lrm_reg/48-2CO.usfm

\id 2CO
\ide UTF-8
\h 2 Abakorinzo
\toc1 2 Abakorinzo
\toc2 2 Abakorinzo
\toc3 2co
\mt 2 Abakorinzo
\c 1
\cl 2 Abakorinzo 1
\p
\v 1 Paulo omurume waYesu Kristo, khulienya liaNyasaye, nende Timotseyo omusiani wefu, khuKanisa yaNyasaye liri eKorinzo, halala nende abasubili abaili asia.
\v 2 Obukosia nende omulembe ebirula khuNyasaye Papa wefwe, nende okhurula khuMwami Yesu Kristo.
\p
\v 3 Oluyali lube khuNasaye, ouli Papa nende Omwami Yesu Kristo, papa wetsimbabasi khandi.
\v 4 Nyasaye wobuhotseresi bwosi, okukhuhotseresijnia mubuli eminyakhano chiosi, mbu, nefu khunyale okhuhotseresia bosi abali muminyakhano, nende obuhotseresi obwa khuyolire okhurula khuNyasaye.
\v 5 Okhuba okhunyakhana khwaKristo olwa khwinjiha mwifwe, kho okhuhotseresibwa khwefwe khwinjiha muKristo.
\v 6 Ne kata nikhuba nikunyasibwa, nikulwokhuhotseresibwa khwenywe, nende obuhonia, obukholanga mububwifiri bwamanyakhano yako olwakhusalisibwa, ne kata nikhuba nikhuhotseresibwa, nikhulwokhutinyisibwa nende obuhonia. Ne obunayi bwefwa khwinywe buli netsingufu.
\v 7 Nikhumanyira elala mbu shinga olwa musanga mumnyakhano, khandi mulasanga mukhutinyisibwa,
\p
\v 8 Okhuba shikhwikomba abaherwa mbu mubule okhumanya eminyakhano chiefwe m Asia ta, mbu khwasandibwa okhubira eshichero, okhushira amanai kefwe, okhula katakhulekomba obulamuj ta.
\v 9 Nefu abene khwali neshinyasio shiokhufwa shiokhuwa abene, mbu khuleshe okhura obusubiri mwifwe abene ta, habula muNyasaye oulamusijnia abafuu.
\v 10 Owakhuhokosia mwifwa likingo ero, nkhandi okhuhoninjia, muye khwara obunayi, mbu alakhuhonia.
\v 11 Inywe nimuba nimukhukhonyanga mumasayo. Mbu mana abanji bakhupe orio, khulwefwe, khulwa eshianwa shiakhwahebwa eshirula khubandu abanji.
\p
\v 12 Ne eliakhusangalira ndierino mbu, obuloli bwetsinganakani tsiefwe, mbu mubuholo nende obwatoto bwaNyasaye, obulali obumanyirisi bwomubiri ta, habula khubukosia bwaNyasaye.
\v 13 Obwakhwanyola, obuboli bwenywe mwikhuwa shikhuhandikanga shiosi ta, habula liria elia mcwasoma khandi muli nobumanyirisi shinga olwa mwakhumanyakhwo mubututu
\v 14 mbu nefwe obusangali bwenywe, shinga olwa mwesi muli obusangali bwefu munyanga yoMwami Yesu Kristo.
\p
\v 15 Ne esubiranga endio ndali ninzenya okhwitsa khwinywe olwamberi, mbu munyole obukosibwi bwokhubiri.
\v 16 Mana mbu emburire khwinywe okhuula Makedonia, nikhurula Makedonia, mbu, engalushe ewenywe, ninyungulwa ninenywe khuluchendo lwanje lwebuyaudi.
\v 17 Kho olwandali nimbara, ndali nenjelewanga noho? kho ekholanga ebindu okhulonda khumubiri noho? mbu emboole, yee, yee, noho tawe, tawe khushse shilala?
\v 18 Ne shinga Nyasaye olwa ali omwisikwa, likhuwa liefwe khwinywe shiliali mbu yee, nende tawe, ta."
\v 19 Okhuba Omwana waNyasaye Yesu Kristo owamwayalirwa ninefwe, kata ninasi nende Silivano nende Timotseyo, shiliali yee. nende tawe ta, habula muye liali yee.
\v 20 Okhuba obusubisie bwaNyasaye muye ni, yee, nende Amina, khuluyali lwa Nyasaye khulwefwe.
\v 21 Ne bulano oyo ousinjisinjia muKristo, naye amalire okhubakha amafura muNyasaye,
\v 22 owamala okhurakhwo eshibalikho, nahana obunyali bwaRoho mumioyo chiefwe.
\p
\v 23 Emulanga Nyasaye abe omuloli mumioyo chienywe, mbu okhumuhonokosia inywe, nikhwokhwachila ndalaoba okhwitsa eKorinzo.
\v 24 Shikali mbu khuli nende oburuchi khubusubili bwenywe ta, habula abakhonyi mbuyanzi bwenywe, okhuba msinjilanga mubusubili.
\c 2
\cl 2 Abakorinzo  2
\p
\v 1 Omwene ndiaule mumwoyo kwanje mbu, shinditsa okhwitsa khwinywe mubusiro bwomwoyo ta.
\v 2 Okhuba nimba nimbaberesia, niwina oulabakhola musangale? ne ni ulia ousinyisibwa ninasi?
\v 3 Ndiabahandichire elala lino mbu, ninditsa, shindila beresibwa nende balia bekhoya okhusangasia ta, nende nobusubiri mwinywe mbu, obusangali bwanje, nobusangali bwenywe mwesi.
\v 4 Okhuba okhurula muminyakhano eminji, ndabahandichra nendira amasika, mbu muberesibwa ta, ne mbu mumanye obuheri obwitsule mwisie khulwenyu.
\p
\v 5 Ne nimba nirerire eshibera, shishimberesiye sienyene ta, ne mbu mushihako nalebe, shenda balunyia nobusiro mwesi ta.
\v 6 Elihera khumundu weimbia eyo neshinyasio, shiehebwa abanji.
