lrm_reg/45-ACT.usfm

\id ACT
\ide UTF-8
\h Ebikhole Bia Abarume
\toc1 Ebikhole Bia Abarume
\toc2 Ebikhole Bia Abarume
\toc3 act
\mt Ebikhole Bia Abarume
\c 1
\cl Ebikhole Bia Abarume 1
\p
\v 1 Amakhuwa kayahandika, Theofila, khukalia akaYesu yachaka okhukhola nende okhwechesia.
\v 2 Okhula inyanga yayabukulwa ikulu, olwa yali niyakhamala muRoho mulafu okhubaheresia amalako abayali niyaule,
\v 3 khuyabo abayaloleshera, mubwatoto bwene, nalolwa ninabo tsinyanga amakhumi kane, nabolanga abindu abirondokhana nobwami bwoMwikulu.
\p
\v 4 Naye nakhung'anire halala ninabo, nabalachiriisia mbu, shibalarula Yerusalemi ta, ne mbu balinde okhula olwa banyoola omulako kwa Papa, okwa mwahulira khwisie, okhuba toto Yohana yabatisia namatsi,
\v 5 nenyu mulabatisibwa nende Roho mulafu tsinyanga tsindutu okhurula bulano.
\p
\v 6 Ne olwa bali nibetsire halala, bamureba, nibaboola mbu, Omwami, witsa khubise bino okhukalusia oburuchi bwaIsraeli?
\v 7 naye nababoolera, shikali khwinywe okhumanya, ebise nomba tsinyanga tsia Papa yara mumanike ta,
\v 8 nebutswa mulanyoola amani, Roho mulafu olwayekha khwinywe, nenyu mulaba abaloli banje muYerusalemi, Yudea, Samaria nende khumwisho weshialo shiosi.
\v 9 Ne olwa yali niyakhaboola kano nibamurerekhwo tsimoni, yabukulwa ikulu, nalo liresi nilimufunikha nibalamulola ta,
\p
\v 10 ne olwa bamulola, shinga olwa yatsia mwikulu, lole abandu babili mutsingubo tsindafu basinjira yaho,
\v 11 nabo nibaboola, inywe abandu baGalilaya, "mbushina nimusinjiire nimuhenga mwikulu? Yesu mulala uno oubukulwe khwinywe niyenjira mwikulu, khandi ailitsa munjila yene eyo, shinga olwa mulutsi natsia mwikulu.
\p
\v 12 Nabo nibakalukha Yerusalemi okhurula khushikulu shiemzeituni, okhurula Yerusalemi oluchendo lwelichuma elala.
\v 13 Ne olwa bola, batsia mushikoro shieikulu, ewa bamenyanga, Petero, Yohana, Yakobo, Anderea, Filipo, Tomaso, Batolomayo, Mathayo, Yakobo omwana waAlufayo, nende Simioni omuziloti, nende Yuda omusiani wabo Yakobo.
\v 14 Bano bosi batsilila halala mubulala, mumasayo nende okhusaba, nende abakhasi, nende Mariamu, mama wa Yesu, nende abasiani babwe.
\p
\v 15 Mutsinyanga etso, Petero nasinjila hakari wabechi, naboola, bosi bali shinga imia nende amakhumi kabili.
\v 16 Naboola, bana befwe nende abandu bosi, lihandiko lino okhula liusibwe, elia Roho mulafu okhuburira khuDaudi yaranjirira okhuboola khuYuda, owabemirira balia abamutira Yesu.
\v 17 Okhuba yali mulala khwifwe, naye yali nende omukabo mubukhalabani buno",
\p
\v 18 (Ne bulano omundu uno yakula omukunda nende amang'ondo kobubii, naye nakwiira omurwe, yatikhamwo, ne ebiomundabie nibirula erwanyi biosi.
\v 19 Nako nikamanyikha mubamenyi boosi baYerusalemi, okhula omukunda oko nikulangwa khuliira mbu,"AkaliDama". Nikhwo okhubola mbu, omukunda kwamatsayi").
\p
\v 20 Okhuba kahandikwa muZaburi mbu, obumenyibwe bube obukhaya, naye omundu yesi shalamenyayo ta, nobukhalabanibwe, oundi abukule.
\p
\v 21 Khulwako, khubandu bano ababere ninefu, tsinyanga tsiosi, olwa Omwami yali ninefu,
\v 22 okhurula khushibatisio shia Yohana, okhula khunyanga yokhubukulwa okhurula khwifwe, okhula mulala abukulwe okhuba omukobosheri wobulamushibwe.
\p
\v 23 Nabo nibaula babili, Yusufu owalangwa mbu, Barisaba owakulikhwa mbu, Yusto, nende Mathias.
\v 24 Nibasaya, nibaboola, ewe Omwami oumanyile emioyo chiabandu, khuheresie mulala khubano,
\v 25 mbu anyale okhuba mulala khubukhalabani bwoburume, obwa Yuda, khulwa tsimbi tsie yakwa. Mbu anyale okhutsia abunduwe.
\v 26 Nabo nibakhola ikhaa, nayo ikhaa niimukwiira Mathias, naye nabasibwa okhuba mulala khubechi.
\c 2
\cl Ebikhole Bia Abarume 2
\p
\v 1 Ne olwa inyanga ya pentecote yali niiyulile, bali bosi mubulala habundu halala
\v 2 ne kwarulira mumuyeka omwoyo omukhongo okhurula mwikulu, shinga imbumbuyeka ikhongo, niitsula munzu yabali nibekhalemwo.
\v 3 Ne tsilolekha khubo, tsinimi shinga tsiomulilo, nitsiashila buli mulala khubo.
\v 4 Nabo boosi nibetsulwa nende Roho mulafu, nibachaaka okhuboola mutsinimi tsindi shinga olwa Roho yabaheresia obuboli.
\p
\v 5 Ne khwaliyo nende abaYahudi bamenyanga Yerusalemi, berusia, okhurula buli mwihanga mushialo shiosi hasi we liuba.
\v 6 Ne olwa kano kaulirikha erwanyi, abandu bosi betsa, nibalamanyirisia ta, okhuba buli mulala yabahulira nibaboola mutsinimi tsiabwe abene,
\v 7 nibauchisibwa, nibahuka, nibabolanira, lole ababoolanga bano bosi shibali abaGalilaya?
\v 8 Mbushina nikhuhulira buli mulala naboola mutsinimi tsiefwe etsia khwebulwo mwo?
\v 9 Abapathia, Pamfilia, Abamedi, Abalemi, nende Abamenyi ba Mesopotamia, nende Yudea, Kapudesia, nende Pontia Ashia.
\v 10 Figia, Pamfilia, Emisiri, nende tsingongo tsia Libia, hambi Sereni, nende abacheni baRoma, abaYahudi nabebifwalo ebilafu.
\v 11 Abakirete, Abarabu, boosi khwubahulira nibaboola mutsinimi tsiefwe, ebikhole ebikhongo biaNyasaye.
\v 12 Nabo bosi nibahuka, nibaba nokhuhayahaya, nibaboolerana, lino limanyisia shi?
\v 13 nabo abandu nibabanyokhosia, nibaboola mbu, abandu bano bamerire amalwa.
\p
\v 14 Naye Petero nasinjira nende ekhumi nende mulala nachinguula omwoyo naboola," enywe abandu baYuda, nende bosi abamenyanga Yerusalemi, murecheresie obulayi amakhuwa kanje
\v 15 Okhuba abandu bano shibamerire shinga olwa muparaanga ta, okhuba kushili mumabwibwi isaa yakhataru.
\v 16 Ne lino nilio eliaboolwa nende omulakusi Yoeli,
\p
\v 17 mbu mutsinyanga tsiokhumalilikha, ndalatsukha Roho wanje khubuli womubili, ne abasiani nabakhana benywe balalakula, nabo ababukha balalola amalolelo, nabo abakofu bala lora amaloro.
\v 18 Nekhubasumba banje, nende abakhalabani, ndalatsukha mutsinyanga etso Roho wanje, nabo bakhalakule.
\v 19 Ndakhalolesie amangalimwa mwikulu nende khushialo, nende hasi weshialo, amatsayi, omuliro, nende omuya kwomwosi.
\v 20 Nalo eliuba liakhakalukhasibwa okhuba eshirima, nokwo omwesi kuliba amatsayi, inyanga ikhongo yo Mwami niishiri okhuula.
\v 21 Ne kaliba mbu, yesi oulanga khulira lioMwami, alihonibwa.
\p
\v 22 Enywe abandu ba Israeli, wulire amakhuwa kano, Yesu wa Nazareti, omundu owasubisibwa nende Nyasaye mwinywe mubikhole biamangalimwa ebia Nyasaye yakhola muye hakari wenywe, shinga olwamwesi mumanyire.
\v 23 Nahanwa shinga olwa kakasibwa nende obumanyirisi nobupari bwa Nyasaye, mwabukula, ne mumakhono amabii mumukhoba.
\v 24 OwaNyasaye yalamusia okhurula mubafu, narusia obululu bwokhufwa, okhuba shikakhanyaliishe mbu, lifwa limuhule ta.
\p
\v 25 Okhuba Daudi yaboola khuye, "ndalola omwami imbeli wanje, okhuba ali khumukhono kwanje musatsa, mbu shindalahendibwa ta.
\v 26 Kho omwoyo kwanje kwasangala, nalwo olulimi lwanje nilutsatsahala, khandi omubili kwanje kulahulukha mubusubiri.
\v 27 Okhuba sholanyala ̇okhulekha omwoyo kwanje emakombe ta, khandi shonyala okhwiyama omutsienukhuwo okhulola obusasishi ta.
\v 28 Ewe wachira nemanya tsinjira tsiobulunjishi, olanzitsusia obuyanzi bwobulamu khubwenibwo.
\p
\v 29 Banabefwe, leshe ebaboolere habulafu khukakuka wefwe omuruchi Daudi, mbu, yafwa mana nayabirwa, nasho eshirindwashie shiri ninefwe hano okhula bulano.
\v 30 Okhuba yali omulakusi, namanyirisia imbeli mbu, Nyasaye yali niyetsuba khuye mbu, olwibulolwe lwomubili, lwakhamulamusie Kristo okhwikhala khushifumbi shioburuchi,
\v 31 Naye nalutsi kano, yaboola khubulamushi bwa Kristo, mbu, nafusi ye, nomubilikwe shibili lola emakombe noho okhulola obusashishi ta.
\p
\v 32 Yesu oyo, Nyasaye amulamusiye, nefu fwesi khuli abaloli.
\v 33 Kho bulano nali omukhono musatsa kwa Nyasaye, naye namalire okhunyoola omulango kwa Roho mulafu, amalire okhukhola elia mulola nende okhuhulira lino.
\v 34 Okhuba Daudi shiyakulukha mwikulu ta, nebutswa yabolakhwo, Omwami Nyasaye yaboolěra Omwami wanje, ikhala hano khumukhono kwanje omusatsa,
\v 35 okhula olwa endakhola abasukubo bosi okhuba hasi webilenjebio.
\p
\v 36 Kho, bulano leshe inzu ya Israeli emanyiire elala mbu, Nyasaye amakholire Yesu owamwabamba, okhuba Omwami khandi Kristo.
\p
\v 37 Ne olwa bah ulira yako, batsunwa mumioyo chiabwe, nibabolera Petero, nende abarume bosi, abasatsa nende abana befwe, khukhole shina?
\p
\v 38 Naye Petero, nakalusia naboola, Mwikalukhasie, mana mubatisibwe mulira lia Yesu Kristo, mbu munyale okhulesherwa tsimbi, nenyu mulanyoola eshihanwa shia Roho mulafu.
\v 39 Okhuba amalako kano nikhulwenywe, nende abana benywe, nende balia bosi abali ehale, Kata balia bosi bomwami alaanga.
\v 40 Halala nende amakhuwa kandi amanji, yarusia kobuloli, natinyirisia, naboola, mwihonie okhurula khulwibulo olubii luno.
\p
\v 41 Nabo balia abenjisia likhuwa mubusangafu, babatisibwa. Nayo khunyanga eyo, bametekha ebikhumira bitaru khubalia abasuubila.
\v 42 Nabo nibatsirira mumani khumechesio kabarume, nende mubusanjirani, nokhulia omukate nende amasayo.
\p
\v 43 Mana oburi nibutira bosi, nako amangalimwa nebilolero ebiekholekha okhuburira khubarume.
\v 44 Nabo bosi abasubiri bali halala, nibaba nebindu biosi mubulala.
\v 45 Nibakusia ebindu biabwe, nibaheresia abandu shinga olwa bali nobulemu.
\v 46 Nabamwitsira halala bulinyanga mubulala munzu nende Muhekalu, nibala omukate mutsinzu mubusangali bwobulala nomwoyo.
\v 47 Nibamwitsomia Nyasaye, nibanyola okhwiyamwa nabandu bosi. Naye Omwami nabameteranga khwikanisa abanji khulwokhuhonibwa.
\c 3
\cl Ebikhole Bia Abarume 3
\p
\v 1 Olwa Petero nende Yohana bali nibatsitsanga muhekalu khusaa yashienda,
\v 2 omundu owalema okhurula munda wanyina yarerwa, owarerungwa khase mushilibwa, shieihekalu eshialangwa mbu, eshilayi muno. Mbu asabe obukhonyi khubenjira.
\p
\v 3 Olwa yalola Petero nende Yohana nibenijranga, yabasaba obukhonyi.
\v 4 Naye Petero namuhenga mumoni nende Yohana namubolera, khulenje obulayi,
\v 5 naye nabahenga obulayi napara mbu alanyoola eshindu okhurula khubo.
\v 6 Naye Petero naboola, Ithahabu nende Ifetha khubula, eshiakhuli ninashio khukhuha, mulira liaYesu Kristo waNazareti, sinjira ochende.
\v 7 Naye namubukula nende omukhono musatsa, namuchingula ikulu, naye lwangu ebilenje nende obunjiro bwe bunyoola amani.
\v 8 Naye narukaanga, yasinjira nachenda, niyenjira muhekalu, nachendanga naruka, namwitsomia Nyasaye.
\p
\v 9 Nabo nibamanya mbu niulia owabetsaanga nasabaanga obukhonyi.
\v 10 Khushiribwa eshilayi shie Ihekalu, nabo nibetsulwa nende okhuhuka nokhuchenya, khushiali nishikholeshe.
\v 11 Naye owali omulema olwa yali natirire Petero nende Yohana, abandu bosi benjira mushikoro eshialangwa mbu, eshikoro shia Suleimani, nibachenya muno.
\p
\v 12 Naye olwa Petero yalola ario, yakalusia nababolera abandu, enywe abandu baisraeli, muukanga muno khukano? mbushina nimukhurerekhwo tsimoni, shinga kano nikhukholire khumani kefwe, nobulayi mbu achende?
\v 13 Nyasaye wa Aburahamu Isaka nende Yakobo, Nyasaye wabasefwe, umuchingulire Omwanawo owamwahana nimumuloba imberi wa Pilato, olwa yali niyenya okhumulekhuula.
\v 14 Nenyu nimumukaana omutsienukhu khandi omulunjishi, nenyu nimubukula omwiri nimumwinjisia,
\v 15 Nenyu nimwira Omwami wobulamu, owaNyasaye alamusiiye okhurula mubafu, nefu khuli abaloli.
\v 16 Ne muliralie, obusubiri bumukholire omundu uno okhuchenda, owamumanyire ne bulano mulolaanga, obusubuilibwe bumukholire omulamu imbeli wenywe mwesi.
\p
\v 17 Ne bulano abaherwa, mumanyire mbu khulwokhuba okhumanya,
\v 18 Mwakholire shinga olwa baPapa benywe bakhola nabemirisi benywe, ne ebindu bino, ebiaNyasaye yamanyirisia imbeli khuminwa chiabalakusi mbu Kristo okhuula anyakhane, bulano atusiiye.
\v 19 Mwikalukhasie kario, mana muhonibwe,
\v 20 mbu tsimbi tsienywe mulesherwe, mbu tsinyanga tsiokhutsatsahala tsiakhetse okhurula khuMwami. Naye aliruma Yesu Kristo, owamwaranga okhwirwatsirwa.
\v 21 Owa likulu khatimba limutriririre, okhula okhukalusibwa khwebindu biosi, ebiaNyasaye yabola khuminwa chiabalakusibe abatsienukhu, okhurula eshialo nishichaka,
\v 22 okhuba Musa yaboola toto khubaPapa befwe, 'Nyasaye alamuheresia omulakusi shinga isie okhurula hakari wenywe, naye mulahulira kosi akaboola.
\v 23 Ne kalaba mbu buli mulala oula muhulira ta, alasasibwa okhurula' mubandu.
\v 24 Ne abalakusi bosi, okhurula khuSamweli nende bosi abalondakhwo, baboola khutsinyanga tsino.
\v 25 Nenyu muli abana babalakusi, ne indakano yaNyasaye yalaka baPapa, nabolera ABurahamu, mbu 'khumwoyo, olwibulo lwosi lweshialo lulanyoola ikhabi',
\v 26 khwinywe mberio Nyasaye namalire okhulamusia omwanawe Yesu, yamuruma mbu abaheresie ikhabi nabarusia okhurula khubumayanubwe.
\c 4
\cl Ebikhole Bia Abarume 4
\p
\v 1 Olwa bali nibabolaanga nabandu, abakuhani nende abasinjilili beihekalu nende abasadukayo, nibabetsera,
\v 2 nibasinyishe mbu bechesinjia abandu, nibayala muYesu obulamushi bwabafu.
\v 3 Nibabatira nibabara mumboye okhula khunyanga yalondakhwo okhuba yali hamukoloba.
\v 4 Kata kario abahulira likhuwa, basubirira, nabo bali abandu shinga ebikhumira birano.
\p
\v 5 Ne olwa kwoola mukamba, abaruchi nende, abakhulundu nende abahandichi, nende abakofu bakhung'ana halala muYerusalami
\v 6 Annasi omukuhani omukhongo, nende Kefa, nende Yohana, nende Alekisanda, nende abanji beinzu yabakuhani,
\v 7 bekhung'asia Yerusalemi ne olwa bali nibakhabekhasia hakari, babareeba mbu," nimumanishina, nende mulirashina, eliamukholeremwo kano?"
\p
\v 8 Naye Petero niyetsuulwe nende Roho mulafu, nababoolera, "enywe abaruchi babandu baIsiraeli, nende abakhulundu baisraeli,
\v 9 nikhuba lero nikhuhengungwa khulwa likhuwa lilayi khumundu owafwokoya, mbu anyolere arie okhuhona,
\v 10 Kamanyishe khwinywe abaruchi baisraeli mbu, nikhuliira lia Yesu Kristo wa Nazareti, owamwabamba, owaNyasaye yalamusia okhurula mukhufwa, khulwaye, omundu uno asinjire hano   omulamu.
\p
\v 11 Lino nilio lichina liabombashi baloba, nalo limalire okhuba lichina likhulundu.
\v 12 Neshikhuli nende obuhonia mumundu yesi ta, okhuba libulaho elira lindi hasi weliuba eliahebwa abandu eliakhunyala okhuhonibwa".
\p
\v 13 Ne olwa balola itswoni yaPetero nende Yohana, nabo nibamanya mbu shibaali nibasoma ta, bahuchisibwa, nibaboola mbu, babere nende Yesu.
\v 14 Ne olwa balola omundu wali nahonire nasinjire ninabo, shibali nende shiababoola ta.
\p
\v 15 Ne olwa bali nibakhabalaka okhutsia elubeka nende eshina, barebana abene,
\v 16 " khukholeshi khubandu bano?" okhuba toto mwene omakhuwa kokhuchenya kekholeshe khumikhono chiabwe imbeli waboosi bamenyaanga Yerusalemi, nefu shikhunyala okhukana ta,
\v 17 nekhulwa mbu shibalasalasia likhuwa lino mubandu ta, lekha khubakaye mbu shibalabolakhwo khandi mulira lino ta",
\v 18 mana nibabalanga nibabalaka mbu shibalabolakhwo nohomba okhwechesia mulira liaYesu ta.
\p
\v 19 Naye Petero nende Yohana nibakalusia, nibababoola, "nikaba nikakasira mumoni mwaNyasaye okhuhulira inywe okhushira Nyasaye, abene mukhalache.
\v 20 Okhuba shikhunyala okhulekha okhubola ebindu biakhwalutsi khandi nikhulola ta".
\p
\v 21 Olwabali nibakhabasomera    Petero nende Yohana, babalekhula, nibalanyola liosi eliabanyala okhubarakhwo eshinyasio ta, shichira abandu bosi betsomia Omwami khukali nikekholeshe,
\v 22 okhuba omundu oyo owali nahonire yali emiika amakhumi kane,
\p
\v 23 Ne olwabalekhulwa, batsia khubashiabo, nibabola kosi abakuhani abakhongo nende abakhulundu bali nibababerere.
\v 24 olwabahulira yako, bachingula emioyochiabwe khuNyasaye, mubulala, nibaboola," Omwami, niwe Nyasaye, owakhola Likulu nende Eshialo, Neinyanza nende biosi ebirimwo.
\v 25 Mumunwa kwomusumbawo Daudi waboola, mbushina amahanga nikakhung'ana, nabo abandu nibapara ebindu ebikhaya?'
\q
\v 26 'Abaruchi beshialo, basinjira, nende abemirisi bakhung'ana halala okhumusira Omwami nende Kristowuwe.'
\p
\v 27 Okhuba toto bosi, Herode nende Omuruchi Pilato, nende bamahanga nabandu baisraeli bekhung'asia halala khulwa okhumusinyisia omwana omutsienukhu, Yesu, owawabakha amafura
\v 28 okukhola komwoyokwo nende obuchesibwo bawamanya kalashiekholekha ta,
\p
\v 29 Lola bulano Omwami shinga olwa bakhusinyisia, heresia abasumbabo, neitswoni baboole likhuwa lio.
\v 30 Nyiira omukhonokwo ohonie, khandi amangalimwa nende kokhuchenyia kekholeshe mulira liomwanawo omutsienukhu Yesu.
\p
\v 31 Ne olwa bali nibakhasaya, habundu wabali nibasinjire nibakhung'anire halala, harenga, nibetsusibwa nende Roho omulafu, nibaboola likuwa liaNyasaye mumani.
