163 lines
13 KiB
Plaintext
163 lines
13 KiB
Plaintext
\id 1TI
|
|
\ide UTF-8
|
|
\h 1Timotseyo
|
|
\toc1 1Timotseyo
|
|
\toc2 1Timotseyo
|
|
\toc3 1ti
|
|
\mt 1Timotseyo
|
|
\c 1
|
|
\cl 1Timotseyo 1
|
|
\p
|
|
\v 1 Paulo omurume waYesu Kristo, khulwa lilako liaNyasaye omuhonia wefwe, nende Kristo obunayi bwefwe.
|
|
\v 2 Yule khu, Timotseyo omwana wanje watoto, mubusubiri, obukosia, nende tsimbabasi, no mulembe, ebirula khuNyasaye samwana, nende Yesu Kristo ouli Omwami wefwe.
|
|
\p
|
|
\v 3 Shinga olwa ndakhusaya mbu, omenyekhwoyo eEfeso, olwa ndali nindi okhutsia Makedonia, okhoyere okhuuka abandu nabulebe, obulechesia, amechesio kandi lukano ta.
|
|
\v 4 Kata okhureka amarwi khutsingano, kata khutsibakha tsibulo obukhala, akerera amarebano nikalolosia, tsiyemi tsiaNyasaye etsiri mubusubiri ta.
|
|
\v 5 Bulano omwisho kwelilako nobuheri oburula mumwoyo omwerereshe, amayiririsio amalayi nende obusubiri bwatoto.
|
|
\v 6 Okhurula khuyako abandi balekha kano nibashukhanira imbakha ikhaya.
|
|
\v 7 Bekomba okhuba abechesia bamalako, kata olwa bakorwa eshisina shiakenako akababoolanga, nende akenako, akabarumbulanga chiminiayi,
|
|
\p
|
|
\v 8 habutswa khumanyire mbu, amalako namalayi, kaba mbu, omundu akekhonyera khwilako.
|
|
\v 9 Ne, emanyire mbu, amalako shikachomanga khumundu ouli omulunjishi ta, ne mbu, khubakhayi bamalako nende abonooni, khulwabo abalamuria Nyasaye ta, abonooni, khulwabo ababula idini, abakafiri, khuberi babaSamwana basaMwana, naberi babanyina, aberi babandu,
|
|
\v 10 bebitina, ebeyononia nende abandu, ebefi babandu, ababeyi, abetsulamwo eitsubo, nende bibaho biosi ebilali biamechesio katoto ta.
|
|
\v 11 okhurondokhana shinga kali. munjira yoluyali, ya Nyasaye mwene ikhabi, eyahanwa khulwokhusubira isie.
|
|
\p
|
|
\v 12 Khandi ekhupira Kristo Yesu orio muno, owanyalira, okhuba yakhola isie oukhoyere khubukhalabani bwe.
|
|
\v 13 Oyo wali omubi, omunyechi nemusandia, omundu wamahababa, nasi ndanyola obukosia okhuba ndakhola obulamanya ta.
|
|
\v 14 Nabo obukosia bwaNyasaye bwali obunji khusie, nobusubiri nende obuheri obuli muKristo Yesu.
|
|
\p
|
|
\v 15 Buno nobuboli bwatoto obukhoya okhubolwa mbu, Kristo Yesu yetsa Mushialo okhuhonia betsimbi, nendi omukhulundu.
|
|
\v 16 Kata kario, okhuba ndanyola obukosia, mbu, mwisie mberio Kristo anyale okhulolesia obwifwiri obukhongo, shinga eshilolera khubalia abalitsa okhusubira muye khubulamu bweinziayo.
|
|
\p
|
|
\v 17 Ne bulano khuMuruchi weinziayo, oulakalukhana ta, owolanyala okhulola ta, Nyasaye yenyene mwene obumanyirisi, lube oluyali nobwitsomi tsinyanga tsiosi, Amina.
|
|
\v 18 Khulwa lino, ekhulako iwe mwana wanje Timotseyo, okhurondokhana nende obulakusi bwabolwa khwiwe, mbu olwane lihe lilayii,
|
|
\v 19 nolinda obusubiri nende omwoyo omulayi, okhuba abandi nibakhalekha obusubiri, bamalire okhukwa.
