See in Reader
127 lines
11 KiB
Plaintext
127 lines
11 KiB
Plaintext
\id 1TH
|
|
\ide UTF-8
|
|
\h 1 Abatsesolonika
|
|
\toc1 1 Abatsesolonika
|
|
\toc2 1 Abatsesolonika
|
|
\toc3 1th
|
|
\mt 1 Abatsesolonika
|
|
\c 1
|
|
\cl 1 Abatsesolonika 1
|
|
\p
|
|
\v 1 Eyirula khu Paulo nende Silivano nende Timotseyo: yula khu Kanisa yabaThesalonika, muMwami Yesu Kristo, nende Nyasaye ouli Samwana. Obukosia bube khwinywe nomulembe.
|
|
\p
|
|
\v 2 Khumupira Nyasaye orio khulwenywe mwesi tsinyanga tsiosi, nikhumurumbulanga mwesi mukhusaya khwefwe;
|
|
\v 3 Kata shikhukoneranga tawe okhwitsulira imberi wa Nyasaye wefwe, niye sefwe, obukholi bwenywe oburula mubusubiri, nobunyakhani oburula mubuheeri, nobwisimirisi oburula mubunayi khu Mwami weefwe Yesu kristo.
|
|
\v 4 Khumanyire, bana befwe aba Nyasaye aheranga, shinga olwa yamulobola toto;
|
|
\v 5 shichira oburume bwa khwerwatsa shibwamulira mumakhuwa butswa ta, habula nende mubunyali, khandi muRoho Omulafu, khandi mubumanyi oburaliru khandi inywe mimanyire murio imere yefwe mwinywe eyali khulwenywe.
|
|
\v 6 Nenywe mwekhola, abalondi ba imera yefwe nende eyo Omwami; shichira mwenjisiria likhuwa mubusandibwi obunji, halala nende obusaangali bwa Roho Mulafu.
|
|
\v 7 Nimwikhola murio eshimanyiro khubasubiri bosi abali Makedonia nende Akaya.
|
|
\v 8 Okhuba likhuwa lioOmwami liarula mwinywe, Makedonia nende Akaya yonyene ta, habula mubuli bandu, akobusubiri bwenywe obwa muli ninabwo khu Nyasaye katswanire ebulafu. Kho ifwe shikhuli nende elichira nikhuboola likhuwa ta.
|
|
\v 9 Shichira abene baboolanga khukefwe, okhwinjira khwefwe mwinywe shinga olwa khwali; khandi shinga olwa mwashiukhanira Nyasaye watoto oubetsangaho mwoyo.
|
|
\v 10 Nokhulindirira Omwanawe okhurula Mwikulu; ne niye owayalamusia okhurula mubafu, mbu Yesu, oukhuhoninjia muburima obuli okhwitsa.
|
|
\c 2
|
|
\cl 1 Abatsesolonika 2
|
|
\p
|
|
\v 1 Shichira inywe abene, bana befwe, mumanyire mbu okhwinjira khwefwe ewenywe shikhwalolekha mbu, nokhwabutswa tawe.
|
|
\v 2 Ne nikhumalire okhusalira olwamberi nikhukholerwa amatinyu aketsisoni eFilipi shinga olwa mumanyire, khwamuboolera aka oburume bwaNyasaye chiminayi neitswoni muNyasaye wefwe, mumayinje amanji.
|
|
\v 3 Shichira obuchesiyii bwefwe shiburula mubukorwi, kata mushifwabwi, kata shibulimwo obukaatii ta.
|
|
\v 4 Ne shinga olwa khwafuchirirwa nende Nyasaye okhwechekhwa oburume obulai, nilwo olwa khuboola; shinga abachamisia abandu ta, habula Nyasaye outemanga emioyo chiefwe.
|
|
\v 5 Okhuba shikhwanyoolekha olundi lwosi nikhwikhonyera amakhuwa akobulomberesii shinga olwa mumanyire, kata a keshibera, shielikhalikhali ta; Nyasaye nomuloli.
|
|
\v 6 Kata shikhwakhaba oluyali okhurula khubandu, kata khwinywe, kata khubandi ta; nebutswa khwakhanyalire okhumufinya nikhuli khurio abarume baKristo.
|
|
\v 7 Ne khwali hakari wenywe nikhuli abaholo shinga nyinabana olwa atemberesia abanabe omwene.
