lrm_reg/44-JHN.usfm

\id JHN
\ide UTF-8
\h Yohana
\toc1 Yohana
\toc2 Yohana
\toc3 jhn
\mt Yohana
\c 1
\cl Yohana 1
\p
\v 1 Mukhuchaka likhuwa lialiho, nalo Likhuwa liali nende Nyasaye naye Likhuwa yali Nyasaye.
\v 2 Omwenejyo yaliho mukhuchaka nende Nyasaye.
\v 3 Ebindu biosi biakholwa nende ye, nalali ye shibulaho shiakholwa shiakholwa ta.
\v 4 Muye mwali nende obulamu nende obulafu bwabandu.
\v 5 Nabwo obulafu bwakhanga mushirima, nasho eshirima shishibushira ta.
\p
\v 6 Khwali nomundu warumwa nende Nyasaye welira mbu Yohana.
\v 7 Omwenoyo yetsa shinga omukobosheri khubulafu mbu abandu bosi basubire muye.
\v 8 Yeshiyali obulafu ta, ne yarumwa mbu akoboshere obulafu obwo.
\v 9 Nibwo bwali obulafu bwatoto, obwashira buli mundu owitsa mushialo.
\p
\v 10 Yali mushialo, nasho eshialo shiakholwa muye, ne eshialo shishiamumanya ta.
\v 11 Yetsa khubali abebe nabo abebe shibamwinjisia ta
\v 12 Ne khubalia abamwinjisia, yabaheresia obunyali okhwikhola abaana baNyasaye, mbu yabo abasubirira muliralie.
\v 13 Abenabo shibebulwa khumabanga ta, kata shibebulwa khulwa okhwenya khwomubiri, kata obwenya bwomundu ta, ne mbu khubwenya bwaNyasaye.
\p
\v 14 Likhuwa Likhola omubiri, Nilimenya mwifwe, nikhulola oluyali lwe, oluyali shinga lwoMwana omuterwa wa Papa niyetsulwemwo obukosia nende obwatoto.
\p
\v 15 Yohana yaboola akobuloli khuye, nalanjirisia ari, uno niye owandamuboolera mbu owitsangu inyuma wanje ashira isie, shichira yali imberi wanje.
\v 16 Ne ifwe fwesi khwanyolirekhwo khwimwitsulukwe, khandi obukosia khu, bukosia.
\v 17 Okhuba amalako kahanwa okhubirira khu Musa, ne obukosia nende obwatoto fitsire nende Yesu Kristo.
\v 18 Abulaho owalola Nyasaye inyanga yosi ta, habula Omwana omuterwa oubetsanga khushirifu shia Papa neye oumufwimbule.
\p
\v 19 Ne buno nibwo obuloli bwa Yohana, olwa abaYaudi baruma abakuhani nabalawi okhumureba mbu niwe wina?
\v 20 Naye nabakalusia nalaloba ta naboola mbu, isie shindi Kristo ta.
\v 21 Nibamureba mbu okhali wina? Eliya noho? Naye naboola mbu shindi isie ta, ne oli omulakusi oyo? nakalusia ari tawe.
\v 22 Kho nibmureba mbu, niwe wina? mbu khubakalusirie likalusio abakhurumire.
\v 23 Naye naboola ari, endi omwoyo kwa oyo oulanjirisinjia mushitsimi ari, mukololosie injira yoMwami, shinga Isaya omulakusi yaboola.
\p
\v 24 Ne abarumwa abo bali nibarulile ewaFarao.
\v 25 Nibamureba, nibamuboolera mbu, obatisinjia mbushina noba nolali Kristo kata Eliya kata Omulakusi?
\v 26 Yohana nabakalusia ari, esie embatisinjia nende amatsi, ne oundi asinjire hakari wenywe owamukorirwe,
\v 27 owitsa inyuma wanje, okhoyere okhushira, shingwanire okhuboholola emikoye chiefilaro fie ta.
\p
\v 28 Amakhuwa kano kekholekha muBethenia, injerekha waYorodani.
\p
\v 29 Inyanga yalondakhwo Yohana yalola Yesu niyetsanga ewa yali, naboola mbu, lole, Likondi lia Nyasaye Libukula tsimbi tsie Eshialo.
\v 30 Uno niye owandaboolakhwo mbu, aliho omundnu inyuma wanje, naye yashira, shichira yaliho imberi wanje.
\v 31 Nasi shindamumanya ta, nekekholekha kario mbu, kamanyikhane Mwisraeli mbu ndetsa nibatisinjia namatsi.
\p
\v 32 Yohana yakoboshera akobuloli, mbu ndalutsi Roho niyekha shinga Lihusi okhurula Mwikulu namuyerakhwo.
\v 33 Nasi shindamumanya ta, ne oyo owaruma okhubatisia nende amatsi niyambolera ari, oyo owa witsa okhulola Roho namwikha khwo, omweneyo niye oubatisia nende Rohomulafu.
\v 34 Nasi ndalutsi nemba nobuloli mbu, uno niye Omwana waNyasaye.
\p
\v 35 Inyanga yalondakhwo, Yohana yali nasinjire halala nende abechi babiri,
\v 36 naloola yesu nachendanga, nababoolera mbu, lole, Likondi lia Nyasaye.
\v 37 Abechi babili yabo nibamuulira naboolanga, nibalonda khu Yesu.
\v 38 Yesu nashukhana nalola nibamulondangakhwo, nabareba mbu, mukhabanga shina? Nabo nibamuboolera mbu Rabi (likalukhasibwa mbu Omwechesia) omenyire hena?
\v 39 Naye nababoolera mbu, mwitse, mulalola, kho, nibatsia nibalola ewayamenya, nayo yali shinga Isaa yekhumi.
\p
\v 40 Mulala khu babairi yabo abamuulira Yohana nibalondakhwo yali Anderea omusiani wabwe Simioni Petero.
\v 41 Mberio yaranjirira namunyola Simioni Omwana wabwe, namuboolera mbu, khumunyolire Masiya omwenoyo oulangwa mbu Kristo.
\v 42 Yamurera ewa Yesu yali, Yesu namuyenga naboola mbu, niwe Simioni Omwana wa Yohana, olikulikhwa mbu Kefa, likalulwa mbu, Lichina.
\p
\v 43 Inyanga yalondakhwo Yesu yatsia Galilaya, namunyola Filipo namubira mbu, nondakhwo.
\v 44 Filipo yali owa Bethisaida, owomwitokho liabwe Anderea nende Petero.
\v 45 Filipo namunyola Nathanieli, namubira mbu, khumunyolere omweneyo owa Musa yaandika mumalako, khandi nende Abalakusi, mbu, Yesu oweNazareti Omwana wa Yusufu.
\v 46 Nathanieli naboola ari, likhuwa lilayi linyala okhurula Nazareti noho? Filipo namuboolera ari itsa olole.
\v 47 Yesu namulola Nathanieli yetsanga ewa yali, naboola khuye ari, Omwisiraeli watoto ngwoyo, oulalimwo obukatii bwosi ta.
\v 48 Nathanieli namureba ari, Wumanyire orie? Yesu namukalusia namuboolera ari, Filipo nashiakhulola olwa wabere mushisina shioMukhuyu ta, ndakhulola.
\v 49 Nathanieli namukalusia mbu, Rabi, oli Omwana wa Nyasaye, niwe Omuruchi wa Israeli.
\v 50 Yesu namukalusia namuboolera ari, mbu, okhuba ekhuboolere mbu, "ndakhulola noli mushisina shioMukhuyu niko akachira nosubira? Witsa okhulola amakhongo okhushira kano.
\v 51 namuboolera mbu, toto mwene emuboolera mbu, mulalola Likulu nilikushe nabaMalaika baNyasaye nibanina, nibekha khuMwana woMundu.
\c 2
\cl Yohana 2
\p
\v 1 Inyanga yakhataru, shialiho eshiesrero Ekana yaGalilaya, naye Yesu yaliyo.
\v 2 Naye Yesu nende abechibe balangwa mushiserero,
\v 3 Ne olwa balema Idivai Nyina Yesu namuboolera mbu shibalikwo nende Idivai ta.
\v 4 Yesu namuboolera mbu, Omukhasi obere orie nonasi? Eshise shianje shishiri okhula.
\v 5 Nyina naboolera abakhalabani mbu, liosi elia amuboolera mukhole.
\v 6 Ne tsialiho tsindabu tsisasasba etsiabatswa, etsiamachina, nitsirenjekhwa khulwa eshima shiaBayaudi shiokhwiyosia, buli ndala niiyera tsisiongo tsibiri nomba tsitaru.
\v 7 Yesu nababoolera mbu, mwitsusie amatsi mutsisiongo okhula khululika.
\v 8 Nababoolera mbu, tayekhwo bulano mumuyirire omukhongo wobucheni, nibakhola bario.
\v 9 Ne olwa omwinjisi wabacheni yakonyakhwo amatsi akali nikakwira Idivai, nalamanya ewakarulire ta, habula abakhalabani abali nibakatayire amatsi yako bamanya, omwinjisi wabandu yalanga mwene shiserero.
\v 10 Namuboolera ari, abandu bosi baranjiriranga nibarenjekha Idivai indayi, mana olwa Abandu baba nibakhanywa, bamalanga barera eyilali indayi ta, nawe obishire Idivai indayi okhula bulano?
\v 11 Buno nibwo obuchachiro bwebilolero, Yesu yakholera muGalilaya, nalolesia oluyali lwe, Abechi nibamusubirira.
\p
\v 12 Olunyuma yakholomokha natsia Kaperinaumu, ye mwene nende Nyina nende abaana babwe, nende Abechibe. Ne shibamenya tsinyanga tsinyinji ta.
\p
\v 13 Ne olwa Ipasaka yabaYaudi yali ahambi okhuula, naye Yesu natikulukha natsia Yerusalemu.
\v 14 Nanyoola balia bobukhala muHekalu, nibakusinjia Tsing'ombe, Amakondi, Amahusi nende abakalukhasia bamang'ondo nibekhale.
\v 15 Ne olwa yali nakasie Omusharati kwetsinzaha, nabarusia boosi muhekalu, nende Amakondi netsing'ombe nasundula amang'ondo kabakalukhasi, nafumamia tsimesa tsiabwe.
\v 16 Nababoolera abakusi bamahusi ari, yinie ebindu bino, mulakhola Inzu yaPapa ibe Inzu yeinganga ta.
\v 17 Abechi nibetsulira shinga olwa kahandikwa, Obulumirifu bweinzuyo bulandia.
\p
\v 18 Kho abaYaudi nibamureba bari, neshilolero shina eshia okhulolesia, olwa okholanga amakhuwa kano?
\v 19 Yesu nabakalusia nababoolera ari, Sambulule Ihekalu yino, mana mutsinyanga tsitaru ndalachisinjisia.
\v 20 Kho abaYaudi nibakalusia nibaboola mbu, Ihekalu yino yakasibwa khumiika amakhumi kane nachisasaba, nawe nochisinjisie khutsinyanga tsitaru?
\v 21 Ne yali naboola khukeihekalu yomubilrikwe.
\v 22 Kho mana olwa yali nalamushe mukhufwa, abechi nibetsulira shinga olwa yaboola amakhuwa ako, nibasura amahandiko, nendelikhuwa liene elia Yesu yali naboolere.
\p
\v 23 Ne olwa yali Yerusalemi khuPasaka, khutsinyanga tsielisabo, abanji basubirira elira lie, nibalutsi ebilolero ebia yakhola.
\v 24 Ne Yesu mwene shiyasubirira ta okhuba yamanya abandu bosi.
\v 25 Kata shiyateba mbu, oundi amuboolere okobuloli khubandu ta, okhuba omwene yamanya akali mubandu.
\c 3
\cl Yohana 3
\p
\v 1 Yaliho amusatsa khubaFarisayo welira mbu Nikodemu, Omwimirisi wabaFarisayo,
\v 2 omwenoyo namwitsira Yesu mushiro naboola ari, Rabi, khumanyire shinga olwa oli Omwechesia ourula ewa Nyasaye, shichira abulaho ounyala okhukhola amakhuwa kokholanga narali Nyasaye ouli ninaye ta.
\v 3 Yesu nakalusia namuboolera mbu, Toto mwene ekhuboolera mbu, Omundu nalebulwa olwibulo Oluyia ta, shanyala okhulolakhwo Obwami bwa Nyasaye ta.
\v 4 Nikodemu namureba, Omundu anyala arie okhwibulwa nali omukofu? Anyala okhwinjira olwakhabiri munda wanyina khandi yebulwe?
\v 5 Yesu namukalusia mbu, Toto mwene ekhuboolera mbu, Omundu nalebulwa khumatsi nende khu Roho, shianyala okhwinjira mubwami bwa Nyasaye ta.
\v 6 Eshibulwabomubiri Shiba omubiri, eshibulwa Roho, shiba Roho.
\v 7 Olauka olwa ekhuboolera mbu, mukhoyere okhwibulwa obwibulwi obuyia ta,
\v 8 omuyeka kuutsanga ewa kwenye, oulira obuyoka bwakwo, ne shomanya ewakurula kata ewa kutsia ta, nindio ali buli Omundu owibulwa muRoho.
\v 9 Nikodemu nakalusia namuboolera mbu, amakhuwa yako kanyalikha Karie?
\v 10 Yesu nakalusia namureba ari, niwe omwechesia waIsraeli ne shomanyire amakhuwa kano ta?
\v 11 Toto mwene ekhuboolera mbu, khuboolanga khukakhumanyire, nikhurumbula khukenako akakhwalutsi.
\v 12 Nimba namuboolera amakhuwa koMushialo nimusubirira ta, mulasubiramurie nimba namuboolera akoMwikulu?
\v 13 Ne habulaho Omundu owakulukha natsia Mwikulu, habula omwenoyo owekha narula Mwikulu, niye omwana woMundu Ouli Mwikulu.
\v 14 Ne shinga olwa Musa yachingula Inzokha mushitsimi, nilwo olwa Omwana woMundu akhoyere okhuchingulwa.
\v 15 Omundu Yesu ousubira muye alaba nobulamu bweinziayo.
\p
\v 16 Okhuba Nyasaye yahera muno Eshialo okhula okhuhana Omwanawe Omuterwa, mbu, Omundu Yesu oumusubira shalatiba ta, ne mbu abe nobulamu bweinziayo.
\v 17 Okhuba Nyasaye shiyaruma Omwanawe okhuyasia Eshialo ta, ne mbu Eshialo shihonibwe khululwe.
\v 18 Oumusubirira, shalayasibwa ta, oulasubira ta, amalire okhukhalachirwa, shichira shibasubirire Elira lio Mwana waNyasaye ta.
\v 19 Ne buno nibwo obuyasibwi, mbu, obulafu bwetsa mushialo, ne abandu bachama eshirima, shichira ebikhole biabwe nefibi.
\v 20 Okhuba buli Omundu yesi oukhola tsimbi alobanga obulafu, kata shaba ahambi nobulamu ta, mbu efikhole bie bileshe okhulolekha ta.
\v 21 Oukholanga obwatoto ali ahambi nobulafu mbu, mana ebikhole bie binyale okhulolekha shinga olwa biri ebia Nyasaye.
\p
\v 22 Ne olunyuma lwa amakhuwa kano, Yesu yatsia nende abechibe mushialo shiabaYaudi, nahongayo halala ninabo nabatinyisinjia.
\p
\v 23 Naye Yohana yesi yali nabatisinjia eyo Ainoni ahambi Salimu, okhuba amatsi kali yo amanji, nibatsiayo nibabatisibwa.
\v 24 Okhuba Yohona yali nashire okhurebwa mumboye.
\v 25 kho amarebo nikabaho hakari wa bechi baYohana nende mubaYaudi khumakhuwa kobwisii.
\v 26 Nibatsira Yohana nibamuraba bari, Rabi, Omwenoyo owawali ninaye injerekha wa Yorodani owa wakoboshera mubuloli, Lola Omundutsana abatisinjia, nabandu bosi bamutsitsanga khuye.
\v 27 Yohana nakalusia naboola, mbu, Omundu shanyala okhunyola eshindu nalahebwa okhurula Mwikulu ta.
\v 28 Inywe abeene muli abaloli banje shinga olwa ndaboola mbu, shindi Kristo mweneyo ta, habula mbu ndarumwa okhumuranjirira.
\v 29 Ouli nomweya, niye mwene Arusi, Ne omwitsa wa mwene Arusi niye ousinjiraho namuulira, yekhoyerapo omwoyo kwa mwene Arusi, Niko akachira okhwikhoya khwanje nikhutukha khurio.
\v 30 Ye akhoyere okhumetekha, nasi okhututuha.
\p
\v 31 Oyo ourula Mwikulu abetsanga Ikulu wabiosi, oyo ouli weshialo, abetsanga weshialo khandi aboolanga khukeshialo, Oyo ourula Mwikulu abetsanga Ikulu wa biosi.
\v 32 Akayalutsi nende okhuulira niko akakoboshera, ne abulaho owinjisia Obuloli bwe.
\v 33 Oyo ousubira obulolibwe, anyola eshibalikho khwikhuwa lino, mbu, Nyasaye nowatoto.
\v 34 Okhuba omwenoyo owaNyasaye yaruma aboolanga amakhuwa kaNyasaye, shichira Nyasaye shahananga Roho we khushichero ta,
\v 35 Samwana yahera Omwana, ne amuheresiye ebindu biosi mumukhonokwe.