\p
\v 32 Nakwo omukanda kwosi okwabalia bali nibahulire, bali nende basubiri nende nomwoyo mulala, abulaho owaboola mbu eshindu shiosi neshishie ta, habula ebindu biali ebiabo bosi,
\v 33 ne mumani amanji abarume barusia obuloli khubulamushi bwoMwami Yesu, ne obukosia obunji bwali khubo.
\v 34 Kata shikhwalikhwo nende omundu yesi owalema eshindu ta, kata bosi abali nende emikunda bakusia, nibarera amakusi kabio biosi.
\v 35 Nibara hasi mumakulu kabarume, nibakabila buli mulala shinga olwa yali nakhoyere.
\p
\v 36 Naye Yusufu, owalangwa nende abarume mbu, Barabasi likalulwa mbu (omwana wobuhotseresi) omulawi, owokhurula Sipria.
\v 37 Yali nomukunda yakusia narera amakusi mumakulu kabarume.
\c 5
\cl Ebikhole Bia Abarume 5
\p
\v 1 Naye omusatsa undi owelira mbu Anania nende, Safira omukhasiwe, bakusia
\v 2 omukunda, nabo nibafisa isehemu yobukusi, omukhasiwe namanyile, narera eshiatong'a nara mumakulu kabarume.
\p
\v 3 Naye Petero naboolera, Anania, mbushina Setani narerere obubeyi mumwoyokwo, okhukatia Roho, nofisa eshitonye shiamakusi komukunda?
\v 4 olwakubere nikushiri okhukusibwa, shikubeere okukwo? khandi olunyuma lwokhukusia, shikubeere hasi wobunyalibwo? mbushina nofisire eshindu mumwoyokwo? shokatiye abandu ta, habula Nyasaye.
\v 5 Naye olwa yahulira amakhuwa yako, nakwa hasi, nafwa, nabo oburi obunji nibutira bosi abahulira amakhuwa yako.
\v 6 Nabo ababukha nibasinjila nibamuboya mutsingubo, nibamuyira erwanyi, nibamuyabira.
\p
\v 7 Nakali olunyuma lwamasa shinga kataru, olwa omukhasiwe nalamanyile eshikholeshe ta yenjira.
\v 8 Naye Petero namureba, mbolera, yibo nibwo obukusi bwamukusiiye omukunda? naye nakalusia mbu, Yee.
\v 9 Naye Petero nakalusia, mbushina mufuchirisaniye okhumutema Roho woMwami? lola, ebirenje biabayabile omusatsawo mbiebo hamuliango, nawe wesi balakhuyabila.
\v 10 Naye habwene na habwene nakwa hasi mubilenjebie, nafwa, nabo ababukha nibamubukula nafwire, nibamuyira erwanyi, nibamuyabira ahambi nomusatsawe.
\p
\v 11 Nobo oburi obukhongo nibutira likanisa nende bosi abahulira kano.
\p
\v 12 Naka amangalimwa amanji nende kokhuchenyia nikekholekha khubandu khumakhono kabarume, nabo bosi bali halala mubulala, mushikoro shia Suleimani.
\v 13 nabo abandi shibali namani kokhuungana ninabo ta, habula abandu bamwitsomia omwami.
\v 14 Nabo abasubili bametekha khuMwami, emikanda emikhongo abakhasi nabasatsa.
\v 15 Okhula eshichelo mbu barera abalwale khutsinjira, nibalisiakhwo khubitanda nende amacheera, mbu kata eshinini shia Petero shibabirekhwo nabo banyoole okhuhona.
\v 16 Ne omukanda omukhongo kwetsa okhurula mu bitonye biaYerusalemi, nibarera abalwale nende abali nibanyasibwa nende ebishieno, bosi nibahona.
\p
\v 17 Naye omukuhani omukhongo nasinjira, halala nende abayaali, (obokhubasadukayo); nibatirwa niliruma.
\v 18 Nibabatira abarume nibabara mumboye.
\v 19 Naye malaika woMwami eshiro. Niyekula imboye, nabarusia erwanyi naboola.
\v 20 "Tsie musinjire muhekalu, mubolele abandu amakhuwa kano kobulamu", ne olwabahulira bario, benjira muhekalu mumabwibwi, nibechesia.
\v 21 Naye omukuhani omukhongo nende balia abali ninaye nibetsa, nibalanga beshina halala, nende abeshina babaIsraeli bosi, nibabaruma mumboye mbu babarere.
\v 22 Nabo olwa abalondi betsa nibanyoola mbu shibali mumboye ta, betsa nibababolera.
\v 23 Imboye toto mwene khunyolire niikale shinga olwa ibetsanga, nabo abalindi nibasinjire mumiliango, nebutswa olwa khwikuule, shikhunyolile omundu mwo ta.
\v 24 Ne olwa omukuhani omukhongo nende abasinjiriri abakhongo beihekalu nende abakuhani, bahulira amakhuwa kano,
\p
\v 25 nibatirwa nende okhuuka mbu, shina shikholeshe? naye oundi niyetsa naboola, lole abandu balia abamwaboyire, basinjire muhekalu bechesinjia abandu.
\v 26 Nabo abasinjiriri abakhongo nende abalindi, nibatsia nibabarera nomulembe, okhuba baria abandu shichira bakhabakhupa namachina.
\p
\v 27 Ne olwabali nibakhabarera, babara imberi wabeshina, nende omukuhani omukhongo, nibabareba.
\v 28 Shikhwabalachirisiye mbu shimulabolakhwo khandi mulira lino ta? bulano lole mwitsusiye Yerusalemi yosi nende amechesio kenywe, nimukhaba okhurera amatsayi komundu uno khwifwe.
\v 29 Naye Petero nende abandi niba kalusia, khukhoyere okhuhulira Nyasaye okhushira abandu.
\v 30 Nyasaye wabaseefwe yalamusia Yesu, owamwera nimumubamba khumusala.
\v 31 Naye Nyasaye amurere khumukhonokwe musatsa, okhuba Omwami khandi omuhonia, okhurera obwikalukhasi khwisrael nende okhulesherwa tsimbi.
\v 32 Nefu khuli abalolibebe khubindu bino, khandi nindio olwa Roho akhola, owaNyasaye aheresiye abamuritsanga.
\v 33 Nabo olwa bahulira bario, batsunwa mumioyo, nibabisia mbu bere, Abarume.
\p
\v 34 Welira mbu Gamalieli, omwechesia wamalako, woluyali olukhongo mubandu, nalaka mbu abarume barusibwe erwanyi hatiti.
\v 35 Naboola, enywe abasatsa baIsraeli, "muhenjeresie obulayi eliamwenya okhukholera bandu bano,
\v 36 okhuba khale khwaruliraho omundu mbu, Tseuda, niyetsiala niyekhola omundu woluyali, abandu abanji nibamulondakhwo, naye niyerwa, nabo bosi abali nibamulondakwo nibasalana, nibaba eshikhaya.
\v 37 Olunyuma khandi oundi mbu Yuda, owaGalilaya, mutsinyanga tsiobushuru, yesi naba nabalondi abanji, yesi yafwa, nabo abali nibamulondangakhwo nibasalana.
\v 38 okhuba kuno nikuba nikuli omulimo kwabandu, kulawua. Nasi kario ebabolera, lekhane nabandu bano,
\v 39 bamurulekhwo, naba nali Nyasaye, shimulanyala okhushira abandu bano, ta, mulaba nimukhupananga nende Nyasaye mwene". kho nibeyamana.
\v 40 Mana nibeyamana ninaye olunyuma lwokhulanga abechi, nibabakhupa, babalaka mbu shibalabolakhwo khandi mulira liaYesu ta, nibabalekhula nibatsia.
\p
\v 41 Nibarula mushina, nibetsominjia mbu, bakhoyere okhunyola tsisoni khulweliralie.
\v 42 Ne bulinyanga muhekalu nende buli munzu, shibachonya ikhwechesia mbu Yesu niye Kristo.
\c 6
\cl Ebikhole Bia Abarume 6
\p
\v 1 Mutsinyanga tsienetsio olwa abechi bametekha, khwarulira okhuburira, mubaGerasi nende abaYahudi okhuba abalekhwa babwe bali nibalekhungwa,
\p
\v 2 Nabo ekhumi nende babiri, nibalanga omukanda nibababolera, shibuli obulayi mbu khuleshe likhuwa nikhutsia, okhukaba ebiokhulia tawe.
\v 3 Kho inywe abaherwa, henje mwinywe, abandu saba abasubirwa, abali nende Roho mulafu, nende obumanyirisi, abakhunyala okhura khumirimo chino,
\v 4 nefu khutong'e khumasayo nende obukhalabani bwelikhuwa.
\p
\v 5 Likhuwa liabayanjisia omukanda, nibahula Stefano omundu wali nende obusubiri nende Roho mulafu, nende Filipo, nende Prokoro, Nikanori, Timona, nende Panema, nende Nikolasi omukhalabani wa Antiokia.
\v 6 Nibabarera imbeli wabarume, ne olwa bali nibakhabarakhwo emikhono nibabasayira.
\p
\v 7 Nalo likhuwa liaNyasaye nilimetekha, inamba yabechi niimetekha Yerusalemi mubunji, ing'anda ikhongo yabakuhani nibasuubira.
\p
\v 8 Naye Stefano niyetsulwemwo tsingufu, yakhola amangalimwa nende kokhuchenyia mubandu,
\v 9 nibabuukha abandi beisinagogi, eilangwa mbu Sinagogi yabalakhule nende, Abasirene, nende Alekisandaria, nende balia baSisilia nende Ashia, nibaingana nende Stefano.
\v 10 Nabo shibanyala okhunyoola abumanyirisi nende Roho waboola muye ta, nabo nibakasia abandu baboole mbu,
\p
\v 11 "khunyolire Stefano naboolanga amakhuwa kamanyeko khuMusa nende Nyasaye".
\v 12 Nabo nibatsuuba abandu, nende abakhulundu, nende abahandichi, nibetsa, nibamutira, nibamurera mushina.
\v 13 Nibaraho abakobosheri bobubeyi, ababola mbu," omundu uno shachonyanga okhuboola amanyeko khuhatakatifu nende amalako ta.
\v 14 Okhuba khumuhulire naboola mbu, Yesu uno owaNazareti alasasia habundu hano, nakalukhasia emilukha chiaMusa yakhuleshera."
\p
\v 15 Nabo boosi abali nibekhale mushina, nibamurerekhwo tsimoni, nibalola obwenibwe nibwakha shinga obweni obwaMalaika.
\c 7
\cl Ebikhole Bia Abarume 7
\p
\v 1 Naye omukuhani omukhongo nareba, "amakhuwa kano kali kario"?
\p
\v 2 Stefano naboola, "abaherwa, banabefwe, abechesi nende baPapa, murecheresie, Nyasaye wobukhongo yamuloleshera Papa wefwe Aburahamu, olwa yali Mesopotamia, nashili okhumenya Harani.
\v 3 Naye namuboolera, rula mubandubo, mushialo shio, witse mushialo eshiandala khumanyia'.
\p
\v 4 Naye narula mushialo shiaBakalidayo, namenya Harani, naye narulayo olwa samwana yafwa, niyetsa mushialo shino ewabulano khumenyanga.
\v 5 Naye shiyamuheresia obulaame bwosi ta, kata habundu ahaara eshirenje ta, naye namulaka mbu alimuheresia shinga omukabokwe nende olwibulolwe, kata olwa yali nabula Omwana.
\v 6 Naye Nyasaye naboola mubumanyirisibwe mbu, olwibulolwe lwakhabe olucheni mushialo shindi, nibakholwa abasumba, nibabasakania khumiika imia.
\v 7 Nasi ndakhayasie lihanga elo, eliakhasakanie, nabola Nyasaye, nolunyuma balitsa okhunyinamira habundu hano.
\v 8 Naye nabalaka indakano yeshishebo, kho Aburahamu niyebula Isaka, namusheba inyanga yomunane, naye Isaka niyebula Yakobo, naye Yakobo niyebula, tsinzu ekhumi nende tsibili.
\p
\v 9 " Nabo yabo ekhumi nende babili, nibalola imbalikha, nibakusia Yusufu Emisiri, naye Nyasaye yali ninaye.
\v 10 Naye namuhonia okhurula muminyakhano chie, namuheresia eshibalikho, nobumanyirisi mumoni tsia Farao omuruchi waMisiri, namukhola omusinjiriri weMisiri nende inzuye yosi.
\p
\v 11 Ne khwamala nikhuba khushialo shiaMisiri nende Kanani inzala ikhongo mbu abandu nibabula shiokhulia,
\v 12 naye olwa Yakobo yahulila mbu khuli nende shiokhulia Emisiri, yaruma baPapa befwe.
\v 13 Ne olwakhabili, Yakobo yelolesia khubana babwe, ne olwibulo lwa Yakobo nilumanyikha khuFarao.
\v 14 Naye YusufU narumasia Samwana, nende olwibulo lwabwe, abandu tsimia tsitaru nende ekhumi natsirano.
\v 15 Kho Yakobo yatsia namenya Emisiri, naye nafwa halala nende basefwe.
\v 16 Nabo nibachingwa okhula shekemu, nibayabirwa mung'ani, ya Aburahamu yakula khumang'ondoke khubana baEmori samwana Shekemu,
\p
\v 17 Ne olwe ebise bieindakano biola, ebiaNyasaye yetsuba khuAburahamu, abandu bametekha nibetsula eMisiri.
\v 18 Naye nabukhayo Omuruchi undi, oulamanya Yusufu ta.
\v 19 Naye nabasakania muno olwibulo yulo, nasakania baPapa bwefwe, mbu kata nibeera abanababwe mbu baleshe okhumenya.
\p
\v 20 Naye Musa yebulwa mutsinyanga yitso, naba omwana omulayi muno, nakhusibwa munzu wasamwana emiesi chitaru,
\v 21 naye olwa yasukunwa, omukhana waFarao yamutoola, namukhusia shinga omwanawe,
\v 22 Naye nakhula mubumanyirisi bwabaMisiri, naba omukhongo mumani nende ebikhole.
\p
\v 23 Ne olwa yali emiika amakhumi kane, lietsa mumwoyokwe mbu abachenderekhwo abana babwe abayahudi.
\v 24 Olwa yalola mulala nakhupungwa, yamukhonya, niyera omuMisiri.
\v 25 Naye napara mbu abanababwe balanyala okhumanya shinga olwa Nyasaye yakhamurumushire okhubanunula, nabo shibamanya ta.
\v 26 Inyanga yalondakhwo yabatsira olwabali nibakhupananga, naye nabakabukhasia, naboola, abamii, khuli abananda, mbushina nikhupana?
\v 27 naye owali naranjire owashie namuluuma, naboola, niwina owakhukhola omukhalachi hakari wefwe?
\v 28 wenya okhunzira shinga werire omuMisiri mukoloba?
\v 29 Naye Musa olwayahulira ario, niyerukha, namenya mushialo shiaMidiani, ewayebulira abanabe abasiani babili.
\p
\v 30 Ne olunyuma lwemiika amakhumi kane, mushitsimi shieshikulu shia Sinai, malaika koMwami kamuloleshera mumuliro mushitsakha
\v 31 Naye olwa Musa yalola, yahuchisibwa nende eshia yalola, nasita ahambi mbu alole, nakwo omwoyo kwoMwami nikumulanga.
\v 32 Nikuboola, Nesie Nyasaye wabaPapabo, Nyasaye wa Aburahamu, Nyasaye wa Isaka khandi Nyasaye wa Yakobo, kho Musa narenga, nalanyala okhulenga ta.
\v 33 Naye Omwami namubira, rusia ebilaro mubirenje, okhuba habundu wosinjire nahatsienukhu.
\v 34 Endutsi, eminyakhano chiabandu banje bali Emisiri, ehulire okhulira khwabwe, nasi nditsire hasi okhubahonokosia, bulano yitsa, nditsa okhuruma eMisiri.
\p
\v 35 Musa oyo owabaloba niba bola, mbu, niwina oukhukholire omuyaasi nende omwimirisi wefwe? niye owaNyasaye yaruma okhuba omwimirisi, nende omununuli wabwe khumukhono kwaMalaika kamuloleshera mushitsakha.
\v 36 Nabarusiayo, olunyuma lwokhukhola amangalimwa amanji mushialo shiaMisiri, nende munyanza ya shamu, nende mushitsimi khumiika amakhumi kane.
\v 37 uno niye Musa owaboolera abana baIsraeli mbu, Omwami alabaheresia omulakusi shinga isie okhurula mwinywe, nenyu mulamuhulira.
\v 38 Uno niye owali mushitsimi nende Malaika owabola ninaye mushikulu shia Sinai, khandi nende basefwe abanyola obuboli obulamu nibakhuheresia.
\p
\v 39 Owabasefwa shibamuhulira ta, nabo nibamulonda okhurula khubo, ne mumioyo chiabwe, nibakalukha eMisiri.
\v 40 Nibamuboolera Aroni, khukasirie eminyasaye chikhwimirire, okhuba Musa owakhurusia eMisiri, shikhumanyire eshikholeshe ninaye ta.
\v 41 Nabo nibakasia eshimosi, nibahana omusango khumunyasaye, nibekhoyera emirimo chiemikhono chiabwe.
\v 42 Naye Nyasaye nashukhana, nabalekha okhwinamira ebindu biomwikulu, shinga olwa kahandikwa mubitabu bia balakusi,' enywe Israeli, murusiriiye omusango tsisola tsisinzirwe nende emisango khumiika amakhumi kane mushitsimi?
\v 43 Mulenganga khwihema lia Moleki, nende Ing'ining'ni ya nyasaye wenywe Relifa, ebilolero biamwakasia mbu mwinamirenje, nasi ndilabachinga, injerekha waBabiloni'.
\p
\v 44 "BaPapa befwe bali nende lihema liobulolli mushitsimi, shinga olwa yali niyaula, nabolera Musa, mbu, khula alikasie okhurondokhana nende omufwano kwa yalolesibwa khushikulu.
\v 45 Ne khandi basefwe betsa olunyuma, barerwamwo nende Yesu, okhubalimasia nabamahanga, abaNyasaye yasukuna khubweni imbeli wa baPapa befwe okhula khutsinyanga tsia Daudi.
\v 46 Owanyola okwiyamwa imbeli waNyasaye, niyekomba okhuba nende lihema liaNyasaye wa Yakobo.
\v 47 Nebutswa Sulemani yamumbashila inzu.
\p
\v 48 Nebutswa Nyasaye womwikulu shamenyanga minzu yombokhwa nende emikhono chiabandu ta, shinga lwakabolwa nomulakusi.
\q
\v 49 Likulu neshifumbi shianje shioburuchi, nasho Eshialo, namasenero kebirenje bianje," neinzu shina eyolanyumbashira"? aboola Omwami; noho nihabundu shina ewandalahulushira?
\v 50 shikali amakhonokanje akakasia ebindu biosi?
\p
\v 51 Enywe abandu bamakosi amomu, abalashebwa mumioyo chienywe, bulinyanga mwikaliiranga Roho mulafu, shinga olwa basenywe bakhola,
\v 52 nomulakusi shina owabasenywe balasakania? ne babeera balia abetsa imbeli womulunjishi, nenyu kario mubeere abakhobi khandi abeeri,
\v 53 abanyola amalako khumukhono kwabamalaika, nibabula okhukalinda.
\p
\v 54 Olwabahulira amakhuwa kano, batsunwa mumioyo chiabwe, nibaluumasia ameno khulwaye.
\p
\v 55 Naye niyetsulwemwo Roho Mulafu, nahenga shirunji mwikulu, nalola obukhongo bwaNyasaye, naye Yesu nasinjire khumukhono musatsa kwaNyasaye.
\v 56 Naboola, lole, endola likulu nilikuushe, ne omwana womundu nasinjrle khumukhono musatsa kwa Nyasaye.
\p
\v 57 Nabo nibalira khumioyo chieikulu, nibekala amarwi kabwe, nibamwirushira mubulala,
\v 58 nibamusukuna erwanyi welitokho, nibamukhupa amachina, nabo abakobosheri nibara tsingubo tsie mumakulu komubukha welira mbu, Saulo.
\v 59 Nabo nibamukhupa Stefano namachina, nalanganga Nyasaye, naboola," Omwami Yesu, bukula obulamu bwanje".
\p
\v 60 Naye nakhupa amasikamo hasi, nalira nomwoyo kweikulu, "Omwami, omwami, sholababalira imbi khulwa kano ta", ne olwayali niyakhabola kano, yakona.
\c 8
\cl Ebikhole Bia Abarume 8
\p
\v 1 Kho Saulo yeyamana nelifwalie, mana Inyanga eyo omunyakhano omukhongo nikuba khuhekalu ya Yerusalemi, nabo nibasalasibwa buli mwitokho liosi lia Yuda nende Samaria okhuyiniakhwo abarume.
\v 2 Mana abandu abamuria Nyasaye nibayabira Stefano nibamwikhuula muno.
\v 3 Naye Saulo yasakania Ikanisa, niyenjira buli Munzu nakhwesa abandu abasatsa nende abakhasi nabara mumboye.
\p
\v 4 Khulwa yako basalana nibatsia Injerekha nibachenda buli habundu niberwatsa likhuwa ero.
\v 5 Naye Filippo yakholomokha natsia Mwitokho lia Samaria niyerwatsa Kristo khubo.
\v 6 Nabo abandu nIbamurecheresia nende omwoyo mulala, amakhuwa kaFillipo yaboola, nibalola akokhuchenyia kayakhola.
\v 7 Okhuba roho weshifwabwi yarula mubandu abanji, nabo nibalira nomwoyo omukhongo, abandu nibakalakala, abalema nibahona.
\v 8 Omwikhoyo omukhongo nikubaho Mwitokho ero.
\p
\v 9 Ne khwali nomundu welira mbu, Simioni, naye yesi yakholaanga obufumu Mwitokho ero, yahuchisia abelitokho lia Samaria, niyechingula shinga olwayali omundu omukhongo.
\v 10 Ne bosi abatiti khubakhongo bali nibamuria, nibabola mbu, "Omundu uno alinobunyali obukhongo bwaNyasaye".
\v 11 Nibamurecheresia okhuba okhurula khale yabahuchisinjia nende obufumu bwe.
