lpx_reg/67-REV.usfm

\id REV
\ide UTF-8
\h Hetiliehini
\toc1 Hetiliehini
\toc2 Hetiliehini
\toc3 rev
\mt Hetiliehini
\c 1
\cl ŋati 1
\p
\v 1 Hiram nafa inna etiliek Yesu Kristo nafa esio Hollum to honyie hetigonyok to hegiamak ilo honye nyo iso edoŋ kwak. Ehumak inyia inna to hefahu nohonyie Anjilo to hegiamani lohonyie Yoani.
\v 2 Odihu Yoani hirorita to hirro daŋ innafa egonyu inyia to higigilita inno rori inno Hollum ojo hidofe to hirro nafa esio Yesu Kristo.
\v 3 Orumu iso tuŋani le ehiana woŋ woŋ jaha iko lia le etiru hitiyana no hikila atta baŋi hiro ino egioro dia, nyo eliaha holoŋ.
\p
\v 4 Hirorita inno Yoani te iklesiaha hatarik inno Asia; Isiara hamehini hotowuana ta hatai iko himwara to hiji hatai iko lafa iko lia ottu wan tara honye, inyia ille, inyia lafa iko lia ottu iso ojo to oyirihien hattarik ille ettole to hosiere ho hittoloji no honyie,
\v 5 ojo Yesu Kristo anyalam lo suti, hitieri la hayok, hekumoni la habwok illo fau. To honyie ille omuno iyyohoi, ille etilahu iyyohoi to ye to hoto nohonyie,
\v 6 ehumak inyia iyyohoi ahabwe, hetimojok illo Hollum iko to Monye honyie - hotowuana kuatan iko golon to honye mak. Amen.
\p
\v 7 Itiwolo, awoŋ inyia iko itiran, egonyu iso hiyyo inyia daŋ iko illafa ocuk inyia, ojo oyyo iso woyyojin to fau daŋ inyia dede. Amen.
\v 8 Ojo Habu Hollum hijo, “Ara nayya hitieri ara hidofe hucuŋi, lia lo owuon, lafa owuon, iko lia ottu iso hira Lettok.”
\p
\v 9 Nayya Yoani ilasi hatai lafa etaban ikatai hitabanita iko ahabwe to hilik to no tajia iko dihan innafa owuon to Yesu to hiji ha hari nobo na ara fure nohonyie Patmos, nyo, to hiro to no Hollum ojo hidofe to hirorita inno Yesu.
\v 10 Awuon ifa naŋ to Oyiri to holoŋ to no Habu. Ta halu hanaŋ, etiru nayya nobo hutuk ewuoloŋita iya furuju.
\v 11 Ojo hijo, “Igiorok hiro ino egonyu iyye to buk, atta iyye efahak to ikelesiaha hatarik, te Efisa, to Smirna, to Pagamum, to Tiatira, to Sardis, to Filadelfia iko Laudesia.”
\v 12 Atta naŋ yite ahalu hijo awak egonyu hara ŋai lia ero ta hanaŋ, ifa ayite nayya, atta nayya egonyu iwuetiti hattarik inno lomo hunna ara iyya yiel.
\v 13 To hiji he iwuetiti hattarik, owueta lobotie iyya Lonyi Tuŋani, eciefita inyia hofito ina esaga man to hejek iko gas inna ara ayel to suhe honyie.
\v 14 Obwor hoo no honyie iko hofir inno honyie iyya gutun, ojo hidofe obwor iyya itiran, ojo honyehite inno honyie oulo iyya hima.
\v 15 Oulo hejek inno honyie iyya yel no eharra ho bilet, yiel inna ara muniek, ojio hiyyorro iko hirro nohonyie owuon iyya igura no onyiru to hotwai wor.
\v 16 Owuon haher hatarik to hani he inyiet honyie ojio demi no ofi otu to hutuk honyie. Owulo homom no honyie iyya inohit no holoŋ.
\v 17 Ifa egonyu nayya inyia atta nayya ahuyik to hejek honyie iyya tuŋani hayoni. Atta inyia adumu hani no honyie ne inyiet atanyak ta hanaŋ atta hijio “Baŋa labaŋ, ara nayya hitieri ara hidofe hucuŋi,
\v 18 ille amanya mak.” Aye ifa nayya ati iko to wolo amanya nayya man mak! Ati awuon nayya iko iŋanyiti ino ye iko ino iferno.
\v 19 To hiram nia, igiorok hirro inno egonyu iyye ta fau, iko inno iyyania ojio inno afanu hidoŋ motie ta halu ho hunna.
\v 20 Iyya te imanat hattarik inno haher inno egonyu iyye ta hani he inyiet, iko yiel inno iwuetiti inno lomo: Ara haher hattarik anjilohien illo ikelesiaha hattarik, ojio iwuetiti inno lomo hattarik ara hidofe ikelesiaha hattarik.”
\c 2
\cl ŋati 2
\p
\v 1 “Hegiorok no waraga to anjilo le ikelesia ne Efisa: ‘Hirorita hunnaŋ inno lia ilo ottoŋita haher hunna hattarik ta hani nohonyie ne inyiet. To lia ilo olot to hiji ho lomosien hattarik inno yeli, ojo hijo,”’
\v 2 Ayyen naŋ hijo nyo nia legem itai no ogol to hadihu nahatai, hijo ebe iso itai ebusak lia haruwok, ati eciem itai lia ojo ara isia to wati illohosie heruhok, ati obe isia ara a heruhok, ati ara isia atelerok.
\v 3 Ayyen naŋ hijo ewuon itai iko dihan ta taji nohoi, ojo hirro hunna edihu itai to fure nanaŋ to biaŋan no hilafuho iko halani.
\v 4 Ati awuon nayya iko hirro to hoi nobotie hijo ebe iyye emuno nayya iyyania iyya nafa emunori iyye nayya to hitieri.
\v 5 Ati iyyania igigile hijo nari doŋe iso nia ewuotori itai holobeŋ itai ahuye iko hiloit na taji nohoi to ehumari higiemita hunna egiama itai. Ojio le ebe iyye eloit taji nohoi, attu iso nayya eyari lomo nohoi ade ta mai no honyie.
\v 6 Ati ewuon iyye iko hiram nobotie no olibo tohoi nia eliwari iyye higiemita inne egiama hiyyo illo Nikalao ajo hidofe nayya aliwari isia daŋ.
\v 7 To tuŋani lo owuon iko yohe isiara inyia hetiru hirro hunna ero Oyirihien te ikelesiaha. Te iyye ille eyyale esio iso nayya to honyie hadahari yani no wuaran no owuon to doŋe ho Hollum.
\p
\v 8 Higiorita to anjilo lo kelesia nyia to doŋe no Semuruna, to hiro no lia ilo ara hitieri iko to lia ara hicuŋi iko to lia lafa oye ati edas wuaran:
\v 9 Ati amijak nayya hitigiemita iko hilociaŋ nohoi, ati ara iyye habarani. Ayyen naŋ hijo iteleriti inno hiyyo ilia ojo ara isie illo Yudea, ati arasa isia ta haji no sitan, obe isia ara illo Yudea.
\v 10 Baŋa labaŋ hitigiemita hunna afanu. Hetiriŋe, ottu iso hetisiahani ebirok ilamuk illahatai to kijan hijo anyar aciamari itai, ojo hidofe owuon iso hitigemita ta hatai to holoŋitek tomon. Todihu no olibo man to ye, esio iso naŋ to hoi tamu no wuaran inna elahaman leticiofohini to hoo.
\v 11 Iyye ille ewuon iko yohe isiara inyia hetiru hikenita hunna ero Oyiri te ikelesiaha. Ati iyye ille eyyale, obe iso iyye orrumek diahai to ye hitarihi.’”
\p
\v 12 “Ta anjilo lia te ikelesia to doŋe ho Perugamona, ero lia ewuon iko demi no lofi binono, ojo: Amijak nayya doŋe nia emanyari iyye, ara inyia doŋe no Sitan hitoloji.
\v 13 “Ati egocie iyye fure nanaŋ to golon hidofe ebe iyye ebusak hiruk nohoi ta hanaŋ to holoŋitek innafa ottohori Antipas to hiji hatai to doŋe nafa emanyari Sitan. Ara Antipas heruhoni iko mote hanaŋ lolibo bi no.
\v 14 Ati awuon naŋ iko illak hirro kai hullo orru ta hatai: Ewuon itai iko ilamuk hiyyo hullo ottoŋita hitiyenita inno Balam lafa etiyenik Balak hijo hebire tubutiti no loru to hosiere ho durre inno Isarail, ofu isia daha ŋiria no hisiorita inno rijorihien iko hirro hunna ehuhuma hasomok.
\v 15 To koi inia, owuon hidofe illak ta hatai hullo eruk hitiyenita inno hiyyo illo Nikalao.
\v 16 Ati iyyania iloyito taji nohoi. Kuyya ebe iyye eyito attu iso naŋ to hoi kuak anyar ariomori nayya iko'hoi to fere no hutuk nanaŋ. Le ewuon iyye iko hiyok, itira hiro inia ero Oyiri te ikelesiaha.
\v 17 To lia le eyyale, esio iso naŋ to honyie hadahari mana inna eŋ ofo, esio iso naŋ to honyie moru inna obuor no eciafahini fure a ŋejuk. Fure inna obe lobo tuŋani oyyen ati to lia omoju tara honyie.’”
\p
\v 18 Ta anjilo le ikelesia nyia to doŋe no Tiatira hijo: Hirro hunnaŋ inno Lonyi Hollum, iyye lia eyyita honyiehite iyya ŋadief no hima ojo hejek inno hoi owuon iyya bileta inna onito.
\v 19 Ayyen naŋ hiro ino egem iyye--mune iko hiruk ojo higiama nohoi iko dihan na taji ojo hirro hunna heletek iyye higem agalik higiemita innafa ho hosiere.
\v 20 Ati awuon naŋ iko lobo hiram to hoi hijo adihu iyye hiito noŋoruo Jesebele, nia ellilloŋo wan nohonyie hijo hekikilani. To hitiyenita inno honyie iko to hususuta nohonyie, efwotu inyia hegiamani lalaŋ hehumari he inyia hirro inno somon hidofe adahari idahiti inno hisiorita to rijorihien.
\v 21 Esio naŋ to honyie holoŋ hijo anyar eruk hijo ara inyia hepalani, ati obe inyia awak hiloit hihuma nohonyie hirro inno somon.
\v 22 Itiriŋe, ebirok iso nayya inyia te ijotit no ŋuwai, hitigiemita to hiyyo hullo ehuhuma hirro inno somon, leloit isia tajia to hiyyata inno hosie iko inyia.
\v 23 Attohe iso nayya durre innohonyie hidofe omijak iso ikelesiaha daŋ hijo nayya lia etufa naŋ higigilita iko tajia inno hiyyo. Esio nayya ta hatai daŋ abotie abotie idumiti ino higiemita innahatai.
\v 24 Ati ta hatai hiyyo illo Tiatira iko to hiyyo hullo obe wati ottoŋita hitiyenita, abe naŋ esio to hosie lobo hifahi te isia nyo obe isia ejufuta hirro hunna ogol tara inno Sitan.
\v 25 Ati itigolik to hirro hunna owuon ta hatai man attuni nayya.
\v 26 Te ilia ille eyyale hihuma higemita inno eti man to hicuŋi, esio iso nayya to honyie duaran no hilohitok no hiyyo daŋ hunna ta fau.
\v 27 Elehitohori iso inya isia to golon no etattur isia iyya hayyani lo obuor mocio inno honyie. Hidofe ara duaran nohonyie iyya duaran no esio Monye hanaŋ.
\v 28 Esio iso nayya to honyie haheri inna haŋati ho motie.