\v 36 Ousubirira Omwana, ali nobulamu bwobumeri, ne oula musubirira ta, shalolakhwa obulamu ta, ne oburuma bwa Nyasaye buba khuye.
\c 4
\cl Yohana 4
\p
\v 1 Olwa Yesu yamanya shinga olwa abaFarisayo nibaulire mbu, Yesu akholanga abandu abanji okhuba abechi okhushira Yohana omubatisi,
\v 2 nebutswa Yesu mwene shiyabatisia ta, habula abechibe.
\v 3 Yarula ebuYaudi nakalukha eGalilaya.
\v 4 Ne yali nakhoire okhubira muSamaria,
\v 5 Kho yola khwitala Lindi Samaria elilangwa mbu, Sikiri, ahambi nomukunda kwa Yakobo yaheresia Yusufu Omwanawe.
\v 6 Ne Isebere ya Yakobo yali habweneyaho, ne olwa Yesu yali nachonyere khulwa oluchendo, yekhala butswa hasebere, yali shinga Isaa yakhasasaba.
\v 7 Mana yetsa omukhasi omuSamaria okhutaya amatsi, Yesu namuboolera mbu, mberesiakhwo amatsi enywe.
\v 8 Okhuba abechi bali nibatsire mwitokho okhukula ebiokhulia.
\v 9 Kho Omukhasi omuSamaria namureba mbu, Kali Karie iwe omuYaudi okhusaba isie amatsi kokhunywa olwa endi OmuSamaria? okhuba abaYaudi shibanywerananga nende abaSamaria ta.
\v 10 Yesu nakalusia namuboolera mbu, niwakhamanyire eshihanwa shia Nyasaye, nende oukhusabanga amatsi, mbu niwina, khane nawe wakhamusabire akhuheresie amatsi kobulamu.
\v 11 Omukhasi Oyo namuboolera mbu, Omwami, kata shiokhutayira amatsi tsana obula, khandi nasho eshisima shiri hasi muno, kho wakharusia hena amatsi kobulamu?
\v 12 Iwe oshira Kuka wefwe Yakobo owakhuheresia Isebere yino? Omwene yanywetsangamwo nende abanabe nende Tsing'ombe tsie.
\v 13 Yesu nakaluysia namuboolera, buli Mundu ounywakhwo amatsi kano alanyola obuloo khandi,
\v 14 Naye Yesi oulanywa khumatsi kandala muheresia, shialanyola obuloo khandi ta, ne amatsi aka emuheresia kalaba muye Isebere yamatsi kobulamu bwobumeri.
\v 15 Omukhasi namuboolera, Omwami mberesia amatsi yako mbu ndalaulira obuloo ninditsa hano ta,
\p
\v 16 Yesu namuboolera mbu, tsia mana witse nomusatsawo.
\v 17 Omukhasi nakalusia namuboolera, shendi nomusatsa ta, Yesu namuboolera, oboolere habwene, mbu, sholi nomusatsa ta,
\v 18 okhuba wateshibwa nabasatsa barano, ne owa oli ninaye bulano shali omusatsawo ta, oboolere habwene.
\p
\v 19 Omukhasi namuboolera mbu, Omwami, ndakhalola mbu oli Omulakusi.
\v 20 Bapapa befwe benamiranga Nyasaye Mushikulu shino, nenyu muboolanga mbu, Yerusalemi niwabandu bakhoyera okhwinamira.
\v 21 Yesu namuboolera mbu, mama subira mbu, eshise shitsanga eshia mulenamiranga Papa kata Mushikulu shino kata Yerusalemi ta,
\v 22 Inywe mwinamiranga eshiamulamanyire, okhuba obuhonia burula mubaYaudi.
\v 23 Nebutswa eshise shitsanga, ne eshise shulire bulano, olwa abamwinamira Papa mutoto balamwinamira muRoho nende toto, okhuba Papa yenyanga abafwanabario bamwinamire.
\v 24 Nyasaye ni Roho, nabo abamwinari bakhoyere okkhwinamira muRoho nende obwatoto.
\v 25 Omukhasi namuboolera mbu, emanyira Masia ali okhwitsa oulangwa mbu, Kristo, naye olwa Alaba niyetsire alakhumanyia ebindu biosi.
\v 26 Yesu nakalusia namuboolera mbu, Isie ouboolanga ninawe Nisie.
\p
\v 27 Habwene yaho abechibe nibetsa, nibauka muno shinga olwa aboola nende Omukhasi, nebutswa yabulaho awareba mbu, wenya shina, kata mbu, oboolanga niye mbushina?
\p
\v 28 Omukhasi yalekha Isiongo natsia Mwitokho naboolera abandu,
\v 29 Mwitse mulole Omundu oumboolere kosi kandakhola, uno shanyala okhuba Kristo watsana?
\v 30 nibarula mwitala nibatsia ewa yali.
\p
\v 31 Abechibe nibamusaya nibaboola mbu, Lia.
\v 32 Naye nababoolera mbu, endi nende eshiokhulia eshia mulamanya ta.
\v 33 Abechi nibaboolana mbu, oundi amurerere eshiokhulia noho?
\v 34 Yesu nababoolera mbu, ebilibwa bianje nokhukhola ako aka owaruma yenya nende okhumalirisia emirimo chie.
\v 35 Inywe shimuboolanga mbu, chishiri emiesi chine Lichesa litse? lole Isie nasi emuboolera mbu, chingule tsimoni tsienywe muhenje emikunda, mbu chimalire okhuhera okhufunwa.
\v 36 Ouchesa alia omushara, nakhung'asia ebiamo okhula khubulamu bwobumeri, mbu, mana ouraka nende ouchesa, bekhoyera halala.
\v 37 Shichira mukenako obuloli buba obwatoto, mbu mulala araka, oundi achesa.
\v 38 Ndabaruma muchesa ebiamo ebiamulanyakhanira ta, abandi nibo abanyakhana, nenyu mwinjire mubunyakhani bwabwe.
\p
\v 39 Ne obunji bomwitala lia Samaria basubira khulwa likhuwa liomukhasi Oyo, owaboola mbu, yamboolere koosi akandakhola.
\v 40 Olwa abaSamaria bamwitsira, bamusaya mbu, amenye ninabo, naye nakona khabiri.
\v 41 Nibamuboolera Omukhasi Oyo mbu, bulano khusubire,
\v 42 ne shikali khulwa omakhuwa kokhuboolere ta, okhuba ifwe abeene khuulire nikhumanya mbu, toto mwene niye omuhonia weshialo shiosi.
\p
\v 43 Olunyuma lwetsinyanga tsibiri yarula natsia eGalilaya.
\v 44 Okhuba Yesu mwene yaboola mbu, Omulakusi shilikhwo noluyali mushialoshie ta.
\v 45 Mana olwa yetsa eGalilaya, abaGalilaya bamwinjisia, bali nibalutsi Yako kosi aka yakhola Yerusalemi khwisabo, okhuba bosi bali nibetsire kbwisabo.
\v 46 Kho Yesu niyetsa khandi muKana yeGalilaya, ewayakalukhasia amatsi okhuba Idivai, ne yaliyo omukhulundu, woMwanawe yali omulwale muKaperinaumi.
\v 47 Olwayaulira mbu, Yesu arulire ebuYahudi, yetsire Galilaya, yamwitsira, namusaya mbu, akholomoshe ahonie omwanawe, shichira yali nali okhufwa.
\v 48 Kho Yesu namuboolera, mbu, nimulalutsi ebilolero ta shimunyala okhusubira ta;
\v 49 Omukhulundu namuboolera mbu, Omwami, yitsa okholomosheyo Omwana wanje nashiri okhufwa.
\v 50 Yesu namuboolera mbu, "tsia butsia, Omwana nomulamu, mana Omusatsa Oyo nasubira likhuwa lia Yesu yamuboolera, mana natsia butsia.
\v 51 Ne olwa yali nakholomokhanga, abakhalabani bamwakanira nibamuboolera, Omwana nomulamu.
\v 52 Kho nabareba mbu, ne Saa shina olwa ahonire, nibamuboolera shiabere ebise bia musafu omurengo nikumulekha.
\v 53 Kho Samwana namanya mbu, biali ebise bilala ebia Yesu yamuboolera mbu, Omwanawo nomulamu, yemwene nasubira nende Inzuye yosi.
\p
\v 54 Kho shino neshilolero shiakhabiri eshia Yesu yakhola narulile ebuYaudi niyenjira eGalilaya.
\c 5
\cl Yohana 5
\p
\v 1 Olunyuma lwakano, lialiho lisabo lindi liabaYaudi, kata Yesu natsia okhuula Yerusalemi.
\v 2 Ne ebweneyo eYerusalemi, ahambi weshiribwa shiamakondi lialiho litiba elilangwa muluhebrania mbu, Betsisetsa lialiho nende efikoro firano.
\v 3 Habweneyaho omukanda omukhonga kwabandu bamalwale, ababofu, abalema, nibalindiriranga okhutubulwa khwamatsi.
\v 4 Okhuba Malaika woMwami yekhanga mwitiba khunyanga indi, natubula amatsi: mana ouranjirira okhwinjiramwo olunyuma lwokhutulwa, yahonanga obulwale bwe bwosi obwa yali ninabo.
\v 5 Ne yaliho omundu wali nobuteshere emiika amakhumi kataru namunane.
\v 6 Olwa Yesu yamulola nakonire, namanyire mbu, yalinjiho ario oluhoono, namureba, wenya okhukholwa omulamba?
\v 7 Omulwale namukalusi, ari, Omwami shendi nende Omundu onyinjisia Mwitiba olwa amatsi katubuukha ta, olwa emba ninditsanga, oundi yaranjirira okhwikhamwo.
\v 8 Ayesu namuboolera, bukha witushe lichera lio mana ochende.
\v 9 Ne mulwangu yulo, omusatsa oyo nakholwa omulamba, nachinga lichera lie mana nachenda. Ne yali Inyanga yeisabato.
\v 10 Ne abaYaudi nibamuboolera Oyo owali nahonibwe, mbu, yino neiSabato, ne nomusiro okhuchinga lichera lio.
\v 11 Naye nabakalusia ari, omwenoyo oumboniye niye oumboolere, witushe Lichera lio mana ochende.
\v 12 Nibamureba, nimundushina oukhuboolere bukula lichera lio mana ochende?
\v 13 khandi oumboniye Oyo shemumanyire ta, okhuba Yesu yali narulireyo okhuba omukanda omukhongo kwali habweneyaho.
\p
\v 14 Olunyumakhwo, Yesu yamunyola nali muhekalu, namuboolera, mbu, lola omalire okhuba omulamba, olakhola tsimbi khandi ta, likhuwa libii lileshe okhukwira ta.
\v 15 Oundi oyo natsia nababoolera abaYaudi mbu ni Yesu umukholire omulamba.
\v 16 Nilio elichira abayaudi nibachaka okhumunyasia yesu shichira yakholanga amakhuwa yako khuSabato.
\v 17 Naye Yesu nabakalusia, Papa wanje akholanga emirimo kata bulano, nasi siesi ekholanga.
\v 18 Niko akachira abaYaudi nibakhaba okhumwira; shikhuli okhuba mbu, yonoonia Isabato ta, habula shichira yalanga Nyasaye mbu Papa, niyecherasia ario nende Nyasaye.
\p
\v 19 Mana Yesu nakalusia, nababoolera, toto mwene ebaboolera mbu Omwana shanyala okhukhola likhuwa liosi khululwe ta, habula akenako aka alola Papa nakhola. okhuba amakhuwa kosi aka Papa akhola niko aka Omwana akholanga yesi.
\v 20 Khuba Papa yahera Omwana namumanyisia emirimo chia akholanga, ne mbu khandi alamulolesia emirimo emikhongo echisira chino, mbu munyale okhuuka.
\v 21 Okhuba shinga olwa Papa abusinjia nalamusia abafu, nindio Omwana alamusinjia abaachama okhulamusia.
\v 22 Okhuba kata Papa shayasinjia Omundu yesi eshina ta, ne aheranga Omwana nobuyasii bwe bwosi.
\v 23 Mbu mana bosi baheresie Omwana oluyali, oulaheresinjia Omwana oluyali ta, shamuheresinjia Samwana owamuruma ta.
\v 24 Toto mwene ebaboolera mbu, oulira likhuwa lianje nasubira omwenoyo owaruma, ali nobulamu bwobumeri, ne shiyenjira mubuyasibwi ta, nebutsawa amalire okhurula mukhufwa niyenjira mubulamu.
\p
\v 25 Toto mwene ebaboolera mbu eshise shitsanga, kata bulano shimalire okhula olwa abafu balaulira omwoyo kwomwana waNyasaye nabo balakuulira balaba nobulamu.
\v 26 shinga Samwana olwa ali nobulamu bweinziayo, nindio yamunyalira Omwana okhuba nobulamu.
\v 27 khandi yamuheresia obunyali okhukhalaka eshina.
\v 28 Mulauka khukano ta, okhuba eshise shitsanga, olwa boosi abali mubirindwa baliulira Omwoyokwe.
\v 29 nibarulamwo abo abakholanga amalayi, khubulamushi bwobulamu, nabo abakholanga amabii, khubulamshi bwokhukhalachirwa eshina.
\v 30 Esie khulwanje shinyala okhukhola likhuwa liosi ta, shinga olwa emuboliranga, nilwo olwa ekholanga endio, obukhalachi bwanje nobwatoto, shichira shikhabanga okhwenya khwanje omwene ta, habula khwa Papa waruma.
\p
\v 31 Nimba ndirumbulira omwene obuloli, obuloli bwanje shibuli obwatoto ta,
\v 32 Naye oundi niye ourumbulira obuloli, nasi emanyire mbu, oburumbushi bwo ourumbula khwisie nobwatoto.
\v 33 Mwarumire Abandu khu Yohana, naye yarumbule akobuloli bwatoto.
\v 34 Ne shindanyolakhwo obwitsomi okhurula khu Mundu ta, nebutswa emboola amakhuwa kano mbu, muhonibwe.
\v 35 Yohana yali Itaa yakha obulafu, nenyu mweyama okhusangalira obulafubwe tsinyanga tsindutu.
\v 36 Nebutswa endi nobulamba obwitsule okhushira obwa Yohana, okhuba emirimo chia Papa yamberesia mbu emalirisie chiene echio, echia ekholanga, echiene chilolesinjia mbu Papa yaruma.
\v 37 Naye Papa omwene niye owaruma, yaboolire akobulamba khwisie, Inywe shimuulira omwoyokwe tsinyanga tsiosi kata okhulola likondolie ta.
\v 38 Ne likhuwalie shilimenyanga mwinywe ta, okhuba shimusubiriranga owayaruma ta.
\v 39 Murunirisinjia mumahandiko shichira muparanga mbu, muko mulimwo obulamu bwobumeri, nako kaboolanga khwisie,
\v 40 Ne mulobanga okhwitsa khwisie mbu mube nobulamu.
\p
\v 41 Isie shindiyamanga oluyali olurula khubandu ta,
\v 42 ne emumanyire shinga olwa mubula obuheri bwaNyasye.
\v 43 Ndietsa mulira liaPapa ne shimwanyinjisia ta, oundi aletsa muliralie, ne mulamwinjisia,
\v 44 munyala muriena okhusubira oluyali lurula khubashienywe, ne mulakhaba oluyali olurula khuNyasaye ouli mulala yenyene ta?
\p
\v 45 mulapara mbu ndalabasitaka khupapa, abulaho oubakhalachira ta, kata Musa owamwasubira.
\v 46 Mwakhamusubire Musa, mwakhasubire Isie, shichira yaandika khwisie.
\v 47 Ne muba mulasubira amakhuwa keke ta, mulasubira murie amakhuwa kanje?
\c 6
\cl Yohana 6
\p
\v 1 Olunyuma lwamakhuwa yako, Yesu yatsia injerekha weinyanza ya Galilaya, niyo eya Tiberia.
\v 2 Omukanda omukhongo nikumulondakhwo shichira balola ebiilolero ebia yakhola khubalwale.
\v 3 Mana Yesu natsia khushikulu, niyekhalayo halala nabechibe.
\v 4 Ne Pasaka Lisabo liabaYaudi liali ahambi,
\v 5 olwa Yesu yachingula tsimoni, yalola omukanda omukhongo nikumwitsiranga, nareba Filipo nakhukule hena emikate mana bano balie?
\v 6 Ne yaboola kano okhubatema; okhuba omwene yali namanyire eshia yetsa okhukhola.
\v 7 Filipo nakalusia naboola, mbu, kata emikate chietsi dinari ebikhumi bibiri, shichinyala okhubahera buli mundu okhunyolakhwo mutiti ta.
\v 8 Mulala khubechibe mbu, Andereya omwana wabwe Simioni Petero namuboolera mbu,
\v 9 Aliho omuraka hano ouli nende emikate chirano chieishairi nende Tsinyeni tsibiri; ne biakhanyala okhuhera abandu bano?
\v 10 Yesu naboola, khole abandu bekhale hasi, ne bwaliho obunyaasi obunji, kho abandu nibekhala shinga ebikhumira birano abasatsa bonyene.
\v 11 Mana Yesu nabukula emikate, ne olwa yamala okhupa orio yakabira abechi, khandi khubalia bali bekhale khandi nende tsinyeni natsio tsirano, obunji shinga olwa benya.
\v 12 Ne olwa bali nibekure, yabira abechi, mukhung'asie ebisonye ebitong'a eshindu shiosi shileshe okhukora.
