lrm_reg/41-MAT.usfm

\id MAT
\ide UTF-8
\h Matsayo
\toc1 Matsayo
\toc2 Matsayo
\toc3 mat
\mt Matsayo
\c 1
\cl Matsayo 1
\p
\v 1 Eshitabu shiolwibulo lwa Yesu Kristo Omwana wa Daudi, Omwana wa Abrahamu.
\v 2 Abrahamu yebula Isaka naye Isaka yebula Yakobo, naye Yakobo yebula Yuda halala nende abana babwe.
\v 3 Naye Yuda yebula Perezi nende Zera wa Tamari, naye Perezi yebula Hezironi, naye Hezironi yebula Ramu,
\v 4 Naye Ramu yebula Aminadabu, naye Aminadabu yebula Nashoni, naye Nashoni yebula Salimoni.
\v 5 Naye Salimoni yebula Boazi, naye Boazi yebula Obedi wa Rutsi, Obedi yebula Yese.
\v 6 Naye Yese yebula Omuruchi Daudi, naye Omuruchi Daudi yebula Suleimani okhurula mumukhasi wali wa Uria.
\v 7 Naye Suleimani yebula Rehoboamu, naye Rehoboamu yebula Abiya, naye Abiya yebula Asa.
\v 8 Naye Asa yebula Jehosifati, naye Jehosofati yebula Yoramu, naye Yoramu yebula Uzia.
\v 9 Naye Uzia yebula Yosamu, naye Yosamu yebula Ahazi, naye Ahazi yebula Hezekiah.
\v 10 Naye Hezekiah yebula Manase, naye Manase yebule Amoni, naye Amoni yebula Yosia.
\v 11 Naye Yosia yebula Yekonia halala nende abanababo khubise ebia bayirwa Babiloni
\p
\v 12 Ne olunyuma lwokhuirwa Babiloni, Yekonia yebula Shelitieli, naye Shelitieli yebula Zerubabeli.
\v 13 Naye Zerubabeli niyebula Abiudi, naye Abiudi niyebula Eliakimu, naye Eliakimu yebula Azori.
\v 14 Naye Azori yebula Zadoki, naye Zadoki niyebula Akimu, naye Akimu niyebula Eliudi.
\v 15 Naye Eliudi niyebula Eliazari, naye Eliazari niyebula Matsani, naye Matsani niyebula Yakobo.
\v 16 Naye Yakobo niyebula Yusufu Omusatasa wa Mariamu, owebula Yesu oulangwa mbu Kristo.
\p
\v 17 Kho tsinzibulo tsiosi okhurula khu Abrahamu okhula khu Daudi tsiali ekhumi na tsine, ne okhurula khu Daudi okhula khukhuchingwa okhuirwa Babiloni tsiali ekhumi na tsine muluyia ne okhurula khukhuchingwa okhutsia Babiloni okhula khu Kristo bali ekhumi na tsine muluyia.
\p
\v 18 Ne okhwibulwa khwa Yesu khwali khuri, ne olwa Mariamu nyinamwana yali nakhwebungwa nende Yusufu nibashiri okhuteshania, yanyolekha nali inda ya Roho Omulafu.
\v 19 Yusufu Omusatsa we yali omundu omulunjishi, nalenya okhumufimbula habulafu ta, kho napara okhumulekha mumasirisi.
\v 20 Nebutswa olwa yali naparanga amakhuwa ako, Omumalaika wa Nyasaye yamwitsira mumalooro naboola mbu, Yusufu iwe Omwana wa Daudi, olaria okhumubukula Mariamu okhuba omukhasiwo ta, okhuba Inda eya ali ninayo niya Roho omulafu.
\v 21 Ne alebula Omwana, naye alalangwa elira mbu YESU okhuba alahonia abandube okhurula mubionono biabwe.
\v 22 Ako kosi kekholekha khulwa okhusia akaboolwa khu Mwami okhubirira khumulakusi mbu,
\v 23 lole Omushisira alaba inda ne alebula Omwana omusiani ne alaalangwa mbu Emmanueli."eshisina mbu Nyasaye halala ninefu".
\v 24 Olwa Yusufu yabuukha mundolo, yakhola shinga olwa Omumalaika wa Nyasaye yamuboolera namubukula okhuba omukhasiwe.
\v 25 Ne nalabakhwo ninaye ta okhuula olwa yebula Omwana wamberi omusiani namukulikha mbu Yesu.
\c 2
\cl Matsayo 2
\p
\v 1 Ne olwa Yesu yebulwa muBethelehemu ye buyahudi, tsinyanga tsio Omuruchi Herode, lole abachesi bebukwe betsa Yerusalemu.
\v 2 Nibaboola, ali hena Omuruchi wa Bayahudi owibulwe? Shichira khulutsi ing'ing'ngini okhurula Ebukwe.
\p
\v 3 Ne olwa Omuruchi Herode yahulira amakhuwa ako, yanyakhana muno halala nende abandu bosi abaYerusalemi.
\v 4 Mana olwa yali nakhunga'asiye abesalisi abakhulundu bosi nende abahandichi babandu halala, na noneresia mubo aha Kristo yebulwe.
\v 5 Nibamuboolera mbu muBethelehmu ye Buyahudi, shinga olwa kahandikwa nende abalakusi.
\v 6 Khandi muBethelehemu mwitokho lia Yuda shalikhwo omutiti mulwibulo lwa Yuda tawe, Shichira okhurulamwo yakharulemwo Omuruchi wa abandu banje ba Israeli.
\p
\v 7 Mumefisu Herode nabalanga abachesi yabo, nabareba mbu nebise shina bieng'ining'ini iloleshe?
\v 8 Nabaruma Bethelehemu naboola mbu, tsie mukhabirisie Omwana Oyo, olunyuma lwokhumunyola munderere likhuwa.
\p
\v 9 Olunyuma lwokhumuulirisia Omuruchi barula nibatsia, nayo Ing'ining'ini yabali nibalutsi Ebukwe niitsia Imberi wabo, niyula ewa Omwana yali mana niisinjira.
\v 10 Olwa balola Ing'ining'ini basangaala muno.
\v 11 Nibenjira munzu nibalola Omwana nende Maria nyina. Nibakwa hasi nibamwinamira. Nibafunula amabishiro kabwe nibahana ebihanwa, Ifetha Manemane nende Iluulu.
\v 12 Mana nibakalukha mushialo shiabwe okhubirira khunjira yindi, okhuba Nyasaye yali nabebalire mwiloro mbu balakalushirakhwo ewa Herode tawe.
\p
\v 13 Nibamalire okhurula, Malaika woMwami yamuloleshera Yusufu mumalooro namuboolera mbu, buukha bukula Omwana nende nyina otsie mushubala shiaMisri okhula olwa ndilikhuboolera, Okhuba Herode akhabanga okhwira Omwana.
\v 14 Ne olwa yasinjira yabukula Omwana owali niyebulwe, nende Nyinamwana mushiro ne natsia Emisri.
\v 15 Mana nibamenyayo okhula olwa Herode yafwa, mbu mana liusibwe elia boolwa khu Omwami okhubirira khu balakusi, naboola "okhurula eMisri ndalalanga Omwana wanje".
\v 16 Mana olwa Herode yalola mbu akatibwe nende abachesi, yasinyikha muno, yalachirisia mbu abana bosi abebulwe muBethelehemu nende mutsimbeka tsilondokhane ninalio abemiyika okhuchachira chibiri okhukalukha hasi berwe, okhurondokhana nende aka yali naulire okhurula khu bachesi.
\v 17 Mbu mana kosibwe akahandikwa khumulakusi Yeremia yaboola,
\q
\v 18 "Mwitala lia Rama Omwoyo kwaulirikha, okhwikhuula nende okhulira okhululu, Raeli yekhulaanga abana bebe, alobire okhuhotseresibwa okhuba bosi babulaho".
\p
\v 19 Ne olunyuma lwokhufwa khwa Herode, lole omumalaika waOmwami mumaloro yamuloleshera Yusufu namuboolera,
\v 20 "Namuboolera mbu bu ukha, bukula Omwana halala nende Nyinamwana mana otsie mushialo shia Israeli"
\v 21 Mana nabuukha nabukula Omwana nende Nyinamwana, nibatsia mushialo shia Israeli.
\p
\v 22 Mana olwa yahulira mbu Arikileo niye ourukanga Ebuyahudi mubwiyangu bwa samwana, Herode, yaria okhutsiayo, ne olunyuma lwa okhuchetsiibwa nende Nyasaye mumalooro, yashukhana natsia muthimbeka tsia Galilaya.
\v 23 Ne niyetsa namenya mwitokho lia Nazareti mbu mana koosibwe akaboolwa nende Omulakusi mbu, yakhalangwe, mbu Omunazareti.
\c 3
\cl Matsayo 3
\p
\v 1 Mutsinyanga etso Yohana omubatisia yetsa nayalaanga mushitsimi shia Yuda,
\v 2 khandi naboolanga mbu, mwikalukhasie enywe okhuba Obwami bwoMwikuli buli ahambi.
\v 3 Okhuba uno niye owaboolwakhwo nomulakusi Isaya mbu, omwoyo kwa oyo oulanjirisinjia mushitsimi, mukasie tsinjira tsioMwami, mukasie emihandachie chikololoshe.
\p
\v 4 khandi Yohana mwenoyo yali yefwalire ebifwalo biobwoya bweingamia, khandi niyeboyere olukhoba lwelisero mushishienjeshie, ne ebiokhuliabie bialinji tsisiche nende obushi bwomushitsimi.
\v 5 Mana natsia erwanyi eYerusalemi nende ebuYahudi yoosi nende mutsimbeka tsiosi etsirondakhaane nende Yorodani.
\v 6 Mana nabatisia muYorodani nibekalukhasia ebionono biabwe.
\p
\v 7 Ne olwa yalola omukanda omukali okwaBafarisayo nende Abasadukayo nibetsa khuye, mbu ababatisie, nababoolera ari,"Enywe olwibulo lwetsinzokha, niwina owabachetsiiye, mbu mwirushe okhurula khushinyasio eshitsaanga?
\v 8 kario mwame ebiamo ebikhoyere okhwikalukhasia kwenywe.
\v 9 Mana mulapaara mumioyo chienywe mbu muli abolwibulo lwa Aburahamu, kho emubaboolera mbu, Nyasaye ali nobunyali obwokhuchingula olwibulo lwa Aburahamu okhurula khumachina kano.
\v 10 Ne bulano Imbatsi irerirwe khushisina shiomusala. Mbu buli omusala kwosi kwosi okulama ebiamo ebilayi ta, kularemwa mana kusukunwe mumuliro.
\p
\v 11 Esie emubatisia nende amatsi okhumanyia mbu mwikalukhasiiye, nebutswa aliho owitsanga inyuma wanje omutsienukhu okhushira isie, owa isie kata ebilarobie shekhoyere okhumuchinjira ta, alamubatisia nende Roho omulafu khandi nende omuliro.
\v 12 Ali noluteru mumukhonokwe, mana alasesa imere, khandi akhung'asia ingano nabikha mushiachi, nebutswa alasamba amukhuutsi nomuliro okulasima tawe.
\p
\v 13 Mana Yesu narula eGalilaya natsia eYorodani khu Yohana mbu amubatisie.
\v 14 Mana Yohana namukania namuboolera mbu "nisie oukhoyere okhubatisibwa ninawe, nawe witsire orie khwisie?"
\v 15 Naye Yesu namukalusia namuboolera mbu, ekhoyere okhubatisibwa ninawe,"fuchirira kabe kario bulano, mbu, obulunjishi bwosi busibwe".
\p
\v 16 Ne olwa Yesu yali niyakhabatisibwa, narula mumatsi, ne lola Likulu nilimwikushira, mana Roho waNyasaye niyeekha shinga Lihusi namuherakhwo.
\v 17 Mana lola Omwoyo nikuulirikha okhurula Mwikulu, nikuboola,"Uno niye Omwana wanje wandahera, ounjamisinjia po".
\c 4
\cl Matsayo 4
\p
\v 1 Mana Yesu niyemirirwa nende Roho okhutsia mushitsimi okhutemwa nende Setani.
\v 2 Ne olwa yali nahonjere inzala tsinyanga amakhumi kane nende ebiro amakhumi kane, yamala nalumwa neinzala.
\v 3 Ne olwa setani yamwitsira, yaboola ari,"noba noli Omwana wa Nyasaye, laka amachina mbu kabe emikate".
\v 4 Yesu namukalusia mbu, "kahandikwa mbu, omundu shamenya khulwa omukate kwonyene ta, habula khulwa buli likhuwa elirula mumunwa kwa Papa".
\v 5 Mana Setani namuyira mwitookho litsienukhu ikulu mwitokho litsienukhu mana namura khubutenje bweiHekalu.
\v 6 Naye namuboolera, "noba noli omwana waNyasaye, wisukune hasi, okhuba kaandikwa, alalaka abamalaikebe bakhutire' mumakhono kabwe, mbu sholetuya kata eshirenje khwichina ta".
\v 7 Yesu namuboolera mbu,"kahandikwa khandi, shiolamutema Omwami Nyasayewo tawe."
\p
\v 8 Khandi, Setani namubukula namuyira hekulu khushikulu, namumanyia Oburuchi bwosi bweShialo nende oluyali bwalwo bwosi.
\v 9 Namuboolera mbu," ebindu bino biosi ndalakhuheresia, noba nosikama hasi okhunyinamira."
\v 10 Mana Yesu namuboolera, rulakhwo,"Otsie Setani", shichira kahandikwa,'winamirenje Omwami Nyasayewo khandi omukhalabanirenje yenyene."
\v 11 Mana Setani namurulakhwo, khandi, lola malaika betsa nibamukhalabanira.
\p
\v 12 Ne olwa Yesu yahulira mbu Yohana arerwe mumbohe, yarula natsia eGalilaya.
\v 13 Mana narula eNazarethi, yetsa namenya Kaperinaumu, litala eliri ahambi nende Inyanza mumbeka etsirondokhane nende Zebuloni nende Naftali.
\v 14 Mbu mana koosibwe akaboolwa nende omulakusi Isaya naboola mbu,
\q
\v 15 "Eshialo shia Zebuloni nende eshia Naftali, eihenjire khunyanza injerekha wa Yordani, Gailaya eshialo shiabamahanga!
\q
\v 16 Abandu abamenyaanga mushitsimi balola obulafu obunji, mana mubo abekhale mushirima shielifwa, obulafu bubashiire.
\p
\v 17 Ne okhurula yaho Yesu yachaka okhuyala naboola mbu, "mwikalukhasie nimulekha obwononi, shichira Obwami bwa Mwikulu busitire ahambi."
\p
\v 18 khandi olwa yali nachendanga khuluchinga lwei Inyanza ya Galilaya, yalola abanyeni babiri, Simioni nende Anderea omusiani wabwe nibaretsanga tsikhanda tsiabwe munyanza nibanyenaanga tsinyeni.
\v 19 "Mana nababoolera mbu munondekhwo mana ndalabakhola abanyeeni babandu."
\v 20 Mana lwangu nibalekha tsikhanda tsiabwe nibamulondakhwo.
\p
\v 21 Mana olwa yatsia hamberi, yalola abasiani babiri Yakobo omwana wa Zebedayo nende Yohana omwana wabwe, nibali muliaro nende Zebedayo samwana, nibarechekhanga tsikhanda tsiabwe, mana nabalanga.
\v 22 Mana ebise ebio balekha eliaro nende Sabwe, nibamulondakhwo.
\p
\v 23 Mana Yesu natsia mutsimbeka tsiosi etsia Galilaya, niyechesinjia mutsisinagogi tsiabwe, khandi nayalaanga amakhuwa kobwami bwoMwikulu, nahoninjia obuteshere nende obulwale bwetsimbia tsiosi mubandu.
\v 24 Mana ifuma ye nitswana mushialo shiosi eshia Siria, khandi nibamurerera abandu abali nobuteshere nende obulwale obwetsimbia tsiosi, ebishieno, Indulume, nende boosi abafwokoya nabahonia.
\v 25 Emikanda emikhoongo chiamulondakhwo, echiarula eGalilaya, Dekapoli, Yerusalemu, Ebuyahudi nende injerekha eya Yorodani
\c 5
\cl Matsayo 5
\p
\v 1 Ne olwa yalola omukanda, yatsia ikulu Khushikulu, ne olwa yolayo, abechibe nibetsa khuye.
\v 2 Naye nabechesia, naboola,
\q
\v 3 Nabeikhabi abamanani mumioyo okhuba obwami bwoMwikulu nobwabo.
\q
\v 4 Nabeikabi abali mushibera, okhuba balalemibwa emioyo.
\q
\v 5 Nabeikhabi abaholo okhuba balalamirwa eshialo.
\q
\v 6 Nabeikhabi abali neinzala nende obuloho bwobulunjishi okhuba balekusibwa.
\q
\v 7 Nabeikhabi abali netsimbabasi, okhuba balanyola tsimbabasi.
\q
\v 8 Nabeikhabi bemioyo emierereshe, okhuba balamulola Nyasaye.
\q
\v 9 Nabeikhabi abareranga omulembe, okhuba balangwa Ababa baNyasye.
\q
\v 10 Nabeikhabi abasandibwa khulwa olbulunishi, okhuba Obwami bwoMwikulu nobwabo.
\q
\v 11 Nabeikhabi balia abanyekwa nibasandibwa, nibaboolwo kosi amabii, nibachikhwa khulwanje,
\v 12 Mwikhoye nimusangala muno, okhuba omukabo omukhongo kuli Mwikulu, nolwa bamusandinjia bario, abalakusi babaranjirira inywe.
\p
\v 13 Muli omunyu kweShialo, ne Omunyu nikuba nikutsinziba kwakhakasibwa kurie eshuya? shikunyala okhuba omulayi khandi ta, habula okhusukunwa erwanyi, nende okhusenirwa hasi mubirenje biabandu.
\v 14 Muli obulafu bweShialo, Litokho liombakhwa khuShikulu shilinyala okhwifisa ta,
\v 15 Kata abandu shibahafia itaa khandi bachifise mulwalo ta, habula bachirenjekha khushichibi shiayo mana ihane obulafu khubosi munzu.
\v 16 Lekha Obulafu mbwenywe mwashe. imberi wabandu, mbu, mana banyole okhulola ebikhole bienywe ebilayi, mana Elira liaPapa ouli Mwikulu litsomibwe.
\p
\v 17 Mulapara mbu ndietsa okhusasia Amalako ta, kata akabalakusi, shindayetsa okhukasasia ta, habula okhukosia.
\v 18 Okhuba emuboolera toto mbu, okhula Likulu nende Eshialo, bibire Inyukuta ndala kata akharonyeresi shibinyala okhurusibwakho ta, okhula olwa kaliba nikosibwe.
\v 19 khulweshio Omundu yesi oufinaka L ilako elala, niyechesia abandu ario, omwenoyo yakhabe omutiti Mubwami bwoMwikulu, omwenoyo owechesia abandu nalonda. amalako kano alilangwa omukhongo muBwami bwoMwikulu.
\v 20 khu emuboolera toto mbu, obulinjishi bwenywe nibulashira obwa bechesii bamalako nende abaFarisayo, shimulinjira mubwami bwoMwikulu ta.
\p
\v 21 Okhuba mwaulira shinga olwa abandu bakhale baboola mbu, sholera ta, ne ulia yesi owira yakhabe wokhukhalachirwa eshina.
\v 22 Kho emuboolera mbu, ulia yesi owisichirasia owashie halali eshifunane ta, alakhalachirwa eshina, ne yesi ouboolera owashie mbu, oli omusiru alarerwa mushina, ne ulia ounyeka owashie eshiyingwa, yakhabe mubutinyu bwokhusukunwa mumuliro kweinziayo.
\v 23 kho noba noli ahambi okhuhana eshihanwa khubwali mana niwitsulira mbu, owashio ali nelikhuwa libi khwiwe;
\v 24 Lekha butswa eshihanwashio khubwali, otsie mberi okasie omulembe ninaye, mana olunyuma okalushe ohane eshihanwa shio. khubwali.
\v 25 Okasie omulembe bwangu nende ulia owamurambane ninaye, mushiri okhula Itokho, omuyasi nashiri okhukhura. mumboye.
\v 26 Ekhuboolera toto mbu, shiolarulamwo ta, okhula olwolaba nomalire okhurunga Likofi lie.
\p
\v 27 Mwaulira shinga olwa kaboolwa khale mbu, olaheya ta,
\v 28 nasi ekhuboolera mbu, Omundu yesi ouhenga omukhasi namwikomba, amalire okhuheya ninaye mumwoyokwe.
\v 29 khandi Imoni yomukhono musatsa niyonona, ochitsomole mana osukune shichira liakhaba lienganga okhukosia eshindu shilala okhushira okhukosia omubiri kwosi mumuliro.
\v 30 khandi omukhono kwo omusatsa nikwonona, okukhalache mana okusukune okhurula khwiwe, shichira neinganga okhukosia eshindu shilala khumubiri kukwo, okhushira omubiri kwo kwosi okhusukunwa mumuliro.
