lrm_reg/47-1CO.usfm

\id 1CO
\ide UTF-8
\h 1 Abakorinzo
\toc1 1 Abakorinzo
\toc2 1 Abakorinzo
\toc3 1co
\mt 1 Abakorinzo
\c 1
\cl 1 Abakorinzo 1
\p
\v 1 Paulo walangwa okhuba omurume wa Yesu Kristo khulienya liaNyasaye, nende Sosthene omwana wefwe,
\v 2 khwikanisa liaNyasaye eliri eKorinzo, khubalia abalangwa okhuba abathienukhu muKristo Yesu, nibalangwa okhuba abandu abasubiri, nende bosi balia abalangwa khulira liaYesu Kristo Omwami wefwe khandi owabwe.
\p
\v 3 Obukosia bube khwinywe nende omulembe okurula khuNyasaye Papa wefwe, nende khuMwami Yesu Kristo.
\p
\v 4 Ekhupira Nyasaye wanje orio buli khase khulwenywe, khulwobukosia bwaNyasaye, obwamwahebwa nende Yesu Kristo.
\v 5 Mbu muindasibwe mubuli shindu muye, mububoli bwosi nende obumanyirisi.
\v 6 shinga olwa obuloli bwaKristo bwatinyisibwa mwinywe,
\v 7 mbu muleshe okhutong'a inyuma mushihanwa shiosi ta, nimulindiriranga okhwitsa khwoMwami Yesu Kristo.
\v 8 Owitsa okhusimikha okhula khundukho, mbu muleshe okhuba nende eshikha khunyanga yoMwami wefwe Yesu Kristo.
\v 9 Nyasaye nomusubirwa owakhulanga mubuhambani bwoMwanawe Yesu Kristo Omwami wefwe.
\p
\v 10 Ebasaya muno abaherwa, khulira lioMwami wefwe Yesu Kristo, mbu mwesi mube eshindu shilala, ne mbu khulaba nende emikabukhano mwinywe ta, ne mbu mube eshindu shilala mumaparo nende obukhalachi.
\v 11 Okhuba emalire okhuulira ekenywe, okhurula khubaherwa beinzu ya Kulowe, mbu khuli nende emiaukho.
\v 12 Nasi bulano emboola lino, mbu buli mundu khwinywe aboola mbu isie endi wa Paulo, nende owa Apollo, naye oundi owa Kefa, nende Kristo.
\v 13 Kho Kristo akabukhane? Paula yakhobwa khulwenyu? noho mwabatisibwa khulira liaPaulo?
\v 14 Ekhupira Nyasaye orio mbu, shindabatisiakhwo yesi khwinywe ta, nalali butsa Kripasi nende Gayo.
\v 15 Oundi yakhaboolere mbu ndabatisia mulira lianje.
\v 16 Ne khandi ndabatisia abeinzu ya Onesfero, okhubira yaho shembara ndabatsia oundi ta.
\v 17 Okhuba Kristo shiyaruma okhubatisia ta, ne mbu, eyaale oburume obulayi, obulali khubuchesi bwamakhuwa ta, mbu omusalaba kwa Yesu kwakhabula eshifune.
\p
\v 18 Okhuba oburume bwomusalaba khubalia abakora, nobusiru, ne khwifwe abahonibwa, namani kaNyasaye.
\v 19 Okhuba kaandikwa, mbu, ndalasasia obuchesi bwabachesi, ne ndilakhola butswa eshikhaya obumanyi bwabamanyirisi.
\p
\v 20 Alihena omuchesi? alihena omuhandichi, alihena oukhalachifa eshialo? Nyasaye shakholire obusiru obuchesi bweshialo shino?
\v 21 Okhuba khubuchesi bwa Nyasaye, eshialo shiakhaywa okhumumanya Nyasaye khulwa obumanyirisi bwashio shibwamumanya Nyasaye ta. kamunichirisia Nyasaye mubusiru bwokhuyala oburume obulayi, okhubahonia balia abasubira.
\v 22 Okhuba abaYaudi bakhaba eshilolero, nabo abayunani, bakhaba obumanyirisi.
\v 23 Nefu khuyale Kristo owafwa, khubayaudi, lichina liokhwisicherala, ne khuba yunani, obusiru.
\v 24 Ne khubalia bosi abalangwa, abayaudi nende abayunani, Kristo namani kaNasaye, nende obumanyirisi bwaNyasaye.
\v 25 Okhuba obusiru bwaNyasaye bushira, obuchesi bwabandu, khandi obuteshere bwaNyasaye, bushira amani kabandu.
\p
\v 26 Okhuba mulola okhulangwa khwenywe abaherwa, mbu abanji khwinywe shimwali abachesi khukomubiri ta, shimwali namani ta, kata shimwali abeshiNyasaye ta.
\v 27 Naye Nyasaye yaula obusiru bweshialo, okhubafimbia emirwe abachesi, khandi niyaula abateshere, okhufimbia emirwe abamani.
\v 28 Khandi Nyasaye yalobola ebindu biahasi, ebialekwa, khandi Nyasaye yaula ebindu ebibulaho mbu, abikhole butswa ebindu biliho.
\v 29 Mbu kubuleho omubiri kwichingula imberiwe.
\v 30 Nebutswa inywe muli muKristo Yesu, owakholwa nende Nyasaye obumanyirisi bwefwe, nende obulunjishi, obuthienukhu, nende obununuli.
\v 31 Mbu shinga olwa kaandikwa mbu, lekha owitsiala yetsiale mbu ali muMwami.
\c 2
\cl 1 Abakorinzo 2
\p
\v 1 Ne abaherwa, olwandetsa khwinywe, shindetsa nende obuboli obulayi noho obumanyirisi ta, nebaboleranga obuboli bwa Nyasaye.
\v 2 Okhuba shindienya okhumanya shiosi mwinywe ta, nalali Yesu owabambwa.
\v 3 Nasi ndali ninenyu mubuteshere, oburi nende okhurenga okhunji.
\v 4 Nako amayalo kanje shikali nende omakhuwa amanji kamachesi kabandu ta, habula mukhulolesia Roho nende amani.
\v 5 Mbu obusubiri bwenywe shibulaba mumachesi kabandu ta, ne mbu mumani kaNyasaye.
\p
\v 6 Ne bulano khubolanga obumanyirisi khubalia abalamba, nabo shibuli obumanyirisi bweshialo shino ta, noho bwabaruchi beshialo shino obuli butswa ta.
\v 7 Khuboola obumanyirisi bwaNyasaye mwifiso, mbu obumanyirisi bwafiswa, obwa Nyasaye yaula eshialo shilabaho ta, khulwoluyali lwe.
\v 8 Obwa abulaho Omuruchi weShialo shino wabumanya, okhuba balamanya, shibakhamubambire omwami wobukhongo ta.
\v 9 Ne shinga olwa kaandikwa, imoni ilashialola, noho eshirwi okhuulira, kata okhwinjira mumwoyo kwomundu, kalia akaNyasaye yabishira balia abamuhera.
\p
\v 10 Ne Nyasye okhufunire ifwe nende Roho we, okhuba Roho akhabanga ebindu biosi, kata ebindu biosi biomukari biaNyasye.
\v 11 Okhuba nimundu shina oumaynanga amakhuwa komundu, nalali Roho womundu ouli muye? Kho kario, ebindu biaNyasaye abulaho oumaynire ta, nalali Roho waNyasaye.
\v 12 Nefu shikhwanyola Roho weshialo ta, ne mbu Roho waNyasaye, mbu khunyale okhumanya ebindu ebiakhwa hebwa eshikhaya nende Nyasaye.
\v 13 ebindu ebia khuboolanga, ne shibiri mumakhuwa kechesibwa nende obuchesi bwomundu ta, ne mbu Roho niye owechesia, nalengeresia ebindu biaRoho nende abandu baRoho.
\v 14 Ne omundu womubiri, shiyenjisinjia ebindu biaRoho wa Nyasaye ta, okhuba khuye nobusiru, khandi shanyala okhubimanya ta, okhuba bimanyikhanaga nende Roho.
\v 15 Naye ouli waRoho, ayaasia ebindu biosi, naye nalayasibwa ta.
\v 16 Okhuba niwina oumanyire amaparo koMwami, mbu anyale okhumwibalira? nefu khuli nende amaparo kaKristo.
\c 3
\cl 1 Abakorinzo  3
\p
\v 1 Nasi abaherwa shindakhaboolire ninenyu shinga abali MuRoho ta, habula shinga, bomubiri, kata shinga tsiindana muKristo.
\v 2 Ebalisiye amabere, inyama ta, okhuba shimuli abanyala khubise yibo ta, ne khandi kata bulano shimunyala ta.
\v 3 Okhuba mushiri mumubiri, okhuba hosi hakhuli nemilwano nende obulahulirisania ta, nemiaukho, shimuli mumubiri, nimuchenda butsa shinga abandu?
\v 4 Okhuba olwa oundi aboola mbu, endi wa Paulo, naye oundi endi wa Apollo, shimuli mumubiri?