\v 13 Kho nibakhung'asia nibetsusia ebikapo ekhumi nabibiri beibisonye biemikate chirano bieshairi ebiali nibitony'ire olwa bali balire.
\p
\v 14 Olwa abandu yabo bali nibalutsi eshilolero shia Yesu yakhola, baboola toto mwene uno nomulakusi, j oyo owitsa mushialo.
\v 15 Mana olwa Yesu yamanya mbu, benya okhwitsa okhumutira namani mbu, bamukhole Omuruchi, yabarulamwo natsia Khushikulu yenyene.
\p
\v 16 Khandi obwire olwa bwali nibwakhola, abechibe bakholomokha nibatsia khuNyanza.
\v 17 Nibenjira muliaro nibambukha Inyanza okhutsia Kapernaumi. Ne shiali eshirima, naye Yesu yali nashiri okhwitsa ewa bali,
\v 18 Nayo Inyanza niichaka okhwirunda khulwa imbumbuyeka ikhongo yali niihutsanga.
\v 19 Ne olwa bali nibasitye eliaro oburambi shinga amakulu amakhumi kabirii nomba amakhumi kataru, balola Yesu nachendanga khunyanza nasita ahambi nende Eliaro, ne bali nende oburi.
\v 20 Naye nababoolera, mularia ta, nesie.
\v 21 Kho nibachama nibamwinjisia muLiaro, ne mulwangu yimo Eliaro nilula ewabali niba tsitsanga.
\p
\v 22 Inyanga yalondakhwo, olwa abandu basinjira khuluchinga lweiNyanza balola mbu, libulaho Eliaro lindi, habula mbu, elala lionyene eliabechibe bali nibenjire mwo, khandi mbu, Yesu shiyenjire muliaro halala nende abechibe ta, ne mbu, abechi batsia bonyene,
\v 23 nebutsa ketsa Amaro kandi okhurula Tiberia ahambi nende abandu wabali nibalire emikate olwa Omwami yali nakhupire mbu Orio.
\v 24 Kho abandu olwa balola mbu Yesu shaliho ta khandi kata abechibe, boosi bamala babukula Amaro nibetsa Kaperinaumu nibakhabanga Yesu.
\p
\v 25 Ne olwa bamunyola nali injerekha weiNyanza, bamureba mbu Rabi, witsire orie yino?
\v 26 Yesu nabakalusi naboola ari, toto mwene ebaboolera mbu shimukhabanga shichira mwalutsi ebilolero ta, habula shichira mwalire khumikate nimwikura.
\v 27 Shimulakholera emirimo ebiokhulia ebisasikhanga ta, habula khulwa ebiokhulia ebibetsangaho okhuula khubulamu bwobumeri, ebia Omwana woMundu alamuheresia okhuba niye owa Samwana Nyasaye yarakhwo eshibalikho.
\p
\v 28 Kho nibamuboolera, shina eshia khunyala okhukhola, kho khukhole emirimo chiaNyasaye?
\v 29 Yesu nabakalusia nababoolera, kuno nikwo omulimo kwa Nyasaye, mbu, musubirire oyo owayaruma.
\v 30 Nibamuboolera mbu, neshilolera shina eshia okhola eshiakhunyala okhulola, mana khusubire ye, nimulimo shina okwa okhola?
\v 31 baPapa befwe balia Manaa mushitsimi shinga olwa kahandikwa mbu, yabaheresia emikate okhurula Mwikulu mbu balie.
\p
\v 32 Mana Yesu nababoolera, toto mwene emuboolera mbu, shiyali Musa owabaheresia omukate okhurula Mwikulu ta, niPapa wanje owabaheresia omukate kwatoto okhurula Ikulu.
\v 33 Shichira omukate kwa Nyasaye nikwo kuno okwikhanga okhurula Mwikulu, khandi nikurera obulamu khushialo.
\p
\v 34 kho nibamuboolera mbu, Omwami tsinyanga tsiosi okhuheresinjie omukate oko.
\v 35 Yesu nababoolera, nesie omukate kwobulamu. owitsa khwisie shalaba Inzala ta, ousubira khwisi shalaulira obuloo ta.
\v 36 nebutswa ebaboolera mbu, enywe mwandutsi, ne shimwasubira ta.
\v 37 boosi abaPapa yamberesia betsa khwisie; naye owitsa khwisie shindalamusukuna erwanyi ta.
\v 38 Okhuba shindekha okhurula Mwikulu okhukhola kokhwenya kwanje ta, habula okhwenya khwa ulia owaruma,
\v 39 ne kano nika akaPapa waruma yenya, mbu, khuboosi abayamberesia endeshe okhukosia kata mulala khubo, habula alamusibwe khunyanga yokhumalirikha.
\v 40 ne khuno nikhwo okhwenya khwa waruma, mbu, buli mundu oumulola Omwana namusubirira, abe nobulamu bwobumeri; nasi ndilimulamusia khunyanga yo bumalirishi.
\p
\v 41 Nabo abYaudi nibabuluula, shichira yaboola Isie nisie omukate okwikha okhurula Mwikulu.
\v 42 nibaboola, uno shali Yesu? omwana wa Yusufu? owa Samwana nende Nyina khubamanyire? kho aboolanga arie bulano mbu, ndekha nirula, Mwikulu?
\v 43 Yesu yamala nabakalusia, nababoolera, mulabuuluule abene ta.
\v 44 Abulaho omundu ounyala okhwitsa khwisie nalali Papa waruma okhumurera ta, nasi ndilimulamusia khunyanga yobumalirishi.
\v 45 Kaandikwa mukabalakusi, mbu, boosi baliechesibwa nende Nyasaye. Buli mundu yesi ouwulira, yeka okhurula khuPapa yetsa khu Ye.
\v 46 Shaliho omundu yesi owamulola papa ta, habula oyo owarula ewaNyasaye niye owamulutsi Papa.
\v 47 Toto mwene ebaboolera, mbu, ousubira, ali nende obulamu bweinziayo.
\v 48 Isie nisie omukate kwobulamu.
\v 49 Abakuka benywe balia Manaa mushitsimi mana bafwa.
\v 50 Kuno nikwo omukate okwitsa nikurula Mwikulu, mbu, omundu oulia aleshe okhufwa.
\v 51 Isie nisie omukate kwobulamu okwitsa hasi nikurula Mwikulu; mbu omundu yesi naba naliakhwo alamenya obushia nobushia; ne omukate kwanditsa okhuhana nomubiri kwanje, okwitsa okhuhanwa khulwa obulamu bweshialo.
\p
\v 52 Kho abaYaudi nibaingana abeene khubene, mbu omundu uno anyala arie okhuheresia omubiri kwe mbu khulie?
\v 53 Kho Yesu nababoolera, toto mwene emuboolera mbu, nimulaliakhwo khumubiri kwoMwana womundu, nende okhunywa khumatsai keke ta, shimulabakhwo nobulamu ta.
\v 54 Oulitsanga khumubiti kwanje, nanywa khumabanga kanje ali neende obulamu bwobumeri; nasi ndilimulamusia khunyanga yobumalirishi.
\v 55 okhuba omubiri kwanje nikwo eshiokhulia shiatoto khandi amatsayi kanje nishio eshiokhunywa shiatoto.
\v 56 Oulitsanga khumubiri kwanje nanywa khumatsayi kanje, amenyanga mwisie nasi muye.
\v 57 Shinga Papa ouli nobnyali yaruma, nasi shinga olwa embetsanga nobulamu khulwa Papa, nilwo olwa owitsanga khwisie ali mbu, alabetsanga nobulamu khulwanje.
\v 58 Kuno nikwo omukate kwekha okhurula Mwikulu; shikuli shinga kwa bakuka benywe balia Manaa nibafwa ta, ouliakhwo alabetsanga nobulamu obushia nobushia.
\v 59 Amakhuwa kano yaboola musinagogi, ne olwa yali niyechesiye Kaperinaumu.
\p
\v 60 Kho abanji khubechibe olwa baulira kano nibaboolanga nibaboola mbu, kano namakhuwa amatinyu niwina ounyala okhukaulira?
\v 61 Ne olwa Yesu yamanya mumwoyokwe mbu, abechibe babuluulanga khuko, yababoolera mbu, likhuwa lino limwisicherasiye?
\v 62 Ne kakhabe karie nimulola Omwana womundu nabukulwa Mwikulu ewayali mukhuranga?
\v 63 Ni Roho ouhanaga obulamu, omubiri shikuhanaga eshindu ta; amakhuwa kano kemubooleranga niko Roho, khandi obulamu.
\v 64 Ne balimwo abandi mwenywe abalasubira ta, okhuba Yesu yamanya abenabo abalasubira ta shinga olwa bali okhurula mukhuchaka nende oyo owitsa okhumukhoba.
\p
\v 65 Mana naboola mbu, niko akachira nimuboolera mbu, abulaho omundu ounyala okhwitsa khwitsa khwisie nalali Papa oumunyalira ta.
\p
\v 66 Okhurula yaho abanji khubechibe nibamulekha nibalalondana ninaye khandi ta.
\v 67 Kho Yesu nababoolera abo ekhumi nababiri, kho mwesi mwenya okhutsisia?
\v 68 Naye Simioni Petero nakalusia, Omwami khutsie hena? iwe oli nelikhuwa liobulamu?
\v 69 Nefu khwasubirira nikhumanya shinga olwa oli omutsienukhu waNyasaye oumenyanga.
\v 70 Yesu nakalusia mbu, shinga ndabaula ekhumi nababiri, mulala khwinywe neshishieno.
\v 71 Ne yali naboolanga khu Yuda Iskarioti wa Simioni, okhuba niye owali niyetsa okhumukhoba, nali mulala khwekhumi nababiri yabo.
\c 7
\cl Yohana 7
\p
\v 1 Ne olunyuma olwea ebindu bino, Yesu yachenda muGalilaya okhuba shiyenya okhuchenda muBayaudi ta, shichira Abayaudi bali nibenya okhumwira.
\v 2 Ne lisabo liabaYaudi, mbu lisabo liamatiri liali niliri ahambi.
\v 3 Abasiani babwe nibamuboolera mbu, rula hano Otsie ebuYaudi, mbu abechibo nabo balole emirimo echia okholanga.
\v 4 okhuba abulaho omundu oukhola likhuwa mumebiswi olwa aba nakhabanga okhumanyikha habulafu tawe, habula kario noba nokhola amakhuwa kano, wilolesie Mushialo.
\v 5 Okhuba kata abasiani babwe shibasubirira muye ta.
\v 6 Mana Yesu nababoolera mbu, eshise shianje shishiri okhula, ne eshise shienywe shibetsangaho khase.
\v 7 Eshialo shishinyala okhubaloba ta, ne shiloba Isie shichira erusinjia obuloli shinga olwa ebima biashio biri ebibii.
\v 8 Mutikulushe mutsie mwisabo, Isie shenzia bulano khwisabo lino ta, shichira eshise shianje shishiri okhula ta.
\v 9 Olwa yali nababoolere amakhuwa yako, yahoonga muGalilaya.
\p
\v 10 Nebutswa olwa abasiani babwe bali nibatikulushe, yesi yatikulukha natsia mwisabo, ne shiyatsia habulafu ta, habulafu shinga mukhwifisa.
\v 11 Ne AbaYaudi nibamukhaba mwisabo, nibareba mbu ali hena?
\v 12 Ne okhumonyana nikhubao okhuunji khukeke. abandi nibaboola, nomundu omulayi, abandi nibaboola tawe akosinjia abandu.
\v 13 Ne butswa yabulaho Omundu ouboola habulafu khuye khulwokhuria abaYaudi.
\p
\v 14 Ne olwa lisabo liali niluulire hakari, Yesu yatikulukha niyenjira muhekalu niyechesia.
\v 15 Mana abaYaudi nibauka nibaboola, yamanya arie amahandiko omundu uno ulasoma ta?
\v 16 Yesu nabakalusia, naboola, obwechesii bwanje shinobwanje omwene ta, nobwa Oyo owaruma.
\v 17 kakhaba Omundu anyala okhukhola amenya ke, alamanya akobwechesii buno nibuba buli obwaNyasaye nomba nimba nimboolanga akanje.
\v 18 Yesi ouboolanga khubububwe, yekhabira oluyali lulwe omwene, nebutswa ekhaba oluyali lwa Oyo owamuruma, omwenoyo nowatoto, kata obushiamu shibuli muye ta.
\v 19 Musa shiyamuheresia Amalako, ne shaliho khwinywe oulindanga amalako; mbushina nimwenya okhunzira?
\p
\v 20 abandi nibakalusia nibaboola mbu, oli neshishieno, niwina owenya okhwira?
\v 21 Yesu nakalusia nababoolera, ndakhakhola omulimo mulala, ne mwesi muchenya?
\v 22 Niko akachira Musa namuheresia eshishebo, shikali mbu shiarula khuMusa ta, habula khuPapa, nenyu khunyanga yeisabato mushebanga Omundu.
\v 23 Kakhaba omundu khunyanga yeisabato anyala okhushebwa mbu amalako kaMusa kaleshe okhufunakwa, mbushina nimusinyikha mbu ekholire omundu okhuba omulamba khunyanga yeisabato?
\v 24 mulakhalakanga khukamulola ta, ne mbu mukhalache obulayi.
\p
\v 25 Ne baboola khubandi baYerusalemi, uno shali niye owabakhabanga okhwira?
\v 26 Lole aboola akabwene, nibalabolakhuye likhuwa ta, khole obukhalachi bulano kamanyikhane mbu uno niye Kristo tsana.
\v 27 Ne butswa khumanyire omundu uno ewa arula, ne olwa Kristo alitsa abulaho omundu oulamanya ewa arula ta.
\p
\v 28 Mana Yesu nalanjisia Mukanisa, niyechesia naboola mbu, mwamanya khandi mumanyire ewa arula, khandi shindayetsa khulwanje ta, ne mbu owaruma nowatoto; omwenoyo shimwamumanya ta.
\v 29 Ne Isie emumanyire okhuba erula khuye, khandi niye owaruma.
\p
\v 30 Kho bakhaba mbu bamutire, ne abulaho owamurakhwo omukhono okhumutira ta, shichira eshiseshie shiali nishishiri okhula ta.
\v 31 Ne obunji bwabandu bamusubirira nibaboola mbu olwa Kristo yakhetse yakhakhole ebilolero ebinji okhushira ebia Omundu uno akholire?
\v 32 Abafarisayo nibaulira khubandu nibamonyanga ebindi shinga bikholeshe khuye; abaFarisayo nabakuhani abakhongo baruma abakhalabani okhumutira.
\p
\v 33 Kho Yesu nababoolera mbu, bulano shishiri eshise eshititi neshiri ninenywe, mana enzie ewa Oyo owaruma.
\v 34 Mulakhaba ne shimulanyola ta, ne ewa enzia shimunyala okhwitsayo ta.
\v 35 Kho abaYaudi nibaboolana abeene khubene mbu, nihena ewa alatsia ewakhulanyala okhutsia ta? alatsia khumusalaano, abali mubaYunani, mbu abechesie?
\v 36 Nelikhuwa shina Elia aboolire mbu, mulakhaaba, ne shimulanyola ta, ne ewa enzia enywe shimunyala okhwitsayo ta?
\p
\v 37 Munyanga yokhuhereresia niyo Inyanga ikhulundu yelisabo, Yesu yasinjira, naboola, Omundu Yesu ouli nobuloho yetse khwisie mana anywe.
\v 38 Ousubirira khsisie shinga olwa amahandiko kaboola, okhurula mundamwe tsisebere tsiamatsi kobulamu chilarula muye.
\v 39 Ne likhuwa lino yaboola khuRoho, owabasubirira balanyola; okhuba Roho mulafu yali nashiri okhunywa, shichira Yesu yali nashiri okhwemekhwa muluyali.
\p
\v 40 Obunji bwabandu olwa baulira amakhuwa yako, baboola mbu, toto mwene uno niye Amulakusi.
\v 41 Abandi nibaboola mbu, uno niye Kristo, nebutswa abandi nibaboola, ne Kristo witsa arula eGalilaya?
\v 42 Shikaandikwa mbu, Kristo alarula mulwibulo Lwa Daudi khandu okhurula mushitonye shia Bethelehemu, ewa Daudi yali?
\v 43 Mana obukabukhani bwamala bubeho mubandu khululwe.
\v 44 Abandi khubo nibenya okhumutira, habula yabulaho owamurakhwo omukhono ta.
\p
\v 45 Kho betsa abakhalabani khubakhulundu babaFarisayo. Mana nibababoolera mbu, mbushina mulamurerire?
\v 46 Abakhalabani nibakalusia, abulaho omundu owuboola shinga Omundu uno ta.
\v 47 Kho abaFarisayo nibakalusia, nenyu mwesi mushiamibwe?
\v 48 Aliho khubakhulundu nomba khubaFarisayo oumusubirire?
\v 49 Ne butswa abandu bali abalamanyire amalako ta, bali mushilaamo shiobubii.
\p
\v 50 Nikodemu nababoolera, Oyo watsera Yesu mushiro owali mulala khubo.
\v 51 Amalako kefu kakhalachiranga Omundu yesi nikashiri okhumurecheresia aka alininako?
\v 52 Nibakalusia nibamuboolera, nawe wesi oli omuGalilaya? khaaba mana olole mbu abulaho omulakusi ourula eGalilaya ta.