\v 29 Isiara tuŋani lo owuon iko hiyyok isiara hetiru, to hirorita hunna ero Oyiri te ikeleisaha.
\c 3
\cl ŋati 3
\p
\v 1 Ta anjilo le ikelesia na Sardis: Hijo, ‘Ero lia lowuon ho oyirihien hattarik illo Hollum ojo haher hattarik. “Ayyen naŋ hirro inne egiem itai. Hidofe hiyyo ojo ewuar iyye ati ebe iyye ewuar nobo.
\v 2 Toriŋai nanyar ejo hidofe etigol hirro inna arasa nyo eliaha isia hisaha, nyo abe naŋ arrumek libe no higiemita innohoi to hosiere ho Hollum hanaŋ lobotie.
\v 3 Togilu inne efwotu itai iko inne etiru itai. Iruho isia ojo eloyit tajia innahatai. Ati lobe itai leriŋa, attu naŋ to hatai iyya lohoho ojo hido itai ebe eyyen far na lattuni naŋ harumuni itai.
\v 4 Ati owuon fureta inne illak hiyyo loŋwan dia ta Sardisa illo obe letibwot boŋojin inno hosie. Ofu iso isia loton ika naŋ atta eciofok boŋojin inno obuor, nyo osiru isia.
\v 5 Lia leyyale, eciofok iso inyia boŋojin boŋi, abe iso naŋ efufus fure nohonyie ade tara Buk no Wuaran, ero iso naŋ to hosiere ho Monye hanaŋ, ho anjilohien innohonyie.
\v 6 Lewuon iyye ho yohe, itira hirro inne ero Oyiri te ikelesiaha.”
\p
\v 7 Ta anjilo le kelesia no Filadelfia; Ero lia lo olibo ojo obis; otoŋita inya iŋanyit na Davide; oremik inya hiŋa ikat nobe lobo tuŋani oremik esionok, lesionok inya ikat obe lobo oremik hiŋa.
\v 8 Ojo inya hijo, ayen naŋ higiemita inohoi, towolo, aŋek naŋ to hoi ikat to hosiere hoi no obe lobo tuŋani oremik esionok. Ayen naŋ hijo odicio golon nohoi, ati edule iye baŋi hiram nanaŋ ejo hebe iye erisa fure nanaŋ.
\v 9 Toriŋai! Owuon hiyo ilo Sitan ilo ojo era isia ilo Yudea, ati oteler isia. Toriŋai arosok iso naŋ isia hafanu rigoŋi to hejek inohoi, man afanu isia hiyen hijo amuno hada naŋ iye.
\p
\v 10 Edule iyye rori inanaŋ to dihan, ati eriria iso naŋ iye to saa no hususuta nottu ciama hiyo daŋ ila amanya ta fau. Atu iso naŋ kwak.
\v 11 Ogolik to hiro ino owuon iko hoi, hijo hotobiaŋa lobo tuŋani eyari tamu ade tara hoi.
\v 12 Lia le eyale, ehumak iso naŋ inya iya ahalai ta haji ho Hollum nanaŋ. Obe iso inya ojiŋu ade teya, egiorok iso naŋ fure no Hollum nanaŋ to honye iko fure no doŋe nanaŋ, ara inyia Yerusalem ŋejuk ne'suru te ido tara Hollum nanaŋ, ojo egiorok iso naŋ fure nanaŋ to honye.
\v 13 Tuŋani lowuon ho yohe, isiara hetiru, tojo inyia hetiru rori inne ero Oyrir te ikelesiaha.’
\p
\v 14 Ta anjilo lowuon te ikelesia no Laodesia egioro: ‘Ero lia lara dede ojo hidofe ara asut lolibo lobe oteler. Inyia lia lafa to hitieri no hirro daŋ innafa oyyeu Hollum.
\v 15 Ojo inyia: Ayyen naŋ higiemita innohoi nyo ebe iye elik ojo iyye ebe enok. Olibo ida ta hanaŋ lelik iyye kuyya le'nok iyye,
\v 16 Ati era iyye iyya hifioŋ inno ojo luu, ebe iyye enok ojo hidofe ebe elik- Ati amitai iso naŋ iyye ade to hutuk hanaŋ.
\v 17 Ejo iyye hijo, “Abara naŋ, awuon hidofe naŋ he ibariti arria, Iyyania abe naŋ awak nobo sihin; ati ebe itai eyyen hijo ewuon itai iko hijiriŋita, ifiahajiti, hilociaŋ, ŋode, ojo hidofe itai ewuon aŋatturre.
\v 18 Ajo naŋ ta hatai hijo inyiaŋu yiel tara hanaŋ nehuhumuni to hima atta iso itai bara. Inyiaŋu boŋojin inno obwor anyar eciofok itai hijo hotobiaŋa itai etuhutek irri hijo hotobiaŋa itai ewuon aŋatturre, imuhok to honyiehite innahatai anyar egonyu itai.
\v 19 Esiŋa naŋ ajo hidofe abaha durrre daŋ illa amuno naŋ, iloito taji nohoi eijo hidofe etigol wan.
\v 20 Toriŋai, awueta naŋ te ikat ajo hidofe ekukuho te ikat. Letiru lobo tuŋani hutuk hanaŋ atta hiŋa ikat, attu iso naŋ manya ta haŋ honyie, atta naŋ daha he inyia, ojo hidofe inyia owuon iko nayya.
\v 21 Lia le eyyale, ettole iso iko nayya to hittoloji hanaŋ iyya nafa eyyalari naŋ atta naŋ hittole ho Monye hanaŋ to hittoloji nohonyie.
\v 22 Lia lowuon ho yohe, isiara hetiru rori inne ero Oyiri te ikelesiaha daŋ.”’
\c 4
\cl ŋati 4
\p
\v 1 Ta halu ho hirro hunna daŋ, arriŋ nayya ahide ido atta nayya egonyu hikat aŋa to hide ido, etiru nayya hutuk inna owuon iyya furuju no ottu to ido, ojio hijio, woŋ eni anyar etuhutek nayya tohoi hirro inno afanu isio.
\v 2 Nafa awuana nayya iko Oyiri, egonyu nayya tuŋani te ido ille ettole to hittoloji. Owuon tuŋani lia ettole iyya moru no ogil.
\v 3 Ojo hidofe ohilok ekolok hittoloji nyia. Owuon ohilok nyia iyya moru igara.
\v 4 To hittoloji nyia, owuon hittolojita tomwana arik ha aŋwan inno ettolojori marwak tomwana arik ha aŋwan ojio hidofe marwak liyya eciefita bongojin boŋi ojo ohuluhi to hosie hosie.
\v 5 Emedek hitoloji nyia ojo hidofe etir iyya hila. To hosire ho hittoloji, owuon lomot hattarik hunna ara iyya oyirihien hattarik inno Hollum.
\v 6 Ojio hidofe to hosiere ho kurus owuon hari no onyieta dee na aciala iyya miraya. Ekolok hiyyeti aŋwan inno owuar kurus nyia ojio hidofe owuon aŋati ho kurus. Obore honyiehite innohosie to hosiere iko ta halu.
\v 7 Ocialari ciaŋ hitieri iyya emie, ojo ciaŋ hitarihi ocialari iko tawo, ojio hitahunihi ocialari iyya homom no tuŋani, ojo hidofe hitaŋwani ocialari iko okuliriŋ lo efirita.
\v 8 Owuon ciaŋi inia daŋ iko huwa ojo honyiehite owuon to hide iko ta fau. Holoŋitek daŋ odule isia hijio, “Odua, Odua, Odua, Habu Hollum La agalik daŋ inyia lia owuon, inyia lia owuon man beren, lo ottu wan.”
\p
\v 9 Le esiara ciaŋi niyya ohuo ojio baŋi iko humo to lia le ettole to hittoloji, lia la amanya man mak.
\v 10 Atta ati maruak tomwana arik ho aŋwan safuho to hosiere ho lia ettole to hittoloji. Origoŋo isia to hosiere he lia amanya man mak atta ebirok ohuluhi innohosie to hosiere ho hittoloji, atta hijo,
\v 11 Habu lohoi iko Hollum lohoi, osiru tohoi hamojini hitihabuo ojo duaran, iye eyiu hirro daŋ atta isia wuana wahan nohoi.”
\c 5
\cl ŋati 5
\p
\v 1 Atta nayya egonyu ta hani inyiet ho lia le ettole to hitoloji, buk ne egioro iko hosehe ojo iko horuoŋ ojo hidofe odwanya to idwanyiti hattarik.
\v 2 Atta nayya egonyu Anjilo ille efiriwa binno ero wuoloŋ-wuoloŋ hijo, “ŋai iso oremik hiŋa buk inna ojio hidofe owur iŋanyiti?”
\v 3 Obe iso lobo te ido kuya ta fau kuya hidofe to hotwe fau oremik hiŋa buk nyia.
\v 4 Ayyo naŋ no lorru nyo abe naŋ arrumek lobo tuŋani ille oremik hiŋa atta hihien buk nia.
\v 5 Ati ojo lobo maruani ta hanaŋ hijo, “Baŋa eyyo, ahorru Emie lia to woyyo ba Yuda, ojo sali naba Davide buk nyia atta hiŋa ojo hidofe atta hihien.”
\v 6 To hiji ho hitoloji ojo ciaŋi aŋwan iko maruak, egonyu nayya Ker lo owueta, lo owuon iyya oye. Owuon inyia ho mwarak hattarik ojo honyiehite hattarik, ara isia oyirihien hattarik illo efahak Hollum afau daŋ.
\v 7 Ottu inyia adumu buk to hani he inyiet ho lia le etole to hitoloji.
\v 8 Nafa adumu inyia Buk nyia, origoŋo ciaŋi aŋwan iko marwak tomwana arik ha aŋwan to hosiere ho Ker. Eboŋ isia daŋ iko Okome ojo hidofe sahani inno efut iko attagoŋi hunna etimojori hiyyo illo Hollum.
\v 9 Atta isia hidol fure ŋejuk hijo; osiru to hoi hadumuni iko haŋari iduanyiti inno Buk nia. Ati ottohe iso iyye ojo Hoto nohoi nafa enyiaŋu hiyyo to Hollum. Afanu isia to misihi, to hirorita, to woyyojin iko ta fau daŋ.
\q1
\v 10 Ehumak itai to hosie obie iko hetimojok hotomoje Hollum anyar etihabwo fau.”
\p
\v 11 Egonyu nayya ojo etiru hidolita ino anjilohien ilo ekolok lahabwua iko caŋi ojo mawrok. Ara ifa iluluŋ nohosie alif tomon ne ino alif tomon ojo alif iko alif arai.
\v 12 Ero isia wuoloŋ wuoloŋ hijo, “Osiru iso to Ker lafa oye hattoŋitari iduariti, ibariti, ofioroho, ojo golon iko Baŋi ojio hitihabuo.”
\p
\v 13 Etiru nayya hirro innafa oyyeuni daŋ te ido ojo ta fau iko to hotwe fau, ojo hijo, “Isiara lia le ettole to hittoloji, ojo lo Ker hatamanyai man mak.”
\p
\v 14 Origoŋo maruak ta fau atta mojo, “Atta ciaŋi aŋwan hijo, “Amen!” atta maruak ebirok wati innohosie ta fau atta hitihabuo inyia.
\c 6
\cl ŋati 6
\p
\v 1 Egonyu naya nafa eŋa Ker iduanyit nobotie tara inafa hatarik, ajo naya etiru hililoŋo tara hitaŋwani no ciaŋi niya ara iya hetiru no hila, nyia ojio hijo, “Woŋ!”
\v 2 Ata naya riŋa, egonyu naya kusan no obwor ojo hesuhoni lo honye ottoŋita raŋ ojo buk nafa egioro anjilohien. Otu inya ahahoroni hijo anyar ahoru inya.