|
|
\v 8 Ninefwe fwesi khurio, olwa khwamenya nobuheri obunji, shikhwachama okhumukabira oburume obulai bwa Nyasaye bwonyene ta, habula nende emioyo chiefwe chiene, shichira mwali nimwikholire abolukosii muno khwifwe.
|
|
\v 9 Mwitsulire bana befwe, eminyakhano chiefwe nende amatinyu; khwakholanga eshiro nende eshitere mbu, khuleshe okhumusitohera, nikhumwirwatsira Oburume obulaiya bwaNyasaye.
|
|
\v 10 Inywe muli abaloli, kata Nyasaye Yesi, shinga olwa khweyira mubutsienukhu nobulunjishi, obubula eshikha ta, khwinywe abali abobusubiri.
|
|
\v 11 Khandi mumanyire shinga olwa khwamukholera buli mulala khwinywe, shinga Sabwe olwa akholera abana be; khwamwitsusia nikhutinyisia nende okhumulachirisia.
|
|
\v 12 Mbu, muchende habwene shinga olwa kakhoyeelre abandu baNyasaye, oumulanganga okhwinjira mubwamibwe nomuluyalilwe.
|
|
\p
|
|
\v 13 Khandi Niko akachiranga nikhurakoneranga ta, okhumupira Nyasaye orio khulwa likhuwa lino, mbu, olwa mwanyola likhuwa lia Nyasaye, shimwalifuchirira shinga likhuwa elirula mubandu ta, habula shinga olwa liri toto mbu, likhuwa lia Nyasaye oukholeranga mwinywe abali bobusubiri.
|
|
\v 14 shichira, bana befwe, mwekhola abalondi beikhola yetsikanisa tsia Nyasaye etsiri mubuYahudi muKristo Yesu; Okhuba inywe mwanyasibwa nabaluyia lwenywe, amakhuwa malala nakenako aka balia banyasiribwa nabaYahudi
|
|
\v 15 Abera Omwami Yesu nende abalakusi bosi, nibakhulonda ifwe, shibamuchamisia Nyasaye ta: khandi bafukulanga abandu bosi.
|
|
\v 16 Okhuba bakhukaninjia mbu, khurasunjira abamahanga, mbu bahonibwe ta, bosinjia eshichero shibwononi bwabwe tsinyanga tsiosi, ne mubumalirishi oburuma bulibanyola.
|
|
\p
|
|
\v 17 Ne bana befwe, ifwe olwa khwali shinga abamufira eshise, okhubaho khwonyene, Ne, mumwoyo ta, khwarakhwo omwoyo muno muno okhumulola mumoni, khulwa amahofu amanji.
|
|
\v 18 shichira khwali nikhwenya okhumwitsira; Isie Paulo khulwanje ndienya akhandi nakhandi; na setani yakhuyinjira.
|
|
\v 19 Okhuba obunayi bwefwe buli hena; kata obusangali, kata olusimbi lwokhwiyitsiala? shimuli inywe abene, imberk woMwami wefwe Yesu, khukhwitsakhwe?
|
|
\v 20 shichira ninywe oluyali lwefwe khandi obusangali bwefwe.
|
|
\c 3
|
|
\cl 1 Abatsesolonika 3
|
|
\p
|
|
\v 1 Ne niko akachira, olwa khwamala khukhaywe okhwifwira khandi; khwalola mbu, nubulayi okhutong'a fwenyene Atsene,
|
|
\v 2 nikhuruma Timotseo omwana wefwe khandi omukholi oukhola nende Nyasaye halala mukoburume obulai bwaKristo, mbu, amuralisie namutinyisia mubusuubiri bwenywe:
|
|
\v 3 mbu, omundu Yesu aleshe okhusikukha khulwa obusandibwi obuliho; abene mumanyire mbu, khwarebwaho khulwabwo.
|
|
\v 4 Okhuba Toto mwene, olwa khwali nikhuliho ninenywe, khwamuboolera khale mbu, khwitsa okhusandibwa; ne kamala Kabe kario; shinga olwa mumanyire.
|
|
\v 5 Khandi niko akachira Isie olwa ndakhaywa okhwifwira khandi; ndarumana okhumanya abobusuubiri bwenywe, mbu aundi omurecheshi yakhaba namutemire, okhunyakhana khwefwe nikhuba okhwabutswa.
|
|
\p
|
|
\v 6 Ne bulaano buno, Timotseyo yakhola narula khwinywe, nukhurerira amakhuwa amalayi akobusubirj bwenywe nobuheri bwenywe, nakhuboolera shinga olwa mukhwitsuliranga obulayi tsinyanga tsiosi, amahofu nikamulia khwefwe, shinga olwa kakhulitsanga ifwe.