\v 12 Ne olwa bamusubirira Filippo niyerwatsanga amakhuwa amalayi koBwami bwaNyasaye, nende Elira lia Yesu Kristo, babatisibwa abasatsa nende abakhasi.
\v 13 Kata Simioni yesi yasuubirira nabatisibwa nalonda khuFilipo, ne olwa yalola ebilolero nende amangalimwa nikekholekha, yesundukha.
\p
\v 14 Ne abarume bali Yerusalemi bahulira shinga olwa Samaria yafuchirire Likhuwa liaNyasaye, babarumira Petero nende Yohana.
\v 15 Nabo olwa Bali nibakholomoshe, babasayira mbu, banyoole Roho Omulafu.
\v 16 Okhuba yali nashiri okhwishira Omundu yesi khubo, halali mbu bali nibabatisibwe mulira liaKristo.
\v 17 Mana nabarakhwo emikhono nabo nibanyoola Roho mulafu.
\p
\v 18 Ne olwa Simioni yalola shinga olwa Roho mulafu yekha khubo khulwa okhurebwakhwo emikhono chiabarume, yenya okhubaheresia a mang'ondo.
\v 19 Naboola mbu, "mumberesie siesi obunyali buno, mbu Omundu yesi werakhwo emikhono anyole Roho mulafu".
\p
\v 20 Petero namuboolera mbu, "amang'ondoko katibe halala ninawe, okhuba opara mbu, wakhanyoola eshihanwa shiaNyasaye khulwa amang'ondo ko.
\v 21 Shosangakhwo mumukabo kwosi mwikhuwa lino ta, okhuba Omwoyokwo shikuli habwene imberi waNyasaye ta.
\v 22 Kho wikalukhasie okhurula mubumayanubwo buno, ne osaaye Omwami, mbu ahundi olesherwe amaparo komwoyokwo.
\v 23 Okhuba endutsi shinga olwa oli omululu pia, khandi oli omubohe womubil"i.
\p
\v 24 Simioni nakalusia naboola mbu, musayire Omwami mbu, amakhuwa kamuboolire kaleshe okhwikholekha kata elala ta.
\p
\v 25 Kho olwa bali nibakharusia obuloli nende okhuboola Likhuwa liaNyasaye, bakalukha Yerusalemi nibayaala oburume obulayi mumatala amanji akaba Samaria.
\p
\v 26 Ne Omumalaika woMwami yamubolera Filippo mbu, rula otsie elubeka lwa sautsi, khunjira yeshikholomokho, okhurula Yerusalemi okhula eGaza", nayo niyomushitsimi.
\v 27 Kho narula natsia. Lola, Omundu omwithopia omulate, Omundu wobunyali hasi wa waKandake, omukhasi Omuruchi wa Ethiopia owalindaanga amabishiro koosi, yali niyetsire Yerusalemi khulwa okhwinamira Nyasaye.
\v 28 Yali nachereranga, niyekhale Mwikarilie, nasomanga eshitabu shiomulakusi Isaya.
\p
\v 29 Roho namuboolera Filipo, sita ahambi wiyunje khwigari lino".
\p
\v 30 Naye Filippo natsia ewa yali lwangu, namuhulira nasomaanga eshitabu shiomulakusi Isaya, nareba mbu, "omanyire aka osomanga neshisina shiene?"
\p
\v 31 naye nakalusia naboola mbu, ndakhanyala okhumanya endie Omundu nalanzibalire?" naboolera Filippo mbu anine yekhale ninaye.
\p
\v 32 Ne eshitonye shiamahandiko shiayali nasomaanga njieshino, mbu, yayirwa shinga Likondi mushisinziro, khandi shinga Eshimeme olwa shiholera nishibekwa obwoya, nolwa alachinga omunwa ta.
\q
\v 33 Mubwitutui bwe, eshinashie yayinibwa khulwibulolwe, niwina oulaboola khukolwibulolwe? okhuba obulamubwe buyinibwe mushialo.
\p
\v 34 Omulate Oyo namuboolera Filipo, chama umbolere, niwina owomulakusi yabolakhwo? khumwene nohomba khuhund"i?
\v 35 Filipo niyekula omunwa nachaka nende amahandiko yako, namwirwatsira aka Yesu.
\p
\v 36 Ne olwa bali nibatsitsanga khunjira yabwe, niboola khumatsi, naye Omulate naboola mbu," lola Amatsi ngakano, nishina eshinzikalira okhubatisibwa"?
\v 37 naye Filipo naboola, noba nosubirire nende Omwoyo kwo kwosi, onyala okhubatisibwa.
\v 38 Mana nalaka mbu Likari lieme, nibeekha mumatsi boosi Filipo nende Omulate, namubatisia.
\v 39 Habula Filipo yaloleshera Azoto, ne nabirangamwo yerwatsira amatala
\p
\v 40 koosi oburume obulayi okhuula olwa yola eKaisaria.
\c 9
\cl Ebikhole Bia Abarume 9
\p
\v 1 Naye Paula nashifutsanga obufisi, niyeera abechibe boMwami, yatsia khumukuhani omukhongo,
\v 2 nasaba ibarua mbu atsie ninayo musinagogi eDameski, mbu nanyoola yesi omukhasi nomusatsa, abarere nibaboyirwe Yerusalemi.
\p
\v 3 Olwayali nachendanga ahambi eDameski, obulafu obukhongo okhurula mwikulu bwamwashila,
\v 4 naye nakwa mafumama, nahulira omwoyo nikuboola, Saulo Saulo, mbushina usakaninjia?
\v 5 Naye nareba, niwe winah Omwami? naye Omwami nakalusia, nisie Yesu wosakaninjia,
\v 6 naye narenganga nende okhuhuka naboola, Omwami wenya mbu ekhole shina? naye Omwami naboola, sinjira otsie mwitokho, nawe olabolerwa eshia okhoyere okhukhola.
\v 7 Nabo abandu bali ninaye nibasinjire nibabula eshiababola, bahulira omwoyo neshibalola owabola ta
\v 8 Naye Saulo nabukha hasi, ne olwa yatimbula tsimonitsie shiyanyala okhulola omundu ta, natirwa omukhono niyenjisibwa eDamesko.
\v 9 Khutsinyanga tsitaru shiyalola noho okhulia shiosi ta.
\p
\v 10 Khwali nende omwechi mulala eDamesko welira mbu Anania, naye Omwami mumalolero, yamuboolera "Anania", naye naboola, endi hano Omwami.
\v 11 Omwami namuboolela, sinjira, otsia khumuhanda kulangwa mbu, omukololofu, khaba inzu ya Yuda, omundu ulangwa mbu Saulo wa Taso, ne lola asayaanga.
\v 12 ne alutsi amalolero, omundu ulangwa mbu, Anania namwitsila namurakhwo amakhono mbu anyole okhulola.
\p
\v 13 Naye Anania nakaalusia Omwami, ndakahulira ako omundu uno shinga olwa asakaninjia abasubili Yerusalemi.
\v 14 Ne arumirwe nende obunyali okhutira bosi abarumbulanga eliralio.
\p
\v 15 Naye Omwami namubolera, tsia okhuba neshikholelo eshiahulwe ninasi, okhuyira elira lianje khubamahanga, nende abaruchi nende khubana baIsraeli
\v 16 okhuba ndalamanyia shinga olwa alabirira khumakhuwa amatinyu khulwa eliira lianje.
\p
\v 17 Naye Anania narula natsia, niyenjila munzu, nara amakhonoke khuye naboola, omwana wefwe Saulo, Omwami, wefwe Yesu, owakhuloleshere khunjila olwa wabere niwitsanga, yarumile mbu onyale okhulola khandi, mana onyole Roho Omulafu.
\v 18 Ne mulwangu nibirula mumonimwe ebindu shinga amakhwatari keinyeni, naye nanyoola okhulola, nasinjira nabatisibwa.
\v 19 Naye olwa yanyoola shiokhulia, yanyoola amani, naye nabayo tsinyanga nende abechi eDamesko.
\p
\v 20 Naye nayaala Yesu musinagogi, mbu niye omwana waNyasaye.
\v 21 Nabo bosi abamuhulira nibahuka, nibaboola, shali niuno owasakaninjia balia abalanganga khulira liomwami Yerusalemi khandi yetsile hano mbu anyale okhubatiira nokhubayira khubakuhani abakhongo.
\v 22 Naye Saulo natsirira mubunyali, nababolera abaYahudi baYerusalemi, mbu niye Kristo.
\p
\v 23 Ne olunyuma lwetsinyanga tsinyinji, abaYahudi nibenya mbu bamwire.
\v 24 Ne amaparo kabwe nikamanyikha khu Saulo, nibalinda omuliango eshiro neshitere mbu bamwire.
\v 25 Nabo ebechi nibamubukula mushiro, nibamwishiria mushikapo eshiro.
\p
\v 26 Ne olwa Saulo yoola Yerusalemi, yenya okhwiyunga nabechi, nebutswa bosi bamuria, nibalasubira mbu nomwechi ta.
\v 27 Naye Barinaba namubukula namuyira khubarume, nababila shinga olwa yalutsi Omwami khunjira naboola ninaye, nende shinga olwa yali nayalire neitswoni Damesko khulira liaYesu.
\v 28 Naye yali ninaye okhwitsa nende okhurula Yerusalemi.
\p
\v 29 Naboola neitswoni mulira liaNyasaye, nayingana nende abageresi, nabo nibekomba okhumwira.
\v 30 Okhuba olwa abaherwa bahulira, bamurera Kaiseria, nabamuruma Taso.
\p
\v 31 Ne amakanisa kosi nikaba nobuhulushi, Yudea, Galilaya nende Samaria, nikatinyibwa, nikachenda muburi bwaNyasaye, nibatinyibwa nende Roho Omulafu, nikametekha.
\p
\v 32 Naye olwa Saulo yabura tsingongo tsiosi tsine, yolera abaherwa bamenya Lida.
\v 33 Nanyolayo omundu walangwa mbu Ainea, owali yekhala khushitanda emiaka munane niyafwokoya.
\v 34 Naye Petero namuboolera Ainea, Yesu Kristo akhukhola ochende, sinjila okasie eshitanda shio, naye nasinjira lwangu,
\v 35 nabo bosi abamenya Lida nende Sironi nibamulola nibamukalushira Omwami.
\p
\v 36 Nayo Joppa khwaliyo nende omwechi undi owalangwa mbu Tabitha, naye niye Dorika mukhukalukhasia, owali nende ebikhole ebilayi biobukhonyi.
\v 37 Naye yalwala mutsinyanga tsienetso nafwa, olwabali nibamwosiye nibamura mushikoro shiekulu.
\p
\v 38 Okhuba Lida yali ahambi nende Jopa, nabo abechi nibahulira mbu Petero yaliyo, bamurumira abandu babiri, nibamusaaya mbu yetse lwangu.
\v 39 Naye Petero narulanatsia ninabo, nibamuyira mushikoro shieyikulu, mana abalekhwa bosi nibasinjira, nibamanyisia tsingubo etsia yabanabiranga olwa yali omulamu.
\v 40 Naye Petero nabara bosi imbeli, nasikama hasi nasaaya, nashukhanira omubiri, naboola Tabitha, buukha, naye natimbula tsimoni, naye olwa yaloola Petero, yekhala hasi.
\v 41 Naye namutira omukhono, namuchingula ikulu, nabalanga abasubiri nende abalekhwa, namuhana khubo.
\v 42 nikamanyikha mushialo shiosi Joppa, abanji nibasubira Omwami,
\v 43 naye namenya tsinyanga tsinyinji Joppa nende Simioni wamasero.
\c 10
\cl Ebikhole Bia Abarume 10
\p
\v 1 Khwali nende omusatsa undi mwitokho lia kaisari owalangwa mbu Cornelio, omusinjiriri womukanda: kwetsinyimbo tsia Italia.
\v 2 Omundu omwisikwa, mulala owaritsanga Nyasaye nende abeinzuyiye boosi; owahananga ebihanwa khubandu khandi yasayaanga Nyasaaye buliinyanga.
\p
\v 3 Yalola mumaloro isaa ya shienda omumalaika wa Nyasaaye niyetsanga khuye. Nabolanga mbu Corinelio.
\p
\v 4 Olwa yamuhenga khwo, yali nende oburii naboola, ni shina omwami naboola khuye, mbu amasayo koko nende ebiyanua bibio biulire mubwitsuliro: imbeli wa Nyasaaye.
\v 5 Ne bulano ruma abasatsa mwitokho lia yafa, khandi olanje omundu simoni, we eliralie liakulikhwa mbu Petero.
\v 6 Yamenyaho nende mulala Simoni owabambanga amasero, oweinzuye yiri khundulo khwe inyanza, akhubolere khwo eshiokhoyere okhukhola.
\v 7 Ne bulano olwa omumalaika owaboola nende Corinelio yenyokha, yalanga babili khubeinzuye abakholi, nende omulindi omwisikwa khubalia abamulindanga bulinyanga.
\v 8 Olwa yali niyakhababoolera amakhuwa kano kosi khubo, yabaruma eYafa.
\p
\v 9 Bushiere, Olwa batsiirira oluchendo, nibasuta hambi khwitokho, mana Petero natsia khushirama shieinzu, ebise bia khasasaba.
\v 10 Nahulira inzala niyekomba okhulia, Olwa bali ahambi yamala nakwa mwitikho.
\v 11 Nalola likulu nilikushe eshichinjiro shindi nishikhaanga ewayali, shiafwana shinga ishuka eyakasibwa khutsikona tsine, niikhaanga khushialo.
\v 12 Habwenayaho tsisolo tsiosi tsiebirenje bine tsio khushialo, nende tsiomubulimo, nende ebimolaanga biosi nende amayoni ako mumuya.
\v 13 Yahulira oluyoka nilwitsa khuye, mbu sinjira, wire khandi olie.
\p
\v 14 Ne bulano Petero naboola, shikali kario ta Omwami, eshiri okhuliakhwo ebindu ebichafu, nohomba bio musiro tawe.
\p
\v 15 Omwoyo nikuboola Olwa khabili, "Eshia Nyasaye yasiiya olashilanga eshichafu tawe", nohomba shiomusiro tawe.
\v 16 Shino shiekholekha khataru, ne ishuka eyo niikalukha mwikulu.
\p
\v 17 Olwa Petero yakanakania, eshia amalooro ako kamanyisinjia. Lola abasatsa barumwa okhurula khuCorinelio. Bakholanga obunoneresi khunzu ya Simoni, khandi nibasinjira mushiribwa.
\v 18 Nalanga khandi nareba Simoni, owelira lie likulikha mbu Petero yali niyamenya yaho.
\p
\v 19 Olwa Petero yakanakania khu maloro, Roho yamuboolera abasatsa bataru bakhukhabanga.
\v 20 Sinjira khandi, oteremuche hasi, otsie ninabo. olakanakania tawe ebarumire.
\p
\v 21 Ne Petero natsia hasi khubasatsa bali nibarumirwe khuye nende Corinelio. Naboola pole nisie awamukhaabanga. Eshichira ni mwitsa nishiina?
\p
\v 22 Khandi nibaboola,"Corinelio omusesia, omusatsa omulunjishi, khandi ouritsaanga Nyasaye, khandi likalusio lilayi khu mahanga koosi aka abaYahudi, yebalirwa nende Nyasaye nende Malaika omutsienukhu okhuruma oyo munzu khandi okhuhulira amakhuwa ako".
\v 23 Khandi nabalanga ye mwene bomukari, nibamenyamwo ninaye. Khandi bwashia Petero natsia ehale ninabo. khandi abasiani bandi okhurula Yafa nibaliimana ninaye.
\p
\v 24 Khandi bwashia lwabali nibenjiranga mwitokho lia kaisari, mana Corinelio nabalindaho. Khandi yali nalanjire halala nende aboluyialwe nende abetsa be. bahambi.
\v 25 Ne olwa Petero yali niyetsanga mukari, Corinelio yamwakanira khandi nakwa haasi wa ebirenjebie namwinamira yee.
\v 26 Ne bulano Petero namusinjisia ye, naboola mbu sinjira ikulu, siesi khandi endi butswa omundu.
\p
\v 27 Khandi olwa yaboola ninaye, nakalukha mukari, khandi nanyoola abanji betsa halala.
\v 28 Khandi nababoolera mbu, mumanyire shingaliri okhufunaka lilako mbu omusatsa ouli omuYahudi shanyala okhuba halala, nomba okhwitsa mwitokho lindi. Ne khandi Nyasaye yamanyiiye mbu shekhoyire okhulaanga omundu yesi mbu newomusiro kata weshifwabi tawe.
\v 29 Ne bulano shichira ninditse, obulakhaya tawe, khulwokhubera ndarumwa khwinywe, ne bulano ebareba eshifunane shichira nerumwa khwinywe nishi?
\p
\v 30 Mana Cornelio naboola tsinyanga tsiabura tsine ndiali nendi khumasaayo akokhwiyima okhulia. khwisaa elia shienda ndasayira munzu wanje. Mutsingubo tsindafu tswee.
\v 31 Naboola ari Cornelio amasayo ko kahulirwe, nende ebihanwa bio bitsulirwe mumoni wa Nyasaye.
\v 32 Ruma bulano abandu Yafa, bakhulanjire Simoni owelira lindi mbu Petero, yamenya munzu ya Simoni omunyushi wa masero, khundulo we inyanza, bulano olwa aletsa alaboolera inywe.
\v 33 Habwene nahabwene nerumasia endio nebulano nakhola obulayi niyetsa nebulano fwesi khuli imberi wa Nyasaye okhuhulira ebindu ebia Nyasaye yalachirisia.
\p
\v 34 Ne bulano Petero niyasamia omunwa, naboola obwatoto Nyasaye shiyahulaanga abandu tawe.
\v 35 Ne buli mwihanga, ulia oumuritsanga, nakholaanga akobulunjishi afuchirirwa ninaye.
\v 36 Likhuwa elia Nyasaye yaruma khubana ba Israel, niyerwatsanga omulembe khu mwana we omuterwa, Yesu ye nomwami wa boosi.
\v 37 Likhuwa, liene ero, eliboola, eliahandikwa mwitokho liosi elia Judea khandi liachachira Galilaya, okhurula nende obubatisi bwaYohana yerwatsa.
\v 38 Shinga Olwa Nyasaye, yabakha Yesu wa Nazareti amafura nende Roho omutsienukhu nende amaani, natsirira okhutsia nakhola amalayi, nahoonia abanji abali nibafinywa nende ebishieno, kho Nyasaye yali halala ninaye.
\p
\v 39 Khandi fwesi khwali abalolereri, abamakhuwa kosi akayakhola mwiloba nende khubaYahudi, khandi mu Yerusalemu, owabeera nibamuboha khumusala.
\v 40 Ye Nyasaye yamulamusia inyanga ya khataru, khandi namumanyia habulafu
\v 41 Shikali khubandu boosi ta, bulano khubalolereri abayalobola inyuma wa Nyasaye, khandi khu fwesi, owakhola okhulia nende okhunywa ninaye. Olunyuma lwokhulamukha okhurula mubafu.
\v 42 Khandi yakhulachirisia okhwirwatsira abandu, nende okhuba obwitsoomi mbu niye omwenoyo owatsushirirwa amafura nende Nyasaye. Okhuba omuyaasi owa abalamu nende abafu.
\v 43 Khuye yahana abalakusi okhuba abalolereri, okhuba mulira lie oumusubirira alanyoola okhulesherwa tsimbi tsie.
\p
\v 44 Olwa Petero yaboola amakhuwa kano, Roho Omutsienukhu yabeshera boosi abahulira Likhuwa.
\v 45 Khandi balia abashebwa basubirira khandi, nibahuchisibwa, khubalia abanji betsa nende Petero, khulwa okhubera mbu abamahanga boosi batsushirirwa Roho Omutsienukhu.
\v 46 Bahulira nibaboola, mutsinimi, khandi nibetsoomia Nyasaye khandi nibamukalusia Petero.
\v 47 Omusatsa yesi anyala okhwikalira amatsi, mbu bano balabatiisibwa tawe abanyoola Roho omutsienukhu shingafwe?
\v 48 Ne bulano yalachirisia abandu okhubatisibwa mulira lioOmwami khandi nabasaaya mbu bamenyekhwo ninaye tsinyanga.
\c 11
\cl Ebikhole Bia Abarume 11
\p
\v 1 Ne abarume nende abana befwe abali ebuYahudi bahulira shinga abamahanga nabo olwa bali nibanyolere likhuwa liaNyasaye.
\v 2 Ne olwa Petero yali natikulushe niyolere eYerusalemu, abo bali abeshishebo bayingana ninaye.
\v 3 Nibaboola bari, iwe weenjira mubandu bashiri okhushebwa nolia ninabo.
\p
\v 4 Nebutswa Petero yachaka, nabamanyia amakhuwa obulayi shinga olwa kalondana nabola,
\v 5 ndali nindi mwitokho lia Yafa, nisayaanga, ne olwa ndali niyenzerire ndalola libiso, mbu eshichinjiro nishiikha, shinga ishuka ingali niikha okhurula, mwikulu niitiririrwe mutsikona tsine niyula ewandali.
\v 6 Ne ndumiye tsimoni tsianje okhuhenga nindola ebilonje biamakulu kane amayoni komwikulu.
\v 7 Ndahulira omwoyo nikumbolera mbu, buukha Petero wire olie.
\p
\v 8 Ne ndakalusia mbu tawe, Omwami okhuba shindu shiosi shiomusiro kata shieshifwabwi shishiri okhwinjira mumunwa kwanje ta.
\p
\v 9 Ne omwoyo nikukalusia okhurula mwikulu kuri, eshia Nyasaye asiire alashilaanga mbu eshifwabwi ta.
\v 10 Kano kekholekha khataru mana biosi nibikhweswa nibikalusibwa mwikulu.
\p
\v 11 Ne lole abweneyayo abasatsa bataru nibenjira imberi weinzu eya khwalimwo, nibarumirwe khwisie okhurula eKaisaria.
\v 12 Naye Roho Omulafu niyambolera mbu enzie ninabo, obulakanakania ta, nabo abana befwe bano basasaba nikhutsia ninabo nikhwinjira munzu eyo musatsa oyo.
\v 13 Naye nakhubolera shinga olwa yali nalutsi Malaika nasinjire munzuye, naboola mbu, rumana eYafa okhwenda Simioni ewe lira mbu Petero.