\v 3 Nafa eŋa Ker iduanyit hitarihi, atta naya etiru hitarihi no ciaŋ ille ellilloŋ nayya hijo, “Woŋ!”
\v 4 Teya enyak nobo kusan awoŋ nolodo iyya hima. To hesuhutani lo honyie atta elimak isia hijo anyar eyari ade himwara ta fau anyar ottoho hiyyo wati inno hosie. Esio ifa isia hesuhutani demi no ofi ojio hidofe esaga.
\v 5 Ifa eŋa Ker iduanyit hitahunihi, atta nayya etiru hitahunuhi no ciaŋ no ojio hijo, “Woŋ!” Atta nayya egonyu kusan ojio hesuhutani lo honyie oyita iciemit ta hani honyie.
\v 6 Etiru nayya nobo hutuk tara ciaŋi no ojio, “Enyaŋa itai iciemit nobotie no ŋama ta arobiaha jai? Enyiaŋa itai sofiyaha ino geme hunik to jai to arobiyaha jai? Ati baŋa eriafu hiyali iko balu.”
\v 7 Ifa eŋa Ker iduanyit hitaŋwani, atta nayya etiru nobo hutuk no lojo hijo, “Woŋ!”
\v 8 Atta nayya egonyu Sigira no etiriok wan nohonyie, ojio hesuhoni lo honyie ara fure no honyie Ye ojio Hadese ejufari inyia. Esio ifa hiyyo hikumuta hirro aŋwan ta fau, ara hirro inia attohe to demi, hiŋa, iŋweti ojio ciaŋi hahonyak inno fau inna.
\p
\v 9 Atta inyia hiŋa iduanyiti hitamieti to ŋolon ha altari, egonyu nayya oholioho inno hiyyo innafa ottohe isia to hiram to no Hollum ojio hikienita inno iferno ojio huruk no hiro dede.
\v 10 Oyio isia no okwat binno hijo, “Habu lohoi, ettok, ille odua ojio ara dede, anu iso ekum eye hiyyo illa amanya to hoto ta fau inna? Man elienyu inyia hoto nohoi?”
\v 11 Ifa atta hiyyo hisio itiditi no obwor ojio hiyyo atta elimak isia hetilai kai man afani iluluŋ nafa hosie iko ha halasira ojio ha hanasira illafa oye, iyya nafa ottohori isia.
\p
\v 12 Ifa eŋa Ker hitileji no iduanyit, awolo nayya hitir no okitik. Ojio holoŋ atta rioho, ojio yafa atta don iyya hoto.
\v 13 Atta haher niyya to hide ido ahuyu afau iyya haŋer inno ŋaboli hunna ohutu oyyami no obolo.
\v 14 Ojio ido atta bibina iyya biris. Ojio doŋiok iko masik ino odu to hotwe hahari. Atta hihuto ade ta masik hosie.
\v 15 Atta habuok illo fau iko hiyyo illo hittaha, ojio illo otuba, ha barak ojio ille owuon ho golon daŋ ojio ille owuon tamasik daŋ atta efie daŋ hiŋofo daŋ to nomi.
\v 16 Atta isia hijo to doŋiok daŋ ojio moru, “Ituhuyik tohoi! Iŋofok iyyohoi ade tara le ettole to kurus iko to jore no Lonyi Ker;
\v 17 nyo ottu iso jore tara hosi, ŋai iso oremik ŋaweju?”
\c 7
\cl ŋati 7
\p
\v 1 Ifa ta halu ho hirro inia, egonyu nayya anjilohien lo ŋwan illo owueta to guli aŋwan inno fau, ojio hidofe eniefita tid tid oyyami na masik aŋwan inno fau, hijo anyar obe oyyami ohut ta fau, ojio ta hari kuya to yani.
\v 2 Ati atta nayya egonyu lobo anjilo lo ottu tekoi hidoŋi ho holoŋ ojio wan arik be iduanyit no Hollum ho wuaran. Atta inyia yio to hutuk no okwat atta anjilohien lo oŋwan illafa iso okum anyar ottohe fau ojio hariak;
\v 3 atta hinyiak hijo ibaŋa eriafu fau haria, iko yani man oduanyahini iyyohoi idwariti to homoŋitek inno hegiamak illo Hollum.”
\v 4 Ati etiru nayya hihieni lo hiyyo illafa odwanyahini; 144,000, illafa odwanyahini tara woyyojin illo hiyyo illo Isaraili.
\v 5 12,000 tara woyyojin inno Judei innafa oduanyiahini, 12,000 tara woyyojin inno Ruben,12,000 tara woyyojini inno Gad.
\v 6 21,000 tara woyyojin inno Asher, 21,000 tara woyyojin inno Naphtali,21,000 tara woyyojin inno Manasseh.
\v 7 12,000 tara woyyojin inno Simiona, 21,000 tara woyyojin inno Levi,12,000 tara woyyojin inno Issakar, tara woyyojin inno Sebulun,
\v 8 12,000 tara woyyojin inno Yosefo, ojio 12,000 tara woyyojin inno Benjamin illafa oduanyahini.
\p
\v 9 Ta halu ho hirro inia egonyu nayya iluluŋ no obolo nolobe lobo tuŋani oremik ehienu. Afanu bidaŋ to misihi ojio hirorita to woyyojin daŋ. Ojio to obiehien daŋ iko hikienita daŋ hame hame. Ati atta isia wueta to hosiere to hikota, ojio to hosiere ho Lonyi Ker. Eciefita itiditi inno obwor ojio hidofe ottoŋita fara inno hafore ta has hosie.
\v 10 Ojio isia ellilloŋo no lokuat binno to hutuk nia ojio hidofe ottu etulwahini tara Hollum lohoi lia le ettole to hittoloji ojio to Lonyi Ker.”
\v 11 Owueta anjilohien daŋ ille ekolok hittoloji iko maruak ojo ciaŋi aŋwan inno owuar atta isia mojo Hollum.
\v 12 Atta hijo, “Amen! Isiara mune iko kwatan, ojio ofioroho, humo to hosie hitihabwo, duaran ojio golon hotowuana to Hollum lohoi man mak! Amen!”
\p
\v 13 Atta lobo maruani hifi nayya hijio, “Haŋai hulloŋ eciefita itiditi inno obwor. Afanu itai tai?”
\v 14 Ata naya hijo to honye “Etok eyen iye.” Atta inyia akabak ta hanaŋ hijo humo hulloŋ, hulloŋ afanu to misihi inno obolo higigiala ellilla isia itiditi innohosie to hoto to Lonyi Ker hijo anyar obwor.
\v 15 Ati iyyania owuon isia to hosiere ho hittoloji no Hollum ojio omojo far ha hariejin daŋ ta haji imojit no Hollum, ojio ille ettole to hittoloji atta ehumak hajik hitolojita ino hosie ojo obe lobo niamai ojio hiboti, obe nobo inohit no hima ojio no holoŋ obe eba to hosie.
\v 16 Obe iso isia enyak niamai, kuyya hibwoti, obe iso holoŋ oswak isia kuyya nobo nohon.
\v 17 Oso iso Lonyi Ker lia owueta to hosiere hosie aheyoboni" atta eyari isia ahari, hatamat hifioŋ inno manya no owuar man. Ojio Hollum atta hifufus hidenyia daŋ ade to honyiehite hosie.”
\c 8
\cl ŋati 8
\p
\v 1 Ifa lojio Ker laŋa iduanyit hitahattarihi, owuon ifa dwai liŋ te ido saa nobotie.
\v 2 Atta nayya egonyu anjilohien hattarik illo owueta to hosiere to Hollum, ojio ikakan hattarik esiarahini to hosie.
\v 3 Atta hidofe lobo anjilo awoŋ, lo ottoŋita tobok no yiel no lowuon iko attagoŋ, ottu wueta ta altari. Esiarahini ifa attagoŋ no lobolo to honye anyar honyie le timojori inyia hiyyo illo Hollum, illo lodwa ta altari to hosiere ho hekumoni lie lowuon ta hara.
\v 4 Furo na attagoŋi ho mojo no heruhok illafa oye odioto ahide ta has inno anjilo.
\v 5 Odumu anjilo lia tobok no lowuon ha attagoŋ atta hefutak hima ta altari. Teyya ebiru inyia afau man orruori, owuana himedek no hila ojio ihuhuta ne hila, hi medehita ojio okitik.
\p
\v 6 Iyyania, owuon anjilohien hattarik iko ikakan innohosie hattarik atta isia hitiara huta.
\v 7 Atta anjilo hitieri hihut ikakan nohonyie, atta moruo iko hima ne eddia iko hoto. Atta ŋati hitahunihi na fau ahuye atta asuahari. Ojio hidofe yani atta asuahari, atta miyaŋ igara suaha.
\v 8 Atta anjilo hitarrihi hihut ikakan nohonyie atta nobo sihin nettok no owulo iko hima ne ebirohini ta hari ne ettok.
\v 9 Atta hitahunihi na hari yite iyya hoto, atta hirro inna amanya daŋ to hotwe hari ye, ojio hidofe baburi inno owuon ta hari daŋ hitihara.
\v 10 Atta anjilo hitahunihi hihut ikakan nohonyi atta haheri no obolo binno no owulo iyya hima no ohuyu to hide.
\v 11 Odek inyia ta ŋati hitahunihi no hariak iko lotilihi. Ara fure no haheri nyia Hiyyeri, atta ŋati hitahunihi no hifioŋ hira hiyyeri atta hiyyo daŋ ye arria illa amat hifioŋ innafa odua.
\v 12 Atta anjilo hitaŋwani hihut ikakan nohonyie, ojio hitahunihi no holoŋ atta awurori, iko hitahunihi no yafa ojio hitahunihi no hahier. Atta hitahunihi nohosie yite imoli; atta holoŋ hitahunihi iko hitahunihi na tari owuon ania obe cialai
\v 13 Atta nayya hiwolo, atta naŋ etiru lobo imuhu lafa efirita to hiji he ido, le ellilloŋo to hutuk no okuat hijo, “Orrun, orrun, orrun to hiyyo illa amanya ta fau, to ikakan hunik hunna holobe anjilohien hunik ehut.”
\c 9
\cl ŋati 9
\p
\v 1 Ohut anjilo hitamieti ikakan nohonyie. Atta nayya egonyu haheri nafa ohuyu te idou afau. Omoju ifa haheri nya iŋanyiti inno hisieni no lowuon ahikat ahisieni no udori inna obe hicuŋi.
\v 2 Inya aŋa hisieni ne iwudo inna obe hicuŋi, ojo oyole no furo atta hirre ahide te iwudo nya inna erosi. Etiryok furo nia ottu to hotwai he iwudo holoŋ iko oyyami edumele.
\v 3 Ottu ijufe afau tara furo nyia, esio ifa to hosie duaran inna owuon iyya iŋorit no tosi a fau.
\v 4 Ojo hidofe elimak to hosie hijo ibaŋa eturu miyaŋ iko yani ojo hirro hunna esur ta fau, ati isiara heturuo hiyo ilo obe owuon iko iduanyit no Hollum to homomite hosie.
\v 5 Obe ifa ojo to hosie hijo itittohe hiyyo innafa niyya ati itigiamai isia to diahai no obolo man to yafajin miet. Ara iso diahai no hosie iyya idiehit no hiito leŋor tuŋani.
\v 6 To holoŋitek niyya etufa iso hiyyo ye ati obe isia orrumek, awak isia ye ati olita ye tara hosie.
\v 7 Ara maa iyya kusani huna ehuhuma hafuyeri oriomori amai ho fere. To hosi hosie owuon tamuho iya yeli ojo homomite inohosie ocielu homomite inno hiyyo.
\v 8 Owuon isia iko hofir iyya inno ŋoruo ojo hala inohosie owuon iya hala ino emioho.
