lrm_reg/43-LUK.usfm

\id LUK
\ide UTF-8
\h Luka1
\toc1 Luka1
\toc2 Luka1
\toc3 luk
\mt Luka1
\c 1
\cl Luka 1
\p
\v 1 Abanji batema okhura mubuhandiche obubooli nende ebindu biosi ebisubilrungwa mwifwe.
\v 2 Shinga olwa bakhuheresia, akokhurula mukhuchaka bali abaloli betsimoni khandi abakhalabani belikhuwa.
\v 3 kanjamisia siesi olunyuma lwokhuba nende obumanyilisi bwatoto bwebindu biosi okhurula khubuchachiro, okhuhandichira omukhulundu Theofilo.
\v 4 Mbu onyale okhumanya obwatoto bwamakhuwa kano, akawalachirisibwa niwechesibwa.
\p
\v 5 Yao mutsinyanga tsia Herode omuruchi waYudea, Omukuhani welira mbu Zakaria, weinzu ya Abia, naye omukhasiwe omwana wa Aroni, we liralie mbu Lsaabeti
\v 6 Bosi bali abandu abalunjishi khuMwami, nibachendanga mumalako nende tsinjila tsiomwami babula eshikha.
\v 7 Ne shibali nende omwana ta, okhuba Lisabeti yali omukumba.
\p
\v 8 Ne kamala kaba mbu olwa yali nakholanga emirimochie chiobukuhani, shinga olwa kenyekha khubukhalabanibwe.
\v 9 Okhulondokhana nende emima chiobukhalabani, shiali eshikhashie shiokhusamba obubani muhekalu yoMwami.
\v 10 Nabo abandu bosii bali nibasayanga erwanyi.
\v 11 Naye malaika woMwami namuloleshera, nasinjire omukhono musatsa elubeka lwo obubane.
\v 12 Naye olwa Zakaria yamuloola, yanyakhana, oburi bwamutira.
\v 13 Naye malaika namuboolera, "olaria tawe Zakaria. Okhuba amasayoko kolere, omukhasi wo lisabeti alebula omwana omusiani, nawe olamukulikha mbu Yohana.
\v 14 Nawe olaba nobuyanzi, nende okhwikhoya, abanji balisangala khukhwibulwakhwe,
\v 15 Okhuba aliba omukhongo mumoni tsiaNyasaye, ne shalinywakhwo idivai noho shiosi eshilulu, alitsusibwa roho omutsienukhu okhurula munda mwanyina.
\v 16 Ne abanji khubana ba Israeli, balimukalushira Omwami Nyasaye wabwe.
\v 17 Naye alaranjirira mumani kaRoho wa Eliya, okhushukhasia emioyo chia baPapa khubana, nende abechinjimisi khubumanyirisi bwobulunjishi, okhura habwene abandu bakasiRibwa Omwami."
\p
\v 18 Zakaria nabooleRa malaika, kano kalekholekha Karie? Okhuba esie endi omukofu khandi omukhasi yesi yabirwa nemiaka.
\p
\v 19 Naye malaika nakalusia naboola", nisie Gabreli owemanga mushirenje shiaNyasaye, nasi erumirwe okhuboolera oburume obulai buno.
\v 20 lola, olaba, omusiru, oulanyala okhuboola ta, okhula olwa amakhuwa kano kalikholekha, okhuba shosubire amakhuwa kanje akalatusibwa mushise shiako.
\p
\v 21 Nabo abandu bamulinda zakaria, nibauka mbu ashindire muhekalu.
\v 22 Ne olwa yarula, shiyanyala okhuboola ninabo ta, nabo nibamanya mbu alutsi amalolero muhekalu, okhuba shiyanyala okhuboola ta.
\p
\v 23 Ne olwa tsinyanga tsie tsiobukhalabani tsiaua, yakalukha nanzu we.
\p
\v 24 Ne olunyuma lwene omukhsiwe yatira inda, niyefisa emiesi chirano naboola,
\v 25 kho Nyasaye yakholire, yalenjire obulamu bwanje niyarusiakhwo tsisoni mubandu.
\p
\v 26 Ne olunyuma lwemiesi chisasaba, Malaika Gabrieli yarumwa mwitkho lia Galilaya lilangwa mbu Nazareti,
\v 27 khumushisira owabaisibwa nende Yusufu welira mbu, Mariamu.
\v 28 Naye malaika namwitsira, "namushesia ewe ounyolire obukosia khuMwami, Omwami alininawe, oli weikhabi mubakhasi."
\v 29 Naye olwa yamulola yachenyisibwa namaparo khu bubolibwe, niyereba kuno nomulembe kwambiashi?
\v 30 Naye malaika nakalusia, "olaria taa, Mariamu, okhuba onyolile obukosia okhurula khu, Mwami.
\v 31 Nawe olanyola inda, niwibula omwana omusiani, olamukulikha mbu YESU.
\v 32 Naye yakhabe omukhongo, alilangwa mbu, Omwana wo ouli hekulu, naye Omwami Nyasaye alimuheresia eshifumbi shia Daudi samwana.
\v 33 naye aliruka inzu ya Yakobo inziayo, ne oburuchibwe shibuliba nende eshiakamo ta."
\p
\v 34 Naye Mariamu namukalusia malaika, kano kalekholekha karie, nasi eshiri okhumanya Omusatsa ta?
\v 35 Naye malaika namuboolera,"Roho mulafu alakhwishiRa, nako amani akouli Mwikulu kalakhufunikha, nayo oyo omulunjishi oulebulwa ninawe alalangwa mbu, Omwana waNyasaye."
\v 36 Na lola mufilawo Lisabeti, yesi anyolire inda mubukofubwe, nayo nemiesi chisasaba bulano, owalangwa mbu omukumba.
\v 37 KhuNyasaye shibulao eshilanyalikha ta."
\p
\v 38 Naye Mariamu nakalusia, endi omusumba waNyasaye, kabe shinga olwa oboola, naye malaika namulekha.
\p
\v 39 Naye Mariamu narulayo mutsinyanga etso, natsia mushikulu muYuda.
\v 40 Naye niyenjira munzu mwa Zakaria, nashesia Lisabeti.
\v 41 Naye olwa lisabeti yaulira omulembe kwa Mariamu, omwana yabayabaya mundaye, mana Lisabeti niyetsulwamwo nende Roho mulafu.
\v 42 Naye naboola nomwoyo omukhongo, oli weikhabi mubakhasi, khandi indayo niyeikhabi.
\v 43 Ne kabere kariena mbu, mama woMwami wanje yetse khwisie?
\v 44 okhuba olwa omwoyo kwomulembekwo kuulire mumarwi kanje, omwana abayabayire munda mwanje nobuyanzi.
\v 45 Naye alineikhabi ousubire, okhuba khulaba nende okhwikholekha khwa amakhuwa kaboolirwe nende omwami.
\p
\v 46 Naye Mariamu naboola, omwoyo kwanje kumuchingula Omwami.
\q
\v 47 Naye Roho wanje asangala muNyasaye omuhonia wanje.
\q
\v 48 Okhuba ahenjeRe obututu bwomukhalabaniwe, lola okhurula bulano okhula inziayo, tsinzibula tsiosi tsilamulanga mbu, oweikhabi.
\q
\v 49 Okhuba ye ouli omukhongo akholiRe amakhuwa amakali khwisie, nalio eliralie nelitsienukhu.
\q
\v 50 Nabo obukosiabwe buli khubamuritsanga, okhurula khulwibulo okhula khulwibulo.
\q
\v 51 alolosie amani nomukhonokwe, asalasiye ebechinjimisi mumaparo kemioyo chiabwe.
\q
\v 52 Yeshiye hasi bamani okhurula khubisala biabwe, nachingula balia, abahasi.
\q
\v 53 Yekusie beinzala nende ebindu ebilayi, nabo abayinda, a baleshere emikhono emikhaya.
\q
\v 54 shinga olwa yaboola nende baPapa befwe,
\v 55 khu Abrahamu, nende imwo yiye inziayo.
\p
\v 56 Naye Marimu namenya ninaye emiesi chitaru mana narula nakalukha munzuwe.
\p
\v 57 Natso tsinyanga tsia Lisabeti tsiola tsiokhwibula, niyebula omwana omusiani.
\v 58 Abamenyanibe nende abekho nibaulira shinga olwa Nyasaye amulolesiye obukosia obukhongo, nibasangala ninaye.
\v 59 Ne olwa yola khunyanga yo munane, betsa okhusheba omwana. Nibamulanga mbu Zakaria elira liasamwana.
\v 60 Naye nyinamwana nabola tawe, alangwa mbu Yohana.
\v 61 Nibaboola, abulao mulwibulo luno oulangwa elira ero.
\v 62 Nabo nibamucherera samwana mbu akhoyere okhulangwa mbu, wina?
\v 63 Naye nasaba eshipao shiokhuhandika, naboola eliralie ni Yohana, mana abandu nibauka.
\v 64 Nako omunwakwe nikwikukha lwangu. olulimi lwe nilwanguya naboola, namwitsomia Omwami.
\v 65 Ne oburi nibubenjira bosi abamenyani be, nelikhuwa ero ninyaira buli habundu mwitoko liosi mushikulu shiebuYaudi.
\v 66 Ne bosi abahulira nibabikha mumioyo chiabwe, nibaboola, uno nomwana wambiashi? Nakwo omukhonokwa Nasaye kwali ninaye.
\v 67 Naye Zakaria samwana yetsulwa nende Roho omutsienukhu, narumbula naboola,
\q
\v 68 ahebwe oluyali Nyasaye we Israel okhuba akhuchendere nahonia abandube.
\q
\v 69 Naye achinguliRe olwika lwobuhonia khwifwe, munzu yomukhalabaniwe Daudi,
\q
\v 70 shinga olwa yaboola khumunwa kwabalakusibe abasubirwa, okhurula okhuchaka khweshialo.
\q
\v 71 Mbu khuonibwe khubasuku befwe, nende okhurula mumakhono Ka bosi, abakhukiyanga.
\q
\v 72 Okhukhola obukoosia obwalakwa bwaPapa wefwe, okhwitsulira indakanoye inzienukhu.
\q
\v 73 Eshitsubo eshiayetsuba khuPapa wefwe Abrahamu.
\q
\v 74 Mbu khatimba alakhuhonia okhurula mumakhono kabasuku befwe, mbu khunyala okhumurumushira halali oburi.
\q
\v 75 mubutsienukhu nende obulunjishi tsinyanga tsiosi tsiobulamubwe,
\p
\v 76 Nawe omwane olalangwa mbu, omulakusi ouli ikulu, okhuba alitsa imberi woMwami, okhukasia injiraye.
\q
\v 77 Okhuhana obumanyi bwobuhonia khubandube, khunjira yokhurusia tsimbi.
\q
\v 78 Okhuburira khubukosia obukhongo bwaNyasaye, obwa okhucheniaya okhurula ikulu.
\q
\v 79 Okhuheresia obulafu balia ebekhale mushirima, nende mushinikha shiokhufwa, nayira ebirenje biefwe mutsinjira mumulembe.
\p
\v 80 Naye omwana nakhula, naba namani yetsulwa mwo Roho, naye yali mushitsimi tsinyanga tsiosi muIsraeri.
\c 2
\cl Luka 2
\p
\v 1 Mutsinyange etsio, likhuwa liabisibwa nende Kaisari Augusto mbu, abaandu boosi babasibwe.
\v 2 Buno nibwo obubali bwamberi olwa Kirenio yali Kafuna wa Siria.
\v 3 Mana bosi nibatsia okhuhandikwa buli Mundu mwittokho liabwe.
\v 4 Naye Yusufu yesi natikulukha okhurula eGalilaya mwitokho lia Nazareti, natsia ebuYaudi mwitokho lia Daudi, elilangwa mbu, Bethelehemu khulwibulo lwa Daudi.
\v 5 okhuhandichisibwa halala nende omukhasiwe Mariamu, owa yali nakhwetsanga, owali nali Inda.
\v 6 Ne olwa Bali nibali ebweneyo, tsinyanga niyula yokhwibula,
\v 7 Niyebula Omwana Omusiani, omwikula-nda. mana namukanyira mutsingubo tsioMwana omutoro, namwalisia mulwero.
\p
\v 8 Shichira obwiyangu bwali nibubula. Ne mushibala esho balimwo abaayi abali nibayanga mushikuri nibamenyanga mushiayo, nibalinda ebiayo biabwe.
\v 9 Mana Malaika woMwami nabetsera ewa Bali, ne, obulafu bwoMwami nibubashira tsimbeka tsiosi ewa bali, nabo nibatirwa noburii.
\v 10 Naye Malaika nababoolera, mularia ta, okhuba lole emurerera oburume obulayi bwokhwikhoya, obwitsa khubandu boosi.
\v 11 Okhuba mwinywe yebulwa inyanga yino Mwitokho liaDaudi omuhonia, ouli Kristo OMwami.
\v 12 Ne shino shilamubera eshilolero, mbu, mulanyola akhana nikhakanyirwe mungubo, nikhakonire mulwero.
\p
\v 13 Ne lwangu betsa Malaika, Omukanda kwa boMwikulu nikwitsomia Nyasaye nikuboola,
\q1
\v 14 "Oluyali lubekhu Nyasaye ikulu Mwikulu, nomulembe mushialo khubandu ba yachama."
\p
\v 15 Mana olunyuma olwa abamalaika okhutsia Mwikulu, abayi nibabOolerana abene khubene, leshe khutsie Bethelehemu, khulole lino elikholire, elia Omwami akhumanyiye.
\v 16 Nibakhola bwangu, nibatsia nibanyola Mariamu, Yusufu, nende Omwana nakonibwe mulwero.
\v 17 Ne olunyuma lwokhulola, barumbula amakhuwa kabali nibaboolirwe khuMwana Oyo.
\v 18 Nabo boosi abakaulira nibauka muno akababoolerwa nende abayi yabo.
\v 19 Nebutswa Mariamu nabikha amakhuwa yako koosi mumwoyo nakairirisia.
\v 20 Abayi nabo nibakalukha betsoominjia Nyasaye khukosi akabali nibaulire nende okhuilola shinga olwa bali nibaboolirwe.
\p
\v 21 Mana olunyuma lwetsinyanga munane tsiokhumusheba, bamukulikha elira mbu, Yesu, shinga olwa Malaika yamukulikha nashiri okhuberekhwa.
\p
\v 22 Ne olwatsinyanga tsiokhusiiywa tsiali nitsiwere, shinga olwa amalako kaMusa Kali, batikulukha ninaye nibamuyira Yerusalemi okhumumanyia Imberi woMwami.
\v 23 Shinga olwa kahandikwa mumalako koMwami mbu, buli eshisatsa eshikula Inda shilabetsanga eshitsienukhu shioMwami.
\v 24 Nende okhumala emisango shinga kaboOlwa mumalako koMwami mbu, Amahusi kabiRi, nomba emitsosolo chibiRi chiamakuku.
\p
\v 25 Ne lola, khwali, nende omundu muYerusalemi, welira mbu, Simioni, omundu oyo yali omulunjishi, owaritsanga Nyasaye nalindirira obulemibwi bwa Israeli, kata Roho omutsienukhu yali ninaye.
\v 26 Ne yali niyafunulirwa nende Roho Omutsienukhu mbu, shialilola okhufwa nashialola Kristo ta.
\v 27 Naye, muRoho, niyenjira muhekal, ne olwa abebuli bamurera Omwana Yesu mbu, bamukholere akeshima shiamalako shinga olwa shiri.
\v 28 kho yamubukula mumakhono, namwitsomia Nyasaye, mana naboola,
\q1
\v 29 OMwami bulano bukula Omusumbawo mumulembe, okhuRondokhana nelikhuwalio.
\q1
\v 30 Okhuba tsimoni tsianje tsilutsi obuhonia,
\q1
\v 31 obwakasiribwa ebweni bwa abandu boosi.
\q1
\v 32 mbu, obulafu bwashire bamahanga, noluyali lwabandubo, Israeli.
\p
\v 33 Mana Yusufu nende nyina nibauka khumakhuwa akaboOlwa khuye.
\v 34 Mana Simoni nabasabira ikhabi, naboolera Mariamu nyinamwana, mbu, lole Omwana uno orerwa khulwa okhukwa, nokhubukha khwabanji khuba Israeli khandi khulwa eshilolero shialobwa
\v 35 (Nawe olukanga lulafumira omwoyokwo wesi,) mbu amahiririsio kemioyo eminji kamanyishe.
\p
\v 36 Ne yaliho oundi mbu, Anna, Omulakusi, omukhana wa Fanueli, owo muluyia lwa Asheri, yali omushiere omukofu muno, owali namenyanga nomusatsawe emiika musafu okhurula mubushisirabwe.
\v 37 Ne yali omulekhwa emika amakhumi munane nende chine, shiyarulanga muhekalu ta, habula yenamiranga Nyasaye mukhwiyima nende okhusaya eshiro neshitere.
\v 38 Naye niyola khushise shieneshio namwitsomia Nyasaye nababoolera amakhuwa khuye boosi abalindiriranga obununulwi bwa Yerusalemi.
\p
\v 39 Ne olwa Bali nibamalire amakhuwa koosi okhulondokhana nende amalako, koMwami, bakalukha eGalilaya nibatsia mwitala lia e Nazareti.
\v 40 Naye Omwana nakhula, owamani muRoho, niyetsulamwo obuchesi, nende obukosia, Naye Nyasaye yali ninaye.
\p
\v 41 Nabo abebulibe batsitsanga Yerusalemi buli mwika muPasaka.
\v 42 Ne olwa yali emika ekhumi na chibiri, yatsia Yerusalemi shinga eshima shielisabo shiali.
\v 43 Ne olwa Bali nibamalire tsinyanga nibachereranga, Omwana yatong'a inyuma Yerusalemi, Naye Yusufu nende nyina nibalamanya ta.
\v 44 Nabo nibakala mbu, ali mumukanda, batsiririra oluchendo lweshitere eshilamba, nibamukhabanga mubekho babwe nende mubashiabwe.
\v 45 Ne olwabalamunyola ta, bakalukha khandi Yerusalemi, nibamukhabanga.
\v 46 Ne olunyuma olwa tsinyanga tsitaru, bamunyola muhekalu, niyekhale hakari wabechesia, nabarecheresinjia khandi nabareba amarebo.
\v 47 Nabo boosi abamuulirisia nibauchisibwa khulwa obumanyirisibwe nende amakalusio ke.
\v 48 Ne olwa bamulola, bauchisibwa po, naye Nyina namureba, Omwana, mbushina nakholire orio? Lola khukhukhabire nende Papawo muno.
\v 49 Naye nakalusia, "mukhabirenje endie? Shimumanyire mbu, ekhoiyere okhubetsanga khumirimo chia Papa?"
\v 50 Nabo shibamanya eshifune shielikhuwa tsana.
\v 51 Mana nakholomokha ninabo, niboola Nazareti, Naye namenya nabauliranga. Ne Nyina yabikha yako koosi mumwoyokwe.
\p
\v 52 Mana Yesu nametekha mubuchesi nende eshiimo shie muNyasaye nende khubandu.
\c 3
\cl Luka 3
\p
\v 1 Khumwika kwekhumi nachirano kwoMuruchi Tiberia Kaisaria, Pondia Pilato nali kafuna weBuyaudi, naye Herode nali Omuruchi wa Galilaya, naye omusiani wabwe Filipo nali omuruchi mumbali tsia Turea nende Turakoniti, khandi Lisania nali Omuruchi wa Abilene,
\v 2 Annasi nende Kayafa nibali abakuhani abakhongo, Likhuwa liaNyasaye liamwitsira Yohana Omwana wa Zakaria nali Mushitsimi.
\v 3 Naye niyetsa mubitonye biosi bia Yorodani, nayalanga Obubatisi bwokhwikalukhasia khulwa okhureshelerwa tsimbi.
\v 4 Shinga olwa kaandikwa nende Omulakusi Isaya mbu, "Omwoyo kwomundu kulanjirisinjia mushitsimi; kasie injira yoMwami kololosie tsinjira tsie.
\q1
\v 5 Buli libanda liakhetsusibwe, nasho buli Eshikulu nende tsingulu biakhaherasibwe, ne hosi hekota nihakololosibwa, ne hosi nali nende ebisichirasio naakasibwa.
\q1
\v 6 Ne abandu bosi balilola Obuhonia bwoMwami.
\p
\v 7 Kho naboolera omukanda omukhongo okwetsa okhubatisibwa naboola, O, enywe olwibulo lweinzokha, niwina oubachesiiye okwirukha oburuma bwaNyasaye obwitsanga?
\v 8 Mwame ebiamo ebifwana nende okhwikalukhasia khwenyu. Nenyu shimuleboolera mbu, Abrahamu niye Papa wefwe ta, okhuba ebaboolera mbu, Nyasaye anyala okhwikholera abana okhurula mumachina kano.
\v 9 Ne bulano, Ihaywa imalire okhurebwa hashisina shiemusala, kho buli musala kulama ebiamo ebilayi tawe kuremwa nikurebwa mumuliro.
\p
\v 10 Nabo abandu nibamureba, kho, khukhole shina?
\p
\v 11 Naye nakalusia naboola,' oulinetsingubo tsibiri, aresiekhwo oubula, naye ouli neshiokhulia, akhole ario.'
\p
\v 12 Khandi abakhalachi bobushuru nibetsa nibenyanga okhubatisibwa nibamureba Omwechesia, khukholeshi?
\p
\v 13 Naye nababoolera, 'shimulabukula shiosi okhushira eshiamwalakwa ta.'
\p
\v 14 Nabo abalindi nibetsa, nibamureba bario mbu khukholeshi? Naye nababoolera 'murakholera omundu yesi amahababa ta, noho okhuira Itokho khumakhuwa kobubatsa ta, mana mbu, emirungo chienywe chibaherenje.'