\v 7 Kho mbu, munjira yindi, onyale okhumuleshera, nende okhumuhotseresia omweneyoo, kalalikario ta, anyala okhumirwa nende eshiberesi eshikhongo.
\p
\v 8 Kho abasaye mbu munyale okhulolesia obuheri bwenywe khuye.
\v 9 Nishio eshichira nehamdika mbu, mbu enyale okhumanya obwatoto bwenywe, nimuba nimuli abesimirisi mumakhuwa kosi.
\v 10 Yesi owamuleshera eshindu, emuleshera siesi, okhuba nemba nendeshera omundu yesi eshindu shiemuleshera, endeshera omundu yesi khulwenywe muKristo.
\v 11 Kalali kario ta, Setani anyala okhunyola obwiyangu khwifwe, okhuba shikhukorirwe tsinjira tsie ta.
\p
\v 12 Ne olwa ndetsa Trao okhuyali oburume obulayi, naye Omwami niyanzikulira omuliango, shindali nobuulushi mumwoyo kwanje ta.
\v 13 Okhuba shindanyolayo Tito, omwana wefwe ta, nasi narulirenjeyo, ndatsia Masedonia.
\v 14 Bulano khupire Nyasaye orio, oukhukholanga khase okhushira, namanyisia obumanyirisi bwobuhonia bwe ninefu buli habundu.
\v 15 Okhuba khuli khuNyasye isakakha indayi yaKristo, mubalia abahonibwa, khandi mubakoranga.
\v 16 Khuundu khufwana shinga eshuya shiolufu, khulufuu, ne khuundi noundi, eshuya shiobulamu. Ne niwina owamakhuwa kano kaherire?
\v 17 Okhu ba shikhuli shinga abandi abanji bononia likhuwa liaNyasaye ta, habula abasubirwa, shinga abaNyasaye, mumoni tsiaNyasye, khuboola muKristo.
\c 3
\cl 2 Abakorinzo 3
\p
\v 1 Kho khukhoyera okwiitsomia abene? Noho khwenya fwesi shinga abandi tsibarwa tsiokhwitsomibwa?
\v 2 Enywe nenywe tsibarwa tsiefwe tsiahandikwa mumioyo chiefwe, etsia obukhalani bwefwe, tsisomwa nabandu bosi.
\v 3 Okhuba shinga olwa mumanyishe habulafu shinga tsibarwa tsia Kristo, tsiakhalabanirwa ninefu, etsilaandikwa nobwino, ne mbu, nende Roho waNyasaye umenyanga, shiri khubi pao biamachina ta, ne mbu khubi pao bweinyama yemioyo chienywe.
\p
\v 4 Ne obusubiri buno khuli ninabo imberi waNyasaye khulwa Kristo.
\v 5 Shikali mbu, khulwefwe khunyala okhupara eshindu shiosi ta, habula mbu omwitsulu kwefwe kuli muYesu Kristo.
\v 6 Khandi niye owakhunyalira okhuba abakhalabani, beindakano imbia, eyilali ikhulu ta, mbu eya Roho, okhuba eyakahle yira, ne imbia ihana obulamu.
\p
\v 7 Kho nikaba mbu, obukhalabani bwelifwa, bwetsinyukuta tsisarwa khumachina, bwali noluyali, okhula mbu abanaba Israeli shibanya okhuhengakhwo mumoni tsiaMusa ta, khulwoluyali lwakha khuye, oluyali lwali lwokhuuwawo.
\v 8 Kho lulaba oluyali lurie, lwobukhalabani Roho?
\v 9 Okhuba kakhaba mbu obukhalabani bweshilamo bube noluyali, kho nabwo obukhalanai bwobulunjishi buli hekulu muno muluyali.
\v 10 Okhuba shiria eshiakholwa okhuba nende oluyali, shishiali nende oluyali lwosi ta, nofwanania nende oluyali lushira biosi.
\v 11 Okhuba kali mbu eshiali nishirusibwao shiali noluyali, kho nashio eshibaho inziayo!
\p
\v 12 Kho nikhumaya elala mbu khuli nende obunayi obukhongo burio, khukhoyere okhuboola mubulakhule bwosi.
\v 13 Ne shinga Musa ta, owara eshitasi mubwene, mbu abana baIaraeli shibalamulola mumoni khulwa shiria eshiwetsanga.
\v 14 Ne amaparo kabwe kabofula, okuba okhurula inyanga eyo, eshitasi shiatong'a mukhusoma kweindakano ikhulu iwetsangao muKristo.
\v 15 Ne kata okhula khunyanga yino, olwa Musa asomwa, eshitasi shifunikhanga emioyo chiabwe.
\v 16 Ne kata kario olwa bakalushira Kristo, eshitasi shilarusibwao.
\v 17 Kho Omwami niye Roho oyo, ne ewa Roho ali, khuli nende obulakhule.
\v 18 Ne fwasi nende obwene obulafu, khuhenga shinga mushioo, okhurula khuluyali okhula khuluyali, shinga Roho woMwami.
\c 4
\cl 2 Abakorinzo 4
\p
\v 1 Okhuba khuli nende obukhalabani, obwakhwanyola khutsimbabasi, khulafwa emiyo ta.
\v 2 Habula khumalire okhulekha ebindu biosi ebibi, khulachenda mubuchichesi ta, nikhwikhonyera likhuwa liaNyasaye mububeyi, ne mbu, mukhulolesia obusubirwa, nikhwilolesia khubashiefwe mubwerereshe mumoni tsiaNyasaye.
\v 3 Ne oburume bwefwe nibuba nibwefisa, bwdfisa khubalia abakoranga.
\v 4 MubaNyasaye weshibala shino abofusiye amaparo kabwe, khubalia abalasubira ta, mbu obulafu bwoburume obulayi bwoluyali bwa Kristo ouli obukondo bwaNyasaye bulakha mubo ta.
\v 5 Khuba shikhwiirwatsanga butsa abene ta, habula Kristo Omwami, nefu abene abasumba benywe khulwa Kristo Yesu.
\v 6 Okhuba Nyasye owalaka obulafu okhwakha okhurula mushirima, yashire mumioyo chienywe, okhubaheresia obulafu bwobumanyirisi bwoluyali lwaNyasaye mubwene bwaKristo Yesu.