\v 14 Omwenoyo alakhubolera amakhuwa kokhoyere, mbu, ohonibwe nende abeinzuyo.
\v 15 Ne olwa ndali neshichaka okhubola, Roho Omulafu yabeshera shinga olwa yakhwishira ifwe mukhuchaka.
\v 16 Nasi nditsulira amakhuwa koMwami, shinga olwa yabOola mbu toto mwene Yohana yabatisinjia nende amatsi, ne inywe mulabatisibwa nende Roho omulafu.
\v 17 Kho Nyasaye olwa yabaheresia eshihanwa shilala shieneshio eshia yakhuheresia ifwe olwa khwasubira Omwami Yesu Kristo, nisie wina owakhanyalire okhuloba Nyasaye?
\p
\v 18 Nabo olwa bahulira amakhuwa kano boholera nibamuheresia Nyasaye oluyali, mbu khane Nyasaye yaheera abamahanga mbu banyoole obwikalukhasi bwobulamu.
\p
\v 19 Kho abo abasalananga buli mundu khulwa omunyakhano kwarula khuma khuwa ka Stefano bachenda okhula Foinike nende Kipiro nende Antiokia nibalabolera abandu kelikhuwa liene ta, habula abaYahudi bonyene.
\v 20 Ne baliho khubo abandi aba Kipiro nende aba Kirene, nibo ababolerakhwo kata abaYunani, olwa balinibolire Antiokia niberwatsa akaOmwami Yesu.
\v 21 omukhonokwo Omwami niikuba ninabo, abanji nibasubira nibamushukhanira Omwami.
\p
\v 22 Amakhuwa kabo nikoola mukanisa eyali Yerusalemi, nabo nibaruma Barinaba okhurula Antiokia.
\v 23 Naye olwa yali niyolire nende okhulola obukosia bwa Nyasaye yasangala nabatinyisia mbu barekhwo omwoyo batinye khuMwami.
\v 24 Okhuba yali omundu omulayi niyetsulamwo Roho Omulafu nende obusubiri, abandu abanji nibametekha khuMwami.
\p
\v 25 Mana narula natsia eTaruso okhukhaba Saulo.
\v 26 Ne olwa yali namunyolire, yamurera Antiokia, mana omwika omulamba bakhung'ananga nende ikanisa nibechesia abandu abanji. Ne ebweneyo Antiokia niyo ewa abechi baranjirira okhulangwa mbu abaKristo.
\p
\v 27 Mutsinyanga tsienetsio, abalakusi bandi bakholomokha okhurula Yerusalemi niboola Antiokia.
\v 28 Mulala khubo welira mbu, Agabo yasinjira namanyia mubunyali bwa Roho shinga inzala ikhongo yitsa okhubaho mubialo biosi, nayo yamala niibaho munyanga tsia Klaudio.
\v 29 Ne abechi buli mundu khubunyalibwe shinga olwa bwali nibarakhwo omwoyo okhuruma ebihanwa khu bana babwe a bameyanga ebuYahudi.
\v 30 Ne bamala nibakhola bario, nibaruma abakofu mumukhonokwa Barinaba nende Saulo.
\c 12
\cl Ebikhole Bia Abarume 12
\p
\v 1 Yaho mutsinyanga etsio, Herode Omuruchi yanyiira emikhonochie okhusandia abandi belikanisa.
\v 2 Niyera Yakobo omusiani wabwe Yohana nolukanga.
\v 3 Ne olwa yalola shinga olwa yachamisia Abayahudi, yatsia imbeli okhumutira Petero yesi. Ne tsiali tsinyanga tsiomukate kubulamwo limera,
\v 4 ne olwa yamutira yamura muboye, namuhana mumikhono chiabalindi bane, mbu bamulinde napara mbu yakhamurera imbeli wa bandu olunyuma lweiPasaka.
\p
\v 5 Kho Petero yalindwa mumboye, ne likanisa obulachonya liatsiririra mumasayo khuNyasaye.
\v 6 Ne olwa Herode yali nali okhumurusia erwanyi, mushiro shienesho Petero yali nali mundoolo hakari wabalindi babiri, naboyirwe neminyololo chibili, abalindi bemiliango nibalindanga imboye.
\v 7 Mana lola malaika woMwami nasinjira ahambi ninaye, obulafu nibwakha mumboye, naye namutira Petero mumbafu namubusia, naboola ari, bukha bwangu eminyororo chiayaboyerwa nichikwa okhurula khumikhono chie.
\v 8 Omumalaika namubolera mbu, wibohe ebilarobio, naye nakhola ario. Namubolera mbu wifunishe ingubo unondekhwo
\v 9 Narula erwanyi namulondakhwo, ne nalamanya mbu nikatoto akakholwa nende abamalaika ta, habula yapara mbu aloranga.
\v 10 Ne olwa yabira omulindi wamberi nende wakhabiri, niboola mushiribwa shieshibia eshitsia mwitokho, nasho nishibekushira eshiene. Nibakotokha khunjira ndala, habwene yaho omumalaika namulekha
\v 11 Ne olwa Petero yalaba tsimoni, yaboola mbu bulano emanyire katoto mbu Omwami arumire omuMalaika niyambonia mumukhono kwa Herode, khandi mukosi aka abandu abayahudi bali nibambariranga.
\p
\v 12 Ne olwa yali niyakhayiririsia ario, yoola munzu mwa Miriamu nyina Yohana owelira lindi likulikha mbu Mariko ewa bali nibekhung'asie nibasayaanga.
\v 13 Ne olwa yakhong'onda khumuliango kweshiribwa, omukholi weshikhana welira mbu Roda niyetsa okhumwikulira.
\v 14 ne olwayamanya mbu nomwoyo kwa Petero, obusangali bwachira nalekula omuliango ta, ne butswa yerukha tsimbiro nababolera mbu Petero asinjire mushiribwa.
\v 15 Nibamubolera mbu olaluushe? naye naboola obutinyu mbu kali butsa kario, nibabola mbu noMumalaika we.
\v 16 Naye Petero natsiririra okhukhong'onda, ne olwa bamwikulira nibamulola nibasangala.
\v 17 Naye nabachingulira omukhono nababolera shinga olwa Omwami olwa yali namurusiye mumboye. Naboola mbu mubolere Yakobo amakhuwa kano, nende abana befwe bandi, mana nabarulakhwo natsia ahundi.
\p
\v 18 Ne olwa bwashia, khwali nende eshihenda mwoyo eshikhongo khubalindi mbu Petero akhatsiire hena?
\v 19 Ne olwa Herode yali namukhabiire nalamunyoola ta, yanoneresia mubalindi abo, nalachirisia mbu beerwe. Omwene nakholomokha okhurula ebuYahudi natsia ekaIsaria namenyayo.
\p
\v 20 Naye Herode yali neliruma khuba Tiro nende aba Sidoni, nabo nibamutsiira nende omwoyo mulala, nibahotseresia Blasio omukhalabani woMuruchi, nibamusaba omulembe, shichira eshialo shiabo shianyolaanga eshilibwa okhurula mushialo shiomuruchi.
\v 21 Mana khunyanga indobole Herode niyefwala tsingubo tsioburuchi naboola nende abandu.
\v 22 A bandu nibaboola khumwoyo kweikulu, nibaboola mbu, kuno omwoyo nokwo munyasaye, shikuli kwomundu tawe.
\v 23 Habwene yaho Malaika woMwami namukhupa shichira shiaheresia Nyasaye oluyali tawe. Nalibwa netsinyende nafwa.
\p
\v 24 Ne likhuwa lia Nyasaye nilikhula nilimetekha.
\p
\v 25 Ne olwa Barinaba nende Saulo bacherera okhurula Yerusalemu, olwa bali nibamalire emirimo chiabwe, nibali nende Yohana owelira likulikha mbu Mariko.
\c 13
\cl Ebikhole Bia Abarume 13
\p
\v 1 Ne mwikanisalia Antiokia khwali nende abalakusi abanabi nende abechesia mbabano mbu, Baranaba nende Simioni owalangwa mbu Niggeri, Lukio wa Kirene nende ma naini owarerwa halala nende Omuruchi Herode nende Saulo.
\v 2 Ne owa bali nibakholeranga Omwami, nende okhuhonga inzala, Roho Omulafu yaboola mbu, munzaukhasirie Barinaba nende Saulo khulwa emirimo chiebalanjiire.
\v 3 Ne olwa bali nibahonjire inzala nibasaya, nibarakhwo emikhono, nibabaruma.
\p
\v 4 Kho, nibamalirenje okhurumwa nende Roho, barula nibatsia Silucia, ne olunyuma liokhurulayo, batsia eCipria.
\v 5 Ne olwa bali nibali eSalimi, barumbula habulafu likhuwa lia Nyasaye mutsisinagogi tsiabaYahudi. Khandi balii nende Yohana nali shinga omubooli wabwe.
\p
\v 6 Ne olwa bali nibachendere lichinga ero liosi, okhula Pafo, banyoola omundu omufumu wobubeyi omuYahudi, weliira lie mbu, Bari Yesu.
\v 7 Owali halala nende omulondi wo musinjiriri, Serugio Paulo, omundu omurecherefu, omweneyo yalaanga Barinaba nende Saulo niyenya okhuhulira likhuwa liaNyasaye.
\v 8 Ne butswa Elima, Omufumu tsana, shichira eliralie liakalulwa lirio, yabakania niyechikana ninabo niyenya okhurusia omulondi wo Muruchi khubusubiri.
\v 9 Ne Saulo, ouli Paulo niyetsuulemwo Roho Omulafu yamuleenga mumoni tiri.
\v 10 Naboola neitswoni yosi, Ewe owitsulwemwo obukati nende obumayanu bwosi, omwana wa setani omusuku wobulunjishi bwosi, shionyala okhulekha okhushiamia tsinjira tsio obulunjishi, tsio Omwami ta?
\v 11 Bulano lola omukhono kwo Mwami kuli khwiwe, witsa okhuba omubofu shiolalola omubasu khutsinyanga ta, habwene yaho nachaka okhulola omwosi nende eshirima, ne nachenda nakhaba oumutira omukhono.
\v 12 Mana omukhonyiwe olwa yalola akekholeshe, yasubirira nahuka amechesio koOmwami.
\p
\v 13 Habweneyaho Paulnabashie nibarula Epafro muliaro, niboola Eperuga, nakalukha Yerusalemu.
\v 14 Nabo nibarula Eperiga niboola Antiokia muPisidia, nibenjira musinagogi khusabato,
\v 15 ne olunyuma lwokhusoma amalako nende akabalakusi, abasinjiriri beisinagogi baruma omundu okhubabolera mbu, banabefwe, nimuba nimuli nende likhuwa liosi liokhwechesia liamurereere abandu bano khaboole.
\p
\v 16 Mana Paulo nasinjira nachingula omukhono naboola mbu, AbaIsraeli bashianje, nende enywe abamuria Nyasaye, muhuliire.
\v 17 Nyasaye wabandu baIsraeli yalobola abakuka befwe, niyemekha abandu abo olwa bali nibamenyanga mushialo eshicheni shia Misiri, nabemirira nomukhono kwobunyali nabarusia yo.
\v 18 Ne khumiaka amakhumi kane, nayenjeresia ebima biabwe mushitsimi.
\v 19 Ne olwa yali namuluule amahanga saba mushialo shia Kanani, yabakabira eshialo eshio mubitonye.
\v 20 ne olunyuma lwokhukaba, yabaheresia abayaasi okhuula mumika tsimia tsine nende amakhumi karano, okhula khuMulakusi Samweli.
\v 21 Ne olunyuma bamala nibasaba Omuruchi, Nyasaye nabaheresia Saulo waKishi, omundu woluiya lwa Benjamini, mushise shiemika amakhumi kane.
\v 22 Ne olwa yali namurusiiye, yachinguula Daudi abe Omuruchi wabo, ne khumwene oyo yaboola akobuloli, naboola mbu, ndamunyolire Daudi Omwana wa Yese, omundu owomwoyo kwanje kuherire, oulatusia elienya lianje liosi.
\p
\v 23 Mulwibulo lwo mundu uno, Nyasaye yareriira Israeli Omuhonia, niye Yesu shinga olwa yalachirisia.
\v 24 Olwa Yohana yali naranjirire okhwirwatsira abandu bosi baIsraeli obubatiswi bwobwikalukhasi, ye nashiri okhwitsa.
\v 25 Naye Yohana olwa yali namalire amakhuwa keke, yaboola mbu, mulola murie khwisie? shendi mbu nisie ta, lole aliho owitsa inyuma wanje, owandalanyala okhuboholola ebilaro mubirenje bie ta.
\p
\v 26 Bana befwe, boluyia lwa Aburahamu, nende abo khwinywe abaritsaanga Nyasaye, nifwe abarumirwa likhuwa liobuhonia lino.
\v 27 Okhuba abamenyanga Yerusalemu, nende abemirisi babwe, olwabamukorwa nibalamanya okhuboola khwabalakusi ta, okhusomungwa buli Isabato, bosia likhuwa nibamukhalachira eshina.
\v 28 Ne lola olwa balanyolire eshifune shiosi shiokhumwira ta, kho basaba Pilato mbu yerwe.
\v 29 Ne olwa bali niboosiye yako kosi akahandikwa khuye, bamukhoma khumusala nibamura mung'ani.
\v 30 Ne butswa Nyasaye yamulamusia mubafu.
\v 31 Mana nalolwa tsinyanga tsinyinji nende balia abatikulukha ninaye Galilaya okhula Yerusalemu, ne nibo bulano abali nobuloli imberi wabandu.
\v 32 Nefu khumurerire amakhuwa amalayi akobusubiri obwa abakuka basubisibwa.
\v 33 Shinga olwa Nyasaye yasubisia obusubisie bwenobwo khubana bakhwebula, olwa yamulamusia Yesu, khandi kali shinga olwa kahandikwa mutsabuli yakhabiri mbu, niwe Omwana wanje, lero luno ekhwibule.
\p
\v 34 Ne khumakhuwa tsana shinga olwa yamulamusia mukhufwa, naramulekha mukhubola ta, yaboola khulino mbu, ndalakhuheresia tsikhabi tsia Daudi tsinzienukhu.
\v 35 Okhuba yaboola khandi mutsabuli yindi, mbu shialafuchirira Omutsienukhu we yenjire mukhuboola ta,
\v 36 shichira Daudi olwa yali namalire okhubakholera amachomo kaNyasaye mululimi lulwe, yakona tsindoolo, yakona halala nende baPapa, nalola obusasishi.
\v 37 Nebutsw oyo owaNyasaye yalamusia shiyanyala okhulola obusashisi ta.
\p
\v 38 Kho mumanye, banabefu mbu, mumundu uno mumanyisiibwe obulafu, obulesheri bwebionono bienywe.
\v 39 khandi khululwe, buli mundu ousubirira abasiribwa obulunjishi, khulwa mu ako kosi akalakhanyalishe okhubasiribwa obulunjishi khumalako kaMusa ta.
\v 40 Khulwayako mwirecheshe, kaleshe okhumukwira akenako akababii baboola mbu,
\q
\v 41 henje enywe abalechi, muhuche, okhuba ekhola emirimo mutsinyanga tsienywe omulimo okwa mwakhaywa okhusubira kata olwa omundu amuboolera.
\p
\v 42 Ne olwa Abayahudi bali nibarulire khusinagogi, Abamahanga benya mbu amakhuwa kano kerwatswe khunyanga muSabato.
\v 43 Ne olwa omukanda kwali nikukabukhane, abaYahudi nende abeikanisa bashukhana, ebekayakayi, babalondakhwo Paulo nende Baranabai nibaboola ninabo, nibabatinyisia mbu, batinyirire mubukosia bwaNyasaye.
\p
\v 44 Mana khusabato yalondakhwo, ahambi boosi bomwitokho bakhung'ana okhuhulira likhuwa liaNyasaye.
\v 45 Ne olwa abaYahudi balola emikanda, imbalikha yabatira muno, nibaloba amakhuwa akabolwa nende Paulo, nibamunyeka.
\v 46 Ne Paulo nende Baranaba nibaboola obwatoto neitswoni mbu, kabere kakhoyere likhuwa liaNyasaye libolerwe inywe mberi, ne okhuba mulilobire, nimwikhalachira abene mbu shimukhoya obulamu bwobumeri ta, kho, kario khubatsiira Abamahanga.
\v 47 Okhuba nindio olwa Omwami yakhulaachire mbu, ndakhurerireho mbu obe obulafu khuba Amahanga, obe khulwa obuhonia okhuula khushihesi shieshialo.
\p
\v 48 Ne olwa Abamahanga bahulira ako, basangaala, nibaheresia likhuwa liaNyasye oluyali, nabo bosi nibasubirira khubulamu bweinziayo.
\v 49 Likhuwa liaNyasaye nilitswania mushialo shiosi.
\p
\v 50 Ne abaYahudi batswania, abakhasi ebekayikayi boluyali nende abasatsa abakhulundu bomwitokho omwo, nibabusia obusandi khu Paulo nende Baranaba, nibabarusia mubitonye biabwe.
\v 51 Nabo nibateng'ululu olufu lwokhubirenje biabwe, niboola Ikonia.
\v 52 Nabo abechi nibetsulwa nobuyanzi nende, Roho Omulafu.
\c 14
\cl Ebikhole Bia Abarume 14
\p
\v 1 Ne olwabali Elkonia, benjira Musinagogi yabaYahudi, ne khulwa okhubola khwabwe, omukanda omukhongo kwa baYahudi naba Yunani nibasubirira.
\v 2 Ne butsa abaYahudi abakhaya okhusubirira bayakula emioyo chiabamahanga, nibabiyia amaparo kabwe khubana befwe.
\v 3 Kho bamenyayo khushise eshirambi, nibaboolanga akatoto muMwami, naye yatinyisia likhuwa liobukosiabwe, mbu ebilolero nende amangalimwa bikholeeshe mumakhono kabwe.
\p
\v 4 Ne obunji bwa bandu bomwitokho bali nibakabukhane, abandi ebuleka wabaYahudi, abandi khubarume.
\v 5 Ne olwa khwali nende obukiiyani khubamahanga, abaYahudi halala nende abemilisi babwe, bakasia amakhuwa kokhubakholera obubii nokhubalasa amachina.
\v 6 Ne olwa bamanyirisia amakhuwa kabwe, beerushila mumatala ka Ikonia, Listra, Debe nende mutsimbeka tsiebweneyo.
\v 7 Mana ebweneyo niberwatsa oburume obulayi.
\p
\v 8 Ne ebweneyo Listra, yaliyo Omundu wamani kabula mubilenjebie, nali Likara okhurula okhwibulwa khwe, kata shiyali niyachendakhwo ta.
\v 9 Omwenoya yahulira Paulo naboola, naye yomisia tsimoni okhumuhenga, nalola shinga yali nobusubiri khulwo khuhonibwa.
\v 10 Naboola nomwoyo omukhongo mbu, sinjira shirunji khubirenjebio, naye nabukha bwangu nachenda
\p
\v 11 Ne olwa abemikanda balola elia Paulo yali nakholire, bachingula emioyo chiabwe nibaboola muluLikonia mbu, "abaNyasaye bakhwishire mubukondo bwabandu.
\v 12 Nibamukulikha Baranaba mbu, Zeu, naye Paulo mbu, Herime, shichira niye owali omubooli.
\v 13 Mana omukuhani wa Zeu, owa Ihekalu yali erwanyi welitaala, yarera tsisurusi nende tsimombwe khubiribwa niyenya okhumuha omusanga halala nende abemikanda.
\p
\v 14 Ne olwa Paulo nende Baranaba bahulirakhwo, barandula tsingubo tsiabwe, nibatsia tsimbiro khubemikanda, nibalanjirisia,
\v 15 "nibaboola mbu, bana befwe, mukholaanga amakhuwa kano mbushina? fwesi khuli abandu shinga enywe, ne khumurerere amakhuwa amalayi, mbu mushukhane nimulekha ebindu bino biabutswa, muchoome khuNyasaye oubetsanga mwoyo owalonga Likulu nende eshialo nende Inyanza nende biosi ebilimwo.
\v 16 Owamutsinyanga tsiabira, yalekha amahanga kosi kalonde mutsinjira tsiako akene.
\v 17 Ye shiyayekha omwene butswa harali oburumbushi ta, okhuba yakholaanga amalayi, namuheresia okhurula Mwikulu Ifula nende tsinyanga tsielichesa, niyekusia emioyo chienywe ebilibwa nende obutsatsahafu".
\v 18 Ye kata nende amakhuwa ako, bwali obutinyu okhwinjila khubemikanda ourabamalira emisango ta.
\p
\v 19 Ne abaYahudi bandi bolayo abarula Antiokia nende Ikonia, ne olwa bali ninaye yakalukhasia emikanda, bamulasa Paulo amachina, nibamukhwesa erwanyi welitokho nibamulekha mbu afwire.
\v 20 Ne olwa abechi basinjiraho nibamubotokhana, yabukha niyenjila mwitokho, mana narulamwo nibushiere, halala nende Baranaba nibatsia Ederibe.
\v 21 Ne olwa bali nibechesiye oburume obulayi mwitokho elo, abechi abanji bakalukha Listra nende Ikonia nende Antiokia.
\v 22 Nibatinyisia abechi emioyo chiabwe, nibabachetsiyia mbu, batinyirire mubusubiri obwo, khandi shinga olwa khukhoyeere okhwinjira mubwami bwa Nyasaye okhubirira mumasira amanji.
\v 23 Ne olwa bali nibamalire okhusayira Abakofu buli Mwikanisa, nibasaaya nende okhuhonga inzala, nibabara mumakhono koMwami omwenoyo owabasubirira.
\p
\v 24 Nibabira muPisdia niboola ePamfulia.
\v 25 Ne olwa bali niberwatsire likhuwa muPeruga, bakholomokha niboola Etalia.
\v 26 Ne okhurula yaho nibatsia Antiokia ewabali nibalachirisibwe khubukosia bwa Nyasaye khulwa emirimo chiabali nibamalire okhukhola.
\v 27 Ne olwa bali nibolire bakhung'asia Ikanisa halala nibababoolera amakhuwa kosi aka Nyasaye yali nakholile ninabo, khandi shinga olwa yali niyekulire abamahanga omuliango kwobusubiri.