|
|
\v 20 Mulala khubo ni Himanayo nende Alekisanda, owandalakhulire Setani, beche okhulekha okhunyeka.
|
|
\c 2
|
|
\cl 1Timotseyo 2
|
|
\p
|
|
\v 1 Niko akachira nikhusaya olwamberi mbu, amasayo okhusaba, nende okhusairana, nende okhupa orio, bikholwe khubandu bosi.
|
|
\v 2 Khubaruchi, nende bosi abali mubunyali, mbu khunyale okhumenya obulamu bwomulembe, mubunyasaye bwosi nende obwatoto.
|
|
\v 3 Okhuba lino nelilayi khandi likhoyera mumoni mwaNyasaye omuhonia wefwe.
|
|
\v 4 Owikomba mbu, abandu bosi bahonibwe, nibaba nobumanyirisi khubwatoto.
|
|
\v 5 Okhuba khuli nende Nyasaye mulala, nende omukobosheri hakari wefwe nende Nyasaye, omundu Yesu Kristo.
|
|
\v 6 Owehana shinga omununuli khubosi, oburumbushi bwobuloli khubise ebikhoyere.
|
|
\v 7 Khulwesho, ndaulwa omwirwatsi, nende omurume (emboola toto muKristo Yesu, ninda beya ta) omwechesia wabamahanga mubusubiri nende obwatoto.
|
|
\p
|
|
\v 8 Ne niko akachira nindienya mbu, abasatsa bosi basaye buli habundu hosi, nibakalikha amakhono koluyali, nibamuritsanga Nyasaye, halali oburuma kata amayinje ta.
|
|
\v 9 Khandi kario khandi abakhasi besiiye mutsingubo tsioluyali etsikhoyere, nibalaba namaswi kalushirwe ta, noho ithahabu, neifetha, namachina kobukusi,
|
|
\v 10 habula balia abakhasi abamuritsanga Nyasaye nibali nebikhole ebilayi.
|
|
\v 11 Leshe abakhasi beche mubuholerefu, nobwitutui bwosi.
|
|
\v 12 Nasi shenjama mbu, omukhasi yechesie, noho okhuba nobunyali khumusatsa ta, ne mbu, amenye mubwisumirisi.
|
|
\v 13 Okhuba Adamu niye olwalongwa imberi, kho olunyuma Hawa.
|
|
\v 14 Naye Adamu shiakatibwa ta, habula omukhasi nowakatibwa niyenjra mumakoso.
|
|
\v 15 Naye alahonibwa munzibula, nikhuba nikhutsirira mubusuburi nende ebikhole ebilayi, nobutsienukhu, nobwatoto.
|
|
\c 3
|
|
\cl 1Timotseyo 3
|
|
\p
|
|
\v 1 Buno nobuboli bwatoto, omunduyesi niyakhenya okhuba Askofu, yekomba eshindu eshilayi.
|
|
\v 2 Kho Askofu akhoyera okhubula eshikha, omusatsa womukhasi mulala, omwihotseresi, oula mera ta, wemima emilayi, owinjisia abacheni, ounyala okhwechesia.
|
|
\v 3 Oulachama amalwa ta, shalaba omuworu ta, noho ebima ebibi, ne mbu, omwisimirisi, weliyoka ta, wobwikombi ta.
|
|
\v 4 Owimiriranga inzuye obulayi, niyemirira abanabe munjira yaNyasaye.
|
|
\v 5 Okhuba omundu nalanyala okhulinda inzuye obulayi ta, anyala okhulinda arie inzu yaNyasaye?
|
|
\v 6 Shalaba omusubiri omuyia ta, okhuba yalechinjimisia, nakwa mushilamo shiomusuku.
|
|
\v 7 Khatimba abe naboolwakhwo obulayi nende abandu berwanyi, mbu, shalakwa mutsisoni, nomubero kwomusuku ta.
|
|
\p
|
|
\v 8 Kario khandi abakhoyera Oburumushi, Shaba wetsinimi tsibiri ta, alaba omumesi ta, omuworu, nende abima ebibi ta.
|
|
\v 9 Nalindanga amabiso kobusubiri mumaparo amalayi komumwoyo.
|
|
\v 10 Nabo bano, beyamwe, nabo balakhalabana shinga abakhonyeri nibanyolekha nibabula eshikha ta.
