156 lines
14 KiB
Plaintext
156 lines
14 KiB
Plaintext
|
\id JAS
|
|||
|
\ide UTF-8
|
|||
|
\h YAKOBBO
|
|||
|
\toc1 YAKOBBO
|
|||
|
\toc2 YAKOBBO
|
|||
|
\toc3 jas
|
|||
|
\mt YAKOBBO
|
|||
|
\c 1
|
|||
|
\p
|
|||
|
\v 1 Yakobbo, omukhosi wa Weere nende Omwami Yesu Kurisito. Eyiri amawanga ekhumi nakabiri akasalaanira mu byalo: Amakheeso. Okhukesesewa Nende Ebikhemo.
|
|||
|
\p
|
|||
|
\v 2 Musibaase nga esangaalo erayi, baana beefwe, nawuli lumuwukaana ebibekesamo ebyamakhabi mangi,
|
|||
|
\v 3 olwokhuba mumanyire muuti ebikhemo khu nfukiirira yenywe bireeta okhwesimiirisa.
|
|||
|
\v 4 Okhwesimiirisa khuteekwa okhumaliirisa omulimo kwakhwo kho munyale okhuba abaangafu khandi abaweeye, nga yiwuma simutaasi nasyo.
|
|||
|
\p
|
|||
|
\v 5 Niyibayo yeesi khwinywe owuma amakesi, akhoyire ateebe Weere, okaba nomwoyo mulala eyiri bosi boosi awataasi sisobyo, khandi kakhasifune.
|
|||
|
\v 6 Naye naba nasaba, ateekwa okhufukirira ataasi khukanakana, olwokhuba oyo okanakana ali nga embuunga ey’okhukuyanja, eyifuuta khandi yakhubbiwa ne’mbewo.
|
|||
|
\v 7 Omutu oyo atabaasa ati aliwukaana syoosi okhutula eyiri Omwami;
|
|||
|
\v 8 mutu we bibaaso_ bibiri, otaasi mwomiifu mu byoosi byakhola.
|
|||
|
\p
|
|||
|
\v 9 Owasyefwe mumbya cho’wulonga atekwa okhwekiniya musifwo syaye esyaamukulu.
|
|||
|
\v 10 Naye ola omuyiinda ateekwa okhwekiniya mu sifwo syaye esya assi, olwokhuba aliwawo nge’simuli esy’omunyasi.
|
|||
|
\v 11 Olwokhuba eryuuba litulayo nende ewubafu owusaamba khandi lyomiya esirime; esimuli syakhwo sikwa nende owulayi wanyasiwa. Mumbya nasirala, omutu muyiinda aliwaawo ata nasiikhola emirimo chaye.
|
|||
|
\p
|
|||
|
\v 12 Ali nende enkhabi omutu wesimiirisa mu khukesesewa, olwokhuba oyo obita mu bikhemo, alifuna engule yo wulamu Weere yikasuubisa eyiri abo abamudakha.
|
|||
|
\p
|
|||
|
\v 13 Ni mukhemewa, atabawo owoola ati, “Weere kankhema.” Olwokhuba Weere syanyala khukhemewa ne’sibi, khandi syakhema mutu yeesi;
|
|||
|
\v 14 naye wuli otula akhemewa, no’khudakha khwaye khubi omweene, akhwesewa khandi kabachirisiwa.
|
|||
|
\v 15 Manu, owekoombi niwumalire okhuyera enda, wiwula esibi; khandi esibi, nisimalire okhukhula, siiwula okhufwa.
|
|||
|
\p
|
|||
|
\v 16 Mutabachiwa, baana befwe abakoosi.
|
|||
|
\v 17 Wuli siwanwa esirayi khandi esyolerefu situla amukulu, okhutula amukulu, nga biikha assi okhutula eyiri seefwe owowulafu wo’mwikulu, otakaluukhana nga ebiinikha ebikalukhanakalukhana.