\p
\v 31 Kali nikaboolwa mbu yesi oulonda Omukhasiwe, okhula omuheresie Ibarua yokhulekhana.
\v 32 Nasi embaboolera mbu, yesi oulekhana nomukhasiwe, nikalali khulwa eshifune shiobuheyi ta, namukhola okhuba omuheyi, mana ulia oumuteshia owalekhwa nomuheyi.
\p
\v 33 khandi mwaulira shinga olwa abandu bakhale baboolerwa mbu, sholachweya okhusia eshitsubo ta, mbu, kakhole khuMwami shinga olwa wetsuba.
\v 34 Nasi ekhuboolera mbu, oletsubakhwo ta; nimurumbula Likulu shichira neshifumbi shiaNyasaye.
\p
\v 35 Nohomba nimurumbula Eshialo, niho ahalambisinjia amakulu ke, nohomba khuYerusalemi, shichira nelitokho lioMuruchi omukhongo.
\p
\v 36 nohomba sholetsuba khumurwekwo ta, okhuba shonyala okhukalukhasia elala khwiswi lio libe Imbutsi nohomba limali ta.
\v 37 Lekha obuboli bwenywe bube Hee, Hee, Tawee, tawee, liosi liosi elimetakhwo okhushira yako, lirula khumwononi.
\p
\v 38 khandi mwaulira kabolwa mbu, Imoni khu moni, Elino, khu lino,
\v 39 Nasi ekhubolera mbu, olaria omubiri ta, khandi nopamwa olukhofi khuseya yomukhono musatsa, mushukhasirie olundi.
\v 40 Ne omundu yesi nakhuyasia mbu okhunule Lishati lio, muheresie khandi Likoti,
\v 41 Ne omundu nakhulunyia okhutsia lirambusio,
\v 42 Tsia halala ninaye amarambusio kabiri.
\p
\v 43 Mwaulira shinga olwa kaboolwa mbu, muhere omumenyaniwo, nomusira omusukuwo,
\v 44 nasi ebaboolera mbu, muhere omusukuwo, nomusaira oukhusakania.
\v 45 mbu mube abana baNyasaye ouli Mwikulu, okhuba akholanga eliuba okhwashira ababi nabalayi. khandi akwisinjia ifula khubabii nabalayi.
\v 46 Okhuba nimuhera balia abamuhera, muli nende eshihanwa shina? Kata abakhalachi bobushuru shibakholanga bario?
\v 47 Nimuba nimushesia balia abamushesia kho nishina eshiamushirira abandi? Kata abamahanga shibakholanga bario?
\v 48 kho mube abatsienukhu shinga Senywe woMwikulu ali omutsienukhu.
\c 6
\cl Matsayo 6
\p
\v 1 Mwihenjeresie mbu, muleshe okhukhola efikhole biobukhonyi imberi wabandu, kho mbu bamulole, shichiri shimulanyoola eshihanwa shia Senywe ouli Mwikulu ta.
\v 2 kho nokhola aketsimbabasi sholetsiala mbu bakhulole, shinga olwa abandi bekholanga mutsisinagogi nende khumihanda, mbu mana abandu babetsomie, toto mwene ebaboolera mbu, bamalire okhunyola omurungo kwabwe.
\v 3 Noba nokhola obukhonyibwo, bube mumasirisi,
\v 4 mbu mana Senywe oulolanga mumasirisi alakhurunga habulafu.
\p
\v 5 "Olwa musaya mulabakhwo shinga abekati balia ta, shichira bachama okhusaya nibasinjire mutsisinagogi nende khumasangajira tsiemihanda, kho banyale okhulolwa nende abandu. Toto mwene emuboolera mbu, bamala okhunyola omurungo kwabwo.
\v 6 Nawe olwa osaya, winjire mushikoroshio, mana wikale omuliango, saya khu Sefwe mumasirisi, mana Sefwe oulolanga mumasirisi alakhurunga habulafu.
\v 7 Mana olwa osaya, mulelakalakanie ta, shinga abamahanga olwa bakholanga shichira bapara mbu, balaulirwa mumakhuwa kabo amanji.
\v 8 Enywe shimulabakhwo murio ta, shichira Senywe amanyire fiosi fia mwenya olwa mushiri okhusaba.
\v 9 Kario musabe muri, Sefwe ouli Mwikulu, Eliralio liribwe,
\q2
\v 10 Obwami bwo bwitse, akawenya kekhole mushialo shinga olwa kekholanga Mwikulu.
\q2
\v 11 khuheresie lero eshilibwa shiefwe.
\q2
\v 12 Mana okhuleshere ebionono biefwe, shinga olwa khuleshera abakhwononera.
\q2
\v 13 Olakhuira mukhurechekhwa ta, okhuhonie mumabi, okhuba Obwami nende Obunyali sense Oluyali, nebibio ebisoni ne bisoni Amina.
\p
\v 14 Okhuba nimuba nimulabera abandu obwononi bwabwe, Senywe shalamuberakhwo ta.
\v 15 Nebutswa nimuleshera abandu ebionino biabwe, Senywe yesi alamuleshera ebionono bienywe.
\p
\v 16 khanda olwa mwiyima eshiokhulia, shimulaba shinga abekati abakhunia obweni mbu, mana baloleshe mbu beyimire shiokhulia, toto mwene ebab0olera enywe mbu bamala, okhunyola eshihanwa shiabwe.
\v 17 Nebutswa enywe nimwiyima eshiokhulia, wibashe amafura khumurwekwo mana wosie mumoni.
\v 18 Mbu mana oleshe okhulolekha khubandu mbu oli Inzala, Nebutswa khuSenywe oulolanga mumasirisi alakhuheresia eshihanwa.
\p
\v 19 Mulebishira abene amabishiro mushialo ta, ewa amatsiriri nende tsindeberende, nabefi bafinaka nibenjira nokhwiba ta,
\v 20 Nebutswa mwibishire amabikho Mwikulu, ewa amatsiriri nohomba tsindeberende, nende abefi balanyala okwinjira kata okhwiba ta.
\v 21 Shichira ewa libishiro lio. liri niho ahomwokwo kulaba.
\p
\v 22 Obulafu bwo mubiri neyimoni, kho Imoni yo niyiba indafu kho omubiri kukwo kwosi kuletsudulamwo obulafu.
\v 23 Nebutswa Imoni yiyo niyonona, kho omubiri kwo kwosi kuletsulwa mwo eshirima, ne obulafu obuli mwiwe nibuba eshirima, kho eshirima esho neshikhongo muno!
\p
\v 24 Abulaho omundu ounyala okhukhalabanira Abami babiri, okhuba alasira mulala khubo, nahera mulala, nohomba alafuchirira mulala alachaya oundi, shonyala okhulabanira Nyasaye nende Emiandu ta.
\p
\v 25 khulwako emuboolera mbu, mulahenderenje obulamu bwenywe ta, mbu namulie shi, khandi mbu, namunywe shi; kata akemibiri chienywe, namwifwale shi. Obulamuqh bushira eshiokhulia nakwo omubiri ebifwalo.
\v 26 Lole Amanyonyi koMwikulu, shikarakanga kata okhufuna ta, kata okhubikha mubiachi ta, Nebutswa Senywe ouli Mwikulu akalisinjia. Nenyu shimuli abakhoyere muno okhushira amanyonyi?
\v 27 Niwina khwinywe khulwa amaparo keke anyala okhumeta lirambusio liobulamubwe?
\p
\v 28 kho mbushina nimunyakhana namaparo khulwa ebifwalo, khwo amatanye akomubulimo shinga olwa kakhulanga, shikakholanga emirimo ta, kata okhwifwala tsingubo ta,
\v 29 ne butswa emuboolera mbu, kata Suleiman neying'onoye yosi, shiyafwalakhwo shinga elala khuko ta.
\v 30 kho Nyasaye niyakhafwala obunyasi bwomubulimo, obiriho lero ne mukamba busukunwa mumuliro, shalamufwala okhushira wowee! enywe bobusubiri obutiti!
\v 31 khulwayako mulapara nimuboola, mbu "nakhulie shina"? nohomba" nakhunywe shina"? nomba "nakhuhinie hena ebifwalo "?
\v 32 Okhuba abamahanga bakhabanga, ne Senywe ouli Mwikulu abimanyire ebindu ebia mukhoyere.
\v 33 Nebutswa khabe mberio Obwami bwa Nyasaye, nende obulunjishi, nabo biosi mulameterwa.
\v 34 Kho mulahendere akamukamba ta, okhuba mukamba kulehendera okwene, amatinyu keinyanga kaherire neinyanga.
\c 7
\cl Matsayo 7
\p
\v 1 Mulakhalaka eshina ta, mbu mana mwesi muleshe okhukhalachirwa.
\v 2 Shichira shingalwa mukhalachira abashienyu eshina, nindio mwesi mulakhachirwa, khandi eshichero shia mucherera, mwesi mulachererwa murio.
\v 3 Mbushina nolola akhakokha khali mumoni yowashio, ne nolalola eshirundu shiri mumoniyo ta?
\v 4 kata wakhaboolera orie owashio mbu, lekha ekhuyinie akhakokha khali mumoniyo, olwa oli neshirundu mumoni yo?
\v 5 Ewe omwikati, ranjirira oyinie eshirundu shiri mumoniyo kho mana olole obulayi akhakokha khali mumoniyo washio.
\p
\v 6 Shimulaheresia tsimbwa ebindu ebithienukhu ta, khandi mulasukunira khwo Tsimbitsi tsilulu tsienywe ta tsiakhashukhana tsiasenekana butswa mubirenje biatsio, ne tsikalukhana okhubasera enywe.
\p
\v 7 Saba mana mulahebwa, khabe mana mulanyoola, khong'onde mana mulekulirwa omuliango.
\v 8 okhuba buli Omundu usaba alahebwa, ne, yesi oukhaba alanyoonyola, naye ulia oukhong'onda, alekulirwa omuliango.
\p
\v 9 kata niwina khwinywe owa Omwanawe olwa amusaba omukate naye namuheresia Lichina?
\v 10 noho namusaba Inyeni naye namuheresia Inzokha?
\v 11 kho enywe kata olwa muli ababii murio mumanyire okhuheresia abana benywe ebihanwa ebilayi, kho toto mwene nindio Senywe ouli Mwikulu shialabaheresia ebindu ebilayi muno khubali abamusaba?
\p
\v 12 kho kosi amalayi akamukhaaba okhukholerwa nende abashienyu, mwesi mubakholere murio, lino nelilako khandi Obulakusi.
\p
\v 13 Mwinjirire mushiribwa eshinyerere, okhuba eshiribwa eshibambalifu, khandi Injila neyibambufu eyichomire mubusasishi, mana khandi niyo eya abandu abanji balondangakhwo.
\v 14 Nebutswa eshiribwa eshinyerere khandi Injira inyerere, niyo eyinjira mubulamu, ne, nibatiti abachilondakhwo.
\p
\v 15 Mwihenjeresie nabalakusi bobubeyi, abetsa khwinywe nibefwalire shinga Amakondi, ne mukari nibali Ebisutse ebihalaba.
\v 16 Mulabamanya khubiamo biabwe, abandu bakhanoka Emitsabibu khumafumire? Nohomba amakhuyu okhurula khumarakalu?
\v 17 kho omusala omulayi kwamanga ebiamo ebilayi, khandi Omusala omubi kwamanga ebiamo ebibi.
\v 18 Omusala omulayi shikunyala okhwama ebiamo ebibi ta, nohomba Omusala omubi okhwama amatunda amalayi ta.
\v 19 Buli omusala okulama ebiamo ebilayi ta, kularemwa nikusukunywa mumuliro.
\v 20 khulweshio mulabamanya khubiamo biabwe.
\p
\v 21 Shali buli Mundu ounanga Omwami, Omwami oulenjira mubwami bwoMwikulu ta, nebutswa ulia oukhola kelienya lia Papa ouli Mwikulu.
\v 22 Abanji bakhabole khunyanga eyo, Omwami, Omwami, shikhwaboola obulakusi Mulira lio? khandi Mulira lio khwalonda ebishieno? khandi muliralio khwakhola amangalimwa?
\v 23 Nasi endibaboolera, Shemumanyire ta, enywe abakholi betsimbi, murulekhwo.
\p
\v 24 Kho buli Mundu oulira amakhuwa kanje, nende okhukakhola, ndakhamucherasie nende Omundu Omuchesi owombakha Inzuye Khulwanda.
\v 25 Mana olwa Ifula yitsa nende emikhula nomuyeka nikuhutsa nikukhupa khunzu eyo, shiilakwa ta, okhuba yombakhwa khulwanda.
\v 26 Nebutswa yesi yesi oulira amakhuwa kanje, mana nalakakhola tawe, alaba shinga ulia Omundu Omusiru owombakha Inzuye khumuyeshe.
\v 27 Ne olwa Ifula yakwa nachio emikhula nichibira, Imbumbuyeka niyihutsa, nibikhupa Inzu eyo, nayo niyikwa hasi, ne okhukwa khwayo nikhuba okhukhongo muno.
\p
\v 28 Ne olunyuma lwa Yesu okhwechesia amakhuwa kano, abandu bauchisibwa muno nende amechesioke.
\v 29 Shichira yechesia shinga ulia ouli nobunyali, ne shiyali shinga abechesia bandi ta.
\c 8
\cl Matsayo 8
\p
\v 1 Olwa yakholomokha okhurula khushikulu, omukanda omukhongo kwa mulondakhwo.
\v 2 Ne omundu wobuchere niyetsa namwinamira, naboola, Omwami, noyanza umbonie.
\p
\v 3 Mana Yesu nanyira omukhonokwe namutirakhwo naboola, ndienya, hona. Ne habwene nabwene nahona.
\v 4 Mana Yesu namulaka mbu, sholaboolerakhwo omundu Yesu ta, habula tsia wimanyisie khuMukuhani, mana orusia omusango kwa Musa yalaka, shinga obuloli khubo.
\p
\v 5 Olwa Yesu yenjira Kaperinaumi, Omusesia undi yamwitsira namusaya mbu,
\v 6 Omwami omusumba wanje nomulwale ingo, nelikara, naye anyakhana muno.
\p
\v 7 Naye Yesu namuboolera, nditsa okhumuhonia.
\p
\v 8 Omusatsa oyo naboola mbu, shokhoyere mbu, witse hashitsafu wanje ta, habula boola butsa likhuwa naye omusumba wanje alahona.
\v 9 Okhuba siesi endi omundu ouli hasi wobunyali, emboolera uno tsia, naye atsia. oundi mbu, yitsa naye yetsa, ne khumusumba wanje mbu khola lino, naye akhola.
\p
\v 10 Olwa Yesu yaulira yako, yauka muno, nababoolera, abamulondakhwo, toto mwene ebaboolera, eshiri okhulola obusubiri shinga buno kata mwiIsraeli.
\v 11 Nasi ebaboolera mbu, abanji baletsa okhurula ebukwe nende mumbo, nabo balekhala nende Abrahamu, nende Isaka, nende Yakobo muBwami bwoMwikulu.
\v 12 Nabo abana boburuchi balasukunwa erwanyi mushirima eshimali, ebweneyo balekhula nibalumasia ameno.
\v 13 Naye Yesu namuboolera, tsie, kabe kario shinga olwa osubire. Naye omusumbawe nahona ebise yibo.
\p
\v 14 Ne olwa Yesu yetsa munzu wa Petero, yanyola nyinamwana omukhayewe nali nende omuyeka nakonire.
\v 15 Namutirakhwo nakwo niimulekha, nasinjira nabakhalabanira.
\p
\v 16 Olwa kwola mukoloba, bamurerira abanji abanyasibwa nebishieno, naye nalonda ebishieno nelikhuwalie, nahonia bosi abali abalwale.
\v 17 Mbu, kosibwe akaboolwa nende Isaya Omulakusi mbu, ye mwene yabukula obuteshere bwefwe, nabukula amalwale kefwe.
\p
\v 18 Ne olwa Yesu yalola omukanda omunji, yalaka mbu, barule batsie aundi.
\v 19 Omuhandichi undi namwitsira, naboola Omwami, nditsa okhulondakhwo buli ewa otsia,
\p
\v 20 naye Yesu namuboolera, amabwe kali nende obwina, amayoni kokhwikulu kali nende efitsu, naye Omwana womundu abula ewa ara omurwe ta.
\p
\v 21 Mulala khubechibe namuboolera, Omwami, lekha enzie eyabire Papa wanje.
\p
\v 22 Naye Yesu namuboolera, nondakhwo, lekha abafu bayabirane.
\p
\v 23 Ne olwa yenjira muliaro, abechibe nibamulondakhwo.
\v 24 Ne lole, khwali nende omuyeka omukhongo khunyanza, mbu, inyanza niifunikhwa namarunda, naye yali nakonire.
\v 25 Abechibe nibamwitsira, nibamubusia, nibamuboolera, Omwami, khuhonie, khutiba.
\p
\v 26 Naye nabakalusia, mbushina nimuli noburi? Enywe bobusubiri obutiti, mana nabukha nahalabira omuyeka nende inyanza, mana nikhuba nomulenjero.
\p
\v 27 Mana abandu nibauka, nibaboola, uno nomundu wambiashina, mbu, kata omuyeka nende inyanza bimuulira?
\p
\v 28 Olwa yali namalire okhwambukha injerekha, mwitokho lindi lia Genesereti, bamwakanira babiri abali nebishieno, nibarula mubirindwa, abokhurisia muno mbu, abulaho omundu owakhabirire khunjira eyo ta.
\v 29 Nabo lola bayula nibaboola mbu, oli orie ninefu Yesu, Omwana wa Nyasaye, witsire okhwononia ebise biefwe nibishiri okhuula?
\v 30 Ne ahambi ninabo khwali nende lituli lietsimbitsi nibalisinjia.
\p
\v 31 Kho ebishieno nibimusaya nibiboola mbu, khurume mutsimbitsi.
\p
\v 32 Naye nabiboolera, tsie, nabio nibimurulamwo nibitsia mutsimbitsi, ne lole, lituli liosi lietsimbitsi niliirukha nilitsia munyanza likhamira mumatsi.
\v 33 Nabo abayi niberukha nibatsia mwitokho, nibaboolera buli mundu akali nikekholeshe khutsimbitsi tsiali nebishieno.
\v 34 Ne lole, Litokho lilamba niliitsa okhumwakanira Yesu, ne olwa bamulola, bamusaya mbu, arule mwitokho liabwe.
\c 9
\cl Matsayo 9
\p
\v 1 Niyenjira muliaro, niyambukha injerekha mwitokho liabwe.
\v 2 Nibamurerira omundu wafwokoya khumukeka naye Yesu olwa yalola obusubiri bwabwe, yaboolera owali omulwale, wi heresie omwoyo, olesherwe tsimbi tsio.
\p
\v 3 Ne abandi khubaandichi nibaboolerana, omundu uno anyeka Nyasaye,
\v 4 Naye Yesu namanya amaparo kabwe, nababoolera, shichira nimupara amaparo amabii mumioyo chienywe nishi?
\v 5 Eliangu liokhukhola nelirena? Okhuboola mbu, olesherwe tsimbi, noho okhuboola mbu, bukha ochende?
\v 6 Ne mbu, kho mumanye mbu, Omwana womundu ali nobunyali khuShialo okhuleshera tsimbi, yaboOlera Oyo owafwakoyo, bukula omuto kukwo otsie ingo.
\v 7 Mana nabukha natsia munzu,
\v 8 ne olwa abomukanda balola bauka, nibamwitsomwi Nyasaye owali namuheresiye obunyali.
\p
\v 9 Ne olwa Yesu yali narulileyo, yalola omundu owalangwa mbu, Mathayo niyekhale habusololi wobushuru, namubira, yitsa unondekhwo, nasinjira namulondakhwo.
\v 10 Ne olwa Yesu yali niyekhale munzu nalia ebiokhulia, abasololi bobushuru nende betsimbi betsa nibalia halala ninaye,
\p
\v 11 ne olwa abafarisayo balola amakhuwa kano, bareba abechibe, mbushina Omwami wenywe nalitsanga halala nende abasololi bobushuru nende betsimbi?
\p
\v 12 Ne olwa Yesu yaulira, yababolela, shibali abalamu abenya omusirishi ta, habula abalwale,
\v 13 ne inywe mutsie mweche eshisina shielikhuwa lino, ndachama tsimbabasi okhushira omusango, shichira shindetsa khulwa abalayi ta, habula khubetsimbi.
\p
\v 14 Mana abechi baYohana nibamwitsira nibamureba mbushina efwe nende abafarisayo khwiimanga okhulia ne abechibo shibeimanga ta?
\p
\v 15 Yesu nababoolera, abana beshiserero banyala okhuberera nibashiri nende mwene eshiserero? Nebutswa tsinyanga tsitsanga olwa mwene shiserero aliba narusibwe, nolwa baliima okhulia.
\p
\v 16 Abulaho omundu ounyala okhura eshilaka eshikofu khungubo imbia ta, okhuba shilarandula ingubo eyo,
\v 17 Kata abandu shibatsukha idivai imbia muchupa ingofu ta, okhuba ichupa ilatikha, nayo idivai niisundukha, tsichupa natsio tsiononekha, idivai imbia irebwa muchupa imbia, mana biosi bilebikha.
