhuwoola khuuti, “Khulwokhuba sindi mukhono, sindi sirala khu mubiri,” sisyakhakamya olwembosi eyo esitundu sino okhuba sirala khu mubiri.
\v 16 Singa okhutwi khunyala khwawoola khuuti, “Khuba sindi moni, sindi sirala khu bitundu byo’mubiri,” sino si syakhakamya okhutwi okhuba sirala khu bitundu byo’mubiri.
\v 17 Singa omubiri kwoosi kwali moni, esitundu syokhuwulira syakhabeye yena? Singa omubiri kwoosi kwali khutwi, esitundu syokhuwunyirisa syakhabeye yena?
\v 18 Ne mu masima Weere kapanga ebitundu mu mubiri, wuli situndu assiri khu mubiri nje akadakha sibe.
\v 19 Nisyakhabeye mbo byoosi situndu sirala, omubiri kwakhabeye yena?
\v 20 Nga lusiri, aliwo ebitundu bingi, naye omubiri mulala.
\v 21 Emoni siyinyala yawoola omukhono yiiti, “Sinkhudakha!” Nende omutwe sikunyala kwawoola okhukulu, “Sinkhudakha!”
\v 22 Khu luwande lundi, ebitundu byo’mubiri ebiwonekha okhuba binafu, sibyakhalekhekha nawutono,
\v 23 nende ebitundu bindi bikhubasa khuuti sibiri no’luyaali nawutono, khubiyira no’khwegenderesa khwamaani nge’syadikha. Ne’bitundu bitakhoya biyiriwa nolukoosi lukhiramo,
\v 24 nebyo ebitundu bikhoyera khubidira atali khwegenderesa khwa’maani. Ne Weere kagatta ebitundu byo’mubiri khandi kabiwa oluyaali lukhiramo khu ebyo bitundu ebitali nalwo,
\v 25 khu akhaye okhuba engawukhana mu mubiri, ne nawuli situndu sibe syesigama khu situndu sindi.
\v 26 Ni aba mbo aliwo esitundu syo’mubiri esisaanda, wuli situndu sidoηηire syosi siba sisanda; ni aba esitundu siweresiwire oluyaali, wuli situndu siba sidoηηire sisangalira alala nasyo.
\p
\v 27 Wunanu muli mubiri kwa Kurisito, ni nawuli mulala khwinywe ali situndu sirala khu syo.
\v 28 Nende mukanisa Weere kadoola okhusokha abatume, abokhubiri ba Nabbi, abokhudatu abasomesa, kalosakho abakhosi be byamangalima, na bebiyanwa byo’khuwoniya, nende abo abanyala okhuyeeda abasyawe, abo abali ne’biyanwa byo wutangirisi, nabo abalomaloma mu nimi echikawukhanire.
\v 29 Boosi batume? Boosi banabbi? Boosi basomesa? Boosi bakhola ebya’mangalima?
\v 30 Boosi bayeresewa ebiwanwa byo’wuwoniya, boosi balomaloma mu nimi? Boosi bakalukhaniya?
\v 31 Ne mulubirire okhwekomba ebiwanwa bikali.
\c 13
\p
\v 1 Wunanu nja okhubekesa engira yikhira owulayi. Nimba ninomaloma mu nimi echa batu nende echa ba malayika, ne nga sindi no’khudakha, mba nsikaye nge’sidde syo’lukhero oba nge’ndeke yibwangalikhana.
\v 2 Ne nimba ne’siwanwa syo’wu nabbi ninyala okhufumbula embyama namakesi koosi, ne naba ne’nfukirira eyinyala okhutusawo engulu, ni mbuma okhudakha, mba sindi situ.
\v 3 Ninyala okhuwa byoosi bindi nabyo eyiri abaati nende okhuwaayo omubiri kwange kusambiwe, ne sindi no’khudakha, awuma sinfuna.