|
|
\v 11 Khandi nindio abakhasi babwe bakhoyere okhuba, balaba abamonyi ta, abali namaparo amalai, abasubirwa mubindu biosi
|
|
\v 12 Naye omukhonyereri abe nomukhasi mulala, nibemirira abana babwe netsinzu tsiabwe obulayi.
|
|
\v 13 Okhuba balia abakhola emirimo chiobukhonyereri banyola olulayi, banyola ifuma indayi, nabo nibaba neitswoni mubusubiri muKristo Yesu.
|
|
\p
|
|
\v 14 Ebahandichira amakhuwa kano, nendi nobunayi bwokhwitsa ewenye mulwangu.
|
|
\v 15 Ne nimba nishinda, mbu mumanye shinga olwa mukhoya okhwichenderesia munzu yaNyasaye, eiri ikanisa yaNyasaye oumenyanga, isiro nende omusee kwobwatoto.
|
|
\v 16 Ne, halali obuyingani bwosi, libiso liobuNyasaye nilikhongo, Nyasaye yalolekha mumubiri, natinyisibwa muRoho, nalolwa nende abamalaika, nayalwa mumahanga, nasubirwa Mushialo, nabukulwa noluyali Mwikulu.
|
|
\c 4
|
|
\cl 1Timotseyo 4
|
|
\p
|
|
\v 1 Ne, bulano Roho aboola habulafu mbu, tsinyanga tsitsanga, abandi balalekha obusubiri, nibaulira tsiroho tsiokhuserera,
|
|
\v 2 nende amechesio komusuku. nibaboola obubeyi mubwikati, nibasambwa nomuliro mutsinganakani tsiabwe,
|
|
\v 3 Nibakananga okhuteshia, nende okhulekha okhulia inyama, ebiaNyasaye yahana mbu, bilibwe nikhupa orio, khubalia abasubira nibamanya obwatoto,
|
|
\v 4 Okhuba buli shilonje neshilayi, ne shibulaho eshikhoya okhulobwa ta, nishilibwa khuluyali nende okhupa orio,
|
|
\v 5 okhuba biosi bimalire okhuthienulwa nende likhuwa liaNyasaye.
|
|
\v 6 Noba niwakhetsusia amakhuwa kano khubaherwa, olaba omukhalabani omulayi wa Yesu Kristo, owakhusibwa mwikhuwa liobusubiri nende amechesio amalayi.
|
|
\v 7 Nawe loba tsimbakha nende tsingano tsiabakhasi abakofu, nawe winosinjie khubikhole bieshiNyasaye. okhwinasia ebikhole biomubiri khuli nende inganga.
|
|
\v 8 Habula obuNyasaye buli nende inganga muno khubindu biosi, biri nende indakano khubulamu buno nende obulamu bwitsa.
|
|
\v 9 Buno nobuboli bwatoto, khandi obukhoya okhwiyamwa nende bosi.
|
|
\v 10 Mbu, niko akachira, nikhufulukhana, nikhunyakhana, khulwobunayi bwefwe, burulire khuNyasaye, oumenyanga mwoyo, ouli omuhonia wabandu bosi, okhushira muno, bobusubiri.
|
|
\v 11 Kano kosi, kalachirisie, niwechesia.
|
|
\p
|
|
\v 12 Omundu yesi shalakhuleka khulwa obubukhabwo ta, ne mbu, obe eshilolero khubasubiri, mwikhuwa, obubooli, ebikhole ebilayi, Roho, obusubiri nende obwerereshe.
|
|
\v 13 Okhula olwanditsa, khola amani okhusoma amalako, nokhwirwatsa, nokhwechesia.
|
|
\v 14 Sholalekha eshihanwa shiri mwiwe ta, eshiahanwa khwiwe mubulakusi, khukhurebwakhwo emikhono nabakhulundu.
|
|
\v 15 Oiririsie khumakhuwa kano, wihane khuko, mbu kabe keinganga khubosi.
|
|
\p
|
|
\v 16 Wihenjeresie omwene nende amechesio, tsiririra muko, nokhola orio, olehonia omwene, nende abauliribo.