\p
\v 7 Ne khuli nende libiko lino mufindu fieliloba, mbu obulayi bwamani bube bwaNyasaye, efwe ta.
\v 8 Khunyasibwa buli mumbeka, nebutswa shmikhuchonyanga ta, khusakosibwa, nebutswa shikhufwitsanga emioyo ta.
\v 9 Khusakanibwa, nekhulalekhwa ta, khusukunwa hasi, ne shikhwonnekha ta.
\v 10 Buli khase nikhuchinga mumubuli chiefwa okhubfwa khwoMwami Yesu, mbu khandi obulamu bwa Yesu bunyale okhulekha mumubili chiefwe.
\v 11 Okhuba efwe bashiri abalamu, khuhanungwa khwifwa buli khase, khulwa Yesu, mbu obulamu bwaKristo bunyale okhulolekha mumibiri chiefwe chiononekha.
\v 12 Kho lifwa lokholanga mwifwe, nabo obulamu, mwinywe.
\p
\v 13 Ne iifwe khuli nende Roho tsana yobusuubiri eyebahandikwakhwo mbu, Ndruubila na nibwo obwachira ndasunga; kho nefu fwesi khusubira, ne nibwo obuchira fwesi khusunga;
\v 14 Nikhumanyire mbu, omwenoyo owomulamusie omwami Yesu alikhulamusia fwesi halala nende Yesu, nakhusinjisia halala ninenywe imberiwe.
\v 15 Okhuba amakhuwa kosi kali khulwenywe, mbu obukoosia olwa bwinjihanga khulwa obunji bwa abandu, buchire okhupa orio khwinjiha, mana Nyasaye ahebwe oluyali
\p
\v 16 Niko akachira nikhulafwa omwoyo ta; ne kata imera yefwe yolwanyi olwa yiboolanga, ne imera yefwe eyomukari yikalusibungwa imbia khatsotso.
\v 17 Okhuba obusandibwi bwefwe buli obwangu, obwanonoho bumetanga okhukhukholea oluyali lwobumeri, olusiro muno.
\v 18 Ifwe nikhurahenganga ebindu ebilolekha tawe, habula ebindu ebiralolekha ta; okhuba ebindu ebilolekha nebieshise butswa; ne ebindu ebiralolekha ta nebiobumeri.
\c 5
\cl 2 Abakorinzo 5
\p
\v 1 Okhuba khmanire mbu, inzu yefwe yobumenya hasi isasibwa, khuli nende obumenyo bwombakhwa nende Nyasaye, inzu ilakasibwa nende emikhono ta, yeinziayo Mwikulu.
\v 2 Okhuba muno khulira muno, khwikomba okhufwalwa ne inzu yefwe eiri Mwikulu.
\v 3 Nikali kario mBu nikhuba nikhufwalwa, shikhulanyoleka eshiechenye ta.
\p
\v 4 Okhuba efwe abali mwihema lino, khuliranga, nikhusitOherwa, tawe mbu khufwalulwe, ne mbu, khwakhafwalwe.
\v 5 Mbu obusashisi bunyale okhumrwa, naye owakhukasiria akaenako ni Nyasaye, owakhuheresia khandi eshibalikho shia Roho.
\p
\v 6 kho khuli neitswoni khumanyire mbu, olwa khul inggo mumubiri, khuli ehale nende Omwami,
\v 7 Okhuba khuchendag mubusubiri ne mukhulola ta.
\v 8 Khuli nende itswon, khandi khwirecheshe kata nikhurula mumubiri, mbu khube halala nenmde Omwami.
\v 9 Kario khunyakhana, mbu kata nikhuba mumubiri, noho nikhubula mumubiri, khwiyamwe ninaye.
\v 10 Okhuba khatimba fwesi khusinjire imberi weshifumbi shie shiobuyasi bwa Kristo, mbu buli mulalala anyole ebindu biayakhola mumubiri, okhurindokhana nende akayakhola, kabe amalayi noho amabi.
\p
\v 11 Nikhumanya obulayi, oburuma bwoMwami, khusaya abandu, nefu khwifunula muNyasaye, nasi esubira mbu, kosi kalolesibwe mutsinganakani tsienywe.
\v 12 Okhuba shikhwiitsomia kwinywe ta, habula khubaheresia obwiyangu okhunyola oluyali khulienero, mbu munyale okhuba nende eliamukalusia balia abanyola oluyali khukalia akalolekha ne akali mumwoyo ta.
\v 13 Okhuba kata nikhubula mubumanyirisi, kata nikhuba mubumanyirisi ta, nikhulwenywe.
\v 14 Okhuba obuheri bwaNyasaye bukhukhalachiranga, okhuba khurio khubusia mbu, nikali mbu, mulala yafwa khulwa bosi, kho, bosi bafwa, ne mbu yafwira bosi.
\v 15 Mbu, bosi abamenya okhurula bulano okhula inziayo, shibalamenya khulwabo abene ta, ne mbu khulwa ye, owabafira, naye khandi nalamukha.
\p
\v 16 Ne bulano shikhumanyire omundu eshinamubiri ta, kata nikhuba nikhwamumanya Kristo khumera yomubiri, ne bulano shikhumumanyire khandi kurio ta.
\v 17 Kario omundu yesi naba nali muKristo, neshilonje eshiiyia, amakhuwa kakhale kauwa, ne lole, ebindu biosi nebiiyia.
\v 18 Ne ebindu biosi nebiaNyasaye, oukhulimasiye ninaye, khunjira yaKristo, naye okhuheresiye obukhalabani bwobulimani.
\v 19 Niko mbu, Nyasaye yali muYesu Kristo, nalimasinjia Eshialo khuye mwene, nalabarakhwo tsimbi tsiabwe ta, naye khandi okhuheresiya likhuwa liobuhambani.
\v 20 Kho bulano khuli abarumwa baKristo. shinga Nyasaye nabasayanga mbu, okhubiria mwifwe, khusaya muKristo, muhambasibwe nende Nyasaye.
\v 21 Okhuba yamukhola okhuba imbi khulwefwe, oulamanya imbi ta, mbu khunyalae okhuba obulinjisji bwa Nyasaye muye.