\p
\v 4 Okhudakha khwesimiirisa, okhudakha sisa. Okhudakha khuwuma embalikha, sikhwedakha khandi sikhwewulira.
\v 5 Sikhuwalaba, sikhwekonyera ebyakwo, sikhudiriwa tima, sikhubikha bisobyo.
\v 6 Okhudakha sikhusangalira mu sibi naye khusangalira mu bya masima.
\v 7 Khu khingakira, khwesikikha, khusubiira, khwesimirisa.
\p
\v 8 Okhudakha si khukhaywa. Naye eyiri owunabbi wucha okhwakama; eyiri enimi, chiryakamisiwa; eyiri amakesi kaliwawo.
\v 9 Khuba bikhumanyire bitundutundu nende owunabbi wosi we’bitundu tundu,
\v 10 naye owulungifu wene niwicha okhwicha, owutali wulungifu niwukotawo.
\v 11 Ninali muwere, nalomalomanga ngo muwere, nabasanga siyere, nakerakanga siyere, naye ninecha nakhula nata ebyesiyere emukongo wange.
\v 12 Wunanu khuwonana naye khuwona amawulyeesi nga mu monero; ne olwo khuliwonana oweeni khu weeni. Wunanu manyirekho ebitundu; ne olwo ndimanya mu wichufu, nga lusiri mbo namanyikha mu wichuffu.
\v 13 Nende wunanu bino bidatu bisikala: enfukirira, ensuubi nende. Ne esikhiramo mu bino byoosi nje okhudakha.
\c 14
\s Ebiyanwa Byo’wunabbi Nende Enimi
\p
\v 1 Londa engira yo’khudakha khandi olubirire niwekomba ebiyanwa byo’myoyo, okhukhiririsa ebyo’wunabbi.
\v 2 Khuba oyo yeesi olomaloma mu lulimi syaba nalomalomera abatu ne abalomalomera Weere. Mukhukhakhasa, aba awumawo omutegeera; byaba natumbula bimanyikkhana no’mwoyo kwaye kwoηηene.
\v 3 Ne wuli olakula alomaloma eyiri abatu olwo’khubawa amaani nabomiisa, nabakumya no’khubakowosamo emyoyo.
\v 4 Oyo yeesi olomaloma mu lulimi aba keyikusa omwene, ne oyo olakula aba kekusa ekanisa.
\p
\v 5 Nakhadakhire wuli otula khwinywe olomalomere mu nimi, ne syakhabeye sirayi mwalakula. Oyo olakula ali amukulu woyo olomaloma mu nimi, okhutusakho nga akalukhaniya, kho ekanisa yinyale okhwombakhiwa.
\p
\v 6 Wunanu, basyange, nimba ni nicha yimuli ninomalomera mu nimi, syakhaba sirayi sina yimuli, okhutusakho nga mbaletera ebyo’khuwikhulirwa oba amakesi oba okhulakula, oba emboosi okhubekesa esyo’khukhola?
\v 7 Ata abyakhaba mu bitu bitali no’wulamu ebireeta amakono, nga akhalere oba esiyiriri, ne ni bitaleeta amakono ko’khwawulamo, omutu amanya atye ekono liba niryemba okhutusakho nga’bawo esikira wakawukhaniya mu makono ako?
\v 8 Khandi, nisiba mbo eturumbete niritatusa ekono lyatukha mu khulanga, nanu oba nanetekekhe okhucha mu bitta?
\v 9 Sakira siri yoli. Okhumalakho nga mutumbula emboosi chitegerekhekha, omutu kakhamanya atye bimuba muwoye? Muba wusa nga balomalomera embewo.
\v 10 Atali okhukanakana aliwo enimi nyingi mu syalo, ni awumawo olulimi lutalimo amakhulutu.
\v 11 Nisiba mbo simbulira olulimi lwoyo olomaloma mba ndi muteende eyiri omutu oyo, yesi aba muteende yindi,
\v 12 nje esiri siityo yi muli. Nga lu mulubirira okhufuna ebiyanwa byo’mwoyo, mukesekho okhukhiririsa ebiyanwa byo’mbakha ekanisa.