\v 9 Owuon iko bileta huna ogol bino to suhiara inohosie. Ojo hitiri no hiyo ilo hosie etir iyya hitiri no tolomirioho iko kusani ariai huna onyor oriomori.
\v 10 Owuon ho lisara innohosie hunna owuon iko iŋoriti iyya inno tosi; owuon iko hifiriwa to lisara innohosie hunna odule riomo hiyyo man yafajin miet.
\v 11 Owuon habu lohosie, inyia anjilo te iwure inna obe owuon iko hucuŋi. Owuon iko fure no ellilloŋo Eberei hijo ara Abadon, ojo to hirori no Grik ara inyia Apolon inna ara hetiruoni.
\p
\v 12 Ati iyyania esohini irruti inno hitieri, ati ihuma riŋa! Ta halu hosie, arasa irruti arik hunna ofu afanu.
\p
\v 13 Ta anjilo hitileji, ohut ikakan nohonyie, ajo naŋ atta etiru hutuk no ottu tara muwarak inno altari no yeli no esio to hosiere ho Hollum.
\v 14 Ati ero hutuk ta anjilo hitileji lo owuon iko ikakan hijo, “To hek anjilohien ilia oŋwan ille efita to oger ha hari nia hittok no Efarate.”
\v 15 To anjilohien oŋwan, ilia ehuhuma iyyania ta saa inna, to holoŋ nyia, to yafa nyia iko to hiŋa nyia, ohehini isia hijo anyar ofu toho ŋacio no hiyyo hitihunuhi.
\v 16 Ara oseŋer hulo ehianahini to horuwoŋitek ho kusani. Etiru naŋ hihenita inohosie.
\v 17 Egonyu ifa naŋ husani to higigilo nanaŋ iko ilafa orrek to hosie: Owuon isia iko felehi to suhiana, huna odo, imoli na ara iya bulu ojo nobo amuniek. Ara hosi inno kusani iyya hosi inne emioho, ojo to hutuhe inohosie, otu hima, furo, iko nohon.
\v 18 Attohori hitahinuhi no ŋacio inno hiyyo to hitigemita inia hunik: hima, to furo iko to nohon no ottu to hutuhe hosie.
\v 19 Owuon golon no kusani to hutuhe iko to lisara innohosie--ojo lisara innohosie ara iyya munok, hidofe owuon iko hosi hunna ohonyak to hiyyo horroŋon.
\v 20 To hiyyo illak, ilia illafa ebuha iko hattohori to hitigemita niyya, obe isia eruk hipalita inno higemita innohosie, obe hidofe isia etiwet hitihabuo nohosie to miniaŋa iko rijorihien inno moru, inno yeli, inno bileta iko inno hoyyek--saŋ hunna obe oriŋa, hunna obe etira, iko hunna obe olot.
\v 21 Obe isia eruk hipalita innohosie, inno toho, inno hibwana iko hirro inno somon ojo koi inno hoho.
\c 10
\cl ŋati 10
\p
\v 1 Atta nayya egonyu lobo anjilo lo ogol ottu te ido ille etiho te itiran ojo ohilok owuon ahide honyie. Ocialari homom nohonyie iyya holoŋ ojo hejek innohonyie owuon iyya ŋadief no hima.
\v 2 Ottoŋita inyia buk ille hitiŋ la aŋa ta hani honyie. Oriek inya heju ne inyat to hari inna hittok ojo heju ne ihoroŋ to otifor na hari.
\v 3 Okuat hillilloŋo nohonyie binno iyya emie lo owuon ta mai na alama. Ellilloŋo inyia atta hitir no okuat binno, atta hitir hattarik hiro,
\v 4 Awak ida nayya egiorok, attati nayya etiru hutuk te ido no ojio, “Iŋofok hirro inne etiru iyye tara hitirita inia hattarik. Hotobiaŋa iyye egiorok isia ta fau.”
\v 5 Atta anjilo lara egonyu nayya lara owueta ta hari ne ettok iko ta fau, hitidiet hani nohonyie ne inyiet e ido.
\v 6 Ettuŋo ifa inyia to tuŋani lo odule manyamak, lafa oyyeu ido iko hirro daŋ inno owuon dia, fau iko hirro inno owuon daŋ dia, ojio hari iko hirro daŋ inno owuon dia, atta anjilo hijo, “Obe iso nobo hilliŋa no holoŋ nyia.
\v 7 Ati to holoŋ no ohu anjilo hitahattarihi ahutari ikakan nohonyie, atta iso hirro inne eŋofohini inno Hollum tubai, iyya nafa erarari inyia to hegiamak illohonyie, hekilak.”
\p
\v 8 Atta hutuk ne etiru nayya te ido hinyiak hiro ta hanaŋ: “Ino, todumu waraga nyia no owuon ta hani ha anjilo lia lo owueta ta hari iko ta fau.”
\v 9 Atta nayya eno ta anjilo, helimahini inyia hesiara ta hanaŋ waraga ne ettiŋ. Atta inyia hijo ta hanaŋ, “Iyari waraga nia atta iyye hinyia inyia. Esio iso hosehe nohoi hotodiahai, ati ofifil iso to hutuk nohoi iyya hisio.”
\v 10 Adumu nayya waraga nettiŋ ta hani ha anjilo, atta nayya hinyia inyia. Ofifil ifa binno iyya hisio to hutuk hanaŋ, ati ta halu ho hinyia nanaŋ inyia, atta hosehe nanaŋ diahai binno.
\v 11 Attati lobo tuŋani hijo ta hanaŋ, “Todule hiro binno to hiyyo, doŋiok, hirorita iko to habuok.”
\c 11
\cl ŋati 11
\p
\v 1 Esiarahini ifa ta hanaŋ iciemit nara iyya hofito. Atta nobo hutuk hijo ta hanaŋ, “Te'tte, inno to ciem haji no Hollum iko altari iko hiyyo daŋ ille etihabwo dia.
\v 2 Ati baŋa ociem bali na haji imojit, nyo ara ifa nyia no hiyyo illo obe eruk to Hollum. Eririo iso isia to hejek innohosie mai no odua yafajin tomwana aŋwan ha arik
\v 3 Esio iso naŋ duaran to suti illallaŋ lohorik hekiluni to holoŋitek alif nobotie hisiha arik ho tomwana ille, ojo hidofe eciefok iso isia siwali.
\v 4 Ara suti lohorik illia iyya yani no hiyali iko hiwetiti inno lomo innafa owueta to hosiere ha Habu la fau.
\v 5 Lewak lobo tuŋani eriafu isia, ottu iso hima to hutuhien innohosie atta hisok miorok illohosie. Ottohe iso hiyyo tuŋani lawak eriafu isia.
\v 6 Owuon suti illia ho golon hesionohini ido hijo hotobiaŋa hai ottu le ekila isia. Owuon isia ho golon heloitori hifioŋ a hoto anyar etattur fau ho ŋwai lero isia.
\v 7 Lesok isia igem nohosie, ottu iso ciaŋ te iwure nobe hisidi etiriomori isia. Omir ojo hidofe atta attohe isia.
\v 8 Ofer iso wati innohosie to hikoi no bore gala nettok (ne elliloŋo hijo ara Sodoma iko Masir) tamai nafa esihohini hiyyo Habu.
\v 9 Afanu iso hiyo ta masik inno olufa, woyyojin, hirorita, ojo doŋiok orriŋari wati innohosie atta hibo hebusak isia te ilume holoŋitek hunik he inak.
\v 10 Omuno iso hiyyo daŋ illa lamanyar ta fau to ye to nohosie. Acia iso isia ojo hidofe esiara hisiorita to motiarak illohosie nyo etigiama ifa suti lohorik hiyyo illa amanya ta fau.
\v 11 Ati ta halu ho holoŋitek hunik ho hiji no holoŋ, ajiŋak hiyyehita no oyiri no wuaran tara Hollum isia man owueta isia to hejek innohosie.
\v 12 Nia etiru ifa isia hutuk nottu te'ido no ojo to hosie, “Ifanu itai daŋ inni!” Ofu iso isia e ido to hitiran, ojo miorok illohosie orriŋa.
\v 13 To saa nia, ekikiro fau binno atta ŋati hitattomoni ahuye. Atta hiyyo alif hattarik ye to okitik ojo hawuarak illohosie atta baŋi ojo hidofe esio ohuo to Hollum le ido.
\p
\v 14 Attuhuni run hitarrihi, itirriŋe, run hitahunihi nottu kwak.
\p
\v 15 Atta anjilo hitahattarihi hihut ikakan, atta hutuhien hiro te'ido no ojo, “Era obie na fau obie na Habu lohoi ojo hidofe no Kristo lohonyie. Eniefita iso inyia mak.”
\v 16 Oruboho maruak tomwana arik ille ettole to kurusi innohosie to hosiere ho Hollum to homomite innohosie afau atta hitihabuo Hollum.
\v 17 Atta isia hijo, “Esio iyyohoi to hoi humo, Habu Hollum, hekumoni lo hirro daŋ, lafa owuon iko lowuon man iyyania, nyo eyari ifa iyye golon nohoi nettok atta iyye hitiara hikumo.
\q1
\v 18 Eloŋojita ifa hiyyo daŋ, ati iyyania awoŋ jore nohoi. Awoŋ saa newu iyye aŋotori hayok ojo hidofe newu iyye esiarari hegiamak, hekilak, heruhok, illa abaŋ iyye, illo hittaha, iko illo hittiŋi hisiorita innohosie. Awoŋ saa to hoi hetatturori hiyyo ille etatturo fau.”
\p
\v 19 Atta haji no Hollum te ido ŋa ojo senuk no himwara nohonyie aliew tohotwai. Awoŋ himiadaha no hila aliew, etitta hide, atta okitik hitir binno, ojo telle nettok atta hifut binno.
\c 12
\cl ŋati 12
\p
\v 1 Alew hitiyenita ifa te idou: eciofok ifa hiito noŋoruwo holoŋ, ojo yafa te hejek honyie ojo hidofe eciofok aciofok tamu inna owuon iko haheri hattarik to hoo honyie.
\v 2 Owodi ifa inyia bi hidofe oyoo to holoŋ no hitado nafa etadori inyia hiito.
\v 3 Edas ifa nobo hitimijani aliw te idou: Toriŋe! Owuon ifa munu inna riet iko hosi hattarik ojo muarrak tomon ojo tamuho hattarik to hosi hose. Afie ifa lisa nohonyie hitahunihi no haheri ade te idou atta ebiru afau.
\v 4 Odiote ifa munu nia to hosiere ho hiito noŋoruo nafa awak hitado, hijo lo ojo tuŋani nia etado, anyar honyie ahu inyia adile hiito no tuŋani nia.
\v 5 Esiu tuŋani nia hiito oliawa, lafa ojo anyar ottu hikumo misihi daŋ ta hali bileta. Akuwarrari ifa ade hiito no tuŋani nia to Hollum iko to hara nohonyie,
\v 6 eruwata ifa tuŋani nia amur, amai nafa ehuhumak Hollum atiorok to honyie, hijo anyar ohu honyie hiriria dia man holoŋitek 1,260.
\p
\v 7 Iyania owuana ifa rem te ido. Mikele ojo anjilohien ilohonyie etiŋalafa ifa isia munu nolowuon iyya hinyiaŋ; ojo munu nia iko anjilohien illohonyie elionyu nohosie.
\v 8 Obe ifa munu owuon iko golon heyyalari. Obe ifa mai tara ho munu nia iko anjilohien illohonyie te idou.
\v 9 Munu nia inna hittok inna maruani nafa ellliloŋo hijo Sitan lafa enyieb fau daŋ-- ebiru ifa afau, iko anjilohien illohonyie.