\c 6
\cl 2 Abakorinzo 6
\p
\v 1 Efwe mana, shinga abakholi halala ninaye khubasaye mbu, mulanyola obukosia bwaNyasaye bwabutswa ta.
\v 2 Shichiira yaboola ndabahulire mubise bilakhoyere khandi khunyanga yobuhonia, ndiamuhabina.
\p
\v 3 Enywe lole bino nibio ebise ebifuchirirwa, lole bino nibio ebise biobuhonia.
\v 4 Nebutswa mubindu biosi nikhufuchirira abene shinga abakhalabani baNyasaye,
\v 5 mubwisikwa nende obwisimirisi mumaraba namatinyu. mukhupwa, mukhubohwa,
\v 6 khulwa obwerereshe mubumanyirisi, nende oburambi bwobunyakhani nende tsimbababasi, okhurula khuRoho mulafu nende obuheri bwatoto.
\v 7 Mulikhuwa liobwatoto, nende obunyali bwaNyasaye, nende ebimanulwa biobulunjishi khumukhono musatsa nende mukhasi.
\v 8 Mukhuhebwa oluyali nende mukhufwolwa, khuko bubeyi nende akatoto shinga abakati ne nikhuli abobwatoto.
\v 9 Shinga abalamanyishe tawe, nefu nikhuayishe obulayi, shinga abafwitsanga, khandi lola khumenyanga, shinga beshinyasio, nefu khulerwa tawe.
\v 10 Shinga beshibersi, ne khane khwikhoyanga buli lwosi, shinga abamanani, ne nikhukasinjia obuinda, obunji, shinga ababula eshindu, khane khuli nende ebindu biosi.
\p
\v 11 Enywe abakorinzo, eminwa chienywe chiasame, emioyo chiyongoshere.
\v 12 Shimuli nobuheri kwifwe ta, halali muli nobuheri mukenywe abene.
\v 13 Khobulano emboola malala yako, emboola shinga muli abaana banje, mube ababambukhu.
\p
\v 14 Shimula hambane halala nende abalali abassubiri ta, okhuba nobusanjirani shina hakari womulunjishi nende oulali omulunjishi? ne khandi nobuhambani shina khubulafu nende eshirima?
\v 15 Khandi khuli hena okhufuchirisania khwaKristo nende Setani? Noho omusubiri nende oulali omusubiri?
\v 16 Kata khandi okhurecheresania khuli hena khu Hekalu nende ebifwanani? Okhuba neihekalu yaNyasaye oumenyanga shinga olwa Nyasaye yaboola, bu, ndiakhamenye mubo, nabo bakhabe abandu banje.
\p
\v 17 Khulwesho, khatimba murule mubo, khandi mwaukhane ninabo, aboola Omwami.
\v 18 Khandi mulatirkhwo eshindu eshibii ta, mana nasi mdalamufuchirira enywe, mana khandi ndalaba senywe, nenywe mula abandu banje, aboola Omwami ounyala biosi,
\c 7
\cl 2 Abakorinzo 7
\p
\v 1 Khulwaesho okhuba nobusubisie abaherwa banje, lekha khwisiye abene, khuleshe eshifwabwi shiemibiri, nende emioyo, kwikhole abatsienukhu khulwa okhuria Nyasaye.
\p
\v 2 Khwinjisie ifwe, shikhwayonoonire omundu ta, shikhwakatia omundu yesi ta, shikhwabeyera omundu yesi ta.
\v 3 Shimboolanga shinga oubakhalachira eshina ta, shichira ndaboloa kano khale, mbu muli mumioyo chiefwe khulwa okhufwa nende okhubao ninawe.
\v 4 Endi nobusubiri obukhongo bwokhuboola mwinywe, obukhongo bwokhwitsomia enywe. Nditsule nende obusangali. Obunji mumatemo kefwe kosi.
\p
\v 5 Shichira olwa khwetsa makedonia, emibiri chiefwe shichianyola obuulushi ta, nebutswa khwasandibwa tsimbeka tsiosi, ne nikhulanyala okhulwana abene noburi tawe.
\v 6 Halali Nyasaye niye omuhotseresi wabalia abasandibwa, yakhuhotseresia okhubirira mukhwitsa khwaTito.
\v 7 Ne bulano khulwa okhwitsakhwe, khwonyene tawe, shinga olwa mwamutinyisinjia, mbu, yahotseresie mwinywe, shinga olwa yakhuboolera, shinga obunayi buli khukhundola mbu, mana okhuliala khwenywe nende amaparo kenywe khwisie mbu, ndiasangala okhushira.
\p
\v 8 Mbu kho mana kata nimba nindababeresia nende ibarwa yanje, shindikalukhasia ta, kata kali mbu, ndekalukhasia, okhuba embara mbu, ibarwa eyo yababeresia, nebutswa shiali eshibera shieshise.
\v 9 Ne bulano ndikhoya, ne shikali shichira mwakholwa okhuberera ta, nebutswa mwalimushiberesi khulwa obwikalukhasia, shichira mwakholwa okhuberera olunyuma lwokhwonona mbu, mana kho munyole obusasishi butswa mwifwe.
\v 10 Okhuba eshibera shiobwonooni, shishireranga obwikalukhasi ta, okhukalikhasibwa khulwa eshibera shieshialo shirera okhufwa.
\v 11 Kho lola obulumirifu buno mbu, mwaberera, olunyuma lwokhwonona, mbu, mana mube nobuha, mwinywe mbu, mukholwe enywe, mubule eshikha, mubule oburi, mubule amahofu, obulumirifu kata nende okhurunga eshikwoli khubindu, biosi mwamanyisiye abene mbu, muboola likhuwa liosi ta.
\v 12 Ne kata ndamuhandichira enywe, shindakhola endio khulwa bali nibononere, nohomba okhusalisia abononi, mbu obulindi bweywe mutsimoni tsiaNyasaye tsinyole okhulolekha mwinywe.
\v 13 Khulwesho khwahotseresibwa muno mubuhotsersi bwenywe, khandi bumeteshe po, mubusangafu khulwa obusangafu khulwa Tito, shichira omwoyokwe, kwasangasibwa ninenywe mwesi.