\v 15 Ne abandu bali nibalindiriranga, nibauka mumioyo chiabwe khuka Yohana, mbu, niye Kristo, noho ta:
\v 16 Yohana nakalusia nababoolera bosi, toto isie ebabatisia nende amatsi, Ne omukhongo okhushirasie yetsanga, owa kata emikoye chibilarobie shekhoyere okhutirakhwo ta, naye alababatisie nende Roho omutsienukhu nomuliro.
\v 17 Ouli noluteru mumakhono, yetsa okhusesa Inganoye, naye alabukula Ingano mushiachi, nako amakhumbiri kosi alakasamba nomuliro kulasima ta.
\p
\v 18 Halala namakhuwa kandi amanji kokhutinyisia, yerwatsira abandu.
\v 19 Naye Herode okhuba yamuhalabira khulwa Herodia omukhasi womusiani wabwe Filipo khukayali nakholire amabi,
\v 20 Yametakhwo kano, namura Yohana mumboye.
\v 21 Ne olwa abandu bosi bali nibabatisibwe, Yesu yesi. yetsa nabatisibwa, naye olwa yali nasayanga, Likulu liekukha.
\v 22 Naye Roho omutsienukhu namwishira mukhufwana khweliHusi, nakwo omwoyo okhurula Mwikulu nikuboO la, Ewe niwe Omwana wanje omuherwa, mwiwe eyanjisibwa,
\v 23 Naye Yesu yali emiika amakhumi kataru (shinga olwa Kali nikakhoyere,) Omwana wa Yusufu, Owali omwana wa Eli.
\v 24 Owali omwana wa Mashati wa Lawi, wa Meliki, wa Naumu, wa Esili, wa Yanai, wa Yusufu.
\v 25 Owali omwana wa Matania, owali omwana wa Amosi, owali omwana was Nauni, owali omwana wa Isili, owali omwana wa Nagai,
\v 26 owali omwana wa Mataa, owali omwana wa Matathia, owali omwana wa Simei, owali omwana wa Yusufu, owali omwana wa Yuda.
\v 27 Owali omwana wa Joana, owali omwana wa Risa, owali omwana wa Zerubabeli, owali omwana wa Salitieli, owali omwana wa Neri.
\v 28 owali omwana wa Meliki, owali omwana wa Addi, owali omwana wa kasimu, owali omwana wa Alimodamu, owali omwana wa Eri.
\v 29 owali omwana wa Yose, owali omwana wa Eliazari, owali omwana wa Yorimu, owali omwana wa Mathatia, owali omwana wa Levi.
\v 30 Owali omwana wa Simioni, owali omwana wa Yuda, owali omwana wa Yusufu, owali omwana wa Yonani, owali omwana wa Eliakimu.
\v 31 owali omwana wa Meleya, owali omwana wa Menani, owali omwana wa Matathia, owali omwana wa Nathani, owali omwana wa Daudi.
\v 32 Owali omwana wa Yese, owali omwana wa Obedi, owali omwana wa Boazi, owali omwana wa Sulemani, owali omwana wa Nasoni,
\v 33 Owali omwana wa Aminadabu, owali omwana wa Aramu, owali omwana wa Ezironi, owali omwana wa Faresi, owali, omwana wa, Yuda,
\v 34 owali omwana wa Yakobo, owali omwana wa Osaka, owali omwana wa Abrahamu, owali omwana wa Tera, owali omwana wa Nahori,
\v 35 owali omwana wa Seruki, owali omwana wa Rakau, owali omwana wa Feleki, owali omwana wa Hebari, owali omwana wa Sala,
\v 36 owali omwana wa Kainani, owali omwana wa Afeki, owali omwana wa Semi, owali omwana wa Nowe, Owali omwana wa Lameki,
\v 37 Owali omwana wa Methuselah, owali owali omwana wa Enoku, owali omwana wa Yaredi, owali omwana wa Mahelali, owali omwana wa Kainani,
\v 38 Owali omwana wa Enosi, owali omwana wa Sethi, owali omwana wa Adamu, owali omwana wa Nyasaye.
\c 4
\cl Luka  4
\p
\v 1 Naye Yesu niyetsulwe nende Roho omutsienukhu yakalukha Yorodani, niyemirirwa mushitsimi nende Roho omutsienukhu.
\v 2 Natemwa nende Setani tsinyanga amakhumi kane, shiyalikhwo neshindu shiosi eshia yalia ta, ne olwa yali namalire, yaulira inzala.
\v 3 Naye Setani namuboolera, noba noli omwana wa Nyasaye, laka lichina lino mbu libe omukate.
\p
\v 4 Naye Yesu nakalusia namuboolera, kaandikwa mbu omundu shalamenya khulwa omukate kwonyene ta, habula khulwa buli likhuwa lirula mumunwa kwa Nyasaye.
\p
\v 5 Naye Shetani namuyira khushikulu eshirambi, namumanyisia Oburuchi bwosi bweshialo khubise ebitutu.
\v 6 Naye Shetani namuboolera, obunyali buno bwosi ndalakhuheresia, okhuba ndahebwa, ne khuyesi owa ndienya emuha.
\v 7 kho noba niunyinamira ndalakhuheresia.
\p
\v 8 Naye Yesu namuboolera "tsia inyuma wanje Shetani, okhuba kahandikwa, olamwinamiranga omwami Nyasaye yenyene."
\p
\v 9 Namurera Yerusalemu, namura khushisuli shieIhekalu, namuboolera, noba noli omwana waNyasaye, wisukune okhurula hano okwe hasi,
\v 10 okhuba kaandikwa mbu alalaka abamalaikabe okhutira,
\v 11 Ne mumakhono kabwe balakhuchinga, oleshe okhwituya khwichina ta.
\p
\v 12 Naye Yesu namuboolera, "kaandikwa mbu, sholamutema Omwami Nyasaye wo ta.
\p
\v 13 Ne olwa yali niyakhamala okhumutema, yarula natsia khushise.
\p
\v 14 Naye Yesu nakalukha muGalilaya mumani kaRoho, nayo ifumaye niitsia mutsimbeka, tsiosi
\v 15 Naye niyechesia mutsisinagogi tsiabwe niyetsomibwa nende bosi.
\p
\v 16 Naye niyetsa Nazareti ewayakhulira, ne shinga shiali eshimashie, yatsia mutsisinagogi khunyanga yeisabato, nasinjira nasoma.
\v 17 Naheresibwa eshitabu shiomulakusi Isaya, ne olwa yafimbula eshitabu, yanyola habundu wabaandika mbu,
\q1
\v 18 Roho woMwami alikhwisie, okhuba yambashire okhwirwatsa oburume obulayi khubatakha, yarumire okhuhonia abafunikha emioyo, okhuyala obununuli khubaboye, nende okhulola khubabofu, nokhubalekhula balia abafinyikha.
\q1
\v 19 Okhwirwatsa omwaka kufuchirirwa nomwami.
\p
\v 20 Nafunikha eshitabu, nahana khumukhalabani, niyekhala hasi, bosi nibamurakhwo tsimoni.
\v 21 Nachaka okhubaboolera, inyanga yino lihandiko lino liusibwe mumarwi kenywe.
\p
\v 22 Nabo bosi nibamurusiria obuloli, nibauchisibwa namakhuwa kobukosia karula mumunwakwe, nibaboola, uno shali omwana wa Yusufu?
\p
\v 23 Naye nababoolera, toto mwene muliboola oluchero luno, omusirishi wisirishe omwene, akakhwaulira kekholekha Kaperinaumi, kholakhandi hano.
\v 24 Naye nababoolera, toto mwene ebaboolera, omulakusi abula oluyali ingo wabwe.
\v 25 Ne ebaboolera, khwali nende abalekhwa abanji mulsraeli tsinyanga tsia Eliya, olwa Likulu liekalwa emiaka chitaru neinusu, olwakhwali neinzala ikhongo muShialo.
\v 26 Ne Eliya shiyarumwakhwo khubo ta, halali Zerafathi mutsibeka mwa Sidoni khumukhasi owali omulekhwa.
\v 27 khandi khwali nende bobuchere abanji Israeli munyanga tsia Elia omulakusi, abulaho owasiiywa ta habula Namaani wa siria.
\v 28 Nabo abali musinagogi olwa baulira amakhuwa kano, betsulwa mwo liruma.
\v 29 Nibasinjira nibamusukuna erwanyi, nibamuira khushikulu welitokho liombakhwa mbu bamusukune hasi akwire omurwe.
\v 30 Naye nabira hakari wabo natsia.
\p
\v 31 Mana niyetsa kaperinaumu Litokho lia Galilaya, tsinyanga tsieisabato niyechesia.
\v 32 Nabo nibauchisibwa nende amechesio ke okhuba yechesia shinga omundu uli nobunyali.
\v 33 Musinagogi yalimwo omundu owali nende eshishieno, nalira nomwoyo omukhongo,
\v 34 nibiboola, khuleshe khube, obere orie ninefu Yesu wa Nazareti? witsire okhwonoonia? Khumanyire mbu oli omutsienukhu waNyasaye.
\p
\v 35 Yesu nahalabiRa eshishieno nabOola, holera, rula muye. Ne olwa eshishieno shiamupa hasi, shiarula muye, nishila musalisia ta.
\p
\v 36 Nibauchisibwa muno, nibaboOlerana abene khubene, buno nobuloli shina! okhuba khumani nobunyali ahalabira ebishieno nibirula.
\v 37 Nayo ifumaye niitsia mtsibeka tsiosi.
\p
\v 38 Narula musinagogi, niyenjira munzu ya Simioni, naye nyakhufiala nyene yali nende omuyeka omukhongo namusaya mbu amuhonie.
\v 39 Naye nasinjira ewa yali, nahalabira omuyeka, nako nikumulekha, nasinjira nibakhalabanira.
\p
\v 40 Olwa Eliuba liali niliyeeranga, bosi abali nende abalwale betsimbia tsiosi bamurerera naye nabarakhwo amakhono, nabahonia.
\v 41 Ebishieno nibirula mubanji nibilira, nibiboola, niwe Kristo omwana wa Nyasaye, naye nabihalabira mbu bilaboola ta, okhuba biamanya mbu niye Kristo.
\p
\v 42 Ne olwabwashia, yarula natsia mushitsimi, abandu nibamukhaba, nibetsa ewayali nibekhala ninaye mbu aleshe okhubalekha.
\v 43 Naye nababoolera, khatimba eyire oburume obulayi mumatokho kandi koosi, okhuba nishio eshifune shiokhurumwa khwanje.
\v 44 Naye niyerwatsa musinagogi ya Galilaya.
\c 5
\cl Luka 5
\p
\v 1 Ne olwa abandu bali nibafinyananga mbu baulire likhuwa lia Nyasaye, yasinjira khulukuku lwe inyanza ya Genezereti.
\v 2 Nalola Amaro kabiri kasinjire khulukuku lweinyanza, nabo abanyeni nibabulamwo nibosinjia tsikhanda.
\v 3 Niyenjire muliaro elala elia Simioni, namusaya mbu asitekhwo mukari hatiti. naye niyekhala hasi niyechesia abandu.
\v 4 Olunyuma lwokhumala okhuboola, yabolera Simioni, injisia Eliaro mukari mure tsikhanda munyene.
\p
\v 5 Naye Simioni nakalusia naboola, Omwami, khunyakhane eshiro shiosi ne shikhunyolire shiosi ta, habula khwikhuwa lio, ndalafubamwo tsikhanda.
\v 6 Ne olwa yakhola ario, batira tsinyeni tsikhanda nitsikhalikha.
\v 7 Nabo nibalanga abashiabwe bali muliaro lindi mbu betse babakhonye. Nibetsa nibetsusia amaro kabiri, okhula nikachaka okhwiinikha.
\v 8 Olwa Simioni yalola yakwa mumakulu kaYesu naboola, rulakhwo, isie endi omwononi Omwami.
\v 9 Okhuba yauchisibwa nende abayali ninabo khulwa obunji bwetsinyeni tsiabali nibatirire.
\v 10 kata bosi Yakobo nende Yohana, abana ba Zebedayo, abakholanga nende simioni, Naye Yesu naboolera Simioni, olaria tawe okhuba okhurula inyanga yino olaba omulobi wabandu.
\v 11 Olwabarera amaro khulukuku, balekha biosi nibamulndakhwo.
\p
\v 12 Ne olwa yola mwitokho lindi, lole omundu wetsula obuchere, olwa yamulola Yesu yakwa imberiwe, namusaya namuboolera Omwami nochama onyala okhusiiya.
\p
\v 13 Naye nanyira omukhonokwe namutirakhwo, naboola mbu enzenya, siikha; ne habweneyao obuchere nibumulekha.
\v 14 Naye namulaka mbu, shalaboolerakhwo omundu ta; Ne mbu astsie yemanyisie khubakuhani narusia ishihanwa shiokhusiiywa shinga olwa Musa ya laka shinga obuloli khubo.
\v 15 Naye shinga olwa yabakaya, nolwa batsiririra okhusalasia likhuwa,
\v 16 Yarula natsia mushitsimi na saya.
\p
\v 17 Ne inyanga yindi niyechesinjia, khwali nende abafarisayo nende abakhongo bamalako nibekhaleho, abali nibarulire buli mwitokho lia Galilaya, nende Ebuyaudi nende EYerusalemi, nako amani kaNyasaye kaliho okhubahonia.
\v 18 Ne lole, abandu barera khushitali owali yafwokoya, nibasaya abandu okhumurera nibamura mumakuluke.
\v 19 Ne olwa banyola mbu shibanyala okhwinjira tawe khulwa obunji bwabandu, banina khushitsafu shienzu, nibamwishia okhurula ikulu khushitali hakari wabandu nende Yesu.
\v 20 Ne olwa yalola obusubiri bwabwe, yaboola mbu, omusatsa, omalire okhulesherwa tsimbi tsio.
\p
\v 21 Nabo abaFarisayo nende abahandichi nibachaka okhuingana, nibaboola, niwina uno ounyeka omwami? Wina ounyala okhuleshera tsimbi nalali Nyasaye yenyene?
\p
\v 22 Naye Yesu olwa yamanyirisia amaparo kabwe, nabakalusia nababoolera, nishina eshia muiririsinjia mumioyo chienywe?
\v 23 Nishina eshiri eshiangu, okhuboola olesherwe tsimbi; nomba mbu sinjira ochende?
\v 24 Ne mbu mumanye mbu omwana womundu ali nende amani khushialo okhuleshera tsimbi, aboolere -omundu wafwokoya mbu, ekhuboolera mbu- sinjira obukule eshitali shio ochende otsie munzuwo.
\v 25 Ne mulwangu nasinjira nabukula eshitali shie eshiaya konangakhwo, natsia munzuwe niyetsominjia Nyasaye.
\p
\v 26 Nabo bosi nibauka nibamwitsomia Nyasaye, nibetsulwa noburi, nibaboola, khulutsi akokhuchenyia lero.
\p
\v 27 Olunyuma lwamakhuwa kano yatsia nanyola Lawi, niyekhale nakhalakanga obushuru, namuboolera, nondakho
\v 28 Naye nalekha, biosi nasinjira, namulondakhwo.
\p
\v 29 Naye Lewi nakasia omwikhoyo omukongo munzuwe, nekhwali nende abandu bakhalakanga obushuru abanji, nende abandi abakhalabananga ninabo.
\v 30 Nabo abahandichi nende abaFarisayo nibabuluula nibaboola, mbushina nalia nende abononi nende abakhalakanga obushuru?
\p
\v 31 Naye Yesu nakalusia nababoolera, abali abalamu shibenya omusirishi ta, habula abalwale.
\v 32 shindietsa okhukhaba abalunjishi ta, habula abetsimbi mbu bekalukhasie.
\p
\v 33 Nabo nibamuboolera, mbushina abechi ba Yohana nibeimanga nibasaya? khandi abechi babaFarisayo bosi bario nabo abobo balia nibanywa?
\p
\v 34 Naye nababoolera, onyala okhukhola abana beshiserero okhubula okhulia olwa bali nende omwene eshiserero?
\v 35 Nebutswa tsinyanga tsitsanga olwa omwene eshiserero alarusibwa khubo, nabo balabula okhulia tsinyagetso.
\p
\v 36 Nababoolera olukano, mbu, abulaho omundu ouretsanga eshilaka eshiiya khungubo ikhulu ta, shichira shilarandula ingubo eyo, khandi mbu eshitonye eshirula khumbia shishitsa okhurecheresania nende ikhulu ta.
\v 37 Abulao omundu oubukula idivai imbia nara muchupa ikhulu ta, shichira yitsa okhwatikha niisundukha nayo ichupa niisasikha.
\v 38 Habula idivai imbia irebwa muchupa imbia, ne biosi bibikhwa.
\p
\v 39 Abulaho omundu khandi namalire okhunywa idivai ikhulu owikomba imbia ta, shichira aboola mbu, ikhulu neindai okhushira
\c 6
\cl Luka 6
\p
\v 1 Ne khusabato yakhabiri, olunyuma lweyamberi niwere, yabira mumukunda kweingano, nabo abechibe nibachaka okhunoka Ingano nibalia, nibaboya mumakhono.
\v 2 Balala khubaFarisayo nibabuluula, mbushina nibakholanga akalakhoyere khunyanga yeisabato?
\p
\v 3 NayeYesu nabakalusia naboola, shimusomangakhwo shinga olwa Daudi nende abashie bali neinzala? Ye nende balia bayali ninabo.
\v 4 Shinga olwa batsia munzu ya Nyasaye nibabukula omukate kubulamwo amamera khandi nibaheresia abashiabo, likhuwa liali lilakhoyere ta khumalako, okhuba shiali eshiokhulia shiabakuhani bonyene?
\v 5 Naye nababoolera, Omwana womundu noMwami weisabato.
\p
\v 6 Khandi khunyanga yindi yeiSabato, yenjira musinagogi, niyechesia, naye omundu womukhonokwe omusatsa kwanyerala yalimwo.
\v 7 Nabo abaFarisayo nende abahandichi nibahenjeresia mbu, yakhamuonia noho khunyanga yeiSabato, mbu, banyale okhunyola shinga olwa bamwinjirira.
\v 8 Naye namanyire amaparo kabwe, yaboolera omundu womukhono kwanyerala mbu, sinjira ikulu hakari wabandu, naye nasinjira.
\v 9 Naye Yesu naboola, ndienya okhubareba likuwa elala, nobulayi khusabato okhukhola amalayi nomba amabi? okhuhonia omulamu nomba okhutibia?
\v 10 Naye nabahenga mumoni, nabira omundu oyo mbu, nyiira omukhono. Naye nakhola ario, ne omukhonokwe nikukalukha habwene shinga okundi.
\v 11 Nabo nibaba noburuma, nibapara halala eshiabanyala okhumukholera Yesu.
\p
\v 12 Tsinyanga tsienetsio yatsia mushikulu okhusaya, naye nasaya khunyasaye eshiro shiosi.
\v 13 Ne olwa eshitere shiola, yabalanga abeechibe, ne mubo yaula ekhumi nende babiri, abayakulikha mbu, Abarume.
\v 14 Simioni owayakulikha mbu, Petero, Anderea omusiani wabwe, Yakobo nende Yohana, Filipo nende Batsolomayo.
\v 15 Matsayo, nende Tomasi, Yakobo omwana wa Alufayo, nende Simioni omuzilote,
\v 16 Yuda, omusiani wabo Yakobo, nende Yuda Iskarioti, owali okhumukhoba Yesu.
\p
\v 17 Naye niyetsa hasi ninabo, nasinjira halala nende abechibe nende omukanda kwabechi nende omukanda omukhongo kwabandu okhurula Yudea, Eyerusalemu nende khuluchinga lweinyanza ya Tiro nende Sidoni, abetsa okhumuulira, nende okhuhonibwa amalwale kabwe.
\v 18 Nabo abali nende ebishieno bosi basiiywa,
\v 19 Nakwo omukanda kwosi nikwenya okhumutirakhwo okhuba amani karula muye nikabahonia bosi.
\v 20 Naye nachingula tsimoni tsie khubechibe nabOola mbu, muli neikhabi inywe abamanani, okhuba obwami bwoMwikulu nobwenyu.
\v 21 Muli neikhabi enywe abalumwa neinzala bulano, shichira mulekusibwa.
\p
\v 22 Muli neikhabi inywe olwa abandu babasira, nibamurusia mumukanda chiabwe, nababafimbia emirwe, nibabOola shinga amera kenywe namabii, khulwa elira lioMwana womundu.
\v 23 Mwikhoye muno mubise bienebo, nimuruka khulwa obuyanzi, lole eshihanwa shienywe neshikali Mwikulu, okhuba nilwo bakholera abaPapa babwe nende abalakusi.
\p
\v 24 Woowe! khwinywe abainda, okhuba mumalire okhunyola omukabo kwenywe,
\v 25 Woowe, khwinywe abekura, okhuba mulaba inzala. Woowe khwinywe abatsekha bulano, okhuba mulaberera nikmwikhula.
\v 26 Woowe, khwinywe olwa abandu bamwitsomia, okhuba nindio olwa basabwe bakhola khubalakusi bobubeyi.
\p
\v 27 Nasi ebaboolera abaulira, mchame abasuku benywe,
\v 28 khole amalayi mubasaire abamulaka eshilaka munwa, mubasabire ikhabi abalia abamunyeka.
\v 29 Wulia oukhupa olukhofi khuluseya, mukalukhasirie olundi. Naye oukhunula lishati, muheresie nende likoti liosi.
\v 30 Muheresie oukhusaba, naye oubukula ebindu bio, olenya akhukalusirie ta.
\v 31 Kholere abashienyu akamwenya mbu, bamukholere.
\p
\v 32 Okhuba nomuhera owakhuhera, noluyali shina olwa witsa okhunyoola? Okhuba kata betsimbi baheranga balia ababahera.
\v 33 Ne nimuba nimukhola amalayi khubalia ababakholeranga amalayi, kho neshihanwa shina eshiamulanyola? Okhuba kata abonooni bosi bakholanga bario.