\p
\v 13 No’lwembosi eyo wuli yeesi alomaloma mu lulimi akhoyire kekalikhire anyale okhukalukhaniya byaba nawooye.
\v 14 Khulwokhuba nimba ni nekalikhira mu lulimi, omwoyo kwange kuba kwekalikhira, ne ebibaso byange biba wusa.
\v 15 Sakira nkhole ntye? Nicha okhwekalikhira no’mwoyo kwange, ne lwosi nja okhwekalikhira mubibaso byange; nicha okhwemba no’mwoyo kwange, no’khwemba khwosi nebibaso byange,
\v 16 nawo noba nofumya Weere no’mwoyo kwawo, omutu keyakana atye mwabo abatategeera kawoola ati, “Amina” khukhwebasa khwawo, khuba oyo syamanyire syoba noli okhuwoola?
\v 17 Onyala okhuba noli okhwebasa wulayi, ne ola mutu simwikufu.
\v 18 Nebasa Weere khuba nomaloma mu nimi okhubakhira mweesi.
\v 19 Naye mu kanisa nakhakhoyire nomalome emboosi chitanu echiwulirikhana echa’makesi echisomesa abandi okhukhira emboosi omutwalo mu nimi.
\p
\v 20 Baana befwe, mulekhere awo okhubasanga nga baana bayere. Ebiddira khu sibi mube baana badoto, no’khubaasa khwenywe mube bakhulutu.
\v 21 Mu lako syawandikiwa siiti: “Okhubitira mu nimi cha’batu batamanyikhanire nende eminwa cha bateende nja okhulomaloma eyiri abatu bano, nende siri siityo sibecha nkhuntekeresa,” awoola omwami.
\p
\v 22 Enimi, olwo, nicho okhawonero, si eyiri abafukirira, ne olwa’batafukirira; owunabbi, wo wabafukirira si wa batafukirira.
\v 23 Nisiba mbo ekanisa yoosi yicha alala ne nawuli mutu alomaloma mu nimi, nabatu bandi abatabamanyire oba obatafukirira ba bengiramo, sibanawoole baati mukwiye eralu?
\v 24 Ne nisiba mbo abatafukirira oba omutu otategeera kecha kengira bano boosi nibalakula, kecha okhufukirisiwa ati mwononi khandi alikhengerwa omusango nende boosi.
\v 25 Khandi ebyama byo’mwoyo kwaye birikisulwa. Sakira alikwa assi kekalikhira Weere, nawuka ati, “Weere masima ali mwinywe!”
\s Okhusaba Okhutekekhirwe Wulayi.
\p
\v 26 Wunanu sina syeene sikhunawoole baana befwe? Nimuba ni mwichire alala, wuli mulala khwinywe ali nolwembo, oba embosi yokhukeraka, o’khuwikhulirwa, enimi oba okhukalukhaniya ni abawo amakhulutu ke’mboosi, bino byoosi bikhoyerwa okhwekhola khulwokhwomisa ekanisa.
\v 27 Ni abawo olomaloma mu lulimi, babiri__ oba okhutakhiririsa badatu__ balomelome mulala sya mulala, ne omutu yeesi atekwa okhukalukhaniya.
\v 28 Ni aba ni awuma omutu yeesi onyala kakalukhaniya, omulomalomi akhoyire awulere mu kanisa alomelome yenηηene nende Weere.
\p
\v 29 Ba nabbi babiri oba badatu bakhoyire okhulomaloma, ne abandi bakhoyire betakerese obilomwalomwa nowegenderesa.
\v 30 Ne ni abawo okhuwikhulirwa khu mutu yeesi obeye nikekhaye, omulomalomi osokha akhoyire awulere.