\p
\v 18 Olwa yali nababooleranga amakhuwa ako, Lola omukhulundu undi yamwitsira, namwinamira naboola mbu, Omwana wanje omukhana bulano kata afwire, yitsa omurekhwo omukhono naye alahona.
\v 19 Naye Yesu nabechibe nibarondokhana ninaye.
\v 20 Ne Lola, omukhasi wali niyerulutsanga khumiika ekhumi nende chibiri, yetsa emukongowe natira khwichemo liengubo ye.
\p
\v 21 shichira yeboolera omwene mbu, kata nendirakhwo khwichemo lie yeinguboye, ndalahona.
\p
\v 22 Naye Yesu nashukhana, namulola, naboola, omukhasi wihesie omwoyo obusubiribwo bukhuhoniye, naye naona okhurula ebise yibo.
\p
\v 23 Ne olwa Yesu yola munzu yomukhulundu, nalola abakholi nende bomukanda nibekhuulanga.
\v 24 Nababoolera bahane obwiyangu shichira omukhana shafwire ta, akonanga, nibamutsekha.
\v 25 Ne olunyuma lwamukanda okhurula, yenjira munzu namutira omukhono omukhana oyo namubusia.
\v 26 Amakhuwa yako nikafuma, nikalanda mushialo shiosi.
\p
\v 27 Olwa Yesu yali narulayo natsitsanga, ababofu babiri nibamuulira nabiranga nibalira nibaboola, iwe Omwana wa Daudi, okhubere tsimbabasi.
\v 28 Ne olwa yali niyenjire munzu, ababofu yabo nibetsa ewa yali, Yesu nabareba, musubiranga shinga olwa enyala okhukhola kano? Nibakalusia mbu, hee Omwami.
\p
\v 29 Mana nabatira khutsimoni tsiabwe, naboola, khulwa obusubiri bwenywe kekholeshe shinga olwa mwenya.
\v 30 Tsimoni tsiabwe nitsitimbukha, Yesu nabalaka naboola, omundu yesi alamanya ta.
\v 31 Nabo nibatsia, nibasalasia ifuma mushialo shiosi.
\p
\v 32 Ne olwa bali nibarulanga, Lola, yarerirwa omundu omusiru owali neshishieno,
\v 33 Ne olwa eshishieno shialondwa, omusiru Oyo yaboola, omukanda nikuuka, nibaboola, khushiri okhulolakhwo kano muIsraeli ta.
\p
\v 34 Nebutswa abafarisayo nibaboola mbu, alondanga ebishieno khumani kebishieno.
\p
\v 35 Naye Yesu yatsia mumatokho nende amatala kosi, niyechesinjia musinagogi tsiabwe naboola oburume nobulayi bwobwami, nahonia abuteshere nende amalwale tsimbia tsiosi.
\v 36 Ne olwa yalola omukanda yababeririra shichira bali shinga amakondi kabula Omwayi.
\v 37 Ne olwa yalola mana naboolera abechibe ari,
\v 38 Toto Lichesa nelikhongo ne abafuni nibalemu, Kho musaye Omwami mwene Lichesa mbu, aruma sbakholi mwichesa lie.
\c 10
\cl Matsayo 10
\p
\v 1 Ne olwa yali niyakhalaanga abechibe ekhumi nababiri, yabaheresia amani kokhulonda ebishieno nende amani keshirima, nokhuhonia buli imbia yosi yamalwale nende obuteshere.
\v 2 Nako amera kabechibe ekhumi nababiri ngakano, Simioni, owalangwa mbu Petero, nende Anderea omusiani wabwe Yakobo omwana wa Zebedayo, nende Yohana omusiani wabwe,
\v 3 Filipo nende Batulumayo, Tomaso nende Matayo omusololi wobushuru, Yakobo omwana wa Alfayo, nende Tsadayo.
\v 4 Simoni omukanani, nende Yuda Iskarioti oulimukhoba.
\p
\v 5 Abenabo ekhumi nababiri, Yesu yabalaka nabaruma naboola, mulatsie mutsinjira tsia abamahanga, kata mumatokho kaba Samaria mulenjiremwo ta.
\v 6 Ne mutsie mubana baIsraeli bakora,
\v 7 ne olwa mutsia, yaale nimuboola,"Obwami bwoMwikulu busitire ahambi".
\v 8 Honie abalwale, siiye bobuchere, lamusie abafu, londe ebishieno, muherwe butswa, nenyu hane butswa.
\v 9 Mulachinga ifetsa, noho itsahabu, noho tsisende mumiloloti chienywe ta.
\v 10 kata okhuchinga omuloloti khuluchendo lwenywe, kata tsingubo tsibiri, noho ebilaro noho indabushi okhuba omukholi akhoyera omurungo.
\v 11 Ne mwitokho liosi nende litala eliamwinjiramwo, reberesie omundu womulembe ulimwo, menyemwo okhuula olwamurulamwo.
\v 12 Ne olwamwinjira munzu omwo, mushesie
\v 13 ne munzu iba niikhoyere, leshe omulembe kwenywe kubemwo, ne nalabamwo oukhoyere ta, omulembe kwenywe kubakalushire.
\v 14 Naye yesi olabenjisia ta, nohomba okhuhulira amakhuwa kenywe ta, olwamurula mwitala ero, mubungulule olufu lwebirenje bwenywe.
\v 15 Toto mwene ebaboolera, buliba obulai khushibala shiaSodoma nende Gomora tsinyanga yitso okhushira mwitokho elo.
\p
\v 16 Lole emuruma shinga amakondi mubisutse, mube abachesi shinga Inzokha, khandi abahola shinga Lihusi.
\v 17 Henjeresie okhuba abandu balamuyira imberi webina, nibamukhupa mutsisinagogi tsiabwe,
\v 18 nenyu mulairwa imberi wabaami nende wabaruchi khulwanje, shinga obuloli khubamahanga.
\v 19 Ne olwa bamuyira imberi, mulahenda mbu mulaboolashina ta, okhuba mulahebwa khubise ebo eshiamulaboola.
\v 20 okhuba shimuli enywe ababoola ta, habula Roho wa Papa wenywe niye oulaboolera mwinywe.
\v 21 Naye omundu alakhoba omwana wabwe omusiani wabwe okhwirwa naye papa ario khumwanawe, nabo abana balarulirakhwo abebusi, nibabakhola okhwirwa.
\v 22 Nenyu mulasirwa nende abandu boosi khulwa elira lianje, naye owifwira okhula khubumalirishi, alahonibwa.
\v 23 Ne olwa bamusandia mwitokho lino, yirushire mulindi, okhuba ebaboolera mbu, mulaba nimushiri okhumala amatokho kosi kaiIsraeli, naye omwana womundu arulilira.
\p
\v 24 Omwechi shali ikulu womwechesiawe ta,
\v 25 Nebulayi mbu omwechi abe shinga omwechesiawe, naye omusumba shinga Omwami, nibaba nibalanjire omwami weinzu mbu, Belizabuli, balalanga barie abeinzuye?
\p
\v 26 Mularie tawe, okhuba shibulaho eshifunikhwa eshilanyala okhufunulwa, nasho eshibiswa eshilanyala okhunyolekha ta.
\v 27 Aka emuboolera mushirima, kaboole mubulafu, ne eshia mumonyerwa mumarwi, shiliyalwa khushitsafu shienzu.
\v 28 Ne shimulabaria balia ebeera omubiri, nibalanyala okhwira omwoyo ta, habula rie ulia ounyala okhwira omubiri nende omwoyo biosi emakombe.
\v 29 Tsiminyi tsirano shitsikusibungwa ling'ondo? Ne kata ndala khuyo shiinyala okhukwa hasi papa wenywe nalamanya ta;
\v 30 ne kata liswi liosi liemirwe chienywe liabalwa.
\v 31 Mularia tawe, muli bobukusi muno okhushira tsiminyi.
\v 32 Omundu yesi ounziyama isie imberi wabandu, nasi siesi ndakhamwiyame imberi waPapa wanje Mwikulu.
\v 33 Naye omundu yesi niyangana imberi wabandu, nasi siesi ndilimwikaana imberi wa Papa wanje woMwikulu.
\p
\v 34 Mulapaare mbu ndietsa okhurera omulembe mushialo ta, shindietsa okhurera omulembe ta, habula olukanga.
\v 35 Okhuba ndietsa okhwaukhasia omundu nende samwana, naye omukhana nende nyinamwana, naye omukhasi womusiani nende mama nyakhufiala.
\v 36 Ne omusuku womundu niweinzuye.
\v 37 Owachama samwana noho nyina okhushira sie, shiakhoyere ta, naye owachama omukhanawe noho omusianiwe okhushira sie, shakhoyere isie ta.
\v 38 Oulabukula omusalabakwe mana yanondekhwo, shakhoyere isie ta.
\v 39 Oulinda obulamubwe, alabukosia, naye oukosia obulamubwe khulwa isie, alabunyoola.
\p
\v 40 Oubenjisia inywe, yanyinjisiye isie, naye ounyinjisia isie, amwinjisiye owaruma.
\v 41 Owinjisia omulakusi mulira liomulakusi alanyoola eshihanwa shiomulakusi. Naye owinjisia omulunjishi mulira liomulunjushi alanyoola eshihanwa shiomulunjishi.
\v 42 Naye ouhana khumulala khubatiti bano, eshikombe shiamatsi amanyifu, mulira liomwechi, toto ebaboolela shialakosia eshihanwa shie ta.
\c 11
\cl Matsayo 11
\p
\v 1 Kamala nikekholekha olwa Yesu yali niyakhamala okhuruma ekhumi nababiri yarulaho natsia mumatokho kandi okhwechesia nende okhuyaala.
\p
\v 2 Ne olwa Yohana omubatisi yaulira nali mumbohe, akaKristo yali nakholanga, yaruma babiri khubechibe.
\v 3 Nibamureba, mbu, niwe owaboolwa mbu witsa? nohomba khulindirire oundi?
\p
\v 4 Yesu nabakalusia ari, "mutsie muboolere Yohana, akamuhuliranga nende akamulolanga,
\v 5 ababofu banyolire okhulola, khandi abalema bachendanga, abobuchere basiywa, khandi abekala amarwi baulira, nabo abafu balamusibwa, nabo abamanani bayalirwa oburume obulayi.
\v 6 Naweikhabi omundu yesi oulesichirasibwa khulwa isie tawe".
\p
\v 7 Ne olwa balekhana, Yesu yachaka okhubaboolera khumakhuwa kaYohana," nishina eshia mwatsia okhulola mushitsimi? olubembe nilushinibwa nende omuyeka noho?
\v 8 Mwarula nimutsia okhulola shina? Omundu owifwalire tsingubo tsindayi? lole balia abefwala tsingubo tsindai bali Munzu yaBaruchi.
\v 9 nebutswa mwatsia okhulola shina? Omulakusi? toto mwene emubaboolera mbu, aliho hano oushira Omulakusi.
\v 10 Uno niye owamahandiko kaboolanga khuye, 'lola eruma omurume wanje imbeliwo, naye alakasia Injira yo'.
\p
\v 11 Toto emuboolera mbu, Yohana omubatisi nomukhongo okhushira Omundu yesi owebulwa noMukhasi, nebutswa ulia omutiti muBwami bwaNyasaye, nomukhongo okhumushira!
\v 12 Ne okhurula mutsinyanga tsia Yohana omubatisii, okhula bulano, Obwami bwaNyasaye nobwamani, nabo abamani nibo ababutira.
\v 13 Shichira Abalakusi nende amalako balakula okhula khu Yohana;
\v 14 ne nimuba mwakhafuchirira, mbu niye Eliya owali mbu alitsa.
\v 15 Ne ulia ouli namarwi kokhuhulira, lekha ahulire.
\p
\v 16 Nebutswa ndakhacherasiakhwo shina olwibulo luno? Shinga abana abekhale khushiiro, nibalanjirisia abashiabwe,
\v 17 "nibaboola mbu, khumwimbiire, ne shimushinire ta, khwikhulire, ne shimuberere ta.
\v 18 Ne Yohana yetsa nalalitsanga khwo kata okhunywa ta, nibaboola mbu, 'ali nende ebishieno.'
\v 19 Omwana woMunda yetsa nalitsanga khandi nanywetsanga, baboola mbu, Omundu 'omulangu khandi omumesi, omwitsa wabasololi bobushuru nende abononi!' nebutswa obuchesi bumanyikhana khumirimo chiabwo."
\p
\v 20 Mana nachaka okhuyibira amatokho kayakhola mwo emirimo chie chiamakana shichira shibekalukha sia khwo nibalekha obwononi ta.
\v 21 Wowe, enywe abakorezini! Wowe enywe abaBethisaida! okhuba ebikhole biamakana biakholwa mwinywe nibiakhakholirwe Tiro nende Sidoni, khane bakhekalukhasiye khale nibefwala amakunia nibepuka likoshe.
\v 22 Ne butswa emuboolera mbu, Tiro nende Sidoni bakhaberwe tsimbabasi khunyanga yobuyasibwi okhushira inywe.
\v 23 Nenyu, Kaperinaumu, mwenya okhwichinga okhula Mwikulu, muleshibwa okhula emakombe, kali amakhongo kakholwa mwinywe nikaba nikakholwa Sodoma, liakhabere nilishiriho okhula bulano.
\v 24 Nasi emuboolera mbu abandu baSodoma bakhalolerwa tsimbabasi khunyanga yokhuyasibwa okhushira inywe.
\p
\v 25 khubise ebio Yesu nakalusia naboola mbu, orio muno Papa Omwami woMwikulu nende Eshibala, wabisa amakhuwa kano abachesi nende bobumanyirisi, nobafunulira abatiti.
\v 26 okhuba Papa kakhukasira mumonitsio.
\p
\v 27 Papa wanje yamberesia ebindu biosi, abulaho oumanyire Omwana, habula Papa, khandi abulaho oumanyire Papa nalali Omwana, nende yabo bosi abaOmwana afunilira.
\v 28 Yitse khwisie Inywe mwesi abachonyire nemisiko emisiro, nasi ndalabaheresia obuhulushi.
\v 29 mubukule likokolo lianje mana mweche mwisie, okhuba endi omuholo khandi omwongoli womwoyo, ne, mulanyola obuhulushi mumioyo chienywe.
\v 30 Okhuba likokolo lianje neliangu, khandi omusiko kwanje nomwangu.
\c 12
\cl Matsayo 12
\p
\v 1 Mutsinyanga yitso Yesu yarula khunyanga yeisabato nabira mumukunda kweingano, ne bechibe bali neinzala, nibachaka okhunokola ni benya balie.
\v 2 Ne olwa abaFarisayo balola bamuboolera mbu, Lola abechibe bakhola akali okomusiro okhukhola khunyanga yeisabato.
\p
\v 3 Naye nababoolera, mbu "shimwasoma akaDaudi yakhola olwa yali nali Inzala halala nende abayali ninabo.
\v 4 Shinga olwa yenjira Munzu ya Nyasaye, mana nalia emikate chiokhuba omusiro khuye okhulia, aba yali ninabo, habula abakuhani bonyene.
\v 5 kata shimwasomakhwo mumalako mbu, khunyanga yeisabato abakuhani bali muhekalu bonoonia Isabato, nibalabakhwo neshikha ta,
\v 6 ne emuboolera toto, mbu, ali hano oushira Ihekalu.
\v 7 Ne nimumanya obwatoto bwelikhuwa lino, mbu, 'ndienyanga tsimbabasi, emisango ta', shimwakhabakhalachiire eshina babula eshikha ta.
\v 8 Okhuba Omwana woMundu niye Omwami weisabato".
\p
\v 9 Mana olwa yali namalire okhurulayo, niyenjira mutsisinagogi tsiabwe.
\v 10 Ne lola yalimwo Omusatsa owomukhono kwafwa, ne bamala nibamureba, nibaboola,"nobulayi okhuhonia khunyanga yeisabato?" mbu, kho banyole okhumukhachira eshina
\p
\v 11 Mana Yesu nababoolera, mbu, "niwina khwinywe ouba nali nelikondi elala, nalio nilikwa mubuko khunyanga yeisabato, nalalitirakhwo yalirusia?
\v 12 ne Omundu shali neinganga muno? yakhaba omulayi okhushira Likondi? kho kafuchirirwa okhukhola amalayi Inyanga yeisabato".
\v 13 kho Yesu naboolera omusatsa oyo mbu, "nyiira omukhonokwo" mana nanyiira nakwo nikukalukha habwene shinga okundi.
\v 14 kho abaYahudi nibarula erwanyi nibasanjirana shinga olwa banyala okhumwira.
\p
\v 15 Olwa Yesu yamanyirisia, yabarulamwo, mana omukanda omukhongo nikumulondakhwo, mana nabahonia bosi.
\v 16 Nabalaka mbu, baleshe okhumubula ta,
\v 17 Mbu mana akalakwa nende Omulakusi Isaya kosibwe; naboola,
\q
\v 18 "Lole omukhalabani wanje, owandiaula, omwitsa wanje, muye Omwoyo kwanje kasangasibwa. Ndalara Roho wanje muye, naye alabakhalachira abamahanga eshina.
\q
\v 19 Shalayingana ta; kata omundu yesi shalaulira omwoyokwe khumuhanda ta.
\q
\v 20 Litundu liteshere shalirusia ta; kata okhusumia olutambi olurusia omwosi tawe, okhula olwa alaba narumane obukhalachi bwo buhuli,
\q
\v 21 ne muliralie nilio abamahanga balasubirira."
\p
\v 22 Mana narererwa oundi owali neshishieno, nali omubofu, khandi omusiru, naye namuhonia omusiru nalola khandi naboola.
\v 23 Abandu bosi nibang'ang'ala, nibaboola," uno niye omwana wa Daudi?"
\p
\v 24 Olwa abaFarisayo baulira, baboola mbu, "omundu uno sharusinjia ebishieno butswa ta habula khulwa obunyali bwa Belizabuli Omwami webishieno".
\p
\v 25 Olwa Yesu yamanya amaparo kabwe, nababoolera mbu," buli oburuchi bukabukhane obwene khubwene shibunyala okhusinjira ta, khandi buli litala kata Inzu eyene shinyala okhusinjira ta.
\v 26 kakhaba Setani arusia Setani, aba nakabukhane omwene, kho oburuchibwe bunyala burie okhusinjira?
\v 27 Isie nimba nerusia ebishieno khulwa amani kaBelizabuli, kho abanabenywe barusunjia khulwa wina? khulwesho baliba abakhalachi benywe.
\v 28 Kakhaba Isie erusinjia ebishieno mumani kaNyasaye, kho obwami bwaNyasaye bumuliire inywe.
\p
\v 29 kanyalikha Karie okhwinjira munzu yomundu wa mani noshiri okhumuboha mberio omundu oyo? Mana kho onuule bio munzuye.
\p
\v 30 Oulali ninasi ta, yaukhane ninasi, ne oulakhung'asia ninasi ta, asalaasia.
\p
\v 31 Niko akachira nimuboolera, mbu, abandu balaleresherwa buli eshionono nende buli linyeko, ne okhunyeka Roho waNyasaye shalalesherwa ta.
\v 32 Ne yakhabaho ouboola likhuwa liokhunyeka khu mwana woMundu, alalesherwa, ne oubOola likhuwa nanyeka Roho omutsienukhu, shalalesherwa ta, Mushialo shino, kata Mushialo shitsaanga.
\p
\v 33 Khola omusala kube omulayi, mana ebiamo biakwo bilaba ebilayi, nomba kube omubii mana ebiamu biakwo bilaba ebibii, okhuba omusala kumanyikhaanga khubiamo biakwo.
\v 34 Enywe olwibulo lwetsinzokha, olwa muli ababii, munyala okhuboola amakhuwa amalayi?
\v 35 Oukhurula mumwoyo, omunwa kuboolanga.
\v 36 Omundu omulayi okhurula mwibishiro liomwoyo arusinjia mwo ebindu ebilayi. Ne omundu omubii okhurula mwibishiRo libii, arusinjiamwo ebindu ebibi.
\v 37 Khulwa amakhuwa ka oboola, olabasiribwa obulunjishi, khandi khumakhuwa aka oboola, olakhalachirwa eshina.
\p
\v 38 Mana abandi khubaFarisayo nabakalusia, Omwechesia, khwenya okhulola eshilolero okhurula khwiwe.
\p
\v 39 Ne yakalusia nababoOlera, mbu," olwibulo olumayanu, lweminyasaye lwenyanga eshilolero, ne shilulahebwa eshilolero ta, habula eshilolero shia Yona Omulakusi."
\v 40 Okhuba shinga Yona yali munda weinyeni tsinyanga tsitaru eshitere neshiro, nilwo Omwana woMundu aliba munda mwe. Shialo tsinyanga tsitaru nebiro bitaru.
\v 41 Abandu baNineveh balisinjira mumuse halala nende olwibulo luno, nibalukhalachira eshina shichira bekalukhasia khubwirwatsi bwa Yona, lole oushira Yona ali hano.