|
|
\v 7 Ne niko akachirire, bana beefwe, nikhulemire emioyo khulwenywe mumatinyu kefwe kosi nobusandibwi, khulwa obusubiri bwenywe.
|
|
\v 8 Okhuba bulano khuli mwoyo, inywe nimuba nimusimbira muMwami.
|
|
\v 9 Shichia orio ye imbiashi eya khwakhanyala okhukalusiria Nyasaye wefwe?
|
|
\v 10 Eshiro neshitere khusayanga muno, mbu khumulole mumoni, nikhusia ako akalemire mubusubiri bwenywe.
|
|
\p
|
|
\v 11 Kho bulano Nyasaye wefwe ouli Sefwe omwene, halala no Omwami Yesu, akhwikulire injira okhuula ewa muli.
|
|
\v 12 khandi Omwami amunyalire okhumetekha nimushiraana obuheri, abene khubene, nende khubandu bosi, shinga ifwe olwa khwali khwinywe.
|
|
\v 13 Mbu, aralisie emioyo chienywe, chibule eshikha mubuthienukhu imberi wa Nyasaye wefwe, niye Sefwe, khukhwitsakhwe khwo Omwami wefwe Yesu halala nabathienukhube bosi.
|
|
\c 4
|
|
\cl 1 Abatsesolonika 4
|
|
\p
|
|
\v 1 Kho elihereresia, baana befwe, ndierino, khumusaaya nikhimwitsusia mumwami Yesu, mbu, olwa mwechesibwa ninefwe shinga olwa mumanyire okhuchenda nokhumuchamisia Nyasaye, Ne nindio muchendanga, mbu, mumeteshenje murio.
|
|
\v 2 Okhuba mumanyire amalako aka khwamulaka khulwa Omwami Yesu shinga olwa Kali.
|
|
\p
|
|
\v 3 Shichira lino nilio Elia Nyasaye yenya, mbu, amukhole abathienukhu, mbu, musire obuheyi;
|
|
\v 4 mbu, buli mundu khwinywe amanye okhuhera omukhasiwe mubuthienukhu nende oluyali.
|
|
\v 5 Oburakhola mubwilaasi bwobwikombi, shinga abamahanga abaramumanya Nyasaye ta.
|
|
\v 6 Omundu Yesu aleshe okhuyiira niyononera omwana wabwe mwikhuwa lino; shichira Omwami niye omumali weshikwoli mu yako kosi, shinga olwa khwamuboolera khale nikhumurumbulira.
|
|
\v 7 Shichira Nyasaye shiyakhulanjira shifwabi ta, habula mubuthienukhu.
|
|
\v 8 Kho oukhaya kano shiakhayire omundu ta, habula Nyasaye oumuheleresia Rohowe omulafu.
|
|
\p
|
|
\v 9 khumakhuwa akokhuheeranga abaana befwe, libulaho elichira nimuhandichira ta, shichira inywe abene mwechesibwa nende Nyasaye okhuherananga:
|
|
\v 10 Okhuba toto mwene, nolwa mubakholeranga abana befwe bosi abomuMakedonia bosi. Ne khumuchesiiyia, bana befwe mbu, mushiraane muno:
|
|
\v 11 Khandi mbu, muchoome okhwichenderesia mubuholerefu, nokhulinda akali akenywe, nokhukhola emirimo namakhono, shinga olwa khwamulaka:
|
|
\v 12 Mbu, muchendenje obulayi imberi wabali erwanyi, khandi mbu, muleshe okhutamba eshindu ta.
|
|
\p
|
|
\v 13 Ne shikhwenya mbu, mukorwe, bana beefwe, khuka abo abakona tsindoolo ta: mbu, muleshenje okhuberera shinga abandi abo ababula obunayi.
|
|
\v 14 Shichira shinga olwa khwasubira mbu, Yesu yafwa nalamukha, khandi bario abenabo abakona tsindoolo mbu, Nyasaye aletsa ninabo.
|
|
\v 15 Okhuba kano khwamuboolera khulwa likhuwa lioMwami, mbu ifwe Ababa nikhushiriho mwoyo, abatong'a okhurula khokhwitsa khwoMwami shikhulabaranjirira balia abamala okhukona nahatuutu ta.