\p
\v 5 Paul niwina, naye Apollo niwina, abakhalabani abamwasubira okhuburira, shinga olwa Omwami yaheresia buli mundu?
\v 6 Esie ndaraka, Apollo yatsushirira, naye Nyasaye nahana ebiamo.
\v 7 Kho owaraka shali eshindu ta, kata owatsushirira, habula Nyasaye awachira nibikhula.
\v 8 Kho owaraka nende owasamira bosi ni mulala, naye buli mundu alinyola oshihanwa shie okhurondokhana nende emirimo chie.
\v 9 Okhuba khuli abakhalabani halala nende Nyasaye, nenyu muli emikunda chiaNyasaye, emimbakho chiaNyasaye.
\p
\v 10 Khulwo obukosia bwaNyasaye yamberesia, shinga omumbashi wamachesi, emalire okhuraho omusee, naye oundi yombakhakhwo, ne buli mundu ahenjeresie shinga olwa yombakha.
\v 11 Okhuba kubulaho omusee kundi kwomundu anyala okhusimikha okhusira okwasimikhwa, ouli Yesu Kristo.
\v 12 Naye omundu yesi niyombokha khumusee kuno, ifetsa, amachina kobukusi, tsikhwi, obunyasi nende tsimuli,
\v 13 buli mulimo kwomundu kwakhatemwe, okhuba inyanga yokhukubula. Shichira kulibura mumuliro. Nako omuliro kulibula buli omulimo kwomundu,
\v 14 Omulimo kwomundu yombokhakhwo nikushira, alinyola eshihanwa,
\v 15 ne omulimo kwomundu nikusambwa, yajhanyole okhusasikha, naye omwene alahonibwa, shinga khumuliro.
\p
\v 16 Shimumanyire mbu muli Ihekalu yaNyasayue, ne, mbu Roho waNyasaye amenyanga mwinywe?
\v 17 omundu yesi niyononia Ihekalu yaNyasaye, naye Nyasaye alamwononia, okhuba Ihekalu yaNyasaye neinzienukhu, nenyu muli Ihekalu ye.
\p
\v 18 Omundu yesi shalabakatia ta, omundu yesi mwinywe nalola mbu nomuchesi mushialao shino, lekha abe omusiru mbu, anyale okhuba omuchesi.
\v 19 Okhuba obuchesi bweshialo nobusiru khuNyasaye, okhuba kaandikwa, abanyola abachesi mubu chesichesi bwabwe.
\v 20 Ne khandi Omwami yamanya emioyo chiababi mbu nemikhaya.
\p
\v 21 Kho omundu yesi shaletsialira omundu ta, okhuba ebindu biosi nebienywe.
\v 22 Naba Paulo, noho Apolla, noho Kefa, noho Eshialo noho obulamu noho okhufwa, ebindu biriho nende ebitsa, biosi nebienywe.
\v 23 Nenyu muli baKristo, naye Kristo niwaNyasaye.
\c 4
\cl 1 Abakorinzo  4
\p
\v 1 Kho abandu bakheyere okhulola shinga olwa khuli abakhalabani ba Kristo, khandi abasinjiriri bamabiso ka Nyasaye.
\v 2 Kho kakhoya mbu omusinjiriri okhunyoolwa nali omwisikwa.
\v 3 Ne khulwanje nelikhuwa lituutu muno okhunoneresibwa ninenywe, kata mushiina shiabandu; kata shindinooneresinjia muMwami ta.
\v 4 Shimanyire likhuwa liosi libii elia endi ninalo ta; nalio shilichira nimbasiribwa obulunjishi ta, habula ounooneresinjia noMwami.
\v 5 Khulwako mulakhola likhuwa liosi induukho niyirashiola ta, okhula olwa Omwami yetsa, naye alakhosia obulafu khukeshirima kabiswa, nalolosia tsiyemi tsiemioyo; mana buli mundu alanyola obuyasibibwe oburula khu nyasaye.
\p
\v 6 Ne amakhuwa ako, baana befwe, engacherire khwisie omwene nende Apolo, khulwenywe, mbu mweche khwifwe, obulasishia akenako kahandikwa tawe; mbu omundu yesi khwinywe aleshe okhwichinjimisia niyekhola okhuba ikulu wakaandikwa.
\v 7 Okhuba niwina owakhukhola okhuba niwaukhana noundi? ne nishina eshia oli ninasho shiolahebwa? ne noba niwahebwa, mbushina niwilola shinga oulehebwa?
\p
\v 8 Ne bulano enywe muherire, muli abainda, murukanga shinga abaruchi sira ifwe, ndakhekombire muMwami mbu, muruche. Mbu nefu fwesi khuruche ninenyu. okhuba embara mbu Nyasaye yara ifwe abarume okhumalirikha, shinga olwa kaulwa mukhufwa.
\v 9 Okhuba khukholirwe eshifwanani, khushialo, nende khumalaika nende khubandu.
\v 10 Khuli abasiru khulwa Kristo, khuli abateshere nenyu muli namani, muheresibwa oluyali, nefu nikhulekwa.
\v 11 Okhula khubise bino, fwesi khuulira nzala, nobulo, khandi khuli eshiechenye, khwalekwa khandi khubula obumenyo obulayi.
\v 12 Khukholanga khumikhono chiefwe, nikhunyekwa, khuhana ikhabi, nikhusandibwa, shikhukalusia ta.
\v 13 Nikhusasibwa ifuma, khuhana oluyali, khufwana shinga amafwi keshialo. Nefu nefwe tsisoni tsieshialo okhula lero.
\p
\v 14 Ehandika amakhuwa kano mbu ebaheresie tsisoni, ne shinga abaana banje abaherwa, ebakondoshera.
\v 15 Okhuba kata nimuli nende abemirisi efikhumira ekhumi muKristo, shimuli nende baPapa abanji ta. Okhuba muKristo ndabebula munjira yoburume obulayi.
\v 16 Kho emusaye, munondekhwo.
\v 17 Khulwako ebarumire Timotseyo, ouli omwana wanje omuherwa, khandi omusubirwa muMwami, oula betsusia tsinjira tsianje muKristo, olwa ndiechenderesia buli habundu mwikanisa.
\p
\v 18 Bulano abandi bechinjinjimisiye, shinga shindiletsa okhwitsa khwinywe ta.
\v 19 Ne butswa nditsanga khwinywe lwangu, Omwami nachama, ne shindalamanya obuboli bwa balia bechinjimisinjia ta, habula amani.
\v 20 Okhuba Obwami bwaNyasaye shibuli mumakhuwa ta, ne mbu mumani.
\v 21 Mwenye murie? nditse khwinywe nomushsarati, noho nobuheri, muRoho yobwitutui?
\c 5
\cl 1 Abakorinzo 5
\p
\v 1 Kabolungwa muno mbu, khuli nende obuheyi mwinywe, obuheyi obulanyala okhuboolwa kata khubamahanga ta, mbu omundu abukula omukhasi wa samwana.
\v 2 Nenyu mwikhoyera, olwa mwakhakhoyere okhwikhula, mbu, omundu oukholire likhuwa lienero arusibwe mwinywe.
\v 3 Okhuba kata olwa endali ninenyu mumubiri ta, muRoho endi halala ninenyu. Emalire okhukhalachira omundu oyo oukholire akenako.
\v 4 Olwa muba nimukhung'anire halala, muRoho nende mumani koMwami Yesu Kristo,
\v 5 Muhane khusetani, khulwokhusasia omubirikwe, kho mbu Roho we anyale okhuhona khunyanga yoMwami Yesu.
\p
\v 6 Okhwikhoya khwenywe shikhuli okhulayi ta, shimumanyire mbu, limera litutu, liononia omukate kwosi.
\v 7 Kho, rusieho limera liakhale, mbu mube omukate omuiyia, okhuba shimuli belimera ta, khuba kata Kristo amani kefwe, yahanwa omusango khulwefwe.
\v 8 Kho, khulinde omwikhoyo, nelimera liakhale ta, noho liobubeyi nende obubii, ne mbu nende omukate kubulamwo limera, kwobusubirwa nende obwatoto.
\p
\v 9 Ndabahandichire mubarwa yanje mbu, mulahambana nende abaheyi ta.
\v 10 Ne shibali abaheyi beshialo ta, noho abekombi nende omulangukhu, kata owinamira eminyasaye, okhuba mulakhoyera mbu, murule mushialo.
\v 11 Nebutswa shimulahambane nende yesi oulangwa mbu, omuhewa, ouli omuheyi, omwikombi, owinamira eminyasaye, kata omunyechi, kata omumesi, kata omunuli, beimbia eyo mulalie ninabo ta.
\v 12 Okhuba shekhoyere okhuyaasia balia abali erwanyi noho? enywe shimukhalachiranga abali mukari?
\v 13 Ne balia abali mukari Omwami niye oubayasia, kho, rusie omundu omubii hakari wenywe.
\c 6
\cl 1 Abakorinzo  6
\p
\v 1 Omundu yesi khwinywe niyakhafunana, likhuwa nowashie, yakhaatsia mushina shieshialo, nalatsia khubaherwa?