\v 28 nibekhala nabechi tsinyanga tsinyinjikhwo.
\c 15
\cl Ebikhole Bia Abarume 15
\p
\v 1 Ne abandu bandi bakholomokha okhurula ebuYahudi, nibechesia abana befwe mbu khandi "mulashebwa shinga olwa eshima shiaMusa olwa shiali ta, shimunyala okhuhonibwa ta".
\v 2 Ne olwa Paulo nende Baranaba bali nibayingane ninabo muno, Paulo nende Baranaba nendee abandi khubo batikulukha nibatsie Yerusalemu ewa abakofu nende abarume bali khulwa amakhuwa kano.
\p
\v 3 Kho nibarumirwe nende Ikanisa, baburira muFoinike nende Samaria mwosi nibarumbulanga akokhwikalukhasia khwabamahanga, bameta obutsatsahafu obunji khuabane befwe boosi.
\v 4 Ne olwa boola Yerusalemu, benjisibwa nende Ikanisa nabarume, nabakofu nabatonyera amakhuwa kosi akaNyasaye yali nakholire ninabo
\p
\v 5 Ne khubandi bomukhung'ano kwabafarisayo, abasubirira, babukha nibasuunda amakhuwa nibabola mbu "okhula bashebwe okhulinda amalako kaMusa".
\p
\v 6 Mana abakofu nende abarume bali nibakhung'anire halala okhutinyisia khwikhuwa lienelo.
\v 7 Ne olunyuma lwokhuyingana okhukhongo muno Petero yasinjira nababoolera mbu, banabefwe, mumanyile mbu, okhurula mutsinyanga tsiambeli, Nyasaye yandobola mwinywe mbu mumunwa kwanje abamahanga bahulire oburume obulayi nibasubirira.
\v 8 Ne Nyasaye oumanyile emioyo chiabandu, yabarumbulira abobuloli bwatoto nabaheresia Roho Omulafu shinga olwa yakhuheresia ifwe.
\v 9 Kata shiyakhola obwahuli bwosi hakari wefu ninabo ta. nabasiiya emioyo chiabwe khulwobusubiri.
\v 10 Kho, bulano nishina eshichira nimukana Nyasaye, nimurakhwo likokolo khwikosi liabechi eliakhaya abakuka befwe nende ifwe abene okhuchinga?
\v 11 ne khusubire mbu ifwe khulahonibwa khulwa obukosia bwoMwami Yesu shinga yabo.
\p
\v 12 Abomukanda bosi nibaholera tsi, nibarecheresia aka Baranaba nende Paulo baboola, akebilolelo nende amangalimwa akaNyasaye yakhola mubamahanga khumakhono kabwe
\p
\v 13 Ne olwa bali nibaholerire, Yakobo nakalusia naboola mbu, "banabefwe, mumbulirekhwo.
\v 14 Simioni akhuboleere shinga olwa Nyasaye yaranjirira okhuchendera Abamahanga, okhwibukulira abandi khulwa eliralie.
\v 15 Kata amakhuwa kabalakusi keyamanaanga nende shinga olwa kahandikwa mbu,
\q
\v 16 olunyuma lwa amakhuwa kano, ndalacherera, nindumbakha khandi eshimenyo shia Daudi eshisambushe, nindumbakha kata oburuchi.
\v 17 Mbu abandi batonye bamukhaabe Omwami nende Abamahanga bosi, abakulishirwa mulira lianje.
\v 18 Nilwo Omwami aboola, ouchingulanga amakhuwa kano nikamanyikha okhurula mubuchachiro.
\p
\v 19 Khulwako, obukhalachi bwanje mbwobuno, mbu, khuleshe okhubanyasia Abamahanga abamukalushire Nyasaye
\v 20 nebutswa khubahandichire mbu, baleshe okhulia ebindu bieshifwabwi, biokhuhanirwa ebifwanani, nende obuheyi nende inyama yetsisoolo tsimichirwe na amatsayi,
\v 21 Okhuba khurula khubisoni ne nebisoni Musa abetsaanga nende yabo aberwatsa amakhuwa keke mubuli tala nikasomwa mutsimbeka buli habundu.
\p
\v 22 Mana abarume nende abakofu halala nelikanisa liosi balola mbu nobulayi okhwahula abandu mubo b bene mbu barumwe Antiokia halala nende Paulo nende Baranaba mubana baYuda oulangwa mbu, Basinaba, nende Sila abali abakhulundu mubana befwe.
\v 23 Nibahandika ibarua namakhono kabwe, mbu," okhurula khubarume nende abana benywe abakhulundu, koole khubana befwe Abamahanga abali muAntiokia nende Siria nende Kilikia, amashesio khwinywe.
\v 24 Okhuba khuhulire shinga abandi barula mwifwe olwa bamunyasiye namakhuwa, nibakoyasia emioyo chienywe, habula ifwe shikhubalaka likhuwa liosi ta.
\v 25 Olwa khwabeere nikhufuchirisaniye halala, khulutsi mbu nobulayi khubalobole abandu, nikhubaruma khwinywe halala nende abaherwa befwe Baranaba nende Paulo.
\v 26 Nabandu abahuliranga nibalateba obulamu bwabwe khulwa elira lioMwami wefwe Yesu Kristo.
\v 27 Kho mbabo, khubarumire Yuda nende Sila, bamuboleere amakhuwa malala kano nomunwa.
\v 28 Okhuba Roho OMulafu yachama kata nende ifwe, obulamutukhakhwo emisiko ta, okhushira amakhuwa kano konyene akakhoyeere,
\q1
\v 29 mbu, mulobe ebindu biemisango, echimalirwe ebifwanani, nende amatsayi nende ebindu, ebimichilwe, nende obuheyi, ne nimuba nimwilinda khumakhwa yako, mulaba obulayi. Mulindwe".
\p
\v 30 Nabo olwabali nibasebulwe, nibakholomokha niboola Antiokia, ne olwa bali nibakhung'anire omukanda kwosi halala, babaheresia ibarua tsana.
\v 31 Ne olunyuma lwokhusoma, bekhoya muno kobuhonia obwo.
\v 32 Nabo Yuda nende Sila, okhuba abene bali abalakusi, bamanyia abana babo amakhuwa amanji nibabatinyisia.
\p
\v 33 Ne olwa bali nibamenyereyo khushise, abana babo babasebula nende omulembe, mbu bakalushire abo abali nibabarumire.
\v 34 Habula Sila yalola mbu nobulayi okhumenya khwoyo.
\v 35 NePaulo nende Baranaba nibatong'a Antiokia, nibechesinjia nende okhwilwatsa likhuwa LioMwami halala nabandi abanji.
\p
\v 36 Ne olunyuma lwetsinyanga tsinyinji, Paulo yaboolera Baranaba mbu, chenda khukalushe bulano khubakonye abana befwe mubuli litokho mwa khwarumbula likhuwa lioMwami, khulole shinga olwa bali".
\v 37 Naye Baranaba yali niyenya okhubukula Yohana, owalangwa mbu Mariko atsie ninaye.
\v 38 Naye Paulo shiyalola mbu nobulayi okhutsia nende omundu oyo owabamurulakhwo nibali Pamfilia, obulatsia ninabo khumilimo ta.
\v 39 Mana nikhuba namainje, okhuula olwa bahukhana, Baranaba nabukula Mariko, natsia ninaye muliaro okhuula Kipro.
\v 40 Naye Paulo nabukula Sila, narula, olwa abana befwe bali nibamalire okhubahaana khubukosia bwoMwami.
\v 41 Nabirira Musiria nende Kiliki, natinyisia Ikanisa.
\c 16
\cl Ebikhole Bia Abarume 16
\p
\v 1 Naye niyetsa Derube nende Lisitera, ne lole omwechi undi yaliyo, owalangwa mbu Timotheyo, omwana womukhasi wundi omuyahudi, nasubirira, ne samwana yali omuyunani.
\v 2 Abaherwa bali Lisitera nende Ikonia barusia obuloli obulayi khuye.
\v 3 Naye Paulo yamubukula, namusheba khukwa abaYahudi abali ebweneyo, shichila bamanya mbu samwana yali omuyunani.
\p
\v 4 Ne olwa bali mwitokho, babalachirisia mbu babalinde balia abahulwa nende abarume nabakhulundu abali Yerusalemu.
\p
\v 5 Nako amakanisa nikatinya mubusubiri mubunji.
\p
\v 6 Ne olwa bali nibabirire, Figia nende Galatia, bakaywa nende Roho Omulafu okhuyaala oburume muAshia.
\v 7 Olwaboola Misia, bambukha nibatsia Bithinia, naye Roho nalabafuchirira ta,
\v 8 nibaburira Misia nibatsia emwalo Trao.
\v 9 Amalolera nikamwitsira Paulo mumabwibwi, yalola omundu wa Makedonia namusaaya, naboola, "yitsa Makedonia okhukhonye.
\v 10 Ne olunyuma lwamalolero, khwamala nikhurula nikhutsia Makedonia nikhumanyirisia mbu Omwami akhurumire khuberwatsire oburume obulayi.
\p
\v 11 Kho nikhurula Trao, nikhulunjikha nikhutsia Samotheria ne inyanga yalondakhwo nikhuula Nekapoli.
\v 12 Nikhurula yo nikhutsia ebuFilipi, elili litokho likhulundu muMakedonia khandi, nikhubamwo tsinyanga tsinditi.
\p
\v 13 Ne khunyanga yeisabato, khwarula erwanyi welitokho, nikhutsia khulukuku liomwalo ewakhwali mbu khukhole amasayo, nikhwikhala hasi, nikhuboola nende abakhasi abamenyayo.
\v 14 Naye omukhasi wundi welira mbu Ludia, owakusinjia tsingubo tsiekitani, womwitokho lia thiatira, owamwinamiranga Nyasaye, yahulira mbu khuliyo, owaNyasaye yekula omwoyokwe, naye narecheresia amakhuwa kosi kabolwa nende Paulo.
\v 15 Naye nabatisibwa ye nende abeinzuye, nakhusaba mbu, nimuba nimulutsi mbu, khusubirire khumwami, yitse mumenye ninefu munzu, mana nibakhutinyakhwo.
\p
\v 16 Ne olwa khwali nikhutsitsanga mumasayo, omukhana wundi owali nebishieno biobufumu, yakhwakaniira, naye yareriranga omwamiwe obukhala obukhongo khubufumubwe.
\v 17 naye nakhulondakhwo nende Paulo, naboolanga, abasatsa bano nabakhalabani bomwami womwikulu, narumbulaanga injiira yobuhonia.
\p
\v 18 Naye yakhola ario tsinyanga tsinyinji. Naye Paulo nahulira obululu mumwoyo kukwe, yamushukhanira, nayibira roho oyo, ekhulaka mulira liaYesu Kristo, rula, naye narulamwo ebise ebo.
\v 19 Naye olwa Omwamiwe yaloola mbu obunayi bwobukholibwe buwere, batiira Paulo nende Sila nibabayira mushiiro khubaami.
\v 20 Ne olwa bali nibabayirire khubayasi, nibaboola abandu bano nabaYahudi, banyasia litokho liefwe muno.
\v 21 Nabo bechesia amakhuwa akalali amalako kefwe shinga Abaroma.
\v 22 Nako omukanda nikubashukhaniira, naye omuyasi nibarandula tsingubo, nalaka mbu bakhupwe.
\v 23 Nabo olwabali nibakhabakhupa emisharati eminji, babara mumboye, nibaboya nibabira abalindi babaenjeresie obulayi.
\v 24 Nabakhalachira bario, babara mumboye, nibababoya ebirenje biabwe neminyololo.
\p
\v 25 Ne mushiro hakari Paulo nende Sila, basaaye nibemba tsinyimbo tsiokhwitsomia Nyasaye, nabo ababooye nibahulira.
\v 26 Mulwangu eshialo shiarenga, okhula emise chieimboye nichireenga. Nachio emiliango chiosi nichikukha, emikhono chiabandu nichibolokha.
\v 27 Naye omulindi olwa yabukha mundolo, nalola emiliango nichikushe, yakhwesa olukanga niyenya okhwiyira, mbu ababohe batsire.
\v 28 Naye Paulo nalira nomwoyo omukhongo, sholekhola libi ta, okhuba khuliho fwesi.
\v 29 Naye nahafia obulafu, niyetsa narengarenga, nakwa mumakulu ka Paulo, nende Sila.
\v 30 Naye nabarusia erwanyi naboola, abami, ekhole shina enyale okhuhonibwa?
\v 31 nabo nibabola, subirira muMwami Yesu Kristo, nenyu mulahonibwa nende inzu yenyu.
\p
\v 32 Nabo nabasunjira likhuwa liaNyasaye nende bosi abali munzu.
\v 33 Naye nababukula mushiro, niyosia amakhupache kabwe, nabatisibwa ye nende inzuye.
\v 34 Ne olwa yali niyakhabarera munzuye, narera shiokhulia, nibasangala, okhusubirira muMwami nende inzuye.
\p
\v 35 Ne olwa eshitere shiola, abayaasi baruma abandu mbu "balekhulwe".
\p
\v 36 Naye omukhongo weimboye naboolela Paula nende Sila, "omuyaasi wenywe arumasiye mbu mulekhulwe mutsie, kho bulano tsie nomulembe".
\p
\v 37 Naye Paulo namubolera, bakhuupire habulafu efwe abaroma, nibakhura mumboye, ne bulano benya okhukhulekhula mumefiswi? tawe, lekha betse abene bakhulakhule.
\v 38 Nabo abasinjiriri nibabolera abayaasi amakhuwa yako, nabo nibaria olwabahulira mbu, nabaRoma.
\v 39 Nibetsa nibabasaaya, nibabarusia, nibababolera barule mwitokho.
\v 40 Nibarula mumboye, nibenjira munzu ya Ludia, ne olwa bali nibakhalola abaheerwa, babahotseresia mana nibatsia.
\c 17
\cl Ebikhole Bia Abarume 17
\p
\v 1 Ne olwa babira Pamfilia nende Apoloniam, betsa eThesolonika, ewakhwali nende sinagogi yabaYahudi.
\v 2 Naye Paulo shinga omwa kwali omwimakwe, yatsiamwo, mana khutsisabato tsitaru nayingana nabolana ninabo khumahandiko.
\v 3 Nabafunuliranga mbu kali okhuula Kristo anyakhane, mana alamushe khandi okhurula mubafu, ne mbu, Yesu uno owa ebayaliranga niye Kristo.
\v 4 Abandi khubo nibasubirira nibeyunga nende Paulo nende Sila, nende abaYunani berusia, omukanda omukhongo, nende abakhasi abakhulundu abanji.
\p
\v 5 Nabo olwa abayahudi abaloba okhusubirira batirwa neshikhalikhali, babukula abandi khubomukanda kweinduli, nibakasia ing'anda ikhongo, nibahambia obuyoka obukhongo mwitokho, nibenjirira inzu yaYasoni, nibenya okhubarera erwanyi mubandu.
\v 6 Ne olwa babula okhumunyola, bamukhwesa Yasoni nende abaherwa bandi, nibabarera khubemirisi beLitokho, nibakhupa tsimbungu, bano abashukhasiye Eshialo, shiosi khandi betsiRe hano.
\v 7 Naye Yasoni abenjisiye, nabo baloba amalako kaKaisaria, nibaboola mbu khuli nende omuruchi undi mbu, Yesu.
\v 8 Nabo nibanyasia abandu nende abaruchi belitokho olwa bahulira amakhuwa kano.
\v 9 Ne olwa bali nibakhamutira Yasoni, balekha abandu bandi nibatsia,
\p
\v 10 nabo abaherwa lwangu nibabaruma Paulo nende Sila mushiro Piera, ne olwa yolayo, yenjira musinagogi yabaYahudi.
\v 11 Nabo bali abesikwa okhushira abaThesolonike munjila yabahulirisia likhuwa nemioyo chiosi, nibahenjeresia amaandiko mbu nitoto noho.
\v 12 Kho abanji khubo nibasubirira, halala nende omukhasi omwisikwa owali omuYunani, nende abasatsa abanji.
\p
\v 13 Ne olwa abayahudi baThesolonike bamanya mbu likhuwa liaNyasye liyaluungwa nende Paulo, Beroya, betsayo mana nibanyaasia omukanda.
\v 14 Nabo abaherwa mubwangu nibamuruma Paulo okhutsia khunyanza naye Sila nende Timotheo nibatong'a.
\v 15 Nabo abamwimirira Paulo nibamurera, Athene. Naye nanyolire lilako okhurula khu Sila nende Timotheyo, okhwiyunga ninabo mulwangu, barula.
\p
\v 16 Ne owaPaulo yali nabalindanga, Athene, Roho yachingukha muye, okhuba yalola litokho nilitsulwe nende ebifwanani,
\v 17 naye naingana ninabo musinagogi nabaYahudi, nende abandu bobusubiri obubii, nende mushiroo buli nyanga.
\p
\v 18 Nabo abasomi bandi Abikoria, nende oboluyia, bamwitsiira nibaboola, mbu omundu wamakhuwa amanji uno aboola shina? abandi bosi nibaboola, afwana shinga oureranga eminyasaye chindi, shichira yabayalira Yesu nende obulamushi bwabafu.
\p
\v 19 Nibamubukula nibamuruma khu, Ariopango, naboola, "khwenya okhumanya amakhuwa amacheni kano kokhwechesinjia mbu nishina?
\v 20 okhuba oreranga amakhuwa amacheni mumarwi kefwe, kenya khumanye shiamakhuwa kano kamanyia nishi"i?
\v 21 (okhuba Abathene bosi nende abacheni bosi abaliho, babukula ebise biabwe ebinji khutsimbakha, noho(mba okhurecheresi amakhuwa amacheni.)
\p
\v 22 Naye Paulo nasinjira hakari weshikulu shia Areopago nabola, "enywe abandu baAthene, endutsi mbu muli abandu beidini muno,
\v 23 okhuba olwa emburire mwitokho lienywe, endutsi eshisambiro namahandiko kano, khuMunyasaye oulamanyikhane ta, oyo owe enywe mwinamiranga obulamanya ta, niye owakhukhuyaliranga.
\p
\v 24 Nyasaye owaloonga eshialo nende biosi ebilimwo, okhuba niye Omwami welikulu nende eshialo, shamenyaanga muhekalu yakasibwa namakhono kabandu ta,
\v 25 khandi shiyenamirungwa nende emikhono chiabandu shinga owenya shiosi ta, khuba niye ouhananga obulamu bwosi nende emuya, nebindu biosi.
\p
\v 26 Naye yakhola khumatsayi malala, amahaanga kosi kabandu okhumenya khubweni bweshialo, nalaka ebise biakasibwa nende tsitsakho tsiobumenyi bwabwe,
\v 27 mbu bamukhabe Omwami, shinga abahabaasia, mana bamunyoola owa ali butswa olwa alali ehale ninefwe fwesi ta.
\v 28 Okhuba muye khumenyanga, nikhuchenda, shinga omwimbiio wetsinyimbo yabola mbu fwesi khuli olwibulolwe.
\p
\v 29 Ne okhuba khuli olwibulolwe, shikhukhoyere okhupara mbu obunyasaye buli shinga efetha neitsahabu, nomba amachina akabatswa nende omukhono, nobuchesi bwabandu ta.
\v 30 Tsinyanga tsiobusilu Nyasaye yafwana shinga oulalo ta, ne bulano alachirisia abandu bosi buli habundu okhwikalukhasia.
\v 31 Khuba yahula inyanga eya yetsa okhuyaasia eshialo mubuunjishi okhubirira khumundu owayahula, naye amalire okhumuralisia namulamusia okhurula mubafu.
\p
\v 32 Ne olwa bahulira khukhulamukha khwabafu, abandi bachaya, ne abandi nibaboola, khulamuhulila omundu uno ebise bindi.
\v 33 Naye Paulo narula mubo.
\v 34 Kata kario abandi batinya khuye, mubo, Didimasi, murepogae, nende omukhasi welira mbu Damari nende abandi.
\c 18
\cl Ebikhole Bia Abarume 18
\p
\v 1 Olunyuma olwa amakhuwa ako Paulo yarula eAtsene niyoola eKorinzo.
\v 2 Ne nanyoola omuYahudi undi owelira mbu Akula, omwibulwa wa ePondo, owali narulire eItalia, nende omukhasiwe Prisila; (shichira Klaudio yali nalachire abaYahudi bosi barule ebuRoma:) mana niyetsa khubo.
\v 3 Ne okhubera yali omukholi wemirimo milala ninabo, yalimaana ninabo, nibakholera emirimo halala; sichira bali abanabi bamaheema.
\v 4 Bulano yaboleranga musinagogi buli ISabato natema khubakhwesa abaYahudi nende abaYuhani.
\p
\v 5 Ne olwa Sila nende Timotseo betsa okhurula eMakedonia, Paulo yafinyiikha mumwoyo, nababolera abaYahudi mbu Yesu yali Kristo.
\v 6 Ne olwa baingana ninaye, nibamunyeka, yabungulula inguboye, nababolera mbu amatsayi kenywe Kabe khumirwe chienywe; esie endi omulafu: okhurula olwa lero ndilatsitsanga khuBamahanga.
\v 7 Mana narulayo, niyenjira munzu yomundu undi, oulangwa mbu Yusito, mulala ulia owinamiranga Nyasaye, noweinzuye yarondokhana nende Isinagogi.
\v 8 Khandi Krisipo, omwimirisi weisinagogi, yasubirira Omwami halala nende inzuye yosi; ne abaKorinzo abanji abahulira basubirira nibabatisibwa.
\p
\v 9 Bulano Omwami namuboolera Paulo mumaloro eshiro, olaba omuri tawe, bulano boola, nolaholera tawe,
\v 10 Okhuba endi halala ninawe, abulaho ulakhutirakhwo okhukholera obubi tawe: okhubeera endi nabandu abanji mwitokho lino.
\v 11 Natsirira okhumenyayo omwika nemiesi chisasaba, niyechesinjia mubo likhuwa lia Nyasaye.
\p
\v 12 Ne olwa Galio yali omulondi wa Akhaaya, abaYahudi basinjirira Paulo nomwoyo mulala, nibamurera imberi weshisala shiobuyaasi,
\v 13 Nibaboola mbu, omundu uno akhwesanga abandu khumwinamira Nyasaye akalali mutsinjira tsiamalako ta.