\v 34 Ne nimuba nimubakopia balia abamumanyire mbu, mwesi munyala okhunyola okhurula khubo, neshihanwa shina eshiamunyola? Okhuba kata abonooni bakopia abonooni nibalinda okhunyoola injeresio ikhongo.
\v 35 Habula enywe mubahere abasuku benywe, mubakholera amalayi, mulaba nende obunai okhunyola shiosi okhurula khubo ta. Nenyu eshihanwa shienywe shilaba eshikhongo muno. nenyu mulaba abana baNyasaye ouli hekulu, okhuba yachama ababula orio nende ababii.
\v 36 Mube betsimabasi shinga senywe olwa ali wetsimbabasi.
\p
\v 37 Mulakhaleche eshina ta, mulakhalichire abashienyu ta, nenyu shimulakhalachirwa ta, baleshere, nenyu mulalesherwa.
\v 38 Hane, nenyu mulaheresibwa, eshichero eshilai, shitinyirirwe, shisunguswa, nishitumberera, nishisundukha hasi, nendio abandu balamuheresia. okhuba eshipimo shiria eshia opimiramwo abashio, nishio eshia olapimirwamwo.
\p
\v 39 Naye nachera oluchero lundi, omubofu anyala okhwimirira omubofu? Bosi shibalakwa mubuko?
\v 40 omwechi shali ikulu womwamiwe ta, habula yesi owitutuyie, alaba shinga omwamiwe.
\p
\v 41 Mbushina muhenga akhakokha khali mumoni yowashio, ne nolahengakhwo eshirundu shiri mumoniyo ta?
\v 42 Nomba wakhaboolera orie omwana wenyu mbu, mwanawefu lekha ekhurusie olukokha momoniwo, nolalola mberio eshirundu shiri mumoniwo? Enywe abekati, rusia mberio eshirundu shiRri mumoniwo kho onyale okhulola obulayi olukokha luli mumoni yowashio.
\p
\v 43 Okhuba omusala omulayi shikwamanga ebiamo efibi ta, nako omusala omubi shikunyala okhwama ebiamo ebilayi ta.
\v 44 Okhuba buli omusala kumanyikhanga khubiamo biakwo. Khumaua shonyala okhufuna litunda ta, nohomba kwikonge ofune tsindimu ta.
\v 45 Omundu omulayi okhurula mwibishirolie lilayi mumwoyo, arusia kalia akali amalayi, naye omundu omubii okhurula mwibishilo lie libii mumwoyo arusiamwo amabii, okhuba okhurula mumwitsulu kwomwoyo, omunwa kulaboola.
\p
\v 46 Mbushina munanga mbu, Omwami, Omwami, nimulakhola kalia kemboola ta?
\v 47 yesi owitsa khwisie, naulira amakhuwa kanje, nakakhola, ndalakhumanyia shinga olwa alafwana.
\v 48 Afwana shinga omundu wombakha Inzu, nara omuse omukhongo khulwanda, ne olwa omuyembo kwetsa, nikukhupa, shiyanyala okhurenga ta, okhuba yarebwa khulwanda,
\v 49 Naye ouulira amakhuwa kanje nalakakhola ta, alafwana shinga omundu oubula omuse, wombokha Inzuye khulufu, owa amatsi ketsa nikakhupa, ne lwangu muno niikwa, ne okhukwa khwayo nokhukhongo muno.
\c 7
\cl Luka 7
\p
\v 1 Olunyuma lwokumala okhuboola imberi wabandu, yenjira muKaperinaumu.
\v 2 Naye omusesia mulala omusumba we woluyale khuye yali nali omulwale ahambi okhufwa.
\v 3 olwa omusesia yaulira khuka Yesu, yamurumira abakhulundu khubayaudi namureba mbu yetse ahonie omusumbawe.
\v 4 Ne olwa betsa khu Yesu bamusaye muno, nibaboola, mbu nomundu oukhoyere, nochama, mukholere orio,
\v 5 okhuba yahera lihanga liefwe, ne niye owakhumbashira eisinagogi yefwe,
\p
\v 6 Naye Yesu natsi ninabo. ne olwa yali nalihambi ookhula khunzu, omulindi oyo yarumasia abetsa niboola, Omwami sholenyasia ta, okhuba shokhoyere okhwitsa khushitsafu shianje ta
\v 7 khulwako, shindikomba mbu witse khwisie ta, neboola butswa likhuwa naye omusumba wanje alahona.
\v 8 Okhuba siesi endi omundu ouli hasi wa malako, nende abalindi hasi wanje, emboolera mulala, tsia, naye atsia, khuundi yitsa, naye yetsa, ne khubasumba banje, khola lino, naye akhola.
\p
\v 9 Olwa Yesu yaulira amakhuwa kano, yauchisibwa ninaye, nashukhanira omukanda kwamulondakhwo, naboola, ebaboolera mbu eshiri okhunyola obusubiri shinga buno kata muIsraeli ta.
\v 10 Ne olwa abali nibarumirwe bakalukha munzu, banyola omusumba nali omulamu.
\p
\v 11 Lwangu lwenelo, yatsia mwitokho lialangwa mbu, Naini; nabo abechibe, nomukanda omukhongo nikumulondakhwo,
\v 12 olwa yasita ahambi khumuliango kwelitokho, lole omundu wali nafire yali nainibungwa elwanyi, omwana omuterwa wa mama omulekhwa. omukanda omukhongo okhurula mwitala kwali ninaye.
\v 13 Ne olwa Omwami yamulola, yalola eshibera, naboola, shoola lira ta.
\v 14 Naye niyetsa natirakhwo, ne abali nibachinjire nibasinjira, naboola, omubukha, ekhubolera, buukha.
\v 15 Naye owali nafwire niyekhala, nachaka okhuboola, naye Yesu namuhana khunyina,
\p
\v 16 Oburi nibubatira bosi; nibamwitsomia Nyasaye, nibaboola, Omulakusi omukhongo abushire mwifwe: ne Nyasaye achendere abandube.
\v 17 Nelikhuwa lino nilitswana hosi, muYudea nende amahanga karondokhane ninayo,
\p
\v 18 Abechi baYohana nibaira amakhuwa kano kosi khuye. Naye Yohana, naye Yohana nalanga babili khubechibe,
\v 19 Nabaruma khuMwami, naboola, niwe ulia oukhoyere okhwitsa, noho khulinde oundi?
\p
\v 20 Ne olwa abasatsa betsa khuye, baboola, Yohana omubatisi akhurumire naboola,"niwe owali mbu witse nomba khulinde oundi?"
\p
\v 21 Mubise yibo, yahonia abanji amalwale, nende obuchere nende roho tsimbi, ne abanji abali ababofu, yabafwimbula tsimoni.
\v 22 Naye nabakalusia, tsie muboolere Yohana, eshia mulutsi nende okhuulira, ababofu balola, abalema bachenda, abobuchere basiiywa, ne abekala amarwi baulira. abafu balamusibwa, nende abatakha bayalirwa oburume obulayi.
\v 23 Ne noweikhabi oulesichirasia khulwa isie ta.
\p
\v 24 Olwa abarume baYohana bali nibatsiire, Yesu yachaka okhuboolera omukandu khuYohana, nishina eshiamwatsia mushitsimi okhulola? olubembe nilushinibwa nomuyeka?
\v 25 kho nishina eshiamutsire okhulola? omundu oufwalire tsingubo tsieipamba? lole abafwalananga tsingubo tsiobukusi bamenyanga mumatokho kabaruchi,
\v 26 kho nishina eshiamutsire okhulola? omulakusi, toto ebaboolora mbu, oushia omulakusi.
\v 27 Niye owakaandikwa mbu, lole eruma abarume banje imberiwo oulikasia injirayo.
\p
\v 28 Ekhuboolera, mbu khubosi bebulwa nende abakhasi, abulaho oumushira Yohana ta, ne ulia ouli omutiti mubwami bwaNyasaye, nomukhongo okhumushira.
\p
\v 29 Olwa abandu boosi baulira kano, abasololi bobushuru boosi, baboola mbu Nyasaye nomulunjishi, nibabatisibwa khushibatisio shiaYohana.
\v 30 Nabo abaFarisayo nende abamalako baloba amenya kaNyasaye khulwabwe abene, nibaloba okhubatisibwa ninaye.
\p
\v 31 kho ndalachirisia abandu bolwibulo luno? nabo bali shinga wina?
\v 32 Bali shinga abana bekhale mushiro. Balangana abene khubene, khubakhupire eshinanda, nenyu shimushinire ta, khwabembere tsinyimbo tsiamasika nenyu shimwikhulire ta,
\v 33 Okhuba Yohana omubatisi yetsa, nalalitsanga omukate noho idivai; nenyu nimuboola mbu, ali neshishieno,
\v 34 omwana womundu yetsire nalia, nanywa; nenyu muboola omumesi khandi omuworu, omwitsa wabasololi bobushuru nende betsimbi!
\v 35 Ne obubamanyirisi butusibwa nende abana benywe.
\p
\v 36 Mulala khubaFarisayo namwinjisia okhulia ninaye, naye natsia munzu yomuFarisayo, niyekhala khumesa okhulia.
\v 37 Ne lole omukhasi womwitokho owali omwonooni, olwa yamanya mbu ali munzu yomuFarisayo, yarera eshimuka shiamafura kobukusi.
\v 38 Naye nasinjira inyumawe naliranga, yachaka okhwosia ebirenjebie, namasika, napangusia neliswi liokhumurwekwe, natsunzuna ebiirenje, nabibakha amafura,
\v 39 Ne olwa omuFarisayo owali nimwinjisie yalola, yaboolera omwene, omundu uno alaba omulakusi, yakhamayire mbu omukhasi uno noweimbiashi, oumutirangakhwo; okhuba nomwononi.
\p
\v 40 Naye Yesu nakalusia namuboolera, Simiyoni endi nelikhuwa liokhukhuboolera, naye nakalusia, boola Omwechesia,
\v 41 Omundu mulala yali nende abamakofi babiri, mulala yali nende likofi lieimia. naye oundi amakhumi karano,
\v 42 Ne olwa bakhaywa okhurunga, yabaleshera amakofi kabwe koosi, bulano, niwina khuyabo oumuhera muno?
\p
\v 43 Simioni nakalusia, embara ulia owali nelikofi likhongo, naye namuboolera, okhalache habwene.
\v 44 Naye namukalukhanira omukhasi yabira Simioni, ololanga omukhasi uno, ndinjire munzuyo nawe siumberekhwo amatsi ndiosie ebirenje bianje ta, naye yosiye ebirenje bianje namasika, napangusi nende liswi lie,
\v 45 shiunzunzunire, ta, ne okhurula ebise biandinjire, yanzunzunire ebirenje bianje.
\v 46 Shiwosiye omurwe kwanje namafura ta, naye yosiye ebirenje bianje namafura,
\v 47 khulwako ekhubOolera, tsimbi tsie tsinyinji, alesherwe, okhuba achamire muno, naye oulesherwa bititi, achame habititi,
\v 48 Naye namuboolera, tsimbitsio, olesherwe.
\p
\v 49 kho balia abali khumesa ninaye bachaka okhuboola abene, khubene, niwina uno oulesheranga kata tsimbi?
\p
\v 50 Naye na boolera omukhasi, obusubiri bwo bukhuoniye, tsianomulembe,
\c 8
\cl Luka 8
\p
\v 1 Olunyumakhwo yabira mumatala nende amatokho, nayala oburume obulayi bwoBwami bwoMwikulu. Yali nende ekhumi nababiri.
\v 2 Nabo abakhasi bandi abali nibarusibwemwo roho ababii namateshere, Mariamu owalangwa mbu Magadalina, owarusibwamwo ebishieno musafu,
\v 3 nende Yohana omusatsa wa Kuza, omusinjiriri weinzu yaHerode. nende Susana, nende abandi abanji ababakhalabanira nebindu biabwe.
\p
\v 4 Ne olwa omukanda omukhongo okhurula buli litokho liamwitsiaa, naboola muluchero
\v 5 omumitsi yatsia okhumitsa imwo, namitsa eyindi niikwa khunjira, niisenwa nebirenje. ne amanyoni koMwikulu nikachilia,
\v 6 eindi niikwa khulwanda, ne olwa yamera niyuma. okhuba yabula obunyifu.
\v 7 Eindi niikwa mumauwa, nako amauwa nikakhula nikachifinya,
\v 8 eindi niikwa khwiloba lilayi, niikhula niibula ebikhumi ekhumi, olwa yaboolanga amakhuwa kano, yalanjirisia, ouli namarwi kokhulira aulire.
\p
\v 9 Ne olwa abechibe bamureba eshifune shioluchero luno?
\v 10 yaboOla, enywe mwaheresibwa okhumanya amabiso koBwami bwaNyasaye, ne, khubandi kabOolwa mutsinjero. okhulola balole, ne okhuulira baulire ne shibamanyirisia ta,
\p
\v 11 Nalo oluchero: ndwoluno, Imwo nilikhuwa liaNyasaye,
\v 12 Eyakwa khunjira, nibalia abaulira, naye omusuku yetsa niyeba okhurula mumioyo chiabwe, mbu balanyala okhusubira baahoonibwa ta,
\v 13 ne yakwa khulwanda, nibalia, olwabaulira likhuwa, balinjisia nobusangali, nabo babula emisii, basubira khubise ebitutu, nekhubise biokhutemwa, barulakhunjira,
\v 14 Naye eyakwamumauwa, nibo abaulira ne olwa batsia, bafinywa nende eminyakhano, obuinda nende emienya chieShialo, ne ebiamo biabwe shibikhomera ta,
\v 15 Naye eyakwa mwiloba lilayi, nibo baulira likhuwa, batinyakhwo, munjira indayi nomwoyo omulayi. nibama ebiamu mubwisimirisi,
\p
\v 16 Abulaho ouhafinjia itaa, nachifunishira noho nara hasi weshitanda, habula ara khushichibi, mbu oulola anyale okhunyola obulafu.
\v 17 Okhuba shibulaho eshifiswa, shiletsa okhurebwa habulafu ta; noho libiso liosi eliletsa okhumanyikha habulafu.
\v 18 Mwihenjeresia shinga olwa muulira, okhuba ulia ouli ninabio, alahebwa ebinji, naye oubula, kata eshiapara mbu alinashio, shilabukulwa okhurula khuye.
\p
\v 19 Mamawe nende abana babo nibamwitsira, nabo shibanyala okhumulakho ta, khulwomukanda omukhongo.
\v 20 Naye naboolerwa, mamao nende abasiani benyu bali ebulafu benyanga okhulola,
\p
\v 21 naye nabakalusia, mamawanje nende abasiani befwe nibalia abaulira likhuwa liaNyasaye nibalikhola.
\p
\v 22 Inyanga yindi yenjira muliaro nabechibe: nababoolera, khwambushe khutsie injerekha, kho nibarula,
\v 23 olwa bali muliaro bakona tsindolo; ne imbumbuyeka ikhongo niitsa khumatsi, nabo bali nibamirungwa namatsi, bali mumunyakhano.
\p
\v 24 Nabo nibatsia nibamuubusia niababoola, Omwami Omwami, khukoranga, naye nabukha, nahalabira omuyeka, nako nikwema, nikhuba nomulenjero.
\p
\v 25 Naye nababoolera, obusubiri bwenywe buli hena? Nabo nibaria, nibauka nibaboolanira, niwina uno ouhalabira kata amatsi, nende omuyeka nakwo nikumuulira?
\p
\v 26 Nibambukha khwihanga liabaGerasi, elihengane nende Galilaya.
\v 27 Olwa Yesu yekha hasi, yakana nomundu mwitokho owatirwa nebishieno, khutsinyanga tsinyinji, shiyefwala tsingubo ta, yamenyanga mubirindwa.
\p
\v 28 Ne olwa yalola, Yesu, yalira, nakwa imberiwe, naboola nomwoyo omukhongo, oli nende shina ninefu Yesu, Omwana wa Nyasaye ouli Mwikulu? ekhusaya mbu, sholakhusasia ta.
\v 29 (Okhuba yali nalachire ebishieno okhumurulamwo, okhuba khandi akhanji, biamunyasia, yali hasi wobulindi niaboywa nende eminyororo nemikoye: naye yakhalaka nairwa nebishieno mushitsimi.)
\p
\v 30 Yesu namureba, elira lio, niwina? Naye nakalusi, mbu, Ligioni, okhuba ebishieno ebinji biali biamwinjira.
\v 31 Nabio nibisaya mbu shalakhuruma emakombe ta,
\v 32 Ne khwali nende lituli likhongo lieTsimbitsi niliayanga ahambi, nibimusaya mbu abirumemwo, kho nabiheresia obulekhule,
\v 33 kho ebishieno nibirula mumundu oyo, nibinjiRa mutsimbitsi, ne tsiosi nitsitsia khumukholomokho nitsikwa mumatsi, nitsikholomokha.
\p
\v 34 olwa abayi balola eshiali nishikholeshe, berukha nibaboolera bomwitokho nende mwihanga,
\v 35 Abandu nabo nibatsia okhulola akali nikekholeshe, nibamwitsira Yesu, nibanyoola omundu walimwo ebishieno, niyekhale habirenje waYesu, niyefwalire, nali omundu omulamu. nabo nibaria.
\v 36 Nabo abali balutsi bababoolera shinga olwa owali nebishieno yali nahonibwe,
\v 37 kho abandu bosi bomuGneseri. bamureba mbu arule yaho, okhuba bali nende oburi obukhongo, kho yenjira muliaro natsia.
\v 38 Ne omundu wali narusibwemwo ebishieno nasaba mbu, abe ninaye, naye Yesu namusebula naboola,
\v 39 tsia ingo, nawe olandia akaNyasaye okhukholire, naye natsia nafuminjia mwitokho liosi akaYesu yali namukholere.
\p
\v 40 Ne olwa Yesu yakalukha, omukanda kwamwinjisia, okhuba bosi bali nibamulindanga,
\v 41 Naye niyetsa omundu welira mbu Yairo, omwimiirisi wesinagogi, nakwa mubirenjebie, namusaba mbu, yetse munzuye:
\v 42 okhuba yali nende omwana omuterwa, wemiika ekhumi nende chibiri, naye yali ahambi okhufwa, olwa Yesu yatsia, abandu bamwitsulakhwo,
\v 43 Nekhwali nende omukhasi werulutsanga emika ekhumi nende chibiri, ne yaliniyekhonyera biosi ebiayali ninabio khubasirishi, shiyanyala okhuhona ta.
\v 44 Yetsa inyumawe, natira lichemo lienguboye, ne lwangu, amatsai nikema.
\v 45 Naye Yesu naboola, niwina oundirirekhwo? olwa bosi bakana, Petero naboola, Omwami, khulinomukanda omukhongo, nabo bafinyananga,
\p
\v 46 Naye Yesu naboola, omundu yandirirekhwo: okhuba euliranga amani karu liremwo.
\v 47 Olwa omukhasi oyo yalola mbu shanyala okhwifira ta, yetsa imberi we, narenganga, nakwa mumakuluke, naboola imberi wabandu bosi, mbushina yamutirakhwo, nende shinga olwa yahona mulwangu.
\v 48 Naye namuboolera. omukhana, obusubiri bwo bukhuoniye, tsia nomulembe:
\p
\v 49 Olwa yali nashiboolanga, omundu okhurula munzu womuruchi yetsa naboola, omwanao afwire; sholanyasia omwechesia ta,
\p
\v 50 Naye Yesu olwa yaulira lino, yakalusia, olaria ta, subira naye alaba omulamu,
\v 51 Olwa yola munzu, shiyeyamira omundu okhwinjira ninaye ta, habula Petero, Yakobo, Yohana, nende Papa, nende Nyina omwana,
\v 52 Nebosi bali nibekhulanga khulwa ye, naye naboola, mulalira ta, okhu ba shafire ta, ne mbu akonanga.
\v 53 Nabo nibamutsekha, okhuba bali nibamanyire mbu, afire.
\v 54 Naye namutira nomukhono, namuboolera, omwana, bukha,
\v 55 naye obulamubwe nibumukalushira naye nabukha, naye nabalaka mbu ahebwe eshindu alie,
\v 56 nabo bebusi be nibauka, naye nabalaka mbu shibala mubira omundu kekholeshe ta.
\c 9
\cl Luka 9
\p
\v 1 Mana nalanga abekabe ekhumi nababiri, nabaheresia amani khubishieno biosi halala nende okhuhonia amalwale.
\v 2 Nabaruma okhwirwatsa koBwami bwaNyasaye, nende okhuhonia amalwale.
\v 3 Nabalachirisia mbu, murachinga shiosi khuluchendo lwenywe ta, kata Indabushi, kata omufuko, kata amang'ondo, kata omukate, kata balaba namakoti kabiri ta,
\v 4 ne munzu yosi eya mulenjiramwo, mumenyemwo, murulemwo nimwinyokha.
\v 5 Nabo bosi abalamwinjisia ta, olwamuba nimurula mwitokho imwo, muteng'ululemwo olufu lwenyu bube obuloli khubo.
\v 6 Nibarula, nibabira mumatokho niberwatsanga oburume obulayi, nibahonia buli mundu.
\p
\v 7 Naye Omuruchi Herode yaulira kosi akali nikekholanga, omwyokwe nikunyakhana muno shichira baboolanga mbu, Yohana alamushe.
\v 8 nabandi mbu Eliya yaloleshe, abandi mbu, mulala khubalakusi bakhale yalamushe khandi.
\v 9 Naye Herode naboola mbu, Yohana ndamurema omurwe, ne uno ni wina weulirangakhwo akafwana kario? nakhaba okhumulola.
\p
\v 10 Abaruma nabo olwa bali nibakalushe, bamuboolera yako kosi akabali nibakholire, nababukula bonyene natsia ninabo elubeka habundu hebiswi mushitsimi mwitokho lia Bethisaida.
\v 11 Ne olwa abandu bamanya, bamulondakhwo, naye nabenjisia, nababoolera khuBwami bwoMwikulu, nabahonia balia abenya okhuhona.