\v 14 Kho nimba nimwitsialira enywe, khuye, shefimbwa omurwe tawe, nebutswa nikhuboola ebindu biosi mubwatoto, kho kata okhwitsiala khwa ndakhola olwabmeri khuTito khunyoleshe khuli khwatoto.
\v 15 Kho obuheri bubwe bwomukari, nibuba obunji muno khwinywe, kho yetsulira obwisikwa bwenywe mwesi shingana olwa mwamwijisia noburi nokhutechera.
\v 16 Kho ndikhoyanga muno shichira enyala okhmusubira mumakhuwa kosi.
\c 8
\cl 2 Abakorinzo 8
\p
\v 1 Khandi bana befwe, khumanyire obukosia bwaNyasaye, obwahebwa tsikanisa, mbu kata olwa batemwa muno nokhusandibwa okhukhongo.
\v 2 Obunji bwokhwikhoya khwabwe, halala nende obumanani bwabwe bwomukari mwene, bulashiraana nibahana obuyinda babwe mubikhole ebilayi.
\v 3 Khulwobunyali bwabwe, emboola kobuloli khubo, mbu khulwokhuchama khwabwe, bahana shinga olwa bahera abene,
\v 4 nibakhusaya muno, nokhuluunyia mbu, khubukule ebihanwa, bakhuheresia okhusanga mubuhambani bwabasubiri.
\v 5 Nako kano shibakhola shina olwa khwapara ta, ne mbu mberio behana khuMwami, halala ninefu mukhwenya khwaNyasaye.
\v 6 Bulano khwikomba muno mbu, shinga olwa Tito yachaka, nolwa khukhoya okhumala mwinywe obukosia tsana.
\v 7 Kho shinga lwa mukhola mumakhuwa kosi, obusubiri, obubli, nende obumanyirisi, nende mukhwihana, nende mubuheri khwifwe, teme muno mbu khandi mukhula mubukosia buno.
\p
\v 8 Shimboola shinga oulaka ta, habula okhulenga obwerereshe bwemioyo chienywe, nenjela eshilolefo shiobusubirwa bwenywe.
\v 9 Okhuba mumanire obukosia bwoMwami wefwe, Yesu Kristo, mbu kata olwa yali omuyinda, khulwenywe yekhola omumanani, mbu nenywe munjira yobumanani bwe, mube abayinda.
\v 10 Nasi khulino ehana amebalo kanje, okhuba lino limanyishe khwinywe, abaranjirira imberi, okhurula omuyika kwamberi obulakhola bukhola butswata.
\v 11 Bulano khulweshio, mumalirisie obukholi bwene, mbu shinga mwali nimwirecheshe, bulano mumalirisie elala obunyali bwenywe shinga olwa buli.
\v 12 Okhuba, olwa khuli nende okhwenya mutsinganakani, shifuchirillwa okhurondokhana nende eshia omundu ali ninasho, shikali khushia abula ta.
\v 13 Kho shemboola mbu, abandi banguibwe nabo abandi nisbasitoherwa ta.
\v 14 Ne balia abali ninasho bulano, khunyale okhuhendera ababula mbu obulemu bwabwe, bunyale okhuhenderwa mbu shikhulaba nende obulemu ta.
\v 15 Shichira kaandikwa mbu, owakhung'asia ebinji nende owakhung'asia bititi abaulao walai nobulemu ta.
\p
\v 16 Bulano orio yibe khuNyasaye, owara omwoyo kwobokhonyi muTito khulwenywe.
\v 17 Okhuba toto mwene yafuchirira obuchesi bwefwe, ne olwa omwene yali omutinyirifu muno, yarula niyetsa ewa muli omwene khululwe.
\v 18 Ne halala ninenyu khurumilre omwana wefwe, oyo oweifumaye muburume obulayi itswanire mutsikanisa tsiosi, ne shliri elienero lonyene ta.
\v 19 Ne mbu yaulwa nende ikanisa okhuchenda ninefu khubukosia buno, obukhallabanungwa ninefu khuluyali lwa Mwami mulala, nende okhurumbulwa khwetsinganakani tsirecheshe.
\p
\v 20 Khwilenjeresia mbu, omundu yesi shalakhulauma khulwa obwitsulu buno obukhalabanirwe ninefu.
\v 21 Khupanga khukachamwa, ne imberi woMwami, khandi imberi wabandu.
\v 22 Khandi khumurumire halala nende omwana wefwe, owabuli khase khwamumanya shinga omulumirifu mubindu ebinji, ne endi ende itswoni mbu, obulumirifu bwenywe nobukhongo muno.
\v 23 Omundu yesi nareba khu Tito, nomukhonyereri halala ninasi khwinywe, noho abana befwe nibarebwa khwinywe, nabarume belikanisa, noluyali lwaKristo.
\v 24 Kho mbamanyie khwinywe nende imberi welikanisa, obwatoto bwobuheri bwenywe, nende okhwitsiala khwefwe khulwenywe.
\c 9
\cl 2  Abakorinzo 9
\p
\v 1 Bulano okhurondolkhana nende okhukhalabanira abalunjishi.
\v 2 Shikakhoyere okhubahandichira, ta, okhuba emanyire emioyo chienywe, akachiranga nebetsialira khulwenyu Masedonia, mbu Akaya yali niirecheshe omuika omulamba. Nako omwoyo kwenywe kwachenyia abanji.
\v 3 Kata kario erumire abaherwa mbu okhwitsiala khwefwe khwakhaba okhwabutswa khukano, mbu shinga olwa emalire okhuboola mube mwirecheshe.
\v 4 Kalali kario ta, olwa abaMasedonia betsa ninasi, nibanyola nimushiri okhwikasia- shikhuboola mbu -khwakhaba netsioni mukhwitsiala nende obusubiri bwefwe.
\v 5 Kario endutsi obulayi okhubatinyisia abaherwa, mbu betse mberio khwinywe, nibekholerera okhukasia biobuheri bienywe bia walaka khale, mbu bibe nibirechekhwa shinga olwa biri biobuhani toto, bilaba biobwimani ta.