\v 31 Khuba mwesi munyala mwalakula muwuleeka embaka khu wuli mulala anyale okhukerakiwa no’khwongerwa amaani.
\v 32 Emyoyo cho’khulakula chifukiwa naba lakula.
\v 33 Khuba Weere si Weere wo’khuduwuula naye we’mirembe. Nga lubiri mu makhuηηaniro koosi akabolerefu,
\v 34 abakhasi bakhoyire bawulerenge mu makanisa. Sibafukirirwa okhulomaloma, ne batekwa okhulongowala nga amalako lu kawoola.
\v 35 Ni badakhanga okhweteeba esitu batebenge bawamwawe engo; khuba syensoni omukhasi okhulomalomanga mu kanisa.
\v 36 Embosi ya Weere yachakira khwinywe? Oba ninywe mweηηene yiyolakho?
\v 37 Nisiba mbo omutu abasa ati munabbi oba ali ne’siwanwa syo’mwoyo, akhoyire afukirire bi mbawandikiye ati silagiro syo’mwami.
\v 38 Namala kalekha bino, yesi omwene alirekhewa.
\p
\v 39 Nolwesyo, baana befwe, mulubirire okhwekomba okhulakula, khandi mutakaniyanga okhulomaloma mu nimi.
\v 40 Ne wuli situ sikholewenge mu ngeri ndayi nende entekekha endayi.
\c 15
\p
\v 1 Wunanu, baana befwe, ndakha okhubakhewulisa khu njiri yinabawuulira, yimwafuna khandi yimwemirekho.
\v 2 Okhwema khu njiri yino mwawonesewa, nimuba mbo muyedirakho na’maani khu mboosi yinabawuulirira. Atali esyo, okhufukirira khwenywe khuba khwa wusa.
\p
\v 3 Khuba binamala nafuna, nabibosera nga nje’bikhulutu binasokherakho: siri mbo Kurisito kafwa olwebibi byefwe okhwema khu byawandikiwa,
\v 4 Siiti kasikhiwa, khandi kasyukhisiwa khu ludaalo lwo’khudatu okhwema khubyawandikiwa,
\v 5 khandi kawonekhera Petero nende ekhumi nababiri.
\v 6 Namalire atyo, kawonekhera abafukirira abakhira emya chitanu mu bikha nasirala, abakhira owungi khwabo basiriwo balamu, nende abandi bamala okhukona.
\v 7 Awene awo kawonekhera Yakobo, olunyuma kawonekhera abatume boosi,
\v 8 khandi mu mamalirikha kabyoosi kambonekhera esse sessi, otewulwa nga abasyange lubewulwa.
\v 9 Khulwokhuba nise okhiramo okhuba no’luyaali lwa assi, nsikhoyera no’khulangiwa omutume, khuba nasandiya ekanisa ya Weere.
\v 10 Ne khulwe sisa sya Weere ndi sindi, ne sisa syaye yindi si syali sya wusa. Khaba, ese nakhola lukali okhubakhiraho boosi__ ate nga sise, ne sisa sya Weere esyali ni nange.
\v 11 Nisiba, olwo, nali nise oba bo, bino nje bikhuwuulira, nende bino nje bi mwafukiriramo. Okhusyukhira Khwa’bafu
\p
\v 12 Ne nisiba mbo siwuulirwa siiti Kurisito kasyukhisiwa mu bafu, sinyalikha siitye abandi khwinywe okhuwoola muuti awumawo okhusyukhira khwa bafu?
\v 13 Ni aba ni awumawo okhusyukhira khwa bafu, awo nende Kurisito yesi syaba kasyukhisiwa.
\v 14 Ne nisiba mbo Kurisito sikasyukhisiwa, okhuwuulira khwefwe khuba khuwumamo amakhulutu ata ne’nfukirira yenywe.