\p
\v 14 Ne olwa Paulo yali okhuchingula omunwake, Galio yabolera abaYahudi mbu, lilaba liakhabere likhuwa liobwononi nohomba eshifwabi eshibi, kakhakhoyere efuchirisanie ninenyu:
\v 15 Ni kaba Kali amarebo kamakhuwa nende amera, khandi amalako keenywe, lole khwo abene, shenyala okhuba omuyaasi owakenako tawe.
\v 16 Mana nabalonda hashifumbi shiobuyaasi.
\v 17 Mana bosi nibamukwakho nibamutira Sositsene, omwimirisi weisinagogi, nibamukhupira imberi weshifumbi shiobuyaasi. Naye Galio shiyateba likhuwa khuyako kosi tawe.
\p
\v 18 Okhurula khukene ako Paulo natsirira okhwikhalayo tsinyanga tsinyinji, nasebulana nabana bwabwe narulayo muliaro natsia eSiria, nali nende Prisila nende Akula; ne yali nabecheere omurwe eKenekerea; shichira yali neshitsubo.
\v 19 Niboola eEfeso naye nabalekhayo: ne omwene niyenjira musinagogi, nakhupa imbaka nabaYahudi.
\v 20 Ne olwa bekomba mbu yekhale ninabo khuluhono, shiyayeyama tawe;
\v 21 Alali yasebulana ninabo, nababolera mbu kakhoyere munjira yosi mbu enzie mwisabo elitsanga muYerusalemu: naboola mbu nengalushe olundi Nyasaye naba nachama. Mana narula eEfeso muliaro.
\p
\v 22 Ne olwa yali niyakhekha eKaisaria, khandi yatikulukha ikulu, nashesia Ikanisa, nakholomokha natsia eAntiokia.
\p
\v 23 Ne namalire okhwikhalayo khulwe tsinyanga, yarulayo, natsia mushibala shia Galatia nende Firigia, shinga olwa tsialondana natinyirisia abeechi bosi.
\p
\v 24 Khandi omuYahundi owalangwa mbu Apolo, owebulwa eAlekisanderia, omundu owamasomo, omuchesi muno mumakhuwa kamahandiko yoola eEfeso.
\v 25 Omundu uno yali niyeechesibwa akeinjira yo Omwami; khandi Roho kwe kwali kwakhaanga, naboola nende okhwechesia habwene amakhuwa ako Omwami, namanyire obubatisi bwa Yohana bwonyene.
\v 26 Mana nachaka okhuboola akatong'ane musinagogi: ewa Prisila nende Akula bamuhulira bamuyira ewabo, nibameta okhumwechesia injira ya Nyasaye obulayi.
\p
\v 27 Ne olwa yenya okhwambukha okhutsia eAkhaaya. Abana befwe bamutinyirisia, nbahandichira abeechi mbu bamwinjisie: ne olwa yali niyolereyo, yabakhonya muno abali nibasubire khulwa obukosia:
\v 28 Okhuba yashirira elala abaYahudi habulafu, namanyia mumahandiko shinga Yesu ali Kristo.
\c 19
\cl Ebikhole Bia Abarume 19
\p
\v 1 Yaho olwa Apolo yali nashiri eKorinzo, Paulo namalire okhubura mushialo shieikulu yoola eEfeso: nanyoola abeechi bandi,
\v 2 nababolera mbu, mwanyoola Roho Omutakatifu olwa mwasubira? Nabo nibamubolera mbu, kata okhuhulira shikhwahulirakhwo mbu aliho Roho Omutakatifu tawe.
\p
\v 3 Khandi nababolera mbu, kho mwabatisibwa khububatisi shina? Nibabola mbu khububatisi bwa Yohana.
\p
\v 4 Bulano Paulo naboola, Yohana yabatisinjia obubatisi bwobwikalukhasi, naboolera abandu mbu bamusubirire omwenoyo owakheetse munyumawe, ouli Yesu.
\v 5 Olwa bahulira kano, bamala nibabatisibwa mulira elia Omwami Yesu.
\v 6 Ne olwa Paulo yali nabareerekhwo emikhono, Roho Omulafu yabeetsera; Nibaboola netsinimi, nibakhola obulakusi.
\v 7 Ne bosi bali abasatsa shinga ekhumi nababiri.
\p
\v 8 Nibatsia musinagogi, nibaboola neitswoni khumiesi chitaru, nibashuula abandu khubwami bwaNyasaye.
\v 9 Nabo abandi nibooma emioyo, nibalasubirira ta, nibaboola obubii khunjila eyo khubemikanda, narula mubo, nakabukhasia abechi, nibaingana buli lwosi mwisomero lia Tairanos.
\v 10 Nabo nibatsiririra khumiika chibiri, kata abamenya Ashia bosi abaYahudi nende abaYunani nibahulira likhuwa liaNyasaye.
\p
\v 11 Naya Nyasaye yakhola amangalimwa amakhongo khumukhono kwa Paulo.
\v 12 Nibarera khumubiri kwe ebitambaya netsitaulo nako amalwale kabwe nende Roho keshirima nibarula.
\p
\v 13 Nabo abandu khu abaYahudi basalana bobusubiri obutinyu nibababolera balia bali nende Roho Omulafu namalwale, okhumufuchirira Omwami Yesu, nibaboola khumulonda mulira lia Yesu owaPaulo ayalaanga,
\v 14 ne khwali nende abana saba baSkeva, omuYahudi omukhulundu wabakuhani, owakhola ario.
\p
\v 15 Nabo roho abachaafu nibakalusia, Yesu khwamumanya, khandi Paulo yesi khumumanyire, nenyu niwina?
\v 16 naye oyo owali nende roho omubi, nabaruchirakhwo, nabamushiririra, nabayomba, niberukha erwanyi eshiechenye namakhupache.
\v 17 Nako nika tswana khubaYahudi nabaYunani abamenyanga Efeso, mana oburi nibubatira, elira lioMwami Yesu nilichingulwayo.
\p
\v 18 Nabo bosi abasubirira betsa nibasubira, nibalolesia ebikhole biabwe.
\v 19 Nabo balia abakholanga ebifwanga biobufumu, barera ebindu biabwe halala nibasamba imbeli wabandu, nibabala amakusi kabio, nikoola ebitonye ebikhumira biefetha.
\p
\v 20 ne likhuwa liaNasaye nilimetekha.
\p
\v 21 Olunyuma lwamakhuwa kano Paulo nahulira muRoho we, olunyuma lwokhuburira Makedonia nende Ashia, mbu atsie Yerusalemu, naboola mbu olunyuma lwabwe, okhula enzie Roma.
\v 22 naye naruma Roma babiri khubakhalabanibe, Timotheo nende Rasto, naye omwene namenya Ashia khubise.
\p
\v 23 Ne ebise ebo nikhurulira obukoyaani Efeso khumakhuwa koburume obulayi.
\v 24 Omundu wundi welira mbu, Dimenterio, omwiranyi webibia, yakasinjia ebisambiro bibibia, kho Aritemi, yarera obukhala obukhongo.
\p
\v 25 Owayalaanga halala nende abakholi bashie, naboola, abami, mwesi mumanyile mbu emilimo chino nibwo obuyinda bwefwe.
\v 26 lano mulola khandi muhulira mbu shiili Efeso yonyene ta, ne nimuAshia mwosi, omundu unoPaula akaluule abandu bosi, naboola mbu, eminyasaye chikasibwa nabandu shichiri eminyasaye ta.
\v 27 Bulano shinobukhala bwefwe bwonyene obuli mubutinyu bwokhukwa ta, ne mbu kata ihekalu yomunyasaye wefwe Aritemi, itsa ikhuchaywa ne obukhongo bwe, nibusasibwa, obwa Ashia yosi nende abomubialo biosi binamiraanga.
\p
\v 28 Ne olwabahulira obubolibwe, nibaba neliruma muno, nibakhupa obuyoka nibabola, "omukhongo ni Ariteme wa Efeso".
\v 29 Nalo litokhoo liosi niliba nabuyoka, olwa bali nibamutirire Gayo nende Arisitariko, abaMakedonia, balia abachendanga nende Paulo bamubukula lwangu, okhuba emilwano chialiho
\v 30 Ne olwaPaulo yali ahambi okhwinjira mubandu, abechibe bamukaya.
\v 31 Ne balala khubakhulundu baAshia, abali abetsabe, bamurumanira nibekombanga mbu shalenjira mumilwano ta.
\p
\v 32 Kho abandi nibabola kano, ne abandi kano, okhuba omukanda kwali nikukoyanire, ne olwa abandi nibalamanyire ewabali ta, betsa halala.
\v 33 Nibamutira Alexanda okhurula mumukanda, abaYahudi nibamura imberi, naye Alexanda namanyisia nomukhono, niyekomba okhwikoboshera khubandu.
\v 34 Ne olwa bamanya mbu shali omuYahudi ta, bosi khumwoyo mulala, bakhupa obuyoka khumasaa kabiri, omukhongo ni Aritema wa Efeso.
\p
\v 35 Ne olwa omuhandichi welitokho yali niyakhabasaba, yabola, enywe abandu baEfeso, niwina khwinywe oulamanyire mbu litokho lia Efeso bamwinamiranga nyasaye omukhongo Aritema, nende eshilolero shiakwa okhurula Yupita?
\v 36 okhuba amakhuwa kano shikanyala okhubolwa eshinyume shienyu ta, mukhoyere okhwikoyasia, mulakhola liosi mulwangu ta.
\v 37 Okhuba murerire abandu bano hano abalali abanuuli beikanisa noho abanyechi beminyasaye chiefwe.
\v 38 Khulwesho, Dementrio nende ababatsi bebibia, ababele ninabo, nibali nelikhuwa khubo, amalako kaliho, nikhuba nende ababasitaka, lekha batsie mushina.
\v 39 Nekhuba nelikhuwa lindi, lilalengwa mushina shiamalako.
\v 40 Okhuba khulimubutinyu bwokhulangwa khulwa obuyoka buno, eshifune shiba nishibulaho shiakhunyala okhuhana. olwayamala okhubola yako, yasebula omukanda.
\c 20
\cl Ebikhole Bia Abarume 20
\p
\v 1 Ne olwa obuyoka bwaholera, Paulo yalaanga ebechi, nabahotseresia, narula natsia Makedonia.
\v 2 Ne olwa yatsia mubitonye ebo, nabatinyisia, yetsa ebuYunani,
\v 3 namenyayo emiesi chitaru, nabo olwa abaYahudi bali niberecheshe okhumwira olwa yalihambi okhwambukha Siria, yekomba okhukalukha okhubirira Mackedonia.
\v 4 naye Sopata wa Berea nende Thesolonike, Aristika, nende Sekundo nende Gayo, wa Debe, nende Timotheyo wa Ashia, Tikiko nende Trufimo.
\v 5 nibatsia nineye, nibakhulinda Trao.
\v 6 Nefu nikhwambukha Filipi, tsinyanga tsiomukate kubulamwo limera, nikhula Trao olunyuma lwetsinyanga tsirano. Nikhumenyayo tsinyanga musafu.
\p
\v 7 Ne khunyanga yambeli yelijuma, olwa abechi betsa alala okhulia omukate, Paulo yabayalira, niyechesinjia okhurula mukamba, naye nabola okhula mushiro hakari.
\v 8 Ne khwali nobulafu obunji munzu yeikulu, ewabali nibakhung'anire.
\v 9 Naye omubukha welira mbu Eutiko, yali niyekhale khwidirisha, nakona tsindolo olwa Paulo yali nayalaanga, yatilwa netsindoolo, nakwa hasi, natolwa nafwire.
\v 10 Naye Paulo natsia hasi namukonakhwo, naboola, mulanyakhana ta, obulamubwe bushilimwo.
\v 11 Olwa yatikulukha, nasonyola omukate, nalia, naboola khubise ebirambi, khuula mumabwibwi, narula.
\v 12 Nabamukalusia omubukha nali omulamu, nabo nibehotselesia.
\p
\v 13 Naye natsia imbeli muliaro, niyambukha, Assos, niyekomba okhumubukula Paulo, okhuba nilwo olwa yali naparire, nalekomba mbu atsie khubilenje ta.
\v 14 Ne olwa yatsia ninefu Assos, khwamwinjisia mukari, nikhwitsa Mitile.
\v 15 Nikhwambukhoyo, inyanga yalondakhwo eshikhalachinga shia Kiosi, ne inyanga yakhabiri nikhuula Samosi, nikhwikhala Trokwim, ne inyanga yalondakhwo nikhula Malita.
\v 16 Naye Paulo yali niyekombere okhula Efeso, okhuba shiyali yeenya okhumenya Ashia ta, niyekomba nikakhanyalikha abe Yerusalemu khunyanga yaPentakosti.
\p
\v 17 Okhurula Malita, yarumasia Efeso, nalanga abakhulundu beikanisa.
\p
\v 18 Ne olwa bali nibamalire okhwitsa, yababolira, mwamanya okhurula khunyanga yamberi olwandetsa Ashia, shinga olwa ndamenyere ninenyu mubise biosi.
\v 19 Nekhalabaniranga Omwami mubwitutuyi bwomwoyo kwosi, namasika, amatemo kangwira, ningiyungwa nende abaYahudi.
\v 20 Shinga lwa ndalafisa shiosi shiobukhala khwinywe, nebarumushira nebakhalabanira habulafu okhurula munzu okhula munzu,
\v 21 nehananga obuloli khubaYahudi nende abaYunani, akobwikalukhasi khunyasaye nende obusubiri khumwami Yesu Kristo.
\p
\v 22 Ne bulano lole enzia muambe mubuhambe mumwoyo Yerusalemu, nendamanya aketsa okhunyola ta.
\v 23 Elia emanyire ni mbu, Omwami ahananga obuloli. Buli mwitokho mbu, ebiboye neminyakhano binindanga.
\v 24 Ne libulao elindechesia mukano ta, kata shendola obulamu bwanje nibuli eshindu khwisie ta, mbu emale oluchendo lwanje mubuyanzi, nende obukhalabani, bwandahebwa noMwami, okhubolo okoburume obulayi bwobukosia bwanyasaye.
\v 25 Ne bulano lole, emanyire mbu enywe mwesi abemburiremwo neyala, Obwami bwaNyasaye, shimulandola khandi mumoni na moni ta,
\v 26 khumumanyirisie okhurula lero mbu, embula eshikha namatsayi komundu yesi ta.
\v 27 oKhuba shindachweyakhwo okhubabolera obumanyirisi bwaNyasaye bwosi ta.
\v 28 Mwihenjeresie abene, nende omukanda okwa Roho Omulafu yamukhola abasinjiriri, okhulisia, Ikanisa yaNyasaye, eyakulwa namabangake.
\v 29 okhuba emanyire lino mbu, olunyuma lwokhutsia khwanje, tsisolo tsimbalaba tsilenjira mwinywe, nitsilahendera amakondi ta.
\v 30 Khandi mwinywe abene balarulamwo abandu nibaboola amakhuwa kobukori, okhwikhabira abandu.
\v 31 Kho lenjeresie nimwitsulira mbu khumiika chitaru shindalekha okhubetsusia buli mulala eshiro neshitere nendira amasika.
\p
\v 32 Ne bulano abaherwa, ebara khuNyasaye nende lilkhuwa liobukosia bwe, elinyala okhubombakha, nokubaheresia omukabo mubosi abatakaswa.
\p
\v 33 Shindiekombakhwo ifetha yomundu yesi, noho ithahabu, noho eshifwalo ta.
\v 34 Enywe abene muli abaloli mbu emikhono chino chikholire emilimo khulwokhunyola ebindu bianje nende abandali ninabo.
\v 35 Ebamanyie ebindu biosi, shinga olwa mukhola emilimo okhukhonya abateshele, nimwitsulila amakhuwa koMwami Yesu, shinga olwa yaboola mbu, neikhabi okhuhana okhushila okhuhebwa.
\p
\v 36 Ne olwa yali namalire okhubola, yasikama hasi nasaya ninabo bosi.
\v 37 Nabo nibalira, nibakwa mwikosi liaPaulo, nibamutsunzuna.
\v 38 Nibaberera khumakhuwa kayali nabolire, mbu, shibalilola obwenibwe khandi ta, nibamulondakhwo okhula muliaro.
\c 21
\cl Ebikhole Bia Abarume 21
\p
\v 1 Ne olwa khwali nikhukabukhane ninabo, ni khuli muliaro nikhutsiitsanga, khwatsia ekosi khunjira inunji; mana mukamba nikhuula eRoda. nokhurula yaho, okhuula ePatara;
\v 2 nikhunyoola eliaro eliitsa okhwambukha okhutsia eFoinike, nikhuniina, nikhuchaka okhutsia.
\v 3 Ne olwa khwalola kipiro khwashilekha khumukhono mukhasi, nikhutsia eSiria, ni khwikha eTiro; okhuba ebweneyo eliaro liali niliri okhuruula emisiko.
\p
\v 4 Nikhumalire okhunyoola abeechi, khwamenyayo tsinyanga musaafu; nabo nibaboolela Paulo khulwa obunyali bwa Roho mbu alaseena eshilenje eYerusalemu tawe.
\v 5 Ne olwa tsinyanga etso tsiali nitsiweere, khwarulayo nikhutsirira khuluchendo lweefwe; nabo bosi, halala na bakhasi baabo nende abaana nibakhukooba okhuula khulukuku leinyanza, nikhusaaya.
\v 6 Nikhuseebulana; ifwe nikhuniina muliaro, nabo nibakalukha ingo.
\p
\v 7 Ne olwa khwali nikhumalire oluchendo okhurula eTiro, khwoola eTolomai; nikhushesia abaana befwe, nikhwikhalayo inyanga ndala.
\v 8 Mana mukamba nikhurulayo nikhuula ekaisaria nikhwinjira munzu mwa Filipo, omwilatsi weinjili, mulala khubeenabo musaafu, nikhumenyakhwo ewuwe.
\v 9 Ne omundu oyo yali na baanabe abakhana bane abali abashisila, abalakulanga.
\p
\v 10 Ne olwa khwashindayo tsinyanga tsinyinji, omulakusi undi oulangwa mbu Agabo yakholomokha narula ebuYahudi;
\v 11 niyeetsa ewa khwali, nabukula omushipi kwa Paulo, niyeeboha ebilenje nende amakhono, Naboola mbu kano niko aka Roho Omulafu aboola; mbu nindio abaYahudi abali eYerusalemu balimuboha omwene nomushipi kuno, nibamuhaana mumakhono kabamahanga.
\p
\v 12 Ne olwa khwahulila amakhuwa ako, ifwe nende abebweneyo fwesi nikhusaaya mbu aleshe okhutikulukha okhutsia eYerusalemu.
\p
\v 13 Mana Paulo nakalusia, mbu mubeele murie nimulira nimwira omwoyo kwanje? okhuba shindirecheeshe khulwa okhubohwa khwonyene ta, habula nende okhufwira eYerusalemu khulwa elira lio Omwami Yesu.
\p
\v 14 Ne olwa yakhaya okhunichirisibwa khwalekha, nikhuboola mbu aka Omwami yeenya kekholeshe;
\p
\v 15 No olunyuma lwe tsinyanga etsio khweekhwania emiloloti nikhutikulukha okhutsia eYerusalemu.
\v 16 Ne abandi abokhubeechi be kaisaria nibalondana nineefwe, nibakhuyira enanzu wa omusatsa owalangwa Munasoni, owe kipiro, omwechi wa khale, ewa khwali ni khuli okhumenyakhwo.
\p
\v 17 Ne olwa khwali nikhuulile eYerusalemu, abaana beefwe bakhwinjisia nobusangaali.
\v 18 Mana mukamba Paulo niyenjira nineefwe ewa Yakobo, abakofu bosi nibabayo.
\v 19 Ne olwa yali nabashiesiye, yabatoonyera, elala elala khumakhuwa aka Nyasaye yali nakholere mubamahanga, khulwa emilimochie.
\v 20 Nabo olwa bakahulirakhwo, nibamwitsoomia Nyasaye nibaboola mbu mwana wefwe, oluutsi shinga abaYahudi abasuubira olwa bali ebikhumira ne bikhumira; ne bosi nabakololofu mumalako.
\v 21 Ne babooleerwe khwiwe, mbu wechesinjia abaYahudi bosi abamenyanga mubamahanga, okhumulekha Musa, nobakaania oburasheba, abaana babwe kata okhulonda khubiima tawe.
\v 22 Kho nakhukhole khurie? shibalachweya okhuhulila mbu witsire ta.
\v 23 Kho okhole liikhuwa lino elia khukhuboolera mbu khuli nende abasaatsa bane ebeetsubire eshitsubo;
\v 24 Obabukule wisiiye ninabo halala; nobarunjira emirungo chiabwe, mbu mana babeeche emirwe; mana bosi nibamanya mbu obwatoto, buhumaho mumakhuwa ako aka baboolerwa khwiwe. Habula mbu iwe omwene wichenderisinjia habwene, nolonda aka amalako.
\v 25 Ne khumakhuwa kabamahanga abasuubira, khwahandiika obukhalachi bweefwe, mbu balobe ebindu bie misango ebimaalirwe ebifwanani, nende amatsayi nende ebimichirwe nende obuheyi.
\v 26 Kho Paulo yabukula abasaatsa abo, mana mukamba niyekasia ninabo niyenjira muKanisa, namanyia aketsinyanga tsio khusikha olwa tsiakhaba nitsihweere, okhuula olwa eshihanwa shiakhabe nishihaanirwe khubuli mulala khubo.
\p
\v 27 Ne olwa tsinyanga etsio musafu tsiali nitsili ahambi okhuhwa, abayaudi abarula ebu Asia, olwa bamulola nali mukanisa; bakoyaasia omukanda kwosi nibamukwakhwo.
\v 28 Nibalanjilisia mbu inywe abasaatsa ba Israel, mukhukhoonye, uno niye omundu tsana owechisinjia abandu bosi, bali hosi, nafukula abandu, nende amalako, nende habundu hano; khandi waleerile kata aba yaudi mukanisa niyoononia habundu hano ahatakatifu.
\v 29 shichila bali nibamuluutsi mwitookho nali nende turofimo, omu Efeso, owa bakaala mbu Paulo yali namuleerile mukanisa.