\p
\v 12 Olwa Eshialo shachaka okhwira, abechi ekhumi nababiri betsa nibamuboolera, basebule abandu, banyale okhutsia mutsibeka namatokho Kali ahambi banyole eshiabalia nende okhukona, shichira hano neshitsimi.
\p
\v 13 Naye nababoolera mbu, inywe baheresie eshiokhulia, nabakalusia nibaboola mbu, ifwe shikhulikhwo nende eshindu shiosi ta, habula emikate chirano nende orunyeni rubiri, aundi nikhwakhatsire khwabakulira abandu bano boosi emikate,
\p
\v 14 Okhuba bali abandu ahambi ebikhumira birano, naye naboolera abechibe, bakhole bekhale hasi mumikanda chia amakhumi karano karono.
\v 15 Nibakhola bario, nibabekhasia bosi.
\v 16 Naye nabukula emikate chirano netsinyeni tsibiri nahenga ikulu, nabisabira ikhabi, nabisonyola nakabira abechibe mbu, baheresie emikanda.
\v 17 Nibalia, nibekura, ebisonye nibitong'a nibakhug'asia ebikapo ekhumi nabibiri.
\p
\v 18 Ne olwa yali yenyene nasayanga, abechibe bali ninaye; naye nabareba mbu, abandu baboolanga mbu nisie wina?
\p
\v 19 Nibamukalusia mbu, Yohana omubatsii, abandi mbu, Eliya, nabo abandi mbu, mulala khubalakusi alamushe.
\p
\v 20 Naye nabareba, nenyu muboola mbu nisie wina? Simioni Petero nakalusia mbu, niwe Kristo wa Nyasaye.
\p
\v 21 Naye mubwangu nabalachirisia mbu balaboolerakhwo omundu yesi amakhuwa kano ta.
\v 22 Naboola mbu, omwana woMundu okhoyere okhunyakhana, nende okhulobwa nabakhulundu, abakuhani halala nende abahandichi, mbu, yerwe, ne olunyuma lwetsinyanga tsitaru alamushe.
\p
\v 23 Naye nababoolera omundu yesi niyenya okhunondakhwo, yekane omwene, abukule omusalabakwe mana yanonedekwo bulinyanga.
\v 24 Okhuba ulia ouhonia obulamu bwe, alabukoia, naye yesi oukosia obulamubwe khulwa isie, naye alabuhonia.
\v 25 Shichira kakasira shina omundu okhunyola eshibala shiosi, nakosia obulamuwe nasukunwa eyale?
\v 26 shichira yesi ounyola oufimbibwa omurwe khulwesie nende amakhuwa kanje, naye Omwana woMundu alimulolera tsisoni olwa yetsa muburuchibwe, nende obwa Papa, nende obwa malaika abatsienukhu.
\v 27 Ne ebaboolera toto mwene mbu, khuli nende abandi abasinjire hano shibalikonya okhufwa ta, okhula olwa balilola Obwami bwaNyasaye.
\p
\v 28 Kamala nikabira mbu olunyuma lwetsinyanga munane lwokhuboola kano, yabukula Petero Yohana nende Yakobo, natsia ninabo khushikulu okkhusaya.
\v 29 Neolwa yali nasayanga, obukondo bwe bwakalukhana, tsingubo tsie nitsiba tsindafu nitsing'inang'ina.
\v 30 Ne lole abandu babili balolekha nibaboola ninaye, Musa nende Eliya.
\v 31 Nibalolekha muluyali olukhongo, nibaboolanga ninaye akokhutsia khwe Yerusalemi.
\v 32 Naye Petero nende aba yali ninabo bali mutsindolo tsinyinji, ne olwababukha, balola oluyali lulwe nende abandu babiri nibasinjire ninaye.
\v 33 ne olwa barusibwa khuye, Petero yamuboolera Yesu, Omwechesia, nobulayi ifwe okhuba hano, lekha khukasie amatiri kataru, elala elirio, elala lia Musa nende elala elia Eliya, nalamanyakhwo eshiayaboola ta,
\v 34 Olwa yali nashiboola, Liresi liekha nilibafunikha, nabo nibaria muno olwa benjira mwilesi.
\p
\v 35 Omwoyo nikurula Mwilesi nikuboola mbu, Uno niye omwana wanje omuherwa mumuulirenje.
\v 36 Ne Olunyima lwomwoyo okhuboola, Yesu yenyola nali yenyene, mana nibaulera namakhuwa yako, nibalabolirakhwo omundu yesi tsinyanga etso khukabali nibalutsi,
\p
\v 37 khunyanga yalondakhwo nibarulire khushikulu, abandu abanji babetsera.
\v 38 Ne lole omusatsa undi khumukanda yalira naboola mbu, Omwechesia, ekhusaya mbu, henga khwo omwana wanje, niye omuterwa,
\v 39 lola ebishieno bimutiranga niyayula, nibimurandularandula lifiro nilirula mumunuwa kwe bilamulekha ta.
\v 40 Ebasayire abechibo mbu bafirusie nibalanyala ta,
\p
\v 41 Yesu nakalusia naboola mbu, enywe olwibulo olwakoyana olubula obusubiri, ndalaba ninenyu okhuula lina? Murere omwanao hano.
\v 42 Olwa yali namureranga ebishieno nibimkwisia hasi, nibimukalakasia, naye Yesu nabihibira namuhonia omwana, namuhana khusamwana.
\v 43 Nabo nibauchisibwa khumani amakhongo kaNyasaye. Ne olwa bali nibaukanga buli mulala khumakhuwa kaYesu yakhola, yaboolera abechibe,
\v 44 amakhuwa kano kenjire mumarwi kenywe, okhuba omwana womundu alahanwa khubandu.
\v 45 nabo shibamanyirisia amakhuwa yako ta, kebisa khubo shibakamanyirisia ta, nibaria okhumureba.
\p
\v 46 kamala nikarulira amainje mubo mbu, niwina okhoyera okhuba omukhongo?
\v 47 Naye Yesu namanyire amaparo kemioyo chiabwe, yabukula omwana namura imberiwe.
\v 48 Naboola mbu, ulia owinjisia omwana uno mulira lianje yenjisisia isie, naye uwinjisia sie, yenjisia ulia owaruma, okhuba ulia ouli omutiti khwinywe, niye omukhongo.
\p
\v 49 Naye Yohana nakalusia naboola mbu, Omwechesia, khwalutsi oundi nalondanga ebishieno muliralio, nefu nikhumukaya, okhuba shalondandananga ninefu ta.
\p
\v 50 Yesu nababoolera, mulabakaye ta, okhuba oulakhufukula ta, ali halala ninefu.
\p
\v 51 Ne olwa ebisebie biola mbu abukulwe ikulu, yachomia obweni bwe okhutsia Yerusalemi,
\v 52 naruma Abarume imberiwe, nibatsia nibenjira mwitokho lia Samaria, nibamukasiria ebwenyo.
\v 53 nabo shiba mwinjisia ta, okhuba yali nachomere okhutsia Yerusalemi.
\v 54 Ne olwa abechibe Yohana nende Yakobo balola, baboola Omwami, wakhachama mbu khulanje omuliro okhurula Mwikulu kwishe hasi mana kubalie shinga olwa Eliya yakhola?
\v 55 Naye nabashukhanira nabaibira naboola mbu, shimumanyire Roho wakhulininaye ta.
\v 56 Okhuba omwana womundu shiyetsa okhusasia obulamu bwabandu ta, habula okhuhonia, nabo nibatsia mwitokho lindi.
\p
\v 57 Ne olwabali nibatsitsanga, omundu yamuboolera, omwami, ndalakhulondakhwo hosi ewa otsia.
\p
\v 58 naye Yesu namukalusia, Amabwe kali nende obwina, nako amayoni komwikuli kali nende efitsu, naye omwana womundu abula ewa ara omurwe ta.
\v 59 Naboolera oundi, nondakhwo; naye nakalusia Omwami, linda mberio enzie eyabire Papa wanje.
\p
\v 60 Naye namuboolera, lekha abafu bayabirane, ewe tsia wirwatse Obwami bwaNyasaye.
\p
\v 61 Naye oundi namuboolera, nditsa okhulondakhwo Omwami, nebutswa lekhe enzie esebule beingo wanje.
\p
\v 62 Yesu namukalusia namuboolera, abulaho omundu olwa aba narere omukhokwe khwichoki nalenga inyuma, shakhoyere muBwami bwaNyasaye ta.
\c 10
\cl Luka10
\p
\v 1 Olunyuma lwa yako Omwami yaula abandi amakhumi musafu, nabaruma babiRi babiRi mbu batsie mubuli Litokho nende buli hosi watsia.
\v 2 NababoOlera, Lichesa nelikhongo, ne abakholi nabatutu, musaye Omwami mwene lichesa mbu arume abakholi mwichesalie.
\v 3 Mutsie mutsinjira tsienywe: lole emurumanga shinga Ebimeme hakari weBisutse.
\v 4 Mulachinga iloloti, kata omufuko, kata ebilaro ta: kata mulashesia omundu yesi khunjira ta.
\v 5 Ne munzu yosi eyamulenjisibwa ranjirire muboole mbu, omulembe kube muno.
\v 6 Ne naba nalimwo omwana womulembe, omulembe kwenywe kulekhala khuye: ne nabulamwo, omulembe kwenywe kulakalukha khwinywe khandi.
\v 7 Ne mumenye Munzu yimo nimulia nimunywa, ebia bamuha: shichira omukholi akhoyeree omushara, mularula munzu eyo nimutsia munzu yindi ta.
\v 8 Ne elitokho liosi elia mwinjiramwo nibamwinjisia, litsenje biosi ebia bamuheresia:
\v 9 Honie abalwale abalimwo, nimubaboolira mbu, Obwami bwa Nyasaye busitire ahambi.
\v 10 Ne elitokho liosi elia mwnjiramwo nibalamwinjisia ta, mutsie erwanyi khumihanda chialio nimuboola mbu,
\v 11 kata olufu lwelitokho lienywe oluhandire khubirenje bienywe khuluteng'ulula khwinywe: nebutswa mumanye mbu, Obwami bwaNyasaye busitire ahambi.
\v 12 Nebutswa ebaboolera mbu, kalibakhwo amangu khunyanga yeindukho khu, Sodoma okhushira shinga olwa kalibera litokho elio.
\p
\v 13 Woowe! khu Korazin! Woowe khwiwe Bethisaida! shichira emirimo chiamakana chiekholekha mwinywe chilaba nichiakholwa muSidoni, khane bakhabere nibekalukhasia khale nibefwala amakunia nende okhwipuka likoshe.
\v 14 Nebutswa kalibakhwo amaangu khu Tiro nende Sidoni khunyanga yokhuyasibwa, okhushira shinga olwa kalimubera.
\v 15 Nawe Kaperinaumi ouchingulirwe Mwikulu, witsa okhusukunwa hasi emakombe.
\p
\v 16 Naye oumuulira; yaulira isie; naye oufukula inywe afukula isie, naye ofukula isie, afukula owaruma.
\p
\v 17 Mana yabo amakhumi musafu bakalukha nibasangalire, nibaboola mbu, Omwami kata ebishieno bikhuulire muliralio.
\v 18 Naye naboola mbu, Ndamulutsi setani shinga Olwenu okhurula ikulu nakwa hasi.
\v 19 Lole, emuhere obunyali khusena khutsinzokha nende amakatia, nende khubunyali bwosi bwo musuku oyo, ne shibulaho shiosi eshilamusalisia ta.
\v 20 Habula mulekhoyera yako mbu, ebishieno bimuuliranga ta, habula mbu amera kenywe kahandikwa Mwikulu.
\p
\v 21 Mufise yifo Yesu yekhoya muRoho, naboola mbu, ekhupira orio, Papa Omwami, we Likulu neshialo, okhuba wabisa kano abachesi nende bobumanyirisi, nobamanyia abana; endio nindio olwa kakhuchamisia, mumoni tsio.
\v 22 Ebindu biosi Papa yamberesia, ne abulaho omundu oumanyire Omwana nalali Papa, khandi oumanyire Papa nalari Omwana ta, nende ulia woMwana afunulira.
\p
\v 23 Mana nashukhanira abechibe, nababoolera, mebiswi, netsiekhabi tsimoni etsilolanga akamulola kano:
\v 24 Shichira emuboolera mbu, abalakusi nende Abaruchi bekomba okhuloola ebindu bino ebia mulola nende okhuulira amakhuwa kano akamuulira nebutswa shibalola ta;
\p
\v 25 Ne lole, omuchesi wamalako yasinjira namutema, naboola, Omwechesia, ekhole shina mbu, enyole obulamu bweinziayo?
\p
\v 26 Naye namukalusia, kahandikwa karie mumalako? musomanga murie?
\p
\v 27 nakalusia naboola mbu, omuherenje Omwami Nyasayewo nende omwoyokwo kwosi, namaparo ko koosi, namaniko koosi, khandi omumenyaniwo shinga wiheranga omwene.
\p
\v 28 Yesu namukalusia, okalusie obulai: khola orio, nawe olamenya.
\p
\v 29 Naye khulwa okhwenya khwilolesia, nareba Yesu mbu, omumenyanwawo niwina?
\p
\v 30 Mana Yesu nakalusia namuboolera mbu, omundu yali nakholomokhanga okhurula Yerusalemi okhutsia Yeriko, nakwa mubasuku, nabo nibamufwalula tsingubo, nibamwara tsinguma, nibatsia, nibamulekha ahambi okhufwa.
\v 31 Kho Omukuhani yekha nakholomokha khunjira eyo; ne olwa yamulola, yabirira elubeka,
\v 32 khandi Omulawi yesi ario, olwa yamulola yabira elubeka,
\v 33 Nebutswa Omusamaria owali khuluchendo, yola ewa yali nali: natirwa neshibera,
\v 34 natsia ewa yali, namuboha tsingumatsie, natsukhakhwo amafura nende Idivai, namuninia khuSishiriye, namuiyira nanzu yabacheni namulinda obulayi.
\v 35 Inyanga yalondakhwo nainia tsidinari tsibiri, naheresia mwenenzu, namuboolera mbu, omulinde obulayi; ne wikhonyera shiosi okhubira tsino, olwa nenjerere, nekhurunje.
\v 36 khubenabo bataru, opara mbu, niwina owali omumenyanwawe?
\p
\v 37 Naye nakalusia, ulia owamulolera tsimbabasi. Yesu namukalusia, tsia mana okhole orio.
\p
\v 38 Ne olwa bali nibatsitsanga, benjira mwitala lindi; ne omukhasi welira mbu, Maritha namwinjisia munzuye.
\v 39 Naye yali nomukhana wabo welira mbu, Maria, owekhala hasi mubirenje bie naulira likhuwa lirie.
\v 40 Naye maritha yanyakhana muno mubukhalabani, namwitisra namuboolera, Omwami shololakhwo mbu, omukhana wefwe yandeshere okhukhalabana sienyene? muboolere yakhonye.
\p
\v 41 Yesu namuboolera Maritha, olanyasibwa nende ebindu ebinji ta:
\v 42 Eshindu shilala shikhoyere, naye Maria yaule eshiri eshilayi; eshilanyala okhurusibwa khuye ta.
\c 11
\cl Luka 11
\p
\v 1 Ne Yesu olwa yali nasayanga mutsimbeka tsindi, mulala khubechibe yamuboolera, Omwami, khwechesie okhusaya shinga olwa Yohana yechesia abechibe.
\p
\v 2 Nababoolera, musaye muri, Sefwe Ouli Mwikulu, Elira lio liribwe, Obwamibwo bwitse, akawenye kekhole Mushialo shinga olwa Kali Mwikulu.
\v 3 Okhuheresie lero eshilibwa shiefwe.
\v 4 Okhuleshere ebionono biefwe shinga olwa khuleshera abakhwononera, olakhuira mumarechekho ta, okhuonie mumabii.
\p
\v 5 Nababoolera, niwina khwinywe naba nomwitsa, namutsira eshiro namuboolera, omwitsa hosia emikate chitaru,
\v 6 Okhuba omwitsa wanje yetsere ewanje nasi shendi neshindu shiokhura embeli we ta,
\p
\v 7 Naye alamukalusia, lekha okhunyasia, emalire okhwikala omuliango, nasi nabaana banje khukonere shenyala okhubukha okhuheresia ta?
\v 8 Ekhubolera Toto mbu, kata nalanyala okhubukha nende okhumuheresia ta shichira nomwitsa, alabukha namuheresia khulwa obulenya okhunyasibwa ta namuheresia amenyake.
\v 9 Nasi ebaboolera, Sabe mulahebwa, khabe nenyu mulanyola, khong'onde nenyu mulekulirwa.
\v 10 okhuba Yesi ousaba alahebwa, oukhaba alanyola, naye oukhongo'nda alekulirwa.
\v 11 Omwana niyakhasaba omukate, ni Papa shina owakhamuwa Lichina? nohomba nasaba Inyeni yakhamuheresia Inzokha?
\v 12 Noho nasaba Libuyu, yakhamuhersia Elialamba?
\v 13 Nenyu shinga olwa muli ababii murio mwamanya okhuheresia abana benyu ebindu ebilayi, neshichero shina eshia Papa wenywe woMwikulu Alabaha Roho omutsienukhu khubalia abasaba?
\p
\v 14 Yesu yali nalondanga eshishieno shiobusiru, ne olwa eshishieno shiarula, yanyala okhuboola mana abandu nibauka.
\v 15 A Nabo abandi khubandu nibaboola, alondanga esbishieno khumani kaBelizabuli,
\v 16 Abandi khulwokhumutema, benya mbu, akhole eshilolero okhurula Mwikulu.
\p
\v 17 Naye namanyire amaparo kabwe, nababoolera, oburuchi bwosi obukabukhane shibunyala okhusinjira ta, ne Inzu ikabukhane eyene ikwa.
\v 18 Kho Setanai naba nakabukhane, oburuchibwe bwakhasinjira burie? okhuba muboola mbu, enondanga ebishieno khumani kebishieno.
\v 19 Nimba ninonda ebishieno khumani kaBelzabuli, Abana benywe balondanga khumani kawina? Kho abene mwikhalachire.
\v 20 Ne kakhaba mbu, khumukhono kwa Nyasaye enonda efishieno, kho Oburuchi bwa Nyasaye bwitsire ahambi ninenywe.
\p
\v 21 Omundu wamani nalinda eshimenyoshie, omulembe kubaho.
\v 22 Ne olwa owamani okhumushira yetsa, namushiririra, amunula efimanulwa fiosi fiayesikanga namunula omwandukwe.
\v 23 Oulali ninasi ta, yafukula, naye oula khunga'asia ninasi ta, asalasia.
\p
\v 24 0lwa eshishieno shirula muMundu, shibira mushitsimi nishikhaba okhunyola obuhulushiro, ne shilanyola ta, shibola mbu, ndalakalukha munzu yanje yandarulamwo,
\v 25 ne olwa shikalukha shinyola inzu niyeirwe obulai,
\v 26 Nasho shitsia nishikhaba abashie bandi musafu ababii muno okushishira, ne olwa binjira, obulamu bwomundu oyo buba obubii okhushira shinga olwabwali.
\p
\v 27 Naye olwa yali nashiboolanga oundi mumukanda yachingula omwoyo naboola, neyeikhabi Inda yakhuchinga, netsimbere tsiawanuna.
\v 28 Naye nakalusia nabeikhabi abaulira likhuwa lia Nyasaye nibalibikha.
\p
\v 29 Ne olwa abandu bali nibakhung'anire mubuunji halala, yachaka okhubola, olwibulo olubii luno, lukhaba eshilolero, ne shibulaho eshilolero shitsa okhuhanwa halali eshilolero shio mulakusi Yona.
\v 30 okhuba shinga Yona yali eshilolero Nineve, nolwa Omwana woMundu alaba khulwibulo luno.
\v 31 Omumalaika wa Sheba okhurula ebukwe alitsa khunyanga yobuyaasi khubandu bolwibulo luno, naye nabakhalachira okhuba yarula khumwisho khweShialo okhuulira obumanyirisi bwa Suleimani, ne lole oushira Suleimani ali hano.
\v 32 Nabo abandu baNineve balibukha okhuyasia olwibulo luno, nabo bali bakhalachira: okhuba bekalukhasia khubuyaali bwa Yona ne oushira Yona, ali hano.
\p
\v 33 Abulao omundu ouhafia itaya nachira mulwalo noho abundu hefisu ta, habula ara khushichibi mbu, abetsa banyale okhulola obulafu.
\v 34 Obulafu bwomubili netsimoni; ne imoniyo niiba indafu, umubili kwo kwosi kuli mubulafu.
\v 35 kho lenjeresia mbu, obulafu buli mwiwe shibulaba eshirima ta.
\v 36 Kho omubili kwo kwosi nikwitsula mwo obulafu, nikulabakhwo nende eshirima ta, kwosi kulaba omulafu shinga olwa itaya ihana obulafu.
\p
\v 37 olwa yali naboolanga, omuFarisayo undi yamwinjisia mbu, atsie alie eshiokhulia munzuye. Natsia niyekhala nalia,
\v 38 ne olwa abaFarisayo balola, bachenya mbu, shasabile emikhono ta.
\v 39 Naye Omwami naboola, inywe abaFarisayo, mwosinjia elwanyi weshikombe neisaani. Ne mukari mwitsulamwo obubolo nende obubii.
\v 40 Enywe abasiru, shali ulia owakasia eshiri elwanyi, niyekhandi owakasia eshiri mukari?
\v 41 ne kario hane obukhonyi khubindu biamuli ninabio; ne, lole, ebindu biosi, nebilafu khwinywe.
\p
\v 42 Woowe, enywe, abaFarisayo; muhananga shiekhumi khubindu ebitti shinga amang'ondo nende omuboka, nimubisia obukhalachi khubuheri bwa Nyasaye; kano mukhoyere okhukhola, nimulalekha akandi ta.