\v 15 Esikhirakho awo, khuba efwe khwakaniwa okhuba abajjulisi bo’wubacha eyiri Weere, khuba khuweye owujjulirwa khu Weere khuuti kasyukhisa Kurisito okhutula mu bafu. Ne sikamusyukhisa nisiba mbo amasima kene nti abafu sibasyukhisiwa.
\v 16 Khuba nisinyala okhuba nti abafu sibasyukhisiwa, ata Kurisito yesi syaba nikasyukhisiwa.
\v 17 Ne nisiba mbo Kurisito sikasyukhisiwa, enfukirira yenywe yiba yiwuma namakhulutu; muba musiiri mu bibi byenywe.
\v 18 Ata nende abo bosi abakona mu Kurisito baba bakota.
\v 19 Nisiba syoηηene mbo khulwowulamu wuno khuba khuli ne’suubi mu Kurisito, khukhoyire khusasirwe okhukhirakho abatu bandi boosi.
\p
\v 20 Naye Kurisito mumasima kasyukhisiwa mu bafu, ebyamo bisokha ebyaabo abakona.
\v 21 Khuba okhutula khu khufwa njo’mwatula omusaacha, okhusyukhira khwa bafu khwosi khwichira mu musaacha.
\v 22 Khubanga boosi mu Adamu bafwa, sakira mu Kurisito boosi balikholewa baaba abalamu.
\v 23 Ne wuli mulala mu bikha byaye: Kurisito, esyamo esisokha; khandi, nalikowoola, eyiri abo abaye.
\v 24 Olwo enjakamo yiryola, naliba nawayo owe’nengo wa Weere eyiri Bbaabba naliba nasikhirisise boosi wuli wunyala wuli wutuki nende nawuli maani.
\v 25 Khuba alifuka okhwosa lwaliba nateye abasiku baye assi wa makulu kaye.
\v 26 Omusiku okhenerekhayo okhusikhirisiwa nje okhufwa.
\v 27 Khuba yee “Kata wuli situla assi wa makulu kaye.” Wunanu ni siwoolewa siiti, “wuli situ” syakhateewa assi waye, siba syowaakhaafu siiti sino sisiba siwambaniyamo Weere mweene, owatta wuli situla assi wa Kurisito.
\v 28 Naba nakholire sino, olwo omwana mweene aliba omutwe khu yee owatta wuli situla assi waye, khusibe nti Weere anyale okuba byoosi mu byoosi.
\p
\v 29 Wunanu nisiba mbo awuma okhusyukhisiwa, abo balikhola si ababatisiwa olwa baffu? Nisiba nti abafu si basyukhisiwa ata nawutono, lwasi abaatu babatisiwa khu lwawe?
\v 30 Nende nga eyiri effwe, lwasi khweeta mu khabenje abeene wuli ssawa?
\v 31 Nfwa wuli ludaalo__ Esse nekesa mbo, banaa befwe__ nga lusiri mu masima nga lunekhoyera mwinywe mu Kurisito Yesu Omwami wefwe.
\v 32 Nisiri mbo nalwana nensolo cho’munyasi mu Efweso khulwe bitakhoya olwowutu, sina sinfuniremo? Nisiba mbo abaffu sibasyukhisiwa, “Mulekhe khulye khandi khunywe, Khuba muchuli khuli abo’khufwa.”
\v 33 Mutakosewanga: “Bokenda nabo ababi banyaasa ensambo ndayi.”
\v 34 Kowolamo amakesi nga lukhoyire, manu okhaye okhwonona; khuba yiriyo abo abandi abatamanyire Weere__ Mboola sino olwokhubaswasa. Okhusyukhira khwo’mubiri
\p
\v 35 Naye omutu anyala kateeba ati, “Abafu basyukhisiwa baatye? Omubiri kubasyukhisiwa nakwo kufana kuutye?”
\v 36 Nga wusiru! Syo’wanya sisikowolamo owulamu okhutusakho nga sifwiiye.
\v 37 Nowanya, syo’taaka omubiri okuliba, naye olumwo wusa, fwana olwe’ηηano, oba olwe situ sindi.