\p
\v 53 Ne buli mundu natsia munzu ye.
\c 8
\cl Yohana 8
\p
\v 1 Yesu natsia nashikulu shiemizeituni.
\v 2 Kho mumabwibwi niyenjira muhekalu mana abandu bosi nibamwitsira; niyekhala hasi nabechesia.
\v 3 Abahandichi nende Abafarisayo nibamurerira omukhasi owanyoleresibwa mubuheyi: kho olwa Bali nibamwemiye hakari,
\v 4 Nibamuboolera, Omwechesia, Omukhasi uno anyolekhane mushikhole shiene shiobuheye.
\v 5 Musa mumalakoke yakhulachirisia mbu, balaswe namachina abafwana bario, kho nawe shina shioboola?
\v 6 Ne baboola bario mbu banyole elia bamukhalachira ninalio. Mana Yesu niyenama hasi, nahandika nolwala nafwana shinga oulalolanga tawe.
\v 7 Ne olwa balumirira okhumureba, yachingula omurwe nababoolera, khwinywe naba oubula eshionono shiosi abe owamberi okhumulasa lichina.
\v 8 Mana khandi niyenama hasi nahandika khwiloba.
\v 9 Olwa baulira bario beyasia abeene mumioyo chiabwe okhurula khumukofu okhula khumutiti. Naye Yesu natong'a yenyene nomukhasi niyemire hakari yaho.
\v 10 olwa Yesu yachingukha, nalalola Omundu Yesu ta, halali omukhasi, namuboolera, Omukhasi, Bali hena abakhusitachire? Shaliho Omundu oukhukhalachire eshina ta?
\v 11 Naye naboola mbu abulaho Omundu Omwami. Mana Yesu namuboolera, kata siesi shekhukhalachura eshina ta: Tsia ne sholonoona khandi ta.
\p
\v 12 Mana Yesu nababoolera khandi, Isie nisie obulafu bweshialo, ounondakhwo shalachenda mushirima ta, ne alanyola obulafu bwobulamu.
\v 13 abaFarisayo nibamuboolera, wirusirinjia omwene Obuloli, obuloli bwo shibuli obwatoto ta.
\v 14 Yesu nabakalusia nababoolera, kata ndirusiria omwene obuloli, obuloli bwanje nobwatoto, okhuba emanyire ewa ndarula, nende ewa enzia, ne inywe shimumanyire ewa ndarula kata ewa enzia ta.
\v 15 Inywe mukhalachiranga khukomubiri, Isie shikhachiranga Omundu Yesu ta.
\v 16 Kata nimba nikhalakanga, okobukhalachi bwanje nobwatoto; okhuba shendi sienyene ta, habula halala nende Papa owaruma Isie.
\v 17 kosi kahandikwa mumalako kenywe mbu, obuloli bwabandu babiri nobwatoto.
\v 18 Nisie omwenoyo owirusiria obuloli, khandi Papa owaruma yarusiria obuloli.
\p
\v 19 kho nibamuboolera, alihena Papawo? Yesu nakalusia, Shimumanyire Isie kata Papa; nimuba mimwakhamanyire Isie, mwakhamumanyire Papa Yesi.
\v 20 Amakhuwa kano Yesu yaboola nali Hebishiro, olwa Bali niyechesinjia Muhekalu, ne yabulaho Omundu awamutirakhwo ta, shichira eshise shiali nishishiri okhula ta.
\p
\v 21 Kho Yesu nababoolera, enzia khunjira yanje, ne mulakhàaba ne mulafira mubwononi bwenywe, ewa enzia shimulanyala okhwitsayo ta.
\v 22 Kho abaYaudi nibaboola, yetsa okhwiira omwene? shichira aboola, ewa enzia shimunyala okhwitsayo ta.
\v 23 Mana nababoolera, Inywe muli abahasi, Isie endi oweikulu, Inywe muli abeshialo shino, nasi shendi weshialo shino ta.
\v 24 Embaboolera endio inywe mbu, mulafira mubionono bienywe, shichira mulasubiriranga mbu Isie Nisie ta; mulafwa mubionono bienywe.
\p
\v 25 Kho nibamureba, niwe wina? Mana Yesu nababoolera akandamuboolera okhurula mubuchachiro.
\v 26 Endi nende ebindu ebinji biokhubaboolera nende okhukhalaka khwinywe, nebutswa owaruma nowatoto; emboolera eshialo mbu, kalia akandaulira okhurula khuye.
\p
\v 27 Ne shibamanyirisia mbu ababooleranga khuPapa t
\v 28 Mana Yesu nababoolera mbu, olwa muliba mumuchingulire omwana woMundu, habwene yaho mulimanya mbu, Isie nisie, khandi mbu, shikholanga likhuwa khubwanje ta, habula shinga Papa yanjechesia nolwa emboola.
\v 29 Naye ulia owaruma ali ninasi: Papa shiyandekha sienyene ta; okhuba ekholanga kalia akamuchamisia.
\v 30 Olwa yali naboolanga amakhuwako, abanji basubira muye.
\p
\v 31 Kho Yesu naboolera abaYaudi yabo abali nibamusubire, mbu, nimuba nimumenya mwikhuwa lianje, kho mulaba abechi banje toto.
\v 32 Nenyu mulamanya obwatoto, nabwo bulamukhola abalakhule.
\v 33 Nabo nibamukalusi, Ifwe khuli olwibulo lwa Abrahamu khushiri okhubakhwo ababohe khumundu yesi ta, nawe oboola orie mbu, khulakholwa abalekhule?
\v 34 Yesu nabakalusia, Toto mwene emuboolera, mbu, omundu Yesu oukhola obwononi, nomusumba wobwononi.
\v 35 Ne omusumba shamenya munzu Inziayo ta, habula Omwana.
\v 36 Kho Omwana Naba nabakhola abalakhule, mulaba abalakhule toto.
\v 37 Emanyire shinga muli olwibulo law Abrahamu, ne mukhabanga okhunzira shichira likhuwa lianje shiliri nobwiyangu mwinywe ta.
\v 38 Emboola akenako akandalutsu khuPapa, nenywe mwesi mukholanga akamwalutsi khu Papa wenywe!
\p
\v 39 Nibakalusia nibamuboolera, Papa wefwe niye Abrahamu. Yesu nababoolera, nimuba nimuli Abaana ba Abrahamu, khole emirimo chie.
\v 40 Ne bulano mukhaba okhunzira Omundu oumubolera akatoto akandaulira okhurula khuNyasaye; Abrahamu shiyakhola kano ta.
\v 41 Inywe mukholanga emirimo chia Papa wenywe; nibamuboolera mbu Ifwe shikhwebulwa mubuheyi ta, khuli nende Papa mulala niye Nyasaye.
\v 42 Yesu nababoolera, Nyasaye niyakhabere Papa wenywe Khana mwakhanjamire. Shichira ndarula khuNyasaye, okhuba shindetsa khubwenyi bwanje ta, habula ye owaruma.
\v 43 khulwashina mulasubira obuloli bwanje? kachira shimuuliranga likhuwa lianje ta.
\v 44 Inywe muli abaPapa wenywe Setani, ne obwikombi bwa Papa wenywe nibwo obwamwenyanga okhukhola, ye yalinji omwiri okhurula mukhuchaka, nalasinjira mubwatoto ta, shichira obwatoto shibuli muye ta, olwa aboola obubeyi, aboola khukeke omwene: shichira niye omubeyi khandi Papa wabwo.
\v 45 Ne shichira ebabooleranga obwatoto, nenyu shimusubira ta.
\v 46 Niwina khwinywe oukhalachira eshina? Nimba nimboola obwatoto, mbushina mulasubira?
\v 47 ouli owaNyasaye auliranga amakhuwa kaNyasaye, nenyu shimukauliranga ta shichira shimuli baNyasaye ta.
\p
\v 48 kho abaYaudi nibamuboolera mbu, shikhuboolanga habwene mbu oli Omusamaria, khandi oli neshishieno?
\v 49 Yesu nakalusia, shendi neshishieno ta, nebutswa eheresinjia Papa wanje oluyali, nenywe mufwolanga Isie.
\v 50 Nasi shekhabanga oluyali lwanje omwene ta, aliho oukhabanga nende okhuyasia.
\v 51 Toto omwene ebaboolera mbu, omundu Naba nala nalonda amakhuwa kanje, shalalolakhwo lifwa ta.
\p
\v 52 Kho abaYaudi nibamuboolera mbu bulano khumanyire shinga olwa oli neshishieno, Abrahamu yafwa, nende abalakusi, nawe oboolanga mbu omundu naba nalonda omakhuwako shalanyola lifwa ta.
\v 53 Iwe oshira Papa we fwe Abrahamu, owafwa? khandi abalakusi nabo bafwa, wikhola wina Iwe?
\v 54 Yesu nakalusia, nimba ndiheresia oluyali kho oluyali lwanje nibutswa: Papa niye oumberesia oluyali, owa nenyu muboolangakhwo mbu niye Nyasaye wenyu.
\v 55 Shimumumanyire ta, nasi ndamumanya, kata nimba nimboola shindamumanya ta, ndakhaba omubeyi shinga Inywe, nebutswa ndamumanya khandi ekholanga amakhuwa ke.
\v 56 Papa wenywe Abrahamu yasangala okhulola Inyanga yanje; Naye nachilola, nasangala.
\p
\v 57 Mana abaYaudi nibamuboolera, ewe oshiri okhula emiika amakhumi karano; ne wamulola Abrahamu?
\v 58 Yesu nababoolera mbu, Toto omwene embaboolera, mbu, Aburahamu nashiri okhubaho, Isie ndaliho!
\v 59 Kho nibatoola amachina okhumulasa, nebutswa Yesu niyebisa, mana natsia erwanyi weihekalu, natsia nabira hakari wabwe.
\c 9
\cl Yohana 9
\p
\v 1 Ne olwa Yesu yali nabiranga, yalola Omundu owebulwa omubofu.
\v 2 Ne abechibe nibamureba, Omwami, niwina owakhola Tsimbi, nomundu uno noho nabebusibe kho niyebulwa ario omubofu?
\v 3 Yesu nakalusia, shali Omundu uno, kata abebusibe ta, halali mbu emirimo chia Nyasaye chilolesibwe muye.
\v 4 Ekhoire okhukhola emirimo chia Oyo owaruma olwa shishiri eshitere, eshiro shitsanga olwa Omundu alanyala okhukhola emirimo ta.
\v 5 Olwa eshiri mushialo, nesie obulafu bweshialo.
\p
\v 6 Olwa yali naboolire ario, yafutsa amare hasi nakasia litoyi, namubakha Omundu omubofu mumoni.
\v 7 Namuboolera mbu, tsia wiyosie mwitiba lia Siloamu; (obukaluli bwalio mbu, Okhurumwa). Yatsia ario niyeysio nakalukha nalolanga.
\v 8 Mana abamenyanibe nende balia bamulolanga nasaba, baboola mbu, uno shali niye owekholanga nasaba saba?
\v 9 abandi nibaboola uno niye; abandi nibaboola, afwanashinga ye, Naye naboola mbu nisie.
\v 10 Kho yaho nibamureba, mbu, Onyalire orie okhulola?
\v 11 Naye nakalusia naboola mbu Omundu oulangwa mbu Yesu, akasiye Litoyi niyambakha mutsimoni niyamboolera tsia wiyosie Mwitiba lia Siloamu, mana nenzia nindiyosia mana nenyola okhulola.
\v 12 Nibamureba, Ali hena? naboola shemanya ta.
\p
\v 13 Nibamuira khubaFarisayo Oyo owali omubofu.
\v 14 Ne yali Inyanga yeisabato olwa Yesu yakasia Litoyi namubakha mumoni.
\v 15 Kho abaFarisayo bosi nibamureba shinga olwa anyolire okhulola, nababoolera, yarere Litoyi khutsimoni tsianje, mana ndiosia, nenyola okhulola.
\v 16 Naboola khubandi bokhuba Farisayo, Omundu uno shali owa Nyasaye ta, okhuba shalindanga Isabato ta, abandi nibaboola, Omundu omwononi anyala arie okhukhola ebilolero shinga bino? mana obwaukhani bwamala bubeho mubo.
\v 17 Kho nibamureba omundu omubofu khandi, nawe oboola orie khuye, olwa okhutimbusiye tsimoni? Naye naboola, Nomulakusi.
\p
\v 18 Ne abaYaudi shibasubirira mbu yalinji omubofu ta, mbu yanyalirwa okhulola okhula olwa balanga abebusibe.
\v 19 Nabo nibabareba nibaboola, mbu, Uno niye Omwana wenywe owamubolanga mbu yebulwa Omubofu? kho bulano anyolire arie okhulola?
\v 20 Nabo abebusibe nibabakalusia, nibaboola, khumanyire uno nomwana wefwe, khandi mbu yebulwa Omubofu.
\v 21 Ne shinga olwa anyolire okhulola shikhumanyire ta, kata oumutimbusiye tsimoni shikhumumanyire ta; uno nomundu oukhulire, murebe aboole omwene.
\v 22 Amakhuwa yako abebusibe baboola shichira baria abaYaudi, shichira abaYaudi bali nibamalira okhutsubana mbu omundu Yesu nababoolera niyeyama mbu, niye Kristo, arusibwe erwanyi weisinagogi.
\v 23 Niko akachira abebusibe nibaboola mbu, noukhulire, murebe omwene.
\p
\v 24 Kho khandi nibamureba Oyo owali Omubofu, heresia Nyasaye oluyali, Ifwe khumanyire mbu Omundu Oyo nomwononi.
\v 25 Nabakalusia naboola, naba nali omwononi, Isie shemanyire ta, eshindu shilala shiemanyire mbu, ndalinji Omubofu, ne bulano endolanga.
\v 26 Nibamureba khandi, akhukholere shina? akhutimbusiye arie tsimoni?
\v 27 nababoolera, shindamuboolere, nenyu shimuuliranga ta, kho mulaulira khandi? mwesi mwenya okhuba abechibe?
\v 28 Nabo nibamunyeka nibaboola, Iwe niwe Omwechiwe, Ifwe khuli abechibe baMusa.
\v 29 Khumanyire mbu Nyasaye yaboolanga nende Musa, naye Omundu uno shikhumanyire ewa yarula ta.
\v 30 Oyo owali omubofu nakalusia naboola, yako namakhuwa kokhuchenyia mbu shimumumanyire ewa yarula ta, ne yandimbusiye tsimoni tsianje.
\v 31 Ifwe khumanyire mbu Nyasaye shauliranga abetsimbi ta; ne Omundu yesi naba niyenamiranga Nyasaye nende okhukhola akakhoyere, amuuliranga Oyo.
\v 32 Okhurula khukhuchaka khweshialo, okhula bulano lilashibakhwo mbu, Omundu atimbusiye omundu webulwa omubofu.
\v 33 Omundu uno naba shiyarula ewaNyasaye ta, shiyakhanyalire okhukhola liosi ta.
\v 34 Nabo nibakalusia nibamuboolera, Inywe mwesi mwebulwa mutsimbi, ne bulano wenya okkhwechesia Ifwe? nibamulonda erwanyi.
\p
\v 35 Yesi yahulira shinga olwa bamulonda erwanyi, mana olwa yamunyola, namuboolera mbu, osubiriranga Omwana waNyasaye?
\v 36 Nakalusia naboola mbu, niye wina Omwami kho enyale okhumusubira?
\v 37 Mana Yesi namuboolera, mwesi mumulutsi khandi niye ouboolanga ninawe.
\v 38 Naye naboola, Omwami, esubire, mana namwinamira.
\p
\v 39 Mana Yesu naboola, khulwa obuyasii nibwo obwachira nditsa mushialo shino, mbu abalalongata, balole; khandi mbu, abalolanga bakholwe ababofu.
\v 40 Mana abandi khubaFarisayo abaliho ninaye baulira amakhuwa yako nibamuboolera, Fwesi khuli ababofu?
\v 41 Yesu nababoolera, nimuba nimwakhabere ababofu, khane shimwakhabere nende omwononi ta; nebutswa olwa muboolanga, khulola, ombwononi bwenywe bumenyangaho.
\c 10
\cl Yohana 10
\p
\v 1 Toto mwene emuboolera, mbu, oulenjirira mumuliango kweshiko shiamakondi ta, ne aninira okhubirira oundi, omwenoyo nomwifi khandi nomwiri.
\v 2 Ne owinjirira mumuliango, omwenoyo niye mwene Amakondi.
\v 3 Khuye omulindi yekulanga, ne Amakondi nikaulira omwoyokwe, Naye akalanga Amakondi khu mera kako, nakasamusia erwanyi.
\v 4 Olwa akalunjisia Amakondi akali akeke, akemiriranga, nako nikamulondakhwo okhuba kamanya omwoyokwe.
\v 5 Ne butswa omucheni shikalamulondakhwo ta ne mbu kalamwirukha, okhuba shikamanyire Omwoyokwo mucheni ta.
\p
\v 6 Yesu yabacherera oluchero luno nabo shibamanyirisia, mbu, namakhuwa shina aka ababooleranga.
\v 7 Mana Yesu nababoolera khandi, 'toto mwene ebaboolera nesie omuliango kwa Amakondi.
\v 8 Yesi yesi owaranjirira, nomwifi khandi nomunuli, namakondi shikamumanyire ta.
\v 9 Isie nisie Omuliango, Omundu Yesu naba niyenjira, alahonibwa mana alenjiranga mukari nende erwanyi nanyola obwairo.