\p
\v 6 Ne emboola endi mbu, oumitsa nomwoyo khandi alachesa nomwoyo omulayi, naye oumitsa mubunji, alachesa mubunji.
\v 7 Buli mundi shinga lwa akhalaka mumwoyokwe, lekha ahane, bulaluunyibwa ta, nomba mbu alanyola shina ta, okhuba Nyasaye achamaanga ouhana nomwoyo omutsatsafu.
\v 8 Naye Nyasaye anyala okhukhola obukosia bwosi bwinjihe khwinywe, mbu mubetenje nende obwitsulu mubuli shindu, nimukhula mubikhole biosi ebilayi.
\v 9 Shinga olwa kaandikwa, asalasia injerekha, aheresiye abamanani, obulunjishi bwe bumenyanga inziayo.
\p
\v 10 Naye ouhanaga imwo khumumitsi, khandi niye ouhananga omukate kwokhulia khwinywe. Niyenjiiyia imwo yenywe yarakwa, nameta ebiamo biobulunjishi bwenywe.
\v 11 Nimuindasibwa mubindu biosi mumwitsulu, ebichiranga nikhupa orio khuNyasaye.
\p
\v 12 Okhuba obusinjiriri bwobukholi buno, shibuhananga butsa amenya kabalunjishi ta, ne mbu ketsulwa nende okhupa orio khuNyasaye. mbu muhenjeresi kobusinjiriri buno buheresinjia Nyasaye oluyali.
\v 13 Khubumenyi bwenywe bwokhwira hasi woburume obulayi bwaKristo, nende obukabi bwenywe obulakhule khubo nende abandu bosi.
\v 14 Ne khulwa amasayo kabwe khwinywe, khulwa obkosia bawNyasaye obuli mwinywe.
\v 15 Nyasaye okhoyera orio muno, khulwa eshihanwa shie, eshilabolekha ta.
\c 10
\cl 2 Abakorinzo 10
\p
\v 1 Bulano esie Paulo omwene emusaya mubuholo nende eshibera shiaKristo muburi, nendi halala ninenywe, ne nimubaho, nduma ikholo khulwa inywe.
\v 2 Nebutswa ebasaya mbu olwa emba nendi nineynwe, endeshe okhubomira ikholo, okhuleka abo, ne endi ninayo khulwa obwisichi obumberesinjia itswoni khu yabo abakhuparangakhwo mbu, khuchendanga mumera yomubiri.
\v 3 Okhuba kata olwa khuba nikhuchenda mumubiri, lihe liefwe shilliri lieimera yomubiri ta.
\v 4 Okhba ebimanulwa biefwe belihe shibiri biomubiri ta, ne nibiobunyali muNyasaye, okhukwisi tsimboye tsiamani.
\v 5 Khukwisia amainje kosi, nende bulishindu shiosi eshiri hekulu, shichingulanga khubumanyirisi bwaNyasaye, nishira mumboye buli amayiririso mbu kamuulire Kristo.
\v 6 Ne nikhwirecheshe okhukuma buli, obukhayi bwosi olwa obuuliri bwenebwo bulaba nibumalire okhwikhola obulamaba.
\p
\v 7 Mulengaga ebindu mumera yerwanyi? omundu yesi naba niyakhelola mbu niwaKristo, naye khandi yelenjeresie obulayi, mbu, shinga olwa ali waKristo, nindio khuli fwesi, ba Kristo.
\v 8 Okhuba nindakahab ndllaya, okhushirakhwo khumakhuwa kobunyali bwokhwechesibwa, obwa Omwami yahana, khulwa okhumbakha, ne shikhuli khulwa okhusasasia tawe, shindakhalola tsisoni ta.
\v 9 Mbu shindafwana oubarisia khubarwa ta, okhuba baboola mbu.
\v 10 Tsibarwa tsie, netsisiro, naye omwene mumubiri, nomuteshere, kata okhuboolakhwe nokhwabutswa.
\v 11 Naye oweimbia eyo amanya ari, mbu shinga olwakhuli mwikhuwa netsibarwa, nolwa khuba khulaliho efwe abene, nikhubulaho nolwa kahandi khuli mubikhole abene olwa khuliho.
\p
\v 12 Okhuba shikhutsalikha kata okhwicherasia abene nende abandi khubo abepaka abene ta, ne bo abene abecherasia abene khubene, nibepima abene khubene, babula obuchesi.
\v 13 Nebutswa efwe shikuletsiala okhubira eshichero shiefwe ta, nishio eshichero shiolwakho lwaNyasaye yakhukabira lubula eshichero, mbu, okhuula kata khwinywe.
\v 14 Okhuba efwe shikhwichingulanga muno shinga abalanyala okhuula ewa muli ta, shichira nifwe, abaranjirira okhuula ewa muli, munjira yaKristo.
\p
\v 15 Shikhuletsialanga okhubira eshicheo shiefwe ta, eshisina mbu muminyakhano, nebutswa khunayanga mbu, obusubiri bwenywe, olwa bwimetanga, ifwe khulakalira mwinywe, olwakho lwefwe shinga olwa luli, okhula okhushiraana okhunji.
\v 16 Okhwirwatsa oburume obulayi, mumbali etsiri imberiwo, shikhuletsala imberi wo undi khumakhuwa kakholirwe namakhono kenywe ta
\v 17 Nebutswa lekha ulia owitsiala, yetsiale mbu, alai muMwami,
\p
\v 18 okhba shali oyo owipaka omwene owiyamirwa, habula oyo owa Omwami apaka.
\c 11
\cl 2 Abakorinzo 11
\p
\v 1 Sshiaskhuha nimwakhanyala okhwisimirisia, mubusirusiru bwanje hatiti, chame mwisimirisie ninasi.
\v 2 Okhuba endi nende imbalikha, khulwenywe, mbu, imbalikha ya Kristo, eya ochama shichira ndamusererira omusata mulala, mbu emuhane khuKristo shinga omusishira khuKristo.
\v 3 Nebutswa endi nenne oburi mbu shinga olwa setan yakatia Hawa, nobubeyi bwe mwesi khandi mwakha katibwa mwarula mushirongole nobwerereshe khuKristo.