\v 2 shimumanyire mbu, abatsienukhu baliyasia eshialo? ne kali mbu eshialo shiliyasibwa ninenyu, shimuli nobunyali okhuyasia amakhuwa amatiti?
\v 3 shimumanyire mbu, khuliyasia aba Malaika? kho shikakasira muno ebindu bieshialo shino?
\v 4 Muba nimuyasinjia ebindu bieshialo shino, bakhole okhuyasia balia abali abatutu mwikanisa emboola mbu, ebafimbie emirwe,
\v 5 kho kali mbu abulaho omuchesi hakari wenywe? kata mulala mbu, ayasie abanababwe?
\v 6 ne mbu omundu atsie mushina shieshialo okhufunana nende omwanawabo.
\p
\v 7 Mbula habweneho mumalire okhuulwa, okhuba mutsia mushina shieshialo, mbushina nimukhola obubii murio? shibwakhaba obulayi mula fuchirira okhukholerwa akalali habwene?
\v 8 Ne butswa inywe abene mukholanga akalali habwene ta, nimukatia, mukholeranga kata abana benywe kano.
\p
\v 9 Shimumanyirekhwo mbu, abashiamu shibalinjiraa mubwami bwaNyasaye ta, shimula katibwa ta, abaheyi, ebelasi, ebenamira eminyasaye, kata ebatanyana, kata, abalangukhu,
\v 10 kata abanyechi, kata abanuli tawe, kata abefi, kata abekomb, kata abamesi, shibalinjirakhwo muBwami bwaNyasye ta.
\v 11 Nenyu balala mwali murio, nebulano mwosibwa, mwakholwa abalunjishi, mwalachirwa obulunjishi mulira lioMwami wefwe Yesu Kristo, nende Roho waNyasaye wefwe.
\p
\v 12 Ebindu biosi bifuchirirwawa khwisie, nebutswa biosi Shibiri biobukhonyi ta, ebindu biosi bifuchirirwa khwisie, nebutswa sherukwa nende eshindu shiosi ta.
\v 13 Shiokhulia nikhulwa Inda, nayo inda khulwa eshiokhulia, nayeNyasaye alibisasia biosi, kho bulano omubiri shikuliho khulwo obuheyi ta, habula khulwa Omwami, naye Omwami khulawa omubiri.
\v 14 Naye Omwami yamulamusia Kristo, alakhulamusia fwesi mumanike.
\p
\v 15 Shimumanyire mbu emibiri chiefwe neyihekalu yaKristo? kho ndakhabukula eshungo shiaKristo ndashikhola eshungo shiomutamba? Nyasaye akana.
\v 16 Kho bulano, owiyunjire nende omutamba, nomubiri mulala, okhuba babiri, balaba omubiri mulala.
\v 17 Naye ouwiyunjire khuMwami, ni Roho ndala nende Omwami.
\p
\v 18 Wihanye obuheyi, imbii yindi yosi yomundu akhola, nerwanyi womubiri, nebutswa oyo oukhola obuheyi, akhola khumubirikwe omwene.
\v 19 Kho, shimumanyire mbu, emibiri chienywe neyihekalu yaRoho waNyasaye? ouli mwinywe, owamwanyola okhurula khuPapa, nenyu shmuli abenywe abene ta?
\v 20 Okhuba khwanunulwa khumurungo, kho mwitsomie Nyasaye mubiungo bwenywe, nende Roho, ebiri biaNyasaye.
\c 7
\cl 1 Abakorinzo 7
\p
\v 1 Ne bulano khumakhuwa kandamuhandichira,
\v 2 Nobulayi omusatsa aleshe okhutirakhwo omukhasi ta, nekhulwo buheyi, buli musatsa abe nomukhasiwe, naye buli mukhasi, abe nomusatsawe.
\v 3 Omusatsa oheresia omukhasiwe eshia akhoyere, khandii omukhasi yesi ario khumusatsa.
\v 4 Omukhasi shali nende obunyali khumubirikwe ta, habula omusatsa, kario khandi omusatsa shali nobunyali khumubirikwe ta, habula omukhasi.
\v 5 Shimulemane mulala khuundi ta, halali mukhufuchirisania khulwa amasayo mukhwiima nende okhusaya, ne olunyuma mwitse halala mbu, shetani shalanyola obwiyangu okhubatema ta.
\p
\v 6 Ne emboola lino shinga liparo, shiliri lilako ta, okhuba ndakhekombire mbu abasatsa bosi buli habundu bakhabere shinga sie.
\v 7 Nebutswa buli mulala ali nende eshihanwashie khuNyasaye, oundi munjira yino, naye oundi munjira yindi.
\p
\v 8 Emboola khubalia abashiri okhuteshibwa, nende abalekhwa, bwakhabere obulai nibakhabere shinga sie,
\v 9 Ne nibalanyala ta, lekha bateshie, okhuba nobulayi okhuteshia okhushirs okhuiiyia obuyii.
\p
\v 10 Ne khubateshania, endaka endi, isie tawe habula Omwami, omukhasi shalarula khumusatsawe ta naye naba narula,
\v 11 lekha atonye ario olateshibwa ta, mbu anyale okhukalukha khumusatsawe, naye omusatsa shalamulonda omukhasiwe ta.
\p
\v 12 Ne khubandi bosi emboola, esie, Omwami ta, omuherwa yesi nali nende omukhasi oulasubira ta, naye achamire okhumenya ninaye, shalamulekha ta.
\v 13 Naye omukhasi ouli nomusatsa oulasubira ta, naye nachama okhumenya ninaye, shalamulekha ta, okhuba omusatsa oulasubira ta.
\v 14 Alatsienulwa nomukhasi, naye omkhasi alathienulwa nende omusatsa, kalali kario ta, abana benywe shibakhabere abatsienukhu ta, ne bulano nabatsienukhu.
\p
\v 15 Naye oulali omisuburi ta narula, muleshe atsie, omukhana wefwe nomba omusiani wefwe shali umuboye khukafwana kario ta, nebutwsa Nyasaye yakhuilanjira omulembe.
\v 16 khulwa ewe omukhasi, omanyiraa shina nowakhamuhonokosia omusatsa? nawe omusatsa, omanyirs shina niwakha muhonokosia omukhasi?
\p
\v 17 Naye Nyasaye yakabira buli shiamlala, khandi shinga Olwa Nyasaye yamulanga buli mundu kho lekha achende, nasi endachirisia endio buli mumakanisa.
\v 18 Omundu yesi yalangwa niyashebwa? shalenya obulashebwa ta, naye oundi yalangwa nalashebwa?
\v 19 Shalenya okhushebwa ta, okhuba shikhuli okhushebwa, noho obulashebwa obukhoyere ta, habula okhulinda amalako kaNyasaye.
\v 20 buli mundu atonye shinga olwa yalangwa, walangwa noli omusumba?
\v 21 Sholenya okhuba omulakhule ta, noli omulakhule,
\v 22 Burumushire obulayi, okhuba owalangwa nende
\v 23 Omwami nali omusumba, nomulakhule wanyaNyasaye.
\v 24 Khandi endio owalangwa nali omulakhule, nomusumba waNyasaye, mwakulwa khubukusi.
\p
\v 25 Ne khubashisira, shendi nende lilako liaNysaye ta, nasi ehana obukhalachi bwanje, shinga owanyola tsimbabasi tsiaNyasye khuulia omusubirwa.
\v 26 Endola shinga lino nilikhoyere mulwibulo luno, endola mbu omundu akhoyere okhutong'a ario.
\v 27 Wabohwa khumukhasi, sholakhaba obulakhule ta, wabololwa khumukhasi?
\v 28 Sholenya okhubohwa ta, ne noba noteshia, shiwononire ta, naye omushisira nateshibwa, shiyononire ta, ne kata kario, balaba neminyakhano eminji, nebutswa ebalekhula.
\p
\v 29 Nalo lino nilio emboola banabefwe, ebise nebitutu ebitonyere, lekha balia abali nabakhasi babe shinga ababula nabo abekhula shinga abalekhula,
\v 30 Nabo abatsatsahala shinga abalatsatsahala ta, nabo abakula shinga ababula eshindu ta, nabo abekhonyera ebia eshialo shinga abalabikhonyeta ta,
\v 31 Shinga abashi rumushira munjira imbii ta, okhuba eshialo nende ebilolero biashio biwetsanga.
\p
\v 32 Nasi ndakhenya mbu, mubule obuhendi bwosi, oyo oulateshia, ahenderanga abindu biaNyasaye, shinga olwa anyala okhumuchamisia Omwami.
\v 33 Naye owateshia, ahenderanga ebindu bieshialo, shinga olwa anyala okhuchamisia omukhasiwe, khandi khuli nende obwaukhani hakari womukhasi nende Omushisira, omukhasi oulateshibwa ta,
\v 34 ahenderanga ebindu bioMwami, mbu, anyale okhuba omutsienuku, mumubiri nende muRoho, naye owateshibwa ahenderanga edindu bieshialo. shinga olwa achamisia omusatsawe.