\v 10 Omwifi shiyetsa butswa halali khulwa, Okhwiba, Okhwira, nende Okhusasia. Isie ndietsa mbu babe nende Obulamu, khandi babe ninabwo Inziayo.
\p
\v 11 Isie nisie omwayi omulai, Omwayi omulayi ahana obulamubwe khulwa Amakondi.
\v 12 Ouli omukholi butswa, nalali Omwayi ta, kata oulali mwene Amakondi ta, alola Eshisutse nishitsanga; nalekha Amakondi niyerukha, mana Eshisutse nishikatira shikasalasia.
\v 13 Omukholi yerukha shichira akholeranga omushara nalatebakhwo Amakondi ta.
\v 14 Isie nisie Omwayi omulayi, ne emanyire Amakondi kanje, nako akanje kamanyire.
\v 15 Shinga Papa yamanya, nasi siesi nda khumanya, ne ehana obulamu bwanje khulwa Amakondi.
\v 16 Khandi endi nende Amakondi kandi akalali keshiko shino ta, kosi kakhoyere mbu engarere, nako kalaulira Omwoyokwanje, mana kalekhola Lituli elala nende Omwayi mulala.
\v 17 Kano Niko akachira Papa wanje niyanjama, shichira ndahana obulamu bwanje, mana ebubukule khandi.
\v 18 Abulaho Omundu oubukula okhurula khwisie, habula ebura hasi omwene, endi nobunyali okhubura hasi khandi okhububukula omwene, Lilako lino ndanyola khuPapa.
\p
\v 19 Bwamala bubeho obukabukhani khandi mubaYaudi khulwa obuloli buno.
\v 20 Obunji mubo nibaboola ali neshishieno khandi mbu, nomulalu, khulwashina nimumuuliranga?
\v 21 Abandi nibaboola, kano shikali amakhuwa koMundu ouli neshishieno ta, Neshishieno shinyala okhutimbusia Omundu tsimoni?
\p
\v 22 Ne tsiali tsinyanga tsielisabo liokhwishia Yerusalemi, khandi tsiali tsinyanga tsiobushindu.
\v 23 Naye Yesu yali nachendanga muhekalu mushirokola shia Suleiman.
\v 24 Kho abaYaudi nibetsa nibamubotokhana, mana. Nibamuboolera, okhula lina olachiranga nikhupaara? Noba noli niwe Kristo, khuboolere katieri.
\v 25 Yesu nabakalusia, ndamuboolera ne shimwasubira ta, emirimo chia ekholanga mulira liaPapa, nichio echirusinjia obuloli bwanje.
\v 26 Nenyu shimusubira ta, shichira shimuli bokhumukanda kwanje ta, shinga olwa emuboolere.
\v 27 Amakondi kanje kauliranga Omwoyokwanje, nasi ekamanyire, nako kanondangakhwo.
\v 28 Khandi abaheresia obulamu bweinziayo; kata shiakalalibwa ta, kata abulaho yesi oukarusia mumukhono kwanje.
\v 29 Papa wanje wamberesia nomukhongo okhushira bosi, ne abulaho Omundu ounyala okhukarusia mumukhono kwa papa wanje.
\v 30 Isie nende Papa bwanje khuli mulala.
\p
\v 31 Kho abaYaudi nibatola a machina mbu bamulase.
\v 32 Yesu nakalusia, ndamumanyiye emirimo eminji emilayi echirulakhuPapa, mulimo shina muchio okuchira nimwenya okhundasa amachina?
\v 33 Nabo abaYaudi nibakalusia, nibaboola, shikuli omulimo omulayi okuchira nikhukhulasa amachina ta, habula, okhunyeka, khandi okhuba Iwe noli Omundu wikholanga okhuba Nyasaye.
\v 34 Yesu nabakalusia, shikahandikwa mumalako kenywe, mbu, Isie ndaboola, Inyw muli abaNyasaye?
\v 35 Nabalanga abaNyasaye abenabo aba likhuwa liaNyasaye lietsera, amaandiko shikanyala okhufinakwa ta.
\v 36 Muboola muriene khumwenoyo owa Papa yaula, namuruma mushialo, akholala (obunyechi) shichira emboolire mbu endi Omwana wa Nyasaye?
\v 37 Nimba nindakholanga emirimo chiaPapa wanje mulasubira ta,
\v 38 ne nimba nichikhola, kata olwa mulasubira Isie ta, Subire emirimo chiene mbu enywe mumanye mbu, Papa ali musie nasi muye.
\p
\v 39 Khulwesho nibakhaba khandi okhumubukula, Naye narula mumukhono chiabwe.
\p
\v 40 Mana narulayo khandi natsia Injerekha waYordani habundu yaho ewaYohana yali nabatisinjia, niyekhalayo.
\v 41 Mana abanji nibamutsira nibaboola Yohana shiyakholakhwo eshilolero ta, nebutswa kosi aka Yohana yaboola khumundu uno nakatoto.
\v 42 Abanji nibamusurira habwenaho.
\c 11
\cl Yohana 11
\p
\v 1 Ne yaliho omusatsa welira mbu Lazaro owa Bethenia litala liabwe Mariamu nende omukhana wabo Maritha, yali omulwale,
\v 2 Naye Mariamu owamubakha Omwami amafura niyeya ebirenjebie neliswilie, owa Lazaro omusiani wabwe yali omulwale.
\v 3 Khulwesho abakhana babwe barumana khuye, nibaboola, omwami Lola, Owa wayanza nomulwale.
\v 4 Ne olwa Yesu yaulira, yaboola mbu, obulwale buno shibuli bwokhufwa ta, habula mbu Nyasaye ahebwe oluyali khubwo.
\v 5 Naye Yesu yayanza Maritha nende Omukhana wabwe nende Lazaro.
\v 6 Kho olwa yaulira shinga olwa yali omulwale, yahongayo tsindalo tsibiri ewa yali.
\p
\v 7 Mana olunyumakhwo yaboolera abechibe mbu, chende khutsie ebuYaudi khandi.
\v 8 aAbechibe nibamuboolera mbu, Omwechesia, AbaYaudi bakhabanga okhulasa amachina, nawe otsiayo khandi?
\v 9 Yesu nakalusia naboola mbu, tsisaa tsieshitere tsishiri ekhumi natsibiri; Omundu naba nachenda mushitere shiyesichirala ta, shichira alola obulamu bweshialo shino.
\v 10 Ne Omundu naba nachenda mushirima yesicherala shichira obulafu shibuli muye ta.
\p
\v 11 Amakhuwa kano yaboola mana olunyumakhwo yababoolera, Omwitsa wefwe Lazaro akonire, nebutswa enzia mbu emubusie mundolo.
\v 12 Kho abechi nibamuboolera, Omwami, naba nakonanga yetsa okhubukha.
\v 13 Naye Yesu yali naboolire khukhufwakhwe: nabo nibapara mbu akonanga Tsindolo.
\v 14 Mana Yesu naboola habulafu mbu, Lazaro afwire.
\v 15 Nasi esangalire khulwenywe mbu shindabereyo ta, mbu mana musubire: nebutswa chende khutsie ewa ali.
\v 16 Mana Tomaso naboola, owalangwa mbu Didimasi, khubechi bashie, chende khutsie fwesi mbu khufwe ninaye.
\p
\v 17 Kho olwa Yesu yetsa yanyola mbu, amalire mung'ani tsinyanga tsine.
\v 18 Ne Bethenia yali ahambi nende Yerusalemi oluchendo shinga lwetsimail ekhumi nende tsirano.
\v 19 Ne obunji bwabaYaudi bali nibetsire ewabo Maritha, nende Mariamu, okhubalemia emioyo khukhufwa khwo musiani wabwe.
\v 20 Mana olwa Maritha yaulira mbu, Yesu yetsanga, yatsia okhumwakanira, naye Mariamu yali nasikale Munzu.
\v 21 Kho Maritsa namuboolera mbu, Omwami, olaba wabereho, Khane omusiani wefwe shikhafwire ta.
\v 22 Ne kata bulano emanyire mbu, shiosi shiosi shia oshaba Nyasaye, Nyasaye akhuheresia.
\v 23 Yesu nababoolera mbu, omusiani wenyu alalamukha khandi.
\v 24 Maritha namuboolera mbu, emanyire mbu alilamukha khunyanga yobulamushi.
\v 25 Yesu namuboolera mbu, Isie nisie obulamushi khandi obulamu, ousubira Isie kata olwa afwa, Alaba omulamu.
\v 26 Naye Ouli omulamu nasubira shalafwakhwota obushia nobushia.
\v 27 Naye nababoolera mbu toto Omwami ekhusubira shinga olwa oli Kristo Omwana waNyasaye owitsa mushialo.
\p
\v 28 Ne olwa yali namalire okhuboola, yatsia elubeka mana nalanga Mariamu omukhana wabwe mukhwibisa, naboola Omwechesia yetsire, akhulanganga.
\v 29 Naye olwa yaulira ario yasinjira lwangu, natsia ewa yali.
\v 30 Naye Yesu yali nashiri okhwinjira mwitokho, bali yaho ewa Maritha yamwakanira.
\v 31 AbaYaudi bali ninaye Munzu nibamulemia Omwoyokwe, olwa balola Mariamu olwa yasinjira bwangu natsia erwanyi nibamulondakhwo, nibaboola, mbu, atsia khushirindwa okhwikhulirayo.
\p
\v 32 Kho olwa Mariamu yali yakhetsa ewa Yesu yali, mana namulola, yakwa mumakuluke namuboolera Omwami, niwakhabereho omusiani wefwe shiyakhafwire ta.
\v 33 Ne olwa Yesu yamulola niyekhulanga nende abaYaudi bosi nibekhulanga abetsa ninaye nashenya mumwoyo naba mubunyakhani.
\v 34 Nareba, mumuyabire, hena? nibamuboolera Omwami yitsa olole.
\v 35 Yesu nalira.
\v 36 Kho abaYaudi nibaboola, lolekhwo shinga yali yachama Lazaro.
\v 37 Ne abandi khubo nibaboola, Omundu uno owatimbisia tsimoni tsiomubofu shiyakhanyalire okhuchira Omundu uno alafwa ta?
\p
\v 38 Mana Yesu nashenya khandi, natsia khushilindwa, Nasho shiali Imbinga yerebwakho Lichina
\v 39 Yesu naboola, rusiekhwo Lichina, Maritsa Omukhana wabo omufu namuboolera, Omwami, bulano aunya, okhuba abere omufu tsinyanga tsine.
\v 40 Yesu nakalusia namuboolera mbu, shekhuboolere noba nosubira, wakhalo oluyali lwaNyasaye?
\p
\v 41 Kho nibarusiakhwo Lichina, Yesu nachingula tsimoni, naboola, Papa ekhupa orio shinga olwa umbulire.
\v 42 Ne emanyire mbu, umbuliranga tsinyanga tsiosi; habula khulwa abandu bano, emboolire likhuwa lino mbu, basubire shinga olwa waruma.
\v 43 Ne olwa yali naboolire ario, yalanga nomwoyo kweikulu, Lazaro, rulamwo.
\v 44 Mana owali omufu narula naboyerwe amakhono nebirenje nende Isanda yeing'ani, ne mutsimoni naboyirwe eshitasi, Yesu nababira, mubolole atsie.
\p
\v 45 Kho abanji khubaYaudi abali nibetsire ewa Mariamu nibalola aka Yesu yakhola mubasubiri.
\v 46 Ne butswa abandi khubo batsia ewaba Farisayo nibababoolera amakhuwa ka Yesu yali nakholire.
\v 47 Mana nibakhung'asia eshina shiabakhulundu babakuhani nende abaFarisayo nibaboola mbu, khukhole khurie? okhuba Omundu uno akholanga ebilolero ebinji.
\v 48 Nikhuba nikhumulekha khurio, abandu bosi balamusubira; mana Abaroma baletsa nibabukula habundu wefwe nende lihanga liefwe.
\p
\v 49 Ne mulala khubo, owelira mbu, Kayafa, Owali Omukuhani omukhulundu omwika kwenoko, yababoolera, shimumanyire likhuwa liosi ta.
\v 50 Kata shimwitsuliranga shinga olwa kakasa mbu Omundu mulala afwire abandu bosi, lihanga liosi lileshe okhukora!
\v 51 Ne shiyaboola yako khululwe omwene ta, habula olwa yali Omukuhani omukhulundu omwika oko, yalakula mbu Yesu yakhafwire lihanga.
\v 52 Ne shikhwali khulwa lihanga ero lionyone ta, habula mbu akhung'asia abaana baNyasaye abali nibasalaanire.
\v 53 Kho okhurula Inyanga eyo, bekhung'asia nibasanjirana mbu, bamwire.
\p
\v 54 Kho Yesu shiyachenda habulafu mubaYaudi khandi ta, ne yenyokha natsia mushialo shiali ahambi nende eshitsimi, mwitala elilangwa mbu Efuraimu, niyekhala yo nende abechibe.
\p
\v 55 Ne Ipasaka yabaYaudi yali ahambi; abanji nibarula Mushialo nibatikulukha Yerusalemi Ipasaka ishiri mbu, besiiye (belinde)
\v 56 Kho nibamukhaba Yesu, nibaboolana abeene khubeene, nibasinjira muhekalu, Mupara murie, shaletsa mwisabo ta?
\v 57 Ne abakhulundu babakuhani nende abaFarisayo bali nibalachirisiye, mbu, Omundu yesi oumanyire ewa ali, abuule, mbu, bamubukule.
\c 12
\cl Yohana 12
\p
\v 1 Mana Yesu tsinyanga tsisasaba tsishiri okhula khu Pasaka, Yesu yola Bethania ewa Lazaro yali, owali nafire nalamusibwa okhurula mukhufwa,
\v 2 yaho bamukholela lisabo, naye Maritha yali nakhalabananga, Lazaro naye yali mulala khubali nibekhale khumesa ninaye.
\v 3 Mana Mariamu nabukula iratili yamafura keshing'ari, kobukusi, nabakha khubirenje bia Yesu, niyeya ebirenje nende liswi lie, inzu yosi niitsulamwo eshing'ari shiamafura yako.
\p
\v 4 Mana mulala khubechibe mbu Yuda Iskarioti omusiani wa Simioni owali nali okhumukhoba naboola,
\v 5 mbushina amafura yako nikalakusibwe, amang'ondo ebikhumi fitaru, kaheresibwa abamanani?
\v 6 Ne shiyaboola ario shichira yaendera abamanani ta, ne shichira yali omwifi, ne yachinganga iloloti, naye yabukulanga ebialimwo.
\v 7 Kho Yesu naboola mbu, leshe Abe, akabishe khunyanga yokhuyabilwa khwanje.
\v 8 Okhuba abamanani mulabetsanga ninabo tsinyanga tsiosi, nebutswa isie shimuli ninasi tsinyanga tsiosi ta.
\p
\v 9 Obunji bwabandu bomubayaudi olwa bamanya mbu aliyo, nibetsa, ne shibetsa mbu, Yesu yaliyo yenyene ta, habula mbu bamulole Lazaro yesi, owa yali nalamusiye okhurula mukhufwa.
\v 10 Ne abakhulundu babakuhani basanjirana mbu, bamwire Lazaro khandi.
\v 11 Shichira mutsinyanga etso abanji khubayaudi barula mubo mana Nibamusubirira Yesu.
\p
\v 12 Mana inyanga yalondakhwo, omukanda omukhongo okwa abali nibetsire khwisabo, olwa baulira mbu Yesu yetsa Yerusalemi,
\v 13 nibabukula amasafu kamashindu, nibarula nibatsia okhumwakanira, nibalanjisia Hosana, yetsomibwe niye omuruchi wa Israeli owitsa mulira lioMwami.
\v 14 Naye Yesu olwa yali nanyolire eshimosi, niyekhalakhwo shinga olwa kaandikwa.
\q
\v 15 Olaria ta omukhana wa sayuni, lola omuruchiwo yetsa niyekhale khushimosi.
\p
\v 16 Amakhuwa kano abechibe shibakamanya olwamberi ta, ne olwa Yesu yali nachingulirwe muluyalilwe, kho nibetsulira shinga amakhuwa yako olwa kaandikwa khuye. Khandi shinga olwa bali nibakholire amakhuwa kano khulwaye.
\p
\v 17 Abandu bali ninaye olwa yalanga Lazaro okhurula mung'ani namulamusia mukhufwa, naboola obuloli.
\v 18 Okhuba niko achira abandu nibetsa okhumwakanira, shichira bali nibaulire shinga olwa Yesu akholere akokhuchenyia.
\v 19 Kho khulwesho abafarisayo nibaboola abenekhubene mbu, mulutsi abeene mbu shimunyala eshindu ta, lole eshialo shiosi shimulondakhwo.
\p
\v 20 Ne baliho abayunani bandi mubenabo, abali nibatikulushe okhutsia okhwinamira mwisabo,
\v 21 nabo nibetsera Filipo wa Bethisaida muGalilaya, nibamusaba nibaboola, omukhongo, khwenya okhumulolakhwo Yesu.
\v 22 Filippo natsia namuboolera Anderea, mana Anderea nende Filippo nibamuboolera Yesu.
\v 23 Mana Yesu nabakalusi naboola, eshise shulire eshia omwana womundu alanyola oluyali.
\v 24 Toto mwene ebaboolela, olufwa lweingano lulakwa mwiloba nende okhufwa ta, lumenyanga lwonyene, nebutswa niluba nilufwa, lurera ebiamo ebinji.