\v 38 Ne Weere asiwa omubiri nga lwaba nakhengirewo, ne nawuli lumwo aluwa omubiri kwalwo.
\v 39 Omubiri kwoosi sikufanana: abatu bali ne’sikha syenyama, ebisolo biri nesikha sindi, amayoni esindi neηηeni esindi.
\v 40 Yiriyo nemibiri cho mwikulu khandi chabawo emibiri chomusyalo; no’luyaali lwe’mibiri cho mwikulu luli siikha sirala, lwe’mibiri cho’mu syalo lundi.
\v 41 Omubasu kuli nesikha syo luyaali, no’mwesi no’lundi neηηiniηηini olundi; ne’ηηiniηηini yikawukhana oluyaali neηηiniηηini yindi.
\p
\v 42 Nolwesyo nje siriba nende okhusyukhira khwa bafu. Omubiri kuwanyiwa kufwa, khandi kwasyukhisiwa mu wutafwa;
\v 43 Kuwanyiwa mukhulekeresewa, kusyukhisiwa mu luyaali; kuwanyiwa muwunafunafu, kwasyukhisiwa mu maani;
\v 44 kuwanyiwa omubiri mulonge kwasyukhisiwa omubiri kwo’mwoyo. Nisiba mbo aliwo omubiri mulonge, ni aba aliwo omubiri kwo’mwoyo kwosi.
\p
\v 45 Sakira syawandikiwa siiti: “Omutu wasokha Adamu kecha kekhola esitu siramu” Adamu okhenerekha kafuukha mwoyo okaba owulamu.
\v 46 Esyo’mwoyo sinje esyasokha, esya longewa nje esyasokha, esyo’mwoyo syalondakho.
\v 47 Omutu wamberi kali atula muloba lyo’khusyalo, omutu wo’khubiri katula mwikulu.
\v 48 Nga lu syali no’mutu wokhusyalo, nje lubali abo abokhusyalo; nende nje siri no mutu wo’mwikulu, nje siri nende bosi abo’mwikulu.
\v 49 Nende wusa nga lu khwiwulwa na’makuumba mu nfaani yo’mutu wo’khu syalo, nje lu khuliwukula enfaani yo’mutu wo’mwikulu.
\p
\v 50 Nangirira yimuli, baana befwe, nti omubiri na’mabanga sikanyala kasikhira owene’ngo wa Weere, oba okhwakana ebiwaawo oba ebiwola byasikhira ebitawola.
\v 51 Mutekerese, mbawolera ebyakisiwa: Fesi feesi sikhulikona, ne feesi khulikalukhanisiwa__
\v 52 mu khu myesukha, mukhutemya khwemoni, khukhulira khwe’turumbete yisembayo. Khuba eturumbete yiririra, abafu balisyukhisiwa owutawawo, manu khucha okhukalukhanisiwa.
\v 53 Khuba owuwola wutekwa wambasiwa owutawola, nende owufwa no’wutafwa.
\v 54 Ebifwa ni byakhamala okhwambasiwa owutafwa, khandi okhufwa khwambasiwa owutafwa, esyawandikiwa syolerere mu wutufu wasyo siiti: “Okhufwa khwamiriwa mu khuyiingira.”
\q1
\v 55 “Ewe, Oo okhufwa okhuyingira khwawo khuli yeena? Eeh, okhufwa, entununu yawo yiri yeena?”
\p
\v 56 Entununu yo’khufwa nje esibi, namaani kesibi nje elako.
\v 57 Ne okhwebasa khuchire Weere! Atuwa okhuyiingira nga khubisirya mu Mwami wefwe Yesu Kurisito.
\p
\v 58 Nolwesyo, baana befwe abadakhwa, mwomiire. Awumewo esibadenganiya. Mweweeyo mu wichufu khu mulimo kwa Weere, khulwo khuba mu manyire muuti esinani syenywe mu mwami si sya wusa.