\v 35 Nalio lino emboola khubukhala bwenywe abene, shikali mbu, abarereho omuteko ta, habula mubuholo, mbu munyale okhumukhalabanira Omwami bulanyasibwa ta.
\p
\v 36 Naye omusatsa yesi naparo mbu, shamwikhoyeranga omushisira we ta, naba nabirire emiika chiokhuteshibwa, naye okhoire ario.
\v 37 Mbu akhole akayenya, akholanga tsimbii kho kario oyo yesi ousinjira mumasinji, shali nende obulemu ta, habula ali nende amani khulienya lie, naye amalire okhubisia mumwyo mbu alalinda obusishirabwe. akhola obulayi.
\v 38 Kho yesi outeshia akhola obulayi, naye oulateshia ta, akhola obulayi muno.
\p
\v 39 Omukhasi abohwa namalako oluhono lwomusatsa ashiri omulamu, ne omusatsa naba nafwa, nomulakhule okhuteshibwa nende omusatsa wundi, habula muMwami.
\v 40 Nebutswa ali obulayi natong'a ario, bulano nobwauli bwanje, ne, embari mbu endi nende Roho waNyasaye.
\c 8
\cl 1 Abakorinzo 8
\p
\v 1 Bulano khubindu ebihanungwa khuminyasaye, khumanyire mbu, fwesi khuli nended obumanyirisi, ne obumanyirisi bwichingulanga, habula ebikhole ebilayi biumbakhanga.
\v 2 Khandi omundu yesi niyakhapara mbu amanyire shiosi, shamanyire shiosi shinga olwa akhoya ta,
\v 3 Naye omundu niyakhamumanya Nyasaye, omwenoyo naye Nyasaye amumanyire.
\p
\v 4 Ne bulano khumakhuwa kokhulia ebindu ebihanirwe khuminyasaye shinga omusanga, khumanyire obulayi mbu, eminyasaye shineshindu mushialo ta, ne mbu, shikhuli nende oundu okhumeta khuNyasaye ta, habula Nyasaye mulala.
\v 5 Okhuba kata nikhuba nikhuli nende echilangwa mbu, eminyasaye, mushialo nomba Mwikulu, shinga olwakhuli neminyasaye, nende abami.
\v 6 Nebutswa khwifwe, khuli nende Nyasaye mulala, Papa webindu biosi, nefu muye, naye Omwami mulala Yesu Kristo, muye khuli nende ebindu biosi, nefu muye.
\p
\v 7 Ne obumanyirisi buno shibuli mubuli mundu ta, okhuba abandi khutsinganakani tsieminyasaye okhula bulano, babilitsanga shinga ebindu ebihanirwe khuminyasaye, okhuba tsinganakani tsiabwe tsiatesherana.
\v 8 Nenyu mulenjeresia mbu, obulakhule bwenywe buletsa bwakhola eshisichirasio khubalia abatershere ta.
\v 9 Okhuba omundu yesi nalola enywe abali nobumanirisi nimwikhala khumesa yeminyasaye nimulia,
\v 10 tsinganakani tsie shitsila mukhala alie ebindu ebihanwa khuminyasaye?
\v 11 Ne khulwa obumanyirisi bwenywe bulakhola omuteshere oyo owa Kristo yafira akore?
\v 12 Kho nimuba nimwonona khumwana wenywe, nimusichirasia, tsinganakani tsie, mwonona khuKristo.
\v 13 Kho, eshiokhulia shianje nishiakhakhola omwana wefwe, yonoone, shindilalia olwa eshialo shindola ta, shindalaba eshisichirasio khumwana wefwe ta.
\c 9
\cl 1 Abakorinzo 9
\p
\v 1 Esie shendi omurume ta? shendi omulakhule ta? shindalola Yesu Kristo Omwami wefwe ta? nenyu shimuli emirimo chianje muMwwami ta?
\v 2 Nemba nendali omurume khubandi ta, basi obulakanakania, endi omurume khwinywe. okhuba eshibalikho shioburume bwanje, ninywe muMwami.
\p
\v 3 Likalusio lianje khubalia abahenjeresinjia ndierino mbu,
\v 4 Shikuli nende obunyali okhulia nokhunywa ta?
\v 5 Shikhuli nobunyali okhubukula omukhana shinga omukhasi shinga abarume bandi, khandi shinga abanabefwe, halala nende abasiani babo Omwami?
\v 6 Noho ifwe fwenyene nende Barinaba khubula nobunyali bwokhukhola emirimo nende inganga?
\v 7 Wina oukhupananga lihe khulwa obunyalibwe? noho niwina ourakanga omukunda naliakhwo ebiakwo? noho niwina oulisinjia ing'ombe nalanywa amabere kayo?
\p
\v 8 Emboo! olanga amakhuwa kano shinga omundu, noho amalako kosi kaboola kario?
\v 9 Okhuba kaandikwa mumalako kaMusa mbu, sholaboya Ing'ombe omunwa olwa yifuna ingano ta, kho Nyasaye alenjeresinjia butsa ing'ombe?
\v 10 Noho aboolanga kata khwifwe fwesi? kata khulwefwe fwesi, kano kaandikwa mbu ulia oulima, alime nali nobunayi. naye oufuna, afune nali nobunayi mbu alasanga khufia afuna.
\v 11 Nikhuba nikhwarachire mwinywe ebindu bieshiRoho, neshindu eshikhongo nikhufuna ebiomubiri khwinywe?
\v 12 Abandi nibaba nibali nobunyali buno khwinywe, kho fwesi shikhukhoyere? kata kario, shikhurumushilre obunyali buno ta, khunyakhane mumakhuwa kosi mbu, shikhulekalira oburume bwaKristo ta.
\v 13 Shimunyare mbu abakhalabananga khubindu ebitsienukhu, balia khubienebo biomuhekalu? Nabo abalindanga khushisambiro, balia khubieshisambiro?
\v 14 Kho nindio Omwami yakasia mbu, abalandia oburume obulayi, balalia khubwenobo.
\p
\v 15 Nasi shindikhonyerekhwo kata elala khumakhuwa kano ta, kata shehandiche mbu, kekholeshe kario khweisie ta, okhuba kakhoyere mbu, kata efwe, okhushira omundu yesi akhole oluyali lwanje okhuba olukhaya.
\v 16 Okhuba nimba niyala oburume obulayi, shindiitsialira shiosi ta, okhuba ekhoyere okhuyala, woowe! khwisie nimba nindayala oburume obulayi ta,
\v 17 Okhuba nimba nikhola lino okhurula mumwoyo, endi nomurungo: ne nimba ninunyibwa nobusinjiriri obwa ndahebwa.
\v 18 Kho omurungo kwanje nishi? mbu nimba niyaala oburume obulayi, shindayaala khumurungokwosi ta, mbu shindala rumushira obubi amani kanje muburume obulayi ta.
\p
\v 19 Okhuba kata nimba nindi omulakhule khubandu bosi, emalire okhuba omusumba khubosi mbu, enyale okhunyola abanji.
\v 20 KhubaYaudi ndikholire omuyaudi, mbu enyale okunyola abaYaudi, khubalia abali hasi wamalako, ndikholire wamalako, mbu enyale okhunyola balia abali hasi wamalako.
\v 21 Khubalia ababula amalako, shinga oubula amalako, nimba shinga oubula amalako khuNysaye, ne hasi wamalako khuKristo, mbu enyale okhubanyola balia ababula amalako.
\v 22 Khubateshere, embere shinga omuteshere, mbu enyale okhunyola abateshere, embere ebindu biosi khubandu bosi, mbu munjira tsiosi ehonie abanji.
\v 23 Ne kano ekhole khulwa oburume obulayi, mbu enyale okhusanga halala ninenyu.
\p
\v 24 Shimunyire mbu bosi aberukha tsimbiro, bosi berukha, ne abulaho ounyola eshihanwa nslerukha shinga olwa amslako ta, kho, mwirushe shinga balia abanyola eshihanwa,
\v 25 naye omundu yesi owenya okhunyola eshihanwa, yefira ebindu biosi, kho bakhola bario khulwokhunyola eshihanwa shiefise ebitutu, nenyu eshihanwa shienziayo.
\v 26 Kho shinzirukha shinga oukorirwe ta, shekhupana shinga oukhupa omuya ta,
\v 27 Habula era omubiri kwanje hasi wobulindi, mbu olunyuma lwokhuyala, shindila sukunwa erwanyi ta.
\c 10
\cl 1 Abakorinzo 10
\p
\v 1 Khulweshe banabefwe, shindienya mubule okhumanya mbu, basewfwe bosi bsli hasi weliresi, ne bosi babirira munyanza.
\v 2 Nabo babatisibwa muMusa, mwilesi,
\v 3 nabo bosi balia eshiokhulia shiaRoho.
\v 4 Nabo bosi banywa eshiokhulia shilala shiaRoho, okhuba banywa khulwanda lwaRoho, olwabalondakhwo, owali Kristo.