\v 25 Yesi ouhera obulamubwe, alabukosia, ne ouchayanga obulamubwe mushialo shino, alabubikha okhula khubulamu bwobumeri.
\v 26 omundu yesi Naba niyakhalabanira, lekha yano ndekhwo, mana ewa endi isie naye yesi alabaho. Omundu yesi Naba niyakhalabanira, Oyo Papa wanje alamuheresia oluyali.
\p
\v 27 Bulano omwokwanje kunyakhana muno, ne nishina eshia enyala okhubola? Papa uiniekhwo eshikombe shino, nebutswa okhuba niko akachira ninditsa khushise shino.
\v 28 Papa chingula eliralio, omwoyo nikurula Mwikulu nikuboola, ndamala okhuheresia oluyali.
\v 29 Khulwesho abandu bali nibasinjire nibaulira, nibaboola mbu Likulu liatulushe, abandu nibabopla mbu, malaika baboolire ninaye.
\v 30 Yesi nakalusia naboola, omwoyo yuko shikubere khulwa isie ta, habula khulwenywe.
\v 31 Bulano eshialo shino shimalire okhukhalachirwa eshina, bulano omuruchi weshialo shino asukunwe erwanyi
\v 32 Nasi nimba ninjingulwa ikulu, ndalarera abandu bosi ewa endi.
\v 33 Kano yaboola namanyinjia shinga okhufwakhwe khulaba.
\p
\v 34 Abandu nibakalusia nibaboola mbu khwaulira mumalako mbu, Kristo amenyanga obushia nobushia, nawe oboola orie mbu omwana womundu akhoyere okhuchingulwa? Omwana womundu niwina?
\v 35 Kho Yesi nababoolera, eshise shititi butsa obulafu bushiri ninenyu, chende nimushiri nobulafu, eshirima shileshe okhunyoleresia, okhuba ouchenda mushirima, shamanyire ewa atsia ta.
\v 36 Olwa mushiri nobulafu, subire mubulafu mbu mana mube abaana bobulafu, amakhuwa kano Yesi yaboola mana niyenyoka niyefisa khubo.
\v 37 Ne kata olwa yali nakholire ebilolero ebinji emberi wabo shibamusubira ta.
\v 38 Mbu abulakusi bwa Isaya omulakusi busibwe, shinga yaboola Omwami, wina owiyamanga oburume bwefwe? kata niwina oufunulirwe owomukhono kwoMwami?
\v 39 Niko akachira shibanyala okhusubira ta, shichira Isaya yaboola khandi,
\v 40 ulia owabofusya tsimoni, nabomia emioyo chienywe mbu baleshe okhulola netsimoni tsiabwe, kata okhuulirisia nemioyo chiabwe, nibashukhana, nasi nebahonia.
\p
\v 41 Amakhuwa kano Isaya yaboola olwa yalola oluyali, khandi yaboola khuye.
\p
\v 42 Naboola abakhulundu bandi abanji, bamusubirira, nekhulwa abafarisayo, shibamwiyama ta, shichira bakhalondirwe musinagogi.
\v 43 okhuba bahera obwitsomi bwabandu okhushira okhwitsomia Nyasaye.
\p
\v 44 Yesu nalira naboola, ousubira mwisie, shasubira isie sienyene ta, habula ulia owaruma.
\v 45 khandi Oyo undutsi isie, alutsi Oyo owaruma.
\v 46 Isie ndetsa mbu, embe obulafu mushialo, mbu ulia yesi ousubira aleshe okhumenya mushirima ta.
\p
\v 47 Ne omundu yesi Naba naulira amakhuwa kanje nalakasubira ta, isie shemukhalachira ta, okhuba shindetsa okhuyasia eshialo ta, habula mbu ehonie eshialo.
\v 48 Ulia ufukula isie naleyama amakhuwa kanje ta, ali nende omuyaasi, likhuwa elia ndaboola, elienero liakhamuyasie khunyanga yobumalirishi.
\v 49 Okhuba shemboolanga amakhuwa kanje omwene ta, nebutswa aka Papa owaruma, yandachirisia akekhoya okhuboola, khandi shinga olwa emboola.
\v 50 Nasi emanyire mbu lilakolie nibwo obulamu bwobumeri, kosi emboola khulwesho, nilwo shinga papa yamboolera nindio emboola.
\c 13
\cl Yohana 13
\p
\v 1 Ne olwa Lisabo liapasaka liali nilishiri, Yesu olwa yali namanyire mbu eshiseshie shimalire okhula mbu anyale okhurula mushialo shino natsia ewa Papa, naherirenje abebe bali mushialo, nabahera okhula inziayo.
\v 2 Ne olwa bali nibalitsanga eshiokhulia shiomungolobe, Setani yali namalire okhwinjisia mumwoyo kwa Yuda Iskarioti likhuwa mbu, amukhobe.
\v 3 Yesu namanyire mbu, Samwana yali nahanire ebindu biosi mumakhonoke, khandi mbu, yarula khuNyasaye, khandi atsia waNyasaye:
\v 4 Yalekha ebiokhulia, Nara tsingubotsie hasi elubeka nabukula eshitasi niyeboha.
\v 5 Olunyuma lwokhutsukha amatsi khushisabiro, mana nachaka okhwosia abechi ebirenje nabieya nende eshitasi shia yali niyeboyere.
\p
\v 6 Kho olwa yola khu Simioni Petero, Petero namuboolera, Omwami, unzosia ebirenje bianje?
\v 7 Yesu nakalusia namuboolera, elia ekholanga sholimanyire bulano ta, nebutswa olalimanya.
\v 8 Petero namuboolera, Omwami, sholanzosia ebirenje bianje ta, Yesu nakalusia nemba ndalakhwosia ta, sholaba halala ninasi ta.
\v 9 Simioni Petero namuboolera, Omwami, ebirenje bionyene ta, habula amakhono kanje nomurwe kwanje.
\v 10 Yesu nakalusia namuboolera, ulia oumalire okkhwosibwa shiyenyekha shiosi ta, habula okhwosia ebilenje bie, okhuba amalire okhuba omwerereshe, ne, inywe muli aberereshe, shimuli mwesi ta.
\v 11 Okhuba yamanya Oyo awakhamukhobe, niko akachira naboola, shimuli abalafu mwesi ta.
\p
\v 12 Olwa yali niyakhabosia ebilenje, niyakhabukula tsingubotsie, niyekhala khandi, nababoolera, mbu, mumanyire elia emukholere?
\v 13 Enywe munanganga mbu, Omwechesia, khandi mbu, Omwami, nenyu muboolanga toto, shichira nilwo olwa endi.
\v 14 Nimba nindi Omwechesia khandi Omwami, ne emwosiye ebilenje, nenyu mukhoyere okhwosaninjia ebilenje abeene khubene.
\v 15 okhuba emuheresiye eshilolero mbu, nenyu mukhoyere okhukholanga shinga olwa ebakholere.
\v 16 Toto mwene ebaboolera mbu, omukhalabani shashira Omwamiwe ta, kata omurume shashira owamuruma ta.
\v 17 Nimuba nimumanya amakhuwa kano, muli neikhabi inywe.
\v 18 Shimboola khwinywe mwesi ta, emanyire abe emalire okhwaula, ne mbu, amaandiko katushe, mbu, ulia oulia halala ninasi, achingulire eshilenjeshie okhukhoba.
\p
\v 19 Kano ebaboolera nikashiri, mbu, nikekhola munyale okhumanya mbu nisie Ye.
\v 20 Toto mwene emuboolera, Oumwinjisia Oyo owa ndaruma, yenjisia Isie, ne, ounyinjisia Isie, yenjisia ulia owaruma.
\p
\v 21 Olwa Yesu yali naboolire ario, yanyakhana mumwoyo narumbula naboola, Toto mwene ebaboolera, mulala khwinywe alakhoba.
\v 22 Kho abechi nibahengana abeene khubene nibakania mbu, niwina owa abolokhwo?
\v 23 Ne yaliho mulala khubechibe owayachama naye yayekhalanga khushirifu shie,
\v 24 Simioni Petero namushukhanira mulala khubechi nareba, mbu niwina owa obolakhwo
\v 25 Naye nakonire khushirufu shia Yesu namureba mbu, Omwami, niwina?
\v 26 Yesu nakalusia, nomwenoyo owanditsa okhuheresia eshironje olwa nditsa okhuba neshitonjire, mana olwa yali natonjire eshironje yashibukula namuheresia Yuda Iskarioti Omwana wa Simioni.
\v 27 Olunyuma lwokhulia eshironje Setani namwinjiramwo kho Yesu namuboolera, elia wenya okhukhola, khola lwangu.
\v 28 Ne yabulaho Omundu khumesa owamanya eshiachira namuboolera amakhuwa yako.
\v 29 Okhuba Olwa Yuda yali nende libishiro, kho Yesu namuboolera kula ebindu ebia khubula khulwa Lisabo, kata mbu, aheresie abamanani eshindu.
\v 30 Kho namalire okhulia eshironje, yarula erwanyi, ne, shiali eshiro.
\p
\v 31 Olunyuma lwokhurula erwanyi, Yesu yaboola mbu, bulaano Omwana woMundu ahebwa oluyali, khandi Nyasaye ahebwa oluyali muye.
\v 32 Nyasaye Naba naheresibwa oluyali muye, Nyasaye khandi alamuheresia oluyali omwene.
\p
\v 33 Inywe Abaana abatiti, neshise eshititi neshiri ninenyu. mulakhaba, ne, shinga olwa ebaboolera abaYaudi, ewa enzia shimunyala okhwitsayo bulano ta, nindio khandi emuboolera.
\v 34 khwikhuwa lino abandu balamanyirakhwo shinga olwa muli abechi banje,
\v 35 nimuba nimuherana abeene khubene.
\p
\v 36 Simioni Petero namuboolera, Omwami otsia hena? Yesu nakalusia, ewa enzia, shonyala okhunondakhwo bulano ta, habula naunondekhwo olunyumakhwo.
\v 37 Petero namuboolera, Omwami, mbushina nindanyala okhulondakhwo bulano? Nditsa okhuhana obulamu bwanje khuluulwo.
\v 38 Yesu namukalusia, olahana obulamubwo khulwa Isie? Toto mwene ekhuboolera Itaywa niishiri okhukholiokha nolaba niunzikanira khandi khataru.
\c 14
\cl Yohana 14
\p
\v 1 Emioyo chienywe chileshe okhubeyabeya ta musubirire Nyasaye, musubirire isie siesi.
\v 2 Munzu mwaPapa mulimwo ebimenyo ebinji, nikalakhabere kario ta khane ndakhababoolere, enzia okhubakasiria eshimenyo,
\v 3 ne nimba nibakasiria habundu, ndaletsa okhubabukula mbu, ewa endi nenyu mwesi mubetsenjeho.
\v 4 Ne ewa enzia mumanyire, kata injira mumanyire.
\p
\v 5 Tomasi namuboolera, Omwami, shikhumanyire ewa otsia ta; Ne khwakhamanya khurie injira?
\v 6 Yesu namuboolera, isie nisie injira, obwatoto, nende obulamu; Abulaho owitsira papa, Nebutswa khusie.
\v 7 Nimwakhamanyire, mwakhamumanyire papa yesi; Nokhurula olwa lero mumumanyire, khandi mumuluutsi.
\p
\v 8 Filipo namuboolera, Omwami, okhumanyie papa, mana kalakhakhuhera.
\v 9 Yesu namuboolera, mbu khane ndabereenje nineenywe eshise eshirambi, Nawe noshiri okhumanya, Filipo? onduutsi isie omulutsi papa; Kho oboola orie bulano, okhumanyie papa?
\v 10 Shimusuubiranga mbu endi mupapa naye papa ali mwisie? Amakhuwa aka emubooleranga, shekaboolanga khubwanje ta; Nebutswa papa oumenyanga mwisie, niye oukholanga emirimochie.
\v 11 Musuubire Isie shinga olwa endi mupapa, Naye papa mwisie; kata musuubire khulwa buli emirimo chiene nachio.
\v 12 Toto, mwene, Emuboolera, ousuubira mwisie, emirimo chiekholanga yesi alakhola; kata alakhola echishira echo; shichira enzia khu papa wanje.
\v 13 Ne liosi liosi elia musalaba muliira lianje mbu ndalalikhola, mbu papa aheebwe oluyali mumwana.
\v 14 Nimuba nimusaba likhuwa liosi muliira lianje, ndalalikhola.
\p
\v 15 Nimuba nimwanjama mulalindanga amalako kanje.
\v 16 Nasi ndalamusaya papa, naye alabaheeresia omuhabini undi, abeetsenje ninenywe obushia nobushia;
\v 17 Kata Roho wobwatoto; owa eshialo shilanyala okhwinjisia ta, shichira shishimulolakhwo Kata okhumumanya tawe; shichira yamenya mwinywe khandi ali mwinywe.
\v 18 Shindalamulekha abashisandu ta; endi okhumwitsira.
\v 19 Ne shise shititi butswa, mana Eshialo shishilandolakhwo tawe; Ne inywe mulandola; okhuba endimwoyo, Nenyu mwesi mulaba mwoyo.
\v 20 Khunyanga eyo mulamanya shinga endi mupapa, Nenyu mwisie nasi mwinywe.
\v 21 Ouli namalako kanje, oukabikhanga niye ouheeranga isie; Noyo ouheraanga alaheerwa nende papa wanje, Nasi ndalamuheera khandi nimwifwimbulira.
\p
\v 22 Yuda namuboolera, oulali isikariote ta, omwami kabeere karie niwenya okhwmanyisia khwifwe, ne Eshialo tawe?
\v 23 Yesu nakalusia khandi namuboolera, mbu omundu naba niyaheera isie, alauliranga amakhuwa kanje; Naye papa wanje alamuheera khandi khula mwitsira, nikhukhola eshimenyo shiefwe ninaye.
\v 24 Oulanjama ta, shiahuliranga amakhuwa kanje tawe; Ne likhuwa elia muhulira shinelianje ta, habula elia papa owaruma.
\v 25 Amakhuwa kano emuboolere olwa eshimenyanga ninenywe.
\v 26 Nebutswa omuhabini, ouli Roho mulafu, owa papa alaruma muliira lianje, alabechesia amakhuwa koosi, namwitsusia amakhuwa kosi, akandamubooleranga.
\v 27 Omulembe emuleshera, omulembe kwanje emuheresia; ne shimuheresia shinga Eshialo shihananga tawe, ehana khunywe, emioyo chienywe chileshe okhubeyabeya, kata chileshe okhuria.
\p
\v 28 Inywe muhuuliire shinga olwa emuboolere, enzia okhwinyokha khandi emwitsira. nimuba nimuheerire mulekhoya, shichira ndaboola, enzia khu papa; okhuba papa wanje yashira isie.
\v 29 Ne bulaano emuboolere nikashiri okhwikhola olwa kalaba nikeekholire, enywe mulasubira.
\v 30 Khulwesho shindalaboola amanji ninenywe ta; okhuba omukhulundu weshialo shino ali okhwitsa, Ne shiali neshindu mwisie ta.
\v 31 Habula mbu eshialo shimanye shinga ndamuhera papa; khandi shinga papa yandachirisia, Nilwo olwa ekhola, Buushe, leshe khutsieyo.
\c 15
\cl Yohana 15
\p
\v 1 Nesia omusabibi kwa toto, ne Papa niye omulimiri wakwo.
\v 2 Lisaka liosi elilama ebiamo ta, alirusia, nario liblisaka eliama ebiamo, aliachira mbu liame ebiamo ebinji.
\v 3 Bulano enywe muli abalafu khulwelikhuwa liamwaulira niliboolwa.
\v 4 Ikhale mwisie, nasi mwinywe, shinga olwa Lisaka lilanyala okhwama ebiamo lionyene ta, khandi inywe mwesi shimunyala mulali mwisie ta.
\p
\v 5 Nesie omusala nenyu amasaka, yesi oumenya mwisie, nasi muye, ye alama ebiamo ebinji, okhuba halali isie ta shimunyala shiosi ta.
\v 6 Omundu ulamenya mwisie ta, asukunwa erwanyi, naniala shinga lisaka, abandu bakhung'asi nibasamba mumuliro nibiiyia.
\v 7 Mumenya mwisie nasi mwinywe, mulasaba shiosi, nenyu mulanyola.
\v 8 Muno nimwo omwa Papa ahebwa oluyali, mbu mwame ebiamo ebinji, mbu munyale okhwama ebimo ebinji.
\p
\v 9 Shinga olwa papa yahera nindio ndamuhera.
\v 10 Nimuba nimulinda amalako kanje mulamenya mubuheri, shinga olwa ndalinda amalako kaPapa mana nimba mubuheri.
\v 11 Amakhuwa kano ebaboolere mbu, mube nobuheri bwanje, mana obuheribwenywe bwitsule.
\v 12 Lino nilio lilako lianje, muherane abeene khubeene shinga olwa ndabahera.
\v 13 Buumaho obuheri bushira buno mbu, omundu are obulamu bwe hasi khulwabashie.
\v 14 Muli abetsa banje nimuba nimukhola kosi kebalaka.
\v 15 Okhurula bulano shebalanga abakhalabani ta, okhuba omukhalabani shamanya shioMwami we akhola ta, nebutswa emulanga Abetsa okhuba kosi kekhola mumanyire.