\v 10 Ati etiru ifa naŋ hutuk nolokuat man te idou: “Iyyania awoŋ hetilohini, golon iko obie no Hollum lohoi ojo hikumita inno Kristo. Ebiruni ifa harosoni ne ilasira hohoi inni afau--lia lafa odule roso isia to hosiere ho Hollum ta tari iko to motie.
\q1
\v 11 Eyyale iso isia inyia to hoto no Ker iko to hiram no hitimijita innohosie, hijo obe isia omuno imanyiti innohosie bi inna no iko to ye.
\q1
\v 12 Ati itumune, itai idosien iko lia la amanya to hosie daŋ. Ati orru iso ta fau iko haria nyo awoŋ henyiabani enni afau ta hatai. Efut jore to honyie no obolo, oyyen inyia hijo awuon inyie iko holoŋitek innohonyie kai ta fau.
\p
\v 13 Ifa leyyen munu hijo ebirini inyia inni afau, eno inyia etufari hiito noŋoruo nafa hetek esiu hiito oliawa.
\v 14 Ati esiarahini ifa hiito noŋoruo huwua inno okuliriŋ hunna obolo hijo anyar efiritari amai nafa otiorohini ifa beren tohonyie to wati, mai nyia no ofuye eririari inyia, to holoŋ, to holoŋitek iko nus no holoŋ ade tara Sitan.
\v 15 Atta munu ejuhe hifioŋ ade to hutuk nohonyie iyya hari inna onyieta iyya igura no oremik awatari inyia ade.
\v 16 Ati etiluahu ifa fau hiito noŋoruo nia ifa eŋa fau hutuk atta adile hari nafa ejuhuni to hutuk no munu ade.
\v 17 Ati ejoria ifa munu binno to hiito noŋoruo atta eno hijo anyar ahu inyie ehumak rem iko durre inno tuŋani nia--ilia hullo oniŋe hifahita inno Hollum iko ilia illo odule golon to hituhutita inno Yesu.
\v 18 Owueta ifa munu nia to hide ho siŋata to otifor na hari.
\c 13
\cl ŋati 13
\p
\v 1 Ifa egonyu naŋ ciaŋ lotu ade to hotwe hari nettok. Owuon ifa inyia ho muarahi tomon ojo hosi hattarik. To hide ho muaraha niyya honyie owuon ohuluhi inna lara tomon to hoo honyie owuon fureta tomon inno lo moro to Hollum.
\v 2 Ciaŋ nya lawolo naŋ owuon iyya huwaru lomini. Owuon hejek innohonyie iyya inno lohute atta hutuk nohonyie wuana iyya ne emie. Esio idaraŋ inyia golon ojo obie nohonyie ojo hifiriwa ne lekumori inyia.
\v 3 To hoo ho ciaŋ nyie nobotie oliew horroŋon inno lowuon iyya isia leyyani ye tohonyie. Ati olibe ifa horroŋoni nyia.
\v 4 Omojo hidofe isia idaraŋ nia ati to hisio nohonyie golon no honyie to ciaŋ nya. Omojo isia binno ciaŋ nyia, odule hijo, “ŋai ara iyya ciaŋ?” ŋai iso oremik ŋalafa he inyia?”
\v 5 Esiarahini ifa ciaŋ nyia hutuk herarari hirro inno hitidara iko emoriti. Esiarahini ifa hilohittok to honyie ta yafajin tomwana aŋwan ha arik.
\v 6 Atta ciaŋ nia hiŋa hutuk nohonyie herarari imoriti to Hollum: omoro fure nohonyie, mai na amanyari inyia, iko hiyyo illa amanya te ido.
\v 7 Esiarahini to ciaŋ hijo anyar orem inyia iko heruhok anyar eyyale isia bidaŋ, Ojio hidofe hilohittok esiarahini to honyie hagalihini woyyojin, hiyyo, hirorita iko doŋiok bidaŋ ta fau.
\v 8 Hijo anyar etihabuo hiyyo illa amanya ta fau inyia, hijo tuŋani lo obe fure nohonyie egioro, man to hitieri na fau, to Buk no Wuaran, na ara no Ker, lafa oye.
\v 9 Lo owuon lobo tuŋani ho hiyok isiara inyia hetiru. Lowuon lobo tuŋani awak inya eno efitari, isiara inyia heno efitari.
\v 10 Lowon lobo tuŋani la awak ye to demi nettok, oye iso iinyia to demi. Isiara hiyyo illo Hollum hoto di hitigiemita ojio hidofe eruk to honyie.
\p
\v 11 Egonyu nayya nobo ciaŋ no ojiŋu ta fau. Owuon inyia iko muarrak arik iyya lonyi ker, ojio inyia amala iyya munu, owuon inyia iko hilohittok inno ciaŋ hitieri, atta inyia etuhutek hilohittok nyia to honyie.
\v 12 Ojio hidofe inyia orroso inyia hiyyo bidaŋ fau, iko hiyyo illa amanya ta fau hetihabuori ciaŋ inna hitieri nafa owuon iko horroŋoni nafa awak attohe inyia, ati olibe inyia.
\v 13 Egiama inyia idwariti hunno hittaha, ojio hidofe egiemu hima nolottu afau te ido to hosiere ho hiyyo.
\v 14 To hituhutita innafa ojio hiyyo to honyie igiama, anyaŋa inyia hiyyo illa lamanya ta fau, elimak inyia to hosie hijo ihumuak nobo rijori no ciaŋ nyia nafa leriafini to demi, ati harasa wuaran.
\v 15 Esiarahini golon to rijori no ciaŋ hijo anyar ero rijori ojio hidofe emak hiyyo illo obe etihabwo inyia hotoyo.
\v 16 Orrosok hidofe inyia hiyyo bidaŋ, illo obe anyar, illo ogol, illo asam, ille elociaŋ, illo obe efita, iko piti hamojuni hituhuti ta he inyiet iko to homom.
\v 17 Ogolo ifa binno to hiyyo illo obe owuon iko hituhuti no ciaŋ, nimira ne etuhutek fure nohonyie.
\v 18 Awak hiram ina hilofere. Lia lo owuon iko ofioroho, isiara inyia hotoyyen nimira no ciaŋ. Ara nimira nia no tuŋani. Ara nimira nia 666.
\c 14
\cl ŋati 14
\p
\v 1 Ta halu ariŋai naŋ atta nayya egonyu lonyi Ker ille owueta to hosiere hanaŋ to Doŋe ho Sion. Owuon hiyyo daŋ he inyia 144,000 inno owuon ho fure nohonyie ojio fure no Mony honyie to homomite hosie.
\v 2 Etiru naŋ hiro inna ottu te idou inna ara iyya hitiri no haria arriai ojio hidofe iyya hitir na hai inna okwat. Hitir ne etiru nayya ara hidofe iyya hiyyo hulo erribo doŋi innohosie.
\v 3 Edolo isia fureta ŋejuho to hosiere ho hitoloji ojio iyyeti aŋwan hunna owuar wati iko maruak. Obe ifa lobo tuŋani oremik hidolo fure nyia aracie hiyyo illafa 144,000 illafa etilohini ta fau.
\v 4 Isia ilia illafa obe owuon ho ŋorwo. Olibo isia iyya hodwoti inna obe otirohini ho hiito oliawa. Isia ilia hullo ejufuta lonyi Ker. Enyiaŋini ifa ilia to hiji ho hiyyo hijio anyar ara haŋer hitierita illo Hollum arik ho lonyi Ker.
\v 5 Obe ifa teleri to hutuhen hosie. Obe ifa nobo hipali tara hosie.
\p
\v 6 Ta halu, egonyu nayya lobo anjilo edarra ahide idou ojio inyia owuon ho sayye hunna olibo wati hunna odule wati fuur elimahini to hiyyo illa amanya wati ta fau, isiay woyojin inno hiyyo bidaŋ, hikienita inno hiyyo daŋ gele gele, ojio obiehien daŋ.
\v 7 Ero inyia ania no okuat binno hijo, “Itibaŋa Hollum, isiara kwatan to honyie, to nyo awoŋ holoŋ no ŋoto nohonyie. Itihabue lia lo oyyeu wan ido arik ha fau, ojio hifioŋ arik ho otilik.”
\v 8 Ejufari anjilo hitarihiri inyia atta hijo, ahuye, ahuye Babolonia doŋe nettok, etimat ifa inyia hiyyo hullo ta fau daŋ hifioŋ inna ajalaŋi inna ara wati isomiti innohosie.”
\v 9 Ejufari anjilo hitahunihi isia atta hijo to hutuk to no okwat hijo, “Le etihabuo wan ciaŋ arik ho rijori nohonyie, atta amoju higwarit to homom honyie kuya hidofe ta hani nohonyie,
\v 10 amat iso inyia hifioŋ inna ajalaŋi hunna ara wati ajore no Hollum hunna obe eharrahini ho hifioŋ. Amat iso inyia to kos inna ho jore no Hollum. Etigiama iso hiyyo hamatani lia to hima ojio nohon to hosiere ha anjilohien hullo olibo wati ojio hidofe to hosiere ho Lonyi Ker.
\v 11 Etulak iso furo no hetigiamak ilia hire ahide man fur. Obe iso isia oremik eyyomu ta far ojio hidofe ta tari. Isia ilia ille etihabuo wati ciaŋ arik ho rijori innohonyie arik he illo omoju wati hiŋiesita no fure nohonyie to homomite hosie.
\v 12 Etiliek hirro hunaŋ hidik no hiyyo illo Hollum, isia ilia hullo aŋunai wati hifahita inno Hollum ojio hiruk to Yesu Kristo.”
\v 13 Etiru nayya hutuk ero te ido hijo, egioro hijo, isiara illo oye wati to huruk ta Habu hotomune to holoŋ tena man fuur. Ojio Oyiri, “Ara dede, isiara isia hotoyiri to higiemita innohosie to nyo ejufita hihumita innohosie isia.”
\p
\v 14 Ta halu hena egonyu naŋ hidis inna obwor ojio lobo tuŋani ettole te ilia ocialari ho Lonyi Tuŋani. Owuon inyia ho yiel inna eciofok to hoo honyie ojio demi inna ofu wuana ta hani honyie.
\v 15 Ojiŋu anjilo lobo ta mai inna odua wan atta hillilloŋ no okwat to lia le ettole wan to hidis atta hijo, todumu demi nohoi, ojio todioŋoi ŋama inohooi nyo odon mana nyia ta fau ojio hidofe era holoŋ no dioŋo.
\v 16 Teyya atta lia le ettole wan to ohidis ebirok demi nohonyie ta fau atta fau adieŋini.
\v 17 Ojiŋu anjilo lobo te ido ta mai inna odua wan; owuon hidofe inyia ho demi inna ofi.
\v 18 Arasa lobo anjilo ajiŋu tohotwai hitidwari ina owuon ho duaran no hima, atta inyia hililoŋo no lokwat to anjilo ile owuon ho demi no ofi wan atta hijo, todumu demi nohooi, toŋot ajalaŋi ina ta fau nyo odon haŋer innohonyie.
\v 19 Attati anjilo ebirok demi nohonyie ta fau atta attubak haŋer ina ajalaŋi te iwudo inna omwatari isia, inna ara iyya jore no Hollum.
\v 20 Omwata isia hifioŋ inn haŋer inne ajalaŋi to oger na haŋ atta hoto awoŋ teyya atta adilu sigaji no husan ojio hidofe onyior maili man hisihai arik.
\c 15
\cl ŋati 15
\p
\v 1 Egonyu nayya nobo hituhuti te idou inna obolo ojio hidofe olibo. Owuon Anjilohien hattarik ojio hitigiemita hattarik hunna ara wati hisidi, nyo tara hosie, esohini iso jore no Hollum.
\p
\v 2 Egonyu nayya nobo sihin inna ara iyya hari inna hittok inna onyieta dee inna eharra ho hima, ojio to oger honyie owueta hiyyo hullo ocialari ho ciaŋ ojio rijori innohonyie ojio nimira no fure nohonyie. Owuon isia ho obiliŋi inne esio Hollum tohosie.