\v 5 Naye Nyasaye shiyachamisibwa nende abanji babwe ta, okhuba bafwira mushitsimi.
\p
\v 6 Bulano amakhuwa kano kali eshilolero khwifwe, mbu khuleshe okhwikomba ebindu ebibii, shinga olwa bali.
\v 7 Nohomba okhuba neminyasaye shinga olwa abandi khubo bali, shinga olwa kaandikwa, abandu bekhala hasi okhulia nende okhunywa.
\v 8 Nibabukha okhubaya, khandi shikhula khola obuheyi ta, shinga abandi khubo bali, nibafwa khunyangandala abandu ebikhumira bitaru namakhumi kabiri.
\v 9 Khandi shikhulamutema Kristo shinga olwa abandi bamutema ta, nibasishibwa nende omusuku.
\v 10 Khandi shimula buluula, shinga abandi babuuluula, nibononibwa nende omusasii ta.
\p
\v 11 Kho ebindu bino biosi biekolekha shinga eshilolero. Shinga olwa biahandikwa mbu khweche khubo, balia aba eshihesi Shieshialo shitsanga khubo.
\v 12 Kho lekha yesi ousinjire ahenje obulayi shaletsa yakwa ta.
\v 13 Libulaho litemo liosi liabetsire, lilali eliabulinyanga khumundu ta, Nyasaye nomusubirwa oulanyala okhulekha otemwe okhushira obunyalibwo ta, ne buli mwitemo yetsa okhuhana injira yokhurulamwo, mbu munyale okhushira.
\p
\v 14 Kho abaherwa banje, mwihanye khuminyasaye.
\v 15 Embloolanga ninenyu abandu abachesi, henjeresie shiemboolanga. eshikombe shiekhabi eshiakhuhanira ikhabi,
\v 16 shikali amatsai kaKristo? omukate kwa khumekanga, shibuli obusanjirani khumubiri kwa Kristo?
\v 17 Okhuba efwe olwa khuli abanji, khuli omukate mulala, omubiri mulala, okhuba fwesi khuli bulala khumukate.
\p
\v 18 Lole, abali abaisraeli khumubiri, shibali nabalitsanga omusango kweshihanwa khushisambiro ta.
\v 19 Emboola shina khushilolero? mbu neshindu, noho shiosi eshihanwa khushisambiro khuminyasaye, neshindu?
\v 20 Nasi emboola mbu, ebindu biabamahanga barusinjia emisango, barusinjia khubisieno, ne khuNyasaye ta,
\v 21 Nasi shindikomba mbu mube nende obuhambani nende ebishieno ta, shinyala okhunywa mushikombe shiaNyasaye nende eshikombe shie bishieno ta, shonyala okhusanga khumesa yoMwami nende imesa yebishieno ta.
\v 22 Kho khukhola Nyasaye okhuhambwa imbalikha? khuli namani okumushira?
\p
\v 23 Ebindu biosi nebilayi khusie, ne ebindu biosi shibiri ebikhoyere ta, ebindu biosi nebilayi, ne shibiri biosi ebiumbakha ta.
\v 24 Ne omundu shala lenga akeke omwene ta, habula bulimundu khubulayi bwowashie.
\v 25 Shiosi eshikusibwa khushiro, lia, obulareba amarebo ta, khulwatsinganakanitsio.
\v 26 Okhuba eshialo nishiomwami nende omwitsulu kwashio.
\v 27 Omundu yesi oulasubira ta, nakhwinjisia okhulia shiokhulia, nawe niwakhatsia okhulia, shiosi eshirebwa imberiwo lia. obulareba liosi ta, khulwatsinganakanitsio.
\v 28 Ne omundu yesi niyakhaboola, mbu eshiokhulia shino shiiniribwe eminyasaye, shola lia ta, khulwaye, nende khulwetsinganakanitsie.
\v 29 Okhuba eshialo nishiaNyasaye nende mwitsulukwashio.
\v 30 Khulwetsingakanitsio, etsioundi tawe, okhuba mbushina obulekhulebwo buchire oundi akhalachirwe? okhuba endia khulwo obukosia, mbushina nembolwa khushiria eshia ekhupa orio?
\p
\v 31 Kho nimuba nimulia, nohomba nimunywa, noho shiosi eshiamukhola, khole shiosi khuluyali lwaNyasaye.
\v 32 Shimularera eshisichirasio khubaYaudi, noho khubamahanga, noho khwikanisa.
\v 33 Kata lwemba niyanzisia abandu bosi mubindu biosi, nendakhaba inganga yosi ta, ne mbu inganaga khubanji, mbu banyale okhuhonibwa.
\c 11
\cl 1 Abakorinzo  11
\p
\v 1 Mube abalondi banje, shinga olwa emulondakhwo Kristo.
\p
\v 2 Ne bulano ebetsomia banabefwe, okhuba munzitsuliranga mumakhuwa kosi, nimulonda amebalo shinga olwa ndamuheresia.
\v 3 Nebutswa ndienya mumanye mbu, omurwe kwa buli omundu ni Kristo, naye omusatsa nomurwe kwomukhasi, naye Nyasaye niye omurwe kwa Kristo.
\v 4 Omusatsa yesi ourusia obulakusi, nohomba okhusaya nafunishe omurwekwe, shaheresia oluyali omurwe kwe ta.
\v 5 Naye buli omukhasi yesi ousaya, noho okhulakula, nalafunishe omurwe ta, abalakalira omurwekwe.
\v 6 Okhuba afwana shinga ulia oubechire, okhuba omukhasi nalafunikha omurwe ta, nobulayi khandi abeche, nebutswa neshi fimbwa murwe omukhasi okhubekwa, kho leshe afunishe omurwekwe.
\v 7 Okhuba toto mwene omusatsa shakhoyere okhufunikha omurwe ta, okhuba niye obukondo noluyali lwaNyasaye, naye omukhasi noluyali lwomusatsa.
\v 8 Okhuba omusatsa shiyarula khumukhasi ta, habula omukhasi khumusatsa.
\v 9 Khandi omusatsa shiyalonjerwa omukhasi ta, habula omukhasi niye owalonjerwa omusatsa.
\v 10 Niko akachira omukhasi akhoyere okhuba nende eshilolero shiobunyali khumurwekwe, shichira abamalaika.
\p
\v 11 kata kario muMwami omukhasi shali yenyene sira omusatsa ta, noho omusatsa khumukhasi.
\v 12 Okhuba shinga omukhasi olwa ali womusatsa, kho omusatsa yesi niwomukhasi, nabio ebindu biosi birula khuNyasaye.
\v 13 Mwiyaasie abane kali mbu nobulayi omukhasi okhusaya Nyasaye nalafunishe omurwe?
\v 14 Kata oburulanda bwene shibukhwechesinjia mbu, kata omusatsa naba neliswi lirambi, netsisoni khuye?
\v 15 Naye omukhasi naba neliswi lirambi, noluyali khuye, okhuba yaheresibwa liswi okhuba eshifunikho khuye.
\v 16 Nebutswa omundu yesi narera tsimbemba, shikhuli nende eshima shiosi ta, kata ikaniasa yaNyasaye.
\p
\v 17 Ne bulano mukano, ebaboolera mbu, shebetsominjia ta, mbu shimwitsanga halala khubulayi ta, ne mbu khububii, okhuba mberio euliranga mbu.
\v 18 Olwamwitsanga halala muhekalu, mbu khuli nende emiaukho akari wenywe, nasi shinga nesubiranga khwo atiti.
\v 19 Okhuba khatimba khube nende obwaukhani hatiti mwinywe, mbu, balia abeyamwa banyale okhulolesibwa habulafu.
\v 20 Kho olwamuba nimwitsa halala, shikhuli khulwokhulia Lisabo ta,
\v 21 Khandi mukhulia, buli mulala abukula shiokhulia shie omwene, oundi ali neinzala naye oundi amerire.
\v 22 Shimuli netsinzu tsiokhuliamwo nokhunwa ta? Noho mubala kaliranga Inzu yaNyasaye? nimubafimbia emirwe balia ababula? kho emwitsomia khukano? tawe, shenyala ta.
\p
\v 23 Okhuba ndanyola khuMwam liria elia ndamuheresia, mbu Omwami Yesu Kristo eshiro shiria eshiayakhobwa, yabukula omukate.
\v 24 Olwa yali yakhopa orio, yasonyola naboola, bukule mulie, kuno nomubiri kwanje, okwononibwa khulwa inwe, khole murio okhunzitsulira
\v 25 Khandi ario nabukula eshikombe, niyakhamala okhunywa nakhupa orio, naboola, eshikombe shino neindakano imbia, mumatsai kanje, khole muri bulikhase munzitsulira.
\v 26 Okhuba olwa mulia omukate kuno, nimunywa eshikombe shino, mumanyisia okhwitsa khwoMwami okhula shinga olwa alitsa.
\p
\v 27 Kho yesi oulia omukate kuno, nende okhunywa eshikombe shino shioMwami munjira elakhoyera alekhalachira omwene khulwomubiri nende amatsai koMwami.