|
|
\v 16 Okhuba Omwami omwene alekha okhurula Mwikulu halala nomulanjisio nomwoyo kwa malaika omukhulundu, nende olwika lwa Nyasaye; nabo abafwira muKristo balaranjirira okhulamukha;
|
|
\v 17 Mana ifwe Ababa nikhushiriho mwoyo khwalaakana ninabo halala mumalesi, okhwakana noMwami mumalesi, mana khurio khulabeetsanga noMwami tsinyanga tsiosi.
|
|
\v 18 Kho mulemanie emioyo nende amakhuwa kano.
|
|
\c 5
|
|
\cl 1 Abatsesolonika 5
|
|
\p
|
|
\v 1 Ne khumakhuwa kebise netsinduukho, bana beefwe, shimuli nende akachira nimuhandichirwa likhuwa liosi ta.
|
|
\v 2 Shichira inywe abene mumanyire obulayi mbu, induukho yoMwami yiitsanga shinga omwifi olwa yetsa mushiro.
|
|
\v 3 Olwa baba nibashiboola mbu, omulembe nende obulayi, noho obwonooneshi bubasundusia shinga inzibula olwa yamusundusia omukhasi ouli inda: shibala honokokha ta.
|
|
\v 4 Nebutswa inywe, baana befwe, shimuli mushirima, mbu induukho eyo yimunyooleresie shinga omwifi ta.
|
|
\v 5 Okhuba inywe mwesi muli abana bobulafu, khandi abana beshitere; shikhuli abeshiro ta, kata abeshirima, tawe.
|
|
\v 6 Kho muleshenje okhukona tsindoolo, shinga abandu bandi ta, habula mbu, khubetsenje meso.
|
|
\v 7 Shichira abakona tsindoolo bakonanga eshiro: nabo abamera bamera eshiro.
|
|
\v 8 Nebutswa ifwe, olwa khuli abeshitere, khwirushe abene nikhwifwala khubirifu obitsengwa biobusuubiri; obunayi, bwobuhonia nabwo bube bushia nibushia.
|
|
\p
|
|
\v 9 Shichira Nyasaye shiakhuraho khulwa aburumata, ne mbu, khunyole obuhonia muMwami wefweYesu Kristo.
|
|
\v 10 Owakhufwira mbu, kata nikhufwa, kata nikhuli abalamu, khumenye halala ninaye.
|
|
\v 11 Kho muheresania omwoyo, nimumbokhana abene khubene.
|
|
\p
|
|
\v 12 Ne khubasaya abana befwe, mbu, mubamanyirisie balia abakhalabananga mwinywe, nende ikulu wenywe muMwami, nibaheresia oluyali.
|
|
\v 13 Nibekhoyera noluyali lweikulu mubuheri khulwemirimo chiabwe, nenyu mube nomulembe aeene khubene.
|
|
\p
|
|
\v 14 khu khubatsuba, abaherwa, bahalabire balia abalauliranaga ta, mubahotseresia abemioyo emititi, bakhonye abateshere, mwifire abandu bosi.
|
|
\v 15 Lenjeresie mbu, yesi shalarunga obubii khububi ta, ne mbu, mulonde eliri lilai, mwinywe abene nende khubandu bosi.
|
|
\p
|
|
\v 16 Musangalenje buli liosi,
|
|
\v 17 musaye obula chonya ta,
|
|
\v 18 mubuli shindu mukhupe orio, okhuba lino nilio elienya liaNyasaye muKristo khwinywe.
|
|
\p
|
|
\v 19 Mulasimie Roho ta,
|
|
\v 20 mulaleche obulakusi ta.
|
|
\v 21 Muchere ebindu biosi Muhande khukali amalayi,
|
|
\v 22 murule khu liosi eliri libii.
|
|
\p
|
|
\v 23 Naye Nyasaye womulembe abakhole abatsienukhu, esaya Nyasaye mbu, Roho wenywe nende Emioyo, nende emibiri, chibikhwe, okhula khunyanga yoMwami Yesu Kristo.
|
|
\v 24 nomusubirwa ulia owitsa okhuusia.
|
|
\p
|
|
\v 25 Banana beefwe, khusaire.
|
|
\v 26 Shesie abaherwa bosi nende omulembe omutsienukhu,
|
|
\v 27 ebalaka muMwami, mbu ibarwa yino khandi isomwe khubaherwa abatsienukhu bosi.
|
|
\v 28 Obukosia bwoMwami wefwe Yesu Kristo, bube minenyu, Amina.
|