\v 3 Edolo isia fureta ino Muse, hegiamani lo Hollum ojio hidofe isia edolo fure no Lonyi Ker, inna ojio, “Obolo hihumita innohoi ojio hidofe olibo, Habu Hollum Lologol ille agalik wan bi daŋ. Obis ikotia innohoi ojio hidofe ara dede, Iyye Habu lo fau daŋ.
\q1
\v 4 Habu, ŋai iso le obe abaŋ iyye, ojio obe awak hitihabuo fure nohoi? To nyo iyye hamai elibo. Afanu iso hiyyo daŋ etihabuori ahosiere hoi, to nyo olieu hihumita innohoi hunna obis wati.”
\p
\v 5 Ta halu ho hirro hunna ariŋa nayya, atta naŋ egonyu mai no suti, inna odua wan aŋa te ido, ara inyia musiama inna ara hituhuhiti te idou.
\v 6 Ojio hidofe anjilohien hattarik ojiŋu illo lowuon ho hitigiemita hattarik. Eciofok isia boŋojin hunna obwor ojio hidofe opipiak, ojio hidofe elurok suhiana innohosie to boŋojin inna ara ayieli.
\v 7 Atta lobo to hiji ho ciaŋi aŋwan inno owuar wati esio ta anjilohien sahani hattarik hunna ehuhumahini to yiel inne omoju ho jore no Hollum inna owuar man mak.
\v 8 Efut ifa haji ho furo inna ottu wan to kwatan no Hollum arik ho duaran nohonyie, ojio hidofe obe tuŋani oremik ajiŋak ta mai nia man ottuhuni hitigiemita hattarik inna anjilohien hattarik.
\c 16
\cl ŋati 16
\p
\v 1 Etiru nayya hutuk ne ellilloŋo ta haji imojit nolojio ta anjilohien hattarik hijo, “Ino ijuhok tafau hirro inia ta sahani hattarik inno jore no Hollum.”
\v 2 Atta anjilo lobotie ŋeno, atta ejuhok hirro ta sahan honyie afau. Attati horroŋon inno orru ojo hidofe diahai ottu to hiyyo ille owuon iko hituhuti no ciaŋ, iko to hiyyo ille etihabuo rijorihien.
\v 3 Ejuhok anjilo hitarihi hirro innohonyie a hotwe hari, atta hari hiso daŋ ahoto iyya no tuŋani lo oye. Atta ciaŋi inia amanya ta hari ye daŋ.
\v 4 Atta anjilo hitahunihi ejuhok hirro innohonyie ahotwe hari atta hari hira ahoto.
\v 5 Atta nayya etiru anjilo lo hifioŋ ojio. “Ebis iyye to hukumi tohoi. Tuŋani ille, ojio hidofe lafa, Haliboroni, nyo eŋot iyye hirro inia na anyar.
\v 6 Nyo ejuhok ifa hiyyo hoto no hekilak arik iko no heyak illo sayye, osiru to hosie hamatari hoto ne isio iyye.
\v 7 Ajio nayya etiru hitiraŋi to hide ha altari, no ojio hijo, “Dede, Habu Hollum Le ettok, obis iŋotiti innohoi ojio hidofe ara dede.”
\v 8 Atta anjilo hitaŋwani ejuhok hiro inno honyi to holoŋ, ojio holoŋ atta wuana ho nohon nohonyie no osuak hiyyo iyya hima.
\v 9 Etaban hiyyo ho nohon ojio isia atta moro fure no Hollum hadurani le efahu hitigiemita inia, ojio isia etigol tajia innohosie, obe hidofe esio to honyie ohuo nohonyie.
\p
\v 10 Ejuhok anjilo hitamieti hirro innohonyie to kurus no sitan, ojio idumele atta etiyok obie nohonyi, atta hiyyo hinyahal ŋadiafa innohosie to diahai.
\v 11 To hiram no diahai, atta isia moro fure no Hollum le ido to hiram no diahai nohosie iko horroŋon innohosie, ojio isia arasa hibo yite tara hiyyata innohosie ino egiema isia.
\v 12 Ejuhok anjilo hitileji hirro innohonyie ahotwai hari nettok nara fure nohonyie Efarite, ojio hifioŋ innohonyie atta tee, ehuhumari hikoi na Habu lo ottu tekoi hiduoŋi no holoŋ.
\v 13 Egonyu nayya jiohien hunik hunna eri iyya hidoduohi inno ojiŋu to hutuk ne ettok no sitan, ojio to hutuk ho ciaŋ iko to hutuk ho hekilani ille enyiaba.
\v 14 Ara isia jiohin inno orru, inne ehuhuma miniaŋa ojio hituhuta hiduariti. Ofu isia daŋ ta Habu lo fau daŋ, nyo ottubari isia to oriomori to holoŋ no Hollum La agalik fau daŋ.
\v 15 To riŋai, attu nayya iyya lohoho! Hotowuana jaha to lia lo odule riŋai, ojio eriria boŋojin ino honye ŋa iso inya olot aŋatture ta bali ojio irri atta hinief inya.
\v 16 Ottubahini Habuok daŋ atta eyyani isia amai ne ellilloŋo to hirori ne Iberei hijo Amagedon.
\p
\v 17 Atta anjilo hitahattarihi elimak hiro innohonyie to oyyami. Teyya teyya atta hiro awoŋ tara haji ne imojit binno no ojio hijo “Esaha!”
\v 18 Ta halu ho hirro inia owuon himedehita no hila, iko okitik ne ettok binno, ojio hikienita inne etitanari hai, ibahiti inno hila fau, ojio hikikiro no obolo no ottu to okitik-kitik na agal nafa holobe edwoŋ man holobe Hollum ayyeu tuŋani, obolo ifa okitik binno.
\v 19 Atta Babilonia bore na gala nettok buanya amasik hunik ojio misihi ho borejin inno gala atta hijo isiara Babilonia hatamatai jore no honyie tokos nafa eminu inyia.
\v 20 Ojio sigoŋi arik ho doŋiok obe enyiak aliew to masik hosie.
\v 21 Esiaha tele inno ohuyu to hide ido hiyyo, ojio tele no otte odiŋ iyya ara idiŋit nohonyie to mwana miiet. Atta hiyyo moro Hollum, nyo obolo hi tigiama no tele olloŋori no.
\c 17
\cl ŋati 17
\p
\v 1 Afanu anjilohien hattarik illafa oyita kurahien hattarik daŋ atta hijo ta hanaŋ, “Woŋ, etuhutek iso naya hiyo ŋoto ne isomo nettok ne ettole to hariak ariai,
\v 2 ilo oroto habwok he inya ta fau ojo hidofe eboto ilia amanya ta fau atta isia eyyau hiro ino somon.”
\p
\v 3 Atta anjilo eyyari nayya a mura to Oyiri ajo naya ata egonyu nobo hito noŋorwo ne ettole to horwoŋ ho ciaŋ no odo binno nefut ho fureta imoriti. Owuon ciaŋ nia ho hossi hattarik iko muarrak tomon.
\v 4 Eciefita ifa hiito noŋorwo nya boŋo no' owuon iyya bulu ojo hidofe eciefita yiel to murut iko morwo inno opipiak. Otoŋita ifa inya ta hani nohonyie kos nara yiel nefut ho hirro inno orru ojo hibwotita ino hiro inno somon nohonyie.
\v 5 Ne egioro to homom nohonye hiro inne eŋofo hijo: “Babilonia ne ettok, hotonye hasomok iko hiro ino eturu fau.”
\v 6 Egonyu naya hito noŋorwo nia orumu ho hoto no heruhok iko hoto no hayok ilo oye to hiram no Yesu. Ifa egonyu inyia, eliliha ifa naŋ bino.
\p
\v 7 Ati ojo anjilo ta nanaŋ, “No nyo eliliha iye? Elimak iso naya hiram no hito noŋorwo nia iko no ciaŋ nia ahafita inyia (ciaŋ nowuon ho hossi hattarik iko maruak tomon)
\v 8 Ciaŋ nia ewolo iyye iyyania, obe amanya iyyania, ati owu iso awoŋ te iwudo. Owu is inya etiharari. Lia ila amanya ta fau, iko ilia ilo obe fureta inohosie egioro to Buk no Wuaran man to hitieri hafau-- Eliliha iso isia legonyu isia ciaŋ nyia nobe oliew iyania, notu iso awoŋ.
\v 9 Awak hiram inna ofioroho. Ara hossi hattarik doŋiok hattarik netolojori hiito noŋoruo nia.
\v 10 Ara hidofe isia habuok hattarik. Ohuye habuok hattarik, ojo lobotie owuon, ojo hidofe lobotie holobe awoŋ; lawoŋ inyia, ottu iso inyia wuana kai lettiŋ.
\v 11 Ciaŋ nafa amanya, ati iyyania obe oliew, ara inyia habu hitahottohunihi ati ara inya la habuok hattarik ati owu iso inya ahima.
\v 12 Ara muarrak tomon inia habuok tomon hullo holobe amoju obie, ati amoju isia hilohittok iyya habuok to saa nobotie iko ciaŋ.
\v 13 Owuon higigilo nohosie nobotie, man atta hisio golon iko hilohittok nohosie to ciaŋ.
\v 14 Efura iso isia fere hariomori iko lonyi Ker. Ati omir iso iso lonyi Ker isia nyo ara inyia Habu la habuok iko Ettok le ettaha- owuon iso inyia iko hiyyo ilohonyie ilafa eliloŋu inyia, onyimot iko heruhok.”
\v 15 Ojo anjilo ta hanaŋ, “Hifioŋ inia egonyu itai, tamai netolojori hasomok, ara hiyo, iluluŋi, woyojin iko, hirorita.
\v 16 Muarrak tomon inia egonyu iyye--oliwari iso ciaŋ he inyia isomo. Etihar iso isia inyia atta hidofe hibut inyia aŋatturre, atta aswuahahini iso inya to hima.
\v 17 Emak Hollum ta tajia innohosie hehumai igem nohonyie nyo eruk isia hisio golon nohosie hekumori ciaŋ man otubari hiro ino Hollum.
\v 18 Hiito noŋoruo nara egonyu iyye, ara inyia doŋe nettok netimanya habwok daŋ illo fau.”
\c 18
\cl ŋati 18
\p
\v 1 Ta halu no hirro inia, egonyu naya lobo anjilo lesuru te ido lowuon ho duaran no obolo ojo ohwuo eticiela nohonyie fau.
\v 2 Oyo inya le eyoro hijo, “Ahuye, Ahuye Babilonia, doŋe nettok. Era inya mai na amanyari miniaŋa ariai, mai na amanyari oyirihien ino ebwot.
\v 3 Emat misihi daŋ balu no mune nohonyie somon neyyani iyyania to honyie jore no Hollum. Eyyau habuok illo fau iyyau no somon iko inya. Abarai hapociok illo fau binno to golon no hitihara nohonyie manya.”
\p
\v 4 Ata naya etiru nobo hutuk notu te ido hijo, “ifanu ade tara honye, hiyo ilalaŋ, hotobiaŋa itai ewoun iko hiyata inohonyie, hotobiaŋa itai ewoun iko hitigiemita inohonye.
\v 5 Nyo ofwana inyia hiyyatta innohonyie man ebariri isia te ido, atta Hollum agilu irruti innohonyie.
\p
\v 6 Itudumak to honyie hiyata inohonyie to hirro ine egiem inya; eharrik inya to kos, eharik ariai hipalita innohonye.
\v 7 Etahuo inyia wan nohonye ojo inyia amanya te irruti, iyyania isiara to honyie diahai iko hitigiama no osiru to honye. Nyo egigilo inyia ta taji to nohonyie hijo naya habu, abe naya ara ihidak ati abe iso naya ayen iyiti.