\v 28 Kho omundu omwene yeenjeresie olwaba nalia nokhunywa eshikombe.
\v 29 Okhuba yesi oulia nokhunywa munjira ilakhoyera ta, anywa obuyaasi omwene, nalamanyirisia omubiri kwoMwami,
\v 30 Khulwako, abanji, bakwire abateshere, nabalwale mwinywe, abandi nibafwa.
\v 31 Okhuba nikhuba nikhunyala okhwikhalachira abene,
\v 32 shikhukhoyera okhukhalachirwa ta, ne nikhuba nikhukhalachirwa, khunyola eshinyasio khuMwami mbu, shikhulayasibwa nende eshialo ta.
\p
\v 33 Kho kario abaherwa, lwamuba nimwitsa halala okhulia, mlindanenje.
\v 34 Naye oundi niyakhaba neyinzala, alie ingo mbu, shalenjira mubuyasubwi ta, akandi neka bolekhwo olwa nditsa.
\c 12
\cl 1 Abakorinzo 12
\p
\v 1 Ne bulano khumakhuwa kebihanwa bieshiRoho, shindienya mbu mukorwe ta.
\v 2 Okhuba mumanyire mbu, olwa mwali nimushiri mumahanga butswa mwemilirwa, nimulonda khubifwanani ebilanyala okhuboola ta,
\v 3 Niko akachira nimumanyia mbu, abulaho omundu yesi owimirirwa nende Roho ouboola mbu, Yesu yalamwa. Khandi abulaho ouboola mbu, Yesu noMwami, nalemirirwa nende Roho ta.
\p
\v 4 Ne bulano khuli nende ebihanwa biaukhane, naye Roho ni mulala.
\v 5 Khuli nende obwimiri bwaukhane, naye Omwami ni mulala.
\v 6 Khandi khuli nende obukholi bwaukhane naye niNyasaye mulala oukholanga biosi mubosi.
\p
\v 7 Naye buli shiamulala ahebwa obukhalabani bwaRoho, khulwa obukhonyani.
\v 8 Okhuba khuundi nende Roho mulala oyo ahebwa likhuwa liobuchesi, oundi likhuwa liobumanyi, khulwa obunyali bwaRoho.
\v 9 Oundi obusubiri, khulwa Roho tsana, oundi khandi ebihanwa biokhuhonia abalwale, khulwa Roho mulala oyo.
\v 10 Khuundi obukholi bwaMangalimwa, naye oundi obulakusi naye, oundi obunyali bwokhumanyirisia abaRoho.
\v 11 Oundi tsinimi tsiaukhane, naye oundi obukaluli bwetsinimi. ne yako kosi nobukholi bwaRoho oyo mulala, nakabira buli mulala shinga olwa yenya.
\p
\v 12 Okhuba shinga olwa omubiri kuli mulala, nakwo kuli nende ebiungo ebinji, nabio ebiungo biosi nibiri ebinji, nomubiri mulala, nindio ali Kristo.
\v 13 Okhuba khuRoho mulala, khwabatisibwa mumubiri mulala. Kata nikhuba abaYaudi nomba bamahanga. nikhuba ababoye noho abalakhule, fwesi khwakholwa okhunywa muRoho oyo mulala.
\p
\v 14 Okhuba omubiri shikuli eshungo shillala ta, habula ebinji.
\v 15 Eshirenje nishibOola mbu, okhuba shendi omukhono ta, kho shendi wokhubirii tawe, kho sholabula okhuba eshiungo shiomubiri?
\v 16 Nasho eshirwi nishibOola mbu, okhuba shendi imoni ta, shendi wokhubiri tawe, kho shilabula okhuba shiomubiri? omubiri kwosi niyakhabere imoni.
\v 17 kho okhuulira khwakhabere hena? ne kwoso nikwakhabere, eshirwi, eshulu shiakhabere hena?
\v 18 Ne shinga olwa Nyasaye yara ebiungo biosi khumubiri, shinga olwa kamuchamisia.
\v 19 Ne nishiakhabere eshiungo shilala, omubiri kwakhabere hena?
\v 20 Ne bulano muli ebiungo ebinji, nako omubiri mulala mulala.
\v 21 Nayo imoni shiinyala okhubOolera omukhono mbu, sholi nomulimo khwisie ta, khandi omurwe kurio khubiRenje, mbu,
\v 22 sholi nobukhala khwisie ta, nabio ebiungo ebo biomubiri ebifwana shinga bibula amani,
\v 23 biri nende obukhonyi obukhongo muno. nabio ebiungo ebio biomubiri ebibula oluyali, ebienebio khubiheresijia oluyali olukhongo muno, nabio ebiungo ebitofu, khubihenderanga muno.
\v 24 nebutswa ebiungo ebikasu nabio shibiri nobutambi ta, ne Nyasaye yasmbasia omubiri kwosi halala, naheresia oluyali eshieneshio shiabula oluyali.
\v 25 Mbu khuleshe okhuba nende okhwaukhana mamamia khumubiri, mbu buli eshiungo shihenderenje eshindi.
\v 26 Nashio olwa eshiungo shilala shilwala, ebindi biosi bilwala ninashio. Eshindi olwa shinyola oluyali, ebindi biosi bitsatsahala ninashio.
\p
\v 27 Nenyu bulano muli omubiri kwaKrsto, buli mulala eshungo.
\v 28 Naye Nyasaye yara Mukanisa mberio, Abarume, bakahabiri abalakusi, bakahataru, abechesii, olunyuma abakholi bamangalimwa, ebihanwa biokhuhonia, obukhonyi, obusinjiriri, nende okhuboola mutsinimi tsindi.
\v 29 Kho bosi nabalakusi? bosi nabechesia? bosi nabakholi bamangalimwa?
\v 30 Bosi bali nende eshinanwa shiokhuhonia? bosi baboola, umtsinimi? basi bakalula tsinimi?
\v 31 Nebutswa mwikombe muno ebihanwa ebikhulundu, nasi bamanyia injia yiria eikhoyere.
\c 13
\cl 1 Abakorinzo 13
\p
\v 1 Kata nimba nimboola mutsinimi tsiabandu nende abamalaika, nembula obuheri, efwana shinga eshikhuli eshisala butswa.
\v 2 Kata nemba nende eshihanwa shiobulakusi, nokhumanya amafiso kosi, nende obumanyirisi bwosi, nemba nobusubiri bwosi, mbu kata enyale okhusula tsingulu, nembula obuheri, endi butswa eshikhaya.
\v 3 Kata nemba nehana emiandu chianje chiosi nengabira abamanani, nehana omubiri kwanje kusambwe, nembula obuheri, shendi eshindu ta
\p
\v 4 Obuheri bwisimirisinjia nibukhola eshisa, bubula imbalikha,
\v 5 Shibwiitsomia ta, shibwikhoyera obumayanu ta, ne bwikhoyelanga akatoto,
\v 6 Shibwikhoyeranga obumayanu ta, ne bwikhoyeranga akatoto.
\v 7 Bwifira kosi, busubira kosi, bunaya mukosi, buralira mukosi.
\p
\v 8 Obuheri shibukhaywa ta, ne kata obulakusi nibubaho, bwitsa okhwakama, kata tsinimi nitsiriho, tsitsa okhuwaho, kata obumanyi nibuliho, bwitsa okhwakama.
\v 9 Okhuba mumanyire mubulemu, nimukalula mubulemu.
\v 10 Ne yako akali amalemu olwa kaliba nikakosibwe, akali amelemu kaliruisibwaho.
\v 11 Olwa ndali nindi omwana ndaboolanga shinga omwana, ndaparanga shinga omwana, ndahiririsinjia shinga omwana.
\v 12 Ne olwa ndekhola omundu omukhongo, ndalekha amakhuwwa kolwana.
\v 13 Ne bulano eliatong'a, nobusubiri, nobuheri, obunayi, nalo likhongo mukosi, nobuheri.
\c 14
\cl 1 Abakorinzo 14
\p
\v 1 Londachire kobuheri, nimwikomba ebihanwa biaRoho, ne muno muno mbu,
\v 2 Munyale okhulakula, okhuba yesi ouboola mutsinimi tsilamanyikha ta, shaboola nende abandu ta, habula nende Nyasaye, okhuba abulaho omundu oumuulira ta, okhuba muRoho.
\v 3 Aboola amabiso, naye oulakula, aboola nabandu, nabombakha, nokhubatinyia nokhuotseresia.
\v 4 Ouboola mutsimi tsinjeni yeyombokha omwene, naye oulakula yombokha Ikanisa.
\p
\v 5 Ndakhekombire mbu mwesi muboole mutsimimi tsinjeni, nebutswa munomuno, mbu, mukhole obulakusi, okhuba oukhola obulakusi ashira ouboola mutsinimi tsinjeni, nikali mbu shakalukhasia ta.
\p
\v 6 Mbu, Ikanisa inyale okhwombakhwa, kho nindakhetsa khwinywe abahwerwa nimboola mutsinimi tsinjeni, ndilaba neinganga shina nendaboola mubufwimbuli obumanyirisi noho obulakusi, noho mumechesio?