|
|||
|
\v 18 Kakhengawo okhutuwa okhwiiwulwa okhubitira mu mboosi eyamasima, kho khunyale okhuba nga ebyaamo ebyamberi bya byoosi bikalonga.
|
|||
|
\s Okhutekeeresa No’khukhola
|
|||
|
\p
|
|||
|
\v 19 Baana befwe abakoosi, mudiire sino birayi: Wuli mutu okhoyire abe mwangu okhutekeeresa, kaala mukhulomaloma khandi kaala mu khudirwa etima,
|
|||
|
\v 20 olwokhuba etima lyo’mutu siriretawo owulungifu wo’wulamu Weere wadakha.
|
|||
|
\p
|
|||
|
\v 21 Nolwesyo, mumalewo ensaambo mbi chosi choosi nende esibi esiwonekha, manu no’wuloonga mufukiirire emboosi eyabatakiwamo, eyinyala okhubawoniya.
|
|||
|
\v 22 Mutamala katekeresa emboosi, khandi mwebacha abeene. mukhole siyiwoola.
|
|||
|
\v 23 Omutu yeesi otekeeresa emboosi ne nga syakhola biyiwoola ali nga omutu owona oweni waye mu monero
|
|||
|
\v 24 khandi, namalire okhwewona, awawo ne wangu wene kebirira nga lwafwana.
|
|||
|
\v 25 Naye omutu otingaala wulayi mwirako ekololofu eriwa owulekhule, khandi kemeeda okhukhola sino, nga sikebirira syawuliiye, ne nga asikhola__ aliwewa enkhabi mu byakhola.
|
|||
|
\p
|
|||
|
\v 26 Omutu yeesi nikebaasa ati munadiini ninga syaafuka olulimi lwaye, kebacha omweene nende ediini yaye yiwumamo amakhuluutu.
|
|||
|
\v 27 Ediini yi Weere sefwe afukiirira nga endayi khandi eyiwumakho embala yoosi nje yino: okhulinda abafuusi nende abafwiire mu wudiniyu wawe nende okhweriinda okhutanyaasiwa nende esyalo.
|
|||
|
\c 2
|
|||
|
\p
|
|||
|
\v 1 Baana befwe, nga abafukiirisi mu wo’luyaali weefwe Omwami Yesu Kuristo, mutakesakho okhwekesa okhwekhubbira.
|
|||
|
\v 2 Ni aba mbo omutu kecha mu lukhiikho lwenywe nikambaaye ebbangiri eye’saabu nende enguwo ndayi, nende omutu wambaye enguwo chebicheere yesi kecha.
|
|||
|
\v 3 Manu nimwekesa oluyaali eyiri owambaaye enguwo ndayi mwawoola muuti, “Owiikhalo wulayi mbuno yikhala ano,” naye muwoola omutu omuwati muuti, “Ewe yema era” oba “yikhala assi mu makulu kange.”
|
|||
|
\v 4 Simuba mwesosoyemo abeene khandi mwekhola abalamusi n’ebibaaso bibi?
|
|||
|
\v 5 Mutekeerese, baana befwe abakoosi: Weere khaba sikangala abo abaati mu moni ch’esyalo okhuba abayiinda munfukiirira khandi basikhire owene’ngo wukasuubisa abo abamudakha?
|
|||
|
\v 6 Naye munyekire abaati. Abayiinda sinje ababanyikirisa? Sinje ababakhurudiya nibabayira mu kooti?
|
|||
|
\v 7 Khandi sinje abanyeka eritta lyaye erayi li mulangiwa?
|
|||
|
\v 8 Mwaaba nimudiira erako ly’owunawami eriwukaniwa mu byawandikiwa, “Dakha okhusibiranire nga niwedakha ewe omweene,” awo mukhola wulayi.
|
|||
|
\v 9 Naye nimwekhubbira, munyasa khandi amalako kabadiira nga abakakhalaka.