\v 43 Woowe, khwinywe, abaFarisayo khuba muheranga obwikhalo bweikulu musinagogi, namashesio mubiro.
\v 44 Woowe enywe, abaFarisayo, abahandichi okhuba muli tsing'ani etsilalolekha ta, ne abandu bachendakhwo balamanyire ta.
\p
\v 45 Naye mulala khubamalako, nakalusia, Omwami, oboolanga kata khwifwe?
\p
\v 46 Naye nakalusia, woowe, khwinywe, bamalako; okhuba mubaretsangakhwo emisiko emisiro, echia enywebene mulanyala okhuchingula nolutere lwenywe ta.
\v 47 Woowe, khwinywe! okhuba mumbakhanga tsing'ani tsiabalakusi, ba, baPapa benywe bera.
\v 48 Toto mwene muhananga obuloli mbu, mulondanga amakhuwa kabaPapa: benywe, okhuba toto babera, nenyu mumbakha tsing'ani.
\v 49 Nindio obumanyirisi bwaNyasaye buboola mbu, ndalabarumira aBalakusi, naBarume, ne abandi khubo balabasandia nibabera:
\v 50 mbu, amatsai kabalakusi boosi, okhurula khushina shie Shialo, kanyale okhubasibwa khulwibulo luno;
\v 51 okhurula khumatsai ka Abili okhula khumatsai ka, Zakaria. owerwa hakari khushisambiro shie Hekalu: Toto mwene ebabolera, kalabanzwa khulwibulo luno.
\v 52 Woowe, khwinywe, abamalako! okhuba mwarusia obuchachiro bwobumanyirisi: shimwinjiranga inywe bene ta, nabo abenjira mubekalira.
\p
\v 53 Ne olwa yaboola amakhuwa kano khubo, abahandichi nabaFarisayo bachaka okhumuingasia muno, nibachira nabola amakhuwa amanji:
\v 54 Nibamukhabanga shinga, olwa banyala okhunyola likhuwa okhurulamumunwa kwe, mbu, banyale okhumukhalachira:
\c 12
\cl Luka  12
\p
\v 1 Mubise yifo, olwabali nibekhung'asie halala omukanda omukhongo kwabandu, nibasenana, yachaka okhubira abechibe, mwihenjeresie na mamera kabafarisayo, obuli obwikati
\v 2 Habula shibulaho eshiafiswa shilanyala okhufunulwa ta, noho eshiafiswa shilanyala okhumanyikha.
\v 3 kho shiosi shiamwaboola mushirima, shiakhaulirishe mubulafu, ne shiamwamonya mushirwi mushikoro, shiakhaboolwe khushisuli shienzu.
\p
\v 4 Nasi ebaboolela abetsa banje, mularia balia abanyala okhwira omubiri kwonyene ta, nelunyuma babula eshiabanyala okhukhola.
\v 5 Nasi embaboolera owamukhoyere okhuria, murie ulia owa, olunyuma lwokhwira, ali nobunyali okhusukuna mumuliro, omweneyo ebaboolela, murie.
\v 6 Tsiminyi tsirano shitsikulungwa khumang'ondo kabiri, ne ibulaho kata ndala eibirirungwa nende Omwami.
\v 7 Kata liswi liokhumurwekhwo liabalwa, mularia ta, muli bobukusi okhushira tsiminyi tsinyinji.
\p
\v 8 Khandi ebaboolela, yesi ounziyama imberi wabandu, naye yesi Omwana womundu alamwiyama imberi wabamalaika baNyasaye.
\v 9 Naye ounzikana imberi wabandu, yakhakanwe imberi wa Malaika baNyasaye.
\v 10 Naye yesi ouliboola likhuwa libii khumwana womundu, alalesherwa, nebutswa ouboola libii khuRoho waNyasaye, shalalesherwa ta.
\v 11 Ne olwa bamurera musinagogi nende imberi wabayaasi, nende bobunyali, shimulateba eshiamuboola noho okhukalusia ta.
\v 12 Okhuba Roho alabaheresia eshiamuboola khubise ebo.
\p
\v 13 Naye mulala khumukanda namuboolela, Omwechesia, biira omusiani wefu mbu yamberesie omukabwa kwanje.
\p
\v 14 Naye namukalusia, wina ukholire isie omuyaasi nomukabuli hakari wenyu?
\v 15 Nababoolela, mwilinde nende obwikombi, okhuba obulamu bwomundu shibuli mubunji bwebindu bia alininabo ta.
\p
\v 16 Naboola oluchero, naboola, omukunda kwomundu undi kwama muno;
\v 17 naye niyereba naboola, ekhole shina shichira euma habundu wera ebiamo bianje ta?
\v 18 Naye naboola, emanyire eshianditsa okhukhola: ndialakwisia ebiachi bianje, mana engasie ebikhongo; mana eremwo ebiamo nebindu bianje biosi.
\v 19 Nasi ndalabiira omwoyonkwanje, bulano oli nebindu ebinji biokhulia emiika eminji; ikhala hasi, olie, onywe notsatsahala.
\p
\v 20 Naye Nyasaye namuboolela, ewe omusiru Ewe, lero luno enzenya obulamubwo, kho ebindu yibo bilaba biawina?
\p
\v 21 kho nolwali ario owibishira omwandu mushialo, nabula obuinda bwaNyasaye.
\p
\v 22 Nabira abechibe, kho mulaendere obulamu, eshianamulie, nomba okhufwala khumibiri.
\v 23 obulamu bushira shiokhulia, nakwo omubiri kushira eshifwalo.
\v 24 Lole khwo amakhokho; shikaraka kata okhubikha mubiachi ta, ne Papa wenywe woMwikulu akalisia, enywe shimuli bobukhala khandi okhukashira?
\v 25 Ne niwina khwinywe khulwokhuenda anyala okhumeta oburambibwe ifuti ndala?
\v 26 Nimuba mulanyala okhukhola lititi lino, mbushina munyakhananga khulwa akandi?
\v 27 Parekhwo shinga olwa obulimo bumeranga: shibunyakhana noho okhulukha ta, nasi ebaboolera kata Suleimani muluyalilwe, shiyalikhwo shinga bulala khubulimo buno ta.
\v 28 Nyasaye nakasia obulimo, obuliho luno, ne mukamba busukunwa mumuliro, shalamubikha enywe okhushira, enywe bobusubiri obutiti?
\v 29 Mulanyakhanira eshiamulia noho okhunywa ta, khandi mula bula obusubiri ta.
\v 30 Okhuba ebindu bino nibio ebia abandu beshialo bakhabanga, naye Papa wenywe woMwikulu yamanya mbu mwenya ebindu bino.
\v 31 Nebutswa khabe Obwami bwoMwikulu mberio, nobulunjishi bwabwo, nebindi biosi mulameterwa.
\p
\v 32 Mularie tawe inywe lituli lititi, okhuba kamuchamisia Papa wenywe okhubaheresia Obwami bwoMwikulu.
\v 33 kusie biosi ebiamuli ninabio, khonye abandu, mwikhabire emifuko chilabiya ta, re libishiro Mwikulu, ewabilabiya ta, womwifi noho ebikukule filanyala okhusasia ta.
\v 34 Okhuba ewa libishiro lio liri, niho Womwoyokwo kuli,
\p
\v 35 Ebishienje bienywe bibouwe, natso tsi taa tsienye tsiashe.
\v 36 eanyu mube shinga abalindanga Omwami, olwa alicherera okhurula mushiselero, mbu olwa yetsa nakhong'onda, mumwikulire lwangu.
\v 37 Bali neikhabi abakhalabani boMwami olwayetsa, balinyola nibali meso, toto ebaboolera, aliboha, mana niyekhala ninabo khumesa nalia ninabo, naye alitsa nabakhalabanira.
\v 38 Naye naba niyetsa khusaa yakhabiri, nomba yakhataru, nabanyola meso, balaba abakhalabani beikhabi.
\v 39 Ne mumanye mbu, mwene litala alamanya ebise biomwifi aletsa, yakhabere meso nalenya inzuye ifunakwe ta.
\v 40 Mube meso mwesi "okhuba Omwana womundu yetsa ebise bilamanyikhane ta,
\p
\v 41 Naye Petero naboola, Omwami oboolanga ninefu mutsingano nomba khubandi bosi?
\p
\v 42 Naye Omwami nababoolera, wina omukhalabani oyo omusubirwa owOmwamiwe alamura okhuba Omuruchi khunzuye, okhubaheresia eshiokhulia khubise?
\v 43 noweikhabi omusumba oyo owa olwa Omwamiwe yetsa anyola nakholanga ario.
\v 44 Toto mwene ebaboolela, alamukhola Omuruchi weinzu yosi.
\v 45 Nebutswa omusumba oyo naboola mbu, Omwami wanje achelewe, naye nachaka okhupa abatitibe abasatsa nabkhasi, nalia nanywa namera,
\v 46 Omwami womusumba oyo aletsa khunyanga nebise bialamanya ta, naye alamuremamwo, namubalira halala nabonooni.
\v 47 Naye omusumba oyo oulamanya elianya lioMwamiwe ta, nalekasiria, khandi nalakhola shingalwa yenya ta, alakhupwa emisharati eminji.
\v 48 Naye owalamanya ta, nakhola ebindu ebikhoyera alakhupwa emisharati emititi. okhuba owahebwa ebinji, alenywekhwo ebinji, naye owabandu baheresia amanji, balenya amanji okhurula khuye.
\p
\v 49 Ndetsa okhurera omuliro khushialo, ne nishina nikuba kwamalire okhwashibwa?
\v 50 Nebutswa endi nobubatisi bwekhoyere okhubatisibwa, nasi endiho okhula olwa busibwa.
\v 51 Muparanga mbu, ndetsa okhurera omulembe khushialo? ebaboolera mbu, tawe, ndetsa okhurera obukabukhani.
\v 52 Okhuba okhurula inyanga yino khuliba nende barano munzu nibakabukhane, bataru khubabiri, nabo babiri khubataru.
\v 53 Papa aliaukhana nende Omwana, naye Omwana nende Samwana. Mama nende omukhanawe, naye omukhana nende Nyina, naye nyakhufiala nende omukhasi womusiani, khandi omukhasi womusiani nende Mama nyakhifiala.
\p
\v 54 Naboolera abandu, olwa mulola amalesi nikarula ebukwe, muboola mbu, Ifula ilakwa, ne toto nolwa kaba.
\v 55 Ne olwa mulola omuyeka kwe mumbo nikuutsa, mubole mbu, khulaba nomubasu omululu, nikaba kario.
\v 56 Enywe abekati, mumanyirisia amakhuwa kelikulu neshialo, ne mbushina mulamanyirisia ebise bino?
\p
\v 57 Enywe, abeene shimunyala okhumanya elikhoyere ta?
\v 58 Olwa mutsia nomusukuwo khumuyaasi, nimishiri khunjir mufuchirisanie nashiri okhusia khumuyaasi, naye nakhuirakhumuruchi, naye nakhura momboye,
\v 59 Ekhuboolela toto mwene mbu, sholarulayo ta, okhula olwa olaba norunjire okhula ling'ondo liokhumalirikha.
\c 13
\cl Luka 13
\p
\v 1 Yaho mubiise bienefo baliho Abagalilaya bamuboolera khukokhuba Galilaya, shinga olwa Pilato yatsokasia amatsayi kabwe mumisango.
\v 2 Naye yesu nakalusia nabareba mbu, mukaalanga mbu abaGalilaya yabo nabonooni okhushira abaGalilaya bandi bosi, shichira bakhola bario?
\v 3 Ebaboolera, tawe; nimulekalukhasia tawe, mwesi mulatiba.
\v 4 Nohomba balia ekhumi namunane abomunara kwakwira, nikubera, mupara mbu, Bali abonooni okhushira abamenya Yerusalemi?
\v 5 Ebaboolera mbu, tawe. mwesi nimulekalukhasia mulatiba murio.
\p
\v 6 Nakhupa aluchero luno mbu, Omundu undi yaraka omukhuyu mumukundakwe kwemitsabibu, ne yatsia nakhabakhwo ebiamo nalabinyola ta,
\v 7 mana nabolera omulindi wemitsabibu mbu, Lola bulano nemiika chitaru ninditsanga okhukhaba ebiamo khumukhuyu kuno, ne shenyolanga khuo ta, kureme, mbushina nikunyasinjia butsa liloba?
\p
\v 8 naye nakalusia namubolera mbu, Omwami, lekha kube omwika kuno khandi okhuba ndalakulimira nirakhwo amasingo,
\v 9 Mana nikuba niikwama ebiamo, nobulayi. Nikubanikulama ta, olakurema.
\p
\v 10 Ne yali niyechesinjia musinagogi khunyanga yeiSabato,
\v 11 ne lola omukhasi owalinji neiroho yobuteshere emiika ekhumi nende munane niyekota nalanyala okhuchingukha ta,
\v 12 Ne olwaYesu yamulola, namlanga namubolera, mama, wakhabololwa mubutesherebwo?
\v 13 Mana namurakhwo omukhono naye nakololokha namwitsomia Nyasaye.
\p
\v 14 Naye omukhulundu weisinagogi nasinyikha muno okhuba Yesu ahaoniye omundu khusabato. Yakalusia naboola, naboolera omukhulundu mbu, netsinyanga tsisasaba tsiabandu bakhoyere okhukhola emirimo, mutsienetsio mwitse muhonibwe, ne khunyanga yeisabato tawe.
\p
\v 15 Naye omwami nakalusia namubolera mbu, Inywe abekati, buli mundu khwinywe shalarusia Ing'ombe kata Isishiri ye mukhoonje khusabato nachiira mumwalo okhunywa amatsi?
\v 16 kata omukhasi uno olwa ali omwitsukhulu wa Abrahamu, owa Setani yaboha emiyiika chino ekhumi namunane shakhoire okhubololwa mumboye khunyanga yeisabato?
\v 17 Ne olwa yaboola amakhuwa yako, abasukube bosi bafimbibwa omurwe, nabo abandu bosi nibasangala khumakhuwa koluyali kekholeshe ninaye.
\p
\v 18 kho mana naboola mbu, Obwami bwaNyasaye bufwana shinga shina? kata nabucherasibwe nende shina?
\v 19 Bufwana shinga imwo ndala yelisatsi, eya omundu yabukula naraka mushirundushie eniikhula nayo niikhola omusala omukhongo, Amayoni kokhwikulu nako nikekhala mumasaka kakwo.
\p
\v 20 nabola khandi mbu, nenjerasie shina khubwami bwaNyaaye?
\v 21 Bufwana shinga amamera komukhasi undi yabukula natsokasia mubimwelo bitaru biobusie okhuula bwosi olwa bwafimba.
\p
\v 22 Ne yabiramumatokho nende amatala niyehesinjia natsia okhula Yerusalemi.
\v 23 Oundi namureba mbu, Omwami, nibatiti abahonibwa? naye nababira,
\v 24 Teme mwinjirire mumuliango omunyerere, shichira emubolera mbu nabanji abalakhaba okhwinjiramwo ne shibalanyala ta.
\v 25 Olwa omwami weinzu alaba namalire okhusinjira niyekale omuliango, nenyu nimusinjire erwanyi, nimukhong'onda khumuliango, nimubola, Omwami, Omwami, khwikulire; naye alabakalusia, shibamanyire tawe, murula hena?
\p
\v 26 nenyu mulabola mbu, khwalire nikhunywa ninawe, nawe wechesiye mumianda chiefwe.
\p
\v 27 neye alabakalusia, shebamanyire ewamurula tawe, tsie murulekhwo inywe abakholi betsimbi.
\v 28 Khulaba nende okhwikhula nokhulumasia ameno olwa mulola Abrahamu nende Isaka, nende Yakobo, nene abalakusi bosi mubwami bwaNyasaye, nenyu nimufubwa erwanyi.
\v 29 Ne balitsa okhurula ebukwe nende mumbo, nende Emukulu, nende Emwalo, nibekhala mubwami bwaNyasaye.
\v 30 Ne lole, abali beinyuma, balaba beimbeli. nabo beimbeli balaba beiyuma.
\p
\v 31 Khunyanga eyo betsa abandi khubafarisayo, nibamubolera, rula hano, okhuba erode akhabanga okhwira.
\p
\v 32 Naye nabakalusia, tsie mubolere Libwe ero, mbu lole enonda efishieno, nehonia lero nende mukamba, ne khunyanga yakhataru, ndatusibwa.
\v 33 Kata kario ekhoyere okhukhola emirimo lero mukamba nende inyanga ilondakhwo, shichira shikanyalikha mbu, omulakusi okhokora Yerusalemi ta.
\p
\v 34 O, Yerusalemi Yerusaemi, eyiiraanga abalakusi, niibakhupa amachina abarumwa khwinywe, noluhono ndikombire okhubakhung'asia shinga olwa ingokho ikhung'asinjia ebiminywi halala mumbaha, nenyu shimwenya ta.
\v 35 Lole inzu yenyu itonyere ikhaya, ne toto mwene emubolera mbu, shimulandola ta, okhula ebisepp ibiamubol mbu, noweikhabi owitsa mulira liOmwami
\c 14
\cl Luka 14
\p
\v 1 Ne olwayenjira munzu wa mulala khubakhulundu babafarisayo okhulia omukate khunyanga yeiSabato, bamuhenjeresia muno.
\v 2 Ne lola khwali nende omundu mulala owali nobulwale bwelibombo.
\v 3 Naye Yesu mukhukalusia abakhulundu bamalako nende abaFarisayo mbu, koo, nobulayi okhuhonia khuSabato?
\v 4 Nabo nibalamukalusia ta, kho namubukula namuhonia, namusebula natsia.
\v 5 Nabakalusia nabareba, niwina khwinywe niyakhaba nende Ipunda noho Isishiri ikwa mubwina, nalanyala mubwangu okhuchirusia khuSabato?
\v 6 nabo nibalanyala okhukalusia yako ta.
\p
\v 7 Mana nakhupa oluchero khubali nibalanjirwe, olwa yalola nibaula obwiyangu bweikulu, nababolera,
\v 8 nimulangwa nomundu mushiserero, mulekhalenje mubwikhalo bweimbeli ta, shichira oundi woluyali lukhushira anyala yesi yalangwa,
\v 9 naye ulia oubenjisie yetsa nakhubila, yitsa, rula yaho oheresie owashio obwikhalo, nawe mutsisoni nokalukha mubwikhalo bwa hasi.
\v 10 Ne olwa olangwa, tsia wikhale mubwikhalo obututu, mbu mana olwa yetsa owakhulanga akhubile mbu, Omwitsa, yitsa hano hekulu, kho orio olaba noluyali imbeli wa bosi abawikhale ninabo habilibwa.
\v 11 OKhuba buli Mundu owichungula omwene, aleshibwa. naye owitutuyia omwene, alachingulwa.
\p
\v 12 Khandi nabolera oyo owamwinjisia mbu, olwa oba nokasia omwikhoyo, shola langa butsa abetsa nende abekho, nende abaana benywe nende abainda abamenyanwa ta, shichira bosi banyala okhulanga, nabo nibaba nibakhurunjire.
\v 13 Ne butsawa olwa oba nokasia omwikhoyo, langa abamanani, abalema, ababofu, amakara.
\v 14 Nawe witsa okhunyola ikhabi, okhuba shibanyala okhurunga ta, nawe olarungwa khukhulamukha khwa balunjishi.
\p
\v 15 Ne mulala khuba yekhala ninabo habilibwa olwa yaulila amakhuwa yako, noweikhabi oulilia eshilibwa mubwami bwaNyasaye.
\p
\v 16 naye namubolera mbu, Omundu yakasia Lisabo likhongo, nalanga abandu abanji.
\v 17 naruma abasumbabe khusaa yokhulia okhubabira abalangwa mbu, mwitse okhuba biosi bimalire okhukasibwa.
\p
\v 18 Nabo bosi nibachaka okhuhana ebifune biokhubula okhwitsa, owambeli nabola, ndakulire omukunda, khatimba enzie okulole,
\p
\v 19 nochama mbera. owakhabiri nabola, ndakulire omachoki karano kokhulima, lero luno enzia okhukatema.
\p
\v 20 oundi nabola, endi nende Omwea kho shenyala okhwitsa ta.
\p
\v 21 kho abasumba nibetsa nibabolera omwami wabwe amakhuwa kano kosi, naye natirwanoburuma, nabolera obasumba mbu, tsie lwangu khumianda nende tsinjira tsiomwitokho, mana murere hano abamanani, nende abalema nende ababofu nende betsindieku.
\p
\v 22 Omusumba namubolera Omwami, khumalire okhukhola kolachirisiye, nebutswa inzu ishirimwo obwiyangu.
\p
\v 23 Omwami naboolera omusumba, rule mutsie khumianda nende khutsingaka nende khumasanganjira, nanyu mubasaye betse mbu inzu yanje inyale okhwitsula.
\v 24 okhuba toto ebabolera mbu, habulao kata mulala khubalangwa olalia khushiokhulia shianje ta.
\p
\v 25 Nako omukanda omukhongo nikutsia ninaye, nibekalikha nibamubolera,
\v 26 omundu yesi niyakhanonda nalalekha Samwana, nende nyina nende omukhasi, nabana, nabana babwe abakhana nabasiani, nende obulamu bwe omwene, shanyala okhuba omwechi wanje ta.
\v 27 oulanyala okhuchinga omusalaba kwe mana yanondekhwo, shanyala okhuba omwechi wanje ta.
\v 28 Okhuba niwina khwinywe owenya okhumbakha Omunara nalanyala okhwikhala hasi mana abasie obukusi mbu, anyala okhumala nomba ta?
\v 29 habula olwa abanarereho obuchachiro, mana akhaywe okhumala, bosi abalola balamutsesherera,
\v 30 nibabola mbu, Lole yachaka okhwombokha neyakhaywa okhumala.