\v 16 Shimwanzsaula ta, habula isie ndabaula mbu, munyale okhwama ebiamo, ebiamo bimenya, mbu shiosi eshia musaba Papa mulira lianje alabaheresia.
\v 17 Lino nilio elia ebalaka, mbu herane oundi khuundi.
\p
\v 18 Eshialo nishiba nishimukiya, manye mbu, shiangiya isie shilamukiya enywe.
\v 19 Mwakhabere beshialo, shiakhamuchamire, ne okhuba shimuli beshialo ta, nasi ndamwaula okhurula mushialo, kario Eshialo shibakiya.
\v 20 Mwitsulire amakhuwa kanda mubolera, omukhalabani shali omukhongo khuMwami we ta, nibaba nibasakania isie, balabasakania mwesi, nibaba balinda amakhuwa kanje, bala linda amakhuwa kenyu.
\v 21 Ne amakhuwa kano kosi bakholera enywe khulwesie khulwa shibamumanyire owaruma ta.
\v 22 Nemba ndiletsa ndaboola ninabo ta, shibakhabere netsimbi ta, ne bulano, babula okhuberwa ta shichira baulire.
\v 23 Yesi oungiya, amukiya Papa.
\v 24 Nemba nendakhola mubo amakhuwa komundu undi yesi alakhola mubo ta, shibakhabere netsimbi ta, ne bulano bamalire okhulola mana nibangiya.
\v 25 Niko okhula libeho mbu amaandiko kosibwe shinga olwa kaandikwa mumalako, mbu bangiya halali eshifune ta.
\p
\v 26 Ne olwa omusambishi alitsa, oweruma okhurula khuPapa, ouli Roho watoto, ourula khu Papa, yalaboola khwisie.
\v 27 Alahana obuloli shichira yali ninasi okhurula mubuchachiro.
\c 16
\cl Yohana 16
\p
\v 1 Amakhuwa kano ndamuboolera kho mana muleshe okhusinyisibwa.
\v 2 Balamurusia mutsisinagogi, ne ebise bitsanga ebia oundi kata alapara mbu okhwira enywe nokhumukhalabanira Nyasaye.
\v 3 Kano niko aka balamukholira enywe, shichira shibamanyire papa kata isie ta.
\v 4 Amakhuwa kano ababoolire mbu ebise nibitukha mwitsulire mbu ndamubolera, shichira ndali ninenyu mubuchachiro.
\p
\v 5 Ne bulano engalushira ulia owaruma, abulao khwinywe ourebanga mbu otsia hena.
\v 6 Ne okhuba eshifune mbu emubolere amakhuwa kano, eshibera shitsule mumioyo chienywe.
\v 7 Kata kario emubolere obwatoto, mbu nobulayi khulwenywe mbu enzie, okhuba nendatsia tawe omuhotseresi shalamwitsira tawe, ne mbu nimba ninzia ndalamuruma khwinywe.
\v 8 Olwa yetsa alafukula Eshbala khubwononi, obulunjishi nende obuyasi.
\v 9 Khubwononi shichira shibasubililanga khwisie ta,
\v 10 khubulunjishi shichira enzia ewa Papa, ne shina mundolekhwo khandi ta.
\v 11 khubuyasi shichira Omuruchi we shibala shino, amalire okkhukhalachirwa.
\p
\v 12 Endi nende amanjii kokhubabolera, habula shimunyala okhukachinga ta,
\v 13 ne kata kario olwa Roho wobwatoto alaba niyetsire, alabemiriraa mukosi, shichira shalechinjimisia omwene tawe, alabukula khu ka Papa, akalaulira niko aka alaboola, nende okhubanyisia kosi ketsanga.
\v 14 alaheresia oluyali shichira alabukula okhurula khwisie naye alabaheresia.
\v 15 Biosi ebia Papa alininabio, nebianje. Kario ababoolera mbu alabukula khwo khubianje nabaheresia inywe.
\p
\v 16 Nebise ebitutu khandi shimulandola ta, khandi ebise ebitutu mulandola, shichira enzia ewa Papa.
\v 17 Abechu nabo nibarebana mbu, aboolanga shina bulano? ebise ebitutu shimulandola ta, ebise ebitutu mulandola? khandi mbu enzia ewa Papa?
\v 18 kho nishina shino eshia aboolanga? ebise ebitutu? shikhumanyire eshiabolanga tawe.
\p
\v 19 Yesu namayire mbu benya okhumureba, naye nababoolera mbu, murebananga kembolanga? ebise ebitutu shimulandola tawe, ebise ebitutu mlandola?
\v 20 toto mwene ebaboolera, mulalira nende okhwikhula, ne Eshibala shilatsatsahala, nenyu mulabererane okhuberera khwenywe khulakalukhana omwikhoyo.
\v 21 Omukhasi olwa alumwa abereranga shichira indukho ye yulire, ne olwa yekhonya omwana shalakanakania khu butsune bwosi tawe shichira obusangali mbu, Omundu yebulwe mushialo.
\v 22 Halali enywe bulano muberere, nebutswa ndakhetse okhumulola khwo khandi emioyochienywe chilasangala nende omwikhoyo kwo omundu alanyala okhumuinia khwo ta.
\v 23 Khunyang eyo shinamurebe shiosi tawe, toto mwene ebaboolera mbu shiosi eshia mulareba Papa mulira lianja alakhuheresia.
\v 24 Kata bulano mushiri okhureba shioosi shioosi mulira lianje, rebe mana mulahebwa mbu omwikhoyo kwenywe kunyale okhula.
\p
\v 25 Amakhuwa kano ebaboolere mutsingano, ne ebise bitsanga ebia ndaletsa khandi okhuboola ninenywe mutsingano ta, habula ndalabola shirunji khuPapa.
\v 26 Khunyanga eyo, olareba mulira lianje, ne emuboolera ndalasaya Papa khulwa enywe.
\v 27 okhuba Papa mwene yamuyanza, shichira mwayanza isie, ne mwasubira mbu ndarula khu Papa.
\v 28 Ndarula ewa Papa, ne nditsire mushialo, khandi erula mushialo nimukalushira Papa.
\p
\v 29 Abechi nabo nibaboola mbu, lola bulano aboola katong'ane, kata mutsinjero tawe.
\v 30 Bulano khuli nobusuri mbu ewe omanyire kosi, ne mbu omundu yesi shakhoyere okhureba shios tawe. Khulwa kano khusubire mbu warula khu Nyasaye.
\p
\v 31 Mana Yesu nabakalusia mbu kho bulano musubiriranga?
\v 32 Lole ebise bitsanga khandi mbiebino ebia mulalaasibwa buli mundu khululwe, mana ndalatong'a sienyene, ne katakario shundalatong'a sienyene tawe, shichira Papa ali halala ninasi.
\v 33 Amakhawa kano embabooleranga, mbu musia munyole omulembe, Mushibala mulanyola amanyakhano, mwifire okhuba isie ndaula Eshiialo.
\c 17
\cl Yohana 17
\p
\v 1 Amakhuwa kano yakaboola Yesu, nachingula tsimoni ikulu Mwikulu mana naboola, Papa ebise biulire, chingula Omwana mbu naye anyale okhuchingula.
\v 2 Shinga olwa wamuheresia amani khu biosi biomubiri mbu banyole obulamu bwobumeri khu bosi aba Papa yamberesia.
\v 3 Ne buno nibwo obulamu bwobumeri, mbu bamumanye ewe Nyasaye mulala yenyene wobwatoto nende Yesu Kristo, owa waruma.
\v 4 Ndaulire Mushialo, emelire omulimo kwawaberesia okhukhola.
\v 5 Ne bulano Papa unjingule nende oluyali lwanje omwene, oluyali lulia olwa ndali ninalo eshialo shilabaho tawe.
\p
\v 6 Efunule elira lio mubandu bawa mberesia, okhurula mushialo bali abobo niumberesia, mana batira likhuwa lio.
\v 7 Ne bulano bamanyire mbu biosi ebiawamberesia biarula khwiwe.
\v 8 Ndabaheresia amakhuwa kawamberesia, bakafuchirira mana toto bamanyire mbu ndarula khwiwe, mana mbu niwe owaruma.
\v 9 Ebasairanga, shesairanga Eshialo tawe, habula balia abawamberesia shichira nabanje.
\v 10 Ebianje biosi nebibio, ne ebibio bioasi nebianje, nasi enjigulwa mubo.
\v 11 Ne bulano sheshiri mushialo ta, ne bano bashiri mushialo, ne ekhukalushiranga Papa omutsienukhu, obalinde mulira lio balia aba wamberesia mbu babe mulala shinga olwa khuli mulala.
\v 12 Olwa embere ninabo mushialo, ebalindirenje mulira lio balia aba bawamberesia, ne habulaho kata mulala khubawamberesia wakora tawe, habula omwana wobukhayi kho, mbu likhuwalio liusibwe.
\p
\v 13 Ne bulano ekhwitsiranga, ne kano emboola mushialo mbu banyole okhwikhoya mumioyo chiabwe.
\v 14 Ndabaheresia likhuwa lirio, ne eshialo shilabanyasia shichira shibali beshialo ta, shinga olwa siesi endali washio ta.
\v 15 E saya mbu sholabarusia mushialo ta, habula mbu obahonokosie nomusuku.
\v 16 Shibali beshialo ta, shinga olwa endali weshialo ta.
\v 17 Basiiye nende obwototo bwo, likhuwa lio nibwo obwatoto.
\v 18 Shinga owa waruma mushialo, nindio siesi ebaruma mushialo.
\v 19 Khulwabo, ndisiiya omwene mbu mana bosi basiyibwe mubwatoto.
\p
\v 20 Shebasayiranga bano bonyene ta, mbu nende bosi abalasubirira isie okhubirira mwikhuwa liabwe.
\v 21 Mbu bosi babe mulala shinga olwa oli mwisie, na isie mwiwe, mbu bosi babe mulala mufwe, mana eshialo shisubire mbu niwe owaruma.
\v 22 Oluyali lwa wamberesia ebaheresiye, mbu babe mulala shinga olwa khuli mulala.
\v 23 Isie mubo, nawe musie, mbu babe abalunjishi mubulalal, mana Eshialo shifuchirire mbu toto mwene niwe waruma, mana ndabahera shinga olwa wahera.
\p
\v 24 Papa ndikomba mbu bosi abawamberesia babe ninasi wendi, mbu balole oluyali lwanje, oluyali lwawamberesia Eshialo shilabaho ta.
\p
\v 25 Papa omutsienukhu, eshialo shishikhumanyire ta, habula ekhumanyire, mbu bano bamanye mbu niwe owaruma.
\v 26 Ndababoolere elira lio, khandi ndalarumbula mbu obuheri bwawahera isie bube mubo.
\c 18
\cl Yohana18
\p
\v 1 Ne olwa Yesu yali niyakhaboola yako, yatsia nende abechibe khusebere ya Sitroni, khwaliho nende omukunda, niyenjiramwo nabechibe.
\p
\v 2 Naye Yuda owali mbu amukhobe yamanyaho, okhuba khase Yesu yatsitsangayo nabechibe.
\v 3 Naye Yuda olwa yali naherwe omukanda kwabalindi nende abemirisi babwe okhurula khubafarisayo nende abakuhani abakhongo, betsa netsitaa, tsitochi nende efikong'o.
\v 4 Naye Yesu okhuba yali namanyire mbu kano kosi kalekholekha khuye, yasita imberi naboola, mukhabanga wina?
\v 5 Nibamukalusia, Yesu wa Nazareti, naye Yesu nabakalusia, nisie, naye Yuda owali okhumukhoba yali ninabo.
\v 6 Ne olwa yali niyakhaboola mbu, nisie, bosi bakalukha inyuma nibakwa hasi.
\v 7 Naye nabareba, mbu, mukhanga wina? Yesu wa Nazareti.
\v 8 Yesu nabakalusia, ebaboolere, nisie, kho muba nimukhabanga isie, leshe bano batsie.
\v 9 Kho liusibwe eliaboolwa mbu, kata mulala khubawaberesia shindakosia kata mulala ta.
\p
\v 10 Naye Simioni narusia olukanga, nakhalaka eshirwi shiomukhono musatsa shia mulala khubakholi bomukuhani omukhongo, eliralie mbu Makusi.
\v 11 Naye Yesu naboolera Petero, kalusia olukanga lwo mushikhoba. Endeshe okhunywa eshikombe shiaPapa yambere?
\p
\v 12 Kho omukanda nende abemirisi babayaudi, nibamubukula Yesu, nibamuboya.
\v 13 Nibamuira khuAnnasi mberio, okhuba yali nyakhufiala Kayafasi owali omukuhani omukhongo Omwika yuko.
\v 14 Naye Kaifa niye owali n nelikhuwa khubayaudi, mbu kaandikwa mbu, mulala alafwa khulwa abandu.
\p
\v 15 Naye Simioni Petero namulondakhwo Yesu, nende omumwechi undi, omwechi oyo yali niyamanyikha khumukuhani omukhongo, natsia ninaye mubwikhalo bwomuKuhani omukhongo.
\v 16 Naye Petero nasinjira mumuliango erwanyi, naye yesi omwechi awali niyamanyikha khumuKuhani omukhongo yesi narula erwanyi, naboolera owali nalindanga omuliango, namwinjisia Petero mukari.
\v 17 Naye omukhana wali nalindanga omuliango naboola Petero, sholimulala khubechibe? naye naboola, tawe,
\v 18 naye omusumba nabalindi, nibasnjirajo, abali nibakasiye omuliro kwa amanda, okhuba khwali nende obushindu, niboora, naye Petero yesi niyema ninabo, niyora.
\p
\v 19 Naye omukuhani omuukhongo nareba Yesu khumechesioke nende abechibe.
\v 20 Naye Yesu nakalusia, emboolere habulafu khushialo, buli lwosi ndechesiye musinagogi nende muhekalu, abayaudi nibaliho, ne shindiaboola liosi mukhwifisa ta.
\v 21 Mbushina nimureba? Reba balia bauliranga, akandababoolira, okhuba bamanyire kosi.
\v 22 Naye olwa yali yakhabola ario, mulala khubalindi bali nibemire hambi nende Yesu, yamukhupa olukhofi neshikalo shie, naboola, okalusia orio omukuhani omukhongo?
\v 23 Yesu nakaluusia, nimba nimbolire obubi, enywe muli abaloli, ne nimba nimbolire toto, mbushina niukhipa?
\v 24 Naye Annasi namuyira naboirwe khuKayafa Omukuhani omukhongo.
\p
\v 25 Naye Simioni Petero nasinjira, niyora omuliro, nibamubolira, wesi sholimulala khubechibe? Nakana naboola, shendi khubo ta.
\v 26 Mulala khubakhalabani bomukuhani omukhongo nali omwikho wa ulia owa Petero yali nakhalache eshirwi naboola, shekhulutsi ninaye mumukunda?
\v 27 Naye Petero niyekana khandi, ne. Itaywa niikholiokha.
\p
\v 28 Nibamuira Yesu okhurula khu Kayafa, nibamuira mushina, nakwo kwali mumabwibwi, nabo nibenjira munzu yeshina, mbu baletsa betsokasia ta, mbu banyale okhulia Ipasaka.
\v 29 Naye Pilato niyetsa nababoolera, makhuwa shina akamuli ninako khumundu uno?
\v 30 Nibakalusia ni baboola, nalakhabere omukati, shikhwakhanyalire okhumurera khwiwe ta.
\v 31 Naye Pilato nababoolera, mubukule mumuyaasie okhurondokhana namalako kenywe, abayaudi nabo ninamuboolera, shikakhoyere ifwe okhwira omundu ta,
\v 32 mbu obubooli bwabaYaudi buube, obumanyisia lifwa lia alifwa.
\p
\v 33 Naye Pilato niyenjira khandi munzu yobuyaasi, namulanga Yesu, namuboolera, niwe Omuruchi wabayaudi?
\v 34 Naye Yesu namukalusi, iwe omwene oboOlire, nomba abandi bakhuboolire?
\v 35 Naye Pilato nakalusia, isie endi omuYaudi? abandubo abene nende abakuhani abakhongo nibo abakhuhanire khwisie. Shina shiokholire?
\v 36 Naye Yesu namukalusia, Oburuchi bwanje shibuli bweshialo shino ta, oburuchi bwanje nibwakhabere bweShialo shino ta, kho abakhalabami banje bakhakhupane mbu endeshe okhuhanwa khubaYaudi, ne Oburuchibwanje shibuli bweshialo shino ta.
\v 37 Naye Pilato namureba, kho oli Omuruchi? Naye Yesu nakalusia, iwe oboolire mbu endi Omuruchi, khulwa lino, ndebulwa. Ne khulwa lino ndetsa khuShialo, mbu enyale okhuboola obuloli khubwatoto. Yesi ouli owobwatoto, aulira omwoyo kwanje.
\v 38 Pilato namureba, obwatoto nishina? ne olwa yalinamalire okhuboola kano, yarula erwanyi khandi, naboolera abaYaudi, shendola liosi libii khumundu uno ta.
\v 39 Nenyu muli nende omwima mbu ebabololere omundu mulala khuPasaka, kho ebabololire Omuruchi wabaYaudi?
\v 40 Nabo nibachingula emioyo ikulu, nibaboola, uno, tawe, Barinabasi. Naye Barinabasi yali omunuli.
\c 19
\cl Yohana 19
\p
\v 1 Mana pilato nabukula Yesu namunywekha.