|
|||
|
\p
|
|||
|
\v 10 Olwokhuba nawuli odiira amalako koosi ne khandi amala akwa awutu wandi aba akhalakire kosi koosi.
|
|||
|
\v 11 Olwokhuba oyo owawoola ati, “Otakholanga owudaamba,” khandi kawoola ati, “Otetaanga.” Nutakhola owudaamba ninga wiita, omalire okhuba omukhalaki wamalako.
|
|||
|
\p
|
|||
|
\v 12 Mulomalome khandi mukhole nga abo abacha okhukhengewa nende amalako akawa owulekhule,
|
|||
|
\v 13 Olwokhuba okhukhengerwa awataasi esisa khwakhekesewe eyiri oyo yeesi oteekesa esisa. Esisa siri amukulu wenkhenga yo’musango! Enfukiirira nende ebikholwa.
|
|||
|
\p
|
|||
|
\v 14 Sirayi siina, baana befwe, omutu nikeranga ati ali ne’nfukiirira naye ebikholwa awuma? Enfukiirira nga eyo yinyala okhumuwoniya?
|
|||
|
\v 15 Nisiba mbo mwanaηηinefwe oba mbocho yefwe awuma nguwo nende ebyokhulya bya nawuli ludaalo.
|
|||
|
\v 16 Nisiba mbo mulala khwinywe amuwoola ati, “cha, nkhudakhisa obe wulayi; funa owubafu khandi olye wulayi,” ninga yiwuma syakholire khubyetaago byo’mubiri kwaye. Sirayi siina esyo?
|
|||
|
\v 17 Mumbya nasirala, enfukiirira yoηene, niyitachiirakho ebikholwa, yiba nfu.
|
|||
|
\p
|
|||
|
\v 18 Naye owundi aliwoola ati, “Oli nende enfukiirira; ese ndi nende ebikholwa.” Njekese enfukiirira yawo eyiwumakho ebiholwa, khandi sesi nkhwekese enfukiirira yange nende ebyo binkhola.
|
|||
|
\v 19 Mufukiirira muuti aliwo Weere mulala. Sirayi! Ata nende dayimooni chifukiirira chiityo__ khandi chitengerekha.
|
|||
|
\v 20 Musiru ewe, odakha owujulisi oti enfukiirira eyiwuma bikholwa yiwumamo amakhuluutu?
|
|||
|
\v 21 Kuka yefwe Yibbulayimu sikabaliwa okhuba omwolerefu nende sikakhola nikawayo omusyaani waye Yisaaka khu wo’lutaari?
|
|||
|
\v 22 Muwone muuti enfukiirira yaye nende ebikholwa byaye byali bikholera alala, nende enfukiirira yaye yali enjichufu olwesyo sikakhola.
|
|||
|
\v 23 Khandi esyawandiikiwa syoseresewa esiwoola siiti, “Yibbulayimu kafukiirira Weere, manu kabaliwa okhuba omwolerefu,” manu kalangiwa omwicha wa Weere.
|
|||
|
\v 24 Muwona muuti omutu akholewa kaaba mulungifu olwebyo byakhola so si lwenfukiirira yoηηene.
|
|||
|
\v 25 Mumbya nasirala, Malaya Rakhabbu si kabaliwa okhuba omulungifu olwesyo sikakhola nikakoniya abakheeti kamala kababisya khu ngira yiindi?
|
|||
|
\p
|
|||
|
\v 26 Nga omubiri okuwumamo omwoyo lukuba omufu, yiityo enfukiirira eyiwumamo ebikholewa yiba nfu.
|
|||
|
\c 3
|
|||
|
\p
|
|||
|
\v 1 Bangi khwinywe mutebaasa okhuba abasomesa, baana befwe, olwokhuba mumanyire muuti efwe abasomesa khulikhengerwa no’wegenderefu wukali.
|
|||
|
\v 2 Fwesi fwesi khukosya mungira nyingi. Niwabawo yesi yeesi otakosyangakho mu syawoola, mutu mukololofu, anyala okhulinda omubiri kwaye nimulayi.