\v 30 Abelitookho liosi nibayuyukhana, abandu nibekhung'asia halala; nibamukwakhwo Paulo, nibamukhwesa nibamurusia mukanisa; mana emiliango nichiikalwa.
\p
\v 31 Ne olwa bali nibakhabanga shinga olwabamwira omuseesia omukhulundu welihe liabasikari elia yamanyisibwa mbu Yerusalemu yosi yikoyaanire.
\v 32 Kho habwene nahaabwene yachaka okhuboola, abalindi nende abasesia nibakholomokha tsimbiro, nabo olwa balola omusesia omukhulundu nabalindi nibalekha okhumukhupa Paulo.
\p
\v 33 Mana omusesia omukhulundu nasita ahambi namutira naboola mbu abohwe ne minyororo chibiri. Mureberesie mbu niye wina khandi, mbu akholire shina?
\v 34 Abandi bomukanda nibayochera nibaboola amakhuwa yako, nolwa yakhaya okhumanya obwatoto bwamakhuwa khulwa oburume obuulayi obwalachirisibwa mbu buliyirwa munzu yabaYahudi.
\v 35 Ne olwa Paulo yoola khumininiro nikaba mbu yachingwa nende abalindi khulwa amahababa komukanda.
\v 36 Okhuba obunji bwabandu balondakhwo inyuma nibalanjirisia mbu murusieho.
\p
\v 37 Ne olwa Paulo yali nali okhwinjisibwa munzu yabalindi, yabolera omusesia omukhulundu mbu, nachama abolekhwo likhuwa, naye nakalusia mbu, khane wamanya oluYunani?
\v 38 sholi iwe oyo omuMisiri owekoloba wabusia induli niyemia abasatsa abo ebikhumi bine abalangwa mbu abeeri, mbu batsie mushitsimi?
\p
\v 39 Naye Paulo naboola mbu, isie endi omuYahudi, wa Taso, mukilikia omundu womwitokho elilali litutu ta, chama umbesie obwiyangu embole nende abandu bano.
\v 40 Ne olwa yali namuhere obwiyangu, Paulo yasinjira khubininiro nachinjira abandu omukhono, ne olwa yali naboleele elala yaboola ninabo muluYahudi.
\c 22
\cl Ebikhole Bia Abarume 22
\p
\v 1 Abandu abaherwa, baPapa, hulire okhwitetsa khwanje imbeli wenywe.
\v 2 Olwa omukanda kwahulira mbu abola muluHebrania, bamuurecheresia muno.
\v 3 Toto mwene endi omuYahudi, ndeebulwa Taso, mwitokho lia Cicilia, ndakhulira mumakulu kaGamalieli, ni ndiiechesibwa okhulondokhana nende ebima namalako kabaPapa, nindiinia po khuNyasaye shinga olwa mumanyire okhula bulano.
\v 4 Nasi nisandia beinjira ino okhula okhwira, nindiiranga nemboya neera mumboye bosi abakhasi nabasatsa.
\v 5 Khandi abakuhani abakhoonga bamanyire kano, nende abakhulundu bosi, okhuba nibo abamberesinjia obunyali bwokhutsia eDameski okhurera balia abali nibabohwa Yerusalemu mbu banyoole eshinyasio,
\p
\v 6 Ne olwa ndali khuluchendo, ahambi Dameski, mushiteere hakari, obulafu obukhongo bwarula mwikulu nibunzashira.
\v 7 Nasi niingwa hasi, nehulira omwoyo kumboleraanga, Saulo Saulo, mbushina usakaniinjia?
\p
\v 8 Nasi nengalusia, niwina iwe Omwami? nakalusia, nisie Yesu waNazareti wosakaniinjia.
\p
\v 9 Ne balia abandali ninabo nibalola obulafu, nibaria, ne Omwoyo kwa ulia owaboola ninasi shibahulira ta.
\v 10 Nasi ningalusia ekhole shina Omwami? naye Omwami nakalusia," buukha otsie mwitokho, ebweneeyo olabolerwa eshiaokhoyere okhukhola.
\v 11 Ne owa ndakhaywa okhulola khulwa obukhongo bwobulafu, ndatirwa omukhono nende abandali ninabo, nibayira mwitokho eDameski.
\v 12 Naye omundu weliira mbu Anania, omundu omwisiikwa, omulindi wa malako, yabolungwakhwo obulayi nende abaYahudi bosi.
\v 13 Yeetsa ewandiali naboola, mwana wefwe Saulo, nyoola okhulola, nasi niheenga nendola.
\v 14 Naye naboola, Nyasaye wabaPapa befwe, akhwahule mbu omanye amenyake, mana oyire likhuwa liomunwa kukwe.
\v 15 Okhuba witsa okhuba omuloliwe khubandu boosi, khukoluutsi nende okhuhulira.
\v 16 Kho olindanga shina? sinjira mana obatisibwe, wosibwe tsimbi tsio, niwiyama elira lioMwami.
\p
\v 17 Ne olwa ndetsa khandi Yerusalemu, olwa ndali nisayaanga Muhekalu, ndali mumalolero,
\v 18 nemulola niyamboleranga, khola lwangu orule Yerusalemu, okhuba shibetsa okhwiyama obulolibwo khwisie ta.
\v 19 Nasi nemboola "Omwami bamanyire shinga olwa ndakhupire nira mumboye bosi ababolaanga khulira lio.
\v 20 Ne olwa amatsayi komwisikwawo Stephano kasundukha, ndaliho ndiyama okhufwa khwe. nimbikha tsingubo tsia yabo bamwira.
\v 21 Naboola, rula, nditsa okhuruma khubamahanga.
\p
\v 22 Nabo nibarecheresia omakhuwake, nabo nibachingula emioyo chiabwe, nibaboola, "murusie murusie, omundu shinga uno shakhoyire okhumenya ta",
\p
\v 23 bakhupa obuyoka, nibarandula tsingubo, nibatumuula olufu.
\v 24 naye omukhongo wabalindi naboola mbu ayirwe mukari, nalaka mbu ohenjeresibwe nende okhupwa emisharati. kho bamanye shichira nibakhupa obuyoka.
\p
\v 25 Olwa bali nibakhamuboya nende eminyololo, Paulo yabolera omulindi owali nasinjre ahambi ninye, "nihabwene okhupa umundu omuRoma nalakhalachirwe eshina?
\p
\v 26 Ne olwa omulindi yahulira ario, yatsia nabolera omukhhongo wabalindi, lenga obulayi eshiokhola. omundu uno niwa Roma,
\p
\v 27 Naye omukhongo wabalindi niyetsa, namuureba, mbolera oli omu Roma? nakalusia yee
\p
\v 28 naye omukhongo wabalindi nakalusia ndanyola okhuba omuRoma khumakusi amakhongo naye namukalusia, nasi ndebulwa omulakhuule.
\v 29 Ne bwangu nibalekha ulia owali niyenya okhumuhenga, naye omukhongo wa balindi naba noburi obunji, olunyuma lwokhumanya mbu mu Roma. okhuba yali namuboyire.
\p
\v 30 Ne olwa bwashia, okhuba yali niyakhanyoola obwatoto obwachira natirwa nabaYahudi, yamubolola khumikoye, nalaka omukuhani omukhongo nende beshiina bosi mbu babe mushina. Mana nibarera Paulo imbeli wabwe, nibamura hakari.
\c 23
\cl Ebikhole Bia Abarume 23
\p
\v 1 Naye Paulo nabahenga mumoni, naboola mbu, abandu nende abaherwa, emenyerenje mumero indayi yomwoyo khuNyasaye okhula lero,
\v 2 naye omukuhani omukhongo Annasi, nabalaka balia bali bemere ninaye mbu bamukhupe khumunwa.
\p
\v 3 Naye Paulo naboola, Nyasaye nakhupe iwe, lisisi liechoka indafu, wikhale okhuyasia okhulondokhana namalako, nawe olalachirisia ekhupwe nolalonda amalako ta.
\p
\v 4 Nabo abali hambi nibaboola, onyeka omukuhani waNyasaye?
\p
\v 5 naye Paulo naboola, shembere nemanyire mu nomukuhani waNyasaye ta, okhuba kaandikwa mbu, sholaboola obubii khumuruchi wabandu ta.
\p
\v 6 Ne olwa Paula yamanya mbu omukanda mulala kwali kwa baFarisayo ne okundi kwa abaSadukayo, nabola nomwoyo omukhongo khubeshina," banabefwe, endi omuFarisayo, omwana womuFarisayo, khulwobunayi bwobulamushi bwabafu, endi mushina shino.
\v 7 Ne olunyuma lwokhuboola, amarebo nikebuukha hakari wabaFarisayo nende abaSadukayo.
\v 8 Okhuba abaSadukayo baboolanga mbu, obulamushi bwabafu shibuliho ta, khandi kata Malaika nende Roho, nabo abaFarisayo basubirirang biosi,
\p
\v 9 Ne nikhuba nobuyoka obukhongo, ne abahandichi abali nabaFarisayo, nibasinjira nibayingana nibabola, shukhulolalanga likoso mumundu uno ta. Nikaba ni Roho nohomba Malaika nibamubolere amakhuwa kano, khuleshe okhupana ninaye.
\v 10 Ne olwa khwali nende omukhwesano omukhongo hakari wabo, omukuhani omukhongo yaria mbu, Paulo anyala okhurandulwamwo, nalaka abalindi okhutsie hasi, okhumurusia mubo namani bamuyire munzu.
\p
\v 11 Eshiro shialondakhwo, Omwami, yasinjira elubeka, naboola, wiishie omwoyo Paulo, okhuba omalire okhumbolakhwo Yerusalemi, khatimba khandi okhole orio Roma.
\p
\v 12 Ne olwa bwashia, balala khubaYahudi bekhung'asia, nibetsuba mbu, shibalia nohomba okhunywa ta, okhula bere Paulo.
\v 13 Nabo bali ababura amakhumi kane abali neshitsubo esho.
\v 14 Nibetsa khubakuhani abakhongo nende abakhulundu, nibaboola, khwirerire khushitsubo eshikhongo, mbu shikhulalia shiosi noho okhunywa ta, okhuula olwakhwira Paulo.
\v 15 Bulano enywe nende beshina eshikhongo, boolere omulindi omukhongo mbu, amurere khwinywe mukamba mumabwibwi shinga abenya okhumanya likhuwa okhurula khuye. Ne olwa yetsa khulaba khwirecheshe okhumwira.
\p
\v 16 Naye omwana womukhana wango Paulo yaulira, yatsia mumboye ya Paulo namubolela.
\v 17 Naye Paulo nalanga mulala khubalindi, nababolera, yire omwana omutiti uno khumukhongo wabalindi, okhuba ali nelikhuwa liokhumubolela.
\v 18 Kho namubukula namuyira khu khumukhongo wabalindi, nabola Paulo omuboye yananjire, nasaba mbu erere omwana uno khwiwe, okhuba alinelikhuwa eliayenya okhumuboolera.
\v 19 omukhongo wabalindi nabukula omwana nasita ninaye ehale, namureba, nishina shiawenya okhubola?
\v 20 AbaYahundi bakasiiye mbu onyale okhurera Paulo hasi mukamba mushina, shinga owenya okhuhulira likhuwa khuye,
\v 21 sholabahulira ta, okhuba khuli nende abandu shinga amakhumi kane, abetsubire mbu, shibalirekhwo nohomba okhunywa eshindu ta, okhula olwa bamwira Paula. Ne bulano balindanga likhuwa okhurula khwiwe.
\v 22 Kho omukhongo wabalindi namulekha omwana, namubolera, sholabiira khwo omundu yesi mbu umbolere amakhuwa kano ta.
\p
\v 23 Naye nalanga abalindi babiri, nabola, kasie abalindi tsimia tsibili, tsitsie ewaKaisari, nende betsingamia miatsitaru nende ekhumi. Nende abamafumo tsimia tsibiri, eshiro musaa tisa,
\v 24 baheresie tsisolo, mbu bamurekhwo Paulo, bamuyire obulayi khu Feliki omuruchi.
\v 25 Naye nahandika ibarua ari,
\v 26 kilaudio Lusio, khuwoluyali omuruchi Feliki, amashesio.
\v 27 Omundu uno yabukulwa nende abaYahudi, hatiti bamwire, nasi nenzia nende abelihe banje, namuhonokosia olwandanyolire mbu nomuRoma.
\v 28 Ne olwa ndienye okhunyoola eshifune, ebarerire mushina shiabo.
\v 29 Nimbaranga mbu namakhuwa kokhumalako kabwe, ne nendanyoola liosi shinga ero ta, elikhoyere mbu yerwe.
\v 30 Ne olwa ndanyolire mbu abaYahudi bali neshisango shiokhumwira, emurumire khwiwe, nembolera abamusitaka mbu betse imbeliwo obubii bwe. olindwe".
\p
\v 31 Ne abalindi nibakhola shinga olwa balakwa, nibamuyira khu Antipa,
\v 32 khumukamba balekha abetsifarasi okhutsia ninaye, nabo nibakalukha mumboye.
\v 33 Ne olwa bola Kaisaria, nibahana ibarua, khumuruchi, bamuhana Paulo yesi.
\p
\v 34 Olunyuma lwoMuruchi okhusoma ibarua, yareba mbu arula mwitokho lirena? Ne olwa yamanya mbu arula Cicilia.
\p
\v 35 Nekhuhulira olwa abasukube betsa, nibalaka mbu arebwe munzu ya Herode yobuyaasi,
\c 24
\cl Ebikhole Bia Abarume 24
\p
\v 1 Olunyuma lwetsinyanga tsirano, Ananias omukuhani omukhongo yekha nende abakhulundu nende amubooli omulayi oulangwa mbu, Tetula, owaboolera omuruchi amakhuwa kaPaulo.
\v 2 Na olwa yalangwa imbeli, Tetula yachaka okhumuyaasia naboola, okhubera khulwa yiwe, obwihotseresi obukhongo bubere mwihanga lino, khulwebikhole bio ebikhongo.
\v 3 Khwiyamanga buli habundu, noluyali olukhongo ewe omuukosi Feliki.
\v 4 Kho ndalenya okhubola amanji khwiwe ta, ekhusaba mbu, ohulire amenya kefwe mumakhuwa amatiti.
\v 5 Okhuba khunyolire obumayanu bwomundu uno, oureranga obukhayi khubaYahudi bosi mushialo, naye niye owimiriranga aBanazari boosi.
\v 6 onyekanga kata ihekalu, owakhwakhabukule mana nikhumukhalachira shinga olwa amalako kabola
\v 7 Mana omukhongo wabalindi Lusia yetsire, namani amanji namurusia mumakhono kefwe.
\v 8 Nalachirisia mbu balia abamusitaka betse khwiwe, ne ninenjeresia omwene mbu anyale okhumanyirisia amakhuwa kano akakhumusitaka khuko.
\v 9 Nabo abaYahudi nibakalusia nibeyama mbu amakhuwa kano nakatoto.
\p
\v 10 Ne lunyuma lwoMuruchi okhumuha obwiyango bwokhubola, yakalusia, "okhuba emanyire mbu waakhaba omuyasi khumiika eminji khwihanga lino, eyanzisibwa muno okhuboola imberiwo.
\v 11 Okhuba omanyile mbu netsinyanga ekhumi natsibiri okhurula nenzia Yerusalemu okhwinamira omwami.
\v 12 Nabo shiba aanyoola muhekalu nesolananga nende omundu yesi, noho nekholanga liosi lifwana lirio musinagogi nohomba mwitokho.
\v 13 Khandi kata shibanyala okhusubisia amakhuwa kababolanga khwisie.
\v 14 Ne lino nilio elia ndiyama imbeliwo mbu liria elia balanganga mbu tsingano, ndinamiranga sie Nyasaye wabapapa banje, nesubira kosi kahandikwa mumalako nende abalakusi.
\v 15 Nasi endi nende obunaayi khuNyasaye, likhuwa lia bosi beyamanga, mbu khuliba nende obulamushi bwabafu, khubobosi abaluunjishi nende abononi.
\v 16 Nasi omwene mumwoyo kwanje omulayi, endemanga okhwikalira obubi bwosi hakari wanje nende bosi, Nyasaye nende abandu.
\v 17 Ne olunyuma lwemiika eminji, ndetsa okhurera ebihanwa nende obukhonyi khubandu banje.
\v 18 Ne abaYahudi bandi nibanyoola muhekalu ndiyosiye, nendali nomukanda nohomba obuyoka bwosi ta.
\v 19 Abakhoyere okhuba hano mana baboole kakhaba mbu bali nende liosi khusie.
\v 20 Kalali kario, lekha bano baboole kakhaba khuli nende liosi libi eliabanyoolire ninalio imbeli weshina,
\v 21 lilali likhuwa lino elala elia ndaboola mubo, khubulamushi bwabafu, nelichira ndiemere imbeli wenywe lero.
\p
\v 22 Naye Felika olwa yaulira amakhuwa kano, shinga omundu wali nobumanyirisi obulayi bwoburume yibo, yasinjisia eshina, naboola, olwa Lusia omusinjiriri wabalindi yetsa, nditsa okhumanya obulamba bwamakhuwa kano.
\v 23 Naye nalaka abalindi okhumubikha Paulo, mana mbu abekhwo nobulakhuule butiti, ne mbu shalekalirwa abandube okhumukhalabanira noho okhumulola ta.
\p
\v 24 Ne olunyuma lwetsinyanga tsinyinji olwa Feliki yetsa nende omukhasiwe Drusilla, owali omuYahudi, yabusia mbu Paulo arerwe, namuhulira khumakhuwa kobusubiri muKristo.
\v 25 Naye olwa yaboola khu, bulunjishi, obwifwiri, nende obuyasibwi obwitsa, Felika yarenga, nakalusia, rula hano khulwa bulano, nekhulanje nendi nende ebise ebilayi.
\v 26 Naye yapara mbu alahebwa amang'ondo mbu anyale okhumulekhula, kho yamulanga khase naboola ninaye.
\p
\v 27 Ne olunyuma lwe miika chibiri, omuruchi Festo yamuchendera Feliki, naye Felika niyekombanga okhuchamisia abaYahudi, yalekha Paulo mumboye.
\c 25
\cl Ebikhole Bia Abarume 25
\p
\v 1 Ne olwa Festo yetsa mwitokho, yatikulukha Yerusalemu okhurula Kaisaria olunyuma lwetsinyanga tsitaru.
\v 2 Naye omukuhani omukhongo nende abaYunani nibamubolera amakhuwa kaPaulo, naye nasaba mbu yetse,
\v 3 nabo nibekomba mbu amurume Yerusalemu, kho bamuulinde khunjira bamwire.
\v 4 Naye Festo nakalusia mbu, Paulo khatimba abikhwe Kaisaria, ne mbu yemwene natsieyo.
\v 5 enywe abene muboole owirecheshe okhukholomokha ninasi okhumuyasia omundu uno okhuba nikhuli nende obubii bwosi khuye.
\p
\v 6 Olwa yali niyakhaba ninabo tsindalo ekhumi, yakholomokha natsia Kaisaria, ne inyanga yalondakhwo, yekhala khushisalla shiobuyasi, nalaka mbu Paulo arerwe.
\v 7 Ne olwa yarerwa, abayaudi barula Yerusalemi basinjira nibamubotokhana, niba boola amanji khuPaulo kabalanyala okhusubisia ta.
\p
\v 8 Olwa yetetea, shilianyolekhakhwo lilako liabaYaudi, noho Ihekalu, noho khuKaisari, shindionire liosi ta.
\p
\v 9 Naye Festo niyekomba okhuyanjisia abaYahudi yaboola, ochama okhutsia Yerusalemu mana oyasibweyo amakhuwa kano imbeli wanje?
\p
\v 10 Naye Paulo nakalusia, esinjira khushifumbi shia Kaisari neyasibwa, embula obubii khubaYahudi, nawe wesi omanyire olieneRo obulayi.
\v 11 okhuba nemba nendi namakoso, nomba ekholire obubii bwosi obukhoya okhufwa, shindoba okhufwa ta. Nekhuba nikhubula liosi khukababolanga khwisie, abulaho omundu oukhoyere okhuhana Mumakhono kwabwe, eyasibwa nende Kaisari.
\p
\v 12 Naye olwa Festo yali niyakhabolana nende beshina, yaboola, wenyera okhuyasibwa nende Kaisari, kho olatsia khuKaisari.
\p
\v 13 Ne olunyuma lwetsinyanga, omuruchi Agrippa nende, Benisi yetsa Kaisaria okhumushesia Festo.
\v 14 Olunyuma lwetsinyanga tsinyinji, Festo yamubolera omuruchi khumakhuwa kaPaulo, naboola, khuli nende omundu owalekhwa mumboye nende Felik.
\v 15 Olwa ndali Yerusalemu abakuhani abakhongo nende abakhulundu babaYahudi balora, nibekomba mbu emuyasie.
\v 16 Mana nebabolera mbu, shibuli obulayi khumalako kaBaroma okhwira omundu nashiri okhweeka nende abasukube khumoni na moni, mbu yetetee khuumakhuwa kaboolwa khuye ta.
\v 17 Ne olwa ndetsa, shindachelewa tawe, olunyuma lwetsinyanga tsibiri ndekhala khushisala shiobuyaasi, nendaka mbu omunduyo arerwe.
\v 18 Ne olwa abasukube basinjra imbeli, shibarerakhwo amakhuwa shinga olwa ndapara ta.
\v 19 Ne bali butwa namakhuwa kemilukha chiabwe, nende omundu wundi mbu Yesu, owa Paulo abolanga mbu nomulamu.
\v 20 Ne okhuba shibasubirira amakhuwa yako ta, bamureba nabo yakheyama okhutsia Yerusalemi, mana ayasibwe khumakhuwa kano.
\v 21 Naye olwa Paulo yali nasabire okhuhulirwa nende Agusto, ndalaka mbu abikhwe mumboye okhula olwa ayirwa khuKaisaria.
\v 22 Naye Agrippa namubolera Festo, siesi ndienya mbu ehulirekhwo omundu oyo mukamba, naye nakalusa, olamuhulira.