\v 4 Niyakahabao oundi yesi owitsa naba nabayalira Yesu owakhulaba yalira ta, noho nimunyola Roho wundi olali owakhwanyola ta, noho Roho wundi owakhuleyama ta, nimumwifwira.
\v 5 Okhuba endutsi mbu shineema khubarume bashira nobukhulundu nahatiti ta.
\v 6 Nebutswa ndakhaba nende obululu mukhuboola, ne mubumanyirisi ta, nebutswa, nefu khumalire okhulolesibwa mubindu biosi mwinywe.
\p
\v 7 Kho ekholere libi shina okhwitutuia mbu nenyu muchingulwe? olwa ndamwirwatsira oburume oblayi bwaNyasaye bulali nomurungo kwosi.
\v 8 Ndali shinga uyaya amakanisa kandi, olwa ndabukula omushara mbu, emukhalabanire nywe.
\v 9 Ne olwa ndali halala ninenywe, shindasitohera omundu yesi ta, okhuba mbu abana befwe betsa nibarulire Makedonia bamala nibahana shiosi shiali nishilemire nende shiosi shiali nshitamba khwisie, mana ndalinda mukosi mbu endeshe okumusitohera ta, khandi ndalatsiriringa endio.
\v 10 Shinga obwatoto bwabaKristo, buli mwisie, abaulahomundu yesi oulanzikalira okhwiitsiala mumbali tsia akaya ta.
\v 11 Khulwesho, shichira shindabachama ta? Nyasaye amanyire.
\p
\v 12 Nebutswa eshia ekholalnga nishio eshindakholanga, mbu abakhabanga obwiyangu, embakhalachire bwiyangu bwene mbu mukenenako akabeyitsomiria, banyoleshe nibali shingafwe.
\v 13 Nindio bali abalakusi bobubeyi, abakholi bobubeyi, nibekhola okhwikalukhasia okhuba abarume baKristo.
\v 14 Ne mulauchisbwa ta, okhuba kata setani yesi yekalukasia shinga malaiko wobulafu.
\v 15 Kho shiire likhuwa likhongo ta, abakhalabanibe bosi nibekalukhasia shinga abakholi bobulunjishi, abobumalirishi bwabwe buliba shinga ebikhle biabwe.
\p
\v 16 Kho emboola khandi, omundu yesi shalandola shinga omusiru ta, ne kata nemba shiga omusiru.
\v 17 Munyinjisie mbu ndalaitsiala muno ta, aka emboola, emboola okhurula khuMwami, shinga olwa buli obusiru mukhwitsiala.
\v 18 Mulole mbu abanji betsialanga mumubiri, siesi ndaletsiala,
\v 19 Okhuba musangaliranga abasiru, nimwilola enywe shinga abachesi!
\v 20 Okhuba mwisimirisinjia kata olwa omundu amukhola abasumba, kata okhumulia bulia, kata okhubatirira imbalikha, kata okhwikhulumamia, kata okhumupama khuliseya.
\v 21 Emboola akano okhwileka shinga olwa khubula amani, ne mwikhuwa liosi nelia oundi alolesiriamwo itswoni -emboola nobusirusiru -mbu siesi endi neitswoni.
\v 22 Bo nabaHebrania noho? siesi endi omuHebrania, nabaisraeli? siesi endio. nolwibulo lwa Arahamu? siesi endio.
\v 23 Nabakhalabani baKristo? (emboola shinga omsiru) esie ebayomba, minyakhano chiokhupwa emisharati? okhushira eshichero, mumboye? khase na khase, mukhufwa? muno,
\v 24 Khubayaudi, ndakhupwa, khandikharano, emisharati amakhumi kane norusia mulala.
\v 25 Khandi khataru ndakhupwa namatundu, lulala namachina, ndaona okhwiinikha neimeli khandi khabiri.
\v 26 Eshiro eshilamba neinyanga ndamenya hasi. mutsinjendo, muno. mukhufwa mumatsi, mubanuli, mubandu banje bene, mubamahanga, mumatokho, mushitsimi, munyanza, nende mubandu balali abanabefwe ta.
\v 27 Mukhuoteshera nende obutsunwi, mukhulenga muno, munzala nende obuloo, mukhubula okhulia, mushirima mubushindu nende eshiechenye.
\v 28 Eyale nende amakhuwa yako akali ewranyi, yako akanyolanga bulinanga, okuhendera tsikania tsiosi.
\v 29 Wina omtesgere? niwina owisecherasibwe? nasi shindola obuluu ta.
\p
\v 30 Nemba ndiitsiala, ndiitsiala khulwa obutesere bwanje.
\v 31 Nyasaye, Papa woMwami wefwe Yesu Kristo, oweikhabi inziayo, amanyire mbu shimbeya ta.
\p
\v 32 MuDameski omuruchi hasi Aritea omuruchi, yalalinda litokho liabaDameski, nende ebimenyo biabalindi.
\v 33 Niyekomba okhushiriria, ni khubukhonyi bwomulekhwa, ndeshiribwa mushikapo khwisisisi, nihonkokha okhurula mumakhono kabwe.
\c 12
\cl 2 Abakorinzo 12
\p
\v 1 Mbu nimba nindiitsiala mukalakhoyera, ta, ndaletsiala khumabiso nende kobufwimbuli bwoMwami.
\v 2 Ndamanya momundu muKristo, emiika ekhumi nende chine chiauwa, kali nimumubiri, shimanya ta, noho nauma mumubiri shinyala okhuboola ta, Nyasaye niye oumanyire, omweneyo yachingwa nairwa Mwikulu liakhataru.
\v 3 Nasi ndamanya omundu oyo, naba yali mumubiri noho ta, shenyala okhuboola ta, Nyasaye noumanyire.
\v 4 Shinga olwa yabukulwa natsia muparadiso, naulira amakhuwa kalanyalikha okhuboolwa ta.
\v 5 Aka khumalako omundu shakhoyera okhuboola ta, khukeimbia eyo, ndaletsiala, nebutswa khwisie omwene shendi nende liokhwitsiala ta, habula mubuteshere bwanje.