|
|||
|
\v 3 Nikhuta ebiitu mukhanwa we’nsukhiri okhuchikhola chifukiirire bikhuwoola, khunyala khwakalukhaniya ensolo yosi yoosi.
|
|||
|
\v 4 Oba khakhuyire emeeri nge’syo’khuwonerakho. Achakhaba mbo ngali wusa chiityo khandi nga chifukwa nemiyaka cha’maani, chifukiwa nende engasi entono yene nawuli mufuki yadakhira okhucha.
|
|||
|
\v 5 Nasirala olulimi khatundu khatono khu mubiri, naye khanyala khaleeta okhwepaakha khukali. Basakho olukaka olukali lusambiwa nende akhaliro akhatono.
|
|||
|
\p
|
|||
|
\v 6 Olulimi lwosi muliro, esyalo syo’wubi mu bitundu byefwe byo’mubiri. Lunyaasa omutu yesi yeesi, luta owulamu waye woosi khumuliro, khandi olwene geyena yaluta khu muliro.
|
|||
|
\v 7 Ebisolo bya nawuli mbya, amayoni, ebyekhwesa assi nende ebilonge byo mukuyanja biriindiwa khandi biriindwa nomutu,
|
|||
|
\v 8 naye yiwuma mutu onyala kaalinda olulimi. Sibi esitajoηηolokha, syechula owusiba owita.
|
|||
|
\v 9 Khukiniya Omwami wefwe khandi Bbaabba no’lulimi, khandi no’lwene olwo khukholimira abaatu, abakholewa munfwani ya Weere.
|
|||
|
\v 10 Mumunwa kwene okwo mutulamo okhukiniya no’khukholima. Baana befwe, sino sisyakhakholekhire.
|
|||
|
\v 11 Amaachi malayi nende akalimo chumbi kakhakhulukusa okhutula munsulo ndala?
|
|||
|
\v 12 Baana befwe, omusaala kwomutuli kunyala kwamakkho emisabibbu, oba omuleere kwamakho osongola? Nomwalo kwa chumbi sikunyala kwatusa amaachi malayi.
|
|||
|
\s Amakesi Akamakhabi Kabiri.
|
|||
|
\p
|
|||
|
\v 13 Nanu omukesi khandi otegeera mwinywe? Asyekesenge no’wulamu waye owulayi, nebikholewa mu wulonga owutula mu makesi.
|
|||
|
\v 14 Naye nimukisa embalikha embi nende omutoolyo mu myooyo chenywe, mutasyepaakhiramo oba mwekaana amasima.
|
|||
|
\v 15 “Amakesi” nga ako sikecha okhutula mwikulu naye ke’syalo, kawumamo owo’mwoyo, kasetani.
|
|||
|
\v 16 Olwokhuba eyiba embalikha nende okhwedakhisa ebingi, eyo yibayo owutawulirisaniya nende nawuli sikholwa sibi.
|
|||
|
\v 17 Naye amakesi akatula mwikulu okhusookha kweene malungifu; khulondekho emirembe__ okhudakha, ebibaaso, okhwewayo, okhwichuye esisa nende ebyamo birayi, owutekhubbira khandi owumalirifu.
|
|||
|
\v 18 Abaleeta emirembe abataaka edembe basiingisa ekesa lyo’wulungifu.
|
|||
|
\c 4
|
|||
|
\p
|
|||
|
\v 1 Siina esireeta okhulwaana nende emyeero mwinywe? Sibitula mu wekoombi wenywe owulwaanira mwinywe?
|
|||
|
\v 2 Mudakha esiitu naye simusifuna. Mwita khandi mwekomba, naye khaba simufuna simudakha. Munyekana khandi mwalwaana. Muwuma, olwokhuba simusaba Weere.