\v 2 Nabo abalindi nibakasia ingara yamauwa nibachira khumurwe kwe, nibamufwala ingubo yeisambarau.
\v 3 Nibaboola mulembe, omuruchi wabaYahudi, Nibamupaama tsikhofi namakhono kabwe.
\p
\v 4 Khulwesho Pilato narula khandi, Nababoolera, lole emurerire khwinywe mumanye mbu shinduutsi eshikha shiosi muye ta.
\v 5 Mana yesu narula, nafwalire ingara yamauwa nende ingubo yeisambarao, pilato nababoolera omundu wenywe ngwoyo!
\p
\v 6 Kho olwa abakhulundu babakuhani nende abakhalabani abo bamulola, bayiiba erwanyi, nibaboolanga, omubambe, omubambe. Pilato nababoolera, Inywe mumubukule, mumubambe, okhuba isie shendutsi eshindu shiosi muye ta.
\v 7 ABaYaudi nibamukalusia mbu, khuli nende lilako, ne khwilako liefwe okhuyire okhufwa shichira omwene yekhola okhuba Omwana wa Nyasaye.
\p
\v 8 Olwa Pilato yaulira obuboli bwabwe, yamala abe noburi obunji muno.
\v 9 Niyenjira khandi mupaltorio, naboola ninaye, warula hena? Naye Yesu nalamukalusia ta.
\v 10 Kho Pilato namukalusia mbu, shiungalisia ta? Shomanyire shinga olwa endi nobunyali okhukhubamba noho okhulakhula?
\q
\v 11 Yesu namukalusia shiwakhaberekhwo nobunyali bwosi khwisie nolaherwe okhurula ikulu ta, khulwesho oyo owarera mumukhonokwo ali nobwononi obukhongo okhushira.
\p
\v 12 Mana okhurula yaho Pilato nakhaba shinga olwa anyala okhumulekhula, nebutswa abaYaudi nibayochera nibaboola mbu nomulekhula omundu uno sholi omwits wa Kaisari ta, buli yesi owikholanga omwene Omuruchi, aboolanga obubi khu Kaisari.
\p
\v 13 kho olwa Pilato yaulira okhuboola khwabwe yarusia Yesu erwanyi niyekhala hasi khushifumbi shiobuyaasi habundu alangwa mbu, Obweru bwa machina. ne muluHebrania mbu, Galibatsi.
\p
\v 14 Ne yali inyanga yokhwirecheshela lisabo lie, ne yali shinga isaa ykhasasaba. Naye nababoolera abayaudi, lole Omuruchi wenywe ngwoyo.
\p
\v 15 Nabo nibayochera, nibaboole murusie erwanyi, khumubambe, Pilato nabareba isie enyala okhubamba omuruchi wenywe? abakhulundu babakuhani nibakalusia, shikhuli nende Omuruchi undi ta habula Kaisari.
\p
\v 16 Mana namuhana mbu bamubambe, mana nibamubukula Yesu nibatsia ninaye.
\p
\v 17 Naye narula omwene nachinjire omusalaba kwe okhuula habundu alangwa mbu habundu weshianganaga, alangwa mulu hebrania mbu Golikotsa.
\v 18 Abwenaho nibamubambiraho nende abandi babiri halala ninaye, oundi elubeka oundi elubeka, naye Yesu hakari.
\p
\v 19 Naye Pilato nahandika elira, khumusalaba, nilihandikwa liri YESU WANAZARETI OMURUCHI. WABAYAUDI.
\v 20 Ne abanji abokhubaYaudi basooma elira ero. Okhuba habundu yaho ewa Yesu yabambirwa hali ahambi nende litookho nalio liahandikwa mulu heburania, nende muluYunani, nende mululatini.
\p
\v 21 Kho abakhulundu babakuhani babaYahudi nibamuboolera pilato, olahandika ta, Omuruchi wa baYahudi ta, habula mbu ye yaboolanga, mbu nisie Omuruchi wa baYahudi.
\p
\v 22 Pilato nakalusia, mbu elia ehandiike emalire okhuhandiika.
\p
\v 23 Mana abalindi, olwa bali nibamalire okhumubamba Yesu, babukula ebifwalo bie, nibabikabula emikabo chine, buli omulindi omukabo; khandi nende ikanzuye; habula ikanzu shiyali nende obunabiro bwosi ta, yalukhwa bulukhwa yosi okhurula ikulu.
\v 24 Baboola khulwesho abeene khubene, khuleshe okhuchirandula ta, nebutswa khupe ikhaa, itsa okhuba eyawina; mbu elihandiiko libisibwe, Eliboola, mbu bakabana ebifwalo bianje khubo, Nibakhupa ikha khungubo yanje, Niko kachira abalindi bakhola bario.
\p
\v 25 Ne baliho nibasinjire ahambi nende omusalaba kwa Yesu nyina mwana, nende omukhana wabwe nyina mariamu omukhasi wa Kiliopa nende mariamu magadalina.
\v 26 Olwa Yesu yalola nyina, nende omwechi nasinjireho, owa yaheera, yaboolera nyina, omukhasi, Lola omwanawo ngwoyo!
\q
\v 27 Mana nabuboolera omwechi oyo, Lola mawo ngwoyo! okhurula ebise ibo omwechi oyo namubukula namuyira ewuwe.
\p
\v 28 Olunyuma lwako, Yesu namanyire mbu amakhuwa koosi kali nikamalire okhuwa, mbu lihandiiko liusibwe, yaboola mbu obuloo bundia.
\v 29 Ne yali nirenjeekhweho isiongo ye idivai eyiranyire, nibabukula eshiangwe eshiali nishitsuulemwo nibachira khumunwakwe.
\v 30 Olwa Yesu yali namalire okhunyola idivai, yaboola mbu kaweere; niyenamia omurwekwe nahana Roho ye.
\p
\v 31 Abayahudi khulwesho, shichira yali inyanga yokhwikhwaniria, emilambo chileshe okhutong'a khumusalaba khunyanga yeisabato (okhuba inyanga yeisabato yali inyanga ikhongo) basaba pilato mbu bafunakwe ebirenje biabwe nibarusibwaho.
\v 32 Kho abalindi nibetsa, nibafunaka ebirenje bia wamberi, nende ebioundi oyo owali nabambirwe ninaye.
\v 33 Ne olwa boola khu Yesu, nibalola shinga olwa amalire okhufwa, shibamufunaka ebirenjebie ta.
\v 34 Nebutswa mulala khubalindi abo yamufumira mumbafu neliifumo, Ne habwene nabwene karulamwo amatsayi nende amatsi.
\v 35 Nomwenoyo owalola yarumbula akobuloli nobwatoto; khandi amanyire mbu aboolanga katoto mbu nenyu mwesi musubire.
\p
\v 36 Okhuba amakhuwa kano kekholekha mbu aliahandikwa liusibwe mbu likumbalie shilia finakwa ta.
\v 37 Mana khandi lihandiko lindi libool mbu, balimuhenga oyo owabafumura.
\p
\v 38 Olunyumalwa yako, Yusufu owa Arimathayo owali omwechi wa Yesu, mumefiswi shichira yaria abaYaudi, yasaba Pilato mbu, abukule omubiri kwa Yesu. Mana Pilato namuheresia, natsia nabukula omubiri kwa Yesu.
\v 39 Mana Nikodemu yesi niyetsa, omwenoyo, owamwitsira mushiro narera omutsokasio kwa mane mane nende tsisubiri ebihera tsiratili eshikhumi obusiro.
\v 40 Kho nibabukula omubiri kwa Yesu, nibakuboha mungubo yeisanda yeikitani halala nende amalesi shinga eshima shiabaYaudi shiokhuyabira.
\v 41 Ne habundu yaho ewa yabambirwa kwaliho omukunda kwalimwo ing'ani imbia eya omundu yesi yali nashiri okhuyabirwamwo ta.
\v 42 Yaho bamwalisia Yesu okhubera yali inyanga yokhwikasiria khwabayaudi okhuba ing'ani yali ahambi.
\c 20
\cl Yohana 20
\p
\v 1 Inyanga ya mberi yelijuma, Maria Magidaline, niyetsa mumabwibwi, yatsia khushirindwa, nanyola lichina lirusibwe khumunwa kweshirindwa,
\v 2 naye niyerukha tsimbirl natsia khuSimioni petero nende khubabechibanda abaYesu yahera, nababira, babukuule Omwami mung'ani, neshikhumanyire ewabamurere ta.
\p
\v 3 Kho Petero nende abechi bandi nibatsia khushirindwa.
\v 4 Kho berukha bosi, naye Omwechi undi namushira petero, niyola imberi waPetero.
\v 5 niyenama nahenga mukari, nalola tsingubo ne shiyatsia mukari ta.
\p
\v 6 Naye petero niyola, niyenjira mwo, nalola tsingibo.
\v 7 Nalola eshitasi eshiali nishiboirwe khumurwe nishilali halala nende tsingubo ta, nishiru shionyene habuleka.
\v 8 Naye omwechi ulia owaranga okhula niyenjilamwo, naye nalola, nasubira.
\v 9 Nabo shibetsulira amaandiko mbu, okhuula alamushe okhurula mubafu.
\p
\v 10 O Nabo abechi nibatsia mungo tsiabwe.
\v 11 Naye Maria nasinjiraho niyekhulanga, niyenama nalenga mukari.
\v 12 Nalola abamalaika babiri mulala namurwe, oundi nabilenje ewomubiri kwa Yesu kwali nikurerwe.
\p
\v 13 Nababoola ninabo, omukhasi mbushina noliranga? Okhuba bamubukule Omwami wanje, nasi shemanyire ewabamurere ta.
\v 14 Ne olwa yali niyakhaboola ario, yashukhana, nalola Yesu nasinjire inyumawe, naye nalamumanya ta.
\q
\v 15 Yesu namuboolera, Omukhasi, mbushina noliranga? okhabanga wina? Naye napara mbu nomundu womumukunda, namuboolera, Omwami, noba nomubukule mbolera ewa omuurere, nasi ndala mubukula.
\p
\v 16 Yesu namuboolera, Maria, naye nashukhana inyuma, naboolal Rabooni, nikhwo okhubola mbu, Omwechesia.
\q
\v 17 Yesu namuboolera, sholandirakhwo ta shichira eshiri okhutsia ikulu wa Papa ta, ne tsia khubana befwe obabolere, enzia ewa Papa wanje, ouli Papa wenywe, Nyasaye wanje khandi Nyasaye Wenywe.
\q
\v 18 Maria Magadalina yetsa naboolera abechi mbu aluutsi Omwami, ne mbu aboolere amakhuwa kano.
\p
\v 19 Nayo inyanga eyo yali inyanga yamberi khwichuma, emiliango chiali nichikalwe abechi nibakhung'anire halala khulwa okhuria abayaudi, Yesu yetsa nasinjira hakari wabwe, naboola, Omulembe kube ninenywe.
\v 20 Ne olwa yali yakhaboola ario, yabamanyia emikhono chie, nende tsimbafu tsie, nabo nibasangala mbu balumutsi Omwami.
\p
\v 21 Naye khandi nababira, omulembe kube ninenywe, shinga olwa Papa yaruma, nasi siesi ebaruma.
\v 22 Ne olwa yali yakhaboola ario yabafurakhwo omuyakwe, naboola, nyole Roho mulafu.
\v 23 Yesi owaleshera obwononi, alalesherwa, naye owamulaleshera ta, shalalesherwa ta.
\p
\v 24 Naye Tomasi mulala khwekhumi nababiri shiyali halala ninabo ta.
\v 25 Kho abechi bandi nibamuboolera, khulutsi Omwami, naye naboola, nenda shialola emikhonochie ta, eshilolero yemisumari, mana endirekhwo namakhono kanje, mumbafu tsie, shenyala okhusubira ta.
\p
\v 26 Ne olunyuma lwetsinyanga munane, abechi balimukari, naye Tomaso yali ninabo, naye Yesu niyenjira emiliango nichikale, nasinjira hakari wabwe, naboola, omulembe kube ninenywe.
\q
\v 27 Naye namuboolera Tomasi, rera omukhonokwo otire khumikhono chianje, nyira khandi otire mumbafu tsianje, alabulanga obusubiri ta, habula osubirenje.
\q
\v 28 Naye Tomaso nakalusia, Omwami wanje, khandi Nyasaye wanje.
\q
\v 29 Yesu namukalusia, Tomaso, okhuba olutsi, bulano osubire, bali naekhabi abasubira nibashiri okhulola.
\p
\v 30 Ne amanji kamangalimwa Yesu yakhola imberi wabechibe akalaandikwa mushitabu shino ta.
\v 31 Ne kano kaandikwa mbu, munyale okhusubira mbu Yesu Kristo, Omwana waNyasaye, ne mbu mubusubiri munyole obulamu muliralie.
\c 21
\cl Yohana  21
\p
\v 1 Olunyuma lwamakhuwa kano, Yesu yebuula khubechibe khandi khulukuku lweinyanza ya Tiberia, naye yefunula munjira yino,
\v 2 Simioni Petero, Tomaso owalangwa mbu, (likhwana) Nathaniel wa Kana muGalilaya, abaana ba Zebedayo, nende babiri bandi khubechibe, bali halala.
\v 3 Simioni Petero nababoolera, enzie okhunyena, nabo nibaboola, fwesi khutsia ninawe. Nibatsia muliaro, ne mushiro esho shibatirakhwo shiosi ta.
\p
\v 4 Ne olwa bwali nibushietsanga, Yesu yasinjira khulukuku lweiNyanza, abechi nibalamanya mbu, ni Yesu ta.
\q
\v 5 Yesu nabareba, Abaana, munyolilekhwo inyeni? Nabo nibakalusia, Tawe,
\q
\v 6 Nababoolera, sukune olukhanda mukhono musatsa kweliaro nenyu mulanyola tsinyeni. Kho basukuna olukhanda, nibatira tsinyeni tsinyinji eshichero shiabalanyala okhurusia ta.
\v 7 Naye omwechi we Yesu yali yachama namuboolera Petero, NoMwami, olwa Simioni Petero yaulira mbu NoMwami, yamala niyefwala tsingubo,
\v 8 nabo abechi bandi bejira muliaro lititi nibetsa, okhuba shibali ehale ta. Nabo nibakhwesa tsikhanda tsitsulemwo tsinyeni.
\v 9 Ne ulwa bekha hasi, banyola muliro, inyeni niirerwekhwo, nomukate.
\p
\v 10 Naye Yesu nababoolera, rerekhwo khutsinyeni tsiamwakharusia.
\v 11 Naye Simioni petero nasundula tsikhanda khulukuku, tsitsulemwo tsinyeni, tsimia tsitaru nende amakhumi karano.
\p
\v 12 Yesu nababoolera, yitse mulie, naye yabulaho khubeche owamureba mbu, niwe wina? nibamanyire mbu, noMwami.
\v 13 Naye Yesu yabukula omukate inyeni, nabaheresia,
\v 14 Luno lwali lwakhataru Yesu okhwilolesia khubechibe, okhurula nalamusibwa mukhufwa.
\p
\v 15 Olwabali nibakhalia, Yesu yaboolera SimionibPetero, "Simioni, Omwana wa Yona, wahera okhushira bino?" Naye nakalusia, yee, Omwami, wamanya mbu ndakhuchama, namuboolera, lisia amakondi kanje.
\p
\v 16 Namuboolera khandi lwakhabiri, Simioni Simioni, Omwana wa Yona, Wahera? namukalusia, yee, Omwami, wamanya mbu ndakhuhera, namubolera, Lisia amakondi kanje.
\p
\v 17 Namuboolera lwakhataru, Simioni Simioni Omwana wa Yona, Wahera? Naye Petero nasinyisibwa okhuba amurebire olwakhataru, mbu, wahera? Naye nakalusia, Omwami, ewewamanya ebindu biosi, wamanya mbu ndakhuhera. Yesu namukalusia, Lisia amakondi kanje.
\p
\v 18 Toto mwene ekhuboolera mbu, olwa oba noshiri omubuukha, wikasia omwene notsia ewa ochama, ne olwa oliba omukofu, wakhanyire omukhonokwo, naye oundi nakhuyira ewolenya ta.
\v 19 Lino yaboola namanyisinjia lifwa liekhamuhersie Papa oluyali, ne olunyuma lwokhuboola kano, yamuboolera, nondekhwo,
\p
\v 20 Naye Petero nashukhana namulola Omwechi waYesu yayanza nabalondangakhwo, owesetaminjia khushirifu shie ebise fieshiokhulia, naye naboola, Omwami niwina okhukhoba?
\v 21 Naye Petero olwa yamulola nareba, Omwami naye uno?
\p
\v 22 Yesu namukalusia, ndakhenya mbu, abeho okhula okhukalukha khwanje, kakhuhendiria shina? ewe nondakhwo.
\v 23 Nalio likhuwa lino nilitsia khubaherwa bosi mbu, Omwechi Oyo shalifwa ta. Naye Yesu shiyabolakhwo mbu shalifwa tawe, nebutswa mbu, nindakhenya mbu abeho okhula olwanditsa, kakhuhendiria shina?
\p
\v 24 Uno niye Omwechi ouboolanga khubuloli bwebindubino, khandi niye owaandika. Nefu khumanyire mbu obuloli buno nobwatoto.
\p
\v 25 Khandi khuli nende amanji akaYesu yakhola, kalaandikwa, shikhwakhabere nende obwiyangu ta, embara mbu kata eshibala shiosi shishiakhachinjire ta.