\p
\v 23 Ne mukamba kwa londakhwo, olwa Agrippa nende Benia, betsa nobuha obukhongo, nibekhala weshina shibetsaanga, omulindi omukhongo nende abandu boluyali mwitokho, khu lilako lia Festo, bamurera Paulo imbeli.
\v 24 Naye Festo naboola, Omuruchi Agrippa nende abandu bosi abali ninefwe, mulola omundu uno owabaYahudi bosi banyakhana ninaye okhuchaka Yerusalemu okhula, nibakhuuma mbu shakhoyere okhumenya ta,
\v 25 Nasi olwa ndanyoola mbu shakhoolire liosi elikhoya okhufwa ta, ne mbu ye mwene yasaba okhutsia khu Agusto, endi nende amaparo okhumuyirayo.
\v 26 Nasi shendi nende eshifune eshilayi eshia ehandichira Omwami wanje ta, Niko akachira nemurera imberiwo, mana, imberiwo Omwami Agrippa, mbu olunyuma lwokhumuhenga enyale okhuba nende shia ehandika.
\v 27 Okhuba lifwanire likhuwa liobusiru okhuruma omuboye halali eshifune ta.
\c 26
\cl Ebikhole Bia Abarume 26
\p
\v 1 Mana Agripa namubolela Paulo mbu, wimirwe okhhuboola aka oli ninako, mana Paulo nachingula omukhono nabola kokhwitetea. mbu,
\v 2 endola nendi weikhabi Omwami Agripa shinga okhwitetea imbeli wo inyanga yino khumakhuwa yako kosi aka Abayaudi.
\v 3 Okhushira muno okhuba ewe wamanyira elala ebima nende amakhuwa kosi akabayaudi, khulwako ekhusaya umbulirisie nende obwisimirisi.
\p
\v 4 Abayaudi bosi bamanyire obuayi okhwichenderesia khwanje, shinga olwa khwalinji okhurula khubwana bwanje, nimbetsanga mubelihanga liefwe, khandi Yerusalemi okhurula mukhuchaka.
\v 5 Bayamanya okhurula mukhuchaka, ne nibaba nibakhachama banyala okhubola kobuloli bwanje shinga olwa ndechenderesia nende abafarisayo nenondanga amakhuwa amatinyu mudini yefu.
\p
\v 6 Ne bulano esinjire okhuyasibwa khulwa obunayi bwobusubili bwaNyasaye yasubisia bakuka befwe.
\v 7 Nibwo obwa tsimbia tsiefwe ekhumi natsibiri tsikombanga okhula nitsilumilira okhumukholera Nyasaye eshitere nende eshiro, ne khubunayi buno nibwo obuchira ninzirwa naba Yaudi Omwami.
\v 8 Ne nishina eshichira mwinywe nimupara mbu shikanyalikha ta mbu Nyasaye yakhalamusia abafu?
\p
\v 9 Toto isie ndaparanga mumwoyo kwanje mbu ekhoyere okhukhola amakhuwa amanji akakana elira lia Yesu wa Nazareti.
\v 10 Khandi ndakholanga endio Yerusalemi, nimboha abanji abobusubiri, olwa ndahebwa obunyali nende abakhulundu baba kuhani,
\v 11 Ne ndatema okhubanichirisia okhunyeka Nyasaye, nebekaliranga khandi akhanji musinagogi tsiabwe tsiosi. Ne olwa ndali noburuma shinga oulalushe, ndabasandia kata okhula khumatokho kabamahanga.
\p
\v 12 Olwa ndali khunjila okhutsia Dameski, nemalile okhuhebwa obunyali nende amalako nabakhulundu babakuhani,
\v 13 mana Omwami khusa yeshitere, ndalola khunjila obulafu oburula Mwikulu obuyomba okhwakha khweliuba, nibwashire khwisie nende abandali ninabo.
\v 14 Ne olwa khwali nikhukwire hasi fwesi, ndaulira omwoyo nikuboola muluyaudi, Saulo, Saulo, mbushina niusandinjia? nobutinyu khwiwe okhuwitsa khubo.
\p
\v 15 Nasi nireba mbu, niwe wina Omwami? Omwami nakalusia, nisie Yesu owosandinjia,
\v 16 Ne bukha sinjira khubilenje, okhuba kano nika achira nekhuloleshera mbu, ekhwaule obe omukhalabani khandi omurumbusi wobuloli khukenako aka olutsi khwisie nende khukenako akandikhulolesheramwo.
\v 17 Ndalakhunininjia mubandu nende mubamahanga.
\v 18 Okhutimbusia tsimoni tsiabwe, mbu bashukhane barule mushirima, bachome mubulafu, nokhurula khubunyali bweshishieno nibachoma khuNysaye. Mbu banyole okhulesherwa ebionono nende obulaame mubenabo abaulwa khulwa okhusubilira isie.
\p
\v 19 Niko akachira Omwami Agrippa shindakhaya kelibiso elirula mwikulu ta.
\v 20 Ne ndaranjilira okhurumbulira ebe Dameski mberio, mana Yerusalemi nende mushialo shiosi shiebuyaudi, khandi nende mumahanga shinga olwa bakhoyere okhwikalukhasia, nibashukhanira Nyasaye, nibakhola ebikhole ebifwana nende obulunjishi.
\p
\v 21 Niko akachira Abayaudi nibandira Muhekalu, nibenya okhunzira.
\v 22 Kho nimumalire okhunyola obuhabini oburula khuNyasaye, esinjiranga kata okhula olwa lelo, nirumbulira bosi abakhongo nende abatiti akobuloli nindabola likhuwa liosi ta, habula akabalakusi nende Musa baboola mbu, kaletsa.
\v 23 Shinga Kristo Oyo olwa okhoyere okhusalira khandi shinga olwa yakhabe owambeli okhulakhamukha okhurula mubafu, naboola ario akobulafu khubandu beene khandi nende khubamahanga.
\p
\v 24 Ne olwa yaboola okokhwitetea ario, Festo yaboola nende omwoyo omukhkngo mbu, Paulo, olalushe? okhusomakhwo okhunji khukhukwisiye omulalu.
\v 25 Naye Paulo naboola mbu, shindalalushe tawe owoluyali Festo, nambola amakhuwa kobwatoto muburecherefu.
\v 26 okhuba Omundu yamanyira elala amakhuwa kano kosi, nasi enyala okhubola kobulamba imberiwe, okhuba emanyile obulayi mbu, libulaholikhuwa liosi mukano eliamubiswa ta, shichira kano shikekholekhanga mumebiswi ta.
\v 27 Omwami Agrippa, osubiriranga khubalakusi? emanyile shinga olwa osubiranga,
\v 28 Agrippa namubolera, Paulo mbu, mushise eshititi wenyanga okhukhola OmuKristo?
\p
\v 29 Naye Paulo nakalusia, ndakhekombere imberi waNyasaye mbu kata nibuli mubwimbichiti noho muburambi iwe halala nende bosi abambuliranga inyanga ino mwakhabere shinga isie, okhurusiakhwo eminyololo chino
\v 30 Mana Omuruchi nabukha nende Kafuna yesi, nende Berenike, nende abali nibekhale ninabo.
\v 31 Ne olwa bali nibarulire, babolana mbu, Omundu uno shakholire likhuwa liosi elikwanire okhufwa kata okhuboywa ta.
\p
\v 32 Mana Agrippa namubolera Festo mbu Omundu uno yakhebalwe, alaba nalasabile okhutsia ewa Kaisari ta.
\c 27
\cl Ebikhole Bia Abarume 27
\p
\v 1 Ne olwakabusibwa mbu khutsiririre muliaro, ebultalia, bahana Paulo nende ababoye bandi mumakhono komulindi welira mbu Juliasi oweinga'anda ya Agasto.
\v 2 nikhwinjira muliaro lindi lia Aadramito eliali niliri okhutsia khumatala akali khulukuku lwa Ashia, nikhuchaka oluchendo. Nikhuli nende Aristoriko omumaKedonia wa Thesolonike.
\v 3 Mana inyanga yalondakhwo, nikhula eSidoni, naye Julias yamukholera Paulo akeshibera. namuheresia obulakhule bwokhutsia ewabetsabe bokhumukhonya.
\v 4 Nikhurulayo nikhubira elubeka lwa Kipiri mbu khwishinje khumuyeka shichira kwali nikurulanga imbeli wefwe.
\v 5 Ne olwa khwali nikhubirire khunyanza eyirondokhane nende Kilikia, nende Pamufilia khwola
\v 6 Mira litala lindi lia Likia ebweneyo
\v 7 Ne olwa khwali nikhuchendire kahala tsinyanga tsinyinji nikhuula ahambi nende Nido khulwa okhutiika khubutinyu bwoluchendo; mana okhuba omuyeka kwakhukhaya, khwabirira olubeka lwa kirete, mbu khwishinje khumuyeka nikhuengana nende Salumone.
\v 8 Nikhutiika nikhutsililira khurio nikhulondoola khulukuku lwashio okhuula habundu ahalangwa mbu Obukobelo Obulayi; ne ahambi nende ebweneyo lialiho litaala li Lasea
\p
\v 9 Ne olwa tsinyanga tsiali nitsihweele tsinyinji, khulwa obubunji bwoluchendo obwali imberi, shichira tsinyanga etsiokhuhonjelamwo inzala tsiali nitsimalile okhubira, Paulo yabachesiyia,
\v 10 Nababoolela mbu abasaatsa bashianje, enduutsi mbu oluchendo luno lwitsa okhuba omunyakhano nende okhwifwira oburali khumisiiko nende eliaro bionyene ta,
\v 11 habula Omuseesia yahulira akomwene eliaro nende omukhulundu walio okhushila akeenako aka paulo yaboola.
\v 12 Ne okhuba obukobelo obwo shibwakaasaga okhwikhalamwo mumiesi chiosi chiomunyiri ta, abanji khubo bakhuchesiyia mbu khurule yaho, khuule eFoinikise nikabanikanyalikha, khwikhaleyo mumiesi chiomunyiri nibwo obukobelo bundi bwe Kirete, nikhuhenjire mumbo ahambi ebukwe okhula ahambi muumbo.
\v 13 Kho olwa omuyeka okhurula muumbo kwahuutsa kahala mbu banyoolire eshia bali nibeenyire, nibara eshiralisio nibachaka khandi oluchendo muliaro nibalondola ahambi khulukuku lwe Kirete.
\v 14 Ne olunyuma lweshise eshitiiti butswa, omuyeka kweimbumbuyeka okulangwa mbu Eurakilo kwahuutsa okhurulayo nikukhuupa;
\v 15 ne olwa eliaro liatiirwa, niliranyala okhuchooma omuyeka aha kurula ta, khwalekha okhuluumana ninakwo, nikhwirusibwa bwirusibwa.
\v 16 Mana nikhwirukhanga khurio, nikhuchingungwa neshikhalachinga eshitutu eshialangwa mbu Kauda, khwali ne mirimo eminji nikhwitsa ne liaro.
\v 17 Ne olwa bali nibakhakhwesire nibakharusia mumatsi babukula ebiokhwikhoonyera, nibabisilia emikoye hasi we liaro nibaboha khulwa okhulitinyisia ne shichira bariitsanga mbu baakhetuya khumuyeshe ahalangwa mbu Siruti, beshia ebiokhuchesiria nibirusibwa.
\v 18 Ne olwa khwali nikhunyakhananga muno khulwa imbumbuyeka, inyanga yalondakho bachaka okhusukuna emisiiko mumatsi nibanguyia eliaro.
\v 19 Ne khunyanga ya khataru abeene namakhono kabwe bafuuba ebimanulwa bindi ebiomuliaro mumatsi.
\v 20 Ne kata eliuba nomba tsing'ining'ini shibiakhuloleshera mutsinyanga tsinyinji ta, khandi imbumbuyeka ikhongo yakhufimba; kho obwikombi bwosi bwokhuhonibwa bwakhurulakhwo pe.
\p
\v 21 Ne olwa bali nibahonjire inzala eshise eshirambi, Paulo yasinjira hakari mubo naboola mbu Abasaatsa bashianje, mwali nimukhoyire okhumbulira, obularula eKirete nikhunyoola okhusaalira khuno nokhufwirwa ta.
\v 22 Nebutswa bulano emuchesiyia mbu muume tsikholo, okhuba omundu yesi mwinywe shiyeetsa okhufwa ta, habula eliaro lionyene.
\v 23 Shichila mushiro shino malaika wa Nyasaye omweneyo olwa endi owuwe, khandi owa ekhalabaniranga, asitire ahambi ninasi.
\v 24 Naboola mbu Paulo olaria ta; okhoyire okhusinjila imbeli wa kaisari; ne lola, nyasaye okhuheere abo bosi aba ochendanga ninabo.
\v 25 Khulwako abashianje muume tsikholo; okhuba esuubilanga nyasaye, mbu kalaba kario shinga olwa emboolelwe.
\v 26 Habula mbu khukhoyire okhwikhupa khushikhalachinga shindi.
\p
\v 27 Ne olwa eshiilo shioola shielikhumi na khane, nikhusukunwa eyi nende eyi khunyanza ya Adiria, mushiro hakari abakholi abomuliaro bapaara mbu bakhaba nibasitanga ahambi nende eshialo shindi;
\v 28 Nibeeshia omukoye mumatsi okhucheraa, nibanyoola mbu netsifuti eshikhumi na makhumi kabiri: olunyuma lweshise eshitiiti nibachera khandi, nibanyoola tsifuti amakhumi shienda.
\v 29 Nibaria mbu khwakheekhupa khutsinyanda; kho nibeeshia ebiralisio bine mumatsi inyuma weliaro, nibasaba mbu bushie.
\v 30 Ne okhuba abakholi bo muliaro bali nibeenya okhwirukha eliaro, ne bali nibeeshiye akhaaro mumatsi, nibekoyokoyia shinga abeenya okhuyiira ebiralisio okhurula muliaro hamurwe kwalio,
\v 31 kho Paulo naboolera Omuseesia nende abasikari mbu, bano nibalatong'a muliaro, shinamunyale okhuhona tawe.
\v 32 Mana abasikari nibateta emikoye chiakhaaro mbu khakwe.
\p
\v 33 Ne olwa bwachaka okhushia, Paulo yabanichirisia bosi abali khushilibwa, mbu lero lukhola ekhumi nakhane nimulindanga, nimuhonganga inzala nimulalia eshindu ta.
\v 34 kho chame muliekhwo khulwo buhoni bwenywe, shichira kata olwoya lulala lweliswi liokhumirwe chienywe shilulakorakhwo ta.
\v 35 Ne namalile okhubola ario, nabukula omukate, bakhupa orio khuNyasaye imbeli was bosi, nasonyola nachaka okhulia.
\v 36 Mana bosi nibalema emioyo, nibabukula ebiokhulia nibalia.
\v 37 Ne fwesi abali muliaro khwali abandu ebikhumira bibiri, amakhumi musafu nende basasaba.
\v 38 Ne olwa bali nibamalire okhulia nibekure, basukuna ingano yabali ninayo mumatsi, okhwanguyia eliaro.
\p
\v 39 Ne olwa bwashia mukamba, shibamanya eshialo eshiabalimwo ta, ne balola omukhono kweinyanza okwali nende olukuku lwomuyeshe, nibachera, nibaba nibakhanyala okhwishia eliaro mubwenomwo.
\v 40 Kho nibebala ebiralisio, nibabilekha mumatsi, khandi nibatendeyia emikoye chiebilunjisio, nibabambula litanga liemberi khumuyeka nibachoma khulukuku olwo.
\v 41 nibetsukhana nibola ewa amatsi kabukananga, nibatuya eliaro khwiloba. Omurwe kweliaro nikuhanda, nikulanyala okhusitibwa ta, habula inyuma liachaka okhurandukha, khulwa amani kamarunda.
\p
\v 42 Abalindi nibenya khwira ababoye, mbu yesi yesi aleshe okhwerema yeonokosie.
\v 43 Ne Omusesia yali niyenya okhuhonokosia Paulo, kho yakaya mbu barakhola bario ta, nalaka mbu abamanya okhwerema bereme mumatsi, babe abaranjirira okhula khulukuku.
\v 44 Nabo abatong'a bandi, khutsimbao, abandi khubindu bindi biomuliaro, kho bosi nibahonokokha nibola khulukuku shisale.
\c 28
\cl Ebikhole Bia Abarume 28
\p
\v 1 Ne olwa khwali nikhumalire okhuhokokha, khwamanya mbu, eshikhalachinga esho shilangwa mbu Malita,
\v 2 Abene eshialo esho nibakhulolera eshisa okhushira, okhuba babwana omuliro, nibakhwinjisia fwesi, khulwa ifula yaliho khandi omunyiri omunji.
\v 3 Ne olwa Paulo yali natoberesinjia obukakati bwetsikhwi, Inzokha yarulamwo khulwa omuliro, niibohasia khumukhonokwe.
\v 4 Ne olwa abandu ba Malita balola inzokha khumukhono kwa Paulo, babola mbu omundu uno shachweya okhuba omubii ta, shichira kata nahonokoshe munyanza obwatoto bwa Nyasaye shibumufuchirira okhumenya ta.
\v 5 Naye naresia omukhono mumuliro inzokha niikwamwo nalasalirakhwo ta.
\v 6 Nabo bali nibamanyire mbu alafimba kata okhukwa hasi nokhufwa, ne olwa bahenga nibalalola liosi libii nilikhola ta, bamala balukhasie mbu omundu uno nomunyasaye.
\p
\v 7 Mushialo esho chialimwo emikanda chiomundu omukhulundu owomushikhalachinga eshio owalangwa mbu, Pablio, naye yakhwinjisia nakhulinda tsinyanga tsitaru nakhukosia muno.
\v 8 Naye samwana Pablio yali nakonire nalwala omurengo nokhunyalala amatsai. kho Paulo yenjira ewa yali nasaya namurakhwo emukhono namuhonia.
\v 9 Olwa abandu beshikhalachinga balola eshiali nishikholeshe, barera abandu bosi abali abalwale. nabo nibahonibwa.
\v 10 Nibakhuheresia oluyali muno, mana olwa khwarula yo, bakhumanusia biosi ebiakhwali nikhubula
\p
\v 11 Lunyuma lwemiesi chitaru, khwarulayo muliaro lindi lia Alekisandaria, eliali mushikhalachinga eshio emiesi chiomunyiri halali liali nelira mishialo shalio mbu, abasiani bamakhwana.
\v 12 Mana nikhula eSiriku khwikhalayo tsinyanga tsitaru.
\v 13 Nikhurula yo nikhwambukha Regio, mana olunyuma lweinyanga ndala, omuyeka kwachaka okhuutsa okhurula eSauthi, mana khunyanga yakhabili nikhuula Eperula.
\v 14 Ebweneyo khwanyola yo abanabefwe bandi, nibakhusaya mbu khwikhaleyo ninabo tsinyanga musafu, nikhula Eroma khurio.
\p
\v 15 Ne abana befwe olwa baulira akefwe, barula ebweneyo nibetsa okhwakanira okhula khushiiro shia Apia nende ha Mikahawa Chitaru. ne olwa Paulo yabalola, yakhupira Nyasaye orio, nalema omwoyo.
\v 16 Ne olwa khwenjira Roma, Paulo yafuchilirwa okhumenya yenyene nende omulindi.
\p
\v 17 Mana olunyuma lwetsinyanga tsitaru, yalanga abakhulundu babaYaudi mbu bakhung'ane, yachaka nababolera mbu isie, bana befwe shindakhola likhuwa liosi liokhufukula abandu nende kata ebima biabakuka befwe ta, ndahanwa mumakhono kabaRoma, nendi omuboye okhurula Yerusalemi.
\v 18 nabo lunyuma lwokhunoona, benya mbu bandeshe, shichira shibanyola eshifune mwisie eshichira banzire ta.
\v 19 Ne olwa abaYaudi bakhaya, ndalola mbu nobulayi okhuhabira Kaisari. Nebutswa shindalikhwo nende elia enzira ninalio mwihanga liefwe ta.
\v 20 Niko akachilire nemulanga mbu embolekhwo ninenywe. okhuba eshia Israeli inayanga, nishio eshichira nemboywa eminyololo chino.
\p
\v 21 Nabo nibabola mbu shikhwanyolirekhwo okhurula Yerusalemi khumakhuwa yako ta, kata abulao owomubana befwe wetsire yino okhurera amakhuwa kata okhubola libii liosi khwiwe ta.
\v 22 Ne khwenya okhuulira mumunwa kukuo omwene aka oparanga, okhuba khumakhuwa komwaukho kano kakhumanyishire ifwe shinga olwa kufukulungwa buli habundu.
\p
\v 23 Ne olwa balinibamulachire inyanga, bamwitsira ewa yamenyanga, abandu abanji muno. naye nabebaliira, narumbula akobuloli khubwami bwaNyasaye, nabechesia khumakhuwa ka Yesu, mumalako ka Musa, khandi mubalakusi, okhurula mutsuli okhula olwa bwera.
\v 24 Abandi nibenya okhusubira yako akabolwa, abandi nibakhaya.
\v 25 Ne olwa bakhaya okhufuchirisania abene khubene, bachaka okhwinyokha, olwa Paulo yali namalile okhubola likhuwa elala mbu, Roho mulafu yabolela abakuuka benywe mumunwa kwa Isaya mbu,
\q
\v 26 otsie khubandu bano obole mbu, okhuulila muulila ne nimulamanyirisia ta, okhuhenga muhenga ne, shimulola ta.
\v 27 Shichira emioyo chiabandu belihanga lino, chiasiruala, amarwi kabwe nako kekala, khandi tsimoni tsiabwe tsiatimbile baleshe okhulola netsimoni tsiabwe, nibaulira namarwi kabwe, nokhumanya eshisina nemioyo chiabwe nokhushukhana nibahonibwa.
\p
\v 28 Kho kamanyishe mbu obuhonia bwaNyasaye buno buyalirwe abamahanga, nabo bosi baulile.
\v 29 Ne olwa yali nabolile amakhuwa yako, nibenyokha nibayingana muno abene khubene
\p
\v 30 Yamenya yo emiyika emilamba chibiri munzu eya yarunjiranga omurungo, niyenjisinjia bosi abatsitsanga ewa yali.
\v 31 Niyerwatsanga obwami bwa Nyasaye, niyenjisinjia akali khuMwami Yesu Kristo katong'ane, omundu yesi nalamukaya ta.