|
|||
|
\v 3 Nimusaba simufuna, olwokhuba musaba ne’bichiririrwa ebibi, kho munyale okhukhosesa bimufuna musangaalo lyenywe.
|
|||
|
\p
|
|||
|
\v 4 Baatu badaamba enywe, simumanyire muuti owiicha ne’syalo nje owulekani ni Weere? Yesi yeesi okhengawo okhuwamba esyalo owiicha aba musuku wa Weere.
|
|||
|
\v 5 Oba mubaasa muuti esyawandiikiwa siwola awawuma nsonga siiti omwoyo kukakhola okhutumenyamo kuli no’mutolyo mukali?
|
|||
|
\v 6 Naye atuwa esisa sikhirawo. Nje esikira esyawandiikiwa nisiwoola siiti: “Weere ayiinganiya abepaakha naye awa esisa eyiri abaloonga.”
|
|||
|
\p
|
|||
|
\v 7 Manu, mweweyo abene, eyiri Weere. Mwekayekho Setani, khandi acha okhuberukhakho.
|
|||
|
\v 8 Musude ambi ni Weere ne yesi kecha okhwicha ambi nanywe. Mwesaabe amakhono kenywe, enywe abakholi be’bibi, khandi mulabye emyoyo chenywe, enywe ab’emyoyo chibiri.
|
|||
|
\v 9 Mulire engisa, mulire amasika khandi mwayule. Mukalukhaniye enjekho chenywe chibe maliro nende esangaalo lyenywe libe okhwewunamira.
|
|||
|
\v 10 Mube abaloonga eyiri Omwami, khandi kecha okhubasingisa.
|
|||
|
\p
|
|||
|
\v 11 Baana befwe, mutalomalomeranga wubi abasyenywe. Yesi yeesi olomaloma wubi khuwasye oba kamukhengera omusango alomaloma wubi khu lako khandi alikhengera omusango. No’khengera elako omusango syoba nolidiira, naye oba wikhaaye okhulikhengera omusango.
|
|||
|
\v 12 Aliwo mulala yeηηene owa malako, oyo onyala kawoniya khandi kasikhirisa¬. Naye ewe__ niiwe nanu okhengera okhusibiranire omusango?
|
|||
|
\s Okhwepaakhira Khu byomuchuli
|
|||
|
\p
|
|||
|
\v 13 Wunanu mutekeerese, enywe abawoola muuti, “Olwaleero oba muchuli khunache mu siko sino oba sira, khumaleyo omwaaka, khukhole ebyasara khandi khukhole erubya.”
|
|||
|
\v 14 Lwasiina, nokhumanya simumanyire ebinabewo muchuli. Owulamu wenywe nisi? Muli enaηηooηηwe eriwonekhakho wutono nirimala likotawo.
|
|||
|
\v 15 Mwakhali muteekwa okhuwoola muuti, “Nikhuba okhudakha khw’Omwami, nikhuba abalamu khulikhola sino oba sira.”
|
|||
|
\v 16 Nga nisiri, mwepaakha khandi mwekiniya. Okhwepaakha khuli khuutyo siba sibi.
|
|||
|
\p
|
|||
|
\v 17 Manu, oyo yesi yeesi, omanya esirayi syakhoyire okhukhola manu kakhaya okhusikhola, aba akholire esibi.
|
|||
|
\c 5
|
|||
|
\p
|
|||
|
\v 1 Wunanu mutekeerese, enywe abaatu bayiinda, mulire khandi mwayule khu lwengisa chicha okhubabaakho.
|
|||
|
\v 2 Owuyiinda wenywe wuwolire, khandi amasiriyi kaliiye enguwo chenywe.
|
|||
|
\v 3 Esaabbu yenywe nende enfweesa bikhubbire enkherebende. Owukherebende wabyo wuliwa owujulisi khwinywe khandi wulirya emibiri chenywe nga omuliro. Mukisiise owuyiinda mu ndaalo chisembayo.