\p
\v 31 Noho nomuruchi shina outsia mwihe owo Omuruchi undi oulekhala hasi mberio, nahenjeresia mbu, anyala okhushira nende ebikhumira ekhumi abasukube nibetsa nende ebikhumira amakhumi kabiri?
\v 32 Kalali kario ta, olwa omusukuwe aba nashiri ehale, aruma abarumwabe nakhaba omulembe.
\v 33 Nindio kali, yesi khwinywe olalekha biosi ebia ali ninabio, shanyala okhuba omwechi wanje ta.
\p
\v 34 Omunyu nomulayi, ne nikuba nikukosia eshuya shiakwo, kukasibwa kurie?
\v 35 shikukhoyere khwiloba kata khumasingo ta, habula abandu bakusukuna erwanyi. Ouli namarwi, lekha oulire.
\c 15
\cl Luka 15
\p
\v 1 Mana Nibamwitsira abasololi bobushuru halala nende boononi bosi mbu bamuulire.
\v 2 Ne abafarisayo halala nende abahandichi, nibabuluula, nibaboola mbu, Omundu uno yenjisinjia abetsimbi nalia ninabo.
\p
\v 3 Naye naboola oluchero luno mbu,
\v 4 niwina khwinywe naba namakondi imia niyakhakosia elala nalanyala okhulekha amakhumi tisa nende tisa mushitsimi natsia okhukhaba liria elikorire?
\v 5 Ne olwa aba nalinyolire, alira khumabeka natsatsahala.
\v 6 Ne olwa yola ingo, yalanga abamenyani bosi nende abetsa, nababoolera, sangale ninasi okhuba enyolire likondi lianje liakora.
\v 7 Embabolera toto mbu, nindio kaliba Mwikulu khuuwetsimbi mulala owikalukhasia okhushira amakhumitisa nende tisa abalekalukhasia ta.
\p
\v 8 Ne kata yakhaba mukhasi shina owakhaba namang'ondo ekhumi nakosia elala nalanyala okhwashia itaa mana yeya inzu nakhaba mbu alinyole?
\v 9 Ne olwa aba nalinyolire alanga abetsa nende abamenyanwa halala nabababoora, sangale ninasi okhuba enyolire ling'ondo lianje liakora.
\v 10 Nindio ebabolera mbu, khuliba nobusangali obunji imbeli wabamalaika khumwonooni mulala owikalukhasia.
\p
\v 11 Mana Naboola, omundu undi yali nabasiani babiri,
\v 12 naye omusiani omutiti nabolera Samwana mbu, mberesia omukabo kwanje, naye nabakabulira emikabo chiabwe.
\v 13 Ne olunyuma lwetsinyanga tsilali tsinyinji ta, yarula natsia mushialo shieyale, naye nasasia emiandu mubwilasi.
\v 14 Ne olwayali niyakhamala biosi, yarulira inzala ikhongo mwitokho yilo, naye nachaka okhunyakhana.
\v 15 Naye natsia namenya nende omundu weshialo eshio, naye namuruma mbu alisie Tsingurwe.
\v 16 Naye niyekomba okhulia khubiokhulia bietsingurwe, ne abulaho owamuberera ta.
\v 17 Ne olwa yakalukha mumaparo ke, yabola mbu, nibenga khubakholi baPapa abalitsanga nibitong'a? nasi nefwa inzala hano?
\v 18 Nditsa okhukalukha ewa Papa wanje, ndalamubolera mbu, Papa ndonona khwiwe khandi khwikulu.
\v 19 Shekhoya khandi okhulangwa mbu omwanawo ta, khola embe mulala khuba kholibobo.
\v 20 Mana nasimukha niyetsa ewa samwana, Ne olwa yali nashiributsa ehale, Samwana yamulola naye naba neshibeera, niyerukha, namukwa mwikosi, namutsunzuna.
\v 21 Naye omusiani namuboolera Samwana, endi omwononi mwikulu nende mumoniwo, kho shekhoyera okhulangwa omwanawo ta.
\p
\v 22 Nebutswa samwana yaboolera abakholi, Rere lwangu Ingubo indayi, mumufwale, mure Ingaka khumukhonokwe, ebilaro mubirenjebie.
\v 23 Mana murere hano eshimosi eshinefu, mwire, nefu khwikhoye.
\v 24 Okhuba omwana wanje uno yali niyafwa ne bulano alamushe, yali niyakora nebulano anyoleshe, mana nibachaka omwikhoyo.
\p
\v 25 Naye omusiani wabwe omukhongo yali mumukunda, ne olwa yetsa niyola ahambi neyinzu, yaulira tsinyimbo nende okhushina.
\v 26 Naye nalanga omukholi namureba mbu, kano kamanyia shi?
\v 27 Naye namukalusia mbu, omusiani wenyu acherere, naye papawo yerire eshimosi eshinefu okhuba amunyolire omulamu.
\p
\v 28 Naye nasinyikha nalenjira mungo ta, kho samwana narula erwanyi namusaya.
\v 29 Naye namukalusia, emiika chino chiosi chia ekhukholere shindakwononira kata okhufiinaka lilako elala ta, nawe shiwambakhwo kata akhameme mbu, ndikhoyere nabashianje ta,
\v 30 Ne olwa omwanawo yetsire, owonoonia emianduchio mubwilasi, omusinzire eshimosi eshinefu.
\p
\v 31 Naye namukalusia, Mwana wanje, oli ninasi tsinyanga tsiosi. biosi biendi ninabio, nebibio.
\v 32 Kakhoyere mbu khwikhoye, nikhusangala, okhuba omwana wenywe uno yali niyafwa, naye alamushe, yali niyakora, naye anyoleshe.
\c 16
\cl Luka 16
\p
\v 1 Khandi yabolera abechibe mbu, yalio omundu owali omuyinda, owali nende omusinjiriri. Naye nibaboolera mbu yononinjia emiandu chie.
\v 2 Naye namulanga namureba mbu, nishina shino eshia euliranga? hana isabu yobukholi bwo shichira shonyala okhuba omusinjiriri ta.
\p
\v 3 Naye ye omusinjiriri oyo nabola mbu, ekhole shina? shichira Omwami wanje yarusinjia khumirimo chianje, nasi shenyala okhulima ta, khandi okhusaba netsisoni?
\v 4 Emanyire eshiandalakhola mbu olwa emba nefutwa emirimo, banyale okhunyinjisia munzu tsiabwe.
\v 5 Kho namala nalanga bosi abali namakofi koMwamiwe, nabolera owambeli, olinelikofi shina khumwami wanje?
\p
\v 6 naye nakalusia mbu tsibaatsi imia tsiamafura, namuboolera handika amakhumi karano.
\p
\v 7 khandi nareba owakhabiri, likofi lio nishina? naye nakalusia tsibaatsi imia tsieingano. namubolera handika amakhumi munane.
\v 8 Naye Omwami namwitsomia omusumba omubeyi shichira yali niyekhonyere amachesi. Shichira abaana bomushialo shino shieshirima nabachesi okhushira abaana bobulafu.
\v 9 Nasi ebaboolera mbu, mwikasirie abetsa nende emiandu chienywe chietsimbi mbu nimukhaywa, banyale okhumwinjisia mubumenyi bweinziayo.
\v 10 Oyo ouli omusubirwa mubititi, alaba omusubirwa mubinji, naye oulali omusubirwa mubititi, khandi shialaba omusubirwa mubinji ta.
\v 11 Kho nimuba mulaberenje abesikwa mubitutu biomushialo ta, niwina owitsa okhumuheresia obuyinda bwatoto?
\v 12 nimulaba abesikwa khubioundi ta, niwina olabaheresia ebienyu?
\v 13 Abulao ounyala okhukholera Abami babiri ta, okhula alachamisia mulala, nasinyisia oundi. Shonyala okhurumushira Omwami nende emiandu ta.
\p
\v 14 Nabo abafarisayo abali nobwikombi baulira amakhuwa yako nabo niba musinyishira.
\v 15 Naye nababoolera, enywe mukhabanga okhuba abalunjishi mumoni tsiabandu, naye Nyasaye yamanya emioyo chienywe, oyo owichinjmisia mumoni tsiabandu, yeshibwa mumoni tsiaNyasaye.
\p
\v 16 Amalako nende abalakusi bali okhula khuYohana, okhula yaho Obwami bwaNyasaye buyalwa, ne bamani babutira,
\v 17 Nebutswa nobwangu Likulu nende Eshibala okhubura okhushira elala khwilako okhurusibwaho.
\p
\v 18 Yesi oulekha omukhasiwe nateshia oundi akhola obuheyi, naye outeshia omukhasi walekhwa yesi akhola obuheyi.
\p
\v 19 khwali nende omundu omuyinda wefwalanga tsingubo tsieisambarao nende ikitani indorotoro nalitsanga eshiayenya buli nyanga.
\v 20 Khandi khwaliyo nende omumanani owekhalanga hashilibwawe, niyetsula amakonzo.
\v 21 Naye yekombanga okhulia khubiria biakwitsanga hasi khumesawe, natso tsimbwa tsiakhombanga amakonzoke.
\v 22 Ne olwa omumanani oyo yafwa, abamalaika bamubukula nibamura khushirifu shia Abrahamu, omuyinda yesi yafwa nayabirwa.
\v 23 Nali emakombe yachingula tsimonitsie nali mukhunyakhana namulola Abrahamu eyale, naye Lazaro khushirifu shie.
\v 24 Naye yalira naboola Papa Abrahamu, ndolera tsimbabasi, ruma Lazaro mbu atsie are olutere lwe mumatsi mbu anyale okhunyisia olulimi lwanje, okhuba enyakhana muno mumuliro muno.
\p
\v 25 Nebutswa Abrahamu namuboolera mbu, mwana wanje, yitsulira mbu, mubulamubwo wanyoola ebindu ebilayi, naye Lazaro ebindu ebibii, nebulano aotseresibwa nawe onyakhana.
\v 26 Kata kario hakari wenywe nende Lazaro khuli nende libanda likhongo, mbu abulaho ounyala okhurula ino yetsa eyo nomba okhurula eyo yetsa yino.
\p
\v 27 Naye naboola, ekhusaya Papa mbu omurume khubandu beinzu ya Papa.
\v 28 okhuba endi nende abasiani befwe barano, ababoolere
\p
\v 29 Abrahamu namuboolera, khuli nende Musa nende Abalakusi, lekha babaulire yabo.
\p
\v 30 Naye naboola Papa Abrahamu, omundu narula yino mubafuu nibaulira balekalukhasia.
\p
\v 31 Naye namukalusia, nibalaulira Musa nende Abalakusi ta, kata omundu narula yino shibaulira ta.
\c 17
\cl Luka 17
\p
\v 1 Nababoolera, amarechekho shikalabula okhubaho ta, habula woowe! khuulia oukarera,
\v 2 bwakhabere obulayi oluchina lwokhusia nilwakhaboirwe mwikosiwe mana nafubwa Munyanza mbu aleshe okhwisichirasia mulala khubatiti yabo.
\v 3 Mwihenjeresie abeene, omwana wenywe niyakhonona, muyibire naye niyekalukhasia, mubere.
\v 4 Ne naba nakhwononera khandi musafu khunyanga, naye nakhwitsira khunyanga khandi musafu nakhusaba obulesheri, mubere.
\p
\v 5 Nabo abarume nibamuboolera Omwani, khumete obusubiri,
\p
\v 6 Naye Omwami naboola, nimuba nobusubiri shinga imwo yelisatsi, mwakhaboolere omukhuyu kuno mbu, sulikha otsie wirache muNyanza, nakwo nikusulikha.
\p
\v 7 Ne niwina khwinywe ouba nomusumba nakholanga mumukunda olwa yetsa ingo anyala okhumuboolera mbu, ikhala hasi olie?
\v 8 Ne shalamuboolera mbu, ngasiria eshiokhulia eshilayi umberesie, ne olunyuma lwo khulia eshiokhulia witsa okhulia wesi?
\v 9 Alamwitsomia omusumba oyo okhuba akholire obulayi? Embara mbu tawe.
\v 10 Kho nindio kali, mwesi olwa muba nimukholire kosi akamwalakwa, bole mbu, khuli abasumba babula obukhala, khukholire kalia akakhukhoyere okhukhola.
\p
\v 11 Naye olwa yatsia Yerusalemi, yabira hakari wa Samaria nende Galilaya.
\v 12 Ne olwa yenjira mwitokho lindi, abandu ekhumi bobuchere bamwakanira, bema ehale
\v 13 Nabo nibachingula emioyochiabwe nibaboola Yesu Omwami, khubere tsimbabasi.
\p
\v 14 Ne olwa yabalola, yababoolera, tsie mwilolesie khubakuhani. Ne olwabali nibatsitsanga, nibasiishira khunjira.
\v 15 Naye mulala khubo olwa yalola mbu, asiishe, yakalukha inyuma, ne khumwoyo omukhongo, namwitsomia Omwami.
\v 16 Nakwa hasi mumakuluke, nakhupa orio, naye yali omusamaria.
\v 17 Naye Yesu nakalusia naboola, shibali bosi ekhumi ta? bali hena tisa bandi?
\v 18 abulaho oukalushe okhuhesia Nyasaye oluyali ta, habula omucheni uno?
\v 19 Namuboolera sinjira otsie, obusubiribwo bukhuhoniye.
\p
\v 20 Ne olwa yarebwa nende abaYaudi mbu nilina olwa obwami bwaNyasaye bwitsa? Yabakalusia naboola, obulamu bwaNyasaye shibwitsa khukhulola netsimoni ta.
\v 21 Kata nibaliboola mbu, lole hano nende alia, shimulabalondakhwo ta.
\p
\v 22 Naboolera ebechibe, tsinyanga tsitsanga etsia mulikomba okhulola ndala khutsinyanga tsino tsiomwana womundu, neshimulitsilola ta.
\v 23 Nabo balibaboolera, lole hano, lole halia, shimulatsiayo kata okhubalondakhwo ta.
\v 24 Okhuba shinga olwenu lurula elubeka lulala okhula olubeka lundi, nindio inyanga yomwana womundu iliba.
\v 25 Ne okhula mubirire muminyakhano eminji, nimulobwa nende olwibulo luno.
\v 26 Ne shinga olwa kali khutsinyanga tsia Nuwa, nolwa kaliba khunyanga yokhwitsa khwomwana womundu.
\v 27 Baliliitsanga nibanywa, bateshia nibateshibwa, okhula olwa inyanga yaNuwa yenjira muSafina, nako omuyembo nikwitsa nikubamala bosi.
\v 28 Nolwa kali mutsinyanga tsia Lutu, balia nibanywa, nibakula nibakusia, nibaraka niboombakha.
\v 29 Ne khunyanga ya Lutu yarula Sodoma, yakha omuliro okhurula Mwikulu nikubamalirana.
\v 30 Nindio kaliba khunyanga yo Omwana womundu alilolesibwa.
\v 31 khunyanga eyo, ouliba nali khushisuli, ne ebindu bio munzu, sholikalukha okhubukula ta, naye ouliba nali mumukunda shalikalukha inyuma ta.
\v 32 Mwitsulire omukhasi wa Lutu,
\v 33 yesi oukhaba okhuhonia obulamu bwe, alabukosia. naye oukosia obulamubwe, alabuhonia
\v 34 Ekhuboolera mbu eshiro esho, abandu babiri baliba khushitanda shilala, mulala alitsia, oundi aliton'ga.
\v 35 Abakhasi babiri baliba halala nibasietsanga khuluchina, mulala alitsia oundi alitong'a.
\v 36 Abandu babiri baliba mumukunda, mulala alitsia oundi alitong'a.
\p
\v 37 Nibamureba, hena Omwami? nakalusia naboola, ewa omulambo kuli, niwa tsingosia tsiakaniranga.
\c 18
\cl Luka 18
\p
\v 1 Naye nababoolera oluchero, mbu, abandu bakhoyere okhusaya nobulachonya ta.
\v 2 Naboola, khwali nomuruchi mwitikho Lindi oularia Nyasaye kata okhuteba omundu ta,
\v 3 Ne khwali nomulekhwa owetsa khuye mbu amukholere akakhoyere khulwa omusuku we.
\p
\v 4 Naye shiyanyala okhumukhonya khuluhono olurambi ta, ne olunyuma niyeboolera, kata nemba ndalaritsanga Nyasaye kata okhuteba omundu ta,
\v 5 Ne okhuba omulekhwa uno yanyimanga omulembe, ndilamukholera shinga olwa yenya mbu aleshe okhunjonyia.
\v 6 Mana Omwami naboola, ulirakhwo shinga Omuruchi omubii aboola,
\v 7 kho Nyasaye shalabakholera abalobolebe abamulirira eshitere neshiro, kata niyesimilirisia oluhono ninabo?
\v 8 Ebaboolera Toto mbu alabakholera lwangu muno, Kario olwa omwana womundu alitsa, alinyola obusubiri buno khushialo?
\p
\v 9 Naye nakana oluchero luno khubandu besubirira abene mbu nabalunjishi nibaleka abandi.
\v 10 Abandu babiri batikulukhu muhekalu okhusaya, mulala omufarisayo, oundi omwononi,
\v 11 omufarisayo nasinjira nasaya, Omwami, ekhwitsomia shichira Isir shendi shinga abandu bandi ababeyi, abashiamu, nende abaheyi ta, kata shinga omwononi ta,
\v 12 Ndiimangabokhulia khabiri khwihonga, nerusia eshiekhumi khubuli shiosi shienyola.
\p
\v 13 Naye ulia omwononi nasinjira ehale, nalanyala kata okhuchingula tsimoni Mwikulu ta, habula niyekhupa eshirifu, naboola, Omwami umbere tsimbabasi esie omwononi.
\v 14 Emuboolera toto mbu, omundu uno yatsia munzu nabalirwe obulunjishi okhushira owashie. okhuba yesi owichingula, aleshibwa, Naye owitutuia, alachingulwa.
\p
\v 15 Nabo nibamurerira abaana mbu abatirekhwo, nabo abechibe olwa balola babalonda.
\v 16 Naye nababoolera, mulakaye abaana okhwitsa khwisie ta, okhuba obwami bwoMwikulu nibwa abafwana bario.
\v 17 Toto mwene ebaboolera mbu, yesi oulenjisia obwami bwoMwikulu shinga omwana omutiti ta, shanyala okhwinjiramwo ta.
\p
\v 18 Naye omwimirisi undi namureba, Omwechesia omulayi, ekholeshi mbu enyole obulamu bweinziayo?
\p
\v 19 Yesu namukalusia, mbushina unanga omulayi? Abulaho omulayi ta, habula mulala naye ni Nyasaye.
\p
\v 20 Namureba, wamanya amalako? Olaheya ta, olera ta, oleba ta, olarusia obuloli bwobubeyi ta, Murie So nende Mao,
\p
\v 21 naye nakalusia, yako kosi ndalinda okhurula mulubukha.
\p
\v 22 Ne olwa Yesi yaulira kano yamuboolera, olemanga eshindu shilala, tsia okusie biosi bioli ninabio, obakabire abamanani, nawe olaba nelibishiro Mwikulu, mana witse unondekhwo."
\v 23 Naye olwa yaulira ario, yasinyisibwa muno, okhuba yali omuinda muno.
\v 24 Olwa Yesu yalola shinga olwa yali nasinyishe, yaboola shinga olwa nobutinyu omuinda okhwinjira mubwami bwa Nyasaye.
\v 25 okhuba nobwangu Ingamia okhubira mumunwa kweisindani okhushira Omuinda okhwinjira mubwami bwaNyasaye.
\p
\v 26 Nabo abaulira nibaboola, kaario niwina unyala okhuhonibwa?
\p
\v 27 Naye nakalusia, akalanyalikha khumwana womundu ta, kanyalikhu khuNyasaya.
\p
\v 28 Mana Petero naboola, efwe khwalekha fiosi, nikhukhulondakhwo,
\p
\v 29 naye nababoolera, Toto mwene emuboolera, abulaho omundu awalekha tsinzu, noho abebusi, noho abaana babwe, noho omukhasi, noho abaana, khulwo Obwami bwoMwikulu
\v 30 ouletsa okhunyola khandi khabiri muBwami buno nende obwitsanga, halala nobulamu bwobumeri.
\p
\v 31 Mana nabukula ekhumi nababiri, nababoolera, lole khutsia Yerusalemi, Ne kalekholekha kosi kaandikwa nabalakusi khumwana womundu.
\v 32 okhuba alahanwa khubamahanga, naye alakhobwa, nasandibwa nafutswakhwo amare.
\v 33 Nabo balamukhupa, nibamwira, Ne inyanga yakhataru, alalamukha okhurula mukhufwa.
\v 34 Nabo Nibalamanyirisia akayaboola yako ta, okhuba kafiswa khubo, kata shibamanya khwo akaboolwa ta.
\p
\v 35 Ne olwa yola ahambi Yeriko, omundu omubofu yekhala khunjira nasabanga,
\v 36 naye olwa yaulira omukanda nikubiranga yareba mbu nishina?
\p
\v 37 nibamuboolera mbu, Ni Yesu wa Nazareth noubiranga.
\p
\v 38 Naye nakhuma naboola, Yesu wa Nazareti, mbera tsimbabasi.
\v 39 Nabo abali ninaye nibamuhabira mbu aholere, naye nakhuma muno, Omwana wa Daudi mbera tsimbabasi,
\p
\v 40 Mana Yesu nasinjira, namulanga mbu arerwe ewayali. namureba mbu,
\v 41 wenya mbu ekhukholere shina? Naye nakalusia mbu, enyale okhulola.
\p
\v 42 Naye Yesu namuboolera, nyola okhulola, obusubiribwo bukhuhoniye.
\v 43 Ne habwene nabwene nanyola okhulola, namulondakhwo namwitsominjia Omwami, Ne abandu bosi olwabaloola, baheresia nyasaye oluyali.
\c 19
\cl Luka 19
\p
\v 1 Yesu yenjira nabira muYeriko.
\v 2 Ne lole khwaliyo nomundu mbu Zakayo, owali omukhalachi wobushuru, naye yali omuinda.