\v 42 Omuruchi weShikhasi, okhurula Emwalo, alibukha mumuse halala nende olwibulo luno nalukhalachira eshina; shichira ye yarula khundulo khweShialo okhuulira obuchesi bwa Suleiman, ne lole oushira Suleiman ali hano.
\p
\v 43 Ne Roho weshirima olwa aba narula mumundu, abiranga mushitsimi nakhaba wokhuhulushira, nalanyola ta,
\v 44 mana aboola mbu, lekha engalushe Munzu yanje wa ndarula, olwa yolamwo, nanyola niiri ikhaya, niyeyirwe nikasibwe.
\v 45 Mana atsia niyenda abaroho bandi saba abamushira obubii, benjira bamenyamwo, mana obumalirishi bwomundu Oyo buba obubii okhushira shinga olwa yalinji nolwa kaliba kario khulwibulo luno alumayanu.
\p
\v 46 Olwa yali nashiboolanga, lola nyina nende abana babwe bali nibasinjire erwanyi nibenyanga okhubola ninaye.
\v 47 kho oundi namuboolera mbu, "lola mamawo nende abasiani benywe basinjire erwanyi benyanga okhuboola ninawe.
\p
\v 48 Yesu namukalusia namuboolera, "Mama wanje niwina? Kata abaana befwe nibeena?"
\v 49 Nanyiira omukhono, namanyisia ewa abechibe bali, naboOla mbu," mama nende abana befwe mbabano.
\v 50 Omundu yesi oukhola akaPapa ouli Mwikulu yenya, omwenoyo niye omusiani wefwe, khandi Omukhana wefwe, khandi mama."
\c 13
\cl Matsayo 13
\p
\v 1 Inyanga eyo, Yesu yarula munzu niyekhala khulukuku lweinyanza.
\v 2 Emikanda emikhongo chiakhung'ana ewa yali okhula niyenjira muliaro niyekhalamwo nabo bomukanda nibekhala khulukuku.
\v 3 Nababolera amakhuwa amanji mutsinjero, naboola mbu, "omumitsi yarula natsia okhumitsa.
\v 4 Olwa yali namitsanga, imwo yindi, yakwa khunjira, amayoni niketsa nikachibotsa,
\v 5 eyindi niyikwa abandu wamachina, niyilaba neliloba lihera ta, niyimera bwangu, shichira liloba shiliatsia hasi ta.
\v 6 Nolwa omubasu kwakha, niyifululukha, niyiniala, shichira yabula emisi.
\v 7 Eyindi nikwa mumaua, amauwa nikakhula nikachifinya.
\v 8 Eyindi nikwa mwiloba lilayi, niyama ebiamo, eyindi imia, eyindi amakhumi kasasaba, eyindi amakhumi kataru.
\v 9 Ouli namarwi kokhuhulira, ahulire.
\p
\v 10 Abeechibe nibeetsa, nibamureeba mbu, eshichiranga nobaboolera mutsinjero nishina?
\p
\v 11 Nakalusia nababoolera mbu "inywe mwahebwa okhumanya amabiso koBwami bwo Mwikulu nabo shibahebwa bario ta,
\v 12 shichira yesi oulikhwo ninabio alahebwa ebindi, abe ninabo ebinji, ne ouma kata ebia ali ninabio bilabukulwa.
\v 13 Niko akachiranga nebaboolera mutsinjero, shichira, bahenganga ne shibalola ta, barecheresinjia ne shibaulira kata okhumanyirisia ta.
\v 14 Ne obulakusi bwa Isaya butusibungwa obwaboola mbu, okhuulira balauliranga ne shibalamanyirisia ta, okhuhenga balalenga ne shibalola ta.
\p
\v 15 Okhuba emioyo chiabwe chiasitoha, ne amarwi kabwe shikanyala okhuulira tawe, ne tsimoni tsiabwe tsiatimba, balanyala okhulola khubise biosi netsimoni tsiabwe ta, mana nibaulira namarwi kabwe, nibamanyirisia mumioyo chiabwe betsa bakalukhasibwa mana bahona.
\p
\v 16 Habula netsieikhabi tsimoni tsienywe etsilolanga, nende amarwi kenywe kauliranga.
\v 17 Toto mwene ebaboolera mbu,"abalakusi abanji nende abalunjishi abanji bekombanga ebindu bino ebia mulola, ne shibanyalirwa okhulola ebindu bino ebia muhulira, ne shibabilola ta.
\p
\v 18 Hulire oluchero lwo omumitsi,
\v 19 olwa Omundu yesi aulira likhuwa lioBwami, ne shalimanyirisia ta, habwene yaho omusuku yetsa narusiaho likhuwa ero liamitswa mumwoyo kwe, uno niye oufwana shinga imwo yakwa khunjira.
\v 20 Nayo imwo yamitswakhulwanda niye ouliranga nalinjisia nobusangali obunji muno,
\v 21 naye abulanga emisii, alinjisia khubise ebititi, ne olwa amatemo neminyakhano chirulira, khulwe likhuwa tsana, naye achonya mumwoyo.
\v 22 Nayo imwo yamitswa mumaua, niye ouliranga likhuwa, ne amarunda keshialo shino, nende obubeyi bwobuinda bufinya likhuwa, naye nalanyala okhwibula ebiamo ta,
\v 23 nayo imwo yakwa mwiloba lilayi, niye ulia oulira likhuwa, nalimanyirisia, naye khandi yama ebiamo ebinji okhuula Imia, amakhumi kasasaba, nende amakhumi kataru.
\p
\v 24 Nachera oluchero lundi khandi, naboola mbu, "Obwami bwoMwikulu bucherasibwa khu Mundu wamitsa mumukundakwe,
\v 25 ne olwa abandu bali nibakona, omusuku yetsa namitsamwo libanze hakari mungano naye natsiya
\v 26 ne olwa yamera mana niitsomkha kho libanze nalio nililolekha.
\v 27 kho abasumba bamwene inzu olwa betsa nibamuboolera, Omwami shiwamitsa imwo indayi mumukundakwo? ne libanze liino lirulile hena?
\p
\v 28 naye nakalusia mbu," Omusuku nowakhola yako. Abasumba nibamureba mbu kho wenya khutsie khulisule?
\p
\v 29 Naye nakana mbu," tawe shichira olwa muba nimwiya libanze, mwakhetsukhana nimwiyiramwo ingano halala ninalio.
\v 30 Leshe bikhule biosi halala, okhuula mwichesa, mana khundukho yelichesa ndakhabolere abokhuchesa mbu, ranjiriree mukhung'asie mberio libanze, muliboye tsing'anda musambe, ne Ingano muchikhung'asie muree mushiachi.
\p
\v 31 Nababoolera oluchero lundi, naboola mbu, Obwami bwoMwikulu bufwana shinga inyuma ndala yo lufwa lwe Lisatsi, lwomundu yabukula naraka mukundakwe,
\v 32 Nayo toto neindutu khu bufwa bwoosi, neikhulire iyomba emisala chiosi chiomukunda nako amayoni. kekhala nikeikama mumasaka.
\p
\v 33 Nababoolera oluchelo lundi mbu,"Obwami bwoMwikulu bufwana shinga amamela akoMukhasi yabukula nasasia mubimwero bitaru biobusie, okhula olwa bwosi bwafimba."
\p
\v 34 kano koosi Yesu yaboolanga mutsinjero; nebutswa halali oluchero, shiyaboola eshindu ta.
\v 35 Mbu mana akaboolwa mumunwa kwomulakusi kosibwe mbu, "ndalaboola ninenyu mutsinjero, ndalarumbula amakhuwa akabiswa okhurula okhuchaka khweshialo."
\p
\v 36 Mana Yesu yasebulana nabemikanda niyenjira munzu, abechibe nibetsa ewa yali nibaboola, mbu, okhwinosie eshifune shioluchero olwo, lwelibanze mumukunda.
\p
\v 37 Naye nakalusia naboola mbu, "owamitsa imwo indayi, niye Omwana woMundu;
\v 38 omukunda nishio Eshialo shiosi, Imwo indayi nibo abaana boMwami, Libanze, nilio abana bobumayanu.
\v 39 Ne omusuku walimitsa, niye Setani, lichesa niyo Indukho yeShialo, nabo abachesa, nibo abamalaika.
\v 40 Kho shinga olwa Libanze lilikhung'asibwa nilisukunwa mumuliro, nolwa kaliba kario khundukho yeshialo shino.
\v 41 Omwana woMundu alaruma abamalaika, nabo balakhung'asia okhurula mubwamibwe biosi ebisichirasia, nende yabo abakholanga kobumayanu.
\v 42 Nibasukunwa mumuliro omululu; ebweneyo khulibayo okhulira, nokhulumasia ameno.
\v 43 Nabo abalunjishi, baliakha shinga Eluuba, muBwami bwa Sabwe, ouli namarwi kokhuulira aulire.
\p
\v 44 Khandi Obwami bwoMwikulu bufwana shinga libikho liabiswa mumukunda, elia Omundu yanyola, mana nabisa, ne khulwa okhwikhoya, natsia nakusia biosi ebia yali ninabio nakula omukunda tsana.
\p
\v 45 khandi Obwami bwoMwikulu bufwana shinga Omundu weinganga oukhabanga tsilulu tsindayi.
\v 46 Ne olwa yanyoola ilulu ndala, yakusia biosi biayali ninabio nachikula.
\p
\v 47 khandi Obwami bwo Mwikulu bufwana shinga olukhanda lwafubwa muNyanza, nilukhung'asia tsimbia tsiosi.
\v 48 Ne olwa lwali nilwitsule, bakhwesa nibara khulukuku nibekhala nibakhung'asia tsindayi mubikapo, natsio tsimbi nibatsisukuna.
\v 49 Nolwa kaliba kario khundukho yeshialo shino mbu abamalaika balitsa okhwaukhasia abanji nende abalunjishi
\v 50 khandi. bakhasukunwe mumuliro omululu, ebweneyo khulibayo okhulira nokhulumasia ameno.
\p
\v 51 Yesu nababoolela, "muulire kano kosi?" nibamukalusia mbu, Ee! Omwami.
\p
\v 52 Olunyuma nababoolera mbu, niko akachira buli omuhandichi owechesibwe amakhuwa koBwami bwo Mwikulu afwana shinga Omundu omwene inzu ourusia mwibishiro lie ebindu ebiiyia nebikofu.
\p
\v 53 Ne olwa Yesu yali namalire tsinjelo etsio, yarula natsia.
\v 54 Ne olwa yali niyolire mushialo shiabwe, yabechesia musinagogi yabwe, okhula nibauka nibaboola mbu, Omundu uno anyolanga hena obuchesi buno? nende ebikhole biamakana?
\v 55 Uno shali niye Omwana womubatsi Oyo? Nyinamwana shali niye Mariamu? abo abasiani babwe mbu, Yakobo, Yusufu, Simioni nende Yuda?
\v 56 kata abakhana babwe shikhubetsanga ninabo bosi? kho Omundu uno anyolanga hena kano koosi?
\p
\v 57 Nibasinyisibwa ninaye, naye Yesu nababolera mbu, "Omulakusi shali noluyali Mushialo shiabwe, kata munzu yabwe ta.
\v 58 Naye shiyakholayo amakhuwa amakhongo ta, khulwa okhubula obusubili wabwe.
\c 14
\cl Matsayo 14
\p
\v 1 Mundalo etsio Omuruchi Herode olwa yahulira ifuma ya Yesu,
\v 2 yababoolera abakholibe mbu, Uno ni Yohana omubatisi, alamushe mubafu, naye akhola amakhuwa amakhongo.
\p
\v 3 Shichira yali niyamura mumboye khulwa omukhasi Herodia wali omukhaye woMusiani wabwe Filipo.
\v 4 Yohana yamuboolera mbu, shikakhoyere iwe okhumukalusia tawe,
\v 5 yenya okhumwira habula yaria abomukanda khulwa basubiliranga mbu, nomurume.
\p
\v 6 Olwa omwikhoyo kwokhwibulwakhwe kwola omukhanawe yashina mumuse obulayi. Herode nasangasibwa muno.
\v 7 Mana niyetsuba okhumuheresia shiosi shiosi eshia asaba.
\v 8 Nyina mwana namumonyera okhusaba Omurwe kwa Yohana omubatisi khuluteru.
\v 9 Mana Omuruchi naberera okhushira, ne khulwa eshitsubo, yetsuba okhuhana shiosi shiosi imberi wabacheni bomwikhoyo, yanichirisia omurwe kurerwe mana naheresibwa.
\v 10 Narumasia mbu, Yohana yerwe mumboye.
\v 11 Mana Omurwe kurerwe khuluteru nende omukhonyereriwe mana nikuheresibwa Herodia.
\v 12 Mana abechibe nibabukula Omubilikwe nibakuyabira, mana nibatsia okhuboolera Yesu.
\v 13 Mana Yesu olwayaulira yako, yarulao natsia ehale ninabo, olwa abandu baulira bamulondakhwo khubirenje okhula mwitokho.
\v 14 mana Yesu nachingula tsimoni nalolera abomukanda, tsimbabasi nitsimutira khulwabwe, nabahonia amalwale kabwe.
\p
\v 15 Hamukoloba, abechi bamwitsira nibamubira mbu habundu hano nimushitsimi, Ne Eshialo, bwirire, sebula omukanda batsie bakulekhwo ebilibwa.
\p
\v 16 Yesu nabakalusia, mbu, "shibakhoyera okhutsia tawe, baheresie kho eshiokhulia".
\p
\v 17 nibamukalusia bari, khuli hano nende emikate chirano nende tsinyeni tsibiri bionyene.
\p
\v 18 Nababoolera, nderere hano.
\v 19 Nabalachirisia okhwikhala hasi khubunyasi, mana nabukula emikate chirano nende Tsinyeni tsibiri, mana nahenga Mwikulu nabilamira tsikhabi, mana nabaheresia abechi babakabire.
\v 20 Bosi balia nibekura, mana nibitong'a ebimwero ekhumi nende bibiri.
\v 21 Mana abalia bali ebikhumira birano abasatsa bonyene obularakhwo bamama nabana.
\p
\v 22 Mana Yesu nanichirisia abeechi okhwinjira Mumeli nibambukha olucherekha naye nasebula omukanda.
\v 23 Olwa yamala okhusebula omukanda, yatikulukha khushikulu okhusaya, olwabwera, yatong'a yenyene.
\v 24 Nayo Imeli yali hakari weiNyanza niilumwa namarunda, shichira omuyeka kwali nikubashiamire.
\v 25 Mana mushiro hakari, Yesu nabetsera nachendanga khumatsi ikulu.
\v 26 olwa abechi bamulola banyakhana emioyo muno nibapara mbu, shikhali eshishieno noho? mana nibahaba okhushira.
\v 27 Mana Yesu nababolera, mularia ta, nesie.
\p
\v 28 Mana Petero nakalusia mbu, Omwami, noba noli iwe fuchirira nditse ewa oli khumatsi.
\p
\v 29 Namuboolera "Petero, yitsa"naye Petero narula Mumeli nachaka okhuchenda khumatsi natsia ewa Yesu yali.
\v 30 Ne olwa yaulira omuyeka nikuutsa, naria nachaka okhwiinikha mumatsi, mana nahaba nabola, Omwami, umbonie!
\p
\v 31 Mana Yesu nanyira omukhonokwe namutirakwo, namuboolera ""iwe wobusuri obulemu mbushina nokanakaniye?"
\v 32 Olwa benjira muliaro, Omuyeka nikuulera.
\p
\v 33 abali Mumeli nibamwitsira nibamwinamira, nibaboola mbu, toto mwene oli Omwana wa Nyasaye.
\p
\v 34 Olwa Yesu yali niyakhambukha, yola mushialo shia Genazereti,
\v 35 olwa abandu bayao bamumanyirisia, baruma oburume buli habundu, nibarera buli omundu owali omulwale,
\p
\v 36 nibamusaya mbu, batirekhwotsa lichemo lieinguboye, nabo bosi abatirakhwo, bahona.
\c 15
\cl Matsayo 15
\p
\v 1 Mana abahandichi na Bafarisayo okhurula Yerusalemi nibetsa khu Yesu nibaboola,
\v 2 mbushina abechibo nibafinaka amechesio kabakhulundu, shichira shibasabaanga amakhono kabwe nibenya okhulia ebiokhulia ta?
\p
\v 3 Naye Yesu nabakalusia nababoolera mbu, mbushina nenyu mukhayanga amalako kaNyasaye khulwa amechesio kenywe?
\v 4 Okhuba Nyasaye yalachirisia mbu, heresia So nende Mao oluyali; ulia oufwola Samwana nomba Nyina, lekha afwe mafwa.
\p
\v 5 Nebutswa enywe muboolanga mbu, yesi yesi ouboolera Samwana nomba Nyinamwana mbu, obukhonyi bwosi bwamwanyola khwisie nobukhala khwisie.
\v 6 Omundu Oyo shakhoyere okhuheresia Samwana oluyali ta, kario mukhola likhuwa liaNyasaye okhubula obunyali nimuchingula amechesio kenywe.
\v 7 Inywe ababeyi, Isaya yalakula habwene naboola,
\v 8 abandu bano bamberesinjia oluyali khuminwa, nibanzitsomia netsinimi tsiabwe, ne emioyo chiabwe chiri ehale ninasi.
\v 9 Banzinamiranga nebutswa, bechesinjia amechesio kabwe akali butswa amalako kabandu.
\p
\v 10 Mana nalanga omukanda, nababoolera, wulire mana mumanye,
\v 11 Shishiri eshinjiraanga mumunwa eshikhola omundu omwononi ta, habula eshirula mumunwa nishio eshiomwononinjia omundu.
\p
\v 12 Kho abechibe nibetsa nibamuboolera, omanyire mbu, abaFarisayo bauchire olwabaulire okhubolakhwo?
\v 13 Yesu nakalusia naboola mbu, buli eshirache shia Papa woMwikulu alaraka ta, shiakhasulwe.
\v 14 Baleshe babe, nabemirisi ababofu. Ne omubofu naba niyemirira omubofu washie, bosi balakwa mubuko.
\p
\v 15 Mana Petero nakalusia namuboolera, okhuboolere akoluchero luno.
\p
\v 16 Mana Yesu nakalusia, Khane kata mwesi mushilemire obumanyirisi?
\v 17 Shimumanyire mbu eshindu shiosi eshinjira mumunwa shibira nishinjira munda nishirusibwa nishitsia erwanyi?
\v 18 Ne akenako akarulanga mumunwa, kabetsanga nikarula mumwoyo, kano niko akamwononinjia omundu.
\v 19 Shichira okhurula mumwoyo nimwa karulaanga amairirisio amabi, obwiri, obuheyi, nobusooti, nobwifi, nobuloli bwobubeyi, nokhwichinjimisia.
\v 20 Amakhuwa yako niko akamwononinjia omundu, nebutswa okhulia namakhono kalasaabirwe ta shikamwononia omundu ta.
\p
\v 21 Kho Yesu narula ebweneyo natsia Tiro nende Sidoni.
\v 22 Ne lola Omukhasi omukanani yetsa okhurula mutsimbeka etsio, namulirira naboola mbera tsimbabasi Omwami Omwana wa Daudi. Omukhana wanje anyasibungwa muno nebishieno.
\p
\v 23 Nebutswa shiyakalusia likhuwa ta, ne abechibe nibetsa, nibamusaya, q nibaboola mbu; murume atsie okhuba aliranga nakhulondakhwo inyuma wefwe.
\p
\v 24 Naye nakalusia naboola mbu, "shindarumwa, halali khumakondi kakora keinzu ya Israeli."
\p
\v 25 kho Omukhasi Oyo niyetsa namwinamira naboola Omwami ukhonye.
\p
\v 26 Nebutswa nakalusia naboola, "shinobulayi okhubukula eshiokhulia shiabaana okhuheresia tsimbwa ta.
\p
\v 27 Naye nakalusia naboola mbu, ni toto, Omwami, kata tsimbwa tsilitsanga obubungulusi oburula khutsimesa tsia abaami babwe.
\p
\v 28 Mana Yesu nakalusia namuboolera," Mama, obusubiribwo nobukhongo, kekhole shinga wenya". Omukhanawe nahona okhurula eshise esho.
\p
\v 29 Yesu narula ebweneyo niyoola khuNyanza yaGalilaya, natikulukha Khushikulu niyekhala hasi.
\v 30 Mana emikanda emikhongo nichimwitsira, nibalimwo nende abetsindieku, nababofu, nabasiru, nabalema nende abandi abanji, nibalisibwa hasi mubirenje bie, naye nabahonia.
\v 31 A bomukanda bauka, olwa balola abasiru nibaboolanga, abalema nibahona, abetsindieku nibachendanga nababofu nibalola, nibamwitsomia Nyasaye wa Israeli.
\p
\v 32 Kho Yesu nalanga abechibe hambi, nababoolera, endi neshibera khulwo omukanda kuno, shichira bakhaba ninasi tsinyanga tsitaru ne, bashiri okhulia eshindu ta, shenyala okhubasebula nibali Inzala ta, banyala bakwa khunjira.
\p
\v 33 Abechibe nibamuboolera, mushitsimi muno khwakhanyola hena emikate chehera okhubekusia omukanda omukhongo kuri?