|
|||
|
\v 4 Muwone! Omusaara kumwakhaya okhutuunga abakhosi ababeta endalo chenywe kubalirirakho. Amaliro kabaatu bakesa kolire mu matwi k’Omwami owo’wunyala woosi.
|
|||
|
\v 5 Mumenyire khusyalo mu mwekhoyo nende okhwesangaasa abeene. Mwekhomesiise abeene mu ndaalo cho’khwiita
|
|||
|
\v 6 Mukhengeeye abaatu bawuma musaango khandi mwabeeta, abali nibatabayiinganiya.
|
|||
|
\s Okhwesimiirisa Mu Khusaanda
|
|||
|
\p
|
|||
|
\v 7 Mwesimiirise, manu, baana befwe, okhwoosa Omwami lwalikowolera. Muwone nga omulimi nalindirira endalo okhuleeta ebyaamo birayi khandi nga nikesimirisa musiruumbi nende mu nfula eyetoocho.
|
|||
|
\v 8 Muutyo mwesi, mwesimiirise khandi mube abomiifu, olwokhuba okhwiicha khw’Omwami khuli ambi.
|
|||
|
\v 9 Muteŋuluŋunyaanga abeene nabeene, baana befwe, kho mukhaye okhukhengerwa omusango. Omulamusi kemire amulyango!
|
|||
|
\v 10 Baana beefwe, nga esy’okhuwonerakho esy’okhwesimiirisa mu bikha by’okhusaanda, muwonere khuba nabbi abalomaloma mu liita ly’Omwami.
|
|||
|
\v 11 Nga nimumanyire, khubabaasa okhuba abenkhabi abo abesimiirisa. Mwawulira okhwesimiirisa khwa Yobbu khandi mwawona Omwami sikaletawo mu khumaliirikha. Omwami kechuuye esisa nende okhusaasira.
|
|||
|
\p
|
|||
|
\v 12 Okhukhirira erala, baana befwe, mutechubanga__ silwekulu oba esyalo oba olwesiitu sindi syosi syoosi. Nimuwoola muuti “Eee,” Sibe eee, khandi nimuwoola muuti “Bbee,” Sibe Bbe, mulobe okhukhengerwa omusango.
|
|||
|
\s Okhwekalikhira Okhw’enfukiirira.
|
|||
|
\p
|
|||
|
\v 13 Aliwo khwinywe oli muwudinyu? Akhoya kekalikhire. Aliwo osangaaye? Akhoyire kembe enyembo echikiniya.
|
|||
|
\v 14 Aliwo omulwaaye mwiinywe? Akhoya alange abakhuluutu be Kanisa bamusabire khandi bamubakhe amafuta mu liita ly’Omwami.
|
|||
|
\v 15 Khandi okhwekalikhira okhukholewa mu nfukiirira khucha okhuwoniya omutu mulwaaye. Omwami acha okhumusiingisa. Naba nikakhola esibi, alirekherwamo.
|
|||
|
\v 16 Nolwesyo mweyolobye ebibi byenywe abeene nabeene khandi musabire abasyenywe kho munyale okhuwona. Okhwekalikhira khwo mutu omulungifu khwamaani khandi khukhola.
|
|||
|
\v 17 Eriya kali wusa mutu nga efwe. Kekalikhira nikomiisa ati enfula yikhaye okhukwa, khandi siyakwa khwiroba okhumala emyaaka chidatu ne’situndu.
|
|||
|
\v 18 Khandi kekalikhira, manu ekulu lyaleeta enfula, khandi eroba lyatusa ebyamo byalyo.
|
|||
|
\p
|
|||
|
\v 19 Baana befwe, nisiba mbo mulala khwinywe atulire khu masima ninga aliwo onyala kamukowosa,
|
|||
|
\v 20 mwichulise sino: Nawuli okalukhaniya omukholi we’bibi okhutula mu sisobyo esyengira yaye alimuwoniya okhutula mu khufwa khandi kawiikha khu wungi we’bibi.
|