\v 8 To nobo holoŋ, afanu iso hitigemita innohonyie; ye, tariha, ojo hiŋa. Esok iso hima inyia, nyo ogol Habu Hollum, ojo hidofe ara haŋotoni lohonye.”
\p
\v 9 Oyyo iso habuok illo fau illafa eyyau he inyia hirro inno somon atta hidofe yio te inyia legonyu isia furo no hasuahari nohonyie.
\v 10 Oweta iso isia alamarai nyo abaŋ isia hitigiama no honye honye atta hijo, “Oru, orru Babilonia, doŋe nettok, Babilonia bore na gala no ogol! Awoŋ baha nohoi ta saa nobotie.”
\v 11 Oyyo hapocok illo fau ojo hidofe atariha to hiram to nohonyie, nyo enyiei lobo tuŋani le enyaŋu ipociti odule
\v 12 hinyaŋa yiel nohonyie, moru inno opipiak, honoron inne elahaman, silhi, iko rori daŋ inno hoyyek, hala inno tomie, baburi ojo buyya nohonyie.
\v 13 Sinamoni, hitiŋwojita, attagoŋ, hiyali no hiito noŋorwo, baluo, hiyali no jati, hofwo, geme, husuŋ, kioro, kusani, piti ojo oholioho inno hiyyo.
\v 14 Ojo iso isia hijo, esohini haŋer innafa edaya iyye attati hilahaman iko ibariti innohoi hisaha nyo obe iso isia enyiak arrumehini.
\v 15 Oyio iso hapocok ille etinyiaŋa hirro innia atta bura inyia nyo abara isia to hirro inno doŋe nia. Oweta iso isia te iloma nyo abaŋ isia hitigiama nohonyie.
\v 16 Ojo iso isia hijo, “Orru, orru to doŋe nettok, eciofo ifa inyia boŋojin inne imoliha inne elahaman ojo hidofe odo; ecefita ifa inyia yiel iko honoron inno opipiak ojo inno obwor.
\v 17 Ati ta saa to nobotie otture ibariti inno hittaha. Oweta ettaha illo baburi te iloma iko hiyyo daŋ illo orrumek ibariti innohosie te igem na hari.
\v 18 Atati isia yoo to hegonyu nohoisie furo no osuahari doŋe nettok atta isia hijo, “Nari doŋe nia ne erri iyya doŋe inna?”
\v 19 Atta isia ahuttok huron a hosi innohose ojo hidofe ewuoloŋita; oyo isia atta bura inyia ojo hidofe daŋ ero hijo, “Orru, orru to doŋe nettok, nyo orrumek hiyyo illa abara daŋ ibariti innohose to doŋe nia nyo abara inyia. Ta saa to nobotie, atta inyia ture.”
\p
\v 20 “Itimune te inya, Ido, itai heruhok, lefahat, ojo hekilak, nyo eyyani Hollum ŋoto to honye.”
\p
\v 21 Adumu anjilo lelotir binno moru nara iyya hiriai nettok atta ebirok inyia a hotwai hari atta hijo, “Ebirohini iso Babilonia doŋe nettok to golon iyya inna, ati obe iso enyiak aliew.
\v 22 Hidofe, obe iso herribok illo tefelleŋi, iko hedolok, hahutak, herramitak ojo hahutak he hahan, obe iso enyiak etirini ta hatai. Obe hidofe iso enyiak arrumu lobo hehuhumani lo hirro ta hatai. Obe iso nobo hitiri no tauna enyiak etirini ta hatai.
\v 23 Obe iso nobo lomo enyiak hidia ta hatai. Obe iso hutuhien inno hayamak iko inno hoduo inna ayama hiyyo enyiak etirini, nyo obore ifa hapocok agalihini, ojo te ibwana innohoi, enyiaba ifa iyye hiyyo daŋ.
\v 24 Nyo orrumehini hoto no heyak sayye iko inno hiyyo illo Hollum, iko hoto no hiyyo daŋ illafa ottohori daŋ ta fau.”
\c 19
\cl ŋati 19
\p
\v 1 Ta halu ho hirro hunna, etiru naya hutuhien inno iluluŋ no hiyyo arria inno owuon te ido inno ojo, “Alleluya, etilohini, ohuo, illo ojo owuon ohuo, golon to Hollum.
\q1
\v 2 Obis ŋoto nohonyie ojo isia ara dede, nyo oŋot inyia isomo ne ettok nafa etihar fau te isomiti innohonyie, ati elienyu Hollum hoto no hegiamak illohonyie, nafa etiwo inya.”
\v 3 To hitarrihi nohonyie enyiak isia hijo, “Alleluya! Nyo odiote furo no hasuahari nohonyie mak. Oruboho
\v 4 maruak tomwana arik ha aŋwan iko iyyeti aŋwan inno owuar ta fau atta isia hitihabuo Hollum le ettole to hara man atta isia hijo, “Amen, alleluya.”
\v 5 Ottu hiram to hitoloji nia nojo, “Hesiara hitihabuo to Hollum lohoi itai hegiamak illohonye daŋ, itai ille ebaŋ inya, itai hullo hittiŋi daŋ iko hullo hittaha.”
\v 6 Atta naya etiru nobo hutuk nettok iyya hutuk no hiyyo ariai, owuon iyya nyietta na haria, ojo hidofe iyya huttuada no hila no ojo, “Alleluya! Nyo ara Habu a Hollum lohoi, hekumoni lo hirro daŋ, nyo ara inyia heniefitani.
\q1
\v 7 Hesiara mune iko hitihabuo ojo lohuo nyo eba hitihabuo nobolo binno ojo esio ohuo! To mune no hiyama no Lonyi Ker awŋ, ojo ehuhum noŋoruo honye wan nohonyie.
\q1
\v 8 Eciofok hiito noŋoruo boŋo nelahaman, no opipiak ojo hidofe olibo. Etuhutek boŋo nohonyie hihumita inno obis inno hiyyo illo Hollum.
\p
\v 9 Atta anjilo hiro ta hanaŋ hijo, “Isiara lia ille ellilloŋini to hidihita no Lonyi Ker hotomune.
\v 10 Arigoŋ naya ta fau to hosiere ho hejek innohonye hetihabuori inyia. Attati inyia hijo ta hanaŋ, “Baŋa ehuma ania nyo ara naŋ pit iyya iyye iko halasira hoi hullo owuon ho hirro inne egonyu isia inno Yesu. Itihabue Hollum. Nyo ara hiyyen no Yesu iyya hekiluni no hirro inna afanu.”
\p
\v 11 Atta naya egonyu ido aŋa, ata naya hiwolo, awoŋ kusan no obuor, dia efurek ifa isia lia lowuon to horwuoŋ honyie hijo, “Ara tuŋani le ettole to horwuoŋ, heruhoni lobis. Oŋoto inyia to bisan atta hidofe hitiriomo.
\v 12 Owuon honyehite innohonyie iyya ŋadief no hima, ojo tamuho innohonyie obore. Egioro fure nohonyie hijo obe lobo tuŋani loyyen inyia ati oyyen inyia ta wan nohonyie hame.
\v 13 Eciefita hofito nedduttohini to hoto, ara fure nohonyie Hiram no Hollum.
\v 14 Ejufuta ifa oseŋer ille ido inyia ojo inyie owuon to horwuoŋ ho kusan no obuor, leciefita boŋo ne elahama ojo hidofe obuor nolibo.
\v 15 Ottu demi no ofi to hutuk nohonyie no oŋotori inyia hiyyo daŋ ta fau, ottoŋita iso inyia to bilata. Eririo inyia hifioŋ inna ajalaŋi ewudo nara iyya jore nobolo no Hollum aduaran lo ogol bino.
\v 16 Egiorohini fure nohonyie to hofito nohonyie ojo to muro nohonyie hijo, “Habu lo habuok iko haboloni lo habolok.”
\p
\v 17 Egonyu naya anjilo lo owueta to holoŋ. Atta inyia hilliloŋo to hutuk no okuat to cieŋ daŋ, “Ifanu, itittubai nobotie to daha netok no Hollum.
\v 18 Ifanu itidahai hiriŋo no wati inahatai habuok, hiri ino etaha illo oseŋer, hiri wati inno hiyyo ilo hittaha, hiri ino kusani iko hiyyo ille ettole to horwuoŋite innohosie, hiri ino wati ile efita daŋ iko illo obe efita, ojo hidofe illo obe wati innohose obolo.”
\v 19 Egonyu naya ciaŋ ojo habuok illo fau iko oseŋer ilohosie. Otubahin ifa isia oriomori iko lia le etole to kusan ho oseŋer honye.
\v 20 Eniefu ifa isia ciaŋ he iboni henyiabani nafa ehuma hituhutita to hosiere honye. Enyiaba inya to hutuhita inia hiyo ilafa omoju higierita inohonyie ojo etihabuo rijori nohonyie. Ebirori ifa isia daŋ lohorik ilo owuar a hotwai hima no odule mak ojo owulo no.
\v 21 Oye ifa hiyyo arria to fere no tuŋani lia lo owuon to hide ho kusan, fere no ojiŋu to hutuk no tuŋani lowuon to horwuoŋ ho kusan. Enya cieŋ daŋ wati ino hayok illohosie.
\c 20
\cl ŋati 20
\p
\v 1 Ta halu ho hiro huna, egonyu naya anjilo esuru afau te ido, lotoŋita iŋanyit ne iwudo nobe hucuŋi ojo oyita ta hani nohonyie haririk.
\v 2 Enief inyia munu nafa owuon ho beren, ara hidofe inya hetisiahani iko Sitan, atta anjilo efitak inyia ŋasi alif.
\v 3 Ebirok anjilo inya ewure ata esionok ojo hidofe egafulok inya te iwure hijo hotobiaŋa Sitan enyak hinyaba hiyo illa fau man ottubari ŋasi alif nobotie. Ta halu ha ŋasi inne ebusahini iso inyia lobo saa kai.
\p
\v 4 Egonyu naya hitolojita iko hiyyo ille ettole dia illo owuon ho duaran haŋotori hiyyo. Egonyu naya hiyyo illo oŋuto hossi innohosie to hiruk to nohosie to Yesu, ojo hidofe to hiram no Hollum. Isia illia illafa ebo hitihabuo ciaŋ iko rijori honyie ojo hidofe obe essiho to homomitek innohosie, iko ta has hosie. Enyiak isia wuaran ojo hidofe ara ettaha iko Kristo ta ŋasi alif.
\v 5 Obe iso ilak hayok ebuhu man ottubari ŋasi alif. Ara ina hebuhu hitieri. Isiara ille ebuhu ojo halibok hotomune te hebuhu hitieri.
\v 6 Obe ye hitarrihi enyiak wuana ho golon. Ara iso isia fadirihien illo Hollum iko illo Kristo nyo elohittok iso isia iko inya ŋasi alif.
\p
\v 7 Lo ottubai ŋasi alif, ohoni iso Sitan to kijan to nohonyie.
\v 8 Ojiŋu iso inyia enyiabari obiehien inno hiyyo bi daŋ ta fau illo owuon ta ŋacio aŋwan inno fau inne elliloŋo hijo- Gog iko Magog--hettuttubari isia harriomori. Ara hihiana no hosie iyya siŋata na haari ne ettok.
\v 9 Afanu isia to missihi inno fau daŋ he kolori mai no owuanari heruhok illo Hollum ojo mai nemuno iyyohoi. Ati odou hima te'ido hetturori isia.
\v 10 Ebirohini iso henyiabani lo hiyyo a hotwai hima no owulo binno, tamai nebirohini ciaŋ iko hekilani loteler. Orumek iso isia hitigiama ta far iko ta tari mak.