\c 16
\p
\v 1 Wunanu ebidiira khu khusolosera abaatu ba Weere: Mukhole nga lunawoolera abaatu ba makanisa ka ba’Galatiya.
\v 2 Khuludaalo lwamberi mu wuli juma, wuli mulala khwinywe atenge khuntulo erubya nabiikha okhwema khunyingisa yaye, nabiikha, ninicha awumengewo okhusolosa khukholewa.
\v 3 Awo, ninola, nicha okhuwa amabbaruwa ko’khwanjula abo bamuba mukhakhasise no’khubatuma nebiwanwa byenywe e Yerusalemi.
\v 4 Nisiba sidakhiwa sesi okhucha, banamberekesengekho.
\s Okhusaba Khwa Nawuli Mulala
\p
\v 5 Nimalire ntyo ni mbitira mu Makedoniya, nakheche yimuli__ khulwo khuba njo’khuba nga nja okhutulira mu Makedoniya.
\v 6 Fwana nakhabekho nanywe wutono, oba namalakho ettocho, khu nisinyalikha mwanjedakho khu lukendo lwange, wosi woosi amba ninja.
\v 7 Sindakha okhubawona wunanu okhutusakho okhubawonakho mabita; okhubakho nanywe embaka yiyera, Omwaami naba nakanyire.
\v 8 Ne njo’khubawo mu Efeeso okhwoola khu Pentekoti,
\v 9 olwokhuba olwiki lukhongo olwe’mirimo mirayi lweyikuye yindi, khandi baliyo bangi abambinganiya.
\p
\v 10 Nisiba mbo Temisewo kecha, mukhole esinyalikha ataba n’okhutya nali nanywe, khuba ali okhukhola omulimo kwO’mwami, nga sesi lundi.
\v 11 Awumewo yeesi, olwo, onyala okhumukaana. Mu musewule keche yindi mu mirembe. Ndi okhumusuubira okhwicha nabafukirira.
\p
\v 12 Wunanu ebidiira khu mwana befwe Apollo: namukhubirisa lukali okhwicha yimuli nabafukirira. Kali simwetekefu okhwicha wunanu, ne kecha okhwicha naba nafunire embaka.
\p
\v 13 Mwerinde; mwomiire munfukirira; mube batu bagumu; mube ba’maani.
\v 14 Mukhole wuli situla mu khudakha.
\p
\v 15 Mumanyire muuti enyumba ya Sitefano nje eyasokha okhukalukhanisiwa mu Asiya, manu bamala bewayo muwuweresa wa’bolerefu. Mbakhubirisa, baana befwe,
\v 16 okhwewaayo mu cho nga bano nende eyiri nawuli mutu begatakho okhukhola, no’khukhalabana mucho.
\v 17 Nali musangafu khu Sitefano, Folutunaato, nende Akayiko olwo’khwola, khulwokhuba bamalire okhuleeta ebyali nibitolereye okhutula yimuli.
\v 18 Khuba mwajoηηolosa omwoyo kwange no’kwenywe kwosi. Abatu bembya echo bakhoyera okhusimiwanga.
\s Amakheeso Kasembayo.
\p
\v 19 Amakanisa akali mu situndu sya Asiya kabatumira amakheeso. Akwiila nende Purisilla babakheesa lukali mu mwami, ne kanisa eyiwukananira mu nyumba yawe.
\v 20 Ba mwanawama boosi ano babosakho amakheeso. Mukhesaniye ni mukwichana mu birifu mu wolerefu.
\p
\v 21 Esse Paulo, mbandiika amakheeso kano mu mukhono kwange.
\v 22 Ni abawo omutu otadakha Weere__ esikholimo simubekho. Yicha, oh Omwami!
\v 23 Essisa syo’Mwami Yesu sibe ninanywe.
\v 24 Okhudakha khwange khube ni nanywe mweesi mu Kurisito Yesu. Amina.