|
|
\c 5
|
|
\cl 1Timotseyo 5
|
|
\p
|
|
\v 1 Olamukondoshera omukhulundu ta, habula mubukule shinga Papa, nabo ababukha shinga abanabenywe,
|
|
\v 2 abashiere abakhulundu shinga Mama, nabo abana beshikhana shinga abakhana benywe, nobutsienukhu bwosi,
|
|
\p
|
|
\v 3 Hana oluyali khubalekhwa, abali abalekhwa batoto.
|
|
\v 4 Ne butswa omulekhwa naba nali nende abana, noho abetsukhulu, lekha beche okhulolesia eshibera ingo, nibaba linda abebusi babwe, okhuba lino nelilai khandi lichamisia mumonitsia Nyasaye.
|
|
\v 5 Ne ulia ouli omulekhwa watoto, asubiranga muMwami, natsiririra mumasayo nende okhusaba eshiro neshitere,
|
|
\v 6 Naye oumenyanga mumienya, yafwa kata olwa amenyanga.
|
|
\v 7 Nawe balake amakhuwa kano mbu, baleshe okhuba neshikha ta.
|
|
\v 8 Ne omundu yesi nalakhonya abeinzuye ta, omwenoyo alobire obusubiri. Naye nomubi okhushira oulasubira ta.
|
|
\p
|
|
\v 9 Shimulara omulekhwa mubalekhwa ouli hasi we miika amakhumi kasasaba ta, khandi abe niyali omukhasi womusatsa mulala, nabolungwakhwo amakhuwa ne bikhole ebilai.
|
|
\v 10 Nakhusiye abanabe, obulayi, niyenjisiye abacheni, niyosiye amakulu kabasubiri, nabakhonyire abanyakhana, nalakhonyere khumani buli omulimo omulayi.
|
|
\v 11 Ne abalekhwa bashiri abatiti tawe, okhuba olwabatirwa nobwikombi, okhwaukhane nende Kristo, balenya okhutekha.
|
|
\v 12 Nibaba neshina khulwa okhulekha obusubiri bwabwe bwamberi. Khandi nende yako kosi.
|
|
\v 13 Bekanga okhuba abatofu, nibachenda okhurula munzu yino okhutsia munzu yindi, nibeka bario obutofu, ne shikhuli okhutofula khwonyene ta, habula nende okhubetsanga nitsimbemba, nibeinjisia mumakhuwa kabene, nibaboola ebindu bilakhoya ta.
|
|
\v 14 Niko akachira ninzenya mbu, abakhasi bashiri abatiti, bateshibwe, bebule abana, balinde inzu, mbu, shibalaheresia omusuku obwiyangu okhuboola kalakhoyire ta.
|
|
\v 15 Okhuba abandi bamukalushire shetani.
|
|
\p
|
|
\v 16 Omundu yesi omusatsa noho omukhasi nali nende abalekhwa, akhoya okhubakhonya mbu, ikanisa ileshe okhuba nobusiro, kho inyale okhubakhalabanira abalekhwa batoto.
|
|
\p
|
|
\v 17 Obakhulundu abemiriranga obulai baheresibwa oluyali khabiri, okhushira muno balia abakhalabananga mwikhuwa nende amechesio.
|
|
\v 18 Okhuba amahandiko kaboola mbu, sholaboha Isurusi omunwa olwa yifuna Ingano ta, naye omukholi akhoyera omurungokwe.
|
|
\p
|
|
\v 19 Sholafuchirira liosi liokhwinjirira okhumukhulundu balaliho abaloli babiri noho bataru ta.
|
|
\v 20 Balia abakhola tsimbi, bahalabire imberi wabandi, mbu banyale okhuria.
|
|
\p
|
|
\v 21 Ekhulaka imberi waNyasaye nende Omwami Yesu Kristo, nende abamalaika abalobole, mbu olenjeresia amakhuwa kano, obulalekha akandi ta, sholakhola shiosi mubiera ta.
|
|
\p
|
|
\v 22 Sholaba nende lwangu okhura emikhono chio khubandu ta, sholasanga mutsimbi tsiabwe ta, wilinde obe omwerereshe.
|
|
\v 23 Sholanywa butsa amatsi konyene ta, nywakhwo khandi Idivai inditi, khulwe Indayo, nobuteshere.
|
|
\v 24 Tsimbi tsiabandi tsiri habulafu, tsibemiriranga mukhuyasibwa, natso tsiabandi tsibalondakhwo.