\v 34 Yesu nabareba, nemikate chinga chiamuli ninachio? NibamubOolera, Musafu, nende orunyeni orulemu.
\p
\v 35 Mana nalachiria abemikanda mbu, bekhale hasi mushikuri.
\v 36 Mana nabukula emikate musafu nende orunyeni, nakhupa orio, nabisonyola, nabakabira abechibe, nabo nibakabira emikanda.
\v 37 Mana nibalai boosi nibekura, nibatola ebisonye biatong'a ebikapu musafu nibitsule.
\v 38 Abandu balia bali nibahera ebikhumira bine abasatsa, nibalabalire abakhasi nende abana ta.
\p
\v 39 Mana nasebula emikanda, nabukula Eliaro natsia Injerekha mushibala shia Magadani.
\c 16
\cl Matsayo 16
\p
\v 1 Abafarisayo halala nende Amasadukayo, bamwitsira nibamutema mbu, anyale okhukhola eshilolero okhurula Mwikulu.
\p
\v 2 Naye nabakalusia nababoolera, hamukoloba muboolanga mbu, "eshibala shilaba obulayi shichira Likulu liakhanye.
\v 3 Nibwakhashia mumabwibwi muboola mbu, imbumbuyeka yitsa okhubaho shichira Likulu liakhanye, Inywe abekati, mumanyire okhwaukhasia obukondo bweLikulu, ne shimunyala okhwaukhasia ebilolero bietsinyanga tsiobumalirishi ta.
\v 4 Olwibulo olubii lwobuheyi lukhaba ebilolero, ne shilula heresibwa eshilolero shiosi ta, habula eshilolero shia Yona, nabalekha, natsia.
\p
\v 5 Ne olwa abechibe betsa injerekha, bebilira okhuchinga emikate.
\v 6 Naye Yesu nababoolera, mwihenjeresie khulwa amamera kabaFarisayo nende aBasadukayo.
\p
\v 7 Nabo bali nibarebanenge abene khu bene, shikhuchinjire emikate ta.
\p
\v 8 Naye Yesu olwa yamanyirisia amaparo kabwe, nababoolera, "enywe abobusubiri obutiti, mbushina nimuboolanga mwenyene mbu, shimuchinjire emikate?"
\v 9 Shimumanyire, kata shimwitsuliranga emikate chirano khubandu efikhumira firano, nende ebimwero shinga olwa mwakhung'asia?
\v 10 Kata emikate musafu khubandu efikhumira bine, nende ebimwero shinga mwakhung'asia?
\v 11 Mbushina mulamanyirisia mbu, shemboolanga khumikate ta, ne mbu, mwihenjeresie khumamera kabaFarisayo nende aBasadukayo?
\v 12 Mana nibamanyirisia mbu, shiyaboolanga khumamera kemikate ta, ne mbu, khumechesio kabaFarisayo nende amasadukayo.
\p
\v 13 Ne olwa yesu yola mumbali tsia Kaisaria Filipi, yareba abechibe mbu, "abandu baboolanga mbu, nisie wina?"
\p
\v 14 Nabo nibakalusia, abandi, baboolanga mbu, Yohana omubatisi, abandi mbu, Eliya, khandi abandi mbu, Yeremia, noho mulala khubalakusi.
\p
\v 15 Naye nabareba, nenyu muboolanga mbu, nisie wina?
\p
\v 16 Naye Simioni Petero nakalusia mbu, niwe kristo Omwana wa Nyasaye umenyanga.
\p
\v 17 Mana Yesu nakalusia namuboolera, oli oweikhabi Simioni Omwana wa Yonah, shichira shiiri inyama namabanga bikhufunulire kano ta, habula Papa wanje ouli Mwikulu,
\v 18 Nasi ekhuboolera mbu,"niwe Petero, ne khulwanda luno, ndalombakha Ikanisa yanje, ne amani kemakombe shikalalishira ta.
\v 19 Nasi ndalakhuheresia tsifungwo tsioburuchi bwoMwikulu, Nashio shiosi eshia olaboha Mushialo, shilabohwa Mwikulu, Nasho shiosi eshia olabolola Mushialo, shilabohololwa Mwikulu."
\v 20 Mana nalachirisia abechibe mbu, shibalabolerakhwo omundu ta.
\p
\v 21 Okhurula inyanga iyo, Yesu yachaka okhumanyia abechibe shinga olwa khatimba atsie Yerusalemi mana aburire muminyakhano eminji khubakofu nende abakuhani abakhongo, nende abahandichi, mana yerwe, olunyuma alamushe, khunyanga yakhataru.
\v 22 Naye Petero namusutia halubeka namuhalabira, namuboolera, yako shikanyalikha khwiwe ta, shiketsa okhwikholekha khwiwe ta.
\p
\v 23 Naye namushukhanira Petero namuhalabira,"tsia inyuma wanje Setani. oli eshisichirasio khwisie, okhuba shiwenyanga ebindu biri ebiaNyasye ta, habula ebia Abandu.
\p
\v 24 Mana Yesu naboolera abechibe mbu, omundu yesi niyenya okhunondakhwo, khatimba yekane omwene, abukule omusalabakwe mana yanondekhwo.
\v 25 Okhuba yesi ouhonia obulamu bwe, alabukosia. naye yesi oukosia obulamubwe khulwa isie, alabuhonokosia.
\v 26 Okhuba nobukhala shina omundu okhunyola eshibala shiosi na akosie obulamubwe? nomba nishina eshia omundu anyala okhucherasia nende obulamubwe?
\v 27 Okhuba Omwana womundu alitsa muluyali lwaSamwana, nende abamalaikabe, naye alahana ebihanwa khubuli mundu okhurondokhana nende emirimo chie.
\v 28 Toto mwene ebaboolera mbu, khuli nende abandi abasinjire hano abalibula okhufwa ta, okhula olwa balilola omwana womundu niyetsa muburuchibwe.
\c 17
\cl Matsayo 17
\p
\v 1 Olunyuma lwetsinyanga tsisasaba, Yesu yabukula. Petero, Yakobo nende Yohana omusiani wabo, natsia ninabo khushikulu.
\v 2 Naye nakalukhasibwa imberi wabo, obweni bwe nibwakha shinga Eliuba, natso tsingubo tsie nitsifwana shinga ibarafu.
\v 3 Ne lole, barulira Musa nende Eliya, nibaboolanga ninaye.
\v 4 Mana Petero naboola mbu, Omwami, nobulayi mbu, khuli hano, lekha khumbashe hano amatiri kataru, elala lia Elirio, elala lia Musa elala lia Eliya.
\p
\v 5 Ne olwa yali nashiboolanga, lole Lilesi lilafu liabafunikha, ne lole omwoyo kwarula mwilesi kuboola, "Uno niye Omwana wanje omuherwa, owa eyanzisibungwa muye, mumuulire."
\v 6 Ne olwa abechibe baulira, bakwa hasi, nibaria po.
\p
\v 7 Naye Yesu yetsa nabatira khwo nababoolera mbu, "bushe, mularia ta."
\v 8 Ne olwa babukha, shibalolakhwo omundu yesi ta, habula Yesu yenyene.
\p
\v 9 Ne olwabakholomokha hasi weShikulu, Yesu yabalachirisia mbu, shibalaboolerakhwo omundu yesi akamulutsi ta, okhula olwa Omwana womundu alamukha okhurula mubafu."
\p
\v 10 Nabo abechibe nibamureba, mbushina abahandichi nibaboolanga mbu, khatimba Eliya yetse mberio?
\p
\v 11 Naye Yesu nabakalusia, "toto mwene khatimba Eliye yetse mberio, mana akalusie ebindu biosi.
\v 12 Nebutswa ebaboolera, Eliya amalire okhwitsa, nabo shibamumanya ta, nabo bamukholere kosi ".
\v 13 kho abechi nibamanya mbu, aboolanga khuYohana.
\p
\v 14 Ne olwa betsa mumukanda, yamwitsira omusatsa undi namusikamira naboola mbu,
\v 15 Omwami, umbere tsimbabasi, shichira omwana wanje noweindulume, khase na khase akwitsanga mumuliro, nomba mumatsi.
\v 16 Nasi emurerere khubechibo nabo shibanyalire okhumuhonia ta.
\p
\v 17 Mana Yesu nakalusia naboola, O olwibula olumayanu olubula obusubiri, okhula lina olwandalaba ninenyu? okhula lina olwa ndalababakhalabanira? murere hano.
\v 18 Naye Yesu nahalabira eshishieno nashio nishitsia, naye omwana nahona eshise shienesho.
\p
\v 19 Mana abechi nibamwitsira Yesu, nibamureba, mbushina khulanyalire okhumuhonia?
\p
\v 20 Naye Yesu nabakalusia, khulwa okhubula obusubiri khwenywe. Toto mwene embaboolera mbu, nimuba nende obusuri shinga imwo yelisatsi, mulaboolera eshikulu shino mbu, sulikha orule hano otsie, nashio shilarula. Neshibulao eshiletsa okhunyalikha khwinywe ta.
\v 21 Kata kario imbia yino shinyalikha halali okhusaya nende okhuhonga inzala.
\p
\v 22 Ne olwa bali nibashimenya Galilaya, Yesu yababoolera, "Omwana womundu alanyasibwa mumakhono kabandu.
\v 23 Nabo bala mwira ne inyanga yakhataru alalamukha, nabo nibaberera muno.
\p
\v 24 Ne olwa betsa Ekapernaumi, balia abanyola amang'ondo kobushuru betsa khuPetero, nibareba mbu, Omwami wenywe arunganga obushuru?
\v 25 Naye naboola mbu, hee, ne olwa yali niyakhetsa munzu, Yesu namureba," oparanga oriena Simioni omwana wa Yona, abaruchi beshialo bakhoyera okhurunjia bena obushuru? abanababwe nohomba abacheni?"
\p
\v 26 Petero namuboolera, abacheni, Yesu namukalusia,"kho abana nabalakhule."
\v 27 Ne mbu, khuleshe okhubesichirasia, tsia munyanza, osukune olulobo, nayo Inyeni yamberi yawitsa okhutira, wikule omunwa kwayo, olanyolamwo amang'ondo, baheresie khulwe ewe ninasi."
\c 18
\cl Matsayo 18
\p
\v 1 Olwenelo abechi ba Yesu bamwitsira, nibaboola, niwina omukhongo mubwami bwo Mwikulu?
\p
\v 2 Naye Yesu nalanga Omwana omutiti, namura hakari wabo.
\v 3 Naboola "toto mwene ebaboolera, omundu Yesi nalakalukhana shinga Omwana omutiti, shanyala okhwinjira muBwami bwoMwikulu ta.
\v 4 Kho yesi owitutuyia shinga omwana omututu, niye omukhongo mubwami bwoMwikulu.
\v 5 Naye yesi owinjisia omututu oyo mulira lianje, yenjisiye isie.
\p
\v 6 Naye yesi owusicherasia omutiti oyo, owasubira mwisie, bwakhabere obulai Isio Yiboywa mwikosi, mana asukunwe hasi Munyanza.
\v 7 Woowe, khuShialo khulwa ebisicherasio, okhuba ebisicherasio khatimba bibeo, Ne, woowe, khuulia oureranga ebisicherasio.
\v 8 Kho omukhonokwo nohomba eshirenjeshio nishikhwisicherasia, khalaka mana osukune ehale, nobulai okhwinjira mubwami bwoMwikulu omulema, okhushira, nemikhono chibiri mana osukunwe mumuliro kweinziayo.
\v 9 Nayo imoniyo niikhwisicherasia, chirusie, chisukune, irule khwiwe, nobulayi okhwinjira neimoni ndala okhushira netsimoni tsibiri okhusukunwa mumuliro kweinziayo.
\p
\v 10 Henjeresia, mulaleka mulala khubatiti bano ta, okhuba ebaboolera, Mwikulu, malaika babwe bahenganga obweni bwaPapa wanje ouli Mwikulu.
\v 11 Okhuba Omwana womundu yetsa ookhuhonia shiria eshiakora.
\v 12 Mulola murie, omundu naba namakondi imia, mana elala nilikora, shalalekha omakhumi tisa nende tisa, natsia okhukhaba liria elikorire?
\v 13 Naye olwa aba nalinyolire, toto mwene ebaboolera, yetsa okhusangala khulwa lio, okhushira amakhumi tisa nende tisa.
\v 14 Nendio kali nende Senywe ouli Mwikulu mbu, kata mulala wenywe shalatiba ta.
\p
\v 15 Ne Omwana wenywe naba nakhukholera amabi, tsia mana omubooleree omabi ke, ewe ninaye mwenyene, naba nakhuuliira, yao omalire okhumunyola omusiani wenywe,
\v 16 Ne naba nalaurirala, tsia nende oundi mulala nomba babiri, mbu khwikhuwa lie minwa chibiri nomba chitaru, likhuwa lila subirwa.
\v 17 Naye naloba okhuhulira, bire likanisa, naye naloba okhuhulira Ikanisa, muleshe abe khwiwe shinga owamahanga, khandi omwononi.
\v 18 Toto mwene ebaboolera, shiosi eshia muboha hasi, shilabohwa Mwikulu, ne shiosi shiamuboholola hasi, shilabohololwa kata Mwikulu.
\v 19 Khandi ebaboolera mbu, babiri khwinywe nibafuchirisania khwikhuwa khuShialo, mana basabe, balaheresibwa nende Papa wabwe ouli Mwikulu.
\v 20 Okhuba ewa babiri nomba bataru bali mulira lianje, abweneyaho endiho.
\p
\v 21 Naye Petero niyetsa namureba, Omwami, khandi khenga Omwana wefwe niyangoseranga, nasi nimulesheranga? Okhula khandi musafu?
\p
\v 22 Naye Yesu namuboolela "shikhali khandi musafu ta, habula ebikhumi musafu khandi musafu.
\v 23 Kho Obwami bwoMwikulu bufwanana shinga Omuruchi owenya isabu yabasumbabe,
\v 24 Naye olwa yali nachachire, mulala yamwitsira, owali nelikofi tsitalanta eshikhumira shilala.
\v 25 Ne okhuba shiyanyala okhurunga ta, Omwamiwe nalaka mbu, akusibwe, ye nende omukhasi, nabana, nende biosi ebia ali ninabio, mbu, amurunje.
\v 26 Naye omusumba nakwa mumakuluke, namwinamira, naboola Omwami, mberesiakhwo ebise ebitutu, nditsa okhurunga.
\v 27 Naye Omwami womusumba nitirwa neshisa, namulakhula, namuleshera likofi.
\v 28 Naye olwa omusumba oyo yatsia ebulafu, nanyola mulala khubamakofibe owali neimia ndala, yamutira, namika mwikosi, naboola, runga likofi lianje.
\p
\v 29 Naye omusumba washie nakwa mumakuluke namusaba, naboola, unzifirekhwo hatutu, ndala khurunga.
\v 30 Naye shiyamwiyamira ta, namusukuna mumbohe, okhula olwa amurunga likofi lie.
\v 31 Kho abasumbabe nibalola amakhuwa yako, niba berera muno, nibetsa nibaboolera Omwami wabwe kosi kali nikekholeshe.
\p
\v 32 Naye Omwamiwe olunyuma lwokhuulira, yamulanga, namuboolela, iwe omusumba omubi, ndakhuleshera amokofi kosi akawali ninako, okhuba wasaya.
\v 33 Nawe shiwakhamulutsiri khwo tsimbabasi, shinga olwa ndakhulolira tsimbabasi ta?
\v 34 Naye Omwamiwe naba neliruma, namuhana mbu, anyasibwe okhula olwa arunga amakofi kosi.
\v 35 kho nindio olwa Papa wanje woMwikulu alikhola inywe nimuba mulabaleshera okhurula mumiioyo chienye abamukosera ta.
\c 19
\cl Matsayo 19
\p
\v 1 Naye Yesu olwa yali niyakhamala okhuboola kano, yarula Galilaya, niyetsa mumabanda kaYuda injerekha wa Yorodani,
\v 2 nakwo omukanda omukhongo nikumulondakwo, naye nabahonia bosi.
\p
\v 3 Nabo abaafarisayo bosi nibetsa nibamutema, nibaboola, nobulayi omusatsa okhulekhana nende omukhasiwe?
\p
\v 4 Naye nakalusia naboola,"Musa yamulaka arie mumaandiko? Ulia owabalonga okhurula mukhuchaka, yalonga omukhasi nomusatsa.
\v 5 Naye naboola, khulwesho omusatsa alalekha Samwana nende Nyina, natirana nende omukhasiwe, ne babiri balaba omubiri mulala.
\v 6 kho bulano shibali babiri ta, habula mulala, kho kario eshiaNyasaye elimasiye, omundu yesi shalakabukhasia ta."
\p
\v 7 Niba nimureba, mbushina Musa yalaka okhumuhandichira ibarua yokhulekhana?
\p
\v 8 Naye nabakalusia, "Musa yaboola ario khulwa obutinyu bwemioyo chienywe, yabaheresia obulakhule okhumulekha omukhasiwo, ne mukhuchaka shikali kario ta.
\v 9 Nasi ebaboolera, yesi oulonda omukhasiwe, bulali khulwobuheyi ta, naye nateshia oundi, akhola obuheyi, naye outeshia ulia owalondwa, akhola obuheyi".
\p
\v 10 Nabo abechibe nibaboola, nikaba nikali kario, shibuli obulayi okhuteshia ta.
\p
\v 11 Naye nababoolera, abandu shibanyala okhwinjisia kano ta, halali balia bonyene abaheresibwa ikhabi.
\v 12 Okhuba khuli nende ebitsiri biakholwa birio okhurula munda mwaNyina, ne khuli nende ebitsiri ebiakholwa nabandu, khandi khuli nende biekhola ebiene ebitsiri, khulwa oBwami bwoMwikulu, ounyala okhwinjisia yako lekha yenjisie.
\p
\v 13 Nibamurerera abaana abatiti, mbu, abarekhwo emikhono, nabo abechi niababalonda.
\v 14 Naye Yesu nabahalabira,"muleshe abana abatiti betse khumubiri kwanje, okhuba obwami bwaNyasaye buli khubafwana. bario
\v 15 Naye nabarakhwo emikhono, mana narulayo.
\p
\v 16 Ne lole, mulala yetsa namuboolera, omwechesia omulayi, ekhole shina mbu, enyole obulamu bwobumeri?
\p
\v 17 Naye nakalusia, "mbushina nimunanga omulayi, khuli nende mulala ouli omulayi, naye ni Nyasaye yenyene, noba niwenya okhunyola obulamu, linda amalako.
\p
\v 18 Naye namureba, akalena? Naye Yesu namukalusia,"sholera ta, sholaheya ta, sholeba ta, sholarusia obuloli bwobubeyi ta.
\v 19 Ria So nende Mao, nawe olamenya tsinyanga tsinyinji."
\p
\v 20 Naye omubukha namukalusia, amakhuwa kano kosi ndalinda okhurula mububukha bwanje, enemanga shina?
\p
\v 21 Naye Yesu namukalusia, "tsia okusie, biosi bia oli ninabio, okabire abatakha, nawe olaba nelibishiro Mwikulu, mana witse unondekhwo."
\v 22 Naye olwa omubukha yaulira ario, yarula natsia nasinyishe muno, okhuba yali omuyinda po.
\p
\v 23 Naye Yesu nababira abechibe," toto mwene ebaboolera, nobutinyu omuyinda okhwinjira mubwami bwoMwikulu,
\v 24 ne khandi ebaboolera, nobwangu Ingamia okhwinjira mumuluu kweisindani okhushira omundu omuyinda okhwinjira mubwami bwaNyasaye.
\p
\v 25 Ne olwa abechibe baulira, bahuchisibwa, nibaboola, Kho wina ounyala okhuhonibwa?
\p
\v 26 Naye Yesu nabahenga, naboola,
\p
\v 27 "khubandu amakhuwa kano shikanyalikha ta, ne khu Nyasaye, ebindu biosi binyalikha."
\p
\v 28 Naye Yesu nababoolera, "toto mwene ebaboolera, enywe abanondakhwo, olwa Omwana womundu alikhala khuBuruchi, bwobukhongobwe, mulikhala khubifumbi ekhumi nende bibiri muyasinjia nzinzu ekhumi natsibiri tsia Israeli.
\v 29 Yesi ouleshere inzuye, abanababwe abakhana nabasiani, papa nende mama, omukhasi nende omusatsa, abana nende emikunda, khulwe lira lianje, alanyola mulwibulo luno obulame khandi emia, ne olunyuma obulamu bweinziayo.
\p
\v 30 Nabo abanji abali imberi baliba beinyuma, nabo beinyuma baliba beimberi.
\c 20
\cl Matsayo  20
\p
\v 1 Obwami bwoMwikulu buli shinga Omusijiriri weinzu, owatsia mumabwibwi okhufula abakholi,
\v 2 ne olwa yali nafuchirisaniye ninabo omurungo, yabaruma mumukunda.
\v 3 Ne khusa yakhataru, yalola abandi nibasinjire khushiro,
\v 4 nababoOlera," tsie mwesi mumukunda, ne shiria eshikhoyere ndalabaheresia", nabo nibatsia.