\v 7 Okhuba kata abindu bibula obulamu olwa birusia amayoosi, likale, eshiriri, bilaukhasia mumayosi ta, kakhamanyikha karie eshiabiboolanga?
\v 8 Okhuba itarumbete niirusia amayoosi kalamanyikha ta, niwina oulerecheshera khwihe?
\v 9 Kho kario nolaboola mutsinimi amakhuwa akalamanyikhane, shilamanyikha endie eshia oboolire? okhuba witsa okhuboola mumuya.
\v 10 Khunyala okhuba nende amayoosi amanji mushialo, ne kabulaho amayoosi kabula eshifune ta,
\v 11 Kho nimba nindamanya oburume buli mumayosi ta, nditsa okhuba khuuboola shinga omucheni, naye khandi ouboola omucheni.
\v 12 Kho olwamuba nimuli nobuha bwebihanwa biaRoho, khabe muno ebihanwa binyala okhuwombokha Ikanisa, kho.
\p
\v 13 Sabe mbu, yesi ouboola mutsinimi tsinjeni, anyale okhukalula, okhuba nisaye mutsinimi tsilamanyikha ta.
\v 14 Roho wanje niye ousaya, nasi shemanyirisia shiosi Kho shindiama ebiamo ta.
\v 15 Kho ka! i mbu shina? ndilasaya mutsinimi khandi mubumanyirisi, ndalemba mutsinmi, khandi mubumanyirisi, kalali kario,
\v 16 Olwa emba nihana ikhabi muRoho, ulia oulamanyirisia ta, olwa ekhupa orio okhuba shamanyire ta, alakhola shina?
\v 17 Okhuba toto okhupa orio, naye owashio shiyombakhwa ta.
\v 18 Okhupira Nyasaaye orio mbu, emboolanga mutsinimi okhushira enywe mwesi.
\v 19 Ne kata kario mukanisa nobulayi emboole mubumanyirisi, mbu enyale okhwechesia abandi, okhushira amakhuwa eshikhumira ndala mutsinimi tsinjeni.
\p
\v 20 Bana banje, mulabe abaana mubumanyiris ta, nebutswa mumabii mube abana, ne mubumanyirisimube abatokhu,
\v 21 mumalako kaandikwa mbu, mubandu betsinimi tsindi ndiala boola nabandu bano, ne mukoso shibalauria ta,
\p
\v 22 Kho tsinimi neshilolero, ne khubasubira ta, halali khubalasubira, nabo obulakusi shi, bukhonyanga balia abalasubira tawe habula balia abasubira.
\v 23 Kho Likanisa liosi niliakhetsa halala, nabo bosi baboola mutsinimi tsindi, nabo habwene yaho nibetsa abalamanya ta, noho abalasubira ta, shibalaboola mbu nabalalu?
\v 24 Ne bosi nibarusia obulakusi, nabo betsa mubo abalasubira ta, noho abalamanyirisia ta, yalashulwa nende bosi, nayasibwa mubosi.
\v 25 Nako amafiso komumwoyokwe nikarebwa habulafu, naye nakwa hasi nafumama, alimwinamira Omwami. Naboola mbu toto mwene Nyasaye ali ninenyu.
\p
\v 26 Kho kali karie abaherwa olwa mwitsa halala, mulala ali nende olwimbo, oundi amechesio, oudi olulimi, oundi obufwimbuli, oundi okhukalula, amakhuwa kano kosi kakholwe khulwokhumbakha Ikanisa.
\v 27 Omundu yesi naboola mululimi olucheni, babee babiri, noho muno bataru, naye oundi akalule.
\v 28 Ne omukaluli nabulaho, lekha aolere mwikanisa, niyeboolera omwene nende Nyasaye.
\p
\v 29 Abalakusi balakula mulala noho, babiri, nabo abandi bahenjeresie.
\v 30 Eshindu shiosi nishifunulwa khuyesi owikhale, lekha owamberi aolere.
\v 31 Okhuba munyala okhurusia obulakusi mwesi, mbu bosi banyale okhweka,
\v 32 Khandi baotseresibwe naye Roho wobulakusi, auliranga abalakusi, okhuba Nyasaye shali nomukoyano ta.
\v 33 Ne mbu, omulembe, mukanisa tsiosi tsiabalobole.
\v 34 Abakhasi benywe baulere mwikanisa, okhuba shibakhoyera okhuboola ta, mbu balachirisibwa okhuba abauliri, shinga olwa amalako kaboola.
\v 35 Ne olwa beka eshindu shiosi, barebe abasatsa babwe ingo, okhuba netsisoni omukhasi okhuboola mwiKanisa.
\v 36 Kho, likhuuwa liaNyasaye lietsa okhurula khwinywe? noho lietsa khwminywe mwenyene?
\v 37 Omundu yesi niyakhelola okhuba omulakusi, noho oweshiRoho, amanye mbu amakhuwa kemboola khunywe namalako koMwami.
\v 38 Naye omundu yesi naba omusiru, leshe abe omusiru.
\p
\v 39 Kho abaherwa, mwikombe muno obulakusi, ne shimulakaya okhuboola mutsinmi ta.
\v 40 Ebindu bino biosi bikholwe obulayi khandi mubulosie.
\c 15
\cl 1 Abakorinzo 15
\p
\v 1 Bulano baana befwe, ebetsusia akoburume obulayi obwandamuyalira, obwa mwafuchirira, khandi mralira mwo,
\v 2 khandi obuchira nimuhonibwa, nimuba nimuchibikha mumakani akandia muyaalira, nimuba mulasubirira mushikhaya ta.
\p
\v 3 Isie ndamuheresia yako akandaheresibwa, mbu Kristo Yesu, yafwira obwononibwefwe shinga olwa kaandikwa mumaandiko.
\v 4 Mana nayabirwa, mana nalamusibwa, khandi khunyanga yakhataru, shinga olwa kaandikwa.
\v 5 Khandi yaloleshera Kefa, khandi balia ekhumi nababiri.
\v 6 Olunyuma lwene naloleshera abandu abashira tsimia tsirano, khubise ebio, abanji khubo abashiriho abalamu, nabo abandi bafwa.
\v 7 Olunyuma lwene naloleshera Yakobo, mana khandi khubarume bosi.
\v 8 Mana olunyuma lwabo bosi, yandoleshera isie, siesi, khandi shinga ulia owebulwa tsinyanga nitsishiri okhula.
\v 9 Okhuba isie endi omutiti, khubarume bosi, kata isie shingwanira okhulangwa, omurume ta, shichira ndiasandia Ikanisa yaNyasaye.
\v 10 Ne khulwa obukosia bwaNyasaye endi shinga olwa endi bulano, kata obukosiabwe, obwandahesibwa shibwali obwabutsa ta, kata kario, isie ndakhola emirimo eminji, okhubashira bosi, ne shindi isie ta habula obukosia bwaNyasaye obwali ninasi.
\v 11 Kho kata nikaba nikarula khwisie, nohomba khubo, khuyalanga, khandi basubiranga.
\p
\v 12 Kho bulano nikakhaba mbu, Kristo, yalamusibwa okhurula mubafuu, kho shichira abandi mwinywe nibaboola mbu, okhulamukha khwabafu shikhuliho tawe?
\v 13 Ne nikaba mbu, okhulamusibwa khwabafu, shikhuliho ta, kho Kristo shiyalamukha tawe?
\v 14 Ne Kristo naba nalalamikha tawe, kho okhuyalakhwefwe nokhwabutswa, khandi obusubiri bwefwe nobwabutswa.
\v 15 Kho khunyolekhananga nikhuli abaloli bobubeyi, khuNyasaye, shichira khwaboola obuboli mbu, Nyasaye yalamusia Kristo, kho naba nalalamusibwa tawe, kho abafu shibalalamusibwa tawe.
\v 16 Kho abafu balalamusibwa tawe, kho, Krsto shiyalamusibwa tawe.
\v 17 Ne Kristo naba nalalamusibwa tawe, kho obusubiri bwefwe, nibwa butswa, kho mbu, mushiri mubwononi.
\v 18 Kho mbu balia abafuu muKristo, bamala okhutiba.
\v 19 Kho nikaba mbu, mubulamu buno khuli nende obunayi bwefwe muKristo, kho khuli mubandu bosi abeshiberesi muno.
\p
\v 20 Ne nikaba mbu, Kristo shiyalamusibwa okhurula mubafuu ta, mana naba owamberi khubandu bosi abafwa.
\v 21 Kho shinga okhufwa khwetsa khumundu mulala, kho khandi okhulamusibwa khwabafu, khwosi khwetsa khumundu mulala.
\v 22 Shinga olwa abandu bosi bafira muAdamu, kho, okhubrira muKristo boosi balamusibwa.
\v 23 Ne buli mundu mumasinji, keke, owamberi niyeKristo, ne olunyuma abandi abali abaKrsto mwene olwa alitsa.