|
|
\v 25 Nolwakali kario khandi ebikhole ebilayi biabandi shibifisa ta.
|
|
\c 6
|
|
\cl 1Timotseyo 6
|
|
\p
|
|
\v 1 Yabo bosi abali mwikokolo liobusumba, baparanje khubami babwe shinga olwa bakwanire, oluyali, mbu, elira liaNyasaye nende amechesioke, kalanyekwa ta, nabo abali nende abami abasubiri, shibala balecheresia ta.
|
|
\p
|
|
\v 2 Okhuba nabaherwa. Nebutswa babakhalabanire okhuba nabarumushi abasubirwa. Abasanganga munganga, mwechesie nimutinyisia kano.
|
|
\p
|
|
\v 3 Omundu yesi naba niyechesia akandi, nalalonda khumakhuwa katoto, amakhuwa koMwami wefwe Yesu Kristo, nende amechesio keshiNyasaye,
|
|
\v 4 oyo nomwichinjimisi, oulamanyire shiosi ta, narera amainje, nende emilwano chiamakhuwa, echirulamwo imbalikha, emilwano nende obubi, nokhuparirana amabi.
|
|
\v 5 Namaingane kabandu boononekha amaparo, abalemanga obwatoto, bapara mbu, Obunyasaye niinyanga! ebeimbia eyo, rulamwo.
|
|
\p
|
|
\v 6 Ne toto mwene Idini neinganga muno khu oyo ouhera nende ebia ali ninabio,
|
|
\v 7 shichira shikhwetsa Mushialo neshindu ta, khandi shikulitsia nende eshindu ta.
|
|
\v 8 Nebutswa obunyasaye nende nende obuheri neinganga muno.
|
|
\v 9 Ne balia abekomba obuinda, bakwitsanga mumubero kwobwikombi, obusashisi, obwa abandu bakwa mubwonononeshi, nokhutiba, okhuba okhuchama amang'ondo.
|
|
\v 10 Nishio eshisina shiobubi bwosi, abandi bekombire okhula nibakora okhurula khubwatoto. Nibefumira abene nende obutsunwi obunji.
|
|
\p
|
|
\v 11 Nebutswa ewe omundu waNyasaye, wihanye mufindubino, nolonda obulunjishi, obuNyasaye, obusubiri, obuheri, obwifiri, nende obuholo.
|
|
\v 12 Lwana Lihe lilai liobusubiri, tira obulamu bweinziayo obwa walanjirwa, nawe omenyanga obumenyi obulayi imberi wabaloli abanji.
|
|
\p
|
|
\v 13 Ekhulaka ilmberi waNyasaye ouhananga obulamu khubiosi, nende imberi waKristo Yesu, owa imberi wa Pontia Pilato ya rusia obuloli obulai,
|
|
\v 14 Tira amalako obulalekha kata eshironyeresi kata eshikha ta, okhula khunyanga yokhulolesibwa khwo Mwami wefwe Yesu Kristo.
|
|
\v 15 Owa mubisebie, alimulolesia, ouli weikhabi yosi yenyene Omuruchi wabaruchi, nende Omwami waBami.
|
|
\v 16 Ouli yenyene nende eshinamubiri, namenyanga mubulafu bwomunduyesi alanyala okhula ta, owomundu yesi ashiri okhulola ta, khuye lube oluyali, nobunyali ebisoni nebisoni, Amina.
|
|
\p
|
|
\v 17 Balachirisie balia abali abainda Mushialo muno mbu, baleshe okhwichinjimisia, noho okhusubiRa mubindu ebikhaya. habula muNyasaye oumenyanga, ouheresinjia mubuinda ebindu biosi mbu, khusangalire.
|
|
\v 18 Mbu bakhole amalayi, babe abainda mubikhole eBilayi, niberechekha okhuhana nibasangalira abandu, nibebishira mwibishiro omusee omulayi.
|
|
\v 19 Khutsinyanga tsimbi tsitsanga, mbu banyale okhunyola obulamu bweinziayo.
|
|
\p
|
|
\v 20 Timotseyo, linda shiria eshia wahebwa, noloba obubeyi nende tsimbakha tsia butswa, nende amainje kabasomi shinga olwa kalangwa.
|
|
\v 21 Ako khubandu abakalondanga, bakorire okhurula khubusubiri, obukosia bube ninenyu, Amina.
|