\v 5 Narula khusaa yakhasasaba nende eya shienda, nakhola ario.
\v 6 Ne ahambi khusa yekhumi nandala yarula erwanyi, nanyola abandi khandi basinjire, nababOolera, "mbushina nimusinjire hano eshitere shiosi eshikhaya?"
\p
\v 7 Nibamukalusia mbu, shichira abulaho omundu yesi okhuheresiyekho emirimo ta, nababira mbu, "mutsie mwesi mumukunda kwemitsabibu, ne eshiri eshia habwene, mulanyola.
\p
\v 8 Ne lwa Omwami mwene mukunda yecherera, yalanga abakholi bosi ne nabaheresia omurungo kwabwe okhuchaka wokhumalirikha okhula khuwamberi.
\v 9 Ne olwa yola khubali bei saa ya ekhumi nende ndala, bosi banyola ling'ondo elala.
\v 10 Ne olwa abali bamberi betsa, bapara mbu, balanyola okhushira abandi, habula bosi bahebwa buli mulala ling'ondo.
\v 11 Ne olwa barungwa, babuluula khuMwami weinzu,
\p
\v 12 nibaboola mbu, abokhumalirikha bakholire butsa isaa ndala, nawe abarunjire shinga ifwe abanyakhane khumubasu inyanga inaamba;
\p
\v 13 Naye nakalusia mulala khubo,"omwitsa shekhukholere liri libi ta, shikhufuchirisaniye ling'ondo?
\v 14 Bukula eshiri eshishio mana otsie, ndalarunga bokhumalirikha, shinga bokhuranga.
\p
\v 15 Shekhoyere okhukhola shinga olwa eyanza khubiri ebianje? Olola obubi shichira ekhola amalayi?
\v 16 kho bokhuranga baliba bokhumalira, okhuba abanji balangwa ne batutu baulwa."
\p
\v 17 Naye Yesu natsitsanga Yerusalemi yabukula abechibe ekhumi nababiri, elubeka nababoolera,
\v 18 "lole, khutsia Yerusalemi, ne abakuhani abakhongo nende abahandichi balamusakania Omwana womundu nokhumukhalachira okhufwa.
\v 19 Nabo balamuhana khumahanga nabo, balamukhupa nokhumuchaya nibamubamba, ne khunyanga yakhatru alalamukha.
\p
\v 20 Mana nyinamwana Abaana ba, Zebedayo namwitsira halala nende abaanabe abasiani, nibamwinamira, nibamusaba likhuwa.
\v 21 Yesu namureba mbu, "nishina eshia wenya?" Naye nakalusia mbu, olachirisie mbu, Abana banje abasiani babii bano bekhale mulala khumukhonokwo musatsa, naye oundi khumukhono omukhasi Muburuchibwo!
\p
\v 22 Naye Yesu namukalusia, "shomanyire eshia osabanga ta, onyala okhunywa eshikombe shianditsa okhunywa, mana obatisibwe eshibatisio shianje?"Nibamukalusia mbu, khunyala.
\p
\v 23 Nabakalusia," mulanywa khushikome shianje, khandi mulabatisibwa eshibatisio shianje, nebutswa okhwikhala omukhono musatsa, noho omukhasi, shibiri khwisie okhuhana ta, habula shilahanwa khu ulia owa Papa alachamisibwa ninaye.".
\p
\v 24 Ne olwa ekhumi baulira, bali neimbalikha khubasiani yabo babiri.
\v 25 Naye Yesu nabalanga, nababoolera "mwamanya mbu, abami bamahanga babarukanga nibamusitohera, nibalolesia obunyali bwabwe khwinywe,
\v 26 nebutswa shikakhoyere kario khwinywe ta, habula ulia omukhongo, akhoyere okhuba omukhalabani,
\v 27 naye ulia owitsa okhuba omukhongo kwinywe, lekha abe omukhalabani.
\v 28 Shinga olwa Omwana womundu shiyetsa okhurumushirwa ta, habula mbu abarumushire, nende okhuhani obulamu bwe okhubanunula abanji mukhufwa.
\p
\v 29 Ne olwabarula Yeriko, omukanda omukhongo kwa mulondakhwo.
\v 30 Ne lole, ababofu babiri bekhalanga khundulo khwomuhanda, olwa baulira mbu, Yesu aburanga yao, bakhuma khumioyo chiekulu, nibababoola, khulolere tsimbabasi, Omwami Omwana wa Daudi.
\v 31 Nabo abemikanda nibabayibira mbu, baleshe obuyoka, nebutswa batsiririra muno okhulanga khumioyo chiekulu, khulolere tsimbabasi Omwami Omwana wa Daudi.
\p
\v 32 Naye Yesu nasinjira, nabalanga, nabareba, mwenya ebakholere shi?
\v 33 Nabo nibakalusia, Omwami, mbu, khunyale okhulola.
\v 34 kho Yesu nabalolera tsimbabasi, natira khutsimoni tsiabwe, ne mulwangu yulo, tsimoni tsiabwe nitsilola, nabo nibamulondakhwo.
\c 21
\cl Matsayo 21
\p
\v 1 Ne 0lwa bola ahambi neshikulu shiemizeituni shia Bethifage, Yesu yaruma abechi babiri,
\v 2 nababoolera, ranjirire imberi mushitonye shiri ahambi, mulanyola Isishiri nomwna waiyo naboirwe, mubolole mana munderere.
\v 3 Ne omundu yesu namureba, muboolere mbu, Omwami, achienya, Naye alabaheresia.
\p
\v 4 Ne kano kosi kekholekha mbu, katusie akalakulwa nende abalakusi, nibaboola,
\v 5 muboolere omukhana wa Sayuni, Lola Omwamiwo yetsanga mubwitutuyi, niyekhale khu mwana weisishiri.
\p
\v 6 Nabo abechi nibatsia nibakholaa shinga olwa Yesu yababoolera.
\v 7 Nibarera Isishiri nende omwana wayo, nibarakhwo tsingubo tsiabwe nibamwikhasiakhwo.
\v 8 ne omukanda omukhongo nikwala tsingubo tsiabwe khunjira, abandi nibarema amasaka kemisala nibala khunjira.
\v 9 Ne omukanda kwaranjirira nende okwamulondakhwo, bayochera nibaboola mbu, Hossana khuMwana wa Daudi, niweikhabi owitsa mulira lioMwami, Hossana ikulu.
\p
\v 10 Ne olwa yola muYerusalemi, litokho liosi liauka niliboola mbu, Uno niwina?
\p
\v 11 Nakwo omukanda nikukalusia mbu, uno ni Yesu Omulakusi wa Galilaya.
\p
\v 12 Naye Yesu niyenjirra muhekalu, nabalonda bosi abalii nibakusinjia, nibakula muhekalu. nashukhasia tsimesa nakwisia ebifumbi bia bakhala bamang'ondo nende amausi.
\v 13 Nababolera mbu, kahandikwa mbu, Inzu ya Papa wanje neinzu ya masayo, nenyu muchikholire habundu wabefi!
\p
\v 14 Nabo ababofu nende abalema nibetsa muhekalu naye nabahonia.
\p
\v 15 Ne olwa abakuhani abakhongo nende abahandichi balola akokhuchenyia kayakhola, nabo Abana nibayocheranga Muhekalu mbu, Hosana khuMwana waDaudi, basinyisibwa muno.
\p
\v 16 Nabo nibamuboolera, oulira ka bano baboolanga? Naye Yesu nababoolera,"enywe shimwasoma mbu, okhurula muminwa chiabana nende tsindana baletsomia?"
\p
\v 17 Narulayo, natsia mwitokho lia Betheni nakonayo.
\p
\v 18 Ne hamukamba olwa yakalukha mwitokho, yaulira inzala,
\v 19 ne olwa yalola omukhuyu, yasita ahambi nalanyolakhwo eshindu ta. Habula amasafu konyene. nakuboolera, eshiamo shiosi shilamakhwo khwiwe ta inziayo, nako nikuniala.
\p
\v 20 Ne olwa abechi balola, bauka mbu, lolakhwo shinga kunialire lwangu.
\p
\v 21 Yesu nabakalusia nabasunjira,"Toto mwene ebaboolera mbu, nimuba nobusubiri, mulakanakania ta, shimulakhola kano kekholire khumukhuyu ta, ne mbu, kata nimubira eshikulu mbu, rula otsie osukunwe Munyanza, kalaba kario.
\v 22 Nako kosi kamulasaba musaya, nimusubire, mulanyola.
\p
\v 23 Ne olwa yali niyenjire muhekalu, abakuhani abakhongo halala nende abakhulundu, bamwitsira niyechesinjia nibaboola, nibunyali shina bwokholiranga amakhuwa kano? Ne niwina wakhuheresia obunyali?
\p
\v 24 Naye Yesu nakalusia nababoolera mbu, "siesi ebareba lirebo ne mungalusia, siesi ndalabakalusia mbu, nobunyali shinga bwekholiranga amakhuwa kano.
\v 25 Obubatisi bwaYohana bwarula hena? Mwikulu nomba khubandu? Nabo nibapara abene, nikhuboola mbu, Mwikulu, alakhureba, mbushina mulasubira?
\v 26 khandi nikhuboola mbu, khubandu, abandu balakhaya, shichira abandu boosi basubira mbu, Yohana yali Omulakusia.
\v 27 Nabo nibakalusia Yesu mbu, shikhumanyire ta, Naye nababoolera, "siesi shembaboolera akobunyali bwekholeranga ebindu bino ta.
\p
\v 28 Ne mupara murie? omundu yali nabana babiri, nabira Omwana wa mberi tsia lero mumukunda
\p
\v 29 Nakalusia naboola, shenzia ta. ne olunyuma khubise bitutu yekalukhasia amaparo natsia.
\p
\v 30 Nabira owakhabiri endio, naboola enzia omwami, ne nalatsia ta.
\v 31 Noulena khubabilri yabo owakhola elienya lia Samwana?" Nibamukalusia, owamberi. Yesu nabakalusia, "Toto mwene ebaboolera mbu, abakholi betsimbi nabaheyi baliranjirira mubwami bwoMwikulu.
\v 32 Okhuba Yohana yetsa mubwatoto, nenyu shimwamusubira ta, habula abonooni nende abaheyi bamusubilira, nenyu olunyuma lwokhulola, shimwekalukhasia mwasubira ta.
\p
\v 33 Wulire oluchero lundi, khwali nende Omulima owaraka omukundakwe emitsabibu, nakusiririra olukaka kwosi, naramwo oluchina lwei divai, niyombokha omunara, nakuhana mumakhono kabalindi, naye natsia mushibala shiehale.
\v 34 Tsinyanga tsielichesa yaruma abasumbabe khubalindi mbu, anyolekhwo ebiamo.
\v 35 Nabo abalindi nibabukula abasumbabe, bakhupa mulala, nibera oundi, nibalasa oundi machina,
\v 36 khandi naruma abandi abobunyali okhushira, yabo, nibabakhola khandi bario.
\v 37 Mukhumalirikha naruma Omwanawe, naboola mbu, balaria kho Omwana wanje.
\p
\v 38 Ne olwa abalindi balola Omwanawe, nibaboola mbu, uno niye mwene Obulame lekha khumwire mbu, khubukule omubulamebwe.
\v 39 Nibamutira nibamusukuna erwanyiwo mukunda, nibamwira.
\v 40 Olwa Omwami womukunda olwa yetsa, alabakholira shina?"
\p
\v 41 Nabamukalusia, alabononia bosi abo ababi, ne alaheresia omukunda abalindi bandi abalamuheresia ebiamo mubise.
\p
\v 42 Naye Yesu nababoolera mbu, "shimwasoma mumahandiko mbu, Lichina liomumbashi yaloba, likho! ire Lichina liomusee, buno nobukholi bwoMwami, nabwo buuchenyie mumoni tsiefwe.
\p
\v 43 kho ebaboolera mbu, Obwami bularusibwa khwinywe, nibuheresibwa lihanga libula ebiamo.
\v 44 Naye Yesi owisichirasia khwichina lino, alafunikha. Naye owalikwira, alasiebwa shinga obusie."
\p
\v 45 Nabo abakuhani abakhongo nabafarisayo bauka kano, bamanya mbu, abaloonga khubo.
\v 46 Ne olwabekomba okhumutira, baria omukanda shichaira bamubukula shinga Omulakusi.
\c 22
\cl Matsayo  22
\p
\v 1 Mana Yesu nakalusia nababoolera khandi mutsinjero, naboola,
\v 2 "Obwami bwoMwikulu bufwana shinga Omuruchi undi, owakasiria omwanawe eshiserero,
\v 3 naruma abasumbabe okhubalanga abali nibalanjirwe mushiserero, nibaloba okhwitsa.
\v 4 khandi naruma abasumba bandi, ari baboolere abalanjirwe mbu, emalire okhutekha buli shindu, tsing'ombe tsianje nende buli ebinulu biosi biirwe, ebindu biosi birechekhwe mwitse mwikhoye.
\v 5 Nabo shibaulira shiosi ta, buli mulala natsia ewa yatsia, mulala mumukundakwe, oundi mubukhalabani bwe.
\v 6 Abandi nabo nibatira abasumbabe, nibabakhola obubi nibabera.
\v 7 Ne olwomuruchi yaulira yako, yatirwa neliruma. Naruma abalindibe nibamalirana aberi yabo, nasamba litokho liabwe.
\v 8 Mana naboolera abalindibe mbu, eshiserero shikasibwe, ne abalangwa shibakwanire ta.
\v 9 kho tsie khumianda nokhumasanganjira, murere abandu mushiserero.
\v 10 kho abasumbe nibatsia khumianda emikali, nibakhung'asia halala bosi abanyolekha, ababi kata abalayi, mana eshiserero shitsulamwo abacheni.
\v 11 Ne olwa Omuruchi yenjira, yalolamwo omundu owalaliniyefwalire tsingubo tsieshiserero.
\v 12 Namuboolela ari, "omwitsa, winjire muno orie nobula eshifwalo shieshiserero? "nabula likalusio.
\v 13 Mana Omuruchi naboolera abasumbabe ari, mubohe amakhono nebirenje, mana mumubukule, mumusukune mushirima erwanyi, khulabayo okhulira nokhulumaasia ameno,
\v 14 Okhuba abanji balangwa, ne batutu balalobolwa."
\p
\v 15 Mana abaFarisayo nibatsia nibasanjirana shinga olwa banyala okhumureka mukhuboolakhwe.
\v 16 Nibamurumira abechi babwe halala nende abaHerode, bamulanga bari omwechesia, khumanyire shinga olwa oli watoto, wechesinjia injira yaNyasaye mubwatoto, nolatebakhwo omundu yesi ta, shichira shoparanga akali komundu yesi ta.
\v 17 kho khuboolere, ne habwene okhurunga obushuru khuKaisari?
\p
\v 18 Naye Yesu nalola obumayanu bwabwe, naboola ari,"mundema mbushi inywe abekati?
\v 19 muberesiekhwo ifedha yene yobushuru,"nibamuheresia limondo,
\v 20 Nabareba "nobukondo bwa wina obulikhwo buno nende obuhandiche?"
\p
\v 21 Nibamukalusia, obwa Kaisari. naye Yesu nabakalusia", heresie Kaisari ebiri ebia Kaisari, ne ebiaNyasaye muheresie Nyasaye."
\v 22 Ne olwabaulira amakhuwa yako nibauka muno, nibamulekha nibatsia tsinjira tsiabwe.
\p
\v 23 Inyanga eyo abaSadukayo nibamwitsira, ababoolanga mbu, bubulao obulamushi ta, nibareba,
\v 24 baboolanga mbu, Musa yaboola, omundu musatsa naba nafwa nalali nabana ta, omusiani wabwe alateshia omukhasiwe, mbu, akhusie imwo yomusiani wabo.
\v 25 Ne khwali nende abasiani musafu abomunzu ndala, owamberi yateshia omukhasi nafwa nalashiebula omwana ta, naleshera omusiani wabwe omukhasi.
\v 26 Mana owakhabiri yesi khandi nakhola ario, nende owakhataru, okhula owamusafu,
\v 27 olunyuma lwabosi, omukhasi yesi nafwa,
\v 28 kho mukhulamukha, aliba omukhasi wa wina shichira bosi musafu bamuteshia?
\p
\v 29 Naye nakalusia nababoolera ari,"mukoranga nimulamanya amaandiko kata obunyali bwaNyasaye ta.
\v 30 okhuba mubulamushi shimuteshinjia kata okhuteshibwa ta, ne bali shinga malaika Mwikulu.
\v 31 Ne khumakhuwa kobulamushi, bwabafu shimwamanya akaNyasaye yababoolera, naboolanga,
\v 32 "nisie Nyasaye wa Abrahamu, khandi Nyasaye wa Isaka, khandi Nyasaye waYakobo, Nyasaye shaliNyasaye wabafu ta, habula wabalimwoyo."
\p
\v 33 Ne olwa abomukanda baulira kano, bauka khukhwechesia khwe.
\p
\v 34 Ne olwa abaFarisayo baulira shinga olwa yali nabaholelresiye abasadukayo, nibakhung'ana halala.
\v 35 Ne mulala khubo omukhuludu wamalako, yamureba lirebo, namutema naboola,
\v 36 Omwechesia, nelilako shina likhulundu?
\p
\v 37 Yesu namuboolera mbu,"omuherenje Omwami Nyasayewo nende omwoyokwo kwosi, namaparoko kosi,
\v 38 lino nilio lilako likhongo khandi liamberi.
\v 39 Ne eliakhabiri elifwana ninalio ndielino mbu, omuhere omumenyaniwo shinga wehera omwene.
\v 40 Amalako kosi nende obulakusi keletanga khwilako lino."
\p
\v 41 Ne abaFarisayo bali nibakhung'anire halala, Yesu yabareba,
\v 42 "muboolanga murie khuKristo? Nomwana wa wina?" NibamubOolera mbu, nomwana waDaudi.
\p
\v 43 Nababoolera mbu, kho Daudi muRoho amulanga arie mbu, Omwami, naboola
\v 44 Omwami yaboolera Omwami wanje, yikhala khumukhono kwanje musatsa okhula olwa emba nikholire abasukubo babe bokhusenakhwo ebilenje bio.
\v 45 kho Daudi naba niyakhamulanga mbu, Omwami, yakhaba arie omwanawe?
\v 46 Ne yabulao omundu owanyala okhumukalusia likhuwa ta.
\c 23
\cl Matsayo 23
\p
\v 1 Mana Yesu naboolera abechibe nende abomukanda,
\v 2 Abahandichi nende Abafarisayo bali mushifumbi shia Musa.
\v 3 "kho shiosi eshiabamuboolera, lole lino, khole lino, nimukhola, neshimulakhola akababola ta, okhuba baboolanga akabalakholanga ta.
\v 4 Okhuba bamuheresinjia emisiko emisiro echiamulanyala okhuchinga ta, nibara khumabeka kenywe, nabo abene shibanyala okhuluma kata nolutere lwabwe ta.
\v 5 Halali bakholanga emirimo chiabwe mbu, balolwe nende abandu, okhuba babambusinjia tsirisi tsiabwe, nibakaliyia tsikanzo tsiebifwalo biabwe.
\v 6 Nibayanza tsinzu tsiemilukha, nende obwikhalo bweikulu musinagogi.
\v 7 Nende okhwichingimisia khubiro, nibalangwa mbu, abachesi.
\v 8 Nenyu shimulalangwa abechesi ta, okhuba omwechesi nimulala, ouli Kristo. Nenyu mwesi muli abananda.
\v 9 Ne shimulalanga omundu khushialo mbu, Papa ta, okhuba muli nende Papa mulala ouli Mwikulu.
\v 10 Kata shimulalangwa mbu, Omwami ta, okhuba Omwami wenywe ni mulala, Kristo ouli Mwikulu.
\v 11 Ne ulia ouli omukhongo mwinywe, akhoyera okhuba omukhalabani.
\v 12 Naye yesi owichingula, aleshibwa. Naye owitutuyia, alachingulwa.
\p
\v 13 Ne woowe, khwinywe abahandichi nabaFarisayo abekati, okhuba mwikaliranga abandu okwinjira Mubwami bwoMwikulu. okhuba shimwinjirangamwo ta, noho okhulekha abenjiramwo benjire ta.
\v 14 woowe, khwinywe abahandichi nende abaFarisayo abekati, okhuba mwinjira mutsinzu tsiabalekhwa nibasayaira amasayo amarambi, kho balinyola eshilamo eshikhongo.
\p
\v 15 woowe, inywe abahandichi nabaFarisayo abekati, shichira mulambulanga Inyanza nende eshialo khulwa okhukalukhasia omundu mulala, Ne olwa abaniyekalukhasiye, mumukholanga omwana wemakombe khandi shikhabili okhushila inywe.
\p
\v 16 Woowe, khwinywe abemirisi ababofu, ababoolanga mbu, omundu yesi niyetsuba khuhekalu, eshitsubo shie nishiabutswa, ne omundu yesi niyetsuba khutsahabu yeihekalu, kho abaniyeboyire.
\v 17 Enywe abasiru khandi ababofu, shina eshikhongo? itsahabu nomba ihekalu itsienulanga itsahabu?