\p
\v 11 Ta halu ho hiro inia, egonyu naya hitoloji no obolo ojo hidofe obuor, atta naya egonyu lobo ettole dia. Erruat fau he ido ade tara honyie, ati obe ifa mai nobo to hosie erruacie.
\v 12 Egonyu naya hayok-- ettaha iko hiyyo assai illo oweta to hosiere ho hitoloji nohonyie, atta hiŋa buuhi. Enyiak hidofe hiŋa nobo Buk no Wuaran. Oŋoto ifa hiyyo to hiro ine egioro to buhi.
\v 13 Afanu hayok ade to hotwe hari. Ojo hima ata hisio hayok illafa illo owuon dia, man orumehini hayok ŋoto nohosie to hirro inafa egiama isia.
\v 14 Ebirohini ifa ye iko hima a hotwai ho hima no odule mak.
\v 15 Lobe fure no lobo orrumehini negioro to Buk no Wuaran, ebirohini iso inyia a hotwai hima nettok no odule.
\c 21
\cl ŋati 21
\p
\v 1 Atta nayya egonyu ido ŋejuk iko fau inna ŋejuk, nyo olite ido maruani iko fau maruani, ojio hari ne ettok olita.
\v 2 Atta nayya hidofe egonyu doŋe no odua, Yerusalem ŋejuk, no ottu afau te ido tara Hollum, ehuhumahini iyya hoduoti ta hayamani honyie.
\v 3 Atta nayya etiru hutuk no ottu tara hittoloji no ojio, “Ituwolo! Mai na amanyari Hollum iko hiyyo illohonyie, amanya iso inyia he isia. Ara iso isia hiyyo illohonye, ojio Hollum ta wan lohonyie owuon iso he isia, ojio hidofe ara a Hollum lohosie.
\v 4 Opotu iso inyia hidenya ade to honyehite innohosie, obe iso nobo ye, kuyya hidofe, hijiriŋa, yio, kuyya hidofe diahai. Olite hirro innafa ho beren.
\p
\v 5 Ojio tuŋani le ettole to hara atta hijo, “Ituwolo! Etiŋejuk nayya hiro daŋ. Ata inya hijo, “Igiorok inna ta fau nyo osiru hirro hunna ojio hidofe ara dede.”
\v 6 Atta inyia hijo ta hanaŋ, “Esaha hirro hunna bidaŋ! Nayya Alfa iko Omega, hitieri iko hucuŋi. To tuŋani le ebwoto, esio iso nayya to honyie amatat tara otilik iko hifioŋ no manya no obe inya oduma.
\v 7 Lia le eyyale, ara iso inyia harutani lo hiro hunna, ajio naya ara a Hollum lohonyie, ojo inya ara lonyi hanaŋ.
\v 8 Ojio to hiyyo illa abaŋ, illo obe owuon iko huruk, ille ebwot, hattohok, hasomok, hadufak, hamojok ho rijorihien, iko telerok ta mai daŋ, ara iso mai nohosie to hima no owulo binno iyya no okuore. Ara nia ye hitarrihi.”
\p
\v 9 Ta halu ho hirro hunna, ottu lobo anjilo lobotie awoŋ ta hanaŋ, atta lobo lafa lo owuon iko sahani hattarik inne efut iko iŋweti, atta inyia hijo, “Woŋ eni. Etuhutek iso nayya iyye hoduoti na ayama hiyyo, oŋoruo lonyi Ker.”
\p
\v 10 Atta inyia eyari nayya ade to Loyiri to nobo doŋe ne ettok atta etuhutek nayya doŋe no odua, Yerusalem no ottu afau te ido tara Hollum.
\v 11 Owuon ifa Yerusalem iko lohuo no Hollum, ojio inya owuon lo opipiak iyya yiel no olibo, iya moru no olibo bino.
\v 12 Owuon ifa inya iko ohitir ne esaga iko ikatin tomon harik, iko anjilohien tomon ha arik te ikatin. Ojio te ikatin egioro fureta inno woyyojin tomon ha arik inno durre inne Isarail.
\v 13 To oko idoŋi no holoŋ, owuon ifa ikatin hunik dia, ojo to oko ŋolon, owuon ifa ikatin hunik ojo oko hide, owoun ikatin hunik, ojo oko isut hoholong owun ikatin hunik.
\v 14 Owuon ifa woyyojin tomon ha arik illo ohitiri inno doŋe ojio fureta inne efahat tomon ha arik inno lonyi Ker.
\p
\v 15 Ojo tuŋani lafa ero ika naya owuon hofito iciemit na ara dahab haciamari bore no gala, ikatin innohonyie, iko ohitir nohonyie.
\v 16 Ara ifa hisagaji nohonyie iyya ilatit nohonyie. Ociama inyia bore na gala te iciemit ojo hisagaci inohonye ara hisihai tomon ho miet. Ojio hidofe hisagaji nohonyie iko ilatit nohonyie.
\v 17 Ociem hidofe inyia ohitir nohonyie, ara ifa ibolorit nohonyie 144, le eciem tuŋani ne erri hidofe to ciama na anjilo.
\p
\v 18 Oduhohini ohitir nohonyie to moru inno opipiak ojio hidofe oduhohini doŋe to yiel no olibo ojo hidofe opipiak iyya miraya.
\v 19 Etilahaman isia hitierita inno ohitir to moru inno olibo binno. Opipiak ifa morru hitieri iyya miraya no ojio hiyyo Jasfer, ojio hitarrihi ara safire, ojio hitahunihi nohonyie no owuon te ikat, ojo hitaŋwani nohonyie ara emeralda,
\v 20 ojo hitamieti nohonyie ara onis, ojo hitileji nohonyie ara karnelia, ojio hitahattarihi nohonyie ara krisolia, ojo hitahottohunihi nohonyie ara berilio, topas, krisofrase, jasin, iko ametisa.
\v 21 Ara ifa ikatin inia tomon ha arik, ahalajin tomon ha arik; egiemini ifa ikatin inia daŋ tara ikat nobotie. Ara ifa ikota inno bore nagala a dahab, no onyil iyya miraya.
\p
\v 22 Abe ifa nayya egonyu nobo haji imojit to bore gala, nyo ara ifa Habu Hollum Lo ogol iko lonyi Ker ara ahaji imojit to hose.
\v 23 Obe ifa hotwai nahaŋ awak nobo holoŋ iko nobo hidie na yafa, hediari nyo edia ifa lohuo no Hollum dia. Ojio lomo nohonyie ara lonyi Ker.
\v 24 Olot iso hiyyo daŋ ta fau to cialai no bore nagala nia. Eyyani iso hakuok illo fau lohuo to honyie. Olot iso hiyyo ille etilohini to cialai nohonyie.
\v 25 Obe iso ikatin innohonyie esiono ta far, obe iso nobo harie to honyie.
\v 26 Eyyani iso isia mune iko baŋi no hiyyo to honyie, obe iso nobo sihin ne ebwot oremik ajiŋak dia.
\v 27 Obe iso hidofe lobo tuŋani le eyyau innak hirro inne eyyani irri iko hinyiebita oremik ajiŋak dia, ati hiyyo ille egioro fureta innohosie to Buk no Wuaran no lonyi Ker.
\c 22
\cl ŋati 22
\p
\v 1 Teya etuhutek anjilo naya hari no hifioŋ ino wuaran, hifioŋ ino olibo lirlir iyya miraya, to hifioŋ inia onyior isia to hittoloji no lonyi Ker, iko no Hollum.
\v 2 Tohiji ho bore nagala onyior hifioŋ inia tohiji hikoi no bore nagala to oger hahari ino lowuon yani no wuaran ne eŋarak haŋer tomon harik, odule hiŋara yafajin daŋ. Ara fara no yani nyia inne etilibori hiyyo iŋweti inno fau inna.
\v 3 Obe iso nobo ipit. Owuon iso hittoloji no Hollum ojio no lonyi Ker to bore nagala, egiama iso hegiamak illohonyie to honyie.
\v 4 Egonyu iso isia homom nohonyie ojio fure nohonyie to homoŋitek innohosi.
\v 5 Obe nobo tari enyiak wuana dia, obe iso isia enyiak wahan cialai no lomo iko ho no holoŋ; nyo edia iso Habu Hollum isia ojio isia atta hitihabuo mak.
\p
\v 6 Atta anjilo hijo ta hanaŋ, “Ara hiro hunna dede ojio hidofe obis. Atta Habu, Hollum lo oyirihien lo hekilak, efahu anjilohien ilohonyie hetuhutek hegiamak ilohonyie hiro ino ofu hidoŋ kuak.”
\v 7 “Toriŋai! Atu nayya kuak! Hotomune tuŋani la abaŋ hiro ino hekilak ino buk ina.”
\p
\v 8 Nayya Yoani! Nayya lia etiru hirro hunna ajo hidofe egonyu isia, ifa etiru nayya ajo egonyu isia, atta nayya rigoŋi ta fau to hosiere ho hejek inno anjilo etihabuori inyia, ta anjilo lafa etuhutek nayya hirro inia.
\v 9 Atta inyia hijo ta hanaŋ, “Hotobiaŋa iyye ehuma ania! Ara nayya hegiamani daŋ he iyye, iko halasira hoi, hekilak, ojio ilia illa abaŋ hiro nobuk inna. Itihabue Hollum!”
\v 10 Ojio inya ta hanaŋ, “Baŋa esahak hirorita inno buk ina, nyo eliaha holoŋ.
\v 11 Ibusak tuŋani le egiama hirro inno obe obis hegiamai hipalita. To tuŋani le ebwot hoo nohonye, isiara inyia hehumai hibwotita. Ojio to tuŋani lo olibo, isiara inya hegiamai hiro ino olibo. To tuŋani lo olibo, hotodule libe.”
\p
\v 12 Toriŋai! Attu nayya kuak, owuon hisorita innanaŋ ta hanaŋ inno adumari nayya hiyyo daŋ lobotie lobotie to hirro inne egiem isia.
\v 13 Ara nayya alfa iko omega hosiere iko halu, ara nayya hitieri ojo hicuŋi.
\v 14 Isiara ilia hullo ellilla hofi innohosie hotomune, nyo owuon isia holibe no oremik isia adahari tara yani iko hajiŋahini to doŋe te ikatin inno olibo.
\v 15 Tabali owuon ŋohe, ojo hemumualak, hasomok, hattohok ojo hetihabuok ho rijorihien iko hiyyo illo omuno hirro inno teler.
\p
\v 16 Naya, Yesu, efahu naya anjilo lalaŋ ta hatai anyar letuhutek hiro inia ta hatai ho Kelesiaha. Ara nayya hadeti to woyyo no Davide, haheri lo opipiak ille ho taŋati motie.”
\p
\v 17 Ero Loyiri iko hoduoti hijo, “Ifanu!” Isiara tuŋani le etiru hotojo hijo, “Woŋ!” Iyye tuŋani le ebwoto, isiara inyia hawoŋ, ojio to tuŋani la awak inyia, isiara inyia to bolioŋ hotodumu hifioŋ inno wuaran.
\p
\v 18 Elimak nayya ta hatai daŋ ho hiyyo ille letiru hirorita hunna lero buk inaŋ, kuya awak lobo afonik innak to hirro hunna. Ofonik iso Hollum to honyie daŋ iŋweti inne egioro to buk inna.
\v 19 Kuya la abuanyu lobo tuŋani hirorita hunna ade to buk te inna ade, eyari iso Hollum hisiori nohonyie tara yani no wuaran ojio hidofe tara doŋe no olibo inne egioro to buk inna.
\p
\v 20 Lero to hirro inia ojio hijo, “Dede! Attu naya kuak.” Amen! Woŋ, Habu Yesu!
\p
\v 21 Isiara hamehini na Habu Yesu hotowuana daŋ ho hiyyo. Amen.