\v 3 Naye yanye okhumulola Yesu mbu niwina, nekhulwa omukanda omukhongo, shiyanyala ta okhuba yali omwimbichiti.
\v 4 Kho yerukha natsia imberi, nanina omukhuyu okhuba yali nibiranga khunjira eyo.
\v 5 Ne olwa Yesu yolaho, yahenga ikulu, namulola naboola mbu Zakayo, yikha hasi lwangu okhuba inyanga ino okhula ndulemunzuyo.
\v 6 Naye niyekha lwangu, namwinjisia mubusangali.
\v 7 Ne olwa baloola bario, babuuluul mbu atsire munzu womwononi.
\p
\v 8 Naye zakayo nasinjira nabira Omwami, lola Omwami inusu yomwandu kwanje eheresia abatakha, ne nimba ndanula shiomundu shiosi, endamukalusiria khandi khane".
\p
\v 9 Naye Yesu namuboolera,
\v 10 lero luno obuhonia bwitsire munzu muno okhuba yesi nomwana wa Abrahamu.
\p
\v 11 olwa bali nibamurecheresinjia, yaboola oluchero okhuba yali ahambi Yerusalemi, khandi okhuba bapara mbu obwami bwaNyasaye bwitsanga mulwangu.
\v 12 Naye nababoolera mbu omundu wolwibulo lwabaruchi yatsia mushibala shieyale okhuheresibwa oburuchi mana akalushe.
\v 13 Naye nalanga abakhalabanibe ekhumi nabaheresia tsi talanta ekhumi nababoolera, mulinde okhula olwa enjerera.
\p
\v 14 nabo abandube nibamusira, nibaruma oburume, nibaboola, shikhwenya okhurukwa nende omundu uno ta.
\v 15 Naye olwa yacherera, namalire okhunyola omuruchi, yabalanga abakhalabani mbu, anyale okhumanya eshiabuli mulala yanyolire khubukhalabwe.
\p
\v 16 Owamberi niyetsa naboola, Omwami amang'ondo ko ekhumi kebule akandi ekhumi.
\p
\v 17 naye namuboolera. orio omukhalabani omulayi, okhuba obere omusubirwa mubititi, olaba nobunyali khumatokho ekhumi.
\p
\v 18 Naye owakhabiri niyetsa naboola, Omwami amang'ondoko karano kebule akandi karano.
\p
\v 19 Naye naboola ario, witsa okhuba ikulu wamatokho karano.
\p
\v 20 Naye oundi niyetsa naboola ling'ondo lio ndielino elia wamberesia ndarahasi mwiloba.
\v 21 okhuba ndaria mbu oli omundu omutinyu, oubukulanaga biolakasia ta, nofuna biolaraka ta,
\p
\v 22 Amakhuwako omwene kalakhukhalachira, ewe omukhalabani omubii, wamanya mbu embukulanga ebilali ebianje ta, khandi efunanga ebiandalaraka ta.
\v 23 wakhabukule amang'ondo kanje wara mwibishiro kakhamberesie inganga.
\v 24 Naye naboolera abali ahambi, bukule kali ninako muheresie ouli nende ekhumi,
\p
\v 25 nabo nibamuboolera Omwami, ali nende ekhumi,'
\p
\v 26 Okhuba emubolera toto mbu ulia ouli ninashio alameterwa, naye oubula, kata eshiali ninasho shilabukulwa okhurula khuye.
\v 27 Nabo yabo abasuku banje abalenya mbu ebaruche ta, barere hano mubere imbeti wanje.
\p
\v 28 olunyuma lwokhuboola yako yatsia natikulukha Yerusalemi.
\v 29 Ne olwa yali ahambi Bethifage nende Betheni, khushikulu eshilangwa shieMizeituni. yaruma babiri khubechibe.
\v 30 naboola tsie imberi mushikwenyi shirimberi wenywe, olwa mulaba nimwiniranga, mwitsa okhunyola omwana weisishiri naboirwe, mubolole munderire hano.
\v 31 Ne omundu yesi namureba mbushina mubololanga omwana weisishiri? mumukalusie mbu Omwami achienya.
\v 32 Nabo nibatsia nibanyola shinga olwa yababoolera.
\p
\v 33 Ne olwa bali nibabololanga, mweneyo yabareba, mbushina mubololanga omwana wipunda?
\p
\v 34 nibamukalusia Omwami amwenya.
\v 35 nibachirera khu Yesu, nibalakhwo tsingubo tsiabwe, nibemwikhasia khwo Yesu.
\v 36 Ne olwa yekhala, baala tsingubo tsiabwe khunjira.
\p
\v 37 Ne olwa yolaahambi, ahambi nende eshikulu shieMiseituni, omukanda kwosi nikuchaka okhupa liyoka nikumwitsomia Nyasaye khumakhuwa amakhongo kabali nibalutsi.
\v 38 Baboola mbu, noweikhabi Omuruchi owitsa mulira lioMwami, omulembe Mwikulu, oluyali mubukhongo.
\p
\v 39 Nabo abandi mubafarisayo nibaboola, Omwami, bakaye abandubo baleshe liyoka.
\p
\v 40 Naye nakalusia, ebaboolera toto mwene mbu, bano nibalakhupa liyoka ta, amachina kalakhupa obuyoka.
\p
\v 41 Ne olwa yasita ahambi yalola Litokho. nalira khulwa lio,
\v 42 Naboola mbu, nimwakhamanyire khunyanga yino ebindu biri biomulembe kwenyu, habula bulano bifisire khwinywe.
\v 43 Okhubatsinyanga tsitsanga, etsia abasuku benywe balira omubero khwinywe, nibamubotokhana tsimbeka tsiosi.
\v 44 Nabo balamwalisia hasi, nabana beenywe, nabo shibalekha lichina elala khulindi ta, okhuba shimumanyire inyanga yokhuchenderwa khwenywe ta.
\p
\v 45 Mana natsia muhekalu, nachaka okhulonda balia abali nibakholanga inganga, nende balia abarera.
\v 46 Nababoolera, kaandikwa mbu, Inzu ya Papa neinzu yamasayo, nenyu muchikholere Inzu yabefi!
\p
\v 47 Naye niyechesia buli lwosi muhekalu, ne abakuhani abakhongo nende abahandichi bakhaba okhumwononia,
\v 48 ne shibanyala okhunyola liosi ta okhuba abandu bosi bamurecheresia,
\c 20
\cl Luka 20
\p
\v 1 Khunyanga yindi mutsinyanga etsio olwa yali niyecheesinjia abandu muhekalu, niyeerwatsanga oburume obulayi abakhulundu babakuhani nende abahandichi halala nende abakofu nibamunyooleresia.
\v 2 Nibaboola, nibamureeba mbu okhuboolere, mbu nobunyali shiina obuchiranga nokhola amakhuwa kano? kata owakhuheresia obunyali buno niye wina?
\p
\v 3 Naye nabakalusia, naboola mbu, nasi emureeba inywe mumboolere;
\v 4 mbu," obubatisii bwa yohana, bwarula Mwikulu nohomba mubandu"?
\p
\v 5 Nabo nibaboolerana abeene khubeene, mbu nikhuboola bwarula Mwikulu, alareeba mbu ne mbushiina nimulamusubira ta?
\p
\v 6 Ne nikhuba nikhuboola mbu, bwarula mubandu, Abandu bosi balakhulasa namachina; shichira bamanya mbu Yohana nomulakusi.
\v 7 Nibakalusia mbu shikhumanyire ewa bwarula ta.
\p
\v 8 Yesu naye nababoolera mbu kata siesi shiemuboolera mbu nobunyali shiina obuchiranga nikhola amakhuwa kano tawe.
\p
\v 9 Mana nachaaka okhuupira abandu oluchero luno; mbu omundu undi yaraaka omukunda kwemitsabibu, nakuhesia abalimiri, Natsia mushialo shindi namenya tsinyanga tsinyinji.
\v 10 Ne olwa inyanga yoola, yaruma omusumba undi khubalimi abo mbu, bamuheresie khubiamo biomukunda kwemitsabibu; ne abalimili abo nibamunywekha, nibamukalusia amakhono amakhaya.
\v 11 Mana naruma omusumba undi khandi, Naye yesi nibamunywekha, nibamuhambia tsisoni, nibamulonda amakhono amakhaya.
\v 12 Naruma owakhataru khandi, naye yesi nibamufumira nibamusukuma erwanyi.
\v 13 Omwami mwene omukunda kwemitsabibu naboola mbu, nekhole endie? "Ndalaruma omwana wanje omuherwa; aundi ye balamuria.
\p
\v 14 Ne olwa abalimili abo bamulola, baboolerana abeene khubeene, mbu uno niye owobulaame; khumwire, mbu mana obulaame bube obweefwe;
\v 15 Nibamuyinia mumukunda kwemitsabibu, nibamwira. kho bulano Omwami mwene omukunda alabakholera shina?
\v 16 Mbula, aleetsa namalirana abalimili abo, naheresia abandi omukunda okwo. Ne olwa bahulira baboola mbu 'Kalaba kario ta.
\p
\v 17 Naye nabahenga, Naboola mbu kho kali karie akahandikwa, mbu Lichina elia aboombashi baloba, eliene elio liakholwa elikhulundu eliomukoona?
\p
\v 18 Buli mundu oukwa khwichina elo alakwa ebitonye ebitonye; ne omundu yesi owa lilakwakhwo, lilamutubula elala.
\p
\v 19 Ne abahandichi nende abakhulundu babakuhani bakhaaba okhumuhamba khushise shienesho; nabo bariitsanga abandu; sichira balola shinga olwa yali nakhupire oluchero olwo khubo.
\v 20 Nibamuhenga nibaruma abahenjeresi abeefwayafwaya okhuba shinga abalunjishi, mbu balenjeresie okhuboolakhwe, mana bamuhaane khubaruchi nende khubunyali bwakafuna.
\v 21 Nibamureeba mbu omwechesia, khumanyire shinga olwa oboolanga nende okhwibaala habwene, nolafuchitira eshiima shiomundu yesi ta, Ne mbu wiibalanga injira ya Nyasaye mubwatoto;
\v 22 Kho ifwe okhurunga obushuru khu Kaisari nomusiro nohomba?
\p
\v 23 Ne yalola obuchesichesi bwabwe, nababoolera mbu,
\v 24 manyiekhwo Idinari, Yiri nobukondo bwawina, nelihandiko liawina? Nibakalusia mbu nebia Kaisari.
\p
\v 25 Nabakalusia, mumurunjenje kaisari; ebia Kaisari, ne ebia Nyasaye, mumurunjenje Nyasaye.
\v 26 Nabo nibakhaywa okhutira okhuboolakhwe okhwo imberi wabandu; nibahuka muno khwikalusio lie; nibaholera butswa.
\p
\v 27 Abandi abokhubasadukayo nibeetsa abo ababoolanga mbu bubulaho obulamushi; nibamureeba.
\v 28 Mbu omwechesia, Musa yakhuhandichira mbu, Omusiani wabwe omundu naba nafwa, ne nali nomukhasi, nenabula abaana, Omusiani wabwe okhoyire okhumukalusia omukhasi oyo, omubusiriee omwana wabwe omurwe?
\v 29 Kho bali nibaliho abasiani musaafu abomunzu ndala; owamberi yateshia omukhasi, ne nafwa; nabula abaana;
\v 30 mana owakhabiri;
\v 31 mana owakhataru namukalusia; kata abo bosi musaafu bario shibalekhakhwo abaana ta, ne nibafwa.
\v 32 Nolunyuma omukhasi yesi nafwa.
\v 33 Kho mukhulamukha aliba omukhasi wawina khubo? shichila bosi musaafu bali nibamuteshia.
\p
\v 34 Naye Yesu nababoolera mbu Abaana abomushialo shino bateshinjia nibateshibwa;
\v 35 Ne butswa abo abanyolekha nibakwamire okhurula mulwibulo nende khubulamushi bwo khurula mukhufwa shibalateshinjia kata okhuteshibwa ta;
\v 36 Kata shibanyala okhufwa khandi ta; shichira baherasibwa nende abamalaika nibaba abaana ba Nyasaye okhuba na baana bobulamushi.
\v 37 Ne likhuwa liabafu okhulamusibwa, kataMusa yamanyia hashitsakha, olwa yakulikha omwami mbu Nyasaye wa Aburahamu, khandi Nyasaye wa Isaka, khandi Nyasaye wa Yakobo.
\v 38 Kho bulano shiali ye Nyasaye wabafu ta, habula wabali mwoyo; shichila bosi babeetsanga mwoyo khuye.
\p
\v 39 Abandi khubahandichi nibamukalusia bari omwechesia, oboolire obulayi.
\v 40 kata shibaatsalikha okhureeba lireebo lindi khandi ta.
\p
\v 41 Naye nababoolera, babolanga mbu, Kristo nomwana wa Daudi?
\v 42 Naye Daudi mwene yaboola mu Zaburi, mbu, Omwami yaboolera Omwami wanje, ikhala mukhono kwanje musatsa,
\q
\v 43 okhula olwa ekhola abasukubo ubusenero bwebilenje bio.
\p
\v 44 Daudi amulanga Omwami, yakhaba arie omwanawe?
\p
\v 45 Ne imberi wabandu bosi yabira abechibe,
\v 46 mwihenjeresie nende abaandichi, abefwalanga tsikanzu tsirambi, nibenya amashesio mushiro, nende obwikhalo bweikulu musinagogi, nende ebisala biekulu mumienya.
\v 47 abasasia, khulwokhwilolensia, basaya amasayo amarambi, nabo bosi balinyoola obukhalachi obukhongo.
\c 21
\cl Luka 21
\p
\v 1 Ne yachinguula tsimoni nalola abayinda abali nibareetsanga ebihanwa biabwe mundubi.
\v 2 Nalola omukhasi omulekhwa omumanani undi naramwo ebihela bibiri.
\v 3 Naboola mbu emuboolela toto mbu omukhasi uno omulekhwa omumanani areremwo amanji okhushira abo bosi.
\v 4 Okhuba abo bosi barere mubihaanwa ebiokhumiandu chiabwe echia bashiraanire, ne ye khubutakhabwe aretemwo kosi, kata obulamubwe.
\p
\v 5 Ne olwa abandi bali nibaboolanga akeihekalu shinga olwa yang'oonerwa amachina amalayi nende ebihaanwa, yaboola mbu,
\v 6 Ebindu bino ebia mulolanga, tsinyanga tsulire olwa shiliritong'aho Lichina elala hekulu khulindi, eliralisukunwa hasi ta.
\p
\v 7 Nibamureeba mbu omwechesia, kho amakhuwa ako kalikhola liina? kata neshilolero shiina eshilibaho ako olwa kaliba nikali okhwikhola?
\p
\v 8 Naye naboola mbu, mwirecheshe, muleshe okhukosibwa; okhuba abanji bakheetsenje muliira lianje, nibaboola mbu, isie nisie, khandi mbu induukho yasitire ahambi; mulabalonda khwo ta.
\v 9 Ne olwa mulahuliranga khukobusoolo nende obukoyaani, ikholo ilamurimukha ta, yako kakhoyere karanjirire okhwikhola; ne obumalrishi shibuli habwenaho ta.
\p
\v 10 Mana nababoolera mbu lihanga lilabuushira khwihanga lindi, khandi oburuchi khuburuchi bundi.
\v 11 Ne khulabaho okhurenga khweshialo okhukali nende inzala, noluumbe eyi nende eyi; khandi amariisia kalabaho, nende ebilolero ebikali ebirula Mwikulu.
\v 12 Ne ako kosi nikarashiekhola ta, balamukwakhwo nibamusakania, nibamura mutsisinagogi nende mumbohe, nibamurera imberi wa baruchi nabaami khulwa eliira lianje.
\v 13 Ne ako kalalolosia obuloli bweenywe.
\v 14 Kho mutiinye emioyo khwikhuwa lino mbu, mulekasiria shinga olwa mulakalusia tawe;
\v 15 Shichila ndalamuheresia amakhuwa nende obuchesi, abasuku beenywe bosi shibalanyala okhubakhaya kata okhubashira ta.
\v 16 Ne mulakhobwa kata nende abeebuli beenywe, na baana benywe, nabeekho, nabeetsa; Ne balachira abandi khwinywe nimwirwa.
\v 17 Ne mulakiywa nabandu bosi khulwa eliira lianje.
\v 18 Ne kata olwaya lulala lweliswi liokhumurwe chieenywe shilulakora ta.
\v 19 Nawe noba neitswoni, olanyoola obulamu.
\p
\v 20 Ne olwa mulalola Yerusalem nilibotokhanwa namahe, kho mumanye mbu, obwonooneshi bwalio busitire ahambi.
\v 21 Mana abali mubuYahudi beelushire mubikulu; nabo abali hakari mwitokho barulemwo; kata abali erwanyi welitookho baleshe okhwinjiramwo.
\v 22 Shichira tsienetsio nitsio tsinyanga tsiobukuumwi; mbu amakhuwa kosi akahaandikwa koosibwe.
\v 23 Woowe! khubaliba nibabereshe nende khubaliba nibanuuninjia mutsinyanga etsio! shichira amasira amakali kalibaho khushialo. nende oburima khwihanga lino.
\v 24 Ne balikwa khulwa olukanga, khandi baliyirwa mububohe mumahanga kosi; Yerusalem nalio Lirisenwa na abamahanga, okhuula tsindukho tsia abamahanga olwa tsiliba nitsiusibwe.
\p
\v 25 Ne bilibaho ebilolero muLiuba noMwesi nomutsing'ining'ini; nomushialo, amasira kamahanga nikakoyaanire khulwa okhuhoola khweiNyanza namarunda kayo.
\v 26 Abandu nibafwa emioyo khulwa oburii, khandi khulwa okhulindirira amakhuwa yako akali okhwitsira eshialo; okhuba ebiobunyali, abamani ebio Mwikulu bilitechesibwa.
\v 27 Habwenaho balilola omwana womundu niyeetsa mwileesi nende obunyali noluyali olukhongo.
\v 28 Ne amakhuwa kano olwa kachaka okwikhola, sakulushe, nimuchinguula emirwe; okhuba obununuli bweenywe busitanga ahambi.
\p
\v 29 Ne bababoolela oluchero lundi; mbu lole, khumukhuyu, nende emisaala chiosi.
\v 30 Olwa chibeetsanga nichisebukha, mulolanga, abeene nimumanya mbu tsinyanga tsiomubasu omunji tsiri ahambi.
\v 31 Nineenywe mwesi olwa mulola amakhuwa kano nikeekhola mumanye murio mbu obwami bwa Nyasaye buli ahambi.
\v 32 Emuboolela toto mbu, olwibulo luno shilulihwaho ta, okhuula olwa kosi kaliba nikamalire okhuusibwa.
\v 33 Likulu nende eShialo bilihwaho; ne amakhuwa kanje shikaliwaho ta.
\p
\v 34 Ne mwiyire kalaa, emioyo chieenywe chileshe okhusitoherwa nobulangu nobumeesi nende obuhendi bweshialo shino, Induukho eyo niyimusundusia shinga omubero.
\v 35 Shichira nilwo olwa yilabasundusia bosi abamenyanga mushibala shiosi.
\v 36 Ne mubeetsenje meeso buli shise, nimusaaya, mbu muhule nimwihonokokha mumakhuwa ako kosi akaliikhola, nimusinjira imberi womwana womundu.
\p
\v 37 Ne buli nyanga yeechesinjia muhekalu ne buli shiro yarulanga nakona mushikulu eshialangwa mbu eshikulu shieMizeituni
\v 38 Ne abandu bosi bali nibahuunanga muhekalu okhumuhulira.
\c 22
\cl Luka 22
\p
\v 1 Ne olwa lisabo liomukate kubulamwo limera, lilangwa mbu Pasaka liali ahambi,
\v 2 nabo abakuhani abakhongo nibakhaba okhumwira, okhuba bali nibarire abandu.
\p
\v 3 kho Setani namwinjiramwo Yuda, owalangwa mbu, Iskarioti mulala khwekhwemi nababiri.
\v 4 Naye narula natsia nafuchirisania nende abakuhani abakhongo nende abasinjiriri shinga olwa alamukhoba.
\v 5 Nabo nibasangala, nibalaka okhumuheresia amang'ondo.
\v 6 Naye niyetsuba mbu alamukhoba ewa omukanda kulali ta.
\p
\v 7 Nibetsa khunyanga yelisabo liomukate kubulamwo limera, lilangwa mbu, pasaka yali niikhoyere okhwirwa.
\v 8 Naye naruma Petero nende Yohana naboola, tsie mukasia Ipasaka mbu khunyale okhulia.
\p
\v 9 Nabo nibamureba, nihena ewa wenya okhulia Ipasaka?
\p
\v 10 Nababoolera, lole olwa mulaba nimwinjiranga mwitokho, Omusatsa alamwakanira nachingire isiongo yamatsi, mumulondekhwo okhula ewa yenjira.
\v 11 Nenyu muboolere Omwene inzu omulayi mbu, Omwami arebanga mbu, shiribhena eshikoro shiabacheni ewa alira Ipasaka nabechibe?
\v 12 Naye alabamanyisia eshikoro eshikhongo shieikulu eshiakasibwa obulayi, mwikasirie mubwene yumo.
\v 13 Nabo nibatsia nibanyola shinga olwa yaboola, nibakasia.
\p
\v 14 Ne olwa Isaa yola, yekhala hasi nabechibe ekhumi nababiri,
\v 15 nababoolera, embere nobwikombi obukhongo okhulia Ipasaka ninenywe nelashiasandibwa.
\v 16 Okhuba ebaboolera mbu, shinditsa okhuliakhwo khandi ta, okhula olwa kosibwa mubwami bwaNyasaye.
\v 17 nabukula eshikombe, nakhupa orio, naboola, bukule shino mukabane mwesi.
\v 18 Ebaboolera toto mbu shinditsa okhunywakhwo khumatunda komutsabibu ta, okhula olwa Obwami bwaNyasaye bwitsa.