\v 18 Ne mbu, owitsuba khushisambiro nibutswa, naye owitsuba khushihanwa shio khushisambiro, ali nobubi.
\v 19 Enywe abasiru, nishina eshikhongo? eshihanwa nomba eshisambiro shitsienulanga eshihanwa?
\v 20 kho yesi owitsuba khushisambiro, yetsuba nende biosi biirikhwo.
\v 21 Naye owitsuba khuhekalu, yetsuba khubiosi ebirimwo.
\v 22 Naye owitsuba Mwikulu, yetsuba khuburuchi bwaNyasaye nende owikhalekhwo.
\p
\v 23 woowe, khwinywe abahandichi nende abaFarisayo abekati, okhuba murusia eshie likhumi shiokhuminaa nende khubinzari, nende khuchiraa nimulchweya okhuusia amakhuwa amakhongo akomumalako, mbu obukhalachi bwatoto, nende tsimbabasi, nende obwisikwa, Niko akamukhoyere okhukhola nimulalekkha okhukhola akene kalia ta.
\v 24 abemil/risi ababofu, inywe abeluulangamwo Isuna, nimumira Ingamia.
\p
\v 25 Woowe, khwinywe abahandichi nende abaFarisayo abekati, abosinjia erwanyi weshikombe, neisani ne mukari neshichafu.
\v 26 Enywe abaFarisayo ababofu, yosie mberio eshikombe neisani mukari, mbu, erwanyi yosi ibe inzerereshe.
\p
\v 27 Woowe, khwinywe abahandichi, nabaFarisayo abekati, okhuba muli shinga ebiindwa ebilolekha biabafwa olufuyo erwanyi, ne mukari shietsula amakumba kabandu bafwa nende obuchafu bwosi.
\v 28 Nindio Kali mwesi mulolekha abalunjishi erwanyi, ne mukari, mwetsula obwikati nobwononi.
\p
\v 29 Woowe, khwinywe abahandichi nende abaFarisayo abekati, okhuba mumbakha ebirindwa biaBalakusi nimung'oona ebirindwa biabalunjishi.
\v 30 Nasi ebaboolera mbu, mwakhabere mutsunyanga tsia baPapa benywe, shimwakhahambanire halala ninabo khumatsai kabalakusi ta.
\v 31 kho mwirumbuliranga abene akobuloli, mbu muli abana babalakusi.
\v 32 Kario mwitsusie eshichero shiabakuka benywe.
\v 33 Inywe tsinzokha, olwibulo lwa shishieno mulahonokokha murie obukhalachi emakombe?
\v 34 Kho lole ebarumianga abalakusi nende abandu abachesi, nabahandichi, ne abandi khubo mulabera nabandi nimubakhupa emisharati musinagogi, nimusandia okhurula mwitikho okhula mwitokho Lindi.
\v 35 Mbu, khwinywe kabe amatsai kabatsienukhu bosi khushibala, okhurula khumatsai komutsienukhu Abeli, okhulu khuka Samaria omwana wa Baraki owamwera hakari weihekalu neshisambiro.
\v 36 Toto mwene ebaboolera mbu, amakhuwa kano kosi kalanyola olwibulo luno.
\p
\v 37 Oo, Yerusalemi Yerusalemi, enywe aberanga abalakusi nimukhupa amachina abandu barumwa khwinywe, noluhono nindikombire okhubafumberera halala shinga olwa Ingokho ifumbereranga ebiminywi, biayo, nenyu shimwenya ta.
\v 38 Lole inzu yenywe itonyere likunda.
\v 39 Ebaboolera toto mbu, shimulandolakhwo ta, okhula olwa muliboola mbu, noweikhabi owitsa mulira lia Omwami."
\c 24
\cl Matsayo 24
\p
\v 1 Mana Yesu narula muhekalu natsia erwanyi, abechi nabo nibetsa ewayali okhumumanyia emumbakho chie Ihekalu.
\v 2 Mana Yesu nababoolera, "Inywe shimulutsi ebindu bino biosi? Emuboolera toto mbu, Lichina shiliritong'a khulindi kata elala elilasukunwa hasi ta."
\p
\v 3 Ne olwa yali niyekhale khushikulu shiemizeituni, abechi nibetsa mebiswi, nibareba mbu, okhuboolerekhwo amakhuwa yako kalikholekha lina? khandi neshilolero shina eshilimanyisia okhwitsakhwo nende eshiesi shieshialo shino?
\p
\v 4 Naye Yesu nakalusia naboola mbu,"mwirecheshe, Omundu Yesu aleshe okhubakatia.
\v 5 Okhuba abanji bakhetse Mulira lianje, nibaboola mbu, nisie Kristo, nibabakosia abanji.
\v 6 Ne mulaulira kobusolo nende amahe, mulenje muleshe okhuhenda, okhuba amakhuwa kano kosi kakhoyere okhubira, nebutswa indukho ishiri okhula.
\v 7 Okhuba Lihanga Lila bushira Lihanga Lindi, khandi oburuchi khuburuchi bundi, khandi Inzala nende okhurenga khweshialo bilabaho eyi nende eyi.
\v 8 Ne yako kosi nokhuchaka butswa khweinumwa.
\p
\v 9 Mana balamusakania khandi nibamwira, Ne mulakiywa mumahanga kosi khulwa Elira lianje.
\v 10 Mana abanji balesichirala nibakhobana abene khubene nende okhukiyana,
\v 11 khandi abalakusi bobubeyi balabukha nibashiamia abanji.
\v 12 Ne khulwa okhumetekha khwobumayanu, obuheri bwabanji bwakhanyire.
\v 13 Nebutswa Oyo owifira okhula khushiesi, Omwenoya alahonibwa.
\v 14 Ne oburume buno obulayi bulerwatswa mushialo shiosi, kho mana eshiesi shule.
\p
\v 15 Kho olwa mulola eshisinyo shiobwononeshi, owa Daniel omulakusi yaboolakhwo nasinjire habundu hatsienukhu, (ousoma ayiririsie obulayi)
\v 16 mana leshi abali ebuYaudi berushire mushikulu,
\v 17 naye ouba nali hekulu, khushilama shieinzu, aleshe okhwikha mbu, ainie shiosi eshiba nishiri munzuye ta.
\v 18 kata ouba nali mushikuri, alakalukha Ingo okhubukula ingubo ta.
\v 19 Woowe, khuyabo abaliba nibali nabana, nende khubaliba nibabereshe mutsinyanga yitso.
\v 20 Nebutswa musayenje mbu, okhwirukha khhwenywe khulaba murootso, kata khusabato ta,
\v 21 okhuba habwenaho kalabaho amasira amakali, akashiri okhubaho kata okhurula okhuchaka khweshialo okhula bulano tawe, kata shikalibakhwoho ta.
\v 22 Mana tsinyanga etso tsilabula okhututuibwa, shikhwakhabere nende kata mulala owakhahonire ta, Ne butswa khulwa abalobole, tsinyanga yitso tsilembichitibwa.
\p
\v 23 kho, Omundu Yesi naba nababoolera mbu, lole Yesu Kristo ali hano, nomba alia, mulamuulira ta.
\v 24 Okhuba balibukha abakristo bobubeyi, nende abalakusi bobubeyi, nibalolesia ebilolero ebikhongo nende amangalimwa khulwa okhukosia kata abalobole nikaba nikanyalikha.
\v 25 Lole emuboolere khale.
\v 26 Kho nibaba nibamuboolera mbu, lole ali mushitsimi, mularula mwatsia tawe, noho lole yefisire mukari, mulasubira ta,
\v 27 okhuba shinga Olweni lurulanga ebukwe, nilulolekha okhula Mumbo, nolwa okhwitsa khwoMwana woMundu khuliba.
\v 28 Okhuba ewa omulambo kuli, newa Tsingosia tsikhung'aniranga.
\p
\v 29 Habwenaho lunyuma lwamasira komutsinyanga tsiene etsio, Eliuba lilikwa eshirima, kata Omwesi shikuliakha ta, tsing'ining'ini natsio tsililakakha okhurula Mwikulu, ebiobunyali ebioMwikulu nibitechesibwa.
\v 30 Mana eshilolero shioMwana woMundu shilalolekha okhurula Mwikulu. Mana tsimbia tsiosi tsia bomushialo tsilikhuula, ne balilola Omwana woMundu niyetsa mumalesi koMwikulu nende Obunyali noluyali olunji.
\v 31 Ne aliruma abamalaika nende omwoyo omukhogo kwoLwika, nabo balikhung'asia abalobole okhurula tsimbeka tsiosi tsine okhurula khundulo khwelikulu okhula eundi.
\p
\v 32 Kho bulano mweche khuluchero lwomusala kwoMukhuyu; mbu, olwa Lisaka lialwo libetsanga liakhakalukhana libisi, nilisebukha, habwene yaho mumanyanga mbu, tsinyanga tsiomubasu omunji tsiri ahambi.
\v 33 Nenyu mwesi olwa mulola amakhuwa kano kosi, mumanye murio mbu, Ali ahambi kata hamuliango bwene.
\v 34 Emuboolera toto mbu, olwibulo luno shilulirulaho ta, okhula olwa kano kosi kaliba nikamalire okhuusibwa.
\v 35 Likulu nende Eshialo bilarulaho, ne amakhuwa kanje shikalarulaho ta.
\p
\v 36 Ne inyanga kata ebise abulaho omundu yesi oumanyire ta, kata abamalaika boMwikulu, habula Papa wanje yenyene.
\v 37 Nebutswa shinga lwakali mutsinyanga tsia Nuwa, nendio okhwitsa khwoMwana woMundu khuliba khurio.
\v 38 Okhuba shinga olwa tsiali tsinyanga tsiomuyembo, Bali nibalitsanga nokhunywa, bateshia nende okhuteshibwa, nokhulekhana, okhula olwa Nuwa yenjira Musafina.
\v 39 Nibalamanya ta, okhula olwa omuyembo kwabakholomosia bosi, nilwo olwa okhwitsa khwoMwana woMundu khuliba khurio.
\v 40 Babiri baliba mushikuri, mulala alibukulwa oundi aliton'ga.
\v 41 Babiri balibetsanga Muluchina, oundi alibukulwa oundi alitong'a.
\v 42 kho mubetsenje meso shichira shimumanyire neinyangashi eya Omwami wenywe anyala okhwitsirakhwo ta.
\v 43 Ne mumanye kano mbu, Omusatsa omulayi weinzu niyakhamanyire eshise shiomwifi okhwitsiramwo, yakhabere meso mbu, Inzuye ileshe okhufunakwa ta.
\v 44 Mana nenyu mwesi murio, okhuba khusa eya mulaparakhwo ta, Omwana woMundu aletsa.
\p
\v 45 kho yakhabawina omukhalabani omwisikwa, omuchesi owa Omwami yamwemeshe Munzu hekulu khubakholibe mbu, abakabirenje ebiokhulia khushise eshikhoyere?
\v 46 Noweikhabi Oyo omukhalabani olwa Omwamiwe aletsa nanyola nakholanga ario.
\v 47 Emubolera Toto, mbu alimwemekha hekulu khubindubie ebilayi biosi
\v 48 Nebutswa omukhalabani omubii Oyo Naba naboola mumwoyokwe mbu, Omwami wanje ashindire okhwitsa,
\v 49 mana nachaka okhulpa abasumba bashie, nalia nanywa halala nende abamesi,
\v 50 Omwami womukhalabani Oyo aletsa khunyanga eya alamanyakhwo ta, khandi khusa eya alamanya ta.
\v 51 namukhalaka hakari ebitonye bibiri namukabira halala nende abekati, yaho khuliba nende okhwikhuula nokhusia ameno.
\c 25
\cl Matsayo 25
\p
\v 1 Kho obwami bwoMwikulu bufwana shinga abapikira ekhumi, ababukula tsitaa tsiabwe nibatsia okhwakanira Omwami weshiserero.
\v 2 Barano Bali abachesi nabo barano abasiru.
\v 3 Balia abali abasiru babukula tsitaa tsiabwe nibalachinga amafura ta.
\v 4 nabo abachesi babukula amafura halala nende tsitaa tsiabwe.
\v 5 Olwa mwene Eshiserero yashinda, bakona tsindolo.
\p
\v 6 Mushiro hakari, oluyoka lwahulirikha, lole mwene Eshisereero yetsanga, tsie mumwakanire.
\v 7 Bosi babukha, nibakasia tsitaa tsiabwe.
\p
\v 8 Nabo abasiru nibaboolera abachesi, khuheresiekhwo amafura tsitaa tsiefwewe tsisimire.
\v 9 Nabo abachesi nibaboola tawe, shikhuli nende akahera ifwe ninenyu ta, tsie khubakusinjia nenyu mukule.
\v 10 Ne olwa batsia okhukula, omwene Eshiserero yola, nabo abali niberecheshe nibenjira ninaye mana omuliango nikwikalwa.
\p
\v 11 Ne olunyuma balia abasiru betsa nibaboola, Omwami Omwami, khwikulire.
\v 12 Naye nakalusia toto mwene shemumanyire ta.
\p
\v 13 mube meso shichira shimumanyire Isaa kata Inyanga eya Omwana womundu yetsa ta.
\p
\v 14 Okhuba obwami bwoMwikulu buli shinga omundu owali khuluchendo, owalanga abasumbabe nabaheresia ebindubie.
\v 15 Mulala namuheREsia tsitalanta tsirano, oundi tsibiRi, oundi ndala, buli mulala khubunyalibwe, natsia.
\v 16 Kho owali nanyoliRe tsitalanta tsirano, yatsikholira obukhala nakasia etsindi tsirano.
\v 17 Naye yesi owali nende tsibiRi nanyola etsindi tsibiri.
\v 18 Ne owali nende ndala yatsia nayaba obwina nafisamwo italanta yo Mwamiwe."
\p
\v 19 Lunyuma lwotsinyanga tsinyinji, Omwami wabasumba yabo yetsa niyakana ninabo.
\v 20 Kho owali nende tsitalanta tsirano yetsa narera etsindi tsirano, naboola Omwami, wamberesia tsitalanta tsirano, lola enyolire obukhala tsirano.
\p
\v 21 Omwamiwe naboola, orio muno omusumba omulayi omusubirwa, obere omusubirwa khubititi, nditsa okhukhola omuruchi khubindu ebjnji, injira mubusangafu bwoMwamiwo.
\p
\v 22 Naye yesi owali nende tsitalanta tsibiri, yetsa naboola, Omwami, wamberesia tsitalanta tsibiri, lola enyolire obukhala etsindi tsbiri.
\p
\v 23 Omwamiwe namuboolera, orio muno omusumba omulayi omusubirwa, obere omusubrwa khubititi, nditsa okhukhola omuruchi khubindu ebinji, injiira mubusangali bwoMwamiwo.
\p
\v 24 Kho ulia owali nende italanta ndala yetsa, naboola, Omwami, ndamanya shinga lwa oli Omwami omutinyu, oufunanga ewa olarachire ta, nobunjeresia ewa olafunire ta,
\v 25 ndabere nende oburi, nembukula italanta nefisa mubwina, njieyino bukula eshiri eyiyo.
\p
\v 26 Omwamiwe nakalusia namuboolera, ewe omusumba omubi, oulasubirwa ta, wamanya obulayi shinga olwa endi omutinyu, oufunanga ewa ndalaraka ta, nekhung'asia ewa ndalafuna ta,
\v 27 wali nokhoyere okhura amang'ondo kanje mubukhala, mbu olwa emba ninditsa ndakhanyolirekhwo injeresio.
\v 28 Kario bukula italanta yoli ninayo muheresie ouli nende ekhumi.
\v 29 Okhuba khubuli omundu ouli ninasho alameterwa, naye alaba nebinji, naye ulia owubula, alanulwa kata eshia ali ninasho.
\v 30 Mana musukune omusumba uyo oubula obukhala erwanyi mushirima, ewakhuli nende okhwikhuula nokhulumasia ameno.
\p
\v 31 Olwa omwana womundu alitsa mubunyalibwe, halala nende abamalaika abatsienukhu, kho àlekhala khushifumbi shioburuchi bwoluyaliwe.
\v 32 Naye imberiwe kalikhung'ana amahanga kosi, naye alikabukhasia elala khulindi, shinga olwa omwayi yaukhasia amakondi nende tsimbusi.
\v 33 Naye yakhare amakondi khumukhono omusatsa natsio tsimbusi khumukhono omukhasi.
\p
\v 34 Kho Omuruchi aliboolera kalia akali khumukhono musatsa, yitse inywe abeikhabi yaPapa wenywe, mwinjire mubwami bwamwakasiribwa, Eshialo shilashiabaho ta.
\v 35 Okhuba ndali inzala nenyu nimumba eshilibwa, ndali nobuloho nenyu nimumba amatsi, ndali omucheni, nenyu nimunyinjisia.
\v 36 Ndali eshiechenye nenyu nimufwala, ndali mumbohe nenyu nimungonyamwo.
\p
\v 37 Nabo abalunjishi balimureba mbu, Omwami, niliina olwa khwakhulola noli inzala nikhukhulisia? khandi nobuloho khukhuheresia amatsi nonywa?
\v 38 Olwa wali omucheni nefu nikhukhwinjisia? noho noli eshiechenye nefu nikhukhufwala?
\v 39 Lina olwa khwakhulola nolwala, noho mumbohe nekhukhukonya?
\p
\v 40 Naye Omuruchi aliboola nabakalusia, Toto mwene ebaboolera, shinga olwa mwakholera mulala khubatutu babanabefu yabo, mwakolera isie.
\p
\v 41 Naye aliboolera bomukhono mukhasi, rule hano enywe abali mushilamo shiomuliro kweinziayo, okwakasiribwa setani nende abamalaikabe.
\v 42 Okhuba ndali inzala, nenyu shimwandisia ta, ndali nobuloho, nenyu shimwambesia amatsi kokhunywa ta,
\v 43 ndali omucheni, nenyu shimwanyinjisia ta, eshiechenye nimulafwala ta, mumbohe nimula ngonya ta.
\p
\v 44 Nabo balimukalusia, nilina olwa khwakhulola inzala, noho nobuloho, nohomba noli omucheni, nomba eshiechenye, nomba omulwale, noho mumbohe, nikhulakhulabanira ta?
\p
\v 45 Naye alibakalusia, toto mwene ebabolera mbu, shinga olwa mwakholera mulala khubatutu yabo ta, mwakholera isie.
\p
\v 46 Nabo balitsia mubunyakhani bwenziayo, nabo abalunjishi mubulamu bweinziayo.
\c 26
\cl Matsayo  26
\p
\v 1 Ne olwa Yesu yali niyakahamala okhuboola yako, yaboolera abechibe,
\v 2 Mumanyire mbu, olunyuma lwetsinya tsibiri khulaba nende iPasaka, naye Omwana womundu alakhobwa nabambwa,
\p
\v 3 Kho bekhung'asia halaa abakuhani abakhongo, nabahandichi nende abakhulundu babandu, mushikoro shiomukuhani omukhogo, owalangwa mbu, Kayafa,
\v 4 nabo nibakasia mbu, bamubukule Yesu bamwire;
\v 5 Nabo nibaboola mbu, shiilaba inyanga ya Pasaka tawe, khwakhaba nende liyoka liabandu,
\p
\v 6 Naye Yesu olwa yali Bethenia, munzu ya Simioni petero wobuchere,
\v 7 yetsa omukhasi owali nende eshimuka shiamarashi amalayi kobukusi obukhongo, naye natsukha khumakuluke, olwa yali niyekhali nalitsanga,
\v 8 nabo olwa abechibe balola, baulira obubi, nibaboola khuno shinokhusasia?
\v 9 Okhuba amarashi kano kakhakusibwe khubukusi obukhongo nibakabirwa abatakha.
\p
\v 10 Naye Yesu olwa yamanyirisia, yababoolera,"mbushina nimunyasia omukhasi uno? Okhuba yakholire eshindu eshilayi,
\v 11 okhuba abatakha muli ninabo khasotso, nasi isie shimuli ninasi buli lwosi ta.
\v 12 Amafura kaatsushire kano, nikhulwo khuyabirwa khwanje,
\v 13 toto mwene ebaboolera mbu, hosi ewa oburume obulayi buno buliyalwa mushibala eshilamba, eshia omukhasi uno akholere shiakhabolwe shinga eshitsuliro khuye."
\p
\v 14 Kho mulala khubechi oulangwa Yuda Iskarioti natsia khubakuhani abakhongo,
\v 15 nareba mbu, mulamba shina, nemuhana khwinywe? nabo nibeyamana ebipande amakhumi kataru keifetsa,
\v 16 Okhurula yao, nakhaba obwiyangu bwokhumukhoba.
\p
\v 17 Nayo khunyanga yamberi yomwimo kwomukate kubulamwo limera, abechi betsa khuYesu, nibamureba, mbu, hena ewakhulakhukasiria Lisabo mbu, olie?
\p
\v 18 Naye nababoolera, tsie mwitokho, khumundu undi, mumuboolere, Omwami aboolanga mbu, ebise biuulire biokhulia Ipasaka nabechibe munzuyo.