\v 24 Habwene yaho khulibaho okhumalirikha, olwa ali lakhulira Nyasaye Samwana obwami, olwa aliba nalakhulire oburuchi nende obukhulndu nende obunyali bwosi.
\v 25 Okhuba akhoyere okhurukanga okhula olwa aliba narere abasukube bosi hasi wamakuluke.
\v 26 Ne omusuku wakhumalirikha niye lifwa.
\v 27 Okhuba yabira ebindu biosi hasi webilenje bie, nolwa aboola mbu, biosi birerwe hasiwe, limanyikhe mbu, shishia limwo shiosi eshilarebwa hasi we tawe.
\v 28 Ne olwa ebindu biosi biliba nibirerwe hasiwe, kho habwene yaho Omwana omwene alirebwa hasi wa oyo owabira ebindu biosi hasiwe, Nyasaaye naye alabetsanga biosi khubosi.
\p
\v 29 Kalali kario ta, balibatisibwa barie mubafuu? abafu nibalalamusibwa ta? shichira shiina nibabatisiwa khulwa abafu?
\v 30 khandi shina eshichiranga nikhuli mubuhendi buli khase?
\v 31 Nebutswa obwitsomi bwanje obwa endi ninabwo mukristo Yesu Omwami, efwitsanga bulinyanga.
\v 32 Khandi olunyuma lwene shinga omundu, ndakhupana netsisolo tsiomubulimo tsiali Efeso, lino likhoya shina khwisie? abafu nibalalamusibwa ta? kho khulie nikhunywa okhuba mukamba nakhufwe.
\v 33 Mulekatinjie ta, okhuchenda nababii, khusasinjia emima emilayi, bushe kubulunjishi.
\v 34 Khandi muloonone tawe, shichira abandi babaula obumanyirisi bwaNyasaye, emboola endio okhubafimbia emirwe.
\p
\v 35 Mana omundu undi alaboola mbu, abafu balamusibwa barie? khandi nomubiri shina okwa balaba ninako?
\v 36 Oli omusiru iwe, eshia oraka shishinyala okhumera shilafire ta.
\v 37 Khandi mbu shiria shiorakanga omubiri kwene, shikuli okulibaho tawe, habula imwo ikhaya butswa, kata niiba yamabere, noho eyindi yosi.
\v 38 Khandi mbu Nyasaye achieresnjia omubiri shinga olwa achamisibwa, khandi mbu buli shie Imwo omubiri kwayo eyene.
\v 39 Inyama yosi shitsifwanana ta, okhuba iliho inyama yabandu, inyama yindi yetsisolo, ne eyindi yetsinyeni, khandi eyindi yamanyonyi.
\v 40 Chiliho khandi emibri chomusialo, khandi emibiri chindi chioMwikulu, nebutswa oluyali lwechio Mushialo, ni lulala, khandi oluyali lwachio! Mwikulu nolundi.
\v 41 Luliho oluyali lwe liuba khandi oluyali lwomwesi, khandi olundi noluyali lwetsing'ing'ini, okhuba ing'ining'ini yindi yaukhane nende ing'ining'ini yindi oluyali lwayo.
\p
\v 42 Kho obulamshi bwabafuu buli burio, kurakwa mubusashishi, kulamusibwa mubulasasikha tawe, kurakwa mutsisoni,
\v 43 kulamusibwa muluyali, kurakwa mubutofu, kulamusibwa mubunyali nende amani.
\v 44 Kurakwa omubiri kwoburulanda, kulamusibwa omubiri kweshiRoho, kuliho omubiri kwoburulanda, khandi kuliho omubiri kweshiroho.
\p
\v 45 Khandi nindio kaandikwa mbu, omundu wamberi niye Adamu wakholwa womwoyo omulamu, naye owokhumaliririka niye owakholwa obulamu mumwoyo.
\v 46 Ne omwene oyo owamberi shali ye omwenoyo tawe, habula owoburulanda olunyuma ulia womuRoho.
\v 47 Omundu wamberi, niwoMushialo, khushialo, ne owakhabiri, omundu woMwami, okhurula Mwikulu.
\v 48 Shinga olwa ali womushialo, kho nilwa bali bario balia bosi bomushialo, ne khandi shinga olwa ali owoMwikulu, nilwo olwa bali bario boMwikulu.
\v 49 Khandi shinga olwa khwebulwa okhufwana omufwano kwa bomushialo, kho nindio olwakhwitsa okhfwana khurio omufwano kwa boMwikulu.
\p
\v 50 Ne bulano banabefwe, emboola mbu, inyama namatsaii shibilamirwa obwami bwoMwilkulu ta. kata obusashishi okhulamirwa obulasasikha tawe.
\v 51 Lole ebafisulira lifiso, shikhulakona tsindola tawe, nebutswa fwesi khulakalulwa.
\v 52 Mushise shiokhutemia imoni, khulwika lwokhumalirikha, olwa luilikhupwa niluulirikha, khandi abafu balilamusibwa, nefu, khulikalulwa,
\v 53 okhuba emibiri choibusashishi, chikhoyere okhwifwala obulasasikha tawe.
\v 54 Kho chiria choobusasishi nichifwala oburasasikha ta, khandi emibiri echifwitsanga olwa chifwala obulafwa ta, kho likhuwa liikharebwe liahandkwa mbu, okhufwa khumirishire elala mubuhuli.
\q1
\v 55 Ewe okhufwa, olubala lwo luli hena? iwe ing'ani, obuhulibwo buli hena?
\p
\v 56 Okhuba olubala lwokhufwa nobwonooni, nako amani kobwononi, namalako.
\v 57 Nebutswa orio khuNyasaye oukhuheresnjia obuhuli okhubirira muMwami wefwe Yesu Kristo.
\p
\v 58 Khulweso banabefwe abahewa, muralire, shimulashukhasibwa ta. Buli lwosi mukholenje emirimo chioMomwami okhuba mumanyire mbu, emirimo chiefwe muMwami shichiri chiabutswa ta.
\c 16
\cl 1 Abakorinzo 16
\p
\v 1 Bulano okhurondokhana nende emisololo chiabasubiri, shinga olwa ndahana amebalo khumakanisa kabaGalatia.
\v 2 Nindio mukhoyere murio. kunyanaga yamberi.
\v 3 Ne lwa nditsa, yesi owamulihana khube erwanyi, niye owandaliruma okhurera ebihanwa bwenywe ayaerusalemi.
\v 4 Ne nikalienyekha mbu siesi enzie, basi ndalitsia ninabo.
\p
\v 5 Nasi nanditsa ewenywe nembirira Masedonia, okhuba emburanga Masedonia.
\v 6 Ne kanyalikha mbu, ndamenyayo munyanga tsiobushindu, mbu munyale okhunjesia hosi wandienya.
\v 7 Okhuba shindienya okhubalola khandi tawe. nasi esubira okhumenya ninenywe khubise Omwami niyakhayanza,
\v 8 Nasi nemenye Efeso okhula khunyanga ya Pentakosti.
\v 9 Okhuba omuliango omukhongo kwobukhalabani kwikushe, nabo abasuku nabanji.
\p
\v 10 Ne bulano Timotseyo yakhetsa, mumulinde obulayi mbu aleshe okhuba noburi.
\v 11 Okhuba akholanga emirimo chioMwami shinga isie. omundu yesi shalamuleka ta, mumulinde mumulembe.
\p
\v 12 Mbu anyale okhula khwisie, okhuba khumulindanga nende abaherwa, ne khumusiani wefwe Apolo, ndikombire muno mbu yetse khwinywe nende abaherwa, naye shiekombire okhwitsa khubise bino ta, naye nabetsere khubise ebikwanirekhuye.
\p
\v 13 Mube meso, musinjire mubusubiri, mwihotsresie shinga abandu.
\v 14 Mube namani. amakhuwa kosikakholwe mubuheri.
\p
\v 15 Abaherwa mumanyile inzu ya Stefano, mbu nibo ebiamo biamberi muAshia, nabo behanire khumirimo chiobukhalabani,
\v 16 mbu mwihane khubeimbira eyo, nende yesi oukhukhonyanga mubukhalabani.
\v 17 Endi nobutsatsahafu khulwa Stefano nende Fatunatusi nende Achikasi, okhuba shiosi eshialema elubeka lwenywe, bahana,
\v 18 Okhuba bayanzisiye omwoyo kwanje, nende okwenywe, khomubamanyirisie balia abali beimbia eyo.
\p
\v 19 Amakanisa ka AShia kabashesiye, Akila nende Prisila babashesiye muMwami, nende Ikanisa yomunzu yabwe, abaherwa bosi babashesiye.
\v 20 Shesania mulala khuundi nende okhutsunzunana mubutsienukhu.
\p
\v 21 Kuno nomulembe kwanje Isie Paulo nomukhono kwanje,
\v 22 omundu yesi nalaheranga Omwami Yesu Kristo, lekha abe Anathema, Maranatha.
\v 23 Obukosia bwoMwami Yesu Kristo bube ninenywe.
\v 24 Obuheri bube ninenywe mwesi muKristo Yesu, Amina.