\v 6 Okhuba kata ndakhekomba okhunyola oluyali, shinditsa okhuba omusiru ta, nditsa okhuboola toto, ne bulana ta, mbu omundu yesi shalambarakhwo okhushira shinga olwa ekhoya ta, noho shinga olwa yauliranga.
\v 7 Ekhoya okhwitsomibwa okhushira eshichero khulwa obunji bwopobufwimbuli bwandahebwa, liuwa, liarebwa mumubiri kwanje, omurume wa setan, okhukhola nditutuie, mbu shindiletsa okhwisiala okhubura eshichero ta,
\v 8 Khulienelino, ndamusaba Omwami khandi khataru.
\v 9 Mbu yarusirie, naye yamboolera mbu obukosia bwanje bukhuyerire, okhuba aman kanje kahera mbuteshere bwo, kho bulano ekhoya okhwitsomia mubuteshere bwanje, mbu obunyali bwaKristo bube mwisie.
\v 10 Kho bulano, esangaliranga obuteshere, mutsisoni, mubulemu, nende mukhusanda neminyakhano, khulwa Kristo, okhuba olwa endi omuteshere, nolwa endi namani.
\p
\v 11 Ndekhola omusiru muluyali, nenywe mwachira, okhuba shindali nekhoyere okhwitsomibwa ninenywe, ta shichira endi wokhumalirikha khubarume abakhongo kata olwa emba nende butswa, toto mwene akalondana nende aburume.
\v 12 Kalolesbwa mwinywe mubwitutui, mumangalimwa nende kokhuchenya, nende e ikhole ebikhongo.
\v 13 Ne tsikanisa tsindi tsiosi tsiamushira, habula nasi shindali omusiko khwinywe? ndeshere liosi eliandabakosera.
\p
\v 14 Lole ndirecheshe okhwitsa khwinywe olwakhataru, nasi shinditsa okhuba omusiko khwinywe ta, okhuba ekhaba enywe, ne ebenywe ta, okhuba abana shibakhoya okhubikha emiandu khulwa abebusi ta, habula abebusi khulwa abana, mubuheri obukali.
\v 15 Ndilarumkha, nende okhurumushilwa khulwenywe. kata kakhabo mu olwa emuhera mun, nilwo olwa engiywa.
\p
\v 16 Ne kata kali kario, shindali omusiko khwinywe ta, klata kario nimuli ababatsa, ndamuyola mumbii.
\v 17 Ndanyolakhwo obukhala bwosi khwinywe okhubirira khubosi abandariuma khwinywe?
\v 18 Ndekomba Tito, ne halala ninaye ndaruma omusiani wefwe, Tito yanyolakhwo inganga yosi khwinywe? shikhwachenda fwesi muRoho mulala? shikhwafwana kmunjenda yefwe?
\p
\v 19 Nanyu muparanga mbu, khwiteteayanga imbeli wenywe? khubola imeli waNyasaye muKristo, ne khukhola ebindu biosi, abaherwa khulwa okhbombakha.
\v 20 Okhuba endi noburi, mbu olwa nditsa khandi, shindabula okhumunyola shinga olwa kmukhoya ta, nasi shindilanyolekha shinga olwa ndalakhuyera mwinywe ta, mbu khulba nende okhurebana, imbalikha, liruma. emilwano, obumonyi, obuyingani, obusolonobuchishi, nobwichinjimsi, neinduli.
\v 21 Ndkomba mbu olwa emba nditsa khandi, Nyasaye wanje alandutuia mwinwe, nasi mbu ndalaberera balia abamalire khwonona, nefu shikhwikalikhsiye efionono biefwe, obwilasi, nende obubii bwosi obwabakholire.
\c 13
\cl 2 Abakorinzo 13
\p
\v 1 Luno lukhola lwakhataru nditsanga khwinwe, khubaloli bwababiri, noho bataru.
\v 2 Likhuwa lilatusibwa, ndababoolera nikushiri, khandi emboolanga akatieri shinga olwa ndaliho lwakhabiri, ne bulano lwaendaliho ta, khobulano ebahandichira balia ababnoonire, nende abandi mbu, olwanditsa khandi, shindilefuira ta.
\v 3 Okhuba mukhabanga obwa toto mbu Kristo abalanga ninasi, khwenywe shibuli obuteshere ta, nme mbu netsingufu mwinywe.
\v 4 Okhuba kata olwayabambwa mubuteshere, naye alamenya khubunyali bwaNyasaye, okhuba fwesi khuli abateshere muye, nebutswa khulimenya ninaye mmani kaNyasye khwinywe.
\p
\v 5 Wihenjeresie omwene noba noli mubusubiri, mwene wiitsiale, shimwimanyire abene ta? mbu shinga olwa Kristo alimwinywe? nimuba nimulali abalobwa ta.
\v 6 Nasi esubira mbu mumanyire mbu shikhuli ababalobwa ta.
\v 7 Nasi esaya khuNyasaye mbu mulakhola libi liosi ta, ne shikali mbu khufwane abamala okhubira ta, ne mbu, mukhole kalia akali akatoto, kata nikhufwana shinga abalobwa.
\v 8 Okhuba shikhunyala okhukhola shiosi okhwikalira obwatoto ta, habula obwatotot bwonyene.
\v 9 Okhuba khusangala olwa khuli abateshere, nenyu nimuli namani, nelino liosi khandi khwikomba, kata okhutusabwa khwenywe.
\v 10 Kho bulano ehandikanga amakhuwa akano olwa endaliho ta, mbu kakhabere ndakhekhonyere obululu, okhurondokhana nende amani koMwami yamberesia khulwokhumbakha, ne okhusasia ta.
\p
\v 11 Mukhumalilira abaherwa, mulindwe, mube abasimirisi nobwihotseresi obulayi.
\v 12 Mube nobunayi bulala, mumeyne mumulembe, naye Nyasaye wobuheri nomulembe alaba ninenyu. mushesanie omulembe omutsienukhu.
\v 13 Obukosia bwoMwami wefwe Yesu Kristo, obuheri bwa Nyasye, nobuhambani bwa Roho mulafu bube ninenywe mwesi Amina.