\v 19 Nabo abechi nibakhola shinga olwa yababoolera. Nibakasia Ipasaka.
\p
\v 20 Olwakwola omukoloba, yekhala hasi nabechibe ekhumi nende babili,
\v 21 olwa bali nibalitsanga, yababolera, "toto mwene, mulala wenywe niyakhobe."
\p
\v 22 Nabo nibatirwa neshiberesi eshikhongo, buli mulala namureba Omwami, niwina?
\p
\v 23 Naye nakalusia, "ulia outonga ninasi mushikaye, niye oulakhoba.
\v 24 Omwana womundu atsia shinga olwa kaandikwa, ne woowee, khumundu ulia oumukhoba, bwakhabere obulayi yabula okhwibulwa."
\v 25 Naye Yuda owali mbu amukhobi nakalusia, Omwami nesie no? Naye namuboolera, "niwe ouboolere omwene."
\p
\v 26 Ne olwa bali nibalitsanga, Yesu yabukula omukate, nakhupa orio, nasonyola nabaheresia abechibe, naboola bukule mulie kuno nomubiri kwanje."
\v 27 Nabukula eshikombe, nakhupa orio, nabaheresia, naboola "nywe mwesi,
\v 28 okhuba kano niko amatsayi kanje keindakano imbia, okaratsa khulwa okhurusia tsimbi.
\v 29 Nasi ebaboolera, shindila nywakhwo khandi khumatunda kano ta, okhula khunyanga yandakhanywe Mubwami bwa Papa wanje."
\p
\v 30 Ne olwa bali nibakhemba olwimbo, batsia khushikulu shiemizeituni.
\p
\v 31 Naye Yesu nababolera,"mwesi mwitsa okhwisicherasia khulwa esie eshilo eshiro, okhuba kaandikwa mbu, ndalakhupa omwayi, nako amakondi kalasalaana.
\v 32 Olunyuma lwene ndakhalamusibwe, nemuranjilila muGalilaya.
\p
\v 33 Naye Petero nakalusia, mbu kata abandu bosi nibesicherasia khululwo, esie shindalakhulekha ta.
\p
\v 34 Naye Yesu namukalusia, "toto mwene ekhuboolera, mbu, Itaywa ilashiakholiokha eshiro shino ta, olanzikana khandi khataru."
\p
\v 35 Naye Petero nakalusia, kata kakhaba mbu, efwa khulwa iwe, shenyala okhwikana ta. Abechi bandi bosi nibaboola bario.
\p
\v 36 Naye Yesu natsia ninabo Gethesemane, nabira abechibe, mwikhale hano, nasi nenzia khushikulu okhusaya,
\v 37 Naye nabukula Petero nende abasiani babiri baZebedayo, naye naba neshibera, nomwoyo omusiro.
\v 38 Naye nababira, omwoyo kwanje kuberere okhula khukhufwa, linde hano, mube meso ninasi.
\v 39 Naye nasita imberi. nakwa hasi mafumama, nasaaya,"Papa, kanyalikha eshikombe shino shirusie, nebutswa shikhulaba okhwenyakhwanje ta, ne mbu, elianye lio."
\v 40 Naye nakalukha khubechi, nanyola nibakonire, naboolera Petero, "shina? shimunyala okhuba meso ninasi kata lsaa ndala ta?"
\v 41 Mube meso, musaaye mbu, mulenjira mumatemo ta. Omwoyo kwenyanga, ne omubiri nomuteshere."
\p
\v 42 Natsia khandi lwakhabiri, nasaya naboola, "Papa, kali mbu, khatimba enywe eshikombe shino, kho lekha elienya lio likholeshe."
\p
\v 43 khandi nacherera, nanyola nibakonire, okhuba tsimoni tsiabwe tsiali tsisitohe.
\v 44 Nabalekha khandi natsia, nasaya lwakhataru, nakalushira amakhuwa yako.
\v 45 Nakalukha khubechibe, nababoolera,"kone bulano, muulushe, lole isaa yulire, naye omwana womundu akhobwa mumakhono kabetsimbi.
\v 46 Sinjire, khutsie, lole oukhoba amalire okhuula."
\p
\v 47 Ne olwa yali nashiboola, lola Yuda mulala khubechi ekhumi nababiri, yetsa nali nomukanda omukhongo, netsinganga, nebikong'o, okhurula khubakuhani abakhongo nende abakhulundu babandu.
\v 48 Naye yabaheresia eshilolero mbu, yesi owamulola nemutsunzuna, niye omweneyo.
\v 49 Naye nachoma khuye, naboola, Omwechesia, namutsunzuna.
\p
\v 50 Naye Yesu namuboolera, "omwitsa, orula hena?" Nabo nibetsa nibamutira nibamubukula.
\v 51 Ne lole, mulala khubali nende Yesu. narusia olukanga, narema eshirwi shiomukhalabani womukuhani omukhongo.
\v 52 Naye Yesu namuboolera, "kalusia olukanga lwo mushikhoba, okhuba abera khulukanga, balifwa khulukanga.
\v 53 Muparanga mbu, shenyala okhusaba Papa wanje, naye yamberesia tsing'anda ekhumi nende tsibiri tsia malaika?
\v 54 Nako amaandiko kakhatusibwe karie, mbu okhula kekholeshe?"
\p
\v 55 Khufiise yifo, Yesu naboolira omukanda,"mwitsire shinga abetsera Omwifi? Netsinganga, nebikong'o, embere ninenyu buli lwosi, nindiechesinjia muhekalu, nenyu shimwandirakhwo ta.
\v 56 Ne kano kosi kekholeshe mbu, amaandika kabalakusi kanyale okhuula," nabo abechi bosi nibamulekha.
\p
\v 57 Nabo abamutira Yesu nibatsia ninaye, bamuyira khuKayafa omukuhani omukhongo, ewa abahandichi nende abakofu bali nibakhung'anire.
\v 58 Naye Petero nalondakhwo ehale okhula womukuhani omukhongo, niyenjiramwo mbu, alole shina eshikholekha.
\p
\v 59 Bulano abakuhani abakhongo nende abakhulundu, nende beshina bosi, nibakhaba obuloli bwobubeyi, mbu banyale okhumwira.
\v 60 Nibalanyola liosi ta, kata olwa bobubeyi betsa. Olunyuma lwene betsa abaloli bobubeyi babiri,
\v 61 Nibaboola, omundu uno yaboola mbu, ali nobunyalii okhusasia Ihekalu yaNyasaye, nende okhuchumbakha khutsinyanga tsitaru.
\p
\v 62 Naye omukuhani omukhongo nasinjira naboola, shokalusia shiosi ta? Shina shino eshia baboolanga khwiwe?
\v 63 Naye Yesu nalaboola liosi ta, naye omukuhani omukongo nakalusia, ekhulaka mulira liaNyasaye umenyanga, noba noli niwe Kristo watsana Omwana wa Nyasaye umenyanga.
\p
\v 64 Yesu nakalusia naboola," ewe omwene oboolire. Kata kario ekhuboolera mbu, olalola Omwana womundu niyekhale khumukhono musatsa kwobunyali kwa Papa, naye niyekha mumalesi koMwikulu."
\p
\v 65 kho omukuhani omukhongo narandula tsingubotsie, naboola, amalire okhunyeka,
\v 66 mupara shina? Nibakalusia, akhoya okhufwa.
\v 67 Kho nibamufutsakhwo amare mubweni, nibamupa ebifusi abandi, nibamupama tsikhofi.
\v 68 Nibaboola, rusia obulakusi, mbu, niwina oukhupire,
\p
\v 69 Naye Petero yali niyekhale erwanyi weinzu yomukuhani, omukhana undi namwitsira, ewe wesi wabere nendeYesu waGalilaya.
\p
\v 70 Naye nakana imberi wabwe, naboola mbu, shemanyire shioboolanga ta.
\p
\v 71 Olwa yali narulile mushikoro, omukholi undi yamulola, naye naboolera abali ninaye, omundu uno yesi abere nende Yesu waNazareti.
\p
\v 72 Naye khandi niyetsuba mbu, shemanyirekhwo omundu uno ta.
\p
\v 73 Ne olunyuma lwefise, abali nibasinjire yao nibetsa, nibaboolera Petero, toto mwene, wesi oli mulala khubo, okhuba kata okhuboolakhwo nishinga okhwabo,
\p
\v 74 Naye nabalaama, niyetsuba naboola, shemanyirekhwo omundu oyo ta, ne lwangu, Itaywa niikholiokha.
\p
\v 75 Naye Petero niyetsulira lioMwami, mbu Itaywa ilashiakholiokha ta, olanzikana khandi khataru. Naye narula erwanyi, nalira obululu.
\c 27
\cl Matsayo 27
\p
\v 1 Olwa bwashia mumabwibwi, abakuhani abakhongo bosi nende abakhulundu babandu basanjirana mbu, bamwire Yesu.
\v 2 Ne olunyuma lwokhumuboya, bamuira khu pontia Pilato owali omuruchi.
\p
\v 3 Ne Yuda owali namukhobire olwa yalola akhalachirwe, yekalukhasia, nakalusia amang'ondo amakhumi kataru kayali naherwe khubakuhani abakhongo nabakhulundu.
\p
\v 4 Naboola mbu, ndiononire okhukhoba omundu oubula eshikha, nabo nibaboola, yako kakhutebieshi? Nakoko omwene.
\v 5 Naye nasukuna hasi amang'ondo yako muhekalu, narula natsia, niyemika.
\p
\v 6 Nabo abakuhani abakhongo nibabukula amang'ondo yako, nibaboola, kano shikakhoyere okhula mubishiro ta, okhuba nobukusi bwamatsai.
\v 7 Nabo nibafuchirisania, nibakula omukunda kwomulonji, okhuyabira mwo abacheni.
\v 8 Nako omukunda nikulangwa, omukunda kwa matsai okhula lero luno.
\p
\v 9 Nako nikatukha akaboolwa nende omulakusi Yeremia mbu, babukula ebipande amakhumi kataru fimang'ondo, obukusi bwa oyo owa abana balsraeli balola shinga oubula obukusi.
\v 10 Nibahana khumulonji shinga olwa Omwami yalaka.
\p
\v 11 Naye Yesu niyema imberi womuruchi naye Omuruchi namureba, naboola, niwe omuruchi wabayaudi? Naye Yesu namukalusia, iwe oboolire.
\p
\v 12 Naye omukahani omukhongo olwa yamukhalachira, shiyaboola liosi ta.
\p
\v 13 Mana Pilato namuboolira, shoulilanga amakhuwa kababoolanga khwiwe ta?
\v 14 Naye shimukalusia liosi ta, mana Omuruchi nauka muno.
\p
\v 15 Ne khunyanga yomwikhoyo yiko, omuruchi yenya okhulakhula omundu mulala okhurula mumboye owabachama.
\v 16 Nabo bali nende omuboye owamanyikha, mbu Barinaba.
\p
\v 17 kho olwa bali halala, Pilato yababoolera, wina owamwenya ebabololere? Barinaba nomba Yesu oulangwa mbu, Kristo?
\v 18 Okhuba yamanya mbu, bamuhanire khulweshikhalikhali.
\p
\v 19 Olwa yali nyekhale khushifumbi shiobukhalachi, omukhasiwe yarumasia naboola, sholakhola khwo omundu uno liosi ta, okhuba anyakhane muno eshiro mumaloro khulwaye.
\p
\v 20 Nabo abakuhani abakhongo nende abakhulundu, nibalumilrira mbu, basabe Barinaba, naye Yesu yerwe.
\v 21 Omuruchi nabareba, wina wa mwenya khubabiri bano? nibaboola Barinaba
\p
\v 22 Naye Pilato nabareba, kho ekhole shina khu Yesu ulangwa mbu Kristo? Nibamukalusia, abambwe!
\v 23 Naye omuruchi nareba, libi shina elia akholiire? Nabo nibakhupa liyoka nibaboola, abambwe.
\p
\v 24 Naye olwa Pilato yaulira oluyoka olunji ne mbu, shanyala okhukalukhasia liosi ta habula okhurera omukhwesano, yabukula amatsi nasaba amakhonoke imberi womukanda, naboola, embula eshikha shiosi khumatsai komundu uno omulunjishi, abene khole shinga mwenya.
\p
\v 25 Nabo abandu bosi nibakalusia, amatsaike kabe khwifwe nende abaana befwe.
\v 26 Nalakhula Barinaba naye lunyuma lwokhumupa emisharati, yamuhana bamubambe.
\p
\v 27 Nabo abalindi bomuruchi nibamubukula nibamwinjisia mukari, emikanda chiosi chiabalindi nibamubotokhana.
\v 28 Nibamufwalula, nibamurakhwo ingubo inzakhanyu.
\v 29 Ne olwa bali nibakasiye ikofia yamaua, bamura khumurwe, nende likale mumukhonokwe omusatsa, nibasikama hasi nibamukhobera, nibaboola, Eee omuruchi wabayaudi.
\v 30 Nibamufutsakhwo amaree, nibabukula likale, nibamupama khumurwe.
\v 31 Ne olunyuma lwokhumukhobea, bamufwalula tsingubo, nibamufwala tsingubo tsie, nibamuyira okhumubamba.
\p
\v 32 Olwa bola erwanyi banyola omundu okhurula eSiria, welira mbu, Simioni, nibamurakhwo omusalaba achinje.
\v 33 Olwa bola habundu alangwa mbu, Goligotha, nikhwo okhuboola mbu, abundu weshianganga.
\v 34 aNibamuha Amalwa mbu, anywe itsokasibwe nende idivai, Ne olwa yakonya, shiyanyala okhunywa ta.
\v 35 Nibamubamba, nibakabana tsingubo tsie, nibatsikhupira ikhaa mbu, liisubwe eliaboolwa nomulakusi. Bakabana tsingubo tsie, nibakhupira ikura.
\v 36 Nibekhala hasi nibahenga,
\v 37 Nibara amaandiko kokhumukhalachira khumurwe mbu "UNO NIYE OMURUCHI WABAYAUDI."
\v 38 Nabo Abefii babiri babambwa ninaye, mulala omukhono musatsa oundi omukhono mukhasi.
\v 39 Nabo abali nibekhale nibamunyeka nibaresia emirwe chiabwe.
\v 40 Nibaboola, ewe wononia Ihekalu. niumbakha khutsinyanga tsitaru, noba noli omwana waNyasaye, werusie khumusalaba.
\p
\v 41 Nabo bosi obakuhani abakhongo nibamukhoobera, nibaboola,
\v 42 Yahonia abandi, shanyala okhwihonia ta? Naba nali omuruchi waIsraeli, lekha bulano arule khumusalaba nefu khulamusubilira.
\v 43 Ya subira muNyasaye, lekha amuhonie, naba nanyala shichira yaboola nomMwana waNyasaye.
\v 44 Abefi babambwa ninaye bosi nibamunyeka bario,
\p
\v 45 Okhuchaka tsisaa tsisasaba, khwali nende eshilima, okhula tsisa tisa.
\v 46 Ne ahambi khusaa yatisa Yesu yalira nomwoyo omukhongo, mbu," Eloyi eloyi lamasabakatani?" khuno nikhwo okhuboola mbu, "Nyasaye wanje, Nyasaye wanje, mbushina niundeshire?"
\v 47 Abandi khubali nibasinjire, olwa baulira baboola, omundu uno alanganga Eliya.
\v 48 Ne lwangu mulala niyerukha nabukula eshipande shiomutoo, narakhwo idivai indulu, nara khwikale namuha mbu, anywe.
\p
\v 49 Nabo abandi nibaboola, lekha khulole kali mbu, Eliya aletsa okhumukhonya.
\v 50 Yesu olwa yali yakhalira nomwoyo omukhongo, nahana obulamu bwe.
\v 51 Ne lole ishuka yeiHekalu yarandukha okhurula ikulu okhula hasi, ne eshialo shirenga natso tsinyanda nitsiatikha.
\v 52 Natsio tsing'ani nitsikukha, emibiri eminji chiabasubiri bafwa chibukha.
\v 53 Nichirula mutsing'ani, o lunyuma lwokhulamukha, nichitsia mwitokho. litsienukhu, nichibaloleshera abanji.
\p
\v 54 Ne olwa abalindi baloola nende abali ninabo balenganga Yesu, okhurenga khweshialo, nende kalia kekholekha, baria muno nibaboola, toto mwene uno yali Omwana waNyasaye.
\p
\v 55 Ne khwali nende a bakhasi abanji nibahenjeranga eyale, abamulondakhwo Yesu okhula Galilaya nibamukhalabanira.
\v 56 Mubo khwali nende Maria Magadalina, Maria mama wa Yakobo nende Yusuf nende nyina abaana baZebedayo.
\p
\v 57 Olwakwola mungolobe, yetsa omundu omuinda wa Arimathayo owalangwa mbu, Yusufu, owali omwechiwe.
\v 58 Yatsia khuPilato, nasaba omubiri kwa Yesu, naye Pilato nalaka mbu, aheresibwe omubiri.
\v 59 Ne olwa Yusufu yabukula omubiri, yakuboha mungubo,
\v 60 nakura mung'ani imbia eyayali niyakasia mulwanda, naluma lichina khubwinjiriroo khweing'ani, naye natsia.
\v 61 khwaliho nende Maria Magadalina, nende Maria undi nibekhale, nibahenganga ing'ani.
\p
\v 62 Khunyanga yakhabiri eyalonda khunyanga yokhwikasiria, abakuhani abakhongo nende abaFarisayo betsa khuPilato,
\v 63 nibaboolanga yitsulira omubeyi oyo yaboola olwa yali nashiri omulamu mbu, olunyuma lwetsinyanga tsitaru yakhalamushe.
\v 64 kho yalachirisia mbu eshirindwa shie shibe hasi wobulindi okhula inyanga yakhataru, butswa abechibe banyala betsa mushiro beba omubiri, mana babolire abandu mbu, alamushe mubafu. Nako amakoso kokhumalirikha nikaba amabi okhushira kamberi.
\p
\v 65 Pilato nababolira mbu, henjeresie abene mulole mbu, Ing'ani elindirwe shinga olwa munyala.
\v 66 Kho nibatsia nibalinda, ing'ani, nibarakhwo lichina nende abalindi.
\c 28
\cl Matsayo 28
\p
\v 1 Mukhumalirikha khweisabato, nibushietsanga inyanga yamberi yelijuma, Maria Magadaline nende, Maria undi betsa khushirindwa.
\v 2 Ne lole, khwali nokhurenga okhukhongo khweshialo, okhuba Malaika wa Nyasaye yekha okhurla Mwikulu, nakongomia lichina okhurula khumuliango, niyekhalakhwo.
\v 3 Omufwano kwe kwali shinga olweni, tsingubo tsie shinga ibarafu.
\v 4 Oburii nibutira abalindi mana nibatechera muno, bafwana shinga abandu abafu.
\p
\v 5 Naye Malaika naboolera abakhasi yabo mbu, mularia ta, okhuba emanyire mbu, mukhabanga Yesu, owabambwa.
\v 6 Shali hano ta, alamushe, shinga olwa yaboola, yitse mulole wayakona.
\p
\v 7 Mana mutsie lwangu muboolire abechibe mbu, alamushe okhurula mubafu, ne lole atsia imberi wenyu eGalilaya, ebweneyo mulamulola, lole, embaboolere.
\p
\v 8 Mana nibarula lwangu hashirindwa noburi nende obusangafu obunji. Niberukha bwangu nibaira likhuwa khubechi.
\v 9 Ne olwa batsia okhubiira abechi, lole Yesu yabakanira naboola mbu,"mulembe,"nibatsia ahambi nibamutira khubirenje nibamwinamira.
\v 10 Mana Yesu nababoolera, "mularie ta, tsie muboolere abashienywe mbu, batsie eGalilaya, ebweneyo niyo ewa balandolera."
\p
\v 11 Ne olwa bali nibatsitsanga, abandi khubalindi yabo niboola mwitokho nibababoolera abakhulundu babakuhani amakhuwa kali nikekholeshe.
\v 12 Ne olunyuma lwokhwikhung'asia nende abakhulundu, bamala nibaheresia abalindi amang'ondo amanji.
\v 13 Nibaba boolera, muboole mbu, abechibe betsere eshiro nikhukonanga nibamwiba.
\v 14 Ne olwa kolera Omuruchi, kalamukhola asubire mbu, nindio kali.
\v 15 Kho bamala babukula amang'ondo, nibakhola shinga olwa babirwa. Likhuwa lino liasalaana muno mubaYaudi, khandi lishibolungwa okhula lero.
\p
\v 16 Kho abechi ekhumi nende mulala nibatsia khushikulu shia Galilaya ewa Yesu yali nababoolere.
\v 17 Ne olwa bamulola, bamwinamira. Nabo abandi nibala subira ta.
\v 18 Yesu naboola ninabo mbu "obunyali bwosi Mwikulu nende Mushibala eheresibwe.
\v 19 Kho bulano tsie mwechesie amahanga kosi, mukabatisie mulira lia Papa, lio Mwana nende lia Roho mulafu AMINA.
\v 20 Bechesie kosi akandabalachirisia, ne lole ndalaba ninenyu okhula khunduukho yeshialo.