\v 19 Khandi nabukula omukate nakhupa orio, nasiabula nabaheresia naboola, kuno nikwo omubili kwanje okuhanwa khulwa inywe, kholenje muri khushitsuliro shianje.
\v 20 khandi olunyuma lweshiokhulia yabukala eshikombe, naboola, eshikombe shino neindakano imbia yamatsai kanje akaratsibwa khulwa inywe.
\v 21 Ne lole, omukhono kwa ulia oukhoba kuli ninasi khumesa.
\v 22 Ne Toto omwana womundu atsia shinga olwa kaandikwa. woowe! khuulia omundu oumukhoba.
\p
\v 23 nabo nibachaka okhureberesia abeene khubene, mbu, niwina owitsa okhukhola kano?
\p
\v 24 Khandi nikhuba nokhukhwesano mubo mbu, niwina omukhongo mubo?
\p
\v 25 Naye nababoolera, Abaruchi bieShialo bekhulumaminjia nibechinjimisia khubatiti babwe.
\v 26 Nenyu shimulaba murio ta, habula ulia omukhongo akhoyere okhuba shinga omutiti, naye omukhongo abe omukhalabani wabandi.
\v 27 okhuba niwina omukhongo? owikhalanga khumesa nalia, nomba oukhalabanaga? Shali owikhalanga khumesa nakhalabanirwa? nasi endi khwinywe shinga omukhalabani.
\p
\v 28 Enywe ninywe abachendere ninansi mukhunyakhana khwanje,
\v 29 nasi ebaheresia Oburuchi, shinga olwa Papa yamberesia oburuchi.
\v 30 Mbu munyale okhulia nokhunywa muburuchi bwanje, nimwikhala khuburuchi nimukhalachira eshina tsimbia ekhumi natsibili tsienzu ya Israeli.
\p
\v 31 Ne Omwami naboola, Simioni, Simioni, Setani akhukhabire muno mbu, akhusese shinga ingano.
\v 32 Nebutswa ekhusayire, mbu obusubiri bwo shibulakwa ta, nawe niwakhasinjira, osinjisie abashio.
\p
\v 33 Naye nakalusia, Omwami, ndirecheshe okhutsia ninawe mumboye, kata okhula okhufwa.
\p
\v 34 Naye namuboolera, ekhuboolera Petero, lero luno Ingokho ishir okhukholiokha, olanzinakana khandi khataru.
\p
\v 35 Naye nababoolera, olwandabaruma mubula emiloloti, efitabo nefilaro, mwalemerwa shiosi? Nibakalusia tawe.
\p
\v 36 Naye nababoolera, bulano ulia uli neshibeti, ashibukule. khandi ouli nomuloloti yesi akubukule. Naye oubula olukanga, akusie ingubo akule lulala.
\v 37 kho ebaboolera mbu, kano kaandikwa mbu kosibwe mwisie. Naye narebwa halala nende ababii, okhuba amakhuwa kakholwa khwisie kali nomwisho.
\p
\v 38 Nabo nibaboola Omwami lola hano khuli netsinganga tsibiri. nababoolera tsiherire
\p
\v 39 Naye narula natsia erwanyi khushikulu shiemisabibu, abechibe nibamulondakhwo.
\v 40 Ne olwaboola nababoolera mbu, saye. muleshe okhukwa mumatemo.
\v 41 Naye narulakhubo oburambi bwokhulasa lichina, nasikama nasaya,
\v 42 naboola, Papa kanyalikhana eshikombe shino oshirusie, kata kario shibulaba obwenyi bwanje ta, habula obwenyibwo bwikholeshe.
\v 43 Mana malaika okhurula Mwikulu nikamwishira, nikatinyisia.
\v 44 Naye nali nobutsune obunji, nasaya muno. mana nachetukha oluya shinga amatsai niluronya khwiloba.
\v 45 Ne olwa yamala okhusaya, yetsa khubechibe, nanyola nibakonanga khulwa eshibera.
\v 46 nabareba, mukonanga? bushe musaye mbu muleshe okhukwa mumatemo.
\p
\v 47 Ne olwa yali nashibolanga, lole omukanda omukhongo, nende owalangwa mbu, Yuda, mulala khwekhumi nababiri niyemira, namutsira Yesu, namutsunzuna.
\v 48 Naye Yesu namuboolera, Yuda okhoba Omwana womundu nokhumutsunzuna?
\p
\v 49 Olwa balia abali ninaye baloola akekholekha, bamureba, Omwami, khwikhonyere tsinganga?
\v 50 mulala khubo narusia olukanga,
\p
\v 51 nakhalaka eshirwi shiomukhono musatsa shiomukholi Womukuhani omukhongo.
\v 52 Yesu naboolera abakuhani a akhongo, abemirisi nende abakhulundu abamwitsira mbu, munzitsire nefikong'o netsinganga shinga omwifi?
\v 53 khase emberenge ninenywe muhekalu, neshimwairakhwo omukhono ta, ne bino nibio ebise bienywe, namani keshirima.
\p
\v 54 Nibamutira, nibamuira munzu yomukuhani omukhongo, Naye Petero nabalondakhwo.
\v 55 Ne olwa Bali nibakhahafia omuliro hakari weinzu, nibekhale hasi, Petero yesi yekhala ninabo.
\v 56 Naye omukhana mulala owale niyekhale hamuliro, yamulenga Petero muno, naboola, Omundu uno yesi abere ninabo.
\p
\v 57 Naye nakana naboola, omukhasi, Isie shemumanyire tawe.
\p
\v 58 Olunyuma olututu oundi khandi namulola, naboola, ewa oli mulala khubo, naye Petero nakalusia, shemumanyire ta.
\p
\v 59 Olunyuma lweisaa ndala, oundi nalachirisia, Toto mwene uno nimulala khubo, shichira nomuGalilaya.
\p
\v 60 Petero naKalusia naboola, shemanyirekhwo kata eshia obolanga ta. Ne mulwangu yulo, Itaywa niikholiokha.
\p
\v 61 Naye Omwami nashebukha namulanga Petero, naye Petero niyetsulira amakhuwa koMwami shinga olwa yamuboolera, itaywa ilashiakholiokha ta, olanzikana khandi khataru.
\v 62 Mana Petero narula erwanyi, nalira muno.
\p
\v 63 mana abandu bamutira Yesu nibamukhupa nibamuchaya muno.
\v 64 Ne olwa bamuboho eshitasi mumoni, bamukhupa mubweni nibamureba, bolakhwo mbu niwina ukhupira?
\v 65 nibakhola amakhuwa kandi amanji nibamunyeka.
\p
\v 66 Ne olwashiola eshitere, abakuhani, abakofu halala nende abahandichi nibetsa halala nibamuira mung'anda yabwe, nibaboola,
\v 67 Niwe Kristo? khubire, naye nabakalusia, kata nibaboolera, shimulasubira ta.
\v 68 kata nibareba, shimungalusia, noho okhundekha enzie ta.
\v 69 Nefise efitutu Ne Omwana womundu alekha la khumukhono musatsa kwobunyali bwaNyasaye.
\p
\v 70 Nabo bosi nibaboola, niwe Omwana waNyasaye? nabalalusia, inywe muboolire.
\v 71 Naboola nibaboola, khulindanga obuloli bulena? ifwe abene khuulire okhurula mumunwakwe.
\c 23
\cl Luka 23
\p
\v 1 Ne omukanda kwosi kwasimukha nikumulira ewa Pilato.
\v 2 Nabo nibachaka okhumwinjirira nibaboola, khwanyolire omundu uno nakosinjia lihanga, nababooleranga mbu shibalarunga abushuru khu Kaisari ta, niyelanga mbu niye Kristo.
\p
\v 3 Naye Pilato namureba, niwe omuruchi wabayaudi? Naye namkalusia naboola, ewe oboolire.
\p
\v 4 kho Pilato nabooleara abakuhani abakhongo nende abandu bosi, shendola likoso khumundu uno ta.
\p
\v 5 nabo nibaboola mubalulu, nibaboola, abakosinjia abandu, niyechesia mubuyaudi bwosi okhurula Galilaya okhula hano.
\p
\v 6 Olwa Pilato yaulira mbu Galilaya, yareba mbu, omundu uno anyala okhuba omuGalilaya?
\v 7 Ne olwa yamanya mbu ali hasi woburuchi bwa Herode, yamuruma khu Herode wali nali Yerusalemi tsinyanga yitso.
\v 8 Ne olwa Herode yalola Yesu, yasangala muno, okhuba yali niyekomba okhumulola khutsinyanga tsinyinji khumakhuwa kayaulira khuye, naye napara mbu yetsa okhulola khumangalimwake.
\v 9 Kho yamureba amakhuwa amanji, naye nalamukalusia ta.
\v 10 Nabo abakuhani abakhongo nabahandichi, nibamwinjirira muno.
\v 11 11 kho Herode nende abalindibe nibamunyeka, nibamunyokhosia, nibamufwala ikofia yamaua, nende ingubo yoburuchi nibamukalusia khu Pilato.
\v 12 okhurula inyanga eyo Pilato nende Herode nibaba abetsa, okhuba balinji basirana.
\p
\v 13 Naye Pilato olwa yalanga halala abakuhani abakhongo, nende abaruchi nende abandu,
\v 14 nababoolera, munderere omundu uno shinga oukosinjia abandu, nasi olunyuma lwokhumulenjeresia imberi wenyu, shemunyolire nende libii okhurondokhana nende shinga olwa mubolire ta.
\v 15 khandi kata olwa emurumire khu Herode yesi shalutsikhwo libii likhoya okhufwa ta.
\v 16 Kho ndala mukhupa emisharati mana emulekhule.
\p
\v 18 Nabo nibakhupa liyoka halala, afwe omundu uno, khulakhulire Barabasi!"
\v 19 owali omunuli khandi omwiri, yarebwa mumboye.
\v 20 kho olwa Pilato yeyama okhumuhana Yesu, yababoolera mbu,
\p
\v 21 nabo nibatsiririra okhupa obuyoka, abambwe abambwe.
\v 22 Naye naboola olwakhataru, mbushina? akholire imbii shina? eshiri okhunyola likhuwa likhoya okhufwa ta, ndalamukhupa emisharati mana emuleshe.
\v 23 Nabo nibameta liyoka, nibenya mbu okhula abambwe, ne obuyoka bwabwe nibumala nibushira.
\v 24 Naye Pilato nabusia mbu, abambwe shinga olwabenya.
\v 25 Naye nabaheresia omwifu khandi omwiri owali mumboye owabali nibenyire, naye namuhana Yesu mumakhono kabwe.
\p
\v 26 Ne olwabamubukula, bamutira omundu walangwa Simioyoni wa siria, narulanga mwitokho, nibamurakhwo omusalabakwa Yesu okhuchinga.
\v 27 Mana omukanda omukhongo nikulondakhwo, nende abakhasi bekhula nibabuluula khulwaye.
\v 28 Naye Yesu nabashukhanira naboola, abakhana baYerusalemi, mulalira khulwa isie ta, lire khulwenywe nende khulwa abanabenywe.
\v 29 Okhuba tsinyanga tsitsanga, etsia baliboola mbu, nabeikhabi abakumba nende tsinda tsilebulanga ta, netsimbere tsilanuninjia ta.
\v 30 Kho balichaka okhuboolera ebikulu mbu bikhukwrire, bikhufunishe.
\v 31 kho nibakholera omusala omubisii ebindu bino, nishina eshia nabakholere omusala omumu?
\p
\v 32 ne khwali nende ebefi bandi babiri abatsia ninaye khumusalaba.
\v 33 Ne olwa betsa habundu halangwa mbu Kalivari, nibamubamba halala nende ebefi babiri, mulala mukhono musatsa oundi khumukhono mukhasi.
\v 34 kho Yesu naboole, papa baleshere shichira shibamanyire esbia bakholanga ta. nabo nabakabana tsingubo, nibakhupa ikhaa.
\v 35 Nabo abandu nibasinjira nibalenganga, abaruchi bosi nibamutsekha nibaboola, yahoniye abandi, yehonie omwene Naba nali Kristo wa Nyasaye.
\p
\v 36 Nabo abalindi nibamukhobera nibamuhesia Isiki mbu anywe.
\v 37 nibaboola mbu, Noba noli omuruchi wabaYaudi, shiwehonia
\v 38 Amahandiko nikarebwa hamurwe we muluyunani nende olulatini nolihebrania, "UNO NIYE OMURUCHI WABAYAUDI.
\p
\v 39 Mulala khubefi owabambwa ninaye namuyeka naboola, Noba noli Kristo, shiwihonia halala ninefu!
\p
\v 40 Naye owashie namuhalabira, ewe shoria Nyasaye ta, okhuba okhalachirwe obukhalachi bulala?
\v 41 Nefu khokholerwe katoto khulwefikhole biefwe, ne omundu uno shakholere shiosi ta.
\v 42 Naye naboola, Omwami, unzitsulire olwa okalukha mubwamibwo.
\p
\v 43 Yesu namuboolera Toto mwene ekhuboolera mbu," khulaba ninawe Lero paradiso".
\p
\v 44 Ne yali khusa yakhasasaba, eshirima nishifunikha eshialo okhula khusa ya shienda.
\v 45 Eliuba nilirima, ingubo yomuhekalu niirandukha hakari.
\v 46 Ne olwa Yesu yalira khumwoyo omukhongo, naboola mbu, Papa mumakhonoko era obulamu bwanje, namalirenje okhuboola obulamu bwamurulamwo
\p
\v 47 Ne olwa omulindi yalola kekholekha, yamwitsomia Nyasaye, naboola mbu Toto mwene uno nomundu omulongole.
\v 48 Ne. bosi abetsaho, nibaboola amakhuwa kekholekha, bakhupa ebirifu nibashukhana nibatsia.
\v 49 49 Ne bosi bamumanya nende abalondakhwo okhurula Galilaya, basinjira ehale nibalola amakhuwa kano.
\p
\v 50 Ne khwali nende omundu welira mbu Yusufu, omundu omulongole omutsienukhu.
\v 51 Naye shiyali nafuchirisaniaye nende eshikhole esho ta.
\v 52 Omundu uno yatsia khuPilato namusaba omubiri kwa Yesu.
\v 53 nakwishia hasi, nakuboya musanda, nakura mung'ani yabatswa mwichina ewomundu yali nashiri okhuyabirwa ta.
\v 54 Naye yali inyanga yokhwikasiria Isabato eyali ahambi.
\v 55 Nabo abakhasi betsa ninaye okhurula Galilaya, balondakhwo, nibabola Ing'ani, nende shinga lwa baramwo omubirikwe.
\v 56 Nabo nibakalukha nibakasia amafura, niboolukha khusabato shinga olwa amalako kenyanga.
\c 24
\cl Luka 24
\p
\v 1 Mumabwibwi khunyanga yamberi yelijuma, betsa khung'ani, njbarera amafura kabali nibakasiye.
\v 2 Nibanyola Lichina nilirusibwe hamunwa.
\v 3 nibenjiramwo, nabo shibanyolamwo omubiri kea Yesu ta.
\v 4 Nabo olwabali nibashiukanga, abasatsa babiri basinjira nibefwalire tsingubo tsing'inang'inu.
\v 5 Nabo abakhasi yabo nibarenga nibabenamira, nababoolera abakhasi, mbu shina nimukhaba omulamu mubafuu?
\v 6 Shali mubano ta, alamusibwe! Mwitsulire shinga olwa yababoolera olwa yali Galilaya.
\v 7 Naboola mbu, Omwana womundu okhula ahanwe mumakhona kababii mana abambwe, ne khunyanga yakhataru, alamusibwa khandi.
\v 8 Abakhasi nibetsulira amakhuwake.
\v 9 Nibarula khushirindwa nibatsia nababoolera abechibe ekhumi nende mulala ebindi bino biosi.
\v 10 Naye Maria Magadalina, Joanna, Maria mama was Yakobo nende abakhasi bandi niboosiria abechibe ebindi bino biosi.
\v 11 Amakhuwa kano kosi nikafwana shinga amakhuwa Nebutswa khubo, nibalasubira abakhasi yabo ta.
\v 12 Naye Petero nasinjira niyerukha okhutsia khushirindwa, niyenama, nalengamwo, balola tsingubo tsionyene. naye narula nakalukha naukanga eshikholeshe.
\p
\v 13 Nabo babiri khubo Bali nibatsitsanga inyanga eyo mushikwenyi shilangwa mbu, Emmausi, eyali oburambi bwetsimaili amakhumi sita okhurula Yerusalemi.
\v 14 nibaboolanga butswa abene khubindu biali nibikholeshe.
\v 15 Nabo olwa Bali nibaboolanga nibarebana, Yesu yeyunga ninabo.
\v 16 Natsio tsimoni tsiabwe shitsianyala okhumumanya ta.
\v 17 Yesu nabareba, nishina eshiamuboolanga nimuchenda? Nabo nibasinjira nibasinyishe.
\p
\v 18 Mulala khubo owalangwa mbu Kiliopa, namukalusia,"Niwe wenyene Yerusalemi oulamanyire ebindu bikholeshe ta?
\p
\v 19-20 Yesu naboola, nindushi?" nibamukalusia amakhuwa khuYesu waNazareti, owali omulakusi, mumani ebikhole nende mwikhuwa imberi waNyasaye nende abandu bosi, nende shinga babakuhani abakhongo nende abaruchi befwe bamuhana mbu, akhalachirwe okhufwa nibamubamba.
\v 21 Nesfu khwapara mbu, niye owitsa okhununula Israeli, ne mbu bulano Ne inyanga yakhataru okhurula amakhuwa kano nimekholekha.
\v 22 Nabo balala khubakhasi bomukanda kwefwe bakhuuchisiye, Mbu batsire khushirindwa mumabwibwi.
\v 23 Ne olwa balanyolire omunitkkwe ta, betsire nibaboola Mbu, balutsi amalolero kabamalaika akaboolire Mbu alamushe.
\v 24 Nabo abasatsa babere ninefu batsire khushirindwa nibanyola shinga olwa abakhasi baboolire. Nebutswa shibamulutsi omwene ta.
\p
\v 25 Yesu nababoolera, "O, Enywe abasatsa abasiru abalasubira mukosi kabalakusi baboola!
\v 26 Shikali akakhoyere Kristo okhubirira mukano koosi, ne olunyuma okhwinjira muluyalilwe?
\v 27 Ne okhurula khuMusa nabalakusi biosi, nababoolera amakhuwa okhurondokhana ninaye mumahandiko.
\p
\v 28 Ne olwa Bali ahambi okhula mushikwenyi shiabali nibatsitsangamwo, Yesu yekhola shinga owenya Okhuba alekha,
\v 29 Nabo nibamusaya,"yikhala ninefu Okhuba eshialo bwirire," Kho Yesu natsia nibaboola.
\v 30 Naye olwa yali niyekhale ninabo nibalitsanga, yabukula omukate, nakulamira ikhabi, namekula, nabaheresia.
\v 31 Natsio tsimoni tsiabwe nitsikukha, nibamumanya, naye nakhamukha okhurula muno.
\v 32 Naboola abene khubene, Emioyo chiefwe shichire mwifwe olwa baboolire ninefu khunjira? olwa akhwikulira amahandiko?
\v 33 Nabo nibasinjira khubise yibo, nibakalukha Yerusalemi. nibanyola ekhumi nende Mulala nibali halala nende balia abali ninabo.
\p
\v 34 Nibaboola, Omwami alamushe toto, Amulolrsheta Simioni.
\v 35 Nabo nibaboola kosi ekholeshe khunjira, nende shinga olwa bamumanyirisiye mukhulia khwomukate.
\p
\v 36 Olwa Bali nibaboolanga kano, Yesu yasinjira hakati wabwe, naboola, Omulembe kibe ninenywe.
\v 37 Nebutswa batechera nibettsulwa noburi nibapara Mbu, balolaanga eshishieno.
\v 38 Yesu nababoolera, mbushina nimubeyabeya? mbushina muli namarebo mioyo chienywe?
\v 39 Lole emikhono chianje nebirenje bianje Mbu nisie, ndirekhwo mulole, Okhuba eshishieno shibula Inyama namakumba shinga olwa mulola Isie ta.
\v 40 Olunyuma lwokhubaboolera kano, yabamanyisia, emikhonochie nebirenje.
\v 41 Nabo kata shibanyala okhusubira ta khulwo busangafu obunji, nibauchisibwa. Yesu nabareba, mulii nende shiosi shiokhulia?
\v 42-43 Nibamuheresia eshitonye shieiNyeni endeshe, nabukula, balia imberi wabwe.
\p
\v 44 Naye nababoolera, kano Niko amakhuwa kanje kandababoolera olwa ndali ninenyu, Mbu kos akaandikwa mumaloko kaMusa nende abalakusi nende Izaburi okhula koole.
\v 45 Naye niyekula amaparo kabwe Mbu anyale okhumanyirisia amahandiko.
\v 46 Nababoolera, Ninfio kaandikwa Mbu, Kristo alanyasibwa, mana olunyuma alamushe khandi okhurula mubafuu khunyanga yakhataru.
\v 47 Mbu obwikalukhasi nokhulesherwa tsimbi biyalwa muliralie khumahanga kosi, okhurulira Yerusalemi.
\v 48 Nenyu muli abaloli bamakhuwa kano.
\v 49 Lole, ebarumanga shinga olwa Papa wanje yaruma, Nebutswa menye mwitokho okhula olwa munyola amani okhurula ikulu,"
\p
\v 50 Mana Yesu nabarusia erwanyi okhula olwa Bali ahambi Betheni, Nachingula emikhochie ikulu, nabalamira ikhabi.
\v 51 Naye olwa yali nabalamiranga ikhabi, yabalrkha nabukilwa Mwikulu.
\v 52 Nabo nibamwinamia, nibakalukha Yeru! alemi nibali nobusangali obunji.
\v 53 Nabo nibamenya muhekalu nibamwitsominjia Nyasaye.